Tirana është mbushur me postera mbrëmjen e kësaj të mërkure.

“Wanted Erion Veliaj për debat me Belon, ta gjeni ku është dhe ku s’është“, shkruhet në këto postera.

Kandidati i opozitës për Tiranën, Belind Këlliçi e ka ftuar disa herë Veliajn në debat publik, por kryebashkiaku ka refuzuar.

Veliaj heziton ballafaqimin në debat televiziv për shkak të bilancit katastrofik që ka në drejtimin 8-vjeçar të Tiranës.

Erion Veliaj bëri të kundërtën e atyre që premtoi nga lejet e ndërtimit, investimet në infrastrukturë, shkolla e kopshte, taksat dhe tarifat vendore të rritura, e deri te furnizimi me ujë të pijshëm. syri.net

Mesnata e së premtes është ultimatum i fundit që kreu i KQZ, Ilirian Celibashi i dha Edi Ramës për të hequr posterat që nuk shënojnë se janë të prodhuara nga PS, në të kundërtën e paralajmëori se do të urdhërojë Policinë Bashkiake për ti hequr ato. Urdhërin, Celibashi e dha në mbledhjen e kësaj të mërkure, dhe vlen për të gjitha partitë politike, posterat e së cilave nuk shënojnë se janë të prodhuara ligjërisht nga ato.

SYRI TV

Kryekomisioneri shteteror i zgjedhjeve Ilirian Celibashi i dha ultimatum Partisë Socialiste deri të premten në mesnatë që të heq posterat dhe materialiste  propagandistike të cilat nuk kanë mbishkrimin që janë prodhuar nga kjo forcë politike, ashtu siç e përcakton ligji.

Ky ultimatum vjen pas neglizhencës së PS të afatit 2 ditor që Celibashi i dha Edi Ramës për të bërë shënimin që afishemet janë të prodhuara ligjërisht nga PS, e po kështu ti dorëzonte aktmarreveshjet me kompanitë tregtare që i kanë vënë në dispozicion banerat.  Në mbledhjen e kësaj të  mërkure, kreu i KQZ paralajmëroi Ramën se nëse nuk i heq posterat, do të urdhërojë policinë bashkiake ta bëjë, në të gjitha bashkitë e vendit.

Urdhëri i kryekomisionerit vlen edhe për çdo parti politike e cila nuk e vendos mbishkrimin e autenticitetit në materialet propagandistike. syri.net

Devolli braktis mitingun elektoral të Edi Ramës.

Siç duket edhe në foton që ka siguruar Syri.net, vetëm një grusht njerëzish kanë marrë pjesë në takimin e kryeministrit. Kjo pamje është tregues i qartë që aty mungojnë edhe socialistët.

Qytetarët kanë zgjedhur më mirë të rrinë në shtëpi se sa të dëgjojnë fjalimet pa përmbajtje të kryeministrit.

Nuk ka program, nuk promovon projekte zhvillimi, por shan dhe fyen kundërshtarët politikë kudo që shkon.

Fjalorit poshtërues nuk i kanë shpëtuar ditët e fundit as qytetarët e thjeshtë ku diku u bën thirrje grave t’u turren burrave e diku tjetër përmend varret e gjyshërve siç bëri në Devoll.

Në këto kushte, Edi Ramën kanë zgjedhur ta bojkotojnë edhe socialistët, duke e lënë në Devoll vetëm me punonjësit e administratës, të cilët nxirren me dhunë.

Tjetër deklaratë skandaloze me autor kryeministrin e vendit, Edi Rama.

Pasi u tha grave në Pogradec “të turren nëpër gjitonë, burrë mbi burrë ditën e votimit” dhe “t’i mbyllin në shtëpi që të mos votojnë opozitën”, sot në Devoll kryeministri u shfazua.

Gjatë takimit elektoral, Rama iu drejtua qytetarëve se të votojnë kandidatin e opozitës është njësoj si të kenë pështyrë varret e gjyshërve.

