Analistet parashikojne dite te veshtira ne vijim. Ne nje shkrim per “javanews”, Skender Minxhozi mendon se kreu i PD Lulzim Basha, pasi nuk ia doli me zgjedhjet ne Kavaje se PS terhoqi kandidatin e saj, do beje qe te deshtojne edhe zgjedhjet e pergjithshme ne 18 qershor.

“Po hyjmë në një 40 ditësh të nxehtë fushate elektorale, ku do të kryqëzohen rrezikshëm dëshirat dhe trysnitë diametralisht të kundërta të dy kampeve, të cilët do të kërkojnë me çdo kusht që ta çojnë kudërshtarin në disfatë.

Edi Rama duke kryer procesin formal të rinovimit me votë të mandatit më 18 qershor, kurse Lulzim Basha duke bërë që të dështojë edhe dita e zgjedhjeve të përgjithshme.

Ashtu siç dështoi Kavaja. Dy ushtri të rreshtuara përballë, por që në mes do të kenë edhe një herë, si përherë, arbitrat e huaj. Ata që historikisht na kanë thënë nëse kemi bërë mirë a keq, nëse e kalojmë klasën apo mbetemi për vjeshtë, nëse votuam siç duhet apo duhet të votojmë nga e para.

Por me një ndryshim: kësaj rradhe ata kanë folur ende pa u hedhur asnjë fletë votimi në kutitë e 18 qershorit. Zgjedhjet janë legjitime, ky është verdikti i tyre!”, shkruan Minxhozi.

Komisioni Qendror i Zgjedhjeve zhvilloi  mbledhjen e radhës ku në rend te ditës ishte shqyrtimi i listave të kandidatëve për deputetë për zgjedhjet parlamentare i 8 subjekteve politike, mes tyre PS, FRD dhe Partisë Komuniste.

Tre anëtarët e opozitës braktisën sot mbledhjen e KQZ, ku po shqyrtoheshin listat të kandidatëve për deputetë. Largimi nga mbledhja erdhi pas rrëzimit me votë nga katër anëtarët e mazhorancës të propozimit të nënkryetarit të KQZ, Hysen Osmanaj, për shtyrjen me 24 orë të shqyrtimit të listave të 5 partive.

“Unë them që 5 parti: Aleanca Demokratike, Aleanca Demokristiane, Aleanca Arbnore Kombëtare, Fryma e Re Demokratike dhe  Partia Komuniste e Shqipërisë, të merren në shqyrtim nesër, ka afat dhe të shtyhet 24 orë.

Osmanaj tha gjatë mbledhjes se “materialet na kanë ardhur në orën 16:00 dje ose më vonë, më rezultojnë se kanë parregullsi të mëdha. Propozoj që 5 parti të mos i kalojmë sot. Të kalojmë partitë që nuk kanë lista mbështetëse, Partinë Socialiste, Partinë Kristian Demokrate, Aleancën Popullore për Drejtësi dhe Partinë Socialdemokrate. Kemi 48 orë afat, pra kemi afat edhe nesër për ti verifikuar”.

Rendi i dites

1-    Për miratimin e listave shumemёrore të Partisë Aleanca Demokratike, për zgjedhjet për Kuvendin e Shqipërisë të vitit 2017.

 2-    Për miratimin e listave shumemёrore të Partisë Socialdemokrate, për zgjedhjet      për Kuvendin e Shqipërisë të vitit 2017.

 3-    Për miratimin e listave shumemёrore të Partisë Socialiste të Shqipërisë, për zgjedhjet për Kuvendin e Shqipërisë të vitit 2017.

 4-    Për miratimin e listave shumemёrore të Partisë Aleanca Demokristiane, për zgjedhjet për Kuvendin e Shqipërisë të vitit 2017.

 5-    Për miratimin e listave shumemёrore të Partisë Aleanca Arbnore Kombëtare, për zgjedhjet për Kuvendin e Shqipërisë të vitit 2017.

 6-    Për miratimin e listave shumemёrore të Partisë Aleanca Popullore për Drejtësi, për zgjedhjet për Kuvendin e Shqipërisë të vitit 2017.

 7-    Për miratimin e listave shumemёrore të Partisë Fryma e Re Demokratike, për zgjedhjet për Kuvendin e Shqipërisë të vitit 2017.

 8-    Për miratimin e listave shumemёrore të Partisë Komuniste të Shqipërisë, për zgjedhjet për Kuvendin e Shqipërisë të vitit 2017.

 9-    Për miratimin e listave shumemёrore të Partisë Kristian Demokrate, për zgjedhjet për Kuvendin e Shqipërisë të vitit 2017.

Një ditë më parë me anë të një statusi në “Facebook”, kryeministri Edi Rama postoi një foto ku ironizonte kreun e PD-së Lulzim Basha, ish-kryeministri Sali Beridha dhe kreun e Partisë Demokristiane Nard Ndoka.

Por sikundër është bërë traditë pas çdo komenti nga ana e qytetareve, kryeministri Rama në shumicën e rasteve nuk heziton pa iu kthyer përgjigje.

Në këtë posti një qytetarë i ka shkruar që të lërë këto ironia por të shpjegojë se çfarë do vrasësi i 21 Janarit tek listat e rilindjes.

Lidhur me këtë koment vetë Rama ka reaguar duke i thënë qytetarit se nuk di çfarë flet.

Komentuesi: Leri mor keto ti po shpjego cdo vrasesi i 21 janarit ke listat e rilindjes??? Apo e shperblyet per planin qe jau coi deri ne fund (( i dhate urdher te vrase qe ta kthenit ne ceshtje kombetare dhe te akuzonit ishkryeministrin si vrases))) spaska pas me plera e intrrigante se ju rilindasit tere jeten me eliminime personash per pushtet jeni marre e keta dele idiote qe ju ndjekin nga prapa si servila 24 karatesh. Jepi pergjigje pyetjes pse eshte ke listat vrasesi??? Po ske nje pergjigje ti je ai qe duhet denuar per kospiracion dhe organizim per eliminim personi per perfitim pushteti.

Rama: O Ervin, o gjynahqar qe s’di cfare flet po shkruan e shan si te jesh dehur ne Cader?🙄Cili vrases i 21 janarit o i dehur nga genjeshtrat e rrugeve, qe u thua dele idiote njerezve, nderkohe qe je shqepur me bar Cadre e pellet ketu si te kishe kater kembe e veshe me te gjate se kembet!🙉 Jo or jo, eshte genjeshter nga ato me bishtin e gjate si ajo qenia me te cilen ngjan ti kur shan njerezit dhe je ti qe duhesh denuar si ata nxenesit e keqinj qe i vinte mesuesja te rrinin me nje kembe para klases ne tetevjecare😂

“Fitoren e parë e mori PD…”, reagon Rama: Ja pse me 7 Maj s’kishte ndeshje

Pas terheqjes së Ramës nga gara për zgjedhjet e Kavajës, të shumta kanë qenë komentet dhe reagimet nga ana e qytetarëve të cilit i shkruajnë në postimet e tij në “Facebook”, se kjo është vetëm fitorja e parë për PD-në.

Një prej komentuesve i shkruaj se për rastin e Kavajës, kjo është vetëm fitorja e parë për PD­-në.

“Fitoren e parë e mori PD ja i pa fuqishem shteti para Lulit kjo do me thënë se s’ka shtet nuk ka forcën, për të garantu zgjedhje të lira prandaj ik sa më shpejt e leje populli të qetë”, shkruan qytetari.

E fill pas kësaj i është përgjigjur kryeministri Rama, i cili i tha se “Arben, fitore pa ndeshje pastë gjithmonë Luli se vetëm ato ka pasur që kur e ka marrë Doktori për dore dhe e ka futur në politikë, sa për shtetin rri i qetë se shteti nuk është për të marrë pjesë në stervitjet e Lulit”.

Gjatë një takimi me socialistët dhe mbështetësit e partisë ZGJIDHJA në Pogradec, drejtuesi i saj, Koço Kokëdhima deklaroi se partia e tij nuk do të futet në zgjedhje parlamentare me sistemin aktual zgjedhor. “ZGJIDHJA nuk do futet kurrë në zgjedhje jogjithëpërfshirëse.

“Zgjidhja” nuk do futet kurrë në zgjedhje pa opozitën. “Zgjidhja” nuk do të legjitimojë kurrë zgjedhje që përçajnë popullin tonë. “Zgjidhja” do udhëheqë luftën për zgjedhje të lira e të ndershme.

Ne nuk do të futemi në zgjedhje që i administrojnë partitë e mëdha. Ne nuk do të pranojmë kurrë të futemi në zgjedhje me këtë sistem. Ne nuk do t’ia besojmë kurrë numërimin dhe administrimin e votave tona Rilindjes dhe PD-së!”- u shpreh Kokëdhima përpara të pranishmëve.

Duke komentuar anulimin e zgjedhjeve të parashikuar në Kavajë të dielën, Kokëdhima tha se ai e kishte  paralajmëruar këtë. “Disa herë kam deklaruar se zgjedhjet e 7 majit, dhe bashkë me to edhe zgjedhjet e 18 qershorit, janë hedhur në erë. Nëse zgjedhjet e 18 qershorit do të imagjinoheshin pa opozitën, qeveritarët e Tiranës duhet ta dinë se vendi do të destabilizohet dhe do kthehet në kohën kur bandat do dilnin rrugëve.

Të gjitha projeksionet ekonomike për 2017 dhe për vitet që vinë do të përmbysen. Nga një situatë e tillë do të përfitonin ata që duan destabilizimin e Shqipërisë, armiqtë e saj dhe bota e krimit dhe kriminelëve të të gjitha llojeve”-u shpreh drejtuesi i partisë “Zgjidhja”.

Kokëdhima akuzoi Ramën se është përpjekur të fshehë e të mohojë të vërtetën e krizës së thellë dhe të shumëfishtë që ka përfshirë vendin tonë. “Ai u përpoq të manipulojë opinionin e brendshëm dhe t’u hedhë hi syve partnerëve ndërkombëtarë vetëm e vetëm për të mos bërë reformën zgjedhore, liberalizimin e tregut elektoral dhe pastrimin perfundimtar të zgjedhjeve, vetëm e vetëm për të mbajtur në këmbë zgjedhjet e manipuluara dhe pa standarde”.

Kokëdhima u shpreh se për ta bërë Shqipërinë që duan të gjithë shqiptarët ai do të synojë të jetë së afërmi kryeministër: “Unë dua të bëhem kryeministri juaj në të arthmen e afërt për të kryer ato vepra që sot ju duken ëndrra dhe iluzione, por që nesër do të jenë realitet po të udhëhiqemi nga treshja e vlerave kardinale: ndershmëria, atdhedashuria dhe profesionalizmi”

Fjala e plotë e Kokëdhimës në Pogradec

Të dashur miq!

Ju falenderoj nga zemra për pjesëmarrjen dhe për mbështetjen. Kudo në Shqipëri, njerëzit na kanë pritur  në mënyrën më të shkëlqyer. Sallat e takimeve tona janë rrafsh dhe duken të vogla. Njerëzit e presin Zgjidhjen me entusiazëm dhe besim. Tezat, idetë, propozimet dhe qëndrimet e “Zgjidhjes” kanë përkrahje të gjerë në rradhët e popullit, por sidomos në rradhët e rinisë universitare dhe shkollore, në rradhët e rinisë dhe të gruas në fshat e në qytet. Rinia dhe gratë janë mbështetja më e madhe e “Zgjidhjes”.

Me sa duket nga rinia dhe gratë do vijë energjia më e madhe transformuese e “Zgjidhjes”. Rinia dhe gruaja është pjesa më e ndershme e shoqërisë shqiptare, pjesa më e pastër dhe më e painfektuar nga degradimi moral i shoqërisë, nga mëkatet e mëdha që u bënë në këto vite kundër natyrës, mjedisit, shtetit dhe ligjit, kundër jetës, shëndetit dhe sigurisë së njerëzve, kundër ekonomisë, mirëqenies dhe pasurisë publike e kombëtare, kundër meritës, edukimit të shëndoshë, vlerave, parimeve të demokracisë dhe zakoneve të mira të vendit.

