VOAL

VOAL

Please Wait ...
0%

“Nuk kanë qenë 28 mijë dëshmorë, të rinumërohen”, debat në Kuvend edhe për 56 mijë veteranët me status

ARDIT HOXHA/ Një ndryshim në statusin për veteranët e Luftës së Dytë Botërore ka shkaktuar debat të fortë në Komisionin Parlamentar të Sigurisë.

 

Deputeti demokrat, Myslim Murrizi, ka hedhur akuza në drejtim të kolegëve të tij socialistë, në lidhje me numrin e dëshmorëve të kësaj lufte dhe përfitimet që garantohen nga ndryshimi në këtë status.

I ftuar në këtë komision për të raportuar, zv.ministri i Mbrojtjes, Petro Koçi, u është përgjigjur disa prej akuzave të Murrizit, i cili më pas e vijoi përplasjen me kryetaren e Komisionit, Ermonela Felaj, dhe deputetin e PS-së, Spartak Braho. Murrizi e ka konsideruar të ekzagjeruar numrin e veteranëve që përfitojnë nga ky status. Ai shtoi më tej se numri i 28 mijë dëshmorëve të rënë në Luftën e Dytë Botërore, është një gënjeshtër komuniste, që vazhdon sot e kësaj dite.

Sipas Murrizit, nga një diskordancë mes shifrave dhe sipas tij janë 9 mijë veteranë që dalin tepër dhe se lista është e fryrë. Më tej, ai përsëriti kërkesën e tij për të ngritur një komision parlamentar që do të numërojë numrin ekzakt të dëshmorëve, duke sugjeruar që të numërohen të gjitha varret në Varrezat e Dëshmorëve në vend.

DEBATI I PLOTË NË KOMISIONIN E SIGURISË

Petro Koçi – Janë 56 mijë e 300 e ca dhe kur i rrumbullakosim shifrat themi rreth 56 mijë e 500 individë, të cilëve u është njohur statusi i veteranit.

petro koci

Myslim Murrizi – Pra, 56 mijë e 300 kanë pasur statusin e veteranit në vitin 1994. 28 mijë thoni që kanë qenë dëshmorë, pra bëjnë 84 mijë në total. Ndërkohë që në histori kemi mësuar që Ushtria Nacionalçlirimtare e partizanëve ka pasur 70-75 mijë vetë. Na dalin 9 mijë tepër, nga i keni gjetur?! Çfarë është gënjeshtër këtu: numri i dëshmorëve, numri i partizanëve apo numri i veteranëve? 9 mijë nuk janë pak, nuk na rakordojnë shifrat, del si ajo 7 herë 7. Unë si deputet i kam bërë një kërkesë, edhe Sigurimeve Shoqërore, edhe Komisionit Qendror të Zgjedhjeve për të parë listën e votuesve se sa kemi gjallë në moshën 91, 92 deri te 100 vjeç. 9 mijë ku i keni gjetur? Dalin 9 mijë tepër.

Ermonela Felaj – Në fakt, pyetja juaj nuk është se ka lidhje me ndryshimin që propozohet në një ligj, që ka 25 vjet në fuqi.

Myslim Murrizi – Pse çfarë kujton ti, se para 25 vjetësh nuk kanë qenë komunistët në pushtet?

Ermonela Felaj – Nuk ka lidhje, ligji ka 25 vjet në fuqi.

Myslim Murrizi – Për cilën kategori bëhet ndryshimi?

Ermonela Felaj – Për të gjithë ata që në mënyrë të pakontestuar u është njohur statusi i veteranit.

Myslim Murrizi – Më jepni vendimin e vitit 1957, kush e ka firmosur, Koçi Xoxe?

Petro Koçi – Unë i prisja pyetjet me karakter politik, por jo kërkesën për të parë një dokument. Ky është një fakt që dihet historikisht…

murrizi-1

Myslim Murrizi: Nuk ka lidhje me historinë… Më 28 nëntor 1912, ti nuk ke qenë, por përsëri është një datë që njihet…

Petro Koçi – Meqenëse ka qenë periudha e komunizmit, e prisja të bëhej një pyetje e tillë. Por dua ta krahasoj edhe me një çështje tjetër. Në vitin 1957 është themeluar Universiteti i Shqipërisë për herë të parë, sa herë festojmë hapjen e Universitetit të Shqipërisë, gjithmonë kujtojmë atë datë, pavarësisht se kush ka qeverisur në atë kohë. Pra, jemi nisur nga kjo logjikë. Ka edhe një përkatësi tjetër, edhe organizata tjetër është formuar pothuajse në atë datë, pavarësisht se në një vit tjetër, por është afër 20 korrikut, që do të shpallet tashmë, si Dita e Veteranëve të Luftës. Për sa i përket moskorrespondimit të shifrave, e para, nuk merr statusin e veteranit patjetër ai që ka qenë me armë në dorë duke luftuar në rreshtat e formacioneve të Ushtrisë Nacionalçlirimtare, por janë të gjithë ata që në role, rrethana të tjera janë shpallur veteranë të luftës. Për të përfituar statusin, nuk duhet patjetër të ketë qenë një partizan me armë në dorë, por mund të ketë pasur funksione të tjera.

Ermonela Felaj – Ju lutem, të respektojmë radhën! Kush ka pyetje, para se të kalojmë te diskutimet? Po, zoti Braho.

Spartak Braho – Pa dyshim që ky korrigjim, ndonëse i vonuar për caktimin e datës së Organizatës së Veteranëve, është një masë e rëndësishme apo një propozim në kohë i qeverisë në kuadër edhe të festimit të 75-Vjetorit të Çlirimit të vendit.

Ermonela Felaj – Ka diskutime nga kolegë të tjerë?

Myslim Murrizi – Pasi mora përgjigje shteruese nga zoti Koçi për pyetjet, pashë që përveç përgjigjeve për pyetjet, filloi të bëjë njëfarë morali dhe histori. Zoti Petro, me thënë të drejtën, nuk kam nevojë për histori, jam i tejngopur, sidomos me histori komunistësh. Pas njëzet e nëntë vjetësh postkomunizëm nuk kemi pse të tallemi më me shqiptarët. Nuk kam pse shoh me shall të kuq në qafë veteranë lufte që kanë lindur mbas prishjes së kooperativave. Është turp. Ata që kanë qenë në luftë, aq sa të jenë gjallë, por që kanë qenë realisht në luftë, jo ata që u paskan çuar çorape partizanëve, që kanë ngrënë e kanë pirë. Përderisa flasim për luftë, megjithëse ju nuk e njihni, lufta ka periudhën nga 1939 me Mujo Ulqinakun e deri më 24 maj të vitit 1944, kur u krijua Qeveria e Përmetit. Unë di që mbas 24 majit të vitit 1944, as Partia e Punës nuk paguante 1200 lekë. Jo, jo. Kur ke ardhur ti, në dyzetegjashtën? S’ka pasur luftë më. Me kë kanë luftuar këta? E kam thënë edhe në Parlament, kur kam folur: unë nuk tallem me ta, por 5, 3 dëshmorë për qendër votimi është absurde. Pa mi gjeni! Ja ku jeni deputetët këtu. Njëzet e tetëmijë dëshmorë! Për çfarë? Për të bërë si vëllezërit tanë rusë në kohën e komunizmit, me një dëshmor për çdo kilometër katror? Ngrini një komision. Jua thashë: do t’ju sponsorizoj edhe unë, me sa të kem takat, jua lë rrogën gjashtë muaj. Shkoni e numërojini Varrezat e Dëshmorëve se sa janë! Sepse po të jenë vrarë 28 mijë, me 124 gjermanë e 315 italianë, i bie që një nga ata armiq, gjermanë e italianë, për të cilët kemi thënë se kanë ikur, të ketë vrarë 70 trima nga këta tanët. Kjo është denigruese. Nuk mundem që për 29 vjet të dëgjoj pallavrat e çdolloj komunisti nostalgjik në këtë sallë e në atë sallë të Kuvendit, që paskemi bërë luftë heroike! Ku pra? Hajde të numërojmë Varrezat e Dëshmorëve. Përralla ke bërë ti, Spartak, gjithë kohën. Të kemi dëgjuar pesëdhjetë vjet dhe na ke bërë për të vjellë me përrallat tuaja.

Dënimi i amerikanit për foton e kryeministrit me Obamën, Berisha: Rama së shpejti para drejtësisë në SHBA

Pasi William Argeros u dënua nga gjykata amerikane me 4 muaj heqje lire pasi akuzohet se ndërhyri për një foto të kryeministrit Edi Rama me ish-presidentin Barack Obama, vjen një reagim nga ish-kryeministri Sali Berisha.



Në një mesazh në ‘Facebook’ Berisha theksoi se shumë shpejt kreu i qeverisë shqiptare do të jetë para drejtësisë amerikane për shkelje sipas tij të ligjit elektoral të SHBA dhe mashtrim. Mes të tjerash Berisha akuzoi Ramën se ky i fundit ka mashtruar drejtësinë amerikane duke deklaruar se nuk ka lidhje për shumën prej 80 mije dollarëve për foton me Ish-presidentin Obama.

REAGIMI I BERISHËS

Rama se shpejti para drejtesise amerikane per:

1- Shkelje te ligjit elektoral te SHBA dhe

2- mashtrim i drejtesise amerikane me dashje per aferen e tij antiligjore!

Denohet Argeros, njeru qe mori parate, 80 mije dollare per foton me Obamen te Bilalit dhe Bilal Hanemit pra Rames qe shpalli veten gruaja e Bilalit per te hyre si çift ne dreken e Obames.

Miq, pas ashikut, burrit te Rames, Bilalit, Ëiliam Argeros eshte personi i dyte qe denohet me 24 muaj burg per 80 mije dollaret e dhene nga Rama ne kundershtim flagrant me ligjin amerikan per foton me ish presidentin Barak Obama.

Edvini ka mashtruar drejtesine amerikane duke deklaruar se nuk ka lidhje per shumen prej 80 mije dollareve per foton me Ish presidentin Obama.

Argeros, qe kishte mashtruar para jurise se madhe per origjinen e parave, ka deshmuar ne sallen e gjyqit, i penduar per aktin, se ai ka vepruar ne emer te nje klienti te huaj dhe konkretisht Edvin Kristaq Rames!

Burime ligjore nga Ëahingtoni njoftojne se mbi Edi Ramen rendojne tani dy akuza:

1-Shkelja e rende e ligjit elektoral amerikan me 80 mije dollaret e paguar per foton me ish presidentin Obama dhe tejet e rende,

2- Mashtrimi i tij se ai nuk ka lidhje me shumen e paguar, gje qe Argeros me deshmin e tij ne gjyq deshmon te kunderten!

Lexoni artikullin e plote te botuar ne Washington Times me titull: “Denohet me burg njeriu qe inxhinieroi kontribute ilegale per Obamen!”

 

https://www.washingtontimes.com/news/2019/sep/30/william-argeros-sentenced-prison-engineering-illeg/

Nikollaq Neranxi: Mafia në pushtet tashmë ka futur duart thellë në industrinë ushqimore dhe ndalon konkurrenën e ndershme

 

Deklaratë për shtyp

Shoqata për Mbrojtjen e Tregtarëve dhe Tregut të Shqipërisë

Ndaloni represionin ndaj biznesit të ndershëm që nuk ndan paratë me pushtetin!

Ashtu siç është bërë me dije nga shumë media tashmë, prej 4 ditësh, po mbahet padrejtësisht në ambientet e Doganës së Tiranës, një ngarkesë me 5 ton kripë Himalaje e cila i përket Kompanisë N.N.SHPK (Neranxi). Meqenëse legjislacioni shqiptar nuk e lejon tregtimin e kripës e cila ka sasi jodi nën 20%, Kompania në fjalë ka bërë pasurimin e kripës së Himalajeve me jod në Kosovë dhe e ka sjellë atë në Shqipëri. Në dokumentacionin shoqërues të mallit, theksohet se krahas përqindjes së lartë të mineraleve që ka kripa e kuqe e Himalajeve, ajo është pasuruar gjithashtu me jod, në masën 40%.

Mirëpo fillimisht e bllokoi AKU ditën e shtunë, edhe pse gjithë dokumentacioni ishte në rregull dhe më pas edhe Instituti i Shëndetit Publik i cili nuk pranoi të marrë mostrat për kontroll, gjë e cila është rreptësisht e ndaluar sipas legjislacionit shqiptar, sepse nuk mund të bllokohet puna e një biznesi, në këtë rast prej 4 ditësh.

Pra shkelja e parë ka të bëjë me refuzimin e kontrollit të një malli dhe e dyta dëmin edhe ndaj shtetit i cili në shitje merr 20% të vlerës. Një tjetër problem i madh është, se edhe po t’i çosh në gjyq, sipërmarrjet private që nuk janë klientë të pushtetit, nuk fitojë asnjëherë asnjë gjyq me institucionet shtetërore dhe arsyeja dihet, politika dhe gjyqësori janë një. Kujtojmë që drejtuesit e kësaj kompanie kanë qenë vazhdimisht kritikë ndaj pushtetit dhe aktiviteti nuk ka përfituar asnjëherë asnjë para publike.

Mendojmë se këto veprime bllokuese të biznesit, kanë prapavijë dhe qëllime të mirëmenduara.

Gjithçka bëhet e drejtuar nga qeveritarët dhe Kryeministri Edi Rama, në mënyrë që të favorizojë në treg klientët e tij dhe oligarkët e pushtetit.

Këto veprime janë një këmbanë e fortë alarmi se mafia në pushtet tashmë ka futur duart thellë në industrinë ushqimore dhe ndalon konkurrenën e ndershme. Ky është një lajm i keq për biznesin e ndershëm dhe një lajm akoma më i keq për konsumatorët të cilët duke konsumuar ushqime të klientëve të pushtetit, do të jenë gjithnjë e më të pasigurtë për cilësinë e tyre. Kush do guxonte të kontrollonte miqtë e pushtetit, nëse malli i tyre është cilësor ose jo?!

I bëjmë thiirrje organeve kompetente përgjegjëse dhe Kryeministrit Edi Rama, të mbajë larg duart nga biznesi i ndershëm i cili punon me përkushtim, paguan taksa, punëson njerëz dhe duron përditë problemet që i krijon shteti, në vend që t’i ndihmojë.

Presidenti i Shoqatës
Nikollaq Neranxi

Hyjnë sot në qarkullim kartëmonedhat e reja 200 dhe 5000 lekëshe

Sot del në qarkullim seria e re e kartëmonedhave 200 dhe 5000 Lekë, ndërkohë që edhe monedhat e vjetra do të vijojnë të mbeten në qarkullim për tu tërhequr nga Banka e Shqipërisë gradualisht kur janë të dëmtuara dhe të papërdorshme.

Banka e Shqipërisë njofton prerjet e reja të kartëmonedhave janë pjesë e serisë, 500, 1000, 2000 lekë. Kartëmonedhat kanë një prerje të ndryshme, ndërkohë që figurat historike të vendosura në to janë të njejtat.

Anëtari i Këshillit të PD: “Pro hapjes, por kundër riciklimit pa garë!”

Anëtari i këshillit kombëtar të Partisë Demokratike, Roland Bejko shkruan se është pro hapjes së kësaj partie, por kundër riciklimit të figurave të saj pa u zhvilluar garë brenda partisë.

 

Reagimi i plotë:

Pro hapjes si gjithmonë, por kundër riciklimit pa garë !
——————————————————–

Është mirë kur ikën se bëhesh interesant.. I mënçur….atvrasës, pra “trim”… bëhesh i veçantë se nuk konsumohesh… del nga “kopeja”…bëhesh karakter…bëhesh individ i lirë… bëhesh mediatik !

