Sali Berisha në një konferencë për media, ka parashtruar ato që i cilëson dokumente që vërtetojnë se zgjedhjet në Shqipëri ishin një farsë elektorale.

Berisha, tha se votën e shqiptarëve nuk e mbrojnë dot me kallashnikov, por shtoi se lufta për votën e lirë është vetëm në fillimin e saj.

“Sot ka shqiptarë të dëshpëruar ka shqiptarë të zhgënjyer, por ka dhjetëra mijëra shqiptarë që janë gati të luftojnë për votën e lirë. Mos kujtoj kush kurrë se një bandit si Edi Rama do mund të imponojë këto rezultate njerëzve të lirë të Shqipërisë. Ky është vetëm fillimi. Edhe njëherë u them shqiptarëve durim se ne kemi dokumentet. Ne kemi bërë gjithçka për të mbikëqyrur votën tuaj. Ne me kallashnikov votën nuk e mbrojmë, por tani lufta fillon. Ne nuk pranojmë kurrë zgjedhje të tillë, nuk pranojmë kurrë rezultat të tilla”, tha ai. gsh

Pasi kanë kaluar më shumë se dy javë nga zgjedhjet parlamentare të 11 Majit, kur tashmë rezultati është certifikuar edhe nga KQZ në të gjitha qarqet, ka ardhur reagimi i parë zyrtar nga Ambasada Amerikane në Tiranë.

Një reagim i shkurtër, ambasada e SHBA uron popullin shqiptar për procesin elektoral dhe thekson se të dy vendet do të vijojnë të bashkëpunojnë ngushtësisht.

Ambasada e SHBA: Urojmë popullin e Shqipërisë për zgjedhjet parlamentare dhe presim të vazhdojmë partneritetin tonë të ngushtë me Shqipërinë.

Më herët mesazhe për 11 majin kanë ardhur edhe nga kancelaritë e tjera perëndimore. 2 ditë pas zgjedhjeve, më 13 maj, BE u shpreh se procesi ishte gjithëpërfshirëse dhe transparente. Përmes një deklaratë të përbashkët nga shefja e diplomacisë së jashtme, Kaja Kallas dhe komisionerja e Zgjerimit, Marta Kos, përgëzohen autoritetet për zhvillimin normal të procesit zgjedhor në të gjithë vendin. Në deklaratë përmendej edhe vota e diasporës për herë të parë.

BE i referohet edhe përfundimeve paraprake të OSBE/ODIHR, duke theksuar dita e zgjedhjeve ishte e qetë dhe e organizuar mirë, pavarësisht disa mangësive.

“Të dielën, qytetarët e Shqipërisë ushtruan të drejtën e tyre demokratike për të votuar dhe për të zgjedhur përfaqësuesit në Kuvend. Ne përgëzojmë të gjitha autoritetet përkatëse që siguruan zhvillimin normal të procesit zgjedhor në të gjithë vendin. Këto zgjedhje shënuan gjithashtu për herë të parë edhe përfshirjen e votimit nga jashtë vendit. Sipas gjetjeve dhe përfundimeve paraprake të Misionit të Vëzhgimit të Zgjedhjeve të OSBE/ODIHR, zgjedhjet u menaxhuan në përgjithësi në mënyrë gjithëpërfshirëse dhe transparente, ndërsa dita e zgjedhjeve ishte e qetë dhe e organizuar mirë, pavarësisht disa mangësive“, thuhet në atë deklaratë.

Theksin tek klima e polarizuar politike e vë edhe Bashkimi Europian, i cili vlerëson se kandidatët patën mundësinë të zhvillonin fushatën e tyre në mënyrë të lirë, megjithëse disa raportuan për raste intimidimi. Unioni përshëndet edhe përpjekjet për hetuar dhe ndjekur penalisht krimet zgjedhore, duke i konsideruar një zhvillim pozitiv.

Kreu i Partisë Demokratike, Sali Berisha, e cilësoi fitore farsë festën e PS për fitoren në zgjedhjet e 11 Majit.

Berisha gjithashtu paralajmëroi se Rama po shpenzon shuma të mëdha për të influencuar raportin ndërkombëtar mbi zgjedhjet. Por, sipas tij, përpjekjet do të dështojnë dhe raporti do të reflektojë të vërtetën e situatës.

Kreu i PD Sali Berisha: Ky takim ishte festë e farsës elektorale. Ky takim me narko-deputetë të tij, me përfaqësuesit e bandave më të rrezikshme në Shqipëri e në rajon. Në takim, Rama iu tha shqiptarëve se kërbaçi i tij është SPAK.

Farsa elektorale prodhoi narko-parlament. Edi Rama është armik i betuar i votës së lirë. Raporti i Komunitetit Ndërkombëtar për zgjedhjet do dalë, teksa Rama po paguan shuma të mëdha për ta ndryshuar, telefonata të pafundme, por nuk do ia arrijë. Raporti do jetë pasqyra e kësaj farse. bw

Kandidati për deputet i PD në listën e hapur në Durrës, Aulon Kalaja është paraqitur këtë të martë në ambientet e SPAK.

Mësohet se Kalaja do të dorëzojë një kallëzim penal në institucionin e Prokurorisë së Posaçme, për vendimin e qeverisë për faljen e gjobave pak ditë para zgjedhjeve. sn

Ka nisur zyrtarisht nga Shqipëria “Defender Europe 25”, një nga stërvitjet më të mëdha dhe më komplekse ushtarake të dekadës së fundit në Evropë dhe Afrikë. E organizuar nga Komanda Evropiane e Shteteve të Bashkuara (USEUCOM), në bashkëpunim me aleatët e NATO-s dhe partnerët strategjikë, stërvitja do të zgjasë deri më 9 qershor 2025.

Në orët e para të mëngjesit të së martës, trupat shqiptare u nisën nga Zall-Herri drejt Qendrës së Stërvitjes në Bizë, ku do të zhvillohen fazat më intensive të manovrave. Ushtrimet përfshijnë operacione mësymëse, mbrojtëse dhe dislokime strategjike në terrene të vështira.

Ministri i Mbrojtjes, Pirro Vengu, ndau pamje përmes një postimi në rrjetet sociale.

“Nga Zall-Herri, ku në orët e para të mëngjesit, trupat e Forcës Tokësore janë nisur drejt Bizës për të filluar zyrtarisht Defender Europe 25 – një nga stërvitjet më të mëdha dhe më komplekse të dekadës së fundit në Evropë dhe Afrikë”, shkroi ai.

Kryeministri në detyrë i Kosovës, Albin Kurti, ka reaguar pasi ish-deputeti Gramos Agusholli u ndalua në pikën kufitare Merdare e më pas u lirua.

Kurti tha se Serbia nuk lëshon rast për ta dëshmuar se nuk do e as synon marrëdhënie normale e fqinjësore

“Serbia nuk lëshon rast për ta dëshmuar se nuk do e as synon marrëdhënie normale e fqinjësore. Ndalimi i ish-deputetit të Kuvendit të Kosovës, Gramos Agushollit nga autoritetet e shtetit serb në pikën kufitare në Merdarë për orë të tëra është prova e radhës. Praktika të tilla që përdoren në vazhdimësi me qëllim keqtrajtimin dhe frikësimin e qytetarëve tanë duhet të dënohen zëshëm dhe njëzëri edhe nga komuniteti ndërkombëtar”.

