VOAL

VOAL

Please Wait ...
0%

KMDLNJ kërkon pezullimin e dialogut Kosovë-Serbi

Këshilli për Mbrojtjen e të Drejtave dhe Lirive të Njeriut (KMDLNJ) thotë se Kosova duhet të pezullojë bisedimet me Serbinë.

Ky reagim i KMDLNJ-së vjen në ditën kur Bashkimi Evropian njoftoi se më 12 korrik do të rinisë procesi i dialogut mes Kosovës dhe Serbisë. Në këtë takim, Kosovën do ta përfaqësojë kryeministri Avdullah Hoti, i cili do të takohet me presidentin serb, Aleksandar Vuçiq.

Sipas KMDLNJ-së, dialogu duhet të pezullohet për shkak të situatës së krijuar, pas njoftimit nga Zyra e Prokurorit të Specializuar në Hagë, se ka paraqitur aktakuzë me dhjetë pika, kundër presidentit të Kosovës, Hashim Thaçi dhe kryetarit të Partisë Demokratike të Kosovës, Kadri Veseli, të cilët dyshohet se kanë kryer krime lufte.

Aktakuza ndaj Thaçit dhe Veselit nuk është konfirmuar ende nga gjyqtari i procedurës paraprake.

“Pas bërjes publike të propozim aktakuzës, pa konfirmim nga gjykatësi i procedurës paraprake e që paraqet shkelje të rëndë të procedurës dhe pa asnjë dyshim shkelje të rëndë të të drejtave të njeriut, Kosova duhet të pezullojë bisedimet me Serbinë, deri në një kohë tjetër, përkundër insistimit të Francës dhe Gjermanisë”, thuhet në reagimin e KMLDNJ-së.

Gjithashtu, më 10 korrik, presidenti i Francës, Emmanuel Macron dhe kancelarja gjermane, Angela Merkel, do të mbajnë një samit virtual me përfaqësuesit e Kosovës dhe Serbisë. Në këtë samit, ku do të flitet për normalizimin e marrëdhënieve mes Prishtinës dhe Beogradit, do të marrë pjesë edhe Përfaqësuesi i lartë i BE-së, Josep Borrell.

Dialogu, me ndërmjetësimin e Bashkimit Evropian, ka nisur më 2011. Ky proces u ndërpre në fund të vitit 2018, për shkak të një takse të vendosur nga autoritetet kosovare ndaj mallrave të Serbisë. Kjo masë më pas u zëvendësua me reciprocitet.

Por Qeveria e Kosovës në muajin qershor vendosi që të heqë masat e reciprocitetit, me qëllim që t’i jepet shans rinisjes së dialogut. rel

Deputeti i LDK-së Haxhi Avdyli reagon ndaj kërcënimit të Gani Koci: Dikur të njëjtit shpallnin tradhëtarë figurat kyqe të LDK-së, pastaj i vritnin pabesisht!

voal.ch – Ish-zëvëndësministri nga radhët e Partisë Demokratike të Kosovës, Gani Koci ka kërcenuar para disa ditësh figura të skenës politike të Kosovësdisa persona.

Koci, në statusin e tij në facebook i ka quajtur ‘gropa septike serbe’ disa persona në mesin e tyre politikanë dhe gazetarë. Të shumta kanë qenë reagimet pas këtij kërcenimi, ku në mesin e personave të cilët reaguan është edhe deputeti i LDK-së si dhe kryetari i degës së LDK-së në Prizren, Haxhi Avdyli.

Në rrjetin social Facebook, Haxhiu ka shkruar se dikur i shpallnin tradhëtarë figurat kyçe të LDK-së e pastaj i vritnin pabesisht.

 

Për këtë kërcënim ai thotë se prokuroria po hesht.

“Dikur të njëjtit shpallnin tradhëtarë figurat kyçe të LDK-së, pastaj i vritnin pabesisht. Sot të njëjtit të kamufluar në forma e pozita të ndryshme, kërcënojnë haptas e prokuroria akoma po hesht”, ka shkruar ai.

Tutje, Avdyli theksoi se pas këtij kërcënimi nuk është çudi që të fillohen negociata me personin i cili ka kërcenuar si dhe të propozohet Koci për president konsensual.

Por, ai thotë se nuk beson që deputet e LDK-së do të konsiderohen dele.

 

“Pas këtij kërcënimi sështë çudi që të fillohet negociata me Gani Kocin për koalicion të madh, pse jo edhe të propozohet ky për president konsensual, vetëm e vetëm për “interes” madhor të vendit. Por s`besoj më që deputetët e LDK-së do konsiderohen dele që nuk duhet të ndahen nga kopeja për t`u dërguar nga bariu e drejt te kasapi”, ka shkruar në fund deputeti i LDK-së

Në fotografinë e publikuar nga Gani Koci me mbishkrim kërcenues shihen, kreu i LVV-së, Albin Kurti, Kryetarja e Kuvendit, Vjosa Osmani, ish- këshilltari i Kurtit, Shkëlzen Gashi, deputetja e LVV-së, Fatmire Kollçaku, Jusuf Buxhovi, ish-deputetja Drita Millaku, ish- Zëvendëskryeministri, Haki Abazi, aktivisti Rron Gjinovci, deputetja e LVV-së, Arbërie Nagavci, Drejtoresha e BIRN Kosova, Jeta Xharra, deputetja Fitore Pacolli dhe ish-deputeti, Ilir Deda.

Ky është postimi i plotë i Haxhi Avdylit:

“Dikur të njëjtit shpallnin tradhëtarë figurat kyqe të LDK-së, pastaj i vritnin pabesisht. Sot të njëjtit të kamufluar në forma e pozita të ndryshme, kërcënojnë haptas e prokuroria akoma po hesht. Pas këtij kërcënimi sështë çudi që të fillohet negociata me Gani Kocin për koalicion të madh, pse jo edhe të propozohet ky për president konsensual, vetëm e vetëm për “interes” madhor të vendit. Por sbesoj më që deputetët e LDK-së do konsiderohen dele që nuk duhet të ndahen nga kopeja për tu dërguar nga bariu e drejt te kasapi.”

Përkeqësim i situatës me COVID-19 në Kosovë – arrin në 75 numri i viktimave

Të dielën mbrëma, Instituti Kombëtar i Shëndetësisë Publike konfirmoi 152 raste të reja të të prekurve nga koronavirusi, ndërsa tha se numri i përgjithshëm i viktimave arriti në 75.

Një natë më parë numri i viktimave ishte 66 që i bie se nga e shtuna në të dielën kanë humbur jetën edhe nëntë persona, numri më i lartë në një ditë që nga shfaqja e pandemisë.

Paraditen e së dielës policia dhe prokuroria u panë në Klinikën Infektive ku trajtohen rastet me koronavirus. Autoritetet nuk kanë dhënë ndonjë hollësi për arsyet e hetimeve, ndërkaq në një njoftim për media ministria e Shëndetësisë bëri thirrje për përmbajtje në pritje të rezultateve të hetimeve nga organet përgjegjëse. Në njoftim thuhet se dyshimet që nxitën fillimin e hetimeve lidhen me “vdekjet brenda një afati shumë të shkurtër kohor”.

“Ajo çka mund të konfirmohet deri në këto momente është se të gjithë këta pacientë kanë qenë të konfirmuar përmes metodës standarde të aplikueshme të daignostikimit me Covid-19 dhe kanë qenë në gjendje kritike duke u trajtuar në Klinikën Infektive. Me qëllim që të zbardhet çdo dyshim rreth natyrës së vdekjes së tyre, bëjmë thirrje publikut dhe të gjithëve që të përmbahen nga konkludimet e parakohshme dhe t’u japin kohën e duhur institucioneve përgjegjëse për ta bërë analizën e shkaqeve të vdekjeve dhe të nxjerrin përfundimet meritore”, thuhet në njoftim.

Ministri i Shëndetësisë, Armed Zemaj, tha përmes një postimi në rrjetin Facebook se aktualisht vendi ka mundësi të përballet me virusin dhe se nuk ka vend për, siç tha ai, reagime histerike.

“Ata që po përpiqen ta shfrytëzojnë këtë gjendje duke krijuar mjegull, për të shkaktuar sabotime në punën tonë po gabohen dhe vetëm se rrezikojnë qëllimshëm shëndetin e qytetarëve. Nuk do të lejojmë të prodhohen ngërçe në këtë luftë ndaj së cilës do të triumfojmë së bashku. Duke qenë se këto çështje janë të ndjeshme dhe mund të interpretohen saktësisht vetëm nga profesionistet e fushës, ju bëj thirrje që të mos bëhet presion mbi personelin shëndetësor dhe t’i lënë ata ta kryejnë punën e tyre, ashtu si deri më tani”, shkroi ai.

Sipas Institutit Kombëtar të Shëndetësisë rastet më të reja të të prekurve janë nga: komuna e Prishtinës 57 raste, komuna e Prizrenit 16 raste, komuna e Fushë Kosovës 11 raste, komuna e Vushtrrisë 9 raste, komuna e Mitrovicës 8 raste, komuna e Gjilanit 7 raste, komuna e Drenasit 5 raste, komuna e Gjakovës 5 raste, komuna e Skenderajt 5 raste, komuna e Kaçanikut 3 raste, komuna e Lipjanit 3 raste, komuna e Obiliqit 3 raste, komuna e Pejës 3 raste, komuna e Rahovecit 3 raste, komuna e Kamenicës 2 raste, komuna e Malishevës 2 raste, komuna e Suharekës 2 raste, komuna e Vitisë 2 raste dhe me nga 1 rast komunat: Ferizaj, Graçanicë, Klinë, Mamushë, Shtime dhe Zubin Potok.

Numri i përgjithshëm i rasteve të konfirmuara arriti në 3 mijë e 508. Që nga 1 qershori deri më 5 korrik janë konfirmuar 2 mijë e 425 raste përkatësisht më shumë se dyfishi i rasteve të konfirmuara nga 13 marsi deri më 31 maj.

Deri më 31 maj ishin 30 viktima, ndërsa nga një qershori deri më 5 korrik janë 45 të tjerë.

Kjo fundjave shënoi përkeqësimin e situatës. Të shtunën autoritetet konfirmuan vdekjen e tetë personave nga pasojat e COVID-19-tës, dhe 178 raste të reja të të prekurve.

Qeveria vendosi të dielën masa shtesë siç është kufizimi i lëvizjes së qytetarëve në komunat më të prekura nga koronavirusi, Prishtinë, Prizren, Ferizaj e Vushtrri, nga ora 21 deri në orën pesë të mëngjesit.

Kryeministri Avdullah Hoti, pas një takimi me institucionet shëndetësore tha se nga e hëna mbyllen edhe restorantet e kafenetë nga ora 21 deri në orën pesë.

“Nga dita e nesërme do të përcjellim në baza ditore numrin e të infektuarve në secilin qytet dhe do të përditësojmë këtë listë, do të shtojmë komuna të tjera ose do të heqim ndonjërën varësisht prej zhvillimeve. Sa i përket institucioneve do të reduktojmë numrin e të punësuarve nëpër institucione vetëm në stafin e domosdoshëm dhe në institucionet shëndetësore do të reduktohen të gjitha shërbimet që janë esenciale”, tha ai.

Kryeministri Hoti tha se në vendimin e qeverisë përfshihet edhe riorganizimi i të gjitha klinikave publike e private në funksion të përballjes me situatën e re.

“Së shpejti do të blejmë edhe shtatë aparatura të testimit, një për Institutin në Prishtinë dhe gjashtë në qendra rajonale. Do të mobilizohemi me personel shtesë në infermieri, në Klinikën Infektive si dhe sidomos në mikrobiologji. Do të krijojmë kapacitete kështu për rreth 500 teste brenda ditës. Brenda javës do të licencojmë institucionet private për të kryer teste dhe do të fillojnë procedurat për të blerë 100 mijë teste”, tha ai.

Instituti Kombëtar i Shëndetësisë Publike tha se deri të dielën numri i përgjithshëm i të shëruarve është gjithsej 1 mijë e 902 raste, kurse raste aktive mbeten 1 mijë e 531. zëri i amerikës

“Njohje reciproke”, Hoti i prerë: Jemi në pritje të ftesës nga Amerika, kryeministri udhëheq dialogun me Serbinë

Vetëm njohja reciproke siguron normalizim të marrëdhënieve Kosovë-Serbi, tha kryeministri i Kosovës, Avdullah Hoti, në një intervistë ekskluzive për DW.

DW:  Kryeministër Hoti, morët detyrën në një kohë jo të lehtë, në kohën e pandemisë, me shtim të rasteve me Covid-19, me pasoja në ekonominë e vendit dhe në një klimë jostabile politike. Si po e menaxhoni këtë situatë, ka shumë kritika nga opozita?
Hoti: 
Realisht në kushte normale është sfiduese puna e qeverisë dhe ne po përballemi me dy probleme të rëndësishme, siç e përmendët  edhe ju, pandemia dhe probemet e rimëkëmbjes ekonomike. Besoj që jemi përgatitur në këtë drejtim. Tek pandemia, institucionet shëndetësore, ekspertët shëndetësorë kanë bërë një punë kolosale muajt e fundit. Përveç strukturave institucionale, kemi formuar edhe një grup  me ekspertë vendorë dhe ndërkombëtarë, po e pëcjellim edhe sitatën dhe po i përcjellim edhe pervojat e vendeve të tjera, kryesisht në ato vende që kanë përvoja dhe suksese në luftimin e pandemisë, kemi një plan të mirë që po e realizojmë duke krijuar struktura dhe kapacitete shtesë për t’u përballur në rast se vërtetë ndodh një valë e dytë që godet vendin. Tashmë e kemi përgatitur një  plan për vjeshtë, nëse përballemi më këtë situatë duke i ndjekur në mënyrë strikte edhe protokollet e Komisionit Evropian.

DW: Kosova pos  pandemisë ndodhet në një moment tjetër kritik politik, është një aktakuzë e prezantuar nga Prokuroria Speciale me seli në Hagë, kundër presidentit të Kosovës dhe disa të tjerëve në kohën kur ju ishit nisur për në SHBA-së së bashku me presidentin për një takim në Shtëpinë e Bardhë për të shënuar kështu rifillimin e dialogut me Serbinë. Ç’do të thotë për ju i gjithë ky zhvillim dramatik?
Hoti:
 Kjo ka krijuar një stituatë të re në një moment jo të përshtatshëm për vendin, sepse ne i aranzhuam takimet ne Uashington dhe pastaj do të lëviznim në takime tjera në Paris, Bruksel, Berlin dhe në qendra të tjera evropiane për të filluar fazën finale të procesit të dialogut, ndërsa tash këto zhvillime na kanë nxjerrë në një sutuatë krejt tjetër, por ajo që është e rëndësishme që ne e kemi prezantuar edhe para partnerëve ndërkombëtarë është që sigurisht dialogu nuk ka alternativë. Ne jemi të përgatitur për të hyrë në këtë proces, ju e keni parë qëndrimin e qeverisë sa i përket qasjes për të hyrë në këtë dialog, kemi një platformë që është e qartë e strukturuar, e konsultuar me fushën akademike, me shoqërinë civile, e prezantuar në Kuvendin e Kosovës, mekanizmat që kemi krijuar nga forumi i liderëve, këshilli i eskpertëve që tashmë është themeluar me vendim të qeverisë, dhe rezoluta e Kuvendit që pres të miratohet në seancat e ardhshme ku kërkohet raportim i rregullt i kryeministrit lidhur me procesin e dialogut. Pra, jemi të përgatitur në këtë drejtim. Kemi rishikuar të gjithë punën që është bërë në qeveritë paraprake, sa u përket temave të tjera të dialogut, por ajo që është qenësore është që ka një mirëkuptim të partnerëve që ky dialog zhvillohet për njohje reciproke dhe ky është qëndrimi i qeverisë së Kosovës.,

DW: Nga ajo që ju thoni, i bie që keni një vijë të kuqe që në këtë dialog, përpos njohjes reciproke Kosovë-Serbi nuk ka asnjë alternativë tjetër?
Hoti:
 Dialogu zhvillohet për njohje reciproke dhe asgjë tjetër, sigurisht zhvillohet edhe për normalizim të marrëdhënieve në të gjitha fushat, por duke filluar nga njohja reciproke, sepse vetëm njohja reciproke siguron normalizim të marrëdhënieve Kosovë-Serbi.

DW: A do të zhvillohet një takim tjetër në Uashington pas dështimit të takimit të planifikuar me 27 qershor dhe kur?
Hoti
: Po, po presim që të caktohet  një takim tjetër. Por nuk mund të them se kur mund të ndodhë. Jemi në pritje të ftesës.

DW: Kryeministër Hoti, shqyrtimi i aktakuzës së paraqitur kundër presidentit Thaçi, mund të marrë kohë deri në tetor siç është njoftuar nga Gjykata Speciale, ose të shtyhet në një kohë të parashikushme. Sikur ndërkohë Kosova të marrë nga Shtëpia e  Bardhë ftesë për një takim tjetër me Serbinë, a do të jetë edhe presidenti pjesë e delegacionit për në  SHBA?
Hoti:
 Nuk e di, por ajo që e di është që sa i përket procesit të dialogut ne jemi të përgatitur dhe në procesin e dialogut Kosova përfaqësohet nga kryeministri.

DW: Pra do ta udhëhiqni ju delegacionin e Kosovës në dialog, apo presidenti Thaçi?
Hoti: 
Në bazë të Kushtetutës dhe aktgjykimit të Gjykatës Kushtetuese të vitit të kaluar sa i përket procesit të dialogut, është qeveria që ka përgjegjësi kushtetuese të udhëheqë këtë proces.

