JUXHIN MUSTAFARAJ/ Partia Demokratike ka zgjedhur të dielën në mbrëmje 220 anëtarët e rinj të Këshillit Kombëtar. Komisioni i drejtuar nga Jemin Gjana ka firmosur në mesnatë listën fituese të anëtarëve të rinj të Këshillit, organ që ka atribut edhe zgjedhjen e lidershipit të ri në PD.

Nga 4919 delegatë që morën pjesë në votimet e ditës së shtunë, vetëm 4826 vota kanë rezultuar të vlefshme. Të kontaktuar nga “Panorama”, përfaqësuesit e Komisionit e kanë cilësuar një proces delikat kalkulimin e votave të delegatëve të Kuvendit Kombëtar të PD-së, pasi lista e kandidatëve ishte e gjatë dhe përbëhej nga 352 emra, por edhe për faktin se në përfundim të numërimeve duhet që sipas statutit të PDsë të ruhet përfaqësimi i të rinjve dhe grave në Këshillin Kombëtar.

FITUESIT

Emrat e rinj që Basha i propozoi Kuvendit Kombëtar për të qenë pjesë e Këshillit të Ri Kombëtar kanë marrë votën e delegatëve. Ish-zv.kryeministri Gazmend Oketa, ishthemeluesi i PD-së, Aleksandër Biberaj, apo edhe ishkreu i Komisionit Qendror të Zgjedhjeve, Çlirim Gjata, janë zgjedhur si anëtarë të rinj të Këshillit Kombëtar të PD-së. Në listën fituese janë edhe kritikë të kreut të PD-së, Lulzim Basha, si Igli Cara, Gent Malko, Tomorr Alizoti apo edhe aktori Julian Deda. Vota në Këshillin Kombëtar të PD-së kanë marrë edhe ish-ministrat teknikë të PD-së, Gazmend Bardhi, Dritan Demiraj dhe Mirela Karabina. Pjesë e Këshillit Kombëtar të PD-së do të jenë edhe shumë prej ish-deputetëve të legjislaturës së kaluar si Arben Ristani, Albina Deda, Asllan Dogjani, Gert Bogdani dhe Alban Zeneli. Në listë bëjnë pjesë edhe përfaqësues të Shoqërisë Civile , analistë dhe ekspertë të ekonomisë dhe urbanistikës si Selami Xhepa, Besnik Aliaj, Fitim Zekthi dhe Aulon Kalaja. Në selinë qendrore të PD-së, procesi i numërimit të votave për anëtarët e rinj të Këshillit Kombëtar të PD-së u transmetua live deri në përfundim të tij. Të 13 grupet e numërimit të mandatura nga Kryesia e PD-së kanë numëruar votat e 4919 delegatëve, të cilët zgjodhën në listën me 352 kandidatë, anëtarët e rinj të Këshillit Kombëtar.

EKIPI I RI

Zgjedhja e anëtarëve të rinj të Këshillit Kombëtar të PDsë do t’i hapë rrugë zgjedhjes së ekipit të ri të Lulzim Bashës. Anëtarët e rinj të Këshillit do të votojnë për përzgjedhjen e dy nënkryetarëve të rinj të partisë, sekretarit të përgjithshëm dhe sekretarëve të tjerë të PD-së. Gjatë fjalës së tij në mbledhjen e Kuvendit Kombëtar të PD-së, Basha bëri thirrje që të gjithë demokratët të rikthehen në PD, duke mos kërkuar vetëm poste, por duke dhënë kontribute për opozitën. “Kontribut nuk do të thotë të kesh post dhe aq më pak një post të përjetshëm në PD apo në pushtet. Kontribut do të thotë të punosh dhe mbështetësh misionin dhe veprimtarinë e PD-së. Të gjithë ata që sot duan të kontribuojnë në PD, nuk kanë nevojë të jenë dakord me çdo gjë që bën PD-ja dhe janë të mirëpritur njësoj që të jenë pjesë e saj. Për të gjithë ata, unë kam vetëm një ftesë: ejani, bëhuni pjesë nga afër, të gjitha dyert dhe të gjitha mendjet janë të hapura për ju”, deklaroi Basha.

Këshilli Kombëtar

Votuar në Kuvendin Kombëtar të datës 15.12.2018

Studiuesi dhe njëherësh shefi i Departamentit të Gjuhës greke në Universitetin e Gjirokastrës, Panajot Barka, është ndaluar nga policia Kufitare në Kakavijë

Mësohet se ky i fundit është kapur teksa kthehej nga Greqia dhe me vete kishte libra me përmbajtje anti-shqiptare.

Gjatë një kontrollit rastësor, policia e kufirit gjeti në bagazhin e makinës së studiuesit rreth 20 libra për flisnin për Vorio-Epirin. Barka ishte me gruan në makinë kur iu gjetën librat. Studiuesi u justifikua se librat ishin për bibliotekën e Universitetit “Eqerem Çabej”.

Librat me përmbajtje anti-shqiptare i janë dërguar Prokurorisë së Gjirokastrës, ndërsa Barka dhe bashkëshortja e tij janë lënë të lirë.

Panajot Barka njihet dhe për qëndrimin e tij pro grek, i cili ka mbështetur me këmbëngulje pretendimet greke për Vorio-Epirin. Po ashtu ai është dhe një nga njerëzit i cili është shprehur se pretendimet greke për zgjerim gjeografik në territorin shqiptar janë të drejta.

TIRANE – Në një kohë kur protesta e studentëve ka hyrë në ditën e 12 të saj, thuhet se Eljo Hysko ka dhënë dorëheqje nga posti i kryetarit të FRESSH.

Ky fakt është bërë i ditur nga vet Hysko, përmes një postimi në ‘Facebook’. Ai theksoi se ky veprim vjen pas lajmeve që qarkulluan në media. Në rrjetet sociale qarkulloi lajmi se ai udhëzonte të rinjtë socialistë që të komentonin pro dialog, gjatë deklaratës së kryeministrit Edi Rama drejtuar studentëve.

Por vetëm pak më vonë Hysko ka fshirë postimin e tij në ‘Facebook’, ndërsa nuk dihet ende nëse ai ka dhënë dorëheqje nga ky post.

Endri Shabani, doktoranti i Oksfordit, bën një argumentim të plotë të asaj që po ndodh këto ditë në Shqipëri dhe në fund ofron një rrugëdalje.

TIRANË

Studentët vijojnë të sfidojnë kushtet e vështira të motit, ku për post temperaturave të ulëta, problematikë tjetër e shtuar janë edhe reshjet e shiut të cilat kanë qenë prezente gjatë ditës së sotme, por edhe gjatë mbrëmjes.

Nga bulevardi përballë kryeministrisë, studentë kanë deklaruar se shefi i qeverisë po tenton  të blejë rreth 200 studentë, me synim që të takohet me ta nesër në Kuvend.

Studentët shtuan mes tjerash se do të demaskohen të gjithë ata që bien pre e kësaj duke shtuar se studentët të tillë që blihen dhe mashtrohen për një dialog, nuk do të jenën më pjesë e tyre.

“Edi Rama po blen studente, rreth 200  studentë. U ka dhënë lekë për të realizuar gjoja një takim për dialog. Ata nuk janë pjesë e jona dhe ne do i demaskojmë. Nesër i ftojmë të gjithë të protestojnë”, thanë studentët.

TIRANË – Ministrja e Mbrojtjes e Shqipërisë, Olta Xhaçka, priti në një takim zv/sekretaren e Përgjithshme të NATO-s, Rose Gottemoeller, e cila ndodhet për një vizitë zyrtare në Shqipëri, transmeton Anadolu Agency (AA).

Pas takimit, Xhaçka dhe Gottemoeller dhanë një deklaratë të përbashkët për mediat, ku zyrtarja e lartë e NATO-s tha se Shqipëria jep një kontribut të vlefshëm për NATO-n.

“Ne mirëpresim që Shqipëria po investon më shumë në fushën e mbrojtje dhe se planifikon rritjen e shpenzimeve të mbrojtjes deri në vitin 2024. Kjo është edhe për investimin në aftësitë ushtarake moderne dhe për të kontribuar në misionet dhe operacionet e NATO-s. NATO është e angazhuar për sigurinë në Shqipëri. Ne planifikojmë të investojmë 51 milionë euro për modernizimin e objekteve ekzistuese në bazën ajrore Kuçovë. Kjo përfshin projektet për ruajtjen dhe trajtimin në terren dhe përpjekjet e tjera logjistike”, deklaroi zv/sekretarja e Përgjithshme të NATO-s.

Ndërsa ministrja Xhaçka theksoi se Shqipëria është e vendosur dhe angazhuar seriozisht për ruajtjen e solidaritetit dhe kohezionit të Aleancës.

Duke u ndalur tek investimet, ministrja Xhaçka deklaroi se, “Jemi shumë entuziastë që NATO zgjodhi Bazën Ajrore të Kuçovës, si një bazë taktike për operacionet e Aleancës në rajonin e Ballkanit”.

Sipas saj, projekti është ambicioz dhe konfirmon Shqipërinë si vend lider sigurie në rajon dhe më gjerë.

“Shqipëria në më pak se 2 vjet ka trefishuar praninë e trupave (136 personel) në Misionin e NATO-s në Afganistan, mbështet fuqimisht Misionin e KFOR-it në Kosovë, është e angazhuar në Prezencën e Forcës së Përparuar të NATO-s në Letoni si dhe në aktivitetin detar të NATO-s në Detin Egje. Gjithashtu kemi deklaruar një kompani në kuadër të Forcave të Reagimit të Shpejtë të NATO-s. Shqipëria është e përkushtuar ndaj rrugës së saj për në Bashkimin Evropian dhe vazhdon kontributin në misionin e trajnimit të BE-së në Mali dhe misionit ALTHEA në Bosnjë dhe Hercegovinë”, tha Xhaçka.

Lidhur me rolin e Shqipërisë në Ballkanin Perëndimor, Xhaçka tha se Shqipëria do të vazhdojë të mbajë qëndrimin e palëkundur si “faktor i stabilitetit, dialogut dhe paqes”, duke bashkëpunuar me të gjithë fqinjët.

