VOAL

VOAL

Please Wait ...
0%

Lavdërimi i Enver Hoxhës, Alizoti: Problem madhor i PS, trashëgimtare e sistemit totalitar

By | November 29, 2021
blank
1 Comments
  • author avatar
    Fritz Radovani 2 months ago Reply

    Baza e mungeses se Demokracise ne Shqipni, asht “MOSDENIMI I SE KALUEMES TERRORISTE KOMUNISTE !”. Tjerat shkaqe jane “Prralla me mret!”.

Komentet

blank

‘Amerikanët’ e Bashës

Nëse do pyesësh gjithollogët shqiptarë se çfarë e bën Amerikën të madhe, do të hidhen menjëherë te amendamenti që flet për lirinë e shprehjes. Por nëse do pyesësh amerikanët që e njohin historinë e këtij shteti, do të thonë se ky vend mbahet si më i miri dhe më demokratiku në botë për shkak të gjyqësorit, i cili nuk dënon askënd pa pasur prova shterruese.

Drejtësia me fakte është arsyeja pse Amerika mbahet si shteti më i madh dhe më i drejtë në botë.

Mirëpo një grup intelektualësh fluturakë që më shumë frymëzojnë meme në median sociale, janë rreshtuar në krah të Lulzim Bashës, duke mbrojtur gjasme me një servilizëm qesharak madhështinë dhe drejtësinë e Amerikës.

Mes tyre bien në sy emra si Preç Zogaj, Frrok Çupi, Mark Marku, Agron Gjekmarkaj, Spartak Ngjela e Spartak Braho.

Një armatë delirantësh që pretendon se po mbron interesat amerikane.

Ky është një miks që çdo amerikan me parime do e kishte neveritur në kulm.

Ekipi i propagandës ka në përbërje ka një ish- hetues të Enver Hoxhës dhe dy të tjerë janë ish-bashkëpunëtorë të Sigurimit të Shtetit.

Për Uashingtonin, që ka bërë luftërat më të mëdha dhe përpjekjet kundër komunizmit, ky duhet të jetë një problem. Sigurisht jo për të dërguarit e SHBA që prej kohësh kanë adoptuar retorikën dhe stilin monist të diplomacisë.

Dy të tjerë nga skuadra e propagandës lëvizin sa me Berishën, sa me Metën dhe sa me Bashën, në bazë të asaj kush u ofron pazarin më të madh. Ndër ta spikat Agron Gjekmarkaj, që deri pak ditë para se ta vendoste Basha në listë, i lutej LSI për ta vendosur të parin në Lezhë.

Kjo është përzierja toksike që ka vendosur të bëjë mbrojtjen e Bashës dhe interesave amerikane. Një grup që po bën avokatinë e zhdukjes së pluralizmit. Një grup që po duartroket për eleminimin e opozitës. Një grup që po feston shfarosjen e lirisë dhe sovranitetit. Një grup që do ia kishte pështirosur çdo qytetari, amerikan apo jo, me sadopak njohuri për parimet demokratike. syri.net

blank

‘Je i shkarkuar’ – Demokratët presin me protesta Bashën në Durrës, Rama çon policinë

 

Lulzim Basha po zhvillon një takim në Durrës në këto momente me një grup të vogël qytetarësh. 

Demokratët e kanë braktisur takimin e kryetarit të shkarkuar të PD dhe kanë dalë në protestë duke i kujtuar atij se se është shkarkuar nga anëtarësia.

Me pankarta në duar si ‘Lulzim Brava pengu i qeverisë’, ‘Lulzim Brava je i shkarkuar nga 44 mijë anëtarë të PD’, ‘Lulzim Brava boll mashtrove demokratët e pastër’, ‘Stop kapjes së PD nga Rama’, ‘Dikur merrnim gaz lotsjellës nga Rama, sot nga Basha‘, demokratët po protestojnë paqësisht.

Edhe pse protesta po zhvillohet pa incidente, sërish në ndihmë të Bashës ka ardhur Edi Rama, i cili ka dërguar policinë për ta mbrojtur atë.

Forcat e Rendit, mes tyre dhe ‘Shqiponjat’ kanë krijuar kordon përpara protestuesve, ndërsa brenda ambienteve të Pallatit të Kulturës ndodhet Lulzim Basha.

SYRI po transmeton live protestën paqësore të demokratëve durrsakë.

