Kur kanë mbetur edhe 9 kuti votimi pa u numëruar, LSI renditet deri tani forca e dytë politike në Tepelenë, ndërsa PS deri më tani rezulton forcë e parë me një diferencë të madhe votash

Kur janë numëruar 1745 nga 5362 në rang vendi dhe shpërndarja e mandateve deri në orën 08:00 të mëngjesit të sotëm është PS 76 mandate, PD 41, LSI 20, PDIU 2 dhe PSD 1 mandat, nuk mund të mos bjerë në sy se shumë nga emrat e njohur të kampit blu nuk janë renditur te fituesit deri tani.

Kështu, me një sy në gjithë qarqet sipas mandateve, deri në numërimin e mëngjesit emrat të njohur deputetësh të PD, nga Ristani, Duka, Zogaj, Ndoka, Bogdani etj mbeten jashtë Kuvendit.

Këta janë 12 kandidatët që deri tani janë humbës

Emrat

Astrit Veliaj

Edmond Isaku

Agron Duka

Luciano Boçi

Olsi Çukaj

Roland Bejko

Andrea Mano

Alban Zeneli

Prec Zogaj

Nard Ndoka

Gert Bogdani

Arben Ristani

Nga rezultatet e deritanishme të Komisionit Qendror të Zgjedhjeve, janë numëruar 954 kuti votimi nga 5362 të tilla në të gjithë vendin.

Ministri i LSI Sokol Dervishaj permes nje statusi ne Facebook, shkruan se LSI eshte ne prag te fitores në Sarandë, Delvinë, Finiq, Konispol e Himarë.

Statusi i plote:

LSI është në prag të fitores së madhe për të dalë forcë e parë në Sarandë, Delvinë, Finiq, Konispol e Himarë!

Prandaj, në kohën e mbetur deri në mbyllje të kohës së votimit, shpejtoni që të jepni votën tuaj për të shpëtuar Shqipërinë nga kthetrat e krimit dhe të bandave të kanabisit!

Eja dhe voto!

Voto edhe ti!

Në takimet e shumta derë më derë, sy për sy, në mitingje e tubime më të vogla me njerzit gjatë këtyre ditëve në Kamëz e rajone të tjera të kësaj bashkie, kam lexuar në sytë e njerzve çdo shqetësim  e problem.
Njerzit nuk duan dhe nuk presin shumë, por mbi të gjitha presin që deputeti, shtetari, zyrtari të jenë njerëz të thjeshtë, të jenë njerzorë, të sillen si njerëz, të mos përbuzin e shpërfillin askënd, të mos jënë mashtrues, arrogantë, fodullë.
“A do të vish të na takosh pasi të fitosh”, më pyeti një ditë një zgjedhës në një lagje të Kamzës. U stepa një moment. Patjeter, i thashë, do të vij. U ula me të në ballkonin e shtëpisë së tij. Ai nuk priste as kërkonte as shpresonte gjë tjetër nuk donte gjë tjetër nga deputeti, por veç të shkonte ta takonte, ta përfillte, ta konsideronte, ta begeniste, të ulej me të, të diskutonin problemet bashkë edhe nëse nuk zgjidhen. Ia premtova dhe unë nuk kam shkelë kurrë asnjë premtim dhe nuk do ta shkel as këtë premtim para zgjedhësve të mi.
Ky është premtimi më i madh që u bëj banorëve të Kamzës e zonave përrreth, premtim që e kam në dorë vetë që ta mbaj, do t’u shkoj edhe kur s’më thërrasin, do t’i takoj, do të rri me to, edhe kur nuk kam mundësi të ndërhyj për t’ua zgjidhë ndonjë hall apo problem. Unë do të jem me ta.
Le të ndërtojmë familjen tonë të përbashkët larg veseve, krimit, drogës dhe emigrimit. Vetë ta marrim e ta mbajmë sërish veten në dorë.
Duke mos pritur asgjë nga shteti, njerzit këtu në Bashkinë Kamëz i kanë bërë të gjithë gjërat vetë. Vetë do ti bëjnë përsëri. Jemi në një rajon kur qytetari i zakonshëm, vital, vetë projekton, vetë mat, vetë ndërton me dorën e vet çdo gjë dhe e çon vilen 3, 4 e 5 kat. I bën të gjitha vetë. Po kjo është një mrekulli, një çudi që në vende të tjera nuk do ta besonte askush se një njeri i zakonshëm, projekton dhe zbaton ndërtimin e një vile 5 katëshe vetë.
18 mijë të punësuar nga iniciativa private në ndërmarrjet e ndryshme në Kamëz. Unë besoj e shpresoj shumë se do të gjallërohet inciativa private nën qeverisjen e Partisë Demokratike me kryeministër Lulzim Bashën.
Shteti vetëm u dha mundësinë e levizjes së lirë këtyre njerzve, por nuk i ndihmoi, nuk i lehtësoi, përkundrazi, shpesh i stresoi duke mos ua legalizuar banesat që i kanë ndërtuar vetë, në toka që nuk ia kanë marrë dhunshëm askujt por ia kanë blerë patjetër dikujt qoftë edhe me një mandat apo deklaratë të thjeshtë dore, duke i penguar përmes administratës, duke i denigruar, etiketuar e përbuzur nga politikanë “pa din e pa iman”.
Minatori i dikurshëm i Valiasit, që bashkë me shokët e tij rrëzuan qeverinë socialiste të Fatos Nanos, që atë  kohë u bënë heroj dhe na mësuan protestën, tani riparon biçikleta. Ai nuk pret që të bëhet hero i punës socialiste por po mbijeton duke riparuar biçikleta, të cilat kanë dalë nga moda.
2 km larg selisë qeveritare gjeta njerëz në mjerim të skajshëm. Një frigorifer bosh, krejt bosh, që zoti e din se kur mund të ketë patur mish në të, më ka mbetur pamje tronditëse në sytë e mendjes. Askush nuk u kishte trokitë në derë. Askush nuk i kishte llogaritë shtetas të këtij shteti. Ua kishin ndërprerë energjinë elektrike që para dy vitesh se nuk kanë të paguajnë. Dy vjet pa energji elektrike. Ata nuk janë abuzantë që nuk duan të paguajnë, që duan t’ia hedhin shtetit, por ato nuk kanë mundësi ta paguajnë energjinë. Dhe shteti i territ i Edi Ramës, i le në errësirë pas asnjë vrasje ndërgjegje.
Një grua rome, gati ishte mësuar se nuk duhet kërkuar jetesë më e mirë, se duhet falenderuar kryeministri që ajo është gjallë dhe merr frymë, gati ishte mësuar se njerzit jetojnë në këtë vend falë kryeministrit Rama dhe rrezikohen të zhduken nëse ai zemërohet prej qytetarëve.
Unë jam Flamur Hoxha, njëri prej jush, sot dhe nesër.
Jam rritur i internuar nga komunizmi që ma pushkatoi gjyshin, kur unë isha në moshën shtatë vjeçe, kur gjyshi do të më merrte përdore, siç ëndërron çdo fëmijë për gjyshin e tij. U shkollova në vitet e demokracisë. Jam pjesë e Partisë Demokratike që nga dhjetori 1990. Jam sipërmarrës i suksesshëm në fushën e prodhimit të veshjeve dhe të ndërtimit, pa marrë pjesë asnjëherë në tendera me fonde publike.  Kam kontribuar për hartimin e programit ekonomik të Partisë Demokratike, për një ekonomi të fortë dhe të ardhme të sigurtë. Ulja e TVSH-së në 15 %, taksa e sheshtë 9 % dhe lehtësimi i pengesave burokratike, do të ndikojë për rritjen e nivelit të jetesës së çdo qytetari. Pensioni minimal do të jetë 25 mijë lekë. Askush nuk do të jetojë në terr për shkak të pamundësisë së tij ekonomike. Familjet që trajtohen me ndihmë ekonomike do të marrin falas 300 kilovat energji elektrike.
Jam përpjekur t’i garantoj zgjedhësit se si deputet i tyre, se do të jem i përulur dhe i drejtë për të gjithë.
Pashë këto kohë në Kamëz e lagjet e saj njerëz të pafytyrë që vijnë dhe kërkojnë votën këtu sërish për të qeverisur edhe katër vjet të tjera.
Nuk duan që t’ua kujtojë askush gënjeshtrat që ua kanë bërë qytetarëve para katër viteve. 300 mijë vende pune – ky supërmashtrim endet në ajër dhe atij që e ka bërë këtë mashtrim nuk i skuqet aspak faqja e zezë e turpit. 300 mijë forca të lira pune ikën nga atdheu nën qeverisjen e Edi Ramës dhe enden udhëve të Europës me shpresë stabilizimi në Gjermani  e vende të tjera. Vijnë me të njejtat gënjeshtra, me të njejtat fytyra, por me një ndryshim, nuk rrejnë për toke, por rrejnë për qielli.
Timoni në duart e tyre do të thotë Shqipëria në greminë. Shqipëria e mbushur me krime dhe drogë, me njerëz pa shpresë që mezi presin të ikin nga atdheu. Ata thonë se do të krijojnë vende pune këtu. Po pse nuk krijuan asnjë në këto katër vjet? A mos u duken pak katër vjet? Ata nuk kanë fare respekt për kohën e jetën e njerze që ju ikë pa e kuptuar në skamje dhe në mjerim të vazhdueshëm. Vetëm në rritjen e drogës punësuan disa njerëz ilegalë, sepse vendin e bënë kanabistan.
Partia Demokratike respekton konkurencën paqësore midis alternativave. Ajo zhvilloi një betejë të jashtëzakonshme për zgjedhjet e lira.
Kam përshtypjen se kjo lloj fushatë zgjedhore pa llogaridhënie nga qeveria por me hidh e prit, shaj e ulërij, ngri tone e kërcëno midis Partisë Socialiste dhe Lëvizjes Socialiete për Integrim, sikur po u shkon për shtat të dy forcave politikem, pikërisht për t’i dredhuar përgjegjësive dhe llogaridhënies.
Më duket se gjithmonë ato kanë dëshirë të kapardisen, të shfaqen si burra të fortë dhe mbase kështu shpresojnë se do të shpërblehen me vota.
Jam i bindur se askush nuk do të shprëblejë terrorin verbal.
Pushtetarët aktualë që qeevrisën vendin 4 vjet, në vend që të jepnin alternative e të dilnin me programe ata luajnë komedi me heroj dhe viktima.
Nuk i duhet dhënë më asnjë shans rikthimit të përjetshëm të gënjeshtrës elektorale. Nëse arrijmë ta ndalim atë, atëherë realisht kemi bërë diçka të re.
Është e kotë të gënjejmë veten, është e kotë të pranojmë të qeverisemi me anë të gënjeshtrës.