Gottemoeller u takua edhe me ministrin për Evropën dhe Punët e Jashtme të Republikës së Shqipërisë, Ditmir Bushati, ndërsa do të takohet edhe me kryeministrin e vendit, Edi Rama.

– Gottemoeller: Të gjitha palët të sigurojnë që vendimi i transformimit të FSK-së nuk do të rrisë tensionet në rajon

Gottemoeller foli edhe mbi votimin në Kuvendin e Kosovës të projektligjeve për transformimin e Forcës së Sigurisë së Kosovës (FSK) në ushtri.

“Dua të theksoj se të gjitha palët duhet të sigurojnë që vendimi i sotëm nuk do të rrisë më tej tensionet në këtë rajon. Të gjithë aktorët politikë përgjegjës në rajon duhet të përqendrohen në përparimin e reformave dhe dialogut”, deklaroi Gottemoeller.

Ndërsa, Xhaçka, nga ana e saj, tha se, “Ne jemi në favor të dialogut të drejtuar nga BE midis Serbisë dhe Kosovës, si një gur themeli për një zgjidhje të përbashkët dhe të qëndrueshme. Misioni i KFOR-it në Kosovë ka kontribuar në krijimin e një mjedisi të qëndrueshëm dhe të sigurt për të gjithë qytetarët e Kosovës”.

Kujtojmë se në seancën e sotme, Kuvendi i Kosovës me një shumicë absolute miratoi tre projektligjet për transformimin e FSK-së në ushtri, respektivisht projektligjin për formimin e Ministrisë së Mbrojtjes, projektligjin për transformimin e FSK-së në ushtri, si dhe projektligjin për shërbim në FSK.

Votimi i projektligjeve të sotme pritet të dekretohet nga presidenti Thaçi, pas së cilës Kosova zyrtarisht bëhet me ushtri.

SHKODËR – Ambasadori i Turqisë në Tiranë, Murat Ahmet Yörük, gjatë një vizite në qytetin e Shkodrës deklaroi se ky qytet ka një vend të veçantë në marrëdhëniet mes Turqisë dhe Shqipërisë, raporton Anadolu Agency (AA).

Një delegacion i Ambasadës së Turqisë në Tiranë, i kryesuar nga ambasadori Yörük, po zhvillon një vizitë në qytetin e Shkodrës, duke realizuar takime me drejtues të pushtetit vendor dhe përfaqësues të institucioneve të tjera.

Ambasadori Yörük është takuar me kryetaren e Bashkisë së Shkodrës, Voltana Ademi, ndërsa në fokus të bisedës së tyre ishte bashkëpunimi për projekte të ndryshme dhe mbështetja e ofruar nga institucionet turke.

Ambasadori turk gjatë takimit të realizuar në selinë e Bashkisë së Shkodrës tha se midis dy vendeve dhe popujve në nivelin më të lartë ka marrëdhënie shumë të mira dhe shumë miqësore

“Synimi gjatë këtyre vizitave në qytete është që ky nivel i lartë në qendër midis dy vendeve të shtrihet edhe mes autoriteteve lokale. Sigurisht që Shkodra është e rëndësishme për Turqinë, ashtu si gjithë qytetet e tjera të Shqipërisë, por në aspektin historik dhe kulturor, Shkodra zë një vend të veçantë në marrëdhëniet tona. Krahas projekteve të TIKA-s në Shqipëri, ka filluar një projekt i madh, që është projekti për shndërrimin e Xhamisë së Plumbit në qendër të vizitueshme. Unë shpresoj që brenda një kohe të afërt të fillojë puna në realizimin në terren të këtij projekti”, tha ambasadori Yörük.

Ambasadori turk tha se do të hedhin hapa për të marrë masat e nevojshme në mënyrë që populli i Shkodrës të ndikohet sa më pak nga përmbytjet dhe se për këtë çështje po punojnë me seriozitet.

Ndërsa kryetarja e Bashkisë së Shkodrës, Voltana Ademi, gjatë takimit theksoi se gjatë këtij viti kanë patur mundësi për bashkëpunim shumë të mirë me institucionet turke në Shqipëri dhe shtoi se “shpreson që përsëri do të vazhdojmë të punojmë në këtë drejtim”.

“Ne kemi nisur një projekt me TIKA-n(Agjencia Turke për Bashkëpunim dhe Koordinim) që shpresoj të vazhdojë për ndërtimin e një qendre multifunksionale të shërbimeve komunitare. Nëse e realizojmë, ajo do të ishte një nga veprat më të mira të bashkëpunimit Turqi-Shqipëri për komunitetin”, tha Ademi.

Ambasadori Yörük vizitoi edhe Medresenë Haxhi Sheh Shamia në këtë qytet, ku u takua me drejtuesit e saj dhe nxënësit, ndërsa u përgatit edhe një program festiv.

Ish-kryeministri dhe ish-presidenti i Shqipërisë, Sali Berisha, ka përshëndetur votimin e Kuvendit të Kosovës për transformimin e FSK-së duke e quajtur 14 dhjetorin si ditë historike për Kosovën dhe kombin shqiptar.

Presidenti i Shqipërisë, Ilir Meta e quan vendim historik krijimin e Forcave të Armatosura të Republikës së Kosovës.

Me nje mesazh urimi ne rrjetet sociale, fill pas votmit ne Kuvendit e Kosoves per themelimin e Ushtrise, Meta thekson se kjo dëshmon qartë që Kosova është e aftë të marrë përgjegjësi të reja në ndërtimin e institucioneve demokratike.

Mesazhi i Metës

Vendimi historik i krijimit të Forcave të Armatosura të Republikës së Kosovës dëshmon qartë që Kosova është e aftë të marrë përgjegjësi të reja në ndërtimin e institucioneve demokratike dhe për të kontribuar vendosmërisht për paqen, stabilitetin e rajonit dhe fqinjësinë e mirë. Fryma euro-atlantike qëndron në themel të këtij ndryshimi historik

Kreu i PD-se, Lulzim Basha ka uruar Kosoven ne kete dite historike, te themelimit te Ushtrise.

Me nje mesazh ne rrjetet sociale, Basha e quan kete ngjarjen e dytë te përmasave kombëtare dhe historike, pas Pavaresise.

Urimi i Bashes 

Urime Kosovë për Ushtrinë!
Pas Pavarësisë, ngjarja e dytë e përmasave kombëtare dhe historike. Me Ushtrinë e saj Kosova do të jetë më e sigurtë, rajoni më në paqe, kombi shqiptar i integruar dhe më i fortë.
Nderim të rënëve për liri, mirënjohje miqve të mëdhenj që na mbështetën!

Koha e re e lirisë dhe demokracisë e ka detyruar shkollën moderne, për t’i përmbysur këto role të determinuar, këto pozicione të “stratifikuara” të qëndrimit dhe vlerësimit interdogmatik, të marrëdhënieve midis mësuesit dhe nxënësit. Është e sigurt që shkolla demokratike shqiptare është duke krijuar dhe konsoliduar një relacion të ri, interaktiv, në marrëdhëniet midis tyre. Kjo do të thotë se raporti i mëparshëm, që njëri flet dhe tjetri dëgjon ka ndryshuar radikalisht. Në shkollën e sotme, marrëdhëniet midis mësuesit dhe nxënësit janë të tilla, që të dy kanë marrëdhënie që ndikojnë mbi njëri-tjetrin, dhe të dy bashkë mbi të tjerët (shoqërinë).

Shkolla nuk është më institucion edukativ i mbyllur në guaskën e relacionit të fosilizuar, determinist të mësuesit me nxënësin. Ajo është institucion social i rëndësishëm, në të cilin kultivohen vlerat e shoqërisë dhe individit. Nxënësi nuk është më njeriu i klasifikuar sipas metodës së vjetër pedagogjike, në rolin pasiv të dëgjuesit dhe të të nxënit.  Ai nuk është njësi e thjeshtë statistikore dhe e amzës. Çdo nxënës është një qenie njerëzore me cilësi, botë shpirtërore dhe identitet specifik, që ka qëllimet dhe synimet e veta të personalizuara. Shkolla moderne nuk është më institucion që i ndërton marrëdhëniet e mësuesit me nxënësin mbi parime të vjetra të “paternalizmit mekanicist”, sëmundje e vjetër nga e cila ende nuk është shëruar shkolla jonë. Pedantizmi i mësuesit, mbivlerësimi i rolit të tij dhe nënvleftësimi i personalitetit të nxënësit është njëri nga shkaqet, në mos kryesori që sjell konflikte pedagogjike në marrëdhëniet midis tij dhe nxënësit në shkollë. Personalisht, gjithnjë kam menduar se ka patur të drejtë Kanti i madh, ky filozof universal i iluminizmit kur thoshte se “despotizmi më i keq është paternalizmi”. Kur flasim për këtë raport pedagogjik delikat të natyrës bipolare, për këtë relacion dinamik, midis dy figurave qendrore dhe të vetme të edukimit në shkollë siç janë mësuesi dhe nxënësi, duhet të mendojmë se nuk kemi përballë dy “qenie të zbrazura” apo “njerëz të kulluar”. Mësuesi dhe nxënësi janë dy “entitete njerëzore”, identitete sociale të ndryshme. Kjo do të thotë se ato janë dy figura që kanë mendimin e tyre për njëri -tjetrin, të kondicionuar natyrisht nga relacionet sociale të jetës së sotme në vendin tonë, në kontekstin e të cilës “bashkëjetojnë” mësuesi dhe nxënësi. Ata në kushtet e shkollës moderne nuk duhet të jenë “rivalë”, por partnerë që kanë një mision të përbashkët. Në një farë mënyre ajo që po ndodh në shkollën e sotme, është fakti që këto marrëdhënie tentojnë drejt një partneriteti interaktiv, funksionues dhe të barabartë. Në çdo kuptim që ta shikojmë shkollën moderne, ajo është dhe do të jetë një institucion i madh, jo vetëm pedagogjik por dhe i marrëdhënieve të demokratizuara midis mësuesit dhe nxënësit.

