Problematikat e krijuara me rrugët në juglindje të vendit janë reflektuar në vështirësi në qarkullim për qindra qytetarë që udhëtojnë nga Korça drejt Tiranës.

Raportohet se në aksin Maliq-Gramsh janë regjistruar radhë kilometrike, duke shkaktuar probleme të konsiderueshme për udhëtarët.

Rruga Maliq–Gramsh, e cila prej ditës së sotme po shërben si aks alternativ për lidhjen e juglindjes me Elbasanin dhe më tej me Tiranën përballet me dëmtime serioze në trupin e saj.

Kujtojmë se gjatë ditës së sotme janë evidentuar plasaritje të thella në disa segmente, duke krijuar vështirësi të ndjeshme në qarkullim dhe rrezik të shtuar për drejtuesit e mjeteve.bw

Autoriteti Rrugor Shqiptar (ARRSH) ka vendosur që të bllokojë totalisht aksin rrugor Librazhd-Prrenjas, për shkak të urës që po shembet në zonën e njohur si “Arrat e Gurrës”.

Pas vlerësimit në terren, autoritetet vendosën ndalimin e qarkullimit për mjetet e tonazhit të rëndë dhe autobusët por për shkak të përkeqësimit të situatës, është vendosur ndalimi total i çdo mjeti.

Drejtori i Autoritetit Rrugor Shqiptar, Ami Kozeli tha se pas një inspektimi, vendosën bllokimin total të rrugës. Sipas tij, qarkullimi do të mbetet i bllokuar deri në marrjen e një mase provizore me një Bypass në krah të skarpatës që po zhvillohet aktualisht.

“Kemi në mbikëqyrje tashmë prej javësh por gjatë 48 orëve të fundit ka pasur përkeqësim të ndjeshëm,  dhe jemi të detyruar të bllokojmë përkohësisht trafikun deri në zbatimin e një mase provizore me një Bypass në krah të skarpatës që po zhvillojmë. Ka një zhvillim të vazhdueshëm në përkeqësim se nga mëngjesi spostimi i urës ishte 27 cm, ndërkohë që aktualisht është 29 cm.

Nga vizita që bëmë poshtë urës, po thërrmohet betoni. Kështu që jemi të detyruar të bëjmë bllokimin total jo vetëm për mjetet e rënda sikurse njoftuam në mëngjes, por edhe për mjetet normale. Sot në orën në mëngjes zhvilluam një mbledhje në mëngjes, dhe konkluzioni ishte ky. Por po verifikonim saktë në terren që të ishte masa e duhur. Ura në këtë moment nuk shfaq absolutisht siguri.”, u shpreh ai.

Ndërkohë, situata ka sjellë pasoja të menjëhershme në qarkullim. Autokolona e autobusëve me kapacitet 40 vende ka arritur deri në 2–3 kilometra, si në hyrje të Librazhd, ashtu edhe në zonën e Hotolishtit.

Komuniteti Mysliman i Shqipërisë ka ndjekur me vëmendje ngjarjen e ndodhur mbrëmjen e djeshme pranë Xhamisë së Namazgjasë, në një kohë kur besimtarët po falnin namazin e Teravive.

Institucioni shprehu indinjatën e thellë për lëndimin e pajustifikuar të besimtarëve, të cilët ndodheshin në ambientet e xhamisë për të kryer ritet e tyre fetare në paqe dhe qetësi.

Në reagimin zyrtar theksohet se Komuniteti Mysliman i Shqipërisë ka qenë gjithmonë një faktor i matur dhe i përmbajtur në qëndrimet dhe reagimet publike, por kjo maturi nuk duhet të keqinterpretohet si tolerim i shkeljes së të drejtave dhe lirive kushtetuese të besimtarëve.

“Dënojmë me vendosmëri incidentin e ndodhur më 20 shkurt 2026 pranë Xhamisë së Namazgjasë, ku besimtarë të pafajshëm u lënduan pa asnjë shkak”, thuhet në deklaratë.

Në përfundim, Komuniteti Mysliman u bën thirrje të gjithë aktorëve të përfshirë të tregojnë maturi, përgjegjësi dhe vetëpërmbajtje, në mënyrë që veprimet e tyre të mos cenojnë të drejtat dhe liritë e besimtarëve apo të çdo qytetari tjetër.

REAGIMI
Komuniteti Mysliman i Shqipërisë ka ndjekur me vëmendje ngjarjen e ndodhur mbrëmjen e djeshme pranë Xhamisë së Namazgjasë, në një kohë kur besimtarët po falnin namazin e Teravive.
Shprehim indinjatën tonë të thellë për lëndimin e pajustifikuar të besimtarëve, të cilët ndodheshin në ambientet e xhamisë për të kryer ritet e tyre fetare në paqe dhe qetësi.
Komuniteti Mysliman i Shqipërisë ka qenë gjithmonë një faktor i matur dhe i përmbajtur në qëndrimet dhe reagimet e tij publike. Megjithatë, kjo maturi nuk duhet të keqinterpretohet si tolerim i shkeljes së të drejtave dhe lirive kushtetuese të besimtarëve tanë.
Në këtë kuptim, dënojmë me vendosmëri incidentin e ndodhur më 20 shkurt 2026 pranë Xhamisë së Namazgjasë, ku besimtarë të pafajshëm u lënduan pa asnjë shkak.
U bëjmë thirrje të gjithë aktorëve të përfshirë që të tregojnë maturi, përgjegjësi dhe vetëpërmbajtje, në mënyrë që veprimet e tyre të mos cenojnë të drejtat dhe liritë e besimtarëve tanë apo të çdo qytetari tjetër. bw

Në përfundim të protestës së opozitës mbrëmjen e 20 shkurtit, janë shoqëruar gjithsej 52 persona në ambientet e Policisë së Tiranës.

Nga këta, 17 persona janë arrestuar, ndërsa 35 të tjerë po hetohen në gjendje të lirë.

Kujtojmë se pas përfundimit të fjalimeve protesta u shoqërua me incidente. Disa protestues hodhën koktej molotov në drejtim të godinës së Kryeministrisë, ndërsa policia reagoi duke përdorur gaz lotsjellës për shpërndarjen e turmës.

Më pas protesta u zhvendos drejt Kuvendit të Shqipërisë. Edhe në këtë zonë u raportuan sërish hedhje molotovësh në drejtim të forcave të rendit, ndërsa policia ndërhyri përsëri me gaz lotsjellës për të shpërndarë protestuesit.

Si pasojë pati edhe disa të lënduar që u dërguan për ndihmë mjekësore në spitalin e Traumës. Mes të lënduarve ishte edhe deputeti demokrat Luçiano Boçi, i cili përfundoi në urgjencën e QSUT-së pas një dëmtimi që pësoi në tre gishta.

“Një këto bombat dhe duke qenë se e kisha shumë afër, edhe fluksi i gazit ishte i lartë kërkova ta largoj dhe temperatura bëri të veten. Më janë djegur tre gishtat. Erdha të marr mjekimin. Djegia është e shkallës së dytë”, tha Boçi për News 24.

Ndërkohë, kreu i grupit parlamentar të PD, Gazment Bardhi, nga Komisariati Nr. 1, tha për mediat se një prej protestuesve të shoqëruar është dhunuar nga policia dhe, sipas tij, është mbajtur në komisariat në kundërshtim me ligjin, edhe pse kishte nevojë për ndihmë mjekësore.

Ai tha se pas ndërhyrjes së deputetëve të opozitës, personi në fjalë është transportuar me ambulancë drejt Spitali Universitar i Traumës për trajtim. gsh

Pas dhunës së u shtruar nga policia e shtetit ndaj protestuesve, Berisha ka deklaruar se dy të rinj janë me kontuzion trunor.

TIRANË– Kryedemokrati Sali Berisha ka shkuar tek spitali i Traumës për të vizituar protestuesin e plagosur. Pas dhunës së u shtruar nga policia e shtetit ndaj protestuesve, Berisha ka deklaruar se dy të rinj janë me kontuzion trunor.

Deputet e opozitës janë duke ndjekur edhe ne komisariate situatën me protestuesit e arrestuar dhe rrëmbyer me dhunë nga ana e policisë.

Deklarata e Berishës:

Dy të rinj janë me kontuzion trunor, për shkak se njëri prej tyre, 18 vjeçar e kanë gjuajtur si kafshë me këpucë në kokë, me shkelm, për asnjë lloj motivi, veçse për ta marrë me forcë në makinën e tyre, tek po largohej nga protesta.