Flamur Hoxha u lind në Kukësin e vjetër më 20 mars 1968. Pas mbarimit të shkollës së mesme, punoi dy vite në ndërtim, 1986-1988 dhe ushtar në Sazan, 1989-1990. Që nga dhjetori 1990, bashkë me familjen i bashkohet levizjes studentore si nismëtar i Partisë Demokratike në Durrës. Është pjesë e sipërmarrjes së lirë prej vitit 1993 e në vazhdim në Tiranë. Fakultetin për drejtësi e kreu në Shkodër.
Është pronar – administrator i ndërmarrjes së veshjeve për eksport KLER, i kompanisë së ndërtimit FB-ART, i ndërmarrjes KLER Itali, Investitor në fushën imobilare dhe të ndërtimit, President i Dhomës Kombëtare të Veshjeve (Industria tekstile) 2008-2012, Anëtar i Këshillit Konsultativ të Biznesit në Ministrinë e Ekonomisë, Tregtisë dhe Energjitikës, 2008-2012, Zv.president dhe donator i ekipit të futbollit FK Kukësi 2009-2013, Senator i Qendrës Shqiptare të Studimeve Amerikane e Britanike në Tiranë (ACABS), Sponsor dhe donator i veprimtarive letrare-kulturore, financues i disa librave me vlerë dhe i Revistës letrare të Tiranës “Illz”.

Zëvendëskryeministrja Ledina Mandija është shprehur e shqetësuar në mbledhjen e pestë të Task Forcës rreth punësimeve të bëra nga institucionet shtetërore, ministritë, shoqëritë me kapital 100% shtetëror që janë varësi e ministrive, bashkive për periudhën 25 maj deri me 22 qershor.

Burime nga mbledhja bëjnë të ditur se Mandija, referuar informacione të ardhura nga Drejtoria e përgjithshme e Tatimeve, ka verifikuar punësimin gjatë periudhës zgjedhore të 3580 punonjësve së administratës që në kundërshtim me Urdhrin të Kryeministrit nr.65 , Vendim të Këshillit të Ministrave nr.473 si dhe në kundërshtim ne nenin 88 të Kodit Zgjedhor .

Zëvendëskryeministrja u shpreh se po vlerëson mundësinë që i gjithë ky informacion të dërgohet për një verifikim të hollësishëm Kontrollit të Lartë të Shtetit, një institucioni kushtetues dhe ligjor për ushtrimin e kontrolleve në veprimtarinë e Institucioneve të administratës shtetërore përfshirë këtu edhe shoqëritë sh.a me kapital shtetëror, punonjësit e të cilave paguhen nga fondet e parave publike.

Kapet mat një doganier në Shkodër, me lista votuesit dhe shuma parash të dyshuara se do t’u jepeshin shtetasve në këmbim të votës së nesërme.

Mësohet se policia e Shkodër ka arrestuar Izmir Bushaj 26 vjeç banues ne fshatin Kullaj, me detyre doganier ne doganën e Vermoshit. Bashkë me të u prangos edhe shtetasi Xhyher Bushaj, raporton gazetari i “Panorama”.

Nga hetimet e para, sipas policise, keta dy persona ne momentin e ndalimit iu gjeten brenda automjetit ku udhëtonin, tip Hunday me targa AA 797 MK një liste votuesish si dhe sasi e konsiderueshme parash.

Shuma qe dyshohet se ishin te destinuara për personat e percaktuar me qellim blerjen e votës.

NJOFTIMI I POLICISE:

Sot, Policia e Shkodrës mori informacion në rrugë operative se në fshatin Kullaj dhe Ura e Mesit disa persona me një automjet tip Hunday me targa AA 797 MK dyshohej se kishin një listë votuesish dhe sasi të konsiderueshme parash të destinuara për t’i shpërndarë me qëllim blejrjen e votës.

Si pasojë e veprimeve profesionale nga strukturat e Drejtorisë Vendore të Policisë Shkodër është bërë e mundur kapja në flagrancë e shtetasit:

I. B. vjec 26, banues në Kullaj, Shkodër, me detyrë doganier në doganën e Vermoshit.

Xh. B. 30 vjeç, banues në Drisht, Shkodër

Pasi u bë kontrolli i automjetit tip Hunday me drejtues I.B. u konstatuan në një çantë të zezë një listë votuesish dhe sasi e konsiderueshme parash ku rezultuan 48 copë kartmonedha me prerje 2000 lekëshe, të destinuara për ti shperndarë me qëllim blerjen e votës.

Gjithashtu gjatë kontrollit fizik të shtetasit Xh. B. I cili ishte pasagjer në mjetin e lartpërmendur, iu gjetën 3 kartmonedha me prerje 2000 lekëshe.

Materialet do ti referohen Prokurorisë se Rrethit Gjyqësor Shkodër për veprat penale “Korrupsioni aktiv në zgjedhje” e “Korrupsioni pasiv në zgjedhje” të parashikuara nga nenet 328/a/b i Kodit Penal.

Kandidati për deputet në Tiranë dhe ish-ministri i Brendshëm Fatmir Xhafaj tha se në korrik të 2015 qeveria rrezikonte të binte sepse LSI kishte konflikt me PS për reformën në drejtësi.

Xhafaj tha në “Tonight” te gazetares Ilva Tare se marrëveshja e 22 korrikut ishte një hap prapa për reformën në drejtësi.

Xhafaj: Po patjetër, qeveria në korrik të 2015 mund të binte sepse LSI kishte konflikt të brendshëm me ne për shkak të reformës në drejtësi. E kapërcyem

Ilva Tare: Po ku e kundërshtonin reformën në drejtësi?