Rinia dhe gruaja do të bëjnë ndryshimin. Ato do të jenë burimi kryesor i energjisë që do të mobilizojë “Zgjidhja” për të bërë katharsisin që i duhet shoqërisë shqiptare për t’u çliruar nga këto mëkate dhe nga kjo elitë e degjeneruar politike, nga kasta sunduese e korruptuar, nga ky sistem i kalbur politik dhe nga ky regjim antidemokratik, nga tirania e skamjes dhe e korrupsionit, nga tirania e krimit dhe e hashashit. Rinia dhe gruaja janë zgjidhja.

Me këtë nuk dua të them se burrat nuk janë të rëndësishëm për Zgjidhjen. Ne vlerësojmë çdo qytetar të Shqipërisë. Çdo individ ka rëndësi të madhe. Ne do u japim vëmendje e mbështetje, dëgjim e respekt të gjithë njerëzve të thjeshtë të këtij vendi. Të gjithë njerëzit e haruar, të shkelur, të varfër e të përbuzur kanë një rol të madh për të kryer, kanë një punë të madhe për të bërë me zgjidhjen: Krah për krah me rininë dhe gratë të përmbysim këtë konjukturë dhe këtë regjim antidemokratik e mizor që sundon prej 25 vitesh në Shqipëri.

Kam kënaqësinë e veçantë t’ju prezantoj Kryetaren e rinisë së “Zgjidhjes” së Shqipërisë dhe Kryetaren e Gruas së “Zgjidhjes” së Shqipërisë, respektivisht Ermela Demollaj, shkurtimisht Mela Demollaj dhe Anelita Lila, shkurtimisht Ana Lila. Ermela Demollaj është 30 vjeçe. Ajo ka studiuar kontabilitet. Është një vajzë me cilësi të jashtëzakonshme, shumë punëtore dhe e zonja, me shpirt sipërmarrës dhe guximtare, me iniciativë dhe trimëreshë. Ajo do ta udhëheqë rininë e “Zgjidhjes” me kompetencë e përgjegjësi të madhe. E ftoj këtu përpara jush.

Kryetare e gruas së “Zgjidhjes” në Shqipëri është Anelita Lila. Ajo ka studiuar psikologji. Është 35 vjeçe. Ka përvojë të gjërë pune në media, biznes, marketing e menaxhim. Ka njohje të gjera. Është nënë dhe ka një bashkëshort të shkëlqyer që e mbështet me përkushtim të rrallë në karrierën e saj. Ana ka cilësi të larta. Është e vëmendshme dhe një luftëtare e vendosur për të drejtat e grave, për lumturinë e tyre dhe të popullit tonë. Ajo do jetë një politikane e rëndësishme e “Zgjidhjes” dhe e Shqipërisë. Ejani këtu, ju lutem,  zonja Anelita.

Ju uroj shumë suksese në detyrat tuaja shumë të larta. Ju siguroj se rinia dhe gratë e Shqipërisë do ju japin një mbështetje të jashtëzakonshme. Ftoj të gjithë të pranishmit në sallë, t’i përcjellim Ermelën dhe Anelitën me shumë duartrokitje.

Pogradeci është një qytet i dashur jo vetëm për ju por për gjithë shqiptarët. Unë kam pasur rastin e lumtur në jetë të njoh djem e vajza dhe burra e gra plot talente si piktori i shquar Anastas Kostandini që i bën nder Pogradecit dhe Shqipërisë dhe këngëtaren e dashur Ermira Babaliu. Ardi Fejzullari është një artist i fotografisë që punon e jeton këtu që ashtu si Taso duan të provojnë se ky vend nuk do shuhet kurrë dhe do vazhdojë të nxjerrë e të ketë artistë të mëdhenj dhe njerëz të mirë. Jam shumë krenar për miqtë e mi dhe bashkëpuntorët e shquar e të dashur që kam bërë në jetë nga kjo trevë si Sajmir Aliçkollin, Erjon Gjergon, i cili fatkeqësisht nuk jeton më, Rudi Bregun, Vilma Lamçen, Enkelejda dhe Arlinda Purën, Irida Hamzallarin, Denisa Petrën, Laerta Xhanin, Marsela Kollçaku e shumë të tjerë që të më falin se nuk mund t’i përmend dot të gjithë.

Situata në Shqipëri është shumë e ndërlikuar. Vendi po përgatitet për zgjedhjet e 18 qershorit. Këto zgjedhje nuk do jenë as të lira, as të ndershme, as gjithëpërfshirëse dhe as paqësore. Është hera e parë në historinë e zgjedhjeve shqiptare ku populli ynë shkon i përçarë. Kriza që ka përfshirë vendin është e thellë, e plotë, e gjithanshme dhe e shumëfishtë. Qeveria dhe elita politike përpiqen të fshehin përmasat dhe rrënjët e vërteta të kësaj krize. Edhe Partia Demokratike nuk i thotë të gjitha të vërtetat e kësaj krize, i fsheh një pjesë ta madhe të tyre. Partia Demokratike e provokoi me çadrën dhe protestën e saj të pandërprerë këtë krizë që në të vërtetë është krijuar nga abuzimet dhe keqqeverisja e elitave politike të të dy krahëve në vite.

Shqipëria është sot vendi më i varfër, më i korruptuar dhe më i pashpresë në kontinent. Papunësia është shumë e lartë, pagat shumë të vogla, niveli i lirive është më i ulët se kurrë. Popullit i janë grabitur dhe nëpërkëmbur të gjitha të drejtat esenciale dhe elementare, përfshi të drejtën për të jetuar në tokën e vet. Në vend të demokracisë kushtetuese këtu sundon regjimi i partitokracisë, një konjukturë dhe oligopol i kryetarëve të partive të mëdha që ka kriminalizuar deri në palcë çdo qelizë të shtetit dhe të shoqërisë shqiptare. Ky rregjim ka përjashtuar popullin nga e drejta e pjesëmarrjes në qeverisje dhe e  ka përqëndruar këtë në 4-5 duar.

Regjimi i partitokracisë, i përdor të gjitha burimet financiare, natyrore, materiale dhe njerëzore të shtetit dhe të pushtetit për të bërë para dhe pushtet për kryetarët e partive dhe klikat e tyre. Paratë këta i përdorin për të shtuar e kontrolluar pushtetin dhe për të bërë vota. Votat i përkthejnë në pushtet. Dhe pushtetin e përdorin për të bërë para me tendera, koncensione, shitje vendesh pune, shërbimesh e të drejtash publike dhe përmes trafikimit dhe tradhëtimit të interesave shtetërore.

Ka shumë ngjashmëri në veprimtarinë politike të kryetarëve dhe partive politike shqiptare të këtyre 25 viteve. Të gjithë kryetarët e partive dhe klikat e tyre kanë ndjekur të njëjtin parim: Qëllimi i vetëm i kryetarëve dhe klikave të tyre në ushtrimin e pushtetit është rritja e pushtetit dhe parave të tyre. Ndërkohë qëllimi i vetëm i rritjes së parave dhe pushtetit të kryetarëve të partive dhe klikave të tyre në pushtet, është rritja e mëtejshme e pushtetit dhe pasurisë së tyre! Me fjalë të tjera: Qëllimi i rritjes është vetëm rritja në fjalë. Kjo është ideologjia e qelizave të kancerit! Ato shtohen vetëm për t’u shumëfishuar me shpejtësi marramendëse. Nuk kanë asnjë funksion tjetër jetësor. Përkundrazi, shkatërojnë çdo funksion jetësor të trupit ku mbijnë dhe rriten!

Ja pse partitokracia që sundon në Shqipëri po i varros aspiratat e shqiptarëve që rrëzuan komunizmin me shpresë se këtu do të sundonin liritë politike, të mendimit, opinioneve e të shprehjes, liritë ekonomike, njerëzore e qytetare, liria e konkurencës dhe shteti ligjor, shpresa dhe besimi, e drejta për të punuar dhe për të jetuar me dinjitet, për t’u shërbyer me kompetencë dhe mirësjellje nga administrata dhe pushteti, e drejta për të zgjedhur, e për të refuzuar, e drejta për t’u dëgjuar me respekt dhe për t’u zgjedhur lirisht.

PD dhe PS janë bashkëpërgjegjëse për këtë krizë të rëndë që po përjeton Shqipëria. Kjo krizë e shumëfishtë, ekonomike, besimi, vlerash, morale dhe politike, ka në themel shkatërrimin e zgjedhjeve të lira e të ndershme, shkatërrimin e të drejtës së popullit për të zgjedhur përfaqësuesit e tij, për të ushtruar sovranitetin përmes votës dhe për të marrë pjesë në qeverisjen e vendit. Ka në themel uzurpimin dhe shkatërrimin e partive politike nga oligarkët e dalë nga elita e korruptuar politike që po i pinë gjakun popullit shqiptar.

Këta politikanë dhe qeverisjet e tyre janë cinikë, të pashpirt e mizorë. Ata jo vetëm që nuk mendojnë për popullin tonë të shumëvuajtur dhe për nevojat e qytetarëve të thjeshtë, për njerëzit që e nxjerrin bukën dhe jetën e tyre me djersën e ballit, por mendojnë se sa më i mjerë e i këputur të jetë ky popull, sa më i shkelur e i varfër, sa më i përbuzur e i nëpërkëmbur; sa më i harruar e i nënvleftësuar të jetë qytetari shqiptar, aq më i sigurtë dhe më i gjatë është sundimi i tyre.

Kriza që ka filluar të shfaqet është vetëm maja e ajsbergut. Nën terrin mediatik dhe propagandistik që përhap qeveria, situata po zjen. Populli e di shumë mirë se kjo kastë politike ka 25 vite që e mashtron dhe e vjedh, nuk u zë më besë këtyre politikanëve. Shqiptarët e shtypur e të vjedhur po zgjohen e po lëvizin, po ndërgjegjësohen e po gatiten për luftë.

Kjo luftë nuk do të bëhet për kauzat e PD-së. Sistemi politik dhe elektoral që kemi sot është ai që ndërtoi Berisha dhe Rama dhe që e la në fuqi Berisha përpara katër vitesh. Nga ky sistem dhe nga të dy palët në fjalë kanë vuajtur dhe po vuajnë të gjithë në Shqipëri. Ky sistem është ngritur në kundërshtim me nenin 2 të kushtetutës që thotë se: “1. Sovraniteti në Shqipëri i përket popullit. 2. Populli e ushtron sovranitetit nëpërmjet përfaqësuesve të tij ose drejtpërsëdrejti”.

Kjo luftë do të bëhet për kauzat e lirisë e të sovranitetit të popullit. “Zgjidhja” do qëndrojë në krye të kësaj lufte. Është moment historik. Momenti për të vendosur zgjedhjet e lira, demokracinë kushtetuese dhe sovranitetin e popullit shqiptar. Kjo do të bëhet vetëm me angazhimin e drejtpërdrejtë të popullit siç përcaktohet në nenin 2 të kushtetutës.

Po fillon rrëzimi, rrënimi, përmbysja dhe shkatërrimi i kastës së korruptuar dhe i regjimit kriminal të partitokracisë që ka sunduar në Shqipëri këto 25 vite, regjimi i kryetarëve të partive, tirania e korrupsionit dhe e hashashit, rregjimi që i ndan institucionet e shtetit në feude për servilët dhe shërbëtorët e pushtetit të kryetarit, rregjimi i pashallarëve të zinj!

Partia Demokratike dhe Partia Socialiste kanë ndërtuar regjimin famëkeq të partitokracisë. Ato kanë monopolizuar dhe shkatërruar zgjedhjet. Në Shqipëri nuk bëhen zgjedhje të lira e të ndershme. Vetëm 4 parti numërojnë e rindajnë sipas qejfit votat e gjithë partive të tjera. Militantët e tyre të urdhëruar vjedhin e shqyejnë votat në çdo palë zgjedhje. Partia Demokratike dhe Partia Socialiste vjedhin dhe deformojnë çdo palë zgjedhje edhe kur janë në pushtet edhe kur janë në opozitë. Kuptohet se kush është në pushtet vjedh, blen e deformon më shumë vota.