Është në gjendje kontuzioni, me një hematomë serioze. Mjekët po bëjnë përpjekjet dhe po e kontrollojnë. Do ti bëjnë skaner, për të parë shkallën e dëmtimit, nëse është vetëm në inde të buta apo dhe kocka. Por sidoqoftë është me kontuzion trunor.

Kurse tjetri, e patë, e filmuat është një protestues që qëllohet me snajper nga mbrapa kokës në mes të rrugës dhe bie pa ndjenja.
Një kriminel me uniformë, gazin nuk do që ta hedhë në rrugë, por do të ja gjuajë në kokë. Siç ka bërë njëlloj me këtë dhe këtij i kanë krijuar, nga rrëzimi dhe goditja, është me një kontuzion serioz cerebral. Trunor dhe ky.

Të njëjtën gjë, duke gjuajtur me snajper, me bombola, kanë qëlluar Luçiano Boçin, të cilit i ka rënë në trup bombola direkt nga arma me të cilën hidhet dhe e ka kapur për ta larguar dhe i ka djegur gishtat e njërës dorë, djegie më shumë se të shkallës së dytë.

Përkundrejt qëndrimit shumë paqësor të protestuesve dhe duhet ta pranojmë dhe një pjese të mirë të policisë, të cilët kanë demonstruar vetëpërmbajtje dhe kanë zbatuar rregullat. Ka patur midis tyre dhe kriminel, të droguar që kanë kryer akte të tilla.
Se cila ishte karakteri paqësor i protestës vërtetohet nga fakti se nuk ka asnjë anëtar të forcave të rendit, të gërvishtur, ndonëse pa diskutim, Sokol Bizhga dhe Ilirjan Proda meritojnë çdo ndëshkim dhe çdo lloj përgjigje.

Por protesta është paqësore dhe në tërësi i përgëzoj policët të cilët treguan edhe mirëkuptim për frymën e protestës, si një protestë me interes të madh kombëtar, si një protestë e cila po mbron një kauzë për çdo shqiptar dhe jo vetëm për protestuesit që janë aty. dosja.al

Gazetari Almer Toska komentoi intensifikimin e hetimeve nga SPAK ndaj Belinda Ballukut, i cili ka kërkuar informacion mbi pasuritë dhellogaritë bankare të saj. Ai thotë se hetimet duhet të shtrihen edhe më tej, duke akuzuar se zëvendës kryeministrja e pezulluar nga detyra, i ka fshehur paratë e vjedhura duke përdorur oligarkët.

Në një intervistë për News 24, ai tha se pasuria e vërtetë e Ballukut, e vënë nën akuzë nga SPAK dhe për të cilën kërkohet arrestimi, fshihet pas emrave me të cilët ka punuar dhe iu ka dhënë tendera korruptivë. Gazetari përmendi biznesmenin Bashkim Ulaj, i cili ka ndërtuar rrugën Thumanë-Kashar, duke theksuar se duhet të merret në pyetje nga Prokuroria e Posaçme për një tentativë nga ana e tij për të pastruar 6 milionë euro të Belinda Ballukut në Zvicër.

“Pasuria e vërtetë e Belinda Ballukut nuk fshihet në emër të saj, por të njerëzve të saj të afërt, të oligarkëve që ka punuar, te njerëzit që kanë marrë tendera korruptiv. Fshihet në njerëz që i kanë transferuar jashtë Shqipërisë. Kam ngritur disa të dhëna. Jam gati t’i disponoj edhe para SPAK. Përflitet për një rast. Duhet të pyesin zotin Bashkim Ulaj, oligarkun që ka marrë rrugën Thumanë-Kashar, nga 240 milionë euro në 1.3 milionë euro, i cili nuk është kërkuar prej tij, që ia ka dhënë Balluku. Këtu fshihet pasuria e saj. Sepse pjesën e fitimit të kompanisë duhet ta marrë se kryen punim edhe pse janë me cilësi të dobët. Por Balluku në këtë rast fsheh pasurinë e vet nëpërmjet oligarkëve.

Atëherë, zoti Ulaj ka bërë një telefonatë në një fond zviceran dhe ka thënë “Kam 6 milionë euro, ku mund t’i pastroj dhe si mund t’i fsheh”. Ta pyesin për këtë fakt publik që them. Është thirrur dhe do të shkojë të dëshmojë dhe një sërë oligarkësh që kanë marrë fonde publike nga Balluku. Iu them agjentëve të BKH ta pyesin “A ke telefonuar një sfond zviceran për të fshehur 6 milionë eurot e Belinda Ballukut?” Të pyesin Ardit Metaliaj nga kompania 4 AM, a je përpjekur të transferosh para në emër të Ballukut jashtë Shqipërisë, apo të afërm të oligarkëve të tjerë që janë përfshirë në këtë skemë pastrimi parash.”, u shpreh gazetari.

Gazetari theksoi se kreu i SPAK, Klodian Braho duhet të shtojë presionin ligjor ndaj Ballukut, duke ngritur akuza të tjera ndaj saj. Po ashtu, ai theksoi se vizita e zyrtarit të Parlamentit Evropian, David McAllister kishte të bënte pikërisht për çështjen e Belinda Ballukut dhe për t’i dhënë mesazhin të dyja palëve politike se duke e mbrojtur, po minoni seriozisht rrugën e integrimit.

“Rrugët po bien, këtu po ndërtohet vetëm për të vjedhur. Hidhet asfalt për të fshehur vjedhjet. Të hetohen këto raste. Oligarkët duhet të jenë në burg me Ballukun, janë bashkëfajtor. Të gjithë kush ka bërë punë publike, bëji me kriter. I kërkoj sot kryeprokurorit, të shtojë presionin ligjor ndaj hapave që ka marrë për ta çuar deri në fund këtë çështje. Çështja e Ballukut solli në Shqipëri David McAllister. Nuk shkoi të jepte deklaratë në një zyrë të shtetit, por te BE, dhe tha jam këtu për t’u dhënë mesazh që me Ballukun, që të dyja palët po mbroni po minoni integrimin e Shqipërisë. Rama duhet t’i japë zgjidhje kësaj çështje, SPAK duhet të shtojë akuzën”, u shpreh ai, duke akuzuar edhe opozitarët se po mbrojnë Ballukun, pasi sipas tij, në dosje, dalin edhe emra nga PD.

Gazetari Toska theksoi se ndërkombëtarët kanë rritur presionin për këtë çështje, dhe se ka informacione se kryeministri Rama do ta lëshojë Ballukun. Sipas tij, kryeministri mund të mbledhë Asamblenë në mars dhe të njoftojë ndryshime në qeveri.

“Ka presion të jashtëzakonshëm nga ndërkombëtarët. Kam informacione se Rama po reflekton për ta lëshuar. Se mendoj se ky presion mund të rrezikojë të ardhmen në integrim. Dhe ata mund të dalin dhe të thonë se ne pezullojmë çështjet e integrimit, dhe ndalojmë të gjitha nivelet e bashkëpunimit deri tani.”, shtoi ai.

Sipas gazetarit, kryeministri do të largojë edhe ministrin e Mbrojtjes Pirro Vengu, duke theksuar se ai është përfshirë në një skandal që lidhet me dhënien e fondeve publike për kompaninë ushtarake “KAYO”. Sipas Toskës, Vengu dyshohet se i ka dhënë 20 milionë euro një biznesmeni izraelit pa marrë më parë miratimin e AKSHE, Autoriteti i Kontrollit Shtetëror të Eksporteve.

“Rama do të bëjë ndryshime duke larguar dhe Pirro Vengun, se ky është çështje më vete. Është skandal i rëndë, sepse i ka dhënë biznesmenit izraelit që ka përfituar 20 milionë euro për çështjen e KAYO-s, ka marrë 20 milionë euro pa marrë miratimin e AKSHE, institucion i kontrollit të sigurisë të të gjithë bashkëpunëtorëve që punojnë në ministrinë e Brendshme.. Pa e pasur këtë miratim, Vengu bashkëpunëtor i ngushtë i Ballukut, e njëjta linjë politike dhe bashkëpunimi i ka dhënë 22 milionë euro. Përflitet për atë një biznesmen jo serioz dhe mashtrues.”, tha ai.

Kryetari i Partisë Demokratike, Sali Berisha, në një konferencë për gazetarët ka theksuar sërish se protesta e thirrur nga opozita është paqësore.

