VOAL

Shqipëri

Të përfshirë në ngjarje kriminale, lihen në burg 6 të arrestuarit e SPAK

GJKKO ka lënë në masën e sigurisë ‘arrest me burg’ 6 personat e arrestuar në operacionin më të fundit të SPAK të quajtur “Metamorfoza”, mes të cilëve janë ish-zyrtari i policisë Oltion Bitri, por edhe biznesmenti Pëllumb Gjoka.

6 personat e arrestuar pas operacionit të SPAK janë të dyshuar për ngjarje të rënda kriminale gjatë vitit 2020 dhe 2021, por edhe të përfshirë në paligjshmëri, pra përfaqësues të Policisë së Shtetit, por edhe prokurorë.

Prokuroria e Posaçme ka regjistruar një procedim penal, i cili përmban akuzat si “vrasje me paramendim”, “grup i strukturuar kriminal”, “pjesëmarrje në organizatë kriminale”, “armëmbajtje pa leje”, “korrupsion në sistemin e drejtësisë”, “shpërdorim detyre” dhe “nxjerrje të akteve sekrete”.

Sipas hetimeve të kryera nga SPAK, Pëllumb Gjoka akuzohet si pjesëmarrës në vrasjen e Gjin Boriçit, si dhe akuzohet se ka krijuar kushtet dhe ka siguruar mjetet për vrasjen e Kleant Musabelliut, një ngjarje e cila nuk është realizuar. Ai akuzohet edhe për “korrupsion pasiv” dhe se ka siguruar kushtet për vrasjen e Dorjan Dules dhe Ibrahim Licit. Edmond Preka akuzohet si pjesëmarrës në vrasjen e Gjin Boriçit në Shkodër si dhe për “armëmbajtje pa leje”. Astmer Bilali dyshohet se ka siguruar kushtet për vrasjen e Dorjan Dules, Ibrahim Licit dhe Gent Tafilit dhe se ka siguruar kushtet për vrasje. Ish-drejtuesi i Operacionales akuzohet për “shpërdorim detyre” deh nxjerrje të akteve sekre dhe prokurori Xhevahir Lita për akuzën e korrupsionit.

GJKKO ka lënë në burg 6 të arrestuarit gjatë operacionit “Metamofoza” dhe dy të tjerë të kapur në kushtet e flagrancës për armëmbajtje pa leje.

Emri i kreut të Mbikqyrjes Policore në dosjen e grupit kriminal: ‘S’do as Ardi, bile për këtë me çau …’

Emri i drejtorit të Mbikëqyrjes Policore del në dosjen e grupit të strukturuar kriminal ku përfshiheshin biznesmenë, drejtues policie, prokurorë e personazhe të krimit.

Ardi Veliu që ka mbajtur për disa vite postin e kreut të kupolës së Policisë, ishte në dijeni të aktivitetit të paligjshëm të Pëllumb Gjokës me lojërat e fatit, por pavarësisht kësaj, nuk urdhëroi të merreshin masa.

Kjo del nga transkriptet e ardhura nga Franca ku Oltion Bistri flet vazhdimisht me biznesmenin Pëllumb Gjoka.

Në dosjen hetimore përmenden fakte e rrethana ku Bistri e ka favorizuar Gjokën, duke e vënë në dijeni sa herë kishte kontrolle.

Madje ai I thoshte se kishte porositur vartësit të bënin sikur kishin ushtruar kontrolle dhe nuk kishin gjetur asgjë të paligjshme.

Ndërkohë, që për këtë veprimtari ishte në dijeni edhe Ardi Veliu, dhe kjo konfirmohet nga biseda që Oltion Bistri bën me Gjokën.

Shefi i Operacionales i thotë “S’do as Ardi se i thashë. Bile dhe për këtë me çau… I thashë e lë punën se i kam dhënë llafin dhe s’e heq”.

Bistri e këshillon Gjokën të mos e hapë aktivitetin kur ka kontrolle e i kërkon gjithashtu që të mos njoftojë njeri tjetër pasi i shkakton probleme.

Ministrja e Ramës kundër kreut të Dhomës Amerikane: Asnjë kompani amerikane s’është penguar të investojë në Shqipëri

Ministrja për Mbrojtjen e Sipërmarrjes, Edona Bilali ka lëshuar kritika në drejtim të kreut të Dhomës Amerikane të Tregtisë, Enio Jaço sa i takon qëndrimit të tij për raportin e DASH për klimën e biznesit në vend.
Përmes një reagimi në ‘Facebook’, Bilali shkruan se Jaço është kontradiktor në qëndrimet e tij në raport me investimet amerikane në vend.

Ministrja mes të tjerash sqaron se nuk ka dëgjuar për ndonjë kompani amerikane apo europiane, që e ka penguar klima e biznesit në Shqipëri të investojë.

POSTIMI I PLOTË:
Drejtuesi i AmCham para 4 ditësh (vetëm pasi u publikuan statistika me shifra) pohon dhe shprehet i kënaqur që janë 3-fishuar investimet amerikane ne vend.
3 ditë më vonë pas publikimit raportit të Departamentit të Tregtisë (i parifreskuar prej 2 vjetësh), rimarrë nga DASH me disa ndryshime, shprehet që problem është klima jo miqësore e biznesit. Pyetja që të vjen menjëherë në mendje është, si e shpjegon drejtuesi shqiptar i AmCham (normalisht ai duhet të kontribuoje në leximin objektiv të aktualitetit në terren) faktin se amerikanet investuan 3 herë më shumë në Shqipëri për 4 vitet e fundit, ndërkohë që një seri investimesh të tjera të mëdha amerikane janë ne proces përgatitjeje?!
Askush nuk i mohon këto probleme, po qyshse jam në këtë detyrë as e kam hasur dhe as kam dëgjuar për ndonjë kompani amerikane apo europiane, që e ka penguar klima e biznesit në Shqipëri të investojë! Madje përkundrazi, kam pasur vetëm reagime shume pozitive prej tyre për mikpritjen dhe trajtimin në Shqipëri. Njëjtë kam dëgjuar edhe nga koleget e mi!
Sa gjynah kur bashkëqytetarë tanët, aq me tepër në funksione të tilla ndikojnë për keq, pa asnjë fakt apo shifër, në ushqimin e perceptimeve të deformuara prej vitesh qoftë tek opinioni publik, qoftë tek miqtë dhe partnerët e huaj!
Por shyqyr në fund mbetet si gjithnjë puna me faktet e punës, për të cilat flet sot edhe Shqipëria turistike, me të dhënat e saj mbresëlënëse!bw

Kërkojnë 40 milionë euro në arbitrazh- Koncesionari i Portit të Durrësit: Na sulmuan me forca policore

Kompania koncesionare EMS, e cila ka për 35 vjet terminalin lindor në Portin e Durrësit, deklaroi se në mënyrë arbitrare Autoriteti Portual i Durrësit ka ndërhyrë me forca policie dhe mjete duke pezulluar aktivitetin e saj tregtar.

Sipas tyre, ata kanë bllokuar hyrjet dhe daljet e automjeteve, zyrat dhe peshoren e mjeteve pa asnjë paralajmërim.

“Anijet presin të ngarkohen dhe shkarkohen. Nuk e dimë cili është qëllimi i zaptimit të sipërfaqeve të kalatës lindore dhe pezullimi i aktivitetit”, tha Florian Cimo, përfaqësues i EMS.

Sipas tij, ka dëm ekonomik në aktivitetin tregtar për kompanitë importuese dhe eksportuese.

Kompania gjermane EMS Shipping, që ka me koncesion terminalin lindor në Portin e Durrësit, kërkon 40 milionë euro kompensim nga qeveria shqiptare për thyerje të njëanshme të kontratës koncesionare në Gjykatën e Arbitrazhit të Uashingtonit.

Kompania pretendon se qeveria shqiptare e ka trajtuar në mënyrë arbitrare dhe diskriminuese duke i shkaktuar dëme të mëdha financiare në shkelje të marrëveshjes koncesionare.

Më konkretisht, EMS pretendon se goditja e paligjshme ndaj saj është e lidhur me dy koncesione të tjera të dhëna nga qeveria shqiptare. I pari është ai me kompaninë arabe Eagle Hills, për transformimin e portit të mallrave në Durrës në një port turistik me kulla.

Sipas kompanisë gjermane, territori i koncesionit te saj do t’i dorëzohet kompanisë arabe brenda këtij viti. Kjo do të çojë në mbylljen automatikisht të operacioneve të saj në port, duke i dhënë praktikisht fund koncesionit edhe pse afati i marrëveshjes është për 35 vjet. Kompania thotë se ka kërkuar zgjidhje nga qeveria se ku do të zhvendoset koncesioni i saj pasi territori t’i kalojë kompanisë arabe, por nuk ka marrë asnjë përgjigje.

Ndërkohë koncesioni i dytë, që kompania gjermane pretendon se e ka dëmtuar, është ai i portit MBM në Porto Romano. Kompania gjermane pretendon se porti MBM u bë një konkurrent direkt i saj, për shkak të favorizimit në mënyrë të paligjshme nga qeveria.

“Jep sa para të duash, veç të vritet”, përgjimet fundosin biznesmenin Gjoka, Bajrin dhe grupin kriminal. Pas realizimit të planit, i shkuan në varrim ‘objektivit’

Përgjimet fundosin grupin kriminal që u godit dje nga SPAK dhe u arrestuar ish-shefi i Forcave Operacionale, Oltion Bistri, drejtuesi i Prokurorisë së Kukësit, Xhevahir Lita, dhe ish-polici Ardit Hasannega dhe biznesmeni Pëllumb Gjoka, por edhe të tjerë.

Gazetarja Klodiana Lala raporton për BalkanWeb se biznesmeni Gjoka del në përgjime duke bërë plane me Behar Bajrin për të kryer vrasje. Behari i shpjegon se kishte kontaktuar persona të ndryshëm jo shqiptarë, por kombësi te tjera për të realizuar vrasjen, por me vonë rezulton se vrasjet i kryejnë shtetas shqiptare.

Ndërkohë, në biseda flitet për shumat që do të paguheshin për realizimin e vrasjeve.
Lala sqaron se në biseda Pëllumb Gjoka thotë që të jepen sa para kërkohen vetëm vrasja të kryhet. Pas vrasjes së Gjin Ndojit në 2020 të dyshuarit i kanë shkuar edhe në varrim.bw

“Ish-shefi i Operacionales Oltion Bistri njihet me pseudonimin ‘Çami’ në botën e krimit”, akuza e Berishës: Jahti luksoz i kapur në Greqi me drogë ishte i tij

Ish-kryeministri Sali Berisha ka deklaruar se ish-shefi i Forcave Operacionale, Oltion Bistri, i cili u arrestua me urdhër të SPAK, se njihej me pseudonimin ‘Çami’ në botën e krimit.

“Tani le t’u kthehemi pak dy eksponentëve kryesorë të krimit të arrestuar dje. Oltion Bistri, drejtor i Forcës Operacionale, drejtorisë më nevralgjike antikrim. Ky është posti që kishte deri para një jave, Olti Bistri.
Olti Bistri njihet në botën e krimit me pseudonimin Çami. Ish-shefi i komisariatit në Pogradec, dhe më pas në Forcat Operacionale, dhe i kërkuar në Maqedoni për trafik të lëndëve narkotike në Maqedoni. I kërkohen shenjat e gishtave. Jahti luksoz i kapur në Greqi është i Olti Bistrit dhe çantat e hashashit janë me mbishkrimin Çami.
Mjetet e komunikimit që përdor janë telefonat e dekriptuar. Pas arrestimit të gjeneral Lisit, panik i madh te Don Agaçi dhe vetë kreu i Meduzës.

Lexoni denoncimin e vitit 2022: “Arrestimi i fundit në Itali i mikut të Agaçit i ka futur frikën të gjatit nga Antimafia Italiane dhe ‘Guardia di Finanza’. Të kapur gafil nga lekët që kanë vjedhë te inceneratorët, për të mbrojtur veten, ministrat dhe Lali plehun e bashkisë, i gjati po bën lëvizje të shumta në strukturat e policisë.
Pritet që në drejtim të Forcave Operacionale të vendoset Olti Bistri, një ushtar i Saimir Tahirit në bizneset me drogën, që do dekonspirojë operacionet kundër këtyre mafiozëve të Ramës. E kanë pajisur këto dite me certifikatë sigurie, me lobim të fortë të Tom Doshit, Belinda Ballukut, Tan Leprit, Aranit Arapit, që tani dini ju se është këshilltar i ministrit të familjes Çuçi dhe që ka qenë baloz i zi i drogës gjatë Tahirit. Gradën e ka marrë.
Pritet që do shtrëngohen radhët brenda policisë, dhe Rama do të kalojë një ligj që do vendosë në spiunim të gjithë familjet e policëve që t’i mbajë në kontroll mos e arrestojnë”.

“Përshëndetje Doktor. Në Tiranën në zonën numër 2, kërcet bixhozi në katër anët. Natyrisht gjobat i merr Bistri”. “Narkopolicia, pronë e Ardi Veliut. Se ky është një nga zarët kryesorë edhe të Ardi Veliut. Ky është përdorur për fotografime. Ky i ka nxjerrë Veliut atë videon të asaj nënës që lozte në një film dhe Veliu e paraqiti në parlament si të tillë dhe si të atillë, në një kohë kur e punësuan për t’ia mbyllur gojën. Narkodrejtori Veliu e emëroi në kundërshtim me ligjin në Durrës. Bistri mblidhte gjobat në zonën e ish-Bllokut në Tiranë dhe ishte lidhje me Shullazin”.

“Ky Oltion Bistri merrte 10 mijë euro për çdo person në kërkim, ndryshe e merrte në arrest. Rasti i dy shtetasve nga Fieri, mbase i kujton diçka kur ta lexojë. Gjatë pandemisë dhe fushatës, ky dhe Ermal Kapllani i Lal Djegësit, kanë bërë 500 mijë euro duke favorizuar ndërtimet pa leje dhe lejuar lokalet. Bistri paguan për shtëpinë që Ardi Veliaj ka blerë te Kodra e Diellit, por që për çudi nuk i doli gjatë vetingut. Ju garantoj me jetë për këto që u them”.bw

Presidenti Begaj uron 101 vjetori e vendosjes së marrëdhënieve diplomatike të Shqipërisë me SHBA: Gjithmonë në krahun tonë, duke na mbështetur

Presidenti i Republikës, Bajram Begaj, ka uruar 101 vjetori e vendosjes së marrëdhënieve diplomatike të Shqipërisë me Shtetet e Bashkuara të Amerikës. Në një postim të bërë në Facebook, Begaj shkruan se sot shohim me krenari se si këto marrëdhënie janë gjithnjë e më të forta.

Reagimi i plotë:

Në këtë 101 vjetor të vendosjes së marrëdhënieve diplomatike me Shtetet e Bashkuara, shohim me krenari se si këto marrëdhënie janë gjithnjë e më të forta!

Përgjatë historisë, Shtetet e Bashkuara kanë qenë gjithmonë në krahun tonë, duke na mbështetur në të gjitha projektet dhe sukseset tona madhore, ndaj për këtë do i jemi përherë mirënjohës.

Gëzuar 101 vjetorin e miqësisë me SHBA-në, partnerin strategjik më të madh të Shqipërisë dhe shqiptarëve!

