VOAL

VOAL

Please Wait ...
0%
blank

Shtetet e Bashkuara urdhërojnë largimin e familjarëve të personelit të ambasadës nga Ukraina

VOA

Departamenti amerikan i Shtetit urdhëroi të dielën largimin e pjesëtarëve të familjeve të personelit të ambasadës së Shteteve të Bashkuara në Kiev dhe autorizoi largimin vullnetar të punonjësve amerikanë, për shkak të kërcënimit të vazhdueshëm nga veprimet ushtarake ruse kundër Ukrainës.

Departamenti i Shtetit gjithashtu po u kërkon qytetarëve amerikanë në Ukrainë që të shqyrtojnë largimin nga vendi, qoftë duke përdorur udhëtimet komerciale apo mundësitë tjera private.

Departamenti i Shtetit ripublikoi paralajmërimin e nivelit të 4-të për udhëtimet në Ukrainë, në të cilin thuhet; “mos udhëtoni në Ukrainë për shkak të kërcënimeve të shtuara nga veprimet ushtarake ruse dhe COVID-19-tës”. Më parë, paralajmërimi i udhëtimit kishte qenë gjithashtu në nivelin e 4-të, për shkak të situatës me COVID-19.

Departamenti i Shtetit ripublikoi gjithashtu një paralajmërim të dielën mbrëma në lidhje me udhëtimet në Rusi; “mos udhëtoni në Rusi për shkak të tensionit të vazhdueshëm përgjatë kufirit me Ukrainën, mundësive për keqtrajtim ndaj qytetarëve amerikanë, aftësisë së kufizuar të ambasadës për të ndihmuar qytetarët amerikanë në Rusi, COVID-19-tës dhe kufizimeve të lidhura me hyrjen, terrorizmit, keqtrajtimeve nga zyrtarët e sigurisë së qeverisë ruse dhe zbatimit arbitrar të ligjit vendor”.

I pyetur për kohën e këtyre veprimeve, të dielën në mbrëmje në Uashington, një zyrtar i lartë i Departamentit të Shtetit u tha gazetarëve se ato janë lëshuar në sfondin e raporteve se Rusia po planifikon një veprim të rëndësishëm ushtarak kundër Ukrainës.

Zyrtari i Departamentit të Shtetit tha se kushtet e sigurisë, veçanërisht përgjatë kufijve të Ukrainës, në Krimenë e pushtuar nga Rusia dhe në Ukrainën lindore të kontrolluar nga Rusia, janë të paparashikueshme dhe mund të përkeqësohen shumë shpejt.

Zyrtari tha se presidenti Joe Biden ka thënë se një pushtim ushtarak rus i Ukrainës mund të ndodhë në çdo kohë dhe nëse ndodhë një gjë e tillë, ambasada e Shteteve të Bashkuara në Kiev do të kishte mundësi të kufizuara për të ndihmuar amerikanët që mund të duan të largohen nga vendi.

Zyrtarët e Departamentit të Shtetit, që folën me gazetarët, nuk pranuan të japin ndonjë vlerësim për numrin e amerikanëve që punojnë në ambasadën në Kiev, ose për numrin e amerikanëve që jetojnë në Ukrainë.

Zyrtarët e Departamentit të Shtetit thanë se këto urdhra po merren si një “masë paraprake e kujdesshme”, e cila në asnjë mënyrë nuk pengon mbështetjen amerikane për qeverinë e Ukrainës dhe se ambasada e Shteteve të Bashkuara në Kiev, do të vazhdojë të funksionojë.

Departamenti i Shtetit u kërkoi, gjithashtu, të gjithë qytetarëve amerikanë në Ukrainë, që të plotësojnë një formular në internet, në mënyrë që Departamenti i Shtetit të mund të komunikojë më mirë me ta, duke thënë se kjo është veçanërisht e rëndësishme për qytetarët që planifikojnë të qëndrojnë në Ukrainë.

Sekretari amerikan i Shtetit, Antony Blinken, paralajmëroi Rusinë të dielën se Uashingtoni i di “të gjitha taktikat dhe teknikat” që Moska mund të përdorë për të minuar qeverinë ukrainase, por do të vazhdojë të angazhohet në bisedime diplomatike, me shpresën për të lehtësuar tensionet në Evropën Lindore.

“Sigurisht, ka mundësi që rusët nuk janë aq sa të duhet të angazhuar në diplomaci dhe se diplomacia mund të mos ndikojë në vendimin e tyre përfundimtar, nëse do të pushtojnë apo do të ndërhyjnë në një mënyrë a një tjetër, në Ukrainë”, tha zoti Blinken, për rrjetin televiziv NBC. “Por ne kemi përgjegjësi për të vazhduar rrugën diplomatike, duke shkuar sa më larg të mundemi, sepse është mënyra më e përgjegjshme për t’i dhënë fund kësaj situate”, shtoi ai.

Në një intervistë më emisionin “State of the Union” të rrjetit CNN, sekretari Blinken përjashtoi mundësinë e vendosjes së menjëhershme të sanksioneve të ashpra ekonomike ndaj Moskës, të cilat Shtetet e Bashkuara janë zotuar t;i vendosin nëse presidenti rus Vladimir Putin, pushton Ukrainën. Rusia ka grumbulluar 127,000 trupa pikërisht përgjatë kufirit të saj me Ukrainën, një ish-republikë sovjetike.

“Nëse ato vendosen tani”, tha sekretari Blinken për sanksionet e mundshme, “humbasin ndikimin e tyre parandalues”.

Senatori republikan, Joni Ernst nga Iowa, duke folur pas sekretarit Blinken në CNN, kritikoi administratën e presidentit Joe Biden për qasjen ndaj Rusisë.

“Sanksionet duhet të vendosen tani”, tha senatori Ernst. “Presidenti Putin e kupton vetëm forcën. Ne duhet të jemi të vendosur”.

Sekretari Blinken nuk pranoi të komentojë mbi një raport të agjencive britanike te zbulimit se Moska po kërkonte të zëvendësojë qeverinë e Ukrainës me një administratë pro-ruse. Moska e hodhi poshtë një pretendim të tillë.

“Dezinformata e përhapur nga ministria e Jashtme britanike, është dëshmi se janë vendet e NATO-s, të udhëhequr nga anglo-saksonët, ato që po përshkallëzojnë tensionet rreth Ukrainës”, tha zëdhënësja e ministrisë së Jashtme ruse, Maria Zakharova, në një postim ne rrjetin Telegram. “Ne i bëjmë thirrje ministrisë së Jashtme britanike, t’u jap fund veprimtarive provokuese, t’i jap fund përhapjes së marrëzive”, tha ajo.

Rusia ka paraqitur disa kërkesa ndaj Shteteve të Bashkuara, përfshirë ndalimin e zgjerimit të NATO-s drejt lindjes dhe një zotim se Ukraina nuk do t’i bashkohet aleancës ushtarake perëndimore, gjë që Uashingtoni e ka cilësuar të papranueshme.

*Disa pjesë për këtë artikull u morën nga agjencia e lajmeve Associated Press,

blank

Anketa, vetëm 43% e amerikanëve vlerësojnë pozitivisht punën e presidentit Biden

VOA

Sipas një ankete të fundit, miratimi i punës së Presidentit Biden ra në nivelin më të ulët të presidencës së tij këtë javë, ndërsa amerikanët duken gjithnjë e më të lodhur nga pandemia e COVID-it dhe ndikimi i saj mbi ekonominë.

Anketa u krye nga agjencia Reuters dhe kompania kërkimore Ipsos më 19 dhe 20 janar.

Sipas anketës, vetëm 43 për qind e amerikanëve shprehen pozitivisht për punën e presidentit, ndërsa 52 për qind negativisht dhe pjesa tjetër të pavendosur. Javën e kaluar, 45 për qind kishin mendim pozitiv dhe 50 negativ.

Ndërsa në muajt e parë në detyrë, shifrat positive ishin mbi 50 për qind, popullariteti i presidentit filloi të bjerë në mes të gushtit, ndërsa vdekjet nga COVID-i u shtuan në mbarë vendin dhe pas dështimit të tërheqjes nga Afganistani.

Rënia e vazhdueshme e popullaritet ka shkaktuar alarm mes demokratëve, të shqetësuar se në zgjedhjet e nëntorit për në Kongres, mund të humabsin shumicën në të dyja dhomat.

Nëse republikanët marrin shumicën e kongresit më 8 nëntor, agjenda legjislative e Presidentit Biden mund të dështonte.

blank

Kryebashkiaku i New Yorkut do të marrë pagën e parë në kriptovalutë

New York

Kryebashkiaku i New Yorkut, Eric Adams deklaroi se do të pranojë pagën e parë në kriptovalutë Bitcoin dhe Ethereum dhe jo në dollarë, transmeton Anadolu Agency (AA).

Ai kështu edhe njëherë bëri të ditur mbështetjen dhe dëshirën e tij që New Yorku të bëhet qendër e kriptomonedhave.

“New Yorku është qendra e botës dhe duam që ky qytet të jetë qendra e kriptovalutave dhe risive të tjera financiare”, ka thënë Adams.

Pasi u zgjodh në krye të New Yorkut, Adams propozoi që kriptovaluta dhe teknologjia blockchain të mësohen në shkolla.

Në SHBA zhvillohet një betejë e ashpër midis New Yorkut dhe Majamit për marrjen e qendrës së kriptos.

blank

Michael Carpenter: Është e drejtë sovrane e Kosovës të lejojë apo jo zgjedhjet e shteteve tjera në territorin e saj

Ambasadori amerikan në Organizatën për Siguri dhe Bashkëpunim në Evropë, Michael Carpenter, tha se Kosova dhe Serbia duhet të sigurojnë që qytetarët e të dyja vendeve të jenë në gjendje të ushtrojnë të drejtën e tyre të votës, ndërsa nënvizoi se është e drejtë sovrane e Kosovës të përcaktojë kushtet në të cilat shtete tjera sovrane mund të organizojnë zgjedhje në territorin e saj.

Ambasadori Carpenter i bëri këto komente duke folur rreth referendumit për ndryshimet kushtetuese që u zhvillua në Serbi më 16 janar, por i cili nuk u lejua të mbahej në zonat e banuara me shumicë serbe në Kosovë.

Ai tha se Shtetet e Bashkuara e mirëpresin referendumin në Serbi në të cilin u miratuan ndryshimet kushtetuese që kanë të bëjnë me reformën në sistemin e drejtësisë.

Para referendumit, Shtetet e Bashkuara iu bashkuan partnerëve evropianë duke u bërë thirrje të gjithë qytetarëve serbë që të marrin pjesë, tha ai.

“Le të jemi të qartë për qëndrimin e Shteteve të Bashkuara për të drejtën e Kosovës si shtet i pavarur dhe sovran që të përcaktojë kushtet me të cilat do të zhvilloheshin zgjedhjet e shteteve të tjera sovrane në territorin e saj. Ne kishim shpresuar se qeveria e Kosovës do të vazhdonte praktikën e mëhershme të lejimit të OSBE-së për të grumbulluar fletëvotimet e votuesve që jetojnë në Kosovë, por ajo zgjodhi të mos e bëjë këtë”, tha ambasadori Carpenter.

Ambasadori amerikan tha se do të diskutohet me qeverinë e Kosovës dhe qeverinë e Serbisë për t’u siguruar që “qytetarët, të cilët banojnë në Kosovë dhe Serbi, të jenë në gjendje të ushtrojnë të drejtën për të marrë pjesë në zgjedhjet e vendit të tyre dhe duke vepruar kështu, të jenë në gjendje të përcaktojnë të ardhmen e tyre evropiane”.

Ai tha se është për keqardhje që Kosova nuk është anëtare e OSBE-së “dhe për këtë arsye nuk është në gjendje të flasë vetë sot. Mezi presim ditën kur Kosova të jetë shtet pjesëmarrës i kësaj organizate dhe kjo mund të ndodhë”, tha ai, duke nënvizuar thirrjet që qeveritë e të dyja vendeve “të përmbahen nga veprimet dhe retorika që rrisin tensionet dhe të angazhohen në mënyrë konstruktive në bisedimet e lehtësuara nga Bashkimi Evropian. Është e rëndësishme që të dyja qeveritë të arrijnë përparim drejt një marrëveshjeje gjithëpërfshirëse që rrit qëndrueshmërinë rajonale”, tha ambasadori amerikan.

Autoritetet në Kosovë nuk lejuan mbajtjen e referendumit të Serbisë me gjithë thirrjet e diplomatëve perëndimorë, duke theksuar se ai bie ndesh me Kushtetutën e Kosovës.

Autoritetet thanë se qytetarët serbë, me shtetësi të dyfishtë, mund të votojnë përmes postës apo zyrës ndërlidhëse të Serbisë në Prishtinë.

Kosova, nuk e ka penguar pjesëmarrjen e serbëve lokal në zgjedhjet e Serbisë, por autoritetet thonë se ka dallim ndërmjet zgjedhjeve dhe çështjeve të brendshme të një vendi, siç është referendumi i së dielës në Serbi.

Në fillim të muajit prill Serbia pritet të mbajë zgjedhjet presidenciale dhe parlamentare. Institucionet e Kosovës kanë paralajmëruar se nuk do të lejojnë mbajtjen e tyre brenda territorit të Kosovës.

Beogradi vazhdon të kundërshtojë pavarësinë e Kosovës që u shpall në shkurt të vitit 2008 me mbështetjen e Shteteve të Bashkuara dhe Bashkimit Evropian, por është përfshirë në një proces bisedimesh për normalizimin e marrëdhënieve në shkëmbim të integrimeve evropiane.

blank

blank

SHBA do të diskutojë për zgjedhjet me Kosovën dhe Serbinë

Një qytetar serb duke votuar në zgjedhjet e Serbisë të oraganizuara në Kosovë.