DW: Kryeministër Hoti, nga zhvillimet e deritashme të procesit të dialogut dhe rrjedha e zhvillimit të tyre, nga pozita juaj e kryeministrit tash, sa besoni që nga procesi i dialogut mund të rezultojë një marrëveshje finale Kosovë-Serbi, brenda këtij viti?
Hoti
: E rëndësishme është që në këtë proces po hyjmë në fazën finale të dialogut për njohje reciproke, me rëndësi është që ne të jemi të unifikuar si shtet, si institucione, si shoqëri për këtë proces dhe të jemi të përgatitur. Unë mund t’ju them përshtypjet e mia nga komunikimet që kam pasur me partnerët ndërkombëtarë, që pritjet janë që të përmbyllim procesin së shpejti dhe kjo është çështje muajsh. Tash progresi sigurisht nuk varet vetëm nga ne, por varet edhe nga pala serbe.

DW: Muajt e fundit është parë një ndarje në qasje dhe një moskomunikim i mirëfilltë ndërmjet SHBA-së dhe Evropës sa i përket procesit të dialogut Kosovë-Serbi. Më intereson të di se cila është qasja e juaj në këtë mes?
Hoti:
 Unë nuk kam përshtypjen që ka ndarje të tillë. Siç e keni parë, takimi që ishte planifikuar të ndodhte në Uashington, ishte fokusuar në agjendën ekonomike, në bashkëpunimin ekonomik ndërmjet të dy vendeve, duke hyrë në projekte të mëdha infrastrukturore që kanë ndikim në ekonomitë jo vetëm të të dy vendeve, por të mbarë rajonit, duke e lidhur Kosovën me Evropën Qendrore dhe më tutje, dhe më pas pjesa politike në Samitin e Parisit, për të cilin po presim për ftesën formale dhe aranzhimet e nevojshme, dhe të shkojmë më tutje. Unë e shoh rolin e BE-së dhe SHBA-së komplementar në këtë proces.

DW: Megjithatë takimi i planifikuar i Uashingtonit dhe synimet e të ngrakuarit të BE-së për dialog Mirosllav Lajaqak, për një rinisje të dialogut Kosovë-Serbi, nuk ishin të kordinuara, këtë e pohoi në Prishtinë vet Lajqak dhe në këtë kontekst duket që ka një ndarje ndërmjet SHBA-së dhe Evropës sa i pëket qasjes për dialogun Kosovë-Serbi?
Hoti
: Nuk mund të them se ka ndarje sa u përket synimeve të procesit të dialogut  dhe rezultatit përfundimtar që duhet të ketë ky dialog. Mekanizmat që i ka në dorë SHBA-ja dhe BE-ja, për t’i shtyrë të dy palët drejt zgjidhjes finale, mendoj që janë komplementare.

DW: Gjermania mori presidencën e radhës së BE-së, keni ndonjë shenjë, apo garanci se gjatë kësaj periudhe gjashtë mujore, Kosova mund ta marrë liberalizimin e vizave?
Hoti:
 Unë isha në Bruksel javën që shkoi në takimet e nivelit të lartë me të gjithë udhëheqësit e Bashkimit Evropian dhe në të gjitha ato takime e kam shtruar dhe e kemi diskutuar së bashku nevojën që qytetarët e Kosovës sa më shpejt të lëvizin lirshëm sikurse qytetarët e vendeve tjera në Ballkan. Ka pasur një mirëkuptim që Kosova i ka plotësuar të gjitha kushtet e kërkuara sa i përket këtij procesi dhe ajo që kërkohet nga ne është që të mirëmbajmë këto kushte. Tash prej një korrikut presidencën e BE-së e ka marrë Gjermania, kemi pritje por me lejoni që të rezervohem nga çfarëdo vlerësimi për datën për liberalizim të vizave.

DW: Cilat do të jenë marrëdhëniet e qeverisë  tuaj me shtetin gjerman?
Hoti:
 Marrëdhëniet  kanë qenë gjithmonë të shkëlqyera dhe unë do të bëj gjithçka që është e mundur për t’i avancuar më tuje këto marrëdhënie./DW

Dalin masat e reja, kthehet ora policore dhe mbyllen lokalet gjatë natës

Kryeministri i Kosovës, Avdullah Hoti, ka prezantuar sot masat e reja administrative me qëllim të parandalimit të përhapjes së mëtejme të COVID-19.

Ai ka thënë se qysh në mbledhjen e qeverisë që do të mbahet sonte do të vendoset që në qytetet ku ka numër të madh të personave të infektuar do të kufizohet lëvizja nga ora 21:00 deri në orën 5 të mëngjesit.

“Në qytetet ku ka numër te madh do të kufizohet plotësisht lëvizja. Nga Sonte në Prishtinë, Prizren, Ferizaj, Vushtrri. Do te kufizojmë plotësisht lëvizjen nga ora 21 deri në orën 5 në mëngjes. Do të përcjellim pastaj lëvizjet e numrave me infektime”, ka thënë Hoti, raporton Express.

Ai ka thënë se gjithashtu do të reduktohen punëtoret e institucioneve, dhe do të punohet vetëm me staf esencial. Sipas rregullores Hoti ka thënë se do të përcaktohet se çfarë do të nënkuptohet me staf esencial.

“Mbyllen të gjitha lokalet e gastronomisë nga ora 21 deri në orën 5 të mëngjesit. Jashtë kufizimit lejohet puna vetëm në hapësira të hapura dhe shërbimin ‘merre me vete’. Numri i njerëzve përgjysmohet nëpër autobusë”, ka thënë Hoti.

Ai gjithashtu ka thënë se edhe në institucionet shëndetësore do të reduktohen shërbimet jo-esenciale.

“Do të reduktojmë numrin e të punësuarve në institucione vetëm në staf të domosdoshëm. Në institucione shëndetësore, do të reduktohen të gjitha shërbimet që janë jo-esecenciale që presin”, ka thënë Hoti.

Ai gjithashtu ka treguar se do t’i takojë kryetarët e komunave, që të krijojnë shtabet.

Sa i përket funksionimit të gastronomisë dhe restoranteve, Hoti ka thënë se nga sonte të gjitha lokalet e gastronomisë do të jenë të mbyllura nda ora 21:00 deri në orën 5 të mëngjesit.

Ndërkohë ka theksuar se gjatë kohës që do të lejohet puna, do të lejohet vetëm shërbimi në hapësira të hapura dhe take away.

“Sa i përket bizneseve. Mbyllen të gjitha lokalet e gastronomisë nga ora 21 deri në orën 5 të mëngjesit.

Lejohet puna vetëm në hapësira të hapura dhe take away”, ka thënë Hoti.

Gjithashtu ka treguar se edhe numri i njerëzve që do të shfrytëzojnë trafikun urban do të përgjysmohet.

“Numri i njerëzve që shfrytëzojnë një autobus publik përgjysmohet”, ka thënë Hoti./Express/

A je kryeminister, Avdullah Hoti, a jo ?! – Nga SKËNDER MULLIQI

A je kryeminister, Avdullah Hoti, a jo ?! Eshte e turpshme me nje buxhet emergjent te qeverise , te behen te gjitha keto emerime ne poste qeveritare 46 sosh deri tash.Dhe, aq me e turpshme dhe pa fije morali dhe pergjegjesie politike eshte qe shume zevendesministra qe nuk na duhen bash asgje, dhe keshilltare po emerohen nga ata qe e prune Kosoven ne dergjen me te keqe te mundshme .Po na servojne njerez , qe as per poste te BT nuk jane e jo te vihen ne krye te institucioneve te me larta te shtetit! Ky eshte turpi yne qe nuk lahet.Me i pa bere Kurti keto pazare politike , me njerez te tille te pa pregatitur per keto pozita edhe ilaka te zyrtareve te larte , e kishi ba alarm punen ne opinionin e gjere publik te Kosoves.Keta kan te drejte te veprojne si te duan, kurse te tjeret nuk e kan kete te drejte !Mjafte more se na bate qerpazen e Zotit para botes demokratike?!A je kryeminister, Avdullah Hoti, a jo ?!….Edhe te tjeret kan femije dhe familje ,dhe me pregetitje te larta profesionale , e qe shkojne ne pension e se kan nje vend te punes….Me keto veprime e me keta njerez as ne dere te hanit nuk hyjme , lere me te behemi pjese e strukturave te Evropes …E keni dhi e sterdhi punen…E korona ne anen tjeter po ban kerdi, si ja keni qitur terezine keshtu more pushtetare, qe na keni futur midis shume zjaresh te rrezikshme …?!

Situata tek Infektivi- Shtohen të shtruarit, por edhe pacientët në terapi intensive

Ministria e Shëndetësisë dhe Mbrojtjes Sociale i drejtohet me një thirrje cdo qytetari: Tregoni kujdes cdo dite me respektimin e rregullave.

Shmangni grumbullimet.

Ruani distancën me njeri-tjetrin.

Përdoreni maskën kudo në ambientet e mbyllura, kur hyni në supermarket, në dyqane, në zyrë si dhe në çdo ambient publik ku nuk mund të ruani distancën.

Ruani higjienen personale dhe kolektive.

Ju informojmë për situatën epidemiologjike në 24 orët e fundit.

Dy qytetarë nga Tirana 67 dhe 69 vjeç e kanë humbur betejën me sëmundjen në 24 orët e fundit, megjithë përpjekjet e mjekëve, të cilët po bëjnë të pamundurën në Spitalin Infektiv.

Një lutje për qytetaret të tregojnë kujdes sepse rastet në spitalin infektiv po shtohen çdo ditë e më tepër dhe me gjithë të shëruarit që kanë lënë spitalin në 24 orët e fundit, aktualisht janë 89 pacientë në spital, 11 prej të cilëve në gjendje serioze në terapinë intensive, 1 prej tyre i intubuar në gjendje të rënde. Ministria e Shëndetësisë dhe Mbrojtjes Sociale u shpreh ngushëllimet familjarëve të të ndjerave.

Gjatë 24 orëve të fundit janë kryer 392 testime për të dyshuar të prekur me COVID19, nga të cilat janë konfirmuar 74 raste pozitive. Shpërndarja gjeografike e rasteve është si vijon: 22 raste në Tiranë, 12 në Krujë, nga 8 në Pukë dhe Berat, 4 në Vlorë, nga 2 në Shkodër, Durrës, Kurbin, Kavajë, Kamëz, Përmet, Malesi e Madhe dhe nga një rast në Lushnje, Mallakastër, Gjirokastër, Pogradec, Dibër, Kolonjë.

Në 24 orët e fundit janë shëruar 20 qytetarë, duke e çuar në 1657 numrin e të shëruarve që nga fillimi i epidemisë. Në vendin tonë aktualisht janë 1160 persona aktivë me COVID19, kryesisht në Tiranë, Shkodër, Krujë, Durrës.

Ministria e Shëndetësisë dhe Mbrojtjes Sociale i bën thirrje edhe njëherë bizneseve, institucioneve, të zbatojnë me korrektësi protokollet e sigurisë në punë, të miratuara nga autoritetet shëndetësore.

Kur është e mundur të lejojnë punonjësit të punojnë nga shtëpia për të minimizuar kontaktin mes tyre dhe përhapjen e infeksionit.

Ministria e Shëndetësisë dhe Mbrojtjes Sociale apelon edhe nje here qytetarët që të jenë të kujdesshëm në zbatimin e masave të vendosura. Ruani distancën fizike, lani shpesh duart, përdorni maska ose barriera mbrojtëse në ambiente publike apo kudo ku nuk është e mundur të ruhet distanca, dezinfektoni objektet dhe ajrosni ambientet ku qëndroni.

Në rast se dyshoni se jeni i prekur nga COVID19 apo keni patur kontakte me persona të prekur, izolohuni. Në rast se keni shenja të sëmundjes, telefononi në numrin e Urgjencës Kombëtare, 127.

Telefononi në linjën e gjelbër 0800 40 40 për këshillim psikologjik apo çdo informacion për Covid19.

COVID-19 – Statistika (5 Korrik 2020)

Testime totale 28801

Raste pozitive 2893

Raste të shëruara 1657

Raste Aktive 1160

Humbje jete 76 (Qarku Tiranë 43, Durrës 12, Fier 5, Vlorë 2, Shkodër 11, Kukës 1, Elbasan 2)

Shpërndarja gjeografike e rasteve aktive sipas qarqeve:

Tiranë 449

Durrës 205

Shkodër 169

Vlorë 119

Lezhë 60

Fier 48

Korçë 36

Kukës 20

Elbasan 16

Berat 16

Gjirokastër 13

Dibër 9

(BalkanËeb)

Nga LDK e kërkojnë dorëheqjen e Armend Zemajt

Anëtari i Lidhjes Demokratike të Kosovës, Gani Geci ka kërkuar dorëheqjen e Ministrit të Shëndetësisë, Armend Zemaj, pas rritjes së numrit të infektimeve me COVID-19 dhe për rritjen e numrit të vdekjeve në Infektivë.

Me anë të një postimi në rrjetin social Faecbook, Geci ka thënë se shëndetësia nuk është zanat që di ta punoj Zemaj.

“Alarm. Ministri i Shëndetsis të jap dorheqje të pa revokueshme . nese jo atëhere Avdullah Hoti ta shkarkoj atë . 1. Thjesht nuk e din këtë zanat . Kjo duhet të mbetet nji mësim për të gjithë ata që marrin hygjym në zanate të huaja për të cilat nuk ja kan haberin as në menagjim e as në mjeksi”, ka shkruar Geci./Express/

Mustafa kërkon ta përfshijë në qeveri PDK-në

Lidhja Demokratike e Kosovës synon ta zgjerojë koalicionin qeverisës.

Kreu i kësaj partie, Isa Mustafa, ka deklaruar se vendi është futur në situatë e cila nuk garanton stabilitet të institucioneve, pas aktakuzës për krime lufte ndaj presidentit Hashim Thaçi dhe kryetarit të PDK-së, Kadri Veseli.

“Tani jemi futur në një gjendje me shumë të panjohura, që nuk determinon stabilitet apo jo të Qeverisë, por të të gjitha institucioneve të vendit. Para së gjithash, ardhmërinë e shtetit të Kosovës”, ka thënë ai për Kohën.

Mustafa është pyetur se çfarë mund të ndodhë me pozitën e presidentit nëse Hashim Thaçi jep dorëheqje në rast të konfirmimit të aktakuzës.

Mustafa ka deklaruar se së shpejti do të ndërmarrin hapa për të përmirësuar funksionimin e shtetit.

“Në ditët në vijim do të bisedojmë me të gjithë që kanë gatishmëri, jo për të forcuar pushtetin individual apo partiak, por për të forcuar shtetin e Kosovës dhe funksionalitetin e tij. Ata që Kosovën e duan si fushë të gladiatorëve, nuk besoj se ia duan të mirën!”, ka deklaruar Mustafa.

Në këto rrethana, sipas Mustafës, Kosova ka nevojë të mbështesë institucionet e drejtësisë vendore dhe ndërkombëtare, si dhe njerëzit e saj që ballafaqohen me drejtësinë deri në përfundimin e këtij procesi. PDK-ja nuk ka kthyer përgjigje në pyetjet nëse mund të përfshihet në ndonjë marrëveshje eventuale për çështjen e presidentit.

Derisa, Lëvizja Vetëvendosje vazhdimisht është duke kërkuar zgjedhje të reja.

Shtyrja e dialogut Kosovë-Serbi si shkak i aktakuzës, sipas opinionistëve, mund të zgjasë më shumë sesa mendojnë institucionet.

Zhvillimet me Gjykatën Speciale ndikuan që të dështojë takimi i 27 qershorit në Uashington.

Kurse, akoma nuk dihet nëse gjatë korrikut do të mbahet Samiti i Parisit, që fokus kryesor ka dialogun ndërmjet Kosovës dhe Serbisë.

Gjashtë të vdekur nga koronavirusi në Kosovë

Gjashtë vetë kanë vdekur të shtunën në Kosovë, të cilët kanë qenë të infektuar me koronavirus.

Kështu bën të ditur Qendra Klinike Universitare e Kosovës, e cila dha detaje lidhur me pacientët e vdekur.

“Pacientët që kanë përfunduar me vdekje janë: Sh.I. (1949) -Prishtinë; F.H (1948) -Viti, R.K (1950)-Mitrovicë, B. G (1960)-Vushtrri, S. T. (1949) – Fushë Kosovë dhe F. SH. (1982)- Pejë. Sipas informacioneve nga klinikat, pacientët që kanë ndërruar jetë sot, përveç infeksionit COVID-19, kishin edhe sëmundje të tjera shoqëruese”, thuhet në njoftimin e QKUK-së.

Bazuar në të dhënat e fundit, numri i të vdekurve në Kosovë nga sëmundja COVID-19, që e shkakton koronavirusi i ri, arrin në 64.

Ndërkaq, sipas të dhënave të publikuara nga Instituti Kombëtar i Shëndetësisë Publike, deri të premten, në Kosovë janë regjistruar 3,178 raste me koronavirus. Prej tyre, 1,824 janë shëruar. rel

GANI KOCI QENKA ZGJU JEREM (MAZUNË)!! – Nga Binak MAXHARRAJ

Dhe ashtu ne jerëm paska folë “fjalë të mëdha patriotike”ne stilin e tij te urrejtjës.