“Përgëzoj institucionet tona dhe shtetet partnere për reagimin e shpejtë dhe të suksesshëm. Gramosit i dëshiroj qëndrim të mbarë në Lubjanë” , shkroi Kurti në Facebook. bw

Kreu i Partisë Socialiste, Edi Rama, në fjalimin e falënderimit të të gjithë kandidatëve në zgjedhjet e 11 majit, ironizoi Aleancën për Shqipërinë Madhështore, në veçanti Jozefina Topallin, që çoi në humbjen dhe fitoren e PS.

Rama pohoi se PS e nisi punën që herët dhe punoi me shumë seriozitet, si në votën e Diasporës, ashtu dhe në vend, duke filluar që nga shtatori i vitit të kaluar, prandaj dhe erdhi ky rezultat.

“E kemi nisur që pas fitores së zgjedhjeve të kaluar, të cilat sollën dallgën e 11 Majit. E rikthyer si një Doruntinë, mbi samarin e listës së mbyllur, të mushkës gërmuqe të partisë, Jozefina e vajtonte humbjen e zgjedhjeve me lot rrëke, me disa zarfa të Beratit, ku PS kishte marrë 90 përqind të votave. Vdiq, vdiq pluralizmi, thoshte. Na e vranë pluralizmin dhe vdiq, ku, ku e mjera unë. Pra, ne jemi vrasësit e pluralizmit. Berati është në krye të skuadrave për t’i mobilizuar shqiptarët jashtë vendit. Kur ata çohen nga gjumi dhe thonë “rrush”, ne i kemi futur në “kosh”. Jemi ne hajdutët pse madhështorëve u mungojnë 200 mijë vota, ku ishin më konkurrues në 2021.

Ua kemi ne fajin madhështorëve që u mungojnë 200 mijë vota se 4 vite më parë, këtë herë i ofruan shqiptarëve për kryeministër një kufomë ambulante me kapelën e Trump dhe i premtuan një magji të madhe si në atë lojën e fëmijëve fluturon-fluturon gomari dhe në fund nuk fluturoi. E ngjitëm PS në shifrën rekord të 856 813 votash afërisht 88 mijë më shumë se në 2021, duke i katërfishuar jashtë kufijve ato 35 mijë vota më pak brenda vendit krahasuar me 2021. Përveç mandatit të 9 të Vlorës që për shumë pak mund ta merrnim më shqiptarët brenda vendit, të 82 mandatet e tjera i kemi marrë këtu ku kemi rifituar besimin e shumicës absolute, siç e parashikuan të gjitha sondazhet. PS kaloi kufirin e 50% duke u ngjitur 4 shkallë e gjysmë nga 48.7% në 53.2% falë edhe një organizimi më të mirë kapilar në territor se sa çdo herë tjetër.

Eksperienca e deputetëve aktualë dhe energjia e të rinjve sollën këtë rezultat. Falënderoj të gjithë drejtuesit e qarqeve, që e nisën punën që nga shtatori i vitit të kaluara. Disa që kishin merakun e garës në listat e hapur, ju them se ne ishim gjithë bashkë dhe morëm rezultate, ndërsa Aleanca e Shqipërisë Madhështore ra në gropë” – u shpreh Rama. bw

Kreu i PD Sali Berisha po mban një konferencë me gazetarët.

Ai nuk ka përjashtuar asnjë skenar në shtator me rinisjen e jetës politike, duke përfshirë këtu edhe grevën e urisë, një skenar i shumë përfolur së fundmi.

Berisha ka deklaruar se është i gatshëm që të udhëheqë edhe me shembullin e tij personal.

“I gatshëm të udhëheq deri në fitore. Me shembullin personal t’u rikthej shqiptarëve votën e lirë. Nuk përjashtojmë asnjë variant”, tha ai.

Berisha ka vijuar duke akuzuar PS dhe kryeministrin Edi Rama se kanë vjedhur zgjedhjet, duke mos pranuar as ti quajë zgjedhje, por një farsë elektorale.

“Mund të them sot atë që kam thënë shumë herë më parë që me Ramën nuk mund të ketë kurrë zgjedhje të lira. Kjo nuk është diçka e re, e kam thënë dhe e them me bindjen më të madhe. Ka krijuar shtet elektoral dhe zhvillon farsë elektorale. Në Durrës janë 15 mijë vota të krimit”, u shpreh ai. bw

Ndihmës Drejtori ICITAP të Departamentit të Drejtësisë të SHBA, Stephen Fields, nga 19 deri më 23 maj vizitoi Shqipërinë.

Detajet e vizitës së zyrtarit të lartë të Drejtësisë amerikane i bëri publike Ambasada e SHBA në Tiranë përmes një postimi në rrjetet sociale.

Ambasada njofton se gjatë vizitës së tij, Fields u takua me të Ngarkuarën me Punë Nancy VanHorn, zyrtarë të Ambasadës dhe udhëheqës të institucioneve të zbatimit të ligjit në Shqipëri për të shprehur mirënjohjen për partneritetin e fortë me Shqipërinë.

“Ai përcolli prioritetet e Prokurorit të Përgjithshëm të ShBA për të eliminuar kartelet, krimin e organizuar ndërkombëtar dhe emigracionin e paligjshëm. Ndihmës Drejtori Fields zhvilloi takime me Ministrin e Brendshëm Ervin Hoxha, Kreun e SPAK Altin Dumani, Drejtorin e Përgjithshëm së Policisë së Shtetit Ilir Proda, Drejtorin e Përgjithshëm të Agjencisë së Mbikëqyrjes Policore Florian Sulejmani, Drejtorin e Përgjithshëm të Burgjeve Klevis Qose dhe të tjerë.

Përveç kësaj, 340,000 dollarë në pajisje amerikane u transferuan në burgjet shqiptare përmes ICITAP dhe Byrosë kundër Terrorizmit dhe INL të Departamentit të Shtetit. Vizita përfundoi me prezantimin e Çmimit të Ekselencës dhe akreditimin e parë ndërkombëtar IADLEST për Akademinë e Sigurisë”, thuhet në njoftimin e ambasadës së SHBA në Tiranë. bw

Në një deklaratë për mediat, lideri i opozitës Sali Berisha reagoi ashpër ndaj procesit zgjedhor të fundit, duke e cilësuar atë si një farsë të mirëfilltë elektorale.

Gjatë fjalës së tij, Berisha akuzoi drejtpërdrejt qeverinë dhe kryeministrin Edi Rama për deformim të thellë të vullnetit të qytetarëve shqiptarë, duke përdorur mjete dhe metoda që, sipas tij, shkelin Kushtetutën dhe çdo standard demokratik.

Ai theksoi se procesi zgjedhor është shndërruar në një operacion kriminal të organizuar, ku përfshihen edhe drejtues vendorë me precedentë penalë, të cilët veprojnë si mentorë të manipulimeve zgjedhore përmes skemave të njohura si “treni bullgar” dhe metoda të tjera abuzive.

Berisha deklaroi se zgjedhjet nuk mund të njihen në asnjë rrethanë, pasi rezultati i tyre është i paracaktuar dhe i prodhuar në mënyrë të paligjshme.

