Shtetasi amerikan Matthew A.Palmer, zëvëndës ndihmës sekretar shteti dhe shkrimtar, ka bërë gabim që nuk ka pyetur shqiptarët kur u martua me gruan e tij serbe.
Shqetësimi im i vetëm është se çfarë do të themi ne shqiptarët, nëse Palmeri na kthehet e na thotë:” Ju keni kryetarë shteti të Shqipërisë me grua serbe dhe me grua greke. A i konsideroni edhe ata armiq të shqiptarëve si mua?

TIRANE

Krahas rretheve, ku nuk kanë munguar përplasjet me policinë, mbështetës të PD kanë protestuar edhe në Tiranë.

Banorë të njësisë administrative nr.8 në kryeqytet janë mbledhur pranë “Shkollës së Kuqe”, e cila ditën e nesërme do të shërbejë si qendër votimi. Forca të shumta policia ndodhen sakaq në vendngjarje, për të shmangur cdo incident të mundshëm.

PD ka paralajmëruar protesta edhe përgjatë ditës së dielë. Demokratët kanë apeluar shqiptarët të mos marrin pjesën në votimet e ditës së nesërme , ku qytetarët ftohen për të votuar dhe jo për të zgjedhur me kandidatëve të pushtetit vendor.

Brenda muajit korrik, Këshilli i Emërimeve në Drejtësi përfundon verifikimin e të gjithë kandidatëve për gjyqtarë në Gjykatën Kushtetuese dhe inspektorë të lartë të drejtësisë.

Ardian Dvorani, kryetar i KED, sqaroi se ky proces nuk mund të quhet i përfunduar nëse kandidatët nuk kalojnë procesin e Vettingut, duke mos dhënë një datë se kur Gjykata Kushtetuese do të jetë funksionale.

“Në ditët e ardhshme, Këshilli do të marrë vendimet përkatëse në lidhje me 23 kandidatët. Lejimin ose ndalimin e kandidimit për ta. Ajo që e mban Këshillin për të mos e përfunduar këtë procedurë është që Komisioni i Pavarur i Kualifikimit duhet të përfundojë shqyrtimin e dy rasteve që janë dy kandidatë për gjyqtarë”, thotë Dvorani.

Gjykata më e rëndësishme e vendit është vetëm më një anëtar dhe nuk mund të shqyrtojë çështje, pasi pjesa më e madhe e gjyqtarëve u shkarkuan nga Vettingut. Aktualisht në Gjykatë presin të shqyrtohen rreth 80 dosje dhe numri pritet të rritet. /Klan/

Presidenti Ilir Meta duket se ka rënë në një mendje me ish-ministrin Ylli Manjani, sa i përket qëndrimit të OSBE për 30 qershorin.

Në facebook, Meta ka shpërndarë postimin e Manjanit, i cili shkruan se “duket sikur vëzhguesit e huaj, kanë ardhur për të vëzhguar opozitën këtë radhë dhe jo votimet”.

Me ironi, Manjani ka edhe një propozim: “Kryetarët e bashkive të PD e LSI të bëjnë sot 4 kopje çelësash të zyrave të tyre Nesër ti shpërndajnë publikisht këto çelësa si vijon: Një kopje kandidatëve të Edi Ramës si shenjë paqësore dhe jo vëllavrasëse. Nga një kopja tua japin, ODIHR, Ambasadës Amerikane dhe misionit të BE, si shenjë anti dhunë por me kusht që këto çelësa ti çojnë shefave të tyre në shenjë TURPI!”.

Postimi i plotë:

Duket sikur vëzhguesit e huaj, kanë ardhur për të vëzhguar opozitën këtë radhë dhe jo votimet.

Në fakt ç’tu vëzhgosh atyre votimeve…

Në fakt, pakkush do të dëshironte një përplasje të dhunshme shqiptar me shqiptar. Aq më tepër në kushtet kur të huajt fërkojnë barkun.

Nga ana tjetër, opozita e kishte llogaritur të humbur pushtetin lokal që kur mori vendim për të mos hyrë në këto zgjedhje.

Në këto kushte sugjerimi im është:

Kryetarët e bashkive të PD e LSI të bëjnë sot 4 kopje çelësash të zyrave të tyre.

Nesër ti shpërndajnë publikisht këto çelësa si vijon:

Një kopje kandidatëve të Edi Ramës si shenjë paqësore dhe jo vëllavrasëse.

Nga një kopja tua japin, ODIHR, Ambasadës Amerikane dhe misionit të BE, si shenjë anti dhunë por me kusht që këto çelësa ti çojnë shefave të tyre në shenjë TURPI!

E kam shumë seriozisht këtë propozim!

Në Shqipëri kryeministri Edi Rama njoftoi sot shkarkimin e kryebashkiakut të Vaut të Dejës, Zef Hila, përfaqësues i Partisë Demokratike, pas gjarjeve të dhunshme mbrëmë në Bushat ku një grup protestuesish hodhën bomba molotov të enjten mbrëma brenda Komisionit Zonal të Administrimit të Zgjedhjeve në shkollën e mesme bujqësore të Bushatit, duke djegur materialet e votimit. “Zef Hila, haxhiqamilisti i Vaut të Dejës, jo vetëm u shkarkua po do të ndiqet penalisht, për aktin barbar të djegies së shkollës dhe djegies së materialeve zgjedhore! Kush do ta ndjekë shembullin e tij, do të ketë të njëjtin fat dhe do të përballet me drejtësinë”, shkruajti zoti Rama në një postim në Tëitter shoqëruar dhe me foton e vendimit për shkarkim. Më herët shkarkimin e kryebashkiakut të Vaut të Dejës e kishte paralajmëruar dhe ministri i Brendshëm Sandër Lleshaj.

Për ngjarjet e mbrëmshme në Vaun e Dejës ku mbetën të lagosur dhe tre policë, Partia Demokratike deklaroi se nuk ishin të përfshirënjerëzit e saj duke folur për një “skenar kriminal të Edi Ramës për inkriminimin e opozitës dhe identifikimin e saj me dhunën që ka planifikuar vetë.”

Por sipas ministrit Lleshaj “zjarri i mbrëmshëm, djegia e materialeve zgjedhore dhe plagosja e tre punonjësve të Policisë së Shtetit, nga një grup sulmi, i përbërë kryesisht nga punonjës të Bashkisë së Vaut të Dejës është një shprehje shembullore e paramilitarizimit të një partie, që ka humbur jo vetëm arsyen, por tashme edhe pseudo-kauzën e saj. Aq sa i ulët ishte sulmi ndaj shkollës, ku është vendosur KZAZ, po aq e neveritshme ishte tentativa e drejtuesve të opozitës për të larë duart nga aksioni kriminal i militantëve të tyre, duke u përpjekur si gjithmonë, që nga nxitës të agresionit të kthehen në viktima të tij!”, u shpreh ministri.

Nga ana e saj policia njoftoi për arrestimin e të paktën 14 perosnave që sipas saj dyshoeht të jenë përfshirë në sulmin ndaj mjediseve ku ishte vendosur Komisioni zonal. Mes të arrestuarve ishte dhe nënkryetari i Bashkisë së Vaut të Dejës, si dhe disa punonjës të këtij institucioni. Ndërkohë që mes personave të shpallur në kërkim nga policia janë dhe djali e vëllai i kryebashkiakut Hila.

Ndërkohë, Partia demokratike ripërsëriti sot “qëndrimin e saj të prerë se asnjë militant i saj nuk qëndron pas djegies së KZAZ-së në Vaun e Dejës”. Sekretari i Përgjithshëm demokrat Gazmend Bardhi tha se “Edi Rama po përpiqet të përçajë qytetarët dhe të na vendosë kundër njeri tjetrit. Ai ka një skenar të rrezikshëm dhune dhe përplasje civile për të dielën, skenar të cilin kërkon t’ia faturojë Partisë Demokratike, opozitës dhe kryebashkiakëve të opozitës! Shpresa e tij e vetme për të mbajtur pushtetin kriminal qëndron tek dhuna, tek konflikti, tek përplasja civile”, theksoi zoti Bardhi, duke e cilësuar shkarkimin e kryebashkiakut Hila “akt sa qesharak, aq edhe banditesk e antikushtetues”.

Aleanca qytetare për mbrojtjen e demokracisë në Sarandë, ka dalë sot me një apel për qytetarët, ku i bën thirrje që të braktisin zgjedhjet e 30 qershorin.

“Të dielën është detyra jonë t’i bëjmë të ditur botës, se këto zgjedhje nuk vlejnë, se ato janë kundër interesit tonë të përbashkët, se një kryeministër i ardhur në pushtet me votat e krimit duhet të largohet e të japë llogari para drejtësisë”, thuhet në deklaratën e aleancës.

Nje dite pasi dekretoi daten e re te zgjedhjeve vendore, 13 tetorin, e teksa kryeministri Rama ka ritheksuar prere, edhe sot, se zgjedhjet do te jene me 30 qershor, vjen reagimi i radhes i kreut te Shtetit, Ilir Meta. 

Me nje shenim ne faqen e tij ne Facebook, teksa ka postuar edhe nje video te votimeve ne komunizem, Meta, shkruan se “data kushtetuese e zgjedhjeve vendore është 13 tetor 2019”.