Paska sjellë edhe shumë figura të njërezeve të cilët jnaë në shërbim të kombit,për ndërtimin e shtetit,e jo për shkaterrimin e tij. Figura te njohura te jetes politike të cilëtshumë prej tyre i donë,i voton dhe i çmonë populli. Ai paska thanë:

“Ka ardhë koha, jo me i dezinfeku, por me i mbyll me beton gropat septike serbe, të mbetura akoma në Kosovë.Shumë po kundërmojnë!”

Ndoshta ky njeri nuk mund ti dallon ererat qe kundërmojnë.

Por është interesant se si ne këtë foto nuk gjendet asnjë personalitet që kundërmon nga partia e tij PDK.Ndoshta janë dizenfektu me hërët.Ku me dijtë.

Por këte njeri vetë Drenica heroike e Adem dhe Hamëz Jasharit, Shaban Polluzhës,Shote Galicës,te Bajraktarve te Pollizhes,etj.duhet ta ndalin këtë njeri që te mos e njollosë Drenicën tonë kreshnike,Drenicen e luftrave dhe betejave për çlirimin e kombit të cilët te parët e ngritën kushtrimin për çlirimin e atedheut duke ia këthyer pushkën pushtuesve.

Këtë njeri duhet ta ndalë vetë Drenica.Pasiqe këtë njeri nuk po mundet,apo nuk po donë qe ta ndalë as prokurori e as gjykata te cilat po i mbyllin sytë,sepse te hapish gropa dhe ti mshelish ato me beton është një akuzë e rëndë për vetë shtetin e Kosovës.

GJYKATA SPECIALE E BËRË, NUK ZHBËHET!! – Nga Binak MAXHARRAJ

 

Në ditët e fundit e sidmomos pas publikimit të Padisë penale për krime ndaj Hashim Thaçit dhe Kadri Veselit,sikur janë zgjuar deshirat dhe iluzionet qe kjo gjykatë mund dhe duhet te shfuqizohet në Parlament.

As unë atherë nuk isha i kënqur qe kjo gjykate u themelu në Kosovë,por me seli jashtë sajë.E mira e mires do te kishte qenë qe vetë Kosova ta formonte një gjykatë të këtillë fill pas çlirimit siç vepruan shtetet tjera te dala nga lufta,Kroiacia,Serbia,etj.Por këta tanet nuk e bënë sigurrisht te frigësuar nga njeri tjetri për te bërat e tyre gjatë luftes dhe pasluftës.Por themelimi i kësaj gjykate speciale me ligjet e Kosovës ndodhi,bile u deshte të ndryshohet edhe Kushtetuta lidhur me këtë.Gjykata Speciale ndodhi,pra, jo pa deshirën tonë sepse te gjtiha partit politike(pos vetevendosjës) votuan ne parlament qe kjo gjykatë te bëhet,bile edhe edhe u be presion sidomos nga këta dy te akuzuarit e parë qe kjo gjykatë te ndodhë.Dhe ndodhi,sidomos më sponzorizimin me te madhë te vetë Amerikës e cila në këtë gjykatë i ka kryeprokuroret dhe prokuroret e sajë por qe finanson me një pjesë bukur te madhe këtë gjykatë.

Më 21 dhjetor 2017 ndodhi diçka e papritur kur kreret e shtetit natën vonë tentuan qe përmes parlamentit te shfuqizojnë këtë gjykatë,por nuk ia dolën sepse nuk e patën opozitën me vehte(LVV dhe LDK)dhe shftqizimi i kësaj gjykate në natën e erret te asaj nate deshtoi.Amerika e quajti se ky akt qyqar ishte sikur te ia futish thikën pas shpine  Amerikës

Por tani pas shpalljëes se aktakuyave te para nga ana e kësaj Gjykate ka filluar qe te shpurdhet përseri ideja për shfuqizimit e kesaj gjykate,bile edhe hapats nëpër koluare,nepër media e portale.Pra,edhe gjykata speciale e kishte nuhat më kohë këtë gjë,çka ishte edhe njera nga shkaqet për publikimine aktpadis kunder këtyre dy eprorve te lartë te shtetit.

Duhet të jemi të çartë se kjo gjykatë nuk është themeluar kunder UÇK dhe vlerave te saj.Lufta e UÇK dhe vlerat e sajë janë te pastra si loti,nuk ka nevojë ti mbrojë askush as nepër oda e as nëpër gjykata,ajo e ka mbrojtë vethten me gjakun e bijeve dhe bijave tona me te devotshme te cilat i dolën përball armikut për ta çliruar atdheun.Dhe kjo është e qartë këto vlera janë te vulosura thellë ne histori dhe nuk ka te drejtë ti cenojë dhe ti rivleresoi askush,as individi e as ndonjë gjykatë.Kjo ësht e qartë.

Për tu shfuqizuar kjo gjykatë nuk do te ishte dështë edhe të themelohet,por qe e themeluam me dorën tonë dhe me ligjet tona,dhe tashti pas pesë viteve kur kjo gjykatë veç i bëri publike aktakuzat e para nuk është e nevojshme,e as e domosdoshme të te hyhet në këtë lojë fortë te rrezikshme për Kosovën,sepse autoriteti i Kosovës në botë eshte edhe  ashtu i brishët do te ulej në minimum,sepse zeri i ndërkombetarve do te ishte shumë i fuqishëm kundër Kosovës nese Kosova i luan bisht kesaj pune,sepse më e rendesishme është Kosova se sa disa individ te sajë te cilët nuk mund te jenë mbi Kosovën,sado meritave te tyre gjatë luftës.

Askush nuk ka të drejtë ta njollos UÇK e as luftetarët e sajë trima e heroj,por përgjatë kësaj lufte po edhe pas lufte pati përsona qe u munduan ti përvetesojnë vlerat e luftës pa meritë,duke bërë ndonjë krim ”pa hiri”si gjatë luftës ashtu edhe pas luftës,për çka edhe duhet të përgjegjen para drejtesis,Por pasiqe na vetë nuk ishim te gjendje qe fillë pas luftes ta bejmë vetë këtë punë,ua lamë te tjereve.

Të tentosh sot të luajsh më Gjykatën Spcialeveç kur janë dalë aktakuzat e para është anakronike,i rrezikshëm,gjestë jo i mirë,më këtë Kosova do te humbaste shumë në arënën ndërkombetare te cilët do te ia këthenin shpinën Kosovës.Kjo nuk duhet te ndodhë edhe për shkak te mikut tonë Amerikës e cila është sponzorja kryesor e kësaj gjykate në te cilën gadi te gjithë kryeprokuroret dhe prokuroret janë amerikan.Tentimi i shfuqizimit te kësaj Gjykate do te ishte edhe ngulja për herë te dytë thikë pas shpine Amerikës mikut tonë me te madh ne histori e cila na nxorri nga errësira shekullore dhe na qiti në liri qe pa ndihmën e sajë Kosova kurr nuk do ta shijonte lirinë.

Të gjithë ata qe do te tentonin qe ta shfuqizojnë Gjykatën Speciale,por çoftë edhe Parlamenti i Kosovës do te rreshtoheshin kundër Amerikës dhe do te quhëshin antiamerikan,Amerika do te na shihte me sy tjetër,kurse simpatia dhe mbrojtja e Kosovës do te rrezikohëj shumë.

Pra,duhet patur shumë kujdes dhe të mos qohemi peshë,te mos qojmë shumë pluhur për diçka çfarë është bërë me fajin tonë duke e themeluar këtë gjykate për te cilën intimisht edhe unë deshiroj qe kjo te mos kishte ndodhë.Por pasiqe ka ndodhë me deshirën tonë,këtë “deshirë tonën” nuk duhet ta pengojmë,nuk duhet të shtim mish dhije duke e bërë ndonjë dreqni sepse dihet fortë mire se pasojat për shfuqizimin e kësaj gjykate do te jenë shumë me te medha për Kosovën se sa mbrojtja kinse e disa individeve qe kanë presedent kriminal nese gjykata i verteton,sepse populli thotë gjaku nuk falët,ai mund te zgjohet pas shumë vjeteve nese nuk sçarohet me kohë.

Vjosa Osmani: Themelet e shtetit tonë qëndrojnë mbi vendimin e atyre që miratuan Deklaratën e 2 Korrikut të vitit 1990

Sot prita dhe ndava mirënjohje për përfaqësuesit e legjislaturës e cila, para dyerve të tempullit të lirisë, e artikuloi qartë pikësynimin e pathyeshëm për liri në Deklaratën e 2 Korrikut të vitit 1990. Deklarata e miratuar nga 114 delegatët e asaj kohe qe akti politik dhe juridik me të cilin Kosova përfundimisht nuk pranoi t’i nënshtrohej hegjemonisë dhe i hapi udhë artikulimit të shtetësisë së Kosovës, e cila u konkretizua me Kushtetutën e Kaçanikut, të 7 Shtatorit të po atij viti. Prandaj, ua shpreha mirënjohjen më të thellë timen dhe të Kuvendit të Kosovës për aktin sa heroik, aq njerëzor të secilit prej tyre, duke nisur nga ish-kryetari, z. Ilaz Ramajli, delegatët e pranishëm sot, delegatët që për arsye moshe e shëndeti nuk mund të ishin sot me ne dhe në veçanti atyre grave e burrave që tashmë nuk janë mes nesh.
Që të gjithë do të mbahen në mend përjetësisht, sepse në vorbullën politike të kohës, kur vendi ynë po vihej egërsisht nën çizmen e regjimit serb ata i dolën zot atij dhe e artikuluan vullnetin politik të qytetarëve liridashës për Kosovën Republikë.
Ne ju përkulemi sot sepse ata e kuptuan se në botën e përplasjeve të mëdha ideologjike të fundviteve ’80, orientimi drejt vlerave demokratike, përqafimi i idesë së lirisë për veten dhe për tjetrin, si dhe refuzimi i ideologjisë komuniste ishin edhe vullnet edhe orientim strategjik.
Sot themelet e shtetit tonë qëndrojnë mbi vendimin e këtyre delegatëve për ta refuzuar dhunën dhe për t’i përqafuar vlerat e lirisë. Prandaj, si Kryetare e Kuvendit i falënderoj në emër të të gjitha legjislaturave pas asaj të 2 korrikut dhe t’i siguroj se çdo veprim yni në jetësimin e lirive njerëzore dhe në promovimin e tyre do të jetë i frymëzuar nga parimet që i vulosën këta delegatë me Deklaratën Kushtetuese. E, njëri ndër këto parime është këmbëngulja për ta jetësuar shtetin e së drejtës dhe mosdorëzimi para çfarëdo lloj pengese. Ne qëndrojmë fort mbi këtë parim sepse delegatët e 2 korrikut i kishim shembull nga i cili mësuam.
Urime 2 Korriku, që shënoi themelet e shtetësisë!

Kosova thirrje BE-së për kthimin e shtetasit Nezir Mehmetaj i cili po mbahet nga Serbia

Prishtinë

Ministri i Drejtësisë, Selim Selimi, përmes një letre, i ka bë thirrje Shefes së Zyrës së Bashkimit Evropian (BE) në Kosovë, Nataliya Apostolova, që të përdorë fuqinë diplomatike për të bindur autoritetet e Serbisë ta kthejnë në Kosovë shtetasin kosovar Nezir Mehmetaj “që po mbahet në Serbi nën akuza të rreme e të motivuara politikisht”, transmeton Anadolu Agency (AA).

Në një komunikatë për media nga ministria, bëhet e ditur se Selimi, në letrën drejtuar Apostolovas, i ka bërë thirrje të ndërmarrë veprimet e nevojshme “për të ndërprerë mundimet e vazhdueshme të Serbisë ndaj qytetarëve kosovarë”.

Sipas autoriteteve kosovare, Nezir Mehmetaj është arrestuar dhe ndaluar në mënyrë të kundërligjshme nga 3 janari nën akuzat e anëtarësisë së tij në Ushtrinë Çlirimtare të Kosovës (UÇK) dhe akuza për vrasje të cilat supozohet se kanë ndodhur në Kosovë.

Në letër Selimi thekson se shtetasi kosovar Nezir Mehmetaj “po mbahet në mënyrë të kundërligjshme nga një vend që nuk mund t’ia garantojë atij të drejtën e tij për një gjykim të drejtë”, ndërsa sipas tij, “ky rast, si shumë të tjerë para tij, dëshmon se Serbia ndjek një drejtësi selektive përmes së cilës i maltreton qytetarët tanë me akuza të pavlefshme ndërsa pengon ndjekjen dhe dënimin e qytetarëve të vet me akuza të njëllojta”.

“Ne bëjmë thirrje që ju të përdorni fuqinë tuaj diplomatike për të bindur autoritetet e Serbisë të përdorin Marrëveshjen shumë të dobishme për Ndihmë të Ndërsjellë Juridike që është nënshkruar ndërmjet vendeve tona, me mbështetjen e BE-së. Kjo Marrëveshje është përdorur në më se gjashtëqind raste tashmë midis dy vendeve tona, në ndjekje të drejtësisë në të dyja anët. Ne bëjmë thirrje që prokuroria serbe të përdorë këto mekanizma për të bashkëpunuar me prokurorinë në Kosovë për të transferuar provat dhe procedurat në Kosovë, nën lehtësimin e BE-së”, shkruan ministri kosovar.

Selimi thotë se bazuar në raportet e zyrës përfaqësuese të Kosovës në Beograd, të cilët kanë ndjekur gjykimin e Mehmetajt, “akuzat ndaj Mehmetajt tashmë janë hedhur poshtë madje edhe nga institucionet e brendshme në Serbi”, ndërsa po kështu, sipas ministrit kosovar, Ministria e Brendshme e Serbisë tashmë ka konfirmuar se “Mehmetaj nuk është i njëjti person në bazë të të cilit janë ndërtuar pretendimet për anëtarësimin e tij në UÇK”.

“Përveç pabazueshmërisë së akuzave ndaj tij, është e rëndësishme të ritheksohet që Mehmetaj nuk është shtetas i Serbisë, nuk ka lidhje personale paraprake me Serbinë dhe se ai akuzohet për krime të kryera në territorin e Kosovës, kundër qytetarëve të Kosovës. Nuk ka lidhje të mjaftueshme të çështjes së tij me Serbinë dhe, rrjedhimisht, Serbia nuk ka juridiksion të zhvillojë procedime penale kundër tij. Për këtë arsye, ne bëjmë thirrje që procedura të transferohet në Kosovë, si i vetmi vend me lidhje të vërtetë reale e personale si me viktimat, ashtu edhe me autorin e dyshuar”, shkruan tutje në letrën e njëjtë.

Në letrën dërguar në adresën e BE-së në Kosovë, Selimi thekson po ashtu se Serbia po vazhdon të pengojë gjykimin e shtetasve kosovarë në Kosovë, duke shfrytëzuar privilegjin e saj si anëtare e organizatës ndërkombëtare policore INTERPOL, “duke lëshuar fletarreste konkurruese për qytetarët e Kosovës në gjithë botën”.

Tri dekada nga miratimi i Deklaratës Kushtetuese të 2 korrikut, gurthemelit të shtetësisë së Kosovës

Prishtinë

Janë bërë tri dekada, që kur më 2 korrik të vitit 1990, 114 delegatë të Kuvendit të Kosovës që atëherë përfaqësonin Kosovën me status krahine në Serbi, kanë nënshkruar Deklaratën Kushtetuese të pavarësisë së Kosovës, e njohur edhe si Deklarata e 2 Korrikut.

Ajo datë është konsideruar si gurthemeli i shtetit të Kosovës, për shkak se shënoi pikënisjen për pavarësimin e Kosovës nga Serbia, duke synuar trajtim të barabartë me republikat e atëhershme socialiste brenda Federatës Jugosllave.

Miratimi i Deklaratës së 2 korrikut, me shpalljen e Kosovës njësi të barabartë të federatës jugosllave, u hapi rrugë veprimeve të mëtutjeshme të shtetformimit.

Më 7 shtator 1990, u mbajt Kuvendi i Kosovës në Kaçanik, i njohur si Kuvendi i Kaçanikut i cili erdhi si proces i pandalshëm pas më shumë se dy muajsh nga Deklarata e 2 Korrikut, duke e miratuar Kushtetutën e cila e shpalli Kosovën Republikë.

Neni i parë i Kushtetutës së Kaçanikut e definoi Kosovën “shtet demokratik i kombit shqiptar dhe i pjesëtarëve të kombeve të tjera dhe i pakicave kombëtare, të shtetasve të vetë; serbëve, malazezëve, kroatëve, turqve, romëve e të tjerëve që jetojnë në Kosovë”.

Kushtetuta e Kaçanikut legjitimoi një realitet politik në përputhje me vullnetin demokratik të qytetarëve të Kosovës të shprehur në referendumin për pavarësi në shtator të vitit 1991, i pasuar nga zgjedhjet e para parlamentare dhe presidenciale në maj të vitit 1992 prej nga do të dalë Parlamenti i parë plural si dhe Qeveria e Republikës së Kosovës e cila organizoi pushtetin paralel si formë e rezistencës institucionale deri në luftën e vitit 1999 në Kosovë.

Ky zhvillim historik për Kosovën, mbi të cilin u ndërtua shtetësia e saj, do të konfirmohet ndërkombëtarisht, më 17 shkurt 2008, me shpalljen e pavarësisë së Kosovës.

“Guximin e kemi marrë nga popullata” 

Ish-delegatja e Kuvendit të Kosovës në atë kohë, Feride Hyseni në një prononcim për Anadolu Agency (AA) kujton kohën kur u votua deklarata në fjalë, nën frikë dhe kërcënime të policisë serbe në vend. Ajo kujton se seanca ishte planifikuar të mbahej më 2 korrik brenda në sallën e seancave plenare në objektin aktual të Kuvendit të Kosovës, por nuk ishin lejuar nga kryetari i atëhershëm i Kuvendit, ndërsa delegatët mëngjesin e të njëjtës ditë i kishin gjetur dyert e mbyllura të këtij institucioni.