Shkolla është vatër e madhe e “demokracisë së vogël”. Aty ndërtohen marrëdhënie midis dy subjekteve që e ndërtojnë hierarkinë e tyre, duke respektuar lirinë, identitetin dhe “rolet” e njëri-tjetrit. Demokratizimi i marrëdhënieve mësues -nxënës, natyrisht nuk ka terren për anarki pedagogjike. Por as shkak për të trembur mësuesin që nuk komunikon demokratikisht, apo argument në favor të nxënësit rebel. Në këtë kontekst, shkolla si çdo institucion tjetër social, ka parime ndërtimi dhe rregulla  e rregullore funksionimi që garantojnë marrëdhënie të drejta, lirinë “pozitive” dhe “negative”, për mësuesin dhe nxënësin. Kjo do të thotë që nxënësi dhe mësuesi janë të lirë të ndërtojnë marrëdhënie produktive, duke u nisur nga parimi demokratik dhe pedagogjik, sipas të cilit në shkollë “liria e nxënësit” mbaron aty ku fillon e “drejta e mësuesit”, dhe anasjelltas, e drejta e mësuesit mbaron atje ku fillon liria dhe e drejta e nxënësit për të gjykuar, menduar dhe vepruar. Në tërë këtë hapësirë lirie, nuk ka arsye pse të kemi përplasje midis nxënësit dhe mësuesit.

Këto relacione nuk ndërtohen me mentalitete dhe paranojat e pedagogjisë së vjetër autoritariste, që nuk respekton të drejtën dhe liritë e nxënësit për të qenë figurë aktive në shkollë. Koha kërkon që “hapësirat respektive” të mësuesit dhe nxënësit, për të luajtur rolet e tyre si mësues dhe nxënës, të jenë të qarta. Normalisht sipas meje, liria pedagogjike dhe demokratizimi i marrëdhënieve mësues-nxënës, nuk mund të realizohen duke ndërhyrë padrejtësisht në hapësirat e njëri-tjetrit, duke krijuar anarki dhe kakofoni pedagogjike, marrëdhënie kaotike, të paqarta, që sjellin konflikt midis tyre. Këto situata jo arkaike të vjetra pedagogjike, as me mentalitete paranojake reciproke, midis mësuesit dhe nxënësit. Mbase ka ardhur koha për të riparë këtë relacion, në të dy drejtimet kryesore të demokratizimit të shkollës dhe marrëdhënieve mësues – nxënës. Kjo kërkon që nga njëra anë të ridimensionohet koncepti për “autoritetin e mësuesit”, duke e forcuar dhe demokratizuar jo si “autoritet të jashtëm”, që sjell autoritarizëm dhe konfliktualitet në marrëdhëniet me nxënësin. Por nga ana tjetër, nuk duhet asnjë lëshim në konceptin që liria e nxënësit në shkollë është pozitive, që do të thotë që ai është i lirë të mësojë dhe edukohet duke ju respektuar prirjet, dëshira dhe personaliteti. Por ajo është edhe “liri negative”, në kuptimin që sjellja e nxënësit është e detyruar të jetë e përputhur me rregullat, rregulloret, parimet pedagogjike të shkollës, si institucion social.

Ndërkaq mësuesi është i detyruar që me mjeshtërinë, përvojën, aftësinë, fleksibilitetin pedagogjik, (jo me dogmatizëm) të krijojë kushtet normale dhe atë “situatë pedagogjike”, në të cilën nxënësi të ketë mundësi të zgjedhë alternativa veprimi, kulturimi në përputhje me dëshirat, aftësitë dhe prirjet personale. Kjo liri pedagogjike, nuk ka pse të jetë e huaj për shkollën tonë moderne, në se mësuesi dhe nxënësi dinë të respektojnë njëri – tjetrin, duke luajtur secili rolin e vet. Me fjalë të tjera, ka ardhur koha që në shkollë të punojmë që duke e demokratizuar atë dhe marrëdhëniet midis mësuesit dhe nxënësit nga njëra anë, po kaq seriozisht të mendojmë për një “rikonceptim të roleve” dhe statusit të secilit, si mjet për mbarëvajtjen e punës dhe procesit mësimor dhe edukativ. Çështja e njohjes dhe respektimit të statusit të mësuesit dhe nxënësit, ndikon në krijimin e një atmosfere të veprimit të “hierarkisë shkollore”, e cila është e domosdoshme për një institucion të tillë, me mision social dhe pedagogjik siç është shkolla. Në se do të arrimë që në shkollë të kemi përfytyrime të drejta për statusin e mësuesit dhe nxënësit, duke respektuar të drejtat institucionale të secilit, atëherë kemi për të patur një atmosferë marrëdhëniesh të mirëkuptimit reciprok. Kjo është ajo që i duhet shkollës, për të patur eficencë dhe efikasitet socio pedagogjik, rezultate të prekshme dhe gjurmë të thella të relacioneve shpirtërore midis mësuesit dhe nxënësit. Nuk ka pse të ngatërrojmë shkollën me koncepte të skajshme konservatore, arkaike të pedagogjisë së vjetër e të re, që janë provuar se kanë qenë dhe janë kundër produktive, të panatyrshme për shkollën moderne shqiptare, në stadin e sotëm.

As nxënësi, por as mësuesi nuk janë ata që kanë qenë dikur, as marrëdhëniet e tyre nuk ndërtohen mbi parime të vjetra që ngatërrojnë “stauset reciproke”, që dëmtojnë punën e shkollës. Shkolla nuk është as vend i “pavarësisë së nxënësit” nga mësuesi, por as fushë beteje për të treguar “unin” apo egocentrizmin pedagogjik të këtij të mësuesit. Natyrisht mësuesi është në një situatë të veçantë, sepse është i detyruar të komportojë sjelljen dhe “unin” e tij, me nxënësit e tij që janë në të njëjtën kohë ”grup”, “tërësi kolektive” që duhet njohur, punuar dhe respektuar jo vetëm si grup, por dhe individualisht. Natyra e profesionit dhe e marrëdhënieve të tilla kontradiktore, të punës me “grupin” dhe “individin” në të njëjtën kohë, është ajo që e bën të vështirë, delikate, me përgjegjësi dhe të lodhshme punën e mësuesit në shkollë. Ndaj është aq shumë e respektuar puna e mësuesit të vërtetë, të cilën nuk mund ta bëjë kushdo. Ai është mjeshtër për të gjetur “masën”, midis lirisë dhe disiplinës që duhet të respektojë nxënësi në shkollë. Kjo do të thotë që duhet me kujdes të shikojmë atë raport delikat të të drejtave dhe lirive të natyrshme që ka nxënësi (liria pozitive), me atë të drejtë që ka shkolla dhe mësuesi për nxënësin që të respektojë rregullat dhe parimet e ndërtimit dhe funksionimit të shkollës (liria negative).

Sipas mendimit tim midis këtyre “dy lirive”, midis mësuesit dhe nxënësit është ajo situatë që ndikon në përcaktimin e statusit të tyre, është pikërisht ajo gjendje që mundëson funksionimin ideal të marrëdhënieve, pa cenuar dhe nëpërkëmbur të drejtat e njëri – tjetrit. Shkolla është institucion dhe natyrisht që ka nevojë për “hierarki” vlerash dhe njerëzish, që kanë role të ndryshme bashkëpunuese. Konceptet e vjetra të shkollës hierarkike, janë shpesh shkak për konflikte dhe situata të pakëndshme, midis mësuesit dhe nxënësit. Në se do të duhej të gjeja një term, që mund të përcaktojë se si duhet të jenë në kohën tonë marrëdhëniet e mësuesit me nxënësin, unë do të preferoja që ato në esencë të jenë në pozicionin e “hierarkisë së harmonishme”. Nuk mund të ndërtohet shkolla e re e demokratizuar me mësues që kanë në mëndje ide dhe konceptet e shkollës së vjetër totalitariste që e shtypte lirinë e nxënësit. Tani është kohë tjetër dhe natyrshëm shkolla është e detyruar të mbajë “barrën e lirisë”, të institucionit të lirë,  që nuk ka për mision të edukojë nxënës  të trysnuar me parime të moralit dhe pedagogjisë së vjetër. Shkolla tani është një institucion që ka tjetër mision, të edukojë qytetarë aktivë, të guximshëm, humanë, antikonformistë, me personalitet të fuqishëm e të pavarur. Këto vlera dhe cilësi që duhet të kultivojë shkolla, nuk mund të realizohen me konceptin e vjetër të statusit të mësuesit si tutelë mbi nxënësin pasiv, timid, të flashkët, pa vetëdije personale.

Shkolla është vendi i parë ku nxënësi kërkon të afirmojë personalitetin dhe identitetin e vet të dallueshëm Kjo kërkesë dhe dëshirë e natyrshme e nxënësit, nuk ka pse të cenojë personalitetin e mësuesit të “lëkundur”, i cili nga që mund të mos jetë i aftë të përballojë këtë kërkesë legjitime, trembet e kap paniku dhe nervozizmi pedagogjik. Dëshira e nxënësit për të afirmuar personalitetin, nuk cenon aspak, nuk e vë në krizë autoritetin e mësuesit të talentuar, që di të kuptojë këtë aspirate të nxënësit, duke ndërtuar ndërkaq marrëdhënie të mira ndikuese me të. Nuk është e drejtë frika që kanë disa mësues, për “kufijtë” e cenuar të autoritetit të tyre. Sipas mendimit tim, pavarësisht proceseve demokratizuese që kanë përfshirë shkollën tonë, ka për të qenë kurdoherë e pranishme dhe e diskutueshme pyetja e mësuesit se “deri ku duhet të shtrihet autoriteti” i tij. Por ndërkaq edhe nxënësi ka po aq të drejtë të pyesë, se “deri ku janë kufijtë e lirisë” së tij. Kjo situatë dikotomike midis “autoritetit të mësuesit” dhe “lirisë së nxënësit”, është dhe do të jetë problem i përjetshëm, ekzistencial i shkollës. Asnjëherë shkolla nuk është normale, në se nuk ka të kristalizuar misionin, qëllimin, funksionin dhe natyrisht edhe statusin dinamik të dy figurave të përjetshme të saj: mësuesit dhe nxënësit.

Studentët kanë vijuar protestën e tyre për gjithë natën para Kryeministrisë, duke ndezur zjarre për të përballuar temperaturat e ulta.

