Ka nisur edhe sot protesta e studentëve, e cila ka marrë përmasa kombëtare, pasi janë bashkuar studentët nga të gjitha rrethet.

Studentët nga rrethe të ndryshme si Vlora, Korça, Elbasani dhe Durrësi janë nisur me grupe të vogël  drejt Tiranës, por shumë të tjera janë grumbulluar përpara godinave ku ata bëjnë mësim.

Po ashtu po sot qeverisë është vënë një ultimatum që të pranojë pa kushte të gjitha kërkesat e tyre dhe është paralajmëruar përshkallëzim deri në grevë urie.

Sipas gazetares në Gjirokastër, ku dhe atje studentët po protestojnë, ata kanë pasur kërcënime nga forume partia që të mos marrin pjesë në këtë protestë.

Sot për herë të parë janë bashkuar në protestË dhe studentët e Sarandës

STUDENTËT GJIROKASTËR

STUDENTËT E VLORËS

STUDENTËT E SHKODRËS

STUDENTËT SARANDË

Protesta e studentëve që po merr masa kombëtare ka hyrë në ditën e 7 të saj, ku sipas vetë protestuesve do të vijojë pa fund deri në plotësimin e kushteve të tyre.

Ora 09:38/ Studentët e Universitetit Bujqësor në Kamzë kanë bllokuar rrugën tek mbikalimi. Për disa minuta ata kanë përsëritur thirrjet për një arsim më të mirë.

Ora 09:00/ Studentët e Politeknikut kanë publikuar listën me emrat e pedagogëve që duhet të kalojnë në Vetting, pasi sipas tyre ata marrin lekë apo janë të korruptuar.

Ora 08:30/ Si çdo ditë studentët janë grumbulluar tek Politekniku dhe më pas do të vijojnë marshimin dhe qëndrimin përpara godinës së Ministrisë së Arsimit. Sot mësohet se studentët nga rrethe të ndryshme si Vlora, Korça, Elbasani janë nisur drejt Tiranës.

Po ashtu po sot qeverisë  është vënë një ultimatum që të pranojë pa kushte të gjitha kërkesat e tyre dhe është paralajmëruar përshkallëzim deri në grevë urie.

STUDENTËT E INXHINIERISË

Protesta e studentëve të shkollave të larta publike të Tiranës po mbush javën dhe ka ardhur në zgjerim të pareshtur, duke treguar vendosmërinë e shtresës më të ditur të rinisë sonë për të realizuar kërkesat e tyre. Në protestë janë përfshirë ndërkohë edhe studentët e shkollave publike të Durrësit, Shkodrës e Korçës, shenjë kjo jo vetëm e një solidariteti të shëndetshëm, por edhe e rritjes së vetëdijes së tyre për nevojën për të mos u pajtuar me të keqen. Në përgjithësi, opinioni ynë publik e ka pritur me gëzim këtë protestë, duke parë aty një zgjim shpresëdhënës për mbarë shoqërinë. Vendosmëria e studentëve për të mos u dorëzuar as përpara presionit e as përpara lajkave të qeverisë, shton shpresën tonë. Në pamje të parë janë të gjitha gjasat për të besuar se protesta do t’ia arrijë qëllimit. Qeveria do t’ua plotësojë, në mos të gjitha, pothuaj të gjitha kërkesat. Siç deklaroi në televizionin “News 24” njëri nga përfaqësuesit e kësaj proteste, synimi i tyre është vetëm kaq. Me plotësimin e kërkesave, ata kthehen në shkollë dhe Tirana bie në qetësi.

Nisur nga artikulimi publik deri tani i platformës së protestës, ka vend të besohet ky skenar, sipas të cilit edhe qeveria, edhe protestuesit, do të mbeteshin të kënaqur e do të brohorisin për fitoren, nëse do të realizohet. Qeveria do të ketë treguar kështu dëgjueshmëri ndaj zërit të protestës dhe studentët do ta shohin veten me kërkesa të plotësuara. Vetëm pjesa tjetër e shoqërisë do të mbetet e zhgënjyer, e dëshpëruar. Kjo protestë, sikur të ndodhë ky skenar, do të mbahet mend si protesta studentore më minimaliste në histori. A do të kenë të drejtë këta studentë të krenohen me veprën e vet nesër?

Meqë jemi në dhjetor, saktësisht në përvjetorin e protestës së studentëve, që solli shembjen e diktaturës staliniste në vendin tonë, paralelet janë të pashmangshme. Madje, vetë studentët e sotëm protestues iu referuan asaj të dhjetorit 1990, kur rikthyen në shesh parullën “E duam Shqipërinë si gjithë Europa”. Si një nga dëshmitarët e atij dhjetori tashmë të largët, e gjej me vend të kujtoj si një mësim që vjen nga historia, se protesta e paraardhësve të studentëve të sotëm filloi po ashtu me kërkesa thelbësisht ekonomike lidhur me përmirësimin e kushteve të jetës dhe të shkollimit. Regjimi i asaj kohe, edhe pse pa asnjë përvojë në përballjen me pakënaqësinë popullore, u tregua menjëherë mirëkuptues ndaj kërkesave të studentëve. Vetë Ramiz Alia, pasuesi i Enver Hoxhës në krye të atij regjimi, doli pas mesnatës nga shtëpia për t’u takuar me studentët e për t’i dëgjuar. Ai u përcolli studentëve një mesazh në përmbajtje fort të ngjashme me video-mesazhin e dytë që u përcolli studentëve të sotëm Kryeministri Edi Rama. Edhe Ramiz Alia. atëherë, ashtu si Edi Rama sot, kishte vetëm një qëllim: që studentët të mbeteshin te kërkesat e tyre ekonomike. Ramiz Alia dje, e dinte po aq mirë sa Edi Rama sot, se një platformë e tillë, pa përmbajtje politike, nuk e cenonte fare regjimin e tij.

Azem Hajdari me shokët e tij, për fatin e madh të Shqipërisë, nuk ranë në këtë kurth. Ata e kuptuan shumë shpejt forcën e tyre dhe patën kthjelltësinë ta kuptonin se kishin dalë në rrugë për ta futur Shqipërinë në një rrugë të re. Studentët e sotëm protestues duken aq të kujdesshëm për të shmangur çdo nuancë politike në ligjërimin e tyre publik. Madje, edhe karvani i tyre për të shkuar te vendi i protestës, para Ministrisë së Arsimit, shmang kalimin nëpër bulevardin “Dëshmorët e Kombit”, ku gjendët selia e Kryeministrisë, a thua se as qetësinë e zyrës nuk duan t’ia prishin Kryeministrit.

Teksa heq pa gëzim këto paralele të thjeshta midis protestës së studentëve në dhjetor 1990 dhe atyre sot, në mendje kam një mori pyetjesh ende pa përgjigje: Studentët e sotëm protestues nuk arrijnë ta kuptojnë apo nuk duan ta kuptojnë se përkeqësimi dramatik i gjendjes së shkollimit të tyre është pjesë e përkeqësimit në përgjithësi të gjendjes ekonomike dhe morale të shoqërisë tonë? A besojnë ata vërtet se gjendja e tyre mund të përmirësohet me një arsim, jashtë kontekstit të degradimit të gjendjes së mbarë shoqërisë? A e dinë ata se një degradim i tillë është shfaqje e një politike të keqe e të sëmurë të qeverisë? Dhe se kjo politikë nuk përcaktohet nga Lindita Nikolla në Ministrinë e Arsimit? A e mendojnë ata se forca e tyre nuk është tek izolimi nga shoqëria, por te zgjimi i pakënaqësisë së mbarë shoqërisë dhe bashkimi i kësaj pakënaqësie në emër të interesit të përgjithshëm të vendit? Zaten, a ka kuptim për ta shprehja “interesi i përgjithshëm”? Çfarë përshtypje iu bën atyre qetësia fodulle e Kryeministrit, i cili, siç mësuam nga mediat, shkoi, madje, këtë fundjavë, jashtë për t’u çlodhur? A nuk është kjo sjellje shenjë e qartë e shpërfilljes së tij ndaj protestës? Mua, të them të drejtën, kështu më duket. Presidenti i Francës anuloi udhëtimet zyrtare për t’u gjendur në Paris, këto ditë që atje ka protesta. Kryeministri ynë ia lejoi vetes turizmin, pikërisht sepse nuk sheh asnjë kërcënim për pushtetin e tij te këto protesta. Unë kështu e kuptoj moskokëçarjen e Edi Ramës.

