VOAL

VOAL

Please Wait ...
0%

SKËNDER HYSENI – NGJARJET NË MAQEDONI S’KANË LIDHJE ME TERRORIZMIN

VOAL – TIRANË – Ngjarjet e ndodhura së fundmi në Maqedoni nuk kanë asnjë lidhje me terrorizmin, dhe kushdo që e bën këtë paralelizëm gabon rëndë.

Kështu u shpreh sot në Tiranë, ministri i Brendshëm i Kosovës Skënder Hyseni, ndërsa ka marrë pjesë në samitin rajonal që po zhvillohet në Shqipëri,për luftën kundër ekstremizmit të dhunshëm.

“Asnjë lidhje nuk mund të tërhiqet, asnjë paralele. Kujtoj është fondamendalisht qasje e gabuar nëse çfarëdo paralele tërhiqet midis terrorizmit, ekstremizmit të dhunshëm dhe ngjarjeve në Maqedoni, dhe absolutisht në Tiranë jemi duke biseduar për mënyrat më efikase të mundshme për të luftuar terrorizmin por ngjarjet në Maqedoni nuk kanë asnjë lidhje me këtë, dhe çfarëdo përpjekje për të tërehqur një paralele midis asaj që po ndodh në Maqedoni dhe terrorizmit global është gabim shumë, shumë i madh dhe absolutisht qëndrimi im është i prerë; nuk kanë lidhje ngjarjet në Maqedoni me çfarëdolloj terrorizmi apo ekstremizmi,” tha Skënder Hyseni sot në Tiranë.

Ai shtoi se institucionet e Kosovës kanë marrë masa në mënyrë që të mos ketë importim të trazirave nga Maqedonia në Kosovë dhe po sigurohen që të jenë të përgatitura në rast të tejkalimit të situatës dhe të ardhjes së shqiptarëve të Maqedonisë që mund të kërkojnë strehim në Kosovë.

Aktualisht janë mbi 50 aktakuza të ngritura për pjesëmarrjet në luftëra të huaja, e për më tepër Kosova ka miratuar edhe një ligj të posaçëm për ti ndaluar qytetarët e Kosovës që të marrin pjesë në luftëra jashtë vendit të tyre. kp

“PUSHTET ARËT” E SHQIPNISË TURPI I BOTËS – KU ASHT HEROI KOMBTAR GJERGJ KASTRIOTI SKENDERBEU ?! – Nga FRITZ RADOVANI

 

 

13 MAJI 2015 Presidenti Recep Tayyip Erdogan pritet nga Presidenti Nishani…

 

Nuk kam asnjë kundershtim per vizitat që ban Presidenti turk Erdogan në Shqipni, tue u nisë se Turqia ka aty “vëllezërit e gjakut të vet” të mbetun tash 100 vjetë në të gjitha anët e skutat e pushtetit anadollak e pushtues të Trojeve Shqiptare. Ndoshta kjo “miqësi” asht edhe shkaku kryesor që shumë “heroj” edhe pse kanë krye Gjenocid për 47 vjetë kunder Popullit Shqiptar nga viti 1944 – 1991, jo vetem nuk diskutohen “tituj e dekotatat e tyne” po, edhe shperblehen trashigimtarët e tyne me miljona euro dhe poste qeveritare.

 

As kjo tragjedi që nuk ngjet në një vend tjeter në Europë, nuk më shtynë me shkrue këta pak rreshta, sa një gjest antinjerzor, antikombtar dhe antikushtetues i pakrahasueshem që ngjet në salonin e pritjes së figurës numur 1 të shtetit Shqiptar, pikrisht në sallen e presidentit Republikës, se ciles nuk e dij (po, asnjëherë i Shqipnisë) perderisa hiqet busti i Heroit Kombtar Gjergj Kastriotit – Skenderbeut. Ndoshta, edhe ky asht një kusht per “rilindjen”, mbasi Pasuesit e Kastriotit nuk po e shohin një ditë të mirë tash 70 vjetë…

 

A do ta priste Presidenti Nishani ndonjë president italian sikur të vihej kushti prej atij që me hjekë bustin e Mujo Ulqinakut nga qyteti i Durrësit? Them se jo!

 

Veprime të tilla antiligjore sjellin vetëm perçamje dhe urrejtje! Kjo tregon se vizitat dhe bisedimet me “sulltanët” e Turqisë së sotme, nuk kanë karakter laik, gja që edhe kjo asht në kundershtim me emnat e dy shteteve “Republikë”, tue shfuqizue njëheri edhe mardhanjet “Demokratike”, mbasi vizitat dhe marrdhanjet i perkasin kohës sulltanit, ashtusi mund ti duket sulltanit Erdogan shteti ynë i sunduem dikur prej tij… “Atëherë kur ishte krenaria e botës islame, po kurrë presidenti ynë, as prijsi i Shqiptarëve!”

 

Monumenti i Gjergj Kastriotit sot asht jo vetem ndër Trojet Shqiptare, po edhe nder disa vende nder ma të zhvilluemet e Europës si: Zvicerr, Belgjikë, Hungari, Itali, tue mos u shtri nder sheshe apo rruga të mjaft qyteteve Europjane…I respektuem prej Tyne!

 

Mos ndoshta, Erdogan kur të “diskutohet” me hy në Bashkimin Europjan, ka me kerkue prej Tyne: “Me çdo kusht heqjen e Monumentit Kastriotit, ose Turqia nuk hyn kurrma në Europë!”… Po, Erdogan mos të harrojë se Shqipnia e Gjergj Kastriotit, ka edhe një Nanë të Madhe, Nanen Tereza, që vazhdon me u lutë ashtusi atë ditë në 1997 në Rinas:

 

“O ZOT, HIQI MALLKIMIN TAND POPULLIT SHQIPTAR !”

 

Melbourne, 19 Maji 2015.

BEN BLUSHI VIZITON LAGJEN E TRIMAVE NË KUMANOVË – KUR SHTETI ËSHTË I PABESË, KY ËSHTË FUNDI I TIJ

 

LAGJIA E TRIMAVE, KUMANOVË – Deputeti socialist Ben Blushi udhëtoi sot drejt Maqedonisë, ku fillimisht vizitoi qytetin e Kumanovës, i cili u bë arenë e përplasjes së forcave të policisë maqedonase dhe një grupi të armatosur, ku humbën jetën 22 veta.

Blushi i takua me banorë të Lagjes së Trimave, e cila ishe edhe lagjia që u godit nga kjo ‚luftë‘. Gjatë takimit Blushi e quajti shtetin maqedonas të pabesë.

Duke vizituar banorët dhe shtëpitë e tyre të rrënuara, ai tha se u tmerrua nga çfarë ka parë dhe përjetuar në këtë lagje, e cila, theksoi Blushi, është goditur nga një terror i paparë, informon INA. „Ju kanë cënuar pronat dhe dinjitetin njerëzor. Ju kanë cënuar pabesisht dhe padrejtësisht. Kur shteti është i pabesë, ky është fundi i tij,“ përfundoi Blushi.

Para disa ditësh deputeti Blushi ngriti çështjen e Kumanovës në Kuvendin e Republikës së Shqipërisë.

„Ajo që ndodhi sot në Kumanovë është e frikshme. Maqedonia sot ka një problem deliktat me demokracinë e vet. Nuk është një shtet demokratik, por autokratik. Rasti i Kumanovës dëshmoi se shqiptarët kanë një krizë në raport me qeverinë që i drejton dhe me partitë shqiptare. Ne s’mund t’iu themi se kujt t’i besojnë, por si shtet dhe si parlament duhet t’i mbështesim demokratët në mesin e shqiptarëve të Maqedonisë,“ tha Bushi.

ben b2

ben b3

ANTITERRORIZMI MBLEDH SOT NË TIRANË 12 MINISTRA TË BRËNDSHËM TË RAJONIT

Në Shqipëri sot mbahet një takim rajonal në nivel ministrash të brendshëm për të diskutuar mbi cështjet që lidhen me radikalizmin e dhunshëm dhe koordinimin mes shteteve për të parandaluar dhe uftuar këtë fenomen.

Në takim, i cili pason atë të organizuar muajin e kaluar në Uashington nga Departamenti amerikan i Shtetit do të marrin pjesë 12 vende, ku përvec atyre të Ballkanit perëndimorë, do të jenë edhe shtete anëtarë të BE si dhe Shtetet e Bashkuara të Amerikës të cilat përfaqësohen nga Zv/Sekretarja amerikane e Shtetit për Sigurinë Civile, Demokracinë dhe të Drejtat e Njeriut, Sarah Sewall.

TAKIM RAJONAL NË TIRANË PËR TERRORIZMIN

 

Intervistë me ministrin e Brendshëm shqiptar Saimir Tahiri. Cështjet që pritet të diskutohen në takim dhe situata në Shqipëri: Nuk ka patur më asnjë person të nisur për luftime

Në Shqipëri do të nisë nesër një takim rajonal në nivel ministrash të brendshëm për të diskutuar mbi cështjet që lidhen me radikalizmin e dhunshëm dhe koordinimin mes shteteve për të parandaluar dhe uftuar këtë fenomen. Në takim, i cili pason atë të organizuar muajin e kaluar në Uashington nga Departamenti amerikan i Shtetit do të marrin pjesë 12 vende, ku përvec atyre të Ballkanit perëndimorë, do të jenë edhe shtete anëtarë të BE si dhe Shtetet e Bashkuara të Amerikës të cilat përfaqësohen nga Zv/Sekretarja amerikane e Shtetit për Sigurinë Civile, Demokracinë dhe të Drejtat e Njeriut, Sarah Sewall.

 

​​Në një intervistë për Zërin e Amerikës, ministri i Brendshëm shqiptar Saimir Tahiri flet rreth cështjeve që pritet të diskutohen në këtë takim dhe masave që vetë Shqipëria ka marrë

Z. Ministër çfarë përfaqëson takimi i nesërm i ministrave të Brendshëm?

Pas samitit që u organizua në departamentin Amerikan të Shtetit në Uashington me asistencën e presidentit Obama, ku u adresuan çështjet e sfidës globale që kemi për tu përballur me ekstremizmin e dhunshëm, pasojmë me këtë Samit Rajonal të Ministrave të Brendshëm që organizohet në Shqipëri.

Kjo ka një vlerë simbolike jo vetëm për faktin që Shqipëria gjerësisht konsiderohet si një faktor i rëndësishëm në rajon dhe më gjerë për luftën kundër terrorizmit dhe ekstremizmit të dhunshëm, por gjithashtu ka dhe vlerë për të vazhduar atë që kemi nisur lidhur me koordinimin e energjive dhe të forcës të agjencive ligjzbatuese në Shqipëri dhe në rajon për adresimin e këtyre çështjeve”.

 

Më konkretisht çfarë do të diskutohet në këtë samit, cilat do të jenë temat bazë?

Ne kemi përcaktuar disa objektiva bazë që janë objektiva jo vetëm të Shqipërisë, janë objektiva jo vetëm të rajonit, por janë objektiva të të gjitha vendeve që janë bashkuar kundër ekstremizmit të dhunshëm.

Së pari ne kemi rënë dakord që qasja ndaj terrorizmit duhet të jetë një qasje e përgjithshme dhe jo vetëm një qasje force. Pra, me qasje të përgjithshme kam parasysh përpjekjet që duhet të bëjmë për luftën kundër varfërisë, përpjekjet që duhet të bëjmë për luftën kundër injorancës dhe mungesës së arsimit, përpjekjet që duhet të bëjmë për forcimin e zhvillimit ekonomik në mënyrë të qëndrueshme, e pastaj sigurisht përpjekjet që duhet të bëjmë në kuadër të punës që bëjnë agjencitë ligjzbatuese që nga shkëmbimi informacionit deri tek aksionet e përbashkëta.

Ju e dini që rajoni nuk ka pak probleme nga çështjet e radikalizmit dhe më konkretisht problemet e kohëve të fundit lidhur me luftëtarët e huaj. Është një fenomen që jo pak ka shqetësuar autoritetet tona, jo pak ka shqetësuar edhe qytetarët, jo pak ka shqetësuar edhe fqinjët, por mbi të gjitha përbën një sfidë madhore për të gjithë ne që jemi rreshtuar në koalicionin e vlerave kundër ekstremizmit të dhunshëm dhe terrorizmit.

Masat që kemi marrë në Shqipëri, kanë çuar sot që flasim në zero numrin e personave që nisen për të marrë pjesë në një luftë që nuk është lufta jonë dhe me masa këtu kam parasysh ndryshimin e legjislacionit penal, kam parasysh edhe procedimet penale që kemi bërë pashkë me partnerët, por kjo është ende e pamjaftueshme për Shqipërinë, siç është ende e pamjaftueshme për rajonin.

Kështu që, ne kemi rënë dakord në këtë samit rajonal të bashkohemi dhe të bëjmë një agjendë pune të përbashkët të Shqipërisë dhe të vendeve të rajonit për të adresuar këtë sfidë në mënyrë të përbashkët, për të koordinuar hapat në mënyrë konkrete dhe për t’i konsideruar çështjet e secilit vend, si çështje të të gjithëve në mënyrë që nga njëra anë të shkëmbejmë informacion intensivisht dhe në kohë reale dhe nga ana tjetër ta adresojmë ekstremizmin e dhunshëm në mënyrë të përbashkët bashkë me partnerët Europian dhe sigurisht me Shtete e Bashkuara të Amerikës”.

 

Z. Ministër, janë bërë disa takime që pas atij të Uashingtonit, ju keni marrë pjesë në Beograd, në samitin në Austri a mjaftojnë këtë takime, ose më saktë këto takime si do të kthehen në veprime konkrete?

Ne kemi filluar me veprimet konkrete, ndër primarët është sigurisht shkëmbimi informacionit. Kemi rënë dakord me vendet e rajonit, ashtu siç kemi rënë dakord me vendet e Bashkimit Europian dhe partnerët tanë në Bashkimin Europian dhe Shtete e Bashkuara të Amerikës që të fillojmë shkëmbimin e informacionit për qytetarët që lëvizin nga një vend në një vend tjetër duke aplikuar filtra të tillë, të cilët na lejojnë detektimin e atyre që janë në nisje apo në kthim nga një luftë që nuk është lufta jonë, por është luftë nga ato që shqetësojnë vendet e rajonit apo shqetësojnë botën në tërësi.

Kemi rënë dakord që të përpunojmë një seri masash preventive në raport me qasjen e kontrollit në pikat kufitare. Pra në qoftë se një vend si Shqipëria ka masa të përforcuara të kontrollit preventive në kufij dhe një vend marr shembull si Maqedonia ka qasje më të relaksuar në lidhje me lëvizjen e qytetarëve, kemi rënë dakord që të kemi një standard minimal për kontrollin preventiv të qytetarëve në mënyrë që nga njëra anë të shkëmbejmë informacion dhe nga ana tjetër të bëjmë të mundur parandalimin ose detektimin e atyre që nisen e vijnë nga një luftë si kjo që thashë.

Kemi rënë dakord për ngritjen e grupeve hetimore të përbashkëta dhe kemi filluar ngritjen e grupeve hetimore të përbashkëta. Një ndër to është sigurisht grupi hetimor që ka ngritur Shqipëria me Italinë dhe shtatë apo tetë vende të tjera të Bashkimit Europian sepse se mendojmë që veprimet hetimore të përbashkëta ndërmjet nesh dhe agjencive ligjzbatuese të tjera në Bashkimin Europian, me asistencën e ngushtë të Shteteve të Bashkuara të Amerikës, na ndihmon që të kemi qasje holistike në raport me hetimet që duhet të kemi ndaj këtyre shtetasve.

Kemi rënë dakord për forcimin e agjencive ligjzbatuese dhe një shembull mjaft i mirë është “Drejtoria Antiterror” në Policinë e Shtetit, e cila sot është me e madhja në rajon jo vetëm për nga numri i oficerëve, jo vetëm për nga kapaciteti i mbledhjes së informacionit, por dhe për nga kapaciteti i aksioneve që mund të kryejë në Shqipëri dhe me ndihmën e partnerëve edhe në vende të tjera.

Kemi rëndë dakord që të shohim gjithashtu iniciativa të përbashkëta për përfshirjen e komuniteteve vendore, nga komunitetet e strukturuara fetare të cilat duhet të luajnë një rol dhe luajnë një rol themelore në diktimin e modelit të duhur të praktikimit të fesë, deri tek komunitetet vendore që mund të ndikojnë për ngritjen e mekanizmave parandalues, që qytetarë të ndryshëm të bien në praktika ekstremizmi”.

 

Duke kujtuar operacionin e para një viti ku u zbulua edhe celula që vepronte në Tiranë për rekrutim. Xhamia në të cilën ata vepronin ishte jashtë kontrollit të Komunitetit Mysliman. A keni sot informacione apo mbikëqyrje mbi struktura të tilla apo vende kulti të cilat nuk janë të regjistruara?

Ne kemi një bashkëpunim shumë të shkëlqyer me Komunitetin Mysliman lidhur me strukturën zyrtare të praktikimit të fesë në Republikën e Shqipërisë. Edhe Komuniteti Mysliman ka ndihmuar me informacion lidhur me vende të praktikimit të fesë të cilat nuk janë të përfshira në katalogun zyrtar të praktikantëve të fesë në Republikën e Shqipërisë. Por ka ndhmuar dhe me sensibilizimin e praktikantëve të fesë me mënyrën vendin e lejuar, të shëndoshë po them, për praktimin e fesë, po ashtu  edhe për evitimin në maksimum të vendeve të cilat nuk janë brenda kornizës ligjore, nuk janë brenda kornizës së praktikimit të fesë nga vetë Komuniteti Mysliman, por shpesh herë kanë shërbyer edhe si vende ku  është kalitur edukata ekstremiste e praktimit të fesë. Kështu që kjo është një përpjekje e vazhdueshme.

Asnjë vend nuk është i lirë nga kërcënimi i ekstremizmit, kurrë nuk mund të themi që kjo është një sfidë që përballohet njëherë e mirë e pastaj nuk ke më probleme. Për sa kohë ka flukes ekstremizmi për cilëndo arsye, qoftë kjo fetare, qoftë kjo jofetare, gjithmonë do të ketë punë për agjencitë ligjzbatuese, por mbi të gjitha do të ketë punë për qytetarët, komunitetet lokale, komunitetet fetare. Sepse përpjekja për të adresuar ekstremizmin e dhunshme, cilado qoftë arsyeja e motivimit të tij, mbetet një përpjekje konstante e shoqërive në tërësi, dhe pastaj e qeverive dhe e agjencive ligjzbatuese”.

 

Një prej mjeteve që përdoret për rekrutime janë dhe rrjetet sociale. Madje kemi patur dhe rastet e të rinjve të cilët janë hetuar për të tjera çështje dhe është zbuluar se ato ndiqnin pikërisht aktivitete të tilla. A kanë strukturat tona një kontroll, një mbikëqyrje mbi aktivitetin në këto rrjete sociale?

Njësia jonë e antiterrorit po zhvillon dhe kapacitetet e kontrollit në rrjete sociale lidhur me aktivitet rekrutimi ose aktivitet sensibilizimi, ose aktivitet ekstremizmi akoma edhe më radikal sesa kaq.

