Një situatë kaotike është krijuar në Kuvendin e Shqipërisë pak para nisjes së seancës parlamentare.

Deputetët e opozitës ka përmbysur karriget në mes të sallës së parlamentit.

Ndërsa garda ka ndërhyrë duke u vendosur në vendin e foltores.

Por opozita ka bllokuar edhe foltoren me karrige.syri.net

Në përfundim të mbledhjes së Konferencës së Kryetarëve, kreu i grupit parlamentar i Partisë Demokratike, Gazment Bardhi u përball me kryeparlamentaren Nikolla në hollin e Kuvendit.

Pjesë nga debati:

Bardhi: Pse nuk u mbyllët atje një orë përpara?
Ndërhyn punonjësi i gardës.
Bardhi: Parlament privat është ky?
Nikolla: Është Parlamenti i popullit.
Bardhi: Po pra është Parlament i popullit. Nuk është vila jote me lekët e korrupsionit. Të të vijë turp të të vijë.

FIORELA KATROSHI/ Lasgush Poradeci iku nga kjo jetë në orën 3 pasdite të 12 nëntorit të vitit 1987. Një jetë vetëm për të bukurën. Një ndër lirikët më të mëdhenj të letërsisë shqiptare, i dhuroi Shqipërisë “Vallen e yjeve”, “Yllin e Zemrës” e më tej bëri të flasin shqip “Eugjen Onjegin” i Pushkinit, lirikat e Lermontovit, poemat e Hajnes, të Majakovskit e Miskieviçit, lirikat e Gëtes dhe poezi të Lanaut, Brehtit, Hygoit, Mysesë, Bajronit, Shellit, Bërnsit, të Emineskut, etj..

Poradeci u la në harresë dhe në mjerim të plotë pas vitit 1944. I diplomuari në Gracë të Austrisë, ishte një përkthyes me normë, që po vdiste dalëngadalë nga indiferentizmi i shtetit. I ballafaquar çdo ditë me rrezikun e ndonjë internimi të mundshëm që kishte kapur shumë shokë të tij të letrave, ai stërmundohej për gjëra nga më të voglat.

Një jetë e vështirë që e kaloi në shtëpinë e tij me lagështirë, të papërfunduar, në Tiranë, e pjesërisht në shtëpinë e rrënuar të tij në Pogradec, i solli edhe sëmundjen që e çoi drejt vdekjes.

“Kostandinë, bijë e babait, trupin tim edhe të vdekur ta shpiesh në Pogradec”, i thotë ai vajzës së tij të dashur që i qëndron te koka. Pasi heshti pak e pyet: “Po a ke lekë ti, bijë e babkës, të më varrosësh mua atje?”.

Këto janë fjalët e fundit të poetit të madh shqiptar që vdiq padrejtësisht si i vogël. Lasgush Poradeci është poet dhe autor këngësh shumë i njohur. Llazar Sotir Gusho, i njohur nën pseudonimin Lasgush Poradeci ishte poet shqiptar. Mbas mbarimit të shkollës fillore në Pogradec, i ati i Lasgushit që ishte patriot dhe arsimdashës e dërgoi në moshën 9-vjeçare për të vazhduar studimet në Liceun Rumun të Manastirit (Bitola). Me fillimin e Luftës së Parë Botërore, liceu u mbyll dhe ai u kthye në 1915 në Pogradec duke e lënë liceun pa mbaruar.

I ati që nuk e shihte dot të birin pa shkollë, e dërgoi në Athinë dhe ai regjistrohet në një Lice francez. Atje sëmuret nga mushkëritë dhe për dy vjet qëndron i shtruar në sanatoriumin “Sotiria”. Përsëri nuk e mbaron liceun. Në vitin 1921 ai shkoi në Bukuresht për të vazhduar studimet e lëna përgjysmë. Duke qenë pa bursë dhe pa asnjë ndihmë, ai u detyrua të punonte dhe njëkohësisht të studionte. Në Bukuresht ai u lidh me lëvizjen atdhetare të kolonisë shqiptare, u miqësua me Asdrenin e atdhetarë të tjerë shqiptarë dhe u zgjodh edhe sekretar i përgjithshëm i Kolonisë. Në Rumani, duke dhënë provimet mori bacalaureatën në Silistra.

Në verën e vitit 1924 qeveria e Fan Nolit i dha bursë dhe ai regjistrohet në Universitetin e Gracës (Austri) në universitetin “Karol Francik” dhe në 1934 përfundon studimet e larta në Gracë (Austri) në Fakultetin e Filologjisë Romano-Gjermane dhe fiton titullin “Doktor-Profesor”. Në dallim nga poetët e Rilindjes, që me gjithë origjinalitetin e tyre kishin tipare të përbashkëta, poetët e shquar të periudhës së Pavarësisë Noli, Fishta, Poradeci, Migjeni janë krejtësisht të ndryshëm nga njëri-tjetri si nga formimi, nga prirja e tyre, ashtu edhe nga interesat e synimet.

Lasgush Poradeci e jetoi Rilindjen në periudhën e shpërthimit të kryengritjeve të mëdha për liri. Në veprën e këtij romantiku të fundit të letërsisë sonë jetoi shqetësimi atdhetar i mbrojtjes së kombit dhe të traditës së Rilindjes, ashtu sikurse edhe dëshira për triumfin e pikëpamjeve demokratike, shqetësimi për një emancipim të përgjithshëm kulturor e shpirtëror të shoqërisë shqiptare. Ai është nga lirikët tanë më të mëdhenj, i cili u shqua për sensibilitetin dhe ëmbëlsinë poetike me të cilën i këndoi Shqipërisë dhe dashurisë.

Si ndikoi te poeti njohja me Asdrenin dhe Kutelin

Lindi në qytetin buzë liqenit të Ohrit në familjen e Sotir Gushos. I ati si arsimdashës që ishte, e dërgoi pas mësimeve fillore që i kreu në vendlindje, në një shkollë të gjuhës rumune në Manastir nga 1909 deri më 1916.

I ati më pas e nis në Athinë pranë liceut Léonin, instituti më i hershëm privat në kryeqytetin grek – lice ku qëndroi deri më 1920. Pasi sëmuret, e shtrojnë në sanatorium dy vitet e fundit të qëndrimit të tij në Greqi. Më 1921 regjistrohet në Shkollën Kombëtare të Arteve të Bukura në Bukuresht pas një viti me ankesa për të tejkaluar valën e ksenocentrike që kishte kapluar qeverinë rumune.

Atje lidhet me lëvizjen atdhetare të kolonisë shqiptare, u miqësua me Asdrenin, të cilin e zëvendësoi si sekretar i përgjithshëm i kolonisë. Mjedisi rumun ndikoi shumë në formimin letrar të Llazarit. Nisi të botonte vargje në të përkohshmen shqipe “Shqipëri’ e re”, një e përjavshme kombëtare me ilustrime që botohej në Konstancë dhe tek “Dielli i Bostonit”. Vargjet e tij të kësaj periudhe po shfaqnin tashmë një afri teosofike me poetin lirik rumun Mihai Eminescu. Verën e vitit 1924 Qeveria Nolit i dha bursë dhe ai regjistrohet në Universitetin e Gracës “Karol Francik” në fakultetin e Filologjisë Romano-Gjermanike.

Vitin tjetër u kthye në Tiranë duke mësuar arte në një shkollë të mesme. Vitet 1944-’47, vitet e turbulluara të fillimit të regjimit komunist ishte i papunë dhe jetonte në kryeqytet me të shoqen. Pas punësimit jetëshkurtër pranë Institutit të Shkencave, pararendësit të Universitetit të Tiranës, nisi punë si përkthyes me normë pranë shtëpisë botuese shtetërore “Naim Frashëri” deri kur doli në pension më 1974. U nda nga jeta në Tiranë më 12 nëntor 1987.

KRIJIMTARIA

Lasgushi është autor i dy vëllimeve me poezi “Vallja e yjeve” botuar në vitin 1933 dhe “Ylli i zemrës” në vitin 1937, Këto dy përmbledhje poetike i ka botuar në Bukuresht të Rumanisë. Vëllimin e parë e ka botuar me ndihmën e mërgatës shqiptare në Konstancë; ndërsa vëllimin e dytë i botuar me ndihmën e Mitrush Kutelit. Përmbledhja e dytë poetike përmban edhe vargje të përpunuara nga vëllimi i parë me poezitë me vargënimin e melodinë më të hollë në gjuhën shqipe.

Përpos dy vëllimeve, Poradeci botoi tregime në prozë ndër të përkohshmet e viteve ’30-’40. Veçanërisht tek “Përpjekja shqiptare” e redaktorit Branko Merxhani. Shkrime prej tij janë shfaqur edhe në të përkohshmet “Drita” dhe “Nëntori”, të cilat të bluara siç qenë nga censorët e kohës ishin hapësira më të volitshme për serën e shqipëruesve. Lasgushi është autor i më se shumë se 100 poezive, një pjesë prej të cilave edhe poezi dashurie. Ishte adhurues i fjalëve arkaike, shprehjeve filozofike popullore po aq sa i fjalëve të reja dhe eksperimenteve leksikore për një amë të re.

Kuteli që i redaktoi “Yllin e zemrës” e quajti “Poeti i vetëm shqiptar që mendoi, foli dhe shkroi vetëm në gjuhën shqipe. Veç të tjerash, janë të njohura poemat: “Ekskursioni teologjik i Sokratit”, “Mbi ta”, “Kamadeva”, baladat për Muharrem e Reshit Çollakun. Gjithashtu, përktheu disa nga kryeveprat e letërsisë botërore si “Eugjen Onjegin” të Pushkinit, lirikat e Lermontovit, të Bllokut, Poemat e Hajnes, të Majakovskit e Miçkieviçit, lirikat e Gëtes dhe Hajnes, poezi të Lanaut, Brehtit; Hygoit, Mysesë, Bajronit, Shellit, Bërnsit, të Emineskut, e poetëve të therë të njohur botëror.

Me rastin e 100-vjetorit të lindjes në 27 dhjetor 1999, kryetari i Republikës Rexhep Mejdani i jep titullin “Nderi i Kombit” dhe Pogradeci, qyteti i tij i lindjes titullin “Qytetar nderi”. Pallati i Kulturës në Pogradec mban emrin “Lasgush Poradeci”. Në lagjen Kombinat në Tiranë ndodhet shkolla 9- vjeçare “Lasgush Poradeci”. Rruga te diga te liqeni artificial i Tiranës mban emrin “Lasgush Poradeci”.

Pas Luftës së Dytë Botërore, Poradeci nuk e vazhdoi veprimtarinë krijuese

Në vitin 1933, u botua vëllimi i tij i parë “Vallja e yjeve” dhe më 1937, u botua vëllimi i dytë “Ylli i zemrës”. Pas Luftës së Dytë Botërore, Lasgush Poradeci nuk e vazhdoi veprimtarinë krijuese. Sepse dëshiroi që ato poezi, të cilat i ka shkruar të mbeten pa asnjë ndikim. Ai shkroi, veç të tjerash, poemat “Ekskursioni teologjik i Sokratit”, “Mbi ta”, “Kamadeva”, baladat për Muharrem e Reshit Çollakun. Gjithashtu, përktheu disa nga kryeveprat e letërsisë botërore si “Eugjen Onjegin” të Pushkinit, lirikat e Lermontovit, të Bllokut, Poemat e Hajnes, të Majakovskit e Miçkieviçit, lirikat e Gëtes dhe Hajnes, poezi të Lanaut, Brehtit; Hygoit, Mysesë, Bajronit, Shellit, Bërnsit, të Emineskut, etj.

Lasgush Poradeci lë pas një krijimtari të bukur, e cila kishte fituar zemrën e lexuesit dhe kishte tërhequr vëmendjen e disa studiuesve të shquar të kulturës sonë si Eqerem Çabej, Skënder Luarasi, Mitrush Kuteli, Sabri Hamiti, Ismail Kadare, Rexhep Ismajli, etj..