Pyetjet e mia do të vazhdojnë të mbeten pa përgjigje për sa kohë studentët protestues e shohin politikën si armike të qëllimeve të tyre. Nuk po them aspak që ata ta identifikojnë veten medoemos me opozitën politike të vendit. Por ata duhet ta kuptojnë se në fjalë të fundit, jashtë strukturimit politik të ligjërimit të tyre, për ta shndërruar pastaj këtë ligjërim në aksion politik, kjo protestë madhështore dhe e mrekullueshme do e humbë rëndësinë kombëtare. Sa vlerë do të ketë, qoftë edhe për krenarinë e tyre, një fitore ndaj Lindita Nikollës? Për të mirën e tyre, për të mirën e gjithë Shqipërisë, ata duhet të fillojnë të mendojnë politikisht. Dhe, në qoftë se nuk kanë besim te partitë e sotme politike, kanë rastin të formojnë organizatën e vet politike. Ata i kanë të gjitha mundësitë t’i bëjnë vendit një shërbim historik, të ngjashëm për nga rezultati me shërbimin që i bënë vendit studentët e Dhjetorit 1990, duke shkundur nga themelet gjithë sistemin tonë politik, për të futur aty frymën dhe moralin e ri, në emër të qëllimit për ta bërë Shqipërinë si gjithë Europa. Nuk shoh rrugë tjetër. Nevojitet ndryshimi dhe ndryshimin mund ta sjellin studentët.

Mijëra studentë rinisën sot për të gjashtën ditë tubimin e tyre të protestës para ministrisë së Arsimit, duke kërkuar përgjysmim të tarifave dhe rregullime të tjera në jetën universitare.

Ata thanë se kërkesat e tyre janë të panegociueshme dhe askush nuk është ngarkuar të bisedojë me kryeministrin në emrin e tyre.

Por në të njëjtën kohë, kryeministri Edi Rama nisi një komunikim ne facebook, ku tha se dialogu është i nevojshëm dhe se priste prej 3 ditësh të dialogonte me ta.

“Nuk është Shqipëria e ultimatumeve dhe britmave, por e bisedave për të zgjidhur kërkesat. Jam dakord se ka probleme me tarifat, por qëllimi i përbashkët është ta zgjidhim” – tha zoti Rama.

Ai renditi një seri statistikash në dobi të arsimit, duke krahasuar me një mandat më parë, si e gjeti shumica e tij sistemin arsimor.

Edhe ambasadori i BE-së Luigi Soraca tha se po ndjek me vëmendje protestën e studentëve dhe beson se dialogu me qeverinë është i nevojshëm.

Gjatë fjalës së tij të gjatë në lidhjen live që paralajmëroi ditën e djeshme, kryeministri mori madje dhe si shembull Lulzim Bashën për të “frikësuar” studentët, duke thënë se edhe ai s’donte dialog dhe përfundoi “aty ku është”.

“Më thonë plotëso kërko kërkesat tona. Cilat protesta, se mua më kanë ardhur 7 apo 8 kërkesa.

Protesta organizohen për tu dëgjuar dhe qeveritë dëgjojnë, por në momentin kur qeveria thotë hajde të flasim, unë nuk kam dëgjuar jo nuk duam të flasim.

E vemja herë që ka ndodhur kur refuzohet dialogu ka qenë me opozitën kur u futën në çadër bënë dhe parashutuar kërkesat, por nuk dialogonin.

Nëse protesta është e atyre që dolën spontanisht në një protestë për një gjë të drejtë, duhet të dialogojmë. Dialogu nuk është një akt martese me zorrë, por është një akt ku palët flasin dhe dëgjohen. Vazhdoni protestoni dhe shumë mirë bëni që protestoni.

Si mund të jemi sot në këtë Shqipëri, duke bërë një rrugë të gjatë dhe të vështirë, dhe të punojmë kundër dialogut me qeverinë dhe kryeministrit.  Pse ca është kryeministri dyqan, magazinë, ku shkruhen kërkesat dhe merren përgjigjet nga televizori?

Sdoni të dialogoni. Është e drejta e juaj, rrini atje!… por mos mendoni që kërkesat që secili nga ju ka në kokë ne do duhet ti nxjerrim nga koka juaj e ti përpunojmë”-tha Rama./Express

Studentët për të gjashtën ditë radhazi kanë dalë edhe sot në marshim nga Politekniku drejt Ministrisë së Arsimit, për  të protestuar kundër tarifave të larta dhe kushteve të studimit.

Ata kanë përpiluar një kërkesë me 15 pika, dhe kërkojnë një zgjidhje nga institucionet, që të ndalin tubimet e tyre.

Ora 10:30/ Studentët stacionohen tek Minsitra e Arsimit, kërkojnë që t’u plotësohen kërkesat e tyre.

Ora 10:00/ Nis marshimi i studentëve, nga Politekniku drejt Ministrisë së Arsimit. Ata hedhin thirrje: “Nuk ka negociata, nuk ka dialog”, duke iu përgjigjur negativisht Kryeminsitrit Edi Rama.

Po ashtu ata u bëjnë thirrje dhe qytetarëve duke u thënë: Çohuni nga kafja, bashkohuni me ne mos rrini në kafene.

Ora 09:30/ Përfundon grumbullimi i studentëve

Ora 09:30/ Nis grumbullimi i studentëve tek Sheshi Nënë Tereza

Pas protestave të studentëve prej 5 ditësh, kreu i qeverisë Edi Rama ka reaguar në “Facebook” ku njofton se ditën e hënë do të këtë një dialog për Universitetin duke nisur nga ora 11:00.

“Pas pak dhe ftesa”, shkruan ai në Facebook teksa shpërndan edhe foton e mëposhtme.

Nderkohe studentet nga protesta jane pergjigjur nje zeri se nuk pranojne negociata dhe se duan qe te pranohen kerkesat e tyre, duke refuzuar keshtu ftesen e Edi Rames.

Sakaq, Rama ne nje tjeter postim ne Instagram, ka publikuar njoftimin ndersa ka lejuar opsionin e komenteve duke bere thirrje qe te gjithe te shkruajne pyetjetet e tyre per dialogun e studenteve.

Tiranë më 09.12.2018

Shoqata Mbarëkombëtare “Bytyçi”, Tiranë- Prizren solidarizohet plotësisht me protestat e studentëve në mbarë vendin.

Protestat e studentëve i kthyen buzëqeshjen Shqipërisë.

Ashtu sikurse protestat e studentëve të Dhjetorit 1990, të cilat e çanë koracën e ndryshkur të sundimit diktatorial i cili kishte zgjatur prej më shumë se sa 45 vitësh, edhe protesta studentore e këtyre ditëve duhet mbështetur dhe të mos reshtin për të çarë dhe shporrur nga faqja e dheut shqiptar, malin me hajdutë e armiq të popullit shqiptar të cilët e kanë frenuar prej më shumë se sa 28 vitesh çdo proces zhvillimi e integrimi të këtij vendi.

Ndonëse prindërve tuaj dhe tanëve, këta politikanë të kalbur të këtij vendi iu kanë marrë nderën, erzin dhe pasurinë dhe po luajnë teatër duke u tallur prej 28 vitësh, ju duhet që të mos ipeni e dorëzoheni pa i venë ata me shpatulla për muri që të japin llogarin një me një për bëmat e tyre te thelluara antikombëtare.

Ashtu sikurse edhe derrat qe kanë te njëjtin turi, ashtu janë edhe politikanët aktualë të këtij vendi të cilët me bëmat e tyre 28 vjeçare e kanë venitur shpresën e ketyrë njerëzve, e kanë venitur perspektivën e këtij vendi, por mos reshtni që shpresa të jeni Ju.

Studentë heroikë, veçse kërkesave tuaja të drejta, duhet ta dini dhe kërkoni se është tjetërsuar pjesa më e madhe e pasurive të paluajtshme në favor të oligarkisë së këtij vendi, po shfrytëzohen egërsisht dhe pa kriter pasuritë e nëntokës dhe mbitokës, çdo vit e më shumë është kanabizuar vendi ynë, të gjitha këto e shumë të tjera duke sjell robërim e vartësi, por asnjë impakt pozitiv, veçse rëndimi i çmimeve, taksave e tatimeve, deri sa të vijë momenti qe të paguajmë edhe për ajrin që marrim e dritën që shohim.

Politika Çubrolloviçjane e politikanëve të këtij vendi, jo vetëm se ka bërë të rrënohet e gjithë ekonomia shqiptare e ndërtuar me mund e sakrifica me gjakun e djersën e këtij populli për 45 vite të regjimit monist, por edhe tani për këto 28 vite të sundimit të hajnave, nuk kanë lejuar të rimëkëmbet ajo, por përmes monopoleve, politikave proteksioniste, shumçka vjen nga jashtë duke rrënuar çdo fillesë pozitive të shtresës së mesme dhe te ulët të këtij vendi.