Në një situatë të tillë, me këmbëngulje dhe siç thotë Hyseni, me “guximin të cilin e kemi marrë nga popullata”, delegatët lexojnë dhe nënshkruajnë në oborrin e objektit të Kuvendit Deklaratën Kushtetuese.

“Kur e kemi parë që s’ka fare mundësi të futemi brenda atëherë është marrë vendimi që ky akt të mbahet edhe para Kuvendit. Të rrethuar kemi qenë me polic dhe kanë qenë në objektin karshi parlamentit që ka qenë atëherë si barnatore e shtetit dhe institucion për punë sociale. Në kulme kanë qenë edhe me snajperë. Por, guximin e kemi marrë nga popullata, të cilët ishin me numër të madh përreth nesh atë ditë dhe ne kishim frikë edhe për ta se mos u ndodhte ndonjë gjë”, thotë për AA, Hyseni.

Kosova kishte fituar autonominë e saj si pjesë konstituive e Jugosllavisë në vitin 1974 duke pasur të drejta pothuaj të njëjta sikurse gjashtë republikat e tjera. Ndërsa në mars të vitit 1989, Serbia dhunshëm ia suprimoi Kosovës autonominë duke e kthyer atë nën pushtetin e saj, gjë që shtyri delegatët e atëhershëm kosovarë të ndërmerrnin hapa konkretë muaj më vonë.

“Patjetër duhej ta kërkonim këtë sepse ne si autonomi kemi qenë element konstituiv i federatës në atë kohë. Serbia me dhunë e suprimoi dhe ne duhej të bënim diçka. Kuvendi ynë ka ekzistuar gjashtë muaj, deri në suprimim të dhunshëm dhe për ato gjashtë muaj ne praktikisht kemi bërë një rezistencë se jo punë normale, duke refuzuar ligje të Serbisë edhe për arsim edhe për shëndetësi edhe për plane hapësinore e në çdo lëmi”, thotë ajo.

Çfarë përmbante Deklarata Kushtetuese e 2 korrikut 1990?

Deklarata Kushtetuese e 2 Korrikut, u publikua një ditë më vonë në “Fletorën Zyrtare” të Krahinës Socialiste Autonome të Kosovës (KSAK). Ajo ishte shkruar nga Akademia e Shkencës në atë kohë me në krye nga akademik Gazmend Zajmin si dhe juristë e delegatë kosovarë, ndërsa përmbante 5 pika kryesore.

Delegatët kosovarë aty shprehnin dhe shpallnin qëndrimin burimor kushtetues të popullsisë së Kosovës Kuvendit të Kosovës si akt i vetëvendosjes politike në kuadër të Jugosllavisë.

Deklarata e konfirmonte Kosovën si bashkësi politiko-kushtetuese dhe “pozitë politiko-kushtetuese të përbashkët të qytetarëve dhe nacionaliteteve të barabarta të Kosovës, ku shqiptarët si shumicë e popullsisë së Kosovës dhe një ndër popujt më numerikë në Jugosllavi, si dhe serbët dhe të tjerët në Kosovë konsiderohen popull-komb dhe jo kombësi (pakicë kombëtare)”.

Po kështu, deklarata bënte të ditur se “Kuvendi i Kosovës deri në nxjerrjen e Kushtetutës së re të Kosovës tash e tutje do të komunikojë publikisht me këtë emërtim, duke e emërtuar njëkohësisht bashkësinë shoqërore-politike organ i së cilës është, vetëm si Kosovë”.

Ambasadori gjerman krenar për 171 milionët e BE’së për Kosovën: Ne veprojmë, s’kemi veç fjalë

Ambasadori i Gjermanisë në Kosovë, Christian Heldt, është shprehur krenar për 171 milionë eurot që Bashkimi Evropian ia ka ndarë Kosovës.

Nëpërmjet një shkrimi në rrjetin social Twitter, Heldt ka thënë se BE’ja s’ka vetëm fjalë, por vepron.

“Ne, si BE dhe si shtete anëtare, do të vazhdojmë të angazhohemi për punë serioze. Por angazhimit këtu i duhet bazë e fortë në BE”, është shprehur ai.

“Prandaj, është prioritet kryesor i Gjermanisë si kryesuese e BE’së, bashkë me rimëkëmbëjen”, ka thënë Heldt.

Psikopatët politikë në radhët tona ?! – Nga Skënder MULLIQI

Simptomat psikopatike fillojnë kur kalohet 0 –ja, e më lartë.Këto simptoma retarduese i kan përfshirë shumë njerëz të politikës në Kosovë.Manisfetimet e tilla janë të ndryshme , dhe kjo është lëmi e eksperteve. Por, që veprimet e deritashme të tyre karshi shtetit dhe popullit të Kosovës, janë me retardime psikopatike kjo nuk ka dyshim.Mos përgjegjësia , impulziviteti, vetkontrolla e dobët,sjellja adoleshente , anti sjellje sociale…hajnit e pakontrolluara dhe zhvatjet …, të gjitha këto flasim për retardimet psiqike të klasës aktuale politike ?!Këto të dhëna janë tmeruese kur njerëzit e tillë bëhën drejtues të institucioneve të shtetit.Dhe , nuk është për tu quditur së kaq shumë na janë institucionalizaur fenomenet më negative te mundshme shoqërore.Po të vepronte ligji ashtu si duhet, sigurisht së shumë njerëz të politikës do ti nënshtroheshin kontrollimit të rrept mjekësor, duke ju pamundësuar që të jënë bartës të funksioneve të larta politike në Kosovë.Këta njerëz janë duke i shkaktuar dëme të mëdha shtetit.Edhe qytetarët pak a shumë e ka marrë vesh, së nuk banë më i votuar më këta njerëz, që pasuria dhe pushteti apsolut i ka qitur në taborrin e abnormalës?!Nuk ka më asnjë logjikë që njerëzit e tillë të votohen ? Nuk ka kuptim dhe as logjikë që të pranojmë të na udhëheqë ndonjë përson më simptoma traumatike.Nese ne vazhdojmë tu besojmë njerëzve te tillë, atëherë bëhët automatikisht e nevojshme që edhe populli ti nënshtrohet shiqimit neuropsikiatrik?!Nese dëshirojmë më krye obligimin tonë si qytetarë të këtij vendi, nuk bënë që gabimet e tilla të na përseritën. Po e shohim dhe prekim gjendjën në të cilën na kan katandisur kjo klasë politike .Veprimet tona naïve dhe diletante duke i votuar individët e caktuar dhe partitë e caktuara politike deformuese , që kurrë nuk i hoqën apitetet përsonale , na kan kushtuar më gjendje të rëndë politike dhe më gjendje të rëndë ekonomike –sociale.Këta njerëz janë duke u sjellur që shumë kohë në mënyrë abnormale , dhe na kan pru edhe gjendjen e përgjithshme abnormale .Reakcioni ynë duhet të jetë i fuqishem ndaj të gjitha atyre , që shoqërinë tonë janë duke infektuar më sindrome të ndryshme psikopatike !Duhet punuar shumë që të ndryshohen në mënyrë rrënjësore rrethanat shoqërore politike të Kosovës.Nese nuk bëjmë tolerancë zero, na mori lumi më ka krejtë.Nga shteti i Kosovës nuk do të mbetet pothuaj më asgjë…?!

PhDc. Dr Raif Çavolli është krenaria e mjekësisë shqiptare – Nga Skënder MULLIQI

 – “Të bëhem kirurg kardiovaskular ishte një shtytje mungese e këtij profili në Kosovë. Por edhe ja arritem dhe bëmë që Kardiokirurgjia të flitët në Gjyhën Shqipe në Prishtinë . Pra, të mos ketë nevojë më për të huaj”, kështu shprehet doctor Çavolli.

Qyteti i shtrirë rrezë Alpeve Shqiptare, është Peja e bukur dhe pitoreske.Qytetin ne mes e ndanë Lumbardhi, që më shtratin e tij, ja shton edhe më shumë hijeshin .Pos, bukurisë që ja ka falë Zoti, nga ky qytet linden dhe u rritën shumë njerëz të shkencës, kulturës ,artit,sportit e muzikës që bën emer ne trevat etnike dhe në mbarë botën.Janë disa njerëz të cilët kur lindin , lindin për tu bërë të famshëm, lindin për të bërë mrekullira.Nga qyteti I patriotit të madh shqiptarë pejanit,Haxhi Zeka , dolën artistët e mëdhnjë e të rrallë, si Faruk Begolli, Istref Begolli… e shumë aktorë të tjerë te teatrit e të filmit shqiptarë.Pastaj, nga ky qytet dolen emra të shquar të politikës, kengëtarë që sot janë numër një në botë, janë krenaria e kombit, si Rita Ora dhe Dua Lipa, e shumë krijues , artist dhe kengëtar të këngës së bukur shqipe, që vargu I tyre është I gjatë për ti përmendur në një shkrim të vetëm.Unë në këtë shkrim do ti thëm disa fjalë për një personalitet të mjekëksisë I cili tashmë I ka kaluar përmasat kombëtare. Bëhët fjalë për kardilogun e njohur,Dr. Raif Çavolli.Shpesh herë tradita në familjet shqiptare ka vazhduar dhe vazhdon. E tillë ishte edhe familja Çavolli nga Peja. babai i dokor Raifit, është mjeku po ashtu me nam për Sy siq thuhet në gjuhen popullore, Dr. Ymer Çavolli.Raifin pata rastin ta njohe për së afermi, është dokor komunikues dhe siq thuhet që të shëron edhe më fjalë.Njerëzit e mëdhnje karaketerizohen më thjeshtësinë dhe modestinë e tyre në sjellje dhe në veprime . I tillë është kardiologu në zë, Dr.Raifi, I cili punon aktualisht në Spitalin Amerikan në Prishtinë .Ai ka punuar si Kirurg I Kardiovaskular edhe në spiltalet më të njohura të Turqisë. Ai nuk I harron kurrë bashkëqytetarët e vet, që kërkojnë ndihmen e tij. Në një ndërtesë më babain e tij, dr.Ymerin, e ka klinikën, ku vjen kohë pas kohe për tu dalë në ndihmë njërzëe në nevojë ne Peje. PhDc. Dr Raif Çavolli është shef i Sherbimit të Kardiokirurgjisë dhe Kirurgjise Vaskulare në Spitalin Amerikan në Kosovë .Ai shpesh mere pjesë në simpoziume ku informon mbi rëndësinë që ka paraqitja në kohë e urgjencave mjekësore të pacientëve që vuajnë nga patologjitë kardiake apo nga patologji të tjera akute. Pra, pavarësisht situatës së pandemisë që po kalojmë, stafi i mjekëve të Departamentit të Shërbimit të Kardiokirurgjisë vazhdon të ofrojë çdo ditë të javës sherbimet dhe operacionet urgjente.Dr Raifi, ka prezantuar menagjimin modern te disekacionit te aortes ne Konferencen Kardiologjike te organizuar nga Shoqata e Kardiologeve te Kosoves etj.Keto jane operimet e para ne Kosove te kirurgjise Aortale-Torakale te realizuara nga Dr. Raif Cavolli dhe ekipa e tij, te prezentuara edhe ne Konferencen e Telemjekesise ne Prishtine ,para disa vjetësh.”Të behëm kirurg kardiovaskular ishte një shtytje mungese e këtij profili në Kosovë.Por, edhe ja arritem dhe bëmë që Kardiokirurgjia të flitët në Gjyhën Shqipe në Prishtinë .Pra, të mos ketë nevojë më për të huaj”, kështu shprehet doctor Çavolli.Me doktor Rafin nuk muburret vetëm familja atdhetare Çavolli, por mburret Peja, dhe mburret edhe mbarë shqiptaria. Dr.Raifi është shëmbull i respektimit të betimit të Hipokratit, është shëmbull së si duhet të punohet ndërshemerisht, profesionalisht karshi pacienteve ,si shëmbulli më i mirë edhe i Atdhedashurisë…

Qeveria merr vendim për themelimin e Këshillit të Ekspertëve për dialogun me Serbinë

Qeveria e Kosovës, të mërkurën, në mbledhjen e kabinetit, ka marrë vendim për të themeluar Këshillin e Ekspertëve për dialogun me Serbinë.

Zëvëndëskryeministri, Driton Selmanaj, tha se ky organ do të funksionojë në kuadër të Zyrës së kryeministrit dhe se detyrë e anëtarëve të këshillit do të jetë përpilimi i analizave specifike dhe këshillimi i kryeministrit dhe qeverisë për çështjen e dialogut me Serbinë.

“Këshilli do të përgatisë raporte dhe dokumente për pozicionin e Kosovës në dialog”, tha Selmanaj.

Ende nuk dihet emrat e anëtarëve të këtij këshilli.

Pas themelimit të Këshillit, kryeministri i Kosovës, Avdullah Hoti, pritet të emërojë koordinatorin e Qeverisë së Kosovës për dialog.

Në hapje të mbledhjes së Qqeverisë së Kosovës, kryeministri Avdullah Hoti, tha se pavarësisht zhvillimeve të fundit, dialogu nuk ka alternativë dhe se Kosova është e gatshme për të rifilluar këtë proces. Ai tha se tema kryesore në dialog duhet të jetë njohja reciproke.

Dialogu Kosovë-Serbi është ndërprerë në fund të vitit 2018 për shkak të tarifës që kishte vendosur Qeveria e Kosovës ndaj mallrave serbe.

Barrierat tregtare janë hequr dhe Bashkimi Evropian është shprehur se planifikon rifillimin e dialogut.

Zyrtarët e Bashkimit Evropian (BE) synojnë të vazhdojë përpjekjet për rifillimin e dialogut për normalizimin e marrëdhënieve midis Serbisë dhe Kosovës, por në këto plane, nuk e përfshijnë më presidentin, Hashim Thaçi, i cili i ka udhëhequr negociatat me Serbinë në emër të Kosovës për vite me rradhë.

Zyrtarët e BE-së kanë njoftuar se pas aktakuzës nga Zyra e Prokurorit të Specializuar në Hagë, për krime lufte, ndaj Thaçit, ata nuk e konsiderojnë më presidentin e Kosovës, një partner në procesin e dialogut.

Javën e kaluar, një prokuror i specializuar në Hagë tha se ka paraqitur aktakuzë kundër presidentit të Kosovës, nën dyshimin se është i përfshirë në krime lufte dhe krime kundër njerëzimit.

Thaçi vendosi të qëndrojë në pozitën e presidentit, duke thënë se ai do të jepte dorëheqje vetëm nëse konfirmohen pretendimet në aktakuzë, nga ana e gjykatësit të procedurës paraprake.

VV e dërgon Thaçin në Kushtetuese

Lëvizja Vetëvendosje ka dorëzuar në Gjykatën Kushtetuese kërkesën për, siç thuhet “vlerësimin e veprimeve antikushtetuese të presidentit të Kosovës Hashim Thaçi në rastin e nxitjes, bindjes dhe detyrimit të deputetit, Haxhi Shala, për të ndryshuar qëndrimin për votën ndaj Qeverisë”.

Kërkesa është dorëzuar nga Grupi Parlamentar i Lëvizjes Vetëvendosje.

“Jashtë autorizimeve e në cenim të rëndë të vlerave, parimeve kushtetuese e demokratike, të ndarjes së pushteteve e ndërhyrje në kompetencat e Kuvendit, presidenti ka bërë shkelje të rëndë të Kushtetutës. Ai në mënyrë të drejtpërdrejtë ka ndikuar që deputeti Shala të ndryshojë qëndrimin dhe votën në seancën e jashtëzakonshme plenare të Kuvendit të Republikës të datës 3 qershor”, thuhet në njoftimin e Vetëvendosjes.

Vota e deputetit të partisë Nisma Social Demokrate, Haxhi Shala, u kontestua në ditën që u votua Qeveria e drejtuar nga Avdullah Hoti.

Shala nxiti reagime të shumta, pasi vetëm pak minuta para se të votohej qeveria, mori fjalën në Kuvend dhe tha se kishte ndërruar mendje sa i takon votimit të qeverisë.

Këtë tha se e bëri pasi i kishin shkuar në shtëpi presidenti i Kosovës, Hashim Thaçi, dhe kryetari i Aleancës për Ardhmërinë e Kosovës, Ramush Haradinaj.

Vetë presidenti Thaçi e pranoi se kishte pasur takim me deputetin Haxhi Shala. Por, veprimin e tij, presidenti e cilësoi vetëm si “këshillim”. rel

Gjykata Kushtetuese e shpall të pavlefshëm Ligjin për Paga të Qeverisë Haradinaj

Gjykata Kushtetuese e Kosovës e ka shpallur të pavlefshëm, në tërësinë e tij, Ligjin për Pagat në Sektorin Publik, raporton Express.

Përmes një komunikate drejtuar mediave, Kushtetuesja ka njoftuar se ka marrë vendim të shquqizojë vendimin për caktim të masës së përkohshme të 12 dhjetorit 2019, si dhe vendimin për vazhdim të masës së përkohshme të 30 marsit 2020.