Xhafaj: Projekti kushtetues në gjykimin e tyre nuk ishte i duhuri. Shumë zgjidhjeve që i janë dhënë sipas tyre nuk duhe të ishin në kushtetutë, sipas nesh duhet të ishin në kushtetutë, përfshi vettingun, institucionet që kanë të bëjnë me luftën kundër korrupsionit dhe kushutetuta duhet të ishte shumë më e lehtë nga pikëpamja e pandëshkueshmërisë sesa është sot. Ne i jemi  përmbajtur pikëpamjes që këto duhet të ishin në kushtetutë pavarësisht se mund të mos dukej kaq elegante kushtetuta, por në kushtet e realitetit, në kushtet kur tensionet e mungesës së edukatës kushtetuese respektit ndaj ligjit ka qenë e domosdoshme për  të qenë në kushtetutë dhe koha na dha ne të drejtë. Pse na dha ne të drejtë? Nëse vettingu nuk do të ishte në kushtetutë, nëse SPAK nuk do të ishte në kushtetutë, nëse BKH nuk do të ishte në kushtetutë,  nëse  Gjykata Speciale për luftën kundër krimit të organizuar nuk do të ishin në kushtetutë sot gjykata kushtetuese do ti kishte rrëzuar.

Ilva Tare: Nuk i donte Meta në Kushtetutë këto që po thoni?

Fatmir Xhafaj: Kemi pasur diskutime dhe debate të ndryshme. Nuk keni nevojë të pyesini fare, LSI  në momentin që është paraqitur projekt kushtetuta kanë shkuar me projekt më vete në Venecia. Nuk është se ata e kanë bërë në mënyrë të hapur. PS, BE dhe SHBA kishin qëndrim të unifikuar në këtë pikë. PD natyrisht kishte një  qëndrim kushtetues në thelb të projektit dhe reformës në tërësi, kurse LSI në disa aspekte, se duhet ta them nuk ishte në një pozicion me PD për hir të së vërtetës dhe qëndrimi që ka mbajtur në komisionin e posaçëm është një qëndrim pozitiv, bashkëpunues me ne. Por nga pikëpamja e qendrimeve politike ka pasur diferenca si e kanë parë përmbajtjen e këtij projekti. Diferenca që cuan dhe bënë ndryshime. PD ka ushtruar presionin e vet, LSI presionin e vet dhe sot ndryshimet që janë bërë në 22 korrik nuk janë ndryshimet që i kanë bërë mirë reformës. Marrëveshja e 21 korrikut është hap prapa.  Marrëveshja e 22 korrikut ishte një konsensus numrash, por nuk i shërbeu.

Kryeministri Rama ka folur mbreme në “Top Story” për koalicionin e prishur me Ilir Metën. Rama tha se ai kishte që në shtator që i kërkonte Metës koalicion.

Mirëpo sipas tij, Meta i tha vetëm “prit”. Kryeministri tha se pas 25 qershorit, e vetmja gjë e sigurt është që LSI-ja do jetë opozitë.

“Unë nuk jam prishur me LSI në asnjë moment. Kam kërkuar që në shtator që të bëjmë koalicionin me Ilir Metën, por përgjigjja ishte strategjike ‘prit’.  Kur kam ngritur këtë problem nuk e kam me LSI. Konfliktin e filloi LSI”, u shpreh Rama.

Astrologia Meri Shehu bazuar në numrat e renditjes në fletën e votimit dhe më pas në shenjat e horoskopit për tre liderët e partive kryesore, PS, PD dhe LSI ka bërë një parashikim lidhur me mundësinë për fitore në zgjedhjet e nesërme parlamentare.

E ftuar në emisionin e Rudina Magjistarit në Klan, astrologia ka bërë këtë parashikim:

Numri 1- LSI, energjia e numrit 1 parashikon fillime të reja, vullnet i fortë, mundësi për rezultat. Duke e analizuar me Metën që është Dash janë pak në vështirësi, vetë Dashët janë në vështirësi, e do ti duhet punë dhe shumë përpjekje që të dalë mirë. Mundësia e 1 është e mirë, pozitive

2-PS, presupozon dualizmin, fuqinë e logjikës, balancën, sjell energji për balancë ose dualizëm. Duke thënë këtë, fitorja i bie të jetë e mirë, por kërkon partneritet, nuk përjashtohet mundësia e koalicionit.

6-PD, numër legjendë, ca e kanë fat, ca frikë, une them nuk është frikë, shpreh mirësi, dashuri, diplomaci të hollë. Sjell energjinë e diplomacisë, pra PD me diplomaci do arrijë në një pozicion të këndshëm, nuk përjashtohet koalicion se diplomacia con në marrëveshje.

Sipas shenjave

Meta është Dash. Dashi ka 7 vjecar të vështirë, godet Urani, pra janë në pozicion të vështirë, kanë Jupiterin në opozitë dhe kanë fitore jo të sigurt.

Rama, Gaforrja. Sot kemi hënë të re në Gaforre, por tregon fuqi fituese, ringritëse dhe që merr fuqi të re. Alternuar me numrin 2 fitorja nuk është kaq e qëndrueshme, pra do kërkohet koalicion.

Basha, Binjakët. Numri 6 do dalë më mirë nga sa pretendohet, shenja e binjakëve janë të favorizuar këtë vit, Jupiteri u jep shanse, diplomacia u përshtatet, numri 6 sjelle energji të çuditshme, do arrijë më mirë nga sa pretendohet.

Fitorja do jetë e njërit, por nuk do jetë kaq e pastër.

VLORE- Kryeministri Edi Rama nga mitingu përmbyllës i fushatës elektorale dha dy alternativa lidhur me mundësinë e koalicioneve pas zgjedhjeve të 25 qershorit.

Teksa u bëri thirrje shqiptarëve që ta mbështesin, që PS-ja të krijojë një koalicion ku të udhëheq, ose do të vazhdojë koalicioni që piqet me rrënjët në brumin e ri të tepsisë së vjetër.

Mes të tjerash nga Vlora Rama thumboi edhe Ben Blushin, ndërsa e cilësoi atë ‘personazh letrar’.

“Është dhe partia e atij personazhi letrar që për çdo fëmijë do jepte 1 mijë euro. Harroni çdo parti tjetër. Në çdo vend të Shqipërisë unë flas për programin. Por këtu në Vlorë është zemra ime që rreh për ju dhe bashkë me ju. Vëllezër dhe motra të tërë janë kapur pas timonit. Unë kur them: Votoni nr 2, nuk është për të pasur më shumë pushtet, por për ta bërë më shumë pushtet për shtetin. Nga Vlora, ju them të gjithëve, se zgjedhja mund të jetë vetëm një; që të ecim bashkë të dy, supë më supë. Ç’janë shqiptarë, ndryshe lumë do na marrë. Ndihni për të mirën nënë, për të mirë….”. Dhe deri në momentin kur duhet të votoni të gjithë ju që na ndiqni dhe na votoni. O një koalicion që e udhëheq PS dhe rreh njërin krah tek ju ose një koalicion që piqet me rrënjët në brumin e ri të tepsisë së vjetër. Rroftë partia e Shqipërisë, rroftë Shqipëria kuq e zi”, pohoi kryeministri.

Kreu i PD-së, Lulzim Basha, deklaron se shqiptarët janë mosbesues në raport me krijimin e një qeverie të madhe PS-PD pas zgjedhjeve të 25 qershorit. Në një intervistë për emisionin “Top Story” në “Top Channel”, të gazetarit Sokol Balla, kreu i opozitës solli në vëmendje rastin gjerman të bashkëqeverisjes për të treguar se është një koalicion që nuk funksionon.

Por, gjithsesi, Basha nuk mohoi që në varësi të mënyrës se si do të votojnë shqiptarët, PD do të vendosë si kusht vetëm zbatimin e programit të saj për të bashkëpunuar me çdo forcë politike.

Cila është ideja politike e Republikës së Re?

Pjesa politike është ndryshim sistemi. Ndryshim i thellë kushtetues. Në Shqipëri ka humbur lidhja midis politikanit dhe qytetarit, kjo ka ndodhur gradualisht. Përgjegjësia është e të gjitha palëve politike dhe në veçanti e palëve që hartuan ndryshimet kushtetuese të vitit 2008, me anë të të cilave kryetarët e partive u bënë zotër të Parlamentit. Kreu i maxhorancës zot i Qeverisë, zot i Parlamentit, kreu i opozitës zot i pjesës që mbetet. Me ndryshimet kushtetuese të 2008-s distanca e të zgjedhurve dhe qytetarëve ka arritur në nivele që nuk i ka njohur kurrë më parë në këto 27 vite. Deputetët nuk kanë nevojë të mbajnë marrëdhënie me qytetarët, mjaftojnë ta mbajnë mirë me kryetarin e partisë. Deputetët, duke mos ndjerë përgjegjësi para qytetarëve, jo vetëm tolerojnë, por bëhen pjesë e çdo zullumi ekzekutiv. Reforma e thellë e Republikës së Re do të thotë në radhë të parë t’ua kthejmë pushtetin qytetarëve.