Arrestimi i ish-shefit të Operacionales, prokurorit dhe biznesmenit, SPAK detaje nga megaoperacioni, sekuestrohen armë, para, maska dhe kamera

SPAK ka dalë në një njoftim për megaoperacinin e djeshëm ku lëshoi 15 urdhër-arreste, ku mes të arrestuarve janë zyrtarë të lartë policie, por dhe një biznesmen dhe një drejtues prokurorie. Prokuroria e Posaçme raporton se është ushtruar kontrolle në 14 ambiente të ndryshme.

NJOFTIMI I SPAK
Më datë 16.01.2023 Prokuroria e Posaçme, ka regjistruar procedimin penal Nr.9 i vitit 2023, për veprat penale “Vrasja me paramendim”, “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”, “Korrupsion aktiv i gjyqtarit, prokurorit dhe i funksionarëve të tjerë të drejtësisë”, “Heqja e paligjshme e lirisë”, “Shpërdorimi i detyrës”, “Ekspertimi i rremë”, “Falsifikimi i dokumenteve”, “Trafikimit të narkotikëve”, “Mbajtja pa leje dhe prodhimi i armëve, armëve shpërthyese dhe municionit”, në bashkëpunim në formën e “Grupit të strukturuar kriminal”, “Kryerja e veprave penale nga organizata kriminale dhe grupi i strukturuar kriminal”, “Pastrimi i produkteve të veprës penale ose veprimtarisë kriminale”, vepra këto të parashikuara nga nenet 78, 319/ç, 319, 110, 248, 309, 278, 283/a, 333/a, 334 dhe 287 të Kodit Penal.
Në kuadër të këtij procedimi, Struktura e Posaçme Kundër Korrupsionit dhe Krimit të Organizuar, në bashkëpunim intensiv me Eurojust, Europol dhe agjencitë ligjzbatuese belge, hollandeze dhe franceze, ka zhvilluar hetime lidhur me disa shtetas shqiptarë të përfshirë në aktivitet kriminal në Shqipëri dhe në disa vende europiane. Po ashtu është hetuar edhe lidhur me disa ngjarje kriminale të mëparshme të ndodhura në Shqipëri në vitet 2019 – 2022.
Gjatë hetimeve intensive të kryera nga hetuesit e B.K.H.-së, nën drejtimin e prokurorëve të posaçëm, është bërë e mundur dokumentimi i aktivitetit kriminal të personave të dyshuar, si dhe identifikimi i disa prej autorëve të ngjarjeve kriminale të ndodhura si më poshtë:

• Identifikimi i autorëve të dyshuar të vrasjes së shtetasit Gj. B., ndodhur në Shkodër në muajin gusht të vitit 2020.
• Identifikimi i autorëve të dyshuar të vrasjes së mbetur në tentativë të shtetasit T. P., ndodhur në Shkodër në muajin shkurt 2021.
• Identifikimi i autorëve të dyshuar në lidhje me sigurimin e kushteve për vrasjen e shtetasit K.M., ndodhur në Tiranë gjatë vitit 2020.
• Identifikimi i autorëve të dyshuar në lidhje me sigurimin e kushteve për vrasjen e shtetasve D. D., I. L. dhe G. T., ndodhur gjatë vitit 2020.

Gjatë hetimeve të kryera nga SPAK, është bërë e mundur të dokumentohet se persona me precedent kriminal, të dënuar për vepra të rënda penale, kanë kryer edhe ngjarje të tjera kriminale për të cilat vijojnë hetimet.
Janë dokumentuar gjithashtu vepra penale të kryera nga zyrtarë publik, punonjës të policisë së shtetit të nivelit drejtues, punonjës të policisë të shtetit të nivelit të lartë drejtues, si dhe prokuror, të cilët cënonin funksionimin e rregullt të shtetit ligjor dhe sundimin e ligjit.
Bazuar në kërkesën e Prokurorisë së Posaçme, Gjykata e Posaçme e Shkallës Parë për Korrupsionion dhe Krimin e Organizuar, me vendimin nr.94, datë 23.07.2023 ka miratuar masat e sigurisë personale “arrest në burg”, për 15 shtetas të dyshuar si autorë të kryerjes së veprave penale. Konkretisht për shtetasit B.B., E.M., P.Gj., D.B., E.P., K.H., P.K., A.B., A.N., B.M., E.H., A.B., A.H., O.B. dhe Xh.L.
Gjithashtu me vendimin nr.314, date 24.07.2023 ka miratuar kërkesën për lejimin e kontrollit të 14 ambjenteve të ndryshme.
Më datë 27.07.2023 Drejtoria e Përgjithshme e Policisë së Shtetit dhe Byroja Kombëtare e Hetimit, nën drejtimin e Prokurorisë së Posaçme kanë ekzekutuar urdhërat për ekzekutimin e vendimit penal nr.94, date 23.07.2023, për 6 shtetas, konkretisht shtetasit P.Gj., E.P., A.B., A.H., O.B. dhe Xh.L. Gjithashtu janë arrestuar në flagrance 2 shtetas të tjerë, S.T. dhe N.F., si të dyshuar për veprën penale të parashikuar nga neni 278 i Kodit Penal.
Gjatë ekzekutimit të vendimeve të gjykatës është ushtruar kontroll në 26 banesa dhe ambjente ku janë gjetur dhe sekuestruar në cilësinë e provës materiale shuma monetare, automjete të ndryshme, telefona, armë zjarri të ndryshme, maska, pajisje elektronike, pajisje elektronike monitorimi (servere dhe kamera) me të cilat monitoreshin ambjente të jashtme në zona të ndryshme të qytetit të Shkodrës:
Falenderojmë Policinë e Shtetit për profesionalizmin e treguar dhe bashkëpunimin e ngushtë gjatë fazës së ekzekutimit të vendimeve të gjykatës.
Falenderim i veçantë për Eurojust, Europol, Autoritetet Gjyqësore Franceze dhe agjencitë ligjzbatuese belge, hollandeze dhe franceze, për bashkëpunimin intensiv dhe kontributin e dhënë në kuadër të hetimeve të këtij procedimi penal.

Këshilli Kombëtar anulon zgjedhjet për kreun e PD-së, vendimet që u morën në mbledhje

Këshilli Kombëtar i PD-së vendosi dje të anulojë zgjedhjet e datës 29 Korrik 2023. Ky organ, i mbledhur mbrëmë e konsideroi procesin zgjedhor brenda selisë blu, antistatutor dhe farsë.

Këshilli Kombëtar i PD-së i thirrur nga sekretari i Përgjithshëm, Gazment Bardhin, kërkon çregjistrimin e Bashës nga partitë politike dhe anulimin e zgjedhjeve të 29 korrikut. Në mbledhjen e Këshillit Kombëtar të PD-së morën pjesë 245 nga 453 anëtarë në total.

Në mungesë të Kryetarit të Këshillit, u ngrit komisioni drejtues i punimeve që u drejtua nga Sekretari i Përgjithshëm Gazment Bardhi. Pas relatimit të Sekretarit të Përgjithshëm, Këshilli Kombëtar konstatoi dhe pranoi dorëheqjen e datës 21 mars 2022, të kryetarit të Partisë Demokratike z. Lulzim Basha, dhe dorëheqjen e datës 17 maj 2023 të Nënkryetarit të Partisë Demokratike Enkelejd Alibeaj.

Ndërkohë, u shtyu për në një mbledhje tjetër vlerësimi mbi dorëheqjet e Nënkryetarëve Agron Gjekmarkaj dhe Jorida Tabaku, të cilët i qëndrojnë dorëheqjes së tyre, edhe pse dorëheqjet e tyre nga ana e Këshillit nuk u konsideruan si të parevokueshme. Një tjetër vendim i rendësishëm që mori Këshilli Kombëtar është pezullimi i funksionit të Kryesisë së PD-së.

“Këshilli Kombëtar vërejti se të gjitha vendimet dhe qëndrimet e Kryesisë së Partisë duke filluar nga data 6 Qershor 2023, janë antistatutore, të marra pa kuorum, dhe nuk kanë mbajtur në konsideratë pasojat që mund të sjellin në përçarjen dhe dobësimin e mëtejshme të partisë. Aktet e Kryesisë së Partisë kanë arritur deri më aty sa kanë përdorur, falsifikuar dhe prodhuar në mënyrë të paautorizuar vulën e PD, përmes një vendimi nul dhe antistatutor. Të gjitha këto vendime janë anuluar dhe Këshilli Kombëtar ka vendosur të pezullojë veprimtarinë statutore të Kryesisë së PDSH, deri në verifikimin e rregullshmërisë statutore të përbërjes së saj”.

Ditët e fundit ka pasur përplasje të forta mes grupeve të krijuara në PD, teksa Gaz Bardhi ka këmbëngulur fort në mosmbajtjen e zgjedhjeve për kreun e selisë blu, të cilat ishin parashikuar për këtë të shtunë data 29 korrik, e ku Basha kërkonte rikthimin “de juro” në krye të partisë.

Në prag të mbledhjes së Këshillit Kombëtar, reagon Bardhi: E ardhmja e PD-së është mbi çdo interes personal!

Sekretari i Përgjithshëm i PD-së Gazment Bardhi, ka reaguar pak para mbledhjes së Këshillit Kombëtar. Nëpërmjet një statusi në Twitter, shoqëruar edhe me një foto, Bardhi thekson se e ardhmja e Partisë Demokratike është mbi gjithçka.

REAGIMI:

Duke u bërë gati për mbledhjen e Këshillit Kombëtar të PD. E ardhmja e PD dhe mbi gjithçka, mbi çdo hall e interes personal!

I arrestuar sot nga SPAK, Pëllumb Gjoka ishte investitor strategjik i Ramës

Biznesmeni Pëllumb Gjoka, njëri nga të arrestuarit nga operacioni i SPAK, është zgjedhur nga kryeministri Rama si investitor strategjik. Por Gjoka është denoncuar nga kryetari i Partisë Demokratike, Sali Berisha se ka blere vota në Shkodër në favor të kandidatit socialist Benet Beci dhe është shpërblyer nga qeveria duke i dhënë lejen e posaçme për ndërtimin e një resorti në Velipojë

SYRI TV

Biznesmeni shkodran, Pëllumb Gjoka, i arrestuar mëngjesin e së enjtes me urdhër të SPAK, rezulton të ketë fituar statusin e investitorit strategjik me firmën e kryeministrit Edi Rama.

Në korrik të vitit 2021, Komiteti i Investimeve Strategjike miratoi statusin e investitorit për projektin “Silver Sand Resort”, me subjekt aplikues “Imperial Group”.

Kompania përfituese zotërohet në 56 përqind nga Pëllumb Gjoka dhe pjesa tjetër nga familjarët e tij, Kolë dhe Alida Gjoka. Partia Demokratike në opozitë e ka akuzuar shpesh publikisht Pëllumb Gjokën se është angazhuar për blerjen dhe sigurimin e votave në favor të Partisë Socialiste të Edi Ramës.

Kryetari i Partisë Demokratike, Sali Berisha, e akuzoi edhe para pak javësh Gjokën për blerje votash në favor të kandidatit socialist për kryetar të Bashkisë së Shkodrës, Benet Beci.

Lidhjet e Gjokës me socialistët duket se i janë shpërblyer me miratimin e lejes së posaçme për ndërtimin e resortit në Velipojë.

Sipas vendimit të Komitetit të Investimeve Strategjike, projekti i Pëllumb Gjokës llogaritet të kushtojë rreth 50 milionë euro dhe parashikon ndërtimin e dy strukturave hoteliere dhe një serie apartamentesh për shitje.

Arrestohet ‘shtabi elektoral’ i Benet Becit- Policë dhe kriminelë që i siguruan ‘fitoren’

SPAK ka organizuar gjatë orëve të mbrëmjes një operacion të shtrirë në disa qytete të vendit. Në pranga ranë biznesmeni Pëllumb Gjoka, drejtuesi i lartë i Policisë së Shtetit, Oltion Bistri dhe kryeprokurori i Kukësit, Xhevahir Lita.

Po ashtu në pranga kanë rënë edhe Edmond Preka dhe Ardit Hasangaj, ish-punonjës policie të përjashtuar në vitin 2022.

Ka raportime të pakonfirmuara se në kërkim është shpallur edhe Behar Bajri, ndërsa ka raportime se është arrestuar Astmer Bilali, anëtar i bandës së Bajrëve. Nga mega-operacioni janë sekuestruar një sërë provash materiale në interes të hetimit si automatikë, pistoleta, një arsenal armësh, paruke dhe maska.

Por pikërisht kjo bandë ishte edhe ‘shtabi’ i fitores kriminale së Benet Becit në zgjedhjet e 14 majit në Shkodër. Pëllumb Gjoka, Tom Doshi dhe banda e Bajrëve u akuzuan nga kreu i PD, Sali Berisha si arkitektët e ‘fitores’ së Becit.

“Pëllumb Gjoka ka mbajtur nën pushtim qendrat e votimit në Velipojë. Kishin qendra që i kishin marrë peng dhe nuk lejonin të afrohej kush. Autokolona e Bajrëve me 3 BMW të blinduara, shëtiste rrugët e Shkodrës për të mbledhur vota për Benet Becin. Tom Doshi me milionat e veta.

U them këtyre kriminelëve se do merrni përgjigjen e merituar. Shkodra është e pamposhtur. Shkodra do çajë këtë rrethim, siç ka çarë edhe rrethimet e tjera. Shkodranët duhet të votonin të qetë, të lirë, siç u takon. Por jo nën terrorin e bandave. Edi Rama nxori bandat, liroi nga burgu me marrëveshje për të mposhtur votën e qytetarëve të Shkodrës,” tha Berisha. syri.net

Ja emrat e shqiptarëve të goditur nga operacioni i SPAK dhe autoriteteve italiane

Zbardhen emrat e personave të përshirë në bandën shqiptarë që mashtronin shtetasit italianë, në lidhje me operacionin mes autoriteteve shqiptare dhe atyre italiane, për të investuar në bursa.

Janë ekzekutuar masat e sigurimit personal “Arrest në burg”, për shtetasit Hamit Dobi, Erion Kastrati, Aldo Pasku, Gjin Shelnishta, dhe Mojsi Zuna.

Sakaq janë ekzekutuar masat e sigurimit personal “Arrest në shtëpi”, për shtetasit Greta Gjoci, Olta Toci, Rezarta Ibrahimi dhe Silvana Veliu.

Njoftimi i policisë:

Ekzekutohen 14 masa sigurie për shtetas të implikuar në veprimtarinë kriminale në fushën e mashtrimeve kompjuterike.

Sekuestrohen pajisje të ndryshme kompjuterike, aparate celulare, USB dhe pajisje të tjera për prodhimin e bitcoin, të gjetura gjatë kontrolleve të ushtruara në disa banesa.

Gjatë operacionit u angazhuan 60 forca Policore të DVP Tiranë, të komisariateve në varësi të saj dhe të DVP Fier.

Në kuadër të procedimit penal nr.121/2021 të Prokurorisë Kundër Korupsionit dhe Krimit të Organizuar, Drejtoria Vendore e Policisë Tiranë është përfshirë në hetime në bazë të autorizimeve të Prokurorisë, ku gjatë këtyre hetimeve janë aplikuar metoda speciale të hetimit.

Nga veprimet hetimore të kryera është bërë i mundur identifikimi i plotë i të gjitha subjekteve të hetimit.

