TIRANE- Kur na ndajnë edhe dy orë nga protesta e opozitës, gazetarja Klodjana Lala ndodhet në bulevardin “Dëshmorët e Kombit” dhe raporton për BalkanWeb detajet më të fundit.

Sipas saj protestuesit do të grumbullohen në tre pika kryesore, Të gjithë protestuesit që vijnë nga Veriu do të grumbullohen në pallatin e sportit “Asllan Rusi”, nën drejtimin e deputetit Edi Paloka.

Nga ana tjetër grupimi i dytë do të mblidhet tek Liceu Artistik nën kryesimin e deputetëve Arben Imamit dhe Edmond Spaho. Këtu do të grumbullohen protestues nga Elbasani, Korça etj dhe do drejtohen drejt çadrës.

Grupi i tretë do të mblidhet tek Shkolla Teknologjike dhe ish-stadiumi “Dinamo”, ndërsa në krye të protestuesve do të jetë deputeti Arben Ristani

Në secilin grupim do të ketë ish drejtues të policisë së shtetit që do të qenrojën për të dhënë urdhra dhe për të siguruar mbarëvajtjen.

Lala bën me dije për BalkanWeb se kryedemokrati Lulzim Basha ashtu si asnjëherë tjetër do të jetë i shoqëruar nga bashkëshortja Aurela dhe dy vajzat e tij, për të dhënë mesazhin që protesta do të jetë e qetë dhe paqësore.

Vetëm pak orë para se PD-ja të nisë protestën e quajtur mbarepopullore per rrezimin e republikës së vjetër, Drejtori i Policisë së Shtetit Haki Çako ka nisur një takim me kryeprokurorin Adriatik Llalla.

Burime për “Panorama” bëjnë me dije se takimi u zhvillua në zyrën e Prokurorit të Pergjithëm, Adriatik Llalla dhe në qendër të tij është protesta e sotme e opozites. 

Takimi është zhvilluar pa praninë e mediave dhe në mbyllje të tij, nuk ka pasur ndonjë deklaratë.

Takimi mes tyre mësohet se nuk ka zgjatur shumë, pasi Çako u pa të dilte nga zyra e Llallës rreth orës 09:50.

Policia ka njoftuar për masat për mbarëvajtjen e protestës që mbahet sot në orën 12:00 dhe nga ana e saj edhe PD ka marrë masat për shmangien e ndonjë përplasjeje.

Zbulohen financat dhe pasuritë e paluajtshme të ministrave të qeverisë “Rama”, të dorëzuara pranë Inspektoratit të Lartë të Deklarimit të Pasurive për vitin 2016.

“Panorama” ka siguruar deklarimin vjetor të anëtarëve të Këshillit të Ministrave, ku bie në sy se për disa prej tyre, viti 2016 ka qenë i suksesshëm financiarisht.

Ministri i Mjedisit, Lefter Koka, është ndër më të pasurit e qeverisë. Koka, së bashku me bashkëshorten e tij, në vitin 2016 kanë bërë një sërë blerjesh, po ashtu shitje apartamentesh, shlyerje detyrimesh, si dhe kontrata me vlerë 900 mijë euroshe.

Edhe ministra të tjerë, si ai i Energjetikës, Damian Gjiknuri, kanë shtuar investimet në vitin 2016, me porositjen e një apartamenti të ri me hapësirë 199.5 m², me një vlerë totale 271 mijë euro.

Ajo që bie në sy nga verifikimi i deklarimeve vjetore është fakti se ministrat kanë deklaruar vetëm pagat, dietat dhe honoraret, ndërkohë që llogaritë bankare dhe lëvizjen e parave i kryejnë bashkëshortet e tyre.

Ministri i ri, Eduard Shalsi, ka deklaruar pagën e tij dhe një qira nga apartamentet, ndërsa bashkëshortja e tij ka deklaruar veçmas depozita bankare dhe një sërë pagash që përfitohen nga mësimdhënia.

Edhe ministri i Jashtëm, Ditmir Bushati, ka deklaruar shtim të llogarive bankare, por paga e tij si ministër është shumë herë më e ulët sesa fiton bashkëshortja e tij si ekspertë dhe konsulente projektesh.

Ajo që bie në sy është fakti se ministrat, edhe pse kanë shuma të konsiderueshme parash në depozita, ata kanë marrë kredi dhe overdrafte për blerje apartamentesh.

Edhe ministri i ri i Transporteve, Sokol Dervishaj, ka marrë një sërë kredish dhe overdraftesh, po ashtu dhe bashkëshortja e tij, ndërkohë që gjendja financiare në banka është e majme.

Kur bien qeveritë, ngrihen kombet

Ky postulat i historisë i deklaruar nga gjeniu Napoleon Bonaparti eshtë lejtmotivi i i opozitës shqiptare, e cila prej 85 ditësh po proteston pikërisht për të mbrojtur kryevlerën kombëtare dhe Evropiane në të njëjtën kohë;
Zgjedhjet e lira dhe të ndershme, nëpërmjet votës së lirë dhe rikthimin e qeverisjes dhe të shtetit te së drejtës në duart e popullit sovran.
Beteja epike e spartanëve blu dhe e ansamblit opozitar, mbeshtetur nga mazhoranca morale është në themel të artyre vyrtyteve të rralla që i trashguam nga historia jonë e vjetër dhe e re.
Opozita dhe lideri i saj z Basha pas tre muaj qëndrese në sheshin e Nanë Terezes me bekimin e saj hyjnorë zbresin neser në sheshin e kryetrimit Gjergj Kastrioti për tu betuar përpara Tij dhe flamurit kombëtarë se Atdheut tonë do të ja kthejnë lirinë dhe dinjitetin e nëpërkëmbur nga bandat kriminale, nga çetat e çiçikovëve të binomit Rama -Meta.
Tashmë pas tre muajsh qëndresë në çadrën e lirisë në tempullin e mazhorancës morale që do të jetë gurëthemeli i Republikës së Re, për këdo, për miqtë dhe armiqtë e Shqipërisë është e qartë se në këtë vend të vogël por fisnik që të huajt e thërrasin Albani po ndodh diçka e jashtëzakonshme.
Shqiptarët janë ngritur për të marrë vetë në dorë fatet e veta jo vetëm ne hapsirën londineze ,28000 km katrorë ,çertifikuar në konferencën e ambasadorëve në Londër në vitin 1913, por në mbarë hapsiren shqiptare në Kosovë, Maqedoni, Mal të Zi, Çamëri, Luginën e Preshevës.
Opozita Shqiptare, Lideri Basha dhe qindra-mijra vetë që protestojnë janë thellsisht evropianë, në qëllime, sjellje e veprime.
Nëse do të perifrazoja fjalët e Atit të Shenjtë Papa Françeskut i cili i quajti me të drejtë martirët e Krishtërimit në trojet tona qytetarët më të mirë të Evropës, deklaroj me bindje të thellë dhë krenari se opozita që nesër zbret në sheshin e Kalorësit të lirisë është opozita më e mirë dhe më dinjitoze e Evropës per tre arsye madhore;
Opozita është ngritur në këmbë për mbrojtjen e votës së lirë që është institucioni me i rendësishëm nga ku burojnë të gjitha pushtetet e shtetit të së drejtës.
Vota e lirë eshtë gurëthemeli i Bashkimit Evropian SHBA-së e Botës Ero-Atlantike.
Opozita shqiptare në këto katër vjet si asnjëherë më parë në historinë e pluralizmit është përballur me një bandë qeverisëse të kmerëve të kuq që instaluan komplotin politik, ekonomik nga pushteti i i tyre kleptokratik, plutokratik.
Pasi asgjesoj sipermarrjen e lirë nepermjet monopoleve dhe oligopoleve republika e vjetër kërkon të asgjesojë politikisht shtyllën e demokracisë, opozitën historike që shembi diktaturën më të egër ne Evropë dhe krijimin e nje opozite fasadë shtojcë të pushtetit të pazareve Rama-Meta.
Qeveria oligarkike, narkorepublika e vjetër e arkitektëve Rama-Meta ka çimentosur në ngrehinën e bunkerit shtet, në qeverinë me maskë, me ferexhe një tufë kriminelësh e trafikantësh.
Ky Keops kriminal eshtë më i madhi në historinë tonë kombëtare dhe atë tē Evropës që nga lufta e Dytë Botētore.
Zoti Basha dhe opozita në një betejë të pabarabartē si ajo e Davidit me Goliatin apo si e spartanëve tē Leonidhës perballë ushtrive tē panumerta të persëve te Kserksit e ka shpartalluar këtē bunker nga i cili ka mbetë vetëm skeleti i zi dhe i ndryshkur i qeverisë bandë e cila me një akt të pashembullt ka denuar veten me vetëvrasje me 18 qershorë.
Edi Rama dhe ata që mendojnë ta gradojnë guvernator të Shqipërisë kunder vullnetit të popullit të sajë bëjnë mirë të germojnë në memorien historike dhe te kujtojnë fatin e Hamza Kastriotit në betejën e Albulenës te 2 shtatorit 1457.
Tradhtari nuk e mbajti as një orë kurorën e vasalit të sulltanit mbi Krujën, kryeqytetin e Arbrit sepse garda Arbnore e Gjergj Kastriotit e bëri copë copë ushtrinë armike dhe mbretit të vetëshpallur i vunë prangat dhe ashtu të lidhur e derguan në kalanë e Krujes para popullit që brohoriste për fitoren madhështore të Albulenës.
Presidenti Benxhamin Franklin ne meson se:
Kush nuk lufton për lirinë nuk e meriton atë.
Sot mbarë kombi shqiptarë eshtë ngritur për të drejtat e tij universale.
Edhe Zoti po flet shqip.
Simbolet e betejave madheshtore Ramush Haradinaj e Ali Ahmeti qendrojnë madhështorë në Prishtinë e Shkup si piramida të kombit shqiptarë.
Tuzi shqiptarë qeveriset nga të zotët e shtepisë dhe u mevehtësua si komunë urbane.
Parlamentin e Maqedonisë e kryeson Telat Xhaferi pavarsisht përpjekjeve të deshperuara ne agoni të Ivanovit 
Shqipëria me 13 maj do të flasë me gjuhen e Gjergj Kastriotit.
Pas renies së qeverisë Mustafa radhen e ka për të rënë qeveria Rama.
Rama Ik.
Te pret Albulena.
Republika e Re po lind me nje qeveri siç thoshte Abraham Linkolni;
” Nga popolli, e popullit, për popullin”
Kryeminister Lulzim Basha.

Pas letrës së shkrimtarit Ismail Kadare, një tjetër letër është firmosur nga disa vajza dhe gra shqiptare pjesë e politikës dhe shoqërisë civile të cilat janë solidarizuar me ambasadoren e Bashkimit Europian, Romana Vlahutin, e cila ditë më parë u bë pre e sulmit verbal të Kastriot Myftaraj.

Ish Ministri i Drejtësisë Ylli Manjani, ka deklaruar në emisionin “Opinion” se reagimi i Policisë së Shtetit për arrestimin e Kastriot Myftarajt pas shkrimit për Vlahutin është i pa ligjshëm, jo proporcional dhe antikushtetues.

Trazirat e përfolura që u shmangën me mos zhvillimin e zgjedhjeve bashkiake në 7 maj dhe anulimin e protestës së opozitës në po të njëjtën ditë, mund të ndodhë të ‘vihen’ në jetë më 18 qershor, apo edhe pas kësaj date.

I ftuar në emisionin “Komiteti” të gazetarit Berat Buzhala, presidenti Bujar Nishani thotë se “Kavaja çtensionoi një situatë politike që do të prodhonte konflikt”, duke ju referuar vendimit të kryeministrit Rama për të tërhequr nga gara elektorale kandidatin e Partisë Socialiste në zgjedhjet bashkiake në Kavajë, të dekretuara për tu mbajtur më 7 Maj. Por kjo nuk përjashton mundësitë që opozita të protestojë edhe në datën e zgjedhjeve parlamentare të 18 qershorit, nëse deri atëherë nuk do të ketë vendosur të marrë pjesë në to.

Ndaj sipas tij nuk mund të flitet për tërheqje, por për një goditje ndaj të ardhmes së proceseve të ardhshme zgjedhore në Shqipëri. Nishani vë në pikëpyetje se si do të jetë situata në zgjedhjet e përgjithshme parlamentare të 18 qershorit, kur mund të ketë sërish një situatë të ndezur politike, ndoshta me opozitën që do të vijojë protestat. A do të ketë sërish tërheqje të kryeministrit Rama për të shmangur trazira?!