Cili është mekanizmi juaj për ta ndryshuar këtë situatë?

Deputetët do të zgjidhen direkt në zona maxhoritare. Do të jenë 100 deputetë, nuk ka përse të jenë 140 deputetë. Pa korrektim fare. 100 deputetë me 100 zona. Të shkojnë te qytetarët të marrin mandatet e qytetarëve çdo dy vjet. Se çfarë ndodh, e marrin mandatin, sidomos në këtë sistem dhe shtrihen salloneve të Tiranës. Ka deputetë që kanë 4 vite që nuk janë kthyer nj ëherë në zonë. Unë do të luftoj që kjo të ndodhë. Uroj të gjej konsensusin e forcave të tjera politike. Kjo rrugë nuk ndalet me marrëveshjen politike. Kjo rrugë filloi me marrëveshjen politike. Republika e Re ose do të vijë përmes një konsensusi politik për të rikthyer pushtetin te qytetarët me këtë sistem që them unë, ose ne do t’u drejtohemi drejtpërdrejtë qytetarëve.

Qeveria aktuale, kur ka ardhur në pushtet në 2013-n, ka qenë kundër disa koncesioneve që qeveria juaj kishte lënë. Ishte e pamundur për shkak të kontratave që ato koncesione ishin lidhur të prekeshin. Jeni i bindur që ju mund t’i prekni koncesionet?

Ne kemi marrë një model të hartuar nga ekspertë amerikanë për situata të ngjashme korruptive në Afrikë dhe në Amerikën Latine. Ky model që ne do ta vëmë në funksion menjëherë në mbledhjen e Parlamentit të ri, jo vetëm mundëson anulimin e koncesioneve korruptive, por mundëson edhe hapa ligjorë dhe operacionalë për të gjetur dhe kthyer mbrapsht paratë e fituara nga koncesione korruptive. Unë kam kontaktuar me autoritetet amerikane. Unë kam folur gjerësisht për këtë me drejtorin e përgjithshëm të Europolit. Ne do të kemi një asistencë të specializuar, jo vetëm do të anulohen këto koncesione, por paratë do të gjurmohen dhe do të rikthehen aq sa janë. Kjo është e mundur.

Ku janë këto para?

Të paktën për një rast, paratë janë në parajsa fiskale. Është një fakt që e di unë, e di komuniteti diplomatik në Tiranë. Është një fakt që e di Europoli. E kam fjalën për aferën “CEZ”. E kam fjalën për 600 milionëshin e falur dhe paratë që kanë ndërruar duart për shkak të kësaj.

Ministri Gjiknuri…?

Edhe më lart… bëhet fjalë për 600 milionë euro. Për një skemë të thellë korruptive. E dini pse u rritën faturat më pas? Ky është një cirk që do të marrë fund.

Do të bënit koalicion me Ramën pas zgjedhjeve?

Edi Rama nuk ka ulje taksash, por ka rritje taksash në projektin e tij. Kjo është e papranueshme për mua. Unë pres që qytetarët shqiptarë të votojnë masivisht planin tim ekonomik. Edhe me këtë pritshmëri timen, që unë pres të përmbushet nga qytetarët më 25 qershor, unë kërkoj një klimë të re politike. Një kryeministër me një etikë të re. Do të kërkoj bashkëpunimin e çdo faktori politik për të mbështetur iniciativat e mia. I kam votat, sërish do ta kërkoj. Aq më shumë nëse qytetarët do të vendosin për një ndarje tjetër votash, të cilën unë nuk e shpresoj. Sepse besoj që vota për ekonominë do ta nxjerrë fituese PD-në.

Nëse ka ndarje tjetër votash?

Unë do të bashkëpunoj me çdo forcë politike që ndan me mua prioritetet e zhvillimit të Shqipërisë. Kushdo që ndihmon në realizimin e programit tim, e ka derën e hapur për bashkëpunim politik edhe po të jetë në opozitë me PD-në…

Jeni dakord me gjermanët, një përfaqësues i së cilës e ka mbështetur idenë e qeverisë së madhe PS-PD?

Gjermanëve të mi të CDUsë u kam thënë në janar, po e them si me batutë tani. U thashë: “Nuk ju vjen zor që keni 12 vjet që qeverisni, jeni parti e parë dhe socialistët nuk ju lejojnë të ndërmerrni reforma të mëdha. Harxhoni 47% të buxhetit, taksat i keni të larta, ose ulni taksat, ose bëni investime të mëdha publike”. Për fat të keq me koalicionin e madh atje ka ngrirë pikat që CDU ka në programin e saj. Unë pres që shqiptarët ta votojnë programin tim. Unë pres një ndryshim të madh njësoj si në vitin 1992. E dyta që pres është një mosbesim i madh te koalicioni i madh. Pse? Çfarë do me thënë koalicion i madh? Unë them taksa të ul- ëta, ai thotë taksa të rritura. Unë them shpenzime për arsimin, pensionet, ai thotë fasada.

Si i shikoni deklaratat e Metës edhe si President i zgjedhur?

Nuk shoh asgjë antikushtetuese, antiligjore, por nuk mendoj se është etike angazhimi i një individi që është zgjedhur President i Republikës, aq më tepër në tone të larta.

TIRANE– I ftuar në emisionin ‘Rudina’ kreu i Partisë Demokratike, Lulzim Basha ka rrëfyer anën tjetër të tij jashtë politikës. Basha ka folur edhe për martesën me bashkëshorten e tij, Aurela në vitin 2004, ndërsa u shpreh se në atë kohë ishin lodhur shumë, pasi ndryshe nga sot ku çdo gjë mjafton të paguash atëherë duhet të përgatisje vetë çdo gjë.

Ndërsa për vajzat, Basha tha se e vogla është komandantja e shtëpisë. Ai ka treguar edhe një moment të sikletshëm që ka kaluar ai dhe Aurela kur ishte shtatzënë me vajzën e vogël.

Basha tha se atë kohë ishte në mes të fushatës elektorale kur Aurela në muajin e shtatë të shtatzënisë pati një komplikacion shqetësues, por e kaloi fatmirësisht. Ai u shpreh se ndryshe nga vajza e parë, tek e dyta nuk mundi të asistojë gjatë lindjes së saj.

Ish-ministri i LSI-së, Dritan Prifti bën një mesazh katër ditë para zgjedhjeve dhe kërkon që në Fier të votohet Partia Socialiste, ndërsa në Shkodër, Tom Doshi. Ai komenton gjthashtu marrëveshjen Rama-Basha dhe thotë se do të jetë 100 herë më mirë se bashkëqeverisja me LSI.

“Sigurisht qe me pelqen fakti qe Rama arriti te bej nje marreshje para dhe pas zgjedhore me Bashen. 100 here me mire se bashkeqeverisja me LSI”,- thotë Prifti.

STATUSI I PLOTE I PLOTE
Pershendetje te dashur miq, nuk kisha asnje deshire te jepja ndonje mesazh per zgjedhjet parlamentare kete here, sepse cfaredo qe te them e bej jo me entuziazem. Na duhet perseri te zgjedhim te keqen me te vogel nga partite qe garojne. Nuk kemi akoma nje alternative politike per te cilen ja vlen te votohet me entuziazem. Meqe eshte keshtu, une do ti pergjigjem shume miqve te mi qe me telefonojne dhe shkruajne cdo dite per te kerkuar mendim per cilen parti duhet te votojne.

