Shqipëria mbetet një nga vendet më të cënueshme nga pasojat e Covid-19, që lidhen me karakteristikat e ekonomisë së saj, si niveli i lartë i vetëpunësimit dhe informalitetit. Shkalla e papunësisë pritet të arrijë nga 40% që është sot, deri në 48% (numri i pesonave që jetojnë me më pak se 5.5 dollarë në ditë, sipas fuqisë blerëse).

Sipas një raporti të fundit të bankës Botërore, që vlerëson se si COVID-19 Mund të Ndikojë në Varfërinë dhe Mirëqënien e Familjeve në Ballkanin Perëndimor, Masat e qeverisë në përgjigje ndaj krizës, të cilat ndihmojnë firmat në sektorin formal të ruajnë vendet e punës nuk do të mund të arrijnë drejtpërdrejt te punësuarit informalë. Shumë prej këtyre të punësuarve informalë ose të të vetëpunësuarve nuk janë përfitues të të asistencës sociale, mjetit të fundit mbrojtës të rezervuar për më të varfërit, duke i lënë ata të pambrojtur. Rreth 14 deri 33 për qind e të punësuarve në sektorët shumë të prekur nga kriza e COVID19 në ekonomitë e Ballkanit Perëndimor janë të vetëpunësuar, e për këtë arsye ata janë edhe më të cenueshëmit (Figura 1). Kjo përqindje është veçanërisht e lartë në Shqipëri dhe Kosovë.

Gati një e treta e punëtorëve në sektorët e prekur nga kriza, kryesisht në Shqipëri dhe Kosovë, janë të vetëpunësuar dhe veçanërisht të rrezikuar ndaj humbjes së të ardhurave.

Varfëria mund të arrijë në 48%

Shqipëria: Kriza e shkaktuar nga COVID-19 dhe masat kufizuese pritet të përmbysin arritjet e fundit në drejtim të reduktimit të varfërisë në Shqipëri. Në Mars, Shqipëria vendosi të mbyllë hotelet, teatrot dhe aktivitetet e tregtimit të artikujve jo-jetik si dhe kufizoi lëvizjen e njerëzve si brenda ashtu dhe jashtë vendit. Shumë sektorë të industrisë, përfshirë tekstilet, minierat, qendrat telefonike dhe ndërtimi, u detyruan të zvogëlojnë veprimtarinë për shkak të zbatimit të masave për distancim social por edhe për shkak të rënies së kërkesës si rezultat i kolapsit të porosive për eksport. Ka gjasa që edhe emigrantët shqiptarë të preken nga kjo krizë globale, e cila çon në reduktim të të ardhurave e për rrjedhojë edhe të remitancave.

Sipas simulimeve të kryera për këtë shënim vlerësohet se shkalla e varfërisë në Shqipëri mund të rritet me 4 deri në 8 pp, duke shkuar në rreth 40 për qind në skenarin e parë dhe 44 përqind në skenarin e dytë. Kështu pra, sipas skenarit më optimist, varfëria do të arrinte në nivelin e vitit 2012 dhe, sipas skenarit më pesimist, ajo do të ishte e barabartë me nivelin e vitit 2005.

Meqenëse shumica e njerëzve që punojnë në bujqësi janë tashmë të varfër, dhe simulimi nuk supozon ulje të të ardhurave në bujqësi, rritja e varfërisë do të vijë kryesisht si rezultat i njerëzve në qytete të cilët punojnë në sektorin e shërbimeve dhe pritet të humbasin një pjesë të konsiderueshme të të ardhurave të tyre.

Simulimet për Ballkanin

Sipas vlerësimeve të Bankës Botërore për Ballkanin, humbjet në të ardhura ka të ngjarë të vërehen në të gjithë segmentin e shpërndarjes së të ardhurave.

Të ardhurat mesatare të familjeve supozohen të bien nga 3 deri në 12 për qind në të gjashtë vendet e rajonit. Figura 4 ilustron rënien në segmentet e shpërndarjes së të ardhurave për shkak të COVID-19.

Humbjet në të ardhura për individët dhe familjet në kuintilin më të varfër mund të variojnë nga 3 për qind në BH deri në 5 për qind në Kosovë sipas skenarit 1, ose do të dyfishohen sipas skenarit 2. Të varfërit në shumicën e vendeve të Ballkanit Perëndimor, në krahasim me pjesën tjetër të popullsisë, mbështeten më shumë në të ardhura të ndryshme nga puna dhe më pak në të ardhura nga punësimi në sektorët më të prekur nga COVID-19. Megjithatë, duke qenë se familjet e varfra nisen nga një bazë e ulët e të ardhurave që para krizës, humbja e të ardhurave mund të vërë në rrezik aftësinë e tyre për të plotësuar nevojat bazë dhe për të investuar në fazat kritike të zhvillimit njerëzor. Personat në kuintilin e dytë deri në atë të pestë do të përballen me ulje më të mëdha të të ardhurave, pasi të ardhurat që vijnë nga sektorët më të prekur nga kriza përbëjnë një pjesë më të madhe të totalit të të ardhurave të tyre.

Tiranë

Presidenti Meta ka pritur sot në Presidencë nipin e Vasil Laçit, heroit të popullit që një ditë më parë e nderoi me ”Dekoratën e Flamurit Kombëtar”.

Meta thotë se ka pritur sot në Presidencë Vasilin e Ri, djalin e Vasil Laçit që kreu atentatin ndaj perandorit italian. Presidenti thotë se gjaku nuk bëhet ujë, dhe Vasil Laçi i ri është pasardhësi i heroit.

STATUSI NGA ILIR META

Kënaqësi të takoja dje edhe Vasilin e ri, pasardhësin e Heroit tonë, Vasil Laçi, i cili mban me krenari emrin e Tij.
GJAKU NUK BËHET UJË!
Ndaj nderimi për Heronjtë që dhanë jetën për LIRINË mbetet i përjetshëm! 🇦🇱

Tiranë

Ministria e Shëndetësisë raporton se gjatë 24 orëve të fundit kanë rezultuar pozitivë me koronavirus 25 persona.

Në total, numri i të infektuarve në Shqipëri ka shkuar në 1029, ndërkohë që rastet e reja janë konfirmuar në bashkitë e Tiranës, 24 raste, dhe në Durrës, 1 rast.

Deklarata e plotë nga Mirela Cami, Drejtore e Operatorit të Shërbimeve të Kujdesit Shëndetësor:

Ju informojmë rreth situatës së COVID 19 në Shqipëri gjatë 24 orëve të fundit.

Mëngjesin e sotëm ka ndërruar jetë në mënyrë të papritur, pavarësisht përpjekjeve të mjekëve një pacient 69-vjeçar nga Tirana, me inicialet S.K., i cili po trajtohej në terapi intensive në spitalin infektiv. Ministria e Shëndetësisë i shpreh ngushëllimet familjes së të ndjerit.
Që nga fillimi epidemisë, 33 qytetarë e kanë humbur betejën me Covid19.

Në 24 orët e fundit kemi sërish shtrime të reja në spitalin infektiv, ku aktualisht po trajtohen 17 pacientë, nga të cilët 3 janë në terapi intensive.

Në 24 orët e fundit ka rritje të numrit të të prekurve, të lidhura me kontakte të rasteve të mëparshme pozitive por edhe vatra të reja në Tiranë.

Janë testuar 173 qytetarë si të dyshuar të prekur me Covid19 dhe janë konfirmuar 25 raste pozitive. Më konkretisht janë 24 të prekur në Tiranë dhe 1 në Durrës.

Ndër rastet e reja janë 15 të prekur në një call-center, kontakte të një rasti pozitiv të identifikuar dy ditë më parë. Po vijon hetimi epidemiologjik edhe për disa raste të reja në Tiranë.
Ne 24 orët e fundit janë shëruar 8 qytetarë.

Nga fillimi i epidemisë janë kryer mbi 14500 testime molekulare dhe serologjike, ndërsa numri i rasteve të konfirmuara pozitivë në të gjithë vendin është 1029. Prej tyre, rreth 78% janë të shëruar.
Në vendin tonë aktualisht janë 193 persona aktivë me COVID19, kryesisht ne Tiranë, Durrës Krujë, Shkodër.

Ministria e Shëndetësisë dhe Mbrojtjes Sociale fton qytetarët të tregohen të kujdesshëm, duke respektuar distancimin fizik dhe higjienën vetjake. Qytetarët nuk duhet të neglizhojnë shenjat e Covid19, prandaj telefononi në numrin unik të Urgjencës Kombëtare, 127. Për informacion në lidhje me COVID19 dhe këshillim psikologjik, ju lutemi, telefononi në linjën e gjelbër 0800 40-40.

COVID-19 – Statistika (26 Maj 2020)
Testime totale 14832
Testime molekulare 13506
Testime serologjike 1326
Raste pozitive 1029
Raste të shëruara 803
Raste Aktive 193
Humbje jete 33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:
Tiranë 80
Durrës 54
Krujë 24
Shkodër 12
Berat 10
Kamëz 9
Fier 2
Mirditë 1
Korçë 1

Presidenti i vendit, Ilir Meta deklaroi në studion e emisionit “Opinion” se pas shembjes së Teatrit Kombëtar ka mjaft interesa të fshehta.

Ai tha se me atë akt synohet të krijohet destabilitet në Shqipëri, që sic tha i intereson lobit proserb në Uashington.

