Kreu i lëvizjes “Shqipëria Bëhet”, Adriatik Lapaj, ka kërkuar nisjen e procedurave për organizimin e një referendumi kombëtar me qëllim shfuqizimin e dy ligjeve që, sipas tij, prekin çështjet e pronës dhe interesin publik: Ligjin për Investimet Strategjike dhe Paketën e Maleve.

Gjatë mbledhjes së Këshillit Kombëtar të partisë, Lapaj u ka bërë thirrje strukturave dhe mbështetësve për angazhim në këtë nismë, duke e cilësuar atë si një “besëlidhje të fuqishme” për veprim qytetar dhe institucional.

Ai theksoi se, në bazë të Kushtetutës, duhet të nisin procedurat pranë KQZ për marrjen e formularëve përkatës, me synimin e mbledhjes së 50 mijë firmave për secilin prej dy ligjeve.

Sipas Lapajt, nisma synon t’i japë qytetarëve mundësinë të shprehen drejtpërdrejt për çështje që ai i konsideron me ndikim të madh në pronën dhe interesin publik.

“Unë sot me përgjegjësinë kombëtarë të angazhimit tonë kërkoj nga ju një besëlidhje të fuqishme për tu angazhuar në shfuqizimin e këtyre dy ligjeve. Shumë flasin nëpër televizione, shumë flasin edhe nëpër protesta kur ndodh që prona u vidhet njerëzve, fjalët i merr era dhe duhen vepra. Referuar kushtetutës sonë, nenit 150 pika 1 i propozoj këtij këshilli të nisim procedurat ligjore për të kërkuar nga KQZ formularët tip për mbledhjen e 50 mijë firmave për secilin prej të dy ligjeve, për ta çuar vendin në referendum kombëtar për shfuqizimin e ligjit për investimet strategjike dhe për ligjin për paketën e maleve. Kjo është detyrë kombëtare. Ju ftoj të nisim punën për të thirrur popullin në demokraci të drejtpërdrejtë, është koha të shfuqizojmë babëzinë e pushtetit të Edi Ramës, është koha të ndalim vjedhjen me ligj të Atdheut”, tha ai. bw

Deputeti i PD-së, Belind Këlliçi ka kërkuar sërish dorëheqjen e ministrit të Jashtëm, Ferit Hoxha pas deklaratës së këtij të fundit që i quan shqiptarët e Maqedonisë si ‘idiotë’.

“Po ata idiotët shqiptarë atje çfarë thonë” thuhej në mesazhin e Hoxhës në një grup WhatsApp-i, shpërndarë dje nga Këlliçi.

“Ferit nuk ke pse vazhdon e diskretitohesh!!!
Nuk të mbron dot as time zones të ndryshme dhe as dalja nga grupet e ëhatsapp! Je thjesht skandaloz dhe këtë po e fakton nga ora në orë!
Jep dorëheqjen dhe kërko falje publike për këtë turp e skandal të pashembullt!”, shkruan deputeti demokrat.

Gazment Bardhi, ka reaguar sërish në lidhje me polemikën për mesazhin e ministrit për Evropën dhe Punët e Jashtme, Ferit Hoxha, duke deklaruar se ky i fundit e ka fshirë komunikimin pasi ai u bë publik.

Në një postim të ri, kreu i grupit parlamentar demokrat thekson se fshirja e mesazhit përbën, sipas tij, një pranim indirekt të përmbajtjes fyese ndaj shqiptarëve në Maqedoninë e Veriut.

“Të quash shqiptarët e Maqedonisë së Veriut ‘idiotë’ në një komunikim me ambasadorët nuk është lapsus. Është mentalitet politik”, shkruan Bardhi, duke shtuar se nuk ka fabrikim, por një sjellje arrogante dhe të padenjë për një zyrtar të lartë.

Ai akuzon ministrin për hipokrizi, duke thënë se ndonëse në publik paraqitet si mbrojtës i shqiptarëve jashtë vendit, në komunikime private i përçmon ata. Sipas Bardhit, kjo sjellje reflekton një qeveri që, sipas tij, ka humbur lidhjen me realitetin.

Në reagimin e tij, Bardhi përmend edhe pretendime për “kërcënime të kamufluara” ndaj ambasadorëve në të njëjtin grup komunikimi, duke kërkuar mbrojtje për ata që kanë denoncuar rastin.

Ai i bën thirrje kryeministrit Edi Rama që të verifikojë rastin dhe të marrë masa të menjëhershme, duke kërkuar shkarkimin e ministrit të Jashtëm.

Postimi i Bardhit:

Deputeti i PD, Belind Këlliçi ka reaguar në lidhje me gjuhën e përdorur nga ministri i Jashtëm, Ferit Hoxha kundrejt shqiptarëve të Maqedonisë.

Në një postim në rrjetet sociale, ku ka ndarë mesazhet e dërguara nga ministri, Këlliçi shprehet se gjuha e përdorur nga ministri tregon arrogancë dhe se ai duhet të mbajë përgjegjësi.

Reagimi i deputetit të PD, Belind Këlliçi:

A do mbajë përgjegjësi Ferit Hoxha për mënyrën si shprehet për shqiptarët?!

Eshtë pikërisht komunikimi në një grup chat-it në Ministrinë e Jashtme, mes titullarit dhe disa funksionarëve të lartë, që tregon çfarë në të vërtetë Ferit Hoxha mendon për bashkëkombasit tanë në Maqedoni të Veriut.

Lehtësia me të cilën ai shprehet në këtë mënyrë fyese, është pak të thuhet arrogancë.

Ky etiketim, kjo gjuhë ordinere i ka habitur aq shumë punonjësit e Ministrisë së Jashtme që janë pjesë e këtij grupi komunikimi në ëhatsapp, sa kanë nisur ta shpërndajnë.

Ferit Hoxha nuk mund të jetë një kryediplomat i Tiranës nëse mendon në këtë mënyrë për shqiptarët.

Edhe nëse do të ishte në një audiencë të kufizuar, të kontrolluar dhe me besim të plotë në konfidencialitet, një diplomat karriere që i është besuar drejtimi i Ministrisë së Jashtme s’ka se si të përdorë këtë gjuhë. Eshtë e papranueshme.

Ka vetëm një mënyrë që ai të provojë se ka shërbyer në qendrat më të rëndësishme të botës.

Të mbajë përgjegjësi për këtë komunikim, ashtu siç do bënte një diplomat karriere në Bruksel, Neë-York, NATO, Paris, e kudo në perendim. bw

Ambasada e Shteteve të Bashkuara në Tiranë ka mirëpritur Ambasadorin e SHBA-së në NATO, Matthew Whitaker, në një vizitë zyrtare ku u vu në pah bashkëpunimi i ngushtë mes dy vendeve.

Përmes një njoftimi, Ambasada bëri të ditur se gjatë vizitës, Whitaker u njoh nga afër me marinsat amerikanë si dhe me punonjësit amerikanë dhe shqiptarë që kanë shërbyer në operacionet e NATO-s në Afganistan dhe Irak.

“Kishim kënaqësinë të mirëprisnim në ambasadën tonë Ambasadorin e SHBA-së në NATO, Matthew Whitaker, dhe ta prezantonim atë me marinsat tona dhe punonjësit amerikanë dhe shqiptarë që shërbyen në operacionet e NATO-s në Afganistan dhe Irak”, thuhet në deklaratë.

Ambasada e SHBA-së në Tiranë thekson se partneriteti mes dy vendeve mbetet i fortë, veçanërisht në mbrojtje të vlerave të përbashkëta.

“Ne e vlerësojmë partneritetin midis vendeve tona në mbrojtje të vlerave tona të përbashkëta”, thuhet në postim.

Postimi i ambasadës së SHBA:

Kishim kënaqësinë të mirëprisnim në ambasadën tonë Ambasadorin e SHBA-së në NATO, Matthew Whitaker, dhe ta prezantonim atë me marinsat tona dhe punonjësit amerikanë dhe shqiptarë që shërbyen në operacionet e NATO-s në Afganistan dhe Irak. Ne e vlerësojmë partneritetin midis vendeve tona në mbrojtje të vlerave tona të përbashkëta. Panorama

Kryetari i Partisë Demokratike, Sali Berisha, ka reaguar për ndarjen nga jeta të akademikut Rexhep Qosja, duke shprehur ngushëllimet e tij për familjen dhe popullit shqiptar të Kosovës

Në një postim në rrjetet sociale, Berisha thekson se pavarësisht kundërshtive dhe mospajtimeve që kanë pasur ndër vite, ka ruajtur gjithmonë respekt dhe mirënjohje për figurën e akademikut, veçanërisht për rolin e tij në periudhat më të vështira për shqiptarët e Kosovës.

