Debati rreth PD edhe pse pas humbjes me te madhe ne historine e saj, eshte ne qender te vemendjes, pasi emri i PD akoma identifikohet me te ardhmen e opozites.

Debati rreth te ardhmes se PD fokusohet te bashkimi i dy pjeseve, asaj te Bashes dhe Berishes, me dije apo pavetedije.

Ne fakt jane 3 pjese, ajo e Bashes ne minorance te vertetuar, ajo e Berishes dhe pjesa 3, kunder te 2 modeleve Basha e Berisha.

Keq analiza e situates eshte here e qellimshme dhe here nga mosnjohja.

Eshte fakt se pjesa e 3 nuk eshte e strukturuar por ka zera individual qendror dhe lokal.

Se cila eshte pesha e saj ne numra kjo ha debat, por sipas kendveshtrimit tim eshte shumica.

Fakti qe ne garen e para 1 viti perball Berishes ne kushte te pabarabarta, nje gare teresisht individuale, arrita te marr rreth 12% te votave (6% sipas komisionit te Damjanes), tregon se ka edhe nje pjese te 3-te, e cila po te jete grup i organizuar e kalon 50%.

Grupi i 3-te ndrysh nga modeli Basha-Berisha eshte domosdoshmeri e menjehershme.

Eshte shpresa e vetme se pari per ndalimin e shkaterrimit te PD, dhe e dyta e marrjes se pergjegjesive per ringritjen e saj.

Modeli Basha e ka mbaruar misionin drejtues te PD qe ne 2021, modeli Berisha ne 14 maj, periudha nga 11 dhjetori 2021 deri sot tregoi se modeli Berisha dhe ai Basha jane te njejte, me ndryshime te vogla, tregoi se pergjegjesia per periudhen 2013-2021 eshte e perbashket dhe perrallen se Basha ia hodhi Berishes nuk i beson as vete Berisha qe e sajoi.

Beteja e sotme mes 2 grupeve eshte thjesht nje fars qe u sherben secilit si justifikim per te mos u larguar.

Prandaj Pjesa e 3-te eshte zgjidhja :

– demokrate qe reaguan kunder modelit Basha- Berisha

– demokrate qe e kane kuptuar se modeli Basha eshte nje çmenduri politike

– demokrate qe pas 9 shtatorit i besuan premtimit te Berishes se vetem ai e rrezon Ramen, por qe 14 maji tregoi te kunderten

– Demokrat qe i besuat modelit Basha mos u ndjeni fajtor per çfare shkoi

– Demokrate qe i besuat modelit Berisha mos u ndjeni fajtor per çfare besuat dhe u mashtruat

– Demokrate qe i keni rezistuar per kaq vjet te 2 modeleve, mos u dorezoni.

Eshte momenti te grupohemi, qe te ndalojme asgjesimin e PD, qe me shume gjasa eshte i paramenduar.

Nese nuk e bejme sot, mos u qarravtni neser.

PS:
Elita drejtuese aktuale qe pas 14 majit duhej te vetedorehiqej, ne mungese te kesaj norme ju drejtohem:
Deputeteve
Anetareve te kryesise
Anetareve te keshillit kombetar
para mbrojtjes se interesave te Bashes dhe Berishes keni detyrimin mbrojtjes se normave demokracise dhe shpetimit te PD.

Kryetari demokrat, Sali Berisha u bëri një thirrje medieve sot, që të shohin rezultatin e partisë së Tom Doshit si një dëshmi e manipulimit masiv të votës.

“Solla këtu karakterin stil Putin të këtyre zgjedhjeve, i cili u gërshetua me karakterin e shtetit mafioz.

Industria e blerjes së votës ishte një industri në pronë të narkoqeverisë dhe narkotrafikantëve dhe oligarkëve.

Unë u bëj thirrje medieve që janë në një orë të zezë në raport me publikun shqiptar, me qëllim ose verbërisht po bëjnë apologjinë e këtij krimi monstruoz ndaj shqiptarëve.

Ata punonjës të medieve, që kanë minimumin e ndërgjegjes profesionale, i ftoj për një moment të hedhin sytë në hartën elektorale, në rezultatet elektorale dhe do gjejnë se partia e Doshit është tullumbacja më e madhe e këtyre zgjedhjeve.

Partia e drejtuar nga një njeri që nuk ka njeri prej jush që të mbajë mend një fjalë politike të shqiptuar prej tij, se ai flet vetëm me gjuhën e parave.

Të jeni të sigurt se Rama ka përdorur shumëfishin e tij. Ju bëj thirrje punonjësve të medias, shikoni rezultatin e partisë së Doshit, dëshmia më e zezë, më e turpshme e blerjes së votës.

Flet vetë. 13 milionë euro ka fituar vetëm një ndërmarrje të shtetit Tom Doshi. 13 milionë euro nga Edi Rama.

Nëse ndokush mendon se vota për partinë e Tom Doshit është kontestatore, gabon rëndë. Është thjesht votë e blerë. E keni parë të bëjë fushatë? Unë asnjëherë nuk e kam parë. Ka bërë një darkë nderimi për Nikulajn dhe aty bëri sulme politike. Berisha tha donte ta politizonte. Unë në fakt, çdo këshilltar po u vra në fushatë, ka një karakter të papranueshëm. E vetmja fushatë e aleatit të Ramës, Tom Doshi ishte një sulm ndaj Berishës dhe vetëm para dhe para.

E them këtë sepse mjafton që një gazetar të shkojë në Mamurras dhe të pyesë qytetarët si votuan. Mjafton që një qytetar të shkojë në Blinisht, të shkojë në Klos. Ndjej keqardhje të thellë kur përpiqen të injorojnë aktet e blerjes masive.

A e dini që janë mbledhur kartat e pensionistëve se do u duhen për shpërblimin? Dy javë para. Janë mbledhur kartat e identitetit të invalidëve. Ne kemi dokumente, nuk bëjmë asgjë pa dokumente. Nuk bëjmë asnjë sulm të padokumentuar.

