Kryetari i Partisë Socialiste Pal Tushaj, ka shpejguar vendimin që mori duke dhënë dorëheqje pas rikandidimit të Ndrec Dedajt në Mirditë për një mandat të tretë.

Në një intervistë televizive, Tushaj pohoi se nuk ndihej i përfaqësuar me këtë rikandidim të Dedajt.

Sipas Tushaj, populli i Mirditës nuk do të rizgjedhë këtë kandidaturë, ndërsa befasoi duke shtuar se do të votojë kandidatin e Partisë Demokratike, Albert Mëlyshin, një mirditor.

Tushaj: E kam shpjeguar që nuk ndihem i përfaqësuar, po ashtu si dhe socialistët. PS mbështeti Dedën, mandati i dytë erdhi se ishte i pëlqyer nga persona të caktuar nga PS. Në mandati e tretë, nuk u ndoq asnjë rregull demokratik, por erdhi me urdhër nga lart. Ndrec Deda nuk përfaqëson denjësisht PS-në. Ndoshta ne na ka si dorë të dytë. Mirëdita ka nevojë për një kryetar të denjë. Që ta ketë ditë e natë dhe jo me kohë të pjesshme, një herë në dy muaj.

Duke mos qenë pjesë e kryetarit të bashkisë, skam pasur shansin që të hyj në zyrën e tij, që të mos thërrasë njëherë kryetari i bashkisë që ‘kjo është bërë mirë, kjo është keq’. PS ka probleme nga Pjetër Pjetri dhe Ndrec Deda. Kam një mendim dhe besim që populli i Mirditës nuk do e votojë Dedën. Unë nuk kam zgjedhur asnjë kandidatë, por ka plotë të tjerë të aftë. Akuzat i bëj pasi, nëse je i fortë, ke ekonomi, ke ndërruar emrin, atëherë ke mbështetjen e Dedës. Një pjesë e punonjësve s’kanë pasur lidhje dhe tani punojnë në pozicione të zgjedhura, pa një formim. PS është monopol. Unë votoj Albert Mëlyshin, fatkeqësisht përfaqëson PD. Do e votoja atë. Mjafton të jetë mirditor, jo nga Tirana që të komandojë me pult.

Nëse je kundër tij, ai të heq nga puna. Mua më ka kërkuar të largohem. Deda i është prezantuar Ramës, jo ashtu siç është apo ashtu siç u intereson disave. syri.net

Kandidati i grupimit ‘Basha-Alibeajt’ për Bashkinë e Tiranës, Roland Bejko, e ka pranuar që ka një kontratë financiare me Sokol Ballën për të qënë i ftuar në televizionin ABC News.

Pak më parë SYRI publikoi një lajm ku thuhej se në listën e personave të atashuar dhe ekskluziv për tu ftuar në studion (në dijenin tonë me pagesë) nga Sokol Balla në ABC News, rezulton të jetë pikërisht edhe Roland Bejko.

Mesa duket kandidati ‘pykë’ për Bashkinë e Tiranës Roland Bejko nuk e ka problem ta pranoi që është bashkëpunëtor i Sokol Ballës, i cili është protagonist i propagandës së Rilindjes jo me një, por në dy televizione pro-qeveritare, sëpari me emsionin “Real Story” në Report TV në pronësi të Carlo Bollinos dhe si drejtor i linjës editorial të televizioni ABC News.

Me një vëzhgim të thjeshtë të muajve të fundit, Roland Bejko ka qenë i ftuar stabël si në ‘Real Story’ ashtu edhe në studiot e ABC News sa herë aty trajtohen tema për të sulmuar Partinë Demokratike të drejtuar nga lideri i saj Sali Berisha.

Sot, 28 Mars, ka ditëlindjen e 90të nëna jonë, Hirushja e harruar e artit shqipëtar. Prima Ballerina, Zoica Haxho, jo për nga radha se kur u shfaq në horizontin e vendit që e lindi, por në atë që arriti të krijojë në emër të tij, baletit dhe koreografisë kombëtare shqipëtare.

Qysh në fillimet e saj në Balshoi Theatër,(shkollën koreografike pranë tij) e cilësuar si talent i veçantë me një kercyeshmëri të lindur, e cila së bashku me partnerin e saj të skenës Argon Aliaj, fitoi çmimit e dytë në konkursin ndërkombëtar të baletit në Moskë në vitin 1956, me numrin koreografik Flakët e Parisit.

Më pas pjesë e pandarë dhe vitale e vënies në skenë të shumë veprave të baletit botëror apo kombëtar, ku me punën e palodhour dhe zhdërvjelltësinë e trupit të saj jo vetëm ndihu të krijoheshin e të viheshin në skenë, por me mjeshtërinë e vullnetin e paepur mbajtii për 30 vjet thuajse gjithë repertorin e TOBsë dhe jo vetëm, duke debutuar thuajse në çdo skenë teatri që nga Shkodra deri në Vlorë, nga Konispoli në Tropojë, në çdo cep të Shqipërisë, për të mëdhenj dhe vegjël, me një rekord shfaqesh ende të pa thyer deri më sot.