Meta ka dhene mesazh per shqiptaret, teksa shkruan: “kryeministri po insiston për të shkuar në votime socialiste në datën 30 qershor 2019. T’i respektojmë dhe të mos konfrontohemi me të gjithë ata bashkëqytetarë që do të shkojnë në këto votime socialiste”.

Sipas tij, “Të gjithë shqiptarët së bashku, në mënyrë demokratike, të fshehtë, të lirë dhe të ndershme do të zgjedhin vetëm në 13 tetor 2019”.

Mesazhi i Metës

Mirëdita të dashur qytetarë!

Nga dje, data kushtetuese e zgjedhjeve vendore është 13 tetor 2019.
Situata është e qartë dhe e padiskutueshme nga ana ligjore dhe kushtetuese.
Gjithsesi kryeministri po insiston për të shkuar në votime socialiste në datën 30 qershor 2019.

Gazetari Andi Bejtja ka shpërthyer në akuza drejt Baton Haxhiut, duke deklaruar se ai duhet shpallur “non grata” në Shqipëri.

I ftuar në studion e Opinion, Bejtja po debatonte në lidhje me temën e vjedhjes se votave dhe historikun e fënomenit në Shqipëri përgjatë viteve.

Për gazetarin Andi Bejtja s’mund të mbrohet vjedhja e votave në përgjimet e publikuara nga “Bild” apo kriminelët e përgjuar aty.

Në lidhje më këtë shqetësim të Bejtjes, Haxhiu iu përgjigj se kishte deklaruar se kriminelët që dëgjohen në përgjime, ai i konsideron kriminelë dhe që me ta duhet të merret drejtësia.

Megjithatë, sipas tij, si kriminelë të votave duhen trajtuar edhe ata me kollare.

TIRANË

A kanë përgjegjësi ndërkombëtarët për situatën në vend? Sa duhet të presim nga Perëndimi? Këtyre pyetjeve iu janë përgjigjur analistë e gazetarë në emisionin “Të paekspozuarit” në News24.
Për Fatos Lubonjën, duke sjellë shembuj nga lufta në Vjetnam, interesi amerikan është mbi të gjitha. Por ai shprehet se nuk e di sa interes amerikan ka në vendin tonë.

Për Besnik Mustafajn, shqiptarët duhet të merren me hallet e tyre e të mos presin nga jashtë dhe se problemi nuk janë ndërkombëtarët.

Ndërsa Andi Bushati thotë se monizmi prodhon stabilitet.
Lubonja: Nuk ndërhyn dot një Amerikë tjetër që tua zgjidhë problemet në Amerikë. Kjo histori mund të ketë të mirën që shqiptarët të çlirohen nga kulti që vendos Amerika.
Sa për Amerikën kam thënë shumë gjëra e po them një tjetër. Interesi amerikan mbi të gjitha. Sa ka dizinformacion, sa ka interes amerikan këtu unë nuk e di dhe sa ka gjykim të gabuar nuk e di.
Një ndarje mes shqiptarëve që mund të thellohet me një të çmendur që kemi në krye. Që mund të na çojë në situata që mund të riparohet pas 10 vjetëve.

Mustafaj: Nëse është një pikë që jam dakord me Lubonjën, është se shqiptarët duhet të merren seriozisht me hallet e tyre e të mos presin nga jashtë. Komuniteti ndërkombëtar ka qenë në rolin e vet, përjashtuar deklaratën e sotme të Palmer. Kemi pasur 2-3 momente prononcime të nuancuara. Ambasadori i OSBE dhe ambasadori italian kanë bërë disa deklarata që tregojnë se nuk janë të kënaqur me këtë skenë. Nuk kemi pse nga dëshpërimi t’ia vëmë fajin ndërkombëtarëve. Ata janë në rolin që iu takon. Mendoj që problemi kryesor nuk janë ndërkombëtarët.
Bushati: Prodhon stabilitet monizmi. Kaq.

Kryetarja e LSI-së, Monika Kryemadhi, ka reaguar pas djegies së KZAZ në Bushat të Shkodrës. Në një postim në facebook, Kryemadhi thotë se dënon me forcë djegien e KZAZ, por thekson se asnjë mbështetës i LSI nuk ka lidhje me ngjarjen, sipas saj.

Kryetarja e LSI-së akzuon kryeministrin Edi Rama, se gjithçka është plan i hartuar nga ai, ndërsa thotë se shumë shpejt “do i tregojmë me emra e mbiemra këta autorë të këtij provokimi policesk”.

Postimi i plotë i Kryemadhit:

Dënojmë me forcë djegien e KZAZ në Bushat.

Asnjë mbështetës i Lëvizjes Socialiste për Integrim nuk ka asnjë lidhje me këtë ngjarje.

Dënojmë me forcë deklaratën kriminale dhe mashtruese të Ministrit të Brendshëm të inkriminuar gjer në fyt, si pjesë e një skenari të parapërgatitur nga qeveria për të tensionuar në mënyrë të qëllimshme dhe të inskenuar situatën. Së shpejti do i tregojmë me emra e mbiemra këta autorë të këtij provokimi policesk.

U bëjmë thirrje mbështetësve tanë, qindra mijëra qytetarëve të tjerë tu qëndrojnë larg këtyre provokimeve të fëlliqura dhe që të mos bien pre e këtij skenari dhune të inskenuar nga Edi Rama dhe Sandër Lleshaj.

Qeveria do të zhvillojë zgjedhjet e Partisë Socialiste,me KZAZ e Partisë Socialiste në qendrat e votimit të Partisë Socialiste,me komisionerët e Partisë Socialiste,me numëruesit e Partisë Socialiste për ti dorëzuar në fund në KQZ socialiste.

Ne e njohim dhe jemi shumë mirë të informuar për planin kriminal të hartuar nga Edi Rama, personat e ngarkuar me emra të vërteta dhe emrat e rreme, planet operative kohën e fillimit e të mbarimit dhe që ka disa ditë që po tentohet të vihet në jetë por edhe që do të demaskohet shumë rreptë nga ne.

Ky plan është totalisht i dështuar, pavarësisht propagandës konfliktuale , përhapjes së panikut tek qytetarët dhe bizneset private.

Të gjithë tashmë e njohim këtë plan kriminal dhe kush mbyll sytë para tij është bashkëfajtor me të.

LSI dhe e gjithë Opozita e bashkuar do ti mposhtë me fuqinë e pamasë të paqes,masivitetit dhe dashurisë e dhimbjes për vendin që këta kriminelë në qeverisje duan ta shkatërrojnë për interesat e trafiqeve,krimit dhe mafias

Presidenti Ilir Meta në një letër publike drejtuar kryeministri Edi Rama sqaron se pavarësisht kërkesave të tij për të vendosur për një datë për zgjedhjet lokale, ka marrë përgjigje negative.

Në letër, Meta sqaron edhe datën e re të zgjedhjeve, atë të 13 tetorit, që sipas Kreut të Shtetit është vendosur për shkak se tri ditë më vonë, mblidhet Këshilli Evropian që do të mund të vendosë për çeljen e negociatave.

Meta i përgjigjet edhe një akuze tjetër të kryeministrit, sipas të cilit kjo datë ishte dhuratë për ditëlindjen e ish-kryeministrit Sali Berisha. Kreu i shtetit i kujton kryeministrit se nuk e “urren” aq shumë sa aktron para kamerave dhe militantëve, pasi me të, siç thekson Meta, ka bërë marrëveshje të mëdha si ndryshimet e Kushtetutës në viti 2008, “pasojat e të cilës i vuajmë edhe sot”. “Ndaj të lutem Edi tregohu vizionar, reflekto dhe mos na zhgënje!”, përfundon letra.

Letra e plotë: 

I dashur Edi,

Ti më ke privuar padrejtësisht, si në planin institucional, ashtu edhe në atë njerëzor, nga mundësia për t’u takuar bashkë.

Jam thellësisht i indinjuar dhe njëkohësisht i brengosur që pritjes sime sot, nga ora 05:00 e mëngjesit ti i’u përgjigje me një të larë në pishinë vetëm 200 metra larg Presidencës.

Doja ta vendosnim bashkë datën e zgjedhjeve dhe kam që nga data 8 qershor 2019 që të pres e të pres, me shpresë.

Por unë, siç me të drejtë ti ankoheshe, nuk mund ta lija Shqipërinë pa një datë të zgjedhjeve vendore dhe t’u mohoja shqiptarëve të drejtën për të votuar në mënyrë të qetë, në paqe dhe me alternativa.

Data 13 tetor 2019 e dekretuar nga unë për mbajtjen e zgjedhjeve vendore, u vendos sepse kjo është data më e shpejtë për të garantuar të drejtën e opozitës për të marrë pjesë në zgjedhje, por edhe për të garantuar përfshirjen në procesin e administrimit të zgjedhjeve.

Ne të dy e dimë mirë, nga ata që vendosin për të ardhmen europiane të Shqipërisë, se nuk ka çelje të negociatave me Bashkimin Europian me zgjedhje monopartiake, siç ja ke marrë vrapit t’i bësh ti, përkundrazi.

Po të kujtoj se në 17-18 tetor 2019 ne presim mbledhjen e Këshillit Europian, që do të mund të vendosë për çeljen e negociatave për Shqipërinë dhe Maqedoninë e Veriut.