Ne po mbledhim dhe do vazhdojmë të mbledhim dokumente për strategjinë e mbrojtjes së votës.

Mbrojtja e votës është objektivi më madhor i yni,” tha Berisha. syri.net

Ish-kryeministri Sali Berisha ka deklaruar sot se do të kalojë në votëbesim. Në komunikimin e përjavshëm me gazetarët, Berisha tha se do të zbatohet statuti i PD-së për humbjen në zgjedhjet lokale.

“Me statut, kryetari që humbet zgjedhjet lokale kalon në votëbesim dhe e njëjta gjë do të ndodhë si me zgjedhje të vjedhur ashtu edhe me zgjedhje të lira. Pra unë nuk kam nevojë për asnjë lloj alibie sepse statuti do të zbatohet pikë për pikë.”, tha Berisha.

Pjesë nga fjala e Berishës:

Problemi i karriges është i zgjidhur me statutin e PD-së. Kryetari që humbet zgjedhjet, kalon në votëbesim.
Kjo do ndodhë edhe me zgjedhje të vjedhura. Unë nuk kam nevojë për asnjë lloj alibie se statuti do të zbatohet pikë për pikë.
E gjithë përpjekja ime bëhet si një detyrim ndaj demokracisë dhe ndaj të gjithë atyre qytetarëve që kanë votuar kundër sistemit ose që kanë pasur frikë të votojnë ndaj tij.
Një shoqëri që nuk zhvillon zgjedhje të lira, nuk ka të ardhme.

Në këtë kontekst, konstatoj me keqardhje, por jo i dekurajuaj, se si makineria propagandistike ka penetruar në studiot televizive, që nga mëngjesi deri në darkë, përpiqen t’i paraqesin shqiptarëve apo të vënë në diskutim votëblerjen ose përjashtimin e 180 mijë votuesve, të vënë në diskutim mbledhjen e kartave, të vënë në diskutim ndërhyrjen e krimit.
Në këtë diskutim, këta kërkojnë të vënë në narkozë shoqërinë dhe të legjitimojnë aktin makabër të një njeriu, që publikisht para shqiptarëve dhe botës, e deklaroi Kodin Zgjedhor një kinezëri.
Ndaj dhe u bëj thirrje shqiptarëve, përbuzeni me përçmim të shpifur kundër jush, kundër interesit të secilit prej jush që bëhet me paga marramendëse të narkoqeverisë, e cila pasi bleu zgjedhjet, kërkon tani të shesë mashtrimin e saj.
Çdo natë, siç dëgjoni ju, fajin e ka opozita.
Analiza e PD-së në të gjitha nivelet, për të gjithë problematikën, për të gjitha përgjegjësitë, do bëhet më transparente dhe më e fortë se asnjëherë tjetër, me qëllim përsosjen e punës për një reformim të mëtejshëm të kësaj force politike.
Çdo demokrat duhet ta dijë se kjo është detyrimi ynë madhor para çdo zgjedhësi shqiptar. Por për kohën që ne mbrojmë votën, të gjitha energjitë tona janë të përqendruara në mbrojtjen e votës.
Dhe ky nuk është një proces i lehtë. Duhet ta dini se ka njerëz që për një provë, luajnë me kokën e tyre. Ky është një regjim bande, është një narkoshtet që nuk respekton asnjë rregull.bw

Komisioneri Shtetëror i Zgjedhjeve, Ilirian Celibashi nisi të enjten procesin e certifikimit të rezultateve për zgjedhjet vendore të 14 majit, duke miratuar tabelat përmbledhëse për kryetarët dhe këshillat bashkiakë për bashkitë Rrogozhinë dhe Belsh.

Koalicioni opozitar, “Bashkë Fitojmë” kontestoi pranë KQZ-së rezultatet për të dyja këto bashki ku fitorja e kandidatëve të Partisë Socialiste ka qenë e ngushtë.

Celibashi shpalli kryetar të ri të bashkisë Rrogozhinë Edison Memollën, bazuar mbi tabelat e çdo Qendre Numërimi, pasi KZAZ-ja nr.43 nuk kishte depozituar një tabelë përmbledhëse të rezultatit.

“KZAZ nuk e ka depozituar tabelën përmbledhëse, por kjo tabelë është plotësuar nga KQZ duke pasqyruar rezultatin e çdo kutie mbështetur në tabelat e çdo qendre votimi,” raportoi në mbledhje sekretari i përgjithshëm i KQZ-së, Ylli Merja.

Vendimi u kontestua nga Franci Nuri, përfaqësuesi ligjor i “Bashkë Fitojmë” në KQZ, i cili kërkoi që të vihen në dispozicion pamjet filmike të tavolina të numërimit dhe vendimeve të marra nga komisionerët për lejimin e votimit të zgjedhësve.

“Kjo lidhet me votimin e të burgosurve,” theksoi ai, duke iu referuar përmbysjes së rezultatit në favor të kandidatit socialist të Rrogozhinës nga votat e qendrës së votimit, ku votuan të burgosurit.

Diferenca mes Memollës dhe kandidatit opozitar, Shkëlqim Hoxha është vetëm 30 vota.

Edhe për bashkinë Belsh u shpall fitues kandidati socialist, Arif Tafani, i cili fitoi me një diferencë 130 vota plus kundrejt kandidatit opozitar Bedri Qypi.

Opozita njoftoi se se do ta kontestonte edhe rezultatin e Belshit.

“Kemi një shkresë së KZAZ që nga 7 anëtarë 4 kanë votuar kundër tabelës përmbledhëse dhe e kanë cilësuar mendim pakice, kur ndërkohë janë shumicë,” tha ai, duke shtuar se këta anëtarë kanë pasur arsye ligjore që nuk e kanë firmosur tabelën.

