Ish-drejtori i Policisë së Dibrës, Shemsi Prençi foli në Studio24 mbi hetimet e SPAK ndaj Ballukut dhe AKSHI teksa u ndal te disa nga projektet infrastrukturore korruptive.

Sipas tij disa prej tyre ku janë harxhuar mld euro kanë rënë, prej akteve korruptive.

Me gjithë këto barbari korruptive siç i quan Prençi, prokurori i SPAK që i heton ka mandat 9 vjet, ndërsa ministrja e Infrastrukturës me këto projekte korruptive ka 12 vite me mandat dhe imunitet.

Prençi: Sa herë rritet steka e SPAK për të goditur grupet kriminale brenda dhje jashtë qeverisë, politika duke u ndjerë ngushtë përdor shprehja “skape”. Ndërsen grupet kriminale kundër drejtësisë. Egërsohen. Cila tingëllon më rëndë? Ju kujtohet fjala e kryeministrit goditni dhe djathtas se boll goditët majtas? U kap ish-presidenti, u ka Ilir Meta, Sali Berisha. Nuk njohim një praktikë tjetër në Ballkan. Në Mal të Zi dhanë dorëheqje vetëm për një skandal. Këtu nuk e njohin institucionin e dorëheqjes.

Isha më disa inxhinierë, më treguan projektet. Rruga e Arbrit k ra, Qukës Qafë Pllocë, Korçë Ersekë, Aeroporti i Vlorës, Llogara ka ra. Tunel i Murrizit. Bypass i Vlorës ka ra. Superstrada Thumanë Kashar, po e mbushin për të pestën herë. Ose Eco Park. Të gjitha veprat infrastrukturore kushtuan 9.3 mld euro sipas raportit të KLSH kanë rënë. Korrupsion masiv. Me gjithë këto punë të pista, barbari korruptive, prokurorit të SPAK ja bëjmë mandatin 9 vjet. Ministres së Infrastrukturës 12 vjet.

Ish-drejtuesi i Policisë, Shemsi Prençi deklaroi se shumë shpejt në Tiranë do të kalojnë në sekuestro disa godina të mëdha.

Gjatë intervistës në “Studio24”, ai  tha se kryeministri Edi Rama me akuzat që po hedh nda SPAK po i trajton si plaçkë tregu.

“Shumë shpejt në Tiranë do kalojnë në sekuestro disa godina të mëdha që i përkasin krimit të organizuar dhe korrupsionit shtetërore të lidhur me botën e grupeve kriminale të pastrimit të parave në fushën e ndërtimit.

Presioni që po ushtron SPAK, disa prokurorë që kanë dosje të nxehta edhe te politika edhe te krimi i organizuar dhe trafikut të drogës, normalisht janë më të rrezikuar. Por kryeministri i hedh prokurorët si plaçkë tregu, grupet kriminale e marrin mesazhin, përse të mos hidhemi në sulm”, tha ai.

Më tej gjatë intervistës, theksoi se në raport me SPAK dhe sigurinë e prokurorëve situata është shumë e tensionuar. bw

Analisti Fatos Lubonja, teksa ka komentuar zhvillimet e fundit politike në vend është ndalur tek imuniteti i zv.kryeministres Belinda Balluku, ku u shpreh se mazhoranca po përpiqet të mbulojë një krim të paparë që ka të bëjë me korrupsionin e Ballukut, kryeministrit Rama e të tjerë.

“Me institucione këta po mbulojnë një krim të paparë, të korrupsionit Balluku me Ramën me shokë. Gjykata Kushtetuese thotë kështu, këshilli Imuniteteve do mblidhet kur të dëgjojë GjK’, tha ai.

Më tej Lubonja u ndal edhe te qëndrimi i opozitës për këtë çështje, ku u shpreh se ka parë kontradiktë në atë që demokratët kanë shprehur.

“Shoh kontradiktë që ka kohë që jeton midis pozicionit se me Ramën nuk ka zgjedhje të lira, duhet qeveri teknike, protesta. Refuzon atë që quhet rendi normal i një vendi demokratik. Qëndrimi që jemi në regjim dhe nuk mund të bëjmë fasadën e demokracisë, nga ana tjetër është nënshtrimi sepse kanë bërë disa herë, prova bojkote dhe më pas i kanë dënuar vetë duke i quajtur ekstremizma. Dhe këtu hyn faktori i tretë, ndërkombëtar. Pra o nuk ndryshojnë gjë pa ndërkombëtarët…Por edhe kur kanë bërë bojkote, më shumë kam qenë kundër mos-koherencës.  Por me institucione këta po mbulojnë një krim të paparë, të korrupsionit Balluku me Ramën me shokë. Gjykata Kushtetuese thotë kështu, këshilli Imuniteteve do mblidhet kur të dëgjojë GjK…Pra a zgjidhet ajo kjo punë mbetet për t’u parë. Zgjidhet duke u bërë presion me protesta qoftë të dhunshme, por kjo është çështje e hapur”, tha ai.

Më tej komentoi edhe Reformën Territoriale, ku shtoi se të gjitha reformat që ka bërë kryeministri Rama i ka bërë në favor të rritjes së pushtetit të vet dhe se sipas Lubonjës nuk kanë qëllim mbarëvajtjen e demokracisë në Shqipëri. gsh

Gazetari Almer Toska ka depozituar në SPAK një kallëzim për Belinda Ballukun vartësit e saj Gentian Gjyli, Ervis Berberi dhe kompaninë Gjoka Konstruksion, pasi sipas tij ka prova që tuneli i Murrizit u hap pa u kolauduar.

Në një prononcim për mediat jashtë ambienteve të SPAK, gazetari i shpreh se jeta e qytetarëve që kalojnë në tunelin e Murrizit është në rrezik.

Sipas tij, kompania Gjoka Konstruksion nuk ka kryer kolaudimin teknuk dhe nuk ka lëshuar certifikatën e përdorimit të këtij tuneli.

“Tuneli i Murrizit u hap për qëllime politike në mars 2025 dhe nuk është kolauduar nga ARRSH. Jeta e qytetarëve është e rrezikuar çdo ditë. Por Balluku me drejtohet e saj e hapën për qëllime elektorale.

Kompania Gjoka Konstruksion ka shkelur nenin 199, 289 të kodit penal pasi nuk ka kryer kolaudim tekniku, nuk është lëshuar certifikata e përdorimit, nuk janë verifikuar standardet teknike.

Pra lidhur me këto fakte, ne i kemi paraqitur SPAK këtë kallëzim penal për Belinda Ballukun, Gentian Gjylin dhe Ervis Berberin si persona kyç që në kundërshtim me ligjin kanë shpërdoruar detyrën.

Unë besoj që Klodian Braho dhe prokurorët e SPAK do ti shtojnë një akuzë tjetër Belinda Ballukut”, tha gazetari Toska. Panorama

Prej orës 11:00 të paradites, qarkullimi në aksin e rrugës kombëtare Librazhd–Prrenjas është totalisht i bllokuar, duke shkaktuar kaos dhe radhë të gjata automjetesh në të dy drejtimet. Shkak për situatën e rëndë janë bërë rrëshqitjet masive të gurëve, me dhjetëra e qindra metra kub, që kanë rënë mbi trasenë e rrugës në zonën e njohur si “Kthesat e Dragostunjës”.

Situata paraqitet alarmante, pasi masat e mëdha shkëmbore kanë pushtuar plotësisht segmentin rrugor, duke e bërë të pamundur kalimin e mjeteve dhe duke rrezikuar seriozisht sigurinë e drejtuesve të automjeteve. Qindra qytetarë kanë mbetur të bllokuar për orë të tëra, në një nga arteriet më të rëndësishme kombëtare që lidh Librazhdin me Juglindjen e Shqipërisë.

Në terren ndodhen forca të shtuara të Policisë Rrugore, të cilat po monitorojnë situatën dhe po përpiqen të menaxhojnë trafikun, por pa asnjë zgjidhje konkrete, për shkak të mungesës së mjeteve nga kompanite qe mirëmbajnë këtë segment si dhe mungesës dhe ndërhyrjeve teknike për largimin e masiveve të gurëve.

Ndërkohë, kompania që po kryen punimet për zgjerimin e rrugës Librazhd–Dragostunjë–Hotolisht, e cila sipas burimeve në terren konsiderohet shkaktare direkte e kësaj situate, nuk ka ndërmarrë asnjë veprim minimal për pastrimin e rrugës dhe rikthimin e qarkullimit. Kjo neglizhencë po rrezikon paralizimin për shumë orë të këtij aksi jetik, duke shtuar indinjatën e drejtuesve të mjeteve dhe banorëve të zonës.

Qytetarët kërkojnë ndërhyrje urgjente nga institucionet përgjegjëse, pasi përveç bllokimit të qarkullimit, ekziston një rrezik real për aksidente të rënda, nëse rrëshqitjet vijojnë ose nëse mjetet tentojnë të kalojnë në kushte të pasigurta. bw

Aktori i njohur ka marrë pjesë në një sërë protestash të zhvilluara kundër qeverisë “Rama” pavarësisht se cila parti e ka organizuar atë.

TIRANË– Aktori, moderatori dhe aktivisti Florjan Binaj i është bashkuar mbrëmjen e kësaj të shtune protestës kombëtare të thirrur nga Adriatik Lapaj, kreu i Partisë “Shqipëria Bëhet”.

Aktori i njohur ka marrë pjesë në një sërë protestash të zhvilluara kundër qeverisë “Rama” pavarësisht se cila parti e ka organizuar atë. Edhe këtë të shtunë, Binaj nuk mungoi në sheshin para Kryeministrisë në Bulevardin Dëshmorët e Kombit./Dosja.al

Narkoshteti po jep tenderë dhe para për armatën mediatike që të godasë zërin opozitar, por regjimet bien.

