Lëvizja “Shqipëria Bëhet” ka protestuar përsëri ditën e sotme (1 mars) para kryeministrisë, kundër qeverisë dhe skandaleve në aferat korruptive që po heton SPAK-u.

Qindra qytetarë dhe mbështetës, me parulla, thirrje e fjalime apeluan për bashkim kundër regjimit të korruptuar, për largimin e qeverisë dhe qëndrimin në krah të drejtësisë.

Mes folësve ishte edhe kreu i lëvizjes, Adriatik Lapaj, i cili vuri në dukje abuzimet që i cilësoi si “makutëri” dhe theksoi se kjo mazhorancë ka qenë fantastike dhe e jashtëzakonshme vetëm në “vjedhje dhe korrupsion”.

“Kush janë punët fantastike të Belinda Ballukut? Mos është tuneli i Llogarasë që ka kushtuar 190 milionë euro, kur në Kroaci janë me 80 mln euro. Rrugët që rrëzohen si copa keku para syve tanë apo qindra miliona euro që i rëndojnë xhepave të një populli të vuajtur dhe të varfër. Cilat janë punët e jashtëzakonshme të saj, apo mesazhet se si ndaheshin tenderat dhe se si i jepeshin oligarkëve. Çfarë pune ka bërë zonja në fjalë të jashtëzakonshme, apo 1 mln shqiptarët që janë larguar nga vendi. Jo, nuk ke bërë punë fantastike, nuk keni bërë punë fantastike, keni qenë fantastikë vetëm në diçka, në korrupsion!”, tha Lapaj mes të tjerash.

Më tej ai nënvizoi se Lëvizja Shqipëria Bëhet po vijon të bëjë qëndresë dhe të përballet me qeverinë e korruptuar, teksa shtoi se qëllimi kryesor në këto momente është dalja në krah të drejtësisë të gjithë së bashku, pasi qeveria po e sulmon.

“Ne po qëndrojmë, po përballemi dhe nuk po ndalemi, edhe pse këta me makutërinë e tyre kanë bërë gjithçka që ne të ikim nga ky shesh. Sepse mes padrejtësisë dhe korrupsionit të tyre dhe drejtësisë dhe popullit nga ana tjetër, ne na duhet me gjithë shpirt të gjithë të rreshtohemi në krah të drejtësisë. Ne kemi vendosur të qëndrojmë dhe të flasim të vërtetat. Kundër një sistemi që vetëm vjedh e vetëm vjedh, vjedh shëndet, para, prona dhe gjithçka”, tha ai.

Lapaj u shpreh se kanë zgjedhur të protestojnë paqësisht, pa dëmtuar asgjë, pa shkulur një lule, edhe pse në krahun tjetër ka pasur harbutëri dhe dhunë. Ndaj, theksoi ai, duhet edhe molotovi, edhe fishekzjarri, sepse pala tjetër ka përdorur gaz helmues.

“Ne kemi qëndruar këtu, përballë, pa shkatërruar, pa shkulur një lule, pa ushtruar dhunë. Por nuk e sjellim dot ndryshimin me paqe, por duhet edhe me molotov, duhet edhe me fishekzjarrë, sepse ata hedhin gaz, ata hedhin topa uji dhe dhunojnë. Si mund të gjendet ndryshe e drejta. Duhet t’i vihemi kundër, të kërkojmë ligjin elektoral, sepse ata vjedhin zgjedhjeve, të kërkojmë referendumet me ligj”, theksoi Lapaj.

Ai tha se një ditë kjo qeveri do të largohet, do të bjerë dhe qytetarët e protestuesit do jenë krenarë dhe me kokën lartë që penguan ata që i vjedhin, teksa apeloi se qëllimi kryesor duhet të jetë bashkimi përballë qeverisë së korruptuar.gsh

Kryetari i Partisë Demokratike, Sali Berisha theksoi se protesta në formë marshimi ishte një triumf kundër qeverisë së Edi Ramës.

Duke folur për mediat para selisë blu, në mbyllje të protestës, kreu i PD theksoi se protestuesit sulmuan vilën e ish diktatorit Enver Hoxha sepse agjentë të infiltruar iu thanë atyre se brenda saj ishte Edi Rama.

Kryedemokrati u shpreh se kjo betejë ishte një “shpërthim urrejtje” ndaj Ramës, duke shtuar se nuk do të devijojë më, por do ta gjejnë kudo.

“Tirana në tërë ekzistencën e saj, nuk ka njohur një marshim triumfi si marshi i juaj sot. Kjo datë, 28 shkurti, do të shkruhet, gdhendet me germa të arta në historinë e kryengritjes paqësore të shqiptarëve kundër narkoshtetit. Për 3 orë marshi juaj ishte marshi i fitores, i shqiptarëve, i dinjitetit, guximit. Ishte mesazhi më i shkëlqyer që ju i dërguat çdo shqiptari, mesazhi më i madh që iu dërguat miqve tanë në Evropë dhe botë. Ishte tmerri, i kall tmerri dhe datën narkodiktatorit Edi Rama. Në marshim e sipër, agjentë të infiltruar të policisë kriminale, mashtruan kryengritësit se në shtëpinë e ish diktatorit banon Edi Rama dhe kjo ngjalli një revoltë dhe bëri që ata t’i përvishen asaj banese. E gjithë beteja ishte shpërthim urrejtje ndaj Ramës, jo ndaj banesave. Por Rama banon te vila e Mehmet Shehut. Nuk do të mund të devijosh më, e dimë ku je në Surrel ose te vila e Mehmet Shehut”, tha Berisha.gsh

Kryetari i PD-së, Sali Berisha deklaroi se projekti i portit të ri në Porto Romano mund të jetë afera më e madhe korruptive në Europë.

“Dubai i 1001 netëve i Ramës me enturazhin e tij. Dosja u hap nga SPAK, ajo është vetëm fillimi. Afera më e madhe korruptive në Europë ndoshta është porti i Durrësit, që shkon 4 mln euro.”, pohoi ai.

Kryetari i PD-së, Sali Berisha deklaroi se projekti i portit të ri në Porto Romano mund të jetë afera më e madhe korruptive në Europë.

“Dubai i 1001 netëve i Ramës me enturazhin e tij. Dosja u hap nga SPAK, ajo është vetëm fillimi. Afera më e madhe korruptive në Europë ndoshta është porti i Durrësit, që shkon 4 mln euro.”, pohoi ai.

Kryetari i Partisë Demokratike, Sali Berisha bëri një deklaratë të fortë ndërsa denoncoi se Ergys Agasi ka pasur një zyrë ku bëheshin veprime të turpshme, duke nënkuptuar orgjira. Ai tha se nëse këto video dhe foto do të publikoheshin, Rama nuk do të dilte më nga shtëpia.

Mes të tjerash ai shtoi se kjo zyrë është frekuentuar rregullisht nga gjyqtarë, prokurorë, policë, ministra dhe zyrtarë të lartë.

“Degradimi ishte në shkallë ekstreme. Janë një kamion me video dhe fotografi, nga më të turpshmet. Që janë të implikuar nga Rama dhe të tjerë poshtë. Ajo zyrë është frekuentuar rregullisht nga gjykatës, prokurorë, policë, ministra dhe zyrtarë. Ajo zyrë do të mbetet turpi më i madh. Po të publikohen ato Edi Rama nuk del më nga shtëpia.”, tha ai. bw

Kryeministri Edi Rama e shkarkoi Belinda Ballukun, por ajo ka vendosur njerëzit e saj në ministri edhe pas largimit, ndërsa në Bruksel eurodeputetët e etiketojnë me emër dhe mbiemër zv/kryeministren e pezulluar për shkak të dosjes që lidhet me abuzimet me detyrën që po heton SPAK.

Kështu u shpreh sot në studion e “News 24” gazetarja e “Oponencë”, Anduena Llabani. Ajo u shpreh se në Bruksel kanë raportuar dhe raportojnë përfaqësues të drejtësisë për skandalet korruptive, ndërsa hetimet në Tiranë po vijojnë dhe po hskojnë më tej, madje deri tek zyra e kryeministrit.

Ajo e cilësoi çështjen “Balluku” si test për qeverinë shqiptare, ndërsa dha edhe detaje për ish-ministrin e Mbrojtjes Pirro Vengu, për të cilin u shpreh se përveç dosjes së Portit të Durrësit për të cilin po bëhen hetime intensive, ka edhe çështje të tjera ku ka hedhur firmën.

“Çështja “Balluku” është një test për qeverinë shqiptare. Jo më kot Brukseli thirri më parë për raportim në BE krerët e Prokurorisë së Posaçme dhe drejtësisë dhe më pas qeverinë. Atje janë çuar prova për dosjen, materiale dhe të dhëna konkrete. Balluku është përmendur me zë, me emër e mbiemër nga përfaqësuesit e Parlamentit Evropian, nga eurodeputetët. Duket sikur Balluku u largua nga qeveria por në fakt ajo ka njerëzit e saj përsëri atje. Nuk e di nëse është bërë me marrëveshje të brendshme apo me kokën e Ramës, por kjo çështje ka rrezikshmëri, si politike ashtu edhe personale”, u shpreh gazetarja.

Dhe më tej shtoi se:

“Çështja Balluku nuk është një aferë e izoluar, por është një test për ekzekutivin dhe drejtësinë e re. Rama me shkarkimin e Ballukut duket sikur nuk donte të ripërsëriste atë që ndodhi me Erion Veliajn, arrestimin në zyrë të stafit të tij. Do të ishte damkë e madhe për të para hapjes së negociatave në Bruksel”.

Sipas Llabanit, hetimet mund të shkojnë edhe më lartë, pasi ka edhe përfaqësues të tjerë të kabinetit që po investigohen, sikurse Pirro Vengu.

“Nëse hetimet që nisën për Ballukun do shkojnë edhe më lart, te paradhoma kanë shkuar, por nëse do shkojnë te Rama direkt”, vijoi ajo.

Dhe më tej dha detaje rreth hetimeve që po bëhen për firmat që ka hedhur Pirro vëngu kur dikur ishte drejtor i Portit Durrës.

“Ka hetime për portin e Durrësit, pra për ministrin Pirro Vengu që ka hedhur firmën atëkohë. BKH ka kryer kontrolle dhe hetime për dosjen. Madje mos harrojmë se Vengu për këtë shkak edhe u promovua ministër, pasi hodhi firmën. Por ka edhe dokumente e dosje të tjera, sepse ka hedhur firmën në dokumente ku nuk duhet të kishte hedhur firmën e tij në ato çështje që kanë të bëjnë me sh.a., si Ministri e Mbrojtjes dhe për këtë po hetohet”, tha Llabani.