Ti thua se data e dekretuar nga unë është dhuratë me rastin e ditëlindjes së Doktorit më 15 tetor.
Ti e di që unë nuk ta kam fshehur asnjëherë, as ty dhe as publikut, dobësinë që kam për Doktorin.

Njerëz jemi, kemi edhe pika të dobëta.

Por edhe ti nuk është se e “urren” aq shumë sa aktron para kamerave dhe militantëve të tu.

Aq më tepër që marrëveshjet më të mëdha në këtë vend i keni bërë ti dhe Doktori, siç ishte edhe ajo brenda natës që ndryshoi themelet e Kushtetutës, që ishte votuar me referendum nga i gjithë populli, dhe pasojat e të cilës i vuajmë edhe sot.

Natyrisht që nuk ka lidhje as me 18 tetorin, ditën e lindjes së udhëheqësit të fundit komunist, Ramiz Alia, i cili, pavarësisht formimit të tij komunist, nuk besoj se e ke harruar, tregoi përgjegjshmëri të lartë me shtyrjen e zgjedhjeve në vitin 1991, duke i krijuar hapësirat e duhura opozitës për të marrë pjesë në to, për të mirën e vendit.

Ndaj të lutem Edi tregohu vizionar, reflekto dhe mos na zhgënje!

Ilirian Agolli

---

Në Tiranë, Presidenti i Republikës dekretoi datën 13 tetor për mbajtjen e zgjedhjeve vendore. Ai tha se kjo shtyrje me 3 muaj do të ishte një mundësi reflektimi për të gjitha palët. Por kryeministri Edi Rama tha menjëherë se akti i tij ishte i pavlefshëm. Opozita këmbëngul me protestat e saj për zgjedhje të parakohshme.

Edhe sot politika shqiptare u end nëpër labirintin e argumentave pro dhe kundër për zgjedhjet vendore.

Presidenti i Shqipërisë, Ilir Meta, dekretoi sot 13 tetorin si datën e re për zgjedhjet vendore, duke shprehur shprehur shpresën që ato të jenë gjithëpërfshirëse, të qeta dhe me standarte demokratike.

Ai e mori këtë vendim pas një serie takimesh me partitë politike, deri sot në mëngjes me kryetarin e Partisë Demokratike, Lulzim Basha, ndërsa kryetari i Partisë Socialiste dhe kryeministri Edi Rama nuk shkoi në takimin e ftuar nga presidenti.

“Data e re është një mundësi për të zhvilluar zgjedhje me standarte demokratike në një kohë me vendimet e pritshme të BE-së për të nisur negociatat me Shqipërinë për anëtarësim të plotë” – tha zoti Meta. Ai i kërkoi kryeministrit dhe opozitës të reflektojnë në këto kushte, kur zgjedhjet më 30 qershor janë anulluar ligjërisht, ndërsa zgjedhjet e 13 tetorit duhen bërë të rregullta, sepse, si tha ai, “vitin tjetër Shqipëria merr kryesimin e radhës të OSBE-së, dhe duhet të jetë shembull për vendet e tjera”.

Ndërsa presidenti Meta ishte ende duke iu përgjigjur gazetarëve në konferencën e shtypit, kryeministri Edi Rama reagoi menjëherë për datën e re të dekretuar për zgjedhjet vendore të 13 tetorit.

Ai shkroi në rrjetet sociale se 30 qershori është e vetmja datë për zgjedhje vendore dhe me disa shprehje në gjuhën latine shtoi se akti i presidentit për të dekretuar një datë të re zgjedhjesh ishte i pavlefshëm.

Partia Socialiste po vazhdon fushatën zgjedhore, megjithë anullimin e tyre nga presidenti i Republikës, për të cilin ka nisur një procedurë shkarkimi në parlament, ndërsa KQZ po vazhdon të përgatitë këto votime dhe po shpërndan fletët e votimit, ku mungojnë emrat e kandidatëve të opozitës.

Opozita nga ana e saj po kundërshton me një seri protestash këto zgjedhje, ndërsa bashkitë e drejtuara nga të zgjedhurit e saj kanë refuzuar të organizojnë zgjedhjet vendore pas anullimit të tyre nga presidenti.

Me protestat e saj opozita po kërkon zgjedhje të parakohshme parlamentare dhe dorëheqjen e qeverisë pas publikimit të disa përgjimeve, ku dëgjohen përfaqësues të lartë socialistë në Durrës, Dibër dhe Tiranë që bisedojnë për presione ndaj votuesve për largime nga puna, pagesa dhe shpërblime e favore, nëse votojnë për kandidatët socialistë.

Në protestat e opozitës shpesh ka patur akte dhune, duke kulmuar nga shishet me karburante dhe lëndë shpërthyese, ndërsa policia ka shpërndarë protestuesit me ujë dhe gaz lotsjellës.

Këto ngjarje dhe vendosmëria e dy palëve pro dhe kundër zgjedhjeve pas 3 ditësh e ka rritur shqetësimin për akte dhune këtë të dielë.

Presidenti Ilir Meta i ka dërguar një letër edhe kreut të Partisë Demokratike, Lulzim Basha për të zhvilluar një takim në Presidencë për të diskutuar për zgjidhjen e ngërçit politik në vend.

Ndryshe nga kryeministri Edi Rama, kreu i opozitës Lulzim Basha i ka kthyer përgjigje pozitive letrës së kreut të shtetit për takim gjatë së enjtes. Basha ka konfirmuar se do të shkojë në Presidencë rreth orës 09:00 të mëngjesit së të enjtes.

Thirrja e Presidentit vjen vetëm tre ditë përpara zhvillimit të votimeve për kryebashkiakët e ri të vendit. Partia Socialiste garon e vetme në shumicën e bashkive.

Presidenti i Republikës, Ilir Meta i ka dërguar një letër kryeministrit Edi Rama, duke kërkuar një takim gjatë ditës së enjte.

Letra është publikuar nga vetë kryeministri Edi Rama në Twitter ku edhe i kthen përgjigje.

Në letër, Presidenti thotë se është i gatshëm për takim me kryeministrit nga ora 05:00 e mëngjesit deri në orën 13:00, në zyrën e tij në Presidencë.

Rama i kthen përgjigje negative kreut të shtetit, duke thënë se është në fushatë elektorale. Kryeministri e mbyll përgjigjen e tij, se “meqë Meta vazhdon të luajë letrash, ja edhe me një shkrim: Kemi zgjedhje, jam i zënë!”.

“Për shkak të fushatës elektorale që po zhvillohet sipas dekretit presidencial, ku 30 qershori është përcaktuar datë zgjedhjesh, kabineti im ka komunikuar telefonikisht pamundësinë për këtë takim. Po meqë Ilir Meta vazhdon të luajë letrash, ja dhe me shkrim: Kemi zgjedhje, jam i zënë!”, shkruan Rama në Twitter.

Bindja ime shprehur disa javë përpara!

Ndjehem i prekur në të drejtat e mia qytetare sepse :

nuk më janë krijuar kushtet juridike të shfrytëzoj të drejtën kushtetuese të votës, 
nuk kam alternativa për të zgjedhur,
nuk i besoj një komisioni qendror zgjedhor krejt partiak dhe me vendime juridikisht të papranueshme,
sepse ende nuk kam një vendim të gjykatës kushtetuese për dekretin e Presidentit që anullon zgjedhjen e 30 qershorit,
sepse në vend të fushatave kam parë policë, protestues dhe fjalime patetike elektorale pa lidhje fare me pushtetin lokal,
sepse askund nuk kanë bërë një audit për të thënë çfarë premtoi reforma territoriale dhe çfarë pasojash reale ka sjellë,
sepse kam ndruajtje nga tensionet sociale që mund ta drobolisin Shqipërinë,
sepse komisionet zgjedhore për numurimin e votave janë të pabesueshme për mua meqë pa vëzhgues opozitarë,
sepse procesi ka vendosur mjete shtetrore në shërbim të forcave politike të privilegjuara,
sepse mendoj që me pjekuri politikanët tanë të zgjidhnin problemet ligjore fillimisht, të na e hiqnin këtë paqendrueshmërinë, paradoksin dhe pasigurinë juridike dhe pastaj në vjeshtë e mesme të shkonin në zgjedhje,
sepse kështu ne po shkatërrojmë 30 vjet demokraci të brishtë, duke krijuar një pushtet vendor monist,
në një botë ku fryjnë erëra shumë të rrezikshme dhe Shqipëria jonë e vogël i ngjan një anije prej letre që ne po e mbysim.

Presidenti i Kongresit të Pushtetit Vendor në Këshillin e Evropës (KiE) ka dalë në një deklaratë për shtyp ku sqaron se përse nuk do të dërgohen në Shqipëri vëzhgues për zgjedhjet e 30 qershorit, këtë të dielë.

Në deklaratën e tij Anders Knape thotë se kongresi i pushtetit vendor në KiE nuk mund të vëzhgojë zgjedhje pa pjesëmarrjen kuptimplotë të forcave opozitare. Në deklaratë Knape sqaron se nuk ka ndodhur kurrë që ky kongres të vëzhgojë zgjedhje ku nuk merr pjesë opozita. Nga ana tjetër po në deklaratë bëhet kujdes që Kongresi të distancohet nga debati politik dhe përfshirja në Shqipëri, duke u shprehur se Kongresi vetë nuk bën asnjë deklaratë për ligjshmërinë e zgjedhjeve, pasi ajo është një çështje e brendshme e Shqipërisë.