RFE/RL

Ambasadori i misionit të SHBA-së në OSBE, Michael Carpenter, paralajmëroi biseda me Qeverinë e Kosovës dhe atë të Serbisë për të siguruar se qytetarët e këtyre dy shteteve të jenë në gjendje të ushtrojnë të drejtën e tyre të votës.

Këto komente ambasadori Carpenter i bëri në një deklaratë rreth referendumit për ndryshimet kushtetuese që u zhvillua në Serbi më 16 janar.

“Presim që të diskutojmë me partnerët tanë – si me Qeverinë e Kosovës, ashtu edhe me Qeverinë e Serbisë – se çfarë aranzhime dhe rregullime mund të bëhen për t’u siguruar që qytetarët, të cilët përkatësisht banojnë në Kosovë dhe Serbi të jenë në gjendje të ushtrojnë të drejtën për të marrë pjesë në zgjedhjet e vendit të tyre dhe duke vepruar kështu, të jenë në gjendje të përcaktojnë të ardhmen e tyre evropiane”, tha Carpenter.

Duke iu referuar vendimit të institucioneve të Kosovës që të mos lejojnë mbajtjen e referendumit të Serbisë në Kosovës, Carpenter tha se Kosova ka vepruar si shtet sovran edhe pse, siç u shpreh ai, SHBA-ja ka shpresuar se Qeveria në Prishtinë do të vepronte si në të kaluarën.

“Ne kishim shpresuar se Qeveria e Kosovës do të vazhdonte praktikën e kahershme të lejimit të OSBE-së për të mbledhur fletëvotimin e votuesve me të drejtë vote që jetojnë në Kosovë, por ajo zgjodhi të mos e bënte këtë”, tha Carpenter.

Më 16 janar, autoritetet e Kosovës nuk lejuan mbajtjen e referendumit të Serbisë për ndryshimet kushtetuese për gjyqësorin.

Kjo nxiti reagime të shumta të zyrtarëve të Beogradit dhe të Listës Serbe, parti kjo e cila përfaqëson komunitetin serb në institucionet e Kosovës. Shtetet e QUINT-it kërkuan nga institucionet e Kosovës që ta lejonin një gjë të tillë porse Qeveria tha se një gjë e tillë binte ndesh me Kushtetutën e Republikës së Kosovës.

Më 15 janar, Kuvendi i Kosovës miratoi një rezolutë, përmes së cilës shprehu kundërshtimin që në Kosovë të mbahen votimet për referendumin e shtetit të Serbisë për ndryshime kushtetuese.

Më 3 prill në Serbi pritet të zhvillohen zgjedhjet presidenciale dhe ato parlamentare. Institucionet e Kosovës kanë paralajmëruar se nuk do të lejojnë mbajtjen e tyre brenda territorit të Kosovës.

Zgjedhjet e Serbisë janë zhvilluar në territorin e Kosovës në të kaluarën.

Zgjedhjet e fundit parlamentare, të cilat Serbia i organizoi në mjediset e banuara me shumicë serbe në Kosovë, u mbajtën më 21 qershor, 2020.

blank

SHBA: përgjigje të shpejtë dhe të ashpër nëse Rusia dërgon forca në Ukrainë

Marrë nga Associated Press

BERLIN – Sekretari amerikan i Shtetit Antony Blinken paralajmëroi të enjten se do të ketë një përgjigje “të shpejtë dhe të ashpër” nga Shtetet e Bashkuara dhe vendet aleate, nëse Rusia dërgon forca ushtarake në Ukrainë.

Komentet e zotit Blinken në Berlin duket se përfaqësojnë një tjetër përpjekje për të qartësuar ndonjë konfuzion të mundshëm për pozicionin e Shteteve të Bashkuara dhe vendeve aleate të NATO-s, pasi Presidenti Joe Biden u kritikua gjerësisht për frazën se “një ndërhyrje e vogël” nga Rusia do të merrte një përgjigje më të ulët.

“Nëse forcat ushtarake ruse kalojnë kufirin ukrainas dhe kryejnë akte të reja agresioni ndaj Ukrainës, ato do të marrin një përgjigje të shpejtë, të ashpër dhe të bashkuar nga Shtetet e Bashkuara, aleatët dhe partnerët tanë”, tha Sekretari Blinken gjatë një konference për shtyp me homologen e tij gjermane.

Në vazhdim, Sekretari Blinken e akuzoi Rusinë se po rrezikon themelet e rendit botëror me grumbullimin e rreth 100 mijë forcave ushtarake pranë kufirit me Ukrainën. Ai tha se Rusia duhet të përballet me një përgjigje të koordinuar dhe të ashpër globale në rast se pushton Ukrainën.

Paralajmërimi i ashpër u bë nga Berlini, qyteti dikur i ndarë që ishte bërë simbol i Luftës së Ftohtë mes Lindjes dhe Perëndimit. Sekretari Blinken përgatitet të takohet të premten në Gjenevë me Ministrin e Jashtëm rus Sergey Lavrov, në kuadrin e përpjekjeve për të ulur tensionet që nuk duket se do të jenë të suksesshme.

“Çështjet me të cilat po përballemi janë të vështira, dhe zgjidhja e tyre nuk do të bëhet me shpejtësi”, tha Sekretari Blinken. “Sigurisht që nuk pres t’i zgjidhim nesër në Gjenevë”.

Sekretari Blinken tha se veprimet e Rusisë kundër Ukrainës janë një përpjekje për të përmbysur normat ndërkombëtare dhe janë vetëm shkelja më e fundit ndër disa të tilla që Moska ka ndërmarrë në kundërshtim me traktate, marrëveshje dhe angazhime të tjera të panumërta ndërkombëtare, në dëm të sovranitetit dhe integritetit territorial të vendeve të tjera.

“Nëse i lejojmë Rusisë t’i shkelë këto parime pa u ndëshkuar, kjo do të na tërhiqte të gjithëve pas në kohëra shumë më të rrezikshme dhe të pasigurta, kur ky kontinent, dhe ky qytet, ishin të ndarë më dysh, të ndarë me tokë asnjëanëse në mes ku patrullonin ushtarë, me kërcënimin e një lufte frontale që luhatej mbi jetën e të gjithëve”, i tha Sekretari Blinken audiencës në Akademinë e Shkencave Berlin-Brandenburg. “Do t’i dërgonte gjithashtu mesazhin të tjerëve në mbarë botën se këto parime nuk janë të paprekshme”.

“Ne nuk do t’i trajtojmë parimet e sovranitetit dhe integritetit territorial si të negociueshme”, tha ai, duke shtuar se situata është “më e madhe se thjesht një konflikt midis dy vendeve, dhe më e madhe se një përplasje midis Rusisë dhe NATO-s. Është një krizë me pasoja globale. Dhe kërkon vëmendje dhe veprim global”.

Fjalimi u mbajt pasi Sekretari Blinken dhe kryediplomatët e Britanisë, Francës dhe Gjermanisë u takuan në Berlin për të projektuar një front të përbashkët përballë Rusisë, të shqetësuar se ajo mund të jetë duke planifikuar pushtimin e Ukrainës. Një ditë më parë, ai u takua në Kiev me presidentin ukrainas për të diskutuar rreth këtij rreziku.

Ministri britanik James Cleverly, ministri francez Jean-Yves Le Drian, ministrja gjermane Annalena Baerbock dhe Sekretari amerikan i Shtetit Antony Blinken (20 janar 2022)

Ministri britanik James Cleverly, ministri francez Jean-Yves Le Drian, ministrja gjermane Annalena Baerbock dhe Sekretari amerikan i Shtetit Antony Blinken (20 janar 2022)

Presidenti Biden tha të mërkurën se ai mendon se Moska do ta pushtojë Ukrainën dhe paralajmëroi Presidentin rus Vladimir Putin se nëse vepron kështu, vendi i tij do të paguajë “një çmim të lartë” në jetët e humbura, si dhe një përjashtim të mundshëm nga sistemi bankar global.

Por, Presidenti Biden shkaktoi gjithashtu ankth për vendet aleate kur tha se përgjigja ndaj një pushtimi rus “do të varet nga veprimet”. Ai foli për situatën “nëse do të kishte një ndërhyrje të vogël dhe atëherë do të përfundonim duke debatuar se çfarë duhet të bëjmë dhe çfarë jo, etj.”.

Presidenti ukrainas Volodymyr Zelenskyy është ndër personat që shprehën shqetësimin. “Duam t’u kujtojmë fuqive të mëdha se nuk ka ndërhyrje të vogla dhe vende të vogla. Ashtu siç nuk ka viktima të pakëta dhe pak zi për humbjen e njerëzve të dashur”, shkruajti ai në Twitter.

Sekretari Blinken u përpoq të theksojë të enjten se Shtetet e Bashkuara dhe vendet aleate janë të bashkuara përballë veprimeve të Moskës, duke vënë në dukje se diplomatët amerikanë kanë mbajtur mbi 100 takime me aleatët gjatë javëve të fundit “për t’u siguruar që po flasim dhe veprojmë së bashku me një zë kur bëhet fjalë për Rusinë”.

“Ky unitet na jep fuqi, një fuqi që mund të them se Rusia nuk e ka dhe nuk mundet ta arrijë”, tha ai. “Prandaj ne ndërtojmë aleanca dhe partneritete vullnetare. Kjo është edhe arsyeja pse Rusia përpiqet me papërgjegjshmëri të na përçajë”.

Rusia ka mohuar se po planifikon një pushtim dhe madje akuzoi të enjten Perëndimin se po planifikon provokacione në Ukrainë, duke përmendur dërgesat e armatimeve në këtë vend nëpërmjet avionëve të transportit ushtarak britanik gjatë ditëve të fundit.

Zëdhënësja e Ministrisë së Jashtme ruse Maria Zakharova aludoi se kur Ukraina dhe Perëndimi flasin për një sulm të afërt rus synojnë të fshehin “organizimin e provokimeve të tyre në shkallë të gjerë, përfshirë ato të natyrës ushtarake”.

Rusia kërkon disa garanci sigurie, ndër to edhe ndalimin e përhershëm të anëtarësimit të Ukrainës në NATO, anëtarësi të cilën Kievi e aspiron, si dhe heqjen e pjesës më të madhe të pranisë ushtarake amerikane dhe të vendeve aleate nga Evropa Lindore.

Shtetet e Bashkuara dhe vendet partnere evropiane thonë se janë të gatshme të shqyrtojnë ndërmarrjen e gjesteve më pak dramatike, por se kërkesat ruse nuk mund të shtrohen për diskutim dhe se zoti Putin e di se ato janë të parealizueshme. Vetë kjo shërben si provë për motivimin e fshehur nga zoti Putin, tha Sekretari Blinken.

“Deri më tani, gjestet tona të bëra në mirëbesim janë refuzuar, pasi realisht kjo krizë nuk ka të bëjë në radhë të parë me armatime apo baza ushtarake”, tha ai. “Ka të bëjë me sovranitetin dhe vetëvendosjen e Ukrainës dhe vendeve të tjera në periudhën pas-sovjetike. Në thelb ka të bëjë me refuzimin e Rusisë të një Evrope të pas Luftës së Ftohtë, e cila është e plotë dhe e lirë”.

Mes shqetësimeve se zoti Putin nuk do të ndikohet nga kërcënimet për sanksione dhe se një pushtim nuk do të pritet me përgjigjen e fortë ndërkombëtare që Shtetet e Bashkuara besojnë se meriton, Sekretari Blinken i bëri një thirrje të drejtpërdrejtë popullit rus që të kundërshtojë çdo ndërhyrje të mundshme.

“Ju e meritoni një jetë me siguri dhe dinjitet, si të gjithë popujt kudo, dhe askush – as Ukraina, as Shtetet e Bashkuara, as vendet e NATO-s – nuk po përpiqen ta vënë këtë gjë në rrezik. Por ajo çfarë kërcënon vërtet sigurinë tuaj, është një luftë e pakuptimtë me fqinjët tuaj në Ukrainë, me të gjitha kostot që e shoqërojnë – mbi të gjitha, për të rinjtë që do të rrezikojnë apo do të japin jetën e tyre për këtë”, tha Sekretari Blinken.

Shtetet e Bashkuara dhe vendet aleate të NATO-s përballen me një detyrë të vështirë me krizën në Ukrainë. Presidenti Biden tha se nuk synon të dërgojë njësi luftarake në rast të një pushtimi të mëtejshëm nga Rusia. Por, ai mund të vendosë për një sërë opsionesh ushtarake më pak dramatike, e megjithatë të rrezikshme, si mbështetjen e një rezistence pas pushtimit të Ukrainës.

Logjika për të mos u bërë pjesë drejtpërdrejt në një luftë Rusi-Ukrainë është e thjeshtë. Shtetet e Bashkuara nuk kanë ndonjë detyrim që buron nga ndonjë traktat me Ukrainën, dhe një luftë me Rusinë do të ishte një risk i jashtëzakonshëm. Por, edhe nëse bëhet më pak se ç’duhet, mbart gjithashtu rreziqe.

blank

CIA, “Sindroma e Havanës” nuk është fushatë nga shtete të huaja

VOA

CIA thotë se diplomatët amerikanë, që u prekën nga dhimbje të forta, të pashpjegueshme koke, nga ajo që është quajtur “sindroma e Havanës”, nuk ishin vënë në shënjestër nga ndonjë shtet i huaj, sipas njoftimeve të shtypit amerikan.

Njoftimi i referohet një numri zyrtarësh me njohuri mbi një raport të fundit të CIA-s mbi këto simptoma, që u shfaqën për herë të parë në vitin 2016 në Kubë, ku diplomatë amerikanë dhe kanadezë, u ankuan për dhimbje të fuqishme koke dhe ndoshta edhe dëmtim në tru, pas dëgjimit të tingujve me ton të lartë.