“Kam ruajtur dhe do ruaj gjithmonë respektin dhe mirënjohjen time ndaj tij veçanërisht për kohën kur ai ishte zëri publik i vetëm i fuqishëm i shqiptarëve pa zë e të shtypur të Kosovës nga pushtuesi serb dhe më vonë për mbështetjen e palëkundur që i dha UÇK”, shkruan kryedemokrati.

Berisha e cilësoi ndarjen nga jeta të Qoses si një humbje të madhe për kulturën dhe mendimin letrar dhe politik shqiptar, duke vlerësuar kontributin e tij.

Postimi i plotë:

Akademiku Rexhep Qosja mbyll sytë përgjithmonë.

Të dashur miq, dielli perëndoi përgjithmonë për akademikun Rexhep Qosja.

Kultura, mendimi letrar dhe shoqëror e politik shqiptar, polemika dhe letrat shqipe humbën një kollos të tyre, autor të një seri veprash në këto fusha.

Pavarësisht nga kundërshti, mospajtime dhe vlerësime të ndryshme që kam patur me Prof. Rexhep Qosen kam ruajtur dhe do ruaj gjithmonë respektin dhe mirënjohjen time ndaj tij veçanërisht për kohën kur ai ishte zëri publik i vetëm i fuqishëm i shqiptarëve pa zë e të shtypur të Kosovës nga pushtuesi serb dhe më vonë për mbështetjen e palëkundur që i dha UÇK por edhe qëndrimet e tij kritike ndaj zhvillimeve në Kosovë dhe në Shqipëri.

Me këtë rast shpreh ngushëllimet e mia më të ndjera, familjes miqëve të afërmëve dhe autoriteteve të Kosovës. I qoft dheu i lehtë i tokës amë. Panorama

Prof.Kita Sallabanda Diaz MD. Ph.D., një figurë e shquar në rang botëror e neuro dhe radiokirurgjisë, ka reaguar në LinkedIn me një Kujtesë për Ministren e Shëndetësisë së Republikës së Shqipërisë, znj.Evis Sala, duke shprehur alarmin për shërbimin aspak adeguat, larg standarteve europiane, që iu bëhen pacientëve me kancer dhe sëmundje të tjera të trurit. Prof.Kita Sallabanda shpreh trishtimin për shqiptarët e thjeshtë që nuk kanë mundësi financiare të kurohen në Europë dhe trajtohen në këto kushte. Voal.ch po e sjell të plotë reagimin e Prof.Kita Sallabanda:

Nje kujtese per Znj. Ministre.

Ne asnje vend te Europes, ku Shqiperia pretendon te futet, nuk ka neper sherbimet e neurokirurgjise akselerador linear (nuk i di vendet e Europes lindore).

Me dijenine time, si neurokirurg qe ka punuar, “drejtuar ( chairman of SRS section of EANS, shoqates Europiane te Neurokirurgjise) dhe ka dhene mesim ne institucionet e Europes, në neurokirurgji nuk trajtohet kanceri i prostates dhe as i pulmonit, dhe menyra me e mire e trajtimit te semundjeve te Trurit eshte Gamnaknife, ZAP X ose Cyberknife.( preçizion, efikasitet, kurim, game e gjere semundiesh) qe nuk arrihen te realizohen me nje akselerador).

Duket qarte qe as Znj.Ministre dhe as keshilltaret e vobeket qe ka, nuk i kane konceptet e qarta ose qellimisht bejne sikur nuk i kane.

Sa trishtim dhe humbje per popullin dhe njerezit e thjeshte,( ata qe kane pasuri ikin neper Europe)sa trishtim per ata qe injorancen e kthejne ne pushtet.

Thellohet skandali me gjendjen e Unazës së Poshtme të Burrelit, pasi rruga degradon çdo ditë e më shumë dhe në një pjesë të mirë të gjatësisë së saj ka pësuar shembje dhe fundosje.

Siç shihet edhe përmes këtyre pamjeve të siguruara, dëmtimet e mëparshme nuk janë rikonstruktuar nga firma kontraktore “Ulza sh.p.k”, duke shkaktuar përkeqësim të gjendjes.

Ndonëse duhej të ishte në funksion prej të paktën 6 muajsh, kjo rrugë që kushtoi 1.2 milionë euro ka pësuar 4 shembje të mëdha duke e bërë totalisht të pakalueshme.

Pak muaj më parë ARRSH dërgoi një grup ekspertësh për të vlerësuar dëmin e shkaktuar dhe deklaroi se do të ndërhynte me një tjetër investim për të riparuar shembjet e pësuara.

Ekspertët kanë parashikuar ndërtimin e pilotave në një gjatësi 300 metra lineare, por investimi ende nuk ka nisur, duke bërë që mjetet e tonazhit të rëndë të kalojnë akoma përmes rrugëve të brendshme të qytetit të Burrelit. gsh

Kreu i Partisë Demokratike Sali Berisha ka deklaruar se heqja e imunitetit të Belinda Ballukut dhe arrestimi i saj, janë kushte themelore që ndikojnë në procesin e integrimit të vendit.

Në fjalën e tij në Kuvend ai ka shtuar se një element i rëndësishëm është gjithashtu që bashkëshortja e kryeministrit, Linda Rama të dërgohet në SPAK, duke e quajtur atë edhe si arkitekte e “kopshtit privat të Ramës”, referuar skandalit AKSHI.

“Rama dhe vasalët e tij në Kuvend bëjnë gjithçka të nxjerrin Kuvendin jashtë kohe e t’i imponojnë atij në axhendë që s’ka lidhje me interesat e qytetarëve. Nafta dhe integrimi në BE janë dy çështjet që i interesojnë më shumë shqiptarëve. Integrimin e mbyllët. Bazoheni në telefona hektike që europianët urojnë të mos i marrë në në telefon. Për momentin heqja e imunitetit të Ballukut është themelore për integrimin, dhe dërgimi i saj atje ku kërkon SPAK. Paraqitja para SKAP e Linda Ramës, arkitektja vërtetë e kopshtit të Ramës. Mund të gjeni prokurorë që fsheh Lindën dhe dokumente, por dosja e tyre është kudo në Europë. Kos dje nuk citoi fare Shqipërinë kur foli për Malin e ZI. bw

Opozita e ka nisur ndryshe senacën e sotme plenare. Në tavolina janë vendosur fotot e Mirlinda Karçanajt, Ergys Agasit dhe Ermal Beqirit. Tre personazhet më të përfolur së fundmi për aferat e AKSHI dhe jo vetëm.

Prokuroria e Posaçme, SPAK, ka vënë sekuestro mbi pasuritë e Agasit, Karçanajt dhe Beqrit, të dyshuarve si krerët e grupit kriminal të AKSHI-t.
29 pasuri të sekuestruara i përkasin Ergys Agasit, ku bëhet fjalë për apartamente, vila dhe sipërfaqe toke, në zona të preferuara të Tiranës dhe Durrësit, shtatë llogari bankare dhe kompania AE SOLUTION.

Ermal Beqirit i janë vënë nën sekuestro 10 pasuri të paluajtshme, përfshirë dhe një jaht luksoz, llogaritë e kompanisë “Soft&Solution”, 8 automjete dhe llogaritë e vetë Beqirit.
Ndërsa, kompanive “FIRST” e Gëzim Hoxhës; “Fasttech” dhe “Fasttech&Fresh” e Andis Papas, dhe asaj “Albascan” të Elision Jorgjis u janë bllokuar fondet.

Ergys Agasi dhe Ermal Beqiri, sipas Prokurorisë, urdhëronin rrëmbimin e rivalëve dhe nën kërcënim i detyronin të tërhiqeshin nga tenderat në AKSHI.
Ish-drejtoreshës së AKSHI-t i janë sekuestruar 3 apartamente në Tiranë dhe Qerret të Kavajës që dyshohen se janë pasuri të fshehurta të ish-drejtoreshës së akkshit
Mirlinda Karcanaj, duke rrëzuar pretendimet e kryeministrit se ish-zyrtarja e lartë jeton me qera.

Karcanaj dyshohet si pjesë e grupit të drejtuar nga Ergys Agasi dhe Ermal Beqiri, kompanitë e të cilëve ushqente me tenderat e institucionit.
Edi Rama e mbrojti të besuarën e tij Mirlinda Karcanaj teksa deklaronte se jetonte me qira, por hetimet e SPAK kanë zbuluar 3 apartamente, dy prej të cilëve në TIranë e një në Qerret të Kavajës.