 

blank

Vendimi skandaloz- Celibashi përjashton Ivi Kason nga KQZ-ja

Kryetari i KQZ, Ilirjan Celibashi ka marrë një vendim skandaloz sot, duke legjitimuar si përfaqësues të PD, Indrit Sefën dhe Marash Logun, duke ia hequr këtë përfaqësim Ivi Kasos.

Lidhur me këto ndryshime, Kaso u shpreh se përfaqësimi vijon automatikisht, për sa kohë jemi në periudhë ligjore, duke theksuar vendimet e Kuvendit të 11 dhjetorit, thirrur nga ish kryeministri Sali Berisha.

“Ju uroj suksese në procesin e dekretuar nga presidenti. I bëj me dije KQZ se jemi në një periudhë zgjedhore, përfaqësimi vijon automatikisht, nuk kemi ende subjekt zgjedhor në garë. I bëj me dije KQZ për një fakt të bërë publik, lidhur me faktin që prej dhjetorit 2021, jo vetëm nënshkruesi i letrës nuk është më kryetar i PD, sigla dhe vula e PD, kanë ndryshuar në raport me ato të depozituara në procesin e 25 prillit”, u shpreh Kaso.

Por Celibashi u shpreh se kjo ishte fjala e fundit e Kasos.

“Në pikëpamje të ligjit, raporti i një partie politike me KQZ është një raport i vazhdueshëm dhe qoftë gjatë periudhës zgjedhore dhe jo zgjedhore. Ekziston një marrëdhënie për aq sa ligji e përcakton. Secili prej institucioneve ka mënyrën e vet dhe e demostron në mënyrë të ligjshme. Me gjithë keqardhjen me këtë situatë, jemi në një marrëdhënie institucionale mes KQZ dhe PD ku ai që është përfaqësuesi ligjor i saj ka konsideruar cilët do të jenë përfaqësuesit e saj në KQZ. Për ju kjo ishte fjala e fundit në lidhje me këtë cështje dhe vijimin e mëtejshëm të mbledhjes së KQZ. Opinionet e PD, janë ato që do të prezantohen nga Indrit Sefa dhe Marash Logu,” u shpreh Celibashi. syri.net

blank

Drejtësia e re- Padia që zbulon fijet e kapjes politike të SPAK

Sistemi i ri i drejtësisë, që u ngjiz për të qenë i pavarur nga politika dhe për të luftuar korrupsionin në nivelet e larta të qeverisjes po shfaq simptomat e së njëjtës sëmundje, nga i cili vuante sistemi i vjetër.

Për të kuptuar fijet që luhen në prapaskenë shërben denoncimi i prokurores Sonila Muhametaj, e cila ka dërguar në gjykatë trupën e Këshillit të Lartë të Prokurorisë të cilën e akuzon për manipulim të emërimeve në SPAK. Sipas lajmit të gazetares Anila Hoxha, prokurorja pretendon se pikët në garën për të qenë pjesë e SPAK, u manipuluan.

Emri që ngre dyshime të forta për ndërhyrjen e politikës është ai i prokurorit Alfred Shehu. I famshëm për konferencën me gazetarët pas vrasjes së Pjerin Xhuvanit në Elbasan, prokurori Shehu u bë protagonist i një manipulimi të pastër për interesa politike.

Duke mohuar publikisht që në vendin ku u vra Pjerin Xhuvani nuk u gjetën materiale zgjedhore, prokurori Alfred Shehu i kreu një shërbim të çmuar Partisë Socialiste pak ditë para 25 Prillit.

Më pas në sallën e gjyqit, ai pranoi të kundërtën e asaj që kishte pohuar në konferencën me gazetarët. Rezultoi se bashkëpuntorë të Pjerin Xhuvanit kishin në makina materiale zgjedhore dhe ata ishin ndaluar nga militantë të Partisë Demokratike, sepse po blinin vota në lagjet më të varfra të Elbasanit, përmes disa listave që përdornin patronazhistët e PS.

Pasi Rama fitoi mandatin e tretë, karriera e Alfred Shehut njohu vetëm ngjitje. Nga Elbasani ai u katapultua si drejtues i prokurorisë së Sarandës. Nga Saranda u propozua si prokuror i SPAK dhe brenda pak javësh fitoi garën me ish prokuroren e Krimeve të Rënda, Sonila Muhametajn.