Ikën ca kohë, dy, tre, katër, pesë vjet, merresh me punët e tua. Shton paratë. Kujdesesh për dardhat, ( se ti e di mirë që ato e kanë bishtin prapa). Udhëton me kroçere. Bën projekte. Fiton para. Bën flirte me kundërshtarin. Sillesh si i moderuar. S’ke ngarkesa. Kritikon dhe shan ish-kampin tënd. Del në Tv.Pëlqesh dhe ju nxjerr gjuhën kur ata ndeshen e përleshen për kauzën e tyre me “mikun” tënd të ri. Bën statuse në Twiter, ose Instagram(jo në facbook se është për masën, ti je elitë, i përzgjedhur), flet në tv dhe thua se ata ditëzinjtë e kanë gabim. Po të ishe ti do ta bëje ndryshe, më mirë, pasi aty kanë mbetur ata që s’dinë, që s’bëhen se ju mungon “fibra politike, (fjalë magjike, asgjësuese), madia akuzon se ata bëjnë thjesht lojën e atij që “luftojnë”, të atij që ti në fakt e bërë mik, e shkëmben batuta mbrëmjeve pas aksionit “të atyre” në Whatsapp…E kështu pra, vazhdon ritualin për disa vite me radhë, duke parë, duke sharë e duke ngarë Renxhin a Mercedezin që e bleve me lekët që bëre nga pushteti i herës së kaluar kur ishe deputet a ministër pasi kishe ik më parë që kishe qenë deputet a ministër e kishe sharë nja 8 vjet të tjera ata që të kishin bërë të tillë, por që u ktheve si “interesant dhe i moderuar që ishe” me kushtin e vetem, e stekën në majë, për jo më pak se deputet dhe ministër, ashtu siç po kthehesh sërish, pra.

E kupton kur të vjen koha. Sërish. Në fillim të vijnë mesazherët, pasi je kujdesur vet duke u dërguar mesazh “atyre” që të të dërgojnë mesazherë se ti nuk do, por po të negociohet, eh, ti edhe mund të duash sepse në të vërtetë ti do të kthehesh se erdhi… erdhi pushteti! Dhe ti nuk ri dot pa pushtet, lere seç hiqesh.
Ti e di, vjen një kohë dhe partitë kanë nevojë për hapjen. Kanë nevojë për të gjithë.
Ajo që nuk kuptoj unë është se pse janë mbyllur më parë, po nejse, temë tjetër kjo.

Dhe pasi lutesh nga “ndërmjetësi” ti thua; “Ok, po kthehem, por kam disa kushte Kryetar:
1. Dua garanci që do jem deputet i pari në listë si fillim dhe nëse fitojmë pushtetin ministër.
2. Të më qërosh nga lista të gjithë ata që bëjnë si të parë pas largimit tonë, që më kanë “sharë” gjatë këtyre viteve meqë unë nuk kam qenë me të drejtë në aksionet tuaja kohëhumbura e më janë sjellë në fcb si gjel provincash majë plehut.
3. Të mi qërosh nga listat për deputetë e ti kalosh në plan të dytë se opozitarizmi i ka konsumuar, nuk shifen me sy. Të jenë aty në plan të dytë, pi mos i hiq fare se na duhen në fushatë.
4. Zyra e shtypit të më programojë një axhendë mediatike deri në zgjedhje mua dhe çunave të mi. Marrim përsipër të bëjmë programin dhe ekipin.
Dakord? U tha, u bë. Toke !

E kështu, kështu… të tilla gjëra “heronjsh” dhe mesish, djem e vajza plan prishës që pasi zbritën bronxato nga krocieret e verës janë gati të “sakrifikojnë” të bëhen edhe njëherë ministra e deputetë për të mirën e popullit dhe të atdheut. Kthehen të zhvendosin ata që me sakrifica të mëdha mezi rindërtuan atë që shkatërruan “mesitë” para se të iknin. Është fiks koha, është momenti. Sepse në horizont po shfaqet pushteti.

Rama sipas tyre është i zgjut, rrufjan, qytetar, po e qelbi fare së fundmi. E teproi duke i marrë gjithë paratë dhe pushtetet për vete. Nuk na dëgjoi, dihej të ndahej nga gjushët. Duhet të ish sjellë ndryshe, po se bëri…

E kështu, kështuuu…

Kur do çlirohet lidershipi i PD nga ky lloj kompleksi inferioriteti?! Nga kjo sindromë e keqe shkatërruese që vret meritokracinë dhe prish rregullin?!

Hapje?!

Poo siç kam qenë kundër largimeve.

Bashkëpunim?

Poo .

Meritokraci?

Pooo.

Garë e brendshme, jo emërim?

Poooooo.

Riciklim me përcaktim?

Jooooooo!

Riciklim me votë?

Poooo.

Secili atë që meriton. Të gjithë janë të nevojshëm askush nuk është i domosdoshëm!

Boll më me këto skema të vjetra turistësh, lojtarësh e përfituesish politikë. 30 vjet janë shumë që të kalojë miu shumë herë në të njëjtin vend. Politika shqiptare ka nevojë më shumë, për qarkullim elitash, gjenerime të reja, dhe jo riciklime të reja të materialeve të vjetra.
Nuk ka më “budallenj” dhe naivë tani. Ka ikur ajo kohë kur “magjepseshim” nga “çunat” trendy të politikës. 30 vjet janë shumë për shqiptarët që të riciklohet e njëjta elitë pa garë, me përzgjedhje nominale. Janë shumë që të punojë “qori” e të përfitojë “horri” Kjo u është neveritur shqiptarëve. Prandaj ata e refuzojnë politikën dhe i rinë larg asaj. Etj, etj po të doni.

Pse riciklime?
Ka mungesa? Nuk u zëvendësuan dot gjatë këtyre viteve?!

I kujt është faji?

Le ta shikojmë kështu nëse do të duhet..
Besoj se u kuptuam. Faleminderit.

PS.Në kuptimin e saj të parë fjala riciklim do të thotë tu japë formë dhe përmbajtje të re materialeve të mbetura që ndotin mjedisin.

Biznesmeni i njohur denoncon AKU: bllokohet Neranxi qe te shese dikush tjeter…

Biznesmeni i njohur Nikollaq Neranxi bën publike me anë të një letre shërbimin klientelist të shtetit në dëm të biznesit!

Institucionet shteterore qe i sherbejne vetem klienteve te pushtetit dhe sabotojne punen e kritikeve te tij!

Më poshtë po sjellim letrën e Nikollaq Neranxit:

“Te dashur miq!

Dua te bej publike nje beteje qe po ben prej disa muajsh Kompania Neranxi me AKU! Nje nga produktet qe ne importojme eshte kripa e Himalajeve!

Besoj nuk ka nevoje te rendis benefitet e ketij produkti te cilin Kompania Neranxi e importon nga vendet e BE, aty ku insitucionet e kontrollit bejne si duhet punen e tyre dhe kane standarte te larta!

Pra eshte produkt i lejuar! Mua nuk me lane ta tregtoja sepse sipas tyre duhej te kishte jod! Kripa e Himalajeve eshte kripe guri dhe eshte nje miniere mineralesh te vyera per shendetin te cilat nuk i ka kripa e detit! Eshte nje alternative e kripes dhe perdoret per arsye te caktuara!

Une per te respektuar institucionet shteterore e pasurova me jod dhe e risolla!

Perseri ma kane bllokuar ne dogane per arsye kontrolli!!!!! Sipas rregullit, merren mostrat dhe cdoganohet ngarkesa! Por jo, ata duan qe te me sabotojne punen!

Nderkohe kam pare ne treg cfare kripe himalaje tregtohet! Kam bere edhe analiza te cilat i keni me poshte ne foto!

Rezultati? Nje kripe e thjeshte guri shitet si kripe himalaje, ne etikete shenohet 50-60 mg/kg por ne analize del 14,8.

Pra qellimi eshte i qarte, bllokohet Neranxi qe te shese dikush tjeter, mbi te gjitha per te shitur nje mall jashte parametrave! Kete bejne AKU & Co! Jane selektive, sabotues, gjobvenes, inkompetente dhe asgje me shume!

Te kujdesen per shendetin e konsumatoreve? As mos tju shkoje neper mend! Kane pune me te rendesishme per te bere!

Bled Cuci po me lexon?

PS. Fotot me poshte i perkasin nje kripe qe nuk eshte e Neranxit, qe shitet ne treg, te ciles une i bera analizen, keni fleten e analizes te kesaj kripe dhe nenin e legjislacionit per sasine e jodit ne kripe!

“Partia të fillojë menjëherë përgatitjet elektorale” – Basha mbledh Kolegjin e Kryetarëve. Zbardhet strategjia

Situata politike në vend, ka qenë fokusi i takimit të kryedemokrati Lulzim Basha me kryetarët e partisë në rrethe. Burime për “Panorama”, bëjnë me dije Basha ka nisur përgatitjet për zgjedhje të parakohshme dhe vijimin e aksionit politik.

Vendi është në një krize të thelle shumeplaneshe dhe detyra e PD dhe opozitës është te angazhohet seriozisht për te qenë pranë njerëzve dhe për t’i hapur rruge perspektivës europine të Shqipërisë. Opozita ka dhëne propozimet e veta për zgjidhjen e krizës ne vend, qe kalon përmes zgjedhjeve te njëkohshme parlamentare dhe lokale te parakohshme, me qeveri tranzitore qe garantin standardet për zgjedhjet e lira dhe te ndershme”, ka thënë kreu i PD-së.

 

Një tjetër strategji e PD-së është edhe ngritja e një shtabi qendror elektoral dhe politik, që më pas do të shtrihet në të gjithë vendin.

Pranë Partisë Demokratike do te ngrihet shtabi qendror elektoral dhe politik, shtabe qe do te shtrihen ne mënyrë piramidale ne te gjithë vendin.

Puna do te përqendrohet ne planin e ofrimit te zgjidhjes për qytetaret, denoncimeve për aferat korruptive dhe kriminale te Qeverise, bashkimi i faktorëve dhe aktoreve me potencial njerëzor dhe elektorale pranë PD, si dhe hapja e partisë për njerëz me integritet profesional e moral”, ka thënë Basha.

Kryetari i PD i ka paraqitur Kryetareve të Degëve edhe një kalendar të qartë dhe konkret pune, me përgjegjësitë dhe afatet e qarta.

Sa i përket aksionit politik, u vendos që format se si do të vijojë dhe afatet, të përcaktohen në një moment të dytë.

Meta këmbëngul: Zero shkelje të Kushtetutës

Armand Mero

Në Shqipëri, një ditë pas publikimit të projekt-opinioninit të Komisionit të Venecias, sipas të cilit presidenti Ilir Meta ka tejkaluar kompetencat duke shtyrë datën e zgjedhjeve të 30 Qershorit, Kreu i Shtetit deklaroi se i qëndron besnik vendimeve të tij.

Në një deklaratë për televizionin Ora News, zoti Meta tha se do të ketë një përgjigje zyrtare duke nënvizuar megjithatë se ai ka bërë “zero shkelje të Kushtetutës dhe se i ka bërë një mbrojtje të shkëlqyer Kushtetutës dhe pluralizimit politik.. të drejtës së zgjedhjes sipas vetë Këshillit të Europës, Konventes Europaine të të drejtave të Njeriut, sipas detyrimeve të pashmangshme që burojnë nga marrëveshja e Shqipërisë me BE për marrëveshjen e Stabilizim Asocimit, edhe sipas vetë vendimit të qartë që ka marrë Gjykata e Strasburgut për të sqaruar se zgjedhje nuk do të thotë procedurë dhe proces mekanik votimi, pra pa alternativë, por do të thotë mundësi për të ndikuar, për të zgjedhur, zgjedhje në kuptimin substancial”

Por në opinionin e tyre ekspertët e Komisionit të Venecias kanë një mendim qartësisht të kundërt, ndërsa pas një analize të detajuar ligjore, arrijnë në përfundimin se “Presidenti tejkaloi kompetencat e tij sipas Kushtetutës, fillimisht duke i anulluar zgjedhjet lokale, e më pas duke i shtyrë ato”, theksohet në dokument.

Në draft opinionin e Komisionit “anulimi i zgjedhjeve është i mundur vetëm në situata që plotësojnë kërkesën për shpalljen e gjendjes së jashtëzakonshme. Sidoqoftë, rregullat e zbatueshme kushtetuese për situata të jashtëzakonshme nuk u ndoqën në këtë rast. Nuk pati as një konsensus politik, i cili do të lejonte krijimin e një baze ligjore ad-hoc”.

Në dokument theksohet edhe se “anulimi i zgjedhjeve gjithashtu prek të drejtat zgjedhore të njohura nga instrumentet ndërkombëtare të të drejtave të njeriut… Mungesa e një baze ligjore dhe e alternativave në dispozicion (shtyrja e zgjedhjeve për shkak të gjendjes së jashtëzakonshme, sipas nenit 170 të Kushtetutës, ose rifillimi i dialogut politik pas zgjedhjeve) e bëjnë ndërhyrjen në të drejtat zgjedhore, jo proporcionale”.

Ata i kanë dhënë përgjigje dhe pretendimit të Presidentit se mbrojti pluralizimin politik duke anulluar zgjedhje në të cilat nuk merrnin pjesë forcat kryesore të opozitës. Sipas ekspertëve të Komisionit të Venecias “bojkoti zgjedhor nga partitë politike, edhe nëse ato përfaqësojnë një pjesë të rëndësishme të elektoratit nuk mund të pengojë që të bëhen zgjedhje të rregullta. Përndryshe, këto parti do të merrnin levën për të penguar plotësisht çdo zgjedhje”, theksohet në projekt opinion.

Edhe për rastin e Gjykatës së Strasburgut, të përmendur edhe sot nga presidenti Ilir Meta, ekspertt e Komisionit të Venecias kanë bërë të qartë se “rrethanat mbizotëruese të këtij rasti ishin krejt të ndryshme nga ato në Shqipëri”, nënvizohet në opinionin, i cili nga ana tjetër vlerëson se pavarësisht se presidenti ka tejkaluar kompetencat kushtetutese “nuk janë kushtet për të vërtetuar një shkelje serioze që do të çonte në shkarkimin e tij”.

Vendimi i Komisionit të Venecias pritet më 11 Tetor, por zoti Meta u shfaq sot mospërfillës ndërsa u shpreh se “nuk ekziston data 11. Data 11 ekziston për ata që duan të zgjasin krizën, ta thellojnë atë dhe që duan të mbulojnë shumë probleme të tjera”, deklaroi presidenti shqiptar. Të gjithë atyre që në 24 orët e fundit i kanë kujtuar atij deklaratën e bërë gjatë një interviste në Syri.net sipas të cilës nuk do të qëndronte në detyrë nëse Komisioni i Venecias do të gjente shkelje të Kushtetutës nga ana e tij, ai sot ju përgjigj duke përsëritur një tjetër premtim, se do të qëndronte në zyrë deri më 24 korrik të vitit 2022, kur dhe i mbaron mandati.

“Presidenti tejkaloi kompetencat për anulimin e zgjedhjeve, s’ka kryer shkelje të rënda për shkarkim”- ‘Venecia’ publikon raportin!

Ka mbërritur në Tiranë, raporti i Komisionit të Venecias, i cili i është dorëzuar Presidencës dhe Parlamentit.

 

Komisioni vëren se shtyrja e datës së zgjedhjeve duhet bërë në një situatë emergjente kombëtare, ndërsa Presidenti ka nevojë për një bazë specifike ligjore “ad hoc” për të bërë këtë shtyrje.

“Ky përfundim mbështetet nga rregulli i përgjithshëm interpretues, sipas të cilit rregullimi i shprehur i kompetencave të urgjencës në Kushtetutë dhe ligjet e kufizon përdorimin e çdo fuqie plotësuese të pashkruar të emergjencave në situata shumë të jashtëzakonshme; kryesisht për situata me pamundësi faktike ose juridike të cilat nuk parashikohen në mënyrë të qartë nga ligji i shkruar i urgjencës. Anulimi i zgjedhjeve është i mundur vetëm në situata që plotësojnë kërkesën për shpalljen e gjendjes së jashtëzakonshme. Sidoqoftë, rregullat e zbatueshme kushtetuese për situata emergjente nuk u ndoqën në këtë rast. As nuk kishte një konsensus politik, i cili do të lejonte krijimin e një baze ligjore ad-hoc”, thuhet në konkluzionet e Komisionit të Venecias.

Në konkluzionet e raportit, thuhet se anulimi i zgjedhjeve është i mundur vetëm në situata që plotësojnë kërkesën për shpalljen e një shteti në situatë emergjente.