Këto pasuri të ish-drejtoreshës së AKSHI-t, e cila dyshohet si pjesë e grupit të drejtuar nga Ergys Agasi dhe Ermal Beqiri, kompanitë e të cilëve ushqente me tenderat e institucionit, janë vënë nën sekuestro. bw

Policia ka zbarkuar këtë të mërkuarë (22 prill) në ambientet e Equos Resort, ku po zbatohet një vendim për sekuestrimin e pasurive te Ergys Agasit.

Gazetarja Klodiana Lala raporton se në fokus të aksionit janë disa vila të ndërtuara në këtë kompleks, të cilat dyshohet se janë ngritur pa leje ndërtimi dhe më pas janë legalizuar në mënyrë të kundërshtuar me ligjin.

Kujtojmë që Prokuroria e Posaçme kundër Korrupsionit dhe Krimit të Organizuar (SPAK) publikoi dje (21 prill) një njoftim zyrtar në lidhje me hetimet që po zhvillohen ndaj Ergys Agasit, Ermal Beqirajt dhe ndaj ish-drejtoreshës së AKSHI-t, Mirlinda Karçanaj.

Me kërkesë të SPAK Gjykata e Posaçme e Shkallës së Parë për Korrupsionin dhe Krimin e Organizuar ka vendosur sekuestrimin e një liste të gjatë pasurish, të cilat sipas SPAK kapin një vlerë të përafërt mbi 40 milionë euro.

Në vendimin e gjykatës përfshihen apartamente, truaj, vila, pyje, ndërtesa, automjete luksoze, llogari bankare në disa institucione financiare, si dhe aksione në subjekte tregtare, në pronësi të Agasit, Beqirajt dhe Karçanajt.

Ndër pasuritë e sekuestruara përmenden: apartamente dhe prona në zona të ndryshme të Tiranës, Durrësit dhe Vlorës, sipërfaqe të mëdha toke dhe pyjesh në Petrelë dhe zona të tjera periferike, automjete luksoze, disa llogari bankare, subjekte tregtare dhe aksione në kompani të ndryshme si edhe mjete lundruese, përfshirë një jaht.

Gjithashtu, në disa raste janë sekuestruar shuma të konsiderueshme parash të mbajtura në llogari të subjekteve të ndryshme tregtare.

PASURITË E SEKUESTRUARA

Sipas vendimit të Gjykatës së Posaçme, Mirlinda Karcanajt i janë sekuestruar katërt pasuri të paluajtshme, një makinë dhe disa llogari bankare.

Me numrin më të lartë të pasurive të sekuestruara nga SPAK rezulton Ergys Agasi, me 27 pasuri të paluajtshme, subjektin “EA Solution”, një automjet luksoz dhe disa llogari bankare.

Ndërsa Ermal Beqirit i janë sekuestruar 6 pasuri të paluajtshme, një mjet lundrues Yacht “Skyfall”, dy subjektet “Soft&Solution” dhe “H” sh.p.k., automjete dhe motomjete sipas regjistrave dhe të gjitha llogaritë bankare në emër të tij dhe subjekteve.

Po ashtu, SPAK ka sekuestruar edhe 123,629,664 ALL në subjektin “F” sh.p.k., në ngarkim të personit nën hetim Gëzim Hoxha, 410,595,663 ALL në subjektin “F” sh.p.k. dhe 94,423,883 ALL në subjektin “F.F”; në ngarkim të personit nën hetim Andis Papës, si edhe 100,840,264 ALL në subjektin “A”, në ngarkim të personit nën hetim Erion Ismailit.

Njoftimi i SPAK 

Ish-ministri socialist Arben Malaj teksa ka deklaruar se procesi i integrimit evropian të Shqipërisë është ndalur, ka theksuar se kjo ka ardhur si pasojë e mbrojtjes që socialistët i bënë Belinda Ballukut, duke bllokuar kërkesën e SPAK për arrestimin e saj.

I ftuar në emisionin Studio24 në Neës24, Malaj u shpreh se kërkesa e SPAK kishte alternativa të arsyeshme për masën e sigurisë/

“Për mua integrimi është bllokuar për Shqipërinë që nga momenti kur PS bllokoi vendimin për Ballukun. SPAK është treguar i kujdesshëm, i dha dy mundësi, arrest me burg ose në shtëpi. Okej është zonjë dhe mos të arrestohet në burg, por PS arrestin në shtëpi mund ta lejonte, nuk ka ndonjë gjë”, tha ai.

Malaj ngriti edhe dyshime mbi arsyet e refuzimit, duke shtuar se kryeministri Rama ka pasur frikë se të njëjtën masë do e kërkonin edhe për të, ndërsa shtoi se e vetmja mënyrë që procesi i integrimit të vijojë, është që ai të dorëhqiet.

“Ndoshta Rama ka pasur frikë se të njëjtën masë do e kërkonin edhe për të. Ky vendim rrëzoi urën drejt BE dhe e vetmja mënyrë që ura të vijojë është dorëheqja e Kryeministrit”, tha ai, ndërsa shtoi se “dorëheqja nuk është ndonjë hata e madhe. Njerëz kanë qenë heronj luftërash dhe nuk kanë fituar zgjedhjet, nuk është ndonjë gjë e madhe. Ne e lidhim çdo gjë me të.”

Duke folur për kriteret e anëtarësimit në Bashkimi Europian, Malaj u shpreh se Shqipëria ka ngecur në aspektin e demokracisë.

“Procesi i anëtarësimit ka kriteret e tij. E para është demokracia, ekonomia dhe minoritetet kulturore. Ne kemi ngecur te pika e parë”, tha ai.

Arben Malaj i drejtohet Erion Veliajt: Vëllai im vdiq nën stresin e arrogancës tënde dhe drejtorit të urbanistikës

—

Erion Veliaj ka të drejtën të prezumohet i pafajshëm, por Veliaj nuk është”engjëll” dhe as “i burgosur politik”.

Veliaj nuk bën mirë që ofendon një prokurore me metaforën e “gomarit”, pasi cenimi ligjorë i kritereve ligjore dhe masave duhet verifikuar nga institucionet e drejtësisë, jo nga poshtërimet e Veliajt.

Ok, po nëse ndërrohet prokurori dhe akuzat mbeten, çfarë i mbetet Veliajt?

Veliaj nuk është engjëll sepse:

Veliaj dhe Mjaft qenë që ditën e parë skllav vullnetar i Ramës.

Ka keqpërdorur “Mjaft”-in kundër kujtdo që Rama e shpallte armik, midis shumë të tjerëve edhe mua.

Veliaj ka keqpërdorur çdo burim financiar për të ndërtuar lavdinë e tij sipërfaqësore.

Veliaj fshehu transparencën e fondeve ne miloona euro te “Mjaft” duke deklaruar se i kishte humbur laptopi.

Por veprimet ligjore të burimeve të financimit dhe të shpenzimeve.

Nëse është financuar nga fonde të zeza, kjo bëhet vetëm për qëllime të zeza?!

Veliaj terrorizoi fshatarët e varfër që shisnin për mbijetesë fruta dhe perime, praktikë kjo që nuk gjen vend në asnjë cep të asnjë kuadrati në New York.

Veliaj, bashkë me policinë e shtetit, nxorën me dhunë banorët e Astirit dhe të “5 Majit” në palcën e dimrit, duke bërë të qajnë dhe të mallkojnë bashke me fëmijët në krahë e gjysheve, apo duke thithur gazin e helmuar.

Veliaj, i përkëdhelur nga mentori që e shfrytëzoi deri në palcë, krijoi ushtrinë me rreth 36 këshilltarë që paguheshin nga taksat e shqiptarëve.

Ata të gjithë kryesisht kishin portale dhe ngrinin në qiell Veliajn dhe luftonin paçipërsisht çdo individ.

Kurtz, ish kancelari i Austrisë vetëm se ndërtojë të njëjtën skemë ndikimi deformues të votës së votuesve, humbi postin e Kyetarit të partisë, humbi postin e Kancelarit dhe u gjykua për ta dënuar edhe penalishtë.

Veliaj turpërisht sulmonte çdo zë kritik duke i atakuar publikisht se “ishin të tillë sepse i kishin kërkuar leje ndërtimi dhe ai nuk ua kishte dhënë”.

