Ish kryetari i Bashkisë së Tiranës, Tomor Malasi është ndarë dje nga jeta në moshën 87 vjeçare.

Malasi ka qenë një politikan i rëndësishëm i Partisë Demokratike në ditët e para të krijimit të saj.

Ai u emërua kryetar i Bashkisë së Tiranës pas zgjedhjeve të përgjithshme të vitit 1991 nga Partia Demokratike, post të cilin e mbajti për një vit.

Pas rrëzimit të diktaturës komuniste në dhjetor të vitit 1990, u zhvilluan zgjedhjet e para pluraliste më 31 mars të vitit 1991. Kuvendi i parë pluralist i dalë nga këto zgjedhje, vendosi në shtator të po atij viti, që kryetari i bashkisë së qytetit të caktohej nga partia që kishte fituar shumicën e mandateve të deputetëve në secilin qytet. Partia Demokratike fitoi shumicën e mandateve të deputetëve në qytetet kryesore të Shqipërisë. Tirana ishte qyteti ku PD arriti fitoren më të thellë në këto zgjedhje.

Bazuar në vendimin e Kuvendit të Shqipërisë, kryetar i bashkisë së Tiranës u caktua nga PD, zoti Tomor Malasi.

Në vitin 1992, kur u ribënë zgjedhjet e përgjithshme, Malasi la Bashkinë për të marrë mandatin e deputetit, deri në vitin 1996.

Gjatë këtyre katër viteve ai ishte edhe nënkryetar i Kuvendit ku shumica i përkiste Partisë Demokratike.

Pas zgjedhjeve të vitit 1996, Malasi u rreshtua në grupin e deputetëve dhe zyrtarëve të lartë të PD-së të cilët kërkonin që kjo forcë politike dhe ish Presidenti Berisha të mbanin përgjegjësi për fajdet që shkaktuan trazirat e vitit 1997.

Familja e Tomor Malasit ka njoftuar se ceremonia mortore do të zhvillohet sot në orën 13:00.bw

Deputeti demokrat, Ervin Salianji ka denoncuar qeverinë për emërimin në poste ambasadorësh të kandidatëve që deri tani shiteshin në publik si njerëz të pavarur të medias dhe i suleshin opozitës.

Duke folur në një intervistë në emisionin “Frontline” në News 24, ai e quajti kandidatin për ambasador në Zvicër, analistin Mustafa Nano, një gazetar perifkerik, qeni sulmi që mbron qeverinë dhe islamofob.

“Qeveria e ka kthyer shërbimin diplomatik në pensionim politik dhe një vend qokash për të gjithë njerëzit që nuk ka ku ti çojë. Janë njerëz që dalin në publik si të pavarur. Pashë atje një gazetar periferik atje që shkonte në Zvicër. Do shkoj në Zvicër thotë Muç Nano se është vend i mrekullueshëm. Ky është certifikimi i lapangjozllëkut në politikë. Janë njerëz që dalin të pavarur, që shesin si parim pavarësinë. E turr qeveria si qen sulmi si të pavarur dhe pastaj i jep një ofiq dhe lë jashtë shërbimit diplomatik që kanë karrierë diplomatike, të rinj që janë arsimuar jashtë, personalitete të rëndësishme publike në këtë vend që duhet të shkojnë. Pse? Sepse këtu po legjitimohet lëpirja publike si të paanshëm. Turrua si qen sulmi kundërshtarëve politikë me petkun e paanësisë dhe pastaj ço atje një njeri që ka probleme me komunitetet fetare, që turret si islamofob në publik dhe gjithë elementët e tjerë”, u shpreh Salianji.

bw

Gazetari Igli  Çelmeta ndodhet sërish sot në Borizanë në Krujë pranë gurores e cila u bë ‘mollë sherri’ për dhunimin barbar të dy kushërinjve, Jashar dhe Bilbil Maja, nga anëtarë të fisit të ish-deputetit të PS Rrahman Rraja.

Për News24 kanë folur sot disa prej banorëve, të cilët thonë se pavarësisht dhunës së rëndë dy ditë më parë, gurorja vijon punën pa u shqetësuar.

“Kemi bërë 40 denoncime, por i kanë lënë në sirtar. Në Dukagjin ka 100 vjet që nuk ikën gjakmarrja, tani shteti e ka fut edhe në Krujë. Nuk ka shtet këtu o vlla. Këtu nuk ka kriminelë, por të parët janë policët e Fushë-Krujës dhe të dytët vijnë në Tiranë që nuk i komandojnë të Fushë-Krujës. I bëj thirrje Edi Ramës sepse keni për ta bërë gjakderdhje kot. A mund t’i dalin familjes para me gjithë atë dhunë që kanë bërë? Unë më mirë pranoj vdekjen se atë dhunë barbare, se nesër pasnesër më thotë gruaja ‘mos e ngre zërin se të kanë rrahur e s’ke surrat të më shohësh’.  A ka shtet a jo, a të shkojmë të vrasim veten a çfarë të bëjmë… Prej shtëpie na nxorën. Kanë hyrë në hamësi dy fiset më të mëdha të Krujës, se keni për t’ia dëgjuar krismën po nuk ndërhyri shteti”, tha një nga banorët.

Të tjera detaje zbardhen në lidhje me ngjarjen e dhunshme dy ditë më parë në Borizanë të Krujës ku anëtarë të fisit Rraja rrahën barbarisht dy persona. Duket se gjithçka ka nisur pas një proteste të bërë nga banorët e fshatit Borizanë, mes tyre dhe dy të dhunuarit, për një gurore që ishte në përdorim nga Xhelal Rraja, vëllai i deputetit të PS-së, Rrahman Rraja.

Gazetari Igli Çelmeta i ftuar në rubrikën e ‘News24’, tha se në konflikt ishin përfshirë 8 persona nga fisi Rraja, ndërsa shtoi se 3 prej tyre janë në kërkim, mes tyre 2 vëllezërit e deputetit të PS-së, Xhelal dhe Flamur Rraja, të cilët rezultojnë ende në Shqipëri, sipas sistemit TIM-s

“Ishte një protestë e banorëve të fshatit Borizan për një gurore. Jashar dhe Bilbil Maja deklaruan se shpërthimet po iu shembin banesat. Në një lokal në Fushë-Krujë u mësynë dhe dhunuan dy personat, me të cilët arritën të dilnin sot nga spitali i Traumës, por me plagë të rënda në kokë e trup. Policia e Shtetit nuk ka reaguar për shumë orë. Nga ora 11 deri në 19:00 nuk kishte asnjë reagim zyrtar apo dhe lëvizje për të arrestuar agresorët. Asnjë nga personat nuk është larguar nga territori shqiptar. Këto persona janë shpallur në kërkim dhe policia po kryen kontrolle.”, tha Çelmeta.

Voal.ch po i sjell lexuesit paraqitjen në Kuvend të kandidates për Ambasadore në Malin e Zi. Ajo është Zhaklina Peto, ose ndryshe ish bashkëshortja e Bledi Çuçit, aktualisht Ministër i Brendshëm në qeverinë e Edi Ramës dhe bashkëshorti aktual i Delina Ficos, ish bashkëshortes të Edi Ramës. Zonja Zhaklina Peto vjen nga fusha e drejtësisë. Deri pak kohë përpara kishte të tjera ambicie pasi  garoi për gjykatëse në Gjykatën Kushtetuese, por më pas u dha lajmi se u tërhoq nga gara. Shtypi i Tiranës shkruante se  kandidatja Zhaklina Peto, ishte një histori e paprecedentë pasi Këshilli i Emërimeve në Drejtësi e përjashtoi 4 herë pasi nuk justifikoi dhe ka fshehur pasurinë. Me këtë profil kësaj here Zhaklina Peto është kandidate për Ambasadore të RSH në Malin e Zi.

