Shkon në 38 numri i të prekurve në vendin tonë nga koronavirusi, ku dy persona janë në terapi intensive në spitalin Infektiv.

Në përditësimin e të dhënave në lidhje me situatën e përhapjes së COVID-19 në Shqipëri, Albana Fico, Drejtore e IShP bëri me dije se:

“Në 24 orët e fundit nga ana e Institutit të Shëndetit Publik në bashkëpunim me epidemiologët e Njësive Vendore të Kujdesit Shëndetësor, ka vazhduar pa u ndalur puna në terren, për identifikimin e rasteve dhe për gjurmimin e kontakteve të rasteve të konfirmuara tashmë me Covid-19.

Deri në këto momente janë testuar 505 raste të dyshuara dhe prej tyre janë të konfirmuar pozitivë me COVID-19, 38 raste“.

Nga rastet e konfirmuara pozitivë:
Tiranë 22 raste
Durrës 5 raste (njëri prej të cilëve ka ndërruar jetë)
Lushnje 2 rast
Elbasan 2 raste
Fier 5 raste
Rrogozhinë 2 raste

Prej tyre:
12 jane të shtruar në spitalin Infektiv (nga Tirana, Durrësi, Fieri, Lushja dhe Rrogozhina)

Dy prej tyre janë në terapi intensive, një 66 vjecar nga Lushnja dhe një 61-vjecare nga Fieri.

Ndërsa pjesa tjetër e të shtruarve në pavion janë në gjendje të stabilizuar deri në këto momente.

Fico iu drejtua me një thirrje edhe një herë të gjithë qytetarëve, të respektojnë rregullat e reja dhe të qëndrojnë në shtëpi.

“Të kufizojmë rrezikun sa më shumë të jetë e mundur!”

Tiranë

Durrës, Shqipëri

Autoritetet në Shqipëri kanë vendosur që në kuadër të masave parandaluese kundër përhapjes së koronavirusit të ri, të mbyllin përkohësisht edhe kufirin me Kosovën.

Qendra Kombëtare për Menaxhimin e Kufirit (QKMK) që funksionon në kuadër të Ministrisë së Puinëve të Brendshme në Kosovë ka njoftuar se duke filluar nga data 13 mars, 2020, në ora 06.00, do të ndalohet hyrja në territorin e Republikës së Shqipërisë për të gjithë shtetasit, përkatësisht veturat e Republikës së Kosovës.

”Do të lejohet hyrja vetëm e veturave të shëndetësisë apo ndihmës së shpejtë, automjeteve komerciale (ato të cilat bartin mallra) dhe veturave qeveritare. Kjo masë do të zgjasë deri me datën 15 mars, 2020 në ora 24.00”, thuhet në njoftimin e QKMK-së.

Në kuadër të masave shtrënguese që ndalojnë qarkullimin në Shqipëri, Qeveria e atjeshme ka marrë masa edhe për ndalimin e qarkullimit të mjeteve publike dhe atyre private në Tiranë, Durrës, Shkodër, Lezhë, Elbasan, Fier dhe Vlorë.

Shqipëria tash për tash ka 23 raste me koronavirus, ndërsa këtë javë ka regjistruar edhe viktimën e parë nga sëmundja që shkakton koronavirusi, COVID-19. rel

Në Shqipëri vazhdon të rritet numri i personave të konfirmuar si të prekur me koronavirusin e ri (COVID-19), ndërsa vijojnë testimet dhe gjurmimet për personat e dyshuar, transmeton Anadolu Agency (AA).

Ministria e Shëndetësisë dhe Mbrojtjes Sociale ka konfirmuar se pas testimeve deri tani 23 raste kanë rezultuar pozitiv për COVID-19, ku në mesin e tyre është edhe viktima e parë që u shënua më 11 mars.

“Gjatë 24 orëve të fundit janë testuar 145 raste për COVID-19 dhe në total janë gjithsej 298 raste të testuara. Deri në këto momente 23 raste kanë rezultuar pozitiv për COVID-19. Pesë ndodhen në spitalin Infektiv në Tiranë. Gjendja e tyre deri në këto momente është e stabilizuar. Ndërsa 18 raste të tjera që kanë rezultuar pozitiv janë të vetëizoluar në shtëpi pa probleme të veçanta”, thuhet në njoftimin e ministrisë.

Shpërndarja e rasteve të konfirmuara me COVID-19 sipas qyteteve është 16 raste në Tiranë, tre në Durrës (njëra prej të cilave ka ndërruar jetë), dy në Elbasan, si dhe nga një rast në Lushnje dhe Rrogozhinë

Sipas njoftimit të Ministrisë së Shëndetësisë dhe Mbrojtjes Sociale, të gjitha rastet kanë pasur histori udhëtimi me Italinë.

Masat kundër përhapjes së koronavirusit në Shqipëri

Institucionet në Shqipëri vazhdojnë të marrin masa shtesë për të parandaluar përhapjen e koronavirusit të ri (COVID-19). Patrullat policore në bashkëpunim me patrullat ushtarake janë angazhuar në pika kontrolli në disa qytete të vendit, në kuadër të zbatimit të masave për parandalimin e përhapjes së COVID-19.

Në kuadër të masave shtesë, kryeministri i Shqipërisë, Edi Rama, njoftoi në rrjetet sociale se nga sot në mesditë nuk ka transport urban në Tiranë dhe Durrës pa specifikuar një afat, ndërsa sipas tij do të ketë transport të dedikuar për mjekët dhe infermierët.

Gjithashtu Rama ka njoftuar se do të mbyllet për disa ditë qarkullimi i automjeteve private dhe atyre të transportit ndërurban drejt Tiranës dhe Durrësit apo anasjelltas nga Tirana dhe Durrësi drejt zonave të tjera të vendit, si dhe qarkullimi i automjeteve private në Tiranë dhe Durrës dhe qarkullimi i automjeteve private dhe urbanëve në Shkodër, Lezhë, Lushnje, Fier dhe Vlorë.

Institucionet në vend kanë marrë disa masa të tjera, duke përfshirë mbylljen e të gjitha bareve, restoranteve dhe klubeve, fillimisht në Tiranë dhe Durrës, dhe mbylljen në të gjithë vendin të ambienteve si lokale nate, disko, qendra sportive, pishina, qendra kulturore, qendra sociale dhe pezullimin e veprimtarisë dhe shërbimeve gjyqësore.

Në gjithë vendin në institucionet arsimore publike dhe jopublike, është vendosur ndërprerja e procesit mësimor deri më 23 mars.

Në kuadër të masave për mbylljen e institucioneve arsimore, mësimet në shkollat e Fondacionit Maarif në Shqipëri po zhvillohen në mënyre interaktive online.

Gjithashtu edhe për institucionet arsimore publike, institucionet shtetërore kanë marrë masa për ofrimin e mësimeve online apo në platforma televizive.

Ndërkohë, edhe Kuvendi i Shqipërisë ka anuluar seancën e sotme plenare, ndërsa Këshilli i Ministrave i Shqipërisë ka vendosur deri më 23 mars 2020 ditë pushimi për njërin nga prindërit kujdestarë të fëmijëve, që janë nëpunës civilë dhe punonjës të tjerë të administratës publike, të nivelit qendror e vendor, si dhe në institucionet e tjera shtetërore. Ndërkaq, nuk do të ofrohen më shërbime nëpër sportelet e institucioneve për të gjitha aplikimet që ofrohen edhe online.

Gjithashtu është vendosur pezullimi i të gjitha fluturimeve dhe linjave të transportit detar, nga Shqipëria në Itali dhe anasjelltas. Ky vendim, sipas Ministrisë së Infrastrukturës dhe Energjisë, prek vetëm transportin e pasagjerëve, pasi do të vijojnë normalisht lundrimet e anijeve tregtare dhe fluturimet e avionëve të mallrave.

Në kudër të masave, Federata Shqiptare e Futbollit (FSHF) ka pezulluar të gjitha aktivitetet futbollistike në Shqipëri. “Nisur nga përshkallëzimi i kësaj situate dhe duke ndjerë përgjegjësi maksimale për të gjithë personat e përfshirë në jetën futbollistike në vend si dhe pas propozimit te Komitetit të Emergjencave në FSHF, Komiteti Ekzekutiv vendosi pezullimin e të gjitha aktiviteteve futbollistike. Ky vendim hyn në fuqi menjëherë deri në një komunikim tjetër të Federatës së Futbollit”, thuhet në njoftimin e FSHF-së.

Numri global i vdekjeve nga koronavirusi ka tejkaluar shifrën 4.600, ndërsa Organizata Botërore e Shëndetësisë (OBSH) e shpalli koronavirusin një pandemi globale.

Presidenti Ilir Meta ka dekretuar emërimin si gjyqtar të Gjykatës së Lartë të tri gjyqtarëve.

Ata janë: Sokol Sadushaj; Ervin Pupe; Ilir Panda.

NJOFTIMI I PLOTE

Presidenti i Republikës Sh.T.Z Ilir Meta, pasi shqyrtoi propozimet e Këshilli të Lartë Gjyqësor dhe praktikat dokumentuese të kualifikimit, vlerësimit, pikëzimit dhe renditjes, të administruara në datën 5.03.2020, si dhe:

 Vendimin e Këshillit të Lartë Gjyqësor nr. 110, datë 27.02.2020 “Për propozimin për emërim në Gjykatën e Lartë, nga radhët e juristëve të spikatur, të kandidatit z.Sokol Sadushaj”;

 Vendimin e Këshillit të Lartë Gjyqësor nr. 111, datë 27.02.2020 “Për propozimin për emërim në Gjykatën e Lartë, nga radhët e juristëve të spikatur, të kandidatit z.Ervin Pupe”;

dhe

 Vendimin e Këshillit të Lartë Gjyqësor nr. 112, datë 27.02.2020 “Për propozimin për emërim në Gjykatën e Lartë, nga radhët e juristëve të spikatur, të kandidatit z. Ilir Panda”;

Si dhe pasi siguroi një informacion shtesë prej Këshillit të Lartë Gjyqësor mbi këto propozime, sot në datë 11.03.2020, brenda afatit që përcakton neni 136 i Kushtetutës, Presidenti i Republikës ka vendosur;

– Dekretimin për emërimin si gjyqtar të Gjykatës së Lartë, nga radhët e juristëve të spikatur, të kandidaturave të propozuara të:

 Zotit Sokol Sadushaj;
 Zotit Ervin Pupe;
 Zotit Ilir Panda.

Presidenti i Republikës Sh.T.Z Ilir Meta, vlerësoi pa vonesë këto propozime, duke konsideruar se fillimi nga funksionimi i Gjykatës së Lartë, është një element kyç për respektimin e të drejtave kushtetuese të qytetarëve për një gjykim të drejtë, nga një gjykatë e caktuar me ligj dhe brenda një afati të arsyeshëm.

Shfaqja e rasteve me koronavirus në Shqipëri ka ndikuar edhe në ecurinë e një prej sektorëve më të rëndësishëm të ekonomisë, turizmit.

Zak Topuzi nga Shoqata e Industrisë së Turizmit tha në emisionin “Përballë”, se që prej të hënës situata e këtij sektori ka ndryshuar.

“Industria shkoi brenda ditës në kolaps. Ka patur anulime kontratash, bllokime, pa diskutuar anulimin e rezervimeve të muajit”, tha Topuzi në RTSH.

Ndikimi në turizëm do të jetë më i ndjeshëm edhe në pjesën e mbetur të vitit.