Si një personalitet i shquar dhe poet i vërtetë, ai nuk ua nënshtroi kurrë artin e tij kërkesave dhe synimeve të diktaturës. Për këtë arsye, ai u la në një gjendje ekonomike të rëndë dhe pothuaj në harresë nga shtypi zyrtar. Vetëm në vitin 1989 mundi të botohet vepra e tij e plotë. Duhet të themi me bindje edhe me krenari se emri i Lasgush Poradecit është një nder për kombin shqiptare.

Poezi nga Lasgush Poradeci

Ç’U MBUSH MALI

Shqipëri! moj nëna ime,

Më ke rritur me thërrime!

Shqipëri! të qofsha falë,

Të kam nënë e më ke djalë

Ç’u mbush mali me dëborë,

Ç’u mbush deti me pamporë,

Seç u mbush e shkreta Vlorë

Plot me krushq e me dasmorë,

S’janë Toskë e Malësorë

Me flamur të kuq në dorë

Si dhëndurë me kurorë.

Ç’u zbardhë malet, ç’u zbardhë:

Nga çdo anë seç na ardhë

Shqipëtarët gunë-bardhë,

Seç na ardhë palë-palë

Duke rutulluar malë

Kush më këmb’e kush më kalë

Kush më shpejt, kush më ngadalë;

Kush i lum e kush i gjorë

Kanë zbritur mun në Vlorë,

Mun në Vlorën e lirisë,

N’atë thelb të Shqipërisë.

******

PORADECI

Perëndim i vagëlluar mi Liqerin pa kufir

Po përhapet dal-nga-dale një pluhúrë si një hije.

Nëpër Mal e nër Lëndina shkrumb’ i natës që po bije,

Duke sbritur që nga qjelli përmi fshat po bëhet fir…

E kudó krahin’ e gjërë më s’po qit as pipëlim:

Në katund kërcet një portë…në Liqer heshtë një lopatë…

Një shqiponjë-e arratisur fluturon në Mal-të-Thatë…

Futet zemra djaloshare mun në fund të shpirtit t’im.

Tërë fisi, tërë jeta, ra… u dergj… e zuri gjumi…

Zotëroj më katër anë errësira…

Po tashi:

Dyke nisur udhëtimin mes-për-mes nër Shqipëri,

Drini plak e i përrallshëm po mburon prej

Shëndaumi…

******

VDEKJA E NOSITIT

Me zjarr ju flas… me zjarr

Në gjirin tim kam hapur varr…

Që t’i jap shpresë- edhe t’ja marr…

Un’ ik liqerit zemërak

Fatlum dh’ i pastër si zëmbak,

Po zemra ime kullon gjak:

Se vijnë- urtuar zogjtë-e mi,

Dh’u jap ushqim me dashuri

Një dashuri për llaftari:

Pa nis ah! Gjirin ta godas…

Dh’e hap ah! gjirin për një ças…

Dh’i nginj ah! zogjtë- e vdes me gas!…

Ahere – helmohet e buçet

Pas mallit tim liqer-i shkret,

E rrit tallazin posi det.

Ay e tund , ay e shkund,

Ay e hap sa me të mund,

Gjer mun në gjit,gjer mu në fund.

E shpirtin dyke ma përcjellë

Më thotë ah! shih sesa ‘sht’i fellë…

Ky gjir’i em që të pat pjellë…

Me zjarr ju flas…

Me zjarr…

******

MALLI

Syri-i bukur që t’u mvrenjt –

Syri yt që më lëndon

Do më lerë-a von a shpejt,

Do më lerë-a shpejt a von.

Sapo shpirti m’u delir –

Shpirti im i nxirë krejt –

Do më lerë me pahir

Syri-i bukur që t’u mvrenjt.

E do mbetem përnjëmend

Varfanjak si mbret pa fron:

Mbretëresha që më çmend

Do me lerë-a shpejt a von.

Do me lerë-a von a shpejt,

Do me lerë-a shpejt a von,

Syri i bukur që t’u mvrenjt –

Syri yt që më lëndon.

Do më lerë…A! po si –

Qoftë-aherë-ose tani –

Do të qaj aq dashuri

Që të humb me mall te ti?

Panorama

Përfaqësues të partive politike, shoqërisë civile dhe Komisionit Qendror të Zgjedhjeve, diskutuan të martën për garantimin e të drejtës së votës për diasporën shqiptare, në një tryezë të organizuar nga Instituti i Studimeve Politike (ISP).

Një vendim i Gjykatës Kushtetuese që konstatoi cënimin e kësaj të drejte në zgjedhjet e fundit dhe i kërkoi Kuvendit që ta adresonte ligjërisht vijon të mbetet peng i ngërçit politik, pa një zgjidhje konkrete për zgjedhjet e ardhshme parlamentare të 2025-ës.

Për Komisionerin Shtetëror të Zgjedhjeve, Ilirjan Celibashi vota e diasporës mbetet peng e boshllëqeve ligjore.

“Nëse nuk do të plotësohet boshllëku ligjor i konstatuar nga Gjykata Kushtetuese, në zgjedhjet e vitit 2025 nuk do të ketë votim nga jashtë”, tha ai.

Sipas Celibashit, duhet vetëm vullnet politik për ta bërë këtë gjë, por edhe të bëhet në kohë.

“Nëse bëhet më vonë, për shembull 6 muaj para zgjedhjeve, KQZ nuk ka kohë që ta implementojë”, shtoi Celibashi.

KQZ nuk mund të ndërmarrë hapa për anën rregullatore të procesit pa u shprehur Kuvendi për vendimin e GJK-së, këmbënguli kreu i këtij institucioni.

I pyetur nga drejtori i ISP-së, Afrim Krasniqi, se a mund të ndërmerrte KQZ një hap publik për të nxitur Kuvendin që të zbatojë vendimin e Kushtetueses, Celibashi u përgjigj se “vendimi është i qartë dhe duhet zbatuar në një afat kohor, që është janar 2024”.

Deputetët e Kuvendit të pranishëm nga gjithë spektri politik shprehën mbështetjen për garantimin e kësaj të drejte, por pranuan se vendimmarrja për reformën zgjedhore ishte politike dhe duhej një konsensus në Komisionin e Reformës Zgjedhore në Kuvend.

Ky komision nuk po funksionon prej më shumë se një viti dhe nuk siguron një konsensus të gjërë politik pas përçarjes së grupit parlamentar të PD-së dhe debatit mes dy grupimeve për përfaqësimin në përbërjen e tij.

Deputetja e PD-së, Jorida Tabaku, e cilësoi të rëndësishme dhënien e të drejtës së votës për emigrantët dhe tha se kjo duhet të ishte beteja e opozitës. “Nuk i falet opozitës që nuk e ka çuar përpara këtë gjë, pasi mazhorancës mund të mos i interesojë vota e tyre, pasi nëse këta shqiptarë kanë ikur ata kanë ikur dhe për shkak të keqqeverisjes”- tha ajo.

Sipas Tabakut, në çdo palë zgjedhje vërehet ulja në mënyrë drastike e përqindjes së pjesëmarrjes në votime që i atribuohet pamundësisë për të votuar të shqiptarëve me të drejtë vote që jetojnë jashtë vendit.

Ndërsa deputeti i PS-së, Lavdërim Krrashi, një ish-emigrant, tha se ai personalisht do të luftonte që kjo e drejtë të bëhej realitet, pasi ishte një e drejtë që duhej ta kishte çdo shqiptar. “Për mua kjo është edhe një çështje personale”, tha ai.

Për deputetin e opozitës, Oerd Bylykbashi, koha e diskutimeve dhe e nxitjes së institucioneve për të vendosur për këtë çështje ka mbaruar. “Tani është koha të veprojmë sa më shpejt”, tha ai, duke e cilësuar detyrë të Kuvendit që të bëjë reformën zgjedhore.

Sfidat teknike të realizimit të votimit u prekën më pak në diskutime.

Sipas drejtorit të ISP-së, Krasniqi, qëllimi i tryezës ishte të debatohej në nivel politik të vendimmarrjes dhe angazhimit.

E drejta e votës për diasporën garantohet si detyrim në disa dokumente strategjike të miratuara nga qeveria dhe Kuvendi, dhe është pjesë e dokumenteve kryesore të Bashkimit Europian për Shqipërinë, tha ai, duke ngritur pikpyetje mbi përgjegjësinë politike për realizimin e reformës zgjedhore./BIRN

Pas mbledhjes së zhvilluar sot me Sali Berishën dhe deputetët e opozitës, para gazetarëve ka folur edhe Gazment Bardhi.

Ai tha se nuk do të tërhiqen nga kërkesat për ngritjen e tre komisioneve hetimore, ndërsa sa i takon zhvillimeve të fundit në Parlament, ai tha se nuk do të pranojnë provokime.

Sipas tij nëse do të provokohen do të përgjigjen, teksa shton se nuk do të ketë seancë normale nëse nuk vendosen të drejtat e deputetëve të opozitës në vend. Ai tha se do të përgjigjen “me çdo çmim”.

“Komisionet hetimore, 45 deputetë të opozitës kanë depozituar kërkesën në Kuvend për ngritjen e 3 komisioneve. Përbërja e Komisionet të Reformës Zgjedhore, prioritet për PD dhe mazhoranca duhet të heqë dorë për diktimin se kush do jenë përfaqësuesit e PD. Edhe dje, kreu i grupit të PS gënjeu se propozimi i emrave të anëtarëve është çështje e partive politike. Kam këtu shkresën sesi janë caktuar anëtarët aktualë të Komisionit të Reformës Zgjedhore. Nikolla duhet të heqë dorë nga trajtimi i vetës si specialiste e protokolleve të Bashës. Nuk pranojmë provokime nga PS, nuk do ketë seancë normale”, tha ai.

Sa i takon kërkesës së PS për përjashtimin e 7 deputetëve, ai tha se nuk do t’i njohin këto masa, duke i cilësuar si arbitrare.

“Nuk njohim përjashtime arbitrare, janë një tjetër hap për t’i mohuar të drejtat deputetëve të opozitës, shenjë arrogance. Të heqin dorë nga aktet e provokimit të opozitës. Po na nxisin drejt akteve ekstreme”, tha ai.bw

Zyrtarë të lartë të SPAK-ut po marrin pjesë në një vizitë studimore në Uashington, DC këtë javë. Të udhëhequr nga anëtarët e ekipit të Zyrës për Zhvillimin, Ndihmën dhe Trajnimin e Prokurorisë Jashtë Vendit të Ambasadës së SHBA në Tiranë (OPDAT), zyrtarët e SPAK-ut u takuan me drejtuesit kryesorë të Departamentit të Drejtësisë nga OPDAT dhe Programit Ndërkombëtar të Ndihmës për Trajnimin për Hetimet Penale (ICITAP).

Pjesë e delegacionit është edhe Arben Kraja dhe Enkeleda Millonai, prokurorët që po hetojnë dosjen e Sali Berishës dhe dhëndrit Jamarbër Malltezi për aferën e privatizimit të ish kompleksit Partizani.

Prokurorët e SPAK diskutuan gjithashtu sfidat e sigurisë me Shërbimin Marshall të Shteteve të Bashkuara, i cili mbron gjyqtarët, prokurorët, stafin e gjykatës dhe dëshmitarët federalë të Amerikës.

Vizita do të përfshijë gjithashtu takime me Departamentin e Shtetit të SHBA-së, Departamentin e Drejtësisë, Administratën kundër Narkotikëve (DEA) dhe Byronë Federale të Hetimit (FBI).bw

Policia e Durrësit ka vënë në pranga për konfliktin e armatosur një ditë më parë në Kepin e Rodonit,  Bajram Kaculi, Erjon Reka, Orgito Reka, Ylli Reka, Mark Frroku, Antonio Lazari, Pal Doda, Martin Lazeri.