Siç do ta shihni,  Zhaklina Peto mbështet Ballkanin e Hapur, pasi paraqitja e saj u bë kur Balkani i Hapur ishte ende në fuqi dhe kryeministri Rama nuk e kishte hedhur ende në kosh të plahrave. Merreni me mend se sa janë lodhur shqiptarët duke u marrë me një mall rreckurinë që në fund dora vetë e hodhi në koshin e sendeve pa vlerë, por për tre vjet e promovoi si gjetje dhe zgjidhje.

Opozita shqiptare publikoi sot raportin për farsën elektorale të 14 majit. Kryetari demokrat, Sali Berisha tha se ky ishte manipulimi më i rëndë në historinë 32-vjeçare të vendit.

“Sot ne paraqesim në vija të përgjithshme raportin e PD-së për farsën elektorale 14 maj 2023.

Ky raport bazohet në qindra dhe mijëra fakte, dokumente të konstatuara në të katër anët e vendit. Në dhunimet e pashembullta të të drejtës së votës, në shndërrimin e zgjedhjeve në një farsë të vërtetë elektorale.

Këto që shihni ju këtu dhe të gjitha dosjet tjera janë dokumente zyrtare që dëshmojnë se Shqipëria kaloi me 14 maj farsën më të shëmtuar elektorale në historinë e saj 32-vjeçare. Këto dokumente do të jenë pjesë e një raporti shumëvëllimësh, i cili do publikohet, me të cilin do njihen mediat, do njihen qytetarët shqiptarë, do njihen demokratët.

Por do njihen institucionet ndërkombëtare dhe qeveritë e vendeve të lira.

Do gjenden modalitetet për t’u hedhur edhe në Amazon, në mënyrë që të mund të njihet mbarë komuniteti ndërkombëtar me këtë farsë të shëmtuar zgjedhore, që ka për aktor kryesor Edi Ramën, një person të inkriminuar kokë e këmbë, i cili ka tmerr dhe ferr largimin nga pushteti për shkak të aferave të tij, mega-aferave të tij korruptive, kombëtare dhe ndërkombëtare.

Për shkak të mega-aferave korruptive të djegësve, të Portit të Durrësit, të Parkut të Butrintit, për shkak të mega-aferave familjare, pasurimit në mënyrë të përbindshme të anëtarëve të familjes së tij, për shkak të korruptimit që ky i ka bërë shefit të kundërzbulimit të agjencisë më të rëndësishme të zbulimit në botë, FBI, McGonigal,” tha Berisha.

Për të folur mbi vizitën e ish presidentit të SHBA-së, Bill Klinton në Shqipëri, i ftuar në emisionin Task Force në SYRI TV me moderatoren, Sonila Meçon ishte ambasadori Agim Nesho.

Nesho është shprehur se vizita e Klinton në Shqipëri ishte e blerë dhe se u mënjanuan qëllimisht figurat më të rëndësishme të tranzicionit shqiptar në këto 30 vite.

“Ka pasur një shpërthim i të gjithë intelektualëve më me zë si Lubonja i cili u shpreh s ei vinte turp për atë që Rama bëri më Klinton. Unë nuk jam me ata njerëz që ndaj idenë se miliarderët mund të shpenzojnë para për Ramën. Soros është i vërtetë se i interesojnë fushat e naftës dhe gazit në Shqipëri por jo që të harxhojnë ara për të sjellë Klinton këtu për Ramën. Kjo ishte një vizitë e blerë dhe përmasat e njeriut që erdhi në Shqipëri, dhe më bëri përshtypje prania e Alex Soros.

Ballkani i Hapur ka qenë një rikthim i dominancës serbe si një pagesë e perëndimit për të mbajtur afër Vuçiçin dhe Soros e kanalizojë  jo duke qenë vetë drejtpërdrejtë.Rama ishte një vegël që po luhej nga të tjerët dhe faktori e pjesa kryesore nuk ishte ai. Ballkani i Hapur nuk është mbyllur dhe nesër mund të kemi një rikthim të kësaj ideje.

Rama është nj kameleon që nuk ka formë. Mënyra sesi i zhvillua takimi me Klinton tregoi se takimi ishte i blerë pasi u mënjanuan figura të rëndësishme të kombit shqiptar gjatë këtyre viteve të tranzicionit si Berisha dhe Meta. “

Presidenti Begaj i uroi mirëseardhjen presidentit Clinton por mungonte në ceremoni.

Presidenti i Republikës së Shqipërisë Bajram Begaj i uroi mirëseardhjen presidentit Bill Clinton përmes rrjetit social, por vetë nuk ishte i pranishëm.

Normalisht dekorimet i bën kreu i shtetit, ndërsa siç u pa, edhe këtë kompetencë e ka rrëmbyer kryeministri.

Më poshtë po sjellim përshëndetjen e Presidentit Begaj presidentit Clinton:

“Mirësevjen në Tiranë Presidenti Clinton!

Këngëtari i njohur latin, Enrique Iglesias pritet të mbaj mbrëmjen e sotme koncertin e tij të parë në Shqipëri.

Ylli do të performojë para publikut shqiptar në sheshin Skënderbej. Së fudnmi në rrjet po qarkullojnë pamjet të Enriques, i cili tashmë ka mbërritur në kryeqytet.

Koncerti i yllit të muzikës latine do të nisë në orën 21:30, Iglesias do të hapë kështu edhe Javën e Kulturës Spanjolle dhe pritet të dhurojë një super performancë para të gjithë fansave të tij.

Enrique ka publikuar gjithashtu pamje të sheshit ku do të mbahet dhe koncerti, teksa shkruan:

“Tirana, shihemi sonte” syri.net

Nënkryetarja socialiste e Kuvendit, Ermonela Felaj është vënë sërish në qendër të vëmendjes për shkak se katër familjarë të saj janë emëruar, ose presin të emërohen në sistemin e ri të drejtësisë.

Kështu pas bashkëshortit, prokuror, në sistemin e ri të Drejtësisë janë emëruar edhe vëllai i saj Armando Felaj me bashkëshorten e tij Alma Felaj, ndërkohë që pret të emërohet edhe motra e deputetes socialiste Eranda Felaj.

Këto emërime u bënë pas ndryshimit të ligjit të vitit 2016 për statusin e gjyqtarëve dhe prokurorëve, vetëm tre vjet më vonë në korrik 2019. Pak muaj pas djegies së mandateve nga ana e deputetëve të opozitës, ata që zunë vendet më pas, bashkuan votat me PS-në për të ndryshuar një sërë ligjesh të reformës në drejtësi, mes të cilin edhe ligjin që i mundësonte Ermonela Felajt emërimin e katër të afërmve të saj në sistem.

BalkanWeb konsultoi me juristë të fushës ndryshimin e nenit 8 të ligjit të vitit 2016, i cili qëllimisht parashikonte ndalimin e emërimeve në sistemin e drejtësisë, të të afërmve, sipas parashikimeve në Kodin e Procedurës Civile.