Më konkretisht, më datë 25 tetor 2022, është bërë identifikimi i subjektit dhe pas autorizimit të marrë për lejimin e ushtrimit të kontrolleve të vendit, së bashku me Njësinë “C” të Krimit Kibernetik të Drejtorisë së Përgjithshme të Policisë së Shtetit, dhe partnerët e Policisë italiane, është ndërhyrë në subjektin call center, në rrugën “Dritan Hoxha”, ku janë kryer të gjitha veprimet hetimore procedurale.

Në vijimësi të këtij procedimi, pas ekpertimit të pajisjeve elektronike të sekuestruara, ka rezultuar se në këtë veprimtari kriminale janë të implikuar disa shtetas.

Më datë 26.07.2023, nga Seksioni për Hetimin e Krimeve Ekonomiko-Fiananciare, në bashkëpunim me Prokurorinë e Posaçme Kundër Korrupsionit dhe Krimit të Organizuar, në funksion të vendimit nr. 92 të datës 21.07.2023 të Gjykatës së Shkallës së Parë për Korrupsion dhe Krimin e Organizuar, janë ekzekutuar 9 masa sigurie, nga të cilat 5 “Arrest në burg”, dhe 4 “Arrest në shtëpi”.

Janë ekzekutuar masat e sigurimit personal “Arrest në burg”, për shtetasit Hamit Dobi, Erion Kastrati, Aldo Pasku, Gjin Shelnishta, dhe Mojsi Zuna.

Janë ekzekutuar masat e sigurimit personal “Arrest në shtëpi”, për shtetasit Greta Gjoci, Olta Toci, Rezarta Ibrahimi dhe Silvana Veliu.

Gjithashtu janë shpallur në kërkim shtetasit B. Ç., O. C., B. GJ., A. M., dhe F. B.

Nga verifikimet e kryera ka rezultuar se shtetasi B. Ç., ka dalë jashtë territorit të Republikës së Shqipërisë më datë 23.07.2023 nga Pika e Kalimit Kufitar Kakavijë, ndërsa shtetasja A. M., më datë 27.10.2022, nga Pika e Kalimit Kufitar Rinas.

Në kuadër të këtij procedimi janë kontrolluar 12 banesa dhe janë sekuestruar pajisje të ndryshme kompjuterike (telefona, laptopë, USB dhe pajisje për prodhimin e Bitcoin), të cilat kanë kaluar për ekspertim kompjuterik në laboratorin pranë Sektorit të Ekzaminimeve Kompjuterike në Prokurorinë e Posaçme.bw

Operacion i përbashkët Shqipëri-Itali, SPAK lëshon disa urdhërarreste: Mes të arrestuarve prokurorë, policë e biznesmenë

SPAK është duke zhvilluar një operacion të përbashkët me autoritetet italiane. Deri tani janë lëshuar disa urdhërarreste. Operacioni është në vijim e sipër.

Janë duke u ushtruar kontrolle banesash pasi aksioni i SPAK është i shtrirë në disa qytete. Dyshohet se mes të arrestuarve ka prokurorë dhe policë.

Në pranga janë vendosur biznesmeni Pëllumb Gjoka, ish-drejtuesi i Operacionales, Olti Bistri dhe drejtuesi i Prokurorisë së Kukësit, Xhevahir Lita.

Megjithatë deri tani nuk ka shumë detaje rreth këtij operacioni. Për këtë, SPAK ka paralajmëruar një konferencë për shtyp në orën 10:00 ku do të japë detaje të hollësishme rreth këtij hetimi.

Fitoi gjyqin në Strasburg, qeveria paguan dëmshpërblimin për ish-prokuroren Antoneta Sevdari

Një ndër vendimet e marra në mbledhjen e sotme të Këshillit të Ministrave, është ai që i hap rrugë pagesave për llogari të ish-anëtares së Këshillit të Lartë të Prokurorisë, Antoneta Sevdari.

Ish-prokurorja u shkarkua nga Kolegji i Posaçëm i Apelimit më 28 shkurt 2019, por ia doli të triumfojë në Gjykatën e Strasburgut, ku vetting-u doli ngelës.

Më 13 dhjetor të vitit të shkuar ‘Strasburgu’ doli në konkluzionin se ka pasur shkelje gjatë procesit të vlerësimit ndaj ish-anëtares së KLP-së, Drejtësia europiane vendosi që shteti shqiptar të dëmshpërblejë të gjitha shpenzimet e kryera gjatë procesit nga ana e prokurores së shkarkuar.

Sipas përllogaritjeve për llogari të Sevdarit do të shkojnë 19.600 euro që lidhen me dëmin pasuror dhe jopasuror, si dhe 5.000 euro për kostot dhe shpenzimet. Për ekzekutimin e vendimit të Gjykatës Evropiane për të Drejtat e Njeriut, është caktuar përgjegjëse Ministria e Financave.

VENDIMI PËR EKZEKUTIMIN E VENDIMIT TË GJYKATËS EVROPIANE PËR TË DREJTAT E NJERIUT, DATË 13.12.2022, PËR ÇËSHTJEN ‘SEVDARI KUNDËR SHQIPËRISË’ (PËR KËRKESËN NR.40662/19)

Në mbështetje të nenit 100 të Kushtetutës, të nenit 46, të Konventës Evropiane për Mbrojtjen e të Drejtave të Njeriut dhe Lirive Themelore, ratifikuar me ligjin nr.8137, datë 31.7.1996, ‘Për ratifikimin e Konventës Evropiane për Mbrojtjen e të Drejtave të Njeriut dhe Lirive Themelore’, të neneve 5 e 45, të ligjit nr.9936, datë 26.6.2008, ‘Për menaxhimin e sistemit buxhetor në Republikën e Shqipërisë’, të ndryshuar, dhe të nenit 14, të ligjit nr.84/2022, ‘Për buxhetin e vitit 2023’, me propozimin e Kryeministrit, Këshilli i Ministrave

V E N D O S I:

1. Ekzekutimin e vendimit të Gjykatës Evropiane për të Drejtat e Njeriut, datë 13.12.2022, për çështjen ‘Sevdari kundër Shqipërisë’, kërkesa nr.40662/19, përfundimtar në datën 13.3.2023, në shumën 19 600 (nëntëmbëdhjetë mijë e gjashtëqind) euro, në lidhje me dëmin pasuror dhe jopasuror, si dhe në shumën 5 000 (pesë mijë) euro, në lidhje me kostot dhe shpenzimet, plus çdo taksë që mund të jetë e aplikueshme.

2. Vlera e përcaktuar si detyrim në pikën 1, të këtij vendimi, konvertohet në lekë, në bazë të kursit të këmbimit të bankës ku depozitohet shuma në datën e kryerjes së pagesës.

3. Vlera e përcaktuar si detyrim në pikën 1, të këtij vendimi, depozitohet në një nga bankat e nivelit të dytë, në emër të kërkueses Antoneta Sevdari, në vlerën që shteti shqiptar detyrohet, sipas vendimit përfundimtar të Gjykatës Evropiane për të Drejtat e Njeriut, datë 13.12.2022, ‘Sevdari kundër Shqipërisë’, kërkesa nr.40662/19.

4. Pagimi i shumës të depozituar, sipas përcaktimeve në pikën 3, të këtij vendimi, në favor të kërkueses Antoneta Sevdari, bëhet nga Ministria e Financave dhe Ekonomisë, pas paraqitjes së dokumentacionit të nevojshëm ligjor për kryerjen e pagesave nga buxheti i shtetit, brenda afatit 3-mujor nga dita kur vendimi i gjykatës është bërë përfundimtar.

5. Mbi shumën e përcaktuar në pikën 1, të këtij vendimi, duke filluar nga data 13.6.2023 deri në datën e ekzekutimit të këtij vendimi, paguhen interesa të thjeshta, të barabarta me kursin margjinal të huas së Bankës Qendrore Evropiane, gjatë periudhës së mospagimit, plus 3 (tre) %.

6. Efektet financiare, të parashikuara për ekzekutimin e këtij vendimi, përballohen nga fondi rezervë i buxhetit të shtetit, për vitin 2023.

7. Ngarkohet Ministria e Financave dhe Ekonomisë për zbatimin e këtij vendimi.

Ky vendim hyn në fuqi menjëherë dhe botohet në ‘Fletoren zyrtare’.

K R Y E M I N I S T R I

EDI RAMA

Në mungesë dhe me porosi

ZËVENDËSKRYEMINISTRI

BELINDA BALLUKU

Shtyrja e mandatit të Gjinushit në Akademinë e Shkencave, Fuga letër presidentit Begaj: Po ndyhet Kushtetuta, arsyet pse nuk duhet miratuar

Akademiku Artan Fuga i ka dërguar një letër presidentit të vendit, Bajram Begaj në lidhje me vendimin e shtyrjes së mandatit të Skënder Gjinushit, kryetarit të Akademisë së Shkencave, të cilën e ka quajtur nënshkelje të ligjit.

Në letrën drejtuar presidentit, Fuga shkruan se pa ndarjen e vërtetë të pushteteve, Shqipëria rrezikon të vidhet bashkë me kombin. Sakaq i ka bërë thirrje presidentit Begaj për mos miratimin e projektligjit, pasi sipas tij po merret nëpër këmbë Kuvendi dhe ndyhet Kushtetuta e Shqipërisë.

Letra e Artan Fugës drejtuar presidentit Bajram Begaj:

Zotit Bajram Begaj

President i Republikës
Tiranë, 27 korrik 2023

Pa ndarjen e vërtetë të pushteteve Shqipëria rrezikon të vidhiset, bashkë me kombin, zoti President !

I nderuar zoti President i Republikës,

Po ju drejtohem si Profesor, anëtar i Akademisë së Shkencave, si studiues, dhe si qytetar.
Sipas procedurave kushtetuese Kuvendi i Shqipërisë ka detyrë dhe detyrim të dërgojë për miratimin Tuaj të projekt-ligjit me bashkautor deputetët I. Beqiraj dhe P. Koçi Lidhur me disa ndryshime të ligjit në fuqi për Akademinë e Shkencave në Republikën e Shqipërisë.

Pikërisht këtë projektligj dëshiroj me shqetësim qytetar të denoncoj përpara Jush publikisht, duke pasur nderin dhe detyrën t’Ju informoj sa vijon :

Sigurisht nuk do të prek çështjen se sa i dobishëm ose shkatërrues është ky projektligj i kaluar aty nga ora 5 e mëngjesit, jashtë rendit të ditës të parashikuar sipas Rregullores të Kuvendit, në seancën e fundit të tij për këtë sezon, së bashku me atë që quhet ligji për kanabisin dhe për diplomat e studentëve të mjekësisë. Nisem vetëm nga aspekte proceduriale të shkelura me të dy këmbët në votimin e këtij ligji sikurse edhe në të gjithë procesin e ndërtimit legjislativ të tij. Sidomos mbetem i shqetësuar për shkeljet kushtetuese dhe të logjikës minimale juridike që çdo jurist i paanshëm do ta kishin bërë të zinte kokën me duar! Drejtohet te Ju sepse vlerësoj rolin Tuaj si garant i shtetit ligjor në Shqipëri, si edhe me detyra dhe kompetenca të mëdha si Kryetar i Shtetit për të mbrojtur Kushtetutën.

Pa hyrë në hollësi që besoj se ata që kanë kompetencën do t’ua bëjnë me dije, theksoj se projektligji Beqiraj – Koçi karakterizohet nga tre anë thelbësore që e nxjerrin në dritë faktin që ai shkel me të dy këmbët atë që quhet “vello e ligjit”, pra, që ligji nuk bëhet të përfitojnë një ose pesë vetë, nuk bëhet i drejtuar te një ose disa individë që legjislatori i di se kush janë, por ka karakter universal, pra sikurse drejtësia, është dhe duhet të jetë i verbër.

Ky projektligji i votuar në 5 të mëngjesit kërkon : a. Anëtarët e Kryesisë së Akademisë së Shkencave të kenë të drejtë, në kundërshtim me ligjin në fuqi të marrin mandate njëri pas tjetrit, pra përkeqëson rrotacionin në institucion, që dihet se është vlerë bazë e demokracisë. Monopoli i pushtetit është karakteristikë e institucioneve dogmatike, të ngurta, autoritariste, dhe në shkencë është krejtësisht i dëmshëm. b. Kryetari i Akademisë së Shkencave mund të qëndrojë në post edhe 75 vjeç, edhe 80 vjeç, në kundërshtim me ligjin sot në fuqi që i ndërpret mandatin, si kudo tjetër në institucionet publike kur arrihet një moshë e caktuar, pas mbush të 75 vjetët. c. Ky projektligj duhej votuar në 5 të mëngjesit, sepse duhej të hynte sa më shpejt në fuqi, urgjentisht, në kohën që Akademia e Shkencave do të duhej të ishte në proces zgjedhjesh. Pra, duhej të hynte në fuqi pikërisht para zgjedhjeve duke ndryshuar “rregullat e lojës”. Kuptohet, sikurse e ka kuptuar i gjithë opinioni publik se projektligji Beqiraj – Koçi, jo vetëm i mungon “velloja e ligjit”, por është krejt i zhveshur, është lakuriq, nga paanësia, nga karakteri universal që një ligj duhet të përmbajë.

Pa hyrë në hollësi, më lejoni zoti President t’Ju informoj që ky projektligj shkel rëndë Kushtetutën e Shqipërisë, konkretisht nenin 18 të saj që garanton barazinë e qytetarëve para ligjit. Ndërsa ligja për Akademinë e Shkencave detyron që të gjithë anëtarët e asamblesë së saj shpallen “Emeritus”, pra nuk mund të zgjidhen në detyra drejtuese, përkundrazi çlirohen nga të drejta dhe detyrime, vetëm kryetari, “mbinjeriu”, kushdo që të zgjidhet, privilegjohet, dhe nuk preket nga kufizimet që ligja parashikon për të gjithë bashkëmoshatarët e tij.
Ky projektligj u votua ndërkohë që në procesin ligjbërës u morën nëpër këmbë të gjitha procedurat që Rregullorja e Kuvendit parashikon, urdhëron të zbatohen, për votimin e ndryshimeve ligjore. Mbi të gjitha zoti Petro Koçi, në konflikt të rëndë interesi, autor i projektligjit, si zëvendëskryetar i Komisionit të medias dhe të edukimit në Kuvend, organizoi një mbledhje të komisionit, në dijeninë time, jashtë çdo rregulli institucional. Mjafton që juristët Tuaj, zoti President, të ndjekin ecurinë e ngjarjes në Kuvend për të konstatuar lehtësisht se në këtë rast zotëria ka ushtruar ndikime dhe ka ushtruar kompetenca të uzurpuara legjislative për të bërë të kalojë projektligji që mban edhe nënshkrimin e Tij.

Gjithçka del qartë në dritë po të lexohet me kujdes deklarata e dorëheqjes të z. P. Koçi në media, ku ai zi mbi të bardhë ka pohuar se e bën këtë akt për të qetësuar ndërgjegjen e tij politike, dhe dorëhiqet sepse kolegët e tij, si edhe opozita, nuk pranonin ta kalonin projektligjin e tij me procedurat në fuqi!!!