“Partnerët ndërkombëtar kërkojnë që këstet e dhëna për prenotimet e këtij viti t’i kalojnë për vitin tjetër. Pra, kanë një mendje të mbyllur që për këtë vit që Shqipëria të mos jetë treg për ta”, tha Topuzi.

Edhe të punësuarit në sektorin e turizmit do ta ndjejnë tkurrjen e kësaj industrie.

“Çdo turist fut në punë 8 veta dhe çdo turist që nuk vjen, lë pa punë 8 veta”, tha ai.

Zëdhënësi i Presidencës Ted Blushi ka reaguar për situatën nga koronavirusi, duke thënë se në kuadër të përballimit dhe tejkalimit me pasoja sa më të lehta të pandemisë së coronavirusit që ka prekur vendin tonë, duke patur prioritet absolut shëndetin e çdo qytetari të Republikës së Shqipërisë, në institucionin e Presidentit të Republikës është ngritur një Task Force, nën drejtimin e Këshilltarit për Sigurinë Kombëtare z. Bahri Shaqiri.

Blushi shton se kjo taskë forcë ngritur me qëllim aktivizimin dhe afrimin e të gjitha mundësive, kapaciteteve dhe forcave të kualifikuara njerëzore dhe shkencore, shumë të nevojshme.

Po ashtu, Blushi jep edhe numra celularë të vënë në dispozicion nga Presidenca për publikun, që kanë shqetësime dhe nuk marrin trajtimin e duhur.

Postimi i zëdhënësit të Presidencës Tedi Blushi:

Në kuadër të përballimit dhe tejkalimit me pasoja sa më të lehta të pandemisë së coronavirusit që ka prekur vendin tonë, duke patur prioritet absolut shëndetin e çdo qytetari të Republikës së Shqipërisë, në institucionin e Presidentit të Republikës është ngritur një Task Force, nën drejtimin e Këshilltarit për Sigurinë Kombëtare z.Bahri Shaqiri, me qëllim:

📌 Bashkërendimin me të gjitha strukturat shtetërore;

📌 Monitorimin në terren, nxitjen dhe marrjen e të gjithë masave institucionale për përballimin e kësaj pandemie;

📌 Aktivizimin dhe afrimin e të gjitha mundësive, kapaciteteve dhe forcave të kualifikuara njerëzore dhe shkencore, shumë të nevojshme.

Ftojmë të gjithë qytetarët të cilët kanë shqetësime, nuk marrin trajtimin e duhur mjekësor, nuk u kushtohet vëmendja e duhur dhe konstatojnë nënvlerësime në marrjen e masave të domosdoshme, të na kontaktojë pa hezitim në adresën e email të vendosur në dispozicion:

📌 [email protected]

Si dhe në dy numrat celularë:

📱+355693435861

📱+355693354269

Të gjithë të tregojmë përgjegjshmëri dhe bashkëpunim maksimal!

SË BASHKU PËR TË MBROJTUR SHËNDETIN E ÇDO QYTETARI! 🇦🇱

Një çift bashkëshortësh nga Skrapari dhe komshija e tyre, një vajzë 22-vjeçe që sapo kishte ardhur nga Italia janë nisur mesditën e sotme me urgjencë drejt Tiranës.

Vajza ishte kthyer disa ditë më parë nga Italia dhe ishte komshi në Skrapar me çiftin e bashkëshortëve, të moshës 45 dhe 47-vjeç.

Ata kanë qënë të tre me temperaturë të lartë dhe bllokim në rrugët e frymëmarrjes.

Lajmi konfirmohet nga një infermiere e spitalit të Skraparit,e cila është kërcënuar së bashku me infermerirët e tjerë nga drejtuesit e spitalit që të mos tregojnë në lidhje me rastet.

Ajo ka konfirmuar se, të treja rastet kanë qëndruar disa ditë në Spitalin e Skraparit dhe sot janë nisur me ambulanca në QSUT Tiranë,në gjendje të rënduar,kurse drejtuesit e Spitalit të Skraparit e mohojnë kategorikisht që të ketë ndodhur. Përveç tre rasteve të nisura nga Skrapari drejt QSUT-së Tiranë mesditën e sotme,një tjetër rast me simptoma të njëjta është nisur në QSUT nga Spitali Rajonal i Beratit.

Lajmi konfirmohet nga drejtoresha e Spitalit të Beratit, Edlira Shkëmbi, e cila ka pohuar se,rasti me temperaturë të lartë dhe vështirësi në rrugët e frymëmarrjes ishte nga Skrapari dhe pasi u mbajt disa orë në Spitalin e Beratit ku u trajtua dhe ju morrën tamponet,u dërgua me ambulancë në Tiranë./top channel

Pas konfirmimit për dy rastet e para të prekur nga koronaviursi, Këshilli i Ministrave të Shqipërisë ka marrë vendime sa i takon situatës së koronavirusit.

Në VKM-të e marra sot nga Këshilli i Ministrave, thuhet se shtëpia e pushimit të ushtarakëve në Plepa do të kthehet në karantinë. Po ashtu, në tjetër vendim për koronavirusin thuhet edhe se Ministrisë së Shëndetësisë i shtohet fondi prej 400 milionë lekësh.

Një tjetër VKM saktëson se do të dhurohen 200 milionë lekë për kategorinë e shpenzimeve kapitale dhe 200 mln lekë për kategorinë e shpenzimeve korrente.

Pas mbylljet së shkollave, çerdheve dhe kopshteve, në Tiranë janë anuluar edhe aktivitetet publike të parashikuara për Ditën e Verës dhe 100 Vjetorin e shpalljes Kryeqytet.

Në kuadër të planit të masave për përballimin e situatës me Coronavirusin, kryebashkiaku Veliaj tha se ka nisur dezinfektimi në institucionet parashkollore.

“Do të vazhdojmë me dezinfektimin; kur qeveria të njoftojë hapjen e tyre, do të jemi në një gatishmëri maksimale për të bërë një dezinfektim tjetër edhe para hapjes së tyre”, tha ai.

Veliaj kërkoi bashkëpunimin e qytetarëve për të reduktuar disa shërbime tek zyrat e Pritjes me Qytetarët, të cilat mund t’i marrin online ose përmes një telefonate pa pagesë në numrin 0800 0888. “Nëse ka një shqetësim, si ato që vijnë tipikisht në Bashkinë e Tiranës, një lokal që bën zhurmë poshtë pallatit, nuk ka arsye të vish tek zyra e pritjes me qytetarët. Mjafton të na njoftosh, do ia referojmë policisë. Ne duam t’i reduktojmë këto shërbime, kryesisht online ose me telefon. Vijmë ne tek njerëzit, nuk ka nevojë që dikush të vijë dhe të ekspozohet me qindra të tjerë në sallën e Pritjes me qytetarët, ndaj dua t’i theksoj faktit që kemi nr tel 0800-0888, hapur për çdo thirrje”, u shpreh Veliaj.

Kryebashkiaku lajmëroi edhe anulimin e të gjitha grumbullimeve masive, kulturore, sportive, tubime, koncerte, aktivitete, dëgjesa publike deri në datën 3 prill. Kjo përfshin gjithë aktivitetet e Ditës së Verës, koncertin e këngëtarit Maluma, i cili do të zhvillohet në muajin Qershor, dhe aktivitetet e 100 vjetorit të Tiranës Kryeqytet.

Edhe Bashkia e Elbasanit vendosi të anulojë aktivitetet e parashikuar për “Ditën e Verës”, për shkak të koronavirusit.

Spitali Infektiv në Tiranë tashmë është në qendër të vëmendjes, pasi është kthyer tërësisht në karantinë.

Spitali Infektiv është boshatisur nga pacientët e tjerë dhe do të jetë vetëm karantinë apo dhoma të posaçme për trajtimin e personave që janë me koronavirus në Shqipëri.

Policia madje vendosi edhe shiritin e perimetrit në kuadër të vendimit të qeverisë që shoqëruesit dhe familjarët e pacientëvë nuk duhet të qëndrojnë në ambientet spitalore vetëm nëse ka rekomandim nga Drejtoria Spitalore.

Për personat që vijnë për në sallën e konsultave tashmë po hapet një rrugë e re e improvizuar brenda oborrit të Spitalit Infektiv pasi sheshi po përdoret vetëm për hyrjen e personelit të autorizuar.

Ndërkohë eshte spërkatur me ujë dhe me klor rruga para Spitalit Infektiv për të bërë të mundur dezinfektimin e saj.

Në disa kabllograme të dërguara mes shkurtit dhe marsit 2008 të zbuluara nga Wikileaks, Ambasada Amerikane i ka kushtuar vëmendje mënyrës së jetesës në Shqipëri.

Në një kabllogram dërguar DASH-it më 03.06.2008, Ambasada Amerikane në Tiranë na përshkruan si përtacë dhe kumarxhinj.

Në kabllogram shkruhet:

“Sallat e kumarit dhe pikat e basteve janë shfaqur si kërpudha në Tiranën e sotme. Mania e kumarit është një provë e sëmundjes që ka prekur pjesën më të madhe të shqiptarëve: ëndrrën për tu pasuruar brenda natës, mundësisht pa derdhur asnjë pikë djersë.

Kjo ndjesi ka rrënjë shumë thellë në historinë e Shqipërisë. Mund të bazohet në stilin e jetës që kanë zhvilluar gjatë pushtimit Otoman dhe reflekton tradita që kanë mbijetuar që në atë kohë.

Pavarësisht shpirtit të admirueshëm të sipërmarrësit që kanë treguar disa shqiptarë, ende pas më shumë se 15 vitesh disa ngjarje konfirmojnë ekzistencën e ëndrrës shumë të përhapur për tu pasuruar brenda natës.

Pjesëmarrja masive në skemat piramidale në fund të viteve 1990 ishte prova më tragjike.

Përfshirja në aktivitete ilegale si trafikimi i njerëzve dhe armëve është një tjetër provë.

Ka shumë shembuj të përditshëm nga shoqëria shqiptare, të cilat mund të përmblidhen vetëm në një fjalë: Korrupsion! I cili shkon dorë më dorë së bashku me paratë e lehta…” / dita 

Pas anulimit të të gjitha fluturimeve nga Aeroporti “Nënë Tereza” drejt Italisë së veriut, e cila është kthyer në një vatër të nxehtë të koronavirusit, janë anuluar edhe të gjitha lëvizjet me mjetet e transportit detar.

Në një urdhër të firmosur nga ministrja e Infrastrukturës, Belinda Balluku, thuhet se ndalohen të gjitha lëvizjet me mjetet e transportit detar nga të gjitha portet drejt Italisë së veriut, deri në një urdhër të dytë.

28-vjeçari shqiptar që erdhi në Shqipëri i infektuar me koronavirus nuk është kontrolluar në pikën kufitare të Muriqanit.

Faktin e pohoi një mjeke, pjesë e grupit të kontrollit në pikën kufitare shqiptare të Muriqanit. Mjekja tha se i riu ka hyrë në orët e vona të natës dhe nuk është skeduar pasi nuk vinte nga zona e kuqe.

Mjekja: Ai person ka hyrë në pikën e Muriqanit në orë 12:45 të natës. Personi nuk është skeduar pasi nuk vinte nga zona e kuqe, nga Firence nuk kishte asnjë rast.

Kam marrë orientim të skendohen edhe personat e tjerë që nuk vinë nga zonat e kuqe. Të gjithë personat do të skedohen.

Nuk i kemi lënë mangut shtimit të masave. Edhe sot, janë tre infermierë dhe një mjek. Sot u fut një autobus nga Milano dhe janë ekzaminuar të gjithë personat. Janë zbritur të gjithë dhe ekzaminuar.