Sigurisht që  kontrolli dhe lufta e ekstremizmit të dhunshëm në rrjetet sociale dhe në internet mbetet një sfidë shumë e vështirë jo vetëm për ne por edhe për vende shumë më të zhvilluara. Megjithatë, në  strukturën e Drejtorisë së Antiterrorit, ne bashkë me partnerët po zhvillojmë këtë kapacitet për t’i dalë përpara në përpjekjes që bëjnë rrjetet e rekrutimit në internet për të pasur sukses në aktivitetin e tyre. E përsëris, gjithsesi kjo nuk është betejë që zhvillohet vetëm nga agjencitë ligjzbatuese. Aktivitetin kriminal, të thjeshtë po them, apo aktivitetin kriminal të ekstremistëve të dhunshëm, të cilët organizojnë aktivitet rekrutues në hapësirën e internetit nuk mund ta detektojnë vetëm njësitë shtetërore që merren me këtë punë, por ka shumë ndikim edhe qytetari që në mënyrë të pavarur apo me iniciativën e  tij kryen një hulumtim të zakonshëm dhe në momentin që haset në të tillë përpjekje, raporton në agjencitë ligjzbatuese.

Gjithsesi, ne po zhvillojmë bashkë me partnerët, mekanizma parandalues apo detektimi paraprak, në rrjet, dhe gjithashtu ka një përpjekje të koordinuar të vendeve që i përkasin aleancës kundra ekstremizmit të dhunshëm, bashkë me kompanitë që ofrojnë këtë shërbim, pra kompanitë gjigante në treg që kanë një rrjet global të komunikimit në rrjetet sociale, sepse përfshirja e tyre, e vetë kompanive, përfshirja e qytetarëve si dhe e agjencive ligjzbatuese sjell më shumë efekt dhe më shumë rezultate në luftën kundër ekstremizmit të dhunshëm”.

DASH – SHQIPËRIA, VEND I RREZIKSHËM PËR TË HUAJ DHE VENDASIT, POLICIA E PAFUQISHME PËR TË LUFTUAR KRIMIN

osacDASH – SHQIPËRIA, VEND I RREZIKSHËM PËR TË HUAJ DHE VENDASIT, POLICIA E PAFUQISHME PËR TË LUFTUAR KRIMIN

Shqipëria cilësohet nga SHBA si një vend I rrezikshëm për të huaj dhe vendasit, për shkak të operimit të bandave kriminale dhe pafuqisë së policies për ta luftuar krimin. Raporti I publikuar pak ditë më pare flet për sigurinë dhe aktualitetin në Shqipëri duke analizuar vitin 2014, ndërsa iu bën thirrrje shtetasve amerikanë që të kenë kujdes gjatë udhëtimeve në vendin tone, në veçanti në zonën e Lazaratit.

Raporti është hartuar nga Byroja e Sigurisë Diplomatike (OSAC), organ pranë Departamentit Amerikan të Shtetit dhe, sipas tij, problematika më e madhe në Shqipëri është krimi. Raporti thekson se shqetësim mbeten grabitjet dhe vjedhjet me thyerje. Raporti flet edhe për kujddesin shendesot dhunë fetare e politike e tjerë.

Sipas raportit, në vitin 2014 krimi në përgjithësi dhe situate e sigurisë vazhdon të mbetet një shqetësim. Krimi ka vazhduar të rritet gjatë pesë viteve të fundit, kryesisht për shkak të rritjes së madhe të grabitjeve dhe vjedhjeve me thyerje. Krimi I rrugës është mjaft I zakonshëm në zonat urbane, kryesisht gjatë natës.

 

LETRA E SENATORIT AMERIKAN QË I KËRKOI QEVERISË TË MOS E NJIHTE REGJIMIN E ENVERIT

 

Qeveria e Enver Hoxhës, posa mori fuqinë në dorë, në fillim me forcë dhe pastaj me zgjedhje të falsifikuara, ka shtypur çdo pozitë me arrestime, burgime dhe pushkatime, po ushtron mënyra brutale për të zhdukur çdo ndjesi njerëzore e kombëtare, ka grabitur pasurinë private, ka skllavëruar bujq e punëtorë në ferma dhe fabrika shtetërore, ka internuar burra, gra fëmijë, pleq e të rinj në kampe përqendrimi me qëllim që të zhdukë fare racën shqiptare dhe kulturën e saj. Enver Hoxha po helmon gjithashtu rininë e Shqipërisë me një doktrinë amorale dhe ka zhdukur shumicën e klerit katolik, orthodoks e mysliman.

Prandaj i lutem presidentit që të urdhërojë përfaqësuesit amerikanë pranë Kombeve të Bashkuara që të kërkojnë tërheqjen nga Shqipëria të organizatorëve rusë dhe të policisë sekrete dhe gjithë agjentëve të imperializmit sovjetik që janë grumbulluar atje me qëllim që të turbullojnë paqen botërore”. Kështu thuhet në mes të tjerash në një prej pikave të rezolutës së senatorit amerikan, Charles Kersten, të paraqitur para Senatit të SHBA-ve në shkurtin e vitit 1953, ku politikani e diplomati i njohur amerikan, pasi i bënte një analizë të hollësishme regjimit diktatorial të Enver Hoxhës, i bënte thirrje zyrtare Presidentit të SHBA-ve që të formulonte një politikë të jashtme më të fortë, në mënyrë që Amerika të mos e njihte regjimin komunist në Shqipëri. Po çfarë thuhet më tej në rezolutën e senatorit amerikan Kersten, si e përshkruan ai gjendjen në Shqipëri dhe krimet e regjimit diktatorial të Hoxhës?

Si e cilëson ai politikën që ndiqte asokohe Bashkimi Sovjetik ndaj Shqipërisë dhe cilat ishin masat që, sipas tij, duhej të ndërmerrte Presidenti amerikan për ta bërë më të ashpër politikën e jashtme ndaj vendit të vogël komunist të Ballkanit. Për të gjitha këto bëhet fjalë në një sërë dokumentesh arkivore, ku ndodhet e pasqyruar e gjithë korrespondenca që Ministria e Punëve të Jashtme në Tiranë ka mbajtur me disa nga ambasadat shqiptare të akredituara në vendet perëndimore, të cilat e informonin rregullisht atë mbi veprimtarinë e emigracionit reaksionar shqiptar në këto vende, shtypin që nxirrnin ata dhe fjalimet apo protestat e diplomatëve amerikanë kundër politikës së qeverisë komuniste të Enver Hoxhës. Të gjitha këto dokumente arkivore, të cilat për vite me radhë janë konsideruar si “tepër sekret” dhe të një rëndësie të veçantë, ndodhen në arkivat e shtetit shqiptar dhe prej disa vitesh ato janë të deklasifikuara.

SENATORI: “ENVERI ELIMINOI FIZIKISHT OPOZITËN”

Një nga informacionet e diplomatëve shqiptarë të përfaqësive tona diplomatike të akredituara në shtetet perëndimore, dërguar për Ministrinë e Jashtme në Tiranë, është edhe ai i titulluar: “PJESË NGA SHTYPI SHQIPTAR I KRIMINELËVE TË LUFTËS GJATË MUAJVE JANAR DHE SHKURT 1953″, me nëntitull: “Mesazhe dhe deklarata të plota të personaliteteve amerikane” (AMPJ. Viti 1953. Dosja 291). Në fillim të këtij informacioni, jepet mesazhi i admiralit amerikan Miller, kryetar i Komitetit “Evropa e Lirë”, drejtuar popullit shqiptar me rastin e Krishtlindjeve. Mesazhi i Millerit, i cili njëkohësisht ishte dhe një nga 96 anëtarët e Senatit të SHBA-ve, është botuar nga gazeta “Shqipëria” (organ i Komitetit Kombëtar ‘Shqipëria e Lirë’) në numrin e saj të 1 janarit 1953. Në atë mesazh midis të tjerash thuhet: “Të dashur dëgjues shqiptarë? Sot, shumë prej jush bashkohen me qindra milionë të krishterë në të gjithë botën për të festuar lindjen e Krishtit. Unë besoj se kjo ditë, megjithëse shumë prej jush jeni të ndaluar të shkoni në kishë, i mbush zemrat tuaja me gëzim, ditë lutje për çlirimin tuaj. Ju jeni të fortë dhe keni me vete historinë e gjithë njerëzimit. Midis jush mund të ketë njerëz që nuk bashkohen me ne në festimet e sotme, se ata s’kanë Zot, se janë shërbëtorë të Stalinit. Këta duhet ta kuptojnë se sa të këqija vijnë nga lindja dhe jeta e një njeriu të keq.

Radio ‘Europa e Lirë’ nuk është një organizatë propagandistike e ndonjë besimi fetar, por një organizatë që i kushtohet tërësisht idealit që njeriu duhet të jetë i zoti që të jetojë me liri dhe vullnet të mirë. Ky është mesazhi që u dërgoj miqve shqiptarë për Krishtlindje dhe nuk do të pushoj kurrë së dërguari mesazhe të tilla. Unë jam një nga 96 anëtarët e Senatit Amerikan. Shumë nga këta nuk janë dakord me këto që po ju flas sot juve, po natyrisht pa marrë parasysh politikën zyrtare të qeverisë s’onë, ata dhe unë kemi mundësi të çfaqim hapur parimet në të cilat jetojmë. Kjo është baza e qeverisjes demokratike. Me mbarimin e luftës u bënë zgjedhjet në Shqipëri, si dhe në vendet të tjera dhe qeveritë e Frontit Popullor, të formuara nga parti të ndryshme muarën frerat në dorë. Por megjithë këtë, komunistët nuk ishin fort të kënaqur, deri sa nuk kishin në dorë të tyre fuqinë totale. Nuk është nevoja t’ju kujtoj juve fatin e Eduart Benesë ose të Jan Masarickut.

Spastrimi i anëtarëve të Asamblesë Popullore Shqiptare nga ana e Enver Hoxhës dhe i shokëve të tij është ende i freskët në mendjen t’uaj. Ëndrra juaj për një liri kombëtare, shpresat e juaja për një sigurim ekonomik, dëshira e juaj për një liri individuale, të gjitha janë të destinuara të përmbushen në një të ardhme jo të largët. Miliona amerikanë janë thellësisht të ndërgjegjshëm për faktin që tiranija mbi Shqipëri është një kërcënim i lirisë dhe i demokracisë në mbarë botën. Sot populli amerikan shikon me keqardhje të madhe vuajtjen e popullit Shqiptar dhe shpreson më në fund se Shqipëria do të kthehet në Komitetin e Kombeve të lira”. Po a ndikoi mesazhi i Kerstenit në qëndrimin e SHBA-ve ndaj Shqipërisë? Ky mesazh i dhënë para Senatit Amerikan në janarin e vitit 1953 duket se pati një ndikim jo të vogël në politikën amerikane ndaj regjimit komunist të Enver Hoxhës. Kjo gjë shihet qartë po të kemi parasysh se, pas asaj periudhe, qeveria e SHBA-ve i rriti ndjeshëm financimet për Komitetin “Shqipëria e Lirë”, si dhe ato të grupeve të ndryshme të shqiptarëve të mërgatës antikomuniste në Perëndim, të cilët stërviteshin në bazat e Italisë, Greqisë, Gjermanisë dhe Maltës për të zbarkuar në Shqipëri. Kjo kohë përkon dhe me hedhjen në Shqipëri të grupeve të Hamit Matjanit, Halil Branicës, Zenel Shehut etj., të cilët, siç dihet, u kapën nga Sigurimi i Shtetit, pas tradhtisë që kishte bërë Kim Filbi.

REZOLUTA E SENATIT TË SHBA-VE

Pas mesazhit të senatorit Miller, në faqen e katërt të informacionit për Ministrinë e Jashtme në Tiranë, diplomatët e ambasadës shqiptare të akredituar në një nga shtetet perëndimore japin të plotë edhe rezolutën e senatorit amerikan, Josep Charles Kersten, të titulluar: “Për lirinë e Shqipërisë”, i cili ia ka paraqitur atë Senatit Amerikan. Në atë mesazh, midis të tjerash, senatori Kersten ka shkruar: “Bashkimi Sovjetik ka shkatërruar mundësitë e lirisë dhe të indipendencës së Shqipërisë, që duhesh t’i kishte fituar që kur mori fund Lufta e Dytë Botërore dhe e ka vënë Shqipërinë nën zgjedhën dhe kontrollin e një qeverie komuniste, kukull e Kremlinit. Ky regjim është munduar me premtime të rreme të sigurojë njohjen e tij nga ana e Amerikës dhe Anglisë. Qeveria e Enver Hoxhës, posa mori fuqinë në dorë, në fillim me forcë dhe pastaj me zgjedhje të falsifikuara, ka shtypur çdo pozitë me arrestime, burgime dhe pushkatime, po ushtron mënyra brutale për të zhdukur çdo ndjesi njerëzore e kombëtare, ka grabitur pasurinë private, ka skllavëruar bujq e punëtorë në ferma dhe fabrika shtetërore, ka internuar burra, gra fëmijë, pleq e të rinj në kampe përqendrimi me qëllim që të zhdukë fare racën shqiptare dhe kulturën e saj. Enver Hoxha po helmon gjithashtu rininë e Shqipërisë me një doktrinë amorale dhe ka zhdukur shumicën e klerit katolik, orthodoks e mysliman.

Kundrejt Shqipërisë janë bërë gabime tragjike nga politika e disa shteteve të lira, ndër to edhe amerikan, për arsye se në një kohë është shpresuar një bashkëpunim i sinqertë me komunistët. Sot jemi të bindur dhe është provuar se komunizmi në Shqipëri është mjet konspiracioni në duart e komunizmit ndërkombëtar dhe vë në rrezik paqen ndërkombëtare. Prandaj: I lutem kësaj Dhome të Deputetëve të vendosë që Kongresi i Shteteve të Bashkuara të Amerikës të bashkojë përsëri me miqësinë historike e tradicionale popullin amerikan me atë shqiptar, të cilët kanë aspirata të përbashkëta për liri, demokraci e drejtësi. I lutem këtij Kongresi të shprehë bindjen e patundur të popullit amerikan që populli shqiptar ka të drejtën e vet të qeverimit me pëlqimin e tij të plotë, me anë zgjedhjesh të lira dhe që asnjë komb tjetër nuk mund ta ndajë prej tokës së tij me forcë, as edhe që ta mbajë tokën shqiptare me forcë.

I lutem Senatit të Shteteve të Bashkuara që të shprehë bindjen e popullit amerikan se populli shqiptar ka të drejtë të gëzojë të drejtat themeltare të lirisë për të cilat ai është hedhur në luftëra shekullore; midis këtyre të drejtave numërojmë këto: 1. Të drejtën e fshatarësisë mbi zotërimin e tokës, që ta punojë ashtu si i pëlqen dhe të disponojë frytet e saj sipas dëshirës. 2. Të drejtën e punëtorëve për të zgjedhur lirisht llojin e punës e për të përfituar nga rroga e tyre, si dhe për të caktuar ata vetë orët e punës me anë të sindikatave të lira. 3. Të drejtën e intelektualëve për të krijuar lirisht aksione shkencore dhe artistike nëpërmjet institutesh edukative, shkencore dhe kulturale të pavarura nga shteti. 4. Të drejtën e besimit, të fjalës, të shfaqjes së mendimit dhe të lirisë së shtypit. Përveç këtyre, për të ndihmuar popullin shqiptar, Presidenti i Shteteve të Bashkuara është i lutur që: 1. Të formulojë një politikë të jashtme të re më të fortë, në mënyrë që të mos e njohë regjimin komunist në Shqipëri. 2. Të fajësohet regjimi komunist i Rusisë si agresor, regjim që ka shkelur parimet themeltare të Kartës së Kombeve të Bashkuara dhe marrëdhëniet ndërkombëtare duke robëruar Shqipërinë. 3. Presidenti të urdhërojë përfaqësuesit amerikanë pranë Kombeve të Bashkuara që të kërkojnë tërheqjen nga Shqipëria të organizatorëve rusë dhe të policisë sekrete dhe të gjithë agjentëve të imperializmit sovjetik që janë grumbulluar atje me qëllim që të turbullojnë paqen botërore. 4. Të kërkojë që të bëhen zgjedhje të lira në Shqipëri nën mbikëqyrjen e Organizatës së Kombeve të Bashkuara mbas një periudhe përgatitore. T’i jepet mundësi popullit shqiptar që të shporrë terrorin komunist, që kështu të rivendoset atje paqeja dhe liria”.

INFORMATA PËR SHTYPIN SHQIPTAR NË EMIGRACION

Pas mesazheve të senatorëve Miller e Kersten, në informacionin e dërguar për Ministrinë e Jashtme në Tiranë jepen edhe disa pjesë nga artikujt e ndryshëm të botuar në gazetat që nxirrte mërgata politike shqiptare në Perëndim, ku janë nënvizuar 5 pika kryesore: 1. Vizita e De Gasperit në Athinë; 2. Mbi Ishullin e Sazanit; 3. Mesazhe dhe deklarata të kriminelëve shqiptarë dhe personaliteteve amerikane; 4. Shpifje kundër vendit tonë; 5. Të ndryshme. Në pikën e tretë jepet dhe mesazhi i kryetarit të Komitetit Kombëtar “Shqipëria e Lirë”, Hasan Dosti, dërguar popullit shqiptar me rastin e Vitit të Ri. Pas asaj jepet edhe një koment i shkurtër mbi deklaratën e Papagosit për Vorio-Epirin, të bërë në 17 dhjetor 1952 në Parlamentin e Greqisë dhe i botuar nga gazeta “Flamuri” në datë 31 janar 1953. Ndërsa në pikën “Shpifje kundra vendit tone”, midis të tjerash shkruhet: “Gazeta “Shqipëria” 1 janar 1953, në kryeartikullin e saj me titull “Shqipëri pa shqiptarë”, flet gjatë duke shpifur se gjoja festa e 28 Nëntorit është zëvendësuar me atë të 29 Nëntorit. Çdo okupacion i huej në vendin tonë ka kërkue së pari të ndërrojë flamurin dhe së dyti të qesë në harresë ditën e pavarësisë. Edhe okupacioni bolshevik, ma i hatashmi dhe ma shtypsi i të gjitha vërshimeve barbare, qysh në 1946 e ka fshi nga kalendari ditën e lirisë, u ka imponu shqiptarëve festën e diktaturës komuniste. Jo vetëm mbrenda në Shqipëri, por dhe përjashta saj, përfaqësuesit e Enver Hoxhës bëjnë thirrje e japin gosti, për t’i kujtue botës se jeta e Shqipërisë fillon më 29 nëntor 1944 dhe se fati i vëndit është vetëm në duart e tyre”.

EMIGRACIONI ANTIKOMUNIST: SOVJETIKËT NË ISHULLIN E SAZANIT

Gazeta “Shqipëria” e datës 1 shkurt 1953 në kryeartikullin e saj me titull “Rëndësia e Shqipërisë” (Sazani, pajisur me mjetet më moderne, qendër e rëndësishme nëndetësesh, Gjibraltar i Bashkimit Sovjetik, rrezikon Mesdheun) shkruan: “Dy çështje me rëndësi kanë tërhequr vërejtjen e qarqeve ndërkombëtare dhe të opinionit publik shqiptar: 1) fortifikimit dhe bazat ruse në Shqipëri 2) Marrëdhëniet ushtarake jugosllavo-greko-turke.

Në kohët e fundit është bërë fjalë se manovra të mëdha ushtarake janë zhvilluar në Shqipëri nën drejtimin e oficerëve rusë, ku kanë marrë pjesë dhe disa skuadrilie aeroplanësh me pilotë sovjetikë. Më poshtë “Shqipëria” komenton artikullin e gazetës amerikane “Cristion Science Monitor”, ku shkruhet: “Mbas prishjes me Jugosllavinë, Rusia i dha një kujdes i madh bregdetit Shqiptar. Ç’prej kësaj kohe u instalua në ishullin e veçuar të Sazanit një mision sovjetik dhe rus, kanë zbarkuar në këtë vend rreth 8000 punëtorë të cilët kanë filluar gërmimet dhe ndërtime nën tokë nën kontrollin e policisë së fshehtë. Inxhinierë gjermanë kanë bërë planet e foleve të nëndetëseve, fole të gërmueshme thellësisht në skajin jugor të Vlorës. Galeritë e çelura në ishull janë në gjendje me fshehë rreth 5000 vetë.