Deklarata

Krimineli në krye të bashkisë është mentori i kriminelëve të tjera për të realizuar ‘trenin bullgar’ në mënyrën më antiligjore, më antikushtetuese.
Pra kjo është fytyra e vërtetë e Edi Ramës, fytyra e vërtetë e këtyre zgjedhjeve, të cilat kurrë nuk do njihen.
Ata që mendojnë se mund të imponojnë qytetarëve shqiptarë në këtë mënyrë vullnetin e tyre dhe mund të qëndrojnë mbi karrige, gabojnë shumë shumë rëndë.
Ka vetëm një zgjidhje, zgjidhja është emergjente, krijimi i një qeverie teknike, zhvillimi i zgjedhjeve të reja, shqiptarët votojnë të lirë.
Ky është qëndrimi ynë.
Ne kemi me qindra dokumente të pafundme të shkatërrimit, të shndërrimit të procesit zgjedhor në farsë elektorale.

Pra kjo është farsa e vërtetë elektorale dhe ne duam që shqiptarët të votojnë dhe të mos vuajnë farsën elektorale dhe pasojat e saj.
Ne do qëndrojmë me të gjithë potencialin tonë, fuqinë tonë, që shqiptarët të votojnë si qytetarë të lirë të një vendi dhe jo të përjetojnë farsa të turpshme elektorale që janë të njëjta me ato të Zimbabveve 30 vite më parë.

Besoj se e keni të qartë, e shihni vetë.
Gjithçka janë rezultate të paracaktuara.

Unë mund t’u them ju se do shihni kuti votimi në të cilat 200 fletë njëra pas tjetrës kanë të njëjtën palosje.
Ose është ‘treni bullgar’ që është e njëjta gjë pastaj.

sn

Në Bashkinë e Tiranës po vijon një valë e re shkarkimesh, ndërsa kryetarja në detyrë, Anuela Ristani, ka ndërmarrë hapa për të larguar një sërë zyrtarësh dhe punonjësish të afërt me kryebashkiakun Erion Veliaj.

Pas shkarkimit të Goxhajt dhe Dokushi, janë larguar edhe drejtori i Protokollit dhe drejtoresha e Shërbimeve Mbështetëse, së bashku me një numër punonjësish të tjerë, përfshirë shoferë, sekretare dhe staf mbështetës, disa prej të cilëve kanë shërbyer në bashki për më shumë se një dekadë.

Këto lëvizje vijnë në një kohë trazirash për Bashkinë e Tiranës, pas arrestimit të Veliajt dhe në pritje të zhvillimeve të mëtejshme në skenën politike dhe institucionale. bw

Prokurori Publik i Barit dhe Prokurori i Përgjithshëm, Roberto Rossi, ka vlerësuar bashkëpunimin e vazhdueshëm ndërmjet institucioneve ligjzbatuese italiane dhe shqiptare në luftën kundër krimit të organizuar.

Teksa dha detaje ne lidhje me operacionin “Ura” ku u leshuan 52 urdher arreste ne Itali dhe Shqiperi, ai u shpreh se mafia shqiptare është tashmë një forcë e madhe ndërkombëtare, por ai shprehu besim të plotë se populli shqiptar, përmes prokurorisë dhe drejtësisë së tij, do të jetë në gjendje ta luftojë këtë ‘kancer’.

Roberto Rossi – Prokuror Publik i Barit, Prokurori i Përgjithshëm: Kemi punuar dhe punojmë prej 10 vitesh për arritjen e objektivave të përbashkëta për të luftuar krimin në Shqipëri apo në Itali. Jemi të ndërgjegjshëm që autoritetet e hetimit shqiptar, dhe në veçanti SPAK janë shumë të afta për kapjen e veprave bashkë me ne. Kjo forcë e përbashkët është e rëndësishme

Mafia shqiptare është një forcë ndërkombëtare shumë e madhe, por jemi të sigurt që populli shqiptar me anë të prokurorisë do të jetë në gjendje të luftojë këtë kancer.

Jemi të sinkronizuar bashkë për të arritur këtë objektiv. Ka një prezencë të jashtëzakonshme të policisë gjyqësore italiane dhe policisë gjyqtare shqiptarë që bashkë me në arrijnë objektivat e përbashkëta. Panorama

Partia Demokratike ka dërguar në SHBA një raport me shkeljet e pretenduara, sipas saj, në zgjedhjet parlamentare të 11 majit 2025. PD përmend, në dokumentin që tanimë ndodhet në duart e kompanisë së lobimit, përfshirjen e grupeve kriminale në fushatë dhe patronazhistët. Dokumenti që mban datën 16 maj i është dërguar kompanisë së saj lobuese në Amerikë, Continental Strategy dhe regjistruar pranë Departamentit të Drejtësisë të SHBA.

Në Elbasan, PD përmend Suel Çelën, një personazh i trafikut të drogës dhe kreu i një grupi kriminal.

Në Qarkun e Lezhës, PD denoncon një person të quajtur Vincent Tuku, ndërsa në Shkodër Safet dhe Behar Bajrin dhe në Vorë anëtarë të fisit Xhabafti.

“Zgjedhjet e 11 majit përfaqësojnë majën e kapjes së shtetit nga forcat kriminale dhe autokratike, me implikime të thella për të ardhmen e Shqipërisë në Evropë dhe për stabilitetin e rajonit”, thuhet në raportin e PD.

PD përmend si cenim të zgjedhjeve edhe bonusin e pensionistëve nga i cili përfituan 760 mijë të moshuar, dhënien e licencave të kanabisit, punësimet para zgjedhjeve (10 mijë të punësuar), aktivitetet publike për qëllime propagandistike si Giro d’Italia për të cilën qeveria pagoi 7 mln euro.

Gjithashtu, shqetësim për demokratët është edhe sistemi i partonazhimit.

Në raportin e PD thuhet se “sistemi i “patronazhit” i Partisë Socialiste, një kujtim i kohës së vjetër komuniste, u rivendos dhe u zgjerua në çdo qendër votimi, ku qytetarët monitoroheshin, kontrolloheshin dhe ushtroheshin presion bazuar në përkatësinë politike”. “Zyrtarë të lartë dhe nëpunës civilë ishin pjesë e kësaj skeme, duke keqpërdorur të dhënat personale dhe duke ushtruar presion mbi çdo votues që ata duhej të kontrollonin për të dhënë votat e familjes së tyre në këmbim të shërbimeve publike. Çdo nëpunës publik kishte detyrimin të siguronte 20 vota në vend dhe diasporë dhe të paraqiste numrat e kontaktit të këtyre votuesve, si dhe fotografinë e votës në ditën e zgjedhjeve”.

Gjithashtu, opozita pretendon se “në zgjedhjet e 11 majit u mobilizua edhe ish-Policia Sekrete Komuniste”. “Për herë të parë, dy zëvendësdrejtorë të Shërbimit Informativ Shtetëror mobilizuan agjentë të pensionuar nga ish-Sigurimi (policia sekrete e epokës komuniste), duke përdorur frikën dhe shtrëngimin që të kujtojnë të kaluarën totalitare të Shqipërisë për të ndikuar në rezultatin e zgjedhjeve”.

PD përmend si faktorë të humbjes së saj edhe mediat që siç pretendon opozita kontrollohen nga qeveria, por edhe censura në rrjetet sociale ku përmendet mbyllja e aplikacionit TikTok para nisjes së fushatës zgjedhore.

Konkluzionet e PD
Zgjedhjet parlamentare të 11 majit 2025 në Shqipëri u karakterizuan nga abuzime sistemike që kompromentuan legjitimitetin e tyre. Keqpërdorimi i burimeve shtetërore, i administratës publike dhe ndërhyrjet kriminale, kontrolli i medias, shtrembërimet ligjore, pengimi i aktiviteteve të opozitës dhe mosveprimi i agjencive të zbatimit të ligjit dëmtuan kolektivisht procesin demokratik.