Ndërkohë gazetari Igli Çemeta bën me dije për BalkanWeb se është shpallur në kërkim shtetasi Besnik Toma, i cili ka qenë dhe personi që ka qëlluar me armë zjarri, i cili thuhet se është i afërm i ish-deputetit Mark Frroku.

Sakaq, në gjendje të lirë është proceduar Ndue Sokoli.

Kujtojmë se në konflikt janë përfshirë disa persona që pretendojnë se janë përfaqësues të Kishës Katolike, me banorët e zonës, të fshatit Shetaj, mes tyre edhe ish-deputeti i PS Mark Frroku dhe të afërm të tij.bw

Zbardhen detaje nga konflikti i pronësisë mbrëmë te ‘Kepi i Rodonit’, ku mes 8 të arrestuarve ish-deputeti socialist, Mark Frroku.

Siç raporton policia, në zonën e Kepit të Rodonit, disa banorë të fshatit Shetaj, konkretisht shtetasit B. K., E. R., Y. R. dhe O. R. janë konfliktuar me sende të forta, me përfaqësues të kishës katolike, shtetasit N. S., M. F., M. L. dhe P. D.

Nga veprimet e para hetimore ka rezultuar se konflikti ka nisur gjatë kohës kur përfaqësuesit e kishës katolike po bënin rrethimin e pronës për të cilën kanë certifikatë pronësie. Banorët e zonës nuk i kanë lejuar që të bëjnë këtë rrethim pasi edhe ata kanë një certifikatë pronësie, që pretendojnë se e kanë po për këtë pronë.

Konflikti midis këtyre shtetasve ka agravuar me përdorimin e sendeve të forta, pas konfliktit me grushte. Në vendngjarje është gjetur dhe 1 gëzhojë arme zjarri.

NJOFTIMI I POLICISE
Në zonën e Kepit të Rodonit, disa banorë të fshatit Shetaj, konkretisht shtetasit B. K., E. R., Y. R. dhe O. R. janë konfliktuar me sende të forta, me përfaqësues të kishës katolike, shtetasit N. S., M. F., M. L. dhe P. D.

Nga veprimet e para hetimore ka rezultuar se konflikti ka nisur gjatë kohës kur përfaqësuesit e kishës katolike po bënin rrethimin e pronës për të cilën kanë certifikatë pronësie. Banorët e zonës nuk i kanë lejuar që të bëjnë këtë rrethim pasi edhe ata kanë një certifikatë pronësie, që pretendojnë se e kanë po për këtë pronë.

Konflikti midis këtyre shtetasve ka agravuar me përdorimin e sendeve të forta, pas konfliktit me grushte. Në vendngjarje është gjetur dhe 1 gëzhojë arme zjarri.

Si pasojë e konfliktit me sende të forta kanë pësuar dëmtime të lehta disa nga shtetasit e përfshirë në konflikt, të cilët pasi kanë marrë ndihmë mjekësore, janë shoqëruar bashkë me shtetasit e tjerë të përfshirë në konflikt, me qëllim kryerjen e veprimeve për sqarimin e rrethanave të ngjarjes.

Në drejtimin e Prokurorisë vijon puna për sqarimin dhe dokumentimin e plotë ligjor të rastit të sotëm. Sqarojmë se në lidhje me pretendimet e palëve për certifikatën e pronësisë, nga ana e Policisë janë referuar disa herë materialet në Prokurori, për konfliktet që ka patur herë pas here, mes palëve.bw

Prokuroria e Posaçme kunder krimit te organizuar dhe korrupsionit, SPAK

Valentina Todoresku është zgjedhur avokatja e re e caktuar nga shteti e cila do të mbrojë ish-kryeministrin Sali Berisha, në lidhje me dosjen “Partizani”, ku Berisha akuzohet për korrupsion nga SPAK.

Duket se zgjedhja e saj për të përfaqësuar Berishën ka shkaktuar shumë bujë në media, për shkak të disa postimeve në Facebook.

Më konkretisht në 21 dhjetor të vitit 2021, avokatja ka shkruar se “ Sali Berishës po i vjen ora e arrestimit. Yuri Kim ia kërkon hapur Arben Krajës: SPAK të veprojë tani.”

Kujtojmë se dy avokatët e Sali Berishës Genc Gjokuaj dhe Sokol Mëngjesi, braktisën seancën në GJKKO, pas rrëzimit të kërkesës së tyre që çështja e ish-kryeministrit të kalonte në Gjykatën Kushtetuese.

Pas largimit të tyre, GJKKO caktoi avokatin e paguar nga shteti Artan Simoni, por vetëm pak orë më pas u zëvendësua, pikërisht për shkak të një postimi të bërë pak ditë më parë, po në Facebook.

Ai shkruante: Bisha është plakur, bisha është lodhur, bisha s’mundet më. Shumë prej atyre që dikur bisha mbante mbi kurriz, pas kurrizit kanë filluar t’a çukasin. Ku gaboi bisha?!

(BalkanWeb)

Ish-kryeministri i Shqipërisë, Sali Berisha do të duhet të paraqitet dy herë në muaj para Prokurorisë së Posaçme kundër Korrupsionit dhe Krimit të Organizuar (SPAK), për t’u marrë në pyetje, thanë autoritetet.

Berisha dyshohet për “korrupsion pasiv të kryer në bashkëpunim”, në rastin e privatizimit të ish-kompleksit sportiv “Partizani”.

Vendimi u mor pasi për tre ditë me radhë u mbajtën disa seanca maratonë dhe pas ndryshimit të disa avokatëve si përfaqësues të ish-kryeministrit.

Gjykata vendosi për vazhdimin e masës së sigurisë me karakter shtrëngues, “detyrim për t’u paraqitur” për Sali Berishën.

Sipas vendimit të gjykatës, “urdhërohet shtetasi nën hetim, Sali Berisha, të paraqitet të hënën e parë dhe të tretë të çdo muaji para policisë gjyqësore në SPAK. Po ashtu gjykata ka urdhëruar që Berisha “të mos largohet nga territori i Shqipërisë pa autorizim të gjykatës si dhe ndalohet përdorimi i pasaportës dhe i dokumenteve të tjera identifikuese të vlefshme për daljen jashtë shtetit”.

Për caktimin e masës së sigurisë për ish-kryeministrin, Sali Berisha u deshën tre ditë kohë. Kjo ndodhi fillimisht për shkak të tërheqjes së avokatëve Genc Gjokutaj dhe Sokol Mëngjesi, të përzgjedhur nga ish-kryeministri Sali Berisha për ta përfaqësuar në gjykatë. Ata u tërhoqën sepse e cilësuan të parregullt procesin ndaj ish-kryeministrit. Ndërsa vetë Berisha deklaroi se nuk do të paraqitej në gjykatë, pasi i cilëson akuzat ndaj tij të pabaza dhe të motivuara politikisht. Në këto kushte, mbrëmjen e së mërkurës, gjykata vendosi që të caktonte avokat nga shteti.

Por, vetëm pak orë pasi avokati Artan Simoni mori përsipër mbrojtjen, ai u tërhoq për shkak të një postimi në rrjetet sociale, për të cilin u aludua nga bashkëpunëtorë të Berishës se lidhej pikërisht me ish-kryeministrin. Mëngjesin e së enjtes gjykata caktoi dy avokatet e tjera Jalldiz Kastrati dhe Rabije Cenalla, që të mbronin ish-kryeministrin në seancën për masën e sigurisë.

Ato morën 5 orë kohë për t’u njohur me dosjen, por për arsye të paqarta dhe të papublikuara, të dyja u tërhoqën në nisje të seancës në orën 15:00. Tërheqja e tyre u mësua pas përfundimit të seancës, kur gjykata bashkë me vendimin e marrë, bëri të ditur se tashmë është caktuar një tjetër avokate nga shteti, Valentina Todoresku.

Pavarësisht kohëzgjatjes, tashmë ka një vendim, dhe ish-kryeministri Sali Berisha mund të ankimohet për masën e sigurisë në Gjykatën e Posaçme të Apelit, si dhe në Gjykatën e Lartë.

Për çështjen e privatizimit të ish-kompleksit “Partizani” është arrestuar Jamarbër Malltezi, dhëndri i ish-kryeministrit, Sali Berisha. Ai akuzohet për “korrupsion pasiv në bashkëpunim” si dhe për “pastrim parash”. Ndërsa ortaku i tij, ndërtuesi Fatmir Bektashi po hetohet nën masën e sigurisë “detyrim paraqitjeje”.

Hetimet nga SPAK nisën pas një kallëzimi të dorëzuar në vitin 2020 nga Taulant Balla, tani ministër i Brendshëm. Në kallëzim theksohej se “Jamarbër Malltezi privatizoi kompleksin Partizani në mënyrë të paligjshme me një shumë rreth 100 mijë euro, ndërsa në këtë zonë tashmë janë ngritur disa pallate për banim. Kjo u arrit përmes vendimeve favorizuese të qeverisë së drejtuar nga Sali Berisha”.

Kompleksi sportiv “Partizani”, me një sipërfaqe prej 26 mijë metrash katrorë, u privatizua në vitin 2008, deri në atë kohë ishte pronë e Ministrisë së Mbrojtjes.

Rreth 22 mijë metra katrorë i përkisnin 64 trashëgimtarëve të pesë familjeve të ish-pronarëve, mes tyre edhe Jamarbër Malltezi, ndërsa 4 mijë metra katrorë të tjerë ishin pronë shtetërore. Në fund të procesit të kthimit të kësaj prone, Jamarbër Malltezi arriti të marrë 35 për qind të të gjithë pronës, duke përfshirë këtu edhe pjesën që ishte tokë shtetërore.

Sipas padisë së dorëzuar në SPAK, kjo është bërë përmes vendimeve të dyshimta të Qeverisë së Sali Berishës. Në atë sipërfaqe të përfituar, Jamarbër Malltezi së bashku me ortakun e tij Fatmir Bektashi, kanë ndërtuar disa kulla.

Për këto ndërtime, në kallëzimin e dorëzuar në Prokurori, theksohet se nuk dihet burimi i të ardhurave. Për këtë çështje janë thirrur në SPAK disa ish-ministra të Mbrojtjes dhe të Ekonomisë nga Qeveria e atëhershme e Berishës.

Ish-kryeministri Sali Berisha, dhe familja e tij, përfshirë edhe dhëndrin Jamarbër Malltezi, janë shpallur persona të padëshiruar (non grata) nga Shtetet e Bashkuara, nën dyshimet se janë të përfshirë në korrupsion të lartë dhe cenimit të demokracisë./REL

“Mund të pyesni Departamentin e Drejtësisë në Amerikë”.

Kështu ka deklaruar këshilltari jozyrtar i Edi Ramës, Dorian Duçka pasi doli nga SPAK, ku u mor në pyetje për disa orë.

Para gazetarëve ai nuk ka pranuar të bëjë asnjë koment lidhur me marrjen në pyetje.

Kujtojmë se ish-zëvendës ministri i Energjetikës, u mor në pyetje për rreth 4 orë.

Rasti i fundit ku emri i tij ka dalë në skenë, ka qenë në dosjen e ish-zyrtarit të lartë të FBI, Charles McGonigal.

Duçka ishte personazhi kyç në këtë dosje, që bëri lidhjen mes Ramës dhe agjentit të diskredituar të FBI-së.

Ndërkohë, emri i tij del edhe në laptopin e djalit të presidentit amerikan, Hunter Biden, që ka shkaktuar një skandal të rëndë në SHBA.

Gazetarja Klodiana Lala raportoi për News24 dhe BalkanaWeb se as SPAK nuk ka dhënë informacion për pyetjet ndaj Duçkës. SPAK më herët ka deklaruar se është duke kryer verifikime në lidhje me çështjen “McGonigal” dhe do të marrë në pyetje gjithë personat e përfshirë, emrat e përmendur.

Përgjatë ditëve të fundit dhe ditëve në vijim, sipas të dhënave të SPAK, do të ketë persona të nivele të larta do të merren në pyetje.