“U shemb që të provokojë opozitën, të destabilizojnë situatën, se kështu u intereson dikujt, lobit proserb në Uashington. Po sic i interesonte edhe vjet që të kishte gjakderdhje. Lobit serb dhe ai pro rus në Uashington i intereson përplasja civile dhe destabilizimi në Shqipëri. Kam shumë prova dhe dokumenta që do i bëj publike ne kohen e duhur. SMS qe u be publike sot do duket pa vlere ne raport me to. Do flas ne te ardhmen dhe ne kohen e duhur- tha Meta. bw

Ish-ministri i Punëve të Jashtme të Shqipërisë, Ditmir Bushati, po e sheh si mjaft inkurajuese letrën e përbashkët të Gjermanisë dhe Francës sa i përket çështjes së dialogut ndërmjet Kosovës dhe Serbisë.

Bushati ka thënë se për arritjen e një marrëveshje finale Prishtinë-Beograd është thelbësore që të ketë bashkëpunim transatlantik.

“Sinjale inkurajuese nga Heiko Mass dhe Jean Yves Le Drian në lidhje me rolin e BE-së në dialogun Mes Kosovës dhe Serbisë. Bashkëpunimi transatlantik është thelbësor për të arritur një zgjidhje përfundimtare, për të parandaluar liderët që shfrytëzojnë ndarjet transatlantike dhe imponimin e zgjidhje etnoctrike”, ka shkruar Bushati.

Dy kryediplomatët e Francës dhe Gjermanisë sot përmes një letre të përbashkët kanë dhënë mesazh për rinisjen e dialogut Prishtinë-Beograd.

Ata kanë thënë se janë për një dialog të përgatitur mirë me parime dhe se kundërshtojnë një marrëveshje të shpejtë./GazetaExpress/

Presidenti i Republikës Sh.T.Z Ilir Meta zhvilloi sot bashkëbisedim, nëpërmjet një video-konference, me përfaqësuesit e “Europa Nostra”, Zëvendëspresidentin ekzekutiv, z.Guy Clausse, Sekretaren e Përgjithshme, znj,Sneska Quaedvlieg-Michailovic, dhe anëtarin e bordit, Profesor Paolo Vitti.

Presidenti Meta i falenderoi për angazhimin dhe vëmendjen që “Europa Nostra” ka treguar ndaj promovimit dhe ruajtjes së trashëgimisë kulturore dhe historike të vendit tonë.

Duke u ndalur në çështjen e Teatrit Kombëtar, Presidenti Meta e falenderoi “Europa Nostra” për mbështetjen krah “Aleancës për Mbrojtjen e Teatrit” në mbrojtje të këtij kompleksi dhe gjithë zonës historike të Tiranës.

Presidenti Meta theksoi se shembja e paligjshme e Teatrit Kombëtar është çështje kushtetuese, e trashëgimisë historike dhe identitetit kombëtar, tashmë edhe një çështje europiane.

Në këtë kontekst u ra dakord për domosdoshmërinë e nisjes së një hetimi ndërkombëtar mbi këtë çështje dhe informimin e mëtejshëm të niveleve më të larta europiane.

“Europa nuk është vetëm euro, por edhe kulturë, solidaritet, humanizëm dhe identitet. Teatri Kombëtar ishte dëshmori i parë i Bulevardit ‘Dëshmorët e Kombit’, por demokracia dhe kultura europiane do fitojë”, – u shpreh ndër të tjera anëtari i bordit të “Europa Nostra”, Profesor Paolo Vitti.

“Nga sot më konsideroni edhe mua anëtarin më të ri të ‘Europa Nostra’ “, – u shpreh Presidenti Meta.

Presidenti Ilir Meta deklaroi publikisht se ka kërkuar hetim ndërkombëtar për reformën në drejtësi, ndërsa theksoi se përgjegjësit që bëjnë gjëra pas krahëve të shqiptarëve duhet të përgjigjen. Ai tha se tashmë maskat kanë rënë.

“Unë nuk po negocioj, dua plotësimin e 14 pikave. Këto i dinë ambasadorët e BE dhe SHBA. Ilir Meta do ta diskutojë këtë çështje, dhe është i gatshëm që të kërkojë hetim për reformën në drejtësi. Ilir Meta është ballë lartë pasi ka kërkuar transparencë. Maskat kanë rënë tani, përgjegjësinë ta marrin ata që bëjnë gjëra pas kurrizit të shqiptarëve.”, tha Meta.

Vajza e aktorit Robert Ndrenika, Diana Ndrenika ka reaguar ashpër për shembjen e Teatrit Kombëtar. Në një status në ‘Facebook’, ajo shkruan se një bandë e obsesuar pas truallit të qendrës së Tiranës vjedh e shkatërron pa princip.

“Ajo çka e bën më të dhimbshme shkaterrimin e TK eshte fakti se ne diktaturen totalitare komuniste u jepej përparësi artit, teatrit, kinematografise etj. Ishte pikerisht atehere qe Teatri Kombetar mori zhvillim duke arritur kulme cilesore.

Sot ne demokracine e pretenduar (që aq shume kishim ëndërruar) ose diktaturen hibride ku po jetojmë merr perparesi biznesi i ndertimit që në menyre makuteske (ëith unlimitedet greed) drejton qytetin e vendin në menyre te drejperdrejte. Oligarki financiare pa perfaqesim. Nje bande qe e obsesuar pas truallit te qendres se Tiranës vjedh e shkaterron pa asnje princip” shkruan ajo.

Historia e njerëzimit nuk ka parë shumë akte makabre e terroriste ndaj kulturës, si ai i 17 majit. Ka parë se si perandori romak Neroni dogji gjysmën e Romës, vetëm për të ndërtuar pallatin e tij mbretërorë. Hitleri urdhëroi djegien e Reischtag gjerman, për të përmbushur synimet e tij perverse politike. Teatri ynë, i ka të dyja, edhe makutërinë për të ndërtuar kulla, dhe perversitetin politikë. Por më shumë se sa perversitet politik, është një dëshirë e zjarrtë e qeverisë për të treguar se ka fuqinë që artistëve t’u tregoj grushtet. Gjë që nuk e bën dot me banditë. Ku njërit i dërgon makinën e drejtorit të policisë si taksi për ta sjellë në Tiranë. E tjetrit i shtron tapet të kuq kur “vetëdorëzohet” në polici. Një tipar i shoqërive të prapambetura është adhurimi për banditin dhe të dhunshmin, e që me Rilindjen e ka kthyer në kult-shtetërorë. Nëse shet drogë, s’ka problem, mund të bëhesh edhe zyrtar shteti. Nëse vjedh, bravo ke talent. Nëse mashtron, je orator. Nëse gënjen, je i zgjuar. Është një ligj xhungle. Ti mund të bësh çfarë të duash. Ama një gjë e ke të ndaluar ta bësh. Të mendosh ndryshe. Nëse ti mendon ndryshe nga ajo që thotë Rilindja, ti shpallesh bandit, hajdut, mashtrues, kriminelë.

Teatri që prishëm na dëshmoi frikën e pushtetit ndaj fjalës së lirë dhe protestës. Për të shembur një teatër, Edi Rama, u detyrua të vendoste masa karantine të ngjashme me ato të Kim Jung-ut në Kore. Një frikë në palcë ndaj një reagimi shoqërorë. E për të ta mbyllur aktin e tij terroristë, u detyrua të dërgojë 2000 forca policore për të dhunuar disa artistë dhe aktivistë. Edhe në Lazarat nuk pamë kaq shumë dhunë dhe dëshirë për të dhunuar, sa sa te teatri. Edi Rama përdori një manovër të ulët. Dërgoi çirakun e tij për të bërë atë që ai vetë, në rolin e dirigjentit kishte planifikuar. Mbase dëshironte të shikonte sa i mbanin këllqet çirakut të tij në bashki ose mbase nuk dëshironte që emri i tij të shkruhet në listën e barbarëve si shkatërrues të kulturës.

Teatri ishte një godinë historike e Tiranës, e cila u kishte mbijetuar kohërave. Ishte një monument, që nga ana historike u kthye në një monument të rezistencës qytetare. I rezistoi më shumë se çdo gjë që i ka dalë përpara talebanit të Rilindjes. Një rezistencë për demokraci, ku çdo element i rezistencës është thërrmuar. Jemi pa gjykata, pa Parlament, pa Akademi Shkencash, pa universitete, pa zgjedhje, pa bashki dhe së fundmi edhe pa teatër. Shqipëria në të vërtetë duhet të kishte prishur një teatër. Por jo Teatrin Kombëtar, por teatrin e sistemit që kemi ngritur. Nuk ka asgjë të keqe që një qytet të zhvillojë modernen, por duke ruajtur historinë. Teatri i ri mund të jetë i nevojshëm për qytetin. Por, a është kjo një nevojë urgjente? A nuk mund të priste dot ky projekt? E kur vendi ka kaluar dy kriza të forta, tërmetin e nëntorit 2019 dhe një mbyllje të plotë si pasojë e krizës së COVID-19. Të shpenzosh një shifër 30 milionë euro për një teatër në këtë periudhë. Këtë nuk e kanë luksin as buxhetet të qyteteve si Parisi, Londra apo Berlini. Mbase duhet ta pranojmë, qeveria ka fituar. Talebanët origjinalë, edhe ata triumfuan. Qeveria ka fituar, pasi ka ngadhënjyer mbi një godinë në një formë tipike talebaneske. Jo vetëm në formë, por edhe në argument. Në një argument tipik talebaneskë, se një godinë duhet prishur se është e vjetër. Të njëjtën gjë thanë edhe talebanët se statujat e Budës ishin të vjetra. Njerëzimi ka parë shumë ditë të këqija në orët tij. Diktatura dhe dhunë në përmasa të lemerishme. Po në fund ka pasur një dritë shprese, se diçka do të ndryshonte, për sa kohë kanë ekzistuar njerëz që luftojnë për lirinë. Kaligula vdiq e Roma u rilindi me Klaudion; Nero vdiq e Roma rilindi përsëri me Vespasianin; Hitleri vdiq dhe përsëri Gjermania u rindërtua. Ne humbëm një objekt historik, kulturor, por dëshmuam se duhet të luftojmë për të mos humbur edhe lirinë. E kjo e fundit nuk dhurohet, por fitohet. Dhe këtë formë lufte na e dëshmuan më mirë se kurrë aktivistët dhe artistët e ‘Aleancës për Mbrojtjes e Teatrit’. I mbijetuan çdo lloj presioni dhe tundimi në plot 32 muaj.