Të jeni syçel sepse edhe ju ashtu sikurse shumë mjekë, infermjerë, e kuadro të tjerë të profileve vitale për rëndësinë shoqërore të këtij vendi të cilët janë përgatitur dhe përgatiten me një kosto të mundimshme familjare dhe shoqërore, me politika të stërholluara apo edhe nga pa vëmendja i kanë dëbuar rrugëve të botës, edhe ju atë rrugë do t’ua mundësojnë, por vendi ynë ka nevojë për Ju.

Ju po tregoni veten se do të jeni e ardhmja e këtij vendi, për të pastruar administratën nga administratorët e paaftë, të korruptuar neopotikë, militantë te përunjur apo ata që kanë blerë vendet e punës, por jo vetëm sipas asaj që flitet, por edhe skandaleve të herë pas hershme, së shumti edhe nga “pela për homshor”, e tranguj për të vegjetuar në kopshtin e politikanëve të demoduar të këtij vendi.

Protesta juaj studentë, po ngjall shpresën e venitur tek shqiptarët, të cilët edhe tani ashtu sikurse edhe në `90 e kanë marrë arratinë nga ky vend, por kjo duhet ruajtur që të mos bëhet pis nga politikanët e këtij vendi të cilëve nuk iu shkon përshtat epiteti “plehra” sepse janë aq të pistë sa i ndotin edhe vetë plehërat.

Duhen nxjerr mesime se jo vetëm në sa e sa raste që kanë kompromentuar lëvizjet e drejta të qytetarëve, por si rast i freskët ndodhi që ata, politikanët e bënë pis edhe protestën e drejtë të popullit të Qarkut të Kukësit, për taksën e rëndë që kanë vënë për të lëvizur në Rrugën e Kombit.

Studentë, udhëhiquni nga heroizmi dhe idealet e studentëve të Dhjetorit 1990, por sikurse është parë qartë idealet e atij Dhjetori u kompromentuan rëndë nga klasa politike shqipetare, dhe nga ajo që ka ndodhur duhen nxjerrë mësimet e patjetërsueshme.

Shoqata jonë solidarizohet plotësisht me protestat e studentëve që po vijojnë në mbarë vendin.

Shoqata Mbarëkombetare “Bytyçi”, Tiranë-Prizren

Nikos Nikolopulos

GJIROKASTER  – Deputeti grek ndalohet nga Policia e Gjirokastrës, ndërsa shoqëruesi i një deputeti tjetër u vu në pranga për mosdeklarimin e armës që mbante me vete.

Kthime masive të shtetasve grekë që kanë dashur të hyjnë në territorin shqiptar për të marrë pjesë në ceremoninë e ditës së 40-të të vrasjes së Konstantinos Kaçifas.

Nga të dhënat zyrtare në Pikën Kufitare të Kakavijës, pohohet se bëhet fjalë për 120 shtetas grekë të ndaluar të hyjnë në territorin shqiptar, por mësohet edhe për rreth 30 persona të ndaluar dhe të kthyer edhe nga vetë pala greke. Por të dhënat jozyrtare flasin për një shifër prej më shumë se 200 personash të kthyer. Përveç këtyre shifrave ka pasur dhe 20 persona të tjerë të ndaluar dhe një të arrestuar.

Ndryshe nga sa ndodhi në ditën e varrimit të Konstantinos Kaçifas, kur në Bularat mbërritën 11 autobusë me shtetas grekë nga qytete të ndryshme të Greqisë, këtë të shtunë ka mbërritur vetëm një autobus, me jo më shumë se 30 pasagjerë. Pothuajse të gjithë shtetasit e kthyer kanë pasur si destinacion Bularatin, ndërkohë që mësohet se një pjesë e tyre kanë qenë në listën e personave të shpallur më herët si “non grata”.

Gazeta greke “Protothema” bëri publike edhe rastin e gazetarit të saj Panajotis Savidis, të cilit i është mohuar hyrja në Shqipëri gjatë mbrëmjes së të premtes, me argumentin se përbën kërcënim për sigurinë publike. Po kështu, gjatë së shtunës Policia shqiptare ka ndaluar edhe dy gazetarë të tjerë të hyjnë në territorin shqiptar.

Por, përveç kthimeve ka pasur dhe 20 persona të ndaluar nga Policia e Gjirokastrës. Mes tyre ka qenë një deputet. Nikos Nikolopulos u mbajt për 1 orë e gjysmë në Polici. Ai është shprehur se do ta ngrejë këtë çështje në Parlamentin Europian.

Nikolopulos, një deputet i vjetër grek, ka qenë i zgjedhuri i Demokracisë së Re, ndërsa tani është si i pavarur. Përveç të ndaluarve pati dhe një person të arrestuar. Sipas Policisë bëhet fjalë për një polic grek, i cili ka hyrë në territorin shqiptar me armë pa leje.

Shoqëruesi i Vasilis Jojaka, deputet i Demokracisë së Re, është ndaluar në postbllokun e Kranesë në Sarandë. M.G, 35 vjeç, banues në Gumenicë, Greqi, me detyrë punonjës policie në Igumenicë të Greqisë është kapur në flagrancë nga shërbimet e Policisë me një armë zjarri pa leje, e tipit pistoletë me 6 fishekë.

Sipas burimeve nga pala greke, badigardi deklaroi në kufi se kishte me vete armën e tij, ndërsa Policia shqiptare deklaron se ai akuzohet për armëmbajtje pa leje. Nga ana tjetër, të paktën tre deputetë grekë kanë marrë pjesë në ceremoninë përkujtimore në Bularat.

Mes personave të ndaluar nga Policia shqiptare është edhe kreu i OMONIA-s në Himarë, Fredi Bejleri, si dhe pesë anëtarë të kësaj organizate. Mësohet se, Policia i ka ndaluar të shoqëruarit në Jorgucat, ndërsa ata po shkonin drejt fshatit Bularat. Ndërsa prindërit e një 30- vjeçari nga Bularati, me banim në Greqi, kanë pohuar për mediat se Policia e ka marrë me pranga në duar që në Kakavijë dhe e shoqëroi djalin e tyre në komisariat.

“Djalin e morën dhe nuk e lejuan të vijë. Edhe ne na morën në pyetje aty në Kakavijë”, ka pohuar e ëma.

Na pyetën për qëllimin e ardhjes, nëse kemi qenë të pranishëm në varrim, nëse kemi dëgjuar thirrje kundër shqiptarëve. Asnjë nuk pranoi që ka pasur thirrje antishqiptare”, thanë në rrëfim prindërit e 30-vjeçarit nga Bularati. I ndaluari është kryetari i komunitetit të banorëve të Bularatit në Athinë. I pyetur nga Policia se cili është qëllimi i shoqatës që kanë krijuar në Athinë, i riu ka deklaruar se është një traditë.

PANORAMA

Me një thirrje të fortë për prindërit e studentëve të dhjetorit të 20018-s, për bashkim, kreu i PD-së, Lulzim Basha, ka dhënë ultimatumin e fortë politik:

“Le të japim sot ultiumatumin politik si testament të Azem Hajdarit dhe dëshirë e aspiratë e cdo shqiptari: Parlamenti shqiptar, ose do të pastrohet nga krimi e ti kthehet qytetarëve ose do të rrëzohet, do të rrëzohet, do të rrëzohet. Qeveria shqiptare i takon qytetarëve, ta clirojmë atë nga krimi, mes zgjedhjeve të lira, me votën e shqiptarëve ta kthjemë në shërbëtore dhe jo sunduese  e gjakpirëse të shqiptarëve”- tha Basha, nga sheshi i Qytetit Studenti, teksa mbajti fjalën në nder të 8 Dhjetorit, Ditës së Rinisë.

Basha u ka bërë apel prindërve dhe të afërmve të studentëve që protestojë sot.

“Mos heshtni, mos kini frikë, mos i lini vetëm, ngrihuni dhe bashkohuni me ta kundër padrejtësisë, të keqes. Mësimi i bashkimit të tyre është i qartë, e keqja sprapset, mposhtet sa herë që shqiptarët e ndershëm janë bashkë, të bashkohemi të gjithë për të pastruar vatrën e të keqes, për ti dhënë fund ekonomisë së kapur nga politikanet e korruptuar”- tha Basha.

Kthehen greket ne Kakavije 

Masa te shtuara sot ne Gjirokaster, nderkohe qe pritet te mbahet nje ceremoni per te 40-t e Kostandinos Kacifas, vrare nga policia ne Bularat.

Kthime masive të shtetasve grekë ne Kakavije. Gazetarja e Panorama raporon se rreth 300 persona janë kthyer deri në këto momente. Ata nuk janë lejuar të kalojnë në territorin shqiptar. Aktualisht nuk lejohet asnjë shtetas grek, pavarësisht qëllimit, që të kalojë pikën kufitare të Kakavijes.