Por kjo e fundit nuk e ka lënë me kaq. Në ankimimin që i ka bërë procedurave të përzgjedhjes së prokurorëve të tjerë në SPAK, Muhametaj arsyeton se Alfred Shehu u emërua padrejtësisht në këtë post.

Për Shehun, shprehet prokurorja, KLP nuk u thellua dhe nuk mori informacion pranë Prokurorisë së Elbasanit se si kishte hetuar përderisa “prokurori fitues i SPAK pati disa qëndrime jo korrekte pasi u pyet nga media për prova mbi vrasjen e Pjerin Xhuvanit”.

Padia ngre dyshime të forta për kapjen e SPAK nga Partia Socialiste dhe implikimin në të njëjtën skemë edhe të Këshillit të Lartë të Prokurorisë.

Në padinë e saj, Sonila Muhametaj thotë se procesi i emërimeve në SPAK duhet të jete i hapur, ndërkohë që dy anëtarë të KLP sipas paditëses gjenden në konflikt interesi dhe duhet të kishin dhënë dorëheqjen . Sepse Sonila Muhametaj këmbëngul se i ka pasur nën hetim ata apo të afërmit e tyre. Duke u krahasuar me kolegët Shehu dhe Gokaj ajo kujton jo vetëm volumin e dosjeve që ka hetuar, por edhe parametrat që kërkohen për t’u ngritur në karrierë në SPAK.Lapsi

blank

Video- Foka e rrallë në ujërat e Vlorës, më pak se 700 të tilla në të gjithë botën

Një fokë e rrallë, nga lloji i së cilës në të gjithë botën janë vetëm 700 individë është parë në ujërat e Vlorës.

Përmes një video drejtoria rajonale e Zonave të Mbrojtura atje jep informacion dhe thotë se bëhet fjalë për një nga gjitarët më të rrallë në Shqipëri. Në video duket foka e cila po lëviz në ujë.

Ju përshëndesim me këtë video të fokës mesdhetare nga Parku Kombëtar Detar Karaburun -Sazan, pjesë e zonave të mbrojtura të qarkut të Vlorës. Foka mesdhetare e njohur me emrin shkencor Monachus monachus është ndër gjitarët e rrallë të përhapur në rivierën shqiptare.

Më pak se 700 individë mendohet të kenë ngelur nga kjo specie, gjë e cila e rendit ndër speciet e rrezikuara në mënyrë kritike si në Listën e Kuqe të specieve në Shqipëri ashtu edhe në Listën e Kuqe të IUCN-së.

Administrata Rajonale e Zonave të Mbrojtura Vlorë, në bashkëpunim me peshkatarët e zonës, akuakulturën dhe agjencitë turistike siguron informacionin e nevojshëm nga vëzhgimet në terren, bashkëpunim i nevojshëm për sigurimin e mbrojtjes së fokës dhe rritjen e mundësisë për suksesin e riprodhimit në vendin tonë”, shkruan Administrata Rajonale e Zonave të Mbrojtura, Vlorë.

blank

EMRI+FOTO+VIDEO- I dënuar për krime në Zvicër e Itali, në krah të Bashës në Laç, shtohen radhët e mercenarëve

Të dënuar jashtë vendit për krime të rënda e persona të arrestuar në Shqipëri për korrupsion janë sot mercenarët e Lulzim Bashës që i mban në krah në takimet e fundit. Pas Paro Laçit, persona të dënuar e që kanë lënë qelinë vetëm pak kohë më parë janë parë krah Bashës në takimin e zhvilluar në Kurbin. Pikërisht këta të dënuar ishin edhe autorë të dhunës ndaj demokratit që thirrën “Basha ik”.

SYRI TV

Lulzim Basha ka grumbulluar pas vetes si mercenarë të dënuar e persona me rekorde të rënda kriminale, ku në shumë raste i ka kundërvënë për të dhunuar demokratët që kërkojnë largimin e tij. Pas Paro Laçit që iu kundërvu të rinjve të FRPD-së dhe grave të LDG-së në Tiranë, në Laç u regjistrua një tjetër rast dhunimi ndaj një demokrati, vetëm se përse thirri “Basha ik”.

