Në ditët e para të këtij viti postieri na solli nga Florida një paketë me tre libra, dhuratë nga mikja jonë Anna Kohen, Lulja e Vlorës në shqip dhe anglisht si dhe The Photographer’s Son me autore Maya C. Klinger. Librin e Anës e kisha lexuar sapo doli në versionin E Book, një libër me kujtime që hedh dritë për Shqipërinë jo vetëm gjatë periudhës së Holokaustit, por edhe përpara e gjatë diktaturës, një vlerë e shtuar e librit.
Librin e Maya Cohen me titullin në hebraisht “Fotoja që na shpëtoi jetën” e lexova me një frymë. Duket një titull paradoksal, provokativ. E si është e mundur që një foto të shpëtojë jetën e një familje?! Po gjatë Holokaustit ka ndodhur!
Qëllimi i botimit të këtij libri nga Maya Klinger Cohen jo vetëm shkrimtare, por edhe eksperte e edukimit është të përcjellë tek brezi i ri historinë, të përçojë mesazhin për atë që ka ndodhur gjatë Holokaustit, për të mbrojtur kujtesën që tragjeditë të mos përsëriten, por edhe për të treguar se në një vend të vogēl si Shqipëria me shumicë myslimane, aty hebrejtë mbroheshin përmes Kodit të Nderit, Besës, si një kod gjenetik.
Libri i Maya Klinger Cohen ka patur një sukses të jashtëzakonshëm në Izrael, fitoi çmimin Yad Vashem dhe ka hyrë në kurukulën shkollore. Libri është përkthyer edhe në shqip dhe po ashtu pritet së shpejti të dalë edhe botimi në gjuhën gjermane.
Gazetari Larry Luxner në një shkrim të tij botuar tek “The Times of Israel” shkruan se ” që kur Shqipëria doli nga hijet e një diktature mizore në fillim të viteve ’90, janë botuar dhjetra libra shkencorë, artikuj, filma dokumentarë, ekspozita fotografike mbi këtë temë dikur e paqartë”.
Është shumë e vërtetë se në Shqipërinë gjatë diktaturës komuniste tema e Holokasutit ishte tabu, e mbytur nga heshtja, jo vetëm se regjimi komunist shqiptar ishte antisionist, por edhe sepse disa emra të politikës sqiptare gjatë periudhës së Holokaustit, që u përfshinë në shpëtimin e hebrejve, diktatura i etiketoi si “tradhtarë” dhe “kuislingë” dhe si të tillë i burgosi, i vrau dhe i përndoqi. Prej këtyre personaliteteve disa u arratisën dhe jetuan në Perëndim si qytetarë të lirë, çka për hordhinë e historiografisë komuniste shërbyese e diktaturës, kjo ishte një provë më tepër për ta dënuar veprimtarinë e tyre si tradhtore. Të mos harrojmë se, gjatë diktaturës për regjimin komunist të Tiranës, SHBA dhe Perëndimi i vlerave ishte armiku i tyre i betuar.
Në Shqipëri për herë të parë temën e Holokaustit e hapi vetë diktatori i fundit Ramiz Alia gjatë vizitës në Tiranë të Kongresmenëve Tom Lantos, hebreo-amerikan dhe Joe DioGuardi amerikan me rrënjë arbëreshe në verën e vitit 1990. Ramiz Alia u dorëzoi dy Kongresmenëve një dosje plot me dokumenta, fotografi dhe fakte të cilat Lantos dhe DioGuardi i dërguan menjëherë në Yad Vashem të verifikoheshin.
***
Ndërkohë të parët ishin vetë hebrejtë e shpëtuar që kishin treguar për mikpritjen shqiptare . Njëri prej tyre ishte Gavra Mandil. Ai kishte paraqitur dokumentat në Yad Washem dhe Refik Veseli, që në vitin 1987, u shpall shqiptari i parë si “I drejti mes Kombeve”.
Janë po ashtu të paktën katër tituj librash si: Arratisja për në Shqipëri – Kujtimet e një vajze hebreje nga Hamburgu e Johanna Neumann; Flower of Vlora e Anna Kohen; Fotoja që na shpëtoi jetën e Maya C. Klinger dhe Izraelitët në Shqipëri e Jozef Jakoel që hedhin dritë në mikpritjen shqiptare gjatë Shoah. Librat e Anna Kohen dhe Jozef Jakoel tregojnë historinë e hebrejve autoktonë, pra si banorë të Shqipërisë përfshi periudhën e Holokaustit, para edhe pas tij, ndërsa librat e Johanna Neumann dhe Maya C. Klinger fokusohen gjatë Shoah. Botime të tilla janë të llojit të memuareve, libra biografike ose autobografikë. Për të pëmbushur amanetin e të mbijetuarit nga Shoah Elie Wiesel “Dëshmoni për të vdekurit dhe për të gjallët”.