Kështu është shprehur Sekretari i Përgjithshëm i PD-së, Flamur Noka, me një reagim në rrjetin social, pas takimit me bazën demokrate nga Sharra e Tiranës, ku ka nisur misionin politik për protestën kombëtare të opozitës më 10 shkurt para Kryeministrisë.

Deputeti demokrat vë në dukje problematikën e censurës mediatike dhe rolin e rrjeteve sociale në situatën dhe klimën politike të krijuar nga regjimi sioas tij.

“Të mos harrojmë se përballë kemi një armatë mediatike me shumë gryka zjarri të drejtuara kundër nesh, e që me tenderat e paranë e madhe që u jep narkoshteti, janë gati të asgjësojnë edhe zërin e vetëm opozitar. Qëndroni fort. Të gjitha regjimet bien!”, shkruan ai mes të tjerash.

Nga Sharra, Noka u bëri thirrje demokratëve dhe simpatizantëve për angazhim maksimal dhe pjesëmarrje qytetare, në kushtet e censurës mediatike nga shtypi i kontrolluar, që e cilësoi “armatë mediatike”.

Reagimi i plotë i Flamur Nokës:

“Pasqyrimi në rrjetet sociale i punës organizative me strukturat vendore të PD-së njeh çdo demokrat e simpatizant me aktivitetin tonë partiak, si dhe me rëndësinë e peshën politike që përfaqëson 10 shkurti për opozitën shqiptare.

Populli opozitar ndjek me shqetësim zhvillimet dhe pret nga baza angazhim maksimal për të masivizuar thirrjen dhe pjesëmarrjen qytetare.

Kjo edhe për një arsye themelore:

Censurën mediatike që na rezervon shtypi i kontrolluar shqiptar. Të mos harrojmë se përballë kemi një armatë mediatike me shumë gryka zjarri të drejtuara kundër nesh, e që me tenderat e paranë e madhe që u jep narkoshteti, janë gati të asgjësojnë edhe zërin e vetëm opozitar.

Qëndroni fort. Të gjitha regjimet bien!”.

Panorama

Në fjalën e tij përpara protestuesve të mbledhur në sheshin përpara Kryeministrisë, ku po zhvillohet protesta e “Shqipëria Bëhet”, kreu Adriatik Lapaj kërkoi nga qytetarët që të bashkohen të gjithë kundër qeverisë së Edi Ramës.

 

Duke përmendur abuzimet me tenderat nga zëvendës kryeministrja Belinda Balluku, njëherës ministre e Infrastrukturës dhe Energjisë, e cila është zyrtarisht nën akuzë nga SPAK, apo edhe dosjen e bujshme të AKSHI-t, të pandehurit e së cilës akuzohen se kanë vepruar si grup i strukturuar kriminal, Lapaj tha se koha është për të vepruar kundër të korruptuarve.

“Nuk ka më kohë. Koha është tani, bashkimi duhet të ndodhë tani. Secili nga ata që më dëgjon ta pyesë veten se për çfarë mund të rrëzohet një qeveri nëse nuk rrëzohet kur kapet me një abuzim 53 mln euro nga zv kryeministrja, për çfarë mund të dorëhiqet një qeveri nëse nuk dorëhiqet apo nuk detyrohet të dorëhiqet kur kapet për një pazar 100 mln euro nga AKSHI, nëse ekonomia shkon pikiatë si këtu apo qindra mijëra largohen. “, theksoi Lapaj.

Sipas tij, çdo ditë që kalon Rama do të forcojë autokracinë e tij dhe me skandalet, do t’u vjedhin edhe më shumë jetën dhe të ardhmen e qytetarëve.

“Pse duhet të ikin nesër pasnesër, pas 5 vjetëve apo 10 vjetëve. Çdo ditë që kalon forcon autokracinë e tyre, diktaturën e tyre dhe çdo skandal që ndodh e bën edhe më të pamundur rrëzimin e atyre që sot ju vjedhin jetën, të tashmen dhe të ardhmen ndaj mendohuni mirë. Kjo është betejë mes një pakice që ka zaptuar zyrat dhe ndan paratë e buxhetit dhe një shumice të vuajtur.”, u shpreh ai. gsh

Lëvizja Shqipëria Bëhet e Adriatik Lapajt zhvilloi protestën në Bulevardin “Dëshmorët e Kombit” para Kryeministrisë. Por ajo që vihet re është edhe prezenca e deputetit të Partisë Demokratike, Besart Xhaferri.

Deputeti demokrat, siç shihet edhe nga fotot, shfaqet në mes të protestuesve që i janë bashkuar thirrjes së Lapajt për të protestuar kundër qeverisë dhe skandaleve që kanë përfshirë zëvendës kryeministren dhe ministren e Infrastrukturën Belinda Balluku. gsh

Në dosjen, me mbi 3 milionë faqe të Jeffrey Epstein, që u publikua nga Departamenti i Drejtësisë së SHBA, del edhe emri i një vajze nga Tirana, e cila rezulton të ketë aplikuar për një vend pune si asistente personale. Emaili i vajzës E. Terziu rezulton të jetë dërguar në mars të vitit 2017.

Në fillim ajo ka dërguar CV-në e saj një personi, emri i të cilit është i mbuluar në dokumente, duke shprehur interes për pozicionin e punës.

“Përshëndetje, jam e interesuar për punën për të cilën i thatë Evan Luthra-s, por unë nuk jam me bazë në SHBA. A është kjo problem?”, thuhet në emailin e shqiptares.

“Jo nuk është. Ju lutem dërgoni tre foto të cilësisë së mirë dhe CV“, ia kthen personi me të cilin komunikon.

Pasi e reja i dërgon fotot, ky person komunikon më pas me Jeffrey Epstein, duke e informuar se bëhet fjalë për një vajzë 21–22 vjeçe. Personi i komunikon Epstein se vajza jeton në Paris, ndonëse në CV e saj rezulton se ndodhet në Tiranë.

 “A duhet ta intervistoj këtë?”, i thotë ai.

Në listën e bashkëngjitjeve të email-it, përveç CV-së dhe fotografive, rezulton që e reja t’i ketë dërguar edhe një video për kandidimin e saj.

Teksa opozita do të protestojë në shesh më 10 shkurt, kreu i PD-së Sali Berisha nuk përjashtoi asnjë skenar mbi atë se çka mund të ndodhë në tubim.

Ai tha në një bashkëbisedim me qytetarët në rrjetet sociale, ku iu përgjigj pyetjeve të tyre, se opozita ka në plan të gjitha format e mosbindjes civile.

“Kemi në plan dhe projekt të gjitha format e mosbindjes civile. Ndaj PD kërkon dhe fton qytetarët që të bëjmë gjithçka për fitoren e kësaj beteje, por kjo kërkon qartësi. Kërkon që çdo qytetar të realizojë se kemi të bëjmë me një diktaturë autokratike, ku pushtet janë në një dorë.”, tha ai. bw

Email-i është dërguar më 25 maj 2012, ndërsa vizita zyrtare e Jagland në Shqipëri është zhvilluar më 24 maj 2012, sipas axhendave dhe burimeve publike.

SHBA– Departamenti i Drejtësisë publikoi dje shumë të dhëna të tjera nga dosjet hetimore mbi Jeffrey Epstein. Mes 3 milionë materialeve te reja që u publikua, përmendet edhe Shqipëria. Në faqen e Departamentit të Drejtësisë rezulton një E-maili që ish-Sekretari i Përgjithshëm i KiE, Thorbjørn Jagland,  i shkroi Epsteinit pas vizitës së tij në Shqipëri, në vitin 2012.

Në komunikimin elektronik, Jagland shkruan shkurt: “Kam qenë në Tiranë, vajza të jashtëzakonshme”

Email-i është dërguar më 25 maj 2012, ndërsa vizita zyrtare e Jagland në Shqipëri është zhvilluar më 24 maj 2012, sipas axhendave dhe burimeve publike. Sipas arkivave zyrtare, gjatë vizitës së tij në Tiranë, Jagland ka zhvilluar takime institucionale me Edmond Haxhinaston, ministër i Jashtëm i kohës, Sali Berishën, kryeministër, Bamir Topin, president i Republikës. Vizita ishte pjesë e angazhimeve të Këshillit të Europës në Shqipëri.

Thorbjørn Jagland ka shërbyer si Sekretar i Përgjithshëm i Këshillit të Europës, institucioni paneuropian që mbikëqyr demokracinë, të drejtat e njeriut dhe shtetin e së drejtës në 47 vende. Ai ka qenë gjithashtu ish-kryeministër dhe ish-ministër i Jashtëm i Norvegjisë.

Email-i i publikuar nuk përmban detaje mbi takime private apo aktivitete jashtë axhendës zyrtare të vizitës në Tiranë. Komenti i bërë në këtë komunikim privat nuk shoqërohet me shpjegime apo kontekst shtesë dhe, deri më tani, nuk ka prova publike që të tregojnë për ndonjë vijimësi konkrete përtej këtij mesazhi./Dosja.al

Kryetari i Partisë Demokratike, Sali Berisha njoftoi se protesta e radhës e opozitës do të jetë në datën 10 shkurt në orën 17:00, ku ftoi të gjithë qytetarët që ti bashkohen tubimit.

Në një konferencë me gazetarët, Berisha deklaroi se revolta dhe zemërimi qytetar janë e vetmja rrugë për të rrëzuar, sipas tij regjimin.