I ftuar në “Opinion” Rama ka folur për protestën e studentëve dhe ligjin për arsimin, ku u shpreh se ky ligj nuk është rrëzuar por nuk është respektuar nga universitetet.

Ndërkohë, kryeministri ka komentuar edhe studentët të cilët qëndrojnë natën duke protestuar për plotësimin e tetë pikave. Ai tha se ligji do të diskutohet, ndërsa për studentët që qëndrojnë jashtë natën për të protestuar tha se për të mund të rrinë para Kryeministrisë për 10 vjet.

“Nuk është problem, për mua le të rrinë atje për 10 vjet”-tha Rama

ERVIN KOÇI/ Komisioni i Sigurisë shqyrtoi dje në parim projektligjin për Statusin e Dëshmorit të Atdheut, ku u kërkua që në ligj të përcaktohet një mekanizëm për rishqyrtimin e titujve të këtij statusi, dhënë gjatë këtyre viteve.

Kryetarja e Komisionit, Ermonela Felaj, gjatë fjalës së saj, duke orientuar diskutimin e deputetëve, theksoi se përgjatë viteve janë falsifikuar dokumente dhe personat që kanë qenë bashkëpunëtorë me pushtuesit nazi-fashistë kanë mundur të marrin Statusin e Dëshmorit si pjesëmarrës në Luftën Antifashiste Nacionalçlirimtare.

“Unë do të doja t’i orientoja të gjithë anëtarët e komisionit në ato pika që do të përbëjnë diskutim për ne. Konkretisht, Organizata Kombëtare e Dëshmorëve të Atdheut ka kërkuar që si subjekt i këtij ligji të njihet edhe organizata në fjalë. Për arsyen e vetme, sepse janë organizatë kombëtare e strukturat në degë në të gjithë Shqipërinë. Normalisht, pjesë e saj, edhe me njohjet që kemi nga terreni, janë pothuajse të gjithë pasardhësit e dëshmorëve. Po kështu, është kërkuar një mundësi që për të gjithë ata që u është njohur statusi mbi bazën e dokumenteve të falsifikuara, të mund të hiqet. Edhe kjo është një pikë e rëndësishme që ne ta diskutojmë sepse, për hir të së vërtetës, gjatë gjithë këtyre viteve, kanë ndodhur edhe çudi të këtij lloji që bashkëpunëtorë të nazi-fashistëve na kanë dalë që kanë qenë pjesëmarrës të Luftës Antifashiste Nacionalçlirimtare. Edhe ky është një tjetër moment ku ne mund të reflektojmë”, u shpreh Felaj.

Kryetarja e Komisionit të Sigurisë, duke diskutuar mbi projektligjin, theksoi se nisma e ndërmarrë nga Ministria e Mbrojtjes vlerëson figurën e dëshmorëve të atdheut. Krahas kësaj, Felaj u shpreh se ligji i ri parashikon zgjerimin e rrethit të personave që do të përfitojnë këtë status, ku nuk do të jenë vetëm ata që kanë rënë gjatë luftimit kundër pushtuesve, por edhe persona të rënë gjatë shërbimit të interesit publik.

“Ka ardhur momenti që fjalët tona drejtuar atyre, me respekt, me nderim, të mund të materializohen konkretisht në një ligj, i cili njeh një status dinjitoz të të gjithë dëshmorëve të atdheut dhe që i lartëson këto vlera sepse e rëndësishme është që këto vlera të mos humbasin edhe për brezat që vijnë. Pra, asgjë nuk duhet harruar nga ajo që ka ndodhur shumë kohë më parë. Kështu që ligji, për hir të së vërtetës, reflekton shumë nga këto momente që fillojnë që nga vlerësimi i parë se kush do të njihet dëshmor i atdheut, dhe dëshmorë të atdheut nuk do të jenë vetëm ata që kanë luftuar dhe që kanë dhënë jetën për pavarësinë dhe për lirinë e këtij vendit, por edhe ata që për interesa të tjera kombëtare ose interesa më të lartë publikë janë vetësakrifikuar”, u shpreh Kryetarja e Komisionit të Sigurisë.

Ajo shtoi më tej se ligji nuk ka fuqi prapavepruese, por do të ketë raste përjashtimore për personat që do t’u hiqet ky statusi. “Ligji nuk ka fuqi prapavepruese vërtet, por ka një moment shumë të rëndësishëm, që përjashton nga dhënia e Statusit Dëshmor të Atdheut të gjithë ata që janë dënuar për vepra të rënda, të themi për krime kundër njerëzimit, për bashkëpunues me pushtuesit e vendit, për veprimtari terroriste, ashtu sikurse u shpreh edhe zëvendësministri Koçi në fjalën e tij”, u shpreh kryetarja e Komisionit të Sigurisë.

PANORAMA

Ndryshe nga sa është vepruar këto ditë, këtë të enjte, protesta e studentëve pritet të zhvendoset para parlamentit.

Ora 14:43/ Studentët kanë marrë vesh lajmin që Meta ka thyer ligjin e buxhetit në Kuvend dhe e kanë pritur me duartrokitje këtë vendim.

Ora 13:49/ Pasi është mbyllur seanca plenare dhe të gjithë deputetet janë larguar, studentët kanë nisur një marshim për të shkuar drejt Kryeministrisë.

Ata janë shpërndarë në rrugë të ndryshme dhe janë bashkuar sërish në bulevardin Dëshmorët e Kombit për të shkuar më pas të gjithë bashkë drejt Kryeministrisë.

Ora 13:36/ Studnetët kanë vijuar protestën e tyre të grumbullaur para Kuvendit, ku kërkojnë që të plotësohen 8 kërkesat e tyre.

Ata sot kanë lexuar dhe një letër që i kanë drejtuar zv. ambasadorit të SHBA në Shqipëri.

Ora 11:10/ Studentët i janë përgjigjur Kryeminstrit Edi Rama negativisht kërkesës për dialog. “S’ka dialog, ose këto pika bëhen ose jo. Do vendosim të përshkallëzojmë protestën. Do flasim me studentët e tjerë dhe do vendosim ca do bëjmë”, është shprehur një student.

Ministri i Brendshem, Sander Lleshi, teksa foli sot ne Kuvend, e quajti nje lajm te pavertete procedimin nga policia te 25 protestuesve, mes te cileve edhe profesor Edmond Tupes.

Jo vetem kaq, por teksa deklaroi se u ndje i befasuar nga sa lexoi ne media per kete lajm, kerkoi verifikimin nga ana e strukturave dhe theksoi se ka njoftuar marrjen e masave per punonjesit perkates, te cilet nuk bene ne kohe pergenjeshtrimin e tij.

Ne fakt, media duket se beri vetem detyren, pasi dha nje lajm jo vetem te vertete, por te bazuar ne komunikaten e brendshme te Policise se Shtetit, me emrat perkates te personave ndaj te cileve ishin referuar materialet ne Prokurori, mes te cileve edhe profesor Tupes.

Ne nje komunikate te dyte, zyrtare per median, Policia e Shtetit pranon se ka procedime, madje bazuar ne ligj, por pa publikuar emrat e te proceduarve.

Komunikata e brendshme e Policise 

Më datë 11.12.2018, u referuan materialet në Prokurorinë pranë Gjykatës së Shkallës Parë Tiranë, për shtetasit :
• Edmond Tupe, i datëlindjes 09.03.1947, banues në Tiranë, profesor i gjuhëve të huaja Frenge, Organizator.
• Estela Adnan Nazarko, e datlindjes 15.12.1994, banuese në Tiranë, studente, Organizator.
• Xhuljano Syrja Bregasi, i datëlindjes 06.07.1991, banues në Tiranë, student, Organizator.
• Henri Ardian Fero, i datëlindjes 18.09.1995, banues në Tiranë, student, Organizator.
• Andrea Pashk Gjini, i datëlindjes 15.02.1998, banues në Tiranë student aktivist i formacionit politik L.S.I. i cili ishte dhe organizator për lëvizjen dhe bllokimin e rrugëve tek sheshi “Rilindja”.
• Kristina Tonaj, e datëlindjes 10.10.1997, banuese në Shkodër, studente aktiviste i formacionit politik F.R.D. Organizator.
• Gentian Aleks Doci, i datëlindjes 26.08.1984, banues në Tiranë, student aktivist i formacionit politik L.S.I, Organizator. Proceduar ne date 25.05.2015 per Njoftim te rreme.
• Migen Bujar Qiraxhi, i datëlindjes 24.02.1987, banues në Tiranë, student Organizator.
• Agron Behra Pepaj, i datëlindjes 16.07.1998, student i cili ishte dhe organizator për lëvizjen dhe bllokimin e rrugëve tek sheshi “Rilindja”. Organizator.
• Nebih Hasan Bushaj, i datëlindjes 10.05.1994, banues në Tiranë, student i cili ishte dhe organizator për lëvizjen dhe bllokimin e rrugëve tek sheshi “Rilindja”. Organizator.
• Mirela Besjan Ruko, e datëlindjes 02.10.1993, Aktiviste e lëvizjes për Universitetin. Proceduar më datë 18.11.2016, sepse më datë 17.11.2016, ora 16:45, tek Piramida, gjatë një aktiviteti, ka goditur në kokë, me bidon pije energjike, Ministren e Arsimit Lindita Nikolli. Nenet 237 dhe 274 të K.P.
• Robert Ali Aliaj, i datëlindjes 18.02.1960, banues në Tiranë, artist, këngëtar, Organizator.
• Malbor Hafiz Duka, i datëlindjes 22.09.1996, banues në Tiranë, student i cili ishte dhe organizator për lëvizjen dhe bllokimin e rrugëve tek sheshi “Rilindja”. Organizator.
• Redi Fredi Muci, i datëlindjes 18.11.1985, student i cili ishte dhe organizator për lëvizjen dhe bllokimin e rrugëve tek sheshi “Rilindja”. Organizator.
• Klodian Preng Leka, i datëlindjes 05.07.1992, student, aktivist i lëvizjes për Universitetin. Organizator.
• Erdi Fatmir Berxulli, i datëlindjes 10.06.1995, student, aktivist i lëvizjes për Universitetin. Organizator.
• Nerid Bilal Shehu, i datëlindjes 07.05.1992, student pranë Fakultetit të Inxhinjerisw së Ndërtimit. Organizator
• Bislim Lakna, i datëlindjes 27.04.1993, nga Kosova, i cili është student pranë Fakultetit të Inxhinjeris se Ndërtimit. Organizator.
• Bledar Nazif Hysa, i datëlindjes 19.06.1990, banues në Tiranë, student Arkitekture, aktivist i lëvizjes për Universitetin. Organizator por dhe ka qelluar me vezë në drejtim të Ministrisë së Arsimit. Organizator.
• Luan Esat Myrtaj, i datëlindjes 05.07.1970, banues në Tiranë, petagog Organizator.
• Adriatik Lapaj, banues në Tiranë, avokat, pjesëmarrës në protestën e studentëve.
• Altin Goxhaj, i datëlindjes 08.05.1970, banues në Tiranë aktivist i shoqërise civile i cili ishte dhe organizator për lëvizjen dhe bllokimin e rrugëve tek sheshi “Rilindja”. Organizator.
• Liri Hajri Kuci, e datëlindjes 14.06.1994, studente pranë Fakultetit të Inxhinjeris së Ndërtimit. E Proceduar me parë me datë 02.11.2015, për goditje për shkak të detyrës dhe goditje të punonjesit të policisë. Organizatore.
• Klajdi Murat Bello, i datëlindjes 16.12.1985, banues në Tiranë, student i cili ka qënë një nga organiztorët për ti drejtuar drejt Kryeministrisë. Organizator.
• Gaetano Aleks Doci, i datëlindjes 26.08.1994, banues në Tiranë, student aktivist i formacionit politik L.S.I. i cili ishte dhe organizator për lëvizjen dhe bllokimin e rrugëve tek sheshi “Rilindja”, Organizator, sepse në orën 09:00, tek sheshi “Nënë Tereza”, në rrugën “Muhamed Gjollesha”, e më pas në rrugën e “Durrësit”, përpara Ministrisë së Arsimit, kanë protestuar në mënyrë të paligjshme, pa lejen e organeve kompetente duke prishur rendin e qetësinë publike, penguar qarkullimin e mjeteve të transportit, duke hedhur sende të forta në oborrin e insitucionit. Punohet per identifikimin e personave të tjerë që kanë bllokuar rrugën tek sheshi “Rilindja” pasi janë të fotografuar. Nenet 150, 262, 274 dhe 293 të K.P. Nr

