VOAL

VOAL

Please Wait ...
0%
blank

Alaska – Një pasuri ushtarake strategjike kundër Kinës dhe Rusisë

Carla Babb

BAZA EIELSON E FORCAVE AJRORE, ALASKË – Alaska është skaji më verior i Shteteve të Bashkuara dhe është një territor i madh që ka gjithashtu një prani të madhe ushtarake.

Mes instalimeve ushtarake në Alaskë, ka shumë hapësirë të natyrës të egër. Arinjtë janë kudo, dhe moti është gjithashtu i ashpër. Në dimër temperatura mund të zbresë në rreth minus 45 gradë Celsius.

Por pse Shtetet e Bashkuara kanë vëndosur kaq shumë trupa dhe arsenal mbrojtjeje në një mjedis kaq të ashpër? Përgjigja, sipas Sekretarit të Mbrojtjes Lloyd Austin, është gjeografia.

“Jemi një vend Indo-Paqësor dhe jemi gjithashtu një vend Arktik. Në Alaskë kryqëzohen këto dy rajone kritike”, tha ai.

Alaska kufizohet nga Oqeani Paqësor dhe Oqeani Arktik. Baza e Forcave Ajrore Eielson, në zemër të Alaskës, është rreth 160 kilometra nga rrethi Arktik. Aty, thotë Sekretari Austin, Shtetet e Bashkuara kanë forcuar mbrojtjen dhe kanë zgjeruar stërvitjet ushtarake në një përpjekje për të rritur avantazhin e tyre konkurrues ndaj kundërshtarëve të afërt, Rusisë dhe Kinës.

“Keni parë që po rrisim aftësitë tona këtu së fundmi me shtimin e avionëve F-35, dhe jemi në proces të zgjerimit të aftësive për të mbështetur atë përpjekje,” tha ai.

Kjo është veçanërisht e dobishme pasi avionët luftarakë të gjeneratës së pestë F-35 të vendosur në bazën Eielson mund të arrijnë kudo në hemisferën veriore. Me këta avionë luftarakë fluturon mbi Paqësorin verior dhe je në Azi. Dëshiron të jesh në Evropë? Është shumë e kollajshme për avionin F-35 të fluturojë përmes Arktikut.

Nëse duhet që trupat të praktikojnë aftësitë ushtarake në vend, aty ndodhet një poligon trajnimi me sipërfaqe 200,000 kilometra katrorë.

“Nëse nuk ke shërbyer këtu është e vështirë ta kuptosh plotësisht se sa i rëndësishëm është strategjikisht ky shtet”, thotë senatori i Alaskës Dan Sullivan, i cili është anëtar i Komisionit të Senatit për Forcat e Armatosura.

Ai thotë se Pentagoni ka të drejtë të përqendrohet tek konkurrentët e nivelit të lartë, por ai është i shqetësuar se Shtetet e Bashkuara mund të mos jenë duke bërë sa duhet.

“Kina ka rritur shpenzimet e saj të mbrojtjes me 10% në vit, apo jo? Ata do të vazhdojnë ta bëjnë këtë. Ne, siç e dini, gjatë mandatit të dytë të administratës Obama, ulëm shpenzimet e mbrojtjes me 25%. Trumpi i shtoi. Por ato po shkurtohen përsëri. Kështu që, jam absolutisht i shqetësuar, dhe po kështu janë edhe shumica e anëtarëve të Komisionit të Forcave të Armatosura, nuk ka rëndësi nga cila parti”, thotë ai për Zërin e Amerikës.

Senatori Sullivan tha se ai dëshiron të shohë që buxheti i mbrojtjes të rritet nga 3 deri në 5% në vit për të ecur me ritmin e investimeve ushtarake që bën Kina. Ai mori si shembull bazat e shpërndara në shtetin më të skajshëm kufitar të Amerikës si dëshmi të asaj se sa domethënës janë dollarët e shpenzuar për mbrojtjen, shumë larg Uashingtonit.

blank

SHBA: Marrëveshja me Gjermaninë për gazsjellësin, në mbështetje të Ukrainës

Gjatë punës për shtrirjen e tubacionit të gazsjellësit rus Nord Stream 2

 

VOA

Gjermania është angazhuar si pjesë e një marrëveshjeje me Uashingtonin të ndërmarrë veprime në nivel kombëtar dhe për të ushtruar presion, madje edhe sanksione në nivelin evropian, nëse Rusia përdor energjinë si armë në marrëdhëniet me vendet e tjera.

Shtetet e Bashkuara nuk hynë në detaje për hapat që do të ndërmarrin në lidhje me marrëveshjen për gazsjellësin Nord Stream 2, në mënyrë që të mos “i jepen Rusisë informacione që mund ta ndihmonin atë t’u shmangej këtyre masave”, u tha një zyrtar amerikan gazetarëve, në kushte anonimiteti.

Ndërkaq, gjatë një seance dëgjimore në Komisionin e Senatit për Marrëdhëniet me Jashtë, Nënsekretarja e Shtetit për Çështje Politike, Victoria Nuland, foli për ndikimin e këtij gazsjellësi në Evropë.

Nënsekretarja e Shtetit për Çështjet Politike, Victoria Nuland

Nënsekretarja e Shtetit për Çështjet Politike, Victoria Nuland

“Kjo është një situatë e keqe dhe një gazsjellës i keq, por ne duhet të mbrojmë Ukrainën. Mendoj se me këtë marrëveshje kemi marrë hapat e duhur në këtë drejtim”, tha zonja Nuland.

Ndërkaq, Shtëpia e Bardhë njoftoi se më 30 gusht do të pritet në Shtëpinë e Bardhë presidenti ukrainas Volodymyr Zelenskyy. Ministri i Jashtëm i Ukrainës, Dmytro Kuleba njoftoi se Kievi ka filluar zyrtarisht konsultimet me Bashkimin Evropian dhe Gjermaninë për gazsjellësin Nord Stream 2.

Presidenti Joe Biden u tha gazetarëve mbrëmë se bisedimet me Kancelaren gjermane Angela Merkel kishin mundësuar lejimin e përfundimit të këtij gazjellësi në Evropë, pa shtuar sanksione të tjera amerikane.

Presidenti Joe Biden duke folur për gazetarët në Kentaki

Presidenti Joe Biden duke folur për gazetarët në Kentaki

“Nord Stream-i është 99% i përfunduar. Ideja se diçka mund të thuhej apo mund të bëhej për ta ndaluar, nuk është e realizueshme. Por, siç e dini unë pata bisedime të frytshme me Angela Merkelin, e cila po punon nga ana e qeverisë gjermane me një angazhim që sugjeron se nëse Rusia do të punojë fort për të dëmtuar qëllimisht Ukrainën dhe vendet e tjera, atëherë do të marrin një përgjigje”, tha Presidenti Biden.

Nëpërmjet ministrit të jashtëm, Gjermania shprehu lehtësim për arritjen e marrëveshjes për këtë gazsjellës dhe premtoi të ndihmojë Ukrainën për ngritjen e një sektori energjie të gjelbër dhe për të siguruar tranzitin e gazit përmes vendit gjatë dekadës së ardhshme.

Marrëveshja synon të lehtësojë ato që kritikët i shohin si rreziqet strategjike të gazjellësit me vlerë 11 miliardë dollarë, që tani është pothuajse i kompletuar dhe po ndërtohet nën Detin Baltik për të transportuar gaz nga rajoni Arktik i Rusisë në Gjermani.

Shtetet e Bashkuara kanë qenë kundër këtij gazsjellësi që e lejon Rusinë të eksportojë gaz direkt në Gjermani dhe të bllokojë vendet e tjera, por administrata e Presidentit Biden ka zgjedhur të mos përpiqet ta neutralizojë atë plotësisht me sanksione.

*Materiali përmban të dhëna të marra nga agjensitë e lajmeve Reuters dhe Associated Press

blank

Udhëheqësja e opozitës bjelloruse kërkon përdorimin e sanksioneve nga SHBA

VOA

Udhëheqësja e opozitës bjelloruse, Sviatlana Tsikanouskaya po vazhdon vizitën e saj në Shtetet e Bashkuara. Të martën ajo tha se kërkoi nga zyrtarët amerikanë vendosjen e sanskioneve më të ashpra ndaj bizneseve që kanë lidhje me regjimin e Alexandër Lukashenkos. Në një intervistë për Zërin e Amerikës ajo arsyetoi kërkesën e saj duke thënë se Bjellorusia po lufton për vlerat që promovohen nga Shtetet e Bashkuara.

Udhëheqësja e opozitës bjelloruse Sviatlana Tsikhanouskaya po kërkon nga Shtetet e Bashkaura që të bëjnë presion mbi udhëheqjen e Presidentit Aleksandër Lukashenko, qoftë edhe përmes vendosjes së sanksioneve.

“Sanksionet nuk zgjidhin gjithçka, por ato mund të ndihmojnë në ndaljen e dhunës në Bjellorusi dhe mund të detyrojnë udhëheqësit e regjimit të fillojnë dialogun me shoqërinë civile”, thotë për Zërin e Amerikës opozitarja Tsikhanousaya.

Këto komente ajo i bëri jashtë Shtëpisë së Bardhë, pas takimit me Këshiltarin amerikan për Siguri Kombëtare, Jake Sullivan, një nga shumë takimet e opozitares bjelloruse me zyrtarë të administratës Biden dhe Kongresit të Shteteve të Bashkuara.

“Ne ndajmë vlera të përbashkëta, si lufta për demokraci, të drejtat e njeriut dhe sundimin e ligjit. Ne duhet të komunikojmë në mënyrë që Shtetet e Bashkuara të qëndrojnë pranë në mbrojtje të këtyre vlerave. Mos e përkrahni Sviatlana Tsikhanouskayan ose persona të tjerë, thjeshtë qëndroni me Bjellorusinë sepse ne po luftojmë për vlerat të cilat SHBA promovon në botë“, tha ajo në një intervistë ekskluzive për Zërin e Amerikës.

“Shtetet e Bashkuara respektojnë guximin dhe vendosmërin e opozitës bjelloruse dhe qëndrojnë në krah të popullit të Bjellorusië“, shkroi në Twitter Këshilltari amerikan për Siguri Kombëtare, Jake Sullivan.

Zëdhënësi i Departamentit të Shtetit Ned Price u tha gazetarëve se sanskionet janë “një mjet i fuqishëm” dhe se Shtetet e Bashkuara mbështesin aspiratat e popullit të Bjellorusisë “për një të ardhme demokratike, të lirë dhe të frytshme”.

“Ne mbështesim përpjekjet ndërkombëtare për të parë në mënyrë të pavarur zgjedhjet e manipuluara të Bjellorusisë, abuzimet e të drejtave të njeriut rreth zgjedhjeve dhe shtypen që pasoi”, tha ai.

“SHBA, së bashku me partnerët dhe aletatët e saj, do të vazhdojnë të mbajnë përgjegjës regjimin e Lukashenkos për veprimet e tij, përfshirë vendosjen e sanskioneve”, tha zëdhënësja e Këshillit amerikan për Siguri Kombëtare, Emily Horne, në një deklaratë rreth takimit të së martës.

Sviatlana Tsikhanouskaya ishte sfiduesja kryesore e Presidentit Alexander Lukashenko në zgjedhjet e gushtit të vitit 2020. Por pas zgjedhjeve të cilat perëndimi i cilësoi si të manipuluara, ajo u detyrua të largohet nga vendi. Presidenti Lukashenko mohon akuzat për manipulim.

38 vjeçarja hyri në garën zgjedhore në vend të bashkëshortit të saj, Sergei Tsikhanouskiy, një bloger që ndodhet në burg nga maji i vitit 2020, nën akuzat për shkelje të rendit publik, gjë që ai e mohon.

blank

Harvey Weinstein ekstradohet në Kaliforni për t’u përballur me gjyqin e dytë për përdhunim

VOA

Ish-producenti i Hollivudit Harvey Weinstein u ekstradua nga Nju Jorku në Kaliforni të martën për t’u përballur me gjykimin për akuzat për përdhunim dhe sulm seksual, tha zëdhënësi i tij dhe Departamenti i Burgjeve i Nju Jorkut.

Weinstein u shpall fajtor në Nju Jork në shkurt 2020 për sulm seksual dhe përdhunim dhe u dënua me 23 vjet burg.

Në Los Anxheles, ai përballet me gjykim nën akuzat për sulme seksuale ndaj pesë grave në periudhën 2004-2013.

Akuzat në Los Anxheles përfshijnë përdhunimin me force dhe akte të detyruara seksuale dhe përdorim force për kryerjen e tyre. Nëse dënohet, Weinstein mund ta kalojë gjithë jetën në burg.

“Sot në orën 9:25 Harvey Weinstein iu dorëzua zyrtarëve të duhur për transportim në shtetin e Kalifornisë me një urdhër gjykate,” tha Departamenti i Burgjeve i Nju Jorkut.

69 vjeçari Weinstein, po e apelon dënimin në Nju Jork dhe ka mohuar të ketë pasur marrëdhënie seksuale jokonsensuale.

Ai e kishte kontestuar ekstradimin në Kaliforni për arsye mjekësore, duke përmendur diabetin dhe problemet e zemrës, shpinës dhe shikimit.

“Ne do të luftojmë që Harvey të marrë kujdesin e nevojshëm mjekësor dhe natyrisht që ai të trajtohet në mënyrë të drejtë. Procesi i duhur, konsiderimi i tij i pafajshëm derisa të provohet fajtor dhe një gjykim i drejtë janë të gjitha të drejta të tij,” tha zëdhënësi i tij Juda Engelmayer në një deklaratë të martën.

Zyra e Prokurorit të Distriktit të Los Anxhelosit tha të martën se nuk kishte ndonjë informacion për të dhënë për momentin. Weinstein ishte një nga producentët më të fuqishëm të filmit dhe televizionit në Hollivud përpara se akuzat e më shumë se 80 grave për sjellje të papërshtatshme seksuale në vitin 2017 të sillnin si rezultat akuzat penale ndaj tij dhe t’i hapnin rrugën lëvizjes më të gjerë #MeToo.

Ai është bashkëthemelues i studios kinematografike Miramax, që ka nxjerrë filmat të njohur si “Shekspiri i Dashuruar” dhe “Pulp Fiction”. Studioja e tij e famshme kinematografike bëri kërkesë për falimentim në mars 2018.

blank

Aleati i ish presidentit Trump nën arrest për lobim të paligjshëm

VOA

WASHINGTON, 20 korrik (Reuters) – Thomas Barrack, një mik miliarder i ish-presidentit Donald Trump, i cili mbikqyri fondin për inaugurimin e tij, është arrestuar nën akuza që përfshijnë lobim të paligjshëm të huaj dhe pengim të drejtësisë, tha të martën Departamenti amerikan i Drejtësisë.

Barrack akuzohet për mbrojtje të paligjshme të interesave të Emirateve të Bashkuara Arabe në Shtetet e Bashkuara. Ai gjithashtu pretendohet të ketë gënjyer agjentët e FBI-së gjatë një interviste në lidhje me marrëdhëniet e tij me Emiratet e Bashkuara Arabe.

Barrack, 74, është një aleat i vjetër i zotit Trump dhe themelues i firmës së madhe të investimeve Colony Capital. Barrack dha dorëheqjen si shefi ekzekutiv i kompanisë Colony Capital në vitin 2020. Në prill, ai dha dorëheqjen si kryetar ekzekutiv i firmës.

blank

Sekretari Blinken flet me gazetaren amerikano-iraniane që do ta rrëmbenin

Makina e policisë duke ruajtur godinën ku jeton gazetarja amerikano-iraniane Alinejad Masih

VOA

Sekretari amerikan i Shtetit Antony Blinken tha se gazetarja amerikano-iraniane që u bë objektiv i një plani iranian për ta rrëmbyer, ka “demonstruar kurajo të jashtëzakonshme”.

Sekretari Blinken shkruajti në Twitter të hënën se pati “një bisedë të mirë” me zonjën Masih Alinejad, drejtuese e një emisioni të shërbimit në gjuhën perse të Zërit të Amerikës, si dhe një kritike e hapur e qeverisë iraniane.

“Konfirmova se Shtetet e Bashkuara do ta mbështesin gjithnjë punën e domosdoshme të gazetarëve të pavarur në mbarë botën”, shkruajti Sekretari Blinken. “Nuk do të tolerojmë përpjekjet për t’i trembur apo për të heshtur zërat e tyre”.

Zonja Alinejad tha se bisedoi me Sekretarin Blinken për 15 minuta, dhe se kryediplomati amerikan e konsideroi “në veçanti revoltuese” idenë që Irani kërkonte ta rrëmbente atë nga territori amerikan.

“Sekretari Blinken tha se Administrata e Presidentit Biden e merr shumë, shumë seriozisht rrezikun që paraqet Republika Islamike dhe se ishte në dijeni për mënyrat se si regjimi në Teheran sulmon disidentët në Shtetet e Bashkuara dhe në Evropë”, shkruajti në Twitter zonja Alinejad. “Ai më siguroi se Shtetet e Bashkuara do ta mbajnë përgjegjës regjimin (iranian) për këtë komplot”.