“II. TË SHPALLË, me shumicë, se Ligji nr. 06/L-111 për Pagat në Sektorin Publik, në tërësinë e tij, nuk është në përputhshmëri me: nenet 4 [Forma e Qeverisjes dhe Ndarja e Pushtetit]; 7 [Vlerat]; 102 [Parimet e Përgjithshme të Sistemit Gjyqësor]; 103 [Organizimi dhe Jurisdiksioni i Gjykatave] paragrafi 1; 108 [Këshilli Gjyqësor i Kosovës]; 109 [Prokurori i Shtetit]; 110 [Këshilli Prokurorial i Kosovës]; 115 [Organizimi i Gjykatës Kushtetuese]; dhe me nenet 132 [Roli dhe Kompetencat e Avokatit të Popullit]; 136 [Auditori i Përgjithshëm i Kosovës]; 139 [Komisioni Qendror i Zgjedhjeve]; dhe 141 [Komisioni i Pavarur i Medieve] të Kapitullit XII [Institucionet e Pavarura] të Kushtetutës;”, thuhet në komunikatë.

Ndryshe, vetëm pesë ditë pasi ka hyrë në fuqi Ligji i ri për paga, në dhjetor të 2019-s, Avokati i Popullit e kishte dërguar atë në Gjykatën Kushtetuese për vlerësim të përputhshmërisë së tij me Kushtetutën.

Kërkesa ishte bërë pasi Avokati i Popullit kishte pranuar 35 ankesa nga subjekte të ndryshme të sektorit publik të parashtruara kundër Ligjit për paga, duke përfshirë këtu edhe ankesat nga punëtorët në shëndetësi, në arsim, në polici dhe në shërbimin civil.

Zyrtari i BE: Thaçi të merret me aktakuzën, BE do të ketë pak ndërveprim me të deri në aktgjykim

Zyrtarët e Bashkimit Evropian (BE) synojnë të vazhdojë përpjekjet për rifillimin e dialogut për normalizimin e marrëdhënieve midis Serbisë dhe Kosovës, por në këto plane nuk e përfshijnë më presidentin, Hashim Thaçi, i cili i ka udhëhequr negociatat me Serbinë në emër të Kosovës për vite me rradhë.

Zyrtarët e BE-së kanë njoftuar se pas këtyre zhvillimeve ata nuk e konsiderojnë më presidentin e Kosovës, një partner në procesin e dialogut.

“Në reagimet tona deri tani, ne kemi thënë midis rreshtave, se do të ishte më mirë që ai (Thaçi) të përqëndrohet në aktakuzën e tij dhe se derisa çështja të zgjidhet, pra të ketë një aktgjykim, nga ana e BE-së do të ketë shumë pak ndërveprim me të”, ka thënë për Radion Evropa e Lirë (RFE) një zyrtar evropian që merret me procesin e dialogut Kosovë-Serbi.

Në çdo rast, BE-së vlerëson se Prishtina zyrtare do të vazhdojë të jetë e përkushtuar për dialog, pavarësisht se kush e zhvillon atë në emër të Kosovës.

“Nuk i takon BE-së të zgjedhë bashkëbiseduesit, por i takon palës kosovare të vendosë kush do të përfaqësojë më së miri interesat e tyre”, tha Virginie Battu-Henriksson, një zëdhënëse e BE.

BE-ja synon që së shpejti të organizojë një Samit në Paris, ku do të takohen delegacionet e Kosovës dhe Serbisë. Nikoqirë do të jenë presidenti i Francës, Emanuel Macron, dhe kancelarja gjermane, Angela Merkel.
Takimi ka të ngjarë të mbahet në 10 korrik. Kjo datë është caktuar para njoftimit për aktakuzën kundër presidentit të Kosovës.

Sipas zyrtarëve nga Berlini, rrethanat aktuale politike në Prishtinë nuk do të ndryshojnë agjendën e samitit, por ato sigurisht që do të ndikojnë në ndryshimet në listën e mysafirëve, që do të thotë se presidenti i Kosovës nuk do të ftohet në Paris.

Një zyrtar gjerman, u tha gazetarëve se ata shpresonin që BE-ja të forconte përpjepjet për të përparuar çështjen e dialogut dhe të arrijë një marrëveshje midis Serbisë dhe Kosovës.

Javën e kaluar, një prokuror i specializuar në Hagë tha se ka paraqitur aktakuzë kundër presidentit të Kosovës, nën dyshimin se është i përfshirë në krime lufte dhe krime kundër njerëzimit.

Thaçi vendosi të qëndrojë në pozitën e presidentit, duke thënë se ai do të jepte dorëheqje vetëm nëse konfirmohen pretendimet në aktakuzë, nga ana e gjykatësit të procedurës paraprake.

Kosovë, me 122 raste të reja shkon në 2.799 numri i të infektuarve me COVID-19

Prishtinë

Autoritetet shëndetësore në Kosovë kanë bërë të ditur se edhe 122 raste të reja janë diagnostikuar pozitiv me koronavirusin e ri (COVID-19) në vend, duke e çuar në 2.799 numrin e përgjithshëm të tyre, transmeton Anadolu Agency (AA).

Bazuar në të dhënat e fundit të Institutit Kombëtar të Shëndetësisë Publike në Kosovë (IKSHPK), nuk është regjistruar ndonjë rast i ri që ka përfunduar me vdekje nga ky virus, ndërsa 81 pacientë të ri janë shëruar duke çuar në 1.506 numrin e të shëruarve deri tani.

Rastet e reja pozitive janë nga komuna të ndryshme të Kosovës, nga të cilat me numër më të madh janë regjistruar në Komunën e Prishtinës.

Në 24 orët e fundit në Laboratorin e Mikrobiologjisë Molekulare në IKSHPK janë testuar gjithsej 231 mostra të dyshuara me COVID-19, ndërsa nga data 8 shkurt e këtij viti deri më tani janë testuar gjithsej 23.570 mostra.

Nga koronavirusi deri tani kanë vdekur 49 persona, të cilët sipas autoriteteve shëndetësore “kanë pasur edhe sëmundje tjera shoqëruese”.

Seferi: Çka po ndodh me shëndetësinë në Kosovë, çdo ditë së paku dy kosovarë më kontaktojnë për shërim në Beograd

Gazetari nga Kosova që punon në Beograd, Idro Seferi ka thënë se çdo ditë të paktën dy persona nga Kosova i telefonojnë për ndihmë shëndetësore, lokacione, ilaçe, konfirmime dhe kërkesa për spitale në Beograd.

Seferi në një postim në rrjetin social Facebook shkruan se nuk i vjen vështirë t’iu ndihmojë me aq sa mundet, por ai pyet se çfarë po ndodhë me sistemin shëndetësor në Kosovë?.

Lexoni të plotë postimin:

“Mire mëngjes Kosovë!Çdo ditë të paktën dy njerëz më marrin në telefon nga Kosova për ndihmë shëndetësore, lokacione, ilaçe, konfirmime dhe kërkesa për spitale në Beograd. Shumë tash kishin me thënë ma përpara vdes se sa shkoj atje. Shumë do të ankoheshin pse me marr teste Kosova, e shumë nuk e dinë që shumë spitale të Kosovës çojnë analiza në Beograd. Mua s’më vjen vështirë me i ndihmu me aq sa mundem edhe nuk po e shkruaj këtë për ata që më kanë marrë javët e fundit as si ankesë se pse me pyesin njerëzit, as që janë bë të tepërt se njerëzit kanë halle dhe sa here që mundem me ua ofru këtë ndihmë e bëjë pa pagese. Veç shtrohet pyetja pse këta njerëz vinë çdo ditë në Beograd dhe çka po ndodh me sistemin shëndetësorë? A shërohen njerëzit me fjale politike apo nëpër kafe e statuse në Facebook? A është tu punu dikush diçka e veç po rrini?!.

Haradinaj refuzon takimin me Ramën: Më ka paditur, nuk ka logjikë të takohem me të

Kryetari i Aleancës për Ardhmërinë e Kosovës, Ramush Haradinaj ka refuzuar takimin me kryeministrin Edi Rama, i cili ndodhet për një vizitë në Prishtinë.

Ka qenë vet Haradianaj që ka treguar se pse ka refuzuar takimin kokë më kokë me liderin shqiptar, ndërsa theksoi se nuk do të kishte logjikë që ata të takoheshin, në një kohë kur Rama e ka paditur në gjykatë.

“Është e pamundur me u takua i padituri me paditësin. Kjo s’ka kurrfarë logjike. Nuk ndihem mirë që si i paditur të takohem me askënd e as me zotin Edi Rama”, tha ai në Debat Plus.

Haradinja thotë se me Ramën tashmë ka një konflikt ligjor në aspektin paditës dhe i paditur.
“Nuk kam mundësi që në këtë rast të bëj lëshime”, deklaroi ndër të tjera Ramush Haradinaj. bw

Thaçi: Do të jap dorëheqje nëse konfirmohen akuzat

Presidenti i Kosovës, Hashim Thaçi, tha të hënën se do të japë dorëheqjen dhe do të përballet me akuzat nëse ato konfirmohen.

Ai i bëri këto komente në paraqitjen e parë publike që nga e mërkura kur zyra e Prokurorit të Posaçëm në Hagë, publikoi njoftimin se ka ngritur akuza ende të pakonfirmuara ndaj tij dhe kryetarit të Partisë Demokratike të Kosovës Kadri Veseli, si të dyshuar për krime kundër njerëzimit dhe krime lufte.

Në një fjalim drejtuar kombit, presidenti Thaçi tha se ” një gjë është e sigurt: nuk ka pasur, dhe nuk mund të ketë, as edhe një provë e vetme drejtuar Hashim Thaçit për shkelje të ndonjë ligji. Ligji i vetëm që kam shkelur është ai i (Sllobodan) Millosheviçit”.

Presidenti Thaçi tha se “Kosova po hyn në një kapitull të ri dhe në asnjë mënyrë të lehtë. Ky është një kapitull i ri edhe për mua, dhe në këto momente, nuk e di sa e vështirë do të jetë. Por unë jam i gatshëm ta shkruaj këtë kapitull me të vërtetën time para kujtdo”.

Publikimi i akuzave u bë në prag të takimit Kosovë-Serbi në Shtëpinë e Bardhë që planifikohej të mbahej më 27 qershor me ndërmjetësimin e ambasadorit Richard Grenell.

“Nuk e di a ishte rastësi apo ishte intrigë që –në mes të rrugës drejt Shtëpisë së Bardhë – doli njoftimi për një aktakuzë të pakonfirmuar. A thua ky do të jetë çmimi i fundit që duhet paguar për lirinë e Kosovës? Rrugën ma prenë. Por, nuk ma cenojnë besimin në vlerat që përfaqësojnë Shtetet e Bashkuara të Amerikës dhe Shtëpia e Bardhë për mua dhe për qytetarët e Kosovës”, tha presidenti Thaçi.

Ai tha se në praktikën e drejtësisë në botën e qytetëruar, lajmërimi publik i një aktakuze ende të pa miratuar nga trupi gjyqësor, është një skandal i madh dhe se “asnjë krim i supozuar apo edhe i kryer nga kushdo, nuk e justifikon linçimin publik. Asnjë qëllim i mirë dhe asnjë vullnet i madh për drejtësi, nuk e arsyeton fabrikimin e një bombe mediatike për të inkriminuar të parin e shtetit të Kosovës,pikërisht në momentin kur dialogu me Serbinë kishte hyrë në një fazë të re falë angazhimit të drejtpërdrejtë të Shtëpisë së Bardhë. Cilës drejtësi i intereson kjo ngutje e rrufeshme dhe kjo shkelje flagrante e rregullave të një procesi të drejtë e të pavarur gjyqësor? Kjo pyetje do të duhet shtjelluar në kohën e duhur dhe në vendin e duhur”, tha ai.

Presidenti Thaçi theksoi se ajo komunikatë “hodhi në erë dhe pamundësoi takimin shumë të rëndësishëm në Shtëpinë e Bardhë, duke i dhënë goditje të fortë mundësisë së arritjes së paqes Kosovë-Serbi”.

Prokuroria e Posaçme në njoftimin e së mërkurën tha se e gjykon të domosdoshëm nxjerrjen e këtij njoftimi publik për akuzat, për shkak të përpjekjeve të përsëritura të zotit Thaçi dhe Veseli për pengimin dhe sabotimin e punës së Gjykatës së Posaçme. Sipas kësaj gjykate, besohet se zoti Thaçi dhe zoti Veseli kanë ndërmarrë në fshehtësi një fushatë për shfuqizimin e ligjit që krijoi Gjykatën dhe ndryshe kanë penguar punën e Gjykatës në orvatje për t’iu shmangur drejtësisë.

Presidenti Thaçi në fjalimin e tij prej gati 19 minutash hodhi poshtë pretendimet e tilla, duke kujtuar se ishte vet ai që i kishte dhënë mbështetje themelimit të Gjykatës së Posaçme.

“Sot, kush thotë se qenkam bërë pengesë, madje edhe sabotues i kësaj gjykate, në rastin më të mirë është i keqinformuar dhe në rastin më të keq është tendencioz”, tha presidenti Thaçi duke nënvizuar ndërkaq se bashkësia ndërkombëtare nuk po zbaton standarde të njëjta mes Kosovës e Serbisë në trajtimin e krimeve të luftës.

“Fatkeqësisht, jo vetëm që nuk e shoh këtë standard e proporcionalitet, por shoh të kundërtën e tij. Dhe ja ku jemi sot. Serbia ecën në rrugën e negocimeve për anëtarësim evropian, ndërsa Kosova nuk gëzon të drejtën e lëvizjes së lirë!”, tha ai.

Presidenti Thaçi tha se Kosova duhet të sigurojë funksionimin e qëndrueshëm të institucioneve shtetërore, në çdo rrethanë, ndërsa paralajmëroi se “ditëve në vijim do të këshillohet me liderët politikë për hapat e mëtejmë.

“Ju siguroj edhe një herë, me drejtësinë nuk do të përballem nga kjo zyrë”, tha ai.

Publikimi i akuzave javën e kaluar nxiti reagime në shkallë të gjerë në Kosovë por edhe në Shqipëri.

Kryeministri shqiptar, Edi Rama, takoi të hënën udhëheqësit politikë të Kosovës, shkroi në rrjetin tëitter se po “qëndron në Prishtinë për të dëgjuar dhe mësuar më shumë pas fletë-rrufesë speciale që do të hyjë si njollë turpi e shekullit 21 në historinë botërore të drejtësisë,e cila praktikën e akuzës publike pa aktakuzë juridike e ka njohur veç në epokat e sundimeve ideologjike a para tyre!”

Publikimi i njoftimit për akuzat çoi në dështimin e planeve për rifillimin e bisedimeve ndërmjet Kosovës dhe Serbisë në Shtëpinë e Bardhë.

Kryeministri i Kosovës Avdullah Hoti, tha se pret që ambasadori Grenell të caktojë një datë të re të takimit në Shtëpinë e Bardhë.

Ndonëse analistët thanë se situata e re ka vënë në pikëpyetje rifillimin e bisedimeve, Bashkimi Evropian ndërkaq po ngulë këmbë se ato duhet të rifillojnë muajin që vjen. Presidenti francez Emmanuel Macron dhe kancelarja gjermane Angela Merkel, planifikojnë një takim të nivelit të lartë në Paris më 10 korrik.

Vëzhguesit thonë se zhvillimet e fundit pasqyrojnë mungesën e një bashkërendimi transatlantik rreth Kosovës dhe publikimi i akuzave ishte goditje ndaj nismës amerikane për rifillimin e bisedimeve.

Por, kryeministri Hoti, tha pas një vizitë që zhvilloi në Bruksel javën që lamë pas se “takimi në Washington, samiti i Parisit dhe bisedimet e ndërmjetësuara nga Bashkimi Evropian nuk janë të ndara”.

Zhvillimet e fundit kanë lënë prapa mjaft paqartësi dhe Kosovën në një nga situatat më sfiduese që nga shpallja e pavarësisë së saj. zëri i amerikës

Prodhuesit kosovarë heqin dorë nga tregu i Serbisë

Taulant Qenaj

Lëngjet e frutave që prodhon kompania kosovare Frutomania, kanë depërtuar edhe në tregun e Afrikës së Jugut dhe në shumë shtete të tjera, duke përfshirë edhe Lindjen e Mesme.

Mirëpo, në shtetin fqinj, Serbinë, kjo kompani nuk ka eksportuar asnjëherë, për shkak të barrierave të vazhdueshme që i kanë pasur.

Pronari i kësaj kompanie, Armend Malazogu, thotë për Radion Evropa e Lirë se kanë tentuar disa herë që të eksportojnë në Serbi, por kamionët e tyre janë kthyer mbrapsht.

“Njëra prej arsyeve dhe e vetmja dhe kryesorja, është që kodi i Republikës së Kosovës nuk është i regjistruar në kodin doganor të Serbisë dhe si i tillë Dogana e ka të pamundur që produktin e Kosovës ta zhdoganojë dhe të futet në tregun serb. Mos të flasim pastaj që certifikatat fito-sanitare të leshura nga institucionet e Kosovës nuk njihen nga ato serbe, kështu që na pamundëson eksportin në shtetin serb”, thotë Malazogu.

Kodi Doganor është dokument që përcakton rregullat doganore. Ky Kod bën rregullimin e elementeve bazë të sistemit për mbrojtjen doganore të ekonomisë së Republikës se Kosovës dhe të drejtat e obligimet e të gjithë pjesëmarrësve, në zbatimin e legjislacionit doganor.

Problem të ngjashëm ka pasur edhe veraria Bodrumi i Vjetër në Rahovec. Drejtori komercial i kësaj verarie, Fidan Haxhijaha, tregon për Radion Evropa e Lirë, se Bodrumi i Vjetër prodhon rreth 5 milionë litra verë në vit.