Kominikata e Policise se Shtetit, nisur dje ne mesdite per mediat 

Tiranë, 12.12.2018
Njoftim për media i Policisë së Shtetit

Në përgjigje të interesit të disa mediave, Policia e Shtetit sqaron se gjatë protestave të zhvilluara gjatë ditëve të fundit në Tiranë dhe në disa qarqe të tjera të vendit, punonjësit dhe strukturat e saj janë angazhuar në një vëllim të shtuar shërbimesh, të cilat kanë pasur si qëllim garantimin e kushteve për ushtrim të lirë dhe të pa cenuar të së drejtës për protestë dhe për ruajtjen rendit publik e të qetësisë së përgjithshme të qytetarëve.

Në zbatim të procedurave standarde policore dhe të detyrimeve ligjore, Policia e Shtetit ka filluar procedime në bazë të ligjit për raste të shkëputura personash, të cilët e kanë cenuar qartazi atë, kryesisht në formën e bllokimit të akseve rrugore të vendit, goditjes me sende të forta, apo djegies së materialeve të dëmshme për shëndetin e qytetarëve në mjedise të rëndësishme publike.

Policia e Shtetit shpreh edhe një herë gatishmërinë e strukturave të saj për të shërbyer me përkushtim të plotë ndaj të drejtës së çdo qytetari për të protestuar si dhe ndaj mirëmbajtjes së rendit, sigurisë dhe normalitetit të jetës për të gjithë qytetarët e tjerë.

Ambasadori amerikan në Kosovë, Philip Kosnett ka thënë se votimi për transformimin e Forcës së Sigurisë së Kosovës është historik për Kosovën.

“Shtetet e Bashkuara do të mbështesin zhvillimin profesional dhe organizativ të FSK-së, që do të luajë një rol pozitiv për Kosovën dhe rajonin, duke reflektuar si karakterin multi-entik të shtetit, ashtu dhe dedikimin e popullit të Kosovës për paqe”, ka thënë ai.

Përveç tjerash, ambasadori amerikan ka thënë se seanca e së premtes në Kuvend duhet të jetë rast për reflektim dhe dedikim për paqe, stabilitet dhe prosperitet për Kosovën dhe fqinjtë e saj.

Kosnett ka përmendur dhe faktin se tani është “koha për të gjithë liderët dhe palët e përfshira që të fokusojnë energjinë në dialog”.

​Të premten, Kuvendi i Kosovës pritet të miratojë në lexim të dytë projektligjet për transformimin e Forcës së Sigurisë së Kosovës në ushtri.

Ndërkohë që vijon seanca plenare në Kuvend, studentët kanë ngritur tonet për plotësimin e 8 kërkesave të tyre. Nga jashtë godinës së Kuvendit, një nga të rinjtë e pranishëm në protestë ka kërkuar që t’i bllokojnë rrugën deputeteve.

“Unë kam marrë mesazhe kërcënuese nga fakulteti im dhe pedagogët e mi. Unë kam kushte për të paguar por dua të jem këtu. Rrënjët në Shqipëri janë shumë të kalbura. Nuk e di ku i kam shokët e mi sot, se kanë ikur nga Shqipëria, pse duhet të ikim edhe ne. Tani mbaron seanca, kush është t’i bllokojmë rrugën deri sa të votojnë ligjin tonë”, u shpreh ai.

Kujtojmë që sot studentët me libra e Kushtetutë në duar, nisën marshimin nga sheshi Nënë Tereza.

Kreyeministri Edi Rama nga ana tjetër është treguar i gatshëm t’i plotësojë 8 pikat studentëve, por me kushtin që të ulen në dialog.

Grupi Parlamentar i LSI i pranishëm në seancën plenare ka ngritur zërin për studentët, ndërsa tyre i është bashkuar edhe deputetja demokrate, Rudina Hajdari.

Me argumentin se është institucioni që vendos për ligjet, studentët kanë marshuar drejt Kuvendit. Nga policia nuk është kërkuar që mos tubohet por është kërkuar që të mbajnë distancë pasi është krijuar një kordon i dytë policor.

Nuk dihet nëse do të ketë ndalim të qarkullimit të automjeteve, pasi varet nga numri i studentëve që do marrin pjesë në protestë.

Situata e tensionuar në Tiranë dhe protestat e  studentëve kanë qenë shkaku i shtyjes së vizitës së Zëvendëssekretares së Përgjithshme të NATO-s, Rose Gottemoeller.

Burime të “Panorama  Online”, pranë Qeverisë dhe Ministrisë së Mbrojtjes bënë të ditur se numri dy i NATO-s, kishte programuar sot vizitën zyrtare në Tiranës, ku do të takonte Krerët e Lartë të Shtetit.

Por mësohet se vetëm pak orë më parë, Zëvendëssekretarja  Përgjithshme e NATO-s ka njoftuar institucionet shqiptare se vizita do të anulohej për ditën e sotme.

Burimet konfirmuan se Rose Gottemoeller kishte në program të takonte, Ministrin e Jashtëm, Ditmir Bushati, Ministren e Mbrojtjes, Olta Xhaçka, më pas Kryeministrin Edi Rama dhe në fund, Presidentin Ilir Meta.

Për koordinimin e kësaj vizite mësohet se është marrë vetëm Ambasadori i Shqipërisë në NATO, i cili ka mbajtur postin e kreu i Shërbimit Informativ Shtetëror, Visho Ajazi Lika.

Mësohet se Visho Ajazi Lika ndodhet në Tiranë dhe është marrë këto ditë më organizimin e kësaj vizite të nivelit të lartë të numrit dy të NATO-s në vendin tonë.

Burime nga ministria e Mbrojtjes bënë të ditur se Zëvendëssekretarja e Përgjithshme e NATO-s do të vijë në vendin tonë në orët e vona të mbrëmjes, për të zhvilluar ditën e premte takimet me krerët e lartë.

Njoftimi i NATO-s

Ndërkohe që NATO ka sqaruar me anë të një njoftimi zyrtarë se vizita e Zëvendëssekretares së Përgjithshme të NATO-s, Rose Gottemoeller do të zhvillohet ditën e premte.

Sipas axhendës së publikuar nga NATO , thuhet se më datë 14 dhjetor në orën 9:30 do të zhvillohet konferenca për shtyp  me Ministrin e Jashtëm, Bushati.

Ndërkohë që në orën 11:45 është programuar konferenca me ministren e Mbrojtjes, Xhaçka.

Deputetja e PD-së, Rudina Hajdari, vetëm pak ditë pasi njoftoi se ishte gati të linte mandatin e t’i bashkohej studentëve, ka qenë sot në seancën e Kuvendit, duke mbajtur edhe një fjalë të fortë nga foltorja, por duke shpetuar edhe mandatin.

Ajo ka vlerësuar protestën e studentëve, por ka lëshuar akuza ndaj politikës dhe politikanëve për të cilën ka thënë se nuk e duan këtë vend, ndërkohë që studentët sipas saj, janë të lodhur me ta, me cdo lloj politikani.

Burime nga PD-ja, bëjnë me dije për “Panorama” se Hajdari në Kuvend ka shkuar në thyerje te vendimit të Grupit Parlamentar. “Një javë më parë lajmëroi heqjen e mandatit, sot shkoi ne Kuvend dhe rrjedhimisht shpëtoi mandatin”- thonë burimet.

Fjala e Rudina Hajdarit ne Kuvend

Sot kam ardhur vetëm për një arsye. Jo për t’ju drejtuar këtij Parlamenti, as për t’ju thënë që kam ardhur këtu të marr një llokmë të studentëve, që t’ju them që jam këtu për të marrë mbështetjen e studentëve. Unë i dua ata studentë, atyre bravo ju qoftë që po ndryshojnë historinë e këtij vendi.