Javën e kaluar Departamenti amerikan i Drejtësisë tha se një gjykatë federale në Nju Jork bëri publike akuzat ndaj pesë shtetasve iranianë për përfshirje në komplotin për të rrëmbyer “një gazetare nga Bruklini, një autore dhe aktiviste të të drejtave të njeriut, për shkak se mobilizoi opinionin publik në Iran dhe në mbarë botën për ligjet dhe praktikat e regjimit (iranian)”. Deklarata për shtyp e Departamentit të Drejtësisë nuk dha emrin e personit ndaj të cilit ishte organizuar komploti.

Zonja Alinejad, e cila jeton në distriktin Bruklin të qytetit të Nju Jorkut, më vonë konfirmoi nëpërmjet mediave sociale se ajo ishte personi në qendër të sulmit.

Zëdhënësi i Ministrisë së Jashtme iraniane Saeed Khatibzadeh hodhi poshtë akuzat amerikane, duke u shprehur në komente të publikuara nga media shtetërore iraniane se është “një akuzë e pabazë dhe qesharake që nuk meriton një përgjigje”.

Zonja Alinejad punoi si gazetare në Iran në vitet 2000, kur shkruajti artikuj që ekspozonin keqmenaxhimin e qeverisë dhe korrupsionin, derisa autoritetet i hoqën kredencialet e shtypit dhe e kërcënuan me arrestim. Ajo u largua nga vendi në vitin 2009, fillimisht drejt Britanisë, dhe më vonë u vendos në Nju Jork në vitin 2014.

blank

Departamenti i Shtetit paralajmëron amerikanët të mos udhëtojnë në Britani

VOA

Departamenti amerikan i Shtetit po u bën thirrje amerikanëve të mos udhëtojnë në Britani për shkak të rasteve në rritje tme COVID-19 në vend.

Departamenti i Shtetit e rriti të hënën në nivelin më të lartë paralajmërimin për udhëtimet në Britani, pas një veprimi të ngjashëm të ndërmarrë nga Qendrat Amerikane për Kontrollin dhe Parandalimin e Sëmundjeve më parë gjatë ditës.

Të dy agjencitë thanë se nëse njerëzit duhet të udhëtojnë për në Britani, ata duhet të sigurohen që janë vaksinuar plotësisht para udhëtimit.

Paralajmërimi erdhi ndërsa britanikët festonin “Ditën e Lirisë”, fundi zyrtar i pothuajse të gjitha kufizimeve të mbylljes së koronavirusit, duke përfshirë vënien e detyrueshme të maskës dhe distancimin shoqëror.

Por Kryeministri Boris Johnson ka të ngjarë të ketë ulur entuziazmin e festimeve kur njoftoi se do të kërkohet prova e vaksinimit për të hyrë në klubet e natës dhe vendet e tjera ku mblidhen turma të mëdha njerëzish duke filluar në fund të shtatorit. Kryeministri Johnson e kaloi Ditën e Lirisë në karantinë pasi ministri i shëndetësisë Sajid Javid doli pozitiv me COVID-19.

Rastet në Britani kaluan 50,000 të infektuar në ditë javën e kaluar për herë të parë që nga janari. Rritja kryesisht ka ardhur nga varianti delta i virusit, i identifikuar së pari në Indi.

Në anën tjetër të Atlantikut, qeveria kanadeze njoftoi të hënën se do të rihapë kufirin e saj për shtetasit amerikanë dhe banorët e përhershëm që jetojnë në Shtetet e Bashkuara duke filluar nga 9 gushti, për sa kohë që ata tregojnë prova se janë plotësisht të vaksinuar kundër COVID-19 dhe testojnë negativë për virusin brenda 72 orëve nga mbërritja. Zyrtarët gjithashtu thanë se do të lejojnë vizitorë të vaksinuar plotësisht nga vendet e tjera duke filluar nga 7 shtatori.

Ndërkohë, më shumë se gjysma e 25 milionë qytetarëve të Australisë janë nën masa izolimi të martën pasi kryeministri i shtetit të Australisë Jugore Steven Marshall njoftoi një bllokim të menjëhershëm shtatë-ditor pasi u zbuluan pesë raste të reja. Australia e Jugut bashkohet me shtetet fqinje të Viktorias dhe Nju Sauth Uejlls për të vendosur bllokime të zgjatura që nga fundi i qershorit, kur një shofer limuzine në aeroport në Sidnei, rezultoi pozitiv për variantin shumë ngjitës të deltës.

Dhe një studim i ri i publikuar të martën nga Qendra për Zhvillimin Global me bazë në Shtetet e Bashkuara thotë se numri i përgjithshëm i të vdekurve nga pandemia në Indi mund të jetë 10 herë më i lartë se numri zyrtar i 414,482 viktimave, duke e bërë këtë katastrofën më të rëndë humanitare për vendin e Azisë Jugore që kur fitoi pavarësinë e nga Britania në 1947.

Studimi thotë se rreth 3 milionë deri në 4.7 milionë njerëz humbën jetën nga virusi midis janarit të vitit 2020 dhe qershorit të këtij viti. Vendi i dytë më i populluar në botë, me rreth 1.3 miliardë njerëz, po del nga një valë shkatërruese mes prillit dhe majit që u nxit pjesërisht nga varianti Delta.

blank

SHBA po heton problemet shëndetësore misterioze të diplomatëve në Vjenë

Washington

Autoritetet në Shtetet e Bashkuara kanë filluar një hetim mbi problemet shëndetësore misterioze të diplomatëve amerikanë në kryeqytetin austriak, Vjenë, raporton Anadolu Agency (AA).

Autoritetet përkatëse të SHBA-së njoftuan se po hetojnë më shumë se 20 raste të regjistruara në Vjenë që pretendohet se janë mjaft të ngjashme me simptomat e raportuara nga diplomatët amerikanë në Kubë në vitet 2016 dhe 2017.

Në hetime janë përshirë Departamenti amerikan i Shtetit, Pentagoni dhe Agjencia Qendrore e Inteligjencës (CIA).

Departamenti i Shtetit konfirmoi lajmin e hetimit, por nuk zbuloi detaje në lidhje me problemet shëndetësore të diplomatëve në ambasadën në Vjenë.

Subjekti i hetimit janë shkaqet e problemeve shëndetësore të diplomatëve, kurse disa burime mediatike pretendojnë se ka mundësi që këto të jenë sulme me teknologji mikrovalë ose radiovalë.

Lajmi për problemet e regjistruara shëndetësore të diplomatëve amerikanë në Vjenë u publikua për herë të parë të premten nga “The New Yorker”.

blank

Biden: Dezinformimi në rrjetet sociale, “po vret njerëzit”

RFE/RL

Presidenti amerikan, Joe Biden, ka thënë të premten se rrjetet sociale si Facebook, janë duke “vrarë njerëzit”.

Ai i ka bërë këto komente pasi Shtëpia e Bardhë, ka vazhduar të kritikojë këtë kompani, që po lejon postimin e dezinformatave rreth vaksinave për koronavirus.

“Janë duke vrarë njerëzit. Shikoni, pandemia e vetme që kemi është në mesin e të pavaksinuarve”, u ka thënë Biden gazetarëve kur është pyetur rreth dezinformimit dhe cila është përgjigjja e tij ndaj rrjeteve sociale, siç është Facebook.

Zëdhënësja për media e Shtëpisë së Bardhë, Jen Psaki, ka kritikuar po ashtu të premten këtë kompani.

“Qartazi ka hapa që janë marrë. Ato janë kompani të sektorit privat. Ka hapa shtesë që duhet të marrin. Është e qartë se ka ende për t’u bërë”, ka thënë ajo nga Shtëpia e Bardhë.

Facebook, nuk ka komentuar ende këto deklarata.

Sipas zyrtarëve amerikanë, rritja e re e numrit të të infektuarve dhe të vdekurve me koronavirus në Shtetet e Bashkuara, është duke prekur personat e pavaksinuar.

“Ekziston mesazh i qartë, është duke u bërë një pandemi e të pavaksinuarve”, ka thënë drejtorja e Qendrave për Kontrollin dhe Parandalimin e Sëmundjeve, Rochelle Qalensky, para gazetarëve.

Shumë persona janë duke refuzuar vaksinimin, pavarësisht procedurave të lehta në Shtetet e Bashkuara, duke thënë se nuk iu besojnë vaksinave.

Skepticizmi është duke u rritur edhe nga postimet e rreme kundër vaksinës nëpër rrjetet sociale.

blank

Shtëpia e Bardhë: Rreth 20 mijë afganë kërkuan vizë speciale për në SHBA

Washington DC

Rreth 20 mijë shtetas afganë të cilët ndihmuan SHBA-në ose partnerët e tyre të misionit, kanë aplikuar për vizë emigrimi që mund t’i transferojë ata në SHBA, transmeton Anadolu Agency (AA).

Zëdhënësja e Shtëpisë së Bardhë, Jen Psaki tha se kjo shifër nuk përfshin anëtarët e familjeve që do të përfshihen gjithashtu në procedime, duke shtuar se rreth gjysma e azilkërkuesve kanë mbushur dokumentet e nevojshme për të filluar procedurat administrative.

Pas përfundimit të procesit të shqyrtimit të sigurisë, kandidatët mund të kenë të drejtë të marrin atë që njihet si “lirim me kusht humanitar” në të cilin shumica e këtij grupi mund të zhvendoset në një bazë ushtarake në SHBA ku do të bënin ekzaminimet mjekësore.

“Ata për të cilët kontrollet e së kaluarës ende nuk kanë përfunduar së pari do të transferohen nga Afganistani në një bazë ushtarake amerikane jashtë vendit ose në vendet e treta ku do të vendosen në mënyrë të sigurt derisa të përfundojë përpunimi i vizave dhe më pas të jenë në gjendje të transferohen në SHBA”, tha Psaki.

Nga Shtëpia e Bardhë theksuan se SHBA-ja nuk merr parasysh asnjë vend të tretë në të cilin nuk garantohet siguria e azilkërkuesve, as ndonjë shtet që nuk do të siguronte që ata të trajtohen njerëzisht gjatë procedurës.

Departamenti i Shtetit pritet që më pas të lëshojë më shumë detaje mbi procesin e lëshimit të vizave speciale për afganët.

SHBA-ja kohët e fundit njoftoi fillimin e operacionit, i cili do të fillojë zhvendosjen e shtetasve të interesuar dhe të përshtatshëm afganë dhe familjeve të tyre në javën e fundit të korrikut.

Presidenti i SHBA-së, Joe Biden është zotuar të sigurojë që individët që kanë ndihmuar SHBA-në, përfshirë përkthyesit, interpretuesit dhe familjet e tyre, do të kujdesen gjatë tërheqjes së SHBA-së nga Afganistani, e cila duhet të përfundojë në fund të gushtit.

Më shumë se 95 për qind e procesit ka mbaruar, tha ushtria amerikane në fillim të kësaj jave.

Evakuimet janë planifikuar në mes të sulmeve në rritje nga lëvizja talebane në fushën e betejës kundër forcave të qeverisë afgane dhe në mes të frikës për qëndrueshmërinë e qeverisë qendrore.

blank

Biden: Lufta e SHBA-së në Afganistan përfundon më 31 gusht

VOA

Presidenti Joe Biden tha të enjten se misioni ushtarak amerikan në Afganistan do të përfundojë më 31 gusht, duke shtuar se “shpejtësia garanton siguri”, ndërsa Shtetet e Bashkuara po kërkojnë t’i japin fund luftës gati 20-vjeçare.

Ne nuk shkuam në Afganistan për të ndërtuar kombin“, tha Presidenti Biden në një fjalim për të informuar me të dhënat më të fundit mbi përpjekjet e vazhdueshme të administratës së tij për t’i dhënë fund luftës së SHBA-së në Afganistan. “Udhëheqësit afganë duhet të bashkohen dhe ta orientojne vetë vendin drejt së ardhmes“, shtoi ai.

Presidenti Biden gjithashtu përforcoi arsyet e vendimit të tij për t’i dhënë fund operacioneve ushtarake amerikane edhe pse talebanët po përparojnë me shpejtësi në pjesë të konsiderueshme të vendit.

Përpjekja për të shpjeguar më tej arsyetimin e tij mbi Afganistanin vjen ndërsa gjatë ditëve të fundit administrata ka kërkuar vazhdimisht ta trajtojë përfundimin e konfliktit, si një vendim që zoti Biden e mori pasi doli në përfundimin se është një “luftë që nuk mund të fitohet” e për të cilën “nuk ka një zgjidhje ushtarake”.

Edhe sa mijëra djem e vajza të tjerë amerikanë jeni të gatshëm të rrezikojmë?!“, ishte pyetja që ngriti Presidenti Biden drejtuar atyre që i kanë bërë thirrje Shteteve të Bashkuara të zgjasin operacionin ushtarak. “Unë nuk do të dërgoj një brez tjetër amerikanësh në luftë në Afganistan, pa ndonjë pritshmëri të arsyeshme për të arritur një rezultat ndryshe“, shtoi ai.

Presidenti Biden tha se ai nuk u besonte talebanëve, por i besonte kapacitetit të ushtrisë afgane për të mbrojtur qeverinë.

Para fjalimit të presidentit, sekretarja e shtypit në Shtëpinë e Bardhë Jen Psaki tha se zyrtarët e administratës së Presidentit Biden kishin parashikuar gjithnjë një “rritje” të dhunës e trazirave me përparimin e tërheqjes së trupave amerikane. Por ajo shtoi se zgjatja e përfshirjes ushtarake amerikane atje, duke marrë parasysh që ish-Presidenti Donald Trump kishte rënë dakord të tërhiqte trupat amerikane nga Afganistani në maj të vitit 2021, do të kishte çuar në një përshkallëzim të sulmeve ndaj forcave amerikane.

Pyetja me të cilën përballej (presidenti) ishte nëse ai pas 20 vitesh do të angazhonte më shumë forca amerikane në një luftë civile në Afganistan“, tha zonja Psaki.

Presidenti Biden tha se “kishte shumë pak gjasa të ndodhte” që një qeveri do të kontrollonte Afganistanin pas tërheqjes së SHBA-së ndaj ai nxiti qeverinë afgane që të arrijë një marrëveshje me Talebanët.

Presidenti shtoi se nuk bëhet fjalë për një “mision të kryer” ndërsa lufta po shkon drejt fundit.

Misioni u përmbush me goditjen e Osama bin Laden-it dhe me atë që terrorizmi nuk po buron më nga ajo pjesë e botës“, tha ai.

blank

“Elsa” drejt bregut perëndimor të Floridas; merr forcën e uraganit

VOA

Bregu perëndimor i shtetit amerikan Florida po përgatitet për ardhjen të mërkurën të uraganit “Elsa”, i cili solli reshje të rënda në Kubë dhe goditi ishujt Florida Keys.

“Elsa”, e cila u regjistrua të premten si uragani i parë i sezonit, ishte dobësuar në një stuhi tropikale deri të shtunën. Të martën vonë, Qendra Kombëtare e Uraganeve e Shteteve të Bashkuara tha se ishte forcuar përsëri në statusin e uraganit me erëra të qëndrueshme prej mbi 120 km në orë.

Kushtet e përkeqësuara të motit në Floridan e jugut të krijuara nga “Elsa” po pengojnë kërkimin për të mbijetuarit e shembjes së pjesshme të një pallati që punëtorët shkatërruan plotësisht të dielën.

Qendra Kombëtare e Uraganeve (NHC) tha të martën vonë në mëngjes se “Elsa” pritet të “lëvizë pranë ose mbi pjesët e bregut perëndimor të Floridas gjatë natës së sotme”, përpara se të zbresë të mërkurën në mëngjes “përgjatë bregdetit verior të Gjirit të Floridas”.

NHC-ja njoftoi se një paralajmërim për rrezik uragani ishte në fuqi që të martën përgjatë një shtrirje prej 290 kilometrash të Bregut të Gjirit nga ishulli Egmont Key në rajonin e Gjirit Tampa deri në lumin Steinhatchee.

Metereologët parashikuan se “Elsa” do të forcohej ngadalë deri të martën në mbrëmje dhe do të merrte pothuajse forcën e një uragani përpara se të zbresë në Florida, pas së cilës pritet të dobësohet ndërsa lëviz më në brendësi.

Të martën priteshin reshje të rënduara në qytetin bregdetar të Surfside, ku u shemb pallati më 24 qershor.

NHC gjithashtu paralajmëroi se “Elsa” mund të sjellë stuhi me rrezik për jetën, përmbytje dhe tornado të izoluara.

“Kombinimi i një stuhie dhe batice do të bëjë që zonat normalisht të thata pranë bregdetit të përmbyten nga ngritja e ujërave që zhvendosen në brendësi nga vija bregdetare”, tha NHC-ja.

blank

Ish-çifti presidencial Carter feston përvjetorin e platintë të martesës

Ish-çifti presidencial i SHBA-së, Jimmy dhe Rosalynn Carter, do të festojnë 75-vjetorin e martesë më 7 korrik.

