VOAL

VOAL

SHISH: Korrupsioni i lartë: si po ndërveprojnë administrata shtetërore dhe sistemi i drejtësisë

August 21, 2021

Komentet

E rëndë- U rrah barbarisht nga tre persona, avokati Mëngjesi futet në intubim

Avokati Sokol Mëngjesi është shtruar në intubim pas dhunës së shtruar barbarisht ndaj tiuj nga tre persona ku sipas informacioneve të para dy prej tyre janë identifikuar por akoma nuk janë arrestuar.

Mësohet se intubimi i avokatit vjen pas përkeqësimit të gjendjes shëndetësore të tij në orët e fundit. Mëngjesi është dhe avokati mbrojtës i Berishës dhe Jamarbëll Malltezit nga arrestimi politik që iu është bërë atyre.

Ngjarja ka ndodhur rreth orës 08:30 të mëngjesit të sotëm.

Pasi u godit me grushte e sende të forta, avokati u dërgua tek Trauma ku mësohet se ka pësuar dëmtime në kokë e pjesë të tjera të trupit. sn

KFOR-i kërkon që të mbahen përgjegjës personat që e sulmuan në Zveçan

Pjesëtarët e KFOR-it duke evakuuar me barelë një pjesëtar të lënduar të këtij misioni. Zveçan, 29 maj 2023.

Misioni i NATO-s në Kosovë, KFOR, kërkoi që të përfshirët në sulmet ndaj pjesëtarëve të këtij misioni në Zveçan vitin e kaluar të mbahen përgjegjës.

Përmes një deklarate, në shënimin e njëvjetorit të protestave të dhunshme në Zveçan – komunë e banuar me shumicë serbe në veri të Kosovës – komandanti i misionit paqeruajtës të NATO-s në Kosovë, KFOR, gjenerali Ozkan Ulutas, tha se më 29 maj 2023, pjesëtarët e këtij misioni parandaluan “përshkallëzimin e mëtejmë të dhunës”.

Protestat e serbëve në veri të Kosovës, kundër kryetarëve shqiptarë në katër komunat atje, kulmuan me përleshje me pjesëtarët e KFOR-it një vit më parë.

Gjatë përleshjeve, 93 pjesëtarë të KFOR-it u lënduan, disa prej të cilëve kishin lëndime të rënda. Në njëvjetorin e protestave të dhunshme, KFOR-i tha se sulmet ishin “të paprovokuara dhe krejtësisht të papranueshme”.

“Sot ne nderojmë shërbimin dhe sakrificën e kolegëve tanë, të cilët vunë në rrezik jetën e tyre për të kryer detyrat e tyre për të gjitha komunitetet në Kosovë, në përputhje me misionin tonë që del nga mandati i Kombeve të Bashkuara. Kuraja e tyre ndihmoi në stabilizimin e situatës në atë zonë dhe parandaloi përshkallëzimin e mëtejmë të dhunës”, tha Ulutas, sipas një njoftimi të misionit të NATO-s në Kosovë.

Kosova ka fajësuar Serbinë për ngjarjet në Zveçan, duke thënë se ato u kryen nga “grupe kriminale të afërta me presidentin e Serbisë, Aleksandar Vuçiq”.

Por, Serbia e mohoi një akuzë të tillë, duke akuzuar kryeministrin e Kosovës, Albin Kurti, se dëshironte të shtynte serbët “drejt një konflikti me NATO-n”.

Në Kosovë deri më tani janë arrestuar dhjetë persona për dhunën në protesta dhe për sulmet ndaj pjesëtarëve të KFOR-it.

Më herët, KFOR-i ka deklaruar se shpresonte që Beogradi do të hetonte edhe ata persona “që u kthyen në Serbi” pas trazirave, duke thënë se pret që të gjithë autorët “të ndiqen penalisht”.

Mirëpo, institucionet kompetente në Serbi ende nuk kanë komentuar për këtë çështje, gjegjësit nuk dihet nëse autoritetet serbe janë duke zhvilluar ndonjë proces ndaj personave që morën pjesë në sulmin ndaj KFOR-it.

Majin e vitit të kaluar, serbët në veri protestuan kundër kryetarëve të rinj shqiptarë, që u zgjodhën në prill, pas bojkotimit të procesit zgjedhor nga serbët dhe partitë serbe.

Dhuna në veri bëri që NATO të dislokonte afër 1.000 ushtarë shtesë.