Zoti President, është hera e dytë që ligje që vijnë si ndryshime dhe arnime për ligjin në fuqi për Akademinë e Shkencave, marrin nëpër këmbë institucionet e Republikës. Katër vite më parë ligji në fuqi u ndryshua për të nxjerrë jashtë loje Presidentin e Republikës në emërimin e Kryetarit të ASH, sikurse e parashikon Kushtetuta. Çudia e radhës, marrja nëpër këmbë e Presidentit në përgjithësi, konsiston në atë që vullneti i Tij për dekretet e emërimeve, i cili kufizohet vetëm nga Kushtetuta, pra ka vlerë të pakthyeshme edhe nga vetë Kuvendi, në rastin e ASH hidhet në kosh edhe nga gjysma e anëtarëve të asamblesë të ASH. Praktikisht ligja për ASH e bën Kushtetutën një letër pa vlerë, e cila i jep Presidentit të Republikës atë që ja merr një ligj i veçantë, pra që duhet të nën-vendosej ndaj Kushtetutës.
Katër vite më vonë, përsëri për një projektligj që çimenton pushtetin e kryesimit në ASH po merren nëpër këmbë Rregullorja e Kuvendit, Kushtetuta, pra Kuvendi si institucion i shtetit. Mbi të gjitha po merret nëpër këmbë logjika njerëzore, sepse ligji i ASH tani me projektligjin Beqiraj – Koçi është bërë krejt kontradiktor, mohon atë që pohon, dhe pohon atë që mohon. Pas 75 vjetëve akademiku del në pension, por edhe bëhet Kryetar i ASH !!! Po bëhet si me thënë qesharak!

Këtë natyrë qesharake, unë e mirëkuptoj, mund të mos e vësh re nëse je pa gjumë, në ora 5 të mëngjesit, por gjithsesi e vërteta mbetet. Shkarazi mendoj që pas orës maksimumi 24 e darkës, asnjë ligj të mos votohet në Kuvendin e Shqipërisë. Po ashtu, ky projektligj bën që në mënyrën më alogjike të jetë kryetar i ASH dikush që nuk është anëtar i Asamblesë me të drejta të plota. Është njësoj sikur dikush që nuk është qytetar shqiptar, të pretendonte të zgjidhej kryetar i shtetit tonë!

I nderuar zoti President, problemi është bërë thelbësor, sepse marrja nëpër këmbë e Kuvendit, uzurpimi i kompetencave të Presidentit të Republikës, tani po bëhet duke u justifikuar me koncepte të rrezikshme për demokracinë shqiptare. Po thuhet se vota është më e fuqishme se ligji. Që do të thotë se me votë mund të merret nëpër këmbë çdo normë ligjore, proçeduriale, çdo përcaktueshmëri ligjore, afate zgjedhjesh, kufizime pushtetore që jep ligji, etj. Këtë koncept po e shprehin hapur institucione të interesuara, si edhe deputetë që shkeljet proceduriale i justifikojnë gjoja me “stabilitetin e institucioneve”!

I nderuar zoti President, unë Ju drejtohem me këtë parashtresë duke shpresuar se Ju nuk do ta miratoni këtë projektligj sepse ai veçse është qesharak, merr nëpër këmbë Kuvendin e Shqipërisë, ndyn Kushtetutën e Shqipërisë, bie ndesh me logjikën juridike më elementare që do ta kishte bërë çdo jurist të paanshëm të vinte duart në kokë, është në vazhdën e ndryshimeve ligjore që morën nëpër këmbë kompetencat e Presidentit të Republikës, si edhe sepse Shqipëria ka nevojë për një ndarje reale pushtetesh. Përndryshe rrezikon të vidhiset, bashkë me kombin.
Ndihet nevoja urgjente që kur Kuvendi i Shqipërisë nxitohet, vihet nën presion, kur deputetë të caktuar e manipulojnë atë duke shkelur me të dy këmbët procedura ligjore, nuk ka kërkush tjetër, veç Jush, sikurse Kushtetuta e parashikon, të kërkoni që të rikthehet ligjshmëria! Përndryshe, ndarja e pushteteve në Shqipëri do të ishte vetëm një fasadë, dhe nga kjo asnjë shqiptar, e ritheksoj, asnjë, nuk do të shihte dot një të ardhme të mirë për kombin dhe vendin e vet!

Me konsiderata të veçanta,

Artan Fuga

Konfindustria: Ndërprerja nga BE e 110 milionë eurove, ndëshkim për legalizimin e kanabisit!

“Konfindustria kërkon marrjen e masave ndëshkuese të jashtëzakonshme në të gjithë nivelet qeverisëse, përgjegjëse për skandalin e ndërprerjes nga BE për arsye korrupsioni masiv dhe keqmenaxhimi të financimeve dhuratë në bujqësi, agroindustri dhe agroturizëm”. Kjo deklaratë u bë nga Administratori i Përgjithshëm i Konfindustrisë, z. Gjergj Buxhuku.

Ndër të tjera, Konfindustria ka dyshime të forta se përveç arsyeve të dhëna publikisht nga KE për ndërprerjen e financimit prej 110 milionë eurosh për bujqësinë shqiptare, arsye të lidhura me korrupsionin në programin përkatës, “vendimi mund të jetë dhe ndëshkim për ekzekutivin shqiptar lidhur me miratimin e ligjit të lejimit të prodhimit të kanabisit”, thuhet në vazhdim.

Ndiqni deklaratën e plotë të z. Buxhuku, lëshuar sot dhe ku shprehet qendrimi i Konfindustrisë mbi këtë skandal:

Skandali në fjalë është provë nga më të rëndësishmet e deritashme për të treguar për qytetarët shqiptarë dhe partnerët ndërkombëtarë për shkallën e efektivitetit të reformës në drejtësi.

Konfindustria vlerëson, se përvec arsyeve të bëra publike nga Komisioni i BE për ndërprerjen e pagesave për IPARD2 në vazhdim si dhe pezullimit të mbi 110 milionë euro financime të IPARD3, vendimi mund të jetë dhe ndëshkim për ekzekutivin shqiptar lidhur me miratimin e ligjit të lejimit të prodhimit të kanabisit.

Vendimi i ndërprerjes së financimeve të BE për programin IPARD u shpall vetëm disa ditë para se Kuvendi i Shqipërisë të miratonte ligjin e shumë kundërshtuar të prodhimit të kanabisit mjekësor.

Në këtë rast Shqipëria mund të ketë marrë edhe paralajmërim të qartë negativ për vazhdimin e negociatave të anëtarësimit në BE.

Konfindustria vlerëson se skandali i korrupsionit dhe i keqmenaxhimit të agjencive qeveritare të financimeve prej qindra milionë euro dhuratë nga BE rrënon imazhin e vendit, prek themelet e demokracisë dhe është me pasoja të rënda për biznesin, fermerët, prodhimin vendor dhe ekonominë kombëtare në afatgjatë.”

Bardhi: Përjashtimi i mbi 50 mijë anëtarëve, damkë turpi për ata që po urdhërojnë shndërrimin e PD në parti private

Sekretari i Përgjithshëm i PD, Gazment Bardhi në një reagim të bërë në Twitter deklaroi se ‘akti i përjashtimit të mbi 50 mijë anëtarëve me të drejtë vote, është damkë turpi mbi ata që po urdhërojnë zvogëlimin e PD për ta shndërruar atë në një parti private’.

Duke iu referuar zgjedhjeve të 29 korrikut për kreun e ri të Partisë Demokratike, Bardhit thotë se PD ka nevojë të forcohet dhe jo të zvogëlohet.

“PD ka nevojë të forcohet dhe jo të zvogëlohet. Ka nevojë për të afruar anëtarë dhe jo për të përjashtuar. Akti i përjashtimit të mbi 50 mijë anëtarëve me të drejtë vote është një damkë turpi mbi ata që po urdhërojnë zvogëlimin e PD për ta shndërruar atë në një parti private! Kjo është një rrugë e gabuar dhe nuk është garanci për të ardhmen. Është dëm me pasoja të rënda për PD nga sjellje të së shkuarës së saj”, shprehet ai.bw

Gjana: 50 mijë anëtarë të PD nuk janë aktivë, i hoqëm nga lista

Lulzim Basha thyen një tjetër rekord. Pasi mbajti peng vulën dhe logon e Partisë Demokratike e përjashtoi deputetë e figura kryesore, sot ka përjashtuar edhe anëtarësinë. Jemin Gjana, në emër të Bashës, njoftoi se janë përjashtuar mbi 50 mijë anëtarë, të cilët sipas tij nuk janë aktiv në parti. Gjana ka shprehur euforizëm, pas makinacionit të radhës, për rrëmbimin e vulës edhe nga Gazmend Bardhi.

SYRI TV

Pasi mbajti peng vulën, përjashtoi deputetë dhe drejtues kryesor, Lulzim Basha kryen një tjetër akt të paprecedent, duke përjashtuar edhe anëtarët e Partisë Demokratike. Pasi në shërbim të Bashës, uli në pallatin e kongresit 5006 delegatë në 1958 karrige, Jemin Gjana komunikoj sot se kanë përjashtuar nga Partia Demokratike mbi 50 mijë anëtarë. Sipas Gjanës, këta anëtarë nuk kanë të drejtë vote, e nuk mund të jenë pjesë e procesit fars të Lulzim Bashës, për të vijuar pengmarrjen e logos së Partisë.

Ndërsa komunikoi urdhrin e Lulzim Bashës për të përjashtuar anëtarësinë e Partisë Demokratike, Jemin Gjana konfirmoi edhe një tjetër fakt, që nuk kanë as njerëz për të hapur qendra votimi në çdo degë, e ndaj do të hapet një numër i kufizuar qendrash, për çuarjen përpara të procesit fars.

Jemin Gjana pranoi se e gjithë farsa, e cila u refuzua edhe nga Gazmend Bardhi dhe deputetët e tjerë, është bërë vetëm me qëllimin për të mbajtur vulën e Partisë Demokratike.

Tragjedi në Velipojë: Mbytet 20-vjeçari Arlind Sylja

Mbytet një 20-vjeçar nga Shkodra në plazhin e Velipojës. Bëhet me dije se viktima është shtetasi Arlind Sylja.

Sipas informacioneve të para, i riu ka dalë nga uji në një gjendje të rënduar shëndetësore.

Menjëherë ka mbërritur ambulanca e qendrës shëndetësore të Velipojës duke i dhënë ndihmën e parë, por 20-vjeçari nuk ka mundur të mbijetojë.

Policia ka nisur hetimet për zbardhjen e plotë të ngjarjes, e përsëritur në disa raste në plazhet shqiptare.

Dyshohet se i riu ka pasur komplikacione shëndetësore ndërsa do të jetë ekspertiza mjeko-ligjore që do të përcaktojë shkakun e vdekjes.

Ky vit ka shënuar dhjetëra raste të mbyturish në det e liqene, ku jo më larg se në fundjavë u mbytën 4 persona në liqenin e Banjës në Gramsh.

Flakët kanë përfshirë Korfuzin, evakuohen 17 fshatra

Greqia është në pushtetin e zjarreve prej disa ditës.

Mediat shkruajnë se flakët janë përhapur me shpejtësi në zonën Perithia në veri të Korfuzit , një ishull grek në detin Jon.

Sipas mediave mësohet se autoritetet deri më tani kanë evakuuar 17 fshatra, roja bregdetare ka shpëtuar 59 persona që ndodheshin në plazhin e Nisakut.

Zjarrfikësit punuan gjatë gjithë natës për të parandaluar që flakët të arrinin në shtëpi.

Ligji për Akademinë e Shkencave- Petro Koçi dorëhiqet si nënkryetar në Komisionin e Edukimit: I fyer dhe i zhgënjyer edhe nga kolegët e PS

Deputeti socialist Petro Koçi, ka dhënë dorëheqjen nga posti i nënkryetarit të Komisionit të Edukimit.

Lajmi e ka bërë vetë të ditur në një postim në ‘Facebook’. Ai gjithashtu është shprehur i zhgënjyer edhe nga qëndrimi i disa deputetëve të mazhorancës gjatë kalimit të ligjit për Akademinë e Shkencave në Komision.

REAGIMI I PLOTË:

Zoti Koçi, ne ambientin parlamentar perflitet se ju kini dhene doreheqjen para disa kohesh nga pozicioni i nekryetarit te Komisionit te Edukimit dhe Mjeteve te Informimit Publik. I mbeteni akoma te njejtit qendrim pasi projektligji juaj tashme kaloi ne seancen parlamentare?

Sigurisht qe po. Ne daten 11 Korrik ne mbledhjen e Komisionit u shqyrtua projektligji i iniciuar prej meje dhe zotit Beqiraj. Nje projekt qe gezonte mbeshtetjen e shumices se komunitetit akademik. Ne perfundim te mbledhjes une deklarova doreheqjen per dy arsye. E para sepse projektligji nuk u hodh ne votim me manovren e largimit te deputeteve te opozites dhe reduktimt te prezences deri ne mungese kuorumi. E dyta sepse disa kolege te maxhorances mbajten qendrime me ekuivok duke e mundesuar taktiken e opozites per te rrezuar kuorumin. E konsiderova fyerje si sjelljen e opozites ashtu edhe ate te kolegeve te mi. Une nuk pres vota pro nga opozita, sepse as nuk dua te ndihen te kompromentuar. Por moslejimin e votimit nuk e pranoj. Kjo eshte kunder rregullores dhe normalitetit. Marrja e pushkeve politike kunder Gjinushit nuk mund te cenoje proceduren parlamentare. Prandaj deklarova doreheqjen. Mendoj se ndodhi te tilla nuk mund te kalojne pa pasoja. Dhe terheqja ime nuk ka lidhje me fatin e nje projektligji por me fatin e procedures dhe rregullit parlamentar.
Ne pozicionin e anetarit te thjeshte neper komisione do kem serish te njejtin angazhim parimor.
Edhe nese per kete doreheqje nuk e vret njeri derrin ne ate komision, per mua ka rendesi qetesia e ndergjegjies time politike.
Faleminderit!bw

Mbyllet procesi i votimit për kreun e Bashkisë së Rrogozhinës, pjesëmarrja më e lartë se në 14 maj

Është mbyllur procesi i votimit për kreun e Bashkisë në Rrogozhinë. Gazetari Osman Stafa tha për ‘BalkanWeb’ se në këto zgjedhje ka pasur rreth 1100 votues më shumë se në zgjedhjet e 14 majit.

“Mund të themi se kemi surprizë nga Rrogozhina pasi janë rreth 1100 votues më shumë se në zgjedhjet e 14 majit. Pritet për t’u parë edhe se si do të shkojë numërimi”, tha gazetari Osman Stafa.

Gjithashtu gazetari Osman Stafa theksoi se janë raportuar tre katër raste që kanë tentuar të fotografojnë votën dhe se këta persona rrezikojnë të penalizohen.

Sot Rrogozhina voton për kryebashkiakun e ri

Janë hapur qendrat e votimit në Bashkinë e Rrogozhinës, qytetarët e së cilës do të zgjedhin kryetarin e ri të bashkisë.

Rreth 33 mijë qytetarë të Rrogozhinës janë thirrur sërish në votime.

Në garë do të jenë sërish Edison Memolla i Partisë Socialiste dhe Shkëlqim Hoxha i koalicionit opozitar ‘Bashkë Fitojmë’.

Ky vendim u dha pasi Kolegji Zgjedhor urdhëroi përsëritjen e zgjedhjeve lokale në Rrogozhinë duke shpallur të pavlefshëm rezultatin e votimeve të 14 majit.