Ky kod parashikon si lidhje të afërta familjare jo vetëm ato të gjakut, por edhe krushqitë.

“Këshillat marrin masa për të shmangur papajtueshmërinë ambientale që krijohet për shkak të lidhjeve të ngushta familjare mes magjistratëve, që janë përkatësisht bashkëshorti/ja, bashkëjetuesi/ja, ose persona të tjerë në lidhje të ngushtë nga gjaku ose me ligj, sipas parashikimeve të Kodit të Procedurës Civile”, thuhej në pikën 1 të nenit 8 të ligjit të vitit 2016.

Por tre vjet më vonë falë edhe votave të deputetëve që plotësuan vendet bosh të opozitës, ky nen u ndryshua duke hequr referimin te Kodi i Procedurës Civile, e për rrjedhojë ndalimin e emërimeve të atyre që kanë lidhje krushqie.

“Papajtueshmëria ambientale, në kuptimin e këtij neni, krijohet për shkak të lidhjeve të ngushta familjare mes magjistratëve, që janë përkatësisht bashkëshorti/ja, bashkëjetuesi/ja, ose të afërmit e tij deri në shkallë të dytë”, thuhet në nenin e ndryshuar të ligjit për statusin e gjyqtarëve dhe prokurorëve.

Pas këtij ndryshimi, u është hapur rruga edhe emërimeve me lidhje të afërta krushqie, mes të tjerash edhe lidhja e bashkëshortit të Ermonela Felajt me kunatin dhe kunatën e tij.

Ish-kryeministri Sali Berisha ka reaguar ditën e sotme në lidhje me dekorimin që kreu i qeverisë Edi Rama i bëri ish-ambasadores Yuri Kim dhe dedikimin që i bëri në rrjetet sociale.

Në një postim në Facebook, Berisha u shpreh se ish-ambasadorja Kim ka qenë në sinkron me qeverinë dhe kryeministrin Edi Rama për sulmet ndaj opozitës si dhe bëri presion ndaj gjykatave në mënyrë që të hapeshin procese gjyqësore ndaj saj.

Ai ka shtuar se në 32 vite, zonja Kim ishte ambasadorja që gënjeu më shumë dhe publikisht se çdo ambasador tjetër shqiptarët dhe se u soll me opozitën si një “McGonigal politik”.

Postimi i plotë:

Të dashur miq, Edi Rama i kushton sot një lirikë politike, apoteozë të vërtetë, ambasadores Yuri Kim, e cila gjatë qëndrimit të saj në Tiranë u soll mbështetëse e fuqishme e tij dhe siç vlerësuan media, analistë dhe politikanë, si sekretare e Partisë Socialiste, por dhe si një armike ideologjike e opozitës konservatore. Ajo sinkronizoi me Edi Ramën dhe qeverinë e tij sulmet e panumërta ndaj opozitës, përpjekjet antidemokratike të tij për kontrollin e opozitës për të mbështetur pushtetin e tij monist.
Ajo ndërhyri në mënyrë antikushtetuese dhe antiligjore në vendime të gjykatave kundër opozitës së vërtetë, bëri presion të vazhdueshëm për hapje të proceseve gjyqësore ndaj opozitës.
Ajo është ambasadorja që me qëndrimet e saj si guvernatore dhe antiopozitare, dëmtoi më shumë se kushdo tjetër reputacionin e vendit të madh të lirisë në Shqipëri dhe u sulmua me dhjetëra herë nga personalitete, media e politikanë të të gjithë spektrit politik opozitar dhe të pavarur, për partinzanship-in në qëndrimet e saj, për shkeljen flagrante të “Konventës së Vienës” gjithnjë në interes të qeverisë së Edi Ramës. Yuri Kim është ambasadorja që në 32 vite gënjeu më shumë dhe publikisht se çdo ambasador tjetër shqiptarët, gjithnjë kundër opozitës dhe në mbështetje të autorit të lirikës politike të sotme. Në vitet e saj në Shqipëri shpërtheu skandali me i madh në marrëdhëniet midis dy vendeve, skandali McGonigal. Ish – shefi i kundërzbulimit të FBI-së për Neë York-un i cili u korruptua nga Rama dhe u përdor prej tij gjatë kohës që ishte në detyrë kundër opozitës shqiptare për shkatërrimin e saj si dhe për shndërrimin në biznes korruptiv të sanksioneve të qeverisë amerikane në Shqipëri.
Ajo nuk reagoi ndaj asnjë skandali të qeverisë Edi Rama, shkatërrimin e paligjeshëm të Teatrit Kombëtar, shkeljes së marrëveshjes së qershorit 2020 për ligjin elektoral, aferës korruptive të inceneratorëve. Zonja Yuri Kim nuk u tha shqiptarëve kurrë asnjë fjalë të vetme për superskandalin Rama – McGonigal sepse ajo vetë, sipas dëshmive në një farë mënyre, u bë pjesë e skemës së gjobvënies së biznesmenëve shqiptarë nga grupi gjobvënës i drejtuar direkt nga McGonigal. Ajo si asnjë ambasador tjetër, përdori pushtetin e saj si përfaqësuese e vendit të madh të lirisë për të promovuar dhe mbështetur afera të hapura korruptive qindra milionë dollarë në Shqipëri. Ish ambasadorja Yuri Kim me qëndrimet e saj nuk respektoi standardet etike të ambasadorit. Ajo u përfol si asnjë ambasador tjetër i SHBA-së në 32 vite për afera rozë dhe prona të cilat nuk i përgenjështroi vetë, por për këto të fundit habitshëm preferoi si për të provuar lidhjet e saj të ngushta me Edi Ramën që këtë përgënjeshtrim t’ia besojë vetë Edi Ramës.
Të dashur miq, ambasadorja Yuri Kim gjatë qëndrimit të saj në Shqipëri bëri përpjekje të hapura antikushtetuese që te emëronte kryetarin e Partisë Demokratike forcës konservatore të vendit duke përdorur kërcenime të hapura ndaj anëtarëve të Partisë Demokratike dhe habitshëm duke mbështetur njeriun që në një raport të bërë publik, kumuniteti inteligjent i SHBA e kishte akuzuar direkt se ka pranuar 500 mijë dollarë financime ruse. E gjitha kjo për të mbeshtetur dhe konsoliduar pushtetin e autorit të lirikës politike Edi Rama. Por në luftën e saj politike pa asnjë princip, Zonja Kim shkoi deri atje sa të falsikojë në mënyrën më të neveritshme marrëdhëniet Shqiptaro-Amerikane në 100 vjetorin e tyre, duke dëshmuar një kulturë të ekstremit të majtë të cilën shqiptarët nuk e kanë harruar akoma nga koha e diktaturës hoxhiste. Ajo e bëri këtë vetëm e vetëm se promotor kryesor në Shqipëri i marrëdhënieve Shqiptaro-Amerikane nga vizita e Sekretarit Baker në qershor të vitit 1991 dhe në vitin 2013 kishte qenë Partia Demokratike.
Duke i uruar suksese ambasadorit të ri të SHBA në misionin e tij në Shqipëri uroj gjithashtu që ish ambasadorja Yuri Kim, që u soll ndaj opozitës shqiptare si një McGonigal politik, të mos jetë një e tillë per intersat e Edi Ramës në Washington. #sb

bw

Anëtarja e 4 e familjes së deputetes socialiste Ermonela Felaj, është një hap larg emërimit në prokurorinë e Tiranës, institucion ku ndërkohë ushtrojnë detyrën, bashkëshorti i deputetes Bledar Valikaj, vëllai i saj Armando Felaj dhe kunata Alma Felaj.