Jimmy Carter, 96 vjeç, është ish-presidenti më jetëgjatë ende gjallë, megjithëse u diagnostikua me kancer në tru në 2015.

Jimmy dhe Rosalynn, që të dy nga Xhorxhia, u takuan përmes një takimi të rregulluar nga motra e tij.

Në atë kohë, Carter ishte një ndërmjetës i ri në Akademinë Detare.

Pothuajse 80 vjet më vonë ata janë ende bashkë, duke jetuar në të njëjtin qytet ku kanë lindur, Plains.

Pas qëndrimit të tyre në Shtëpinë e Bardhë, ata u bënë ambasadorë për të drejtat e njeriut dhe shëndetin publik.

“Është një partneritet 365 gradë”, tha presidenti i 39-të amerikan, në një intervistë me rastin e përvjetorit të martesës. bw

blank

SHBA: 4 korriku dhe kuptimi i festave kombëtare amerikane

Marrë nga Associated Press

Më 4 korrik 1776, Kongresi Kontinental miratoi zyrtarisht Deklaratën e Pavarësisë. Festimet filluan brenda pak ditësh: parada dhe lexime publike, zjarre dhe qirinj dhe shkrepja e 13 fishekëve, një për secilin prej shteteve origjinale.

U desh të kalonte pothuajse një shekull para se vendi ta shpallte zyrtarisht si festëthemelimin e tij.

Me miratimin së fundmi të 19 qeshorit, ose Juneteenth që përkujton fundin e skllavërisë në Shtetet e Bashkuara, si festë federale, vendi ka tani 12 festa të tilla. Shumë prej tyre janë të fiksuara prej kohësh në kalendarin amerikan, por prania e tyre nuk është vetëm një histori vazhdimësie. Ato pasqyrojnë mënyrën sesi kanë evoluar Shtetet e Bashkuara – nga një bashkim shtetesh me një qeveri relativisht të vogël federale në një vend më të centralizuar.

Tubimet në të gjithë vendin për Ditën e Pavarësisë dhe festat e tjera janë po aq të vjetra sa vetë vendi. Por raundi i parë i pushimeve federale, i identifikuar si i tillë sepse punonjësve federalë (fillimisht vetëm punonjësve federalë në Uashington, DC) u jepej një ditë pushimi, u nënshkrua në ligj vetëm në vitin 1870, nga Presidenti Ulysses S. Grant, pesë vjet pasi mbaroi Lufta Civile.

“Lufta Civile konsolidoi fuqinë kombëtare në të gjitha llojet e mënyrave dhe festat kombëtare janë një ilustrim i këtij fakti,” thotë historiani fitues i Çmimit Pulitzer Eric Foner.

Juneteenth dhe festa të tjera federale janë miratuar me shumicë të konsiderueshme në Kongres, duke sugjeruar një konsensus të gjerë dypartiak. Festat e para, vë në dukje biografi i presidentit Grant, Ron Chernow, ishin ato që nuk ngjallnin debat – Dita e Vitit të Ri, Dita e Pavarësisë, Dita e Falënderimeve, Krishtlindjet dhe ditëlindja e Xhorxh Uashingtonit (e miratuar në 1879).

“Ato u shpallën pas Luftës Civile, por jo rastësisht nuk kishin asnjë lidhje me Luftën Civile. Plagët e luftës ishin ende të thella dhe çdo përkujtim i vetë luftës do të shihej si përçarës,” thote zoti Chernow. Ai vë në dukje se Dita e të Rënëve, nderimi i atyre që vdiqën në luftë, u bë festë federale deri në vitin 1888.

“Pesë festat e para federale u përpoqën të gjenin një emërues të përbashkët midis Veriut dhe Jugut,” thotë studiuesi Chernow.

“Të dyja palët e Luftës Civile pretenduan se kishin luftuar në frymën e Revolucionit Amerikan. Prandaj ishte e lehtë për të dyja palët të nderonin ditëlindjen e Uashingtonit dhe Ditën e Pavarësisë.”

Qofshin deklarime të atdhedashurisë apo drejtësisë sociale, festat federale pasqyrojnë një pjesë të ndjesisë së vendit për vetveten dhe si ndryshon ajo.

Mbështetja publike për ta bërë ditëlindjen e Rev. Martin Luther Kingut festë ishte aq e fortë saqë u nënshkrua në ligj në 1983 nga Presidenti Ronald Reagan, i cili kishte kundërshtuar Ligjin e të Drejtave Civile dhe Ligjin e të Drejtave të Votimit në vitet 1960 dhe privatisht besonte se reputacioni i drejtuesit të të drejtave civile ishte “bazuar në imazh, jo në realitet”. Madje edhe atëherë, Arizona, Nju Hemshër dhe Karolina e Jugut rezistuan ta bënin një festë shtetërore dhe Karolina e Jugut priti deri në vitin 2000 për ta bërë një gjë të tillë. Alabama dhe Misisipi ende e festojnë ditëlindjen e Kingut së bashku me ditëlindjen e Gjeneralit të Konfederatës Robert E. Lee.

Dita e Kolombit u bë festë kombëtare në vitin 1968, e miratuar nga Kongresi dhe Presidenti Lyndon Johnson si një nderim për emigrantët dhe si një “shprehje e gatishmërisë për të përballuar me vetëbesim të ardhment e panjohur”, sipas një raporti të Senatit në atë kohë . Por gjatë 40 viteve të fundit, ndërsa imazhi i Kolombi është shndërruar nga ai i “zbuluesit të Amerikës” në atë të një racisti dhe imperialisti, qytetet dhe shtetet ose kanë ndryshuar emrin e festës (Havai e quan atë “Dita e Zbulimit”) ose e kanë përdorur atë ditë për të nderuar të tjerët; që nga viti 1989, South Dakoka e ka quajtur atë “Dita e Indigjenëve të Amerikës”.

“Mund t’i shikosh festat federale si monumentet e ngritura në parqe”, thotë Matthew Dennis, autor i “Ditët e Letrave të Kuqe, të Bardha dhe të Kaltra “, një libër i vitit 2002 mbi festat Amerikane. “Me një monument, përpiqesh ta përjetësosh kuptimin e së kaluarës në gur. Por kjo mund të ndryshojë, dhe njerëzit mund të thonë: ‘Prit, kush është ky njeri?’”

Ndër festat kombëtare, 4 korriku është më kompleksja dhe e debatuara, një pasqyrim i pyetjeve dhe kontradiktave rreth origjinës së vendit dhe vetë Deklaratës së Pavarësisë.

Dita e Pavarësisë është përfshirë në ndasitë e vendit pothuajse që nga fillimi. Në vitet 1780 dhe 1790, mbështetësit e një qeverie qendrore më të fortë (Federalistët) dhe ata që shqetësoheshin për mundësinë e një kthimi në monarkinë e stilit britanik (ndonjëherë të quajtur Republikanët Xhefersonianë), debatuan mbi autorësinë e Deklaratës së Pavarësisë. Republikanët thoshin se merita i duhej njohur vetëm Tomas Xhefersonit, ndërsa Federalistët ishin kundër, duke argumentuar saktë se shumë të tjerë kishin punuar për të.

Në dekadat para Luftës Civile, afrikano-amerikanët shpesh përjashtoheshin nga ngjarjet zyrtare të 4 korrikut dhe festonin më 5 korrik, duke njohur njëkohësisht 4 korrikun dhe distancën e tyre prej asaj dite. Frederick Douglass e mbajti fjalimin e tij të famshëm të vitit 1852, “Çfarë është 4 korriku për skllavin”, më 5 korrik.

Lufta Civile në vetvete ishte një periudhë që ka ngjalluar interpretime kontradiktore. Jugorët përqafuan mesazhin e Deklaratës së Pavarësisë të sfidës kundër tiranisë. Veriu e shikonte atë si një skicë. Në një letër dërguar Kongresit më 4 korrik 1861, vetëm disa muaj pasi filloi Lufta Civile, Presidenti Abraham Linkoln foli për Ditën e Pavarësisë si frymëzim për një shoqëri të re dhe më njerëzore.

“Kundërshtarët tanë kanë miratuar disa deklarata të pavarësisë në të cilat, ndryshe nga ajo e shkruar nga Xhefersoni, i heqin fjalët ” të gjithë njerëzit janë krijuar të barabartë “,” shkruante Linkoln, duke shtuar se Unioni po mbështeste “që qeveri objekti i së cilës është të lartësojë pozicionin e njeriut; të heqë barrat artificiale nga shpatullat e të gjithëve; të hapë rrugën e suksesit për të gjithë; t’u mundësojë të gjithëve një fillim të pakufizuar dhe një shans të drejtë në garën e jetës. “

Kuptimi i 4 korrikut ka vazhduar të zhvillohet, nga presidenti në president. Franklin D. Roosevelt dhe George W. Bush janë ndër ata që ia kushtuan fjalimet e Ditës së Pavarësisë ushtrisë, qoftë gjatë Luftës së Dytë Botërore apo pas sulmeve të 11 Shtatorit. Fjalimi i John F. Kennedy në 1962, në mes të Luftës së Ftohtë, e quajti pavarësinë “çështjen e vetme që ndan botën sot” dhe foli “për dëshirën për pavarësi pas Perdes së Hekurt”. Në vitin 2014, Presidenti Barack Obama përmendi premtimin për “jetën, lirinë dhe kërkimin e lumturisë” si një arsye që “emigrantët nga e gjithë bota ëndërrojnë të vijnë në brigjet tona.”

Për Ditën e Pavarësisë në vitin 2020, më pak se dy muaj pas vrasjes së afrikano-amerikanit George Floyd, Presidenti Donald Trump denoncoi protestuesit e lëvizjes Black Lives Matters dhe atë që ai e quajti “një fushatë të pamëshirshme për të fshirë historinë tonë, për t’i poshtëruar heronjtë tanë, për të zhdukur vlerat tona dhe indoktrinuar fëmijët tanë “. Pasardhësi i tij, presidenti aktual Joe Biden, lëshoi një video të shkurtër duke thënë se vendi ende nuk e kishte përmbushur premtimin për barazi, duke vënë në dukje se edhe Xhefersoni ishte një pronar skllevërish.

“Por pasi u propozua, ajo (barazia) ishte një ide të cilës nuk mund t’i vihej kufi,” tha ai. “Ajo i mbijetoi Luftës Civile, qenve të Bull Connorit, vrasjes së Martin Luther Kingut dhe më shumë 200 vjetëve racizëm sistematik.”

“Amerika nuk është përrallë”, shtoi zoti Biden. “Ka qenë një betejë e vazhdueshme midis dy pjesëve të karakterit tonë: ideja që të gjithë burrat dhe gratë – të gjithë njerëzit – janë krijuar të barabartë dhe racizmit që na ka përçarë.”

blank

Presidenti Biden nominon Jeffrey M. Hovenier për ambasador në Kosovë

I nominuar për ambasador të SHBA-së në Kosovë, Jeffrey M. Hovenier.

Presidenti i Shteteve të Bashkuara, Joe Biden, e ka nominuar për ambasador të SHBA-së në Kosovë, Jeffrey M. Hovenier. Njoftimi është bërë nga ana e Shtëpisë së Bardhë.

Ai është një diplomat karriere i shërbimit të jashtëm amerikan që ka qenë pjesë e stafit të të Dërguarit të Posaçëm të Kombeve të Bashkuara për statusin e Kosovës.

Hovenier aktualisht është zëvëndësshef i misionit të Ambasadës së SHBA-së në Ankara të Turqisë. Ai gjithashtu ka shërbyer edhe në ambasadën e SHBA-së në Berlin si dhe në misionet e SHBA-së në Kroaci, Greqi, Panama, Paraguai dhe Peru.

Në Uashington ai ka kryer detyrën e Drejtorit për Çështjet të Evropës Qendrore dhe Juglindore në Këshillin e Sigurisë Kombëtare dhe në Byronë e Departamentit të Shtetit për Çështjet Evropiane dhe Euroaziatike me përgjegjësi për NATO-n dhe Çështjet e Evropës Qendrore.

Nominimi i tij duhet të konfirmohet nga ana e Senatit amerikan.

Në qershor të vitit 2018, ish-presidenti i Kosovës, Hashim Thaçi e pati dekoruar diplomatin Hovenier me Medaljen Presidenciale Jubilare të Dhjetëvjetorit të Pavarësisë.

“Mbështetja e juaj dhe e SHBA-së në të gjitha proceset politike ka qenë përcaktuese për lirinë dhe pavarësinë e Kosovës. Do të jemi përgjithmonë mirënjohës”, pati thënë atëbotë Thaçi.

Ndërsa diplomati amerikan, Jeffrey Hovenier, kishte deklaruar se qëndrimi amerikan gjithmonë ka qenë në përkrahje të lirisë dhe pavarësisë së Kosovës.

“Unë do të jem gjithmonë një mik i Kosovës”, pati thënë Hovenier.

Në pozitën e ambasadorit në Prishtinë, ai do të zëvëndësonte, ambasadorin e tanishëm, Philip Kosnett.

Përmes një postimi në rrjetin social, Twitter, ambasadori Kosnett e ka uruar Hovenier për nominimin që të shërbejë si ambasador i SHBA-së në Kosovë.

blank

Gjykata e Lartë e SHBA nuk pranon të shqyrtojë apelin e Shkëlzen Berishës për akuzat ndaj tij

Marrë nga Reuters

Gjykata e Lartë e Shteteve të Bashkuara nuk pranoi ta shqyrtonte një çështje që sfidonte mbrojtjen e gazetarëve dhe organizatave të medias nga akuzat për shpifje, por gjykatësit konservatorë Clarence Thomas dhe Neil Gorsuch nuk u pajtuan me këtë veprim dhe vunë në dyshim mbrojtje të tilla të parashikuara në një vendim historik të vitit 1964.

Duke cituar një ambient mediatik që po ndryshon me shpejtësi dhe të mbushur gjithnjë e më shumë me disinformim, gjykatësit Thomas dhe Gorsuch u shprehën në opinione të veçanta se gjykata duhet t’i shohë me një sy të ri precedentët që e bëjnë më të vështirë për figurat publike që të padisin për shpifje.

Gjykata nuk pranoi të merrte në shqyrtim një apel nga Shkëlzen Berisha, i biri i ish-kryeministrit të Shqipërisë Sali Berisha, në lidhje me padinë e tij për shpifje mbi akuzat për korrupsion kundër tij të bëra në një libër të vitit 2015 nga autori Guy Lawson të quajtur “Arms and the Dudes”. Në bazë të librit, u bë filmi i vitit 2016 i Hollivudit “War Dogs” me aktorët Jonah Hill dhe Miles Teller.

Një gjykatë më e ulët vendosi në favor të zotit Lawson, shtëpisë botuese të librit Simon & Schuster dhe disa të pandehurve të tjerë sepse arriti në përfundimin se Shkëlzen Berisha nuk ishte në gjendje të argumentonte se akuzat për përfshirjen e tij në një skandal të tregtisë së armëve ishin bërë me “keqdashje të qëllimshme”.Një standard i tillë, i cili siguron mbrojtje nga paditë për shpifje, përfshin deklarata që bëhen me vetëdijen se janë të rreme apo moskokëçarje për faktin nëse janë të vërteta apo të rreme.

Ky precedent u krijuan me vendimin e rëndësishëm të gjykatës të vitit 1964 për një çështje të quajtur New York Times ndaj Sullivan.

Anëtarët e Gjykatës së Lartë, Thomas dhe Gorsuch thanë se gjykata duhet ta kishte pranuar çështjen për shqyrtim. Ata thanë se në mjedisin e sotëm mediatik, standardi i “keqdashjes së qëllimshme” mund të mbrojë gënjeshtrën në vend të së vërtetës, me pasoja për botën reale. Duke përmendur si shembull teorinë e rreme të konspiracionit “Pizzagate” që pretendonte se një piceri në Uashington përdorej për të fshehur një rrjet pedofilie të udhëhequr nga ish-kandidatja demokrate për presidente Hillary Clinton, gjykatësi Thomas tha se si për “figura publike ashtu edhe private, gënjeshtrat shkaktojnë dëm të vërtetë.”

Gjykatësi Thomas i kishte kërkuar gjykatës dy vite më parë që të rishikonte precedentët e saj për çështjet për shpifje, kur ajo nuk pranoi të merrte në konsideratë rihapjen e një procesi gjyqësor për shpifje kundër aktorit Bill Cosby nga një grua e quajtur Kathrine McKee e cila kishte thënë se ai e kishte quajtur atë gënjeshtare pasi ajo e akuzoi për përdhunim.

Të premten zoti Thomas përmendi përsëri zonjën McKee, duke thënë se “pa diskutim kjo gjykatë nuk duhet t’i mohojë të drejtën një gruaje për të mbrojtur reputacionin e saj në gjykatë thjesht sepse ajo akuzon për përdhunim një figurë të njohur”.