Se dhe gjyshërit më të paepur të Ballit Kombëtar do të rrotullohen në varr po t’u jepni votën këtyre që i thonë vetes e djathtë dhe që vijnë këtu me në krye Like Floririn. Kjo është një pështymë mbi varrin e gjyshërve”, ishte deklarata skandaloze e Ramës.

Kryeministri nuk njeh limite dhe as norma njerëzore kur vjen puna për vota dhe pushtet.

Ai është i gatshëm që për interesat e tij të ngushta politike të përdhosë edhe të vdekurit.

Por kuptohet se cila është arsyeja që e shtyn kryeministrin drejt këtyre deklaratave prej të lajthituri.

Edi Rama e di më mirë se kushdo tjetër se ku do të renditet në këto zgjedhje dhe çfarë ngjyre do të marrë harta e Shqipërisë në 14 Maj.

Prandaj edhe vijon nga dita në ditë jo vetëm të zbrazë mllefin ndaj kundërshtarëve politikë, por edhe të fyejë e poshtërojë qytetarët me deklarata nga më të paimagjinueshmet. syri.net

Kryetari demokrat, Sali Berisha, reagoi sot ndaj deklaratës skandaloze të kryeministrit Edi Rama në Athinë se serbët dhe shqiptarët janë kushërinj.

“Sot, unë këtu dënoj me forcën më të madhe, deklaratën antishqiptare në Athinë të Edi Ramës. Për herë të parë në tërë historinë e Shqipërisë, në tërë historinë e Ballkanit dhe botës, një njeri i papërgjegjshëm deklaron se shqiptarët dhe serbët janë kushërinj.

Për të justifikuar tradhtinë e tij ndaj kombit shqiptar, ai arrin të shkelmojë mbi qindra mijëra të vrarë nga barbaritë serbë, të quajë gjenocidet serbe si gjenocide të kryera mes kushërinjve. Një mendje njerëzore më antishqiptare se kjo nuk mund të bëhet.

Me kushërirllëkun që njeh Edi Rama, kërkon të legjitimojë çdo pretendim serb në territoret shqiptare.

Kërkon të vendosë në harresë të gjitha barbaritë serbe, shkelmon historinë, shkelmon të vërtetën, shkelmon çdo gjë me një formulë të dhënë nga Beogradi, për ta thënë në Athinë.

Ku e bazon? E bazon vetëm në vasalitetin, në asgjë tjetër shqiptarët dhe serbët nuk janë kushërinj.

Shqiptarët janë këtu që kur është krijuar kjo tokë. Serbët, sipas historisë së tyre, kanë ardhur këtu nga stepat në shekullin e gjashtë.

Se ku e gjen lidhjen e gjakut Edi Rama, e gjen në tradhtinë e tij, në vasalitetin e tij ndaj Beogradit.

Ky është një akt i dënueshëm, sikundër dënoj implikimin e tij në fushatë elektorale në vende të tjera.

Dënoj me ashpërsinë më të madhe, por garantoj shqiptarët se 14 maji është dita e vendimit pa kthim për largimin e Edi Ramës nga skena politike si hajduti, si qeveritari që vodhi më shumë shqiptarët në historinë e tyre. Njëkohësisht edhe si qeveritari që shkelmoi si tradhtar, interesat e tyre kombëtare, interesat e tyre qytetare,” tha Berisha. syri.net

Teksa nuk ka ende asnjë gjurmë nga dy 46-vjeçarët e zhdukur, Leonard Thodhori e Fatmir Sulovari alias Fatmir Krasniqi, familjarët e tyre po protestojnë para Policisë së Shtetit. Me foto të të zhdukurve, familjarët kërkojnë angazhimin e policisë për të zbuluar vendndodhjen e dy 46-vjeçarëve.

Mësohet se tre prej familjarëve janë takuar me përfaqësues të Drejtorisë së Policisë së Shtetit.