“Ne kemi rritur praninë tonë në veri të Kosovës, kemi trefishuar patrullimet përfshirë përgjatë vijës kufitare administrative. Ky ishte përforcimi më i madh i kontingjentit tonë në Kosovë në një dekadë dhe tregon se NATO qëndron e gatshme të ruajë paqen”, u tha në njoftimin e KFOR-it.

*Video: Intervenimi i KFOR-it në Zveçan më 29 maj 2023

Për shkak të dhunës në veri majin e vitit të kaluar, por edhe sulmit ndaj Policisë së Kosovës në Banjskë të Zveçanit në shtator, KFOR-i rriti praninë ushtarak në Kosovë dhe tani ka rreth 4.700 ushtarë.

KFOR-i është përgjegjësi i tretë për sigurinë e Kosovës, pas Policisë së Kosovës dhe misionit të Bashkimit Evropian për sundimin e ligjit, EULEX.

Ukraina: Mbi 1400 rusë kanë vdekur ose janë plagosur gjatë fundjavës

Ministria e Mbrojtjes e Ukrainës ka lajmëruar se më shumë se 1400 trupa ruse janë plagosur që nga e premtja e kaluar.

Megjithëse vlerësimet perëndimore për humbjet ruse ndryshojnë nga ato të Ukrainës, megjithatë kjo është një shenjë e kostos marramendëse njerëzore të luftës për Moskën.

Rusia nuk publikon numrat e viktimave apo humbjeve të pajisjeve.

Ukraina jep shifra, por e bën këtë gjë më rrallë. Në shkurt, Zelenskyy tha se 31 mijë trupa ishin vrarë në luftën ndaj Rusisë.bw

Osmani përmend rëndësinë e mbështetjes gjermane për Kosovën në skenën ndërkombëtare

Presidentja e Kosovës, Vjosa Osmani në takim me të dërguarin e posaçëm të Gjermanisë për Ballkanin Perëndimor, Manuel Sarrazin.

 

Presidentja e Kosovës, Vjosa Osmani dhe kryeministri Albin Kurti, janë takuar të martën me të dërguarin e posaçëm të Gjermanisë për Ballkanin Perëndimor, Manuel Sarrazin.

Presidenca ka thënë përmes një komunikate për media, se Osmani i ka thënë të dërguarit gjerman se Kosova ka nevojë të vazhdueshme për mbështetjen gjermane teksa e forcon pozitën në skenën ndërkombëtare, duke përmendur Këshillin e Evropën, Bashkimin Evropian dhe NATO-n.

Kosova i ka kaluar dy prej tri fazave të nevojshme për pranim në Këshill të Evropës, organizatën lidere në fushën e të drejtave të njeriut.

Në hapin e tretë – miratimin e anëtarësimit në Komitet të Ministrave – Kosova nuk është përfshirë në agjendë, pasi nuk ka bërë hapa të mjaftueshëm drejt formimit të Asociacionit të komunave me shumicë serbe.

Një ditë para mbledhjes së Komitetit të Ministrave të Këshillit të Evropës, autoritetet e Kosovës kanë thënë se gjatë muajit maj do të dërgojnë për shqyrtim në Gjykatën Kushtetuese të Kosovës, një propozim për formim të Asociacionit, mirëpo zyrtarë të lartë të Perëndimit kanë thënë se diçka e tillë është e pamjaftueshme për të plotësuar kushtin.

Komiteti i Ministrave të Këshillit të Evropës mblidhet një herë në vit dhe mbetet e paqartë se kur Kosova do të mund të bëhet anëtare e organizatës.

Zyra e kryeministrit Kurti ka thënë se ka biseduar me zyrtarin gjerman për zbatimin e marrëveshjeve që kanë dalë prej Procesit të Berlinit.

Ai e ka përmendur në veçanti nevojën për zbatimin e marrëveshjes për udhëtim me letërnjoftime ndërmjet Kosovës dhe Bosnjë dhe Hercegovinës, që lehtëson lëvizjen e lirë të qytetarëve, para mbajtjes së samitit të këtij viti.

Procesi i Berlinit nuk është një proces formal i politikës së BE-së ndaj rajonit të Ballkanit Perëndimor.

Është një nismë e Gjermanisë, e mbështetur nga vendet tjera të BE-së si Austria, Sllovenia, Kroacia e pastaj edhe Franca, Italia, Polonia dhe të tjera, që ka për qëllim të ndihmojë në zhvillimin e rajonit, bashkëpunimin e ndërsjellë mes tyre, të sigurojë tërheqjen e investimeve dhe në këtë mënyrë t’i ndihmojë ato vende në përgatitjen e tyre për anëtarësim në BE, në të ardhmen. REL

Malkaj: Korrupsioni luftohet nga lart-poshtë, Rama duhet të iki i pari

Aktori i madh, Mehdi Malkaj, i cili mori fjalën e tij në protestën që po zhvillohet përpara Bashkisë së Tiranës, kundër vjedhjeve që ka kryer e gjithë kupola drejtuese e saj, është shprehur se korrupsioni nuk luftohet nëse nuk largohet ideatori i saj që është Edi Rama.