Misionet e huaja të monitorimit dhe çertifikimit, kanë dështuar plotësisht të ndihmojnë Shqipërinë të bëjë zgjedhje të lira e të ndershme. Diplomatët e huaj kanë në Tiranë ndikimin më të madh që kanë shërbimet e ngjashme dhe kolegët e tyre në vendet e tjera. Kjo ndodh jo vetëm për faktin se qeveritarët e politikanët e Tiranës, sa janë brutalë e arrogantë me qytetarët dhe popullin e Shqipërisë, aq edhe më shumë janë servilë e të përunjur ndaj diplomatëve të huaj, por ciç e dimë të gjithë, këta qeveritarët tanë janë të korruptuar e të kapur dhe lehtësisht të shtërnguar nga presioni ndërkombëtar.

Me të drejtë opinioni publik shqiptar ngre dyshime për këta diplomatë të huaj që çertifikojnë zgjedhjet shqiptare si të pranueshme pavarësisht problemeve për 23 vite me rradhë. Ata e dinë shumë mirë se zgjedhjet shqiptare janë të papranueshme në botën e sotme demokratike. Unë dua t’i pyes publikisht këta ambasadorë të huaj: pse ja bëni Shqipërisë këtë gjë që nuk do e pranonit kurrë për vendet tuaja?

Unë nuk dua t’i bashkohem opinionit që ndeshet gjthnjë e më shpesh se disa diplomatë të huaj mbyllin sytë ndaj keqqeverisjes dhe zgjedhjeve pa standarde në Shqipëri sepse ata përfshihen në interesa specifike me qeverinë. Zullumi me zgjedhjet është trashur në ekstrem, nuk mban më dhe do të këputet.

Në se këto zgjedhje do bëheshin në një vend nga vijnë zotërinjtë diplomatë në fjalë, vendet e tyre do përfshiheshin në zjarr, në flakë e në përleshje. Këta diplomatë e dinë shumë mirë se pa zgjedhje të lira e të ndershme sistemi nuk funksionon, elitat politike nuk përtërihen, demokracia kushtetuese shndërrohet në një farsë dhe asnjë reformë tjetër nuk jep rezultate. Si mund të pretendojnë këta diplomatë për reformë drejtësie në Shqipëri kur ky vend nuk bën dot zgjedhje të lira e të ndershme? Kjo nuk qëndron, nuk bën sens.

Reforma zgjedhore dhe pastrimi përfundimtar i zgjedhjeve në Shqipëri është reforma e të gjitha reformave, është mëma e të gjitha reformave. Fakti se këta diplomatë të huaj me influencë të madhe në qeverisjen e vendit tonë për kaq kohë injorojnë plotësisht situatën reale të zgjedhjeve, e vë në dyshim gjithë sinqeritetin e tyre në investimin për reformën në drejtësi. Drejtësinë e Shqipërisë nuk do e regullojnë as këta diplomatë dhe as elita e korruptuar politike e Tiranës. Qeveria e ka bërë, e bën dhe do e bëjë korrupsionin edhe në të ardhmen.

Qeveritarët e majtë e të djathtë dhe elita politike shqiptare janë burimi më i madh i korrupsionit edhe në drejtësi. Drejtësia dhe çdo pushtet tjetër në Shqipëri do të fillojnë të regullohen vetëm kur sovrani të vendoset në rolin e vet në demokraci, në rolin e sovranit. Vetëm kur populli të zgjedhë vetë përfaqësuesit në të gjitha pushtetet përmes primareve dhe përmes zgjedhjeve të lira e të ndershme me standarte dhe gjithëpërfshirëse si në të gjitha vendet e tjera demokratike të botës.

Si mund t’i besojmë këta diplomatë që thonë se mund të bëhet reforma në drejtësi edhe pa zgjedhje të lira e të ndershme, me zgjedhje pa standarde dhe jo gjithëpërfshirëse? Me këto zgjedhjet pa opozitën i bie që lidershipi i Rilindjes do të jetë edhe qeveria edhe opozita e ardhëshme. Kështu reformën në drejtësi do e bëjë Rilindja me kukullat e saj. Po kush shqiptar mund të besojë se Rilindja do bëjë reformën në drejtësi? As Rilindja vetë nuk beson te drejtësia e saj.

Rama është një kryeministër me një qeveri që ndërhyn tek njerëzit e drejtësisë, bën shantazhe e presion mbi çdo gjykatës dhe te çdo trup gjykues, kap prokurorët dhe ndërhyn te policët gjyqësorë, porosit procese e dënime penale për emra e persona të veçantë, urdhëron vetë dënime e ndëshkime të çdo lloji, pushon njerëz të thjeshtë nga puna për shkak të dallimeve të pikëpamjeve politike e filozofike, largon nga forumet e partisë pa asnjë rregull, forcërisht e me dhunë, çdo person që mendon ndryshe nga ai.

Të besojmë se këta ambasadorët në fjalë janë naivë dhe mendojnë se zoti Rama si “sulltani i vogël” i parlamentit të ardhshëm jopluralist do t’u japë shqiptarëve drejtësinë e ëndërruar dhe të bëjë drejtësinë të aftë për të kapur dhe ndëshkuar korrupsionin e qeverisë dhe zyrtarët e tij të lartë që merren me narkotrafikun. Ky duket si vetëmashtrim. Të gjithë thonë gjërat që duan të dëgjojnë veshët e shqiptarëve të thjeshtë e të lodhur, por nuk janë duke bërë në fakt çfarë duan shqiptarët. Të gjithë janë duke bërë punët e tyre.

Reforma në drejtësi ka dështuar bashkë me dështimin e reformës zgjedhore. Këto janë dy dështimet më të mëdha të kësaj qeverie. Shqipëria nuk mund të ngrejë kokë nëse nuk bën reformën zgjedhore, votimin elektronik në qendrat e votimit, numërimin elektronik, zëvendësimin e administratës zgjedhore partiake me një administratë zgjedhore shtetërore, futjen në fuqi të një pakete të plotë me masa të rrepta ligjore që do të garantonin pastrimin e zgjedhjeve nga çdo fenomen i deformimit, cenimit dhe tjetërsimit të vullnetit të zgjedhësve. Duhet gjithashtu të ndërhyhet në kodin elektoral dhe në kushtetutë për t’i dhënë zgjidhje problemeve që kanë ngritur partitë e vogla, nevojës për hapjen e tregut politik, për respektimin e konkurrencës dhe diversitetit të përfaqësimit të votës së popullit në parlament.

Dua t’i pyes publikisht edhe një herë diplomatët e huaj në Tiranë: Kur e mendoni ju se është momenti që Shqipëria dhe shqiptarët të meritojnë zgjedhje të lira e të ndershme me të njëjtat standarde si për të gjithë popujt e tjerë të demokracive perëndimore? Shqiptarët janë populli më proamerikan dhe më proeuropian në botën europiane. Ata kanë zgjedhur me besim të thellë dhe me koshiencë të plotë kombëtare, politike dhe kulturore të integrohen plotësisht në NATO dhe në BE. Megjithatë, shqiptarëve prej 23 viteve ju mohohet e drejta që të mbajnë zgjedhje të lira e të ndershme.

“Zgjidhja” as nuk pret dhe as nuk dëshiron që diplomacia euroatlantike të bëhet palë me Partinë Demokratike, por nuk pret dhe nuk dëshiron që të bëhet palë as me qeverinë dhe me mëkatet e saj në kurriz të popullit tonë. Koha për zgjedhje të lira e të ndershme është sot. Situata nuk mban dhe nuk duron më. Zgjedhjet e sivjetme duhet të bëhen me standardet më të mira. Nuk është asnjë humbje nëse shtyhen zgjedhjet në vjeshtë. Humbje e rëndë është në se bëhen zgjedhje si ato që janë bërë deri sot.

Populli ynë ka një besim të madh te Presidenti Trump. Ai është një njeri i drejtë dhe me zemër të madhe, e ka provuar në garën e vetë për president se sa të gabuar dhe të padrejtë janë kryeministri ynë dhe qeverisja e tij. Shpreh besimin se administrata e presidentit Trump do të ushtrojë gjithë ndikimin e vetë për të ndihmuar popullin tonë ta kapërcejë këtë moment të vështirë.

Shqipëria është në një moment kyç të historisë së saj. Ajo duhet të instalojë sot dhe përfundimisht zgjedhje të lira, të drejta, të ndershme, të paqta dhe gjithëpërfshirëse. Shqipëria duhet të shkatërrojë sot sistemin e oligopoleve dhe monopoleve që sundojnë në politikën dhe në ekonominë e vendit. Sistemi i falimentuar politik në Shqipëri, po e zgjat agoninë e vet vetëm, sepse ambasadorët e vendeve partnere i shkelin syrin dhe vazhdojnë t’i injektojnë shiringa me mbështetje qeveritarëve të korruptuar të Tiranës.

Ky sistem i kalbur e i korruptuar do të shembet. “Zgjidhja” i fton të gjitha partitë shqiptare që e kuptojnë se kolapsi ka ardhur që të tërhiqen nga zgjedhjet e 18 qershorit. Zgjedhje pa opozitën nuk mund të bëhen dhe nuk duhet të bëhen. Zgjedhjet pa opozitën e eleminojnë edhe të vetmen arritje të sistemit politik të këtyre 25 viteve që shkuan, pluralizmin politik dhe nuk mund të prodhojnë institucione legjitime dhe stabilitet. Përçarja e popullit në zgjedhje është e barabartë me tradhëtinë kombëtare.

Teoritë konspirative që qarkullojnë në qarqet gazetareske në Tiranë, thonë se kokëfortësia e Ramës për të përçarë popullin shqiptar më 18 qershor buron nga plani I diplomatëve të huaj për të bërë zgjedhje pa opozitën dhe me parlamentin e Ramës të marrin kontrollin nbi organet e reja të drejtësisë. Pastaj, për 5-6 muaj të çojnë vendin sërish në zgjedhje. Ky është një plan ogurzi, është një puç kushtetues. Kushtetuta e vendit e ndryshuar më 22 korrik 2016 parashikon që reforma në drejtësi të bëhet me përfshirjen e opozitës. Nëse rolin e opozitës reale do ta luajë opozita farsë dhe e emëruar e Ramës, vetëm do të humbet kohë. Kjo reformë në drejtësi do të diskreditohet dhe nuk do të njihet dhe pranohet nga shqiptarët, vendi do të humbasë edhe zgjedhjet edhe paqen dhe stabilitetin si dhe reformën në drejtësi.

Thirrjet e Edi Ramës se opozita ka frikë nga reforma në drejtësi nuk e fshehin dot makthin që ai ka nga reforma zgjedhore. Çjerrjet e Ramës janë veçse një ekran tymi për të fshehur prapaskenat ku po luhet një tragjedi e vërtetë shekspiriane me metodat nga më të shëmtuara për ta detyruar popullin shqiptar të shkojë në zgjedhje pa reformë zgjedhore. Kryeministri, si hajduti, thërret: “kapeni hajdutin”. “Zgjidhja” i kërkon publikisht edhe një herë lidershipit të opozitës, të rikthehet pa humbur më kohë në Parlament dhe të votojë ato ligje që kanë mbetur nga Reforma në Drejtësi. Vetëm kështu i hiqet çengeli i fundit dhe alibia ku janë kapur Edi Rama dhe klika e tij, të cilët, pasi kanë uzurpuar Partinë Socialiste dhe të majtën shqiptare, po synojnë që të kapin edhe të ardhmen e Shqipërisë.

Dua të ritheksoj edhe një herë shqetësimin tim dhe ftesën për Lulzim Bashën të distancohet nga krimet elektorale të Partisë Demokratike në vite. Ai kërkon që të braktiset Republika e Vjetër dhe të vendoset republika e Re. Por Basha duhet ta dijë se Republika e Vjetër që ai anatemon në ligjërimet e tij, është pikërisht republika që u ndërtua me konsensus nga Partia Demokratike dhe nga Partia Socialiste, nga Berisha dhe nga Rama.