Së fundi edhe motra e deputetes socialiste, prokurorja Eranda Felaj, kandidon për 3 pozicione vakante në prokurorinë e Tiranës dhe është renditur e para, por disa nga anëtarët e qeverisë së prokurorisë shprehen shqetësim ne lidhje me emërimin e saj.

Njëri prej tyre ishte anëtari Sokol Stojani; “E kam me merak se katër vetë familjarë në një prokurori është ‘too much’.

“Kemi të bëjmë me shumë njerëz brenda familjes. meraku im është perceptimi që krijohet se një familje ushtron funksionin në një institucion”,

Anëtarja Eloida Goxha, relatore e çështjes tha se prokurorja Felaj ka dorëzuar deklaratë përmes së cilës shprehet se nuk ka papajtueshmëri ambientale.

Por sërish Stojani këmbëngul se kjo çështje duhet parë me gjerë. I pyetur nga kreu i KLP-së Alfred Balla, nëse meraku i tij është moral apo ligjor, anëtari Stojani dha këtë shpjegim.

Mund të krijojnë një pol tjetër dhe të krijojnë disekuilibra brenda prokurorisë.

Shqetësim ngriti edhe Nurihan Seiti e cila u shpreh se nuk e kupton sesi prokurorja e di që në të njëjtin institucion ka kunatin vëllain, etj, dhe sërish bën kërkesën.

Anëtari Bujar Sheshi u shpreh se ndryshimet e ligjit ne 2021 bënë të mundur një gjë të tillë, pasi më herët ndalohej kategorikisht.

Ligji për statusin e gjyqtarëve dhe prokurorëve në Republikën e Shqipërisë i miratuar në 2016 si pjesë e paketës së reformës në drejtësi, parashikoi shmangien e nepotizmit në sistemin e drejtësisë. Në të njëjtin institucion ndalohej të ushtronin detyrën bashkëshorti bashkëjetuesi ose të afërmit e magjistratit deri në shkallën e dytën, për të shmangur papajtueshmërinë ambientale. Ligji pësoi ndryshime ndër vite dhe i fundit ka qenë ai i vitit 2021.bw

Me mediat sociale që po bëhen gjithnjë e më të pranishme në jetët tona, nuk është çudi që përdoruesit e tyre po rriten në mënyrë të qëndrueshme çdo vit.

Ka rreth 8 miliardë njerëz në botë dhe 4.9 miliardë prej tyre përdorin mediat sociale këtë vit. Këto shifra nënkuptojnë gjithashtu se mbi dy të tretat e përdoruesve të internetit dhe një në tre persona në botë janë në platformat e mediave sociale.

Sipas DataReportal, në Shqipëri kishte 2.27 milionë përdorues të internetit në fillim të vitit 2023, ndërsa penetrimi i internetit ishte 80.1 për qind. Shqipëria ishte shtëpia e 1.60 milionë përdoruesve të mediave sociale në janar 2023, që barazohet me 56.4 për qind të popullsisë totale.

Të dhënat tregojnë se, një total prej 3.47 milionë lidhje celulare celulare ishin aktive në Shqipëri në fillim të vitit 2023, me këtë shifër ekuivalente me 122.2 për qind të popullsisë totale.

Ndërkohë, të dhënat e publikuara në mjetet e planifikimit të reklamave të platformave kryesore të mediave sociale tregojnë se në Shqipëri kishte 1.55 milionë përdorues të moshës 18 vjeç e lart që përdornin mediat sociale në fillim të vitit 2023, që ishte ekuivalente me 68.0 për qind të popullsisë së përgjithshme 18 vjeç e lart. në atë kohë.

Më gjerësisht, 70.4 përqind e bazës totale të përdoruesve të internetit në Shqipëri (pavarësisht moshës) përdori të paktën një platformë të mediave sociale në janar 2023. Për këtë periudhë, 42.4 për qind e përdoruesve të mediave sociale në Shqipëri ishin femra, ndërsa 57.6 për qind meshkuj.

Të dhënat e publikuara në burimet e reklamave të Metës tregojnë se Facebook kishte 1.10 milionë përdorues në Shqipëri në fillim të vitit 2023, duke u ulur me 104 mijë (-8.7 për qind) midis 2022 dhe 2023.

Numrat e publikuar në mjetet e reklamimit të Metës tregojnë se Instagram kishte 1.03 milionë përdorues në Shqipëri në fillim të vitit 2023, përdorimi u ul me 170 mijë (-14,1 për qind) midis 2022 dhe 2023.

Shifrat e publikuara në burimet e reklamave të LinkedIn tregojnë se LinkedIn kishte 520.0 mijë “anëtarë” në Shqipëri në fillim të vitit 2023, rritje me 40 mijë (+8,3 për qind) midis 2022 dhe 2023.

Numrat e publikuar në burimet e reklamave të Twitter tregojnë se Twitter kishte 136.9 mijë përdorues në Shqipëri në fillim të vitit 2023, me rritje me 42 mijë (+45.0 për qind) midis fillimit të 2022 dhe fillimit të 2023.

Në Botë

Kina ka më shumë përdorues të mediave sociale në mbarë botën, me rreth 1021 milionë (1.02 miliardë) përdorues që nga viti 2023.

Statista parashikon që numri i përdoruesve kinezë të mediave sociale do të arrijë në 1.21 miliardë në vitin 2027.

India ka bazën e dytë më të madhe të përdoruesve të mediave sociale me 755.47 milionë përdorues. Shtetet e Bashkuara dhe Indonezia pasojnë me përkatësisht 302.25 dhe 217.53 milionë përdorues. Monitor

Frozan Azizi, 23 vjeçe, sapo ishte diplomuar për gazetari në Afganistan dhe kishte filluar karrierën e saj atje, kur në verën e vitit 2021 iu desh të largohej nga vendi i saj, pasi talibanët morën pushtetin.

Ajo erdhi në Shqipëri. Prej dy vitesh ajo jeton në Rafaelo, një resort në Shëngjin, një nga vendet ku janë vendosur refugjatët afganë, dhe ndërsa pret të shkojë në SHBA, po përpiqet të jetojë jetën më të mirë që mundet. Prindërit e saj janë ende në Afganistan.

Ajo tha për BIRN se tani është e lumtur dhe ka gjithmonë gjëra për të bërë, pavarësisht rrethanave, por jo gjithmonë ka qenë kështu.

Në verën e vitit 2021, Shqipëria hapi dyert e saj për mijëra shtetas afganë pasi vendi ra nën kontrollin e talebanëve.

Ata do të qëndronin në vend deri në plotësimin e dokumentacionit për të shkuar në SHBA, sipas një marrëveshjeje mes Shqipërisë dhe SHBA-së.

Shumica dërrmuese e refugjatëve që mbërritën në Shqipëri ishin gazetarë, ish-zyrtarë qeveritarë dhe aktivistë dhe punonjës organizatash joqeveritare. Ata janë të akomoduar në qytetet bregdetare të Durrësit dhe Shëngjinit.

Ndërkohë që refugjatët e rinj vazhdojnë të mbërrijnë në Shqipëri dhe presin të shkojnë në vende të tjera, “të vjetrit” që mbërritën në vitin 2021 po përjetojnë përvoja të përziera. Disa po përpiqen të bëjnë një jetë normale, por të tjerë thonë se pritja e gjatë u ka shkaktuar stres, ankth dhe depresion.