Në lidhje me Duçkën, ende nuk dihet nëse është pyetur për çështjen “McGonigal”, edhe pse ka dyshime, nuk është konfirmuar ende.

Fredi Beleri, gjatë një seance gjyqësore

Ish-këshilltari i kryeministrit Edi Rama, Dorian Duçka është paraqitur ditën e sotme pranë ambienteve të SPAK.

Ende nuk dihen arsyet se përse Duçka është thirrur nga Prokuroria e Posaçme.

Kujtojmë se emri i Duçkës u përmend gjerësisht lidhur me çështjen e ish-shefit të kundërzbulimit të FBI-së në zyrën e Nju Jorkut, Charles McGonigal dhe lidhjeve të tij me Shqipërinë.

Duçka është një ndër personat e përmendur në dosjen amerikane të arrestimit të Charles McGonigal.bw

Në kuadër të hetimit të nisur mbi bazën e kallëzimit të kryebashkikaut të zgjedhur të Bashkisë së Himarës, Fredi Beleri, SPAK ka vendosur që të ngrijë pasurinë truall prej 5512 metër katror të Artan Gaçit, bashkëshortit të ish-ministres Olta Xhaçka, aty ku po ndërton vila luksoze si investitor strategjik.

Beleri pretendon se prona është marrë përmes AMTP-ve të falsifikuara. Me qëllim që dokumentet të mos tjetërsohen, SPAK ka bërë sekuestrimin e tyre, ndërsa prona në emër të Gaçit nuk mund të tjetërsohet.

Pak javë më parë SPAK thirri dhe mori në pyetje kryetarin në detyrë të Himarës, Jorgo Goro dhe bashkëshortin e Xhaçkës.bw

Presidenti i Republikës, Bajram Begaj ka vendosur për kthimin për rishqyrtim të ligjit për shtetësinë  në mbështetje të nenit 85, pika 1 dhe nenit 93 të Kushtetutës.

Në reagimin zyrtar Presidenca ka argumentuar se kthimi i ligjit për rishqyrtim u bë sepse rezulton që ligji nr. 77/2023 “Për disa shtesa dhe ndryshime në ligjin nr.113/2020, “Për shtetësinë””, përbëhet nga 9 nene, 8 nga të cilat ndryshojnë përmbajtjen e neneve të ligjit bazë.

Ky rast shënon precedentin e parë që Kreu i Shtetit i kthen për rishqyrtim qeverisë se kryeministrit Edi Rama që prej emërimit të tij.

ARSYET E KTHIMIT TË LIGJIT NR.77/2023 “PËR DISA SHTESA DHE NDRYSHIME NË LIGJIN NR. 113/2020 “PËR SHTETËSINË””

Të nderuar deputetë,
Kuvendi i Republikës së Shqipërisë, në seancën plenare të datës 21.9.2023, ka miratuar ndër të tjera dhe ligjin nr. 77/2023 “Për disa shtesa dhe ndryshime në ligjin nr.113/2020, “Për shtetësinë””. Ky ligj është përcjellë nga Kuvendi i Republikës së Shqipërisë, me shkresën nr. 2996 Prot., datë 4.10.2023 dhe është administruar në Institucionin e Presidentit të Republikës, me shkresën nr. 4126 Prot., datë 4.10.2023.
Presidenti i Republikës, shqyrtoi ligjin e paraqitur për shpallje, duke iu referuar praktikës dhe procedurës parlamentare të ndjekur për propozimin, shqyrtimin, miratimin e tij dhe përmbajtjen e dispozitave të vetë ligjit.
Nga vlerësimi i Kushtetueshmërisë, ligjshmërisë dhe harmonizimit me legjislacionin në fuqi vendas dhe ndërkombëtar rezulton se:
Ligji nr. 77/2023 “Për disa shtesa dhe ndryshime në ligjin nr.113/2020, “Për shtetësinë””, përbëhet nga 9 nene, 8 nga të cilat ndryshojnë përmbajtjen e neneve të ligjit bazë.
Në praktikën e administruar nga Institucioni i Presidentit të Republikës, bashkëlidhur ligjit, raporti i Komisionit Përgjegjës i datës 17.7.2023 detajon vetëm ndryshimet dhe shtesat ligjore për 5 nene të saj, sepse pjesa tjetër e dispozitave janë shtuar 24 orë përpara miratimit të ligjit, më datë 20.9.2023, si amendamente në seancë të paraqitura nga 5 deputetë propozues, në bazë të nenit 75, pika 4, të Rregullores së Kuvendit. Amendamentet u përfshinë në tekstin final të ligjit, me përmbajtjen si më poshtë vijojnë:

Amendamenti I
Neni 2
Në nenin 8, “Fitimi i shtetësisë me natyralizim”, bëhen ndryshimet si më poshtë:
Pika 1, shkronja “e” ndryshon si më poshtë:
“e) zotëron njohuri të gjuhës shqipe, të folur dhe të shkruar, si dhe njohuritë bazë të historisë së Republikës së Shqipërisë, të vërtetuar nga institucioni përkatës arsimor. Përjashtim nga ky rregull bëhet vetëm për shtetasit e huaj në shtetet e të cilave gjuha shqipe është gjuhë zyrtare” .

Amendamenti II
Neni 2
Pika 3 ndryshon si më poshtë:
“3. I huaji, që është i martuar me shtetas shqiptar për një periudhë jo më pak se 3 (tre) vjet, mund të paraqesë kërkesë për të fituar shtetësinë me natyralizim edhe nëse nuk plotëson kushtet e përcaktuara në shkronjat “c” dhe “e” të pikës 1 të këtij neni, nëse ka banuar në mënyrë të ligjshme dhe të vazhdueshme në territorin e Republikës së Shqipërisë të paktën për 1 (një) vit gjatë gjithë periudhës së martesës”.

Amendamenti III
Në nenin 11 të ligjit, “Fitimi i shtetësisë nga refugjatët apo nga personat në mbrojtje plotësuese”, bëhen ndryshimet si më poshtë:
Në pikën 1, shkronjat “dh” dhe “e” ndryshojnë si më poshtë:
“dh) nuk ka qenë i dënuar me vendim gjyqësor të formës së prerë në Republikën e Shqipërisë ose në ndonjë shtet të tretë për veprat penale për të cilat ligji shqiptar parashikon dënime me jo më pak se 3 (tre) vjet heqje lirie, me përjashtim të rasteve kur vërtetohet se dënimi është dhënë për motive politike.
e) zotëron njohuri të gjuhës shqipe, të folur e të shkruar, njohuritë bazë të historisë e të Kushtetutës së Republikës së Shqipërisë, të vërtetuar nga institucioni përkatës arsimor”.

Amendamenti IV
Në nenin 17 të ligjit, “Paraqitja e kërkesës”, bëhen ndryshimet si më poshtë:
Pika 1 ndryshon si më poshtë:
“1. Kërkesa drejtuar Presidentit të Republikës së Shqipërisë për fitimin, rifitimin dhe heqjen dorë nga shtetësia shqiptare dhe dokumentacioni i kërkuar sipas këtij ligji depozitohen online nëpërmjet platformës elektronike “e-albania”.
Pika 2 ndryshon si më poshtë:
“2. Rregullat e detajuara për dokumentacionin e nevojshëm, formën dhe mënyrën e plotësimit të kërkesës sipas këtij neni, miratohen me udhëzim të përbashkët të ministrit përgjegjës për çështjet e rendit dhe sigurisë publike dhe ministrit përgjegjës për punët e jashtme”.

Amendamenti V
Pas nenit 19 të ligjit shtohet neni 19/1 me këtë përmbajtje:
Neni 19/1
“E drejta për rishikim
Akti administrativ, i cili vendos mospranimin e kërkesës për fitimin, rifitimin apo heqjen dorë nga shtetësia shqiptare, mund të ankimohet pranë gjykatës administrative të shkallës së parë Tiranë në përputhje me legjislacionin përkatës në fuqi”.
Në analizë të Kushtetueshmërisë, shtesat dhe ndryshimet ligjore të përcjella për shpallje, janë pjesë e ligjit nr.77/2023 “Për disa shtesa dhe ndryshime në ligjin nr. 113/2020, “Për shtetësinë””, që sipas nenit 81, pika 2, shkronja “b” të Kushtetutës së Republikës së Shqipërisë, miratohet me shumicë të cilësuar prej 3/5 të të gjithë anëtarëve të Kuvendit, minimalisht 84 vota.
Nga procesverbali i seancës plenare të datës 21.9.2023 dhe të dhënave të votimit elektronik konstatohet se miratimi i amendamentit të dytë është bërë me 78 vota, i amendamentit të tretë me 77 vota, i amendamentit të katërt me 78 vota dhe i amendamentit të pestë me 79 vota.
Për një ligj për të cilin Kushtetuta ka parashikuar miratimin me shumicë të cilësuar, konkretisht 84 vota, këto amendamente nuk e kanë marrë numrin e kërkuar të votave dhe nuk mund të quhen të miratuara.
Kushtetuta në nenin 78 përcakton se: “Kuvendi vendos me shumicën e votave, në prani të më shumë se gjysmës së të gjithë anëtarëve të tij, përveç rasteve kur Kushtetuta parashikon një shumicë të cilësuar”, sikurse përcakton në pikën 1 të nenit 83 se “projektligji votohet tri herë: në parim, nen për nen dhe në tërësi”.
Analiza e këtyre dispozitave çon në mënyrë të pashmangshme në konkluzionin se shumica e cilësuar është kërkesë, së cilës i nënshtrohen të tre komponentët e votimit, si votimi në parim ashtu dhe votimi nen për nen dhe ai në tërësi.
Në procesin e kontrollit kushtetues, konstatimi i shkeljeve procedurale, të cilat bien ndesh me një dispozitë kushtetuese (shkronja “b” e pikës 2 të nenit 81 të Kushtetutës) është shkak i vetëmjaftueshëm për kthimin për shqyrtim të ligjit.
Vlerësimi për ligjin:
Për nga përmbajtja dispozitat e reja nuk bien në kundërshtim me dispozita substanciale të Kushtetutës. Dispozitat e ligjit kryesisht krijojnë lehtësira për marrjen e shtetësisë shqiptare, masa dhe lloji i të cilave është në gjykimin sovran të Kuvendit.
Gjithsesi, këto lehtësira vlen të analizohen edhe në kontekstin e Konventës Evropiane për shtetësinë, e cila është konventë e Këshillit të Evropës, si dhe në kontekstin e raportit që krijojnë me parimin e barazisë para ligjit.
Konventa Evropiane për Shtetësinë, e datës 06.11.1997, e cila është ratifikuar nga Republika e Shqipërisë me ligjin nr.8942, datë 19.9.2002, duhet të formojë konturin kushtetues mbi të cilin ligji për shtetësinë normon kushtet dhe kriteret për marrjen ose lënien e shtetësisë shqiptare. Pika 2 e nenit 122 të Kushtetutës parashikon se “një marrëveshje ndërkombëtare e ratifikuar me ligj ka epërsi mbi ligjet e vendit që nuk pajtohen me të”.
Prandaj në procesin e kontrollit kushtetues që i paraprin shpalljes së ligjit ka vend për të konfrontuar dispozitat e reja me kufijtë e vendosur nga Konventa Evropiane për Shtetësinë.
Konventa përcakton në nenin 6:
• fitimin ex lege të shtetësisë për shkak të lidhjes së gjakut (për ne, fëmijët e lindur nga shtetas shqiptarë janë shtetas shqiptarë. Në këtë kategori futen edhe fëmijët e gjetur në territorin e Republikës së Shqipërisë, për shkak të prezumimit se janë fëmijë të lindur nga shtetas shqiptarë);
• fitimin ex lege ose me kërkesë të shtetësisë për shkak të lidhjes me territorin vetëm për fëmijët e lindur brenda territorit, të cilët, në rast se nuk marrin shtetësinë e shtetit ku kanë lindur, do duhet të mbeteshin pa shtetësi;
• fitimin e shtetësisë me natyralizim për personat që janë rezidentë, në mënyrë të ligjshme dhe të vazhdueshme në shtetin, shtetësinë e të cilit kërkojnë të marrin me kushtin që shtetet aderuese në Konventë të mos parashikojnë periudha rezidence të detyrueshme më të gjata se sa dhjetë vjet nga momenti i aplikimit.
Pika 4 e nenit 6 të Konventës ka vendosur shtetet aderuese në të, përpara detyrimit që të lehtësojnë në ligjet e tyre marrjen e shtetësisë për:
a) bashkëshortët e shtetasve të tyre;
b) fëmijët e ndonjërit nga shtetasit e shtetit aderues, të cilët kanë lindur jashtë territorit dhe, për këtë shkak, nuk kanë mundur të marrin shtetësinë në lindje (kur ligji nuk e lejon marrjen e shtetësisë së prindërve kur fëmija lind jashtë territorit);
c) fëmijët, njëri prind i të cilëve merr ose ka marrë shtetësinë e këtij shteti;
d) fëmijët e birësuar nga një shtetas i tij;
e) personat e lindur në territorin e shtetit dhe qëndrojnë aty ligjërisht dhe në mënyrë të vazhdueshme;
f) personat që qëndrojnë në mënyrë të ligjshme dhe të vazhdueshme në territorin e shtetit për një periudhë kohe, e cila ka filluar para se të mbushin moshën 18 vjeç, periudhë e cila duhet të përcaktohet nga ligji i brendshëm i shtetit në fjalë;
g) personat pa shtetësi dhe refugjatë të njohur, që qëndrojnë ligjërisht dhe në mënyrë të vazhdueshme në territorin e tij.