Më pas, edhe diplomatë të tjerë dhe zyrtarë të shërbimeve të zbulimit, në vende të tjera, si Australi, Austri, Kinë, Kolumbi, Gjermani dhe Rusi, janë ankuar për të njetat simptoma.

Raporti i CIA-s nuk e përjashton mundësinë e përfshirjes së një shteti të huaj në rreth 20 raste, që kanë mbetur ende pa shpjegim dhe janë duke u hetuar.

Por në qindra raste të tjera, që mund të kenë patur simptoma të njejta, CIA thotë se ka gjetur arsye të tjera për shkakun e simptomave.

Disa zyrtarë në të kaluarën kanë spekulluar se shkaku i incidenteve mund të kishte qënë një sulm me mikrovalë nga Rusia, por shkencëtarët kanë shprehur dyshime rreth kësaj teorie.

CIA thekson se raporti përmban gjetje paraprake dhe nuk është përfundimtar.

Disa prej diplomatëve të prekur kanë shprehur pakënaqësi me raportin dhe thonë se vlerësimi i CIA-s nuk mund të jetë fjala përfundimtare në këtë çështje.

Drejtori i CIA-s, William Burns, citohet të ketë thënë se “ndërsa raporti ka arritur në disa përfundime domethënëse, ne nuk kemi përfunduar së hetuari”.

blank

SHBA, mbi 1 milion të infektuar me COVID-19 gjatë 24 orëve

New York

Numri i personave të vdekur nga koronavirusi i ri (COVID-19) në SHBA është rritur në 854.076, prej të cilëve 2.346 kanë humbur jetën në 24 orët e fundit, sipas Universitetit Johns Hopkins, transmeton Anadolu Agency (AA).

Numri i të infektuarve deri tani, sipas të dhënave të universitetit, ka arritur në mbi 67,5 milionë, me 1.142.093 raste të reja.

Aktualisht, shteti i Kalifornisë është më i godituri në SHBA, me mbi 7,2 milionë raste të konfirmuara dhe 78.003 të vdekur.

Në SHBA deri tani më shumë se 249 milionë persona kanë marrë dozën e parë të vaksinës kundër COVID-19, mbi 209 milionë dozën e dytë dhe mbi 81 milionë kanë marrë tri doza.

blank

CPJ- Committee to Protect Journalists: Albanian riot police attack journalists covering demonstration

Berlin, January 18, 2022 — Albanian authorities should swiftly and thoroughly investigate police attacks on journalists covering a recent demonstration, hold those responsible to account, and ensure that reporters can cover events of public interest without fear of injury, the Committee to Protect Journalists said today.On January 8, in Tirana, the capital, hundreds of protesters stormed the headquarters of Albania’s main opposition party amid an internal battle over the party’s leadership, and riot police fired tear gas and water cannons that hit at least nine journalists, according to news reports and a journalist at the scene who spoke with CPJ.

“Journalists in Albania must be able to cover protests without fear that they will be attacked by police,” said Gulnoza Said, CPJ’s Europe and Central Asia program coordinator, in New York. “Albanian authorities must investigate the recent police use of tear gas and water cannons on journalists covering a demonstration in Tirana, and ensure that the officers responsible are held to account.”

Seven employees of the privately owned broadcaster Ora News—camera operators Ermal Noka, Esmerald Jahelezi, and Alban Xhokaxhi, and reporters Everest Dedaj, Fjorela Beleshi, Sonila Musaj, and Edison Vatnika—sustained burns to their eyes and had breathing problems after police fired a “disproportionate amount” of tear gas at them, according to Ora News and news reports.

Police also fired a water cannon at a reporting team for the local broadcaster Fax News, according to a report by the outlet and camera operator Majklen Sinka, who spoke to CPJ via messaging app.

Sinka told CPJ that he and other journalists at the scene were identifiable as members of the press, and that he was wearing clothing with Fax News’s logo, but police “clearly targeted [us] with water cannons and tear gas.” He added that his equipment was also damaged in the attack.

Freelance photojournalist Felix Bilani told private TV channel NOA that he had to receive medical treatment after police fired tear gas at him during the protest.

CPJ emailed the Albanian Ministry of the Interior, which oversees the police, for comment, but did not immediately receive any reply.

blank

CPJ New York: Dhuna mbi gazetarët më 8 janar/ Komiteti për Mbrojtjen e Gazetarëve në Nju Jork: Duhet hetim urgjent

Komiteti për Mbrojtjen e Gazetarëve, me qendër në Nju Jork, një nga organizatat më të rëndësishme për median në botë, ka reaguar për dhunën që u ushtrua mbi gazetarët më 8 janar.

KMG kërkon që të ketë një hetim të plotë dhe të shpejtë për sulmet e policisë mbi gazetarët që po mbulonin protestën.

“Autoritetet shqiptare duhet të hetojnë me shpejtësi dhe në tërësi sulmet e policisë mbi gazetarët që po mbulonin një demonstratë së fundmi. Përgjegjësit duhet të dalin para ligjit dhe duhet të sigurohet që reporterët të mund të mbulojnë ngjarjet me interes publik pa frikën e lëndimit,” thuhet në deklaratë.

Më tej, KMG thekson se gazetarët u sulmuan me gaz lotsjellës dhe topa uji.

“Gazetarët në Shqipëri duhet të jenë në gjendje që të mbulojnë protestat pa frikën se do të sulmohen nga policia,” tha nga Nju Jorku Gulnoza Said, koordinatore e programit të KMG për Europën dhe Azinë Qendore.

“Autoritetet shqiptare duhet të hetojnë përdorimin e gazit lotsjellës dhe topave të ujit ndaj gazetarëve që mbuluan një demonstratë në Tiranë dhe të sigurojnë që oficerët përgjegjës të mbajnë përgjegjësi”.

KMG thotë se ka kontaktuar Ministrinë e Brendshme të Shqipërisë, e cila mbikëqyr policinë, por nuk ka marrë asnjë reagim.

blank

US Ambassador in Pristina Jeffrey Hovenier on Recak Massacre Commemoration

US Ambassador in Pristina Jeffrey Hovenier on Recak Massacre Commemoration

Ambassador Jeffrey Hovenier’s Remarks at the Recak/Racak Massacre, January 15, 2022

President Osmani, Prime Minister Kurti, Speaker Konjufca, and distinguished guests, dear friends, I am humbled to be here with you today, representing the American people, to honor and remember those who lost their lives in Recak 23 years ago. Thank you for this opportunity to join the people of Kosovo on this solemn occasion to commemorate and mourn those whose lives were tragically cut short that day.

Let no one forget or deny what happened here, or why the United States and our allies came to the defense of the people of Kosovo. I remember that day well. As the officer at the U.S. Mission to the OSCE responsible for Kosovo at that time, I received a call from then-Kosovo Verification Mission Head Ambassador William Walker just after he departed the scene of horror, already focused on his recommendations for the OSCE in response to the brutal murder of defenseless civilians.

In response to this atrocity and others, the United States, together with our NATO Allies, acted to protect defenseless civilians in the name of peace, freedom, and stability. These goals reflect deeply held American and Western values. We believe that all people, regardless of ethnicity or religion, deserve the dignity of living in freedom and security.

We are aware of attempts to rewrite the well-documented history of this massacre and to downplay or misrepresent the facts about these atrocities. Let me be clear about the United States’ commitment to the truth. As President Clinton said then, we reaffirm now: “This was a deliberate and indiscriminate act of murder designed to sow fear among the people of Kosovo.”

Denying these incidents and glorifying war crimes dishonors the memory of the dead, reopens the wounds of survivors, and sets this region back in efforts towards democratic consolidation and full Euro-Atlantic integration. Peace and justice come from a clear-eyed acknowledgment of past crimes. This is vital to ensure these heinous crimes never happen again.

But recognizing the truth of the past is just the first step towards justice.

Today, January 15, is the 23rd anniversary of the massacre here at Recak. It is also, coincidentally, the birthday of one of the United States of America’s greatest leaders and advocates for justice and reconciliation – Dr. Martin Luther King.

I think it is fitting that on this day as we reflect on the horror and tragedy of what happened here on January 15, 1999, we also consider the words and legacy of Dr. King – whom we pay tribute to and honor on this same day each year.

Dr. King was no stranger to injustice, no stranger to loss. Throughout his struggle to advance human rights, he was physically attacked, marginalized, threatened, and ultimately assassinated. Yet even as he languished in an Alabama jail for peacefully protesting racism and racial segregation, he wrote of justice and reconciliation – the ultimate goal not only equality, but shared destiny. In his famous “Letter from Birmingham Jail,” he penned these transcendent words: “injustice anywhere is a threat to justice everywhere.”

Dr. King called us all to action, affirming that we have the power to promote positive change, noting “Human progress never rolls in on wheels of inevitability.” But he also called on us to remember the main point – not retribution, but reconciliation. I echo his words – a powerful reminder for all of us: “Our ultimate end must be the creation of the beloved community.”

In the spirit of that vision of a beloved community, I want to cite one more powerful text that I believe can provide a guide for how best to honor the tragic victims we remember here today. From Kosovo’s February 17, 2008 Declaration of Independence…

“Committed to confronting the painful legacy of the recent past in a spirit of reconciliation and forgiveness. Dedicated to protecting, promoting and honoring the diversity of our people.”

May these words guide us all.

Thank you

blank

blank

Hetimet për trazirat në Kongresin e SHBA, arrestohet kreu i grupit të ekstremit të djathtë ”Oath Keepers”

Washington DC

Byroja Federale e Hetimit (FBI) ka arrestuar Steward Rhodes, udhëheqësin e grupit të ekstremit të djathtë ‘Oath Keepers’, i cili akuzohet për “komplot dhe nxitje rebelimi” në kuadër të hetimit për trazirat e 6 janarit të vitit 2021 në Kongresin e SHBA-së, transmeton Anadolu Agency (AA).

Departamenti Amerikan i Drejtësisë në një njoftim thekson se juria e madhe federale në Washington ka akuzuar 11 persona, përfshirë 56-vjeçarin Rhodes, për komplot dhe nxitje rebelimi.

Më tej, shtohet se përveç Rhodes, sot në Phoenix të Arizonës u ndalua edhe 63-vjeçari Edward Vallejo.

Sipas ligjit amerikan, personat e akuzuar për konspiracion dhe nxitje rebelimi mund të dënohen deri në 20 vjet burg.

Më 6 janar të vitit 2021, grupet e ekstremit të djathtë dhe mbështetësit e ish-presidentit të SHBA-së, Donald Trump, sulmuan ndërtesën e Kongresit ku u mbajt seanca për të konfirmuar rezultatet e zgjedhjeve presidenciale të 3 nëntorit të vitit 2020.

Gjatë këtyre trazirave u vranë pesë persona, duke përfshirë një oficer policie.

blank

Blinken, Kurtit: Shpresojmë në rikthimin e momentumit në dialog

RFE/RL

Sekretari amerikan i Shtetit, Antony Blinken ka thënë se shpreson që të rikthehet momentumi në procesin e dialogut mes Kosovës dhe Serbisë, dhe që Kosova të mbështetë zotimet paraprake.

Ai e ka bërë këtë deklaratë në një letër drejtuar kryeministrit të Kosovës, Albin Kurti, ka njoftuar Qeveria e Kosovës më 13 janar.

Blinken ka thënë se SHBA-ja pret të bashkëpunojë me Kosovën në fushën e sundimit të ligjit, mbrojtjen e të drejtave të minoriteteve, nxitjen e rritjes ekonomike dhe arritjen e marrëveshjes mes Kosovës dhe Serbisë, me fokus në njohjen e ndërsjellë.

Sipas Sekretarit amerikan, natyra e pazgjidhur e marrëdhënieve mes Kosovës dhe Serbisë mbetet pengesë për anëtarësimin dhe integrimin e plotë në institucionet evropiane dhe euro-atlantike.

“Besojmë që dialogu i ndërmjetësuar nga Bashkimi Evropian mbetet forumi më i mirë për normalizimin e negociatave ndërmjet Beogradit dhe Prishtinës dhe ne koordinohemi nga afër me partnerët tanë në BE për këtë qëllim”, ka thënë ai përmes letrës.

Blinken mes tjerash ka bërë thirrje për shmangie të veprimeve dhe retorikës që mund t’i rrisë tensionet.

Dialogu mes Kosovës dhe Serbisë, me ndërmjetësim të Bashkimit Evropian, ka nisur më 2011 në Bruksel.

Më 2021, në kuadër të dialogut janë zhvilluar vetëm dy takime të nivelit të lartë mes kryeministrit Kurti dhe presidentit serb, Aleksandar Vuçiq.

Marrëveshje për energjinë dhe të pagjeturit

Sekretari amerikan i Shtetit, Antony Blinken, ka thënë se marrëdhënia mes Shteteve të Bashkuara dhe Kosovës është e rrënjosur në vlerat e përbashkëta demokratike.

Përveç dialogut, Blinken ka bërë thirrje për vëmendje të shtuar në arritjen e marrëveshjes për energji në veri të Kosovës dhe për avancimin e qëllimeve të përbashkëta në lidhje me personat e pagjetur.

“Është në interes të Kosovës që këto çështje të zgjidhen dhe të çojnë drejt një zgjidhjeje kompromisi në planin afatshkurtër, e që të mund të shërbejnë si bazë për progresin e mëtejshëm drejt normalizimit gjithëpërfshirës”, ka thënë ai.

Për 18 vjet me radhë, nga 1999 deri më 2017, rryma e shpenzuar nga banorët e katër komunave me shumicë serbe (Mitrovicë e Veriut, Leposaviq, Zveçan dhe Zubin Potok), u është faturuar konsumatorëve të viseve të tjera të Kosovës dhe faturat për komunat në veri ishin për 3.5 për qind më të shtrenjta.

Por, pas ankesave të shumta, Gjykata e Apelit në fund të vitit 2017 kishte vendosur që kjo praktikë të pezullohet sepse ishte joligjore.