Ai u shpreh se protesta paqësore është platformë  e PD-së dhe se “opozita nuk ka banditë të tipit Proda dhe Sokol Bizhga, nuk ka trafikante, vrasës si ata”.

Berisha ka paralajmëruar zyrtarët e lartë se aksionet e opozitës do të vazhdojnë deri në fitore dhe se me ardhjen në pushtet, PD do e shpalli korrupsionin krim të rëndë.

“Të vjedhësh 13 vite qytetarët shqiptarë dhe kur merr vesh që është lëshuar fletë arresti, ikën. Korrupsioni do shpallet krim i rëndë, së dyti, largimi do shpallet krim që dyfishon dhe trefishon dënimin, do kalben, të gjitha vitet në burg do i kalojnë” tha ai.

Berisha: Për sa i përket asaj që thonë ata, protesta është paqësore, organizojmë vetëm protesta paqësore. Ne e kemi platformë këtë, po mos ta kishim nuk e thoja unë këtë. Jemi opozitë demokratike, opozita nuk ka banditë të tipit Porda dhe Sokol Bizhga, nuk ka trafikante, vrasës si ata.

Ndaj ky është një akt provokacioni  i rëndë që nuk ka asnjë ndikim. Opozita do shkojë deri në fitore të plotë. Këta minjtë që po ikin do kapen kudo që të jenë. Të vjedhësh 13 vite qytetarët shqiptarë dhe kur merr vesh që është lëshuar fletë arresti, ikën. Korrupsioni do shpallet krim i rëndë, së dyti, largimi do shpallet krim që dyfishon dhe trefishon dënimin, do kalben, të gjitha vitet në burg do i kalojnë. gsh

Partia Demokratike ka denoncuar një tjetër skandal me pronën private dhe transparencën institucionale. Në një deklaratë për mediat, zëdhënësja për Antikorrupsion në PD, Genta Vangjeli thotë se në zonën e Kodër Babrru, në Tiranë, banorët akuzojnë kompaninë “KAYO” për përvetësim të paligjshëm të tokës dhe mashtrim mbi natyrën reale të investimit që po zhvillohet pranë banesave të tyre.

Vangjeli thotë se bëhet fjalë për pronat me nr. 173 dhe 174, të njohura në kadastër si pronë e familjes Dervishi, të cilat sipas banorëve janë kaluar në administrim të Ministrisë së Mbrojtjes për llogari të kompanisë “KAYO”, pa transparencë dhe pa sqarim publik.

“Sot, toka e qytetarëve është e rrethuar me portë hyrëse dhe ruhet nga ushtarë. Pronarët ndalohen të hyjnë në pronën e tyre. Nuk ka tabelë informuese për kufizimet. Nuk ka shpjegim publik. Ka vetëm forcë, heshtje dhe arrogancë”, thuhet në deklaratën e PD.

Banorët dyshojnë se pas këtij përshkrimi fshihet ndërtimi i një fabrike municionesh dhe një njësie për demontimin e armëve, aktivitet me rrezikshmëri të lartë, që sipas standardeve ndërkombëtare të sigurisë duhet të jetë të paktën 1.5 kilometra larg zonave të banuara.

Vangjeli thekson se “Partia Demoratike qëndron në krah të qytetarëve dhe kërkon hetim të plotë dhe transparent, pezullim të menjëhershëm të punimeve dhe rikthim të ligjshmërisë”.

DEKLARATË PËR MEDIA ZËHËNËSJA ANTIKORRUPSION, GENTA VANGJELI

Qeveria po rrëmben pronat private dhe po rrezikon jetën e qytetarëve në Kodër Babrru.

Qytetarë në Kodër Babrru, Tiranë, u shprehën se po ndodh një skandal i rëndë me pronën private të familjes Dervishi

Pronat me nr. 173 dhe 174, të njohura nga kadastra si pronë e kësaj familjeje, janë kaluar te Ministria e Mbrojtjes për llogari të kompanisë “Kayo”, pa transparencë, pa sqarim publik dhe pa respekt për të drejtën kushtetuese të pronës.

Sot, toka e qytetarëve është e rrethuar me portë hyrëse dhe ruhet nga ushtarë.

Pronarët ndalohen të hyjnë në pronën e tyre.

Nuk ka tabelë informuese për kufizimet.

Nuk ka shpjegim publik.

Ka vetëm forcë, heshtje dhe arrogancë.

Dhe si të mos mjaftonte kjo, sipas denoncuesve vetëm 5 metra larg banesave po ndërtohet një fabrikë municionesh dhe njësi për demontimin e armëve, një aktivitet me rrezikshmëri të lartë, që sipas standardeve të sigurisë duhet të jetë të paktën 1.5 kilometra larg zonave të banuara – u shprehën ata.

Në tabelën informuese të lejes së ndërtimit shkruhet objekti “ndërtim i fabrikës së tekstileve, dy kate mbi tokë”. Zhvillues: “Kayo”. Sipërmarrës: “MSSC Group shpk”.

Kompani këto që nuk shquhen për vizionin e tyre drejt tekstileve, linosë a basmës por për tregtimin e armëve dhe monucioneve të rënda ushtarake.

Nëse aty vërtet do të ndërtohet fabrikë armësh dhe demontimi siç banorët denoncojnë, atëherë kemi të bëjmë me një mashtrim të hapur publik dhe me fshehje të qëllimshme të natyrës reale të projektit.

Banorët kanë protestuar.

Kanë depozituar edhe kallëzim penal.

Kanë paralajmëruar se do ta ndjekin çështjen deri në Gjykata Evropiane e të Drejtave të Njeriut… dhe  kanë shumë të drejtë….

Kjo nuk është një çështje lokale.

Kjo është provë e një modeli qeverisjeje që shkel pronën private, përdor institucionet e sigurisë për të frikësuar qytetarët dhe vendos interesa të dyshimta mbi jetën e familjeve shqiptare.

Askush nuk ka mandat për të grabitur pronën e qytetarëve.

Askush nuk ka të drejtë të kthejë lagjet e banuara në zona industriale të rrezikshme.

Askush nuk është mbi ligjin.

Partia Demoratike qëndron në krah të qytetarëve dhe kërkon hetim të plotë dhe transparent, pezullim të menjëhershëm të punimeve dhe rikthim të ligjshmërisë.

Nëse shteti nuk mbron qytetarët e vet, qytetarët do të mbrojnë vetveten me çdo mjet demokratik që u jep ligji .

Për këto arsye dhe shumë të tjera të gjithë së bashku më 20 Shkurt ti japim Edi Ramës dhe qeverisjes së tij atë që meriton…..

Ish-deputeti i PD-së Ervin Salianji, ka reaguar me tone kritike sot nga Berati, lidhur me situatën brenda forcës politike, duke kërkuar reflektim dhe garë të ndershme për ta bërë partinë fituese.

Salianji u shpreh se në PD ka “humbës që bëhen deputetë që nga viti 1996”, ndërsa theksoi se ka pasur edhe raste suksesi, përfshirë zona tradicionalisht të majta si Kruja dhe Fushë-Kruja, ku sipas tij prej 20 vitesh partia nuk ka arritur të fitojë.

Ai kujtoi se në statut është parashikuar qartë se, nëse partia nuk arrin të jetë forcë fituese, kryetari duhet të dorëhiqet dhe t’i hapë rrugë një gare të re.

Salianji: Ka humbës që bëhen deputetë që nga viti 1996. Ndërkohë, ne kemi pasur edhe raste suksesi, madje edhe në zona tradicionalisht të majta, ku prej 20 vitesh PD nuk fiton, si Kruja dhe Fushë-Kruja. Por a kemi folur ndonjëherë për këto raste? Ne kemi sanksionuar në statut që, nëse partia nuk arrin të jetë forcë fituese, nuk ka justifikime: kryetari dorëhiqet dhe i hap rrugë një gare tjetër, për ta bërë PD-në fituese.

Pse para tre muajsh isha hero, ndërsa sot, që them të vërteta dhe nuk bëhem pjesë e klubit të humbësve, qenkam problematik dhe takimet i organizon krimi? Demokratët duan garë dhe ndershmëri. Kushdo që e ka ndërtuar karrierën mbi punën dhe meritën e vet, kërkon garë të ndershme. Nuk më keqpërdor dot as Rama, as Berisha. gsh

Kreu i PD-së, Sali Berisha, duke bashkëbiseduar me qytetarët dhe mbështetësit demokratë nga Sukthi i Durrësit, në Foltoren e radhës, akuzoi kryeministri Edi Rama si tradhtarin më të madh të Shqipërisë, që bashkëpunon me Serbinë dhe presidentin e saj Aleksandër Vuçiç në dëm të Kosovës.