“Ne do të ndjekim hapat e tjerë, do e kundërshtojmë në instanca të tjera tabelën përmbledhëse për të dy rastet,” njoftoi përfaqësuesi i Bashkë Fitojmë në KQZ./BIRN

Sali Berisha tha se dy personave në PD u është vënë “vijën e kuqe” dhe se nuk do të ketë kurrë një diskutim apo negociatë me ta, duke përmendur Lulzim Bashën dhe Enkelejd Alibeajn.

Në një konferencë me gazetarët Berisha shkoi më tej me akuza kur tha se Enkelejd Alibeaj, pas dorëheqjes, mori sot nga Edi Rama 220 mijë euro shpërblim.

I pyetur nëse do të ketë një bisedim apo negociatë me PD zyrtare dhe grupin e tij, Berisha tha se përveç dy personave të lartpërmendur, me këdo tjetër është i hapur.

“Qëndrimi dhe deklarata ime është kjo: dy persona janë të larguar në mënyrë përfundimtare nga PD, Lul Brava dhe Ali Basha, që mori vetëm sot shpërblim nga Rama 220 mijë euro. PD është e hapur për të gjithë të tjerët, debat, për negociata, për çfarë të dëshirojnë. Por, dy persona pengje të Ramës, u përdorën pa mëshirë nga ai për të goditur opozitën”, tha Berisha.

Më tej Berisha tha: Përsa i përket atij rezultati, unë u bëj thirrje t’i lexoni rezultatet me realizëm.
PD-së iu mohua logoja, PD-së iu mohua kryetari i koalicionit. E di si e bëri Edi Rama? Kur ringu ishte përgatitur për ndeshjen, me mekanizma alla-Putin, shpalli veten fitimtar duke mos lejuar kundërshtarin të futet në ring. Por ajo nuk është fitore? Ajo është tmerr-fitore! Sepse pasojat sigurisht që ishin për PD-në, por më të rënda qenë për atë. Se ai parashikoi jo vetëm që ajo të ishte një kolpo asgjësuese, përfundimtare. Por në fakt u përball me të kundërtën.

Me të gjithë aktet e tij kriminale, 510 mijë shqiptarë u ngritën mbi të gjitha dhe i thanë se opozita shqiptare është e pamposhtur. Unë jam këtu për të thënë se këto zgjedhje janë një farsë elektorale e paprecedent. Unë kam besim të plotë se shqiptarët do t’i japin përgjigjen e merituar. Ne jemi zotuar se do mbrojmë votën. Është gjë e paimagjinueshme kjo që bëjnë mediat, të cilat përpiqen të bindin shqiptarët se nuk është përgjegjës hajduti, por viktima. Ky është një akt amoraliteti. Por ne qëndrojmë, ja ku jemi përditë në mbrojte të votës.bw

Kandidati i koalicionit “Bashkë Fitojmë” për Bashkinë e Kamzës Arjan Hoxha ka deklaruar sot se rezultati i zgjedhjeve ishte i paracaktuar.

Hoxha ka dalë në protestë me Forumin Rinor të koalicionit para KQZ-së për të kundërshtuar rezultatin e zgjedhjeve të 14 majit.

Ai tha se kjo protestë nuk i shërben vetëm Kamzës, por gjithë Shqipërisë.

“Zgjedhjet ishin në asnjë lloj pritshmërie. Ka një rezultat të paracaktuar. Ndaj do të iniciojmë të gjitha ankesat tona në KAS dhe KQZ. Do të ngremë një grup ekspertësh të pavarur. Një kandidat kushdo qoftë ai, ka humbur votat. Ka prova. Nuk ka ndodhur që kandidati të dalë humbës, dhe të përmbyset rezultati. Qytetarët e Kamzës e ndjejnë vetëm të tradhtuar. Asnjë prej tyre nuk ndihet i përfaqësuar me vullnetin dhe votën e lirë. Do bëjmë gati denoncimet. Kemi prova për intimidim të qytetarëve. E merrte patronazhisti, e merrte komisioneri dhe më pas drejtori. Shumë vota janë bërë me shoqërime”, deklaroi Hoxha.

Ai shtoi se në Kamëz ka pamje filmike që me shkresë do t’i adresojë në KAS. “Do kërkojmë hapje të kutive. Do kërkojmë ballafaqime me rezultatin. Duam ekspertim nga ekspertë të huaj të pajisjes elektronike të votimit. Nëse ai është votimi i qytetarëve, unë i shtrëngoj dorën kandidati tjetër. Por kjo është në dëm të gjithë votuese shqiptarëve. Ky nuk është votim, por makineri kriminale shtetërore. E vetmja mënyrë që të merrej Kamza, ishte votimi elektronik. Kjo nuk është makineri e leximit të votës, por e manipulimit të votës.”, theksoi kandidati i “BF”.bw

Deputeti demokrat, Ervin Salianji ka propozuar sot mbledhjen e grupit parlamentar ku të marrin pjesë të gjithë deputetët, e të dyja grupimeve për të analizuar situatën ku ndodhet opozita.

Në një prononcim për mediat, ai tha se ka deputetë që kanë punuar kundër apo që s’kanë dalë fare në fushatë dhe tani kërkojnë përgjegjësi për rezultatin.

“Gjithsecili që ka ambicie skema, apo do t’i përdorë këto momente të PD-së, duhet të reflektojë për interes të demokratëve. Opozita duhet të dokumentojë dhe të merret me veten. Gjithsecili duhet të ulet dhe të tejkalojë veten për të gjetur mekanizmat e duhur për t’u hapur drejt shoqërisë. Të gjithë deputetët e opozitës duhet të mblidhen bashkë dhe të gjejnë zgjidhje. Nëse nuk kanë interesa të përbashkëta me demokratët e bazës, opozita duhet të bëjë një riorganizim të ri. Nuk është momenti që të krijohen ngërçe të tjera për të bllokuar urat e komunikimit mes demokratëve”, tha Salianji.