Të katër librat janë thesare, sepse janë hebrejtë që i portretizojnë shqiptarët – hebrejtë që e përjetuan vetë rrezikun në vetën e parë bashkë me familjet e tyre, por që shpëtuan pikërisht falë bijve të shqipeve, ndërsa të afërm të tyre më së shumti u shfarosën nëpër dhomat e gazit dhe krematoriumet e kampeve të përqendrimit në Auschwitz, Majdanek, Treblinka etj.
Ndërsa fqinji agresor i quante “njerëz me bisht”, hebrejtë zbulonin se shqiptarët trashëgonin një Komandament që nuk e kishte as Bibla, as Kurani dhe as Teurati – Komandamentin e Besës, që i dallonte si shpëtimtarë, dhe atdheun e tyre si vendin e vetëm gjatë Holokaustit ku hebrejtë mbroheshin.
Maya Klinger është frymëzuar nga dëshmia e Gavra Mandil për Refik e Familjen Veseli. Librin e bëjnë të veçantë fotografitë shoqëruese si ilustrime dhe dëshmi dokumentare. Shkrimtarja hebreo-amerikane Maya C. Klinger fokusohet tek historia e Familjes Mandil dhe e kthen atë në libër. Historinë e tregon Gavra Mandil prej kur ishte 5 vjeçar.
“Fotoja që na shpëtoi jetën”, në dukje një libër i vogël, por me hapësirë e frymëmarrje të madhe, që, nga 119 faqet, mund të duket si një synopsis, por është një libër i madh, shkruar për fëmijë dhe moshat e reja, por në fakt është një libër për të gjitha moshat, që posa lexon rreshtin e parë nuk i shqitesh deri në rreshtin e fundit, pra e lexon me një frymë dhe, kur kur shkon tek faqja e fundit, të vjen keq që libri përfundoi, sepse si lexues ti zhytesh ne narracionin biografik dhe lumin e ngjarjeve që e tregon Gavra dhe bashkë me të kthehesh pas në kohën e tmerrit dhe përjeton gjithçka, frikën që kanë përjetuar fëmijët hebrej dhe prindërit e tyre.
Përjetimet traumatike fëmijëve u mbesin gjithë jetën, edhe përjetimet se i shpëtuan vdekjes. Ishte e vështirë për një fëmijë 5 vjeçar të kuptonte se SS gjermanë i urrenin ata dhe prindërit e tyre edhe pa i njohur, vetëm se ishin hebrej. E Gavra e kuptoi këtë çmenduri, e kuptoi në mënyrën e fëmijës, ndryshe nga Beba, motra e tij e vogël që ishte vetëm tre vjeçe pranverën e vitit 1941, kur Gjermania naziste bombardoi Beogradin dhe jeta e tyre normale si një familje mori fund.
Familja Mandili, e përbërë nga Moshe, Gabriela me dy fëmijët e tyre Gavra dhe Beba, jetonin në qytetin e bukur të Novi Sadit. Kishin apartamentin e tyre, një studio fotografike ku punonin burrë e grua. Ishin një familje e lumtur. Fotografia ishte një profesion i trashëguar brez pas brezi. Gjyshi i Gavrës kishte qenë fotograf i famshëm i Mbretit Alexandër I të Jugosllavisë.
Gavra e kujton pranverën e vitit 1941. Ata familjarisht kishin shkuar të vizitonin gjyshen dhe tezen në Beograd kur, papritur, Gjermania hitleriane nisi bombardimet dhe pushtimin. Frikën si një fëmijë 5 vjeç Gavra e pa për herë të parë në sytë e prindërve, gjyshes dhe tezes, kur e gjithë familja bashkë, ndërsa avionët bombardonin qytetin, u sul të fshihej në një strehim me plot familje të tjera. Gavra mendoi se ata duhej të ktheheshin në shtëpinë e tyre në Novi Sad, por kjo ishte tashmë e pamundur. Baba Moshen, SS gjermanë e detyruan të punonte si punëtor me yllin e verdhë të Davidit mbi rroba. Yllin e verdhë të Davidit detyroheshin ta mbanin të gjithë hebrejtë. Dhe erdhi një moment kur të gjithë hebrejve në Beograd iu caktua një datë për t’u mbledhur në një shesh të qytetit, duke u bërë i qartë fati që i priste. Atëhere Moshe dhe Gabriela, ndaj të cilëve Gavra është aq krenar, vendosën të reagojnë, vendosën të bëjnë gjithçka që t’iu shpëtojnë jetët e fëmijëve të tyre. Në një udhëtim krejt të panjohur ku nuk i priste askush veç rreziku.