Ai u shpreh se Rama “i futi thikën pas shpine” edhe ish-liderëve të UÇK-së që po gjykohen në Hagë, ndërsa e bëri përgjegjës për mosliberalizimin e vizave për Kosovën, si pasojë e ndërhyrjes së kryeministrit deri tek presidenti francez Macron gjatë vizitës në Tiranë.

“Ky i futi thikën ish-liderëve të UÇK-së, u futi thikën pas shpine. Dhe çfarë thotë tani, që të kenë turp ata që paguajnë atë gjykatë. Ai nuk është asnjë gjë tjetër veçse një horr. Ajo gjykatë u ngrit nga Kosova, as nga Franca, as nga Anglia dhe as nga Gjermania. Ky thotë “t’ju vij turp”, vetëm këtë s’mund ta thotë. Prokurorë idiotë thotë, jo mo jo, nuk janë idiotë, ata janë prokurorë, janë antishqiptarë, janë proserbë. Por ata nuk e thonë dot se e morën nga prokurori serb aktakuzën, se prishen me Vuçiçin. Por s’ka pas kombi tradhtar më të madh se ky (Rama)”, u shpreh Berisha, teksa i përgjigjej pyetjeve të qytetarëve.

Berisha e akuzoi Ramën edhe për sulmet që i bëri kryeministrit kosovar Albin Kurti apo ndërhyrjeve në punët e brendshme të shtetit të ri shqiptar. Ai tha mes të tjerash se vetëm Rama e ka hedhur në gjyq Kurtin, pasi asnjë shtet tjetër i rajonit nuk e bëri.

Sipas kreut të selisë blu, Rama ka lobuar që Kosovës mos t’i liberalizoheshin vizat.

“Vjen presidenti francez në Shqipëri, Emanuel Macron, për herë të parë, vizitë historike, shumë gjë pozitive. Çfarë tha? Ato që i tha Edi Rama: Nuk do liberalizohen vizat për Kosovën! Po, se ia tha Rama që thuaj kështu…”, u shpreh kryedemokrati.

Më tej Berisha denoncoi kreun e mazhorancës edhe për shpopullimin e Shqipërisë, fillimisht nëpërmjet arrestimeve për mospagesën e dritave dhe tani duke u vrarë shpresën dhe detyruar të largohen nga vendi.

“A nuk doli ky studio më studio me hekura “burg, burg, burg”… Pse? Për dritat, 22 mijë shqiptarë arrestoi për dritat. Armik më i madh, po ikin shqiptarët. Pse? Nuk ka investime, nuk ka rrugë, ja këtu te ju, nuk ka rrugë. Dhe sigurisht ikin shqiptarët”, tha Berisha. gsh

Kryetari i Partisë Republikane dhe deputeti i Kuvendit, Fatmir Mediu ka zhvilluar takime në Parlamentin Europian.

Gjatë vizitës së tij, Mediu u takua me eurodeputeten Dolors Montserrat, Sekretare e Përgjithshme e Partisë Popullore Evropiane.

Sipas Mediut, përfaqësues të PPE pritet të vizitojnë Tiranën në një mision faktmbledhës për çështje që lidhen me zgjedhjet, funksionimin e institucioneve dhe luftën kundër krimit dhe korrupsionit.

Ai zhvilloi gjithashtu një drekë pune me eurodeputetin Rihard Kols, anëtar i Komisionit për Punët e Jashtme në Parlamentin Europian.

Reagimi i plotë:

Bruksel: Parlamenti Europian

Kënaqësi të takohesha me Dolors Montserrat, deputete e Parlamentit Europian dhe Sekretare e Përgjithshme e Partive Popullore, grupi më i madh i partive në Parlamentin Europian.

Dolors dhe përfaqësues të Partive Popullore do të vijnë në Tiranë në një mision faktmbledhës për problemet e rënda me zgjedhjet, funksionimin e Parlamentit, krimin e organizuar, trafikun e drogës dhe përdorimin e gjyqësorit. Të gjitha çështjet e ngritura nga Partitë Popullore dhe IDU janë në mbështetje të Shqipërisë dhe kundër krimit dhe korrupsionit qeveritar.

Ky mision faktmbledhës, pas vizitës së AFET-it (Komisionit të Punëve të Jashtme të Parlamentit Europian) në Shqipëri, merr një vlerë shumë të rëndësishme.

Po ashtu, kënaqësi të kisha një drekë pune me deputetin e Parlamentit Europian dhe mikun tim, Rihard Kols, anëtar i grupit të Konservatorëve Europianë dhe anëtar i Komisionit të Punëve të Jashtme të Parlamentit Europian. bw

Kreu i PD, Sali Berisha, zhvilloi sot një takim në selinë e PD, me eurodeputetin Michael Gahler, koordinator i Grupit Parlamentar të Partisë Popullore në Parlamentin Europian.

Gjatë takimit, Berisha i shprehu përfaqësuesit të lartë europian shqetësimet e opozitës për “aferën Balluku” dhe AKSHI-t, si dhe përpjekjet e Edi Ramës për të ndërhyrë në legjislacion, me qëllim krijimin e një mburoje për korrupsionin e tij dhe të ministrave.

Berisha theksoi se amendamentet ligjore që synon Rama dëmtojnë, jo vetëm luftën e drejtësisë kundër korrupsionit, por edhe procesin e integrimit europian.

Sipas kryetarit të PD, opozita e mbështet pa kushte procesin e itengrimit në BE, por kërkon që ky proces të jetë gjithëpërfshirës, i bazuar në meritë, dhe të mos përdoret për qëllime propagandistike nga qeveria.

Berisha bëri edhe një panoramë të thelluar të skandalit të AKSHI-t dhe përfshirjen e Kryeministrit vetë dhe me familjarë të tij në këtë aferë të rëndë, e cila per Shqiperine tejkalon ‘aferën Epstein’, jo vetëm si akt korruptiv, por edhe sepse prek një pjesë themelore të superstrukturës shtetërore, përfshirë këtu sigurinë kibernetike.

Berisha dhe Gahler u ndalën edhe te zgjedhjet e fundit në Shqipëri, dhe kryetari i Partisë Demokratike u shpreh i kënaqur me faktin se një mison vëzhgues u dërgua nga Parlamenti Europian, dhe eurodeputeti ishte pjesë e tij dhe mundi të shihte vetë ato shkelje të rënda që thekson raporti i OSBE, por edhe 7 rezoluta ndërkomëbtare, që i kanë dënuar hapur zgjedhjet e manipuluara shqiptare.

Lidhjet e Edi Ramës me Kartelet e drogës ishte gjithashtu një çështje qe u diskutua gjerësisht. bw

Ambasadori i Bashkimit Evropian në Shqipëri, Silvio Gonzato komentoi nismën e mazhorancës për ndryshimet ligjore me qëllim pengimin e pezullimit të ministrave nga detyra.

Në konferencë të përbashkët me David McAllister, diplomati evropian tha se “nuk duhet të preket Reforma në Drejtësi”.

Ambasadori theksoi se presin që të konsultohen për këto nisma për ndryshimet ligjore, sidomos kur bëhet fjalë për reformën në drejtësi.

“Ne i ndjekim nga afër nismat e qeverisë që kanë lidhje me shtetin ligjor, jo vetëm se jemi në merak për harmonizimin e tyre me atë të BE, por edhe që të mos prekin reformën e drejtësisë. Sa i takon prekjes apo ndikimit që kanë në këtë rast nuk do kisha një koment në këtë rast. Presim që të konsultohemi për këto nisma”, tha ambasadori Gonzato. gsh

TIRANË- Diplomati evropian Michael Gahler është takuar me Sali Berishën në selinë e Partisë Demokratike. Mësohet se eurodeputeti u shoqërua nga deputetja demokrate, Jorida Tabaku.

Në konferencën për mediat, kryetari i Komisionit të Jashtëm të PE-së David McAllister u shpreh se nuk do ta takonte Kreun e PD-së pas do të lëvizte direkt në aeroport. Gahler është pjesë e delegacionit të Jashtëm të Parlamentit Evropian që ndodhet në Shqipëri, ku mbajtën disa takime.