Deputeti i Partisë Demokratike, Tomor Alizoti paralajmëroi vizita të afërta të zyrtarëve gjermanë për të komunikuar vendime drastike.

Në një intervistë për “Kjo Javë” në News 24, deputeti i PD-së theksoi se gjermanët duan aleatë të konsoliduar dhe aleatë të shtetit të së drejtës. Dhe nuk pranojnë cënimin e drejtësisë.

“Më vonë në Tiranë do të vijnë zyrtarë gjermanë që do të komunikojnë këto gjëra. Kam informacion, do të vijnë të komunikojnë edhe shumë vendime më drastike që kjo nuk është gjë e mirë. Kjo nuk është gjë e mirë për Shqipërinë por Shqipëria sot është në situatë shumë të keqe. “, theksoi ai.

E Ngarkuara me Punë në Ambasadën e SHBA, Nancy VanHorn mori pjesë në aktivitetin e dorëzimit të sistemeve raketore JAVELIN, ku mbajti edhe një fjalim përshëndetës.

Diplomatja amerikane tha se rritja e angazhimit për sigurinë është një pagesë paraprake për paqen përmes forcës.

VanHorn foli për rritje të shpenzimeve të mbrojtjes, ndërsa theksoi se fokusi duhet tek gatishmëria luftarake dhe modernizimi i ushtrisë.

“Rritja e angazhimit tuaj për sigurinë është një pagesë paraprake për paqen përmes forcës. Kjo paradhënie kërkon jo vetëm rritjen e shpenzimeve  të mbrojtjes, por një fokus të qëndrueshëm në gatishmërinë luftarake dhe modernizimin ushtarak”, tha VanHorn.

E Ngarkuara me Punë vlerësoi kontributin e Shqipërisë me trupa ushtarakë me misione në mbarë botën.

“Mjedisi me të cilin përballemi është që kërkon që të gjithë aleatët të bëjnë pjesën e tyre. Në emër të SHBA dua të vlerësoj kontributin tuaj me trupat ushtarake për NATO dhe misionet ushtarake në mbarë botën”, deklaroi VanHorn. Panorama

Deputeti i PD-së Klevis Balliu ishte mesditën e sotme në Neës24 teksa foli për shkarkimin e Belinda Ballukut dhe rokadën në kabinetin qeveritar.

Balliu theksoi se nëse PD do vijë në pushtet do konfiskojë çdo cent korrupsioni të qeveritarëve.

Duke marrë veçmas shkarkimin e ministres së Jashtme, Elisa Spiropali, Balliu shton se ajo u largua pasi është kundërshtare e Belinda Ballukut në parti.

Shkarkimi sipas tij erdhi me urdhër të Ballukut.

Balliu: SPAK duhet të shkojë te paratë. Me ardhjen në pushtet ligji anti mafia do veprojë edhe për Suelën, edhe për Lubinë. PD këtë garanton do konfiskohet cent për cent paratë që kanë vjedhur. Bëhet 1 vit burg për 100 mln euro. Ashtu e bëjnë të gjithë.

Këta thonë nuk heqim imunitetin. Ç’është më kjo? Kjo ka vjedh dynjanë. Kur ti fakton dhe vërteton që ka ndërhyrë në hetim ti e merr në paraburgim. SPAK të më japë një moment kur Meta ndërhyn në hetim. Hap gojën thotë ajo sa lek do të ndryshosh dëshminë. Prandaj duhet të dalin të shtunën dhe të kapen prej leckash dhe të hidhen në kosh.

Spiropali është kundërshtare e Belinda Ballukut brenda partisë. Shkoni te ambasadorët dhe flisni kundër njëra tjetrës tha naltmadhnia. Kush është ministrja e Jashtme? Arsyeja pse u largua, është urdhër. Balluku nuk jep teza, apo teori, jep urdhër.

Policia e Tiranës ka ndërmarrë të gjitha masat, në bazë të ligjit “Për tubimet”, me qëllim garantimin e rendit dhe sigurisë.

TIRANË- Protesta kombëtare e opozitës do të mbahet nesër, në orën 18:00. Bëhet me dije se policia nuk do të marrë përsipër zhvillimin e tubimit.

Policia e Tiranës ka ndërmarrë të gjitha masat, në bazë të ligjit “Për tubimet”, me qëllim garantimin e rendit dhe sigurisë. 1700 punonjës policie do të jenë në terren për mbarëvajtjen e protestës.

Duke nisur që nga ora 15:00 e datës 28 shkurt, deri në përfundim të tubimit, do të ketë bllokim të lëvizjes së automjeteve në bulevardin “Dëshmorët e Kombit”, nga kryqëzimi afër Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.

Njoftimi

Policia e Tiranës ka ndërmarrë të gjitha masat, në bazë të ligjit “Për tubimet”, me qëllim garantimin e rendit dhe sigurisë. 1700 punonjës policie do të jenë në terren për mbarëvajtjen e protestës.

Duke nisur që nga ora 15:00 e datës 28 shkurt, deri në përfundim të tubimit, do të ketë bllokim të lëvizjes së automjeteve në bulevardin “Dëshmorët e Kombit”, nga kryqëzimi afër Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.

Në varësi të zhvillimit të tubimit, mund të ketë kufizime të qarkullimit të automjeteve edhe në akse të tjera rrugore. Në rast bllokimi, Policia e Tiranës ka marrë masa për ta devijuar qarkullimin e automjeteve në rrugë alternative.

Policia e Tiranës apelon për qytetarët që të shmangin lëvizjen me automjete në akset rrugore që do të bllokohen dhe të përdorin rrugë alternative si dhe të distancohen e të denoncojnë në rast se ndeshen me veprime të dhunshme apo me çdo paligjshmëri tjetër./Dosja.al

SPAK zbarkon në Autoritetin Portual në Durrës dhe sekuestron dosjen e tenderit për Portin e Ri tregtar në Porto Romano.

Dosja e tenderit me vlerë 400 mln euro u sekuestrua nga hetuesit e Byrosë Kombëtare të Hetimit të martën në kuadër të hetimit që po kryhet nga prokuroria e Posaçme, nën dyshimet për abuzime me tenderin.

Procedura u shpall në dhjetor 2024 ku në garë hynë pesë operatorë ndërkombëtarë.

Me 14 mars 2025 kjo kompani paraqiti ankesë, por Komisioni i Prokurimit Publik pasi e shqyrtoi, vendosi të mos e pranojë atë dhe të vijonte me hapat e mëtejshëm të procedurës së prokurimit.

Po ashtu u skualifikua edhe konsorciumi Van Oord, një kompania hollandeze e njohur për ndërtimin e porteve, me argumentin se nuk kishte paraqitur në kohë ekuivalentim e licencave dhe dokumentacionit të stafit.

Kështu, në garë mbeti vetëm Archirodon, kompani e cila brenda 9 marsit duhet të paraqesë oferten financiare dhe të finalizohet edhe kontrata për ndërtimin e portit.

Projekti për Portin e Ri tregtar në Porto Romano kap vlerën e rreth 400 milion eurove lekë pa TVSH dhe financohet nga buxheti i shtetit. bw

Rritja e fluksit të qarkullimit pas shembjes së segmentit të rrugës kombëtare në zonën e Arrave të Gurrës, në Dragostunjë të Librazhdit, ka vënë në lëvizje institucionet për të përforcuar ndjeshëm masat e sigurisë rrugore, si në akset alternative ashtu edhe në perimetrin e kantierit të punës.

Bashkia Librazhd, në bashkëpunim me Policinë Rrugore  të Drejtorisë Vendore të Policisë Elbasan, kanë vendosur sinjalistikë të qartë ndaluese dhe orientuese për mjetet e tonazhit të rëndë dhe autobusët me kapacitet mbi 40 pasagjerë të cilëve nuk ju lejohet të qarkullojnë në akset rurale Spathar – Rruga Antike Egnatia – Dardhë – Hotolisht dhe anasjelltas, si dhe në segmentin Dragostunjë – Hotolisht. Këto masa synojnë të shmangin mbingarkesën e rrugëve rurale, të cilat nuk janë projektuar për qarkullim të rënduar dhe tashmë përballen me fluks të shtuar automjetesh.

Monitorimi në terren po kryhet gjatë gjithë kohës nga të gjitha shërbimet e Policisë së Shtetit dhe Policia Bashkiake e Librazhdit, me qëllim disiplinimin e lëvizjes dhe parandalimin e incidenteve të mundshme.

Ndërkohë, Autoriteti Rrugor Shqiptar ka shtuar sinjalistikën orientuese dhe paralajmëruese në aksin kombëtar Elbasan – Gramsh – Moglicë – Strelcë – Lozhan – Maliq, i cili është kthyer në një arterie kyçe lidhëse mes kryeqytetit dhe rajonit juglindor të vendit.

Për shkak të rrezikut që paraqet zona e dëmtuar, Policia Rrugore në bashkëpunim me kompaninë ANK kanë vendosur bllokimin e plotë të perimetrit të sigurisë në segmentin e Arrave të Gurrës, në të dyja anët, në një distancë mbi 3 kilometra.

Kjo masë është thelbësore për të garantuar sigurinë e qytetarëve dhe për të lejuar vijimin pa ndërprerje të punimeve në kantier.

Në këto kushte, drejtuesit e automjeteve ftohen të respektojnë me rigorozitet sinjalistikën e re, udhëzimet e shërbimeve policore dhe kufizimet e vendosura, duke treguar kujdes të shtuar në akset alternative, veçanërisht në segmentin Dragostunjë – Hotolisht dhe Spathar -Hotolisht dhe anasjelltas. Siguria rrugore në këtë fazë emergjente mbetet prioritet absolut, ndërsa bashkëpunimi i qytetarëve është vendimtar për të shmangur rreziqet dhe për të garantuar një qarkullim sa më të sigurt deri në normalizimin e situatës. bw

Një muaj më parë, Autoriteti Rrugor Shqiptar deklaroi se ka kryer inspektime pas rrëshqitjeve të pësuara në unazën e poshtme të qytetit të Burrelit, financim i Autoritetit Rrugor Shqiptar me vlerë 128 milion lekë të reja. Ky projekt u zbatua nga kompania “ULZA” sh.p.k me pronar ndërtuesin Ndue Shpani, e cila vetëm në Mat ka fituar projekte për rikonstruksionin e katër shkollave si dhe projektin “Parku Tematik” në Bulqizë.