Ligji nr. 77/2023 “Për disa shtesa dhe ndryshime në ligjin nr. 113/2020 “Për shtetësinë””, ka pasur qëllim vendosjen e një numri lehtësish për kategori të caktuara personash. Nga kategoritë e përfshira në të nuk gjejnë mbështetje në dispozitat e Konventës:

1. Neni 1 i ligjit nr.77/2023 parashikon se, një fëmijë i lindur brenda territorit të Republikës së Shqipërisë nga prindër me shtetësi tjetër, të cilët qëndrojnë në mënyrë të ligjshme në territorin e Republikës së Shqipërisë, mund të marrë shtetësi shqiptare me pëlqimin e të dy prindërve. Kjo kategori e ka referencën tek shkronja “e” e pikës 4 të nenit 6 të konventës, por dispozita referuese kërkon rezidencë të ligjshme dhe të vazhdueshme dhe këtë nuk e kërkon për prindërit, por për subjektin e të drejtës (fëmijën). Dispozita do ishte e pajtueshme me konventën nëse do parashikonte një afat rezidence të ligjshme dhe të vazhdueshme për vetë fëmijën.
2. Paragrafi i dytë i nenit 2 të ligjit nr.77/2023, që ndryshon pikën 3 të nenit 8 të ligjit nr. 113/2020, parashikon se, i huaji, që është i martuar me shtetas shqiptar për një periudhë jo më pak se 3 (tre) vjet, mund të paraqesë kërkesë për të fituar shtetësinë me natyralizim edhe nëse nuk plotëson kushtet e përcaktuara në shkronjat “c” dhe “e” të pikës 1 të këtij neni, nëse ka banuar në mënyrë të ligjshme dhe të vazhdueshme në territorin e Republikës së Shqipërisë të paktën për 1 (një) vit gjatë gjithë periudhës së martesës. Sipas pikës 3 të nenit 6 të Konventës, natyralizimi ka lidhje me rezidencën e ligjshme dhe të vazhdueshme për një periudhë të caktuar nga momenti i aplikimit. Konventa nuk i kundërvihet afatit të shkurtër një vjeçar të parashikuar nga dispozita, por ky afat duhet të përllogaritet nga momenti i aplikimit dhe jo si një periudhë çfarëdo gjatë martesës.
Fitimi i shtetësisë me natyralizim sipas Konventës ka kusht të detyrueshëm qëndrimin në mënyrë të ligjshme dhe të vazhdueshme për një periudhë të caktuar përpara depozitimit të aplikimit. Kohëzgjatja e periudhës së rezidencës varet nga vullneti i ligjvënësit. Konventa, nga ana e saj, kërkon vetëm që kjo kohëzgjatje të mos jetë më e madhe se dhjetë vjet.
Një numër dispozitash të ligjit nr.113/2020 dhe të ligjit nr.77/2023 e kanë zbutur këtë kusht, disa e kanë hequr fare atë. Vendosja e diskriminimit pozitiv për kategori të caktuara përfituesish është kushtetuese, sa kohë që rasti përjashtimor justifikohet me interesa madhore publike, por e humbet kushtetutshmërinë nëse kategoritë e subjekteve të privilegjuara rriten në mënyrë të papërligjur dhe nëse numri i pritshëm i personave të përfshirë në to bëhet konkurueshmërisht i lartë me numrin e personave që de facto i nënshtrohen kushteve dhe kritereve bazë.
Në këtë fazë nuk është e mundur që këto dispozita të analizohen në raport me impaktin që ato shkaktojnë mbi zbatimin e parimit të barazisë përpara ligjit, për pasojë të vlerësohet nëse ato formojnë antikushtetueshmëri, apo jo. Këto dispozita nuk shprehin ende vullnetin e Kuvendit, sepse nuk kanë marrë numrin e kërkuar të votave.
Interesi kushtetues e kërkon që Kuvendi të marri në konsideratë riskun që mbartin këto dispozita në raport me përputhshmërinë e tyre me Konventën Evropiane për Shtetësinë dhe të vlerësojë me seriozitet rishqyrtimin dhe vlerësimin e tyre në Komisionet përgjegjëse Parlamentare.
Vlen të theksohet se respektimi i kritereve formale dhe materiale që vendos Kushtetuta e Republikës së Shqipërisë, gjatë procedurës ligjvënëse përbën një domosdoshmëri në shtetin e së drejtës. Në rastet kur Kushtetuta, përcakton drejtpërdrejt mënyrën e miratimit të ligjeve me shumicë të cilësuar përcaktuar në pikën 2 , shkronja b) e nenit 81 të saj, norma përbën një proces detyrues për Kuvendin dhe shumica e cilësuar në vendimmarrje, ju jep këtyre ligjeve një fuqi juridike të veçantë në raport me ligjet e zakonshme të Kuvendit.
Bazuar në vlerësimin e mësipërm, rezulton se katër nga pesë amendamentet e propozuara nga grupi i deputetëve, në projektligjin “Për disa shtesa dhe ndryshime në ligjin nr.113/2020 “Për shtetësinë” përcjellë Kryetares së Kuvendit me shkresë nr. 2810 prot., datë 20.9.2023, nuk kanë marrë votat e nevojshme për të krijuar shumicën e cilësuar prej tri të pestave të të gjithë anëtarëve të Kuvendit. Ky fakt e bën ligjin nr. 77/2023 “Për disa shtesa dhe ndryshime në ligjin nr.113/2020 “Për shtetësinë”, antikushtetues për shkak se një numër dispozitash të tij nuk janë miratuar në përputhje me kërkesat e sanksionuara nga pika 2, shkronja b) e nenit 81 dhe pika 1 e nenit 83 të Kushtetutës të Republikës së Shqipërisë. Nisur nga sa më sipër kam vendosur:
Kthimin për rishqyrtim të ligjit nr. 77/2023 “Për disa shtesa dhe ndryshime në ligjin nr. 113/2020, “Për shtetësinë””.

Blindohet gjykata e Shkallës së parë në Shkodër. Ditën e sotme po mbahet seanca gjyqësore ndaj Igor Kokunov, 59-vjeçari i arrestuar në pikën kufitare të Muriqanit, i kërkuar nga Interpoli Ndërkombëtar rus.

Gazetari Senad Nikshiqi raporton për BalkanWeb se masa të rrepta sigurie janë ndërmarrë për shkak të informacioneve se bandat e Beogradit mund të ndërhyjnë për lirimin e tij.

Kokunov akuzohet për afro 30 vrasje në Rusi, ndërsa cilësohet edhe si koka e grupeve kriminale në Beograd, kryeqytetin e Serbisë. Gjatë qëndrimit në burgun e Reçit ka pasur informacione se bandat serbe mund të ndërhynin për arratisjen e tij ndaj janë marrë masa ekstreme sigurie duke bllokuar të gjithë rrugën e gjykatës.

Analisti Fatos Lubonja foli këtë mbrëmje për zhvillimet e fundit, arrestimin e Jamarbër Malltezit dhe masën detyrim paraqitje për ish-kryeministrin Sali Berisha. Duke folur në studion e “Open” Lunonja tha se ‘goditja’ e SPAK i duket më shumë si ‘goditje’ politike, ndërsa tha se “nuk guxojnë të prekin Edi Ramën”.

Sipas Lubonjës ky veprim i SPAK “si qytetar nuk më jep sigurinë që është një drejtësi që mbron, por më jep frikën që këta të pushtetshmit, do të të gjejnë ndonjë gjë, do të të lëshojnë SPAK dhe ti do mbyllësh gojën”.

“Mendoj se është goditje politike. Jo se këto nuk mund të jenë të vërteta, 30 vjet historia e Shqipërisë, për mua janë historia e njerëzve që marrin pushtetin dhe abuzojnë me pushtetin. Kjo është historia e Shqipërisë 30 vjet! Pa dyshim ka pasur favorizim për shkak të pushtetit, por e gjykoj politike sepse shikoj veprimet e SPAK. Duhet të gëzohemi ne siç gëzohen ca që tani kemi një drejtësi të reformuar që po godet ‘peshqit e mëdhenj’ në mënyrë joselektive, apo duhet të shqetësohemi se kjo drejtësi po përdoret kundër kundërshtarëve politikë. Mua të dhënat më çojnë të besoj se nuk kemi një drejtësi që po vepron në mënyrë joselektive.

Në rastin e Berishës ka bërë disa akte ligjore që janë të përgjithshme, por që lidhen dhe me rastin e Malltezit, që nuk është aq konkret sa inceneratorët, se Rama shkoi dhe i mbrojti. Kjo është provë që SPAK vepron me dy standarde. Kështu veçon individë që kanë ngrënë kumbulla, dhe këtu arreston ata që i kanë hapur rrugë. SPAK nuk është drejtësi që po bën drejtësi, por po bën politikë. Shoh një drejtësi të nënshtruar që nuk guxon të prekë kryeministrin dhe godet një që ka 15 vite që ka ik nga kryeministria. SPAK, duket sikur këta po japin nja dy ‘oficera’ për të marrë ‘damën’.

Ky veprim i SPAK mua si qytetar nuk më jep sigurinë që është një drejtësi që mbron, por më jep frikën që këta të pushtetshmit, do të të gjejnë ndonjë gjë, do të të lëshojnë SPAK dhe ti do mbyllësh gojën”, tha ai.

Ish-kryeministri Sali Berisha gjatë konferencës për mediat në selinë blu, deklaroi mbrëmë se, asnjë veprim politik i Edi Ramës, që përdor prokurorinë nuk do të ndalë aksionin e nisur nga opozita.

Berisha theksoi se këto veprime të kryeministrit, vetëm sa e ka motivuar më shumë opozitën dhe shqiptarët opozitarë.

Duke komentuar arrestimin e Jamarbër Malltezit, Berisha nënvizoi faktin se, dhëndri i tij i nuk është thirrur asnjëherë nga asnjë prokuror apo gjykatës. Sipas Berisha, është Rama ai që ka firmosur për të privatizuar kompleksin Partizani, ndërkohë që procedura ishte hapur më herët nga Fatos Nano. Duke i qëndruar këtij fakti, Berisha tha se këtë gjë e provojnë dokumentet.

