Mesditen e sotme mberrin ne atdhe trupi i pajete i nentetares 32-vjeçare, Zarife Hasanaj, e cila humbi tragjikisht jeten një shpërthimi në bazën Adaze, në Letoni, ku mbeten te plagosur edhe dy efektive te tjere te FA.

Ministria e Mbrojtjes ben me dije se sot ne oren 12.45 ne bazen ajrore ne Rinas do te organizohet ceremonia e pritjes se trupit te pajete te nentetares Zarife Hasanaj.

Nderkohe neser, me 10 Maj, ora 10 – 11.30 ne hollin e Pallatit te Kongreseve do te zhvillojen homazhet per nder te efektives se FA dhe ne 11.45 – 12.30 ceremonia shteterore me pjesemarrjen e perfaqesuesve te larte te shtetit, po te Pallati i Kongresese.

Indrit Hoxha, kandidat i PD, ka refuzuar te marre mandatin e deputetit sot ne Kuvend, ndersa Gramoz Ruçi i dha fjalen per te bere betimin.

Ndersa te gjithe prisinin qe ai te bente betimin, Hoxha tha se ndjen neveri per kete parlament dhe se e ndermori kete akt ne emer ” te babait tim te ndjere Fatmir Hoxha, i burgosur politik i regjimit kriminal qe nuk reshti deri ne frymen e fundit luften per liri dhe demokraci”.

Pjese nga fjala e tij:

Neveri per kete parlament ilegjitim!

Une Indrit Hoxha, kandidat ne listen vijuese te Partise Demokratike te Shqiperise ndermarr sot  kete akt politik ne emer te babait tim te ndjere Fatmir Hoxha, i burgosur politik i regjimit kriminal qe nuk reshti deri ne frymen e fundit luften per liri dhe demokraci. E ndermarr kete akt politik ne shenje revolte dhe neverije kunder krimit te rilindur te ketij parlamenti ilegjitim dhe ne respekt te vlerave te familjes time dhe sidomos ato qe im ate me la trashegimi.

Refuzoj te marr mandatin e deputetit ne nje vend ku klika kriminale ne pushtet ka asgjesuar Gjykaten Kushtetuese dhe Gjykaten e Larte dhe ka kapur drejtesine.

Refuzoj te marr mandatin ne Parlamentin ilegjitim qe e drejton urdheruesi i vrasesve te Arben Brocit dhe shokeve te tij ne masakren e 2 Prillit.

Refuzoj te behem pjese e nje Parlamenti ilegjitim ku ulen hetues dhe prokurore te diktatures te cilet kane torturuar dhe vrare te rinj shqiptare.

Refuzoj te marr mandatin ne nje parlament ilegjitim ku ne karriken e kryeministrit ulet i biri i njeriut qe firmosi per varjen e poetit Havzi Nela.

Refuzoj te behem pjese e nje parlamenti ilegjitim ku ndodhen urdheruesit e vrasjes se tribunit te demokracise Azem Hajdari.

Ky nuk eshte parlament, por galeri e krimit. Fundi i kesaj farse kriminale eshte shume i afert.

Une refuzoj te bej betimin dhe te marr mandatin sepse ai mandat i takon popullit dhe jo krimineleve, hajduteve dhe delenxhinjve qe ndodhen sot ketu.

Rrofte Shqiperia.

Rrofte Demokracia.

Zoti i bekofte shqiptaret.

Gjatë një takimi në Shkodër me anëtarë të rinj të Partisë Demokratike, kreu i kësaj partie, Lulzim Basha tha se sot ata që u arrestuan në Tiranë janë të burgosur politikë.

“Ata mbajnë sot në qelitë e burgut të burgosur politik që janë ngritur për të mbrojtur qytetarët nga dhuna policore. Sot në mesditë njerëz të veshur me uniformat e Policisë së Shtetit, kanë dhunuar qytetarët. Sot është dita për t’ia thënë qartë dhe prerë; i ke ditët e numëruara. Kurrë më nuk do të pranojmë që ligji të funksionojë me dy standarde, të godasë të pafajshmit”, theksoi Basha.

Ai shtoi se kriminelët nga burgu komunikojnë me qeveritarët, duke nënvizuar se “se së shpejti do t’ua sjellim Edi Ramën atje ku jeni ju bashkë me kriminelët e tjerë në pushtet”.

Ish-deputeti i Partisë Demokratike, Klevis Balliu ka rënë në prangat e policisë sot. Së bashku me të është arrestuar edhe një banor i Unazës së Re.

Ndër të tjera se Balliut i është komunikuar masa  e arrestit në Komisariatin  nr 6.

Ish-deputeti i PD-së, Balliu u shoqërua më herët gjatë ditës së sotme, pas përplasjes mes policisë dhe banorëve protestues  te Unaza e Re në Tiranë.

Banorët bllokuan rrugën, në të cilën pritej të kalonte Kryeministri Edi Rama, ndërsa situata degjeneroi në përplasje të dhunshme.

Ilda Topalli, ish-sekretarja e parë e Konsullatës së Përgjithshme në Stamboll, e cila u shkarkua nga ministri në detyrë për Punët e Jashtme, Gent Cakaj, sapo ai nisi reformën në shërbimin e jashtëm, i është drejtuar me një letër Kryeministrit Rama, që mban dhe postin e ministrit të Jashtëm, përmes platformës së Bashkëqeverisjes, shqipëriaqëduam.com.

Ajo i kërkon Kryeministrit që, para se të firmoste shkarkimin e saj, ta testonte se cila ishte, shkruan Panorama. “Më justifiko të lutem shkarkimin nga detyra dhe flakjen në rrugë pa më testuar, pa më hetuar, pa më kontrolluar, pa më pyetur. Sepse më detyrohesh kaq gjë! Llogjet e kazanit të drejtorëve të tu më pohuan se kjo reformë ka prekur të gjithë diplomatët e emëruar jashtë sistemit pa asnjë përjashtim, pasi janë emërime partiake. A je i sigurt për vërtetësinë e këtij pohimi?! Më provo të lutem lidhjen time partiake, miqësore, materiale, dashnorore apo farefisnore me cilindo që pretendon se është bërë shtysë për emërimin tim”, shkruan ajo. Ajo ka një CV të pasur, me shkollime jashtë vendit, kualifikime, intershipe dhe pesë gjuhë të huaja, si: anglisht, turqisht, gjermanisht, italisht dhe spanjisht.

ILDA TOPALLI

Kryeministri im,

Faleminderit, që firmose dje si fletërrufe urdhrin e lirimit tim nga detyra si diplomate dhe që më dhe shtysë tanimë të mos kem frikë të nxjerr zërin për të mbrojtur të drejtën time dhe atë që mendoj se meritoj.

Sapo më rikonfirmove se në Shqipërinë tonë të bukur të drejtëve nuk u njihet kurrë e drejta apriori, por u duhet të çirren për ta kërkuar dhe marrë atë.

Këtë do bëj dhe unë, me çdo mjet ligjor dhe ankimor.

Hidhu një sy kualifikimeve të një vajze 28- vjeçare, pa parti, pa miq, pa ryshfete, pa kurvëri e pa lidhje farefisnore në administratë.Por ty dhe drejtorëve të tu në Ministri nuk ju pëlqejnë njerëzit e drejtë dhe të aftë si unë apo jo?!

Me vjen keq dhe inat i dashur Kryeministër, që nuk munda të gjej në kohë as mikun dhe as lekun që do ngopte egot e drejtorëve që të servirin mbi tavolinë emrin tim për ta bërë kurban të kopesë së emërimeve despotike dhe partiake jashtë sistemit, pa denjuar të pyesje se kush isha, çfarë CV-je kisha, pse isha emëruar dhe si kisha punuar deri më sot.

Pse nuk më ftove për të më testuar nga koka te këmbët përpara se të më flakje në rrugë?! Më testo të lutem!

A nuk jam unë njësoj shtetasja dhe nëpunësja jote, ashtu siç janë edhe ata që janë pjesë e shërbimit të jashtëm?! A vlej unë më pak se ata për ty zotëri, vetëm se nuk kam hyrë dot në konkurset e DAP-it sepse jam pa krahë?!

Ke firmosur urdhërshkarkim për një të re që flet 5 gjuhë të huaja, ndër të cilat tri rrjedhshëm, që është e kualifikuar për programe të avancuara dizajni kompjuterik dhe që ka një bachelor në Shkenca Politike e dy mastera në Diplomaci Ballkani dhe Çështje Globale?

A nuk janë mjaftueshëm për të përmbushur kushtet e rekrutimit në shërbimin tonë të jashtëm?! Jo, sepse aftësitë janë handikap për ju apo jo?! Kushtet e rekrutimit për Drejtorinë tuaj të Burimeve Njerëzore janë: mik, ryshfet dhe vetofrim apo jo?! Më ke emëruar po ti dhe ish-ministri yt një vit më parë, bazuar në nenin 31 pika 3 të ligjit nr.23/2015, sepse Konsullata e Përgjithshme e RSH në Stamboll kishte dhe ka nevojë për një diplomate të kualifikuar si unë.

Më keni gjetur ju mua i dashur Kryeministër dhe jo unë ju, sepse flas turqisht shkëlqyeshëm e kam një eksperiencë mbi 5-vjeçare shkollimi, jetese e punësimi në Stamboll, kushte jetike këto për një zyrtar në këtë Konsullatë. Kam mbaruar stazh me sjellje shembullore pranë kësaj Konsullate i dashur Kryeministër, sjellje të cilat janë bërë shkak reference për mua nga ish-konsulli i përgjithshëm në këtë përfaqësi asokohe.