Por më problematike në sytë e kreut të shtetit, është mospjesëmarrja e opozitës në zgjedhje. Dhe jo për faktin se nuk është e ligjshme, pasi e kundërta është e vërtetë, por opozitën sipas Presidentin, nuk e bëjnë partitë politike, por vetë qytetarët. E sqarimi që ai jep është ky: “Opozitën e bën një grup njerëzish me politika ndryshe. Opozita është tek individët dhe jo tek partia”. Kështu, Nishani thotë se shumë shqiptarë do të ndihen të papërfaqësuar në Kuvend, pasi 15 partitë e regjistruara për të garuar në zgjedhje, nuk ndajnë idealet e tyre.

Edhe më e rëndë është situata post zgjedhore pa opozitën. Nishani thotë se Kushtetuta nuk do t’i japë legjitimitet institucioneve të reja pa opozitën.

Zhvillimet politike dhe mendimet e ndryshme edhe brenda PD-së, reflektohen edhe mes simpatizantëve të djathtë.

Një demokrate, duke kujtuar se i shkruante deputetes se PD-së, Majlinda Bregu, e cila se fundi eshte deklaruar hapur kunder Bashes per ceshtjen e zgjedhjeve, i uron asaj suksese dhe shpeh deshiren për një PD pa Bashën dhe Berishën.

Në fakt ka gabuar goxha keq, pasi mesazhin ia ka postuar Adriana Jakut, kandidates se PS për Lezhën.

‘Z.Majlnda urimet me te mira duam nje PD pa Berishen dhe Lulin” – shkruan ajo.

Mesazhin Jaku e ka postuar, duke i ktheyer edhe pergjigjen, qe e lexoni me siper.

S’kam thënë të vritet Vlahutin, por kam analizuar skenarin e vrasjes së saj…

Kastriot Myftaraj ka bërë një shënim në FB pas daljes nga burgu.

Ai thotë se nuk iu ka bërë thirrje shqiptarëve për vrasjen e Vlahutin, por ka analizuar skenarin e vrasjes së saj, që është edhe më e rëndë, pasi e ka bërë si fakt të kryer këtë akt.

Ja çfarë shkruan ai:

“Sqarim për arrestimin tim

Në mbrëmjen e 9 majit 2017 unë u arrestova me urdhër të oficerit të Policisë Gjyqësore të Drejtorisë së Hetimit të Akteve Terroriste me akuzën për “Thirrje publike për veprime të dhunshme”, sipas nenit 223 të Kodit Penal, me shkakun e shkrimit tim: “Aventura e çuditshme e një kurve kroate në Tiranë.”

Sipas urdhër-arrestit të lëshuar nga oficeri i Policisë Gjyqësore pretendohet se unë kam bërë “një shkrim me fyerje dhe ofendime dhe thirrje për veprime të dhunshme ndaj shefes së Delegacionit të Bashkimit Europian në Tiranë Romana Vlahutin.”

Sa i përket pretendimit për fyerje dhe ofendime, sqaroj se i jam referuar një artikulli të botuar në Kroaci, vendin e saj me titull “Romana Vlahutin- prva dama u sjeni”. Artikulli im nis pikërisht me një referim ndaj këtij artikulli të botuar në Kroaci. Unë kërkova në Fjalorin zyrtar të Gjuhës Shqipe, ndonjë fjalë që shpreh përmbledhtas kuptimin e atyre që thuhen për Vlahutinin në këtë artikull kroat dhe nuk gjeta tjerër fjalë më të përshtatshme veç fjalës “kurvë”.

Sa i përket pretendimit për thirrje nga ana ime për veprime të dhunshme ndaj Vlahutinit, unë sqaroj se fragmenti nga shkrimi im që sillet si provë për këtë gjë, është nxjerrë nga konteksti qëllimisht, për të tjetërsuar kuptimin. Nëse lexohet ky paragraf në kontekstin e vet do të shikohet se atë e kam thënë në kontekstin e analizës për lajmin për kërcënimin ndaj jetës së Vlahutinit. Duke bërë këtë analizë unë përpiqem të kuptoj se cili është rrethi i të dyshuarve për kërcënimin duke pasur parasysh atë që është thënë se kërcënimi i ka ardhur për shkak të veprimtarisë së saj. Dhe unë arrij në përfundimin se duke pasur parasysh që ajo kërkon të marrë rolin e guvernatores së pashpallur të Shqipërisë, i dyshuar për kërcënim mund të jetë çdo shqiptar i përgjegjshëm dhe që ka respekt për Kushtetutën e vendit të vet, ku nenin 3 përcaktohet sovraniteti si një nga bazat e shtetit. Ne të gjithë kemi pranuar që të japim sovranitet për të përfituar integrimin në BE, por jo të japim sovranitet në favor të njerëzve si Vlahutin, në rolin e guvernatores sorosiane të Shqipërisë.

Unë nuk u kam thënë shqiptarëve që të vrasin Vlahutinin, por thjesht kam analizuar skenarin e vrasjes së mundshme të saj. Unë në analizën time kam ngritur pyetjen nëse vrasja e Vlahutinit do të ishte akt terrorist. Vrasja e një diplomati të huaj të akredituar në një vend, është normalisht akt terrorist. Por kur një diplomat kryen qartazi veprimtari antikushtetuese, që cënon sovranitetin e vendit ku është akredituar? Në këtë rast do të ishte fjala për akt terrorist apo antiterrorist.

Megjithatë unë kam bindjen se kërcënimi ndaj Vlahutinit është një lajm i rremë sorosian, i dalë nga fabrika e lajmeve të rreme, megjithëse, sipas skenarit, dikush mund të jetë përdorur anonimisht për të bërë “kërcënimin”.

Duke shqyrtuar këtë historinë e kërcënimit të Romanës, del një pyetje: Pse nga të njëzet e më shumë ambasadorët e BE, OSBE që kanë qenë në Shqipëri gjatë këtyre 25 viteve, disa madje në kohë shumë të vështira, na qenka kërcënuar me jetë vetëm Romana Vlahutin?

Iu bëj thirrje miqve dhe mbështetësve të mi të posaçëm në Shqipëri dhe më gjerë, që të ruajnë gjakftohtësinë dhe të mos bëjnë veprime të cilat unë nuk i miratoj në ndëshkim të atyre që janë përgjegjës për këtë farsë ndaj meje.

I kërkoj Romana Vlahutin që në emër të Kushtetutës së Shqipërisë, në emër të konventave diplomatike ndërkombëtare, të largohet nga vendi im sa më parë.

Në ditët në vazhdim do të jap të dhëna të reja për përzierjen e sorosianëve në planin për krijimin e Jugosllavisë së Re, ku duhet të përfshihet dhe Shqipëria”.

Nëndega e LDK-së në Rashincë të komunës së Shtimes përmes një kumtese ka njoftuar se nuk e njeh më Isa Mustafën kryetar të kësaj partie.

9 kongresmenë amerikanë kanë zbarkuar sot në Tiranë ne nje moment qe kriza politike nuk ka marre zgjidhje dhe opozita nuk ka pranuar te futet ne zgjedhje teksa motoret e fushates per 18 qersorin jane ndezur.

Fillimisht kongresmenet jane takuar me Presidentin Nishani. “Presidenti Nishani dhe kongresmenët amerikanë diskutuan dhe ndanë mendime e pikëpamje mbi çështje të ndryshme si: situata politike në Shqipëri, zgjedhjet e ardhshme parlamentare, ecuria e reformës në drejtësi, rëndësia e shtetit ligjor, shqetësimi për dukurinë e kanabisit dhe trafikut të drogës, krimit të organizuar si dhe rreth buxhetit financiar për shpenzime ushtarake dhe mbrojtjen, duke pasur parasysh që Shqipëria është vend anëtar i NATO-s dhe aleat besnik e i ngushtë i Shteteve të Bashkuara të Amerikës. Në takim u vlerësua edhe roli institucional e përkushtimi i Presidentit Nishani në ndërmjetësimin e dialogut mes palëve politike në vend”, thuhet ne njoftimin e Presidences.

Me pas 9 kongresmenet dhe ambasadori Lu u priten nga kreu i Kuvendit, Ilir Meta.

Themeluesi i partisë ZGJIDHJA, Koço Kokëdhima, i ftuar në emisionin “Opinion” të gazetarit Blendi Fevziu është shprehur se situata e mbjelljes së kanabisit është një realitet që dihet nga të gjithë.

Arrestohet gazetari Kastriot Myftaraj. Prangosja e tij është bërë mbrëmjen e djeshme pas një shkrimi të publikuar me dt 7 maj në facebook, ku kërcënon dhe fyen ambasadoren e BE në Tiranë, Romana Vlahutin.

Ndalimi i tij është bërë nga njësia antiterror, pasi në shkrimin e tij Myftaraj bënte thirrje që çdo shqiptar që do atdheun e tij mund të vrasë Romana Vlahutin dhe ky do të ishte një akt antiterrorist, jo terrorist.

Në shkrimin e tij Myftaraj e akuzon ambasadoren e BE në Tiranë se punon kundër interesave të Shqipërisë si pjesë e tezës për Jugosllavinë e Re.

Vec nxitjeve për dhunë Kastriot Myftaraj përdor fyerje dhe ofendime ndaj ambasadores Valhutin.

Voal la botuar edhe shkrimin e Kastriot Myftarajt.

Formularët e deklarimeve në Komisionin Qendror të Zgjedhjeve kanë zbuluar disa gjëra të panjohura nga e shkuara e kandidatëve të regjistruar për garën parlamentare të qershorit.

Politikanë që ne i njohim me tjetër emër, me të cilin janë bërë edhe njerëz publikë, kanë në dokumentet e lindjes të tjerë emra.

Ky është edhe rasti i Skënder Gjinushit, kreu i Partisë Social Demokrate të Shqipërisë.

Ai në gjendjen civile ka qenë i regjistruar me emrin Sasha.

Në formular, në pjesën e sqarimeve për ndryshimin e të dhënave të gjeneraliteteve, apo kanë përdorur tjetër gjeneralite Gjinushi shënon si emër Sasha, e krah emrit, sqarimin “emri i regjistrimit, i papërdorur”.

Zyra për Institucionet Demokratike dhe të Drejtat e Njeriut e OSBE-së (ODIHR) hapi sot zyrtarisht misionin e vëzhgimit të zgjedhjeve parlamentare të 18 qershorit në Shqipëri.

Vëzhguesit e OSBE/ODIHR-it dhanë sot një konferencë shtypi në mesditë. Kreu i Misionit të Vëzhgimit të Zgjedhjeve të OSBE/ODIHR-it, ambasadori Peter Tejler, deklaroi se do të raportojë pas ditës së zgjedhjeve për ecurinë e procesit.

“E dimë që ky proces do të kundërshtohet nga disa parti, por detyra jonë është transparenca. Ne do t’i referohemi tërësisht procesit dhe jo garës mes partive politike. Vendimi për të garuar është vendim politik, por ne këtu jemi për të monitoruar zgjedhjet. Ne nuk mund të flasim nëse qëndrimi i opozitës është i drejtë ose jo. Misioni ynë është për të vëzhguar dhe jo për të bërë vlerësime” – tha zoti Tejler.

Misioni i vëzhgimit të zgjedhjeve i OSBE/ODIHR-it pritet të ketë rreth 300 vëzhgues afatshkurtër në të gjithë Shqipërinë ditën e zgjedhjeve.

Ky mision do të bashkëpunojë me një delegacion nga Asambleja Parlamentare e OSBE-së. Misioni i vëzhgimit të zgjedhjeve të OSBE/ODIHR-it dhe Prezenca e OSBE-së në Shqipëri veprojnë në mënyrë të ndarë dhe të pavarur sipas mandateve të tyre, theksohet në njoftimet e tyre.

Ministri i Brendshëm, Fatmir Xhafaj pranoi në “Top-Story” se ndaj kreut të opozitës ka patur një indicje për kërcënim.

Duke folur në emision, ai tha se kishin informacione për kërcënime të mundshme të politikanëve shqiptarë dhe në të përfshiu edhe kreun e PD-së.

“Është një situatë shumë i vështirë në rajon. Ka patur deklarata kërcënuese edhe nga eksponentë të ISIS për rajonin dhe nuk duhen neglizhuar. Gjithë ai përforcim për Pashkët, para dhe pas tyre lidhet me këto informacione. Duhen parë të gjitha, kërcënimet dhe përpjekjet për destabilitet në rajon”, u shpreh ai.