Ky sulm i pashpirt ndaj vëllait tim, i cili fatkeqësisht ndërroi jetë një vit më parë edhe nën stresin e arrogancës së tij dhe drejtorit të urbanistikës, “dhëndrit të shokut Xhemal”

Kur bashkia shkeli çdo afat ligjor, kërkova një takim vetëm me Veliajn.

U bë në një takim ballafaques me Veliajn, që kishte marrë edhe urbanistin e “shteti jam unë”.

Pa asnjë etikë komunikimi, kur i thashë: “Ktheni përgjigje se e keni detyrim ligjor dhe do të ankohem në rrugë ligjore ne gjykatê”,

ai me një arrogancë që nuk është hasur asnjëherë, m’u përgjigj me një arrogancë përbuzëse: “Ik ku të duash”.

Atëherë në zyrë iu ktheva atij dhe Veliajt se qenka e vërtetë ajo që thotë populli, se në bashkinë tuaj ka një mafie të tokave.

Ju bllokoni ditën pronarët ligjorë, ndërsa oligarkët tuaj natën u bëjnë presion pronarëve ligjorë për t’u blerë tokën me çmime apo koeficientë pjesëmarrjeje shumë më të ulët se tregu.

Në respekt të shpirtit të vëllait tim të ndjerë, jam i gatshëm të dal dëshmitar.

Mediat pranë Veliaj shpifnin se vëllai im kishte kërkuar kullë.

Genjeshtra gjithnjë i ka këmbët të shkurtra.

Menjëherë publikovane rrjetet sociale, kërkesën që vellai I kishte drejtuar Veliajt ku kërkonte vetëm të vendoste një ndërtim provizor druri,vetëm që të mos ia zaptonin tokën.

Qëndrimi im nuk ushqehet vetem nga ky rasti konkret.

Por rasti konkret mbështet argumentet pse Veliaj nuk është engjëll.

Mesazh i përsëritur për Veliajn:

NDAL poshtërimin e prokurorëve dhe gjyqtarëve dhe cdo kritiku ndaj teje.

Kujdes me metaforën me gomarin/gomarët se të kthehet tek vetvetja.

Rilindasit, ku ju bënlt pjesë si ushtari i mire Shvejk, do të jeni përgjegjës moralë përballë kriminalizimit të një pjese të rëndësishme të institucioneve dhe administratës publike.

Merru me akuzat E.V., jo me gomarët, sepse ata, edhe sipas Dritëro Agollit, në kohën e Rilindjes kanë kohë që janë vënë përpara kalit:

“Në vendin tim e në vendin tënd, Një i marrë, një vend e çmend;

Në vendin tim, në vendin tënd Kalin e lidhin, gomari pëllet; Se kalin e kanë vënë pas gomarit, Dhe gomarin para kalit.
A

Nënkryetari i Partisë Demokratike, Luçiano Boçi, i ftuar në emisionin “Studio24”, ka folur për protestën e fundit të opozitës të zhvilluar të premten, duke theksuar se aksioni opozitar nuk do të ndalet.

Sipas tij, protestat do të vijojnë dhe, sipas vlerësimit të tij, duhet të marrin një karakter më radikal.

“Unë i dua më radikale, nuk mundet të durojmë ai të gjuajë mish ne të gjuajmë në trotuar. Ai të më godas mua drejt, qytetarin, të marrin në zvarrë qytetarët”, tha ai.

Boçi nënvizoi se brenda opozitës dhe opinionit publik ka ide për hapa më ekstremë të aksionit politik, përfshirë forma të tilla si ngujimi apo greva e urisë.

“Për mendimin tim dhe jo më kot e thash, ka dhe të tjerë që kanë thënë që duhet të ketë një veprim te grupit parlamentar, një ngujim, një greve urie, që janë në anxhendë, të realizueshme”, tha ai.

Sipas tij, këto forma proteste mund të konsiderohen si hapa të fundit, në varësi të rrethanave politike dhe objektivave që synohen të arrihen.

Luçiano Boçi: Strategjia, protestat do vazhdojnë nuk ka rrugë tjetër. Unë i dua më radikale, nuk mundet të durojmë ai të gjuajë mish ne të gjuajmë në trotuar. Ai të më godas mua drejt, qytetarin, të marrin në zvarrë qytetarët. Kush nuk e pranon? Tani kur e dua më radikale, me ato kërkesat që kanë hasur dhe gazetarët, ka shumë opinione që duan më radikale.

Nuk është se nuk e pranon PD. Po flsim për opsione dhe unë po jap opsione. Për mendimin tim, kjo është. Për mendimin tim dhe jo më kot e thash, ka dhe të tjerë që kanë thënë që duhet të ketë një veprim te grupit parlamentar, një ngujim, një greve urie, që janë në anxhendë, të realizueshme. Se duhet të ketë disa kushte dhe rrethanat që janë përtej PD-se, që një veprim i tillë te jetë një hap final që të arrish qëllimin. Është shumë e thjeshtë ta thuash. Me e lehtë të ngujohesh se të dalësh në shesh. Mund të jetë grevë ose ngujim.

Pavarësisht investimeve masive, infrastruktura rrugore në Shqipëri vijon të mbetet një nga pikat më problematike të zhvillimit ekonomik. Nga viti 2014 deri në vitin 2025, në këtë sektor janë shpenzuar rreth 981 miliardë lekë, ose afërsisht 10 miliardë euro, një nivel investimi që në kushte të standardeve të Bashkimit Evropian do të kishte qenë i mjaftueshëm për të përfunduar tërësisht rrjetin kombëtar rrugor dhe për të ndërtuar paralelisht disa qendra moderne spitalore.

Megjithatë, rezultatet në terren nuk reflektojnë të njëjtin nivel eficience. Vetë Ministria e Infrastrukturës dhe Energjisë e pranon këtë realitet në dokumentet strategjike afatgjata. Në Strategjinë e Transportit dhe Planin e Veprimit 2030, institucioni evidenton haptazi se “vendi vazhdon të përballet me mangësi infrastrukturore, trafik të rënduar, mungesë uniformiteti në standardet e korridoreve dhe sfida të vazhdueshme në siguri, faktorë që kufizojnë ndërlidhjen dhe performancën ekonomike.”

Ky pranim zyrtar konfirmon atë që është diskutuar shpesh në analizat publike: problemi nuk qëndron vetëm te niveli i investimeve, por te mënyra se si ato janë përdorur. Fragmentarizimi i projekteve, kostot e larta për kilometër dhe mungesa e një rrjeti të integruar funksional kanë bërë që, edhe pas miliardave të shpenzuara, infrastruktura të mos arrijë të përmbushë rolin e saj si motor zhvillimi.

Dokumenti strategjik nënvizon se përshpejtimi i modernizimit të Korridorit VIII, Korridorit Adriatik-Jonian dhe nyjeve multimodale është thelbësor për përmbushjen e kërkesave të rrjetit TEN-T, eliminimin e ngushticave dhe forcimin e lidhjeve mes porteve, aeroporteve dhe hekurudhave. Por fakti që këto prioritete mbeten ende objektiva për të ardhmen, pas një dekade investimesh rekord, ngre pikëpyetje serioze mbi eficiencën e politikave publike në këtë sektor.

Shqipëria duket se ndodhet në një paradoks: ka shpenzuar si për një rrjet modern evropian, por vijon të funksionojë me probleme tipike të një infrastrukture të papërfunduar. Dhe këtë herë, nuk është më vetëm kritikë nga jashtë, është vetë strategjia zyrtare e qeverisë që e pranon. /ekofin.al

Bashkia e Gjirokastrës ka depozituar në Komisariatin e Policisë kallëzim penal ndaj shpërndarësve të lajmit për prekjen me HIV/AIDS të kryebashkiakut Flamur Golemi dhe disa punonjësve të kësaj bashkie.

Avokati mbrojtës Arben Llangozi ka depozituar mëngjesin e sotëm kallëzimin penal ndaj shtetasit Emin Kokalari që përmban 30 faqe ndaj përhapjes së panikut në qytetin e Gjirokastrës.

Por vetë Emin Kokalari ka bërë një reagim në rrjetet sociale, ku thotë se në asnjë moment nuk ka akuzuar drejtpërdrejtë njeri, madje as ka publikuar emra.

“Nëse unë ndonjëherë kam akuzuar njeri drejtpërdrejtë për çështjen e HIV dhe keni fakte apo kam nxjerrë publikisht emra apo kam akuzuar persona atëherë keni plotësisht të drejtë! Por edhe sikur të bënte vaki (që nuk bën) sigurisht që njerëz jemi dhe jo perfektë (pavarësisht se unë gabime të tilla nuk kam bërë) dhe nuk e meritoj këtë llum dhe qelbësirë që po ndodh”, shkruan Kokalari.