Më justifiko të lutem shkarkimin nga detyra dhe flakjen në rrugë pa më testuar, pa më hetuar, pa më kontrolluar, pa më pyetur. Sepse më detyrohesh kaq gjë! Llogjet e kazanit të drejtorëve të tu më pohuan se kjo reformë ka prekur të gjithë diplomatët e emëruar jashtë sistemit pa asnjë përjashtim, pasi janë emërime partiake. A je i sigurt për vërtetësinë e këtij pohimi?!

Më provo të lutem lidhjen time partiake, miqësore, materiale, dashnorore apo farefisnore me cilindo që pretendon se është bërë shtysë për emërimin tim. Dhe më thuaj nëse Europa apo ndërkombëtarët nuk do të përshëndesnin një diplomate të re si unë, pasi t’i kesh hedhur një sy dosjes sime!

Pastaj, më trego me transparencë të plotë se cilin të kanë propozuar të katapultosh në vendin tim?!

Më ke shkatërruar ëndrrën e një jete i dashur Kryeministër, e bashkë me të edhe shpresën dhe besimin në ty, sepse t’i nuk i ngjake shpresës e as së ardhmes që dua për veten, familjen dhe vendin tim!

P.S: Nga një socialiste since day one, të cilën sapo e humbe, jo nga ato që të mbështesin se i detyron tesera e partisë, e as nga ata që brohorasin emrin tënd nëpër mitingje për të përfituar një vend pune. Sot ke humbur një votë nga ato të sinqertat dhe më besniket, ato me zemër e shpirt Kryeministri im!

E jotja, Ilda!

Thjesht Ilda, jo Ilda e filanit, as e fëstëkut, as e mikut a dashnorit, as e ryshfetit, Ilda e familjes së vetë të thjeshtë pogradecare, që e ka siguruar gjithmonë jetesën me djersën e ballit dhe të zverkut./PANORAMA

Grafisti i shquar Avni Delvina, që përcjell me shumë vemendje aktualitetin politik në trevat shqiptare dhe rajon, sjell grafikën e rradhës titulluar:  “Dashnorët e Ballkanit takohen ne Tirane”, që e ka ndertuar me foton e fameshme te albumit te Beatles.

Menjëherë pas lajmit të rëndë, familja e 32-vjeçares Zarife Hasanaj, nga fshati Degë i Tropojës, me banim në zonën e Babrrusë në periferi të kryeqytetit, ka hapur dyert e mortit.

Lajmi i kobshëm i është komunikuar të ëmës, e cila është gjendur në banesë kur efektivë nga Shtabi i Përgjithshëm kanë njoftuar për vdekjen e së bijës.

I ati i 32-vjeçares ndodhej në Tropojë që një natë më parë për të marrë pjesë në varrimin e një të afërmi por është kthyer menjëherë sapo ka marrë lajmin e hidhur.

Në banesën e të ndjerës janë vendosur efektivë të policisë ushtarake, ndërsa shumë kolegë të 32-vjeçares dhe motrës së saj vinë për ta ngushëlluar.

Të afërm tregojnë se Zarifja kishte disa muaj që ishte larguar për në Letoni, ndërsa janë në pritje të sjelljes së trupit.

“Beqare. Ka 3-4 muaj që ishte në mision. Sot e morëm vesh lajmin nga televizori”.

Familja Hasanaj kishte katër fëmijë, tre vajza dhe një djalë.

Zarifja së bashku me njërën nga motrat kishin zgjedhur të ishin pjesë e ushtrisë.

Një incident në detyrë, mëngjesin e sotëm rezultoi fatal për nëntetaren shqiptare, 32-vjeçaren Zarife Hasanaj pjesë e misionit të NATO-s “Enhanced ForWard Presence”.

“BalkanWeb” ka mundur të sigurojë fotot e nëntetares, e cila fillimisht u plagos nga shpërthimi i disa municioneve të paplasura në bazën e Letonisë, e më pas humbi jetën.

E re në moshë, por me pasion për profesionin dhe detyrën e saj, Hasanaj postonte shpesh në profilin e saj momente nga puna.

Më 14 Mars kur edhe festonte ditëlindjen e së motrës ajo ndodhej larg familjes me mision, por nuk nguronte të shprehte dashurinë që kishte për të.

TIRANE

Presidenti i Republikës, Ilir Meta ka reaguar mbi ngjarjen e regjistruar sot në Letoni, ku humbi jetën  efektivja e FA, si pasojë e shpërthimit të një mine, ndërsa dy të tjerë u plagosën.  Meta shpreh ngushëllimet  e tij për familjarët e 29-vjecares Hasanaj si edhe pjesëtarëve të kontingjentit të FA në Letoni.

“Presidenti i Republikës, Sh.T.Z Ilir Meta me hidhërim të thellë është informuar për ngjarjen tragjike të ndodhur me kontigjentin e Forcave të Armatosura, në kuadër të asgjesimit të municioneve dhe lëndëve eksplozive në Letoni, ku ka humbur jetën në krye të detyrës Nëntetare Zarife Hasanaj si dhe kanë mbetur të plagosur Komandanti i Kontingjentit, Major Klodian Tanushi, si dhe dhe Rreshteri Julian Kapaj.

Presidenti Meta i shpreh ngushëllimet më të thella familjes se Nëntetares Zarife Hasanaj, si dhe pjesëtarëve të kontingjentit të FA në Letoni.

Presidenti Meta po ndjek me shqetësim gjendjen e efektivëve të plagosur dhe u shpreh urimet për shërim sa më të shpejtë Major Klodian Tanushi dhe Rreshterit Julian Kapaj.” -thuhet në njoftimin e presidencës.

Për Kryetarin e Partisë Demokristiane, Nard Ndoka, Kryeministri Edi Rama është eksperimentuesi më i “thekur” i parashikimit të fatit me filxhan. Sipas tij pavarësisht anatemimit që i bën në publik këtij fenomeni, ky trend është i parapëlqyeri i tij. Ndoka shprehet se së fundi Rama e ka “çuar” filxhanin e tij tek e njëjta “parashikuese e opozitës” dhe se rrezultatet e saj janë dëshpëruese. Komentet, Ndoka i bëri në emisionin “Politika Online” në Gazeta Shqiptare dhe BalkanWeb.

Sa i përket situatës politike në vend, Kryetari i Partisë Demokristiane Nard Ndoka shprehet se Kryeministri Edi Rama do të reflektojë në minutën e fundit, por kjo teknikë e tij nuk do të funksionojë, pasi opozita nuk do të gjendet e papërgatitur si në 17 Majin e vitit 2017. Sipas Ndokës platforma e Bashës për zgjedhje të lira dhe të ndërshme është bazamenti i duhur ligjor për tejkalimin e krizës.

Takimin Basha-Rama, Kreu Demokristian, e konsideron si “dënimin e njëri-tjetrit”, pasi Basha nuk mund të kthehet pas dhe as Rama nuk mund të eci më përpara. Sipas Ndokës në takimin e liderëve shqiptarë në samitin e Berlinit, Rama dhe Thaçi i flisnin Kryeministrit Ramush Haradinaj në gjuhën frënge dhe angleze që të tërhiqnin vëmendjen e Kancelares Merkel dhe Presidentin Macron.

Valentina Madani- Kreu i opozitës, Lulzim Basha, nga qyteti i Lezhës ftoi shqiptarët që t’i bashkohen protestës së 11 majit në Tiranë, në një tjetër përballje kundër kryeministrit Edi Rama. Kryetari i PD-së, Lulzim Basha, në një takim me mbështetës të PD-së në Lezhë deklaroi se “kryengritja popullore” e nisur më 16 shkurt nuk do të ndalet deri në largimin e kryeministrit Edi Rama, krijimin e qeverisë teknike, që do ta çojë vendin në zgjedhje të parakohshme. “11 maji na thërret në një tjetër përballje vendimtare të vlerave tona të lirisë, demokracisë, Europës. T’u presim dorën oligarkëve dhe krimit të organizuar që kanë futur dorën në xhepin e shqiptarëve”, deklaroi kreu i PD-së. Edhe lezhjanëve, Lulzim Basha u premtoi se do t’i shkojë deri në fund betejës se nisur për t’u hapur rrugën zgjedhjeve të lira dhe një qeverie, që ndryshe nga ajo e Edi Ramës, mendon për ta. Ai u tha demokratëve të Lezhës se Rama ka mundur ta marrë e ta mbajë pushtetin vetëm përmes frikësimit të qytetareve, një instrument që sipas tij nuk po funksionon më. Ai shpalosi pjesë nga programi ekonomik i PD-së, kur ajo të vijë në pushtet. Masa e parë e PD-së do të jetë ndryshimi i sistemit të taksave. “Duke sjellë në Shqipëri modelin konkurrues të taksës së sheshtë 9%. Duke konsideruar biznes të vogël çdo aktivitet ekonomik nën 140 mln lekë të vjetra në vit dhe duke i dhënë një dhe vetëm një detyrim 0.5% të xhiros vjetor”, tha z.Basha. Kreu i PD-së premtoi rritje të pensioneve dhe pagave dhe fondet sipas tij do të sigurohen nga konfiskimi i pronave të personave që i kanë përfituar përmes korrupsionit. “Për pensionin minimal 250 lekë në muaj”, u shpreh Lulzim Basha.