Basha duhet t’u kërkojë falje shqiptarëve si lider i opozitës për rolin e PD-së në ndërtimin e republikës së vjetër, e cila s’është gjë tjetër, por ajo që zgjidhja e ka përkufizuar si regjimi famëkeq i partitokracisë. Basha gjithashtu duhet të deklarohet hapur për departizimin e administratës zgjedhore. Këtë nuk e ka bërë asnjë herë deri më sot. Mund të na thotë Basha, a ka ndonjë vend në Europë që administrimi i zgjedhjeve bëhet nga dy partitë e mëdha?! Nuk ka asnjë vend në botë. Dy partitë e vetme në botën që administrojnë zgjedhje janë PD-ja dhe PS-ja.

Dje ranë zgjedhjet në Kavajë. Unë e kisha paralajmëruar këtë gjë. Disa herë kam deklaruar se zgjedhjet e 7 majit, dhe bashkë me to edhe zgjedhjet e 18 qershorit, janë hedhur në erë. Nëse zgjedhjet e 18 qershorit do të imagjinoheshin pa opozitën, qeveritarët e Tiranës duhet ta dinë se vendi do të destabilizohet dhe do kthehet në kohën kur bandat do dilnin rrugëve. Të gjitha projeksionet ekonomike për 2017 dhe për vitet që vinë do të përmbysen. Nga një situatë e tillë do të përfitonin ata që duan destabilizimin e Shqipërisë, armiqtë e saj dhe bota e krimit dhe kriminelëve të të gjitha llojeve.

Ne e kishim thënë me kohë se zgjedhjet në 7 maj ashtu si ato të 18 qershorit nuk mund të bëhen. Lidershipi i qeverisë deklaronte me kokëfortësi se zgjedhjet do të bëhen në 7 Maj.  Rama është përpjekur të fshehë e të mohojë të vërtetën e krizës së thellë dhe të shumëfishtë që ka përfshirë vendin tonë. Ai u përpoq të manipulojë opinionin e brendshëm dhe t’u hedhë hi syve partnerëve ndërkombëtarë vetëm e vetëm për të mos bërë reformën zgjedhore, liberalizimin e tregut elektoral dhe pastrimin perfundimtar të zgjedhjeve, vetëm e vetëm për të mbajtur në këmbë zgjedhjet e manipuluara dhe pa standarde.

Qeveria e di të vërtetën e zgjedhjeve në Shqipëri dhe duhet të bënte reformë zgjedhore edhe pa protestat e opozitës. Për 4 muaj mund të ndërtohet dhe implementohet plotësisht sistemi i votimit dhe numërimit elektronik. Për 4 ditë u shpërndanë dhe instaluan makinat e një sistemi të tillë në Filipine në vitin 2016 për 55 milionë votues. Votimet elektronike kanë filluar qysh në vitin 1964 në SHBA. Sot teknologjia e votimeve elektronike është plotësisht e maturuar dhe e sigurtë. Me votim dhe numërim elektronik bëhen zgjedhjet e SHBA, Anglisë, Francës, Gjermanisë, BE-së etj.

“Zgjidhja” nuk do futet kurrë në zgjedhje jogjithëpërfshirëse. “Zgjidhja” nuk do futet kurrë në zgjedhje pa opozitën. “Zgjidhja” nuk do legjitimojë kurrë zgjedhje që përçajnë popullin tonë. “Zgjidhja” do udhëheqë luftën për zgjedhje të lira e të ndershme. Ne nuk do të futemi në zgjedhje që i administrojnë partitë e mëdha. Ne nuk do të pranojmë kurrë të futemi në zgjedhje me këtë sistem. Ne nuk do t’ia besojmë kurrë numërimin dhe administrimin e votave tona Rilindjes dhe PD-së!

Të dashur pjesëmarrës,

Të nderuar miq,

“Zgjidhja” do qëndrojë në krye të luftës për t’i çelur një përspektivë të re popullit tonë që të mund të ngrejë jetën dhe ekonominë në vend. Ne duam që të ndalet largimi popullsisë së aftë nga Shqipëria për shkak të shkatërimit të çdo shprese tek e ardhmja e bujqësisë, ekonomisë, punës, paqes e mirëqënies në këtë vend. Çdo ditë mësojmë lajme të trishtueshme edhe për braktisjen e shkollave 9-vjeçare nga fëmijët sepse edhe ata emigrojnë bashkë me prindërit për të mos u kthyer më mbrapa, lindjet po bien nga viti në vit dhe mësuesit po pushohen nga puna.

Kryemësuesi i shkollës 9- vjeçare të Ajasëm në Shkodër, Agron Kastrati thotë se “Vjet kishin 50 nxënës ndërsa sivjet vetëm 41 nxënës. Në një shkollë tjetër ku kam qenë mësues përpara 5 vitesh ishin 350 nxënës, tani janë vetëm 200 të tillë. Fëmijët që largohen nuk kthehen më në shkollë dhe këto shkolla po shkojnë gradualisht drejt mbylljes”.

Dje tregu i punës në Shqipëri mori një goditje dramatike me marrëveshjen e qeverisë italiane me operatorët kryesorë të call center-ave, 80 deri 90 për qind e këtyre vendeve të punës do mbyllen në Shqipëri. Mbi 20 mijë të rinj e të reja do të mbeten pa punë. Këto djem e vajza do të detyrohen që të ikin nga Shqipëria si dhjetëra mijëra të tjetë që largohen çdo vit.

Asnjë reagim serioz nuk bëri qeveria. Përkundrazi në dhjetorin e kaluar qeveria gënjeu dhe u përpoq të thoshte se është e ekzagjeruar frika dhe se nuk do ndodhë largimi i call center-ave. Ajo është inefiçente dhe e paaftë të gjejë dhe negociojë zgjidhje. Po ta drejtoja unë këtë qeveri, kurrë nuk do të kisha lejuar një situatë dhe hemoragji të tillë të detyruar që e than dhe boshatis vendin nga rinia e aftë për punë.

Shqipëria është në duar të të paaftëve, të kusarëve, të servilave dhe injorantëve. Këta nuk dinë të bëjnë asnjë punë. Këta nuk dinë të bëjnë asnjë kanal, as vaditjen dhe kullimin e tokave që janë bërë me shekuj. Nuk dinë të bëjnë ekonomi. Dinë vetëm të vjedhin, të bëjnë tendera e konçensione turpëruese për interesat e vendit, nuk dinë të nxjerrin përfitime për vendin nga integrimi i tij dhe nga bashkëpunimi me tregjet e tjera. Vetëm “Zgjidhja” do t’i heqë tutkunët e të korruptuarit dhe do vendosë në krye të punëve të shtetit e të popullit njerëzit më të zotë të këtij vendi.

Në se demokratizojmë qeverisjen, në se pastrojmë zgjedhjet, në se vendosim demokracinë dhe lirinë e konkurencës, në se vendosim sovranin në vendin e tij duke ua marrë pushtetin e grabitur kryetarëve dhe duke ia kthyer popullit që ky i fundit të zgjedhë përfaqësuesit e vet, në se zbatojmë programin e “Zgjidhjes”, vetëm atëhere në këtë vend do të fillojë shpresa dhe kthesa e dëshiruar. Vetëm me “Zgjidhjen” do mund të ndryshojmë fatin tonë. Ne dimë të punojmë. Ne kemi vullnet të madh. Në dimë që të drejtojmë punët dhe ekonominë e popullit. Ne dimë të bëjmë pasuri për vendin. Ne jemi në politikë për të bërë pasuri për popullin, jo për vete dhe për një grusht mbështetësish. Ne e duam me zemër këtë vend dhe këtë popull.

“Zgjidhja” e mbështet programin e saj dhe e sheh zgjidhjen e problemeve te ushtria e madhe e njerëzve të thjeshtë, të heshtur e të varfër të këtij vendi, gratë dhe burrat e harruar e të braktisur në gjithë këto vite. Rinia është zgjidhja e Shqipërisë. Ju ftoj të gjithëve të bëheni pjesë e “Zgjidhjes”, t’i bashkoheni dhe të bëheni anëtarë të saj. “Zgjidhja” do ju ndihmojë të kuptoni rrugën e drejtë, nuk do lejojë më askënd që t’ju mashtrojë e manipulojë.

Të  dashur vëllezër dhe motra pogradecarë!

Është një kënaqësi e madhe për mua të jem sot me ju në tokën e dy monumenteve te letrave shqipe Lasgush Poradeci dhe Mitrush Kuteli, i cili thoshte për të parin se qe “Poeti i vetëm shqiptar që mendoi, foli dhe shkruajti vetëm në gjuhën shqipe”. Edhe sot, kaq kohë më pas nga jeta dhe vepra e dy shkrimtarëve, ky qytet vazhdon të rrezatojë paqe, dashuri e poezi siç qenë vargjet e këtyre dy burrave të mëdhenj. Vij këtu në Pogradec, larg zhurmës së politikës të Tiranës për të rigjetur vlerat e vërteta të popullit tonë dhe aspiratat e tij më të thella. Vij këtu për të dëgjuar sensin e jetës dhe të arsyes. “Bëni dashuri mos bëni luftë”, do të thoshte Lasgush Poradeci në vazhdën e pacifistëve amerikanë kundër luftës në Vietnam. Në këto momente dramatike që po përjetojmë, kombi ynë i vogël për nga popullata, por me zemër të madhe, ka nevojë më shumë se kurrë për këtë forcë dashurie dhe vëllazërie ndaj njëri- tjetrit. Ne shqiptarët jemi të bekuar nga Zoti për nga pozita gjeografike, për nga bukuritë e mahnitshme të peizazheve si këtu në Pogradec, për nga pasuritë natyrore, për nga burimet vitale njerëzore , për nga kultura dhe gjuha që na japin një identitet dhe homogjenitet kombëtar thuajse unikal. Ajo që na ka munguar dhe vazhdon të na mungojë, është një klasë drejtuese e denjë për këtë popull i cili meriton shumë më tepër.

Një klasë politike e cila gjate nje çerek shekulli , nuk ka arritur të kryejë as misionin më elementar pas rënies së diktaturës, mbajtjen e zgjedhjeve të rregullta pa hile dhe pa ankesa.  Populli ynë është më superior se klasa e tij politike pasi edhe në kohët më të thella të mesjetës, pa politikanë, por vetëm me forcën e arsyes dhe kulturën e besa-besës arrinte të vetëqeverisej paqësisht, falë respektit të kodeve të epokes si Kanuni apo kuvendet e të urtëve. Të parët tanë kishin një botëkuptim shumë më të qartë për vlerën e kompromisit në emër të interesit të përgjithshëm. Është e vajtueshme të konstatosh sot, në kohën e librave dhe të internetit, sesa e paaftë është kjo klasë politike për zgjedhje dhe zgjidhje të qëndrueshme. Them qëllimtazi kjo klasë politike. Pasi është e njëjta familje politikanësh që zotëron në duart e saj periodikisht frytet e pushtetit që prej 27 vjetësh, një herë njëra dhe një herë tjetra. Kjo farsë ka zgjatur shumë.

Unë dhe partia Zgjidhja duam ta ndryshojmë një herë e përgjithmonë kursin tragjik të ngjarjeve në vendin tonë. Por Zgjidhja nuk jam vetëm unë. Zgjidhja është secili nga ju. Ju që ju trajtojnë si sklleverit e kohëve moderne, pre e mafias dhe e korrupsionit në tokën tuaj,  pre e diskriminimeve dhe e poshtërimeve kur merrni në masë rrugën e kurbetit ne dhe të huaj. Zgjidhja, vëllezër dhe motra, është partia e atyre që nuk kanë asgjë të humbasin, por vetëm të fitojnë. Dhe gjëja e parë që do te të fitojmë është dinjiteti. Jashtë njëherë e përgjithmone kjo klasë politike e paaftë dhe e diskredituar deri në palcë!