Ai thotë se nuk është gazetar, por thekson se ka dëgjuar fjalë dhe ka ngritur pyetjen nëse dikush di diçka për këtë gjë, institucionet duhet të marrin masa.

“Para 2 vjetësh në vitin 2024 i bie, televizioni publik shqiptar thotë se në rrethin e Gjirokastrës ka 17 veta pozitiv me HIV dhe 10 prej këtyre janë në Gjirokastër nga moshat 16 deri në 65 vjeç. Pra edhe nëse unë nuk kam akuzuar askënd asnjëherë për këtë çështje më lind e drejta të dyshoj dhe të mendoj se për dy vjet më vonë tashmë në 2026 nëse nuk janë marrë masat e caktuara nga institucionet apo kujdesi nga personat e infektuar, s’është ndonjë cudi e madhe që numri mund të jetë 10 fishuar nga mënyra se si ky virus përhapet (marrëdhënie seksuale, gjak (dentistë etj…)”, shkruan ai.

Kujtojme që prej disa ditësh në media po qarkullon një lajm se një kryetar bashkie ne jug të vendit është i infektuar me HIV/AIDS, madje ka infektuar edhe disa punonjëse të institucionit.

Emri i bashkisë që u lakua është ajo e Gjirokastrës, ku kryetar është Flamur Golemi. Por në një reagim zyrtar bashkia Gjirokastër mohon kategorikisht pretendimet sipas të cilave Kryetari i Bashkisë dhe 18 punonjës të administratës rezultojnë të infektuar me HIV/AIDS, duke i konsideruar ato si tërësisht të pavërteta dhe pa asnjë bazë faktike.

Sipas Bashkisë, përhapja e këtyre lajmeve përbën një akt të rëndë dhe të papërgjegjshëm që synon të dëmtojë figurën e institucionit, të cenojë dinjitetin e punonjësve dhe të krijojë panik të pajustifikuar në publik.

Bashkia Gjirokastër i bën thirrje Policia e Shtetit dhe Prokuroria që të nisin menjëherë hetimet për identifikimin dhe ndëshkimin e autorëve, nxitësve dhe shpërndarësve të këtij informacioni. gsh

Kryedemokrati Sali Berisha tha në deklaratë para SPAK, se PD do të padisë penalisht kryepolicin Skënder Hita, Sokol Bizhgën dhe persona të tjerë që, sulmuan protestuesit.

TIRANË– Partia Demokratike ka kallëzuar në Prokurorinë e Posaçme Ministrin e Brendshëm Besfort Lamallari dhe drejtues të Policisë së Shtetit, lidhur me protestën e 17 prillit në Tiranë. Përveç ministrit Lamallari, janë kallëzuar edhe tetë drejtues të Policisë së Shtetit.

Vetë Kryedemokrati Sali Berisha tha në deklaratë para SPAK, se PD do të padisë penalisht kryepolicin Skënder Hita, Sokol Bizhgën dhe persona të tjerë që, sulmuan protestuesit. Berisha deklaroi se gjatë protestës është përdorur spraj kundër arinjve ndaj protestuesve që ndodheshin në shesh, ndërkohë shtoi se protestuesit u arrestuan pa prova pa prova.

“Kriminelët me uniformë përdorën në protestën e fundit mjetet më të ndaluara dhe antiligjore ndaj protestuesve guximtarë… Janë që të gjithë pa asnjë provë, asnjë fakt, asnjë dokument, ne do t’i padisim të gjithë ata që kanë përdorur verbues ariu… Do të vazhdojmë edhe më shumë, protestat do të jenë më të fuqishme. Dosja Rama-Balluku nuk mbyllet kurrë, ajo është e hapur, një gropë për Ramën dhe Lubi Ballukun”, tha Berisha./Dosja.al

partia demokratike  besfort lamallari spak sali berisha protesta e opozites

Vazhdon të jetë aktiv zjarri në landfillin e Bushatit në Shkodër. Flakët kanë vijuar edhe gjatë natës, ndërsa janë përhapur në një sipërfaqe të konsiderueshme, duke e bërë të vështirë ndërhyrjen e zjarrfikëseve.

Në terren janë angazhuar zjarrfikëset e Vaut të Dejës dhe të Shkodrës, të cilat po punojnë për neutralizimin e vatrës.

Prefektja e Shkodrës, Holta Duda tha mbrëmjen e djeshme se nuk ka asnjë rrezik për banesat në zonë.

Lidhur me këtë ngjarje ditën e djeshme reaguan edhe eksponentë të PD-së të qarkut Shkodër, duke e cilësuar situatën si një katastrofë të paralajmëruar dhe pasojë e keqmenaxhimit të mbetjeve.

Luçiano Boçi akuzoi qeverinë për mbingarkim të landfillit me mbetje nga disa qarqe dhe për dështimin e inceneratorëve, ndërsa hodhi dyshime se zjarri mund të jetë i qëllimshëm për të krijuar hapësira të reja depozitimi.

Sipas tij, situata ishte paralajmëruar më herët nga opozita dhe ekspertët, por nuk u morën masa. gsh

Edhe pse jetojnë prej vitesh në qytetin bregdetar, komunitetet rezidente të peshkatarëve nga Egjipti apo pensionistëve nga Italia nuk shfaqin interes për të mësuar gjuhën shqipe, ndryshe nga vendasit.

Hasan Ebif është nga Egjipti, por punon prej 20 vitesh në sektorin e peshkimit në Durrës. Në gjurmët e tij ka ardhur edhe i biri, i cili po përgatitet që të pajiset së shpejti me pasaportë shqiptare.

“Kjo është arsyeja që i kanë kërkuar të paraqitet në provim për gjuhën shqipe dhe për historinë e Shqipërisë,” thotë Ebif, krenar për të birin.

Babë e bir janë pjesë e një komuniteti të vogël prej 200 shtetasish të huaj, pjesa më e madhe e të cilëve nga Egjipti dhe Turqia, të cilët punojnë prej vitesh si peshkatarë. Por gjuha shqipe që ata flasin lë për të dëshiruar.

Edhe pse jetojnë prej shumë vitesh në Durrës, pak prej tyre kanë pasur mundësi që të ndjekin kurse të gjuhës shqipe. Muhamedi, një tjetër peshkatar nga Egjipti, shpjegon me vështirësi, më shumë me ndihmën e shenjave, se motopeshkatoret do të qëndrojnë këto ditë në port, pasi moti është i keq. “Ne dalim në pazar,” shton ai.

Një tjetër komunitet i huaj në Durrës, i ndryshëm nga i pari, ka njësoj marrëdhënie të vështira me gjuhën shqipe. Por komuniteti i pensionistëve italianë është i avantazhuar nga vendasit, të cilët flasin italisht.

Mes tyre, Carlo Chersoni i ardhur në Durrës katër vjet më parë është ndër të paktët italianë që ka marrë mësime të gjuhës shqipe tek një mësues privat.

“Më duket e vetmja mënyrë për të njohur kulturën, traditat dhe zakonet e shqiptarëve,” thotë Carlo.

Ai tregon se fillimisht kishte një interes më të madh, pasi kursi i gjuhës shqipe u nis me dhjetë vetë, por pas një viti mbetën vetëm tre. Carlo pranon se shumica e bashkëatdhetarëve të tij nuk kanë paraqitur asnjë interes për gjuhën shqipe.

“Ndoshta edhe për faktin që kur ne perpiqemi të flasim ndonjë fjalë shqip, shumica e durrsakëve na përgjigjen në italisht,” thotë ai.

Italishtja është një gjuhë familjare për shumicën e shqiptarëve të moshës së mesme për shkak të afërsisë gjeografike dhe ndjekjes së televizioneve italiane, të cilat shërbyen si dritare e vetme drejt Perëndimit në vitet e fundit të regjimit komunist.

E kundërta ndodh me të rinjtë shqiptarë, të cilët janë më të lidhur me anglishten.

Mësuesja e gjuhës angleze, Mira Tati thotë se shumica e nxënësve të saj i zgjidhin ushtrimet e vitit të tretë që në vitin e parë.

Teknologjia kompjuterike dhe celularët e kanë lehtësuar mësimin e gjuhës së huaj, dhe po ashtu edhe punësimin e shpejtë të tyre në agjenci të ndryshme.