Sipas tij “është një moment që duhet ta lexojmë drejt rezultatin. U bënë disa zgjedhje që Rama nuk ndryshon. Vërtetohet ajo që themi që është një regjim, që Shqipëria nuk garanton dot zgjedhje të lira dhe të ndershme. Duke qenë se herë pas here po i kthehemi të njëjtës situatë, duhet të kemi ndryshime reale dhe gjithsecili duhet ta bëjë analizën në zonën ku ka bërë fushatë. Deputetët e PD-së që nuk bënë asnjë ditë fushatë nuk mund të kërkojnë llogari. Ka njerëz që kanë punuar edhe kundër. Në këtë sens duhet që të mbajnë përgjegjësi dhe të shohin çfarë kanë bërë vetë. Ata që kanë pasur përgjegjësi konkrete në zonat e tyre të mbajnë përgjegjësi për rezultatin”.bw

Inspektorati Kombëtar i Mbrojtjes së Territorit (IKMT) ka nisur një aksion në Dhërmi, kur vetëm dy ditë pas zgjedhjeve, pasi Fredi Beleri u shpall fitues përballë Jorgo Goros, është rrethuar hoteli i Fjorentin Belit.

Ky i fundit ka qenë numërues i votave në fshatin Kudhës në zgjedhjet vendore të 14 majit, Zonë ku edhe u vendos fitorja e Belerit.

Ndërkohë pas mbërritjes së punonjësve të IKMT, efektivëve ka filluar dhe hapja e vrimave për vendosjen e eksplozivit.

Fjorentin Belit njihet edhe si një mbështetës i Fredi Belerit si dhe anëtar i komisionit në KZAZ nr 88, ndërkohë që pronarët e kanë quajtur si një vendim politik për shkak të këtij angazhimi.

Në një reagim të bërë ditën e sotme për mediat greke, Beli ka deklaruar se shteti i ka ardhur me polici dhe ushtri, pikërisht për shkak të prapavijës politike.

Ndërkohë për rastin ka folur edhe Ministri i Jashtëm grek, i cila tha se situata është jashtëzakonisht e rëndë dhe se do ta diskutoj në Këshillin e Ministrave në Bruksel

“Miqësi me Shqipërinë, por jo me çdo çmim. Dërgova sekretarin e përgjithshëm për situatën. Dua informacion për respektimin e pronave të minoritetit. Dua informacion nëse respektohet ligji me pronat”, ka deklaruar ai.bw

Ministri i Jashtëm i Greqisë, Nikos Denidas ka reaguar në lidhje me arrestimin e kandidatit fitues të “Bashkë Fitojmë” për bashkinë e Himarës, Fredi Beleri.

Dendias u shpreh se Beleri duhet të lirohet dhe se nuk e kupton mbajtjen e tij në paraburgim.

Ai shprehu shpresën se pala shqiptare do ta trajtojë çështjen me ndjenjën e seriozitetit të krizës që kjo çështje mund të krijojë në marrëdhëniet greko-shqiptare.

“Nuk po shtyjmë e as bërtasim, duam miqësi, por jo me çdo çmim ”, theksoi ai.

Gjithashtu, Nikos Dendias bëri të ditur se të hënën do të shkojë në Bruksel për të marrë pjesë në Këshillin e Ministrave të Jashtëm të BE-së, ku do të ngrejë çështjen e ndalimit të kryebashkiakut të Himarës.

“Meqenëse çështja është jashtëzakonisht e rëndë, të hënën në mëngjes do të jem në Bruksel. Aty kemi një drekë me ministrat e jashtëm të Ballkanit Perëndimor. Çështja duhet të ngrihet në Këshillin e Ministrave. Nuk është e mundur të mos vendoset. Nuk është e zakonshme ndalimi i një kandidati për kryetar bashkie 48 orë para zgjedhjeve dhe mbajtja e tij në paraburgim. Pse mbahet ai? Cili është ky element i rrezikshmërisë së tij që kërkon ndalim të zgjatur? Këto janë pyetje të mëdha”, theksoi ai.

Gjatë drekës me ministrat e jashtëm të Ballkanit Perëndimor, ministri i Jashtëm pritet të takohet me homologun e tij shqiptar.bw

Jam ne tavoline duke kthyer nga nje gote me nje mik qe ka si biznes nje dyqan te vogel kinkalerie.

Po me tregon se si, nje dite para zgjedhjeve hyri dikush dhe i kerkoi njemije zarfa.

I bleu njemije zarfat ? e pyes.

– I bleu,me thote,-dhe iku.

-Kushedi perse i duheshin,mendova.

Mbase, per te shkruar njemije letra.

Po ç’ne?

Tani nuk komunikojne me me letra,por me watsaps.

Miku im po me pyet mua ” Si mendon ti, perse i duheshin 1000 zarfa”?

He pra? Per kete gje vras mendjen.

P.S. Se mos kujtojne disa se e kam fjalen per zarfa votimesh…
As qe me ka shkuar mendja fare per kete..

Ambasadorja greke në vendin tonë, Konstantina Kamitsi, ka qenë sot në ambientet e paraburgimit të Vlorës, ku po qëndron Fredi Beleri, kandidati fituesi Bashkë Fitojmë në Himarë.

Gazetari Enrik Mehmeti bën me dije se për BalkanWeb se ajo ka zhvilluar një takim ‘kokë më kokë’ me Belerin, dhe sipas burimeve qëllimi i kësaj vizite ka qenë vijimi i procedurave nga ambasada greke.

Takimi ka zgjatur më shumë se 45 minuta, ndërsa pas daljes nga paraburgimi, ambasadorja nuk ka bërë asnjë koment për mediat.

Me udhëzim të ministrit të Jashtëm të Greqisë, Nikos Dendias, sekretari i Përgjithshëm i Ministrisë së Jashtme greke, ambasadori Theoharis Lalakos ka shkuar sot në drejtorinë e Policisë së Vlorës.

I shoqëruar nga ambasadorja greke më Shqipëri Konstantina Kamitsi, do të takohen me Fredi Belerin dhe Pandeli Kokaveshin, ku do të informohen për kushtet e burgimit dhe gjendjen shëndetësore si dhe do të vendosin hapat e mëtejshme për trajtimin e ngjarjes.