Nga studimi gjeologjik – thotë ARRSH, i kryer nga një kompani e licencuar janë evidentuar disa plane rrëshqitje të cilat variojnë nga 4 m deri në 13 m, të cilat dalin jashtë parashikimeve të ndërhyrjes që kishte të parashikuar në projektin e zbatimit.

Gjithashtu, Autoriteti Rrugor Shqiptar tha se po kryen një ekspertizë të thelluar të situatës së krijuar dhe do të dalë me një zgjidhje tekniko–ekonomike për eliminimin e rrëshqitjeve dhe njëkohësisht garantimin e investimit të kryer.

Por edhe pse ka kaluar një muaj që kur ARRSH është vënë në dijeni nga të problemit nga ekspertët, nuk ka asnjë ndërhyrje për të riparuar apo parandaluar agravimin e mëtejshëm të situatës.

Unaza me gjatësi prej afro 900 metrash ka pësuar 4 shembje, ku dy prej tyre janë të përmasave të mëdha. Kostoja e rehabilitimit të këtyre shembjeve po rritet dita ditës për shkak se shembjet vazhdojnë të thellohen.

Projekti për sistemim asfaltimin e Unazës së Burrelit është financuar nga qerveria shqiptare nëpërmjet ARRSH dhe kap vlerën e 1.2 milion eurove. Objekti ka përfunduar brenda kontratës në Tetor të vitit të kaluar, ndërsa ende nuk është kolauduar dhe ARRSH nuk e ka marrë në dorëzim. Megjithatë, pritet një investim shtesë për të eliminuar shembjet e pësuara gjatë katër muajve të fundit.

Rikonstruksioni total i Unazës së Poshtme të qytetit të Burrelit është financim i Autoritetit Rrugor Shqiptar me vlerë 128 milion lekë të reja, i nisur një vit më parë. Ky projekt po zbatohet nga kompania “ULZA” sh.p.k me pronar ndërtuesin Ndue Shpani, e cila vetëm në Mat ka fituar projekte për rikonstruksionin e katër shkollave si dhe projektin “Parku Tematik” në Bulqizë. bw

Prokuroria e Posaçme Kundër Korrupsionit dhe Krimit të Organizuar (SPAK) po vijon hetimet lidhur me pasurinë dhe dyshimet për afera korruptive dhe përfshirje në grup kriminal në kuadër të dosjes së AKSHI-t.

Këtë të enjte, SPAK ka thirrur për të dhënë deklarime shtetasen Xhenila Tamizi, e identifikuar si vartëse e biznesmenit në arrati Ermal Beqiri. Sipas burimeve nga hetimi, Tamizi pritet të japë sqarime mbi disa transaksione dhe pasuri të dyshuara që lidhen me Beqirin.

Nga verifikimet rezulton se në emër të Tamizit është regjistruar pronësia e një jahti luksoz, i cili dyshohet se kontrollohej në fakt nga biznesmeni në arrati.

Jahti është sekuestruar nga SPAK dhe aktualisht ndodhet i ankoruar në portin e Durrësit, në pritje të përfundimit të procedurave hetimore dhe verifikimeve financiare.

Po kush është Xhenila Tamizi?

Nga dosja hetimore rezulton se Tamizi ka qenë e punësuar në shoqërinë “Soft & Solutions” sh.p.k. Ajo bëntë intervista punë dhe trajnonte punonjësit që merreshin në kompani.

Nga deklarimet e bërë në SPAK, të gjithë që janë marrë në pyetje si persona në dijeni kane deklaruar se janë intervistuar nga Xhenila Tamizi. Ka qenë po kjo shtetase, e cila shpallte fituesit, i njoftonte se ishin përzgjedhur si fitues dhe pasi një stazhi, ata fillonin zyrtarisht punën.

Punonjësit kanë deklaruar se kontratat janë lidhur me një shoqëri tjetër, të ndryshme nga “Soft & Solutions”, konkretisht me shoqërinë “EA Solutions.

“Në vijim, me qëllim verifikimin e të dhënave të konstatuara, të cilat rezultuan nga ushtrimi i këtij kontrolli, është proceduar me marrjen në pyetje të disa punonjësve të shoqërisë “EA Solution” sh.p.k. Këta shtetas në tërësi kanë deklaruar se njoftimet për punë i kanë parë në internet, trajnimet e tyre i ka bërë shtetasja Xhenila Tamizi. Nga aktet kjo shtetase rezulton të jetë e punësuar në shoqërinë “Soft & Solutions” sh.p.k., madje në emër të saj rezulton edhe sendi i blerë nga Ermal Beqiri, mjeti lundrues Predator 50 Skyfall (jaht). Pasi janë trajnuar, punonjësit bëjnë me dije se kontratat janë lidhur me një shoqëri tjetër, të ndryshme nga “Soft & Solutions”, konkretisht me shoqërinë “EA Solutions”, thuhet në dosjen hetimore.

SPAK dyshon se mbështetur në prova se shoqëria “EA Solution” është themeluar fiktivisht, me qëllim kalimin e pagesave të përfituara nga shoqëria “Soft & Solution” drejt shtetasit Ergys Agasi.

“Nga tërësia e shpjegimeve të dhëna nga punonjësit e shoqërisë “EA Solution”, arsyeshëm krijohet bindja se kjo shoqëri ekziston në mënyrë krejtësisht fiktive dhe se nuk ka realizuar asnjë punë apo shërbim konkret, por se në realitet, të gjitha punët dhe/apo shërbimet e kryera prej saj, janë kryer nga punonjës të shoqërisë “Soft&Solution”. Në këtë kontekst, edhe faturimet e shoqërive të tjera dhe/apo blerja e shërbimeve nga palë të treta, nga shoqëria “EA Solutions” sh.p.k., dyshohet se janë fiktive”, theksohet ne dosje. gsh

Në portin më të madh në vend është emëruar Zëvendës Drejtori i Përgjithshëm i Autoritetit Portual,  post i cili nuk ekzistonte prej disa vitesh, pasi ish-drejtori Pirro Vengu e pati hequr nga organograma e APD.

Zv/drejtori i ri i APD-së mësohet se është Rubin Rredhi, 24 vjeç. Emërimi i tij është bërë nga Ministrja e Infrastrukturës dhe Energjisë, Belinda Balluku.

Nuk dihen eksperiencat e tjera profesionale të zv/drejtorit Rredhi, të cilit i besohet një detyrë shumë e rëndësishme, në një moshë kaq të re.

Ndërkohë, nuk është e qartë se kur është kryer emërimi i Rredhit në këtë detyrë, por me gjasë pasi Balluku mbeti përkohësisht në detyrë në kohën që qeveria ankimoi vendimin e GJKKO-së për pezullimin e saj, më 12 dhjetor 2025.

Më pas, më 6 shkurt të këtij viti Kushtetusja doli me një vendim dhe la në fuqi vendimin e GJKKO-së, duke pezulluar Belinda Ballukun nga postet që mban.

Zv.drejtori i ri takim me delegacionin nga Forca e Kosovës (KFOR) 

Një delegacion nga Forca e Kosovës (KFOR) ka zhvilluar një ditë më parë, 24 shkurt, një vizitë zyrtare në Autoritetin Portual të Durrësit.

Delegacioni është pritur nga zëvendësdrejtori i përgjithshëm i Autoritetit, Rubin Rredhi.

Gjatë takimit, përfaqësuesit e KFOR-it u njohën me proceset e përpunimit të mallrave dhe pasagjerëve, standardet e sigurisë, si dhe me rolin që luan porti në mbështetje të operacioneve logjistike dhe transportit detar në nivel kombëtar e rajonal.

Gjatë një prononcimi për mediat, Berisha u shpreh se do të eksplorohen forma të reja.

TIRANË– Kryetari i Partisë Demokratike, Sali Berisha ka deklaruar se protesta e 28 shkurtit do jetë ndryshe. Gjatë një prononcimi për mediat, Berisha u shpreh se do të eksplorohen forma të reja.

Sipas tij të gjitha format janë në konsideratë dhe kjo është vetëm protestë.

Osman Stafa: U dakordësua për llojin e protestës, me datën 28 shkurt?*

Sali Berisha: Po dakordësohemi. Ndryshe do jetë. Ne tani kalojmë në forma të ndryshme protestash, i diversifikojmë, kemi kreativitet. Do eksplorohen forma të reja.

Një nga format? Bllokimi i rrugëve?

Sali Berisha: Të gjitha format janë në konsideratë dhe kjo është vetëm protestë.
Ne kemi vetëm protestë. Asgjë nuk përjashtohet. Të jemi realistë.
Opsionet janë të gjitha./Dosja.al

Në një letër të përbashkët dërguar kryeministrit Rama dhe ministrit të Mjedisit, Sofjan Jaupaj, si edhe autoriteteve të tjera vendore përgjegjëse për mjedisin, 25 organizata mjedisore kanë kërkuar marrjen e masave urgjente për të parandaluar ndërhyrjet e dëmshme mjedisore në lumin Shkumbin dhe zonat përreth tij, që po kryhen në kuadër të punimeve për rrugën Elbasan–Librazhd–Bushtricë.

Në kushtet e rrëshqitjeve të fundit të dheut në aksin nacional Librazhd–Bushtricë dhe ndërprerjeve të qarkullimit në juglindje të vendit, shqetësimet e mjedisorëve lidhur me këto ndërhyrje në brigjet e lumit Shkumbin janë përforcuar edhe më shumë.

“Kjo ngjarje e fundit përforcon shqetësimin tonë të ngritur më parë lidhur me ndërhyrjet në shtratin dhe brigjet e lumit Shkumbin”, shkruan deklarata e përbashkët e 25 organizatave vendase në mbrojtje të mjedisit.

“Punimet kanë ndryshuar morfologjinë natyrore të lumit, kanë ulur shtratin dhe kanë rritur dinamikën e rrjedhës, duke destabilizuar brigjet dhe tokat përreth”, vijon deklarata e aktivistëve mjedisorë.