“Sidoqoftë, rregullat e zbatueshme kushtetuese për situata emergjente nuk ishin e ndjekur në këtë rast. As nuk kishte një konsensus politik, i cili do të lejonte krijimin e një baze ligjore ad hoc”, thuhet në raport.

Në pikën 98, Komisioni vëren gjithashtu se “Bojkoti elektoral nga partitë politike, edhe nëse ato përfaqësojnë një pjesë të rëndësishme të elektoratit nuk mund të parandalojë zgjedhjet e rregullta. Përndryshe, këto parti do të vendosin “leva” për të parandaluar plotësisht çdo zgjedhje”.

Komisioni i Venecias thotë gjithashtu se Presidenti tejkaloi kompetencat kushtetuese duke anuluar së pari dhe më pas duke shtyrë zgjedhjet lokale, duke nënvizuar se do të jetë Gjykata Kushtetuese ajo që do të përcaktojë nëse bëhet fjalë për “shkelje të rëndë”, me të cilën mund të fajësohet Presidenti.

Siç përcaktohet në këtë mendim, një numër faktorësh tregojnë se ky nuk ishte i një karakteri të tillë të domosdoshëm për të vërtetuar shkelje serioze. Kjo ka të bëjë veçanërisht me thirrjet e Presidentit për dialog, pritshmëria për shtyrjen e zgjedhjeve se do të kontribuonte në gjetjen e një kompromisi midis palëve, mungesa e një ligji që rregullon saktësisht kompetencat e Presidentit, mungesa e përballjes së drejtpërdrejtë të Dekreteve të Presidentit para gjykatës, statusi kushtetues i zgjedhjeve lokale në krahasim me zgjedhjet parlamentare.

Të marra së bashku, të gjithë këta elementë çojnë në përfundimin, se megjithëse Presidenti tejkaloi kompetencat e tij kushtetuese duke anuluar dhe shtyrë zgjedhjet lokale përtej mandatit zgjedhor të autoriteteve lokale pa një bazë të veçantë ligjore. Megjithatë, elementet e paraqitura më lart mund të çojnë në përfundimin se këto akte nuk mund të kenë qenë të një natyrë mjaft serioze për të garantuar fajësim të Presidentit. Më në fund, edhe sikur të vërtetohej serioziteti i shkeljeve, kjo nuk do të duhej domosdoshmërish të çojë në fajësimin e Presidentit”.

Reagon Presidenca

Duke reaguar pas publikimit të raportit nga Komisioni i Venecias, zëdhënësi i Presidentit Ilir Meta, Tedi Blushi shkruan se ka zero shkelje të Kushtetutës nga ana e kreut të shtetit, ndërsa i konsideron trakte të porositura publike në media. Blushi kërkon që të dëgjohet Bundestagu gjerman për të zgjidhur krizën.

Reagimi i Tedi Blushit:

ZERO SHKELJE TË KUSHTETUTËS!

HARROJINI TRAKTET e porositura ngado që të vijnë!

E dinë të gjithë shqiptarët dhe ndërkombëtarët me integritet se Presidenti i Republikës ka MBROJTUR Kushtetutën, rendin demokratik dhe pluralizmin politik, dhe ka SHMANGUR gjakderdhjen dhe Rajshtagun!

DËGJONI Bundestagun!

ULUNI URGJENT dhe ZGJIDHNI krizën e rëndë politike para se t’i shtoni kushte të tjera Shqipërisë!

“Deputetët e rinj po bëhen si arixhinjtë nëpër çadra”-Nënkryetari i Kuvendit propozon t’u blihet shtëpi ligjvënësve të opozitës së re

Nënkryetari i Parlamentit, Myslym Murrizi ka kërkuar që deputetëve të opozitës së re në Kuvend, t’u krijohet mundësia që të blejnë shtëpi me kredi me zero interes.

Këtë deklaratë Murrizi e ka bërë gjatë mbledhjes me dyer të mbyllura të Konferencës së Kryetarëve.

Ai ka thënë se ligjvënësit e rinj kanë nevojë për mbështetjen e Kuvendit, pasi po behën si “arixhinjtë që jetojnë në çadra”.

Kjo kërkesë e Murrizit nuk ka marrë përgjigje nga kryetari i Parlamentit Gramoz Ruci,  i cili gjatë kësaj mbledhje ka vijuar me diskutimet e deputetëve të tjerë.

Zoti Kryetar, dua të flas jashtë rendit të ditës, nuk e di nëse është në tagrin e Konferencës së Kryetarëve, a të bëjmë ndonjë vendim, a të biem dakord të gjithë parimisht, për 15 apo 20 deputetët e rinj, të cilët kanë nevojë të mbështeten.

Më duket se deri në vitin 2009 ka qenë ligji që deputetët dhe funksionarët e lartë publik përfitonin një kredi me interes të ulët. A ekziston mundësia që të bëhet një vendim Kuvendi apo qeverie, nëse keni ndrojtje nga populizmi thoni që e ka propozuar Myslim Murrizi, që këta deputetë të marrin kredi?

Ata nuk janë aksionerë as në PPP-të dhe as në tendera, por e kanë të nevojshme të mbështeten me një kredi, siç kam marrë unë, por edhe ju në vitin 1997, 1992 dhe në vitet e tjera me radhë. Nuk besoj se është hipokrizi për të ndihmuar 15 apo 20 deputetë, prandaj duhet ta bëjmë një vendim. Pra, bëhet fjalë për 1 miliard lekë të vjetër, që janë më pak se 1 milion euro. T’ia heqim

Unazës 100 metra dhe t’ua japim këtyre deputetëve që të kenë edhe ata një farë dinjiteti, sepse po bëhen si arixhinjtë me çadra.

Unë besoj se gjithsecili deputet që është futur tani ka një farë rëndësie për mbarëvajtjen e këtij vendi, edhe për ekzistencën në këmbë të këtij parlamenti, ishalla po na hapen negociatat. Pra, nuk na kushton asgjë t’i mbështesim për të blerë një shtëpi”, ka thënë Murrizi.PANORAMA.al

VIDEO: Incident në takimin e Rudina Hajdarit në Shkodër, nxënësi: S’njeh Azemin, je një turp

Një prej nxënësve të shkollës ‘Shejnaze Juka’ i ka thënë se ajo nuk e njeh të atin e saj Azem Hajdarin dhe se mbron kryeministrin Edi Rama.

SHKODËR– Një incident ka ndodhur në takimin e deputetes Rudina Hajdari me nxënesit e shkollës ‘Shejnaze Juka’ në Shkodër. Kur Rudina Hajdari mori fjalën përpara nxënësve, një zë u dëgjua nga fundi i sallës. Në këtë moment, Rudina Hajdari nisi të qeshte dhe e ftoi nxënësit që të dilte para të gjithë shokëve të tij dhe të fliste. Nxënësi u çua në këmbë, doli para të gjithëve dhe përballë Hajdarit dhe e akuzoi atë se po ndihmon kryeministrin Edi Rama, që sipas tij të instalojë diktaturën në Shkodër. Hajdari e mori me humor akuzën e të riut, dhe i kujtoi se politika nuk duhet të ndajë njerëzit.

INCIDENTI:

Rudina Hajdari: Të dashur nxënës, të dashur mësues, me qetësi…
(I riu ndërhyn duke folur)
Rudina Hajdari: Hajde, hajde, hajde këtu, hajde ma thuaj këtu
I riu: Shko pas Edi Ramës, Shkodra është e PD-së
Rudina Hajdari: Ti je djalë i ri dhe nuk duhet të merresh me politikë
I riu: E njeh ti Azem Hajdarin?
Rudina Hajdari: Më vjen mirë që e njeh Azem Hajdarin
I riu: Unë e njoh por nuk e njeh ti.
Rudina Hajdari: Tani besoj se …
I riu: Ai ka luftuar për të sjellë demokracinë, ti je duke kthyer komunizmin, shtojcë e Edi Ramës, je turpi i shqiptarëve…
(Ndërhyn Halit Valteri për ta larguar)
Rudina Hajdari: Të dashur nxënës
(Ovacione në sallë për Rudina Hajdarin)

Teksa nxënësi fliste, ndaj tij ka ndërhyrë deputeti tjetër i opozitës së re i dalë nga radhët e PD-së, Halit Valteri. Ky i fundit bashkë me mësues e ka shtyrë djalin derisa ai u largua nga ambienti i shkollës. Ndërsa nxënësit e tjerë fillluan të brohorisnin në kor emrin e deputetes.

(dosja.al)

ATDHEU MBI TË GJITHA – Nga Genc Sefa-Lushnja

Duke marr shkas nga gjendja aktuale në të cilën gjendemi si komb dhe nga propozime të ndryshme të bëra nga atdhetar apo organizata të ndryshme kombëtare e patriotike,të tilla si FONDACIONI ALBANA tashmë e dëshmuar,apo dhe forume të tjera me qëllime të bashkimit mbarëkombëtar,për shkëmbim të sinqertë opinionesh dhe një platformë të përbashkët me pika të definuara mbi problemet e kombit tonë,shfrytëzova rastin e shumëpritur për të dialoguar e të ndaj dhe unë shqetësimet me ju motra e vëllezër e bashkëkombës të mi,rreth një pyetjeje,që në kushtet aktuale kombëtare,duket si më urgjentja, mes atyre që i bëhen popullit tonë.

Pyetja është: A ka një mënyrë për të çliruar shqiptarët nga fataliteti i politikes së ndjekur deri tani?

Është e ditur tashmë, se me gjendjen aktuale ku ndodhet kombi jonë, për vetëdijesimin që ne njohim,t’i përgjigjesh kësaj pyetjeje është bërë një çështje jete a vdekjeje,e megjithatë,pavarësisht gjithë vullnetit të mirë,asnjë tentativë zgjidhjeje nuk ka sjellë fatkeqësisht ndonjë rezultat.

Mendoj gjithashtu se ata,të cilëve u takon profesionalisht e praktikisht të përballen me këtë problem,bëhen çdo ditë e më tepër të vetëdijshëm për pafuqinë e tyre në këtë drejtim,kanë një dëshirë të njohin mendimet e personave të absorbuar nga ndikimi politik, të cilët,pikërisht për këtë arsye, do të ishin në gjendje të observonin problemet e popullit,përmes një distance të mjaftueshme.

Unë mundohem e orientohem zakonisht me optikën e atdhedashurisë së sinqertë pa ngjyrime politike,kjo më ndihmon të dalloj tulatet e errëta të vullnetit dhe të ndjenjës së dobët kombëtare fatkeqësisht. Prandaj edhe,për sa i përket dëshirës sime,do të më duhet të kufizohem së shtruari problemin në terma të duhura,duke ju lejuar kështu,mbi një terren të spastruar nga zgjidhjet afërmendsh,të përdorni njohurinë tuaj të thellë mbi jetën dhe gjendjen alarmante në të cilën ndodhemi si komb,për të hedhur pakëz dritë mbi problemin në fjalë. Duke qenë se ekzistojnë pengesa të caktuara politike,për të cilat askush nuk dëshiron ti sheh. Ne nuk mund të lejojmë dhe jam i bindur se vetëm fuqia e popullit mund të ndryshoj rrënjësisht këtë gjendje,pak a shumë larg nga ndikimi politik,për të eliminuar pengesat e mësipërme,duke u radhitur ne anën e duhur për interesat kombëtare.

Duke qenë vetë i prekur nga ndjenja kombëtare,personalisht shoh një mënyrë të thjeshtë për t’u përballur me aspektin kombëtar,domethënë atë organizativ të problemit:

Shqiptarët të kyçen apo japin kontribut organizatave ekzistuese patriotike,apo njerëzve te dëshmuar kombëtarisht me mandat për t’i dhënë zgjidhje të gjitha problemeve,e çdo pengese që ka kombi për të arritur aspiratën tonë shekullore. Çdo shqiptar të marrë mbi vete përgjesinë për të kryer obligimin e vetë kombëtar e duke respektuar vendimet e këtij autoriteti,të bëjë thirrje për zgjidhjen e çdo problemi kombëtar,të pranojë vendimet pa rezerva,si dhe të marrë të gjitha masat e nevojshme për të zbatuar vetë i pari rregullat.

Është e vërtet se ndeshim vështirësinë e parë për shkak të mos besimit që është krijuar tek populli në organizatat apo forumet a nismat e shumta kombëtare:

Sepse për tu besuar e përkrahur një organizatë patriotike duhet të dëshmoj se është një institucion me interesa dhe parime të forta kombëtare,të garantojë respektimin e vendimeve të veta,aq më shumë të mos i nënshtrohet trysnive politike nga brenda e nga jashtë. Dhe këtu kemi të bëjmë me një realitet që s’mund të lihet pa konsideruar: e drejta dhe forca janë të pandashme,vendimet të jenë në frymën e të drejtën,që aspiron kombi ynë në emër e në interes të të cilit merren vendimet,populli ka fuqi të vërtetë për të imponuar respektimin e idealit të tij të ligjëruar.

Por, sot jemi larg të zotëruarit të një organizate kombëtare,që të ketë përkrahjen e fuqishme të popullatës,e të ketë mundësi të lëshojë verdikte të një autoriteti të pakundërshtueshëm,e që mund të imponojë me ide e punë t’i nënshtrohesh ekzekutimit të vendimeve të saj.

Të kërkuarit e së drejtës kombëtare nga shumica bën që çdo politikan të heqë dorë pa kushte nga veprimit e deritanishme ne dëm të interesave dhe aspiratës për bashkim.
Dhe është mase e qartë,se nuk ka rrugë tjetër për të arritur tek bashkimi,përveç mobilizimit të popullit.

Pavarësisht të gjithave, mos-suksesi e tentativave të bëra në dekadat e fundit për të realizuar këtë qëllim,na bën të konkludojmë,pa pikë dyshimi,që këtu sigurisht veprojnë faktorë të fortë të brendshëm e të jashtëm,që paralizojnë çdo përpjekje,me metodën e njohur përça e sundo.

Disa nga këta faktorë janë të dukshëm. Në çdo trevë shqiptare,etja e klasës dominuese për pushtet bie ndesh me çdo interes kombëtar.

Kjo dëshirë e tepruar për pushtet,puqet fort mirë me qëllimet e kujtdo që kërkon përfitime,ekonomike.

Kam ndërmend këtu ato grupime të vogla por të vendosura,aktive në çdo pjesë të kombit,dhe mospërfillëse ndaj çfarëdo konsiderate a interesi kombëtar,që shohin tek pushteti,vetëm një rast për të promovuar interesat e tyre personale,si dhe për të zgjeruar autoritetin personal.

Gjithsesi,pranimi i këtij fakti që s’mund të kundërshtohet,na bëri të hedhim thjesht hapin e parë për të kuptuar si qëndrojnë sot gjërat. Dhe gjendemi menjëherë përballë një tjetër pyetjeje:Si ka mundësi që pakica e sapopërmendur,t’ia dalë të skllavërojë para epsheve të veta masën e popullit,që prej kësaj gjendje ku ndodhet ka vetëm ç’të vuajë e ç’të humbë?.

Përgjigja është e thjeshtë,se ne si popull kemi rënë në gjumë të thellë letargjik,përsa i përket çështjes kombëtare.

Jemi pasivë në këtë aspekt.

U japim prioritet bindjeve partiake dhe jo atyre kombëtare. Askush nuk u kërkon shqiptarëve të heqin dorë nga bindjet apo rreshtimet e tyre politike. Por pa marr parasysh se çfarë bindjesh apo ngjyrimesh kanë, kombin të gjithë e kanë bashkë.

Prandaj të bindur se duhet ti shërbejmë mbrojtjes së interesave më të larta të popullit tonë,dhe jo partive politike,dhe se askush nuk ju kërkon të hiqni dorë nga bindjet politike,por mbi të gjitha të vendosni interesin kombëtar.

Një përgjigje ashiqare ndaj kësaj pyetjeje do të ishte rreshtimi për interesa kombëtare. Politikanët që hera-herës janë në pushtet,duhet te marrin përgjigjen e popullit me të cilin manipulojnë. Mobilizimi i popullatës rreth çështjes kombëtare,do i detyroj ata që të ndërpresin politikat dhe devijimin e ndjenjave të masave,duke i kthyer në instrument të politikës së tyre.