Zoti Cosby u lirua nga burgu të mërkurën pasi gjykata më e lartë e Pensilvanisë shfuqizoi dënimin e tij për sulm seksual në një rast tjetër.

Gjykatësi Gorsuch tha se standardi aktual i “keqdashjes së qëllimshme” mund të jetë më pak i justikueshëm në një kohë kur ndryshimet teknologjike dhe mediat sociale nënkuptojnë që disinformimi mund të amplifikohet më me efektivitet dhe të jetë më fitimprurës sesa lajmet tradicionale me redaktorë dhe kontrolle të fakteve.

” Kjo doktrinë jo vetëm që është shndërruar në një mbrojtje për gënjeshtrat e botuara në një përmasë që askush nuk mund ta kishte parashikuar, por ka arritur të lërë shumë më tepër njerëz pa dëmshpërblim sesa mund të ishte parashikuar,” tha zoti Gorsuch.

Shkëlzen Berisha paditi zotin Lawson dhe të pandehurit e tjerë në gjykatën federale në vitin 2017 për disa fragmente të shkurtra në librin e zotit Lawson, i cili përshkruan se si tre “djem drogaxhinj” nga Miami Beach siguruan një kontratë prej 300 milionë dollarësh nga Departamenti i Mbrojtjes në vitin 2006 për të furnizuar me municion ushtrinë afgane, dhe u përpoqën ta realizonin atë duke siguruar armë nga rezervat në Shqipëri.

Libri flet për marrëdhënie mes tyre dhe një mafie të lidhur me qeverinë shqiptare. Sipas librit, Shkëlzen Berisha ishte i pranishëm në një nga takimet, dhe ai përshkruhet me “flokë të errët, një mjekër të rrumbullakët dhe sy si peshkaqen” si edhe akuzohet si pjesë e aferës të korruptuar të tregtisë së armëve.

Të tre personat nga Miami u dënuan në Shtetet e Bashkuara me akuza federale për mashtrim.

Në vitin 2020, Gjykata e Apelit e Qarkut të 11-të me bazë në Atlanta e hoshi poshtë padinë. Gjykata arriti në përfundimin se Berisha nuk mund të sfidonte lirinë e shprehjes për të pandehurit e akuzuar për shpifje nga zyrtarë publikë ose figura të njohura, të mbrojtur nga Amendamenti i Parë i Kushtetutës së Shteteve të Bashkuara. Kjo mbrojtje ishte garantuar nga një sërë precedentëve të Gjykatës së Lartë që datojnë që nga vendimi New York Times ndaj Sullivan i vitit 1964.

Në apelin e tij në Gjykatën e Lartë, Shkëlzen Berisha kishte argumentuar se ato precedentë duhej të ndryshonin dhe duhej ta kufizonin standardin “për keqdashje të qëllimshme” vetëm për zyrtarët publikë.

blank

Shefi i financave i Organizatës Trump dorëzohet tek autoritetet përpara se t’i lexohen akuzat

VOA

Shefi i financave i Organizatës Trump, Allen Weisselberg, u dorëzua tek autoritetet të enjten herët në mëngjes përpara se t’i bëhen të ditura akuzat e ngritura ndaj tij dhe organizatës së ish-Presidentit Donald Trump. Lajmi u njoftua nga disa burime mediatike.

Zoti Weisselberg u pa në gjykatën e Manhatanit të poshtëm, në Nju Jork, rreth orës 6:20 të mëngjesit të sotëm, sëbashku me avokatin e tij.

Prokurorët e Nju Jorkut pritet ta njoftojnë padinë e parë penale sot (të enjten). Ajo është pjesë e një hetimi dy-vjeçar mbi praktikat e biznesit të zotit Trump. Akuzat ndaj kompanisë që mban emrin e tij dhe ndaj shefit të financave Weisselberg janë për evazion fiskal.

Nuk ka informacione se ndaj vetë zoti Trump do të ngrihen akuza në këtë fazë të hetimit, që po zhvillohet bashkërisht nga Prokurori i Qarkut të Manhatanit Cyrus Vance Jr. dhe Prokurorja e Përgjithshme e Nju Jorkut Letitia James, të dy përfaqësues të demokratëve.

Ndërsa vizitonte Teksasin të mërkurën zoti Trump nuk iu përgjigj pyetjeve të gazetarëve mbi çështjen, por në fillim të javës, ai kritikoi prokurorët e Nju Jorkut duke i quajtur ata “të vrazhdë, të këqinj e plotësisht të njëanshëm” duke shtuar se veprimet e kompanisë së tij ishin “një praktikë standarde në të gjithë komunitetin e biznesit në Shtetet e Bashkuara dhe se nuk bëhej fjalë për asnjë shkelje të ligjit”.

Persona në dijeni të çështjes i thanë agjencisë së lajmeve “Associated Press” se akuzat kanë të bëjnë me përfitimet që kompania u ka dhënë drejtuesve të lartë, sikurse përdorimin e apartamenteve, makinave dhe pagesave për shkollim.

AP ka kërkuar komente rreth rastit tek një zëdhënës dhe avokatët e Organizatës Trump. Avokatja e zotit Weisselberg, Mary Mulligan, nuk pranoi të komentojë po kështu edhe zyra e avokatit të rrethit të Manhatanit.

Zoti Vance, i cili largohet nga detyra në fund të këtij viti, ka kryer një hetim të gjerë për një sërë çështjesh që përfshijnë zotin Trump dhe organizatën e tij.

Zyra e prokurorit ka shqyrtuar pagesat e bëra ndaj dy grave në emër të zotit Trump për të garantuar heshtjen e tyre si dhe ka verifikuar mes çështjeve të tjera edhe vërtetësinë mbi vlerësimin që u është bërë pronave të kompanisë e për rrjedhojë taksave që duhen paguar.

Zoti Vance zhvilloi një betejë të gjatë për të siguruar të dhënat mbi taksat e zotit Trump dhe ka kërkuar zyrtarisht dorëzimin e dokumenteve dhe intervistimin e drejtuesve e personave të tjerë të brendshëm të Organizatës Trump.

Zonja James caktoi dy avokatë nga zyra e saj për të punuar me ekipin e zotit Vance pasi zyra e saj gjeti prova për shkelje të mundshme penale ndërsa zhvillonte një hetim të veçantë civil ndaj zotit Trump.

Zoti Weisselberg, 73 vjeç, ndodhej ndërkohë nën hetime, pjesërisht, për shkak të pikëpyetjeve në lidhje me përdorimin nga ana e djalit të tij të një apartamenti të zotit Trump për të cilit paguante fare pak ose aspak.

Djali, Barry Weisselberg, i cili administronte një pistë patinazhi nën pronësi të zotit Trump, në një nga zonat e njohura të Nju Jorkut në Central Park, gjatë një dëshmie për divorc në 2018, shprehej se apartamenti i zotit Trump ishte “i korporatës dhe për këtë arsye nuk paguante qira”.

Ish-bashkëshortja e tij, Jen Weisselberg, ka bashkëpunuar me të dy hetimet dhe u ka dhënë hetuesve të dhëna mbi taksat e dokumente të tjera.

Çështja kundër Allen Weisselberg-ut, një besnik i zotit Trump dhe babait të tij Fred Trump, një biznesmen i njohur në fushën e pasurive të patundshme, mund t’u japë prokurorëve mjetet për të ushtruar presion ndaj tij që ta detyrojnë të bashkëpunojëpër të treguar ato çka di mbi marrëdhëniet e biznesit të zotit Trump.

Përmes Organizatës Trump ish-presidenti administron veprimtaritë e tij të shumta sipërmarrëse, përfshirë investimet e tij në zyra, hotele dhe qendra golfi, apo marrëveshjet e tij të shumta në fushën e marketingut dhe angazhimet televizive të tij. Djemtë e zotit Trump, Donald Jr dhe Eric Trump, kanë qenë në krye të operacioneve të përditshme të kompanisë që kur ai u bë president.

Megjithëse nuk pritet që të enjten të ngrihen akuza ndaj zotit Trump, akuzat ndaj kompanisë që mban emrin e tij ngrenë pikëpyetje lidhur me atë se çka ai di, apo për përfshirjen në praktika që prokurorët dyshojnë se janë të paligjshme.

James Repetti, një avokat mbi taksat dhe profesor në Shkollën e Drejtësisë të Kolegjit të Bostonit, thotë se një kompani si Organizata Trump në përgjithësi ka një përgjegjësi që të mbajë detyrimet mbi taksat jo vetëm mbi pagën, por edhe për format e tjera të kompensimit, sikurse përdorimi i një apartamenti ose makinave.

Përfitime të tilla nuk do të konsideroheshin të ardhura të tatueshme nëse ato do të kërkoheshin si kusht për punësimin e një personi, thotë zoti Repetti, sikurse sigurimi i një apartamenti për t’i krijuar lehtësi një punonjësi, i cili kërkohet të jetë në zyrë ose në vendin e punës në orë të pazakonta ose të shpeshta, ose lejimi i përdorimit të një makine për qëllime biznesi.

Një tjetër figurë e njohur në fushën e pasurive të patundshme në Nju Jork, e ndjera Leona Helmsley, u dënua për evazion fiskal në një çështje federale që lindi kur kompania e saj pagoi për riparime në shtëpinë e saj, por pa e raportuar atë si të ardhur.

Rasti i Organizatës Trump përfshin shkelje të mundshme të ligjeve mbi taksat në shtetin e Nju Jork-ut.

“Agjencia përgjegjëse për mbledhjen e taksave (IRS) në mënyrë rutinore kërkon të identifikojë rastet e abuzimit lidhur me përfitimet e bizneseve”, thotë zoti Repetti. “Tundimi nga ana e biznesit është që të kërkojë një zbritje të taksave lidhur me shpenzimet, ndërsa përfituesi nuk i raporton ato si të ardhura”.

blank

Vdes ish-Sekretari amerikan i Mbrojtjes, Donald Rumsfeld

Ish-Sekretari amerikan i mbrojtjes, Donald Rumsfeld, ka vdekur në moshën 88-vjeçare në Nju Meksiko, njoftoi familja e tij të mërkurën (30 qershor).

“Gjatë gjashtë dekadave të shërbimit të tij, historia mund ta kujtojë atë për arritjet e tij të jashtëzakonshme”, tha familja në një deklaratë.

Rumsfeld, një ish-anëtar i Dhomës së Përfaqësuesve, shërbeu si Sekretar i Mbrojtjes gjatë presidencës së George W. Bush, dhe njihet si një nga arkitektët kryesorë të luftës në Irak dhe Afganistan.

Rumsfeld mbikëqyri sulmet ndaj bazave të Al-Kaidës në Afganistan pas sulmeve terroriste të 11 shtatorit në SHBA. Nga intervenimi ushtarak amerikan shumë shpejt talibanët u rrëzuan nga pushteti dhe u krijua një qeveri e re e zgjedhur në mënyrë demokratike.

Më 2003, forcat amerikane rrëzuan nga pushteti presidentin irakian, Saddam Hussein, por pas kësaj, nuk arritën të mbanin rendin dhe rregullin.

Më vonë, Bush e zëvendësoi Rumsfeldin pasi Shtetet e Bashkuara disi u bllokuan në luftimet në atë vend. rel

blank

Statuja e re e Lirisë mbërrin në Nju Jork nga Franca

VOA

Një model i ri, më i vogël i Statujës së Lirisë mbërriti të mërkurën në ishullin Ellis në Nju Jork, një dhuratë për Shtetet e Bashkuara nga Franca, 135 vjet pasi ai vend i dhuroi Shteteve të Bashkuara Statujën origjinale të Lirisë.

Statuja e re, gati tre metra e lartë, mbërriti në Nju Jork pas një udhëtimi nëntë-ditor në Oqeanin Atlantik. Statuja prej bronzi i është dhënë me hua për 10 vjet ambasadës franceze në Uashington nga Konservatori Kombëtar i Arteve dhe Mjeshtërisë Franceze (CNAM). Dekadën e kaluar statuja qëndroi në hyrje të Muzeut Kombëtar të Arteve dhe Mjeshtërive (Musée des Arts et Métiers) në Paris.

Agjencia Franceze e Lajmeve (AFP) njoftoi se kopja është krijuar nga një skanim 3-dimensional i modelit origjinal të skulpturës së vitit 1878 nga skulptori Auguste Bartholdi për të ndërtuar “La Liberté” që Franca i dhuroi Shteteve të Bashkuara për nder të njëqindvjetorit të tyre në vitin 1886.

Gjatë një ceremonie në Paris në fillim të qershorit, ndërsa kopja po paketohej për t’u transportuar, administratori i konservatorit CNAM Olivier Faron tha se statuja më e vogël ka për qëllim të riafirmojë miqësinë mes Francës dhe Shteteve të Bashkuara.

Në të njëjtën ceremoni, nënkryetari i përkohshëm i misionit në ambasadën amerikane në Paris, Liam Wasley, e quajti statujën një kujtesë të lidhjeve të forta mes Shteteve të Bashkuara dhe Francës, “lirinë që ne ndajmë dhe rëndësinë që çdo brez ta ruajë atë liri”.

Statuja e re do të pranohet zyrtarisht përmes një ceremonie të enjten dhe do të qëndrojë përballë statujës origjinale (93 metra e lartë) deri në festimet e 4 korrikut, Ditës së Pavarësisë.

Më pas statuja e re do të dërgohet në Uashington për t’u instaluar në rezidencën e ambasadorit francez. Ajo do të zbulohet atje më 14 korrik, në Ditës e Bastijës së Francës dhe do të qëndrojë aty për 10 vjet.

blank

SHBA pret që Kosova dhe Serbia t’i përmbahen marrëveshjes së Uashingtonit

Foto nga Zyra Ovale, ku në prani të ish-presidentit të SHBA-së, Donald Trump, liderët e Kosovës dhe Serbisë arritën marrëveshje për normalizim ekonomik.

 

RFE/RL

Shtetet e Bashkuara presin që Kosova dhe Serbia t’iu përmbahen detyrimeve të marra në Uashington më 4 shtator 2020.

“Shpresojmë që partnerët tanë të veprojnë me mirëbesim dhe të vazhdojnë t’iu përmbahen detyrimeve të marra përsipër në Uashington”, thuhet në një përgjigje të Departamentit amerikan të Shtetit për Zërin e Amerikës në gjuhën serbe.

Kosova dhe Serbia, më 4 shtator 2020, kanë nënshkruar në Shtëpinë e Bardhë në Uashington, dy dokumente për normalizimin e raporteve ekonomike, në prezencë të ish-presidentit amerikan, Donald Trump. Marrëveshja ishte nënshkruar mes ish-kryeministrit të Kosovës, Avdullah Hoti dhe presidentit të Serbisë, Aleksandar Vuçiq.

“Zbatimi i marrëveshjes së Uashingtonit krijon një bazë për marrëveshjet e ardhshme dhe ofron mundësi për bashkëpunim më të gjerë midis palëve. Detyrimet e marra veçse sjellin përfitime për qytetarët e Serbisë dhe Kosovës dhe ne i inkurajojmë ata që të vazhdojnë me zbatimin e tyre”, thuhet në përgjigjen e Departamentit të Shtetit.

Marrëveshja, ndër të tjera, parasheh angazhimin e Kosovës dhe Serbisë në ndërtimin e lidhjeve rrugore dhe hekurudhore, për të lidhur kryeqytetet e tyre në mënyrë që të përmirësojnë lëvizjen e mallrave dhe njerëzve, zhvillime këto që mund të tërheqin investime perëndimore. Sipas marrëveshjes, Kosova obligohet të bëhet pjesë e një iniciative për lëvizjen pa pasaporta dhe detyrime tarifore, që do ta përfshijë Shqipërinë, Serbinë dhe Maqedoninë e Veriut.

Kryeministri i Kosovës, Albin Kurti, i pyetur të mërkurën pas mbledhjes së qeverisë për zbatimin e saj, ka minimizuar pikat tjera të Marrëveshjes së Uashingtonit, duke thënë se “pika më e rëndësishme e saj është ajo e fundit, e cila tashmë është realizuar”.

Fjala është për njohjen e ndërsjellë mes Kosovës dhe Izraelit.

Shtetet e Bashkuara u kanë dorëzuar javën e kaluar, Qeverisë së Kosovës dhe asaj të Serbisë, studimin e fizibilitetit për Liqenin e Ujmanit. Ky studim shënon përmbushjen e një prej angazhimeve të Marrëveshjes së Uashingtonit.

Kryeministri i Kosovës, Albin Kurti ka thënë se është detyrë e institucioneve që Liqenin e Ujmanit ta konsiderojnë si “liqe artificial të Kosovës”.

“Qëndrimet tona në lidhje me Ujmanin janë të njëjta”, tha Kurti në një konferencë për media të mërkurën (30 qershor) pas mbledhjes së Qeverisë së Kosovës.