“Duam trupat e tyre. Shteti nuk po punon ashtu siç duhet. Janë 26 ditë, po shkon një muaj. Nuk kemi asnjë komunikim. Asnjë gjë, duam që shteti të gjejë trupat. Nuk ka lidhje konflikti i pronësisë. Po të kishte konflikte nipi im, s’do dilte lirshëm. Kemi ardhur për protestë paqësore këtu. Shteti të gjejë trupat dhe të kapë autorët”, tha Kujtim Krasniqi, xhaxhai i Sulovarit.

Policia mendon se dy të zhdukurit janë ekzekutuar dhe trupat e tyre mund të ndodhen në territor të Bashkisë së Konispolit. Paraprakisht mendohet se dy të zhdukurit i kanë njohur rrëmbyesit, pasi në disa pamje filmike të lëvizjes së mjetit te tyre, dallohet Fatmir Sulovari teksa ndodhet i ulur në sediljen e parë duke mbajtur dorën në tavan, por në gjendje normale.

Nga pamjet filmike është e vështirë te dallohet shoferi dhe pasagjerët pas, por dihet qe targat e mjetit janë greke të vjedhura në Lezhë. Ndërkohë janë sekuestruar 8 automjete, si dhe është arrestuar një 28-vjeçar, që thuhet se ka bashkëpunuar me autorët e rrëmbimit të dy të zhdukurve.

Besnik Uku është një burrë në të 70-tat që jeton në Sauk, aty ku Bashkia nuk është zakonisht e pranishme. Megjithatë, prej 30 vitesh, ai është socialist i rreshtit, nga ata të bindurit, që i janë dhënë maksimalisht kësaj partie, me mish e me shpirt si me thënë. Sigurisht nuk futet tek grupi i përfituesve.

Në një takim të Belind Kelliçit në zonën e tij, ai pati kurajën të shkojë aty dhe të japë vlerësimin publik për projektin që kandidati i Opozitës ka, në veçanti, për transportin publik falas.

Me mikrofon dhe në prani të kamerës, ai deklaroi votën pro Kelliçit. Pa asnjë pishman, siç tha.

Këtë e lajmëroi kandidati në rrjetin e tij social, me mbulimin live që i bën aktiviteteve nga Faceboook-u i tij. Të njëjtën ditë, u shfaq dhe një video tjetër. Ajo mori më shumë vëmendje sigurisht, e më shumë like e share, se sa Besniku.

Ishte Rita Ora që lajmëronte nga një zyrë e saj e largët, mbështetjen për Erjonin.

Kryebashkiaku posh, po kompleton kështu klubin me celebrity, me njerëz që nuk kanë asnjë ndjeshmëri për Tiranën, për ajrin e ndotur, për trafikun, për faktin se 160 mijë banorë në qytet nuk kanë një shkollë e një çerdhe, dhe as për zullumin e madh që bëjnë drejtuesit e njerëzit më të besuar të Veliajt në Bashki. As nuk duan tja dinë fare.

Në rastin më të mirë, përkrahësit VIP të Veliajt, mund të jenë vizitorë në Tiranë, e nëse ka ndonjë që jeton këtu, patjetër është akomoduar mirë në atë pjesë të metropolit, e në ato bordero, çka e distancojnë me hallet dhe shqetësimet e vërteta të kësaj ane.

Besnik Uku është në këto zgjedhje më i rëndësishëm se Rita Ora, jo vetëm sepse voton me 14 maj, por sepse këto zgjedhje bëhen pikërisht për atë. Kjo nuk është një garë Eurovizioni, as spektakël, as në fund të fundit, zgjedhje politike. Është betejë vendore, për administrimin e qytetit, për modelin që duhet ndjekur. Atë që është aktualisht në fuqi, ku banorët, qytetarët, Tirana me gjithçka është në shërbim e në funksion të kryetarit, të karrierës e ambicies së tij, apo që të vijë në krye e kundërta, ku Kryetari e Bashkia, janë në funksion e në shërbim të njerëzve?

Në këtë sens, të famshmit që po bëjnë tifo për modelin e gabuar, janë kryesisht të pafajshëm, se ata nuk kanë shumë informacion, dhe nuk e dinë të vërtetën.