Pushteti t’u kalojë atyre që nuk kane patur kurrë poste të larta shtetërore. Pushteti t’u kalojë atyre që nuk janë infektuar nga veset e politikanëve zanatçinj, të cilët i kane kthyer postet në karrierë të perjetshme. Pushteti t’i kalojë shoqërisë civile. Të rinjve dhe të rejave, mjekëve, bujqve, profesorëve, sipërmarrësve , artistëve dhe punëtorëve. Pushteti do t’i kalojë popullit. Pushteti do t’i kalojë Zgjidhjes. Kjo është rruga jonë e vetme nëse duam ta nxjerrim këtë vend nga prapambetja dhe ta rreshtojmë krah kombeve më moderne të kontinentit. Ky është vizioni im që dua ta ndaj me ju dhe ta sjell në pushtet për realizim bashkë me ju. Unë dua të bëhem kryeministri juaj në të arthmen e afërt për të kryer ato vepra që sot ju duken endrra dhe iluzione, por që nesër do të jenë realitet po të udhëhiqemi nga treshja e vlerave kardinale: ndershmëria, atdhedashuria dhe profesionalizmi. Vlera që i kemi si këtu në Pogradec dhe në mbarë Shqipërinë.

Deri në marrjen e pushtetit, sfida të mprehta na presin. Pushtetin s’do na e falë kush. Atë do ta marrim me votën e lirë të shqiptarëve. Dhe kjo është sfida jonë e parë. Të sigurohemi që ajo vote do të jetë vërtetë e lirë dhe e ndershme. Me sistemin aktual bastard të zgjedhjeve , Zgjidhja nuk hyn në zgjedhje. Kete sistem zgjedhjesh, Partia Socialiste e denoncoi tetë vjet rresht kur ishte në opozitë. Këtë sistem zgjedhjesh e denoncojnë tani me forcë dhe ata që e konceptuan në fillim , eksponentët e Partise Demokratike. Kur dy partitë ulkonja të politikës shqiptare e kanë kritikuar me fjalorin më të ashpër këtë sistem zgjedhjesh, atëherë Zgjidhja i vë ato para përgjegjësive që ta ndryshojnë para se të mbahen zgjedhjet e reja. Nuk mund të ndryshohet një sistem një çerek shekullor zgjedhjes në një çerek muaji. Prandaj Zgjidhja nuk heq dorë nga kërkesa e saj legjitime, që zgjedhjet të mbahen në vjeshtë.

“Zgjidhja” do ju ndihmojë të merrni fatin në duart tuaja dhe të mos shpresoni më te ata që ju vodhën dhe ju shkelën gjithë kohën tek ata që ju joshin me përfitime pragmatiste dhe premtime të rreme në çdo palë zgjedhje. I vetmi zot i fuqishëm që do ndryshojë për mirë fatin tuaj është populli i thjeshtë e i varfër i Shqipërisë me programin e Zgjidhjes! Mos besoni te të fortët e politikës. Ata janë tigra prej letre edhe pse kanë grumbulluar në rrugë kriminale shumë pasuri dhe një lukuni me mbështetës të shpërblyer e paguar me paratë, bukën dhe gjakun tuaj. Ne jemi zgjidhja! Ju jeni zgjidhja! Unë jam Zgjidhja! Ti je Zgjidhja!

Rroftë Zgjidhja! Rroftë Shqipëria!

Rroftë populli i Pogradecit! Flm.

Plagoset me arme zjarri boksieri i Vllaznise, Nelson Hysa. Sipas te dhenave te para mesohet se ngjarja ka ndodhur tek ura Dervishbeg, ne qytetin e Shkodres.

Gazetari i “Panorama”, Senad Nikshiqi raporton se boksieri Hysa ka marre dy plumba.

Ai u transportua me urgjence ne spitalin rajonal te qytetit te Shkodres.

Sipas hetimeve mësohet se ishin dy persona me motor ata që e kishin pritur dhe e kanë qëlluar.

“Kane qene dy persona me motor, e kane pritur dhe e kanë qelluar sapo ai ka dale nga berberi”- raporton gazetari i “Panorama”.

Burime nga spitali bëjnë me dije se boksieri eshte jashtë rrezikut per jeten. Mjeket thone se ai ka marre dy plumba ne pjesen e siperme te legenit.

Nderkohe policia ka nisur hetimet per zbardhjen e plote te ngjarjes. Nuk ka ende detaje lidhur me autoret apo te dyshuarit si autore.

Forcat xheniere kanë bërë shpërthimin e kontrolluar në valixhen e dyshimtë që u gjet pranë teatrit Skampa në rrugën “Qemal Stafa”.

Gazetari dhe analisti Andi Bejtja duket komentuar deklaratat e Edi Ramës për negociatat me liderin e opozitës Lulzim Basha, tha se ka zbuluar dëshirën që ka për zgjedhje pa opozitën.

Postimi i Andi Bejtes në Facebook:

Nuk e kishim parë ndonjëherë këtë …

Pa i hyrë fare historisë kush ka palë ka të drejtë në këtë histori: A ka të drejtë Kryeministri apo ka të drejtë Kryeopozitari, a ka faj njeri apo kanë faj të dy, sot pamë diçka që nuk e kemi parë ndonjëherë në politikë, apo në të ashtëquajturën diplomaci e negociatave:

Kryeministri thotë një jave pas negociatave të para serioze, se palës tjetër që kemi në negocim, nuk mund t’i bëjmë aq shumë lëshime, sa i bëmë një javë më parë.

Kjo nuk ka ndodhur kurrë, thyen çdo shkolle politike Europiane, Amerikane apo dhe Ruse. Me kalimin e orëve, kohës, çdo palë lëshon gjithmonë e më shumë, e jo të rrudhet duke hequr ç’ka dhënë në negociata disa kohë më parë.

Kjo është e pazakonte, ç’ka mund të fshehë dhe një dëshirë të pazakonte, ç’ka mund të jetë që me të vërtetë për një dy apo njëmijë arsye të palexuara mirë Kryeministri nuk është dhe aq i interesuar që opozita të marrë pjesë në zgjedhje.

E paça gabim!

Pas dështimit të negociatave më kryedemokratin Lulzim Basha, kryeministri Edi Rama po zhvillon një takimin me ambasadorët në Kryeministri.

Ndersa pak me pare kryeministri Rama ishte i pranishem ne nje takim me kandidatet per deputete ne PS per zgjedhjet e 18 Qershorit. Në prezantimin e kandidatëve, Rama tha: S’negociohet 18 qershori.

Takimi i Rames me kandidatet

Kryeministri Edi Rama po zhvillon një takim me kandidatë dhe deputetë. Ky takim erdhi menjehere pas takimit qe kryeministri pati me kryedemokratin Basha dhe Presidentin Nishani. Ai mësohet se ndodhet në restorant “Xibraku” ku do të prezantoje zyrtarisht kandidatët.

Nga ana tjetër behët e ditur se në takim janë edhe deputetet që janë lënë jashtë listës se PS-së, per zgjedhjet parlamentare të 18 Qershorit.

“Pjesëmarrje masive, nuk na duhen vota që nuk janë tonat. Pjesëmarrje masive për një proces të pastër zgjedhor. PS nuk do të lejojë asnjë abuzim. Duhen zgjedhur komisionarë perfekt, duhen standarde të larta. Vjen apo nuk vjen PD ne duhet te jemi njolloj te motivuar. ” tha Rama.

Kreu i demokratëve Lulzim Basha ka zhvilluar sot një mbledhje urgjente me aleatët e PD-së, pak pasi doli nga takimi me Ramën dhe presidentin Nishani. Takimi perfundoi pas 90 minutash, rreth ores 15:55 dhe ‘Panorama’ mesoi se Basha me pas ka takuar ish-kryeministrin Sali Berisha.

Ne takimin me aleatet thuhet se u diskutua oferta qe ka shtruar ne tryezen e negociatave kreu i qeverise. Burimet thane se pritet nje takim i dyte mes dy lidereve politikë.

Teksa presidenca njoftoi se Nishani “vijon të mbajë kontaktet me palët për gjetjen e një zgjidhjeje të mundshme mbi bazë kompromisi”.

Ish Ministri i Drejtësisë, Ylli Manjani i ka dhënë një këshillë kreut të PD-së, Lulzim Basha pas takimit që ai pati me kryeministrin Edi Rama.

Deputeti i Shkodrës, Tom Doshi

Gjykata e Larte çeli sot procesin gjyqësor në ngarkim të Tom Doshit, Durim Bamit dhe Mark Frrokut, sa i takon skenarit të Doshit që pretendonte se Ilir Meta kishte paguar njerëz për ta vrarë.

Prokuroria kerkoi pyetjen si deshmitarë te Ilir Metes, Sali Berishes, Edi Rames, Saimir Tahirit, Spartak Brahos etj.

Ndersa mbrojtja kerkoi dhe pyetjen e Kryeprokurorit Adriatik Llalla si deshmitar.

Gjykata per keto kerkesa do te shprehet me 17 maj.

Prokuroria kerkoi edhe zbardhjen e tabulateve te Monika Kryemadhit me Fation Skenderin dhe Spartak Brahos me kete te fundit.

Deputeti i PS-së, Pandeli Majko uron sot për një “marrëveshje “pa nder” se sa në një konflikt të “moralshëm”!.

Me anë të një postimi në rrjetin social FB, teksa ka postuar një foto me kallashnikov, e njerez mbi plumba që tentojnë marrëveshje, shkruan se ‘Kriza politike që po ndodh aktualisht duket të jetë ndër më të ultat që ka ndodhur në Shqipëri”.

Sipas tij, “Ajo po shoqërohet nga shfaqje groteske të trimërisë si frikë dhe frikës si trimëri…”

Mbledhja e PD-së ditën e sotme është shoqëruar me debate. Pas kritikave të Bregut, Topallit dhe Selamit, kreu i PD-së e mblodhi grupin parlamentar me urgjencë.

“Panorama” mëson se çfarë ndodhi brenda në mbledhje. Fillimisht ka qenë Berisha që ka shkëmbyer batuta me Topallin.

“Antikonformiste ke qenë dhe antikonformiste mbete”, mësohet t’i ketë thënë Berisha Topallit për kritikat e saj ndaj lidershipit të PD-së.

Më pas, Patozi ka dalë kundër bojkotit të zgjedhjeve. “Nuk mundemi që ne që jemi 10 veta këtu të vendosim nëse do të votojnë ose jo 600 mijë shqiptarë”, ka thënë Patozi.

Pak më e ashpër ka qenë Bregu: “T’u mohosh të drejtën e votës 600 mijë shqiptarëve është gjenocid”, ka thënë ajo.

Partia Demokratike ka zhvilluar ditën e sotme mbledhjen e grupit parlamentar, ku pjesë e diskutimeve përmes një videokonference u bënë edhe ndërkombëtarët.

E ndërsa Grupi Parlamentarë i Partisë Demokratike po zhvillon një mbledhje mjaft të rëndësishme ku po flitet lidhur me situatën politike në vend, mësohet se nga atje nuk kanë munguar batutat mes ish-kryeministri Sali Berisha dhe deputetes Jozefina Topalli.

Berisha i është drejtuar me një gjuhë ironike Topallit duke i thëne se ‘e deklasuar ishe, e deklasuar mbete”. Kujtojmë që thumbimet e Berishës në drejtim të Topallit vijnë në një moment kur kjo e fundit një ditë më parë ka kritikuar lidershipin e PD-së.

Dje e kontaktuar nga “Panorama Online”, Topalli u shpreh se kishte bërë disa herë kërkesë që të mblidhej grupi parlamentarë i kësaj force politike, me qëllim që të diskutohej situatë në të cilën ajo ndodhej dhe te flitej per zgjedhjet e 18 Qershorit.

Disa nga politikanët e Partisë Demokratike po kritikojnë publikisht kryetarin e partisë, Lulzim Basha, për qëndrimet që po mbahen ndaj zgjedhjeve parlamentare të radhës.

Ish-nënkryetarja e PD-së, Jozefina Topalli, deklaroi se ka kërkuar “prej disa javësh mbledhjen e grupit parlamentar të PD-së për të diskutuar se “çfarë do të bëhet me pjesëmarrjen në zgjedhje si dhe për kostot e bojkotit që PD ka vendosur në raport me zgjedhjet”.