Kujtojmë se arrestimi i Fredi Belerit, përfaqësues i koalicionit ‘Bashkë Fitojmë’ për bashkinë e Himarës, që tashmë rezulton fituesi, solli reagime të ashpra në politikën shqiptare dhe në qeverinë greke. Kjo e fundit paralajmëroi nota proteste për Shqipërinë, ndërsa bëri thirrje për lirimin e Belerit.bw

Më 25 prill, 15 deputete të PD, kanë kërkuar verifikimin me urgjence të kandidatit të PS në Vaun e Dejës, Kristian Shkreli, pasi rezulton se në vitin 2021, kur ka qenë kandidat për deputet nën siglën e PS, nuk ka deklaruar dëbimin e tij nga Italia në vitin 2007, në formularin e dekriminalizimit.

Në vitin 2023 ai ka deklaruar dëbimin, por pa dhënë arsyet e dëbimit, duke fshehur faktin se ai është dëbuar për kryerjen e një vepre penale.

Nga shkresa që ka mbërritur në Kuvendin e Shqipërisë, nga Prokuroria e Përgjithshme, mësohet se Drejtoria e Dekriminalizimit, ka nisur verifikimin e këtij shtetasi.

Ndërkohë për mosdeklarimin e dëbimit në vitin 2021 praktika i është përcjellë Prokurorisë së Tiranës për veprime të mëtejshme për veprën penale të falsifikimit të formularëve parashikuar nga neni 190 i Kodit Penal.

Kujtojmë se Shkreli është shpallur fitues në zgjedhjet lokale të dy ditëve më parë, ndërsa ka fituar 55.78 % të votave.bw

1. Romina Kuko
2. Aldrin Dalipi
3. Megi Fino
4. Eridian Salianji
5. Etleva Bajrami
6. Endri Fuga
7. Ledia Tota
8. Plarent Ndreca
9. Sonila Qato
10. Luan Bregasi
11. Arta Dollani
12. Genci Hyska
13. Joleza Koka
14. Julian Hodaj
15. Reme Xholi
16. Besart Kadia
17. Blerina Doracaj
18. Gazmend Paja
19. Silda Cepe
20. Endrit Hoxha
21. Adelina Greca
22. Hantin Bonati
23. Vjollca Braho
24. Glindxhet Madhi
25. Katerina Marku
26. Aldo Merkoci
27. Albina Nanaj
28. Enio Civici
29. Bruxhilda Kito
30. Agim Kraja
31. Maura Linadi
32. Halit Valteri
33. Grejsi Bixhi

BF

1. Ilir Alimehmeti
2. Silva Caka
3. Endrit Braimllari
4. Beti Njuma
5. Arben Tafaj
6. Floida Kerpaci
7. Tedi Blushi
8. Ilda Zhulali
9. Dorjan Teliti
10. Ana Azizaj
11. Artan Distafa
12. Albana Kepi
13. Jonathan Pano
14. Eriona Bixha
15. Genci Gjokutaj
16. Keda Kaceli

PD

1. Enriketa Pandelejmoni
2. Gentjan Muca
3. Irisi Beleraj
4. Ervin Dushku

PSD

1. Bruno Cela
2. Irini Goga
3. Krenar Canollari

LB

Mirela Ruko

NTH

Endrit Shabani

PDIU

Alda Hasani

LZHK

Fabian Topollari

PR

Albi Jahelezi

Ndërkohë që ka kaluar pak më shumë se 24 orë që nga mbyllja e procesit të votimit, procesi i numërimit të votave vijon në 7 bashki.

Deri tani kandidatët e koalicionit “Bashkë Fitojmë” kanë arritur të fitojnë vetëm 7 bashki, Pukë, Memaliaj, Himarë, Has, Fushë-Arrëz, Kavajë dhe Mirditë.

Ndërkohë bashkitë ku procesi i numërimit vijon ende janë Tiranë, Durrës, Kavajë, Malësi e Madhe, Kurbin, Krujë dhe Dibër