Maya C. Klinger si një pedagoge e mirënjohur, kërkuese shkencore në fushën e edukimit dhe një edukatore e shkëlqyer e brezit të ri, gjatë një interviste tek Zëri i Amerikës, menjëherë pas botimit në anglisht të librit me titullin e ndryshuar “Fotoja që na shpëtoi jetën”, nënvizon: “Nëse duam që fëmijët tanë të mësojnë mbi tema që janë të ndërlikuara, të frikshme dhe jo shumë tërheqëse, siç është Lufta e Dytë Botërore dhe Holokausti, duhet t’i ekspozojmë ata ndaj këtyre temave gradualisht, në mënyrë që të mos frikësohen e të hulumtojnë mbi këtë temë më vonë gjatë jetës. Nuk mund t’i mbrojmë fëmijët tanë duke mos i informuar rreth asaj që ka ndodhur në të kalurën. Ata duhet të dinë se si ishte jeta në të vërtetë. Ata duhet të mësojnë se edhe në kohët më të errëta, njerëzit ndihmojnë njerëzit”, thotë ajo.
Maya C.Klinger ka shumë të drejtë dhe unë nuk kam si të mos shoh faqen e errët të diktaturës shqiptare e kaluar e gjitha në amnezi kolektive. Rinia shqiptare nuk di asgjë se çfarë ishte diktatura hoxhiste për popullin, nuk di asgjë për krimet e kryera, pra rinia shqiptare është pa kujtesë. Ajo nuk e di se moshatarë të tyre në kohën e diktaturës i dërgonin nëpër internime, nuk i lejonin të studionin, se jeta e tyre ishte një ferr i vërtetë. Rinia shqiptare nuk di asgjë as për terrorin e kuq komunist që është po aq kriminel dhe i dënueshëm sikur nazizmi hitlerian. Rinia shqiptare nuk e di as se gjatë Holokaustit gjyshërit e stërgjyshët e tyre i kanë ndihmuar hebrejtë, ua kanë shpëtuar jetën, falë besës, falë mikpritjes, trashëgimisë së tyre shpirtërore që u kishte mbijetuar luftrave, perandorive, por që sot në mileniumin e tretë duket sikur është zhdukur, sepse as kultivohet, as edukohet, as ruhet e mbrohet.
Gjatë diktaturës miku dhe besa u tradhtuan. Miku spiunonte mikun, spiunonte të afërmin për arsye ideologjike apo prej frikës. Diktatura komuniste në Shqipëri krijoi “njeriun e ri”, që duhej t’i ishte besnik vetëm partisë. Ky “njeri i ri” ishte krejt i ndryshëm dhe në metamorfozë të plotë me ata shqiptare për të cilët kanë dëshmuar hebrejtë e shpëtuar. “Njeriu i ri” do të shpallte armik çdo armik të partisë komuniste, përfshi edhe fëmijët e armiqve.
***
Shoah ndodhi për pasojë të humbjes së ndërgjegjes së Perëndimit dhe mori jetën e 6 milionë hebrejve, nga këta 1.5 milionë ishin fëmijë hebrej. Çdo jetë e tyre meriton një libër, një film, të gjithë ne duhet të përjetojmë çka përjetuan ata fëmijë të ndarë me dhunë nga duart e prindërve dhe pastaj dërguar nëpër dhomat e gazit!
Shkrimtarja Maya C. Klinger ka zgjedhur një histori plot sfida dhe vështirësi, por ku jeta ka triumfuar mbi vdekjen, ku humanizmi njerëzor ka triumfuar mbi indiferencën ndaj së keqes. Ky akt trimërie në ditët më të zeza të Europës dhe Perëndimit ka ndodhur në një vend të vogël në zemër të Europës falë institucionit të shenjtë të Mikut, të cilin shqiptari do ta mbronte edhe sikur të rrezikonte jetën e vet e të familjes. Ky vend është Shqipëria, të cilën shkrimtarja Maya Klinger nuk e ka vizituar ende, por që, teksa lexon librin, duket sikur ka jetuar aty.
***
Disa kohë më parë kisha lexuar librin autobiografik të shkrimtares Judith Kerr “When Hitler stole pink rabbit”, – “Kur Hitleri vodhi lepurushin prej pelushi rozë “, që tregon largimin nga Berlini të familjes Kerr në vitin 1933, pasi i jati i Judith ishte një shkrimtar që i ishte kundërvënë nazizmit dhe Hitleri e kishte futur menjëherë në shenjestër për ta zhdukur. Judith, që në libër mban emrin Ana, ishte 9 vjeç, dhe ndërsa bashkë me vëllain dhe të jëmën po përgatisin plaçkat për t’u larguar sa më parë nga Berlini, ajo kërkon të marrë me vete lodrat e saj, por është e detyruar të zgjedhë dhe në shtëpi lë, si një pjesë e shpirtit të saj prej fëmije, lepurushin rozë prej pelushi. Judith Kerr shkruan se lepurushin rozë prej pelushi e vodhi Hitleri, pasi Hitleri ua vodhi fëmijërinë gjithë fëmijëve hebrej. Ngjarjet në romanin e Kerr zhvillohen midis viteve 1933 deri më 1936, ndërsa historia e familjes Mandili zhvillohet në kulmin e Holokaustit dhe deportimeve, fillon në pranverën e vitit 1941 dhe mbaron me përfundimin e luftës, por jo lidhjet e familjes Mandili me mikpritësit.