Premtimi
Kreu i PD-së garantoi se e ka vullnetin për t’ua hequr nga duart paratë publike oligarkëve dhe për të mundësuar me to vende të reja pune për të rinjtë dhe rritje ekonomike. “Sa është fatura e abuzimit të kësaj qeverie, vitin e kaluar 1.7 mld euro. Të vetmit që duhet të kenë frikë nga ardhja e PD-së dhe opozitës në pushtet janë ata 4-5 oligarkë, të cilëve do t’ua marrim ato para për t’ua dhënë studentëve, të rinjve shqiptarë. Unë e di që kanë frikë dhe iu them bëni mirë të keni frikë, sepse kjo do të bëhet me ndihmën e Zotit, bashkimin e shqiptarëve. Në fund të kësaj beteje e pret një qeveri dhe një kryeministër që do vendosë taksa më të ulëta, në funksion të një prioriteti absolut të PD-së, punësimin. Kjo është masa e parë stabilizuese, por kemi një vizion të plotë për ta kthyer punësimin në një realitet të prekshëm”, u shpreh z.Basha. Në Lezhë kryedemokrati ishte si pjesë e fushatës së nisur nga PD-ja për të rritur anëtarësimet e reja.
Takimi
Kryetari i PD-së, Lulzim Basha, zhvilloi pasditen e djeshme një tryezë me pedagogë e të ftuar për gjenden e arsimit të lartë në Shqipëri. E ftuar ishte edhe Doris Pack, europarlamentare dhe aktiviste e njohur si mbështetëse e demokratëve. Tryeza është zhvilluar me përfaqësues të botës akademike në universitetet publike, për të adresuar krizën e rëndë të arsimit të lartë. Në këtë tryezë Basha tha se universitetet në vend janë në krizën më të thellë në 29 vjet, ndërsa shtoi se buxheti për arsimin e lartë nuk shkon për infrastrukturë universitetesh, por për të rregulluar zyrën e ministrit të Arsimit dhe zyrave qendrore të MAS. “Jemi këtu pas disa muajsh që kanë kulmuar krizën e thellë të institucioneve të arsimit të lartë. E tillë ishte edhe lëvizja studentore e dhjetorit të kaluar. Aspekti i parë i kësaj krize duket qartë te financimi. Buxheti ka arritur në vitin 2019 në 3.29 për qind e PBB-së, në një kohë kur niveli minimal për të garantuar standardet rajonale, duhet të jetë jo më pak se 5 për qind. Këto para shkojnë në pjesën më të madhe për rikonstruksionin e Ministrisë së Arsimit, për një fasadë me të vërtetë llamburitëse. Ndërkohë, rënia në pikiatë e financimit për arsimin e lartë shoqërohet edhe nga braktisja e studimeve. 133 mijë nxënës e studentë kanë braktisur shkollën në këto 4 vite”, theksoi z.Basha. Sipas tij, qasja europiano-bashkëkohore do të jetë pikërisht ajo, që do të bëjë që arsimi shqiptar të udhëhiqet nga një koncept i ri menaxhimi, në financa, teknologji etj..

Deklarata
“Të vetmit që duhen të kenë frikë nga ardhja e Partisë Demokratike dhe opozitës në pushtet janë ata 5-6 oligarkë, të cilëve do t’ua marrim këto para dhe do t’ia japim rinisë shqiptare. Paratë që vjedhin oligarkët do t’ua marrim, kontratat do të anulohen, pasuritë e tyre të vëna në mënyrë të jashtëligjshme do të konfiskohen me ligjin e ri antimafia kundër oligarkëve dhe do t’u kthehen zotëve të vërtetë të këtyre parave”, tha z.Basha.

Tryeza
Kryetari i PD, Lulzim Basha, gjatë një bashkëbisedimi me pedagogë dhe përfaqësues të arsimit të lartë në vend deklaroi se universitetet në vend janë në krizën më të thellë në 29 vjet, ndërsa shtoi se buxheti për arsimin e lartë nuk shkon për infrastrukturë universitetesh, por për të rregulluar zyrën e ministrit të Arsimit dhe zyrave qendrore të MAS.

Sot me rastin e 5 Majit, ditës së Dëshmorëve politika shqiptare zhvilloi homazhe në varrezat e të rënëve për liri.

Por krahas tyre u panë edhe mbështetës të partisë komuniste dhe ish- diktatorit Enver Hoxha.

Me pankarta në duar dhe me grushtin lart ata u përkulën para monumentit Nënë Shqipëri.

Duke reaguar me rastin e 5 Majit, Ditës së Dëshmorëve, akademiku Artan Fuga shkruan se është e turpshme të përdorësh gjakun e të rënëve për tregti apo trafik votash.

Ai e konsideron të turpshme përgojimin e sakrificës së tyre,

Reagimi i plotë i Artan Fugës:

Gjaku i të rënëve i takon vetëm Nënës Shqipëri, jo hipokritëve!

Sot në 5 maj unë përulem para gjakut të dëshmorëve të familjes time të zgjeruar, të të gjithë të rënëve, të të gjithë atyre që luftuan për liri! I përjetshëm kujtimi i tyre!

Janë në themelet e Shqipërisë!

Turp për këdo që injoron e përgojon sakrificën e tyre!

Turp edhe për ata që duan ta hipotekojnë gjakun e dëshmorëve a thua se u takon natyrshëm trashëgimia e veprës së tyre madhore!

Kërkojnë ta hipotekojnë për qëllime elektoraliste!

Është të përdorësh gjakun e të rënëve për tregti dhe trafik votash!

Vepra e dëshmorëve i takon vetëm Nënës Shqipëri. Kaq. Të tjerat janë dëngla maskarenjsh!

Ish-deputeti i LSI-se, Petrit Vasili ka ndare sot me ndjekesit e tij ne rrjetet sociale, deklaraten e bere nga Kryetarja e Komitetit te Helsinkit ne Serbi Sonja Biserko.

Postimi i Vasilit 

Merr pergjigje pyetja e Andi Bejtes per autoret e projektit te shitjes se kufijeve te Kosoves.

Analisti i njohur Andi Bejtja ngulmoi pak nete me pare ne emisionin Opinion ne pyetjen ndaj Baton Haxhiut: se cilet ishin autoret e marreveshjes per rishikimin e kufijve Kosove -Serbi.

Haxhiu nuk u pergjigj bile na beri te besojme se kjo marreveshje ishte produkt i jashtetoksoreve,pa emer,pa atdhe,pa nene e pa babe….

Plotë 10 vjet nga vrasja e ish-deputetit socialist Fatmir Xhindi, ende policia dhe prokuroria nuk kanë një emër të autorit dhe motivet që çuan atë në ekzekutimit e të zgjedhurit të Fierit. Me këtë brengë të familjarëve të tij, miq, shokë e ish-kolegë të tij në Partinë Socialiste kanë përkujtuar dje ish- deputetin e ndjerë që u vra tek hynte në oborrin e shtëpisë së tij në Roskovec. Në ceremoninë përkujtimore kanë qenë të pranishëm kreu i Kuvendit Gramoz Ruçi, kreu i grupit parlamentar Taulant Balla, deputetë të maxhorancës e përfaqësues lokalë. Duke folur në këtë ceremoni, kreu i grupit parlamentar Taulant Balla deklaroi se drejtësia e re do e zbardhë vrasjen e Xhindit. “Kur kemi ardhur këtu në 3 maj 2009 gjithë kolegët e tij ne kemi qenë me krahë të prerë, sepse na ishte larguar pa ditur arsyen, arsyen të cilën ende nuk e dimë edhe sot një prej njerëzve më të rëndësishëm të grupit tonë parlamentar.

Sepse rëndësia nuk është kush flet më shumë në sallën e Kuvendit, por është pikërisht se kush është më i lidhur me njerëzit. Në ka një model në këto 28 vjet e kusur të ekzistencës së pluralizmit, të lidhjes së deputetit me popullin, ndër më të mirët do të mbetet gjithmonë Fatmir Xhindi”, – u shpreh Balla. Ai foli dhe për ndryshime që kanë ndodhur në vend, duke nisur që nga mundësitë e krijuara për opozitën e sotme në parlament, tek ndryshimet në Roskovec e zonat përreth apo edhe drejtësia e re, duke i parë si amanete të deputetit të ndjerë. “Kur kujtoj sot se ç’ha-pësira i kemi krijuar ne në Kuvend opozitës, krahasuar me hapësirat që kishim ne në Kuvend 2005-2009 them që sigurisht një prej amaneteve të Fatmirit ne e kemi realizuar. Sot Shqipëria realisht është një demokraci funksionale. Sot Kuvendi i Shqipërisë është realisht një hapësirë ku nuk luftojnë më siç luftonim me Fatmirin, me Gramozin, me Petron, me Çimin, me Stefanin për të marrë qoftë dhe njëherë të vetme fjalën në Kuvend, drejtuesi i grupit tonë parlamentar”, – tha kryetari i grupit socialist.

