Partia Demokratike do ta zhvendosë aksionin opozitar në Tiranë.

Një ditë pasi selia blu ngriti në protestë qytetarët e Elbasanit, sot do të zhvendosen në Prokurorinë e Posaçme kundër korrupsionit.

Njoftimi u bë një ditë më parë. Ndryshe nga dje, që fokusi ishte në kërkesën për uljen e çmimit të naftës, sot protestuesit do të kërkojnë drejtësi për Teatrin Kombëtar që u shemb në mënyrë kriminale.

“Thirrje për protestë! Thuajse 3 vjet nga shembja kriminale e Teatrit Kombëtar dhe SPAK hesht. Heshtja është bashkëfajësi. Qytetarët kërkojnë drejtësi! Nesër në ora 10:00, përpara godinës së SPAK-ut,”- njoftoi dje PD-ja.

Një ditë më parë, qytetarët fikën për rreth një orë makinat në Elbasan, në shenjë proteste kundër rritjes së çmimit të naftës. Në prononcimet për mediat qytetarët u shprehën seçmimet janë rritur shumë dhe se ata nuk e përballojnë më jetesën në këtë vend.

Një grua përmendi dhe të ardhurat nga emigracioni dhe tha se ndihmën për të jetuar e merr nga fëmijët që ka jashtë pasi ndryshe nuk ia del dot. I pranishëm në protestë ishte edhe nënkryetari i PD-së, Luçiano Boçi, i cili u shpreh se Elbasani ishte vetëm fillimi i protestave pasi ato do të shtrihen në të gjithë Shqipërinë./ dita

Deputeti i Partisë Demokratike, Luçiano Boçi paralajmëroi se protestat që sot nisën nga Elbasan do të shtrihen në të gjithë Shqipërinë. Në një komunikim me gazetarët, ai u shpreh se qytetarët janë të revoltuar jo vetëm për rritjen e çmimeve, por edhe për pasigurinë e jetës së tyre.

Boçi theksoi se po afrojnë zgjedhjet dhe qeverisë i duhen para për të blerë votat dhe një nga format e vjedhjes sipas tij, është ajo përmes rritjes së çmimit të karburanteve.

“Nuk është vetëm çështja e rritjes së naftës, është rritur pasiguria, është problemi i shpopullimit, ndaj duhet reagim qytetar. Të parët sot janë qytetarët e Elbasanit. Krahas asaj urtësisë klasike, Elbasani ka edhe pjesën e revoltës

Rritja e çmimit të naftës është një vjedhje e hapur. Bordi është antikushtetues dhe qeveria sa herë ka nevojë për para, që i përdor për luksin e saj, ua rrëmben shqiptarëve në forma të ndryshme, një nga këto forma është edhe përmes karburantit.

Nuk ka paketa ndihme ndaj krizës, nuk ka ndihmë për studentët, shtresat në nevojë. Situata bëhet më revoltuese kur çmimet në burse bien në mënyrë progresive, ndërsa në Shqipëri rriten në mënyrë të menjëhershme

Ka një situatë zgjedhore përpara dhe qeverisë i duhen para për të blerë votat.

E nisëm këtu nga Elbasani si shkëndijën e parë, për ta shtrirë në gjithë Shqipërinë. Nuk ka më kohë për të humbur, është shkelur ekonomia jonë, por edhe dinjiteti ynë. Le të shërbejë për të gjitha revoltat që do shpërthejnë në gjithë Shqipërinë”, tha ndër të tjera Boçi. rel

Në Shqipëri, një mision i Fondit Monetar Ndërkombëtar, deklaroi sot se vendi nuk i përmbush kushtet për realizimin e aministisë fiskale të propozuar nga qeveria. Sipas Fondit, amnistia favorizon shmangësit e mëdhenj të taksave duke iu ofruar dhe imunitet nga ndjekja penale. Nga ana tjetër, administrata tatimore vlerësohet të jetë ende e dobët, ndërsa vendi me mangësi strategjike sa i takon luftës kundër pastrimit të arave dhe financimit të terrorizmit

Ideja e qeverisë shqiptare për zbatimin e një aministie të gjerë fiskale nuk po gjen mbështetjen e institucioneve ndërkombëtare me peshë. Pasi gati dy javë më parë, Delegacioni i Bashkimit europian në Tiranë ripërsëriti se kishte shqetësime serioze për projektin, duke lënë të nënkuptohet se në formën aktuale, propozimi është i papranueshëm për ta, sot Fondi Monetar Ndërkombëtar ishte dhe më i qartë në kundërshtimin e kësaj nisme: “Projektligji ka të ngjarë të dëmtojë moralin tatimor. Amnistia fiskale mund të konsiderohet si një kartë “dalje nga burgu” për shmangësit e mëdhenj të taksave, sepse përfshin një falje të konsiderueshme të taksave, përveç heqjes së plotë të interesit dhe gjobave dhe dhënies së imunitetit efektiv nga ndjekja penale dhe inspektim i mëtejshëm nga forcat e zbatimit të ligjit për sa i përket burimit të fondeve që do të amnistohen. Qeveria duhet të ndryshojë amnistinë fiskale me një program deklarimi vullnetar, i cili nuk i përjashton nga të gjitha detyrimet tatimore”, shpjegoi shefja e misionit të FMN-së Yan Sun.

Por ajo saktësoi se dhe një program deklarimi vullnetar do të kërkonte përmbushjen e disa kushteve. Së pari që të ketë “një administratë tatimore moderne, kompetente, të mirëinformuar dhe me mjetet e duhura të kontrollit dhe zbatimit të ligjit” dhe së dyti “një kornizë efektive për luftën kundër pastrimit të parave dhe luftën kundër financimit të terrorizmit, që është në gjendje të zbusë rreziqet e deklarimit vullnetar”.

Ishte po shefja e misionit, zonja Sun e cila e bëri mëse të qartë se Shqipëria është larg së plotësuari këto parakushte, të cilat nuk përmbushen në shumë vende në zhvillim dhe me të ardhura të ulta. “Në rastin e Shqipërisë, ndërsa Drejtoria e Pergjithshme e Tatimve ka bërë progres, kapaciteti i saj i auditimit dhe hetimit mbetet ende i dobët, performanca e saj në mbledhjen e të ardhurave është e ulët, ndërsa shumë vlerësime nga auditimet mbeten të pambledhura, ka akses të pamjaftueshëm automatik në të dhënat e palëve të treta, veçanërisht informacionin e llogarive financiare. Shqipëria ende ka mangësi strategjike për luftën kundër pastrimit të parave dhe financimit të terrorizmit”, deklaroi shefja e misionit të Fondit Monetar.

Ministrja e Financave Delina Ibrahimaj nuk u shpreh rreth vlerësimeve të Fmn-së për amnistinë fiskale, në konferencën e përbashkët në përmbyllje të misionit. Ndërsa pas mbledhjes së qeverisë ajo deklaroi se po vijojnë konsultimet: “Ky është një prjektligj, ende në konsultim publik, me të gjithë partnerët tanë ndërkombëtarë, me të gjithë palët e interesit dhe nuk kemi ende një datë për miratimin e tij. Ne po punojmë që paralelisht të hartojmë të gjithë aktet nënligjore, me qëllim që kurdo që të arrijmë në një ligj final të kemi gati të gjithë infrastrukturën edhe për procedurat e kërkuara nga administrate shtetërore për zbatimin e tij”.

Por pavarësisht këmbanave të alarmit për rreziqet që mbart amnistia, kryetari i grupit parlamentar socialist Taulant Balla përsëriti dhe sot, se nuk ka tërheqje nga ky projekt: “Ne do ta miratojmë amnistinë fiskale”

Mbetet e paqartë nga ku buron kjo vendosmëri e socialistëve, përsa kohë, projekti, duke parashikuar dhe imunitet ndaj ndjekjes penale, kërkon një shumicë të cilësuar votash për miratim në parlament.

Aministia përfshin deklarimin vullnetar të një pasurie në vlerë monetare deri në 2 milionë euro, e cila legalizohet kundrejt një takse nga 7-10 përqind, pa asnjë përgjegjësi penale. Deri më tani asnjë nga autoritetet nuk ka dhënë shpjegim se si mund të vihet një pasuri deri në 2 milion euro me kursime nga puna. Pikëpyetje të forta janë ngritur dhe mbi aftësinë e institucioneve për të parandaluar që nga kjo nismë të mund të përfitojnë anëtarë të rrjeteve kriminale, pavarësisht kufizimeve të përcaktuara në projektligj.

Nisma e qeverisë ka hasur dhe në kundërshtime të forta të Dhomës amerikane të Tregtisë, të shumë ekspertëve të fushës, si dhe nga përfaqësuesit e opozitës, vota e të cilëve është e domosdoshme për votimin në parlament.

Zhvillimet në ekonominë shqiptare

Fondi Monetar Ndërkombëtar vlerësoi se ekonomia shqiptare ka mbajtur një ritëm pozitiv këtë vit, pavarësisht goditjes që ekonomia globale ka marrë nga lufta e Rusisë në Ukrainë. “Ne parashikojmë që rritja ekonomike për vitin 2022 të jetë 3,7 për qind, mbështetur nga një aktivitet i lartë në turizëm, në pasuritë e paluajtshme dhe tek shërbimet. Rritja parashikohet të ngadalësohet në rreth 2 për qind në vitin 2023, duke pasqyruar kushte financiare më të shtrënguara, ngadalësimin në Europë, dhe tërheqjen e nevojshme të politikave mbështetëse”, deklaroi shefja e misionit.

Norma e rritjes prej 3.7 përqind është më e lartë se parashikimi i fundit i qeverisë shqiptare. Ministrja Ibrahimaj shpjegoi se tremujori i tretë pritet të karakterizohet nga një rritje e fortë, ndërkohë që në tremujorin e fundit, rritja do të tkurret. “Pritjet për rritjen ekonomike në tremujorin e katërt mbeten të rrethuara nga pasiguri më të larta, kryesisht në varësi sesi do të shkojnë zhvillimet ekonomike ndërkombëtare. Një ngadalësim i rritjes ekonomike ka të ngjarë të ndodhë për tremujorin e fundit për shkak të pasigurive të ngritura, gërryerjes së të ardhurave reale prej inflacionit dhe shtrëngimit të kushteve financiare”, tha ajo, duke njoftuar se ashtu si dhe FMN-ja dhe qeveria e ka rishikuar për lart parashikimin për vitin 2022, në 3.7 përqind nga 3.2 përqind.

Për vitin 2023 Fondi Monetar, vlerësoi se pret që rritja ekonomike “të ngadalësohet në rreth 2 për qind në vitin 2023, duke pasqyruar kushte financiare më të shtrënguara, ngadalësimin në Europë, dhe tërheqjen e nevojshme të politikave mbështetëse”. Ndërsa ministrja Ibrahimaj tha se dhe qeveria ka rishikuar për poshtë prarashikimet e saj në 2.6 përqind nga 3.9 që ka qenë vlerësimi fillestar. Megjithatë ajo saktësoi se në varësi të zhvillimeve në mjedisin e jashtëm, kjo normë mund të bjerë dhe nën 2 përqind, por duke përjashtuar mundësinë e rënies në recesion.

Pavarësisht paqartësive dhe pasigurive ekonomike globale për të ardhmen, Fondi Monetar nuk sugjeroi masa shtrënguese nga autoritetet, por kërkoi rritjen e të ardhurave “që janë ndër më të ulëtat në rajon si përqindje e PBB-së. Duke marrë parasysh gjasat për një inflacion të lartë në vitin 2023, grumbullimi i më shumë të ardhurave tatimore do të krijonte hapësirë për ndihmë të mëtejshme të shënjestruar e të përkohshme për shtresat në nevojë, pa rritur defiçitin buxhetor”.