Ndërkohë, Gjykata Themelore në Prishtinë më 11 tetor 2021, në bazë të padisë së ushtruar nga institucioni i Avokatit të Popullit, ka detyruar Zyrën e Rregullatorit për Energji Elektrike (ZRRE) që të obligojë Shërbimin e Shpërndarjes së Energjisë Elektrike (KEDS) për kthimin e mbi 40 milionë eurove për qytetarët e Kosovës, të cilët në periudhën nga 2012-2017 kanë paguar rrymën e konsumatorëve në katër komunat e veriut të Kosovës me shumicë serbe.

Nga dhjetori i vitit 2017 e deri në fund të vitit të kaluar, 40 milionë euro vlerësohet vlera e energjisë së tërhequr nga sistemi inter-konektiv për mbulimin e humbjeve për pjesën veriore të Kosovës, është thënë në një përgjigje nga Operatori i Sistemit, Transmisionit dhe Tregut të Energjisë Elektrike të Kosovës (KOSTT) dhënë në muajin prill për Radion Evropa e Lirë. Kjo kompani është publike me 100 për qind të aksioneve shtetërore.

Hovenier dhe Escobar, zërat e SHBA-së në Kosovë

Ai ka përmendur edhe se Kosova ka strehuar përkohësisht refugjatët afganë – me kërkesë të SHBA-së – të cilët janë evakuuar pas përfundimit të misionit ndërkombëtar në Afganistan.

Sipas tij, vendosja e përbashkët e Forcës së Sigurisë së Kosovës me ushtrinë e SHBA-së në Kuvajt, vë në pah kapacitetin në rritje të Kosovës për të kontribuuar në sigurinë globale.

Blinken ka përmendur në letër edhe ambasadorin e ri amerikan në Kosovë, Jeffrey Hovenier dhe përfaqësuesin e posaçëm të SHBA-së për Ballkanin Perëndimor, Gabriel Escobar, si persona që mund t’i ndihmojnë Kosovës që të adresojë çështjet e përmendura.

Hovenier pason Philip Kosnettin në postin e ambasadorit në Kosovë.

Hovenier është diplomat karriere i shërbimit të jashtëm amerikan, i cili ka qenë pjesë e stafit të të dërguarit të posaçëm të Kombeve të Bashkuara për statusin e Kosovës.

Mandati i ambasadorit të SHBA-së në Prishtinë është tre vjet.

blank

Evi Kokalari jep dorëheqjen nga KR të PD por kujton: Atyre që ju gënjen mëndja se jam dorëzuar, dua t’ju them që nuk më keni njohur mirë!

Evi Kokalari mbrëmë papritmas ka dhënë dorëheqjen nga Komisioni i Rithemelimit të PD dhe ndërsa ka parë reagimet e fansave të saj të shumë, që u ndjenë të zhgënjyer, Evi iu ka premtuar se nuk do t’i largohet kurrë kauzës të saj, si më poshtë:

“Kam vendosur të distancohem pak nga politika në Shqipëri.

Megjithëse me mëndje dhe zemër jam aty ku vazhdon lufta për një opozitë të fortë, dua t’i kthehem jetës time në Amerikë që kam që në Shtator që e kam lënë komplet mbas dore.

Do vazhdoj të jem në komunikim të vazhdueshëm me anëtarët e Komisionit të Rithemelimit, gjithsesi jo më aq aktive sa më parë.

Me gjithë sulmet e katër muajve të fundit, një gjë është e padiskutueshme – miqësitë që kam krijuar në Tiranë vërtet më kanë ngrohur zemrën, dhe jo vetëm, mbështetjen që kam marrë nga njerëzit që kam takuar çdo ditë në rrugët e Tiranës dhe gjatë foltoreve, vërtet i kanë dhënë kuptim sakrificës së muajve të fundit.

Bashkëatdhetarëve të mi në Diasporë; dua t’ju them që populli ynë është i varfër, kështu që angazhohuni seriozisht se kanë vërtet nevojë për ndihmë.

Lërini mërite dhe urrejtjen e së kaluarës dhe mbështesni ata që po luftojnë për ditë për të shpëtuar pluralizmin.

Ndërkohë do vazhdoj të komunikoj opinionet e mia nëpërmjet medias sociale.

Duke ju falenderuar të gjithëve për mbështetjen tuaj,

Përzemërsisht,

Evi”

“Mos e keqkuptoni largimin tim si braktisje të mbështetjes time ndaj Sali Berishas.

Ajo mbështetje ka qënë e pakushtëzuar që në orët e para në 19 Maj, dhe e tillë do të mbetet deri në fund.

Atyre që ju gënjen mëndja se jam dorëzuar, dua t’ju them që nuk më keni njohur mirë këto muajt’ e fundit.

Më vjen keq t’ju zhgënjej, por e ardhmja do ketë surpriza plot.”

blank

19 të vdekur përfshirë 9 fëmijë humbin jetën nga një zjarr në Bronks të Nju Jorkut

Marrë nga Reuters dhe AP

Nëntëmbëdhjetë persona, përfshirë 9 fëmijë, kanë humbur jetën nga një zjarr në një apartament në qytetin e Nju Jorkut, për të cilin komisioneri i zjarrfikësve të këtij qyteti tha se ishte një nga zjarret më të rënda që ka parë. Numri i viktimave u konfirmua nga kryebashkiaku i Nji Jorkut, Eric Adams.

Dhjetra persona kanë marrë plagë nga zjarri në lagjen e Bronksit dhe të paktën 32 prej tyre janë shtruar në spital. Sipas Departamentit të Zjarrfikësve të Qytetit të Nju Jorkut, rreth 200 zjarrfikës kanë shkuar në vendngjarje të dielën në apartamentin “Twin Park”.

Shkaku i tij nuk dihet ende, u tha gazetarëve komisioneri i departamentit të zjarrfikësve të Nju Jorkut, Daniel Nigro në një konferencë shtypi të dielën.

“Zjarrfikësit gjetën viktima në çdo kat dhe po i nxirrnin jashtë ndërsa ata po përjetonin arrese kardiak dhe bllokim të frymëmarrjes,” tha ai.

Zoti Nigro tha se tymi ishte përhapur në çdo kat të ndërtesës ndoshta sepse dera e apartamentit ku kishte rënë zjarri ishte lënë e hapur dhe se viktimat kishin thithur sasi të konsiderueshme tymi. ZiA

blank

Biden: Trump shpërndau gënjeshtra për zgjedhjet presidenciale

Presidenti amerikan, Joe Biden gjatë fjalimit më 6 janar 2022.

 

RFE/RL

Presidenti amerikan, Joe Biden mbajti fjalimin në përvjetorin e parë të sulmit mbi Kongresin amerikan nga mbështetësit e Donald Trumpit. Ai tha se kjo ngjarje ndryshoi rrënjësisht Kongresin dhe rriti shqetësimet botërore lidhur me të ardhmen e demokracisë amerikane.

“Për herë të parë në historinë tonë, një president jo vetëm që humbi zgjedhjet, por ai tentoi që të ndalonte transferimin paqësor të pushtetit, teksa turmat e dhunshme hyn në Kapitol”, tha Biden. “Por, ata dështuan”, shtoi ai.

“Demokracia u sulmua”, tha Biden gjatë fjalimit të tij të mbajtur në Kapitol.

“Ne, populli triumfuam”, shtoi ai.

Presidenti dhe kongresistët demokratë e shënuan përvjetorin e parë të sulmit, duke vizituar një sërë vendesh ku protestuesit sulmuan Kongresin vitin e kaluar, në përpjekje për të ndaluar certifikimin e fitores së Bidenit kundrejt republikanit, Donald Trump.

Biden tha se ka dallim ndërmjet të vërtetës të asaj që ndodhi dhe narrativit të rremë lidhur me sulmin, përfshirë edhe refuzimet e shumë republikanëve që të pranojnë se Biden fitoi zgjedhjet presidenciale të vitit 2020.

“Unë dhe ju dhe e gjithë bota e pamë këtë me sytë tanë”, tha Biden.

“Ne duhet të jemi absolutisht të qartë lidhur me atë se çfarë është e vërtetë dhe çfarë gënjeshtër. Kjo është e vërteta. Ish-presidenti i Shteteve të Bashkuara të Amerikës shpërndau një rrjet gënjeshtrash lidhur me zgjedhjet e vitit 2020”, tha Biden.

Trump, i cili vazhdon të pretendojë se ka fituar zgjedhjet e vitit 2020, dhe ka lënë të kuptohet se do të garojë në zgjedhjet e vitit 2024, ka mohuar se ka nxitur dhunën.

blank

Vdes veterani më jetëgjatë amerikan i Luftës së Dytë Botërore

Lawrence N. Brooks, veterani më jetëgjatë i Luftës së Dytë Botërore në Shtetet e Bashkuara dhe, siç besohet, burri më i vjetër në këtë shtet, vdiq të mërkurën në moshën 112-vjeçare.

Për vdekjen e tij njoftoi Muzeu Kombëtar i Luftës së Dytë Botërore dhe të njëjtën gjë e konfirmoi vajza e saj, shkruan Associated Press, përcjell Gazeta Express.

Broks, i lindur më 12 shtator 1909, njihej për sensin e mirë të humorit, pozitivitetin dhe mirësjelljen. Kur pyetej për sekretin për jetë të gjatë, ai shpesh thoshte: “shërbimi ndaj Zotit dhe sjellja e mirë ndaj njerëzve”.

Vajza e tij tha se atij i pëlqente shumë klubi i futbollit “New Orleans Saints” dhe kurrë nuk i ikte asnjë ndeshje. Ai ishte i lidhur edhe me kishën dhe kurrë nuk mungonte në meshat e së dielës deri në fillimin e pandemisë.

Me prejardhje nga Louisiana, familja e Brooks-it u vendos në Mississippi Delta, kur ai ishte fëmijë. Brooks ishte njëri nga 15 fëmijët e familjet dhe jetonte shumë larg shkollës më të afërt, prandaj prindërit i mësuan çfarë mundën në shtëpi.

blank

Rreth 1 milion të infektuar me koronavirus në Shtetet e Bashkuara

Marrë nga Reuters

Shtetet e Bashkuara shënuan një rekord botëror me pothuajse 1 milion të infektuar me koronavirus të raportuara të hënën, njoftoi agjencia e lajmeve Reuters. Shifra është pothuajse sa dyfishi i arritur një javë më parë ndërsa varianti Omicron, tejet infektues, nuk tregon shenja ngadalësimi.

Numri i pacientëve të shtruar në spitale me COVID-19 është rritur gati 50% në javën e fundit dhe tani tejkalon shifrën prej 100,000 individësh, tregon një analizë e agjencisë së lajmeve Reuters, hera e parë që ky prag është arritur që nga dimrii një viti më parë.

Në përgjithësi, Shtetet e Bashkuara kanë shënuar një mesatare ditore prej 486,000 rastesh gjatë javës së fundit, një normë që është dyfishuar në shtatë ditë dhe tejkalon çdo vend tjetër. 978,856 infeksionet e reja të raportuara të hënën përfshijnë disa raste nga e shtuna dhe e diela, kur shumë shtete nuk japin njoftime.

Numri mesatar i vdekjeve ditore në Shtetet e Bashkuara nga COVID-19 ka mbetur mjaft i qëndrueshëm gjatë gjithë dhjetorit dhe në fillim të janarit në rreth 1,300, sipas një raporti të agjencisë së lajmeve Reuters.

Varianti Omicron duket se transmetohet shumë më lehtë se sa mutacionet e mëparshme të virusit. Sipas vlerësimeve, varianti përbënte 95.4% të rasteve të koronavirusit të identifikuara në Shtetet e Bashkuara që nga 1 janari, njoftuan të martën Qendrat për Kontrollin dhe Parandalimin e Sëmundjeve (CDC).

Organizata Botërore e Shëndetësisë tha të martën se provat e deritanishme sugjerojnë se varinati Omicron po shkakton pasoja më të lehta. VOA

blank

Bien akuzat për Andrew Cuomo, ish-Guvernatorin e New York-ut

Prokurori i arkivon akuzat për ish guvernatorin e New York-ut

Prokurori i Qarkut Albany ka njoftuar se do të heqë dorë nga akuza penale kundër ish-guvernatorit të Nju Jorkut, Andrew Cuomo për “prekjen me forcë” të ndihmëses së tij në vitin 2020.

Vendimi i David Soares erdhi tre ditë përpara se ish-guvernatori demokrat të dilte në gjykatë.

Pavarësisht se e cilësoi viktimën e supozuar si “bashkëpunuese dhe të besueshme”,

prokurori shpjegoi se “pasi kemi shqyrtuar të gjitha provat në dispozicion, kemi arritur në përfundimin se nuk mund të vazhdojmë gjykimin”.

Cuomo dha dorëheqjen në gusht për shkak të akuzave për ngacmim seksual nga disa gra./rsi.ch/eb

blank

Zjarri më i madh në historinë e shtetit Colorado të SHBA-së shuhet me reshjet e borës

Zjarri më i madh në historinë e rajonit dhe i cili ka qenë efektiv në një territor prej rreth 2.500 hektarësh në shtetin Colorado të SHBA-së është shuar pas reshjeve të borës, transmeton Anadolu Agency (AA).

Zjarri filloi në orët e para të mëngjesit të enjten në rajonin Boulder County dhe kërcënoi vendbanimet në një kohë të shkurtër si pasojë e erës që arriti shpejtësinë 169 kilometra në orë. Në zjarrin më të madh të historisë së shtetit u evakuuan rreth 34 mijë njerëz nga qytetet Louisville dhe Superior.

Autoritetet njoftuan se janë plagosur 6 persona, përfshirë një punonjës zjarrfikës ndërsa 3 të tjerë janë zhdukur dhe se zjarri historik u shua me reshjet e borës.