Tetëdhjetë për qind e këtij prodhimi eksportohet në vende të ndryshme, por jo edhe në Serbi.

“Çdo eksport që shkon për Serbi, nëse është i paketuar dhe shkruan Republika e Kosovës, atëherë është i pamundur të bëhet ai eksport, nuk e pranojnë. Për këtë arsye, ne jemi të detyruar që të eksportojmë kur kemi stoqe pak më tepër, por në sistemin refuz, jo të paketuar”, thotë Haxhijaha.

Problemet vazhdojnë edhe pas heqjes së të gjitha masave nga ana e Kosovës.

Me problemet që kanë prodhuesit kosovarë është e njoftuar edhe Aleanca Kosovare e Biznesit. Kryetari Agim Shahini, thotë për Radion Evropa e Lirë se barrierat që shteti i serb i vë prodhuesve kosovarë, janë të trashëguara me vite.

“Herë nuk e pranon certifikatën fito-sanitare, por edhe produktin që shkruan Made in Kosova. Këto janë vështirësi të vazhdueshme. Derisa në Kosovë vazhdojnë të hynë produktet e Serbisë pa ndonjë problem në tregun tonë”, thotë Shahini.

Qeveria e Kosovës, ka hequr të gjitha masat që kanë qenë të vendosura për mallrat serbe, në mënyrë që t’i hapet rrugë vazhdimit të dialogut ndërmjet Kosovës dhe Serbisë.

Një të tillë është kërkuar që ta bëjë edhe Serbia, që prodhuesit kosovarë të mund të eksportojnë në tregun serb. Megjithatë, bizneset e Kosovës vazhdojnë të përballen me pengesa të ndryshme.

Para vendosjes së tarifës doganore për mallrat me origjinë nga Serbia dhe Bosnje e Hercegovina, në nëntor të vitit 2018 të vendosur nga ish-kryeministri i Kosovës, Ramush Haradinaj, Serbia ishte eksportuesja më e madhe e produkteve në Kosovë.

Ky shtet brenda një viti eksportonte në Kosovë mallra në vlerë prej rreth 450 milionë eurosh.

Kosova i afrohet Suedisë për rritje infektimesh, Osmani kërkon që Qeveria të jetë e vëmendshme

Vendimi i institucioneve të vendit për hapje të plotë, ka rezultuar me një rritje të madhe të personave të infektuar me COVID-19 në Kosovë.

Në një tabelë të cilën e ka publikuar edhe kryetarja e Kuvendit, Vjosa Osmani, në të cilën jepen të dhënat e infektimeve nga data 12 deri më 26 qershor, Kosova renditet në vendin e tretë pas Suedisë dhe Maqedonisë për numrin e të infektuarve për 100 mijë banorë.

Osmani thotë se shifra të tilla tregojnë se Kosova nga një storie e mposhtjes së virusit tashmë renditet në top treshe për shtimin e rasteve të infektimeve me COVID.

“Rritja e konsiderueshme, kërkon vëmendjen urgjente të Qeverisë dhe përkushtimin e të gjithëve në respektimin e udhëzimeve”, ka shkruar Osmani në llogarinë e saj në tëitter, raporton Express.

Lidhur me shtimin e rasteve sot ka folur edhe kryetari i Qeverisë, Avdullah Hoti. Ai ka thënë se Qeveria do të detyrohet që të kthejë vendin në izolim të plotë në rast se vazhdon shtimi i rasteve në mënyrë rapide./GazetaExpress/

Ja përgjigjet që morën pyetjet e mia për Gjykatën Speciale në Hagë – Nga XHAFER LECI

Pyetjeve të mia në lidhje me Gjykaten Speciale të Kosovës në Hagë iu përgjigjen:
Nënkryetar i Parlamentit Evropian z. Rainer Wieland dhe, Zëvendës Shef i Misionit EULEX-it në Kosovë z. Bernd Thran.
Xhafer Leci :Z. Rainer Wieland, Nënkryetar i Parlamentit Evropian
• A ishte urgjente që Gjykata Speciale të krijohej për Kosovën? Kjo ishte padyshim iniciativa e shtetit serb, e cila u realizua nëpërmjet veprimeve të Dick Marty.
• A është kjo gjykatë e veçantë vetëm për shqiptarët apo edhe për serbët?
Nëse kjo është vetëm për shqiptarët, a mund të flitet për drejtësi selektive!
Wieland: Është e vërtetë se Gjykata Speciale u themelue me iniciativen e Dick Marty-it, kundër disa individëve në Kosovë, të cilët konsiderohen si vrasës, kriminelë. Këta kriminelë drejtësia në Kosovë nuk arriti ti burgosë-denojë, sepse pushetarët në Kosovë kanë ndikim të madh në drejtësi! Edhe Parlamenti i Kosovës e ka votuar Specialen. Gjykatës e prokurorë të Speciales janë shqiptarë. Nuk ka të bëjë asgjë me drejtësi selektive.
Z.Wieland foli pak edhe për njohjen e pavarësisë së Sllovenisë, që neve ta kuptojmë se Gjermania ka edhe problemet e veta. Austria dhe Italia donin ta njihnin Slloveninë, ndërsa Gjermania jo! Unë, tha ai, me disa politikanë të tjerë shkuam në Bonn tek Kancelari Dr. Helumt Kohl, që ta bindim se Ai duhet ta njoh Slloveninë. Kohl u përgjigj: “Unë jam historian, e dini ju që në vitin 1939, Austria dhe Italia ishin aleate të Gjermanisë. Unë do bisedoj me Francën dhe Anglinë, që bashkarisht me vendet tjera evropiane ta njohim Slloveninë”. Dhe ashtu kishte ndodhur.
Xhafer Leci: z. Bernd Thran, Zëvendës Shef i Misionit EULEX-it në Kosovë
• Pse UNMIK-u dhe Misioni EULEXit nuk kanë mundur të sjellin drejtuesit e krimit të organizuar para drejtësisë?
• Pse nuk mund të zbulohen-shpjegohen vrasjet politike të pasluftës të njerëzve të pafajshëm? Për shembull, u vranë disa dëshmitarë të mbrojtur. Pse nuk u mbrojtën këta dëshmitarë të mbrojtur?
Thran: Kosova është një vend i vogël, të gjithë e njohin njëri-tjetrin, prandaj as dëshmitarët e mbrojtur nuk janë të panjohur. E dimë se ka pasur dëshmitarë të mbrojtur të vrarë, por jo më në 8 (tetë) vite, nga kur ne, EULEX-i, kemi filluar emisionin tonë në Kosovë. Ne e dimë se ka vrasës dhe kriminelë, por frika është e madhe, dëshmitarët janë të kërcënuar, i ndryshojnë fjalët ose nuk paraqitën fare para drejtësisë. Kjo është arsyeja që ne, në mungesë të dëshmive, nuk mund i dënojmë kriminilët.
Stuttgart,27.4.2018
P.S. Në Stuttgart u mbajtë kjo Konferencë me temën:
Kosova – vend i panjohur (Kosovo – terra incognita)
10 vjet Pavarësi – vështrime dhe pikëpamje
(10 Jahre Unabhängigkeit – Einblicke und Ausblicke)

Organizuar nga Shoqata „Pavarësia“ në Stuttgart, Kryetar i saj z.

Xhevdet Syla

,në bashkëpunim me Shoqata Gjermane dhe Konsullaten e Kosovës në Stuttgart…

Vjosa Osmani i shkruan LDK-së, kërkon t’i shohë votat me të cilat u shkarkua

Kryetarja e Kuvendit, Vjosa Osmani u ka dërguar letër kryesisë së LDK’së pas votimit të Këshillit të Përgjithshëm të kësaj partie për shkarkimin e saj nga pozita e nënkryetares dhe anëtares së kryesisë.

Në këtë letër, kryekuvendarja Osmani ka kërkuar nga anëtarët e kryesisë që t’ia dërgojnë dokumentacionin dhe rezultatin e shkarkimit të saj, raporton Gazeta Express.

Tutje, Osmani ka kërkuar që t’i vihet në dispozicion lista e plotë e anëtarëve të KP’së pasi që e njëjta sipas saj nuk është publikuar askund.

Marrëveshjet e pazbatuara për transportin ajror, hekurudhor e rrugor Kosovë- Serbi

Arton Konushevci

Marrëveshjet për linjën ajrore, atë hekurudhore dhe për autostrada ndërmjet Prishtinës dhe Beogradit, ende nuk kanë nis së zbatuari.

Delegacionet nga Kosova dhe Serbia, këto marrëveshje apo letra të qëllimit i kanë nënshkruar ne fillim të këtij viti në Gjermani, me ndërmjetësimin e të dërguarit të posaçëm të presidentit amerikan për dialogun Kosovë-Serbi, Richard Grenell.

Ky pajtim mes Kosovë dhe Serbisë është arritur në kohën kur dialogu i lehtësuar nga Bashkimi Evropian ishte pezulluar për shkak të vendimit të Qeverisë së Kosovës për vendosjen e taksës doganore 100 për qind për produktet më origjinë nga Serbia.

Zyrtarë në Ministrinë e Infrastrukturës, të cilët sapo kanë marrë udhëheqjen e ministrisë, nuk kanë dashur të flasin për këtë çështje, por shkurtimisht thanë se që nga nënshkrimi i marrëveshjes gjërat nuk kanë lëvizur sa i takon zbatimit të tyre.

Kurse zyrtarë që kanë nënshkruar letrat e interesit për transportin hekurudhor dhe atë rrugor, nuk kanë pranuar të flasin, duke thënë se për këtë çështje mund të përgjigjet ministri. Por as ministri i Infrastrukturës, Arban Abrashi, nuk ka qenë i qasshëm në telefonin e tij.

Linja ajrore Prishtinë – Beograd

Në linjën ajrore Prishtinë – Beograd dhe anasjelltas, sipas kësaj letre të interesit do të operojë kompania gjermane, Eurowings e grupit Lufthansa. Në atë kohë kjo marrëveshje është nënshkruar nga ish-drejtori i Autoritetit të Aviacionit Civil të Republikës së Kosovës, Eset Berisha.

Në përgjigjen nga Autoriteti i Aviacionit Civil, (AAC) për Radion Evropa e Lirë, më 28 maj, është thënë se “është vështirë të thuhet kur mund të jetësohet zbatimi i Letrës së nënshkruar, pasi që varet nga zhvillimi i diskutimeve në takimet për Normalizim të Aviacionit të Ballkanit (BANM).

Këto takime udhëhiqen nga NATO, në të cilën merr pjesë edhe AAC-ja.

Po ashtu në përgjigje, thuhet se edhe situata e krijuar nga pandemia COVID-19, mund të ndikojë në mbarëvajtjen e takimeve të planifikuara.

Në ndërkohë shefi i Zyrës për marrëdhënie me media në Eurowings, Florian Gränzdörffer, ka thënë se kompania në parim ka rënë dakord që të operojë në linjën Prishtinë – Beogradit. Por sipas tij, një seri e tërë pyetjesh tregtare, organizative dhe juridike janë ende të hapura, të cilat duhet të koordinohen dhe sqarohen në hapat e ardhshëm. Për planet konkrete siç janë orari, data e fillimit të fluturimeve, ai nuk ka dhënë përgjigje.

Linja e transportit hekurudhor dhe rrugor

Përveç linjës ajrore Prishtinë-Beograd, në takime të ndara në Gjermani janë nënshkruar edhe marrëveshje për transportin hekurudhor dhe atë rrugor.

Sa i përket transportit rrugor autoritetet kompetente në Prishtinë, vite më parë, kanë pohuar se e kanë të përgatitur projektin për autostradën Prishtinë – Merdare – Nish, projekt ky që mund të vazhdohet në kuadër autostradës që aktualisht lidhë Kosovën me Shqipërinë. Kurse, në të ardhmen ajo mund t’i lidhë të tri vendet.

Kurse, transporti hekurudhor në Kosovë paraqitet si një prej sistemeve më të dobëta në rajon.

Pavarësisht kësaj, Kosova vazhdon të mos e administrojë linjën hekurudhore në veri të Mitrovicës e cila është nën kontrollin e Serbisë. Zyrtarë të Hekurudhave të Kosovës, më herët kanë thënë për Radion Evropa e Lirë, se linja hekurudhore Kosovë-Serbi përmes Mitrovicës së Veriut mund të hyjë në funksion shumë shpejtë, kurse për linjën tjetër që vjen nga Podujeva, nevojitet kohë.

Kosova dhe Serbia kanë treguar gatishmëri për nënshkrim, por jo për zbatim

Analisti për çështje politike, Blerim Vela, tha se nënshkrimi i letrave të interesit, nga të dyja shtetet më shumë ka qenë shenjë që t’i ofrojnë ambasadorit Grenell fitore të shpejta në punën e ndërmjetësuesit.

Ai tha se letrat e interesit janë nënshkruar nga qeveria në largim e Ramush Haradinaj, kurse qeveria pasuese e Albin Kurtit nuk ka ndërmarrë asnjë hap në drejtim të sqarimit të këtyre marrëveshjeve apo edhe të zbatimit të tyre.

“Natyrisht që kjo ka qenë një shenjë prej të dyja palëve që të pranojnë që t’i afrojnë ambasadorit Grenell disa fitore të shpejta në punën e tij të re që ka për të ndërmjetësuar mes dy palëve. Ndërsa në esencë, të dy palët e vazhdojnë qasjen e njëjtë, që pak a shumë është se ato negociojnë për arritjen e marrëveshjes dhe pastaj fillojnë në ciklin e ri të negociatave për zbatimin e të njëjtave marrëveshjeve”, tha Vela.

Partia politike, Lëvizja Vetëvendosje e cila erdhi në qeverisje pas nënshkrimit të këtyre shprehjeve të interesit, thotë se këto dokumente, në formatin dhe përmbajtën që kanë nuk janë dhe nuk mund të cilësohen si marrëveshje prej nga derivojnë obligime juridike dhe në të bazë të së cilave do të mund të fillonte zbatimi.

Ish-zëdhënësi i qeverisë Kurti, Përparim Kryeziu aktualisht zëdhënës në Vetëvendosje, e konsideron shqetësues faktin e mbajtjes në fshehtësi të këtyre dokumenteve nga zyrtarët shtetërore të cilët kishin nënshkruar ato.

“Fakti qe këto dokumente na janë prezantuar me kaq shumë vonesë, dhe vetëm pas insistimit tonë, dhe fakti që të njëjtat nuk janë marrëveshje për nga karakteri juridik i tyre, lë të nënkuptohet që qëllimi i këtyre dokumenteve ishte vetëm nënshkrimi si i tillë. Ato janë nënshkruar si shprehje e interesit dhe kanë mbetur në atë pikë”, tha Kryeziu.

Ndryshe, ishte paraparë që zyrtarë të Kosovës dhe ata të Serbisë të takohen në Uashington, me 27 qershor për vazhdimin e dialogut politik. Takimi është anuluar pasi që Zyra e Prokurorit të Specializuar, me seli në Hagë, ngriti aktakuzë ndaj Presidentit të Kosovës Hashim Thaçi dhe kryetarit të Partisë Demokratike të Kosovës, Kadri Veseli.

Edhe kryeministri i Kosovës, Avdullah Hoti ka njoftuar se nuk do të marrë pjesë në takimin e Uashingtonit.

EULEX-i vazhdon punën në Kosovë, jashtë mandatit

Arton Konushevci

Misioni i Bashkimit Evropian për Sundim të Ligjit – EULEX, dëshiron të vazhdojë punën në Kosovë. Megjithatë, që nga 14 qershori këtij misionit i ka skaduar mandati për të vepruar në Kosovë, sipas një vendimi të Këshillit Evropian të vitit 2018.

Në ndërkohë, presidenca e Kosovës nuk sheh asnjë arsye që EULEX-it t’i vazhdohet mandati.

Misioni i EULEX-it u themelua në vitin 2008 për t’ju asistuar autoriteteve të Kosovës, në ngritjen e institucioneve të qëndrueshme dhe të pavarura të sundimit të ligjit.

Tani, ky mision monitoron rastet dhe proceset gjyqësore të caktuara në sistemin e drejtësisë të Kosovës, dhe ka kapacitete të kufizuara, si reagues i dytë në fushën e sigurisë.

EULEX gjithashtu ndihmon Dhomat e Specializuara dhe Zyrën e Prokurorit të Specializuar me mbështetje logjistike dhe operacionale, në përputhje me legjislacionin e Kosovës.

Misioni gjithashtu vazhdon të menaxhojë programin e vet për mbrojtjen e dëshmitarëve.

Zyrtarët e Misionit të Bashkimit Evropian në Kosovë, thanë për Radion Evropa e Lirë se janë të interesuar për vazhdimin e punës me Qeverinë e Kosovës.

“Ne dëshirojmë të vazhdojmë të punojmë me qeverinë e Kosovës për të çuar përpara agjendën tonë të përbashkët në forcimin e institucioneve të Kosovës për sundimin e ligjit”, thuhet pos tjerash, në një përgjigjen me shkrim nga zyra për media e EULEX-it.

Po ashtu, edhe zëdhënësi i Bashkimit Evropian për çështje të politikës së jashtme dhe sigurisë, Peter Stano, tha se prania dhe operacionet e EULEX-it në Kosovë vazhdojnë të jenë të mbuluara me të drejtën ndërkombëtare dhe ligjet e Kosovës.

Stano u përgjigj kështu të premten në pyetjen se cila është baza ligjore për praninë e EULEX-it pasi i ka skaduar mandati dhe presidenti i Kosovës, Hashim Thaçi, nuk i ka nënshkruar shkëmbimet e letrave mes Kosovës dhe BE-së, për ta vazhduar këtë mandat.