Një nga kantieret më të rëndësishme të projektit të Korridorit VIII konsiston pikërisht në rrugën Elbasan–Librazhd, ku prej dy vitesh po punohet për ndërtimin e dy tuneleve me një gjatësi prej 1.1 km. Qeveria e ka konsideruar këtë projekt si një arterie të rëndësishme qarkullimi, e cila do të çlirojë potencialin ekonomik dhe turistik të këtyre zonave.

Gjithsesi, mjedisorët kërkojnë të parandalojnë degradimin e mëtejshëm të mjedisit dhe të lumit Shkumbin, që vjen si pasojë e punimeve të fundit në brigjet e lumit, duke kërkuar respektimin e kuadrit ligjor mjedisor dhe ujor, si edhe transparencë mbi procesin e sigurimit të lejes së ndërtimit dhe rehabilitimin e segmenteve të dëmtuara në zonë.

“Kërkojmë verifikim të ligjshmërisë dhe masa konkrete lidhur me ndërhyrjet e konstatuara në lumin Shkumbin dhe brigjet e tij, veçanërisht në kontekstin e punimeve për ndërtimin e rrugës nacionale Elbasan–Librazhd–Bushtricë, si pjesë e Korridorit VIII”, shkruhet në letrën drejtuar institucioneve shtetërore.

“Punimet në zonë po shfrytëzojnë materiale inerte nga shtrati dhe brigjet e lumit, duke shkaktuar ndryshime të drejtpërdrejta në morfologjinë e tij”, vijon letra e mjedisorëve, e cila shton më tej se në shtratin e lumit po depozitohen dhera, gurë dhe materiale të tjera.

Sipas aktivistëve të mjedisit, këto veprime sjellin përkeqësim të cilësisë së ujit, por edhe të biodiversitetit dhe habitateve natyrore breglumore.

“Prej rritjes së turbullirës dhe ngarkesës së sedimenteve në trupin ujor, shtohet rreziku për erozion, shembje të brigjeve dhe përmbytje”, citojnë mjedisorët.

Ata kërkojnë që institucionet përgjegjëse të kryejnë një inspektim urgjent në terren, të pasuar me një raport zyrtar me gjetje konkrete që do të krijonte transparencë mbi procesin e monitorimit, si edhe kërkuan një plan të mundshëm rehabilitimi të zonave të dëmtuara.

“U bëjmë thirrje institucioneve përgjegjëse të reagojnë me veprime konkrete, afate të qarta dhe përgjegjësi të përcaktuara”, shprehen 25 organizatat mjedisore në letrën dërguar institucioneve përgjegjëse.

“Mbrojtja e lumit Shkumbin është një përgjegjësi institucionale dhe shoqërore”, përfunduan ata./BIRN

Kjo situatë vjen pas disa problematikave të tjera në rrugët e juglindjes, ku rrëshqitjet e dherave dhe çarjet e asfaltit janë bërë të zakonshme duke ngjallur shqetësim për cilësinë e punimeve dhe për sigurinë e lëvizjes.

Duhet thënë gjithashtu se ky segment është një nga nyjet më të rëndësishme që lidh Korçën me fshatin turistik të Dardhës.  gsh

Kryetari i Partisë Demokratike, Sali Berisha ka denoncuar kompaninë e ndërtimit “ANK” se është ajo fajtore për shembjen e rrugës Dragostunjë- Përrenjas, pasi ka gërryer pa kriter duke marrë zhavorr në lumë.

Me anë të një postimi në rrjetet sociale, kreu i opozitës ka publikuar edhe mesazhin e një qytetar, që sipas tij firma ANK është me probleme serioze.

Berisha thotë se dënon “me forcën më të madhe këtë krim të rëndë që ndëshkoi të gjithë juglindjen e vendit!”

Postimi i Berishës

Ja si e shembi kompania e ndërtimit rrugën Dragostunjë- Përrenjas, duke marrë zhavorrin e lumit!

Denoncoj me forcën më të madhe këtë krim të rëndë që ndëshkoi të gjithë juglindjen e vendit!

Lexoni mesazhin e qytetarit digjital.

Ndjese për orarin por një socialist me nisi një video dhe disa foto te bëra dy jave me pare ne te njëjtin vend ku ka rrëshqitur toka ku firma kontraktuese ANK ka marrë zhavorrin ne lume, gje qe ka bere qe te lëvizë bazamenti i rrugës.

Bera ca hulumtime per kete firmë dhe del me probleme serioze.

Dje Drejtori i Përgjithshëm i televizionit “ABC NEWS” Sokol Balla, u thirr në SPAK për tu marrë në pyetje lidhur me hetimet që po zhvillohen ndaj ish-bashkëshortes së tij, Belinda Balluku. Balla u pa të futej rreth orës 8:00 të mëngjesit dhe të dilte nga SPAK rreth orës 10:30. Disa televizione vunë re se nga hutimi Sokol Balla ngatërroi derën e daljes.

Duhet thënë se lajmi i thirrjes të Sokol Ballës në SPAK është censuruar nga mediat nën kontrollin e qeverisë, sikur vetë ABCNews ku Balla është drejtor i përgjithshëm.

Syri ka mësuar se Balla është ftuar nga prokurori Dritan Prençi, dhe u morr në pyetje si person që ka dijeni për rrethanat e ngjarjes.

Sokol Balla, më parë ka qënë bashkëshorti i Belinda Ballukut. Megjithëse ata kanë qënë të divorcuar, marrëdhënia e tyre ka pasur vijueshmëri. Nga kjo marrëdhënie Sokol Balla dyshohet se ka përfituar disa pasuri të dyshimta, nga biznesmenë të ndryshëm në Tiranë, që përfitonin tendera nga Belinda Balluku.

Fotoja ilustruese tregon një xhipbenz me targë të personalizuar të publikuar nga JOQ që ne po e risjellim duke u interesuar për çmimin.

Duke parë çmimet e këtij lloj xhipibenz, vëmë re se janë shumë të larta, por gjithësesi nuk japim dot pasi nga fotoja nuk e përcaktojmë dot.

Inxhinieri Romeo Nazarko, i ftuar në emisionin “Studio 24”, ka ngritur alarmin për mënyrën se si po zbatohen projektet infrastrukturore në Shqipëri, duke deklaruar se një pjesë e madhe e tyre realizohen me licenca fiktive dhe me mungesë të theksuar kontrolli teknik në terren.

Sipas Nazarkos, shmangia e standardeve teknike dhe mungesa e inxhinierëve në terren kanë sjellë situata problematike në disa segmente rrugore në vend.

Nazarko theksoi se për të garantuar standarde cilësore nevojiten burime njerëzore të specializuara dhe investime në makineri, ndërsa shtoi se tenderat shpeshherë janë të paracaktuar.

Ai përmendi si shembuj problematikë rrugën “Korçë–Kolonjë”, ku sipas tij ka pasur rrëshqitje dhe madje shembje ure, si dhe segmentin Qukës–Qafë Plloçë. Sipas inxhinierit, në disa raste bëhet fjalë për të njëjtën kompani që po zbaton punimet.

Sipas tij, i vetmi filtër real mbeten drejtuesit teknikë që ndodhen në terren, ndërsa sistemi i mbikëqyrjes institucionale lë për të dëshiruar.

Romeo Nazarko: Si ka mundësi që hidhen miliona euro dhe ne jemi sërish në situatë kritike me rrugët?! Nuk janë milionat e eurove që e mbajnë një rrugë në këmbë por standardet teknike dhe cilësia e materialeve të punimeve.

Standardet teknike lënë për të dëshiruar, që të krijosh standard duhet të kesh burime njerëzore dhe të investosh tek ato dhe në makineri. Fakti që këtu tenderat paracaktohen , dmth që drejtuesit nuk harxhojnë para por të gjithë koston e shpenzojnë për të qënë sa më afër ministrit.

Kurse nëse përsa i takon nëse është rrëshkitje, kjo situatë ka 2 vjet që po shihet në gjithë vendin, kemi rrëshqitje në rrugën “Korçë-Kolonjë që ra një urë e tërë ,dhe për fat të keq është e njëjta kompani që po punon dhe këtu, dhe Qukës-Qafë Plloçë. Shmangia e anashkalimi i standardeve teknike si dhe mungesa e inxhinierëve në terren sepse një pjesë e projekteve bëhen nga kompani me licenca fiktive nga inxhinierë që punojnë në institucione shtetërore. Inxhinieri punon në administratë dhe licenca e tij qarkullon në studio e projektimit dhe dosjet e tenderimit dhe kush i kontrollon ata, kontrolli është zero. Vetëm drejtuesit teknik qëë janë në terren, e bëjnë këtë.

Analisti Edvin Kulluri komentoi mbrëmjen e sotme në “Studio24” mbledhjen e Këshillit të Mandateve për imunitetin e zv.kryeministres Belinda Balluku.

Kulluri mendon se Rama po e çon vendin në zgrip institucional dhe kushtetues me çështjen në fjalë, pasi ndryshe nga rastet Ahmetaj dhe Veliaj po i bëhet mburojë Ballukut.

Sipas tij Rama po del kundër shumicës së shqiptarëve që mbështesin punën e SPAK, faktorit ndërkombëtarm opozitës dhe drejtësisë.

Më tej shton se Rama duhet të ketë një problem në dosjet e Ballukut dhe AKSHI-t.

Kulluri: Sistemi është i vetërregulluar që pas miratimit të 7 ligjeve. Unë nuk di segmente politike që kontrollojnë politikisht SPAK. Janë spurdhjakë që nuk kanë kurajon të thonë e kanë kërkuar ndërkombëtarët drejtësinë. Drejtësia e varur nga kush? Është një piramidë e ngritur nga ndërkombëtarët.

E dyta, kjo drejtësi e pavarur, kanë mbështetje popullore deri në 80%. Kur ka pasur goditje të forta. Nuk ka zbritur nën 65%. Njerëzit thonë duhet të rivendoset drejtësia para ligjit.

E treta, vetë drejtësia. të cilët prokurorët gjyqtarët e kanë marrë shumë seriozisht këtë punë. Kanë shkuar në nivelet të larta të politikës. Ka shkuar te Berisha, pas Berishës këta të tjerët janë çikërrima. Pasi bëhen këto 3 elementë bashkë, kemi dhe opozitën që formalisht janë për heqjen e imunitetit,. Rama është përballë shumicës së shqiptarëve, faktorit ndërkombëtare, opozitës dhe drejtësisë. Unë mendoj se Rama nuk e përball dot këtë përplasje. Sepse ka 13 vite pushtet. Një pjesë e deputetëve në parlament janë komisionerë të grupeve kriminale.