Nuk dua te jap mendim se per cilet duhet te votojme ne rang vendi, sepse nuk i njoh kandidatet, por do guxoj te jap nje mendim per Qarkun Fier dhe Shkodren. Ne Fier une do votoja Partine Socialiste sepse i njoh kandidatet dhe socialistet jane superior. Numri 9 dhe 10 ne listen e PS qe mund te jene ne vendet e rrezikuara jane 2 persona qe e meritojne me shume se cdokush te jene ne Parlament. Gramoz Rucin e njoh per me shume se 30 vjet si nje shok i mire i babait tim. Deputet me eksperience te pakrahasueshme, i ndershem, qe nuk ka kerkuar dhe pranuar kurre poste ekzekutive. Dhe Xhevit Bushin e njoh qe nga koha qe ishte bankier e me tej. Eksperienca e tij si bankier, financier dhe njohes i shkelqyer i gjendjes se popullit, veshtiresite e medha per te paguar kredite dhe mikrokredite qe po i marrin frymen popullit. Kjo eksperience i duhet Parlamentit te ri. Dikush duhet te mendoj per sektorin bankar dhe njerezit ne veshtiresi. Per keto arsye une ne Qarkun Fier do votoja Partine Socialiste. Sigurisht qe me pelqen fakti qe Rama arriti te bej nje marreshje para dhe pas zgjedhore me Bashen. 100 here me mire se bashkeqeverisja me LSI. Kurse per Qarkun Shkoder do kerkoja voten me gjithe zemer per Tom Doshin dhe Partine Social Demokrate. Nuk kam njohur kurre ne jeten time deputet qe ben aq shume per elektoratin, qe i pergjigjet ne telefon cdokujt, qe kalon shumicen e dites me votuesit per 4 vjet te mandatit, dhe jo vetem ne fushate. Tomen une e kam me shume se mik. Politikanet e kriminalizuar jane perpjekur ta bejne pis, por nuk ja kane arritur. Donin ti mohonin kandidimin, donin ta burgosnin pasi deshtuan ta vrisnin. Por Toma vazhdon te ece perpara. Asgje nuk i bejne nje besimtari ne Zot kaq te sinqerte sa Toma. Per te gjitha keto arsye dhe per patriotizem shkodran nje luftetar si Toma duhet te jete ne Parlament. Pervec kesaj populli nuk do ja mbyll kur vetes nje dere te hapur per hallet e tyre.
Miqte e mi te dashur,
Si gjithmone nese ma degjoni keshillen nuk do dilni te zhgenjyer.
Zoti ju bekofte dhe mire u takofshim se shpejti.
Me falni qe nuk mund ti pergjigjem mesazheve tuaja ne fb sepse nuk e ndjek dhe nuk e administroj une ne kushtet qe kam.
Perqafime
Dritan Prifti

Zbardhen të tjera detaje nga ekzekutimi i mbrëmshëm në hyrje të banesës së tij të 35-vjeçarit në Vlorë. Ai ishte shpërngulur në rrethana të paqarta 5 vite më parë nga Tropoja.

“Panorama” shkruan se dy persona me maska dhe me armë kanë trokitur në banesën ku jetonte 35- vjeçari me gruan e tij.

Ata e kanë qëlluar me katër plumba sapo ka hapur derën, duke e lënë të vdekur në vend. Viktima është Fatjon Sinani, 35 vjeç, i cili jetonte në një apartament në lagjen “Partizani”, që ndodhet pranë spitalit rajonal të Vlorës.

35-vjeçari mbeti i vdekur në vend si pasojë e katër plumbave, ku një prej tyre i shkaktoi plagë të rëndë në kokë.

I riu Sinani mësohet se kishte rreth 5 vite që jetonte në qytetin e Vlorës, pasi bashkëshortja e tij është nga ky qytet. Çifti jetonte vetëm sepse ende nuk kishin fëmijë.

Kreu i Partisë Demokratike, Lulzim Basha shprehet i vendosur për të realizuar planin e tij ekonomik për të përmirësuar situatën në vend dhe për të rritur punësimin. Në emisionin “Studio e Hapur” me gazetaren Eni Vasili, Basha shprehu bindjen se në zgjedhjet e 25 qershorit, PD do të marrë 72 mandate.

pyetur nëse do të bëjë një marrëveshje apo koalicion paszgjedhor me LSI, nëse nuk i merr 71 mandatet e nevojshme për formimin e qeverisë, Basha tha në studion e “News24”, se rëndësi ka për të zbatimi i planit ekonomik. Ai tha se se interesi i qytetarit është para interesave politike.

Në një intervistë në “News24” mbrëmjen e djeshme në emisionin “Të paekspozuarit”, Rama u shpreh se PS dhe LSI nuk kanë asnjë shans të bashkëpunojnë pas zgjedhjeve, ndërkohë që la të hapur mundësinë e koalicionit mes PD dhe LSI.

Në përgjigje të kësaj, Basha tha se:

“Unë nuk po merrem me komentet që bëjnë dy njerëz të dëshpëruar, pa bilanc, pa plan, dhe të obsesuar vetëm me pushtetin e tyre. Unë dua që kjo të marrë fund. Kjo është dëshira që kur jam futur në politike, si politikan aktiv. Ndaj jam shumë i vendosur, pasi e shoh se jemi shumë afër që kam dëshiruar. Kemi shansin t’i japim fund kalkulimeve politike në të mirë të politikanëve”.

Ju thoni që PD do jetë forcë e parë. Nëse nuk merrni 71 mandate, me kë do bashkëqeverisni më 25 qershor?
Kjo është larg paradigmave dhe koncepteve politike dhe mediatike të ditëve të sotme. Deri sot flasim me kë do bësh koalicion, si do t’i ndash portofolat, kush do të bëhet filan ministër. Çfarë do të thotë republika e re? Në radhë të parë do të thotë të vëmë interesin e njerëzve të parin. Dhe kjo për mua kalon nga ulja e TVSh-së, nga 20 në 15%; nga taksa e sheshtë 9 %; nga taksa për biznesin e vogël bashkë me tarifat lokale jo më shumë se 1.5 % e xhiros vjetore, dhe pulla fiskale që do të ndalojë futjen e inspektorëve tatimorë. Pra synojmë tërheqjen e inspektorëve nga rrugët. Synojmë të mos ketë shpenzime për fasada e palma, por për shkolla e kopshte. Shkolla me drekë deri në orën 4. Rikonstruksion i 1300 objekteve, shtim të stafin pedagogjik. Parashikojmë rritje të pensioneve. Këtu do shkojnë paratë e shqiptarëve.

Pra kush është dakord me këtë plan do të bashkëqeverisë?
Ne me këtë plan do të qeverisim Shqipërinë. PD dhe aleatët tanë do të qeverisin me këtë plan.

Nëse do të ju duhen votat e LSI çfarë do të bëni?
Ne do të qeverisim me këtë plan Shqipërinë, dhe me ekzekutimin e këtij plani nuk ka asnjë kompromis. Nuk do të ketë asnjë kompromis. Ne nuk do të bëjmë kompromise në kurriz të asaj që shqiptarët presin dhe meritojnë. I vetmi plan që e garanton këtë, dhe në fakt i vetmi plan në fushatë, është programi ynë ekonomik. Unë besoj se qytetarët shqiptarë që janë njohur me planin, dhe ata të tjerët që do të njihen shumë shpejt me të, do ta mbështetin dhe do të më japin mua dhe PD shansin të qeverisim për ekonominë, punësimin, biznesin dhe të gjitha.

E mohoni në mënyrë kategorike një marrëveshje apo një koalicion pas zgjedhor me LSI?
Unë kërkoj dhe kam bindjen se shqiptarët do të votojnë PD, koalicionin tonë opozitar për të zbatuar këtë plan ekonomik, i vetmi plan në fushatë. Nuk është nuk e mohoj. Unë pres që PD të qeverisë vendin pas 25 qershorit dhe të zbatojë planin ekonomik.

Por ka disa skenarë?
Ky është skenari i rrëzimit të republikës së vjetër me votë, me një goditje. Nëse ky skenar nuk ndodh, unë prapë se prapë ju them se republika e vjetër ka marrë fund. Natyrisht na pret një betejë tjetër deri në rrëzimin total të saj, por unë kam besimin se shqiptarët do ta rrëzojnë menjëherë dhe do të përqafojnë këtë përqasje europiane, këtë plan që funksionon në Europë dhe SHBA, taksa të ulëta që shpenzohen për ekonominë, për të rinjtë.

Emiljano Shullazi dhe 4 miqtë e tij akuzojnë prokurorët se kanë falsifikuar dokumentet duke i fajësuar me pa të drejtë.

Pas lajmit të disa viteve më parë, kur pamë një pamje tjetër të aktores Hajrie Rondo, për shkak të luftës së saj me sëmundjen e rëndë, na vjen sërish një lajm i keq prej saj.

Prej pak ditësh, saktësisht të hënën e javës që sapo shkoi, Rondo i është nënshtruar sërish një operacioni në kokë.