Stano, gjithashtu tha se BE-ja dëshiron që ky mision të vazhdoj punën në Kosovë.

“Kemi pasur partneritet që nga viti 2008. Është në interes të Kosovës, por edhe të Bashkimit Evropian dhe shteteve anëtare. Është me rëndësi të vazhdoj mbështetja jonë dhe asistenca, përfshirë edhe me EULEX-in, për sundimin e ligjit në Kosovë”, tha zëdhënësi i BE-së.

Presidenca: Presione të mëdha për vazhdimin e mandatit

Nga Presidenca e Kosovës thonë se institucionet e Kosovës që një kohë të gjatë janë në gjendje t’i marrin mbi vete të gjitha kompetencat që i ka mbajtur EULEX-i.

“Ka pasur presion të madh me javë të tëra, që të vazhdohet mandati ekzistues i EUELX-it. Por, presidenti Thaçi e ka bërë të ditur në çdo takim se mandati i EULEX-it ishte vazhduar në vitin 2018, dhe kjo ka qenë hera e fundit që është zgjatur mandati i këtij misioni”, thuhet në përgjigjen me shkrim nga presidenca.

Në përgjigje thuhet po ashtu, se tani është koha që të gjitha kompetencat e EULEX-it të kalojnë te institucionet vendore.

“EULEX-i, tanimë nuk ka mandat për të qëndruar në Kosovë”, thotë presidenca.

Në bazë të praktikës së vendosur tashmë qysh në kohën e presidentes Atifete Jahjaga, vazhdimi i mandatit të EULEX-it është i mundur vetëm përmes një letërkëmbimi në mes BE-së dhe presidentit të Kosovës, pa pasur nevojë për një vendim të ri nga Kuvendi i Kosovës.

Betim Musliu, nga Instituti i Kosovës për Drejtësi, ka thënë me herët për Radion Evropa e Lirë se në fushën e sundimit të ligjit apo sistemin e drejtësisë, duhet të ketë ende prani të pjesëtarëve të EULEX-it, por vetëm në kapacitetet e monitorimit. Ai gjithashtu pret që mandati i EULEX-it të jetë i varur edhe nga mandati apo kohëzgjatja e punës së Gjykatës Speciale për krime lufte.

Shefi i EULEX-it i emëron gjyqtarët e Speciales

Sipas ligjit për Dhoma e Specializuara dhe Zyrës se Prokurorit, kreu i EULEX-it i bën emërimin e gjyqtarëve të Dhomave të Specializuara në Regjistrin e Gjyqtarëve Ndërkombëtarë, pas vlerësimeve dhe rekomandimeve të panelit përzgjedhës të përbëre nga tre anëtarë ndërkombëtarë.

Më 2018, Këshilli Evropian vendosi që mandati i rishikuar i EULEX-it të zgjasë deri më 14 qershor 2020. KE gjithashtu caktoi një buxhet të kombinuar për operacionet e misionit në Kosovë dhe për Dhomat e specializuara dhe zyrën e prokurorit të specializuar prej 169.8 milion EUR për dy vjet (15 qershor 2018 – 14 Qershor 2020).

Shko Hashim – Nga ALBIN KURTI

Ndonëse dje kryetari i VV-së, Albin Kurti e komentoi shkurt aktakuzën e Gjykatës Speciale kundër presidentit Thaçi kryetarit të PDK-së, një vit më parë, Kurti publikisht i kishte bërë thirrje presidentit Thaçi që të shkoj në Hagë, madje edhe titullin e shkrimit e kishte “Shko Hashim”.

Kurti në postimin e tij të vitit të kaluar e kishte kritikuar ashpër presidentin Thaçi, pasi sipas Kurtit, ai e mohoi UÇK-në kur erdhi koha që të mbajë përgjegjësi.

“Prandaj, ka ardhur momenti që ti të shkosh, atje ku po të thërrasin, në kurthin që vetë ia ngrite ushtrisë çlirimtare, duke ua përdredhur duart deputetëve të partisë tënde e duke na shkelur të gjithëve më 3 gusht 2015. Shko Hashim”, kishte shkruar Kurti, përcjellë “Bota sot”.

Ai i kishte bërë thirrje Thaçit që të shkojë në Hagë e t’iu dalë zot ushtarëve të UÇK-së të cilët në atë kohë thirreshin pothuajse çdo ditë për intervistim nga Gjykata Speciale.

“Prokuroria e gjykatës speciale i është sulur komandantëve të zonave, brigadave, batalioneve dhe të njësive tjera. Mos e lejo këtë. Dilju zot atyre. Mbroji ata. Mbroje UÇK-në. Sepse nuk është korrekte të marrësh meritat 20 vjet e përgjegjësinë asnjë ditë. Sa herë të është dashur të mburresh para shqiptarëve në mediat e Prishtinës dhe Tiranës, je shfaqur si luftëtar i shquar i UÇK-së. E kur të është dashur të flasësh për media ndërkombëtare, ke thënë se ke qenë larg linjave të frontit e fushëbetejave të luftës. Si mund të të durojmë tash kur luftëtarët e vërtetë po i thërret prokuroria që e solle ti? Prandaj shko vetë. Shko Hashim”, kishte shkruar tutje Kurti.

Shkrimi i plotë i Kurtit, në vitin e kaluar:

Shko Hashim

Arritjet dhe sukseset që Kosova i ka pasur falë sakrificave të popullit tonë e të UÇK-së, por edhe falë ndihmës së miqve ndërkombëtarë, u përpoqe t’ia përshkruash vetvetes. Por, kur erdhi puna për të mbajtur përgjegjësi, e mohove UÇK-në, e le në baltë popullin, dhe i tradhtove ata që e mbështetën tradicionalisht Kosovën në arenën ndërkombëtare. Prandaj, ka ardhur momenti që ti të shkosh, atje ku po të thërrasin, në kurthin që vetë ia ngrite ushtrisë çlirimtare, duke ua përdredhur duart deputetëve të partisë tënde e duke na shkelur të gjithëve më 3 gusht 2015. Shko Hashim.

Kosova nuk është dashur të ketë gjykatë speciale me paracaktim etnik, por gjykata normale dhe zbatim të ligjit. Tash, edhe nuk kemi gjykata normale e zbatim të ligjit, si në shtetet demokratike, por edhe na është sipërvendosur gjykata speciale si asnjë shteti tjetër. Për të dyja këto je ti që mban përgjegjësi. Për ato normalet që s’i kemi dhe për këtë anormalen që na e solle. Prandaj, shko Hashim.

Burgu nuk është tragjedi dhe fatal. Sidomos ky i Hagës. Besoj që Ramushi, Fatmiri e Batoni të kanë treguar: aty ka televizor, ushqim të mirë tre herë në ditë, salla për rekreacion dhe libra të panumërt në bibliotekë të pasur. Nuk të ndodh asgjë e keqe atje, përveç faktit që do të kesh kohë të përballesh me ndërgjegjen tënde, të cilën kushedi sa vite ka që nuk e takon më. Shko Hashim.

Prokuroria e gjykatës speciale i është sulur komandantëve të zonave, brigadave, batalioneve dhe të njësive tjera. Mos e lejo këtë. Dilju zot atyre. Mbroji ata. Mbroje UÇK-në. Sepse nuk është korrekte të marrësh meritat 20 vjet e përgjegjësinë asnjë ditë. Sa herë të është dashur të mburresh para shqiptarëve në mediat e Prishtinës dhe Tiranës, je shfaqur si luftëtar i shquar i UÇK-së. E kur të është dashur të flasësh për media ndërkombëtare, ke thënë se ke qenë larg linjave të frontit e fushëbetejave të luftës. Si mund të të durojmë tash kur luftëtarët e vërtetë po i thërret prokuroria që e solle ti? Prandaj shko vetë. Shko Hashim.

Mos e fut Kosovën në gjeostrategjitë e Rusisë e taktikat e Serbisë. As mos e mendo ta japësh veriun si kapar apo të na bosnjëzosh me ‘Zajednicë’ për ta shpëtuar veten. Kosova, shtetësia dhe territori i saj, duhen mbrojtur nga pazaret e jo të shtyhen drejt tyre. Mos ia rëndo punën vetes duke e hedhur Kosovën në pazar e duke joshur Serbinë dhe Rusinë. Mos ia rëndo punën Kosovës duke u vendosur kundër Gjermanisë e Britanisë, por edhe kundër qëndrimeve afatgjata të administratës amerikane e të NATO-s. Nuk është gjeopolitika bastore. Shko Hashim.

Kosova nuk mbrohet po i hoqe sadopak veriun. Ushtarakët e dinë më së miri se si rrezikohet Kosova po u ngjit ushtria e Serbisë në majën e Pançiqit në Leposaviq. Mos u bëj si Neville Chamberlaine në Marrëveshjen e Mynihut para tetë dekadash, kur për paqe e pajtim ia dha Hitlerit një pjesë të madhe të Çekosllovakisë, që nazistët e quajtën “Sudettenland”. Historia na mëson se kush bën pazar me fashistët e shovinistët, fatin e ka të përbashkët me ta. Gjithnjë fashistët e shovinistët mbërrijnë të duken të fortë e të patejkalueshëm, por vetëm për një periudhë të shkurtër, sepse njerëzimi nuk mund t’i durojë gjatë. Prandaj, mos na fut në pazar me ta. Më mirë shko Hashim. Shko në Hagë.

Ne besojmë që ti nuk je fajtor për luftë, ashtu si çdo person i angazhuar për çlirim, qoftë në front, e qoftë larg frontit si puna jote. Por ne besojmë se ti je fajtor për shumëçka të keqe që na erdhi në paqe, në dy dekadat e fundit. Mos e lër popullin të vuajë, mos e lër Kosovën të paguajë për mëkatet e tua. Shko Hashim.

Mos e mbyt shoqërinë civile dhe mediet duke privilegjuar atë që na e la Stanishiqi trashëgim te dera, e i cili po rekruton e po promovon brezin e ardhshëm të bashkëpunëtorëve të rinj. Mjaft me mbështetjen dhe avancimin e servilëve dhe mediokërve, të argatëve e shërbëtorëve të një mijë zotërinjve. Mjaft me përkrahjen e tregtarëve të flamujve. Shko Hashim.

Po pra, shko Hashim. Në Hagë thuaje fjalën tënde me argumente e fakte, në mbrojtje të luftës çlirimtare, të UÇK-së, të shqiptarëve e të historisë sonë. Të takon. Je historiani që ishe në luftë. Bëhu presidenti që hyn në histori. Shko Hashim.

Sepse, si po e mendon këtë punë Hashim? Dhjetëra luftëtarë e pjesëtarë të UÇK-së, Sylejman Selimi, Sami Lushtaku, Rrustem Mustafa e deri te Sokol Dobruna, Kadri Veseli e Xhavit Haliti të shkojnë në Hagë, kurse ti në Prishtinë të jesh president me Baton Haxhiun?! Shko ti në vend të të gjithë atyre Hashim. Shko në Hagë. Për ata. Për vete. Shko. Mos e malltreto popullin dhe shtetin, shokët dhe vetveten. Shko ti.

Njeriu i afërt me Azem Sylën dhe bashkëpartiaku i Haradinajt dërgohet në Hagë

Liridon Zogjani përmes një njoftimi në profilin e tij në “Facebook”, ka treguar se babai i tij Adem Zogjani në orën 7 e 30 të mëngjesit të sotëm është ftuar nga misioni i EULEX-it në Kosovë dhe nga aty është dërguar për në Hagë.

Ai thotë se për një gjë të tillë s’është vënë në dijeni as babai i tij e as familja, raporton Express.

“Sot ne ora 07:30 te mëngjesit , Babi është ftuar nga misioni Eulex dhe nga aty është dërguar për ne Hage , pa e ditur dhe pa e kuptuar as ai dhe as familja”, ka shkruar Liridon Zogjani.

Zogjani ka thënë se babai i tij nga Prokuroria Speciale është ftuar shkaku i veprimtarisë në periudhën e luftës.

“Nga Prokuroria speciale është ftuar për periudhën e luftës”, ka shtuar tutje.

Ai tutje ka thënë se babai i tij ka qenë përkrahës i celulave të para të UÇK’së bashkë me vëllain e tij Hysen Zogjanin.

Adem Zogjani ka qenë pjesë e Partisë Demokratike të Kosovës dhe kandidat i kësaj partie për kryetar të Fushë Kosovës.

Megjithatë Zogjani në vitin 2019 kishte vendosur që të largohej nga partia që drejtonte Kadri Veseli dhe i ishte bashkuar partisë së Ramush Haradinajt.

Hoti: I kërkova Grenellit ta shtyjë takimin për një datë tjetër

Kryeministri Avdullah Hoti ka thënë se dialogu nuk ndalet dhe se nuk ka alternativë. Shton se i ka kërkuar ambasadorit Grenell që takimin që planifikohej të mbahej në Shtëpinë e Bardhë, të shtyhet për një datë tjetër.

Ai në një deklaratë për media, pas takimit me David McAllister, kryesues i Komitetit për Punë të Jashtme në Parlamentin Evropian, tha se ka kërkuar nga ambasadori Richard Grenell që të shtyjë takimin e 27 qershorit në Ëashnigton, Kosovë – Serbi.

“Dialogu nuk ka alternativë. Ne tani kemi autoritetin e nevojshëm institucional si shtet për të tejkaluar çdo situatë me të cilën përballemi. Unë në konsultim me ambasadorin Grenell kam kërkuar që ta shtyjmë këtë takim për një ditë tjetër për shkak të zhvillimeve që kanë ndodhur. Çështjet që lidhen me drejtësinë, siç ishte vendimi i djeshëm, unë besoj që nuk duhet të diskutohen por të respektohen. Unë besoj së tanimë si Kosovë kemi maturi insitucionale për t’i tejkaluar këto çështje”, tha Hoti.

Hoti sot njoftoi se prej Brukselit do të kthehet në Prishtinë dhe nuk do të udhëtojë pa presidentin Hashim Thaçin në Uashington.

Ndërkaq Thaçi dje, pas lajmit se për të Prokuroria e Hagës ka dorëzuar aktakuzë për krime lufte, e anuloi vizitën e tij në Shtëpinë e Bardhë, ku do të takohej me delegacionin serb me ndërmjetësim të SHBA’së. /Express/

Vjosa Osmani takon ambasadorët e vendeve të Quint-it

Kryetarja e Kuvendit të Kosovës Vjosa Osmani, ka zhvilluar të enjten një takim me ambasadorët e vendeve të Quint-it.

Vendet e Quint-it përfshijnë: Shtetet e Bashkuara, Britaninë e Madhe, Francën, Gjermaninë dhe Italinë.

Me anë të një postimi në rrjetin social, Twitter, Osmani ka thënë se me ambasadorët e këtyre shteteve ka diskutuar për zhvillimet e fundit politike.

“Kisha një takim produktiv me ambasadorët Quint-it për të diskutuar zhvillimet më të fundit politike. I falënderova të gjithë për mbështetjen e vazhdueshme të vendit tonë dhe të gjitha institucioneve tona”, ka deklaruar Osmani.

Takimi i saj me ambsadorët e këtyre vendeve vjen pas njoftimit të kryeministrit të Kosovës, Avdullah Hoti për anulim të takimit, të planifikuar më 27 qershor në Shtëpinë e Bardhë.

Në këtë takim, të ndërmjetësuar nga i dërguari i Shtëpisë së Bardhë për dialogun Kosovë-Serbi, Richard Grenell, ishte planifikuar rinisja e dialogut mes këtyre dy vendeve.

Një ditë më parë, edhe presidenti i Kosovës, Hashim Thaçi ka ndërprerë udhëtimin e tij në Uashington, pasi Zyra e Prokurorit të Specializuar, me seli në Hagë, e ka njoftuar publikun të mërkurën se më 24 prill ka paraqitur në Dhomat e Specializuara një aktakuzë për shqyrtim, e cila e ngarkon presidentin e Kosovës, Thaçi, ish-kryetarin e Kuvendit, Kadri Veseli, dhe të tjerë me krime kundër njerëzimit dhe krime lufte. rel

Jusuf Buxhovi: Dëmi që PDK-ja, LDK-ja dhe AAK-ja ia kanë bërë Kosovës është shumë i madh

Buxhovi: LDK-së i duhen reforma, Osmani duhet të qëndrojë

Jusuf Buxhovi në emisionin Desku në KTV ka thënë se LDK-së i duhen reforma, derisa ka theksuar se Vjosa Osmani duhet të mbetet pjesë e saj.“LDK-ja i ka dy pamje, atë historike nga 1989-1999. Ka bërë një punë historike, e Rugova mbetet në histori pikërisht për shkak të rolit të tij. Faktori ndërkombëtar e ka detyruar të hyjë në bashkëqeverisje. Dhe LDK-ja nuk e ka pas kryeministrin as në zgjedhjet e para e të dyta”, ka thënë Buxhovi, historian dhe shkrimtar.Buxhovi ka thënë se Rugova ka qenë një njeri i kompromiseve, dhe se ai e ka ditur raportin e forcave.

Ai thekson se Rugova nuk ka lejuar që Thaçi të bëhet kryeministër.