Por Besnik Uku e di mirë. Ai ka qene brenda radhëve të PS për 30 vite, dhe ka parë se sa shumë padrejtësi, represion, e armiqësi mund të burojë nga një i zgjedhur lokal, nga ekipi i tij, nga një Bashki.

Ndaj ai është treguesi i vërtetë, gjenuin, se çfarë ndodh sot në kryeqytetin tonë, e çfarë duhet të ndodhë me 14 Maj, që gjërat të shkojnë në normalitet, e të mos fluturojnë më tej në këtë marri të dëmshme.

Ka zhvillime në hetimet për vdekjen e shtetases keniane Joy Aoko. Burime bëjnë se gjatë natës dhe orëve të paratë mëngjesit janë kontrolluar 4 banesa dhe janë shoqëruar disa persona.

Policia dhe prokuroria janë vënë në aksion 9 muaj nga vdekja e 22-vjeçares e cila punonte në një kazino në Tiranë, ndërsa së fundi është bërë e mundur dhe zhbllokimi i telefonit të saj, nga ku kanë dalë edhe kontaktet e fundit që ajo ka pasur, njofton Faxweb.

Në mesin e personave që kanë shoqëruar është edhe shoferi i kazinosë ku  Joy punonte, Rodin Barçi, ndërsa në pyetje është marrë dhe i vëllai i tij. Hetuesit po punojnë për zbardhjen e të vërtetës.

Joy Aoko u gjet e rrëzuar nga kati i tretë i banesës ku jetonte me qira, pranë vilave gjermane në gusht të vitit 2022.

Ajo shtrua në spitalin e Traumës më datë 14 gusht 2022. 22-vjeçarja i mbijetoi fillimisht plagëve të marra, por një dëmtim në tru e la në gjendje vegjetative. E reja nuk i mbijetoi dot dëmtimeve të marra, duke ndërruar jetë 6 muaj pas ngjarjes së rëndë, në një spital jashtë vendit ku u transferua nga familja e saj. syri.net

Në Shqipëri, misioni i vëzhguesve ndërkombëtar të ODIHR-it, vëren se “mjedisi politik vazhdon të jetë i karakterizuar nga polarizimi i thellë ndërmjet kryetarëve të partive të mëdha”. Konstatimi i përket Raportit të ndërmjetëm mbi zgjedhjet vendore të 14 majit, i publikuar të premten pasdite. Ai është një dokument përshkrues mbi situatën dhe zhvillimet e deritanishme.

Raporti vëren se fushata e nisur zyrtarisht më 14 prill “ka qenë relativisht modeste dhe me ton të moderuar” dhe se ajo “duket të jetë e orientuara më tepër ndaj profileve të kandidatëve sesa platformave specifike politike të tyre, ku zgjedhjet e këshillave kanë kaluar në plan të dytë krahasuar me zgjedhjen e kryetarëve të bashkisë”. Sipas vëzhguesve ndërkombëtarë “përgjithësisht, fushata është e dukshme, veçanërisht në Tiranë, ku misionit i ODIHR-it ka vërejtur një prani të konsiderueshme të materialeve të fushatës në terren, përgjithësisht deri më tani ekskluzivisht nga PS”.

Misioni i Vëzhguesve, i drejtuar nga ambasadorja Audry Glover ka zhvilluar takime të shumta si me përfaqësuesë të të gjitha krahëve politike, ashtu dhe me institucionet dhe aktorë të përfshirë në procesin zgjedhor. Në raport shkruhet se “shumë bashkëbisedues të misionit të ODIHR-it, ngritën shqetësime lidhur me iniciativat e fundit të ndërmarra nga qeveria, siç është bonusi i pensionistëve dhe premtimet e kryeministrit lidhur me pagat e punonjësve të sektorit publik. Komisioneri deklaroi publikisht se sipas interpretimit të tij, dispozitat ligjore përkatëse zbatohen vetëm për zgjedhjet parlamentare”.