Raporti propozon formimin e një komisioni apo komiteti për lumin Ibër, që do të ndihmonte diskutimin midis palëve për mundësitë e menaxhimit të burimeve ujore. Ujmani është një liqen artificial, i ndërtuar në shtratin e lumit Ibër, në veri të Kosovës.

Kryeministri Kurti tha se mund të prodhohen analiza e studime por është “detyrë e jona që ta konsiderojmë Liqenin e Ujmanit, ashtu siç është, liqe artificial i Kosovës”.

“Atë (Liqenin) e kemi paguar edhe kryer shumë dekada më parë”, tha Kurti.

Liqeni u ndërtua në vitin 1972, me një kredi prej 45 milionë dollarësh amerikanë, që ishte marrë nga Banka Botërore, marrëveshje kjo e ratifikuar atëherë nga Kuvendi i Krahinor i Kosovës dhe Kuvendi Federativ i Jugosllavisë.

Serbia insiston se ka trashëguar borxhin e ish Jugosllavisë, prandaj pretendon se ka të drejtë në pronësi.

Ish-kryeministri Avdullah Hoti, lidhur më këtë çështje, javën e kaluar, ka shkruar në rrjetin social, Facebook, duke thënë se qeveria duhet të kujdeset për realizimin e projekteve që burojnë nga Marrëveshja e Uashingtonit.

“Administrata e Presidentit Biden e ka konfirmuar se do të vazhdojë të realizojë këtë marrëveshje, sepse është në përputhje me interesat e përbashkëta të SHBA-së dhe Kosovës”, ka shkruar Hoti.

Jehona Lushaku-Sadriu, profesoreshë në departamentin e Shkencave Politike në Universitetin e Prishtinës, në një bisedë me Radion Evropa e Lirë, ka vlerësuar se në raport me dialogun me Serbinë, qasja e paqartë e Qeverisë së Kosovës është peng i deklaratave të mëhershme të kryeministrit Kurti. Sipas saj, Kurti më herët ka shprehur qëndrime mjaft kritike lidhur me dialogun me Serbinë, për marrëveshjet e arritura në këtë proces, por edhe për zotimet e 4 shtatorit në Uashington.

“Marrëveshjet, të cilat janë nënshkruar dhe kanë hyrë në fuqi, janë punë e përfunduar. Ashtu sikurse edhe Marrëveshja e Uashingtonit. Ne duhet të mendojmë se jemi shtet që merr obligime ndërkombëtare dhe pavarësisht se kush është kryeministri për momentin, shteti duhet të vazhdojë t’i zbatojë marrëveshjet, të cilat i ka nënshkruar vet dhe është zotuar se do t’i zbatojë”, ka thënë Lushaku- Sadriu.

blank

SHBA, Dhoma e Përfaqësuesve votoi për të hequr të gjitha statujat e Konfederatës nga Kongresi

Washington DC

Dhoma e Përfaqësuesve në SHBA votoi për të hequr të gjitha statujat e Konfederatës nga shfaqja e tyre publike brenda Kongresit amerikan, raporton Anadolu Agency (AA).

Votimi 285-120 kishte mbështetje të gjerë dypartiake, megjithëse të gjitha votat kundër ishin nga republikanët.

Nëse miratohet në ligj, legjislacioni urdhëron Arkitektin e Kapitolit të heqë dhe zëvendësojë çdo statujë që ka ngjashmërinë e individëve që shërbyen vullnetarisht me Konfederatë, një lëvizje kryengritëse që luftoi për t’u shkëputur nga SHBA në mënyrë që të ruante të drejtën për të zotëruar afrikano-amerikanët si skllevër.

Statujat duhet të mbahen në depo deri në kthimin e tyre në shtetet e origjinës.

Projekt-ligji përmend në mënyrë specifike statujat e Charles Brantley Aycock, John Caldwell Calhoun dhe James Paul Clarke, tre persona që mbështesnin supremacinë e të bardhëve.

Projekt-ligji i Dhomës gjithashtu urdhëron arkitektin që të heqë një statujë që nderon ish-Kryetarin e Gjykatës së Lartë, Roger Brooke Taney, i cili dha vendimin e vitit 1857 që mohoi të drejtën e Kongresit për të nxjerrë jashtë ligjit skllavërinë dhe tha se afrikano-amerikanët nuk mund të konsideroheshin qytetarë.

Statuja e Taney-t do të zëvendësohet me një statujë të ish-Gjykatësit të Përgjithshëm të Gjykatës së Lartë, Thurgood Marshall, i cili ishte personi i parë afrikano-amerikan që u ul në gjykatën e lartë të Amerikës.

Është e paqartë se si do të kalojë projekt-ligji në Senat, ku votat janë të ndara 50-50 midis demokratëve dhe republikanëve.

blank

Autoritetet amerikane “nuk kanë sqarim” për UFO-t

RFE/RL

Një raport i inteligjencës amerikane për objektet fluturuese të paidentifikuara (UFO), të cilat kanë qenë nën vëzhgim të personalit ushtarak të Shteteve të Bashkuara, ka treguar se autoritetet amerikane nuk kanë sqarim për shumicën e pamjeve, andaj është bërë thirrje për më shumë studime.

Raporti, i lëshuar nga Kongresi më 25 qershor dhe i hartuar nga Pentagoni, ka konfirmuar se pilotët ushtarakë kanë analizuar, dhe në disa raste edhe incizuar, më shumë se 140 raste të pajisjeve me shpejtësi të madhe, origjina e të cilave nuk ka mundur të identifikohet.

Raporti i paklasifikuar nga Zyra e Drejtorit të Inteligjencës Kombëtare, ka thënë se hulumtuesit kanë arritur të komentojnë vetëm një nga 144 objektet e tilla në periudhën 2004-2021, shumica e të cilave janë parë gjatë aktiviteteve për trajnim ushtarak.

Tetëmbëdhjetë nga pamjet duket se kanë shfaqur një aeroplan duke bërë lëvizje të pazakonshme ose karakteristika të fluturimit të tilla si, aftësia për t’u mbajtur në gjendje të palëvizshme në erëra, lartësi të lartë dhe shpejtësi ekstreme, pa mjete të dallueshme shtytjeje, është thënë në raport.

Në disa prej pamjeve, objektet janë komentuar si të krijuara nga njeriu apo fenomene natyrore atmosferike.

Pajisjet tjera mund të jenë teste sekrete amerikane për mbrojtje apo teknologji e avancuar, e krijuar nga Rusia apo Kina, është thënë mes tjerash në raport.

Në raport nuk është përmendur mundësia që disa objekte përfaqësojnë jetën jashtëtokësore, mirëpo as nuk është përjashtuar një gjë e tillë.

Dhënia e urdhrit për përpilim të raportit, është dhënë pas publikimit të disa video-materialeve të pilotëve ushtarakë, në të cilat shihen disa objekte fluturuese me lëvizje të çuditshme.

Kongresi më pas u ka kërkuar agjencive të inteligjencës për të analizuar këto objekte përbëjnë kërcënim nga armiqtë e huaj.

blank

Ish polici Derek Chauvin dënohet me 22 vjet e gjysmë heqje lirie

VOA

Një gjykatës në Minneapolis dënoi të premten me 22 vjet e gjashtë muaj heqje lirie ish policin Derek Chauvin, i cili u shpall fajtor për vrasjen e George Floydit.

Derek Chauvin u shpall fajtor me 20 prill për vrasje të shkallës së dytë, vrasje të shkallës së tretë dhe vrasje të shkallës së dytë nga pakujdesia. Derek Chauvin është në burg që nga 20 prilli dhe përballet me akuza të ndara federale për të drejtat civile në lidhje me vdekjen e zotit Floyd.

Afrikano-amerikani George Floyd, u vra me 20 maj të vitit 2020, kur ish polici i bardhë Derek Chauvin, i mbajti gjurin në qafë për më shumë se nëntë minuta.

Akuza më e rëndë ndaj ish policit, vrasje e shkallës së dytë, mund të çojë një dënim deri në më së shumti 40 vjet heqje lirie.

Prokurorët kishin kërkuar 30 vjet, meqë ekspertët ligjor thanë se cdo dënim më i lartë mund të rrëzohej në Gjykatën e Apelit.

Gjykatësi, Peter Cahill, vendosi se kishte “rrethana rënduese” për vrasjen e Floydit, duke i dhënë atij diskrecion për të dënuar Chauvin me një afat më të gjatë se sa që është përcaktuar me udhëzimet e rregullta të shtetit. Në Minesota, 12 vjet e gjysmë është dënimi mesatar për një rast të ngjashëm si ai i ish oficerit Chauvin.

Vdekja e George Floydit, që u regjistrua me nje celular, frymëzoi protesta globale kundër racizmit institucional dhe praktikave policore, posaçërisht në Shtetet e Bashkuara.

Presidenti amerikan, Joe Biden, u tha gazetarëve në Shtëpinë e Bardhë se dënimi “duket të jetë i duhuri”, por shtoi se nuk i dinte hollësitë.

blank

Florida, 4 të vdekur dhe 159 të pagjetur nën rrënoja

VOA

Të paktën katër persona humbën jetën pas shembjes së një godine 12 katëshe në periferi të Majamit ndërsa ekipet e shpëtimit vazhdojnë kërkimin për 159 të pagjetur. Kryebashkiakja e qarkut Majami-Dejd tha se numri i të zhdukurve është rritur nga 99 sa ishte në fillim dhe se tre trupa të tjerë pa shenja jete u nxorrën nga rrënojat gjatë natës. Vdekja e një personi tjetër ishte raportuar të enjten. 110 persona tjerë, vendndodhja e të cilëve fillimisht nuk dihej, janë gjetur dhe janë shpallur të sigurt.

Ekipet e shpëtimit vazhdojnë kërkimet për të mbijetuarit e mundshëm nën rrënojat e ndërtesës 12 katëshe në periferi të Majamit, ndërsa numri i viktimave vazhdon të rritet.

“Për fat të keq, kjo ishte një natë tragjike. Kemi arritur të gjejmë dhe shpallim të sigurt 120 persona, që është një lajm shumë i mire, por numri i të pagjeturve ka shkuar në 159. Po ashtu, ju njoftojmë se numri i viktimave ka arritur në katër. Dua të jem e qartë lidhur me numrat. Ata mund të ndryshojnë vazhdimisht. Ne do të vazhdojmë t’ju inforojmë lidhur me ta. Tani mund të konfirmojmë se kemi katër vdekje”, njoftoi kryebashkiakja e Majami-Dejd, Daniella Levine Cava.

Presidenti i Shteteve të Bashkuara, Joe Biden, shpalli gjendjen e jashtëzakonshme për shtetin e Floridës dhe urdhëroi ndihma federale për të përforcuar përpjekjet e autoriteteve shtetërore dhe atyre lokale në tejkalimin e kësaj situate.

Të enjten ekipet e specializuara të kërkim-shpëtimit arritën të dëgjojnë disa goditje dhe zhurma tjera, por jo zëra njerëzish, që vinin nga nën rrënojat e godinës së shembur në qytezën Sërfsajd pranë Majamit.

Në disa filmime nga kamerat e sigurisë në orët e para të së enjtes, shihet se si ndërtesa ndahet në dysh, duke krijuar një re të madhe pluhuri që mbështjell gjithë zonën.

Ende nuk dihet shkaku i rrëzimit të ndërtesës së vjetër 40 vjeçare, megjithëse zyrtarët lokalë thanë se objekti po kryente punime në çati dhe disa riparime tjera.

Zyrtarët thanë se kompleksi i ndërtuar në vitin 1981 po kalonte në një proces të riçertifikimit që kërkonte riparime, ndërsa ngjitur me të po punohej për ndërtimin e një blloku të ri.

80 nga rreth 130 apartamentet që ka gjithesj kompleksi kishin banorë. Pothuajse gjysma e tyre u dëmtuan ose shkatërruan nga shembja. Ekipet emergjente sollën pajisje të rënda për të stabilizuar pjesën e paprekur të ndërtesës.

Kompleksi përbëhej nga apartamente me dy dhoma gjumi me një vlerë 600 deri 700 mijë dollarë. Në këtë zonë gjenden apartamente të vjetra që jepen me qera, shtëpi dhe komplekse banimi, restorante e dyqane që frekuentohen nga banorë të përhershëm dhe turistë. Në zonë jetojnë shumë imigrantë rusë, familje hebraike dhe banorë që jetojnë për disa muaj të vitit në Florida, kur duan të largohen nga zonat e ftohta në veri të vendit.

Autoritetet lokale njoftuan se disa hotele kanë ofruar strehimin e banorëve të zhvendosur dhe se po organizohen operacione për t’u dërguar ushqime e ilaçe sipas nevojave.

blank

SHBA në pritje të publikimit të raportit për UFO-t

Matt Dibble

Çfarë dinë Pentagoni, FBI-ja dhe agjencitë e tjera të inteligjencës amerikane rreth UFO-ve? Një raport që do të publikohet këtë javë pritet të nxjerrë disa përfundime dhe të ngrejë shumë pyetje, veçanërisht në lidhje me rivalët e Shteteve të Bashkuara.

Raporti i shumë pritur për UFO-t pritet të mbërrijë në Kongresin amerikan këtë javë.

Në raport përfshihen mbi 120 raste të atyre që ushtria i quan Fenomene Ajrore të Paidentifikuara, por ende nuk është bërë ndonjë përcaktim në lidhje me origjinën e mjeteve fluturuese misterioze, thonë zyrtarët që kanë njohuri për raportin dhe që janë intervistuar nga gazeta The New York Times.

Hetimi i qeverisë amerikane ndaj këtyre fenomeneve u nxit nga regjistrimet e marinës amerikane që tregojnë objekte të panjohura duke bërë lëvizje të pazakonshme.

Luis Elizondo drejton hetimet e Pentagonit për UFO-t, që nga viti 2008.

“Rregjistrimet janë bërë nga platformat më të sofistikuara të Amerikës. Ato ishin objekte të vërteta dhe ishin në hapësirën tonë ajrore dhe ne nuk e dimë se çfarë janë”, thotë zoti Elizondo.

Ligjvënësit nga të dyja partitë politike thonë se është koha për të përcaktuar nëse këto objekte paraqesin një kërcënim për Shtetet e Bashkuara.

Raporti pritet të përqendrohet në faktin nëse mjetet fluturuese i përkasin një kundërshtari të Amerikës. A mund të ketë zhvilluar Rusia ose Kina atë që duket të jetë teknologji shumë e përparuar?

Nuk ka ngjarë që këto dy vende të kenë bërë këtë, thotë Marik von Rennenkampff, një analist i mbrojtjes gjatë administratës së presidentit Obama.

“Ne e dimë që Kina ka ende vështirësi me teknologjinë themelore të motorëve të avionëve. Kina mbështetet në spiunazh për të siguruar pjesën më të madhe të teknologjisë së saj të përparuar të mbrojtjes. Rusia ka një buxhet të mbrojtjes që është shumë i vogël krahasuar me atë të Shteteve të Bashkuara”, thotë ai.

Duke patur parasysh informacionin e kufizuar të publikuar deri më tani, është herët të thuhet nëse fenomenet janë rezultat i përparimeve teknologjike të një vendi, thonë disa ekspertë.

“Mund të ketë shpjegime që nuk kërkojnë një hap të madh në aftësinë teknologjike. Mund të jetë diçka që nuk e prisnim dhe diçka që nuk e kemi parë më parë. Nëse rezulton të jetë diçka nga Kina, Rusia ose një vend tjetër, kjo do të tregonte vërtet një dështim për ta imagjinuar këtë mundësi nga ana e agjencive tona të inteligjencës”, thotë Todd Harrison, ekspert në Qendrën për Studime Strategjike dhe Ndërkombëtare.

Përgatitjet për raportin kanë filluar gjashtë muaj më parë dhe ai përfshin prova të mbledhura në një periudhë prej shumë vitesh. Ka patur sinjale se zyrtarët e inteligjencës nuk janë ende të gatshëm të zbulojnë një konkluzion përfundimtar për këtë. Ndërsa thuhet se nuk ka prova të jashtëtokësorëve, mundësia e ekzistencës së tyre nuk është përjashtuar.

“Nga ajo që kam dëgjuar nga njerëzit në qeveri është se nuk ka kohë të mjaftueshme për të përpiluar një raport koherent për këtë çështje. Ne nuk kemi analizën e nevojshme për këtë. Ky është një projekt afatgjatë. Mendoj se është një hap i duhur”, thotë ish-analisti i Departamentit të Mbrojtjes, Marik Von Rennekampff.

Duke shtuar intrigën, Kina ka programin e saj të studimit të UFO-ve, që bazuar në një artikull të kohëve të fundit të gazetës South China Morning Post, përcakton Shtetet e Bashkuara si një burim të mundshëm të këtyre mjeteve fluturuese.

blank

Lek Mirakaj: Ministri i Diasporas Pandeli Majko dështoi ne turin e tij ne Amerike se nuk respektoi Vatren, e konsideronte armike

 

Kësaj here Z.Lek Mirakaj është shprehur për dështimet e organizimit të diasporës nga Edi Rama dhe Pandeli Majko si më poshtë:

 

Z.Lek Mirakaj, ish i perndjekur i regjimit komunist ne Shqiperi

është një figurë shumë e nderuar dhe e respektuar e komunitetit Shqiptaro-Amerikan në SHBA.