Kutia e burgut të Rrogozhinës u bë shkak për përsëritjen e zgjedhjeve në këtë bashki dhe nesër përtej kërkesës së PS-së, të burgosurit nuk do të votojnë.

Burime zyrtare nga Policia bëjnë me dije se në Drejtorinë Vendore të Policisë Durrës dhe në Komisariatin e Policisë Kavajë, janë ngritur Grupet e Drejtimit për mbarëvajtjen e procesit zgjedhor si dhe menaxhimin e çdo lloj situate.

Tragjedia me 4 viktima- Shefi i zjarrfikëses: Liqeni ka gropa të rrezikshme

Babai, dy djemtë e tij, 19 e 14 vjeç dhe nipi 20 vjeç kanë dashur të ndihmojnë njëri-tjetrin, por nuk kanë mundur t’ia dalin. Tërheqja ka qenë më e fortë dhe të katërt janë mbytur.

Shefi i zjarrfikëses së Gramshit, Ilir Llapushi zbulon se çfarë mund të ketë ndodhur pasditen e 21 korrikut 2023 në liqenin e Hidrocentralit të Banjës në fshatin Drizë të Gramshit, me Arben Zogun, 46 vjeç, Rubensin 19 vjeç dhe Estin e vogël 14 vjeç si dhe nipin e tij Melsi Zogu, 20-vjeç..

“Kanë tërhequr njëri-tjetrin. Është mbytur i pari, ka shkuar tjetri për ta ndihmuar, dhe më pas tjetri dhe më pas djali tjetër. Nuk kanë ditur not”.

Liqeni i HEC-it të Banjës karakterizohet nga gropa, për të cilat duket se asnjë nga viktimat nuk ka qenë në dijeni.

“Këtu fatkeqësisht ka pasur disa gropa që janë bërë në kohën e bërjes së HEC=it të Banjës. Kanë marrë dhe për HEC-in. Kur janë futur për t’u larë, nuk kanë ditur gjë për gropat dhe kanë tërhequr njëri tjetrin”.

Liqeni i HEC të Banjës nuk frekuentohet për të bërë plazh dhe për shefin e zjarrfikëses kjo tragjedi është e papritur.

“Në këtë liqen nuk lahet njeri. Këtu nuk është plazh. Ata nuk e di mbase kanë ardhur për peshk, nuk e di. Ne patrullojmë vazhdimisht këtu dhe këtu nuk lahet njeri. Edhe dje ishim. Patrullojmë liqenin me gomone, por fatkeqësisht sot nuk erdhëm”, tregon më tej .

Ai ka një apel për të gjithë, kujdes nëse nuk dini not. “Një që nuk di not, nuk duhet të futet në liqen sepse është shumë e rrezikshme”.

Policia u njoftua rreth orës 19:00 nga familjarët për zhdukjen e tyre, ndërsa vonë u arrit nxjerrja e trupave të pajetë nga liqeni. Polumbarëve të RENEA-s u janë dashur rreth 90 minuta kërkime për të gjetur trupat e pajetë të babait, dy djemve të tij dhe nipit 20 vjeçar.

Zbulohet marrëveshja, Britania do t’i paguajë Shqipërisë 4.6 milionë euro në vit për të marrë të burgosurit më të rrezikshëm shqiptarë

BRITANI E MADHE

Britania e Madhe do t’i paguajë Shqipërisë së paku 4.6 milionë euro në vit për të marrë të burgosurit më të rrezikshëm shqiptarë në burgjet e saj sipas marrëveshjes së ratifikuar këtë javë.

Detajet e dokumentit zyrtar të marrëveshjes së finalizuar janë publikuar nga gazeta The Telegraph. Nga 200 të burgosur që do të transferohen nëpër burgjet shqiptare, 17 janë të dënuar me burgim të përjetshëm, ndërsa tetë shqiptarë janë dënuar për përdhunim.Mes të dënuarve është Koçi Selamaj, i dënuar me 36 vjet burg për vrasjen e mësueses britanike Sabina Nesa. Mësuesja 28-vjeçare u rrah dhe u mbyt pa asnjë arsye në një park te Londrës dy vite më parë.

Selamaj ka vuajtur deri më tani dy vjet, që do të thotë së Britania e Madhe do t’i paguajë shqiptarëve 470.000 euro për ta burgosur për 34 vitet e mbetura të dënimit të tij.

Mes 15 vrasësve është edhe 35-vjeçari Erlin Hasa i burgosur për vrasjen e rumunit 43-vjeçar. Pasi konsumuan kokainë ne një feste Hasa sulmoi 62 here me thike rumunin në një rrugë në Birmingham-it.

Sipas marrëveshjes qeveria britanike do t’i japë Shqipërisë edhe 5 milionë euro për logjistikën sigurinë dhe trajnimin e gardianëve. Telegraf shkruan Britanikët kanë kërkuar garanci se të drejtat e njeriut të të burgosurve shqiptarë do të mbrohen, ndërsa shqiptarët kanë kërkuar që ata të paguhen përpara se të pranojnë grupin e radhës të kriminelëve.

Një grup pune do të ngrihet për të monitoruar dhe parandaluar keqtrajtimin e të burgosurve. Sipas marrëveshjes qeveria shqiptare do përpilojë raporte vjetore për gjendjen e të burgosurve dhe për kushtet e tyre ndërsa qeveria britanike ka të drejtë të inspektojë burgjet.

Largimi i të burgosurve shqiptarë do të ndihmojë në zbutjen e krizës për mbipopullimin e burgjeve britanike por do të kursejë në të njëjtën kohë edhe lekët e taksapaguesve britanikë.bw

Seanca e fundit e sesionit- Kuvendi miraton në orët e para të mëngjesit projektligjet për studentët e Mjekësisë, legalizimin e kanabisit dhe Akademinë e Shkencave

Kuvendi i Shqipërisë me 69 pro, 23 kundër dhe 3 abstenim, miraton ligjin që i hap rrugë kultivimit dhe përpunimit të kanabisit dhe prodhimit të nënprodukteve të tij, për qëllime mjekësore dhe industrial.

Po ashtu u miratua me 71 pro dhe 23 kundër dhe ligji i cili u jep mbështetje studentëve të mjekësisë të cilët pas studimeve vendosin të kontribuojnë në vendin tonë për një periudhë 2-3 apo 5 vjeçare.

Po ashtu u votuan dhe disa ndryshime në ligjin për akademinë e shkencave.

Në fund të një seancë plenare maratonë, e cila nisi në orën 10:00 e që përfundoi në orën 04:40 të mëngjesit të së premtes, duke i dhënë fund edhe sesionit parlamentar, votoi pikat e rendit të ditës. Prezentë në proces votimi ishin 95 deputetë të pranishëm.

Po ashtu u miratua ligji për pensionet, ku pensionistët që punojnë s’do paguajnë kontribute. U miratua dhe ligji i ri për tatimet mbi të ardhurat, një ligj që ndihmon eksportuesit.

Gjatë kësaj seance plenare u votuan miratimin e ligjit Për administrimin e objekteve të konfiskuara si ndërtime pa leje, me qëllim përdorimin e tyre për interes publik apo strehim social, si dhe zbutjen e pasojave sociale të shkaktuara”. Po ashtu dhe ligjin për strehimin social. Një ligj tjetër i miratuar ishte dhe ai që redukton taksën për ndërtimin e objekteve bujqësore.

Ligjet dhe aktet normative të miratuara gjatë seancës së fundit plenare të këtij sesioni parlamentar.

-Akt normativ nr. 2, datë 7.6.2023 “Për disa shtesa në ligjin nr. 29/2023, “Për tatimin mbi të ardhurat”” (89 vota pro 4 abstenim 0 kundër)

-Akt normativ nr. 3, datë 21.6.2023 “Për disa ndryshime në aktin normativ nr.1, datë 20.3.2019, të -Këshillit të Ministrave, “Për pjesëmarrjen e personelit të Forcave të Armatosura të Republikës së Shqipërisë në misionin e Kombeve të Bashkuara në Sudanin e Jugut (UNMISS)”, miratuar me ligjin nr. 23/2019” (95 pro, 0 kundër)

-Akt normativ nr. 4, datë 21.6.2023 “Për pjesëmarrjen e personelit të Forcave të Armatosura të Republikës së Shqipërisë në misionin e Kombeve të Bashkuara në Abyei (UNISFA)” (94 vota pro, 1 abstenim)

– Projektligj “Për trajtimin e veçantë të studenteve që ndjekin programin e integruar të studimit të ciklit të dytë “Mjekësi e përgjithshme” në institucionet publike të arsimit të lartë” (71 pro, 23 kundër)

-Projektligj “Për kontrollin e kultivimit dhe përpunimit të bimës së cannabis-it dhe prodhimit të nënprodukteve të saj për qëllime mjekësore dhe industriale (69 pro, 23 kundër, 3 abstenim)

-Projektligj “Për disa shtesa dhe ndryshime në ligjin nr.113/2020, “Për shtetësinë”” (72 pro, 22 kundër dhe 1 abstenim)

-Për disa shtesa dhe ndryshime në ligjin nr.157/2013, “Për masat kundër financimit të terrorizimit”, të ndryshuar (74 pro, 20 kundër, 1 abstenim

-Projektligj “Për disa shtesa dhe ndryshime në ligjin nr. 7703, datë 11.5.1993, “Për sigurimet shoqërore në Republikën e Shqipërisë”, të ndryshuar (84 pro, 4 kundër, 3 abstenim)

-Projektligj “Për administrimin e objekteve të konfiskuara si ndërtime pa leje, me qëllim përdorimin e tyre për interes publik apo strehim social, si dhe zbutjen e pasojave sociale të shkaktuara” (71 pro, 23 kundër, 0 abstenim)

-Projektligj “Për një ndryshim dhe disa shtesa në ligjin nr. 9632, datë 30.10.2006, “Për sistemin e taksave vendore””, i ndryshuar (72 pro, 17 kundër, 1 abstenim)

-Projektligji për disa ndryshime në ligjin për “Akademinë e Shkencave” (70 pro, 23 kundër, 2 abstenim)

SPAK i dorëzon Policisë urdhërarrestin për Arben Ahmetajn

GJKKO ka miratuar që prej ditës së diel kërkesën e prokurorisë për arrestimin e Arben Ahmetajn.

Gjykata e Posaçme, bashkë me lejen e kontrollit të banesave të Ahmetajt dhe familjarëve të tij si dhe sekuestrimin e disa pasurive, ka firmosur edhe urdhër arrest për të.

Burime për BalkanWeb bëjnë me dije se ky urdhër zyrtarisht nuk i është dorëzuar policisë. Sakaq mësohet se SPAK i ka kërkuar informacion policisë për vendndodhjen e Ahmetajt.

Konfirmohet zyrtarisht, Lini në Pogradec, vendbanimi më i vjetër në Europë

Rezultatet e gërmimeve mbi 4-vjeçare të arkeologëve shqiptarë dhe atyre nga Universiteti i Bernës kanë konfirmuar se vendbanimi i Linit në Pogradec është më i vjetri në Europë, mbi 8500-vjeçar.

Albert Hafner, arkeolog nga Zvicra, thotë se kemi të bëjmë me një vendbanim që zhvillonte bujqësinë 8 deri në 9 mijë vjet më parë, që më pas është përhapur në Itali dhe në të gjithë Europën. Ai thotë se ky vendbanim është rreth 2 mijë vjet më i vjetër se ato të gjetura në Zvicër.

“Njohuritë që kemi fituar në Zvicër do t’i zhvendosim këtu për të vijuar më tej me gërmime që të kemi më shumë të reja mbi vendbanimin më të vjetër në Europë. Ne duam të dimë datat e sakta të këtij vendbanimi. Këtu është zhvilluar bujqësia, që më pas është zhvendosur në Itali dhe në të gjithë Europën”, shprehet arkeologu zviceran.

Për arkeologun shqiptar Adrian Anastasi, ky është jo vetëm një zbulim i madh, pasi edhe rezultatet e kanë konfirmuar. Ai shkon më tej kur thotë se të gjitha gjetjet mund të vendosen në Pogradec, apo edhe në forma digjitale në funksion të turizmit arkeologjik.

“Ky vendbanim rezulton të jetë më i vjetri në Europë. Kjo është e lidhur edhe me ngritjen e disa pyetjeve për të ardhmen. Pse këta njerëz vendosën të kalonin në vendbanime në breg të liqenit? Këto janë pjesë të studimit. Ne, nga viti në vit, gjithmonë kemi rezultate, të cilat janë befasuese edhe për ne, siç është edhe rasti i këtij viti”, tha arkeologu shqiptar.

E pranishme në prezantimin e rezultateve, ambasadorja zvicerane në vendin tonë u shpreh e lumtur që Zvicra është pjesë e kërkimeve, ndërsa shtoi se këto gjetje mund të jenë një formë shumë e mirë për të thithur edhe më shumë turistë zviceranë.

Gërmimet në vendbanimin palafit të Linit tashmë po zhvillohen në ujë, pasi ai ka qenë i ndërtuar mbi drurë në tokë dhe liqen. Ndërkohë, ka të dhëna se një vendbanim i tillë është edhe pranë kufirit aktual me Maqedoninë e Veriut.

Projekti i inceneratorit të Tiranës u propozua nga Erion Veliaj, thotë SPAK Nga Ola Xama

Në janar të vitit 2016, kryetari i Bashkisë së Tiranës, Erion Veliaj i dërgoi një propozim qeverisë për mundësinë e përfshirjes së sektorit privat në fushën e menaxhimit dhe trajtimit të mbetjeve urbane të kryeqytetit, përmes një kontrate të partneritetit publik-privat, PPP.

Përmes një shkrese të dërguar në adresë të ministrit të atëhershëm të Financave, Shkëlqim Cani, Veliaj e mbështet idenë në një studim fizibiliteti të hartuar nga Korporata Financiare Ndërkombëtare, IFC, për PPP dhe një studim të Korporatës Ndërkombëtare Japoneze, JICA, për zgjerimin e venddepozitmit të mbetjeve në Sharrë.

“…kërkohet miratimi i Ministrisë së Financave për këtë nismë, e cila do të sigurojë një shërbim cilësor dhe sipas standardeve europiane për qytetarët dhe mjedisin në Tiranë,” thuhet në shkresën e kryebashkiakut Veliaj.

Kryebashkiaku Veliaj ka mohuar publikisht në të shkuarën se ka pasur rol aktiv në procedurat e koncesionit të mbetjeve në Tiranë, por dokumentet hetimore të Prokurorisë së Posaçme, të siguruara nga BIRN, tregojnë se Veliaj ishte nismëtari i këtij projekti dhe se propozimi i tij i hapi dritën jeshile koncesionit të inceneratorit të Tiranës.

Gjithsesi, propozimi i Veliajt u prit fillimisht me rrudhje vetullash në qeveri.

Hetimet e Prokurorisë tregojnë se fllimisht ministri Shkëlqim Cani dhe më pas Arben Ahmetaj u bënë barrikadë ndaj propozimit të bashkisë së Tiranës, duke sjellë si rezultat përfshirjen e Ministrisë së Mjedisit në procedura. Bashkë me Ministrinë e Mjedisit, në projekt u përfshi edhe Klodian Zoto.