Unë kam ardhur këtu për një arsye të vetme, për t’ju thënë ju që rrini nëpër kafe aty që asnjë nuk është në këtë seancë, dhe këtu kushdo që foli ishte një kryehajdut që asnjë nuk e do këtë vend dhe s’keni për ta dashur. Dhe nëse doni ju ndryshim në këtë vend, sillni Kodin Zgjedhor këtu.

Mos i mbani listat e mbyllura! Silleni këtu ta votojmë. Dhe atëherë do pastrojmë këtë Parlament. Do pastrojmë këtë kastë politike dhe do e ndryshojmë këtë vend. Doni ndryshim për studentët?

Ndryshoni auditorët, kapni ata pedagogët aty. Ky eshte ndryshimi. nëse doni këtë vend mendoni seriozisht për vendin tuaj dhe mos hajdeni këtu të na bëni show politik sepse jemi të ngjeshur. Ky vend është i ngopur. Këta studentë që dalin aty jashtë, nuk dalin sepse vetëm thjesht duan ndryshime.

Ata janë të lodhur nga çdo politikan, jane te lodhur nga ju, nga këta, nga çdo lloj politikani. Kanë humbur besimin nga çdonjëri prej jush.

Shqiptarët renditen të 4-t në botë për t’u larguar nga vendi i tyre. Kjo e dhënë është publikuar nga kompania e sondazheve Gallup, sipas së cilës Shqipëria renditet pas dy vendeve afrikane Sierra Leone dhe Liberia, si dhe shteti i shkatërruar i Haitit. Sipas të dhënave të fundit të kësaj kompanie të njohur të sondazheve, 1.7 milionë shqiptarë dëshirojnë të largohen nga vendi.

Pra, plot 60 për qind e popullsisë do të braktiste përfundimisht Shqipërinë, nëse do të kishin mundësi. Sipas Gallup, kjo e bën Shqipërinë vendin e katërt në botë me prirjen më të lartë për emigracion. Më keq renditen vetëm dy republika afrikane, Sierra Leone dhe Liberia, si dhe shteti i shkatërruar i Haitit, tre vende ku niveli i varfërisë luhatet nga 54 deri në 70 për qind.

Sipas përllogaritjeve të shprehura në numër popullsie, nga 2.87 milionë banorë, që ka aktualisht Shqipëria, 1.7 milionë duan të largohen jashtë vendit për një jetesë më të mirë. Kjo është një shifër alarmante, duke pasur parasysh se është shumë më e lartë, madje edhe se e vendeve të përfshira në luftëra civile. Shqiptarët e pyetur janë shprehur se shkaku kryesor që duan të ikin përgjithnjë nga vendi është ekonomia, por edhe mungesa e shërbimeve publike.

Ky është një fenomen, i cili kërcënon të ardhmen e ekonomisë, duke shqetësuar edhe institucionet ndërkombëtare. Në misionin e fundit në Tiranë, Fondi Monetar Ndërkombëtar deklaroi se Shqipëria ka nevojë për rritje më të lartë ekonomike dhe investime në sektorët prioritarë si arsimi dhe shëndetësia për të zbutur prirjen e popullsisë për të emigruar. Por shqiptarët duket se tashmë nuk po e projektojnë të ardhmen në vendin e tyre.

Madje, së fundmi, po largohen edhe individë me rroga të larta, të cilët janë të pakënaqur me shumë faktorë në vend, përfshirë këtu shërbimet publike, pasiguria e rendit e mjaft faktorë të tjerë socialë, që ndikojnë në mirëqenien e tyre familjare. Që kur Shqipëria rrëzoi komunizmin më 1991-n, më shumë se 1.4 milionë shqiptarë, gati gjysma e popullsisë aktuale e vendit ka emigruar kryesisht në Italinë fqinje dhe Greqi dhe më pak në Britani, Gjermani dhe Shtetet e Bashkuara.

Ndërkaq, rreth 65 mijë shqiptarë kërkuan azil në Gjermani në vitet 2015-2016. Shumica e tyre u refuzuan pasi ky vend filloi të mirëpriste sirianët që iknin nga lufta. Së fundmi, Gjermania ka mirëpritur mjekët dhe infermierët, gati të gjithë të diplomuarit e rinj, ku po vërehet një eksod i bluzave të bardha.

Kryeministri Edi Rama pasi ka mbaruar  fjalën e tij në Kuvend është larguar, edhe pse një nga daljet ka qenë e bllokuar.

Gazetari i Panorama nga Kuvendi, ka raportuar se Rama është larguar nga ana e pedonales, me makinën e tij.

Ndërkohë që Rama largohej, studentët bënin thirrje që nuk kërkojnë dialog dhe nuk pranojnë asnjë kusht tjetër.

Kryeministri i vendit Edi Rama, u është përgjigjur sërish studentëve, duke thënë se është e gatshme ti plotësojnë të gjitha kërkesat. Rama tha se i fton dhe në sallën e Kuvendit studentët, të diskutojnë hapur me të.

DEKLARATA E RAMËS

Dua që ndërkohë që Kuvendi vazhdon sipas axhendës së parashikuar, të gjithë ata që janë të interesuar në mënyrë të sinqertë për ti dhënë zgjidhje një situate krejt absurde, ku njëra parë ka shtruar disa kërkesa dhe tjera jo vetëm nuk i ka refuzua por është e gatshme ti zgjidhë një për një janë të ftuar në çdo moment edhe në këtë sallë nëse duan të diskutojnë hapur në sytë e të gjithë opinionit publik lidhur me të tete pikat por edhe më shumë, kjo sallë është në dispozicion dhe faktikisht opozita reale e vendit sot janë ata studentë që kanë vendosur të ngrenë kartë kundër një sistemi brenda universitetit që i ka marrë ata peng dhe në të njëjtën koha na kanë dhënë një shuplakë, për të na shkundur dhe për të na bërë që ti hapim sytë më shumë e ti fokusojmë te ajo që ndodh brenda mureve të universitetit.

Jam i gatshëm dhe kudo që ata duan të diskutojnë me ta, jo për ti tororisur, as për të mbyllur protestën, unë dua që protesta të mbyllet se kjo protestë që afishon tetë pika i ka rrënjët shumë më thellë, te burimet e sëmundjes së universitetit dhe ajo sëmundje që autonomia e dhënë për herë të parë nga shumica socialiste i ka mbuluar dhe nuk ka lejuar kurimin e tyre.

Është shumë e thjeshtë për mua që ta trajtoj si çështje procedure dhe ofertë kërkese apo porosish në derën e një dyqani, po nuk bëhet fjalë për thasë me patate apo për arka me mollë, bëhet fjalë për një proces që nis nga këto pika, pikat jemi gati ti plotësojmë një për një, por ata që erdhën këtu si përfaqësues të opozitës së maskuar, të hedhur në ilegalitet, që nuk ka mundësinë ta mbështes se në momentin që e mbështet e njollos, mendoni ca opozite është

Një opozitë që futet te jelekët portokalli te Astiri dhe nuk ka kurajo ti thotë popullit që jam me studentët se e ha mbrapsht flakërimën.

Pyetja këtu është çfarë fshihet pas bllokimit të dialogut, kjo është e padëgjuar, çfarë fshihet pas propagandës që investohet nga ndërmarrja e doktoreshës dhe nga SHUQO këtu dhe profesor qorri që në asnjë mënyrë dialog, fshihet nga njëra anë qëllimi që këto të mos zgjidhen, që studentët të acarohen dhe të futen në qorsokakun ku i do kjo opozitë që kërcënon me destabilizim, djegie, që të martën pas pushimeve do iki qeveria ose do digjet Tirana, çfarë fshihet.

Kjo është e padëgjuar dhe kjo është arsyeje ja pse unë refuzoj që këto tetë pika ti plotësojmë sikur janë porosi për dyqan.

Se nëse e bëj jo përballë me studentët, menjëherë gjithë makineria e manipulimit, do të thitë që nuk janë këto, se pikat nuk janë çfarë, por edhe si, jo vetëm përgjysmimi dhe si do përgjysmohen, në të momente do nisë industria e manipulimit të vihen në lëvizje. 

Nuk është çështja a duam të bëhet pastrimi i universitet nga farsa e titujt mbi kopje, mashtrime, pyetja është te si, ne jemi përgatitur edhe për si, por duhet ta diskutojmë me studentët në sy të publikut që këtë thamë dhe jo nga ballkoni. ky është qëllimi dhe studentët duhet ta kuptojmë.

më falni po kur kam parë dje një video nga studentet e ekonomikut, që studentët donin të hapnin dialogun dhe atyre u fliste një fantazmë e Partisë së Punës, e pjesës më vulgare të PP, që doktoraturën e ka bërë me titull eficenca e kalit në ekonomi, personazh që skam asgjë personale, por e dija tanimë në botën tjetër, dhe aq u habita sa besova që më bënin sytë, një personazh që përfaqëson gjithçka që ne nuk e gëlltisnim më në vitin 90 kundër regjimit, fytyra e hipokrizisë, u flet me megafon studentëve dhe u thotë pse nuk duhet të dialogun me kryeministrin, o zot.

Kjo është çmenduri, me këtë nuk duhet te flisni se do ju bej magji, do ju çorodisë, do ju mbushe mendjen. Sudja thoshte sot te gjitha e ,mbani mend, se ca ju tha ne fund, ishte loja, Sudja tjetër doktoresha e shkencave thotë sot të gjitha, por loja vazhdon.

Kujt t’ja themi, Ylli Kadriut, apo qimit.net, me kë ta flasim, duhet ta flasim me studentët.  Unë nuk e parafytyroj dot një situatë që treçereku i atyre pikave nuk ka lidhje fare me qeverinë, janë çështje të brendshme të universitetit dhe fakti që sot i kërkohen qeverisë flet shumë, flet për të vërtetën që shpresa te universiteti vetë ka vdekur.

Shpresa se forumet mund ti zgjidhin këto probleme, ca problemesh janë, publikimi online i shpenzimeve të universitetit, ca detyrë e qeverisë është kjo? Si mund të them po unë, pa thënë si do bëhet, se këtë e bën çdo universitet, e kjo nuk ndodh nëse mjaftohemi me një po për të mbyllur protestën.

