Të tjera detaje dalin në dritë në lidhje me aksionin e befasishme në 3 banesa në Fushë Kuqe.

Në kuadër të operacioneve “Plumbi i artë” dhe “Rrëmbim personi”, gazetari Igli Çelmeta raporton për BalkanWeb se janë sekuestruar 2 armë zjarri, 1 silenciator, mijëra municione luftarake, radio, fenelina, uniforma policie, maska dhe sende të tjera të kundërligjshme në banesën e Ervis Martinajt dhe të dy xhaxhallarëve të tij, Faik dhe Rakip Martinaj.

Kujtojmë se Faik Martinaj është personi që bëri denoncimin për zhdukjen e Ervis Martinajt, ndërkohë Rakipi është babai i Brilant Martinajt, që u vra në Fushë-Krujë gjatë një atentati.

NJOFTIMI I POLICISE
Sekuestrohen 2 armë zjarri, 1 silenciator, mijëra municione luftarake, radio, fenelina, uniforma policie, maska dhe sende të tjera të kundërligjshme. Mëngjesin e sotëm, shërbimet e Policisë Gjyqësore të Drejtorisë së Përgjithshme të Policisë së Shtetit dhe ekspertë të Institutit të Policisë Shkencore, në bashkëpunim me shërbimet e Policisë Gjyqësore të Drejtorisë Vendore të Policisë Lezhë, mbi bazën e vendimit të Gjykatës së Posaçme të Shkallës së Parë për Korrupsionin dhe Krimin e Organizuar, në kuadër të procedimit penal të vitit 2022, regjistruar në SPAK, për vepra të rënda penale të kryera në formën e grupit të strukturuar kriminal, ushtruan kontroll në banesat e shtetasve: E. M., F. M. dhe R. M.

Gjatë kontrollit, shërbimet e Policisë gjetën të fshehura në koshere bletësh dhe sekuestruan në cilësinë e provave materiale, sendet e mëposhtme:

• 2 armë zjarri automatike, 1 silenciator, rreth 7 mijë fishekë luftarakë të kalibrave të ndryshëm, për armë të lehta dhe të rënda, 85 predha eksplozive, 1 thikë bajonetë, 9 uniforma policie, 7 jelekë multifunksionalë, 11 kapele policie, 2 radio policie, fenelina policie, maskë gome për fytyrën dhe dokumente të ndryshme.

Gjatë kontrollit nuk janë gjetur vlera monetare.

Provat materiale do të dërgohen në Institutin e Policisë Shkencore, për ekzaminime të mëtejshme laboratorike.bw

FNSH dhe RENEA kanë ushtruar mëngjesin e sotëm kontrolle në banesën e Ervis Martinajt. Gazetarja Klodiana Lala bën me dije për BalkanWeb se këto kontrolle janë ushtruar me vendim gjykate në disa qytete.

Po ashtu kontrolle janë ushtruar edhe në banesën e Avdylajve në Shijak, si dhe në qytetin e Vlorës, e së fundmi në Kurbin.

Në kuadër të këtyre kontrolleve kanë marrë disa sende në shtëpinë e Martinajt, por deri tani nuk dihet nëse e ndihmojnë hetimin.

Prej gushtit 2022, detyrën e zëvendësdrejtorit të SHISH-it e mban z. Oljan Kanushi. Por nga dje ai do të kryejë detyrën e Helidon Bendos, i cili u shkarkua nga Kryeministri Edi Rama.

Zëvendësdrejtori i SHISH-it zëvendëson drejtorin për kryerjen e detyrave. Me urdhër të Drejtorit të SHISH-it, zëvendësdrejtorit i caktohen edhe detyra të tjera.

Zëvendësdrejtori është nëpunësi i autorizuar i institucionit për problemet e planifikimit dhe të menaxhimit të fondeve financiare.

Në bazë të ligjit, Drejtori i SHISH propozohet nga Kryeministri dhe firmoset më pas nga Presidenti.

Edhe në rastin e shkarkimit ndodh e njëjta procedurë. Drejtori i SHISH-it informon dhe raporton te Presidenti i Republikës dhe Kryeministri për probleme që lidhen me sigurimin kombëtar; përgjigjet për mbledhjen, analizimin dhe shpërndarjen e informacionit, i cili duhet të jetë objektiv dhe i pavarur nga konsideratat politike dhe mbron metodat dhe burimet e informacionit nga ndërhyrjet e paautorizuara.

Helidon Bendo është emëruar në detyrën e drejtorit të SHISH me dekretin e Presidentit në datë 05 nëntor 2018.

Bendo është një inspektor karriere, pasi iu bashkua shërbimit inteligjent në vitin 1995.

Ai ka një eksperiencë të gjerë në detyra të ndryshme në Aparatin Qendror dhe bazë.

Bendo është diplomuar për Matematikë në Fakultetin e Shkencave të Natyrës, ka një master në studime për sigurinë, si dhe trajnime të ndryshme brenda e jashtë vendit.

Ai është mbajtës i disa vlerësimeve profesionale për kontribut në fushën e sigurisë kombëtare. gsh

Gjykata e liroi nga qelia ish-kryebashkiakun Vasil Bollano, i akuzuar se aksidentoi për vdekje një të mitur në Llogora dy dite me pare. Kete te premte, gjykata e Vlores ka caktuar masen e sigurise “arrest shtepie” ndaj Bollanos.

Ish kryebashkiaku i Himares qëndronte në spital per shkak te gjendjes së rënduar shëndetësore pas arrestimit, ndërsa me pranga ne duar dhe i shoqëruar nga policia Bollano iu drejtua gjykatës te premten.

Ish-kryebashkiaku aksidentoi ditën e mërkurë, duke drejtuar automjetin e tij në aksin rrugor Orikum-Llogara, shtetasin Elio Hamiti, 17 vjeç, banues në Dukat, i cili lëvizte në këmbë.

Si pasojë e dëmtimeve të marra 17-vjeçari ka ndërruar jetë në Spitalin e Traumës, Tiranë.gsh

Drejtori i Shërbimit Informativ Shtetëror në Shqipëri (SHISH), Helidon Bendo, është larguar nga detyra.

Lirimi nga detyra i Bendos është dekretuar nga Presidenti Bajram Begaj.

“Në mbështetje të nenit 93 të Kushtetutës, si dhe të nenit 5, paragrafit 2, të ligjit nr. 8391, datë 28.10.1998, “Për Shërbimin Informativ Kombëtar”, të ndryshuar, me propozim të Kryeministrit, D E K R E T O J : Zoti Helidon Bendo, lirohet nga detyra e drejtorit të Shërbimit Informativ Kombëtar”, thuhet në dekretin e publikuart në faqen zyrtare të presidencës.

Në një status në “Facebook” kryeministri Edi Rama shpjegon se ky vendim është marrë për arsye të vazhdimit të studimeve të tij. Gjithashtu Rama ka thekuar se Bendo do të angazhohet në vijim si këshilltar i kryeministrit për reformën e institucioneve të sigurisë.

“Me HELIDON BENDON, Drejtorin e Shërbimit Informativ të Shtetit, i cili për arsye të vazhdimit të studimeve pasuniversitare në Kolegjin e Studimeve Ndërkombëtare e të Sigurisë, pranë Universitetit Kombëtar të Mbrojtjes në Shtetet e Bashkuara, ka dorëzuar dorëheqjen. Ai do të angazhohet në vijim si këshilltar i kryeministrit për reformën e institucioneve të sigurisë.”

Bendo është emëruar në detyrën e Drejtorit të SHISH më 5 nëntor të vitit 2018 duke zëvendësuar Visho Ajazin, të cilit i kishte përfunduar mandati në gusht të këtij viti. Prej 21 vitesh në SHISH, Helidon Bendo, ka mbajtur detyra të ndryshme si: Inspektor terreni, Kryetar Dege, Drejtor Drejtorie në disa Qarqe të vendit dhe Drejtor Drejtorie në AQ. Bendo ka lindur në qytetin e Korçës në 12 maj 1971.

/Gazeta Express

Kryetari i Partisë Demokratike, Sali Berisha ka komentuar deklaratat provokative të kryeministrit grek Mitsotakis dje nga Himara ku tha se është një minoritet grek.

Berisha pohoi se kjo deklaratë është absurditeti më i madh historik, ndërsa ia adresoi këtë ‘faj’ këshilltarëve të Mitsotakis.