Informatat shtojnë se Sazani mund të përmbajë 80-90 nëndetëse, të cilat besohet të jenë të tipit ‘Fatler’” dhe më poshtë ‘Shqipëria’ duke ju referuar artikullit të kësaj gazete vazhdon: “Informatat na duken pak si të tepruara, nuk mohohet fakti se bregdeti Adriatik shqiptar formon një preokupim serioz për lëvizjen detare aleate. Për ne shqiptarët, që punët e mëdhaja i shikojmë nëpër prizmin e halleve dhe rreziqeve të vendit janë dy: 1) Si me nxjerrë garancitë e nevojshme për lirinë, pavarësinë dhe integritetin e atdheut tonë, 2) Si me vepruar për çlirimin sa më parë të Shqipërisë.
Sa për pikën e parë, nuk duhet mohue që çështja e sigurimit të vendit tonë ka përparuar dhe ka hyrë në një farë mënyre në rrugën e zgjidhjes. Dalja në dritë e Komitetit, fushata që hapi në botë për të nda përgjegjësinë e popullit shqiptar nga kriminelët stalinistë të Tiranës dhe ekzistenca antikomuniste, që filloi të ngjallej përmes persekutimesh e reprezaliesh barbare, i fitoi shumë simpati Shqipërisë. Kështu, vërejtja e demokracive për këtë vend të vuajtur e herë të sakrifkuem padrejtësisht, u bë e dukshme…”.

Gazeta “Shqipëria” datë 15 janar boton mesazhin e senatorit amerikan, Humpherg. Mbas komentesh të tjera në lidhje me zgjedhjet që u bënë mbas çlirimit dhe ku gjoja komunistët nuk e morën krejtësisht fuqinë në dorë shkruhet:…”Por me gjithë këtë, komunistët nuk ishin të kënaqur gjersa nuk kishin në dorë fuqinë totale. Nuk është nevoja të ju kujtoj rolin e Eduard Benës ose të Jan Masariokut. Spastrimi i anëtarëve të Asamblesë Popullore Shqiptare nga ana e Enver Hoxhës dhe i shokëve të tij është akoma i freskët në mendimin tuaj. Ëndrra juaj për liri kombëtare, shpresat tuaja për një sigurim ekonomik, dëshirat tuaja për një liri individuale, të gjitha janë të destinuara të përmbushen në një të ardhme jo të largët. Është fakt historik që populli shqiptar ka mbrojtur lirinë dhe pavarësinë e tij shekuj më parë, tamam ashtu si po përpiqet sot dhe do të vazhdojë të përpiqet gjer sa ta lirojë veten e tij prej regjimit kukull sovjetik të sotshëm. Gjatë Luftës së Dytë Botërore, Amerika ishte e para fuqi aleate që bëri një deklaratë zyrtare për rivendosjen e një Shqipërie të lirë dhe të pavarur”./BW/

SHQIPËRIA KTHEHET NË PARAJSË PËR TË HUAJT E KËRKUAR NGA DREJTËSIA

Në tre muaj policia ka arrestuar të paktën pesë shtetas të huaj, të kërkuar për krime të rënda në Bullgari, Rumani, Maqedoni e Shqipëri. Të kërkuarit janë ekstraduar me vendim të Gjykatës së Tiranës, pasi autoritetet e vendeve kërkuese kanë sjellë dosjet respektive ndaj të arrestuarve.

Nëse nuk do ishte rrëmbyer në Shqipëri, një 29-vjeçare gjermane do jetonte e pashqetësuar në Tiranë, edhe pse në vendin e saj kërkohet për disa akuza, përfshi mashtrimin dhe plagosjen. Më 1 mars të këtij viti, Katharina Erlt u rrëmbye në zonën e Unazës së Re nga ish i dashuri i saj, shtetas kosovar, i arrestuar nga policia. Ishin familjarët e 29-vjeçares ata që denoncuan në polici rrëmbimin e vajzës së tyre dhe pas ndërhyrjes së uniformave blu u bë i mundur ndalimi i të dyshuarit, i identifikuar si shtetas i Republikës së Kosovës. Pas ndalimit të agresorit, e dëmtuara bëri kallëzim në polici, ku pas verifikimeve rezultoi se ajo ishte shpallur në kërkim nga autoritetet gjermane.

Policia kreu menjëherë arrestimin e saj, ndërsa autoritetet gjermane përcollën në Shqipëri urdhër-arrestin ndërkombëtar ndaj 29-vjeçares, e cila ishte shpallur në kërkim në vendin e saj. Katharina Erlt akuzohet në Gjermani për mashtrim, plagosje dhe goditje personi. Vetëm pak ditë më parë Gjykata e Tiranës urdhëroi ekstradimin e të dyshuarës në Gjermani për t’u përballur me akuzat e ngritura nga drejtësia e vendit të saj.

Por ky është vetëm një nga rastet kur shtetas të huaj të kërkuar për krime të rënda gjejnë strehë në Shqipëri. Referuar vendimeve të dhëna nga Gjykata e Tiranës për ekstradimin e personave të huaj të kërkuar në vende të ndryshme të Europës, nga Shqipëria janë ekstraduar edhe të dënuar për vrasje apo për trafik droge në sasi të mëdha. I tillë është rasti i shtetases bullgare, Nina Georgieva Sahatchieva, e cila kërkohej nga autoritetet e vendit të saj për mbajtje dhe trafik të lëndëve narkotike në sasi të mëdha. 35-vjeçarja bullgare me banim në Romë të Italisë është arrestuar mbrëmjen e katër shkurtit të këtij viti duke hyrë në territorin shqiptar nëpërmjet aeroportit të Rinasit, pasi ndaj saj ishte lëshuar një urdhër-arresti ndërkombëtar i lëshuar nga Zyra e Prokurorit të Distriktit Rouse, Bullgari.

Nina Georgieva Sahatchieva dyshohet për kryerjen e veprës penale të parashikuar nga neni 354/a(2), (1), artikulli 2(2) të Kodit Penal Bullgar, vepër për të cilën parashikohet një dënim në maksimum 12 vjet burgim. Në seancën për ekstradimin e 35-vjeçares avokati kërkoi rrëzimin e kërkesës, pasi procesi gjyqësor ndaj saj ishte zhvilluar në Romë të Italisë, ku i ishte hequr edhe masa e sigurisë “detyrim për paraqitje në policinë gjyqësore”. E dyshuara tha se ajo kishte një fëmijë të mitur dhe në Shqipëri kishte ardhur që fëmija të njihej me gjyshërit.

Por pavarësisht këtyre pretendimeve, Gjykata e Tiranës urdhëroi ekstradimin e 35-vjeçares bullgare në vendin e saj të origjinës, ku kërkohej për mbajtje dhe trafikim të lëndëve narkotike në sasi të mëdha. Një tjetër rast ekstradimi është ai i shtetasit bullgar, Boyan Petreski, i kërkuar nga autoritetet maqedonase për vrasje dhe mbajtje e tregti me armë dhe materiale shpërthyese. 30-vjeçari u ekstradua më 8 maj të këtij viti me vendim të Gjykatës së Tiranës, pasi në vitin 2014 autoritetet maqedonase kishin lëshuar ndaj tij një urdhër arresti ndërkombëtar.

“Nga aktet e autoriteteve maqedonase rezulton se shtetasi Boyan Petreski, në bashkëpunim me shtetasin Riste Siljanoski më datë 21.08.2014, rreth orës 23:15 kanë qëlluar me armë zjarri dhe kanë vrarë shtetasit Romeo Gjuzeloski dhe Vasil Risteski në ambientet e restorantit “Imperator nr.15 Korpus”, në Ohër Maqedoni”, thuhet në vendimin e gjykatës. Por avokati i 30-vjeçarit e kundërshtoi ekstradimin duke thënë se i mbrojturi prej tij kishte 1 vit që jetonte në Shqipëri dhe në kohën e krimit ai ka qenë në vendin tonë dhe jo në Maqedoni, sikundër pretendojnë autoritetet.

Por pavarësisht këtyre pretendimeve, gjykata urdhëroi ekstradimin e të dyshuarit në Maqedoni, ku do të përballet me akuzën e vrasjes. Po drejt këtij vendi gjykata ka urdhëruar edhe ekstradimin e shtetasit grek Nikola Konstantinidis, i kërkuar nga autoritetet e këtij shteti. Ndërsa më katër maj të këtij viti, Gjykata e Tiranës urdhëroi ekstradimin drejt Rumanisë të shtetasit italian Ringo Paolo Pellegrini, i kërkuar për “krijim dhe pjesëmarrje në organizatë kriminale” dhe “mashtrim me pasoja të rënda”. Të gjithë shtetasit e huaj të kërkuar për krime nga disa vende të Europës janë arrestuar dhe ekstraduar vetëm në tre muajt e fundit.

Editorial – POLITIKA JONË ENDE PA NJË VERSION ZYRTAR PËR KUMANOVËN

Një javë pas zhvillimeve në Kumanovë, ku dhanë jetën disa dhe u arrestuan me dhjetëra shqiptarë, politika jonë në Tiranë, në Prishtinë dhe në Shkup ende është pa asnjë version zyrtar të saj. Kreu i partisë shqiptare që bashkëqeveris në Shkup doli në publik vetëm dje dhe nuk ndau me shqiptarët asnjë informacion që do të hidhte dritë mbi misterin e Kumanovës. Përkundrazi, gjatë gjithë intervistës, përballë një morie pyetjesh që iu bënë, ai mbeti gjithnjë brenda linjës zyrtare të Shkupit. Prishtina zyrtare përsërit vazhdimisht kërkesën e saj për një hetim të plotë dhe transparent ndërkombëtar, ndonëse faktorë të zëshëm në kryeqytetin e Republikës së Kosovës kërkojnë që shteti i tyre të publikojë gjithë informacionin që zotëron lidhur me zhvillimet e Kumanovës. Tirana zyrtare vetëm hesht dhe i kërkon Shkupit e bashkësisë ndërkombëtare për një hetim të plotë e të pavarur ndërkombëtar të zhvillimeve të Kumanovës. Kjo papërgjegjshmëri e politikës sonë ndaj një zhvillimi që ka tronditur thellë mbarë kombin shqiptar kudo që ndodhet në Ballkanin Perëndimor dhe në botë, por veçanërisht vëllezërit tanë në Republikën e Kosovës dhe në Republikën e Maqedonisë, nuk e ndihmon opinionin tonë të krijojë një mendim sa më të drejtë dhe sa më të saktë ndaj këtyre zhvillimeve, sidomos nuk e ndihmon të përcaktojë qëndrimet e tij të mëtejshme në raport me pasojat e këtyre zhvillimeve. Periudha njëjavore ka qenë e mjaftueshme për përpunimin e të dhënave, të mëparshme a të mëvonshme. Mendojmë se është jo vetëm e papërgjegjshme, por edhe e turpshme pritja e mëtejshme e politikës sonë për të dalë me versionin e saj zyrtar, por edhe me masat përkatëse për të hedhur dritë të plotë dhe për të përkufizuar gjithçka që ndodhi në Kumanovë.

STËRNIPI NDËRRON MENDJE – HEROI ISA BOLETINI TË RIVARROSET NË MITROVICË

VOAL – MITROVICË – Reagimet e qytetarëve të Mitrovicës, por edhe më gjerë, kanë shtyrë familjarin e heroit Isa Boletini, Gazmendin, të tërhiqet nga vendimi për rivarrosjen e eshtrave të heroit në Vlorë.

Ai bashkë me babain e tij, Xhavit Boletini, që kishte qëndruar një ditë më parë tek kryeministri i Shqipërisë, Edi Rama ka bërë të ditur për Kosovapress, se nuk mund të veprojë ndryshe nga qytetarët e Kosovës.
“Duke parë reagimet e qytetarëve, e tërë familja tërhiqet nga opsioni për Vlorën, sepse familja do të jetë gjithmonë pranë qytetarëve dhe me qytetarët, është edhe kërkesë e tyre unanime që Isa Boletini të rivarroset në Boletin, pavarësisht se edhe Vlora është vendi ku është shpallur pavarësia më 1912, por familja do të jetë me kërkesën e popullit si gjithherë qysh ka qenë…. Kërkoj edhe njëherë falje nga qytetarët e Republikës së Kosovës, jemi me qytetarët, popullin dhe Isa Boletini do të prehet në Boletin”, ka thënë Gazmend Boletini.

Ai ka kërkuar nga Këshilli Organizativ që data e caktuar për rivarrimin 10 qershori, të mos ndryshojë, por të mbetet e njëjtë. kp

TAKIM MIQËSOR NË DEPARTAMENTIN E SHTETIT

VOAL – Washington D.C./ Ne fund te vizites ne SHBA, Kryetari i Komunes se Struges, zoti Ziadin Sela, u taku me Drejtorin e Europes Jug-Qendrore te Departamentit te Shtetit, zotin Tom Yazdgerdi. Ne takim merrnin pjese Desk Oficeret qe mbulojne Maqedonine dhe Shqiperine ne Departamentin e Shtetit, zonja Carina R Canaan dhe Benjamin P Rinaker.

Zoti Ziadin Sela ishte i shoqeruar nga zoti Haxhi Dauti, presidenti i Keshillit Shqiptaro-Amerikan si dhe nga zoti Mustafa Xhepa, njeri prej derjtoreve te bordit drejtues te organizates Shtepia e Lirise Shqiptaro-Amerikane me qender ne Washington.

Pas fjaleve te ngrohta miqesore  te zotit Yazdgerdi e mori fjalen zoti Sela, i cili beri nje prezantim te gjendjes aktuale te shqiptareve ne Maqedoni. Ai u perqendrua tek mos zbatimi i Marreveshjes se Ohrit dhe pasojat e saj,  tek nxitja e ndasive etniko-fetare nga qarqe te caktuare te lidhura me qeverine, tek mos ndeshkueshmeria dhe mbrojtja qe gezojne prej kryeministrit disa ministra dhe zevendesministra pergjegjes per pergjimet antikushtetuese, tek centralizimi i pushtetit lokal, ku çdo investim varet nga kryministri, i cili ka ndaluar apo derguar fondet ne destinacione te tjeter per te mos financuar projektet lokale, theksoi rendesine qe kane projektet e USAID per te afruar komunitet me njeri-tjetrin, si dhe njeved te veçante ne fjalen e tij zuri prezantimi i levizjes se re politike qe ai drejton.

Nga ana e tij zoti Yazdgerdi  pershendeti vendosjen e dialogut Kosove-Serbi. Akuzat publike per pergjimet e bera i quajti te renda dhe shtoi se ministrat pergjegjes duhej te dorehiqen, ose te pushohen. Per kete shtoi ai, duhet qe opozita te marre pjese ne Parlament dhe te perfshihet ne hetim. Lidhur me Marreveshjes e Ohrit zoti Yazdgerdi theksoi faktin se SHBA-te kane mbetur te zgenjyer nga mos zbatimi i saj. Ai theksoi gjithashtu rrezikun qe mund te vije nga fryerja e zjarrit te çeshtjeve etnike dhe theksoi qendrimin e SHBA-ve se nuk deshirojne qe te cenohet integriteti i Maqedonise si dhe te pengohet hyrja e saj ne Bashkimin Europian dhe NATO. Ai e mbylli fjalen e tij duke nenvizuar se Ballkani eshte nje rajon, ku fare lehte mund te krijohen trazira qe mund te çojne ne trazira te pa parashikueshme, prandaj lidera te rinj si zoti Sela jane ato qe i duhen vendit.

Me pas fjalen e mori zoti Haxhi Dauti, i cili e njohu z. Yazdgerdi me projektin “Korniza e  Marreveshjes se Ohrit”, ku KSHA po lobon qe Universiteti i Kolumbias, me ne krye z. David L. Phillips, te studioje sa perqind eshte implementuar Marreveshja e Ohrit. Ky projekt u mireprit nga z. Yazdgerdi. Po ashtu, z. Dauti foli rreth vizites se tij ne Maqedoni, takimeve qe ai kishte pasur me disa politikane pjese te qeverise, si dhe politikane te partive opozitare, ku u kishte bere te njohur projektin “Korniza e Marreveshjes se Ohrit” dhe kishte gjetur mbeshtetjen e tyre.

Takimi u pershendet edhe nga Zevendes Nensekretari i Shtetit zoti Hoyt Yee, i cili e siguroi zotin Sela se do te kete mbeshtetjen e tij.

Pergatitur nga Haxhi Dauti

FRED ABRAHAMS: ELITA POLITIKE NË SHQIPËRI E PRIRUR TEK INTERESAT E VETA

Autori i një libri të ri për Shqipërinë që botohet sot, kritikon elitën politike shqiptare të 25 viteve të fundit si më e prirur nga  interesat vetjake sesa për t’i shërbyer vendit. Fred Abrahams, i Organizatës Human Rights Watch, punoi 15 vjet për të shkruar librin  “Modern Albania: From Dictatorship to Democracy in Europe”, “Shqipëria Moderne: Nga Diktatura në Demokraci në Evropë”, që mbulon periudhën nga 1990 deri në 2014. Në një intervistë për Zërin e Amerikës, zoti Abrahams që ka jetuar edhe vetë në Shqipëri, flet për dokumentat e qeverisë amerikane rreth asaj kohe, për gjetjet që e befasuan më shumë dhe këndvështrimin e tij për protagonistët e politikës shqiptare.

Zëri i Amerikës: Zoti Abrahams, në Shqipëri janë shkruar shkumë libra veçanërisht për gjysmën e parë të viteve ’90. Çfarë të reje mendoni se sjell libri juaj përsa i takon letërsisë së periudhës së tranzicionit në Shqipëri pas përmbysjes së komunizmit?

Fred Abrahams: Mendoj se ky libër është një pjesë e mozaikut. Janë shkruar shumë libra nga shqiptarët dhe nga të huaj dhe do të ketë edhe të tjerë, prandaj ky është një kontribut për të kuptuar këtë periudhë. Në këndvështrimin tim, deri sot askush nuk ka analizuar të gjithë periudhën nga viti 1990 deri në 2014. Gjithashtu unë kisha një avantazh të veçantë: Isha i jashtëm, por disi edhe i brendshëm. Pra unë isha në Shqipëri për shumë nga këto vite, arrita të njoh shumë prej protagonistëve të procesit politik, por isha edhe një vëzhgues i jashtëm. Kështu që shpresoj që libri të sjellë një perspektive të pavarur, por që përfshin të kuptuarin e detajeve dhe nuancave të shoqërisë shqiptare.

Zëri i Amerikës: Libri përfshin kërkime të shumta për një periudhë të gjatë kohe. Çfarë ndikimi pati qasja tek dokumentat e qeverisë amerikane dhe intervistat me protagonistët amerikanë, tek forma që mori libri?