“Kam pasur një merak të madh, vallë a do të vijë policia sot?! Mirë se keni ardhur ju që jeni këtu dhe ju që jeni përtej gardhit. Besoj e keni marrë vesh që do të fillojë një luftë e madhe kundër korrupsionit.

Unë i kam gjerët më të thjeshta, korrupsioni është me shumicë, ose vidhet e gjithë Shqipëria, ose Shqipëria ikën në drejtim të paditur.

Gjyshja ime i pastronte shkallët nga lart poshtë, nuk mund të bëhet luftë kundër korrupsionit nëse ai beu i madh është atje ku është.”sn

“T’i vendosin ultimatum Beogradit”- Albin Kurti me rezerva ndaj SHBA dhe BE: Shumë të buta ndaj Serbisë

Kryeministri i Kosovës, Albin Kurti, ka deklaruar se Bashkimi Evropian dhe Shtetet e Bashkuara të Amerikës po tregohen shumë të buta ndaj Serbisë, duke shtuar se asaj duhet t’i caktojnë një ultimatum për të vendosur sanksione ndaj Rusisë.

Në një intervistë për “Financial Times”, Kurti ka theksuar se Beogradi duhet të rreshtohet kah Perëndimi për t’i ofruar Kosovës siguri në procesin e normalizimit të marrëdhënieve.

“Sapo që Serbia t’i vë sanksione Federatës Ruse, atëherë do të ishte një moment kur ata mund të tregojnë se duan të integrohen në BE, dhe Serbia pa Rusinë nuk mund ta kërcënojë sigurinë e kontinentit. Atëherë do të mund të besoja se në thelb duan paqe. Dhe SHBA-ja e BE-ja nuk do të përpiqeshin që t’i qetësonin më”, ka thënë Kurti.

Ai ka thënë se Serbia duhet të tregojë përkushtim ndaj integrimit në BE duke vendosur sanksione ndaj Rusisë dhe ndaluar përpjekjet për t’u ulur në “tre ose katër stola”.

Kryeministri Kurti ka refuzuar të tregojë nëse Policia e Kosovës do t’i tërheqë njësitë speciale nga veriu, por ka insistuar se ankesat e serbëve për praninë e tyre po pakësohen.

Javën e kaluar policia kosovare bastisi disa degë të një banke serbe në veri të vendit dhe konfiskoi monedhën serbe. Dinari ishte i jashtëligjshëm si mjet këmbimi në Kosovë në fillim të këtij viti, edhe pse shumë prej serbëve të Kosovës paguhen me paga ose pensione në atë valutë. Kosova përdor euron.

Kurti gjithashtu ka potencuar se ka dallime strategjike me aleatët euro-amerikanë, por jo në vlera dhe parime.bw

UGSHPD: REZOLUTA ANTIKORRUPSION, REALITETI I VOTIMIT NË BLLOK SI E VËRTETA E FRIKËS PREJ DREJTËSISË

“SPAK-u është ilaçi i hidhur, që o e pi, o vdes…”,  është një nga shprehjet që do të mbahet mend gjatë si hipokrizi elektorale sidomos kur politikën e qeverisjes e lidh me komedinë për ta kuptuar vërtetë realitetin shqiptar se sa i zhytur është në korrupsion. Me këtë qeverisje që zotohet se është ajo që do ta luftojë të keqen, popullit protestues i dalin lot nga e qeshura për të mbytur trishtimin ku jeta dhe vendi i tyre ndodhet sot. Këtë shprehje  që; “…është ilaçi i hidhur, që o e pi, o vdes…” do ta kishte zili edhe veprimtari i vërtetë i Rilindjes Kombëtare  Andon Zako Çajupi (1866-1930),  kur ai shkroi komedinë politike “Pas Vdekjes” që tingëllon sot  kur Shqipërinë nuk e lë korrupsioni të bëhet shtet.