Gabra Mandil nuk do ta harronte kurrë udhëtimin me tren nga Beogradi deri në ndalesën e parë në burgun e Prishtinës, që administrohej nga forcat italiane dhe fjalët që, gjatë rrugës me tren, do t’i thoshte babai se “italianët nuk janë si gjermanët” se “janë më të mirë”. Moshe do të zgjidhte fjalët për të mos trembur Gavrën 5 vjeçar që papritur ishte rritur e bërë burrë dhe që, netëve kur prindërit e çonin për të fjetur, ai ngrihej në majë të gishtave dhe përgjonte se çfarë do të flisnin të mëdhenjtë.
Maya C. Klinger e ka zgjedhur këtë histori të familjes Mandili, që i shpëtoi për një fije Auschwitz-it e përfundoi me një happy end, për të treguar se, nëse do të reagohej menjëherë kundër Hitlerit edhe nazizmit, do të ishte mundur të ndalej kasaphana. Familja Mandili ndryshoi emrat dhe falë dokumentave fallco i hypi trenit në stacionin e Baogradit në udhëtimin e shpëtimit, por që, në çdo çast, rrezikonte të ndryshonte drejtim.
Mos të harrojmë se stacionet e trenave të qyteteve kryesore europiane ishin kthyer në vendet e tmerrit, ku ngarkoheshin qëniet njerëzore sikur të ishin bagëti për t’u therrur. Kam parasysh binarin 21 në stacionin qendror të Milanos tani të kthyer në Muzeum të Holokaustit falë kujdesit të Senatores për jetë Liliana Segre, e cila paçka se 93 vjeçe, me një mendje të kthjellët dhe të bukur si të një vajze të re, nuk pushon së treguar lemerinë e Binarit 21. Në muret e këtij muzeumi është shkruar fjala INDIFERENCË, sepse e gjithë tragjedia me emrin Holokast ndodhi prej indiferencës. Liliana Segre është një e mbijetuar e Holokaustit. Të jatin, të gjyshin e gjyshen i përpinë furrat e Auschwitzit, ndërsa Liliana u rikthye në Milano 14 vjeçare.
Edhe Gavrës 5 vjeçar do t’i mbesë gjithë jetën në kujtesë stacioni i trenit i Beogradit, kur zemrat e të katërve dridheshin nga frika, por në momentin final, Moshes, Zoti i dha në dorë një fotografi ku Gavra dhe Beba pozonin pranë një pemë Krishtlindje, foto që e ekspozonin në dyqanin e tyre për të ftuar klientë. “Ja, i tha Moshe oficerit gjerman, shikoje këtë pemë Krishtlindje ku kanë dalë fëmijët e mi që tregon se ne jemi të krishterë dhe jo hebrej”. Duhej që të ishe i krishterë në breza që të quheshe berlinez, hamburgas, jugosllav, pa marrë parasysh se në ato qytete kishin jetuar të parët, gjyshërit, stërgjyshërit dhe me punë e nder kishin ngritur pasurinë e kishin ndërtuar jetën. Maya Klinger e përcjell me një vërtetësi drithëruese frikën, të kesh frikë të jesh hebre dhe çdo lexues bëhet udhëtar dhe hebre në atë tren të frikës ku jeta dhe vdekja ecin dorë për dore.
***
Udhëtimi me tren ndalet në Prishtinë. Të gjitha familjet e hebrejve mbyllen në një ndërtesë si burg që administrohej nga italianët. Dhe këtu do të qendronin një vit rresht deri sa italianët do t’i orientonin të niseshin drejt një vendi të panjohur me emrin Shqipëri. Një tjetër familje hebreje nga Hamburgu, ajo e Johanna Neumann u përpoq të merrte vizë drejt SHBA, menjëherë pas Natës së Kristaleve nëntorin e 1938, por pa sukses. Vizë morën nga Konsullata e Mbretërisë Shqiptare dhe arrijnë në Durrës. Mbreti Zog me rastin e lindjes së djalit më 4 prill do t’ju jepte shtetësinë shqiptare gjithë hebrejve që kishin mbërritur në Shqipëri, por kjo u bë e pamundur, se Shqipëria u pushtua nga Italia fashiste.
Mikpritja shqiptare ishte produkt i humanizmit, trashëgimisë shpirtërore të Kodit së Besës, një Komandament unik shqiptar, i tolerancës fetare, por natyrisht edhe organizim i shtetit shqiptar të asaj kohe. Sepse lind pyetja, e përse nuk u treguan humanistë shqiptarët gjatë diktaturës komuniste me fëmijët dhe familjarët e armiqve të partisë, por përkundrazi.