Tati shton se mjaft djem e vajza janë punësuar në një nga hotelet e reja në shëtitoren buzë detit, i cili ka përgjithësisht klientelë të huaj. Në qytet funksionojnë disa qendra për mësimin e gjuhëve të huaja, ku bashkë me anglishten, të interesuarit mësojnë spanjisht apo gjermanisht, të cilat shërbejnë për punësim në call center.

Afrimi i stinës së verës e bën praninë e të huajve në qytet edhe më të dukshme.

Të huajve rezidentë u shtohen edhe turistët, të cilët zgjedhin Durrësin për disa ditë, ndërkohë që shëtitorja bregdetare gumëzhin nga fjalët në gjuhë të ndryshme.

“Atëherë më kujtohet Kulla e Babelit, e cila siç thuhet, u bë shkak për t’i shtuar gjuhët e botës…,” përfundon mësuesja Tati./BIRN

Kryetari i Partisë Demokratike, Prof. Dr. Sali Berisha, zhvilloi një takim me studentë të shkollës franceze, Sciences Po, ku në fokus ishin korrupsioni, ekonomia dhe integrimi europian i Shqipërisë.

Gjatë bashkëbisedimit, Berisha deklaroi se lufta kundër korrupsionit kërkon reforma strukturore, duke përmendur lehtësimin e procedurave administrative, uljen e taksave dhe përdorimin e teknologjisë për rritjen e transparencës në prokurimet publike.

Ai kritikoi praktikat aktuale në tendera, të cilat dekurajojnë pjesëmarrjen e kompanive nga vendet e Bashkimi Evropian dhe bien ndesh me parimet e tregut të përbashkët dhe shtetit të së drejtës.

Në lidhje me zhvillimet rajonale, Berisha kundërshtoi çdo ide për “integrim të diferencuar”, duke komentuar një qëndrim të përbashkët të Edi Ramës dhe Aleksandar Vuçiç, ndërsa theksoi se e ardhmja e Shqipërisë dhe Ballkanit mbetet anëtarësimi në BE.

Berisha kërkoi gjithashtu transparencë dhe hetim të plotë për çështje me interes publik, si dhe vlerësim më të madh për figura si Havzi Nela.

Reagimi i plotë

Pata kënaqësinë të mirëprisja, në një bisedë të gjatë dhe të zgjeruar, studentët e shkollës emërmadhe franceze të studimeve politike, Sciences Po.

Me të rinjtë, kryesisht francezë, por edhe nga kombësi të tjera europiane, diskutuam mbi aktualitetin në Shqipëri: skandalet e përsëritura të korrupsionit, procesin e integrimit europian, si dhe sfidat e Ballkanit, përfshirë demografinë.

Pyetjes së tyre se si Partia Demokratike e Shqipërisë do ta luftojë korrupsionin, iu përgjigja se kjo kërkon një kombinim reformash strukturore: ulje të barrës së licencave, funksionimin e regullt  të sistemit “one-stop-shop”, reduktim taksash dhe perdorim të teknologjisë si blockchain për prokurim publik transparent dhe të gjurmueshëm.

Në diskutimin për ekonominë, theksova se praktika aktuale shpesh dekurajon pjesëmarrjen reale të kompanive europiane në tenderat publikë në Shqipëri. Kjo bie ndesh me frymën e tregut të përbashkët europian dhe me parimin e shtetit të së drejtës. Pa këto dy shtylla, nuk mund të flasim për integrim të vërtetë.

Në këtë kontekst, përmenda edhe letrën e përbashkët të Edi Ramës dhe Aleksandar Vučićit në mediat gjermane, e cila sugjeron një qasje që mund të perceptohet si integrim i diferencuar. Ky nuk është standardi që ne synojmë. U përsërita atyre sic bëj vazhdimisht se e ardhmja e Shqipërisë dhe e Ballkanit është, pa dyshim, në Bashkimi Evropian.

Pyetjes mbi qëndrimet e ‘ndonjë Ambasadori të lobuar’, që pretendon se opozita amplifikon skandalet e korrupsionit, iu përgjigja se ka të tillë që bëjnë mbrojtje pasionante të Edi Ramës, por vlerësimi i realitetit duhet të bazohet në fakte dhe në interesin publik, mbi çdo konsideratë tjetër.

U ndala gjithashtu te rasti i Kolegji i Evropës, duke theksuar se çdo çështje me interes publik kërkon transparencë dhe hetim të plotë, në funksion të standardeve europiane.

Në diskutimin mbi kujtesën post-komuniste, solla shembullin e Havzi Nelës — një poet që u ekzekutua në mënyrë tragjike me firmen e babait te Edi Rames dhe që meriton më shumë njohje në nivel europian.

Studentët e SciencesPo janë pjesë e Institutit të Studimeve Politike, cikli East European Studies, ku bëjnë pjesë profesorë e ekspertë ndër më të mirët në Europë për integrimin.

Drejtuesi i ciklit është njëkohësisht Drejtor i Qendrës Jacques Delors për Zgjerimin e BE. bw

Partia Demokratike ka postuar në rrjetet sociale të dhëna në lidhje me banesën e kryeministrit Edi Rama në Surrel. Sipas të dhënave të marra nga ASIG Geoportal shtëpia e kreut të qeverisë, sipas PD, është 58.42 metra e gjatë.

Ndërkohë oborri që rrethon godinën është 8259 metra katror, 4 mijë metra katror më shumë seç bashkëshortja e kryeministri Rama, Linda Rama, ka deklaruar në dokumentet e saj të pasurisë.

Postimi i plotë:
Edi Rama e ka mohuar gjithmonë se shtëpia e tij është 57 metra e gjatë, ashtu siç dhe ka deklaruar disa herë kryetari i opozitës shqiptare, Sali Berisha.
Por këtë herë, Partia Demokratike ka vendosur që ti shkojë Ramës në Surrel ku ka ngritur kështjellën e tij të betonit, me fonde që nuk dihet se nga kanë ardhur dhe se si janë paguar punët e saj.
Sipas të dhënave të marra nga ASIG Geoportal shtëpia e Edi Ramës është as më pak dhe as më shumë se 58.42 metra e gjatë, pra 1.42 metra më e gjatë seç kishte deklaruar më herët kryetari i PD, Sali Berisha.
Por nuk mbaron me kaq.
Oborri që rrethon këtë kështjelle betoni është 8259 metra katror, 4 mijë metra katror më shumë seç është deklaruar nga Linda Rama në dokumentet e saj të pasurisë.
Tani teknologjia nuk gënjen, kështu që i bie të gënjejë kryeministri Edi Rama.
Por edhe këtë ai nuk e ka për herë të parë, dhe sigurisht as për herë të fundit. bw

Ambasadori i Indisë në Shqipëri, Ravindra Prasad Jaiswal, ka deklaruar nga Pogradeci se po punohet për një marrëveshje me qeverinë shqiptare që synon rregullimin dhe organizimin e migracionit të punëtorëve indianë drejt Shqipërisë.

Sipas ambasadorit, palët janë në diskutime për disa marrëveshje bashkëpunimi, ndërsa aktualisht janë në fuqi dy deri tre të tilla. Ai shprehu pritshmëri për zgjerimin e mëtejshëm të bashkëpunimit në vitet në vijim.

Në fokus mbetet edhe rritja e ndjeshme e turizmit indian drejt Shqipërisë. Që prej heqjes së regjimit të vizave në vitin 2020, numri i vizitorëve indianë ka shënuar rritje të vazhdueshme, duke arritur rreth 30,000–35,000 vizitorë vitin e kaluar. Sipas të dhënave të cituara, në katër muajt e parë të vitit 2025, fluksi është pothuajse dyfishuar krahasuar me të njëjtën periudhë të vitit të kaluar.

Ambasadori theksoi se India përfaqëson një burim të rëndësishëm të fuqisë punëtore të kualifikuar dhe se aktualisht në Shqipëri janë dhënë rreth 1,200 viza pune për shtetas indianë. Ai shtoi se po diskutohet një marrëveshje partneriteti për të garantuar migracion të rregullt dhe të organizuar të punëtorëve indianë drejt tregut shqiptar të punës.

Sipas tij, punëtorët indianë njihen për disiplinën dhe përshtatshmërinë, ndërsa bizneset shqiptare pritet t’i konsiderojnë si një burim të vlefshëm për sektorë të ndryshëm ekonomikë.

Në fushën e investimeve, ambasadori njoftoi se në Shqipëri janë të regjistruara rreth 18 kompani indiane, kryesisht në sektorin e minierave, por mbetet ende i paqartë aktiviteti real i disa prej tyre. Ai shtoi se po bëhen përpjekje për të rritur praninë e investimeve indiane në vend, duke theksuar se ky proces është ende në zhvillim.