Deklarata e plotë:

“Në dritën e zhvillimeve të fundit dhe pasigurisë në Shqipëri në lidhje me pjesëmarrjen e plotë të spektrit politik të kandidatëve dhe partive në zgjedhjet lokale më 30 qershor 2019, Kongresi i Autoriteteve Lokale dhe Rajonale ka vendosur të mos dërgojë mision vëzhguesish për zgjedhjet.

Duke pasur parasysh faktin se në 31 nga 61 komunat vetëm një kandidat është në garë për votimin lokal, është e vështirë të pritet një konkurrencë e rëndësishme politike dhe kjo nënkupton rrezikun logjistik për Këshillin se nuk është në gjendje të vendosë një mision të plotë përgjatë gjithë vendi, i cili është një procedurë standarde gjatë Misioneve të Zgjedhjeve të Kongresit në përputhje me rregullat tona.

Misionet e Kongresit bazohen në vëzhgimin e zgjedhjeve lokale dhe rajonale me pjesëmarrje të gjerë të forcave të ndryshme politike të një vendi, dhe kështu Kongresi asnjëherë nuk ka vëzhguar zgjedhje pa pjesëmarrjen kuptimplotë të opozitës.

Vendimi i Kongresit është marrë në konsideratë të të gjithë informacioneve të disponueshme për ne, si në lidhje me situatën politike dhe logjistike. Kongresi nuk bën asnjë deklaratë këtu për ligjshmërinë e këtyre zgjedhjeve dhe kjo nuk ka të bëjë fare me pyetjen nëse dhe kur do të mbahen zgjedhjet lokale. Ky është vendim autonom vetëm i Shqipërisë “.

Shqipëria ndodhet e zhytur në një krizë politike dhe institucionale. Partitë opozitare, Partia Demokratike dhe Lëvizja Socialiste për Integrim, kanë djegur mandatet e tyre në Kuvend dhe kanë vendosur të mos marrin pjesë në zgjedhje.

Kauzës së opozitës i bashkëngjitet edhe vendimi i presidentit Ilir Meta i cili anuloi dekretin për datën e zgjedhjeve lokale, të parapara për 30 qershor. Por, në gjithë këtë situatë, Partia Socialiste në pushtet, tashmë ka vendosur që të mos përfillë opozitën dhe as presidentin, duke u treguar e vendosur që zgjedhjet të mbahen.

Në prag të zgjedhjeve lokale, vendi duket se është zhytur edhe në një krizë konstitucionale me mungesën e Gjykatës Kushtetuese. Gjykata Kushtetuese në Shqipëri mbeti jashtë funksionit dhe e mbyllur përkohësisht, pasi nga nëntë anëtarët e saj, tre janë dorëhequr ose kanë mbaruar mandatet, katër janë rrëzuar në procesin e vetingut (verifikim apo kontroll i detajuar për zyrtarët publikë) dhe vetëm dy kanë mbijetuar. Ndërkohë, Parlamenti nuk arriti t’i emërojë anëtarët e rinj.

Opinionistët në Shqipëri thonë se kjo krizë vetëm sa po shkon e thellohet. Ata nuk parashikojnë zgjidhjen e krizës pa një dialog ndërmjet pushtetit dhe opozitës me përfshirjen e bashkësisë ndërkombëtare.

Ndonëse mbajnë qëndrime të kundërta, ata ndajnë të njëjtin mendim se Shqipëria vërtetë ka hyrë në një krizë të thellë politike, e cila po kalon në krizë shoqërore.

Si filloi?

Drejtori i Gazetës Liberale dhe pedagogu i shkencave politike, Ervis Iljazaj thotë se Shqipëria gjendet në këtë situatë për arsye se opozita shqiptare prej kohësh denoncon vjedhjen e votave të zgjedhjeve të vitit 2017 ose kanë pretendim se zhvillimi i zgjedhjeve të ndershme në Shqipëri është i pamundur me kryeministrin Edi Rama.

“Ne kemi ardhur në këtë krizë sepse palët janë ekstremisht të kundërta në qëndrimet e tyre. Opozita kërkon largimin e Edi Ramës nga kryeministri sepse mendon që me atë në krye të Qeverisë nuk mund të zhvillohen zgjedhje të lira dhe të ndershme për shkak të marrëdhënieve që kanë kjo qeveri dhe kryeministri me persona me precedent kriminal dhe për shkak të përdorimit të tyre gjatë fushatës elektorale dhe gjatë procesit zgjedhor”, thotë Iljazaj.

Në këtë kuptim, thekson ai, vendi ndodhet në këtë krizë për shkak se të dy palët politike, Partia Socialiste dhe Partia Demokratike, kanë qëndrime ekstremisht të kundërta të cilat po sjellin gjithnjë e më shumë konfliktin politik në Shqipëri.

Në anën tjetër, opinionisti dhe drejtori i Gazetës Tema, Mero Baze thotë se ky ngërç politik në vend ka ardhur si pasojë e reformës në drejtësi, e cila sipas tij, prodhoi dy blloqe politike të angazhuara pro dhe kundër saj.

“Ishte dhe vazhdon të jetë një betejë e cila në një krah e ka të rreshtuar Shtetet e Bashkuara të Amerikës, Bashkimin Evropian dhe një pjesë të politikës shqiptare që e mbështesin reformën, dhe një koalicion i gjerë tashmë edhe i hapur kundër saj, të cilët mekanizmin e vetëm për të ndalur reformën e kanë natyrisht krijimin e një krize të thellë politike. Mendoj që në këtë pikë kanë pasur sukses. Shqipëria është në një krizë politike të shkaktuar nga ata faktorë politikë që u betuan, në njëfarë mënyre, kundër reformës kur ajo filloi të zbatohet”, shprehet Baze.

Dekreti i presidentit dhe zgjedhjet lokale

Presidenti Ilir Meta kishte anuluar dekretin për datën e zgjedhjeve, duke thënë se ky vendim ka ardhur si rrjedhojë e “shqetësimit të thellë për situatën kritike të krijuar në vend si pasojë e mos-reflektimit të asnjërës palë”.

Të dy opinionistët, Baze dhe Iljazaj mbajnë qëndrime të kundërta sa i përket këtij vendimi.

Zoti Baze thotë se presidenti është i ngarkuar për të caktuar datën, por nuk ka kompetencë ta mbajë vendin pa zgjedhje.

“Akt politik, juridik që të lësh vendin pa zgjedhje, pa datë zgjedhjesh, është e paprecedent. Si të thuash, është një gjë ‘null’ – është diçka që nuk ekziston. Kështu që në këtë pikë presidenti ka arritur të krijojë krizë institucionale. Pra, duke përdorur mungesën e Gjykatës Kushtetuese e cila do ta jepte verdiktin menjëherë për këtë çështje”, thekson ai.

Ndërsa, sipas Ervis Iljazaj, presidenti nuk i ka hequr të drejtën shqiptarëve për të votuar, por thjeshtë ka pezulluar datën e votimit duke e parë situatën politike në vend. Në mungesë të Gjykatës Kushtuese, thotë ai, debati mbi dekretin e presidentit për anulimin e zgjedhjeve duhet të fokusohet nëse është i duhuri apo jo.

“Jo më kot Kushtetuta ia ka dhënë këtë kompetencë presidentit për të caktuar datën e zgjedhjeve. Presidenti i Republikës duke qenë se përfaqëson unitetin kombëtar, duke qenë se ruan ekuilibrin institucional, para se të caktojë një datë apo para se të dekretojë zgjedhjet lokale në Shqipëri, Kushtetuta i jep një mundësi për të vlerësuar situatën politike, për të vlerësuar gjendjen shoqërore”, thotë Iljazaj.

Kur dhe si mund të zgjidhet kjo krizë?

“Që të zgjidhësh një situatë duhet të merresh me thelbin e krizës. Thelbi i krizës është reforma në drejtësi”, ripërsëritë Mero Baze.

Ai thotë se kriza është te reforma ndërsa pasojat janë te sistemi politik, te Parlamenti, te zgjedhjet.

“Shqipëria po vazhdon të shkretohet duke mbetur pa një Parlament përfaqësues, pa zgjedhje konkurruese. Më 30 qershor mund të bëhen votime, por ato nuk janë zgjedhje konkurruese”, thotë Baze.

Ndërsa Iljazaj mendon se herët apo vonë, bashkësia ndërkombëtare do të jetë ajo që do të ndërhyjë.

“Mendoj që ndërkombëtarët, herët apo vonë, do të ndërhyjnë për të zgjidhur krizën. Sinjalet e para kanë filluar dhe në këtë kuptim një mundësi që palët politike në Shqipëri kishin për ta zgjidhur këtë konflikt, por edhe kësaj here nuk na zhgënjyen dhe nuk e zgjidhën dot, dhe pritet vendimi i ndërkombëtarëve”, thotë Iljazaj.

Shqipëria është anëtare e NATO-s që nga viti 2009. Asaj i është dhënë statusi i kandidatit për BE në vitin 2014, dhe javë më parë Komisioni Evropian ka rekomanduar hapjen e negociatave për anëtarësim të Shqipërisë në Bashkimin Evropian.