Kudo që debutoi në Europë apo në Kinë la mbresa të pashlyera dhe mori vlerësim maksimal për cilësinë e jashtëzakonëshme të kërcimit të saj.

Statistikat janë në arkivin e TOBsë. Me një galeri të pasur rolesh kryesorë që nga baleti i parë Kujdesi i Kotë, tek baletet Lola, Fadeta, Françeska da Rimini; Halili dhe Hajria; Delina, Petja dhe Ujku, Muza e Paganinit, Cuca e Maleve, dhe Gjenerali i Ushtrisë së Vdekur, ku e ngriti Nicën nga një rol dytësor në atë kryesor, deri sa e detyruan me forcë të dalë nga skena dhe Shkolla e Baletit për t’u mos u kthyer më kurrë atje.

Pa frikë, themeluesja e shkollës Koreografike e cila me kontributin e saj të veçantë, duke trokitur në çdo derë të burokracisë pushtetare deri tek nivelet më të larta, duke punuar natë e ditë jo vetëm si pedagoge por deri dhe në imtësiteë më të vogla të projektit me vendosmërinë, pasionin dhe reputacionin e saj të pacënuar, mundi ta nxjerrë në jetë. Simbol për të gjitha!

Pa asnjë dyshim solli një art krejtësisht të ri, baletin klasik, në një vend ku as mund të mendohej kurrë se mund të lulëzonte mbi rrënojat e një kulture sa obskurantiste po aq sa dhe të lashtë, Një Art modern me një fizionomi krejtësisht shqipëtare si pjesë e pandarë e trupit të saj. Një art, i cili do të kish në qëndrën e vet një grua plotësisht të kulturuar dhe të emancipuar e cila iu përkushtua tërësisht deri në vetëmohim.

Gëzuar ditëlindjen Hirushja jonë që edhe sot nuk ndalesh së bëri çdo mëngjes nën tingujt e pianos “ushtrimet” dhe këmbëngul të mbash gjallë ëndërren tënde që askush s’e cënoi dot, por çdokush do të dëshëronte ta admirojë e ta kish

Te tijën dhe zemrën ta mbushë me atë pasion të pashtershëm siç e ke pasur dhe e ke ti, gjithë jetën tënde kokeëartë dhe në heshtje, pa kërkuar dhe atë që të takonte!

Shëndet dhe jetë të gjatë nëna jonë fisnike dhe e shtrenjtë!

EA 3/28/23 all the rights and copyrights are protected.

Banorët e fshatit Bërxullë janë ngritur sërish në protestë sot duke kërkuar shpronësim të drejtë të tokave që do t’u merren për rrugën e re konçensionare Thumanë – Kashar. Ata thanë se pikërisht në atë rrugë ku ata po protestojnë ka pasur 24 viktima.

Banorët i kanë dërguar një mesazh kritik dhe politikanëve që aspirojnë të drejtojnë pushtetin lokal pas zgjedhjeve të 14 majit, që të mos u ngjajnë atyre që sot po e marrin popullin nëpër këmbë. Thirrja më e fortë nga një banor iu drejtua Këshillit të Europës, që ta shohë se si e trajton kjo qeveri popullin  e saj.

“Me këto mënyra se si po sillen, ne do të na çojnë drejt vetëgjyqësisë”, paralajmëroi njeri nga protestuesit.

“Populli nuk ka bukë të hajë, sa i ka çuar të gjithë shqiptarët të shkojnë drejt vetëvrasjes. Ne do bëjmë akte më të rënda. E kam benzinën me vete dhe policia s’ka ça të më bëjë. Do e nxjerr këtu, kam dhe shkrepëse. E kam benzinën, do e përdor kur të më dojë qejfi. S’kam frikë. Jam heroinë si Shote Galica. Ku jeni ju polica? Po na shtyni në rrugë. Toka e fshatit tonë është, s’na e ka dhënë qeveria, por e kanë pronarët e Bërxullit. Jemi autoktonë”, tha një protestuese.

Kurse një tjetër protestues, më i moshuar tha:

“U bënë disa ditë, disa muaj e do të shkojë një vit bën vaki, sepse qeveria jonë kështu është. E sheh edhe bota me syrin e vet. Qeveria shqiptare nuk shkon dot në Evropë duke shtypur atë punëtorin, fshatarin, më të varfrin. T’i thërrasë mendjes së kokës edhe Këshilli i Evropës, që e ndjek këtë proces, na sheh në televizor e rrofshin mediat.

Ne nuk kemi frikë as nga shteti, as nga njeriu, kemi frikë nga ligji. Edhe këta njerëzit që na rrethojnë e që janë njerëzit që mbrojnë ligjin, vetëm se nuk shprehen, se palë bashkë me ne janë.

Unë kisha për të bërë një sugjerim të vogël për këta që do të vijnë, pasardhës, drejtues të pushtetit vendor: Ishalla nuk paçin fatin e këtyre që nuk e ndjekin këtë popull kaq të rrezikuar, që sot mund të jetë gati minus e do të kishin ngelur në qiellin e hapur.