Diktatura komuniste i rrënoi dhe shfarosi tiparet kombëtare të shqiptarëve, ndaloi me ligj besimin fetar dhe shumicën e përfaqësueseve të fesës i konsideroi tradhtarë, i burgosi, i torturoi dhe i eleminoi. Po ashtu, është një manipulum i pastër pretendimi se me shpëtimin e hebrejve janë marrë edhe Këshillat Nacional Çlirimtare, kur dihet sipas dokumentave historikë se KNÇ, e themeluar pas Kongresit të Përmetit në maj 1944, ishte e organizuar vetëm në jug të Shqipërisë, në disa fshatra të Skraparit e Vlorës ku nuk kishte hebrej, ndërsa strehimi i hebrejve në Shqipëri kishte nisur prej vitit 1938. Prandaj është shumë e rëndësishme që institucionet e verifikimit në Izrael pranë Yad Washemit janë shumë të kujdesshme në hulumtimet e fakteve gjithmonë në të mirë dhe respekt të së vërtetës.
***
Libri vazhdon me rrugëtimin e familjes Mandili nga Prishtina bashkë me familjet e tjera hebreje, mbi disa kamionë të vjetër e të pambuluar drejt Shqipërisë. Fillimisht familja Mandili vendoset në Kavajë, ku gjetën mikpritje të plotë nga familjet shqiptare. Jeta e tyre rifilloi, vetëm se ndryshuan emrat, tashmë Gavra quhej Ibrahim. Ai filloi të ndjekë shkollën, prindërit të ushtronin profesionin e tyre. Por kjo qetësi zgjati deri kur kapitulloi Italia fashiste dhe gjermanët pushtuan Shqipërinë. Familja Mandil la Kavajën për në Tiranë. Në qendër të Tiranës shohin një studio fotografike me emrin Foto Lux dhe kur hynë brenda, sipas proverbit mali me malin nuk takohen por njeriu me njeriun po, panë se i zoti i studios ishte një mik i vjetër të gjyshit i cili i ftoi të banonin në shtëpinë e tij të bukur dhe Moshes i ofroi punë në studio si fotograf. Aty u takuan edhe me një djalë 17 vjeçar me emrin Refik Veseli, që praktikohej të mësonte zanatin. Por një ditë, ndërsa ishin duke punuar në studio, ia behën gjermanët. Në kërkim të hebrejve. Moshe u fsheh nën bezen e zezë që mbulon aparatin fotografik. Ishte e pamundur të jetohej në Tiranë. Atëherë djaloshi 17 vjeçar, Refiku, pasi i kishte pyetur prindërit e tij, e fton familjen Mandil që të shkonin e jetonin pranë familjes së tij në qytezën e Krujës. Por as udhëtimi me gomar natën për në Krujë dhe as strehimi dhe qendrimi në familjen Veseli nuk do të ishte i lehtë. Do t’i shpëtonin për një qime disa herë rrezikut, si gjatë rrugës ashtu edhe kontrolleve naziste në shtëpinë e familjes Veseli, e cila natyrisht edhe ajo do ta paguante shumë shtrenjtë nëse familja Mandil do të zbulohej.
Shkrimtarja Maya Klinger i përshkruan me emocion të fortë përjetimin e familjes Mandili prej mikritjes nga familja e Refikut në kulmin e raprezaljeve naziste. Atëherë Refiku i tregon Moshes dhe Gabrielës për “Besën”. Është “Besa” u shpjegoi ai, si një Komandament, që nuk e kanë as të krishterët, as myslimanët, as hebrejtë vetë, që e kanë vetëm shqiptarët që do të thotë se çdo shqiptar e mbron mikun, me të gjitha mundësitë, edhe duke rrezikuar jetën e vet. Refiku u tregoi prindërve të Gavrës se çdo shqiptar e njeh këtë “rregull moral” dhe e respekton deri në fund.
Do të më duhet të ndërhyj edhe një herë e të nënvizoj se diktatura komuniste në Shqipëri i zhduku rregullat morale me moshë mijravjeçare të shqiptarëve dhe i shtyu shqiptarët të bëheshin armiq me njëri tjetrin. Deri sot në Shqipëri nuk ka as katharsis, as kërkesë faljeje, as kujtesë, ndërsa “Fotoja që na shpëtoi jetën” e kthen në monument jo vetëm Besën, por hap një faqe të harruar e të humbur të kujtesës së vetë shqiptarëve, atë të vlerave të identitetit të tyre kombëtar, që i bën të ndihen krenarë në faqen më tragjike të Europës, e cila, në saj të indiferencës, lejoi Holokaustin.
Në librat e shkruar nga hebrejtë rreth mikpritjes në Shqipëri gjatë Holokaustit, krahas Besës shqiptare dallohet Mirënjohja hebreje, si dy anët e peshores në një harmoni të plotë.