Më 27 Maj, 2024 nga kryeministri Rama në Kuvendin e Shqipërisë, fiks një ditë pas rrëqethjes së dytë me diasporën shqiptare në Itali kjo recetë patriotike e tija doli papritur në shteg si dialogu i Dr. Adham-Uti-t: -“… o e pi, o vdes…”, ky kushti që të shpëtosh nga korrupsioni. A ngjason gati 100 vite më pas thuajse njësoj me këshillën e “mendjendriturit patriot” Adham-ut: ” preje shpejt që të shpëtojë tjetra!”*(?)

Kur kthehesh në realitetin shqiptar dhe e sheh me sy të qartë lartësinë e hileve dhe mashtrimit politik që ngrihet prej korrupsionit, shpresa e parë e çlirimit të vjen nga sarkazma e një komedie origjinale si ajo “Pas Vdekjes” e Çajupit. Të dëgjosh fjalimet pa thelb të Ramës dhe të mendosh se me to drejtohet administrata e shtetit, kjo çështje i ka sot të zbuluara të gjitha qëllimet e mbajtjes së pushtetit. Drejtësia po vijon me dy standarde dhe po vepron duke goditur me porosi dhe me zhurmë majtas sikurse dhe e kalon gjoja baraspeshimin, por duke bërë një dëm shumë të madh  duke neutralizuar dhe shkatërruar institucionin e opozitës politike djathtas. Pra nga kjo pozitë kërkohet shpjegimi dhe prej këtu arrin të kuptosh  vërtetë edhe thelbin propagandistik të vendimit politik të Rilindjes Socialiste me Rezolutën “Për thellimin e reformave për mirëqeverisjen, sundimin e ligjit dhe antikorrupsionin për Shqipërinë 2030 në Bashkimin Evropian”. Votimi u bë në bllok 76 pro, 0 abstenime (kur janë 61 të pranishëm që nuk kanë votuar) dhe 2 kundër, ky qëndrim jo pluralist i vazhdueshëm i jetës parlamentare duhet të jetë  një kambanë e fortë alarmi për popullsinë shqiptare, diasporën shqiptare dhe BE-në se në çfarë rruge po rrëshqet vendi.

Ky nuk është aspak një çast paniku për popullsinë shqiptare dhe diasporën që e duan vërtetë Shqipërinë të lirë, pluraliste dhe demokratike, por vërejtja e kampeve politike që nuk lëshojnë mbetet shqetësim i madh.

Duke mos dashur të ndalemi aspak tek recetat e Ramës si ato të Adham-Uti-t, duam të veçojmë përmbledhjen përplasjeve e argumenteve pozitë opozitë në Kuvend. Diskutimi i deputetit socialist Braçe ju përgjigj listës së shkeljeve të numëruara nga deputetja demokrate Zhupa me një kundra listë “familjare dhe biologjike” për korrupsionin që opozita trashëgon para këtyre 11 viteve të pushtetit rilindas që sot është i zhytur në dosje hetimore. Deputeti Gjiknuri, pavarësisht pozicioneve frenuese 2 vjeçare të ligjit zgjedhor, në fjalimin e tij rëndësinë e luftës së korrupsionit nënvizoi se perandoritë që nga Roma dhe deri tek BRSS ka rënë prej dekadencës, po kështu edhe tranzicioni shqiptar me tumorin e korrupsionit; “nuk mund të shpëtohet vetëm nga Drejtësia e Re dhe veçanërisht nga SPAK-u, por nga i gjithë kombi dhe ekzekutivi në rradhë të parë” dhe shpëtimin e aktualizoji me një shprehje të kryeministrit të tij Rama që është i pakënaqur me stadin aktual të punës së administratës. Ndërsa më tej në aliazhin e citateve të përzgjedhura Gjiknuri cituar një fragment të presidentin e SHBA-së J. Biden (3 Qershor 2021 WH)* për rëndësinë e korrupsionit duke u shprehur; “të luftosh korrupsionin nuk është thjeshtë mirëqeverisje, është vetëmbrojtje, është patriotizëm”. I fundit që do të mbështesim analizën në mesin e 3-4 orëve të diskutimeve të Kuvendit të Shqipërisë për Rezolutën “Për thellimin e reformave për mirëqeverisjen, sundimin e ligjit dhe antikorrupsionin për Shqipërinë 2030 në Bashkimin Evropian”, është Ministri i Drejtësisë Manja kur gjithë procesin e thelbësor të përfaqësimit të një deputeti të zgjedhur nga vota e popullit e shndërron në argument të “brilant” gjatë diskutimit të tij që nuk respekton rradhë dhe nxiton për diku tjetër jashtë seancës plenare: -“Ju jeni këta që jeni këtu që luftoni korrupsionin paradite në parlament me llogje, apo jeni ata që shkoni tek “Rrugica e Shpresës” pasdite?” “A jeni me Shqipërinë në BE, apo jeni me Shqipërinë “arrest shtëpie”? Se dy rrugë ka, të tretë s’ka”. U shprehëm i fundit pak më lart për arsyetimin e Ministrit të Drejtësisë pasi ky ishte dhe një nga diskutimet e lira siç thotë populli që “i vuri kapakun” shumë më herët rrjedhës së diskutimeve për një Rezolute me Presion, thellësisht e njëanshme për të cilën kur i referohesh veçanërisht pikave 5 dhe 6 të saj arrin të kuptosh se Rilindja Socialiste në këto tre mandate arriti së fundmi të zbulojë sektorët vunerabël ndaj korrupsionit.*  Me sinqeritet duhet parë si shqetësuese gjendja e përfaqësuesve të popullit në Kuvendin e Shqipërisë. Elita e Rilindjes ka rënë në nivelin e përqeshjes dhe sarkazëmën e Çajupit që për të shpëtuar pjesën e “shëndoshë” duhet sakrifikuar diçka tjetër nga trupi dhe këtë zgjidhje ashtu sikurse Rama e thotë:-“SPAK-u është ilaçi i hidhur, që o e pi, o vdes…”, të kujton Dr. Adham-Utin kur i drejtohej Zenelit: “Un’ e kam gjetur këtë methodë të re: të dhemb një dorë? Preje qe te shpëtoje tjetra! Te dhemb një kimbë? Me vrap sharroe që të shpëtosh tjetrën! Të dhembe një sy? Kërreje shpejt që të mos sëmuret dhe tjetri! Kështu bëra dhe për time shoqe: i dhembi një ditë syr’ i djathtë: me vrap ja qita dhe sot syr’ i mëngjër ishte shëndosh’ e mirë, sa shukon dhe natën”…