“U takova me Bardhin, Tabakun dhe Vokshin, por nuk do të takohem me Berishën sepse do të iki në aeroport.”, tha McAllister./Dosja.al

Kryetari i Partisë Demokratike, Sali Berisha tha se gjendja në Shqipëri është e rrezikshme. I ndalur tek nisma e PS për ndryshimet ligjore, Berisha e konsideroi kryeministrin Rama si një “lopë e çmendur”.

Në mbledhjen e grupit parlamentar të PD, Berisha u shpreh se kryeministri po vendos barriera speciale për të mbrojtur veten nga zbatimi i ligjit dhe nga kërkesat e SPAK.

Sipas tij, në vend që të zbatojë Kushtetutën dhe legjislacionin në fuqi, Rama po ndërmerr nisma ligjore që synojnë krijimin e mburojave për veten dhe për persona të lidhur me të.

Berisha: Situata, gjendja në Shqipëri po bëhet gjithnjë e më e rrezikshme. Rama po sillet si lopë e çmendur, po të marrë hua  një term nga veterineria, nuk mund të ketë kualifikim tjetër. Në një sfidë të hapur të Kushtetutës së vendit, në një sfidë të hapur të ligjeve kodeve të vendit, ai vendos në vend të zbatimit të tyre, në vend të zbatimit të kërkesës së bazuar të SPAK vendos krijimin e barrierave speciale për mbrojtjen e vetes së tij.

Vendos të tejkalojë kushtetutën përmes ligjeve personale, krijimin e mburojave në mënyrë që ai dhe organizata kriminale që kryeson të vazhdojë plaçkën, grabitjen e shqiptarëve pa asnjë llogari para ligjit. Ju do thoni pse unë them “lopë e çmendur”?

Them sepse humbet, ka degraduar psiqikisht në mënyrë totale. Në amendamentin që ka sjellë për të mbrojtur veten e tij për të korruptuar me ligj gjykatësit kushtetutës ka përfshirë edhe ata në mburojën e trupit ligjor ndaj pezullimit nga detyra. Duhet të jesh lopë e çmendur të mos lexosh kushtetutën, e cila në mënyrë taksative përcakton se gjykatësi kushtetues pezullohet. GSH

Kryetari i Komisionit për Çështjet e Jashtme në Parlamentin Evropian, David McAllister ka deklaruar se çështja e Belinda Ballukut është një test kritik për Shqipërinë në luftën kundër korrupsionit.

“Unë nuk mund të komentoj me hollësi për çështje individuiale. Por për këtë rast që përfshin zonjë Balluku, do të thosha që  është një cështje që do bëjë test kritik për Shqipërinë në luftën kundër korrupsionit”, tha David McAllister.

McAllister theksoi se çështja e Ballukut ka qenë pjesë diskutimeve gjatë vizitës dhe takimeve në Tiranë, ndërsa u shpreh se nuk është në pozicion për të komentuar një çështje individuale.

“Kjo çështje ka pasur një rol gjatë vizitës dhe takimeve tona në Shqipëri. Nuk jam në pozicion të komentoj një çështje individuale. Po vij nga Brukseli dhe kam dijeni mbi rastin, por nuk do të përfshihem në çështjet ligjore të këtij rasti”, deklaroi ai. GSH

Kreu i Partisë Republikane Fatmir Mediu, ka ndarë pamje nga takimi i zhvilluar në Asamblenë Parlamentare të NATO-s me Scott W. BRAY, Ndihmës Sekretar i Përgjithshëm për Inteligjencën dhe Sigurinë.

Ai shton se vetë ka kërkuar që NATO të kërkojë nga vendet e Ballkanit Perendimor aprovim sa më parë të ligjit për kontrollin e investimeve të huaja, sidomos ato që vijnë nga Kina dhe kanë lidhje me Rusinë.

Postimi i plotë:
Bruksel: Takimi Asamblesë Parlamentare të NATOs.

Scott W. BRAY, Ndihmës Sekretar i Përgjithshëm për Inteligjencën dhe Sigurinë, NATO, prezantoj “SFIDAT RUSE DHE KINEZE PËR SIGURINË EURO-ATLANTIKE”

Bray vuri theksin në rëndësinë që kanë investimet teknologjike dhe ekonomike dhe rreziku që interesat ekonomike aftaashkurtëra të cënojnë interesat e sigurisë së NATOs.

Në fjalën time dhe në bashkëbisedim me z Bray, kërkova që krahas SHBAs dhe BE është e domosdoshme, që dhe NATO të kërkojë nga vëndet e ballkanit perendimor aprovim sa më parë të ligjit për kontrollin e investimeve të huaja, sidomos ato që vijnë nga Kina dhe kanë lidhje me Rusinë.

Kontrollin e investimeve në teknologji, infrastrukturë kritike, data center(qëndrat e të dhënave), sistemin e smart city dhe sistemet e vëzhgimit. Detyrimin që në investimet private dhe ligjet e prokurimeve të deklarohen asetet e kompanive ofshore dhe përfituesve të tyre.

Eleminimin e ligjeve speciale për interesa klienteliste jo transparente dhe kthimin e tyre në interesa korruptive.

Po ashtu një kontroll të rreptë të investimeve dhe sidomos nga burimet kriminale të drogës dhe korrupsionit, pastrimi i parave , si dhe ligje strikte për të frenuar mundësinë e infiltrimit të tyre në cështje të sigurisë sic ndodhi me AKSH në Shqipëri.

Gazetarja Klodiana Lala ka zbuluar përmes një komunikimi të drejtpërdrejtë në News24 detaje në lidhje me vendimin e marrë sot nga Gjykata Kushtetuese e Republikës së Shqipërisë për çështjen e pagave të gjyqtarëve në vend.

Në përfundim të një seance që zgjati më shumë se 8 orë, GJK shpalli vendimin që lidhet me këtë çështje të diskutuar. Konkretisht, me shumicë votash, Gjykata vendosi të pranojë pjesërisht kërkesën e gjyqtarëve, duke shfuqizuar fjalinë e parë të shkronjës “a” të nenit 1 dhe pikën 2 të nenit 2 të ligjit nr. 33/2023, datë 25.05.2023, “Për një ndryshim në ligjin nr. 96/2016 ‘Për statusin e gjyqtarëve dhe prokurorëve në Republikën e Shqipërisë’”, si të papajtueshme me Kushtetutën.

Po ashtu, GJK vendosi të detyrojë Kuvendi i Shqipërisë të miratojë ndryshimet ligjore të nevojshme në përputhje me këtë vendim, brenda datës 31 korrik 2026.

Si nisi përplasja për pagat?

Sipas Lalës, Unioni i Gjyqtarëve të Shqipërisë dhe Shoqata Kombëtare e Gjyqtarëve iu drejtuan Gjykatës Kushtetuese për çështjen e pagave të tyre. Sipas ndryshimeve të vitit 2016, paga e gjyqtarëve referohej te ajo e drejtorit të departamentit pranë Këshillit të Ministrave.

Në vitin 2023, mazhoranca ndryshoi formulën e referencës, duke e lidhur pagën e gjyqtarëve me pagën e Presidentit të Republikës, që është ndër më të lartat në administratën shtetërore. Nga ana tjetër, gjyqtarët argumentuan se paga e Presidentit nuk ndryshon dhe nuk indeksohet, çka sipas tyre solli në praktikë cenim të të drejtave të fituara me ligjin e mëparshëm.

Kushtetuta parashikon se paga e gjyqtarëve nuk mund të ulet, pavarësisht rrethanave. Në vendimin e saj, GJK thekson se, bazuar në thelbin e pretendimeve të parashtruara, i ka vlerësuar ato në këndvështrimin e nenit përkatës kushtetues që garanton mosuljen e pagës së gjyqtarëve.

Dega e Doganës Durrës ka bllokuar një sasi të konsiderueshme produktesh ushqimore jashtë afateve të përdorimit, gjatë një kontrolli fizik të ushtruar në ambientet e një subjekti tregtar të pajisur me autorizim për përdorimin e Regjimit të Përpunimit Aktiv.

Sipas njoftimit zyrtar, punonjësit e doganës kanë konstatuar dhe bllokuar 2.500 kilogramë miell orizi me datë skadence 1 prill 2025, si dhe 5.150 kilogramë miell për pica me datë skadence 7 prill 2025.