Veliaj nuk iu përgjigj pyetjeve të BIRN deri në publikimin e këtij shkrimi.* Në një reagim dërguar 24 orë pas publikimit të shkrimit, kryetari bashkisë së Tiranës Erion Veliaj pretendoi se propozimi tij për PPP për trajtimin e mbetjeve në Sharrë ishte i bazuar në projektin e IFC-së ‘që ka nisur në kohën e Lulit’ dhe nuk ka lidhje me kontratën koncesionare që po hetohet aktualisht nga SPAK.

“Për projektin e IFC, që e gjeta të kryer në Bashki me 37eu toni, i kam shkruar qeverisë dhe e ka refuzuar. Me të drejtë! Kohë më pas vjen propozimi i pakërkuar në qeveri i kësaj që sot është në SPAK!” shkruan Veliaj.

Refuzimi i Ahmetajt

Shkëlqim Cani u largua nga detyra e ministrit të Financave në shkurt të vitit 2016 dhe u zëvendësua nga Arben Ahmetaj. Kryebashkiaku i Tiranës, Erion Veliaj i dërgon shkresën me propozimin për ndërtimin me PPP të inceneratorit ministrit të ri.

Dosja hetimore zbulon se shkresa ka të njëjtën përmbajtje me atë të janarit, me shtesën e vetme ku thuhet se është dërguar edhe një studim fizibiliteti. Ahmetaj nuk e miraton propozimin pasi sipas tij: “mungon argumentimi nëse projekti i propozuar me PPP ka kosto më të lirë se në rastin se do të bëhej me prokurim publik me fondet e shtetit.”

Negociatat për miratimin e projektit i merr më pas në dorë Ministria e Mjedisit.

Një email i datës 2 mars 2016, i sekuestruar nga prokuroria në komjuterin e Klodian Zotos tregon se një punonjës i Ministrisë së Mjedisit, Vladimir Bezhani, i kishte dërguar atij një dokument me titull “Bashkia Tiranë”.

Dokumenti është një shkresë e ish-ministrit të Mjedisit, Lefter Koka drejtuar Erion Veliajt ku shpreh dakordësinë me propozimin e bashkisë së Tiranës dhe sugjeron ngritjen e një grupi pune të përbashkët. Bezhani i drejtohet Zotos me fjalët: “Shikoje dhe më thuaj nëse je dakord.”

Ministria e Mjedisit dërgon sërish në Ministrinë e Financave një argument se pse varianti PPP do të ishte më i lirë sesa prokurimi me fondet e shtetit, por refuzohet sërish. Sipas SPAK, argumenti u shkrua nga Klodian Zoto.

Drejtorja e Përgjithsme e Buxhetit në Ministrinë e Financave, Mimoza Dhëmbi argumentoi se projekt-vendimi kishte karakter individual dhe si i tillë ishte jashtë fushës së përgjegjësisë së Drejtorisë së Përgjithshme të Buxhetit.” Të njëjtin argumentim në refuzim përdori dhe ministri Ahmetaj në përgjigjen që i dërgon Ministrisë së Mjedisit.

Ahmetaj refuzon disa herë të tjera dhënien e miratimit si ministri përgjegjëse për tavanet buxhetore dhe implikimet financiare të projekteve në partneritet publik- privat me argumentin se nuk është e qartë se kush do të bëjë pagesat, me çfarë fondesh do të bëhet shpronësimi i tokës për zgjerimin e landfillit dhe se norma e kthimit të përhershëm të investimit (IRR) është llogaritur gabim 5%, kur në fakt rezulton të jetë 8%.

Këtë shkresë, punonjësja e Ministrisë së Mjedisit, Alba Thoma ia dërgon ish-sekretarit të Përgjithshëm të Ministrisë së Mjedisit, Alqi Bllako shoqëruar me tekstin “Ufffffffff”. Shkresën e dërgon më pas në emailin personal të saj dhe ia dërgon Klodian Zotos.

Zoto i dërgon më pas një email Alba Thomës në janar 2017, ku shkruhet “Përgjigje përfundimtare MF nga MM”.

Kjo përgjigje e shkruar nga Zoto do të përdorej për t’u dërguar në Ministrinë e Financave nga Ministria e Mjedisit dhe sqaronte se mbështetjen buxhetore për impiantin ta mbante qeveria qëndrore, duke qënë se bashkitë në qarkun Tiranë nuk kishin mundësi të përballon kostot.

Ministria e Financave refuzon sërish dhënien e miratimit.

Pas kësaj ideje, ministri Koka i dërgon një letër tjetër Arben Ahmetajt, ku sqaron se shpenzimet për shpronësimin e tokës dhe pagesat për mbetjet që përpunohen do të përballohen nga vetë bashkia me fondet e transfertave të pakushtëzuara që bën buxheti.

Ahmetaj kërkon shkresën e miratimit me shkrim nga qarku Tiranë, sipas modelit financiar që kishte dërguar Ministria e Mjedisit. Më 27 mars 2017, Erion Veliaj i dërgon miratimin sekretarit të Përgjithshëm të Ministrisë së Mjedisit, Alqi Bllako.

Ahmetaj refuzon ta miratojë derisa Ministria e Mjedisit ia dërgon me email shkresën e dhënies së miratimit nga Erion Veliaj. Ai më pas i hap rrugë procedurës duke u shprehur “pa komente”. Përgjigjja dërgohet 16 minuta më vonë nga Alba Thoma në adresën e emailit të Klodian Zotos. Sipas hetimit të SPAK, “Ahmetaj nuk e pengon këtë procedurë pavarësisht problemeve që ajo paraqiste”.

Zoto dhe Mërtiri pas inceneratorit të Tiranës

Dokumentat hetimore të Prokurorisë së Posaçme sugjerojnë se e gjithë procedura për marrjen e koncesionit të inceneratorit të Tiranës është drejtuar dhe koordinuar nga Klodian Zoto dhe Mirel Mërtiri dhe se pas premtimit të marrë nga zyrtarët, ata kanë nisur kërkimet për gjetjen e kompanive “prestigjoze” në fushën e menaxhimit të mbetjeve.

Gjatë administrimit të materialeve të gjetura në kompjuterin e Klodian Zotos, hetuesit kanë hasur një dokument të krijuar në datën 15 qershor 2016 me autor Vladimir Bezhanin, punonjës i Ministrisë së Mjedisit. Bëhet fjalë për një letër në gjuhën angleze, që pasi e kishte punuar Bezhani, Zoto e kishte modifikuar.

“Letra iu drejtohej Ministrit të Mjedisit, Lefter Koka dhe kryetarit të Bashkisë Tiranë, Erion Veliaj, ku parashtrohej se shoqëritë Energy Recuperator S.p.a; Demare S.r.l; Arcadis S.r.l; Paul Wurth S.a dhe ITS sh.p.k, të specializuara në ndërtimin e landfilleve, ndërtimin e inceneratorëve etj., paraqesin letër interesi për menaxhimin e integruar të mbetjeve të bashkisë Tiranë,” thuhet në dosje.

Dosja tregon se Zoto nuk hartoi vetëm letrën e interesit në emër të kompanive, por edhe kriteret që do të vendoseshin në garë, edhe pse oferta e pakërkuar kishte marrë pikë bonus. Në një email drejtuar Alba Thomës në prill 2017, Zoto shkruan: “Kam lënë disa komente, sepse duhet të plotësohen nga ju. S’kanë të bëjnë me kriteret.” Më pas Zoto angazhohet në gjetjen e kompanisë që do të mbushë kriteret e tenderit dhe ia dërgon miqve të tij të huaj.

Sipas SPAK, kompania koncesionare “Integrated Energy BV SPV ka ortak të vetëm kompaninë hollandeze “Integrated Energy BV” dhe në vitin 2017, drejtues kryesorë të saj ishin Klodian Zoto dhe Giuseppe Ciaffaglione, ky i fundit i shpallur në kërkim na drejtësia për aferën e inceneratorit të Fierit.

Oferta e kompanisë Integrated Energy BV SPV u klasifikua nga komisioni i Vlerësimit të Ofertave me 100 pikë nga 100 të mundshmet.

Dosja tregon rrugën se si Klodian Zoto dërgonte me email nenet e kontratës dhe përditësonte ish-sekretarin e Përgjithshëm, Alqi Bllako me vendime që merrte Këshilli Bashkiak Tiranë për kontratën.

Më 21 shtator 2017, në emailin e Zotos mbërrin një email me materiale nga Këshilli Bashkiak i Tiranës.

“Në brendësi ndodhej një shkresë – draft e Këshillit Bashkiak Tiranë, që autorizon kreun e bashkisë së Tiranës të firmosë angazhimet e njësive vendore të qarkut Tiranë konfrom kontratës së koncesionit të firmosur nga ministri i Mjedisit,” thuhet në dosje.

Shkrimi është përditësuar për të reflektuar reagimin e Erion Veliajt.

Vdiq në spital në Spanjë 3 vite më parë, përfundon kalvari i familjes së të riut shqiptar, sillet në atdhe zemra e Saimir Sulës

Pas 3 vitesh e dy muajsh sillet në Shqipëri zemra e Saimir Sulës, të riut shqiptar që humbi jetën në fillim të pandemisë së COVID-19 në një spital në Spanjë. Kujtojmë se vetëm pak ditë më parë Spanja iu drejtua Shqipërisë pas kërkesës për zemrën e të riut shqiptar, ku kërkonte informacion për mënyrën si do të tërheqë organin.

Ministria e Drejtësisë, Prokuroria e Tiranës dhe Prokuroria e Përgjithshme në bashkëpunim me autoritetet spanjolle të drejtësisë realizuan me sukses procesin e riatdhesimit të zemrës të të ndjerit z. Saimir Sula në datën 15 korrik 2023 pranë Institutit të Mjekësisë Ligjore, Tiranë.

Më datë 12 korrik 2023 një grup përfaqësuesish nga Ministria e Drejtësisë, Prokuroria e Tiranës, Prokuroria e Përgjithshme, Instituti i Mjekësisë Ligjore, përfaqësuesi i Ambasadës Shqiptare në Madrid, kanë marrë në dorëzim nga pala spanjolle, organin (zemrën) e të ndjerit Saimir Sula dhe kanë përfunduar të gjithë procedurën e nevojshme sipas standardeve të parashikuara në aktet ndërkombëtare dhe legjislacionin procedural – penal të të dy vendeve.

Sipas MD, transporti për në Shqipëri është kryer konform procedurës së përcaktuar dhe për transportin e zemrës janë përdorur mjetet e fundit teknologjike për procedura të tilla me vështirësi teknike.

Deklaratë e përbashkët Ministria e Drejtësisë dhe Prokuroria e Përgjithshme
Përfundon me sukses procesi për riatdhesimin e zemrës për të ndjerin Saimir Sula

Në vijim të deklaratës për shtyp të Ministrisë së Drejtësisë në lidhje me çështjen e kërkesës së znj. Majlinda Sula për kthimin e zemrës së vëllait të ndjerë Saimir Sula, nga Barcelona (Spanjë) në Shqipëri, njoftojmë se:

Me anë të ke saj deklarate të përbashkët, Ministria e Drejtësisë në cilësinë e koordinatorit të procesit, Prokuroria e Përgjithshme në cilësinë e autoritetit kompetent, në bashkëpunim me autoritetet spanjolle të drejtësisë informojnë mediat dhe opinionin publik se, ditën e sotme ka përfunduar me sukses procesi për kthimin e zemrës të të ndjerit z. Saimir Sula në Shqipëri.

Transporti për në Shqipëri është kryer konform procedurës së përcaktuar dhe për transportin e zemrës janë përdorur mjetet e fundit teknologjike për procedura të tilla me vështirësi teknike.

Ministria e Drejtësisë ka qenë në koordinim të vazhdueshëm me autoritetet spanjolle, por vetëm në maj 2023 u mor vendimi nga Gjykata 16 e Barcelonës për lejimin e riatdhesimit të organit (zemrës). Prokuroria e Tiranës në kohë rekord nga momenti i njoftimit të këtij vendimi në bashkëpunim me Ministrinë e Drejtësisë dhe Prokurorinë e Përgjithshme morën masat për realizimin e procedurës së riatdhesimit të zemrës. Prokurori i çështjes, njëkohësisht, në përmmbushje të detyrimeve ligjore njoftoi familjarët për praninë gjatë procesit të riatdhësimit.

Duke marrë në konsideratë ndjeshmërinë publike të këtij rasti, Ministria e Drejtësisë ka qenë në koordinim të vazhdueshëm me autoritetet spanjolle për të garantuar riatdhesimin e organit (zemrës). Nga ana tjetër, Ministria e Drejtësisë ka informuar vazhdimisht në mënyrë transparente familjarët, konform kufizimeve ligjore, sekretit hetimor, në kushtet ku çështja është në proces nga Prokuroria e Tiranës.

Ne e mirëkuptojmë emocionalitetin dhe dhimbjen e familjarëve dhe në rastin konkret MD vetëm lehtëson procesin në bashkëpunim me Prokurorinë e Tiranës. Ministria e Drejtësisë ka kryer detyrën e saj në këtë proces si autoritet qendror, me transparencë të plotë, ndjenjë të lartë përgjegjësie dhe humanizmi. Nga ky moment i takon Prokurorisë së Tiranës dhe Institutit të Mjekësisë Ligjore, të kryejnë të gjitha veprimet hetimore të mëtejshme.

Gjejmë rastin të falënderojmë edhe autoritetet e drejtësisë spanjolle, të cilët kanë përshpejtuar dhe mbështetur deri në realizimin me sukses të riatdhetësimit të organit (zemrës) të të ndjerit Saimir Sula.

SPAK kërkon arrestimin e tij, avokati i Ahmetajt: Ndodhet në Angli pranë familjes

Avokati i Arben Ahmetajt ka reaguar për mediat duke thënë se ish-ministri ndodhet në Angli.

Henrik Ligori ka deklaruar se Ahmetaj ndodhet pranë familjes së tij, dhe se do të kthehet në Shqipëri kur të ketë lirinë.

Kujtojmë se sot në një seancë të posaçme, opozita dhe mazhoranca votuan pro heqjes së imunitetit, duke i hapur rrugë SPAK për ta arrestuar.bw

‘Rrezikon 15 vite burg’- Bardhi: Ahmetaj të bëhet i penduar, koka e aferës është Edi Rama

Kreu i grupit të PD, Gazment Bardhi, u shpreh në seancën e jashtëzakonshme të kësaj të premteje se Arben Ahmetaj rrezikon jo më pak se 15 vite burg.

Ai i bëri thirrje Ahmetajt të bëhët bashkëpunëtor i drejtësisë. Sipas Bardhit, koka e inceneratorëve është Edi Rama.

“Ish-zëvendëskryeministri i vendit, krahu i djathtë i Edi Ramës, njeriu i tij më i besuar, rrezikon jo më pak se 15 vite burg, jo vetëm për korrupsion, jo vetëm për shpërdorim detyre, por dhe për pastrim parash përmes transaksioneve kriminale me dy bosët e inceneratorëve. Pjesë e këtij hetimi do të duhet të jetë edhe koka e kësaj afere, i cili është Edi Rama. Pa ndihmën e kryeministrit askush nuk mund të miratonte 17 vendime brenda ditës. E ftoj Ahmetajn të bëhet bashkëpunëtor i drejtësisë”, tha Bardhi.