Ministri u pyet nëse ato përfshinin edhe kreun e opozitës dhe ai u përgjigj: “Kishim sinjalizim konkret për kërcënim edhe për zotin Basha. Ne morëm masat menjëherë dhe përforcuam sigurinë e tij”, u shpreh Xhafaj.

Xhafaj tregon arsyet e shtyrjes së zgjedhjeve në Kavajë: Kishte plan për të krijuar përplasje

Ministri i Brendshëm, Fatmir Xhafaj ka folur sot në një intervistë për “Top Story” në TCH ka treguar arsyet se përse u shtynë zgjedhjet e Kavajës.

Ai tha se ka pasur disa struktura brenda dhe jashtë PD-së që do të shfrytëzonin protestën paqësore të opozitës për të krijuar trazira dhe përplasje mes militantëve

“Kemi pasur të dhëna për disa struktura brenda dhe jashtë partisë demokratike që do të krijonin trazira në Kavajë. Ata ishin pjesë e strukturave partiake, por edhe elementë jashtë saj. Kemi pasur të dhëna nga burime tona dhe nga jashtë nesh dhe se do kishte përplasje gjatë votimeve”, tha Xhafaj.

PJESE NGA INTERVISTA

Sot është 8 Maji dhe duhet të kishim folur për zgjedhjet e Kavajës. Që nuk u mbajtën pas tërheqjes së kandidatit Socialist. Pas konferencës së KM Rama u shtuna zërat për një skenar destabiliteti. A do vihe në dyshim zgjedhjet e 18 Qershorit? Dilemat janë shtuar dhe nga pikëpamja e sigurisë e destabilitetit.

Vendimi lidhur me zgjedhjet në Kavajë nuk ka qenë i lidhur me Policinë e Shtetit. Përkundrazi, ajo ka qenë në krye të detyrës dhe në asnjë rast nuk ka shprehur pamundësinë e saj për të siguruar zhvilimin normal të zgjedhjeve. Në zbatim të ligjit ajo kish marrë të gjitha masat për të kryer ato detyra në mbështetje të procesit zgjedhor (pasi ligjërisht administrimi i zgjedhjeve është proces politik dhe Policia deh MPB kanë rol mbështetsë, jo në organizim).

Roli i PSH eshte garantimi i sigurisë për të drejtën kushtetuese. Shteti (Policia që e kap për detyrë) i garantonte zgjedhjet. Vendimi për të anulluar zgjedhjet në Kavajë nuk ka ardhur nga Policia. Sa i përket funksionit, detyrave të PSH sipas ligjit, kam qenë ibindur që ajo i kishte kapacitetet për të garantuar zgjedhjet, jo vetëm në Kavajë por në gjithë territorin. Vendimi është politik, marrë nga Kryeministri, në varësi të situatës së momentit.

Fundjava e kaluar intensive e dialogut, KM e pa të arsyeshme ndërmarrjen e një instrument ilegal si anullimi i zgjedhjeve. Për t’i dhënë PD-së një mundësi reflektimi vullnetmirë të këtij procesi negocimi. Gjë që u keqpërdor nga PD.

KM përdori dhe këtë argument lidhur me arsyetimin me nevojën për të mos i zhvilluar zgjedhjet në Kavajë. Kemi pasur një ligjërim të dhunshëm të PD, që synonin të transformoheshin në organizime konkrete me grupe jashtë strukturave oartiake të PD por nën udhëheqjen, nxitjen e e tyre, që do krijonin rrëmujë, intimidim në ushtrimin e votës, si alibi për dështimin e negociatave.

Komisariati 3 flet për bomba molotov në dyqane.

Jam në dijeni të burimeve nga Policia për identifikimin dhe procedimin e elementeve të tillë.

Nuk do ishte nga ana e protestuesve. Por më shumë do përdorej protesta paqësore e militantëve të PD pë të krijuar tensione dhe përplasje, të cilat ishin në dijeninë time dhe të Policisë tërësisht e aftë për t’i përballuar. Por situata të tilla mund të dalin dhe jashtë kontrolli, dhe mund të krijonin një alibi për dështimin e kompromisit për Zgjedhjet e 18 qershorit, për pamundshmërinë që kisht e negociata.

Nuk jemi në të njëjtën pikë sot. E enjtja, e premtja, e shtuna, kanë qenë ditë negociatash edhe me Presidentin dhe mbështetjen e partnerëve ndërkombëtarë për të gjetur një zgjidhje. Zgjedhjet në Kavajë nuk kanë as rolin as peshën e zgjedhjeve të përgjithshme. Për ne nuk kishte nevojë për test. Para një Finaleje nuk luhet kalceto.

KM nuk e dogji, por përdori mundësinë t’i jepte kundërshtarit politik heqjen e një alibie për mungesën e kompromisit.

Zoti Basha gjithë këto ditë flet gjëra që jam shumë i bindur nuk i beson as vetë. Ne (dhe agjenci të pavarura nga qeveria) nuk kemi pasur asnjë të dhënë për konflikt të brendshëm mes qytetarëve. Madje dhe mes militantëve të PS dhe PD ka pasur marrëdhënie korrekte. Qytetarët nuk kanë dashur trazira në qytetin e tyre, të nxitura nga PD. PD ka 1. Shkelur lirinë e votës mes presionit; 2 po shkelte Kodin Zgjedhor pasi një ditë para zgjedhjeve nuk lejohet asnjë tubim nga subjekte politike (s’ka rëndësi i regjistruar apo jo); 3. Ishte tubim i paligjshëm pasi Policia nuk kishte dhënë leje.

PD synonte të sillte militantë në një territor të vogël si Kavaja, duke i penguar qytetarët në të drejtën e tyre të ligjshme për të ushtruar të drejtën e botës.

Ndërsa flet nga Çadra, PD cënon të drejtën e votës. Ajo mund të mos dojë të marrë pjesë në zgjedhje, por shkel Kushtetutënm dhe ligjin kur shkel të drejtën e votës.

Jo, ne nuk mund të akuzohemi se po bëjmë shkelje. Në Kavajë kishte Polici për t’i garantuar zgjedhjet.

Ndalime kemi bërë për atë që prezupozohej se mund të ndodhë. Por jo arrestime, sepse nuk ndodhi diçka.

Ka pasur një shkresë të SHISH për trazira dhe a i ka shkuar ai MPB apo institucioneve të tjera?

Me SHISH kemi pasur një marrëdhënie shumë të mirë për organizimin e Pashkëve, periudhë e njëjtë me kërcënimet ndaj z.Basha por raste pa lidhje me njëra-tjetrën. Ishte gjykuar nga shërbimet e inteligjencës shqiptare dhe ndërkombëtarë se kishte persona që mund të organizonin aktivitete terroriste në territorin shqiptar. Këto janë procese që survejohen, janë më shumë se një moment i caktuar.

Deputetja e LSI-së Monika Kryemadhi e ftuar në emisionin “5 Pyetje nga Babaramo”, duke folur për situatën politike është shprehur se shkaktarët e krizës politike janë 2 partitë e vjetra.

Më tej ajo është shprehur se Rama është kryeministër legjitim, por nëse PD nuk e do të votojë LSI-në.

“Nëse demokratët nuk duan Ramën kryeministër, të votojnë LSI. PD ka frikë nga ndryshimet dhe humbja. Propozimi i Metës për qeveri besimi me konsultim partnerësh.

Reforma në drejtësi të mos përdoret si ‘kamxhik’ nga palët. LSI sot synon të jetë forcë e parë”-tha Kryemadhi.

Një shkrim i shkruar nga ish-zv.kryeministri Bashkim Kopliku, në të cilin fliste me nota negative për Presidenti Bujar Nishani, duket se është kthyer një telash për të.

Kryetari i opozitës, Lulzim Basha, mblodhi kryesinë dhe Grupin Parlamentar të Partisë Demokratike 30 minuta pasi Kryeministri Edi Rama kishte deklaruar se koha për të pritur demokratët kishte skaduar dhe ai do të niste fushatën zgjedhore, shkruan “Panorama”.

Vendimi i kreut të qeverisë nuk e shfaqi të shqetësuar Bashën përpara deputetëve dhe anëtarëve të kryesisë, kur deklaroi se zgjedhje pa opozitën më 18 qershor nuk ka për të pasur. Për këtë, Basha kujtoi rastin e zgjedhjeve për Bashkinë e Kavajës, për të cilat, sipas tij, Rama ishte zotuar se do të hynte edhe i vetëm dhe më pas u tërhoq, shkruan “Panorama”.

Në fokus të mbledhjes së Bashës me kryesinë dhe Grupin Parlamentar ishte organizimi për protestën e ditës së shtunë më datën 13 maj. Por ndonëse ishte menduar si një mbledhje që do të diskutonte vetëm mënyrën e organizimit të protestës së 13 majit, gjatë saj nuk kanë munguar debatet.

Deputetja e PD-së, Majlinda Bregu, i ka kërkuar Bashës që PD të mos bojkotojë procesin zgjedhor dhe të mos i cilësojë mospjesëmarrjet në zgjedhje si fitore duke iu referuar rastit të zgjedhjeve në Kavajë, shkruan “Panorama”. 

DEBATI 

Lulzim Basha: Kjo mbledhje njëkohësisht e Grupit Parlamentar dhe kryesisë së partisë është në funksion të organizimit të protestës së 13 majit që Partia Demokratike do të organizojë. Kjo duhet të jetë një protestë masive, e cila në vazhdim të asaj që realizuam më 18 shkurt, të tregojë vendosmërinë e kësaj beteje që kemi nisur. Puna për organizimin e një proteste shumë të madhe kishte nisur prej kohësh, e kam fjalën për atë që do të realizonim në Kavajë. Pavarësisht anulimit të saj, besoj se ajo që ndodhi me atë protestë duhet të jetë një rrugë e vlefshme për ne për atë që duhet të bëjmë në vijim. Kam pasur një takim me kryetarët e degëve dhe kam dhënë udhëzimet përkatëse për çdo strukturë. Kjo duhet të jetë protesta më e madhe që është organizuar në vend. Për këtë fakt, dua që të nisë menjëherë puna në terren nga secili prej jush për të mundësuar një tubim madhështor, i cili, dua të theksoj, duhet të jetë tërësisht paqësor.

Majlinda Bregu: Në fakt, unë nuk e shoh me vend mospjesëmarrjen në zgjedhje. Kam bindjen se kauza kryesore e Partisë Demokratike është dhe duhet të jenë zgjedhjet e lira e të ndershme, por druhem se përmes kësaj kauze po i japim një alibi Edi Ramës që të bëhet mret dhe të mretërojë në qetësi në parlamentin tjetër. Kjo është një çështje shumë delikate që po na vë në vështirësi edhe me miqtë tanë ndërkombëtarë, të cilët duhet ta themi se nuk e kanë lënë PD-në vetëm as në vitin 1997. E kam thënë edhe në mbledhjen e kaluar se personalisht besoj se zgjidhja politike duhet të vijë përmes një dialogu tuajin me Edi Ramën.

Lulzim Basha: E keni gabim. Jeni e bazuar në një premisë të gabuar, premisën e mospjesëmarrjes në zgjedhje. E kam thënë dhe e kemi thënë se nuk ka bojkot të zgjedhjeve, nuk ka mospjesëmarrje në zgjedhje nga ana e opozitës. Ne kemi vendosur për luftë totale, paqë- sore, për të mos lejuar marrjen peng të zgjedhjeve nga krimi dhe nga droga. Kaq e thjeshtë është. Por unë nuk mund të negocioj asgjë me një njeri që në një kohë që partnerët tanë ndërkombëtarë pranojnë përmasat e çështjes së drogës dhe përfshirjen e individëve me rekorde kriminale në poste të larta shtetërore, thotë se ato nuk ekzistojnë.

Majlinda Bregu: Unë kam qenë pjesë e atyre negociatave dhe kam qenë në dijeni të ofertës që do t’i bëhej Partisë Demokratike. Vendimi për ta refuzuar atë ofertë ka qenë i juaji, sepse Grupi Parlamentar nuk është mbledhur për t’u konsultuar ky vendim. Në gjykimin tim, refuzimi i paketës së zv.presidentit të PPEve, McAllister, është një gafë politike që do të mbahet mend shumë gjatë. Mua personalisht janë një sërë çështjesh që më bëjnë të ndihem keq. Ju thatë se fitorja e Kavajës të na shërbejë për të ardhmen, qofsha gabim, por nuk besoj se zgjedhjet, të cilat nuk zhvillohen, duhet të konsiderohen fitore.