Prandaj është e nevojshme të zgjohemi e të vetëdijesohemi e të bashkuar rreth idealit kombëtar,rreth Atdhetarëve dhe fondacioneve tashmë të dëshmuar,si “FONDACIONI ALBANA” apo cilado organizatë që ju mendoni se është e duhura,të realizojmë të drejtën e aspiratën tonë shekullore për një komb,një shtet,një flamur.

ZOTI E BEKOFTË SHQIPËRINË.

ZOTI E BEKOFTË BASHKIMIN KOMBËTAR.

Shkup;26.09.2019

Ish-kryetarja e Parlamentit Jozefina Topalli flet për një lëvizje të re politike

Ish kryetarja e Parlamentit të Shqipërisë dhe Nënkryetare e Partisë Demokratike, Jozefina Topalli, tha sot se, pas tri dekadave politika është në krizë dhe se vendi është pa përfaqësim. Duke folur para studentëve të Universitetit të Shkodrës, ku ju dha Çmimi i Karierës, zonja Topalli u bëri thirrje të rinjve për “Një Lëvizje të Re”.

“Pas 3 dekadave politika është në krize; vendi është pa përfaqesim. Ekonomia nuk ec. Nuk ka as qeveri dhe as opozitë. Ata kanë deformuar demokracinë e brishtë. Ata, ose bëjnë pazare, ose bëjnë shantazhe ndaj njëri-tjetrit. Është më mirë të ikin “4 shahistat” e të rrijnë shqiptarët. Nëse forcat e vjetra nuk reformohen, ka vetëm një zgjidhje: “Një Lëvizje e Re”. Lëvizje për ndryshim. Dhe mendimi im është tek të rinjtë e të rejat, dhe ju që keni gjithmonë zemrën e re”.

Zonja Topalli u bëri thirrje të rinjve që të bëhen autorë të fatit të tyre dhe t’i largohen dëshpërimit.

“Çfarë e bën këtë vend të veçantë jeni Ju. Mos e harroni këtë. Ata që janë në krye të partive kanë frikë nga ju. Më besoni mua. Mos lejoni më që t iu heqin fëmijët nga shtëpia e t’iua hedhin në emigracion. Mjegulla nuk mundet që të na errësojë përjetë shikimin. Ndoshta ndonjë nga të rinjtë këtu do fillojë lëvizjen për ndryshim, e ndoshta nesër do jetë në Parlament për t’i kthyer vendit e Kuvendit shpresën e dinjitetin. Ndoshta nuk do jetë në Kuvend, por do jetë në Bashkinë e tij për t’i dhënë shpresë qytetit. Do jetë në punën e tij për t ‘i dhënë jetë e perspektivë familjes. E si ju në Shqipëri ka me mijëra.

Përfytyrojeni kur të bashkohemi të gjithë bashkë.

Që vendit t’i kthehet shpresa, të rinjve mundësia për punësim, të moshuarve një pension më dinjitoz, shëndetit t’i jepet kujdesi e shërbimi i duhur, e në fëtyrat e njerëzve të kthehet buzeqeshja. Mjaft me dëshpërim. Bëhuni autorë të fatit tuaj”. za

Tërmetet, psikiatri: Ja pasojat te fëmijët dhe të rriturit

Duke folur për tërmetin e së shtunës dhe përjetimi te fëmijët psikiatri Neli Demi, i ftuar në Provokacija është shprehur se më shumë e rëndësishme është mënyra sesi menaxhohet nga të rriturit.

“Për shumë fëmijë ka qenë eksperienca e parë dhe mënyra si reagojnë, fjalët që dëgjojnë, media influencojnë sesi ata e ingranojnë këtë eksperiencë në jetën e tyre. Shtëpia që është e sigurtë bëhet një objekt frikësues dhe bëhët me shumë frikësues sesi të rriturit e kuptojnë dhe reagojnë. Mund t’i bëjë dhe mirë, është eksperincë ku ne mësojmë, por mënyra si menaxhohet. Reagimi i këtyre individëve të rëndësishëm merr shumë rëndësi, një fëmijë që rritet i sigurt emocionalisht e përjeton qetë, një fëmijë i pasigurt që rritet në ambient të dhunshëm mund të panikohet dhe kjo lë pasoja dhe ngjarje të tilla aktivizojnë një stres postraumatik”.

I pyetur në lidhje me lajmin e rrëmë të shpërndarë në media për rënien e një tërmeti 6 ballë të dielën ën mbrëmje, psikiatri Demi thotë se çdo profesionist puna e të cilit lidhet me njerëzit duhet të dijë rreth këtyre fenomeneve, pasi në një kohë pasigurie thashethemet shndërrohen në të vërteta të besuara.

“Çdo profesionist, puna e të cilit lidhet me njerëzit duhet të dijë rreth këtyre fenomeneve. Është detyra e institucioneve për të qetësuar njerëzit dhe për t’i sqaruar. Kjo ndodhi pasi sheshet ishin mbushur me makina dhe kanë kaluar natën jashtë në makina. Reagimet influencohen dhe nga vendi ku jemi, nga besimi që ne kemi te vendi ku jetojmë, nga njohuritë që kemi, mosbesimi si është ndërtuar ky qytet. Thashethemet shndërrohen në të vërteta të besuara dhe një klimë e qëndrueshme prej kohësh pasigurie dhe të gjithë këto elementë i fokusojnë në moment të caktuar. Produkt i injorancës dhe padijes dhe qëllimshmëria e bërjes do ishte fatkeqësia më e madhe në një shoqëri si e jona se qëllimshmëria ka brenda vetes dhe njohurinë se çfarë do ndodhë”.

Vendimi i CDU/CSU, Basha: Kushtet reflektojnë dështimet e qeverisë. Do bëjmë gjithçka për hapjen e negociatave

“Shtimi i kushteve dhe kërkesa për zgjidhjen e krizës politike shprehin shqetësimin e sinqertë për hapat mbrapa që Shqipëria ka shënuar që nga qershori 2018”. Kështu deklaron kryetari i PD-së Lulzim Basha në lidhje me votën pro të CDU/CSU për çeljen e negociatave me kushte për Shqipërinë.

Përmes një postimi në ‘Facebook’ lideri opozitar thekson se këto kushte shtesë dhe kërkesa reflektojnë dështimet e qeverisë dhe jo të popullit shqiptar, ndërsa shton se; ‘Do bëjmë gjithçka për hapjen e negociatave’.

REAGIMI I BASHES
Partitë qeverisëse në Bundestag kanë miratuar sot 9 kushte për tu plotësuar që Shqipërisë ti hapen negociatat për anëtarësim në BE.

Ju shpreh mirënjohjen ligjvënësve gjermanë dhe në veçanti partive tona simotra CDU-CSU, të cilat rikonfirmuan vullnetin e tyre për të mbështetur Shqipërinë në rrugën e saj drejt anëtarësimit në Bashkimin Europian.

Shtimi i kushteve dhe kërkesa për zgjidhjen e krizës politike shprehin shqetësimin e sinqertë për hapat mbrapa që Shqipëria ka shënuar që nga qershori 2018.

70909914 2642903955760769 4583587706721796096 N
70909914 2642903955760769 4583587706721796096 N

Këto kushte dhe kërkesa reflektojnë dështimet e qeverisë dhe jo të popullit shqiptar. Në veçanti kërkesat e reja për arrestimin dhe proçedimin penal të personave të përfshirë në blerjen e votave dhe kërkesa për të vendosur mbi legjitimitetin e proçesit farsë të 30 qershorit reflektojnë qartë se dështimi dhe përgjegjësia për moshapjen e negociatave është e Edi Ramës dhe askujt tjetër.

Vendimi i CDU/CSU dhe SPD për hapjen me kushte të negociatave e ndihmon Shqipërinë për të kapërcyer krizën e rëndë politike, për të zhvilluar zgjedhje të lira e të ndershme dhe për një drejtësi të pavarur që ndëshkon politikanët e korruptuar dhe të lidhur me krimin.

Në emër të Partisë Demokratike dhe të Opozitës së Bashkuar, garantoj të gjithë shqiptarët dhe partnerët tanë se do të bëjmë gjithçka që vendit tonë t’i hapen negociatat sa më parë.

Meta i kërkon qeverisë të ftojë në ndihmë Agjencinë Ndërkombëtare: Me rëndësi ruajtja e qetësisë

“Presidenti i Republikës, Sh.T.Z. Ilir Meta vlerëson ruajtjen e qetësisë nga të gjithë dhe rëndësinë e frymës së bashkëpunimit dhe solidaritetit njerëzor, pa përjashtim, nga aktorët institucionalë, politikë, shoqërorë dhe mediatikë, për normalizimin e plotë të situatës, pas tronditjeve të ditëve të fundit.

Transparenca dhe përgjegjshmëria maksimale për evidentimin e pasojave është tepër e rëndësishme në këto momente.

Në veçanti, vlerësimi teknik i banesave, pallateve dhe godinave të dëmtuara është tepër i domosdoshëm për të ardhmen.

Ndaj duke vlerësuar dhe solidaritetin e vendeve partnere dhe Bashkimit Europian, Presidenti Meta i kërkon qeverisë të ftojë zyrtarisht edhe Agjencinë Ndërkombëtare të Energjisë Atomike, që ka kapacitetet e duhura për të përcaktuar sigurinë dhe rezistencën e banesave, pallateve dhe godinave të dëmtuara nga kjo fatkeqësi natyrore.

Keqpërdorimi nga kushdo i kësaj situate, nuk është rruga e duhur për të përballuar një shqetësim të përgjithshëm, në mënyrë të bashkuar dhe të përgjegjshme, vetëm në interes të qytetarëve të traumatizuar nga tronditjet dhe pasojat në banesat e pronat e tyre.

Të gjithë duhet të shtojnë kontributet pozitive dhe solidare në bazë të përgjegjësive institucionale, politike, shoqërore dhe qytetare”, shkruan Meta.

Vijon paniku te “Shkëmbi i Kavajës”, rënie masive shkëmborësh, banori: Është çarë gjithë pallati

Situata të Shkëmbi i Kavajës vijon të jetë alarmante, pasi vazhdojnë të bien masive shkëmborësh në rrugë, pas tërmetit të fuqishëm me magnitudë 5.8.

Duke folur për mikrofonin e “News24”, banorët kanë thënë se ndonëse zona është ndërtuar së fundi, në dhjetëvjeçarin e fundit, pasojat e tërmetit kanë qenë të mëdha, jo vetëm për shkak të fuqisë së madhe të lëkundjes, por edhe për arsye se ndërtimet nuk kanë qenë cilësore.

Ndërkohë, banorët vijojnë të jenë në panik nga Shkëmbi i Kavajës, prej të cilit vijojnë të shkëputen masive gurës, duke rrezikuar jetën e tyre.

I pyetur, një banor i zonës tha se gurët vijojnë të bien çdo ditë, pas tërmetit, dhe se shkëmbi ka qëndruar vetëm se nuk ka pasur lagështirë.

“Shkëmbi ka qëndruar vetën se nuk ka pasur lagështirë, por çdo ditë vazhdon të bie, që pas rënies së tërmetit. Edhe pallati ku jetojmë ne është i carë nga kati i parë deri në të nëntin. Është pranë shkëmbit. Asnjë nuk ka ardhur që të interesohet për këtë punë”, tha banori.

Si e përjetuat tërmetin?
Kur ra tërmeti të gjithë njerëzit dolën jashtë. Edhe mbrëmë ishin jashtë, se është me frikë të jesh brenda. Mbrëmë ishte frika e asaj se mos bie tërmet i fortë.

Çfarë kërkoni?
Është shumë e frikshme të jetohet në këtë pallat, pasi ka marrë çarje nga poshtë deri lart. Ne i themi qeverisë të vijë e të marrë masa për atë pallat, të shohë gjendjen si është.

Ormeni: Deri tani 400 pasgoditje, nuk mund të parashikojmë a do të ketë tërmet tjetër më të madh

Pas lajmit të rremë të mbrëmjes së të dielës, sizmologu Rrapo Ormeni ka qetësuar gjithë qytetarët shqiptarë duke thënë se tërmetet nuk mund të parashikohen.

Në një intervistë për Ora News ai tha se deri tani janë regjistruar 400 tërmete.

Rrapo Ormeni: “Pas tërmetit kryesor, tërmetet kanë ardhur duke u zvogëluar për a i përket shpeshtësisë, numri të tyre. Nga koha në kohë numri i tyre vjen duke u zvogëluar. Por edhe për sa i përket energjisë magnituda e tyre po vjen në zvogëlim.

Kuptohet që në këtë seri pasgoditjesh do të ketë tërmete të vegjël, por s’do të jenë të gjithë me të njëjtën magnitudë. Në periudha të veçanta do kemi goditje që janë më të dallueshme nga këto të tjerat. Por kuptohet që janë normale, nuk kanë asnjë rrezik.

Pas goditjet janë dukur që shoqërojnë goditjen kryesore. Ne nuk mund të parashikojmë nëse do bjerë një tërmet tjetër i pavarur apo nuk mund të parashikojmë se kjo seri i paraprin një tërmeti tjetër më të madh. Gjykojmë që kjo goditje kryesore, shoqëruar me pasgoditje është duke u shuar. Deri tani 400 goditje që janë regjistruar, me magnitudë mbi 4 kanë qenë më të pakta.”

Çfarë duhet të bëjnë qytetarët në rastet e tërmetit?

Rrapo Ormeni: “Këshilla e parë është të ruajë qetësinë dhe menjëherë sapo fillon lëkundja të vendoset nën një objekt të fortë. Kur është në krevat të vendosë duart që të mbrojë pjesët e kokës, të sigurojë fëmijët.

Por në asnjë mënyrë të tentojë të dalë sepse periudha e zgjatjes së tërmetit është 20 sekonda. Është shumë e vogël koha kështu që nuk ka mundësi të dalë jashtë.

Pas mbarimit të goditjes së parë duhet menjëherë të dilet jashtë pasi mund të ketë pasgoditje.

Shqipëri, regjistrimi i popullsisë do të realizohet në vitin 2020

Tiranë

Shqipëria ka planifikuar të realizojë censin e ardhshëm të popullsisë dhe banesave në vitin 2020, raporton Anadolu Agency (AA).

Në Tiranë me pjesëmarrjen e zyrtarëve të institucioneve të ndryshme është organizuar konferenca prezantuese e “Censit të Popullsisë dhe Banesave 2020”, nën kujdesin e Institutit të Statistikave të Shqipërisë (INSTAT) dhe në bashkëpunim me Delegacionin e Bashkimit Evropian në Shqipëri.

Drejtoresha e përgjithshme e komanduar e INSTAT-it, Elsa Dhuli, në hapje të aktivitetit tha se censi 2020 do të realizohet sipas standardeve ndërkombëtare të përcaktuara nga Kombet e Bashkuara(OKB) dhe Bashkimi Evropian(BE).

“INSTAT ka angazhuar të gjitha resurset e tij dhe po i kushton vëmendjen maksimale këtij procesi statistikor. Censi është bazë për ndërtimin e shëndetshëm dhe të qëndrueshëm statistikor dhe politikëbërës. Ky cens, në përputhje të plotë me të gjitha standardet ndërkombëtare të përcaktuara nga Kombet e Bashkuara dhe Bashkimi Evropian, që të jetë i suksesshëm të arrijë objektivat e tij duhet të ketë angazhimin e gjithë aktorëve në vend”, theksoi Dhuli.

Erjon Luçi, zëvendësministër i Financave dhe Ekonomisë i Shqipërisë, theksoi gjatë fjalës në aktivitet se kontributi i Qeverisë së Shqipërisë për censin është i rëndësishëm.

“Censi do jetë i rëndësishëm për politikëbërjen, por do ketë një ndikim të drejtpërdrejtë në mënyrën sesi ne bëjmë politikat buxhetore, sektoriale apo edhe territoriale. Mund të jetë ndër burimet e informacionit më kyçe për kërkimet apo politikëbërjen në të paktën 5-10 vitet e ardhshme”, tha Luçi.

Në konferencë mbajti një fjalë përshëndetëse edhe ambasadori i BE-së në Shqipëri, Luigi Soreca, i cili theksoi se ky cens do të ketë rëndësi për informacionet e besueshme.