Vitin e kaluar, Ministria e Jashtme i tha BIRN se Shqipëria kishte strehuar gjithsej 2,400 refugjatë.

Pasi Shqipëria pranoi kërkesën e SHBA-së për të pritur afganët, qeveria ngriti një grup pune për të menaxhuar qëndrimin e tyre në Shqipëri në vitin 2021. Me statusin e mbrojtjes së përkohshme ata kishin të drejtë të qëndronin fillimisht për një vit në vend, por afati u shty deri në gusht 2023.

Publiku shqiptar nuk e kundërshtoi vendimin për të pritur afganët, por me kalimin e kohës ankthi dhe shqetësimi po rritet mes shumë refugjatëve që presin të largohen ndërsa po kontrollohen për viza amerikane.

“Kur erdha në Shqipëri u ndjeva shumë e dëshpëruar. Po mendoja se gjithçka që kisha më parë e kisha humbur dhe tani nuk kam më asgjë dhe si mund të vazhdoj jetën time kur nuk kam asgjë, nuk kam asnjë qëllim, nuk ka shpresë për mua. Por tani, ndihem e relaksuar dhe dita ditës po gjej vendin tim dhe ndihem sikur kam lirinë të bëj gjithçka që dua”, tha Azizi për BIRN.

Ajo po punon me organizatën Save the Children si ndërmjetëse, duke ndihmuar në edukimin e fëmijëve afganë dhe duke organizuar aktivitete të ndryshme për fëmijët.

“Në fillim isha në depresion, nuk punoja askund dhe thjesht ndenja në dhomën time për gjashtë muaj, vetëm flija, haja dhe flija prapë. Pa shpresë. Thjesht mbyllja derën, si në burg”, tha ajo për BIRN, duke kujtuar kohën kur erdhi në Shqipëri.

“Por tani e nis ditën me një mëngjes të mirë dhe shkoj në punë dhe jam e kënaqur me punën time dhe bëj disa aktivitete për veten time. Studioj, bëj kurse online, mësoj anglisht dhe më pas bëj disa vizatime në dhomën time, lexoj libra dhe bëj foto. Dua të bëhem fotografe, kam disa njohuri për fotografinë dhe dua ta vazhdoj”, tha ajo.

E pyetur nëse planifikon të largohet së shpejti dhe pse i gjithë procesi po merr kaq shumë kohë, ajo tha se pritja është e vështirë, por ajo po përpiqet të bëjë më të mirën që mundet ndërkohë.

“Të presësh është shumë e vështirë. Na është bërë zakon… Kam një shpresë që një ditë do të shkoj, por ndërsa qëndroj, dua ta shfrytëzoj mirë kohën time”, tha ajo për BIRN.

Azizi tha se qëllimi i saj në jetë tani është t’u japë zë grave, veçanërisht grave afgane që ende jetojnë në Afganistan.

“Afganistani tani është një vend ku askush nuk mund të flasë, të luajë muzikë ose të ecë pa probleme, nuk ka liri, nuk ka të drejta për gratë. Të gjitha shkollat janë mbyllur. Ata jetojnë, por jo si të tjerët që kanë një jetë. Situata është shumë e keqe. Në të ardhmen, dua të jem një gazetare ndërkombëtare dhe të ngre zërin e grave që jetojnë në Afganistan. Në situatën në të cilën jetojnë, nuk ka të drejta për gratë”, tha ajo për BIRN.

E pyetur se si e kishte ndryshuar e gjithë kjo eksperiencë, ajo thotë se e ka ndryshuar shumë nga ana mendore. “Në të kaluarën kam qenë një person tjetër dhe tani jam krejtësisht tjetër njeri. Në të kaluarën doja një jetë të thjeshtë për veten time, por tani jo”, tha ajo për BIRN.

“Të gjithë jemi në depresion, koha jonë është e çuar dëm”
Ndërsa disa refugjatë po përpiqen të bëjnë një jetë normale dhe të gjejnë një punë duke qëndruar në Shqipëri, askush nuk e sheh atë si destinacionin e tyre përfundimtar.

Disa thonë gjithashtu se periudha e pritjes u ka shkaktuar probleme mendore pasi situata është e paqartë për ta.

Një tjetër refugjate afgane, e cila nuk donte të identifikohej, tha për BIRN se të gjithë refugjatët e tjerë si ajo po përjetonin depresion, stres dhe zhgënjim, sepse nuk e dinin se kur do të largoheshin.

“Ka refugjatë që kanë dy vjet që presin që janë në depresion. Pse qeveria e Shqipërisë pranoi të merrte më shumë njerëz të tjerë?” pyeti ajo.

“Si qenie njerëzore, ky është diskriminim. Refugjatët kanë fëmijë, koha e tyre është e humbur dhe të gjithë janë në depresion”, shtoi ajo.

E pyetur për statusin e procedurës së largimit të saj, ajo tha se nuk po marrin shumë informacione. “Ata nuk japin shpjegime. Ata thjesht thonë: “Është në proces.”

Në prill të këtij viti, qeveria zgjati afatin e qëndrimit të refugjatëve afganë në Shqipëri. Fillimisht u miratua për një vit. Afati për mbrojtje tani është shtyrë deri më 24 gusht të këtij viti. Një vendim i qeverisë parashikoi “dhënien e mbrojtjes së përkohshme” dhe ngriti një grup pune për të menaxhuar fluksin e kërkuesve të mbrojtjes ndërkombëtare.

Mesazhi i vetëm është: ‘Duhet të presësh’

Zarafsani është 21 vjeçe dhe ka ardhur në Shqipëri vetëm 26 ditë më parë. Ajo sapo mbaroi shkollën në Afganistan, por nuk mundi të vazhdonte shkollimin atje për shkak të talebanëve.

Ajo thotë se mendja e saj është pjesërisht ende në Afganistan, sepse motra e saj kishte mbetur atje. Ajo tha për BIRN se në Shqipëri, “ajo ndihet si kur ishte në Afganistan para talebanëve”, por se tani, “atje është si një burg, nuk mund të shkoj askund”.

“E mbarova të gjithë procesin për të shkuar në Amerikë, jam në pritje të miratimit”, tha ajo, duke shtuar se për vizë i është marrë pasaporta, por se nuk ka asnjë lajm se kur do ta marrë.

Abdul Mafoiz është 38 vjeç dhe familja e tij prej shtatë anëtarësh jeton në Shëngjin prej më shumë se dy muajsh. Ai ka qenë inxhinier në Afganistan. Ai është i lumtur që është në Shqipëri dhe jo në Afganistan në këtë moment, “sepse të jetosh me talebanët ishte shumë e vështirë”, tha ai për BIRN.

Ai shtoi se udhëtimi i tyre në Shqipëri ishte sfidues, sidomos për shkak të “problemeve financiare”, sepse nuk kanë “para për shpenzime, sepse ne nuk punojmë në Shqipëri dhe e kemi të vështirë”.