Libri i Maya C. Klinger “Fotoja që na shpëtoi jetën” është histori dokumentare biografike e shkruar si një vepër letrare, duke krijuar vlerë edhe si kujtesë, edhe si krijim artistik. Shkruar me mjeshtëri, me dashuri, me art, me dhimbje ndërsa Europa është sulmuar rishtas më 24 shkurt 2022 dhe po ashtu edhe Izraeli më 7 tetor 2023!
A nuk kemi nxjerrë ende mësime nga indiferenca?!
Bravo Elida
Ju flm i nderuar Milaim. Ju pershendes!
Elida
Te lumte Elida! Gjithnje kunder shqiptareve kjo vemje komuniste.. Me kujton ministrin e jashtem italian ne kohen e luftes se Kosoves, qe u be zeher per serbet.
Ju flm e dashur Shqipe, po Italia ka qene ne krah te Kosoves veç perdredhjeve te Lamberto Dinit dhe Umberto Bossit te Lega Nord. Te pershendes
Të gjitha fjalët më vend
Ju flm shume. Ju pershendes
Elida
Te lumte zemer luanesh! Faleminderit per rreshtimin e fjaleve qe shuajn etje ne zemrat e shum shqiptareve me qe nuk kan mundesi te shprehin mllefin ndaj nje personi zyrtare te larte ne kte rast siq eshte Mogherini! Me kujtohet si sot momenti kur ne parlamentin e Serbis deputetet serb i mbyllen gojen me zhurm qelsash e trokitje si te ishte nje adoleshente e rrges kesaj “zonje” te neveritshme, dhe qe aty kjo veq sa ka shtu qendrimin e saj kunder shqiptareve! Po te ishte mundesia duhet ti ndalohej edhe permendja e emrit Kosove e lere me te nderhyj ne ndonje marrveshje te mundshme! F. Mogherini as qe din ta fsheh politiken e saj fashiste ne dem te pozites shqiptare …
Nuk permbahem dot edhe te them se edhe dita me prishet kur shoh fytyren e saje ne ekran aq shum urrejtje qe kam per te! ngase eshte po e njejta si te paret e saj qe shkatrruan trojet tona! dua te shtoj se, per mendimin tim te dy parlamentet shqiptare duhet te dalin me nje kerkes “troq” per dorheqjen e saj (edhe pse e dim se fjala jon nuk perfillet) por ti tregohet qart se nuk jemi injorat ndaj qendrimeve te F. Mogherinit!
Respekt per ju Elida!
I nderuar Sabri, ju flm shumë. Shqiptaret kerkojne te trajtohen te barabarte mes të barabarteve. Reciprociteti i ndersjellte ne te mire te qytetareve pa bere dallime!
Ju pershendes
Elida
Ju pershëndes Zonja Elida,KJOFSHI e lumtun oj fisnike Skenderit jetë TË gjat e shumë shëndet,harmoni Në familje .
Ju dëshiron Nazmiu
I nderuar Nazmi,
Ju pershendesim duke ju flm dhe uruar çdo te mire.
Elida
Zonja Elida mirë e ke dhe më pëlqejnë shumë shkrimet e tua por Europa si Shqipërisë ashtu dhe Kosovës ja ka pas me hile.Që nga vendosja e kufijve që na la trojet Shqiptare jashtë territorit.Por edhe politika jonë nuk ka qenë e fortë.
Ju flm dhe ju pershendes. Duke patur nder ne shtete te dobta natyrisht eshte nje minus por BE duhet te na trajtoje si bijte e saj se jemi europiane!
Krejt jane mese te verteta por asgje nuk ndryshon edhe kur i kemi tradhtaret haptas nuk guxon askush te beje ze.
Ju flm dhe ju pershendes.
Elida
Ju lumtë Zonja ELIDA. Zonja Mogherini është një urrith rrëmihës i Unionit Evropian. Ajo është gangrenë e Unionit Evropian. Çuditem si lejehohet nje zonje e ketille te qendoroj kaq gjate ne Krye te Unionit Evropian, kur edhe zogjet ne dege i dine mirefilli bemat anti evropiane te Mogherinit. Te shpresojme se se shpejte do te vetedisohen Strukturat pergjegjese te Bashkimit Evropian dhe do ta dergojne ne shtepi kete zonje jo demokrate dhe jo humane, perkumdrazi diskriminuese e denje ne veprimet e saja antipolitike, anti ligjore dhe anti njerezore. Per kete lexo: Wikipedie dhe tjara burime ne Internet.
I nderuar Flamur,
Ju flm, pa trajtim te bsrabarte nuk mund te shkohet ne BE. Aq me teper kur Serbia ka vene gjithçka kunder shtetit te Kosoves! Pse te mos ishte Kosova anetare e UNESCO-s apo INTERPOLI-t.
Ju pershendes
Elida
Te lumte per urtine dhe guximin intelektual e profesional.