Kryeministri Rama nuk e ka fshehur drojën e tij se zhvillimet e fundit në vend mund të përkeqësojnë nisjen e negociatave të anëtarësimit.

Që nga muaji shkurt, opozita organizoi nëntë protesta në Tiranë me kërkesën për largimin e kryeministrit Edi Rama, duke e konsideruar atë të papranueshëm që të jetë në krye të Qeverisë shqiptare në kohën e mbajtjes së zgjedhjeve.

Kërkesat dhe protestat e opozitës për largimin e kryeministrit Edi Rama, janë intensifikuar edhe pas publikimit të përgjimeve telefonike nga gazeta gjermane “BILD” ku dëgjohen politikanë socialistë dhe ish-ministra të Qeverisë Rama që diskutojnë për rezultate maksimale të votimeve, dhe dyshohen të jenë të përfshirë në manipulim të procesit zgjedhor.

Aktualisht, gjendja po shihet të jetë në një qorrsokak, kurse zgjidhja preferohet të kërkohet përmes një dialogu të lehtësuar nga faktori i jashtëm, në këtë rast Bashkimi Evropian, duke marrë parasysh edhe ambiciet e Shqipërisë që sa më shpejt t’i nisë negociatat e anëtarësimit në BE, për çka stabiliteti i brendshëm politik do të jetë një kriter i domosdoshëm./REL

TIRANË

Shërbimi për Çështjet e Brendshme dhe Ankesave pranë ministrisë së Brendshme në bashkëpunim me prokurorinë kanë arrestuar agjentin e krimeve në komisariatin nr.2 në Tiranë, i identifikuar si Ledion Bako. Ky i fundit  është arrestuar gjatë një operacioni, i cili kishte për qëllim ndalimin e një grupi që merrej me shpërndarjen e lëndëve narkotike.

Agjenti i Krimeve të rënda, Ledion Bako është ndaluar  mbrëmjen e së martës në zonën Linzës në Dajt në momentin kur po udhëtonte me makinë së bashku me tre persona të tjerë. Raportohet se agjentit i krimeve i është gjetur një sasi droge dhe një armë pa leje.  Gjithashtu janë arrestuar edhe tre personat që ishin nën shoqërinë  e agjentit.

Njoftimi i policisë:

Tiranë – SHÇBA arreston në flagrancë 1 punonjës policie dhe 3 persona të tjerë Shërbimi për Çështjet e Brendshme dhe Ankesat (SHÇBA), mbi bazën e të dhënave që dispononte rreth implikimit të një punonjësi policie në veprimtari të kundërligjshme në fushën e narkotikëve, në bashkëpunim me Prokurorinë e Rrethit Gjyqësor Tiranë zhvilloi një hetim të plotë, duke aplikuar metoda speciale hetimi. Nga hetimet për rreth 3 muaj, u siguruan prova se punonjësi i Policisë, në bashkëpunim me persona të tjerë, përveç se ishin përdorues, shpërndanin edhe lëndë narkotike. Ai duke keqpërdorur atributet që i jepte detyra, siguronte mbarëvajtjen e këtij aktiviteti të kundërligjshëm.

Nisur nga rrethanat, faktet e paraqitura dhe analiza e bërë me Prokurorin e çështjes, u zhvillua operacioni dhe u arrestuan në flagrancë: – L. B., 27 vjeç, nga Tirana, me detyrë ndihmës specialist për Hetimin e Krimeve në Komisariatin e Policisë Nr. 2 Tiranë, për veprat penale të “Prodhimit dhe shitjes së narkotikëve”, “Ushtrim i ndikimit të paligjshëm ndaj personave që ushtrojnë funksione publike” dhe “Mbajtje pa leje e armëve dhe municioneve”; – J. K., 26 vjeç, nga Tirana, financier, për veprën penale të “Prodhimit dhe shitjes së narkotikëve” dhe “Mbajtje pa leje e armëve dhe municioneve”; – E. M., 35 vjeç, nga Tirana, për veprën penale të “Prodhimit dhe shitjes së narkotikëve” dhe “Mbajtje pa leje e armëve dhe municioneve”; – A. K., 31 vjeç, nga Tirana, për veprën penale të “Prodhimit dhe shitjes së narkotikëve” dhe “Mbajtje pa leje e armëve dhe municioneve”. Gjatë operacionit u sekuestruan provat materiale: – pistoletë me fishekë; – disa telefona celularë; – dy qese plastike, në të cilat dyshohet se ka mbetje të lëndës narkotike kokainë; – kopje kartëmonedhash të huaja Hetimet po vijojnë edhe ndaj personave të tjerë, të cilët dyshohet se janë furnizues me lëndë narkotike të personave të arrestuar. SHÇBA nxit qytetarët të denoncojnë çdo rast abuzimi me detyrën të punonjësve të policisë, duke telefonuar në numrin falas 0800 90 90, duke garantuar reagim të shpejtë dhe të ashpër ligjor.

Nuk kanë munguar batutat mes kryeministrit Rama dhe ministrit të Diasporës, Pandeli Majko gjatë takimit të sotëm me banorë të njësisë administrative numër 5 në Tiranë.

Rama i ka kujtuar Veliajt premtimin e pambajtur për ndërtimin e Kopshtit Zoologjik dhe ka thënë se për këtë do të monitorohet, duke kërkuar më tej edhe ndërtimin e një teatri kukullash për fëmijët, pasi aktuali sipas tij është një tmerr i vertetë.

Kaq ka mjaftuar që Majko të pyesë; Hë cfarë do e prishim edhe atë?

BATUTAT

Rama i tregon Majkos filxhanin: Ja e shikon buzën e greminës, ca ëhstë këtu, I që po bie, apo L që po ngrihet

Majko: Po ik ore, lëre tani se na cmende

Rama: Ma thuaj ca të bëjmë pandi, nga ta kapim, u cmendën të tërë përnjëherë,

Majko: Ja të dëgjojmë lali Erin ca ka për të bërë

Rama: Lali të bëjë kopshtin Zoologjik se e ka premtim të pambajtur, pastaj për këto të rejat është punë tjetër

Rama: Teatrin e ri të kukullave njëherë, duhet, shkova me Zahon dhe ishte katandisur i marrë fund, si kopsht zoologjik i degraduar

Veliaj: Do parë ajo, sa mban, sa nuk mban …

Majko: Po ajo është godina e parlamentit, është godinë historike

Rama: Po është more është, po e ke parë ti si është, se juve thoni është godina e Parlamentit, por e ke parë ti si është ajo kur kalon nga PS

Majko: He ca, do e prishim edhe atë?

Rama: Ajo është katandisur si luani o Pandi, kopsht zoologjik, një tmerr i madh…

Majko: E rëndësishme është që ke vajtur ti në teatër të kukullave ta dëgjojë edhe ai (Gaz Paja) që sa është martuar

Zyrtari i qeverisë, Petro Koçi ka reaguar pas vendimit të Këshillit të Europës, për tërheqjen e vëzhguesve në zgjedhjet e 30 qershorit.

Në arsyetimin e KiE thuhej se kjo vinte për shkak të paqartësisë së procesit zgjedhor.

Ndërkohë në një postim të bërë në rrjetin social Facebook, Koçi shkruan se Këshilli i Europës është një organizatë në të cilën sapo është rikthyer Rusia.

KPK shkarkon nga detyra gjyqtarin e Gjykatës së Krimeve të Rënda, Luan Hasneziri.

Në kriterin e pasurisë dhe pastërtisë së figurës, sipas relatimit të KPK-së, gjyqtari i Krimeve të Rënda, njëherësh edhe kandidat për Gjykatën Kushtetuese, rezultoi me probleme, të cilat u mohuan gjatë mbrojtjes nga ana e Hasnezirit. Hetimet për një apartament si të vetmen pasuri të paluajtshme që gjyqtari posedonte, si dhe mosdeklarimi i refuzimit të vizës amerikane, sipas Komisionit kanë nxjerrë në pah një sërë problemesh.

Duke iu referuar relatores së çështjes, Alma Faskut, nga hetimi i kryer ka rezultuar se gjyqtari ka deklaruar në mënyrë të pasaktë sa i takon burimit të krijimit të kësaj pasurie dhe se huat e marra te vëllai dhe një kushëri nuk justifikoheshin prej tyre. Edhe nga analiza financiare e kryer, sipas Komisionit, gjyqtari rezultonte me bilanc negativ e për rrjedhojë nuk kishte mundësi për të vënë këtë pasuri. Nga relatimi i KPK-së u bë e ditur se apartamenti ishte 135 metra katrorë në Tiranë, i blerë për 5 milionë e 900 mijë lekë në vitin 2006. Si burim për këtë pasuri, Hasneziri ka deklaruar një kontratë huaje të vitit 2007 lidhur me vëllain dhe kontratën për kredinë bankare në po të njëjtin vit. Sipas relatores, ka mospërputhje mes deklarimeve periodike, asaj veting dhe sqarimeve të dhëna nga vetë gjyqtari.