Ka përforcim te forcave policore në pikën doganore, përgjatë kufirit dhe kontrolle të imtësishme të të gjitha makinave përgjatë aksit Gjirokastër – Kakavije.

Postoblloku i policisë ndodhet mes Lazaratit dhe Dervicianit, fshatit të parë minoritar. 12 persona, shtetas grekë janë shoqëruar në komisariat e policisë për verifikim nga të dyja pikat doganore, Kakavijë dhe Qafë Botë.

***

Gazetarja e “Panorama” raporton se ne kete dite jane planifikuar te mbahen dy tubime, i pari në Bularat për nder të Konstandinos Kacifas dhe tjetri ne Gjirokaster, nderkohe qe policia ka dhene leje për zhvillim të një tubimi paqësor të “një grupi patriotësh”.

Mesohet se organizatorët e këtij tubimi qe ta zhvendosin protesten në zonen qe njihet si  “Ura e lumit”. Nderkohe qe policia e Gjirokastrës ka dhënë leje për organizimin e tubimit vetëm në “sheshin e Çerçizit” prej orës 11:00 deri në orën 13:00.

Po sot, në orën 11:00 në sheshin e Cerçizit shoqatat patriotike shqiptare do të zhvillojnë një tubim për viktimat e fundit shqiptare në Greqi.

Prokuroria e Tiranës nis hetimet në lidhje me faktet e bëra publike mbi rregullshmërinë e veprimeve te kryera, për ndërtimet e planifikuara në Unazën e Re.

Ky hetim vjen pas skandalit të publikuar mbrëmë nga emisioni “Të Paekspozuarit”, në lidhje me falsifikimet e kompanisë Dunwell Haberman (kompania mëmë e DH Albania), fituese e lotit të parë prej 18 milionë euro për rindërtimin e Unazës së Madhe.

Mësohet  se Prokuroria e Rrethit Gjyqësor Tiranë, po kryen veprimet hetimore, në lidhje me faktet e bëra publike mbi rregullshmërinë e veprimeve te kryera, për ndërtimet e planifikuara në Unazën e Re.

Verifikimi bëhet për veprat penale të Shpërdorimit të detyrës, parashikuar nga neni 248 i Kodit Penal, Fallsifikimi i dokumenteve, parashikuar nga neni 186 i Kodit Penal, Shkelje e barazisë ne tendera, parashikuar nga neni 258 i Kodit Penal. Prokuroria shqiptare garanton vlerësimin me objektivitet te fakteve, objekt i këtij hetimi duke kryer veprimet hetimore brenda një afati te arsyeshëm.

Në Shqipëri, Autoriteti Rrugor Shqiptar (ARRSH) njoftoi sot se ka vendosur të pezullojë aktivitetin ndërtimor të kompanive Biba X dhe DH Albania, për ndërtimin e një pjesë të Unazës së Re, pas publikimit mbrëmë të fateve që hedhin hijë të rënda dyshimi mbi falsfikimin e dokumentave të kompanisë amerikane Dunwell Haberman, e cila fitoi garën përmes degës së saj në Shqipëri, DH Albania. Sipas dokumentave të publikuara në emisionin “Të Paekspozuarit” në televizionin “NEWS 24”, referuar Qendrës Kombëtare të Biznesit, kompania amerikane rezulton tw jetw themeluar në shtetin Delawere të Shteteve të Bashkuara të Amerikës në qershor të vitit 1998. Për këtë ajo ka depozituar në Qendrën Kombëtare të Biznesit në Shqipëri, një letër nga Sekretari i Shtetit të Delaware, Jeffrey Bullock, që vërteton aktivitetin e saj në këtë shtet dhe po ashtu dhe datën e themelimit 20 vjet më parë.

Emisioni “Të Paekspozuarit” i është drejtuar Departamentit të Shtetit të Delaware për të verifikuar të dhënat mbi kompaninë Dunëell Haberman. Përgjigja zyrtare e dhënë nga drejtori i Marrëdhënieve me Komunitetin Doug Denison ka zbuluar se dokumenti i paraqitur pranë institucioneve shqiptare është i falsifikuar. “Dokumentat që ju na keni dërguar nuk janë autentike dhe nuk e kanë origjinën nga zyra e Sekretarit të Shtetit të Delaëare. Vërtetimet për gjendjen e kompanive të cilat Departamenti i Korporatave lëshon, nuk kanë përmbajtje të njëjtë me dokumentat të cilat na keni dërguar. Gjithashtu, dokumentat që ju na keni paraqitur, theksojnë se Dunwell Haberman LLC, është krijuar në 25 Qershor 1998. Të dhënat e Departamentit të Korporatave, tregojnë se ky entitet është krijuar në 25 Qershor 2018, sipas të dhënave publike, bashkëngjitur kësaj letre. Datat dhe numrat e verifikimit, gjithashtu janë ndryshuar në disa vende në dokumentat që ju keni dërguar”, shkruhet në përgjigjen që Departamenti i Shtetit të Delaware, i ka dhënë emisionit “Të Paekspozuarit”

Drejtuesi i emisionit, Ylli Rakipi tregoi se i ka dërguar Departamentit të Shtetit të Delaware, dhe aktin e themelimit të kompanisë, dorëzuar në QKB-në shqiptare, ku sërish pretendohet se data e themelimit të kompanisë është 25 Qershor 1998. “Përgjigja e zyrtarëve të Departamentit të Shtetit të Delaware, qe e njëjtë. Edhe ky dokument ishte falsifikuar”, u shpreh zoti Rakipi, duke publikuar dhe çertifikatën origjinale të themelimit të Dunwell Haberman, “ku duket qartë se data e themelimit është pikërisht 25 Qershor 2018”. Për më tepër, kompania rezulton të ketë dorëzuar pranë QKB-ës dhe bilance e pasqyra financiare fallso, të viteve 2015, 2016 dhe 2017, ndërkohë që është themeluar në Qershor të vitit 2018.

Në garën për Lotin I të projektit të Unazës së Re, dega shqiptare e kompanisë amerikane, DH Albania, është rregjistruar në Shqipëri në muajin korrik të këtij viti, pak përpara se të hapej tenderi, me përfaqësues të saj një 26 vjeçar shqiptar, Avdiol Dobi. Së bashku me kompaninë shqiptare Biba X, u shpall fituese ndërsa konkurrenti i tyre, kompania Vëllezërit Hysa, vetëm sa ishte rregjistruar në garë dhe nuk kishte paraqitur asnjë dokument. DH Albania dhe Biba X (kjo e fundit rezulton të ketë vetëm 7 përqind në këtë konsorcium) fituan me një ofertë që përfaqëson gati 45 përqind të të gjithë investimit, ose pak më shumë se 18 milion euro (pa TVSH).

Autoriteti Rrugor Shqiptar, në njoftimin e tij, shpjegon se “ka nënshkruar kontratën me bashkimin e përkohshëm të operatorëve ekonomik “Biba X shpk” dhe “DH Albania shpk- degë e shoqërisë së huaj”, pasi ka konstatuar që dokumentet janë në përputhje me kriteret e dhëna në dokumentet e tenderit. Operatori ekonomik “DH Albania shpk- degë e shoqërisë së huaj”, pjesë e këtij bashkimi, ka paraqitur dokumentacionin të përkthyer dhe të noterizuar në gjuhën shqipe, ku kompania mëmë “Dunwell Haberman” rezulton e regjistruar dhe ushtron aktivitetin në një prej shteteve të Shteteve të Bashkuara të Amerikës, konkretisht në shtetin Delaware”.

Sipas njoftimit “Autoriteti Rrugor Shqiptar nuk ka patur ndonjë indicie që vë në dyshim vërtetësinë e dokumentave të paraqitura e cila do mund të çonte në një procedurë verifikimi paraprak”. Megjithatë, për të sqaruar situatën, ARRSH shprehet se i është “drejtuar institucioneve që përmes komunikimit me rrugë zyrtare t’u kërkohet autoriteteve të Shteteve të Bashkuara të Amerikës për të verifikuar dokumentet e paraqitura në institucionet shqiptare nga kompania në procedurën e garës” e për pasojë deri në pritje të përgjigjes “nuk do të vijohet me aktivitetin ndërtimor të kësaj kompanie”. Autoriteti Rrugor shton se “në rast se autoritetet amerikane do të konfirmojnë zyrtarisht pretendimet për falsifikime dokumentacioni nga kjo kompani, në zbatim të përcaktimeve ligjore, Autoriteti Rrugor Shqiptar do të zgjidhë kontratën në mënyrë të njëanshme dhe do ndjekë procedurat e tjera të përcaktuara në ligj. Në rast të zgjidhjes së kontratës, ARRSH do të rifillojë menjëherë procedurat e prokurimit për këtë lot për të mundësuar përfundimin në kohë të këtij projekti të rëndësishëm për kryeqytetin”.