Investimet publike dhe PPP-të

Sipas Fondit Monetar Ndërkombëtar “forcimi i efikasitetit dhe besueshmërisë së financave publike mbetet thelbësor për ruajtjen e besimit të tregjeve dhe për zbutjen e kostove të rritura të huamarrjes”. Për këtë arsye misioni theksoi se “duhen reforma për të harmonizuar proceset e investimeve publike dhe Partneriteteve Publike Private (PPP), dhe integrimin e tyre të plotë në ciklin normal të buxhetit”, duke shtuar se “të gjitha projektet publike duhet t’i nënshtrohen kuadrit ligjor për investimet dhe prokurimin publik. Autoriteteve u kërkohet të publikojnë kontratat e prokurimit publik që lidhen me shpenzimet për pandeminë dhe rimëkëmbjen nga tërmeti, emrat e kompanive fituese dhe pronarët përfitues. Ne e ritheksojmë nevojën për minimizimin e përdorimit të akteve normative për të ndryshuar buxhetin”

Sa i takon sektorit të energjisë FMN-ja vë në dukje se “luhatja në tregun global të energjisë nënvizon urgjencën e reformave vendimtare për ta sjellë sektorin e energjisë elektrike në qëndrueshmëri financiare dhe për të ulur rreziqet fiskale. Subvencionet me bazë të gjerë duhet të hiqen, sepse u sjellin përfitime në mënyrë të shpërpjestuar atyre që kanë më shumë mundësi dhe i pengojnë sinjalet e çmimeve. Përshtatja graduale e tarifave në nivele që mbulojnë koston është kritike dhe duhet shoqëruar me masa mbështetje për shtresat në nevojë. Është gjithashtu thelbësore që të rritet transparenca e sektorit të energjisë elektrike dhe e drejtimit të ndërmarrjeve shtetërore”.

“Kujdes më ndërtimin dhe pronësinë e bankave”

Fondi Monetar vlerësoi se “vigjilenca e shtuar është jetike për të ruajtur stabilitetin financiar, ndërkohë që kushtet monetare shtrëngohen dhe konfigurimi financiar vazhdon të ndryshojë”. Misioni i FMN-së bëri thirrje “për monitorim nga afër dhe menaxhim të risqeve të mundshme nga rritja e lartë e kreditimit gjatë viteve të fundit, përfshirë huadhënien e rritur në monedhë të huaj”.

Sipas Fondit ka një mungesë të konsiderueshme të të dhënave mbi tregun e pasurive të paluajtshme dhe ndërtimin dhe “bëjmë thirrje për mbikëqyrje të shtuar të ndikimit të këtij sektori mbi stabilitetin financiar”.

Fondi kërkoi gjithashtu kujdes ndaj ndryshimit të pronësisë së bankave të nivelit të dytë që ka karakterizuar sektorin vitet e fundit, me largimin e institucioneve financiare të huaja, dhe futjen në lojë të sipërmarrësve vendas. “Prania e bankave me kapital të konsiderueshëm aksionar nga individët dhe grupet jofinanciare rrit riskun e mungesave në kapital, të transaksioneve ndërmjet palëve të lidhura dhe ekspozimeve të larta. Është kritike të garantohet që subjektet hyrëse në treg të kenë përvojë të lartë bankare dhe të përmbushin në mënyrë të vazhduar kriteret e përshtatshmërisë (përfshi aksionerët e mëdhenj dhe ata me aksione kontrolluese, pronarët përfitues dhe drejtuesit e lartë) që të operojnë në sistemin financiar shqiptar”, theksoi misioni i FMN-së duke kërkuar që “Banka e Shqipërisë të zbatojë një kuadër të përforcuar të licensimit dhe mbikqyrjes, dhe për autoritet që të zbatojnë rregullat përkatëse të konkurencës”.

Gazetarja shqiptare në Romë, Alba Kepi e ftuar në edicionin e pasdites me Armela Ferkon në Syri Tv, komentoi deklaratën e Edi Ramës për mediat italiane se kishte kontrabanduar përmes Luigi Di Maio, vaksina Pfizer, në pikun e pandemisë.

Kepi e cilësoi këtë deklaratë si të stilit ‘Rama’ duke thënë se kryeministri mundohet të luaj kartën e lojërave të fjalëve, por harron që për Italinë pandemia është periudha më e errët në historinë e saj dhe deklarata e tij ishte papërgjegjshmëri përpara italianëve.

“Në fakt është një deklaratë e stilit ‘Rama’. Sa herë qe vjen në Itali mundohet që të luaj kartën e simpatisë, e shakave, e lojërave me fjalët për të treguar se ka zotësinë e gjuhës dhe se ka miqësi me botës dhe politikën italiane, por asnjëherë nuk luan atë kartën që presim të gjithë të luaj, të një politikani që ai pretendon, në nivel global. Ishte një deklaratë në të cilën në kufijtë e së të vërtetës ishte e pabesueshme ajo që po dëgjonim. Po deklaronte për një moment kaq të errët, kaq dramatik për historinë italiane, siç është problemi i furnizimit me doza vaksinash në kohën kur në itali vdisnin me qindra persona në vit dhe e bëntë në mënyrë mjaft të lehtë dhe të papërgjegjshme duke e deklaruar përballë një publiku italian“, tha ajo.

Duke shprehur keqardhje mbi këtë situatë, Kepi shtoi se ky lajm ka shokuar ashtu si median italiane por edhe ato të huaja.

“Mua më vjen keq se ajo çka tha, jo vetëm për vaksinën, por edhe për fjalët e tjera… nëse ti kërkon t’i shtjellosh më shumë sa i takon steriotipeve napolitane të shqiptarit që ai përmendi në intervistën e tij, nuk mbeti pa komentuar me reagime jo të mira dhe nga kolegët italianë dhe të huaj. Madje kujtoj që edhe shtypi grek e ka përcjellë lajmin që mbrëmë, pasi edhe në momentin që fliste shumë kolegë më thoshin sesi është e mundur të bëhët një deklaratë e tillë. Duke e njohur se ai shumë herë luan letrën e simpatisë dhe shakave për të qenë një njeri atraktiv porsa i përket gjuhës së tij kaq të lirshme përballë gazetarëve, harron të kuptojë se po i drejtohet edhe një publiku”, shtoi Kepi.

syri.net

Kryeministri Edi Rama mori pjesë këtë të hënë në ceremoninë e mbajtur në sallën e parlamentit për 50-vjetorin e krijimit të Akademisë së Shkencave.

Gjatë fjalës së tij kryeministri vlerësoi Akademinë e Shkencave gjatë kohës së komunizmit duke thënë se ishte një institucion që qëndronte i mënjanuar nga ndikimi politik.

Ai shtoi se u desh një akademik i asaj kohe si Skënder Gjinushi, i cili do të bënte reformimin e institucionit pas 90-ës dhe do të mbillte filizat për akademinë e së ardhmes.

“Falë reformës së vitit 2019 e cila u realizua nën një ndërveprim të udhëhequr nga Akademia e Shkencave dhe përsëri edhe kjo u realizua në lidershipin e Skënder Gjinushit, imagjinojeni sa domethënëse është kjo. Përsëri duhet dikush i asaj kohe akademike që të garantoj këtë kohë kaotike me shpresën që do të kemi dhe ne kohën tonë akademike.

Sot akademia nga një vend i pashpresë përshpirtjesh, ku mbledhjet më të rëndësishme ishin ato që i jepnin lamtumirën ndonjërit që ikte në botën tjetër është kthyer në një hapësirë që po mbillen fidanët e të nesërmes”, tha Rama. syri.net

Pas takimit entuziast në Lazarat, kryetari demokrat, Sali Berisha tha në një konferencë për shtyp se Edi Rama dhe Saimir Tahiri kanë kryer krime kundër njerëzimit në Lazarat. Ai premtoi se do ketë hetim për këtë gjë dhe ndëshkim.

“Unë u ktheva më i impresionuar se kurrë në 30 vite nga një vizitë, nga vizita ime në Lazarat. Çfarë konstatova aty?

Në bisedimet e shkurtra, konstatova se Edi Rama dhe Saimir Tahiri kanë kryer krime kundër njerëzimit në këtë fshat. Krime të vërteta me operacionin e tyre anti-drogë. Bandat kriminale me uniformë nuk kanë ngurruar të vendosin tytën e automatikut fëmijës 2-3 vjeçar, nënës që mbronte fëmijët, kryeplakut të fshatit t’i shkrehin breshëritë pse bënte detyrën.

Një terrorizëm të tillë Lazarati nuk e ka parë kurrë në jetën e tij. Unë i garantoj banorët se shumë shpejt do organizoj skuadra dhe grupe hetime për të mbledhur dhe evidentuar këto krime.

Edi Ramës i them se do marrë ndëshkimin e merituar për këto krime. Ne mbetemi parti e zbatimit të ligjit, por nuk mund të pranojmë kurrë brutalitete ndaj personave pa asnjë lidhje me operacionin e tyre,” tha Berisha.

“Vizitova Derviçanin, Dropullin. Po shkretohej minoriteti. Ajo zonë ka pesë ndërmarrjet më të mëdha të Shqipërisë. Çdo ditë ato përballen me probleme të mëdha të energjisë sepse nuk u dërgohet korrenti 20 kilovolt. U thashë se Edi Rama mund të vijë dhe të thotë disa fjalë greqisht, por ai është hipokrit, një armik i lirive të tyre.

Ndaj u bëj thirrje që të lidhemi me një zotim solemn. Sot armik i qenies së tyre është sekti i Rilindjes, që i vjedh, i plaçkit dhe i keqtrajton ata çdo ditë. Falenderoj edhe njëherë të gjithë mikpritësit e mi, kthehem me mirënjohjen më të thellë ndaj tyre,” theksoi kreu demokrat. syri.net

Pas ftesës së PD , grupi i deputetëve mbështetës të Alibeajt ka mandatuar Gazment Bardhin për të negociuar me ish kryeministrin Sali Berisha dhe aleatët për te dale me një kandidat të vetëm ne zgjedhjet lokale te 2023.

DEKLARATË E GRUPIT PARLAMENTAR TË PARTISË DEMOKRATIKE

Pas diskutimeve në Grupin Parlamentar të Partisë Demokratike, deputetët në mënyrë unanime shprehën vullnetin e plotë dhe të sinqertë për të gjetur format e duhura të bashkëpunimit për zgjedhjet lokale fillimisht duke nisur me të gjithë Partinë Demokratike dhe me cdo faktor opozitar.

Në vlerësimin e Grupit Parlamentar të PD zgjidhje e vetme për tu përballur me regjimin e Edi Ramës në zgjedhjet lokale është bashkimi i cdo zëri opozitar dhe përballja me një kandidat të vetëm të PD dhe opozitës në zgjedhje.

Me qëllim diskutimin e cdo mundësie të sinqertë për bashkëpunim, Grupi Parlamentar i Partisë Demokratike ka mandatuar zotin Gazment Bardhi për të kontaktuar dhe për të hulumtuar cdo mundësi bashkëpunimi dhe daljes në zgjedhje lokale me një kandidat të vetëm të PD dhe opozitës.

Grupi Parlamentar i PD shpreh gadishmërinë për të nisur që sot nga puna për të gjetur modalitetet e bashkëpunimit mes demokratëve në zgjedhjet lokale.

syri.net

Kryetari i Partisë Demokratike, Sali Berisha, ka shprehur sot një besim shumë të madh te gratë dhe vajzat shqiptare për fitoren jo vetëm të zgjedhjeve të ardhshme vendore, por per kthimin e PD-së në pushtet dhe i ka ftuar ato që të angazhohen dhe të kandidojnë për kryetare bashkish.

Berisha tha në një konferencë sot në Tiranë se “një nga ndryshimet më të thella që mund të shënojmë ne, është ridimensionimi i rolit të gruas në PD, në jetën politike të saj dhe të Shqipërisë.

Kjo jo vetëm për një parim të barazisë dhe të shembjes së murit të patriarkisë – por dhe në aspektin elektoral gratë dhe vajzat janë konstituenca më e madhe e shqiptarëve. Ato nuk janë vetëm numerikisht më e madhja, por ato janë në një aspekt, në rrafsh elektoral, edhe cilësisht më e madhja. Fjala e tyre, përkushtimi i tyre është më i efektshëm.

Së fundmi, duhet t’ju rikujtoj këtu se “pollet” dëshmojnë se publiku shqiptar pëlqen qartësisht më shumë deputetët gra se sa burra. Ndaj dhe unë e çmoj shumë këtë ndihmë në këtë fushë të miqve tanë të cilët fituan me një zonjë kryetare, së cilës i uroj nga zemra sukseset më të mëdha në drejtimin e Suedisë.”

“Të frymëzuar dhe nga kjo valë ndryshimi, nga kjo erë ndryshimi që fryn në Europë, le të vazhdojmë këtë betejë dhe ju siguroj se me çdo ndryshim, ne afrohemi gjithnjë e më shumë drejt fitores. Ju uroj suksese.

Ju ftoj me kurajo, të kandidoni për qytetare të para të bashkive të vendit, të inkurajoni shoqet tuaja që i njihni, që ua njihni aftësinë, talentin, të kandidojnë. Jam shumë i sigurt se elektorati do t’ju mirëpresë ju më shumë, se të themi gjininë tjetër. “

Në kuadër të zgjedhjeve vendore, Kryetari i PD-së Sali Berisha mori pjesë në konferencën e mbështetur nga Fondacioni “Hjarl Hjalmarson” i partisë simotër suedeze “Moderaterna”.

Pjesë e ekipit suedez ishin: Gustav Gothberg, deputet I Parlamentit Suedez; Asa Coenraads, ish deputete e Parlamentit Suedez dhe Andreas Celan, pjesë e Fondacionit Jarl Hjalmarson.

Temat që u trajtuan:”Gratë kandidate dhe fituese” drejtuar nga deputetja Albana Vokshi, Kryetare e Lidhjes Demokratike te Gruas së Shqipërisë dhe “Skuadra fituese e një fushate të suksesshme” per drejtuesit e Tiranës , nga ish-deputeti i PD, Gerti Bogdani.

Në mbylljen e fjalës së tij në Libohovë, kryetari demokrat, Sali Berisha, ftoi sërish qytetarët që të votojnë në primare.

“Ju falënderoj për pritjen e ngrohtë. Ju falënderoj për mbështetjen e jashtëzakonshme ndaj PD-së. Ju ftoj në një moment kritik për Shqipërinë, të vendosim që nga koha jonë e çmuar, të ndajmë çdo ditë orët apo orën e misionit tonë të madh, misionit të shpëtimit të Libohovës, Gjirokastrës dhe Shqipërisë.

Ky mision sot është më i rëndësishëm se ai që kishim në vitin 1991. Në vitin 1991, ne e bëmë punën tonë, por diktaturat komuniste po binin njëra pas tjetrës se duhet të jemi realistë. Kurse sot kemi një regjim që në rrafshin e pushtetit, ka 10 përqind më shumë se sa kishte Ramiz Alia. Ka të gjitha pushtetet.

Kemi një regjim, i cili ndoshta ka vjedhur këto 8 vite qytetarët shqiptarë më shumë se që kur është mbjellë ku rrap deri më sot. Nuk mund të ketë imagjinatë njerëzore pë vjedhjet masive nga qeveria. Kjo për një shkak të vetëm. Kur vjedh kruyemiistri, vjedhja bëhet sistem. Sepse vartësit e tij rendin të vjedhin sa më shumë dhe shkon zinxhir me radhë. Është më e vështirë sot beteja, sepse kjo qeveria ka para të pafundme, nuk respekton ligj, nuk respekton moral.

Nga ana tjetër kjo është një kalbësirë, kjo është një qeveri anti-vlera. Nuk mund t’u rezistojë kurrë qytetarëve që vendosin ta largojnë ata. Detyra jonë është të punojmë me çdo qytetar të këtij vendi, me çdo biznesmen, me çdo punonjës, me çdo fermer, me çdo bari, me çdo të ri, çdo të moshuar. Të shpëtojmë veten dhe vendin.

Mundësitë në Shqipëri janë të jashtëzakonshme. Nëse Edi Rama, por nuk donte, mund të kishte trefishuar pa asnjë vështirësi rrogat dhe pensionet. Por nuk do, se do të largojë masivisht njerëzit nga Shqipëria. E ka gjithçka në funksion të karriges së tij, pushtetit të tij.

Sot një zyrtar i lartë i BE deklaronte se Ballkani pas 5 vitesh është më keq sa ishte 5 vite më parë. Absolutisht shkaku kryesor është Edi Rama dhe Aleksandër Vuçciç. Dy autokratë që nuk pyesin për votën, që marrin një nismë treshe kundër tre të tjerëve. Me Ballkanin e Hapur, Edi Rama solli falimentimin masiv të fermave në Shqipëri. 15 lopë, më tha fermeri, i solla nga Greqia. 15 kile qumështi merrja për lopë, nuk kam asnjë se nuk kam leverdi. Tani e mori qumështin pluhur nga Serbia. Në një kohë kur në vitin 2013 ishim eksportues qumështi.

Sot është një ditë kur çdo shqiptar duhet t’i thotë vetes: do të kontribuoj. Kemi një kryeministër antishqiptar në çdo gjë. Fund e krye. Arritja më e madhe pas pavarësisë ishte çlirimi i Kosovës. U bënë dy shtete të lira shqiptare. Fuqia e shqiptarëve u dyfishua. Kurse ky e kthen Tiranën në një qendër të luftës së ftohtë kundër Prishtinës, për përfitim të Beogradit.

Merret me simbolet kombëtare, shkon e shkatërron Sheshin e Flamurit në Vlorë. Si mund të shkatërrohet një shesh kombëtar? Shkatërron Teatrin Kombëtar në Tiranë. 70-vjeçar. Pse e shkatërron? Do të ndërtojë teatër më të mirë? Ndërtoje, por atë mbaje si dëshmi se ke 70 vjet skenë teatri. Po bën një batërdi për tjetërsimin e simboleve, për simbolin e shqiptarëve dhe zëvendësimin e tyre nga Bangladeshi. Nuk jemi racistë, por kryesorë kemi shqiptarët, t’i mbajmë këtu.

A do ta lejojmë ne këtë? Nuk duhet ta lejojmë kurrë. Ne duhet të ngrihemi. Duhet të bëjmë gjithçka që Libohova siç ka qenë, demokratike.

Ju garantoj se ju do zgjidhni, ju ne. Ju do zgjidhni kandidatin për qytetar të parë. Ne premtuam ndryshimin, dhe ky është ndryshimi që sjellim ne. Do jeni ju, jo ne, që do votoni për kryetarin që doni. Ama një gjë po u them: nëse lypset një seriozitet absolute nga ne, është ai për votën. Nuk ka shoqëri në botë që zhvillohet pa votën e lirë. Ajo është çelësi.

Ndaj dhe ne, me votën tonë të lirë, të zgjedhim kandidatët. I zgjidhni ju, ai ka detyrime ndaj jush. Në këtë mënyrë bëjmë hapin e dytë demokratik, ku i zgjedhuri përfaqëson atë që e ka votuar. Dhe jo siç ndodh sot, ku ka deputetë për të cilët nuk ekzistojnë qytetarët. Si nuk ndalin njëherë të mbrojnë një interes të fermerëve, të barinjve, të pensionistëve, të të rinjve. Asnjë. Po i kritikove qeveritarët, po ua kritikove një ministër, ngrihen 5 për t’i dalë zot.

Ne duhet t’i japim fund kësaj situate. Ndaj ju ftoj të merrni pjesë në primare, të zgjidhni kandidatin që doni, ju garantoj se ne do respektojmë votën tuaj.

Do e mbyll me një vlerësim të madh për Forumin Rinor të Libohovës, Dropullit, Lazaratit, Gjirokastrës, që të bëjnë gjithçka që kjo fushatë, kjo betejë të ketë energjinë, forcën dhe fytyrën e tyre,” tha Berisha.

Deputetja demokrate Grida Duma, e ftuar në emisionin ‘Çim Peka Live’ në Syri Tv komentoi situatën politike në vend dhe zhvillimet në kampin opozitar.

Teksa u ndal tek ish-kryetari i PD, Lulzim Basha, deputetja Grida Duma tha se kanë pasur gjithnjë dyshime se ai ishte i shitur dhe pjesë e pazareve.

“Dyshimi, ishte apo s’ishte i shitur, ishte në pazar kryetari formal apo nuk ishte në pazar. Ky dyshim qëndroi sepse kishte disa gjëra që logjikisht nuk përgjigjeshin.

Pse nuk propozuam emra për Reformën në Drejtësi. Pse nuk morëm pjesë në Reformën Territoriale. Jam kam thënë atëherë që ka rënë miti i rotacionit.

Kur ra 8 vjetëshi, të luash me mitet, do të thotë që ti duhet të bësh namin e strategjisë që ti besojnë njerëzit se në mandatin e tretë do ja dalësh kur nuk ia dole në rotacionin historik.

Një nga gjërat që demokratët kanë ndjerë, është që ne do luftojmë 100 për qind por për një njeri që mendojmë 100 për qind që s’na shet.”-tha Duma.

Deputetja e Partisë Demokratike, Ina Zhupa ka deklaruar sot se dhënia me PPP e Pallatit të Brigadave është një akt masakrues i Ministrisë së Kulturës. Sipas Zhupës ky është një plan tjetër i dhënies me PPP nga qeveria shqiptare.

Deputetja e PD tha se përveç Pallatit të Brigadave me planin e ri të menaxhimit që ka miratuar Ministria e Kulturës do të jepet me PPP edhe një oaz prej 37 hektarësh, hapësirë parku, që është edhe pjesë e asamblit historik.

DEKLARATA E INA ZHUPËS:

Ndodhem para Pallatit të Brigadave, Pallati Presidencial, një objekt me vlera kulturore dhe historike.

Në fakt kam ardhur këtu sot për të denoncuar një plan tjetër të dhënies me PPP nga qeveria shqiptare. Me planin e ri të menaxhimit që ka miratuar Ministria e Kulturës ka parashikuar që Pallati Presidencial i njohur si Pallati i Brigadave, por edhe një oaz prej 37 hektarësh, hapësirë parku, që është edhe pjesë e asamblit historik, të jepen me PPP. T’i jepen me koncension një privati të radhës, të zgjedhur nga qeveria.

Në planin e ri të menaxhimit, i cili shumë shpejt do të shndërrohet edhe në një marrëveshje që mund të na sjellë Ministria e Kulturës, parashikohet që në këto ambjente, në këtë zonë të mbrojtur, të ndërtohet një hotel akomodues, siç thotë plani, për delegacione të huaja apo për personalitete shqiptare. Të ndërtohet restorant, siç thotë plani, të ndërtohet një parking për vizitorët, të ndërtohen mjedise çlodhëse për vizitorët.  Pra, i gjithë fokusi është se si të ndërtojmë në këtë oaz të gjelbër. Se si të kafshojmë parkun dhe se si këto hotele, restorante t’ja japim një privati për përfitimet e tij. Ndërkohë që ky është një objekt me vlera historike, një objekt i cili është ofruar nga qeveria italiane shumë kohë më parë që të restaurohej falas për shkak të faktit që është projektuar nga arkitektë italianë.

Qeveria nuk e ka pranuar dhe e ka lënë në harresë këtë projekt që qeveria italiane i ka ofruar dhe e ka lënë të degradonte në këto 9 vite gjendja e Pallatit të Brigadave me arsyetimin që ashtu siç bënë me teatrin, për pak lagështi, të arsyetojnë që këtu duhet dhënë me koncension dhe PPP. Kjo është rruga që këta po zgjedhin për menaxhimin e trashëgimisë sonë kulturore. Dhe për ta ndalur këtë, ditën e mërkurë unë kam pasur senacën e parë dëgjimore në Komision pikërisht për ndryshimin e ligjit të trashëgimisë kulturore, për t’i mbyllur rrugën njëherë e mirë çdo PPP-je që parashikohet nga qeveria për trashëgiminë tonë kulturore, për pasurinë tonë kombëtare.

Në rast se ligji miratohet, në rast se kalon ligji, mbyllet rruga njëherë e mirë këtyre koncensioneve, si ajo e Butritit, si kjo e Pallatit të Brigadave apo të tjera që kanë plane të menaxhimit të ngjashme. Mesa duket maxhoranca nuk e ka këtë vullnet sepse i ka ndarë planet dhe është gati për oligarkët e radhës, për bashkëpunëtorët e radhës, për klientët e radhës, për njerëzit që bashkëndajnë të mirat që vijnë nga trashëgimia kulturore shqiptare.

Megjithatë ne nuk do ndalemi, do bëjmë gjithçka të jetë e mundur për të mbrojtur trashëgiminë kulturore, vlerat historike që ato përfaqësojnë për çdo shqiptar.

Qeveria shqiptare ka gati ligjin për legalizimin e kanabisit për qëllime mjekësore, ku kultivuesit do pajisen me leje 15-vjeçare.

Në draft thuhet ndër të tjera se kompanitë e interesuara për të kultivuar kanabisin duhet të vërtetojnë që kanë një kapital jo më të vogël se 100 milionë lekë.

Subjekti që fiton licencën e kultivimit të kanabisit e gëzon atë për 15 vite me të drejtë rinovimi. Sipërfaqja që mund të kultivohet në zonën e caktuar është nga 5 deri në 20 hektarë.

Po kush janë kushtet që një person duhet të marrë licencën?

Në draft thuhet se personi juridik që konkurron për licencë të aktivitetit për qëllime mjekësore, duhet:

a) të paraqesë planin e zhvillimit të biznesit, duke identifikuar modelin e kultivimit dhe qëllimin e kultivimit si dhe sipërfaqen minimale dhe maksimale të njësisë së zhvillimit.

b) të paraqesë planin e përpunimit të mjediseve për tharjen, prerjen dhe magazinimin, të pajisura në përputhje me kapacitetin prodhues, të parashikuara paraprakisht në planin e zhvillimit të

c) të paraqesë planin e sigurisë për sipërfaqen për kultivim dhe përpunim duke përcaktuar elementët e mbrojtjes, rrethimit, sigurinë me telekamera dhe sigurimi fizik për 24 orë, elementët pengues përpara hyrjes dhe tel me gjemba mbi gardhin, sipas parashikimeve të standardeve të Vendimit përkatës të Këshillit të Ministrave.

ç)  Vetëdeklarim për punësimin për të paktën pesëmbëdhjetë persona, dy prej të cilëve të jenë punonjës të kualifikuar në fushën e farmacisë dhe agroinxhinierisë me përvojë pune jo më pak se tre vjet në fushën përkatëse.

d) Vetëdeklarim për gatishmërinë për të lidhur marrëveshje me strukturën përgjegjëse të ministrisë përgjegjëse për rendin dhe sigurinë publike për të garantuar aksesin për inspektim ndaj shoqërisë private të sigurisë fizike që mbikëqyr mjediset e kultivimit të bimës së kanabisit dhe nënprodukteve te saj si dhe levizjes se automjeteve te dedikuara të qarkullimit të lëndëve të para dhe produkteve, sipas rregullave dhe tarifave të përcaktuara nga Këshilli i Ministrave.

dh) Vetëdeklarim se do të fillojë ushtrimin e veprimtarive të përshkruara në licencën e brenda 12 muajve nga hyrja në fuqi e vendimit të Këshillit të Ministrave për miratimin e licencës të aktivitetit.

e) Vetëdeklarim se pas vitit të tretë do të paguajë një tarifë vjetore të barabartë me 1,5 % të qarkullimit vjetor, por në çdo rast, jo më pak se kundërvlefta në monedhën kombëtare Lek e shumës jo më pak se 10,000,000 (dhjetë milionë) Lekë.

Sipas draftit, subjekti që fiton licencën e kultivimit e gëzon atë për 15 vite me të drejtë rinovimi. Sipërfaqja që mund të kultivohet në zonën e caktuar është nga 5 deri në 20 hektarë.

Agjencia Kombëtare e Kontrollit dhe Monitorimit të Kultivimit

Po ashtu do të krijohet Agjencia Kombëtare e Kontrollit dhe Monitorimit të Kultivimit e Përpunimit të kanabisit, strukturë e së cilës do të miratohet nga kryeministri.

–  Agjencia është institucioni përgjegjës për monitorimin e zbatimit të parashikimeve të këtij ligji në lidhje me kontrollin dhe mbikëqyrjen e kultivimit dhe përpunimit të bimës së kanabisit si dhe prodhimit të nënprodukteve të saj.

–  Agjencia organizohet dhe funksionon në nivel qendror, si person juridik publik me seli në Tiranë, në varësi të ministrit përgjegjës për shëndetësinë.

– Agjencia e shtrin veprimtarinë e saj në të gjithë territorin e Republikës së Shqipërisë dhe bashkëpunon me institucionet e administratës shtetërore në nivel qendror dhe vendor.

– Burimet e financimit të Agjencisë janë nga buxheti i shtetit dhe veprimtaria buxhetore dhe financiare e saj, i nënshtrohet legjislacionit në fuqi për menaxhimin financiar dhe kontrollin.

– Agjencia ka stemën, logon dhe vulën zyrtare. Stema përbëhet nga Stema e Republikës së Shqipërisë me shënimet “Republika e Shqipërisë, Ministria e Shëndetësisë dhe Mbrojtjes Sociale, Agjencia Kombëtare e Monitorimit të Kultivimit dhe Përpunimit të Bimës së Kanabisit dhe Prodhimit të Nënprodukteve të saj”.

– Vula e Agjencisë ka formën dhe elementët përbërës të përcaktuar në legjislacionin në fuqi për prodhimin, administrimin, kontrollin dhe ruajtjen e vulave zyrtare./ dita

Deputeti i Partisë Demokratike Agron Shehaj ka hedhur akuza në drejtim të qeverisë së Edi Ramës se po hapet tenderi për mega koncesionet prej 3.7 miliardë euro, për tre rrugët ku do të vendosen trare pagesash nga qytetarët.

Në fjalën e tij në Parlament, Shehaj denoncoi qeverinë se ka tenderuar vetëm brenda një ditë shumën prej 3.7 miliardë euro koncesione te reja, e cila përbën mbi 30 për qind e ekonomisë tonë kombëtare.

Sipas Shehajt, trau i parë do të vendoset në autostradën Milot-Thumanë dhe çdo qytetar do duhet të paguaj një taksë prej rreth 800 lekësh për çdo kalim.

Trau i dytë do të vendoset në superstradën Rrogozhinë-Fier dhe çdo automjet që do të kalojë në rrugën Rrogozhinë-Fier do të paguajë taksën prej 2.2 euro për çdo kalim.

Segmenti i tretë që është tenderuar është ai Kashar-Rrogozhinë dhe më pas edhe ky do të marrë tarifën 3.8 euro për kalim.

Fjala e plotë e Agron Shehaj:

Të dashur qytetarë!

Një javë më parë, në datën 30 shtator, qeveria shqiptare ka tenderuar pa zhurmë 3.7 miliardë euro koncesione te reja.

Po e dëgjuat mirë shifrën. 3.7 miliardë euro, një vlerë që është mbi 30 për qind e ekonomisë tonë kombëtare. E tenderuar brenda një ditë.

Tani si do tu merren qytetarëve shqiptarë 3.7 miliardë euro për llogari të klientëve të Edi Ramës?

Shume e thjeshte, qeveria ju ka dhene te drejte miqve te vete te vendosin traun dhe te taksojne shqiptaret ne 3 rruge kombetare, 2 prej te cilave te ndertuara me parate tona.

Trau i pare do te vendoset ne Autostraden Milot-Thumanë dhe cdo qytetar do duhet te paguaj nje takse prej rreth 800 lekesh per cdo kalim.

Kjo rruge prej rreth 14 km eshte ndertuar vetem para 12 vjetesh dhe ka kushtuar afro 55 mln euro dhe perdorimi i saj eshte Falas.

Qeveria vendosi se kjo autostrade, praktikisht e re, ka nevoje per 45 mln euro investime dhe se zgjidhja me e mire eshte qe keto 45 milione ti investoje privati dhe ne kembim te detyrojme shqiptaret te paguajne deri ne 290 milion euro per 35 vitet e ardhshme.

Trau i dytë do te vendoset ne superstraden Rrogozhinë Fier.

Edhe kjo një rrugë e ndërtuar prej pak  vitesh me paratë e qytetarëve.

Privati do të investojë 320 milionë euro ne nje rruge eksistuese prej vetem 45 km dhe do marre ne kembim 1,2 miliard euro.

Cdo automjet që do të kalojë në rrugën Rrogozhinë-Fier do të paguajë taksen prej 2.2 euro për cdo kalim.

Plot 1.2 miliardë euro, praktikisht është një aferë me vlerë 3 herë më e madhe se koncesioni i Rrugës së Kombit.

Segmenti i tretë që është tenderuar është ai Kashar-Rrogozhinë.

Këtu nuk ka rrugë ekzistuese dhe privati sipas qeverise do te investoje 460 milionë euro për te ndërtuar 44 km rruge me nje kosto marramendese prej mbi 10 mln per km.

Më pas edhe ky do të marrë tarifën 3.8 euro për kalim.

Per kete rruge privati do investoj formalisht 460 mln euro, sepse qartesisht kostoja eshte e fryre, dhe ne kembim do marre mbi 2.2 miliard euro.

Tani, nuk ka asnje dyshim qe kjo qeveri nepermjet koncesioneve po kryen nje nga vjedhjet me te medha te parave publike dhe private te pare ndonjehere, dhe jo vetem ne Shqiperi.

Nuk besoj se mund te ketë ndodhur ne ndonje shtet tjeter, sado te korruptur, qe ne nje dite te jene kryer afera me nje vlere sa ⅓ e prodhimit te brendshem bruto te nje shteti.

S’ka dyshim se fituesit e këtyre rrugëve janë paracaktuar.

Por ne fakt emrat kane pak rendesi ne krahasim me permasat dhe pasojat e ketij fenomeni mbi fatin e vendit tone.

Shikoni tani cfarë u bëhet qytetarëve.

Detyrohen të paguajnë rrugën me paratë e taksave të tyre kur ndërtohet.

Detyrohen të paguajnë për të kaluar dhe pse e kanë ndërtuar me paratë e tyre.

Dhe në fund qeveria u ka vendosur dhe taksë qarkullimi 32 lekë në cdo litër naftë që blejnë. Tre herë pagesë për të njëjtën gjë. Një batërdi korruptive e paaimagjinueshme.

Dhe megjithate, kjo eshte vetem njera ane e medaljes.

Une nuk jam ketu sot per te denoncuar abuzimin e rradhes te nje ministri, deputeti qe perfiton nga pushteti, apo perfitimin e nje oligarku te aseteve publike.

Ne fakt, kjo qe po ndodh ne Shqiperi nuk eshte nje fenomen i vecante apo i padegjuar ndonjehere. Ketu kemi te bejme me kapjen e pushtetit ekonomik dhe pasurive kombetare nga ana e Kryeministrit dhe rrethit te tij te ngushte per mbajtjen e pushtetit.

Kjo qeveri thjesht po aplikon ne Shqiperi nje model te sterperdorur nga dhjetra vende te tjera te prapambetura ne Afrike, Ameriken Latine apo Azi.

Modeli eshte shume i thjeshte: nje politikan merr pushtetin, nepermjet pushtetit politik vendos ne duart e nje grupi te ngushte njerezish pasurite shteterore dhe ekonomine vendase dhe me mbeshtetjen e tyre garanton qendrimin ne pushtet per dekada te tera.

Ky eshte modeli, Rama nuk ka shpikur asgje, ka zgjedhur te zbatoje kete model, nepermjet te cilit shume autokrateqendrojne ne pushtet me dekada ne vende me regjime hibride apo demokraci gjysmake.

Nese ne nje vend afrikan, pushteti privatizon tek njerezit e vet miniera dhe puse nafte, ne Shqiperi, kjo qeveri perdor koncensionet per privatizimin e bregdetit, rrugeve, portet, apo asete te tjera kombetare.

Sidomos rastet e koncesioneve te permasave gjigande si keto prej 3,7 mld euro tregojne se nuk kemi te bejme thjesht me nje rast korruptiv qe varferon shqiptaret, ky eshte nje plan i qarte per te mbajtur pushtetin nepermjet kapjes se ekonomise.

Keto koncesione nuk jane thjesht nje vjedhje, ato jane instrumenti per te ndalur funksionimin e demokracise ne Shqiperi dhe rrotacionin e pushtetit politik.

Demokracia eshte ne rrezik sepse kjo shume gjigante parash eshte arma kryesore qe Rama ka per te fituar zgjedhjet e ardhshme dhe jo vetem.

Pushteti gjeneron para dhe paraja sjell pushtet, ky eshte modeli, keshtu mban pushtetin Rama, keshtu vritet demokracia, shtypen protestat, kontrollohen mediat, zbrazet Shqiperia dhe vendoset pushteti absolut.

Prandaj i ftoj te gjithe qe te reagojne, sepse me koncesionet nuk humbasim thjeshte te drejten per te udhetuar falas ne rruget e privatizuara nga Rama, por humbasim lirine per te zgjedhur se kush duhet te qeverise, humbasim te drejtat themelore te demokracise, humbasimlirine dhe te drejten e votes.

Ju faleminderit! syri.net

Pedagogët dolën sot në protestë para Universitetit Politeknik. Sindikata e Punonjësve të Universiteteve të Shqipërisë u bëri sërish thirrje të gjithë pedagogëve që të mbështesin protestën, ndërsa rithekson edhe njëherë kërkesat kryesore të pedagogëve. Pedagogët kanë paralajmëruar se do bojkotojnë plotësisht mësimin më 17 tetor, kur pritet të nisë viti i ri akademik.

Kërkesat

1.Rritjen e pagave për pedagogët dhe stafin ndihmës-akademik e administrativ

2.Rritjen e financimit për kërkimin shkencor

3.Rivendosjen e shtesave mbi pagë për “Dëmshmëri shëndeti në punë”

4.Rritjen e shtesës mbi pagën për vjetërsinë në punë

5.Rritjen e pagesës së orëve të ngarkesës suplementare

6.Rivlerësimin e orës mësimore

7.Rishikimin e tatimit prej 23% mbi pagesën e ngarkesës suplementare

8.Amendimin pikës C të VKM Nr. 112 për kriteret e marrjes së titullit “Profesor”

9.Për të bërë transparencë mbi buxhetin dhe të ardhurat e universiteteve publike, si dhe përdorimin e tyre.

Gjykata e Posaçme merr të pandehur kryebashkiakun e Mallakastrës, Qerim Ismaili, për akuzën e falsifikimit të formularëve.

Gjykata pranoi kërkesën e tij për gjykim të shkurtuar, ku seancën e radhës, e cila do mbahet më 19 tetor, pritet që SPAK të lexojë konkluzionet përfundimtare.

Sipas Prokurorisë së Posaçme, Ismaili dyshohet se ka fshehur një dënim në shtetin grek për rrahje në formularin e deklarimit, ngjarje e ndodhur në vitin 1998.

Hetimet ndaj tij nisën pas denoncimit të Partisë Demokratike.

Më herët edhe Prokuroria e Përgjithshme kishte vërtetuar dënimin penal në Greqi.

Komisioni Qendror i Zgjedhjeve u vu në dijeni por në fund vendosi që të mos ia hiqte mandatin e kryebashkiakut me argumentin se vepra penale që ai kishte kryer në Greqi, në Shqipëri dënohet vetëm me gjobë.syri.net

Të dhëna të tërthorta tregojnë se, numri i familjeve në Shqipëri po bie me shpejtësi nga viti në vit, kryesisht si rrjedhojë e emigracionit të lartë.

Në anketën e përvitshme mbi buxhetin e familjeve, INSTAT raportoi se numri i familjeve arriti vitin e kaluar arriti në 765,551, ose 3412 familje më pak se në vitin 2020.

Të dhënat nga anketa e buxhetit të familjes tregojnë se numri i familjeve ishte me rritje deri në vitin 2018, por pastaj nisi rënia. Në vitin 2019 kishte gati 1000 familje më pak se në 2018 dhe në vitin 2021 numërohen 7.1 mijë familje ose 1 % më pak se në vitin 2018, kur shënohet dhe numri më i lartë i familjeve në dekadën e fundit.

Pas vitit 2014 u përhap emigrimi masiv i familjeve nëpërmjet kërkesës për azil ekonomik në vendet e BE, kryesisht në Gjermani dhe Francë. Këtë vit një rrugë e re emigracioni me gomone në Britani po gjeneron një trafik të ri të familjeve shqiptare.

Gjithashtu bashkimet familjarë me emigrantët e ikur në dekadën e parë të emigracionit po zbrazin vendin gjithnjë e më shumë nga familjet.

Anketa te mëparshme nga INSTAT kanë gjetur se emigracioni në dekadën e fundit mori tiparet e largimit të njësive familjare. Pas heqjes se vizave në vitin 2013 shanset për emigruar me gjithë familjen u rritën.

Gjeografia e emigracionit në dekadën e fundit ka prekur edhe qarqet me nivelin më të lartë të jetesës siç është Tirana, Fieri dhe Durrësi, ku të ardhurat mesatare të familjeve janë përgjithësisht mbi mesataren kombëtare.

Anketa e emigracionit 2011-2019 ka gjetur se, qyteti i Shkodrës pati nivelin më të lartë të emigracionit në raport me popullsinë e qarkut. Gjatë periudhës 2011-2019, ka emigruar 16.7% e popullsisë së qytetit, rreth 36 mijë persona, nga të cilët 15,700 janë emigrime familjare.

Pas Shkodrës, Fieri renditet i dyti për nivelin e lartë të emigracionit në raport me popullsinë. Në dekadën e fundit ka emigruar nga Qarku i Fierit 15,5% e popullsisë, ku 5% e tyre ishin të grupuar në familje. Nga Qarku i Fierit, i cili është dyti për nivelin e lartë të jetesës pas Tiranës, janë larguar mbi 48 mijë persona. Vendin e tretë e zë Qarku i Durrësit, i cili ka humbur 14.1% të popullsisë në dekadën e kaluar, ku popullsia është pakësuar me mbi 37 mijë persona.

Tirana zë vendin e katërt për nivelin e lartë të emigracionit në total. Popullsia e Qarkut të Tiranës është pakësuar me 13.7%, ose me 102 mijë persona gjatë 2011-2019, por 77 mijë persona kanë migruar të grupuar në familje. Anketa ka zbuluar se Tirana ka emigracionin më të lartë të njësive familjare krahasuar me qarqet e tjera. Gjatë periudhës, 10.3% e familjeve të qarkut kanë emigruar.

Në vend të pestë për emigrim të lartë vjen Elbasani, ku ka emigruar 12.5% e popullsisë banuese e regjistruar më 2011, ku 5.2% e tyre ishin të grupuar në familje. Në vendin e gjashtë, Qarku i Kukësit i cili ka humbur në emigrim 12.4% të popullsisë gjatë dekadës, më shumë se 10 mijë persona, por ky qark është prekur shumë edhe nga migrimi brenda vendit i popullsisë./B.Hoxha/MONITOR

Shqipëria është renditur në vendin e 74 mes 128 vendeve të botës sa i takon indeksit të Bazelit kundër pastrimit të parave.

Ky pozicionim ka ardhur me një përmirësim me vetëm dy në raport me një vit më parë por Shqipëria kryeson si vendi me risk më të lartë në rajon sa i takon pastrimit të parave. Totali i pikëve të mbledhura për 6 treguesit e marrë në vlerësim është 4.92.

Kosova sipas indeksit ka një pozicionim më të mirë me një total pikësh prej 4.14, Serbia me 4.87, Maqedonia e Veriut me 3.94 , Mali i Zi me 3.99. Indeksi llogarit me 0 riskun më të ulët dhe 10 riskun më të lartë. Të tjerë vende afër nesh si Greqia apo Italia renditen me një pikëzim më të mirë prej respektivisht 3.71 dhe 4.55.

Vendet me riskun më të lartë të pastrimit të parave referuar indeksit janë Sudani i Jugut, Republika e Kongos, Afganistani, Haiti, Myanmar, Irani, Mozambiku apo Guinea, ndërkohë që vendet me rrezikun më të ulët sipas indeksit janë Estonia, Finlanda, Andora, Monako(për dy të fundit është bërë shënimi se mungojnë disa të dhëna të rëndësishme të pa raportuara), Suedia apo Islanda.

Por cilët janë elementët që merren në vlerësim për të nxjerrë pikëzimin final?

Së pari është kuadri ligjor për parandalimin e pastrimit të parave ku Shqipëria vlerësohet me 4.6, më pas vijnë korrupsioni dhe ryshfeti ku Shqipëria shënon 5.95 duke qenë një nga treguesit më negativë në vlerësimin por kryesimin në fakt e mban transparenca financiare me një vlerësim 6.14. Më mirë paraqitet transparenca publike me një vlerësim 3.4 ndërkohë që në nivele jo fort pozitive shfaqet edhe risku politik dhe ligjor me 5.54.

Pavarësisht këtyre treguesve Shqipëria cilësohet si një vend me rrezik mesatar të pastrimit të parave teksa ndaj saj ka “sanksione” të tilla si futja në listën e vendeve të treta me rrezik nga Britania e Madhe apo monitorim të rritur ( lista gri).

Në shkurt të vitit 2020 Shqipëria u rikthye në listën gri të vendeve që paraqesin rrezik për pastrimin e parave për shkak të deficencave strategjike të gjetura nga Task Forca për Veprim Financiar.

Sipas rekomandimeve të vitit 2020 Shqipëria duhet të punonte për të zbatuar planin e saj të veprimit, duke përfshirë:

(1) kryerjen e një analize shtesë të thelluar për të kuptuar sa duhet pastrimin e parave dhe rreziqet e tjera, dhe forcimin e koordinimit dhe bashkëpunimit institucional;

(2) përmirësimin e trajtimit në kohë të kërkesave për ndihmë juridike të ndërsjellë;

(3) krijimi i mekanizmave efektiv për zbulimin dhe parandalimin e infiltrimit kriminal të ekonomisë, përfshirë forcimin e kompetencave të autoriteteve kompetente për të ndërmarrë veprimet e nevojshme;

(4) duke siguruar që informacionet e sakta dhe të azhurnuara të pronësisë janë të disponueshme në baza në kohë;

(5) rritja e numrit dhe përmirësimi i sofistikimit të ndjekjeve penale dhe konfiskimeve për pastrimin e parave, veçanërisht në rastet që përfshijnë vepra kallëzuesish të huaj ose pastrim parash të palëve të treta;

(6) përmirësimi i zbatimit të sanksioneve financiare të synuara, veçanërisht përmes veprimit të zgjeruar mbikëqyrës dhe afrimit të synuar, proaktiv./N.Maho/MONITOR

Reshjet e dendura, që përfshinë gjithë zonën malore në verilindje të Shqipërisë gjatë dhjetë ditëshit të fundit të shtatorit, kanë nxjerrë në dukje pasojat e rënda që shkakton erozioni malor. Në zona të tilla si Tropoja, Mirdita, Vau i Dejës apo fshati turistik i Thethit, jo vetëm që u rrezikua jeta dhe pasuria e disa familjeve, por infrastruktura urbane pësoi dëme të konsiderueshme. Eksperti i mjedisit, Mark Rupa, thotë se fenomeni pati një shtrirje të gjërë dhe se komunitetet lokale duhet të mbrojnë natyrën.

“Gjatë muajit shtator kemi shumë humbje jete në të gjithë basenin e Mesdheut si pasojë e përmbytjeve. Fatmirësisht, në Shqipëri nuk pat raste të tilla, por ne duhet të jemi të gatshëm që, duke mbrojtë natyrën, duke e pyllëzu, duke e rritë vlerën e sipërfaqeve tona natyrore, të ruajmë jetën tonë, mirëqenien dhe do të kemi një të ardhme më të sigurtë në territoret ku banojmë”, thotë ai.

Erozioni malor, thotë eksperti Rupa, është mjaft problematik pasi varfëron tokën, ndryshon relievin e zonës duke dëmtuar infrastrukturën dhe banesat. Ndërsa për profesorin e gjeografisë, Ervis Krymbin, po vërehet një çrregullim i fenomenit të reshjeve pasi, brenda ditës bien reshjet e tre apo katër muajve.

“Jemi mësuar që të shikojmë përmbytje në zonën e Nënshkodrës apo në rrethinat e Shkodrës, por përmbytja këtë herë u has pikërisht në zonën malore. Ka disa arsye që ndodh ky fenomen. Së pari, ka një shpyllëzim jashtëzakonisht shumë të madh të zonave malore dhe, normalisht, kur ka shpyllëzim hasim me këto fenomene negative, që ndodhin në territor, si përmbytja apo fenomeni i erozionit të tejskajshëm”, thotë ai.

Zona malore në veri të Shqipërisë ka sipërfaqen më të madhe me pyje, por, gjatë 30 viteve të fundit, ajo është dëmtuar ndjeshëm për shkak të prerjeve të jashtëligjshme, shfrytëzimit pa kriter dhe zjarreve thuajse të përvitshëm. Sipas ekspertit Rupa, përveç temperaturave të pazakonta të shtatorit, reshjeve të shumta, ndërtimit të hidrocentraleve lokale që kanë ndryshuar rrjedhën e ujërave malore, shkak për erozionin malor është edhe dëmtimi, përgjatë viteve, i mbulesës pyjore.

“Zjarret e shkaktuara vitet e fundit nga njerëzit apo natyra kanë ekspozu sipërfaqe të jashtëzakonshme në Shqipëri, sipërfaqe që kërkojnë ndërhyrje urgjente përmes masave të gjelbra, mbjelljeve, por edhe sistemimeve malore me prita malore, me pyllëzime apo me sistemime”, thotë ai.

Për këto, thotë eksperti Rupa, është e nevojshme të angazhohen jo vetëm specialistët, por edhe vetë komunitetet lokale, ndërsa shteti mund të ndërmarrë skema financimi për të mbrojtur këto zona nga erozioni, por edhe për të punësuar banorët e kësaj zone me nivel të lartë të varfërisë. Edhe profesori i gjeografisë, Ervis Krymbi, thotë se institucionet duhet të jenë më të vëmendshme ndaj asaj që po ndodh në zonën malore në verilindje të vendit.

“Shumë zona të tilla turistike, si Thethi apo edhe zona të tjera, janë atraksione të veçanta natyrore, prandaj duhet një vëmendje shumë më e madhe, nga të gjitha institucionet, për riparimin dhe parandalimin e këtyre dëmeve jashtëzakonisht të mëdha që shkaktohen në natyrë. Kjo, jo vetëm për aspektin turistik, por edhe për ata banorë të atyre zonave atje”, thotë ai.

Nderkohë, banorët e disa fshatrave të Mirditës dhe Vaut të Dejës, ku edhe dëmet në infrastrukturë janë më të mëdha, po protestojnë prej disa ditësh në përpjekje për të tërhequr vëmendjen e institucioneve vendore dhe qendrore për marrjen e masave të shpejta për frenimin e erozionit në këto zona.

Policia e Durrësit ka zbardhur emrat e personave të arrestuar në kuadër të operacionin të koduar “Porositësi”.

Grupi kriminal u godit pas marrjes peng të dy vëllezërve Gentjan dhe Indrit Beqiraj në autostradën Durrës-Tiranë, dy ditë më parë.

Dyshohet se dy vëllezërit Beqiraj po planifikonin të vrisnin Aleksandër Lahon, i njohur ndryshe si Rrumi i Shijakut.

Ky i fundit, për të parandaluar ngjarjen e rëndë, u bëri dje pritë dy vëllezërve në autostradë.

Personat e arrestuar në operacionin ‘Porositësi’

1. Gentjan Beqiraj, 39 vjeç, banues në Durrës, për veprat penale “Mbajtja pa leje dhe prodhimi i armëve, armëve shpërthyese dhe i municioneve” dhe “Sigurimi i kushteve dhe mjeteve materiale për kryerjen e vrasjes”, kryer në formën e grupit të strukturuar kriminal;

2. Indrit Beqiraj., 32 vjeç, banues në Durrës, për veprat penale “Mbajtja pa leje dhe prodhimi i armëve, armëve shpërthyese dhe i municioneve” dhe “Sigurimi i kushteve dhe mjeteve materiale për kryerjen e vrasjes”, kryer në formën e grupit të strukturuar kriminal;

3. Flamur Bejko., 52 vjeç, banues në Durrës (punonjës i Policisë së Burgjeve, Durrës), për veprat penale “Mbajtja pa leje dhe prodhimi i armëve, armëve shpërthyese dhe i municioneve” dhe “Sigurimi i kushteve dhe mjeteve materiale për kryerjen e vrasjes”, kryer në formën e grupit të strukturuar kriminal;

4. Pellumb Hoxha., 52 vjeç, banues në Fushë Krujë, për veprat penale “Mbajtja pa leje dhe prodhimi i armëve, armëve shpërthyese dhe i municioneve” dhe “Sigurimi i kushteve dhe mjeteve materiale për kryerjen e vrasjes”, kryer në formën e grupit të strukturuar kriminal;

5. Idajet Hoxha., 42 vjeç, banues në Bulqizë, për veprat penale “Mbajtja pa leje dhe prodhimi i armëve, armëve shpërthyese dhe i municioneve” dhe “Sigurimi i kushteve dhe mjeteve materiale për kryerjen e vrasjes”, kryer në formën e grupit të strukturuar kriminal;

6. Armand Dalipi (Daka)43 vjeç, banues në Durrës, për veprat penale “Mbajtja pa leje dhe prodhimi i armëve, armëve shpërthyese dhe i municioneve” dhe “Sigurimi i kushteve dhe mjeteve materiale për kryerjen e vrasjes”, kryer në formën e grupit të strukturuar kriminal;

7. Fatjon Myrta, 52 vjeç, banues në Sukth, për veprën penale “Heqja e paligjshme e lirisë”;

8. Blerim Elezi, 51 vjeç, banues në Tiranë, për veprat penale “Prodhimi dhe shitja e narkotikëve”, “Mbajtja pa leje dhe prodhimi i armëve, armëve shpërthyese dhe i municioneve” dhe “Prodhimi, mbajtja, blerja apo shitja pa leje e armëve të ftohta”;

9. Gentian Sheshi., 50 vjeç, banues në Durrës, për veprën penale “Mbajtja pa leje dhe prodhimi i armëve, armëve shpërthyese dhe i municioneve”;

10. Kujtim Deliallisi, 64 vjeç, banues në Shijak, për veprën penale “Mbajtja pa leje dhe prodhimi i armëve, armëve shpërthyese dhe i municioneve”;

11. Albano Hajdari, 38 vjeç, banues në Durrës, për veprën penale “Mbajtja pa leje dhe prodhimi i armëve, armëve shpërthyese dhe i municioneve”;

12. Fatjon Hajdari, 39 vjeç, banues në Durrës, për veprat penale “Prodhimi, mbajtja, blerja apo shitja pa leje e armëve të ftohta” dhe “Prodhimi dhe mbajtja pa leje e armëve të gjuetisë dhe sportive”;

13. Armando Lama., 32 vjeç, banues në Durrës, për veprën penale “Mbajtja pa leje dhe prodhimi i armëve, armëve shpërthyese dhe i municioneve”, i dënuar më parë po për këtë vepër penale;

14. Altin Celami., 43 vjeç, banues në Tiranë (ushtarak në repartin e Pezë Helmës, Tiranë), për veprën penale “Mbajtja pa leje dhe prodhimi i armëve, armëve shpërthyese dhe i municioneve”;

Gjithashtu u referuan materialet shtesë në Prokurori, për shtetasin Ilirjan Feçi ., i arrestuar më parë në kuadër të operacionit “Golden Bullet”.

Në vijim të operacionit “Porositësi” u shpallën në kërkim shtetasit:

1. Agron Bejdolli., 51 vjeç, banues në Durrës, për veprën penale “Heqja e paligjshme e lirisë”;

2. Aleksander Laho alias Pellumb Muharremi, banues në Sukth, për veprën penale “Heqja e paligjshme e lirisë”;

3.Dritan Ferra alias Dritan Muça alias Dritan Prifti,, 42 vjeç, banues në Shijak, për veprën penale “Heqja e paligjshme e lirisë”;

4. Alban Skonja, 39 vjeç, banues në Durrës, për veprat penale “Mbajtja pa leje dhe prodhimi i armëve, armëve shpërthyese dhe i municioneve” dhe “Sigurimi i kushteve dhe mjeteve materiale per kryerjen e vrasjes” e kryer në formën e grupit të strukturuar kriminal;

5. Kevin Zeneli alias Kevin Suçi, 23 vjeç, banues në Durrës, për veprat penale ‘’Vrasja’’, “Mbajtja pa leje dhe prodhimi i armëve, armëve shpërthyese dhe i municioneve” dhe “Sigurimi i kushteve dhe mjeteve materiale për kryerjen e vrasjes”, kryer në formën e grupit të strukturuar kriminal. Aktualisht është në kërkim ndërkombëtar, për një tentativë vrasjeje në Belgjikë.