Ndërkohë, sipas raportit “KQZ-ja informoi misionin se deri më 18 prill, shumica e 340 raportimeve të depozituara përmes portalit të saj online, ishin dorëzuar nga organizatat e shoqërisë civile dhe pretendonin keqpërdorim të burimeve publike” dhe se “KAS ka shqyrtuar gjithashtu 20 kërkesa të Komisionerit për vendosjen e sanksioneve për shkeljen e masave të parashikuara kundër keqpërdorimit të burimeve publike dhe ka pranuar 10 prej tyre”.

Për zgjedhjet e 14 majit janë regjistruar rreth 3,65 milionë zgjedhës. Vëzhguesit shprehen se kanë marrë shqetësime se në listën përfundimtare të zgjedhësve janë bërë ndryshime të qendrave të votimit të cilat prekin rreth 1,3 milionë zgjedhës. “Disa bashkëbisedues të misionit, besojnë se kjo mund të çorientojë votuesit në ditën e zgjedhjeve”, shkruhet në raport.

Dokumenti i ODIHR-it, vlerëson pozitivisht punën e Komisionit Qendror të Zgjedhjeve. “Deri tani, administrata zgjedhore ka respektuar shumicën e afateve ligjore. Shumica e bashkëbiseduesve të misionit, vunë re transparencë dhe hapje të shtuar në vendimmarrjen e KQZ-së”.

Më 14 maj shqiptarët do të duhet të votojnë për drejtuesit e 61 bashkive dhe 1603 anëtarët e këshillave të tyre bashkiakë. Në garë janë përfshirë 40 parti dhe koalicione me 144 kandidatë për kryetar bashkie dhe rreth 23,700 kandidatë për këshillat. Dy kandidatë për kryetar bashkie dhe dhjetë për këshillat, janë të pavarur. Dyzet kandidatë janë ende nën shqyrtim nga Prokuroria e Përgjithshme, pasi KQZ-ja konstatoi elementë që ngrinin dyshime mbi të kaluarën e tyre, dhe vendimi përfundimtar mbi pranueshmërinë e tyre është pezull.

Misioni, përbëhet nga një ekip bërthamë prej 13 vetësh i vendosur në Tiranë dhe 24 vëzhgues afatgjatë të dërguar më 13 prill në 12 qarqet në mbarë vendin. ODIHR-i u ka kërkuar Shteteve pjesëmarrëse të OSBE-së të dërgojnë 300 vëzhgues afatshkurtër për të ndjekur procedurat në ditën e zgjedhjeve.

Shqipëria ka hyrë prej 14 prillit zyrtarisht në muajin e fushatës elektorale për zgjedhjet lokale të 14 Majit, me qeverinë dhe opozitën që janë dislokuar në terren me të gjithë arsenalin e tyre, për të përmbushur misionin e fitores në 61 bashki të vendit.

Por në këtë fushatë ajo ç’ka ka rënë në sy është shkelja me “të dyja këmbët” e Kodit Zgjedhor nga kryebashkiakët socialistë, të cilët kanë tenderuar miliona euro për asfalt elektoral dhe vepra të tjera infrastrukturore në këmbim të mbështetjes nga klientët biznesmenë në terren dhe “rrëmbimit” të votës.

Si shembull, kanë ndjekur as më shumë e as më pak por kryetarin e tyre, njëherësh kryeministër, i cili nga Tirana nisi aksionin “blerja e votës” që në mars me urdhrin për shpërndarjen e lëmoshës 5 mijë lekë të reja për pensionistët dhe lëvrimin e fondeve për rritje pagash në disa sektorë të administratës dhe punonjësve të shtetit.

Të tjera forma që janë hasur, lidhen me shpërndarjen e dhjetëra mijëra eurove nga bashkitë socialiste si grante për të prekurit nga tërmeti i vitit 2019, ku kryesojnë listën Durrësi, Kruja, Vora apo Kamza.