“Duket se ka nënshkruar kontratë shitblerjeje fiktive dhe jemi përballë shkeljes së etikës. Gjatë hetimit rezultoi se subjekti ka deklaruar adresa të ndryshme banimi, në vite të ndryshme. Kemi kërkuar nga subjekti që në lidhje me 3 adresat e dhëna, t’i saktësojë ato dhe të vërtetojë me dokumentacion qëndrimin aty”, tha Fasku. FIGURA Për kriterin e pastërtisë së figurës, Drejtoria e Sigurimit të Informacionit të Klasifikuar e konsideroi të papërshtatshëm gjyqtarin, kjo pasi sipas raportit nuk kishte deklaruar refuzimin e vizës nga ambasada e Shteteve të Bashkuara të Amerikës.

Vetë Hasneziri ka argumentuar se nuk e ka parë të detyrueshme deklarimin dhe se refuzimi i vizës nuk është refuzim për të hyrë në Shtetet e Bashkuara të Amerikës. “Në vitin 2014 subjektit i është refuzuar viza për në Shtetet e Bashkuara të Amerikës, fakt që nuk e ka deklaruar”, tha Fasku.

MBROJTJA

“Nëse do të përdornim kriteret dhe standardet e sotme, Abraham Linkoln do të konsiderohej një president i korruptuar, pasi dha para për bindjen e kongresmenëve për heqjen e skllavërisë”, tha Luan Hasneziri gjatë mbrojtjes së tij, duke argumentuar se ai është ngarkuar me standardet e ditëve të sotme, për rrethana që kanë ndodhur kohë më parë dhe në rrethana specifike. Sipas Hasnezirit, përfundimet e nxjerra nga Komisioni nuk mund të qëndrojnë ashtu siç janë sjellë.

Gjyqtari i konsideroi hetimet dhe përfundimet e KPK-së si justifikime dhe pretekste për të sjellë shkarkimin e tij, sepse nga sistemi nuk kishte asnjë arsye dhe shkak ligjor për largimin e tij. Teksa e konsideroi veten një gjyqtar me njohuri të mira juridike, Hasneziri i tha KPK-së se ai ka gjykuar dhe dënuar grupe të rrezikshme dhe ndihej i frikësuar me jetë nëse “flakej në rrugë”.

“Gjatë karrierës sime kam gjykuar një sërë procesesh dhe kam dhënë disa burgime të përjetshme. Kam dënuar grupe të 1997-ës, të cilët sot enden të lirë në rrugë. Ndihem i rrezikuar në jetë nga këta persona. Jam mbrojtur së bashku me kolegët e mi nga forcat RENEA me automatikë nga këta persona dhe nëse sot unë flakem në rrugë, ndihem i rrezikuar. Më vjen keq që do e mbyll fjalën time në këtë formë, por unë sot nuk gjej asnjë arsye për shkarkimin tim, vetëm justifikime”, përfundoi gjyqtari Luan Hasneziri.

Aleanca Qytetare për Mbrojtjen e Demokracisë në Berat i kërkon Presidentit të Republikës, Ilir Meta të përdorë të gjitha mekanizmat ligjorë që ka në dispozicion për të shpallur sa më parë zgjedhjet e përgjithshme parlamentare të parakohshme.

Me anë të një deklarate, kjo Aleancë, u kërkon forcave të rendit dhe administratës publike që të vendosin përpara Shqipërinë, duke mos u bërë pjesë e mbështetjes së shkeljes së Kushtetutës dhe Ligjit.

“Qytetarëve të Beratit dhe të gjithë Shqipërisë. Të ngrihen në mbrojtje të të drejtave të tyre dhe të demokracisë, të refuzojnë të bëhen pjesë e farsës elektorale që qeveria dhe Edi Rama po përgatit, të bashkëpunojnë me të gjithë aktorët dhe faktorët politikë dhe jo politike në interes të vetëm të Shqipërisë dhe shqiptarëve!”, thuhet në reagim.

Deklarata e plotë:

Deklaratë e Aleancës Qytetare për Mbrojtjen e Demokracisë

Berat:

Ne, qytetarët e Beratit, të bashkuar në një Aleancë për Mbrojtjen e Demokracisë dhe vlerave të saj,

Me dëshirën dhe qëllimin madhor për t`i shërbyer Shqipërisë dhe interesave të saj;

Të shqetësuar për konfliktin social dhe politik në vend, konflikt i cili po precipiton me pasoja të rënda për të ardhmen e Shqipërisë, shqipëtarëve dhe integrimin evropian të tyre si aspiratë madhore e popullit shqiptar në shekuj,

Duke patur parasysh rrethanat e sotme, kur:

– Vendi drejtohet nga një maxhorancë politike e cila është faktuar se ka fituar zgjedhjet nëpërmjet blerjes dhe manipulimit të votës si dhe përdorimit të eksponentëve të krimit të organizuar;

– Kuvendi i Shqipërisë nuk plotëson detyrimin kushtetues të përfaqësimit me 140 deputetë, duke mos përfaqësuar kështu numerikisht elektoratin;

– Sistemi i drejtësisë është tërësisht i paralizuar, Gjykata Kushtetuese dhe Gjykata e Lartë nuk funksionojnë, ndërsa organet e tjera të këtij sistemi kontrollohen politikisht nga maxhoranca;

– Korrupsioni galopant që po gërryen ekonominë dhe të ardhmen tonë është faktuar të ketë mbështetje të hapur qeveritare;

– Opozita ka braktisur përfundimisht Kuvendin e Shqipërisë, në shenjë protëste përsa më sipër;

-Maxhoranca, për herë të parë pas përmbysjes së regjimit komunist, tenton të shkojë e vetme në zgjedhje moniste, pa asnjë alternativë, duke kontrolluar kështu efektivisht të gjithë pushtetin vendor dhe qëndror në Shqipëri;

-Dekreti i Presidentit i ka anulluar këto zgjedhje pikërtisht për dëmin e pallogaritshëm që do t`i shkaktojë vëndit;

I bën thirrje:

– Presidentit te Republikës

Të përdorë të gjitha mekanizmat ligjorë që ka në dispozicion për të shpallur sa më parë zgjedhjet përgjithshme parlamentare, të parakohëshme, të drejta dhe të ndershme, si i vetmi instrument politik që i jep zgjidhje kësaj situate të paprecedentë!

– Administratës Publike dhe Zgjedhore, Forcave te Rendit dhe të Sigurisë

Të vendosin Shqipërinë përpara partisë, duke mos u bërë pjesë dhe mbështetje e shkeljes së Kushtetutës dhe Ligjit;

– Qytetarëve të Beratit dhe të gjithë Shqipërisë

Të ngrihen në mbrojtje të të drejtave të tyre dhe të demokracisë, të refuzojnë të bëhën pjesë e farsës elektorale që qeveria dhe Edi Rama po përgatit, të bashkëpunojnë me të gjithë aktorët dhe faktorët politikë dhe jopolike në interes të vetëm të Shqipërisë dhe shqiptarëve!

Pas kërkesës së Presidentit Ilir Meta për t’u njohur me procedurën që është ndjekur për zëvendësimin  e deputetëve të LSI dhe PS që dorëzuan mandatet me emrat e rinj të po këtyre forcave, vjen përgjigjia e Komisionit Qendror të Zgjedhjeve.

KQZ-JA i ka vënë në dispozicion Presidentit një kopje të njoftimit të Kuvendit dhe një kopje të dorëheqjes së deputetëve nga mandati.

Po ashtu mësohet se Presidentit i është vënë në dispozicion edhe një kopje e vendimit të KQZ për dhënien e mandatit deputetëve pasues në listën shume emërorë.

Kujtojmë që Kuvendi aktualisht përbëhet nga 122 deputetë pas shterimit të listave shumëemerore të partive opozitare.

Ndërkohë që në nenin 64 të Kushtetutës thuhet se “Kuvendi përbëhet nga 140 deputetë, të zgjedhur me sistem proporcional me zona zgjedhore shumemërore.”

Ndërkohë që ndajnë pesë ditë nga 30 qershori, për të cilën kryeministri Rama, jo vetëm nuk lëviz pavarësisht dekretit të Metës për anulimin e vendoreve, por ka theksuar se është shumë i rëndësishen, jo thjesht për zgjedhjen e kryebashkiakëve të rinj, por për të nesërmen e vendit, në bazë duket se janë marrë masat për të garantuar votën për PS.

Nëpër qytete të ndryshme janë parë të shpërndarë disa formularë që bëjnë fjalë për një të ashtuquajtur sistem patronazhi, që duket se është gjetja e përdorur nga socialistët për të bërë identifikimin e zgjedhësve dhe garancinë për votën.

Në formular ka të detajuar elementë të posaçëm si për emrin e personit të patronazhit, tek emrat e votuesve, me qendër votimi e deri te vendi ku do të takohen për të “shmangur deklarimet fiktive”.

Poshtë formularit ka saktësime të tjera, të tipit “patronazhuesi që plotëson formularin garanton dhe mban përgjegjësi që personat e listuar, pra votuesit, do të paraqiten për të votuar më 30 qershor. Patronazhues mund të jenë që nga drejtues të strukturave të PS, drejtues institucionesh, persona influentë në zona, apo persona që quhen të spikatur”.

Në këtë mënyrë patronazhuesi del garant që ata do votojnë për PS, pasi u ka marrë më parë emrat dhe firmat dhe bën edhe shoqërimin e tyre në votim.

Kreu i Shtetit ka folur sot për vendimin e përfolur se do të shpërndajë parlamentin për shkak se nga zëvendësimi i deputetëve, institucioni i Legjislativit ka mbetur pa 140 mandate.

