Por ku janë sot fjalët e zgjedhura si  “borxh që duhet ta marrim  përsipër çdo ditë, jo me fjalë, por me një vijë të re sjelljeje, me një qasje të re vetëkritike, me ide dhe risi në çdo drejtim, me durim, me vullnet, me përkushtim dhe me energji të reja”, këto premtime kur protesta qytetare në ditën e 13 pritet të mbahet?

Si mund të perceptohen këto sot kur protesta e qindra mijë qytetarëve shqiptarë në Shqipëri dhe në diasporë i drejtohen atij me kërkesën “Rama Jep dorëheqjen!”

Mundohemi të gjejmë njerëzoren edhe në një ditë kur ky kryeministër vazhdon të manipulojë duke përsëritur refrenin “mandati mbaron në vitin 2029 dhe deri atëherë ne do vazhdojmë punën”.

Por qytetarët tashmë kanë arsyetuar dhe nuk do t’i lëshojnë më asnjë centimetër as propagandës dhe as korrupsionit.

A ja vlen t’i kujtojmë Ramës fjalët e Diellës:”- Më lejoni t’ju kujtoj: Rreziku i vërtetë për kushtetutat nuk kanë qenë kurrë makinat, por vendimet çnjerëzore të njerëzve me pushtet. Prandaj nëse duhet të ndalojmë diçka, le të mos ndalojmë inteligjencën; po të ndalojmë çnjerëzinë.”

AI (Rama) dhe Inteligjenca Artificiale (Diella) prodhuan mashtrimin duke përmendur Kushtetutën. “Ajo flet për detyra, përgjegjësi, transparencë dhe shërbim pa diskriminim. Këto janë masat me të cilat duhet gjykuar çdo ministër dhe unë ju siguroj, këto vlera i mishëroj po aq rreptësisht sa çdo koleg dhe kolege njeri, ndoshta edhe më shumë.”, këtë tha Diella më 18 Shtator, 2025 dhe këtë po vazhdojë të kërkojnë Shqiptarët në sheshe edhe më 12 Qershor, 2026 në ditën e 13 të protestës qytetare.

Dorë-hiqu duke zbatuar atë që premtove dhe nuk mbajte; përgjegjësi, transparencë dhe shërbim pa diskriminim…