Nuk përjashtohet nga makineria elektorale e Edi Ramës as nisja e përzgjedhjes së librave falas për nxënësit para datës së zgjedhjeve, apo shpërndarja e milionave të radhës si subvencione për naftën falas në kuadër të programit IPARD III, për të cilën ministrja e Bujqësisë Frida Krifca njoftoi se të hënën e ardhshme mbi 2000 fermerë do të tërheqin rreth 146 milionë euro.

Sikur të mos mjaftonin këto makinacione para zgjedhjeve, në këtë betejë, kryeministri ka shfrytëzuar edhe Këshillin Kombëtar të Territorit, duke shpërndarë disa leje ndërtimi në kulmin e fushatës elektorale.

Ajo çka bie në sy në 40 vendimet e mbledhjes së fundit të KKT-së, që është mbajtur të martën e 25 prillit, është se me firmën e Ramës i jepet “OK” ndërtimit të shtatë kullave të reja në Tiranë.

Betonizimi i kryeqytetit, i cili është shtruar si problem real i qytetarëve në këtë fushatë zgjedhore, duket se do të vijojë pa ndalur me “bekimin” e Ramës, i cili i shton 1.8 milionë m2 lejesh ndërtimi të Veliajt në Tiranë edhe 7 ndërtime të reja. syri.net

Kandidati i opozitës për Bashkinë e Durrësit, Igli Cara, zhvilloi takime në zonën e ish-Kënetës, ku duket qartë mjerimi dhe mungesa e investimeve.

“Pa rrugë dhe rrethuar nga ujërat e zeza!

Kjo është situata alarmante prej vitesh në ish-Kënetë, një nga zonat ku mungesa e investimeve është e vetmja përgjigje konkrete për banorët.

Niveli i lartë i ndotjes mjedisore mbizotëron, duke rrezikuar jetën e familjeve që jetojnë këtu, por dhe të të gjithë banorëve të Durrësit.

Në 14 Maj bashkë bëjmë ndryshimin!

Investime, në funksion të përmirësimit të cilësisë së jetës së banorëve. Është detyrë e Bashkisë së Durrësit që taksat dhe tarifat vendore, t’i kthejë në shërbime për çdo familje në çdo zonë të qytetit!

Qyteti je ti!” shkruan Cara.

Kandidati i opozitës për bashkinë e Tiranës, Belind Këlliçi bëri një premtim të fortë në “Çim Peka Live”. 

Ai u shpreh se nëse fiton zgjedhjet e 14 Majit nuk do të japë asnjë leje ndërtimi për kulla në qendër të Tiranës.

Gjithashtu, Këlliçi u zotua se gjatë drejtimit të Tiranës prej tij, nuk do të preket asnjë centimetër tokë te Liqeni Artificial i Tiranës.

“Unë nuk do të jap asnjë leje për kullë brenda qendrës së Tiranës, në zonën muzeale të Tiranës dhe nuk do të prek asnjë centimetër katror të Parkut të Liqenit. Qyteti do të duhet të ndërtohet në një parim proporcional”, tha ai.

Sakaq, Këlliçi tha më tej se nuk do të marrin leje ndërtimi kompanitë që nuk justifikojnë të ardhurat.

“Leje ndërtimi nuk do të marrë asnjë kompani që nuk justifikon të ardhurat”, theksoi kandidati i opozitës.

Kryeministri Edi Rama ka bërë dhe njëherë avokatin mbrojtës të Serbisë, teksa ditët e fundit është shtuar presioni ndaj Beogradit nga BE dhe SHBA për respektimin e marrëveshjes së Ohrit. Rama ka deklaruar në një intervistë për emisionin “Porta a Porta”, se “duhet ta mbajmë Serbinë shumë pranë dhe duhet të bëjmë gjithçka që të jemi të bashkuar politikisht”.