Dy rastet e para, pozitivë ndaj COVID-19 në Shqipëri u konfirmuan në mesnatë, ndërkohë që mëngjesin e sotëm, Ministria e Shëndetësisë jep të dhëna të reja mbi gjendjen e dy pacientëve, babë e bir.

Mësohet gjithashtu se ata kanë qëndruar disa ditë në Firence dhe kanë udhëtuar në rrugë tokësore nga Firence drejt Tiranës, nëpërmjet pikës së Hanit të Hotit me makinë personale.

Menjëherë pas shfaqjes së shenjave klinike dhe lajmërimit të urgjencës kombëtare në nr.127 i janë marrë mostrat, të cilat u konfirmuan mbrëmë nga laboratori i virologjisë në IShP.

Sipas MSH-së, gjendja e dy të prekurve babë e bir, babë e bir, 54 vjeç dhe 28 vjeç që kanë udhëtuar nga Firence në Tiranë është e stabilizuar dhe asnjëri prej tyre nuk paraqet komplikacione. Të dy po trajtohen në spitalin infektiv. Ndërkohë strukturat e shëndetit publik po realizojnë hetimin epidemiologjik dhe marrjen e mostrave të kontakteve.

Ndërkohë strukturat e shëndetit publik po realizojnë hetimin epidemiologjik dhe marrjen e mostrave të kontakteve.

MSHMS përsërit thirrjen për qytetarët që kanë udhëtuar nga vende të prekura dhe ndjejnë simptoma të ngjashme me gripin, të telefonojnë në nr.127, ku mjekët tanë do t’i përgjigjen çdo rasti.

Një skandal i vërtetë është regjistruar në pikën e kalimit kufitar të Kakavijës, ku termometrat e matjes së temperaturës te qytetarët që hyjnë nga Greqia nuk punojnë.

Ka qenë gazetarja e Fax News Ervina Shehaj ajo që ka qenë sot në vëzhgimin e kësaj pike kufitare, ku termometri shënon 29 gradë celsius, pavarësisht se nëse do të kishte realisht një temperaturë të tillë, qytetari do të ishte në gjendje të rëndë për jetën. Janë dy mjekë në këtë pikë të kalimit kufitar që kontrollojnë të gjithë pasagjerët që vijnë nga Greqia, duke i pyetur ata dhe për historikun e udhëtimit dhe nga qytetet ku vijnë. Duhet thënë se temperatura është një nga elementët më bazikë të kontrollit, e kur dështon ajo, çfarë mund të themi për të tjerat… Për më shumë ndiqni videon e mëposhtme, dhe raportimin e gazetares.

voal.ch – Alketa Vejsiu prej kohës që drejtoi festivalin e 58-të të këngës në Radio Televizion është pritur keq nga bota e artit dhe kulturës në Shqipëri.

Pjesëmarrja e saj në kastin e Festivalit të Sanremos apo intervista e saj tek Verissimo nuk i ka përmirësuar diskutimet kontraverse për Alketën

Por reagimin më negativ direkt nga rrjeti Alketa Vejsiu e mori kur ftoi Baton Haxhiun në programin e saj për fëmijë “Në kurthin e Piter Pan”.

Rrjeti u hodh përpjetë dhe megjithë filtrat në komentet që po sjellim shihet se i gjithë opinioni shqiptar ishte kundër të ftuarit të saj.

Televizionet shqiptare janë peng i politikës të pistë dhe oligarkëve.

Opinionbërësit apo të ftuarit në programet e kulturës apo Reality-Show televizive janë pjesë e kastës të cilën shqiptarët nuk e duan,

por ata megjithatë kanë uzurpuar hapësirat publike të informimit apo të emisioneve kulturore e ato dëfryese sikur ishte rasti i Piter Panit një program zbavitës për fëmijë,  pjesa më e pastër e shoqërisë shqiptare së cilës i mëkojnë formate të figurave të diskretituara si rasti i Baton Haxhiut.

Stafi i Alketës ka kërkuar që gjatë transmetimit rrjeti social të bënte pyetje!

Dhe aty ka plasur.

Se të gjitha pyetjet ishin protestë për ftesën e Alketës dhe praninë e Baton Haxhiut.

Alketa Vejsiu jo vetëm që nuk i lexoi reagimet e zemëruara të rrjetit, por i censuroi dhe nuk kërkoi as ndjesë sepse i ftuari i saj ngjalli neveri në rrjet,

pra Alketa Vejsiu injoroi audiencën dhe publikun.

Po i sjellim disa nga reagimet, sikur vumë re në krye, janë të filtruara nga Facebook, por gjithësesi shihet fryma!

Pyetjes a është Baton Haxhiu model për fëmijët shqiptarë, shihni si përgjigjen vetë shqiptarët:/EB

———————————–

Viku Bala: Ja hoqe vlerat ketij emisioni , me ftesen e ketij ..! 🤮🤮🤮

Ismet Jahjaga: Pyetja ime eshte: sa leke more nga Serbia per te keqiat qe ja sjelle Kosoves?!

Leeo Chiqui: Ncilin vend do kerkoj Azil pasiqe arrestimi i tij eshte i pashmangshem

Hamit Lumi: Keti tipit po ti beshe pyetie, ky do perkthyesin nga shqipja ne shqip, qe te marresh vesh pergjigjen. Ka pak figura te nderuara dhe te rrespektuar ne Shqiperi, qe zgjodhet kete ju? Ju keni tmerruar femijet me kete fantazem!

Besnik Pacuku: Kam pas mirnjohje te thelle ndaj ju Z.Alketa, por me pjesmarjen e Baton Stanishiqit ne emisionin ejuaj ka qen nje gabim katastrofal.

Izmir Bashi: Betonit thuaji kur po iken se vetem me biseduar ne nje emision femijesh nuk eshte e di si flet ky sikur i kane femijet lek borxh gjith ftohtesi po ik mor zorraxhi rilindas shko rri ne moske se atje e ka vendin ky

Rozeta Toska: Ça do bosh kur tiki Rama . Do ikesh me bisht në shal , apo do zhdukesh jash siç e kini zakon ne Serbi nfoshta ?

Anton Skenderi: Si ka mundesi qe gjaku i prishur vazhdon e prishet me tej??? A nuk do ish e mundur ne mos te permiresohej, te qendronte ne vendnumuro.

Izri Koci: Shume gabim qe e ke thirr ne emision, çfare mesojne nga ky serb femijet.

Aiden Kola: Pytja per batonin do ishte kur do ngordhesh se me vdek vdesin burrat jo mostrat e ti bashke me ortaket tuaj tradhtare e hajdute se slate gja pa ju ba vllezerve Shqiptare kur do shporri

Pranvera Ndreca: Pyetja per Batonin. Pse je kaq burre “k*rve”, ju mund lirisht ti thoni burre i lig, duke qene se programi eshte program per femije.

Lule Mali: Kur do të mësojë të flasë gjuhën shqipe bukur?

Lubovci Afrim: Alketa Respekt për ju drejten me ju thanë i keni qmendur fëmijët me at tradhtar UDB Batonin. Te gjithë fëmijët kan nevoj për trajtime mjeksore tani.

Adrian Kocibelli: Te largohet sa me pare te shikoj punet e tij larg nga ne turp i mediave qe e ftojne ne studio

Jolanda Bakiasi: Yzeiri Edhe Batoni na mungonte ne Piter Pan, .. I tmerove.. kalamajt aty moj Alket..

Arli Minga: Si e kishte pseudonimin Kadri Veseli kur ishte në SHISH?
Shpetime Alimehmeti: Do ishte mire te kthehej nga kishte ardhur.

Florije Kaqi Baruti Alketa na qove naten kote..me ket mysafir idiot??

AxhaMal Gjuetari: Po e pyeti a beri shpihunazh kunder Albinit ne Rusi? qe ishte atje me Edi Ramen.

Shpetim Tahiri: Pse se mbylle tv klan kosoven , pasi qè edhe premtimin nese
Albin Kurti bëhet kryeminister un do ta mbyll tv?

Albin Popova: Sonte nuk e percjell emisionin tuaj. Shkaku ky personi i lartëpermendur .

Bledi Ersi Miraka: Asnjeri. Nuk I japka nje koment pozitive per ket batonin. Kjo dote thot qe ky qenka burr leshi

Bert Dizdari: Thuj si ka mundsi qe je aq njeri pa shtyll kurrizore etaloni i vemjes.

Gezim Veizi: Ka shume shqiptare intelektuale e analiste per ti komentuar ose vleresuar ky serbi nuk na intereson as qe ta shohim neper ekrane .

Afrim Shini: Kam respekt per ju Alketa por Baton H eshte i pa deshirueshem
Fe Qajani: Me prishe mbremjen me foton e ketij zagari.

Medi Azizi: Po edhe ju qe keni ftuar pra nuk ftohet ne emission nje njeri si ky

Skender Pana: Po ky tip çka don ne shqiperi se eshtë i pa dobishëm

Lupo Matmuja: kur e theksove se betoni ishte me i miri ne shqiperi kosov si gazetar . direkt e kum ndry kanalin!

Besi Besi: Une nuk kuptoj pse i rritni vleren kti fundrrinë ta ftoni ne emision

Florije Kaqi Baruti: Alketa e paske dhi …me ket mysafir..po ti helmon femijet….syt pom dhamin mi kqyr ket shpijun te kombit….

Gjuetia e Ashtës: Ku i fshehe parate e marra nga Serbia qe disa dekada e sidomos shumat e majme te viteve te fundit?

Krenar Kadifeja: Ky e keyeson listen e mutengrenesve te ER nga Klani?

Eduart Brahilika: Liroje nje cik cmimin e miellit, se i vdiqe shqiptaret

Loni Azizi: Ma mire te jese ne emision nje majmun se ky njeri kshyrnja facen si e ka si Derr

Demirjan Bakri: Sa lek pagoi per te mare pjese apo kthim qoke ..

Avni Cela: Që: pse ngjendesh sot ne kete emision femijesh;?

Mavi Haraciu: Kush e ka udhehequr me mire serbine sllobodani apo ti me 3shen vucic ramic thacic pres pergjigje

Miri Erindi: Me legen nuk ben nena po ngeli televizjon qe mer per analist kete armik te popullit shqiptar kete serbo madh eshtvturp per keto televizjone vetemshqiptar nuk esht

Miri Haxhiaj: Do zbatosh porosit e edi rames tani qe te coi ne sanremo do te ftosh edhe batonat edhe sorrat qe te trembesh femijet !

Dash Rroku: Sja vlen me nxjerr kyt person ne foto

Visar Ymeraj: Kur i mbaron kontrata me serbine?

Shpëtim Sylaj: Largo fmijet nga aty

Vllaznim Halili: Nuk ja vlen mu marr funderrinen

Nazif Lami: Ka menduar Batoni vete, se sa shume e urrejne Shqiptaret?!

Mateo Cakarri: Pse je kelysh i edi rames

Massar Hoti :20 vjet burg pa pik diskutimi

Ismail Jusufi: Ky trathetar Udbash vç se e felliq emisionin tuaj nje pro serb

Kujtim Hereni: Mos na e servirni me kete MUT

Gjocaj Lirije: A je hajdut a tradhtar!!!

Dija Dija: Inidefes Pissss imadh esht katastrof

Ismet Asllani: Njeri ma pis kosova nuk ka . Ma shumë e meriton me jetu ne Beograd.

Dede Bushgjokaj: Trokja shqipfoles Ramoviç ,Thaçoviç , Bat

Agim Dajlanaj: E qelbe fare me kye fytyre

Presidenti i Kosovës, Hashim Thaçi dhe Sekretari amerikan i Shtetit, Mike Pompeo. Uashington, 26 shkurt, 2020.

Në një letër të hapur drejtuar kreut të Shtëpisë së Bardhë, Donald Trump, Këshilli i Ambasadorëve Shqiptarë falenderon SHBA-të për të gjithë kontributin e dhënë për Kosovën.

Sa i takon normalizimit të marrëdhënieve ndërmjet Kosovës dhe Serbisë, thuhet se dialogu i lehtësuar nga BE-ja ofron një dritare mundësie për të dy vendet, që më në fund të kthejnë një faqe të re.

Këshilli i Ambasadorëve Shqiptarë e mbështet këtë proces, duke shpresuar se ai do të përfundojë me njohjen e ndërsjelltë diplomatike, si dy shtete fqinj, të pavarur dhe sovrane.

Këshilli i Ambasadorëve Shqiptarë beson fuqimisht se rezultati i dialogut të lehtësuar nga BE-ja do të jetë në përputhje me parimet e miratuara për zgjidhjen e statusit përfundimtar të Kosovës, të mishëruar dhe në Dokumentat e Grupit të Kontaktit, i cili ka monitoruar dhe mbikqyrur politikën ndërkombëtare në Kosovë, si dhe me Propozimin Gjithëpërfshirës për Zgjidhjen e Statusit të Kosovës, ose siç njihet ndryshe “ Plani Ahtisaari”

Këto parime udhërrëfyese, nënvizon Këshilli i Ambasadorëve Shqiptarë, sigurojnë integritetin territorial të Republikës së Kosovës, brenda kufijve të saj të njohur ndërkombëtarisht dhe mbrojtjen e karakterit të saj multi-etnik.

Në fund të letrës nënvizohet se përqasjet alternative mbi bazën e nocionit të ri-përcaktimit ose ndryshimit të vijave kufitare sipas parimeve etnike mund të minojnë stabilitetin e Kosovës dhe vendeve të tjera multi-etnike në Evropën Juglindore.

“Është përgjegjësia e të gjithë aktorëve të përfshirë që të garantojnë respektimin e këtyre parimeve gjatë gjithë këtij procesi. Ato janë me rëndësi kritike për paqen, stabilitetin dhe perspektivën afat-gjatë europiane të Rajonit tonë”, thuhet në letër.

Letra e plotë:

I nderuar, Zoti Donald J. Trump

President i Shteteve të Bashkuara

Shtëpia e Bardhë

1600 Pennsylvania Avenue NW

Washington, DC 20500

Në vëmendje të:

Sekretarit të Shtetit Michael R. Pompeo,

Departamenti Amerikan i Shtetit.

Senatorit James Risch,

Kryetar i Komitetit të Senatit për Marrëdhëniet me Jashtë

Senatorit Robert Menendez,

Antar i Lartë i Komitetit të Senatit për Marrëdhënie me Jashtë

Senatorit Ron Johnson,

Kryetar i Komitetit të Senatit mbi Sigurinë e Brendshme dhe Çështjet Qeveritare dhe Kryetar i Nënkomitetit për Europën dhe Sigurinë Rajonale,

Kongresmenit Eliot Engel,

Kryetar i Komitetit të Dhomës së Përfaqësuesve për Çështjet e Jashtme

Kongresmenit Michael McCaul,

Anëtar i Lartë i Komitetit të Dhomës së Përfaqësuesve mbi Çështjet e Jashtme

Ambassadorit Richard A. Grenell,

I Dërguar Special i Presidentit për Negociatat e Paqes midis Serbisë dhe Kosovës

I nderuar Zoti President,

Këshilli i Ambasadorëve Shqiptarë dëshiron ta shfrytëzojë këtë mundësi për t’ju falenderuar përzemërsisht, Juve dhe SHBA-ve, për mbështetjen e vazhdueshme që u keni dhënë Shqiptarëve në Ballkan.

Pak javë më parë, më 17 Shkurt, Kosova festoi 12 Vjetorin e Shpalljes së Pavarësisë. Ashtu siç jeni shprehur dhe në Letrën Tuaj të urimit drejtuar Presidentit të Republikës së Kosovës, lidhjet e fuqishme ndërmjet SHBA-ve dhe Kosovës janë farkëtuar përmes një angazhimi të përbashkët për zhvillimin e Kosovës, si shtet sovran, i pavarur, multi-etnik dhe demokratik.

Populli i Kosovës luftoi pothuajse një shekull për liri dhe pavarësi. Më në fund, këto objektiva u realizuan me vendosmëri dhe me mbështetjen e domosdoshme të miqve dhe aleatëve tanë perendimorë, dhe, në radhë të pare, të SHBA-ve.

Mbështetja vazhdueshme e SHBA-ve ndaj aspiratave legjitime të popullit të Kosovës ka qenë vërtetë thelbësore. Ajo çimentoi më tej miqësinë ndërmjet Amerikanëve dhe Shqiptarëve, e cila ka ekzistuar qysh nga fundi i Luftës së I Botërore. Administrata e Presidentit Wilson mbrojti të drejtën e Shqipërisë për të qenë shtet i pavarur.

Populli shqiptar do të mbetet përjetë mirënjohës dhe është krenar që është kombi më pro-amerikan në Evropën Juglindore.

Si shteti i pavarur, Republika e Kosovës ka bërë përparime të mëdha në rrugën e saj për ndërtimin e institucioneve demokratike funksionale dhe për një demokraci dinamike, ku të sundojnë liritë njerëzore dhe shteti i të drejtës. Sot, pakicat etnike në Kosovë gëzojnë të drejta individuale dhe kolektive të pakrahasueshme, në përputhje me standardet më të larta ndërkombëtare.

Në një rajon me probleme akute mbi – dhe ndërshtetërore, gjendja në Kosovë është e qëndrueshme dhe nuk përbën kurrfarë kërcënimi për paqen dhe sigurinë rajonale.

Republika e Kosovës është gur themeli për stabilitetin dhe sigurinë në këtë pjesë të Evropës.

I nderuar Zoti President,

Na lejoni të përfitojmë nga ky rast për të rikujtuar se Kosova e shpalli pavarësinë pas një procesi të gjatë dhe gjithëpërfshirës me negociata të kryesuara nga OKB, të bashkërenduara ngushtë me komunitetin ndërkombëtar me në krye SHBA-të. Në Opinionin e tij Këshillimor më 2010, Gjykata Ndërkombëtare e Drejtësisë pohoi se shpallja e pavarësisë së Kosovës ishte në përputhje të plotë me të drejtën ndërkombëtare.

Dialogu për normalizimin e marrëdhënieve ndërmjet Kosovës dhe Serbisë, i lehtësuar nga BE-ja ofron një dritare mundësie për të dy vendet, që më në fund të kthejnë një faqe të re.

Këshilli i Ambasadorëve Shqiptarë e mbështet këtë proces, duke shpresuar se ai do të përfundojë me njohjen e ndërsjelltë diplomatike, si dy shtete fqinj, të pavarur dhe sovrane.

Gjithashtu, Këshilli i Ambasadorëve Shqiptarë mirëpret përkushtimin e Administratës Tuaj për përparim në këtë dialog të lehtësuar nga BE-ja.

Tanimë kemi dhe disa rezultate premtuese falë marrëveshjeve të kohëve të fundit mbi transportin ajror dhe hekurudhor, falë ndërmjetësimit të të Dërguarit Tuaj Special, Ambasadorit Richard Grenell.

Këshilli i Ambasadorëve Shqiptarë beson fuqimisht se rezultati i dialogut të lehtësuar nga BE-ja do të jetë në përputhje me parimet e miratuara për zgjidhjen e statusit përfundimtar të Kosovës, të mishëruar dhe në Dokumentat e Grupit të Kontaktit, i cili ka monitoruar dhe mbikqyrur politikën ndërkombëtare në Kosovë, si dhe me Propozimin Gjithëpërfshirës për Zgjidhjen e Statusit të Kosovës, ose siç njihet ndryshe “ Plani Ahtisaari”

Këto parime udhërrëfyese sigurojnë integritetin territorial të Republikës së Kosovës, brenda kufijve të saj të njohur ndërkombëtarisht dhe mbrojtjen e karakterit të saj multi-etnik.

Përqasjet alternative mbi bazën e nocionit të ri-përcaktimit ose ndryshimit të vijave kufitare sipas parimeve etnike mund të minojnë stabilitetin e Kosovës dhe vendeve të tjera multi-etnike në Evropën Juglindore.

Është përgjegjësia e të gjithë aktorëve të përfshirë që të garantojnë respektimin e këtyre parimeve gjatë gjithë këtij procesi. Ato janë me rëndësi kritike për paqen, stabilitetin dhe perspektivën afat-gjatë europiane të Rajonit tonë.

I dashur Zoti President,

Me rastin e urimeve për Kosovën, për ditën e saj të pavarsisë, Këshilli i Ambasadorëve Shqiptarë shpreh mirënjohjen e tij më të thellë të gjithë atyre që me sakrifica të panumurta e kthyen në një realitet të bukur ëndrën për një Kosovë të lirë e të pavarur.

Kjo mirënjohje është gjithashtu dhe për të gjithë miqtë ndërkombëtarë të Kosovës, në veçanti, SHBA-ve dhe lidershipin Tuaj, që keni mbështetur dhe vazhdoni të mbështetni forcimin e pandërprerë të shtetit më të ri në Europë.

Së fundi, Ju lutemi, Zoti President, pranoni sigurimet e konsideratës tonë më të lartë!

Me respekt,

Këshilli i Ambasadorëve Shqiptarë

Jo vetëm Gjykata e Lartë, por tashmë edhe gjykatat e Apelit po përballen me stoqe të dosjeve dhe gjykime të stërgjatura.

Sipas një studimi gjatë 2016 -2019 konkludohet që gjashtë gjykatat e Apeleve po ndeshen me fluks çështjesh dhe gjyqtarë që po shkarkohen.

“Jemi drejt mbylljes së gjykatës së Apelit Korçë, Vlorë, Shkodër, është e patolerueshme, nuk mundet që një gjyqtar që shqyrton masat e sigruisë të shqyrtojë dhe themelin”, tha avokati Saimir Visha.

“Duhen gjetur mekanizmat që të kryhet një zëvendësim, këtë duhet ta bëjë shkolla e magjistraturës, para nisjes së procesit Shqipëria kishte rreth 12 gjyqtarë për 100 miëj banorë, ndërkohë që mesatarja evropianë është 21 gjyqtarë për 100 mijë banorë”, tha drejtuesi i Qendrës për Çështje të Informimit Publik Gert Shella.

Nëse do të mbahen parasysh vendimet e të dyja shkallëve të procesit të vettingut, rezulton se deri tani janë shkarkuar nga detyra 98 gjyqtarë dhe prokurorë.

Ndërsa janë konfirmuar për të vijuar më tej udhëtimin e tyre në drejtësi 91 të tjerë.

E gjitha kjo ka ndodhur gjatë dy viteve proces vettingu që startoi në mars 2018 ndërsa pritet t’i nënshtrohen edhe 600 të tjerë

Deri më tani shkarkimet e shumta kanë efekt në Gjykatën Kushtetuese, në Prokurori dhe në Gjykatën e Lartë , ku stoku ka kapur shifrën e mbi 34 mijë dosjeve.

Nga 794 subjekte nën vetting janë kontrolluar 191 njerëz të drejtësisë , nga të cilët dy vendime neutrale.

Gjithsej nën vetting ishin 794.

Me datën 7 nëntor të vitit 2018 në një mbledhje ku po diskutohej korniza e investimeve në Ballkanin Perëndimor të administruara nga WBIF (The Western Balkans Investment Framework) vendos që Shqipërisë t’i kërkohej të kthente 350 mijë euro që i kishte marrë për studimin e fisibilitetit për By-pasin e Lezhës (Milot-Balldren) për shkak se qeveria shqiptare kishte vendosur dhënien e tij me koncesion të tipit PPP.

Projekti PPP ishte iniciuar pas një propozimi të pakërkuara të kompanisë shqiptare A.N.K dhe në tetor 2018 kompania A.N.K fitoi procedurën konkurruese për dhënien me koncesion/PPP të ndërtimit dhe mirëmbajtjes së rrugës Milot –Balldre, me vlerë ndërtimi dhe mirëmbajtje gjithsej 161.5 milionë euro. Pas një rinegocimi pa garë të interesave , vlera e kontratës u rrit në 213 mln euro pa TVSH, ose 256 mln euro me TVSH.

Në nëntor të vitit 2018, pak pas fitimit të tenderit nga Kompania ANK, WBIF anuloi projektin për studimin e fisibilitetit të bypass-it të Lezhës. Sipas minutave të zbardhura të takimit, përfaqësuesja e Bankës Europiane për Rindërtim dhe Zhvillim-BERZH (Zsuzsanna Hargitai) konfirmoi se një PPP (propozim i pakërkuar) ishte pranuar nga qeveria shqiptare dhe si rrjedhojë granti do të anulohej dhe fondet duhet të riktheheshin (rreth € 351,750).

Baypasi i Lezhës ose ndryshe aksi Milot-Balldren është pjesë e Autostradës Adriatiko -Joniane, projekt i cili është përzgjedhur për financim nga Nisma e Berlinit për shkak se, lidh Ballkanin Perëndimor me Korridoret Europiane. Donatorët kishin nisur të financonin studimet, por qeveria shqiptare kishte planifikuar ta ndërtonte këtë segment me PPP kundrejt një çmimi shumë të lartë.

Janë zbardhur vendimet e miratuara në mbledhjen e Këshillit të Ministrave, mbajtur ditën e sotme, ku mësohet se Enkelejda Muçaj është emëruar Avokate e Përgjithshme e Shtetit Shqiptar.

Zëvendësimi në fjalë i Artur Metanit vjen pasi ky i fundit u zgjodh kreu i Inspektoratit të Lartë të Drejtësisë.

V E N D I M PËR EMËRIMIN E AVOKATIT TË PËRGJITHSHËM TË SHTETIT

Në mbështetje të nenit 100 të Kushtetutës dhe të pikës 1, të nenit 21, të ligjit nr.10018, datë 13.11.2008, “Për Avokaturën e Shtetit”, të ndryshuar, me propozimin e Kryeministrit, Këshilli i Ministrave

V E N D O S I:

Znj. Enkelejda Muçaj emërohet Avokat i Përgjithshëm i Shtetit.

Ky vendim hyn në fuqi menjëherë.

Enkeljeda Muçaj punon si avokate në një firmë ligjore prej vitit 2000. Ajo ka asistuar klientë të huaj dhe vendas që operojnë veçanërisht në sektorin e naftës, gazit dhe minerareve si dhe në industrinë e telekomunikacionit në Shqipëri.

Në vitet 1998-2000, Enkelejda Muçaj ka pasur edhe një rol si “Këshilltare Ligjore e Ministrit të Kulturës dhe Rinisë së asaj kohe, Edi Rama. Ajo ka ofruar ndihmë juridike posaçërisht në lidhje me kornizën e re ligjore të ligjit për të drejtat e autorit në Shqipëri”, thuhet ndër të tjera në biografinë e saj.

Populli rrëzon me nokdaun Kulçedrën Rilindase në Ringun e Dëshmorëve të Kombit.

2 Marsi, ditëlindja e Kuvendit Historik, Besëlidhja e Lezhës.
576 vite më parë fisnikët arbërorë u besëlidhën me Kryezotin e Arbërisë ideatorin e jetësuesin e Shtetit të Përqendruar Arbëror, Heroin Kombetarë, Moisiun tonë Gjergj Kastrioti (Skënderbeu), i cili kishte shpallur mëvetësinë pak muaj me parë se të vinte atëkohë pranëvera e parë shqiptare pas dimrit të gjatë osman.
Ashtu siç kishte ndarë përgjysëm me shpatë kulçedrën Shën Gjergji i Mitologjisë emrin e të cilit e mbante Gjergji Ynë, siç ndau detin me shkopin magjik Moisiu për të kaluar hebrejtë drejt Tokës së premtuar ashtu edhe Dragoi Arbëror, Skënderbeu ndau përgjysmë kulçedrën aziatike, këputi zinxhirët shekullorë të robërisë otomane dhe shpalli Pavarësinë në Nëntorin e Parë me dt 28 nëntor 1443.
Për 25 vite Kalaja e Krujës, Kështjella e Shqiponjave u bë digë e pathyeshme nga hordhitë otomane.
Pas kalimit në amshim, për tu përjetësuar në pavdekësi është shkruar nga shumë personalitete për Arkondin tonë, por po veçoj disa prej tyre:
“Prijësi i Epirit, shfarosësi i turqëve” e ka cilësuar Mbretëresha Elisabetë.
“Sikur të kishte mbrojtur Gjergj Kastrioti Konstadinopojën, nuk do të mundnin ta merrnin atë në maj 1453” ka shkruar Volteri.
“Skënderbeu është figura qëndrore që lidhë historinë e vjeter të Ilirisë, epiriotëve, maqedonësve dhe arbëreshëve” ka nënvizuar Abaz Ermenji.
Armiku me i madh i tij Sulltani që mbante nofkën “pushtuesi” Mehmeti i Dytë ka deklaruar:
“Kurrë s’ka për të dalë mbi dhe një Luan i tillë”.
Tajar Zavalani pohon se:
” Gjergj Kastrioti i kishte kushtuar vehten lirisë dhe mirëqenies së popullit të vet me vetëmohim të plotë.
Qëllimi i tij ishte jo vetëm ti mbronte nga sulmet e armikut të huaj por edhe ti bashkonte shqiptarët në një Komb të pavarur”.
Mesazhi i thuprave që na la si testament Gjergji Ynë i Motit të Madh ka qenë gjithmonë Kryefjala e kallzuesi i prijësve shqiptarë në betejat për liri e pavarësi në shekujt që pasuan.
Pikërisht sot në ditëlindjen e Kuvendit Arbërorë , të Shtetit të Përqendruar Arbëror, në ditëlindjen e Besëlidhjes së Lezhës, në ditën e pranëverës së bashkimit për të jetësuar mesazhin e thuprave të Gjergjit të Madh Presidenti Ilir Meta ka thirrurr popullin në Bulevardin e deshmorëve të Kombit në një Besëlidhje Hyjnore për ti mbrojtur Kushtetutën, demokracinë, Shtetin e së Drejtës, Republikën, parlamentarizmin, trojet arbërore, asetet kombëtare, liritë dhe të drejtat e qytetarit, barazinë para ligjit, financat publike, ekonominë e tregut të lirë, konkurencën e lirë, kauzën kombëtare, dinjitetin kombëtar, fjalën e lirë nga Kulçedra Rilindase.
Në Mejdanin e 2 marsit, në ringun e Bulevardit Deshmorët e Kombit U ndeshen, dy botë, dy doktrina, dy antipode, dy antiteza, dy ideologji, dy filozofi.
Në njërën anë është vendosur Kulçedra Rilindase që përfaqëson krimin e organizuar, i cili ka mbërthyer si oktapod, ekonominë, rendin, politikën.
Aty janë janë vendosur demonët, vampirët, tellallët, ksenofobët e Edi Rames, kracia dhe plutokracia e tij mediatike, kuislingët, esadistët, zervistët, kleptokratët, kakistokratët, puçistët kushtetues, që me gënjeshtra, mashtrime, fallsifikime, propotencë, arrogancë, dhunë shtetërore, intimidim, komprementim, shantazh, kanosje, gjoja në emër të reformes në drejtësi po përpiqen të kryejnë grushtin e shtetit pas kapjes së Gjykatës Kushtetuese, të pushtojnë Presidencën dhe të instalojnë përfundimisht Totalitarizmin.
Në anën tjetër – Sovrani, qytetarët virtuozë. opozita e bashkuar tashmë, qytetarët nga mbarë hapsira shqiptare, Diaspora e shenjestruar nga Kryeministri uzurpator Edi Rama, gardianët e lirisë, misionarët e mbrojtjes së Kushtetutës, lirisë, demokracisë dhe Kombit, dishepujt e Atdheut, apostujt e patriotizmit dhe nacionalizmit.
Korifeu i këtij manifestimi paqësor është Presidenti Ilir Meta.
Gladiatorët gandistë, Kuqezi zbritën në Sheshin e Mejdanit në Bulevardin Deshmorët e Kombit për ti thënë solemnisht:
Po Shqipërisë, po Kushtetutës, po Republikës Parlamentare, po Shqipërisë dhe Kombit.
Populli Sovran i thotë.
Jo Puçit Kushtetues.
Ju Grushtit të Shtetit.
Jo Republikës Kryeministrore.
Jo Parlamentit zyrë noterie e qeverisë.
Jo politikës skllavëruese shtetërore.
Barazi para ligjit.
Mesuesi i madh e mbrojtësi me jetën e tij i të vertetës Sokrati na ka lanë një postulat shumë të çmuar:
“Të gjithë shpirtërat janë të pavdekshëm, por shpirtërat e të drejtave janë të pavdekshëm dhe hyjnorë”.
Mshirimi i njeriut të lirë dhe realitetit të gjallë na mesoj se shpirti i lirë nuk hyn në zgjedhë.
Ai na thotë se njeriu mund të vdesë jo vetëm në fatin e tij, për lavdinë e vet, e për gjera të mëdha, por dhe për lirinë e mendimit e parimet e veta që nuk ka të bëjë fare me mendjemadhësinë e sentimentalizmin”.
“Mosbesimi dhe urrejtja ndaj dialogut është mosbesim dhe urrejtje ndaj njeriut” apostrofon filozofi i madh.
Simboli i morali filozofi Emanuel Kant nënvizon se: “Çdo njeri është i lirë jo sepse ka lindur i lirë, por ka lindur me ngarkesën e marrjes së përgjegjësisë për marrjen e vendimeve të veta”.
Prandaj sot është privilegj i madh për qytetarët të marrin vendimin për të mbrojtur Shtetin e së Drejtës, Kushtetutën, Republikën, demokracinë, institucionalizimin e votës së lirë, parlamentarizmin, pasurinë kombëtare, çështjen kombëtare, pronën nga qëveria, konkurencën e lirë, barazinë para ligjit, fjalën e lirë, integritetin e dinjitetin kombëtar.
Edi Rama premtoj shtetin ideal, shembëlltyrën e Atlandës utopike të Francis Bekonit por me gënjeshtra e mashtrime, fallsifikime asfiksoj shtetin e së drejtës dhe demokracinë dhe po përpiqet ta shpallë vehten Sundimtar Suprem, i yshtur nga baballarët e tij shpirtëror Putinin dhe Erdoganin.
Presidenti Ilir Meta i ktheu verdiktin Sovranit e Ai do ti thotë stop Grushtit të Shtetit, ndal Puçit Kushtetues, jo pushtetit absolut të Edi Ramës.
Sot Sovrani ndonëse i plagosur do ta mundë me nokdaun Bajlozin Edi Rama në ringun e Bulevardit Deshmorët e Kombit.
Triumfi i shpirtit të Kombit në mejdanin e sotëm do të mbyllë kapitullin e dhimbshëm të rrugëtimit tridhjetëvjeçar të demokracisë shqiptare dhe do te vendosë gurëthemelin e Shtetit të së Drejtës, barazinë para ligjit dhe do ta kthejë dinjitetin e Kushtetutës si dokumenti themeltar i shtetit, ballancimit të pushteteve, garante e lirive dhe drejtave të individit.
Edi Rama ashtu si Gruevski i dehur nga adrenalina që të jep froni po sillet me arrogancë, propotencë duke uzurpuar gjithçka si lugat por dhe ky do të kthehet në zvarranik si Ai e do të ja mbathë drejt Turqisë apo Rusisë.
Sovrani ka të drejtën hyjnore për të vendosur.
Pushteti i Sovranit është absolut.
Kur flet Sovrani të tjerët heshtin.

2 MARS 2020

TIRANË

Kishte paralajmëruar se do firmoste një dekret dhe ashtu bëri. Presidenti i Republikës Ilir Meta, para mijëra qytetarëve të mbledhur në tubimin, sipas tij për mbrojtjen e Kushtetutës dhe kundër grushtit të shteti, firmosi dekretin për kthimin në Kuvend të ndryshimeve në ligjin për Gjykatën Kushtetutese.

Për Kreun e Shtetit ndryshimet ligjore përbëjnë grushtin ndaj shtetit ligjor. Në tubimin e organizuar në Bulevard pranë zyrës së tij, Meta paralajmëroi se pas 15 Marsit, datë e caktuar si afati për miratimin e reformës zgjedhore, nëse Kuvendi nuk do marrë parasysh dekretin e nënshkruar, atëherë do firmosë dokumentin më të rëndësishëm, dekretin për shpërndarjen e Parlamentit.

Për Presidentin e Republikës në faj nuk është vetëm mazhoranca socialiste për devijimin e reformës në drejtësi, por edhe disa ndërkombëtarë. Ilir Meta me bindje tha se sovratiteti i vendit është shkelur dhe për këtë ai tha se ka shumë e shumë për të thënë. Me një prezencë patriotike Ilir Meta u betua mbi flamurin kombëtar se do mbronte kushtetutën.

Ndërkohë  që qytetarët ishin në bulevard me flamuj kuq e zi dhe mimoza, siç ka qenë apeli i Presidentit.

Ora 18:46 Meta paralajmëron ashpër: Nëse nuk ka reflektim, pas 15 marsit do firmos shpërndarjen e parlamentit brenda tij

Presidenti Ilir Meta ka paralajmëruar se nëse mazhoranca nuk merr parasysh dekretin e firmosur sot para popullit, në Bulevardin “Dëshmorët e Kombit”, për ndryshimin e ligjit për betimin e anëtarëve të Gjykatës Kushtetuese, pas 15 marsit do të firmosë dekretin për shpërndarjen e Parlamentit në mes të Parlamentit. Kreu i Shtetit deklaroi se do presë deri më 15 mars, kur pritet që palët politike të miratojnë Reformën Zgjedhore, dhe pastaj do të firmosë për shpërndarjen e Parlamentit, dhe për këtë ai u betua para mijëra qytetarëve të mbledhur në shesh.

“Nëse grushti i shtetit, organizata mafioze ndërkombëtare, nuk e merr seriozisht këtë dekret, unë e jap fjalën, në emër të këtij flamuri, për të cilin janë vrarë mijëra e mijëra dëshmorë e heronj, se pas datës 15 mars, kur të përfundojë Reforma Zgjedhore, që është një kusht, populli kuqezi që votoi sot për vdekjen e grushtit të shtetit, unë Ilir Meta betohem se atë dekret nuk do ta firmos këtu, por në mes të Parlamentit, atje, në mes të krimit. Unë i pari dhe gjithë populli kuqezi, jemi populli që vuajtëm më shumë se kushdo komunizmin, jemi një popull që jetën e japim, demokracinë jo

Ora 18:40 “Vdekje grushtit të shtetit, rroftë Republika”, Meta firmos në shesh dekretin kundër ligjit të ri mbi betimin e gjyqtarëve

Dekreti i parë të cilin firmos Presidenti Meta sot është ai kundër ligjit të ri nga mazhoranca për betimin e gjyqtarëve kushtetues. Kjo do të thotë se Meta ka rrëzuar këtë ligjin i cili ishte përcaktuar nga Kuvendi si ”mekanizmi zhbllokues” por që do të jetë sërish Kuvendi i cili do të shqyrtojë këtë dekretin.

”Këta shpikën si të shenjtë afatin e Dvoranit. Këta nuk e vranë mendjen puçistët vendas dhe bashkëpuntorët ndërkombëtarë për asnjë afat kushtetues që nuk u respektua për institucionet e reja të drejtësisë . Shqiptarët janë këtu për një drejtësi të vërtetë, të barabartë, jo drejtësi me regji. Nuk duan të jetjojnë më me këtë model të ri drejtësi. Krimi i ri të mbetet mbi krimin e vjetër. Shqiptarët duan drejtësi sipas kushtetutës. Ata në krye të shtetit të kapur në flagrtancë për krime të rënda kushtetuese i mbron. A mund të besojë njeri tek kjo drejtësi?

Demokracia nuk rrezikohet kur populli ngrihet, por kur shteti me ligje antikushtetuetse do të shtypë të drejtat kushtetuese. Historia na ka mësuar se edhe Hitleri me ligje antikushtetuese e instaloi diktaturën në Gjermani. Kur populli ka qeveria aty ka diktaturë, kur qeveria ka frikë nga populli aty ka liri, aty ka demokraci. Diktaturat mund të ndryshojnë maska, por ato mbeten armike të lirisë. është përgjegjësia ime si kryetar i shtetit, që e garanton vetëm Kushtetuta, të mbroj Kushtetutën, të garantoj shtetin laik ku të gjithë mund të ushtrojnë të drejtat e tyre në paqe, me vlera perëndimore, ku dhe gruaja me burrin të jetë i barabartë dhe mos i marrin në qeveri për t’i përdorur.

18:14 “Ulem në gjunjë vetëm para flamurit dhe popullit kuq e zi”, Meta citon Kushtetutën: Sovraniteti i përket vetëm shqiptarëve
“Zëri i popullit, zëri i Zotit”. Me këto fjalë e ka nisur fjalimin e tij para mijëra qytetarëve, Presidenti i Republikës Ilir Meta teksa tha se ulet në gjunjë vetëm para flamuri kuq e zi e popullit të shqiponjave. Ai iu referua nenit 2 të Kushtetutës ku thuhet sovraniteti i përket vetëm popullit.

“Presidenti i popullit kuq e zi, ulet në gjunjë vetëm para flamurit kuq e zi dhe para popullit kuq e zi, para popullit të shqiponjave. Këtë ta dëgjojnë mirë puçistët vendas dhe organizata ndërkombëtare mafioze që kërkon të shkatërrojë sovranitetin dhe Kushtetutën tuaj. Neni 2 i Kushtetutës që ju votuat në referendum më 22 nëntor ‘98 thotë sovraniteti në Republikën e Shqipërisë i përket vetëm popullit. Ndaj ju kam ftuar jo si Ilir Meta por si Presidenti juaj, si i vetmi institucion legjitim që ka mbetur në këtë shtet për të dëgjuar zërin tuaj sepse kur institucionet bien ngrihet populli dhe populli nuk futet në xhep si parata e oligarkëve”, theksoi Meta.

18:12 ”Neodiktatura nuk ka për të fituar”, regjisori Edmond Budina: Nuk kam ardhur si mik i Presidentit, por i vihem në krah për Kushtetutën
Aktori dhe regjisori Edmond Budina ka marrë fjalën në podiumin e manifestimit të Presidentit ku ka thënë se 30 vite pas rrëzimti të diktaturës ai vetë rikthehet për ta bërë Shqipërinë si gjithë Europa, një ëndërr që e kishte që në protestën e 30 viteve më parë. Ai shprehet se nuk ka ardhur si mik i Presidentit Meta por i vihet në krah për Kushtetutën.
Budina thotë se neodiktatura që po përpiqet që të instalohet dhe të përdhosë Kushtetutën nuk ka për të fituar dhe se ai i vihet në krah Metës për të mbrojtur Kushtetutën.

18:08 Manifestimi/ Studentja e drejtësisë: Jam këtu për t’u thënë ‘ndal’ atyre që shkelin Kushtetutën e të drejtat tona
Mes personazheve që kanë folur mbrëmjen e sotme në Bulevard para manifestuesve ka qenë edhe studentja e drejtësisë Oneda Skënderi. Ajo tha se është në këtë manifestim për t’u thënë ndal atyre që shkelin Kushtetutën. “Zëri i atyre të rinjve dhe të rejave që ëndërrojnë një Shqipëri si gjithë Europa. Në tetor 2018 unë dhe shumë studentë u ngritëm në protesta për një Shqipëri më të mirë. Të gjitha kërkesat tona shkuan në vesh të shurdhër. Protesta u nda, sot jam këtu jo si ndonjë përfaqësuese e ndonjë partie politike por si një e re idealiste që nuk do ta braktisë vendin për shkak të paaftësisë apo mungesës së vizionit të disa politikanëve.

18:03 Boksieri shkodran me titullin kampion ndërkombëtar në manifestim: Ja dedikoj kësaj dite, zemra ime rreh vetëm kuqezi!
Kampioni i boksit, Kristian Demaj, i është bashkuar manifestimit të thirrur nga Presidentit Ilir Meta, që po zhvillohet këtë mbrëmje në Bulevardin “Dëshmorët e Kombit”.
Boksieri shkodran tha se, ndonëse nuk ka lindur në Shqipëri, zemra e tim rreh vetëm kuqezi. Demaj iu bëri thirrje të gjithë shqiptarëve në mbarë botën të kthehen në vendin e tyre dhe t’i bashkohen këtij manifestimi.

Ora 18:02 Artisti Bujar Kapexhiu, mori fjalën në manifestimin e thirrur nga presidenti Ilir Meta, sot në bulevardin Dëshmorët e Kombit.

“Jemi mbledhur për dy veprime, dy ide: Të mbrojme dhe të mos pranojmë, për mbrojtje të ligjit, morali e kundër të keqes. Nuk kam qenë kurrë anëtar i ndonjë partie e nuk do të jem, po në caste të vecante jam ndjerë edhe demokrat edhe socialist edhe republican edhe ballist, vetëm për të mirën e Shqipërisë në interesit të Atdheut tim.

Ora 17:54  Ish- ambasadori i Shqipërisë Agim Nesho ka folur në podiumin e manifestimit të Presidentit Ilir Meta ku ka kritikuar mazhorancën si dhe i ka kërkuar opozitës të bëjë ndryshimin.

Nesho shprehet se shkelja e Kushtetutës është kambanë alarmi për të gjithë shqiptarët të majtë dhe të djathtë si dhe i ka bërë apel qytetarëve ta mbrojnë atë.

 
Ora 17:49 Profesori Ledi Bianku, gjyqtari shqiptar në Gjykatën e Strasburgut, dha një mesazh të fortë para popullit shqiptar, të mbledhur në manifestimin e thirrur nga Presidenti Ilir Meta, në Bulevardin “Dëshmorët e Kombit”.

Gjyqtari Binaku zbuloi katër arsyet e forta pse e pranoi ftesën e Presidentit Meta për të marrë pjesë në këtë manifestim, ku e para dhe më e rëndësishmja, sipas tij, ishte pikërisht fakti që në vendin tonë nuk ka Gjykatë Kushtetuese.