Lulzim Basha: Edhe një herë po e përsëris se nuk kemi marrë asnjë vendim për të bojkotuar zgjedhjet parlamentare. Por zgjedhje fasadë të diktuara nga krimi dhe droga nuk do të lejojmë jo më 18 qershor, por në as në një datë tjetër. Jemin Gjana: Nëse ka një vendim për bojkot të zgjedhjeve parlamentare, ky vendim duhet të kalojë përmes kryesisë së partisë. Sepse këto janë vendime aq madhore sa mund t’i marrë vetëm kryesia dhe jo një individ i vetëm.

Majlinda Bregu: Unë nuk flas vetëm për 18 qershorin, sepse nëse flasim për atë datë, jam e bindur që më 18 qershor nuk do të ketë zgjedhje. Por pas kësaj situate që po përballemi, besoj se është detyrë e çdo demokrati të kontribuojë për rindërtimin e Partisë Demokratike. Vazhdimi i luftës politike jashtë institucioneve nuk e bën Partinë Demokratike më të madhe.

Ashtu siç kishte premtuar tashmë që është një anëtar i thjeshtë i Lëvizjes Socialiste për Integrim, ish-kryetari Meta, i zgjedhur President i republikës, ka nisur turin falenderues ndaj të gjithë personave që e mbështetën ndër vite si kryetar të kësaj force politike.

Ish-ministri i Drejtësisë Ylli Manjani, ka paralajmëruar tensione per shkak te konfliktualitetit politik qe eshte ne kulm.

I ftuar në studion e Ora News, Manjani tha se vendi po shkon drejt përplasjes për shkak të polarizimit politik. Sipas tij, për herë të parë që nga viti 1991, po hyhet me leva në zgjedhje duke sajuar opozita.

“Vendi tashmë në kuptimin e polarizimit politik po shkon drejt përplasjes dhe kjo është një gjë e pa dëshiruar dhe është një gjë që ata që po e kurdisin po bëjnë gabim shumë të rëndë. Besoj kriza ka dy anë. Për fat po pranohet që jemi në krizë politike pasi sot ishim në fazën e mohimit. Edhe farsa e regjistrimit të partive dhe listave të kandidatëve në mënyrë të paligjshme. Merreni dhe lexojeni si të doni ligjin.

Në orën 12 të natës më 28 prill ka përfunduar afati ligjor. Afate politike ka sa të duash. Nuk na kishte ndodhur deri më sot që pas 91-t të hyjmë në zgjedhje me levat e partisë, të sajojmë parti të krijojmë opozitën. Kjo nuk është normale. Përplasja është e padëshiruar. Unë nuk e di se çfarë duhet të ndodhi më shumë për të kuptuar se vendi po shkon në përplasje.

Kur i fiton zgjedhjet pse duhet të jesh arrogant? Këtë nuk e kam kuptuar asnjëherë. Sa më shpejt të ulesh në tryezë me opozitën aq më shpejt do të shkohet në zgjedhje. Sa më gjatë, opozita do të radikalizohet. U pa çadra me përçmim, jo kriminelë, jo vettingu. Janë shqiptarë edhe ata nuk janë serbë dhe kjo është e patolerueshme.

Zgjedhje pa opozitën nuk ka. Unë nuk mund të them kush ka të drejtë, por jam i bindur dhe mbetem i bindur se arroganca është arsyeja e kësaj krize. Jam i bindur se sistemi politik në Shqipëri është në krizë të thellë prej vitesh. Pa diskutim dashuriçkat e Partisë Demokratike dhe Partisë Socialiste në kurriz të Kushtetutës së vendit kanë këtë pasojë. E gjithë kjo situatë kërkon zgjidhje.

Bota demokratike kërkon zgjedhje dhe pjesëmarrje të të gjitha partive. Pavarësisht nga ndonjë ambasadori/reje, e cila sillet vërdallë këtu për agjenda të tyre. Është detyrë e shtetit shqiptar të realizojë këto zgjedhje.

Kryeministri duhet të paguaj koston e arrogancës që ka sjellë krizën politike në këtë vend, qoftë edhe me dorëheqje. Zgjedhjet i ka të fituara, çfarë problemi ka? Përballë përplasjes së shqiptarëve, do ketë zgjidhje edhe më të buta. Edhe më të përgjegjshme”, tha ai.

Analistet parashikojne dite te veshtira ne vijim. Ne nje shkrim per “javanews”, Skender Minxhozi mendon se kreu i PD Lulzim Basha, pasi nuk ia doli me zgjedhjet ne Kavaje se PS terhoqi kandidatin e saj, do beje qe te deshtojne edhe zgjedhjet e pergjithshme ne 18 qershor.

“Po hyjmë në një 40 ditësh të nxehtë fushate elektorale, ku do të kryqëzohen rrezikshëm dëshirat dhe trysnitë diametralisht të kundërta të dy kampeve, të cilët do të kërkojnë me çdo kusht që ta çojnë kudërshtarin në disfatë.

Edi Rama duke kryer procesin formal të rinovimit me votë të mandatit më 18 qershor, kurse Lulzim Basha duke bërë që të dështojë edhe dita e zgjedhjeve të përgjithshme.

Ashtu siç dështoi Kavaja. Dy ushtri të rreshtuara përballë, por që në mes do të kenë edhe një herë, si përherë, arbitrat e huaj. Ata që historikisht na kanë thënë nëse kemi bërë mirë a keq, nëse e kalojmë klasën apo mbetemi për vjeshtë, nëse votuam siç duhet apo duhet të votojmë nga e para.

Por me një ndryshim: kësaj rradhe ata kanë folur ende pa u hedhur asnjë fletë votimi në kutitë e 18 qershorit. Zgjedhjet janë legjitime, ky është verdikti i tyre!”, shkruan Minxhozi.

Komisioni Qendror i Zgjedhjeve zhvilloi  mbledhjen e radhës ku në rend te ditës ishte shqyrtimi i listave të kandidatëve për deputetë për zgjedhjet parlamentare i 8 subjekteve politike, mes tyre PS, FRD dhe Partisë Komuniste.

Tre anëtarët e opozitës braktisën sot mbledhjen e KQZ, ku po shqyrtoheshin listat të kandidatëve për deputetë. Largimi nga mbledhja erdhi pas rrëzimit me votë nga katër anëtarët e mazhorancës të propozimit të nënkryetarit të KQZ, Hysen Osmanaj, për shtyrjen me 24 orë të shqyrtimit të listave të 5 partive.

“Unë them që 5 parti: Aleanca Demokratike, Aleanca Demokristiane, Aleanca Arbnore Kombëtare, Fryma e Re Demokratike dhe  Partia Komuniste e Shqipërisë, të merren në shqyrtim nesër, ka afat dhe të shtyhet 24 orë.

Osmanaj tha gjatë mbledhjes se “materialet na kanë ardhur në orën 16:00 dje ose më vonë, më rezultojnë se kanë parregullsi të mëdha. Propozoj që 5 parti të mos i kalojmë sot. Të kalojmë partitë që nuk kanë lista mbështetëse, Partinë Socialiste, Partinë Kristian Demokrate, Aleancën Popullore për Drejtësi dhe Partinë Socialdemokrate. Kemi 48 orë afat, pra kemi afat edhe nesër për ti verifikuar”.

Rendi i dites

1-    Për miratimin e listave shumemёrore të Partisë Aleanca Demokratike, për zgjedhjet për Kuvendin e Shqipërisë të vitit 2017.

 2-    Për miratimin e listave shumemёrore të Partisë Socialdemokrate, për zgjedhjet      për Kuvendin e Shqipërisë të vitit 2017.

 3-    Për miratimin e listave shumemёrore të Partisë Socialiste të Shqipërisë, për zgjedhjet për Kuvendin e Shqipërisë të vitit 2017.

 4-    Për miratimin e listave shumemёrore të Partisë Aleanca Demokristiane, për zgjedhjet për Kuvendin e Shqipërisë të vitit 2017.

 5-    Për miratimin e listave shumemёrore të Partisë Aleanca Arbnore Kombëtare, për zgjedhjet për Kuvendin e Shqipërisë të vitit 2017.

 6-    Për miratimin e listave shumemёrore të Partisë Aleanca Popullore për Drejtësi, për zgjedhjet për Kuvendin e Shqipërisë të vitit 2017.

 7-    Për miratimin e listave shumemёrore të Partisë Fryma e Re Demokratike, për zgjedhjet për Kuvendin e Shqipërisë të vitit 2017.

 8-    Për miratimin e listave shumemёrore të Partisë Komuniste të Shqipërisë, për zgjedhjet për Kuvendin e Shqipërisë të vitit 2017.

 9-    Për miratimin e listave shumemёrore të Partisë Kristian Demokrate, për zgjedhjet për Kuvendin e Shqipërisë të vitit 2017.

Një ditë më parë me anë të një statusi në “Facebook”, kryeministri Edi Rama postoi një foto ku ironizonte kreun e PD-së Lulzim Basha, ish-kryeministri Sali Beridha dhe kreun e Partisë Demokristiane Nard Ndoka.

Por sikundër është bërë traditë pas çdo komenti nga ana e qytetareve, kryeministri Rama në shumicën e rasteve nuk heziton pa iu kthyer përgjigje.

Në këtë posti një qytetarë i ka shkruar që të lërë këto ironia por të shpjegojë se çfarë do vrasësi i 21 Janarit tek listat e rilindjes.

Lidhur me këtë koment vetë Rama ka reaguar duke i thënë qytetarit se nuk di çfarë flet.

Komentuesi: Leri mor keto ti po shpjego cdo vrasesi i 21 janarit ke listat e rilindjes??? Apo e shperblyet per planin qe jau coi deri ne fund (( i dhate urdher te vrase qe ta kthenit ne ceshtje kombetare dhe te akuzonit ishkryeministrin si vrases))) spaska pas me plera e intrrigante se ju rilindasit tere jeten me eliminime personash per pushtet jeni marre e keta dele idiote qe ju ndjekin nga prapa si servila 24 karatesh. Jepi pergjigje pyetjes pse eshte ke listat vrasesi??? Po ske nje pergjigje ti je ai qe duhet denuar per kospiracion dhe organizim per eliminim personi per perfitim pushteti.

Rama: O Ervin, o gjynahqar qe s’di cfare flet po shkruan e shan si te jesh dehur ne Cader?🙄Cili vrases i 21 janarit o i dehur nga genjeshtrat e rrugeve, qe u thua dele idiote njerezve, nderkohe qe je shqepur me bar Cadre e pellet ketu si te kishe kater kembe e veshe me te gjate se kembet!🙉 Jo or jo, eshte genjeshter nga ato me bishtin e gjate si ajo qenia me te cilen ngjan ti kur shan njerezit dhe je ti qe duhesh denuar si ata nxenesit e keqinj qe i vinte mesuesja te rrinin me nje kembe para klases ne tetevjecare😂

“Fitoren e parë e mori PD…”, reagon Rama: Ja pse me 7 Maj s’kishte ndeshje

Pas terheqjes së Ramës nga gara për zgjedhjet e Kavajës, të shumta kanë qenë komentet dhe reagimet nga ana e qytetarëve të cilit i shkruajnë në postimet e tij në “Facebook”, se kjo është vetëm fitorja e parë për PD-në.

Një prej komentuesve i shkruaj se për rastin e Kavajës, kjo është vetëm fitorja e parë për PD­-në.

“Fitoren e parë e mori PD ja i pa fuqishem shteti para Lulit kjo do me thënë se s’ka shtet nuk ka forcën, për të garantu zgjedhje të lira prandaj ik sa më shpejt e leje populli të qetë”, shkruan qytetari.

E fill pas kësaj i është përgjigjur kryeministri Rama, i cili i tha se “Arben, fitore pa ndeshje pastë gjithmonë Luli se vetëm ato ka pasur që kur e ka marrë Doktori për dore dhe e ka futur në politikë, sa për shtetin rri i qetë se shteti nuk është për të marrë pjesë në stervitjet e Lulit”.

Gjatë një takimi me socialistët dhe mbështetësit e partisë ZGJIDHJA në Pogradec, drejtuesi i saj, Koço Kokëdhima deklaroi se partia e tij nuk do të futet në zgjedhje parlamentare me sistemin aktual zgjedhor. “ZGJIDHJA nuk do futet kurrë në zgjedhje jogjithëpërfshirëse.

“Zgjidhja” nuk do futet kurrë në zgjedhje pa opozitën. “Zgjidhja” nuk do të legjitimojë kurrë zgjedhje që përçajnë popullin tonë. “Zgjidhja” do udhëheqë luftën për zgjedhje të lira e të ndershme.