“Kryeministri i Greqisë, mund të vizitojë çdo zonë të Shqipërisë, qoftë si qytetar i lirë apo zyrtar i çliruar nga çdo lloj kompleksi. Mund të vizitojë dhe Himarën. Por zhurma se Himara është minoritet, është absurditeti më i madh historik. Askush më shumë se himariotët nuk janë larë në gjak për identitetin e tyre. Himara ka një realitet të pamohueshme që një pjesë e fshatrave flasin shqip dhe greqisht, qyteti ç’është e vërteta, porti i vjetër është i miksuar, shqiptarë, Venecian dhe siç kanë portet, miksturë. Por këto as gjuha, as mikstura, s’e bëjnë kurrë Himarën veçse bastion e shqiptarizmit. Himara e njohur në histori, së bashku me malësitë e Alpeve kanë pasur venomat, kodet, kanunet e tyre.

Ajo çka mund të them unë, është kjo, se patrikana duhet të shpallë një ndjesë publike ndaj himariotëve se në fakt në periudhën që qëndronin ndaj portit, Patrikana qëndronte në kurriz të tyre. I detyroi ata t’i drejtohen Vatikanit dhe të mbeten ortodoks por të ritit të afërt me katolikët. Në këtë kontekst, kryeministri i Greqisë mund të vizitojë çdo zonë, por Himara me të gjithë historinë dhe dokumentet e saj, është shqiptare, përfshi ato fshatra, të cilët flasin edhe shqip dhe greqisht. Ky është problem këshilltarësh. T’ju tregoj një histori me çështje këshilltarësh. kam pasur miqësi me presidentin e ndjerë të Greqisë, Stephanopoulos. Po drekoja në një samit me të në Budapest. Duke biseduar për këto kontributet e ndërsjellta, përzierjet që kemi, shqiptarët kanë më shumë me grekët. I them se Kapodistria është nga Gjirokastra dhe i vëllai i tij quhej Ahmet. Ai më tha; Sali që nuk është grek e kam menduar për shkak të emrit, por mendova se ishte Venecian. “Jo” i thashë është gjirokastrit, se kisha disa të vërteta për shtëpinë e tij. Për marrëdhëniet që kishte me Korfuzin atëherë. Çfarë ndodhi? Ky i thotë këshilltarit, që; Berisha më tha mua se Kapodistria është shqiptar, gjirokastrit dhe se i vëllai i tij quhej Ahmet. Dy javë rresht mediat greke flakë kundra meje, por Stefanopulos ishte njeri i ndershëm. Kërkoi dokumentacionin dhe doli me dokumente themelore të enciklopedive të para dhe doli se Kapodistria është shqiptar. Ai është hartues i Kushtetutës së Zvicrës. Stefanopulos ishte njeri i ndershëm dhe doli e tha: Berisha kishte të drejtë. Ngatërrojnë dhe këshilltarët. Kam pasur miqësi me të atin e Mitsotakis. S’ka thënë kurrë se Himara është minoritet, por ka dy gjuhësi. Himara është një bastion. S’i njihni ju betejat me turqit, por janë betejat nga më heroiket. Në një rast shndërruan në kocka 800 mijë ushtarë. Kishin me se të paguanin dhe ça bëni? I digjnin shtëpitë dhe njerëzit.”, tha ai.bw

Gjykata e Lartë lë në fuqi masën ‘arrest me burg’ për rusin e dyshuar për spiunazh Mikhail Zorin. Ai ishte drejtuar me rekurs Gjykatës së Lartë për një masë më të butë sigurie, kërkesë që nuk është pranuar duke lënë në fuqi vendimin e gjykatës se Apelit Durrës.

Me herët Gjykata e Lartë ka rrëzuar edhe kërkesën e ruses tjetër Svetlana Timofeeva dhe ukrainasit Fedir Aplatov. Tre të rinjtë u arrestuan pas incidentit ne uzinën e armeve në Gramsh, ku sulmuan rojet me spray neoparalizues.

Ata po hetohen nga prokuroria e Elbasanit dhe dyshohet se janë të dërguar të shërbimeve inteligjente për të mbledhur informacione sekrete në Shqipëri, kryesisht për infrastrukturat kritike.bw

Gjykata e Lartë ka lënë në fuqi vendimin për dënimin me burg të përjetshëm për ish-kreun e bandës famëkeqe të Lushnjes, Aldo Baren.

Aldo Bare prej vitesh po vuan dënimin me burg përjetë në burgun e sigurisë së lartë në Peqin, teksa kërkon t’i shpëtojë këtij dënimi maksimal.

Aldo Bare është një ndër emrat me të njohur të krimit dhe është dënuar për krime të rënda të kryera në kuadër të bandës që krijoi dhe drejtoi për vite me radhë duke terrorizuar Lushnjen.bw

Njeriun/
Sa pak gjej tek njeriu,/
Prandaj u drejtohem pemëve,/
Mësoj nga heshtja plot fruta..
.
Janë vargje të poetit Visar Zhiti, të shkruara në ferr, kanë dëshpërim dhe shpresë, duket sikur e përjashtojnë mesazhin e unitetit mes njerëzve, (për momentin), përvijuar nga Rilindasit tanë. Më saktë: Mesazhi i unitetit s’ishte pjesë e filozofisë “kritike”, mishëruar në kontekstin e vargjeve, që godasin diktaturën. Po kritika këtu është dhe universale. Do të thoni, pse? Sepse realiteti, koha është matësi i qendresës dhe i kumteve të krijimtarisë artistike…

Sot, koha ndaloi.Vetëm për disa minuta.Ndoshta për një orë. Ndaloi, e “turpëruar” prej vargjeve të poetit? Apo vargjet u “tërhoqën” nga “llogorja” për t’i lënë rrugë unitetit. Unitetit të kujt? Të popullit?… Në pluralizëm ka shumë parti dhe populli duket është bërë copa-copa sot. I gjori popull: S’ di as vet se në ç’strehëz të fus kokën që të mos laget…Prandaj rrjetet sociale (pak muaj më parë…), çaheshin duke shprehur vullnetin e lirë të njerëzve shqipfolës se simboli më i mirë i unitetit “Presidenti”, besohej, firmosej e propozohej të ishte shkrimtari Visar Zhiti… Ai perbashkon veçantësitë në tërësinë kombëtare fare mirë. E dëshmon dhe krijimtaria e tij si shkrimtar.

Romani i ri “Këpuca e aktorit” e Visar Zhitit, sot theu çdo rekord dhe përmbysi çdo “tymnajë” që cënon unitetin. Festat e pavarësisë dhe të çlirimit i gjetën shqiptarët të “përçarë”. Të përçarë për punën e një date. Atë të ikjes së gjermanit të fundit nga Shqipëria. Dhe ç’ndodh në shkallë republike? Ditën e festës së pavarësisë e të çlirimit, te varrezat e dëshmorëve çuan lule e mbajtën fjalime vetëm ata të pozitës.Asnjë nga opozita. A, ndjesë, se vunë lule te busti i “Nebi Sefës”, “Nënshkruesit të Pavarësisë…” S’është ndonjë risi kjo. Se, kështu e ka bërë edhe pozita, kur ishte në opozitë. Ky ritual…”më 28 apo më 29…” vazhdon gërr-vërr… 30 e kusur viteve, saqë populli është mërzitur nga politikanët.Sikur ata, (të rënët për atdhe), të ishin vetëm të palës që është në pushtet! Nuk do ta lodh më tej lexuesin tonë të nderuar.

“Këpuca…” e Visar Zhitit e rrëzoi “Murin e Berlinit”. Pra: i bashkoi në një sallë, të majtë e të djathtë. Se libri është “pa parti”. Ose më mirë: Libri është “partia “ e bashkim-vëllazërimit të njerëzve. Libri e sfidoi kohën, apo koha librin?!

Këto ditë, krijuesit lushnjarë dhe jo vetëm, patën mes tyre shkrimtarin shumëdimensional,  z. Visar Zhiti, më të mirin e tyre, (por më përpara, më të mirin sa i përket rrezatimit shpirtëror). Vet autori, përmes ligjëratës së tij, shfaqi virtytet më të larta të një intelektuali e krijuesi me në qendër njeriun.Djalin e qytetit tonë e ka vlerësuar kritika letrare botërore me nota maksimale.Ishte ndoshta një koincidencë e bukur që promovimin e librit në qytetitn ku ka kaluar rininë e vet, ta bënte këto ditë, kur kritika botërore do ta shpallte atë në listën e poetëve më të shquar të globit.

Njëherësh i urojmë dhe përvjetorin jubilar të ditëlindjes!

Pas disa promovimeve të “Këpucës…” në Tiranë, Shkodër, Durrës, Korçë, Vlorë, etj, Visari e priti me kënaqësi ftesën tonë për të mbyllur ciklin e përurimit të “Këpucës…” në qytetin e tij të adoleshencës dhe të rinisë së parë, në Lushnjë. Dhe kjo finale, ishte kurora e artë e manifestimit të unitetit mes njerëzve të “depolitizuar”. Libri ishte i tillë. Të pranishmit i bënë jehonë librit dhe autorit të tij, Visarit, ndërsa politikën e lanë pas krahëve, atëhere kur të jetë momenti për të shprehur vullnetin e lirë, para kutisë së votimit.