Ora 17:41- Neritan Liçaj hap manifestimin: Fronti më i madh kuq e zi kundër grushtit të shtetit dhe rrëzimit të institucioneve në Shqipëri

Artisti i njohur, aktori Neritan Liçaj ka hapur manifestimin e thirrur nga Presidenti i Republikës Ilir Meta në Bulevard. Ai tha se ky tubim është në mbrojtje të Kushtetutës, të lirisë dhe atdheut. Sipas tij, ky manifestim është fronti më i madh kuq e zi kundër grushtit të shtetit dhe rrëzimit të institucioneve në Shqipëri.

“Në mbrojtje të Kushtetutës, në mbrojtje të lirisë, në mbrojtje të atdheut tonë të dashur Shqipëri. Ky manifestim madhështor është fronti më i madh kuq e zi kundër grushtit të shtetit dhe rrëzimit të institucioneve në Shqipëri”, tha Liçaj duke ia lënë më pas fjalën një personalitet të së drejtës, profesorit Ledi Bianku.

Ora 17:31 ”Kam dalë si qytetar”, Basha i bashkohet manifestimit: Kushtetutës i ka mbetur vetëm kapaku, zgjidhja zgjedhjet e parakohshme

Kreu i PD, Lulzim Basha i është bashkuar manifestimit të Metës si qytetar dhe thotë se duhet zgjidhur menjëherë kriza politike nëpërmjet zgjedhjeve të parakohshme.

”Kushetutës i ka mbetur vetëm kapaku. Duhet zgjidhur menjëherë kriza dhe zgjidhja e vetme janë zgjedhjet e parakohshme parlamentare dhe lokale në një ditë.
Unë këtu ndodhem si qytetar, si prind, si bashkëshort dhe bashkëqytetar. Unë kam dalë për të dhënë mesazhin që ky është një tubim qytetar, dhe është një bashkim qytetarësh.”- tha Basha.

Ora 17:29- “Fillimi i fundit i narkoshtetit”, ish-kryeministri Sali Berisha i bashkohet qytetarëve në Bulevard
Ish-kryeministri Sali Berisha i është bashkuar mijëra qytetarëe në manifestimin e thirrur nga Presidenti i Republikës Ilir Meta. I shoqëruar nga truprojat dhe nën fërshëllimat e qytetarëve me dy gishta lart, Berisha ka mbërritur në Bulevard ku në një prononcim të shkurtër për mediat e quajti fillimin e fundit të narkoshtetit këtë manifestim. “Në këtë miting që shënon fillimin e fundit të narkoshtetit”, tha Berisha.

Ora 17:07 – “Do firmoset një dekret”, Presidenca jep mesazhin e fundit para manifestimit: Do bëhet një votim dhe shpallet një betim…
Presidenca jep mesazhin e fundit para nisjes së manifestimit, teksa tashmë në shesh janë mbledhur mjaft qytetarë, që mbajnë të gjithë lidhur në krah flamurin kuqezi.
Zëdhënësi i Presidentit Ilir Meta, Tedi Blushi, iu uron mirëseardhjen në “Facebook” të gjithë qytetarëve, në atë, që ai e quan manifestim i jashtëzakonshëm mbarëkombëtar.
“Motra dhe vëllezër, Mirësevini në këtë Manifestimin të jashtëzakonshëm Mbarëkombëtar, ku do të firmoset një DEKRET, do bëhet një VOTIM dhe do shpallet një BETIM! SOT NIS PRANVERA E PANDALSHME KUQEZI! 🇦🇱 #PërKushtetutën🇦🇱 #PërRepublikën🇦🇱 #PërShqipërinë🇦🇱 #PërKombin🇦🇱”, shkruan Blushi.

Ora 17:05 – Manifestimi i Presidentit/ Gazment Bardhi dhe Sahit Dollapi me të rinjtë në Bulevard (Video)
Manifestimit të Presidentit të Republikës Ilir Meta i janë bashkuar dhe të rinjtë e të rejat e PD nën drejtimin e Sekretarit të Përgjithshëm të PD-së Gazment Bardhi dhe Sekretarit Organizativ Sahit Dollapi. Të shoqëruar nga disa të rinj, ata janë afruar në Bulevard për t’iu bashkuar qytetarëve të thirrur nga Presidenti Meta në mbrojtje të Kushtetutës, në një ditë të shënuar për kombin shqiptar, dita e Besëlidhjes së Lezhës.

Ora 17:02 – FOTO/ Një tryezë e kuqe me Kushtetutën sipër, ja vendi ku do të firmoset dekreti i jashtëzakonshëm nga Meta
Në bulevardin “Dëshmorët e Kombit” ka marrë formë gjithçka, teksa pritet të nisë nga çasti në çast manifestimi i thirrur nga Presidenti Ilir Meta.

Në foton që sjell “BalkanWeb”, duket se para Presidencës është ngritur podiumi, ku do të flasë Presidenti Meta dhe disa personalitete të tjera të botës së artit, sportit, kulturës. Në anë të podiumit, janë vendosur dy vajza të vogla, të cilat janë veshur me fustane, që mbajnë ngjyrat kuqezi.
Por në shesh nuk mungon dhe tryeza, ku do të firmoset një dekret i jashtëzakonshëm, siç ka thënë vetë Kreu i Shtetit.

Ora 16:18 – Të gjithë me flamurin kuqezi! Nis grumbullimi i qytetarëve në bulevard, me qindra policë rrethojnë Kryeministrinë
Ka nisur grumbullimi i qytetarëve në bulevardin “Dëshmorët e Kombit”, ku pas pak do të nisë manifestimi i thirrur nga Presidenti Ilir Meta.
Siç shihet nga videot që gazetari Erjon Skëndaj sjell në redaksinë e “BalkanWeb”, qytetarët kanë lidhur në krah flamurin kuqezi, duke përcjellë mesazhin se ky është një manifestim në mbrojtje të Kushtetutës dhe shtetit shqiptar.

Presidenti Ilir Meta sqaroi arsyet pse vendosi të thërrasë popullit në manifestim në Bulevardin “Dëshmorët e Kombit”.

Para mijëra qytetarëve të mbledhur në shesh, Kreu i Shtetit tha se duhej bërë ky manifestim kundër grushtit të shtetit, që sipas tij, po godet çdo ditë qytetarët e ndershëm e të varfër.

Ndër të tjera, Meta u tha se mazhoranca është një botë e egër, që si shushunja po i pi gjakun popullit çdo ditë me koncesione të frikshme të PPP.

“Jemi këtu, sepse Shqipëria e sotme është ndarë në dytë botë antagoniste. Një botë e vogël, e errët, e oligarkëve, që si shushunja pinë çdo ditë gjakun e popullit tonë e koncesionet e frikshme të PPP. Jemi vendi i parë në botë për kostot e autostradave për km/2, i kemi më të shtrenjtat. Unë si Presidenti i kam rrëzuar publikisht këto dekrete, të arsyetuara mbi Kushtetutë. Këto dekrete për koncesione kanë qëllim vetëm grabitjen e Shqipërisë. Ata tani kërkojnë dhe rrëmbimin në mënyrë mafioze të Gjykatës Kushtetuese, që krimet e tyre kushtetuese të mbeten pa gjykuar, dhe që oligarkët të fitojnë sa më shumë. Jemi këtu, se asnjë nga ne nuk mund t’i qëndrojë anash grushtit të shtetit. Jemi këtu kundër grushtit të shtetit.

Pse Presidenti thirri popullin? Sepse i shteroi të gjitha përpjekjet demokratike për të parandaluar kapjen e shtetit dhe sidomos grushtin e shtetit. Presidenti ka thirrur popullin, sepse pasuria kombëtare që po vidhet çdo ditë, është ajo që Zoti iu ka dhënë gjithë shqiptarëve. Sepse sistemi i drejtësisë është kapur për fyti nga sekti anti-shtet. Sepse kemi drejtësi me regjim, që godet të varfrit. Sepse financat po shterojnë dhe borxhet po rriten, dhe ato i paguani të gjithë ju. Sepse ekonomia juaj është në ditët më të errëta. Sepse oligarkët kontrollojnë parlamentin një-partiak dhe bëjnë krime të rënda kushtetuese, si ai që denoncova dje”, tha Meta.

TIRANË

“Zëri i popullit, zëri i Zotit”. Me këto fjalë e ka nisur fjalimin e tij para mijëra qytetarëve, Presidenti i Republikës Ilir Meta teksa tha se ulet në gjunjë vetëm para flamuri kuq e zi e popullit të shqiponjave.

Ai iu referua nenit 2 të Kushtetutës ku thuhet sovraniteti i përket vetëm popullit.
“Presidenti i popullit kuq e zi, ulet në gjunjë vetëm para flamurit kuq e zi dhe para popullit kuq e zi, para popullit të shqiponjave. Këtë ta dëgjojnë mirë puçistët vendas dhe organizata ndërkombëtare mafioze që kërkon të shkatërrojë sovranitetin dhe Kushtetutën tuaj. Neni 2 i Kushtetutës që ju votuat në referendum më 22 nëntor ‘98 thotë sovraniteti në Republikën e Shqipërisë i përket vetëm popullit. Ndaj ju kam ftuar jo si Ilir Meta por si Presidenti juaj, si i vetmi institucion legjitim që ka mbetur në këtë shtet për të dëgjuar zërin tuaj sepse kur institucionet bien ngrihet populli dhe populli nuk futet në xhep si parata e oligarkëve”, theksoi Meta. bw

Aktori dhe regjisori Edmond Budina ka marrë fjalën në podiumin e manifestimit të Presidentit ku ka thënë se 30 vite pas rrëzimti të diktaturës ai vetë rikthehet për ta bërë Shqipërinë si gjithë Europa, një ëndërr që e kishte që në protestën e 30 viteve më parë. Ai shprehet se nuk ka ardhur si mik i Presidentit Meta por i vihet në krah për Kushtetutën.

Budina thotë se neodiktatura që po përpiqet që të instalohet dhe të përdhosë Kushtetutën nuk ka për të fituar dhe se ai i vihet në krah Metës për të mbrojtur Kushtetutën.

FJALA E EDMOND BUDINËS
Përshëndetje të gjithëve,
30 vite më parë ne kishim një ëndërr, ta bënim Shqipërinë si gjithë Europa. Mbas 30 vitesh kthehem këtu për ta bërë sërish Shqipërinë si Europa, për ta shpëtuar nga kjo diktaturë e re. Që po përdhos vendin.
Kthehemi për të lufutar korrupsionit dhe mafien, i vihem në krah Metës për të mbrojtur Kushtetutën.
Nuk kam ardhur si mik i tij, as si përfaqësues i partive politike por për të mbrojtur demokracinë, lirinë e vendit tonë.
Ne nuk duhet ta lejojmë që vendi jonë të zbrazet. Kam qenë emigrant dhe e di çdo të thotë të të vdesin prindërit dhe mos kesh t’i shikosh, të mos kesh të hash dhe të vuash, dhe të shohësh në parlament njerëz që pasurohen ndërkohë pensionistët s’kanë para të marrin ilaçe. Jemi këtu t’i themi neodiktaturës që nuk ka për të fituar.
Sado që tenton të vendosë sulltanatin e vetë, nuk do ia dalë kurrë të zbrazë Shqipërinë. 30 vite më parë kishim ëndërr ta bënim Shqipërinë si gjithë Europa. Ne do e bëjmë të gjithë bashkë duke shporrur këtë oktapodh që nuk ka asgjë socialiste, për të mbrojtur institucionet.