Le te jete kjo paraqitje per “dialigun” apo “diamonologun” udherrefyese e te berit per profesionalitetin dhe inkurajim per kendellje te mendjeve ne prezantimin e nji realiteti te hidhur nga “grazhdet” e nje segmenti te byrokracise dhe njeanshmerise (mjerisht) te kesaj Europe te ketij shekulli.
Realisht, kjo qe ishte ne emer te dialogut deri me tani as qe i ngjau te ashtuwuajturit “dialig”
Edhe nje here TE LUMTE.
I nderuar Xhevat,
Ju flm shume.
Dialogu eshte ne interes te te dyja paleve, por s’ka dialog kur njera pale minon ekzistencen e Kosoves.
Ju pershendes
Elida
Fillimisht komplimente znj. Elida Buçpapaj, sa për shkrimin, po aq edhe për poezinë!
Do të ishte mirë që letra t’i shkruhej (ndoshta edhe është shkruar, por s’jam në dijeni) edhe në gjuhën e të adresuarës znj. Federica Mogherini, ngase ndoshta pastaj mund të gjejë arsyetime e justifikime. Kjo letër në lojën e shahut quhet “mat”, në futboll “gol”, në disa raste të tjera “e ke zënë me pelë për dore”, në një tjetër rast “e ke bërë për dy pare – ia ke marrë fytyrën, kuptohet nëse ka”. Edhe njëherë, të lumtë znj. Elida Buçpapaj!
I nderuar Florim,
Ju flm shumë per komentin tuaj.
Sa per perkthim, nuk ështê bërë.
Ju pershendes
Elida
Shkembimet tregtare realizohen ndermjet shteteve qe respektojne njeri tjetrin ne frymen e bashkepunimit te ndersjellte dhe te leverdise reciproke. Kur Serbia nuk i permbahet ketyre parimeve i thoni hajt sikter. Mos u terhiqni sado presion tu beje BE. Sa me pak pare te kete Serbia aq me pak do ta kete mundesine per te blere armatime per tju kercenuar dhe vrare
Po pikerisht kjo eshte, reciprociteti ne baze te respektit te ndersjellte!
Ju flm.
Pershendetje
Elida
T’lumt Elida , nuk ka nevojë me vendos asnjë pik apo presje vetëm tu kisha lut për mos me ndal presionin edhe në t’ardhmën me shkrimet e juaja për të drejtën ton !
Ju flm shumë. Mirenjohje per fjalet.
Po eshte kauze lirie te mbrohen te drejtat e qytetareve te Kosoves me qellim qe te trajtohen te barabarte mes te barabarteve.
Ju pershendes
Elida
RESPEKTE për këtë shkrim në formë reagimi ndaj znj.Mogerini dhe poezi brillante e dedikur në vendin e duhur në Bruksel!Ju lumtë për këtë ide dhe frymêzim poetik.
I nderuar Haziz,
Ju flm shume.
Pershendetjet e mia
Elida
Nje e vertete e hidhur , qe duht te trondise dhe verifikoje nepunesit e saj, dhe kjo eshte BE. Bravo Elida, ke qelluar ne shenje. Vete Presidenti Thaci, duhet te reagoje per kete Njerke, qe ka deshtuar ne misionim e saj. Duhet te spjegoje depulesen esaj ndaj Serbeve, sepse qendrimi saj i njeanshem ben Muuu, prej kaq vitesh.
I nderuar Skender,
Ju flm. Presidenti Thaçi ka hallin e kokes te vet jo te qytetareve te Kosoves qe jetojne ne varferi e te diskriminuar.
Ju pershendes
Elida
I nderuar Haziz,
Ju flm shume.
Pershendetjet e mia
Elida
Ju lumtë zonja Elida,fjalë me vend ashtu është për Mogherinin si thua,por e kam një vrejtje për ne Shqiptarët e Kosovës.Se përse?? i blejmë produktet e atij vendi që gjithëkund gjithëmonë na Lufton dhe NE prap se prap i ndihmojmë tërëthorazi.Është koha që edhe Ne(populli i Kosovës )të marrim përgjegjësin që na takon dhe ta luftojmë me ato mjete që kemi mundësi. Se 440 mil.Euro nuk jan pak edhe për ndonjë vend tjeter të Europës e le ma për Serbinë.
Ju përshendes dhe ju lumtë për këto fjalë te bukra. Me rrespekt Shabani
I nderuar Shaban,
Ju flm shume.
Jam shumë dakord me ju.
Duhen sakrifica, por vendi duhet te prodhoje te gjitha te mirat e botes sikur i ka mundesite. Ne kohe pushtimi iknin njerezia, tani duhet gjetur zgjidhja aty, tek toka qe prodhon gjithçka dhe mundesite e medha qe ka ai vend.
Ju pershendes
Elida
Ju lumte zonja Elida! Hallall e pac qumeshtin e nenes. Gjithcka e merituar
Ju flm i nderuar Aleksander.
Ju pershendes
Elida
Ms. Elida Bucpapaj ju jeni nje personalitete
bashkohore nje. dr.dr.dr.Fanoliste phd,filozofe
,nje at dr .Gjergj Fishte .