Ambasadorja e Shteteve të Bashkuara të Amerikës në Tiranë, ka bërë një deklaratë të fortë lidhur me reformën në Drejtësi.

Yuri Kim deklaron me tone të forta se shpreson që fjalët për një marëveshje prapa krahëve të mos jenë të vërteta. Përfaqësuesja e SHBA në Shqipëri thekson se Reforma në Drejtësi është e nevojshme dhe nuk duhet vrarë.

“Shpresoj që fjalët për një marrëveshje prapa krahëve për ta vrarë Reformën në Drejtësi në Shqipëri të mos jenë të vërteta. Reforma është e dhimbshme, e ngadaltë & jo perfekte por është e nevojshme, po bën përparim & duhet të vazhdojë”, shkruan Kim në rrjetet sociale.

Ish-raportuesi për Shqipërinë në Parlamentin e BE dhe ish-eurodeputeti Knut Fleckenstein, do të jetë këshilltar i kryetarit të Kuvendit, Gramoz Ruçi.

Në vendim thuhet se Fleckenstein emërohet këshilltar për Integrimin në kabinetin e kryetarit të Kuvendit.

Fleckenstein vjen nga radhët e social-demokratëve gjermanë. Ai u zgjodh deputet i PE në vitin 2009 dhe ishte në detyrë deri vitin e kaluar.

Një pemë është rrëzuar tek Kryeministria por fatmirësisht pa shkaktuar dëme.

Pema e rënduar nga lagështia dhe për shkak të vjetërsisë është thyer duke rrezikuar një gardist aty afër.

Por fatmirësisht ai ka shpëtuar pa lëndime.

Aktivistja dhe avokatja Ardiana Kalaja nga protesta për Teatrin Kombëtar i bëri thirrje SPAK-ut që të arrestojë kryetarin e Bashkisë Erion Veliaj, pasi sipas saj ai po manipulon provat e kësaj çështje.

Po ashtu Kalaja i kërkoi SPAK që të ndërhyjë për këtë situatë.

“Përshëndetje sheshi më i bukur në botë. Sheshi me njerëz më me vlera që ka Shqipëria. Sa herë afrohem këtu, ndjej dhimbje. Nuk di se sa kohë do kalojë, që të harrojmë atë që pamë dhe përjetuam. Në këtë dhimbje këtu dy gjera më kanë bërë përshtypje. Për një staf me terroristët. A e keni parë se terroristët sulmojnë simbolet. Ata sulmuan artin dhe kulturën shqiptare. Kauza e teatrit nuk janë muret, por Shqipëria, flamuri Kuq e Zi. Ata nën rrënoja hodhën flamurin, nuk iu dhimbs. Atje ku u vra Ardit Gjokaj, po varrosim dhe teatrin. A do të lejojmë që të ketë një Ardit Gjoklaj të dytë? Ne duhet ta ndalojmë. E la thënë i madhi Falcone; ndiq paratë. Krimi për teatrin ka nisur kur u miratua ligji për Teatrin. Çfarë po bën pushteti? Po merret me veprime dytësore. Ato transaksionet e fshehta, ato biletat e udhëtimit të Maznikut, ato projektet e Kompanisë Fusha, duhet të hetojë SPAK. Nga ky shesh i kërkoj SPAK arresto kryetarin e bashkisë Erjon Velaij, po manipulon provat. Provat dhe faktet i keni në SPAK. Veprimin e dytë është që mos e lejo të përdhoset çështja. Në këtë shesh do bëjmë teatrin e ri.”, tha Kalaja.
(BalkanWeb)

Gazetari Alfred Lela, i cili ra pre e dhunës së Policisë së Shtetit ditën kur u shemb Teatri Kombëtar, madje dhe u shoqërua në komisariat, nuk i ka kursyer ironitë në drejtim të kryeministrit Edi Rama. Ai deklaroi përpara protestuesve të Teatrit se e kishin ngatërruar me Niçen e Shijakut, që doli në dosjen e përgjimeve ‘339’.

Mes të tjerash ai pohoi se nuk do ta falte kryeministrin Edi Rama, dhe as ministrin e Brendshëm Sandër Lleshajn, pasi ata nuk e pranuan dhunën e ushtruar.

“Më thanë se më kishin ngatërruar me Niçen, u gëzova. Por më thanë më pas se më kishin ngatërruar me Niçen e Shijakut. Unë erdha këtu sot për të përshëndetur heronjtë e vërtetë, me H të madhe, Edmond Budinën, Liçajn, Malkajn, e shumë e shumë të tjerë që kanë qëndruar bashkë për 27 muaj. 27 duket si një numër, por unë që kam kaluar dy orë e gjysmën në komisariat e di se çdo të thotë 27 muaj. Shumëzoje me qindra e qindra herë. Jua respektojë sakrificën, dhimbjen, ju them se nuk ishte dështim. Shteti që udhëheq, erdhi hajdushçe në mes të natës, pa gdhirë agimi për të shembur një ndërtese që e kujt është? Është e shtetit, dhe e jona, por nuk është e pushtetet. Është e njerëzve, e jona. I kam falur policët, pasi janë bija dhe bijë nënash. Na bën kokë turku, por nuk jemi të parët. Nuk do ta fal Edi Ramën dhe Sandër Leshin. Nuk do ta fal jo se u dhunova atë ditë, nuk do ta fal sepse ishin të pazotë për ta pranuar dhe njohur dhunën, për të qenë burra në Shqipëri e të thonë; na fal se ashtu ndodhi. Nuk mundën se janë burracak. Që të mos keqkuptohemi; që s’kam ndërmend të marr pushkën. Ajo që ndodhi me teatrin nuk ishte suksesi i pare i edi Rames. Dua te përmend disa prej tyre. Kanabizimi i vendit cep me cep. Detyrimi i shqiptareve për te ikur dhe për te lëne këtë vend, si asnjë here me pare.”, tha Alfred Lela.
(BalkanWeb)

Protestuesit kundër shembjes së Teatrit Kombëtar kanë një thirrje për presidentin Ilir Meta.

Teksa ‘News24’ transmeton live protestën që ka nisur që prej orës 17:30 para vendit ku më parë ndodhej Teatri, protestuesit në kor i drejtohen kreut të shtetit që ky i fundit të shpërndajë parlamentin.

Kujtojmë se presidenti Ilir Meta ka dënuar shembjen e Teatrit Kombëtar po ashtu dhe dhunën e ushtruar në protestë nga ana e Policisë së Shtetit.
(BalkanWeb)

Koloseu Shqiptar i rezistoj kohës, nuk e levizën dhjetëra termete, por e shembi makineria kriminale e triumviratit ramian në mesnatë.

Unioni Artistik i Kombit Shqiptar “Kalorës i Urdhrit të Skenderbeut” denon krimin kushtetues të trinomit rrulindas Rama-Lleshi- Veliaj.

Teatri është pasuri kombëtare, për të duhej të vendoste sovrani me referendum.

Gestapoja e Fuhrerit shqiptar dhunon protestuesit.

Junta ushtarake e tij i ka ditët e numëruara.