Këto gjetje përputhen me vëzhgimet nga organet ndërkombëtare të monitorimit, përfshirë OSBE/ODIHR-in, të cilat nxorën në pah shqetësimet në lidhje me keqpërdorimin e burimeve publike, frikësimin e votuesve dhe paragjykimin e medias.

Ngritja e një hetimi ndërkombëtar për zgjedhjet.

Formimi i një qeverie teknike (kujdestare) për të votuar mbi axhendën e integrimit në BE dhe për të organizuar zgjedhje të lira dhe të ndershme.

Liria e Medias: Promovimi i pluralizmit të medias dhe mbrojtja e lirisë së shprehjes për të siguruar që qytetarët të kenë qasje në informacion të larmishëm dhe të paanshëm.

Mbikëqyrja Ndërkombëtare: Inkurajimi i angazhimit të vazhdueshëm nga organizatat ndërkombëtare për të monitoruar dhe mbështetur proceset demokratike në Shqipëri.

REZULTATET E ZGJEDHJEVE TË 11 MAJIT

bw

Kreu i Partisë Demokratike, Sali Berisha, ka reaguar ashpër pas përfundimit të procesit zgjedhor, duke e quajtur atë një farsë të diktuar nga bandat dhe të mbështetur nga qeveria. Në një deklaratë për mediat, Berisha u shpreh se me Edi Ramën në pushtet, zgjedhjet e lira janë të pamundura dhe asnjë rezultat nuk mund të konsiderohet legjitim mbi atë që ai e cilësoi si “falsifikim monstruoz”.

Sipas tij, procesi zgjedhor është dënuar që përpara zhvillimit të zgjedhjeve nga katër rezoluta ndërkombëtare, duke shtuar se edhe Komisioni Qendror i Zgjedhjeve (KQZ) do të duhej ta kishte shpallur atë si një farsë. “Ne ia dolëm që të bindim qendrën e djathtë në botë se narko-diktatori i Tiranës zhvillon farsë dhe jo zgjedhje,” – u shpreh Berisha, duke akuzuar Ramën se ka shndërruar zgjedhjet në një proces të manipuluar në mënyrë kriminale.

Kreu i PD Sali Berisha: Bandat diktuan vullnetin e votuesve. Me Edi Ramën në qeveri nuk ka zgjedhje të lira kurrë. Asnjë rezultat nuk mund të nxirret mbi falsifikim monstruoz që u bë në këto zgjedhje. KQZ do thoshte se procesi zgjedhor ishte farsë. Zgjedhjet u dënuan nga 4 rezoluta ndërkombëtare përpara se të mbahen. Ne ia dolëm që të bindim qendrën e djathtë në botë se narko-diktatori i Tiranës zhvillon farsë e jo farsë. Komuniteti ndërkombëtar nuk firmos me dokumente të paragjykuara.bw

Ditën e sotme GJKKO, me vendim të gjyqtares Flojera Davidhi ka kaluar për gjykim çështjen “Partizani” ndaj kryetarit të Partisë Demokratike, Sali Berisha dhe dhëndrit të tij Jamarbër Malltezi. Seanca paraprake për Berishën dhe Malltezin zgjati 7 muaj.

Në një prononcim për mediat, Genc Gjokutaj, avokati i ish-kryeministrit Sali Berisha deklaroi se nuk kishin hapësirë tjetër dhe se vendimet e marra nga gjyqtarja Irena Gjoka janë të pavlefshme.

Ai shtoi se së bashku me Berishën nuk kanë kërkuar një shqyrtim të shkurtuar sepse sipas tij mungon fakti penal.

“Të gjitha vendimet e marra prej Irena Gjokës janë të pavlefshme. Gjykata vendosi ta kalojë për gjykim çështjen. Dua të theksoj se kjo pavlefshmëri po mban prej 2 vitesh Malltezin në arrest shtepië. Rama përmes GJKKO e dërgoi çështjen në gjyq. Ky ishte vendimi i sotëm.  Ishte citim dispozitash dhe nenesh, që janë për te studentët dhe jo për neve. Ne nuk këmi kërkuar gjykim të shkurtuar se mungon fakti penal. Kur konstastojmë akte të pavlefshme gjykimi i shkurtuar automatikisht është i rrëzuar. Kemi leximin tonë të ligjit. Çështja e gjykimit të shkurtuar është mbyllur në këtë seancë. Do të ecet me gjykim të zakonshëm”, tha Gjokutaj. bw

Partia Demokratike ka ngritur akuza të forta ndaj procesit të numërimit të votave të diasporës, duke kërkuar që Komisioni Qendror i Zgjedhjeve të mos miratojë asnjë rezultat të këtyre votimeve, deri sa të kryhet një auditim i plotë i procesit. Ivi Kaso, sekretar për Çështjet Ligjore dhe Zgjedhore në PD, e cilësoi procesin si “masakër elektorale” dhe theksoi se ai është kompromentuar rëndë, veçanërisht në Greqi.

Në deklaratën e tij, Kaso përmendi një sërë shqetësimesh lidhur me procesin zgjedhor, përfshirë rastet e denoncuara nga shqiptarët, si zarfe bosh pa fletë votimi, shpërndarjen e zarfeve nga patronazhistë dhe gabime të tjera administrative, si dhe votat e ardhura në qarkun Durrës që përmbanin vota për Gjirokastrën. Ai tha se procesi është i papërgjegjshëm dhe po reflekton gjithashtu atë që ka ndodhur brenda vendit.

PD kërkoi që KQZ të kryejë një auditim të plotë të procesit zgjedhor, përfshirë regjistrimin e zgjedhësve, prodhimin e fletëve të votimit dhe administrimin e tyre, me ekspertë të pavarur që të analizojnë çdo hap dhe të japin një pasqyrë të plotë të procesit. PD gjithashtu kërkon që KQZ të mos shpallë asnjë rezultat për votat e diasporës derisa të dalin rezultatet nga auditi i pavarur. Kaso theksoi se procesi i votimit ka dështuar dhe është korruptuar, duke humbur besueshmërinë e tij, dhe përfundoi duke akuzuar mazhorancën se ka ndikuar në disintegrimin e procesit, i cili fillimisht kishte për qëllim t’u jepte të drejtën e votës shqiptarëve jashtë vendit.

Deklarata e sekretarit për Çështjet Ligjore dhe Zgjedhore në PD, Ivi Kaso:

Teksa po numërohen votat e fundit të diasporës, procesi jo vetëm që po bëhet gjithnjë e më shumë qesharak, por qartazi u ka dalë nga duart atyre që projektuan këtë masakër elektorale.

Dështimi katastrofik i këtij procesi ngado, po veçanërisht në Greqi, shpaloset përditë, me prova, para syve të qytetarëve.

– Pas rasteve të panumërta të denoncuara nga bashkëatdhetarët tanë, të zarfeve të mbërritur bosh pa fletë votimi, të zarfeve të shpërndarë nga patronazhistë, paradoksalisht këtej numërohen shumë më shume fletë votimi se sa zarfe të ardhura;

– Pas zarfeve të mbërritur për në qarkun Durrës që përmbanin vota për Gjirokastrën,

– Pasi KQZ ende sot nuk di të na thotë së sa fletë votimi ka vulosur për diasporën, … e sa e sa raste çudirash të tilla,

Ky proces është tashmë i kompromentuar rëndë dhe jo legjitim.

Për më tepër ai reflekton edhe atë që ka ndodhur Brenda vendit, nëpërmjet të njëjtit mekanizëm!

Ne sot i kërkojmë zyrtarisht Komisionit Qendror të Zgjedhjeve, kryerjen e një auditi të plotë, me ekspertë të pavarur, për të gjitha hapat e këtij procesi të korruptuar në palcë, duke filluar nga regjistrimi i zgjedhësve, nga prodhimi i fletës së votimit nga jashtë e të çdo hapi tjetër deri në administrimin e fletës së mbërritur dhe në daljen e rezultatit për çdo qark.

Gjithashtu i kërkojmë KQZ, mosnxjerrjen e asnjë rezultati dhe mosmiratimin përfundimtar të asnjë tabele për diasporën derisa auditi i pavarur të dorëzojë konkluzionet e tij mbi procesin dhe të bëjë transparencë të plotë mbi votën e shqiptarëve.

Ky proces tashmë ka rënë totalisht.

Ne nuk mund të shpëtojmë, për fat të keq, fytyrën e këtij procesi i cili, me këmbënguljen e Partisë Demokratike synonte t`u jepte të drejtën e munguar shqiptarëve jashtë Shqipërisë, por që u korruptua në palcë dhe u disintegruar përpara syve të gjithë shqiptarëve, në saj të vullnetit të mbrapshtë të kësaj mazhorance!

Faleminderit!

bw

Kreu i Partisë Demokratike, Sali Berisha, ka zhvilluar një takim në Bruksel me Presidentin e Unionit Demokrat Ndërkombëtar (IDU), Stephen Harper.

Gjatë bisedës, Berisha shprehet se e njohu Harperin me situatën politike në Shqipëri dhe, në veçanti, me zhvillimet e zgjedhjeve të fundit, të cilat kreu demokrat i cilëson si “masakër elektorale”.

“Një takim i rëndësishëm me Presidentin e IDU, Z. Stephen Harper, në Bruksel, të cilin e njohëm me farsën e fundit zgjedhore në Shqipëri”, shkruan Berisha. bw

Presidentja e Kosovës, Vjosa Osmani, është takuar me kryeministrin e Kroacisë, Andrej Plenkoviq, me të cilin edhe kanë bashkëkryesuar tryezën e liderëve me temën ‘‘Një Evropë e hapur me kufij të sigurt’’.

Osmani ka thënë se Kosova dhe Kroacia i kanë prirë këtij diskutimi dje, që kanë qenë i nivelit më të lartë evropian për sfidat e migrimit, mobilitetin dhe fuqizimin e të rinjeve.

‘‘Kosova dhe Kroacia i kanë prirë dje diskutimit të nivelit më të lartë evropian për sfidat e migrimit, mobilitetin dhe fuqizimin e të rinjve. Bashkë me Kryeministrin e Kroacisë, Andrej Plenković, bashkëkryesuam tryezën e liderëve temën ‘Një Evropë e hapur me kufij të sigurt.

Përderisa sfidat dallonin nga shteti në shtet, një gjë ishte e qartë, përkushtimi për garantim të sigurisë dhe sundim të ligjit mbeten kyç për politika të duhura e zgjidhje afatgjata’’, ka shkruar ajo. bw

Kreu i Partisë Demokratike Sali Berisha po mban një konferencë për shtyp.

Ai ka akuzuar Partinë Socialiste dhe qeverinë për manipulime të votës së diasporës në zgjedhjet e fundit.

Berisha theksoi se ato ishin të shoqëruara me “krime elektoralë” që ndikuan në rezultatin e kutive të votimit, duke e konsideruar këtë proces si të gabuar dhe larg vullnetit të lirë të shqiptarëve në diasporë.

“Kemi prova të manipulimeve monstruoze më votën e diasporës. Ne po ndjekim procesin, pra qëndrimi në proces është domosdoshmëri që buron nga respekti për ligjin. Rezultati në kutitë e votimit është i tëri i gabuar nga kriminelë elektoral të PS e nuk ka të  bëjë me vullnetin e lirë të shqiptarëve në diasporë. Kam bindjen më të thellë se faktori ndërkombëtar do të qendrojë i palëkundur në mbrojtje të votave të shqiptarëve.

Janë të paktë ata që për hir të karriges së Ramës do të pranonin të sakrifikonin votën e lirë të shqiptarëve. Do të dokumentojmë çdo blerje e dhunim të hapur e të fshehur të ligjeve të vendit.

Zgjedhjet ishin farsa më e shëmtuar e 33 viteve në Shqipëri. Kjo është e vërteta”, tha ai. bw

Procesi i numërimit të votave të Diasporës ne garën e 11 Majit, është shndërruar në burim konflikti mes palëve. Partia Demokratike ka vijuar qëndrimin kundër përfshirjes së votave nga Greqia në rezultatin final.

Sekretari i Përgjithshëm i PD i ka shpërndarë një mesazh me porosi numëruesve dhe komisionerëve demokrat që të konstestojnë çdo votë nga Greqia.

Në udhëzimin e Flamur Nokës theksohet që për çdo votë dhe rezultat të vendoset shënimi, pasi këto fletë votimi nuk garantojnë as minimumin e standardit të sigurisë të dorëzimit tek individët.

 NJOFTIM I RËNDËSISHËM

Për të gjithë numëruesit dhe komisionerët e Partisë Demokratike me porosi të Sekretarit të Përgjithshëm .

Çdo votë e ardhur nga Greqia do të kontestohet si nga numëruesit, ashtu edhe nga komisionerët tanë, duke kërkuar që të mos përfshihet në rezultatin e zgjedhjeve.

Konkretisht, si numëruesit, ashtu edhe komisionerët, duhet të shënojnë në të gjitha procesverbalet tekstin si më poshtë:

“Ne i kontestojmë të gjitha votat e ardhura nga shteti grek dhe kërkojmë mospërfshirjen e tyre në rezultatin përfundimtar, për shkak se shpërndarja dhe marrja në dorëzim e tyre nga operatori postar nuk ka garantuar as minimumin e standardit të sigurisë së votës sa i përket marrjes dhe dorëzimit individual.”. Panorama

Zgjedhjet parlamentare të 11 majit kanë përmbyllur një kapitull zgjedhor me rezultat të qartë: Partia Socialiste e Shqipërisë (PS) del sërish forcë dominuese, duke siguruar 83 mandate në Kuvendin e ri prej 140 vendesh.

Megjithatë, prania e aktorëve  politikë, si Adriatik Lapaj nga Nisma “Shqipëria Bëhet” dhe Arlind Qori nga “Lëvizja Bashkë”, sinjalizon një fragmentim të lehtë të skenës politike përtej dyshes tradicionale PS-PD.

Me 812.316 vota (rreth 52%), PS ka siguruar jo vetëm shumicën e thjeshtë, por edhe numra bindës në Kuvend gati-gati shumicë të cilësuar prej 3/5 ose 84 deputetë. Vetëm 1 mandat larg këtij objektivi është mazhoranca socialiste, duke nëse sjellim në vëmendje mbi 50 mijë vota të diasporës shqiptare në Greqi, nuk do të ishte aspak surprizë që diferenca të thellohet në ndonjë qark. Sipas përllogaritjeve, PS është pranë përmbysjes në Qarkun e Lezhës, por kjo lëvizje mbetet për t’u parë gjatë numërimit të votave të emigratëve në fqinjin jugor.