Në total, bëhet fjalë për 7.650 kilogramë miell që rezultonte jashtë afatit të përdorimit, referuar datave të skadencës të shënuara në produkt.

Dogana e Durrësit ka nisur procedurat përkatëse në bashkëpunim me strukturat e Autoritetit Kombëtar të Ushqimit, në përputhje me kompetencat ligjore, deri në asgjësimin e mallit të bllokuar.

Drejtoria e Përgjithshme e Doganave ka theksuar angazhimin për zbatimin e ligjit dhe ka apeluar ndaj operatorëve ekonomikë që të respektojnë detyrimet ligjore, me qëllim garantimin e sigurisë ushqimore dhe mbrojtjen e konsumatorëve.

Dega e Doganës Durrës ka bllokuar një sasi të konsiderueshme produktesh ushqimore jashtë afateve të përdorimit, gjatë një kontrolli fizik të ushtruar në ambientet e një subjekti tregtar të pajisur me autorizim për përdorimin e Regjimit të Përpunimit Aktiv.

Sipas njoftimit zyrtar, punonjësit e doganës kanë konstatuar dhe bllokuar 2.500 kilogramë miell orizi me datë skadence 1 prill 2025, si dhe 5.150 kilogramë miell për pica me datë skadence 7 prill 2025.

Në total, bëhet fjalë për 7.650 kilogramë miell që rezultonte jashtë afatit të përdorimit, referuar datave të skadencës të shënuara në produkt.

Dogana e Durrësit ka nisur procedurat përkatëse në bashkëpunim me strukturat e Autoritetit Kombëtar të Ushqimit, në përputhje me kompetencat ligjore, deri në asgjësimin e mallit të bllokuar.

Drejtoria e Përgjithshme e Doganave ka theksuar angazhimin për zbatimin e ligjit dhe ka apeluar ndaj operatorëve ekonomikë që të respektojnë detyrimet ligjore, me qëllim garantimin e sigurisë ushqimore dhe mbrojtjen e konsumatorëve. bw

Presidenti i Republikës së Shqipërisë, Bajram Begaj, ka uruar Kosovën me rastin e 18-vjetorit të shpalljes së Pavarësisë, duke theksuar forcimin e institucioneve demokratike dhe rritjen e njohjeve ndërkombëtare të shtetit të Kosovës.

Në mesazhin e tij, Kreu i Shtetit u shpreh: “Gëzuar Kosovë! Në këtë 18-vjetor, Kosova është më e fortë, me institucione demokratike të konsoliduara dhe me më shumë njohje ndërkombëtare.”

Begaj shprehu përulje dhe mirënjohje për të gjithë ata që kontribuuan për lirinë e Kosovës, si dhe falënderoi miqtë dhe partnerët strategjikë, veçanërisht Shtetet e Bashkuara të Amerikës dhe bashkësinë perëndimore, për mbështetjen e vazhdueshme ndaj sovranitetit dhe integritetit territorial të saj.

Ai nënvizoi gjithashtu rëndësinë e bashkëpunimit të ngushtë mes Shqipërisë dhe Kosovës në rrugëtimin drejt integrimit evropian, duke bërë thirrje për unitet më të madh:
“Le të ecim bashkë drejt BE-së më të bashkuar se kurrë! BASHKË, JETË E MOT!”

URIMI
Gëzuar Kosovë!

Në këtë 18-vjetor, Kosova është më e fortë,
me institucione demokratike të konsoliduara dhe me më shumë njohje ndërkombëtare.

Përulje dhe mirënjohje për ata që sollën lirinë!

Mirënjohës ndaj miqve dhe partnerëve tanë strategjikë, SHBA-së dhe bashkësisë perëndimore, për mbështetjen e fuqishme ndaj sovranitetit dhe integritetit territorial të Kosovës.

Le të ecim bashkë drejt BE -së më të bashkuar se kurrë!

BASHKË, JETË E MOT! 🇦🇱🇽🇰

Gjatë fjalës së mbajtur në ‘Foltoren’ para kryeministrisë, Berisha deklaroi se të rinjtë duhet që të lënë shkollat dhe çdo gjë tjetër e të mbushin sheshin dhe t’i bashkohen revoltës kundër qeverisë.

TIRANË- Kryetari i Partisë Demokratike, u ka bërë thirrje të rinjve që të marrin pjesë në protestat kundër qeverisë. Gjatë fjalës së mbajtur në ‘Foltoren’ para kryeministrisë, Berisha deklaroi se të rinjtë duhet që të lënë shkollat dhe çdo gjë tjetër e të mbushin sheshin dhe t’i bashkohen revoltës kundër qeverisë.

‘Miq, 20 shkurti është dita e krenarisë tonë. Dhe shkojmë më 20 shkurt më krenarë se asnjëherë. Shkojmë më 20 shkurt kur ne u faktuam shqiptarëve dhe njerëzve liridashës në mbarë botën se ne nuk pajtohemi kurrë me një organizatë kriminale që kemi në krye. Shkojmë më 20 shkurt në një kohë kur ne kemi marrë, të betuar, përsipër misionin e shpëtimit të Shqipërisë. Ne shkojmë me 20 shkurt me një trashëgimi kur kemi kaluar mbi tanke, autoblinda dhe kemi zvarritur rrugëve të Tiranës kultin më të lig dhe më të keq, kultin e Enver Hoxhës që shqiptarët kanë njohur në histori. Ndaj dhe ftoj çdo shqiptar më 20 shkurt në Tiranë, më 20 shkurt në ora 6, Tirana e tëra derdhet në rrugët dhe bulevardet e saj. Shqipëria në Tiranë, t’i dalim zot Shqipërisë, t’i kapim goditjet e merituara regjimit antishqiptar të Edi Ramës.

T’ia nxijmë çdo ditë gjer në largimin e tij. Ne me asgjë nuk ndalemi. Ne jemi njerëz të besojmë të vërtetën. Ne jemi njerëz të idealeve të ndershme. Ne jemi njerëz që duam këtë vend të jetë toka e bekuar e shqiptarëve. Këta janë armiq pushtuesit më të egër që kemi njohur. Nuk na lidh asgjë me këta. Këta kanë kryer krime të shëmtuara për të cilat duhet të shkojnë atje ku mbahen kriminelët dhe fajtorët. 20 shkurti është një thirrje për rininë shqiptare, nuk ka fat më të madh, nuk ka shans më të madh për një të ri se në rininë e tij të hidhet në betejë kundër të keqes më të madhe të kombit të tij. Ndaj dhe i lini shkollat, lini çdo gjë, mbushni sheshin, të jetë Tirana juaj, e ardhmja juaj, Shqipëria në zemër, në besimin, në shpresën tuaj. Edhe njëherë, mirënjohje të pakufishme për misionin që po kryeni, për sukseset që kemi arritur, dhe u garantoj se forcë në botë nuk na ndalon pa përmbysur këtë mision që kemi nisur. Rrofshi ju, rroftë Shqipëria,’ tha Berisha./Dosja.al

Analisti Genc Burimi ka komentuar nismën e Partia Socialiste për ndryshime në Kodin e Procedurës Penale lidhur me çështjen e pezullimeve nga detyra, duke e cilësuar atë si një lëvizje që synon t’i vështirësojë punën drejtësisë. Në një komunikim me News24, Burimi u ndal te iniciativa e kryeministrit Edi Rama për të korrigjuar nenin 222 të Kodit të Procedurës Penale, duke argumentuar se ndryshimi synon të parandalojë pezullimin e tij apo të anëtarëve të qeverisë nga detyra.

“Kur u arrestua Tahiri nuk pati nevojë për nenin 222. As kur u kërkua arrestimi i Ahmetajt dhe as kur u arrestua Berisha. Rama mendon se duke bërë këtë ndryshim, nëse vihet vetë nën hetim, do t’ia vështirësojë punën drejtësisë”, u shpreh ai. Sipas Burimit, drejtësia ka dy kanale veprimi: një përmes Parlamentit, që është kërkesa për heqjen e imunitetit dhe më pas vendosja e masave kufizuese, dhe një të dytë, më të rrallë, përmes pezullimit nga funksionet qeveritare sipas nenit 220 të Kodit të Procedurës Penale, si në rastin e zëvendëskryeministres Belinda Balluku.