“Sot jemi këtu për të diskutuar sfidën e radhës të INSTAT, censin e popullsisë dhe banesave të vitit 2020. Ky cens do të ketë rëndësi shumë të madhe për të dhënë në fakt një informacion të besueshëm, për të hartuar dhe vlerësuar politikat të cilat bazohen tek shifrat si dhe planifikimin e shërbimeve publike”, tha Soreca.

INSTAT ka planifikuar të realizojë censin e popullsisë dhe banesave në vitin 2020, i cili do të ndjekë metodën e numërimit të drejtpërdrejtë bazuar në operacionet në terren me përpilimin e pyetësorëve nga anketuesit.

Sipas INSTAT, për realizimin e këtij censi do të merren në konsideratë rekomandimet dhe standardet e adresuara në vendet evropiane nga Kombet e Bashkuara dhe Zyra Statistikore e Bashkimit Evropian (Eurostat).

Censi i fundit i popullsisë dhe banesave në Shqipëri është realizuar në vitin 2011.

Presidenti Meta në Durrës, takim me Prefektin: U njoha me situatën, e rëndësishme të jemi vigjilentë

Presidenti Ilir Meta, udhëtoi mbrëmjen e sotme drejt Durrësit,  aty ku ishte dhe epiqendra e tërmetit që goditi vendin pasditen e sotme.

Rreth orës 17:24, Presidenti Meta u fut në Prefekturën e Durrësit, ku zhvilloi një takim me prefektin Roland Nasto, për t’u njohur në detaje me pasojat që shkaktoi tërmeti.

 

Në një deklaratë të shkurtër për mediat, pas takimit, Presidenti Meta tha se duhet të ruajmë qetësinë, ndërsa theksoi se duhet të jemi të vëmendshëm, pasi jetojmë në një rajon problematik.

U njoha nga Prefekti dhe nga Shtabi i emergjencave me punë që ata po bëjnë në terren dhe është e rëndësishme të merren masa për të verifikuar pasojat që mund të kemi edhe për të ardhmen, sidomos për banesat që mund të jenë dëmtuar dhe mund të jenë problematike për t’u banuar. Mendoj që jemi në kushtet e një vigjilence të vazhdueshme pasi jetojmë në një rajon problematik dhe është e rëndësishme të jemi në bashkëpunim të vazhdueshëm me vendet fqinje, në mënyrë që të jemi të përgatitur për ç’do situatë. Tani është koha për të qenë gjithmonë të vëmendshëm dhe është e rëndësishme të punohet me efikasitet nga të gjitha strukturat”, tha Meta.

Oshëtima e uraganit të LDK-së ua ka futur frikën partive rivale! – Nga Florim Zeqa

 

Si asnjëherë më parë, nga shkuarja në amshim e liderit historik Ibrahim Rugova, nominimi i zonjës Vjosa Osmani kandidate për kryeministre nga Lidhja Demokratike e Kosovës, e ka prodhuar një ndjenjë të papërshkrueshme gëzimi në elektoratin e kësaj partie. Ky vullnet i elektoratit të LDK-së do ta kishte kuptimin e plotë sikur vota e elektoratit e nxjerrë LDK-në fituese absolute të zgjedhjeve.
Për këtë arsye, ky gëzim i madh i elektoratit të LDK-së rrezikon të kthehet në zhgënjim dhe thyerje të madhe shpirtërore, për shkak se në secilin variant të koalicionit pas-zgjedhor, Vjosa Osmani nuk e ka të garantuar postin e kryeministres së vendit!

Bazuar në parafushatën e kandidates për kryeministre nga radhët e LDK-së, shihet qartë se Vjosa Osmani e ka fituar një mbështetje të parezervë nga elektorati i këtij subjekti politik.
Nëse e marrim si kriter mbështetjen e fuqishme të zonjes Vjosa Osmani nga elektorati i LDK-së, atëherë pavarësisht rezultatit zgjedhor, Vjosa do duhej të merrte timonin e partisë.
Megjithatë, nuk duhet anashkaluar faktin se zgjedhjet në LDK kanë përfunduar. Prandaj, edhe vullneti i elektoratit të LDK-së mund të mbetet vetëm dëshirë poqesë Vjosa nuk arrinë t’i fitojë zgjedhjet!

Kandidimi i Vjoses, produkt i frikës për ndëshkim

Pas ngulfatjes së vullnetit të elektoratit në procesin e brendshëm zgjedhor, mbështetjen e fuqishme të elektoratit të LDK-së për Vjosen kryeministre, duhet kuptuar si dëshirë të elektoratit që ka shpërthyer si vullkan për ndryshime në LDK dhe mbarë Kosovën.
Sikur zonja Vjosa Osmani të ishte propozuar si kandidate për kryeministre vetëm 5-6 muaj më parë gjatë procesit të brendshëm zgjedhor, fitorja e LDK-së në këto zgjedhje jo vetëm që do të ishte e garantuar, mund të ishte fitore absolute e këtyre zgjedhjeve.
Mënyra e kandidimit të Vjoses vetëm 5 minuta para orës 12-të, nuk erdhi nga gjeneroziteti dhe dëshira e kryetarit dhe as e kryesisë qendrore, por erdhi nga frika e ndëshkimit nga elektorati për shkak të procesit të deformuar zgjedhor të partisë.
Sikur të pyetej elektorati i LDK-së, kryetari aktual i partisë dhe shumë nga kryetarët e degëve, humbës serik të disa palë zgjedhjeve lokale,fare nuk do të ishin rizgjedhur, madje edhe përbërja e kandidatëve për deputet do të ishte krejt më ndryshe nga seqë është.
Nisur nga ky fakt, është hera e dytë që Isa Mustafa nuk e pati guximin të përballet me elektoratin. Në zgjedhjet e kaluara e “dogji” profesorin Avdulla Hoti, ndërsa në këto zgjedhje e ka vendosur ta sfidojë Vjosen!
Mirëpo kësaj radhe situata është pak më ndryshe, mos respektimi i vullnetit të elektoratit në zgjedhjet partiake, e ka kthyer Vjosa Osmanin lidere morale të partisë.
Tendenca për “djegien” e Vjoses, do të prodhoj zgjedhjet e jashtëzakonshme në LDK për shkak të mbështetjes së jashtëzakonshme të elektoratit.
Si pasojë e ngulfatjes së vullnetit të elektoratit, sot paradoksalisht përballë katër pretendetëve për kryeminstra, Vjosa Osmani është e vetmja kandidate që nuk është lidere e partisë.

Mbajtja e premtimve, forcon besimin e elektoratit

Dy premtimet e mëdha elektorale të zonjes Vjosa Osmani; “Jo koalicion me PDK-në dhe pikë”, “do ta bëjë shkarkimin e Hashim Thaçit dhe pikë”, janë dy obligime pas të cilave Vjosa nuk guxon të vëjë presje për asnjë çmim apo presion nderkombetar, qoftë edhe nëse kushtëzohet me humbjen e postit të kryeministrit.
Në rrethanat aktuale nëpër të cilat po kalon vendi, kthimi i besimit të qytetarëve është më i rëndësishëm se çdo post politik.
Çdo rrëshqitje në premtimin bazik elektoral “Kurrë më koalicion me PDK-në”, Vjoses do t’i kushtoj me humbje të imazhit personal, dëmtim enorm të partisë dhe zhgënjim total të elektoratit.
Vjosa Osmani, e ka rastin historik që mbështetjen e fuqishme të elektoratit të LDK-së ta kthejë në forcë dhe motivim personal për ç’kapjen e partisë nga klanet dhe grupet e interesit, nga karrieristët dhe matrapazët politik.
Vjosa Osmani, besimin e elektoratit duhet ta kthejë në force dhe guxim për marrjen e timonit të LDK-së, jo me forcë por me transparencë veprimesh përmes organizimit të një procesi të rregullt zgjedhor dhe demokratik në LDK, ku secili anëtarë të ketë mundësinë e zgjedhjes dhe për të qenë i zgjedhur në parti.
Një fjalë e urtë popullore e thotë: “Sa më shumë e shtërgon pushkën, krismën e ka më të madhe”!
Përfundimisht ka ardhur koha, që zërat e ngulfatur në LDK të shpërthejnë fuqishëm, të thonë hapur atë që e kanë në shpirtë e zemër siq po e thonë për Vjosen në këto zgjedhje.
Oshëtima e uraganit të LDK-së ua ka futur frikën partive rivale, mbështetja e fuqishme e elektoratit për Vjosa Osmanin i ka tmerruar kandidatët për kryeministra.

Tërmetet në vend, 44 persona të lënduar transportohen në Spitalin e Traumës

TIRANË

Pak orë pas tërmeteve një numër i konsiderueshëm i banorëve janë paraqitur për ndihmë mjekësore në Spitalin e Traumës në Tiranë.

Gazetarja e “Balkanweb”, Dorjana Bezat thekson se 44 persona kanë marrë dëmtime dhe si pasojë kanë kërkuar ndihmë mjekësore  në spitalin e Traumës. Qytetarët kanë marrë dëmtime në pjesët e ndryshme të trupit, por edhe në kokë.

Tërmetet kanë shkaktuar panik në qytetin e Durrësit, Tiranës, por edhe në qytetet e tjera të vendit. Deri tani nuk raportohet për jetë të humbura, por vetëm dëme materiale. Qytetarët kanë zbaritur me shpejtësi në rrugë, ndërsa shprehen se lëkundjet e tërmetit kanë qenë të forta.

“Lëkundjet shoqërohen nga pasgoditje”, çfarë paralajmëron sizmiologu i Institutit të Gjeoshkencave

Instituti i Gjeoshkencave, Energjise, Ujit dhe Mjedisit ka bërë një panoramë të tërmetit që goditi sot vendin. IGJEUM thotë se epiqendra ka qenë në veri të Durrësit, në Adriatik 5.8 i shkalles Rihter. Por sa i përket ndjeshmerisë vlerësohet 7 ballë në Tiranë dhe rreth 8 ballë në Durrës.



Në një prononcim për gazetarët, Llambro Duni, sizmiolog, u shpreh: “Kemi përjetuar lëkundjet më të forta sizmike në vitet e fundit. Mund të ketë dëme. Paslëkundjet do të vijojnë në zonën qëndrore, me madhësi të vogël. Veriu i Durrësit dhe rrethinat duhet të bëjnë kujdes.Pas godijes së parë 5.8 ballë kemi pasur një tjetër 5.3 ballë. Ka efekte dhe në Tiranë. Njerëzit të qetësohen, nuk presim goditje të tjera. Të mos rrinë rrugëve”.

IGJEUM flet për 2 lëkundje të forta dhe 4 më të lehta. Probabiliteti më i lartë për dëme ka qenë në epiqendrën e tërmetit, në Durrës.

IGJEUM porosit banorët e zonës së epiqendrës të tregohen më të vëmendshem pasi lëkundjet shoqërohen nga pasgoditjet.

IGJEUM thotë se ky është tërmeti më i fuqishëm në Shqipëri pas atij të 15 prillit 1979.

“Shqipëria është vend sizmik. Tërmete të kësaj natyre janë shumë të shpeshta. Tërmetet e forta ndodhin rrallë, njerëzit nuk janë mësuar. Zonat që duhet të kenë më shumë vëmendje janë ato bregdetare, rrëzë shpateve”, tha më tej Duni.

Tërmetet në vend, kryeministri Rama anulon udhëtimin drejt SHBA

Kryeministri Edi Rama ka anuluar udhëtimin e tij drejt  New Yorkut, ku kishte planifikuar të merrte pjesë në mbledhjen e Organizatës së  Kombeve të Bashkuara. Aktualisht kryeministri, Edi Rama ndodhet në Frankfurt dhe pritet të kthehet në orët në vazhdim në Tiranë.

Lëkundjet e tërmetit kanë shkaktuar panik dhe frike tek qytetarët. Epiqendrat e tërmeteve kanë qenë në Detin Adriatik, në veri të qytetit të Durrësit. Dëmet më të mëdha janë shënuar në zonat përreth.

FOTOLAJM – Termeti i fortë në Durrës, çahet në dysh pallati

Lëkundjet e termetit kanë qenë shumë herë më të forta në qytetin e Durrësit.

Raportohet se në këtë qytet një pallat është çarë në dysh si pasojë e tronditjeve të forta.

Dëshmitarët raportojnë se në Durrës është krijuar nëj situatë paniku dhe qytetarët kanë përjetuar moment tmerri.

Për momentin nuk raportohet për të lënduar.

Ministria e Brendshme publikon numrat: Ja ku duhet të telefononi për të kërkuar ndihmë

Ministria e Brendshme ka publikuar numrat ku qytetarët mund të kërkojnë ndihmë, pas dy lëkundjeve të forta të tërmetit.

Njoftimi

Pas lëkundjeve të tërmetit të rënë pak minuta më parë, Ministria e Brendshme, në bazë të raportimeve të para që ka marrë nga Drejtoritë Vendore të Policisë, Shërbimet Zjarrfikëse dhe Prefekturat, njofton se nuk ka persona të lënduar dhe as dëme të rënda materiale.

Të gjitha strukturat e rendit janë në gadishmëri të plotë dhe do të marrin çdo masë për të qenë pranë dhe në shërbim të qytetarëve.

MB dhe Policia e Shtetit fton këdo që ka nevojë për ndihmë, të telefonojë në nr falas 112.

Ky është njoftim paraprak dhe pas thellimit të informacionit do të japim të dhëna të tjera.

Tronditet Tirana, termet i fortë. Panik tek qytetarët. Ja epiqendra

Lëkundjet e forta të tërmetit në Tiranë kanë shkaktuar panik dhe frikë tek qytetarët, të cilat kanë lënë menjëherë shtëpitë dhe kanë dalë në rrugë. Nga të dhënat e para fatmirësisht nuk raportohet për persona të lënduar.

Lëkundjet e tërmetit zgjatën për disa sekonda, ndërsa kjo shkaktoi dëme materiale në shumë banesa.

Mësohet se tërmeti i magitudës 5.8 me epiqendër në Detin Adriatik, 10 km nga qyteti i Durrësit është ndjerë në të gjithë qytetet e vendit.

AZEM MESHI ME JETËN E VEPRËN E TIJ NJË SHEMBULL E BAROMETËR I KOHËS SHQIPTARE – Nga RAMIZ LUSHAJ

 

-Kumtim i mbajtur nga Ramiz Lushaj në Akademinë Përkujtimore për Dëshmorin e Policisë së Shtetit, Azem Meshi dhe Promovimin e Librit “Azem Meshi, Shqipe e Vendit të Vet”-

Ky libër kolektiv, “Azem Meshi, Shqipe e Vendit të Vet”, me firmat e 27 autorëve bashkëpunues me shkrimet e tyre, që krye-mban për bashkautorësi edhe emrin tim e të Ahmet Meshit, që ka një fond e galeri me 140 foto, faksimile, skema e grafika (nga të cilat 61 foto me ngjyra) në të 236 faqet e tij të botimit të dytë të plotësuar, i kushtimohet jetës e veprimtarisë së Azem Ali Meshit- “Dëshmor i Atdheut”, përndryshe dhe “Dëshmor i Policisë së Shtetit Shqiptar”, që ka rá në krye të detyrës për mbrojtjen, ndërtimin e lartësimin e shtetit, në një përpjekje trimnore e të përgjakshme me një bandë kriminale të armatosur në Yzberisht të Tiranës, para 20 vitesh, më 3 qershor 1999, në moshën 31 vjeçare, në ma të bukuren kohëmoshë të njeriut të ëndrrave të jetës, të krijimit të familjes, të rrugëtimit drejt lumturimit e lartësimit të vetvetës personale e familjare në shumanshmëri plotore në kohëjetën e tij.

Azem Meshi është një martir – një dëshmor, është “një hero”- siç e cilëson dhe ish-drejtori i Policisë së Tiranës, Mit’hat Havari (fq. 71-73), është një hero që po e jeton jetën e tij të heroit martir të kombit të vet me mesazhe të mira për kombin e vet, për kohën tonë, ndryshe nga disa heronjë të gjallë të paqes e luftës të dekadave të fundit në Rajonin Ballkanik Shqiptar që prej disa qëndrimeve e veprimeve me teprime, gabime e faje në politikë, në pasunime, në shoqëri, tashma po e përjetojnë jetën e anti-heroit.