Berisha deklaroi se Rama me Ballukun sfidojnë drejtësinë, duke u shfaqur të dy në publik, sipas tij kjo është ofendim për qytetarët.

“Sot më shumë se kurrë është fjala juaj, është guximi juaj, revolta juaj, zemërimi juaj, qëndrimi ndaj padrejtësisë, ndaj vjedhjes dhe mjerimit

Edi Rama në vend të dorëheqjes së tij shëtit si i vdekuri me te gjallin me lubi Ballukun për tu thënë shqiptarëve, për të sfiduar qytetarët për t’i ofenduar ata. Më shumë se ofendim, ti thotë se unë ju kam plaçkitur dhe do ju plaçkitës dhe mos mendoni se drejtësia është për Ramën apo Lubinë, por është për ata që duan këta të dy.

Është vetëm sovrani gjuha e tij, revolta dhe zemërimi i tij ata që do bindin këta grusht hajdutësh, këtë organizatë kriminale të largohen nga pushteti dhe të hapin rrugën për qeveri teknike dhe zgjedhje të ndershme.

Në Tiranë dhe kudo në Evropë e botë 24 janari është i gjallë, cka do të thotë

Ndaj dhe ftoj të gjithë të rinjtë shqiptarë, burrat dhe gratë, të bashkohen në datën 10 shkurt në orën 17:00”, tha Berisha. Panorama

Këshilli i Lartë Gjyqësor ka vendosur që të mos marrë në shqyrtim relacionin e Këshillit të Karrierës mbi verifikimin e mandatit të gjyqtares Irena Gjoka.

Me shumicë votash anëtarët e KLGJ vlerësuan se shqyrtimi duhet të bëhet nga Inspektori i Lartë i Drejtësisë, për shkak se diskutimi mbi papërshtatshmërinë e gjyqtares ka lindur pasi ajo e ka marrë statusin e magjistrates.

Kujtojme që SPAK regjistroi një procedim penal pas një kallëzimi ndaj gjyqtares Irena Gjoka, e cila akuzohet se ka fshehur nga formulari i vetëdeklarimit të pastërtisë së figurës një dënim penal të dhënë nga drejtësia greke për falsifikimin e një pasaporte dhe një vize në mesin e viteve 2000. Kallëzimi ishte depozituar në SPAK nga Adriana Kalaja.

Sipas SPAK, procedimi është regjistruar për veprën penale të parashikuar nga neni 190 i Kodit Penal, “falsifikimi i vulave, i stampave ose i formularëve”, por ende nuk është regjistruar ndonjë emër si person nën hetim.

Pas një hetimi administrativ që zgjati rreth 20 muaj, Prokuroria e Përgjithshme njoftoi të martën se i kishte dërguar zyrtarisht më datë 19 janar 2026 rezultatet e këtij verifikimi pranë KLGj-së, që është organi kompetent që duhet të interpretojë rezultatet e gjetjeve.

Akuzat ndaj Gjokës u bënë publike pasi ajo firmosi masat e sigurisë ndaj ish-kryeministrit Sali Berisha në lidhje me dosjen “Partizani”. Berisha dhe mbështetësit e tij e kanë akuzuar vazhdimisht Gjokën, duke pretenduar se ajo është në konflikt interesi dhe se ka fshehur të kaluarën e saj, përfshi dënimin penal në Greqi. KLGJ e cila shqyrton ankesat, kërkoi verifikim të rastit nga Prokuroria e Përgjithshme. gsh

Këshilli i Lartë Gjyqësor ka vendosur të fusë në rendin e ditës çështjen që i përket gjyqtares Irena Gjoka.

Sipas SPAK, procedimi është regjistruar për veprën penale të parashikuar nga neni 190 i Kodit Penal, “falsifikimi i vulave, i stampave ose i formularëve”, por ende nuk është regjistruar ndonjë emër si person nën hetim.

Pas një hetimi administrativ që zgjati rreth 20 muaj, Prokuroria e Përgjithshme njoftoi të martën se i kishte dërguar zyrtarisht më datë 19 janar 2026 rezultatet e këtij verifikimi pranë KLGj-së, që është organi kompetent që duhet të interpretojë rezultatet e gjetjeve.

Akuzat ndaj Gjokës u bënë publike pasi ajo firmosi masat e sigurisë ndaj ish-kryeministrit Sali Berisha në lidhje me dosjen “Partizani”. Berisha dhe mbështetësit e tij e kanë akuzuar vazhdimisht Gjokën, duke pretenduar se ajo është në konflikt interesi dhe se ka fshehur të kaluarën e saj, përfshi dënimin penal në Greqi. KLGJ e cila shqyrton ankesat, kërkoi verifikim të rastit nga Prokuroria e Përgjithshme. gsh

Tuneli i Murrizit në rrugën e Arbrit u inaugurua me bujë para zgjedhjeve parlamentare në mungesë të një akti kolaudimi, duke ngritur dyshime për sigurinë e tij dhe zbatimin e ligjit me veprat publike.

Në 13 mars të vitit të kaluar, kryeministri Edi Rama shpalli me mburrje se “lufta me malin” ishte fituar dhe se tuneli i Murrizit, pjesë e aksit të njohur si Rruga e Arbrit që lidh Tiranën me Dibrën, do të hapej për kalim normal.

“Syri i keq më në fund plasi, se te ai tunel u mblodh e gjithë energjia negative dhe gjeologjia e atij tuneli ishte një tmerr,” deklaroi Rama.

Të nesërmen, më 14 mars, tuneli u hap për qarkullim me ceremoni dhe muzikë.

Por ende pa kaluar 10 muaj, përdoruesit e rrugës filluan të dyshonin nëse tuneli kishte qenë vërtet gati për hapje.

Deputetja e Partisë Demokratike, Denisa Vata, e cila e përdor vazhdimisht tunelin e Murrizit për t’u kthyer në shtëpi nga Tirana, tha se në një nga udhëtimet vëreu plasaritje dhe tavanin që pikonte. E shqetësuar për sigurinë, Vata filmoi krisjet dhe bëri publike pamjet.

Në përgjigje të shqetësimeve të ngritura nga deputetja Vata, Autoriteti Rrugor Shqiptar, ARRSH i konfirmoi përmes një shkrese drejtuar Kuvendit në fillim të janarit se pjesa në fjalë e rrugës së Arbrit ishte ende pa kolaudim, duke ngritur një valë të re alarmi.

“…Ju informojmë se “Tuneli i Murrizit”, pjesë e “segmentit nr. 3″ të territorit të “Rrugës së Arbrit”, është segment që nuk është dorëzuar ende pranë ARRSH-së për ndjekjen e procedurave të kolaudimit,” thuhet në shkresën e ARRSH drejtuar Vatës.

Vata i tha BIRN se mbeti e skandalizuar nga ky fakt.

“Kryeministri bashkë me zonjën Balluku e kanë inauguruar me daulle dhe festë edhe pse nuk është i kolauduar,” tha ajo, duke shtuar se inaugurimi ishte bërë për fushatë dhe se ishte ende e pasqaruar për sigurinë e tunelit.

Sipas inxhinierit Xhevahir Ngjeqari, hapja e tunelit pa aktin e kolaudimit përbën një shkelje të rëndë të ligjit.

“Tuneli nuk duhej të ishte hapur pa kolaudim. Edhe një kotec pulash nuk hapet pa kolaudim, sepse ka të bëjë me sigurinë,” tha Ngjeqari.

Drejtori i ARRSH-së, Ami Kozeli këmbënguli për BIRN se tuneli ishte i sigurt, pavarësisht mungesës së aktit të kolaudimit.

“Absolutisht po. Nuk ka asnjë problem (të sigurisë),” tha Kozeli, i cili nuk iu përgjigj pyetjes nëse kishte një shkresë apo vendimarrje që garantonte sigurinë e tunelit.

Një përfaqësues i kompanisë koncesionare “Gjoka 87” i tha BIRN se defektit vinin për shkak të punimeve në tunelin paralel të sigurisë, pa e vënë në diskutim sigurinë e tunelit. Por ai pranoi në njëfarë mënyre se hapja kishte qenë e parakohshme.

“Kishte presion nga njerëzit për hapjen e tunelit,” tha ai, duke shtuar: “ne jemi më të qetë të punojmë me tunel të mbyllur”.

Inaugurim pa kolaudim

Ndërtimi i rrugës prej 54 kilometrash që lidh Tiranën me Dibrën filloi në vitin 2018, pasi kompania “Gjoka Konstruksion” fitoi koncesionin me ofertën prej 33.6 miliardë lekësh.

Projekti parashikon ndërtimin e një rruge me dy korsi, e cila kalon në një seri me gjashtë tunele dhe dy ura të larta. Por vepra kryesore e projektit, tuneli 3.8 kilometra i gjatë i Qafës së Murrizit, ngeci për shkak të problemeve.

Rruga ishte planifikuar që të përfundonte në prill 2022, por për shkak të problemeve në ndërtimin e tunelit të Murrizit, Ministria e Infrastrukturës e zgjati afatin për kompaninë koncesionare “Gjoka 87” disa herë radhazi. Marrëveshja e fundit mes palëve përcaktonte se punimet duhej të mbaronin në maj 2025.

Dy muaj përpara përfundimit të këtij afati, tuneli u hap për qarkullim dhe kryeministri e shpalli atë të përfunduar. Por palët pranojnë tashmë se punimet në rrugë nuk kanë përfunduar.