REZULTATI NË BASHKITË KU KA PËRFUNDUAR NUMËRIMI

KAMËZ

Rakip Bajram Suli PS, 27856 vota- 60.35 %

Bilbil Bajraktari PD, 1995 vota- 4.32 %

Arjan Hoxha BF, 16306 vota- 35.33 %

VORË

Blerim Shera PS, 9638 vota- 73.52 %

Indrit Hoxha BF, 3471 vota- 26.48 %

ELBASAN

Gledian Llatja PS, 35061 vota 56.19 %

Luçiano Boçi BF, 27340 vota, 43.81 %

PUSTEC

Pandi Jani BF, 741 vota 35.05 %

Pali Kolefski PS, 1373 vota 64.95 %

KOLONJË

Erion Isai, PS, 3873 vota 64.28 %

Et’hem Lumani BF, 2152 vota 35.72 %

LIBRAZHD

Mariglen Disha PS, 10364 vota 74.45 %

Shefki Çota BF, 3557 vota 25.55 %

DROPULL

Thanas Maneka BF, 679 vota 14.87 %

Dhimitraq Toli PS, 3709 vota 81.25 %

Kosta Garo, Thurje, 177 vota 3.88 %

TROPOJË

Besnik Dushaj BF, 4876 vota 48.75 %

Rexhe Byberi PS, 5126 vota 51.25 %

ROSKOVEC

Erdit Hazizaj BF, 5454 vota, 47.48 %

Majlinda Bufi, PS, 6033 vota, 52.52 %

PEQIN

Mustafa Pashja BF, 4677 vota 42.22 %

Bukurosh Maçi PS, 57.78 %

PËRMET

Edmond Komino BF, 1178 vota 23.44 %

Alma Hoxha PS, 3847 vota 76.56 %

BULQIZË

Defrim Fiku BF, 5514 vota, 39.73 %

Festime Mjeshtri PS, 8364 vota, 60.27 %

SARANDË

Skënder Muço PD, 669 vota 4.44 %

Ardit Çikuli BF, 5017 vota 33.28 %

Oltion Çaçi PS, 7909 vota 52.46 %

Gjergji Mërkuri, 1480 vota 9.82 %

LUSHNJE

Eriselda Sefa PS, 22402 vota 62.64 %

Eduart Sharka BF, 13362 vota 37.36 %

LIBOHOVË

Leonard Hide PS, 1387 vota 52.64 %

Adil Xhelili BF, 1248 vota 47.36 %

PUKË

Rrok Ndrec Dodaj BF, 3480 vota 58.13 %

Gjon Gjonaj PS, 2507 vota 41.87 %

HAS

Miftar Dauti, 4345 vota 55.98 %

Beqir Mulaj, 3417 vota 44.02 %

MEMALIAJ

Gjolek Guci, 2701 vota 47.25 %

Albert Malaj, 3016 vota 52.75 %

HIMARË

Jorgo Goro BF, 3818 vota 49.88 %

Alfred Beleri PS, 3837 vota 50.12 %

MAT

Skënder Gjuci BF, 4370 vota 33.89 %

Agron Malaj PS, 8525 vota, 66.11 %

BELSH

Arif Tafani PS, 4536 vota 50.23 %

Bedri Qypi BF, 4495 vota 49.77 %

PATOS

Fation Duro PS, 8120 vota 70.50 %

Pranvera Rizaj PD, 740 vota 6.43 %

Sofije Alushaj, BF, 2657 vota 23.07 %

SKRAPAR

Euglen Mustafallari BF, 2733 vota, 44.16 %

Adriatik Mema PS, 3456 vota 55.84 %

LIBOHOVË

Leonard Hide PS, 1387 vota 52.64 %

Adil Xhelili BF, 1248 vota 47.36 %

KLOS

Valbona Kola PS, 4466 vota 56.07 %

Bedri Hoxha BF, 3499 vota, 43.93 %

KËLCYRË

Klement Ndoni PS, 2018 vota, 49.33 %

Adriatik Spahiu, PS, 137 vota, 3.35 %

Arjan Kasaj, BF 1936 vota 47.32 %

GRAMSH

Hasim Çekrezi BF, 5629 vota 47.33 %

Besion Ajazi PS, 6263 vota, 52.67 %

DELVINË

Ilir Mehmeti, BF, 1781 vota 36.36 %

Besmir Veli PS, 3117 vota 63.64 %

SELENICË

Nertil Bellaj PS, 5074 vota 59.01 %

Leonard Rakipaj BF, 3525 vota 40.99%

TEPELENË

Sokol Guga PD, 346 vota 7.00 %

Tërmet Peçi PS, 4088 vota, 82.67 %

Baftjar Imeri BF, 511 vota, 10.33 %

POLIÇAN

Florian Qama PD, 545 vota 11.44 %

Behar Xhaferaj BF, 461 vota, 9.68 %

Adriatik Zotkaj PS, 3756 vota, 78.87 %

DEVOLL

Eduard Duro PS, 8279 vota 51.15 %

Elvis Hajdërlli BF, 7827 vota 48.36 %

Çlirim Hoxha (Pavarur), 80 vota, 0.49 %

KORÇË

Ledina Alolli, 13631 vota 39.37 %

Sotiraq Filo, 20996 vota 60.63 %

KUÇOVË

Abedin Oruçi PEISH, 1099 vota 9.35 %

Admir Sinamati BF, 4927 vota 41.94 %

Ilirjan Halim Koxhaj PD  739 vota 5.33 %

CËRRIK

Servet Duzha BF, 3416 vota 28.80 %

Andis Salla PS, 8444 vota 71.20 %

KONISPOL

Ergest Ladimir Dule, PS, 2386 vota 54.67 %

Fatmir Sali Shero BF, 1978 vota 45.33 %

PRRENJAS

Nuri Belba PS, 6583 vota 62.65 %

Suzana Topi BF 3925 vota 37.35 %

VAU I DEJËS

Klomentina Drini PD, 847 vota 6.02 %

Kristian Shkreli PS 7823 vota 55.62 %

Zef Hila BF, 5396 vota 38.36 %

VLORË

Hysni Sharra BF, 11787 vota 29.45 %

Ermal Dredha PS, 28243 vota 70.55 %

LEZHË

Pjerin Ndreu PS, 18021 vota 52.75 %

Pashk Gjoni BF, 16140 vota 47.25 %

DIBËR

Ismail Uka, BF, 6432 vota 27.11 %

Naim Gazidede PD, 1236 vota 5.21 %

Rahim Spahiu PS, 16061vota 67.69 %

MALIQ

Alfred Gega BF, 6875 vota 33.62 %

Gëzim Topçiu PS, 13574 vota 66.38 %

BERAT

Zija Ismaili BF, 10394 vota 38.53 %

Ervin Demo PS, 16580 vota 61.47 %

DIMAL

Gentian Meçi BF, 1475 vota 12.99 %

Dritan Sula PD, 4105 vota, 36.15 %

Juliana Memaj, PS, 5774 vota 50.85 %

DIVJAKE

Josif Vangjel Gorrea PS, 9060 vota 57.80 %

Aurel Jemin Malko, 6614 vota 42.20 %

SHKODËR

Benet Beci PS, 34302 vota 60.20 %

Bardh Spahia, BF, 22678 39.80 %

Agron Kapllanaj, PD, 5450 vota 45.90 %

MALLAKASTER

Qerim Ismailaj i PS: 5967 vota 45.90 %

Agron Kapllanaj i PD: 5600 vota 48.42 %

Resmi Shanaj i “Bashkë Fitojmë”: 724 vota 5.68 %

DURRËS

Emirana Sako PS, afro 48 mijë vota

Igli Cara BF, afro 38 mijë vota

GJIROKASTËR

Dorjan Lani BF, 4595 vota 29.48 %

Flamur Golemi PS, 10990 vota 70.52 %

(BalkanWeb)

Pasi pësoi një humbje të thellë në zgjedhjet lokale, me mbi 11 mijë vota, vjen reagimi nga Bardh Spahia. Në një mesazh në ‘Facebook’ Spahia shprehu mirënjohje për mbështetësit e tij, ndërsa sulmoi maxhorancën.