Edhe sot, në këtë ditë të 20 shtatorit 2019, edhe dekorimi i Azem Meshit me titullin e lartë “Qytetar Nderi” i Kamzës, edhe botimi i këtij libri përkushtimor për Azem Meshin, flasin krejt qartë, plot dritë, se Azem Meshi po e jeton lartësisht jetën e heroit të kombit të vet shqiptar, se është i gjallë në mes nesh, brenda nesh, para nesh, edhe tek vajza e tij e talentuar Greta- gazetare në një televizion e me shoqërinë civile; edhe tek bashkëshortja e tij e fisme Loreta- punonjëse civile e administrative në Policinë e Shtetit; edhe tek vllaznit e tij: Zenuni, Ahmeti, Skënderi, Agroni, Guximi e Sabahi, motrat e tij Xhanja e Liria; edhe tek të gjithë të afërmit e pragut e gjakut, tek të gjithë ne pjesmarrësit në këtë Akademi Përkujtimore, edhe tek shoqëria, koha, historia krahinore e kombëtare shqiptare, prandaj edhe shkrimit tim në hyrje të librit, te parathania, ia kam vendos titullin: “Tungjatjeta, o Azem Ali Meshi”, prandaj ne të gjithë në këtë sallë të Tirana International Hotel i themi edhe sot e në motmote: “Mirë se erdhe, o Azem Meshi ynë 51 vjeçar”, në moshën e lartë të burrit tradicional e të heroit shqiptar, sepse e thotë dhe kanga e dy kangtarëve hasjanë Kastrati e Brati (fq. 171-173), e këndueme qysh më 2006: “Kush jep jetën, o për vend t’vet/Asht i gjallë, o kurrë nuk des!”.

(Tani, më lejoni t’iu ftoj të mbajmë një minutë heshtje për Dëshmorin Azem Meshi dhe të gjithë Dëshmorët e Policisë së Shtetit Shqiptar!). (I përjetshëm emri, vepra e kujtimi i tyre!)

Lisi e rrit lisin, me farën e vet, në tokën e vet. Lisat krijojnë lisnajën. Kështu dhe Vllaznia Meshi, e ardhun prej origjine nga Oroshi i Mirditës e me ngulim jete disashekullore në Kosturr të Hasit të Qarkut të sotëm të Kukësit, edhe kulla e të parëve të Azem Ali Meshit, kanë marrë pjesë aktive në kryengritje e luftëra rajonale e kombëtare nga Qafë Prushi deri në Shkup e Shkodër, nga Moraça në Plavë-Guci, Rrafshin e Dukagjinit etj. prej nga koha e Rilindjes Kombëtare Shqiptare, në Lidhjen Shqiptare të Prizrenit e të Pejës, në Shpalljen e Pavarësisë, Luftën e Dytë Botërore e Luftën e fundit të Kosovës. Gjyshi i Azem Meshit, Ukshin Adem Meshi së bashku me të vllanë Arifin, kanë marrë pjesë në Kryengritjen Kombëtare Shqiptare të Vilajetit të Kosovës të 1912-tës së Pavarësisë. Baba i Azem Meshit, i ndjeri Ali Ukshin Meshi, ka marrë pjesë në Luftën e Dytë Botërore në moshë krejt të re, mbi 15-vjeçare, me Çetën e me Batalionin e Hasit dhe në rradhët e Brigadës XXV-S të Tropojës deri në Kosovë e në Sanxhak. Kusherinj të afërt të Azem Meshit, si: Ram, Ali e Mehmet Meshi janë “Dëshmorë të Atdheut” të Luftës Antifashiste Nacionalçlirimtare. Kjo Vllaznia Meshi, Familja e madhe e Azem Meshit, në vitin 1999, brenda tre muajve kohor, kanë tre dëshmorë: më 24 mars 1999, në Istog të Pejës, në ditën e bombardimeve të NATO-s, të fillimit të Luftës së Kosovës, vriten trimërisht Bashkim e Afrim Meshi, të cilët janë “Dëshmorë të Kosovës” dhe më 3 qershor 1999, Azem Meshi- “Dëshmor i Shqipërisë”, vritet në Tiranë, në përballje me një bandë kriminale që kishin vrarë pak kohë përpara një shtetas shqiptar të Kosovës. Ish-drejtori i Përgjithshëm i Policisë së Shtetit, Hysni Burgaj (2009-’13), në shkrimin e tij (fq. 93-97) shkruan: “Mes shumë heronjve e kam njohur edhe Azemin, trimin që na la të kuptojmë të gjithëve se aspekti i këndvështrimit të tij ishte më i largët se një moment, ai luftoi për njerëzinë, për sigurinë, për të ardhmen e vendit”.

Rregjimi komunist i kohës, prej nga viti 1948, e shpalli e trajtoi babën e Azem Meshit, ish luftëtarin e atdhetarin Ali Ukshin Meshi dhe familjen e tij si “të deklasuar politik”, “të përndjekur politik” në katër dekada jete, e arrestoi dhe e dënoi Ali Ukshin Meshin për dyshime politike me 6 vjet burg politik, ia hoqi “Triskën e Frontit” për 3-vjet, e cilësoi “kulak”, ia sekustroi pasurinë, etj.

Tevona, me ndërtimin e HEC e të Liqenit të Fierzës iu përmbytën kulla, toka, pemët dhe as pasardhësit, si qindra të tjerë bregdrinas të Hasit, Kukësit, Tropojës e Pukës, nuk janë kompenusar ligjërisht e përfundimisht nga asnjë qeveri e asnjë kohe, pavarësisht premtimeve të përhershme e angazhimeve të pjesshme të tyre.

Familja e Ali Ukshinit u detyra të shpërngulej e të vendosj në Kam të krahinës së Bytyçit, në këtë qytezë të minatorëve në rrethin e Tropojës deri në vitet e Demokracisë, kur erdhën në Tiranë.

Azem Meshi, një nga 9 fëmijët e Ali Ukshinit, shkollen fillore e kreu në Kosturr të Hasit, për çka mësuesja e tij veterane, Bute Meshi, thotë se “kishte sjellje shembullore”, “i ndihmonte shokët e shoqet”, “në aktivitete ishte i pari”, “ngulmonte për dije të reja”, etj. (faqe 27-30). Shkollën 8-vjeçare e kreu në Kam të Tropojës, ku mësuesi i tij, poeti e studiuesi Shaban Geci, i ka kushtue dhe një poezi në këtë libër (fq. 174): “Kaçurrel me sy të zi/ Djalë serioz që në fëmijëri/ Djalë serioz me tipare burri /Azem Meshi prej Kosturri/”.

Av. Agron Isa Gjedia, kryetar i Shoqatës Mbarëkombëtare “Bytyçi”, Tiranë-Prizren, në shkrimin e tij kapitull libror më vehte, shkruan se Azem Meshi i bante disa orë rrugë nga Kami në Pac për të ndjekë me sakrifica, përkushtim e rezultate të mira shkollen e mesme; kishte zgjuarësi genetike natyrore e jetësore; ishte i traditës, me kulturë, me veti e virtyte të larta; lexonte libra jashtëshkollorë; i pasionuar e i dallueshëm në garat me kuaj; i dhanun pas notit në prrenj e lumenj të Bytyçit e Hasit, në Dri e Liqenin e Fierzës; merrej me peshkim për sport e ekonomi; i kishte qejf ecjet në natyrë e udhëtimet, etj. (fq. 55-66).

Azemi për shkaqe politike të kohës nuk mundi të ndiqte arsimin e lartë universitar, pavarësisht dëshirës e aftësive të tij.

Azem Meshi, në një kuptim të caktuar, është një “barometër” i Kohës së Demokracisë, i kësaj kohe me mundësi e hapësira të mëdha për të dëshmue vetëveten në jetë. E dëshmojnë faktet, sepse Azemi në këto vite, ky veprimtar aktiv e kontributor i PD-së në Tropojë, Has, Kukës e Tiranë, prej vitit 1992 filloi punë në Policinë e Shtetit në Tiranë, në Repartin e Ambasadave e në Komisariatin e Policisë nr. 4 në Kryeqytet; e ndoqi Akademinë e Rendit Publik (sot, Akademia e Sigurisë) e provimin e fundit e dha një javë para vrasjes së tij në qershor 1999 e atë vit do ta merrte edhe titullin “Oficer i Policisë Shqiptare”; e ndertoi një shtëpi “model Elbasani” aty në Zona “Yzberish 2” në Tiranë me krahët e tij e me ndihmë nga vëllezërit e miqtë e tij, familja e nderueme tiranase e Shyqyri Grecës; e krijoi familjen e tij të re e dinjitare; u kujdes duke e rregjistruar bashkëshorten e tij Loretën në kurse për italisht e kompjuter, etj.; punonte në dy punë, pas orarit të shërbimit në Policinë e Shtetit shkonte tek firmat private, etj. Greta Meshi, vajza e tij, te esseja “Babai im” fq. 115, viti 2016) shkruan: “Unë e di që ai është pranë meje kudo, ai është engjëlli im mbrojtës e në çdo hap që unë hedh, ai është aty duke më mbështetur, duke më brohoritur, e duke u ndjerë krenarë për vogëlushen që po rritet”.
Edhe nipi i Meshëve, djali i hallës së Azem Meshit, biznesmeni i mirënjohur shqiptar, Ram Geci, djali i një burri të lartë e të mirë – Ali At’hem Gecit të Bytyçit, që ishin “Oxhak” -“Derë e Madhe” e Bytyçit dhe në Malësi të Gjakovës, djali i një nane të fisme Razë Ukshin Meshit-Geci të Kosturrit, është një tjetër “barometër”- një shembull i mirë e i madh i kohës shqiptare, pronar i vetëm i Tirana International Hotel, ku po e bajmë këtë Akademi Përkujtimore e Promovim Libri), i kompanisë elitare “Geci”, një nga biznesmenët e humanistët e mëdhenj të ditëve tona, të cilit i shprehim mirënjohje të madhe.

Edhe nipi tjetër i Meshëve, djali i hallës së Azem Meshit, Rrustem Gjedia i antikomunistit, trimit, njeriut punëtor, Jakup Sali Gjediaj të Bytyçit (i cili, prej 1952-shit, emigroi në Kosovë e Amerikë) dhe i qëndrestares të fisme Gjylë Ukshin Meshi-Gjedia të Kosturrit , është një tjetër “barometër” i kohës panshqiptare, një biznesmen i njohur në Amerikë e Europë.

Azem Meshi është një nga 168 dëshmorët e Policisë së Shtetit Shqiptar (ku 86 prej tyre iu përkasin viteve të vështira 1997-1999) çka do të thotë se Azem Meshi është një nga dëshmorët e ringritjes së Shtetit, të ndërtimit të Shtetit, për nga rendi, qetësia e siguria publike, çka është dhe detyra e misioni kryesor i Policisë së Shtetit Shqiptar, se Policia është e para në sakrifica deri në vetmohim në mbrojtje e ndërtim të shtetit dhe rënia e Policisë e Gardës në kohë të jashtëzakonshme është vet rënia e Shtetit. Shqipëria ka dhe 56 policë të tjerë të rënë në krye apo për shkak të detyrës, të cilët janë në pritje të dhënies së titullit “Dëshmor i Atdheut”. Pra, Shqipëria ka gjithsej 224 policë të vrarë në tre dekada nga Ilir Gjyrdedi më 1990 e deri tek Artan Cuku më 2017, ndërkohë që shteti tjetër shqiptar, Kosova jonë, e porsa dalë nga Lufta e fundit (1997-1999), fitoi Lirinë më 1999 e Pavarësinë më 2008, në pothuaj dy dekada kohore, nga 2001 deri më 2018, i ka vetëm 20 dëshmorë të Policisë së Shtetit.

Unë, shqiptarisht, i bashkohem mendimit të doktor, gjeneral major Bajram Ibraj, ish-Drejtor i Përgjithshëm i Policisë së Shtetit (2002-’07) që: “Qeveritë Shqiptare, duhet që të nxjerrin sa ma parë, madje dhe shumë i vonuar, Vendimin e Këshillit të Ministrave për trajtimin financiar të familjeve të të rënëve në Policinë e Shtetit, minimalisht duke filluar që nga viti 1990” (fq 84 e librit). Pra, po e them: gjaku i policëve të rënë në krye e për shkak të detyrës për Kombin e vet nuk ka faturë, nuk ka çmim, prandaj dhe “fatura financiare” e Shtetit nuk duhet të bahet pengesë.

Edhe disa kërkesa të Shoqatës së Policëve në Lirim duhet të merren në konsideratë nga Shteti ynë, pasi ka disa pengesa ligjore të panevojshme apo të qëllimshme, që pengojnë policë të karrierës, të rritur me Policinë e Shtetit, me kontribute në Policinë e Shtetit, të rikthehen në detyrat e tyre të maparshme, të veshin uniformën e oficerit të Policisë së Shtetit Shqiptar.

Ish-Drejtori i Përgjithshëm i Policisë së Shtetit (2007-’09), poeti Ahmet Prençi (në faqen 91 të librit) fjalathotë: “Kujtojmë Azem Meshin e qindra heronj të Policisë për t’ju thënë që çdo gjë që bëjmë ne është shumë pak në krahasim më atë çka bënë ata për vendin e shoqërinë”.

Në këtë libër për Dëshmorin e Atdheut, Azem Ali Meshi, kanë shkruar drejtues të lartë të Policisë së Shtetit Shqiptar, Hysni Burgaj, Ahmet Prençi, Bajram Ibraj, Mit’hat Havari; prof. dr. Shefqet Hoxha i Kukësit – Mësues i Popullit; poeti Namik Selmani nga Çamëria me banim në SHBA; poete e shkrimtare Sherife Thaçi-Berisha nga Suhareka e Kosovës; i ndjeri dr. Ali Aliaj-ish pedagog në Tiranë e Kosovë; kolegu e shoku i tij, ish-polici, shkrimtari e poeti Besnik Meta në Tiranë; poeti Fran Ukcama në Fier; i ndjeri shkrimtari e studiuesi Isuf Meshi i Kosturrit -një disident e antikomunist i njohur; kushërini e shoku i tij Astrit Hasani-Meshi në Londër; shoku i tij, mjeku Shkelzen Ibra në Krumë të Hasit; studiuesi Ismet Avdiaj nga Berisha e Brigjeve- kufi me Has, Bytyç e liqenin e Fierzës; Isuf Rexhepi e Haki Memaj nga Tropoja e me banim në Tiranë; motra e tij, Xhane Meshi-Beraj e të tjerë, të cilëve iu shprehim mirënjohje.

Shprehim vlerësime të larta për punën e redaktorit të librit, dr. Fejzulla Gjabri i Kukësit, për shkrimtarin e poetin Mujo Buçpapaj i Botimeve “Nacional”; për artin grafik nga Xhina Palko të Studios “Patrigraf”, për shtypshkrimin nga Shtypshkronja “Mileniumi i Ri” në Durrës dhe, veçanarisht për biznesmenin Ram Geci, që e financoi botimin e dytë të plotësuar të këtij libri dhe këtë Akademi Përkujtimore për Azem Meshin – Dëshmor i Atdheut.

Një “Yll që nuk u shua”- thotë ish drejtuesi i lartë i Policisë së Shtetit, Hysni Burgaj, dhe vërtetë i tillë është ky dëshmor, ky heroi, Azem Meshi – i cili u shpall “Dëshmor i Atdheut” e Familjes së tij iu dha simboli “Familje e Dëshmorit të Atdheut” (2003); President i i Shqipërisë e ka dekoruar me “Medalja e Artë e Shqiponjës”(2000) e pesta në rendin ligjor klasifikues të dekoratave e titujve në Republikën e Shqipërisë; një rrugë në Tiranë, kah Yzberishi, prej vitit 2009, e mban emrin e tij; Bashkia e Kamzës, një nga bashkitë më të mëdha në Shqipëri, e ka shpallur “Qytetar Nderi” (2019); ka një film dokumentar “Mirënjohje Dëshmorit të Atdheut, Azem Meshi” (2009), ka kangë e poezi të shumta, kemi dhe, tani, e kemi dhe këtë libër: Azem Meshi, Shqipe e Vendit të Vet”.