Pas njoftimit të Përparim Kabos, për gjendjen e aktores: “Një lajm i trishtë,… mikja jonë e shtrenjtë, artistja e shquar Hajrije Rondo, është shtruar në spital dhe i është nënshtruar një ndërhyrjeje të rëndë… Mike e dashur, e di që më dëgjon… Ajo ditë në Fier, kohë Pashkësh në atë takim, ishte shumë e bukur, ishte e kthjellët si je ti në shpirt, ishte me dritë si drita e syve të tu, kishte kumbim se atje fole Ti me shpirtin e zërin e bukur, dhe me krenarinë e mençur…

T’i nis këto fjalë nga zemra ime …dhe jam me ty, trimja jonë… Nga sot lutem për ty…”, -kontaktuam me vajzën e saj, Klea Ikonomi, e cila pohoi se gjendja jo e mirë ishte rikthyer krejt papritur. “Kishte vetëm 10 ditë që nuk ndihej mirë, ishte e pafuqishme, prandaj shkoi të bënte një skaner, pas të cilit bëri menjëherë ndërhyrjen. Tani është më mirë, presim që të përmirësohet, ndonëse vazhdon të jetë e shtruar në spital”, na thotë Klea, që ka zgjedhur të ketë të njëjtin profesion me të së ëmës. Pikërisht Kleas i jemi drejtuar edhe më parë, për të më- suar rreth gjendjes shëndetë- sore të Hajries, e cila pas terapisë së gjatë, zgjodhi të ishte më e tërhequr, por pa i larguar asnjëherë nga portreti mimikat e humorit të saj.

RIKTHIMI ME “TRE DHËNDURËT” PAS RIKUPERIMIT

Hajrie Rondo, edhe pse ndenji për një kohë të gjatë në heshtje skenike, në një moment, vendosi të rishfaqet, ashtu energjike siç është në karakter, në Teatrin e Metropolit në Tiranë, me dramën “Tre dhëndurët” të dramaturgut të njohur shqiptar, Dionis Bubani. Hajrie Rodo ka sfiduar sëmundjen që e mbajti prej më shumë se pesë vjetësh larg nga skena dhe ekrani, për të luajtur rolin e Zenepes. Për aktoren e mirënjohur Hajrie Rondo, pjesëmarrja në këtë shfaqje e ka bërë të ndihet mirë. “Erdha në kohën e duhur dhe vendin e duhur, sepse gjeta ekipin e duhur, njerëzit e duhur dhe institucion me dinjitet. Pashë që në këtë institucion punohet dhe dinjitetin ta jep puna, dhe unë njerëzit e punës i dua dhe i respektoj. Pashë një drejtoreshë tjetër, jo nga ato tipiket, puna e saj është maratonë.

Më janë krijuar kushtet dhe më është lehtësuar puna. Gjithashtu, edhe një regjisore të talentuar, egzigjente, punëtore dhe bashkëpunuese të mirë. Falënderoj dhe gjithë ekipin e aktorëve për komoditetin që më kanë krijuar”, pati thënë Rondo, duke e parë këtë edhe si një largim nga realiteti në të cilin ajo, do apo jo, me gjithë forcën, kujtohet përditë! “Arrita t’i bëja paralelisht të dyja: edhe terapitë mjekësore, edhe terapinë shpirtërore, që është teatri. I vendosa në peshore dhe ia dola”.

MEDALJA E MIRËNJOHJES “SIMBOLI I QYTETIT”

Ndërsa shfaqte komedinë “Tre dhëndurët”, e cila shërbeu si mundësi që Tirana të shprehë vlerësimin për kontributin e saj si një nga aktoret më të dashura për shqiptarët, aktorja Hajrie Rondo u prit disa muaj më parë në një takim të veçantë nga kryetari i Bashkisë së Tiranës, Erjon Veliaj, i cili i dorëzoi asaj Medaljen e Mirënjohjes, në shenjë vlerësimi për kontributin e dhënë ndër vite në teatër dhe në film, duke u shndërruar në një model frymëzimi për brezat e mëvonshëm të aktorëve.

Rondo, duke falënderuar Bashkinë, foli për sëmundjen e vet dhe theksoi se vetëm me punë dhe vullnet mund të arrihet çdo sukses, duke përballuar edhe sfidat që sjell jeta. “Faleminderit që kontributi dhe jeta ime ka qenë në vë- mendjen tuaj. Në jetën time kam pasur si lajtmotiv që ta shoh dhe ta përjetoj me ngjyrat më të bukura. Një nga këto ngjyra është ajo e profesionit që kam zgjedhur.

Ne kishim premierën në Teatrin e Metropolit dhe unë jam pjesë e asaj shfaqjeje. Kur dy zonjushat e nderuara, drejtoresha dhe Sonila, më bënë ofertën, isha në dilemë: ta marr apo jo? Të rri në shtëpi, të mbyllem dhe të bashkëbisedoj e trishtuar me sëmundjen, apo t’i them asaj def, ik tutje, sepse kam punë?

Zgjodha këtë të dytën, bëra mirë dhe ia dola. U lodha njëçikë, por stafi, drejtoresha, regjisorja dhe kolegët ma amortizuan dhe ma lehtësuan sëmundjen. Betohem dhe të jap fjalën se do të luftoj, do të luftoj fort t’i ngjit prapë ato shkallë, ajo është shtëpia ime”, u shpreh aktorja Rondo. Sot jemi ne që shpresojmë që aktorja t’ia dalë sërish!

Zhvillime të fundit nga Vlora. Kandidati për deputet i PSD, Leonard Beqiri, i pari i listës së partisë në qytetin bregdetar ka vendosur të lërë garën per zgjedhjet e 25 qershorit.

Kujtojme se Beqiri ka qene protagonist ne video pergjimin me ish ministrin e LSI-se, Dritan Priftin per akuzen e aferes me 70 mije eurot.

Gazetari i “Panorama” raporton nga Vlora se Beqiri ka deklaruar sot lajmin, duke dhënë edhe arsyen e këtij vendimi, të cilin ai vetë nuk e përcakton si një tërheqje nga gara.

“Unë nuk e cilësoj si tërheqje, por si një mbështetje ndaj PS-së dhe reformave të Qeverisë”- ka thënë ai.

I ftuar në emisionin “Opinion” gazetari Armand Shkullaku është shprehur se dy partitë e mëdha kanë shigjetuar partit e vogla, sipas Shkullakut sulmet PS-LSI nuk duhet të merren seriozisht:

“Nuk është çudi që ata të dalin për qafe të dy bashkë, prapë si në 1 prill 2013 dhe Ilir Meta ti japi dekretin për kryeministër Edi Ramës”. Lidhur me këtë Shkullaku ka përmendur edhe akuzat dhe kundërakuzat në 2009 mes Ramës dhe Metës.

Më tej Shkullaku është shprehur se ndodhemi në një situatë absurde, ku kemi 3 parti që janë kundërshtare në fushatë dhe po ashtu qeverisin të treja bashke.

Sipas gazetarit sulmet mes tyre ndodhin për të tërhequr vëmendjen e publikut, kështu partitë janë të pritura të gjejnë armiq dhe të sulmojnë njëri tjetrin.

“Për të nxitur votuesin, për të t’i ndarë, për t’i prekur, për t’i mobilizuar ata partitë duhet të shpallin një armik. Se praktikisht dhe bashkëqeverisje dhe kundërshtarë kjo nuk ndodh në një vend normal.

Armiku është shpikur tani, dhe e keqja më e madhe na qenka LSI-ja. Po të dëgjosh deklaratat e Ramës të ngjajnë me gjuhën e një kandidati që ka ardhur nga diaspora.

Nga Petro Koçi

Cdo incident duhet te hetohet me profesionalizem dhe partite te heqin dore nga hetimet politike me konkluzione te parapergatitura.

Dhuna eshte e papranueshme!

Por mendoj se incidentet po ndodhin si me porosi per te justifikuar presionin politik mbi policine, ne manyre qe ajo te stepet dhe te mos hetoje krimin elektoral.

Rreziku i kesaj fushate eshte perdorimi i parase se vjedhur me korrupsion per te blere votat e qytetareve.

Policia duhet te perqendrohet te kjo figure kriminale per te mos lejuar kompromentimin e zgjedhjeve.

Prandaj ajo nuk duhet te trembet nga presioni i organizuar qe po ushtrohet mbi te.

Taktika e presionit mbi uniformat blu eshte mirefilli nje manover politike .

Hetimet mbi incidentet e ndodhura te zbardhen sa me shpejt.

Drejtori i Përgjithshëm i Policisë së Shtetit Haki Çako gjatë paradites së sotme iu ka nisur një telegram me udhëzime drejtuesve qendrorë e vendorë të Policisë.