I pyetur për mungesën e kolaudimit, kreu i ARRSH, Ami Kozeli i tha BIRN se ky proces mund të bëhej vetëm pas përfundimit të segmentit.
“E kuptoj politikën, por kolaudimi nuk ka të bëjë me aksesueshmërinë e aksit”, tha ai duke iu referuar qëndrimeve të Vatës. Sipas tij, kolaudimi bëhet kur përfundojnë të gjitha punimet.

“Aty ka ende punime të papërfunduara, por kjo nuk e bën të paaksesueshëm,” këmbënguli Kozeli.

Edhe përfaqësuesi i kompanisë i tha BIRN në kushtet e anonimatit se punimet nuk kishin përfunduar ende.

“Rruga e Arbrit është e ndarë në disa segmente; segmenti tre, për shkak se tuneli ndihmës nuk ka mbaruar akoma, nuk mund të merret në dorëzim,” tha ai, ndërsa shpjegoi se plasaritjet dhe problemet në tunelin e hapur ishin pikërisht pasojë e punimeve në vijim.
“Është presioni që vjen nga tubi paralel, nga puna që po bëhet në tunelin ndihmës dhe ka presione ekstreme dhe ka dhënë defekte në asfalt. Nuk kanë rrezik strukturor,” theksoi ai.

Dyshimet mbi sigurinë

Tuneli i Murrizit nuk është i pari që vihet në përdorim në këtë mënyrë. Rrugë të ngjashme janë inauguruar dhe mbyllur pas inaugurimit për shkak të nxitimit, kryesisht të lidhur me ciklet e fushatave elektorale.

Për specialistët e fushës, tuneli nuk duhej të ishte hapur pa përfunduar të gjitha punimet në mënyrë që jetë plotësisht i sigurt për përdoruesit.

Inxhinieri Xhevahir Ngjeqari i tha BIRN pasi pa pamjet e dëmeve se duhet bërë një analizë e qartë se çfarë janë dhe sa të rënda paraqiten.

“Probleme të tilla ndodhin në ndërtim dhe janë të llogaritura, por duhet të kuptohet nëse janë rënie të suvasë apo janë dëme në strukturë. Nëse është thjesht suvaja, punë e madhe, por nëse janë dëme në strukturë është problem,” tha Ngjeqari.

Megjithatë, ai është i mendimit se kolaudimi është një akt thelbësor dhe se hapja e tunelit në mungesë të tij nuk duhej të kishte ndodhur.

“Kush e mban përgjegjësinë ligjore nëse ndodh diçka në tunel,” pyet ai, ndërsa këmbëngul se ARRSH duhet të japë garanci me shkrim se tuneli është i sigurt.

Përfaqësuesi i kompanisë “Gjoka 87” këmbënguli se tuneli është i sigurt dhe se ata bënin matje çdo tre ditë me instrumente të posaçme për të kuptuar situatën.

Sipas tij, tuneli ndihmës përfundon në shkurt nëse nuk ka të papritura dhe pas kësaj do të bëhen ndërhyrjet për riparimin e dëmtimeve, duke devijuar qarkullimin.

I pyetur nëse tuneli kishte një dokument që jepte dritë jeshile për të qarkulluar, përfaqësuesi i kompanisë tha se nuk ishte në dijeni, por se “patjetër duhet të ketë”./BIRN

Agjencia Kombëtare e Shoqërisë së Informacionit nuk po gjen qetësi dhe sikur të mos mungonte problem me sistemin e SelfCare të Tatimeve, këtë të enjte në Komisionin e Prokurimit Publik u ankimua tenderi 4.8 milionë euro për internetin e këtij institucioni dhe atyre të tjera publike.

Ankesa është bërë nga një prej operatorëve pjesëmarrës në procedurë dhe ka të bëjë me vlerësimin e bërë nga Komisioni i Vlerësimit të Ofertave.

Më herët në dhjetor i njëjti tender që ishte pezulluar nga ana e Komisionit të Prokurimit Publik për shkak të ankesave të bëra nga disa operatorë lidhur me dokumentet e procedurës.

Për një pjesë prej tyre KPP pranoi kërkesat ndërkohë për disa të tjerë jo duke nënvizuar arsyet. Ankesat e vazhdueshme kanë sjellë vonesa të shumta me afatet normale që duhet të ndiqte kontrata. Konkretisht tenderi u çel në datë 13 gusht 2025.

Procedura kishte në objekt kontrate “Shërbimi i internetit dhe intranetit për agjencinë kombëtare të shoqërisë së informacionit dhe institucionet publike”. Fondi limit është 4.8 milionë euro dhe shërbimi parashikohet që të ofrohet për 730 ditë.

“Objektivi i Përgjithshëm i kontratës është instalimi, aktivizimi i shërbimit të Internetit dhe Intranetit për institucionet e administratës shtetërore nën përgjegjësinë e Këshillit të Ministrave.

Shërbimi do të ofrohet gjatë gjithë periudhës së kontratës , për këtë arsye secili operator ekonomik ka përgjegjësinë e garantimit dhe disponueshmërisë së shërbimit në çdo moment, duke ofruar suport teknik , mirëmbajtje të linjave fizike konform SLA-së”, thuhet në termat e referencës së procedurës.

Tenderët e lidhur me sistemet e IT të institucioneve të ndryshme por edhe mirëmbajtjet janë ndër procedurat e ankimuara më shpesh pranë KPP duke krijuar edhe zvarritje.

Një rast si ky ishte edhe ai i mirëmbajtjes së fiskalizimit i ankimuar disa herë dhe që ka një fond limit 7.7 mln euro, duke qenë dhe një nga arsyet që çoi në mos funksionimin e platformës self-care dhe bllokoi aktivitetin e bizneseve për rreth tre javë!./ Monitor

Anëtari i Këshillit Kombëtar të PD, Myslim Murrizi, deklaroi në emisionin “Kjo Javë” se pas abuzimeve me tendera, qëndron kryeministri Edi Rama, duke e cilësuar atë si “ustai”.

Murrizi tha se Balluku është derivat i sistemit të ngritur nga vetë Rama.

“Këtu ke banda që janë vjedhur 30 mld euro. Balluku është derivat i sistemit që ka ngritur Rama. Këtu nuk është ndërtuar asnjë shtëpi, asnjë rezidencë. Ne duhet të kërkojmë në protestën e radhës madje, dorëheqjen e Gysit se ai është shefi i Ramës”, tha Murrizi.

Duke folur për protestën e ardhshme të PD, ish-deputeti tha se ka kërkuar që protesta nuk duhet të jetë me valle e këngë.

“Nuk është protestë ajo e 24 janarit, sduhet të ketë as valle as pogonishte, në Francë zjarrfikësit janë përleshur me policinë.

Vetëm 15 minuta pati nerv e mllef”, tha ish-deputeti i PD, Myslim Murrizi.

Myslim Murrizi: për fat të keq cfarë kam kritikuar ka dalë e drejtë. Që kur nuk pranova të heq mandatin dhe thashë që PD do ta vuajë këtë vendim.

Ata që s’kanë qejf Murrizin janë ata që iu është bërë shpatulla gjak duke u shtyrë në paradhomën e Berishës duke u shtyrë për tu futur në lista.

Nuk është protestë ajo e 24 janarit, sduhet të ketë as valle as pogonishte, në Francë zjarrfikësit janë përleshur me policinë.

Vetëm 15 minuta pati nerv e mllef, ata që ishin në protestë ishin mbështetës të opozitës, pjesë nga 530 mijë votat që mori PD.

PD ka nevojë për tu korrigjuar, këtu ke banda që janë vjedhur 30 mld euro. Balluku është derivat i sistemit që ka ngritur Rama. Këtu nuk është ndërtuar asnjë shtëpi, asnjë rezidencë. Ne duhet të kërkojmë në protestën e radhës madje, dorëheqjen e Gysit se ai është shefi i Ramës.

Zv/kryeministrja Belinda Balluku ka dorëzuar një recurs në Gjykatën e Lartë kundër masës shtrënguese të ndalimit të daljes jashtë vendit.

Lidhur me masën e pezullimit nga ushtrimi i detyrës, Balluku nuk ka ngritur pretendime duke qenë se Apeli e ka pezulluar deri në vendimin e Gjykatës Kushtetuese.

Masat ndaj Ballukut janë kërkuar nga Prokuroria e Posaçme për shkak të akuzave të ngritura ndaj saj për dyshime mbi abuzime me vlerë miliona euro me tenderat publikë. bw

Loris Qose, nxënës i shkollës “7 Marsi” në Cërrik, arriti të fitonte medalje të artë në një konkurs ndërkombëtar matematike në SHBA, ku morën pjesë mbi 300 konkurrentë nga 30 shtete të botës. Falë punës së palodhur me mësuesen e tij, Flutura Hoxholli, Lorisi arriti të fitonte edhe një medalje bronzi në kimi. Në këtë kompeticion, ai ngriti krenar 2 herë flamurin shqiptar në Amerikë.

Ky sukses bëri që Kryeministri Edi Rama, si edhe figura të tjera politike, t’i dedikonin Lorisit statuse falënderimi dhe krenarie. Edhe Ministrja e Arsimit, Mirela Kumbaro, priti në zyrën e saj nxënësin dhe mësuesen e tij. Dhurata e ministres për gjeniun e shkollës “7 Marsi” në Cërrik ishte një libër.

Në të njëjtin konkurs ku Lorisi fitoi dy medalje, morën pjesë edhe nxënës nga Kosova. Ata arritën të fitonin plot 6 medalje të arta, 3 të argjendta dhe 7 të bronzta. Por për këto arritje, në Kosovë ka patur një tjetër qasje institucionale. Kryeministri i Kosovës, Albin Kurti, gjatë ceremonisë së falënderimit për nxënësit dhe mësuesit fitues, deklaroi se qeveria kishte akorduar 26 mijë euro për përgatitjen dhe pjesëmarrjen e tyre në kompeticion. Pas kthimit me medalje, qeveria e Kosovës akordoi edhe 150 mijë euro të tjera si shpërblim.