Deputeti demokrat kërkoi nga kryetarja e Kuvendit të jepte informacion ku ndodhet ish-zv. kryeministri Arben Ahmetaj. Në përgjigjen e saj, Lindita Nikolla deklaroi se nuk ka informacion ku ndodhet deputeti dhe shtoi se prania e tij në Kuvend është një e drejtë dhe jo një detyrim.

“Personi që mundësoi daljen e tij jashtë vendit është Rama, nuk mund të arratiset me paratë e shqiptarëve në vend, të vuajë dënimin për shërbimet ndaj Ramës,” tha Bardhi.

Më herët, Sali Berisha u shpreh se në mungesë të Ahmetajt në sallë, Edi Rama duhet t’u përgjigjet pyetjeve.

“Në mungesë, për shkak të arratisjes së zëvendëskryeministrit, i cili duhet të ishte në sallë për t’iu përgjigjur pyetjeve, unë propozoj që të gjitha pyetjeve do t’u përgjigjet bosi i tij, Edi Rama”, tha Sali Berisha.

Në momentin që Berisha mori fjalën, Edi Rama u largua nga salla e Kuvendit.

Kërkesa e SPAK për arrestimin e Ahmetajt, ja cilët janë tre deputetët që abstenuan

Kuvendi ka miratuar me 117 vota pro dhe 3 abstenime kërkesën e SPAK për arrestimin e Arben Ahmetajt.

Sipas tabulateve të votimeve, rezulton se tre votat abstenim kanë qenë kreu i PBDNJ-së, Vangjel Dule, kryetari i PAA-së, Agron Duka dhe kryetari i Partisë Republikane, Fatmir Mediu.

Nga të paktat raste kur ka votuar, i pranishëm sot ishte dhe kryeministri Rama i cili ka dhënë votën pro kërkesës së SPAK.bw

Artan Fuga: Grusht shteti institucional, shkatërrohen zgjedhjet e ligjshme në Akademinë e Shkencave!

Akademiku Artan Fuga iu ka bërë thirrje deputetëve, akademikëve, opinionit publik, mediave të ngrihen në këmbë kundër asaj që po ndodh në Akademinë e Shkencave. Pas disa deklaratave publike, Fuga thekson se si në një grusht shteti, janë shkatërruar përfundimisht zgjedhjet e ligjshme në Akademinë e Shkencave!

POSTIMI I PLOTË
Komunikatë për mediat
Si në një grusht shteti, janë shkatërruar përfundimisht zgjedhjet e ligjshme në Akademinë e Shkencave!
Për dijeni Opinionit Publik dhe mediave, deputetëve të Kuvendit të Shqipërisë.

Veçanërisht deputetëve anëtarë të Komisionit të Mediave dhe Edukimit
Për dijeni Kryetares së Kuvendit zonjës Lindita Nikolla
Kryeministrit të Shqipërisë Edi Rama
Anëtarëve të Asamblesë të Akademisë së Shkencave

Ju bëj me dijeni se zgjedhjet e Kryetarit dhe nënkryetarit të Akademisë së Shkencave, pra të drejtuesve kryesorë të saj, janë bllokuar, janë penguar, duke bërë çmos që ato të mos bëhen sipas ligjit dhe statutit të Akademisë së Shkencave.

Nëse do të bënim një analogji me shkatërrimin, sabotimin, ndalimin e bërjes sipas ligjit të zgjedhjeve kur bëhet fjala për një shtet, në këtë rast do të flisnim për një grusht shteti institucional.

Mandati i nënkryetarit të Akademisë së Shkencave, pas një afati katërvjeçar sikurse e parashikon ligji, ka përfunduar që përpara dy muajsh. Kurse mandati i Kryetari të Akademisë së Shkencave, i cili përfundon në më pak se 100 orët e ardhshme, nuk mjafton për të bërë zgjedhje sipas ligjit dhe statutit në Akademinë e Shkencave. Statuti i saj, në nenin 15 të tij, me titull “Zgjedhja e Kryetarit”, thekson se “Dita e votimit caktohet 30 ditë para mbarimit të afatit të mandatit të Kryetarit paraardhës.”. Pra duhet të ishte caktuar e shumta që në datën 19 qershor 2023, si afat i fundit. Pasi ka kaluar ajo datë, zgjedhjet e ligjshme për kryetarin dhe zëvendëskryetarin e ASH janë hedhur në erë.

Aq më shumë që neni 17, me titull “Votimi” parashikon qartë se “1. Mbledhjen për zgjedhjen e Kryetarit të ri e hap dhe e drejton Kryetari i Akademisë së Shkencave…”.
Cili Kryetar do ta hapë mbledhjen për votimet, kur personi që mban vulën e Kryetarit aktualisht, në atë kohë do të jetë pa asnjë mandat?

Në këtë mënyrë jo vetëm zgjedhjet e rregullta sipas ligjit janë hedhur në erë, por edhe janë bërë të pamundura sipas ligjit dhe statutit në fuqi.
Një numër parimesh dhe të drejtash janë shkelmuar me këmbë. Janë ndaluar pra kandidatët e rinj për të ushtruar të drejtën që u jep ligji për të shpalosur platformat e tyre dhe prezantuar përpara Asamblesë.
Kryesia në kundërshtim me ligjin dhe statutin po pengon Asamblenë të kryejë detyrat e saj. Përtej çdo norme ligjore, anëtarë të kryesisë të Akademisë së Shkencave nuk kanë deklaruar përfundimin e mandatit të tyre.

Mund të bëhen të gjitha hamendjet se përse ndodh ky “grusht” institucional në Akademinë e Shkencave të Republikës së Shqipërisë që po përsërit atë të vitit 2019. Por, nuk ka vend për hamendje.

Kryesia e Akademisë së Shkencave dhe Kryetari i saj, nga njëra anë kanë bllokuar faktikisht procesin zgjedhor të ligjshëm në Akademinë e Shkencave, nga ana tjetër, me anë të deputetëve Petro Koçi dhe Ismet Beqiraj, po ushtrojnë presione dhe me praktika legjislative jo sipas Rregullores dhe ligjeve në fuqi, në trysni kohe, duke vendosur nën presion Komisionin e Edukimit dhe Mediave në Kuvendin e Shqipërisë, si edhe Kryetaren e tij, për për ta ndryshuar me çdo kusht, tani, sot a nesër, ligjin në fuqi për Akademinë e Shkencave.

Procesi legjislativ po i ngjan një ambulance që si e marrë endet me buri në formë alarmi për të kapur orët e fundit të një të sëmuri, orë që në fakt kanë kaluar. Procesi legjislativ po i ngjan një zjarrfikëse të marrë që me drita të kuqe po lemeris dynjanë duke dashur të kapë kohën për të shuar flakët që ligja vendos për këdo që dëshiron ta shkelë atë.

Qëllimi është të ndryshojnë mënyrat, moshat, kriteret e kandidimit për drejtues në Akademinë e Shkencave. E gjithë përpjekja e deputetëve Petro Koci dhe Ismet Beqiraj ka si rezultat që t’u jepet mundësia drejtuesve aktualë të ASH, të cilët kanë bllokuar zgjedhjet në Akademi, për të kandiduar përsëri në kundërshtim me ligjet në fuqi.

Skandali që kërkojnë të bëjnë persona të veçantë në Kuvendin e Shqipërisë dhe në Akademinë e Shkencave është që pikërisht në kohën kur kandidatët e rinj duhej të kishin hyrë në zgjedhje për drejtimin e Akademisë së Shkencave në respekt të ligjit dhe të Statutit të saj, këta persona synojnë ta ndryshojnë ligjin pikërisht në kohën e zgjedhjeve.

E paparë në histori që nga kohët barbare!
Këto monstruozitete, ky skandal i madh, këto pabesi ndaj ligjit, betimit, opinionit publik që po ndodhin pa e çojnë përfundimisht drejt shkatërrimit reputacionin e legjislativit, e institucioneve shkencore dhe të zgjedhurve. Për çfarë interesash të vogla, urie për pushtet, ambicieje, aleancash politike të ndyra, publiku dhe deputetët të paguajnë këtë haraç të rëndë!

Nga kush kanë frikë që hedhin në erë procesin zgjedhor të ligjshëm!
Është koha dhe detyra për ta ndalur këtë akt të rëndë që po kryhet në sytë tanë! Çfarë është një vjedhje apo korrupsion i një njeriu të veçantë përpara kësaj që po ndodh kur po hidhet në erë një agjenci që duhej të ishte më e ndritura në vend; çfarë është një vjedhje bankomati, çfarë është një rrahje me litar a me shkopinj bejsbolli para përdhunimit kaq monstruoz të ligjit dhe procedurave legjislative, para shkatërrimit të shtetit ligjor dhe demokracisë në vend.

Unë po bëj detyrën time duke alarmuar gjithkënd. Unë i bëj thirrjet deputetëve, akademikëve, opinionit publik, mediave të ngrihen në këmbë kundër kësaj që po ndodh! Unë i bëj thirrje zonjës Kryetare të Kuvendit të Shqipërisë që të bëhet barrikadë, sikurse ia kërkon detyra dhe dinjiteti, përballë kësaj drame institucionale zgjatimet e së cilës shtrihen edhe në Kuvendin e Shqipërisë. I bëj thirrje të gjithë deputetëve të ndershëm në Komisionin e Mediave dhe Edukimit të Kuvendit të Shqipërisë që t’i thonë “Ndal!” kësaj loje që po luhet në kurrizin e tyre.

Të gjithë e dinë, por pak bëjnë sikurse nuk shohin se çfarë drame e rëndë është duke u luajtur në Pallatin e Ligjit të shqiptarëve!
Në ditët në vazhdim unë do të nxjerr fakte të reja për ta nxjerrë në dritë plotësisht çka më sipër,
Me përshëndetje qytetare,
Akademik
Prof. dr. Artan Fuga

Sot seancë e posaçme për heqjen e imunitetit të tij, reagon Arben Ahmetaj

Ndërsa sot pritet të zhvillohet seanca e posaçme për heqjen e imunitetit të Arben Ahmetajt për t’i hapur rrugë SPAK për arrestimin e tij, ky i fundit ka reaguar në Facebook.

Reagimi i plotë:

Të dashur qytetarë të Vendit tim,

Të dashur votues të mi e të Partisë Socialiste,

Te dashur Miq e Armiq njelloj

Sot është dita kur Parlamenti do votojë heqjen e imunitetit tim, dhe autorizimin e arrestimit tim. Mendova qe të ndaja me votuesit e mi kryesisht, dhe me të gjithë qytetarët këtë mesazh.

Votuesve të mi:

Juve që më votuat në Tirane në 2005, juve që më votuat në Korcë në 2009, juve që më votuat në 2013 në Gjirokastrën time, në Përmetin tim e në Tepelenën time, juve që më votuat në Rrogozhinën time e në Kavajën time në 2017, juve që më votuat në Njësinë nr. 4 në Tiranë, e në gjithë qarkun e Tiranës në 2021 :

Faleminderit nga zemra!

Shpresoj e lutem ta kem justifikuar besimin tuaj. Në mendje ju kisha pikrisht juve, që kur ideova e hartuam taksën progresive që i dha të drejtë të gjithë atyre që paguheshin më pak e paguanin më shumë. Shpresoj të kam bërë më të mirën time kur mora përsipër Ministrinë e Ekonomisë dhe marrëdhëniet me sipërmarrjen, e më vonë edhe turizmin. Frytet t’i gëzojë vendi, sipërmarrja e qytetarët e zakonshëm.

Shpresoj të kem bërë më të mirën kur mora përsipër Financat në një periudhë tejet të vështirë për ekonominë e vendit dhe i dorëzova në kulmin e rritjes reale. Shpresoj të kem bërë më të mirën me Rindërtimin, kur mijëra e mijëra familje ngelën rrugëve pas tërmetit të 26 Nëntorit 2019. S’kam për ta harruar atë nënën në Vaqarr që qante me lot kur hyri në shtëpi falas, e prone e vetë, e si ajo mijëra familje. Shpresoj të kem bërë më të mirën dhe me pandeminë, me sipërmarrjen dhe me rendjen së bashku me kolegë, për vaksinat që nga India, Jordania, Anglia, Amerika e Turqia e gjithandej për të shpëtuar jetët e qytetarëve të vendit tim. Shpresoj të kem bërë më të mirën si ZvKM, me ideimin dhe fillimin e dixhitaliziit të kadastrës, apo dhe statelitët Albania1 e Albania2 që, sic thotë Niko i Lesajve, po më ndjekin mua në “arrati”. Jam munduar të bej më të mirën.

Kush qeveris e punon, nuk është kurrë dot perfekt. Ju kërkoj ndjesë dhe për këtë.

Une nuk hyj tek “fytyrat e bukura” që ngjaj bukur në TV, dhe të ngjall perceptim pozitiv, sic rëndom ndodh me këdo që refuzon të ikë nga ekrani duke treguar bëma të bëra e pa bëra. Fatkeësisht, ose fatmirësisht, s’jam i tillë. Nëna dhe Babai më kanë dhënë një fytyrë krejt të zakonshme. Ndoshta serioziteti im në punë mund të jetë marrë dhe për arrogancë, s’ka qenë i tillë kurrë, kush me njeh nga afër, e di mirë këtë. Gjithsesi, ndjesë dhe për këtë.

Falenderoj dhe Kolegët e mi të mazhorancës dhe opozitës për nxitimin e treguar këtë javë. I “miërkuptoj” për këtë, sepse politika dhe drejtësia e re e akoma e hershme për t’u quajtur e maturuar, kërkojn statistika. Sic tha dhe avokati im “Populizmi gjyqësor e penal në ngjitje është më i rrezikshëm se sa populizmi politik, për shkak se humbet e i mungon legjitimiteti demokratik”. Avokati im në Këshillin e Mandateve citoi një thënie të vjetër nga Franca “E shoh që dy zgjidhje të mundshme ka në tavolinë, ose do të bjerë koka e mbretit, ose ju do të duhet të pranoni dështimin e revolucionit”.

Unë jo e jo që s’kam gjak blu, por jam një njeri tejet i zakonshëm, me gjak nga Gjirokastra, Vlora, Korca, Rrogozhina, Kavaja, Lezha, Kukësi e Tropoja nëse doni. Dhe lutem e shpresoj që Drejtësia e Re që unë e kam mbështetur e votuar me të dyja duart, të mos deformohet nën presionin e politikës dhe statistikës.

E kam perjetuar diku me qetësi, diku me “buzëqeshje të brendshme”, diku me revoltë të brendshme, nxitimin triumfues të largimit një vit më parë, totalisht një sinjal për “të gjitha kafshët e pyllit”, kërcënimin me demek indirekt në një forum partie “se do ikja në të s’ëmës”, habinë dhe thyerjen kur mora vesh se kush nga “tanët” ( së bashku me ata që më duan të vdekur, sic tha Fevziu në Opinion përpara disa muajsh), promovuan mercenarët të shërbenin kundër meje, “marrjen peng” të bashkëjeteueses time dhe ish-bashkëshortes time, e më pas kontrollet spektakolare të emetuara si të ishin kallëpe të dala nga goja, e banesave, ku lajmi shkonte më parë në media sesa procesverbali në zyrat e institucionit, të qenit një “black falling star” në një media kombëtare që e kam dashur dhe respektuar shumë (meqë ra fjala, dhe lufta në Kosove dikur zgjati më pak në media se sa emri im servirur nga Spin Doktor/doctors si gjellë e helmuar e përditshme), pastaj disa “falanga” të dala nga kuadri i ligjit që nuhasnin gjurmët e mia. Në shume vende demokratike ku Spin doctor/doctors nuk do arrijnë të strukturojne mesazhin…kjo quhet “PËRNDJEKJE”. Ka një nen në Kodin penal, ndoshta 121, ndoshta 128.