Gjithashtu, u referuan materialet në Prokurori, për shtetasin Kasander Noga , aktualisht i arrestuar në Belgjikë.

Strukturat hetimore të Drejtorisë Vendore të Policisë Durrës, në bashkëpunim të ngushtë me Departamentin e Policisë Kriminale në Policinë e Shtetit, nën drejtimin e Prokurorisë pranë Gjykatës së Rrethit Gjyqësor Durrës, kanë intesifikuar veprimet hetimore për zbardhjen e ngjarjeve kriminale të ndodhura më parë, identifikimin dhe kapjen e autorëve.

Policia njofton se: 

Në kuadër të veprimeve të thelluara të kryera në vijimësi, si dhe atyre të kryera gjatë dy ditëve të fundit, nisur edhe nga konflikti mes 2 vëllezërve me disa persona të tjerë, u bë e mundur zbardhja e disa ngjarjeve kriminale, si dhe qëllimi i konflikit të ndodhur më datë 02.10.2022, në autostradën Durrës-Tiranë, në vendin e quajtur “Koxhas”, ku disa persona me automjete kanë goditur motomjetin e dy vellezërve G. B. dhe I. B. dhe më pas kanë marrë me vete, njërin prej tyre, për disa minuta.

Në sajë të veprimeve të shpejta, reagimit dhe presionit policor, personat që kishin marrë në automjet shtetasin I. B., në pamundësi për të dalë me automjet nga perimetri i rrethimit të Policisë, e kanë lënë në rrugë shtetasin I. B., kanë braktisur automjetet dhe kanë mundur të largohen në këmbë.

Nga tërësia e veprimeve hetimore u bë dokumentimi i plotë i kësaj ngjarjeje dhe identifikimi i autorëve të saj. Është vënë në pranga njëri prej autorëve dhe janë shpallur në kërkim 3 të tjerë. Gjithashtu u sekuestruan mjetet e përdorura në këtë ngjarje. Në automjetin me të cilin është marrë peng shtetasi I. B. janë gjetur dhe fiksuar prova shkencore.

Në vijim të hetimeve të thelluara, të nisura më parë nga Policia e Durrësit, në bashkëpunim me Prokurorinë, ka rezultuar se personat e arrestuar, në bashkëpunim me njëri-tjetrin, kanë vepruar në formën e një grupi të strukturuar kriminal, nga viti 2021 dhe në vazhdim.

Shtetasit G. B. dhe I. B., në periudha të ndryshme kohore, janë kontaktuar nga shtetasit K. Z. alias K. S. dhe I. F., për llogari të shtetasit K. N., kundrejt pagesave nga 50 mijë deri 150 mijë euro, për të kryer vrasjen e një shtetasi dhe të nipërve të tij, në qytetin e Tiranës, si dhe për vrasjen e shtetasit A. M., në qytetin e Durrësit.

Për realizimin e kësaj veprimtarie, 2 vëllezërit janë paguar paraprakisht me një shumë prej 6000 eurosh. Fillimisht ata kanë siguruar kushtet e nevojshme për kryerjen e vrasjes, si armë zjarri, automjet, motoçikletë, si dhe kanë marrë me qira një banesë, në afërsi të objektivit.

Në lidhje me objektivin e parë për të cilin ishte marrë porosia, për një shtetas dhe nipërit e tij, ishte planifikuar që vrasja të behej në zonën e Don Boskos, pasi ky shtetas frekuentonte një lokal të caktuar në këtë zonë. Pavarësisht porosisë dhe planifikimit, shtetasit G. B. dhe I. B. nuk kanë kryer veprime aktive në këtë ngjarje.

Vrasja e këtij shtetasi nuk u krye për shkak të ngatërrimit të objektivit dhe për pasojë, më datë 04.01.2022 u vra shtetasi A. Ç. alias E. Ç. dhe u plagosën 4 shtetas të tjerë. Autori i kësaj ngjarjeje dyshohet të jetë shtetasi K. Z., i cili pas ngjarjes është ndihmuar nga dy vëllezërit, për t’u larguar jashtë shtetit.

Në lidhje me planifikimin dhe marrjen e porosisë për vrasjen e shtetasit A. M., nga hetimet e thelluara rezultoi se 2 vëllezërit kishin siguruar kushtet për kryerjen e vrasjes së tij. Dy vëllezërit ishin porositur nga shtetasi K. Z. dhe kjo vrasje ka ndodhur pak kohë më vonë, por ende nuk është zbardhur plotësisht se nga kush është kryer kjo vrasje.

Nga hetimet e thelluara rezulton se prosositësi i dy vrasjeve të mësipërme është shtetasi K. N., i cili aktualisht është i arrestuar në Belgjikë. Ky shtetas ka porositur shtetasin K. Z., i cili ka paguar dy vëllezërit, për krijimin e kushteve për kryerjen e vrasjeve.

Gjithashtu, dy vëllezërit janë kontaktuar dhe porositur edhe nga shtetasi F. B., që kundrejt pagesës të kryenin vrasjen e shtetasve S. Z. dhe I. H. Për këtë veprimtari kriminale, vëllezërit kanë marrë një shumë paraprake prej 3500 eurosh dhe kanë siguruar mjetet për realizimin e kësaj ngarjeje dhe konkretisht 4 kg eksploziv, si dhe një armë zjarri automatik, të cilat janë gjetur dhe sekuestruar gjatë kontrolleve të ushtruara nga shërbimet e Policisë, gjatë datës 3 tetor 2022.

Personat e tjerë të lartpërmendur, aktualisht të arrestuar, janë të përfshirë në aktivitetin kriminali të dy vëllezërve.

Në cilësinë e provës materiale u sekuestruan: 1 kallashnikov, municion luftarak, 4 kilogramë eksploziv, fitil zjarrpërcjellës, detonator elektrik për shpërthime në distancë, 4 automjete, nga të cilat 2 blinduara, 2 motoçikleta, lëndë narkotike kokainë, 17 aparate celulare, 3050 euro, 2 armë gjahu shotgan, 1 thikë, sprajt neutralizues, 4 pistoleta sportive dhe 1 palë targa.

Gjyqtari Besnik Cani, i shkarkuar nga Kolegji i Posaçëm i Apelimit, ka fituar gjyqin në Strasburg. Besnik Cani u shkarkua në 27 shkurt 2020 nga KPA.

Kolegji i Posaçëm i Apelimit e shkarkoi nga detyra prokurorin Besnik Cani pas ankimimit që bëri Operacioni Ndërkombëtar i Monitorimit (ONM).

Fillimisht Cani kaloi vetingun pavarësisht disa problemeve që shfaqi me pasurinë. Më pas, ai u zgjodh anëtar i Këshillit të Lartë të Prokurorisë.

Gjithashtu, edhe Komisioneri Publik ankimoi vendimin e Komisionit të Pavarur të Kualifikimit, që pavarësisht problemeve me justifikimin e pasurisë dhe anën profesionale dhe etike, e konfirmoi në detyrë prokurorin Cani.

Pjesë e vendimit për shkarkimin e tij ka qenë dhe Luan Daci, i cili u dënua me vendim të formës së prerë me shërbim provë për falsifikim dokumentesh.

Tashmë hapet mundësia që të gjitha vendimet ku ka qenë pjesë ish-anëtari i KPA, Luan Daci, të ankimohen në Strasburg. syri.net

Kryetari i Partisë Demokratike, Sali Berisha në një prononcim për mediat jashtë parlamenti kërkoi që Basha të bëjë transparencë lidhur me akuzën e fondeve ruse.

Kjo thirrje është e disata herë që drejtohet Bashës pasi ai është anëtar i PD-së dhe deputet i grupit të PD, duhet të sqarojë të gjitha dyshimet që janë ngritur.

Pyetje: Keni një koment për disa takime që ka nisur Lulzim Basha me disa anëtarë të PD-së?

Berisha: I vetmi koment që kam unë për Lulzim Bashën është të bëjë transparent problemin e fondeve ruse. Kjo është shumë serioze. E them në mënyrë të vendosur. Unë nuk kam komunikuar kohët e fundit, por Komisioni i Auditit i krijuar për këtë qëllim atij do ti japë të drejtën të shpjegojë këtë aktakuzë të rëndë, por tërësisht personale, pasi është faktuar se ajo nuk ka pasur lidhje me asnjë institucion të PD, nuk ka hyrë dhe dalë nga arka e PD, asnjë qindarkë. Kjo është e sigurtë.

Unë mendoj se është e domosdoshme që ai të sqarojë këtë akuzë të përsëritur, tashme. U bë njëherë nga gazetarë të Mother Jones, por tani nuk janë gazetarë, por shërbime inteligjente të SHBA.

Pyetje: Këto takime i shikoni si të padëmshme që bëhen pak muaj para zgjedhjeve lokale?

Berisha: Nuk kam asnjë lloj impresioni. U thashë edhe njëherë, me Bashën kam vetëm këtë problem, përsa kohë ai është anëtar i PD-së dhe deputet i grupit të PD, ai duhet të bëjë transparencë dhe ky është një kusht shumë i rëndësishëm. Nuk mund të pranohet një gjë e tillë pa u sqaruar. Të gjithë presin këtë sqarim.syri.net

Pas publikimeve në media dhe në rrjetet sociale të të thënave shumë sensitive të policisë së shtetit kanë reaguar edhe këta ta fundit duke i kërkuar, medias që të mos publikojë të dhënat që janë bërë publike nga hakret e Homelen Justice

REAGIM I POLICISË SË SHTETIT:

Nga deklarimet e bëra sot në media dhe referimet e këtyre deklarimeve, sipas të cilave janë marrë të dhëna nga sistemi MEMEX, sqarojmë opinionin publik se ky sistem nuk është prekur dhe se këto të dhëna nuk kanë të bëjnë fare me databazën e sistemit policor MEMEX.

Policia e Shtetit njofton se, deri në këto momente, nuk janë prekur apo dëmtuar të dhëna sensitive që administrohen në këtë sistem, të cilat kanë të bëjnë me punën policore.

Policia e Shtetit, në bashkëpunim të ngushtë me partnerët, po heton origjinën e rrjedhjes së këtyre të dhënave dhe apelon që, në zbatim të urdhrit të prokurorit, të datës 19.09.2022, të mos publikohen nga mediat audiovizive, të shkruara, online, në rrjete sociale apo në çdo formë të publikimit apo transferimit, të dhëna që postohen nga autorët e këtij sulmi kibernetik ndaj sistemeve dixhitale të Policisë së Shtetit. syri.net

Kryetari demokrat, Sali Berisha, denoncoi sot publikimin nga nga hakerat të listës së çdo shqiptari të dyshuar për krime në vend.

Berisha tha se ky është një moment jashtëzakonisht i rrezikshëm për vendin.

“Denoncoj vendosjen nën kontroll të plotë nga krimi shtetëror i të gjitha të dhënave të këtij vendi, me gjithë mohimet e papërgjegjshme të kreut të këtij shteti, që funksionon si një shtet i mafies.