Nuk duan zgjidhje ata qe janë në opozitë, ata që janë para pasqyrave ne darke, ata qe janë brenda universitetit qe nëse e ndjejnë qe shkohet përtej 8 pikave vjen fundi i tyre.

“Protesta i dha shuplakë qeverisë, i dha grusht opozitës dhe e treta i dha një shpresë shoqërisë”, shtoi më tej Rama.

Pjesë nga deklarata

Adashi imë me mbiemër, Rama Luan tha që studentët kanë të drejtën të na nxjerrin të gjithëve jashtë, ndërkohë juve ju kanë nxjerrë jashtë, se u detyruat të hidheni në ilegalitet dhe ta ndikoni protestën të maskuar, tani për të mos humbur kohë, dje janë formuar dhe organet e para të drejtësisë së re, KLP dhe KLGj, pasi u krijua dhe KED, ndërkohë që sa i takon propozimit të tyre nuk është çështje procedurale apo buxheti, propozimet e këtyre janë të refuzuara, sepse janë propozime të bëra për të mos u bërë kurrë. Protesta i dha shuplakë qeverisë, i dha grusht opozitës dhe e treta i dha një shpresë shoqërisë.

Zgjidhja nuk vjen nga doktoresha Kryemadhi, Lulzim Ziu apo profesor Qorri, opozita kërkon vetëm bllokim të zgjidhjes se kërkon të nxjerrë gështenjta nga zjarri duke futur studentet në qorrsokak, qeveria e ka zgjidhjen dhe do ta japë me dialog, me dialog, pse na duhet dialogu, për shembull pika për vetingun e titujve ne kemi plan si duhet bërë duhet rëndë dakord për planin, brenda 6 muajve të ardhshëm Kryemadhi do të jetë e para që do të heqi bluzën e doktorit dhe do të mbetet me çizmen e LSI

Ndryshe nga sa është vepruar këto ditë, këtë të enjte, protesta e studentëve u zhvendos para parlamentit.

Ora 10:00/ Ndërkohë që në Kuvend ka nisur seanca plenare, studenët janë mbledhur të gjithë para godinës dhe po protestojnë.

Ora 09:45/ Ka nisur marshimi i studentëve nga Politekniku drejt Kuvendit të Shqipërisë, ku do mblidhen për të protestuar. Ata kanë kaluar para Kryeministrisë, por nuk kanë qëndruar aty.

Në ditën e 9 të protestës studentore  edhe universitetet në rreth kanë bojkotuar mësimin dhe kanë dalë në sheshet kryesore të qyteteve.

Ata kanë të qarta kërkesat e tyre, dhe shprehen se do ndalen vetëm kur të plotësohen 8 pikat që janë bërë publike nga studentët në Tiranë.

JUXHIN MUSTAFARAJ/ Studentët nuk i kanë ndalur protestat e tyre, pavarësisht kërkesës së vazhdueshme të Kryeministrit Rama për të dialoguar.

Temperaturat nën zero dhe 7 ditë në protestë nuk i kanë penguar studentët e fakulteteve të Tiranës që të vijojnë rezistencën e tyre deri në plotësim të kërkesave nga qeveria.

Dhjetëra të rinj zgjodhën ta kalonin natën të ndarë përpara institucionit të Kryeministrisë dhe Ministrisë së Arsimit. Solidariteti i disa prej qytetarëve të Tiranës ka bërë që në mesnatë pranë tyre të mbërrinin ushqim, çaj, batanije dhe disa dru zjarri për ngrohje.

Sipas informacioneve të “Panorama”, si pasojë e temperaturave të ulëta, dy prej studenteve që dëshironin të qëndronin përgjatë natës përpara Kryeministrisë, janë dërguar në spital për të marrë kujdes mjekësor për shkak se nuk janë ndierë mirë.

PROTESTAT

Mungesa e dakordësisë për vendin, në të cilin do të duhej të mbahej protesta e kësaj të mërkure, solli si rezultat zhvillimin e dy protestave të ndryshme. Grupimi i protestuesve përpara Kryeministrisë ka vijuar të qëndrojë aty, ndërkohë që në mbështetje të tyre, protestës iu bashkuan edhe studentë të fakulteteve të tjera dhe gjimnazistë të Tiranës. Protestës përpara godinës së Kryeministrisë iu bashkua edhe profesori Edmond Tupja, i cili vetëm një orë më parë ishte njohur me procedimin nga Policia e Tiranës për zhvillimin e protestave të paligjshme. Në sheshin përpara Kryeministrisë ishte edhe aktori Julian Deda, i cili inkurajoi studentët të vijonin me protestën e tyre.

Edhe studentët që kaluan natën përpara godinës së Ministrisë së Arsimit u shtuan në numër pas orë 10:00, kur studentët e Tiranës dhe disa të ardhur nga rrethet iu bashkuan protestës së tyre. Ashtu siç edhe kishin bërë me dije, studentët përpara godinës së Ministrisë së Arsimit kishin marrë me vete fletë të bardha dhe libra për të lexuar. Në mesditë, ata shtuan edhe një pikë të 9-të në kërkesat e tyre, duke kërkuar heqjen e procedimeve penale për studentët dhe pedagogët nga Policia. Sipas tyre, fjalët pas shtatë ditë proteste ishin të tepërta dhe tani pritet vetëm reagimi i qeverisë. Protestat përpara Kryeministrisë dhe Ministrisë së Arsimit kanë zgjatur deri në mesnatë, ndërkohë që sot studentët pritet të protestojnë së bashku.

PARLAMENTI

Thirrja që ka shoqëruar më shumë 8 ditët e protestës së studentëve ka qenë “Jo politikë”. Kushdo që ka marrë në dorë megafonin, ka bërë thirrje që protesta të mos politizohet. Sot, studentët kanë vendosur që gjithçka që kanë artikuluar këto ditë t’i thonë përpara institucionit, në të cilin ‘gatuhet’ politika, Parlamentin e Shqipërisë. Në orën 10:00, kur deputetët e maxhorancës do të vijnë për të zhvilluar seancë plenare, studentët do të jenë duke protestuar për plotësimin e kërkesave të tyre. Të dyja grupet që kanë protestuar përpara Ministrisë së Arsimit dhe Kryeministrisë kanë dakordësuar që vendgrumbullimi i protestës së tyre në ditën e 9-të të saj të jetë përpara Parlamentit.

Senati Akademik i Universiteti i Tiranës, në një deklaratë për mediat ka bërë publik qëndrimin e tij në lidhje me debatin për arsimin e lartë, dhe për protestën e studentëve.

Në këtë deklaratë bëhet më dije se Universiteti i Tiranës nuk ka bërë  asnjë kërkesë për vendosje tarifash për provimet e bartura.

Më tej thuhet se  mbështesin dhe kërkesën e studentëve  për uljen e tarifave të shkollimit, për studimet e larta.

NJOFTIMI I PLOTË

Deklaratë e Senatit Akademik të Universitetit të Tiranës!

Senati Akademik i Universitetit të Tiranës në mbledhjen e tij të datës.12.12.2018, në mbështetje të protestës të studentëve dhe në zbatim të kompetencave të tij ligjore, vendosi unanimisht që të shprehet me këtë deklaratë:

1. Universiteti i Tiranës nuk ka bërë asnjë kërkesë për vendosje tarifash për provimet e mbartura (pika 4 e shfuqizuar e Vendimit nr.288, datë 21.5.2018, të Këshillit të Ministrave, “Për miratimin e kufirit maksimal të tarifës vjetore të shkollimit për studentët që ndjekin studimet në institucionet publike të arsimit të lartë, në një program të ciklit të parë të studimeve, në një program të integruar të studimeve ose në një program të studimeve profesionale me kohë të plotë”).

Protesta e studenteve vijon sot në ditën e saj të tetë. Pas ditësh në rezistencë, studentët do të jenë sërish sot në protestë, të palëkundur në kërkesat e tyre ndaj qeverisë.

Ora 15:10/ Edhe sot qytetar të shumtë, por edhe vet studentët kanë sjellë ushqime në protestë për t’u solidarizuar me studentët. Nga protesta, gazetari i Panorama, raportoi se kanë ardhur ushqime me kartonë, për të pasur për të gjithë.

Ora 14:00/ Pedagogu Edmond Tupja ka shkuar sërish në protestë në krah të studentëve. Edhe pas procedimit ai nuk është ndalur dhe po mbështet sërish protestën e studentëve, gjë që e shprehu dhe në intervistën dhënë për Panorama Online.

Ora 13:28/ Studentët lajmerojnë vatrën e protestës së neserme, në një pikë të vetme protestë.  “Nesër të gjithë studentët do të protestojnë para parlamentit, ne nuk do të lejojmë që kazani ashtu si preferon ta thotë dikush, të diskutojë llogje pa vlerë në atë parlament, ne jemi përfaqësuesit më dinjitozë, do të protestojë bashkë, vatra do te jetë nesër një, nesër në të njëjtin vend, jemi në një kauzë, jemi një, vetëm studentë, ne që ëndërrojmë Shqipërinë Evropiane”- njoftojne perfaqesues te protestuesve.

Ora 13:15/ Nisur nga procedimi penal i ndërmarrë nga policia për protestën e djeshme ndaj 25 personave, studentët kërkojnë heqjen e procedimeve penale. “Hiqni procedimet penale për studentët”, kanë bërë thirrje ata. Duke shtuar kështu dhe një pikë tjetër në listën e kërkesave.

Ora 11:55/ Pas shtrirjes së dorës për herë të dytë për dialog, studentët i janë përgjigjur negativisht kërkesës së dialog. “Besimi jonë ka humbur, nuk jemi të bindur për dialog”, u shpreh një prej studentëve që po proteston para kryeministrisë.  Por për pyetjes se çfarë do të bëjnë sot, do të vijojnë proteston apo do daljen, studenti u shpreh: Nuk e di, nuk kam informacion për këtë gjë.