Drejtues të strukturave qendrore dhe vendore të Policisë së Shtetit, në vlerësim të ngarkesës aktuale dhe në zbatim të detyrave për prioritetin e rëndësishëm ligjor të menaxhimit të procesit zgjedhor; në kushtet e përballimit të ditëve të fundit të fushatës zgjedhore ku intensiteti i aktiviteteve dhe i incidenteve me motive politike duket në rritje, Ju udhëzoj:

– për angazhim maksimal dhe profesional të të gjitha strukturave policore në bazë e zbatim të ligjit për Policinë e Shtetit, Kodin Zgjedhor dhe aktet e tjera normative

– të kryeni vlerësim të menjëhershëm, objektiv, intensiv dhe profesional të ngjarjeve, situatave dhe pretendimeve, kallëzimeve të subjekteve politike ose individëve në kuadrin politik.

– në të gjitha rastet të njoftohen Prokurorët e rretheve gjyqësore, të kryhen veprime konform ligjit për Policinë e Shtetit dhe Kodin e Procedures Penale

– të ruhet gjakftohtësia në komunikim dhe etika policore

– të përcillet informacion objektiv dhe real për çdo veprim policor dhe situatë në qendrën e koordinimit të procesit zgjedhor në Drejtorinë e Përgjithshme të Policisë së Shtetit.

Drejtori i Përgjithshëm i Policisë së Shtetit
Drejtues Madhor Haki Çako

Ja 27 emrat e Komisionit të Vettingut që u miratuan sot në Kuvend në senacën e jashtëzakonshme, e cila ishte edhe e fundit e kësaj legjislature.

Kuvendi i Shqipërisë në një seancë të jashtëzakonshme ka miratuar ditën e sotme anëtarët e Komisionit të Pavarura të Kualifikim, që do të gjykojë pastërtinë e figurave të prokurorëve dhe të gjyqtarëve.

Kreu i Partisë Demokratike, Lulzim Basha, në emisionin “Zonë e Lirë” ka folur edhe për Ben Blushin, për të cilin ka thënë që dëshironte që opozita të qëndronte jashtë procesit zgjedhor.

Presidenti i zgjedhur, Ilir Meta ka thënë sot në studion “Kapital” të “Vizion Plus” se nuk e shqetësojnë thirrjet e militantëve të PS-së për Nanon President.

I pyetur nga gazetari për këtë çështje Meta tha se nuk ekziston asnjë fantazmë që t’i sjellë një shqetësim Ilir Metës.

“Së pari, nuk habitem për shashka të tilla kaq qesharake. Nuk ekziston asnjë fantazmë që t’i sjellë një shqetësim Ilir Metës, aq më tepër rinisë së Shqipërisë që sot është me Ilir Metën, dhe Ilir Meta ka dalë në mbrojtje të të rinjve të Shqipërisë, të së ardhmes së tyre.

Dhe e ardhmja e tyre fillon te vota e lirë. Aty fillon edhe shpresa për një Shqipëri demokratike, për një Shqipëri që mendon dhe punon për të rinjtë, jo për një Shqipëri që braktiset, siç ndodh dhe siç konkurrojnë, për fat të keq, me Sierra Leonen. Kështu që nuk ekziston asnjë shqetësim i tillë.

Për sa i takon dekretimit të qeverisë unë nuk kam thënë se nuk dekretoj qeverinë, sepse Shqipëria në çdo rast do të ketë qeveri.

Kam thënë që nuk dekretoj asnjë për kryeministër, apo ministër që përfshihet në cenimin e standardit të zgjedhjeve. Kështu që ky është qëndrimi im të cilin nuk e ndryshoj dhe nuk më intereson fare…”, tha Meta.

Për të disatën herë kam reprizuar poetin S. Buçpapaj dhe poemën e tij “Frikë nga Atdheu”, si një eksperiencë e dhimbshme se ku të çon politika e mbrapshtë e liderëve të papërgjegjshëm e të pa ideal nacional e human. Jo për kahje politike, për të cilën krenohem, por si shqiptare nuk di shembull më aparent se Edi Ramën e bandën e tij që të ketë shkaktuar kaq dhimbje e kaq pasoja pa riparim për ardhmërinë tonë.
Ai nuk është as i majtë europian dhe as bohem indian.
Ai nuk është lideri i një doktrine por melanzhi i një subkoshience të degraduar që pjell vetëm mbrapshti njerëzore dhe kombëtare.
Mjafton kanabizimi edvinist i Shqipërisë apo gafat bajate me Presidentin Trump për të konfiguruar përkufizimin e përçudnuar të liderit hipi te mazhoranca mjerane të një vendi në trishtim.
Asnjë shqiptar, sot edhe ata që ndajnë kundërshti e diversitete politike me mua, nuk gjen qoftë dhe një argument të mbrojë a të lëvdojë prijësin okazional e mjeran të së majtës.
Atëherë çfarë lipset?!
Përkulje e poshtërim nga çmenduria e preversiteti i një të sëmuri?! Aspak!
Shqiptarët, përveç përjetimeve të dhimbshme, ju mjafton dhe mesazhi i Presidentit Trump që dha përmes një ftese të liderit demokrat Basha në Washington D.C. Kush e lexon politikën pa asnjë vështirësi kupton përkthimin. Edi Rama kurrë nuk do jetë lider mazhoritar i Shqipërisë euro-atlantike !
Ky nuk është konstatim politik, por një aksiomë që vërtetohet më 25 qershor.
Mirëpo kjo nuk nënkupton krijimin e opozitave fasadë, që u krijuan për të rigjeneruar humbjet tragjike të autoritetit majtist. Ajo strategji ka vdekur që në mitrën staliniste, ku u gatua.
Shqipëria ka Opozitë si askush për nga ideali dhe potenciali. Ata janë demokratët e vërtetë qëndrestarë që guxuan në momente më të vështira e sublime t’iu prijnë aspiratave demokratike të popullit shqiptar.
Ne, vërtetë liruam një çadër në bulevard, por jemi të gjithë të gatshëm në Çadrën e Zotit e të dhimbjes sonë nacionale. Kush mendon se ja hedh aspiratës së popullit dije se ndeshet në murin e pakalueshëm të drejtësisë së Zotit.
Edi Rama ik, është realiteti ynë i lumtur dhe aspak sllogan politik.