Në pamjet e transmetuara nga Syri Tv duket qartë se si mercenarët e Lulzim Bashës dhunojnë demokratin, edhe në prezencë të policisë, ku efektivët duken të pafuqishëm për ti ndaluar e për të mbrojtur qytetarin që dhunohej barbarisht.

E duket se rekordet kriminale dhe e kaluara kriminale e këtyre mercenarëve duket se e ka friksuar edhe policinë që të mos veprojë.

Po kush janë këta mercenarë?

Në pamjet e transmetuara nga vetë Lulzim Basha, por të identifikuar edhe nga qytetarët është edhe Ardian Piroli.

blank

Ardian Piroli në takimin me Bashën në Laç

Sipas denoncimeve të mbërritura Piroli, i cili është parë të dhunojë qytetarin që thirri “Basha ik” ka ardhur në Shqipëri vetëm disa muaj më parë, pas shyerjes së burgut në Zvicër, e më herët ka qenë i dënuar edhe në Itali.

Por  jo vetëm Piroli, një tjetër personazh i njohur për drejtësinë, që u pa në krah të Lulzi Bashës ishte edhe Sami Dema.

Me profesion jurist, e ish-kryetar i Dhomës së Avokatisë Lezhë, Dema është arrestuar për akuzën e rryshfetit e dosja e tij tashmë është në duart e prokurorëve të SPAK.

Dema u denoncua publikisht  në vitin 2019 se kishte marrë nga një qytetar 6 mijë euro, të cilat u kishte thënë se do ia jepte një gjyqtari për të liruar një të arrestuar për kultivim të lëndëve narkotike.

Por pas mosbylljes së dosjes, qytetari ka denoncuar Demën, i cili pas transmetimit të rastit në emisionin investigative Fiks Fare, u arratis për t’i shpëtuar drejtësisë.

2 muaj më pas, Dema u arrestua nga Policia në bazë të urdhërarrestit të lëshuar nga SPAK, për akuzën ”Korrupsion aktiv i gjyqtarit, prokurorit dhe funksionarëve të tjerë të drejtësisë” dhe “Ushtrimi i ndikimit të paligjshëm ndaj  personave që ushtrojnë funksione publike”.

Por tashmë, pasi kanë lënë qelinë, duket se rehabilitimi i tyre është marrë përsipër nga Lulzim Basha, që i shfaq këta personazhe në krah të tij në takimet që zhvillon.

blank

SPAK: Basha dhe kunati kanë katër vila, aplikojnë për të pestën

Kryebashkiaku Erion Veliaj ka fituar gjyqin në SPAK me kunatin e Lulzim Bashës, Erion Isufin.

Ky i fundit e kishte paditur Veliajn rreth një vit më parë për shpifje, për pronësinë e 4 vilave në resortet luksoze në Gjirin e Lalzit dhe në Long Hills në Tiranë.

Pas fitoreve me Grida Dumën dhe Jorida Tabakun për shpifje në gjykatë, Veliaj ka fituar edhe gjyqin e radhës me kunatin e Bashës, i cili nuk arriti të provonte dot në SPAK se deklaratat e një viti më parë të Veliajt, se Lulzim Basha zotëron 4 vila dhe kishte aplikuar në bashki për vilën e 5-të, ishin të pavërteta.

Ky vendim i Gjykatës së Posaçme SPAK, e cila hodhi poshtë pretendimet e kunatit të Bashës, në fakt, vërteton indirekt se deklaratat e Veliajt ishin të sakta dhe se vilat në fjalë ekzistojnë.

blank

Skandali- Gjyqtarja u vra nga bashkëshorti, KPK i bën vetingun

Edhe pse kanë kaluar më shumë se katër vite nga ngjarja e rëndë e vrasjes së gjyqtares Fildez Hafizi, Komisioni i Pavarur i Kualifikimit nuk ka hezituar ta shqyrtojë dosjen e së ndjerës. Të dhënat e një vetingu për magjistraten e ekzekutuar nga bashkëshorti i saj në mes të Tiranës janë bërë publike nga vetë Komisioni, ndërkohë që në shqyrtim kanë marrë pjesë edhe ndërkombëtarët.

Vendimi prej 3 faqesh është shpallur me 13 janar të këtij viti, ndërkohë që Komisioni nuk harron të kujtojë edhe faktin e ankimimit në Komisionin e Pavarur të Apelimit brenda afatit të përcaktuar prej 15 ditësh, shkruan Panorama.