Ky dialog i famshëm ka një filozofi popullore që buron nga vuajtjet që sjellin në një shoqëri mburravecët, fjalë shumët dhe përfituesit. Sa majtas edhe djathtas dalin edhe përfaqësues interesaxhinj që quhen sharlatanë dhe të përulur ndaj pushtetit dhe pikërisht në këtë kohë zhvillimesh të vrullshme populli shqiptar sy hapur duhet të dijë se cilin mund të zgjedhë për t’u përfaqësuar. Njerëzit kundrejt plagës së korrupsionit kërkojnë me zërin e vet të protestës lirinë e fjalës, një jetë me mirëqenie ekonomike, sistem drejtësie të pavarur nga politika. Deputetët Ata së bashku ndodhen përballë një vështirësie shumë të madhe përmes së cilës e duhet perceptuar realiteti dhe se si duhet veçuar propaganda dhe mashtrimi i elitës rilindase, kur shohim se veprim konkret të drejtësisë për ndëshkimin e korrupsionit nuk ka. Për më tepër me veprimet autokratike që kryeministri demonstron në Kuvend që hyn, largohet dhe kthehet për të parë forcën bllok të kartonit në votim, pasi përfaqësuesit e pozitës e dhanë shkurt përgjigjen e tyre, duhen parë si kërcënim real  dhe shantazh i ushtrimit të lirisë së mendimit politik. Opozita fatmirësisht ka shumë për të bërë deri për zgjedhjet e ardhshme në qoftë se do ta meritojë drejtimin për ta shëndoshur Shqipërinë. Kalendari i veprimtarive politike fatkeqësisht për pozitës po shkon drejt “një qetësie” ku koha që Rilindjes Socialiste i nevojitej ta blinte, teknikisht është arritur. Legjislatura mbyllet. Fillon futbolli evropian bashkë me vapën verës shoqëria e pandërgjegjësuar i jep “pa kuptuar” jetëgjatësi korrupsionit.

____________

 

 Komedia politike “Pas Vdekjes” nga Andon Zako Çajupi (1866-1930)

 

J. Biden (3 Qershor 2021 WH)  “Fighting corruption is not just good governance.  It is self-defense.  It is patriotism, and it’s essential to the preservation of our democracy and our future”.