Ai theksoi se ky mekanizëm i dytë ishte një avantazh për Prokurorinë, që sipas tij po mbyllet nga ndryshimet e propozuara. “Rama po tregon muskujt në erë. Mund të bëjë ç’të dojë, por e kam me drejtësinë”, deklaroi Burimi.

Analisti krahasoi situatën me Italinë, ku sipas tij gjyqësori po reagon ndaj reformës në drejtësi të ndërmarrë nga kryeministrja Giorgia Meloni, ndërsa në Shqipëri, sipas tij, drejtësia po hesht. “Kjo drejtësi nuk po flet dhe kjo më habit. Ngricë është heshtja e drejtësisë. Ose po mbyllet tuneli i parë dhe po pret të dytin, rrugën e heqjes së imunitetit në Parlament. Ndryshimet që po bën Rama nuk më shqetësojnë, po pres drejtësinë”, përfundoi ai.

Burimi: Rama po korrigjon atë nenin 222 të Procedurës Penale për të thënë se nuk mund të pezullohet ai dhe as ata. Ku është problemi? Kur u arrestua Tahiri, a pati nevojë për nenin 222? Kur u kërkua arrestimi i Ahmetajt, a pati nevojë për këtë nen? As kur u arrestua Berisha. Ai mendon se duke bërë këtë, nëse ai vetë vihet nën hetim, t’ia vështirësojë punën drejtësisë. Drejtësia paska dy kanale veprimi: një përmes Parlamentit, kryesori, që është kërkesa për heqjen e imunitetit dhe më pas vendosja e masave kufizuese. Ky kanal është përdorur 3–4 herë.

Kanali i dytë, më i rrallë, është ai për zonjën Balluku: pezullimi nga funksionet qeveritare përmes nenit 220 të Kodit të Procedurës Penale. Ky ishte një avantazh për Prokurorinë, që po e mbyll Rama. Zonja Balluku në një moment do të dorëzohet. Ai është në luftë ndërkombëtare me ndërkombëtarët. Shumë luftë për asgjë. Rama po tregon muskujt në erë. Ai mund të bëjë ç’të dojë, por unë e kam me drejtësinë. Në Itali, gjyqësori po flet për reformën në drejtësi që po bën Meloni. Por drejtësia jonë nuk po flet. Kjo do të thotë se është ende në varësi. Çfarë i mungon sot? Kjo drejtësi nuk po flet dhe kjo më habit. “Bebja” s’po qan. Ngricë është heshtja e drejtësisë. Ose po mbyllet tuneli i parë dhe po pret të dytin, rrugën e heqjes së imunitetit në Parlament. Ndryshimet që po bën Rama nuk më shqetësojnë, po pres drejtësinë.

“*Zoti Berisha, së shpejti në parlament do të mbërrijë një projektligj për amnistinë penale. Edhe pse mazhoranca i ka votat e nevojshme, cili do jetë qëndrimi i deputetëve të opozitës?*

Sali Berisha: Qëndrimi i deputetëve të opozitës është i qartë, absolutisht asnjë person i dënuar për korrupsion nuk mund të përfitojë nga amnistia penale.
Asnjë punonjës i kësaj administrate, i dënuar për lidhje me krimin, nuk mund të përfitojë.
Këto janë.
Përndryshe, amnistitë për personat e tjerë, janë një rutinë e pëvitshme që bëhet zakonisht në prag të vitit të ri, por këta kushedi pse…
Ky është qëndrimi ynë. Ne nuk pranojmë të amnistohet asnjë njeri i dënuar për korrupsion.

*Zoti Berisha, ju na prezantuat një libër ditëm e sotme. Ndoshta SPAK u thërret dhe ju pyet për financimin. A jeni të gatshëm të jepni shpjegime?*

Sali Berisha: Mirë që e the këtë, sa bukur. Çfarë bëjnë këta tani? Thërrasin njerëz dhe i pyesin, ku i mori naftën Sali Berisha kur bëri foltoren. Absolute kjo që po u them.
Se kjo ka lidhje me dosjen Partizani. Ish-xhelati i Sigurimit të Shtetit, Arben Kraja dhe Altin Troplini, kanë futur në hetim naftën që ka përdorur Sali Berisha deputet për të bërë foltoren.
Dhe mund t’u them shumë raste të tjera.
Kanë thirrur Ledina Aliollin, të cilin në vitin 2023 e kanë pyetur se nga i more ti paratë e stilolapsave që bleve për fushatë.
E kuptoni apo jo?
E kuptoni se çfarë bëjnë këta?

*Por në fakt zoti Berisha, është detyrë funksionale e SPAK të hetojë pasurinë e zyrtarëve të lartë? Pse relativizohet kjo gjë?*

*Sali Berisha:* Po, sepse ata kanë bërë një veting 32-vjeçar, jam i vetmi person, e thashë edhe njëherë, kanë kërkaur hetimin e mbesave të mia, katër vite pa lindur ato.
Pra, absolutisht asnjë objeksion për hetimin e pasurive, por e kanë hetuar, e kanë stërhetuar dhe kanë gjetur zero shkelje ligjore.
Familjarët e mi nuk kanë përfituar kurrë nga fondet publike.
Kanë gjetur se është zbatuar ligji dhe vetëm ligji.
Dhe kanë gjetur gjithsej në 54 vite punë si mjek dhe në politikë bashkë me bashkëshorten, 100 mijë euro dhe një apartament 45 metër më të madh se sa ishte.

*Zoti Berisha, për t’u rikthyer edhe njëherë pyetjes së parë. A do e votojë opozita ndryshimin e nenit 242 të Kodit të Procedurës penale që propozon qeveria?*

*Sali Berisha:* Kurrën e kurrës. Ai është nen që prek të ardhmen e çdo shqiptari.
Ai është nen që dënon çdo qytetar shqiptar me mbylljen e dyerve të integrimit.
Ne jo vetëm që nuk do e votojmë, por do e kundërshtojmë atë në mënyrën më të fuqishme.
Dhe 20 shkurti do jetë dita e kryengritjes së madhe kundër korrupsionit. Do jetë dita e kryengritjes së madhe kundër narkodiktatorit, kundër organizatës kriminale dhe kreut të saj.
Ju ftoj të gjithë me 20 shkurt në kryengritjen paqësore më të fuqishme që ka njohur Shqipëria që nga përmbysja e shtatores së Enver Hoxhës gjer sot.”, tha Berisha./Dosja.al

Banorët e prekur nga projekti “TID Durrës” kanë dalë me një deklaratë publike pas një takimi me Kryeministrin Edi Rama dhe përfaqësues të Bashkia Durrës, duke shprehur kundërshtimin e tyre ndaj mënyrës së zbatimit të projektit dhe propozimeve të ofruara.

Sipas banorëve, gjatë diskutimit është bërë e qartë se projekti do të realizohet pa ndryshime, ndërsa atyre u janë paraqitur tre mundësi, pranimi i një çmimi shpronësimi disi më të lartë, zhvendosja në zona periferike të përcaktuara nga institucionet ose akomodimi i të gjithë familjeve në një objekt të vetëm të përzgjedhur nga Bashkia.

Në reagimin e tyre, banorët theksojnë se e kundërshtojnë këtë qasje, duke pretenduar se projekti përmban mangësi dhe shkelje procedurale.

Nga ana e tyre banorët kërkojnë shtyrje të afateve ligjore të zbatimit të projektit, pezullim të shembjeve dhe shqyrtim të plotë ligjor të çdo rasti individual. Në të kundërt, ata paralajmërojnë për përshkallëzim të protestës dhe intensifikim të reagimit publik dhe institucional. gsh

Kryeministri Edi Rama në mbledhjen e Grupit Parlamentar të Partisë Socialiste, ku u prezantua nisma që prek kodin e procedurës penale për mbrojtje të 7 institucioneve nga pezullimi i detyrës, tha se mandati i Belinda Ballukut do të trajtohet me përgjegjësi nga shumica qeverisëse.

Në fjalën e tij, kreu i qeverisë u shpreh se Belinda Balluku i ka paraqitur tre herë dorëheqjen, ndërsa theksoi se ndryshimet ligjore në kod nuk kanë lidhje rastin e Belinda Ballukut.

Kryeministri deklaroi se Parlamenti do të shprehet për imunitetin e Belinda Ballukut dhe më pas pas do të votohen ndryshimet ligjore.

Rama kishte edhe një mesazh drejtësinë: “Nuk duhet ti shkojë në mend askujt që me fuqinë e prokurorit dhe verbërinë e gjykatësit të marrë peng një funksion kushtetues”.