Duke vlerësuar edhe djalin e Fatmir Xhindit, Anduel Xhindin si një deputet korrekt, Balla tha se socialistët nuk e kanë harruar detyrën për zbardhjen e kësaj ngjarje dhe çuarjen e drejtësisë në vend. “Unë jam sot këtu për t’ju thënë që ne nuk e kemi harruar detyrën që na ka lënë pas largimi i Fatmir Xhindit, në një mënyrë ende të pasqaruar, një krim që goditi opozitën e asaj kohe vetëm 2 muaj para zgjedhjeve të përgjithshme të vitit 2009. Por ne kurrsesi nuk ngritëm assesi dorën dhe gishtin kundër qeverisë së asaj kohe dhe as kundër institucioneve të asaj kohe, por duhet ta them se ne jemi tërësisht të keqardhur nga mosreagimi në kohë i institucioneve qoftë të policisë së asaj kohe, qoftë të prokurorisë së asaj kohe dhe të gjitha për ta zbardhur këtë çështje. Nuk është koha sot për të rrahur gjoksin dhe për të thënë që ne do ta zbardhim por një gjë është e sigurt, unë i bashkohem thirrjes së kolegut tim Anduel Xhindit, drejtuar të gjitha institucioneve. Drejtësia e re që po lind është amaneti tjetër që buron nga Fatmir Xhindi dhe unë jam shumë i sigurt se kjo drejtësi e re që po lind do ta zbardhë këtë çështje dhe sigurisht kushdo që guxoi të ngrinte dorë mbi deputetin e Partisë Socialiste do të marrë dënimin e merituar”, – deklaroi Balla. Ndërsa Anduel Xhindi, i cili është deputet i PS-së në këtë qark, kërkoi të gjenden autorët e vrasjes së babait të tij. “U bënë 10 vjet nga ndarja nga jeta e babait tim dhe drejtësia nuk e ka thënë fjalën e saj. Na mundon pyetja kush e vrau dhe pse e vrau Fatmirin?! Iu bëj thirrje institucioneve të drejtësisë të zbardhin ngjarjen që shpirti i tij të jetë në paqe dhe ne të jemi të qetë”,-tha Anduel Xhindi.

Ish-ministri i Jashtëm Ditmir Bushati zhvilloi një bisedë me studentë dhe pedagogë mbi sfidat e sigurisë në rajon: “A është Ballkani Perëndimor një rajon në kuptimin politik, ekonomik dhe të sigurisë?”.

Në fjalën e tij, Bushati u ndal tek sfidat me të cilat përballet sot rajoni, llojet e konflikteve dhe mundësitë sesi ato mund të adresohen.

“Natyra e parë e mosmarrëveshjeve e ka origjinën tek Lufta e Dytë Botërore, siç është rasti i Shqipërisë në raport me Greqinë. Ju duhet ta dini që pas përfundimit të Luftës së Dytë Botërore, ende ka një ligj lufte në fuqi në Greqi, përkundrejt Shqipërisë. Një ligj lufte që Greqia e vendosi gjatë luftës italo-greke, ndaj Italisë po me efekte dhe për Shqipërinë, një ligj lufte i shfuqizuar pas Luftës së Dytë Botërore përkundrejt Italisë, por i pashfuqizuar ende ndaj Shqipërisë. Një ligj lufte i cili sjell pasoja juridike në raportet, jo thjesht mes dy vendeve tona, por dhe mes personave fizikë dhe juridikë. Origjina e mosmarrëveshjeve historike mes Shqipërisë dhe Greqisë e ka fillesën pikërisht tek ligji i luftës dhe të gjitha aktet që kanë dalë më pas.

Natyra e dytë apo mosmarrëveshjet e një kategorie tjetër, janë mosmarrëveshjet që e kanë origjinën te shpërbërja e ish-Jugosllavisë. Sot e kësaj dite Sllovenia me Kroacinë ende nuk e kanë përmbyllur mosmarrëveshjet që kanë lidhje me çështje kufitare. Kroacia me Malin e Zi gjithashtu, e për të vazhduar më tutje.

Natyra e tretë e konflikteve ka të bëjë me subjektivitetin juridiko-ndërkombëtar. Kemi rastin e Kosovës që nuk njihet nga Serbia, nuk njihet nga Bosnja-Hercegovina dhe natyrisht Kosova ka një deficit përsa i përket subjektivitetit juridiko-ndërkombëtar, por kemi dhe rastin e Bosnje-Hercegovinës. Pavarësisht se Dejtoni i vuri një lloj kapaku konfliktit të përgjakshëm në Bosnje-Hercegovinë, ende sot e kësaj dite kemi një diskutim shumë të gjerë lidhur me funksionalitetin e Bosnje-Hercegovinës dhe kemi pikëpyetje në lidhje me mjaftueshmërinë e Dejtonit apo me krijimin e mundësive apo hapësirave që Dejtoni do t’i jepte Bosnjes për avancimin në strukturat euroatlantike”, nënvizoi ai.

Bushati u ndal tek diferenca mes dialogut Shqipëri-Greqi dhe diskutimit mes Serbisë dhe Kosovës.

“Shqipëria dhe Greqia e njohin njëra-tjetrën. Shqipëria dhe Greqia janë të dyja subjekte të së drejtës ndërkombëtare, janë vende anëtare të OKB-së. Shqipëria dhe Greqia kanë një protokoll të Firences që përcakton pikën e nisjes se ku palët dhe se si palët mund të bëjnë delimitimin e hapësirës detare. Shqipëria dhe Greqia janë anëtare të Konventës së OKB-së mbi të drejtën e detit, unclos-it, e cila e përcakton qartë metodat që shtetet mund të zgjedhin për të bërë këtë proces. Më pas kombinimi i këtyre metodave në mënyrën se si përzgjidhen këto metoda jep dhe rezultatin final në praktik.

Serbia dhe Kosova nuk e njohin njëra-tjetrën. Kosova nuk është anëtare e OKB-së, nuk kanë të njëjtën fuqi e peshë përsa i përket subjektivitetit juridiko-ndërkombëtar, dhe çdo lloj procesi që mund të jetë i natyrshëm për sa i përket delimitimit të kufijve, ndonëse kufijtë tokësorë dhe kufijtë detarë janë të një natyre të ndryshme, mund dhe duhet të bëhet vetëm pasi dy shtetet e njohin njëra-tjetrën, pranojnë që të zbatojnë disa parime të së drejtës ndërkombëtare të cilat janë të njëjta për të dy shtetet. Prandaj është shumë e rëndësishme që kur ne analizojmë mënyrën se si konflikte të ndryshme mund të kthehen në mundësi për paqe, stabilitet dhe prosperitet të kemi parasysh faktet e mirënjohura, qoftë në aspektin historik por dhe ato që na ofron me shumicë e drejta ndërkombëtare”, përfundoi ish- shefi i diplomacisë shqiptare.

I pyetur nga studentët mbi debatin për ndryshimin të kufijve Bushati tha: “Unë bëj pjesë tek ajo kategori njerëzish që nuk e shoh as zhvillimin e Shqipërisë dhe as zhvillimin e Kosovës dhe as zhvillimin e shqiptarëve në përgjithësi në rajon në kurriz të një populli apo kombi tjetër. Por nga ana tjetër gjëja që më shqetëson më pak nga çdo gjë tjetër është çka mendon Serbia apo rehabilitimi i Serbisë në Ballkan, apo rehabilitimi i Serbisë në arenën ndërkombëtare. Mendoj se ne si Shqipëri na takon të mbajmë një qëndrim parimor përsa i përket kësaj çështje. Këtu ka diplomatë që kanë punuar në shërbim të vendit dhe mund ta dëshmojnë këtë që po them, për politikën shqiptare pavarësisht kush ka qeverisur ka qenë një konstante respektimi i integritetit territorial të Maqedonisë së dikurshme apo Maqedonisë së Veriut sot. Që kështu nuk besoj se mund të ketë politikanë në Shqipëri të mos respektojë të njëjtën gjë dhe përsa i përket integritetit territorial të Kosovës. Nuk mendoj se do të ketë njeri kurajo në Shqipëri që të aplikojë një standard të ndryshëm nga ai që politika shqiptare ka aplikuar për 30 vjet me fqinjin tjetër, që është sot Maqedonia e Veriut. Kur thashë që nuk e pres edhe në planin personal që avancimi i Shqipërisë, i Kosovës apo shqiptarëve të jetë në kurriz të Serbisë apo një kombi tjetër, besoj se e ardhmja ndërmjet Kosovës dhe Serbisë është në Bashkimin Europian, dhe Serbia dhe Kosova kanë se çfarë të diskutojnë me njëri-tjetrin shumëçka. Mund të diskutojnë për të ardhmen e shqiptarëve dhe serbëve, mund të diskutojnë për njohjen e ndërsjelltë të diplomave dhe patentave, mund të diskutojnë për të humburit gjatë luftës, për viktimat e luftës, mund të diskutojnë për çështje të karakterit ekonomik dhe tregtar, mund të diskutojnë për programe të cilat synojnë pajtimin ndërmjet Serbisë dhe Kosovës. Pra, foksui i gjithë këtij procesi në gjykimin tim duhet të jetë individi, qytetari europian, pavërsisht në rast se është i Kosovës, në rast se është i Serbisë apo nesër pasnesër,i një vendi tjetër dhe jo tendenca për të ofruar zgjidhje të shekullit të 19 si receta për shekullin e 21”.

Në Ditën Botërore të Lirisë së Shtypit, ambasada Amerikane në Tiranë përcolli një mesazh për klasën politike në vend, duke kujtuar se ata duhet të punojnë për të forcuar lirinë e fjalës.

Ambasada Amerikane në vendin tonë shprehet se kjo është një ditë reflektimi për profesionistët në media mbi çështjet e lirisë së shtypit, etikës profesionale dhe integritetit.