Ne nuk do të futemi në zgjedhje që i administrojnë partitë e mëdha. Ne nuk do të pranojmë kurrë të futemi në zgjedhje me këtë sistem. Ne nuk do t’ia besojmë kurrë numërimin dhe administrimin e votave tona Rilindjes dhe PD-së!”- u shpreh Kokëdhima përpara të pranishmëve.

Duke komentuar anulimin e zgjedhjeve të parashikuar në Kavajë të dielën, Kokëdhima tha se ai e kishte  paralajmëruar këtë. “Disa herë kam deklaruar se zgjedhjet e 7 majit, dhe bashkë me to edhe zgjedhjet e 18 qershorit, janë hedhur në erë. Nëse zgjedhjet e 18 qershorit do të imagjinoheshin pa opozitën, qeveritarët e Tiranës duhet ta dinë se vendi do të destabilizohet dhe do kthehet në kohën kur bandat do dilnin rrugëve.

Të gjitha projeksionet ekonomike për 2017 dhe për vitet që vinë do të përmbysen. Nga një situatë e tillë do të përfitonin ata që duan destabilizimin e Shqipërisë, armiqtë e saj dhe bota e krimit dhe kriminelëve të të gjitha llojeve”-u shpreh drejtuesi i partisë “Zgjidhja”.

Kokëdhima akuzoi Ramën se është përpjekur të fshehë e të mohojë të vërtetën e krizës së thellë dhe të shumëfishtë që ka përfshirë vendin tonë. “Ai u përpoq të manipulojë opinionin e brendshëm dhe t’u hedhë hi syve partnerëve ndërkombëtarë vetëm e vetëm për të mos bërë reformën zgjedhore, liberalizimin e tregut elektoral dhe pastrimin perfundimtar të zgjedhjeve, vetëm e vetëm për të mbajtur në këmbë zgjedhjet e manipuluara dhe pa standarde”.

Kokëdhima u shpreh se për ta bërë Shqipërinë që duan të gjithë shqiptarët ai do të synojë të jetë së afërmi kryeministër: “Unë dua të bëhem kryeministri juaj në të arthmen e afërt për të kryer ato vepra që sot ju duken ëndrra dhe iluzione, por që nesër do të jenë realitet po të udhëhiqemi nga treshja e vlerave kardinale: ndershmëria, atdhedashuria dhe profesionalizmi”

Fjala e plotë e Kokëdhimës në Pogradec

Të dashur miq!

Ju falenderoj nga zemra për pjesëmarrjen dhe për mbështetjen. Kudo në Shqipëri, njerëzit na kanë pritur  në mënyrën më të shkëlqyer. Sallat e takimeve tona janë rrafsh dhe duken të vogla. Njerëzit e presin Zgjidhjen me entusiazëm dhe besim. Tezat, idetë, propozimet dhe qëndrimet e “Zgjidhjes” kanë përkrahje të gjerë në rradhët e popullit, por sidomos në rradhët e rinisë universitare dhe shkollore, në rradhët e rinisë dhe të gruas në fshat e në qytet. Rinia dhe gratë janë mbështetja më e madhe e “Zgjidhjes”.

Me sa duket nga rinia dhe gratë do vijë energjia më e madhe transformuese e “Zgjidhjes”. Rinia dhe gruaja është pjesa më e ndershme e shoqërisë shqiptare, pjesa më e pastër dhe më e painfektuar nga degradimi moral i shoqërisë, nga mëkatet e mëdha që u bënë në këto vite kundër natyrës, mjedisit, shtetit dhe ligjit, kundër jetës, shëndetit dhe sigurisë së njerëzve, kundër ekonomisë, mirëqenies dhe pasurisë publike e kombëtare, kundër meritës, edukimit të shëndoshë, vlerave, parimeve të demokracisë dhe zakoneve të mira të vendit.

Rinia dhe gruaja do të bëjnë ndryshimin. Ato do të jenë burimi kryesor i energjisë që do të mobilizojë “Zgjidhja” për të bërë katharsisin që i duhet shoqërisë shqiptare për t’u çliruar nga këto mëkate dhe nga kjo elitë e degjeneruar politike, nga kasta sunduese e korruptuar, nga ky sistem i kalbur politik dhe nga ky regjim antidemokratik, nga tirania e skamjes dhe e korrupsionit, nga tirania e krimit dhe e hashashit. Rinia dhe gruaja janë zgjidhja.

Me këtë nuk dua të them se burrat nuk janë të rëndësishëm për Zgjidhjen. Ne vlerësojmë çdo qytetar të Shqipërisë. Çdo individ ka rëndësi të madhe. Ne do u japim vëmendje e mbështetje, dëgjim e respekt të gjithë njerëzve të thjeshtë të këtij vendi. Të gjithë njerëzit e haruar, të shkelur, të varfër e të përbuzur kanë një rol të madh për të kryer, kanë një punë të madhe për të bërë me zgjidhjen: Krah për krah me rininë dhe gratë të përmbysim këtë konjukturë dhe këtë regjim antidemokratik e mizor që sundon prej 25 vitesh në Shqipëri.

Kam kënaqësinë e veçantë t’ju prezantoj Kryetaren e rinisë së “Zgjidhjes” së Shqipërisë dhe Kryetaren e Gruas së “Zgjidhjes” së Shqipërisë, respektivisht Ermela Demollaj, shkurtimisht Mela Demollaj dhe Anelita Lila, shkurtimisht Ana Lila. Ermela Demollaj është 30 vjeçe. Ajo ka studiuar kontabilitet. Është një vajzë me cilësi të jashtëzakonshme, shumë punëtore dhe e zonja, me shpirt sipërmarrës dhe guximtare, me iniciativë dhe trimëreshë. Ajo do ta udhëheqë rininë e “Zgjidhjes” me kompetencë e përgjegjësi të madhe. E ftoj këtu përpara jush.

Kryetare e gruas së “Zgjidhjes” në Shqipëri është Anelita Lila. Ajo ka studiuar psikologji. Është 35 vjeçe. Ka përvojë të gjërë pune në media, biznes, marketing e menaxhim. Ka njohje të gjera. Është nënë dhe ka një bashkëshort të shkëlqyer që e mbështet me përkushtim të rrallë në karrierën e saj. Ana ka cilësi të larta. Është e vëmendshme dhe një luftëtare e vendosur për të drejtat e grave, për lumturinë e tyre dhe të popullit tonë. Ajo do jetë një politikane e rëndësishme e “Zgjidhjes” dhe e Shqipërisë. Ejani këtu, ju lutem,  zonja Anelita.

Ju uroj shumë suksese në detyrat tuaja shumë të larta. Ju siguroj se rinia dhe gratë e Shqipërisë do ju japin një mbështetje të jashtëzakonshme. Ftoj të gjithë të pranishmit në sallë, t’i përcjellim Ermelën dhe Anelitën me shumë duartrokitje.

Pogradeci është një qytet i dashur jo vetëm për ju por për gjithë shqiptarët. Unë kam pasur rastin e lumtur në jetë të njoh djem e vajza dhe burra e gra plot talente si piktori i shquar Anastas Kostandini që i bën nder Pogradecit dhe Shqipërisë dhe këngëtaren e dashur Ermira Babaliu. Ardi Fejzullari është një artist i fotografisë që punon e jeton këtu që ashtu si Taso duan të provojnë se ky vend nuk do shuhet kurrë dhe do vazhdojë të nxjerrë e të ketë artistë të mëdhenj dhe njerëz të mirë. Jam shumë krenar për miqtë e mi dhe bashkëpuntorët e shquar e të dashur që kam bërë në jetë nga kjo trevë si Sajmir Aliçkollin, Erjon Gjergon, i cili fatkeqësisht nuk jeton më, Rudi Bregun, Vilma Lamçen, Enkelejda dhe Arlinda Purën, Irida Hamzallarin, Denisa Petrën, Laerta Xhanin, Marsela Kollçaku e shumë të tjerë që të më falin se nuk mund t’i përmend dot të gjithë.

Situata në Shqipëri është shumë e ndërlikuar. Vendi po përgatitet për zgjedhjet e 18 qershorit. Këto zgjedhje nuk do jenë as të lira, as të ndershme, as gjithëpërfshirëse dhe as paqësore. Është hera e parë në historinë e zgjedhjeve shqiptare ku populli ynë shkon i përçarë. Kriza që ka përfshirë vendin është e thellë, e plotë, e gjithanshme dhe e shumëfishtë. Qeveria dhe elita politike përpiqen të fshehin përmasat dhe rrënjët e vërteta të kësaj krize. Edhe Partia Demokratike nuk i thotë të gjitha të vërtetat e kësaj krize, i fsheh një pjesë ta madhe të tyre. Partia Demokratike e provokoi me çadrën dhe protestën e saj të pandërprerë këtë krizë që në të vërtetë është krijuar nga abuzimet dhe keqqeverisja e elitave politike të të dy krahëve në vite.

Shqipëria është sot vendi më i varfër, më i korruptuar dhe më i pashpresë në kontinent. Papunësia është shumë e lartë, pagat shumë të vogla, niveli i lirive është më i ulët se kurrë. Popullit i janë grabitur dhe nëpërkëmbur të gjitha të drejtat esenciale dhe elementare, përfshi të drejtën për të jetuar në tokën e vet. Në vend të demokracisë kushtetuese këtu sundon regjimi i partitokracisë, një konjukturë dhe oligopol i kryetarëve të partive të mëdha që ka kriminalizuar deri në palcë çdo qelizë të shtetit dhe të shoqërisë shqiptare. Ky rregjim ka përjashtuar popullin nga e drejta e pjesëmarrjes në qeverisje dhe e  ka përqëndruar këtë në 4-5 duar.

Regjimi i partitokracisë, i përdor të gjitha burimet financiare, natyrore, materiale dhe njerëzore të shtetit dhe të pushtetit për të bërë para dhe pushtet për kryetarët e partive dhe klikat e tyre. Paratë këta i përdorin për të shtuar e kontrolluar pushtetin dhe për të bërë vota. Votat i përkthejnë në pushtet. Dhe pushtetin e përdorin për të bërë para me tendera, koncensione, shitje vendesh pune, shërbimesh e të drejtash publike dhe përmes trafikimit dhe tradhëtimit të interesave shtetërore.

Ka shumë ngjashmëri në veprimtarinë politike të kryetarëve dhe partive politike shqiptare të këtyre 25 viteve. Të gjithë kryetarët e partive dhe klikat e tyre kanë ndjekur të njëjtin parim: Qëllimi i vetëm i kryetarëve dhe klikave të tyre në ushtrimin e pushtetit është rritja e pushtetit dhe parave të tyre. Ndërkohë qëllimi i vetëm i rritjes së parave dhe pushtetit të kryetarëve të partive dhe klikave të tyre në pushtet, është rritja e mëtejshme e pushtetit dhe pasurisë së tyre! Me fjalë të tjera: Qëllimi i rritjes është vetëm rritja në fjalë. Kjo është ideologjia e qelizave të kancerit! Ato shtohen vetëm për t’u shumëfishuar me shpejtësi marramendëse. Nuk kanë asnjë funksion tjetër jetësor. Përkundrazi, shkatërojnë çdo funksion jetësor të trupit ku mbijnë dhe rriten!

Ja pse partitokracia që sundon në Shqipëri po i varros aspiratat e shqiptarëve që rrëzuan komunizmin me shpresë se këtu do të sundonin liritë politike, të mendimit, opinioneve e të shprehjes, liritë ekonomike, njerëzore e qytetare, liria e konkurencës dhe shteti ligjor, shpresa dhe besimi, e drejta për të punuar dhe për të jetuar me dinjitet, për t’u shërbyer me kompetencë dhe mirësjellje nga administrata dhe pushteti, e drejta për të zgjedhur, e për të refuzuar, e drejta për t’u dëgjuar me respekt dhe për t’u zgjedhur lirisht.

PD dhe PS janë bashkëpërgjegjëse për këtë krizë të rëndë që po përjeton Shqipëria. Kjo krizë e shumëfishtë, ekonomike, besimi, vlerash, morale dhe politike, ka në themel shkatërrimin e zgjedhjeve të lira e të ndershme, shkatërrimin e të drejtës së popullit për të zgjedhur përfaqësuesit e tij, për të ushtruar sovranitetin përmes votës dhe për të marrë pjesë në qeverisjen e vendit. Ka në themel uzurpimin dhe shkatërrimin e partive politike nga oligarkët e dalë nga elita e korruptuar politike që po i pinë gjakun popullit shqiptar.