Trinomi famëkeq Rama- Veliaj- Lleshi shembi Teatrin Kombëtar.
Kleptokratët dhe oligarkët ramianë duan të ndërtojnë aty keopset e veta, me paratë e drogës e të krimit, me të cilat blenë mandatet dhe morën pushtetitn për të gllabëruar shtetin.
Teatri Kombtar ështe pasuri kombëtare, monument kulture, për të cilin duhet të vendoste sovrani, me referendum.
Në demokraci sovrani ushtron pushtetin me të zgjedhurit e vet si përfaqësues të tij.
Por sozia e keqe e Carit të ri, Sulltanit modern, Erdoganit, apo Perandorit Aziatik Kim Jongut e ka asgjesuar demokracisë, republikën parlamentare, shtetin e së drejtës, madje edhe qeverinë e tij duke instaluar Republikën e Triumviratit famëkeq.
Të gjitha institucionet i ka kthyer në zyrë noteriale të tij që i kontrollon nëpërmjet whatsApp-it.
Sovrani tani është mbërthyer nga tentakulat e oktapodit kriminal të Edi Rames, pushtetit personal që e instaloi duke shfrytëzuar pandeminë botërore të shaktuar nga covidi-19-të.
Dy shtyllat e demokracisë janë pozita dhe opozita.
Satanai i katakombeve të Surrelit me zgjatjen e gjendjes së jashtëzakonshme u mundua ta asgjësojë opozitën reale, me shantazhe, kërcënime, kurthe dhe instaloj juntën ushtarake, plan i hershëm ky i tij.
Ai po e përdor opozitën artificiale parlamentare të përbërë nga sirena dhe urithë, për të zgjatur ditët e pushtetit, me aksione nënujore, apo makinacione të galerive të nëndheshme.
Minoranca morale e kthyer në mazhorancë me dhunë, përdori fallsifikimin e firmave, gjendjen e jashtëzakonshme për të legjetimituar shembjen e Teatrit, pasurisë tonë kombëtare.
Me këtë akt Rama mendon të realizojë planin e tij djallëzorë, të dyfishtë, njëkohësisht të spostojë vëmendjen nga keqmanaxhimi i pandemisë, nga depresioni ekonomik, reforma zgjedhore, përmbyllja e reformes në drejtësi, varfëria ekstreme e familjeve shqiptare.
Nga skenari i tij i fshehtë për transplantin reacor, zbrazjen e Shqipërisë, duke i detyruar mjëra shqiptarë që të braktisin Atdheun e tyre për shkak të papunësisë e vështirësive ekonomike dhe zëvendësimin e tyre me mjëra aziatikë, me arsyetimin paradoksal se ata po vijnë për tu punësuar, mundësi këto që ua ofron ky filantrop i madh.
Në mesin e errësirës shtrigat e natës, si mamajumbat e legjendës kryen aktin e turpshëm kriminal, kushtetues, shembën shtëpinë kombëtare të artit.
Dhuna e ushtruar ndaj protestuesve për këtë akt të pashembullt banditesk deshmon grahamat e fundit të despotit Edi Rama dhe sejmenëve të tij.
Kalifi neootoman Edi Rama e din’ se kibernetika rilindase s’e shpëton dot anijen e tij që po mbytet në trekëndëshin e Bermudës, ndaj po j’u bën shërbimet e fundit korit të korbave, kukuvajkave, oligarkëve, plutokratëve, kleptokratëve, kakistokratëve, një grushti jeniçerësh pranë tij që i mban të bashkuar si Filli i Arianës paraja dhe krimi për përfitimin e saj, për të blerë pushtetin e ardhshëm.
Tartufët shqiptarë të maxhorancës irreale me mandate te blera duan të shkatërrojnë kujtesën historike të kulturës kombëtare.
Padishahu Rama, piktori deshtak shembi shtëpinë e artistëve të Kombit Shqiptar, në shenjë hakmarrje, duke përdorur disa puthadorë që pranuan te bëhen pjesë e centrifugës se tij dhe projekteve te pista për të ndërtuar keopset kriminale, megalavatriçeve të pastrimit të parave, të baronëve të drogës dhe organizatave kriminale, të kontrolluara nga banda rrulundase, për ta kthyer qendrën kombëtare të artit në qendër biznesi.
Piktori deshtak i xhelozuar nga suksesi i artistëve të vërtetë shembi folenë e shqiponjave të elitës artistike kombëtare, që evokoj aty historinë tonë mijëravjeçare.
Ai ka elaboruar një platformë kriminale për asgjesimin e kulturës kombëtare, artit të vertetë dhe zevendesimin e tij me komedi të financuara nga taksat e shqiptarëve, por dhe nga paratë e krimit të jakave të bardha dhe organizatave kriminale.
Ai e din mirë nga historia se armata e artistëve i ka fituar gjithmonë betejat antagoniste me diktaturat, prandaj ka elaboruar krijimin e një trusti mamaqësh, producent i projekteve të tyre do të jetë Daja apo Nojani i mongolëve, i cili zbraz urrejtejen, krahinore, rracore me sarkazëm duke e tallur popullin e tij.
Ai nxitoj ta hipotekojë komedinë sepse e din’ mirë se ato, autorët e tyre, aktorët që i kanë interpretuar kanë luajtur rol të jashtëzakonshëm në fshikëllimin, stigmatizimin e diktaturave, talljen, ironizimin e veseve të diktatorëve, monarkëve, duke nxitur revolta e kryengritje popullore ndaj tyre, prandaj ai paraprin, vepron vetë i pari, sa tallet populli me mua, me mirë të tallem unë me të thotë ai. Por kjo sa ti zgjasë amë.
Kjo lëvizje kulturore, komerciale e Edi Ramës është imitim i lëvizjeve kulturore të Maos në Kinë dhe Hoxhes në Tiranë në vitet 60-70-të.
Enver Hoxha i ktheu objektet e besimit fetar në magazina perimesh, apo vatra të kulturës, ku bëhej propoganda e partisë, ndërsa i biri i tij Edi Rama shembi në mesnatë Tempullin e Shenjë të Kulturës Kombëtare, për ta kthyer atë në qender biznesi, ku do të shesë kanabisin që çertifikoj sëfundmi.
Rama pasi shkatërroj demokracinë shqiptare u bë aktor e protagonist i skenarëve ogurzi rajonalë në kurriz të shqiptarëve
Sulltan Rama dhe sivllau i tij Vuçiç e shpallën vehten vëllezer të Erdoganit, në fakt vasalë të tij.
Këta xhonturq, ideolog të neotomanizmit kanë projektuar Jugosllavinë e re nën emrin e tregut të përbashkët apo miniShengenit Ballkanik.
Deklerata e fundit e Viçiçit se do të hapë kufijtë me fqinjët me dt 1 qershor, duke e anashkaluar Kosovën, deshmon se akordi i binomit Vuçiç -Rama vazhdon.
Padishahu ynë pasi dështoi në politikën paternaliste rajonale, panshqiptare ndaj Kosovës, Maqedonisë dhe Malit të Zi, për tu vetëpagëzuar si sundimtar suprem panshqiptar, në shenjë hakmarrje po e zbraz dufin e tij ndaj vetë atyre që pretendon se i përfaqëson nga votbesimi që i kanë dhënë.
Por këtë hakmarrje ai ka hartuar një platformë e shoqëruar me një strategji.
Për ralizimin e kësaj platforme ai invadoj shtetin me pushtetin.
Kapi prokurorinë, shkatërroi sistemin gjygjësor, u përpoq të asgjësonte votën e lirë, organizoj zgjedhjet lokale pa opozitën reale, tashmë mazhorancë morale, fabrikoj një opozitë artificiale.
U mundua të asgjesonte fjalën e lirë, por ky Nastradin u kundërshtua fort nga institucionet prestigjioze ndërkombëtare.
Megjithëatë sapo i erdhi momenti goditi gjigandin mediatik ora news dhe do të godasë të gjithë ata që nuk janë pjesë integrale e indusutrisë mediatike plutokratike të kontrolluar prej tij.
Këto ishin arsyet pse ai sponsorizoj puçin kushtetues, për të realizuar pushtimin e Gjykatës Kushtetuese dhe Presidencës.
Ai mirëfilltasi organizoj një grusht shteti, mbetur në tentativë, për të kapur dy institucione që nuk i kishte thyer dot.
Për një moment u duk se se hoqi dorë nga kjo përpjekje, por këtë projekt ogurëzi e vuni në zbatim sapo i erdhi momenti i shfaqjes së antiKrishtit, civodit-19-të, prodhuar nga laboratorët e Kinës komuniste, ideuar nga mendiet diabolike të darvinëve modernë, pjesë e shoqërive të fshehta, të zeza, të lakuriqëve të natës, të cilët kërcënuan demokracitë botërore, por dhe vetë ekzistencën e njerëzimit.
Sapo i erdhi ky moment Edi Ramës e shfrytëzoj pa humbur kohë.
Aktivizoj tentakulat e krimit për të finalizuar sa me shpejt platformën e tij.
Me nxitim hartoj e miratoj nga parlamenti, zyrë noteriale e tij një shtojcë në kodin penal, si mekanizëm frike ndaj popullit.
Zgjati gjendjen e jashtëzakonshme duke tejkaliar kopetencat e tij, me qëllim për të mbajtur qytetarët të frustruar e për të privuar liritë individuale të tyre, për t’i mbajtur në mbikqyrje e në panik të plotë.
Ky Esat Pashë shiti çeshtjen kombëtare për interesat e tij utilitare, u bë aktor e protagonist i fuqishëm në skenarin për ndarjen e Kosovës, shiti, kauzën çame, detin, dhuroi asetet strategjike kombëtare.
I dha Erdoganit Auroportin e Vlorës së Ismail Qemalit pikërisht në vitin Jubilar të Gjergj Kastriotit dhe 140- vjetorit të Lidhjes Shqiptare të Prizrenit.
Tani është sulur për të zhdukur simbolet kombëtare.
Nuk do të çuditemi kur shumë shpejt ta kthejë edhe Muzeun Kombëtar në markatë për të shitur domate dhe kastraveca.
Unioni Artistik i Kombit Shqiptar denon me forcë keto akte tradhtare.
Ai denon me ashpërsinë më të madhe zhdukjen e simboleve kombëtare.
Sulltan Rama duhet ta dish’ se tani shumë shpejt do të flasë Sovrani dhe do të bëjë gjygjin epokës tuaj kriminale dhe regjimit tuaj despotik.
Aty ku Sulejman Petarka ka luajtur Epokën para Gjygjit, aty Kombi Shqiptar do të bëjë gjygjin e epokës tuaj kriminale dhe tradhëtive tua
Këtij kuslingu do t’ja kishte zili vetë Esat Pasha dhe Peteni për tradhëtitë e tij.
Dua t’i kujtoj këtij zhupani se historia na mëson:
Sa më të egër kanë qenë diktatorët aq me tragjik’ e kanë patur fundin.
Janë të freskëta në memorien tonë fundet e Sadamit në litar, Gedafit në hanxhar, opo të satrapit të Ballkanit, Millosheviçit në qeli.
Në litar ka përfunduar edhe babai shpirtëror i rrulindasve Enver Hoxha.
Lleshi i zi nuk duhet ta harrojë Ali Komikun e Sadamit në trekendësh.
Populli shqiptar nuk do të harrojë kurrë hedhjen e lëndëve helmuese luftarake ndaj popullit opozitarë.
Një veprim të tillë e ka bërë vetëm Bashar Al Asadi.
Edhe eunukut të Sulltan Ramës, Erion Velisë, që shëmbllen me Symbyl Agën nuk ka për ti’a harruar populli shqiptar kurrë.