Studentet nuk ndalen edhe pas tërheqjes së Qeverisë dhe shfuqizimit të VKM-së për tarifen e provimeve të bartura. 

Ora 12:14/ Bizneset tek Rruga e Durrësit solidarizohen me studentët dhe ulin qepenat për të përkrahur kërkesat e tyre.

Ora 12:00/ Vijon protesta e studentëve në Tiranë, mijëra student vijojnë të qëndrojnë përpara Ministrisë Arsimit dhe kërkojnë që të plotësohen të gjitha kushtet e tyre.

Ora 10:23/ Studentët vendosin pankarta në gardhin e minsitrisë dhe ironizijnë deklaratat e Ramës që i quajti ngelës.

“Ngelës me mesatare 9.5 ministre me mesatare 5.9”, ka qenë një nga pankartat e studentëve.

Ora 10:12/ Studentët mblidhen para minsitrisë së Arsimit, kërkojnë plotësimin e kushteve të tyre.

Ora 09:39/ Studentet e Universitetit Bujqesor ne kembe drejt Ministrise se Arsimit.

Ora 09:25

Studente te fakuleteve ne Tirane vazhdoje marshimin se bashku drejt Ministrise se Arimit. Me parulla ne duar, me shenime kunder tarifave te larta, studentet shprehen te vendosur per te vijuar protesten deri ne plotesimin e gjithe kerkesave, jo vetem te tarifes per provimet.

Ora: 09:15

Studentet e Shkodres solidarizohen me studentet e Tiranes dhe te rretheve te tjera, duke nisur keshtu protesten.

Ora: 09:16

Studentet pas bojkotimit te mesimit ne fakultete kane nisur marshimin. Ata do te bashkohen serish para Ministrise se Arsimit, si bene edhe nje dite me pare.

Ora: 08:00

Mengjesin e sotem, ata kane lajmeruar bojkotin e mesimit ne aulat e fakulteve neper universitetet e vendit, nderkohe qe ne ne oren 10:00 do te mblidhen para Ministrise se Arsimit.

Si mund te shihet edhe ne video, ne fakultetet e Tiranes ka nisur bojkoti i mesimit dhe grumbullimi i studenteve.

“Në orën 10:00 bashkohemi e protestojmë të gjithë para Ministrisë së Arsimit! Nuk ndalemi deri në realizimin e plotë të kërkesave!”- ben apel Levizja per Universitetin.

1. Anulimi i VKM per tarifa shtese.
2. Përgjysmimi i tarifës së studimit.
3. Përmiresimi i kushteve të konvikteve.
4. Bordi i Administrimit të ketë numër të barabartë votash mes fakulteteve dhe Ministrise se Arsimit, duke shtuar një përfaqësues nga studentet ne bord.

Emisioni “Të Paekspozuarit”, ka arritur të zbulojë një mega skandal, lidhur me kompaninë Dunwell Haberman (kompania mëmë e DH Albania) e cila është fituese e lotit të parë prej 18 milionë euro për rindërtimin e Unazës së Madhe.

Kjo kompani ka depozituar në Qendrën Kombëtare të Biznesit në Shqipëri, një letër nga Sekretari i Shtetit të Delaware, Jeffrey Bullock, për të vërtetuar se kompania është themeluar në vitin 1998.

Letra e depozituar në QKB nga kompania:

Por, “Të Paekspozuarit”, ka zbuluar se ky dokument është i falsifikuar.

Ne kontaktuam Departamentin e Shtetit të Delaware, për të vërtetuar autenticitetin e dokumentit që ka depozituar në Shqipëri, kompania offshore. Përgjigja që morëm prej tyre ishte shokuese.
Ja cila është ajo:

“Pas konsultimit me Departamentin e Korportave të Delaware, unë mund t’ju deklaroj se dokumentat që ju na keni dërguar, nuk janë autentike dhe nuk e kanë origjinën nga zyra e Sekretarit të Shtetit të Delaware.

Nga të dhënat e gjurmimit të brendshëm, nuk u gjet asnjë dokument për vërtetimin e gjendjes së entitetin në Delaware të cilit i referoheni (Dunwell Haberman LLC), që të jetë lëshuar në datën ose rreth datës së shënuar në dokument.

Për më tepër, vërtetimet për gjendjen e kompanive të cilat Departamenti i Korporatave lëshon, nuk kanë përmbajtje të njëjtë me dokumentat të cilat na keni dërguar.

Gjithashtu, dokumentat që ju na keni paraqitur, theksojnë se Dunwell Haberman LLC, është krijuar në 25 Qershor 1998. Të dhënat e Departamentit të Korporatave, tregojnë se ky entitet është krijuar në 25 Qershor 2018, sipas të dhënave publike, bashkëngjitur kësaj letre.

Datat dhe numrat e verifikimit, gjithashtu janë ndryshuar në disa vende në dokumentat që ju keni dërguar.

Brenda mundësive tuaja, ju lutem më dërgoni informacion lidhur me burimin e këtij informacioni mashtrues. Faleminderit për kërkesën tuaj.

Sinqerisht,

Doug Denison

Drejtor i Mardhënieve me Komunitetin

Departamenti i Shtetit të Delaware “

Njëkohësisht emisioni “Të Paekspozuarit”, i dërgoi Departamentit të Shtetit të Delaware, aktin e themelimit të kompanisë, dorëzuar në QKB-në shqitpare, ku sërish pretendohet se data e themelimit të kompanisë është 25 Qershor 1998.

Përgjigja e zyrtarëve të Departamentit të Shtetit të Delaware, qe e njëjtë. Edhe ky dokument ishte falsifikuar.

Akti i themelimit të kompanisë, i dorëzuar në QKB, i falsifikuar:

Për të vërtetuar këtë fakt, zyra e Sekretarit të Shtetit të Delaware, i dërgoi emisionit “Të Paekspozuarit”, çertifikatën origjinale të themelimit të Dunwell Haberman, ku duket qartë se data e themelimit është pikërisht 25 Qershor 2018.

Nëse i krahason dokumentat, ata janë thuajse identikë, me përjashtim të datës.

Dokumenti origjinal:

Vini re se dokumenti origjinal, lëshuar nga zyra e Sekretarit të Shtetit të Delaware, konkretisht Divizioni për Korporatat, është depozituar në orën 11:37 të paraditës, në datën 25 Qershor të vitit 2018. Ndërsa në dokumentin e falsifikuar dhe të dorëzuar nga kompania offshore në QKB-në e Shqipërisë , figuron se depozitimi i dokumentit të themelimit është bërë në orën 11:37 të paradites në datën 25 Qershor të vitit 1998.

Dokumenti origjinal: 

Dokumenti i falsifikuar: 

I njëjti falsifikim është bërë në fund të dokumentit. Vini re se origjinali ka të shënuar si datë të themelimit të kompanisë vitin 2018, ndërsa dokumenti i falsifikuar mban vitin 1998.

Dokumenti origjinal:

Dokumenti i falsifikuar: 

Por, skandali nuk përfundon këtu. Kompania Dunëell Haberman, ka dorëzuar në QKB, bilancin për vitin 2017. Ky bilanc tregon edhe pasqyrën financiare për vitet 2017, 2016 dhe 2015 dhe qarkullimin e qindra miliona dollarëve nga kjo kompani.
Duke qenë se autoritetet në SHBA na konfirmuan se kompania është themeluar në 25 Qershor të vitit 2018, atëherë, cfarë janë këto bilance të dorëzuara në QKB, për disa vite, kur kompania nuk ka ekzistuar?!
Si mundet një kompani pa aktivitet përpara 25 Qershorit të vitit 2018, të ketë bilance për vitet 2015, 2016 dhe 2017, kur nuk ka ekzistuar?

Ky falsifikim shokues, e ka ndihmuar kompaninë Dunwell Haberman, të fitojë lotin prej 18 milionë euro të tenderit për rindërtimin e Unazës së Madhe, duke krijuar imazhin e rremë se kjo është një kompani 20 vejcare dhe me eksperincë në projektet e infrastrukturës. E vërteta është se kjo kompani është themeluar në 25 Qershor 2018, vetëm dy muaj përpara zhvillimit të tenderit, pra qartazi, ajo është krijuar enkas për të fituar këtë tender.

/TPZ.AL/

BIZNESMENI ADRIANO JAHO
(MAJTAS) ALBANO XHAFERRI

Zhdukja e të rinjve, peshkatarëve, emigrantëve apo biznesmenëve në Vlorë, është duke u hetuar nga Prokuroria e këtij rrethi, që në total, sipas edhe të dhënave të Policisë së Shtetit, janë 23 persona.