Kishin ardhur për të marrë pjesë në përurimin e librit të Visarit: mësues te letërsisë, dashamirës të librit, shkrimtarë, banorë e fqinjë të autorit, ish-moshatarë, gjimnazistë dhe politikanë.

Ndodheshin edhe kryetari i këshillit bashkiak të Lushnjës ing. Ferdinant Gjermeni dhe deputeti, avokat Saimir Korreshi me një grup miqsh. Shkurt, “Këpuca e aktorit” e Visar Zhitit mblodhi në hollin e Muzeut të qytetit një auditor te kualifikuar profesionalisht e pluralist. Në emër të kryesisë së krijuesve të qytetit, autorin e përshëndeti Kozma Gjini.

“Mirë se keni ardhur, të çmallemi, të shikojmë e të bisedojmë me Visarin tonë, të dashur miq! Mire se keni ardhur në qytetin tuaj, z. Visar!

Sot, nuk jemi ne që nderojmë Visarin, por është Visari ai që na bën neve një nder të madh me personalitetin e tij, me letërsinë brilante, me rezistencën heroike ndaj regjimit diktatorial, qëndresën burrërore 10 vjet në burg dhe vargjet e vrarë që të rininë passhkollore. Ndërkaq vepra e tij mbart liri dhe art europian…

Visari është djali i artistit të papërsëritshëm të estradës së qytetit të Lushnjës, aktorit e krijuesit, humoristit që improvizonte në skenë dhe bënte spektatorin të mbante brinjët me duar nga të qeshurat e gazi që shpërthente pas fjalës e batutave të tij…djali i të madhit Hekuran Zhiti.Pas gjimnazit në qytetin tonë, Visari kreu Institutin për letërsi në Shkodër. Në Lushnjë nisi vargjet e para, në Shkodër ra edhe në “grackën” e metaforës së vargjeve “reaksionare” që do ta prangosnin për agjitacion e propagandë… kurdisur nga sigurimsi… në një rrugicë të përbaltur të Kukësit (1979) teksa shkonte t’u jepte mësim vocërrakëve të tij… (Në ditë festash ishin të ndaluara arrestimet, por për poetin, regjimi bëri një “përjashtim”…?! Ku-ku…breee!” ). Ku ta dinin që i brishti poet i kishte hapësirat e lirisë poetike shumë e shumë më larg se kufiri që kishin vënë (!) Vëllimi “Rapsodia e jetës së trëndafilave” kishte kaluar në sitën e plenumit famëkeq të 4-t dhe ishte vënë në rreth të kuq, me porosi nga lart, nga Komiteti Qendror i PPSH, nga vetë zv/diktatori i Enver Hoxhës. “Po, ç’deshe more bir, që kërkoje një diell të dytë?” Sa një kokër breshëri duhej të ishte pika e fshehtë e lotit, teksa shikonin atë të ri të kryqëzuar.Në të vërtet, (mesazhi i autorit), ishte që të kishte një tjetër diell, për më tepër dashuri mes njerëzve, por kjo alegori e çoi 10 vjet burgjeve të vendit, deri sa më 1987, ku e lirojnë. Mbushi afatin, se me punën prej skllavi në minierë e ndonjë amnisti mjerane që u bë, uli dhe ca kohë nga dëmimi mizor. Me trastën e poezive në sup, e sollën mësuesin e ri, poetin që donte të përmbyste pushtetin nëpërmjet vargjeve … të punonte në fabrikën e tullave, por pa të drejtë botimi e votimi. Por nuk iu ndanë, prapë e përndiqnin dhe ai si të paktit qendrestarë, me forcë të lartë morale guxoi dhe refuzoi bashkëpunimin me Sigurimin e Shtetit. Vetëm lirine e ajrit…sa për të marrë frymë kishte… dhe priste ta kthenin sërisht në burg!
Po ra Muri i Berlinit edhe perandoria komuniste. Pas ardhjes së demokracisë, (ai ka pjesën e vet të kontributit për ardhjen e demokracisë ), punoi si gazetar, në parlament, ambasador, ministër e deputet i Kuvendit. Ah…! nuk deshën ta bënin President! Visar Zhiti ka botuar mjaft libra si: “Kujtesa e ajrit”, ”Hedh një kafkë te këmbët tuaja”, “Mbjellja e vetëtimave”, “Dyert e gjalla”, “Si shkohet në Kosovë”, ”Kohë e vrarë në sy”, etj, burgologjitë monumentale “Rrugët e ferrit” dhe Ferri i çarë”, tregime dhe ese e studime, romanet “Funerali i pafundmë”, “Perëndia mbrapsht dhe e dashura”, “Në kohën e britmës”, etj, për të ardhur te romani më i fundit tani, “Këpuca e aktorit”.

Poezia e Visarit është e mbrujtur me të gjithë elementët e frymëzimit, me dhimbje, me lot, me dritë dhe shpresë, me dinjitetin e njeriut. Krijimtarinë letrare artisike të Visarit e kanë vlerësuar jo vetëm në vend si: shkrimtarët e mëdhenj Ismail Kadare, poeti Ali Podrimja, kritiku Ali Aliu, etj, por edhe personalitete të kulturës në botë, ku ai është përkthyer në shumë gjuhë, që nga anglishtja e italishtja e në të gjitha gjuhët e ballkanit, etj, e së fundmi dhe ne Esperanto, si filozofi dhe semiologu më i madh i shekullit XX, Umberto Eco, poeti Mario Luzi, kandidat për Nobel, shkrimtarët dhe kritikët si Aurel Baros, Enino Grassi, etj, ndërsa albanalogu i madh kanadezo-gjerman, Rober Elisie do të shkruante: “…jeta dhe vepra e Visar Zhitit janë pasqyra më e mirë e historisë së kombit të tij”. Një rastësi e bukur është fakti që ndërsa me miqtë e tij në Lushnjë përuronte librin në fjalë, kritika letrare e huaj do t’i sillte sihariqin, se Visar Zhiti është listuar si një nga poetët më të mirë botërorë.Ja, pse është nder të kesh përballë shkrimtarin Visar Zhiti.

Në takim e Lushnjës si mes miqsh vlerësuan krijimtarinë letrare dhe staturën e shkrimtarit Visar Zhiti edhe mjaft të tjerë poetë, mësues e ish-fqinjë të autorit, shumë prekës ky takim me lule dhe kujtime. Folën Ermelinda Myzeqari, Valter Dauti, Zhaneta Këmbora, Amarda Sulo, Liri Bello, Pëllumb Zela, dr..Koli Prifti, Rrapi Prendi, Sheqere Sina, Zija Cela etj, ndërsa këngëtari lirik Gëzim Xhaxhai këndoi një baladë.

Përmes romanit të ri “Këpuca e aktorit”, autori zhbiron njeriun shqiptar në tri kohët e historisë së tij të re, një periudhë mbi 100 vjeçare, duke i bërë skanerin periudhës së mbretërisë së Zogut I, diktaturës komuniste dhe demokracisë… romani enden nëpër atdhe, që nga Lushnja jonë, në kryeqytet e shkon deri në SHBA. “Këpuca…” në mënyrë metaforike është rrugëtimi i Shqipërisë…me zig-zaget e saj… ku të gjithë jemi nga pak personazhe, por edhe përgjegjës… ka luftë dhe paqe dhe dashuri, histori kolektive dhe e secilit prej nesh.

Me sa kam ndjekur imazhin letrar e mediatik te Visarit, kurrë nuk e kam dëgjuar këtë burrë që të zbrazë mllefe e inate, por me logjikë të ftohtë, di ku e vë gishtin, drejtësi dhe dhëmbje, kujtesë dhe vision. Me fjalën e tij kaq të bukur, kaq natyrshëm, të lë pa frymë e të jep frymë, i bën të flasin dhe sendet, pa ua falur lapsin “Stalinistëve” e Co, të cilëve ua lë “inatin” shkrimor si një testament tek librat e tij.

Shkrimtari Visar Zhiti në fjalën e tij, falenderoi kryesinë e degës sonë të shkrimtarëve për ftesën, gjithë të pranishmëve, që mbushën sallën e madhe të Muzeut të qytetit, diskutantët, deputetin Saimir Korreshi, kryetarin e këshillit bashkiak, Ferdinant Gjermeni të cilët sollën mbresat dhe kujtimet, si për librin dhe krijimtarinë e tij letrare artistike, ashtu edhe për personalitetin e autorit.
“Unë e dua Lushnjën, tha Visari. – Babai im, ish-normalist, ka punuar mësues në Karbunarë dhe më pas u bë ndër themeluesit e Estradës Profesioniste të qytetit të Lushnjës. Gëzohem që thatë fjalë të mira, tim atë njerëzit që e takonin rrugës, e thërrisnin me emrat e personazheve, që interpretonte, çka tregonte dashurinë që kishin për artin dhe artistin. Kam kaluar një pjesë të jetës në Lushnjë dhe ruaj respekt për njerëzit. Kam mbaruar shkollën “Kongresi i Lushnjës” gjimnazin “18 Tetori”, kam patur përkujdesin e mësuesve tanë të respektuar si Liri Kazazi e Faslli Haliti, etj. .Pra, Lushnja do të gjejë pjesën e saj në librin “Këpuca e aktorit”. Çdo njërit prej jush i uroj gëzime në familje e suksese në punë…”

“ Deputeti Saimir Korreshi në fjalën e tij solli disa kujtime nga puna dhe jeta aktive e deputetit, ambasadorit dhe ministrit të kulturës, zotit Visar Zhiti, i zgjedhur nga të dy kahet e forcave politike. Visari i përket elitës së shkrimtarëve që sollën risi në letërsinë shqipe të pasviteve ’90.” Librat e Visarit janë dëshmi të vuajtjeve dhe persekucionit te egër që ai përjetoi dhe të rrugës drejt Europës të Shqipërise tonë. Librat janë një aktakuzë e shkruar në mermer ndaj së keqes dhe duhet t’u shërbejnë brezave që kurrë të mos përsëritet më e kaluara…pasi diktatura jo rrallë na vërtitet si hije e zezë për ta na dominuar. Librat e Visiarit janë liri dhe apele të dashurise njerëzore.

Ferdinant Gjermeni, kryetar i Këshillit bashkiak i dorëzoi zotit Visar Zhiti titullin e lartë “Qytetar Nderi i Lushnjës”, miratuar njëzëri nga Këshilli bashkiak i qytetit, me këtë motivacion: “Personalitet i shquar i letrave dhe kulturës shqiptare. Duke rezistuar u ngrit mbi vuajtjen e persekutimit komunist, përfaqësoi popullin në kuvend dhe i shërbeu vendit si ministër dhe ambasador.Vepra letrare e shkrimtarit Visar Zhiti u botua dhe u vlerësua në Shqipëri dhe jashtë vendit. Shquhet për nivel të lartë artistik dhe për pasuri jetësore” Titulli u shoqërua me medaljonin e Shtëpisë “Kongresi i Lushnjës.”Aty përmblidhej zëri i gjithë qytetarëve të qytetit të tij dhe mirënjohja jonë e përbashkët.

Visari Qytetar Nderi i Lushnjes

Kryeministri grek Kyriakos Mitsotakis ka zhvilluar sot një vizitë në vendin tonë, ku është takuar me komunitetin grek në Jug të vendit.

Teksa mbërriti me helikopter Mitsotakis u takua fillimisht me komunitetin grek në Himarë dhe më pas i shoqëruar edhe nga kryeministri Rama zhvilloi një takim në Derviçan.

Gazeta greke Kathimerini, teksa raporton mbi vizitën e kryeministrit në jug të Shqipëri, citon Mitsotakis të ketë folur për të vetëvendosje të komunitetit grek në vendin tonë, për dy çështje të rëndësishme, gjuha dhe e drejta e pronës.

“Unë jam dhe do të mbetem mbështetës i rrugës europiane të Shqipërisë dhe detyrimi i Shqipërisë është të respektojë plotësisht të drejtat tuaja në çështjen e vetëvendosjes, në çështjen e gjuhës dhe në çështjen e të drejtave tuaja pronësore”, tha Mitsotakis, i cili shtoi gjithashtu se ishte krenar që ishte kryeministri i parë grek që vizitonte qytetin.

“Pakica etnike greke në Shqipëri është ura e miqësisë midis Greqisë dhe Shqipërisë”, ka thënë kryeministri grek Kyriakos Mitsotakis nga Himara, ku ndodhet për një vizitë njëditore.

Duke iu drejtuar një turme në bregdetin e qytetit, Mitsotakis tha se te ai njerëzit kishin një mbështetës të fortë të kërkesave të tyre.

Në këtë vizitë në Shqipëri Mitsotakis po shoqërohet nga fituesi i medaljes së artë olimpike, Pirros Dimas, me origjinë nga Himara.bw

Kryeministri i Greqisë Kyriakos Mitsotakis ka folur para banorëve të Himarës duke premtuar mbështetjen e qeverisë dhe shtetit grek.

Mitsotakis ka falënderuar të pranishmit, duke iu drejtuar si miq, të dashur dhe ka kujtuar se Shqipëria ka detyrim të respektojë dhe mbrojë të drejtat e minoritetit grek.

“Është një moment i veçantë për mua, sepse unë akoma kujtoj vizitën e babait tim në 1991. Është një nder i veçantë. Falënderoj himarjotët që kanë mbajtur të ndezur flakën e helenizmit dhe ortodoksisë në zemrat e tyre. Greqia është dhe do mbetet një mbështetës i përhershëm i minoritetit grek, për të gjitha kërkesat e tyre që janë të drejta.
Ju përbëni dhe një gur në lidhjen mes Shqipërisë dhe Greqisë. Ne mbështesim rrugëtimin e Shqipërinë drejt BE-së”, ka thënë kryeministri grek.

Ai ka shtuar më tej se është detyrim i Shqipërisë të respektojë të drejtat e minoritetit grek.
“E drejta e fëmijëve të mësojnë gjuhën greke dhe mbrojë të drejtat e pronave tuaja. Çdo qeveri greke do jetë në krahun tuaj. Greqia ka lënë pas krizën dhe është tashmë një shtet i fuqishëm”, deklaroi Mitsotakis.bw

Një ditë pasi aksidentoi për vdekje një 17-vjeçar, arrestohet ish-kryebashkiaku i Himarës, Vasil Bollano. Aksidenti ndodhi dje rreth orës 17:00, në aksin rrugor Orikum-Llogara.

I riu me inicialet E. H., banues në Dukat, ndërroi jetë në spitalin e Traumës.

NJOFTIMI I POLICISE
Specialistët e Qarkullimit Rrugor arrestuan në flagrancë shtetasin V. B., 66 vjeç, banues në Himarë.

Ky shtetas, ditën e djeshme, rreth orës 17:00, duke drejtuar automjetin, në aksin rrugor Orikum-Llogara, në afërsi të fushës së sportit, ka aksidentuar shtetasin E. H., 17 vjeç, banues në Dukat, i cili lëvizte në këmbë.

Si pasojë e dëmtimeve të marra 17-vjeçari ka ndërruar jetë në Spitalin e Traumës, Tiranë.

Materialet i kaluan Prokurorisë pranë Gjykatës së Shkallës së Parë Vlorë, për veprime të mëtejshme, për veprën penale “Shkelja e rregullave të qarkullimit rrugor”, me pasojë vdekjen.bw

Seanca gjyqësore për PD-në që ishte parashikuar të mbahej sot në Gjykatën e Apelit është shtyrë për më 17 janar.

Sekretari i Përgjithshëm i Partisë Demokratike, ka depozituar kërkesë për përjashtim të gjyqtares Irida Kacerja.

Sipas avokatit, Rezart Kupthi, nga ana e kërkuesve është vlerësuar si paragjykim fakti që seancën e kaluar gjykata kërkoi saktësim të aktit të përfaqësimit.bw

Robert Ndrenika, Luiza Xhuvani, Artan Imami, Tinka Kurti, Luftar Paja, e shumë emra të tjerë, që kanë lënë gjurmë në skenën e Teatrit Kombëtar, ishin të pranishëm në ceremoninë e vendosjes së gurthemelit për ndërtimin e godinës së Teatrit të Ri.

Po ashtu, të pranishëm ishin dhe artistë të tjerë si Kastriot Çaushi, Dritan Boriçi, Gaz Paja, Lulzim Zeqja, Arben Derhemi, Indrit Çobani dhe drejtori i ri i teatrit, Altin Basha.

Sot u çelën zyrtarisht punimet për godinën e re, e cila do të jetë një tjetër vepër arkitektonike mbresëlënëse e Tiranës së shekullit XXI, që njësoj si stadiumi i ri kombëtar do t’u shërbejë me kushtet më optimale aktorëve e spektatorëve, po edhe do të hyjë me dinjitet në radhën e objekteve më të mira të të njëjtit lloj në Europë.bw

Ceremonia e ndarjes së certifikatave për fituesit e konkursit të pikturës “Shqipëria Ime” nuk ka shkuar siç duhet dhe është dashur vetëm një çast që t’i hiqte shkëlqimin aktivitetit me nxënës ku ishte i pranishëm kryeministri Edi Rama.

Gati në fund të ceremonisë, kryeministri Edi Rama ka kërkuar foto me të gjithë të pranishmit, teksa një vajzë e vogël nga Berati ka gjetur momentin dhe i është afruar duke i treguar shqetësimin e saj. Ajo tha se ka 3 vjet pa shkollë dhe ka shprehur dëshirën të ketë një shkollë në fshatin Goriçan, ku dhe ajo jeton.

Vajza e vogël fillimisht prek në shpatull kryeministrin Rama dhe i flet me zë të ulët, teksa kryeministri pasi dëgjon fjalinë e parë largon vëmendjen dhe më tej me vajzën flet ministrja Kushi.

“Kam tre vjet që nuk kam shkollë, kam shumë dëshirë që shkolla jonë të bëhet. Nga Berati, Goriçani,”- thotë vajza.

Kushi përpiqet ta sfumojë vajzën dhe ta përcjellë duke i thënë se po punohet. Pas kësaj vajza spostohet nga vendi.bw

Mediat greke shkruajnë se kryeministri Kyriakos Mitsotakis mund të zhvillojë një vizitë në jug të Shqipërisë.

Vizita e kryeministrit grek pritet të ndalet në Himarë, Finiq dhe Dropull, për të zhvilluar takime me minoritarët grekë.

Nuk është aspak e sigurt nëse kryeministri Edi Rama do ta shoqërojë Kyriakos Mitsotakis, ndërsa mbetet për t’u parë nëse do të flasë për çështjen e detit.

Bëhet me dije se Mitsotakis mund të mbërrijë në Shqipëri të enjten ose të premten, një udhëtim ky që pritej të bëhej më parë, por që u shty.bw

Të tjera detaje dalin në dritë lidhje me sulmin e pak muajve më parë në Uzinën e Gramshit, ku 2 rusë dhe një shtetas ukrainas tentuan të hynin brenda zonës ushtarake. Dy rusët Mihhail Zorin e Zvetlana Timofevva si dhe ukrainasin Fedis Alpatov, të cilët fotografuan dhe hynë pa lejë në uzinën e armëve të Gramshit, akuzohen se sulmuan dy ushtarë shqiptarë.

Gazetarja Klodiana Lala raporton për BalkanWeb se këtyre shtetasve iu janë gjetur pamje filmike të marra përmes dronit apo dhe telefonave. Mësohet se ditët e fundit të udhëtimit të tyre në Shqipëri tre të rinjtë kanë filmuar dhe dy objekte të rëndësisë së veçantë, si Reparti RENEA, pamje që u gjetën në aparatet fotografike. Ajo çka mbetet e paqartë është se si këta 3 shtetas kanë ngritur dronin mbi një repart special, të rëndësisë së veçantë dhe nga ana tjetër ky mjet fluturimi nuk është pikasur. Po ashtu Lala raporton se është duke u hetuar nëse turistët kanë pasur në fokus të filmimeve të tyre ndonjë efektiv të RENEA-s, apo programet e tyre stërvitore.

Ndër të tjera, janë filmuar dhe vilat e qeveritarëve në zonën e Dajtit. Sipas hetimeve të deritanishme, është konstatuar se tre të rinjtë për minua të tëra kanë filmuar çdo detaj nga vilat qeveritare, përmes droneve. Ky është hetim i vështirë, ndërsa vijon ende dokumentimi i ngjarjes.

Helika e Pianodrom – Festivali me i Madh Nderkombetar ne Shqiperi ka sjelle nga metropoli boteror i Muzikes – Viena, Tajfunin emocional te publikut,

ate qe ka tronditur jurite e 50 konkurseve nderkombetare,

ate qe ka mbrekulluar profesoret boterore te pianos,

ate qe shtypi i huaj e konsideron MAGJIA E BREZIT te tij pianistin Kosti Deti.

E Enjte 22 dhjetor ora 19 Teatri operas salla e madhe.

Shijojeni kete nate magjike sepse pas me shume se 30 vjet ne TKOB s’ka ndodhur nje recital piano…

po vertet…. dhe me çfare kualiteti Kosti, dhe ne çfare pianoje do te luaje.

800 spektatore qe duan artin e vlerave te medha s’jane kurgje ne nje Tirane me 1 milion banore.

Ju siguroj se do te perjetoni gjendje tronditese emocionale,

Te me besoni, 22 dhjetor eshte nje nate fenomenale qe do te mbetet e paharruar ne kujtesen tuaj.

Bejeni virale kete mesazh.

Faleminderit !

Mirë se te vini! Ju presim t’i perjetojme bashkarisht keto super emocione qe vetem ARTI I VLERAVE TE ARTA DI T’I TRANSMETOJE.

Me dëgjoni, ne kete fund dhjetori ky koncert dhe ai i 1 janar i Vienes do ju a zbukurojne shpirtin!

Rusia i ka kërkuar Shqipërisë ekstradimin e Svetlana Timofoeva, e arrestuar në Gusht në uzinën e armëve në Gramsh për dyshimet e spiunazhit.

Rusia gjithashtu pretendon se ka një çështje hetimore për Timofoeva-n për mbledhje të të dhënave sensitive.

Lajmi që shtetasja ruse ishte në kërkim dhe në vendlindjen e saj, u raportua disa ditë pasi arrestimit të saj në Shqipëri.

Kërkesa e autoriteteve ruse është aktualisht në dorën e Prokurorisë së Elbasanit, e cila ende nuk e ka dorëzuar atë në gjykatë.syri.net

Kryetari i PD-së, Sali Berisha në një deklaratë për mediat sulmoi kryeministrin Rama për amnistinë fiskale. Berisha dënon këtë projekt të qeverisë, që sipas tij është për interes të klanit mafioz të Ramës.

Sipas Berishës, ky projektligj që pritet të jetë në rendin e ditës në seancën e Kuvendit të enjten, është një proces gjigant i larjes së parave të krimit me procedura ligjore nga Shqipëria

“Edi Rama iu servir shqiptarëve çdo ditë në qëndrimin e vendimeve interesat e krimit, të mafies, dhe të klanit të tij personal. Duke bërë avokatinë e këtyre interesave, Rama, vret çdo ditë shpresën e shqiptarëve, errëson dritën në të ardhmen e tyre. Në kundërshtim flagrant në interes të çdo qytetari shqiptar për llogari të klanit të tij mafioz ai sfidon çdo shqiptar dhe komunitetin ndërkombëtar me projektin e amnistisë fiskale, çka do të thotë; një mbështetje e fuqishme e organizatave kriminale shqiptare, jo vetëm në Shqipëri por në mbarë botën. Çfarë do të thotë, një proces gjigant dhe i paparë ndonjëherë, i larjes së parave të krimit me procedura ligjore nga Shqipëria. Çka do të thotë fuqizim i madh i organizatave kriminale dhe mafies shqiptare në rajon dhe botë. Do të thotë injorim tërësor i çdo forme të lirë konkurrence, një goditje fatale për biznesin e ndershëm shqiptar.”, tha Berisha.bw

Altin Dumani u zgjodh kreu i ri i SPAK me pesë vota pro, e ndërsa procesi u ndoq nga afër edhe nga ambasadorja e SHBA-së, Yuri Kim.

Por kush është kreu i ri i SPAK-

Altin Dumani është prokurori i cili udhëhoqi operacionin që çoi në pranga 13 persona në vitin 2021 mes të cilëve edhe gjyqtaren e Gjykatës së Krujës Enkeleda Hoxha.

Dumani vjen nga radhët e Prokurorisë së Apelit. Ai ka lindur në Shupenzë të Dibrës. Altin Dumani është një nga prokurorët që drejtoi i pari njësinë Task Force, ngritur vite më parë për të luftuar krimin e jakave të bardha.

Ka një karrierë prej 20 vitesh si prokuror,  në mars të vitit 1999, ka shkelur për herë të parë në prokurori, me detyrë në Sarandë. Ka pasur me pare edhe postin e kreu te komanduar te prokurorisë së Apelit për Krimet e Rënda.

Dumani u bë drejtues prokurorie për herë të parë në Tropojë, në vitin 2000.

Ai bëri bujë me qëndrimin që mbajti gjatë gjykimit të 29 të pandehurve të Gërdecit dhe 3 dënimet e përjetshme që kërkoi për tre nga të pandehurit kryesorë të tragjedisë së 15 marsit të vitit 2008. Nga viti 2019, prokuror i SPAK dhe sot drejtues i SPAK.bw

TIRANË

Kreu i PD-së Sali Berisha ka bërë sot një denoncim të fortë në lidhje me kreun e Shërbimit Informativ Shtetëror.

