VOAL

VOAL

Copyright © 2022

VOAL

Kosovë

Vetëvendosje qëllon me vezë Kuçin e drejtësisë

Pjesëtarë të lëvizjes Vetëvendosje qëlluan të premten me vezë ministrin e drejtësisë në qeverinë e Kosovës, Hajredin Kuçi. Kjo lëvizje publikoi një video ku shihet veprimi i tyre, ndërsa thekson se zoti Kuçi, “përveç që është ministër në një qeveri që po na e sjell “Zajednicën” (fjala serbe për asociacionin e komunave) dhe po i fal territoret, është përgjegjës kryesor për sistemin e rrënuar të drejtësisë”.

Në një komunikatë të kësaj lëvizjeje thuhet se “subjektet opozitare janë të vendosura dhe nuk do t’i ndalin aksionet e tyre pa u tërhequr marrëveshjet me Serbinë dhe demarkacioni me Malin e Zi”.

Zoti Kuçi, nuk e ka komentuar këtë veprim i cili u dënua nga qeveria e Kosovës, e cila thekson se “veprimet e tilla të dhunshme, rrezikojnë shëndetin dhe dinjitetin e përfaqësuesve të institucioneve legjitime të Kosovës dhe kanë për synim të frenojnë progresin dhe proceset integruese evropiane të Republikës së Kosovës”.

Në reagim mes tjerash qeveria u bën thirrje përfaqësuesve të tjerë opozitarë që “të distancohen dhe të mos bëhen pjesë e kësaj agjende antishtetërore, dhe që së bashku me të gjithë qytetarët e Kosovës, të jenë pjesë e angazhimeve për zhvillim ekonomik, sundim të rendit dhe ligjit, integrim në strukturat euroatlantike dhe fuqizim të subjektivitetit ndërkombëtar, në partneritet të përhershëm me SHBA-të dhe vendet e BE-së”.

Partia Demokratike e Kosovës përmes një komunikate për media dënoi veprimin e lëvizjes Vetëvendosje ndaj zotit Kuçi, që është edhe nënkryetar i kësaj partie.

“Këto akte të shëmtuara, po i cenojnë figurat publike dhe integritetin e tyre personal, po e dëmtojnë gjithnjë e më shumë imazhin e Kosovës në botë”, thuhet në reagimin e kësaj partie e cila bëri që t’u jepet fund veprimeve të tilla të veprimtarëve të lëvizjes Vetëvendosje.

Deputetët e partive opozitare e qëlluan me vezë kryeministrin Isa Mustafa në parlament më 22 shtator derisa ai po raportonte për marrëveshjet me Serbinë dhe me këtë veprim filloi bllokimi i punës së këtij institucioni i cili u përball edhe hedhje të gazit lotsjellës dhe skena dhune.

Që nga atëherë disa funksionarë të qeverisë janë qëlluar me vezë, ndërsa vetëm tri seanca solemne të parlamentit janë zhvilluar normalisht.

Marrëveshjet me Serbinë që çuan në shtim të tensioneve politike ndërmjet koalicionit qeverisës dhe partive opozitare, ishin pjesë e bisedimeve për normalizimin e marrëdhënieve ndërmjet të dyja palëve që janë edhe kusht për afrimin e tyre me strukturat evropiane. Ato i siguruan Serbisë negociatat për anëtarësim në Bashkimin Evropian, ndërsa Kosovës Marrëveshjen e Stabilizim Asocimit, e cila u ratifikua të hënën në parlamentin e Kosovës.

Në UNESCO, për trashëgiminë serbe në Kosovë! – Nga FLORIM ZEQA

Nga momenti i aplikimit për antarësim të Kosovës në Agjencinë për Kulturë, Shkencë dhe Arsim të Kombeve të Bashkuara, ka filluar edhe “Lufta” në mes Kosovës dhe Serbisë për UNESCO. Të prirur nga aspektet pozitive, kanë filluar edhe opinionet e politikanëve, analistëve dhe gazetarëve, pa analizuar edhe anën tjetër të “medaljes”.
Ska dyshim, çdo antarësim i Kosovës në organizatat ndërkombëtare e ka vlerën dhe rëndësinë e veqantë, qofshin ato në fushën e shkencës, kulturës, sportit, etj.
Propagandat e Serbisë “kundër” antarësimit të Kosovës në UNESCO i shikoj nga një këndveshtrim tjetër.
Pas fitores së Serbisë në bisedimet e Brukselit, me ç’rast kjo e fundit e arriti  legalizimin e “Zajednicës” mbrenda shtetit të Kosovës.
Serbia të arriturat e saj përmes decentralizimit etnik dhe trashëgimisë kulturore në Kosovë, dëshiron t’i fusë edhe në mbrojtje ndërkombëtare, në këtë rast të UNESCO-s.
Manastiret, kishat, kultet tjera, madje edhe varrezat serbe të rivitalizuara pas lufte me paratë e taksapaguesve të varfër të Kosovës, pas antarësimit të Kosovës në UNESCO do të kalojnë në mbrojtje edhe më të fuqishme ndërkombëtare.
Andaj, propagandat e Serbisë, kinse kundër pranimit të Kosovës në UNESCO s’janë gjë tjetër veqse lojë e dyfisht politike e saj. Me këto veprime Serbia përveq fujtes në mbrojtje ndërkombëtare të trashëgimisë serbe në Kosovë, po synon ringjalljen e nacionalizmit serb kundër shqiptarëve të Kosovës.
Këtë e dëshmojnë edhe thirrjet e presidentit serb Nikoliq, drejtuar qytetarëve serb; “për publikimin e sa më shumë fakteve të shkatërrimit të objekteve fetare dhe trashëgimis kulturore serbe gjatë luftës së fundit në Kosovë”.
Për fat të keq, miopia e politikanëve kosovar nuk i akcepton këto gjëra me rëndësi jetike për vendin.
Le të më thotë dikush, ide e kujt ishte pranimi i Kosovës në UNESCO, apo kush është sponsorizuesi kryesor i saj ?!
Një lidership i mençur, i guximshëm dhe pragmatik, para UNESCO-s do të kërkonte antarësimin e Republikës së Kosovës në OKB, si një kusht i domosdoshëm i vulosjes së ekzistencës së shtetit tonë nga kjo organizatë.
Ata që akoma mbajnë dilema rreth antarësimit të Kosovës në UNESCO, nga këtu ju themë, se kjo është punë e kryer, nga dita e hënë, 9 nëntor 2015, Kosova do të bëhet pjesë e UNESCO-s, dhe trashëgimia kulturore serbe, përveq mbrojtjes së institucioneve tona, do të ketë edhe mbrojtje të fuqishme ndërkombëtare.
Këtë e ka konfirmuar edhe Ministri i Jashtëm i Kosovës, Hashim Thaçi për agjencinë The Associated Press;  “Anëtarësimi i Kosovës në UNESCO do të mbrojë dhe rikonfirmojë më mirë tashëgiminë kulturore dhe historike serbe.
Përderisa “kryediplomati” Thaçi flet me aq  përkushtim për trashëgimin kulturore të minoritetit serb, nuk e nxjerrë dot as një fjalë të vetme për trashëgiminë kulturore të mbi 90 % të shqiptarëve etnik në trojet e tyre!
Se a janë deklaratat e Hashim Thaçit miopi politike apo analfabetizmin ndaj historisë sonë kombëtare, le ta vlerësojnë lexuesit e këtij shkrimi.
Për freskimin e memories së lexuesve, po i sjelli vetëm disa fakte; në Kosovë ka pak kisha e manastire tipike serbe, ato janë ndërtuar kryesisht pas vitit 1912, do me thënë pas ripushtimit të Kosovës, njëra ndër to është edhe Kisha e ngritur dhunshëm para lufte, nga regjimi i Miloseviçit në hapsirën e Universitetit të Prishtinës.
Sa u përket kishave dhe manastireve monumentale të Kosovës, si; Patriarkana e Pejës, Manastiri i Decanit, etj,  janë monumente kulturoro-historike dhe religjioze me prejardhje shqiptare,…të përvetësuara më pas nga pushtuesit serb.
E keqja më e madhe është se, këto manastire dhe kisha serbe, që “kryediplomati” Thaçi po kërkon t’i kalojë në mbrojtje ndërkombëtare, nuk e njohin dha as pranojnë Republikën e Kosovës si shtet të tyre, por gjithnjë e trajtojnë si “Kosovo e Metohija” (Kosova pronë kishtare) !
Pra, ky është një zotim personal i “kryediplomatit”  Thaçi për të mbrojtur me të gjitha mjetet trashëgiminë kulturore serbe në Kosovë.
Prandaj, Kosova ska pse të mos e marrë mbështetjen e mjaftueshme për t’u anëtarësuar në Agjencinë për Kulturë, Shkencë dhe Arsim të Kombeve të Bashkuara, me shkurtesën UNESCO.
Ajo, çka na mbetët neve, si popullatë shumicë shqiptare në ketë vend, është të tregojmë kujdesin maksimal ndaj vlerave tona kombëtare, ruajtjen e atyre pak objekteve të vjetra të shpëtuara nga lufta e fundit dhe nga dora e jonë e pakujdesshme pas lufte.
Ne, në vend të objekteve (kullave) qindëra vjeqare të mbetura në këmbë pas lufte, i rrënuam me dorën tonë, duke bërë gara me njëri-tjetrin, ndërtuam villa luksoze…u larguam nga historia jonë shekullore, për fat të keq edhe nga traditat e lashta kombëtare.

30 media të Kosovës i shkruajnë Drejtoreshës së UNESCO-s

Tridhjetë media të shkruara, elektronike dhe online të Kosovës i kanë dërguar një letër drejtoreshës së përgjithshme të Organizatës së Kombeve të Bashkuara për Arsimin, Shkencën dhe Kulturën (UNESCO), Irina Bokova.

Edhe kjo letër, sikurse shumë të tjera, është dërguar në mbështetje të kërkesës së Kosovës për anëtarësim në këtë agjenci të specializuar të Kombeve të Bashkuara. Letra është nënshkruar nga pronarë, drejtorë, kryeredaktorë dhe gazetarë të mediave të të gjitha komuniteteve në Kosovë.

Mes tjerash, në letrën e përbashkët të mediave kosovare thuhet: “Ne vazhdimisht e vëzhgojmë punën e qeverive tona dhe jemi zëri kryesor kritik ndaj tyre kur ato dështojnë të japin rezultatet e duhura – qoftë në luftë kundër korrupsionit, reformën e sistemeve të kujdesit shëndetësor dhe arsimit apo në rritjen ekonomike”.

“Që Kosova vërtetë të ketë sukses në përpjekjet e saj për të ndërtuar një shoqëri të fortë, demokratike dhe të hapur, me respekt të plotë për liritë individuale dhe të drejtat e njeriut, përfshirë lirinë e patjetërsueshme të shprehjes, ne na duhen mundësi të barabarta”.

“Dhënia e mundësive dhe praktikave më të mira ndërkombëtare për të rinjtë tanë në arsim, shkencë dhe kulturë mund të jetë e dobishme për të gjithë. Kjo është arsyeja pse ne sot ju nxisim që të mbështetni kërkesën e Kosovës për anëtarësim në UNESCO”.

Mbështetja e komunitetit mediatik për anëtarësimin e Kosovës në UNESCO ka ardhur pas angazhimit të një sërë institucionesh dhe personalitetesh me famë botërore të cilët i ishin bashkuar aspiratës së Kosovës për t’iu bashkuar UNESCO-s.

Rokada tjetër – Mustafa President, Thaçi Kryeministër

Hashim Thaçi mund të rikthehet shumë shpejt në “kolltukun” e kryeministrit, duke ia lëshuar postin e premtuar të presidentit shefit të tij në Qeveri, Isa Mustafës.

Kjo është rokada e mundshme që po hamendet për dy pozitat kryesore të shtetit, pas zhvillimeve të fundit në Kuvendin e Kosovës, ku partitë opozitare po i kundërshtojnë fuqishëm marrëveshjet e fundit me Serbinë dhe Malin e Zi.
Në prill të vitit 2016 presidentes së Kosovës, Atifete Jahjaga, do t’i skadojë mandati i saj pesëvjeçar, përderisa sipas marrëveshjes për bashkëqeverisje mes PDK-së dhe LDK-së, pas skadimit të mandatit të presidentes, pozitën e saj do ta zërë Hashim Thaçi.

Megjithatë, drejtimi i Qeverisë dhe zbatimi i obligimeve ndërkombëtare, përfshirë formimin e Asociacionit, Gjykatës Speciale, po duket një mision i vështirë për Isa Mustafën, marrë parasysh ofensivën e opozitës në drejtim të tij.
Prandaj, pozita e presidentit po shihet si zgjidhje më e pranueshme në këtë situatë për Mustafën e madje edhe për vetë Thaçin që të mos mbetet me kompetenca ceremoniale. Zëri

Konsorciumi francez paraqiti Masterplanin për Brezovicën

PRISHTINË – Në ambientet e Odës Ekonomike të Kosovës (OEK), sot është bërë prezantimi i Master Planit për Zhvillimin e Qendrës Turistike të Brezovicës nga konsorciumi francez i udhëhequr nga Compagnie des Alpes (CDA) dhe kompanitë MDP, EGIS, POMA, MND. Ato shpalosën projektin para bizneseve kosovare, anëtare të Odës Ekonomike të Kosovës, të interesuara për bashkëpunim dhe nën-kontraktim në ndërtimin e projektit të kësaj qendre turistike malore.

Sipas kryetarit të Odës Ekonomike të Kosovës, Safet Gërxhaliu, ky projekt është i një rëndësie të veçantë dhe me përfitime të shumanshme.

“Ky është një projekt që ka multidimensionalitet, ka ekonomi, ka strategji sa ka strategji, ka komponentë integruese, sa ka komponentë integruese ka komponentë ndëretnike dhe mbi të gjitha është konotacioni dhe rëndësia sociale e cila i jep veçanti një projekti të tillë” tha Gërxhaliu.

Ai tregoi se ka pasur hezitime por procesi ka marr mbështetje nga të gjitha shtetet e QUINT-it dhe se prezenca e përfaqësuesve të konzorciumit të procesit të privatizimit në këtë prezantim tregon se projekti i Brezovicës është vendosur në udhë të mbarë.

Kryetari i OEK-ut ndër të tjera tha se, ky projekt do të ndihmojë që Kosova të arrijë stabilitet ekonomik, social, politik dhe mbi të gjitha qytetarët të shijojnë frytet e këtij projekti. Ai falënderoi komunitetin e biznesit për interesimin duke cekur se pjesëmarrës ishin elita e biznesit në lëmi të ndryshme që lidhen me këtë projekt, nga Shtërpca, Mitrovica, Zubin Potoku, Leposaviqi dhe kjo, projektit në fjalë i jep një frymë të veçantë. “Po e shihni se sot po promovohet një partneritet, po promovohet një dialog po ofrohet një mundësi sot nuk ka ndarje. Të gjithë jemi për  ekonomi që e bën të veçantë projektin në fjalë. Në qoftë se një projekt ka volum 400 milion, në qoftë se një projekt mund të krijojë 3 mijë vende të reja punës, në qoftë se një projekt mund të përmirësojë imazhin e Kosovës dhe në qoftë se, një projekt e përmirëson perceptimin e krijuar të Kosovës përmes zhvillimit, atëherë kjo është Brezovica” tha Gërxhaliu.

Duke i falënderuar ata që e bënë këtë privatizim, kryetari i OEK-ut shprehu edhe dëshirën që në këtë projekt të ketë sa më shumë kompani vendore.

Gërxhaliu përmendi edhe situatën nëpër të cilën po ecën Kosova dhe se këto investime janë garanci e qëndrueshmërisë dhe suksesit ekonomik të cilën e quajti “vulë ekonomike”.

Pascal Roux, drejtori ekzekutiv i MDP Consulting tha se për rreth dy orë do të prezantohet projekti tek komuniteti i biznesit kosovar dhe se si do të mund të përfshihen këto të fundit, duke prezantuar projektin dhe terminologjinë.

Ai potencoi ndër të tjera se qëllim kanë edhe përfshirjen e interesave të kompanive vendore duke vënë theksin tek përfitimet që do të ketë ky makro investim për Kosovën, “Çdo euro që investojmë në projekt përkthehet në shtatë euro në ekonominë globale. Që të ketë kuptim për ju, ky projekt për të cilin po flasim në vitet e para do të sjellë 5-10 milion euro kthim të investimeve në vit dhe në etapën e mesme për rreth 15 milion euro në brenda 10 vjetëve. Dhe rezultati final që presim në përfundim të jetë 80 deri në 100 milion euro në vit.”

Jill Jamieson, këshilltare strategjike e projektit të Qendrës së Turizmit malor të Brezovicës, gjatë këtij takimi tha se ky projekt nuk është i rëndësishëm vetëm për Kosovën por edhe për të gjithë rajonin.

“Është e rëndësishme të kuptohet se; komuniteti ndërkombëtarë e shikon këtë projekt si prioritet të rëndësishëm për Kosovën, të hapjes së vendeve të reja të punës, përmirësimit të imazhit, dhe përmirësimit të tërheqjes së investimeve të huaja” tha Jamieson.

Ajo tha se ky konzorcium nga partnerët shihet si rivitalizim i kësaj Qendre Turistike dhe ka të bëjë me krijimin e parqeve ujore (Aquapark), vendeve të punës, trajtimit të ujit, infrastrukturën, qëndrueshmërisë së mjedisit etj.

Jamieson tregoi se ky është një projekt i veçantë i cili nuk është parë më herët në Kosovë. Ajo për fund tha se ky investim është i rëndësishëm dhe se dështimi nuk është opsion. Ajo theksoi se ky projekt është për të mirën, jo vetëm të Kosovës ku përfitojnë të gjitha komunitetet, por edhe për regjionin.

Ky konzorcium publiko – privat e ka marrë për ndërtim me koncesion Qendrën Turistike të Brezovicës për 99 vite.

Procesi i ndërtimit do të zgjas në tri etapa, gjatë 18 viteve të ardhshme.

Gjatë kësaj periudhe do të ndërtohen mbi 100 kilometra shtigje, me rreth 35 ski-lifte më moderne dhe infrastrukturë e cila Brezovicën do ta fusë në hartën botërore të turizmit malor sepse kjo qendër do të punoj gjatë tërë vitit, 365 ditë. aa

Kosova ka humbur miliona dollarë ndihma nga mosanëtarësimi në UNESCO

Kryeministri i Kosovës, Isa Mustafa dhe ministri i MASHT-it, Arsim Bajrami, në konferencën e sotme për mediat prezantuan përfitimet e arsimit dhe shkencës nga anëtarësimi i vendit në UNESCO

PRISHTINË – Kryeministri i Kosovës, Isa Mustafa dhe ministri i Arsimit, Shkencës dhe Teknologjisë (MASHT), Arsim Bajrami, në konferencën e sotme për mediat prezantuan përfitimet e arsimit dhe shkencës, nga anëtarësimi i vendit në UNESCO.

Mustafa tha se Kosova është e gatshme të konkurrojë dhe jo vetëm kaq, por edhe të jetë pjesë shumë aktive e UNESCO-s. “Kosova është e gatshme, Kosova meriton dhe Kosova duhet të jetë anëtare e UNESCO-s” tha Mustafa dhe shtoi se, vendi ka çfarë ti ofrojë nga e kaluara, këtij institucioni të Kombeve të Bashkuara, sepse nevoja për arsim e shkencë, e ka mundur okupimin klasik mbi popullin.

“Dëshmi e kësaj ka qenë organizimi i popullit tonë për hapjen e shkollave, pas mbylljes së tyre nga regjimi okupues serb gjatë viteve 1990-1999. Ekspertët, profesorët, doktorët e shkencave, biznesmenët dhe personalitetet tjera që sot lobojnë për anëtarësimin e Kosovës në UNESCO, janë pikërisht ata që u shkolluan nëpër shtëpi të improvizuara si shkolla, gjatë okupimit”- u shpreh Mustafa.

Kreu i qeverisë kosovare përmendi fushatën e Serbisë kundër anëtarësimit të Kosovës në UNESCO duke theksuar se, “në këtë mënyrë, ish-okupatori serb nuk po mundohet të pengojë vetëm integrimin e popullsisë shqiptare por edhe të komuniteteve të tjera që jetojnë në shtetin e pavarur të Kosovës. Serbia kështu nuk po kërkon asgjë më pak se diskriminimin e qytetarëve tanë, diskriminimin e një vendi të pavarur dhe jo vetëm të shqiptarëve por edhe të serbëve, boshnjakëve, romëve, ashkalive, turqve dhe të egjiptianëve, sepse ata janë qytetarët tanë” tha Mustafa.

Kryeministri i Kosovës theksoi që, Serbia po përdor Kishën Ortodokse për të arritur qëllimet e veta kundër Kosovës, përkundër faktit se i janë dhënë të gjitha garancitë për veprime të plota dhe të lira në këtë vend. Në anën tjetër, ai përmendi se të gjitha bashkësitë e tjera fetare kanë dhënë pëlqimin dhe kanë shprehur gatishmërinë që Kosova të jetë pjesë e UNESCO-s.

Sipas tij, një prej arsyeve se pse Kosova duhet të jetë anëtare e UNESCO-s, është popullsia e re e cila është potencial i dijes dhe kulturës. “Kosova ka një popullatë të re, të etur për dije dhe për njohuri kulturore, dhe për lidhje me botën. Janë këta të rinj të talentuar, janë shkencëtarët tanë të cilët mund ti kontribuojnë dijes globale” tha kryeministri Mustafa.

Se vendi ka një popullsi të re, me më shumë se gjysmën e saj nën moshën 25 vjeçare e tha edhe Arsim Bajrami, Ministër i Arsimit Shkencës dhe Teknologjisë së Kosovës (MASHT), dhe se dhënia e prioritetit arsimit dhe shkencës janë të përfshira në strategjitë afatgjata të zhvillimit të Kosovës.

Bajrami radhiti disa përfitime që do të ketë Kosova në sferën e edukimit dhe shkencës me anëtarësimin në UNESCO ku në rrafshin praktik, në shkencë kulturë dhe arsim ky Institucion mbulon mbi 70 programe të ndryshme ku do të mund të merrte pjesë menjëherë pas vitit të parë të anëtarësimit duke filluar që nga edukimi i ulët e deri tek institucionet shkencore.

Ai shtoi se mos anëtarësimi i vendit deri më tani ka sjellë humbje të mëdha financiare; “Kosova deri më sot ka humbur mundësinë për të përfituar miliona dollarë asistencë nga korporata “Për Sfidat e Mijëvjeçarit”, i cili punon nga të dhënat e ofruara nga Instituti i Statistikave” të UNESCO-s i cili as sot nuk mbledh të dhëna në Kosovë”. Fusha të tjera në përfitime ai përmendi përmirësimin e cilësisë siç janë trajnimet e mësimdhënësve, përmirësimi i kurikulave,  përdorimi i teknologjisë dhe kërkimit shkencorë dhe akademik.

Votimi për rekomandimin e Bordit Ekzekutiv të kësaj Organizate rreth pranimit të plotë të Kosovës pritet të merret më 9 nëntor.

Nga 195 anëtarë sa ka Asambleja e Përgjithshme e UNESCO-s në favor të pranimit të Kosovës në këtë Organizatë duhet të votojnë dy të tretat (2/3) e tyre apo 130 shtete. Kosovën deri më sot e kanë njohur 111 shtete, prandaj për të siguruar pranimin e plotë duhet të sigurojë edhe votat e vendeve të cilat nuk e kanë njohur pavarësinë e vendit. Edhe më të vështirë situatën për Kosovën e ka bërë aksioni i fundit i Serbisë, lobimi kundër anëtarësimit të Kosovës në UNESCO, përkundër nënshkrimit të Marrëveshjeve në Bruksel ku zotohet se nuk do të pengojë anëtarësimin e Kosovës në institucione rajonale dhe ndërkombëtare, në cilëndo fushë. aa

MSA-ja e improvizuar, infuzion për pushtetarët, iluzion për qytetarët! – Nga FLORIM ZEQA

Qeveritarët kosovarë krizën parlamentare po mundohen ta mbajnë të “kamufluar” përmes seancave “solemne” dhe akteve të improvizuara, pa qenë në gjendje të ofrojnë asnjë zgjidhje për problemet kyqe të vendit.
Pas nënshkrimit më 27 tetor në Strasburg të Marrëveshjes së Stabilizim-Asocimit me Bashkimin Evropian, dita e hënë e 2 nëntorit 2015, është dita e fillimit të një sprove të re për shtetin Kosovës. Pra, është sprovë e pozitës dhe opozitës njikohësisht.
Votimi i Listës serbe pro MSA-së dhe mosvotimi i opozitës (dalja nga kuvendi në momentin e votimit) flet mjaftueshëm për kualitetin e kësaj MSA-je dhe gjendjen në të cilën ndodhet shteti i Kosovës; mes dështimit dhe ecjës përpara!
Dy nenet e MSA-së (5 dhe 9), që e obligojnë Kosovën në mënyrë të njëanshme për përmbajtjen e marrëveshjeve me Serbinë dhe neutarliteti BE-së ndaj Kosovës me fusnotë*, flasin qartë për “kualitetin” e kësaj marrveshje (kontrate ndërkombëtare) dhe obligimet që ka marrë Kosova!
Pas MSA-së gjysmake, liberalizimi i vizave për qytetarët e vendit vazhdon të mbetët një ëndërr dhe një shpresë për dalje nga ferri i mjerimit social dhe politik nga  vendi i tyre.
Ska dyshim, se është në interes të shtetit të Kosovës, rrugëtimi drejtë integrimit në Bashkimin Evropian dhe organizatat e tjera ndërkombëtare. Mirëpo, me problemet socio-ekonomike, me një sistem të drejtësisë të degraduar, me bllokada politike dhe protesta në rrugë, Qeveria e Kosovës, e ka të vështirë, do të thoja të pamundur të bëjë hapa para drejt liberalizimit të vizave, e të mos flasim për rrugën e gjatë të antarësimit në BE.
Me njëherë pas miratimit të MSA-së në Kuvendin e Republikës  Kosovës, filluan edhe deklaratat e para të qeveritarëve kosovar për liberalizimin e vizave. Secili në mënyrën e vet, duke filluar prej “kryeministrit” Mustafa, zv. kryeministrit dhe ministrit të punëve të jashtme z. Thaçi, ministrit për integrime europiane z. Qollaku, dhe të tjerëve me radhë,…të ngazllyer nga “suksesi” i arritur, përveq se e quajtën akt historik nënshkrimin e një MSA-je të improvizuar nga ndërkombëtarët, nxituan së premtuari (mbrenda vitit të ardhshëm)  levizjen e lirë për qytetarët e Kosovës !
MSA-ja, nuk erdhi në Kosovë si produkt i qeverisjes së mirë dhe as përmbushjes së obligimeve shtetërore, por erdhi si “infuzion” politik për mbajtjen në pushtet të një qeverie servile ndaj ndërkombëtarëve dhe jo kredibile ndaj qytetarëve të saj.
MSA-në, e quajta të improvizuar, për faktin e thjeshtë, se një MSA gjysmake, pa përfshirjen e afateve kohore, parashtrimin e kushteve strikte për qeverinë, jo vetëm që nuk e garanton liberalizimin e vizave, e vënë në pikëpyetje ecjën e Kosovës drejt antarësimit në BE, si etnitet i pa njohur nga Brukseli zyrtar!
Ashtu sikurse Brukseli, si sponzorizues i kësaj MSA-je gjysmake, edhe liderët tanë e dijnë fare mirë se, Kosova nuk i ka të përmbushura kushtet elementare për liberalizim të vizave, siq janë; zhvillimi ekonomik dhe mirëqenja qytetare, luftimi i krimit dhe korrupsionit, depolitizimi apo dekriminalizimi i sistemit të drejtësisë, ngritja e nivelit të sigurisë për investitorët e jashtëm,…e deri të kontekstet pronësore me fqinjët (demarkacionin), e në veqanti problemi i hapur me fqiun verior-Serbinë, e cila, edhe 16 vjet pas lufte, përmes Asociacionit të komunave serbe (Zajednicën) po tenton të mbajë të pushtuar pjesën veriore të vendit dhe destabilizimin nga mbrenda të shtetit të Kosovës përmes komunave (enklavave) serbe.
Improvizmi i MSA-së, nuk i shërben të ardhmës së qytetarëve të vendit tonë, për më tepër u shërben pushtetarëve dhe grupeve të interesit që fshihen prapa lojërave dhe prapaskenave të tilla të pasinqerta.
Për çfarë liberalizimi bëhet fjalë, kur qytetarët e pjesës veriore të Mitrovicës akoma jetojnë si refugjat në pjesën jugore të qytetit dhe gjithandej Kosovës ?
Për çfarë sovraniteti të shtetit bëhet fjalë, kur barrikada mbi urën e lumit Ibër vetëm sa është përfocuar,…përderisa “Parku i paqës” në anën përtej lumit rritet dhe zhvillohet dita-ditës i papenguar nga askush !
Deklaratat e politikanëve (qeveritarëve) tanë; “së shpejti do të vie liberalizimi”, pa qenë në gjendje të caktojnë ndonjë datë të caktuar, jo vetëm që nuk përkojnë me realitetin, janë hipokrizi e kulluar, përmes të cilës mundohen t’i mbulojnë dështimet e tyre në mbushjen e premtimeve zgjedhore; “hapjen e qindëramijëra vendeve të punës, levizjen e lirë dhe kthimin e të gjithë të shpërngulurëve në shtëpitë e tyre, zbardhjen e fatit të 1700 të pagjeturëve nga lufta e fundit, bërjen e shtetit me ushtri,…e shumë e shumë premtime të tjera, vargu i gjatë i të cilave, është i pamundur të përfshihet në një shkrim të vetëm autorial.
Populli, më nuk ju beson fjalëve boshe dhe premtimeve megalomane, kërkon veprime konkrete dhe rezultate të prekshme në të gjitha lëmitë e jetës, përfshirë edhe liberalizimin apo levizjen e lirë drejt vendeve të BE-së.
Hapi i parë, për qeveritarët kosovar mbetët dalja nga kriza parlamentare, nga kaosi instituacional, të cilin po mundohen ta mbajnë të “kamufluar” përmes  seancave “solemne” dhe akteve të improvizuara, pa qenë në gjendje të ofrojnë asnjë zgjdhje për problemet kyqe të vendit.
Megjithatë “shpresat” mbetën tek Gjykata Kushtetuese, a do të jetë ajo që do t’u hapë rrugë zgjidhjes së problemeve aktuale apo do ta thellojë më tepër krizën institucionale, mbetët të shifet në ditët në vazhdim. Deri atëherë, popullit i mbetët të ushqehet me daklarata dhe spekulime të llojeve të ndryshme, varësisht prej erërave politike.
Thënë ndryshe, MSA-ja e improvizuar, s’është gjë tjetër veqse infuzion për pushtetarët, dhe iluzion për qytetarët e vendit tonë !

Serbia shkatërroi në Kosovë 2700 objekte me vlera kulturore dhe arkeologjike

Instituti për Hetimin e Krimeve të Luftës, ka bërë promovimin e tre librave në të cilat janë paraqitur krimet e kryera nga forcat serbe në Kosovë gjatë kohës së luftës.

Përmbajtja e tre vëllime ka paraqitur një numër i madh i personave të zhdukur, monumentet e shkatërruara si dhe vrasjet në Kosovë.

Me këtë rast, udhëheqësi i këtij Instituti Ismet Salihu, ka thënë se Serbia kishte qëllime gjenocidale në Kosovë, ndërsa ka shtuar se kjo dëshmohet edhe nga masakrat sikur ajo e Mehës, Likoshanit e Reçakut, si dhe varrezat masive.

Veprime gjenocidale Serbia u tha se ka bërë edhe në aspektin kulturor ku ka shkatërruar mbi 2700 objekte me vlerë kulturore e arkeologjike./KlanKosova

Indonezia: E mbështetim Kosovën në UNESCO

Zëvendëskryeministri i Kosovës e njëherësh ministër i Punëve të jashtme i vendit, Hashim Thaçi, përmes Facebookut njofton se nga kryetari i Organizatës myslimane në Indonezi, Muhammadiyah, ka marrë një letër përkrahëse, që Kosova të anëtarësohet në UNESCO.
Indonezia është shtet mysliman me mbi 200 milionë banorë, e cila ende s’e ka njohur pavarësinë e Kosovës.
“Fushata jonë po fiton përkrahje nga shumë anë të botës. Kryetari i organizatës më të madhe myslimane në botë Muhammadiyah në Indonezi, që numëron 30 milionë anëtarë sapo dërgoi një letër të fuqishme të përkrahjes për Kosovën në UNESCO” ka shkruar në Facebook Hashim Thaçi.

Veseli dhe Mustafa garantojnë të drejta të plota për komunitetin LGBT

PRISHTINË – Randy Berry, i dërguari i posaçëm i Departamentit të Shtetit për të drejtat njerëzore të komunitetit LGBT, i cili sot po qëndron në Kosovë, është takuar me kryetarin e Kuvendit të Kosovës, Kadri Veselin dhe kryeministrin Isa Mustafa.

Gjatë takimit me kryeparlamentarin Veseli, u bisedua për të drejtat e njeriut që komuniteti LGBT i gëzon në Kosovë.

Me këtë rast, Berry theksoi se të drejtat e njeriut, duke qenë universale, duhet të respektohen njësoj për të gjithë anëtarët e shoqërisë, pavarësisht dallimeve të tyre në përkatësi dhe identitet. “Mbrojtja e të drejtave dhe lirive të individit është parim themelor i shoqërisë demokratike”, tha Berry.

Nga ana e tij, kryetari Veseli theksoi faktin se Republika e Kosovës funksionon mbi bazën e një kushtetute që ngërthen në vete standardet më të larta të garantimit dhe të mbrojtjes së të drejtave dhe lirive të njeriut.

“Ne kemi kushtetutën më liberale në rajonin ku jetojmë, por edhe një traditë të fuqishme kulturore të tolerancës ndaj mënyrave të ndryshme të jetës dhe kjo na mundëson që të jemi më efektivë në luftën kundër paragjykimeve dhe stereotipeve me të cilat ballafaqohen anëtarët e komunitetit LGBT”, tha Veseli. Ai shtoi se Kuvendi i Kosovës do të vazhdojë të angazhohet dhe punojë në të mirë të të gjithë qytetarëve të Kosovës, pavarësisht dallimeve që ata mund të kenë.

Më pas, i dërguari i posaçëm i Departamentit të Shtetit për të drejtat njerëzore të komunitetit LGBT, Randy Berry u prit nga kryeministri i Kosovës, Isa Mustafa.

Gjatë këtij takimi në të cilin ishte prezent edhe ambasadori amerikan në Kosovë, Greg Delawie. Kryeministri Mustafa theksoi se Kosova dhe institucionet e saj janë të përkushtuara për të krijuar një shoqëri ku të drejtat e njeriut dhe mundësitë e barabarta për të gjithë, janë vlerat fundamentale për zhvillimin e shoqërisë.

“Kosova ka mishëruar në Kushtetutën e saj parimet universale të të drejtave të njeriut, sipas standardeve më të larta evropiane dhe ndërkombëtare. Në këtë drejtim, në kuadër të infrastrukturës ligjore, Republika e Kosovës ka nxjerrë një varg ligjesh që kanë ndikim të drejtpërdrejtë në zbatimin e të drejtave të njeriut, si Ligji kundër diskriminimit, që rregullon dhe parandalon çfarë do forme të diskriminimit, nga çfarë do lloj baze apo përkatësie. Po ashtu të gjitha ligjet tjera janë në harmoni dhe bazohen në standardet e të drejtave të njeriut”, deklaroi kryeministri Mustafa.

Ai theksoi se Qeveria e Kosovës po punon që çfarë do forme diskriminimi, ndaj cilit do grup shoqëror, të adresohet konform standardeve më të larta të drejtave të njeriut.

“Me këtë qëllim, në dhjetor të vitit 2013 është themeluar Grupi Këshillëdhënës dhe Koordinues në nivel kombëtar në Republikën e Kosovës për të drejtat e komunitetit LGBT. Ky grup udhëhiqet nga Zyra për qeverisje të mirë në ZKM, dhe në përbërjen e tij ka përfaqësues nga institucionet shtetërore dhe nga organizatat që përfaqësojnë interesat e komunitetit LGBT, dhe nga organizata ndërkombëtare”, informoi kryeministri Mustafa të dërguarin special të State Department, Berry-në.

Më tutje, i pari i Qeverisë së Kosovës potencoi se Qeveria është e vendosur të mos lejojë kurrfarë frikësimi, diskriminimi apo trajtimi të pabarabartë, të kujt do në Kosovë dhe se Qeveria e Kosovës do të bashkëpunojë ngushtë me të gjitha mekanizmat vendore dhe ndërkombëtare për të avancuar më tej, zbatimin dhe respektimin e të drejtave të secilit individ në Kosovë.

I dërguari i posaçëm i Departamentit të Shtetit për të drejtat njerëzore të komunitetit LGBT, Randy Berry duke falënderuar kryeministrin për mikpritje, vlerësoi progresin në Kosovë dhe përkushtimin e institucioneve të Kosovës për respektimin e plotë të të drejtave të secilit individ në Kosovë.

Ai çmoi punën e Qeverisë së Kosovës në adresimin e çdo forme diskriminimi ndaj çdo grupi shoqëror, duke ofruar përkrahjen e plotë të Qeverisë Amerikane për të ndërtuar kapacitetet e nevojshme që çdo komunitet në shoqërinë kosovare, të realizojë lirshëm të drejtat e tij. aa

UNESCO – Kosova në rendin e ditës, Serbia nuk arrin ta pengojë

Ministri i Jashtëm i Kosovës, Hashim Thaçi, ka bërë të ditur se Konferenca e Përgjithshme e UNESCO-s ka miratuar agjendën në tërësi, me pikën për Kosovën.

Kjo, siç ka shkruar Thaçi në profilin e tij në Facebook, ka ndodhur përkundër kërkesës së Serbisë që të hiqet nga agjenda kërkesa për anëtarësimin e Kosovës në Agjencinë e Kombeve të Bashkuara për Arsim, Shkencë dhe Kulturë.

Më 21 tetor, Bordi ekzekutiv i UNESCO-s ka votuar në favor të kërkesës për ta pranuar Republikën e Kosovës brenda kësaj organizate.

Vendimi përfundimtar duhet të merret në Konferencën e Përgjithshme të UNESCO-s, e cila zhvillon punimet nga sot deri më 18 nëntor.

Për t’u pranuar, Kosovës i duhen dy të tretat e votave në Konferencën e Përgjithshme, e cila përbëhet nga 195 vende anëtare.

Kosovës i duhen koalicionet e natyrshme, të logjikshme, jo ‘koalicionet e vogla’ ose ‘koalicionet e mëdha’ – Nga AGRON SHABANI

Siç mund të mësohet nga proceset e gjithëmbarshme të zhvillimit nëpër të cilat po kalon Kosova në këtë periudhë sfiduese dhe tepër furioze ose dinamike të tranzicionit, konsolidimit, etablimit ose profilizimit politik ose partiak etj. I ashtuquajturi  “koalicioni i madh” në mes PDK-së dhe LDK-së , me kalimin e kohës, gjithnjë e me shumë do i ngjasoi ( ngjasoje) një të ashtuquajture “kulle të Babilonisë”  ku krahu i djathtë i saj, nuk do të dijë asnjëherë se çfarë bën ose vepron  krahu i majtë i saj dhe anasjelltas.

Aty janë edhe mungesat ose deficitet e hetueshme të etikës, estetikës, disiplines, emancipimit, disajnit, rezonanses dhe performanës së preferuar institucionale, konstitucionale, profesionale, kadrovike dhe të tjera së bashku me paradokset, mediokritetet, anakronizmat, hipotekat dhe anomalitë e ndryshme objektive dhe subjektive në kuader të koalicionit të lartëcekur qeveritarë ose politikë të trashëguara që nga koha e luftës dhe pasluftës në Kosovë. Të cilat me kalimin e kohës, sigurisht se do paraqesin një ” gogol të madh” ose ” thembër Akili” për mbarëvajtjen dhe funksionimin maksimal ose optimal të shteti dhe pushtetit ( ekzekutivit) kosovarë në të gjitha fushat dhe segmentet e mundshme. Dhe, të cilat sigurisht se do e arrijnë  “zenitin” ose kulminacionin e tyre me rastin e aktakuzave ose aktapadive të mundshme ndaj figurave ose personalitetëve të ndryshme qeveritare ose politike nga ana e ” Tribunalit” ose ” Gjykatës Speciale” në Kosovë….? Ku, pos tjerash, pritët të shalosen, detektohen ( deshifrohen) dhe të dalin në shesh ose dritë të plotë ” misterët”,” ekuacionet”,  të ” panjohurat” ose të ” papriturat” e ” binomit” ose ” koalicionit të madh” në mes LDK-së dhe PDK-së. Duke e marrur kështu formen ose profilin e një “grushteti të vogël” institucional dhe konstitucional në jetën përgjithshme institucionale dhe politike në Republikën Kosovës! Prej nga ku sigurisht se kanë ” lindur” ose gjeneruar ( degjeneruar) edhe i ashtuquajturi ” asociacioni i pavarur i komunave serbe ” ( lëxo: ” republika serbe” ) në Veriun e Kosovës ose Mitrovicës së bashku me të të ashtuquajturin ” demarkacionin shtetërorë” ose ” kufitarë” me Malin e Zi si dhe një sërë kompromisësh dhe koncesionësh tjera ndaj çështjeve ose aspektëve kruciale ose esenciale që kanë të bejnë me pavarësinë, sovranitetin dhe integritetin e përgjithëshëm shtetërorë, nacional, teriotorial ose politikë të vendit tonë.

Kjo donë të thotë se ” ekuacionet” ose ” formulat” e mesipërme pushtetmbajtëse ose politike në mes PDK-së me LDK-së, në  esencën e tyre me tepër janë “marrëveshje” ose “aleanca poroze” dhe “ireverzibile” që i shpartallon dhe davarisë mëngjesi.

Një apologji diskursive ose analogjike nga e kaluara:

Se këndejmi, ndërkohë që LDK-së lindi ose u themelua dikur si ” levizje alternative” ose demokratike në muzgun ose buzëmbremjen e shkatërrimit ( dekompozicionit)  të ish Jugosllavisë. Lufta dhe revolucioni i njohur çlirimtar dhe patriotik i UÇK-së dhe popullit shqiptar në Kosovë: Ishin luftë dhe një revolucion i vërtetë ushtarak dhe politik i popullit ( kombit) dhe lidershipit të njohur ushtarak dhe politik kundër një vendi dhe regjimi të huaj kolonial ose gjysëmkolonialist, çfarë ishte Serbia dhe regjimi i saj kriminal dhe gjakatarë në Beograd.

Në këtë fryme te mespërme revolucionare dhe patriotike,  nga gjiri dhe vullneti titanik i popullit (kombit) dhe atdheut si tonë si feniksi, dolën dhe u shfaqën fuqishëm dhe përjetësisht edhe akterët dhe protagonistë kryesor të lirisë, shtetit dhe pavarësisë së shumëpritur të Kosovës sonë Martire dhe Heroike. Për të mos thënë këtu Gjorgj Uashingtonët dhe Tomas Xhefersonët shqiptar ose kosovar. Duke ngritur kështu përmendore ose një lapidar të përjetshëm në shpirtin dhe kujtesën e përgjithshme nacionale dhe historike të çdo shqiptari ose patrioti të vërtetë.

Se këndejmi, lufta dhe revolucionin çlirimtar dhe patriotik i UÇK-së dhe popullit shqiptar në Kosovë dhe gjithandej: Ndërkohë që ishin të motivuara dhe stimuluara nga idealët dhe përpjekjet e kamotshme çlirimtare dhe patriotike të njerëzve dhe popullit ( kombit) tonë për liri, shtet dhe pavarësi të plotë shtetërore dhe nacionale.Në anën tjetër ndërkaq, ishin të shquara (karakterizuara ) dhe sublimuara ose konfirmuara edhe për nga bashkëpunimi dhe aleanca e njohur politike dhe ushtarake e UÇK-së me Shtetet e Bashkuara (SHBA-së) dhe vendet tjera të NATO-s ( Kujo Aleancën e Madhe NATO-UÇK gjatë luftës çlirimtare dhe historike në Kosovë! Për të cilen në analët e përgjithshme të historisë sonë kombëtare dhe asaj ndërkombëtare tashmë janë shkruar libra, histori, antologji dhe enciklopedi të shumeta.).

E thënë dhe deshifruar ndryshe: Kjo donë të thotë se me rastin e luftës dhe revolucionit të lartpërmendur çlirimtar dhe patriotik të UÇK-së dhe popullit shqiptar në Kosovë, kemi të bëjmë me apologji, ekskurse dhe diskurse të ndryshme komparative dhe analogjike me luftën dhe revolucionin e njohur të popullit (kombit) të madh amerikan për liri dhe pavarësi të gjithëmbarshme shtetërore dhe nacionale nga “kurora” e huaj imperiale ose kolonialiste në etapën e fundit të shekullit të tetëmbëdhjetë (18) dhe kështu me radhë. Ndërkaq, e ashtuquajtura “rezistenca pasive” ose pacifiste e Dr. Ibrahim Rugovës dhe LDK-së, në etapën e fundit të shekullit të kaluar, ishin si të thuash me tepër “uvertyrë” ose një “paralojë e butë revolucionare” ose politike në buzëmbrëmjen e njohur të luftërave të përgjakshme dhe shkatërrimtare në  territorin e dikurshëm të ish-Jugosllavisë.

Jugosllavia, siç dihet do i përjetonte me dhembje, trauma, pezmatime dhe gjakderdhje të shumta “abortin” ose shkurorëzimin ( dekompozicionin)  e saj shtetëror dhe politik. Duke i nënkuptuar këtu luftërat e përgjakshme dhe shkatërrimtare në Kroaci, Slloveni, Bosnje Hercegovinë dhe së fundi në Kosovë! Të nxitura dhe shkaktuara nga regjimi kriminal dhe gjakatar i Millosheviçit dhe ultranacionalistëve të tjerë serbo-çetnik në Beograd dhe gjetkë.
Meqë gjithnjë fjala mbi komparacionet dhe analogjitë e lartpërmendura të luftës dhe revolucionit të njohur të UÇK-së dhe popullit shqiptar në Kosovë me luftën dhe revolucionin e njohur të popullit (kombit) të madh amerikan për liri dhe pavarësi:  Atëherë do theksuar në vazhdim se etapa ose “epoka” e njohur e luftërave dhe revolucioneve të ndryshme nacionale dhe politike (para dhe pas vitit 18OO), si të thuash në mënyrë fundamentale dhe substanciale, atëbotë e kishin eksploruar, reformuar dhe emancipuar rendin ose rregullimin e gjithëmbarshëm shoqëror dhe politik të shteteve dhe shoqërive të ndryshme imperiale ose kolonialiste në kontinentin e vjetër evropian dhe gjetkë.

Historia Amerikane:

Ndryshe nga kjo, ” rilindja” ( renesansa) ose “epoka e re” revolucionare dhe historike në globin dhe kontinentin tonë, do fillonte pikërisht me luftën dhe revolucionin e njohur të popullit (kombit) të madh amerikan për liri dhe pavarësi të gjithëmbarshme shtetërore dhe nacionale nga “kurora” e huaj imperiale ose kolonialiste.

Ndaj, mu për këtë, lufta dhe revolucioni i njohur amerikan, atëbotë ishin bërë simbol dhe një udhërrëfyes i fuqishëm konspirativ dhe logjistik për revolucionet e ndryshme (të mëvonshme) në Evropë dhe kudo. Përse kjo? Sepse, lufta dhe revolucioni amerikan, ndërkohë që ishin të të ngjyrosur dhe përshkruar nga simbolet dhe elementët e shumta tradicionale dhe kulturore të kontinentit të vjetër evropian. Kjo për shkak të origjinës dhe lidhjeve të njohura historike, kulturore, emocionale dhe antropogjenteike të pjesës dërmuese të popullit amerikane me Evropën. Në anën tjetër ishin të bazuar dhe motivuar në luftën dhe përpjekjet e njohura çlirimtare dhe patriotike të popullit (kombit) të madh amerikan nga “kurora mbretërore” britanike dhe kështu me radhë…Mbase, të nisur ose filluar dikund në vitin 1619, në Tubimin e njohur parlamentar të Virgjinias. Për t´u pasuar nga Marylandi, Carolina, New Yorku, New Jersi, Delaware, Georgia, Massachustti, Rhode Islandi etj. Në vazhdim ia vlen të rikujtohen në sfond  “Mayflower” dhe “41 viganët e parë”  të luftës dhe revolucionit të lartpërmendur amerikan për pavarësi.

Ndërkohë që dikur me vonë, Uilliam Penny do e ngriste dhe themelonte shtetin e pavarur të “Pyejeve” ( Pennsylvaninë) në vitin 1683. Duke shënuar kështu edhe fillimet e luftës dhe revolucionit të njohur amerikan nga të të ashtuquajturat ” 13 shtetë” ose “kolonitë”  e atëhershme amerikane-kunder “metropolës britanike” në shekullin 17. Të cilat në themelin ose substancën e tyre tyre ishin luftë dhe një revolucion i shkëlqyer në mes pavarësisë dhe sovranitetit të njohur amerikan dhe të të ashtuquajturit “sovranitetit” parlamentar dhe monarkist anglez. Për t´u kurorëzuar në ” Kongresin e Parë Konstitucional dhe Kontinental”  të Philadelphias (Filadelfia) në vitin e paharruar 1774. Në të cilin, deputët e 13 vendëve të pavarura amerikane, do e zgjedhin dhe emrojnë Georg Washingtonin ( Gjorgj Uashingtonin) si udhëheqës dhe komandant të përgjithshëm politik dhe ushtarak të SHBA-së. Duke e nënkuptuar këtu edhe fitorën e njohur (historike) të ushtrisë amerikane kundër asaj britanike në vitin 1775. Respektivisht, Deklaratën e njohur të 4 Korrikut të vitit  1776 ( nga ana e Thomas Jeffersonit) për Pavarësi të plotë të Shtetëve të Bashkuara.

Ndonëse, pa i harruar këtu edhe angazhimet dhe aktivitetët e shquara politike dhe diplomatike të Benjamin Franklinit, John Adamasit dhe të tjerëve në drejtim të afirmimit dhe zyrtarizimit (konfirmimit) të shtetit dhe pavarësisë së lartëpërmendur amerikane nga ana e popujve dhe shtetëve të ndryshme gjithandej globit tonë tokësor.

Për t´i arritur kështu “zenitin” ose kulminacionin e tyre me Konventën e famshme konstitucionale dhe juridike “Checks and Balances”  (lëxo:Rregullat dhe Kontrolli) të Philadelphias në vitin e paharruar 1787. Kjo done të thotë se edhe shteti dhe populli (kombi)  i madh amerikan, në fillim i kishin pengesat dhe vështirësitë e ndryshme objektive dhe subjektive në Rrugën e Lavdishme të lirisë, shtetit dhe pavarësisë.

Se këndejmi, mitët, epostet, legjendat, stenogramet dhe historitë e njohura mbi ” Party of The People ” ( Partia Demokrate) si dhe mbi “The Grand Old Party”  ( Partia Republikane) në SHBA-së: Janë lajtmotivi dhe udhërrefyesi me sublim në drejtim të etablimit dhe profilizimit të gjithëmbarëshëm dhe përfundimtarë të spektrit politikë ose partiak në Kosovës. Përfshirë edhe aleancat ose koalicionet e atjeshme pushtetmbajtëse ( qeveritare) ose politike . ërrëfyes të fuqishëm logjistiko-katalogjik për jetën e përgjithshme parlamente dhe demokratike në vendin tonë. Pa dashur t´ua cekim emrat ose adresat partive ose subjektëve të ndryshme politike.

Hashim Thaçi, kryetar i urithëve të nëntokës së LDK-së! -nga FLORIM ZEQA

Urithët, pakurrizorët apo zvarranikët e LDK-së, quani si të doni, sikur sot që janë në pushtet, edhe atëherë kur nuk ishin në pushtet vraponin pas privilegjeve, tenderëve apo të ndonjë “ashti të fëlliqur” që ua hudhte nga largësia shefi i tyre Hashim Thaçi
Ideja e titullit të këtij shkrimi me lindi gjatë leximit të një artikulli në gazetën Kosova sot, të datës 27.10.2015, me titull; “PDK-ja dhe SHIK-u po e rrenojnë LDK-në”, përmes të cilit me të drejtë LDK-ja trajtohet si marionetë e PDK-së.
Lidhja e (pa) natyrshme kriminale e koalicionit PDK-LDK, për interesa të ngushta të urithëve të nëntokës dhe grupeve kriminale, përveq se do të jetë me pasoja afatëgjata negative për vendin, kaloj me pasoja fatale për LDK-në e katandisur pas kuvendit VIII zgjedhor të saj.
LDK-ja asnjëherë nuk ka qenë e rrezikuar nga rivalët e saj politikë, sa ka qenë e rrezikuar dhe e dëmtuar rëndë nga urithët e nëntokës së saj, të cilët në këtë subjekt qendrojnë vetëm për të keqën e saj.
Më mirë dhe më qartë se asgjë tjetër, ishin zgjedhjet fundit parlamentare dhe ato partiake në LDK,  e shfaqën fenomenin e  “dashurisë” së urithëve të nëntokës ndaj LDK-së rugoviane!
Urithët, pakurrizorët apo zvarranikët e LDK-së, quani si të doni, sikur sot që janë në pushtet, edhe atëherë kur nuk ishin në pushtet vraponin pas privilegjeve, tenderëve apo të ndonjë “ashti të fëlliqur” që ua hudhte nga largësia shefi i tyre Hashim Thaçi.
Urithët e nëntokës së LDK-së, për të fshehur gjurmët e bashkëpunimit me  rivalin kryesor të frymës rugoviane, ditën përlaheshin para opinionit, para mediave apo edhe në parlament, ndërsa natën vazhdonin bizneset e fshehta dhe ndejat e natës me drejtuesit e PDK-së, hoteleve luksoze apo vilave private gjithandej vendit.
Edhe sot, ditën deklarohen “kundër” Hashim Thaçit president, ndërsa natën bëjnë plane për zgjatjen e jetës koalicionit fatkeq për vendin. Mirëpo kjo nuk është e vetmja marrëzi !
Të njëjtit, gjatë fushatës zgjedhore për të mashtruar opinionin dhe për të mbrojtur “pastërtinë” e tyre, elektoratit të LDK-së i bënin thirrje; “mos i votoni hajnat”,….“kujdes, ruani xhepat nga qeveria”,…nga kush t’i ruajmë xhepat tani, nga Thaçi, nga Isa Mustafa apo urithët e tjerë të LDK-së ?
Urithët e LDK-së, me të njëjtin avaz vazhduan propagandat e tyre për mashtrimin e elektoratit edhe gjatë përiudhës paszgjedhore. Për të arsyetuar lojen e dyfisht të liderit të tyre me VLAN-in, thonin kështu; “Isa Mustafa e ka caktuar  Ramush Haradinajn për kryeministër, si njeri i guximshëm,…si VAMPIR  për ta ngrënë Hashim Thaçin”,…kush është duke e luajtur sot rolin e vampirit dhe përbindëshit të  interesave kombëtare në Kosovë?
Urithët e nëntokës së LDK-së, ashtu si në Kosovë, edhe në diasporë vrapojnë pas gjahut të qelbur, në cilësinë e  mbështetësve dhe sahanlëpriësve të një pushteti kriminal,…të cilët për interesa të ngushta personale, për akomodimin (punësimin) e vet apo të ndonjë familjari të tyre në institucionet publike në Kosovë, ua kthyen shpinën bashkatdhetarëve të tyre, për t’ju bashkangjitur të keqës së madhe (Koalicionit PDK-LDK), duke u bashkuar me krimin dhe korrupsionin në dëmë të interesave të shumicës shqiptare në Kosovë!
Vetëm nga pjesa veriore e Italisë, nga viti i kaluar e këndej, janë më shumë se katër raste të urithëve të nëntokës së LDK-së , që për interesa personale, nga “rugovist” të përbetuar u shëndrruan në shërbëtor të Hashim Thaçit dhe strukturave uzurpuese të shtetit të Kosovës.
Konventa e punës, apo siq po i thonë disa kongresi i punës së LDK-së i paraparë të mbahet në nëntor të këtij viti, nuk do të ketë kuptim pa pjesmarrjen edhe të Hashim Thaçit, udhëheqësit moral të nëntokës së LDK-së, kandidatit për president të shtetit.
Në LDK-në e grupeve të interesit, shumica e 355 delegatëve të kuvendit zgjedhor, shumica e degëve dhe nëndegëve të LDK-së aprovuan koalicionin e turpit PDK-LDK, me kushtin që Hashim Thaçi të zgjedhet president,…
Në garën (hipotetike) mes dy kandidatëve për kryetar të LDK-së; Isa Mustafa apo Hashim Thaçi, do të votonin me aklamacion apo fshehtas për këtë të fundit, shkaku i ruajtjes së vendeve të punës apo privilegjeve tjera; drejtues bordesh dhe agjensionesh, nënpunës civil, rojtar, parrukier apo lustragjinjë !
Gjendjen e mjerë politike në LDK, e vërtetuan edhe deklarimet e fundit të disa eksponentëve mbrenda këtij subjekti për ridizajnimin e marrveshjes PDK-LDK, apo ndrrimin e pozitave; “që Isa Mustafa të bëhet president, ndërsa Hashim Thaçi kryeministër”,…kjo përveqse miopi politike paraqet servilizim të skajshëm dhe degradim të mëtutjeshëm të LDK-së.
Sikur të ishte ndryshe, urithët e nëntokës së LDK-së nuk do ta votonin të keqën e madhe për vendin (koalicionin PDK-LDK), nuk do ta votonin shkatërrimin (Isa Mustafën) për LDK-në!
Andaj me plotë drejtë, Hashim Thaçin, mund ta quajmë kryetar, kryeministër apo president të urithëve të nëntokës së LDK-së !

MSA-në e rrezikon Lista Serbe, kërcënon me bojkot

PRISHTINE – Pas opozitës e cila ka paralajmëruar mospjesëmarrjen në votimin e Projektligjit për ratifikimin e Marrëveshjes së Stabilizim Asocimit ndërmjet Kosovës dhe Bashkimit Evropian, bojkotin është duke e shqyrtuar edhe Lista Serbe.

Kjo listë ka 11 deputetë në Kuvend dhe pa përkrahjen e tyre nuk do të mund të arrihen 81 votat e nevojshme, siç kërkohet në ratifikimin e marrëveshjeve ndërkombëtare, shkruan sot Koha Ditore.

Gazeta të dielën nuk ka arritur të vërë kontakt me drejtues të Listës Serbe, kurse nga Qeveria e Kosovës nuk kanë folur për problemet me Listën Serbe. Vetëm kanë shprehur besimin se të hënën do të jenë prezentë të gjithë partnerët e koalicionit.

Ndërkaq opozita nuk do ta bojkotojë në tërësi seancën për MSA-në. Ajo ka vendosur që disa deputetë të saj të marrin pjesë në seancë për t’i dhënë argumentet rreth kësaj marrëveshjeje, por nuk do të votojnë.

Burime të gazetës kanë thënë se përfaqësues të Listës Serbe e kanë njoftuar kryeministrin Isa Mustafa se janë duke shqyrtuar mundësinë e mospjesëmarrjes në seancën e së hënës, e cila në rend dite ka vetëm një pikë – shqyrtimin dhe miratimin e Projektligjit për ratifikimin e Marrëveshjes së Stabilizim-Asocimit.

Opozita bojkoton seancën për MSA-në, ka shumë vërejtje për tekstin

Liderët opozitarë: Marrëdhëniet e Kosovës me Bashkimin Evropian duhet të jenë në baza barazie e reciprociteti

Qeveria e Kosovës, pasi ka ratifikuar projektligjin për Marrëveshjen e Stabilizim-Asociimit me Bashkimin Evropian, atë e ka proceduar në Kuvendin e Kosovës për miratim.

Kuvendi i Kosovës tashmë ka vendosur në agjendën e tij për ditën e hënë, 2 nëntor, që ta ratifikojë këtë projektligj.

Megjithatë, zyrtarët e bllokut opozitar kanë deklaruar se nuk do ta pengojnë seancën së hënës, ashtu siç kanë bërë deri tash, por nuk do ta votojnë projektligjin për MSA-në.

Zyrtarët nga Lëvizja Vetëvendosje thanë për Radion Evropa e Lirë se liderët opozitarë janë marrë vesh të mos shkojnë në seancën, në të cilën pritet të ratifikohet MSA-ja.

Teutë Rrusta, koordinatore e të gjitha qendrave të Lëvizjes Vetëvendosje, deklaron se subjektet opozitare janë marrë vesh që të mos marrin pjesë në seancën e së hënës.

Teutë Rrusta tha se ky vendim është marrë pasi që opozita, siç shprehet ajo “ka shumë vërejtje për këtë marrëveshje”.

“Subjektet opozitare jam marrë vesh që mos të marrin pjesë në këtë seancë, meqë ne kemi vërejtje për përbërjen e kësaj marrëveshjeje. Megjithatë, nuk do ta bllokojmë këtë marrëveshje, pasi që konsiderojmë se është e rëndësishme marrëdhënia kontraktuale me BE-në”, rikonfirmon qëndrimin e opozitës koordinatorja nga Vetëvendosje Teuta Rrusta.

Rrusta tregon se të hënën, liderët e subjekteve opozitare do të mbajnë një konferencë për media, ku do të bëjnë të ditur qëndrimin e plotë në lidhje me MSA-në.

Ajo përmend shkurtimisht se ku janë mospajtimet më të mëdha me këtë marrëveshje me BE-në.

“Mjafton të themi që kushtëzimet që i bëhen Kosovës me MSA-në, për marrëveshjet me Serbinë, janë të padrejta. Marrëdhëniet e Kosovës me Bashkimin Evropian duhet të jenë në baza barazie e reciprociteti, e jo të kushtëzuar prej marrëveshjeve me Serbinë. Një problem tjetër është që Kosova në MSA paraqitet me fusnotë”, thekson ajo.

Nga na tjetër, analistët politikë në Prishtinë konsiderojnë se mosratifikimi i MSA-së nga opozita, është një taktikë jo e qëlluar.

Analisti Imer Mushkolaj thotë për Radion Evropa e Lirë se opozita mund të vazhdojë me bojkotimin e seancave, por nuk do të duhej të vepronte me bojkot sidomos të hënën

“Pavarësisht përplasjeve partiake, përplasjeve politike, inateve që mund t’i kenë partitë në Parlament, unë besoj se MSA-ja do duhej që të votohej nga të gjithë nesër në Kuvend. Kjo edhe për shkakun se është një akt shumë i rëndësishëm, i cili në një farë forme e trason konkretisht rrugën e Kosovës drejt Bashkimit Evropian”, vlerëson Mushkolaj.

Mushkolaj konsideron se edhe sikur partitë opozitare të ishin në pushtet, do ta nënshkruanin një marrëveshje të tillë, pasi që, sipas tij, formati aktual i kësaj marrëveshjeje, ka qenë i vetmi i mundshëm.

Kosova ka nënshkruar më 27 tetor në Strasburg Marrëveshjen e Stabilizim-Asociimit me Bashkimin Evropian.

Nënshkrimi i këtij dokumenti shënon edhe vendosjen e parë të marrëdhënieve kontraktuale ndërmjet Kosovës dhe BE-së.

Marrëveshja për Stabilizim-Asociim kërkon nga një vend që synon anëtarësimin në BE, të sigurojë se mekanizmat e tij të qeverisjes dhe të shoqërisë civile, përmbushin standardet e BE-së.

Kryeministri i Kosovës, Isa Mustafa, ka thënë për Radion Evropa e Lirë se me nënshkrimin e kësaj marrëveshjeje, Kosova shpreh gatishmërinë dhe zotësinë e saj që t’i dëshmojë Bashkimit Evropian se është një shtet partner, shumë serioz, për t’i bërë të gjitha reformat e nevojshme”.

Negociatat për Marrëveshjen e Stabilizim-Asociimit kanë nisur para dy vjetësh, vetëm pasi Kosova është angazhuar në bisedimet me Serbinë për normalizimin e marrëdhënieve.

Arton Konushevci

[email protected]

Arton Konushevci merret me gazetari që nga viti 2001. Në vitin 2007 ka filluar të punojë si korrespondent i Radios Evropa e Lirë. Jeton në Prishtinë, është i martuar dhe ka një fëmijë.

Leku propozohet si monedhë e dytë zyrtare në Kosovë

Një ndër emrat që e ka përfolur më shumë këtë ide është deputetja shqiptare Mesila Doda, e cila është e mendimit se sidomos në këto kohë kur Evropa është në krizë duhet menduar për një skenar rezervë, dhe nuk ka asgjë më të mirë se sa të mendosh lekun si monedhë kombëtare, dhe shërbimi është më i lirë se sa ai që të ofron Banka Qendrore Evropiane.

Por ekspertet e ekonomisë mendojnë ndryshe, madje thonë se kjo është një ide e gabuar.

I pyetur nga KosovaPress Zef Preçi, ekspert ekonomie thotë se ky propozim ka më shumë vlerë patriotike se sa ekonomike, pasi në këtë drejtim duke përdorur euron, Kosova është një hap para Shqipërisë, pasi edhe vendit tonë si hap i fundit për t’u anëtarësuar në BE do t’i kërkohet heqja dorë nga monedha vendase dhe përdorimi i euros.

Nga ana tjetër, ekspertë të tjerë kanë argumentuar më herët se shkëmbimi tregtar ndërmjet dy vendeve, asnjëherë nuk ka qenë nën presionin e asaj se me çfarë valute do të bëhet pagesa, por eksporti dhe importi kryesisht kanë qenë të penguar nga barrierat absurde që kanë aplikuar qeveritë e të dyja vendeve, ndaj dhe qeveritë e të dyja vendeve tona më shumë duhet të fokusohen në heqjen e barrierave administrative, përafrimin e kushteve për themelimin dhe zhvillimin e biznesit, ndërtimin e infrastrukturës funksionale, se në propozime të tilla.

Pristhinë – Opozita fut me forcë peticionin në Kuvend

Liderët e tri partive politike opozitare në Kuvendin e Kosovës: Visar Ymeri nga Lëvizja Vetëvendosje, Ramush Haradinaj nga Aleanca për Ardhmërinë e Kosovës dhe Fatmir Limaj nga Nisma për Kosovën, pa lejen e sigurimit, kanë futur me forcë në Kuvend peticionin me nënshkrimet e qytetarëve që kundërshtojnë formimin e Asociacionit të Komunave me Shumicë Serbe dhe demarkacionin e kufirit me Malin e Zi.

Lideri i Aleancës për Ardhmërinë e Kosovës, Ramush Haradinaj, derisa ka hyrë me forcë bashkë me liderët e tjerë, ka thënë se është e pakuptimtë që të mos lejohet futja e disa dokumenteve në Kuvend.

“Po teprohet prej pushteti edhe duhet ta kuptojnë edhe ata, që në rast se mendojnë se mund të veprojnë kështu, kuptohet se do të ketë mosdëgjueshmëri edhe ndaj këtyre rregullave. Ne i respektojmë të gjitha rregullat, por edhe rregullat duhet të respektojnë detyrën dhe obligimet e deputetit”, ka thënë Haradinaj.

Ai ka theksuar se si opozitë janë të vendosur që të vazhdojnë me kundërshtimin e marrëveshjeve që kanë të bëjnë me Asociacionin e Komunave me Shumicë Serbe dhe demarkacionin e kufirit me Malin e Zi.

Pas futjes në Kuvend, liderët opozitarë para medieve kanë treguar se janë mbledhur mbi 200,000 nënshkrime të qytetarëve.

Visar Ymeri, kryetar i Lëvizjes Vetëvendosje, ka thënë se peticioni i organizuar nga opozita, është peticioni më i madh që është bërë ndonjëherë në Kosovë.

Ai ka deklaruar se peticioni është mjaft i rëndësishëm.

“Këta 200 mijë qytetarë, janë qartazi në kundërshtim me këto vendime të qeverisë. Kjo do të thotë se kjo qeveri, siç po dëshmohet me këtë peticion, është qeveri e cila vendimet e veta nuk i bën në përputhje më interesin dhe vullnetin e qytetarëve por, i bën në përputhje me interesin personal, si dhe interesat e qarqeve të tjera që nuk janë në Kosovë, e as të qytetarëve”.

“Prandaj, kjo është një dëshmi që këto marrëveshje të Brukselit dhe ajo për demarkacionin domosdo duhet të anulohen dhe të tërhiqemi nga to”, është shprehur Ymeri.

Ndërkaq, kryetari i partisë Nisma, Fatmir Limaj, ka sqaruar shkurtimisht se si do të veprohet tash e tutje me nënshkrimet e mbledhura nga qytetarët.

“Nënshkrimet e tyre [qytetarëve] do të shkojnë atje ku duhet. Ne kemi planifikuar t’i dërgojmë këto peticione në zyrat kryesore të komunitetit ndërkombëtar, duke nisur nga Brukseli, për të parë se vullneti i qytetarëve të Kosovës është ndryshe. Dhe, gjithashtu, ky numër masiv i nënshkruesve të peticionit, na motivon për të vazhduar kërkesat tona që këto dy marrëveshje të tërhiqen”, ka shpjeguar Limaj.

Të tri partitë në opozitë, kanë ritheksuar se do të vazhdojnë të bllokojnë punën e Kuvendit të Kosovës, përderisa, siç po pretendojnë ato, kryeministri Isa Mustafa të mos i tërheq nënshkrimet nga Marrëveshja me Serbinë për Asociacionin e Komunave Serbe dhe ajo me Malin e Zi për demarkacionin e kufirit.

Në të kundërtën, opozita i kërkon dorëheqjen e kryeministrit Isa Mustafa dhe gjithë Qeverisë së Kosovës.

Arton Konushevci

[email protected]

Arton Konushevci merret me gazetari që nga viti 2001. Në vitin 2007 ka filluar të punojë si korrespondent i Radios Evropa e Lirë. Jeton në Prishtinë, është i martuar dhe ka një fëmijë.

Kosova, “de jure” dhe “de facto” shtet, apo… ?! – Nga AGRON SHABANI

Nga prizmi i antropologjisë dhe epistemologjisë se përgjithshme revolucionare dhe asaj politike:
Të gjithë sikur flasin ( flasim) dhe shkruajnë ( shkruajmë) si në “kor” mbi shtetin e pavarur, sovran, integral, ligjor, qytetar, parlamentar dhe demokratik në Kosovë. Dakord. Kosova se këndejmi, ´de jure´- është shtet i pavarur, sovran, integral dhe demokratik që nga 17 shkurti i ivitit 2008. Mbase, që nga Shpalllja ( Deklarata) e njohur kushtetuese, legjislative dhe juridike me 17.02.2008. Ndërkohë që Republikën e Kosovës gjer me sot e kanë njohur ose pranuar zyrtarisht shtetët ose vendët me të fuqishme dhe me përparimtare të globit tonë tokësor.
Por….!
Në anën tjetër ndërkaq, Republikën e Kosovës (de facto) vazhdojnë të mos e njohin ( honepsin) ose respektojnë vetëm pjesëtarët e ndryshëm të pakicës ose minoritetit serb në vendin tonë. Mbase, pikërisht ata që në një formë a tjetrën, kanë qenë bashkëpunëtor të regjimit kriminal dhe gjakatar të Milloshevicit, Sheshelit, Arkanit, Nikoliqit, Daçiqit, Vuçiçit etj.  Kjo edhe përkunder asaj se pakica ose minoriteti serb në Kosovë, vazhdojnë të jenë pakica ose minoriteti me i respektuar dhe me i privilegjuar në raport me pakicat ose minoritetët tjera në vendin tonë. Por, kot se koti. Në secilin serb sikur ndodhët ose ekziston një ” mit” një ” reliktë” ose një ” totem” i rrejshem mesjetar, pseudoshkencor ose johistoriik mbi Kosovën. Edhe perkunder faktit se serbet vet jane popull artificial ose johistorik.
B. Malinovski, E. Durhemi, Zh. Balandie, E. Tejlori, Xh. Frajzeri dhe socioantropolog të tjerë botërorë ose ndërkombëtarë, në kuadër të studimëve, enkodimëve, dekodimëve, deshifrimëve dhe analizave të ndryshme funksionale, aksionale, strukturale, simbolike, emocionale, sociopsikologjike, organike, pradigmatike dhe të tjera të fetishëve, reliktëve, simbolëve ose totemëve të ndryshme mitike, shamanike, mesjetare, arkaike ose eshatologjike të popujve, fisëve, klanëve ose komunitetëve të ndryshme etnike, fetare, kulturore dhe të tjera gjithandej globit: Duke u shprehur se vdekjët, gjegjësisht, luftërat, urrejtjet ose konfliktët e ndryshme fetare, kulturore, nacionale, racore dhe të tjera në këtë kontekst, të duken ngjarjet dhe momentët me iracionale, me groteske, me reaksionare dhe me destruktive në domenin e përgjithshëm ose multidimenzional të fjalës. Në radhë të parë do fokusohen dhe stacionohen në zgjidhjen dhe tejkalimin e çështjëve dhe problemëve të ndryshme sociale, ekonomike, kulturore, politike dhe të tjera në kuader të “dinamikes sociale dhe societale” që mund të jenë shkaktarët dhe faktorët me të rëndësishëm ose kryesorë të stabilitetit dhe instabilitetit ( jostabilitetit) të përgjithshëm shtetërorë, nacional, qytetar, kulturor, politik etj…Duke iu dhënë në këtë rast prioritet dhe ambiguitet të posaçëm indikatorëve dhe predikatorëve të ndryshëm simbolik, determinant dhe paradigamtik të sjelljës ose mirësjelljës së detyruar shtetërore, qytetare dhe politike në njerën anë. Përkatësisht, mekanizmave dhe instrumentëve të njohura shtetërore, qeveritare dhe politike ( lëxo: mekanizmat dhe instrumentët e njohura të shtetit ligjor, qytetar, konstitucional, institucional dhe demokratik )- për sjelljën ose mirësjelljen e  detyruar ose obligtive të çdo njeriu ose qytetari pavarësisht racës, gjuhës, gjinisë, etnisë, funksionit ose përkatësisë së tij fetare, kulturore, politike, nacionale ose etnike në anën tjetër. Mbase, me anë të aparatit të njohur ligjorë, kushtetues ose juridikë.
Në anën tjetër ndërkaq, socioantropologu i njohur frëng, Pjerre Clastres, në kuader të veprës së tij të njohur me titull “Antrophologie Politique” ( lexo. Antropologjia Politike ), duke u shprehur se për dallim të antropologjisë klasike e cila njeriun dhe shoqërinë e lashtë primitive ose arkaike i përshkruan dhe prezanton si një shoqëri ose komunitet të pashtet dhe të pa pushtet. Gjegjësisht, si një shoqëri fragjile, heterogjene, poroze dhe tepër inkompakte ose ireverzibile. Mendon se në bazë të parimëve, premisave dhe postulatëve të njohura shkencore dhe metodologjike të antropologjisë së përgjithshme kulturore dhe asaj politike: Gjithëçka ose çdo gjë mund të ndryshoje, transformohet dhe substituuohet në të mirën e gjithëmbarshme të shtetëve dhe shoqërive të ndryshme përkatëse ose respektive në qoftë se institucionët ose mekanizmat e njohura shtetërore ose qeveritare nuk i definojmë dhe konceptojmë vazhdimisht si instrumente ose kategori të ndryshme represive, inkursive, restriktive, repërkusive etj. Por vetëm si njjë diçka të përbashkët dhe të barabartë në të mirën e gjithëmbarshme ( globale dhe universale) të njeriut ose individit. Respektivisht, shtetit dhe shoqërisë së gjërë njerëzore ose qytetare.
Ndonëse, pa i harruar këtu edhe konceptët, pikëpamjet dhe teoritë e njohura shkencore ose filozofike të Karl Popperit, Thomas Kuhnit, John Watkinsit, Paul Feyerabendit dhe të tjerëve, të shprehura dhe formuluara në kuadër të epistemologjisë së përgjithshme revolucionare dhe asaj politike. Duke e vërë theksin në historimzmin dhe ideologjinë e gabuar shtetërore, nacionale, politike, fetare, kulturore, politike ose historike në themel të luftërave, konfliktëve dhe regjimëve të ndryshme kriminale, gjakatare, autoritare, totalitariste, militare, hegjemooniste, ekspanzioniste, imperiale, kolonialiste dhe të tjera. Respektivisht, në liberalizmin, parlamentarizmin, pluralizmin, edukatën, kulturën, disiplinën, etikën dhe emancipimin e gjithëmbarëshëm individual dhe kolektivë si racionalizëm kritikë dhe humanistë-kundër iracionalimit të papërmbajtur infantil ose patologjikë dhe kështu me radhë . Sidomos, kundër ideologjive të ndryshme totalitare, hegjemeniste, militare ose ekspanzioniste si çështje iracionale dhe tepër groteske ose retrograde në sfond.
Mbase, gjithnjë fjala mbi zhvillimët, procesët, fenomenët, turbulencat, destruksionet, dekontruksionet, patologjitë ose anomalitë e mesipërme individuale ose kolektive të nje pjese te konsiderueshme te minoritetit dhe lidershipit serb ne Kosove.
Në fund të fundit, edhe lënda ose materia e njohur e antropologjisë së përgjithshme kulturore dhe asaj politike, kanë rrjedhur dhe janë zhvilluar ose afirmuar pikërisht nga shkenca ose disiplina e njohur e etnologjisë dikund në fund të shekullit 18. Respektivisht, në fillim të shekullit 19. Pa i harruar këtu edhe shkencat ose disiplinat tjera shkencore si etnografia, etnopsikologjia, etnohistoria, etnogjeografia, etnobiologjia etj. Respektivisht, antropogjeografinë, antropohistorinë, antropogjenetikën, antropofizikën dhe kështu me radhë…Në funksion të etnopolitikës, gjeopolitikës, realpolitikës etj. Në funksion të politikës dhe filozofisë së njohur shtetërore, nacionale dhe politike të popullit (kombit) dhe lidershpitit të përgjithshëm shtetërore, nacional dhe politik në Republikën e Kosovës .Në funksion të dallimit esencial ose substancial në mes analizave të ndryshme qeveritare ose politike dhe analizave të njohura shkencore, strategjike ose politologjike.Në funksion te lirisë, pavarësisë, sovranitetit dhe integritetit të përgjithëshëm shtetërorë , nacional, teritorial dhe politikë të vendit tonë pa ” enklavat”, ” eldoradot”, ” apendikset” ose ” republikat ( zajednicat) e pavaruse serbe” në Veriun e Kosovës ose Mitrovicë etj.

Shkelje të rënda në dikasterin e Vlora Çitakut – ish ministres së skandaleve

Ish- ministrja e Integrimeve Evropiane në mandatin e kaluar nga radhët e PDK-së, Vlora Çitaku, për Ministrinë që ka drejtuar ka marrë një vlerësim negativ të menaxhimit të parasë publike- buxhetit të kësaj Ministrie, nga Raporti i Auditimit të Financave për vitin 2013. Në Raportin e Komisionit për Mbikëqyrjen e Financave Publike, të cilin e ka gazeta në dispozicion dhe që iu referohet Rekomandimeve për Raportin e Auditimit për Pasqyrat Financiare të Ministrisë së Integrimeve Evropiane për vitin e përfunduar më 31 dhjetor 2014, i shqyrtuar më 23 shtator, është konstatuar se Ministria e Integrimeve Evropiane kishte subvencionuar pesë projekte në vlerë 17,674 euro, projekte këto të refuzuara nga komisioni vlerësues, ngase qëllimi i projekteve nuk ishte brenda fushës së veprimtarisë së përcaktuara nga Ministria e Integrimeve Evropiane. Aty thuhet se projektet e tilla ishin aprovuar më vonë, me vendim të ministres. Gjithashtu janë evidencuar edhe dobësi në menaxhimin e burimeve njerëzore. Një zyrtare, edhe pse ishte në pushim të lehonisë, ishte caktuar anëtare e grupit punues apo e sekretariatit për liberalizim të vizave. Si anëtare e këtij komisioni, ajo është paguar me 250 euro në muaj pa qenë pjesëmarrëse në grupin punues. Dobësi sistematike janë hasur edhe në menaxhimin e shpenzimeve të tjera. Për dy udhëtime zyrtare jashtë vendit ishin rezervuar bileta të klasit biznes. Vlera e tyre ishte 9,440 euro, përderisa biletat e klasës ekonomike për të njëjtin relacion ishin 3,722 euro, duke shkaktuar në këtë rast mbishpenzim prej 5,718 eurosh. Ishin paguar dy bileta të klasit biznes në relacion Prishtinë-Romë-Uashington në vlerë 3,681 euro dhe Uashington-Stamboll-Prishtinë në vlerë 3,603 euro.. ks

Renee Jones në Kosovë: Gjykata Speciale mund ta qartësojë të kaluarën

 

Kanë mbetur edhe disa veprime për të cilat duhet t’i votojnë Parlamenti i Kosovës dhe Parlamenti i Holandës, deri në funksionalizimin e plotë të Gjykatës Speciale, ka thënë ministrja e Jashtme e Holandës, Renee Jones.

Në një intervistë dhënë “Kohës Ditore”, Jones ka potencuar se Holanda ka qenë gjithmonë e gatshme të ndihmojë në funksionalizmin e Speciales, por, siç ka thënë ajo, aktualisht negociatat janë duke u zhvilluar mes Bashkimit Evropian dhe autoriteteve të Kosovës.

Diplomatja holandeze e cila ka vizituar Kosovën në kuadër të përgatitjeve për marrjen e presidencës në BE gjashtë muajt e ardhshëm, ka thënë se nënshkrimi i MSA-së është një kornizë e mirë për ta zhvilluar më tej shtetin. E pyetur se kur Kosovës do t’i hiqen vizat, Jones ka deklaruar se fokusi kryesor duhet të jetë në përmbushjen e kritereve të cilat kryesisht ndërlidhen me luftimin e krimit të organizuar dhe korrupsionit:

“Jam në Kosovë para marrjes Presidencës në Bashkimin Evropian, sepse nga fillimi i janarit, Holanda do ta marrë udhëheqjen e BE-së për gjashtë muajt e ardhshëm. Ne dëshirojmë të kemi marrëdhënie dhe njohuri të mira për zhvillimet në vendet e shumta. Pra, vizita ime është në kuadër të këtij qëllimi dhe do të bëhet edhe në rajon. Përveç Kosovës, kam qenë në Shqipëri dje, do të shkojë në Maqedoni më vonë. Edhe kolegët e mi janë duke realizuar vizita të tilla në kuadër të përgatitjes për Presidencë në BE. Kam ardhur këtu të shoh situatën, progresin, i cili mendoj se është bërë në fusha të ndryshme. Kemi biseduar me zyrtarë të Qeverisë, përfaqësues të shoqërisë civile, ekspertët holandezë që punojnë këtu dhe mediet, këtë rast juve.”

EULEX pyet Buzhalën e Lushtakun si të dyshuar se ndihmuan arratisjen e Grupit të Drenicës

Ish-deputeti i PDK-së, Berat Buzhala, së bashku me Mërgim Lushtakun, i cili është djali i kryetarit të Skenderajt, Sami Lushtaku, dyshohen që e kanë ndihmuar “Grupin e Drenicës” që në maj të vitit 2014 të “arratisen” nga Qendra Klinike Universitare e Kosovës.

EULEX-i i ka ftuar për deklarata Buzhalën e Lushtakun. Gazeta ka mësuar se të dy këta janë thirrur dy herë nga EULEX-i në lidhje me rastin e arratisjes së “Grupit të Drenicës”.

Mërgim Lushtaku nuk e ka mohuar ftesën nga EULEX-i, por ka thënë se për momentin nuk dëshiron të flasë rreth kësaj çështjeje.

“Kur të vij koha do të dalë të flas publikisht”, ka thënë shkurt Lushtaku.

Ndërkaq drejtori i gazetës “Express”, Berat Buzhala, ka thënë se nuk e di saktë se a e cilëson EULEX-i si dëshmitar apo si të dyshuar. Ai ka deklaruar se është ftuar dy herë për intervistë./Kohaditore

Vuçiçi e falënderoi Putinin për mbështetjen e Serbisë

Aleksandër Vuçiçi dhe Vladimir Putini gjatë takimit të sotëm në një rezidencë afër Moskës

Presidenti i Rusisë, Vladimir Putin, gjatë takimit të sotëm me kryeministrin e Serbisë, Aleksandar Vuçiq, në Moskë, ka deklaruar se bashkëpunimi ekonomik me Serbinë është i mirë, megjithqë ekonomia botërore është në gjendje të keqe.

Kryeministri Vuçiq e ka falënderuar zotin Putin për mbështetjen e Rusisë në Kombet e Bashkuara dhe UNESCO dhe në të gjitha organizatat ndërkombëtare ku Serbia, siç u shpreh ai, po përpiqet ta ruaj integritetin e saj, raporton agjencia Beta.

“E dimë se situata në gjithë botën është e komplikuar”, tha Vuçiq dhe ka shtuar se “as në Ballkan nuk është më pak e komplikuar”.

Theksohet se zoti Vuçiq e ka njoftuar presidentin Putin për Marrëveshjen me Prishtinën në Bruksel dhe pengesat në zbatimin e saj.

Gjatë qëndrimit të tij në Rusi, Aleksandar Vuçiq, pos me presidentin Putin, është takuar edhe me kryeministrin Dmitry Medvedev.

Vizita triditëshe e Vuçiqit në Rusi përfundon nesër.

Safet Blakaj: Rreth 25 mijë përdorues narkotikësh

Në një intervistë për Radion Evropa e Lirë, defektologu Safet Blakaj, drejtues i Qendrës Mediko-Psikoterapeutike “Labirint”, ka shpjeguar se në Kosovë janë rreth 25 mijë përdorues të drogave të cilët, siç thotë ai, i përdorin në mënyrë aktive këto substanca.

Radio Evropa e Lirë: Zoti Blakaj, në çfarë përmasash mund të shihet fenomeni i përdorimit të substancave narkotike në Kosovë?

Safet Blakaj: Vitet e fundit përdorimi i drogës “heroin” ka rënë dukshëm dhe ky është një lajm shumë i mirë dhe na bën që të jemi më ambicioz. Por, tash kanë filluar të futen drogat e reja të dizajnuara në Kosovë e që për neve paraqesin komplikim, pasi që përveç mangësisë së njohurive po ashtu edhe identifikimi i atyre substancave është sfidë.

Marihuana ka pasur një përhapje të madhe dhe vazhdon të përdoret shumë në Kosovë. Pastaj droga e re GHB sidomos në Prishtinë vazhdon të ketë shtrirje të shpejtë.

Nëse krahasohet me vendet e regjionit ne nuk qëndrojmë dramatikisht me statistika, por tek rreziku se në një moment të caktuar shpërthen përdorimi i drogave në përmasa të mëdha është për arsye se numri i të rinjve është shumë më i madh se në regjion dhe mos angazhimi i tyre në punë dhe aktivitete të tjera.

Gjithashtu mungojnë programet parandaluese duke e futur edhe sistemin e arsimit dhe atë jashtë-shkollor. Programet parandaluese duhet të konsolidohen dhe të jenë efikase.

Radio Evropa e Lirë: Cilat janë grupmoshat që përdorin substanca narkotike dhe cili është lloji i substancave narkotike që abuzohet më shumë në vend?

Safet Blakaj: Marihuana dhe atë jo vetëm në qytet, por edhe në vende rurale ka përdorim të gjerë dhe mosha gjithnjë është në rënie. Mund të flasim se ka rënë në minimumin e moshës. Për shembull nëse krahasohet viti 2007 me vitin 2014, mund të flasim se fillimi i përdorimit të drogave ka rënë në minimum.

Mosha mesatare ka qenë në 21, derisa tash ka rënë në 16. Kjo është shqetësuese, derisa nuk po flasim për moshat 12 vjeç pasi që ato janë raste të rralla.

Radio Evropa e Lirë: Atëherë çfarë ka bërë dhe çka në fakt bën shteti i Kosovës për luftimin e kësaj dukurie, përfshirë këtu edhe organizatat joqeveritare dhe gjithë aktorët që merren me këtë problematikë?

Safet Blakaj: Para dy vitesh ka qenë iniciativë e mirë sa i përket institucioneve dhe ka qenë e orientuar tek trajtimi i përdoruesve të drogave dhe është rregulluar legjislacioni duke na hapur rrugën drejt trajtimit medicinal, jo vetëm në Labirint, por edhe në institucione tjera publike.

Ka filluar të aplikohet programi mbajtës me Metadon , është një program i veçantë për ata që kanë problem nga varshmëria nga drogat, por nuk është e mjaftueshme pasi që nuk e përfshinë gjithë territorin e Kosovës. Më shumë se gjysma e territorit nuk është e mbuluar gjeografikisht.

Sa i përket parandalimit, ngecjet janë më të mëdha pasi që nuk ka ndonjë program parandalues për nxënësit në shkolla dhe për të rinjtë tjerë që janë jashtë sistemit shkollor.

Këto programe nuk kanë unifikim dhe nuk zbatohen në kontinuitet në mënyrë që informacioni të arrijë te të gjithë të rinjtë.

Kjo është një mangësi e madhe dhe ne programet parandaluese i shohim si shumë të nevojshme dhe të rëndësishme dhe këto programe duhet që sa më shpejtë të zhvillohen dhe të konsolidohen.

Radio Evropa e Lirë: Është thënë se Kosova është rrugë transiti i narkotikëve drejt Perëndimit. A është shndërruar Kosova në vend destinimi?

Safet Blakaj: Po e përmendi marihuanën pasi që është vend destinimi edhe pse ka pasur aktivitetet të policisë dhe kanë gjetur parcela të mbjellura me kanabis prej ku del edhe marihuana.

Ndërkaq të gjitha drogat tjera vijnë nga shtete tjera dhe atë çka ne po e vërejmë është se Kosova po bëhet vend destinacioni i drogave.

Nëse i referohemi të dhënave të autoriteteve të rendit, gjyqësisë, del se aktiviteti kriminal i trafikimit të drogave ka rënë.

Ariana Kasapolli – Selani

[email protected]

Ariana Kasapolli – Selani ka lindur më 15.04.1980 në Prishtinë. Shkollimin fillor, të mesëm dhe universitar e ka ndjekur në Prishtinë, ku edhe ka diplomuar në Fakultetin e Gazetarisë. Si korrespondente e Radios Evropa e Lirë punon që nga viti 2009. Është e martuar dhe ka tre fëmijë.

Politikanët pa integritet moral degraduan shtetin e Kosovës! – Nga FLORIM ZEQA

Asaj çfarë është duke ndodhur në skenën politike të vendit, nuk e di çfarë përkufizimi tjetër do t’i shkonte, përpos “imoralitetit politik”. Politikajt në njërën anë thirren në emrin e popullit, ndërsa në tjetrën punojnë për interesat e tyre personale.
Politikanët sa më shumë thirren dhe sa më të zëshëm janë “në emër të popullit”, aq më mëkatarë janë ndaj tij. Imoraliteti i kastës aktuale politike kosovare sikur i ka kaluar të gjitha limitet.
Nga moshë e fëmijërisë më ka rënë të dëgjoj thëniren e pleqve; “gjysëm mësuesi të lenë pa shkollë, gjysëm hoxha të lenë pa fe, gjysëm mjeku ta shkatërron shendetin…”!
Për më tepër se thënie ishte kjo një metaforë e përcjellur ndër vite dhe dekada, e cila shërbente për luftimin e dukurive negative të shoqërisë, por që i shkonë për shtati edhe aktualitetit të sotëm politik në vendin tonë.
Jo vetëm që kemi mësues, profesor, akademik dhe mjek gjysmak në profesionin e tyre,…kemi edhe politikaj, përveqse gjysmak në profesionin e tyre, janë pa integritet moral, të cilët me qëllim kanë devijuar profesionin e tyre, duke përfituar nga pozicionet e tyre partiake dhe shtetërore,  janë  shendrruar nga politikaj në biznesmen të pangopshëm me djersën dhe gjakun e qytetarëve të vendit të vet !
Pasurimi i shpejtë dhe marramendës i një kaste politike karrshi një popullate pothuajse skajshmërsiht të varfër është treguesi më i mirë i imoralitetit politik dhe njerëzor të tyre.
Të fortit e politikës i diktojnë të gjitha “rregullat”  e lojës në vend, përfshirë këtu edhe ato të organit ligjvënës në vend siq është Parlamenti i Kosovës.
Tashmë kemi hyrë në muajin e dytë të krizës institucionale, ska dyshim se dëmi politik i Kosovës për këta muaj të bllokadës parlamentare është i madhë, por shumfish më i madhë është dëmi që i shkaktoi vendit kjo klasë e papërgjegjshme politike në tetë vitet e fundit, e në veqanti këtyre viteve të fundit përmes bisedimeve me Serbinë,  të cilat si konseguencë kanë bartjen e pasojave  afatëgjata si në planin e mbrendshëm politik, (Asociacioni i komunave serbe) ashtu edhe në atë të jashtëm, të kthimit të besimit në faktorin ndërkombëtar, në aspektin e përfitimit të mbështetjes politike dhe financiare për rimëkëmbjen e vendit nga gjendja e rënduar politike dhe socio-ekonomike.
Kështu me bllokada, apo më mirë do të thoja me ndërskamca politike që po i shkaktojmë vetvetës i ka vërtetuar thënjet e armiqëve tonë; “shqiptarët nuk janë të zotët të mbajnë shtet…”
“Zënkat” e politikanëve në parlamentin e Kosovës, çdo ditë e më shumë po i qesin në shesh të palarat, imoralitetin dhe hipokrizinë e klasës politike.
Heqja e maskave njëri-tjetrit ua ka bërë të qartë opinionit publik, se këtu nuk bëhet fjalë për ndryshime pozitive, por vetëm për mashtrim, për marrje të pushtetit dhe vazhdim të qeverisjes me avazin e vjetër të pasurimit të një kaste të “re” politike në kurriz të qytetarëve të vendit.
Nga loja e pandershme e kësaj kaste politike, është popullata ajo që duhet të nxjerrë mësimet e duhura, që të mos i përserisë gabimet nga e kaluara.
Para se të votojnë për subjektin apo kandidatin të mendohen një herë mirë, të mos mashtrohen nga premtimet boshe, nga ofertat parazgjedhore,…por të bazohen në programet politike dhe integritetin e kandidatëve, traditën atdhetare dhe pastërtinë politike të tyre.
Pas sharjeve e fyerjeve që ndodhën në seancën e fundit të kuvendit, dëgjuam për tërheqje të fjalëve fyese nga ana e kryaparlamentarit dhe disa deputetëve të tjerë.
Në  situatën kur kaosi, mjegulla dhe errësia kanë përfshirë institucionet publike, tërheqja e deklaratave nxitëse dhe fyese nga zyrtar të lartë të skenës politike do të ishtë një sinjal i mirë dhe një fije shprese për normalizim të situatës tensionuese mes dy blloqeve politike të barrikaduara përballë njëra-tjetrës në kuvend.
Mirëpo, tërheqja nga deklaratat ofenduese dhe nxitëse për konflikt, duhet të vie si shprehje e sinqert e një akti moral e jo si rezultat i presionit politik.
Zotimi i qeveritarëve para opnionit vendor, për rishikimmin e të gjitha marrveshjeve me Serbinë në Bruksel, rishikimi e demarkacionit me të gjithë fqinjët, përveqse do t’i hapte rrugë dialogut të mbrendshëm politik, do të reflektonte besim tek opozita dhe shpresë tek qytetarët e vendit,…njiherit, kjo do të ishte garanca më e fuqishme për stabilitet politik jo vetëm në Kosovë, por në mbarë rajonin e Ballkanit.
Lënja mënjanë e inateve personale dhe ambicieve të sëmuara për pushtet do të qonte në normalizimin akoma më të shpejtë dhe  të qendrueshëm të situatës, do të krijonte kushte optimale për gjetjen e zgjidhjeve afatgjate politike për vendin.
Tërheqja e njerëzve të mëdhenjë para situatave konfliktuoze nuk vjenë asnjëherë si rezultat i dobësisë, frikës apo nënshtrimit, por gjithmonë tërheqja e tyre nënkupton largëpamësi politike, guxim dhe mençuri njerëzore.
Përballë kësaj sfide ndodhen të gjithë akterët politik, pa dallime, pushtet dhe opozitë, lider partiak dhe kuvendar (deputet). Para së gjithash reflektimi pozitiv i takon shumicës parlamentare, pastaj opozitës, por edhe deputetëve me bagazh të lartë intelektual dhe politik.
Andaj, në rast të dështimit përballë përgjegjësive sfidave që ka përpara klasa politike e vendit, përgjegjësia u bie të gjithëve sipas hierarkisë politike, nivelit intelektual dhe kombëtar, pavarësisht pozicionimit aktual që mbajnë, pushtet apo opozitë qofshin ata.
Politikanët pa integritet moral, janë gjysmak, e shkatrrojnë shtetin !

Vrasësi i policit Triumf Riza po dëshmon në rastin Sekiraça

Ka vazhduar sot gjykimi kundër Enver Sekiraçës, i akuzuar për shtytje në vrasjen e policit Triumf Riza, transmeton koha.net.

Sot para panelit gjyqësor për rastin po dëshmon Arben Berisha, tashmë i dënuar me 30 vjet burgim për vrasjen e policit Triumf Riza.
Triumf Riza u vra më 30 gusht të vitit 2007.

‘Vetëvendosja’ si lëvizje antipopullore! – Nga DIMAL BASHA

Menjëherë pas maratonës kur kryeministri Mustafa vendosi të krijojë Qeverinë me PDK-në pata shkruar një shkrim “Lamtumirë LDK” dhe kam qenë i bindur që z. Mustafa përfundimisht i vuri gozhdën e fundit arkivolit dhe varrosi një parti, që edhe ashtu ishte në rënie e sipër.

Kam pasur përshtypjen që në zgjedhjet e ardhshme LDK-ja nuk do të kalonte as pragun dhe njëkohësisht kam besuar se të gjitha partitë kanë pasur gjasa të përfitojnë prej elektoratit të saj, që ka qenë i zhgënjyer dhe i pakthyeshëm.

Mirëpo, ja që “Vetëvendosja” i prin një opozite me veprime aq absurde saqë e ringjallin LDK-në prej varrit dhe të njëjtën kohë e bëjnë edhe Isa Mustafën të duket mirë. Unë jam i bindur se veprimet, e jo qëndrimet, janë reflektimi më i mirë që arsyetojnë mbetjen e tyre në opozitë.

Si ka mundësi, do të kishte për të pyetur dikush, që “Vetëvendosja” jo vetëm se po dështon të fitojë zgjedhje, por nuk po arrin as të jetë kandidate serioze për marrjen e pushtetit. Shto këtu bindjet se kanë një parti me anëtarë më së paku të pakorruptuar, me plot ide, me planprograme zhvillimore dhe të njëjtën kohë përballen me parti kundërshtare që kanë dëshmuar dështimin e tyre të ofrojnë mirëqenie për qytetarët tash e 15 vjet.

Pra, pyetja është pse nuk po arrijnë t’i bindin qytetarët të marrin timonin qeverisës dhe ku jemi sot? Sot qytetarët janë të dëshpëruar me pozitën, por nuk shohin zgjidhje tek opozita. Qytetarët nuk e duan “Zajednicën,” por kanë frikën t’i bashkohen opozitës për ta kundërshtuar, për shkak se kanë krijuar përshtypjen se veprimet guerile të “Vetëvendosjes” mund të shkaktojnë një destabilizim më të madh se vetë “Zajednica”.

Sot qytetarët nuk pajtohen me qeverisjen që ka sjellë aq pak progres, por kanë frikë “Vetëvendosjen” sepse kjo e fundit nuk e sheh evolucionin si pjesë të natyrshme të ngritjes në pushtet, por të gjitha kundërshtimet i ndërmerr përmes veprimeve revolucionare, që krijojnë panik dhe përçarje. Qeverisja është sikur lojë shahu, ku lojtarët e rinj qeverisin të njëjtën lojë, por me strategji dhe ide të reja, kurse “Vetëvendosja” kërkon politika që prishin lojën e shahut dhe kërkon që gjithçka të fillojë nga fillimi, diçka që askush nuk e dëshiron.

Qytetarët janë të njohur me fuqinë që ka vendi i tyre dhe medoemos besojnë se çfarëdo zgjidhje apo progresi varet nga ndihma e miqve ndërkombëtarë, derisa Lëvizja “Vetëvendosje” vazhdon të mbajë ndërkombëtarët për armiq, duke rënë viktimë e politikave amatore. Kur politikanët në Qeveri futen në marrëveshje, që as vetë nuk i dinë, deklarohen se ka qenë në përputhje me ligjet, por edhe miqtë ndërkombëtarë.

Shpeshherë thonë se ka edhe presione nga “ndërkombëtarët” për politikat apo marrëveshjet e këqija. Dhe këtë e bëjnë me shumë mençuri për shkak se nën një, shpesh shitet më lehtë tek populli, sepse qytetarët më shumë i besojnë amerikanëve e miqve tjerë ndërkombëtarë sesa vetë qeveritarëve tanë në marrëveshje të rëndësishme, dhe e dyta, e bëjnë sepse e dinë mirë që “Vetëvendosja” del me deklarata e veprime radikale që jo vetëm kundërshtojnë Qeverinë, por të njëjtën kohë fajësojnë dhe i shpallin “luftë” edhe ndërkombëtarëve. Kjo strategji e partive në pushtet po dikton veprimet radikale të opozitës dhe njëkohësisht po i garanton komoditet në qeverisje.

Qytetarët janë lodhur nga dhuna dhe kanë pajtuar që të jenë pjesëmarrës në ndryshimin e situatave dhe kanë zgjedhur votën si mjetin e vetëm legjitim dhe ligjor, mirëpo zgjedhja e tyre mbetet status-quo për shkak se kanë frikë nga parti si “Vetëvendosje”, që nuk kursejnë, por edhe arsyetojnë dhunën si mjet për të arritur qëllimin. Pra, për mendimin tim mbaron me kaq.

Qëllimet e mira nuk mjaftojnë kur ato shoqërohen me veprime radikale dhe pa dashur të krijoj një armik më shumë nga ju, jam i bindur se këto veprime, jo vetëm që nuk do t’ju ofrojnë tek qeverisja, po do të garantojnë një komoditet permanente partive në pushtet. Ndoshta jam gabim, sepse nuk mbaj të vërtetën absolute dhe as që posedoj njohje profetike, mirëpo nëse dikush ende di ndryshe, le ta shpjegoj pse tash e sa vjet në politikë ende jeni në opozitë pa ndonjë shpresë për të qeverisur?

Shpjegojeni pse qenkeni të pakorruptuar, të gjithëdijshëm dhe ende nuk gjeni përkrahje tek populli, në emër të të cilit thirreni çdo ditë? Mendoni se populli nuk dëshiron të largojë korrupsionin? Jo! Se populli dëshiron të mbetet i papunë dhe i varfër? As atë jo! Atëherë pse jo me juve? A jeni ndalur të mendoni pse nuk beson se ju jeni zgjidhja e problemeve?

Për fund, para se të vazhdoni të flisni në emër të popullit dhe të kërkoni që ata të reflektojnë para zgjedhjeve tjera, do të kishte qenë e udhës që vetë ju të reflektoni dhe të dëgjoni seriozisht zërat brenda partisë, që thërrasin për ndryshim të këtij avazi.

Veprimet tuaja janë arsyeja për jetëzgjatjen dhe komoditetin e partive në pushtet. Përndryshe, nëse vazhdoni me të njëjtat veprime do të kishte qenë një çmenduri me plotkuptimin e fjalës sepse Albert Einstein thuhet të ketë definuar çmendurinë e një situate kur një i çmendur kryen veprime të njëjta dhe pret rezultate të ndryshme.

Fischer flet në Kuvend, opozita: Ruaje shpinën z.President, mjaft me heshtjen e hegjemonisë serbe

Opozita: Ruaje shpinën z.President, gënjeshtarët e korruptuar janë prapa jush

PRISHTINË – Në hapje të seancës së veçantë, për nder të presidentit të Austrisë, Heinz Fischer, i cili po qëndron për vizitë zyrtare dyditore në Kosovë, kryetari i Parlamentit Kadri Veseli theksoi se “lidhjet e shumëfishta miqësore që vendi ynë ka me Austrinë paraqesin vlerë kombëtare, ne do të vazhdojmë t’i kultivojmë këto lidhje në funksion të paqes, stabilitet dhe zhvillimit ekonomik”.

“Në emër të Kuvendit të Republikës së Kosovës shpreh gjithë mirënjohjen shtetit dhe popullit austriak për ndihmën e vazhdueshme dhënë popullit tonë në kohë të ndryshme dhe në rrethana të ndryshme, në ditët e vështira që ne i kaluam deri te liria e pavarësia”, tha kryeparlamentari kosovar, Kadri veseli, duke iu drejtuar presidentit të Austrisë Heinz Fischer.

Presidenti i Austrisë, Fischer duke iu drejtuar deputetëve të Kosovës tha se ata duhet të respektojnë kushtetutën dhe shtetin ligjor.

Kurse, sa i përket integrimit të Kosovës, ai tha se nuk duhet vënë data, por duhet të krijohet rruga.

“BE është një familje e madhe dhe objektivat janë që edhe shtetet e Ballkanit të përfshihen në sfidën e refugjatëve. Austria do të vazhdojë me përkrahjen e zhvillimit ekonomik të Kosovës. Interesi kombëtar i vendit është që për hir të shtetit të veprohet në funksionim me një zë të përbashkët. Apeloj tek ju për një pluralizëm. Asnjë demokraci nuk është përfekte. Unë mendoj se demokracisë i bëjmë një shërbim të mirë kur kemi një bazë të mirë ekonomike”, theksoi Fischer.

Presidenti i Austrisë, Heinz Fischer, po qëndron për vizitë zyrtare dyditore në Kosovë, me ftesë të presidentes së Republikës, Atifete Jahjaga. Presidenti i Austrisë, Heinz Fischer sot, ditën e dytë të vizitës zyrtare në Kosovë e nisi me takimin në mëngjes me kryeministrin Isa Mustafa.

Në vazhdim të axhendës, sot, presidenti Fischer dhe presidentja Jahjaga marrin pjesë në Forumin Ekonomik Kosovar-Austriak në Prishtinë dhe vizitojnë Prizrenin, Kishën Katolike dhe Xhamia e Sinan Pashës në qytetin më të madh jugor të Kosovës.

OPOZITA NXJERR PANKARTA: RUAJE SHPINËN ZOTI PRESIDENT, MJAFT ME HESHTJEN E HEGJEMONISË SERBE
Opozita, e cila theu vendimin për të bllokuar çdo veprim të Kuvendit dhe të institucioneve qeveritare, duke marrë pjesë në seancën e sotshme të Kuvendit, në të cilën presidenti austriak Fischer u drejtohet deputetëve me një fjalim, nuk ndejti krejt indiferente, transmeton Koha.net.

Ata shpaluan dy pankarta përballë foltores së Kuvendit nga e cila presidenti austriak po u drejtohej deputetëve dhe kabinetit qeveritar, në të cilën kanë shkruar:

“Mjaft me heshjten e hegjemonisë serbe” dhe “Ruaje shpinën zotri president, rrencat dhe të korruptuart qëndrojnë pas jush”.

 

Jahjaga: i drejtohem Gjykatës Kushtetuese për Asociacionin

Presidentja e Kosovës, Atifete Jahjaga ka konfirmuar se do të dërgojë në Gjykatën Kushtetuese Marrëveshjen për Asociacionin e Komunave me Shumicë Serbe për të vlerësuar përputhshmërinë e parimeve të këtij organi me Kushtetutën e Kosovës.

Këto komente, Jahjaga i ka bërë gjatë një konference të përbashkët me presidentin e Austrisë Hainz Fischer, i cili po qëndron në një vizitë dy ditore në Kosovë.

Jahjaga ftoi partitë politike që të bisedojnë dhe të tejkalojnë gjendjen e krijuar në Kuvend, duke u zotuar se ajo do të luaj rolin e saj kushtetues që ka në këtë proces.

“Fatkeqësisht ftesa ime për një takim të përbashkët me spektrin politik ende nuk është pranuar nga opozita. Në takimet e ndara që kam pasur me kryeministrin, zëvendëskryeministrin si dhe liderët e opozitës, kam propozuar që në kuadër të kompetencave të mia kushtetuese, t’i drejtohem Gjykatës Kushtetuese, për të shqyrtuar përputhshmërinë e parimeve të Asociacionit me Kushtetutën e Republikës së Kosovës. Ky propozim i imi është përshëndetur dhe unë do t’i drejtohem Gjykatës Kushtetuese”, ka thënë Jahjaga.

Në anën tjetër, presidenti austriak Hainz Fischer tha se në demokraci ka përplasje e mosmarrëveshje mes pushtetit dhe opozitës. Ai u ndal edhe në dy marrëveshjet që e kanë tensionuar gjendjen politike në Kosovë.

Sa i përket Marrëveshjes për Demarkacionin e Kufirit ndërmjet Kosovës dhe Malit të Zi, të nënshkruar në Vjenë, Fischer tha se nëse ka probleme, ato duhet të zgjidhen mbi bazën e negociatave.

Kurse, për Marrëveshjen me Serbinë për Asociacionin e Komunave me Shumicë Serbe, sipas tij, nuk shihet se ka ndonjë rrafsh të ri kushtetues, por është vetëm një mundësi dhënë komunave serbe të mblidhen në një Asociacion.

Presidenti austriak është pritur me nderime të larta shtetërore në Prishtinë.

Presidentja Atifete Jahjaga tha se Kosova i është mirënjohëse Austrisë për rolin që ka luajtur në shtet-ndërtimin e Kosovës, përfshi edhe procesin negociator në Vjenë që qoi deri te shpallja e pavarësisë.

Kurse, presidenti Fischer e ka përgëzuar Kosovën për nënshkrimin e Marrëveshjes së Stabilizim Asociimit duke e konsideruar atë si një hap të rëndësishëm në rrugëtimin e saj drejt Bashkimit Evropian.

“Procesi integrues i Bashkimit Evropian nuk do të konsiderohet i përfunduar përderisa të mos integrohen edhe 6 shtetet e mbetura të Ballkanit Perëndimor”, ka thënë Fischer.

Ai shprehu optimizmin e tij se nuk do të jetë i largët as procesi i liberalizimit të vizave për Kosovën.

Presidenti Fischer, gjatë vizitës së tij dy ditore, do të takojë zyrtarë të lartë të shtetit, krerët e Qeverisë dhe përfaqësues tjerë të jetës publike.

Fischer, presidenti i parë austriak që viziton Kosovën pas shpalljes së pavarësisë

PRISHTINË – Me ftesën e presidentes së Kosovës, Atifete Jahjaga, sot në Kosovë për vizitë zyrtare dyditore ka arritur presidenti i Austrisë, Heinz Fischer, me delegacionin e tij. Fischer është presidenti i parë austriak i cili e viziton Kosovën, pas shpalljes së pavarësisë së vendit në vitin 2008.

Saktësisht në ora 12:40, presidentja Jahjaga e ka pritur mysafirin më të lartë nga Austria, me intonimin e himnit të të dyja shteteve dhe me nderimet më të larta ushtarake, rreshtimin e Gardës së Nderit të Forcës së Sigurisë të Kosovës.

Më pas, dy presidentët kanë patur një takim kokë më kokë, pas të cilit kanë mbajtur konferencë për media.

Presidentja Jahjaga ka deklaruar se ndjehet e nderuar që ka patur mundësi t’i urojë mirëseardhje në Kosovë, presidentit të Austrisë Fischer, të cilin e quajti mik dhe  përkrahës të fuqishëm të Kosovës dhe zhvillimit të saj, në të gjitha fushat.

Jahjaga e falënderoi presidentin Fischer për gjithë atë që vendi i tij ka bërë për Kosovën, qoftë para luftës dhe gjatë luftës në Kosovë, duke strehuar me dhjetëra mijëra refugjatë dhe duke u kujdesur për ta edhe pas luftës, duke qenë ndër shtetet që kanë ndihmuar më së shumti në rindërtimin e vendit të shkatërruar.

Po ashtu, presidentja e Kosovës falënderoi dhe lavdëroi të gjithë pjesëtarë e forcave ushtarake austriake në kuadër të KFOR-it, që për 16 vite kanë punuar për të krijuar një ambient të sigurt në Kosovë.

“Ju president, keni mbështetur Kosovën në hapjen e një kapitulli të ri në procesin e shtet-ndërtimit, të krijmit të një vendi gjithëpërfshirës, demokratik, të zhvilluar dhe me rend e ligj. Austria është vendi ku janë vënë bazat e shtetësisë së Kosovës, mikëpritëse e bisedimeve për statusin e Kosvës, nën drejtimin e të dërguarit të OKB-së”, deklaroi presidentja Jahjaga.

Ajo theksoi se Austria ka qenë ndër vendet e para që e ka njohur shtetin e Kosovës duke ndihmuar edhe në konsolidimin e shtetësisë së Kosovës ndërsa, vizita e Presidentit Fischer vjen një ditë pas nënshkrimit të Marrëveshjes së Stabilizim Asociimit të Kosovës me Bashkimin Evropian dhe është dëshmi e marrëdhënieve të shkëlqyeshme ndërmjet dy vendeve, si dhe mundësi për ta thelluar bashkëpunimin ekonomik dhe tregtar.

Në këtë aspekt, presidentja Jahjaga shprehu besimin e saj se Austria do të përkrah dhe ndihmojë Kosovën në përshpejtimin e përfundimit të edhe një procesi të rëndësishëm, liberalizimit të vizave për qytetarët e Kosovës.

Nga ana e tij, presidenti austriak Fischer u shpreh se është shumë i lumtur që sot ka mundësi të jetë mysafir i presidentes Jahjaga, ftesën e të cilës e ka pranuar me shumë kënaqësi dhe me të cilën në të kaluarën ka biseduar shumë herë dhe ka arritur marrëveshje të shumta.

“Kosova është një çështje e rëndësishme për tërë Evropën, në veçanti nëse do të arrihet stabiliteti i marrëdhënieve në mes të pozitës dhe opozitës në Kosovë. Ne jemi sot këtu ku po diskutohet realiteti evropian i Kosovës së sotme, ekzistimit të Kosovës si shtet. Janë 111 shtete që e kanë njohur Kosovën në mbarë botën, por rruga të cilën e ka Kosova para vetës nuk ka përfunduar ende”, tha presidenti austriak Fischer.

Ai tha se Kosova është në fillim të rrugës së integrimit evropian dhe para vetës ka një rrugë të gjatë dhe jo të lehtë. Presidenti austriak tha se Kosovën në këtë rrugë e pret një detyrë shumë e vështirë e përmbushjes së detyrave dhe obligimeve për plotësimin e standardeve evropiane me qëllim që të anëtarësohet në BE, disa prej të cilave janë goxha të rënda por, Austria do të jenë pranë për t’i ndihmuar Kosovës gjatë këtij rrugëtimi.

Ndërkohë, presidenti Fischer do të ketë edhe një takim individual me kryetarin e Kuvendit të Kosovës, Kadri Veselin, me çka do të përmbyllet agjenda e ditës së parë të vizitës së tij në Kosovë.

Nesër, në ditën e dytë të vizitës së tij në Kosovë, në ora 8 në mëngjes, presidentin austriak Fischer do ta pret kryeministri i Kosovës, Isa Mustafa dhe pastaj, presidenti Fischer dhe nikoqirja e tij, presidentja jahjaga, së bashku do të marrin pjesë në hapjen e Forumit Ekonomik Kosovar-Austriak, në hotelin Swiss Diamond, nga ora 9.

Vizita e presidentit austriak në Kosovë do të përfundoi me vizitë Prizrenit, ku së bahsku me presidenten Jahjaga do të vizitojnë Kishën Katolike dhe Xhaminë e Sinan Pashës.

Krejt në fund, duhet thënë se është paralajmëruar që Kuvendi i Kosovës të mbajë një seancë për nder të presidentit Fischer, me prezencë të gjithë deputetëve, pozitës dhe opozitës.

Kjo ende nuk është konfirmuar por, nëse kjo senacë mbahet atëherë do të jetë seanca e parë e Kuvendit e cila është zhvilluar e pa penguar nga opozita, pas plotë një muaji të veprimeve bllokuese në shenjë të kundërshtimit të opozitës së bashkuar të Marrëveshjeve me Serbin në Bruksel, për themelimin e Asociacionit të Komunave me shumicë serbe në Kosovë dhe atë për demarkacion e kufirit me Malin e Zi.

Kosovë, investimet turke prej vitit 2008 arrijnë në 300 milionë euro

Gërxhaliu: Është më se e vërtetë që Turqia e ka një rëndësi strategjike në partneritetin ekonomik me Kosovën, me vetë faktin që, është njëra ndër ekonomitë që është duke përjetuar hovin më të madh, të zhvillimit ekonomik

PRISHTINË – Turqia është ndër vendet e para që ka njohur pavarësinë e Kosovës dhe po ashtu duket se po mban ende primatin edhe në investime dhe mëkëmbjen ekonomike në vend. Faktin se sa i rëndësishëm është ky vend për shtetin më të ri në Ballkan e Europë, e potencon edhe kryetari i Odës Ekonomike të Kosovës, Safet Gërxhaliu.

“Është më se e vërtetë që Turqia e ka një rëndësi strategjike në partneritetin ekonomik me Kosovën, me vetë faktin që, është njëra ndër ekonomitë që është duke përjetuar hovin më të madh, të zhvillimit ekonomik”, tha Gërxhaliu në bisedën për Anadolu Agency (AA).

Numri një i Odës Ekonomike të Kosovës (OEK) e forcon arsyetimin e tij dhe nevojën për këtë bashkëpunim, duke u bazuar në tejkalimin e rritjes ekonomike të Turqisë në vitin paraprak dhe ku vazhdon ta ndjekë trendin e kësaj rritjeje edhe në këtë vit. Gërxhaliu “zbulon” edhe dy ambiciet apo qëllimet ekonomike të Turqisë, që sipas tij janë, që në vitin 2030 të jetë në top dhjetë shtetet më të zhvilluara në botë ekonomikisht dhe shifra e eksporteve nga ky vend të mbërrijë në 500 miliardë euro.

Ky përshkrim i shkurtër i pozitës dhe fuqisë së Turqisë në rajon e më gjerë, bën të mendohet në zinxhirin fuqi ekonomike-rëndësi strategjike-rëndësi politike… Edhe pse Gërxhaliu potencoi se është bërë shumë në ndërtimin e raporteve për avancim të partneritetit, megjithatë mbetet ende punë.

Sipas Gërxhaliut, përkundër faktit se vitet 2014-2015 kanë shënuar një rënie të investimeve nga kompanitë turke dhe jo vetëm, krahasuar me atë të disa viteve më parë (2008-2013), ajo çka ka ndodhur ka qenë e lidhur me procesin e privatizimit dhe koncesionit të aeroportit. “Turqia ka qenë ndër vendet e para apo të dyta që ka investuar më së shumti në Kosovë”, thotë ai.

Oda Tregtare Kosovaro – Turke e themeluar në vitin 2008, vit ky që përkon me shpalljen e pavarësisë së Kosovës dhe fillimit të vitalizimit të bizneseve të mëdha nga vendi euro-aziatik. Sipas Sekretarit të Përgjithshëm, Esin Muzbeg, kjo organizatë me total të investimeve, që kapin shifrën e mbi 300 milionë eurove ka 43 anëtarë dhe disa qindra kompani të mesme dhe të mëdha.

“Totali i investimeve është mbi 300 milionë euro prej Turqisë….kemi 43 anëtarë, 400 kompani janë aktive dhe prej këtyre 400 kompanive 30-40 kompani janë të mesme dhe të mëdha”, tregon Muzbeg.

Ai thotë se fushat e investimeve turke në Kosovë përfshijnë katër sektorë të mëdhenj, atë financiar, të energjetikës, shëndetësisë dhe aviacionit. Muzbeg përmendi një sërë bankash dhe spitaleve prestigjioze në Kosovë por ajo që duket se i bëjnë të ndjehen jo vetëm prezent, por edhe të suksesshëm, është sektori i aviacionit me kompanitë Turkish Arilines dhe Limak.

Kompania turke Limak Kosova e cila do ta menaxhojë aeroportin Ndërkombëtar të Prishtinës “Adem Jashari” për dy dekada, është ndër investitorët e huaj më të mëdhenj në vend e që i afrohen shumës 120 milionë euro.

Haldun Firat Kokturk, drejtor ekzekutiv i ANP “Adem Jashari” Limak-Kosova, thekson për AA se disa nga të arriturat dhe ambiciet e kompanisë për të ardhmen, pa anashkaluar edhe përfitimet që i ka dhe do t’i ketë shteti i Kosovës, nga ky koncesion.

“Marrëveshja e Aeroportit është një nga kontratat më të mëdha dhe më të rëndësishme të Kosovës… Investimet tona në infrastrukturën dhe pajisjet e aeroportit kapin shumën prej rreth 120 milionë eurosh. 30 përqind të këtij çmimi ne e kemi paguar nga burimet tona vetjake ndërsa pjesën tjetër, nga bankat ndërkombëtare….  Ne do ta menaxhojmë aeroportin 20 vjet dhe gjatë kësaj periudhe, nga çdo metelik i fituar, 39.5 përqind, shikoni nga totali i të hyrave po them, jo nga fitimi, por bruto të hyrat, 39,5 përqind e të hyrave i takojnë shtetit të Kosovës… ndërsa shteti i Kosovës për këtë projekt nuk ka harxhuar asnjë euro të vetme” thotë Haldun Kokturk.

Ai shpjegon se sipas marrëveshjes me Qeverinë e Kosovës ishte paraparë që projekti i aeroportit të ndahej në tri faza por duke parë nevojën e zgjerimit të terminalit dhe kërkesat e pasagjerëve kosovarë, Limak përshpejtoi dhe bashkoi dy fazat e para duke bërë zgjerimin e hapësirës së shërbimeve.

“Terminali ynë ka kapacitet për të operuar me 3,2 milionë pasagjerë në vit…. Në momentin kur kemi ardhur ne, numri vjetor i pasagjerëve ka qenë rreth 1 milion e 120 mijë…. Konkretisht, projekti fillestar ishte për ndërtimin e një terminali me objekt prej 27 mijë metrave katror, ndërsa terminali aktual i ka 44 mijë metra katrorë.”

Punësimi

Punësimi është një ndër problemet më të përfolura në Kosovë dhe kryetari i OEK-ut, Safet Gërxhaliu thekson se përmes zhvillimit ekonomik, përkundër vështirësive dhe rrezikut, ky vend drejtpërdrejt ofron edhe vende pune. “Turqia ka qenë më e shpejtë nuk ka menduar shumë, por ka menduar më tepër në aspektin human dhe ekonomik. Turqia dëshiron ta ndihmojë Kosovën në aspekt social sepse si mund të ketë vende të reja të punës”, tha Gërxhaliu

Sipas Muzbeg, statistikat e OTKT-së flasin për një numër të konsiderueshëm të atyre që janë në kontrata pune. “Vetëm kompanitë që kanë ardhur nga Turqia punësojnë diku 6.700 persona në vend”, jep shifrat Muzbeg, fakt ky i cili e shtyn OEK-un që të mbështes fuqishëm investimet prodhuese turke në Kosovë sepse, 90 përqind e eksportit kosovar bëhet për në Turqi dhe më tutje në Lindjen e Mesme.

Por atë çfarë Gërxhaliu e quajti “aspekt social”, pasqyrohet më së miri në shifrat e dakorduara mes Qeverisë së Kosovës dhe Limakut, në Marrëveshjen për punësimin e vendorëve në ANP “Adem Jashari”.

“Sipas kontratës që e kemi nënshkruar, ne jemi obliguar që 544 punëtorë kosovarë t’i pranojmë në kompaninë tonë dhe t’iu vazhdojmë kontratat për së paku tri vjet… në vend se të fillojmë me 544 ne filluam me 670 njerëz dhe ende, përafërsisht, 670 kosovarë janë pjesë e personelit tonë”, tha ai.

Edhe pse vlerësohet se klima në Kosovë për investitorët e huaj është e përshtatshme kërkesat nuk mund të mungojnë për të qenë edhe më mirë. Marrëveshja e Tregtisë së Lirë mes Kosovës dhe Turqisë është nënshkruar që në vitin 2013 por duket se ende nuk po e sheh “dritën e ratifikimit”.

Sipas Gërxhaliut kjo çështje ka ngecur në ekzekutiv. “Ne e kemi një Marrëveshje të Tregtisë së Lirë e cila është nënshkruar që sa vite dhe nuk është ratifikuar në Parlament as në Kosovë, as në Turqi”, deklaroi kryetari i OEK-ut Gërxhaliu.

Sekretari i Përgjithshëm i OTKT-së, Muzbeg, megjithatë thotë se sa i përket palës turke ajo është e gatshme ta fillojë aplikimin e marrëveshjes së nënshkruar. “Marrëveshja është nënshkruar por ende nuk është në fuqi. Nga ana e Turqisë janë kryer procedurat duhet të ratifikohet edhe nga ana e Kosovës” deklaroi Muzbeg.

Krijimi i klimës së favorshme për investime

Se investitorëve të huaj duhet t’iu krijohen kushte më të favorshme, e mbështet edhe kryetari i OEK-ut , Gërxhaliu, duke insistuar se duhet t’iu ofrohet shumë më tepër se sa deri tani. Pavarësisht nga pohimi se pakoja e re fiskale duket se do të sjell lehtësime për biznese, Gërxhaliu, sjell një propozim konkret për joshjen e investimeve të huaja në Kosovë. “Një pako fiskale ndoshta që do të jetë vetëm për investitorë të huaj përmes lehtësirave apo përmes të ashtuquajturave “Task Holiday”, pushimet nga taksat për investime.”

Me këtë propozim pajtohet edhe përfaqësuesi i Odës Ekonomike Turke në Kosovë, duke dhënë si shembull Maqedoninë. “E kam përmendur edhe më herët, në legjisacion duhet të bëhen ndryshime dhe të krijohet një legjislacion stimulus për politikat ekonomike….Duhet të ketë pushim tatimor për investimet, p.sh në Maqedoni ekziston deri në dhjetë vjet mos pagesa e tatimit në të ardhura për të tërhequr investimet e huaja”, deklaroi Muzbeg.

Ndërsa, Haldun Kokturk , Aeroportin e Shkupit në Maqedoni, atë të Tiranës në Shqipëri dhe disa të tjerë në regjion i sheh si “disavantazh rajonale” për shkak të mbështetjes që ato marrin nga shtetet e tyre.

P:5 “Aeroporti i Kosovës ka edhe disavantazh rajonal sepse në afërsi gjendet një numër i madh i aeroporteve, në Shkup, në Tiranë, aeroporte tjera dhe shtetet tjera i japin mbështetje të drejtpërdrejtë me subvencione”, tha Kokturk

Klima politike e rrjedhimisht edhe ajo ekonomike pa përjashtuar kapacitetet e vogla të kapitalit i bën investitorët e huaj të mendohen mirë ku po e hedhin investimin në Kosovë. As Gërxhaliu nuk duket të jetë i kënaqur me prurjen e kapitalit të huaj në Kosovë, kohëve të fundit.

“Shumë më tepër nga Kosova ikin investitorët se që mbesin këtu. Ne duhet ta bëjmë pyetjen çfarë ofrojmë ne për investitorët jo çfarë investitorët ofrojnë për Kosovën”.

Për ritmin e ulët ekonomik, Haldun Kokturk përmend një sërë çështjesh dhe fton qeveritarët kosovarë që të punojnë në krijimin e një klime më të përshtatshme për investime të huaja.

“Është e vërtet që Kosova nuk ka një trend ekonomik… qoftë për shkak të krizës politike, kapitalit të vogël të vendit dhe mënyrës se si e akumulon kapitalin, Kosova nuk po shihet si një treg shumë tërheqës për investitorë të huaj.. Zgjidhja e këtij problemi do të jetë përmes tërheqjes së investitorëve të huaj sepse Kosova, fatkeqësisht, nuk ka kapital për të bërë projekte të mëdha. Paratë që ndodhen në duart e investitorit janë të tijat dhe ai do t’i investojë aty ku do ai. Në këtë aspekt, shumë më me rëndësi se çfarë mendojmë ne, është se çfarë mendon Qeveria e Kosovë”, perfundon Kokturk. SUADA ÇERKEZI

Vetëvritet gazetari dhe moderatori i RTK, u hodh nga kati i nëntë

PRISHTINË – Emin Rexhepi, 39-vjeçar, ia dha fund jetës duke u hedhur nga kati i nëntë i një ndërtese në Prishtinë. Emin Rexhepi, ishte punonjës i Radio Kosovës në rrjetin radioteleviziv publik RTK, dhe moderues i programeve të ndryshme radiofonike. Sipas Policisë së Kosovës dyshimet e para janë se ai është vetëvrarë pasi është hedhur pasditen e së martës nga kati i 9-të i ndërtesës në rrugën “George Bush” në Prishtinë.

“Me pikëllim të thellë morëm lajmin për vdekjen e Emin Rexhepit. Emini ishte punëtor i zellshëm i Radios. Kjo është një humbje e madhe për RTK’në. Menaxhmenti i RTK-së shprehë ngushëllime të thella për familjen dhe njëherit, kërkon nga organet e drejtësisë për zbardhjen e këtij rasti”, thuhet veç tjerash në njoftimin e RTK-së.

Ende nuk janë të qarta arsyet pse Emin Rexhepi i dha fund jetës.

MSA me Bashkimi Evropian përballë sfidës së ratifikimit në Kuvendin e Kosovës

 

Kosova ka nënshkruar sot në Strasburg Marrëveshjen e Stabilizim-Asociimit me Bashkimin Evropian.

Në rrjetin social Twitter, Bekim Çollaku, ministër për Integrime Evropiane në qeverinë e Kosovës, e ka vlerësuar marrëveshjen si moment historik.

Nënshkrimi i këtij dokumenti shënon edhe vendosjen e parë të marrëdhënieve kontraktuale midis Kosovës dhe BE-së.

Marrëveshja për Stabilizim Asociim kërkon nga një vend që synon anëtarësimin në BE, të sigurojë se mekanizmat e tij të qeverisjes dhe të shoqërisë civile përmbushin standardet e BE-së.

Të hënën, kryeministri i Kosovës Isa Mustafa ka thënë për Radion Evropa e Lirë se me nënshkrimin e kësaj marrëveshjeje, Kosova shpreh gatishmërinë dhe zotësinë e saj që t’i dëshmojë Bashkimit Evropian se është një shtet partner, shumë serioz, për t’i bërë të gjitha reformat e nevojshme”.

“Jam i bindur se përfitimet e ekonomisë së Kosovës janë të shumëllojshme nga kjo marrëveshje. Por, mendoj se edhe përfitimet e Bashkimit Evropian janë evidente, sepse do të ketë në gjirin e tij një vend, i cili ka specifika zhvillimore dhe i cili mund të jetë vlerë shtuese e këtij tregu”, ka thënë Mustafa.

Kosova dhe Komisioni Evropian kanë vënë inicialet në Marrëveshjen e Stabilizim Asociimit qysh në korrik të vitit 2014.

Procesi i nënshkrimit është ngadalësuar për shkak të mungesës së konsensusit brenda vetë Bashkimit Evropian, përkatësisht mosnjohjes së Kosovës si shtet nga pesë vende të BE-së.

Më vonë, megjithatë, është rënë dakord që Marrëveshja e Stabilizim Asociimit të mos ratifikohet nga parlamentet e secilit shtet anëtar veç e veç, ashtu siç ka qenë praktika me vendet e tjera.

Nënshkrimi i Marrëveshjes së Stabilizim Asociimit vjen në kohën kur puna e Kuvendit të Kosovës është bllokuar për gati dy muaj nga partitë opozitare.

Këto të fundit i kanë vënë kusht kryeministrit Mustafa heqjen e nënshkrimeve nga marrëveshja me Serbinë për formimin e Asociacionit të komunave me shumicë serbe në Kosovë dhe nga marrëveshja me Malin e Zi për demarkacionin e kufirit.

Opozita ka përdorur metoda të ndryshme, përfshirë hedhjen e gazit lotsjellës brenda sallës së Kuvendit, për të penguar zhvillimin e seancave.

Këto veprime janë kritikuar nga zyrtarë të Bashkimit Evropian dhe të Shteteve të Bashkuara, ndërsa analistët në Prishtinë kanë thënë se do të kenë pasoja në progresin e integrimit evropian të vendit.

Sipas analistëve, e para që do të pësojë është Marrëveshja e Stabilizim Asociimit, e cila pasi të nënshkruhet me BE-në, duhet të ratifikohet nga Kuvendi i Kosovës. Pasoja, pastaj, do të ketë edhe në procesin e liberalizimit të vizave, thonë njohësit e integrimeve evropiane.

Negociatat për Marrëveshjen e Stabilizim Asociimit kanë nisur para dy vjetësh, vetëm pasi Kosova është angazhuar në bisedimet me Serbinë për normalizimin e marrëdhënieve.

Serbia, si shpërblim, ka fituar negociatat për anëtarësim në BE.

Kosovë: Parlamenti mblidhet më 2 nëntor

Kryesia e parlamentit të Kosovës caktoi seancën e radhës për datën 2 nëntor, me gjithë kundërshtimin e opozitës

Kryesia e parlamentit të Kosovës, në mbledhjen e së cilës nuk morën pjesë përfaqësuesit e partive opozitare,  vendosi të martën që seanca e radhës të mbahet të hënën më 2 nëntor.

Kryetari i parlamentit, Kadri Veseli, tha se seancat duhet të mbahen pavarësisht paralajmërimeve të partive opozitare se nuk do të lejojnë mbajtjen e tyre.

Që nga 22 shtatori, partitë opozitare po pamundësojnë mbajtjen e seancave të parlamentit në shenjë kundërshtimi ndaj marrëveshjeve të arritura në bisedimet me Serbinë në fund të muajit gusht me të cilat komunave me shumicë serbe u ofrohet një shkallë e gjerë autonomie si dhe marrëveshjes për shënimin e kufirit me Malin e Zi.

Seancat e fundit janë përshkuar me tensione, gaz lotsjellës e skena dhune. Natën ndërmjet të premtes dhe të shtunës së kaluar, seanca u mbajt në një sallë tjetër brenda parlamentit, pas përplasjeve që pamundësuan mbledhjen e tij në sallën e zakonshme.

Marrëveshjet me Serbinë që çuan në shtimin e tensioneve politike në Kosovë, ishin pjesë e bisedimeve për normalizimin e marrëdhënieve ndërmjet të dyja palëve, që është edhe kusht për afrimin e tyre me strukturat evropiane. Ato i siguruan Serbisë hapjen e negociatave për anëtarësim në Bashkimin Evropian, ndërsa Kosovës marrëveshjen e stabilizim asocimit e cila u nënshkrua të martën në Strasbourg.

Kosova e nënshkroi MSA-në

Kosova dhe Bashkimi Evropian nënshkruan të martën në Strasbourg marrëveshjen e stabilizim asociimit

Në mesditën e së martës, Kosova nënshkroi marrëveshjen e stabilizim asocimit me Bashkimin Evropian., duke shënuar kësisoj edhe hapin e parë të vendosjes së marrëdhënieve kontraktuale me BE-në.

Marrëveshja e cila u nënshkrua në një ceremoni në Strasbourg, përmbylli negociatat për këtë marrëveshje që filluan në tetor të vitit 2013. Në korrik të vitit 2014 Kosova dhe Komisioni Evropian hodhën inicialet e tyre në marrëveshjen e Stabilizim Asociimit, që paraqet hapin e parë zyrtar drejt anëtarësimit të plotë në BE.

Marrëveshja për stabilizim asocim me Bashkimin Evropian u sigurua pas angazhimit të Kosovës në bisedimet me Serbinë për normalizimin e marrëdhënieve ndërmjet të dyja vendeve.

Kryeministri i Kosovës, Isa Mustafa tha se kjo është ndër ditët më të rëndësishme pas shpalljes së pavarësisë së Kosovës.

“Sot, vendi im, në mënyrë zyrtare ka hyrë në marrëdhënie kontraktuale me Bashkimin Evropian. Me nënshkrimin e kësaj marrëveshjeje, konfirmuam vullnetin e qytetarëve të Kosovës drejt perspektivës eurointegruese dhe hapjen e një kapitulli të ri për Kosovën. Kjo Marrëveshje vulos rrugën e Kosovës drejt BE-së, rrugë e cila nuk ka kthim, por i hapë mundësi Kosovës drejt reformimit, përshtatjes dhe implementimit të reformave në të gjithë sektorët. Është rrugë e forcimit të demokracisë dhe ndërtimit të shtetit të së drejtës, rrugë e stabilitetit politik dhe e perspektivës ekonomike, rrugë e përfundimit të tranzicionit drejt një ekonomie funksionale të tregut, e forcimit të paqes dhe stabilitetit në rajon dhe e zgjidhjeve politike”, theksoi kryeministri Mustafa.

Shefja e politikës së jashtme të bashkimit Evropian, Federica Mogherini, pret që marrëveshja të hyjë në fuqi sa më parë që është e mundur. “Pas kësaj do të ketë shumë të mira për njerëzit e Kosovës dhe për Bashkimin Evropian, për stabilitetin dhe integrimin e rajonit. Është një moment i mirë” tha ajo.

Komisioneri i BE-së për politika të fqinjësisë dhe negociata të zgjerimit, Johannes Hahn, tha se vërtetë është një arritje e madhe në marrëdhëniet dypalëshe, në veçanti kur është fjala për aspiratat evropiane të Kosovës . “Është një ditë e madhe për të gjithë ne, duke falënderuar ekipet tona, pa të cilat kjo gjë nuk do të ishte arritur. Mezi pres që të jem në Kosovë javën e ardhshme dhe të çojmë deri në fund atë për të cilën jemi marrë vesh sot dhe të shohim për mundësitë se si ta zbatojmë, sepse tash është koha për zbatim”, tha zoti Hahn.

Bashkimi Evropian është zotuar të mbështes Kosovën në rrugëtimin e saj evropian nëpërmjet procesit të stabilizim asociimit, një politikë e ngritur për nxitjen e bashkëpunimit me vendet e Ballkanit Perëndimorë dhe bashkëpunimin rajonal. Marrëveshjet e stabilizim asociimit janë pjesë thelbësore e këtij procesi. Për të mbështetur reformat e domosdoshme, Bashkimi Evropian ka ndarë 11.7 miliardë euro për ndihmë para anëtarësimit për Ballkanin Perëndimorë dhe Turqinë, për periudhën ndërmjet viteve 2014 – 2020, nga të cilit 645.5 milion euro janë ndarë për Kosovën.

Nënshkrimi i marrëveshjes, ndodhi në një periudhë kur autoritetet po përballen me përplasje me partitë opozitare të cilat kanë bllokuar tash e më shume se një muaj edhe punën e parlamentit në shenjë kundërshtimi ndaj marrëveshjeve me Serbinë. Mospajtimet më të thella pasuan marrëveshjen për krijimin e asociacionit të komunave me shumicë serbe që parasheh një shkallë të gjerë autonomie për këtë komunitet.

Partitë opozitare kërkojnë tërheqjen e nënshkrimit nga marrëveshjet që i shohin si të dëmshme për shtetësinë e Kosovës. Skena dhune përshkuan punën e parlamentit natën e se premtes duke thelluar mospajtimet.

Presidentja e Kosovës, Atifete Jahjaga javën e kaluar filloi një seri takimesh me udhëheqësit e partive politike për të gjetur një rrugëdalje, ndërsa është shprehur e gatshme që të dërgojë për shqyrtim në Gjykatën Kushtetuese marrëveshjet e kundërshtuara nga opozita.

Marrëveshjet me Serbinë që çuan në shtim të tensioneve politike, i siguruan Serbisë negociatat për anëtarësim në Bashkimin Evropian. Beogradi pret që brenda këtij viti të hapen kapitujt e parë të negociatave për anëtarësim. Por, autoritetet në Serbi janë shprehur të pakënaqura me përmbajtjen e kapitullit të 35-të të këtyre negociatave që sipas tyre përmban një numër të artikujve që paragjykojnë statusin e Kosovës dhe janë të drejtuara kundër interesave kombëtare serbe. Sipas zyrtarëve serb, në kapitullin e 35-të nuk përmendet prerazi njohja e Kosovës nga Serbia, por kapitulli e nënkupton këtë gjë.

Digjen tri vetura të Agjencisë së Statistikave të Kosovës

Në vendparkimin e Agjencisë së Statistikave të Kosovës në Prishtinë janë djegur tri vetura zyrtare të këtij institucioni.

Policia e Kosovës ka konfirmuar rastin dhe ka thënë se hetuesit janë në vendin e ngjarjes.

“Policia e Kosovës ka pranuar informatën se në rrugën ‘Agim Ramadani’ në Prishtinë janë dëmtuar dhe u është vënë zjarri tri veturave zyrtare. Njësitë policore janë duke hetuar rastin dhe, në konsultim me prokurorin, është iniciuar rasti: shkaktim i rrezikut të përgjithshëm”, ka thënë zëdhënësi i Policisë së Kosovës, Daut Hoxha.

Zyrtarët në Agjencinë e Statistikave të Kosovës nuk kanë dashur të flasin në lidhje me rastin.

 

Albin Kurti: Kemi gaz edhe për seanca të tjera

“Gazi lotsjellës është një tym sqarues brenda seancës së Kuvendit, -u shpreh Kurti.

Sipas tij gazi ka bërë që çështja e Zajednicës të kuptohet anembanë në trojet shqiptare në Ballkan dhe më gjerë, “por në të njëjtën kohë edhe iu ka treguar atyre deputetëve dhe minsitrave e kryeministrit që me aq lehtësi urdhërojnë policinë të ndrëhyjnë me gaz lotsjellës kunder protestuesve, që të kuptojnë njëherë se si është të jesh në këpucët e qytetarit të thejshtë, i cili i varfër e i papunë kërkon të drejta ekonomike-sociale, por pse jo edhe politike-kombtare”.

‘Me një gaz lotsjellës në një hapësirë aq të madhe sa është salla e Kuvendit, ata u lotuan, thanë se kjo është e papranueshme, u alivanosën dy prej tyre dhe kështu me radhë, megjithëse i pamë duke dhënë intervista para dhe pas alivanosjes, e alivanosjen nuk ua pamë”

” Por, sido që të jetë gazi lotsjellës në Kuvendin e Republikës është rezultat i atyre mbushjeve që nuk kanë shpërthyer në protestat tona kur policia ka hedhur në drejtim të aktivistëve të VETËVENDOSJE!-s. Kemi edhe shumë të tillë. Kemi edhe për seancën e ardhshme. Kemi edhe për të tjera seanca. Do të vazhdojë gazi lotsjellës përderisa vazhdojnë këto seanca që përpiqen ta normalizojnë “Zajednicën”tha ai.

Kosova e nënshkruan sot MSA-në me Bashkimin Evropian

Kosova do të nënshkruajë sot në Strasburg Marrëveshjen e Stabilizim-Asociimit me Bashkimin Evropian. Nënshkrimi i këtij dokumenti shënon edhe vendosjen e parë të marrëdhënieve kontraktuale midis Kosovës dhe BE-së.

Marrëveshja për Stabilizim Asociim kërkon nga një vend që synon anëtarësimin në BE, të sigurojë se mekanizmat e tij të qeverisjes dhe të shoqërisë civile përmbushin standardet e BE-së.

Të hënën, kryeministri i Kosovës Isa Mustafa ka thënë për Radion Evropa e Lirë se me nënshkrimin e kësaj marrëveshjeje, Kosova shpreh gatishmërinë dhe zotësinë e saj që t’i dëshmojë Bashkimit Evropian se është një shtet partner, shumë serioz, për t’i bërë të gjitha reformat e nevojshme”.

“Jam i bindur se përfitimet e ekonomisë së Kosovës janë të shumëllojshme nga kjo marrëveshje. Por, mendoj se edhe përfitimet e Bashkimit Evropian janë evidente, sepse do të ketë në gjirin e tij një vend, i cili ka specifika zhvillimore dhe i cili mund të jetë vlerë shtuese e këtij tregu”, ka thënë Mustafa.

Kosova dhe Komisioni Evropian kanë vënë inicialet në Marrëveshjen e Stabilizim Asociimit qysh në korrik të vitit 2014.

Procesi i nënshkrimit është ngadalësuar për shkak të mungesës së konsensusit brenda vetë Bashkimit Evropian, përkatësisht mosnjohjes së Kosovës si shtet nga pesë vende të BE-së.

Më vonë, megjithatë, është rënë dakord që Marrëveshja e Stabilizim Asociimit të mos ratifikohet nga parlamentet e secilit shtet anëtar veç e veç, ashtu siç ka qenë praktika me vendet e tjera.

Nënshkrimi i Marrëveshjes së Stabilizim Asociimit vjen në kohën kur puna e Kuvendit të Kosovës është bllokuar për gati dy muaj nga partitë opozitare.

Këto të fundit i kanë vënë kusht kryeministrit Mustafa heqjen e nënshkrimeve nga marrëveshja me Serbinë për formimin e Asociacionit të komunave me shumicë serbe në Kosovë dhe nga marrëveshja me Malin e Zi për demarkacionin e kufirit.

Opozita ka përdorur metoda të ndryshme, përfshirë hedhjen e gazit lotsjellës brenda sallës së Kuvendit, për të penguar zhvillimin e seancave.

Këto veprime janë kritikuar nga zyrtarë të Bashkimit Evropian dhe të Shteteve të Bashkuara, ndërsa analistët në Prishtinë kanë thënë se do të kenë pasoja në procesin e integrimit evropian të vendit.

Sipas analistëve, e para që do të pësojë është Marrëveshja e Stabilizim Asociimit, e cila pasi të nënshkruhet me BE-në, duhet të ratifikohet nga Kuvendi i Kosovës. Pasoja, pastaj, do të ketë edhe në procesin e liberalizimit të vizave, thonë njohësit e integrimeve evropiane.

Negociatat për Marrëveshjen e Stabilizim Asociimit kanë nisur para dy vjetësh, vetëm pasi Kosova është angazhuar në bisedimet me Serbinë për normalizimin e marrëdhënieve.

Serbia, si shpërblim, ka fituar negociatat për anëtarësim në BE.

MË 27 TETOR 2002 U VRA UKË BYTYÇI, VEPRIMTAR I SHQUAR KOMBËTAR

Më 27 tetor 2002 u vra Ukë Bytyçi e deri sot ashtu si vrasja e shumë figurave të shquara të LDK-së nuk është zbardhur. Nuk janë dënuar as vrasësit dhe as ideatorët e vrasjeve. Dosja e Ukë Bytyçit qendron e mbuluar nga pluhuri i harresës dhe  indiferencës  nga lidërshipi aktual i partisë së tij, e cila nga parti e idealeve rugoviane është kthyer në parti e interesave klienteliste.

Ja si e kujtojnë sot Ukën në Facebook shokët e bashkëkohësit e tij:

“Me vrasjen e Ukes nuk u shua vetem ai fizkisht po u vra filozofia dhe guximi shtetberes i LDK-se Rugoviane.

Tani me shume se kurrë verehet dhe ndjehet deshperimisht mosprania e Ukes se madh.

Jam i sigurt se ai do te kishte vepruar ndryshe ne kete situate ne te cilen gjendemi….Ai ishte dhe do te mbetet i madh perjetesisht.”

 

“Na i vrajten trimat e verte e na meten shpijunat qe po dojn me e shit Kosoven hajnat”

 

“Ne kohen kur perpiqeshim te bejme c’eshte e mundur per kufirin me Maqedonine, ishte Uke Bytyqi me komplet ekzekutivin e Komunes se Suharekes qe vizitoi dhe perkrahu Udheheqjen e Komunes se Vitise, si me e angazhuara per ta penguar zbritjen e vijes kufitare brenda territorit te Kosoves. Lavdi Uke Bytyqit.“

“Ukë Bytyqi i takon plejadës së burave të mëdhenjë të kombit, që themeluan shtetin e Kosovës.Ukë Bytyqi është krenaria jonë,porë edhe dhimbja e jonë.Burrat si Uka i mungojnë sot Kosoves dhe LDK-së.Kanë mbatur vetëm burrecat në krye të shtetit dhe LDK-së, fatkeqësisht.”

“Nga zhgenimi i humbjes nga populli te ipet urdheri te vritet nje person qe e do shumica e popullit eshte turp dhe mekat per ata krimineël qe urdheruan dhe qe e bene kete krim ne Uke Bytyqin,po jo vetem ne kete po ne shume figura te tjera politike e gjeten fatin e Ukes dhe ata kriminel dhe urdhensa mbeten ende te lire.Kryetari ldk-se dhe i qeverise vetem kur i vyen votat i permend ato vrasje ose kur eshte ne zore nga opozita.Keshtu per te vepruar asgje te gjithe po heshtin.”

26-10-2015 22-06-11

 

Albulena dhe Donika nuk do të paraqiten në Prokurori

Dy prokurore të Prokurorisë Themelore në Prishtinë janë duke i hetuar katër deputetët e Parlamentit të Kosovës, të cilët tashmë në tri raste kanë hedhur gaz lotsjellës në sallën e Kuvendit me qëllim që ta pamundësojnë mbajtjen e seancave.

Ish-lideri i Lëvizjes “Vetëvendosje”, Albin Kurti, dhe deputetja e këtij subjekti Albulena Haxhiu po hetohen nga prokurorja, Dulina Hamiti, ndërsa deputeti tjetër i së njëjtës Lëvizjeje, Faton Topalli, si dhe shefja e Grupit Parlamentar të Aleancës për Ardhmërinë e Kosovës, Donika Kadaj-Bujupi, po hetohen nga prokurorja Fikrije Fejzullahu.

Shefi i të dyja prokuroreve, kryeprokurori i Prokurorisë Themelore të Prishtinës, Ymer Beka, ka bërë me dije për “Zërin” se Kurti dhe Haxhiu të dy së bashku po hetohen për veprimet e tyre në Kuvend, më datën 8 tetor, kur për herë të parë kanë hedhur gaz lotsjellës.

Kadaj-Bujupi e Topalli, sipas kryeprokurorit, po hetohen për veprimet e tyre të datës 15 tetor kur kanë hedhur gaz lotsjellës në ambient brenda Kuvendit të Kosovës

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend