VOAL

Please Wait ...
0%

Doris Leuthard, presidentja e Zvicrës për drogën në Shqipëri, reformën, dialogun dhe shkollat shqip Nga Elida Buçpapaj

By | September 7, 2017
1 Comments

Komentet

Intervista – Ambasadori zviceran flet HAPUR: Çfarë i largon investitorët nga Shqipëria

Intervistë e Ambasadorit të Zvicrës në Shqipëri, Christoph Graf: Do të doja të shihja një rritje të investimeve zvicerane në Shqipëri. Për shkak të afërsisë gjeografike dhe faktorëve të tjerë, mendoj se ka një potencial të pashfrytëzuar për më shumë biznes zviceran në këtë vend

Qeveria e re ka përpara sfida që kërkojnë angazhim serioz në trajtim, si dhe vendosmëri në zbatimin e reformave. Për ambasadorin e Zvicrës në Shqipëri, përveç pesë prioriteteve që përcaktohen në raportin e progresit të Bashkimit Europian që shërbejnë si busull orientimi, janë të paktën katër çështje ekonomike që duhet të marrin vëmendje.

Kjo nis nga reforma në drejtësi, tek politikat e punësimit, konsolidimi makrofiskal si dhe përmirësimi i infrastrukturës bashkiake që prek më drejtpërdrejt jetën e qytetarëve, siç mund të jenë furnizimi me ujë, ujërat e zeza, apo menaxhimi i mbetjeve të ngurta. Graf shprehet se sot, ekonomia po ecën mirë, falë Investimeve të Huaja Direkte si TAP, apo hidrocentrali i Devollit, por e ardhmja shtron para pikëpyetje se cili do ta nxisë rritjen pas përfundimit të këtyre veprave. Në këtë pikë, ai rekomandon një debat të gjerë. Lidhur me investitorët zviceranë dhe interesin e tyre për Shqipërinë, ai vlerëson se ka potencial për zgjerim të këtyre investimeve, por investitorët kërkojnë plotësimin e disa kushteve, për të cilat Shqipëria ka vend për të përmirësuar.

Z. Ambasador Graf, Shqipëria ka një qeveri të re e cila është në fillimin e mandatit të saj. Në opinionin tuaj si përfaqësues zviceran, cilat janë disa nga çështjet më të rëndësishme të brendshme që duhet të adresohen me synim që të ecet përpara në rrugën drejt integrimit në BE?
Gjatë vitit 2017, në Shqipëri kanë ndodhur ndryshime të rëndësishme. Pati një marrëveshje politike midis qeverisë dhe opozitës; u emërua një President i ri; zgjedhjet parlamentare; dhe ngritja e një qeverie të re dhe më të vogël në shtator. Ndryshime të këtij lloji sjellin mundësi, por edhe sfida. Qeveria përballet tani me detyrën e vazhdimit të reformave prioritare pa humbur kohë dhe me mbajtjen e ritmit për vijimin e reformave. Këtu u referohem 5 prioriteteve të raportit të progresit të BE-së për të ecur drejt hapjes së bisedimeve për hyrje në BE.

Më konkretisht, për sa u përket prioriteteve ekonomike, do të rendisja katër çështje kryesore, të cilat në pikëpamjen time do t’i sillnin shumë dobi popullit dhe shoqërisë shqiptare.
(i) Së pari, zbatimi i besueshëm i së shumëpriturës reformë në drejtësi. Unë e shoh këtë si hapin më të rëndësishëm drejt qartësimit të shumë pengesave në zbatimin e ligjit, përmirësimin e mjedisit të biznesit, dhe një konfidence më të madhe për investitorët vendas dhe të huaj.
(ii) Së dyti, politikat e punësimit dhe të krijimit të vendeve të punës duhet të jenë në krye të listës në axhendën e qeverisë. Kjo do të thotë të orientohet zhvillimi ekonomik jo thjesht drejt rritjes, por rritjes së qëndrueshme, e cila prodhon punë dhe të ardhura për qytetarin e thjeshtë shqiptar.
(iii) Një detyrë e tretë është mirëmbajtja e arritjeve të deritanishme në stabilitetin makroekonomik dhe konsolidimin fiskal. Një cilësi më e mirë e financave publike në nivelin e qeverisjes qendrore dhe vendore mund të kontribuojë për të tërhequr më shumë biznes. Për më shumë, financat e forta publike dhe një qasje më me përgjegjësi ndaj borxhit janë një parakusht për të pasur shpenzime më të shëndosha dhe më përfshirëse. Kjo pastaj do të kontribuonte për të luftuar varfërinë dhe për të reduktuar pabarazitë sociale dhe gjeografike.
(iv) Dhe çështja e katërt lidhet me përmirësimin e shërbimeve të infrastrukturës bashkiake si furnizimi me ujë, ujërat e zeza, dhe menaxhimi i mbetjeve të ngurta, si dhe diversifikimi dhe besueshmëria e furnizimit me energji. Këto janë kushte kuadrim të cilat kanë rëndësi për një rritje ekonomike të qëndrueshme dhe përfshirëse, dhe në linjë me kërkesat e BE-së.

Zvicra po asiston Shqipërinë në këto fusha veçanërisht në forcimin e arsimit profesional për të rinjtë, forcimin e menaxhimit të financave publike dhe përmirësimin e klimës së investimeve. Besoj se këto masa janë të rëndësishme për të ulur emigracionin që ende është i konsiderueshëm. Njerëzit do të duan të qëndrojnë në këtë vend, nëse i besojnë qeverisë, nëse gjejnë mundësi për të studiuar dhe për të punuar, dhe nëse shohin mundësi për biznes.

Ndryshimet fiskale
Kompanitë dhe investitorët zviceranë kërkojnë një mjedis biznesi aftësues. Ata kërkojnë parashikueshmëri dhe një mjedis biznesi dhe ligjor të sigurt. Duhet të ketë rregulla dhe këto rregulla duhet të zbatohen. Respektimi i sundimit të ligjit dhe eliminimi e praktikave korruptive është thelbësor. Administrata publike duhet të jetë efikase dhe e besueshme. Ndryshimet e shpeshta në rregullat fiskale dhe të taksave krijojnë konfuzion dhe i largojnë investitorët zviceranë.

Si e shihni përparimin dhe ecurinë ekonomike të Shqipërisë në këtë fazë ku jemi sot?
Ekonomia e Shqipërisë po rritet me rreth 4%. Kjo duket mirë krahasuar me 0.5 deri 1% rritje në 2013/2014. Megjithatë, nëse shoh burimet kryesore të kësaj rritjeje, do ta përshkruaja si një “rikuperim delikat”. Rritja, deri tani, ka ardhur kryesisht nga dy investime të huaja, TAP – Gazsjellësi Trans Adriatik dhe Hidrocentrali i Devollit. Sa e qëndrueshme është kjo rritje? Cilat do të jenë burimet kryesore të rritjes në afat të mesëm dhe të gjatë? Si mund të shfrytëzohet potenciali i plotë ekonomik i Shqipërisë? Pyetje të tilla meritojnë më shumë vëmendje në debatet aktuale. Ajo që Shqipëria ka nevojë është një rritje përfshirëse, e orientuar ndaj vendeve të punës, dhe që ndërtohet mbi reforma të qëndrueshme. Qasja për të arritur këtë është natyrisht e shumanshme. Për shembull, sektori i energjisë u përmirësua në katër vitet e shkuara. Për shkak të klimës, këtë vit Shqipërisë i është dashur të importojë më shumë energji se sa ishte parashikuar. Duke përmirësuar vizionin afatgjatë, këto lloj problemesh mund të kapërcehen.

Si e shihni interesin nga investitorët zviceranë për Shqipërinë? A po rritet ky interes dhe çfarë mund të bëjë qeveria e re për të përmirësuar klimën e biznesit?
E kam deklaruar disa herë që do të doja të shihja një rritje të investimeve zvicerane në Shqipëri. Për shkak të afërsisë gjeografike dhe faktorëve të tjerë, mendoj se ka një potencial të pashfrytëzuar për më shumë biznes zviceran në këtë vend. Por, kompanitë dhe investitorët zviceranë kërkojnë një mjedis biznesi aftësues. Ata kërkojnë parashikueshmëri dhe një mjedis biznesi dhe ligjor të sigurt. Duhet të ketë rregulla dhe këto rregulla duhet të zbatohen. Respektimi i sundimit të ligjit dhe eliminimi e praktikave korruptive është thelbësor. Administrata publike duhet të jetë efikase dhe e besueshme. Ndryshimet e shpeshta në rregullat fiskale dhe të taksave krijojnë konfuzion dhe i largojnë investitorët zviceranë.

Politika punësimi
Politikat e punësimit dhe të krijimit të vendeve të punës duhet të jenë në krye të listës në axhendën e qeverisë. Kjo do të thotë të orientohet zhvillimi ekonomik jo thjesht drejt rritjes, por rritjes së qëndrueshme, e cila prodhon punë dhe të ardhura për qytetarin e thjeshtë shqiptar.

Zvicra ka qenë shumë aktive në Shqipëri, duke ofruar grante, asistencë dhe projekte konkrete. Cilët do të jenë sektorët që do të përfitojnë në vitet e ardhshme? A mund të na jepni më shumë detaje?
Zvicra po finalizon një strategji të re bashkëpunimi për katër vitet e ardhshme 2018-2021 së bashku me Shqipërinë. Kjo do të vazhdojë të ndërtojë mbi strategjinë e mëparshme. Por burimet e disponueshme do të rriten me rreth 20% mbi shumën aktuale prej 20 milionë frangash zvicerane që qeveria e Zvicrës investon çdo vit për të mbështetur përparimin e Shqipërisë në rrugën drejt integrimit europian. Sektorët kryesorë janë qeverisja demokratike, zhvillimi ekonomik, infrastruktura urbane dhe energjia, si dhe shëndetësia. Më shumë se 50% e asistencës së qeverisë zvicerane për Shqipërinë shkon drejt nxitjes së zhvillimit ekonomik, infrastrukturës dhe energjisë.

Një shembull i mirë është infrastruktura bashkiake: deri tani sistemet e furnizimit me ujë në Pogradec, Shkodër dhe Lezhë janë rinovuar me sukses. Kjo i ka sjellë përfitim 220,000 qytetarëve përmes furnizimit të përmirësuar, të besueshëm dhe me kosto të arsyeshme të ujit, si dhe shërbimeve më të mira të kanalizimeve. Në vitet e ardhshme, 430,000 qytetarë do të përfitojnë nga rehabilitimi i sistemeve të ujit dhe kanalizimeve dhe përmirësimi i ndërmarrjeve të ujit në 7 bashki të tjera: Kamëz, Lushnjë, Berat, Kuçovë, Librazhd, Gjirokastër dhe Delvinë.

Sektori i energjisë do të vazhdojë të marrë mbështetje zvicerane. Shqipëria po përpiqet të përmirësojë furnizimin me energji si dhe të diversifikojë burimet energjetike. Një projekt prej 6 milionë frangash zvicerane aktualisht po ngre kapacitetet e Ministrisë së Infrastrukturës dhe Energjisë për menaxhimin e sektorit të sapoformuar të gazit dhe po ndihmon Shqipërinë që të përfitojë sa më shumë nga TAP – Gazsjellësi Trans Adriatik.
Në katër vitet e ardhshme, mbështetja zvicerane do të synojë edhe burimet e energjisë së rinovueshme dhe eficencën në energji. Dy projekte të reja në këto fusha po përgatiten të financuara nga Sekretariati Zviceran i Shtetit për Çështje Ekonomike (SECO). Shqipëria nuk mund të varet vetëm në një lloj burimi energjie – hidrocentralet. Do të jetë shumë më mirë nëse krijon sisteme alternative furnizimi me energji. /Monitor

Lexo m

Xhaka i lumtur pas fitores me Irlandën e Veriut: Hap i madh drejt Kupës së Botës (Foto)

Granit Xhaka ka folur pas fitores së madhe në udhëtim të Zvicrës ndaj Irlandës së Veriut. Kombëtarja e Zvicrës ka fituar me rezultat minimal 1-0 ndeshjen e parë në udhëtim te Irlanda e Veriut dhe tani janë shumë afër kualifikimit.

Kjo ndeshje ishte e vlefshme për “Play-Off”-in që i dërgon skuadrat në Kupën e Botës e cila do të mbahet në Rusi në vitin 2018.

Fitorja erdhi pas një penalltie të shkaktuar në Xherdan Shaqiri, e cila u konvertua në gol në mbrojtësi i Milanit, Riccardo Rodriguez, shkruan tg.

Xhaka 1

Në këtë takim për 90 minuta luajtën edhe futbollistët me prejardhje shqiptare, Granit Xhaka dhe Shaqiri, ndërsa Blerim Xhemaili luajti 87 minuta dhe Admir Mehmedi rreth pesë minuta.

Pas fitores ishte mesfushori i Arsenalit, Xhaka, i cili shfrytëzoi rrjetet sociale për të cilësuar fitoren si të mirë dhe një hap të madh drejt kualifikimit.

“Fitore e mirë në udhëtim ndaj një kundërshtari të fortë dhe hap i madh përpara për botërorin e Rusisë”, ka shkruar Xhaka në Facebook. Ndeshja e kthimit mes helvetikëve dhe irlando-veriorëve do të luhet të dielën e kësaj jave.