Ai tha se çdo pushtet i dalë nga bota e krimit nuk jeton gjatë.

“Çdo pushtet i dalë nga bota e krimit dhe paratë e pista nuk jeton gjatë, ndërsa shpirti i lirë i Shkodrës i ka rezistuar edhe kohëve më të errëta. Mirënjohje për të gjithë qëndrestarët dhe ata që nuk bëjnë kompromis për lirinë.”, shkruan Bardhi.BW

Teksa kandidati socialist në Tiranë, Erion Veliaj po kryeson bindshëm, çudia ka ndodhur me kandidatët e tjerë në njësinë administrative të Bërzhitës.

Në nëntë kutitë e numëruara në këtë njësi rezulton se Veliaj ka marrë 72% të votave ndërsa pas Këlliçit është renditur Marko Dajti me 66 vota dhe më pas Roland Bejko me 60 vota.

Ndërsa në Dajt Marko Dajti ka marrë 46 vota kundrejt 37 votave që ka marrë Roland Bejko.bw

Kandidati fitues i opozitës për Bashkinë e Himarës, Fredi Beleri, reagoi pasi u shpall fitues në zgjedhje.

Edhe pse ndodhet në qeli, në emër të tij u shpërnda një deklaratë.

“Demokracia fitoi! Himara fitoi! Mirënjohës për të gjithë ata që treguan burrëri.

I mirëkuptoj të gjithë ata që terrorizmi u mundua t’i nënshtrojë.

Sot nuk ka humbës dhe fitues, janë të gjithë qytetarë të Himarës dhe unë kryebashkiaku i tyre dhe si i pari mes të barabartëve do të do të përparojmë së bashku që të bëhemi akoma më të fortë në mbrojtje të demokracisë dhe të Drejtave të Njeriut!” thuhet në deklaratën e Belerit. syri.net

Më shumë se 12 orë pas nisjes zyrtare të numërimit të votave për zgjedhjet vendore të 14 majit, kanë dalë shifrat paraprake për kandidatët që synojnë bashkitë e vendit.

Teksa numërimi ende vazhdon, në orët e para të 15 majit, në Shqipëri Partia Socialiste kryeson dukshëm para opozitës duke marrë kryesimin në shumicën e bashkive.

PS ka marrë avantazhin në pjesën më të madhe të bashkive të vendit, edhe pse gara mbetet e hapur në disa prej tyre. Kampi socialist udhëheq në Tiranë, Durrës, Lezhë, Shkodër, Tropojë, Kukës, dhe Devoll.

Nga ana tjetër, koalicioni opozitar “Bashkë Fitojmë” udhëheq garën elektorale në 7 bashki deri tani, të cilat janë Has, Fushë-Arrëz, Pukë, Mirditë, Rrogozhinë, Kuçovë dhe Memaliaj.

Një denoncim është bërë sot nga Lefter Maliqi në lidhje procesin e votimit në Kuçovë.
Ai ka deklaruar se po bëhet përpjekje për të manipuluar procesin, ndërsa ka renditur disa nga shkeljet.

Maliqi u shpreh se në lidhje me rastet e ndodhura do të bëhet edhe dokumentimi ditën e hënë, kur do të bëhet edhe denoncimi, ndërsa ka shtuar se në lidhje me rastet është njoftuar edhe OSBE-ODHIR.
“Ka pasur probleme teknike që janë tejkaluar.
Në një qendër në Lumas ka pasur një problem me vulat e materialeve. Ka pasur probleme në një qendër në Gegë ku një makinë me xhama të zinj ka kërcënuar një drejtues të shtabit, i cili është larguar jashtë qendrës. kam njoftuar shefin e komisariatit, por deri tani nuk kemi informacione.
Drejtuesja e PS në Lumas është futur disa herë në qendër duke shoqëruar njerëzit.

Patronazhistët vijojnë punën e tyre por besoj fort në fitore. U bënë disa ditë që kemi përplasje.
Mbrëmë rreth orës 23:00 i kam vajtur oligarkut më të rrezikshëm dhe e kam kapur me kapele, duke dalë nga marketet dhe familje, duke i thënë po lë milionat e lekëve duke shtruar çakull në rrugët e Dimalit. Kam njoftuar edhe OSBE-ODHIR.
Të hënën do bëhet edhe dokumentimi.

Ka pasur shkelje të rënda procedurale se në bashki pa proces tenderimi nuk mund të shtrosh rrugë.
I kam thënë dje që po vijon të shpërndajë edhe para”, ka deklaruar ai.bw

Kryetari i Partisë Bashkimi për të Drejtat e Njeriut, Vangjel Dule u shpreh i sigurt për fitoren e Fredi Belerit në Himarë, pavarësisht se ai ndodhet në burg me akuzën për blerje votash.

Në një prononcim për mediat ai tha se nga nesër do të nisë një periudhë e re për bashkinë e Himarës.

“Dua të denoncoj ndikimin në procesin zgjedhor nga familjarët e Jorgo Goros që po presin jashtë qendrës së votimit. Të fortët po iu bëjnë presion qytetarëve. Punonjësit e kadastrës po i bëjnë presion me dokumentet e pronësisë votuesve. Fitorja është e sigurt në Himarë. Nga e hëna fillon një periudhë e re për Bashkinë e Himarës. Rrethi vicioz në Shqipëri do të thyhet. Do të kemi një shembull të administrimit europian dhe me një zhvillim që do të jetë miqësor për komunitetin, në interes të komunitetit”, u shpreh Dule.