Në këtë fushatë të pazakontë zgjedhore, Flamur Hoxha, “njeriu i përkushtuar, familjari, sipërmarrësi dhe punëdhënësi shembullor”, siç e cilësoi Lulzim Basha, kryeson listën e deutetëve të Partisë Demokratike në Kamëz. Nga njohja me të ju siguroj se ai ndihet si njëri prej jush, si biri dhe vëllai juaj. Flamuri njeh mirë historinë e vuajtjeve të përbashkëta dhe historinë e qëndresës tonë të sotme e të mëhershme. Njeh dhe respekton gjithashtu dëshirat e synimet e përbashkëta për një jetë më të mirë. Prej kohësh ëshët mësuar ti shohë njësoj të gjithë njërzit qofshin demokratë, socialistë apo pa parti. Në disa takime me zgjedhësit e tij ai ka siguruar se së paku në vështrimin e tij do të marrë fund diskriminimi, ajo që dikush të shikohet si i nënës e dikush tjetër si i njerkës.
“Jemi të gjithë shqiptarë, jemi vëllezër e motra dhe duam të gjithë që ky vend të ecë përpara”, i pëlqen të theksojë vazhdimisht.
Si krejt Shqipëria, në fillim të viteve ’90, zona e Kamzës hyri në udhën e zhvillimeve të pakthyeshme. E gjithë kjo që shohim sot në  Kamzë, Laknas, Bathore, Paskuqan, Babrru etj, është pasojë e mundësive të pakufishme që dha liria. Partia Demokratike dhe liria edhe sipas Flamur Hoxhës, mbeten si një binom i pandashëm.
Në rrugën e zhvillimeve 27 vjeçare ai mban parasysh vështirësitë jo të pakta me të cilat është ballafaquar vendi. Rruga jonë e zhvillimit nuk ka qenë e shtruar me lule. Kemi ecur përpara edhe përmes gabimeve të shumta, të cilat janë njohur nga PD dhe ai beson se do të njihen akoma më mire, duke mos lejuar përsëritjen e tyre. Ai ka dalë para njerëzve në Kamëz, në Paskuqan, Bathore, Babrru e Laknas në dhjetra takime të vogla e të mëdha me peshën e përgjegjësisë që t’i përfaqësoj të gjithë njerëzit në Kuvend,  të përfaqësoj aspiratat dhe pritshmëritë e tyre legjitime. Shtëpitë e ndërtuara me mund dhe djersë janë legalizuar me Vendime të posaçme qeverie, por nuk u bë e mundur që pronarëve të tyre tu jepej edhe letra e tapive. Duke qenë i bindur se kjo pasuri tashmë është bërë e pashkatrrueshme, ai do të angazhohet që procesi i legalizimeve të përmbushet me sukses. Sepse, në çdo kohë veprat e ndërtuara me djersë e ndershmëri, do të respektohen nga të gjithë.
Ashtu si çdo shqiptar i përgjegjshëm, Flamur Hoxha i njih mirë vlerat e lirisë që i respekton me fanatizëm komuniteti i banorëve të Kamzës. Këtu në vazhdimësi , prej më se dy dekadsh është votuar Partia Demokratike. Ata konsiderohen me të drejtë si qëndrestarë. Dikush mund t’i konsiderojë edhe i ka konsideruar me përbuzje si konservatorë që nuk e njohin ndryshimin. Po kjo edhe sipas Flamurit, është një akuzë e padrejtë. Një pjesë e madhe prej banorëve të Kamzës, duke lënë vendlindjen e tyre, kanë provuar se janëni të aftë t’i realizojnë prirjet e drejta për ndryshim e zhvillim të vazhdueshëm. Konservatorizmi, ndërkohë është një prirje e natyrshme e çdo shqiptari për të mbrojtur zakonet tona më të mira, trashëgiminë tonë kulturore kombëtare dhe mentalitetin që na dallon prej të tjerëve. Sipas tij nuk është prapambetje e primitivizëm tu përkasësh njerëzve të të fjalës së mbajtur, të besës, të burrërisë e të guximit.
“Ne do të jemi gjithnjë konservartorë në mbrojten e vlerave të vërteta që lidhen me lirinë, me të drejtat njerëzore, me pronën, dhe familjen”, thotë Flamuri i cili vlerëson maksimalisht virtytet e komuniteteve të banorëve që u ngulën në këto zona pas viteve ’90. Ata janë njerëz që e njohin mirënjohjen ndaj banorëve më të hershëm dhe mbajnë marrëdhënieve të mira me miqtë e të afërmit.
Këtu në Kamzë është krijuar një realitet i ri demografik e social, ku jetojnë në harmioni të plotë vendasit e vjetër, bujarë e mikpritës me të ardhurit që janë përpjekur gjithnjë tua njohin e reflektojnë këto vlera.
“Harmonia midis njerëzve është një vlerë që do të jetë në themel të veprimtarisë e të sjelljes time politike”, premton Flamur Hoxha.
Si mjaft të tjerë ai e njeh edhe personalisht, të cilën e ka ndjerë mbi kurriz edhe si një persekutim të veçantë, një diskriminim veç të tjerëve. Pas vitit 1975 kur diktatura komuniste i pushkatoi gjyshin në Kukës dhe kur për këtë shkak e larguan me dhunë nga Qyteti I Kukësit, nga lodrat e shokët e tij të fëminisë, ai ka njohur gjendjen ekonomike e shpirtërore që të shkakton situate kur je i internuar larg vendlindjes, larg të afërmëve, larg miqve e dashamirësve, kur në çdo situatë pushteti i pashpirt komunist nuk përtonte t’ia kujtonte se i përkiste armiqve të qeverisë. Ai kujton me lot mirënjohje e falenderimi qëndrimin e popullatës së thjeshtë të fshatrave të Ishmit, të cilët e kanë përkrahur familjen e tij, e kanë kanë ndihmuar me sa kanë mundur dhe e kanë bërë pjesë në dasmat e gëzimet familjare, duke rrezikuar jo pak mirëqenien e rehatinë e tyre.
“Mirënjohje përjetë për të gjithë ata që të duan, kur je në fatkeqësi e në ditë të vështira,” thotë me emocion Flamuri.
Për familjen e tij, si për të gjithë shtresën e të përsekutuarve, ndonëse me vështirësi, koha ka shëruar shumicën e plagëve. Ai e vlerëson fort faktin se kjo shtres e martirizuar dëshiron t’i vërë sa më shpejt kapak së kaluarës. Ai do që e kaluara të mbetet vetëm në librat e shkencës së historisë, që si mësuese e jetës, duhet të na japë vetëm dritën e nevojshme për të sotmen e të ardhmen.
“Nuk kam lejuar asnjëherë që e kaluara të më ngatërrohet nëpër këmbë, që emocionet e së kaluarës të vrasin perspektivën e së ardhmes. Ky është edhe një vizion europian që e mësova në Europë, ku çdo prirje zhvillimore lidhet me humanizmin dhe me punën e prodhimin e pandalshëm. Pa mundësitë e punës dhe të prodhimit ky qytet i bukur, i lindur nga djerrina, do të rikthehej edhe një herë në djerrinë. Shtëpitë e mbushura me fëmijë e njerëz do të boshatiseshin, siç kanë filluar të boshatisen dhe mundësitë për jetë më të mirë do të asgjësoheshin”, shprehet Flamur Hoxha.
Partia Demokratike solli shpresë tek njerëzit me thirrjen ta bëjmë Shqipërinë si Europa, por në këto 27 vjet për fat të keq, shton Flamur,  nuk e sollëm dot Europën në Shqipëri, por dërguam me shumicë njerëzit në Europë. Në rrethana fatlume ai ka qenë jam njëri prej atyre që u rikthye me besim për ta ndërtuar jetën në Shqipëri. Në sipërmarrjen e tij personale, ai ia ka dalë përmbushjes së këtij synimi. Në bashkëpunim me miqtë dhe partnerët italianë ai ka ndërtuar biznese të suksesshme në fushën e prodhimit dhe eksportit të veshjeve, në fushën e ndërtimit dhe në atë imobilare. Është përpjekur për rritjen e mirëqenies së tij familjare dhe për të gjithë njerëzit që punojnë në sipërmarrjet e tij, për të cilët ndjen gjithnjë mirënjohje e besim. Me këtë ndjenjë është përpjekur për të rritur kujdesin dhe shpërblimin ndaj tyre.
Në takimet e përditshme derë më derë e sy me sy me njerëzit ai premton me krenari se sinjeri do të jetë gjithnjë ai që po e shihni sot, që nuk do tua kthej shpinën kurrë, që do të jetë përherë i vëmendshëm ndaj kërkesave dhe nevojave jetësore të secilit. Ai kam dëgjuar me vëmendje vërejtjet, qortimet, kërkesat jetike dhe do të donte, që një pjesë e gabimeve të mos kishin ndodhur. Por është i vetëdijshëm se nuk është koha për për të vajtuar, prandaj jo për interest e tij personale, i është bashkuar ekipit të Republikës së Re, me të cilën e lidh detyrimi, që fjalët dhe premtimet të mos mbeten rrugëve, të mos i marrë era.  Gjithçka që premtohet, ai beson fort se do të kthehen në një realitet të shpejtë. Ai e di shumë mirë që askush ju nuk kërkon të ngjasë mrekullia. As nuk shpreson që kjo të ngjasë, siç mund të shprehet dikush tjetër, me shkopin magjik. Por është I bindur se ekipi i ri qeverisës i Partisë Demokratike do të përkrahë e stimulojë fuqishëm prodhimin e brendshëm industrial e bujqësor, do të nxisë çdo biznes, që hap prespektiva zhvillimore dhe vende pune. Jo për të zbuluar vetëm informalitetin, edhe kjo është e drejtë, por për të krijuar vende të reja pune.
Në Parlamet Flamur Hoxha do ta votojë programin e qeverisë Basha për taksa e tatime më të ulta. Ai ndjehet krenar edhe për kontributin e tij në hartimin e këtij programi. Ai premton se do të jetë garant që askush të mos abuzojë me taksat e vjela. Do të jetë i vëmendshëm që ato të shkojnë gjithnjë vetëm për projekte zhvillimore që rrisin zhvillimin e mirëqenien. Ai siguron se do të jetë i vëmendshëm që askush të mos guxojë të vendosë detyrime, gjoba dhe kërcënime për interesa personale. Ndaj abuzuesve të tillë ai do të këmbëngul të forcohet edhe legjislacioni.
Flamur Hoxha beson te fitorja. Ai premton solemnisht se se do të jetë i njejti njeri që po e shihni sot në fushatë.
“Nuk do të ndërroj udhën prej askujt, do t’u pres në çdo kohë duke ardhur te ju edhe pa më ftuar.”

Kryetari i Bashkisë së Shkupit, Koce Trajanovski, me ftesë të kryetarit të Republikës së Shqipërisë Ilir Meta ka qëndruar në tubimin qendrorë të Lëvizjes Socialiste për Integrim (LSI) në Tiranë, transmeton Gazeta Express.