Njoftimi i mëparshëm rezulton 100 përqind i vërtetë. Sot, nga sistemi MEMEX, i cili përbën kartotekën e punës 30-vjeçare të Policisë së Shtetit, janë publikuar 105 mijë emra shqiptarësh, të dyshuar, të hetuar nga policia për krime të llojeve nga më të ndryshmet.

Nga sistemi janë ekspozuar emrat në mënyrë që të paralajmërohen të gjithë ata që janë në vëzhgim, janë në hetim, janë në shqyrtim për aktivitete të ndryshme kriminale.

Është ky një moment jashtëzakonisht i rrezikshëm për vendin. Është ky një moment që dëshmon se çdo gjë në këtë shtet të mafias, ndodhet në duart e krimit.

Është ky një moment, në të cilin Shqipëria bëhet vendi më i rrezikshëm në Ballkan dhe Europë, pasi paralajmëron kështu, kontigjentet e delikuenteve të saj se janë në ndjekje dhe mbikëqyrje policore, dhe se ata për të shpëtuar, duhet të largohen,” tha Berisha.

syri.net

Dy termocentrale lundrues, që kanë hedhur tanimë spirancat e tyre në Gjirin e Vlorës, në detin Jon, do të fillojnë të prodhojnë në 1 janar 2023, 15 përqind të sasisë së energjisë vjetore që i duhen ekonomisë dhe familjeve në Shqipëri. Sipas ekspertëve vendas energjia e prodhuar nga dy termocentralët lundrues, të marrë me qira për 2 vjet nga kompania amerikane “Excelerate Energy” do të ketë një kosto tri herë më të ulët sesa e njëjta sasi e importuar.

Lufta në Ukrainë, kriza energjitike nga reduktimi drastik prej Rusisë i furnizimit të Europës me gaz natyror, parashikimet për një dimër me reshje të pakta shiu dhe dëbore, rritja stratosferike e ꞔmimit të energjisë në tregjet europiane dhe botërore janë sinjale të qarta edhe për Shqipërinë që parathonë vështirësi të pazakonta të furnizimit me energji. Në këtë kontekst, qeveria Rama vendosi në fillim të këtij muaji rritjen e ꞔmimit të energjisë elektrike për konsumatorët familjarë për tre muajt e fundit të këtij viti: duke filluar nga kjo e shtunë, (01.10) ata do të  paguajnë 4, 5 herë më shumë për 1 KW/orë nëse konsumojnë më shumë se 800 KW/orë në muaj. Por të premten (30.09) kryeministri  Rama njoftoi se qeveria vendosi që vendimi për rritjen e çmimit të energjisë mbi konsumimin e 800 KW/orë në muaj të mos hyjë në fuqi “nisur nga reshjet dhe kursimi i energjisë”.

Arbër Avrami, drejtor Ekzekutiv i AIbgaz, thotë për DW se “me dy termocentralet lundrues Shqipëria ka mundësuar sigurimin e një zgjidhjeje tejet të vlefshme në përballimin e sfidave imediate që ka prodhuar kriza energjetike. Me kapacitet 110 MW/orë dhe me potencial për të prodhuar jo më pak se 867 GW në vit, këto terminale lundruese ofrojnë një mundësi të mirë për përballimin e krizës energjetike globale që pritet të agravohet gjatë dimrit të ardhshëm.”

Gjermania dhe termocentralet lundrues

Sipas burimeve zyrtare nga Ministria e Energjetikës dhe Infrastrukturës numri i anijeve-termocentrale lundrues- është i kufizuar në nivel global. Kompania amerikane “Excelerate Energy” ka vetëm 10 të tilla, dy prej të cilave janë ato që kanë mbërritur në Gjirin e Vlorës. Në kushtet e krizës globale energjetike kërkesa për termocentralët lundrues sa vjen dhe po rritet.

“Edhe vende të zhvilluara si Gjermania po i konsiderojnë këto anije lundruese, që gjenerojnë energji si  një mjet të tejkalimit të problematikës emergjente po aq sa edhe një mënyrë të përshtatshme, që mundëson balancimin e mungesës së energjisë nga tërheqja e vullnetshme e Gjermanisë prej përdorimit të energjisë bërthamore. Gjermania po i shikon termocentralet lundrues si një alternativë të preferueshme, efikase në kohë, elastike lidhur me dislokimin gjeografik atje ku nevojiten më shumë dhe me rrezik mjedisor më të reduktuar”, thotë për DW, Arbër Avrami.

Impakti mjedisor brenda standarteve ndërkombëtare

Prodhimi i energjisë elektrike nga dy termocemtralet lundrues pas tre muajve është “konform legjislacionit vendas, standardeve ndërkombëtare të ruajtjes së mjedisit dhe ka marrë edhe çertifikatën përkatëse mjedisore”, sqaron për DW, Arbër Avrami. “Platformat do ta zhvillojnë veprimtarinë e tyre në një zonë që ka për destinacion përdorimin industrial. Ato janë brenda kompleksit industrial të Triportit në Vlorë, ku ndodhet edhe Termocentrali i Vlorës, zona e përpunimit të hidrokarbureve Petrolifera si dhe veprimtari të tjera me karakter të ngjashëm”, thekson ai.

Lidhur me lëndën djegëse që do përdorin termocentralet lundruese për prodhimin e emergjisë elektrike “do të jenë ato që përmbushin standardin botëror dhe përdoren në mjete lundruese dhe veprimtari industriale, me emetime gazrash sipas normave të lejuara vendase dhe ndërkombëtare për emetimet industriale”, thotë Arbër Avrami. “Teknologjia që do përdoret në këto impiante garanton që impakti mjedisor të qëndrojë konform manualeve ndërkombëtare të Bankës Botërore, marrëveshjeve ku Shqipëria bën pjesë, rregullave për lejet mjedisore në Republikën e Shqipërisë” thekson ai për DW.

Ambientalistët: dimër në errësirë apo mjedis të parrezikuar?

Por ambientalistët dhe organizatat mjedisore mendojnë ndryshe. Rreziku i mungesës së energjisë dhe i një dimri në errësirë i kanë ndarë opinionet e tyre lidhur me pasojat e ndotjes së  mjedisit dhe ato në florën dhe faunën e detit Jon, në Gjirin e Vlorës, nga prodhimi i energjisë prej dy termocentraleve lundrues duke përdorur një lloj nafte. Ambientalisti Xhemal Mato thotë për DW, se “në kushtet e mungesës së energjisë elektrike dhe të një dimri në errësirë dobia e prodhimit të energjisë elektrike nga dy termocentralët lundrues është më e madhe sesa dëmtimi i mjedisit, që mendoj se nuk do të jetë i pakthyeshëm dhe shumë i rëndë.”

Por organizata mjedisore “Aleanca për mbrojtjen e Gjirit të Vlorës” dhe një grup tjetër ambientalistësh bashkë me qytetarë të Vlorës kanë protestuar kundër vendosjes në Vlorë të dy anijeve që pritet të prodhojnë energji elektrike. Ambientalisti Sazan Guri thotë për DW, se përdorimi i naftës si lëndë djegëse do të shkaktojë dëmë të mëdha “pasi nuk ndodh në tokë, e cila ka aftësi gjeneruese por në det që nuk i ka këto aftësi, gjë që rrezikon të shkaktojë dëmë të mëdha mjedisore.” “Termocentralet lundruese nuk kanë ftohje. Uji që do të dalë prej tyre do të jetë mbi 40-45 gradë gjë që do të thotë që fauna dhe flora në det në det do të shkatërrohet pasi nuk e duron këtë temperaturë. Ndotja e ujit të detit dhe e ajrit do të sjellë dëme të mëdha mjedisore”, thotë ambientalisti Sazan Guri.

Infrastruktura e gazit në zhvillim e sipër

Kundërshtimi i lëvizjes ambientaliste ndaj vend-ndodhjes së termocentraleve lundrues dhe funksionimit të tyre të përkohshëm me naftë, duket se nuk mund të jape rezultate të menjëhershme. „Tani për tani nuk është i mundur përdorimi i gazit natyror si lëndë djegëse për të prodhuar energji elektrike dhe patur emetime më të ulta gazrash të dëmshme sesa hidrokarburet. Në Shqipëri infrastruktura e gazit është në zhvillim e sipër dhe e kufizuar vetëm në tubacionin TAP që çon gazin drejt Italisë”, thotë për DW Arbër Avrami, Drejtori Ekzekutiv i Albgaz.

Megjithatë po bëhen hapa përpara. “Në bashkëpunim me partnerët strategjikë të kompanive amerikane, “Excelerate Energy” dhe „Exxon Mobil” po ngrihet infrastruktura e një terminali të ri për portin e lundrueshëm të gazit të lëngët (LNG) në portin e Vlorës dhe transmetimit të LNG  deri në TEC-in ekzistues në Vlorë. Më pas nëpërmjet tubacionit Fier-Vlorë do të bëhet ndërlidhja me tubacionin TAP të gazit,” thekson për DW, Arbër Avrami. Kur të fillojë furnizimi me gaz përmes këtij terminali, termocentralet lundrues do të konvertohen për të përdorur gazin natyror si lëndë të parë djegëse për të prodhuar energji elektrike.

Projekte rajonale për siguri energjetike

Ambicia e Shqipërisë për t’u shndërruar në një nyje rajonale energjetike synon të realizohet  brenda dy viteve kur të përfundojë ndërtimi i terminalit të lundrueshëm në portin e Vlorës, i cili  “do të garantojë jo vetëm plotësimin e nevojave të brendshme por do të shndërrojë Shqipërinë edhe në një kontributor të sigurisë energjitike në Ballkan dhe në Europën Jug-Perëndimore,” thotë Arbër Avrami. “Shqipëria po negocion me Maqedoninë e Veriut dhe Kosovën që të bëjë të mundur një integrim më të gjerë infrastrukturor të rajonit për sigurinë energjitike. Ajo do të  kontribuojë jo vetëm nëpërmjet përshpejtimit të ndërlidhjes nëpërmjet TAP dhe gazit natyror por edhe kontributit me energji elektrike nga vënia në funksionim e TEC-it të Vlorës dhe ndërtimit të Hidrocentralit të Skavicës”, thekson Avrami.

Një projekt tjetër me rëndësi rajonale është ai i ndërtimit të tubacionit Jonian-Adriatik që do të lidhë sistemin ekzistues të transmetimit të gazit të Kroacisë me gazsjellësin TAP përmes Malit të Zi, Shqipërisë dhe në bashkëpunim të ngushtë me Bosnjë-Hercegovinën.

Shndërrimi i Shqipërisë në një qendër energjitike rajonale ka sjellë interes në rritje të partnerëve rajonalë për të bashkëpunuar, bazuar në interesa të ndërsjellta për diversifikimin e burimeve të energjisë dhe uljen e varësisë në rajon nga gazi rus. Një shembull inkurajues është bashkëpunimi mes Shqipërisë dhe kompanisë amerikano-bullgare, Overgas, lider në Bullgari në sektorin e gazit. Kjo kompani nënshkroi në Tiranë në janar të këtij viti një Memorandum Mirëkuptimi me kompaninë shtetërore shqiptare Albgas lidhur me bashkëpunimin dy palësh për realizimin e projekteve që diversifikojnë furnizimin me gaz natyror në Ballkanin Perëndimor (BP) dhe në Europë. Këtu përfshihet edhe furnizimin e kompanisë Overgas me Gaz të Lëngshëm, (LNG) në portin e Vlorës dhe realizimit të terminalit të lundrueshëm në portin e Vlorës, që do të ndërtohet nga kompanitë amerikane Exxon Mobil dhe Excelerate Energy, lidere në tregun global të LNG./ dita