 

Rezoluta Antikorrupsion 27 Maj, 2024 pikat 5 dhe 6

5. Të konsiderojë domosdoshmëri jetike për të ardhmen e vendit thellimin e luftës ndaj korrupsionit e fenomenit të pandëshkueshmërisë në mënyrë kapilare në të gjitha nivelet, duke e vendosur në fokus të shoqërisë shqiptare dhe të të gjitha institucioneve të shtetit, përmes një përpjekje të bashkërenduar nga Kuvendi, zbatimit të objektivave të Strategjisë kombëtare antikorrupsion dhe të shoqëruar me rekomandime masash konkrete ligjore, institucionale dhe administrative veçanërisht për sektorët më vulnerabël ndaj korrupsionit (kadastra dhe të drejtat pronësore, taksat, doganat, arsimi, shëndetësia, përdorimi i fondeve publike, prokurimet publike, infrastruktura publike, etj), në të gjithë territorin e vendit;

6. Të thellojë më tej përpjekjet për forcimin e zbatimit të ligjit duke mundësuar një proces analitik vlerësimi dhe rekomandimesh me masa konkrete ligjore dhe institucionale që synojnë ndër të tjera edhe reformimin, me të njëjtën ambicie dhe thellësi siç vepruam me reformën në drejtësi edhe të agjencive të tjera të zbatimit të ligjit që kanë në përgjegjësi luftën ndaj korrupsionit në të gjitha nivelet e qeverisjes dhe administrimin e pasurisë publike, krimin ekonomik, parandalimin e pastrimit të parave, deklarimin dhe kontrollin e pasurive të zyrtarëve dhe konfliktit të interesit, auditimin dhe inspektimin financiar, kontrollin e brendshëm, informalitetin apo të mbikqyrjes së tregut, të rregjistrimit e administrimit të pronës etj duke synuar motivimin, integritetin, përgjegjshmërinë, llogaridhënien dhe efikasitetin më të mirë të këtyre strukturave në respektim dhe zbatim të ligjit në të gjitha nivelet e qeverisjes;

 

 

27 Maj, 2024

 

Unioni i Gazetarëve Shqiptarë Profesionistë të Diasporës (UGSHPD)

Verband Albanischer Berufsjournalisten der Diaspora (VABD)

Union of Professional Albanian Journalists of Diaspora (UPAJD)

L’Union des journalistes professionnels albanais de la diaspora (UJPAD)

Unione dei Giornalisti Professionisti Albanesi della Diaspora (UGPAD)

Sot, protesta e radhës para bashkisë Tiranë! – ‘Veliaj në burg!’

Sot, të martën, në orën 11:00,  qytetarët do të zhvillojnë protestën e radhës përpara bashkisë së Tiranës,drejtues të lartë të cilës tashmë janë të arrestuar nga SPAK për korrupsion.

Aleanca për Mbrojtjen e Teatrit Kombëtar që është nismëtare e këtyre protestave të përjavshme, është mbështetur nga Partia Demokratike që i ka denoncuar pa u ndaluar aferat korruptive si dhe në tërësi nga forcat opozitare.

Deputetja e PD, Ina Zhupa, e ka lëshuar të qartë mesazhin e saj për protestën: “Protesta e radhës para selisë “5D” – bashkisë Tiranë. Veliaj në burg!”

Tashmë 5D është bërë simboli i pesëshesës së drejtorëve të skemës së korrupsionit të ngritur në këtë bashki, të cilët janë vënë pranga.

Image

UGSHPD: NJË SHANS MË SHUMË PAQES DHE SIGURISË: NATO NË KOSOVË, POR EDHE KOSOVA NË NATO

 

Shqiptarët dhe të gjithë paqedashësit e vërtetë e kanë mirëpritur lajmin e sotëm për avancimin e statusit të Kosovës nga anëtare vëzhguese në anëtare të asocuar të Paktit të Atlantikut Verior NATO.

Në reagimin e menjëhershëm nga ministri i Mbrojtjes i Kosovës, Ejup Maqedonci, u vlerësua se Kosovë është vetëm një hap larg anëtarësimit me të drejta të plota në NATO, çka sigurisht do të ndikojë në stabilizimin e Ballkanit. Maqedonci tha se tani Kosova do të ketë të drejtë propozimi dhe komentimi të çdo procesi apo dokumenti që trajtohet nga AP e NATO-s.

Kryeministri i Kosovës Albin Kurti, duke shprehur falënderimin ndaj partnerëve që me votat e tyre i dhanë sot mbështetje avancimit të statusit të Kosovës në Asamblenë e Parlamentare të NATO-s, pohoi se, në prag të 25-vjetorit të çlirimit, Sofja, kryeqyteti i shtetit që 25 vjet më parë hapi hapësirën e vet ajrore për aeroplanët e NATO-s në fushatën kundër Serbisë, sot ishte vendtakimi në të cilin bëmë një hap të rëndësishëm në integrimin euro-atlantik, përkundër fushatës së Serbisë.