Deputetja e PD-së, Majlinda Bregu, shkroi në rrjetet sociale se kryetari i PD, Lulzim Basha, duhet të heqë dorë nga vendimi për të mos e futur partinë në zgjedhjet e 18 qershorit.

“PD ka lindur si një parti me vokacion perëndimor. Ajo nuk u largua nga zgjedhjet as në 1997, as nuk u pajtua me bojkotin, që dikur bënte Edi Rama as me bllokimin që partia e tij u bënte rrugëve” – tha zonja Bregu.

“Sot nuk mund të hesht më, sepse edhe ata që kurrë nuk na kanë lënë vetëm më parë, nga presidenti Daul dhe deri te i fundit në PPE më thonë prej disa ditësh që nuk na ndihmojnë më, sepse “ju nuk doni të ndihmoni veten. Ata duan që PD të hyjë në zgjedhje dhe të jetë në parlament, dhe të votojmë për reformën në drejtësi dhe ato që duhen për zgjedhjet” – theksoi ajo.

Kryetari i PD-së, Lulzim Basha, tha më herët në një fjalim pranë tendës së protesës në shëtitoren “Dëshmorët e Kombit” se kryeministri Rama kërkon të kapë zgjedhjet me çdo kusht, dhe se zgjedhjet e lira janë e vetmja pengesë para zotit Rama për të ruajtur pozicionin e tij dhe klientëve të tij.

“Kjo betejë për të ndalur me çdo kusht zgjedhjet e lira dhe të ndershme, para se të jetë një betejë politike për rilindjen, për Edi Ramën është një betejë ekonomike, për të ruajtur kontrollin mbi të ardhurat, mbi buxhetin, mbi tenderat, mbi koncensionet, mbi pasuritë e shqiptarëve. Ndaj mosbindja civile do të shtrihet në çdo qytet, në çdo lagje, në çdo fshat për të kulmuar në 18 qershor ku shqiptarët e bashkuar do të rimarrin kontrollin fizik të Shqipërisë që i takon dhe iu takon vetëm atyre dhe kurrë krimit, drogës dhe qeverisë së lidhur me ta”, – tha zoti Basha.

Reagimi i pare nga rradhet e PD, per komentet e Eduard Selamit, i cili ka leshuar akuza dhe kritika te forta ne drejtim te liderit te partise, Lulzim Basha, eshte i forte. Ai vjen nga Genc Pollo, i cili shkruan ne nje status ne rrjetet sociale pas deklaratave te deputetit Selami ne nje interviste per “VOA”, se kishte kohe te gjate pa e degjuar ate.

Përmes një postimi të gjatë në rrjetet sociale, ajo shkruan se vendimi për të mos hyrë në zgjedhje është marrë pa u konsultuar me grupin parlamentar dhe strukturat drejtuese si dhe dëmton partinë.

Reagimi i plotë i Bregut:

Dua të ndaj sot shqetësimin tim të thellë me të gjithë miqtë dhe mbështetësit e Partisë Demokratike! Orët e mundësisë për të ndaluar futjen në një rrugë që kurrë s’ka qenë rruga e partisë sonë, po mbarojnë! U bë qëkur s’mbahet mend që grupi parlamentar i PD-së nuk mblidhet për të dëgjuar dhe për t’u dëgjuar nga kryetari i partisë. Zgjedhja për të bojkotuar parlamentin u bë pa i lënë kohë një debati real. Megjithatë e kam përkrahur edhe cadrën edhe protestën civile të qytetarëve si formën më demokratike për të kthyer vëmendjen e të gjithëve tek ceshtja e zgjedhjeve të lira e të ndershme. Kam kërkuar disa herë edhe në takimet me kryetarin e Partisë mbledhjen e grupit parlamentar demokrat.

Vendimmarrjen e një grupimi politik e di institucion po aq të rëndësishëm sa dhe vendimin e gjithkujt për të dëgjuar ndërgjegjen e tij. Po aq, forumet e partisë i di si institucione vendimarrëse e jo vetëm pika të statutit. Vendimi për të mos u futur në zgjedhje u mor pa lejuar asnjë debat real. Edhe vendimi për ta refuzuar paketën e kompromisit që propozuan miqtë tanë të Partive Popullore Evropiane, u mor pa u konsultuar me askënd.

Ndërkohë maxhoranca vazhdon fare e patrazuar rrugën e saj të kapjes përfundimtare të të gjithë pushteteve dhe duket se nuk e ka hic për gajle ta kapë edhe parlamentin e ta bojatisë të tërin mavi. Shpresa e madhe e disa të fajshmëve se martesa e interesit të Edi Ramës me Ilir Metën do përfundonte me divorc dhe nga divorci do rrëzohej qeveria, u tret si flluskë sapuni.

Kam kërkuar tek miqtë tanë të Partive Popullore ndihmë për të mos lejuar që Edi Rama të shpallet si engjëll e hero i reformës në drejtësi. Por me pranimin e kompromisit të ofruar nga David McAllister dhe Knut Flekenstein ai vrau më shumë se dy zogj me nje gur të vetëm! Edhe PD-në e nxorri refuzuese në sytë e miqve tanë të PPE-së, pasi s’ka lënë gje pa manipuluar për ta nxjerrë fajtore në sytë e gjithë botës; edhe Ilir Metën e hoqi qafe duke i hequr të fajshmëve stolin ku mendonin se do të ngjiteshin për të dalë mbi PS-në.

Dhe ja ku jemi sot. Edi Rama del na jep orë e minuta në dispozicion për një kompromis, në çartje për tu dukur si engjëll që lutet për paqe, ndërkohë që e dinë mirë edhe socialistët se sa i dëshiruar është për zgjedhje me kundërshtar. Unë nuk besoj se Edi Rama që bën sot e gjithë ditën të përvëluarin për dialog e për zgjidhje, ka ndonjë ëndërr tjetër vec asaj që tani të bëhet dhe mbret! Po PD-ja ku ishte dhe ku është në gjithë këtë mjegull?

Pa një debat minimal dhe pa as më të voglën shenjë reflektimi në këtë situatë kaq të rrezikshme për të ardhmen e saj?! Partia Demokratike ka lindur si Parti me vokacion perëndimor. Nuk iu largua zgjedhjeve as në 1997, pasi u largua e dhunuar nga pushteti i bandave të armatosura madje mori pjesë në zgjedhje edhe në zonat ku kandidatët e saj nuk futeshin dot fizikisht! Partia Demokratike nuk u pajtua asnjë sekondë, as me bojkotin antieuropian të Edi Ramës dhe as me bllokimet skandaloze të rrugëve në emër të votës së lirë! Dhe ju siguroj të gjithë ne që e kemi quajtur antieuropian e antikombëtar Edi Ramën e kemi besuar se i tillë vetëm ai mund të ishte.

Një arsye më shumë kjo për të mos rënë dakord sot me veprime e bllokime si ato të Edi Ramës dje. E di që zeri im sot mund të duket një zë në shkretetirë, por shpresoj të mos mbetet kështu. Kam heshtur këto kohë publikisht dhe jam përpjekur me mish e me shpirt ta ndihmoj PD-në dhe Lulzim Bashën duke u përpjekur t’i bind miqtë tanë të PPE të na vijnë sërish në ndihmë. Por sot nuk mund të hesht më sepse edhe vetë ata që kurrë s’na kanë lënë vetëm më parë, që nga Presidenti Daul e deri tek i fundit në PPE, më përsërisin prej disa ditësh: “Na vjen keq po mesa duket nuk ju ndihmojmë dot më, sepse ju nuk doni të ndihmoni veten!”  Ata duan që PD të hyjë në zgjedhje! Ata duan që ne të jemi në parlament! Ata duan që të kthehemi menjëherë në Kuvend dhe të votojmë të gjitha ato që duhen për zgjedhjet e për reformën në drejtësi! Dhe une jam e bindur që Shqipëria bëhet më europiane me zgjedhje të lira e të ndershme dhe jo me rrëmujë të cilën s’na e ka borxh asnjë qytetar i këtij vendi! Nuk dua që asnjë të na kthejë shpinën publikisht nësë ne nuk kthehemi në rrugën e përbashkët të familjes së djathtë evropiane! Po më shumë se për ata, ne sot duhet të mos e pranojmë më tutje në heshtje opsionin e transformimit të PD-së nga një alternativë reale e kësaj maxhorance të frikshme, në justifikimin e saj më fantastik pë cdo paudhësi më të madhe!

Voal.ch shkruan se Koreja e Veriut, vendi më diktatorial në Botë, me të cilin po përballen sot SHBA dhe Perëndimin i ka dërguar urime Ilir Metës pasi u zgjodh president i Shqipërisë.

Sipas agjensisë zyrtare të lajmeve të Koresë të Veriut (KCNA – Official North Korean News Agency), Kim Yong Nam, nr 2 pas Kim Jong Un-i që është kryetari i Presidiumit të të Asamblesë Supreme të Popullit të djelën që shkoi i dërgoi një mesazh urimi Ilir Rexhep Metës për zgjedhjen e tij si president i Shqipërisë.

Kim Yong Nam në mesazhin që i dërgonte Ilir Metës i dëshironte presidentit të zgjedhur sukses në punën e tij për prosperitetin e vendit, duke shprehur besimin se marrëdhëniet e gjata të
miqësisë mes dy vendeve do të zgjerohen në terma të mirë në interesat e dy popujve.

Gjatë javëve të fundit, Partia Socialiste ka nënshkruar marrëveshje me një zyrë lobimi në Shtetet e Bashkuara të Amerikës.

Ministri i Jashtëm Ditmir Bushati, i cili po zhvillon një vizitë në SHBA, është pyetur nga Zëri i Amerikës përse PS paguan për lobim tek administrata e Donald Trump, kur është në qeveri.

Zëri i Amerikës: Ju zoti ministër keni qenë gjatë administratës së re amerikane dy herë në Uashington. Pra keni kontakte dhe akses të konsiderueshëm, tek administrata amerikane. Megjithatë sikurse parti të tjera ajo Demokratike dhe LSI-ja edhe Partia Socialiste ka nënshkruar marrëveshje për të zhvilluar lobizëm në Shtetet e Bashkuara. Pse është e nevojshme kjo kur ju e keni tashmë këtë akses?

Ditmir Bushati: Kam përshtypjen që kjo është një praktikë që e ndjekin shumë parti në botë për të patur një përfaqësim më të mirë, për t’i kanalizuar pikëpamjet e tyre në Uashington, kur dihet që Uashigtoni është qendra kryesore e politikëbërjes sot për sot në botë. Përsa i përket raporteve të qeverisë shqiptare me atë amerikane mund të them që partneriteti strategjik ndërmjet nesh do të vijojë të thellohet dhe dua t’ju siguroj që në një të ardhme të afërt ne do të kemi zhvillime në këtë drejtim dhe kontakte në nivele më të larta me administratën e re amerikane.

Historia e Luftës së Dytë Botërore po përseritet në Shqipēri. Në Atdheun e perëndive Ilire, të perëndorëve të mëdhenj,Dioklicianit, Konstandinit Justinianit ,të kryezotëve të betejave, të Aleksandrit të Madh apo Lekës siç e thërrasin në gjuhën vllaznore dhe të thjeshtë shqiptarët, të Pirros dhe Gjergj Kastriotit.

Atdheun e engjëllit qē pushtoj qiejt Shenjtorës Nanë Terezës po përplasen dy botë.

Ashtu siç zbarkuan miliona ushtarë në Normandi të Francēs për të çliruar Evropën nga tirania e Hitlerit, sot pas shtatë dekadash nga ajo ngjarje madhështore e historisë, në Shqipërinë e vogël, por fisnike dhe liridashëse qindra- mijra shqiptarë të rreshtuar nën flamurin kombëtar, të Partisë Demokratike dhe aleatëve të saj do të zbarkojnë triumfalisht nëpër rrugët dhe sheshet e Shqipërisë duke filluar me 7 Maj në Kavajë për të çliruar Atdheun e tyre nga karrikatura më e shëmtuar e Hitlerit Edi Rama.