Ndërsa Partia Demokratike dhe aleatët e saj (PD-ASHM) kanë arritur vetëm 50 mandate, me një rezultat kombëtar prej 522.949 votash (33.7%).

Ndërkohë, PSD ka siguruar 3 mandate (me 49.535 vota), Partia Mundësia 2 deputetë (48.489 vota), si dhe Nisma Shqipëria Bëhet 1 mandat (61.272 vota).

Lista e kandidatëve të Nisma-Shqipëria Bëhet kanë një specifikë. Kur u prezantuan kandidatët për deputetë, Adriatik Lapaj dhe Endri Shabani njoftuan se në listat e mbyllura kishin përfshirë emra kryesisht nga rrethi i tyre shoqëror dhe familjar me qëllim nxjerrjen jashtë loje të listave të sigura si domein të PS dhe PD, ndërsa e vetmja listë efektive dhe e vlefshme do të ishte ajo e hapur. Adriatik Lapaj ka siguruar deri tani 4 554 vota, ndërsa i dyti pas tij, Endri Shabani ka 2477.

Përbërja e Parlamentit shqiptar pas 11 majit: 

PS

83 deputetë

1. Ervin Demo             (BERAT – )
2. Enriketa Jaho         (BERAT – )
3. Hysen Buzali          (BERAT – 8209)
4. Fadil Nasufi            (BERAT – 6327)
5. Hatixhe Konomi    (BERAT – 3372)
6. Blendi Klosi            (DIBER – )
7. Alma Selami            (DIBER – )
8. Agron Malaj            (DIBER – 12616)
9. Klodiana Spahiu    (DURRES – )
10. Milva Ekonomi     (DURRES – )
11. Loer Kume              (DURRES – )
12. Skender Pashaj      (DURRES – )
13. Aurora Mara            (DURRES – )
14. Arkend Balla               (DURRES – 18651)
15. Ani Dyrmishi                (DURRES – 11576)
16. Etleva Budini                    (DURRES – 4038)
17. Arbjan Mazniku                (ELBASAN – )
18. Bora Muzhaqi                  (ELBASAN – )
19. Ermal Elezi                      (ELBASAN – )
20. Adi Qose                         (ELBASAN – )
21. Evis Kushi                      (ELBASAN – )
22. Sara Mila                        (ELBASAN – 18626)
23. Saimir Hasalla             (ELBASAN – 9361)
24. Olsi Komici                  (ELBASAN – 9020)
25. Aulona Bylykbashi     (ELBASAN – 8315)
26. Agron Gaxho        (ELBASAN – 5969)
27. Belinda Balluku    (FIER – )
28. Petrit Malaj        (FIER – )
29. Kiduina Zaka      (FIER – )
30. Erjo Mile             (FIER – )
31. Ana Nako           (FIER – )
32. Ceno Klosi         (FIER – 16638)
33. Klevis Jahaj          (FIER – 12696)
34. Asfloral Haxhiu     (FIER – 11622)
35. Antoneta Dhima    (FIER – 6860)
36. Elton Korreshi       (FIER – 5966)
37. Zegjine Caushi       (FIER – 4074)
38. Dhimiter Kruti      (FIER – 3629)
39. Mirela Furxhi        (GJIROKASTER – )
40. Termet Peci           (GJIROKASTER – 9468)
41. Piro Dhima            (GJIROKASTER – 6902)
42. Niko Peleshi          (KORCE – )
43. Romina Kuko         (KORCE – )
44. Genti Lakollari       (KORCE – )
45. Ilirian Pendavinji   (KORCE – 10133)
46. Bledi Çomo              (KORCE – 9478)
47. Besa Spaho             (KORCE – 6691)
48. Eduard Shalsi        (KUKES – )
49. Ulsi Manja              (LEZHE – )
50. Ermal Pacaj            (LEZHE – )
51. Marjeta Neli            (LEZHE – 6745)
52. Marjana Koceku      (SHKODER – )
53. Onid Bejleri                (SHKODER – )
54. Xhenis Cela               (SHKODER – )
55. Bujar Rexha               (SHKODER – )
56. Edi Rama                    (TIRANE – )
57. Ogerta Manastirliu        (TIRANE – )
58. Elisa Spiropali                 (TIRANE – )
59. Lindita Nikolla                (TIRANE – )
60. Taulant Balla                 (TIRANE – )
61. Adea Pirdeni                  (TIRANE – )
62. Albana Kociu                  (TIRANE – )
63. Igli Hasani                       (TIRANE – )
64. Delina Ibrahimaj            (TIRANE – )
65. Ilva Gjuzi                           (TIRANE – )
66. Iris Luarasi                        (TIRANE – )
67. Erion Malaj                       (TIRANE – )
68. Blendi Gonxhja                (TIRANE – 22 014)
69. Erion Brace                      (TIRANE – 20826)
70. Ervin Hoxha                     (TIRANE – 18905)
71. Fatmir Xhafaj                     (TIRANE – 12519)
72. Ornaldo Rakipi                  (TIRANE – 9548)
73. Anila Denaj                          (TIRANE – 8728)
74. Blerina Gjylameti                (TIRANE – 5751)
75. Bledar Cuci                               (VLORE – )
76. Zamira Sinaj                                    (VLORE – )
77. Erjona Ismaili                                (VLORE – )
78. Pirro Vengu                                     (VLORE – )
79. Damian Gjiknuri                          (VLORE – 10031)
80. Vullnet Sinaj                              (VLORE – 8757)
81. Ardit Bido                                    (VLORE – 7360)
82. Vasil Llajo                                   (VLORE – 4894)
83. Brunilda Mersini                       (VLORE – 4892)

PD – ASHM

50 deputetë

1. Enno Bozdo         (BERAT – )
2. Zija Ismaili          (BERAT – )
3. Xhelal Mziu         (DIBER – )
4. Denisa Vata          (DIBER – )
5. Oerd Bylykbashi   (DURRES – )
6. Artan Luku             (DURRES – )
7. Manjola Luku         (DURRES – )
8. Gent Strazimiri      (DURRES – )
9. Igli Cara                   (DURRES – )
10. Arian Ndoja           (DURRES – 8232)
11. Tomor Alizoti         (ELBASAN – )
12. Edmond Haxhinasto     (ELBASAN – )
13. Klodiana Capja               (ELBASAN – )
14. Blendi Himci                   (ELBASAN – )
15. Gazment Bardhi              (FIER – )
16. Luan Baci                           (FIER – )
17. Brunilda Haxhiu               (FIER – )
18. Saimir Korreshi                 (FIER – )
19. Tritan Shehu                      (GJIROKASTER – )
20. Ivi Kaso                              (KORÇË – )
21. Ledina Alolli                       (KORÇË – )
22. Bledjon Nallbati                (KORÇË – )
23. Fidel Kreka                         (KORÇË – 6523)
24. Flamur Hoxha                   (KUKËS – )
25. Shkelqim Shehu                 (KUKËS – 7493)
26. Agron Gjekmarkaj              (LEZHË – )
27. Elda Hoti                        (LEZHE – )
28. Gjin Gjoni                      (LEZHE – 8873)
29. Kastriot Piroli                (LEZHE – 5632)
30. Luciano Boçi                  (SHKODER – )
31. Kliti Hoti                          (SHKODER – )
32. Greta Bardeli                  (SHKODER – )
33. Ramadan Likaj               (SHKODER – )
34. Bardh Spahia                   (SHKODER – 9466)
35. Sali Berisha                        (TIRANE – )
36. Flamur Noka                       (TIRANE – )
37. Albana Vokshi                      (TIRANE – )
38. Belind Kellici                        (TIRANE – )
39. Tedi Blushi                            (TIRANE – )
40. Jozefina Topalli                    (TIRANE – )
41. Fatmir Mediu                         (TIRANE – )
42. Edi Paloka                              (TIRANE – )
43. Erisa Xhixho                          (TIRANE – )
44. Mesila Doda                           (TIRANE – )
45. Klevis Balliu                            (TIRANE – )
46. Besart Xhaferi                         (TIRANE – )
47. Jorida Tabaku                         (TIRANE – 19003)
48. Bujar Leskaj                            (VLORE – )
49. Vangjel Dule                             (VLORE – )
50. Ina Zhupa                                  (VLORE – )