Lavdi emrit, veprës e kujtimit të Dëshmorit të Policisë së Shtetit, Azem Meshi – Dëshmor i Atdheut!

Ramiz LUSHAJ

Tirana International Hotel, 20 shtator 2019

(Fotot: Kristaq Janushi & Ramiz Lushaj)

Ambasadori britanik: Dënimi i Tahirit jo për akuzat më serioze ngre pyetje

Ambasadori i Mbretërisë së Bashkuar në Tiranë, Duncan Norman, thotë se dështimi për ta dënuar për akuzat akoma më serioze, shtron pyetje dhe tregon rëndësinë e finalizimit të reformës gjyqësore.

“Vendimi mbi Saimir Tahirin tregon se sistemi ligjor i Shqipërisë po bëhet më i përgjegjshëm. Por dështimi për të dhënë dënim mbi akuza akoma më serioze, shtron pyetje dhe tregon rëndësinë e finalizimit të reformës gjyqësore”, ka shkruar Norman.

 

SHBA: Shkurajues dënimi për Tahirin, por tregon pavarësi në rritje të gjyqësorit

Ambasada amerikane në Tiranë e quajti shkurajues dënimin që iu dha ish-Ministrit të Brendshëm Saimir Tahiri, por tha se kjo sinjalizon një hap përpara për pavarësinë e gjyqësorit në Shqipëri.

Në deklaratë thuhet:

“Vendimi i djeshëm kundër ish Ministrit të Brendshëm Saimir Tahiri demonstron pavarësinë në rritje të gjyqësorit dhe fillimin e fundit të pandëshkueshmërisë për personat me lidhje të forta.

Ndërkohë që dënimi i zotit Tahiri për akuzën e shpërdorimit të detyrës sinjalizon një hap të rëndësishëm përpara, dënimi është shkurajues, duke pasur parasysh se sa të rënda ishin akuzat.

Ata që shpërdorojnë besimin publik dhe shkelin ligjin duhet të përballen me pasoja domethënëse.

Shtetet e Bashkuara do të vazhdojnë të mbeten partnerë të Shqipërisë, në mbështetje të përparimit të mëtejshëm të reformës në drejtësi, transparencës dhe qeverisjes së mirë.” za

Rama bën “raprezalje” në Shkodër, 80% e drejtorëve do të ikin

Kryeministri Rama ndodhet këtë të premte në Velipojë për një takim me drejtuesit politikë të qarqeve veriore të vendit.

Mësohet se kryeministri i ka kërkuar prerë drejtuesve politike në qarkun e Shkodrës që të largojnë pjesën dërrmuese të drejtorëve lokalë, rreth 80% të tyre. Rama ka kërkuar që të nisë puna për vlerësimin e performancës së institucioneve dhe të shikohen borxhet e projektet aktuale të bashkisë më të madhe të veriut.

“80% e drejtorëve do ikin. për të gjitha bashkite e Qarkut Shkodër do të bëhet vlerësim performance i institucioneve me varësi nga qendra. Njëkohësisht do të bëhet analizë e buxhetit të bashkive, borxhet dhe projektet aktuale që të evidentohet se ku jemi aktualisht”- mesohet te kete thënë Rama.

Kujtojmë se në takim me Ramën, i cili është dhe koordinatori i qarqeve të veriut në PS, kanë marrë pjesë Ministri i Brendshëm Sandër Lleshaj, kryebashkiaku i Lezhës Pjerin Ndreu si dhe deputetët Paulin Sterkaj, Luan Harusha dhe Tom Doshi./Express

Vendimi për Tahirin, prokuroria zbulon lëvizjen e radhës

Një ditë pas vendimit të gjykatës për Krime të Rënda, që e dënoi ish ministrin Saimir Tahiri me 3 vite shërbim prove, Prokuroria për Krime të Rënda ka njoftuar se do të apelojë vendimin, si një detyrim ligjor.

Të enjten, pas një seance maratonë, Gjykata shpalli fajtor ish-ministrin Tahiri vetëm për një nga tre akuzat e organit të akuzës.

Prokuroria kërkoi javën e shkuar dënimin prej 12 vitesh burgim, duke e akuzuar ish ministrin për të paktën tre vepra të rënda: Trafik i narkotikëve kryer në bashkëpunim në formën e grupit të struktuar kriminal; Pjesmarrje në grup të strukturuar kriminal dhe Kryerja e veprës në grup të strukturuar kriminal.

Por gjykata i rrëzoi ato, duke vlerësuar se nuk kishte prova që të mbështesnin këto akuza, por se megjithatë, ishin sipas saj të mjaftueshme për ta dënuar Tahirin për shpërdorim detyre.

Ish-kryeministri denoncon zhdukjen e përgjimeve: Ja tri provat përvëluese që u hoqën nga dosja Tahiri

Ish-kryeministri Sali Berisha ka akuzuar prokurorinë se ka fshehur disa nga provat më “përvëluese” për çështjen e ish-ministrit të Brendshëm, Samir Tahiri, duke rrëzuar në këtë mënyrë lidhjet e ngushta me Habilajt.

Berisha shkruan se në dosjen e prokurorisë mungon përgjimi i autoriteteve italiane, ku sipas tij xhaxhai i Saimir Tahirit flet me Moisi Habilajn.

Sipas ish-kreut të qeverisë, në bisedën telefonike xhaxhai i Tahirit flet me Habilajn dhe i thotë që jam me Bashkim Tahirin.

Po ashtu , për Berishën është fshehur dhe udhëtimi i Moisi Habilajt sëbashku me babain e ish-ministrit dhe bashkëshortes së tij.

“Ja disa nga provat perveluese qe narkoprokuroria apo Edvin Mafia hoqi nga dosja e Saimir Habilit qe faktojne lidhjet e tij te ngushta me kushurinjte kriminele dhe supertrafikant Habilaj.

Keshtu, gazetari investigativ ka zbuluar se nuk jane ne dosje:

1-Rregjistrimi i dorezuar nga autoritetet italiane i bisedes telefonike te Moisi Habilajt me xhaxhin e Saimir Habilajt nuk eshte fare ne dosjen e prokurorise. Ne kete bisede telefonike me xhaxhain e Saimir Habilit, Moisiu ne prani te babait te Saimirit i thote atij se jam me gjigandin Bashkim. (Bashkim Tahiri)

2-As fakti qe Moisi Habilaj ka qene ne Rome bashke me babain dhe gruan e Saimir Habilajt (Bashkim Tahiri dhe Fatlinda Berisha) dhe

3- qe keta te dy nuk jane rregjistruar ne TIMS fare per kete udhetim por qe figurojne ne listen e pasagjereve te Alitalia dhe qe kane te vulosur pasaportat me vulen e Fiumicinos ne keto data. Pra prokuroria ka fshehur proven me te rende qe lidh Saimir Tahirin me Moisi Habilajn si nje grup i stukturuar kriminal ku kusho Saimiri ka pasur per detyre shmangien e policise ndaj Habilajve”, shkruan Berisha.

Gjyqi maratonë- Ja dy përfaqësueset e SHBA-së që pritën vendimin për Tahirin, momenti kur dolën nga gjykata

Përfaqësues të Ambasadës Amerikane në Tiranë ishin të pranishëm dje në seancën gjyqësore ndaj ish-ministrit të Brendshëm, Saimir Tahiri, dhe ish-kreut të Policisë së Vlorës, Jaeld Çelës.

Edhe më herët, përfaqësues të kësaj ambasade kanë ndjekur nga afër seancat e zhvilluara.

Te zgjedhurat e SHBA per te ndjekur kete seance te rendesishme gjyqesore jane keto dy zonja qe shihni ne foto, ne momentin kur po dalin nga gjykata, pasi ishte dhene vendimi, dhe pasi ishin larguar shume prej presonave qe ishin te pranishem per ta ndjekur nga afer procesin.

usa

Më poshtë, ju sjellim fotot e dy përfaqësueseve të SHBA, të cilat janë larguar nga Gjykata e Krimeve të Rënda pas largimit të Saimir Tahirit, në orët e vona të mbrëmjes.

Kujtojmë se më herët, Ambasada e ShBA ka reaguar publikisht për akuza e ngritura ndaj ish-ministrit, duke kërkuar një hetim dhe gjykim të pavarur.

Edhe në raste të tjera, në gjyqe, të cilat kanë pasur një impakt publik, përfaqësues të Shteteve të Bashkuara të Amerikës nuk kanë munguar në seancat gjyqësore.

PANORAMA

Historiani gjerman: Enver Hoxha e shndërroi Shqipërinë në vend invalid, por për krimet e regjimit të tij s’flet askush, as nuk dënohet askush

Nga Enver Robelli

Së fundi kanë qëndruar për vizitë në Shqipëri 20 shkencëtarë gjermanë, të cilët merren me trajtimin e së kaluarës. Qëllimi i vizitës ka qenë që me palën shqiptare të krijohen kontakte për bashkëpunim. Shkencëtarët kanë vizituar kampet e internimit në Spaç dhe Tepelenë, kanë qëndruar në Shkodër dhe kanë diskutuar me të mbijetuar të diktaturës së Enver Hoxhës. Pas kësaj vizite historiani Christoph Dieckmann ka shkruar një tekst të gjatë në gazetën DIE ZEIT të Hamburgut mbi historinë e Shqipërisë në shekullin e XX dhe trajtimin e së kaluarës komuniste – ose thënë më mirë: mungesën e gatishmërisë për të trajtuar krimet e komunizimit.

Dieckmann përshkruan fillimisht një vizitë në Spaç, dikur minierë e bakrit dhe qendër e kampit më të tmerrshëm të shfarosjes të ndërtuar më 1968 nga regjimi i Enver Hoxhës. Dieckmann e quan Spaçin «kamp përqendrimi». Në minierën e Spaçit punonin 1400 të burgosur. Më 1973 dhe 1985 në Spaç u shtypën dy kryengritje të të burgosurve. Shtatë udhëheqës të revoltës u vranë. Në vitin 1990 kampi u mbyll, më 2009 qeveria vendosi që në Spaç të hapë një muze. As sot e kësaj dite ky muze nuk është hapur. Fabian Kati, njëri nga të burgosurit në Spaç, thotë se shoqëria shqiptare nuk e sheh të domosdoshme të merret me trajtimin e diktaturës komuniste. Përse ishte dërguar në burgun e Spaçit Fabian Kati? Sepse me një antenë «kundërrevolucionare kishte dëgjuar pop-muzikë», e cila nga regjimi konsiderohej armike e klasave. Kati kishte përkthyer edhe tekste të këngëve, ky ishte mëkati i tij i radhës.

Historiani gjerman Christoph Dieckmann citon ish të burgosur të cilët thonë se një e treta e shqiptarëve janë përndjekur nga regjimi, Spaçi ka qenë Auschwitzi ynë, thotë një tjetër, dhe njëri shton: Auschwitzi u çlirua pas tri vitesh, Spaçi tek pas disa dekadave. Dieckmann përshkruan me ton telegrafik vërtitjen e Shqipërisë komuniste nga aleanca me Bashkimin Sovjetik te thellimi i raporteve me Kinën. Më 22 nëntor 1967 Radio Tirana njoftoi se Shqipëria ishte shpallur shteti i parë ateist në botë. 2035 objekte kulti u shkatërruan apo iu ndërrua destinimi, dinjitarët fetarë u vranë apo internuan, lutjet dënoheshin me masa drakonike. Mes alpeve shqiptare dhe Detit Jon u ndërtuan 173 mijë bunkerë. Shërbimi sekret Sigurimi nuk ndalej së zbuluari armiqtë klasorë, më 17 dhjetor 1981 kryeministri Mehmet Shehu u gjet i vdekur në shtratin e tij. «Kur vdiq Enver Hoxha më 1985, ai la pas vetes një vend invalid, krejtësisht të izoluar. Pas autokratit pushtetin e mori zëvendësi i tij Ramiz Alia, pas diktaturës personale erdhi oligarkia partiake», shkruan Dieckmann.

Pushkatimi i Nikolai Çausheskut dhe gruas së tij në Rumani më 1989 i frikësoi komunistët shqiptarë, të cilët lejuan themelimin e partive politike. Më 1990 u themelua Partia Demokratike. Dieckmann shkruan: «Demokratët e rinj nuk kishin një Havel apo një Valensë. Ata nuk rridhnin nga skena e disidentëve, as nga lëvizja sindikale, as nga kisha e distancuar nga regjimi, as nga grupi i kuadrove të ekzilit. Të gjithë vinin nga sistemi i mbyllur, të gjithë ishin edukuar në frymën komuniste. Ky është totalitarizëm. Sot të dy partitë funksionojnë si sisteme klanore dhe klienteliste. Në Shqipëri qarkullon një maksimë: të majtit janë më të djathtë se të djathtit dhe e kundërta».

Historiani gjerman Christoph Dieckmann tregon hollësisht vrasjen e murgeshës Marije Tuci. Ajo vdiq më 1950, ishte 22-vjeçare – vdiq për shkak se refuzoi të shtrihet në shtrat me shefin lokal të Sigurimit. Marije Tucin e futën në një thes, bashkë me një mace të egër, dhe e mbytën duke e goditur me shufra. Ajo sot është martire e kishës, martirë janë edhe 36 priftërinj dhe një imam. Vetëm në Shkodër regjimi burgosi 2890 njerëz, 601 i vrau, 136 vdiqën nga torturat. Në Shqipërinë diktatoriale u vranë 6000 njerëz. Pjerin Mirdita, i cili drejton një qendër memoriale në Shkodër, thotë se vrasësit e kohës së diktaturës as nuk përmenden, as nuk ndiqen penalisht. Nga vullneti i arsimtarëve varet nëse ata e tematizojnë diktaturën e Hoxhës në shkolla. Sipas Pjerin Mirditës shumë njerëz në Shqipëri kanë qejf të flasin për të arriturat e vendit në periudhën e Luftës së ftohtë. Pleqtë duan të harrojnë.

Rrugës për në Tepelenë, shkruan Dieckmann, shihen gra me shami të bardha duke punuar arat, burra me gomarë duke medituar, djem mbi mure duke përshëndetur me dorë, minare dhe një pikë karburanti, ku mes pastës së dhëmbëve dhe marmelatës së fikut gjenden CD me këngë që e lavdërojnë Enver Hoxhën. Tepelena, sipas historianit gjerman: para muzeut një përmendore e Ali Pashë Tepelenës, në muze kiç partizan, përfshirë një dhomë në kujtim të diktatorit Hoxha. Një pikturë revolucionare e paraqet atë duke e edukuar popullin, lart mbi luginë dhe lumë. Në Tepelenë Simon Mirakaj tregon historinë e tij: si u internua si fëmijë në kampin e Tepelenës, si pa dhe përjetoi vuajtje, vaj e vdekje – dhe Ilda Themeli, përkthyesja e shkencëtarëve gjermanë, kërkon një pauzë, sepse duhet të qajë.

Shumica e të internuarve në Tepelenë nuk kanë marrë asnjë dëmshpërblim, nuk ka dokumente për kampin e Tepelenës, s’ka as fotografi, ekzistojnë vetëm disa vizatime dhe tregime të të burgosurve. «Arkivi i diktaturës së Shqipërisë janë kujtimet e familjeve. Organizatat e viktimave punojnë të ndara në rajone, janë të fragmentuara, nuk janë të lidhura me njëra-tjetrën. Nuk ka diskurs kombëtar mbi diktaturën ose konsenzus mbi historinë», shkruan Dieckmann.

Në fund të vizitës Dieckmann flet edhe në emër të kolegëve të tij gjermanë, kur thotë: jemi të tronditur kur shohim se deri më sot në Shqipëri autoriteti i dosjeve të Sigurimit ka përpunuar dhe miratuar vetëm 1500 kërkesa për zbardhjen e dosjeve. Ligjin përkatës e ka miratuar qeveria socialiste e Edi Ramës, opozita demokrate nuk ka votuar, shoqatat e viktimave e quajnë ligjin «demagogji». Shqipëria, shkruan Dieckmann, është planet tjetër, s’mund të krahasohet me Gjermaninë e cila pas bashkimit është ballafaquar me të kaluarën komuniste të Gjermanisë Lindore.