I pyetur se çfarë reagimi do të ketë nga PBDNJ nëse gjykata e pranon pretencën e Prokurorisë për Belerin, Dule tha se “ne jemi duke ndjekur ligjin në germën dhe frymën e vet. Kishte dje denoncime. E patë qytetaren e Himarës që u rrëmbye dhe u shoqërua në komisariat dhe i kërkohej diçka që nuk kishte ndërmend ta bënte”.bw

Ambasadorja e BE-së, Christiane Hoffmann ka mbërritur në qendrën e votimit në Tetarin Skampa në Elbasan.

Hoffmann zhvilloi një bisedim me operatorët ku u informua për mbarëvajtjen e votimit elektronik.

“Shoh ka zgjedhës ne mënyrë te vazhdueshme qe vijne per te votuar. Është gjë e mirë që qytetarët e Elbasanit e kanë marrë seriozisht procesin. Jam e kënaqur që OSBEE vendoi të kishte në Shqipëri një ekipi të plotë vëzhguesish. Para 10 ditës OSBEE ODHIR publikoi raportin paraprak. Le të presin ditën e nesërme për raportin dhe për të parë se cilat do jenë gjetjet”, tha Hoffman.bw

Koalicioni Bashkë Fitojmë në Vlorë ka denoncuar shkeljen e ligjit në shumë qendra votimi ku po përdoren listat e zgjedhësve megjithëse pajisja elektronike e identifikimit ende nuk ishte testuar që nuk punonte.

Armando Cakrani nga shtabi i kandidatit Hysni Sharra, u shpreh se PS-në e ka zënë paniku në qytet dhe për këtë kërkon të ndërhyjë me listat e votuesve.

“Partia Socialiste duke qenë në panikun e humbjes së thellë është duke prishur procesin zgjedhor. Procesi në pjesën më të madhe të qendrave po zhvillohet në shkelje të kodit zgjedhor. Sipas urdhrit të KQZ-së, vetëm në rast se pajisja PEI nuk punon pasi provohet disa herë, atëherë identifikimi bëhet përmes listës së zgjedhësve që merret nga zarfi. Nga provat që kemi deri tani, pamje filmike, fotografime në disa qendra të qytetit të Vlorës, shkelja e ligjit po bëhet në disa qendra votimi. Qëllimi i vetëm është paniku që i ka zënë duke kërkuar që të nxjerrin listat e votimit nga kutitë për të bërë më pas patronazhimin, për të sjellë në votim të gjithë personat që kanë në dorë. Kjo nuk ka për të ndodhur. Qytetarët e Vlorës do të votojnë të lirë. Thirrja jonë është që të gjithë të shkojnë për të votuar”, tha Cakrani.bw

Një përplasje fizike mes kampeve politike është regjistruar sot në një qendër votimi në Spitallë të Durrësit. Behet fjalë për qendrën në shkollën ‘Neim Babameto’

Burime pranë policisë bënë me dije për gazetarin Osman Stafa, thanë se përplasja ka qenë mes mbështetësve të koalicionit ‘Bashkë Fitojmë’ dhe ata të Partisë Socialiste.

Sipas opozitës, anëtarë të administratës po ushtrojnë presion mbi votuesit.

Po ashtu mësohet se simpatizantët e ‘BF’, nuk lejojnë që persona pjesë e administratës të hyjnë në shkollë, me pretendimin se ushtojnë presion për votuesit. Ndërkohë, policia ka zbaruar në shkollë, ndërsa ka larguar prej aty votuesit. Mësohet se Davida Ndoj, kryetare e qendrës administrative, ka hyrë brenda shkollës, që nuk lejohet diçka e tillë, e shoqëruar me militante të tjerë të PS. Kaq ka mjaftuar që të ndërhyjnë mbështetësit e ‘BF’, duke sjellë përplasje fizike mes palëve.bw

Ndonëse janë shpenzuar miliona euro për sistemin e identifikimit elektronik të zgjedhësve, duket se dita e sotme ka nxjerrë zbuluar Komisionin Qendror të Zgjedhjeve.

Plot 3.4 milionë dollarë janë marrë nga buxheti i shtetit për këto pajisje, të cilat në 531 qendra votimi sot janë jashtë funksionit, ndërsa procesi nuk ka nisur ende. Këtë fakt e pranoi edhe vetë zoti Celibashi në një deklaratë publike, ku pohoi se janë harxhuar para për implementimin e këtij sistemi, dhe se janë trajnuar 5200 njerëz për mbarëvajtjen e procesit, ndërsa ai ia vuri fajin; ose faktori njeri, ose makineri.

“5200 njerëz, që nuk e dinë se ça backgraundi kanë. Kemi harxhuar para për këtë sistem, por duhet parë se çfarë ka çaluar. Problematike situata është në Tiranë, Durrës, Shkodër, ka Tropojë, Elbasan, Pogradec.”, tha Celibashi.

Duke marrë shkas nga situata në fjalë, Celibashi urdhëroi sot vijimin e procesit të identifikimit manualisht, duke u kthyer pas në kohë. Por natyrshëm lind pyetja se çfarë ndryshoi sot, në një kohë kur ky proces u quajt i suksesshëm në zgjedhjet e 2021-shit. BW

Një përplasje mes kampeve politike është regjistruar sot në një qendër votimi në Spitallë të Durrësit. Behet fjalë për qendrën në shkollën ‘Neim Babameto’

Burime pranë policisë bënë me dije për gazetarin Osman Stafa, thanë se përplasja ka qenë mes mbështetësve të koalicionit ‘Bashkë Fitojmë’ dhe ata të Partisë Socialiste.

Sipas opozitës, anëtarë të administratës po ushtrojnë presion mbi votuesit. Teksa opozita ka kërkuar ndërhyrjen e policisë, kjo e fundit ka kërkuar që të bëhet një shkresë zyrtare, se në të kundërt e ka të ndaluar që të hyjë me rregull, siç e përcakton dhe Kodi Zgjedhor.bw