Normalisht komuniteti duhet të tregojë kujdes për këta njerëz, që janë një Muzeum i gjallë,

jo vetëm për faktin sepse janë dëshmitarë të asaj mizorie që ka ndodhur në Shqipëri gjatë regjimit totalitar,

por edhe sepse Lek Mirakaj mban qendrime kritike ndaj politikave të mbrapshta që e ka çuar Shqipërinë nën një regjim hibrid,

me një tranzicionit të stërgjatur e me një kosto shumë të madhe për shqiptarët.

Lek Mirakaj po ashtu është i pranishëm edhe në rrjetin social rreth aktualiteteve shqiptare.

Kësaj here Z.Lek MIrakaj është shprehur për dështimet e organizimit të diasporës nga Edi Rama dhe Pandeli Majko si më poshtë:

 

“Edi Rama deshtoi me te ashtuquajturin “Samit të Diaspores”.

Ministri i Diasporas Pandeli Majko deshtoi ne turin e tij ne Amerike se nuk respektoi Vatren, e konsideronte armike.

Vatra eshte historia e diaspores, kushdo qe nuk respekton Vatren, nuk e njeh historine e diaspores.

Vatra nuk ka monopolin e diaspores, po ka nje ze dhe histori qe detyron respekt.”

 

blank

Biden: SHBA kanë bërë 300 milionë doza vaksine kundër koronavirusit

Wayne Lee

Presidenti Joe Biden njoftoi të premten se në SHBA janë bërë 300 milionë doza vaksine kundër koronavirusit që kur ai erdhi në Shtëpinë e Bardhë më 20 janar.

Në komente në Shtëpinë e Bardhë, presidenti tha se “ky është me të vërtetë një sukses amerikan” dhe se “nuk u realizua rastësisht”.

Ai e cilësoi fushatën e imunizimit si “sfidën më të madhe, më të komplikuar logjistike në historinë e Amerikës”.

Por administrata amerikane ka të ngjarë të mos realizojë objektivin e shprehur nga presidenti për të vaksinuar, të paktën pjesërisht 70% të amerikanëve të rritur brenda Festës së Pavarësisë më 4 Korrik. Gjatë javëve të fundit është vërejtur një rënie e interesimit për vaksinim, gjë që vë në rrezik synimin e Presidentit Biden.

Qendra për Kontrollin dhe Parandalimin e Sëmundjeve njoftoi të premten se afro 172.4 milionë vetë, ose 52% e popullatës në SHBA kanë bërë të paktën një dozë të vaksinës dhe 42.6% janë të vaksinuar plotësisht.

Presidenti tha se në popullatën në moshë të rritur, 65% e tyre kanë bërë të paktën një dozë, duke shtuar se 15 shtete amerikane e kanë arritur objektivin për vaksinimin e 70% të të rriturve, të paktën me një dozë.

Presidenti theksoi se duhet bërë më shumë, duke vënë në dukje se ritmet e vaksinimit janë më të ulëta ndër personat me ngjyrë.

Zoti Biden u bëri thirrje amerikanëve që nuk janë vaksinuar, të mos ngurojnë, duke paralajmëruar se varianti Delta, i shfaqur fillimisht në Indi, është më ngjitës dhe përbën rrezik më të madh për personat e pavaksinuar.

“Një verë shumë e ndryshme nga vjet, shumë më e ndritshme, një verë plot gëzim” i pret amerikanët falë imunizimeve, tha Presidenti Biden.

Në një përpjekje paralele për të inkurajuar njerëzit të vaksinohen, Nënpresidentja Kamala Harris vizitoi një qendër provizore imunizimesh në kishën baptiste Ebenezer në Atlanta, ku dikur ishte pastor ikona e të drejtave civile Martin Luther King Jr.

blank

Ndihmës Sekretari i Shtetit Reeker do të vizitojë Italinë, Shqipërinë dhe Maqedoninë e Veriut

VOA

Ndihmës Sekretari i Shtetit në detyrë për Evropën dhe Euroazinë, Philip T. Reeker, do të shkojë në Itali, Shqipëri dhe Maqedoninë e Veriut.

Gjatë vizitës në Tiranë, më 30 qershor, Ndihmës Sekretari i Shtetit në detyrë do të takohet me Kryeministrin Edi Rama dhe zyrtarë të tjerë të lartë për të diskutuar marrëdhëniet SHBA – Shqipëri dhe fusha të tjera të interesit të ndërsjelltë.

Më 1 korrik, zoti Reeker do të mbërrijë në Ohër, për të marrë pjesë në Konferencën “Rruga drejt Prespës”, ku do të theksojë mbështetjen amerikane për dialogun e vazhdueshëm dhe bashkëpunimin drejt stabilitetit dhe progresit në mbarë rajonin. Po në Ohër, ai do të takohet me Kryeministrin maqedonas Zaev, Ministrin e Jashtëm Osmani dhe zyrtarë të tjerë të lartë për të diskutuar rreth prioriteteve të përbashkëta për Ballkanin Perëndimor.

Gjatë periudhës 22 – 29 qershor, Ndihmës Sekretari i Shtetit në detyrë do të shoqërojë Sekretarin Blinken në udhëtimin drejt Berlinit, Parisit, Romës, Vatikanit, Barit dhe Materas.

blank

Shtëpia e Bardhë: Turqia do të luajë “rol kryesor” në sigurinë e aeroportit të Kabulit

Washington DC

Turqia do të luajë një “rol kryesor” në ofrimin e sigurisë në Aeroportin Ndërkombëtar Hamid Karzai të Kabulit pasi forcat e NATO-s të tërhiqen nga Afganistani, tha këshilltari i sigurisë kombëtare i Presidentit të SHBA-së Joe Biden, transmeton Anadolu Agency (AA).

Këshilltari Jake Sullivan u tha gazetarëve se gjatë takimit të tyre të parë dypalësh të hënën, Biden dhe presidenti turk Recep Tayyip Erdoğan “ranë dakord që ata do të punojnë së bashku” për të siguruar që misioni turk të vendoset përpara afatit të 11 shtatorit të presidentit amerikan për të tërhequr të gjitha forcat amerikane nga Afganistani.

“Presidenti Erdoğan tregoi se do t’i duhen, siç thatë ju, forma të caktuara të mbështetjes për ta bërë këtë dhe presidenti Biden u zotua se mbështetja do të vijë”, tha Sullivan në një brifing telefonik.

“Presidenti Erdoğan shprehu kënaqësinë me këtë dhe të dy ata i ngarkuan ekipet e tyre vetëm të punojnë mbi detajet e fundit, por angazhimi i qartë nga liderët thekson që Turqia do të luajë një rol kryesor në sigurimin e Aeroportit Ndërkombëtar të Hamid Karzai dhe tani ne po punojmë se si ta ekzekutojmë këtë”, shtoi Sullivan.

Duke folur para gazetarëve të hënën në fund të një serie takimesh me udhëheqësit e NATO-s, Erdoğan tha se Turqia po kërkon përfshirjen e Pakistanit dhe Hungarisë në misionin e ri në Afganistan pas largimit të forcës së NATO-s të udhëhequr nga SHBA-ja.

Turqia, forcat e së cilës në Afganistan kanë qenë gjithmonë me trupa joluftarake, raportohet të ketë ofruar të ruajë Aeroportin Ndërkombëtar Hamid Karzai pasi ngelin pyetje se si do të garantohet siguria përgjatë rrugëve kryesore të transportit dhe në aeroport, i cili është porta kryesore për në kryeqytetin Kabul.

I pyetur në lidhje me planifikimin e emergjencave, Sullivan tha se SHBA-ja po mendon gjithashtu për mundësinë e përdorimit të kontraktorëve të sigurisë me “përvojë të gjerë” në Afganistan në aeroport, por shtoi se Washingtoni “ndihet mirë” për sa i përket planifikimit me Turqinë.

“Por sigurisht që ne po bëjmë pa dyshim edhe një planifikim të paparashikuar në rast se Turqia nuk mund të vazhdojë, megjithëse kemi çdo pritje që ata do ta bëjnë, ose mund të vazhdojmë vetëm në një mënyrë më të kufizuar”, tha ai.

blank

“Juneteenth”, fundi i skllavërisë në SHBA, bëhet festë federale

 

Presidenti i Shteteve të Bashkuara, Joe Biden, nënshkroi ligjin që e bën 19 qershorin festë federale, në kujtim të përfundimit të skllavërisë në SHBA.

Festa, e njohur si “Juneteenth”, shënon ditën e vitit 1865, kur afrikano-amerikanët e fundit të skllavëruar në Teksas janë njoftuar se janë të lirë.

Kjo ka ndodhur dy muaj pas përfundimit të Luftës Civile në SHBA.

“Kjo është një ditë me peshë të madhe dhe fuqi të madhe dhe për të kujtuar njollën morale dhe dëmin e tmerrshëm që skllavëria i ka bërë vendit”, tha Biden, teksa miratoi festën e re.

“Të gjithë amerikanët mund të ndjejnë fuqinë e kësaj dite dhe të mësojnë nga historia jonë”, tha ai.

Shumë shtete në SHBA e kanë shënuar edhe më herët “Juneteenth”, por data nuk ka pasur statusin e festës federale.

Këtë javë, të dyja dhomat e Kongresit amerikan e kanë kaluar me shumicë dërrmuese projekt-ligjin për festën “Juneteenth”.

Ajo është tani festa e 12-të federale. rel

blank

New York, me spektakël fishekzjarresh festohet heqja e masave restriktive ndaj COVID-19

Autoritetet e New Yorkut mbrëmë vendosën të heqin pothuajse të gjitha masat kufizuese të vendosura në kuadër të luftës kundër pandemisë COVID-19, ndërkaq kjo ngjarje u shënua me spektakël fishekzjarresh, transmeton Anadolu Agency (AA).

Guvernatori i New Yorkut, Andrew Cuomo tha se qëllimi i procesit të imunizimit ishte arritur dhe se më shumë se 70 për qind e qytetarëve të SHBA-së kishin marrë vaksinat kundër COVID-19.

Cuomo tha se për shkak të kësaj, pothuajse të gjitha masat kufizuese në New York do të hiqen.

“Sot është dita e 472 e luftës kundër pandemisë COVID-19. Nga sot i kthehemi jetës normale. Kjo është shumë e rëndësishme dhe ne e merituam këtë pas një udhëtimi kaq të gjatë”, tha Cuomo.

New Yorku ka qenë epiqendra e pandemisë në SHBA në disa raste ndërsa Cuomo tha se lufta 15-mujore ka dhënë fryte dhe se njujorkezët po dalin nga kjo luftë edhe më të fortë.

Ai tha se heqja e masave kufizuese ishte një akt i fitores ndaj pandemisë dhe kjo ishte arsyeja pse fishekzjarret janë vendosur në dhjetë pjesë të New Yorkut.

SHBA-ja po zbaton imunizimin masiv kundër koronavirusit ndërsa deri tani më shumë se 70 për qind e popullsisë janë vaksinuar në 15 shtete federale, përfshirë Washington DC. Shteti i Vermontit kryeson në vaksinimin me 84 për qind të personave të vaksinuar.

blank

SHBA, Dorëhiqet zyrtari pasi zbulohet praktika e përgjimit të demokratëve, gazetarëve

Marrë nga Associated Press

Zyrtari më i lartë për sigurinë kombëtare në Departamentin amerikan të Drejtësisë njoftoi të hënën se do të japë dorëheqjen pasi u bë e ditur se ky department kishte mbledhur informata mbi politikanë demokratë dhe punonjës të medias gjatë administratës së Presidentit Trump.

John Demers, i emëruar nga Presidenti Trump, do të largohet në fund të javës njoftoi departamenti në komente për agjencinë e lajmeve Associated Press. Zoti Demers, i cili filloi punën pak javë pasi ishte nxjerrë urdhër për të mbledhur të dhëna për disa demokratë, është një ndër zyrtarët e paktë të administratës së mëparshme ende në detyrë. Ai e kishte bërë të ditur se kishte në plan të largohej në fund të qershorit, tha një zyrtar me njohuri mbi këtë zhvillim, duke komentuar me kusht që të mos identifikohej me emër.

Dorëheqja e zotit Demers vjen ndërkohë që kanë lindur pyetje të shumta lidhur me përpjekjet e Departamentit të Drejtësisë për të mbledhur në mënyrë sekrete të dhëna mbi tabulatet e telefonatave të disa anëtarëve demokratë të Dhomës së Përfaqësuesve si dhe të gazetarëve, në kuadër të një hetimi të ethshëm për të zbuluar kush kishte nxjerrë informacion të brendshëm në shtyp.

Prokurori i Përgjithshëm Merrick Garland theksoi në një deklaratë të hënën se “kategorizime politike apo të formave të tjera të papërshtatshme nuk duhet të luajnë rol në hetimet apo vendimet prokuroriale” duke shtur se këshilltari ligjor i departamentit që ai drejton kishte hapur një proces hetimor.

“Në përputhje me angazhimin tonë për të vënë ligjin mbi të gjitha, duhet të garantojmë se po respektohet ndarja e kompetencave dhe autoritetit në veprimet e mëtejshme,” tha ai.

Javën e kaluar u raportua se Departamenti i Drejtësisë kishte nxjerrë në 2018 urdhra në mënyrë sekrete për të mbledhur të dhëna mbi telefonatat e demokratëve të Dhomës së Përfaqësuesve Adam Schiff dhe Eric Swalwell, pasi komisionet ku ata bënin pjesë po zhvillonin hetime mbi lidhjet e mundshme mes Presidentit Trump dhe Rusisë. Zoti Schiff ishte në atë kohë demokrati më i lartë në Komisionin e Dhomës së Përfaqësuesve për Zbulimin.

Rekordet e të paktën 12 individëve që kishin lidhje me Komisionin për Shërbimet e Zbulimit iu përcollën Departamentit të Drejtësisë nga kompania Apple, pasi u nxor urdhri në 2018. Ndër këta individë kishte ndihmës, ish-ndihmës dhe pjesëtarë të familjeve. Një ndër personat ishte në moshë të mitur.

Urdhri i 6 shkurtit 2018 kërkonte informacion mbi 73 numra telefoni dhe 36 adresa emaili, tha kompania Apple. Kompania shton se urdhri gjithashtu e ndalonte këtë entitet të njoftonte personat e shenjestruar.

Zoti Demers ka drejtuar divizionin për sigurinë kombëtare në Departamentin e Drejtësisë që në fund të shkurtit 2018. Divizioni i tij ka qenë i përfshirë në secilin nga hetimet lidhur me nxjerrjen e informacionit të brendshëm. VOA

blank

Adoleshentja që regjistroi vrasjen e Floydit fiton Pulitzerin

RFE/RL

Darnella Frazier, një adoleshente nga Minesota, videoja e të cilës shpërfaq vrasjen e afrikano-amerikanit George Floyd nga një zyrtar policor, është shpërblyer me Çmimin Pulitzer.

Çmimet Pulitzer konsiderohen më prestigjiozet për gazetari në Shtetet e Bashkuara.

Frazier është cituar për “incizim të guximshëm të vrasjes së George Floydit, një video që ka nxitur protesta kundër brutalitetit policor në gjithë botën, si dhe ka vënë në pah rolin e rëndësishëm të qytetarëve teksa gazetarët janë në kërkim të së vërtetës dhe drejtësisë”, ka thënë bordi që ka ndarë çmimet.

Stafi i gazetës Minneapolis Star Tribune, është nderuar me çmimin për dhënien e lajmit më të shpejtë për vdekjen e Floydit.

Platforma online BuzzFeed ka fituar çmimin e parë Pulitzer, në kategorinë e raportimit ndërkombëtar, për mbulim të kampeve të ndërtuara nga Kina për ndalime masive të ujgurëve myslimanë.

E përditshmja amerikane The New York Times ka fituar çmimin për shërbim publik dhe për mbulim të pandemisë së koronavirusit.

Agjencia e lajmeve The Associated Press ka fituar dy çmime për fotografi, njërin për mbulim të protestave për pabarazi racore në Shtetet e Bashkura, dhe tjetrin për ndikimin e pandemisë së koronavirusit te të moshuarit në Spanjë.

Çmimet Pulitzer ndahen nga viti 1917, kur gazetari Joseph Pulitzer, emigrant hungarez-hebre, ka krijuar këtë çmim me vullnetin e tij.

Njoftimi për këto çmime, në vlerë të 15,000 dollarëve secili, është shtyrë nga muaji prill, për shkak të pandemisë.

blank

Biden pret Merkelin në Shtëpinë e Bardhë më 15 korrik

RFE/RL

Shtëpia e Bardhë ka thënë se presidenti amerikan Joe Biden do të mirëpresë kancelaren gjermane Angela Merkel më 15 korrik, me qëllim të “thellimit të lidhjeve bilaterale”.