Ndërkohë, në Shqipëri, nxënësi i shkollës “7 Marsi” në Cërrik, me përpjekjet e tij dhe të mësueses së matematikës, arriti një sukses të jashtëzakonshëm pa mbështetje konkrete shtetërore. Mësuesja Flutura Hoxholli ka punuar për rreth dy vite me Lorisin, pa asnjë shpërblim financiar, vetëm nga dëshira që nxënësi i saj të arrinte më të mirën. Kur erdhi momenti i pjesëmarrjes në konkursin në SHBA, shpenzimet për biletat e avionit dhe qëndrimin u siguruan përmes kontributeve të njerëzve dhe institucioneve të ndryshme, pas thirrjes së bërë nga mësuesja e matematikës.

Nëse shteti shqiptar përtej krenarisë do të mbështeste financiarisht nxënës të tillë, ashtu siç vepron Kosova, medaljet shqiptare në arenën ndërkombëtare me siguri do të ishin edhe më të shumta.

Osman Stafa 

Deputeti i Partisë Demokratike, Saimir Korreshi, i ftuar në emisionin “Oponencë” në News24, ka folur mbi zhvillimet e fundit politike dhe ngërçin institucional lidhur me kërkesën e SPAK për arrestimin e zv/kryeministres Belinda Balluku.

Korreshi, anëtar i Këshillit të Mandateve, theksoi se organi ku bën pjesë nuk është gjykatë dhe nuk vlerëson prova, por shqyrton nëse ekzistojnë indicie për inkriminim apo nëse çështja ka natyrë politike.

Sipas Korreshit, motivi kryesor i kërkesës për arrestim lidhet me rrezikun e prishjes së provave dhe intimidimin e dëshmitarëve. Ai deklaroi se kërkesa e SPAK është fokusuar në çështje që lidhen me Tunelin e Llogarasë dhe Unazën e Madhe, ndërsa elementë të tjerë pritet të trajtohen në një fazë të mëvonshme të hetimeve. Deputeti shtoi se në Këshillin e Mandateve janë pesë juristë dhe se, sipas tij, jo të gjitha provat janë bërë ende publike.

I pyetur për pretendime të tjera që qarkullojnë në opinionin publik si videot me skandale të natyrës seksuale, Korreshi mohoi ekzistencën e materialeve të tipit video apo foto në këtë dosje, duke theksuar se bëhet fjalë për materiale që lidhen me elementët fillestarë të hetimit. Lidhur me zërat për pasuri të konsiderueshme të Ballukut si pretendimi për posedimin e 300 apartamenteve, ai u shpreh se “ku ka zë, nuk është pa gjë”, por nënvizoi se Këshilli i Mandateve nuk kryen hetime dhe nuk ushtron funksione të prokurorisë.

Korreshi theksoi se, sipas Kushtetutës, Këshilli vlerëson vetëm nëse ka indicie për vepra penale ose nëse procesi është i motivuar politikisht, duke shtuar se, sipas tij, rasti në fjalë nuk ka natyrë politike.

Kreu i lëvizjes “Shqipëria Bëhet”, Adriatik Lapaj ka bërë thirrje për protestë ditën e shtunë, më 31 janar, në orën 18:00, përpara Kryeministrisë, duke akuzuar qeverinë dhe institucionet shtetërore për mungesë të marrjes së masave ndaj zv/kryeministres Belinda Balluku, e akuzuar nga SPAK.

Në deklaratën e tij, Lapaj pretendon se institucionet janë “të kapura nga kryeministri Edi Rama” dhe se, sipas tij, prej 52 ditësh nuk po ndërmerren hapa konkretë për dorëzimin e Ballukut para drejtësisë.

Ai krahasoi trajtimin e qytetarëve të zakonshëm me atë të zyrtarëve të lartë, duke deklaruar se për shkelje të vogla ligjore qytetarët përballen menjëherë me ndëshkime, ndërsa, sipas tij, zyrtarët e lartë nuk mbajnë përgjegjësi për abuzime me fondet publike.

Lapaj u bëri thirrje qytetarëve që të mos pajtohen me situatën aktuale dhe të marrin pjesë masivisht në protestë, së bashku me familjarë dhe të afërm, duke e cilësuar protestën si një akt qytetar kundër korrupsionit. bw

Kreu i Partisë së Lirisë, Ilir Meta, pritet të publikojë sot, për herë të parë, fakte dhe dëshmi të reja për çështje të rëndësishme në vend.

Në njoftimin e shpërndarë për mediat nga Partia e Lirisë, bëhet me dije se fakte e reja kanë të bëjnë me “21 Janarin”, “14 Shtatorin 1998”, dhe çështjen e “Azem Hajdarit”.

“Presidenti i Partisë së Lirisë, Z. Ilir Meta, do të publikojë paraditen e sotme, për herë të parë, fakte dhe dëshmi të reja, të pathëna dhe të papublikuara më parë, në lidhje me 21 Janarin, 14 Shtatorin ’98, si dhe me çështjen e Azem Hajdarit”, thuhet në njoftim. bw

Kryetari i Partisë Demokratike, Sali Berisha ka denoncuar në Strasburg se 28 deputetë të Parlamentit shqiptar janë zgjedhur duke u mbështetur nga kartelet e drogës.

Në fjalën e tij, ai u shpreh se mandatet e këtyre deputetëve janë përdorur për të bllokuar Prokurorinë e Posaçme, e cila kërkon heqjen e imunitetit të Belinda Ballukut me qëllim arrestimin e saj.

“Prokuroria kërkoi arrestimin dhe heqjen e imunitetit të Zëvendëskryeministres. Edi Rama; Kryeministri, i quajtur Ramaduro i Madh, e bllokoi iniciativën e Prokurorisë dhe nuk po e lejon. Pse? Sepse në çdo tre rreshta të këtij dosjeje gjendet emri i tij. E njëjta gjë po ndodh me AKSHI-n, Agjencinë Kombëtare të Teknologjisë. Të gjitha të dhënat po eksportohen te bandat kriminale dhe banditët”, tha Berisha.

Sipas tij, këtyre 28 deputetëve iu janë dhënë ‘450 leje për hotele, motele, ndërtime dhe resorte turistike’.

Fjalimi i Berishës

Faleminderit, zonja Kryetare. Mendoj se çështja e zgjedhjeve në krizë, por edhe jashtë krizës, ka si pyetje më themelore këtë: a kemi zgjedhje apo një farsë zgjedhore. Zgjedhjet i shërbejnë shtetit të së drejtës; farsa zgjedhore ka efektin e kundërt.

Unë dënoj fuqishëm ndërhyrjen ruse në zgjedhjet e vendeve të tjera, por jam këtu gjithashtu për të denoncuar dy faktorë të tjerë madhorë që mund t’i shkatërrojnë zgjedhjet. Njëri prej tyre është shteti-parti ose partia-shtet, ashtu siç u tha këtu nga vëzhguesit, se në Shqipëri zgjedhjet u zhvilluan në klimën e një partie-shtet.

Problemi i dytë madhor është narkoshteti. Narkoshteti është një gjendje në të cilën droga dhe krimi shndërrohen në vota, dhe votat më pas shndërrohen në krime. 28 deputetë kanë hyrë në parlament të mbështetur nga kartelët më të fuqishëm të drogës. Pas kësaj, atyre iu dhanë 450 leje për hotele, motele, ndërtime dhe resorte turistike. Më pas, mandatet e tyre u përdorën për të bllokuar tërësisht Prokurorinë.

Prokuroria kërkoi arrestimin dhe heqjen e imunitetit të Zëvendëskryeministres. Edi Rama; Kryeministri, i quajtur Ramaduro i Madh, e bllokoi iniciativën e Prokurorisë dhe nuk po e lejon. Pse? Sepse në çdo tre rreshta të këtij dosjeje gjendet emri i tij. E njëjta gjë po ndodh me AKSHI-n, Agjencinë Kombëtare të Teknologjisë. Të gjitha të dhënat po eksportohen te bandat kriminale dhe banditët. Panorama

Një grup qytetarësh kanë dalë sot në protestë para Kryesisë së Kuvendit në mbështetje të drejtësisë, ndërsa kërkojnë që Belinda Ballukut t’i hiqet imuniteti dhe ajo të vihet para drejtësisë.

Migen Qiraxhi tha në një prononcim për mediat se anëtarët e Parlamentit nuk mund të mbrojnë një ministre të korruptuar, si Belinda Balluku.

“Si mundet që deputetet të mbrojnë hajdutët, të mbrojnë milionat e eurove që janë vjedhur. Niko Peleshin e kanë zgjedhur qytetarët e Korçës. A i ka pyetur Peleshi qytetarët e Korçës që të mbrojnë një ministre të korruptuar. Bëjnë tunele dhe ju prishen, bëjnë rrugë dhe ju prishen”, tha Qiraxhi.

“Qëndrojmë në krah të institucione të drejtësisë, si mbështetje, por edhe si kërkesë që procesi nuk mund të jetë me faza dhe individë, por duhet të shkojë deri në fund duke përfshirë të gjithë zyrtaret e korruptuar”.

“Belinda balluku të përballet me drejtësinë!” gsh

Këshilli i Mandateve do të mblidhet ditën e sotme për të vendosur mbi kërkesën e GJKKO për heqjen e imunitetit për zv.kryeministren dhe ministren e Infrastrukturës Belinda Balluku,çka i hap rrugë arrestimit të saj pas kërkesës së Prokurorisë së Posaçme Antikorrupsion.