Berisha tha se në dhunim flagrant të kushtetutës së vendit, në një akt mafioz të pashembullt shefit të SHISH të emëruar në përputhje me Kushtetutën e vendit nga Presidenti i Republikës, të dërguar për shkollim në SHBA pas kthimit nga shkollimi në kundërshtim me ligjin i mbyllen dyert e shërbimit dhe nuk i lejohet të marrë detyrën

“Sot jam në këtë bisedë për të diskutuar me ju zhvillimet e fundit, ndër të cilët informoj shqiptarët se në dhunim flagrant të kushtetutës së vendit, në një akt mafioz të pashembullt shefit të SHISH të emëruar në përputhje me Kushtetutën e vendit nga Presidenti i Republikës, të dërguar për shkollim në SHBA pas kthimit nga shkollimi në kundërshtim me ligjin i mbyllen dyert e shërbimit dhe nuk i lejohet të marrë detyrën pa asnjë akt, pa asnjë vendim, të atij që supozohet të jetë kryetar shteti dhe që mbron firmën i institucionit. Shefi i shërbimit informativ kombëtar propozohet nga kryeministri, por emërohet nga Presidenti dhe po me ligj ai iu raporton të dyve, informon që të dy”, deklaroi Berisha.

Ai theksoi se ky është një akti i turpshëm, një akt që dëshmon se këtu nuk ka shtet, por ka vetëm një njeri që nuk njeh ligj, kushtetutë as parim dhe ky është Edi Rama.

“Ju mund të merrni deklaratat e mia për Bendon, asnjë konsideratë të veçantë nuk kam shprehur, përkundrazi, gjithë rezervat e mia. Por a mund të pranohet një akt banditeskt në qoftë se Edi Rama e konsideron atë spiun të amerikanëve, francezëve, apo gjermanëve ai duhet të bëjë transparencë para shqiptarëve. Pasi për aq kohë sa Elidon Bendo ka kryer atë detyrë, ka drejtuar një institucion kushtetues, është një emërtesë kushtetuese, emërohet nga kreu i Shtetit dhe s’ka kërkush të drejtë pa pëlqimin e kreut të Shtetit me shkrim, dhe s’ka askush të drejtë as ta pezullojë, as ta shkarkojë. Këto janë akte banditeske, të turpshme. Dënoj me ashpërsinë më të madhe. Ky Kashani që ka dërguar Edi Rama nga enturazhi i tij më i ngushtë, nuk ka punuar një ditë të vetme, nuk ka qenë as informator i shërbimit, nuk ka punuar asnjë ditë dhe merr shërbimin si një militant i verbër me dy porosi, e para do lartësohesh në detyrë nëse zotohesh që nuk komunikon me partnerët. Është absolutisht e vërtetë kjo, është burimore, nuk ka ndodh kurrë që kur është themeluar shërbimi. Një porosi e tillë nuk është dhënë kurrë. Qytetarët duhet ta dinë që pa komunikim me partnerët shërbimi është larg çdo mundësie për të përmbushur objektivat e tij për sigurinë kombëtare”, tha kreu i PD.

Ai tha se Shërbimi informativ nuk ka fuqi imponimi të ligjit. “Është thjesht mbledhës informacioni, sepse të atillë e ka përcaktuar ligjvënësi. Edi Rama u kërkon që çdo bashkëpunim me shërbimet partnere, të kalojë direkt nga Edi Rama. Po sikur të na e çojë në Beograd këtë bashkëpunim Edi Rama?”, tha kreu i PD.

Sipas tij, Edi Rama do të kontrollojë çdo lloj kërkese apo forme bashkëpunimi me partnerët, çka është absolutisht e papranueshme.

“Një kryeministër sigurisht që duhet të dijë çdo aktivitet që lidhet me jetët e njerëzve. Ai duhet të dijë për çdo veprim që mund të vijë në kundërshtim me KEDNJ dhe Kushtetutën, por Shërbimi ynë Informativ nuk ka fuqi imponimi të ligjit, është thjeshtë mbledhës i informacionit. Ky u kërkon që çdo bashkëpunim me shërbimet partnere të kalojë direkt nga Edi Rama. Ai e përdor shërbimin për të mbikëqyrur opozitën dhe veprimtarinë e saj. Preokupimi im kryesor është që këtu s’ka ligj më. Në qoftë se Helidon Bendo është i rekrutuar nga shërbimet e vendeve partnere, ai shkon në gjyq. Të përdorësh ti shkëmbimin e informacionit si dëshmi për rekrutim, kjo nuk mund të ndodhë”, u spreh Berisha.bw

Pas prokurorit Adnan Xholi, para anëtarëve të KLP ka folur kandidati i dytë për kreun e ri të SPAK, Altin Dumani. Ai u shpreh se  ndihet i motivuar për të garuar për këtë funksion, ndërsa shtoi se në fokus do të ketë ndërtimin e një strukture të aftë për të luftuar korrupsioni.

Dumani u shpreh ndër të tjera se garancia më e madhe e krijimit të një prokurorie të suksesshme është bilanci që unë kam këto tre vite.

Por cilat ishin arsyet ë e bënë të konkurrojë sërish për këtë pozicion?

“Nuk ishte vendim i lehtë për tu futur në garë, pavarësisht rezultatit që pata, që nuk u shpalla fitues para tre vitesh, unë nuk u dekurajova asnjë ditë, kam punuar më shumë i motivuar. Nëse para tre vitesh të tre garuesit, dilnin nga institucione të ndryshme, dhe përpjekjet tona për të paraqitur para këshillit prova për shtatë kriteret, kishim pak vështirësi… sot vij me një bilanc para këshillit dhe vlerëso se është një bilanc i mirë që krijon premisa që edhe në cilësinë e drejtuesit mund të kem rezultate të mira. Për të qenë i sinqertë, më ka nxitur shumë prokurorët më të cilët punoj, hetuesit, kolektivi, pasi shoh tek ata një vlerësim për punën time dhe si drejtoj si drejtues seksioni, nga gjyqtarë apo prokurorë. Ata më kanë nxitur dhe inkurajuar që të bëhem pjesë e kësaj gare”, tha ai.

“Ndihem shumë i motivuar për të garuar për këtë funksion, pasi nëse më jepet mundësia për të drejtuar këtë institucion, do të kem në fokus ndërtimin e një strukture të aftë për të luftuar korrupsionin.

Unë besoj se suksesi bazohet nga bashkëpunimi, nga puna në grup, nga autonomia dhe nga integriteti i çdo anëtari të Gjykatës së Posaçme. Të flas për veten, sa herë më është dashur të angazhohem në gara, është pak e vështirë, pasi ne prokurorët jemi pak të kursyer për veten.

Nuk e kam parë asnjëherë si një vend pune e kam parë si një mision dhe këtë frymë kam përhapur te të gjithë kolegët. Një mision që kërkon angazhim maksimal dhe jam përpjekur që në këto 3 vjet të jap angazhimin maksimal.

Garancia më e madhe e krijimit të një prokurorie të suksesshme është bilanci që unë kam këto tre vite. Megjithëse kam mbajtur postin e zëvendëskryetarit unë kam marrë një numër të plotë çështjesh për hetim”, u shpreh ai.

Pyetjet e anëtarëve të KLP drejtuar Dumanit:

 Jeni zëvendës drejtues i SPAK, nuk do ju vinte keq që të linit një pjesë të këtyre dosjeve?

SPAK ka në dorë hetimin e disa dosjeve që kanë impakt në jetën e shoqërisë po politikës shqiptare, nëse do zgjidheshe si drejtues, cili do jetë këndvështrimi juaj ndaj tyre?

Dumani: Është e vërtetë që akoma kam shumë dosje në hetim. E kam shprehur dhe e kam shkruar edhe në platformën time, do vazhdoj të ndjek çështjet shumë të rëndësishme të cilat kanë impakt në opinionin publik apo fateve të SPAK. E kam bërë këtë edhe si zëvendës drejtues. Po si e kam bërë? Kam dalë nga shtëpia 06:45 dhe jam kthyer pas orës 19:00. Të shtunat janë punë normale, të dielat janë part-time edhe po nuk dal në zyrë, kam marrë diçka me vete në shtëpi. Unë jam prokuror dhe vazhdoj të ngelem prokuror do zoti deri sa të dalim në pension. Jam shumë i kënaqur që jam prokuror, për më tepër në SPAK që e shoh si mision jo si vend pune.

Për pyetjen e dytë, sa i takon çështjeve që kanë të bëjnë me krimin e organizuar, për shumicën e tyre jam në dijeni sepse kam një dorë vetë atje, jam si pika e kontaktit kur vjen informacioni për çështje të rëndësishme, dhe jam në dijeni.

Çfarë mund të bëjë unë? Sa i takon çështjeve kur janë prokurorie të tjerë, mund t’i nxis, nëse kanë nevojë, mund t’i ndihmojë, nëse ata duan të jem në pjesën e grupit të hetimit, unë lëviz nga mëngjesi në darkë për të plotësuar interesat e prokurorëve.

Emri nuk ka rëndësi, prova! Kjo është ajo që unë kam parim të punës time, prova, emri nuk më bën përshtypje.