Si pasojë e zjarrit që ishte efektiv në një zonë prej rreth 2.500 hektarësh u dëmtuan 1.000 shtëpi si dhe u shkrumbuan një hotel dhe një qendër tregtare.

Ndërkohë bëhet e ditur se një pjesë e zjarreve në vendet e banuara janë shkaktuar nga shtyllat e energjisë elektrike që u rrëzuan si pasojë e erës.

Shkencëtarët thanë se moti jashtëzakonisht i thatë dhe me erë është reflektim i ndryshimeve klimatike dhe e bën më të vështirë luftimin e zjarreve.

blank

SHBA, mbi 70 universitete i kthehen mësimit në distancë për shkak të COVID-19

New York

Në SHBA shumë universitete kanë vendosur të kthejnë sërish mësimin në distancë për shkak të rritjes me shpejtësi të rasteve me COVID-19 në javët e fundit, transmeton Anadolu Agency (AA).

Mbi 70 universitete në 26 shtete njoftuan se në semestrin e dytë do të vazhdojnë mësimin në distancë nëpërmjet internetit.

Universiteti i Harvardit njoftoi se në tre javët e para të vitit të ri mësimet do të zhvillohen në distancë dhe në rast të përmirësimit të kushteve do të kthehen në kampuse në fund të muajit janar.

Ndërsa Universiteti i Chicagos njoftoi se fillimi i semestrit të dytë do të shtyhet dy javë dhe se mësimet në dy javët e para do të jenë nëpërmjet internetit.

Në mesin e universiteteve të tjera që do të kthehen në mësimin në distancë janë edhe “George Washington”, “Yale” dhe “Columbia”.

blank

Elon Musk: Brenda 10 vitesh do të dërgojmë njerëz në Mars

Elon Musk parashikon se SpaceX do të jetë në gjendje të dërgojë njerëz në Mars brenda 10 viteve të ardhshme. Musk bëri parashikimin gjatë një paraqitjeje në podkastin e Lex Fridman. Themeluesi i Tesla analizoi planet e SpaceX për të zhvilluar teknologjinë e nevojshme për udhëtimin e gjatë.

“Rasti më i mirë është rreth 5 vjet. Rasti më i keq, 10 vjet”, tha Musk duke vënë në dukje se “mekanika e automjeteve” e nevojshme për udhëtimin mbetet një faktor kyç në përcaktimin e një afati kohor.

“Starship është raketa më komplekse dhe më e avancuar që është bërë ndonjëherë, nuk e di nga një renditje e madhësisë apo diçka e tillë”, shtoi Musk.

“Është me të vërtetë niveli tjetër”.

SpaceX ka rritur operacionet e saj në vitet e fundit si pjesë e qëllimit afatgjatë të Musk për të krijuar një koloni në Mars. Në fillim të këtij muaji, Musk zbuloi se SpaceX ka filluar ndërtimin e një platforme lëshimi në Florida që mund të akomodojë raketa Starship. /abcnews.al

blank

Ghislaine Maxwell shpallet fajtore për përfshirje në abuzim të grave

RFE/RL

Ghislaine Maxwell është shpallur fajtore për rekrutim dhe trafikim të vajzave të reja, të cilat janë abuzuar nga financieri i ndjerë amerikan, Jeffrey Epstein.

Maxwell, 60-vjeçare është shpallur fajtore për pesë nga gjashtë akuzat, me të cilat është përballur – duke përfshirë atë për trafikim seksual të të miturave.

Vendimi është marrë pas pesë ditësh gjykimi në Nju Jork.

Kjo nënkupton se ajo mund të kalojë pjesën tjetër të jetës mbrapa grilave.

Në procesin gjyqësor kundër saj kanë marrë pjesë katër gra, të cilat kanë thënë se janë abuzuar nga Epsteini në periudhën 1994-2004.

Maxwell nuk ka shfaqur shumë emocione teksa i është lexuar vendimi, vetëm se e ka lagur fytyrën me ujë.

Ekipi i saj ligjor ka thënë se veçse ka nisur të punojë për apelim të vendimit.

“Ne besojmë fuqishëm në pafajësinë e Ghislaine”, ka thënë avokatja e saj, Bobbi Sternheim, para gazetarëve.

Annie Farmer, njëra nga gratë që ka dëshmuar kundër Maxwellit, ka thënë se është shumë e çliruar që gjykata e ka identifikuar sjelljen e saj grabitqare.

Ghislaine Maxwell.

Ghislaine Maxwell.

“Shpresoj që ky vendim t’i ngushëllojë të gjithë ata që kanë nevojë ta dinë se askush nuk është mbi ligjin”, ka thënë ajo.

Damian Williams, prokuror për një qark të Nju Jorkut, e ka mirëpritur vendimin dhe i ka “përgëzuar” viktimat për trimërinë e tyre, që të flasin hapur.

Maxwell, bashkëpunëtore për kohë të gjatë e Epsteinit, që po ashtu është akuzuar për abuzime seksuale me fëmijë, ka qenë në burg nga korriku i vitit 2020 dhe është akuzuar për përfshirje në abuzimet e financierit.

Disa prej viktimave kanë qenë 14 vjeç.

Epsteini ka kryer vetëvrasje më 2019, teksa ka qenë në pritje të gjykimit për akuza rreth trafikimeve seksuale.

Maxwell është vajza e vogël e manjantit të gazetave, Robert Maxwell, i cili ka vdekur më 1991.

Pak pas vdekjes së babait të saj, Maxwell është nisur nga Britania e Madhe drejt Shteteve të Bashkuara, ku ka punuar me patundshmëri dhe më pas ka takuar Epsteinin.

Lidhja e tyre romantike është thënë të ketë zgjatur pak vjet, mirëpo ajo ka vazhduar që të punojë me të për një kohë të gjatë dhe është thënë se e ka takuar Epsteinin me figura të fuqishme, përfshirë ish-presidentin amerikan, Bill Clinton dhe Princin britanik, Andrew.

Përgjatë gjykimit, avokatët e Maxwellit është raportuar të kenë thënë se ajo është fajësuar për krimet e kryera nga Epsteini.

Prokurorët, në anën tjetër, kanë tentuar t’i paraqesin ata si “partnerë krimi”, të cilët kanë udhëhequr një “skemë piramidale të abuzimit”.

Prokurorët kanë treguar se sipas të dhënave bankare, ajo ka pranuar 30 milionë dollarë nga Epsteini në periudhën 1999-2007, si e dhënë se ajo është motivuar nga paratë.

Të gjitha gratë që kanë dëshmuar, kanë thënë se janë abuzuar seksualisht nga Epsteini para se t’i mbushnin 18 vjet dhe se Maxwell u ka kërkuar, ndërmjetësuar dhe me raste edhe ka marrë pjesë në skenat seksuale.

Vetëm një grua, Annie Farmet, e ka përdorur emrin e saj të vërtetë gjatë dëshmisë së saj, derisa të tjerat kanë përdorur pseudonime për të mbrojtur identitetet.

“Ghislaine Maxwell ka kryer krime kokë më kokë me Jefrrey Epsteinin. Ajo ka qenë grua e rritur, e cila e ka ditur saktë se çfarë po bën”, ka thënë asistentja e Prokurorit, Alison Moe.

Virginia Giuffre është, po ashtu, një nga gratë më të njohura që ka akuzuar Maxwellin dhe Epsteinin, duke thënë se ajo është detyruar të kryejë marrëdhënie seksuale me Princin Andrew tri herë.

Princi, në anën tjetër, i ka hedhur poshtë këto pretendime.

“Shpirti im kërkonte drejtësi për vite dhe sot juria më dha atë. Do ta kujtoj këtë ditë përjetë”, ka thënë ajo përmes një postimi në Twitter.

Data për të shqiptuar dënimin për Maxwellin, nuk është bërë e ditur ende.

Përgatiti: Krenare Cubolli
blank

Ka vdekur Sarah Weddington

U largua nga kjo jetë ikona që luftoi për legalizimin e abortit në SHBA në vitin 1973. Ishte 76 vjeç. Ajo ishte avokatja që e fitoi çështjen në Gjykatën e Lartë

Avokatja Sarah Weddington vdiq në moshën 76-vjeçare. Ajo ishte fytyra e betejës për të drejtën e abortit në Gjykatën e Lartë të SHBA, ku fitoi kur ishte vetëm 28 vjeç, duke rishkruar historinë e miliona grave amerikane.

Sarah Weddington u gjet e vdekur nga asistentja në shtëpinë e saj në Austin, Teksas. Shkaqet e vdekjes nuk u zbuluan, por Weddington kishte kohë që luftonte me një sërë problemesh shëndetësore.

E diplomuar në drejtësi nga Universiteti i Teksasit në vitin 1967, Sarah takoi Norma McCorvey-n, e njohur më vonë në dokumentet e gjykatës si ‘Jane Roe’. Norma ishte shtatzënë dhe donte të bënte një abort, por ligji në fuqi në Teksas në atë kohë lejonte ndërprerjen e shtatzënisë vetëm në rastet kur bëhej fjalë për të shpëtuar jetën e nënës. Në mars 1970, McCorvey, e ndihmuar nga Weddington dhe shoqja e klasës në kolegj, Linda Coffee, ngriti një padi kundër Henry Wade, avokati i Dallasit i famshëm për ndjekjen penale të Jack Ruby për vrasjen e Lee Harvey Oswald, i akuzuar për vrasjen e Presidentit John Fitzgerald Kenne. Në vitin 1971, Gjykata e Lartë ra dakord të dëgjonte çështjen kundër Wade, i cili vazhdoi të zbatonte ligjin kufizues të Teksasit për abortin, pavarësisht se ishte shpallur jokushtetues nga një vendim i mëparshëm federal.

Weddington u prezantua përpara urtëve amerikanë për të mbrojtur lirinë e zgjedhjes së grave. Ajo foli para tyre në dy raste, fillimisht në vitin 1971 dhe më pas vitin e ardhshëm. Ajo i përshkroi ata si të papranueshëm: “Ishte e pamundur të dalloje asgjë nga fytyrat apo shprehjet e tyre,” kujtoi Sarah në intervistat ndër vite. “Më 22 janar 1973, isha në punë kur një gazetar i New York Times telefonoi dhe pyeti asistentin tim nëse doja të komentoja për Roe v Wade”.

Ajo u përgjigj duke e pyetur “çfarë duhet të komentoj”, duke përshkruar pastaj emocionin e jashtëzakonshëm  “menjëherë pas një telegrami nga Gjykata e Lartë që thoshte se kisha fituar shtatë me dy”. Avokatia e kuptoi menjëherë rëndësinë e vendimit të të mençurve: me atë dënim u legalizua de facto aborti në Shtetet e Bashkuara.

Kanë kaluar 48 vite gjatë të cilave implantimi i atij vendimi u ka rezistuar sulmeve të ndryshme të skajeve më konservatore të shoqërisë amerikane, por tani Roe v Wade është rrezikuar seriozisht nga lufta e shpallur nga shtetet republikane për të ndaluar ndërprerjet e shtatzënisë. Gjykata me një shumicë të qartë konservatore. Weddington e kishte parashikuar një sulm të tillë prej vitesh. Kur Donald Trump emëroi Neil Gorsuch në gjykatë, ai tha: “Nëse emërimi i tij konfirmohet, aborti nuk do të bëhet i paligjshëm të nesërmen, sepse një gjyqtar nuk bën ndryshim. Por dy ose tre gjyqtarë mund ta bëjnë këtë.” E thëna është më e shpejtë se sa e bëra.

Përveç Gorsuch, Trump ka emëruar dy gjyqtarë të tjerë konservatorë, Brett Kavanaugh dhe Amy Coney Barrett, duke përmbushur në mënyrë efektive ëndrrën e kultivuar prej vitesh nga e drejta amerikane për të qenë në gjendje të përmbysë dënimin. Dhe tani Gjykata e Lartë mund të vendosë qershorin e ardhshëm mbi apelimet që janë paraqitur kundër ndalimeve de facto të abortit të miratuara nga Teksasi (ndalimi i abortit pas gjashtë javësh) dhe Misisipi (në rrahjen e parë të zemrës së fetusit), me rrezikun e vendosjes kufizime të reja në nivel federal.

Megjithatë, pas triumfit – Sarah Weddington ishte avokatja më e re në histori që fitoi një çështje në Gjykatën e Lartë – Weddington ka mbajtur gjithmonë një angazhim të fortë në mbrojtje ndaj grave, fillimisht në politikë duke mbërritur në Shtëpinë e Bardhë tek Jimmy Carter dhe më pas duke dhënë mësim.

Por ajo e kishte ditur gjithmonë se emri i saj do të mbahej mend për atë fitore historike:

“Çfarëdo që të bëj në jetën time, titulli i nekrologjisë sime do të jetë gjithmonë “Avokati i Roe v Wade ka vdekur”.

 

blank

 

blank

Presidenti Biden dhe zonja e parë uruan për festat pjesëtarët e ushtrisë amerikane në gjithë botën

Marrë nga Associated Press

Presidenti Joe Biden shënoi Krishtlindjen e tij të parë në detyrë duke komunikuar me anëtarët e shërbimit ushtarak amerikan në baza në mbarë botën, për t’i uruar ata për festat dhe për t’u shprehur mirënjohje për shërbimin dhe sakrificën e tyre për vendin.

Në shoqërinë e bashkëshortes së tij Jill, presidenti foli të shtunën përmes videos me anëtarët të të gjitha degëve të ushtrisë amerikane të vendosur në bazat e Katarit, Rumanisë, Bahreinit dhe Shteteve të Bashkuara.

“Si komandanti juaj i përgjithshëm, doja të përfitoja nga ky rast për t’ju thënë faleminderit, faleminderit, faleminderit,” u tha ai pjesëtarëve të ushtrisë. “Ne ju jemi mirënjohës për guximin, sakrificën tuaj dhe të familjes suaj.”