A do mundet Rama të mundi shumicën e shqiptarëve, ndërkombëtarët? Rama ka thënë KÇK, po shtyn ditët. Se nuk ka çfarë të kapi. Përderisa çështja ka shkuar te Balluku. Me të tjerët ka qenë i distancuar. Një nga gënjeshtrat se Rama të lëshon. Ka dashur të shkëmbejë dhe X dhe Y, më lini këtë ju jap këtë. Nuk dua të bëjë gazetari me këtë gjë. Rama do ta çojë në një zgrip institucional dhe kushtetues. SPAK ka shkuar të heqja e imunitetit. E ka kaluar pezullimin. E di zoti Rama pse është trembur? Kam dyshimin që te Balluku dhe AKSHI është zoti Rama dhe ndonjë i afërm i tij i gjakut. Është bërë kamikaz i zonjës Balluku. Avokati i zonjës Balluku nuk është e motra.

Në njoftimin e ARRSH-së thuhet se segmenti rrugor në zonën e Arrat e Gurrës, fshati Dragostunjë, Librazhd, i cili pritej të hapej mesditën e sotme ka pasur rrëshqitje të tjera të dherave.

TIRANË- Autoriteti Rrugor Shqiptar ka dalë me një njoftim në lidhje me rrëshqitjen e rrugës në aksin Përrenjas-Librazhd. Në njoftimin e ARRSH-së thuhet se segmenti rrugor në zonën e Arrat e Gurrës, fshati Dragostunjë, Librazhd, i cili pritej të hapej mesditën e sotme ka pasur rrëshqitje të tjera të dherave.

Njoftimi i Policisë:

Rruga dytësore e hapur për kalim provizor ka pësuar fundosje dhe rrëshqitje toke, duke dëmtuar punimet e kryera dhe duke e bërë segmentin aktualisht të pakalueshëm. Për arsye sigurie janë tërhequr mjetet e firmës zbatuese dhe është ndaluar qarkullimi i mjeteve dhe këmbësorëve. Strukturat shtetërore do të kryejnë një rivlerësim urgjent gjeologjik dhe teknik, pasi terreni paraqitet i paqëndrueshëm dhe sfidues për ndërhyrje./Dosja.al

Segmenti i bllokuar në zonën e Arrat e Gurrës, në fshatin Dragostunjë të Librazhdit, që pritej të hapej sot në mesditë pas ndërhyrjes me by-pass dhe aktivizimit të një rruge dytësore, ka pësuar një tjetër goditje të rëndë.

Mësohet se rruga dytësore, e cila ishte hapur për të mundësuar kalimin provizor të mjeteve, ka pësuar një fundosje dhe rrëshqitje shkatërrimtare të një sipërfaqeje të madhe toke.

Lëvizja masive e dheut ka dëmtuar seriozisht punën e kryer ditët e fundit, duke e bërë të pakalueshëm për një kohë të gjatë këtë segment strategjik rrugor.

Specialistët paralajmërojnë se terreni në këtë zonë mbetet tepër i paqëndrueshëm, çka e bën çdo ndërhyrje teknike të vështirë dhe me rrezik të lartë.

Po ashtu është ndaluar edhe qarkullimi i këmbësorëve, si dhe është vendosur sinjalistika për rrezikun që paraqet ky segment rrugor. gsh

Shembja e urës së Dragostunjës në aksin Librazhd–Prrenjas është më shumë sesa një incident lokal. Ajo është një sinjal alarmi për gjendjen e një pjese të konsiderueshme të urave në rrjetin kombëtar, disa prej të cilave prej vitesh kanë shfaqur problematika strukturore, dëmtime nga përmbytjet, rrëshqitjet apo mungesën e mirëmbajtjes periodike.

Ironia është se prej vitit 2023 Shqipëria ka në zbatim një program 100 milionë dollarë me Bankën Botërore pikërisht për rritjen e qëndrueshmërisë së urave.

Programi “Building Resilient Bridges” është konceptuar si një qasje shumëfazore (MPA), me një financim total 100 milionë dollarë. Faza e parë, në vlerën 55 milionë dollarë, ka nisur në 2023, ndërsa faza e dytë, me 45 milionë dollarë, parashikohet të nisë në 2027.

Objektivi është i qartë: rritja e rezistencës së urave ndaj ndryshimeve klimatike dhe fatkeqësive natyrore, si dhe përmirësimi i menaxhimit të aseteve rrugore.

Por ndërkohë që programi është në zbatim, Dragostunja shembet.

Një problem i njohur prej vitesh

Dokumenti i Bankës Botërore e pranon hapur se një pjesë e konsiderueshme e urave në Shqipëri janë në fund të jetës së tyre teknike. Sipas vlerësimeve të përfshira në projekt, mbi 30 ura konsiderohen në rrezik të menjëhershëm dështimi strukturor, ndërsa qindra të tjera kanë kaluar jetëgjatësinë e projektimit dhe kanë marrë vetëm mirëmbajtje minimale ndër vite.

Rrjeti kombëtar përfshin 803 ura, shumë prej të cilave janë ndërtuar me standarde të ndryshme – sovjetike, italiane apo shqiptare – përpara harmonizimit me Eurokodet europiane. Kjo do të thotë se një pjesë e strukturave janë projektuar për ngarkesa dhe kushte klimatike shumë më të ulëta se ato që përballen sot.

Në këtë kontekst, rasti i Dragostunjës nuk është përjashtim, por simptomë.

Klima dhe fatkeqësitë po rrisin presionin mbi urat

Shqipëria renditet ndër vendet më të ekspozuara në Europë ndaj përmbytjeve, tërmeteve dhe rrëshqitjeve. Vetë analiza e përfshirë në projekt tregon se humbjet mesatare vjetore nga përmbytjet në korridoret kryesore rrugore janë në dhjetëra milionë dollarë, ndërsa infrastruktura rrugore është ndër asetet më të prekura.

Përmbytjet dhe erozioni i shtratit të lumenjve dëmtojnë themelet dhe abutmentet e urave. Rrëshqitjet destabilizojnë akseset. Rritja e intensitetit të reshjeve shton rrezikun e nënkalimit të kapaciteteve hidraulike të projektimit. Nëse këto faktorë nuk integrohen në projektim dhe monitorim, çdo ndërhyrje mbetet e përkohshme.

Dragostunja u godit pikërisht nga një kombinim faktorësh gjeologjikë dhe klimatikë, në një segment që prej ditësh po përballej me lëvizje masive dheu. Kjo e bën pyetjen më të fortë: a po funksionon sistemi i parandalimit?

Problemi kryesor: mungesa e mirëmbajtjes sistematike

Një nga konstatimet më të rëndësishme të dokumentit është se urat në rrjetin kombëtar nuk kanë buxhet të dedikuar për mirëmbajtje periodike. Ndërhyrjet kryhen shpesh në mënyrë ad hoc, pas ngjarjeve ekstreme, jo mbi bazë planifikimi shumëvjeçar.

Sistemi ekzistues i menaxhimit të urave (BMS) është kryesisht një databazë e vjetër, pa module të avancuara për analizë degradimi, risku apo planifikim financiar. Kjo do të thotë se prioritetet shpesh vendosen pas dëmit, jo përpara tij.

Në këto kushte, edhe një urë që riparohet sot mund të rikthehet në problem pas pak vitesh, nëse nuk monitorohet dhe nuk mirëmbahen elementët mbrojtës si sistemet e drenazhimit, mbrojtjet e shtratit të lumit apo strukturat mbajtëse anësore.

100 milionë dollarë: investim transformues apo kredi reaktive?

Faza e parë e programit synon rehabilitimin, rindërtimin ose ndërtimin e rreth 15 urave, si dhe ndërtimin e kapaciteteve institucionale për menaxhim më të mirë të aseteve. Faza e dytë do të vazhdojë me 15 ura të tjera dhe operacionalizimin e plotë të sistemit të menaxhimit.

Në teori, kjo qasje është e drejtë: nuk mjafton betoni i ri, duhet sistem i ri menaxhimi. Por rastet si Dragostunja tregojnë se hendeku midis projektit dhe realitetit në terren mbetet i madh.

Nëse sistemi i ri i menaxhimit (RAMS/BMS), auditimet e reziliencës klimatike dhe planifikimi shumëvjeçar i mirëmbajtjes nuk implementohen me rigorozitet, 100 milionë dollarët rrezikojnë të mbulojnë vetëm pjesën më urgjente të problemit, jo ta zgjidhin atë.

Dragostunja si test për reformën

Shembja e Dragostunjës duhet të shërbejë si test real për programin “Ura të Qëndrueshme”. Pyetjet kyçe janë: a ishte kjo urë e inventarizuar si me risk? A ishte pjesë e listës prioritare? A kishte inspektime të rregullta strukturore? A ishin sinjalizuar më herët problemet?

Nëse përgjigjet janë pozitive, atëherë kemi problem reagimi. Nëse janë negative, kemi problem monitorimi.

Në të dy rastet, çështja nuk është thjesht cilësia e një ndërtimi, por funksionimi i një sistemi të tërë.

Dragostunja nuk është një episod i izoluar. Ajo është një kujtesë se infrastruktura nuk shembet brenda natës; ajo degradohet për vite me radhë. Dhe nëse menaxhimi mbetet më i dobët se betoni, edhe kreditë shumëmilionëshe nuk mjaftojnë për ta mbajtur në këmbë. /ekofin.al

Prokuroria pranë Gjykatës së Shkallës së Parë të Juridiksionit të Përgjithshëm Elbasan ka njoftuar se ka nisur procedimin penal lidhur me dëmtimet që shkaktuan bllokimin e plotë të qarkullimit në aksin rrugor Librazhd-Pogradec.

Procedimi penal është regjistruar për disa vepra penale, përfshirë, shpërdorim detyre, shkelje të barazisë në tendera ose ankande publike, shkatërrim të rrugës, dhe ndotje të ajrit, ujit apo tokës.

Prokuroria ka krijuar një grup të posaçëm hetimor për të zbardhur shkaqet dhe përgjegjësitë lidhur me këtë situatë, ndërsa hetimet vijojnë në përputhje me ligjin.