Ky referendum popullor që do të ngadhnjejë më 7 maj në Kavajë në vendin simbol të demokracisë është sinjifikativ për faktin se na ndan vetëm dy ditë nga 9 Maji kur mbarē bota kremton çdo vit fitoren mbi fashizmin.

Aristoteli i madh na ka lanë një maksimë: Do ta them të vërtetën troç edhe sikur të gjithë të jenē kundër sajë sepse shpejt të gjithë do ta përqafojnë këtë të vërtet. E kam mik Platonin, por më shumë tē vërtetën, shprehej filozofi i madh. E vërteta më bën të lire, na thotë Seneka.
U mbushën dy muaj në çadrën e lirisë që Partia Demokratike dhe Opozita e Bashkuar e udhëhequr nga korifeu i saj Lulzim Basha po shpalosin një të vërtet të madhe e shumë dimensionale por dhe të dhimbshme tashmē të mbështetur masivisht nga populli shqiptar që e demonstroj me marshimin solemn në sheshin Skënderbej.

Njëzeri, në mënyrë unanime i tha Edi Ramës: Boll më, ik.

Mbi 60 ditë në Shtëpinë e Lirisë po përplasen dy botē, e Ardhmja me të Ahkuaren, Vyrtyti me Vesin, Demokracia me Autokracinë , Republika e Re, që po vjen, me Republikēn e Vjetër – që po jep shpirt.

Qëndrestarët e paepur në Protestën më të gjatë në histori po kërkojnë të vendosur të mbjellin e të konsolidojnë institucionin e votës së lirë, si gurthemel të Republikës së Re.

Kjo kauzë e shtrenjtë dhe e shenjtë e opozitës së mbështetur nga shumica e shqiptarëve do të kurorëzohet me çdo çmim.

Teksa po shkruaj këtë opinion mu kujtua një letërkëmbim i baballarëve të kombit amerikan, Medisonit, Hamiltonit, Xhafersonit, dyqind e kusur vjet më pare: Jemi mbledhur një ansambël perëndishë që po projektojmë të ardhmen e Amerikës.

Pikërisht kjo Çadër sot ka një mision të shenjtë: të hedhë themelet e Republikës së Re nëpërmjet institucionalizimit një herë e përgjithmonë të votës së lirë.

Dhe kjo arrihet me njē Qeveri Teknike me mandat kushtetues që do të realizojë Zgjedhje të Lira dhe të Ndershme me Shanse të Barabarta konkurimi para verdiktit të sovranit.

Mirepo në çastet e fundit të agonisë dhe të qëndresës së tij të çmendur Edi Rama zgjodhi të trumbetojë me propogandën e tij shurdhuese avokatinë e ministrit të Jashtëm gjerman me emrin biblik Gabriel dhe znj. Mogerini, përfaqsuesve të dy kombeve që nëpërmjet boshtit Romë-Berlin-Tokio, trekëndeshit të zi i shkaktuan botës 100.000 viktima në Luftën e Dytë Botërore.

Z. Gabriel dhe znj Mogerini, kombi i të cilës Italia bashkëjeton prej dekadash me mafjen më të organizuar, më të tmerrshme, më gjakatare në histori, na thanë dy fraza shkurt të padenja për dy kombe si Gjermania e Frederekut të Madh, Otos së Perendorisë së Shenjtë Romake, Bismarkut, arkitektit të realpolitikës, Italia e Garibaldit e Françesko Krispit me gjak shqiptar që sëbashku me Francën e Shumanit, djepin e revolucionit dhe filozofisë Liri- Barazi- Vllazri jenē trinia dhe lokomativa dhe shpresa e shtëpisë sonë të perbashkët: Bashkimi Evropian.

Ata me një gjuhë të akullt dhe arkaike sikur tē vinte nga epoka skllavopronare i thanë opozitës dhe popullit që i mbështet: Nuk ju kuptojmē çfarë doni! Dilni nga Çadra! Votoni ligjet që ju thotë Rama! Shkoni në zgjedhje se ne ju vëzhgojmē!

Pra shkurt dhe qartë varjani në qafë mëlçitë ujkut.

Zotëria i Berlinit dhe znj. e Romēs po t’i kishin thirrur kujtesës historike të kombeve të tyre nuk do të guxonin për t’u treguar aq arrogant, të njëanshëm dhe të paduruar, pa e dëgjuar akoma udhëheqesin e Opozitēs sē Bashkuar z. Lulzim Basha për të shprehur publikisht, pa asnjë sens diplomatik mirësjelljeje e respekti ndaj qytetarëve shqiptarë përkrahjen për z Rama.

Gabrieli e Mogerini mund të simpatizojnë personalisht z. Rama deri në marrëzi për ekstravagancën e tij, për biseksualitetin e tij politik dhe moral, për lukun e tij alla Versaçe, për ngjyrat e ndezura të këmishave e kostumeve, të kravatave ylberore të blera me paratë e taksapaguesve shqiptarë, ta simpatizojnë edhe për të gjitha të zezat që i ka sjellur me qeverisjen e tij autokratike, plutokratike duke institucionalizuar krimin në pushtet.

E theksoj deri këtu është çështje simpatie personale.

Por kur ke veshur kostumin e ministrit të Jashtëm Gjerman dhe fundin e Komisioneres për Politikë të Jashtme të Bashkimit Evropian. Ështe e papranueshme jo vetëm për Shqipërinë, por edhe për Gjermaninë dhe Italinë dy kombe mike të sotme, por dhe dy shtete pushtuese të Shqipërisë jo më larg së 70 vjet.

Ata duhet të dinë mirë vuajtjen e popullit shqiptarë nga Hitleri dhe Musolini.

Duhet të mendojnë se shqiptarët kanë përjetuar diktaturën më të egër në Evropë dhe se pjesë e makinerisë shtypëse e pushkatuese ka qenë babai dhe daja i Edi Ramës.

Shqiptarët janë krenarë që në luftën e dytë botërore çliruan Atdheun e tyre nga baballarët e gjyshët e Gabrielit dhe Mogerinit dhe u rreshtuan me fitimtarët.

Ajo ishte një betejë patriotike e një kombi të lashtë e fisnik frytet e të cilës i korrën dhe shijuan me të pabesë diktatori Hoxha dhe kori i korbave, oborrtarë të tij vampirë ku babai dhe daja i Edi Ramës ishin violina të para.

Biri kombit Gjerman dhe bija e kombit Italian që i dhanë botës kaq shumë gjeni por dhe idologjitë e shtetit nazist dhe fashist, koktejn më të hidhur në historinë e njerzimit na thanë troç: Nënshtrohuni!

Braktisni shtëpinë e lirisë, ëndrrën për një Republikë të Re të dalë nga vota e lirë. Ëndrrën për njē Shqipëri pa drogē, për një parlament pa bandit. Braktisni ëndrrën për një drejtësi të pavarur dhe shkoni urtë e butē si delet në vathë se bariu juaj do të jetë prapë Edi Rama.

Benjaminët e Ramës harrojnë se problemi i PD-së e Opozitës së Bashkuar nuk është thjesht Edi Rama, por filozofija e tij sunduese gjenetike.Të ishte vetëm i atij do ja kishte mbathur me kohë pa u menduar dy herë.

Qeveria e tij është një bandē mafjoze dhe Rama është thjesht kryetari i kupolës dhe po të ikë ai në vend të tij kurorëzohet kapoja i ri.

PD dhe Opozita e Bashkuar duan ta shkulin të keqen nga rrënja e kjo bëhet duke largur Ramën bashkë me bandën e tij kriminale në parlamentin e drejtuar nga Ponc Pilati Ilir Meta bashkëfajtorë njësoj me Ramën.

Opozita kërkon çlirimin e shtetit, parlamentit qeverisë,pushtetit vendor, shërbimit diplomatik, medias nga krimi dhe sigurimi i shtetit tentakulat e të cilëve e kanë mbërthyer prej 26 vjetësh shtetin e sē drejtës për tē cilin kemi ëndërruar.

Në Shqipëri thonë çudia më e madhe zgjat tre ditë. Gabrieli dhe Mogerini erdhën bënë detyrën ndaj mikut të tyre që është në grahmat e fundit në reanimacionin e spitalit të politikës i dhanë oksigjenin e fundit.

Tani është radha e shqiptarëve të ja heqin qesen e fundit të këtij oksigjeni që i sollën miqtë e tij të paguar dhe ta varrosin politikisht Ramën por bashkë me tē dhe dhimbjen tonë që na shkaktoj me vaje e kuje sipas traditēs së lashtë.

Shqiptarët e kanë zgjedh rrugën dhe prijësin e tyre z Lulzim Basha, simbol i Shqipërisë Evropiane që u ba barrikada e pakapërcyeshme e Ramës dhe kmerëve të kuq . Basha do të jetē gjenerali i operacionit të Ri “Overlot”.

Qindra- mijra shqiptarë do të vërshojnë në sheshet e Shqipërisë duke filluar nga Kavaja ashtu siç zbarkuan aleatët perëndimorë nē brigjet e Normandisë të udhëhequr nga Ajzenaueri i madh.

Shqiptarët janë tē vendosur të çlirojnë Atdheun e tyre nga njeriu bunkier Edi Rama e banda e tij politike.

Ju shpresoni se do ju mbështesë Evropa dhe se do të arrini një fitore si tē Pirros por ne nuk do ta lejojmë z Rama.

Me 18 qershor nuk do tē ketë zgjedhje me ju kryeministër.

Ky është pakti i shenjtë i besëlidhur mes popullit opozitarë tashmë shumicë dhe z Lulzim Basha të cilët kanë vendosur e janë betuar para familjes, flamurit , e vetë Zotit për ti dalë zot Atdheut lirisë dhe demokracisë.

Evropa që mendon Rama se e ka aleatë dhe do ta shpëtojë nga gremina është Evropë sipas modelit made in Rama ekziston vetëm në fantazinë e tij haluçinante.

Evropa e vërtet e që ne kemi parë është krejt ndryshe; Ministri i Financave të Francës dha dorëheqje sepse nuk justifikon dot një apartament me dy dhoma.

Ministri i brendshëm belg dha dorëheqje sepse një protestuese vdiq në duart e policisë nē demostratë, një minister transporti dha dorëheqje se u shemb një urë.

Kurse ju për një mandat katër vjeçarë keni shkatërruar shtetin e së drejtës, institucionet publike, policinë, arsimin shëndetsinë keni kthyer institucionet e shtetit inkubatorë krimi e laboratorē droge.

Si llupës i pangopur i pushtetit kërkon të blesh edhe fjalën e lirë, mediat e shkruara dhe vizive, portalet, diplomatët e korruptuar madje edhe zgjedhjet.

Por lideri i opozitës nē emër të ansamblit opozitar e të popullit shumicë që e mbështet e ka deklaruar solemnisht kurrrë nuk do të ndodhë.

Përpjekja juaj e dëshpēruar për tē rezistuar me çdo çmim edhe se tashmē edhe ti e ke tē qartë fundin politik na kujton Hitlerin në pranverēn e vitit 1946 kur ai i shpartalluar nga të gjitha frontet shpresonte ta shpëtonte mrekullia e Zotit.

Para disa ditësh ju na thatē Opozita ështē e lirë të vrasë vehten.

Ne po të themi je i lirë si Hitleri të zgjedhësh fundin tënd. Rama ik.

Tani nuk të shpëton as Zoti. Për Gabrielin dhe Mogerinin nuk bëhet fjalë.

“Zgjidhja” do të kthehet në parti politike. Duke folur përpara anëtarëve të PS-së dhe mbështetësve të lëvizjes ‘Zgjidhja” në Lushnjë, drejtuesi i lëvizjes Koço Kokëdhima, u shpreh se Rama punoi deri në fund për përçarjen e PS-së dhe për likuidimin politik të Kokëdhimës dhe të lëvizjes “Zgjidhja”.

Gjykata e Strasburgut ka pushuar dosjen e 21 janarit, të hapur prej familjarëve të viktimave që në vitin 2013.