Prokuroria e Vlorës bën të ditur listën me 22 prej këtyre të zhdukurve nga periudha 2015-2018. Por, sipas burimeve nga Akuza, ka procedim penal vetëm për 4 çështje, pasi janë gjetur elementë të veprës penale.

“Nga 22 persona, vetëm 5 rezultojnë që kanë pasur skedime apo implikim me narkotrafikun. Mes të shpallurve të larguar nga banesa është edhe Gentian Çollaku, i shpallur në kërkim për veprën penale të plagosjes së rëndë me dashje, ngjarje e ndodhur në Orikum, ku i riu ka grabitur me armë një karburant. Policia e ka referuar rastin në Prokurori, por dyshohet se humbja e kontakteve të tij me familjarët është për shkak të tentativës për t’iu shmangur dënimit”, bëjnë të ditur burime nga Prokuroria.

Sipas të dhënave, në vitin 2016 janë katër shtetas të larguar, në vitin 2017 gjashtë shtetas dhe në vitin 2018 janë denoncuar nga familjarët si të larguar nga banesa 13 shtetas. Mes personave të zhdukur, janë edhe tri femra.

TRUPI I MASAKRUAR

Grupi hetimor ka dyshime se zhdukja e disa prej tyre ka ardhur për larje hesapesh apo hakmarrje për çështje që kanë të bëjnë me veprimtari të paligjshme, kryesisht drogën. Burime nga Policia bënë të ditur se nuk përjashtojnë dyshimin se ata mund të jenë vrarë, por për sa kohë nuk ka trupa të zbuluar, këta persona konsiderohen veçse të zhdukur. Ngjarja më e rëndë e zbuluar ndodhi kur një trup i masakruar dhe me kokë të ndarë u gjet më 24 janar të 2017-s në fshatin Romës të Vlorës.

Ishte një çoban që zbuloi kokën e dekompozuar dhe njoftoi menjëherë Policinë. Kjo e fundit mbërriti në vend dhe po në këtë fshat, pranë vendit të quajtur “Përroi i Mollës”, në një zonë të pyllëzuar, gjeti edhe një pjesë skeleti njeriu, e përbërë nga gjymtyrët e poshtme dhe pjesë të legenit. Këto pjesë skeleti u gjetën rreth 40 metra larg vendit të ngjarjes ku u gjet koka, të cilat dyshohen se i përkasin të njëjtit trup. Por që prej asaj dite, nuk ka të dhëna që viktima të jetë identifikuar.

NGJARJET E FUNDIT

Ndërkaq, disa prej ngjarjeve të bëra publike nga të afërmit e tyre janë edhe zhdukja e biznesmenit Adriano Jaho, 52 vjeç dhe ndihmësit të tij, Ariseld Maze, 28 vjeç. Jaho dhe Maze kanë dalë më 3 korrik të 2017-s në mëngjes nga Porti i Vlorës për të provuar një skaf dhe nuk janë kthyer më që nga ajo ditë. Familjarët e tyre bënë apel për ndihmë dhe denoncuan rastin në Polici. Ksandro Imeraj, 32 vjeç, është një tjetër i ri, zhdukja e të cilit, është denoncuar nga të afërmit edhe nëpërmjet medias.

Ai u zhduk në ditët e fundit të marsit të këtij viti teksa dyshohet se është mbytur në rrethana të paqarta në det ku ishte nisur drejt Italisë me mjet lundrues. Ndërkohë që ende e mistershme mbetet vetëvrasja e vëllait të tij dy muaj më pas. Albano Imeraj, 26 vjeç, u gjet pa jetë pranë Monumentit të Pavarësisë. Sipas të dhënave nga Policia, nga personat e humbur, 4 dyshohet se janë zhdukur në det. Dyshohet se ata ishin nisur drejt Italisë për të transportuar lëndë narkotike apo për t’u larguar nga Shqipëria.

15 të tjerë rezultojnë të zhdukur në mënyrë misterioze, për disa prej të cilëve dyshohet se mund të jenë vrarë ose janë larguar nga banesat e tyre dhe për shkaqe sigurie kanë humbur gjurmët. Vetëm në këtë vit janë 13 denoncime për të zhdukur në Qarkun e Vlorës. Mes personave të zhdukur janë edhe dy emigrantët e ardhur së bashku nga Belgjika, Albano Xhaferri dhe Ervis Troqe. Për zhdukjen e tyre dyshohet si i përfshirë Edison Harizaj. Ky i fundit u ekzekutua me breshëri automatiku në autostradë, në afërsi të Durrësit, vetëm pak javë më parë, bashkë me një mikun e tij.

E ndërsa është mbajtur sesioni i 13-të të Komitetit Ndërqeveritar për Ruajtjen e Pasurisë Jomateriale, ku Shqipëria u përfaqësua nga Ambasadori i Shqipërisë në UNESCO, Ministria e Kulturës ka sqaruar disa paqartësi në lidhje me këtë sesion.

Ministria e Kulturës bën të ditur se asnjë vendim nuk është marrë dhe në asnjë rast Komiteti Ndërqeveritar për Ruajtjen e Pasurisë Jomateriale të UNESCO-s nuk është shprehur, siç cilësohet gabimisht në disa media, se “lahuta nuk është shqiptare por serbe”.

Njoftimi i plotë

“Ministria e Kulturës, në komunikim edhe me Misionin tonë të Përhershëm pranë UNESCO-s, sqaron se:

– Asnjë vendim nuk është marrë dhe në asnjë rast Komiteti Ndërqeveritar për Ruajtjen e Pasurisë Jomateriale të UNESCO-s nuk është shprehur, siç cilësohet gabimisht në disa media, se “lahuta nuk është shqiptare por serbe”.

– Në sesionin e 13-të të Komitetit Ndërqeveritar për Ruajtjen e Pasurisë Jomateriale u bë regjistrimi i nominimit “Të kënduarit në shoqërimin e Gusle” (instrumenti që në shqip quhet lahuta) prezantuar nga Serbia, në Listën Përfaqësuese të Trashëgimisë Kulturore Jomateriale të Njerëzimit.

Ministria e Kulturës, ashtu sikurse u theksua edhe në këtë mbledhje nga delegacioni i Shqipërisë, vë sërish në dukje se

• praktika kulturore e “Të kënduarit me lahutë” është historikisht e pranishme dhe është një praktikë kulturore e gjallë në një zonë shumë të gjerë të Evropës Juglindore, jo vetëm në Shqipëri, Kosovë, por edhe në Mal të Zi, në Bosnje-Hercegovinë, Kroaci, etj.
• të kënduarit me lahutë është nga ato raste kur mund të zbatohet propozimi shumëkombësh bazuar në faktin se ato vende ndajnë praktikën kulturore në fjalë si një traditë historike dhe dukuri kulturore të gjallë, dhe asnjë vend nuk përjashton tjetrin;
• Ministria e Kulturës së Shqipërisë është tashmë në kontakt zyrtar me Ministrinë e Kulturës së Malit të Zi për të vijuar me vullnet të përbashkët procedurën për zgjerim të pjesëmarrjes në këtë regjistrim edhe të Shqipërisë dhe të vendeve të tjera të Europës Juglindore, që kanë dëshirë t’i bashkohen këtij procesi për këtë asekt kulturor specifik.
• Çdo vend ndjek prioritete të ndryshme në punën përgatitore për regjistrimin e pasurive kulturore në listat e trashëgimisë botërore dhe se aktualisht Shqipëria është në fazën përfundimtare procesit të regjistrimit të dosjes së pasurisë kulturore dhe natyrore të pjesës shqiptare të Liqenit të Ohrit në Listën e Trashëgimisë Botërore të UNESCO-s, ndërkohë që ka në proces përgatitjen e propozimeve për regjistrim në listat përkatëse disa pasuri të tjera materiale dhe jo materiale, si psh Parku arkeologjik i Apolonisë.

Ndajmë gjithashtu me publikun lajmin e mirë se falë punës së mirëkoordinuar të Ministrisë së Kulturës dhe të Ministrisë për Europën dhe Punët e Jashtme, në po të njëjtin takim, u miratua kërkesa e Shqipërisë për asistencë ndërkombëtare për projektin e krijimit të Inventarit Kombetar të Pasurive kulturore jomateriale që do të krijojë një bazë të dhënash në nivel rajonal dhe kombëtare për këtë kategori.”

Institucioni i Presidencës në Shqipëri ka ulur flamurin në gjysmështizë në nder të ish-Presidentit amerikan George H. W. Bush,

Përmes një postimi në “Faceboook”, kreu i shtetit shqiptar, Ilir Meta shkruan: “Në nderim e mirënjohje të veprës së vyer të Presidentit të 41 të SHBA-ve, George H.W Bush ndaj ndryshimeve të para demokratike në Shqipëri e qëndrimit të tij të palëkundur për liritë e të drejtat e shqiptarëve, veçanërisht në Kosovë, në vlerësim e respekt të thellë ndaj betejës së tij të palodhur për lirinë dhe shembjen e Murit të Berlinit, Flamuri Kombëtar në Institucionin e Presidencës është ulur sot në gjysëmshtizë”.