Pyetjet e anëtarëve të KLP drejtuar Dumanit:

Bëhen arrestime bombastike duke arrestuar qytetarë të dobët, jo pushtetar, në bazë të indiceve, duke prishur dhe të drejtat themelore në mënyrë të pamëshirshme dhe me faj pa faj t’i fusim në burg se i pyesim pastaj, dhe gjatë rrugës dështojnë këto hetime. Do lejoni më këto shkelje?

Sekuestrohen prona pa parë origjinën e pronës apo veprimet e procedurës, prishen biznese, shkatërrohen biznese të tëra, shkelen të drejtat e njeriut, sidomos për dy prokurorë të caktuar.

Kam dijeni se i është bërë kallëzim një prokurorit që ka shkelur këtë të drejtë… ju do të guxoni, pas indicieve që po ua bëj publikisht, të merrni masa ndaj ndonjë prokurori të caktuar që ka shkelur të drejtat dhe ka shpërdorur detyrën.

Dumani: Sa i takon përgjimeve të nivelit të provave, ne kemi  një mekanizëm kontrollues, Gjykata. Drejtuesi në vlerësimin tim as shkresën përcjellëse apo sekuestro nuk duhet ta firmosë drejtuesi por prokurori që ka çështjen. Patjetër do jemi ndjeshëm nëse vihem përballë shpikjeve. Në çdo rast që konstatoj vë në dijeni ILD dhe të shikojnë ata mundësin e fillimit të një procesi disiplinor. Këtë e jap garanci, dhe jam vërtetë shumë i motivuar për ta bërë sepse ndjekja penal nuk duhet të shkojë në kurriz të qytetarëve.

Edhe sa i përket sekuestrimit të pronave, i takon gjykatës, por kur ka ankues lidhur me procedurën, me aq sa ka mundësi drejtuesi, do vlerësoj maksimalisht çdo ankesë por brenda hapësirës që më lejon ligji do veproj. Unë nuk marr dot vendim por vë në dijeni të gjitha institucionet.

Është mbajtur sot në Tiranë një protestë kundër politikave shoviniste serbe. Protesta vjen pak ditë pas tensioneve në veri të Kosovës, teksa presidenti serb Aleksandar Vuçiç kërkoi futjen e trupave në Kosovë.

Protestuesit, aktivistë të lirë dhe nënkryetari i Partisë Lëvizja e Legalitetit kanë protestuar paqësisht për tensionet në veri të Kosovës me serbët.

Ata kërkojnë që Serbia të heqë dorë nga kjo sindromë brez pas brezi duke i provokuar. “Jemi paqësorë dhe jo agresivë”, kanë qenë thirrjet e tyre, teksa janë shfaqur me flamurin kuqezi me hartën e trojeve shqiptare para ndarjes së 1913 dhe figurat kryesore shqiptare që nga Gjergj Kastrioti, te Ismail Qemali, Isa Boletini dhe Adem Jashari.

Protestuesit kanë bërë thirrje për bashkim. “Jemi një”, shkruajnë protestuesit në parullat e tyre, teksa kanë folur për krimet serbe në Kosovë dhe padrejtësitë ndaj shqiptarëve.bw

Prokurori Adnan Xholi i cili garon për kreun e SPAK për të zëvendësuar Arben Krajën, gjatë prezantimit të kandidaturës së tij para KLP, vlerësoi punën e bërë në këto tre vite nga ky institucion, por tha se ka ardhur koha që të ecet më hapa më të mëdhenj kundër krimit dhe korrupsionit në nivele të larta.

Ai u shpreh se mendon se i plotëson të gjitha kriteret për këtë post, ndërsa tha se për tu përballur me publikun do duhet që SPAK të ketë hetime konkrete në kohë të shpejtë duke u bazuar vetëm në prova.

Ai u shpreh se në kohën që ka qenë drejtues i Prokurorisë së Krimeve të Rënda, ka hetuar çështje që kanë pasur vëmendje të lartë në publik, ndërsa tha se si prokuror ka marrë në pyetje zyrtarë të lartë që nuk i kishin parë më herët dyert e drejtësisë.

“Nuk jam në kushte konflikti interesi me askënd. Jam një nga kandidatët për kreun e SPAK, duke vlerësuar se plotësoj kriteret e KLP për këtë detyrë, me bindjen se kam aftësitë e duhura profesionale dhe menaxhuese për drejtimin e Prokurorisë së Posaçme. Kjo prokurori është tashmë e konsoliduar falë punës suaj dhe ndihmesës së partnerëve tanë ndërkombëtarë. Është trupa më profesionale e prokurorëve dhe jam krenar që punoj me ta.

Por krahas rezultateve të shkëlqyera, SPAK këto tre vite, mendoj se ka ardhura momenti që trupa e prokurorëve të vijojë me hapa më të mëdhenj kundër krimit dhe korrupsionit në nivele të larta. Për t’u përballur me publikun do duhet të kemi hetime konkrete në kohë të shpejtë duke u bazuar vetëm në prova.

Vij sot këtu si kandidati që ka mbi 24 vite eksperiencë në Prokuroi pa shkëputje. Karriera ime ka pasur një ngritje të vazhdueshme dhe konsistente.

Për 8 muaj kam qenë drejtueses i Prokurorisë së Krimeve të Rënda. Më rastisi të jem drejtues, por prokurori dhe drejtues i grupit të hetimit në çështjen  që ishin të akuzuar dy deputetë të Kuvendit, hetime të cilat janë mbyllur për 17 ditë, janë thirrur dhe janë pyetur zyrtarë më të lartë të shtetit që nuk kishin parë ndonjëherë dyert e drejtësisë, nga kryeministër, ish-kryeministër e zyrtarë të lartë.

Jam angazhuar dhe kam kërkuar heqjen e mandatit të dy deputetëve në detyrë, dhe Kuvendi vendosi për të dhënë autorizimin.

Çështje tjetër që ka vëmendjen të lartë, ka qenë vrasja e një zyrtari të lartë i policisë së shtetit, dhe mori pafajësinë nga shkalla e parë. Gjatë fazës së gjykimit në apel, falë animimit që u bë dhe nga ana ime u arrit që vendimi të ndryshoj nga pafajësi në vendim fajësie dhe dënimin më të rëndë, me burgim të përjetshëm.

Kam marrë pjesë në ngjarjet më të rënda kriminale pas 1997, në këto çështje ish-prokuroria e krimeve të rënda u kthye si “Big Brother”, nga mëngjesi deri në darkë ishin aty mediat dhe i falënderoj për vëmendjen”, u shpreh ai.bw

Ambasada Amerikane në Tiranë ka shfaqur një dokumentar në lidhje në nder të 100-vjetorit të marrëdhënieve diplomatike mes Shqipërisë dhe SHBA.

Në dokumentar, ambasadorja Yuri Kim, ka deklaruar se marrëdhënia mes dy vendeve tona, kapërcen çdo qeveri, udhëheqës apo person.

Postimi i plotë:

100 Vjet Bashkë: Në nder të 100-vjetorit të marrëdhënieve diplomatike mes Shqipërisë dhe Shteteve të Bashkuara, ambasada e SHBA në Tiranë organizoi mbrëmjen e djeshme shfaqjen e premierës së një dokumentari të veçantë që përkujton historinë e marrëdhënies. Midis të ftuarve ishin zyrtarë aktualë dhe ish-zyrtarë, politikanë, akademikë, sipërmarrës, përfaqësues fetarë, ushtarakë, media, shoqëri civile dhe të rinj.

“Shpresoj të bindeni edhe më shumë se lidhja mes vendeve tona është e veçantë, e fortë dhe do të zgjasë. Është një lidhje që kapërcen çdo qeveri, udhëheqës apo person. Është një lidhje mes dy popujve me besimin e përbashkët në liri, demokraci, prosperitet dhe drejtësi. Është një lidhje që nuk mund të thyhet.” – thotë në dokumentar ambasadorja Yuri Kim.

Dokumentari i 100-vjetorit është një prodhim i përbashkët i TV Klan dhe ambasadës së SHBA. Dokumentari i plotë do të transmetohet së shpejti në Tv Klan, ndaj na ndiqni në vijim për më shumë detaje.bw

Presidenti i Republikës, Bajram Begaj ka përshëndetur dorëzimin e aplikimit të Kosovës për t’u anëtarësuar në Bashkimin Evropian.

Begaj e konsideruar një akt të rëndësishëm historik dhe i uron autoriteteve të Kosovës shumë suksese në përmbushjen e detyrimeve të procesit të anëtarësimit.