Njoftimi i Ambadadës Amerikane:

| Dita Botërore e Lirisë së Shtypit shërben si një kujtesë për qeveritë dhe politikanët që të bëjnë punën e tyre për të forcuar lirinë e fjalës. Është gjithashtu edhe një ditë reflektimi për profesionistët në media mbi çështjet e lirisë së shtypit, etikës profesionale dhe integritetit.

Në të njëjtën kohë, Dita Botërore e Lirisë së Shtypit është një ditë për të mbështetur mediat dhe gazetarët që janë shënjestra të censurës, kërcënimeve dhe dhunës. Ky Studim mbi Profesionistët e Medias, i kryer nga IDRA, nënvizon këto çështje të rëndësishme. Për të lexuar studimin e plotë, ju lutemi të klikoni këtu: https://bit.ly/2ZV3d88

Ministrja për Marrëdhenien me Parlamentin Elisa Spiropali i është përgjigjur kryeministrit të Kosovës Ramush Haradinaj, pas replikës së këtij të fundit me Ramën.

E ftuar në Abc News, Spiropali është shprehur se ajo është grua dhe i qëndron fjalës dhe jo burrë që nxjerr bisedat, duke iu kundërpërgjigjur kështu Haradinajt, i cili tha pas Samitit të Berlinit se Rama e Thaçi i kishin bërë presion që të hiqte taksën.

‘Unë nuk jam burrë që nxjerr llafet e bisedave, jam një grua që i qëndroj fjalëve. Janë burrat që në traditën tonë ballkanike nxjerrin fjalët që diskutohen’, u shpreh ministrja.

E pyetur nga gazetarja Milori nëse kjo kishte lidhje me kryeministrin e Kosovës, Spiropali as nuk e pohoi, por as nuk e mohoi një gjë të tillë.

Një protestuese nga Korça ka bërë një thirrje të fortë në drejtim të kryeministrit duke i kërkuar që të largohet sa më parë nga karrigia e pushtetit.

Gruaja e ka quajtur “qen”, “Kriminel” e bastard kryeministrin, madje ka thënë se ai bën mirë të largohet dhe të mos e pësojë si ish diktatori i Rumanisë Nikola Çaushesku.

“Kjo protestë është bërë për të përmbysur atë qenin, kriminelin, bastardin që ja ka vënë thikën në grykë të gjithë popullit. Prandaj ai të qërohet që mos e pësojë si Çaushesku”, tha protestuesja.

Fotoja u postua nga Oranews./Express

Për historinë diskutohet në nivele të ndryshme, nga popullor deri akademik, por ç’është përjetuar në nivel masiv, duhet të zërë vend në atë që do të rezultojë historia përfundimtare, e cila bashkë me faktet duhet t’u përgjigjet këtyre pyetjeve: Ka qenë e kënaqur shumica nga sistemi? Ka bërë përparim ekonomia? Kultura? Kanë qenë marrëdhëniet shoqërore, letërsia, artet, sa më afër sinqeritetit dhe shprehjes së lirë? Duke e parë çështjen më gjerë, në shkallë botërore, s’kanë nevojë për vërtetim faktet kryesore, që e tërë popullata e Europës Lindore u turr në 1945 drejt Perëndimit, fizikisht apo mendërisht; që pjesa femërore e saj u përdhunua rëndshëm nga ushtria okupuese, që uria fizike dhe ndrydhja psikologjike zaptuan shpirtin e të rriturve dhe që rinia joshej me gjithçka vinte prej Perëndimit. Kemi të bëjmë me sigurira të papërballueshme. Fillimi është gjysma e punës. Në qoftë se insistohet për arsyetime, shkaku i parë dhe më i thellë i dështimit është se ekonomia nuk u konceptua më si një garë me kohën (që synon eficiencë të mjeteve të prodhimit sa më gjatë në kohë dhe rinovim, pra, nxitje me shpërblime të mëdha të teknologjisë së përparuar), por vetëm si përmbushëse e nevojave sot për sot (“T`i sigurojmë bukën popullit!”). Falimentimi, pra, qe i sigurt qysh me themelimin e sistemit, e megjithatë ai vazhdoi ashtu, me futjen e entuziazmit/detyrimit si faktor kryesor. Dhe të mendosh se një motivim kaq modest (sigurimi i nevojave minimale), do të kushtonte miliona jetë…

Instituti i Studimeve të Krimeve dhe Pasojave të Komunizmit ka bërë një punë të shkëlqyer në drejtim të matjes së pulsit të asaj kohe, që në rastin tonë shqiptar karakterizohej me organe e kuadro të mbushura me veten, kulturë që çmonte bindjen e eprorit më lart se ligjin, plus të edukuara që armiku duhet zhdukur. Kujdesit për tjetrin as që i cikte. “E kam në dorë këtë këtu? Marr 15 ditë leje nëse e vras”. Kjo psikologji e diktaturave shumë të ideologjizuara moderne, nazizëm-komunizëm, merrte fuqi te ne plus prej psikologjisë së një vendi të vogël, ku vetvetiu ti je armik me tjetrin, qoftë ai komshi ose i largët dhe plus me orientimin nga lart që kuadrove t’u nxitej egërsi e shtuar në rastet kur i hetuari/dënuari paraqiste rrezikun të bëhej shembull moral për masën.

Them punë e shkëlqyer e Institutit, sepse falë dy drejtuesve Agron Tufa dhe Luljeta Lleshanaku, specialistë të provuar në pikëpamje të stilit (kupto vërtetësi të materialit të vjelë me anë pyetjesh plotësuese edhe ruajtje të natyrësisë së tregimit letrarisht), intervistat kanë dalë jo vetëm tërësisht të besueshme, por edhe befasuese. Kjo është e kuptueshme për shkak të larmisë së karaktereve, vuajtës e persekutorë, por edhe faktit që intervistuesit nuk e kanë profesionalisht (pra, esencialisht) ngacmimin që të marrin anën e të parit, d.m.th. vuajtësit, siç e donte socrealizmi. Duan përplasjen mbi të gjitha, madje një persekutor në krizë koshience për ta, provon vartësinë dhe motiv kënaqësie (profesionale, sigurisht përveçse humane). Tërë këta libra të serísë Ad Memorandum janë një revansh i merituar i krijimtarisë së llojit të përndjekur, sepse ajo krijimtari natyrshëm simpatizonte dhe vazhdon të simpatizojë me pjesën e popullatës që i ra jo aq shorti, por më tepër plani të binte në burg, ngaqë paraqiste veti individuale që binin në sy. Kjo i jep kënaqësi krijuese shkrimtarit dhe ka më shumë rëndësi se ajo humane, që në këtë rast nuk është fort kënaqësi, por dhembje. Të kesh individualitet që bie në sy, i tërheq poetët/romancierët e këtij krahu, ndryshe nga ata të djeshmit, që këtij interesi që patjetër e kishin, i shtohej bezdia e porosisë që u tingëllonte vazhdimisht në vesh “Kujdes! Të dalë në shesh kjo dhe ajo!”. Pra, u lumtë atyre persekutorëve që i zgjodhën të arrestueshmit me veti individuale, u lumtë të arrestuarve që rezistuan në ato veti dhe, së fundi, u lumtë dhe intervistuesve që i diktuan dhe i nxorën në dukje. Kjo ndoshta është e vetmja fushë ku burgje-kampet bënë një punë të mirë, sepse pallatet që u ndërtuan brenda telave të tyre e kanë më të kufizuar dobínë/jetën, kurse minierat janë mbyllur me aq vuajtje sa përmbajnë brenda tyre dhe vite aq sa ia zgjatën jetën diktaturës. Se kush prej dy palëve del fitimtar, ata që i mbyllën njerëzit aty për t’i edukuar e kontribuar sipas versionit të tyre, apo ata që rezistuan duke rrezikuar, kjo mbetet edhe sot në diskutim ngaqë debati transferohet aty ku s’ka lidhje, te dëshmorët e Luftës, që Instituti i mohoka, dëshmorë që s’ka pse t’i mohojë Instituti, ngaqë edhe ata ishin po aq të meritueshëm sa këta, por njëherazi më shumë të tradhtuar se këta që nuk besuan si ata te luga e floririt, madje as e kishin dëgjuar. Janë ende të fshehur të dy palët, dëshmorë dhe të përndjekur, pikërisht sepse debatuesit e sotëm, fort të indinjuar, e drejtojnë debatin te vetja kur hedhin poshtë ISKPK. Ata kërkojnë të kenë pasur të drejtë edhe kur i harruan dëshmorët dhe luftëtarët shokë të gjallë të dëshmorëve në burgje ose të vdekur në varre pa emër, ndërsa i gëzoheshin vlerësimit nga lart, pikërisht për këtë harresë. Do të duhej në fakt të gjurmohet kjo pistë te kampi fitimtar i 44-ës, sesi i përdorën dëshmorët për të vendosur me dorë hekuri, qysh para atij Nëntori dhe mbas tij, të kundërtën e aspiratës së tyre, konkretisht të hetohet për secilin prej tyre, ç’persona e pretekste u përdorën për t’i eliminuar mbasi luftuan (prijës popullorë, marksistë, oficerë të karrierës, intelektualë që s’figuronin në kontekstin gjoja proletar që rrethoi diktatorin me kohë). Do të ishte një akt drejtësie dhe më tej, tejdukjeje, që duke pasë munguar deri sot, do të na tregonte rrugën, të vetmen që kërkohet urgjentisht.