Ndërkohë burime nga grupi i inspektimit bëjnë me dije se po kontrollohet dokumentacioni mbi lejen për shfrytëzim, koordinatat e miratuara të ndërhyrjes, si dhe nëse janë respektuar sasitë e lejuara të materialeve të nxjerra. Panorama

Situata në aksin e rrugës kombëtare që lidh Librazhdin me Prrenjasin si dhe në segmentin Qukës-Qafë Plloçë, paraqitet ndër më të rëndat e viteve të fundit, pas fundosjes dhe zhvendosjes së tokës si edhe dëmtimit serioz të urës në vendin e quajtur “Arrat e Gurrës” në Dragostunjë.

Prej mesditës së  shtunë, qarkullimi në këtë arterie jetike që lidh Tiranën me Juglindjen e vendit është ndaluar plotësisht për të gjitha llojet e automjeteve, për arsye sigurie. Situata është përkeqësuar edhe më tej mbrëmjen e djeshme, kur nga ora 22:00 nuk është lejuar të kalojnë as mjetet e emergjencës ,përfshirë automjetet e policisë, zjarrfikëset dhe ambulancat ,për shkak të rrezikut të lartë që paraqet segmenti i dëmtuar. Ura vazhdon të zhvendoset, 7 cm fundosje vetëm këtë mëngjes.

Sipas matjeve të kryera mëngjesin e së dielës, ura automobilistike është fundosur edhe 7 centimetra të tjera, duke e çuar në afro 50 centimetra totalin e fundosjes gjatë tri ditëve të fundit.

Përveç uljes vertikale, është konstatuar edhe një zhvendosje e konsiderueshme horizontale nga pozicioni i saj fillestar, çka e bën situatën tejet kritike dhe me rrezik të lartë shembjeje.

Fundosja dhe lëvizja e tokës nën strukturën e urës vijojnë, ndërsa segmenti konsiderohet aktualisht i pakalueshëm dhe i pasigurt.

Garë me kohën për hapjen e Bay Pass-it

Në terren po punon pa ndërprerje kompania ANK shpk, e cila po shfrytëzon çdo hapësirë të mundshme për ndërtimin e një Bay pass-i provizor, me synim rikthimin sa më të shpejtë të qarkullimit. Paralelisht, po punohet edhe për krijimin e një korsie emergjence ose variantit më të mirë të mundshëm për ta bërë të kalueshëm një pjesë të segmentit në ndërtim.

Sipas burimeve paraprake, punimet janë drejt përfundimit për të lejuar qarkullimin me një korsi në zonën e dëmtuar. Megjithatë, nëse segmenti hapet, pritet që të mos lejohet kalimi i mjeteve të tonazhit të rëndë dhe autobusëve me kapacitet mbi 40 pasagjerë, për shkak të kufizimeve të sigurisë.

Vendimi final pritet këtë mesditë

Gjatë mesditës së së dielës, Autoriteti Rrugor Shqiptar (ARRSH) dhe specialistët e infrastrukturës do të kryejnë një vlerësim të detajuar të sigurisë në segmentin e “Arrave të Dragostunjës” dhe në Bay pass-in e ndërtuar, për të vendosur nëse do të lejohet hapja e pjesshme e qarkullimit.

Deri në një vendim zyrtar, aksi mbetet i bllokuar, duke krijuar vështirësi të mëdha për qarkullimin e automjeteve dhe transportin e mallrave në një nga korridoret më të rëndësishme rrugore të vendit. bw

SPAK dërgon për gjykim 21 të pandehur për organizatë kriminale, trafik ndërkombëtar narkotikësh dhe korrupsion.

Të pandehurit janë:

1. Marjus Lulaj (alias Suel Çela)
2. Mario Çela
3. Klaus Matishi (alias Klaus Çopja, alias Kledjan Çopja)
4. Xhino Roka
5. Marsel Roka
6. Prekë Kodra
7. Ledio Zabeli
8. Sergej Hasanpapaj
9. Fuad Verzivolli
10. Bruno Hazizolli
11. Ado Xhika (alias Elkier Cerriku, alias Ado Cerriku)
12. Artan Hoxha
13. Pajtime Fetah
14. Metin Mehja
15. Skënder Sufaj
16. Marsel Shega (alias Bujar Shega)
17. Renato Hasani
18. Hajdar Lala (alias Hajdar Xaka, alias Hajdar Sefa)
19. Blerina Beqiri
20. Elton Qyno
21. Dedan Gjoni

Hetimet e kryera nga hetuesit e Byrosë Kombëtare e Hetimit dhe të drejtuara nga prokurorët e posaçëm kanë evidentuar një strukturë të organizuar kriminale me veprimtari në territorin e Republikës së Shqipërisë dhe jashtë saj, e dyshuar për përfshirjen në tentativë vrasjeje, trafik ndërkombëtar të lëndëve narkotike, të llojit kokainë si dhe raste të korrupsionit aktiv dhe pasiv në sistemin e drejtësisë dhe sektorin privat.

Ngjarjet objekt hetimi përfshijnë episode të ndodhura në Elbasan si edhe raste të trafikut ndërkombëtar të lëndëve narkotike në Ekuador, Holandë, Mbretërinë e Bashkuar.

Ndaj të pandehurve janë aplikuar masa të ndryshme sigurimi, mbështetur në Kodin e Procedurës Penale.

1. Marjus Lulaj (alias Suel Çela) i hetuar nën masën e sigurimit “arrest me burg”, në mungesë, i akuzuar për veprat penale:

“Vrasje me paramendim”, e mbetur në tentativë, në dëm të shtetasit Ardjan Çopja në datën 08.06.2020 në qytetin e Elbasanit, kryer në formë të veçantë bashkëpunimi, atë të organizatës kriminale dhe“Kryerje e veprave penale nga organizata kriminale dhe grupi i strukturuar kriminal”, parashikuar nga nenet 78/2-22, 28/1 dhe 334/1/2 të Kodit Penal;

“Sigurimi i kushteve dhe mjeteve materiale për të kryer vrasje”, në dëm të shtetasve Bled Muça (alias Bledar Muça) dhe Elvis Koçi, kryer në formë të veçantë të bashkëpunimit, atë të organizatës kriminale dhe “Kryerje e veprave penale nga organizata kriminale dhe grupi i strukturuar kriminal”, parashikuar nga nenet 80, 28/1 dhe 334/1 të Kodit Penal; “Organizatë kriminale”, parashikuar nga neni 333/1 i Kodit Penal;

“Mbajtje pa leje dhe prodhimi i armëve, armëve shpërthyese dhe municionit”, kryer në formë të veçantë të bashkëpunimit, atë të organizatës kriminale,“Organizata kriminale” dhe “Kryerje e veprave penale nga organizata kriminale dhe grupi i strukturuar kriminal”, parashikuar nga nenet 278/1, 28/1 dhe 334/1 të Kodit Penal; “Trafikim i narkotikëve”, kryer në formë të veçantë të bashkëpunimit atë të grupit të strukturuar kriminal dhe “Kryerje e veprave penale nga organizata kriminale apo grupi i strukturuar kriminal”, vepra të parashikuara nga nenet 283/a/1, 28/4 dhe 334/1 të Kodit Penal, fët penal i verifikuar në datën 13.12.2020 në shtetin e Ekuadorit ku është sekuestruar sasia prej 930 kg lëndë narkotike kokainë, në datën 5.1.2021 në shtetin e Holandës ku është sekuestruar sasia prej 446 kg lëndë narkotike (kokainë) dhe fakti penal i verifikuar në datën 6.4.2020, ku është sekuestruar sasia prej 14 kg lëndë narkotike (kokainë) në Britaninë e Madhe; “Grup i strukturuar kriminal”, parashikuar nga neni 333/a/1 i Kodit Penal; “Korrupsion aktiv i gjyqtarit, prokurorit dhe i funksionarëve të tjerë të drejtësisë”, i kryer në bashkëpunim me të pandehurën Blerina Beqiri, parashikuar nga nenet 319 dhe 25 të Kodit Penal; “Korrupsion aktiv i gjyqtarit, prokurorit dhe i funksionarëve të tjerë të drejtësisë”, pasi i ka premtuar dhe ka dhënë shuma parash si përfitim të parregullt të hetuarës Pajtime Fetah (gjyqtare), parashikuar nga nenet 319 dhe 25 të Kodit Penal; “Korrupsion aktiv në sektorin privat”, i kryer në bashkëpunim, parashikuar nga nenet 164/a, 25 i Kodit Penal (dy herë).

2. Mario Çela, i hetuar nën masën e sigurimit “arrest me burg”, i akuzuar për veprat penale:

“Vrasje me paramendim”, e mbetur në tentativë në dëm të shtetasit, Ardjan Çopja më 8.6.2020 në qytetin e Elbasanit, e kryer në formë të veçantë bashkëpunimi, atë të organizatës kriminale dhe “Kryerje e veprave penale nga organizata kriminale dhe grupi i strukturuar kriminal”, parashikuar nga nenet 78/2-22, 28/1 dhe 334, paragrafi i dytë i Kodit Penal; “Organizatë kriminale”, parashikuar nga neni 333/2 i Kodit Penal; “Mbajtje pa leje dhe prodhim i armëve, armëve shpërthyese dhe municionit”, kryer në formë të veçantë të bashkëpunimit, atë të organizatës kriminale, “Organizatë kriminale” dhe “Kryerjë e veprave penale nga organizata kriminale dhe grup i strukturuar kriminal”, parashikuar nga nenet 278/1, 28/1 dhe 334, paragrafi i parë i Kodit Penal; “Korrupsion aktiv në sektorin privat”, i kryer në bashkëpunim, parashikuar nga nenet 164/a, 25 i Kodit Penal.