Ora 11:15/ Studentët vijojnë të jenë të ndarë në grupe, ata shprehen se  nuk duan rrëzimin e qeverisë por plotësimin e kërkesave të tre.  “Nuk duam dorëheqjen e ministres. Kushdo që të vijë do bëjë të njëjtën gjë. Ne duam të plotësohen kërkesat tona”, një prej tyre.

Ora 10:20/ Studentët kanë nisur marshimin drejt Ministrisë së Arsimit, por një pjesë tjetër kanë qëndruar para Kryeministrisë. Ata kanë pasur dhe përplasje mes njëri-tjetrit për të qëndruar para zyrës së Ramës, apo të shkojnë sërish tek ministria ku për 7 ditë ata kanë qëndruar.

Ora 09:30/ Një grup i vogël protestuesish që rezistuan të ftohtit e kanë gdhirë përpara Kryeministrisë, ndërsa pjesa tjetër ka filluar grumbullimin nëpër fakultete.

Pas grumbullimit ata kanë nisur marshimin për të shkuar drejt Ministrisë së Arsimit. Ndërsa një pjesë tjetër po qëndron ende tek Kryeministria.

Ora 07:00/ Permes njoftimeve ne rrjetet sociale, studentet jane lajmeruar se e sotmja do te jete serish dite masive proetste, por kete radhe e heshtur, vetem me vetëm me libra dhe fletë të bardha, pa parulla dhe as thirrje në kor.

Sipas proetstuesve, vendi do te jete po ai. Ministria e Arsimit, ku do te grumbullohen te gjthe ne oen 10:00. Nderkohe qe me heret, studente do te nisin grumbullimin ne fakultete e tyre, pasi te bojkotojne serish mesimin.

Policia njofton se ka proceduar penalisht 25 persona mes tyre këngëtarin Robert Aliaj, profesorin Edmond Tupe si edhe aktivistë të forumeve rinore të partive politike.

Më datë 11.12.2018, u referuan materialet në Prokurorinë pranë Gjykatës së Shkallës Parë Tiranë, për shtetasit:

Ngritja e Këshillit të Lartë të Prokurorisë shënon institucionin e parë të sistemit të ri që Reforma në Drejtësi synon të krijojë. Mbledhja e Përgjithshme e Prokurorëve zgjodhi 6 anëtarët nga radhët e veta mes 9 kandidaturave. Për tre vendet nga radhët e Prokurorëve të Shkallës së parë në garë ishin 6 kandidatë. Votimi nxori fitues Besnik Canin, Gentian Osmanin dhe Antoneta Sevdarin. Për dy vendet nga prokurorët e Apelit, nuk pati garë pasi dy ishin dhe kandidaturat Bujar Sheshi dhe Arben Dollapaj. Ndërsa për vendin nga prokurorët e Prokurorisë së Përgjithshme Kostaq Beluri fitoi përballë Anila Lekës.

Në fund të procesit, prokurorja e Përgjithshme e Përkohshme, Arta Marku, falenderoi të gjithë kolegët e saj. “Të gjithë bashkë, sot duhet të ndihemi krenarë. Me votën tonë ne krijuam institucionin e parë të drejtësisë së re, e hodhëm një gur themeli për gjithë sistemin e drejtësisë. Të gjithë bashkë, ne dëshmuam se jemi të përgjegjshëm. Treguam se ne mundemi t’ia dalim edhe kur të gjithë janë skeptikë ndaj nesh. Treguam se jemi një model që duhet ndjekur”, u shpreh zonja Marku.

Ndërsa një ditë më parë, i paraprinë mbledhjes me një deklaratë të përbashkët, në hapje të saj e ngarkuara me Punë e Shteteve të Bashkuara Leyla Moses-Ones dhe ambasadori i Delegacionit të BE-së, Luigi Soreca , ritheksuan dhe një herë rëndësinë e këtij momenti. “Kjo është koha juaj për të votuar. Kjo është koha juaj për të bërë historinë për Shqipërinë dhe botën. Kjo është koha juaj për t’i dhënë njerëzve të Shqipërisë sistemin e drejtësisë që meritojnë dhe që kërkojnë”, u shpreh diplomatja amerikane duke ju drejtuar prokurorëve shqiptarë. Ndërsa ambasadori Soreca theksoi se “reforma e drejtësisë po arrin një moment kritik këtë javë me krijimin e strukturave të pavarura gjyqësore të parashikuara nga ndryshimet kushtetuese të vitit 2016. Zgjedhja e gjashtë prokurorëve të Këshillit të Lartë Prokurorial do të shënojë një hap vendimtar për Shqipërinë në rrugën e saj drejt BE-së. Sot është mundësia juaj për të formësuar sistemin shqiptar të drejtësisë për vitet e ardhshme. Këshilli i Lartë Prokurorial do të luajë një rol përcaktues në formimin e Shërbimit të Prokurorisë për të ardhmen”, nënvizoi ambasadori i Delegacionit europian. Përfaqësuesit e dy selive diplomatike të cilat kanë qenë sponsorët e Reformës në Drejtësi, ritheksuan angazhimin për mbështetjen e mëtejshme të institucioneve të tjera që pritet të formohen.

Të mërkurën është radha e gjyqtarëve që të zgjedhin kolegët e tyre për të bërë të mundur ngritjen e Këshillit të Lartë Gjyqësor. Në përfundim të procesit të rivlerësimit, janë 6 gjykatës së shkallës së parë që janë konfirmuar si kandidatë për në KLGJ. Nga këta Marçela Shehu, nga gjykata e Kurbinit bën që të plotësohet kriteri për një anëtar nga Gjykatat e rretheve, dhe ajo automatikisht siguron vend në KLGJ-ën e ardhshme, ndërsa 5 të tjerët (Manjola Xhaxho – Gjykata e Tiranës; Alma Brati – Gjykata e Tiranës; Astrit Faqolli – Gjykata e Tiranës; Dritan Hallunaj – Gjykata për Krimet e Rënda; Brunilda Kadi – Gjykata e Tiranës) do t’i nënshtrohen votimit për dy vendet e tjera.

Sa i përket dy vendeve me gjyqtarë të Apelit, janë konfirmuar tre kandidatë, Ilir Toska – Gjykata Apelit Tiranë), Nertina Kosova (Gjykata e Apelit për Krimet e Rënda) dhe Brikena Ukperaj, nga Apeli i Vlorës. Kjo e fundit kalon automatikisht, duke qenë se plotëson kriterin për të qenë nga Gjykata jashtë Tiranës.

Për vendin e përfaqësuesit nga Gjykata e Lartë, i vetmi i rikonfirmuar në detyrë, pas procesit të rivlerësimit, është anëtari i saj Medi Bici. Kandidati tjetër, për në KLGJ, Artan Zeneli u rrëzua

Ngritja e KLGJ-ës dhe KLP-ës pritet të rikthejë normalitetin në sistemin e Drejtësisë, ndërsa i hap rrugë dhe formimit të Gjykatës dhe Prokurorisë së Posaçme, si dhe të Byrosë Kombëtare të Hetimit, organe të cilat do të jenë të fokusuara te lufta ndaj krimit të organizuar dhe korrupsionit.

Kryeministri Edi Rama ishte përballë studentëve në emisionin Top Show, në një diskutim të “nxehtë” me ta për 8 kërkesat e shtruara.

Në debat e sipër kreu i qeverisë teksa i përgjigjej pyetjeve të disa prej studentëve që e pyetën tha: “Ju do i pini lëngun kërkesave, pasi në universitet jeni njerëz që s’ju llogarit njeri”.

Je i gatshëm për plotësimin e pikave?- pyeti një studente.

Ndërkohë kryeministri tha se “jam i gatshëm dhe për më shumë se kaq. Ju jeni sot në protestë, kalojën tre ditë dhe do ikni, e pastaj do vazhdojnë ata që djegin goma. Prandaj dua që ju të vazhdoni, por jo ato 3 strukturat e tjera.

Tavani i pagesës e dini pse është vënë? Sepse kur u vendosën çmimet nga rektorët e dekanët, qeveria i tha jo, e keni shumë lart,” tha Rama

Ka nisur edhe sot protesta e studentëve, e cila ka marrë përmasa kombëtare, pasi janë bashkuar studentët nga të gjitha rrethet.

Studentët nga rrethe të ndryshme si Vlora, Korça, Elbasani dhe Durrësi janë nisur me grupe të vogël  drejt Tiranës, por shumë të tjera janë grumbulluar përpara godinave ku ata bëjnë mësim.

Po ashtu po sot qeverisë është vënë një ultimatum që të pranojë pa kushte të gjitha kërkesat e tyre dhe është paralajmëruar përshkallëzim deri në grevë urie.

Sipas gazetares në Gjirokastër, ku dhe atje studentët po protestojnë, ata kanë pasur kërcënime nga forume partia që të mos marrin pjesë në këtë protestë.

Sot për herë të parë janë bashkuar në protestË dhe studentët e Sarandës

STUDENTËT GJIROKASTËR

STUDENTËT E VLORËS

STUDENTËT E SHKODRËS

STUDENTËT SARANDË

Protesta e studentëve që po merr masa kombëtare ka hyrë në ditën e 7 të saj, ku sipas vetë protestuesve do të vijojë pa fund deri në plotësimin e kushteve të tyre.

Ora 09:38/ Studentët e Universitetit Bujqësor në Kamzë kanë bllokuar rrugën tek mbikalimi. Për disa minuta ata kanë përsëritur thirrjet për një arsim më të mirë.

Ora 09:00/ Studentët e Politeknikut kanë publikuar listën me emrat e pedagogëve që duhet të kalojnë në Vetting, pasi sipas tyre ata marrin lekë apo janë të korruptuar.

Ora 08:30/ Si çdo ditë studentët janë grumbulluar tek Politekniku dhe më pas do të vijojnë marshimin dhe qëndrimin përpara godinës së Ministrisë së Arsimit. Sot mësohet se studentët nga rrethe të ndryshme si Vlora, Korça, Elbasani janë nisur drejt Tiranës.

Po ashtu po sot qeverisë  është vënë një ultimatum që të pranojë pa kushte të gjitha kërkesat e tyre dhe është paralajmëruar përshkallëzim deri në grevë urie.

STUDENTËT E INXHINIERISË