Gazetarja e BIRN, Lindita Çela tha në emisionin “Open” se, në Vlorë njerëzit nga frika e bandave dhe vrasjeve nuk dalin pas orës 20.00.

Gazetarja e Top Story, Lindita Çela tregoi eksperiencën e saj dhe atë që pa e bisedoi në Vlorë me familjarë të të zhdukurve, gjatë punës së saj.

“Unë kam qëndruar më shumë se një javë në Vlorë. Ne jemi gazetarë dhe e dimë shumë mirë që mes dëshmive dhe të dhënit nëpërmjet pamjeve ka ndryshim. Dalja në televizion është sensitive, është e sikletshme për këdo që nuk është person publik, jo më për persona që kanë të bëjnë me trafikun e drogës, gjë që s’është e re në Vlorë. Situata është ndryshe në këtë rast. Gjëja e parë që më ka bërë përshtypje është që njerëzit nuk dilnin darkave pas orës 20:00. Vlora ishte bosh, të imagjinosh që ne ishim aty dy javët e para të nëntorit, ku nuk bënte as shumë ftohtë. Dëshmitë ka qenë shumë e vështirë, pasi i kam gjetur dhe kanë ndërruar mendjen pasi i marrin në telefon dhe u thonë mos flisni. Kanë qenë dy raste të tilla që nuk kanë folur nga presioni. Këta persona janë përfshirë në trafikun e lëndëve narkotike”, u shpreh gazetarja.

Pa qendrueshmërinë e Bashkimit Europian,  pa aleancën midis ShBA – BE,  pa interesimin e ShBA për stabilitetin e kufijve të Ballkanit,  me rritjen e nacionalizmave në vendet e Ballkanit,  në rast të një krize të përgjithësuar politike e gjeostrategjike, shteti i sotëm shqiptar, me dobësinë ndaj fuqive të tjera, nuk qendron dot asnjë orë në këmbë, ja 24 orë, por në çdo rast jo më shumë se 48 orë.

Skenari i pritshëm imagjinar do të mund të ishte edhe ky:

Grekët zbresin në Korçë dhe në Gjirokastër dhe ngrenë flamurin në kala,
Italianët kapin zotërimet e Venetikut dhe marrin në kontroll Durrësin deri në Lezhë,
Serbët mësyjnë Shkodrën dhe nxitojnë t’i presin rrugën forcave të tjera,
Aleanca e mundshme bullgaro-maqedonase zbret përreth liqenit të Ohrit dhe deri në Dibër,
Turqit kapin menjëherë Pashalimanin dhe rimarrin përsëri Krujën duke marrë peng për jeniçerë të gjithë djemtë e parë të antarëve të këshillit bashkiak,

Mbetet shteti i Qemal Beut, trekëndëshi Vlorë – Berat – Elbasan. Kryetar i rregjences vihet Mit’hat Frashëri, tashmë i rikthyer në Atdhe.

Me ato tre autoblinda te Pallati i Kongresve që pashë në ekspozitë, më shumë për të shpërndarë me ujë turma manifestuesish para bashkisë të Tiranës, me atë helikopterin për të sjellë në maternitet gra shtatzana, si edhe me ato tre xhipsat kinezë a sovjetikë nga lufta e parë botërore, si vështirë t’a mbrojmë kufirin.

Uroj të ketë të tjera armatime.

Cunat dhe gocat shqiptare duhet një kohë për t’i sjellë nga Gjermania ku kryejnë zanatet e infermierit dhe mamisë të fshatit dhe stërvitur ata si tankistë.

Prandaj kujdes ju kam rixha se do të ikin koka si e Ali Pashës drejt e rrokullisur shkallëve të Kalasë të Janinës. Mos i fryjmë shumë nacionalizmit se dalim si rruar qethur.

Ish-deputeti i PD në Elbasan, Aurel Bylykbashi, ka dhënë dorëheqjen mëngjesin e sotëm nga drejtimi i degës se PD në Elbasan. Përmes një fjalimi në Kuvendin e PD, Bylykbashi mësohet se ka falënderuar demokratët e Elbasanit për besimin e dhënë dhe ka theksuar se është koha për një drejtim të ri të partisë.

Në zgjedhjet që po mbahen tani në Elbasan në garë janë Eugen Isai dhe Zamir Muzhaqi. Mësohet se vendimi i ish-deputetit Bylykbashi për tu tërhequr nga drejtimi i PD në Elbasan lidhet me ambicien e tij për të garuar në zgjedhjet vendore për Bashkinë Elbasan.

Burime të “Panorama” bëjmë me dije se prej disa muajsh Bylykbashi po punon me një staf të ngushtë për përgatitjen e fushatës. Sipas të njëjtave burime mësohet se Bylykbashi do të kandidojë edhe nëse opozita nuk do të nominojë emrin e tij si kandidat.

Ritmi i përhapjes së HIV/AIDS në Shqipëri është thuajse i njëjtë me një vit më parë; 94 persona vjet dhe 92 persona të zbuluar rishtas sivjet, sipas tw dhwnave nga Instituti i Shwndetit Publik.

Përsëri pjesa dërrmuese janë në fazë të zhvilluar të sëmundjes dhe numri i përgjithshëm i personave të diagnostikuar me HIV/AIDS është 1 mijë e 195 raste.

“Një problem shqetësues ka dalë nga qendërzimi i pacientëve në Tiranë, sepse një herë në javë të gjithë ata duhet të vijnë në kryeqytet të marrin mjekimet, dhe po diskutohet me autoritetet shëndetësore nëse mund të bëhet nëpër disa qytete kryesore, duke shmangur edhe stigmën që mund të rrjedhë nga shoqëria dhe të njohurit” – tha Olimbi Hoxha, drejtuese e Shoqatws Shqiptare kundwr HIV / AIDS-it.

Shqipëria i ka siguruar financimet prej një granti 6 milionë usd për AIDS dhe tuberkulozin deri në vitin 2022 nga Fondi Global sipas një projekti të detajuar në shkallë kombëtare.

Pjesa më ambicjoze e projektit është parandalimi i përhapjes si dhe mjekimi i personave të diagnostikuar.

Shqipëria ka 1195 persona të prekur nga HIV / AIDS, nga të cilët 2/3 janë meshkuj dhe 1/3 femra, 44 fëmijë, 110 adoleshentë dhe mbi 1 mijë të rritur.

Midis 92 personave të zbuluar rishtas, 65 janë meshkuj, 27 femra dhe 2 fëmijë.

Një numër i madh i tyre zbulohen në faza të përparuara të sëmundjes, ndërsa vetëm gjatë këtij viti ndërruan jetë 20 persona me HIV/AIDS.

Dielli u shua për Heroin e lirisë së kombit amerikan dhe mbarë njerëzimit, Presidentin George H. Bush!
Të dashur miq, për mikun e madh të shqiptarëve, heroin e lirisë së kombit amerikan dhe mbarë njerëzimit, ish-presidentin e SHBA, George H. Bush dielli u shua përgjithmonë!

Kjo është një ditë dhimbje dhe zie për kombin e madh amerikan, që kishte tek Ish- presidenti Bush heroin e pavdekshëm të lirisë së tij, i cili në moshën 18- vjeçare, si pilot i flotës së SHBA luftoi për lirinë e vendit të tij dhe mbarë njerëzimit. SHBA dhe kombi amerikan humbën shërbëtorin e tyre më të përkushtuar të kohës, amerikanin e madh, burrin, shtetasin që me virtytet, integritetin, fisnikërinë, vizionin e tij përmbushi me nder e dinjitet në karrierën e tij brilante të gjitha detyrat, misionet e mëdha, në diplomaci, Kongresin, drejtimin e Agjencisë Qendrore të Zbulimit dhe në Shtëpinë si Zëvendës President dhe më pas si Presidenti i 41 i SHBA.

Por sot në dhimbje dhe zi janë popujt liridashës të botës dhe në veçanti popujt që vuajtën nga diktaturat komuniste, të cilët humbën sot mikun e madh të çlirimit të tyre nga regjimet e tyre totalitare.
Presidenti i George H. Bush përdori fuqinë e vendit të madh të lirisë për të mbështetur rënien e perdes së hekurt dhe çlirimin e popujve të shtypur nga regjimet komuniste. Ai, si një shtetar vizionar mbështeti rënien e murit të Berlinit si fitore të lirisë së kombit gjerman por dhe mbarë njerëzimit.