Aktori shumë i dashur për shqiptarët, Mehdi Malkaj teksa ka marrë fjalën e tij në podiumin e modest të vendosur para protestuesve për Teatrin Kombëtar, ka ngritur peshë protestuesit.

Malkaj ka recituar disa vargje të njohura të Naim Frashërit, ‘Ti Shqipëri më jep nder’.

“Mos ua paçim kurrë këtë borxh. Teatri ishte i vetmi në Shqipëri. Kemi dhe teatro të tjerë, siç është Durrësi. Nëse kjo quhet demokraci! Ç’mund të themi për diktaturën? Më kuptuat? (‘Poshtë diktatura’ degjohet nga tuma) Unë do recitoj nga 4-5 vargje. Ju do më shoqëroni me një britmë që të dëgjohen nga Vikthuqi e Vermoshi e deri në Konsipol: Ti Shqipëri me jep nder, me jep emrin shqiptar, zemrën ma gatove, plot me dëshirë dhe zjarr.”, tha Malkaj.

TIRANË

Ka nisur protesta e thirrur nga Aleanca për Mbrojtjen e Teatrit. Me tingujt e “Himnit të teatrit”, qytetarë dhe artistë i janë bashkuar protestës në Bulevard. Me sa duket Policia e Shtetit ka vendosur të ulë numrin e efektivëve që do të mbajnë rendin dhe qetësinë në protestën e sotme të thirrur nga Aleanca për Mbrojtjen e Teatrit, 3 ditë pasi godina e tij u shemb nga fadromat e Bashkisë.

LIVE

Gazetarja Dorjana Bezat raportoi për “BalkanWeb” se 300 punonjës policie janë të angazhuar, si dhe forcat e rendit, Shqiponjat dhe dy njësi të FNSH por më pak trupa se në protestat e kaluara. Do të ketë dhe efektivë të RENEA-s që do të monitorojnë nga lart protestën dhe personat e rrezikshëm.

Një grup i FNSH-së dhe autobotet me ujë do jenë të pozicionuara te Kryeministria të gatshëm për të ndërhyrë. Efektivët e policisë ndërkohë janë të pajisur me maska kundragazi. Në gatishmëri do jenë dhe zjarrfikësit.

Të rinjtë e teatrit Migjeni i bashkohen kauzës, mbajnë protestë të heshtur
Ora 17:59- Teksa në Tiranë ka nisur protesta kundër shembjes së Teatrit Kombëtar, të rinjtë e teatrit “Migjeni” i janë bashkuar kauzës, duke zhvilluar një tubim të heshtur.
Te rinjtë mbaj ne duar mbishkrime ku thuhet “Teatri është shtëpia ime”, “Unë jam teatri”, “Shembët godinën por jo teatrin”, “Jetojmë për lirinë”, “Dhuna nuk më përfaqëson”, “Unë jam grushti i fortë i munguem i Migjenit”, “Jo diktaturës, Zgjohu”.
Me herët një proteste të tillë kanë bërë edhe aktorët e teatrit “Migjeni”.

Robert Budina: Edi Rama të japë dorëheqjen, do ta ndërtojmë Teatrin sërish ashtu sic ishte
Ora 17:48- Regjisori Edmond Bundina në një komunikim live në News 24 deklaroi se Rama vazhdon të bëjë veprime mafioze.

Ai tha se artistët dhe qytetarët janë bërë bashkë e do të firmosin një peticion për të rindërttuar Teatrin sërish aty ku ishte.
“Vëllezër, ne kemi qëndruar për të mbrojtur Teatrin mbi 2 vjet që të mbrojmë godinën e Teatrit. Ne fitojmë me dije, vendosmëri. Rama veprime mafioze, ne paqësore. Peticioni do të shpërndahet në të gjithë Shqipërinë. Ne jemi artistë, kjo është forca jonë më e madhe. Ne duam të sjellim ndryshimin tek njeriu dhe jo tek forca e fizikja.

Mund të ketë strategji për të shfryrë protestën, por ne nuk do lejojmë këtë gjë. Ne duam të zbardhet krimi që ka ndodhur në Teatër. Sot të gjitha materialet i kanë shkuar gazetave më të mëdha botërore. Kam marrë vesh se akuzat ndaj nesh mund të jenë edhe për terrorizëm, Rama po vepron si kamikaze në mes të Tiranës. Ne kemi lidhje me mediat e huaja dhe do të bëjmë me dije gjithcka”, tha regjisori Budina.

Teatri, Basha dhe Kryemadhi i bashkohen protestës, shoqërohen nga ish-deputetët e opozitës
Ora 17:47- Kryetari i Partisë Demokratike, Lulzim Basha ka dalë nga selia blu, ndërsa është shoqëruar me duartrokitje nga mbështetësit e tij.
I shoqëruar dhe nga ish-deputetë, Basha i është drejtuar protestës para teatrit, bashke me Gazmend Bardhin.

Ndërkohë, protestës i është bashkuar dhe kryetarja e LSI-së, Monika Kryemadhi. Kjo e fundit shoqërohej nga nënkryetari i LSI-së, Petrit Vasili.

Artistë e qytetarë nisin firmosjen e peticionit për rindërtimin e Teatrit Kombëtar, Licaj: Do mbledhim firma në të gjithë Shqipërinë
Ora 17:30 – Artistë e qytetarë nisin firmosjen e peticionit për rindërtimin e Teatrit Kombëtar, Licaj: Do mbledhim firma në të gjithë Shqipërinë
Ka nisur firmosja e peticionit për rindërtimin e Teatrit Kombëtar. Peticioni është duke u firmosur nga qytetarët në sheshin e protestës.

Peticioni përvec nënshkrimit në Tiranë, do të shpërndahet edhe në rrethe të tjera të vendit.

Gazetari Erjon Skëndaj raporton për “Balkanweb” se ky peticion kërkon që Teatri Kombëtar të mund të rindërtohet ashtu sic ishte.

Nga Rama tek ish-ministri Tahiri, zbulohen disa nga mesazhet e Aleancës para protestës për Teatrin
Ora 17:00– Pamjet e këtyre banderolave do të jenë mesazhet që aktivistë të Aleancës për Mbrojtjen e Teatrit do të shpalosin sot kundër qeverisë në protestën që do të nisë në orën 17:30.

Siç shihet dhe nga fotot që publikon ‘BalkanWeb’ shihet se aktivistët kanë rrethuar kangjellat metalike të vendosura nga policia me shiritin e verdhë, që vendoset në një skenë krimi, për të ironizuar kështu edhe qeverinë me vendimin për shembjen e godinës së teatrit.

Protesta për Teatrin, policia e Elbasanit vijon me postbllokun në Bradashesh

Ora 16:32- Teksa sot në orën 17:30 është parashikuar që të nisë protesta kundër shembjen së Teatrit, e organizuar nga Aleanca për Mbrojtjen e Teatrit, e mbështetur shoqëria civile si dhe nga opozita, policia nëpër rrethe ka forcuar kontrollet në rrugë.

Mësohet se në rrethrrotullimin e Bradasheshit policia e Elbasanit ka ngritur prej disa ditësh një postbllok i cili kontrollon të gjitha automjetet që udhëtojnë drejt kryeqytetit duke kaluar në ‘sitë’ edhe dokumentacionin e tyre. Ndërkohë gazetrari Fatmir Popja raporton për ‘BalkanWeb’ se sot nuk janë regjistruar raste të kthimit pas të automjeteve, nga Elbasani drejt Tiranës. Nga ana tjetër, lokale e PD pretendon se policia po pengon qytetarët t’i bashkohen protestës, duke kthyer makinat pas.

Protesta për Teatrin, demokratët e Beratit nisen drejt Tiranës, kreu i degës së PD: Edhe sot po na pengon policia
Ora 15:30- Përfaqësues të Partisë Demokratike të Beratit janë nisur sot drejt protestës së thirrur në orën 17:30 në Tiranë nga Aleanca Kombëtare për mbrojtjen e teatrit dhe opozita. Nisja e protestuesve beratas është kryer rreth orës 14:30 nga selia e Partisë Demokratike Berat, ku janë nisur rreth 25 automjete të vogla, ndërkohë që më herët dhe në orare të ndryshme janë nisur edhe automjete të tjera.