Por Meta ka thënë se ai do të ndërmarrë çdo veprim me qetësi dhe me shumë përgjegjshmëri.

“Presidenti i Republikës do bëj çdo veprim me shumë qetësi, me shumë përgjegjshmëri edhe do t’i shërbej mbrojtës së republikës dhe interesave të saj. Shpresoj ta bëjnë këtë të gjitha institucionet dhe qytetarët se bashku”, tha Meta.

Më tej kreu i shtetit e ka quajtur KQZ-në si organizatë socialiste, e cila nuk ka tagër që të vendos për datën e zgjedhjeve.

“Jo rastësisht përdora termin organizatë socialiste, Presidenti nuk mund të hyjë në debat me një organizatë socialiste apo demokrate. Vetëm Presidenti vendos për datën e zgjedhjeve në Shqipëri”, tha Meta.

Aktori i njohur Neritan Liçaj i bashkohet nismës ‘Edhe unë’ për të penguar votimet me 30 Qershor.

Ai i është bashkuar qëndrimit të artistit Bujar Kapexhiu, i cili ka deklaruar se do të jetë në qendrën e tij të votimit për të mos lejuar një votim te paligjshëm.

‘#EdheUnë…s’do lejojmë që jetët tona dhe të fëmijëve tanë të nëpërkëmben dhe të bien në letargjinë e dhimbshme të vdekjes së ngadalte të padinjitetit nga sundimi e një bande gangsterësh që s’njohin kushtetutë, të drejta, demokraci, mendim të lirë, art, kulturë, përparim, dije, qytetërim, komb dhe krenari …

Por vetëm rrugaçëri dhe vjedhje!

Po te doni shpërndajeni’, shkruan Neritan Liçaj në Facebook.

Analisti Fatos Lubonja, ka qenë i ftuar në studion e lajmeve të News24, ku ka komentuar situatën politike dhe vendimin e kryeministrit Edi Rama, për të marshuar i vetëm, drejt zgjedhjeve të 30 Qershorit. Lubonja tha se data 30 Qershor, është pragu që na çon drejt diktaturës dhe kryeministri Edi Rama do ta kalojë këtë prag.

“Kjo është një diktaturë sui generis, në mes të Europës dhe jo e klasave, siç ishte fashizmi, por kjo është diktaturë e krimit. Banditët, me në krye një bandit të cmendur, janë në krye të shtetit. Parlamentarët që mbështesin këtë regjim, nesër do përgjigjen, herët ose vonë. Kjo nuk shkon kështu, pa një ndëshkim. Po u lejua, do shkojë ku do shkojë dhe do përgjigjen të gjithë. Do të vijë dita, mos e harroni.
30 Qershori është për Edi Rama, kalimi i pragut të vendosjes së diktaturës. Se sa do ta mbajë… Një muaj, një vit, apo dhjetë vjet, këtë nuk e di. Që fundin e ka të sigurt, si një diktator i neveritshëm, kjo nuk ka asnjë dyshim“.

Lubonja tha se Presidenti i Republikës, është nën të njëjtin sulm, si opozita dhe qytetarët, ndaj duhet të dorëhiqet dhe të jetë sërish në krye të Lëvisjes Socialiste për Integrim.

“Presidentin është duke e ngrënë ujku, si të gjithë ne. Presidenti të lëre Presidencën, të marrë LSI-në dhe të dalë të luftojë. Duhet ballafaqim për ti treguar këtyre, që edhe këtej ka forcë.
Në vend që Shqipëria të qeverisët nga njerëz të arsyeshëm, qeveriset me njerëz si puna e Tërmet Pecit, që bën mitingje elektorale edhe në kishë. Këta dhunojnë edhe kishën. Të qeverisësh nga trafikantët e drogës, është kulmi i kulmeve. Një kryeministër që është i lidhur kokë e këmbë me trafikantët e drogës, siç dëshmoi rasti i Avdylajve, por edhe Dibra, është kulmi i kulmeve, vetëm shqiptarët mund ta durojnë këtë gjë“.

I pyetur për rolin e ndërkombëtarëve në kërtë krizë, por edhe më gjerë, Lubonja tha se shqiptarët duhet ta shembin diktaturën vetë dhe jo të presin ndihmën e ndërkombëtarëve, të cilët sipas tij, jetojnë në një realitet tjetër.

“Ndërkombëtarët kanë qenë me Berishën në 97’, derisa u dogj Shqipëria. Ata nuk jetojnë këtu, jetojnë në një realitet tjetër. Kanë harxhuar miliona për reformën në drejtësi. Kanë 30 vjet që thonë se kemi ecur përpara dhe do kishim arritur jo në Evropë por edhe në Amerikë, por ne kemi ecur mbrapa për fat të keq. Ata janë pjesë e problemit, nuk duhen llogaritur aq shume. E vetmja gjë që jep shpresë, është që kanë filluar të ndërgjegjësohen, andej këndej. Shqiptarët duhet ta mposhtin diktaturën pa ndërkombëtarët. Nëse e rrëzojnë me ndërkombëtarët, kthehet prapë diktatura“, u shpreh Lubonja.

Akademia e Shkencave dhe Shoqata Çamëria kanë promovuar ribotimin e librit “Këngë Popullore nga Çamëria”, të autorit Fatos Mero Rrapaj. Libri është risjell për publikun në kuadër të 75-vjetorit të Genocidit grek mbi shqiptarët e Çamërisë, pikërisht në Javën Çame.

Në këtë aktivitet ishte i pranishëm kryetari i PDIU-së Shpëtim Idrizi, si dhe Akademike Floresha Dado, Bashkim Kuçuku, Hajredin Isufi, Irakli Koçollari, Shaban Sinani etj.

Në fjalën e tij kreu i PDIU-së, vuri theksin tek një debat që Akademia e Shkencave duhet të bëjë me historianët grek, për falsifikimin e historisë se çamët kanë bashkëpunuar me nazistët në luftën e dytë botërore. Për këtë z.Idrizi kërkoi që të bëhet publike një foto apo një dokument që grekët mund të kenë.

“Akademia e Shkencave të përfshihet në debat me historianë grekë për falsifikimin e historisë për bashkëpunimin e shqiptarëve të Çamërisë me nazistët, në luftën e dytë botërore.

Kemi 3 vjet që kemi hyrë në një debat absurd me politikën greke, duke filluar nga Presidenti grek. Kërkojmë që të na gjejnë një foto apo një dokument që çamët kanë bashkëpunuat me naziztët.

Gjithashtu Akademia e Shkencave të përfshihet në një debat historik e faktmbledhës me historianët grek, për spastrimin dhe Genocidin etnik ndaj shqiptarëve të Çamërisë në fundin e luftës ëë dytë botërore. Ky është një detyrim nga Rezoluta e Parlamentit të Shqipërisë për çështjen Çame.

Libri “Këngë Popullore nga Çamëria”, është një përmbledhje e folklorit dhe këngëve e valleve çame, një vepër e jashtëzakonshme e studiuesit Fatos Mero Rrapaj. Falenderoj Akademinë e Shkencave, Shoqatën Patriotike Çamëria dhe Alket Veliun, që mundësuan ribotimin e këtij libri”, – u shpreh kryetari i PDIU-së

Akademikja Floresha Dado u shpreh se libri i Fatos Mero Rrapajt përshkruan historinë e Çamërisë dhe tregon këngët e vallet që Çamëria i ka patur traditë. Të njëjtën gjë thanë edhe Bashkim Kuçuku, Hajredin Isufi, Irakli Koçollari dhe Shaban Sinani.

Alket Veliu vuri theksin tek rëndësia që do të ketë ky libër, për të rinjtë por edhe për çdo shqiptarë që të njohë historinë dhe traditën e Çamërisë.

Ministri i Jashtëm Italian, Enzo Moavero Milanesi ka zhvilluar një bisedë telefonike me kryeministrin Edi Rama, si edhe kreun e opozitës Lulzim Basha.

Ministri italian konfirmoi për dy aktorët kryesorë politikë, rëndësinë e dosmodoshme, për të siguruar respektimin e rregullave të demokracisë dhe shtetit të së drejtës.

Në kuadër të kontestimeve të datës së zgjedhjeve të 30 qershorit, Ministri i jashtëm italian përsëritit se pavarësisht divergjencave mes forcave politike shqiptare, është shumë e rëndësishme të evitohet cdo formë e dhunës dhe mendimet e qëndrimet e gjithësecilit të shprehen në mënyrë demokratike.

Me këtë “frymë realiteti të rëndë në reciprokitet me dialektikën politike kundërshtare”, ka theksuar ministri “duhet të sigurohet, siguria dhe korrektësia e procesit elektoral në Shqipëri” i cili do të monitorohet edhe nga një mision ndërkombëtar, i udhëhequr nga OSBE-ODHIR, në të cilin bëjnë pjesëvëzhgues nga shumë vende përfshirë edhe Italinë.

Për opozitën, vendimi i Kolegjit Zgjedhor është nul. Kreu i Lëvizjes për Zhvillim Kombëtar, Dashamir Shehi, pas mbledhjes në selinë blu me liderin demokrat Lulzim Basha, kryetaren e LSI-së Monika Kryemadhi dhe aleatët, tha se opozita do të vijojë me aksionin për të penguar zgjedhjet e 30 qershorit. Ai tha në një prononcim për mediat, se opozita do të përdorë cdo formë rezistence për të mos lejuar që më 30 qershor të ketë votime.