Nje ze (se ashku me bashkshortin tuaje
Mr. Skender M. Bucpapaj) poeti,diplomati qe shkelqen
ne zemer te europes e cila eshte plakur me shume se I
thoshte at Fishta.
Nuk kame frymzim poetic, se do kisha
ber nje”lahut shqitare per tragjedin qe ka beret e bene
Europa”,
ndaj shqiptave ne pergjithsi e vecanti ndaj
Republikes Kosoves DARDANE
e Camrise MARTIRE .
Kjo fare minister e b.e.Kur
serbet shkrryejn kosove nuk ”fleet”, per serbet
“‘alarmohet” Gjumi I nates nuke e mere???
Kosova eshte viktima e rrezuare per toke ,serbi ka
bere tragjedi ne kosove.Askush nuke fen, me veshe
nuk degjojne?? Deri KURE hipokrizi???
Ajo eshte e rreaume per toke
E kata- kjo politikane?? I thencine
I thon ”merruni vesh,ne per ju bejm ”perjashtime”
edhe po
te shkembeni territory”.cfare maskaralleku??
Me I plowshares deshiratebserbite??po Kish
Jane keta politikane. We duan tu hedhin hi ne sy
Shqiptarve te Kosoves???
Po ne atehere(na Lind e drejta te ) kerkojm gjith
territoret ne serbi,mal te zi
maqedoni ne greqi.
Shefja e europes, duet ta dine se shqiptaret kane jashte
territorite
ase me pak ase me shume se 128000 km katrore
ne keto shtete.
kjo tragjedi eshte bere nga kjo Europe KURE mos
pafte dite,zoti I marrofte/
/me e poshtuna ne bote/.
Kosova e vafruare perpiqet per paqeve stabilitet,
Kosovar bene
leshime,e sebine ndfesejne.
Duhet frenohet hegjemonizmi serbe e nacinalizmi I
shfenuar .
Serbia blene armatim e avion
modern?? Europa nje fjale nuk e thote.
eoropai shef me dy
standarte .
sheetin e?kosove sic e thlsoni ju si te njerke,Si qytetaret e
dorse
trete jashte planetite???
Eoropa i dine kontributet e jashtzakonsh Te ilitve deri ne
mesjet.europe njfe veten.
Fatbardhe Doci
Scientific Collaborator
New York
I nderuar Fatbardh,
Ju flm shume.
Ju pershendesim te dy me Skënderin.
Elida
Epo dihet qe Mogherini ashtu si dhe politika rruspir Europiane. ka qene ndermjetese per te favorizuar serbet jo per te ndihmuar zgjidhjen e problematikes per Kodoven. Asaj bushtre i duhet ndaluar cdo agjende qe kerkon te propagandoje si perpjekje per zgjidhje mosmarreveshjesh Kosove-Serbi. Shteti shqiptar dhe Kosova gjithashtu duhet te heqin sa me pare pengesat burokratike dhe te bashkojne doganat.
Ju lumte zonje e nderuar,
Jeni nje ze konstruktiv dhe i hedhur ne kohe dhe vend te qelluar. Uroj qe fjalet tuaja, te cilat ngerthejne ne menyre te filtruar realitetet me te cilat perballemi ne si popull, te arrijne jehone edhe me te madhe neper mekanizmat nderkombetare… Mendoj qe definitivisht duhet bere perpjekje te medha kunder te te perdorurit te fatit tone si valute ne pazarlleqe josterile te mekanizmave ngjyrash te dyshimta…
Ti japesh krahun viktimizuesit gjenocidal, te besh favore ne dobi te shtetit qe ka masakruar nje popull te tere, dhe kjo ne emer te Demokracise Europiane, kjo dmth ne emer te demokracise te besh edhe veten ithtare te krimit, shtypjes, represionit… automatikisht bie ndesh me parimet dhe sa e sa karta nderkombetare ne lidhje me te drejtat e popujve, shteteve, lirive thjesht njerezore…
E nderuar Elida Buçpapaj,perkunder te gjitha komenteteve te merituara ne favorin e Juaj,nuk mud heshta,se paku pa te falenderuar per kete shkrim historik,me shume rendesi per fatin tone,karshi nje Evrope qe nuk po gjen rruge te ne veje ne barabarsi me te tjeret. Gjithmone,padrejtesia na kafshoi me shekuj,na pegjaku….
Duke flersuar shkrimin e Juaj,guximin i cili u ka munguar te tjereve,dijen ne rangun e nje filozofje me vlera te rralla njerzore e humanitare,te jam mirenjoihes si person dhe ushqej rrespekt e mesoj nga dija e Juaj e persossur. Te paqim gjithmone me shendet te mire e me jete te gjate!
Miku nga Gjakova.
Falenderimet dhe nderimet e mia!
Përshendjet e mia
Elida