Në dhimbje dhe zi është sot kombi ynë, që kishte tek presidenti George H. Bush njërin prej miqve më të dashur, më të mëdhenj, më kryesor të të gjitha kohërave të lirisë së tij.
Presidenti George H Bush ishte mbështetësi më kryesor i përpjekjeve të shqiptarëve për ndërtimin e demokracisë në Shqipëri dhe me ultimatumin, vijën e kuqe të krishtlindjeve të vitit 1992, ai mbrojti qytetarët e Kosovës nga barbaritë e Kasapit të Ballkanit.

Por sot në dhimbje jemi dhe unë dhe familja ime, pasi kam humbur mikun tim më të shquar, më të dashur. Unë kam pasur fatin dhe privilegjin e veçantë të gëzoj miqësinë e tij, të cilën do ta ruaj përjetë si gjënë më të çmuar. Në hapat e mia të para në politikë kam pasur nderin e madh të pritem nga Presidenti George H Bush në Shtëpinë e Bardhë në vitin 1992 si presidenti i sapo zgjedhur i Shqipërisë. Më pas kam pasur kënaqësinë e veçantë të pres mikun tonë të madh dhe zonjën Barbara Bush dy herë në Shqipëri në vizitat e tij miqësore si ish- president i SHBA si dhe të pritem prej tyre me bujari dhe përzemërsisht në një vizitë private se bashku me Lilin në shtëpinë e tyre në Huston, Teksas.

Me këtë rast shpreh ngushëllimet e mia më të ndjera Presidentit George Ë. Bush dhe të gjithë familjes së madhe Bush, autoriteteve dhe kombit të madh amerikan dhe i lutem Zotit sëbashku me ta që shpirti i ish-presidentit Bush, mikut tim të madh dhe të kombit shqiptar, heroit të lirisë së kombit amerikan dhe mbarë njerëzimit, të prehet në paqe! sb

Një gomone rreth 15 metra e gjatë, e pajisur me dy motorë të fuqishëm, që vinte nga Shqipëria, është kapur në bregun Torre Cane në Itali.

Mediat italiane raportojnë për rreth 1.5 ton marijuanë të sekuestruar në këtë gomone të ndaluar të premten në mbrëmje.

Në pranga përfunduan dy të rinj nga Brindizi, rreth të 20-ave dhe të pa punë, të cilët u kapën teksa shkarkonin drogën nga anija.

Dy kontrabandistët u përpoqën t’i shpëtojnë policisë duke u larguar me një një varkë, por të ndodhur mes shkëmbinjve u “mbërthyen” nga autoritetet italiane.

Operacioni zgjati gjatë gjithë natës së djeshme ku u sekuestruan 1.5 ton drogë në 80 paketime plastike.

Sipas mediave italiane kjo është një sasi e jashtëzakonshme, vlera e së cilët po të shitej do të arrinte në 14 mln euro.

Bari Today shkruan se droga kishte si destinacion shitjen në sheshet e qytetit të Barit.

Kryetarja e Bashkisë së Shkodrës, Voltana Ademi ju kundërpërgjigj në “Open” kryeministrit Rama, i cili e konsideroi deklaratën e saj “29 nëntori ditë zie”, një “lajthitje”.

“Këtë gjë e kam thënë para katër ditësh kur gazetarët po më pyesnin. Pankartat që nxorrët ju janë dekorim i qytetit. Nuk ndodh për herë të parë. Ajo që ka qënë ndryshe është fakti që unë kur u pyeta thashë atë që ndjeva. Ajo e shkruajtura u tha me zë. U përcoll në datën 29. Në Shkodër nuk ndodh të festohet 29 nëntori. Unë s’jam historiane, por di ta komentoj. Për ne, në Shkodër ka nisur një pjesë e historisë, e represionit e burgosjeve, plaçkitjeve”, tha Ademi.

“Në Shkodër me mbarimin e luftës të dytë filluan plaçkitjet nga ata që luftuan për lirinë e demokracinë. 29 nëntori është ditë zie për Shkodrën dhe fillon një periudhë e rëndë historike. Unë vij nga një familje që ka vuajtur, unë jam mbesë e një kleriku. E kam jetuar në familje. Ka erdhur një  arrestim me 40 vjet burg. Nuk mendoj që duhet të shpenzoj shumë kohë me reagimin e kryeministrit. Fakti që unë flas për një periudhë të errët mendoj që s’është lajthitje”, shpjegoi kryebashiakja..

Rektorja e Universitetit Europian të Tiranës dhe ish-drejtoresha e Arkivës Shtetërore, Nevila Nika, e ftuar në emisionit “Open” të Eni Vasilit deklaroi se debati ndoshta mund të ketë pasur si shkak apo nxitje faktin se 29 Nëntori është dita e Festës Kombëtare të Jugosllavisë federale.

Në fjalën e saj, zonja Nika theksoi se debati politik është i stërzgjatur dhe i kotë, e ndoshta mund të mbyllet përfundimisht nëse me vendim politik vendoset që Çlirimin e Shqipërisë ta festojmë në ditën e Çlirimit të Tiranës, 17 Nëntor.

Nika tha gjithashtu se me këtë debat shterpë që ka zgjatur për kaq vite, thjesht hidhen poshtë idealet për të cilat kanë luftuar pjesëtarët e Ushtrisë Nacionalçlirimtare, të cilët edhe pas shumë e shumë vitesh, mezi morën statusin e veteranit të luftës.

Ndërrimi i datës është kundërshtuar nga historiani Milo, i cili tha se në këtë mënyrë zhbëhet një traditë prej mbi 70 vitesh. “Edhe Shkodra e shkodranët e kanë gabim që e politizojnë çështjen, e ky konceptim vjen nga fakti që zonja Ademi është përfaqësuese e PD-së dhe mbron qëndrimin e forcës së saj politike”.

Takimi i Lëvizjes Antifashiste Nacional-Çlirimtare në Shkodër është shoqëruar me një incident paraditen e sotme.

Kreu i Partisë Komuniste Gjon Bruçaj pas përfundimit të fjalës së prefektit të qarkut Shkodër Çesk Millja është kapur me këtë të fundit

Bruçaj duke iu drejtuar Milljas i kërkoi shpjegime se përse lejohet që kryetarja e Bashkisë Shkodër te injoroje 29 nëntorin 1944 që  përkon me festën e Çlirimit duke e cilësuar si një ditë të zezë.

“Ju jeni përfaqësues i qeverisë bashkë me Kryeministrin, si e lejoni kryetaren e Bashkisë së Shkodrës, të mohojë dhe të injorojë 29 Nëntorit? Pse nuk  firmosni bashkë me kryeministrin…”, tha Brucaj, teksa iu ndërpre fjala.

Prefekti Millja vazhdoi duke mos kthyer një përgjigje konkrete. Pak dite me parë kryebashkiakja Voltana Ademi e quajti 29 nëntorin 1944 si një pjese e errët e historisë ku u instalua regjimi komunist.

Autoritetet më të larta shtetërore kryen nderime dhe vendosën kurora me lule pranë varrezave të dëshmorëve shqiptarë të Luftës së Dytë Botërore me rastin e 74 vjetorit të çlirimit të vendit nga pushtuesit nazistë.

Presidenti i Republikës, Ilir Meta, kryetari i parlamentit, Gramoz Ruçi, kryeministri Edi Rama dhe zyrtarë të tjerë vendosën morën pjesë në ceremonialin shtetëror kushtuar 29 Nëntorit, duke vendosur kurora me lule pranë monumentit “Nënë Shqipëri” në varrezat e dëshmorëve të kombit tek një kodër mbi kryeqytet.

Në ceremoninë e sotme morën pjesë familjarë të dëshmorëve të Luftës së Dytë Botërore dhe qytetarë nga Tirana dhe krahina të tjera, që nderuan të afërmit e tyre të rënë në luftë.

Përfaqësues të opozitës nuk morën pjesë në ceremonial, pasi sipas tyre, dita e çlirimit të Shqipërisë është 28 nëntori, ndërsa 29 nëntori është një festë e sajuar artificialisht nga regjimi komunist i diktatorit Enver Hoxha për të shënuar varësinë dhe servilizmin ndaj regjimit komunist të Beogradit pas mbarimit të luftës.

Opozita e feston Ditën e Çlirimit në të njëjtën datë me Ditën e Flamurit, më 28 nëntor.

Pas mbarimit të ceremonialit zyrtar, nostalgjikë të regjimit komunist vendosën lule dhe foton e diktatorit Enver Hoxha pranë monumentit “Nënë Shqipëri”.

Vitin e kaluar nostalgjikë të diktaturës komuniste dhe veprimtarë të opozitës demokrate u përplasën në varrezat e dëshmorëve për shkak të mbajtjes në duar gjatë homazheve të parrullave dhe simboleve komuniste si flamuri me yll dhe foto të diktatorit. za