Kryetari i Partisë Demokratike në Berat, Gazmend Azizi ka deklaruar se makinat e protestuesve edhe sot po pengohen rrugës drejt Tiranës nga policia rrugore pa asnjë shkak.

“Demokratët beratas do të mbështesin fuqishëm protestën e thirrur nga Aleanca Kombëtare për Mbrojtjen e Teatrit dhe opozita, në mbrojtje të fjalës së lirë dhe të drejtave të çdo qytetari. Qëndresa jonë do të jetë e fortë dhe të gjithë bashkë do të bashkohemi në protestë në kryeqytet”, -ka thënë Azizi.

(BalkanWeb)

Regjisori Edmond Bundina në një komunikim live në News 24 deklaroi se Rama vazhdon të bëjë veprime mafioze.

Ai tha se artistët dhe qytetarët janë bërë bashkë e do të firmosin një peticion për të rindërttuar Teatrin sërish aty ku ishte.

“Vëllezër, ne kemi qëndruar për të mbrojtur Teatrin mbi 2 vjet që të mbrojmë godinën e Teatrit. Ne fitojmë me dije, vendosmëri. Rama veprime mafioze, ne paqësore. Peticioni do të shpërndahet në të gjithë Shqipërinë. Ne jemi artistë, kjo është forca jonë më e madhe. Ne duam të sjellim ndryshimin tek njeriu dhe jo tek forca e fizikja.

Mund të ketë strategji për të shfryrë protestën, por ne nuk do lejojmë këtë gjë. Ne duam të zbardhet krimi që ka ndodhur në Teatër. Sot të gjitha materialet i kanë shkuar gazetave më të mëdha botërore. Kam marrë vesh se akuzat ndaj nesh mund të jenë edhe për terrorizëm, Rama po vepron si kamikaze në mes të Tiranës. Ne kemi lidhje me mediat e huaja dhe do të bëjmë me dije gjithcka”, tha regjisori Budina.

Ka nisur firmosja e peticionit për rindërtimin e Teatrit Kombëtar.

Peticioni është duke u firmosur nga qytetarët në sheshin e protestës.

Gazetari Erjon Skëndaj raporton për “Balkanweb” se ky peticion kërkon që Teatri Kombëtar të mund të rindërtohet ashtu sic ishte.

Peticioni përvec nënshkrimit në Tiranë, do të shpërndahet edhe në rrethe të tjera të vendit.

“Kush hesht dhe nuk guxon ta dënojë dhunen është bashkëfajtor dhe nxitës i saj!”. Kjo është deklarata e presidentit Ilir Meta në lidhje me protestën që ndodhi pas shembjes së Teatrit Kombëtar, ku disa artistë e përfaqësues të shoqërisë civile u shoqëruan.

Teksa ka publikuar një video nga episodet që u shoqëruan ditën e diel, kreu i shëtit thekson se demokracia nuk dhurohet, por mbrohet dhe fitohet!

“Kjo dhunë ka vetëm një emër dhe një adresë!
Kush hesht dhe nuk guxon ta dënojë është bashkëfajtor dhe nxitës i saj!
Kurajë qytetare dhe solidaritet!
Demokracia nuk dhurohet, por mbrohet dhe fitohet!
Të bashkuar deri në fund, me dashuri për Shqipërinë europiane! 🇦🇱”, shkruan Meta, pak orë para protestës së paralajmëruar sot nga Aleanca për Mbrotjen e Teatrit.

“Duket sikur demokracia mezi po mbahet në Shqipëri. Por demokracia është aftësia e qytetarëve për t’i befasuar pushtetarët, e nuk është spektakli i propagandës së pushtetit, që ua ledhaton mjekrat atyre”. Kjo është akuza më e fundit e Albin Kurtit kundër dikur mikut të tij, Edi Ramës. Në dy-tri vjetët e fundit dy liderët e majtë në Kosovë e Shqipëri, që tash të dy janë kryeministra, tërheqjen e vetme i kanë pasur deklaratat e ashpra ndaj njëri – tjetrit.   

Dukej premtues takimi mbi katër orësh në Tiranë ku Kurti e Rama kishin diskutuar gjerë e gjatë raportet mes dy vendeve që viteve të fundit janë përballë me amplituda të shpeshta për shkak të liderëve. Takimi i shumëpërfolur që ishte ndërprerë për shkak Gerard Depardieu, ishte komentuar gjatë pikërisht edhe për shkak të aktorit francez, por orët e gjata bashkë nuk e kishin rikuperuar marrëdhënien. Rama nuk kishte arritur ta bindte Kurtin për disa tema që i interesonin dhe pak kohë më pas filloi të flas se Kryeministri i ri i Kosovës shumë shpejt do të përballet me vështirësitë e qeverisjes ose do të kalojë nga “poezia e opozitës në prozë”.

Në kohë pandemie raportet vetëm sa eskaluan. Rama nuk iu përgjigj kërkesës së Kurti për takim të liderëve kosovarë e shqiptarë duke thënë se duhet të merret vesh fillimisht se kush është zëri zyrtar në Kosovë.

Rrëzimi i Teatrit të dielën që shkoi dhe gatishmëria e Lëvizjes Vetëvendosje për të mbajtur protesta kudo ishte rasti i mirë për Kurtin dhe VV’në për të kthyer përgjigje.  Zyrtarë të lartë të VV’së në Tiranë kanë protestuar kundër shembjes së Teatrit Kombëtar, ku është arrestuar drejtori i Zyrës së VV’së në Shqipëri, Boiken Abazi.

Vetëvendosje, në reagimin e sotëm, tha se shpresojnë që arrestimi i zyrtarit të saj të mos jetë hakmarrje e një ‘idhnaku’. Në këtë postim VV’ja riktheu në vëmendje miqësinë e Ramës me Vuciqin.

“Boiken Abazi përveç kontributit të tij si aktivist i rëndësishëm për Lëvizjen VETËVENDOSJE! shquhet edhe si qytetar i kulturuar e intelektual i angazhuar. Ndalimi i tij shpresojmë të mos jetë hakmarrje e ndonjë idhnaku që mban inat për prishjen e pazareve me Vuçiqin. Vuçiqi mund të jetë mik individual i dikujt, por ai nuk mund të jetë kurrë mik i shqiptarëve, për shkak të historisë e politikës që ai përfaqëson”, shkroi VV’ja,

Por përplasja e Ramës me Kurtin që po shënon pikun e saj me zënkën për një teatër të Tiranës, rrënjët i ka shumë më të thella. Konflikti i tyre ka qenë i pasur për nga përmbajtja e akuzave ndaj njëri – tjetrit në tri vjetët e fundit. Rama në një intervistë për Pressing të T7 u shpreh i mllefosur për krahasimin që Kurti i bëri me Millosheviqin kur kundërshtoi shembjen e teatrit dhe akuzoi Kurtin për dështim në veri duke thënë se gjatë pandemisë atje Serbia ushtroi sovranitet.

Në rritje e sipër të VV’së në Kosovë, kjo parti dhe lideri i saj Albin Kurti, kishte raporte veçmas të mira me Ramën. Të majtit shqiptarë supozohej se do të përshtateshin me njëri – tjetrin. Kurti besohej se i përshtatej shijeve të Ramës më shumë se liderët e tjerë politikë, që kryesisht ishin komandantë të luftës.

Por, në vitin 2018, filluan të ndryshonin raportet. Edi Rama po afrohej edhe më shumë me Presidentin Thaçi, e kush e kishte mik Presidentin e Kosovës, nuk mund ta kishte njësoj mik edhe kundërshtarin më të madh të tij, Kurtin.

Lideri i LVV’së, nga ana tjetër, nisi të përafrohej me ish-kryeministrin e Shqipërisë, Sali Berishën.

Në të njëjtin vit, miqësitë në politikën shqiptare po definoheshin me qëndrimet pro ose kundër ndryshimit të kufijve të Kosovës.

Rama, në mbrojtje të Presidentit Thaçi njëherë në Pejë tha “Kushdo që i thotë Hashim Thaçit tradhtar, është gomar”. Këtë më shumë e kishte për ish-kryeministrin Ramush Haradinaj, megjithatë  Kurti e VV’ja ishin ata që Presidentit ia kishin vënë titullin.

LVV e ka akuzuar herë direkt e herë indirekt kryeministrin Rama, se ishte një nga ideatorët e ndarjes së Kosovës bashkë me Thaçin e presidentin serb, Aleksandër Vuciq.

Vetëvendosje në Prishtinë, me degën e saj në Tiranë, do të përkrahte çdo gjë që kundërshtonte Ramën që nga viti 2018. LVV doli haptas pro protestave të studentëve të studentëve, që konsiderohej si përballja më serioze e kryeministrit të Shqipërisë prej që është në pushtet.

Këtë protestë e kishin përkrahur zyrtarë të lartë të partisë, si Albulena Haxhiu, e kishte prej atyre si Tinka Kurti që kishin marrë pjesë edhe fizikisht në protestat kundër Qeverisë Rama.

Në maj të vitit 2019, në kuadër të Samitit të Brdo-Brijunit, Presidenti serb po vinte në Tiranë bashkë me liderët e tjerë të Ballkanit.

Për Lëvizjen Vetëvendosje në Tiranë ishte e papranueshme që Vuciqi të pritej njëjtë si të tjerët, e kështu paralajmëruan edhe protesta.

“Nga mediat dhe përfaqësues të huaj është raportuar se Aleksandar Vuçiç dhe Milorad Dodik do të vizitojnë Tiranën në datat 8 dhe 9 maj për të marrë pjesë në takimin “Brdo-Brione”. Për këtë vizitë të tyre nuk ka patur asnjë njoftim zyrtar nga asnjë prej institucioneve të Republikës së Shqipërisë. Institucionet kanë zgjedhur heshtjen dhe mos transparencën, pikërisht në një periudhë kur Serbia synon haptazi ekspansion në Kosovë e në Bosnje”, reagonte atëherë VV’ja.

Kurti, që ishte distancuar nga miku i tij Rama, kur i fitoi zgjedhjet, si kandidat për kryeministër zhvilloi një takim me atë që do ta kishte homolog. Kurti e kishte të rëndësishme që vizitën e parë si fitues i zgjedhjeve, e edhe si kryeministër më vonë, ta bënte në Shqipëri.

Në tetor kaloi një mbrëmje me Ramën, e nëntor LVV’ja riktheu pakënaqësitë që Rama priti në Shqipëri Vuciqin, e i pranoi ndihmat që Serbia ia bënte pas tërmeteve në Durrës gjatë nëntorit.

Kur dukej Rama e Kurti, po shkrinin acarimin e raporteve, ishte tema e minishengenit që krijoi përplasje mes tyre në një konferencë të përbashkët të mediave në Tiranë.

Kurti provoi që me kurtuazi ta shpjegonte mospajtimin e tij me idenë e Ramës dhe të Vuciqit për minishengen, ndërsa Rama i përplasi në fytyrë pakënaqësinë që kryeministri i ri i Kosovës nuk po i bindej.

“Ky është takimi i parë, ka edhe shumë tema që do i trajtojmë në të ardhmen, ishte një temë që e trajtuam shkurtimisht. Takimi sot për makroshegenin shqiptar se për minishengenitn Ballkanin”, u shpreh Kurti në shkurt të këtij viti.

Ndërsa Rama ia ktheu “S’ka makroshegen shqiptar pa minishengen Ballkanik”.

Kurti u kthye në Prishtinë ndërsa përplasjet – sic do t’i quante presidenti Thaci – sporadike mes dy liderëve shqiptarë vazhduan, deri të reagimi i sotëm, kur Kurti pretendon se i ka prishur pazaret e Ramës me Vuciqin. /Expres/

Ish-kryetari i Bashkisë së Shëngjinit, Salvador Kaçaj, ishte i ftuar në rubrikën “Opinion”, në Neës24, ku renditi disa nga shkeljet që i janë bërë ligjit me shembjen e Teatrit Kombëtar.

Teksa shprehet e vendimin për shembjen e një godine e merr vetëm kryetari i bashkisë, ish-kryebashkiaku Kaçaj theksoi se një tjetër shkelje është edhe ndërhyrja e policisë në mbështetje të INUV ditën e diel, kur Policia e Shtetit është pushim dhe nuk lejohet ta bëjë një gjë të tillë.

Intervista:

Çfarë ndodhi me shembjen e Teatrit Kombëtar?

Përvec keqardhjes dhe dhimbjes si një vepër arti, ajo që është më e keqardhur është se shumë eksepertë e specialist nuk dalin të thonë se cilat ligje janë shkelur. Në rastin konkret, Këshilli Bashkiak i Tirnaës nuk ka atribut të marrë vendim për prishjen e asnjë godine. I vetmi autoritet është kryetari i bashkisë që merr vendimin. Vendimi që ka marrë këshilli bashkiak është nul, nuk ka kompetencë, është njëlloj si të marrë vendim për të prishur malin e Dajtit. Ajo që jep leje për ndërtim, ai jep leje dhe për prishjen, pra kryebashkiaku, siç ndodhi me Stadiumin “Qemal Stafa”.

Këshilli bashkiak i Tiranës ka shumë personalitete të shumë fushave, dhe të vjen keq që professor si Civici voton në mënyrë të verbër dicka që nuk është në kompetencë të tij, apo persona të tjerë. Ligji mbi pushtetin vendor e thotë qartë kur INUV duhet të marrë një aksion për prishjen e një objekti, njofton policinë, që duhet të japë mbështetje Brenda orarit të punës. Nuk e di ku e gjen kurajon ministri i Brendshëm, që i jep policisë të drejtë të ndërhyjë të dielën në orët e mëngjesit. Edhe kjo është shkelje flagrante ligjit. Pra, që nga këshilli bashkiak deri te ndërhyrja e policisë, janë shkelje të ligjit. Kam parë nje email të këshillit bashkiak, ku është thënë vetëm që “teatri do të shembet”, dhe nuk është parë asgjë tjetër.

Këto janë ligje të shkruara e zeza mbi të bardhë, që i ka caktuar vetë qeveria. Nuk e kuptoj kurajon e gjithë atyre që kanë marrë këtë vendim. Është një dhimbje e madhe, sepse teatri është tempulli i kulturës shqiptare. Një tjetër shkelje është edhe fakti se ka kaluar në pronësi të bashkisë vetëm trualli i teatrit.

Mund të atakohet në gjykatë kjo?

PD ka bërë disa padi, dhe mendoj se çdo gjykatë do t’i japë të drejtë ligjit. Por unë them si mundet policia të shkojë dhe të mbështesë INUV në një ditë pushimi, nuk di ku e kanë marrë guximin.

Presidenti Meta ka çuar dy padi kundër shembjes së teatrit, a kanë vlerë?

Kanë vlerë. Është bërë padi nga disa presidenti, opozita, aleanca për teatrin, dhe mendoj se një nga këto vendime sikur të dalë kundër shembjes është përgjegjësi e madhe ligjore.

Kush do t’i marrë përgjegjësitë?

Natyrisht, ai që ka bërë project-vendimin, që në këtë rast është kryetari i bashkisë. Ai ka bërë project-vendimin dhe ia ka dërguar këshillit bashkiak.

Ndërkohë, ju keni qenë në protestë…

Unë kam qenë në protestë do të shkoj edhe sot, pasi kam një lidhje shpirtërore, kam pas xhaxhin, që ka kaluar në të gjithë këto tempujt e artit shqiptar, ndaj dhe ndjej dhimbje për prishjen e atij teatri. Që në klasë të 4-5 na kanë çuar për ta vizituar atë teatër. Mbështes gjithë kauzën e aleancës për teatrin.

Balla tha se ishte godinë tallashi dhe duhej prishur…

Po pse nuk e rrëzoi tërmeti rreth 7-8 ballë. Po të ishte tallashi do ta rrafshonte. Pra, bien poshtë këto vlerësime. Vetëm godinë tallashi nuk ishte.

Do vazhdoni të jeni prezent në protesta?

Patjetër, do jem vetë dhe e gjithë familja për ta mbështetur dhe shkuar deri në fund kësaj kauze.

Presidenti Ilir Meta ka reaguar sërish në lidhje me kryefjalën e debatit përgjatë këtyre ditëve, siç është shembja e Teatrit Kombëtar.

Përmes një mesazhi në ‘Facebook’ kreu i shtetit shprehu mirënjohje për ekspertët dhe specialistët që mbrojnë tezën dhe provojnë çdo ditë se shkatërrimi i Teatrit Kombëtar ishte një akt barbar dhe i programuar shkombëtarizues. Teksa ka shpërndarë një artikull të Emin Rizas, Meta, mbështet tezën e akademikut, ndërsa shton se teatri është i paamnistueshëm.

MESAZHI I METËS
U jam shumë mirënjohës të gjithë specialistëve dhe ekspertëve, si Akademiku Emin Riza, të cilët me profesionalizëm, përkushtim por veçanërisht me dashurinë e pasionin e tyre për kulturën tonë kombëtare dhe trashëgiminë e pazëvendësueshme vazhdojnë të provojnë çdo ditë se shkatërrimi i Teatrit Kombëtar është një AKT BARBAR DHE I PROGRAMUAR SHKOMBËTARIZUES!
PRANDAJ ËSHTË I PAAMNISTUESHËM PËRGJITHMONË!

Bashkia e Tiranës me të njëjtin nxitim që veproi për shembjen e godinës së teatrit, po vijon për lirimin e hapësirës ku do ndërtohet teatri i ri. Të gjitha çfarë mbetën nga historia e Teatrit Kombëtar  po ngarkohen në kamionë për tu hedhur landfillin e Sharrës. 

Tiranë- Me të njëjtin nxitim që nisi puna për prishjen e teatrit, Bashkia e Tiranës po vijon për transportin e inerteve dhe lirimin e hapësirës ku pritet të ndërtohet teatri i ri kombëtar. Ora News ka ndjekur këtë të martë punën për transportin e inerteve.

Pas daljes nga ai që tashmë do të quhet kantieri i ish-teatrit, kamionët nisen drejt rrugës së Elbasanit, për të vijuar në Unazë, më pas në Kombinat dhe më në fund në landfillin e Sharrës, aty ku do të jenë pjesë e mbeturinave të qytetit edhe dosje, gardëroba apo elementë të tjerë të përdorur ndër vite nga artistët e teatrit.

Por para se kamionët të futen në brendësi të landfillit, ndalojnë që disa prej mbetjeve të teatrit ti hedhin në rrugë.

Këto mbetje siç duket e kanë një vlerë, pasi me t’i hedhur kamioni në rrugë, një makinë e Bashkisë ndalon dhe i ngarkon për ti çuar nuk dihet se ku.

Në landfillin e Sharrës janë depozituar të gjithë mbetjet e teatrit, ndërsa kamionët nuk ndalojnë punën për lirimin e tokës, duket për ta bërë gati për nisjen sa më parë të punës ndërtimore.

Janë të paktën 10 kamionë të cilët vijojnë punën pa ndërprerje deri në përfundim të punës.

Gazetari dhe analisti Fatos Lubonja duke folur në protestën e organizuar sot kundër prishjes së Teatrit Kombëtar, deklaroi sae godina u shemb nga një bandë kriminale e drejtuar nga Edi Rama.

Lubonja tha se kryetari i Bashkisë Erjon Veliaj duhet të japë dorëheqje, ndërsa shtoi se duhen protesta të vazhdueshme derisa përgjegjësit të dalin para gjyqit e të mbajnë përgjegjësi.

“Shembja e Teatrit ishte si një shembje brenda nesh, si një shembje ndaj lirisë, ndaj dëshirës sonë për të jetuar në një vend me demokraci dhe goditje ndaj të ardhmes sonë. Këtu kemi një bandë kriminale shumë të rrezikshme. Duhet të mendojmë si të clirohemi nga kjo bandë kriminale që ka kapur shtetin. Qytetarët duhet të mendojnë për të nxjerrë para gjyqit të gjithë autorët e këtij krimi. Sot duhet të dorëhiqet Veliaj i pari, duhet ta kërkojmë sot, nesër, vazhdimisht derisa të jetë i gatshëm për Prokurorinë për shkeljet që ka bërë.

Ne duhet të prrotestojmë para prokurorisë, se Veliaj ka shkatërruar pronën publike me dashje. Ky proces do të cojë tek kryetari i bandës që është Edi Rama dhe shkatërroi pronën publike. Rama ka bërë që të futet krimi në politikë dhe në ekonomi si dhe ka shkatërruar Shqipërinë. Përpara nesh kemi pushtet shumë të rrezikshëm që kërkon të jemi shumë të fuqishëm. Kjo bandë na ka shkaktuar një traumë. Duhet gjyq për të gjithë këta, që të hapim Shqipërinë e lirisë dhe jo Shqipërinë e kriminelëve. Këta kanë shkatërruar Tiranën. Të mbajnë përgjegjësi”, u shpreh Lubonja.

Aktorja e Teatrit Kombëtar Juli Emiri ka treguar para turmës së protestuesve mëngjesin e dhimbshëm të një dite më parë kur fadromat shembën godinën e mbrojtur prej 27 muajsh. Ajo tha se ndodhej në tarracën e Teatrit kur mbi 1500 policë erdhën dhe i tërhoqën zvarrë por theksoi se ishin me maska dhe pa numra identifikimit pasi duan të fshihen dhe kanë frikë nga artistët e qytetarët.

“Me maska erdhën rreth 4 të mëngjesit mbi 1500 policë. Erdhën me maska që të fshihnin fytyrat e tyre. Nuk janë policë, janë bandë, fshehin fytyrat dhe numrat e identifikimit sepse e dinë mirë çfarë po bëjnë. Kanë ardhur të na vrasin. Kanë kontrolluar dhe thanë të dalë kush të dalë dhe të tjerët le të vdesin. Për mua dhe Neritan Liçaj erdhën 30 vetë a mos më shumë. Isha në tarracë. Ata kanë frikë nga ne, kanë frikë nga qytetaria, kanë frikë nga arti”, deklaroi aktorja Emiri.

“Hiqni kapelet”. Kjo ka qenë thirrja e protestuesve sot para godinës së teatrit kombëtar, drejtuar punonjësve të Policisë së Shtetit.

Sipas protestuesve, Policia e Shtetit dje shkeli ligjin dhe kushtetutës, ndaj dhunës së ushtruar dje protestë, ku pati edhe disa aktorë dhe aktivistë të shoqëruar.

Kujtojmë se në proteste u dëgjuan edhe shpërthime kapsollash, ndërsa personat e dyshimtë u larguan nga turma e protestuesve.
(BalkanWeb)

Aktivistja dhe avokatja Ardiana Kalaja deklaroi nga protesta kundër vendimit për shembjen e teatrit Kombëtar se banditë me uniforma të policisë shkuan dje për t’i vrarë artistët.

Ajo tha se mes dhunës që ushtrohej dje, tentonte që të ruante telefonin e saj, si të vetmen provë kundër kësaj situate.

“Ne duhet të ishim habitur nëse Rama do kishte ardhur në teatër, në psikopat nuk tërhiqet nga veprimtaritë kriminele. Ata erdhën me armë, për të na vrarë, ndaj qytetarëve që protestonin paqësisht. Ata nxorën me pranga Artan Liçajnë dhe Julin. A i keni parë se si Ardi Veliu i shoqëron kriminelët me fuorstrada. Ata nuk ishin policia e shtetit, por banditë të veshur me uniformën e policisë. Ata shemben teatrin. Por në fakt shembën vetëm muret e teatrit. Ai është brenda nesh deh brenda secilit prej nesh dhe kurrë nuk do ta shembin. Në ato rrënoja ka mbetur një pjesë e shpirtit tonë. Ndjeva dhimbje kur dhunonin miq dhe mikesha të miat. U ndjeva e trishtuar se s nuk mundesha të shpëtoja atë që kisha vite të shpëtoja. Para dhunës mundohesha të fshija celularin, të vetmet prova për të vërtetuar dhunën, që erdhën për të në vrarë. Unë jam nëna e dy fëmijëve. Kam vendosur që të luftojë kundër këtij pushteti, për të ardhmen e fëmijëve të mi, e mbesave dhe nipërve të mi.”, tha Kalaja.
(BalkanWeb)

Ka qenë regjisori Robert Budina ai që hapi zyrtarisht protestën para Teatrit Kombëtar, nga i cili tashmë kanë mbetur vetëm rrënojat.

Ai tha para turmës së qytetarëve se dhuna e djeshme e ushtruar nga artistëve, dhe shembja e godinës gjatë kohës kur brenda ishin edhe aktorë, ishte një tentativë për vrasje. Budina i bëri thirrje SPAK që të hetojë këtë tentativë vrasje.

Mes mesazheve të forta, Budina theksoi se sot ai bashkë me pjesëmarrës të tjerë të Aleancës për Mbrojtjen e Teatrit, nuk ishin aty si përfaqësues të asnjë partie, por si qytetarë në mbrojtje të kulturës.

“Ftojmë ministrin e Brendshëm, ftojmë SPAK, që të hetojë këtë ngjarje, pasi ishte tentativë për vrasje, të artistëve që ishin brenda teatrit. Sot kontaktuam me faktorin ndërkombëtar, dhe kërkuam që të zbardhet kjo ngjarje dhe pse u sulmua kultura në këtë ditë gjatë kohës së pandemisë. Deri tani sigurisht kemi marrë një mbështetje, kjo ngjarje nxori në pah sistemin e drejtësisë. Ju jeni sot të shumtë në numër këtu, pasi simbolika e teatrit kombëtar, ishte qëndrimi në këmbë i demokracisë shqiptare. Pasi ajo godinë u shemb me ligje antikushtetuese. Ne u detyruam që të mbronim fizikisht godinë dhe u gjendëm të vetëm, pa asnjë mënyrë se si ta zgjidhnim. Dhe në mënyrë të tërthortë ne përcollëm problemet e demokracisë shqiptare. Ja pra që kjo godinë nuk ishte halli jonë, por dhe halli juaj. Shembja në mënyrë mafioze me goditje të përqendruar, nga ana e qeverisë, ishte për t’ju thënë juve se; “qytetaria ka vdekur”. Ishte për t’ju treguar juve se “ne nuk jemi të aftë t’ju sigurojë të drejtat”. Pra “ju nuk ekzistoni dhe Shqipëria nuk bëhet më”. Ata kujtuan se do shembnin godinën dhe se do ta bënin në mënyrë fizike. Por ajo ndërtoi një simbolikë më të fuqishme. U kthye në bumerang për qeverinë shqiptare. Ne një pjesë e aktivistëve, qytetarëve, njerëzve të kulturës, jemi këtu për të mbrojtur, për të vënë në krah dhe pah vlerat e qytetarisë shqiptare. Pjesëmarrja juaj e tregon më së miri. (dëgjohen kapsolla) Ju lutem të tregojmë qetësi, Nuk jemi këtu kundër policisë. Ndaloni provokimet, urgjent. Ndaloni provokimet se nuk ka pikën e kuptimit. Është një lojë e pushtetit. Ne këtu nuk jemi për asnjë parti. Të dashur qytetarë, mbrojtësit e teatrit, nuk kanë ardhur këtu për protagonizëm politik. Nuk kemi asnjë interes politik. Qëllimi ynë i vetëm është zgjimi i qytetarisë. Armiku numër një nuk është vetëm qeveria që kemi në krye, por edhe mënyra se si ne jemi përleshur me njëri-tjetrin. Stop, tregoni vlerat e kulturës me njëri-tjetrin. Palët politike kanë detyrën se si të tregojnë mënyrën se si të ecë para vendi.”, tha Budina.
(BalkanWeb)