Duke folur nga Shtëpia e Bardhë, zoti Biden u tha atyre se ata janë “shtylla e palëkundur e kombit” dhe theksoi “detyrimin e shenjtë” që ka vendi për t’u kujdesur për ushtarët dhe familjet e tyre.

Jill Biden tha se i kuptonte vështirësitë që përjetojnë familjet e tyre duke i kaluar festat larg njerëzve të tyre të dashur, duke vënë në dukje se edhe ata vetë kishin përjetuar të njëjtën gjë kur djali i tyre Beau, i cili kishte shërbyer si major në Gardën Kombëtare të Ushtrisë së Delauerës, ishte stacionuar në Irak.

Familja presidenciale po kalon një Krishtlindje relativisht të qetë në Shtëpinë e Bardhë.

Ndërsa pandemia e koronavirusit intensifikohet sërish, për shkak të variantit shumë ngjitës Omicron, presidenti dhe bashkëshortja e tij u përpoqën me daljet dhe deklaratat e tyre publike të ofronin një ndjenjë uniteti dhe normaliteti në një sezon që është i vështirë për shumë njerëz.

Në një deklaratë për Krishtlindjen, ata ngritën lart “guximin, karakterin, qëndrueshmërinë dhe vendosmërinë” e popullit amerikan përballë pandemisë dhe shprehën shpresën që vendi të gjente “dritën në errësirën” e një sezoni të vështirë.

“Gjatë këtij sezoni festash, ne frymëzohemi nga amerikanët e panumërt që janë një kujtesë se gjërat që i kemi të shenjta na bashkojnë dhe e kapërcejnë distancën, kohën dhe madje edhe kufizimet e një pandemie,” thanë ata në deklaratën e tyre.

Të premten në mëngjes, Presidenti Biden dhe zonja e parë Jill vizituan Spitalin Kombëtar të Fëmijëve për të uruar për festat e fundvitit pacientët e vegjël dhe familjet e tyre. Presidenti e tregoi atyre fotot e qenit të tyre të ri dhe Jill u lexoi një libër për fëmijë. VOA

blank

Presidenti Biden dhe Zonja e Parë Jill Biden vizitë në spitalin e fëmijëve

VOA

Presidenti Joe Biden dhe Zonja e Parë Jill Biden vizituan në prag të Krishtlindjes, fëmijët e shtruar në Spitalin Kombëtar të Fëmijëve, të cilët nuk kanë mundur të shkojnë në shtëpi për festat e fundvitit, për të shkak të gjendjes së tyre shëndetësore.

Sipas një tradite të kahershme, zonjat e para e vizitojnë këtë spital gjatë periudhës së Krishtlindjes, por ajo që ishte suprizë ishte vizita e Presidentit Joe Biden. Shtëpia e Bardhë tha se kjo është hera e parë që një president i bashkohet festës së fëmijëve të këtij spitali.

Presidenti Joe Biden dhe Zonja e Parë Jill Biden ndihmuan një grup fëmijësh që të bëjnë fenerë, pjesë e një projekti artizanal dimëror. Po kështu zonja e parë Jill Biden u lexoi fëmijëve librin “Nata e Olafit para Krishtlindjes”.

Kompania ‘Walt Disney Co.’ u siguroi të gjithë fëmijëve të spitalit nga një kopje të librit që shoqërohej edhe me një faqeshënues me fotografinë e Shtëpisë së Bardhë.

Tradita vjetore e një vizite në spital nga zonjat e para daton nga Bess Truman, e cili shërbeu në këtë rol nga viti 1945 deri në 1953.

blank

Biden: Nëse Trump hyn në garë, ka mundësi të rikandidoj

VOAL – Presidenti amerikan Joe Biden synon të kandidojë në zgjedhjet e vitit 2024 dhe shanset për kandidaturën e tij do të rriteshin nëse edhe ish-presidenti Donald Trump hyn në garë. Biden tha të mërkurën në një intervistë me ABC.

“Po”, iu përgjigj ai atyre që e pyesnin nëse ka ndërmend të aplikojë për një mandat të dytë në vitin 2024. “Por të shohim se çfarë do të thotë fati, i cili ka ndërhyrë disa herë në jetën time. Nëse jam i shëndetshëm, me shëndet të mirë, siç jam tani do të kandidoj”, ka shpjeguar ai, duke saktësuar se një sfidë e re me Trump do të rriste shanset për kandidimin e tij. sda-eb

blank

DASH vë nën akuzë djalin e “El Chapo”, urdhëroi vrasjen e këngëtarit që nuk pranoi t’i këndonte në dasmë

Djali i bosit famëkeq meksikan të drogës ‘El Chapo’ akuzohet se ka urdhëruar vrasjen e një këngëtari të njohur pasi refuzoi të performonte në dasmën e tij.

Departamenti i Shtetit i Shteteve të Bashkuara bëri akuzën kundër Ovidio Guzman Lopez, i cili është djali i ish-zotit të drogës Joaquin Archivaldo Guzman Loera, i njohur gjithashtu si “El Chapo”.

Sipas DASH, Ovidio Guzman, 31 vjeç urdhëroi vrasjen e një këngëtari të famshëm meksikan, emri i të cilit nuk është bërë i ditur, pas refuzimit për të performuar në ditën e tij të veçantë.

Gjatë viteve ka patur thashetheme për lidhje të mundshme mes artistëve dhe trafikantëve të drogës.

Sipas raportimeve të shumta, këngëtarë dhe aktorë të njohur kanë marrë pjesë në evente të organizuara nga trafikantët e drogës.

“El Chapo” aktualisht po vuan një dënim të përjetshëm në Kolorado, SHBA, për vrasje, pastrim parash, trafik droge, shantazh dhe krim të organizuar.

Autoritetet amerikane po vëzhgojnë tani katër fëmijët e tij, përfshirë Ovidio, i njohur si ‘El Raton’ (‘Miu’), i cili është një anëtar i rangut të lartë të kartelit Sinaloa./ dita

blank

Gjyqi ndaj Ghislaine Maxwell

Jeffrey Epstein Maxwell Trial

Ghislaine Maxwell ishte një shfrytëzuese e pamëshirshme, e rrezikshme dhe e sofistikuar që u shkaktoi “dëm të madh e të vazhdueshëm” vajzave të reja duke i rekrutuar ato për t’u abuzuar seksualisht nga financieri Jeffrey Epstein, i tha jurisë të hënën një prokurore gjatë argumentave përmbyllëse.

Ndihmësprokurorja amerikane, Alison Moe, i tha jurisë se Epstein nuk do të kishte shfrytëzuar vajzat adoleshente për më shumë se një dekadë pa ndihmën e partneres britanike, të cilën ajo e përshkroi si “zonjën e shtëpisë” pasi Epstein abuzonte me vajzat në një rezidencë në Nju Jork, një pronë në Florida dhe një fermë në Nju Meksiko.

“Ghislaine Maxwell ishte e rrezikshme,” i tha ndihmësprokurorja Moe jurisë, në një sallë gjyqi ku ishin marrë masa të shumta paraprake për shkak të pandemisë. Maxwell dhe Epstein kryen krime të tmerrshme.

Prokurori tha se Maxwell ishte një “shfrytëzuese e pamëshirshme e sofistikuar dhe që e dinte saktësisht se çfarë po bënte. Ajo drejtoi të njëjtin lojë për vite me radhë.”

“Ajo manipuloi viktimat e saj. Ajo shkaktoi dëme të thella dhe të vazhdueshme tek vajzat e reja. Ka ardhur koha për ta mbajtur atë përgjegjëse”, tha zonja Moe.

Argumentat e saj përmbyllëse bëhen në fillim të javës së katërt të një gjyqi që fillimisht ishte parashikuar të zgjaste gjashtë javë.

Seanca do të pasohet nga argumentet e mbrojtjes, kur ekipi i Maxwellit do t’i rikthehet edhe një herë idesë se ajo u bë një kokë turku pasi Epstein vrau veten në një qeli burgu federal në Manhattan në gusht të vitit 2019, ndërsa ai priste të dilte në gjyq nën akuzat për trafikim seksual.VOA

blank

SHBA heq nga lista e zezë kompaninë e Zharko Veselinoviqit nga Kroacia

RFE/RL

Departamenti amerikan i Thesarit hoqi nga lista e të sanksionuarve një kompani, për të cilën më herët tha se udhëhiqet nga Zharko Veselinoviq, vëllai i biznesmenit nga veriu i Kosovës, Zvonko Veselinoviq.

Informacioni u publikua të hënën në ueb-faqen e këtij institucioni.

Vëllezërit Vesellinoviq, nënkryetari i subjektit politik Lista Serbe në Kosovë, Millan Radoiçiq, dhe dhjetë persona të tjerë të lidhur me ta u futën më 8 dhjetor në listën e të sanksionuarve nga Departamenti amerikan i Thesarit, nën akuzat se kanë lidhje me krimin e organizuar transnacional.

Përveç tyre, në listën e zezë u përfshinë edhe mbi njëzet kompani të tyre, me seli në Kosovë, Serbi, Kroaci dhe Bullgari.

Sipas deklaratës së lëshuar të hënën, Departamenti amerikan i Shtetit hoqi nga lista e të sanksionuarve kompaninë Nautikacentar D. O. O, e cila udhëhiqet nga Zharko Veselinoviq dhe është e regjistruar në Kroaci.

Ai nuk dha shpjegime shtesë për vendimin.

Mohimet nga Rijeka

Kompania Nautikacentar është e regjistruar në Rijekë – qytet bregdetar në veriperëndim të Kroacisë.

Më 9 dhjetor, portali kroat Jutarnji.hr njoftoi se ka kontaktuar Zharko Vesellinoviqin, pronarin e kompanisë Nautikacentar, i cili mohoi se ka lidhje me Zvonko Vesellinoviqin dhe se është i përfshirë në krim.

Vesellinoviq po ashtu tha se do të angazhojë një avokat, i cili do t’i kërkojë Ambasadës amerikane shpjegime se si ka ndodhur që emri i tij të përfundojë në listën e zezë të SHBA-së.

blank

SHBA: Senatori demokrat Manchin, kundër paketës afro 2 trilionë dollarëshe të Presidentit Biden

VOA

Senatori amerikan Joe Manchin, një demokrat i moderuar, tek i cili Presidenti Joe Biden kishte varur shpresat për të miratuar një projektligj për investimet e brendshme prej 1.75 trilion dollarësh, tha të dielën se nuk do ta mbështeste paketën.

“Nuk mund të votoj në favor të këtij legjislacioni,” tha senatori Manchin gjatë një interviste në programin “Fox News Sunday”, duke përmendur shqetësimet për inflacionin.

Në një deklaratë të lëshuar pas intervistës në Fox News, zoti Manchin tha se rritja e borxhit të Shteteve të Bashkuara do të “pengonte në mënyrë drastike” aftësinë e vendit për t’iu përgjigjur pandemisë së koronavirusit dhe kërcënimeve gjeopolitike.

“Kolegët e mi demokratë në Uashington janë të vendosur ta transformojnë në mënyrë dramatike shoqërinë tonë në një mënyrë që e lë vendin tonë edhe më të ekspozuar ndaj kërcënimeve me të cilat përballemi,” tha ai në deklaratë.

“Unë nuk mund ta marr përsipër rrezikun që paraqet një borxh marramendës prej më shumë se 29 trilion dollarësh dhe taksat e inflacionit që janë reale dhe të dëmshme për çdo amerikan” të thjeshtë, tha ai.

Shtëpia e Bardhë tha se ligjvënësi javën e kaluar kishte ofruar një kornizë për një kompromis mbi legjislacionin dhe kishte “premtuar të vazhdonte bisedimet në ditët në vijim dhe të punonte me ne për të arritur në një emërues të përbashkët.”

Sekretarja e shtypit e Shtëpisë së Bardhë, Jen Psaki, tha në një deklaratë se nëse komentet e senatorit Manchin “tregojnë fundin e kësaj përpjekjeje, ato përfaqësojnë një ndryshim të papritur dhe të pashpjegueshëm të pozicionit e tij dhe një shkelje të angazhimeve të tij ndaj Presidentit dhe kolegëve të senatorit në Dhomën e Përfaqësuesve dhe Senat.”

Ajo hodhi poshtë pretendimet e zotit Manchin se legjislacioni do të rriste çmimet e mallrave të konsumit në Shtetet e Bashkuara, më të lartat në gati katër dekada, ose se do të rriste borxhin afatgjatë të vendit, që aktualisht është mbi 29 trilion dollarë, sepse shpenzimet e reja do të mbuloheshin përmes rritjes së taksave për korporatat dhe individët e pasur.

Komentet e senatorit shkaktuan zemërim të menjëhershëm tek demokratët liberalë dhe tek senatori Bernie Sanders, i cili ndihmoi në hartimin e projektligjit dhe bëri thirrje për një votim të tij pavarësisht kundërshtimit të zotit Manchin.

Zoti Sanders tha se Manchin “nuk ka guxim” që t’u dalë kundër interesave të veçanta të biznesit që do të ndikoheshin më shumë nga legjislacioni.

Ai tha në emisionin “State of the Union” të CNN-it se dëshiron që Senati të votojë për masën gjithsesi, edhe nëse ajo shkon drejt humbjes, për ta detyruar zotin Manchin të japë llogari publike për votën e tij.

“Atij do t’i duhet të japë shumë shpjegime banorëve të Virxhinias Perëndimore,” tha zoti Sanders.

Senatori Manchin ka qenë një nga pengesat kryesore për planin e Shtëpisë së Bardhë që synon të forcojë rrjetin e sigurisë sociale dhe të luftojë ndryshimet klimatike dhe është pjesa qendrore e programit legjislativ të zotit Biden.

Mbështetja e zotit Manchin është jetike në kushtet kur demokratët kanë epërsi fare të ngushtë në Senat dhe republikanët janë të bashkuar në kundërshtimin e tyre ndaj projektligjit.

Demokratët kishin shpresuar ta miratonin projekt-ligjin me 51 vota pro dhe 50 kundër përpara Krishtlindjeve, duke e siguruar shumicën me votën e nënpresidentes Kamala Harris. Dhoma e Përfaqësuesve e ka miratuar një version të projektligjit.

Por edhe nëse senatori i Virxhinias Perëndimore do të ishte bindur ta mbështeste projektligjin, Shtëpia e Bardhë do të duhej të bindte senatoren Kyrsten Sinema, një tjetër demokrate e moderuar që nuk është zotuar ta mbështesë atë.

blank

DASH: Akuzat ndaj ambasadores Kim të pajustifikuara

VOA

Departamenti i Shtetit hodhi sot poshtë akuzat e bëra në Shqipëri nga ish kryeministri Sali Berisha ndaj ambasadores Yuri Kim.

Në përgjigje të pyetjes së Zërit të Amerikës lidhur me akuzat e bëra nga ish kryeminstri Sali Berisha ndaj Ambasadores Yuri Kim se ajo po sillet si guvernatore në Shqipëri dhe se mbështet kryeministrin Edi Rama, zëdhënësi i Departamentit të Shtetit Ned Price tha se “Uashingtoni është i shqetësuar nga sulmet e pajustifikuara ndaj ambasadores tonë në Tiranë. Këto sulme të shëmtuara nuk përfaqësojnë popullin shqiptar. Siç e ka udhëzuar Uashingtoni, thekson zëdhënësi Price, ambasadorja Kim ka shpjeguar dhe zbatuar qartë politikat e Shteteve të Bashkuara, përfshirë vendosmërinë e Presidentit Biden për të mbajtur përgjegjës ata persona që përfshihen në korrupsion, ose minojnë demokracinë.

Shtetet e Bashkuara, thekson më tej zëdhënësi, vlerësojnë marrëdhëniet me popullin shqiptar dhe vitin e ardhshëm do të kremtojmë 100 vjetorin e vendosjes së marrëdhënieve mes dy vendeve. Marrëdhëniet tona, përfundon zëdhënësi, i mbijetuan komunizmit dhe diktaturës për shkak të angazhimit të përbashkët për demokraci dhe respektit të ndërsjellë.

blank

SHBA, pushohen 27 pjesëtarë të forcave ajrore për shkak të refuzimit të vaksinës

Washington

Forcat Ajrore të SHBA-së kanë njoftuar se 27 pjesëtarë janë pushuar nga shërbimi pasi kanë refuzuar të vaksinohen kundër koronavirusit të ri (COVID-19), transmeton Anadolu Agency (AA).

Forcat ajrore amerikane u kanë dhënë kohë pjesëtarëve të saj që të vaksinohen më së voni deri më 2 nëntor, ndërsa mijëra kanë refuzuar ta bëjnë këtë ose kanë kërkuar një përjashtim.

Zëdhënësja e Forcave Ajrore të SHBA-së, Ann Stefanek, të hënën tha se këta janë pjesëtarët e parë të shërbimit që pushohen nga puna administrative për arsye të lidhura me vaksinat.

Ajo shtoi se asnjë nga 27 pjesëtarët nuk kërkuan përjashtim mjekësor, administrativ apo fetar.

Nuk është e pazakontë që pjesëtarët e ushtrisë të pushohen nga puna për mosbindje ndaj urdhrave, pasi disiplina është një parim kyç i forcave të armatosura. Stefanek deklaroi se në tre tremujorët e parë të vitit 2021, rreth 1.800 anëtarë të shërbimit ajror u pushuan nga puna për mosbindje ndaj urdhrave.

Pentagoni e shpalli vaksinën të detyrueshme për të gjithë anëtarët e ushtrisë në gusht dhe shumica e ushtarëve aktivë morën të paktën një dozë.

blank

SHBA, 380 milionë dollarë kompensim për viktimat e mjekut abuziv, Larry Nassar

Qindra gra të dhunuara seksualisht nga Larry Nassar, ish-mjeku i Ekipit Olimpik të Gjimnastikës në SHBA, ranë dakord me Federatën e Gjimnastikës së SHBA-së për një dëmshpërblim prej 380 milionë dollarësh

Qindra gra të dhunuara seksualisht nga Larry Nassar, ish-mjeku i Ekipit Olimpik të Gjimnastikës në SHBA, ranë dakord me Federatën e Gjimnastikës së SHBA-së për një dëmshpërblim prej 380 milionë dollarësh, transmeton Anadolu Agency (AA).

Pas 5 vitesh betejë ligjore ka përfunduar procesi gjyqësor midis grave të dhunuara, përfshirë fitueset e medaljes së artë olimpike Simone Biles, Aly Raisman dhe McKayla Maroney dhe Federatës së Gjimnastikës së SHBA-së, Komitetit Olimpik dhe Paralimpik të SHBA-së.

Rrjedhimisht u ra dakord që palët e paditura të paguajnë 380 milionë dollarë dëmshpërblim për viktimat dhe familjet e tyre. Larry Nassar u dënua me më shumë se 300 vjet burg për sjellje të pahijshme seksuale në vitin 2018.

Rachael Denhollander, gruaja e parë që ndau publikisht akuzat e saj kundër Nassar-it në vitin 2016 në llogarinë e saj në Twitter shkroi: “Më në fund e kemi mbyllur këtë libër. Që tani e tutje, ne do të fillojmë një proces të vështirë në rrugën e reformës dhe rindërtimit. Drejtësia dhe ndryshimi varet nga hapat e mëtejshëm”.

Përveç grave në Federatën Amerikane të Gjimnastikës, gratë që u ngacmuan në Universitetin Shtetëror të Michiganit, ku Nassari punonte, paditën gjithashtu edhe universitetin. Universiteti në vitin 2018 ra dakord t’u paguante paditësve 500 milionë dollarë.

blank

Në kërkim të të mbijetuarve, rritet numri i viktimave nga stuhia në SHBA

Rrënojat e mbetura pas shkatërrimit të fabrikës së qirinjve në qytetin, Mejfilld.

RFE/RL

Pasi një tornado e fuqishme preku pjesë të ndryshme SHBA-së, raportohet për më shumë se 80 të vdekur.

Ndërkohë janë duke vazhduar kërkimet për të mbijetuarit në pjesë të gjashtë shteteve amerikane, të prekura nga stuhia.

Në lidhje me këtë katastrofë natyrore, presidenti amerikan, Joe Biden shpalli gjendje të jashtëzakonshme në Kentaki, shtetin më së rëndi të prekur nga stuhia.

Biden tha se qeveria do të bëjë gjithçka për të ndihmuar pjesët qendrore të shtetit në ballafaqim me pasojat e stuhisë.

Presidenti amerikan njëkohësisht nënshkroi edhe Deklaratën federale për situata të jashtëzakonshme, duke mundësuar kështu ndihmë financiare për Kentakin, derisa shtoi se ky tornado ishte ndër më të fuqishmit në historinë e gjithë SHBA-së.

Mjete financiare për raste urgjente do të jenë të qasshme edhe për shtetet tjera të prekura si Misuri, Arkansas, Illinois, Tenesi dhe Misisipi, në rast nevoje.

“Bashkë do ta tejkalojmë këtë”, deklaroi Biden.

Më shumë se, 70 persona kanë vdekur më 11 dhjetor vetëm në Kentaki, përfshirë dhjetëra të tjerë të cilët vdiqën në një fabrikë qirinjsh, por, pritet që numri i viktimave të shkojë në mbi, 100.

Ekipet e Ndihmës së shpejtë pa pushim janë duke kërkuar nëpër rrënoja për të mbijetuarit në qytetin Mejfilld, i cili u prek më së shumti nga tornado.

Më shumë se 40 persona u shpëtuan derisa nga rreth 110 sa ndodheshin në fabrikë, ndonëse guvernatori i Kentakit, Andy Beshear tha se nuk do të habitej nëse askush më nuk shpëton nga aty.

Në qytetin Mejfilld, ndërkaq është shkatërruar edhe stacioni i policisë dhe u dëmtuan pajisjet e zjarrfikësve. Dhjetëra mijëra njerëz tashmë kanë mbetur pa rrymë dhe ujë.

Persona të vdekur janë raportuar edhe në disa qarqe të tjera, por “numri i të vdekurve në fabrikën e qytetit Mejfilld do të mund të tejkalonte bilancin e të vdekurve të cilitdo tornado në histori të shtetit”, përfundoi guvernatori.

Në lidhje me numrin e të vdekurve në SHBA, reagoi edhe kryeministri i Kosovës, Albin Kurti. Nëpërmes një postimi në llogarinë e tij në Twitter, Kurti ngushëlloi familjarët dhe miqtë e të vdekurve.

“Lajm tronditës nga SHBA. Ngushëllimet tona për familjen dhe miqtë e mbi 100 jetëve të humbura në tornadot e Kentakit dhe falënderimet më të sinqerta për reaguesit e parë që e vunë veten në rrezik”, shkroi Kurti.

blank

SHBA: Mizoritë në Reçak janë plotësisht të dokumentuara

Disa persona vizitojnë memoralin kushtuar viktimave të Masakrës së Reçakut. Fotografi nga arkivi.

RFE/RL

Departamenti amerikan i Shtetit, në përgjigje të deklaratave të ministrit serb, Aleksandar Vulin, tha se “mizoritë që kanë ndodhur në Reçak në janar të vitit 1999, përfshirë masakrën e civilëve, janë të dokumentuara mirë”.

“Mohimi i këtyre fakteve themelore dhe madhërimi i krimeve të luftës sjellin dhimbje për të mbijetuarit, çnderojnë viktimat dhe mbajnë gjallë ndarjet që vazhdojnë të pengojnë pajtimin e qëndrueshëm, paqen dhe prosperitetin për Ballkanin Perëndimor”, thuhet në deklaratën e Departamentit amerikan të Shtetit dhënë për Radion Evropa e Lirë.

Ministri i Brendshëm i Serbisë, Aleksandar Vullin, deklaroi më 10 dhjetor se Masakra e Reçakut, ishte një “gënjeshtër të madhe dhe një falsifikim i tmerrshëm”.

“Agresioni i NATO-s filloi pas një gënjeshtre të tmerrshme për Reçakun. Në atë kohë, ne nuk ishim as të aftë e as të zgjuar për t’i treguar të gjithë botës se çfarë gënjeshtre e tmerrshme ishte”, citohet të ketë thënë Vullin.

Më 15 janar të vitit 1999, forcat policore dhe ushtarake serbe në Kosovë vranë 45 civilë shqiptarë në fshatin Reçak në Komunën e Shtimes.

Krimet e kryera në këtë fshat i kishte dokumentuar kreu i atëhershëm i misionit vëzhgues të Organizatës për Siguri dhe Bashkëpunim në Evropë, William Walker.

Ngjarja e Reçakut u pasua nga bombardimet e NATO-s mbi caqet serbe në Kosovë si dhe në Serbi.

Vullin ka mohuar disa herë në të kaluarën Masakrën e Reçakut, duke e quajtur këtë masakër si një “krim të fabrikuar”.

blank

Biden “të përmbushë zotimet” për drejtësi në rastin e vëllezëve Bytyqi dhe Krasniqi-Goodman

RFE/RL

Njëmbëdhjetë kongresistë amerikanë kanë kërkuar nga presidenti, Joe Biden që të përmbushë zotimet e tij lidhur me vendosjen e drejtësisë për rastin e vëllezërve Bytyqi dhe për të viktimat e dhunës seksuale gjatë luftës së fundit në Kosovë.

Përmes një letre, kongresistët thanë se presidenti amerikan duhet të kërkojë nga autoritetet në Serbi që të kryejnë hetim të plotë lidhur me vrasjen e shtetasve amerikanë, Ylli, Agron dhe Mehmet Bytyqi, që u vranë në Serbi.

Agron, Yll dhe Mehmet Bytyqi kanë luftuar në radhët e Ushtrisë Çlirimtare të Kosovës.

Ata janë vrarë në vitin 1999, pasi paraprakisht janë arrestuar nga autoritetet serbe për shkak të, siç është thënë, hyrjes së paligjshme në Serbi. Trupat e tyre u gjetën në Petrovo Selo në Serbinë lindore.

Sipas kongresistëve, familja Bytyqi “nuk mund të pushojnë derisa drejtësia të vihet në vend dhe keqbërësit për këto krime të mbahen përgjegjës nga Qeveria e Serbisë dhe të marrin dënimin e merituar”.

“Ne qëndrojmë në solidaritet me këtë familje, e cila ka jetuar për mbi dy dekada pa drejtësi. Ne u bëjmë thirrje që të përmbushni zotimin tuaj dhe të kërkoni përgjigje nga presidenti (i Serbisë, Aleksandar) Vuçiq dhe të kërkoni një hetim të plotë për këtë rast, përfshirë edhe për personat në zinxhirin komandues”, thuhet në letrën e kongresistëve amerikanë.

Në letër, po ashtu është përmendur edhe rasti i të mbijetuarës së dhunës seksuale gjatë luftës në Kosovë, Vasfije Krasniqi-Goodman.

Krasniqi-Goodman, që njëherësh është deputete e Kuvendit të Kosovës, është gruaja e parë që publikisht ka treguar se ka qenë e dhunuar nga forcat serbe.

“Ne i bëjmë thirrje administratës Biden që të punojë me Departamentin e Shtetit dhe të sigurohet që drejtësia të vihet në vend për këtë familje dhe për të gjithë të mbijetuarit e krimeve të luftës, përfshirë edhe viktimave të dhunimit dhe formave të tjera të dhunës seksuale”, thuhet në letër.