Para se të vinte në Shqipëri, i thanë se pas dy muajsh do të shkonte në Amerikë. Por, “tani ka më shumë se dy muaj dhe nuk më japin as pasaportë as vizë”. Thjesht thonë se ‘duhet të presësh’”./BIRN

Shtëpia e Libohovitëve ose e Toptanasve në anë të shëtitores në Tiranë do të jetë streha e muzeut “Besa”, kushtuar shpëtimit të hebrenjve gjatë Luftës së Dytë Botërore. Godina, monument kulture i kategorisë I, do të shndërrohet sipas një projekt-ideje të përzgjedhur me konkurs ndërkombëtar, ku u shpall fituese studioja zvicerane “Oppenheim Architecture”. Ministrja u ndal te nocioni.

“Besa nuk është thjesht një kod, nuk është thjesht një fjalë e dhënë, por një mënyrë jetese, që ka ekzistuar dhe vazhdon ende të gjallojë edhe nën trysnitë e modernitetit.

Ndaj dhe ky është një muze që “shpirtërisht” është i lidhur me një tjetër, që ne po ngremë në Vlorë, Muzeun Hebraik Shqiptar, sepse pa konceptin e Besës nuk do të ekzistonte dhe ajo sakrificë sublime e shqiptarëve gjatë pushtimit nazist. Një muze, që përbën një sfidë si nga ana arkitekturore ashtu edhe në konceptimin muzeal, pasi nga njëra anë bëhet fjalë për një muze që do të ngrihet në një godinë-monument kulture dhe nga ana tjetër duhet të rrokë dimensionin shpirtëror të një kombi”.

Sipas jurisë ndërkombëtare të kryesuar nga vetë ministrja, projekti fitues kap thelbin e Besës dhe e komunikon atë me guxim mbi dhe nën tokë.

Godina dy katëshe parashikohet të restaurohet dhe muzealizohet ndërsa në oborrin e saj do të ketë obelisqe dhe hapësira nëntokësore që do përdoren në funksion të muzeut. Kjo nënkupton edhe gërmime arkeologjike duke qenë se zona shtrihet në kalanë e dikurshme të Tiranës.bw

Ish-kryeministri Sali Berisha në një dalje për mediat, reagoi për çështjen McGonigal, ndërsa theksoi se gjykimi do të nisë në muajin tetor.

Berisha duke iu referuar kësaj çështje tha se McGonigal ka kërkuar gjykim të shkurtuar.

“Nuk ka forcë që shpëton. Ndaj ai vërtitet. Për ironi të tij, për fatin më të zi të tij, mund t’ju them se e vetmja gjë globale është kalimi te afera McGonigal. Gjykimi i çështjes nis në tetor. Dhe është caktuar tetori si një datë në të cilën hapen të dhënat dhe hiqen petët e lakrorit. Edi Rama ulet për të dëshmuar për lidhjet e tij të zeza. Mund t’u them këtu se Mcgonigal ka kërkuar gjykim të shkurtuar në dokumentin që kam në i-pade. Nuk është e qartë akoma nëse gjykatësit kanë pranuar kërkesën e tij për gjykim të shkurtuar. Gjykatësit po shqyrtojnë kërkesën. Kjo është një zhvillim tjetër në këtë proces. Këto kisha unë për aferën e tmerrshme nga e cila Rama nuk shpëton dot. Kjo është publike. Është e qartë, më është dërguar nga një mik. Ata më kanë informuar se pasi e kanë zbërthyer. McGonigal ka dërguar të dhënë për opozitën në një kohë kur qenë në detyrë. Bilalit për 70 mijë dollarë, e dënuan me 4 vite, kurse qytetarin që kishte dhënë dollarët, e dënuan me 5 vite burg. Fotografia nuk është bërë në takim me Obamën, por jashtë. Pasi do të kishte qenë më e rëndë. Rama është i pashpresë. Atij sipas urdhrit të dhënë, që ka botuar Insider, i është hetuar çdo e-mail, çdo komunikim.”, tha Berisha.

Po ashtu ai i ka bërë thirrje SPAK, që të hetojë tenderat që ka dhënë ish-kryebashkiaku Gjici.

“I bëj thirrje ‘Skapit’ të partisë të marrë çdo komunikim të Taulant Ballës gjatë viteve të fundit me Gjicin e Ramës. Të marrë në GPS të gjitha takimet dhe spostimet e tyre. Të hetojë çdo tender të fituar nga Gjici në 100 mln euro sepse lajmet gumëzhijnë, sepse flitet se qenkan të lidhur këta të dy. Ftoj të bëjnë një hetim, për të kuptuar si anë nga qielli 100 mln euro.bw

Ish-kryeministri Sali Berisha deklaron se kërkesa e Edi Ramës për konferencë ndërkombëtare për Kosovën është paraqitur hapur dhe zyrtarisht në shtator të vitit 2018 nga Beogradi nëpërmjet Ivica Daçiç, dhe përsëritur më vonë dhe nga vet Vuçiç.

Në një postim në “Facebook” një ditë pas lirimit nga Serbia të tre policëve kosovarë që pasoi me deklaratën e kryeministrit Edi Rama “mbi domosdoshmërinë e një konference pa afat kohor, ku të mbyllur brenda mureve të një strukture mikpritëse nën kujdesin e bashkësisë euro-atlantike, liderët e Kosovës dhe Serbisë duhet të përmbyllin krejt pikat e marrëveshjes së normalizimit”, Berisha thekson se Rama flet si zëdhënës i Vuçiç.

Sipas tij, pas ndërhyrjeve brutale të Edi Ramës në punet e brendshme të Kosovës qëndron, së pari projekti i ndarjes së Kosovës me serbomadhin Vuçiç dhe së dyti problemi i tij i tmerrshëm në superskandalin McGonigal.

POSTIMI I PLOTË
Rama flet si zëdhënës i Vuçiç.
Kërkesa e Edi Ramës për konferencë ndërkombëtare për Kosovën është paraqitur hapur dhe zyrtarisht në shtator të vitit 2018 nga Beogradi nëpërmjet Ivica Daçiç, dhe përsëritur më vonë dhe nga vet Vuçiç. Kjo kërkesë ka si qëllim madhor përfshirjen e Rusisë krahas fuqive perëndimore, në zgjidhjen e krizës Kosovë- Serbi, përfshirje të cilën e ka kërkuar po publiksht dhe periodikisht edhe Kremlini.

Kjo kërkesë e Beogradit vinte pas kërkesave të përseritura të Sergei Lavrov që Rusia duhet të thirret të marrë pjesë në dialogun e Kosovës me Serbinë, të lehtësuar nga BE.

Kështu Rama nuk po bën gjë tjeter veçse në shërbim të Vuçiç, po qarkullon një tezë të padronit të tij në Beograd. Rama për të ndihmuar Vuçiçin, me thirrjen e konferencës ndërkombëtare krahason të pakrahasueshmet. Sipas tij konferenca duhet thirrur mbasi marrëveshja nuk po ecën sepse të dy Kurti dhe Vuçiç kanë probleme të brendshme. Ky është trillim i rradhës, bajat i Ramës përsëri për të lehtësuar Vuçiçin.

Së pari është e vërtetë se Vuçiç ka probleme të forta të brendshme tani. Ai përballet me një valë të fuqishme protestash të opozitës dhe qytetarëve serb, të cilët prej javësh janë ngritur kundër pushtetit autokratik të Vuçiç dhe dështimit të tij, për të garantuar rendin dhe sigurinë në vendin e tyre. Por krahasimi i Ramës është trillim i pastër sepse Kurti nuk duket të ketë asnjë problem të brendshëm të ngjashëm me ato të Vuçiç. Përveç këtyre, serbomadhi Vuçiç nuk firmos marrëveshjen e Ohrit sepse nuk e lejon Rusia, të cilën Rama kërkon të ulet në sofër nëpërmjet konferencës ndërkombëtare.