Fred Abrahams: Pati një ndikim shumë të madh. U deshën 15 vjet që unë ta mbaroja librin dhe avantazhi në këtë drejtim ishte se të jep kohë që të kesh qasje në dokumenta përmes Aktit për Lirinë e Informimit, prandaj unë kërkova dokumenta nga Departamenti i Shtetit, madje edhe nga CIA dhe pas një periudhe 15 vjeçare arrita t’i marr disa prej tyre. Ato ofrojnë një dritare të veçantë dhe një vështrim të brendshëm tek pikëpamjet dhe analiza e qeverisë amerikane për këtë periudhë. E njëjta gjë vlen edhe për të intervistuarit. Unë arrita të flas me pothuajse të gjithë zyrtarët kryesorë amerikanë që nga ambasadori Ryerson, Christopher Hill, shumë  nga ambasadorët e tjerë që shërbyen në Tiranë dhe kjo falë kohës që u desh për të shkruar librin. Unë arrita t’i kontaktoja, të ulesha me ta dhe të flisja me ta. Diçka që duhet të theksoj është se ishte avantazhi i kohës që më dha mundësinë të flisja me shumë nga protagonistët kyçë të Shqipërisë, sepse në një hark të tillë kohor, njerëzit ishin në pushtet, pastaj jo më, u kthyen në pushtet dhe e humbën përsëri dhe unë isha në gjendje që të prisja momentin e duhur që të flisja me ta kur nuk ishin në pushtet dhe ky është një avantazh i rëndësishëm sepse njerëzit janë më lirshëm të flasin dhe sjellin perspektivën e tyre sepse së pari kanë më shumë kohë në dispozicion dhe së dyti nuk janë të kufizuar nga posti.

Zëri i Amerikës: Ju i jetuat vetë disa nga këto ngjarje dhe më pas bëtë kërkimet për të njëjtat ngjarje. Çfarë ju befasoi më shumë nga ato që gjetët?

Fred Abrahams: Një nga befasitë ishte se sa rëndësi kishte rajoni për qeverinë amerikane. E dinim pak a shumë, por në dokumenta kjo doli në pah vazhdimisht. Po sjell një shembull: Në fillimet e hershme të Partisë Demokratike, në ditët e para të vitit 1990, PD-ja po fliste me një gjuhë shumë të fortë për Kosovën, madje edhe për ndryshim kufijsh dhe bashkimin e territoreve me shqiptarë. Kjo nuk u prit mirë në Uashington. Në atë kohë, në kushtet e luftës në ish-Jugosllavi, kishte një presion të madh kundër lëvizjeve nacionaliste. Kur Gramoz Pashko dhe Sali Berisha vizituan për herë të parë Shtetet e Bashkuara në vitin 1991, pati shënime (nga amerikanët) lidhur me atë vizitë ku thuhej se “jemi të shqetësuar nga disa nga qëndrimet e PD-së” në atë kohë. Me kalimin e kohës, Partia (Demokratike) e moderoi qëndrimin në përputhje me komunitetin ndërkombëtar dhe kjo del shumë qartë në dokumentat amerikane.

Zëri i Amerikës: Ju keni edhe një kapitull për luftën e Kosovës në libër në lidhje me zhvillimet në Shqipëri. Le të qendrojmë pak tek rajoni. Gjendja vazhdon të jetë e brishtë edhe pas kaq vitesh dhe tensionet e fundit në Maqedoni e dëshmojnë një gjë të tillë, apo jo?

Fred Abrahams: Kanë kaluar shumë vjet nga marrëveshja e Ohrit dhe lufta në ish-Jugosllavi por tensionet vazhdojnë të jenë shumë të larta dhe dhuna në Kumanovë e tregon qartë këtë. Marrëveshja e Ohrit pothuajse e ngriu konfliktin dhe në Maqedoni nuk është arritur që të zgjidhen problemet kryesore të marrëdhënieve ndëretnike dhe të drejtave të njeriut në atë vend. Prandaj dhuna që pamë në Kumanovë ishte për fat të keq e parashikueshme dhe druhem se do të vazhdojë, nëse thelbi i këtyre problemeve: ndërtimi i Maqedonisë si shtet ligjor, ndërtimi i institucioneve demokratike në Maqedoni, nuk zgjidhet së shpejti.

Zëri i Amerikës: Libri juaj flet për pothuajse të gjithë protagonistët politikë në këto 25 vitet e fundit. Megjithatë më korrigjoni nëse e kam gabim, ju kritikoni më ashpër ish-Presidentin Berisha. Por klima e acaruar politike që vazhdon të ekzistojë në Shqipëri tregon se problemet janë shumë më të gjëra sesa një person i vetëm. Si e arsyetoni portretizimin e zotit Berisha në libër?

Fred Abrahams: Libri është shumë kritik ndaj Sali Berishës, kjo nuk ka diskutim. Unë mendoj se ai bëri gabime kritike, pasojat e të cilave vazhdojnë ende. Por mendoj se është e gabuar të thuhet që libri nuk është kritik ndaj protagonistëve të tjerë. Është kritik ndaj Partisë Demokratike dhe Sali Berishës. Është gjithashtu shumë kritik ndaj Partisë Socialiste, Fatos Nanos dhe udhëheqësve të tjerë socialistë. Periudha e qeverisjes socialiste në vitin 1998 ishte e mbizotëruar nga keqmenaxhimi dhe korrupsioni dhe kjo është trajtuar me detaje të hollësishme në libër. Sipas mendimit tim, çështja nuk është a po kritikohet një palë, apo një tjetër, ose një individ apo një individ tjetër Është një vështrim kritik ndaj elitës politike të Shqipërisë dhe kjo për arsyen sepse udhëheqësit e Shqipërisë i shohin së tepërmi postet e tyre, si shanse për mundësi në vend të përgjegjësisë. Dhe kjo është e përgjithshme, i tejkalon përkatësitë politike. Sali Berisha ka qenë lojtari kryesor politik në historinë post-komuniste të Shqipërisë dhe nuk po hezitoj ta kritikoj atë, por unë kritikoj po njëlloj edhe lojtarët e tjerë politikë.

Zëri i Amerikës: Kanë kaluar 25 vjet nga përmbysja e komunizmit dhe ende po flasim për tranzicion. A nuk është një periudhë shumë e gjatë për një tranzicion dhe çfarë përgjegjësie ka pikërisht elita politike për mosarritjen ende të objektivave të integrimit dhe demokracisë?

Fred Abrahams: Çdo vend që del nga katër dekada të një diktature aq të errët dhe shtypëse si Shqipëria, do të kalojë një tranzicion të gjatë dhe të vështirë. Është naive të mendosh se demokracia vjen thjesht nga zgjedhjet e lira dhe ekonomia e tregut. Jo, duhet të ndërtosh institucione dhe një kulturë të demokracisë. Unë mendoj se Shqipëria ka përparuar shumë në këto 25 vjet por mendoj se ka ende shumë për të bërë dhe kjo është edhe pika qendrore e librit. Nuk bëhet fjalë të krahasosh Shqipërinë e sotme me Shqipërinë e së kaluarës. Sigurisht që Shqipëria është shumë më mirë sot. Por a ka ecur aq përpara sa ç’mund të kishte ecur? Përgjigjia ime është jo, është që Shqipëria mund të ishte duke u zhvilluar më shumë, mund të ishte më demokratike, më e begatë dhe libri është një përpjekje për ta analizuar këtë, jo për të hedhur fajin. Bëhet fjalë për të kuptuar se çfarë ka ndodhur në Shqipëri në këto 25 vjet, çfarë është bërë mirë, çfarë mund të ishte bërë më mirë dhe shpresa është që të nxirren disa mësime për të nxitur një të ardhme më demokratike dhe më të begatë.

Zëri i Amerikës: Atëherë çfarë duhet të bëjë klasa e sotme politike për të përshpejtuar këtë përparim?

Fred Abrahams: Për mendimin tim, klasa politike duhet të kritikohet ashpër, sepse shumë shpesh ata i shohin postet si një mundësi për t’u pasuruar dhe jo si një mundësi për shërbim publik, ose i shërbejnë një segmenti të ngushtë të shoqërisë, çka do të thotë përkrahësve të tyre politikë ose partisë së tyre dhe jo Shqipërisë si vend dhe kjo është kritika ime themelore e klasës politike shqiptare deri më sot: Mosmarrja e përgjegjësisë për atë që ka nevojë vendi dhe për të ecur përpara. Klima vazhdon të jetë shumë partiake, e shpërqendruar nga lufta politike në vend që të përqendrohet tek një vizion strategjik për ekonominë e Shqipërisë, për ushtrinë, sistemin e arsimit dhe shëndetësisë, çështjet themelore që prekin shumë njerëz, për të cilat interesohen shumë shqiptarë dhe deri tani udhëheqësit politikë dhe partitë politike nuk e kanë pasur atë vizion të gjerë, vizioni ka qenë shumë partiak.

Zëri i Amerikës: Duket se vetë shoqëria ka rënë në një apati, sidomos së fundmi. Cili është mendimi juaj për vetë mentalitetin e shoqërisë dhe se si mund të ushtrojë ajo presion ndaj klasës politike për ta përmirësuar gjendjen?

Fred Abrahams: Për mendimin tim, zhvillimi politik i Shqipërisë varet nga dy faktorë kryesorë. Së pari nga udhëheqës dhe politikanë që të marrin përgjegjësinë dhe ta shohin vendin si një të tërë dhe të veprojnë për të mirën e gjithë vendit. Së dyti është kultura demokratike nga poshtë sepse për një kohë shumë të gjatë tradita e qytetarëve shqiptarë ishte që të prisnin nga lart, kjo është trashëgimia e diktaturës. Dhe deri më sot, aktivizimi i qytetarëve nuk ka qenë i mjaftueshëm. Ka pasur disa nisma të rëndësishme dhe shumë të mirë por jo të mjaftueshme. Demokracia është më shumë sesa zgjedhje. Udhëheqësit politikë nuk do të ndryshojnë deri kur qytetarët ta kërkojnë këtë ndryshim, në kutitë e votimit por edhe nga një zgjedhje në tjetrën. Dhe deri tani mendoj se marrëdhënia është ende shumë pasive, një trashëgimi e komunizmit, në vend të një marrjeje përgjegjësie që kërkon demokracia.

Zëri i Amerikës: Në gjithë këto vite, Partia Socialiste dhe ajo demokratike e kanë mbizotëruar relievin politik. Por nga ana tjetër është elektorati që ka votuar për to. Pra ç’do të thotë fakti që këto dy parti kanë mbizotëruar skenën politike por edhe fakti që votuesit duket se janë dakord me një gjë të tillë?

Fred Abrahams: Mbizotërimi i këtyre dy partive nuk është i shëndetshëm për demokracinë e Shqipërisë dhe nuk bëhet fjalë vetëm për kontroll politik, por edhe për kontroll ekonomik dhe biznesi nga ana e dy partive. Dhe për mendimin tim, kjo nuk ka lejuar grupe dhe parti më të vogla që të dalin në pah, sepse është e vështirë që të thyesh monopolin e pushtetit që kanë këta dy lojtarë të fuqishëm. Unë e shoh si trashëgimi të komunizmit sepse kishim dy forca kryesore sociale nga katër dekadat e fundit, që do të thotë Partia e vjetër e Punës dhe lëvizja e re, brezi i ri që u shfaq në vitin 1990. Sfida për Shqipërinë tani është krijimi i një hapësire për të pasur një pluralizëm zërash, sepse besoj se qytetarët do t’i mbështesnin grupet e tjera dhe parti të tjera politike nëse do të kishin shansin të dilnin në pah dhe të luanin një rol. Dhe një mendim i fundit: Unë mendoj se megjithëse PD-ja dhe PS-ja gjithë kohës sulmojnë njëra-tjetrën dhe kanë një rivalitet të fortë, ka një lloj marrëveshje të pashprehur mes tyre dhe të dyja palët janë dakord me mbizotërimin e sistemit dypartiak. Në këtë kuptim, ato ndihmojnë njëra-tjetrën sepse mund ta këmbejnë pushtetin mes njëra-tjetrës

Sot për Isa Boletinin ka nevojë vendlindja e tij Nga Laureta Petoshati

 

Politikanët tanë që në kohën kur kërciste artileria mbi shqiptarët e pafajshëm në Kumanovë nuk kishin aq zë dhe aq forcë për të mbrojtur atë që e kanë të sanksionuar në preambulën e Kushtetutës, tani na u bënë trima mbas pilafit. U kujtuan se duhet të ishin patriotë, apo e thënë shqip atdhetarë. Pra bashkimin kombëtar do ta bënin duke bashkuar eshtrat e dy njerëzve që kishin tretur gjithçka për atdheun, pra për dheun e atit, në vendin ku u shpall Pavarësia, në Vlorë.  Morëm vesh se eshtrat e Isa Boletinit do të rivarrosen në Vlorë krahas Ismail Bej Vlorës.  Isa Boletini në Vlorë ka qenë i mirëpritur kurdoherë.  Madje me rastin e 100 vjetorit të Pavarësisë Kombëtare në Sheshin e Skelës, pranë ish godinës që ka qenë seli e Qeverisë Vlora dhe sot ndodhet Muzeu Historik Kombëtar i Pavarësisë u vendos shtatorja e Heroit Isa Boletini. Të mos harrojmë këtu faktin se edhe një lagje e tërë në Vlorë ka emrin “Isa Boletini.”

Por si publiciste vlonjate që kam qenë shumë  herë e angazhuar në qytetin tim për probleme historike mendoj se politika në këtë rast gabon duke i sjellë eshtrat e të madhit  Isë në Vlorë.  Nëse do të kisha qenë pragmatiste do të thosha që mirë është, duke menduar se në Vlorë do të bëhej pelegrinazh për më shumë turistë, por si shqiptare dua të kujtoj dhe një shprehje që i përket popullit tim.Ne nga anët tona themi se guri i rëndë është në vendin e vet. Ky ishte dhe amaneti i Ismail Bej Vlorës që të varrosej në vendin e vet. Atë e varrosën sipas porosisë së tij, në Kaninë, në vendin e të parëve të tij, në shkurt të vitit 1919 nën një terror të madh pasi Vlora ishte e pushtuar nga Italia Imperialiste. Në vitin 1932, me rastin e 20 vjetorit të Pavarësisë Kombëtare eshtrat e tij u vendosën në Vlorë, pikërisht në pronat e familjes Vlora ku u shpall dhe pavarësia. Toka ku është Varri Monumental i Ismail Bej Vlorës dhe gjithë lulishtja në Sheshin e Flamurit nga familja Vlora ( duhet theksuar këtu nga Eqerem Bej Vlora) iu dhuruan shtetit shqiptar për nderim të  Ismail bej Vlorës dhe gjithë familjes Vlora për kontributin e dhënë nga ajo në shekuj si simbol i pavarësisë.   Dihet që atje ku është shtiza e Flamurit ka qenë ballkoni i shtëpisë së Syrja bej Vlorës, babait të Eqerem bej Vlorës.  Në atë shtëpi ku u bë kuvendi i Vlorës, ku Isa Boletini nuk erdhi dot në kohë, të gjithë pjesëmarrësit kishin si mbiemër krahinën shqiptare që ata përfaqësonin. Mund të përmendim për shembull  personalitete të tilla si: Vehbi Dibra, Jorgji Karbunara, i njohur si Babë Dudë Karbunara,  Rexhep Mitrovica,  Qemal  Elbasani,  Bedri Pejani, Mit΄hat Frashëri, Zihni Abaz Kanina,  Hajredin  Cakrani, Dhimitër Berati, Dr. Hafiz Myrteza Ali Struga, Dhimitër Mborja,  Mustafa Kruja, Ferit Vokopola, Zyhdi Ohri, etj. Të gjithë këta burra e shumë të tjerë  ashtu si dhe Isa Boletini kishin një atdhe, pra kishin një truall shqiptar,  të cilit i përkisnin ashtu si këndon dhe Çajupi i madh: Mëmëdhe quhetë toka ku më ka rënurë koka,/ ku kam dashur mëm’e atë,/ ku më njeh dhe gur’ i thatë /ku kam pasurë shtëpinë, /ku kam njohur perëndinë,/ stërgjyshët ku kanë qënë /dhe varret q’i kanë vënë, …/ ku rroj me gas e me shpres,/ ku kam dëshirë të vdes.”

Po përse duhet të sillet Isa Boletini në Vlorë, ku është i mirëpritur si krahu i djathtë e Ismail bej Vlorës? Por a nuk duhet të jetë dhe ai simbol i shtetit të ri të Kosovës dhe njëri të jetë në jug dhe tjetri në Veri ku shënjohen kufijtë e atdheut? Në vitin e parë të pavarësisë së Kosovës në  shkurt të vitit  2009, në  Sallën e Qendrës Kulturore të Mitrovicës, nipi i Ismail bej Vlorës,   Pr. Nedim Vlora tregoi disa hollësi të  mësuara nga familjarët e tij qysh fëmijë. Ai tha se “Në kohën kur Isa Boletini diskutonte me Ismail Qemalin që si do të bëhet me Kosovën dhe Çamërinë, Ismail Qemali i tha: Do të bëhet patjetër biri im, por edhe po s’arritëm ne, djemtë, nipërit dhe stërnipërit tanë, këtë Flamur do ta ngrenë edhe në Prishtinë, edhe në Mitrovicë edhe në Janinë.”

Mendoj se çdo copë e truallit shqiptar ka heronjtë e vet. Edhe Isa Boletini, i përfaqëson gjithë trojet shqiptare, por në këtë kohë ai është Shtyllë e Flamurit që mban gjallë anën skajore të Atdheut.   Pronat e Isa Boletinit tashmë janë të rrethuara me tela me gjemba dhe i përkasin një manastiri serb.  Duke i sjellë eshtrat e tij në Vlorë dhe jo në kullën e tij në Boletin, kjo do të thotë që serbi të qëndrojë i qetë në tokat e heroit. Përse luftoi ai, atëherë?  Mos ndoshta nuk ka pasur as prona dhe as atdhe? Politika nuk duhet të sundojë mbi historinë. Isa Boletini duhet të rivarroset në tokën e tij sepse bashkimi  kombëtar  nuk nënkupton ti heqin Kosovës, e aq më tepër Mitrovicës, një simbol të madh, Boletinin.  Boletini  duhet të varroset në Kullën e tij dhe ajo kullë të bëhet objekt referimi për gjithë shqiptarët.

Vlorë më 15 maj 2015

Në foto Laureta Petoshati me Nedim Vlorën, nipin e Ismail Qemalit

15-05-2015 15-56-20

15-05-2015 13-51-18

 

 

 

 

 

SHOQËRIA CIVILE NË MITROVICË – TË RISHQYRTOHET RIVARROSJA E ISA BOLETINIT

 

VOAL – MITROVICË – Organizatat e Shoqërisë Civile në Mitrovicë, shprehin mospajtimin e thellë ndajë vendimit të Këshillit Organizativ për rivarrosjen e eshtrave të Isa Botelitinit në Vlorë dhe jo në vendlindjen e tij në Boletin.

Ka kohe që Mitrovica, si institucionet e saj, shoqëria civile dhe grupet tjera të interesit janë duke bërë përgatitjet për ceremoninë e rivarrosjes së eshtrave të heroit Isa Boletini. Shpesh herë qytetarët kanë cenë të keqinformuar rreth kësaj ceremonie dhe gjithashtu shpesh herë me gjithë paralajmërimet për datat potenciale për rivarrim, kjo ceremoni është anuluar dhe është shtyrë pafundësisht. Me vendimin e fundit të Këshillit organizativ, grupet në fjalë dhe sidomos qytetarët e Mitrovicës kanë gjetur dëshpërimin dhe gjithashtu indinjatën e thellë që një gjë e tillë është ndërmarrë pa kurrfarë konsultimi paraprak me ta dhe pa asnjë arsye objektive.
Emri dhe vepra e heroit Isa Boletini përherë janë cilësuar si krenaria dhe shëmbëlltyra e qytetarëve jo vetëm Mitrovicas, por vendimi se eshtrat e tij duhet të rivarrosen në Vlorë dhe jo në Boletin konsiderojmë se është veprim jo i menduar mirë dhe gjithashtu i padrejtë ndaj vet heroit dhe gjithë qytetarëve të Mitrovicës dhe më gjerë.

Me anë të të kësaj deklarate,Shoqëria Civile e Mitrovicës përveç se kundërshton thellë vendimin e fundit të Këshillit Organizativ për rivarrosjen e eshtrave të Isa Botelitinit, por gjithashtu i bënë thirrje Qeverisë së Kosovës konkretisht Këshillit në fjalë që të rishqyrtojë edhe njëherë vendimin e marrë.