Vasfije Krasniqi-Goodman tha se është e lumtur që kongresistët po kërkojnë nga presidenti Biden dhe administrata e tij “që të përmbushë premtimin e tij dhe të sjellë drejtësi për të gjitha viktimat e luftës në Kosovë”.

Ndryshe, në Kosovë deri tani është dënuar vetëm një person lidhur me veprën penale të dhunës seksuale gjatë luftës në Kosovë. Në korrik të vitit 2021, Gjykata Themelore në Prishtinë dënoi me dhjetë vjet burgim ish-rezervistin e policisë serbe, Zoran Vukotiq.

blank

Biden i bën homazhe senatorit të ndjerë Bob Dole në ceremoninë e Kapitolit

VOA

Personalitete të larta të Uashingtonit u mblodhën të enjten në Kongresin amerikan për të nderuar Bob Dole, i cili vdiq të dielën në moshën 98-vjeçare nga kanceri në mushkëri.

Trupi i Bob Dole, një senator republikan i Kansasit që shërbeu për dekada dhe një kandidat presidencial në vitin 1996, do të qëndrojë në kupolën e Kapitolit deri të premten. Ai është personi i 33-të të cilit i bëhet ky nderim.

“Robert Joseph Dole e ka vendin këtu, në këtë tempull të lirisë dhe tempull të mundësive. Bob Dole e donte këtë Kongres”, tha Presidenti Joe Biden gjatë ceremonisë.

Dole u plagos rëndë në Luftën e Dytë Botërore. Dora e tij e djathtë u bë e paralizar nga një dëmtim në fushëbetejë nga të shtënat e gjermanëve në Itali. Ai kaloi vite duke përshëndetur votuesit dhe zyrtarët e Uashingtonit me dorën e majtë, ndërsa shtrëngonte një stilolaps në dorën e djathtë për të dekurajuar njerëzit të bënin një shtrëngim normal duarsh.

Në jetën politike, Dole ishte shpesh në mosmarrëveshje me republikanët më konservatorë, por për më shumë se tre dekada ai ishte pjesë e zyrtarëve më të lartë të partisë. Ai shihej në Uashington si një politikan pragmatist.

Dole kundërshtoi shumë nga programet “Shoqëria e Madhe” të Presidentit Lyndon Johnson, por mbështeti Aktin e të Drejtave Civile të vitit 1964 dhe Aktin e të Drejtave të Votimit të vitit 1965.

Në fillim të viteve 1970, Dole ishte kryetari i partisë republikane, ishte kandidat për nënpresident së bashku me kandidatin presidencial Gerald Ford në vitin 1976 i cili humbi garën për një mandat të plotë. Bob Dole mbajti role drejtuese në Senat.

Funerali i Bob Dole do të mbahet të premten në Katedralen Kombëtare. Ajo do të jetë një ceremoni private dhe do të transmetohet drejtpërdrejt në Memorialin e Luftës së Dytë Botërore.

blank

Arkiv 9.12.2014 – Nga Frank Shkreli: Kondoliza Rajs zbulon se Presidenti Xhorxh Bush kishte konsideruar dhe donte të njihte pavarësinë e Kosovës në vitin 2007

 

 

KONDOLIZA RAJS: NUK KA NDER MË TË MADH — KUJTIMET E VITEVE TË MIA NË UASHINGTON

(‘’Unë ua kam premtuar (pavarësinë e Kosovës) dhe premtimin do t’a mbajmë’’)

Nga FRANK SHKRELI

 

 

Ky është titulli i librit të sapo botuar të Kondoliza Rajs, e cila ka shërbyer në administratën e Presidentit Xhorxh W Bush si Sekretare e Shtetit dhe si Këshilltare për Sigurimin Kombëtar të Shteteve të Bashkuara. Kondoliza Rajs ishte e para femër në historinë e Shteteve të Bashkuara që shërbeu si Këshilltare e Presidentit për çështje të sigurimit kombëtar, një detyrë këjo që i forcoi lidhjet e saj me Presidentin Bush dhe e bëri atë një prej bashkpuntorëve më të ngushtë e më me influencë të tij. Si kryediplomatja e Shteteve të Bashkuara, ajo udhëtoi anë e mbanë botës duke kërkuar realizimin e qëllimeve të përbashkëta midis aleatëve e miqve, e nganjëherë edhe armiqve, për të arritur në marrëveshje ndërkombëtare mbi çështje përçarëse, që në çdo moment, mund të hidhnin botën në kaos. Në librin e saj, ‘’Nuk ka nder më të madh’’, Kondoliza Rajs shkruan, natyrisht për përspektivat e saj unike, në lidhje me zhvillimet dilpomatike, politike dhe të sigurimit kombëtar dhe ndërkombëtar. Ajo shkruan për krizat amerikane dhe botërore me të cilat u përballua administrata e Presidentit Bush, përfshirë sulmet terroriste të 11 Shtatorit 2001, luftërat në Irak dhe në Afganistan, mbi krizën në Lindjen e Mesme, dhe flet mbi marrëdhënjet e tensionuara midis Pakistanit dhe Indisë, si edhe mbi grindjet midis Rusisë dhe Gjeorgjisë, që sipas saj, gati si nuk shpërthyenë në një luftë të përgjithëshme.

Në kujtimet e saj, Rajs flet edhe mbi polemikat dhe kundërshtimet politike të njohura mirë nga publiku amerikan, midis saj dhe ish-nën-presidentit Dik Çejni dhe ish-ministrit të Mbrojtjes, Donad Ramsfled, duke thënë se ato nuk ishin personale por në thelb ishin ndryshime të qendrimeve politike me pasoja të rëndësishme për Amerikën dhe për botën.

Mirëpo, në kujtimet e saj, Kondoliza Rajs ka lenë vend edhe për zhvillimet në Ballkan gjatë periudhës që ajo ka shërbyer në detyrat më të larta të qeverisë amerikane në Uashington. Ajo që ndoshta është më me rëndësi në këtë libër – nga përspektiva shqiptare — është fakti se ajo zbulon se Presidenti Xhorxh Bush kishte konsideruar dhe donte të njihte pavarësinë e Kosovës në vitin 2007.

Ish- Sekretarja e Shtetit Rajs shkruan se pjesa më e madhe e botës e kishte pranuar faktin se Kosova do të shkëputej nga Serbia, por ishte Rusia, aleatja e vjetër e saj, që nuk pranonte dhe kundërshtonte me mish e me shpirt një gjë të tillë. Ajo vazhdon duke thënë se çeshtja e Kosovës ishte një problem që shkaktonte gjithmonë grindje në takimet midis Moskës e Uashingtonit. Ajo u referohet dy takimeve, njërit në Oslo dhe tjetrit në Potsdam. Rajs thotë se takimi në Oslo, falë kokëfortësisë ruse, nuk bëri asgjë që të përmirësohej atmosfera e tensionuar midis dy palëve rreth Kosovës, dhe për takimin e saj në Potsdam me Ministrin e Jashtëm rus, Sergei Lavrov ajo shkruan: ‘’Sergei dhe unë e përdorëm rastin për një debat të ashpër në lidhje me Kosovën dhe mbi raketat mbrojtëse (në Poloni dhe Çeki), megjithëse disa javë më parë, Moska kishte premtuar se do të përpiqej të gjëndeshin pika të përbashkëta marrveshjeje, megjithë politikat e kundërta midis dy palëve….Ai takim atë ditë ishte paralajmërues i marrëdhënjeve shumë të vështira me Kremlinin, për 18 muajt e ardhëshëm, deri në fund të administratës së Presidentit Bush.’’

Sipas Kondoliza Rajs, pasi me Rusinë nuk kishte asnjë shpresë për ndonjë marrëveshje që do të kënaqte shqiptarët e Kosovës, detyra e administratës së Presidentit Bush, ndërkohë, ishte që të mënjanonte shpërthimin e dhunës dhe në të njëjtën kohë të përpiqej të bindëte sa më shumë shtete që të njihnin Kosovën, bazuar në Planin Ahtisaari, propozim ky që mbështetej me këmbëngulje nga administrata amerikane. Ajo thotë se për të ndihmuar në zbatimin e politikës amerikane në lidhje me Kosovën kishte emëruar diplomatin veteran Frank Uisner si i dërguar i posaçëm, dhe diplomati në detyrë Dan Fried, së bashku me Xhudi Ansli nga zyra e Sigurimit Kombëtar në Shtëpinë e Bardhë, bashkpunuan ngushtë me ambasadorin Uisner dhe me Pentagonin. Detyra e tyre ishte e dyfishtë: zbatimi i Planit Ahtisaari dhe të bindënin sa më shumë shtete, sidomos në Evropë, për të përkrahur këtë plan, i cili më në fund do të çonte në pavarësinë e Kosovës, megjith kundërshtimet e forta nga ana e Rusisë. Këjo situatë, sipas saj kishte një sens urgjence pasi shqiptarët e Kosovës kishin filluar të humbisnin durimin dhe ekzistonte frika se nga pakënaqësia e madhe e tyre me situatën e ngecur në lidhje me satusin e Kosovës, mund të shpërthenin protestat dhe dhuna. Kondoliza Rajs shkruan:

‘’Ndërsa nga fundi i verës së vitit 2007, Kosovarët tregonin shënja gjithnjë e më të mëdha shqetësimi, unë u bëra presion Evropianëve që të vepronin. Idea jonë ishte që të njihnim shtetin e ri së bashku me shtete të tjera dhe njëkohësisht të bindënim edhe vende të tjera të bënin të njëjtën gjë. Aleatët e NATO-s, sidomos francezët dhe gjermanët, hesitonin, duke shpresuar se Moska do të ndryshonte qendrimin e saj. Çdo takim me ta përfundonte me premtimin se ata do ta njihnin (Kosovën), por koha kalonte pa u bë gjë. Kur, aty nga mesi i Qershorit, francezët ngulën këmbë që vendimi për të njohur Kosovën të shtyhej edhe për një muaj, Presidenti Bush u tërbua nga zemërimi. Një javë më vonë, në një mbledhje të Këshillit të Sigurimit Kombëtar, megjithë rezervimet e mia, unë mbrojta qendrimin e aleatëve për më shumë kohë. Presidenti Bush i telefonoi udhëheqsit rus Putin për të biseduar mbi këtë çështje, dhe ai i dha atij të njëjtën përgjigje që më kishte dhënë mua më përpara Ministri Lavrov (se në lidhje me Kosovën): ‘’Ne pranojmë çdo gjë që pranojnë serbët….’’

‘’…..Në takimin e nivelit të lartë të grupit G8 në Heiligendamm të Gjermanisë, presidenti francez Sarkozi propozoi vazhdimin e negociatave për njohjen e Kosovës edhe për 120 ditë, në përfundimin e të cilave sipas tij, nëqoftse nuk arrihej marrveshje, Këshilli i Sigurimit i Kombeve të Bashkuara do të përkrahte Planin Ahtisaari. Pas takimit në Heiligendamm, gjatë një konferencë për media më 9 Qershor në Romë, Presidenti Bush bëri thirrje për pavarësinë e Kosovës. Një ditë më vonë, gjatë vizitës së tij në Shqipëri, ai ritheksoi dhe përsëriti përkrahjen e tij për pavarësinë e Kosovës dhe të Planit Ahtisaari. ‘’Edhe një muaj’’, më tha Presidenti. ‘’Dhe atëherë, ne i njohim, edhe nëqoftse jemi të detyruar të bëjmë një gjë të tillë vetëm ne. Unë ua kam premtuar këtë (shqiptarëve) dhe premtimin duhet t’a mbajmë.’’

Më në fund, Rajs thotë se, siç duket me mungesë dëshire dhe për hir të kohezionit në radhët e aleatëve të Amerikës, Presidenti Bush ra dakord me propozimin francez që të zgjaten negociatat edhe për 120 ditë, me marrveshje se këjo do të ishte shtyrja e fundit.

Shtetet e Bashkuara njohën zyrtarisht shtetin e Kosovës me 18 Shkurt, 2008 ashtu siç bënë edhe shumë shtete të tjera evropiane. Ish-Sekretarja e Shtetit Rajs thotë se për Shtetet e Bashkuara, nuk kishte alternativë tjetër përveç njohjes së Kosovës si shet i pavarur, dhe ndër të tjera, ajo shpreh besimin e saj se në Kosovë, me kohë, çdo gjë do të shkojë mirë e do të jetë në rregull dhe se njohja e pavarësisë së Kosovës ishte një gjë e drejtë dhe e doemosdoshme.

Është traditë dhe një fakt i jetës politike amerikane që kur merrë fund një administratë, figurat kryesore që kanë luajtur role kyçe në politikën e jashtme dhe të mbrendshme të Amerikës, shkruajnë kujtimet e tyre, nga përspektiva e tyre. Në librin e saj, Kondoliza Rajs nuk zbulon ndonjë sekret dhe as nuk shpalosë ndonjë ngjarje të re tronditëse që mund të ketë ndodhur gjatë shërbimit të saj në Uashington, por është një libër i dobishëm, i bazuar në dokumenta zyrtare dhe është një kontribut i vlefshëm në historinë diplomatike amerikane.

Si edhe në raste të tjera, është historia ajo që do të gjykojë punën dhe veprimtarinë e ish-Sekretares së Shtetit Rajs dhe administratës së ish-Presidentit Bush, për të cilën ajo punoi. Ish-Sekretarja Rajs është rritur në shtetin Alabama ku ndasitë raciale ishin tepër të theksuara. Një prej shoqeve të saja Denise Mekner qe vrarë në bombardimin e një Kishe Baptiste më 1963 nga grupi supremacist Ku Klax Klan. Kur merr parasyshë këtë prejardhje të saj, është e pamundur që – duke lexuar librin — të mos vihet re krenaria e saj që si një femëre zezake nga jugu i Amerikës, i është dhënë mundësia dhe privilegji për të shërbyer në detyrat më të larta të qeverisë së Shtetve të Bashkuara.


blank
blank
Send this to a friend