Zëdhënësja e Bidenit, Jen Psaki ka bërë të ditur takimin, teksa të dy liderët veçse janë takuar më 11 qershor, në samitin e grupit të shtatë vendeve më të industrializuara në botë (G7).

Pyetjet rreth bashkëpunimit transatlantik në çështjet e lidhura me Rusinë, Iranin dhe Kinën janë pjesë e agjendës së samitit në G7, përveç aspekteve tjera.

Pjesëmarrja gjermane në kompletimin e gazsjellësit Rrjedha Veriore 2, në vlerë të 11 miliardë dollarëve, i cili transporton gazin rus në Evropë, ka komplikuar marrëdhëniet në mes të dy aleatëve të NATO-s, dhe ka penguar përpjekjet për të përmirësuar lidhjet, prej kur Biden mori detyrën në janar të këtij viti.

Psaki ka thënë se në muajin korrik, Merkel dhe Biden ‘do të diskutojnë për përkushtimin e tyre për bashkëpunim më të ngushtë në një varg sfidash, përfshirë dhënien fund të pandemisë, adresimin e kërcënimit për ndryshimet klimatike dhe promovimin e prosperitetit ekonomik dhe sigurisë ndërkombëtare të bazuar në vlerat tona të përbashkëta demokratike”.

Merkel, kancelare, që ka udhëhequr për kohë të gjatë Gjermaninë, do të jetë liderja e tretë që do të pritet nga Biden, prej kur ky i fundit është zgjedhur presidenti i 46-të i Shteteve të Bashkuara.

Biden ka pritur deri më tani liderë nga Japonia dhe Koreja Jugore, duke e bërë Merkelin lideren e parë evropiane që viziton Bidenin në Shtëpinë e Bardhë.

blank

Miliarderët amerikanë paguajnë pak ose aspak taksa

Rob Garver

Një rrjedhje e pashembullt të dhënash personale të taksave federale të mijëra amerikanëve ka rindezur një debat mbi pabarazinë e të ardhurave në Shtetet e Bashkuara.

Përkrahësit e reformës në sistemin e taksave shpresojnë se një ide më e qartë nga publiku se si të pasurit shmangin taksat, do të sjellë si rezultat një rishikim të kodit të taksimit në Shtetet e Bashkuara.

Të dhënat, që i ishin dërguar organizatës jofitimprurëse të gazetarisë “ProPublica”, përfshijnë informacion të detajuar mbi taksat e mijëra individëve më të pasur gjatë një periudhë mbi 15 vjeçare.

Këtë javë, “ProPublica” i përdori të dhënat për të paraqitur para publikut një përshkrim të parë të detajuar se deri në ç’masë më të pasurit në Shtetet e Bashkuara përfitojnë nga privilegje dhe luks të jashtëzakonshëm, ndërsa në të njëjtën kohë paguajnë pak ose aspak taksa.

Sipas kësaj analize, themeluesi i kompanisë Amazon Jeff Bezos, personi më i pasur në botë sipas revistës Forbes, nuk ka paguar asnjë taksë federale mbi të ardhurat në vitet 2007 dhe 2011 dhe miliarderë të tjerë si Warren Buffett, Mark Zuckerberg, George Soros, Michael Bloomberg, Carl Icahn dhe të tjerë – i kanë paguar përqindje shumë të vogla taksash qeverisë federale, ose asnjë taksë, madje edhe në vitet kur pasuria e tyre u rrit me miliarda dollarë.

blank

SHBA intensifikojnë përpjekjet kundër korrupsionit në Ballkanin Perëndimor

VOA

Sekretari amerikan i Shtetit Antony Blinken ripohon angazhimin e Uashingtonit për të luftuar korrupsionin në vendet e Ballkanit Perëndimor.

“Shtetet e Bashkuara janë të ndërgjegjshme se korrupsioni kërcënon barazinë ekonomike, luftën kundër varfërisë, përpjekjet për zhvillimin ekonomik, si dhe vetë demokracinë. Korrupsioni, kudo që të jetë, dëmton drejtpërdrejtë politikën e jashtme, sigurinë kombëtare dhe ekonominë e Shteteve të Bashkuara, si dhe aleatët e partnerët tanë”, thekson zoti Blinken, në një deklaratë të lëshuar pas Urdhërit Ekzekutiv të Presidentit Biden për të zgjeruar hartën dhe kriteret e vendosjes së sanksioneve ndaj individëve dhe organizatave që përfshihen në korrupsion dhe krim të organizuar në Ballkanin Perëndimor.

“Shtetet e Bashkuara”, thekson zoti Blinken, “janë të angazhuara për të nxitur llogaridhënien si dhe për të luftuar pandëshkueshmërinë ndaj atyre që janë përfshirë në raste madhore korrupsioni në Ballkanin Perëndimor dhe kudo në botë”.

Duke e shpallur luftën kundër korrupsionit si një prioritet të sigurisë kombëtare të Shteteve të Bashkuara, administrata Biden duket se është e përgatitur të mbajë ndaj individëve, që beson se përfshihen në akte madhore korrupsioni dhe që minojnë shtetin ligjor, të njejtin qëndrim si ndaj atyre që kanë rrezikuar paqen në Ballkanin Perëndimor.

Sipas zotit Blinken, urdhëri i fundit ekzekutiv i Presidentit Biden zgjeron hartën e sanksioneve në Ballkanin Perëndimor duke përfshirë disa marrëveshje të viteve të fundit, siç është ajo e Prespës e vitit 2018, apo zgjatja e mandatit të Gjykatës së Hagës për Krimet e Luftës në ish Jugosllavi.

Veç atyre që rrezikojnë paqen e sigurinë, sanksione mund të vendosen tani edhe ndaj individëve që destabilizojnë rajonin duke minuar insitucionet demokratike dhe shtetin ligjor, ose që shkelin të drejtat e njeriut.

Për të goditur në mënyrën më të mirë rrjetet e korrupsionit të shtrira në Ballkanin Perëndimor, thekson Sekretari Blinken, Urdhëri Ekzekutiv përfshin tani edhe Shqipërinë.

Deri tani, Urdhëri Ekzekutiv, një vazhdimësi në vite e qëndrimeve të administratave të ndryshme amerikane që nga viti 2001, përfshinte vetëm vendet e dala nga shpërbërja e dhunshme e ish Jugosllavisë.

Sipas Sekretarit Bliken “Urdhëri Ekzekutiv autorizon vendosjen e sanksioneve ndaj individëve, apo enteve, që janë përgjegjëse për korrupsion në rajon, që janë përfshirë në përvetësim fondesh publike, tjetërsim pronash private për përfitime personale apo politike, ose të përfshirë në ryshfete. Pronat, ose interesat në prona të ndryshme, që personat e përcaktuar në bazë të Urdhërit Ekzekutiv, kanë në Shtetet e Bashkuara, ose që kanë lidhje me Shtetet e Bashkuara, apo bien në duar të personave në Shtetet e Bashkuara, do të bllokohen dhe shtetasit amerikanë janë të ndaluar të kryejnë transaksione me ta. Veç kësaj, individët, që përcaktohen në bazë të këtij urdhëri, nuk do të lejohen të hyjnë në Shtetet e Bashkuara”, thekson Sekretari Blinken.

blank

SHBA: Urdhër i ri Ekzekutiv për sanksione në Ballkan, shtohet Shqipëria

VOA

Një urdhër ekzekutiv i Presidentit Joe Biden për bllokimin e pasurive dhe pezullimin e hyrjes në Shtetet e Bashkuara të personave që kontribuojnë në destabilizimin e Ballkanit Perëndimor, përfshin tashmë edhe Shqipërinë dhe zgjeron objektin e saj, duke përfshirë personat që kryejnë korrupsion dhe minojnë institucionet demokratike.

“Urdhri zgjeron hapësirën gjeografike të regjimit ekzistues të sanksioneve, duke përfshirë edhe Shqipërinë dhe zgjeron kriteret për kërcënimet aktuale ndaj sigurisë kombëtare të Shteteve të Bashkuara dhe interesave të politikës së jashtme në rajon, duke përfshirë pengimin e proceseve demokratike dhe gjyqësore, korrupsionin dhe krimin e organizuar”, thuhet në një njoftim të Shtëpisë së Bardhë.

Ky Urdhër Ekzekutiv i cili është vazhdim i atij fillestar të vitit 2001, që parashikon sanksione për individë të Ballkanit Perëndimor që shihen si rrezik për sigurinë kombëtare të Shteteve të Bashkuara, për herë të pare përfshin Shqipërinë, i cili është shteti i vetëm që përmendet me emër.

Sipas urdhrit, veprimet që minojnë marrëveshjet dhe institucionet e pasluftës pas shpërbërjes së ish-Jugosllavisë, si dhe korrupsioni i përhapur brenda qeverive të ndryshme dhe institucioneve në Ballkanin Perëndimor, pengojnë përparimin drejt qeverisjes demokratike dhe integrimit të plotë në institucionet transatlantike.

Për këtë arsye, vazhdon urdhri ato “përbëjnë një kërcënim të jashtëzakonshëm për sigurinë kombëtare dhe politikën e jashtme të Shteteve të Bashkuara”.

Sipas Shtëpisë së Bardhë, korrupsioni dëmton drejtpërdrejt politikën e jashtme dhe sigurinë kombëtare të Shteteve të Bashkuara dhe të partnerëve e aleatëve të tyre. tanë.

“Shtetet e Bashkuara janë të përkushtuara për të nxitur llogaridhënien dhe për të luftuar korrupsionin në Ballkanin Perëndimor dhe në të gjithë botën”, thuhet në njoftimin e Shtëpisë së Bardhë.

Presidenti Biden shprehet në urdhrin ekzekutiv se “është e nevojshme të bllokohen pronat dhe interesat mbi pronat e çdo personi për të cilin Sekretari i Thesarit, në konsultim me Sekretarin e Shtetit, ka arritur në përfundimin se minon proceset ose institucionet demokratike, apo marrëveshjet ose kornizë rajonale për sigurinë, paqen, bashkëpunimin, njohjen reciproke, ose mekanizmat e llogaridhënies, janë të përfshirë në shkelje serioze të të drejtave të njeriut, apo të përfshirë drejtpërdrejt ose indirekt në korrupsion”.

Shtëpia e Bardhë thotë se Departamenti i Thesarit, në konsultim me Departamentin e Shtetit do të vazhdojë të përditësojë listën e individëve që u nënshtrohen sanksioneve sipas këtij urdhri.

“Garantimi i sigurisë dhe stabilitetit politik të rajonit të Ballkanit Perëndimor është në përputhje me angazhimin e administratës Biden për avancimin e interesave thelbësore të sigurisë kombëtare të SHBA, përfshirë mbrojtjen e institucioneve demokratike”, thotë Shtëpia e Bardhë.

Urdhri që zgjeron kompetencat për të marrë masa ndaj personave që janë të përfshirë në këto kategori, pason vendimin e Shtëpisë së Bardhë javën e kaluar për ta shpallur luftën kundër korrupsionit si një përparësi themelore të interesave të sigurisë kombëtare të Shteteve të Bashkuara.

Urdhri fillestar ekzekutiv i vitit 2001 nga ish-Presidenti George W. Bush, pas luftrave në Ballkan, parashikonte sanksione në lidhje me ekstremizmin e dhunshëm, shkeljen e Marrëveshjeve të Dejtonit dhe Rezolutën 1244 të OKB-së për Kosovën dhe kërcënonte stabilitetin në rajon.

Ky urdhër është rinovuar çdo vit që atëherë nga Presidentët amerikanë.

NJOFTIMI NGA SHTEPIA E BARDHE

DHOMA E INFORMIMIT
Urdhër ekzekutiv për bllokimin e pronës dhe pezullimin e hyrjes në Shtetet e Bashkuara të personave të caktuar që kontribuojnë në situatën destabilizuese në Ballkanin Perëndimor

08 QERSHOR 2021

VEPRIMET PRESIDENCIALE
Nga autoriteti që më është dhënë si President nga Kushtetuta dhe ligjet e Shteteve të Bashkuara të Amerikës, përfshirë Aktin Ndërkombëtar të Fuqive Ekonomike Ndërkombëtare (50 USC 1701 e vijues) (IEEPA), Aktin Kombëtar të Emergjencave (50 USC 1601 e vijues) .) (NEA), neni 212 (f) i Aktit të Emigracionit dhe Kombësisë të vitit 1952 (8 USC 1182 (f)), dhe seksioni 301 i titullit 3, Kodi i Shteteve të Bashkuara,

Unë, JOSEPH R. BIDEN JR., President i Shteteve të Bashkuara të Amerikës, përmes kësaj zgjeroj fushën e emergjencës kombëtare të deklaruar në Urdhrin Ekzekutiv 13219 të 26 Qershorit 2001 (Bllokimi i Pronës së Personave që Kërcënojnë Përpjekjet Ndërkombëtare të Stabilizimit në Ballkanin Perëndimor) , ndryshuar me Urdhrin Ekzekutiv 13304 të 28 majit 2003 (Përfundimi i Emergjencave në lidhje me Jugosllavinë dhe Modifikimi i Urdhrit Ekzekutiv 13219 të 26 Qershorit 2001), duke gjetur se situata në territorin e ish Republikës Socialiste Federale të Jugosllavisë dhe Republika e Shqipërisë (Ballkani Perëndimor), gjatë dy dekadave të fundit, duke përfshirë minimin e marrëveshjeve dhe institucioneve të pasluftës pas prishjes së ish Republikës Federale Socialiste të Jugosllavisë, si dhe korrupsionit të përhapur brenda qeverive dhe institucioneve të ndryshme në Ballkanin Perëndimor, pengon progresin drejt qeverisjes efektive dhe demokratike dhe integrimin e plotë në institucionet transatlantike, dhe në këtë mënyrë përbën një kërcënim të pazakontë dhe të jashtëzakonshëm për sigurinë kombëtare dhe politikën e jashtme të Shteteve të Bashkuara.

Prandaj, unë urdhëroj me anë të kësaj:
Seksioni 1.
(a) E gjithë prona dhe interesat në pronën që janë në Shtetet e Bashkuara, që vijnë më tej brenda Shteteve të Bashkuara, ose që janë ose që vijnë më poshtë janë nën zotërimin ose kontrollin e ndonjë personi të Shteteve të Bashkuara të personave të mëposhtëm janë të bllokuara dhe nuk mund të transferohet, paguhet, eksportohet, tërhiqet ose tregtohet ndryshe në: çdo person i përcaktuar nga Sekretari i Thesarit, në konsultim me Sekretarin e Shtetit:
(i) të jesh përgjegjës ose bashkëpunëtor, ose të përfshihesh drejtpërdrejt ose indirekt në veprime ose politika që kërcënojnë paqen, sigurinë, stabilitetin ose integritetin territorial të çdo zone ose shteti në Ballkanin Perëndimor;
(ii) të jesh përgjegjës ose bashkëpunëtor, ose të përfshihej drejtpërdrejt ose indirekt në veprime ose politika që minojnë proceset demokratike ose institucionet në Ballkanin Perëndimor;
(iii) të jesh përgjegjës ose bashkëpunëtor, ose të përfshihesh drejtpërdrejt ose indirekt në një shkelje, ose një akt që ka penguar ose kërcënuar zbatimin, të ndonjë sigurie rajonale, paqeje, bashkëpunimi ose marrëveshjeje ose kornize të njohjes reciproke ose mekanizmi i përgjegjësisë në lidhje me Ballkanin Perëndimor, përfshirë Marrëveshjen e Prespës të vitit 2018; Marrëveshja Kornizë e Ohrit e vitit 2001; Rezoluta 1244 e Këshillit të Sigurimit të Kombeve të Bashkuara; Marrëveshjet e Dejtonit; ose Konkluzionet e Këshillit të Konferencës për Zbatimin e Paqes të mbajtur në Londër në Dhjetor 1995, duke përfshirë vendimet ose konkluzionet e Përfaqësuesit të Lartë, Këshillit të Zbatimit të Paqes ose Bordit Drejtues të tij; ose Tribunali Penal Ndërkombëtar për ish Jugosllavinë, ose, në lidhje me ish Jugosllavinë, Mekanizmi Ndërkombëtar i Mbetjeve për Tribunalet Penale;
(iv) të jesh përgjegjës ose bashkëpunëtor, ose të jesh i përfshirë drejtpërdrejt ose indirekt në abuzim serioz të të drejtave të njeriut në Ballkanin Perëndimor;
(v) të jesh përgjegjës ose bashkëpunëtor, ose të përfshihesh drejtpërdrejt ose indirekt në korrupsionin në lidhje me Ballkanin Perëndimor, përfshirë korrupsionin nga, në emër të, ose të lidhur ndryshe me një qeveri në Ballkanin Perëndimor, ose një aktual ose ish-zyrtar i qeverisë në çdo nivel të qeverisjes në Ballkanin Perëndimor, të tilla si keqpërdorimi i pasurive publike, shpronësimi i pasurive private për përfitime personale ose qëllime politike, ose ryshfet;
(vi) të ketë asistuar materialisht, sponsorizuar ose ofruar mbështetje financiare, materiale ose teknologjike për, ose mallra ose shërbime për ose në mbështetje të çdo personi, pasuria dhe interesat e tij në pronë janë bllokuar në përputhje me këtë urdhër; ose
(vii) të jetë në pronësi ose të kontrollohet nga, ose të ketë vepruar ose pretenduar të veprojë për ose në emër të, drejtpërdrejt ose indirekt, të çdo personi prona dhe interesat e tij në pronë janë bllokuar në përputhje me këtë urdhër.
(b) Ndalimet në nënparagrafin (a) të këtij neni zbatohen përveç në masën e parashikuar nga statutet, ose në rregulloret, urdhrat, direktivat ose licencat që mund të lëshohen në përputhje me këtë urdhër, dhe pavarësisht nga çdo kontratë e lidhur ose ndonjë licencë ose leja e dhënë para datës së këtij urdhri.