PSD – 3 mandate
1. Tom Doshi                      (SHKODER – )
2. Sabina Jorgo                  (SHKODER – )
3. Albana Pellumbi            (TIRANE – )

Partia Mundësia- 2 mandate
1. Agron Shehaj                  (TIRANE – )
2. Erald Kapri                     (TIRANE – )

Lëvizja Bashkë – 1 mandat
1. Redi Muci                        (TIRANE – )

Nisma Shqipëria Bëhet – 1 mandat
1. Ana Dajko (Lista e mbyllur)  (Adriatik Lapaj, lista e hapur)   (TIRANE – )

Georgia Meloni sapo ka mbërritur në tapetin e kuq ku kryeministri Edi Rama po pret lidët e BE në kuadër të Samitit të Komunitetit Politik Europian.

Kreu i qeverisë ka bërë një gjest që ka tërhequr vëmendjen, duke hequr çadrën pavarësisht shiut që binte, dhe d uke u ulur në gjunjë përpara kryeministres italiane Meloni.

Meloni e ka komentuar me batutë gjestin e kreut të qeverisë shqiptare.

“E bën që të jetë i gjatë sa unë”, tha ajo me shaka. bw

E premtja e kthen sheshin “Skënderbej” në kryeqendrën e Europës.

Samiti i gjashtë i Komunitetit Politik Europian do të mbahet në Tiranë, ku do të marrin pjesë 47 liderë shtetesh dhe qeverish nga e gjithë Europa, përfshirë vende të Bashkimit Europian, Ballkanin Perëndimor, si dhe shtete të tjera të kontinentit.

Kjo është hera e parë që një ngjarje e tillë zhvillohet në Ballkanin Perëndimor, duke shënuar një moment historik për Shqipërinë dhe rajonin.

Pjesëmarrësit do të diskutojnë për çështje të sigurisë, konkurrencës ekonomike dhe fuqizimin e rinisë.

Pjesa dërrmuese e pjesëmarrësve do të mbërrijnë që të enjten në Tiranë. I pari mbërriti kryeministri i Mbretërisë së Bashkuar Keir Starmer, i cili u takua me presidentin e Shqipërisë Bajram Begaj dhe po zhvillon takim me kryeministrin Edi Rama, ku pritet të firmosen edhe dy marrëveshje.

Më vonë pritet të mbërrijnë, presidentja e Komisionit Europian Ursula Von nder Leyen, presidenti i Këshillit Europian Antonio Kosta dhe përfaqësuesi për politikën e jashtme të BE, Kaja Kallas, të cilët do të marrin pjesë në një darkë informale me liderët e Ballkanit Perëndimor.

Gjithashtu në kuadër të samitit, do të mbërrijnë sot në Tiranë liderit e shteteve Maqedonisë së Veriut, Andorës, Qipros, Azerbajzanit, Polonisë, Bullgarisë, Malit të Zi, Serbisë, Holandës, Finlandës, Lituanisë dhe Spanjës. Kosova dhe Greqia do të përfaqësohen në nivel presidencial.

Nesër pritet të vijnë liderët e vendeve: Belgjika, Austria, Turqia, Hungaria, Kroaci, Slloveni, Çeki, Sllovaki, Franca dhe Ukraina.

Çfarë pritet të ndodh nesër?

Sipas njoftimit të Këshillit Europian ambicia e Samitit të Komunitetit Politik Europian është të lehtësojë dialogun dhe bashkëpunimin ndërmjet liderëve të kontinentit për të adresuar çështje me interes të përbashkët, për të forcuar sigurinë, stabilitetin dhe prosperitetin e Europës.

“Ky samit nuk ka për qëllim të zëvendësojë ndonjë strukturë, organizatë ose proces ekzistues, por është një forum ku shtetet europiane mund të gjejnë mundësi të tjera për bashkëpunim mbi çështjet më urgjente të kontinentit”.

Deri tani, Komuniteti Politik Europian ka zhvilluar pesë takime. Në takimin e parë historik në Çeki, diskutimi u dominua nga çështje të paqes, sigurisë dhe energjisë që rrjedhin nga lufta e Rusisë në Ukrainë.

Në samitin e dytë në Moldavi, liderët u përqendruan te përpjekjet për paqe dhe siguri, si dhe te qëndrueshmëria energjetike dhe lidhshmëria dhe mobiliteti në Europë.

Takimi i tretë në Spanjë u përqendrua në forcimin e qëndrueshmërisë, prosperitetit dhe gjeostrategjisë së Europës.

Në Mbretërinë e Bashkuar, në samitin e katërt, dialogu u përqendrua në mbrojtjen dhe sigurinë e demokracisë, migrimin, energjinë dhe lidhshmërinë.

Në takimin më të fundit në Hungari, liderët diskutuan sfidat e sigurisë të Europës, migrimin e parregullt, sigurinë ekonomike, lidhshmërinë dhe marrëdhëniet BE-SHBA.

Axhenda:

10:00: Mbërritja e delegacioneve
11:15: Ceremonia e hapjes
11:40: Fotografia e përbashkët familjare
11:45: Seanca e parë plenare
13:15: Drekë zyrtare
14:30: Tryeza e dytë tematike
15:30: Takime bilaterale mes Kryeministrave të Delegacioneve
17:30: Seanca plenare e mbylljes
18:45: Konferencë e përbashkët për shtyp me Kryeministrin e Shqipërisë dhe Kryeministrin e Danimarkës (vendin pritës për samitin e ardhshëm).

Kryetari i Partisë Demokratike, Sali Berisha, gjatë pjesëmarrjes në Forumin Botëror të IDU-së në Bruksel, deklaroi se ka ardhur për të denoncuar farsën zgjedhore të 11 majit dhe për të mbrojtur votën e shqiptarëve.

Berisha u takua me drejtues të IDU-së dhe përfaqësues të partive të djathta nga e gjithë bota, duke siguruar mbështetje për përpjekjet e opozitës shqiptare për rikthimin e votës së lirë.

Lideri opozitar, Sali Berisha tha se PD ka dokumentuar në kohë reale parregullsitë dhe manipulimet, dhe sapo të përfundojë procesi i ankesave, do dorëzojë raportin përfundimtar në kancelaritë kryesore perëndimore.

Sipas Berishës, ndryshe nga viti 2001, këtë herë është përfshirë i gjithë shteti në blerje votash përmes shpërndarjes së parave publike, punësimeve dhe lidhjeve me krimin.