“Tahiri do shpallet fajtor, do i shkarkojnë gjithë gjynahet e qeverisë Rama”, ja çfarë thotë Zagani, ish-shefi i antidrogës Fier

Ish-kreu i Antidrogës në Fier, Dritan Zagani, ka folur në një lidhje telefonike për News24 për procesin ndaj ish-ministrit të Brendshëm, Saimir Tahiri, dhe vendimin final që pritet të japë Gjykata e Krimeve të Rënda, në orën 16:00.

 

Zagani ka deklaruar se problemi nuk është Saimir Tahiri si person, por si ish-ministër, si vartës i qeverisë mafioze dhe kriminale të Edi Ramës.

Sipas tij, gjykata do ta shpallë sot të fajshëm Tahirin, duke i shkarkuar atij të gjitha gjynahet e qeverisë Rama.

“Do ia shkarkojnë atij gjithë gjynahet e ish-ministrit dhe qeverisë Rama. Mendoj se do shpallet fajtor”, ka thënë Zagani.

Pritet vendimi për Saimir Tahirin, njeriu që edhe ju e keni akuzuar, çfarë prisni nga ky vendim, si do jetë?
Të them të drejtë emocionalisht jam indiferent ndaj kësaj farëse që po bëhet atje, sepse me gjithë bindjen time që Tahiri është ai që thuhet, përsëri është ajo pjesë e politikës atje. Jam indiferent ndaj personit Saimir Tahiri, ama se ç’do ndodh me ish-ministrin më intereson që çke me të.

Pse të intereson?

Sepse atje nuk është problemi ndaj Tahirit, por problemi është sistemi mafioz, koka fillon më lart dhe po merren me Tahirin për të mbuluar gjërat e tjera, nuk është zgjidhur asgjë.

Çfarë mund të mbulohet?
Duhet me i rënë kokës piramidës, nga Rama dhe gjithë tjerëve, që iu ka dhënë pushtet. Ai mbahet në pushtet me mafien.

A janë të bazuara akuzat ndaj Tahirit?
Unë jam provë e gjallë e kësaj akuze, edhe pse deri më sot askush nuk më ka marrë në pyetje. Akuza nuk bëhet fjalë, por si po formulohet e mbrohet kjo akuzë kjo është temë tjetër. Nuk po përdoren provat për ta zbërthyer si duhet. Nuk zbërthehet çështja ndaj Tahirit si person, por si ish-ministër, që do të thotë si vartës i Ramës. Këtij i duhet për të na çuar gjoja në Evropë, që harrojeni të na çojë.

Pse nuk këmbënguli të depozitoni akuzën tuaj?
Çfarë mund të bëj unë më shumë se të ulëras më zë e figurë nga çdokush që pyetem për këtë.

/BW

Ahmet PRENÇI për dëshmorin e Policisë së Shtetit Azem Meshi

TË PËRJETËSOJMË DËSHMORËT E PAQES

 

(Në kujtim të dëshmorit Azem Meshi)

Rikthimi i memorjes për heronjtë është domosdoshmëri. Me nderimin tonë u japim atyre pavdeksinë dhe i shëndrrojmë në modele për ta përsosur shoqërinë tonë. Këtë duhet të bëjmë ashtu si edhe kombet e qytetruara, që emri dhe vepra e tyre të shëndrrohen në shembuj frymëzimi për gjithë shoqërinë.

Është detyrë e çdo shoqërie të nxisë, të freskojë e të forcojë memorjen historike. Momentet e veçanta historike dhe njerëzit e sakrifikuar në këtë udhëtim tonin, duhet të shërbejnë si udhërrëfyes për të gjithë brezat.

Në qershorin e këtij viti (2019) është përvjetori i lindjes së dëshmorit të Atë-Dheut, heroit të Policisë, Azem Ali Meshi. Gjej rastin të falenderoj me mirënjohje gazetarin e aktivistin e papërtuar, Z. Ramiz  Lushaj, i cili më bëri ftesë dhe u bë shkak që edhe unë, si shumë të tjerë, të jem pjesë e përkujtimit të këtij Dëshmori të Policisë së Shtetit, Dëshmorit të Atdheut.

Unë se kam njohur Azemin. Nuk kam punuar me Azemin, por kam njohur jetën e tij, aktivitetin e tij, sakrificën sublime që ai bëri duke ndërprerë jetën e tij që të vazhdonim ne – jetët tona.

Kujtimi i emrit e veprës së heronjëve është sublim, respektimi i emrit të tyre është detyrë, çuarja para e ëndrrës së tyre është mision.

Policia e Shtetit është institucioni që këto 30 vite e ka paguar më shtrejtë se asnjë institucion tjetër koston e tranzicionit të vështirë. Janë mbi 260 punonjës policie të vrarë nga dora kriminale. Janë mbi 260 familje që vuajnë rëndë këtë pasojë të pariparueshme. Familje e fëmijë që vuajnë dhimbjen dhe përjetojnë jetën e vështirë pa njeriun e dashur që e thënë drejtë, shkrinë jetën e tyre për secilin nga ne që konsumojmë sigurinë e vendit çdo ditë.

Në vitet e vështira për Policinë e Shtetit e, pikërisht në vitin 1999, Dëshmori i Policisë Azem Meshi dha jetën në luftë me bandat kriminale në rrethinat e Tiranës, pikërisht në Yzberisht. Asokohe kjo zonë ka qenë tërësisht në duart e bandave që mbizotëronin atë territor. Djali i ri nga zona e Hasit ishte në përmbushje të misionit të tij. Ai vinte nga Kosturi i Rrafshinës së Hasit, nga ajo zonë e hijshme e Alpeve Shqiptare, vinte nga një familje patriote në dhjetëra dekada, por që kishte të freskët edhe persekutimin e egër komunist. Viti ’90 i krijoi mundësinë Azemit të shkollohej e më pas të punonte në strukturat e Policisë së Shtetit, e cila nuk ishte më një armë në duart e Partisë-Shtet, por një shërbim në ndihmë e në mbrojtje të qytetarëve. Me këtë moto, me përkushtimin që të jep Liria dhe Demokracia ai u flijua në të mirë të shoqërisë shqiptare.

Vite më vonë kam njohur e punuar me vëllain e Azemit, Kryekomisar Ahmet Meshin, e kështu kam arritur të mësoj më shumë se për një hero, kam mësuar më shumë detaje, të cilat nuk janë thënë e as shkruar, por që portretizojnë më së miri shpirtin e njerëzve të kësaj Familje të Madhe të ushqyer me edukatën e traditës së tyre, me historinë e  rezistencës, me bujarinë e pamáatë, me trimërinë e qëndresën për kauzat e drejta që duhen mbrojtur deri dhe me jetë.

Për heronjtë   do preferoja që dita e kujtesës për tá të jetë përvjetori i lindjes, ky përkujtim do jetë më i bukur, më i përshtatshëm për të skalitur në kujtesën tonë atë çka s’duhet ta shuaj kurrsesi as koha, as vitet e as shekujt. Ata, si meteor, duhet të qëndrojnë në memorjen tonë e të jenë shembull frymëzimi për ta bërë vendin tonë më të mirë, pronën tonë më të garantuar e jetën tonë më të sigurtë.

Një libër për një hero është shërbimi më i mirë që i bëhet kujtimit të tij. Libri është monumenti më i bukur i derdhur në germa e fjalë që do të rrojnë brez pas brezi, do lexohen nga pasardhësit e kujtimi do jetë i freskët përgjithmonë. E përfshirë në libër memorja e shumë personave e bën këtë kujtim më të gjërë, i jep një dimension më të plotë, krijohet një buqetë e bukur e ndjenjave e përjetimeve të disa bashkëkohësve të Azemit. Një autor i vetëm gjithsesi do ishte subjektiv dhe nuk do kishte kurrë hapësirën e dimensionin e shumë autorëve që gjithsecili hedh përjetimet e ndjesitë e tij në lidhje me rrethanat e njohjes me Dëshmorin e Atdheut, Azem Meshi, Dëshmor i Policisë së Shtetit.

Në fillim dhe në fund, mbetet fjala. Kjo referencë biblike është shumë domethënëse edhe në këtë rast kur gjejmë një mënyrë për të përkujtuar Azemin. Ai ka ikur në orjentin e përjetshëm e ne na takon ta themi fjalën për të, atë fjalë që ai nuk e tha dot pasi jeta e tij u ndërpre në mënyrë të beft’, të pabesë, në mënyrë mizore, bash në kulmin e moshës së tij të re. Ai ishte me uniformën e shejtë të Policisë kur mbi trupin e tij u derdhën plumba të pabesë nga banditë kriminelë. Nuk dinë askush se ç’fjalë të fundit do të na linte Azemi, e pikërisht për t’i dhënë zë gjithmonë fjalës së tij, ne të gjithë, duhet ta kujtojmë me nderim e respekt, ta vlerësojmë lart heroizmin e sakrificën e tij, të shkruajmë e të këndojmë këngë për të. E kjo brez pas brezi do t’i jap zë fjalës së tij, mesazhit të tij, kushtrimit të tij për një vend më të mirë, një Shqipëri më të sigurtë.

Duke qenë se shumë vite të jetës time ja kushtova Policisë, kjo më obligon më së shumti të nxisë e të stimuloj, të jemë pjesë e sa më shumë aktiviteteve në shërbim të kujtesës për të Rënët e Policisë. Disa prej tyre i kam njohur nga afër dhe kemi ç’të themi për familjarët e të afërmit e tyre, për kolegët aktiv e brezat e ardhshëm të Policisë. Një Muze i Kujtesës së të Rënëve të Policisë i mungon sot institucionit të Policisë së Shtetit, por në vitet që do të vijnë duhet të synojmë për tá patur një të tillë. Në parqet e të gjitha qyteteve dhe fshatrave mund të gjendet një vend për monumentet e të Rënëve të Policisë, Dëshmorë të Atdheut. Në bibliotekat e çdo komisariati e stacioni policor të kemi librat dhe albumet e këtyre heronjëve që jetën e tyre e vendosën në nderim të misionit të tyre. Në shkolla e ambjente publike mund të mundësojmë stenda përkujtimore për t’i patur në çdo kohë në vëmendje e në kujtesën tone, që fatkeqësisht e kaluara nuk memorizohet siç duhet.

Çdo vend në botë ka heronjtë e vet. Edhe vendi ynë. Ata vendosen në piedestal dhe gjithmonë nderohen e kujtohen me respekt për sakrificën e tyre sublime. Ata janë shembull frymëzimi për ta bërë Atdheun më të mirë, më vital, më të begatë dhe më të sigurtë. Nuk janë të pakët edhe Heronjtë e Policisë. Janë tashmë me qindra. Nuk janë heronjë lufte, janë heronjtë e paqes, gardianët e qetësisë tonë kolektive. Punonjës këta që lidhën besën me ligjin në shërbim të njerzëve të thjeshtë deri në sakrificën sublime. Fatkeqësisht, në mënyrën më të shëmtuar, herë-herë po e sfumojmë kujtesën pikërisht për ata që e ndërprenë tragjikisht jetën e tyre që ne të tjerët të vazhdojmë jetën e sigurtë. Shekspiri ka thënë se  lëvdimi i asaj çka kemi humbur e bën përkujtimin të shtrejtë. Ndaj me këto rradhë kujtojmë Azem Meshin e qindra heronjë të policisë për t’ju thënë që çdo gjë që bëjmë ne është shumë pak në krahasim me atë çka bënë ata për vendin e shoqërinë.

Kujtesë, respekt e drejtësi për të rënët e policisë. Për disa prej tyre drejtësia nuk është vendosur. Kjo është e pafalshme, e patolerueshme për institucionet ligjzbatuese të Shtetit dhe të Drejtësisë. Filozofi francez Blaise Paskal, ka thënë: “Drejtësia, pa forcë, është e pafuqishme; forca pa drejtësi, është tirani. Pra, forca dhe drejtësia duhen vënë bashkë, në mënyrë që gjithçka që është e fortë të bëhet drejtësisht dhe gjithçka që është e drejtë të kryhet fort”. Le të përpiqemi sa të mundemi t’i përjetësojmë jetët dhe veprat e dëshmorëve.

I përjetshëm qoftë emri dhe vepra e dëshmorit të Atdheut, Azem Meshi, dhe të gjithë Dëshmorëve të Policisë.

Ahmet PRENÇI

                         Ish-Drejtor i Përgjithshëm i Policisë së Shtetit (2007-’09)*

Tiranë,  2019

_____________

*Ahmet PRENÇI, u lind në Dibër, në të 25-ten ditë të prillit 1968, që me etjen e tij për dijen e kulturën, për letërsinë e arsimimin e ndoqi shkollimin e lartë në Universitetin Bujqësor të Kamzës e, mbasandejna, edhe Fakultetin e Drejtësisë (ka fituar e gëzon liçensën e Avokatit), ka kryer kurse e trajnime të ndryshme në detyrat e tij në instituçione ligjzbatuese të Shtetit Shqiptar. Ahmet Prençi ka qënë për rreth tre vite në detyrën e lartë të Drejtorit të Përgjithshëm të Poliçisë së Shtetit (nga 30 mars 2007 deri më 28 tetor 2009). Ahmet Prençi ka qënë dhe Drejtor i Përgjithshëm i Hetimit Tatimor në DPTSH, inspektor në ILKDP. Ahmet Prençi është dhe poet qysh se në fillimet e tij poetike me nje çikël poetik të botuar më 1985 në gazetën lokale të vendlindjes së tij, në “Ushtima e Maleve”, etj.; është një poet i talentuar, çka e dëshmoi dhe me ma të parin libër poetik të tij “Udhë në pasqyrë” me redaktor Besnik Mustafaj (Botimet M&B. v. 2016, fq.160). Për poezinë e tij kanë shkruar pena të njohura si poetët Besnik Mustafaj, Agron Tufa, studiuesi e kritiku i letërsisë Mexhit Prençi, etj. Ahmet Prençi ishte kandidat për deputet në Kuvendin e Shqipërisë edhe në zgjedhjet e fundit Parlamentare. Ahmet Prençi ka botuar me dhjetra artikuj, intervista e poezi në shtypin shqiptar në rajonin ballkanik dhe të diasporës shqiptare në Europë e Amerikë.

AKADEMI Përkujtimore për Dëshmorin e Atdheut AZEM MESHI

Të premten, më 20 shtator 2019, në orën 13.00 në Tirana International Hotel (Salla Consortium) mbahet AKADEMI Përkujtimore për Dëshmorin e Atdheut AZEM MESHI.

Hapja e negociatave, DW: Ja 10 kushtet e Gjermanisë për t’i thënë “PO” Shqipërisë

Grupi më i madh parlamentar i CDU/CSU, në Gjermani po diskuton një paketë me 10 kushte për t’i dhënë “PO” Shqipërisë për hapjen e negociatave.

Korrespondentja e “DW” në Berlin, Anila Shuka, raportoi për Top Channel ekskluzivisht se vendimi gjerman do të merret më 27 shtator, ndërsa më herët nisën diskutimet brenda koalicionit që mbështet qeverinë e kancelares Merkel.

Kushtet që u raportuan nga gazetarja Anila Shuka kryesisht lidhen me drejtësinë dhe ndërtimin e institucioneve që do luftojnë korrupsionin dhe krimin e organizuar.

Ato janë:

1.Ndërtimi dhe nisja nga puna e SPAK

2.Ndërtimi dhe nisja nga puna e Gjykatës Kushtetuese

3.Plotësimi i vendeve vakant në Gjykatën e Lartë.

4.Nisja e proceseve penale ndaj gjykatësve dhe prokurorëve të rrëzuar nga Vettingu

5.Reforma zgjedhore dhe zbatimi i saj

6.Dënimi i personave të përfshirë në vjedhjen e votave

7.Bilance të suksesshme në luftën kundër krimit të organizuar dhe korrupsionit

9.Reforma në administratë

10.Të sqarohet legjitimiteti i zgjedhjeve lokale