FJALA E PLOTE

Edi Rama ka hyrë në agoninë e tij politike. Ai i tronditur gjer në palcë nga krimet e tij, nga aferat nga të cilat nuk ka drejtësi në botë që e shpëton. Afera McGonigal, afera e djegësve, afera e stilizimit, afera e portit të Durrësit, Butrintit. Edi Rama pasi ka humbur mandatin e deputetit siç thotë kushtetuta, me tenderat që ka fituar në kundërshtim me kushtetutën dhe ligjet e vendit, thjeshtra e tij me mbiemrin Xhillari në kompaninë ‘I riu’. Me tenderat që ka fituar Fangu, apo burri i motrës së Linda Ramës. Me implikimin e kësaj të fundit në bordet e bankave. Defakto në përputhje me kushtetutën ai nuk është më deputet i Kuvendit të Shqipërisë.

Edi Rama pasi ka grabitur në mënyrë suksesive votën e shqiptarëve. Pasi u damkos nga qytetarët e Kosovës, si vëllau i Vuçiçit, nga opozita si argat i Beogradit, nga bota si Pashiqi shqiptar. Dhe pas fillimit të lëvizjes opozitare pa kthim, dje në parlamentin e Shqipërisë, ai urdhëroi prokurorët e tij mercenarë të denoncuar publikisht në këtë sallë për fshehje dokumentesh, manipulim dosjesh, bashkëpunim me krimin dhe bandat, për të lëshuar urdhër në kundërshtim me Kushtetutën, nenin 73 të saj, i cili përcakton se liria e deputetit në çdo formë, lëvizje nuk mund të cenohet pa miratimin e parlamentit. Por duke qenë autor i një propozimi të tillë në vitin 2012, që ky nen të hiqet, unë pranoj plotësisht sfidën. Pra as kufizimi im për të lëvizur nëpër Shqipëri. Unë jam deputet dhe duhet të takohem me zgjedhësit, të cilët sot ndihen më Sali Berishë se kurrë.

As kufizimi im për të lëvizur nëpër Europë, nuk mund të ndodhte kurrë pa miratimin e komisioneve përkatëse parlamentare. Por në vendin ku prokuroria është thjeshtë një seksion i PS-së, mund të merret çdo vendim. Siç informohem ndaj meje është ngritur akuza për korrupsion pasiv dhe larje parash. Kurse dhëndërri im është ndaluar sot në aeroport teksa po priste të shoqen që kthehej nga jashtë. Ndalohet pa u marrë kurrë në jetën e tij në pyetje për asnjë problem, nga asnjë prokuror, asnjë gjykatës i vendit. Lidhur me këto akuza, deklaroj që në krye se janë absolutisht pa asnjë bazë dhe sulme ty ulëta, të mirëfillta politike të Edi Ramës dhe jo vetëm atij.

Edi Rama mendon se duke angazhuar prokurorinë e tij kundër meje dhe ndaluar familjarët e mi si kundërshtar politik, në momentin kur opozita ka nisur më e vendosur se kurrë betejën pa kthim për rivendosjen e pluralizmit të plotë dhe politik, rikthimin e votës së lirë, dhe shpëtimin e Shqipërisë nga regjimi i narkoshtetit të parë dhe të vetëm në Europë, do mund të frenojë, godasë aksionin opozitar. E më këtë rast deklaroj para shqiptarëve dhe komunitetit ndërkombëtar, se asnjë manipulim, veprim i paligjshëm dhe drejtësi e instrumentalizuar nuk mund të ndalojë qëndresën dhe betejën pa kthim të opozitës deri në fitoren e plotë të saj. Këto masa dhe çdo masë tjetër, e karakterit strikt politik, vetëm sa shumëfishojnë motivimin e Sali Berishës, bashkëpunëtorëve të tij dhe qindra e mijëra anëtarëve dhe simpatizantëve në betejën e tyre pa kthim që nisën dy ditë më parë në parlamentin shqiptar. Në betejën kundër regjimit të Edi Ramës, ndjehem jo më pak i motivuar se 32 vite më parë, në kohën e betejës kundër etërve të tij mizore. Dhe së shpejti, Sali Berisha, opozita shqiptare, mbështetësit e saj, do i rezervojnë Edi Ramës, fatin e etërve të tij xhelatë.

Lidhur me ndalimin e Jamarbër Malltezit, deklaroj sa vijon: Jamarbër Malltezi nuk është thirrur në jetën e tij nga asnjë prokuror apo asnjë gjykatës për asnjë çështje. Prej tre vitesh, me padi të rreme të ngritura nga Taulant Balla, SKAP-i i partisë koa hetuar privatizimin e klubit Partizani.

Pikërisht se nuk kanë gjetur dot asnjë shkelje të vetme, nuk kanë guxuar ta thërrasin kurrë në prokurori, por kanë preferuar të shpërndajnë lajme të rreme me gazetarë të keqpërdorur të oborrit qeveritar për gjoja abuzime. Klubi i Partizanit nuk është nxjerrë nga plani i përhapjes i Forcave të Armatosura me propozimin e Sali Berishës dhe as me firmën e Bamir Topit, por nga presidentë të tjerë para Bamir Topit. Destinacioni i klubit Partizani, nga terren sportiv në truall për ndërtime, është ndryshuar me firmën e Edi Ramës dhe pa propozimin e Sali Berishës. Është ndryshuar pra destinacioni i karakterit sportiv nga vetë Edi Rama. Me dokumenta.

Njohja dhe kthimi te pronarët e ligjshëm të pronarëve të klubit Partizani, janë gjashtë familje dhe 64 anëtarë, është bërë nga Komisioni i Kthimit të Pronave dhe gjykatat nga vitit 1994 deri në vitin 2006. Privatizimi i klubit Partizani është nisur nga qeveria e Fatos Nanos. Muaj më parë, prokurorja e SKAP-it, simotra biologjike e Taulant Bego Jaris, ka sekuestruar kompjuterat e kompanisë që mbante kontabilitetin e Jamarbër Malltezit dhe ka shkuar në gjykatë duke mashtruar gjykatën: ajo ka deklaruar se kthimi i pronave ka filluar në vitin 2006, në një kohë kur ky është një proces i njohjes, madje i kthimit nga viti 1994-1995.

Ajo është përpjekur të krijojë konfuzion dhe gënjeshtra me nënkuptim për sipërfaqen e privatizimit. Shtoj këtu se çdo centimetër dhe metër katror e sipërfaqes së privatizuar, është e firmosur nga 7 firma të bashkisë së Edi Ramës. Ajo në gjykatë ka spekuluar në mënyrë të paturpshme me çështjen e ortakërisë së Jamarbër Malltezit me bashkëinvestitorë. Ortakëri e cila në asnjë rast nuk përbën vepër penale dhe nuk ka asnjë lidhje me SPAK-un e partisë. Për njëfarë periudhë, bashkëinvestitorët kanë rregulluar marrëdhëniet e tyre me kontratë të noterizuar, në përputhje të plotë me kuadrin ligjor. Çdo transaksion është bërë vetëm në rrugë bankare, duke depozituar pranë institucioneve, kontratën e noterizuar. Ndryshe nga sa gënjen përfaqësuesja e Taulant Ballës, çdo transaksion është deklaruar pranë tatimeve, bankës dhe institucionit të larjes së parave. Me fillimin e tërheqjes së dividentit, në përputhje me kontratën, Jamarbër Malltezi, nga kontrata kanë kaluar në shoqëri me përgjegjësi të kufizuar.

Ndërsa marrëdhënia me kontratë është përgjegjësi e pakufizuar, e plotë dhe totale. Kurse në shoqëri, përgjegjësia është e kufizuar. Në shoqërinë me përgjegjësi të kufizuar, kanë kaluar sipas kuotave të përcaktuara në kontratë. Pra, për të justifikuar sekuestron e kompjuterëve të kompanisë, prokurorja Mellonai, ka gënjyer në mënyrë të paskrupullt. Jamarbër Malltezi ka reaguar, së pari ka paditut në SKAP, Taulant Ballën për kallëzim të rremë, pasi siç e dini ai doli para shqiptarëve dhe paraqiti një dekret të Jakomonit dhe tha se ja ku janë 6 familjet e terrenit Partizani që janë shpërblyer nga regjimi i pushtimit italian. E vërteta është që ato familje të atij dekreti, nuk ishin asnjëra nga ato që kishin pronat e klubit Partizani. Ishin të gjitha pronare të pronave që ishin të paktën 1 kilometër larg klubit Partizani.

Jamarbër Malltezi po përgatiste padinë e dytë kundër Mellonait, për dy arsye. E para, kjo zonjë, dhe unë e kam denoncuar, në mënyrën më banditeske, dosjen e padisë që ka ngritur Jamarbër Malltezi ndaj Taulant Ballës për shpifje. Dhe pas vlerësimit të Gjykatës së Lartë, ky dosjen do e dërgonte në Gjykatën Kushtetuese, pasi rregulli për t’iu drejtuar Strasburgut, kërkon që të ezaurohen të gjitha gjykatat e vendit. Mellonai, për të shpëtuar sivëllain e vet biologjik, merr dosjen dhe nuk ia jep dosjen prej tre vitesh, duke i mohuar qytetarit të drejtën themelore për proces gjyqësor të rregullt.

Më duhet, thotë. Po po t’u desh, mbaj origjinalin, jep dosjen e njësuar. Nuk e jepte, do mbronte me çdo kusht Taulant Ballën. Ky proces do vazhdojë, sigurisht. Si përfundim unë them se ndalimi i Malltezit vjen pikërisht kur opozita po bashkohej në Kuvend dhe kur aksioni i saj po i jepte përgjigjen e merituar mazhorancës së dalë nga gryka e armëve të bandës së Bajrëve dhe bandave të tjera të vendit. Mercenarët e SKAP-it të partisë, që përdoren si kamikazë politike kundër opozitës dhe nga ana tjetër si inceneratorë të provave ulëritëse të korrupsionit dhe inkriminimit të Ramës dhe pushtetarëve të tij, duhet ta kenë të qartë se keqpërdorimi dhe më pas flakja si limona të shtrydhur, nuk do i shpëtojë nga përballja me ligjin dhe drejtësia.

Sali Berisha nuk i është larguar asnjë beteje politike gjatë këtyre 32 viteve. Kjo sfidë vetëm ia rrit bindjen dhe motivimin për t’u përballur me regjimin e krimit dhe korrupsionit të Edi Ramës dhe larove të tij. Aksioni i opozitës së vërtetë nuk ndalet dhe kjo lëvizje e menduar si pengesë për të, vetëm do ta forcojë atë. Ne do vazhdojmë betejën.

Pyetje: Nëse rikthemi pak në kohë, keni thënë se PD-në nuk e do ta përfshini në betejën tuaj, që kur SHBA ju shpalli non grata. Në këtë rast që ndaj jush ka një akuzë nga SPAK, a do e përfshini PD në betejën tuaj.

Sali Berisha: Burgimi politik do të thotë diktaturë! Sali Berisha po lufton diktaturën. Burgimi do të thotë diktaturë dhe Sali Berisha po lufton diktaturën. Është arrestuar një njeri që nuk është pyetur kurrë në jetën e tij. Sepse frikacakët, mercenarët, nuk kanë guxuar ta pyesin, sepse do rrëzohej çdo mashtrim, çdo falsifikim, çdo fshehje dokumenti e tyre. Edhe njëherë e them. Ju e shihni, nuk ka asnjë akuzë për klubin. Nuk ka asnjë akuzë. Akuza është për korrupsion pasiv dhe larje parash, jo për privatizimin. Marrëdhënie mes ortakëve, por edhe ato janë marrëdhëniet me korrekte që mund të ketë pasur. Marrëdhëniet me kontratë në ligjet e vendit dhe të botës, janë përgjegjësi e pakufizuar. Në këtë aspekt, janë edhe më transparente, edhe me më përgjegjësi se marrëdhëniet me firmë…

Pyetje: Ju deklaruat se pas kësaj çështje fshihet Edi Rama. Ju kujtoj se Rama nuk ka shpëtuar as të tijët.