Berisha shtoi se PD po kërkon gjithashtu një dëgjesë në Kongresin Amerikan për të paraqitur provat e instalimit të narkoshtetit. Lidhur me parlamentin, opozita do të vazhdojë betejën për votën e lirë. Ndaj ndalimit të protestës së nesërme nga Policia e Shtetit, Berisha u shpreh se vendimi është antikushtetues dhe protesta do të mbahet. Në fund të këtij takimi, Berisha dha një intervistë për Syri Tv:

Z.Berisha, IDU më herët ka miratuar një rezolutë për Shqipërinë, të propozuar nga PD, sot ju jeni pjesë në këtë samit. Si kanë qenë takimet dhe ku e keni fokusuar ju bisedën me përfaqësuesit e partive politike që janë pjesë e IDU?

Sot është forumi botëror i IDU-së që mbahet në Bruksel. Njëherë mbahet në Uashington, herën tjetër mbahet në Bruksel. Unë erdha këtu me urgjencë për të mgrojtur votën e shqiptarëve. Për të paraqitur para audiencës dhe personaliteteve të pranishme në këtë forum, farsën e turpshme zgjedhore të 11 majit.

Dhe, këtu ka një terren jashtëzakonisht të përshtatshëm, pasi që të gjitha këto që ndodhën në 11 maj janë të parashikuara në mënyrë të plotë në rezolutën e dhjetorit të forumit të Uashingtonit të IDU-së.

Në këto orë qendrimi pata rastin ta takoj dhe ta informoj për zhvillimet e fundit, presidentin e IDU-së, z.Stefan Harper dhe shumë personalitete të tjera nga Europa, por edhe nga vende tjera nga mbarë bota.

Pra, qëllimi kryesor është denoncimi online, flakë për flakë si të thuash, i farsës elektorale, të cilën për hir të së vërtetës e kam denoncuar, dhe e kanë denocuar me profesionalizëm të madh, edhe vëzhguesit e institucioneve ndërkombëtare të zgjedhjeve të 11 majit.

Me përfaqësuesit, drejtuesit e partive politike morët një lloj garancie, çfarë garancie i dhanë ata Sali Berishës sa i takon kësaj çështjeje?

Ata mbështesin plotësisht 100% përpjekjet që po bën PD dhe opozita shqiptare për rikthimin e votës së lirë qytetarëve shqiptarë, dhe dënojnë farsën elektorale të Edi Ramës. Ne u jemi pafundësit mirënjohës IDU-së, PPE-së dhe CDI-së, të cilat kanë folur në rezoluta të tyre në një gjuh të njëjtë ndaj narkoshtetit shqiptar dhe shndërrimit të procesit zgjedhor në një farsë elektorale nga Edi Rama, narkodiktatori që ka përqendruar në duart e tij të gjitha pushtetet.

Ekipit të PD, edhe sa kohë i duhen për të dorëzuar këto prova tek përfaqësuesit e PPE-së, PE, KE, përfaqësuesit e IDU-së, për t’i dorëzuar provat e farsës elektorale, siç e quani ju, dhe atyre që ju keni denoncuar nga selia blu gjatë këtyre ditëve, pas 11 majit?

Ne, çdo gjë e kemi gati në kohë reale, e kemi të pregatitur, por natyrisht, finalizohet me finalizimin e procesit zgjedhor dhe shqyrtimit të ankesave. Pas kësaj, ne raportin e kemi gati. Ne kemi punuar në mënyrën më serioze. Ne kemi parashikuar ëto zhvillime. Dhe pikërisht, në këtë trend, ne kemi dokumentuar shumësinë e pafundme të parregullsive, të dhunimeve, të manipulimeve, të këtyre zgjedhjeve.

Kështu që, fundi i procesit ka pothuaj në të njëjtën kohë, është dhe përfundimi i raportit të cilin ne do ta paraqesim në të gjitha organizatat e mëdha, ku bëjnë pjesë të gjitha kancelaritë e mëdha të Europës dhe botës, në Uashington, në kancelarinë gjermane, britanike, në Francë. Kudo, do paraqesim dokumentacionin e farsës elektorale të Edi Ramës.

Z.Berisha, jeni pyetur edhe më herët, ku është ndryshimi midis 2001 dhe 2025, dhe këto prova, duke parë edhe zhvillimin e teknologjisë tashmë, ju keni më shumë besim tek provat që keni mbledhur tani, apo tek ato duke bërë krahasimin me 2001?

Kanë qenë të një karakteri të ndryshëm. Pse kanë qenë të një karakteri të ndryshëm?

Në 2001, qeveria angazhoi kryesisht policinë. Kurse, kësaj here, angazhimi ishte shteti i tërë. Kësaj here, Edi Rama publikisht bleu vota, shpërndau 70 milionë euro në fushatë elektorale për të blerë vota, duke i dhënë 100 euro 48% të votuesve shqiptarë që janë pensionistët sot. Bleu vota duke fal 200 milionë euro kamata dh gjoba të dhjetëvjeçarit. Bleu euro duke autorizuar mbjelljen e miliona-miliona rrënjve kanabis, në një kohë kur një rrënjë kanabis sjell të ardhura 1000 euro.

Bleu vota, duke punësuar me dhjetëra mijëra qytetarë. Po këto ishin publike. Bota e krimit, si asnjë herë më parë, u angazhua me të gjitha qindra, miliona mos miliarda euro në blerje votash në urdhra dhe sjell në parlament rreth 28 kandidatë të financuar, të mbështetur, të garantuar prej organizatave kriminale.

Ju keni mbajtur dy dëgjesa të rëndësishme, dy dëgjesa i keni mbajtur më herët. Mendoni se një dëgjesë në Kongresin Amerikan ka rëndësi të madhe, duke parë dhe këtë situatë? Çfarë po bëhet në këtë drejtim nga ana e PD, por edhe përfaqësuesve të saj, po edhe nga vet ju, për të mundësuar një zhvillim në Amerikë për sa i takon çështjes së zgjedhjeve?

Ne vijmë për t’ja paraqitur gjithçka ligjvënësve, administrtatës së SHBA-ve të gjitha faktet flagrante që kemi, të cilat rrëzojnë këtë farsë elektorale dhe dëshmojnë në Shqipëri është i instaluar narkoshteti.

Ne, po përpiqemi dhe jam optimist. Natyrisht, agjenda e Kongresit Amerikan dhe e senateve është një agjendë shumë e ngjeshur. Por, unë kam shumë besim që do arrijmë që, në një mënyrë ose një tjetër të paraqesim kauzën tonë të drejtë.

Z.Berisha, parlamenti i vjetër, po e quaj kështu, pasi parlamenti i ri ka dalë nga zgjedhjet e 11 majit, do të rikthehet sërish në seancë plenare. Si do të shkojë opozita tashmë në parlamentin e Shqipërisë? do të vijojë edhe betejën e saj për votën e lirë, siç e keni quajtur ju në parlament? Ka një agjendë për sa i takon kësaj çështjeje?

Opozita do të hartojë agjendën e saj, por Opozita do të vazhdojë betejën për votën e lirë në të gjitha format.

Ka një vendim nga ana e Policisë së Shtetit që mos të lejohet protesta e njoftuar nga ana e Opozitës ditën e nesërme në ora 17:00, keni një përgjigje për Policinë e Shtetit dhe keni një skenar të dytë?

Opozita nuk njeh asnjë vendim antikushtetues. Gjykata Kushtetuese e republikës së Shqipërisë i ka dhënë përgjigje përfundimtare çështjes së tubimeve. Po, ne e deklarojmë publikisht se tubimi i opozitës nuk kërcënon dhe nuk do të kërcënojë sigurinë e mysafirëve në Tiranë.