Së fundmi, siguroj komunitetin ndërkombëtar se angazhimi i Edi Ramës në çështjet e dialogut Kosovë-Serbi, jo vetëm nuk ndihmon, por e dëmton atë. Kjo sepse Rama është i njohur tashmë si argat i Vuçiçit.

Pas ndërhyrjeve brutale të Edi Ramës në punet e brendshme të Kosovës qendron:
së pari projekti i ndarjes së Kosovës me serbomadhin Vuçiç dhe, së dyti problemi i tij i tmerrshëm në superskandalin McGonigal, për të cilin Rama është në hetim të hapur penal në Gjykatën e Washingtonit, sepse ka korruptuar gjatë kohës që ishte në detyrë shefin e kundërzbulimit të FBI për New York dhe ka angazhuar atë kundër opozitës shqiptare për forcimin e pushtetit të tij. #sb

Zëvendës drejtori Hajri Kushe është pezulluar nga detyra, pasi dyshohet se është përfshirë në kultivimin e kanabisit në Velipojë.

Gjithashtu janë ndaluar edhe 12 efektivë, pasi favorizuan kultivimin e kanabisit.

Efektivët dyshohet kanë favorizuar kultivimin e bimëve narkotike në Njësinë Administrative Ana e Malit Shkodër, si dhe kanë neglizhuar me dashje marrjen e masave të domosdoshme për parandalimin, evidentimin e kultivimit dhe vënien para përgjegjësisë penale të autorëve

EMRAT dhe Funksionet: 

Hajri Kushe – Zëvendësdrejtor i krimeve në Qarkun e Shkodrës (Pezullim nga detyra dhe ndalim për të dalë jashtë vendit);-Dedim Gjeta – Shef krimesh, ish shef i komisariatit të Shkodrës, aktualisht shef rendi i Lezhës (Ndalim dalje jashtë shtetit);

-Pëllumb Shpati – Ish shef krimesh në Shkodër, aktualisht polic në fushën e Krimit Ekonomik (Arrest shtëpie);

-Ilir Hasaj – Shef i SPZ Shkodër me gradë komisar (Ndalim dalje jashtë shtetit);

-Taulant Kurtaj – Arrest shtëpie;

-Asllan Shytaj – Ndalim dalje jashtë shtetit;

-Arben Memaj – Ndalim dalje jashtë shtetit;

-Arben Dekovi – Ndalim dalje jashtë shtetit;

-Vehbi Nase – Pezullim i ushtrimi të detyrës;

-Gjin Guri – Pezullim i ushtrimi të detyrës;

-Nazmi Beqiri ¬- Pezullim i ushtrimi të detyrës;

-Sokol Pjetri – Pezullim i ushtrimi të detyrës;

-Ardis Çoçja – Pezullim i ushtrimi të detyrës;

Ndërkohë prej disa ditësh policia ka nisur kontrolle me dronë me qëllim identifikimin dhe asgjësimin e lëndëve narkotike.

Kujtojmë se disa operacione janë kryer edhe në Skrapar, Elbasan, Krujë dhe Lezhë.

NJOFTIMI I PLOTE:

Drejtoria e Hetimit në Agjencinë e Mbikëqyrjes Policore në bashkëpunim me Drejtorinë e AMP (Rajoni Shkodër), pas hetimeve të zhvilluara nën drejtimin e Prokurorisë pranë Gjykatës së Shkallës së Parë Juridiksioni i Përgjithshëm Shkodër, ka ekzekutuar vendimin e Gjykatës, e cila ka caktuar masat e sigurimit personal ndaj punonjësve të Policisë pranë Drejtorisë Vendore të Policisë Shkodër, si më poshtë vijon:

– Masa e sigurimit personal “Arrest në Shtëpi” për punonjësin e policisë Komisar P. SH., aktualisht me detyrë Shef Seksioni për Hetimin e Krimit pranë Komisariatit të Policisë Shkodër, i dyshuar për “Shpërdorim i detyrës” e kryer në bashkëpunim dhe “Përkrahje e autorit të krimit”.
– Masën e sigurimit personal “Arrest në Shtëpi” për punonjësin e policisë Inspektor T. K., aktualisht me detyrë Ndihmës Specialist i Policimit në Komuniktet pranë Komisariatit të Policisë Shkodër, i dyshuar për “Shpërdorim detyre” e kryer në bashkëpunim.

– Masën e sigurimit personal “Ndalimi i daljes jashtë shtetit” dhe “Pezullimi i ushtrimit të një detyre a shërbimi publik” për punonjësin e policisë Drejtues H. K., aktualisht me detyrë Zv. Drejtor për Hetimin e Krimeve në DVP Shkodër, i dyshuar për “Shpërdorim i detyrës”, e kryer në bashkëpunim.
– Masën e sigurimit personal “Ndalimi i daljes jashtë shtetit” dhe “Pezullimi i ushtrimit të një detyre a shërbimi publik” për punonjësin e policisë KryeKomisar A. SH., aktualisht me detyrë Shef Rendi në DVP Tiranë (në kohën e ngjarjes ka mbajtur detyrën e Shefit të Komisariatit të Policisë Shkodër), i dyshuar për “Shpërdorim i detyrës”, e kryer në bashkëpunim.

– Masën e sigurimit personal “Ndalimi i daljes jashtë shtetit” dhe “Pezullimi i ushtrimit të një detyre a shërbimi publik” për punonjësin e Policisë, Komisar D. GJ., aktualisht me detyrë Zv. Shef i Komisariatit të Policisë Shkodër, i dyshuar për veprën penale “Shpërdorim i detyrës”, e kryer në bashkëpunim.
– Masën e sigurimit personal “Ndalimi i daljes jashtë shtetit” dhe “Pezullimi i ushtrimit të një detyre a shërbimi publik” për punonjësin e policisë, Komisar I. H., aktualisht me detyrë Shef i Seksionit të Policimit në Komunitet pranë Komisariatit të Policisë Shkodër, i dyshuar për “Shpërdorim i detyrës”, e kryer në bashkëpunim.
– Masën e sigurimit personal “Ndalimi i daljes jashtë shtetit” dhe “Pezullimi i ushtrimit të një detyre a shërbimi publik” për punonjësin e policisë, Inspektor A. M., aktualisht me detyrë Ndihmës Specialist I Policimit në Komunitet pranë Komisariatit të Policisë Shkodër, i dyshuar për “Shpërdorim i detyrës”, e kryer në bashkëpunim.
– Masën e sigurimit personal “Ndalimi i daljes jashtë shtetit” dhe “Pezullimi i ushtrimit të një detyre a shërbimi publik” për punonjësin A. D., me detyrë Shef i Sektorit për Hetimin pranë Drejtorisë së AMP (Rajoni Shkodër), i dyshuar për “Shpërdorim i detyrës”, e kryer në bashkëpunim.