Ahhh, harrova se si filloi, me frikën dhe stopimin e 90% të atyre që punoja në nivelet e larta në politikë apo ekzekutiv, e që dikur ndoshta i kam mbështetur e promovuar (me ato mundësi të miat), për të bërë atë që kishim bërë ndër vite, të ishim miq e shokë. I kuptoj që “duhet” të kishin e kenë frikë, ndoshta. Nuk i mirëkuptoj, po e di që ishte gjendur “armiku” që do dimensionohej e ridimensionohej më pas në shumë episode.

Dua te sqaroj qytetaret dhe mbi te gjitha votuesit e mi per ca dyshohem, apo sic kanë qejf disa gazetare opinioniste e politikane akuzohem:

1. Per njohje te hershme me nje njeri i cili kur une e kam njohur ka qene njeri normal e ne punen e vet. Nuk e di e s’marr persiper te bej gjyqtarin, për cfarë ka bere ne jete ky njeri. Po nuk besoj se njohja me dike qe ndoshta drejtesia e akuzon, te ben te akuzuar apo bashkëpuntor.

Une ne pune time ne opozite dhe me pas ne qeveri kam pas kontakte me gati 100 perqind te bizneseve te vendit. Mijëra mengjese pune, dreka pune, darka pune, takime pune kane dhene frytet e tyre ne politikat e zhvillimit te vendit. Mendimet dhe kontributet e tyre kane marrë qindra here formen e nismave ligjore ne funksion te zhvillimit te vendit.

Nje gazetar qe vleresoj shume per profesionalizmin, ka thene diku qe “ckodimi i Blackberry ka zbuluar”…

Bisedat e mija sic e theksova dhe dje jane krej normale dhe impotente ne raport me favorizimin apo lobimin, aq me teper ne opozite

2. Se ish bashkshortja ime (qe ska punuar kurre ne nje institucion shteteror) ka shitur metra katrore, prone e deklaruar ne deklaraten time te pasurise, ne treg te lire, si korrupsion???? Pronen e familjes te deklaruar me burime te verifikuara, si korrupsion?? Hetim kujt ja ka shitur pronen??

Nena ime ne 2006 ja ka shitur shtepine tone motres time, qe jeton gati 17 vite atje. Quhet fictive???

3. Se bashkjetuesja ime (qe ka 20 vite qe punon ne sektorin privat) dhe familja e saj ka blere prone ne Hamallaj, me transaksion te paster e te verifikuar bankar. Mercenaret e kapur ne flagrance kan pretenduar se ka qene prone e Klodian Zotos. Bejeni kete pyetje publikisht. Klodian Zoto, qe ska qene kurre miku im, se ka pasur kurre prone, e ska paguar kurre nje cent per kte prone, qe me pas te ishte ne gjendje te falte e dhuronte kte prone. Verifikojeni se esht kollaj te mos e duash “fytyren e ngrysur” timen ne perceptim.

4. Se kam bere alokime e rialokime me kerkese gjithmone te ministrive te linje, si minister financash. Ejj Ministri i Financave ben gati 2000 rialokime e alokime e celje investimesh ne vit. Kush e njef ligjin e Buxhetit qesh me kte akuze. I lutem institucionit te drejtesise ta lexoje kte ligj.

5. Se kam bere biznes ndertimin ne 2004 e kam mare e kredi ne 2006 per kte biznes ( e verifikueshme nga banka Amerikane, sot inteza san paolo). Ne komision u tha nje e pavertete, qe kredia esht mare ne 2016. Kush ka ndertuar e blere shtepi e di mire si funksionon ky biznes ne Shqiperi.

6. Per mos marje pjese ne procedure te tenderave dhe koncesioneve, per shkak te pozicioneve te mija zyrtare. Pozicionet e mia zyrtare ne ministri te ekonomise apo financave nuk marin pjese ne procedura. Letrat jane atje. Skam mare pjese procedurat e inceneratoreve. Letrat do dalin, e nese dikush do te kerkoje ti fshehe, do dalin gjithsesi.

7. Se esht perdorur fondi rezerve per financim e inceneratorit te Elbasanit. Edhe sikur te ishte keshtu do ishte serish komplet ligjore. Por financimi i inceneratorit te Elbasanit eshte bere kur une skam qene minister Financash, dhe eshte bere ne perputhje te plote me ligjet ne fuqi. Paraardhsi im, Z.Shkelqim Cani dhe qeveria ka zbatuar ligjin ne kte vendim. Mesova kur u thira ne SPAK, se nuk e mbaja mend qe skisha mar as pjese ne kte mbledhje qeverie.

Per ju qe I lexoni si kurreshtare (nese i lexoni), hetimi im ska pasur fare te bej me inceneratoret, se une per shkak te pozicioneve skam pasur tager te perfshihem ne procedurat e tenderimit. Esht hetuar Arbeni, jeta e tij per 25 vite, dhe jo procedura. Te thahet liqeni, mbase ngelet peshk ne taban. Standart qe sduhet ti perkase drejtesise se re.

Kushdo qe esht ritur me mua ne femijeri, apo ka pasur lidhje miqsore apo dikur biznesi e tavolinash eshte hetuar. Nexhmija po te ishte gjalle do thoshte “mua s’me qeka bere asnje nga “non grata” qe eshte leshuar si hijene bashke me te deformuarin e zeshem, apo “miq” me thika blu e roze.

Dikush me tha “ te duan ne burg vella”

Kam mare kercenime (I kam me screenshot e me ze ndoshta), madje se fundi dhe nje mesazh triumfi si mirseardhje…Nese do ta meritoj, sigurisht qe do ndodhi…po jo perpara se e verteta te mari rruge e drite.

Shpresoj te dalin sa me shume shkresa e letra te miat, si ajo ato qe BIRN nxori dje, qe qytetaret te kuptojne (aq sa mundet) qe puna “ e fytyres se ngrysur” ka qene ne interes te publikut.

Me kan quajtur “ne arrati”. Mendoj qe kam ikur per arsye seroze familjare ( nje pjese e miqve te mij e dine perse), dhe besoj e mendoj kam ikur prpara se kerkesa e SPAK per imuitetin tim te ket shkuar ne poste per te aritur pas disa ditesh ne kuvend. Kush ka qejf per scoop ta quaje ‘arati. Dhe Luigjit te 16 ju dha kater dite kohe perpara se ti pritej koka, ndersa mua e avokateve te mi, as 24 ore (17 ore gjithsej) per nje dosje 230 faqe e mbushur me supozime e ndoshta ‘palë të treta’ e nje material 60 GB.

Se fundmi I falenderoj te gjith koleget e mi, te mazhorances dhe opozites qe do te votojne sot, dhe ata qe vrapojne dhe thone qe pergjegjesia eshte personale. Poooo personale eshte kur e shkel. Sidomos per ata te hershem, sot ne apozite, e te rinj qe firmosin per pune e projekte….

Në mbyllje, I kerkoj te falur familjes time, Livias, Kejsit, Kejlis, Erjoles bashkjetueses time, Albines, ish gruas time, nenes time, motrave te mija, miqve te mij per shqetsimet qe i kam sjelle pa dashje me kte histori, Shpresoj qe te me falin ne kte jete.

I kerkoj te falur dhe votuesve te mi, po zoti e di t verteten, qe un do mundohem dit pas dite ta nxjer.

To be continued…

Këshilli i Mandateve voton në favor të kërkesës së SPAK-ut për arrestimin e Ahmetajt

Këshilli i Mandateve dhe Imunitetit në Shqipëri votoi në favor të kërkesës së Prokurorisë së Posaçme kundër korrupsionit (SPAK) për arrestimin e ish-zëvendëskryeministrit, njëherësh deputetit aktual të Partisë Socialiste, Arben Ahmetaj.

Dhjetë deputetë të këtij këshilli, pesë nga Partia Socialiste dhe pesë nga Partia Demokratike, votuan në favor të kërkesës së SPAK-ut, por ata kishin qëndrim të ndryshëm se kur duhet të dorëzohet në Kuvendin e Shqipërisë raporti për këtë çështje.

Vendimi përfundimtar do të merret nga Kuvendi në një seancë të jashtëzakonshme ditën e hënë, më 20 korrik.

Anëtari i Këshillit të Mandateve nga PS-ja, Arben Pëllumbi, pas mbledhjes së këtij turpi tha se PS-ja nuk do të bëhet avokat i askujt, ndërsa shtoi se partia e tij, që është në pushtet, do të përgatisë raportin e saj të premten, më 14 korrik, dhe kërkoi që Kuvendi të mblidhej në seancë të jashtëzakonshme më 17 korrik.

“Këshilli do t’i sugjerojë seancës plenare dhënien e autorizimit për kërkesën e SPAK-ut. Raporti nuk mund të përgatitej pa dëgjuar mbrojtjen. Këshilli nuk është gjykatë. Gjykojmë vetëm nëse procedura për dhënien e kësaj të drejte është zbatuar apo jo dhe ka apo jo fakte, nëse ndaj kolegut tonë ka ndikime politike apo jo. Sa kohë që bindemi nëse procedura është e rregullt apo jo, sigurisht ne kemi qëndrimin tonë për të mos bërë avokatin e askujt”, tha Pëllumbi.

Ndërkaq kryetari i Grupit Parlamentar të PD-së, Gazmend Bardhi bëri me dije se opozita e ka dorëzuar raportin e saj dhe do të kërkojë mëngjesin e së enjtes ndryshimin e rendit të ditës së Kuvendit për t’i dhënë sa më shpejt dritën jeshile SPAK-ut për arrestimin e Arben Ahmetajt.

“Çdo vonesë është pengim i drejtësisë. Ajo dosje nuk flet vetëm për Arben Ahmetajn, por janë të përfshirë edhe zyrtarë të tjerë, të kallëzuar prej nesh në Prokurori si: Damian Gjiknuri [deputet i PS-së], Ermonela Felaj [nënkryetare e Parlamentit], dy ish-kryetarë bashkie, sot deputetë, Fadil Nasufi dhe Baftjar Zeqo. Është një çështje që duhet hetuar deri në fund”, tha Gazmend Bardhi.

Deputeti tjetër i PD-së, Ervin Salianji, tha se fakti që në dosje hetimore janë të përfshirë shumë zyrtarë duhet të çojë, sipas tij, në dorëheqjen e kryeministrit të Shqipërisë, Edi Rama, dhe Qeverisë së tij.

Avokatët mbrojtës të Ahmetajt, Ardian Visha dhe Henrik Ligori, thanë se pretendimet e SPAK-ut nuk qëndrojnë dhe se po bëhet “show” me kërkesën për arrestimin e Ahmetajt dhe kërkesën tjetër për kontroll të banesës së tij.

Ata deklaruan sërish se Arben Ahmetaj ndodhet jashtë Shqipërisë për arsye familjare, pa zbuluar se ku gjendet, por shtuan se kishin komunikuar me të “pesë minuta më parë”.

SPAK e akuzon ish-zëvendëskryeministrin për korrupsion pasiv, pastrim parash dhe mosdeklarim apo fshehje të pasurisë dhe kërkon autorizim nga Kuvendi i Shqipërisë për arrestimin e tij.

Hetimet ndaj Arben Ahmetajt nisën në vitin 2022 dhe Prokuroria e Posaçme thekson se “vazhdon hetimi në drejtim edhe të fakteve të tjera penale apo personave të tjerë të implikuar”.

Hetimi i prokurorisë kundër ish-zëvendëskryeministrit ka zbuluar prona dhe investime të padeklaruara të tij në 20 vjet si dhe pagesa të tërthorta të përfituara si ryshfet nga biznesmenët e incineratorëve me vlerë 491 mijë eurosh, por edhe vila në bregdet dhe apartamente në Tiranë. Ahmetaj po hetohet për gjashtë raste korrupsioni.

Arben Ahmetaj ka mbajtur disa poste të rëndësishme gjatë dhjetë viteve të qeverisjes së kryeministrit Edi Rama. Ai ka qenë drejtues i Drejtorisë së Tatimeve, ministër i Ekonomisë dhe Sipërmarrjes, ministër i Financave, zëvendëskryeministër dhe ministër i Rindërtimit.

SPAK kërkon arrestimin e tij, avokati: Arben Ahmetaj nuk ndodhet në Shqipëri

Teksa SPAK ka urdhëruar arrestimin e tij, vetëm pak momente më parë është mësuar se ish-zv. kryeministri Arben Ahmetaj nuk ndodhet në Shqipëri.

Lajmi është konfirmuar nga avokati i tij Henrik Ligori gjatë mbledhjes së Këshillit të Mandateve, i cili ka konfirmuar se Ahmetaj ndodhet jashtë kufijve të territorit shqiptar.

Prokuroria e Posaçme i bëri kërkesë Kuvendit për arrestimin e ish-zv/kryeministrit Arben Ahmetaj pas akuzave për pastrim parash, deklarim të rremë e fshehje pasurie dhe korrupsion pasiv.bw

‘O tigër, o fratelo’- Arben Ahmetaj, mbi 3 mijë mesazhe me Mirel Mërtirin

Burime të SYRI TV bëjnë me dije se SPAK ka gjetur një aparat celular të markës Blackberry në shtëpinë e ish-bashkëshortes së Arben Ahmetaj.

Aparati ka qenë në përdorim nga ish-zyrtari i lartë. Ai është hapur dhe hetuesit kanë konsatuar se një pjesë e madhe e komunikimeve ishin fshirë, por ekspertët e laboratorit digjital të SPAK kanë arritur t’i rikuperojnë.

Rezulton se nga data 21 korrik 2012 deri në 10 tetor 2012, pra në gati tre muaj, ka patur 138 komunikime telefonike dhe 3287 mesazhe mes Ahmetaj dhe Mirel Mërtirit.

Nga komunikimet e gjetura midis tyre rezulton se bashkëbiseduesit kanë një raport tepër miqësor pasi në bisedat e tyre përdoren fjalet si: “O la” (nënkupton vëlla), “fratelo”, “tigër”, “i madh”…etj.

PJESE NGA BISEDAT

Mirel Mërtiri: Tek ‘Dreri’ jam ulur unë o la. Vonohesh?

Arben Ahmetaj: Për pak, jam akoma në mbledhje grupi.

Kohë më vonë zhvillohet tjetër bisedë mes tyre për një porosi që me sa duket Mërtiri ia kishte kryer Ahmetajt. Në episodet mes tyre, vihet re komunikimi i lirshëm, me nofka ndaj njëri-tjetrit.

Mirel Mërtiri: Fratelo, porosinë ta kreva.

Në një episod tjetër flitet po për takimin mes tyre.

Arben Ahmetaj: Tek ‘Sky’ jam. Ok, më thuaj kur e ke për mbarë.

Mirel Mërtiri: Ok, po vendose gjë, më thuaj deri nga ora 1.

Arben Ahmetaj: Është e gjithë PS në Korçë.

Faqja 12 prej 233« Fillimi ‹ Prapa 8 9 10 111213 14 15 16 Para ›Fundi »

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL