VOAL

VOAL

Kosovë: 13 deputetë të opozitës në paraburgim ose në arrest shtëpie

Në orët e vona të së hënës, pesë deputetë të lëvizjes Vetëvendosje janë shoqëruar në polici për shkak të veprimeve në parlamentin e Kosovës, i cili gjatë tërë ditës së hënë u përshkua me skena të hedhjes së gazit lotsjellës nga deputetët e opozitës që kundërshtojnë marrëveshjet me Serbinë dhe Malin e Zi.

Glauk Konjufca, Besa Baftiu, Aida Dërguti, Fisnik Ismaili dhe Faton Topalli, u shoqëruan në polici me të dalë nga ndërtesa e parlamentit. Tre të partë meqë të hënën hodhën gaz lotsjellës, ndërsa dy të fundit meqë kishin shkelur masën e shqiptuar ditë më parë ndaj tyre me arrest shtëpie.

Më herët gjatë të hënës policia shoqëroi tre deputetë të Aleancës për Ardhmërinë e Kosovës, Pal Lekaj, Time Kadriaj dhe Teuta Haxhiu, gjithashtu nën dyshimet për hedhje të gazit lotsjellës.

Albin Kurti, Albulena Haxhiu dhe Ismail Kurteshi nga lëvizja Vetëvendosje ndodhen në paraburgim, Haxhi Shala nga Nisma për Kosovën dhe Donika Kadaj Bujupi nga Aleanca për Ardhmërinë e Kosovës, ndodhen në arrest shtëpie.

Gazi lotsjellës nuk i është ndarë parlamentit të Kosovës gjatë tërë ditës së hënë. Fillimisht opozita hodhi gaz lotsjellës në sallën kryesore të seancave të parlamenti. Më pas, gaz u hodh edhe në mbledhjen e kryesisë së parlamentit të Kosovës dhe pas kësaj partitë e koalicionit qeverisës u mblodhën në sallë alternative.

Grupe veprimtarësh të partive opozitare hodhën gurë dhe ngjyrë mbi ndërtesën e parlamentit dhe mbi policinë e cila arrestoi tre veta gjatë shpërndarjes së protestuesve.

Në hijen e zhvillimeve brenda dhe jashtë parlamentit, partitë shumicë miratuan me 78 vota buxhetin prej rreth 1.7 miliardë eurosh, si dhe një numër ligjesh të tjera.

Por, edhe seanca ne sallën alternative u ndërpre për rreth dy orë nga gazi lotsjellës që u hodh nga disa deputetë të opozitës që u lejuan të hyjnë në seancë.

Opozita thotë se nuk do të heq dorë nga kundërshtimi i marrëveshjes së arritur me Serbinë për krijimin e asociacionit të komunave me shumicë serbe dhe asaj për kufirin me Malin e Zi, që sipas tyre, cenojnë sovranitetin dhe tërësinë tokësore të Kosovës.

Partitë opozitare akuzojnë qeverinë për vendosje të pushtetit policor, meqë tetë deputetë të opozitës janë në paraburgim, nën masa të arrestit ose në procedurë gjyqësore për shkak të veprimeve në parlament.

Qeveria ka bërë thirrje për hapje të dialogut politik, por opozita kërkon anulimin e marrëveshjeve, referendum për to dhe nëse këto nuk funksionojnë atëherë të shkohet në zgjedhje të parakohshme.

Ambasadori amerikan në Kosovë, Greg Delaëie, u shpreh i zhgënjyer me zhvillimet e së hënës në parlament. Ai përmendi me këtë rast vizitën e sekretarit amerikan të shtetit, John Kerry, në Kosovë dhe thirrjet e tij për të shmangur veprimet e dhunshme në parlament.

“Është zhgënjyese që njerëzit nuk i kanë dëgjuar thirrjet e tij”, tha ambasadori amerikan, i cili u shpreh i shqetësuar edhe me praninë në parlament të dy deputetëve të opozitës ndaj të cilëve është në fuqi masa e arrestit shtëpiak. Ligjet vlejnë për secilin qytetar të Kosovës tha ambasadori amerikan.

Marrëveshjet me Serbinë, ishin pjesë e bisedimeve për normalizimin e marrëdhënieve ndërmjet të dyja palëve që aspirojnë integrimet evropiane. Ato i siguruan Kosovën marrëveshjen e stabilizim asociimit, ndërsa Serbisë negociatat për anëtarësim në Bashkimin Evropian që u hapën të hënën në mbrëmje në Bruksel.

Lojaliteti qytetar karshi këtij estabilishmenti politik ishte dështimi më i madh – Nga Skënder MULLIQI

Edhe një vit po e fusim në “ thes’ siq thotë një fjalë e popullit. Pas secilit vit që e lëmë mbrapa dëshirojmë që viti që vjen ta na sjellë më shumë shëndet, mirëqenje, më shumë bëgati, dhe përgjithsisht të sjellë prosperitet.Nese në shtetet e zhvilluara nuk mvaret shumë së kush vjen në pushtet, në vendet në tranzicion është shumë më ndryshe. Në Kosovë njeriun tonë e lidhë po thuaj gjithçka së kush vjen në pushtet dhe si punojnë këto pushtete. Sot, pos që nuk e kemi më okupatorin serbë mbi kokë , nuk mund të lavdërohemi  më të arrituarat tona.Pak kush e ka paramenduar së edhe pas 16 vitësh , vendi dhe populli do ta bjenë në këtë  deregje të ligë.Këto struktura politike, në vend që të janë fanarë ndriques, e ërresuan dhe gjithnjë e më shumë po e errësojnë ardhmerinë e brezave që po vijnë. Po e errësojnë përspektiven e  një shteti të vogël  në zemër të Evropës i cili sa po ka marrë këmbë.E kan lën të izoluar Kosovën  si ne geto.E futen vendin në krizë institucionale  më qëllime të caktuara politike.Viti që po e lëm mbrapa ishte i mbushur më plotë ngjarje të pamira. Kishim greva, protesta, gazëlotësjellës, demonstrata të dhunshme e paqësore,largime masovike nga Kosova. Dëgjuam edhe po degjojmë në media retorikë boshe të kësaj nomenklatuare politike.  Nuk bëhët mirë duke manipuluar  më masën . Ndërtuan institucione të shtetit më shumë për vete së sa për qytetaret. Organët e drejtësisë janë të ndikuara nga politika, dhe mu për ate nuk kemi rezultate  në luftë kunder krimit  dhe korrupcionit .Nuk kemi hulumtime të pasurisë të kësaj kaste politike . Nuk e lufton kush krimin në radhët e veta.Të gjitha këto marifete i mbulojnë duke arrestuar disa keqbërës shumë të vegjël  të cilët nuk kan ndonjë lidhje më pushtetarët.Mediat duhet liruar krejtësisht nga ndikimi i politikës . Vetëm informimi objektiv dhe korrekt i ndihmon këtij vendi dhe këtij populli që të dalim nga gjendja e status kuos.Marshimi i kësaj klase politike po shkon në rrugë të gabuar . I kan shëndrruar qytetarët në viktima, të cilët nuk kan menduar së e kanë dhënë aq  haram votën e tyre. Nese nuk ndodhë një zgjim tjeter kombëtar, secilen ditë e më shumë shteti i Kosovës do të mbetet vetëm si nocion imagjinar.  Këta janë betonuar fortë pas pushtetit dhe privilegjet që sjellë pushteti. Për të qenë absurditeti edhe më i madh është së ende shumë kush në Kosovë po shkonë verbërisht pas disa liderëve politik , thua së nuk ka kush ti përfaqëson tjetër.  Lojaliteti qytetarë karshi këtij estabilishmenti politik  ishte dështimi më i madh . Të mbash gjallë diqka inekzistente, është nepërkëmbje e çdo vlere njerëzore, është fundosje e çdo vlere demokratike.Ta mbash gjallë një  estabilishment para vdekjës politike, është iluzion i keq , është  vazhdim i agonisë së Kosovës.  Kemi një Qeveri dhe Parlament të mbushur siq e preferoj unë të thëm me analfabet potencial. Kemi qeverinë më mamute  jo vetëm në rajon ,në këtë kohë krize të rëndë ekonomike  .Kësaj i thonë turpi i Zotit! Ta drejtojnë shtetin e njejta garniturë politike  më njerëz të cilët mbajnë hipoteka nga e kaluara kësaj i thonë neodiktaturë . Në një vend ku  vrasjët për motive politike dhe vrasjët  tjera nuk zbardhën  , nuk mund të themi së kemi shtet të duhur ligjor dhe demokratik. Familjarët e të vrarëve kan mbetur më plagë të pa shëruara. Janari i tragjedive   dhe krenarive kombëtare është afer. Është afër dhembja e madhe që përjetuan familjarët e të vrarëve .Kjo dhembje po u përseritet që shumë vite me shpresën që viti që vjen  ndoshta vrasjët do ta gjejnë dritën e diellit.

Kjo strukturë e lartë e LDK-së është turpi që nuk lahet kurrë. U  treguan lakmitarë për pushtet dhe asgjë më shumë. Është koha që këta mekatarë të partisë të cilën e formoi i madhi Rugova të largohën  njëherë e përgjithmonë .Të shkojnë me koka të ulura së i tradhëtuan idealet e presidentit historik , Ibrahim Rugova , Smajl Hajdarajt, Tahir Zemës, Xhemajl Mustafës, Bardhyl Ajetit…Sigurisht së edhe në këtë janar  do të shkojnë të përkulen të varri i Rugovës duke thënë ngadalë me vete” mirë ke ba që ike në amshim dhe na u dha mundësia që në emrin tënd  ta kalërojmë LDK-në dhe ta kalerojmë  Kosovën”. Por mos harroni Ju së nuk e keni të largët ditën kur do të largoheni turpshem ,nga postët e larta partiake dhe  nga postët e larta pushtetare…

Opozita – Kosovë: Garantojmë normalitet nëse tërhiqen marrëveshjet

Opozita ka lëshuar një komunikatë për media, përmes së cilës ka komentuar gjendjen që mbretëroi sot në Kuvendin e Kosovës.

Reagimi i plotë i opozitës:

Triumvirati i rrenave – Veseli-Mustafa-Thaçi
Seanca e sotme e improvizuar nëpër skuta i ka nxjerrë në pah tre gënjeshtarë të mëdhenj, të cilët edhe sot nuk hezituan të vazhdojnë ta mbulojnë diktaturën e tyre me fjalime hipokrite e patetike.
I pari foli ish shefi i SHIK-ut, i rehabilituar si kryetar i institucionit më të lartë të një demokracie parlamentare, siç është Kuvendi. Të gjithë e mbani mend kur, para pak ditësh Kadri Veseli betohej se kurrë nuk do të lejonte të hynte policia në Kuvend, dhe kurrë nuk do të përjashtohej opozita, për sa kohë që Ai, do të ishte kryetar kuvendi. E sot, Kadri Veseli bën thirrje për skanera specialë, ndërkohë që e ka mbushur sallën e Kuvendit me policë me maska gazi. Kadri Veseli ka urdhëruar kontrollin e deputetëve të opozitës, ndërkohë që shumë prej bashkëpunëtorëve të tij në SHIK, që sot janë deputetë e ministra të partive në pushtet, kurrë nuk janë kontrolluar e kurrë nuk janë hetuar. Kadri Veseli ka kërkuar sot edhe masa të shtuara represive kundër opozitës, sepse sipas tij policia nuk mjafton, edhe pse i kemi parë të gjithë arrestimet dhe ndërhyrjet policore ndaj opozitës dhe mbështetësve të saj.
Në seancën e turpshme ku partitë në pushtet u mblodhën të diskutojnë pasi e përjashtuan opozitën, kryeministri i Qeverisë së Rashkës, Isa Mustafa, ka përsëritur edhe një herë se kërkesat e opozitës për tërheqje të marrëveshjeve nuk janë të sinqerta, dhe kinse Opozita e Bashkuar paska kërkesa të tjera.
Kjo nuk është hera e parë që Mustafa e thotë të njëjtën gënjeshtër, pasi ai këtë gjë e ka pretenduar edhe në kohën kur Opozita protestonte kundër ministrit të tij me qëndrime raciste, Jabllanoviqit. Por veprimet opozitare gjithnjë kanë qenë të përgjegjshme, dhe kanë vërtetuar të kundërtën. Mjafton që Isa Mustafa të heqë dorë nga dy marrëveshjet e dëmshme për të ardhmen e Kosovës, dhe ne garantojmë se secili aktivist e secili deputet opozitar do t’i kthehet normalitetit.
Mashtruesi i tretë ishte Hashim Thaçi, personi i cili i ka ndërtuar gjithë këto marrëveshje të cilat tash i ka nënshkruar Mustafa. Thaçi ka deklaruar me pafytyrësinë më të madhe se me bllokimin e këtyre marrëveshjeve, opozita ia paska pamundësuar Kosovës përfitimin e 60 milion eurove. Sipas zëvendësit të Mustafës ia vlen ta ndërtojmë Republikën Serbe në Kosovë, me një çmim të tillë. Hashim Thaçi mendon se qytetarët i kanë harruar aferat me qindra milionë të cilat ai dhe njerëzit e tij i kanë përfituar nëpër privatizime shkatërruese të pronës publike. Vetëm kontrata që Hashim Thaçi ka lidhur për privatizimin e KEDS-it, ia ka vjedhur fitimin mbi një qarkullim prej 300 milionë eurosh në vit. E kësaj i shtohen qindra milionë prej shumë privatizimeve e koncesioneve të dyshimta. Pra Thaçi nuk duhet të na tregojë çmimin me të cilin duhet të shesim Kosovën përmes marrëveshjeve, por duhet të shkojë sa më parë në Gjykatë për korrupsionin masiv të partisë të tij, korrupsion që tashmë është bërë shqetësimi kryesor edhe i ndërkombëtarëve në Kosovë.
Këta tre zyrtarë po thonë se në emër të demokracisë do të përjashtojnë e do të arrestojnë opozitën. Këta po thonë se në emër të drejtësisë do të përndjekin opozitën dhe do të mbrojnë korrupsionin e tyre.
Por ne jemi të vendosur se marrëveshjet për “Zajednicë” e Demarkacion, nuk kalojnë! Opozita nuk ndahet! Normaliteti do të kthehet vetëm kur të kthehet demokracia! Protestat nuk ndalen!

Kosovë: Edhe sot gaz lotsjellës në parlament

Gazi lotsjellës sërish bllokon parlamentin e Kosovës. Deputetët e partive opozitare hodhën gaz lotsjellës vetëm pas sekonda pas fillimit të seancës së parlamentit që pritet të diskutojë miratimin e buxhetit të vitit 2016, bashkë me 27 pika të tjera të rendit të ditës.

Në hijen e zhvillimeve politike, qeveria ka miratuar buxhetin prej rreth 1.7 miliardë eurosh, duke shprehur bindjen se ai do të ndihmojë në rritjen e zhvillimit ekonomik të vendit.

Partitë në pushtet i kanë bërë thirrje opozitës që të marrin pjesë në seancë duke theksuar se mos-miratimi i buxhetit pos tjerash mund të rrezikojë edhe një një kredi prej 185 milionë eurosh nga Fondi Monetar Ndërkombëtar.

Por, opozita thotë se nuk do të heq dorë nga kundërshtimi i marrëveshjes së arritur me Serbinë për krijimin e asociacionit të komunave me shumicë serbe dhe asaj për kufirin me Malin e Zi, që sipas tyre, cenojnë sovranitetin dhe tërësinë tokësore të Kosovës.

Që nga 22 shtatori partitë opozitare nuk po lejojnë mbajtjen e seancave të rregullta të parlamentit ku kanë hedhure dhe gaz lotsjellës në disa raste. Ato e akuzojnë qeverinë për vendosje të pushtetit policor, meqë tetë deputetë të opozitës janë në paraburgim, nën masa të arrestit ose në procedurë gjyqësore për shkak të veprimeve në parlament.

Qeveria ka bërë thirrje për hapje të dialogut politik, por opozita kërkon anulimin e marrëveshjeve, referendum për to dhe nëse këto nuk funksionojnë atëherë të shkohet në zgjedhje të parakohshme.

Marrëveshjet me Serbinë, ishin pjesë e bisedimeve për normalizimin e marrëdhënieve ndërmjet të dyja palëve që aspirojnë integrimet evropiane. Ato i siguruan Kosovën marrëveshjen e stabilizim asociimit me Bashkimin Evropian, ndërsa Serbisë hapjen e negociatave për anëtarësim në BE.

Kosovë: Planifikohet mbajtja e seancës së Kuvendit

Pamje nga Kuvendi i Kosovës ku opozita ka hedhur gaz lotsjellës

Në Prishtinë sot pritet të mbahet seanca e Kuvendit të Kosovës, në të cilën planifikohet të miratohet buxheti për vitin 2016.

Por mbretëron paqartësi se si do të bëhet kjo, duke pasur parasysh se opozita në Kosovë vazhdon ta pengojë mbajtjen e seancave, në shenjë të protestës për nënshkrimin e marrëveshjeve me Serbinë dhe Malin e Zi.

Partitë opozitare në Kosovë kërkojnë tërheqjen e Marrëveshjes me Serbinë për Asociacionin e komunave me popullatë shumicë serbe në Kosovë dhe atë për demarkacionin e kufirit me Malin e Zi.

Qeveria e Kosovës i ka hedhur poshtë këto kërkesa, duke e ftuar opozitën që të kthehet në punën e Kuvendit dhe të shqyrtohen këto çështje, e të mos pengohen institucionet e Kosovës.

Marketingu politik – Nga Skënder MULLIQI

Shumë herë gjatë këtyre viteve dëgjuam nga udhëheqësit shtetëror  aq shumë deklarata kontradiktore sa vështirë është të mbahën në mend . Shumë herë deri me tash dëgjuam së këtë vit apo vitin vijues  Kosova do të këtë liberalizim të vizave , dhe nuk ndodhi ashtu. Shumë herë dëgjuam nga pushtet së do të kemi më mijëra vende te reja të punës, dhe as kjo nuk doli e vërtetë. Dëgjuam nga këto pushtete së Kosova shpejt do të  bëhët pjesë e Evropës së Bashkuar  edhe pse kjo është shumë largë për ne.Për shumë çka qe ishte shumë më rëndësi për opinionin dhe për shtetin , dëgjuam pas firmosjës të shumë marrveshjeve që ndodhen . Shumë pak opinioni ishte informuar për Fusnotën. Kjo nuk ishte shpjeguar gadi hiq nga nënshkruesiot e kësaj marrveshje, ose opinioni ishte dezinformuar. Ishte deinformuar lidhur më këtë çeshtje pikërisht nga ideatorja , Edita Tahiri.Ajo bile edhe dha deklaratë skandaloze që fusnota në përfaqësimet rajonale të Kosovës , shpejt do të zhduket si fluskë  sapuni.  U zhvilluan bisedime maratonike me Serbinë herë për çështje teknike herë për çështje politike dhe kurrë opinioni i gjerë publik nuk ishte informuar në tërsi së çka në fakt  po bisedohet. Tash pas nënshkrimit të dy marrveshjeve të fundit , i tregohet gjoja opinionit së këto dy marrveshje shumë më herët janë bër faktike, tash nënshkrimi i tyre në Bruksë për “Zajednicën” dhe në Vjenë për Demarkacionin ishin vetëm formalitete. Thuhet për demarkacionin p.sh, së ate e kan votuar në Kuvend edhe opozita , e cila tash është duke i kundërshtuar këto marveshje . Nuk dua të flasë se a ishte ashtu apo kështu, por secila variant e cila po paraqitet   është e vonuar . Kjo ngjanë më ate hajde të “ bojmë’ politikë  . Gadi pata harruar të përmendi këtu së këta në vend të politikës  po bëjnë marketing politikë.Marketingu politik po iu hyn në funksion për mrekulli për tia zgjatë vetit pushetin .Demokracia nuk është vetëm procedurë .Demokracia është një sistem i caktuar e vlerës dhe ideologjisë së saj.Këta politikanë po e shohin veten dhe ashtu edhe po veprojnë sikur të ishin në sistemin  një partiakë. Po e para pëlqejnë këtë sisitem të së kaluarës së po mendojnë së gjithmonë duhet të mbesin  të pa prekshem .  Të gjithë e dimë së tradita jonë në demokraci është e një periudhe të shkurtër, por të punohet më logjikën autokratike, nuk justifikohet për shekullin në të cilin kemi hy. Politika partiake  po është largë politikës nacionale. Këtu edhe duhet shikuar deri diku  dështimet  e deri tashme .Kur nuk avansohet sistemi shumë partiakë dhe proceset demokratike , kufizohemi  dhe mbetemi në sistemin autokratik. Kryeminstri  i qorton minisitratë të cilët kan bër shumë udhëtime jashta vendit, në vend që ti ndëshkon ata për mos çasje profesionale , dhe ti ndëshkon si të pa sukseshem në punën  e deritashme të tyre. Partitë kryesore politike në vend që të promovojnë vlera po  na servojnë koncepte të mjegulluara  politike, jashtë ideve dhe idealeve  që sjellë demokracia. Po merren vendime të rëdësishme për shtetin të cilat edhe mund të lën pasoja të mëdha, dhe askush nuk e merre përgjegjësinë politike dhe morale si  dy postulatet kryesore në demokraci. Kemi keqepërdorime  me të mirat materjale, keqpërdorime politike , krijimi i një gjendje të  pashpresë  për jetë ,  vendime të cilat prekin statusin politikë  të vendit, akuza dhe kunder akuza Pozitë -Opozitë  deri në tradhëti kombëtare. Po ndodhin të gjitha këto  edhe për ta zhvendosur vemendjen nga  problemet  madhore më të cilat që shumë kohë po përballemi …

Një vit aborti politik! – Nga FLORIM ZEQA

Në situatë mjeruese dhe turpëruese, partinë e shpresës dhe besës së shqiptarëve të Kosovës e sollën një grusht i vogël njerëzish të ligj, të pabesë dhe lakmiqar, vetëm e vetëm për të kënaqur egon e tyre për pushtet,…sakrifikuan vullnetin e elektoratit të tyre, shuan ëndrrat dhe dëshirat e gjithë qytetarëve të ndershëm, rrezikuan ardhmërinë e gjeneratave të reja të këtij vendi.
Thyerja e zemrave, trazimi i shpirtërave dhe fyerja e ndjenjave të elektoratit rugovian nga njerëz shpirtligj, qyqarë dhe të pamoralshëm erdhi si rezultat i mashtrimit në premtim,..premtimi u kthye në zhgënjim, zhgënjimi në mallkim!jj
Kjo u bë nga lidershipi i LDK-së bashk me shumicën e deputetëve, që me aq lehtësi dhe pa fije turpi kapërdinën të bëmat dhe të thënat e veta,…thënë më mirë i hëngrën “qershijat e lagura” me muaj dhe vite, që trumbetonin parreshtur; “Kurr koalicion me PDK-në…”!
Thirrjet e panumërta të elektoratit rugovian për mosbashkqeverisje të turpit me PDK-në, depërtuan vetëm në veshët dhe ndërgjegjën e pak deputetëve të LDK-së në Kuvendin e Republikës së Kosovës.
Edhe pse në numër të pakt, janë me shumë vlerë për të ardhmën e ndritshme të frymës rugoviane të LDK-së.
Deputetët që votuan kundër bashkqeverisjes me PDK-në nuk janë zëra të vetmuar siq u trajtuan nga lideri i katandisur i partisë, (nuk pat fuqinë morale të pranimit të vullnetit demokratik të tyre), por janë zë i fuqishëm i mbi 120 mijë votuesve besnik të LDK-së.
Një fjalë e urtë popullore thotë; “e keqja e ka të mirën e madhe mbrapa”. Rrokullisjes dhe katandisjes politike të liderit diktatorial të LDK-së është duke i ardhur fundi.
Kjo “SALTO MORTALE” e liderit aktual të partisë, shënon ndarjën e “shapit nga sheqeri”, ndarjen e të mirës nga e keqja, e të bardhës nga e zeza,…me shkarkimin e tij të shpejtë do të filloj lindja e një fryme të re në LDK,…nga një bërthamë e shëndoshë aktivistësh dhe veprimtarësh, nga një gjak i ri që nuk pranoj nënshtrimin dhe poshtërimin, paraqet lindjen e shpreses për një fillim i ri në LDK.
Andaj elektorati i LDK-së ka arsye të ndihet krenar në qëllimin dhe vizionin rugovian të veprimtarëve të saj të shumtë në Kosovë dhe Diasporë. Unifikimi dhe bashkrenditja e veprimeve të elektoratit rugovian për largimin e uzurpatorëve dhe puçistëve nga partia, do të shënoj fillimin e  ripërtëritjes së  partisë me kuadro të reja, do të përshpejtojë rënjën e kësaj qeverie të kriminalizuar, shantazhuar dhe servilizuar nga pushtuesit verior serb dhe qarqeve tjera diplomatike pro-serbe.
Në zgjedhjet e ardhshme partiake, elektorati i LDK-së nuk guxon të jetë vetëm votues dhe vëzhgues i zgjedhjeve, por duhet të bëhet pjesë përbërse e ndryshimeve nga niveli i aktivëve (të eliminuara nga diktatori), nëndegëve dhe degëve, për të determinuar kështu ndryshimin strukturor të kryesisë qendrore dhe Këshillit të Përgjithshëm të saj.
Me largimin e Isa Mustafës nga LDK-ja, nuk do të ketë vend për zhgënjim dhe as për mallkim, ngase mallkimi do të ikë bashk me të mallkuarit…
Ata që shkelën mbi vullnetin e elektoratit, u shëndrruan nga drejtues në uzurpator të timonit drejtues të LDK-së dhe shtetit të Kosovës.
Ata që tradhëtuan vullnetin e elektoratit, përveq që janë produkt me afat të skaduar, u mungon edhe e drejta morale për të udhëheq me LDK-në rugoviane dhe shtetin e Kosovës në veqanti.
Elektorat mbaje kokën lartë, LDK-ja ka rininë e mrekullueshme, plot kuadro të reja dhe të fuqishme, aktivist dhe veprimtar të devotshëm, besnik të frymës rugoviane të viteve të ’90-ta gjithandej Kosovës dhe Diasporë, të gatshëm për të dhënë kontributin e tyre në procesin e ndryshimeve pozitive në shtëpinë e madhe rugoviane, shtëpi e përbashkët e të gjithë shqiptarëve të Kosovës.
Andaj, aktivist dhe veprimtar, elektorat dhe qytetar, të mos humbasim kohë duke u marrë me pushtetarët, por të kthehemi kah e ardhmja, të bëhemi bashkë për pastrimin e LDK-së nga mbeturinat komuniste, për t’i kthyer nderin dhe dinjitetin LDK-së rugoviane, të vetmës shpresë reale për ardhmëri të sigurtë në vendin tonë.
LDK-ja e reformuar, ashtu siq ishte dje, do të jetë sot, nesër dhe përgjithmonë lokomotivë e fuqishme dhe avangardë e proceseve demokratike në vendin tonë.
Mbështetësit e diktatorit, përveq mbrojtës skandaloz të së keqës, janë njerëz të lig dhe të pashpirtë, janë zë ogurzi i kthimit të diktaturës komunsite, shantazhit, kërcënimeve dhe likuidimit të oponentëve politik.
Shembulli më enklatant i diktaturës komuniste ishte mbyllja e dyerëve të kuvendit zgjedhor të 31 Majit 2015 për dy degët më të fuqishme në të LDK-së Disaporë (Zvicër dhe Gjermani).
Qeverisja njëvjeqare Mustafa-Thaçi 3, përgjatë vitit 2015 kaloj pa asnjë rezultat pozitiv sa i përket përmbushjes së premtimeve elektorale, siq ishin; rritja ekonomike,  iberlizimi vizave, hapja e vendeve të punes, investimeve në fusha të ndryshme, rritje të pagave, përmirësim të sistemit shëndetësor, ngritje të cilësisë në arsim, përmirësim të sistemit të drejtësisë,…kur është fjala të sistemi i drejtësisë gati harrova të permendi “rezultatet”,…ato janë evidente me  burgosjet politike të deputetëve të Kuvendit të Republikës së Kosovës, që kundërshtuan marrveshjet fatkeqe për vendin.
Qeveritarët që burgosin vullnetin e qytetarëve, fjalen e lirë, mendimin ndryshe sot, janë njerëzit më të korruptuar jo vetëm në rajonin e Ballkanit por në tërë Evropën, janë këto mbeturina sllavo-komuniste që burgosjet e deputetëve po i bëjnë në emër të demokracisë, në emër të (anti) ligjit, duke injoruar kështu vullnetin e qytetarëve të vendit (të zgjedhurit e tyre).
Skenat e dhunës gjatë qeverisjes Mustafa-Thaçi 3, të kujtojnë skenat e dhunës policore të regjimit Millosheviqian të viteve të ’90-ta në Kosovë !
Veprimet antiligjore dhe antikushtetuese të drejtuesve të shtetit, më tepër se një diktature tipike komuniste, në të shumtën e rasteve u ngjajnë shërbimeve sekrete, që për dëtyrë (ndoshta) kanë rrënimin e shtetit më të ri në Ballkan-Republikës së Kosovës.
Për ironi të faktit, qeveritarët, mosantarsimin në UNESCO po mundohen ta mbulojnë me MSA-në, si masë për vazhdimin e mëtutjeshëm të getoizimit të popullatës kosovare, të vetmes pa të drejtë levizje të lirë drejt vendeve të BE-së.
Për një vit qeverisje Mustafa-Thaçi 3, krimi i organizuar dhe korrupsioni kanë shënuar rritje enorme, papunësia dhe varfëria janë në nivelet më të larta,…thënë ndryshe, një vit qeverisje e dështuar, një vit aborti politik.

Vetëvendosje: Edhe nesër gaz lotsjellës në Kuvend, nuk lejohet fjalimi i Jahjagës

Nënkryetari i Lëvizjes Vetëvendosje, Driton Çaushi është shprehur se nesër do të ketë gaz lotsjellës dhe veprime të njëjta për të penguar seancën e thirrur nga Kuvendi. Çaushi në një konferencë për media, ka thënë se nuk do të ketë normalitet pa tërheqjen e nënshkrimeve të marrëveshjeve.

“Kanë kaluar tre muaj nga marrëveshjet dhe e kemi të qartë se çfarë përmbajnë këto marrëveshje. Do t’i kundërshtojmë patjetër edhe seancat. Nuk ka normalitet pa u tërheq marrëveshjet. Dhe për mënyrat e kundërshtimit do ti shohim”, ka deklaruar Çaushi, raporton “Zëri”.

Ndërkaq, në lidhje me lajmin se prapa djegies së veturave zyrtare qëndron “Vetëvendosje”, Çaushi ka thënë se ky lajm i cili është publikuar nëpër disa media nuk është aspak i vërtetë dhe se “Vetëvendosje”, distancohet nga djegia e veturave zyrtare.

“Nuk ka asgjë të vërtetë për lajmet se aktivistët e opozitës kanë djeg disa vetura”, ka deklaruar Çaushi.

Kurse, aktivisti i Lëvizjes Vetëvendosje, Alban Makolli është shprehur se është rrahur nga Policia pasi ka sulmuar me ngjyrë ministrin e Punës dhe Mirëqenies Sociale, Arban Abrashi. Ai ka thënë se është keqtrajtuar nga Policia edhe brenda stacionit policor duke shtuar se është rrahur nga Njësia Speciale e Mitrovicës.

Brenda 24 orëve digjen katër vetura zyrtare në Prizren, Pejë, Mitrovicë dhe Gjilan

PRISHTINË, 13 DHJETOR – Policia e Kosovës ka bërë me dije se gjatë 24 orëve të fundit, katër veturave zyrtare iu është vënë flaka.

Zjarrvëniet në vetura, sipas policisë, kanë ngjarë në rajone të ndryshme të Kosovës.

Në Prizren, sipas policisë, është djegur një veturë që është në pronësi të Gjykatës së Apelit; në Pejë është djegur një veturë e Gjykatës për Kundërvajtje; në Mitrovicë një veturë që është pronë e Administratës Tatimore, ndërsa në Gjilan një veturë që është pronë e Prokurorisë.

“Policia e Kosovës është duke kryer hetime intensive për zbardhjen sa më parë të këtyre rasteve të cilësuara si zjarrvënie, të cilat dyshohet se janë djegur qëllimshëm nga persona të dyshuar”, ka njoftuar policia.

Sipas tyre, zbatimi i ligjit, garantimi i rendit dhe qetësisë publike, ruajtja e pronës publike dhe asaj private, është detyrë e organeve të rendit.

Policia ka kërkuar bashkëpunimin e të gjithë qytetarëve për zbardhjen e këtyre rasteve.

70 biznese vendëse marrin pjesë në Panairin Dimëror të Prishtinës

Kryetari i Komunës së Prishtinës, Shpend Ahmeti, gjatë hapjes së panairit ka falënderuar BE-në dhe Komisionin Evropian për ndihmën që ia kanë dhënë rajonit të Prishtinës për të organizuar panaire të ndryshme

PRISHTINË – 70 biznese vendëse, duke filluar nga ato të industrisë së ushqimit e  deri te zejet dhe artizanalet, prej sot e deri të dielën, do të promovojnë prodhimet e tyre në kuadër të Panairit Dimërorë të Prishtinës. Panairi organizohet nga Asociacioni i Agjencive Rajonale për Zhvillim, si pjesë e projektit “Mbështetje për Zhvillimin Ekonomik Rajonal” i cili financohet nga Bashkimi Evropian dhe udhëhiqet nga Zyra e BE-së në Kosovë.

Libor Chlad, zëvendësshef për bashkëpunim në zyrën e BE-së në Kosovë, gjatë hapjes së panairit, shprehi kënaqësinë e tij që ky panair është bërë tradicional dhe është një rast unik për prodhuesit kosovarë që t’i promovojnë prodhimet e tyre. Për më tepër, ai u shpreh i gëzuar që, shumica e prodhuesve që janë prezent në Panairin Dimëror të Prishtinës, janë përfitues të ndihmës dhe përkrahjes financiare nga fondet e Bashkimit Evropian.

“Jam i lumtur që po shoh rritjen e interesimit në mesin e bizneseve kosovare për të marr pjesë në këtë Panair Dimëror, në fakt janë mbi 70 biznese të cilat e kanë përqafuar këtë rast për t’i prezantuar prodhimet e tyre, duke filluar nga verërat dhe djathi, mjaltë, biskota, ëmbëlsira të ndryshme, perime, mish, bira, çokollata, bizhuteri dhe artizanale” tha Chlad.

Kryetari i Komunës së Prishtinës, Shpend Ahmeti, gjatë hapjes së panairit ka falënderuar BE-në dhe Komisionin Evropian për ndihmën që ia kanë dhënë rajonit të Prishtinës për të organizuar panaire të ndryshme, në veçanti, për financimin e hapjes së tregut të prodhimeve vendore ku, të gjithë fermerëve nga rajoni i Prishtinës dhe komunat tjera të Republikës së Kosovës, iu është mundësuar promovimi dhe shitja e prodhimeve të tyre. Me këtë, sipas Ahmetit, BE dhe KE në vazhdimësi kanë ndihmuar zhvillimin ekonomik dhe zhvillimin e bujqësisë në rajonin e Prishtinës dhe në përgjithësi, në Kosovë.

“Për ta zhvilluar konceptin e rajoneve dhe zhvillimit ekonomik regjional, Prishtina duhet të mendojë si regjion i Prishtinës, me 9 komuna që bëjnë pjesë në këtë regjion dhe panairet si ky, ndihma e cila na jepet neve si komunë, ka qenë e domosdoshme për zhvillimin tonë sa më të madh. Prishtina sivjet e ka tregun e prodhimeve vendore që është gjatë gjithë vitit, do ta kemi tregun e fundvitit në sheshin “Zahir Pajaziti” që do të qëndrojë për më shumë se një muaj aty dhe tani jam i lumtur që edhe në Sheshin “Skënderbe” e kemi këtë panair të prodhimeve vendore” tha kryetari i Prishtinës, duke iu drejtuar zëvendësshefit për bashkëpunim në zyren e BE-së në Kosovë, Libor Chlad-it.

Hana Bajrami,ushtruesja e detyrës së shefes së Asociacionit të Agjencive Rajonale për Zhvillim (ARD – Agency for Regional Development) deklaroi se prioritet kryesore i institucioneve vendore dhe donatorëve në Kosovë, është rritja e kualiteteve të shërbimeve dhe produkteve vendore të cilat, krahas rritjes së prodhimtarisë, duhet të ofrojnë edhe produkte dhe shërbime me cilësi më të mirë dhe çmime më të pranueshme për qytetarët e Kosovës. Sipas saj, nënshkrimi i MSA-së, ka krijuar mundësi të reja për eksportin e prodhimeve kosovare në tregje të jashtme por kjo kërkon ngritjen e cilësisë së produkteve dhe shërbimeve.

“Nënshkrimi i Marrëveshjes së Stabilizim Asociimit ka hapur dyert për përfshirjen e produkteve vendore edhe në tregun evropian me 600 milion konsumatorë. Mirëpo, kjo marrëveshje përveç anëve pozitive rreth liberalizimit të tregut po ashtu ka efekt pozitiv edhe në rritjen e kualitetit dhe sigurisë së produkteve, si dhe në mbrojtjen e autenticitetit prodhimeve vendore” tha Bajrami.

Ajo theksoi se mbrojtja e prodhimeve vendore arrihet përmes mbrojtjes së indikatorëve gjeografik të prodhuesve vendor, ndërsa këto efekte vijnë nga zbatimi i standardeve dhe rregullave të origjinës së produkteve, që duhet të plotësohen për t’u eksportuar në vendet e BE-së.

“Në fakt, kjo do të ndikojë në mënyrë indirekte edhe në rritjen e marketingut dhe brendimit të prodhimeve ‘Made in Kosovo’ dhe përmes kësaj edhe në rritjen e eksportit dhe krijimin e vendeve të punës” tha Hana Bajrami,ushtruesja e detyrës së shefes së ARD-së në Kosovë. aa

Marrëveshja për demarkacionin mes rishikimit dhe anulimit

Vetëm anulimi i marrëveshjes për demarkacionin me Malin e Zi dhe shkarkimi i komisionit shtetëror do të ishte opsion i pranueshëm, në lidhje me këtë çështje, thonë përfaqësues të opozitës në Kosovë.

Nga tabori opozitar është hedhur poshtë propozimi i kryeministrit të Kosovës Isa Mustafa, për formimin e një komisioni ndërkombëtar për rivlerësim dhe i cili do të merrte për bazë edhe dokumentacionin mbi të cilin është arritur marrëveshja.

Aleanca për Ardhmërinë e Kosovës ka qenë subjekti politik që ka kundërshtuar më ashpër marrëveshjen e Qeverisë së Kosovës dhe asaj të Malit të Zi për demarkacionin, me pretendimin se Kosova është dëmtuar në sipërfaqe.

Zëdhënësi i këtij subjekti politik, Muharrem Nitaj ka thënë për Radion Evropa e Lirë se nuk ka ri-modifikim, por anulim të marrëveshjes dhe shkarkim të Komisionit shtetëror për demarkacionin, në mënyrë që procesi të nis nga fillimi.

“Pothuajse i gjithë opinioni publik në Kosovë e ka kuptuar që kjo marrëveshje është katastrofike. Madje së voni e keni parë edhe qëndrimin zyrtar të Podgoricës, ku thuhet se janë të gatshëm që ta shqyrtojnë një marrëveshje që ka probleme. Por, i vetmi njeri, apo e vetmja strukturë që nuk ka reflektuar akoma dhe nuk po e sheh që ka gabuar rëndë është kryeministri Isa Mustafa dhe zëvendësi i tij, Hashim Thaçi”, është shprehur Nitaj.

Në qëndrimin e tij, kryeministri Isa Mustafa ishte shprehur i gatshëm që së bashku me opozitën dhe me vlerësimin e një komisioni ndërkombëtar, marrëveshja e arritur me Malin e Zi të rishikohet.

“Sa i përket demarkacionit ne kemi shprehur qëndrimin tonë që jemi të gatshëm që çdo gjë t’ia lëmë në dorë një komisioni ndërkombëtar i cili do ta vlerësojë rregullsinë e përcaktimit të vijës kufitare dhe ta ketë një vështrim të plotë në lidhje me dokumentacionin i cili është shfrytëzuar për të”, ka thënë Mustafa.

Në anën tjetër, Muharem Nitaj thotë se është krijuar një përshtypje e gabueshme sipas të cilës, opozita dëshiron që të jetë pjesë e komisionit për demarkacion.

Me rëndësi, sipas tij, është që komisioni të jetë profesional dhe të mos e përsërisë gabimin e komisionit aktual.

“Nuk ka fare rëndësi. Në komision mund të jenë të gjithë nga partitë politike që janë aktualisht në pushtet, pra edhe pa opozitën, vetëm se ata duhet të jenë të besueshëm, që e njohin materien, që i njohin dokumentet dhe që nuk rrëshqasin me përsëritjen e gabimit. Sidoqoftë, nëse Qeveria e Kosovës mendon që edhe opozita dhe Aleanca për Ardhmërinë e Kosovës mund të kenë rol në këtë komision, ne jemi të gatshëm që ta japim kontributin tonë”, ka thënë Nitaj.

Po në lidhje me kundërthëniet që janë krijuar në Kosovë rreth marrëveshjes me Malin e Zi për demarkacionin, ka reaguar edhe Podgorica zyrtare.

Qeveria e Malit të Zi thotë se me Marrëveshjen për demarkacionin kufitar ndërmjet Kosovës dhe Malit të Zi janë “zyrtarizuar kufijtë administrativë në harmoni me Kushtetutën e ish-Jugosllavisë së vitit 1974”.

Megjithatë, Qeveria e Malit të Zi shprehet e gatshme për rishqyrtimin e marrëveshjes, nëse ka dyshime të bazuara për gabime.

Marrëveshja me Malin e Zi për demarkacionin dhe ajo me Serbinë për krijimin e Asociacionit të komunave të banuara me shumicë serbe në Kosovë, jo vetëm që po kundërshtohen ashpër nga opozita, por edhe po kërkohet nga qeveria që të anulohen, duke i vlerësuar ato në dëm të tërësisë territoriale dhe funksionimit të shtetit.

Kosovë – Nga moskthimi i kusurit, kompanitë kanë përfituar 50 milionë euro në vit

Rreth 50 milionë euro në vit është vlera nga moskthimi i kusurit në monedha të imëta prej 1 cent e më shumë, thonë përfaqësues të konsumatorëve. Kjo për faktin se pothuajse në të gjitha dyqanet tregtare, shërbyese, por edhe kompanitë e Telekomit në Kosovë, shumica e çmimeve të produkteve përfundojnë me shifrat 99 centë. Por, 1 centët e mbetur rrallë herë kthehen te konsumatori.

Selatin Kaçaniku, udhëheqës i organizatës joqeveritare “Konsumatori”, duke shpjeguar hulumtimin e kësaj organizate, thotë se përfundimi i çmimeve me 99 centë bëhet për shkak të përfitimeve të bizneseve.

“Ne pretendojmë se afër 2 milionë banorë të Republikës së Kosovës, për 30 ditë brenda muajit i realizojnë rreth 3 miliardë veprime dhe çdo veprim e kemi vlerësuar në vlerë 1 cent e pak. Nga ky vlerësim neve na ka dalë se 50 milionë euro janë të manipuluara apo të “abuzuara” gjatë një viti”, tha Kaçaniku.
Edhe qytetarët e anketuar nga Radio Evropa e Lirë, pohojnë se me rastin e blerjes, nuk u kthehen paratë e imëta nga dyqanet. Në disa raste, në vlerë të kusurit, ata thonë se shërbehen me produkte të ndryshme.
Një qytetar nga Mitrovica, Burim Krasniqi, i cili blinte produkte në njërën nga qendrat tregtare në Prishtinë, tregon se asnjëherë nuk merr kusur nga 1 deri në katër centë, por rrallë edhe 5 centë.
“Rrallë marr kusur, madje edhe 5 centë, qendrat tregtare mund të kthejnë, dyqanet e vogla jo. Edhe pse unë i kërkoj, por nuk kanë, dhe në vlerë të tyre më shërbejnë me çamçakëz dhe çokollada” .
Në anën tjetër, Beqiri është pronar në një dyqan në Prishtinë. Ai madje konsideron se furnizimi i arkës së tij me monedha të imëta nuk është i domosdoshëm. Sipas tij, edhe konsumatorët nuk i kërkojnë apo në raste të caktuara nuk pranojnë t’i marrin paratë e veta.
“Shumë herë mund të them se nuk janë të domosdoshme dhe nuk na hyjnë në funksion shumë. Ne kemi artikuj të imët që mund të kompensojmë atë vlerë. Por, edhe vetë konsumatorët nuk janë insistues të marrin paratë e veta”.
Por, Selatin Kaçaniku, thotë se moskthimi i kusirit, nga ana e bizneseve, është e jashtligjshme. Ai madje thotë se nuk vërehet ndonjë përpjekje e autoriteteve kompetente për të zgjidhur këtë çështje.
“Të gjitha bizneset e kanë obligim ligjor, profesional, por edhe etik, që qytetarit t’ia kthejnë komplet kusurin, pavarësisht a bëhet fjalë për 2, 3 centë apo edhe më pak”, tha Kaçaniku.
Ndryshe, Banka Qendrore e Republikës së Kosovës, është kompetente për sigurimin e një furnizimi të duhur të ekonomisë me kartëmonedha dhe monedha euro/centë.
Zyrtarë në këtë institucion, në një përgjigjje përmes postës elektronike, për Radion Evropa e Lirë, kanë thënë se Banka Qendrore e Kosovës, ka sasi të mjaftueshme dhe furnizon vazhdimisht tregun me monedha metalike.
Besnik Kada, zëdhënës në këtë institucion, ka thënë se furnizimi i bankave komerciale me monedha nga BQK-ja bëhet duke u bazuar në kërkesat që kanë këto të fundit për sasinë e monedhave, pasi bankat janë drejtpërdrejtë të ndërlidhura me ndërmarrjet, bizneset dhe qytetarët.
Në periudhën janar-qershor të këtij visit, sipas Kadas, bankat komerciale janë furnizuar me mbi 1.42 milionë copë monedha euro, të të gjitha denominimeve, prej të cilave mbi 1.3 milionë cop [92%] kanë qenë të denominimeve 5, 2 dhe 1 cent.

Në Kosovë arrestohet një person i dyshuar për terrorizëm

Policia e Kosovës ka bërë të ditur se ka arrestuar një person nën dyshimet për përfshirje në terrorizëm.

Në komunikatën e policisë thuhet se “në bazë të një urdhër arresti ndërkombëtar të lëshuar nga Gjykata Themelore në Prishtinë, në Aeroportin Ndërkombëtar “Adem Jashari” të Prishtinës, është arrestuar një shqiptar nën dyshimin se është i përfshirë në veprën e organizimit dhe pjesëmarrje në grupe terroriste”.

Kosova është përballur me sfidën e pengimit të ekstremizmit te dhunshëm dhe përfshirjes së qytetarëve të saj në luftërat në Lindjen e Mesme.

Policia e Kosovës pohon se aktualisht rreth 100 qytetarë të Kosovës mund të jenë duke luftuar në Siri dhe Irak përkrah grupit militant Shteti Islamik dhe Frontit al-Nusra. Deri tash besohet se rreth 50 qytetarë të Kosovës janë vrarë në ato luftëra.

Në vitin 2014, autoritetet e Kosovës arrestuan rreth 70 individë nën dyshimet për terrorizëm, rreth 40 prej të cilëve ishin luftëtarë të huaj që ishin kthyer në Kosovë.

Në muajin mars, Parlamenti i Kosovës miratoi ligjin që synon parandalimin e qytetarëve të Kosovës që t’u bashkohen luftërave jashtë vendit. Ligji parasheh dënime prej 6 muaj deri në 15 vjet heqje lirie për të gjitha ata që marrin pjesë, nxisin apo ndihmojnë përfshirjen në luftërat e huaja.

Kosovë: Shtatë arrestime për krim të organizuar

Policia e Kosovës ka bërë me dije se i ka arrestuar shtatë persona të cilët dyshohen se janë marrë me falsifikim të dokumenteve të ndryshme.

Policia ka njoftuar se shtatë personat e arrestuar në lokacione të ndryshme në Prishtinë e Ferizaj, dyshohen për vepra penale që ndërlidhen me krimin e organizuar, duke përfshirë edhe kontrabandimin me emigrantë, falsifikimin e dokumenteve e trafikimin me narkotikë.

“Gjatë realizimit të bastisjeve në dy lokacione të ndryshme, është zbuluar një laborator dhe një punëtori për prodhimin e dokumenteve ku janë gjetur qindra pasaporta dhe materiale për prodhimin e pasaportave të shteteve të ndryshme si: sllovene, finlandeze, çeke, bullgare, spanjolle dhe greke”, ka bërë të ditur policia.

Laboratori i gjetur, sipas organeve të rendit, është pajisje shumë e sofistikuar për prodhimin e dokumenteve.

Operacioni nga ana e Departamentit të Policisë Kufitare është realizuar me urdhër të Gjykatës Themelore në Prishtinë.

Personat e ndaluar janë dërguar në mbajtje.

Haradinaj: Do ta pengojmë seancën kuvendore të së hënës

PRISHTINE – Partitë opozitare nuk do të lejojnë mbajtjen e seancës së radhës të Kuvendit të Kosovës, e cila është paralajmëruar për të hënën.

Pengimin edhe të kësaj seance e ka konfirmuar për KosovaPress kryetari i Aleancës për Ardhmërinë e Kosovës Ramush Haradinaj. Ai bëri të ditur se kjo seancë do të kundërshtohet.

“Jemi në diskutim e sipër si opozitë për mënyrën e kundërshtimit. Kundërshtimi i mbajtjes së seancave do të vazhdojë deri sa të anulohen marrëveshjet. Jemi po ashtu në aktivitet edhe në terren me tubimet. Pra do të jetë një formë e kombinuar e kundërshtimit edhe për këtë seancë të radhës”, tha Haradinaj.

Haradinaj u shpreh se kundërshtimi i marrëveshjes së Asociacionit të Komunave Serbe dhe asaj për demarkacionin me Malin e Zi do të vazhdojë me tubime nëpër qytetet kryesore të Kosovës.

Opozita e bashkuar ditë më parë ka bërë me dije se tubimi protestues i radhës do të jetë këtë të shtunë në Gjilan, ndërsa të hënën në Pejë.
Haradinaj mori pjesë në ceremoninë në Kolegjin Fama, me rastin e shpalljes Doctor Honoris Causa të politikanit dhe diplomatit amerikan Marshall Harris.(KosovaPress)

Incidentet në Gorazhdec e Serbobran, akte kriminale të inskenuara

Incidentet e fundit që kanë ndodhur në rajonin e Dukagjinit, i pari në fshatin Gorazhdec të Pejës dhe i dyti në Serbobran të Istogut, kanë ngjallur jo pak reagime, si nga politikbërësit në vend, po ashtu edhe nga ata jashtë vendit, sidomos ata nga Serbia, por edhe nga politikanët serbë të Kosovës, të cilët u nxituan që ta cilësojnë këtë rast si rast të motivuar etnikisht.

Por, burime të Koha.net brenda organeve kompetente të rendit, bëjnë me dije se dy rastet e sipërpërmendura, sipas të gjitha gjasave, janë akte të pastra kriminale apo inskenime të qëllimshme.

Sipas burimeve të sigurta brenda organeve të rendit, sulmi në rastin e Gorazhdecit është kryer mbi një shtetas të Kosovës i përkatësisë etnike serbe, i cili, siç bëjnë me dije këto burime për Koha.net, njihet si person i cili në vazhdimësi shoqërohet me bashkëqytetarë shqiptarë dhe boshnjakë.

“Por, i njëjti njihet edhe si person problematik i dhënë pas pijes alkoolike dhe për shoqërim me persona të cilët supozohet të jenë të përfshirë në aktivitete të paligjshme, aktivitete të cilat mund të kenë qenë shkaktare të incidentit”, ka thënë burimi i Koha.net duke mos dashur të identifikohet me emër.

Ai ka thënë se raporti zyrtar për këto raste pritet të del diku kah fillimi i janarit të vitit të ri, ku edhe do të konfirmohen të dhënat e sipërpërmendura.

Ndërkaq, edhe në rastin e fshatit Serbobran, mësohet se sulmi ka ndodhur mbi një dyqan të këtij fshati, për të cilin burimi në fjalë thotë se ka qenë i njohur si lokacion ku kanë qëndruar persona të dyshimtë dhe se pronarja e dyqanit ka indikacione që ka qenë e përfshirë në veprimtari të kundërligjshme.

Andaj, rastet në fjalë, sipas informatave të organeve të rendit, i kanë të gjitha predispozitat e rasteve të pastra me motive kriminale të ndërlidhura me aktivitetet e personave të sulmuar.

“Megjithatë, nuk përjashtohet edhe mundësia që këto raste të jenë inskenuar ose po përdoren tashmë në prag të vizitës së paralajmëruar të kryeministrit serb, Aleksandër Vuçiq në Kosovë, me qëllim të përfitimit politik nga vepra të tilla kriminale”, thotë burimi i portalit Koha.net.

I kontaktuar nga Koha.net, zëdhënësi Xhevat Ibra nga Policia Rajonale e Pejës, se rasti është duke u hetuar intensivisht, duke mbledhë dëshmi, prova, deklarime të qytetarëve të atij fshati, edhe të fshatrave që kalojnë rrugës përmes fshatit Gorazhdec.

“Ai është edhe mendim imi që këto janë vepra kriminale që nuk kanë orientim politik, por as të tillë nuk mund ta quajmë derisa ne nuk kemi persona të dyshimtë, as nuk dihet nacionaliteti i tyre, prandaj ne nuk mund t’i quajmë sulm me motive ndëretnike. Ne jemi duke punuar në këtë drejtim dhe kemi marrë masat shtesë. Kemi një plan të posaçëm të sigurisë për këto dy fshatra”, ka thënë Ibra.

Për këtë rast ka reaguar edhe Këshilli për Mbrojtjen e të Drejtave e të Lirive të Njeriut, duke thënë se “nuk duhet paragjykuar që sulmet janë kryer me motive etnike dhe politike”.

Kujtomë se rasti i parë, ai i Gorazhdecit, ka ndodhur mu në ditën kur serbë lokalë kishin bllokuar pikëkalimin kufitar në Jarinjë në veri të Kosovës. Shkak për këtë bllokadë të kufirit ishte aplikimi i caktimit të vlerës doganore për mallrat nga Serbia, që po bëhet nga Prishtina, dhe jo siç ishte bërë deri tani në kufi.

Ndërkaq, më 14 dhjetor 1998, në lokalin “Panda” në Pejë janë vrarë: Ivan Obradoviq (15), Vukota Gvozdenoviq (18), Svetislav Ristiq (17), Zoran Stanojeviq (17), Dragan Trifoviq (17) dhe Ivan Radeviq (25). Për këtë krim, organet serbe fajësuan shqiptarët.

Mirëpo, ish-shefi i Sigurimit të Brendshëm serb (DB), në fillim të vitit të kaluar, pati dhënë dëshmi se si gjashtë të rinjtë në kafenenë “Panda” në Pejë janë vrarë nga njësitet e paramilitarit Milorad Ulemek – Legija, derisa ish-komandanti i Njësiteve Speciale Operative (JSO) pati se gjithçka është bërë me urdhrin e DB-së, në krye me Radomir Markoviqin.

Autoriteteve serbe u janë ofruar dëshmi se vdekja e gjashtë të rinjve serbë në lokalin “Panda” në Pejë, më 1998, është kryer nga shërbimet serbe.

Vetëvendosje: Brenda Kuvendit u arrestua Faton Topalli

Lëvizja Vetëvendosje ka njoftuar sot se deputeti i saj, Faton Topalli, është “arrestuar brenda ambienteve të Kuvendit të Kosovës nga policia”.

Mëtutje, Vetëvendosje thekson se “policia sot arrestoi dy deputetë që janë vënë në mbrojtje të Republikës” dhe ka shtuar se “sikur Albulena Haxhiu, që u arrestua derisa po shkonte në një tubim, deputeti Topalli po kryente detyrat e veta në Kuvendin e republikës kur u arrestua”.

Në njoftimin për media të Vetëvendosjes theksohet se “as kjo polici e asnjë instrument i pushtetit të Isa Mustafës e Hashim Thaçit nuk do të munden ta ndalin kundërshtimin e “Zajednicës” dhe marrëveshjes për Demarkacionin me Malin e Zi”.

“Ne kërkojmë lirimin e menjëherëshëm të deputetëve dhe kërkojmë tërheqjen e marrëveshjeve kriminale”, thotë Vetëvendosje dhe shprehet se “vazhdimi i arrestimit të opozitës do ta tensionojë edhe më shumë situatën dhe do ta thellojë krizën”.

Vetëvendosje: Arrestohet edhe deputetja Albulena Haxhiu

Lëvizja Vetëvendosje njofton se sot u arrestua deputetja e Kuvendit të Republikës së Kosovës, Albulena Haxhiu.

Ajo është arrestuar “teksa po shkonte në një tubim në Gjilan”, ka njoftuar Vetëvendosje dhe ka shtuar se “kjo qeveri kriminale, PDK-LDK-Srpska, po e përdor secilin mjet për ta shtypur opozitën ashtu që t’i realizojë projektet e Serbisë në Kosovë”.

Mëtutje, një kumtesën e Vetëvendosjes dërguar mediave, theksohet se “veprimet e deputetëve të opozitës brenda Kuvendit të Republikës së Kosovës janë në funksion të mbrojtjes së sovranitetit të shtetit”.

Mëtutje theksohet se “opozita e bashkuar nuk do të ndalet deri në tërheqjen e marrëveshjeve të 25 dhe 26 gushtit”.

“Nëse Qeveria e Kosovës nuk guxon t’i tërheqë marrëveshjet, atëherë lë t’i hedhë në referendum, dhe le të vendos populli i Kosovës për to. Nëse as referendumin nuk guxon ta organizojë, atëherë duhet që sa më parë vendi të shkojë në zgjedhje”, thuhet në deklaratën e Vetëvendosjes.

Krizën politike dhe shkatërrimin e shtetit po e bëjnë ata të cilët do të kan punë më Gjykatën Speciale – Nga Saim Tahiraj

Situata politike në Kosovë po shkon drejtë ashpërsimit ekstrem që për qëllim përfundimtar ka shkatërrimin përfundimtar të institucioneve vitale të shtetit dhe krijimin e një anarkie ku ata që do të kërkohen nga Gjykata Speciale të jenë faktorët kryesorë të kthimit të stabilitetit, dhe së Bashkësia Ndërkombëtare të jetë e detyruar ti kthejë në krye  të shtetit,  dhe Gjykata Speciale të mos e ketë guximin të merret më ta. Vizita e sekretarit të SHBA, John Kerry në Kosovë dhe mesazhet e çarta që dha qoftë për pozitën,  duke thënë së hajnat dhe kriminelët nuk e kanë vendin në institucione të shtetit por jashtë tyre dhe në burg, dhe mu për këtë kërkojë funksionalizimin sa më të shpejtë të Gjykatës Speciale. Ndërsa për Opoziten pati mesazhe të çarta së dhuna nuk e ka vendin në Parlament dhe institucione të shtetit, dhe se të gjithë ata që bien ndesh më ligjin duhet të përballen më të pavarësisht pozitën  që e kanë .Ky mesazh kaq i fuqishëm  erdhi nga njeru që përfaqëson shtetin, që falë ndihmës vendimtare të tij edhe  jemi sot shtet.  Kerri , i bëri me dije gjithashtu  bartësit kryesorë të krimit dhe hajnisë qofshin në opozitë apo pozitë, dhe kështu tash  filloj një strategji e re e tyre për të shpëtuar nga burgosjet.

Vizita e Ilir Metës në Kosovë si ndërmjetësues i krizës politike, e i cili  akuzohet për korrupcion dhe i cili bartë mbi vete aferën  CEZ, është pandam i vizitës së John Kerrit . Vizitën e Ilir Metës  unë e shikojë  nga kënd vështrimi së po bëhët  pikërisht në vazhdën e kësaj strategjie ku ata që e krijuan këtë bërthamë që dikur quhej LPK , dhe ishte pjellë e sigurimit të shtetit shqiptarë dhe që sot është shpërndarë në katër parti  PDK,AAK,VV dhe Nisma,  të cilat subjekte politike bënë gjërat më të ndyta duke përqarë luftën çlirimtare,   duke vrarë drejtuesit institucional të saj që nga Ministri i Mbrojtjës , Ahmet Krasniqi e shumë të tjerë gjatë dhe pas lufte.Vizita e Ilir Metës është  koordinim i veprimeve në të dy anët, Shqipëri dhe Kosovë ,ku veprimet destabilizuese duhet të vazhdohen që në fund të kësaj gadi gjendje anarkie të vijnë në shprehje si shpëtimtarë ata që Ilir Meta dhe nëna parti e tij i formoi ,edukoi në stilin e tyre të ndyer duke  vrarë dhe vjedhë , që me frikë dhe para të vijnë në pushtet, dhe pastaj pasuria tu shumëfishohet dhe instrumentet e shtetit ti përdorin për ruajtjën e pushtetit dhe pasurisë së vjedhur. Sikur ti shikosh takimet që i patë Meta sot e vërtetojnë këtë. Mos takimi me kryeministrin kukull, Isa Mustafën tregon strategjinë që sa më parë të jetë e mundur LDK-në duhet larguar nga pushteti sepse qëllimi për diskreditimin e saj tashmë  është arritur. Në gjithë këtë rrëmujë politike me rëndësi është të shikohet roli i Isa Mustafës në diskreditimin e LDK-së. Po ta shikosh sot LDK-në, ajo është  e parcializuar, nuk kan qenë kurrë më të dëshpruar dhe të zhgënjyer anëtarësia e saj, kurrë më e uzurpuar nga diktatori dhe disa banda afër tij .Më habisin deklaratat e individëve të caktuar që dalin në emër të disa degëve në përkrahje të tij, në vend që të analizojnë situatën mirë dhe të dalin me kundërshtime serioze dhe të shpëtohet LDK-ja nga ky degradim që po I bëhët pa ndërprerë.Lexova me shqetësim të thellë deklaratën e kryetarit të deges së LDK-së në Ferizaj dhe kryetar aktual i komunës së Ferizajt në mbështetje të Isa Mustafes.I ndëruar kryetar, Muharrem Sfarqa, ju vini nga dega e LDK-së në Gjermani e cila ishte njëra ndër shtyllat kryesore për lirinë dhe pavarësinë e Kosovës. Keni punuar dhe jetuar në shtetin më demokratik të Europes ,Gjermani dhe e dini se çka do të thotë fjala- DEMOKRACI si punohet , si veprohet dhe si bëhet politika në një shtet demokratik.Si pate durim të qëndrosh në një Kuvend zgjedhor  ku shokët tuaj nga Gjermania që ishin delegatë iu ndalua hyrja në atë kuvendë?! Ju do të ishte dashur të jeni  i pari që me delegatët e  degës së LDK-së nga Ferizaj ta kundërshtoni fuqishem atë veprim.Kur bisedonim këtu në Zvicër ku ishe në vizitë dhe në Gjermani kur ishim në në vizitë kishe mendime krejtësisht tjera,ndërsa veprimet tuaja në Kosovë ndryshuan shumë.Ti bile që shkove nga demokracia Perëndimore nuk duhet ta përkrahësh një diktatur që u instalue në LDK dhe fatkeqësisht po rehabilitohet.Ti duhet të jesh i pari që ta kundershtosh ate, dhe të jesh bartësi dhe shembulli kryesor së si duhet të bëhet demokracia partiake. A po e sheh së si e kan katandisur LDK-në duke e diskredituar më ata që përgjaken LDK-në, ku edhe për këtë kemi biseduar gjatë.Unë po ju lus nga thëllësia e shpirtit juve dhe të gjithë atyre që ia duan të mirën LDK-së që të mblidhni mendjen dhe të veproni sa më parë kundër gjithë kësaj drame të dhembëshme  e cila po luhet  në kurriz të LDK-së dhe të shtetit të Kosovës. LDK-ja kurrë nuk do të guxoj të jetë pjesë e këtij skenari për rrënimin e shtetit të Kosovës siq po e paraqet, Isa Mustafa tani e një vit më parë që kur edhe ia  filloj.

Thaçi dhe Mustafa mund të burgosen

Kërkohet hetimi i marrëveshjeve të dëmshme të 25 gushtit – Partnerët qeveritarë mbajnë përgjegjësi për nënshkrimet që po i mbrojnë

Në Nenin 123 të Kodit Penal të Kosovës thuhet se kushdo që kryen veprimtari dhe nënshkruan duke e lënë Kosovën nën okupimin e huaj, apo një pjesë territoriale ia japin një shteti tjetër, dënohet me dhjetë vjet burg deri në burg të përjetshëm

Po bëhen rreth gjashtë muaj, kur Kosova ka hyrë në një krizë të thellë politike, për shkak të kontestimit të marrëveshjeve me Serbinë, për Asociacionin dhe Demarkacionin me Malin e Zi. Gjatë kësaj kohe, ekspertë të ndryshëm nga opozita, shoqëria civile po jo vetëm kanë argumentuar se me nënshkrimin e marrëveshjeve në fjalë nga kryeministri Isa Mustafa, por edhe partneri i tij, ministri i Jashtëm, Hashim Thaçi, është shkelur Kushtetuta e Kosovës dhe për më tepër është cenuar sovraniteti dhe hapësira territoriale e Kosovës. Kjo situatë ka shkaktuar trazira, dhunë dhe arrestime, mirëpo organet e drejtësisë kanë zgjedhur të merren vetëm me ata që kontestojnë marrëveshjet dhe jo me nënshkruesit e tyre. Sipas njohësit të çështjeve të drejtësisë, profesor Muhamet Kelmendit, Prokuroria Speciale do të duhej tashmë të kishte nisur hetimet për marrëveshjet mbi Asociacionin dhe Demarkacionin me Malin e Zi. “Duke u mbështetur në Kushtetutën e Republikës së Kosovës, ku janë përcaktuar përgjegjësitë e autoritetit shtetëror dhe natyrisht në Kodin Penal të Kosovës, i cili e ka thelluar më tej këtë çështje duhej të nisnin hetimet. Në Nenin 123 të Kodit Penal të Kosovës është përcaktuar kjo çështje taksativisht. Aty thuhet se kushdo që kryen veprimtari dhe nënshkruan duke e lënë Kosovën nën okupimin e huaj, apo një pjesë territoriale ia japin një shteti tjetër, dënohet me dhjetë vjet burg deri në burg të përjetshëm. Duke u nisur nga kjo bazë ligjore duhej që Prokuroria Speciale, pavarësisht të gjitha rrethanave të tjera, të niste hetimet për Marrëveshjen për Demarkacionin me Malin e Zi dhe për Marrëveshjen për Asociacionin. Pasi këta dy persona ( Isa Mustafa dhe Hashim Thaçi) , i pari në cilësinë e kryetarit të Qeverisë dhe i dyti në cilësinë e ministrit të Punëve të Jashtme kanë shkelur Kushtetutën dhe Kodin e Procedurës Penale, e konkretisht Nenin 123. Kur është përcaktuar kjo anë juridike është pasur parasysh fakti se nënshkrimin e marrëveshjeve nuk mund të bëjë një qytetar i thjeshtë, por organet e shtetit”, ka sqaruar profesor Muhamet Kelmend. ks

Opozita e bën të ditur edhe në Gjakovë: Nuk do të tërhiqemi nga kërkesat

Përfundon protesta e opozitës e organizuar në Gjakovë. Ashtu edhe siç u paralamjërua, ishte e qetë dhe paqësore. Policia e Kosovës kishte parashikuar se do të mblidhen 5 mijë qytetarë, por ende nuk dihet numri i saktë i të pranishmëve. Para tyre  mbajtën fjalime liderët e partive opozitare, duke përsëritur mesazhin kryesor: Marrëveshjet nuk kalojnë.

Manifestimi i opozitës filloi në ora 13:00 me fjalimin e kryetarit të AAK’së në Gjakovë, Ardian Gjini. Në fjalimin e tij ai ka thënë se asnjëherë në Gjakovë nuk ka parë më shumë njerëz në një manifestim.

“Unë këtu nuk po shoh vetëm përkrahës të opozitës, por edhe qytetarët të thjeshtë që po i kundërshtojnë marrëveshjet”.

Pas Gjinit, mbajti fjalim Driton Çaushi nga LVV dhe Fazli Hoxha nga Nisma për Kosovën. Me të përfunduar fjalimet kryetarët e këtyre degëve në Gjakovë, u ftuan liderët e partive opozitare.

I pari që mbajti fjalim ishte Lideri i Nismës për Kosovën, Fatmir Limaj, duke thënë se nuk do të ndalen deri sa t’i thuhet jo marrëveshjeve të dëmshme për Serbinë.

“ Asgjë nuk do të na ndalë. Nuk do të ndalemi derisa t’i thuhet jo marrëveshjeve të dëmshme më Serbinë. Nuk do të na mbyll gojën askush”, ka thënë Limaj.

Të njëjtin mesazh e kishte edhe Visar Ymeri. Edhe ai i tha qytetarëve në Gjakovë që marrëveshjet nuk do të kalojnë. Ai tha se Gjakova ishte e para që i tha Jabllanovicit shporru dhe e para që është duke i thënë JO marrëveshjes për Zajdenicën dhe Demarkacionin.

““Gjakova i tha e para Jabllanovicit shporru dhe ai u shporr. Sot, Gjakova po i thotë jo marrëveshjeve dhe ato natyrisht nuk do të kalojnë”, ka thënë Ymeri. Isa Hashimi janë kryepolicët e Zajednicës që qytetarët nuk mund t’i durojnë. Ne nuk heshtim. Kosova nuk e duron e as s’i pranon marrëveshjet me Serbinë e Malin e Zi”, ka thënë Ymeri.

Kurse i fundit që mbajti fjalim ishte Ramush Haradainaj, kryetari i AAK’së. Ai ka thënë se Gjakovën e kanë zgjedhë që t’i nisnin manifestimet sepse nga ky vend janë dhënë shumë mesazhe për Kosovën.

Haradinaj ka thënë se nuk do të lejojnë që pushteti ta ndajë vendin dhe të falë tokë.

“Ju kemi ftuar sot këtu, edhe pse keni plagë në trup e në shpirt, sepse nga Gjakova, nga çdo familje e juaj, nga ky shesh buron liria, buron pavarësia. Sovranitetin, Kushtetutën, territorin e Kosovës e keni larë me gjakun tuaj! ‘Kosova është gjaku im që nuk falet’ – ka thënë Ali Podrimja. Përjetësisht mirënjohje sakrificës së bashkëkombasve tanë për liri. Shumë faleminderit për vendosmërinë tuaj, për vendimin tuaj për të qenë bashkë sot, këtu në këtë shesh, për t’iu thënë JO marrëveshjeve të dëmshme”, ka thënë Haradinaj.

Në fund, tre liderët shtuan se manifestime do të ketë në qytetet kryesore të Kosovës për të kundërshtuar marrëveshjet./Express/

Ymeri: Gjakova po iu thotë JO marrëveshjeve

Lideri i Lëvizjes Vetëvendosje, Visar Ymeri tha se Gjakova ishte e para që i tha Jabllanovicit shporru dhe e para që është duke i thënë JO marrëveshjes për Zajdenicën dhe Demarkacionin.

“Gjakova i tha e para Jabllanovicit shporru dhe ai u shporr. Sot, Gjakova po i thotë jo marrëveshjeve dhe ato natyrisht nuk do të kalojnë”, ka thënë Ymeri.

Sipas Ymeri, Isa Mustafa dhe Hashim Thaçi po mundohen ta heshtin opozitën dhe të frikësojnë qytetarët por një gjë e tillë nuk do të ndodh.

“Republika do të bëhet edhe pse po kundërshohet nga Isa dhe Hashimi”, ka shtuar ai.

“Kosova nuk duron që t’i falen tokat”

Në fund ai ka thënë se opozita do të organizojë manifestime të tjera në shumë qytetet, dhe në Prishtinë do të vendosin se Republika është e pavdekshme.

Haradinaj i bën thirrje Qeverisë: Lirojini të burgosurit politikë

Kryetari i AAK’së, Ramush Haradinaj ka thënë se qytetarët i kanë thirrur që ti thonë jo marrëveshjeve të dëmshme të Kosovës. Ai ka thënë se Gjakovën e kanë zgjedhë që t’i nisnin manifestimet sepse nga ky vend janë dhënë shumë mesazhe për Kosovën. Haradinaj ka thënë se nuk do të lejojnë që pushteti ta ndajë vendin dhe të falë tokë.

“Kosova është e qytetarëve të saj, e të gjithëve, edhe e serbëve të Kosovës, por jo e Serbisë. Ju kemi thirrë sot, për një shtet unitar e jo për një Kosovë copa-copa. Jemi bashku sot kundër t’ligut e t’keqit. Ju themi atyre mos e rrezikoni shtetin me këto marrëveshje. Mos i burgosni deputetët”, tha ai.

Ai në këtë manifestim ka falendëruar qytetarët e Gjakovës ngase siç tha ai ky vend është që ka dhënë shumë ëpr Kosovën.

“Ne jemi evropian si popull, si traditë, si kulturë, ne kemi vlera të rralla me të cilat mburremi, ne jemi mik I përjetshëm I Amerikës. Ai që ka provuar me marrë me zor shqiptarit e dinë qysh është nda. Kurr nuk do të mund dikush ti merr shqiptarit diçka.  Sa më shpejt të lirohen të burgorsurit politik”, ka thënë Haradinaj.

Fatmir Limaj: Askush nuk do mund të na mbyllë gojën

Lideri i Nismës për Kosovën, Fatmir Limaj ka thënë se me Gjakovën kanë nisur manifestimet nëpër Komunë, që sipas tij do të mbahen në tërë Kosovën. Limaj ka thënë se në këtë manifestim po i thuhet jo marrëveshjeve më Serbinë.

“ Asgjë nuk do të na ndalë. Nuk do të ndalemi derisa ti thuhet jo marrëveshjeve të dëmshme më Serbinë. Nuk do të na mbyll gojën askush”, ka thënë Limaj.

Protesta në Gjakovë: Poshtë Zajednica (FOTO)

Fillon manifestimi i opozitës në Gjakovë. Një numër i madh i qytetarëve janë mbledhur bashkë për të përkrahur nismën e partive LVV-AAK-NISMA.

Ardian Gjini, kryetar i AAK’së në Gjakovë ka thënë se asnjëherë në Gjakovë nuk ka parë më shumë njerëz në një manifestim.

Ai ka thënë se nuk ka vetëm përkrahës të opozitës por edhe qytetarë të thjeshtë.

“Poshtë Zajdenica”- janë dëgjuar qytetarët duke brohoritur.

Ndërsa Driton Çaushi nga LVV ka thënë se nga ky shesh në janar nisi edhe shkarkimi i Jabllanovicit, duke vazhduar se përsëri nga Gjakova do të nisë edhe rrëzimi i dy marrëveshjeve, për Asociacionin e Komunave Serbe dhe për Demarkacionin./Express/

Manifestimi për Republikën – Opozita proteston sot në Gjakovë

Kundërshtimet e opozitës përveç në kryeqendër do të zhvendosen edhe në qendrat tjera të Kosovës.

Lëvizja Vetëvendosje, Aleanca për Ardhmërinë e Kosovës dhe Nisma për Kosovën, të cilët po kundërshtojnë nënshkrimin e marrëveshjeve për krijimin e Asociacionit të Komunave me shumicë serbe dhe demarkacionin me Malin e Zi, do të manifestojnë kundër marrëveshjeve në Gjakovë, me fillim në orën 13:00.

“Manifestimi për Republikën”, do të mbahet në sheshin “Nënë Tereza”, ku pritet të flasin Visar Ymeri, Ramush Haradinaj dhe Fatmir Limaj.

Ky është manifestimi i dytë i përbashkët pas atij të 28 nëntorit në Prishtinë.

Në kërkim të Lavdrim Muhaxherit, Policia bastis shtëpinë e zyrtares së AKI-së

Jo vetëm shtëpia e Lavdrim Muhaxhirit është bastisur së fundmi. ​Pjesëtarë të Policisë së Kosovës kanë qenë të bindur, të mërkurën natën, se edhe në një shtëpi në fshatin Llanishtë të Shtimes mund të jetë i strehuar terroristi kaçanikas.

Një ditë më parë, Gazeta Express ka raportuar se Polica e Kosovës është parë duke bastisur shtëpinë e Lavdrim Muhaxherit në Kaçanik dhe në disa zona tjera përreth ku thuhej se mund të jetë strehuar xhihadisiti shqiptar, pas kthimit në Kosovë.

Por, për ta kapur liderin shqiptar të ISIS’it, Policia ishin angazhuar në të njëjtën natë për të hyrë edhe në një shtëpi tjetër, afër Shtimës.

Por në as në atë shtëpi nuk ndodhej i kërkuari nga Interpoli, por një pjesëtare e Agjencisë Kosovare të Inteligjencës, që është asistente e drejtorit të Njësisë antiterrorizëm në Ferizaj.

Policia kishte kryer një aksion bastisjeje gabimisht.

“Koha Ditore” ka marrë vesh se ky aksion i dështuar, që ka çuar policinë në shtëpinë e një zyrtareje të Agjencisë së Kosovës për Inteligjencë, ka ndodhur për shkak të përgjimit që Policia u ka bërë bisedave të dy zyrtarëve të kësaj agjencie.

Opozita nuk pranon ftesën për dialog – del me kundër-kërkesë ndaj kryeministrit Mustafa

Liderët e tri partive opozitare në Kosovë kanë bërë me dije se nuk pranojnë që të dialogojnë me kryeministrin e Kosovës, Isa Mustafa, por ia kanë ripërsëritur kërkesën që të heqë dorë nga dy marrëveshjet e nënshkruara.

Mustafa gjatë një konference të mbajtur sot ka ftuar në takim më 7 dhjetor liderët e tri partive opozitare në Kuvendin e Kosovës: Visar Ymerin nga Lëvizja Vetëvendosje, Ramush Haradinajn nga Aleanca për Ardhmërinë e Kosovës dhe Fatmir Limajn nga Nisma për Kosovën, si dhe zëvendëskryeministrin e parë, Hashim Thaçi.

Ymeri, Haradinaj e Limaj, gjatë një konference të përbashkët të mbajtur pas një takimi të zhvilluar në mbrëmje, kanë thënë se nuk e pranojnë ftesën e pozitës për dialog.

Lajmin për radion Evropa e Lirë e ka konfirmuar zëdhënsi i Aleancës për Ardhmërinë e Kosovës, Muharrem Nitaj, i cili gjithashtu ka qenë pjesë e takimit.

“Sapo ka përfunduar takimi i liderëve opozitarë. Që të tretë nuk e kanë vlerësuar ofertën e kryeministrit ngase e kanë konsideruar vetëm formale dhe jo serioze. Ata kanë shprehur keqardhje pse një ftesë për dialog nuk ka ngjarë më herët”, ka thënë Nitaj.

Pos që nuk e kanë pranuar ftesën për dialog, Nitaj ka thënë se liderët opozitarë kanë dalë me një kundër-kërkesë.

“Liderët opozitarë ia kanë bërë kryeministrit një kundër-kërkesë, që të hiqen të dy marrëveshjet që e kanë shkaktuar krizën politike në vend dhe gjithçka tjetër do të bie në binarët e vet”, ka thënë Nitaj.

Ftesa e kjryeministrit Mustafa është bërë në kohën kur është thelluar kriza politike në Kosovë. Opozita kundërshton fuqishëm marrevshjen që ka nënshkruar Kosova me Serbinë për formimin e Asociacionit të komunave me shumicë serbe, si dhe marrëveshjen me Malin e Zi për demarkacionin e kufirit.

Sipas opozitës, marrëveshja e parë çon në ndarje të Kosovës, ndërsa e dyta bën që një pjesë e territorit të Kosovës, pa të drejtë, t’i takojë Malit të Zi.

Për rrjedhojë, opozita, tash e disa muaj, është duke penguar punën e Kuvendit të Kosovës.

Përfaqësuesit opozitarë kanë organizuar edhe protesta në rrugë, ndërsa një të tillë e kanë paralajmëruar edhe për të shtunën në Gjakovë.

Operacion i madh policor në Kaçanik, në kërkim të Lavdrim Muhaxherit

Terroristi Lavdrim Muhaxheri, nuk është kthyer në Kosovë. Së paku këto janë rezultatet e një operacioni të madh policor të zhvilluar të mërkurën në mesnatë në “qytetin e xhihadistëve”, Kaçanik. Forcat e rendit nuk e kanë gjetur aty shqiptarin më të kërkuar në botë, të cilin e kërkon edhe Policia Ndërkombëtare–Interpol.

Por, Muhaxheri, sipas burimeve të Gazetës Express në Kaçanik, nuk është kërkuar vetëm në qytetin e tij të lindjes. Bastisje janë kryer edhe në disa lokacione tjera.

Autoritetet e sigurisë së shtetit i kanë trajtuar seriozisht raportimet e mediave se kaçanikasi, i cili prej vitesh dallohet si luftëtar i ISIS’it në Siri, Lavdrim Muhaxheri, mund të ndodhet brenda territorit të Kosovës.

Burime të Gazetës Express në Kaçanik kanë njoftuar se mesnatën e së mërkurës, Policia e Kosovës është parë duke bastisur shtëpinë e Lavdrim Muhaxherit dhe disa zona përreth ku thuhej se mund të jetë strehuar xhihadisiti shqiptar pas kthimit në Kosovë.

Sipas të njëjtave burime, bastisjet nuk kanë ndodhur vetëm në shtëpinë e babait të Muhaxherit në Kaçanik por dhe në disa fshatra përreth këtij qyteti.

Megjithatë, atje nuk është gjetur asgjë. E as dëshmi se Muhaxheri mund të jetë kthyer. Kjo pasi Policia e Kosovës nuk ka raportuar ende në lidhje me këto bastisje dhe këtë aksion.

Ky operacion ka ndodhur vetëm një ditë pasi Policia e Kosovës kishte vënë në pranga një tjetër të dyshuar për terrorizon, Samet Imishtin nga Hani i Elezit.

Dyshimet për kthimin e Muhaxherit në Kosovë, Policia i kishte trajtuar të martën që shkoi në një konferencë për media.

Luan Keka nga Drejtoria e Antiterrorizëm e PK’së pati deklaruar se Polica nuk posedon asnjë informacion se Muhaxheri ka shkelur sërish në vendlindjen e tij. Duke kujtuar më pas se ndaj tij ka edhe urdhër arrest ndërkombëtarë nga INTERPOL’i.

“Aty ku haset ai me siguri se do të ndalohet”, kishte thënë Keka. Por, nuk vonuar shumë dhe Policia është nisur drejtë Kacanikut.

Kjo nuk është hera e parë që për terroristin kosovar dyshohet se mund të jetë kthyer nga lufta në Siri. Së fundit, media të ndryshmet të Ballkanit, bazuar në burime, raportonin se Muhaxheri kishte hyrë në Ballkan përmes valës së refugjatëve aziatikë, rreth dy muaj më parë, derisa për disa kohe thuhej të ketë qëndruar në Maqedoni, e më pas të jetë kthyer në Kosovë. Krejtësisht, raportim i kundërt u dha dy ditë më parë, ku u fol se Muhaxheri aktualisht është në gjendje të rëndë dhe i paralizuar. Disa herë, ishte thënë edhe se ai mund të jetë vrarë gjatë luftimeve në ‘tokën e shamit’.

Ndryshe, Lavdrim Muhaxheri iu bashkua luftës në Siri, si muxhahedin, në vitin 2012, për t’u kthyer nga atje një vit më vonë. Fillimisht ai ishte i rreshtuar përkrah grupit “Al Nusra”, e më pas me tu kthyer sërish në Siri, në vitin 2013, iu bashkua luftëtarëve të shtetit islamik, ISIS, ku edhe mori pozita udhëheqëse.

Lavdrim Muhaxheri u bë i famshëm me një video në Youtube ku ai u bënte thirrje të rinjve shqiptarë për t’u bashkuar në luftimet në Siri. Më pas, kosovari më i njohur në ISIS, u paraqitë në një tjetër video ku shihej duke e grisur pasaportën e Kosovës, bashkë më disa kosovarë të tjerë. Fotografia përmes të cilës ai u njohë edhe ndërkombëtarisht ishte ajo duke prerë kokën e një të riu, për tu paraqitur së fundi edhe në një video ku shfaqej duke e ekzekutuar një burrë me bazuka. /GazetaExpress/

Lavrovi-Vuçiçit: Nuk do ta njohim Kosovën

Ministri i Jashtëm rus, Sergei Lavrovi, ka thënë se Rusia dhe Serbia kanë qenë dhe do të mbesin gjithmonë aleate.

Lavrov ka biseduar sot në Beograd me kryeministrin serb, Aleksandër Vuçiç.

Ai ka thënë se Rusia nuk heq dorë nga kundërshtimi i pavarësisë së Kosovës.

“Serbia dhe Rusia mbështeten në normat e ligjit ndërkombëtar. Ne i mbështesim parimet e parapara me Rezolutën 1244 të Kombeve të Bashkuara”, ka thënë Lavrov.

Rezoluta 1244 e Këshillit të Sigurimit është miratuar pas marrëveshjes për tërheqjen e trupave serbe nga Kosova në qershor të vitit 1999 dhe ajo e e përcakton statusin politik të Kosovës si protektorat të OKB-së.

Lavrov, në Beograd, ka marrë pjesë në një konferencë të Organizatës për Siguri dhe Bashkëpunim në Evropë.

Kryeministri Mustafa fton opozitën në bisedime

Kryeministri i Kosovës, Isa Mustafa, u bëri ftesë zyrtare udhëheqësve të opozitës për një takim më 7 dhjetor për të diskutuar rrugëdaljen nga situata aktuale e cila krijuar pas kundërshtimit të opozitës ndaj marrëveshjeve me Serbinë dhe asaj për kufirin me Malin e Zi.

Kryeministri Mustafa tha të premten se ka ftuar në një takim Visar Ymerin nga Lëvizja Vetëvendosje, Ramush Haradinajn nga Aleanca për Ardhmërinë e Kosovës dhe Fatmir Limajn nga Nisma për Kosovën, si dhe zëvendëskryeministrin e tij, Hashim Thaçi.

Jam i bindur thellë se, në rrugën e ndërtimit të shtetit tonë, ajo që na ndan është shumë më e vogël përballë asaj që na bashkon, për një Kosovë demokratike, të zhvilluar ekonomikisht, ku të gjithë qytetarët do të kenë siguri, stabilitet dhe perspektivë, për një të ardhme euroatlantike, në miqësi të përhershme me Shtetet e Bashkuara të Amerikës, të cilat e kanë ndihmuar dhe po e ndihmojnë pavarësinë dhe ndërtimin e shtetit tonë demokratik”, tha kryeministri Mustafa.

Ai tha se qeveria ka mirëpritur vendimin e presidentes Atifete Jahjaga për të dërguar në Gjykatën Kushtetuese, marrëveshjen për asociacionin e komunave me shumicë serbe.

Si kryeministër i vendit, jam zotuar se do të respektojmë vendimin e Gjykatës Kushtetuese, si arbitër përfundimtar i vlerësimit kushtetues të të gjitha akteve juridike, dhe i kam siguruar dhe i siguroj se ky Asociacion mund të bëhet vetëm në përshtatshmëri me Kushtetutën e Republikës së Kosovës, me ligjet e Kosovës, ashtu siç është përcaktuar edhe me Marrëveshje”, tha ai.

Sa i përket shënimit të vijës kufitare ndërmjet Kosovës dhe Malit të Zi, “qeveria e Kosovës, është e gatshme që të angazhojë një grup ekspertësh ndërkombëtarë, të cilët, së bashku me përfaqësuesit e Komisionit Shtetëror dhe përfaqësuesit  e spektrit opozitar, do të kenë qasje të plotë në procedurën dhe tërë dokumentacionin e shfrytëzuar, lidhur me shënimin e kësaj vije kufitare, për t’u siguruar lidhur me mbarëvajtjen e këtij procesi”, tha ai duke nënvizuar se deri në përmbylljen e këtij procesi, qeveria nuk do ta dërgonte marrëveshjen për ratifikim në parlament.

Opozita kundërshton marrëveshjet dhe për më shumë se dy muaj bllokoi seancat e parlamentit. Gazi lotsjellës dhe skenat e dhunës përshkuan seancat e parlamentit, ndërsa përplasje të dhunshme pati edhe në protestat në rrugë. Ato akuzuan qeverinë për vendosje të shtetit policor për shkak të masave që janë ndërmarrë ndaj deputetëve opozitar. Pesë prej tyre janë në paraburgim ose nën masën e arrestit shtëpiak.

Kriza politike bëri që edhe sekretari amerikan i shtetit John Kerry të bëjë thirrje kundër dhunës në parlament. Gjatë vizitës së të mërkurës në Prishtinë ai tha se Shtetet e Bashkuara nuk do të mbështesnin asnjë marrëveshje “që do të kërcënonte sovranitetin, sigurinë apo pavarësinë e Kosovës. Kemi investuar shumë së bashku që të lejojmë që e ardhmja e Kosovës të vihet në rrezik”, tha zoti Kerry.

Sami Kurteshi:Dhunë është ushtruar nga pjesa e kriminalizuar e policisë së Kosovës me urdhëra politike

Pas disa keq/interpretimeve apo keq/informimit te disa mediave audiovizuele, me kete rast po e shoh te arsyeshme, per hire te sqarimit korrekt te publikut, te sqaroj te gjitha momentet rreth rastit te lendimit tim, me 28 Nentor 2015 nga njesitet e policise se Kosoves.

Une, me familjen time, se bashku me bashkeshorten, dy vajzat dhe djalin, ktheheshim nga Manifestimi i mbajtur ne Sheshin ‘Zahir Pajaziti’, pasi kishim vizituar tregun e prodhimeve vendese ne Sheshin kryesor te Prishtines. Ishte diku midis ores 15.45 dhe 16.00.

Kur kemi arritur para nderteses se ish OSBE, u ndalem nga kordoni i policise se gatshme dhe te pajisur me helmeta e mbrojtese. Meqenese ne donim te merrnim veturen e lene larg nga Vendi i Manifestimit, duhej te kalonim aty diku afer. Aty kemi hasur edhe turmen e njerezve te ndaluar por edhe te protestuesve. Po ashtu kam kuptuar se policia eshte duke bere perpjekje per arrestimin e aktivisteve te Vetevendosjes.

Meqenese nuk na lejonin te shkonim me tutje, une kam kerkuar nga te pranishmit te ulemi para kordonit te policise dhe askush te mos fyeje policine, te mos gjuaje me ndonje gjesend, te mos perdore asnje forme te forces, sepse policia jane tanet, njerezit tane. Ne jemi ulur dhe aty nuk kane kaluar me automjete, as ato te policise.

Gjithçka ka ndodhur papritmas. Ka ndodhur nje sulm qyqar, tinzak, i befasishem, i papritur i pjeses se kriminalizuar te policise se Kosoves me urdhera politike. Deri ne ate moment, gjate tere kohes sa kemi qendruar perballe policise, nuk ka patur medje asnje fjale fyese per policet qe ishin aty. Jo se jo ndonje veprim te dhunshem nga asnje qytetar i pranishem aty ne ato momente. As nga policia e pranishme ne gjendje gatishmerie. Ne ato momente nuk ka folur asnje polic, as edhe udheheqesi i asaj njesie qe rrinte prapa kordonit, nuk ka folur asnje fjale te vetme, madje as kane kerkuar qe te largohemi nga aty.

Pas rreth 10 minutash aty ka ardhur njesia e quajtur ROSU, ka nderhyre dhunshem pa asnje kundershtim nga qytetaret e ulur, ne mesin e tyre dhe une? Kemi qene te ulur. Kane hedhur sprej djeges ne fytyre dhe pastaj njeri nga policet e dhunshem ka thene “Aha, Avokati i Popullit, tash ia urojme hyrjen ne Vetevendosje”.

Njeri me ka goditur me cizme ne gju, pastaj ka shkelur me cizmen e tij mbi gjurin tim, ndersa tjetri me majen e ‘pendrekut’ te tij ka filluar te me godite ne brinje, me qellim qe te me shkaktoje lendime, qe jane konstatuar ne gjate kontrollit ne QKUK.

Ne ate moment kam kerkuar qe te mos perdorin dhunen, sepse kam qene me tere familjne komplet.

Kur kane verejtur se kane filluar te godasin sa une isha i ulur, kane intervenuar femijet e mi dhe njerez te tjere per te me ndihmuar.

Vajzen e madhe timen e kane paralizuar me sprej ne fytyre.

Vajza e vogel qe eshte afruar per ndihme, ka marre dy te rëna ne fytyre me grusht nga policet dhe eshte shtyre.

Ndersa djali im qe ka dashur te me terheqe nga aty, sa kam qene i shtrire dhe i shkelur nga polici, eshte kapur nga policia dhe eshte lidhur (shihet ne njeren nga videot qe qarkullon tani), dhe eshte arrestuar krejtesisht i pafajshem, ndersa shoqes sime qe eshte afruar per te me ndihmuar i eshte sperkatur fytyra me sprej djeges. Me vone me kane terhequr nga aty dhe me kane derguar ne ambulance, por une nuk mbaj mend te tjerat dhe nuk kam pare asgje.

Kjo ishte e tere ngjarja qe une mbaj mend dhe kam pare. Po ashtu kam verejtur se asnje nga policet me pergatitje per intervenim kunder qytetareve nuk ka numra identifikues te policeve.
Nuk ka pasur kurrfare ‘perleshje mes policise dhe aktivisteve te Vetevendosjes‘ (sic shkruan TV Klan ne statusin e botuar ne FB) ne ate moment! Kurrfare perdorimi te forces te cfaredo forme apo natyre, madje as kercenime nga askush.

Pas ndihmes se pare ne ambulancen kryesore te qytetit ne Qender, me kane ofruar edhe ndihmen profesionale ne QKUK, ku jane bere fotografimet ne Röntgen dhe nje incizim magnetografik qe i kam ne posedim. Pas rreth 2 oresh jam liruar per kurim dhe qetesim ne shtepi.

Konstatimi i TV Klan se ka patur ‘perleshje mes policise dhe aktivisteve te vetevendosjes’ eshte genjeshter e kulluar, shpifje policore nen petkun mediatik, apo ta quaje ndryshe perkrahje dhe ndihme ne kryrje te krimit ne emer te informimit medial!

Kjo eshte e verteta ne lidhje me lendimin tim nga nderhyrja e njesise Rosu me 28.11.2015, diku midis ores 16.00 dhe 16.30 ne Prishtine

03-12-2015 13-42-43

Donika Kada Bujupi në burg, kriminelët të gjithë jashtë Nga Elida BUÇPAPAJ

Mustafa-Kodhelit: Nuk pranojmë moral nga autorët e vitit ’97

Këshillat e ministres Kodheli dje gjatë vizitës në Kosovë duket se nuk janë pritur mirë nga Kryeministri kosovar Isa Mustafa. Në vizitën e djeshme në Prishtinë, Kodheli i bëri thirrje politikës kosovare që të mos bëjë gabimet e Shqipërisë, por të mësojë nga këto gabime.

Lidhur me këto deklarata, ka reaguar Kryeministri Mustafa në mbledhjen e Qeverisë. Ai përmendi ngjarjet e vitit 1997 në Shqipëri dhe kërkoi që mos të bëjnë moral personat që kanë shkaktuar këto trazira.

“Uroj që në Shqipëri të mos ketë gaz lotësjellës si në Kosovë, as në Parlament, as në rrugë, sepse ne kemi parë ngjarjet e papëlqeshme të vitit 1997. Ne i dimë pasojat e ’97, prandaj eksponentët e asaj dhune nuk mund të moralizojnë askënd, as në Kosovë e as në Shqipëri. Ne e marrim përgjegjësinë për gjendjen që është këtu, e kemi marrë këtë përgjegjësi para qytetarëve të Kosovës”, tha Kryeministri i Kosovës në mbledhjen e Qeverisë.

Përjashtohet nga Kuvendi, opozita vendos të kërkojë mbështetjen e qytetarëve

Pas trazirave të fundit në Kosovë me arrestimet e disa prej deputetëve dhe aktivistëve që kundërshtuan marrëveshjet e qeverisë me palën serbe, partitë opozitare deklarojnë se nuk tërhiqen nga kërkesat e tyre.

Në një mesazh të shpërndarë për median, “Lëvizja Vetëvendosje”, “Aleanca për Ardhmërinë e  Kosovës” dhe “Nisma për Kosovën”, deklarojnë se kryeministri Mustafa dhe Hashim Thaçi përdorën shtetin policor ndaj tyre dhe shtojnë se tashmë ata do t’i drejtohen qytetarëve të Kosovës.

Përfaqësues të opozitës bëjnë përgjegjës krerët e qeverisë në Kosovë për dhunën e policisë dhe thonë se nuk tërhiqen nga “marrëveshjet e dëmshme me Serbinë dhe Malin e Zi”.

Qëndrimi i opozitës në Kosovë vjen një ditë para se Sekretari i Shtetit, John Kerry të vizitojë vendin.

Sipas mediave kosovare, Kerry pritet të zhvillojë takime vetëm me kryeministrin e Kosovës, Isa Mustafa dhe zëvendëskryeministrin, Hashim Thaçin.

Deklarata e plotë e opozitës:

Autokracia policore po kthen Serbinë në Kosovë

Qeveria e Kosovës jo vetëm që u frikësua nga masiviteti i manifestimit të Opozitës së Bashkuar por në panik e sipër ka ndërmarrë veprime që pezullojnë gjithë sistemin e demokracisë parlamentare dhe të shtetit të së drejtës. Këto masa prej arrestimit e burgosjes së pesë deputetëve të opozitës e dhjetëra aktivistëve deri të thyerja dhe bastisja e selisë kulmuan me siç po e quajnë ata suspendimin e të gjithë opozitës nga e drejta për të marrë pjesë në seancë parlamentare.

Kryeministri dhe zëvendësi i tij na vërtetuan se janë të gatshëm për ta çuar vendin drejt një autokracie policore vetëm që mos të tërhiqen nga marrëveshjet e dëmshme me Serbinë dhe Malin e Zi.

Ne i kemi dhënë opsionet tona për zgjidhjen e kësaj situate. Ne po ashtu kemi dhënë argumente të bollshme për rrezikun real nga këto marrëveshje. Ne jemi të vetëdijshëm që ky është moment vendimtar për të ardhmen e Kosovës. Ne nuk kemi besim se kjo përbërje e pushtetit është në gjendje të mbrojë interesin e Republikës së Kosovës. Andaj ne jemi të detyruar e të vendosur që të vijojmë kërkesat dhe aktivitetet tonë në përputhje me këto kërkesa.

Këta janë të gatshëm që siç suspenduan opozitën nga Kuvendi nesër të provojnë të suspendojnë sovranitetin e unitetin e vendit tonë.

Por askush nuk mundet ta suspendojë gjithë Republikën e Kosovës. Ne jemi këtu për t’u siguruar që kjo kurrë nuk do të ndodhë.

Pas ngjarjeve të djeshme në Kuvendin e Republikës së Kosovës është rrënuar çdo formë e demokracisë përfaqësuese. Kështu që është e domosdoshme të vijojmë me  demokracinë e drejtpërdrejtë pra me qytetarët tanë.

Lëvizja VETËVENDOSJE!
Aleanca për Ardhmërinë e Kosovës
NISMA për Kosovën

Analistët: Prapa krizës fshihet frika e klasës politike nga Gjykata Speciale

Kriza politike e krijuar në Kosovë edhe mund ta ketë në vete tendencën për shtyrjen e themelimit dhe funksionalizimit të Gjykatës së Posaçme për krime lufte, thonë analistët politikë në Prishtinë.

Destabilizimi dhe imponimi si faktor politik, sipas analistëve, u shkon për shtati shumë figurave të fuqishme politike në pushtet dhe opozitë, të cilët mund të presin të jenë të shënjestëruar nga Gjykata për krime lufte.

Analisti i çështjeve politike, Halil Matoshi, vlerëson se në prapavijë të krizës së krijuar, qëndrojnë figurat politike si nga partitë në pushtet, ashtu edhe ato në opozitë, që kanë probleme me drejtësinë ndërkombëtare.

“Imponimi si faktor, qoftë si destabilizues në vend i disa prej figurave të cilët mund të kenë probleme me drejtësinë ndërkombëtare, definitivisht del të jetë në prapavijë të krejt kësaj që po ndodhë në Kosovë. Pra, neglizhimi, shtyrja e kësaj Gjykate deri në pafundësi, që të imponohen vetë si figura të domosdoshme për ta rikthyer paqen dhe stabilitetin në vend. Pra, synohet një negociim me drejtësinë ndërkombëtare”, ka thënë Matoshi, për Radion Evropa e Lirë.

Ndërkohë, edhe analisti tjetër i çështjeve politike, Imer Mushkolaj, thotë se synimi i kësaj krize është shtyrja sa më gjatë e themelimit të Gjykatës së Posaçme për krime lufte, deri te imponimi i nevojës për zgjedhje të parakohshme.

“Nëpërmjet krizës politike, individë të caktuar brenda të dy krahëve politikë, po synojnë që të provokojnë situatë të atillë që Gjykata Speciale assesi të mos mund të themelohet dhe më tej të funksionalizohet. Mbase edhe ta çojnë vendin në zgjedhje të parakohshme, në mënyrë që të ndërrojnë pastaj edhe konstalacionet politike të koalicionit qeverisës dhe të opozitës, në mënyrë që të krijohet një pozicion i fortë karshi Gjykatës Speciale”, ka vlerësuar Mushkolaj në një prononcim për Radion Evropa e Lirë.

Sipas analistit Imer Mushkolaj, praktika e deritashme ka dëshmuar që disa figura dhe subjekte politike në Kosovë, shpesh kanë prodhuar kriza dhe më pas janë imponuar për zgjidhjen e problemeve.

Por, kësaj radhe, thotë ai, do të varet shumë edhe nga qëndrimi që do të mbajnë qeveritë e vendeve më me ndikim ndaj këtyre tendencave.

“Varet shumë se sa të prerë do ta kenë qëndrimin Shtetet e Bashkuara të Amerikës dhe Bashkimi Evropian karshi kësaj çështjeje. Unë besoj që Gjykata do të themelohet dhe nuk do të varet shumë nga qëndrimi i njërit apo krahut tjetër. Individë të cilët do të jenë në shënjestër të kësaj Gjykate do të procedohen dhe kjo vetëm mund të zgjasë, por assesi nuk mund të pengohet apo të zhbëhet”, ka theksuar Mushkolaj.

Fakti që as pushteti, dhe as opozita, nuk po duan kurrfarë bisedimesh, sipas Halil Matoshit, tregon se asnjëra palë nuk është e përqendruar te Marrëveshja për Asociacionin e Komunave Serbe apo demarkacionin me Malin e Zi.

Opozita po kërkon shfuqizimin e këtyre marrëveshjeve, duke i cilësuar si të dëmshme për tërësinë territoriale të Kosovës.

Kauza e opozitës, sipas Matoshit,  është e parealizueshme, kurse qëndrimi indiferent i pushtetit vetëm ndihmon në thellimin e tensioneve politike.

“Kjo Gjykatë është shpresa e fundit që drejtësia do të vendoset në këtë vend, sepse nëse i marrim dhe bëjmë paralele mes drejtësisë së UNMIK-ut apo EULEX-it, atëherë vaj halli për këtë vend dhe për shoqërinë kosovare”, është shprehur Matoshi.

Kjo formë e krizës politike së krijuar, ka filluar që nga 25 gushti, kur kryeministri dhe qeveria e Kosovës arritën marrëveshjen me Serbinë për themelimin e Asociacionit të Komunave me Shumicë Serbe dhe atë me Malin e Zi për demarkacionin.

Në kërkim të anulimit të tyre, opozita ka bllokuar në shumë raste punën e Kuvendit, duke përdorur gaz lotsjellës dhe me protesta në rrugë. Si rezultat, deri më tash janë arrestuar pesë deputetë opozitarë, është vënë në funksion policia brenda Kuvendit, kurse Kryesia e këtij organi kishte shqiptuar masën e suspendimit të opozitës nga punimet e seancës së fundit, më 30 nëntor.

Marrëveshjet me Serbinë dhe Malin e Zi u arritën pasi që Kuvendi i Kosovës kishte miratuar amandamentin kushtetues me të cilin mundësohej themelimi i Gjykatës së veçantë për krime lufte, e cila do të udhëhiqet nga prokurorë e gjykatës ndërkombëtarë.

Kjo Gjykatë, është thënë se do të trajtojë dhe gjykojë krimet e supozuara të disa ish-pjesëtarëve të Ushtrisë Çlirimtare të Kosovës, të cilët bartin funksione me rëndësi qoftë brenda partive të caktuara politike apo institucioneve të Kosovës.

Kosovë: Ish të burgosurit politikë kundër dhunës dhe arrestimeve

Shoqata e Ish-të Burgosurve Politikë të Kosovës ka reaguar sot me anë të një komunikate ndaj zhvillimeve të fundit politike në vend, duke e quajtur intervenimin e policisë më 28 nëntor “dhunë të pajustifikueshme”.

“Midis dhjetëra të arrestuarish dhe të keqtrajtuarish, pos disa deputetësh, liderit të opozitës dhe ish të burgosurit politik të luftës çlirimtare, Albin Kurtit, janë të përfshirë edhe një numër i ish të burgosurish tjerë politikë, midis të cilëve edhe anëtari i Kryesisë dhe njëri nga themeluesit e Shoqatës, ish-kryetari i Komunës së Malishevës dhe njëri nga drejtuesit e UÇK-së, baba dëshmori, Gani Krasniqi, si dhe Avokati i deritashëm i Popullit, ish i dënuari politik, Sami Kurteshi”, thuhet në komunikatën e Shoqatës, që mund ta lexoni të plotë në vazhdim.

Ish të burgosurit politikë të Kosovës, ashtu si edhe të gjithë qytetarët tjerë të Kosovës, po ndjekin me ankth e shqetësim të madh zhvillimet më të reja në Kosovë dhe rreth saj, që kanë shkaktuar paralizë institucionale, tensionim në përmasa serioze të raporteve politik e dhe dëmtim të ndjeshëm të gjendjes së përgjithshme të sigurisë dhe procesit të përgjithshëm shoqëror dhe zhvillimor.

Në mënyrë të veçantë, ata i shqetëson thellë prirja për shkallëzim të konfrontimit politik dhe represionit policor të shoqëruar me forma të luftës speciale, që jo vetëm zvogëlojnë dhe pamundësojnë gjasat për tejkalimin e situatës së krijuar, por dëmtojnë rëndë imazhin e Republikës së Kosovës dhe përpjekjet e saj për integrim ndërkombëtar dhe evroatlantik.

Shoqata e ish të Burgosurve Politikë, ka marrë këto ditë një sërë telefonatash, mesazhesh e postimesh, si reagim ndaj situatës më të re në Kosovë dhe dhunës së pajustifikueshme policore, pikërisht në Ditën e madhe të Flamurit, që kësaj here na erdhi edhe si festim, edhe si manifestim të ushtruar kundër oponentëve të marrëveshjes së dëmshme e të papranueshme për “Zajednicën” dhe “Marrëveshjes për demarkacionin me Malin e Zi”, dhe posaçërisht kundër burgosjeve dhe keqtrajtimeve brutale të një numri të madh protestuesish e qytetarësh të pafajshëm.

Midis dhjetëra të arrestuarish dhe të keqtrajtuarish, pos disa deputetësh, liderit të opozitës dhe ish të burgosurit politik të luftës çlirimtare, Albin Kurtit, janë të përfshirë edhe një numër i ish të burgosurish tjerë politikë, midis të cilëve, edhe anëtari i Kryesisë dhe njëri nga themeluesit e Shoqatës, ish-kryetari i Komunës së Malishevës dhe njëri nga drejtuesit e UÇK-së, baba dëshmori, Gani Krasniqi, si dhe Avokati i deritashëm i Popullit, ish i dënuari politik, Sami Kurteshi, si dhe dhjetëra qytetarë të tjerë, duke përfshirë njerëz të shtyrë në moshë dhe vajza e djem të mitur, në shumë raste, bija e bijë dëshmorësh e veprimtarësh të shquar atdhetarë…

Shoqata e ish të Burgosurve Politikë nuk i përkrah format ekstreme në luftën e brendshme politike dhe e kundërshton dhunën ku ndër subjekteve opozitare si dhe aktivistëve dhe adeptëve të saj, ashtu edhe aktet e dhunës kundër pjesëtarëve të policisë së Kosovës, po ashtu bija, bij e qytetarë të Republikës së Kosovës.

Duke qenë e angazhuar për zgjidhjen e problemeve të pazgjidhura me dialog serioz e të përgjegjshëm, në rrugë demokratike dhe mbi bazë të vullnetit të qytetarëve dhe në përputhje me interesat e vendit, Shoqata shpreh gatishmërinë për të vënë në dispozicion angazhimin dhe ndikimin e saj përafrues e normalizues, gjithnjë në funksion të tejkalimit të situatës, normalizimit të jetës dhe funksionimit të rregullt institucional, shoqëror dhe zhvillimor.

Siç dihet, Shoqata është gjithëpërfshirëse dhe gjithëpartiake; ajo bashkon ish të burgosurit politikë, pa dallim, të të gjithë brezave atdhetarë, të të gjitha përkatësive partiake, të të gjitha bindjeve politike e ideologjike dhe të të gjitha besimeve fetare. Si e tillë ajo vë në plan të parë atë që bashkon dhe jo atë që ndan e përçan.

Shoqata e ish të burgosurve politikë, kërkon eliminimin e shkaqeve të gjendjes së krijuar si kusht për eliminimin dhe parandalimin e pasojave.

Shoqata fton Presidenten, Qeverinë, Kuvendin, Gjykatën Kushtetuese dhe faktorët tjerë institucionalë që pa humbur kohë, me parimësi, transparencë e intrasigjencë t’i kontribuojnë tërheqjes së domosdoshme, të koordinuar, të planifikuar dhe të menagjueshëm të “marrëveshjeve”, qartësisht të dëmshme, të gabueshme, kundërligjore e kundërkushtetuese, gjithnjë në pajtim me frymën dhe shkronjat e dispozitave përkatëse të Ligjit për Marrëveshjet Ndërkombëtare, të Kushtetutës së Republikës së Kosovës si dhe me dispozitat përkatëse të Konventës së Vjenës për Marrëveshjet Ndërkombëtare. Një hap tërheqjeje, në të vërtetë, do të jetà « një hop i rëndësishëm drejtë normalizimit, konsolidimit dhe hapërimit paravajtës.

Në mënyrë të veçantë Shoqata kundërshton harangën kundër selive, udhëheqjeve dhe përfaqësuesve të zgjedhur të subjekteve opozitare dhe kërkon lirimin e pashtyeshëm të të gjithë të burgosurve, të arrestuarve pa të drejtë dhe pa bazë ligjore, me shkelje të rënda procedurale ligjore e parlamentare dhe me motive të dukshme politike si dhe marrjen në përgjegjësi të bartësve të akteve të dënueshme dhe urdhërdhënieve të paligjshme dhe të pajustifikueshme.

Edhe në vendet tjera ata që kanë shumicën e vendeve në Parlament, mund të marrin vendim për suspendimin e pakicës opozitare, por kjo nuk ndodh asnjëherë dhe askund. Dhe kjo ka arsye të fortë. Vetëm me opozitën përballë pozita mund të jetë normale dhe vërtetë pozitë. Pa pozitë e opozitë nuk ka demokraci. Edhe opozita, duke bërë luftë dinjitoze, të pjekur e fisnike, jep dë shmi se çfarë pozite synon të bëhet dhe si do ta trajtonte nesër opozitën përballë saj.

Ndërkaq, kur pozita (edhe kur ka shumicë numrash) suspendon opozitën, nga pozita nuk mbetet asgjë, mbetet madje një shkronjë mangut. Pozitë minus opozitë bën zero, madje edhe më pak, bën minus një…

Duke qenë edhe vetë dëshmitarë dhe objekt i represionit të egër politik, ish të burgosurit politikë kundërshtojnë, në mënyrë të veçantë, fushatën e gjerë e të egër të arrestimeve, burgosjeve, rrahjeve, kërcënimeve, shantazheve dhe formave të tjera të dhunës politike e të propagandës speciale, të cilat më shumë se gjithëkë dhe më shumë se gjithçka dëmtojnë imazhin dhe pozitën politike ndërkombëtare të Republikës së Kosovës dhe rrjedhimisht, lehtësojnë luftën speciale antishqiptare që armiqtë e saj shekullorë po zhvillojnë me intensitet të shtuar kundër Kosovës dhe kauzës së saj.

Shoqata angazhohet që në Kosovë n e re demokratike e evropiane të mos lejohet rishfaqja dhe rilegjitimimi i fenomeneve të burgjeve, të burgosjeve e proceseve politike, të përndjekjeve politike dhe sidomos jo të formave famëkëqia të luftës speciale kundër oponentëve dhe mendimit të ndryshëm .

Në pajtim me frymën përbashkuese të fundnëntorit përbashkues, Shoqata fton anëtarësinë e saj dhe të gjithë qytetarët pa dallim, për përmbajtje, reflektim, afrim e bashkim, në funksion të angazhimit të përbashkët për tejkalimin e grackave të rrezikshme dhe përballimin e sfidave serioze që kemi përpara.

Duke u ndarë e konfrontuar rrezikohet jo vetëm ajo që është e mundshme , por edhe ajo që është tashmë e fituar, ndërkaq, duke qenë të koordinuar e të përbashkuar rreth Flamurit dhe rreth vlerave kombëtare e demokratike paravajtëse, bëhet e mundshme edhe ajo që duket e pamundshme dhe e parealizueshme; bëhet e mundshme që 28 nëntorët tjerë të jenë festë dhe vetë m festë.

Haradinaj: Të na mbështesin intelektualët, analistët, mediat – nesër mund të jetë vonë

Me vendimet dhe me veprimet e fundit të pushtetit, vendi ka kaluar në një krizë të thellë politike. Përjashtimi i Opozitës nga Kuvendi dhe invadimi i policisë në zyrat e një partie opozitare, janë të pashembullta për botën demokratike

Kështu ka vlerësuar kryetari i AAK-së, Ramush Haradinaj, i cili shton se qytetarët dhe aleatët e Kosovës kanë bërë shumë që Kosova të jetë shtet i pavarur dhe stabil, dhe askush nuk mund ta ketë të drejtën që ta rrezikojë të ardhmen e tij.

Ndërkaq, as veprimet e fundit të opozitës për të kundërshtuar marrëveshjet me Serbinë dhe Malin e Zi, Haradinaj nuk i ka cilësuar si popullore a demokratike.

“Ne si parti dhe si opozitë, jemi gjendur në një situatë të rëndë, të shkaktuar nga dy marrëveshjet që e rrezikojnë integritetin dhe rendin kushtetues të vendit. Jemi të vetëdijshëm se mënyra e kundërshtimit tonë nuk ka qenë as popullore e as demokratike, por ka qenë e vetmja mënyrë e mundshme”, ka pranuar Haradinaj.

“Sot Kosova është në udhëkryq, prandaj ajo ka nevojë për mbështetjen e opinionit publik, shoqërisë civile, mediave e analistëve si dhe të klasës intelektuale e politike të vendit. Sot është koha që të gjithë, pavarësisht përkatësisë politike, të vihen në anën e duhur. Nesër mund të jetë vonë”, ka përfunduar kreu i AAK-së, Ramush Haradinaj.

Kerry vjen në Kosovë për korrupsionin, dialogun dhe ISIS-in

Sekretari Amerikan i Shtetit John Kerry në vizitën e parë në Ballkan si kryediplomat amerikan të mërkurën do të nënvizojë brengën për mungesën e progresit në Kosovë, 16 vjet pas luftës të udhëhequr nga SHBA e cila e vendosi Kosovën në rrugën e pavarësisë, shkruan Reuters.

Reuters shkruan se si Kosova po ballafaqohet me një krizë politike rreth marrëveshjeve me Serbinë dhe për frustrimin për shkak të mungesës së progresit në demokraci, çështjet e korrupsionit dhe ngecjes në integrimet evropiane.

Po asht theksohet se Kosova me shumicë myslimane mbetet pro-amerikane por ka brenga në Perëndim për shkak ta radikalizmit në mesin e rinisë të papunë kosovare. Reuters shkruan se së paku 200 të rinj i janë bashkuar ISIS-it.

Kjo agjencia ka cituar një zyrtar të lartë amerikan i cili thekson se Kerry do të udhëtojë në Kosovë për të mbështetur ndërtimin e shtetit demokratike, forcimin e sundimit të ligjit dhe normalizimin e marrëdhënieve me Serbinë.

Po ashtu Reuters raporton për krizën, demonstrata dhe hedhjen e gazit nga deputetët e opozitës.

Zyrtari amerikan ka thënë se Kerry do të ngris cështjen e kosovareve që po i bashkohen ISIS-it para se të shkojë në Beograd për të marrë pjesë në takimin e OSBE-së ku po ashtu do të bisedohet për çështjen e Sirisë dhe ISIS.

Por sipas Reuters fakti që Kerry vetëm tan po vjen në Ballkan edhe pse si sekretar i shetit i ka bërë 1 milion milje udhëtime, është tregues se gjendja në rajon është më e mirë edhe pse këtu dikur ka pasur luftëra.

Analistët ndërkaq theksojnë se në rajon ka pakënaqësi, veçmas në Kosovë. Shumë kosovarë janë duke u frustruar për shkak të progresit të ngadaltë drejt integrimeve evropiane, lirinë e lëvizjes, mungesën e punës dhe prosperitetit.

“E keni këtë frustrimin në rritje në Kosovë, pasi po bëhet e qartë se premtimet dhe shpresat të shoqëruara me pavarësinë, nuk po përmbushen”, ka thënë Gerald Knaus udhëheqës i ESI-t.

Ndërkaq Reuters ka cituar Ardian Arifajn, këshilltarin e Hashim Thaçit i cili duke komentuar vizitën e Kerryt ka thënë se ai do të shtyja politikën kosovare që ta vazhdojë punën dhe se “ne jemi në rrugën e duhur”

Ndërkohë Reuters ka shkruar edhe për respektin që kanë SHBA-të në Kosovë.

“Nëse amerikanët nuk do të na ndihmonin neve më 1999, unë sot do të isha në varr …ose në ndonjë vend të huaj”, ka thënë Ymer Sylejmani 64 vjeçar me profesion mësimdhënës.

“Por tani nganjëherë ata janë duke bërë gabime duke i mbështetur disa hajna-politikanët tanë”, ka thënë ai


Send this to a friend