Merita e Institutit, me librat që përmbajnë fragmente jete të jashtëzakonshme për nga rrallësia e rasteve dhe nga fokusimi i duhur i shprehjes, ngjan e pashpresuar kur e kundrojmë aq në kontrast me një realitet sociopolitik të sotëm, ku personi merret ekskluzivisht me veten, shpesh pa kursyer retorika që publiku i çmon false pa i dëgjuar mirë. Kjo është atmosfera. Kurse ata dëshmitarë në galerira merren me veten e tyre, në kushte kur instinkti luftonte veç për të mbetur gjallë fiziku i tyre. Prandaj, kapitujt e librave që merren me ta na vijnë si vegime drite, prej kësaj vjen dhe cilësimi më lart, i pashpresuar publikimi i tyre. Ka një mospajtim mes atyre faqeve dinjitoze dhe gjendjes së shkrehur që konstatojmë sot. Ne vetë, vuajtësit e djeshëm, po bëhemi përditë e më të paintonuar me kauzën e tyre, që është dhe e vetmja vlerë civile së bashku me sekuencat filmike ku të dënuarit me vdekje inxhinierë tërësisht të pafajshëm të Maliqit na vështrojnë drejt në sy nga ekrani. Jemi të pavëmendshëm masivisht ndaj këtyre botimeve kaq të rëndësishme, çka tregon prirje të rrezikshme drejt ftohjes së vetë fjalës kauzë. Kam të dhëna se një shumicë as i përfillin ata libra. Ndofta, instinkti i rezistencës zgjohet në çastin kur rreziku i përdhosjes bëhet i pranishëm, por nuk jemi fort të sigurt që përdhosjet e përjetuara gjatë nuk kanë vepruar thellë, aq sa pretendimet për rehabilitim material të mos na çojnë definitivisht drejt shkrehjes. Sidoqoftë, s’mund të jemi veçse mirënjohës, që Instituti me personelin e tij të vogël, por të pasionuar, nxjerr në dritë dëshmi të një thjeshtësie të tillë, një burrni aq në kundërshtim me ç‘njohim ne dhe bota prej të ndodhurave deri sot. Normaliteti, që është dhe dinjitet, rivendoset sot me anë të tyre, duke na lënë mjaft peng në ndërgjegje pse jemi marrë edhe ne si kategori vetëm me veten, duke rënë në rregullin që hiqet sot. Por, personat që e mishërojnë atë dinjitet janë aty, motiv krenarie: dashnori i arratisjes, haptas dhe i papërkulur para asgjëje, Mirush Osmani; shkelmonjësi i çdo oferte për agjenturë, Prelë Syku, Agim Akcani i përfshirë krejt pa lidhje në çështjen e Baldushkut, që nxjerr edhe anën e hetuesve të kapur në darë, pra, të destinuar për t’u eliminuar prej mospajtimit intim me darën ku u ndodhën. Me dhjetëra gra, burra, të rinj, paraqiten aty, të tillë, të papajtuar dhe të papajtueshëm me lëmshin e gatuar mbrapa kurrizit të shumë të tjerëve disa vjet përpara tyre, që u ofruan në luftë ndërsa tjetër gjë nga ajo që prisnin po gatitej për vendin. Me këta libra po dalin në dritë të vonshmit, dënuar kinse si armiq të atyre që morën plumbin në luftë. Janë njësoj në njëfarë mënyre. Së paku nuk ndryshojnë për faktin që patën të njëjtin zhgënjim. Një palë me dhjetëra vjet minierë dhe shumë prej tyre të vrarë nga shkëmbi ose të mbytur në baltë nga polici, pala tjetër për disa muaj ose javë, kur urdhëroheshin të qëllonin mbi shqiptarë, ose si spektatorë prej matanë, të zhgjëndrrës që zëvendësoi ëndrrën e tyre të lirisë…

*Ish-i përndjekur politik

Gjykata e Krimeve të Rënda ka kërkuar ndalimin e 5 personave pjesëtarë ICTS (kompania e sigurisë në Aeroport)  dhe bankave, lidhur me grabitjen e 9 Prillit në Rinas.

Këto urdhra ndalimi kërkohen, pasi 5 personat kanë shpërdoruar detyrën, raporton ABCNews.

Tri banka i kanë kthyer përgjigje Prokurorisë dhe kanë konfirmuar shumat të cilat ato do të transportonin drejt Austrisë ditën e grabitjes. Në total shuma e grabitur është 6 milion Euro.

Deri tani për këtë ngjarje janë arrestuar 6 persona por asnjeri prej tyre nuk e di ku ndodhen paratë. Alkond Bengasi i penduari i cili ka identifikuar këta persona si të dyshuar se kanë pasur dijeni për grabitjen. Por Ragip Hajdini, Oltjon Veseli, Renaldo Sula, Saimir Çela dhe Elton Pikli kanë mohuar përfshirjen e tyre ne këtë grabitje.

Kur kanë kaluar 21 ditë nga vrasja e Admir Muratajt në aeroportin e Rinasit pas grabitjes së rreth 6 milion eurove, ende nuk dihet saktësisht se kush e qëlloi atë për vdekje.

Fillimisht u tha se kishte një shkëmbim zjarri midis një patrulle policie dhe grabitësve të armatosur, pretendim i cili nuk u faktua.

Tani, pranë prokurorëve të çështjes është dorëzuar një akt-ekspertimi mjeko ligjor i të ndjerit Admir Murataj, por dilemat se kush e qëlloi atë vijojnë edhe pas raportit.

I cilësuar si organizatori i grabitjes, Murataj mbante një maskë, e cila është tashmë një provë materiale në duart e policisë. Autopsia, siç shkruan A2CNN, tregon se Murataj u qëllua me një armë Kallashnikov, në syrin e djathtë, i cili e bëri të pa identifikueshëm imazhin e tij.

U desh ndërhyrja e familjarëve që të bëjnë identifikimin e kufomës. Por distanca nga e cila është qëlluar Admir Murataj mbetet enigmë, bashkë me personin që e eliminoi atë, pak minuta pas grabitjes.

Teksa vazhdojnë hetimet për grabitjen e bujshme, janë bërë verifikime edhe për dy numra celularësh të cilët dyshohet që janë përdorur nga grabitësit.

Sipas Abc News, ata rezultojnë të jenë blerë në tregun e zi, ndërsa janë regjistruar në emër të dy personave me aftësi të kufizuara.

Për grabitjen e 9 prillit janë arrestuar 6 persona. Gjykata e Krimeve të Rënda do të zhvillojë ditën e enjte seancën për mbylljen e hetimeve të dosjes për Muratajn, i cili ishte akuzuar si koka e grabitjes së blindave me para të bankave në rrugën drejt Rinas në vitin 2017.

Akt ekspertimet dhe certifikata e vdekjes së Admir Muratajt nuk janë ende në dorën e Prokurorisë, duke bërë që të shtyhet seanca ku pritej pushimi i çështjes ndaj tij.

Sipas prokurorit, çrregjistrimi i Muratajt nuk është bërë ende në Tropojë dhe se akt ekspertimet që vërtetojnë katërcipërisht vdekjen e tij.

Kështu, në një kohë që vdekja e Muratajt është diskutuar gjatë në opinionin publik, ajo nuk është vërtetuar ende ligjërisht. Procesi ndaj Muratajt të Krimet e Rënda, do të zhvillohej për 3 grabitjet e blindave në vitet 2015-2017, ku ai akuzohej si organizatori.

Seanca e radhës do të zhvillohet më 14 maj, ora 10:00./ Panorama

Presidenti i Republikës, Ilir Meta ka vizituar këtë të mërkurë aeroplanmbajtësen amerikane “Abraham Lincoln” në detin Adriatik me rastin e 10-vjetorit të anëtarësimit të vendit tonë në Aleancën e Atlantikut të Veriut.

Me një shënim në “Facebook”, kreu i shtetit thekson se marrëdhëniet mes dy vendeve janë tregues dhe garanci për stabilitetin e rajonit.

“Ishte kënaqësi e veçantë të vizitoja sot aeroplanmbajtësen amerikane🇺🇸 “Abraham Lincoln” në detin Adriatik me rastin e 10-vjetorit të anëtarësimit të Shqipërisë🇦🇱 në #NATO. Marrëdhëniet tona të forta janë një garanci per stabilitetin e rajonit tonë. Kënaqësi të takoja drejtues të cilët 20 vjet më parë kishin fluturuar në aksionin e NATO-s që i dha fund genocidit në Kosovë🇽🇰 dhe Ballkan.

Angazhimi i SHBA🇺🇸, kyç për sigurinë dhe prosperitetin e rajonit tonë”- shprehet Meta.

Një avion është gjetur dhe fotografuar në bregdetin e plazhit të Drimadhës në jug të Shqipërisë.
Fotot e avionit janë publikuar në rrjetet sociale nga banorët e zonës. Avioni i vogël është “modifikuar” me goma për të qëndruar edhe mbi ujë, por ende nuk dihet se çfarë kërkon një avion i tipit luftarak në mes të bregdetit shqiptar. Deri tani nuk ka një reagim zyrtar nga policia në lidhje me këtë ngjarje misterioze.

Ditët e fundit, opinioni ynë publik është njoftuar për krijimin e një partie të re politike. Emri i saj është Bindja Demokratike. Nismëtarët janë të gjithë të ardhur nga Partia Demokratike. Besoj se askush nuk është zënë në befasi nga ky lajm. Është një skizmë e shfaqur dy vjet më parë, saktësisht në maj 2017, kur Partia Demokratike publikoi listat e saj të kandidatëve për deputetë dhe ka ardhur vazhdimisht vetëm duke u acaruar. Por vetëm tani mori formën institucionale të një formacioni politik. Në këtë kuptim, unë mendoj se ky është një lajm i mirë për opinionin publik, sigurisht është një lajm i mirë për nismëtarët, por, e them me bindje se është një lajm i mirë edhe për vetë Partinë Demokratike.