Seksioni 2. Ndalimet në nenin 1 të këtij urdhri përfshijnë:
(a) dhënia e çdo kontributi ose sigurimi të fondeve, mallrave ose shërbimeve nga, për, ose për të mirën e çdo personi, pasuria dhe interesat e tij në pronë janë bllokuar në përputhje me këtë urdhër; dhe
(b) marrja e çdo kontributi ose sigurimi të fondeve, mallrave ose shërbimeve nga ndonjë person i tillë.

Seksioni 3
Me anë të kësaj përcaktoj që bërja e donacioneve për llojet e artikujve të specifikuar në nenin 203 (b) (2) të IEEPA (50 USC 1702 (b) (2)) nga, për të ose për të mirën e çdo personi prona dhe interesat në pronë janë bllokuar në përputhje me nenin 1

(a) të këtij urdhri do të dëmtonte seriozisht aftësinë time për t’u marrë me emergjencën kombëtare të deklaruar në Urdhrin Ekzekutiv 13219, të ndryshuar nga Urdhri Ekzekutiv 13304, dhe siç është zgjeruar në këtë urdhër, dhe unë me anë të kësaj ndaloni donacione të tilla siç parashikohen në nenin 1 të këtij urdhri.

Seksioni 4.
(a) Hyrja e pakufizuar e imigrantit dhe joimigrantit në Shtetet e Bashkuara të joqytetarëve të vendosur për të përmbushur një ose më shumë kritere në seksionin l (a) të këtij urdhri do të ishte e dëmshme për interesat e Shteteve të Bashkuara dhe hyrja e personat e tillë në Shtetet e Bashkuara, si imigrantë ose joimigrantë, pezullohen me këtë rast, përveç kur Sekretari i Shtetit ose Sekretari i Sigurisë Kombëtare, sipas rastit, përcakton se hyrja e personit nuk do të ishte në kundërshtim me interesat e Shteteve të Bashkuara, përfshirë kur Sekretari i Shtetit ose Sekretari i Sigurisë Kombëtare, siç është e përshtatshme, përcakton kështu, bazuar në një rekomandim të Prokurorit të Përgjithshëm, që hyrja e personit do të çonte më tej objektivat e rëndësishëm të zbatimit të ligjit të Shteteve të Bashkuara.
(b) Sekretari i Shtetit do të zbatojë këtë urdhër pasi zbatohet për vizat në përputhje me procedurat e tilla që Sekretari i Shtetit, në konsultim me Sekretarin e Sigurisë Kombëtare, mund të vendosë.
(c) Sekretari i Sigurisë Kombëtare do të zbatojë këtë urdhër pasi zbatohet për hyrjen e jo-qytetarëve në përputhje me procedurat e tilla siç mund të vendosë Sekretari i Sigurisë Kombëtare, në konsultim me Sekretarin e Shtetit.
(d) Personat e tillë do të trajtohen nga ky nen në të njëjtën mënyrë si personat e mbuluar nga seksioni 1 i Proklamatës 8693 të 24 Korrikut 2011 (Pezullimi i Hyrjes së të Huajve Subjekt i Sanksioneve të Udhëtimit të Këshillit të Sigurimit të Kombeve të Bashkuara dhe Akteve të Fuqive Ekonomike Ndërkombëtare Ndërkombëtare )

Seksioni 5.
(a) Ndalohet çdo transaksion që shmang ose shmang, ka për qëllim shmangien ose shmangien, shkakton shkelje ose përpjekje për të shkelur ndonjë prej ndalimeve të përcaktuara në këtë urdhër.
(b) Ndalohet çdo komplot i formuar për të shkelur ndonjë nga ndalimet e përcaktuara në këtë urdhër.

Seksioi 6. Për qëllimet e këtij urdhri:
(a) termi “njësi ekonomike” nënkupton një partneritet, shoqatë, besim, ndërmarrje të përbashkët, korporatë, grup, nëngrup ose organizatë tjetër;
(b) termi “jo qytetar” do të thotë çdo person i cili nuk është shtetas ose shtetas jo qytetar i Shteteve të Bashkuara;
(c) termi “person” do të thotë një individ ose entitet; dhe
(d) termi “person i Shteteve të Bashkuara” do të thotë çdo shtetas i Shteteve të Bashkuara, banor i përhershëm i ligjshëm, entitet i organizuar sipas ligjeve të Shteteve të Bashkuara ose ndonjë juridiksioni brenda Shteteve të Bashkuara (përfshirë degët e huaja), ose ndonjë person në Shtetet e Bashkuara.

Seksioni 7
Për ata persona, prona dhe interesat e tyre në pronë janë bllokuar në përputhje me këtë urdhër të cilët mund të kenë një prani kushtetuese në Shtetet e Bashkuara, unë konstatoj se për shkak të aftësisë për të transferuar fonde ose pasuri të tjera menjëherë, njoftimi paraprak i personave të tillë të masave që do të merren në përputhje me këtë urdhër do t’i bënte ato masa joefektive. Prandaj përcaktoj që këto masa të jenë efektive në adresimin e emergjencës kombëtare të deklaruar në Urdhrin Ekzekutiv 13219, të ndryshuar me Urdhrin Ekzekutiv 13304, dhe siç është zgjeruar nga ky urdhër, nuk ka nevojë të ketë njoftim paraprak për një listë ose përcaktim të bërë në përputhje me këtë porosit

Seksioni 8
Sekretari i Thesarit, në konsultim me Sekretarin e Shtetit, autorizohet për të ndërmarrë veprime të tilla, duke përfshirë shpalljen e rregullave dhe rregulloreve, dhe për të përdorur të gjitha kompetencat e dhëna Presidentit nga IEEPA, siç mund të jetë e nevojshme për të kryer qëllimet e këtij urdhri. Sekretari i Thesarit, në përputhje me legjislacionin në fuqi, mund të ribërë secilën prej këtyre funksioneve brenda Departamentit të Thesarit. Të gjithë departamentet ekzekutive dhe agjencitë e Shteteve të Bashkuara do të marrin të gjitha masat e duhura brenda autoritetit të tyre për të zbatuar këtë urdhër.

Seksioni 9
Asgjë në këtë urdhër nuk do të ndalojë transaksionet për kryerjen e biznesit zyrtar të Qeverisë Federale nga punonjësit, përfituesit e parave ose kontraktorët e tyre.

Seksioni 10
(a) Asgjë në këtë urdhër nuk do të interpretohet se dëmton ose ndikon ndryshe:
(i) autoritetin e dhënë me ligj për një departament ekzekutiv ose agjenci, ose përgjegjësin e tij; ose
(ii) funksionet e Drejtorit të Zyrës së Menaxhimit dhe Buxhetit në lidhje me propozimet buxhetore, administrative ose legjislative.
(b) Ky urdhër do të zbatohet në përputhje me legjislacionin në fuqi dhe në varësi të disponueshmërisë së ndarjeve buxhetore.
(c) Ky urdhër nuk ka për qëllim dhe nuk krijon ndonjë të drejtë ose përfitim, thelbësor ose procedural, të zbatueshëm me ligj ose në barazi nga ndonjë palë kundër Shteteve të Bashkuara, departamenteve të saj, agjencive ose enteve, oficerëve të saj, punonjësve , ose agjentë, ose ndonjë person tjetër.

JOSEPH R. BIDEN JR.

SHTEPIA E BARDHE, 8 qershor 2021.

bw

blank

Kongresmeni Lee Zeldin i kërkon fakte Sekretarit të Shtetit Blinken se përse e ka shpallur Sali Berishën non-grata

Evi Kokalari lajmëron në rrjetin social se Kongresmeni Lee Zeldin i kërkon Sekretarit të Shtetit Antony Blinken fakte se përse e ka shpallur non-grata Sali Berishën. Më vonë po sjellim statusin e Evi Kokalarit:

Congressman Lee Zeldin, an amazing friend to Albanians, just questioned Secretary of State Antony Blinken on Sali Berisha‘s designation as persona non-grata and asked for facts Blinken has on Berisha’s corruption.

Blinken was unable to give a straight answer and referred the Congressman for more information at the Legislator Affairs’ Office, which Congressman Zeldin intends to do.
Blinken is still testifying before the House Foreign Affairs Committee on the department’s foreign policy priorities and the president’s 2022 budget request.”

 

“Kongresmeni Lee Zeldin, një mik i mahnitshëm për shqiptarët, sapo mori në pyetje Sekretarin e Shtetit Antony Blinken mbi caktimin e Sali Berishës si persona jo-grata dhe kërkoi fakte që Blinken ka mbi korrupsionin e Berishës.

Blinken nuk ishte në gjendje të jepte një përgjigje të drejtë dhe referoi Kongresmenin për të kërkuar më shumë informacion në Zyrën e Punëve të Ligjvënësve,

gjë që Kongresmeni Zeldin synon të bëjë.

Blinken është ende duke dëshmuar përpara Komisionit të Punëve të Jashtme të Dhomës për përparësitë e politikës së jashtme të departamentit dhe kërkesës së presidentit për buxhetin 2022.”

Sekretari amerikan i Shtetit, Antony Blinken është pyetur në Komisionin e Punëve të Jashtme të Shtëpisë së Bardhë për shpalljen ‘non grata’ të ish-Presidentit të Shqipërisë, Sali Berisha.

Ka qenë kongresmeni republikan Lee Zeldin që i ka kërkuar Blinkenit informacione specifike për vendimin e papritur ndaj Berishës. Ai ka theksuar se ka bërë dhe vetë hulumtime, por s’ka gjetur se në çfarë afere korruptive mund të ishte përfshirë politikani shqiptar.

Ndërkohë Blinken ka sqaruar se momentalisht nuk mund të ndajë asgjë me kongresmenin për këtë çështje, por nëse ai kërkon më shumë informacion mund të paraqitet në Zyrën e Legjislacionit apo në Zyrën e Zëdhënësit për Çështjet Publike.

Sipas Blinken edhe procedurat për t’i ndaluar hyrjen në vend të Sali Berishës janë zhvilluar në një proces normal, ndërkohë thekson se SHBA vijon të shohë përtej kufijve për ata persona të përfshirë në korrupsion që sfidojnë parimet e demokracisë.

Blinken nga ana tjetër mohon të ketë folur  apo komunikuar vetë personalisht me George Soros-in.

 

LEE ZELDIN: Keni njoftuar për sanksione ndaj ish-Presidentit të Shqipërisë, Sali Berisha dhe për shumë nga ne kjo ishte e papritur ai ka qenë mysafir dhe aleat i George W. Bush gjithashtu një kundërshtar agresiv i George Soros. Sa i takon historisë së tij politike me SHBA, Çfarë informacionesh mund të ndani për të justifikuar këtë lëvizje dramatike?

ANTONY BLINKEN: Faleminderit, ne vijojmë të shohim përtej kufijve rreth atyre të përfshirë në korrupsion që shkelin të drejtat e njeriut, që sfidojnë parimet e demokracisë. Në këtë çështje procesi u zhvillua normalisht, përfshirë avokatët e mi. Do të isha i lumtur ta ndaja me ju nëse do të ishte e dobishme, se për çfarë flitet ekzaktësisht.

LEE ZELDIN: A ka ndonjë informacion specifik që mund të ndani me Komisionin këtë radhë?

ANTONY BLINKEN: S’kam çfarë të ndaj me ju tani, por do të doja të komentoja me ju dhe me këdo që është i interesuar.

LEE ZELDIN: Kam bërë disa kërkime për të gjetur se në çfarë afere korruptive është përfshirë Sali Berisha, dhe nuk arrita të gjeja asgjë. Ku duhet të shkojë një gazetar që kërkon të gjejë informacion? Pra ku duhet të shkojë një gazetar që të marrë informacion mbi korrupsionin që i referoheni ju?

ANTONY BLINKEN: E para, para se të kalojmë tek media, anëtarët të vijnë në Zyrën e Legjislacionit, dhe ne do të sigurohemi që të merrni informacionin, dhe e dyta, sa i takon medias, ejani në Zyrën e Zëdhënësit të Punëve të Jashtme dhe ne do të sigurohemi që në përputhje me detyrimet që kemi, ta ndajmë informacionin me ju.

LEE ZELDIN: A jeni ju në dijeni për burime të hapura informacioni që mbështesin pretendimet se ka patur korrupsion në të cilin është përfshirë Berisha?

ANTONY BLINKEN: Jam i sigurt se çdo gazetar mund ta bëjë atë pyetje në deklaratat për media që ne mbajmë çdo ditë në DASH për të marrë çdo informacion që kemi në dispozicion për publikun.

LEE ZELDIN: Për të qartësuar diçka lidhur me mbrojtjen e z.Berisha, thjesht po përpiqem të kuptoj se çfarë është e vërtetë dhe çfarë jo, a keni komunikuar ju apo dikush në emrin tuaj me Sorosin?

ANTONY BLINKEN: Unë jo, s’mund të flas në emër të gjithë DASH, por unë jo.

Më 19 maj të këtij viti me anë të një postimi në ‘tweeter’, Sekretari amerikan i Shtetit Antony Blinken njoftoi se ish-Presidenti Sali Berisha i ndalohej familjarisht hyrja në SHBA për shkak të përfshirjes së tij në korrupsion.

Berisha kërkoi nga SHBA prova e fakte nga akuzat e hedhura ng Blinken teksa një ditë më vonë në në konferencë për shtyp ai paralajmëroi se do e padiste për shpifje Sekretarin amerikan të Shtetit në Gjykatën e Korreksionit në Francë.

blank

Biden: SHBA qëndron përkrah aleatëve evropianë në ballafaqimin me Rusinë

AFP

Shtetet e Bashkuara do të qëndrojnë përkrah aleatëve evropianë në përballjen me Rusinë, zotohet Presidenti Biden në prag të takimit të parë që do të zhvillojë zoti Biden me udhëheqësin rus Vladimir Putin që kur filloi mandatin.

Presidenti Biden niset të mërkurën për në Evropë për takimin e G-7 dhe mbledhje të nivelit të lartë në NATO, gjatë të cilave janë planifikuar edhe bisedime mes presidentëve amerikan dhe rus më 16 qershor në Gjenevë.

Ky takim zhvillohet në një periudhë tensionesh të thelluara mes dy vendeve, lidhur me një numër temash që nga ndërhyrja ruse në zgjedhjet amerikane, shkeljet e të drejtave të njeriut dhe akuzat e Uashingtonit se Rusia strehon hakerë të rrezikshëm në tokë të saj.

Në një artikull opinion të publikuar të shtunën në gazetën Washington Post, Presidenti Biden zotohet të mbështesë “aleancat demokratike” në ballafaqimin me një numër krizash dhe kërcënimet në rritje nga Moska dhe Pekini.

“Ne qëndrojmë të bashkuar për të adresuar sfidat ruse ndaj sigurisë evropiane, duke filluar me agresionin rus në Ukrainë. Nuk do të lëmë vend për aspak dyshim se Shtetet e Bashkuara janë të vendosura për të mbrojtur vlerat tona demokratike, që nuk mund të shkëputen nga interesat tona,” shkruante presidenti.

“Presidenti Putin e di se nuk do të nguroj t’u përgjigjem akteve keqbërëse në të ardhmen,” vazhdon presidenti. “Kur të takohemi, do të theksoj përsëri angazhimin e Amerikës, Evropës dhe demokracive të tjera që mendojnë si ne për të drejtat dhe dinjitetin njerëzor,” thuhej në artikull.

Që kur filloi mandatin, Presidenti Biden ka shtuar presionin ndaj Kremlinit, duke e cilësuar në një moment udhëheqësin rus Vladimir Putin si “vrasës” gjë që u përcoll me kritika të forta në Moskë.

Por të dy udhëheqësit kanë shprehur shpresën se marrëdhëniet do të përmirësohen. Të premten Presidenti Putin tha se pret rezultate pozitive nga bisedimet me homologun Biden. VOA


Send this to a friend