3. Klaus Matishi, (alias Klaus Çopja, alias Kledjan Çopja) i hetuar nën masën e sigurimit “arrest me burg”, i akuzuar për veprat penale:

“Vrasje me paramendim”, e mbetur në tentativë në dëm të shtetasit Ardjan Çopja në datën 8.6.2020 në qytetin e Elbasanit, kryer në formë të veçantë të bashkëpunimit atë të organizatës kriminale dhe “Kryerje e veprave penale nga organizata kriminale dhe grupi i strukturuar kriminal”, parashikuar nga nenet 78/2 – 22, 28/1 dhe 334 paragrafi i dytë të Kodit Penal; “Sigurimi i kushteve dhe i mjeteve materiale për të kryer vrasje”, në dëm të shtetasve Bled Muça (alias Bledar Muça) dhe Elvis Koçi, kryer në formë të veçantë bashkëpunimi, atë të organizatës kriminale dhe “Kryerje e veprave penale nga organizata kriminale dhe grupi i strukturuar kriminal”, parashikuar nga nenet 80, 28/1 dhe 334 paragrafi i parë të Kodit Penal; “Mbajtje pa leje dhe prodhim i armëve, armëve shpërthyese dhe municionit”, kryer në formë të veçantë  bashkëpunimi, atë të organizatës kriminale, “Organizatë kriminale” dhe “Kryerje e veprave penale nga organizata kriminale dhe grup i strukturuar kriminal”, parashikuar nga nenet 278/1, 28/1 dhe 334 paragrafi i parë të Kodit Penal; “Organizatë kriminale”, parashikuar nga neni 333/2 i Kodit Penal; “Trafikimi i narkotikëve”, kryer në formë të veçantë bashkëpunimi, atë të grupit të strukturuar kriminal dhe “Kryerje e veprave penale nga organizata kriminale apo grupi i strukturuar kriminal”, vepra të parashikuara nga nenet 283/a/1, 28/4 dhe 334/1 të Kodit Penal, fëti penal i verifikuar në datën 6.4.2020, ku është sekuestruar sasia prej 14 kg lëndë narkotike e llojit kokainë në Britaninë e Madhe; “Grup i strukturuar kriminal”, parashikuar nga neni 333/a, paragrafi i dytë i Kodit Penal.

4. Xhino Roka, i hetuar nën masën e sigurimit “arrest ne burg”, i akuzuar për veprat penale:

“Vrasje me paramendim”, e mbetur në tentativë në dëm të shtetasit Ardjan Çopja në datën 8.6.2020 në qytetin e Elbasanit, kryer në formë të veçantë bashkëpunimi, atë të organizatës kriminale dhe “Kryerje e veprave penale nga organizata kriminale dhe grupi i strukturuar kriminal”, parashikuar nga nenet 78/2 – 22, 28/1 dhe 334 paragrafi i dytë të Kodit Penal; “Sigurimi i kushteve dhe i mjeteve materiale për të kryer vrasje”, në dëm të shtetasve, Bled Muça (alias Bledar Muça) dhe Elvis Koçi, kryer në formë të veçantë bashkëpunimi, atë të organizatës kriminale dhe “Kryerje e veprave penale nga organizata kriminale dhe grupi i strukturuar kriminal”, parashikuar nga nenet 80, 28/1 dhe 334 paragrafi i parë i Kodit Penal; “Organizatë kriminale”, parashikuar nga neni 333/2 i Kodit Penal; “Mbajtje pa leje dhe prodhimi i armëve, armëve shpërthyese dhe municionit”, kryer në formë të veçantë bashkëpunimi, atë të organizatës kriminale dhe “Kryerje e veprave penale nga organizata kriminale dhe grupi i strukturuar kriminal”, parashikuar nga nenet 278/1, 28/1 dhe 334 paragrafi i parë i Kodit Penal; “Trafikim i narkotikëve”, kryer në formë të veçantë bashkëpunimi, atë të grupit të strukturuar kriminal dhe “Kryerje e veprave penale nga organizata kriminale apo grupi i strukturuar kriminal”, vepra të parashikuara nga nenet 283/a/1, 28/4 dhe 334 paragrafi i parë të Kodit Penal, fakt penal i verifikuar në datën 5.1.2021 në shtetin e Holandës, ku është sekuestruar sasia prej 446 kg lëndë narkotike e llojit kokainë; “Grup i strukturuar kriminal”, parashikuar nga neni 333/a/2 i Kodit Penal.

5. Marsel Roka, i hetuar nën masën e sigurimit “arrest në burg”, i akuzuar për veprat penale:

“Vrasje me paramendim”, e mbetur në tentativë, në dëm të shtetasit Ardjan Çopja, më  8.6.2020 në qytetin e Elbasanit, kryer në formë të veçantë bashkëpunimi, atë të organizatës kriminale dhe “Kryerje e veprave penale nga organizata kriminale dhe grupi i strukturuar kriminal”, parashikuar nga nenet 78/2 – 22, 28/1 dhe 334 paragrafi i dytë të Kodit Penal; “Organizatë kriminale”, parashikuar nga neni 333/2 i Kodit Penal; “Mbajtje pa leje dhe prodhim i armëve, armëve shpërthyese dhe municionit”, kryer në formë të veçantë bashkëpunimi, atë të organizatës kriminale dhe “Kryerje e veprave penale nga organizata kriminale dhe grupi i strukturuar kriminal”, parashikuar nga nenet 278/1, 28/1 dhe 334 paragrafi i parë i Kodit Penal.

6. Prekë Kodra, i hetuar me masën e sigurimit “arrest në burg” (në mungesë), i i akuzuar për veprat penale:

“Vrasje me paramendim”, e mbetur në tentativë, në dëm të shtetasit Ardjan Çopja, më 8.6.2020 në qytetin e Elbasanit, kryer në formë të veçantë bashkëpunimi, atë të organizatës kriminale dhe “Kryerje e veprave penale nga organizata kriminale dhe grupi i strukturuar kriminal”, parashikuar nga nenet 78/2 – 22, 28/1 dhe 334 paragrafi i dytë të Kodit Penal; “Organizatë kriminale”, parashikuar nga neni 333/2 i Kodit Penal dhe “Mbajtje pa leje dhe prodhimi i armëve, armëve shpërthyese dhe municionit”, kryer në formë të veçantë bashkëpunimi, atë të organizatës kriminale dhe “Kryerje e veprave penale nga grupi i strukturuar kriminal dhe organizata kriminale”, parashikuar nga nenet 278/1, 28/1 dhe 334 paragrafi i parë të Kodit Penal.

7. Ledio Zabeli, i hetuar nën masën e sigurimit “arrest në burg”, (në mungesë), i akuzuar për veprat penale:

“Vrasje me paramendim” e mbetur në tentativë, në dëm të shtetasit Ardjan Çopja, më 8.6.2020 në qytetin e Elbasanit, kryer në formë të veçantë bashkëpunimi, atë të organizatës kriminale dhe “Kryerje e veprave penale nga organizata kriminale dhe grupi i strukturuar kriminal”, parashikuar nga nenet 78/2, 22, 28/1 dhe 334 paragrafi i dytë të Kodit Penal; “Organizatë kriminale”, parashikuar nga neni 333/2 i Kodit Penal; “Sigurimi i kushteve dhe i mjeteve materiale për të kryer vrasje”, në dëm të shtetasve, Bled Muça (alias Bledar Muça) dhe Elvis Koçi, kryer në formë të veçantë bashkëpunimi, atë të organizatës kriminale dhe “Kryerje e veprave penale nga organizata kriminale dhe grupi i strukturuar kriminal”, parashikuar nga nenet 80, 28/1 dhe 334 paragrafi i parë të Kodit Penal dhe “Mbajtja pa leje dhe prodhimi i armëve, armëve shpërthyese dhe municionit”, kryer në formë të veçantë bashkëpunimi, atë të organizatës kriminale dhe “Kryerje e veprave penale nga organizata kriminale dhe grupi i strukturuar kriminal”, parashikuar nga nenet 278/1, 28/1 dhe 334 paragrafi i parë të Kodit Penal.

8. Sergej Hasanpapaj, i hetuar nën masën e sigurimit “arrest në burg”, i akuzuar për veprat penale:

“Vrasje me paramendim” e mbetur në tentativë, në dëm të shtetasit Ardjan Çopja, më 8.6.2020 në qytetin e Elbasanit, kryer në formë të veçantë bashkëpunimi, atë të organizatës kriminale dhe “Kryerje e veprave penale nga organizata kriminale dhe grupi i strukturuar kriminal”, parashikuar nga nenet 78/2 – 22, 28/1 dhe 334 paragrafi i dytë të Kodit Penal; “Organizatë kriminale”, parashikuar nga neni 333/2 i Kodit Penal dhe “Mbajtje pa leje dhe prodhim i armëve, armëve shpërthyese dhe municionit”, kryer në formë të veçantë bashkëpunimi, atë të organizatës kriminale dhe “Kryerje e veprave penale nga grupi i strukturuar kriminal dhe organizata kriminale”.

9. Fuad Verzivolli, i hetuar nën masën e sigurimit “arrest ne burg”, i akuzuar për veprat penale:

“Vrasje me paramendim” e mbetur në tentativë, në dëm të shtetasit Ardjan Çopja, më 8.6.2020 në qytetin e Elbasanit, kryer në formë të veçantë bashkëpunimi, atë të organizatës kriminale dhe “Kryerje e veprave penale nga organizata kriminale dhe grupi i strukturuar kriminal”, parashikuar nga nenet 78/2 – 22, 28/1, 333 dhe 334 paragrafi i dytë të Kodit Penal; “Organizatë kriminale”, parashikuar nga neni 333/2 i Kodit Penal dhe “Mbajtja pa leje dhe prodhimi i armëve, armëve shpërthyese dhe municionit”, kryer në formë të veçantë bashkëpunimi, atë të organizatës kriminale dhe “Kryerje e veprave penale nga organizata kriminale dhe grup i strukturuar kriminal”, parashikuar nga nenet 278/1, 28/1 dhe 334 paragrafi i parë të Kodit Penal.

10. Bruno Hazizolli, i hetuar nën masën e sigurimit “arrest në burg”, (në mungesë), i akuzuar për veprat penale:

“Organizatë kriminale”, parashikuar nga neni 333/2 i Kodit Penal dhe “Korrupsion aktiv në sektorin privat”, kryer në bashkëpunim, parashikuar nga nenet 164/a dhe 25 të Kodit Penal.

11. Ado Xhika, (alias Elkier Cerriku alias Ado Cerriku) i hetuar nën masën e sigurimit “arrest në burg”, i akuzuar për veprat penale:

“Veprime që pengojnë zbulimin e të vërtetës”, “Përkrahje e autorit të krimit” dhe  “Organizatë kriminale” parashikuar nga nenet 301,302/2, 333/2 i Kodit Penal.

12. Artan Hoxha, i hetuar me masën e sigurimit “detyrim për t’u paraqitur në policinë gjyqësore”, i akuzuar për veprat penale:

“Korrupsion pasiv në sektorin privat”, parashikuar nga neni 164/b i Kodi Penal dhe “Organizatë kriminale”, parashikuar nga neni 333/2 i Kodit Penal.