NISHANI DEKRETON AMBASADORIN NË SHKUP – TIRANA KËMBËNGUL PËR HETIM NDËRKOMBËTAR TË KUMANOVËS

 

Kandidatura e Fatos Rekës ishte mbajtur pezull, prej disa muajsh, për shkak të përplasjeve mes presidentit dhe qeverisë. Në takimin e ministrave të Jashtëm të Natos, ministri shqiptar Ditmir Bushati kërkoi hetim ndërkombëtar për ngjarjet e Kumanovës

VOAL – TIRANË – Presidenti Bujar Nishani dekretoi sot ambasadorin e Shqipërisë në Shkup, zotin Fatos Reka. Kandidatura e tij ishte mbajtur pezull prej disa muajsh nga presidenti Nishani me arsyetimin se për emërimin e tij ai nuk ishte konsultuar më parë nga ministri i Jashtëm apo kryeministri.

Dekreti i sotëm vjen pas debatesh dhe kritikash të përsëritura ndaj tij, vecanërisht ditët e fundit, kur ambasada e Shqipërisë në Shkup u gjend pa titullarin e saj, ndërsa në Maqedoni tensionet u rritën në fundjavë për shkak të ngjarjeve në Kumanovë, zonë e banuar nga një shumicë shqiptarësh.

Pikërisht situata e ndezur atje, detyroi ministrin e Jashtëm Ditmir Bushati të emëronte një ditë më parë, një diplomat tjetër, Bashkim Ramën, si të ngarkuar me punë. Ky i fundit pritet të luajë rolin e titullarit edhe për disa kohë, pasi ambasadorit Reka do t’i duhet të presë procedurat e nevojshme diplomatike, të marrjes së agrimentit nga ana e presidentit maqedonas, para se të nisë nga detyra.

Tirana zyrtare përmes disa deklaratave të njëpasnjëshme ka shprehur “shqetësim të thellë për zhvillimet dramatike në Kumanovë”. Këtë shqetësim e ngriti sot edhe ministri i Jashtëm Bushati gjatë diskutimeve për situatën në Maqedoni në takimin e ministrave të Jashtëm të Nato-s në Antalia të Turqisë. Sipas ministrit Bushati, lidhur me ngjarjet e Kumanovës “është i domosdoshëm një hetim ndërkombëtar, për të sqaruar në mënyrë të plotë dhe transaparente atë që ndodhi fundjavën e shkuar”.

TIRANA E PRISHTINA VENDOSIN T’I VARROSIN ESHTRAT E ISA BOLETINIT NË VLORË

 

Ato do të prehen në krah të eshtrave të Ismail Qemalit. Ceremonia do të mbahet më 10 qershor. Vendimi nga qeveria e Tiranës dhe Prishtinës së bashku me familjen Boletini

VOAL – TIRANË, PRISHTINË – Qeveria e Tiranës dhe ajo e Prishtinës vendosën sot që eshtrat e Isa Boletinit, njërës prej figurave kyce të pavarësisë së Shqipërisë, të prehen në Vlorë krah atyre të Ismail Qemalit. Vendimi u mor së bashku me familjen Boletini, përfaqësuesë të së cilës ishin sot në Tiranë në një takim me kryeministrin Edi Rama dhe zëvendëskryeminisrin e Kosovës Hashim Thaci

“Jemi të bindur se po bëjmë gjënë e duhur për të nderuar këtë figurë të madhe, por nga ana tjetër edhe për t’u përcjellë gjeneratave të rejave mesazhin e forte e të kthjellët, të ëndrrës dhe betejës së përbashkët të këtyre dy baballarëve të Kombit dhe padyshim edhe të Shtetit tonë”, deklaroi kryeministri Edi Rama.

Ndërsa zëvendskryeministri dhe ministri i Jashtëm i Kosovës Hashim Thaci u shpre se “të dy bashkë ashtu sic e bënë pavarësinë e Shqipërisë, duke u prehur pranë njëri-tjetrit, edhe sot do të dërgojnë mesazhin më të mirë për të ardhmen e kombit shqiptar, duke thënë se do të jemi të gjithë së bashku në Vlorë, Shqipëria Kosova, shqiptarët e Maqedonisë, të Preshevës, të Malit të zi”.

Ceremonia është parashikuar të zhvillohet në qytetin e Vlorës më 10 qershor. Eshtrat e Isa Boletinit do të përshkruajnë të njëjtin itinerar që ai ndoqi në 1912 për t’iu bashkuar Ismail Qemalit për shpalljen e pavarësisë. S

Së bashku me Isa Boletinin do të shkojnë në Vlorë edhe eshtrat e bashkëluftëtarëve të tij të vrarë në të njëjtin moment. Ato do të prehen në Varrezat e Dëshmorëve në Vlorë.

80 AMERIKANË KËNDOJNË SOT PARA KUVENDIT TË SHQIPËRISË KËNGË PATRIOTIKE SHQIPTARE

VOAL – TIRANË – Rreth 80 shtetas amerikanë do të jenë sot para Kuvendit të Shqipërisë në Tiranë ku do të këndojnë këngë patriotike.Ky gjest nga këta shtetas amerikanë, siç bëjnë me dije mediat në Tiranë, do të bëhet me qëllim ndërgjegjësimin e deputetëve shqiptarë në mënyrë që ata të punojnë për popullin shqiptar.

SHKËMBIMI TREGTAR TURQI-SHQIPËRI DO TË ARRIJË 1 MILIARD DOLLARË

VOAL – Krahas çështjeve të rajonit, bashkëpunimi ekonomik ka qenë një ndër temat kryesore gjatë bisedës që kanë pasur sot në Tiranë të dy homologët Bujar Nishani dhe Rexhep Taip Erdogan.

Momentalisht Turqia zë vendin e 4-t në listën e vendeve me të cilat Shqipëria ka shkëmbimet më të larta tregtare.

Aktualisht në fushën ekonomike dy vendet kanë një vëllim të përbashkët tregtar vjetor në shifrën e 430 milionë dollarëve, vëllim për të cilin Presidenti Erdogan tha se shpreson të arrijë në 1 miliardë.

Shumë biznese turke, saktësisht 296 kompani, kanë investuar në Shqipëri në sektorë të ndryshëm, me një vlerë totale të investimit që arrin në 2,7 miliardë dollarë. Presidenti Nishani tha se ka hapësira ende të paeksploruara për shkëmbimet tregtare dhe se Shqipëria i mirëpret investimet turke në infrastrukture, energji, e fusha të tjera.

Në konferencën e përbashkët për shtyp të dy presidentët nënvizuan marrëdhëniet shumë të mira mes dy shteteve të cilat duhet të përforcohen edhe më tej në fushën politike, ekonomike, të sigurisë, por edhe të arsimit e kulturës. Presidenti Nishani e priti homologun Erdogan me fjalët: “një mik për Shqipërinë dhe shqiptarët, na nderon me vizitën zyrtare në Tiranë”. Ndërkaq, presidenti turk u shpreh: “E ndjej veten në Shqipëri, si në shtëpinë e dytë”.

RAMUSH HARADINAJ – RAJONI RREZIKOHET NGA QEVERITË KRIMINALE DHE TË KORRUPTUARA

VOAL – PRISHTINË – Lideri i AAK-së Ramush Haradinaj në një shkrim të postuar në Facebook ka thënë se Aleanca distancohet nga dhuna por ka potencuar se rreziku I vetëm që ka rajoni janë qeveritë e kriminalizuara.

Postimi i Haradinajt në Facebook:

Ngjarjet në Kumanovë tregojnë se rajoni nuk është i rrezikuar nga “patriotët etnikë”, por nga qeveritë e korruptuara dhe të kriminalizuara të këtij rajoni.

Lëvizjet për ndryshim këto qeveri nuk do të mund t’i ngulfasin duke përdorur dhunën apo konfliktet e paqena ndëretnike.

Ne si Aleancë distancohemi nga dhuna dhe nga çdo formë e zgjidhjes së problemeve në çfarëdo forme të dhunshme, por edhe njëherë potencojmë se i vetmi rrezik që ka rajoni, qëndron tek qeveritë e kriminalizuara dhe të korruptuara.

ESHTRAT E ISA BOLETINIT RIVARROSEN NË VLORË MË 10 QERSHOR

VOAL – Këshilli Organizativ për organizimin e ceremonisë së rivarrimit të eshtrave të Heroit Kombëtar, ka njoftuar se eshtrat e heroit kombëtar, Isa Boletini, do të rivarrosen në Vlorë, më 10 qershor.“Isa Boletini, me propozimin e të dyja qeverive, të Shqipërisë dhe të Kosovës si dhe pajtimin e familjarëve të Heroit Kombëtar, Isa Boletini dhe familjareve te bashkëluftëtarëve te tij prezent në takim, u vendosë që: eshtrat e Heroit Kombëtarë Isa Boletini dhe të bashkëluftëtarëve të tij të kohës do të rivarrosen në Vlorë, me 10 qershor 2015”, thuhet në njoftim.Më tej shtohet se Këshilli Organizativ do të vazhdojë punën në përgatitjet e ceremonisë së rivarrimit sipas agjendës së mëparshme.

Zyrtare: Eshtrat e Isa Boletinit rivarrosen në Vlorë, më 10 qershor

Editoriali – DETYRIMET TONA NDAJ SHQIPTARËVE TË VRARË E TË ARRESTUAR NË KUMANOVË

VOAL – Në zhvillimet e para pak ditëve pati shumë shqiptarë të vrarë dhe të arrestuar nga ana e forcave speciale të Maqedonisë. Politika jonë në Tiranë, Prishtinë dhe Shkup e ka për detyrë që të bëjë të mundur ndriçimin e plotë të zhvillimeve të atyre ditëve në Lagjen e Trimave në Kumanovë dhe të dalë sa më shpejt me versionin e saj zyrtar, në mënyrë që të nxirren mësimet e duhura dhe të merren masat e duhura. Ne si komb e kemi për detyrë të tregojmë se jeta dhe integriteti i bijve tanë është i çmuar dhe i shenjtë. Prandaj atyre që dhanë jetën nga plumbat e Maqedonisë t’iu bëhen të gjitha nderimet dhe shërbesat e lamtumirës në vendlindjet e tyre. Për të arrestuarit të sigurojmë një proces absolutisht të drejtë, dhe transparent duke përfshirë avokatë sa më të zotë, mundësisht edhe ndërkombëtarë, dhe duke sensibilizuar të gjitha organizmat shqiptare e ndërkombëtare të të drejtave të njeriut. Është koha e fundit që ne ta mbrojmë të vërtetën shqiptare të shkelur, të fyer, të nëpërkëmbur dhe të poshtëruar nga një Maqedoni, e cila në këtë çerek shekulli është dëshmuar e pabesë dhe armiqësore ndaj qytetarëve të saj shqiptarë dhe ndaj kombit shqiptar në tërësi. Seriozitetin tonë në këtë përkushtim kemi rastin dhe mundësinë tashmë ta shpalosim pikërisht në rastin e zhvillimeve në Lagjen e Trimave të qytetit të Kumanovës, duke i përmbushur një për një detyrimet tona ndaj bashkëkombësve tanë që e humbën jetën dhe ndaj atyre që ndodhen të arrestuar. Nëse i neglizhojmë, nëse nuk i përmbushim me dinjitet këto detyrime, ashtu si do të bënte çdo komb i vërtetë evropian, atëherë nuk kemi pse të ankohemi kurrë më për papërgjegjësitë, për vrazhdësitë dhe për barbaritë e Maqedonisë ndaj popullit shqiptar në Maqedoni dhe ndaj kombit shqiptar në tërësi, nuk kemi pse ta deklarojmë më kurrë shqiptarinë tonë, atdhetarinë tonë.

PRESIDENTI I TURQISË ERDOGAN SOT NË TIRANË

Agjenda e presidentit Erdogan do të nisë me ceremoninë e pritjes dhe takimin me Presidentin e Republikës, Bujar Nishani, në orën 10 ndërsa në orën 12 pritet konferenca e përbashkët për shtyp e dy presidentëve.Rreth orën 14 Erdogan do të takohet me kryeministrin Edi Rama dhe sipas njoftimit të Presidencës në orën 15 Erdogan do të jetë në ceremoninë e fillimit të punimeve për Xhaminë e Namazgjasë.Ndërkohë që gjatë vizitës së tij në Tiranë, Erdogan do të zhvillojë edhe një tryezë me biznesin. Presidenti turk Erdogan do të shoqërohet në këtë vizitë nga një grup biznesmenësh turq që pritet të jenë mbi 100. Në fillim të marrjes së mandatit, kryeministri Rama e shpalli Turqinë si partnere strategjike të Shqipërisë. Në maj të vitit 2014 Presidenti Erdogan anuloi vizitën për shkak të një tragjedie në një miniere në Turqi, ku gjetën vdekjen 201 minatorë.
Agjenda e Erdogan në Shqipëri
Ora 10:00: Ceremonia zyrtare e pritjes në Presidencë; takimi tet a tet; bisedimet midis delegacioneve dhe nënshkrim marrëveshjeOra 12:00: Konferencë e përbashkët për shtypOra 15:00: Ceremonia e fillimit të punimeve në Xhaminë e Namazgjasë, në prani të Presidentit Nishani

4 SHOQËRI KULTURORE NGA ZVICRA NË FESTIVALIN GJIROKASTRA 2015

Shkolla Shqiptare e Vallëzimit „Shota” në Zvicër, SHKA  “Dardania” nga Winterthuri, SHKA “Ilirët ” nga Llozana, grupi folklorik në Gjenevë “Rapsodët” dhe Ajshe Muriqi – Fetaj marrin pjesë bashkarisht nga 10 deri më 16 maj 2015 në Festivalin Folklorik Mbarëkombëtar të Gjirokastrës në Shqipëri.

Këto shoqëri që kultivojnë prej vitesh folklorin shqiptar në diasporë marrin pjesë për herë të parë në një nga ngjarjet më madhore folklorike, duke realizuar përfaqësimin më të plotë të hapësirave gjeografike të trashëgimisë kulturore mbarëkombëtare në Shqipëri.

Në Kalanë dhe Qendrën Historike të qytetit muze të Gjirokastrës, “Pasuri botërore e njerëzimit”, mbrojtur nga UNESCO, shoqëritë kulturore artistike nga Zvicra u paraqiten bashkarisht me një program të larmishëm që zgjati 25 minuta.

Pjesëmarrja në këtë takim mbarëkombëtar të folklorit shqiptar për Agron Bajramin, drejtor i Shkollës Shqiptare të Vallëzimit “Shota”, paraqet një kurorëzim të suksesit 22-vjeçar të valltarëve të kësaj shoqërie në diasporë.

Ministria e Kulturës e Shqipërisë u ka siguruar akomodimin dhe ushqimin vetëm për 25 prej tyre, ndërsa shpenzimet e tjera do t’i bartin vetë shoqëritë kulturore artistike nga Zvicra.

Janë krejt 64 valltarë dhe instrumentistë nga Zvicra  që performuan më 12 maj në Festival, ndërsa do të paraqiten sot, më 13 maj, në pjesën historike të qytetit të Gjirokastrës në një skenë të hapur.

Për herë të parë në një ngjarje të tillë të rëndësishme të folklorit nga Zvicra kishin marrë pjesë “Ilirët”, ndërsa më 2009  SHKA “Vatra”.

Për herë të parë Festivali Folklorik Kombëtar është zhvilluar në vitin 1968, në kalanë e Gjirokastrës, ndërsa për herë të fundit është zhvilluar në vitin 2009.

Organizimi i Festivalit Folklorik Kombëtar Gjirokastër 2015 ka për qëllim ruajtjen, mbrojtjen dhe propagandimin e vlerave më të mira të trashëgimisë sonë jomateriale, të vlerave etnomuzikore, etnokoreografike, etnografike, të kostumeve popullore, veglave muzikore, riteve, traditave, zejeve, kulinarisë, etj., të krijuara prej shekujsh nga populli.

Në festival do të konkurrojnë edhe tri grupe artistike nga Kosova, dy grupe nga shqiptarët e Maqedonisë dhe një grup nga shqiptarët e Malit të Zi. Të ftuar do të jenë edhe grupe nga arbëreshët e Italisë, shqiptarët e ShBA-së, Greqisë, Turqisë, si dhe do të ketë një shfaqje nga Ansambi Kombëtar i Këngëve dhe Valleve Popullore.

Programi i grupeve nga Zvicra

13-05-2015 08-22-53

13-05-2015 08-18-35

VUÇIÇ MË 27 MAJ IA KTHEN VIZITËN RAMËS

Vizita e parë e një zyrtari të nivelit më të lartë serb në Shqipëri, Rama dhe Vuçiq në takimin e Beogradit para gati shtatë muajsh.

Kryeministri serb, Aleksandar Vuçiq do të udhëtojë për në Tiranë më 27 maj në vizitë zyrtare Shqipërisë.

Lajmin për këtë e publikoi gazeta beogradase Danas, duke iu referuar burimeve nga kabineti i kryeministrit serb, por edhe kabineti i kryeministrit Edi Rama.

KONGRESMENI AMERIKAN ROHRABACHER VIZITË NË TIRANË

Në Shqipëri ndodhet për një vizitë Kryetari i Nënkomitetit për Evropën, Euroazinë dhe Kërcënimet e Reja në Kongresin Amerikan, zoti Dana Rohrabacher. Ai bisedoi sot me kryetarin e parlamentit Ilir Meta si dhe me kreun e opozitës shqiptare Lulzim Basha.Gjatë takimit, zoti Meta, ndërsa falenderoi kongresmenin amerikan për mbështetjen e vazhdueshme të Shteteve të Bashkuara ndaj Shqipërisë theksoi se vendi i tij “do të vazhdojë të jetë një partner i përkushtuar e SHBA-ve në NATO, rajon dhe sfidat globale”. Kryetari i parlamentit shqiptar kërkoi gjithashtu “një angazhim dhe mbështetje më të madhe nga SHBA-të në fushën e zhvillimit ekonomik, nxitjes dhe rritjes së investimeve amerikane në Shqipëri”, ndërsa theksoi se “nënshkrimi i marrëveshjes për heqjen e taksimit të dyfishtë mes dy vendeve tona, do të ishte një nxitje dhe kontribut konkret në këtë drejtim”.

Tërësisht të ndryshme, temat e diskutimit mes kongresmenit Rohrabacher dhe kryetarit të opozitës Lulzim Basha. Sipas një njoftimi të shpërndarë nga Partia Demokratike, zoti Basha “e njohu kongresmenin amerikan Dana Rohrabacher me iniciativën e Partisë Demokratike për dekriminalizimin. Persona me precedentë kriminalë – theksoi zoti Basha – janë promovuar nga dyshja Rama-Meta në parlamentin e Shqipërisë dhe në poste drejtuese të administratës  si dhe janë  propozuar edhe si  kandidat për kryetarë bashkie”

Një tjetër temë diskutimi ka qenë dhe situata parazgjedhore në Shqipëri. Sipas zotit Basha shumica “ka nisur të ngrejë skemën e blerjes së votave, duke u bërë presion të hapur drejtorëve te administratës publike,  për të blerë votat dhe për të marrë vota me çdo mënyrë”. Po ashtu ai ka shpehur shqetësim për disa raste dhune gjatë tubimeve elektorale të opozitës, ndërsa shtoi se “kryeministri ka nisur të kërcënojë  qytetarët, duke u thënë se nëse votoni kandidatët e PD nuk do të ketë investime, nuk do të ketë para, ujë, bukë etj. Kjo situatë po dëmton procesin normal zgjedhor”, theksoi kreu i opozitës. za

LETËR E HAPUR KRYETARIT TË PARTISË DEMOKRATIKE TË SHQIPËRISË LULZIM BASHA Nga SULEJMAN GJANA, Kryetar i PLL

I nderuar zotëri Basha!