Xhaka 3

 

 

 

Federer, tenisti që fiton më shumë

Në një deklaratë të publikuar nga ATP, njoftohet se Federer pasi arriti fitore në Turneun e Tenisit në Zvicër për meshkujt, me përfitimin prej 395 mijë euro të marrë nga ky organizim arriti një rekord të ri

Tenisti zviceran numër 2 në botë, Roger Federer, duke e tejkaluar Novak Djokovic në radhitjen e përfitimeve arriti të bëhet tenisti i cili fiton më shumë në botë, transmeton Anadolu Agency (AA).

Në një deklaratë të publikuar nga Shoqata e Profesionistëve Tenis (ATP), njoftohet se Federer pasi arriti fitore në Turneun e Tenisit në Zvicër për meshkujt, me përfitimin prej 395 mijë euro të marrë nga ky organizim arriti një rekord të ri.

Tenisti 36 vjeçar Federer, i cili në turnetë deri më tani ka fituar 109 milionë e 853 mijë dollarë, duke e tejkaluar ish-tenistin serb numër një në botë Djokovic, arriti të bëhet tenisti që fiton më së shumti në organizimet e tenisit.

Djokovic i cili për shkak të lëndimit nuk mundej të merrte pjesë në turnetë të këtij viti, ishte bërë tenisti i parë në korrik të vitit 2016 që arriti përfitime mbi 100 milionë dollarë nga turnetë.

Sipas të dhënave të publikuara në revistën ekonomike Forbes, Federer i cili në karrierën e tij ka 19 grand-slam kampionate, duke marrë parasysh edhe përfitimet nga sponsorë dhe reklama në vitin 2017 me të ardhura prej 70 milionë dollarë është edhe tenisti i cili fiton më së shumti në botë.

Dhjetë sportistët të cilët kanë përfitime më të mëdha nga turnetë e tenisit në kategoritë e meshkujve sipas ATP janë kështu:

1 – Roger Federer 109 milionë e 853 mijë e 682 dollarë

2 – Novak Djokovic 109 milionë e 805 mijë e 403 dollarë

3 – Rafael Nadal 91 milionë e 199 mijë e 322 dollarë

4 – Andy Murray 60 milionë e 807 mijë e 644 dollarë

5 – Pete Sampras 43 milionë e 280 mijë e 489 dollarë

6 – Andre Agassi 31 milionë e 152 mijë e 975 dollarë

7 – David Ferrer 30 milionë e 778 mijë e 187 dollarë

8 – Stanislas Wawrinka 30 milionë e 623 mijë e 544 dollarë

9 – Tomas Berdych 28 milionë e 220 mijë e 153 dollarë

10 -Boris Becker 25 milionë e 80 mijë 956 dollarë

Ekskluzive e voal.ch Dritan Zagani i përgjigjet Saimir Tahirit: Mos shpif, isha i pastrehë dhe nuk disponoj asnjë pronë në Orikum!

Lidhur me shpifjen e fundit te z.Tahiri se une kam bere deklarimet e mia si i shitur per nje cope toke nga politika e djathte qe qeveriste deri dje, ndjehem vertete i zhgenjyer nga ish ministri im, sepse edhe pse e di mire qe eshte nje njeri i lidhur koke e kembe me trafikun e droges, perseri e mendoja nje njeri me te zgjuar nga ana juridike si jurist qe e pretendon veten.

Edhe pse eshte jurist me shkollë nate, perseri eshte e pafalshme per nje te tille qe te mos kuptoje efektin e dokumentave qe provojne komplet te kunderten e asaj qe shpif, dhe kjo ne daç ne aspektin kohor se kujt kohe i perkasin keto fakte (dokumenta shteterore dhe jo partiake si ato që ai i paraqet),ashtu edhe sa i perket faktit se ato dokumenta demostrojne qarte, kuptueshem edhe per nje jurist i kalibrit te tij se ajo qe ai pretendon nuk eshte as me pak e as me shum se shpifja e tij e radhes ne perpjekje per te mbuluar zullumet qe ai dhe shefi i tij Rama kane bere keto kater vite pushtet se bashku, duke kriminalizuar shoqerine shqiptare deri ne qelize me politiken e tyre te droges, deri sa arriten te na vene emrin e ri “Kolumbia e Ballkanit”.

Pra se pari, une ju them per gjithe skeptiket qe me mendojne akoma ashtu sikur Tahiri shpif (flas per pjesen e shendoshe te bashkeatdhetareve te mi, jo per ata milatante qe nuk duan as uje e bukë para partise dhe droges se rilindjes) qe une disponoj te gjithe dokumentacionin e nevojshem ligjor te shtetit shqiptar dhe jo te partise dje apo sot, qe ajo cope toke e dhene me VKM nr 159,date 13/06/2013 (lehtesisht e verifikueshme ne internet nga kushdo), provon te kunderten e asaj qe Tahiri pretendon, sepse aty nuk ka nje dhuratë per mua personalisht, por ka nje vendim te qeverise te shtetit shqiptar per nje numer te caktuar punonjesish te shtetit qe perfitojne objekte apo terrene edifikabile, per arsye te të qenit te pastrehe dhe si funksionare te shtetit ne baze te ligjit gezojne te drejten e pasjes banese per familjet e tyre. Pra i nderuari Tahiri ne asnje moment kur shpif nuk ben prezent faktin e vertete qe ajo nuk eshte asgje me shumë se nje vendim qeverie i bazuar ne ligj per shume punonjes shteti si puna ime, biles edhe ne ate terren ku figuron emri im, qe eshte rreth nje mije meter katror, une nuk jam i vetem si perfitues, por jam me nje koleg te nderuar timin qe per ironi te fatit eshte edhe patriot i Tahirit qe ai rastesisht as e ka vene re qe ta publikoi, dhe as qe e thote se ne ate VKM eshte nje liste me objekte apo terrene e shtrire ne gjithe teritorin e vendit,ku ka perfitues punonjes te pa strehe si puna ime nga e gjithe vendi,qe nga Korça, Tirana Durresi Vlora etj.

Se dyti per ta iluminuar pak z.Tahiri dhe ata qe i besojne verberisht, jo per ata qe duan ta besojne si militante,une dhe kolegu im patriot i Sajes jemi te vetmit nga ajo liste perfituese sipas VKM-se akoma dhe sot nuk jemi perfitues real sipas ligjeve te shtetit dhe kjo sepse pas marrjes se vendimit qe na njeh ne si pronare sipas VKM-se ne ju drejtuam zyres se regjistrimit te pasurise Vlore, ashtu se dhe ligja e parashikon, por aty kemi marre nje pergjigje te çuditshme ku ai terren figuronte i regjistruar si prone ne emer te nje tjeter shtetasi shqiptar qe pas verifikimeve tona rezultonte i vdekur dhe me pas ca trashegimtare te tij e e kishin kaluar mbi pronesi si trashegimi( kete e provojne shumë qarte dokumentat qe une disponoj). Dhe ne keto kushte ne si perfitues nga ligji ne bashkepunim me zyren e regjistrimit te pasurive na lindi e drejta te bejme nje padi prane gjykates se shkalles se pare Vlore,per keta persona qe kishin pervetesuar toka shteterore ne menyre të paligjeshme, dhe ashtu u be ne fillim, ne me ane te nje avokati te pajtuar privatisht, ne nje kohe qe eshte vete shteti qe duhej ta bente se shtetit i ishin vjedhur pronat me dokumenta false, beme padi ne gjykaten e shkalles pare Vlore, e cila pas disa muajsh gjoja hetime gjyqesore u detyrua ta “ngrije”, ta pushojë çeshtjen sepse zyra e shtetit ne sherbim te qytetareve,pra zyra e regjistrimit te pasurive nuk u paraqit asnjehere te bente detyren ligjore qe ka dhe qe paguhet nga taksat e shqiptareve ne seancat ligjore per kete qellim, dhe kjo e gjitha pas prononcimit tim publik lidhur me faktet e implikimit te shtetit e ministrit Tahiri me trafikantet e droges, pra me pak fjale une isha shpallur armiku i partise shtet dhe ne keto kushte shteti ne asnje menyre nuk duhet te zbatonte ligjet e tij per mua “armikun e popullit”, pra si rezultat i kesaj sot e kesaj dite une nuk jam pronar i ligjshem i asaj toke qe Saja thote per kete qe ju thashe me lart, duke demtuar pa te drejte dhe kolegun tim te nderuar oficer policie dhe nga me te nderuarit ne drejtorine e Policise Vlore qe akoma edhe sot jeton ne banese me qera sepse nuk ka mundur te marre te drejten qe shteti i tija dhe i imi e ka vendosur me ligje.

Per gjitha sa po them jane dokumentat autentike ne zyren e avokatit tone te nderuar prane gjykates se shkalles se pare Vlore, si dhe une disponoj kopiet e tyre.

Ky eshte realiteti dhe i provuar me dokumenta autentike ligjore, ndaj dhe une i perseris Saimir Tahirit shprehjet brilante qe ai i ka aq per zemer se “Nuk ke pare asgje akoma”,,,si dhe “SUKSESE NE JETE “.

 

Me respekt per kedo qe ka sy e veshe te kuptoje te verteten Dritan Zagani.

Date 22/10/2017

Dokumentat i disponon edhe redaksia e voal.ch

Zyrih: Hidhet shorti për balotazhin e Boterorit “Rusi 2018”

Në Zyrih të Zvicrës, janë përcaktuar çiftet e balotazhit për kualifikimet shtesë për Kampionatin Botëror në futboll, i cili vitin e ardhshëm do të mbahet në Rusi, pas çka do të dihet emri i të gjitha përfaqësueseve nga Evropa të cilat do të marrin pjesë në garën më të madhe të futbollit botëror.

Irlanda e Veriut-Zvicra, Kroacia-Greqia, Danimarka-Irlanda dhe Suedia–Italia janë katër çiftet të cilat do të luftojnë për katër vendet e fundit të rezervuara për Evropën në Botërorin “Rusi 2018”.

Ato do t’u bashkohen përfaqësueseve nga Evropa të cilat më herët siguruan “vizën”, Gjermanisë, Spanjës, Francës, Anglisë, Belgjikës, Portugalisë, Polonisë, Islandës, dhe Serbisë.

Ndeshjet e para do të luhen në periudhën 9-11 nëntor, ndërsa ato të kthimit në datat 12-14 nëntor.

Ekskluzive e Voal.ch -Dritan Zagani: Guardia di Finanza me arrestimin e Moisi Habilajt, bëri atë që m’u ndalua mua ta bëja, t’i çoja para ligjit trafikantët! Intervistoi: Elida Buçpapaj

Pas një sulmi blic të emëruar Rosa dei Venti, Guardia di Finanza në Catania arrestoi një grup mafioz italo-shqiptar, të akuzuar për trafik droge me vlerë 20 milionë Euro. Pala shqiptare, kryesohej nga mafiozi Moisi Habilaj, emër i përmendur nga polici hero Dritan Zagani. Dritan Zagani kishte prova se Moisi Habilaj, kushëri me ish Ministrin e Brendshëm, trafikonte drogë me makinën e ministrit. Kaq do të mjaftonte që Dritan Zagani të përballej si ndëshkim me arrest dhe burgim. I pafajshëm dhe pa asnjë mundësi për të mbrojtur familjen e rrezikuar nga krimi i organizuar, ai ka marrë azil politik, ndërsa aksioni i Guardi di Finanza Rosa dei Venti vërtetoi se Dritan Zagani kishte të drejtë. Po reagimi i shtetit shqiptar cili është, ndërkohë opinionit të gjërë po i sjellim intervistën ekskluzive me Dritan Zaganin.

Dritan, Gurdia di Finanza në Catania pas një blici ka vënë në pranga një grup mafioz italo-shqiptar të cilët prej 2015 kanë trafikuar drogë me vlerë 20 milionë Euro. Midis të arrestuarve është edhe Moisi Habilaj, kushëriri i ishMinistrit të Brendshëm, të cilin e keni akuzuar prej kohësh.
Dritan Zagani: Jam informuar prej shtypit për faktin. Kjo për mua nuk eshte gje e re sepse keta trafikante i njoh per aktivitetin e tyre kriminal qe para shume vitesh. Kur kam mesuar lidhjen e tyre me politiken aktuale kam kuptuar dhe nje nga arsyet se përse une u godita ne ate menyre nga shteti im te cilit i sherbeja me detyren e policit. Vëllezerit Habilaj, siç të thashe, i njoh qe para gati 20 vitesh qe jane trafikantë droge. Dhe ne vazhdimesi ne pune time kam pas info per aktivitetin e tyre kriminal, gje qe e kam pas pasqyruar ne vazhdimsi ne punen time

Kur u arrestuat?
Dritan Zagani: Jam arrestuan ne mesnaten e dates 1 maj 2014 duke u gdhire 2 maj. Më kanë trokitur ne deren e shtepise sejmenet e Saimir Tahirit ne ora 01 të pas mesnatës… gje qe eshte dhe nje veprim i paligjshem procedurialiasht sipas ligjit shqiptar.

Cila ishte akuza?
Dritan Zagani: Une si fillim kisha akuza shumë të rënda si “trafik droge”, “bashkepunim me krimin e organizuar” etj, por shumë shpejt ato shpifje u sfumuan dhe ngeli vetem “shperdorim detyre”… Dhe kjo ishte një shpifje e tyre e sajuar nga sejmenet e Tahirit, Arben Skendo e Zamir Shtylla ne bashkëpunim me Prokurorin vegel të politikes Anton Martini.

Deklarata juaj se vëllezërit Habilaj trafikonin drogë me makinën e Ministrit të Brendshëm Saimir Tahiraj ju vuri përballë shtetit dhe trafikantëve. Apo jo?
Dritan Zagani: Perballe me shtetin mua nuk me vune deklaratat qe bera pasi ika nga vendi… por me vuri puna ime si polic pasi ndesha ne lidhjet e krimin me shtetin qe une i sherbeja.

Kryeministri Edi Rama ne mandatin e dyte e ka pranuar inkriminimin e policise me trafikantët, ndërsa në mandatin e parë ju ishit most wanted nga interpoli i Tiranës. Si është gjendja e policisë, deri në ç’nivel ka arritur inkriminimi i politikës?
Dritan Zagani: KM si mandatin e pare ashtu dhe te dytin vazhdon thjesht demagogjinë e tij si politikan i lidhur me krimin dhe vetem mashtron sipas rastit, si t’i paraqitet situata. Per mendimin tim, ai eshte fajtor si per ish-Ministrin e tij të Brendëshëm, Saimir Tahiri, e qe tashme e moren vesh te gjithe kush ishte, ashtu edhe per inkriminimin dhe implikimin e policise ne krim te organizuar… Me apo pa veprime konkrete te tij, ai e shkatërroi gjithe ate pak pune te mire qe u arrit nder vite ne ndertimin e punes se policise të shtetit, duke e katandisur sot ne kete derexhe ku koleget e huaj jo vetem kane humbur ate besim te fituar me shumë mund, por punojne ne distance me shtetin tone duke dhene dhe goditje vdekjeprurese si kjo e fundit si për shtetin dhe politiken kriminale qe drejton sot i nderuari piktor..

Ju ishit polici hero që luftonte krimin e organizuar që kishte lidhje me politikën. Kur e humbët besimin totalisht dhe u detyruat ta linit vendin?
Dritan Zagani: Polici hero eshte fjale e madhe per mua, pasi si puna ime policia kishte dhe ka plot çuna qe punojnë me pasion. Unë do ta definoja veten se isha polici fatkeq qe me ra momenti te perplasem me kete grup kriminal qe fatkeqsisht kishte lidhje te forta me shtetin pas zgjedhjeve te 2013. Une ika nga vendi vetem kur nuk kisha me asnje alternative per jeten e femijëve të mi, pasi bera jashtë çdo llogjike ligjore dhe humane 6 muaj dhe 8 dite burg… si dhe mbasi prita nje zgjidhje ligjore per me shumë se 8 muaj arrest shtepie…

Pra përkushtimi juaj si polic i ndershëm u shpërblye me 1 vit e 2 muaj burg dhe arrest shtëpie?! Ku mbështetej akuza për shpërdorim detyre ?
Dritan Zagani: Akuza per shperdorim detyre u ngrit mbi prova false, ku sipas tyre une shisja informacione te policia italiane. Lidhur me kete, une i kam të gjitha provat ligjore qe e rrëzojnë këtë akuze por shteti im ka rreth 4 vjet që nuk e bën gjyqin që ta provojnë akuzen. Fakti eshte krejt ndryshe. Une merrja informacione nga shkembimi i informacioneve me koleget italianë, qe me ndihmonin ne punen time, por kjo gje shtetit tim, Ministrit të Brendshëm dhe Kryeministrit u rezultonte tradhti, se kapej shumë droge dhe trafikantë miq te tyre.

Po ky ndëshkim a nuk e bën të pamundur që në policinë shqiptare të mbeten policë të ndershëm dhe trima sepse nëse ata e hapin gojën e pësojnë me burg dhe rrezikojnë jetën e tyre dhe të familjes?
Dritan Zagani: Po eshte e vertete qe mora goxha shperblim nga shteti im per punen time. Ështe e vertete edhe ajo qe thua se kjo eshte nje formë presioni ndaj policise qe guxon të luftojë kunder miqve trafikantë te politikes dhe faktikisht tashme u vërtetuan edhe rezultatet e pritura nga trafikantet keto vite ku u kriminalizua i gjithe shteti dhe shoqeria shqiptare.

Po të bashkëpunosh me një vend aleat si Italia është domosdoshmeri jo krim apo jo ?! Kryeministri Edi Rama e falenderon shpesh herë rolin e Guardia di Finanza.
Dritan Zagani: Ne rastin tim edhe sikur te provohej bashkepunimi im ne favor te policisë italiane perseri kjo nuk do perbente veper penale e te arrestohesha. Maksimumi do ishte mase administrative, por si ju thashe, une me pune time si polic perbeja rrezik per ta dhe keshtu duhej me çdo form te hiqesha nga detyra. Keshtu u organizua kjo shpifje pa vlere nga sejmenet e Tahirit- Skendo Shtylla ne bashkepunim me servilin e politikes prokurorin Anton Martini.

Guardia di Finanza lajmeron se në blicin Rosa dei Vento përveç grupit të të arrestuarve janë edhe 4 trafikantë shqiptarë të identifikuar dhe në kërkim. Janë nga klani Habilaj, dini gjë?
Dritan Zagani: Nuk kam asnje informacion me teper lidhur me këte. Si ju thashe une e mesova blicin e Guardia di Finanza në Catania nga shtypi. Ka vite tashmë që nuk bej pjesë aktive ne asnje lloj hetimi ligjerisht.

Ish Ministri Saimir Tahiri ka deklaruar se nëse dilte se të afërmit e tij, vëllezërit Habilaj do të dilnin si trafikantë, ai do të kërkonte ndjesë. Apo jo?
Dritan Zagani: Sa rrena të thëna ka thënë si Sajmir Tahiri ashtu edhe shefi tij, te ishin bërë te mira per Shqiperine sot do ishim ne si Zvicra, por fatkeqsisht keta janë përfaqësuesit e shtetit tonë që janë demagogë e mashtrues te lidhur me krimin koke e kembe.

Ju e morët azilin politik nga Zvicra, ditën që kryeministri i Shqipërisë zhvillonte vizitën zyrtare në Konfederatën Helvetike apo jo? Ne ishim në konferencën për shtyp të Presidentes të Zvicrës me kryetarin e qeverisë shqiptare, kur tre media kryesore zvicerane i bënë vetëm tri pyetje Edi Ramës dhe që të treja lidheshin me Dritan Zaganin.
Dritan Zagani: Nuk dua të komentoj rreth kësaj. Pyetja juaj e ka dhe pergjigjen brenda per mendimin tim.

Tani qe u vërtetua nga Guardia di Finanza se ti kishe të drejtë që Moisi Habilaj ishte trafikant droge si ndihesh?
Dritan Zagani: Guardia di Finanza s’ka pasur asnje moment dyshime se une s’kam te drejte, biles as Saimir Tahiri dhe as Edi Rama, por ua donte halli te flisnin ashtu si folen e te me benin ate qe me bene. Ndersa puna e bere se fundmi nga Guardi di Finanza ishte vetem mbledhja e provave shumë të nevojshme ne menyre profesionale per te realizuar atë që m’u ndërpre mua të merresha, siç ishte çuarja para ligjit e trafikanteve.

A të mungon jeta e policit? A ke dëshirë të integrohesh në radhët e policisë të vendit që të mirëpriti?
Dritan Zagani: Jeta e policit jo vetem me mungon… por te them te drejten thelle thelle brenda meje po te mos flasim per familjen eshte e vetmja jete e imja… sa per vazhdimësine time s’mund te flas per momentin… koha do ta tregoje.

A jeni integruar familjarisht në vendin që ju ka mirëpritur? A ju pelqen, ndiheni mire?
Dritan Zagani: Familja ime eshte ne nje jete te dyte dhe eshte duke jetuar nje jete fantastike dhe shumë perfekte. Per mua personalisht eshte dhe qellimi madhor i momentit qe duhet ta them se ka gjetur zgjidhjen perfekte dhe me te miren e mundshme. Sa i perket anes time personale nga ana humane dhe familjare jam dhe ndjehem shumë i realizuar fale mbeshtetjes dhe mikpritjes qe kam gjetur ketu ku jam, perjashto ate qe si ta thashe jeta ime eshte puna ime, profesioni im dhe pas asaj qe me bene eshte kthyer ne nje ide fikse sa te jem gjalle.

Si polic që jeni si është situata aktuale në Shqipëri a po luftohet narko-trafiku siç propogandon qeveria?
Dritan Zagani: Mendimi im personal eshte se e gjitha eshte fasadë, si gjithçka keto vite. Faktet flasin vete me shumë se propaganda qe keta mjeshtra dinë te bejnë.

Opozita akuzon se sot Shqipëria eshte kthyer një Kolumbi e kohës së Escobarëve, po a nuk është përgjegjese e Lazaratit ku trafiku arrinte ne 5 miliarde ne vit sipas Guardia di Finanza?
Dritan Zagani: Une jam polic. Kete e kam deklaruar dhe me pare publikisht si dhe e kam provuar ne punen time qe per mua politika eshte diçka qe nuk ekziston ne punen time, ndaj se si mendon njera apo tjetra pale e politikes eshte jashtë vemendjes time. Per mua kane rendesi faktet dhe baza ligjore qe normon punen e policise. Sa i perket te dhenave mbi kete aktivitet kriminal dikur me Lazaratin dhe sot me gjithë territorin e Shqiperisë besoj se nuk ka nevojë te flas fare. Ështe gjitheçka ne driten e diellit dhe flet vete. Por une po te them mendimin tim me dy fjale: Dikur ishte shteti qe luftonte me krimin e organizuar dhe trafikantet qe mundoheshin te korruptonin shtetin per aktivitetin e tyre kriminal dhe qe edhe ia arrinin ne shumë raste, kurse sot une shoh vetem krimin e organizuar qe drejton shtetin dhe nuk ka me më nevojë as për shpenzime që ta korruptoje atë.

A ka një zgjidhje? Cila është?
Dritan Zagani: Çdo gje ne kete bote e ka zgjidhjen e saj, por problemi eshte qe per zgjidhjen e duhur duhen njerëzit e duhur dhe per momentin sa te jete shteti i drejtuar nga te njejtet qeveritare qe e krijuan kete gjendje une nuk besoj ne zgjidhje reale. Do kete natyrisht veprime konkrete të shprehura me pak fjale nga Ministri i Brëndshëm i ri per kete fenomen kriminal, fjalë qe u duhen per te mbajtur pushtetin sikur gjoja do behet pune, por une s’kam aspak besim te keta qe jane shkaktarët e atyre qe e katandisen shtetin ne kete dite ku ka arritur sot.

A e kujtoni ditën që u larguat me familjen nga Shqipëria?
Dritan Zagani: Normalisht qe po. Edhe pse ishte nje dite me diell gushti dhe kalova nje udhetim shumë te kendshem nen shoqerine e familjes dhe disa miqve te mi, perseri e mbaj mend si nje dite te zeze. Po largohesha nga vendi im per te mbijetuar familja dhe nuk e dija fare se çfarë me priste nesër. Por Zoti deshi dhe çdo gje u zgjidh ne menyren me te mire po ta mendosh ate qe lashe dhe te vleresosh kete qe gjeta.

Intervistoi Elida Buçpapaj

YLLI ZVICERRIAN I TENISIT BOTNOR ROGJER FEDERER FITOI KUPEN E 94 BOTNORE, DHE TË DYTEN E SHANGAIT, SHANGAI 2017 – Nga Fritz RADOVANI

 

 

E Diele, 15 Tetor 2017 (ORA 19.30 E AUSTRALISË)

E pritme me shumë ankth rezultatin e kësaj ndeshje Tenisi të Kupave të Mëdha që do të zhvillohej në Shangaj, per titullin Kampion i Shangait per vitin 2017, ndermjet Nr. 1 Rafael Nadal dhe Nr. 2 Rogjer Federer, finalistë të këtij kampionati botnor.

Ishte një betejë që ne pritshim me padurim hapjen e krahve të Yllit Zvicrres, lojtarit të Madh dhe të pamërritshem Rogjer FEDERER, 36 vjeçar, i cili luftonte per Trofeun e Nandëdhjetekatert të Fitoreve të Titullit Kampion në të gjitha ata fusha tenisi në Botë.

Dhe Mjeshtri i Madh i perdorimit raketës, mbas gati dy orësh na ngriti në kambë dhe ne, që po ndiqnim ndeshjen nga Melbourne i Australisë në TV.

Një Fitore e padiskutueshme me rezultatin 6 – 4 dhe 6 – 3.

Rogjer FEDERER Kampjon i Shangait per vitin 2017 per të dyten herë mbas 2014.

Rogjer FEDERER Kampion per të 94 herë në fushat e Tenisit Botnore, i renditun i Dyti në Botë, në klasifikimin e pergjithshëm.

Sot të gjithë ne që ndjekim me dëshirë të madhe Fitoret e Tenistit të Zvicrres, dhe të Atij Ylli të Papersëritshem të Botës sportive të Madhin ROGJER FEDERER, me shumë gëzim dhe respekt i Urojmë nga zemra, shëndet per të mërrijtë Fitore të tjera dhe Ate, që

ROGJER FEDERER nuk i mungon: Kënaqësi familjare dhe jetë të gjatë per me pa edhe trashigimtarët tue ndjekë rrugen e Fitoreve të Babës së Tyne “Një Fisnik Europjan”!

Ju falemnderes zotni ROGJER FEDERER…

Melbourne 15 Tetor 2017.

Blick: Jeton L. i dërgoi një paketë me bombë Xhevdet Mazrekajt, Xhevdet Mazrekaj (58) beson në sulm terrorist të kundërshtarëve politik

Nëse granata do shpërthente, atëkohë do humbte gjithë familjen e tij shqiptari nga Kosova me banim në Küsnacht ZH, shkruan “Blick”.

Xhevdet Mazrekaj (58) thuajse se kishte pritur 15 vjet. Por tani ai është ulur në sallën gjyqësore në Bellinzona. Dy rreshta pas burrit, i cili në 27 shtator 2002 kishte dërguar një paketë me bombë. Prokuroria e akuzon Jeton L. (41) për “vrasje të shumëfishtë të mbetur në tentativë” dhe “armëmbajtje pa leje”.

Botuesi i gazetës shqiptare “Bota sot”, e kujton si sot ditën kur e gjithë familja mund ti kishte vdekur. “Ishte e premte, kur paketa erdhi me postë në selinë e redaksisë – gjoja për një verë. E besueshme shkruante mbi atë,” thotë Mazrekaj.

Image

Paketa e bombë nga brenda. Këtu vendosi Jeton L. granatën shpërthyese ruse “Typ F1”.

«Në paketim mund të shikoheshin telat»

Paketa u mor me vete për te takimi familjar në Küsnacht ZH. “Vëllezërit dhe motrat, fëmijët tanë, prindërit e mi, isha vetë i dymbëdhjeti atje,” tregon Xhevdet Mazrekaj. Vëllai i tij, Xhevati, kishte kishte hapur në formë anësore paketën. Kjo ndihmoi që bomba të mos shpërthente.

“Pas një shishe vere të bardhë, mund të dalloheshin lehtë telat. Ne menjëherë alarmuam policinë,” thotë Xhevdet Mazrekaj, «një ekspert i lëndëve shpërthyese erdhi për ta çmontuar granatën.”

Image

Për 14 vjet, policia federale zvicerane e kërkoi dorasin. Nga rastësia ai u kap nga grupi hetimor

Më pas shqiptari kujton se lënda shpërthyese ishte në gjendje të vrasë njerëz në një rreze prej 300 metrash.

«Agresorët e vërtetë janë akoma në gjendje të lirë»

Prej atëherë ai ndjehet i sigurt në Zvicër. “Jashtë nuk mund të dremis natën. Kam frikë se agresorët mund të më vrasin mua ose fëmijët e mi,” thotë gazetari.

Për Xhevdet Mazrekaj burri i akuzuar është vetëm një ithtar i tyre. “L. është një burrë i thjeshtë. Ai nuk ka vepruar vetëm. Agresorët e vërtetë janë në gjendje të lirë,” thotë shefi i “Bota sot”.

Image

Maqedonasi pritet të dënohet shumë

Gazeta e tij ka redaksi në Zyrih dhe Kosovë. Edhe sot gazetarët e tij janë kërcënuar në mënyrë anonime. “Në Kosovë janë vrarë katër gazetarë tonë,” thotë Xhevdet Mazrekaj. Ai është i qartë: “Ishte një sulm terrorist kundër nesh. I organizuar nga shërbimet sekrete të kundërshtarëve tanë politik.”

Sot vijon më tej seanca. Për Xhevdet Mazrekaj mbetet frika dhe keqkuptimi – pavarësisht se cili do ishte dënimi final për Jeton L../Bota sot

Jeton L. (41) schickte Xhevdet Mazrekaj (58) eine Paketbombe: Opfer glaubt an Kosovo-Komplott

Myrte Müller

Fast 15 Jahre hat Xhevdet Mazrekaj (58) gewartet. Nun sitzt er im Gerichtssaal in Bellinzona. Zwei Reihen hinter jenem Mann, der ihm am 27. September 2002 eine Paketbombe schickte. Die Bundesanwaltschaft wirft Jeton L. (41) mehrfacher, versuchter Mord und Widerhandlung gegen das Waffengesetz vor.

Der albanisch-kosovarische Herausgeber der Zeitung «Bota Sot» erinnert sich genau an den Tag, der seiner gesamten Familie fast das Leben kostete. «Es war Freitag. Da kam dieses Paket mit der Post in die Zürcher Redaktion – angeblich von einer Weinhandlung. Vertraulich stand drauf», sagt Mazrekaj.

«Im Päckchen waren Drähte zu sehen»

Das Päckchen wird nach Küsnacht ZH zum Familientreffen mitgenommen. «Meine Geschwister, unsere Kinder, meine Eltern, wir waren zu zwölft dort», erzählt Xhevdet Mazrekaj. Sein Bruder Xhevat habe das Päckchen seitlich aufgerissen. Die Bombe wurde dabei nicht gezündet.

«Hinter einer Weisswein-Flasche waren Drähte zu erkennen. Wir haben sofort die Polizei gerufen», sagt Xhevdet Mazrekaj, «ein Sprengstoff-Experte hat dann die eingebaute Splittergranate entschärft.»

Später erfährt der Albaner: Die Sprengkraft hätte gereicht, Menschen in einem Umkreis von 300 Metern zu töten.

«Die wahren Täter sind noch auf freiem Fuss»

Seitdem fühle er sich nur noch in der Schweiz sicher. «Im Ausland kann ich nachts nicht schlafen. Da habe ich Angst, dass Killer mich oder meine Kinder töten», sagt der Journalist.

Für Xhevdet Mazrekaj ist der Mann auf der Anklagebank nur ein Handlanger. «L. ist ein einfacher Mann. Er ist kein Einzeltäter. Die wahren Täter sind noch auf freiem Fuss», sagt der Chef der «Bota Sot» (übersetzt: Welt heute). Seine Zeitung hat Redaktionen in Zürich und im Kosovo. Sie nimmt politisch kein Blatt vor den Mund. Immer wieder werden ihre Journalisten anonym bedroht. «Im Kosovo wurden vier unserer Mitarbeiter umgebracht», sagt Xhevdet Mazrekaj. Er ist überzeugt: «Das war ein Terroranschlag gegen uns. Organisiert vom Geheimdienst unserer politischen Gegner.»