Këta politikanë dhe qeverisjet e tyre janë cinikë, të pashpirt e mizorë. Ata jo vetëm që nuk mendojnë për popullin tonë të shumëvuajtur dhe për nevojat e qytetarëve të thjeshtë, për njerëzit që e nxjerrin bukën dhe jetën e tyre me djersën e ballit, por mendojnë se sa më i mjerë e i këputur të jetë ky popull, sa më i shkelur e i varfër, sa më i përbuzur e i nëpërkëmbur; sa më i harruar e i nënvleftësuar të jetë qytetari shqiptar, aq më i sigurtë dhe më i gjatë është sundimi i tyre.

Kriza që ka filluar të shfaqet është vetëm maja e ajsbergut. Nën terrin mediatik dhe propagandistik që përhap qeveria, situata po zjen. Populli e di shumë mirë se kjo kastë politike ka 25 vite që e mashtron dhe e vjedh, nuk u zë më besë këtyre politikanëve. Shqiptarët e shtypur e të vjedhur po zgjohen e po lëvizin, po ndërgjegjësohen e po gatiten për luftë.

Kjo luftë nuk do të bëhet për kauzat e PD-së. Sistemi politik dhe elektoral që kemi sot është ai që ndërtoi Berisha dhe Rama dhe që e la në fuqi Berisha përpara katër vitesh. Nga ky sistem dhe nga të dy palët në fjalë kanë vuajtur dhe po vuajnë të gjithë në Shqipëri. Ky sistem është ngritur në kundërshtim me nenin 2 të kushtetutës që thotë se: “1. Sovraniteti në Shqipëri i përket popullit. 2. Populli e ushtron sovranitetit nëpërmjet përfaqësuesve të tij ose drejtpërsëdrejti”.

Kjo luftë do të bëhet për kauzat e lirisë e të sovranitetit të popullit. “Zgjidhja” do qëndrojë në krye të kësaj lufte. Është moment historik. Momenti për të vendosur zgjedhjet e lira, demokracinë kushtetuese dhe sovranitetin e popullit shqiptar. Kjo do të bëhet vetëm me angazhimin e drejtpërdrejtë të popullit siç përcaktohet në nenin 2 të kushtetutës.

Po fillon rrëzimi, rrënimi, përmbysja dhe shkatërrimi i kastës së korruptuar dhe i regjimit kriminal të partitokracisë që ka sunduar në Shqipëri këto 25 vite, regjimi i kryetarëve të partive, tirania e korrupsionit dhe e hashashit, rregjimi që i ndan institucionet e shtetit në feude për servilët dhe shërbëtorët e pushtetit të kryetarit, rregjimi i pashallarëve të zinj!

Partia Demokratike dhe Partia Socialiste kanë ndërtuar regjimin famëkeq të partitokracisë. Ato kanë monopolizuar dhe shkatërruar zgjedhjet. Në Shqipëri nuk bëhen zgjedhje të lira e të ndershme. Vetëm 4 parti numërojnë e rindajnë sipas qejfit votat e gjithë partive të tjera. Militantët e tyre të urdhëruar vjedhin e shqyejnë votat në çdo palë zgjedhje. Partia Demokratike dhe Partia Socialiste vjedhin dhe deformojnë çdo palë zgjedhje edhe kur janë në pushtet edhe kur janë në opozitë. Kuptohet se kush është në pushtet vjedh, blen e deformon më shumë vota.

Misionet e huaja të monitorimit dhe çertifikimit, kanë dështuar plotësisht të ndihmojnë Shqipërinë të bëjë zgjedhje të lira e të ndershme. Diplomatët e huaj kanë në Tiranë ndikimin më të madh që kanë shërbimet e ngjashme dhe kolegët e tyre në vendet e tjera. Kjo ndodh jo vetëm për faktin se qeveritarët e politikanët e Tiranës, sa janë brutalë e arrogantë me qytetarët dhe popullin e Shqipërisë, aq edhe më shumë janë servilë e të përunjur ndaj diplomatëve të huaj, por ciç e dimë të gjithë, këta qeveritarët tanë janë të korruptuar e të kapur dhe lehtësisht të shtërnguar nga presioni ndërkombëtar.

Me të drejtë opinioni publik shqiptar ngre dyshime për këta diplomatë të huaj që çertifikojnë zgjedhjet shqiptare si të pranueshme pavarësisht problemeve për 23 vite me rradhë. Ata e dinë shumë mirë se zgjedhjet shqiptare janë të papranueshme në botën e sotme demokratike. Unë dua t’i pyes publikisht këta ambasadorë të huaj: pse ja bëni Shqipërisë këtë gjë që nuk do e pranonit kurrë për vendet tuaja?

Unë nuk dua t’i bashkohem opinionit që ndeshet gjthnjë e më shpesh se disa diplomatë të huaj mbyllin sytë ndaj keqqeverisjes dhe zgjedhjeve pa standarde në Shqipëri sepse ata përfshihen në interesa specifike me qeverinë. Zullumi me zgjedhjet është trashur në ekstrem, nuk mban më dhe do të këputet.

Në se këto zgjedhje do bëheshin në një vend nga vijnë zotërinjtë diplomatë në fjalë, vendet e tyre do përfshiheshin në zjarr, në flakë e në përleshje. Këta diplomatë e dinë shumë mirë se pa zgjedhje të lira e të ndershme sistemi nuk funksionon, elitat politike nuk përtërihen, demokracia kushtetuese shndërrohet në një farsë dhe asnjë reformë tjetër nuk jep rezultate. Si mund të pretendojnë këta diplomatë për reformë drejtësie në Shqipëri kur ky vend nuk bën dot zgjedhje të lira e të ndershme? Kjo nuk qëndron, nuk bën sens.

Reforma zgjedhore dhe pastrimi përfundimtar i zgjedhjeve në Shqipëri është reforma e të gjitha reformave, është mëma e të gjitha reformave. Fakti se këta diplomatë të huaj me influencë të madhe në qeverisjen e vendit tonë për kaq kohë injorojnë plotësisht situatën reale të zgjedhjeve, e vë në dyshim gjithë sinqeritetin e tyre në investimin për reformën në drejtësi. Drejtësinë e Shqipërisë nuk do e regullojnë as këta diplomatë dhe as elita e korruptuar politike e Tiranës. Qeveria e ka bërë, e bën dhe do e bëjë korrupsionin edhe në të ardhmen.

Qeveritarët e majtë e të djathtë dhe elita politike shqiptare janë burimi më i madh i korrupsionit edhe në drejtësi. Drejtësia dhe çdo pushtet tjetër në Shqipëri do të fillojnë të regullohen vetëm kur sovrani të vendoset në rolin e vet në demokraci, në rolin e sovranit. Vetëm kur populli të zgjedhë vetë përfaqësuesit në të gjitha pushtetet përmes primareve dhe përmes zgjedhjeve të lira e të ndershme me standarte dhe gjithëpërfshirëse si në të gjitha vendet e tjera demokratike të botës.

Si mund t’i besojmë këta diplomatë që thonë se mund të bëhet reforma në drejtësi edhe pa zgjedhje të lira e të ndershme, me zgjedhje pa standarde dhe jo gjithëpërfshirëse? Me këto zgjedhjet pa opozitën i bie që lidershipi i Rilindjes do të jetë edhe qeveria edhe opozita e ardhëshme. Kështu reformën në drejtësi do e bëjë Rilindja me kukullat e saj. Po kush shqiptar mund të besojë se Rilindja do bëjë reformën në drejtësi? As Rilindja vetë nuk beson te drejtësia e saj.

Rama është një kryeministër me një qeveri që ndërhyn tek njerëzit e drejtësisë, bën shantazhe e presion mbi çdo gjykatës dhe te çdo trup gjykues, kap prokurorët dhe ndërhyn te policët gjyqësorë, porosit procese e dënime penale për emra e persona të veçantë, urdhëron vetë dënime e ndëshkime të çdo lloji, pushon njerëz të thjeshtë nga puna për shkak të dallimeve të pikëpamjeve politike e filozofike, largon nga forumet e partisë pa asnjë rregull, forcërisht e me dhunë, çdo person që mendon ndryshe nga ai.

Të besojmë se këta ambasadorët në fjalë janë naivë dhe mendojnë se zoti Rama si “sulltani i vogël” i parlamentit të ardhshëm jopluralist do t’u japë shqiptarëve drejtësinë e ëndërruar dhe të bëjë drejtësinë të aftë për të kapur dhe ndëshkuar korrupsionin e qeverisë dhe zyrtarët e tij të lartë që merren me narkotrafikun. Ky duket si vetëmashtrim. Të gjithë thonë gjërat që duan të dëgjojnë veshët e shqiptarëve të thjeshtë e të lodhur, por nuk janë duke bërë në fakt çfarë duan shqiptarët. Të gjithë janë duke bërë punët e tyre.

Reforma në drejtësi ka dështuar bashkë me dështimin e reformës zgjedhore. Këto janë dy dështimet më të mëdha të kësaj qeverie. Shqipëria nuk mund të ngrejë kokë nëse nuk bën reformën zgjedhore, votimin elektronik në qendrat e votimit, numërimin elektronik, zëvendësimin e administratës zgjedhore partiake me një administratë zgjedhore shtetërore, futjen në fuqi të një pakete të plotë me masa të rrepta ligjore që do të garantonin pastrimin e zgjedhjeve nga çdo fenomen i deformimit, cenimit dhe tjetërsimit të vullnetit të zgjedhësve. Duhet gjithashtu të ndërhyhet në kodin elektoral dhe në kushtetutë për t’i dhënë zgjidhje problemeve që kanë ngritur partitë e vogla, nevojës për hapjen e tregut politik, për respektimin e konkurrencës dhe diversitetit të përfaqësimit të votës së popullit në parlament.

Dua t’i pyes publikisht edhe një herë diplomatët e huaj në Tiranë: Kur e mendoni ju se është momenti që Shqipëria dhe shqiptarët të meritojnë zgjedhje të lira e të ndershme me të njëjtat standarde si për të gjithë popujt e tjerë të demokracive perëndimore? Shqiptarët janë populli më proamerikan dhe më proeuropian në botën europiane. Ata kanë zgjedhur me besim të thellë dhe me koshiencë të plotë kombëtare, politike dhe kulturore të integrohen plotësisht në NATO dhe në BE. Megjithatë, shqiptarëve prej 23 viteve ju mohohet e drejta që të mbajnë zgjedhje të lira e të ndershme.

“Zgjidhja” as nuk pret dhe as nuk dëshiron që diplomacia euroatlantike të bëhet palë me Partinë Demokratike, por nuk pret dhe nuk dëshiron që të bëhet palë as me qeverinë dhe me mëkatet e saj në kurriz të popullit tonë. Koha për zgjedhje të lira e të ndershme është sot. Situata nuk mban dhe nuk duron më. Zgjedhjet e sivjetme duhet të bëhen me standardet më të mira. Nuk është asnjë humbje nëse shtyhen zgjedhjet në vjeshtë. Humbje e rëndë është në se bëhen zgjedhje si ato që janë bërë deri sot.

Populli ynë ka një besim të madh te Presidenti Trump. Ai është një njeri i drejtë dhe me zemër të madhe, e ka provuar në garën e vetë për president se sa të gabuar dhe të padrejtë janë kryeministri ynë dhe qeverisja e tij. Shpreh besimin se administrata e presidentit Trump do të ushtrojë gjithë ndikimin e vetë për të ndihmuar popullin tonë ta kapërcejë këtë moment të vështirë.

Shqipëria është në një moment kyç të historisë së saj. Ajo duhet të instalojë sot dhe përfundimisht zgjedhje të lira, të drejta, të ndershme, të paqta dhe gjithëpërfshirëse. Shqipëria duhet të shkatërrojë sot sistemin e oligopoleve dhe monopoleve që sundojnë në politikën dhe në ekonominë e vendit. Sistemi i falimentuar politik në Shqipëri, po e zgjat agoninë e vet vetëm, sepse ambasadorët e vendeve partnere i shkelin syrin dhe vazhdojnë t’i injektojnë shiringa me mbështetje qeveritarëve të korruptuar të Tiranës.

Ky sistem i kalbur e i korruptuar do të shembet. “Zgjidhja” i fton të gjitha partitë shqiptare që e kuptojnë se kolapsi ka ardhur që të tërhiqen nga zgjedhjet e 18 qershorit. Zgjedhje pa opozitën nuk mund të bëhen dhe nuk duhet të bëhen. Zgjedhjet pa opozitën e eleminojnë edhe të vetmen arritje të sistemit politik të këtyre 25 viteve që shkuan, pluralizmin politik dhe nuk mund të prodhojnë institucione legjitime dhe stabilitet. Përçarja e popullit në zgjedhje është e barabartë me tradhëtinë kombëtare.

Teoritë konspirative që qarkullojnë në qarqet gazetareske në Tiranë, thonë se kokëfortësia e Ramës për të përçarë popullin shqiptar më 18 qershor buron nga plani I diplomatëve të huaj për të bërë zgjedhje pa opozitën dhe me parlamentin e Ramës të marrin kontrollin nbi organet e reja të drejtësisë. Pastaj, për 5-6 muaj të çojnë vendin sërish në zgjedhje. Ky është një plan ogurzi, është një puç kushtetues. Kushtetuta e vendit e ndryshuar më 22 korrik 2016 parashikon që reforma në drejtësi të bëhet me përfshirjen e opozitës. Nëse rolin e opozitës reale do ta luajë opozita farsë dhe e emëruar e Ramës, vetëm do të humbet kohë. Kjo reformë në drejtësi do të diskreditohet dhe nuk do të njihet dhe pranohet nga shqiptarët, vendi do të humbasë edhe zgjedhjet edhe paqen dhe stabilitetin si dhe reformën në drejtësi.

Thirrjet e Edi Ramës se opozita ka frikë nga reforma në drejtësi nuk e fshehin dot makthin që ai ka nga reforma zgjedhore. Çjerrjet e Ramës janë veçse një ekran tymi për të fshehur prapaskenat ku po luhet një tragjedi e vërtetë shekspiriane me metodat nga më të shëmtuara për ta detyruar popullin shqiptar të shkojë në zgjedhje pa reformë zgjedhore. Kryeministri, si hajduti, thërret: “kapeni hajdutin”. “Zgjidhja” i kërkon publikisht edhe një herë lidershipit të opozitës, të rikthehet pa humbur më kohë në Parlament dhe të votojë ato ligje që kanë mbetur nga Reforma në Drejtësi. Vetëm kështu i hiqet çengeli i fundit dhe alibia ku janë kapur Edi Rama dhe klika e tij, të cilët, pasi kanë uzurpuar Partinë Socialiste dhe të majtën shqiptare, po synojnë që të kapin edhe të ardhmen e Shqipërisë.

Dua të ritheksoj edhe një herë shqetësimin tim dhe ftesën për Lulzim Bashën të distancohet nga krimet elektorale të Partisë Demokratike në vite. Ai kërkon që të braktiset Republika e Vjetër dhe të vendoset republika e Re. Por Basha duhet ta dijë se Republika e Vjetër që ai anatemon në ligjërimet e tij, është pikërisht republika që u ndërtua me konsensus nga Partia Demokratike dhe nga Partia Socialiste, nga Berisha dhe nga Rama.

Basha duhet t’u kërkojë falje shqiptarëve si lider i opozitës për rolin e PD-së në ndërtimin e republikës së vjetër, e cila s’është gjë tjetër, por ajo që zgjidhja e ka përkufizuar si regjimi famëkeq i partitokracisë. Basha gjithashtu duhet të deklarohet hapur për departizimin e administratës zgjedhore. Këtë nuk e ka bërë asnjë herë deri më sot. Mund të na thotë Basha, a ka ndonjë vend në Europë që administrimi i zgjedhjeve bëhet nga dy partitë e mëdha?! Nuk ka asnjë vend në botë. Dy partitë e vetme në botën që administrojnë zgjedhje janë PD-ja dhe PS-ja.

Dje ranë zgjedhjet në Kavajë. Unë e kisha paralajmëruar këtë gjë. Disa herë kam deklaruar se zgjedhjet e 7 majit, dhe bashkë me to edhe zgjedhjet e 18 qershorit, janë hedhur në erë. Nëse zgjedhjet e 18 qershorit do të imagjinoheshin pa opozitën, qeveritarët e Tiranës duhet ta dinë se vendi do të destabilizohet dhe do kthehet në kohën kur bandat do dilnin rrugëve. Të gjitha projeksionet ekonomike për 2017 dhe për vitet që vinë do të përmbysen. Nga një situatë e tillë do të përfitonin ata që duan destabilizimin e Shqipërisë, armiqtë e saj dhe bota e krimit dhe kriminelëve të të gjitha llojeve.

Ne e kishim thënë me kohë se zgjedhjet në 7 maj ashtu si ato të 18 qershorit nuk mund të bëhen. Lidershipi i qeverisë deklaronte me kokëfortësi se zgjedhjet do të bëhen në 7 Maj.  Rama është përpjekur të fshehë e të mohojë të vërtetën e krizës së thellë dhe të shumëfishtë që ka përfshirë vendin tonë. Ai u përpoq të manipulojë opinionin e brendshëm dhe t’u hedhë hi syve partnerëve ndërkombëtarë vetëm e vetëm për të mos bërë reformën zgjedhore, liberalizimin e tregut elektoral dhe pastrimin perfundimtar të zgjedhjeve, vetëm e vetëm për të mbajtur në këmbë zgjedhjet e manipuluara dhe pa standarde.

Qeveria e di të vërtetën e zgjedhjeve në Shqipëri dhe duhet të bënte reformë zgjedhore edhe pa protestat e opozitës. Për 4 muaj mund të ndërtohet dhe implementohet plotësisht sistemi i votimit dhe numërimit elektronik. Për 4 ditë u shpërndanë dhe instaluan makinat e një sistemi të tillë në Filipine në vitin 2016 për 55 milionë votues. Votimet elektronike kanë filluar qysh në vitin 1964 në SHBA. Sot teknologjia e votimeve elektronike është plotësisht e maturuar dhe e sigurtë. Me votim dhe numërim elektronik bëhen zgjedhjet e SHBA, Anglisë, Francës, Gjermanisë, BE-së etj.

“Zgjidhja” nuk do futet kurrë në zgjedhje jogjithëpërfshirëse. “Zgjidhja” nuk do futet kurrë në zgjedhje pa opozitën. “Zgjidhja” nuk do legjitimojë kurrë zgjedhje që përçajnë popullin tonë. “Zgjidhja” do udhëheqë luftën për zgjedhje të lira e të ndershme. Ne nuk do të futemi në zgjedhje që i administrojnë partitë e mëdha. Ne nuk do të pranojmë kurrë të futemi në zgjedhje me këtë sistem. Ne nuk do t’ia besojmë kurrë numërimin dhe administrimin e votave tona Rilindjes dhe PD-së!

Të dashur pjesëmarrës,

Të nderuar miq,

“Zgjidhja” do qëndrojë në krye të luftës për t’i çelur një përspektivë të re popullit tonë që të mund të ngrejë jetën dhe ekonominë në vend. Ne duam që të ndalet largimi popullsisë së aftë nga Shqipëria për shkak të shkatërimit të çdo shprese tek e ardhmja e bujqësisë, ekonomisë, punës, paqes e mirëqënies në këtë vend. Çdo ditë mësojmë lajme të trishtueshme edhe për braktisjen e shkollave 9-vjeçare nga fëmijët sepse edhe ata emigrojnë bashkë me prindërit për të mos u kthyer më mbrapa, lindjet po bien nga viti në vit dhe mësuesit po pushohen nga puna.

Kryemësuesi i shkollës 9- vjeçare të Ajasëm në Shkodër, Agron Kastrati thotë se “Vjet kishin 50 nxënës ndërsa sivjet vetëm 41 nxënës. Në një shkollë tjetër ku kam qenë mësues përpara 5 vitesh ishin 350 nxënës, tani janë vetëm 200 të tillë. Fëmijët që largohen nuk kthehen më në shkollë dhe këto shkolla po shkojnë gradualisht drejt mbylljes”.

Dje tregu i punës në Shqipëri mori një goditje dramatike me marrëveshjen e qeverisë italiane me operatorët kryesorë të call center-ave, 80 deri 90 për qind e këtyre vendeve të punës do mbyllen në Shqipëri. Mbi 20 mijë të rinj e të reja do të mbeten pa punë. Këto djem e vajza do të detyrohen që të ikin nga Shqipëria si dhjetëra mijëra të tjetë që largohen çdo vit.

Asnjë reagim serioz nuk bëri qeveria. Përkundrazi në dhjetorin e kaluar qeveria gënjeu dhe u përpoq të thoshte se është e ekzagjeruar frika dhe se nuk do ndodhë largimi i call center-ave. Ajo është inefiçente dhe e paaftë të gjejë dhe negociojë zgjidhje. Po ta drejtoja unë këtë qeveri, kurrë nuk do të kisha lejuar një situatë dhe hemoragji të tillë të detyruar që e than dhe boshatis vendin nga rinia e aftë për punë.

Shqipëria është në duar të të paaftëve, të kusarëve, të servilave dhe injorantëve. Këta nuk dinë të bëjnë asnjë punë. Këta nuk dinë të bëjnë asnjë kanal, as vaditjen dhe kullimin e tokave që janë bërë me shekuj. Nuk dinë të bëjnë ekonomi. Dinë vetëm të vjedhin, të bëjnë tendera e konçensione turpëruese për interesat e vendit, nuk dinë të nxjerrin përfitime për vendin nga integrimi i tij dhe nga bashkëpunimi me tregjet e tjera. Vetëm “Zgjidhja” do t’i heqë tutkunët e të korruptuarit dhe do vendosë në krye të punëve të shtetit e të popullit njerëzit më të zotë të këtij vendi.

Në se demokratizojmë qeverisjen, në se pastrojmë zgjedhjet, në se vendosim demokracinë dhe lirinë e konkurencës, në se vendosim sovranin në vendin e tij duke ua marrë pushtetin e grabitur kryetarëve dhe duke ia kthyer popullit që ky i fundit të zgjedhë përfaqësuesit e vet, në se zbatojmë programin e “Zgjidhjes”, vetëm atëhere në këtë vend do të fillojë shpresa dhe kthesa e dëshiruar. Vetëm me “Zgjidhjen” do mund të ndryshojmë fatin tonë. Ne dimë të punojmë. Ne kemi vullnet të madh. Në dimë që të drejtojmë punët dhe ekonominë e popullit. Ne dimë të bëjmë pasuri për vendin. Ne jemi në politikë për të bërë pasuri për popullin, jo për vete dhe për një grusht mbështetësish. Ne e duam me zemër këtë vend dhe këtë popull.

“Zgjidhja” e mbështet programin e saj dhe e sheh zgjidhjen e problemeve te ushtria e madhe e njerëzve të thjeshtë, të heshtur e të varfër të këtij vendi, gratë dhe burrat e harruar e të braktisur në gjithë këto vite. Rinia është zgjidhja e Shqipërisë. Ju ftoj të gjithëve të bëheni pjesë e “Zgjidhjes”, t’i bashkoheni dhe të bëheni anëtarë të saj. “Zgjidhja” do ju ndihmojë të kuptoni rrugën e drejtë, nuk do lejojë më askënd që t’ju mashtrojë e manipulojë.

Të  dashur vëllezër dhe motra pogradecarë!

Është një kënaqësi e madhe për mua të jem sot me ju në tokën e dy monumenteve te letrave shqipe Lasgush Poradeci dhe Mitrush Kuteli, i cili thoshte për të parin se qe “Poeti i vetëm shqiptar që mendoi, foli dhe shkruajti vetëm në gjuhën shqipe”. Edhe sot, kaq kohë më pas nga jeta dhe vepra e dy shkrimtarëve, ky qytet vazhdon të rrezatojë paqe, dashuri e poezi siç qenë vargjet e këtyre dy burrave të mëdhenj. Vij këtu në Pogradec, larg zhurmës së politikës të Tiranës për të rigjetur vlerat e vërteta të popullit tonë dhe aspiratat e tij më të thella. Vij këtu për të dëgjuar sensin e jetës dhe të arsyes. “Bëni dashuri mos bëni luftë”, do të thoshte Lasgush Poradeci në vazhdën e pacifistëve amerikanë kundër luftës në Vietnam. Në këto momente dramatike që po përjetojmë, kombi ynë i vogël për nga popullata, por me zemër të madhe, ka nevojë më shumë se kurrë për këtë forcë dashurie dhe vëllazërie ndaj njëri- tjetrit. Ne shqiptarët jemi të bekuar nga Zoti për nga pozita gjeografike, për nga bukuritë e mahnitshme të peizazheve si këtu në Pogradec, për nga pasuritë natyrore, për nga burimet vitale njerëzore , për nga kultura dhe gjuha që na japin një identitet dhe homogjenitet kombëtar thuajse unikal. Ajo që na ka munguar dhe vazhdon të na mungojë, është një klasë drejtuese e denjë për këtë popull i cili meriton shumë më tepër.