Si për ironi të fatit, më 1 Prill 2015 u thirr nga PD, në selinë e saj, mbledhja e parë e partive tona, për të filluar negociatat për formimin e një koalicioni opozitar. Në atë mbledhje shprehëm bashkërisht vullnetin politik për koalicion midis nesh, me objektiv: fitoren e zgjedhjeve vendore të 21 Qershorit 2015, duke u “… bazuar në parimet e transparencës, kolegjialitetit, proporcionalitetit dhe bashkëqeverisjes”.

Në atë mbledhje ne vendosëm bashkërisht afate për zhvillimin e negociatave midis subjekteve tona, për jetësimin e koalicionit tonë, duke iu referuar zotimit Tuaj se do të sundonte fryma e bashkëpunimit, e harmonisë, e besimit dhe respektit reciprok ndërmjet palëve.

Mbi këto baza, më datë 3 Prill 2015, PLL u ka paraqitur negociatorëve të PD një dokument ku shpreheshin propozimet tona për koalicionin…, dhe në të cilin i referoheshim realitetit politik, rezultateve faktike, eksperiencave të së kaluarës dhe synimit tonë të përbashkët për fitoren e zgjedhjeve vendore të radhës.

Për hir të së vërtetës, duhet të pranojmë se propozimet tona ngjallën një debat konstruktiv me negociatorët tuaj, dhe se shkëmbimi i informacioneve që pasoi mbledhjen e datës 3 Prill 2015, si dhe takimi i datës 5 Prill 2015, krijuan bindjen se aktorët e koalicionit opozitar kishin arritur nivelin e një mirëkuptimi dhe bashkëpunimi të ndërsjellët, që konsideron rrethanat dhe problematikat që secili subjekt duhet të përballojë në raport me realitetin e tij dhe të partnerëve politikë.

E njëjta gjë nuk mund të thuhet për mbledhjen që zhvilluam me negociatorët e PD-së më datë 8 Prill 2015, ku për çudinë tonë konstatuam një ndryshim të pozicioneve dhe qëndrimeve të miratuara më parë nga PD, gjë që shkaktoi edhe vonesa në përfundimin e negociatave.

Për të zhbllokuar situatën, propozova takimin kokë më kokë me Ju, takim të cilin e zhvilluam më datë 20 Prill 2015 në zyrën Tuaj, pasi vlerësova dhe vlerësoj se konturet e një koalicioni opozitar duheshin dhe duhen miratuar në nivelin më të lartë, për të siguruar pjesëmarrjen në këtë koalicion të PLL, si një parti kombëtariste, e djathtë dhe me trashëgimi antikomuniste.

Gjatë atij takimi, ne të dy miratuam pikat më të rëndësishme të koalicionit PD-PLL, ku përveç parimeve politike miratuam bashkërisht edhe disa aspekte teknike që do të ndihmonin koalicionin tonë për maksimalizimin e votave të djathta, por edhe për krijimin e ndjenjës së besimit reciprok.

Eksperiencat e së kaluarës kanë qenë shpesh herë të hidhura për PLL-në, sidomos gjatë procesit të numërimit, ndaj dhe vullneti ynë i përbashkët ishte që të tejkalohej kriza e mosbesimit.

Mekanizmi që kishim propozuar për këtë qëllim u pranua dhe u sanksionua në marrëveshjet dypalëshe që nënshkruam atë ditë.

Po Ju rikujtoj se kriteri mbi të cilin u dakorduam së bashku ishte i thjeshtë: Në bashkitë ku PLL e ka fuqinë elektorale për të nxjerrë këshilltarë nga listat e veta (sipas rezultateve të vitit 2011), PD do të vendoste në listat e saj dhe në pozicion të mundshëm zgjedhjeje një kandidat të propozuar nga PLL; dhe njëkohësisht, në të njëjtat bashki, PD do të kishte një kandidat në vendin të parë në listat e PLL për këshillat bashkiakë.

Ky kriter i shkëmbimit të kandidatëve do të materializonte edhe frymën e bashkëpunimit tonë, krahas materializimit të kriterit të proporcionalitetit dhe parimeve të mirënjohura të reciprocitetit dhe bashkërendimit të veprimeve tona. Por mbi të gjitha do të krijonte frymën e besimit reciprok, pasi strukturat tona do të ishin të siguruara në ndershmërinë e procesit të numërimit.

Në ditët në vazhdim, pas nënshkrimit të marrëveshjes për koalicionin tonë, kemi patur disa takime me përfaqësuesit tuaj ku kemi paraqitur në mënyrë të argumentuar informacionet përkatëse për 30 bashkitë që miratuam së bashku dhe që integruam në marrëveshjen tonë.

Me vullnet të mirë dhe gjithmonë me frymën e bashkëpunimit dhe mirëkuptimit reciprok, pas nënshkrimit të marrëveshjes sonë, reduktuam bashkërisht numrin e bashkive objekt të marrëveshjes: nga 30, në 19.

Për fat të keq, PD nuk na paraqiti asnjë informacion lidhur me kandidatët e saj që do të renditeshin në listat tona në bazë të marrëveshjes.

Pavarësisht kërkesave tona të përsëritura me telefon, e-mail dhe SMS për shkëmbimin e informacioneve që do të na mundësonin përgatitjen e dokumentacionit të nevojshëm sipas dispozitave ligjore për regjistrimin e listave brenda afateve kohore, kemi marrë me telefon nga përfaqësuesi juaj një informacion verbal vetëm ditën e Hënë, më datë 4 Maj 2015, në ora 17:00, pra vetëm 60 minuta para përfundimit të afatit zyrtar për paraqitjen e listave në KQZ dhe KZAZ-të. Bëhet fjalë vetëm për 9 raste (nga 19 që kishim rënë dakord) dhe ku shumica e propozimeve të PLL në listat e PD ishin ishin renditur në pozicione jashtë mundësisë për tu zgjedhur. Ndërkohë, asnjëherë nuk kemi marrë informacion për kandidatët e PD, që sipas marrëveshjes, do të ishin në pozicionet nr. 1 në listat e PLL.

Këto vonesa tuajat na kanë shkaktuar dëme serioze, sepse, për shkak të marrëveshjes, të cilën ne legalistët e kemi zbatuar deri në sekondën e fundit duke pritur edhe nga PD të njëjtën gjë, kandidatët tanë më të mirë kanë mbetur edhe jashtë listave tona, ngaqë sipas marrëveshjes ishin parashikuar të ishin brenda listave tuaja dhe ne vend të sigurt, sipas kriterit të shkëmbimit të kandidatëve.

Legalistët e bazës e kanë lexuar shkeljen tuaj të marrëveshjes si veprim të qëllimtë për eliminimin e lidershipit të PLL dhe kontributeve të tij të padiskutueshme në pushtetin e ardhshëm vendor…, pushtet që, pas reformës territoriale, është tejet më i rëndësishëm. Gjithashtu ata e kanë lexuar shkeljen tuaj të marrëveshjes si një synim për dëmtimin e PLL dhe të së Djathtës tradicionale në vendin tonë.

Zotëri Basha!

PLL ka pranuar të bashkohet në koalicionin APPD duke u nisur nga vullneti ynë për të bashkuar forcat dhe energjitë tona për një kauzë që ne legalistët e konsiderojmë të drejtë.

Ne, asnjëherë në historinë tonë politike nuk e kemi konsideruar aksionin tonë në raportin e ngushtë “pushtetarë-opozitarë”, dhe anasjelltas. Përkundrazi, besojmë se populli shqiptar ka të drejtën të gëzojë një qeverisje qendrore dhe vendore të bazuar në vlerat që e Djathta dhe elektorati i saj mbartin dhe përfaqësojnë.

Ndonëse shpesh herë elektorati i djathtë ka pranuar të heshtë për hendekun fiktiv që është krijuar pas vitit 1990 midis dy blloqeve politike që e kanë vendosur aksionin e tyre në raportin “pushtetarë-opozitarë”, – sot ka ardhur koha që ky elektorat të vlerësohet me respekt dhe dinjitet për kontributin e vet të paçmuar për demokracinë, ligjin dhe shtetin.

Gjithmonë kemi konsideruar se luajaliteti dhe korrektësia në hartimin dhe zbatimin e marrëveshjeve parazgjedhore do të ishte një shtysë e madhe për motivimin e elektoratit të djathtë, sidomos pas humbjes së zgjedhjeve politike të vitit 2013.

Gjithashtu kemi bindjen se, shkelja e marrëveshjeve midis partive opozitare sot, do të përkthehej nga elektorati ynë, ende i traumatizuar pas humbjes së vitit 2013, si një ndërmendje e një përfundimi se, kur arrihet të shkelet brenda pak ditësh deri edhe kontrata midis partnerëve politikë që është e nënshkruar me firmë dhe vulë, atëherë çfarë sigurie mund të ekzistojë se nuk do të shkelet edhe kontrata e pushtetarëve tanë vendorë me zgjedhësit dhe mbarë qytetarët?!

Shkelja brenda pak ditësh e marrëveshjes së sipërcituar, ne legalistëve dhe mbarë kombëtaristëve na kujton Mukjen…
Por për Mukjen do të shkruaj një herë tjetër, ndoshta shumë shpejt.

Sulejman Gjana

Kryetar i PLL

MANIFESTIM SPONTAN NË TIRANË ‘KUMANOVË NUK JE VETËM’

VOAL – TIRANË – Dhjetëra të rinj të Tiranës dhe shoqëria civile u solidarizuan mbrëmë me shqiptarët e Kumanovës, në një protestë paqësore.

Ata u mblodhën në orën 18:30 para Piramidës me parulla në duar ku shkruanin, “Kumanovë nuk je vetëm” dhe flamuj kombëtarë. Protestuan paqësisht për disa minuta me radhë fillimisht para Piramidës dhe më pas u zhvendosën përballë Ambasadës maqedonase në vendin tonë.

Thirrjet në kor ishin një: “O çohuni burra, o çohuni gra, për Kumanovën duhet me ra!”.

kumanov2

 

 

TIRANA I KËRKON SHKUPIT TRANSPARENCË MBI ZHVILLIMET NË KUMANOVË

VOAL – TIRANË – Qeveria e Shqipërisë i bëri sot në mbrëmje thirrje autoriteteve maqedonase që të bëjnë transparencë të plotë dhe një hetim të thellë bazuar në fate e prova të besueshme për ngjarjet e dy ditëve të fundit në Kumanovë, ndërsa theksoi se kriza politike në Maqedoni nuk duhet të konvertohet në një krizë ndëretnike.

Qeveria shqiptare deklaron se ka ndjekur me vëmendje të veçantë dhe shqetësim të madh zhvillimet tragjike të orëve të fundit në Kumanovë. “Duke shprehur keqardhjen më të thellë për humbjen e jetëve njerëzore, Qeveria e Shqipërisë mbron bindjen se në asnjë rrethanë nuk mund të lejohet që kriza në Maqedoni të përshkallëzohet. Zhvillimet dramatike të ditëve të fundit në Kumanovë kanë cenuar normalitetin dhe marrëdhëniet ndëretnike, të cilat mbeten ende të brishta për shkak të moszbatimit të plotë të Marrëveshjes së Ohrit, por pa dyshim janë jetike për ekzistencën e shtetit maqedonas. Në këto kushte është më shumë rëndësi mbrojtja e jetës, pronës dhe lirive e të drejtave të çdo qytetari të Maqedonisë, pavarësisht, përkatësisë së tij etnike. Më shumë së asnjëherë, kjo vlen aktualisht për Kumanovën e banuar kryesisht nga shqiptare”.

Tirana shpreh shqetësim për mungesën e informacioneve të plota mbi ngjarjen. “Reja e paqartësisë mbi të gjitha orët e rënda të Kumanovës, të cilat u përjetuan me ankth nga shqiptaret kudo ku jetojnë, duhet t’ia lerë vendin sa më parë, transparencës së plotë për këtë ngjarje”, thekson deklarata ndërsa vë në dukje se “përveçse policëve të vrarë dhe të plagosur, ende nuk është thënë asgjë për jetët e qytetarëve të pa mbrojtur të Kumanovës, për arratinë e tyre, për pronën e tyre të bastisur, djegur dhe shkatërruar. Padyshim kjo paqartësi shqetësuese nuk ndihmon në kthimin e plotë të normalitetit. Por po ashtu kjo e bën edhe më imediate nevojën për kthjelltësi, qartësi dhe durim për t’i shkuar të vërtetës deri në fund”.

Qeveria shqiptare nënvizon se autoritetet ligjzbatuese në Maqedoni duhet “të mundësojnë dhe kryejnë një hetim të thellë, të shpejtë, të plotë e transparent, në funksion të së vërtetës dhe vet stabilitetit të Maqedonisë e rajonit. Vetëm transparenca e thellë dhe e plotë, nëpërmjet paraqitjes së fakteve e provave të besueshme për qytetarët, do të shërbente në rikthimin e besimit në institucione dhe do të shmangte përsëritjen e këtij precedenti aq të padëshirueshëm nga popullata civile të një ngjarjeje të tillë”.

Qeveria shqiptare deklaron se “dënon çdo akt dhune, duke e konsideruar atë të papranueshëm për një shoqëri demokratike që aspiron integrimin euro-atlantik”, duke shtuar gjithashtu se “do ta konsideronte jo vetëm kundër produktive po edhe të papranueshme për ambicien europiane të rajonit, çdo paragjykim mbi baza etnike të çdo personi apo grupi personash të armatosur”.

Tirana “thekson me forcë po ashtu se do të ishte e papranueshme humbja e drejtpeshimit në raport me këtë ngjarje dhe kurrsesi nuk duhet lejuar që kriza politike e Maqedonisë të konvertohet në një krize ndëretnike, e cila do të ishte shkatërrimtare për Maqedoninë”, ndërsa “bën thirrje për qetësi, vetëpërmbajtje dhe një zgjidhje të duhur të krizës në shërbim të qytetarëve dhe aq të domosdoshme në funksion të stabilitetit”, përfundon deklarata e Qeverisë së Shqipërisë. za

OBORRI MBRETËROR SHQIPTAR – NDËRHYRJA USHATARAKE NDAJ CIVILËVE TË NDALOJË MENJËHERË

VOAL – TIRANË – Familja Mbretërore Shqiptare po ndjek me shqetësim të madh situatën e fundit në Kumanovë.Sipas një komunikate për media, Familja Mbretërore Shqiptare thotë se tensionet e përsëritura demonstrojnë dështimin e faktorit politik në Maqedoni, për të krijuar një ambient të sigurt dhe stabilitet.

“Diskriminimi i vazhdueshëm dhe racizmi janë në mospërputhje të plotë me Marrëveshjen e Ohrit dhe çojnë në tension të mëtejmë dhe trazira nëse mbeten të pazgjidhura”, thuhet në këtë komunikatë.

Në fund, Familja Mbretërore Shqiptare thotë se ndërhyrja ushtarake ndaj civilëve duhet të ndalojë menjëherë.

“Lutjet tona shkojnë për ato familje të cilat janë lënduar nga ky aksion ushtarak”, përfundon komunikata e Familjes Mbretërore Shqiptare e nënshkruar nga Princi Leka.

ILDK KALLËZON ISH DEPUTETIN SOCIALIST HARASANI

Në Shqipëri Inspektorati i Lartë i Deklarimit dhe Kontrollit të Pasurive dhe Konfliktit të Interesave, ILDKP, njoftoi sot se ka depozituar një kallëzim penal në Prokurorinë e Përgjithshme ndaj ish deputetit socialist Andis Harasani. Sipas ILDKP-së, zoti Hasani dyshohet për disa vepra penale që nga “falsifikimi i dokumentave”, “fshehje ose deklarim i rremë i pasurisë” deri te pastrim parash”.

Inspektoriati shpjegon në një komunikatë për shtyp se në përfundim të kontrollit të plotë të deklaratave të interesave private zotit Harasani, për funksionet Drejtor i KESH-it (2003-2005) dhe deputet i parlamentit, për periudhën kohore (2005 – 2012), “rezultuan deklarime të rreme, kontrata fiktive e të falsifikuara, fshehje të pasurive dhe transfertave bankare, të dyshimta e pa burime të ligjshme financiare, në banka brenda dhe jashtë vendit, në shumën rreth 2.600.000 Usd”.

Dy vjet më parë emri i zotit Harasani, i cili aktualisht jeton në Shtetet e Bashkuara të Amerikës, u përmend në shtyp, pas disa hetimeve gazetareske, se kishte regjistruar në emrin e tij, në vitin 2007, një kompani në parajsën fiskale të Ishujve Virxhin të Britanisë, ndërsa ajo nuk figuronte në deklaratat e tij të pasurisë.

Pak kohë më parë ILDKP-ja denoncoi dhe një tjetër politikan shqiptar, ish ministrin e Financave Ridvan Bode duke hedhur dyshime mbi burimet e pasurisë së tij dhe familjes së vet. Zoti Bode hodhi poshtë akuzat, ndërsa prokuroria ka hapur ndërkohë dhe një hetim lidhur me këtë rast. za

PRESIDENTI NISHANI – POLITIKA TË PASTROHET MENJËHERË NGA TË INKRIMINUARIT

Presidenti i Shqipërisë, Bujar Nishani, ndodhet prej disa ditësh në Nju Jork për të nderuar rolin e shqiptarëve për shpëtimin e hebrejve gjatë Luftës së Dytë Botërore. Presidenti Nishani vizitoi kryeqytetin e Nju Jorkut, Albany, ku mori pjesë në një numër  ceremonish solemne që kishte organizuar me këtë rast legjislatura e këtij shtetit.Gjatë fjalimit në Asamblenë e Nju Jorkut Presidenti Nishani tha se në përfundim të luftës  “Shqipëria numëronte një numër disa herë më të madh hebrenjsh në territorin e saj sesa në fillim të Luftës dhe shihet si vendi i vetëm në Evropë që shënon një rekord të tillë”. Me këtë rast, të dyja dhomat e Asamblesë së Nju Jorkut miratuan një rezolutë  për rolin e shqiptarëve në mbrojtjen e hebrenjve gjatë Luftës së Dytë Botërore.

Po gjatë ditëve të qëndrimit në Nju Jork  Presidentit Nishani iu dorëzua medalja e Nderit e Fondacionit ndërkombëtar Raul Wallenberg,  për rolin e Shqipërisë në shpëtimin e hebrejve gjatë Luftës së Dytë Botërore. Duke marrë medaljen, Presidenti Nishani tha se ajo i takon të gjithë shqiptarëve, të cilët pa marrë në sy rrezikun strehuan dhe shpëtuan me qindra hebrej gjatë luftës.

Në një intervistë për Zërin e Amerikës gjatë programit televiziv Ditari, presidenti Nishani foli për sfidat në sistemin e drejtësisë si dhe për procesin e dekriminalizimit.

Zëri i Amerikës: Zoti President! Gjatë qëndrimit tuaj në Nju Jork, përveç nderimit të përpjekjeve të Shqipërisë në shpëtimin e hebrenjve gjatë Luftës së Dytë Botërore, ju patët takime me komunitetin shqiptar dhe me disa figura të tij. Çfarë roli ka ky komunitet për Shqipërinë? A mendoni se Shqipëria ka bërë sa duhet për të tërhequr energjitë e komunitetit shqiptaro-amerikan për zhvillimin e vendit?