– Masën e sigurimit personal “Pezullimi i ushtrimit të një detyre a shërbimi publik” për punonjësin e policisë, Inspektor V. N., aktualisht me detyrë Ndihmës Specialist i Policimit në Komunitet pranë Komisariatit të Policisë Shkodër, i dyshuar për “Shpërdorim i detyrës”, e kryer në bashkëpunim.
– Masën e sigurimit personal “Pezullimi i ushtrimit të një detyre a shërbimi publik” për punonjësin e policisë, Inspektor GJ. G., aktualisht me detyrë Ndihmës Specialist i Policimit në Komunitet pranë Komisariatit të Policisë Shkodër, i dyshuar për “Shpërdorim i detyrës”, e kryer në bashkëpunim.
– Masën e sigurimit personal “Pezullimi i ushtrimit të një detyre a shërbimi publik” për punonjësin e policisë, Inspektor N. B., aktualisht me detyrë Ndihmës Specialist i Policimit në Komunitet pranë Komisariatit të Policisë Shkodër, i dyshuar për “Shpërdorim i detyrës”, e kryer në bashkëpunim.

– Masën e sigurimit personal “Pezullimi i ushtrimit të një detyre a shërbimi publik” për punonjësin e policisë, Inspektor S. P., aktualisht me detyrë Ndihmës Specialist i Policimit në Komunitet pranë Komisariatit të Policisë Shkodër, i dyshuar për “Shpërdorim i detyrës”, e kryer në bashkëpunim.

– Masën e sigurimit personal “Pezullimi i ushtrimit të një detyre a shërbimi publik” për punonjësin e policisë, Inspektor A. C., aktualisht me detyrë Ndihmës Specialist i Policimit në Komunitet pranë Komisariatit të Policisë Shkodër, i dyshuar për “Shpërdorim i detyrës”, e kryer në bashkëpunim.

Masat e sigurimit personal u ekzekutuan, pasi nga hetimet disa mujore të zhvilluara nga AMP në drejtimin e Prokurorisë Pranë Gjykatës së Shkallës së Parë Juridiksioni i Përgjithshëm Shkodër, janë administruar prova dhe fakte, ku provohet se punonjësit e policisë të mësipërm, në bashkëpunim me njëri-tjetrin, me veprime dhe mosveprime, duke abuzuar me kompetencat që ju jep detyra funksionale, kanë favorizuar kultivimin e bimëve narkotike në Njësinë Administrative Ana e Malit Shkodër, si dhe kanë neglizhuar me dashje marrjen e masave të domosdoshme për parandalimin, evidentimin e kultivimit dhe vënien para përgjegjësisë penale të autorëve dhe bashkëpunëtorëve të tyre, duke krijuar kështu kushte të favorshme për largimin e tyre.

(BalkanWeb)

Kryetari i Partisë Demokratike Sali Berisha i ka bërë edhe njëherë thirrje Departamentit Amerikan të Shtetit dhe Kongresit të ShBA-ve që të hetojnë pronat e Yuri Kim në Shqipëri.

Berisha e quajti një zhvillim pozitiv largimin e saj, duke theksuar se qëndrimi i Yuri Kim në Shqipëri ishte një hile e neveritshme që ajo me Olta Xhaçkën dhe Edi Ramën, i bëri vendit të vet, haptas.

Berisha: Së pari unë nga largimi i saj është një zhvillim shumë pozitiv. Zgjatja e qëndrimit të saj ishte një akt, një hile e neveritshme që ajo me Olta Xhaçkën dhe Edi Ramën, i bëri vendit të vet, haptas. Ajo për të zgjatur qëndrimin, për ti bërë shërbimet e fundit në këto zgjedhje dhe kundër opozitës, i kërkoi Ramës dhe Xhaçkës, që të thonë se po ikën. Shefat e saj pastaj thanë se nuk mund të na diktojnë se kur ikën, e kur rrin, etj. Së dyti, meqenëse ajo po ikën, i thashë në parlament mesazhin që kisha. Por një gjë që nuk mu kujtua në atë moment, po ja them tani. Ftoj përsëri Inspektorin e Përgjithshëm të Departamentit të Shtetit, Kongresin e SHBA dhe FBI-në, të hetojnë për pronat e saj në Shqipëri. Sikundër theksoj se, zëdhënësi i saj Edi Rama, aludoi se unë e kisha fjalën për Yuri Kim polakun. Unë nuk ngatërroj një polak me një amerikane kurrë. Nuk e kam patur kurrë fjalën për Yuri Kim polak. Por me të u dekonspirua një gjë, u tregua komunikimi që kanë ata të dy kundër meje. Tani nuk doli kush tjetër me më përgënjeshtruar mua veç Edi Ramës. Tani vetëkuptohet kjo, por unë nuk e kisha fjalën për një Yuri Kim polak. E them me përgjegjësi të plotë.

Besim Ndregjoni, kreu i ish-të përndjekurve politik ishte këtë mesditë i ftuar në “News24”, foli lidhur me kandidimin e tij për Avokat Populli.

“Unë kandidova për Avokat Populli, u bë siç u bë ai votim, dhe rikandidova sërish tani dhe dhashë performancën time aty, ku u mirëprita nga komisioni i ligjeve dhe 45 deputetë që kanë votuar që të jem kandidat. Mora një mirënjohje dhe për përvojën time 32-vjeçare për mbrojtjen që  i kam bërë të drejtave të njeriut. Opozita aktuale nuk është se ka ndonjë gjë me mua, por këto shohin në vendosjen e këtyre kandidaturave interesave politike, dhe jo kontributin. Unë u bëj apel të dy grupeve politike që të demokratizojnë institucionit të Avokatit të Popullit”, tha ai.

Sa i përket situatës politike të opozitës ai tha: Është një situatë paradoksale, që pas 32 vitesh pluralizëm, sot vendi ndodhet pa opozitë. Opozita kohët e fundit është kthyer si kooperativat bujqësore, zihen se kush do të vihet kryetar.bw

Ish-ministri Arben Ahmetaj paraqitet në SPAK në kuadër të hetimeve që po bëhen ndaj tij.

Gazetarja Klodiana Lala raporton për “BalkanWeb” se Ahmetaj dyshohet për veprën penale të shpërdorimit të detyrës, korrupsionit, fshehje të pasurisë si dhe ka dyshime për pastrim parash.

Hetimi ka nisur në kuadër të aferës së inceneratorëve. Kjo është hera e parë që ish-zv.kryeministri paraqitet në SPAK për këto hetime.bw

Kampi Ashraf në Manzë

Kampi i Manzës i Organizatës së Muxhahedinëve të Popullit të Iranit, 21 qershor 2023.

Tensione në kampin e muxhahedinëve në Manzë. Mbi 1 mijë banorë shtetas iranianë të kampit Ashraf 3 kanë dalë në rrugë, ndërkohë që ka forca të shumta policie në gatishmëri për ruajtjen e rendit dhe sigurisë. Në rrugë ka dhe qindra gra që flasin në gjuhën e tyre kundër operacionit.

Sipas një prej muxhahedinëve dy njerëz janë vrarë dhe u dërguan në spital dhe po kështu ka dhe disa të plagosur. Dyshohet se ka pasur rezistencë ndaj policisë, e cila ka ndërmarrë një operacion për kontrollin e kampit.

“Nuk ndihemi më të sigurt këtu. Policia na sulmuan ne. Na kanë shkelur të drejtat tona të njeriut. Policia na vrau vëllain tonë. Ata erdhën në mëngjes ishin në krevate. Pse na trajtojnë si terroristë ne”, tha një grua muxhahedine.

Në vend është parë dhe një ambulancë. Ndërkohë nga ana e policisë shqiptare nuk ka informacion zyrtar. Një efektiv policie ka humbur ndjenjat dhe po i jepet ndihma e parë.bw