Kampioni i boksit, Kristian Demaj, i është bashkuar manifestimit të thirrur nga Presidentit Ilir Meta, që po zhvillohet këtë mbrëmje në Bulevardin “Dëshmorët e Kombit”.

Boksieri shkodran tha se, ndonëse nuk ka lindur në Shqipëri, zemra e tim rreh vetëm kuqezi. Demaj iu bëri thirrje të gjithë shqiptarëve në mbarë botën të kthehen në vendin e tyre dhe t’i bashkohen këtij manifestimi.

“Shqipëri dua të të dëgjoj. Jam i lumtur dhe krenar që ndodhem në këtë manifestim madhështor. Vij pas një fitoreje të titullit si kampion ndërkombëtar, vetëm para tre ditësh. Ia dedikoj kësaj dite të shenjtë, 2 marsit. Edhe pse nuk kam lindur këtu, zemra ime është vetëm kuqezi. Zemra ime rreh për këtë vend të mrekullueshëm, që nuk duhet ta lë të shpopullohet.

Zemra ime rreh për këtë rini, që duhet ta ndërtojë të ardhmen këtu. Shqiponjat duhet të kthehen e të jetojnë këtu. I ftoj të gjithë shqiptarët në mbarë botën t’i bashkohen besëlidhjes sonë kuqezi. Të gjithë së bashku në mbrojtje të demokracisë, në mbrojtje të Kushtetutës”, tha Demaj. bw

Ish- ambasadori i Shqipërisë Agim Nesho ka folur në podiumin e manifestimit të Presidentit Ilir Meta ku ka kritikuar mazhorancën si dhe i ka kërkuar opozitës të bëjë ndryshimin.

Nesho shprehet se shkelja e Kushtetutës është kambanë alarmi për të gjithë shqiptarët të majtë dhe të djathtë si dhe i ka bërë apel qytetarëve ta mbrojnë atë.

FJALA e AGIM NESHOS

Të dashur qytetarët
Të bashkuar të gjithë të ushtrojmë të drejtën për mbrojtjen e Kushtetutës. Të kesh demokraci është zgjedhja jonë, të mbrosh është detyra jonë.
Sepse të gjithë duam një shqipëri demokratike, me të drejtat tona të respektueshme, që fëmijët tanë të jenë krenarë të punojnë këtu. Sot Shqipëria është më e plakur, është vrarë shpresa për të ardhmen, polarizimi i ekonomisë, autokracia e pushtetit, lidhjet e krimit me politikën, në një vend ku regjimi një partiak ka kapur institucionet, por llogaridhënia me popullin janë tretur në propagandë ku transparenca mungon.
Të lodhur dhe të zhgënjyer kemi pritur që gjendja të ndryshojë, kemi pritur dhe besojmë se opozita e bashkuar të bëjë ndryshimin dhe ka bërë para një regjimi duke denoncuar aferat korruptive. Por qytetarët kërkojnë zgjidhje të krizës. Kemi refuzuar zgjedhjet njëpartiake të 30 qershorit. Sot jemi para shkeljes së Kushtetutës, aktit të madhor për të ardhmen e vendit. Kapja e institucioneve është vija e kuqe për të mbrojtur demokracinë. Mund të kemi menduar se lufta politike është luftë interesash, por e sotmja është këmbanë alarmi për mbrojtjen e Kushtetutës dhe kthimin e sovranitetin. Sot kërkojmë vetëm mbrojtjen e saj, dhe kërkojmë përgjigje për disa pyetje.
Pse kanë frikë nga zgjedhjet e reja
Pse keni frikë të bashkoheni me ne për të dënuar krimin elektoral
Kush e destabilizon Shqipërinë, ata që kërkojnë funksionimin e shtetit ligjor, një Shqipëri pa drogë, korrupsion dhe krim, ata që duan që shtypi të jetë i lirë
Apo një parti në pushtet që ka krijuar një platformë plot ngjyra
Kur gishti tregon anën ju lutem mos u merrni me gishtin.
Revolucioni i 90-ës na dha një mësim. Na mësoi një mësim të baballarëve të SHBA, mbroni Republikën nga tirania e mazhorancës.

TIRANË

Artisti i njohur, aktori Neritan Liçaj ka hapur manifestimin e thirrur nga Presidenti i Republikës Ilir Meta në Bulevard. Ai tha se ky tubim është në mbrojtje të Kushtetutës, të lirisë dhe atdheut. Sipas tij, ky manifestim është fronti më i madh kuq e zi kundër grushtit të shtetit dhe rrëzimit të institucioneve në Shqipëri.

“Në mbrojtje të Kushtetutës, në mbrojtje të lirisë, në mbrojtje të atdheut tonë të dashur Shqipëri. Ky manifestim madhështor është fronti më i madh kuq e zi kundër grushtit të shtetit dhe rrëzimit të institucioneve në Shqipëri”, tha Liçaj duke ia lënë më pas fjalën një personalitet të së drejtës, profesorit Ledi Bianku. bw

Profesori Ledi Bianku, gjyqtari shqiptar në Gjykatën e Strasburgut ka qenë i pari folës në tubimin e thirrur nga Presidenti Ilir Meta.

Bianku u shpreh se janë 4 arsye të thjeshta se përse ai vendosi të jetë prezent të tubimin e thirrur nga Meta. Profesori u shpreh se nëse një vend nuk ka gjykatë Kushtetuese, atëherë Kushtetuta e vendit është thjesht një letër pa vlerë.

Bianku: Kur mora ftesën që t’iu drejtohesha sot, pyetja e parë që i bëra vetes ishte se çfarë arsyesh më bënin të vija. Katër arsye m’u dukën të mjaftueshme, e para rëndësia e këtij tubimi, mbrojtja e Kushtetutës. Nuk kam ardhur të vendosë se në debatin mes presidentit dhe mazhorancës ka të drejtë njëri ose tjetri, por dua të them se ky debat për Kushtetutën nxjerr një problem tjetër shumë të madh, atë që pa një Gjykatë Kushtetuese të pavarur, Kushtetuta ngelet një letër pa rëndësi.

Arsyeja e dytë, më një vend ku as presidenti nuk ka mundësi që pretendimet t’ia paraqes një organi të pavarur, imagjinoni çfarë mundësish kanë qytetarët e thjeshtë. Ka nga ata që thotë se qëllimi i këtij manifestimi është për pushtet, unë kam ardhur të them që po është për pushtet, por për pushtetin kushtetues. Ky është pushteti më i rëndësishëm mbi një shtet ligjor.

Arsyeja e tretë, çfarë emri i vihet kësaj situate? Nënkryetari i Gjykatës së Strasburgut u shpreh se “Pushteti i pakontrolluar i shumicës që nuk merr parasysh kërkesat e pakicës, rrezikon të bjerë…”.
Në Shqipëri, ka mbi dy vite që aktet e qeverisë dhe Parlamentit nuk kontrollohen nga askush. A mund të themi se kemi shtet të së drejtës në Shqipëri, në këto situata?

Arseja e katërt është pyetja që i bëra vetes. Në këtë situatë absurdi, ku nuk ka gjykata që të kontrollojë ligjin, pyesja veten si do reagojnë bashkëkombasit e mi. Më kujtohej një shprehje e një juristi të shquar “Një popull që fle në demokraci, ka rrezik të zgjohet në diktaturë”.

Vlerat e këtij kombi për liri, demokraci, nuk kanë vdekur. Sot kur ju shoh kuptoj se ka dhe një arsye tjetër që kam ardhur dhe kjo arsye jeni ju, thirrjet tuaja për gjykata që t’iu mbrojnë të drejtën. Unë mund t’iu uroj duke iu thënë “Zoti iu bekoftë”, por kjo është në dorë të Zotit.

Organizata Panshqiptare në SHBA, VATRA ka dalë sot me një deklaratë përshëndetëse për manifestin e thirrur nga Presidenti Ilir Meta në mbrojtje të Kushtetutës së Republikës së Shqipërisë.

Ndërsa VATRA e cilëson manifestimin si fillimin e fundit të një qeverisje që i ka shpopulluar dhe varfëruar shqiptarët, Meta thotë se pikërisht, kjo organizatë dhe shqiptarët e Amerikës në momentet më kyçe dhe vendimtare të kombit kanë qenë shtysa kryesore për lirinë, pavarësinë dhe demokracinë e Shqipërisë.

STATUSI I METES
Falenderim të përzemërt për VATRËN, organizatën më të vjetër Panshqiptare në SHBA, të themeluar nga dy korifejtë dhe personalitetet e mëdhaja të kombit tonë, Fan Noli dhe Faik Konica.
Shqiptarët e diasporës, veçanërisht ata në SHBA, në momentet më kyçe dhe vendimtare të kombit kanë qenë shtysa kryesore për lirinë, pavarësinë dhe demokracinë e Shqipërisë! 🇦🇱🤝🇺🇸

Policia e Tiranës ka aprovuar kërkesën e presidencës për të mbajtur një manifestim nga ora 17- 19 tek bulevardi “Dëshmorët e kombit”.

Gazetarja Dorjana Bezat raporton për “Balkanweb” se për mbarëvajtjen e tubimit policia ka hartuar një plan masash për ruajtjen e institucioneve dhe rendit publik. Pritet të angazhohen rreth 1000  forca policie, të cilat do të dislokohen pranë kryeministrisë dhe në institucionet e tjera përgjatë bulevardit.

Do të jenë të angazhuar punonjësit e rendit, forcat shqiponja dhe FNSH. Policia kriminale nuk ka informacione për incidente. Shpërndarja e uniformave blu pritet të jetë e ngjashme me protestat e mëparshme.

Përballë protestuesve do te krijohet një kordon që do të jetë përgjatë perimetrit te kryeministrisë. Kordoni do të jetë me policët e rendit ( mes tyre dhe femra) dhe ata shqiponja, ndërsa forcat e FNSH do të jenë në gatishmëri në pjesën e pasme. Ne gatishmëri pranë godinës së Kryeministrisë do të jenë edhe Garda e Republikës.

Siç parashikon ligji për tubimet ne gatishmëri do të jenë dhe zjarrfikëset dhe ambulancat. Kufizime për qarkullimin rrugor do të ketë në bulevardin “Dëshmorët e kombit” dhe në rrugët lidhëse me të. Autobuzët nuk do të lejohen të futen në qytet. Ata që vijnë nga pjesa veriore do të parkohen tek stadiumi “Asllan Rusi”, ndërsa nga ana veriore tek Fakulteti Ekonomik.

Henri Çili i ka shpëtuar masës së arrestit me burg. Vendimin e ka dhënë pas thuajse 10 orësh gjykata e Përmetit, e cila ka konkluduar për botuesin e njohur me masën e ‘detyrimit të paraqitjes’.

Ndërkohë, Ilir Korbi, drejtori juridik i Universitetit të Henri Çilit, është lënë në arrest shtëpie.

Gjykata po ashtu ka dhënë masë për të gjithë të arrestuarit e tjerë gjatë operacioni ‘mezhgorani’. Pritet që në minutat në vijim të zbardhen të gjitha masat e gjykatës.

Kujtojmë se Henri Çili është akuzuar se ka tentuar të ndikojë në shkallët e larta të gjyqësorit për t’i zbutur masën e akuzës vëllezërve Aliko nga Lazarati, të dënuar nga shkalla e parë dhe ajo e apelit me burgim (një i përjetshëm dhe tjetri me 18 vite) nën akuzën e vrasjes së efektivit të RENEA-s Ibrahim Basha. Në këmbim Çili do të merrte një total prej rreth 700 mijë eurosh në para të thata, prona dhe toka.