President Bujar Nishani: Së pari, unë do të desha të ndalem tek vlerësimi dhe nderimi i rolit prej dekadash dhe, pse jo, historik të diasporës shqiptare në Amerikë, nisur nga figurat e para të diasporës shqiptare si Noli, Konica e mjaft të tjerë burra të shquar, të cilët punuan gjithmonë për çështjen kombëtare shqiptare. Pastaj është diaspora antikomuniste në Amerikë, e cila gjithmonë përkrahu popullin shqiptar dhe nxiti administratën amerikane, që të ishte pranë popullit shqiptar për të kaluar vitet e errëta të komunizmit në Shqipëri. Po ashtu pas rënies së sistemit komunist në Shqipëri diaspora shqiptare luajti një rol të jashtëzkonshëm për të lobuar pranë administratës amerikane, e cila duhet të ishte pranë Shqipërisë në ndërtimin e institucioneve demokratike, në forcimin e lirisë dhe ekonomisë së tregut. Momentet e veçanta të historisë së kombit shqiptar, të çlirimit të Kosovës dhe pavarësisë së saj gjithashtu patën përkrahjen dhe angazhimin e diasporës shqiptare. Sot ka gjenerata të reja, të cilët jo vetëm janë bërë pjesë e rëndësishme e jetës në Amerikë, por edhe pjesë e administratës në SHBA. Ne gjithmonë e kemi një obligim të rëndësishëm ta vëmë në dukje ekzistencën dhe aktivitetin e tyre.

Për të ardhur tek pjesa e dytë e pyetjes tuaj; unë jam absolutisht i pakënaqur me aq sa shteti dhe institucionet shqiptare dhe shoqëria jonë në tërësi bën jo vetëm për të evidentuar këtë kontribut të jashtëzakonshëm, por edhe për të bërë pjesë më aktive diasporën shqiptare, kapacitetet intelektuale të saj, dëshirën dhe vullnetin e saj edhe përparimin e mëtejshëm të institucioneve në Shqipëri.

Zëri i Amerikës: Zoti Nishani, gjyqësori mbetet një nga sistemet më të diskutuara në Shqipëri, nga njëra anë lidhjet dhe ndikimet politike, dhe nga ana tjetër korrupsioni. Pak ditë më parë ambasadori gjerman në Tiranë deklaroi se gjyqtarët e nisin ditën e punës duke marrë zarfet, pra ryshfetet. Madje një vit më parë edhe ju keni folur për gjyqtarë, që mendojnë për zarfet. Megjithatë deri tani nuk kemi parë ndonjë gjyqtar, që të dënohet apo ndëshkohet për rryshfet apo korrupsion…

President Bujar Nishani: Ashtu është dhe në fakt shqetësimi im i përhershëm ka qenë që ne duhet të largohemi përfundimisht nga retorika. Retorika nuk është e nevojshme, retorika nuk sjell ndryshimin, retorika nuk bën realisht reformat. Shqipëria ka nevojë për reforma të thella në shumë fusha, por veçanërisht në fushën e drejtësisë, posaçërisht në atë të gjyqësorit. Dhe unë e kam theksuar gjithë kohës që kam qenë në zyrën e presidentit të Republikës dhe do të vazhdoj ta them se baza për të filluar dhe për të realizuar një reformë në sistemin e drejtësisë është vullneti, kryesisht vullneti politik. Ndaj unë i kam thirrje vazhdimisht vendim-marrësve; legjislativit, qeverisë, klasës politike në tërësi që të shpalosë një vullnet të qartë e të vërtetë për të nisur një reformë në sistemin e drejtësisë, për t’u shkëputur një herë e mirë nga idetë e pasjes së influencave të politikës dhe të njerëzve me pushtet në legjislativ apo ekzekutiv mbi sistemin e drejtësisë gjithmonë në interes të objektivave të ndryshëm politikë për ta bërë gjyqësorin një instrument në shërbim të shtetit të së drejtës. Nëse nuk do të paraqitet një vullnet i qartë e i fortë për të ndërmarrë reforma, çdo angazhim tjetër do të mbetet në kuadrin e retorikës.

Zëri i Amerikës: Ambasadorja e BE-së në Tiranë u shpreh ditët e fundit se KLD nuk po merr pjesë në diskutimet për reformat në drejtësi. Si iu përgjigjeni këtyre kritikave?

President Bujar Nishani: nuk e kam dëgjuar këtë deklaratë, për hir të të vërtetës, duhet t’iu them që sapo mori ftesën për të marrë pjesë në komision janë deleguar dy përfaqësues nga KLD; gjyqtari Dritan Hamitaj dhe kryeinspektorja e KLD zonja Marsida Xhaferllari.

Zëri i Amerikës: Zoti Nishani, ka kritika që Këshilli i Lartë i Drejtësisë nuk ka marrë masa për gjyqtarë të korruptuar. Në Këshill ka patur dhe raste që janë denoncuar nga Inspektoriati i Lartë i Deklarimit të Pasurisë, duke qenë se nuk justifikojnë dot të ardhurat e shumta, por Këshilli nuk ka vepruar. Si e gjykoni ju këtë?

President Bujar Nishani: Unë nuk e kam parë punën e KLD si një punë të përsosur. Jam munduar gjithmonë si një prej antarëve të këtij Këshilli shpesh herë pa të drejtë vote në vendim-marrjen e Këshillit, por si një nga drejtuesit e KLD për të inkurajuar antarët e KLD që të jenë të përgjegjshëm dhe të angazhuar thellësisht. Unë e kam mbështetur angazhimin e tyre dhe për hir të të vërtetës, vetëm gjatë këtyre dy viteve të fundit ka patur një numër të caktuar gjyqtarësh, të cilët jo vetëm janë përjashtuar nga sistemi gjyqësor. Ka patur prej tyre të cilët i janë deleguar hetimit penal, një pjesë e tyre tashmë janë edhe të dënuar. Por gjithsesi ajo që unë kërkoj dhe do të vazhdoj të kërkoj nga antarët e KLD është që të dalin përtej angazhimeve të tyre në raportet personale që kanë ata me gjyqtarë të caktuar apo t’i qëndrojnë fort presionit që vjen nga politika, i cili për fat të keq vazhdon të jetë i pranishëm në forma dhe në mënyra të ndryshme përmes presionit, përmes korruptimit administrativ dhe jo vetëm financiar të antarëve të KLD por edhe nëpërmjet formave dhe metodave të tjera që vijnë nga pushteti, i cili ka se çfarë ofron në këmbim të favoreve. Unë do të vazhdoj të inkurajoj antarët e KLD, do të mbështes të gjithë integritetin e tyre për të qenë në lartësinë që u kërkon atyre opinioni publik.

Zëri i Amerikës: Këshilli i Lartë i Drejtësisë, u bë disa muaj që funksionon pa nënkryetar, një figurë kushtetuese dhe kyçe këtij institucioni. Kur pritet që ju të bëni emërimin e tij?

President Bujar Nishani: Nënkryetari i KLD ka një detyrë specifike thjesht administrative. Nuk ka të bëjë me punën përmbajtësre të KLD. Ai është një antar si gjithë antarët e tjerë, por është i ngarkuar me drejtimin e administratës. Për fat të mirë, qysh para dy vjetësh është futur funksioni i sekretarit të përgjithshëm, i cili tashmë e zëvendëson krejtësisht nga pikëpamja administrative mungesën e nënkryetarit të KLD. Presidenti do të zbatojë detyrën dhe tagrin e tij kushtetues për ta zgjedhur nënkryetarin e KLD. Por, ashtu si të gjithë jemi të njohur ka një vendim të Gjykatës Kushtetuese, e cila e ka hedhur poshtë dhe e ka quajtur të pabazuar bazën ligjore me të cilën parlamenti mori vendimin për të shkarkuar dy antarët e KLD. Unë besoj që parlamenti do të reflektojë ndaj këtij vendimi të Gykatës Kushtetuese, sepse në fund të fundit, të gjithë jemi të obliguar para këtyre vendimeve. Procedura që u realizua është tashmë pa asnjë bazë ligjore dhe asnjë akt procedurial nuk mund të jetë në fuqi pa një bazë ligjore të caktuar. Ky është thelbi i doktrinës së të drejtës.

Zëri i Amerikës: Zoti Nishani, muajt e fundit në Shqipëri është debatuar gjatë për atë që quhet si dekriminalizim i politikës. Por ndërsa palët në Shqipëri përfshihen me polemika, ambasadorët e huaj janë më konkretë dhe kanë shprehur shqetësim për disa emra, që janë përfshirë dhe në listat e kandidatëve për zgjedhjet vendore. Ju si e shihni këtë situatë?

President Bujar Nishani: Krijimi i kësaj situate është një akt shqetësues dhe na bën me turp që të gjithëve. Nuk mund të parashikohej dhe as të mendohej që në këto vite të demokracisë shqiptare, pas kaq kohësh ne të diskutonim për dekriminalizimin e politikës, parlamentit, institucioneve kaq të larta të shtetit. Si kemi mbërritur në këtë pikë është e turpshme, e papranueshme. Menjëherë duhet reflektim për t’u korigjuar dhe në radhë të parë nga vendim-marrësit e politikës dhe të partive politike. Ne i falenderojmë partnerët dhe miqtë tanë përmes ambasadorëve që kemi në Shqipëri, por janë shqiptarët, institucionet shqiptare, klasa politike, vendim-marrësit shqiptarë, të cilët duhet të zgjidhin dhe të marrin vendimet e duhura. Vetëm ne mund të bëjmë korigjimet. Prandaj unë kam inkurajuar dhe do të vazhdoj të kërkoj me forcë nga drejtuesit e partive politike, nga klasa politike që jo vetëm të distancohen por menjëherë të nxjerrin jashtë radhëve të përfaqësimit të politikës së tyre në parlament dhe në administratën shtetërore të gjithë që kanë rekorde kriminale, pasi është e papranueshme kjo jo vetëm në funksionimin e administratës dhe të vendim-marrjes, por edhe për imazhin e Shqipërisë dhe të shqiptarëve.

 

70 % E TË RINJVE NË KOSOVË JANË TË PAPUNË

VOAL – TIRANË – Përrfaqësues të shoqërisë civile nga Kosova dhe vende të tjera të rajonit janë mbledhur këtë të enjte në Tiranë në një uorkshop me temë: “Krijimi i Punësimit dhe Prosperitetit”.

Kjo konferencë ndërkombëtare është thirrur nga fondacioni Friedrich Ebert Stiftung, zyra e Tiranës, dhe qëllimi është të kontribuojë në Samitin e Ballkanit Perëndimor që zhvillohet në Vjenë midis datave 26 dhe 27 gusht.

Të pranishmit në takim theksuan se pjesëmarrja e shoqërisë civile ka një rol të rëndësishëm në të gjitha proceset e integrimit Evropian në vendet më të reja të BE-së.

Diskutimet në këtë seminar u fokusuan në çështjet më të rëndësishme në lidhje me krijimin e punësimit dhe zhvillimit ekonomik në vendet e rajonit që aspirojnë të anëtarësohen në Bashkimin Evropian.

Përfaqësuesja e shoqërisë civile të Kosovës në këtë aktivitet, Bardha Ahmeti tha për KosovaPress në Tiranë se gjatë seminarit është punuar për përgatitjen e disa rekomandimeve mbi çështjet më kyçe të secilit vend, siç është punësimi, investimet etj, tema këto që do të paraqiten të përmbledhura për Ballkanin në Samitin e Vjenës.

Lidhur me Kosovën ajo tha se papunësia e të rinjve mbetet një problem akut, ku sipas statistikave, ndër 10 të rinj vetëm 3 janë të punësuar.

Lidhur me pyetjen nëse është pikërisht kjo papunësi e lartë shkak që shumë të rinj jo vetëm nga Kosova por edhe nga Shqipëria dhe vende të tjera të Ballkanit po zgjedhin të largohen dhe të kërkojnë azil, Ahmeti mendon që po, pra se papunësia është shkaku primar për azil, pasi të rinjtë nuk po kanë shpresë dhe të ardhme në vendet e tyre.

Çështjet më të rëndësishme të Konferencës ishin edukimi i drejtuar drejt tregut të punës, zhvillimi i degëve më të rëndësishme ekonomike, tërheqja e investimeve të huaja në vend dhe krijimi i markave vendase të cilat janë konkurruese në tregun Evropian.

Gjithashtu u propozuan iniciativa për integrimin e shoqërisë civile në procesin e zhvillimit ekonomik dhe politik, kjo duke ndjekur modelet e suksesshme të vendeve të reja të BE siç është Kroacia dhe Sllovenia.

Ky punim i konferencës do ti prezantohet më vonë udhëheqësve politikë të BE-së dhe të Ballkanit Perëndimor në Vjenë.kp

INCIDENT NGA SOCIALISTËT NË TAKIMIN E OPOZITËS NË KOLONJË

Kryetari i PD, Lulëzim Basha, në prezantimin e kandidatit për kryetar bashkie. Një person qëllon me karrike. Opozita akuzon shumicën. Meta dënon ngjarjen

Në Shqipëri një incident u shënua mbrëmë në Kolonjë gjatë një aktiviteti elektoral të opozitës, ku kryetari i saj Lulzim Basha gjendej për të prezantuar kandidatin për kryetar të Bashkisë në zgjedhjet e 21 qershorit. Një 27 vjecar, Suel Lico, ka qëlluar me karrige në drejtim të vendit ku gjendje zoti Basha. Karrigja ka goditur një qytetar që ndodhej aty pranë, Fuat Ndini, 65 vjec, i cili u dërgua në spital, për shkak të dëmtimeve. Lico u arrestua më pas nga policia.

Partia demokratike akuzoi për ngjarjen shumicën në pushtet. Sipas saj Lico “është një person i njohur për lidhjet e tij me pushtetin. Mos distancimi ndaj këtij sulmi nxjerr zbuluar autorët dhe porositësit që janë të njëjtët që kanë frymëzuar akte dhune edhe në qytete të tjera kundër opozitës. Ky është tregues i panikut dhe frikës që ka kapur dyshen Rama-Meta nga gjykimi popullor me votë në 21 qershor” thuhet në një deklaratë të partisë demokratike.

Ky është incidenti i dytë i regjistruar deri më tani. Javën e shkuar dy të rinj me flamuj të partisë socialiste ndërhynë gjatë një aktiviteti të kandidates demokrate në Durrës Grida Duma, duke provokuar edhe përplasje fizike me mbështetësit e opozitës.

Kryetari i parlamentit Ilir Meta me anë të një deklarate u shpreh se e dënonte ngjarjen duke i bërë “thirrje të gjithë qytetarëve të distancohen nga akte të tilla, të cilat dëmtojnë klimën e një fushate elektorale qytetare. Kryetari i Kuvendit kërkon që organet e zbatimit të ligjit të ndëshkojnë në mënyrën më shembullore autorët e këtyre incidenteve të papranueshme”, shprehet zoti Meta. za

TENSIONET PARAZGJEDHORE, DEBATE NË KUVEND, FAJËSOHET QEVERIA

Në Shqipëri parlamenti u përfshi sot në debate mes shumicës dhe opozitës lidhur me disa incidente dhe ngjarje që kanë shoqëruar ditët e fundit situatën parazgjedhore.  E djathta bëri përgjegjëse qeverinë për incidentin e mbrëmshëm në Kolonjë gjatë një aktiviteti të kryetarit demokrat Lulzim Basha. Ndërsa deklarimet e kryeministrit Edi Rama gjatë një takimi me stafin elektoral në Shkodër, ku ai përmendte drejtorë të administratës të angazhuar në fushatë, opozita i vlerësoi si përpjekje për manipulimin e zgjedhjeve ditën e votimit. Zoti Rama u kundërpërgjigj duke hedhur poshtë akuzat

Tensionet parazgjedhore u transferuan sot në sallën e parlamentit duke zënë një kohë të gjatë në debate dhe replika. Ish kryeministri Sali Berisha bëri përgjegjëse shumicën për incidentet e regjistruara ditët e fundit: “Këtu kemi të bëjmë me një proces themelor për vendin që janë zgjedhjet. Një proces i cili do përcaktojë shumë gjëra për cdo qytetarët shqiptarë. Një proces të cilin shumica e ka nisur me akte kriminale si në Durrës, dhe përsërit rastin tjetër dje në Kolonjë ndaj kryetarit të opozitës”, deklaroi zoti Berisha

Në Kolonjë gjatë një aktiviteti të kryetarit demokrat Lulzim Basha, i cili do prezantonte kandidatin e opozitën për kryetar Bashkie, një i ri 27 vjecar Suel Lico qëlloi me karrike në drejtim të tij, duke plagosur një 65 vjecar. Opozita u shpreh se Lico ishte i njohur për lidhjet e tij me njerëz të pushtetit. Ngjarja u dënua sot nga kryetari I parlamentit Ilir Meta, ndërsa kryeministri Edi Rama hodhi poshtë akuzat “Të gjithë rastet që kanë të bëjnë me cënim të cfarëdolloj, të cilitdo aktivitet të partisë suaj apo cdo partie, dhe që hyn në përgjegjësitë e forcave të rendit, trajtohen me përgjegjësinë më të lartë nga forcat e Rendit. Policia e ka ndaluar menjëherë. Pse e ndali nuk është merita, është detyra që policia e bën se nuk merr urdhra nga ne për fushatën, dhe nuk ndalon punën e vet se ka fushatë”, deklaroi zoti Rama

Një tjetër cështje e debatuar së fundmi, ajo e deklarimeve të kryeministrit gjatë një takimi me stafin elektoral në Shkodër zuri vend në polemikat e sotme në sallë. Në bisedën, regjistrimin e së cilës e publikoi ish kryeministri Berisha, zoti Rama dëgjohet të kërkojë angazhimin e drejtorëve të së majtës në fushatë dhe arritjen e një rezultati pozitiv, përndryshe sipas tij të nesërmen e zgjedhjeve është “koha për ti hapur vendin dikujt tjetër”.

Për opozitën kjo përbën një përpjekje për manipulimin e votave ditën e zgjedhjeve. “Janë ca drejtorë, tha, që na kanë nxjerrë bojën. Na kanë nxjerrë bojën, tha, po këta tani kanë mundësinë dhe rastin të plotësojnë kreditet e tyre duke vjedhur votat e shqiptarëve. Se si mund t’i marrin votat e shqiptarëve ndryshe këta drejtorë të cilëve u ka dalë boja”, tha kryetari i grupit demokrat Edi Paloka ndërsa komentonte deklarimet e kryeministrit.

Fillimisht socialistët reaguan duke deklaruar se nuk bëhej fjalë për drejtorë administrate por drejtorë operacionalë, si pjesë e organizimit të fushatës. Ndërsa sot zoti Rama dha këtë shpjegim: “Në mbledhjet tona janë të pranishëm edhe drejtorët në administratë që janë pjesë e strukturave drejtuese të partisë socialiste. Sigurisht që në ato takime ne japim detyrat tona, por asnjëherë, kurrë, për të vjedhur votat sic keni bërë ju”, u shpreh zoti Rama duke ju drejtuar deputetëve demokratë.

Pjesë tjetër e debatit ishte dhe çështja e rregjistrimit të një numri të pazakontë banorësh në qytetin e Durrësit. Bëhet fjalë për mbi 2200 persona vetëm në gjashtë javët e fundit.  Partia demokratike paraqiti kallëzim për kryetarin e Bashkisë së Durrësit Vangjush Dako.Zoti Rama u kundërpërgjigj duke deklaruar se dhe kandidatja e demokratëve në Durrës, Grida Duma është rregjistruar si banore me qera te shtëpia e një të afërmi të saj dhe se sipas tij e gjithë kjo histori do të përfundojë duke turpëruar opozitën. Për rregjistrimet e fundit në Durrës edhe Komisioni qëndror i zgjedhjeve ka kërkuar hetim nga prokuroria. za

GJERMANIA PARASHIKON DYNDJE TJETËR AZILANTËSH NGA SHQIPËRIA

VOAL – Hamburg, 7 maj – “Shqiptarët nuk kanë asnjë shans për azil në Gjermani. Megjithatë ata largohen turma- turma nga vendi i tyre”. Kështu shkruan e përditshmja e njohur gjermane, Welt, që ka parë një raport të Zyrës Federale për Emigrantët.