Një klasë politike e cila gjate nje çerek shekulli , nuk ka arritur të kryejë as misionin më elementar pas rënies së diktaturës, mbajtjen e zgjedhjeve të rregullta pa hile dhe pa ankesa.  Populli ynë është më superior se klasa e tij politike pasi edhe në kohët më të thella të mesjetës, pa politikanë, por vetëm me forcën e arsyes dhe kulturën e besa-besës arrinte të vetëqeverisej paqësisht, falë respektit të kodeve të epokes si Kanuni apo kuvendet e të urtëve. Të parët tanë kishin një botëkuptim shumë më të qartë për vlerën e kompromisit në emër të interesit të përgjithshëm. Është e vajtueshme të konstatosh sot, në kohën e librave dhe të internetit, sesa e paaftë është kjo klasë politike për zgjedhje dhe zgjidhje të qëndrueshme. Them qëllimtazi kjo klasë politike. Pasi është e njëjta familje politikanësh që zotëron në duart e saj periodikisht frytet e pushtetit që prej 27 vjetësh, një herë njëra dhe një herë tjetra. Kjo farsë ka zgjatur shumë.

Unë dhe partia Zgjidhja duam ta ndryshojmë një herë e përgjithmonë kursin tragjik të ngjarjeve në vendin tonë. Por Zgjidhja nuk jam vetëm unë. Zgjidhja është secili nga ju. Ju që ju trajtojnë si sklleverit e kohëve moderne, pre e mafias dhe e korrupsionit në tokën tuaj,  pre e diskriminimeve dhe e poshtërimeve kur merrni në masë rrugën e kurbetit ne dhe të huaj. Zgjidhja, vëllezër dhe motra, është partia e atyre që nuk kanë asgjë të humbasin, por vetëm të fitojnë. Dhe gjëja e parë që do te të fitojmë është dinjiteti. Jashtë njëherë e përgjithmone kjo klasë politike e paaftë dhe e diskredituar deri në palcë!

Pushteti t’u kalojë atyre që nuk kane patur kurrë poste të larta shtetërore. Pushteti t’u kalojë atyre që nuk janë infektuar nga veset e politikanëve zanatçinj, të cilët i kane kthyer postet në karrierë të perjetshme. Pushteti t’i kalojë shoqërisë civile. Të rinjve dhe të rejave, mjekëve, bujqve, profesorëve, sipërmarrësve , artistëve dhe punëtorëve. Pushteti do t’i kalojë popullit. Pushteti do t’i kalojë Zgjidhjes. Kjo është rruga jonë e vetme nëse duam ta nxjerrim këtë vend nga prapambetja dhe ta rreshtojmë krah kombeve më moderne të kontinentit. Ky është vizioni im që dua ta ndaj me ju dhe ta sjell në pushtet për realizim bashkë me ju. Unë dua të bëhem kryeministri juaj në të arthmen e afërt për të kryer ato vepra që sot ju duken endrra dhe iluzione, por që nesër do të jenë realitet po të udhëhiqemi nga treshja e vlerave kardinale: ndershmëria, atdhedashuria dhe profesionalizmi. Vlera që i kemi si këtu në Pogradec dhe në mbarë Shqipërinë.

Deri në marrjen e pushtetit, sfida të mprehta na presin. Pushtetin s’do na e falë kush. Atë do ta marrim me votën e lirë të shqiptarëve. Dhe kjo është sfida jonë e parë. Të sigurohemi që ajo vote do të jetë vërtetë e lirë dhe e ndershme. Me sistemin aktual bastard të zgjedhjeve , Zgjidhja nuk hyn në zgjedhje. Kete sistem zgjedhjesh, Partia Socialiste e denoncoi tetë vjet rresht kur ishte në opozitë. Këtë sistem zgjedhjesh e denoncojnë tani me forcë dhe ata që e konceptuan në fillim , eksponentët e Partise Demokratike. Kur dy partitë ulkonja të politikës shqiptare e kanë kritikuar me fjalorin më të ashpër këtë sistem zgjedhjesh, atëherë Zgjidhja i vë ato para përgjegjësive që ta ndryshojnë para se të mbahen zgjedhjet e reja. Nuk mund të ndryshohet një sistem një çerek shekullor zgjedhjes në një çerek muaji. Prandaj Zgjidhja nuk heq dorë nga kërkesa e saj legjitime, që zgjedhjet të mbahen në vjeshtë.

“Zgjidhja” do ju ndihmojë të merrni fatin në duart tuaja dhe të mos shpresoni më te ata që ju vodhën dhe ju shkelën gjithë kohën tek ata që ju joshin me përfitime pragmatiste dhe premtime të rreme në çdo palë zgjedhje. I vetmi zot i fuqishëm që do ndryshojë për mirë fatin tuaj është populli i thjeshtë e i varfër i Shqipërisë me programin e Zgjidhjes! Mos besoni te të fortët e politikës. Ata janë tigra prej letre edhe pse kanë grumbulluar në rrugë kriminale shumë pasuri dhe një lukuni me mbështetës të shpërblyer e paguar me paratë, bukën dhe gjakun tuaj. Ne jemi zgjidhja! Ju jeni zgjidhja! Unë jam Zgjidhja! Ti je Zgjidhja!

Rroftë Zgjidhja! Rroftë Shqipëria!

Rroftë populli i Pogradecit! Flm.

Plagoset me arme zjarri boksieri i Vllaznise, Nelson Hysa. Sipas te dhenave te para mesohet se ngjarja ka ndodhur tek ura Dervishbeg, ne qytetin e Shkodres.

Gazetari i “Panorama”, Senad Nikshiqi raporton se boksieri Hysa ka marre dy plumba.

Ai u transportua me urgjence ne spitalin rajonal te qytetit te Shkodres.

Sipas hetimeve mësohet se ishin dy persona me motor ata që e kishin pritur dhe e kanë qëlluar.

“Kane qene dy persona me motor, e kane pritur dhe e kanë qelluar sapo ai ka dale nga berberi”- raporton gazetari i “Panorama”.

Burime nga spitali bëjnë me dije se boksieri eshte jashtë rrezikut per jeten. Mjeket thone se ai ka marre dy plumba ne pjesen e siperme te legenit.

Nderkohe policia ka nisur hetimet per zbardhjen e plote te ngjarjes. Nuk ka ende detaje lidhur me autoret apo te dyshuarit si autore.

Forcat xheniere kanë bërë shpërthimin e kontrolluar në valixhen e dyshimtë që u gjet pranë teatrit Skampa në rrugën “Qemal Stafa”.

Gazetari dhe analisti Andi Bejtja duket komentuar deklaratat e Edi Ramës për negociatat me liderin e opozitës Lulzim Basha, tha se ka zbuluar dëshirën që ka për zgjedhje pa opozitën.

Postimi i Andi Bejtes në Facebook:

Nuk e kishim parë ndonjëherë këtë …

Pa i hyrë fare historisë kush ka palë ka të drejtë në këtë histori: A ka të drejtë Kryeministri apo ka të drejtë Kryeopozitari, a ka faj njeri apo kanë faj të dy, sot pamë diçka që nuk e kemi parë ndonjëherë në politikë, apo në të ashtëquajturën diplomaci e negociatave:

Kryeministri thotë një jave pas negociatave të para serioze, se palës tjetër që kemi në negocim, nuk mund t’i bëjmë aq shumë lëshime, sa i bëmë një javë më parë.

Kjo nuk ka ndodhur kurrë, thyen çdo shkolle politike Europiane, Amerikane apo dhe Ruse. Me kalimin e orëve, kohës, çdo palë lëshon gjithmonë e më shumë, e jo të rrudhet duke hequr ç’ka dhënë në negociata disa kohë më parë.

Kjo është e pazakonte, ç’ka mund të fshehë dhe një dëshirë të pazakonte, ç’ka mund të jetë që me të vërtetë për një dy apo njëmijë arsye të palexuara mirë Kryeministri nuk është dhe aq i interesuar që opozita të marrë pjesë në zgjedhje.

E paça gabim!

Pas dështimit të negociatave më kryedemokratin Lulzim Basha, kryeministri Edi Rama po zhvillon një takimin me ambasadorët në Kryeministri.

Ndersa pak me pare kryeministri Rama ishte i pranishem ne nje takim me kandidatet per deputete ne PS per zgjedhjet e 18 Qershorit. Në prezantimin e kandidatëve, Rama tha: S’negociohet 18 qershori.

Takimi i Rames me kandidatet

Kryeministri Edi Rama po zhvillon një takim me kandidatë dhe deputetë. Ky takim erdhi menjehere pas takimit qe kryeministri pati me kryedemokratin Basha dhe Presidentin Nishani. Ai mësohet se ndodhet në restorant “Xibraku” ku do të prezantoje zyrtarisht kandidatët.

Nga ana tjetër behët e ditur se në takim janë edhe deputetet që janë lënë jashtë listës se PS-së, per zgjedhjet parlamentare të 18 Qershorit.

“Pjesëmarrje masive, nuk na duhen vota që nuk janë tonat. Pjesëmarrje masive për një proces të pastër zgjedhor. PS nuk do të lejojë asnjë abuzim. Duhen zgjedhur komisionarë perfekt, duhen standarde të larta. Vjen apo nuk vjen PD ne duhet te jemi njolloj te motivuar. ” tha Rama.

Kreu i demokratëve Lulzim Basha ka zhvilluar sot një mbledhje urgjente me aleatët e PD-së, pak pasi doli nga takimi me Ramën dhe presidentin Nishani. Takimi perfundoi pas 90 minutash, rreth ores 15:55 dhe ‘Panorama’ mesoi se Basha me pas ka takuar ish-kryeministrin Sali Berisha.

Ne takimin me aleatet thuhet se u diskutua oferta qe ka shtruar ne tryezen e negociatave kreu i qeverise. Burimet thane se pritet nje takim i dyte mes dy lidereve politikë.

Teksa presidenca njoftoi se Nishani “vijon të mbajë kontaktet me palët për gjetjen e një zgjidhjeje të mundshme mbi bazë kompromisi”.

Ish Ministri i Drejtësisë, Ylli Manjani i ka dhënë një këshillë kreut të PD-së, Lulzim Basha pas takimit që ai pati me kryeministrin Edi Rama.

Deputeti i Shkodrës, Tom Doshi

Gjykata e Larte çeli sot procesin gjyqësor në ngarkim të Tom Doshit, Durim Bamit dhe Mark Frrokut, sa i takon skenarit të Doshit që pretendonte se Ilir Meta kishte paguar njerëz për ta vrarë.

Prokuroria kerkoi pyetjen si deshmitarë te Ilir Metes, Sali Berishes, Edi Rames, Saimir Tahirit, Spartak Brahos etj.

Ndersa mbrojtja kerkoi dhe pyetjen e Kryeprokurorit Adriatik Llalla si deshmitar.

Gjykata per keto kerkesa do te shprehet me 17 maj.

Prokuroria kerkoi edhe zbardhjen e tabulateve te Monika Kryemadhit me Fation Skenderin dhe Spartak Brahos me kete te fundit.

Deputeti i PS-së, Pandeli Majko uron sot për një “marrëveshje “pa nder” se sa në një konflikt të “moralshëm”!.

Me anë të një postimi në rrjetin social FB, teksa ka postuar një foto me kallashnikov, e njerez mbi plumba që tentojnë marrëveshje, shkruan se ‘Kriza politike që po ndodh aktualisht duket të jetë ndër më të ultat që ka ndodhur në Shqipëri”.

Sipas tij, “Ajo po shoqërohet nga shfaqje groteske të trimërisë si frikë dhe frikës si trimëri…”

Mbledhja e PD-së ditën e sotme është shoqëruar me debate. Pas kritikave të Bregut, Topallit dhe Selamit, kreu i PD-së e mblodhi grupin parlamentar me urgjencë.

“Panorama” mëson se çfarë ndodhi brenda në mbledhje. Fillimisht ka qenë Berisha që ka shkëmbyer batuta me Topallin.

“Antikonformiste ke qenë dhe antikonformiste mbete”, mësohet t’i ketë thënë Berisha Topallit për kritikat e saj ndaj lidershipit të PD-së.

Më pas, Patozi ka dalë kundër bojkotit të zgjedhjeve. “Nuk mundemi që ne që jemi 10 veta këtu të vendosim nëse do të votojnë ose jo 600 mijë shqiptarë”, ka thënë Patozi.

Pak më e ashpër ka qenë Bregu: “T’u mohosh të drejtën e votës 600 mijë shqiptarëve është gjenocid”, ka thënë ajo.