Sali Berisha: Atë që besojnë këtë, mashtrojnë veten e vet. Sepse Arben Ahmetajn e ka arrestuar Linda Rama. Ju nuk keni të drejtë të mos rikujtoni ato që u kam thënë këtu. Edhe dje një kolegu juaj më thoshte se duket sikur po e mbron Arben Ahmetajn. Jo, absolutisht. Po të merrni deklaratat e mia, pakkush mund të ketë më shumë deklarata se unë. Por nuk pranoj kurrë unë, që Linda Rama të bëjë gjah shtrigash. Atë nuk e pranoj unë. Sepse ato faturat e hoteleve, atij gjobëvënësit, Doçit, ia ka dorëzuar Linda Rama. Këtë nuk mund të pranoj unë. Morali im nuk i pranon këto. Për të mos thënë ca gjëra të tjera. Do ketë kohë për to… …Kanë fikur dritat në qytete të tëra që të mos ndjekin konferencën time të shtypit. Frikacakë! Urdhëro çfarë tmerri kanë. Akt i shëmtuar, e dënoj. Terri është kriteri i tyre.

Pyetje: Ndaj jush rëndojnë dy akuza, korrupsion pasiv dhe larje parash. A do të paraqiteni para organeve të drejtësisë dhe a i druheni një arrestimi.

Sali Berisha: Këto akuza janë të mirëfillta politike. Sali Berisha është i përgatitur për çdo gjë për kauzën e tij. Është pjesë e kauzës time kjo betejë. Ai tregoi se vendosi diktaturën, unë do qëndroj me gjithë forcën time. Kudo! Të akuzosh Sali Berishën për larje parash, duhet të jesh i pafytyrë. Por ata që firmosin gjëra të tilla, as kaanë fytyrë, as kanë karakter. Të akuzosh për korrupsion për një gjë, për një gjë për të cilën nuk ka asgjë në mënyrë absolute, përveç faktit se Jamarbër Malltezi është bashkëshorti i vajzës sime. Pra, mirëfillti gjithçka politike. dhe nuk ka asnjë lidhje me Sali Berishën. Nuk kanë kapur dot asgjë. Po t’i pyesësh tani, thonë se vazhdojnë hetimet. Por nuk kanë kapur dot asnjë shkelje të vetme në procesin e privatizimit. Përsa i përket burimit të parave të mia, ato janë të qarta, transparente si drita e diellit. Por kjo është bërë me porosi të plotë të Edi Ramës, me insistim të plotë të Edi Ramës. Në fakt, ndonjëherë e angazhuar edhe Linda Rama në këtë proces. Por unë merrem me Edin, nuk merrem me gratë.

Pyetje: Ju thatë se janë akuza të mirëfillta politike, por thatë se janë dhe të tjereë. Kush janë këta të tjerë?

Sali Berisha: Tjetër është Taulanti, ju ka dalë para jush. Ai shkon me Engjëll Agaçin, marrin në arkivat e Firences një dekret të mëkëmbësit Jakomoni, ku thuhet se pesë familje janë shpërblyer për tokën e marrë për aeroportin e Tiranës. Mirëpo në ato familje, nuk kishte asnjë pronare të terrenit sportiv të Partizanit. Ishin një kilometër larg. Çdo prokuror, po të kishte minimumin e karakterit, Taulant Ballën e dënonte për kallëzim të rremë. Kur Jamarbër Malltezi e paditi në SPAK për kallëzim të rremë, SKAP-i i partisë tha se e kemi në hetim çështjen. Sot, ata nuk kanë nxjerrë asnjë element të vetëm në procesin e privatizimit. Ajo ka gënjyer, me nënkuptim me atë që i ka thënë gjykatës para 4 muajsh se ky terren nuk ka pasur ndërtime. Por ka treguar injorancën dhe keqdashje. Aty ku nuk ka ndërtime, ka kthim prone. Toka që u kthehet pronarëve, quhet kthim toke, jo privatizim. Privatizim quhet shitja e objekteve të ndërtuara mbi tokën e privatit. Procesi me këtë zonjë vazhdon. Kjo ka abuzuar me detyrën në mënyrën më të paskrupullt.

Pyetje: Po insistoj pak te pyetja e parë, a i druheni ju një arrestimi?

Sali Berisha: Asgjëje nuk i druhem unë. Besoj se unë e kam provuar, faktuar këtë gjë. Do të druhesha po të shihja se dëmtohej kauza, kjo përkundrazi ndihmon kauzën, motivon dhe më shumë. Kjo multiplikon, shumifoshon Sali Berishën në qindra mijëra. Si do të druhem unë, unë po luftoj për fitore.

Pyete: Ju thatë se akuzat janë sulme nga Rama dhe nëpëmjet jush, ai lufton opozitën. A i bëni një ftesë popullit demokrat që të protestojë ndaj kësaj padrejtësie që ju e konsideroni sulme politike.

Sali Berisha: Popullit demokrat unë i them që të vazhdojë betejën që nisëm dje, pa kthim. Kjo që ndodhi sot, është një dëshmi e drejtësisë së vendimit të marrë për të mbrojtur pluralizmin dhe demokracinë. Kjo është një motivim plus. Kjo shënon vendosjen haptas të diktaturës, burgosjen politike. Sot, Jamarbër Malltezi është i ndaluar për fajin e vetëm se është dhëndri i Sali Berishës. Dhe ju do e shihni këtë, do e faktoj këtë. Për të arritur këtu, mashtrues, falsifikatorë, kanë fshehur dokumentet para gjykatës, kanë gënjyer para gjykatës. Dhe unë i kam denoncuar këtu para jush.

Pyetje: A po i përdorni ju këto akuza, mandatin tuaj politik, PD-në për të kamufluar këto akuza që ju vijnë nga drejtësia e re si sulme politike. Ka shumë zëra si nga kundërshtarët tuaj që e shohin si të tillë, si një kamuflash i këtyre akuzave.

Sali Berisha: Po bëhesh zëdhënëse e atyre që nuk je. ..Nuk ka asgjë personale këtu, por nëse Edi Rama pasi i numërova atij të gjitha akuzat, pasi nisa betejën dje për 6 komisione hetimore të bllokuara, që të gjitha kanë Edi Ramën në epiqendër. Çfarë deklarova unë në parlament? Edi Rama është bashkëfajtor me McGonigal, nen për nen me akuzat që i janë bërë atij. Çfarë deklarova unë në parlament? Edi Rama është i inkriminuar dhe i korruptuar në aferën e djegësave, në portin e Durrësit, në sterilizimet, në koncesionet e shëndetësisë, në dhjetëra afera të tjera. Çfarë deklarova unë në parlament? Familjarët e Edi Ramës janë si Olta Xhaçka. A e di ti se thjeshtër Xhillari ka me dhjetëra tendera të fituara? A e dini se ligji i konfliktit të interesit thotë: familje e ngushtë janë, burri, gruaja, bashkëjetuesi, bashkëjetuesja, fëmijët e tyre. Pra, ligji barazon thjeshtrën me Gregun. Ke dëgjuar sa tendera ka fituar kompania I Riu, direkt dhe nëndirekt? Ka fituar tendera si kontraktor dhe nënkontraktor. Ka fituar mbi 100 tendera Fangu i Lindës, baxhanaku i Edit. Pra, Edi Rama e kuptoi. Ju e keni dëgjuar SPAK-un që thotë se do hetojë pasuritë. Një tallje, një cinizëm. Po shko e heto pak vilën e Edi Ramës. Të jap unë dokumentet. Kur Edi Rama ka ndërtuar vilën, ka pasur të dëshmuara në ILDKP, gjithsej 3800 euro dhe 400 mijë lekë. Në një kohë kur vetëm pigmenti special i betonit të tij, kushton të paktën 100 mijë euro. Pigmenti i betonit. Për të mos thënë staliti sipër, etj. Etj.

Pa lërë pastaj historia e tokës. Është po kaq kriminale. E deklaruar toka me 2.5 dollarë dhuratë nga Linda. Në një kohë kur toka aty, me dokumente autentike, kushtonte minimumi 25 dollarë. Mbi të gjitha ajo tokë është grabitur në kundërshtim me ligjet. Dhe dosja është e gatshme. Nëse SKAP-i i partisë, për të mos hetuar procedurat, se të gjitha procedurat të çojnë te Edi Rama… pse nuk heton procedurat? Sepse çdo procedurë të çon te Edi Rama. Heto procedurën e djegësave, Edi Rama dhe Engjëll Agaçi. Jashtë tyre nuk bëhet asgjë. Heto procedurën e check-upit. Avokat kryesor është Edi Rama. Investitor më kryesor aty me mbështetje është Edi Rama. Pra, kur e bëri këtë Edi Rama? Kur e pa se ajo nisi pardje, është pa kthim. Pse i rrëzoi Edi Rama 6 komisione, duke shkelmuar Kushtetutën? Se të gjitha shkonin te Edi Rama. Ai është person i padenjë kurrë për qeverisje, është person i denjë për të dhënë llogari para shqiptarëve për të gjitha këto afera.

Pyetje: Pas disa hetimesh që po bën SPAK për privatizimin e pronave të ushtrisë, Edison Memollën, kryetarin e bashkisë Rrogozhinë dhe një tjetër kryetar tjetër socialist do të vihet nën akuzë. A po përdoret çështja juaj për të larguar vëmendjen.

Sali Berisha: Jo, çështja përdoret për të vendosur diktaturën. Për të ushtruar terror mbi demokratët, sepse Edi Rama u tmerrua nga vendimi i të enjtes që kaloi, por e garantoj se kjo çështje vetëm sa e forcon dhe inkurajon opozitën. Ai mendoi se në këtë mënyrë do të trembë njerëzit, por përkundrazi ai faktoi se ai vendos diktaturën dhe ndaj diktaturës do të qëndrojë çdo njeri që i thotë lirisë, liri.

Pyetje: Ju thatë, se Malltezin nuk e pyetën kurrë në SPAK dhe e ndaluan. Pse nuk keni mbajtur të njëjtin qëndrim edhe në rastin e Lefter Kokës, Rovena Voda janë arrestuar pa u marrë në pyetje. A mendoni se afera e inceneratorëve dhe lufta që ka bërë PD ndaj kësaj afere, janë shkak edhe për këto akuza.

Sali Berisha: Tani, të jem i sinqertë nuk kam ndjekur absolutisht nëse e kanë thirrur apo jo. Lefter Koka mesa di unë është ndjekur një procedurë parlamentare, apo jo. Ja bëri me pabesi, i thanë dorëzo mandatin se nuk do të futesh në burg, dhe e futi në burg. Përsa i përket Vodës, tani aty ke të drejtë. As këtë skam dijeni, sepse ajo në mos gabohem u arrestua mbi bazën e një përgjimi ku ishte çështja për 2 mijë euro dhe një arkë peshk. Nëse e kapën në flagrancë apo jo, këtë nuk e di. Por nëse ska qenë në flagrancë dhe nuk e kanë marrë në pyetje, kanë shkelë ligjet. Kjo çështje ka 3 vite që hetohet dhe për dijeni janë marrë në pyetje dhjetëra të tjerë. I vetmi që nuk është marrë kurrë në pyetje është Jamarbër Malltezi sepse nuk gjenin dot për ti bërë një pyetje. Kishin frikë nga përgjigjet. Ishin shkatërruese, shterruese përgjigjet e tij, sepse kishte zbatuar ligjin, ligjin dhe vetëm ligjin. Vepruan siç ta thashë, duke thënë se kjo sipërfaqe. Toka i kthehet pronarit, ligjet e Shqipërisë i kthejnë tokën të zotit dhe ai ligj është për fat i vitit 2004.

Pyetje: A mendoni se afera e inceneratorëve dhe lufta që ka bërë PD ndaj kësaj afere, janë shkak edhe për këto akuza.