“Vendimet janë marrë me kohë. Kjo javë do të kulmojë në protestën popullore, në raport krejt ndryshe me mediat për të përcjellë idenë e 4 muajve. Nuk janë zgjedhje, nuk i njohim, janë votime të zotit Rama, ne do të njohim dekretin e Presidentit. Kjo që u morën sot me një parti fantazmë, kolegji në vetvete është një fantazmë tani. Janë disa fatkeq që i ka rënë të marrin disa vendime të vështira për veten e vet, për ta se ne nuk i njohim këto vendime. Ne do të përballemi në çdo cep të Shqipërisë me juntën politike. Më datë 30 nuk do të ketë votime, kemi shumicën e shqiptarëve me vete. Po kalohet një fazë e paprecedentë, rrezikshmëria e këtij grupi është aq e madhe saqë justifikon çdo formë rezistencë. Demonstratë, dhe çdo formë brenda ligjeve. Kjo është rezistenca jonë”, tha Shehi pas mbledhjes në selinë blu.

Pas vendimit te Kolegjit Zgjedhor, qe rrezoi kerkesen e Partise se Unitetit Kombetar, duke lene ne fuqi 30 qershorin, Presidenca njofton se mengjesin e neserm do te kete nje konference per mediat.

Sipas burimeve, mesohet se konferenca do te mbahet neser ne mengjes ne oren  08:00 ne ambientet e Presidences.

Mesohet se teme e kesaj konference do te jete vendimi i sotëm të Kolegjit dhe kriza e rëndë politike në vend.

Kujtojme se fill pas vendimit te Kolegjit Zgjedhor, zedhenesi i Presidentit reagoi duke e quajtur gjithe kete nje skec te radhes te orkestruar kohe me pare.

Kolegji Zgjedhor ka refuzuar kërkesën e Partisë Uniteti Kombëtar, përfaqësuar nga kryetari Idajet Beqiri, për çregjistrimin nga zgjedhjet, duke lënë në fuqi  30 qershorin.

Trupa gjykuese vendosi të rrëzojë kërkesën e PUK për çregjistrimin nga listat e zgjedhësve të pushtetit vendor, që do të thotë se më 30 qershor do të zhvillohen zgjedhjet lokale.

Gajtë diskutimeve në Kolegj, Beqiri tha se nuk e pranon 30 qershorin në kushtet e krizës politike, ndërsa kërkoi çregjistrimin nga zgjedhjet.

Nëse pesë gjyqtarët e Kolegjit do të pranonin kërkesën e Beqirit, atëherë pranohej ligjshmëria e dekretit të Presidentit dhe 30 qershori rrëzohej.

Pa dhënies së vendimit, vetë Beqiri u shpreh se vendimi është i formës së prerë, dhe se duhet respektuar.

“Është një vendim i formës së prerë ne të drejtë ankimimi nuk kemi më. Jemi të detyruar ta zbatojmë këtë ligj. DO të thotë që më 30 qershor ka zgjedhje. Duke respektuar këtë vendim të Kolegjit, do t’i nënshtrohemi të gjithë rregullave për të vijuar garimin për kaq ditë sa na kanë mbetur.

Thelbi i padisë tonë ishte dekreti i Presidentit. Në iu drejtuam Kolegjit për të mësuar nëse ky dekret i Presidentit është i vlefshëm apo i vlefshëm.
Unë mund të kem mendime individuale, personale të miat por problemi ishte që vendimmarrja jonë ishte politike dhe juridike”, u shpreh ai.

Presidenti Ilir Meta, i ka kthyer përgjigje shkresës së kryetarit të Komisionit Ulsi Manja,  lidhur me dekretin për shfuqizimin e datës së zgjedhjeve.

Në përgjigjen e tij, Presidenti thotë se dekreti për shfuqizimin e zgjedhjeve është marrë në mbështetje të plotë me dispozitat Kushtetuese dhe se dekreti është në fuqi, i botuar në Fletoren Zyrtare, e për pasojë është i detyrueshëm për zbatim nga të gjithë, përfshirë edhe Kuvendin.

Ai e quan “proces të rremë”, procedurat e nisura nga ky komision për të rrëzuar dekretin e tij për anulimin e zgjedhjeve, duke theksuar se një proces i tillë është i “orientuar verbërisht politikisht” dhe se nuk i shërben aspak zgjidhjes së krizës.

Me thirrje e duartrokitje është pritur para gjykatës ish-deputeti i PD-së Bardh Spahia i cili do të njihet sot me masën e sigurisë nga Gjykata e Shkodrës pasi akuzohet për ngjarjet e ndodhur në KZAZ, ku iu vu flaka materialeve zgjedhore.

Gazetari Senad Nikshiqi raportoi për “BalkanWeb” se qindra mbështetës janë mbledhur para gjykatës, ku gjithashtu ka një numër të madh efektivësh të policisë.

Me nisjen e seancës, ish-deputetit Bardh Spahia i është komunikuar akuza, “Kundërshtimi i punonjësit të policisë së rendit publik” dhe “Dëmtimi me dashje i materialit zgjedhor”. Prokuroria ka deklaruar se disponon prova e pamje filmike që tregojnë se Spahia ka qenë aktiv gjatë përplasjeve në KZAZ dhe nuk i është bindur urdhrit të policisë.

Më pas Spahia ka marrë fjalën dhe ka deklaruar se arrestimi i tij është një prapaskenë politike.
“Ngjarjet për të cilat po diskutojmë sot. Po bëj një parantezë sot jemi përballë një përplasje të fortë politike e sociale. Protestuesit kanë vepruar sepse nuk mund të lejojnë që të uzurpojnë një objekt publik pronë e bashkisë Shkodër.

Për këtë kemi marrë informacion nga ana e policisë dhe njerëzve të paautorizuar dhe jemi drejtuar nga pallati i Sportit tek shkolla. Morëm informacion se kishte tension dhe u drejtuam atje për të qetësuar situatën.
Duke kërkuar qe situata të qetësohej sepse ishte e tensionuar. Materialet zgjedhore ndodheshin në një ambient të pambrojtur dhe aty ka pasur njerëz të paautorizuar. Ne kishim detyrë për të qetësuar njerëzit. Veprimet e arrestimit tim kanë prapaskenë politike. Mendoj që gjykata duhet ta shohë dhe vlerësojë siç duhet dhe bazuar në ligj”, ka thënë Spahia.

Seanca në ngarkim të ish-deputetit zhvillohet me dyer të mbyllura. Spahia ka qëndruar më shumë se 48 orë në izolim, ndërkohë që u ndalua ‘live’ nga policia.

Në mbledhjen e natës së kaluar, pas protestës së nëntë kombëtare të opozitës, u vendos që të gjithë ish-deputetët do të jenë sot në Gjykatën e Shkodrës për të protestuar kundër ndalimit të tij. Partia Demokratike e quajti ish-deputetin Bardh Spahia të burgosur politik dhe i kërkoi prokurorisë urdhërimin e menjëhershëm të lirimit të tij.

Kujtojmë se mbrëmjen e kaluar qytetarë nga Shkodra kanë protestuar para Policisë së Tiranës aty ku mbahet ish-deputeti Spahia, i arrestuar pas ngjarjeve në KZAZ në Shkodër. Protestuesit kërkuan lirimin e Spahisë dhe personave të tjerë të arrestuar dhe paralajmëruan protesta të përditshme.

Ish-Ministër i i Brendshëm, ish-ambasadori dhe politikani Neritan Ceka ka dale me nje deklarate te forte, teksa ka kerkuar qe OSBE te largohet nga Shqiperia nje ore e me pare, pasi sipas tij, ajo eshte “pjesë e aparatit kriminal të vjedhjes së votave”.

Deklaraten, Ceka e ka bere gjate emisionit “360 Gradë” në Tv Ora, ku mes te tjerash theksoi:

“Kemi të gjithë ndërkombëtarët të aktivizuar, një pjesë e tyre i hedhin ujë zjarrit, nuk shohin që ka një dekret presidenti, që ka një vendim të paligjshëm të kQZ për vazhdimin e zgjedhje, por del përfaqësuesi, ai që quhet gjoja Ambasadori i OSBE-së dhe thotë “Mos pengoni zgjedhjet!’ Ore, si nuk ka pyetur, ky Komisioni Qëndror i Zgjedhjeve, ka çuar ndodnjë shkresë se si do të vazhdoijë?! Nuk ka çuar…Po ti ke dekret të botuar dhe mungesën e një…po si mund të veprojë Policia?! Ky nuk është handikap! Kjo është pjesëmarrje në krim! Kjo është pjesëmarrje në krim dhe OSBE është bashkëpunëtore e ndërtimit të gjithë këtij aparati kriminal. E them edhe 100 herë. Nuk trembem fare se e kam thënë edhe kur isha kryetar i Kuvendit: Të ikë OSBE-ja një orë e më parë nga Shqipëria, është pjesë e aparatit kriminal të vjedhjes së votave, për interesat e tyre! Është pjesëmarrëse! Borchard është pjesëmarrës! Nuk merrem fare me emra!