Vetingu për gjyqtaren e vrarë në gushtin e vitit 2017 mësohet se ka zgjatur deri më 22 tetor 2021!

Komisioni i Vetingut ka pranuar se me gjithë marrjen e dijenisë përmes medias për vrasjen e gjyqtares ka vendosur që t‘i dërgojë në këtë datë Drejtorisë së Gjendjes Civile një shkresë me kërkesën për certifikatën e vdekjes, e cila sipas seancës së mbajtur me anëtarët dhe një vëzhgues ndërkombëtar iu dorëzua këtij Komisioni në datën 3 nëntor.

Duke iu referuar vendimit të publikuar në faqen zyrtare të KPK-së bëhet me dije se në datën 13 janar të këtij viti trupa e komisionerëve me anëtarë Firdes Shulin, Alma Faskaj dhe Suela Zhegun, pranoi që e ndjera gjatë kësaj kohe ka qenë subjekt i vetingut, ndonëse kishte ndërruar jetë.

Në vendimin e bërë publik nga ky Komision përmendet se, Fildez Hafizi ushtronte detyrën e gjyqtares në Gjykatën e Shkodrës dhe se për shkak të hyrjes në fuqi të ligjit të rivlerësimit në 2016, pra një vit përpara se gjyqtarja të vritej, ajo i plotësoi dokumentet dhe i dorëzoi për kontrollin e trefishtë. Gjyqtarja Hafizi, sipas KPK-së, kishte dorëzuar deklaratën e pasurisë pranë ILDKPI-së, për kontrollin e figurës pranë DSIK-së si dhe formularin për aftësitë profesionale.

Komisioni ka çmuar se në kushtet kur gjyqtarja ka ndërruar jetë deklarohet përfundimi i rivlerësimit pa një vendim përfundimtar. Ky vendim, sipas KPK-së, i dorëzohet më tej komisionerit publik dhe vëzhguesve ndërkombëtarë dhe mund të ankimohet pranë KPA-së nga komisioneri brenda 15 ditëve.

EKZEKUTIMI I GJYQTARES

Mesditën e 31 gushtit të vitit 2017, Tirana do të tronditej nga atentati ndaj një gjyqtareje. Gruaja ndërroi jetë në vendin e ngjarjes, ndërkohë që shumë shpejt Policia do të zbulonte si autor të krimit të rëndë ish-bashkëshortin e saj.

Fadil Kasemi u vu në pranga dhe doli para drejtësisë për krimin, duke tentuar të shfajësohet për shkaqet që e kishin çuar t‘i marrë jetën nënës së dy fëmijëve të tij, ndërkohë që gjyqtarja e njohur Fildez Hafizi kishte më shumë se dy vite që jetonte nën dhunën dhe kërcënimet e përditshme.

Gjyqtarja në atë betejë mes saj dhe bashkëshortit të dhunshëm ishte përpjekur disa herë të kërkonte ndihmën e njerëzve për të zgjidhur situatën me të shoqin por pa mundur, derisa ai vendosi t‘i zinte pritën dhe ta ekzekutonte në zonën e “Xhamllikut”.

blank

Meta: Mezi pres të lirohem nga kostumi i presidentit. Do rikthehem fuqishëm e në beteja të vërteta, Rama s’i fitoi zgjedhjet, 25 prilli ndeshje e shitur

Presidenti Ilir Meta, në një prononcim për mediat nga qyteti i Korçës tha se nuk pret me asnjë interes vendimin e Gjykatës Kushtetuese për shkarkimin e tij.

Ai tha mezi pret të lirohet nga posti i Presidentit dhe t’i bashkohet popullit të 2 marsit në beteja të vërteta.

“Nuk kam asnjë interes se çfarë do të vendosi gjykata Kushtetuese për vendimin e Parlamentit të shkarkuar pas zgjedhjeve të 25 prillit, për të shkarkuar Presidentin e Republikës për një intervistë te Çim Peka.

Do të vazhdoj deri më 24 korrik. Mezi po pres të shpëtoj nga shoqëruesit dhe makinat e policisë, sepse mezi po më pret populli i 2 marsit dhe unë mezi po pres t’i jap më të mirën time atij populli të mrekullueshëm. Jini të duruar. Unë do të kthehem te populli i 2 marsit, ata i kanë të gjitha”, tha Meta.

Meta tha gjatë zgjedhjeve të prillit se nëse Rama fitonte do e dorëzonte mandatin e Presidentit. I pyetur nga gazetarët rreth kësaj çështje ai tha:

“Nuk ka fituar, ka qenë ndeshje e shitur që pa filluar, e trukuar. S’kam premtim për atë që do të ndodhë më 6 mars, sepse skam marrë pjesë në zgjedhjet e prillit. Në zgjedhjet e para pasi të heq këtë kostum do të më keni në ndeshje të vërteta”.

blank

FOTOT- Edhe Preçi mercenar!

Në marshimin e Luli Bashës dhe Gjekmarkajt, në fshatrat e Lezhës, është paraqitur dhe ka zënë vend ballor në sallë, më i palodhuri, më i pamposhturi, më proamerikani, zotni Preç Zogaj.

I bindur se këtë herë erdhi dita, që të gjendet një lugë edhe për të, Preçi u pa në sallën e Kurbinit me demokratë, të cilët Luli i kishte mbledhur pothuajse nga i gjithë rajoni.

Thellësisht i bindur, se duke ndihmuar Lulin tonë, po ndihmon Shqipërinë dhe Amerikën bashkë, Preçi adoptoi një qëndrim shumë herë më stoik, se qëndrimi që mban në studion e Fevziut, ku punon si analist i pavarur.

I pajisur me një maskë kirurgjikale poshtë mjekrrës, Preçi, rrëmbeu vëmendjen e regjisë së Lulit, e cila kishte marrë porosi, që ai të trajtohej si aset shumë i vyer i partiçkës, që ka mbetur.

Por a do të ketë lugë në këtë det të madh, që është bërë i gjithi kos, për Preçin tonë?/ TPZ

blank

blank

‘Nis ristrukturimi i degës 9 Tiranë’, Vokshi: I mirëpritur çdo demokrat për të kontribuar në ringritjen e PD

Deputetja e PD-së dhe anëtarja e Komisionit të Rithemelimit Albana Vokshi ka njoftuar nisjen e procesit të riorganizimit të PD dega 9 Tiranë.

‘I mirëpritur çdo demokrat që do të japë kontributin e tij/saj për ringritjen e PD. Për një PD më të fortë, më të hapur e më të bashkuar!’, shkruan Vokshi në Facebook.

Postimi i plotë i AlbanaVokshit:

Nis procesi i riorganizimit të strukrurave në PD dega 9 Tiranë.

I mirëpritur cdo demokrat që do të japë kontributin e tij/saj për ringritjen e PD.

Për një PD më të fortë, më të hapur e më të bashkuar!

#PDDega9

#pdrithemelim

#PDRiorganizim

Saimir Mulgeci

blank

Zgjedhjet e pjesshme, Deromemaj: Marrim pjesë me kandidaturat më të mira dhe fitojmë

Kryetari i PD-së në Vlorë Genc Deromemaj, në një intervistë me Skype me moderatoren Armela Ferko në Edicionin e Pasdites në Syri Tv, ka komentuar mbajtjen e zgjedhjeve të pjesshme në vend.

Deromemaj theksoi se PD do të marrë pjesë në këto zgjedhje me kandidaturat më të mira të zgjedhura nga baza e jo nga Basha, duke shtuar se në fund do të fitohen zgjedhjet.

“Jemi të hapur për të marrë pjesë në zgjedhje të pjessshme. Do marrim pjesë në zgjedhje me kandidaturat më të mira dhe do fitojmë. PD do zgjedhë kandidaturat e veta me anë të primareve, deri më datë 30 përmbyllet ky proces zgjedhjeje. Propozimet e Bashës nuk janë të PD-së, mund të jenë propozime të demokratëve, por nuk do jenë të Partisë Demokratike aktuale.

Shpresoj që brenda 22 marsit, kur do mbahet edhe Kuvendi i radhës, besoj se do kemi edhe kandidatët tanë zyrtarë e do të jemi në ballë të betejës, që do ta fitojmë. Dhuna ndaj demokratit në Kurbin nga mbështetësit e Bashës është shumë e rëndë. Këto janë skena të turpshme dhe organizatori i këtyre skenave është z Basha. Durimi i demokratëve një ditë do të shterojë. Karshillëku i Bashës nuk do të durohet më një ditë”, deklaroi Basha.


blank
blank
Send this to a friend