Kreu i LIBRA-s, Ben Blushi ka shpjeguar sot arsyet që e pengojnë LSI-në, sipas tij, që të hyjë në koalicion me PS për zgjedhjet parlamentare të 18 qershorit. Në rubrikën “Opinion” në “News24”, deputeti Blushi tha se LSI i druhet një procesi zgjedhor në të cilin nuk merr pjesë PD, pasi në këtë mënyrë do të ishin automakisht të humbur.

Sipas Blushit, nëse PD nuk merr pjesë në zgjedhjet e 18 qershorit, atëherë LSI ose detyrohet të jetë opozita, ose nuk i duhet Rilindjes për qeverinë, pasi kjo e fundit do t’i ketë mandatet e nevojshme, që vijnë si rezultat i mospjesëmarrjes së PD në zgjedhje.

Pse mendoni ju se Meta do të bëhet president?
Unë nuk e kam thënë këtë gjë, sepse nuk e di. Por kam lexuar veprime amatoreske të Ramës dhe Metës. Dhe më keq se kaq, brutale dhe arbitrare. Këto janë në dëm të procesit. Raundi i parë i presidentit u dogj. Po kështu edhe raundi i sotëm u zgjodh. As solemnitet dhe prestigj nuk i dhanë këtij momenti. Kur një president zgjidhjet njëherë në 5 vite. As nuk shkova fare. Një shumicë që thotë se ka votat nuk ka aftësinë t’i japë prestigj çështjes së presidentit. Të prezantojnë një kandidat e t’ia paraqesin njerëzve. Jo se nuk kanë një kandidat, po kërkojnë këtë ta lidhin me krizën e zgjedhjeve, gjejnë argumenti banal se po presin opozitën. dhe në këtë mënyrë, heqim mundësinë që kërkesa e PD të bjerë. Nëse shkohet në zgjedhje të parakohshme s’ka vlerë kërkesa e PD. E gjithë kjo krizë është e brendshme në mazhorancë. Ato nuk po merren vesh për koalicionin. Kush i pengonte të regjistroheshin dje. Nëse i kërkojnë PD të respektojë kushtetutën dhe kodin zgjedhor, le ta respektojnë vetë. E kanë shkelur me konsensus ligjin. LSI druan, apo ka frikë të hyjë në zgjedhje në kushtet që PD nuk hyn, se është në opozitë vetë. Rilindja është më e madhe se LSI. Në kushtet ku mungon PD, mandatet e tyre do jenë më shumë. LSI druan se nëse hyn pa PD do të jetë vetë në opozitë, ose do të jetë totalisht e panevojshme se Rilindja do t’i ketë votat vetë.

Masat e ftohta ajrore rikthyen reshjet e borës gjatë mbrëmjes dhe mëngjesit të sotëm në zonat malore.

Alfred Peza dhe bashkëshortja e tij Mirela Ndini gëzojnë një pasuri qindra milione lekë, para këto që ata pretendojnë se i kanë vënë falë punës së tyre disa vjeçare, ku njëri ka shërbyer në tregun mediatik dhe tjetri pjesë e aministratës së Ministrisë së Jashtme.

Në Shqipëri parlamenti dështoi sonte të zgjidhte në votimin e parë, presidentin e ri të vendit.

Asnjë nga forcat politike nuk propozoi ndonjë kandidaturë.

“Raundi i parë i zgjedhjes së presidentit quhet i ezauruar. Kjo procedurë është shprehje e vullnetit, që të afrohet edhe opozita për një figurë konsensuale” – tha kryetari i parlamentit, Ilir Meta.

Kryeministri Edi Rama tha menjëherë pas seancës se “socialistët i kanë numrat për ta zgjedhur Presidentin e Republikës, por po mundohemi t’i japim një shans opozitës për të gjetur një figurë sa më shumë përfaqësuese dhe sa më shumë gjithëpërfshirëse”.

“Ne duam t’i japim atij institucion dinjitetin dhe autoritetin për të qëndruar mbi palët. Më mirë një president pak ditë më vonë se sa një president i zgjedhur në një sallë të boshatisur nga krahu i opozitës që nuk vjen në punë” – tha zoti Rama.

Fundjavën e shkuar shumica në pushtet deklaroi se nuk do të paraqiste asnjë emër e nuk do të mbështeste asnjë kandidaturë për president, në përpjekje për të dialoguar dhe për të kërkuar edhe konsensusin e opozitës, e cila ndërkohë ka bojkotuar parlamentin.

Sipas Kushtetutës shqiptare, për zgjedhjen e presidentit të vendit zhvillohen deri 5 raunde votimi.

Në tre të parat kërkohet një shumicë e cilësuar prej 84 votash, ndërsa në raundin e katërt dhe të pestë presidenti mund të zgjidhet dhe më shumicën e thjeshtë prej 70+1 deputetësh.

E majta, i ka edhe e vetme 84 votat e nevojshme për të zgjedhur kreun e ri të Shtetit në dy raundet e ardhshme. Votimi i radhës duhet të zhvillohet brenda 7 ditëve.

TIRANE– Avokati Spartak Ngjela teksa ka komentuar situatën politike në vend, pohoi se opozita ka gjetur rrugën e gabuar të vetëlikuidimit të saj.

Për këtë arsye sipas Ngjelës, kryetari i Partisë Demokratike, Lulzim Basha dhe Sali Berisha duhet të dorëhiqen.

Ngjela theksoi se ata duhet të zëvendësohen me lidership të ri dhe të papërlyer nga balta korruptive e pushtetit.

MESAZHI I NGJELËS
Asnjë rrugë nuk të çon dot në prishjen e zgjedhjeve:
as bojkotimi i procesit zgjedhor nga Partia Demokratike;
as destabilizimi i rendit shoqëror në Shqipëri nga krerët e çadrës.
Shqipëria nuk mund ta ndryshojë rrugën e saj antiruse në Ballkanin Perëndimor.
Pardje foli zv. kancelari gjerman Gabriel. Në, prima facie, ai tha se ishte kundër qëndrimit të opozitës.
Kurse Çadra hesht. Por politika e lartë perëndimore e deklaroi që “gjithçka dhe çdo akt i opozitës është frikë kundrejt Reformës në Drejtësi”.
Në fakt kjo është e vërteta, e cila ka krijuar opinionin e politikës perëndimore.Të njëjtën gjë do të thotë edhe politika e lartë amerikane këto ditë, patjetër.
Po opozita çdo të bëjë?
Në fakt opozita gjeti rrugën e gabuar të vetëlikuidimit të saj, dhe, pikerisht për këtë duhet te reformohet domosdoshmërisht.
Tani nuk ka më asnjë shpresë me këtë rrugë, por jane shtresat e saj shoqërore që nuk duhet ta vuajnë mungesën e përfaqësimit.
Politika amerikanë dhe europiano-perëndimore është e vendosur kundër korrupsionit.
Lidërshipi i ngushtë i Partisë Demokratike nuk ka më të ardhme politike në Shqipëri. Por jo Partia Demokratike.
Atëherë, cila është Rruga?
Duhet të japin menjëherë dorëheqjen Basha dhe Berisha e sekretarët; dhe të zgjidhet menjëherë lidershipi i ri i papërlyer nga balta korruptive e pushtetit.
Kjo është e vetmja rrugë politike favorizuese.
Por a ka kohë lidërshipi i ri për përgatitjen elektorale?
Kjo duhet parë. Por në fakt, edhe nëse nuk a ka atë aftësia, sepse ka me vete forcën politike të entuziazmit të reformimit të PD që i jep mundësinë politikë të barazimit të situatës elektorale.
Çdo rrugë tjetër është falimentim tërësor politik i Partisë Demokratike, sepse reforma shqiptare është ingredienti kryesor i gjeopolitikës amerikane dhe perëndimore në përgjithësi, në lidhje me Ballkanin Perëndimor. Lidërshipi i PD-së me shenja korruptive, ose do te likuidohet ndërkombëtarisht me anë të Reformës në Drejtësi, ose me zhvillimin e zgjedhjeve pa pjesëmarrjen e PD, akt ky, që për politikën perëndimore në veprim, është i barazvlefshëm me Reformën në Drejtësi.

Kryeministri Edi Rama ka deklaruar 1.2 milionë lekë të ardhura për vitin 2016 nga shitja e pikturave. Në formularin e deklarimit të pasurive, thuhet se kreu i Qeverisë ka pasur rrogë vjetore për 2016 në shumën 2 milionë lekë, ndërkohë që të ardhurat nga honorarët ishin 204 mijë lekë. Për një vit Rama ka shlyer 35 mijë euro të një kredie të marrë në vitin 2013 në shumën 80 mijë euro. Atij i kanë ngelur pa shlyer edhe 30 mijë euro.

Ndërsa bashkëshortja, Lindita Rama ka deklaruar pakësimin e një llogarie bankare me 600 mijë lekë, ndërsa të ardhurat nga paga dhe puna si eksperte i ka pasur 3.1 milionë lekë. Ajo ka deklaruar gjithashtu të ardhura nga qiraja e një apartamenti në shumën 2 milionë lekë si dhe të ardhura nga honorarë në shumën 814 mijë lekë.

Djali i kryeministrit Gregor Rama ka deklaruar shtesë llogarie 14 mijë euro. Të ardhurat e tij nga shitja e veprave të artit për vitin 2016 kanë qenë 25 mijë euro. Gregor Rama ka deklaruar te kategoria e detyrimeve dhe një kontratë qeraje 2 vjeçare, për të cilën duhet të paguajë 432 mijë lekë.

Fëmijët e kryeministrit Berisha kanë deklaruar shuma të mëdha kryesisht nga mësimdhënia dhe konsulenca juridike. Panorama Online ka siguruar sot deklarimin e pasurisë së familjes së ish kryeministrit Berisha për vitin 2016, ku si çdo vit tjetër kanë deklaruar pasurinë e tyre edhe Shkëlzeni dhe Argita Malltezi.

Ish kryeministri Berisha ka deklaruar një shtesë llogarie prej 1 milion lekë të reja, ndërkohë që pagën vjetore si deputet dhe shpërblimet e ka pasur 1.3 milionë lekë. Ndërsa të ardhurat nga ish pozicioni si kryeministër, Berisha i ka 647 mijë lekë.

Argita Malltezi, ndër të tjera ka deklaruar shtesa në katër llogari me 34 mijë euro, 15 mijë euro, 659 mijë lekë dhe 1.3 milion lekë. Të ardhurat nga rroga neto në fakultet për Argita Berishën kanë qenë 1 milion lekë, ndërsa të ardhurat nga mësimdhënia në fakultete private ishte 1.1 milion lekë. Ajo ka përfituar gjithashtu të ardhura nga qiratë në shumën 34 mijë euro si dhe honorarë dhe shpërblime në shumën 642 mijë lekë.

Shkëlzen Berisha ka deklaruar pakësimin e një llogarie me 174 mijë euro si dhe në një llogari në lekë, ka shtuar 2.1 milionë. Ai ka krijuar 600 mijë euro të ardhura nga shitja e një pasurie të paluajtshme. Në formularin e të ardhurave për vitin 2016, Shkëlzen Berisha ka deklaruar të ardhura nga konsulenca 3 milionë lekë, të ardhura nga punësimi 961 mijë lekë si dhe të ardhura nga qiraja 47.956 euro. Në ditët e fundit të 2016 ai ka mbyllur kredinë 252 mijë euro si dhe ka shlyer 12 mijë euro kredi të cilën e ka marrë për blerjen e një makine.

Kryetari i Kuvendit, Ilir Meta dhe bashkëshortja e tij, Monika Kryemadhi kanë shitur katër apartamente vitin e kaluar. Sipas deklarimit të pasurisë, të cilin po e publikon sot Panorama Online, rezulton se tre apartamente në total kapin shumën e 204 mijë eurove, ndërsa apartamenti tjetër 345 mijë euro, nga të cilat 100 mijë janë arkëtuar në vitin 2016, ndërsa 245 mijë në vitet e ardhshme. Por blerësi i këtij apartamenti ka marrë përsipër edhe shlyerjen e një kredie prej 155 mijë euro të familjes Meta. Të ardhurat e kreut të Kuvendit vitin e kaluar kanë qenë 1.9 milionë lekë, po aq sa të deputetes Kryemadh