Ky aspekt i fundit ka nevojë për një sqarim të vogël: Kush më shumë e kush më pak, nismëtarët e grupit themelues, me në krye Astrit Patozin, janë të gjithë figura të zëshme për opinionin publik. Gjatë këtyre dy vjetëve, secili veç e veç, ata kanë qenë pjesë e kritizerëve më të rreptë ndaj PD-së. Nganjëherë, madje, edhe më të rreptë se Partia Socialiste. Kritika dukshëm të zhbalancuara krahasuar me shigjetat që lëshonin ndaj Kryeministrit Rama. Nga ana tjetër, PD, si forcë e strukturuar politike, e kishte praktikisht të pamundur të ndërtonte një sjellje adekuate ndaj tyre. Ajo nuk mund të hynte as në polemika me ta, siç nuk mund të hyjë në mënyrë sistematike një parti e madhe politike në polemika me të gjithë individët që e kritikojnë, nuk mundej as të shtronte me ta një rrugë dialogu dhe bashkëpunimi për arsye se ata kishin një kusht të papranueshëm e që ishte largimi i Lulzim Bashës nga kreu i partisë. Bindja ime, nisur vetëm nga interesi publik, qysh në korrik 2017, ka qenë se ata duhej të krijonin partinë e tyre, gjë që ia kam shprehur miqësisht edhe Astrit Patozit, e kam shprehur edhe publikisht.

Ja ku u hodh edhe ky hap vendimtar. Vetëm tani Patozi dhe miqtë e tij kanë mundësi të bëjnë politikë në kuptimin e vërtetë të kësaj fjale. Deri tani ata vetëm kanë folur për politikën. Dhe kanë folur madje jo gjithmonë me gjakftohtësinë që do të kërkonte një ligjërim serioz politik. Me programin që do ta hartojnë pa vonesë, ma merr mendja dhe me sjelljen e tyre politike në vazhdim, ata duhet të tregojnë sa më shpejt se frymëzimi i tyre nuk është inati kundër Lulzim Bashës, Partisë Demokratike apo qoftë edhe kundër Sali Berishës. Po nuk e arritën këtë perceptim nga ana e publikut, me siguri e them se dështimi i tyre është i sigurt. Kur dështoi Gramoz Pashko e Arben Imami me Aleancën Demokratike apo Genc Pollo e Dashamir Shehi me Partinë e Re Demokratike, nuk shoh arsye pse nuk do të dështonte Astrit Patozi me Bindjen Demokratike. Unë nuk e dëshiroj dështimin e tyre. Dhe aq sa kuptoj unë nga politika, jam i bindur se suksesi i Bindja Demokratike nuk e cenon aspak suksesin e pritshëm e të dëshirueshëm të Partisë Demokratike. Përkundrazi. Dhe ja sepse: përvoja me skizmat e mëparshme më mëson mua se grupet e shkëputura nga PD, për të dalë “shtëpi” më vete, nuk kanë mundur kurrë të marrin me vete pjesë substanciale të elektoratit demokrat. Por, duke u konsumuar në sharje e në denigrim ndaj PD-së, ato e kanë tërhequr, megjithatë, PD-në në polemika të dëmshme, duke i marrë asaj pjesë të energjive politike dhe komunikative, që do të duhej t’i harxhonte në luftën politike me kundërshtarin e vet kryesor që ka qenë dhe është Partia Socialiste.

Kjo është arsyeja parimore pse unë këshilloj që Partia Demokratike si institucion, por edhe çdo demokrat individualisht nuk duhet t’i kushtojnë Bindjes Demokratike vëmendjen që meriton një kundërshtar i rrezikshëm. Shumë, shumë ata duhet të shohin në këtë rast lindjen eventuale të një konkurrence, e cila ka dobinë e vet edhe për një parti të madhe, siç është Partia Demokratike, në qasjen ndaj elektoratit gri, i cili, siç del edhe nga sondazhet serioze, përbën sot më shumë se gjysmën e elektoratit aktiv. Çdo sjellje tjetër nga ana e demokratëve do të nxirrte në pah vetëm një sedër të tepruar, të lënduar e që politikisht nuk do t’i prishte asnjë punë Edi Ramës. Do të jetë kjo forcë e re politike një opozitë fasadë për Edi Ramën apo një opozitë reale, këtë do të mund ta tregojë vetëm Astrit Patozi me bashkëpunëtorët e vet dhe jo ne, demokratët, me fjalët tona. Elektorati gri, i cili nuk e ka bërë ende zgjedhjen e tij për votën, do të gjykojë mbi faktet për të krijuar bindjen e vet, dhe jo mbi denoncimet tona, sado këmbëngulëse të jenë këto denoncime. Meraku im në këtë rast është që Partia Demokratike të mos lodhet kot, ndërkohë që ka përpara sfida shumë të rëndësishme, të cilat kërkojnë nga ajo shumë energji si dhe përmirësim të vizionit dhe të aksionit të asaj të përditshëm politik.

Kjo që po them unë nuk synon aspak një pajtim midis Lulzim Bashës dhe Astrit Patozit. Si demokrat i vjetër dhe si qytetar thellësisht i shqetësuar për gjendjen e rëndë ku e ka katandisur vendin qeverisja e korruptuar e Edi Ramës, unë po përpiqem thjesht të tërheq vëmendjen, sa nuk është vonë, te një e keqe që na ka bërë, pak a shumë, dëm në të shkuarën, duke e shfokusuar gjithsesi luftën tonë politike. Askush nuk e ka monopolin e opozitës, i madh apo i vogël qoftë ai. Aq më tepër në kontekstin e zhvillimeve të sotme. Rëndësinë e vet si opozitar e përcakton secili vetë, me të vërtetat që thotë dhe alternativën që i ofron mbarë shoqërisë. Kjo i nevojitet sot Shqipërisë.

I arrestuari i gjashtë për grabitjen në Rinas hedh poshtë akuzat e prokurorisë. Në seancën e sotme për masën e sigurisë, Ragip Hajdini, për policinë i njohur si ‘daja’ i dëshmisë së Alkond Begasit ka mohuar çdo lidhje me grabitjen. Gazetarja Klodiana Lala ka raportuar për “BalkanWeb” se ai ka deklaruar se ka njohje me familjen e Admir Murataj dhe madje se kishte qenë edhe në varrim.

Hajdini ka thënë se nuk është ‘daja’ që kërkon policia, pavarësisht se thërritet me të njëjtën nofkë dhe se ka pamje filmike që tregojnë se ku ka qenë ditën e grabitjes.

“Kam njohje me familjen Murataj. Isha në varrimin e Muratajt, kam njohje me vëllain e tij. Por nuk jam unë ‘daja’ që kërkoni. Kam dëgjuar në media që flitej për një ‘daja’, por po të kisha lidhje nuk rrija këtu. Kam pamjet filmike që nuk isha aty në ditën e grabitjes. Kam qenë duke drekuar me miq të mi”, është shprehur Hajdini.

Ai ka kërkuar edhe ballafaqim me dëshmitarin e drejtësisë Alkond Bengasin për të verifikuar se nuk është ai personi i dyshuar. “Dua të ballafaqohem me Bengasin që më ka identifikuar”, ka thënë Hajdini. BW

Partia Demokratike ka denoncuar sulmet që po i behën  Institutit për Studimin e Krimeve dhe Pasojave të Komunizmit dhe kreut të saj, Agron Tufa.

Me anë të një reagimi zyrtar PD thekson se  procesi i dekomunistizimit nuk duhet të ndalet nga përpjekjet e Edi Ramës.

PD thekson se ky Institut është i vetmi i pavarur dhe që po punon për ët zbuluar të vërtetën e krimieve të komunizmit, ndërkohë që maxhoranca ka ndërmend që ta shkrijë atë.

DEKLARATË E PARTISË DEMOKRATIKE

Partia Demokratike denoncon veprimet e Edi Ramës me sulmet ndaj Institutit për Studimin e Krimeve dhe Pasojave të Komunizmit, ndaj Bordit të Institutit, si dhe ndaj drejtorit ekzekutiv Agron Tufa për shkakun e vetëm, se ky institucion i pavarur po punon për të zbuluar të vërtetën e krimeve të komunizmit.

Linçimi publik, fyerjet raciste qe bien ndesh me kushtetutën, kundër drejtuesve të këtij institucioni të pavarur nga bashkëpunëtorë të afërt të Edi Ramës dhe mosdistancimi i tij prej tyre, tregojnë se Edi Rama është organizator i sulmeve.

Në këto 6 vite të drejtimit të Shqipërisë nga Edi Rama, enverizmi ka forcuar pozitat e tij në vend. Këngë, filma, dokumentarë, simbole e xheste publike që glorifikojnë diktatorin komunist Enver Hoxha dhe regjimin e tij çnjerëzor, janë kthyer në normalitet gjatë qeverisjes së Ramës.

Sulmi ndaj këtij Instituti është i frymëzuar nga ish-oficerët dhe bashkëpunëtorët e Sigurimit të Shtetit, të cilët kanë marrë drejtimin e Policisë, të Shërbimit Informativ dhe të organeve të reja të drejtësisë.