Raporti thekson se deri më tani nuk ka ndonjë tregues për rënien e trendit.
“Për shkak të situatës së pandryshueshme të vështirë ekonomike dhe sociale në Shqipëri, presim që edhe në të ardhmen të vazhdojë vala e lartë e emigrimit”, thuhet në raport.

Pikërisht për kësaj tendence, kjo zyrë ka rritur parashikimin për numrin e azilkërkuesve deri në 450 mijë.

Deri tani parashikimi ishte për 300 mijë.
Sipas të dhënave, që akoma nuk janë të plota, 20 mijë shqiptarë kanë kërkuar azil.
Qëllimi i Gjermanisë është që Shqipëria të shpallet një vend i sigurt origjine, për të përshpejtuar largimin e azilkërkuesve.

9 maji 1945 – 70 VJETORI I ROBNISË STALINISTE NË EUROPË Nga FRITZ RADOVANI

9 Maji 1945  “PËRANDORIA E SË KEQES” ME DISA MILJON SKLLAVË

■Ma në fund u gjet edhe mënyra per me shkatrrue Europen e qytetnueme!

■Edhe pse të gjithë e kishin kuptue se kush ishte Bashkimi Sovjetik dhe udhëheqësi i tij

diktatori Stalin, as Rusvelti dhe as Çërçilli nuk ishin në gjendje me i caktue cakun se deri

ku mund të shtrihej sundimi i tij, madje, shpesh, edhe tue harrue barbarizmin e tij.

Fatkeqsia e popujve të Europës e ma vonë të Azisë, ishte se Rusvelti asnjëherë nuk arrijti

me kuptue mjeshtrinë diplomatike të Stalinit per me sigurue zonat e influences së vet!

■Atëherë kur Stalini dukej sikur kishte dalë nga vetvetja e po fliste në Jalta, pra në muejn

Shkurt 1945, per “zgjedhje të lira dhe të drejtën e vetvendosjes në zonat e lirueme”,  ishte

ajo kohë kur ushtria sovjetike i kishte pushtue të gjitha ato, e do të vepronte si donte ai!

Stalini shkoi edhe ma perpara tue propozue edhe “Qeveri Demokratike në të gjithë

Europën Lindore, të daluna nga zgjedhjet e Lira nder ata shtete!” Pikrisht, kur ushtria

sovjetike vazhdonte marrshimin drejtë pushtimit të Tokave të tjera drejtë Berlinit!

■Prova ma e sakta e mashtrimeve të Stalinit për ata “premtime” ishin zgjedhjet që po

përgatiteshin në Jugosllavi, dhe shtetin e varun prej saj në Shqipninë komuniste. Pra,

Stalini zgjodhi dy shtete që nuk ishin çlirue nga ushtritë sovjetike, po influenca e tij ishte

vendimtare në zgjedhjen e Titos e Enver Hoxhës, në këto “zgjedhje të lira e bolshevike”!

■Me 9 Maji 1945, Stalini kishte arrijtë shtrimjen e vet deri në lumin Elba…

■Në të gjitha shtetet e Europës Lindore (e ma shumë nder ata Perëndimore), Stalini, jo

vetem, nuk lejoi zgjedhje të lira, po edhe perforcoi poziten e partive komuniste nder të

gjitha shtetet ku kishte kjoftë edhe vetem një ushtar sovjetik, ndersa, nga pikpamja e

tyne “demokratike”, ata ishin dhe mbeten deri diten e fundit “parti staliniste”…

■”Perandoria e së keqes” Bashkimi i Republikave Socialiste Sovjetike ase BRSS, me

datën 9 Maji 1945 kishte 16 “republika bolshevike” që shtriheshin deri nder kufinjtë e

Koresë dhe në Lindjen e Largët… poshtë me dalje në Detin e Zi dhe Adriatik e Jon… dhe

me një territor të pushtuem ku, mbizotnonte diktatura staliniste nder këto shtete: Letoni,

Estoni, Lituani, Poloni, Gjermani Lindore, Çeki e Sllovaki, Hungari, Rumani, Bullgari,

Jugosllavi dhe Shqipnia ynë “Dera e Adriatikut”, e “Paktit të Varshavës”!

■Sikur të kalonim para syve tanë vetem portretet e udhëheqësve komunistë të këtyne

vendeve para vitit 1990, tue fillue nga Oneker i Gjermanisë apo Çaushesku i Rumanisë, e

deri tek anadollaku i Shqipnisë Ramiz Alia… Vetem atëherë, do të kuptonim fatin e zi të

Popujve tanë, që per 70 vjetë vuejten nën diktaturen e pashoqe staliniste bolshevike.

■Nëse historia e BRSS nuk do ti harrojë kurrë “Gulagët” e Stalinit, apo ata tmerret e

kampeve të shfarosjeve në Siberi… As Populli Shqiptar nuk do të fundosin në “Arkivin e

Harresës” asnjëherë: Torturat, masakrat dhe zhdukjet e bame nga hetuesit dhe vrasësit

komunistë, nder 26 Burgjet dhe hetuesit e Shkodres nga viti 1944… e përgjithmonë!

***

■Në këte 70 vjetor të datës 9 Maji 1945, Putin i Rusisë… ka mendue me dekorue edhe

24 vetë, që po i thonë se janë “shqiptarë’’: Rustem PEÇI, Odhise PORODINI,

Sul DOMI, Gjike KURTIQI, Ziqiri MERO, Faik ALIAJ, Servet AGALLIU, Orhan

FRASHËRI, Gjemal KACANI, Spiro JANI, Llutfie MERO, Gjon BANUSHI,

Manushaqa MIKO, Lefkoshe PAPAJANI, Alfred MOISIU, Rita MARKO, Ballëm

META, Kadri DINGU, Asllan GROPASI. Nuk i njoh! Edhe mund të jenë…

■Më çuditë vetem një fakt: Si përputhet mendimi i Putin me veprimin e kryeministrit

Edi Rama, që në gjithë listen nuk ka mujtë me gjetë asnjë emen “katolik” ashtusi, edhe

kryeministri Rama, tash dy vjet “nuk gjenë asnjë katolik, per ambasador në Vatikan”!!

A mos asht një kujtesë kjo e vitit 1945…Që, përkon me Sulltan Mehmetin e II…në 1478…

■“Në Shqipni, të mos mbetet …Asnjë Katolik!”…

Melbourne, 7 Maji 2015.

ARBNORA DUSHI – RRËFIME NGA HISTORIA E FAMILJEVE SHQIPTARE QË I NDAU 40 E SA VJET KUFIRI SHTETËROR

VOAL – SHKODËR – Historitë origjinale të marrëdhënieve njerëzore të familjeve që kanë jetuar përgjatë gati 40 viteve të ndarë nga kufiri ideologjik mes Shqipërisë dhe Kosovës nën ish-Jugosllavi, janë një parajsë studimesh për antropologët dhe sociologët. E ndërsa në Shqipëri ende nuk kemi të prezantuar një tendencë të thellimit të studimeve mbi këto marrëdhënie, shembulli vjen nga Kosova. Kjo qasje e sjellë pranë publikut shkodran, ndër metodat e reja të hulumtimeve që bëhen sot në botë njihet me emrin histori gojore dhe përfaqëson përjetimin e folur të historisë, por që më tepër afron me folklorin.

Studiuesja Arbnora Dushi nga Instituti Albanologjik i Prishtinës ka rrëfyer në Vendin e Dëshmisë dhe Kujtesës në Shkodër, historitë gojore të familjes së saj: gjyshes, nënës e sigurisht të vetin, një dëshmi ndërbreznore mbushur me përjetime traumash të shkaktuara nga ideologjia e ndarjes së kufirit. Emocionet e përcjella tek të pranishmit në sallë shkaktuan përlotje, habi e hera-herës çudi rreth atij realiteti i cili i kishte ndarë për së gjalli njerëzit për afro 50 vjet. Ai kufi kishte krijuar dy realitete të ndryshme: ai këndej dhe ai andej, ‘ne’ dhe ‘ata’, Gjakova dhe Kukësi, Shqipnia dhe Kosova. Vetëm fakti sesi e tërë familja këndej dhe andej kufirit angazhohej për t’u bërë pjesë e një takimi absurd në kufi, të trondiste. Visheshim bukur dhe pas shumë tentativash për të marrë leje në polici (që më së shumti vinin negative) shkonim në pikën kufitare të Morinës për t’u njohur fizikisht me njëri-tjetrin. Rrinim përballë më shumë se 100 m larg e mes nesh qëndronin ushtarët të armatosur,-rrëfente studiuesja,- thjesht rreshtoheshim dhe nuk kishim të drejtë as të ngrinim duart.

Në ngjashmëri me rastin personal znj. Dushi paraqiti edhe disa raste të tjera intervistash gojore të cilat transmetonin botën e brendshme shpirtërore, formimin, imagjinatën dhe botëkuptimet personale të gjithsecilit me intriga dramatike përbrenda. Dy realitete që sa larg, sa afër lidheshin vetëm përmes fijesh shpirtërore njerëzore, të përkthyera këto në letra poste, telegrame, fotografi familjare që u dërgoheshin njëri-tjetrit këndej dhe matanë kufirit, kaseta me zërin e dokumentuar, relike simbolike dhe ajo që i përmblidhte gjithçka ishte kujtesa e tyre kolektive. Brenda saj ruhej çdo emocion njerëzor, brenda saj ruheshin lidhjet shpirtërore të familjes së ndarë, brenda saj ruhej identiteti i tyre i nëpërkëmbur. Kufiri ishte veçse një vijë njëdimesionale në dukje, por një hapësirë shumëdimensionale në emocione.

LIGJVËNËSIT E NJU JORKUT NDEROJNË BESËN SHQIPTARE – I PRANISHËM PRESIDENTI NISHANI

Presidenti i Shqipërisë, Bujar Nishani, ishte dje në Albany, kryeqytet i shtetit të Nju Jorkut, ku u prit nga ligjvënësit e atij shteti dhe së bashku nderuan rolin e shqiptarëve në shpëtimin e hebrejve gjatë Luftës së Dytë Botërore. Presidenti Nishani, i cili arriti në SHBA të hënën, mori pjesë në një numër ceremonish solemne që kishte organizuar me këtë rast legjislatura e shtetit Nju Jork.

Presidenti i Shqipërisë u prit në sallat e legjislaturës së shtetit Nju Jork në Albany nga udhëheqës të Dhomës dhe të Senatit të këtij shteti.

Organizimi i të gjitha ceremonive dhe takimeve prestigjoze u realizua me ndihmën e zotit Mark Gjonaj, shqiptaro-amerikani i parë i zgjedhur si anëtar i Asamblesë së shtetit Nju Jork.

Në një takim me udhëheqësit e legjislaturës së shtetit dhe me personalitete të tjera të njohura, u fol për rolin e shqiptarëve në shpëtimin e hebrenjve gjatë Luftës së Dytë Botërore. Në takim ishin edhe përfaqësues të besimeve të ndryshme fetare.

Presidenti Nishani tha se hebrejve në Shqipërinë e luftës nuk iu desh ta fshihnin identitetin e tyre dhe historianët kanë arritur në përfundimin se në Shqipëri gjatë luftës nuk u kryen akte dëbimi ose viktimizimi kundër hebrejve:

Bujar Nishani, President i Shqipërisë

“Shqipëria numëronte një numër disa herë më të madh hebrenjsh në territorin e saj në mbarim të Luftës së Dytë Botërore sesa në fillim të Luftës. Ajo shihet si vendi i vetëm në Evropë që shënon një rekord të tillë.”

Sot, tha Presidenti i Shqipërisë, për fat të keq në vende të ndryshme të botës, duke përfshirë edhe Evropën, po vërehen ndjenja në rritje të anti-semitizmit. Sumi i fundit terrorist në Francë, por edhe ato në vende të tjera na kujtojnë se ajo që u arrit 70 vjet më parë po vihet në pikëpyetje përsëri.

Presidenti Nishani tha se paragjykime të tilla nuk duhen lejuar të prekin brezat e rinj dhe mësimet e nxjerra nga historia nuk duhen harruar.

Fotografi i njohur Norman Gershman, punimet e të cilit shërbyen si pikënisje për realizimin filmit të njohur dokumentar “Besa”, foli në takim mbi disa mësime nga jeta e tij personale që kanë të bëjnë me shqiptarët. Ne, tha ai, duhet të ngulitim konceptin e besës, sidomos tek të rinjtë, jo vetëm në Shtetet e Bashkuara, por në të gjithë botën.

Norman Gershman, fotograf me famë botërore

“Eksporti i Shqipërisë nuk është qumështi, as zarzavatet ose frutat. Është besa”.

Kur shkoj në Shqipëri dhe takohem me njerëz, familjet e të cilëve kanë shpëtuar hebrenj, tha fotografi i njohur, zakonisht 7 janë myslimanë dhe tre katolikë ose ortodoksë. Por, pavarësisht nga besimi, të gjitha ato familje e përqafuan besën, pa dallim.

Në Shqipëri dhe në Kosovë, tha zoti Gershman, shqiptarët, duke vënë jetën në rrezik, nuk strehuan vetëm hebrenjtë e qyteteve dhe të fshatrave të tyre por edhe mijëra refugjatë që i kishin shpëtuar nazizmit nga vendet e tjera evropiane.

Ai tha se shpreson që filmi Besa të emërohet për çmimin Oscar në Hollivud.

Në Dhomën e Përfaqësuesve të shtetit Nju Jork, anëtari i saj Mark Gjonaj, prezantoi në sallë Presidentin Nishani dhe pastaj paraqiti një rezolutë, ku flitej për rolin e shqiptarëve në mbrojtjen e hebrenjve gjatë Luftës së Dytë Botërore. Në mbështetje të rezolutës folën disa anëtarë të Asamblesë, të cilët vunë në dukje këtë rol të Shqipërisë.

Presidenti Nishani u prit ngrohtë nga deputetët që kishin mbushur sallën.

Një ceremoni tjetër u mbajt në sallën e senatit, ku u miratua një rezolutë e ngjashme. Presidenti Nishani mbajti aty një fjalim, ku tha se rezoluta vlerëson mbarë kombin shqiptar, jo vetëm popullsinë e Shqipërisë, por edhe atë të Kosovës dhe të trojeve të tjera ku jetojnë shqiptarë.

Edhe në rezolutën e senatit thuhej se më tepër se 2 mijë hebrenj i mbijetuan përndjekjes naziste në Shqipëri. Popullsia vendëse i fshehu ata duke rrezikuar jetën e saj, madje në disa raste, kjo u pagua edhe me jetë, thuhej aty.

Presidenti Nishani u kthye në qytetin e Nju Jorkut, ku do të qëndrojë disa ditë për takime me komunitetin dhe me personalitete të tjera. za

ZËRI I AMERIKËS – SERBIA ‘ZEMËROHET’ SËRISH ME EDI RAMËN

Beogradi reagoi me zemërim ndaj deklarateve të kryeministrit të Shqipërsië Edi Rama për bashkimi kombëtar me mjetet e shekullit XXI

Arkiv: Nga vizita e kryeministrit shqiptar Edi Rama në Beograd në nëntor të vitit 2014Autoritetet serbe reaguan me zemërim ndaj deklaratave të kryeministrit të Shqipërisë, Edi Rama, për bashkimin e shqiptarëve në Bashkimin Evropian dhe qasjen që duhet të ketë BE-ja ndaj këtij bashkimi.Kryeministri i Serbisë, Aleksandër Vuçiç, citohet nga mjetet serbe të informimit të ketë thënë se “Kosova dhe Shqipëria, nuk do të bashkohen kurrë, në formën klasike. U lutem udhëheqësve shqiptarë që të ndalen së provokuari jo qëndrueshmërinë në rajon”, citohet të ketë thënë ai në një postim në rrjetin social Twitter.Edhe zyrtarë të tjerë serbë thanë se deklaratat e kryeministrit Rama “janë kërcënim për paqen dhe qëndrujeshmërinë në rajon dhe thirrje e rrezikshme për ripërcaktim kufijsh në Ballkan”.Reagimet pasuan një intervistë të përbashkët të kryeministrit, Edi Rama me ministrin e jashtëm të Kosovës, Hashim Thaçi, në televizionin “Klan Kosova”, pak kohë pasi që të dy u nderuan me titullin “Qytetar nderi i Ulqinit”.Kryeministri Rama tha se “puna e përbashkët ndërmjet dy qeverive, asaj në Tiranë dhe në Prishtinë, është rruga e një bashkimi kombëtar me mjetet e shekullit XXI, në funksion të një Bashkimi Evropian”.

“Bashkimi i shqiptarëve të Shqipërisë dhe shqiptarëve të Kosovës, pasi këta janë në fakt shqiptarët që jetojnë në dy shtete shqiptare, dhe nuk flasim për të tjerët që janë në shtetet tjera, është i pashmangshëm dhe i padiskutueshëm. Pyetja është si do të ndodhë? A do të ndodh në funksion të Bashkimit Evropian si proces i natyrshëm dhe krejt i mirëkuptuar nga të gjithë? Apo do të ndodhë si reagim ndaj një verbërie apo një përtacie evropiane, për të kuptuar që vetë Evropa duhet të ndryshojë qasjen ndaj vetvetes, duke u kthyer nga një fuqi që gjithnjë e më shumë është e varur nga taktika e ditës në një fuqi strategjike?Një Evropë strategjike do të kërkonte që Ballkani të ishte pjesë e saj dhe që normalisht pastaj, të gjitha etnitë në Ballkan të kishin lehtësinë e të qenit së bashku, pa pasur nevojë që të merreshin me kufijtë. Ndërkohë që një Evropë verbërisht taktike në vijim do të bënte që të triumfonte me patjetër dhe pa asnjë mundësi të dytë, linja e një bashkimi, përsëri në funksion të një Evrope të ardhshme, por në radhë të parë në funksion të një të sotmeje ku shqiptarët nuk do ta pranonin për një kohë të gjatë këtë historinë “tërhiq e mos e këput” të Evropës dhe të kësaj qasjes “tërhiq e mos e këput” me njëri tjetrin”, tha kryeministri Rama.

Në këtë intervistë ai ka tërhequr vërejtjen që “nëse Evropa e shikon Ballkanin dhe zhvillimin në Ballkan si gjëra pa lidhje me fatet e saj dhe nëqoftëse Evropa nuk arrin të kuptojë që proceseve që janë përshkallëzuar falë paqes në rajon duhet t’ia bashkojë edhe vullnetin e vet për të përshpejtuar bashkëpunimin mes vendeve të rajonit dhe kështu të përshpejtojë integrimin, mundet vërtetë të bëhet pa dashje sponsore e nacionalizmave folklorik”.

Kryeministri Rama ishte zyrtari i parë i lartë shqiptarë që kishte vizituar Serbinë pas një ngrirjeje 68 vjeçare gjatë së cilës nuk është shënuar asnjë takim i nivelit të tillë ndërmjet dy vendeve, në radhë të parë për shkak të Kosovës.

Vizita e tij në vjeshtën e vitit të kaluar në Beograd kaloi në shenjë të përplasjeve me mikpritësin e tij Aleksandër Vuçiç, i cili reagoi me zemërim për shkak të deklarimeve të kryeministrit Rama në mbrojtje të pavarësisë së Kosovës, të cilën Serbia vazhdon ta kundërshtojë.

www.voal-online.ch