“Duke e mbyllur dua të them që nisma thjesht dhe vetëm adreson një…juristët e quajnë boshllëk, unë them një problem që nuk duhet të shfaqet më. Nuk duhet ti shkojë në mend askujt që me fuqinë e prokurorit dhe verbërinë e gjykatësit të marrë peng një funksion kushtetues.

Ndërsa rasti konkret është një proces në Kuvendin e Shqipërisë dhe do trajtohet me përgjegjësinë që ne kemi si shumicë qeverisëse. Kush i lidh këto të dyja edhe në aspektin kohor, nëse nuk gaboj në llogarinë e kohës, parlamenti do të shprehet më para për imunitetin dhe më pas do të kojë në votë ky ndryshim. Kështu që nuk ka lidhje me rastin konkret”, tha Rama.

Rama tha se nuk do ta pranojë dorëheqjen “deri kur të plotësohen kushtet”. Dhe kur të plotësohen kushtet, shtoi ai, “s’e përcakton dot as prokurori, as gjykatësi i seancës paraprake, as media dhe as gjyqi popullor.” Panorama

Ndryshimet ligjore mbajnë firmën e Edi Ramës, kreut të grupit të PS, Taulant Balla dhe të kryetarit të Komisionit të Ligjeve, Ulsi Manja. Pas diskutimit në grupin e PS, propozimi me ndryshimet ligjore për nenin 242 të Kodit të Procedurës Penale do të depozitohen në Kuvend.

TIRANË- Kryeministri Edi Rama do të mbledhë sot në orën 09:00 grupin parlamentar të Partisë Socialiste, ku do të prezantojë edhe ndryshimet e propozuara ligjore. Bëhet me dije se nisma synon kufizimin e kompetencës së gjykatave për pezullimin nga detyra të ministrave, apo postet e tjera kushtetuese.

Ndryshimet ligjore mbajnë firmën e Edi Ramës, kreut të grupit të PS, Taulant Balla dhe të kryetarit të Komisionit të Ligjeve, Ulsi Manja. Pas diskutimit në grupin e PS, propozimi me ndryshimet ligjore për nenin 242 të Kodit të Procedurës Penale do të depozitohen në Kuvend.

Partia Socialiste do të prekë nenin që aktualisht nuk lejon pezullimin nga detyra vetëm të deputetit apo kryebashkiakut. Në të, do të shtohen edhe Presidenti, Kryeministri, ministrat, Avokati i Popullit, Kreu i KLSH-së dhe Guvernatori i Bankës së Shqipërisë./Dosja.al

Deputeti i Partisë Demokratike, Gazment Bardhi, ka reaguar përmes një postimi në rrjetet sociale, duke akuzuar kryeministrin Edi Rama se po përpiqet të pengojë drejtësinë në çështjen ndaj zëvendëskryeministres Belinda Balluku.

Sipas Bardhit, ndryshimet ligjore të firmosura nga Rama në momentin kur Kuvendi duhet të shqyrtojë kërkesën për arrestimin e Ballukut, nuk kanë të bëjnë me ndonjë parim kushtetues, por përbëjnë ndërhyrje politike për të dobësuar hetimin.

Ai sqaron se pezullimi ndalon përkohësisht një individ nën hetim të ushtrojë funksionin, me qëllim mbrojtjen e procesit penal, ndërsa e cilëson si “deformim të qëllimshëm” pretendimin se me këtë masë pezullohet funksioni i qeverisë.

Bardhi shton se në vendet e BE-së dhe në SHBA, zyrtarët që përfshihen në hetime për korrupsion japin dorëheqjen, ndërsa sipas tij, në Shqipëri po tentohet ndryshimi i ligjit për të krijuar një “imunitet të ri për pushtetin”.

Postimi i Bardhit: 

Kur frika nga humbja e pushtetit bëhet parim; fotografitë ceremoniale as nuk krijojnë imunitet politik, as nuk zëvendësojnë ligjin.
Edi Rama po përpiqet ta shndërrojë një hetim penal ndaj Belinda Ballukut në një debat teorik për ndarjen e pushteteve. Por kjo nuk është çështje parimi. Është çështje frike.
Ligji është i qartë: pezullimi nga detyra është masë e parashikuar në Kod. Ai nuk shkarkon ministrin, nuk paralizon shtetin, nuk prek institucionin. Ndalon përkohësisht personin nën hetim të ushtrojë funksionin, për të mbrojtur procesin penal.
Të thuash se “pezullohet funksioni” është deformim i qëllimshëm. Gjykata nuk pezullon qeverinë. Pezullon një individ nga ushtrimi i detyrës.
Në BE dhe në SHBA, kur një zyrtar përfshihet në hetim për korrupsion, ai largohet. Jep dorëheqjen. Nuk ndryshon ligjin për të mbrojtur veten, siç po bën Edi Rama. Prandaj, firmosja prej tij e ndryshimit të ligjit pikërisht në momentin kur Parlamenti duhet të shqyrtojë kërkesën për arrest të Belinda Ballukut, nuk ka të bëjë me ndonjë parim kushtetues. Është ndërhyrje politike për të dobësuar hetimin dhe për të krijuar një imunitet të ri për pushtetin.
Por thelbi sot nuk është vetëm pezullimi. Thelbi është kërkesa për arrest e Belinda Ballukut, që ndodhet në Kuvend prej gati dy muajsh dhe trajtohet nga Edi Rama sikur nuk ekziston.
Përfaqësuesit e BE-së dhe SHBA-së kanë qenë të qartë: procedura duhet të vazhdojë pa vonesë. Këshilli i Mandateve duhet të mblidhet. Parlamenti duhet të votojë.
Respekti ndërkombëtar nuk fitohet me fotografi protokollare. Ai fitohet me respekt për shtetin ligjor.
Sepse nëse pengon drejtësinë në Tiranë, nuk të shpëton asnjë foto ceremoniale në Uashington. gsh

Ai Kod Penal nuk e kalon pragun e BE

—

Nje reflektim mbi sulmin e pa drejte dhe aspak profesional te bere karshi Gjyqtarit Florian Kalaja nga Qeveria te lidhur me kritikat e drejta qe ai, i vetmi gjyqtar, ka shprehur hapur dhe me trimeri ne mbrojtje te se drejtes penale dhe funksionit te saj politiko-social, qe Qeveria po tenton te instrumentalizojë permes Kodit te ri Penal qe kerkon te miratoj dhe ndryshimeve totalisht absurde te aprovuara nga zegjinete kartongritese.

Keshtu, Kodi Penal i propozuar per diskutim nga “Ideatori Rakipi” dhe ndryshimet e fundit te kryera, te frymezuara nga drafti i Kodit Penal ne diskutim, jane totalisht represive, te papershtateshme dhe ne kundershtim te hapur me teorite penale pas 800′ e vazhdim, te cilat jane parime te konsoliduara qe vine qe prej shkolles se Pandentistikes gjermane (riperpunim i principeve evolutive pas revolucionit francez) dhe marrje hua te koncepteve penale te se drejtes romake, qe mandej zhvillohen deri ne ditet e sotme (lexo Beccaria, Mantovani, Vasalli, Antolisei, Savigny, Bekker etj.) .

Ai Kod Penal siç eshte aktualisht ne draftin e tij, dhe ndryshimet kriminalizuese te ndodhura rishtazi, eshte i dobet, kakofonik, i shkruar me nje leksik juridik tipik analfabetesh funksional, shkel parime te se drejtes penale dhe krijon konfuzion midis principeve qe ndodhen ne kodin penal dhe ate procedural penal.

Pjesa e pergjithshme e tij eshte totalisht ne kundërshtim me parimet e penales moderne dhe gjithe teorite e artikuluara ne keto 200 vite.

Pjesa e posaçme me fryme diktatoriale (i ngjashem me kodin penal komunist te 77′) eshte deri ne ate pike sa kriminalizon edhe principe qe kushtetuta i mbron si te drejta themelore te njeriut.

Ai Kod, nuk kalon pragun e BE, por mund te kenaqi ego pushteti personal.

(P.S. Gjyqtari Kalaja ka mbeshtetjen e te gjithe profesoratit penal te studiuar ne BE dhe avokateve po te studiuar dhe qe punojne ne BE. Me ne fund ngrihet zeri edhe nga profesonisti me i mire gjyqtar qe kemi te brezit te ri ne fushen penale).