Mbledhja do të mbahet në orën 12.00, teksa Gjykata Kushtetuese nuk ka marrë akoma një vendim lidhur me pezullimin e saj nga detyra.

Kryeministri Edi Rama kërkoi rrëzimin e vendimit të GJKKO për pezullimin nga detyra të Ballukut. Në seancën e 22 janarit, qeveria kërkoi shfuqizimin e vendimit të Gjykatës Kushtetuese, me argumentet se pushteti gjyqësor kishte ndërhyrë në ekzekutiv, dhe pezullimi në këtë rast ishte de fakto shkarkim, duke penguar edhe veprimtarinë e Këshillit të Ministrave.

Por pas dërgimit të çështjes në Kushtetuese, SPAK ndërmori një hap tjetwr, pasi kërkoi heqjen e imunitetit të saj me qëllim vendosjen e një mase arresti. Pas mbledhjes së mbajtur në dhjetor, mbledhja e dytë e Këshillit të Mandateve u shty me qëllim pritjen e një vendimi nga Kushtetuesja.

Por teksa kjo e fundit po merr kohë, Këshilli i Mandateve do të duhet të vendosë nëse do të pranohet kërkesa e SPAK apo jo.

AKUZAT:

Ndryshe nga më parë, kur numri dy i qeverisë ishte e pandehur për veprën penale “shkelje e barazisë së pjesëmarrësve në tendera apo ankande publike”, e kryer në bashkëpunim, në lidhje tenderin për ndërtimin e tunelit të Llogarasë dhe nën hetim për tenderin loti 4 Unaza e Madhe, SPAK njoftoi më pas se po e heton Belinda Ballukun edhe për disa procedura të tjera, çka e rëndon ndjeshëm pozitën e saj përballë drejtësisë.

“Shtetasja Belinda Balluku ka marrë cilësinë e personit nën hetim për dyshimin e kryerjes së të njëjtës vepër penale për shtatë procedura të tjera prokurimi me objekt:

“Plotësimi, rakordimi dhe vazhdimi i punimeve Sheshi Shqiponja-Lumi i Tiranës, Loti 1 dhe QMT”;
“Ndërtimi i segmentit rrugor Sheshi Shqiponja-Bulevardi i Ri, Loti 2”;
“Ndërtim i segmentit rrugor Sheshi Shqiponja-Bulevardi i Ri- Shkozë, Urat mbi lumin Tirana”;
“Ndërtimi i Unazës së Jashtme Tiranë, Loti 4”;
“Ndërtim i Unazës së Jashtme Tiranë, Loti 5”;
“Ndërtim i Unazës së Jashtme Tiranë, Loti 6”;
“Ndërtim i Unazës së Jashtme Tiranë, Loti 7”, thuhet në kërkesën e SPAK ku kërkohry dhe arrestimi i zv. Kryeministres. bw

Deputeti i Partisë Mundësia, Agron Shehaj, gjatë fjalës së tij një seancën e sotme plenare i është drejtuar socialistëve duke i thënë se “iu ka dalë boja”, pasi po mbrojnë të korruptuarit, duke përmendur këtu zv.kryeministren Belinda Balluku.

“Jeni këtu në mbrojtje të Belinda Ballukut, ndërkohë që SPAK e do të arrestuar. Ndërkohë që SPAK ka kërkuar pezullimin e saj nga detyra, jeni këtu duke e mbrojtur të korruptuarit”, tha ai.

Më tej, deputeti theksoi se edhe Balluku qeshte dhe tallej me qytetarët, por tani i ka ikur buzëqeshja, pasi SPAK e do të arrestuar.

“Ashtu qeshte dhe Belinda Balluku, por i ka ikur buzëqeshja Ballukut, e keni parë”, tha ai, ndërsa i cilësoi socialistët si “vegla të Belinda Ballukut, ish-drejtorë të saj”, që e mbrojnë në Kuvend.

Agron Shehaj: Ju ka dalë edhe boja, jeni këtu në mbrojtje të Belinda Ballukut, ndërkohë që SPAK e do të arrestuar. Ndërkohë që SPAK ka kërkuar pezullimin e saj nga detyra, jeni këtu duke e mbrojtur të korruptuarit.

Ju ka dalë boja, nuk keni më turp. Vini dhe talleni, ndërkohë qytetarët shqiptarë, që ua keni bërë jetën të pamundur, kanë pasur vetëm një mundësi, të largohen. Kjo është, vazhdoni dhe talluni, por ta dini që iu ka ardhur fundi nga drejtësia. Ashtu siç qeshni ju këtu, qeshte Xhaçka, por nuk e shoh më të qesh. Kështu qeshte dhe Erion Veliaj, por nuk është më.

Ashtu qeshte dhe Belinda Balluku, por i ka ikur buzëqeshja Ballukut, e keni parë. Ju që jeni thjeshtë vegla të Belinda Ballukut, ish-drejtorë të Belinda Ballukut që vini këtu e mbroni. Nuk nderoni veten duke mbrojtur të korruptuarit. gsh

Aeroporti Ndërkombëtar i Tiranës (TIA) ka kënaqësinë të njoftojë se Turkish Airlines ka nisur operimet në TIA duke filluar nga data 23 janar, duke prezantuar fluturime ditore në linjën Tiranë–Stamboll.

Hyrja e Turkish Airlines në rrjetin e linjave ajrore të TIA-s përfaqëson një zgjerim të rëndësishëm të lidhshmërisë ajror dhe forcon më tej lidhjet mes Shqipërisë dhe një prej partnerëve më të rëndësishëm ekonomikë dhe të aviacionit në rajon. Turqia përfaqëson një nga tregjet më strategjike për Aeroportin Ndërkombëtar të Tiranës, e nxitur nga kërkesa e madhe për udhëtime biznesi, turizëm dhe vizita familjare (VFR).

Me operime ditore, Turkish Airlines do të lidhë Tiranën me qendrën e saj globale në Stamboll, duke u ofruar pasagjerëve akses të lehtë në një rrjet të gjerë ndërkombëtar që shtrihet në Evropë, Azi, Afrikë dhe Amerikë. Fillimi i operimeve ditore u mundëson udhëtarëve shqiptarë lidhje të përshtatshme drejt destinacioneve ndërkontinentale, përfshirë Nju Jorkun, si dhe qyteteve kryesore në rrjetin global të Turkish Airlines.

Duke komentuar nisjen e kësaj linje, Piervittorio Farabbi, Drejtor Operacional i Aeroportit Ndërkombëtar të Tiranës, u shpreh:

“Fillimi i operimeve të Turkish Airlines në Aeroportin Ndërkombëtar të Tiranës përbën një hap të rëndësishëm në forcimin e lidhshmërisë tonë ndërkombëtare. Turqia është një nga tregjet tona kyçe, dhe shërbimi ditor drejt Stambollit do t’u ofrojë pasagjerëve tanë më shumë fleksibilitet dhe akses në një nga hub-et më të rëndësishme globale. Kjo linjë e re mbështet vizionin afatgjatë të TIA-s për rritje të qëndrueshme, përmirësim të përvojës së pasagjerëve dhe zgjerim të opsioneve të udhëtimit drejt dhe nga Shqipëria.”

Biletat për linjën Tiranë–Stamboll janë tashmë të disponueshme për rezervim përmes faqes zyrtare të Turkish Airlines:
www.turkishairlines.com

Hyrja e Turkish Airlines në TIA mbështet strategjinë e vazhdueshme të aeroportit për zgjerimin e lidhshmërisë, përmirësimin e opsioneve të udhëtimit për pasagjerët dhe forcimin e rolit të Tiranës si një portë ajrore rajonale në rritje. Shërbimi ditor drejt Stambollit pritet të kontribuojë pozitivisht në rritjen e numrit të pasagjerëve, zhvillimin e turizmit dhe forcimin e lidhjeve të biznesit mes Shqipërisë, Turqisë dhe tregjeve globale.

Rreth Aeroportit Ndërkombëtar të Tiranës (TIA)
Aeroporti Ndërkombëtar i Tiranës është porta kryesore ajrore e Shqipërisë dhe një nga aeroportet me rritjen më të shpejtë në rajon. Duke shërbyer miliona pasagjerë çdo vit, TIA vazhdon të zgjerojë rrjetin e destinacioneve, infrastrukturën dhe shërbimet për pasagjerët, me fokus të veçantë në konektivitet, eficiencë operacionale dhe përmirësimin e përvojës së udhëtimit. Aeroporti luan një rol kyç në mbështetjen e turizmit, zhvillimit ekonomik dhe integrimit të Shqipërisë në rrjetet globale të transportit ajror.

Rreth Turkish Airlines
E themeluar në vitin 1933 me një flotë prej pesë avionësh, Turkish Airlines, anëtare e Star Alliance, sot operon me një flotë prej 519 avionësh (pasagjerë dhe kargo), duke fluturuar drejt 356 destinacioneve në mbarë botën – 303 ndërkombëtare dhe 53 vendase – në 132 vende. Më shumë informacion mund të gjendet në faqen zyrtare www.turkishairlines.com ose në rrjetet sociale Facebook, X, YouTube, LinkedIn dhe Instagram. Panorama

Qeveria dhe mazhoranca po mbrojnë zv/kryeministren Belinda Balluku duke zvarritur sa më shumë çështjen e heqjes së imunitetit, pas kërkesës së hershme të SPAK, pasi po prish provat dhe intimidon dëshmitarët.