Ne s’po kërkojmë as desh të pjekur, as bakllava. Ne kërkojmë një çmim toke mesatar, të biem në ujdi me marrëveshje, të na shpronësohen gjërat tamam sipas rregullit, të bëhen kalime, mbikalime, nënkalime sepse vetëm prej ministrit të Infrastrukturës janë 24 viktima në këtë kryqëzim ku jemi ne! A ka më turp më të madh?! Për 7 metra, të bëhet një rrethrrotullim dhe nuk vret asnjeri. Po këta janë mësuar të vjedhin dhe nuk pushojnë së vjedhuri përditë”. syri.net

Zëvendës kryeministrja Belinda Balluku ka firmosur javën e kaluar një vendim për t’i dhënë Presidentit të Republikës Bajram Begaj një shumë prej 600 mijë lekë të reja për mbulimin e shpenzimeve shëndetësore.

Në vendim nuk thuhet nëse kurimi i Kreut të Shtetit është bërë në një spital privat në Shqipëri apo jashtë vendit, por e sigurt është që në spitalet publike në vendin tonë Presidenti nuk është kuruar.

Presidenca nuk ka dhënë detaje se çfarë kurimi ka bërë Begaj, ndërkohë që dy javët e fundit ai ka dalë në publik me dorën e djathtë të fashuar.

Në të njëjtën ditë, zv.kryeministrja Balluku i ka akorduar një shumë prej 1.2 milionë lekësh edhe ish-kryetarit të KQZ-së, aktualisht këshilltar i Presidentit, Klement Zguri.

VENDIM

Nr. 175, datë 24.3.2023
PËR MBULIMIN E SHPENZIMEVE TË MJEKIMIT TË Z. BAJRAM BEGAJ

Në mbështetje të nenit 100 të Kushtetutës, të ligjit nr. 84/2022, “Për buxhetin e vitit 2023”, dhe në vijim të vendimit nr. 23, datë 18.1.2023, të Këshillit të Ministrave, “Për financimin e shërbimeve shëndetësore spitalore nga skema e detyrueshme e sigurimeve të kujdesit shëndetësor për vitin 2023”, me propozimin e ministrit të Shëndetësisë dhe Mbrojtjes Sociale, Këshilli i Ministrave

VENDOSI:
Mbulimin e shpenzimeve të mjekimit të z. Bajram Begaj, në masën 600 000 (gjashtëqind mijë) lekë.
Ky fond të përballohet nga Fondi i Sigurimit të Detyrueshëm të Kujdesit Shëndetësor.
Pagesa të bëhet me paraqitjen e faturave përkatëse të institucionit të kurimit.
Ngarkohen Ministria e Shëndetësisë dhe Mbrojtjes Sociale dhe Fondi i Sigurimit të

Detyrueshëm të Kujdesit Shëndetësor për zbatimin e këtij vendimi.

Ky vendim hyn në fuqi menjëherë.

ZËVENDËSKRYEMINISTËR

Belinda Balluku

VENDIM

Nr. 176, datë 24.3.2023

PËR MBULIMIN E PJESSHËM TË SHPENZIMEVE TË MJEKIMIT TË Z. KLEMENT ZGURI

Në mbështetje të nenit 100 të Kushtetutës, të ligjit nr. 84/2022, “Për buxhetin e vitit 2023”, dhe në vijim të vendimit nr. 23, datë 18.1.2023, të Këshillit të Ministrave, “Për financimin e shërbimeve shëndetësore spitalore nga skema e detyrueshme e sigurimeve të kujdesit shëndetësor për vitin 2023”, me propozimin e ministrit të Shëndetësisë dhe Mbrojtjes Sociale, Këshilli i Ministrave

VENDOSI:
Mbulimin e pjesshëm të shpenzimeve të mjekimit të z. Klement Zguri, në masën 1 200 000 (një milion e dyqind mijë) lekë.
Ky fond të përballohet nga Fondi i Sigurimit të Detyrueshëm të Kujdesit Shëndetësor.
Pagesa të bëhet me paraqitjen e faturave përkatëse të institucionit të kurimit.
Ngarkohen Ministria e Shëndetësisë dhe Mbrojtjes Sociale dhe Fondi i Sigurimit të Detyrueshëm të Kujdesit Shëndetësor për zbatimin e këtij vendimi.

Ky vendim hyn në fuqi menjëherë.

ZËVENDËSKRYEMINISTËR

Belinda Balluku

bw

Pal Kola, 60 vjeç, ka humbur jetën rreth orës 01:00 pas mesnatës pasi persona ende të paidentifikuar qëlluan me armë zjarri drejt zyrave të televizionit Top Channel.

Sipas raportimeve të para, Kola mbeti i plagosur rëndë në oborrin e televizionit ku ndodhej në krye të detyrës, pasi drejt tij u hap zjarr me breshëri nga një automjet tip “Range Rover”, me targa të vjedhura.

Kola humbi jetën rrugës për në Spitalin e Traumës në Laprakë.bw