Heute geht die Verhandlung weiter. Für Xhevdet Mazrekaj aber bleiben die Angst, das Misstrauen – egal zu welcher Strafe Jeton L. letztendlich verurteilt wird.

Publiziert am 16.08.2017 | Aktualisiert am 30.09.2017

Mediat zvicerane i bëjnë jehonë gjyqit kundër terroristit që dërgoi paketën me bombë në redaksinë e “Bota sot”

Gjykata Federale e Zvicrës e ka dënuar me dhjetë vjet burg 41 vjeçarin i cili kishte dërguar një paketë me bombë në redaksinë e “Bota sot”, shkruan media më e klikuar zvicerane “Blick”. “Dënimi i tij u ul vetëm për një vit nga kërkesa e Prokurorisë”.

Gjykata Federale e shpalli deklaratën e shtetasit zvicerano-maqedonas si të pavërtetë dhe kjo dëshmohet me vendimin e së martës. Deklarata e tij se paketa me bombë nuk ishte funksionale, për Gjykatën ishte e pabesueshme, shkruan “Blick“.

Hetimet për bombën treguan se ajo ishte e gatshme për shpërthim, nëse do hapej normalisht. Kjo ishte e njohur për Gjykatësen e çështjes. Vetëm nga rastësia paketa nuk shpërtheu, për shkak se u hap në formë anësore, andaj nuk u aktivizua mekanizmi i shpërthimit.

Image

Bomba e vendosur në paketën me një shishe verë, e dërguar në redaksinë e gazetës “Bota sot

Për shkak se agresorit i është gjetur edhe një armë dhe municion, ai është dënuar me gjobë të caktuar.

Veprimet e 41 vjeçarit janë paraqitur nga Gjykata si të paskrupullt dhe të dënueshme. Me dërgimin e paketës, ai nuk kishte më ndikim për rrjedhjen e mëtejshme të ngjarjes. Gjykata Federale e dënoi atë vetëm me një vit më pak nga Prokuroria. Avokati kishte kërkuar liri.

Tre personat e atëhershëm të redaksisë “Bota sot” duhet të marrin një dëmshpërblim prej 15.000 frangave nga 41 vjeçari. Ky i fundit gjithashtu duhet të paguajë edhe shpenzimet e procesit prej 25.000 frangave. Në momentin kur të jetë mirë financiarisht, ai duhet ta paguajë edhe mbrojtjen ligjore kundrejt tij me shumë prej 50.000 frangave.

Image

Gjykimi kundër Jeton Lesit (41) në Gjykatën Penale Federale. Ai dërgoi një bombë paketë në Bota Sot në CH. Transporti i Jeton L. nga ndërtesa e gjykatës

Sipas fjalëve të agresorit paketa me bombë duhet të ishte “vetëm” një shenjë për redaksinë e “Bota sot”.

Paketa me bombë nuk u hap në zyrat e gazetës ku ajo arriti në 27 shtator 2002. Shefi i redaksisë nuk ishte prezent, kështu që paketën e mori me vete motra e tij. Gjatë një takimi familjar, vëllai i shefit të redaktorëve hapi paketën në mënyrë anësore.

12 persona ndodheshin në afërsi, mes tyre edhe shumë fëmijë. Në rreze prej nëntë metrash, shpërthimi i granatës ruse mund të rezultonte vdekjeprurëse.

Image

Bomba e të akuzuarit ishte drejtuar kundër kryeredaktorit të gazetës shqiptare të Kosovës “Bota Sot”, e cila është edhe në Cyrih, Arkiv

Granata ishte një dhuratë

Vetëm nga gjurmët e ADN mundeshte që të zbulohej agresori. Në dhjetor 2016 ai mori pjesë në një përleshje. Pas provës së ADN, policia e arrestoi në 31 janar 2017. Prej në fillim ai deklaronte se kishte vepruar i vetëm.

Granatën ai e kishte marrë që nga Maqedonia, si dhuratë gjatë prezencës së tij në UÇK e Maqedonisë në 2001. Me automjetin e tij, përmes kufirit ai e solli granatën në Chiasso TI. Në shtëpi agresori e vendosi granatën në një vitrinë.

Gjykata nuk e besoi deklaratën e të akuzuarit se bomba ishte testuar se nuk funksiononte. Hetimet e bombës treguan se ishte e gatshme për shpërthim, në rast se paketa do hapej në formë normale.

Shkrim të ngjashëm ka kryer edhe media tjetër zvicerane “Bluewin.ch”. “I akuzuari kërkonte lirimin e tij, por Gjykata tregoi se nuk i besonte zvicerano-maqedonasit. Kjo u pa në vendimin e së martës.”

Prestigjiozja zvicerane “NZZ”, shkruan se shtetasi i dyfishtë e “kishte dërguar paketën me bombë në shtator 2002 në redaksinë e Bota sot në Cyrih. Ai e kishte paraqitur atë si një dërgesë vere. Vetëm nga rastësia paketa nuk shpërtheu./Bota sot

Zvicra neutrale ndaj krizës politike në Spanjë

Zvicra ka thënë të premten, se ka qenë “në kontakt” me të dyja anët e konfliktit spanjoll, por thekson se ndërmjetësimi formal nuk mund të filloj pa qenë të gatshme të dyja palët.

Presidenti katalanas, Carles Puigdemont, ka kërkuar ndërmjetësim ndërkombëtar pasi rajoni votoi të shtunën për pavarësi nga Spanja.

Në një deklaratë, ministria e Jashtme e Zvicrës ka thënë se kërkesa e Katalonias është çështje e “ politikës së brendshme të Spanjës”.

Derisa ky shtet nuk merr ndonjë pozicion, zyrtarët besojnë në “zgjidhje paqësore përmes dialogut”, thuhet në deklaratë.

HELIDON H. – EXPO NË GJENEVË 25 SHTATOR – 20 DHJETOR 2017

P E R G A T I T I D H E P O S T O I K R I S A R U L I ( G R E Y)

 

BILBIL MAZREKU, KURATOR I EKSPOZITËS NË GJENEVE, SHTATOR 2017

HELIDON H: TAKIM ME KOLEGËT E VIZITORËT

 

PiktoriHelidon H- mes vizitorëve

Piktori Helidon H: mes vizitorëve

 

Pamje nga Ekspo e Helidon H., shtator 2017- Gjenevë

 

Helidon H. Gjatë një bisede me një kolegun e tij

Helidon H.-Pamje nga Ekspozita në Gjenevë 2017

 

  P E R G A T I T I  D H E  P O ST O I    K R I S A   R U L I   (  G R E Y )