Sali Berisha: Më vjen keq që flas këtu, por njeriu që ka denoncuar me 292 statuse inceneratorët është Jamarbër Malltezi. Është detyruar të bëjë kaq shumë statuse sepse këtu censurohej, në PD censurohej. Meqë censurohej në PD dhe nuk e lejonte Lulzim Basha, atëherë ai të vetmen mënyrë për të folur kishte Facebook dhe ndonjë studio televizive. Por nga viti 2014, takimet e para që ka bërë Rama për djegësin e Elbasanit e deri në fund, ai ka denoncuar më shumë se PD-ja, më shumë se unë që po flas këtu, më shumë se kushdo tjetër ka denoncuar 292 herë, aspekte të ndryshme të inceneratorëve.

Pyetje: Z. Berisha tani përveç se një betejë politike, keni një betejë edhe me drejtësinë. Këtë betejë do ta vazhdoni vetëm apo me PD-në betejën tuaj me drejtësinë.

Sali Berisha: Kjo është një diktaturë. Diktatura luftohet nga të gjithë ata që nuk pranojnë diktaturën. Dhe në këtë rast, siç kam thënë, nëse ka një njeri në botë që mund të faktojë qoftë edhe një shkelje të vetme, çfarë thonë ata në akuzë, unë tërheq çdo gjë. Por në mënyrë absolute kurrë, një veprim të tillë politik, antidemokratik të Edi Ramës, unë nuk e pranoj. Unë i kam dhënë këto prova, nuk mundem unë. Jam ky, nuk bëhem ndryshe.

Pyetje: Z. Berisha, ju jeni shpallur non grata nga SHBA dhe Britani. Edhe SPAK tani thotë të njëjtën gjë. Mendoni se kanë lidhje këto ngjarje me njëra tjetrën

Sali Berisha: Si e para dhe e dyta janë sinematirie, janë absolutisht pa asnjë bazë dhe koha e ka provuar. Janë zbatim porosish politike.

Pyetje: Akuzat për pastrim parash ndaj Jamarbër Malltezit, janë ngritur për miliona euro që ai ka investuar për të ndërtuar kullat në pronën e tij. Ku i ka gjetur këto miliona euro Jamarbër Malltezi për të ndërtuar këto kulla.

Sali Berisha: Po përsërisni gënjeshtra të fabrikës së SKAP-it. Çdo gjë, çdo metër katror e ndërtuar, çdo qindarkë e përdorur, është e dokumentuar. Nuk jam unë tani që të hyj në… por atë që mund të them unë është se çdo gjë është e dokumentuar, për çdo qindarkë është paguar taksa. Çdo lëvizje është bërë vetëm me bankë. Është ndërtimi më i pastër, më transparent.
(BalkanWeb)

GJKKO ka caktuar mbrëmjen e sotme detyrim paraqitje dhe ndalim të daljes jashtë shtetit për ish-kryeministrin Sali Berisha.

Më herët sot u ndalua në aeroportin e Rinasit dhëndri i tij, Jamarbër Malltezi.

Urdhri i arrestit është firmosur nga prokurori i SPAK, Arben Kraja, ndërsa gazetarja Klodiana Lala ka zbuluar se është dhënë edhe një masë sigurie për ranga dhe Fatmir Bektashin, ndërtues në ish-kompleksin “Partizani”.

vijon…

Ish-kryeministri Sali Berisha ka njoftuar mbajtjen e një konference të jashtëzakonshme për shtyp në or 21:00, pas ndalimit të Jamarbër Malltezit, dhëndrit të familjes së tij, nga policia në Rinas pak momente më parë.

Gazetarja Klodiana Lala ka raportuar se Malltezi ishte duke u kthyer nga një vend i Bashkimit Europian, kur është ndaluar në ambientet e aeroportit të Rinasit nga autoritetet.

Mësohet po ashtu se urdhri për ndalimin e dhëndrit të ish-kryeministrit Sali Berisha është firmosur nga prokurori i posaçëm Arben Kraja.

Ende nuk dihet arsyeja e ndalimit të tij, ndërsa detaje të reja pritet të dalin në vijim.bw

Me urdhër të SPAK, policia ka ndaluar mbrëmjen e sotme në Rinas, Jamarbër Malltezin.

Ndalimi i tij, është bërë pa u marrë asnjëherë në pyetje nga prokurorët apo oficerët e policisë gjyqësore.

SPAK i kontrolluar nga Rama ka urdhër sot ndalimin e Malltezit, ndërsa ai po kthehej nga jashtë për në Tiranë.

Ndalimi i Malltezit është bërë sepse ka zhvilluar në mënyrë ligjore pronën e tij të kthyer sipas ligjit, tek ish-kompleksi Partizani. syri.net

Deputeti i PD-së Ervin Salinaji ka folur për mediat në lidhje me situatën e sotme në Kuvend, ku seanca u shty për shkak të aksionit opozitar.

Salianji u shpreh para mediave tha se beteja e opozitës për të rikthyer normalitetin në Kuvend do të vazhdojë, ndërsa shtoi se PS ka frikë nga komisionet hetimore prandaj kërkon të mbajë nën kontroll Parlamentin.

“Deputetët e opozitës kanë kërkuar jo vetëm komisione hetimore. PS nuk ka lidhje me fjalët, me ligjin, me zbatimin e kushtetutës dhe jo vetëm kaq por edhe në seancën solemne, për Kosovën, PS bëri terrorizëm parlamentar për të mbajtur opozitë atë që do. Nuk është e drejtë të rrëzohen komisionet hetimore, që shihen si forma ligjore kontrolli.

PS vjedh çdo ditë qytetarët. Ka vjedhur një parti politike dhe e mban në gjykatë dhe me njerëz që ka nën kontroll. Vjedh përditshëm dhe jep leje dhe investime strategjike e tendera. Prandaj duhet të diskutojmë për çështje që janë në interes të kontrollit. Nëse PS dhe Rama, se këta të shkretët janë mekanizma, do të marrin përgjigjen që meriton.

Po nëse ne bindin 71 deputetë të shkarkojmë Ramën me mocion mosbesimi, çfarë të bëjmë, të presim PS? Se po marrim ekstremin.

Ne po themi që duhet hetim për TIMS sepse është skandal i madh, kanë reaguar ndërkombëtarët. Rrodhën të dhënat te patronazhistët, targat, të dhënat bankare, gjithçka doli në publik dhe qeveria nuk ka asnjë reagim. Nuk ka as përgjegjës. E njëjta gjë me investimet strategjike dhe tenderat në shëndetësi.

Për këto ka frikë dhe do parlamentin e kontrolluar. Por nuk ka për të pasur parlamentarizëm kështu. Ne kemi një akt që na bashkon, Kushtetuta, dhe nëse PS nuk e respekton, do të marrë përgjigje. Komisioni i Reformës Zgjedhore dhe një për masakrën zgjedhore janë varrosur. Opozitën nuk do ta kenë dot nën kontroll, beteja nuk është e lehtë”, tha Salianji.gsh

Komisioni i Etikës është mbledhur ditën e sotme dhe ka vendosur përjashtimin e 26 deputetëve të opozitës që bllokuan punimet e Kuvendit sot, bazuar në kërkesën e mazhorancës për marrje disiplinore ndaj tyre.

Partia Socialiste ka kërkuar përjashtimin e 26 deputetëve të opozitës pas tensioneve të krijuara sot në Parlament.

PS ka kërkuar marrjen e masës disiplinore për deputetët: Sali Berisha, Flamur Noka, Albana Vokshi, , Xhelal Mziu, Gazment Bardhi, Bledion Nallbati, Edmond Spaho, Saimir Korreshi, Lindita Metaliaj, Ramadan Likaj, Luan Baçi, Lefter Gështenja, Ina Zhupa. Helidon Bushati, Isuf Çela, Asllan Dogjani, Bujar Leskaj, Lodovik Hasani, Tritan Shehu, Greta Bardeli, Dhurata Çupi, Sorina Koti, Kastriot Piroli, Kasëm Mahmutaj, Tomor Alizoti dhe Qani Xhafaj.bw

Në mbledhjen e Grupit Parlamentar të Partisë Demokratike, Kryetari i Grupit Gazment Bardhi ka informuar për një kërkesë të përgatitur nga studentët e mjekësisë për të kundërshtuar në Gjykatën Kushtetuese ligjin e Qeverisë që nuk pajisë për 5 vite me diplomë mjekët e rinj.

Grupi Parlamentar i PD ka vendosur ta mbështesë këtë kërkesë dhe kanë nënshkruar dje në mbledhje kërkesën drejtuar Gjykatës Kushtetuese për pezullimin dhe shfuqizimin e ligjit.

Lajmin e ka bërë të ditur Kryetari i Grupit Parlamentar të PD, Gazment Bardhi, përmes një postimi në rrjetet sociale.

“Grupi Parlamentar i PD ka mbështetur kërkesën e studentëve të mjekësisë për të kundërshtuar në Gjykatën Kushtetuese ligjin që pezullon diplomimin e mjekëve të rinj për 5 vite. Duke respektuar reagimin e studentëve dhe protestën e tyre, pa asnjë ndërhyrje politike, apelojmë edhe njëherë për Qeverinë që të dëgjojë zërin dhe shqetësimin e studentëve dhe ti jap zgjidhje kërkesave të tyre.” – shkruan Bardhi.

Kujtojmë se studentët e mjekësisë nuk kanë marrë pjesë në mësim, duke bojkotuar këtë të fundit që nga nisja e vitit të ri akademik. Ata kanë kërkuar ballafaqim të drejtpërdrejtë me ministren e Arsimit dhe me zyrtarë të qeverisë për të kundërshtuar ligjin që sipas tyre është “i padrejtë”. “Kushte s’kemi, por kemi Kushtetutë””, “Mjekësia bojkoton”, “Duart e prangosura s’mund të kurojnë!”, thuhen në disa prej pankartave më pikantë të studentëve.bw

Kryetari i Grupit Parlamentar të PD, Gazment Bardhi ka reaguar pas mbledhje se deputeteve të opozitës.

Bardhi është shprehur se nëe mazhoranca do të vazhdojë më sulmet dhe tentativat për të eliminuar opozitën do të përballet me pasoja të rënda.

Në përfundim të mbledhjes së grupit parlamentar të PD dhe Aleancës për Ndryshim dua të informoj se kemi diskutuar me shumë përgjegjshmërinë situatën në të cilën mazhoranca e ka vendosur opozitën dhe parlamentarizmin në vend.

Përgjatë dy viteve me urdhër politik janë bllokuar 31 projektligje iniciative të deputetëve të opozitës dhe që nuk merren në shqyrtim as nga komisioni parlamentar dhe prej kohëhs janë përshirë në programin e punës pa pasur një ditë të shqyrtimit të tyre.

Brenda një jave si në asnjë rast tjetër në historinë e parlamentarizmit në 32 vite janë rrëzuar tre kërkesa për komision hetimor duke mohuar an këtë mënyrë 45 deputetëve të drejtën që ja jep kushtetuta.

ëtë të enjte me urdhër politik të Ramës opozitës ju mohua e drejta që të caktoi anëtarët që ajo dëshiron në komisionin e reformës zgjedhore, edhe pse gjatë dy viteve kemi pritur për përmbushjen e rekomandimeve të OSBE-ODIHR nëpërmjet një komisioni të posaçëm bipartizan që është një traditë për parlamentin, për herë të në këto 32 vite mazhoarnca  ika hequr të drejtën shumicës dërrmuese të opozitës të caktoi bashkëkryetarin dhe anëtarin në komisioni e reformës zgjedhore. në këto kushte opozitës i janë mohuar të gjitha të drejtat q ja njeh kushtetuta duke i mbyllur çdo rrugë institucionale të funksionimit në parlament.

 I kërkoj dhe një herë mazhorancës që të kthehet në rrugën e drejtë dhe kushtetutshmërisë, nuk është vullneti ynë të bllokojmë punën e parlamentit. vendimmarrja e Ramës me një tentativë të qartë për të eliminuar opozitën po na dërgon drejtë vendimeve ekstreme, ,irno nëse ke vendosur të bllokosh opozitën do të marrësh mbrapa dhe pasojat.