“Ai e ka ditur se çfarë do të thotë për amerikanët të kenë dy faktorët në një binar. Dhe ai ka qenë i detyruar ta pranojë kryeministrit prej krahut të luftës dhe aty ka qenë ajo formulë. Të vetmen gjë që e ka bërë Rugova në ato rrethana që nuk ka lejuar që Thaçi të bëhet kryeministër. Ka qenë ky pozicioni i tij ndaj Thaçit sepse ai ka pasur njëfarë konkurrence e mosbesimit ndaj Thaçit, nga Rambujea. Ai e ka konsideruar Thaçin dhe Shtab Politik e ka konsideruar si një krah ideologjik të lidhur me konjektura të ndryshme të Shqipërisë. Nuk e ka lejuar Thaçin të bëhet kryeministër dhe ka ardhur deri te kompromisi i Bajram Rexhepit”, ka thënë Buxhovi.

Sipas tij LDK-ja e sotme nuk është në linjë të njëjtë me atë të Rugovës.

“Rugova ka vdekur, por LDK-ja që mbeti pas tij nuk ishte më në konstalacion të asaj linje. Ka mbetur kauza e hapur dhe pse e them këtë është se nuk ka përfunduar procesi i demokracisë. Nuk ka përfunduar, shteti i Kosovës nuk është përmbyllë. Kauza e LDK-së për liri, barazi e shtet perëndimor është shkëput me vdekjen e Rugovës. Sot kauza e LDK-së është një kauzë e grupeve të caktuara feude për me e mbajt pushtetin”, ka thënë Buxhovi.

Madje ai thotë se LDK-ja i është nënshtruar disa konjukturave të Thaçit.

“Unë jam kritik ndaj LDK-së dhe duhet të jem. Jam anëtar i LDK-së dhe votues i saj. Partitë politike nga 2006-2008 e tutje janë pjesë e feudeve të caktuara për interesa të caktuara politike. LDK-ja për fat të keq është pjesë e tyre, bile iu ka nënshtruar disa konjukturave të Thaçit dhe të PDK-së. Ka hyrë në disa marrëveshje me ta që vazhdimisht e ka humbur kredibilitetin e vet dhe i ka krijuar probleme Kosovës”, ka thënë Boxhovi.

Buxhovi gjithashtu ka komentuar edhe situatën e Vjosa Osmanit brenda partisë, dhe përjashtimin e saj nga kryesia dhe pozita e nënkryetares.

“Çështja e Vjosës është më komplekse. Ajo është gjetë në një trekëndësh nga viti 2014 e tutje ndërmjet Sejdiut, Thaçit dhe Mustafës. Aty është zhvilluar një luftë për pushtet dhe në atë trekëndësh është sjellë edhe Vjosa Osmani. Kjo që ka ndodhë nuk duhet të ndodhë në tjerat. Jeta partiake ka rregullat e veta”, ka thënë ai.

Sipas tij kur nuk pajtohesh me partinë janë vetëm dy rrugë.

“Vet fakti se hynë në një parti politike ti je i kufizuar. Po të isha unë do të merresha me politikë, sepse kam dashur të ruaj integritetin intelektual. Si të jesh në parti ajo ka rregullat e vet. Derisa të merret vendimi ti mund të jesh kundër saj. Por, kur të merret vendimi ka vetëm dy rrugë: ose duhet ta pranosh atë ose duhet të largohesh, nuk ka tjetër”, ka thënë ai.

Megjithatë, sipas tij kështu siç ka vepruar Osmani nuk mund të bëhet, porse sipas tij ajo duhet të mbetet brenda partisë dhe të bëhen reformat.

“Kjo është një pjesë e procesit se kauza ka mbet në gjysmë. Por, kështu siç e ka nisur Osmani nuk mund të bëhet sepse nuk mund të luftosh kundër partisë tënde në këtë mënyrë. Duhet të shikosh nga brenda dhe të luftosh për reforma. Po të jetë një LDK e fuqishme skena politike do të dukej ndryshe. Kosovës i duhet ndryshimi. LDK-ja ka për detyrë reformat. Kanë filluar reformat në LDK edhe zonja Osmani e të tjerët duhet aty të luftojnë, të vazhdojnë kauzën e LDK-së. Ajo duhet të mbetet aty, dhe të ruajë interesat e partisë”, ka thënë Buxhovi.

Buxhovi thotë se LDK-ja ka potencial të madh.

Buxhovi: Dëmi që PDK-ja, LDK-ja dhe AAK-ja ia kanë bërë Kosovës është shumë i madh

Jusuf Buxhovi ka vlerësuar se partitë politike kanë vazhduar të ruajnë mendësinë që shteti duhet të jetë instrument për fuqinë e tyre materiale, e jo që shteti të jetë një kauzë, që të ndërtohet si demokraci.Në emisionin Desku në KTV, Buxhovi ka thënë se e ka fjalën për pjesën më të madhe të partive politike, që sipas tij janë gati të njëjta. Ka thënë se e ka fjalën për partitë politike që janë në pushtet prej vitit 2000, ndërsa ka përmendur PDK-në, LDK-në dhe AAK-në.Sipas Buxhovit, deputetët asnjëherë nuk janë të pavarur.

“Ka të bëjë edhe me ligjin zgjedhor, që ka krijuar despotë. Listat kur bëhen, ato kontrollohen, mbikëqyren, barten votat, bëhen manipulime më të mëdha se sa kur bëhen vjedhjet që janë konstatuar. Bëhen me shpërndarjen e votave të deputetëve, që kurrë nuk mund të jenë të pavarur sepse ata kontrollohen. Bosët kryesorë janë te këto tri parti politike, te PDK, LDK, AAK, është një trekëndësh”, ka thënë Buxhovi.

Ai ka folur edhe për meritat e tri partive në fjalë.

tri partive nuk mund t’iu mohohen të mirat që kanë bërë, kanë marrë pjesë në procesin e krijimit të shtetit, Pavarësisë. Por dëmet që ia kanë bërë Kosovës janë shumë më të mëdha dhe po i përjetojmë sot”, ka shtuar historiani Buxhovi.

Për Vetëvendosjen, Buxhovi ka thënë se është faktor që ka ardhur më vonë. Sipas tij Vetëvendosje është “strehë e shumë personaliteteve që janë bartur prej partive tjera dhe kanë dalë aty dhe se mendohet që kanë ndikim të madh”.

“Prapë edhe ajo nuk mund të ketë alibi të plotë. Por kur flasim për LDK, PDK, AAK etj., të gjitha mbajnë përgjegjësi që nuk ka ardhur te një demokratizim i plotë i jetës politike. Por prapë këto parti janë të tilla pasi në kohën e UNMIK-ut, por edhe më vonë, kodi zgjedhor që është caktuar është gjeneratori kryesor i problemeve dhe despotizmit politik që ne e kemi sot në Kosovë, të gjitha partitë. Kodi zgjedhor i është dashtë edhe faktorit ndërkombëtar dhe veçmas politikanëve tanë me mendësi feudale dhe despotike, që të kontrollojnë edhe listat. Përderisa të ekzistojë një kod i tillë do të kemi jetën politike të tillë. Ajo ka gjeneruar që këta faktorë politikë mos të demokratizohen, të krijojnë feude të ndryshme dhe këto janë të përbashkëta”.

Sipas tij, mungesa e demokratizimit në shtetin e Kosovës është pasojë e mungesës së demokracisë së brendshme në partitë politike.

Buxhovi i bën fajtorë UNMIK-un e EULEX-in për moszbardhjen e vrasjeve politike

Historiani dhe shkrimtari, Jusuf Buxhovi, në emisionin Desku në KTV ka thënë se fajin për moszbardhjen e vrasjeve politike të pasluftës në Kosovës e mban UNMIK-u dhe EULEX-i.“Mund të thuhet edhe më drejtpërdrejtë, janë partitë politike që kanë hyrë në procesin që është quajtur veçmas me Rezulotën 1244 të krijimit të rrethanave për një shtet demokratik qysh kanë qenë edhe zgjedhjet e para vendore lokale. Aty janë përgatitë që ta marrin pushtetin dhe ta kthejnë shtetin në një feud të vetin”, ka thënë Buxhovi.Sipas tij faktori ndërkombëtar ka luajtur me dy karta.

“Demokracinë e ka pasur si një detyrë, në realitet ka përkrahur forcat që nuk do t’i bëjnë telashe. Me demilitarizimin që është bërë në dy muaj dhe UÇK-në u transformuar. Ishte paraparë që të përfundojë dy qeveritë e përkohshme, atë të Bukoshit dhe Thaçit, që ishte shpallur në mënyrë të njëanshme në Tiranë. Dhe në bazë të dokumenteve që kemi Qeveria e Thaçit ka vazhduar të funksionojë, është toleruar dhe janë toleruar edhe veprimtaritë e strukturave paramilitare të SHIK-ut. Dhe në të njëjtën kohë ato struktura mbajnë përgjegjësinë, së paku prej shumë vlerësimeve të UNMIK-ut dhe hetuesisë një pjesë e tyre kanë marrë pjesë edhe në vrasjet politike. Nuk po e akuzoj SHIK-un, sepse është një problem, por implikimi i grupeve paramilitare të ndryshme që lidhen me politikën shqiptare janë përgjegjës për ato. Këtë nuk e them kështu, por në bazë të materialeve dhe raporteve që ka edhe NATO, raport që ka edhe BND-ja, shikoni më 2004 janë botuar. Edhe të UNMIK-ut dhe të EULEX-it”, ka thënë ai.

Buxhovi ka shtuar se UNMIK-u i ka bërë edhe dy – tri procese, kuazi procese por kurrë nuk ka mundur që t’u japë përgjigje të caktuar sepse edhe përbrenda UNMIK-ut kemi dokumente dhe libra.

Sipas tij një pjesë e atyre që kanë bërë vrasje politike në Kosovë në njëfarë mënyre kanë qenë të përfshirë edhe me shërbime perëndimore dhe kanë mbërri të dalin.

“Bile ne i kemi edhe ato se prej Bondsteelit kanë dalë të burgosur, kanë shkuar, janë cilësuar si agjentë të shërbimeve të ndryshme dhe kjo tregon se nuk janë zbardhur ato vrasje. Problemi më i madh është këtu, pse jam kritikë ndaj faktorit ndërkombëtar. Nuk dua të prejudikoj se kush është vrasës me emër e mbiemër por janë shumë indikacione që flasin se janë të implikuar njerëz të drejtpërdrejtë të strukturave paramilitare që kanë ekzistuar në Kosovë. I ka toleruar edhe UNMIK-u”, ka thënë Buxhovi.

Sipas tij këtyre vrasjeve nuk u është dhënë drejtësi sepse ndërkombëtarët kanë dashur të mbajnë nën shantazh këto figura politike.

“Përgjigja nuk është dhënë sepse kam bindjen që as UNMIK-u e as EULEX-i nuk kanë dashur të japin përgjigje sepse kanë dashur të mbajnë disa segmente të klasës politike të shantazhuar. Në mënyrë që me ta të bëjnë edhe pazare të ndryshme të cilat edhe i kemi parë kohëve të fundit”, ka thënë ai.

Sipas Buxhovit as dëshmitarët nuk janë mbrojtur.

“Për mua është e pakuptueshme se si një UNMIK që ka poseduar hetuesit më të rëndësishëm. Vet disa prej tyre kanë dekonspiruar dëshmitarët e mbrojtur, sipas UNMIK-ut 22 dëshmitarë nën mbrojtje janë vrarë për krimet politike të pasluftës në Kosovë. Dëshmitari i fundit është vrarë në vitin 2015-16 në Gjermani, Zogaj si i mbrojtur. Mendoj se ka qenë vrasje, sepse me të është dashur të mbyllej një kapitull i disa kampeve atje në Drenicë. UNMIK-u e EULEX-i nuk kanë ndihmuar që të zbardhen këto vrasje. Janë vrarë edhe 102 ushtarë të UQK-së në ndërkohë”, ka thënë ai. “Këto janë vrasje të dyshimta pasi nuk janë sqaruar në aspektin e drejtësisë. Aty ka gjithfarë çërime hesapesh. Fajet në këtë drejtim mendoj se e ka UNMIK-u dhe EULEX-i”.

Buxhovi shton se ata janë ardhë që këtu ta instalojnë sistemin juridik dhe ligjor dhe nuk e kanë bërë.

“3-4 prokurorë kanë dhënë dorëheqje dhe akuzojnë UNMIK-un për korrupsion. Lë me dyshuar se një pjesë e vet atyre hetuesve ndërkombëtarë të UNMIK-ut dhe EULEX-it kanë qenë të lidhur me krimin e organizuar në Kosovë. Dhe këto na sjellin ne rrethin vicioz se sot nuk i kemi përgjigje”, ka thënë ai.

Buxhovi: Çlirimi nuk solli lirinë

Historiani dhe shkrimtari, Jusuf Buxhovi, ka thënë se çlirimi nuk e ka sjellë lirinë në Kosovën. Duke folur në emisionin “Desku” në KTV për temën “Çlirimi i papërfunduar i Kosovës”, Buxhovi ka thënë se procesi ka mbetur në gjysmë.Ai ka folur për librin e tij të ri “Mona”, që është publikuar javë më parë. Është roman që lidhet me realitetin që ekziston në Kosovë nga viti 1999 e tutje.Buxhovi ka thënë se romani merret me politikën aktuale, në prizmin e imagjinatës së një krijuesi, që është i interesuar që asaj që po e kalojmë, t’ia jap edhe dimensionin letrar.

“Shteti i Kosovës është e arritura më e madhe historike e shqiptarizmit në këtë shekull. Por çlirimi nuk e ka sjellë lirinë dhe ky proces ka mbetur i papërfunduar. Ky është përqendrimi im në letërsi, unë jam shumë kritik ndaj gjithë kësaj. Ka pasur keqkuptime, se po e fyej luftën e gjëra tjera, siç dinë te ne që t’i mbrapshtojnë gjërat, veçmas ata që kanë përfituar nga shteti i Kosovës dhe nuk e kanë pasur ideal shtetin e Kosovës, por që shtetin ta kthejnë në plaçkë”, ka thënë Buxhovi.

“Nuk ka të bëjë me patriotët, me ata që janë vrarë në luftë, që kanë shkuar në luftë për ideal. Nuk ka të bëjë me UÇK-në e luftës. Por me UÇK-në e pasluftës, me të gjithë ata të cilët në një mënyrë kanë keqpërdorur atë kredibilitetin dhe janë kthyer nga njerëz që do të duhej të ruanin meritat, në dëmtues të këtij procesi. Disa prej tyre në zhvatës të shtetit të Kosovës, e disa, mund të quhet, edhe në grupe kriminale dhe e kanë dëmtuar procesin”, ka shtuar Buxhovi.

Veseli: Publikimi i akuzës – veprim me motive politike

Kryetari i Partisë Demokratike të Kosovës, Kadri Veseli, tha të mërkurën se publikimi i njoftimit të Prokurorisë së Posaçme me seli në Hagë për ngritjen e akuzës ndaj tij dhe presidentit Hashim Thaçi është veprim politik.

Në një konferencë më gazetarë në orët e mbrëmjes ai tha se publikimi i njoftimit ishte “veprim i pashembullt dhe i padrejtë”.

“Në një veprim të paprecedentë, prokurori ka lëshuar deklaratën para se gjykata t’i konfirmojë ose rrëzojë akuzat e ngritura që ai pretendon. Në këtë deklaratë prokurori përpiqet ta arsyetojë vendimin e tij të padrejtë dhe të pazakonshëm duke pretenduar se unë dhe presidenti kemi tentuar të pengojmë punën e Dhomave të Specializuara. Dyshimet e ngritura janë plotësisht të pavërteta dhe nuk qëndrojnë po ashtu nuk ka kurrfarë baze për pretendimet për pengim të punës së gjykatës dhe është shqetësim gjuha e tillë e adresimit me të pavërteta”, tha ai

Zoti Veseli ngriti pikëpyetje edhe për motivet e veprimit të prokurorisë.

“Një tjetër shqetësim është dyshimi i bazuar se motivet e vërteta të këtij prokurori janë krejtësisht politike. Duke pasur parasysh kohën dhe rrethanat, pak ditë para takimit në Shtëpinë e Bardhë me të drejtë janë ngritur dyshime se kjo është rastësi. As një prokuror, asnjëherë, nuk do të duhej të lejonte që vendimet e tij të udhëhiqen nga motivet politike”, tha ai.

Ai tha se me këtë qasje “prokurori paralajmëroi se nuk mund të jetë i besueshëm për të ndarë drejtësi të paanshme dhe të pandikuar” nga politika.

“Ai po përpiqet që përmes deklaratave kundërthënëse të mbuloj motivet e vërteta që duket se janë politike. Dua të siguroj të gjithë qytetarët se nuk do të lejoj që ky prokuror dhe asnjë tjetër si ai të njollos në këtë mënyrë Ushtrinë Çlirimtare të Kosovës”, tha zoti Veseli duke nënvizuar se “deklarata e prokurorit është përpjekje për të rishkruar historinë”.

Ai mohoi siç tha “çdo përfshirje në ndonjë veprimtari kriminale”.

Zoti Veseli është intervistuar në Prokurorinë e Posaçme në Hagë në dhjetor të vitit të kaluar.

Një nga udhëheqësit e ish Ushtrisë Çlirimtare të Kosovës dhe ish shefi i Shërbimit Informativ të Kosovës, zoti Veseli ishte një nga zyrtarët më të lartë të thirrur për t’u paraqitur në Hagë, ku deri tash janë paraqitur mbi 200 ish pjesëtarë të Ushtrisë Çlirimtare të Kosovës.

Më 19 korrik, atje qe thirrur edhe ish kryeministri i Kosovës, Ramush Haradinaj, i cili dha dorëheqje duke bërë që vendi të shkojë në zgjedhje të parakohshme parlamentare që u mbajtën më 6 tetor. rel