13. Pajtime Fetah, e hetuar me masën e sigurimit “arrest në shtëpi”, e akuzuar për veprat penale:

“Korrupsion pasiv i gjyqtarëve, prokurorëve dhe funksionarëve të tjerë të organeve të drejtësisë”, kryer më shumë se një herë, parashikuar nga neni 319/ç i Kodit Penal dhe “Organizatë kriminale”, parashikuar nga neni 333/2 i Kodit Penal.

14. Metin Mehja, i hetuar me masën e sigurimit “arrest në burg” (në mungesë), i akuzuar për kryerjen e veprave penale:

 “Sigurim i kushteve dhe i mjeteve materiale për të kryer vrasje”, në dëm të shtetasve, Bled Muça (alias Bledar Muça)  dhe Elvis Koçi, kryer në formë të veçantë bashkëpunimi, atë të organizatës kriminale dhe “Kryerje e veprave penale nga organizata kriminale dhe grupi i strukturuar kriminal”, parashikuar nga nenet 80, 28/1 dhe 334 paragrafi i parë të Kodit Penal si dhe “Organizatë kriminale”, parashikuar nga neni 333/2 i Kodit Penal.

15. Skënder Sufaj, i hetuar nën masën e sigurimit “arrest në burg”, i akuzuar për veprat penale:

“Trafikim i narkotikëve”, kryer në formë të veçantë bashkëpunimi, atë të grupit të struktruar kriminal, “Grup i strukturuar kriminal”, dhe “Kryerje e veprave penale nga organizata kriminale apo grupi i strukturuar kriminal”, vepra të parashikuara nga nenet 283/a/1, 28/4 dhe 334, paragrafi i parë të Kodit Penal, fët penal i verifikuar në datën 13.12.2020 në shtetin e Ekuadorit ku është sekuestruar sasia prej 930 kg lëndë narkotike e llojit kokainë dhe në datën 5.1.2021 në shtetin e Holandës ku është sekuestruar sasia prej 446 kg lëndë narkotike e llojit kokainë; “Trafikim i narkotikëve”, kryer në formë të veçantë bashkëpunimi, atë të grupit të strukturuar kriminal dhe “Kryerje e veprave penale nga organizata kriminale apo grupi i strukturuar kriminal”, vepra të parashikuara nga nenet 283/a/1, 28/4 dhe 334 paragrafi i parë të Kodit Penal, fakti penal i verifikuar në datën 6.9.2020, në Dover, Mbretëri e Bashkuar, ku shtetasit, Mile Pajic dhe Miodragan Ivankovic janë arrestuar pasi janë gjetur në zotërim të një sasie prej 54 kg kokainë; “Grup i strukturuar kriminal”, parashikuar nga neni 333/a/2 i Kodit Penal; “Korrupsioni aktiv në sektorin privat”, kryer në bashkëpunim, parashikuar nga nenet 164/a – 25 të Kodit Penal.

16. Marsel Shega (alias Bujar Shega), i hetuar nën masën e sigurimit “arrest në burg”, i akuzuar për veprat penale:

“Trafikim i narkotikëve”, kryer në formë të veçantë bashkëpunimi, atë të grupit të struktruar kriminal dhe “Kryerje e veprave penale nga organizata kriminale apo grupi i strukturuar kriminal”, vepra të parashikuara nga nenet 283/a/1, 28/4 dhe 334 paragrafi i parë të Kodit Penal, fakti penal i verifikuar në datën 13.12.2020, në shtetin e Ekuadorit, ku është sekuestruar sasia prej 930 kg lëndë narkotike e llojit kokainë dhe “Grup i strukturuar kriminal”, parashikuar nga neni 333/a/1 i Kodit Penal.

17. Renato Hasani, i hetuar nën masën e sigurimit “arrest në burg” (në mungesë), i akuzuar për veprat penale:

“Trafikim i narkotikëve”, kryer në formë të veçantë bashkëpunimi, atë të grupit të strukturuar kriminal dhe “Kryerje e veprave penale nga organizata kriminale apo grupi i strukturuar kriminal”, vepra të parashikuara nga nenet 283/a/1, 28/4 dhe 334 paragrafi i parë të Kodit Penal, fët penal i verifikuar në datën 13.12.2020 në shtetin e Ekuadorit, ku është sekuestruar sasia prej 930 kg lëndë narkotike e llojit kokainë dhe në datën 5.1.2021 në shtetin e Holandës ku është sekuestruar sasia prej 446 kg lëndë narkotike e llojit kokainë dhe “Grup i strukturuar kriminal”, parashikuar nga neni 333/a/2 i Kodit Penal.

18. Hajdar Lala, (alias Hajdar Xaka; alias Hajdar Sefa), i hetuar nën masën e sigurimit “arrest në burg” (në mungesë), i akuzuar për veprat penale:

“Trafikim i narkotikëve”, kryer në formë të veçantë bashkëpunimi, atë të grupit të strukturuar kriminal dhe “Kryerje e veprave penale nga organizata kriminale apo grupi i strukturuar kriminal”, vepra të parashikuara nga nenet 283/a/1, 28/4 dhe 334 paragrafi i parë të Kodit Penal, fakti penal i verifikuar në datën 13.12.2020 në shtetin e Ekuadorit, ku është sekuestruar sasia prej 930 kg lëndë narkotike e llojit kokainë dhe në datën 5.1.2021 në shtetin e Holandës ku është sekuestruar sasia prej 446 kg lëndë narkotike e llojit kokainë dhe “Grup i strukturuar kriminal”, parashikuar nga neni 333/a/2 i Kodit Penal.

19. Blerina Beqiri, e hetuar me masën e sigurimit “detyrim për t’u paraqitur në policinë gjyqësore”, e akuzuar për veprën penale:

“Korrupsioni aktiv i gjyqtarit, prokurorit dhe funksionarëve të tjerë të drejtësisë”, kryer në bashkëpunim, parashikuar nga neni 319 – 25 i Kodit Penal.

20. Elton Qyno, i akuzuar për veprën penale:

“Korrupsion pasiv në sektorin privat”, parashikuar nga nenet 164/b i Kodit Penal.

21. Dedan Gjoni, i hetuar nën masën e sigurimit “arrest në burg”, i akuzuar për veprën penale:

“Shpërdorim i detyrës”, parashikuar nga neni 248 i Kodit Penal.

Prokuroria e Posaçme ka vendosur ndarjen e akteve nga procedimi penal nr. 193 i vitit 2023. Ky veprim procedurial është kryer për të vijuar hetimet për vepra të tjera penale.

Prokuroria e Posaçme mbetet e angazhuar në luftën kundër krimit të organizuar dhe korrupsionit.

bw

Përkeqësohet ndjeshëm situata në segmentin rrugor te Arrat e Gurrës. Gjatë orëve të fundit, rrëshqitja e tokës dhe fundosja e urës kanë vijuar me intensitet edhe më të lartë, duke rritur ndjeshëm rrezikun për çdo lloj qarkullimi.

Rreth orës 22:00, pas bllokimit të lëvizjes së automjeteve për shkak të përkeqësimit të gjendjes, autoritetet kanë marrë një vendim edhe më drastik: është ndaluar plotësisht edhe qarkullimi i këmbësorëve, si dhe i mjeteve të emergjencës – zjarrfikëse, polici dhe ambulanca – në segmentin e dëmtuar.

Mjetet e shërbimeve emergjente do të devijohen përmes rrugës alternative që kalon nga fshatrat Spathar dhe Dardhë, ndërsa autoritetet u bëjnë thirrje qytetarëve të shmangin çdo tentativë për të kaluar në zonën e rrezikut.

Situata mbetet dinamike dhe nën monitorim të vazhdueshëm, ndërsa rreziku i shembjes së plotë të strukturës ka detyruar autoritetet të izolojnë totalisht zonën, duke e kthyer një nga akset më të rëndësishme të vendit në një pikë kritike infrastrukturore. bw

Kreu i PD Sali Berisha ka njoftuar datën se kur do të mbahet protesta e radhës e opozitës.

Në mesazhin dërguar strukturave të PD, të siguruar për BalkanWeb nga gazetari Osman Stafa, theksohet se duhet të nisë puna për organizimin e tubimit të ardhshëm, që do të mbahet më 28 shkurt.

“Duke filluar nga nesër, me energjinë dhe frymëzimin e 20 shkurtit, të nisim me përkushtim betejën e ardhshme! Të trokasim në çdo derë, në çdo lagje, bllok, rrugë e rrugicë, në çdo fshat e qendër pune, për të garantuar pjesëmarrjen më masive të shqiptarëve në protestën e ditës së shtunë, më datë 28 shkurt.
Kjo është përparësia jonë! Mobilizoni të gjitha forcat dhe energjitë për përmbushjen e këtij misioni!”, thuhet në mesazh.

Mesazhi:

Drejtuar: Anëtarëve të Kryesisë së Partisë Demokratike, drejtuesve politikë të qarqeve, kryetarëve të degëve të PD-së, deputetëve të grupit parlamentar, kryetarëve dhe këshilltarëve të bashkive, anëtarëve të Këshillit Kombëtar dhe të gjithë anëtarëve e mbështetësve tanë!
Të dashur miq,
Me këtë mesazh dua t’ju përgëzoj përzemërsisht të gjithëve për suksesin e ri shumë të rëndësishëm që arritëm më 20 shkurt, falë angazhimit, përkushtimit, guximit dhe vendosmërisë suaj.
Dje, në një datë historike, shënuam për opinionin publik kombëtar dhe ndërkombëtar një fitore të re tejet të çmuar për suksesin përfundimtar të kryengritjes sonë paqësore. Jehona e këtij suksesi pushtoi dje, me shpejtësi të pashembullt, hapësirën e komunikimit si dhe mendjet e zemrat e shqiptarëve dhe të njerëzve të lirë në mbarë botën.
Ndaj, duke filluar nga nesër, me energjinë dhe frymëzimin e 20 shkurtit, të nisim me përkushtim betejën e ardhshme! Të trokasim në çdo derë, në çdo lagje, bllok, rrugë e rrugicë, në çdo fshat e qendër pune, për të garantuar pjesëmarrjen më masive të shqiptarëve në protestën e ditës së shtunë, më datë 28 shkurt.
Kjo është përparësia jonë! Mobilizoni të gjitha forcat dhe energjitë për përmbushjen e këtij misioni!
Përshëndetje të përzemërta.
Fitore!
Miqësisht,
Sali Berisha
Ps Ora, vendi do ju njoftohen te hënen