Për të mbrojtur drejtësinë dhe qytetarët, nesër do të mbahet edhe një protestë qytetare para Kryesisë së Kuvendit, e organizuar nga shoqëria civile dhe aktivistët e saj.

Kështu u shpreh sot nga studio e “News 24”, aktivisti Migen Qiraxhi, duke shpjeguar edhe motivet e tubimit. Ai e cilësoi të paprecedentë lojën me zgjatjen e vendimit nga Kushtetuesja dhe mbledhjes nga Këshilli i Imuniteteve në Parlament.

Dhe meqë nesër më 28 janar është edhe mbledhja, u organizua kjo protestë, me qëllim që të mos zvarritet më çështja dhe Balluku t’i dorëzohet drejtësisë.

“Është vazhdimësi e aksionit ku ne si qytetarë kërkojmë që në një situatë të dukshme jo të zakonshme, kemi parë që SPAK që është strukturë në mbrojtje të qytetarëve, ka përplasje dukshëm me strukturën më të lartë të qeverisë, kryeministrin dhe figurën më të lartë, Belinda Ballukun. Ne mendojmë se Kuvendi po kërkon të fitojë kohë dhe të zgjasë vendimin për një kërkesë të drejtësisë. Ne jemi në krah të SPAK dhe drejtësisë, që t’i hiqet imuniteti ministres dhe të vihet në dispozicion të drejtësisë për hetime, që të mos prishin provat, ashtu siç është shprehur gjykata dhe prokurorët, që mbajtja e saj në detyrë shërben për të intimiduar dëshmitarët dhe për të prishur provat. Minimalisht duhet t’i dorëzohet drejtësisë dhe ta ndjekë vetë çështjen penale dhe të humbasë ofiqet që ka”, shpjegoi ai arsyet e protestës së nesërme.

Por loja politike duket se ka prekur edhe Kushtetuesen sipas tij, pasi po shihet një taktikë për të zgjatur vendimin dhe për t’i dhënë jetë politikisht Ballukut dhe qeverisë.

Qiraxhiu nënvizoi se kushdo shkel ligjin, duhet të vendoset para drejtësisë dhe në rastin e Ballukut, duke pasur imunitet ajo mund të vijojë abuzimet dhe shkeljet.

“Vendimi i sotëm i Kushtetueses nuk është aspak optimist dhe dukshëm kuptojmë se ka tension shumë të madh. E pakuptimtë që Gjykata të marrë kaq kohë, kur çështja është emergjente. E ka shtyrë njëherë dhe tani e bën përsëri, kërkon kohë që të njihet me çështjet. Çdokush që ka shkelur ligjin duhet t’i dorëzohet drejtësisë.  Shteti i prokurorëve që pretendon Rama është në precedentin që Gjykata i ka rrëzuar prokurorët. Nuk ka asnjë arsye që mazhoranca të mbrojë me imunitet një politikan. Kjo s’ka më asnjë kuptim. Është e patolerueshme”, vijoi ai.

Qiraxhi i bëri thirrje qytetarëve që nesër në orën 10:00 t’i bashkohen protestës te Kuvendi, përballë Kryeministrisë.

“Unë mendoj se pjesa tjetër e qytetarëve duhet t’i bashkohet nesër në orën 10:00 protestës tonë para Kryesisë së Kuvendit, përballë Kryeministrisë, të mos ngatërrohet me Parlamentin. Aksioni qytetar duhet të marrë jetë. Qëllimi i protestës është marrja në mbrojtje e drejtësisë dhe presioni ndaj parlamentit që të dorëzojë mandatin e Ballukut dhe për të mbrojtur institucionet që ajo ka në varësi. Ky është misioni i shoqërisë civile dhe aktivistëve, për t’u dëgjuar zëri ynë dhe i shoqërisë shqiptare”.

Aktivisti shpjegoi më tej se taktika e qeverisë dhe kryeministrit për ta mbrojtur Ballukun ka për qëllim mbajjen larg të drejtësisë, pasi nesër mund t’i gjendet tek dera edhe vetë kryeministrit. Ai akuzoi PS se po strehon dhe mbron me imunitet Ballukun.

“Mendoj se diçka mund t’i marrë edhe ata në këtë histori, këtë mendoj unë. Pasi në të kaluarën figurat kanë qenë larg kryeministrit, këtë herë drejtësia ka shkuar shumë pranë kryeministrit. Dikur thoshte drejtësinë e kam bërë unë, i jap këdo drejtësisë, kurse tani ka ndryshuar narrativën dhe flet për shtet prokurorësh apo mbron të akuzuarit. Mendoj se Drejtësia është e kërcënuar nga kjo qeverisje. PS po strehon dhe mbron me imunitet politik ministren Balluku. Të gjitha këto tregojnë se nesër drejtësia mund të shkojë edhe te dera e qeverisë”, u shpreh ai.

Kurse për vendimin e Kushtetueses, Qiraxhi argumenton se e priste edhe zvarritjen e saj, duke ndjekur lojën politike të qeverisë.

“Kemi pritur që Kushtetuesja të përdorë të njëjtën strategji si Kuvendi, që ta zgjasin jetën politike të Ballukut, që nuk ka arsye pse të ndodhë. Dhe të gjitha këto skandale duket se nuk kanë prodhuar krizën e duhur për qeverinë”, tha ai.

Një grup qytetarësh paralajmëruar sot se ditën e nesërme një protestë para kryesisë së Kuvendit, ku do të mblidhet Këshilli i Mandateve dhe Rregullores për heqjen e imunitetit të Belinda Ballukut, për të cilën SPAK kërkon autorizimin për arrestim.

Me sloganin “Dorëzoni imunitetin e hajdutëve”, ata do kërkojnë që Këshilli i Mandateve të marrë vendimin për t’i hequr imunitetin Belinda Ballukut.

Orët e ardhshme pritet të jenë vendimtare për fatin e Belinda Ballukut.

Të mërkurën në orën 12:00 mblidhet këshilli i mandateve dhe imuniteteve për të vendosur për kërkesën e SPAK për leje për të arrestuar zv.kryeministren dhe Ministren e Infrastrukturës dhe Energjisë.

Po ndërsa palët do të ballafaqohen në seancën e së mërkurës, ku SPAK do të paraqesë prova të reja të siguruara nga kontrollet e kryera së fundmi, gjykata Kushtetuese ndodhet përpara provës së zjarrit për të vendosur lidhur me kërkesën e kryeministrit për shpalljen si antikushtetues të vendimit të GJKKO që pezulloi nga detyra numrin dy të qeverisë, pasi pretendon se është ndërhyrje në punët e ekzekutivit.

Anëtarët e Kushtetueses u mblodhën vetëm pak minuta këtë të martë, për të diskutuar lidhur me këtë cështje, por nuk dolën me një vendim. Disa nga anëtarët kanë pretenduar se iu duhet më shumë kohë për të dalë me një vendim, për shkak të kompleksitetit të cështjes.

Data dhe ora e mbledhjes së radhës nuk është bërë ende me dije, por me shumë mundësi vendimi do të merret javën e ardhshme, pasi te enjten disa nga gjyqtarët kushtetues udhëtojnë jashtë vendit për vizitë zyrtare.

Gjatë seancës plenare publike, qeveria Kuvendi dhe Presidenti kërkuan të shfuqiziohet si antikushtetues vendimi i GJKKO, ndërsa SPAK tha se pezullimi mbetet në fuqi.
Belinda Balluku është e pandehur për akuzën e shkeljes së barazisë në tendera për tendering për ndërtimin e tunelit të Llogarasë.

Ndërsa është nën hetim për procedura të tjera tenderuese të Unazës së Madhe dhe koncesionin e rrugës Thumanë-Kashar. bw

Një grup qytetarësh kanë paralajmëruar ditën e nesërme një protestë para kryesisë së Kuvendit, ku do të mblidhet Këshilli i Mandateve dhe Rregullores për heqjen e imunitetit të Belinda Ballukut, për të cilën SPAK kërkon autorizimin për arrestim.

Me sloganin “Dorëzoni imunitetin e hajdutëve”, qytetarët do të mblidhen në orën 10:00 për të kërkuar që Këshilli i Mandateve të marrë vendimin për t’i hequr imunitetin Belinda Ballukut.

Opozita nga ana e saj ka akuzuar kryetarin e Kuvendit, Niko Peleshi se ka shkelur Rregulloren e Kuvendit me urdhër politik të Ramës dhe ka penguar drejtësinë.

Ndërkohë Gjykata Kushtetuese përfundoi të enjten shqyrtimin e çështjes për ligjshmërinë e pezullimit nga detyra e zv.kryeministres dhe ministres së Infrastrukturës dhe Energjisë, Belinda Balluku, e cila është marrë e pandehur nga Prokuroria e Posaçme, SPAK, për veprën penale të “shkeljes së barazisë në tendera” në disa procedura tenderimi me vlerë qindra-milionë euro. Panorama

Plakja e shpejtë e popullsisë dhe emigracioni i vazhdueshëm janë ndër sfidat më të mëdha strukturore me të cilat përballet ekonomia shqiptare. Kështu u shpreh Guvernatori i Bankës së Shqipërisë, Gent Sejko, gjatë prezantimit të Raportit të Tranzicionit të BERZH për vitet 2025–2026.

Sipas Sejkos, këto fenomene janë identifikuar prej kohësh si përcaktuese për zhvillimin afatgjatë të vendit dhe tashmë po shfaqin ndikime konkrete në tregun e punës dhe në perspektivën e rritjes ekonomike.

Guvernatori iu referua parashikimeve të Kombeve të Bashkuara, sipas të cilave vendi po shkon drejt përmbysjes së piramidës demografike.