Ambasadori i Indisë në Shqipëri, z.Ravindra Prasad Jaiswal flet nga Pogradeci

Kemi marrëdhënie prej kohësh dhe këtë vit po festojmë 70-vjetorin e vendosjes së tyre. Në këtë kuadër, do të organizojmë disa aktivitete. Po propozojmë një ekspozitë fotografike kushtuar Mother Teresa. Gjithashtu, një zv/ministër nga India do të vijë në Shqipëri për konsultime me qeverinë shqiptare. Po mendojmë edhe për të sjellë një trupë kulturore nga India në Shqipëri dhe ndoshta të organizohet një shfaqje një-natëshe në Pogradec.

Këto janë disa nga aktivitetet që parashikojmë, ndërkohë që jemi në diskutime për disa marrëveshje. Aktualisht kemi dy ose tre marrëveshje në fuqi, por shpresojmë të realizojmë edhe shumë të tjera gjatë këtij viti dhe në vitet në vijim.

Nga raportimet në media duket se, që prej vitit 2020 kur u vendos regjimi pa viza, numri i vizitorëve është rritur ndjeshëm, veçanërisht për shtetasit indianë që jetojnë në vendet e Gjirit, në Mbretërinë e Bashkuar apo në Shtetet e Bashkuara.

Sipas të dhënave të përmendura, vitin e kaluar numri i vizitorëve indianë si nga India ashtu edhe nga diaspora ka qenë rreth 30,000 deri në 35,000 persona. Ndërsa në vitin 2025, vetëm në katër muajt e parë, numri i indianëve që kanë vizituar Shqipërinë pothuajse është dyfishuar krahasuar me të njëjtën periudhë të vitit 2024.

Kjo tregon një prirje të qartë në rritje dhe një potencial të fortë për tregun indian të turizmit drejt Shqipërisë, me pritshmëri që ky fluks të vijojë të zgjerohet edhe gjatë këtij viti dhe në vitet në vijim.

Siç dihet, India është një fuqi e madhe në burime njerëzore të kualifikuara dhe një numër i madh indianësh punojnë në të gjitha anët e botës, veçanërisht në vendet e Gjirit, në Mbretërinë e Bashkuar, në Gjermani, në Bashkimin Evropian dhe në Shtetet e Bashkuara. Ndërsa në Shqipëri, këto shifra mbeten ende të ulëta.

Sipas të dhënave, vitin e kaluar janë dhënë rreth 1,200 viza për punëtorë indianë. Megjithatë, kjo tregon se trendi është në rritje dhe se po hidhen hapa në drejtimin e duhur. Pritet që ky numër të vijojë të rritet në të ardhmen.

Nga ana tjetër, po punohet për një marrëveshje partneriteti me qeverinë shqiptare, me qëllim garantimin e një migracioni të rregullt dhe të organizuar të punëtorëve nga India drejt Shqipërisë.

Punëtorët indianë njihen për përkushtimin, disiplinën dhe aftësinë për t’u përshtatur me mjedisin lokal. Në këtë kuadër, pritet që ata të gjejnë kushte të mira pune në Shqipëri, ndërsa punëdhënësit shqiptarë t’i konsiderojnë si një aset të vlefshëm në tregun e punës.

Kemi pasur disa investime dhe disa kompani që operojnë këtu, kryesisht në sektorin e minierave. Sipas informacionit nga Qendra Kombëtare e Biznesit, rezulton se janë të regjistruara rreth 18 kompani indiane në Shqipëri. Megjithatë, deri tani nuk kemi arritur të vendosim kontakte të drejtpërdrejta me to dhe nuk është e qartë se sa prej tyre janë aktualisht aktive në terren.

Nga ana tjetër, po punohet për të promovuar më tej investimet indiane në Shqipëri. Ky është një proces që kërkon kohë, edhe për faktin se prania institucionale është relativisht e re dhe marrëdhëniet ekonomike janë ende në fazë zhvillimi. Pritet që në vitet në vijim këto përpjekje të japin rezultate konkrete, me rritje të investimeve dhe prani më të dukshme të kompanive indiane në tregun shqiptar.

Po më këshillojnë të hesht. Me të njëjtën mënyrë që përdoret në këto raste: rri rehat, mos bëj zë, do të të vërsulen, nuk ia del dot.

E kuptoj këtë “këshillë”. Është praktike. Madje edhe e mençur në një kuptim të ngushtë, mediokër, meskin. Por është pikërisht kjo lloj “mençurie” që ka ndërtuar klimën ku ndodhemi sot.

Problemi nuk është një individ, një konflikt, një mosvotim në Kuvend, apo një keqkuptim brenda pushtetit.

Problemi është një model që është instaluar gradualisht dhe që sot funksionon pothuajse pa pengesa. Një model ku institucionet nuk janë më hapësira vendimmarrjeje, por instrumente presioni. Ku vendimet nuk merren bashkarisht, por veç. Ku ligji interpretohet sipas nevojës së momentit, dhe jo sipas parimit vizionar.

E kam parë nga afër këtë transformim. Nuk është diçka që ndodh me një vendim të vetëm. Ndodh me tolerime të vogla, me heshtje të arsyetuara, me ndërhyrje që fillimisht duken të padëmshme dhe më pas kthehen në të rëndësishme, deri vendimtare.

Vjen koha kur në një moment, institucionet fillojnë të funksionojnë si zgjatime të vullnetit të pak njerëzve. Disa ministri dhe agjensi shtetërore nuk reagojnë më ndaj ligjit dhe detyrës, por ndaj urdhrit. Nuk i përgjigjen procedurës, por klanit. Dhe në këtë pikë, çdo biznes, çdo media, çdo individ e kupton se nuk është më përballë një shteti, por përballë një makinerie të pashpirt që mund të përdoret kundër tij.

Nëse këto mekanizma përdoren edhe ndaj atyre që kanë mbrojtje publike, me detyra të larta shtetërore, çfarë ndodh me ata që nuk kanë asnjë zë?

Kur struktura shtetërore të emëruara, të promovuara dhe të kontrolluara nga e njëjta dorë, tashmë jo formale, të paraprira nga portale të paguara me para të errëta, fillojnë të sulmojnë në mënyrë brutale deri edhe familjarë, në punë të tyre, atëherë kuptohet qartë se kufijtë janë tejkaluar, dhe se nuk bëhet më fjalë për politikë.

Nuk kam asgjë për të fshehur. Pikërisht për këtë arsye, këto sulme nuk më trembin. Përkundrazi, më bëjnë edhe më të qartë për atë që duhet thënë e duhet bërë.

Këtë model kam refuzuar dhe refuzoj. Ky është modeli që nuk duhet të jetë pjesë e Partisë Socialiste: Refuzimi i realitetit ku institucione publike me fytyrë personale përdoren si hanxharë për të frikësuar, dhe ku mbajtja e ndikimit nuk kërkon performancë, por kontroll. Ku pjesa e ndershme e administratës detyrohet të zbatojë deri urdhëra të paligjshëm për interesa dhe presione eprorësh të dhunshëm dhe fuqiplotë.

Dhe paralelisht me këtë, është ndërtuar një tjetër deformim i brendshëm. Një parti e gjallë, po zëvendësohet nga një strukturë fosile ku gjithçka filtrohet përmes emërimeve okulte. “Drejtorokracia” është kthyer në mënyrë funksionimi. Ka zëvendësuar politikën me administrim besnikërie.

Kjo nuk është ajo për të cilën është ndërtuar Partia Socialiste. Nuk është as modeli që i ka dhënë legjitimitet pushtetit të saj ndër vite.

Për këtë arsye, kjo nuk mund të trajtohet si një çështje personale. Nuk është një përplasje me dikë. Është një mospajtim me një mënyrë funksionimi që po bëhet normë.

Nuk kam frikë nga sulmet. Kam jetuar e jetoj ndër rreshtat e pavdekshëm lasgushianë;

“Shpirtkatran që më qërtojnë, janë qën’ që s’më kafshojnë.”

Jo se jam e paprekshme, por sepse nëse do të kisha frikë, do ta kisha zgjedhur heshtjen shumë më herët. Heshtja është gjithmonë opsioni më i lehtë në këto situata.

Halli është se ky model nuk prodhon vetëm padrejtësi. Ai prodhon largim. Largon njerëzit nga politika, nga besimi, nga vetja, nga vendi. E bën jetën të vështirë, jo për shkak të mungesës së mundësive, por për shkak të kontrollit mbi to.