Siç ka thënë Presidentja Vjosa Osmani në 75 vjetorin e NATO-s, “Kosova nuk ndalet drejt rrugëtimit të saj për t’u bërë anëtare e aleancës ushtarake perëndimore; rrugëtimi drejt anëtarësimit në Aleancë nuk pushon, nuk lëkundet. Ne vazhdojmë të ecim përpara së bashku. Gjithmonë. Sepse NATO është fati i Kosovës. Sepse NATO është një zotim për brezat e ardhshëm se ata do të trashëgojnë një botë më të sigurt.”

NATO-ja është në Kosovë prej një çerek shekulli, që në pranverën e vitit 1999. Në kuadrin e Misionit KFOR, ajo garanton sigurinë dhe paqen në Kosovë duke ndikuar kështu fuqishëm në stabilitetin e rajonit nga më të ndjeshëit të gjepolitikave të sotme. NATO po luan rol vendimtar në përgatitjen e Ushtrisë së Kosovës për t’i plotësuar të gjitha kriteret për anëtarësimin e saj në Paktin e Atlantikut Verior. Kosova në NATO është domosdoshmëri nga më urgjentet për të shuar çdo shpresë dhe çdo shans të ndonjë revanshi millosheviçian në rajonin e Ballkanit Perëndimor.

Unioni i Gazetarëve Shqiptarë Profesionistë të Diasporës (UGSHPD) përshëndet avancimin e statusit të Kosovës nga anëtare vëzhguese në anëtare të asocuar të Paktit të Atlantikut Verior NATO, arritur sot në Sofje, siç përshëndet çdo zhvillim tjetër që, duke forcuar subjektivitetin ndërkombëtar të Republikës së Kosovës, frymëzon çdo faktor paqëdashës dhe përparimtar dhe dekurajon çdo faktor luftënxitës e destabilizues në rajon e më gjerë.

Urojmë nga zemra që Republika e Kosovës të jetë sa më parë anëtare me të drejta të plota e Paktit të Atlantikut Verior (NATO)!

 

27 Maj 2024

 

Unioni i Gazetarëve Shqiptarë Profesionistë të Diasporës (UGSHPD)

Verband Albanischer Berufsjournalisten der Diaspora (VABD)

Union of Professional Albanian Journalists of Diaspora (UPAJD)

L’Union des journalistes professionnels albanais de la diaspora (UJPAD)

Unione dei Giornalisti Professionisti Albanesi della Diaspora (UGPAD)

 

 

 

 

Ministri Maqedonci: Kosova është vetëm një hap larg anëtarësimit me të drejta të plota në NATO’

Ministri i Mbrojtjes së Kosovës, Ejup Maqedonci, ka reaguar pas votimit në Asamblenë Parlamentare të NATO’s, ku Kosova e avancoi statusin nga anëtar vëzhgues në të asociuar.

Maqedonci ka thënë se tani Kosova do të ketë të drejtë propozimi dhe komentimi të çdo procesi apo dokumenti që trajtohet nga AP e NATO’s.

Me këtë vendim, Maqedonci ka thënë se Kosovë është vetëm një hap larg anëtarësimit me të drejta të plota në NATO.

“Nga sot me vendim të Asamblesë Parlamentare të NATO-s, Kuvendi i Republikës së Kosovës ka statusin e anëtarit të asociuar të NATO-s. Pra nga tani, Kosova do të ketë të drejtë propozimi e komentimi të çdo procesi apo dokumenti që trajtohet nga Asambleja e NATO-s. Me këtë vendim Kosova është vetëm një hap larg anëtarësimit me të drejta të plota në NATO, gjë që sigurisht se do të ndikoj në stabilizimin e Ballkanit.”sn

Asambleja Parlamentare e NATO-s miraton avancimin e statusit të Kosovës

Asambleja Parlamentare e NATO-s.

Asambleja Parlamentare e NATO-s e ka miratuar të hënën rekomandimin për avancim të statusit të Kosovës nga anëtare vëzhguese në anëtare të asocuar.

Shumica e vendeve kanë votuar për, një votë ka qenë kundër dhe 14 vende tjera kanë abstenuar, në takimin e Asamblesë, që po mbahet në Sofje të Bullgarisë.

Një ditë më parë, delegacioni i Parlamentit të Serbisë, ka kërkuar përmes një letre që Kosovës të mos i avancohet statusi.