Rilindja e luftës së klasave kundër profesionistëve si Agron Tufa, që po përpiqen të vendosin një tullë në procesin e dekomunistizimit dhe lustracionit të shoqërisë, është pjesë e luftës primitive politike për të goditur çfarëdolloj kritike e opozicioni në vend.

E kaluara diktatoriale duhet të zbardhet krejtësisht. Dekomunistizimi i shoqërisë është një prioritet absolut në rrugën tonë drejt Bashkimit Evropian. Ai nuk duhet të ndalet nga përpjekjet e Edi Ramës për t’i imponuar Parlamentit shkrirjen e të vetmit Institut të pavarur për Studimin e Krimeve të Komunizmit.

Përmes një deklarate për mediat, partitë e vogla të qendrës së djathtë në Shqipëri propozuan një platformë prej 8 pikash për nxjerrjen e vendit nga kriza.

Pasi njoftuan se ditën e nesërme presin një tryezë nga Presidenti i Republikës, PR, PDK, PBDNJ, LZHK dhe PAA, kërkojnë një qeveri tranzitore, e cila do të caktojë një datë për zgjedhjet e parakohshme.

Aleatët e PD, duan që data e zgjedhjeve të bëhet 6 muaj përpara zgjedhjeve.

Platforma për Marrëveshje Kushtetuese

Duke vlerësuar se situata politike në vend është shumë e rëndë dhe e paprecedent, sistemi ynë kushtetues Republikë Parlamentare, pothuaj ka rënë tërësisht dhe transformuar në Republikë e Kryeministrit Rama;

Duke u ndodhur përballë pamundësisë politike dhe ligjore për të ndalur veprimet antikushtetuese të qeverisë dhe mazhorancës socialiste për mëse 2 vjet, për shkak të mungesës së Gjykatës Kushtetuese;

Duke vlerësuar qëllimin e Reformës në Drejtësi, si mundësi për krijimin e një drejtësie të pakorruptuar dhe të pavarur, por që u deformua qëllimisht nga Rama, për ta kontrolluar politikisht, me pasoja të rënda mbi të drejtat e qytetarëve, për shkak të pamundësisë së tyre për gjykimin në kohë të mijëra çështjeve administrative, civile dhe penale, mungesa e një procesi të drejtë gjyqësor, për shkak të mos funksionimit për mëse 2 vjet të Gjykatës së Lartë (duke dysfishuar numrin e dosjeve që presin për gjykim).

Duke vlerësuar me shqetësim gjendjen e rëndë në vend, korrupsionin masiv, trafikun e drogës, përhapjen dhe fuqizimin e krimit shqiptar, siç vlerëson edhe raporti i fundit i DASH (Departamenti Amerikan i Shtetit);

Konstatimi se këto grupe kriminale në shumë qarqe të vendit, jo vetëm janë të paprekshëm, por zotërojnë potencial njerëzor aktiv kriminal dhe kontrollojnë sektorë të rëndësishëm të ekonomisë dhe investimeve publike të lidhura me korrupsionin qeveritar;

Duke dënuar kontrollin politik mbi Prokurorinë, në kundërshtim me Kushtetutën, si dhe mos hetimin e krimeve elektorale për blerjen e votave dhe intimidimin e votuesve nga grupe kriminale dhe kartelet e drogës, në marrëdhënie dhe shërbim të pushtetit absolut të Ramës;

Duke vlerësuar se eksodi masiv ka marrë përmasat e një spastrimi të shqiptarëve, me pasoja të rënda politike, ekonomike dhe sociale;

Duke konstatuar se në zgjedhjet e 30 Qershorit 2019 janë regjistruar vetëm parti politike të mazhorancës, si dhe përpjekjet e Ramës për të organizuar zgjedhje farse, me qëllim që të krijojë idenë false se zgjedhjet do të jenë “konkuruese”, përballë Opozitës dhe qytetarëve nga ana tjetër, të vendosur për të mos lejuar zhvillimin e zgjedhjeve farse, tentativën e qeverisë për një krim elektoral me pasoja shkatërruese për vendin, e cila do të çonte në një përplasje me pasoja për vendin dhe Unitetin e Popullit.

Partitë tona të Qendrës së Djathtë, në respekt të marrëveshjes së nënshkruar me Partinë Demokratike dhe partitë e tjera opozitare, me qëllim garantimin e zgjedhjeve të lira dhe të ndershme, jashtë ndikimit të grupeve kriminale dhe qeverisë të lidhur me to, të angazhuar për t`a kthyer vendin në binarët kushtetues dhe plotësuar detyrimet e vendosura nga BE:

Partitë tona, si Grupim i Qendrës së Djathtë (GQD) të përbërë nga; PR, PAA, PBDNJ, LZHK dhe PDK, propozojnë realizimin e një Marrëveshje Politike Kushtetuese, duke propozuar sa më poshtë:

1- Thirrja e një tryeze politike nga Presidenti i Republikës, e përfaqësuesve të opozitës dhe mazhorancës.

Bazuar në Nenin 86/1, Presidenti është garant i unitetit të popullit. Ky unitet garantohet nga respektimi i të drejtave dhe lirive të qytetarëve, në respekt të Kushtetutës.

Neni 1 i Kushtetutës sanksionon se “qeverisja bazohet në një sistem zgjedhjesh të lira, të barabarta, të përgjithshme e periodike”.

Mungesa e zgjedhjeve të lira dhe të ndershme, po shkatërron parimin themelor e kushtetues të pluralizimit.

• Kjo tryezë të vlerësojë kushtet dhe kërkesat e OSBE/ODHIR për të shmangur shitblerjen e votës, intimidimin e votuesve dhe përdorimin e Administratës Shtetërore.

• Kontrolli mbi territorin dhe procedimi i grupeve kriminale, të cilat janë evidentuar në shitblerjen e votës.

• Procedimin penal nga ana e Prokurorisë të dosjeve të bëra publike nga media, për manipulimin e zgjedhjeve.

• Vlerësimin e skadimit të afatit të kartave të identitetit dhe pajisjen e qytetarëve me karta.

• Vlerësimin e përjashtimit nga lista të mbi 270,000 votuesve.

2- Përcaktimi i një date për zgjedhjet lokale dhe parlamentare, me një qeverisje tranzitore (qeverisje kujdestare) me dakordësi politike.

Data e zgjedhjeve të përcaktohet në përputhje me detyrimet dhe implementimin nga qeverisja tranzitore, e kushteve për zgjedhje të lira dhe të ndershme dhe shkëputjes së strukturave të Shtetit nga krimi i organizuar.

3- Reformë zgjedhore e cila ndalon finacimin e paligjshëm, dënon jo vetëm njerëzit e angazhuar në blerje dhe manipulim votash, por edhe subjektet politike që marrin pjesë në manipulimin e zgjedhjeve.

4- Kthimi i Parlamentit në një Parlament përfaqësues dhe kushtetues, nëpërmjet ndryshimit të sistemit zgjedhor, nëpërmjet një sistemi zgjedhor dhe votimi me lista të hapura, ku qytetarët të zgjedhin jo vetëm partitë politike, por edhe deputetin që do t`i përfaqësojë në Parlament, si dhe një shpërndarje të mandateve në përputhje me parimin e barazisë së votës.

5- Përcaktimi me një dispozitë tranzitore kushtetuese për një periudhë 15 vjeçare, i krijimit të një Qeverie Kujdestare 6 muaj përpara zgjedhjeve, duke përcaktuar me ligj formën, kriteret e përfaqësimit dhe detyrat e saj.

6- Vlerësimi i kuadrit kushtetues të vendit, me një grup të posaçëm ekspertesh të së Drejtës Kushtetuese, vendas dhe të huaj, për të mundësuar kthimin e Republikës Parlamentare dhe funksionimin e saj, bazuar në pavarësinë dhe balancimin e pushteteve.

7- Bashkëpunimi për një vlerësim të drejtë të Reformës në Drejtësi, funksionimi urgjent i Gjykatës Kushtetuese dhe Gjykatës së Lartë, qoftë edhe me një amendim të përkohshëm, për t`i bërë ato funksionale, duke zhvilluar një proçes për të garantuar integritetin, profesionalizmin dhe pavarësinë e tyre.

8- Kufizimi i mandatit të Kryeministrit dhe deputetëve.

9- Të bëhet testi i drogës për Presidentin, Kryeministrin dhe deputetët.

10- Zgjedhja e Presidentit të Republikës drejpërdrejtë nga populli dhe jo nga mazhoranca apo pazare politike. Zgjerimi i kompetencave të tij në fushën e Sigurisë dhe Drejtësisë.

11- Krijimi i një sistemi parlamentar me dy dhoma, Senat dhe dhomë e përfaqësuesve. Senati të ushtrojë një pjesë të detyrave dhe kompetencave të Gjykatës Kushtetuese dhe një pjesë tjetër të kompetencave të Gjykatës Kushtetuese t`i kalojnë Gjykatës së Lartë.

12- Rishikimi i Reformës Administrative, për t`a çuar pushtetin lokal afër dhe në shërbim të njerëzve dhe jo vetëm në qendrat e mëdha urbane, me qëllim kontrollin politik të territorit.

Nëse do të shohim përbërjen e këshillave bashkiakë, mbi 95% e tyre janë nga qendrat urbane, duke lënë të papërfaqësur pjesën më të madhe të popullsisë.

Partitë tona angazhohen në dialog me forcat e tjera politike, duke qenë të hapur për qëndrimet dhe gjykimet e tyre.