Në të njëjtën kohë, Presidenti Begaj, i bën thirrje të gjitha vendeve anëtare që ta mbështesin aplikimin e Kosovës, pasi kjo do të ishte jo vetëm në interesin më të mirë gjeopolitik të Bashkimit Evropian, por dhe një kontribut më shumë në mbështetje të një vendi e një populli me vokacion të qartë evropian dhe euro-atlantik.bw

Ambasadorja e SHBA-ve në vendin tonë, Yuri Kim ka reaguar në lidhje me zgjedhjen e kreut të ri të SPAK, ndërsa ka zbardhur takimet me anëtarët e Këshillit të Lartë të Prokurorisë.

Përmes një reagimi në Twitter Kim bën thirrje që ky proces mos të jetë i ndikuar nga ata që ata që kanë interes për të kufizuar apo manipuluar hetimet. Sipas diplomates amerikane drejtësia duhet të jetë e verbër ndaj pushtetit.

REAGIMI
Javën e fundit jemi takuar me çdo anëtar të Këshillit të Lartë të Prokurorisë (KLP) për të nënvizuar rëndësinë e zgjedhjes së një shefi të ri të SPAK-ut, i cili – pa frikë dhe favor – do të intensifikojë luftën kundër korrupsionit dhe krimit të organizuar. Procesi i përzgjedhjes nuk duhet të ndikohet nga ata që kanë interes për të kufizuar ose manipuluar hetimet. Ky është thelbi i reformës në drejtësi: drejtësia duhet të jetë e verbër ndaj pushtetit, prokurorët dhe gjyqtarët duhet të jenë të gjithë të barabartë përpara ligjit, institucionet duhet të jenë të pavarura. Reforma në drejtësi nuk është vetëm një kërkesë për anëtarësimin në BE; është kërkesa e drejtë e popullit shqiptar. 🇺🇸 do të qëndrojë gjithmonë me popullin e Shqipërisë. Ne do të vazhdojmë të mbështesim me vendosmëri zbatimin e reformës në drejtësi. Kjo nuk do të ndryshojë.
Ne do të monitorojmë nga afër procesin e përzgjedhjes së SPAK-ut për të siguruar që reforma në drejtësi të ecë përpara.bw

Ambasadorja amerikane Yuri Kim duke folur në konferecën e organizuar nga KLGJ

TIRANË

Ambasadorja e SHBA-ve në Tiranë Yuri Kim ka marrë pjesë sot në konferencën “Konsolidimi i Këshillit të Lartë Gjyqësor”, ku reforma në drejtësi ishte fokusi i fjalës së saj.

Ambasadorja Kim deklaroi se duhet të ofrojmë drejtësi për njerëzit dhe duhet të gjejmë një mënyrë.

Ambasadorja amerikane Yuri Kim  “Drejtësia nuk ka pasur punën e lehtë. Shpresojmë që drejtësia shqiptarë të arrijë rezultate të larta në mënyrë që ajo të sjellë drejtësi për shqiptarët. Jemi krenarë që jemi partnerë me BE jo vetëm në mbështetje të Këshillit të Lartë Gjyqësore, reforma ën Drejtësi është e rëndësishme jo vetëm se përmbush një kërkesë për anëtarësim në BE, pro është kërkesa e popullit shqiptar. Katër vite më parë në Gjykatën e Lartë ishte një gjyqtar sot kemi një trupë gjyqtarësh, mungojnë vetëm tre dhe besoj se do të gjenden. Dy javë kanë mbetur nga 2022, po besoj brenda 3-mujorit të parë të 2023 Gj L do të ketë të gjitha anëtarët.

Ka kaluar mjaft kohë, duhet të ofrojmë drejtësi për njerëzit, duhet të gjejmë një mënyre. Populli shqiptar pret gjykata me gjyqtarë të paanshëm që të japin drejtësi, jo hakmarrje, por drejtësi. Që të dinë se kur të jenë në gjykatë do të jenë të barabartë pavarësisht rangut. Kjo ka qenë me rëndësi për ne si SHBA. Në mikëra çështje gjyqësore prej kohësh të mbetura në gjykatë janë shqyrtuar. Drejtësia e vonuar është drejtësi e mohuar, ndaj ne duhet t’i japim drejtësi. Plotësoni gjykatën, duhet t’i jepni përparësi çështjeve emergjente.

Ambasadorja e SHBA-ve Yuri Kim deklaroi sot se do të jetë në Shqipëri dhe për ca më gjatë, teksa pak ditë më parë Ministria për Europën dhe Punët e Jashtme pohoi nisjen e procedurave për zëvendësimin e saj.

Deklarata vjen një ditë pas takimit me kryeministrin Edi Rama. Ambasadorja Kim theksoi se ajo që ka mësuar gjatë 3 viteve të saj është se këtu ka një sfidë të madhe.

“Vazhdoni të ecni sa më shpejt të mundeni. Kjo është një kohë vendimtare për reformën në drejtësi dhe ka arsye për të qenë optimistë për këtë brez shqiptarësh. Reforma në drejtësi po jep rezultate të dukshme, të prekshme, konkrete. Por e dini çfarë, njerëzit duan më shumë dhe SHBA-të janë në kahun e popullit shqiptar. Ne biem dakord me ta, duhet të ketë më shumë. Kjo nuk është kohë për t’u çlodhur. Ne duhet të festojmë për përparimin që kemi bërë së bashku deri tani. E kemi bërë së bashku, e kemi realizuar së bashku. Ndonjëherë ka qenë e vështirë, nuk mendoj se ka pasur ndonjë kohë kur ka qenë e lehtë, ndonjëherë ka pasur gabime, por kjo është në rregull, ky është një proces njerëzor. Çelësi është që mbetemi të angazhuar ndaj synimit, në mënyrë të sinqertë, në mënyrë serioze që ta dini se SHBA-të nuk do të ndalojnë, as ju nuk duhet. Që partnerët europianë duan që ju të keni sukses po aq sa duan dhe partnerët amerikanë që ju mund të ia dilni mbanë. Unë kam 3 vite në Shqipëri dhe do të jem këtu edhe për ca më gjatë. Por kjo është ajo që kam mësuar gjatë këtyre 3 viteve të mia këtu, që ka një sfidë të madhe këtu, kjo nuk ndodh sepse Shqipëria është unike, është në mënyrë unikale e keqe, në mënyrë unikale e korruptuar, jo.

Por ka histori dhe duhet të ndiejmë empati për historinë që ka ky vend. Ky është një vend i vogël, të gjithë njohin të gjithë të tjerët.

Ka ardhur koha për të thënë që Shqipëria është gati për fazën tjetër. Nuk mund të vazhdojmë më kështu. Në korrik BE-ja filloi në mënyrë zyrtare negociatat për hyrjen tuaj në klubin e ëndrrave. Ju jeni ulur me ne, ngjitur me ne, fjalë për fjalë. Ju respektoheni si një zë për çështjet globale. Ka zhvillime strategjike kaq pranë për t’u bërë të vërteta në vendin tuaj”, deklaroi ambasadorja amerikane.

Ambasadorja amerikane Yuri Kim, ka deklaruar se reforma në drejtësi ka bërë hapa para, duke shtuar se nuk duhet për asnjë moment që kjo të ndryshojë.

Gjithashtu u shpreh se qytetarët shqiptarë kanë nevojë për gjyqtarë të drejtë dhe se SHBA-të mbështesin Shqipërinë drejt progresit.

“Duhet të ketë drejtësi. Biznesmenët, duhet të dinë që kur të vijnë të blejnë pronat dhe kur të shkojnë në gjykatë duhet të dinë që gjykatësi do të vendosë në përputhje me ligjin. Kemi bërë përparim në fushën e mbrojtjes për herë të parë në histori. E kishit menduar këtë në ‘91 në ’97 apo gjatë diktaturës së Enver Hoxhës. Ai madje po rrotullohet në varr, kjo është e ardhmja. Shqipëria është Europë dhe kjo është ajo që duan SHBA-të dhe për këtë arsye vazhdojmë të besojmë dhe duam drejtësi., Do të kishin dashur që ne të kishim qenë të heshtur, por ne jemi miqtë tuaj dhe duam që ju të jeni të fuqishëm, të pasur të aftë, partnerët tanë. Një vend që vendet e tjera ta shohin dhe të thonë ia dolën mbanë. Ky është çasti, momenti, nuk është koha për t’u çlodhur apo për të thënë kjo mjafton, ne duhet të shtyjmë përpara sepse brezi i ardhshëm i shqiptarëve, amerikanëve, të mbështeten tek ju. Të përveshim mëngët së bashku , të rrisim ritmin, të vendosim gjyqtarët në pozicionet e tyre, të sigurohemi që vendimet që bëjmë do të na çojnë drejt të ardhmes që nuk do të na ngecin diku. Ne nuk mund të bëjmë pas, kjo është koha për të bërë përpara, KLGJ, Gjykatë Kushtetuese, institucionet e Vettingut, çdo anëtar duhet të bëni përpara drejt të ardhmes dhe gjithmonë së bashku”, ka thënë më tej ajo.bw