Në njoftimin e Parlamentit serb është thënë se dhënia e një statusi i tillë do të jetë shpërblim për Prishtinën, e cila, sipas Beogradit, po bën gjithçka për të penguar dialogun mes dy vendeve, që ndërmjetësohet nga Bashkimi Evropian, dhe për të shmangur obligimet nga marrëveshjet e arritura në Bruksel.

Serbia, e cila nuk e njeh pavarësinë e Kosovës, angazhohet vazhdimisht në fushata lobuese kundër Kosovës – së voni edhe kundër anëtarësimit të saj në Këshillin e Evropës.

Çfarë është Asambleja Parlamentare e NATO-s?

Asambleja Parlamentare e NATO-s është institucionalisht e ndarë nga NATO-ja, por shërben si një lidhje e rëndësishme mes NATO-s dhe parlamenteve të vendeve anëtare.

Ajo përbëhet nga 281 delegatë nga të 32 vendet anëtare të NATO-s.

Përveç tyre, në aktivitete të saj marrin pjesë edhe delegatë nga 9 vende të asocuara, 4 vende të asocuara mesdhetare, si dhe 8 delegacione vëzhguese parlamentare.

Anëtarët e asocuar mund të paraqesin rezoluta dhe ndryshime në rezoluta. Gjithashtu, mund të shërbejnë si raportues specialë të asocuar në komitete, për të paraqitur perspektivat e tyre në raportet NATO-Asamble Parlamentare.

Megjithatë, ata nuk kanë të drejtë të votojnë për raportet, rezolutat apo udhëheqjen e Asamblesë dhe as nuk kontribuojnë në buxhetin e saj.

Aktualisht, anëtare të asocuara janë nëntë – në mesin e tyre edhe Serbia dhe Bosnje e Hercegovina.

Kuvendi i Kosovës, prej vitesh, është delegacion vëzhgues me dy ulëse. Tani, me avancimin e statusit do të mund të zgjerohet edhe delegacioni pjesëmarrës kosovar.

Kosova dhe NATO-ja

Pasi Rusia ka nisur pushtimin në shkallë të plotë të Ukrainës, në shkurt të vitit 2022, autoritetet e Kosovës kanë kërkuar anëtarësim të përshpejtuar në NATO.

“Anëtarësimi i përshpejtuar i Kosovës në NATO dhe vendosja e bazës së përhershme të forcave amerikane janë nevojë imediate për garantimin e paqes, sigurisë dhe stabilitetit në Ballkanin Perëndimor dhe më gjerë”, ka thënë ministri i atëhershëm i Mbrojtjes në Kosovë, Armend Mehaj.

NATO-ja nuk e ka komentuar këtë kërkesë të Kosovës, por ka siguruar se misioni i saj paqeruajtës në vend, KFOR, “mundëson trajtimin e menjëhershëm të çdo zhvillimi që mund të ndikojë në situatën e sigurisë”.

Forcat e NATO-s janë të pranishme në Kosovë qysh në qershor të vitit 1999, pas përfundimit të luftës dhe tërheqjes së forcave serbe.

Kosova kufizohet me tri shtete anëtare të NATO-s: Shqipërinë, Malin e Zi dhe Maqedoninë e Veriut.

Në radhët e NATO-s janë katër shtete që ende nuk e njohin pavarësinë e Kosovës: Greqia, Spanja, Rumania dhe Sllovakia.

Vazhdon mbledhja e Asamblesë Parlamentare të NATO, Kosova nesër në agjendë

Sofje, Bullgari –  Në asamblenë parlamentare të NATO-s, në ditën e dytë të punimeve të komisioneve, po diskutohet për tema politike, demokraci dhe për mbështetjen ndaj Ukrainës.

Raportuesi i Ukrainës, në sallën ku po mbahen punimet e komisionit, para fjalimit ka kërkuar të ndiqet një video që paraqet realitetin në Ukrainë, derisa tha se, kjo është ajo se çfarë po ndodhë në Ukrainë, duke iu referuar agresionit të paprovokuar rus ndaj Ukrainës.

Delegacioni i Kosovës po merr pjesë në Komisionin për Politikë, njofton RTK.

Në Asamblenë e Përgjithshme të NATO-s, në 75 vjetorin e themelimit, në fokus të diskutimeve janë edhe prioritetet e samitit të sivjetmë të NATO-s, i cili do të mbahet në korrik në Uashington.

Nesër, Kosova pret që të marrë përkrahje në avancimin e statusit, nga vend vëzhgues në anëtar të asociuar të kësaj organizate. Vendi përfaqësohet nga deputetët Driton Hyseni dhe Xhavit Halit.


Send this to a friend