Dhe nëse kjo vazhdon, nuk do të kemi më një debat politik për mënyrën si qeveriset vendi, por një mungesë të vrazhdë, të shëmtuar dhe deformuese të llogaridhënies institucionale.

Për mua kjo nuk është një çështje thjesht personale. Është një detyrim për të thënë se shumçka duhet ta bëjmë më mirë. Jo unë, por Koha e kërkon.

Ndarja e rëndësishme që duhet bërë qartë nuk është mes njerëzve. Është mes sektorëve funksionues shtetërorë, dhe strukturave abuzive personale.

Partia Socialiste e ka pasur dhe e ka energjinë e nevojshme për përmirësime dhe transformim në dobi të Shqipërisë dhe të shqiptarëve.

SPAK ka kërkuar dënimin me 10 vite burg për Vis Berberin, i akuzuar për disa vepra penale të rënda, përfshirë shpërdorim detyre, korrupsion pasiv, shkelje të barazisë në tendera dhe pastrim të produkteve të veprës penale.

Gazetarja Klodiana Lala raporton se sipas kërkesës së organit të akuzës, për shkak të aplikimit të gjykimit të shkurtuar, dënimi përfundimtar pritet të ulet me një të tretën. Përveç dënimit me burg, është kërkuar edhe ndalimi për 5 vite nga ushtrimi i funksioneve publike.

Gjithashtu, Prokuroria ka kërkuar konfiskimin e pasurive të gjetura në zotërim të tij, përfshirë 15 mijë euro, 35 mijë paund, si dhe 1 milion lekë të rinj, së bashku me pasuri të tjera. bw

Analisti Fatos Lubonja foli mbrëmjen e sotme në “Kjo Javë” lidhur me thirrjen nga ana e SPAK të kryeministrit Rama si dëshmitar në procesin “Partizani”. ku po gjykohet Sali Berisha dhe dhëndrri i tij Jamarbër Malltezi.

Lubonja thotë se Rama ishte i pari që si kryebashkiak i Tiranës, ndryshoi terrenin sportiv të ish-klubit Partizani në shesh ndërtimi.

Për të, Rama së bashku me Berishën duhej të ishin marrë të pandehur lidhur me “Parizanin”.

Lubonja: Rama ka ndryshuar destinacionin, nuk është i pari se këtë ka bërë që në fillimet e veta si kryebashkiak. Këto janë politikat. Nga pikëpamja e akuzës ndaj Berishës, nëse i referohemi akuza e Ballës duhen akuzuar të dy palët për këto politikat që marrin pronën publike dhe ja japin. SPAK duhet të merrte si të pandehur edhe Ramën edhe Berishën si dy pjesë të një zinxhiri që bëhen këto grabitje të pronës publike. Pronarët duhet të ishin kompensuar.

Hapen disa tema, politikat që kanë ndjekur këto parti të sistemit oligarkik. Hapet tema e SPAK nëse ka vepruar në mënyrë selektive. Nëse ka krim të interesit publik hyn me Ramën dhe vazhdon. Këto krime janë politika kriminale, në kuptimin  metaforik, jo kuptimin ligjor. E vërteta nëse do kishim një SPAK, duhen marrë të dy të pandehur, thirrja e Ramës nga presioni i publikut dhe mbrojtjes. Për mua është një fasadë, ne nuk dimë a do shkojë ky. Shikoj mungesë drejtësie. Panorama

Kryetari i Partia Demokratike, Sali Berisha, ka reaguar lidhur me thirrjen e kryeministrit Edi Rama në GJKKO, në kuadër të hetimeve për dosjen “Partizani”.

Berisha deklaroi se thirrja e Ramës ishte kërkuar prej kohësh nga ana e tij, duke pretenduar se kryeministri ka firmosur mbi 10 deri në 12 dokumente në këtë çështje, të cilat sipas tij përbëjnë shkelje ligjore.

Ai shtoi se vendimi për thirrjen e Ramës tregon se gjykata ka marrë në konsideratë faktin që firmat në dokumente i përkasin kreut të qeverisë.

“Është kërkuar me kohë thirrje e Ramës, pasi në atë dosje Edi Rama ka mbi 10-12 firma. Prej tyre në shkelje flagrante të ligjeve dhe i ndëshkuar nga gjykata dhe prokuroria, mercenaret e Ramës nuk e thirrën njëherë kur ne e kërkuam, përkundrazi akuzuan Sali Berishës për gjera që nuk kishte lidhje. Gjykata zbatoi ligjin, në kuptimin që firmat janë të Ramës. Unë kam një firmë pas asaj të Ramës, që në aktivitetin tim nuk kam firmosur kundër projekteve që ata kanë sjellë. Rama me 12 firma. Rama i cili ka ndërruar destinacionin, pa u kthyer prona të pronari, pa kërkesën e pronarëve, ka ndërruar destionacionin për ta shndërruar në zonë urbanistike, pasi ja kishte vënë syrin si toka e askujt, që bashkë më Olsin donin të ndërtonin parajsën e tyre”, deklaroi kryeopozitari.

Teksa tha se “Rama duhet të merret për ndjekje penale”, Berisha kërkoi një përballje të drejtpërdrejtë në gjykatë me kryeministrin, duke theksuar se qytetarët duhet të shohin, sipas tij, të vërtetën mbi këtë çështje.

“Çdo gjykatës serioz vendos marrjen në ndjekje penale të Ramës, por edhe thirrja, do të jemi ballë për ballë, të behet burrë dhe shqiptarët të shohin kush është Rama në atë aferë, çfarë korrupsioni, çfarë aktesh korruptive të mëdha ka kryer ai duke ndërruar destinacion pa asnjë kërkesë nga pronarët. Shqiptaret presin një konfrontimin në gjykatë mes meje dhe kryehajdutit. Unë përballjen e kam kërkuar dhe e kërkoj me Edi Ramën, ai është njeriu që ka një aferë korruptive, që ka ndryshuar destinacionin pa asnjë kërkesë të pronarëve”,tha Berisha. Panorama

Një rrëfim i fortë është publikuar këtë të mërkurë në emisionin “Oponencë”, ku një ish-punonjës i një call center-i të dyshuar për mashtrime me investime online ka zbuluar detaje mbi mënyrën e funksionimit të këtyre skemave dhe lidhjet me struktura shtetërore.

I riu deklaroi se aktiviteti në të cilin ishte angazhuar, sipas tij, mbrohej dhe nuk prekej nga policia, madje mbroheshin prej tyre.

Po ashtu, ai ish-punonjësi ngriti edhe akuza të rënda mbi korrupsion brenda radhëve të policisë, duke pretenduar se përflitej se pagesa mujore ndaj një drejtori policie arrinte në vlerën e 5 mijë eurove.

“Nuk kishim frikë nga policia se kishim mbrojtje. Ne kemi bërë trajnime në fillim, si do të kapnim “peshqit”.

Shuma më e madhe që kemi kapur, ka qenë 520 mijë euro, me një telefonatë. Përflitej që një drejtor policie paguhej 5 mijë euro në muaj.

Një ndër trajnuesit kishte një shprehje të tij që kishte një listë me klientët potencialë dhe i drejtohej monitorit e thonte: Ja ku janë paratë, merrini, kush është i aftë t’i marrë”, tha ai.

Ministri i Mbrojtjes i Shqipërisë, Ermal Nufi (majtas), takohet me homologun e vet kroat, Ivan Anushiq, në Zagreb, 15 prill 2026.

Gazetari Aulon Kalaja deklaroi në “News24” foli për zhvillimet politike, korrupsionin në  vend si edhe drejtësinë.

I ndalur te skandali i korrupsionit të Belinda Ballukut, ai tha se kanë qenë deputetë të PS që i kanë dërguar Gjermanisë dosjen Balluku.

“Shoh një përafrim të shtetit gjerman me SPAK sa i përket çështjes Balluku. Gjermanët janë furnizuar me çështjen Balluku nga vetë PS. Pra kanë qenë deputetë të PS i kanë çuar gjermanë çështjen e Ballukut. Unë mendoj që përafrimi i gjermanëve dhe goditja e korrupsionit të qeverisë Rama ka qenë pikërisht për Portin e Durrësit. Pra gjërat kanë shkuar zinxhir, fakti që porti i Durrësit ka dalë nga duart e BE dhe ka dalë jashtë kontrollit, gjermanët po bëjnë një politikë proaktive dhe se janë në vijë të parë”, tha mes të tjerash ai.