“Plakja e popullsisë dhe emigracioni janë identifikuar herët në kohë si sfida përcaktuese për të ardhmen ekonomike të Shqipërisë.

Vendi ynë pasqyron shumë nga tendencat e përshkuara në këtë raport të radhës, plaken e shpejtë të popullsisë të kombinuar me largim të të rinjve dhe të popullsisë në moshë punë.

Sipas parashikimeve të Kombeve të Bashkuara këto dinamika pritet të intensifikohen edhe në vitet në vijim duke çuar në përmbysjen e piramidës demografike.

Popullsia ka ardhur në rënie, ndërkohë që mosha mesatare po rritet me shpejtësi. Mosha mesatare ka ardhur në 43 vjeç.

Emigracioni po shfaqet si një sfidë strukturore. Rritja ekonomike e qëndrueshme, nivelet historikisht të papunësisë dhe mungesa e fuqisë punëtore i kanë bërë të dukshme pasojat afatgjate”, tha Sejko. gsh

Fotoreporteri i njohur Feliks Bilani, i cili mbetur i lënduar gjatë protestës së zhvilluar nga opozita para Kryeministrisë më 24 janar, pasi është goditur me spraj në fytyrë nga një polic teksa ndodhej në krye të detyrës duke fotografuar dhe filmuar, ka treguar me detaje se si ka ndodhur ngjarja.

I ftuar në News 24, Bilani ka deklaruar se prej vitit 1992 ka qenë pjesëmarrës dhe dëshmitar në dhjetëra protesta, por kurrë më parë nuk është përballur me një sulm të tillë të drejtpërdrejtë ndaj një fotoreporteri gjatë ushtrimit të profesionit.

“Kemi kaluar peripeci, por kurrë, kurrë në historinë e protestave nuk është sulmuar një fotoreporter, apo një gazetar drejtpërdrejtë me spraj në fytyrë gjatë kohës që xhiron apo fotografon”, u shpreh Bilani.

Ai tregon se ngjarja ka ndodhur pranë selisë së Partisë Demokratike, në një moment tensioni mes protestuesve dhe policisë, ku po përdorej edhe topi i ujit. Ndërsa po filmonte me telefon dhe mbante aparatin fotografik, ai tha se është goditur papritur me spraj.

“Për 3-4 sekonda kam rënë në tokë. Unë nuk besoj se turma dhe protestuesit mbajnë spraj luftarak… Ishte me uniformë policie”, tha ai.

Fotografi tregon se menjëherë pas ngjarjes është ndihmuar nga persona të pranishëm dhe është transportuar me ambulancë, ku i është dhënë oksigjen, për shkak edhe të problemeve shëndetësore që ai ka, pasi vuan nga probleme kardiake dhe diabetik.

“Në ambulancë më kanë vënë oksigjen menjëherë, sepse polica duhet ta dijë që spaji apo gazi nuk mund të përdoret, unë jam kardiak dhe diabetik dhe nuk mund të sulmosh një njeri me spraj pa ditur pasojat më pas. Më kanë çuar në QSUT, kam bërë analizat, kontrollet, pas rreth dy orësh, unë kam firmosur dhe jam larguar me vullnetin tim. Kam shkuar në shtëpi dhe kam konsumuar ushqime sipas mjekëve, për të nxjerr toksinat”, shtoi ai, duke theksuar se ende ndjen rëndesë në kokë dhe në sy, për shkak të ekspozimit të afërt ndaj sprajit.

“Edhe sot, kokën dhe sytë i kam rëndë, sepse kam qenë në një distancë të afërt”, tha ai.

Feliks Bilani: Që nga 92’ kam qenë në shumë protesta, unë e pranoj që edhe policia në shumë vite, na ka goditur, na kanë marrë aparatet, filmat, kemi kaluar peripeci, por kurrë, kurrë në historinë e protestave nuk është sulmuar një fotoreporter, apo një gazetar drejtpërdrejtë me spraj në fytyrë gjatë kohës që xhiron apo fotografon.

Tek pjesa para selisë së PD, ishte topi i ujit, zoti Strazimiri dhe zonja Vokshi, duke u konfrontuar me policinë, ishte një situatë e nxehtë, unë duke mbajtur aparatin në një dorë dhe telefonin në dorën tjetër duke xhiruar, nuk pash më asgjë, vetëm ndjeva spajin në fytyrë. Për 3-4 sekonda kam rënë në tokë.

Unë nuk besoj se turma dhe protestuesit mbajnë spraj luftarak. E dyta, nuk mund të besoj, se dhe nga 21 janari unë kam dalë me 4 qepje në kokë, dhe nuk besoj se me 21 janar policia ka përdorur gurë drejt mediave apo protestuesve. Nuk mund ta besoj kurrë që një protestues të sulmoj një gazetar, përjashton rastin e 28 majit të 1996, ku po unë jam sulmua nga një simpatizant të kohës, të PS-së. Ishte me uniformë policie.

Në ambulancë më kanë vënë oksigjen menjëherë, sepse polica duhet ta dijë që spraji apo gazi nuk mund të përdoret, unë jam kardiak dhe diabetik dhe nuk mund të sulmosh një njeri me spraj pa ditur pasojat më pas. Shansi është që është hera e dytë, dhe nga 8 janari që jam rrëzuar. Shans që më kanë ndihmuar njerëz, kanë lajmëruar ambulancën dhe jam oksigjenuar menjëherë. Më kanë çuar në QSUT, kam bërë analizat, kontrollet, pas rreth dy orësh, unë kam firmosur dhe jam larguar me vullnetin tim. Kam shkuar në shtëpi dhe kam konsumuar ushqime sipas mjekëve, për të nxjerr toksinat. Edhe sot, kokën dhe sytë i kam rëndë, sepse kam qenë në një distancë të afërt.

“Lëvizja e Ervin Salianjit nuk i bën aspak dëm Partisë Demokratike dhe madje duhet të kishte pasur të tjera lëvizje më herët dhe të ishte folur hapur për situatën e opozitës”.

Kështu u shpreh ish-deputeti demokrat, Myslym Murrizi sot në studion e “News24”, i pyetur për një sërë tematikash nga aktualiteti politik. Për Murrizin, protestat janë revoltë qytetare ndaj qeverisë dhe nuk kanë nevojë për podiume partish.

Në lidhje me lëvizjen e Ervin Salianjit brenda selisë blu, Myslym Murrizi e vlerësoi pozitivisht, ndërsa nënvizoi se Statuti i PD-së nuk njeh as përjashtime dhe as vija të kuqe, duke iu referuar deklaratave të kryetarit Sali Berisha për Salianjin, se “ishte vetëpërjashtuar” pasi “kaloi vijën e kuqe”.

“Nuk besoj shumë tek artikulimet aktuale, duke parë ato të kaluara, se nuk e dimë se si ndryshojnë, duke iu referuar atyre të kaluara. Në Kuvendin Kombëtar të 2021 është vendosur se nuk ka përjashtim me Statut. Statuti i PD nuk parashikon përjashtime. Nuk ka vija të kuqe dhe të verdha”, u shpreh ai.

Madje teksa ishte pro lëvizjes se Salianjit për reformim të Partisë Demokratike, tezë që i ka qëndruar edhe vetë vitet e fundit, pasi në PD shikon shumë figura që nuk e meritojnë të jenë aty, madje të zgjedhur edhe me lista të sigurta, pra jo të votuar nga populli.

“Mendoj se përveç lëvizjes ë Salianjit duhet të kishte pasur edhe të tjerat. Duhet të kishte folur edhe më 2023, në Këshillin Kombëtar dhe Kryesia, bashkë me Alimehmetin dhe të tjerët. Ky grup nuk e bënë atëherë dhe kur nuk u futën në listën e mbyllur, iu bashkuan Salianjit. Pra ata duhet të kishin folur hapur që në Këshillin Kombëtar”, u shpreh Murrizi për një pjesë te personazheve politike që i janë bashkuar lëvizjes.

Murrizi nënvizoi se nuk mund ta parashikonte se çfarë do ndodhte vite më parë nëse do kishte nisur kjo lëvizje, por theksoi se nuk i bën asnjë dëm partisë.

“Ana tjetër, Ervin Salianji para arrestimit ishte drejtues politik në Elbasan, nuk e di se çfarë do kishte ndodhur nëse s’do arrestohej. Gjithsesi nuk shoh se Salianji po i bën dëm partisë. Ajo parti nuk do askënd jashtë radhe, aty ka xhepistë që janë bërë llapistë, deri edhe spiunë të sigurimit”, tha ish-ligjvënësi opozitar.

Në lidhje me Bordin e Paqes dhe ftesën e presidentit Trump për Shqipërinë dhe kryeministrin Rama, Murrizi mbajti qëndrim kritik ndaj opozitës, duke u shprehur se u rreshtua me pushtetin duke e votuar. Kurse për protestat e PD ai tha se asnjë qeveri nuk vjen në pushtet në këtë mënyrë dhe se revoltat qytetare s’kanë nevojë për podiume.

“Asnjë qeveri teknike nuk ka ardhur me protesta. Dalin dhe thonë e ka fjalën Hyseni, e ka fjalën Hasani. Protesta është një shprehje revolte dhe nuk ka nevojë për podiume dhe as për zyra. Të jesh në opozitë është jo vetëm mision i vështirë, por edhe fisnik. Duhet të ketë njerëz me moral, që s’e duan vërtetë opozitën. Dhe pastaj bën këtë ritualin nga kryeministria te Kuvendi dhe i bëjnë natën, s’e di pse. Rama i mblodhi edhe opozitarët dhe ata votuan Bordin e Paqes së Trump”, tha ai. Panorama