I pyetur nëse Shqipëria i frikësohet një zgjerimi të mundshëm të Bashkimit Europian që përfshin Serbinë, në një kohë kur Serbinë e shohim shumë pranë Rusisë, Rama tha se “jo, vetëm që nuk i trembemi kësaj, por jemi një zë mjaftueshëm i dalluar në Ballkanin Perëndimor që thotë se duhet ta mbajmë Serbinë shumë pranë dhe duhet të bëjmë gjithçka që të jemi të bashkuar politikisht”.

“Nga ana tjetër, sigurisht që ka dallime sepse Serbia nuk e ka sanksionuar Rusinë për arsye të qarta që në një moment duhet kuptuar se ato janë arsye të natyrës politike dhe historike, por edhe të natyrës pragmatike”, shtoi ai.

Duke folur mbi ndikimin e luftës në Ukrainë në Ballkan dhe në veçanti në Shqipëri, Rama tha se “duhet të bëjmë gjithçka për të shmangur që pasioni luftarak, të mos na përfshijë edhe ne në krijimin e mosmarrëveshjeve mes vendeve anëtare të NATO-s dhe pro NATO-s në Ballkan dhe mes Serbisë dhe komuniteteve që i përkasin një bote sllavo-ortodokse, që është e lidhur ngushtë me Rusinë”.

Duke iu përgjigjur pyetjes së gazetarit, Rama theksoi se nuk mund të mendohet një Bashkim Europian që përfshin Shqipërinë dhe vendet e tjera të Ballkanit, pa Serbinë.

Rama foli edhe për luftën në Ukrainë, ndërsa theksoi se, “mundësia më e madhe është që ky është një nga konfliktet e ashtuquajtura të ngrira, por me një dimension mjaft mbresëlënës që mund të marrë peng jo vetëm Rusinë dhe Ukrainën, por të gjithë botën për një periudhë të gjatë kohore. Dhe, nëse rusët kanë qenë gjithmonë luftëtarë mjaft të ashpër, ukrainasit janë të njëjtë. Kështu të thuash që këtu mund të vendoset pa ata, më duket mjaft e vështirë”.

Në Shqipëri, Policia njoftoi të mërkurën në mbrëmje se në vrasjen e ndodhur një javë më parë në Shëngjin, të sipërmarrësit Ardian Nikulajt, në mjediset e hotelit të tij, janë përfshirë, një grup personash. Bëhet fjalë për Edmond Haxhian, shqiptar me shtetësi dhe britanike, ndërsa të tjerët janë një portugez, Ruben Saraiva, i cili mendohet të jetë atentatori, dhe 4 britanikë, Harry Simson, Thomas Mithan, Steven Hunt, Harriet Bridgeman, me role të ndryshme në organizimin e vrasjes.

Që të gjithë rezultojnë të jenë larguar nga Shqipëria, disa ditën e vrasjes dhe të tjerët të nesërmen. “Grupi hetimor po bashkëpunon me partnerët dhe strukturat ligjzbatuese ndërkombëtare, për kapjen e autorëve të kësaj ngjarjeje të rëndë kriminale”, deklaroi në një konferencë të posaçme shtypi Drejtori i Përgjithshëm i policisë Muhamet Rrumbullaku.

Nga hetimet rezulton se vrasja ka lidhje me një hasmëri të vjetër mes familjes së Nikulajt dhe familjes Lekstakaj, me të cilën Haxhia ka lidhje gjaku shumë të afërta. Dyshohet se është pikërisht ai që ka financuar dhe vënë në jetë planin e atentatit. Kqyrja e kamerave të sigurisë, ka zbuluar se njëri prej britanikëve të dyshuar, frekuentonte prej disa ditësh hotelin duke kqyrur lëvizjet e Nikulajt.

“Si rezultat i hetimeve janë dokumentuar veprimet e autorëve të dyshuar, nga momenti i organizimit, deri në momentin e vrasjes së 51-vjeçarit Ardian Nikulaj si dhe e gjithë dinamika dhe itineraret e përshkruara nga ekzekutori dhe të gjithë shtetasit e tjerë të përfshirë si organizatorë dhe bashkëpunëtorë në kryerjen e kësaj ngjarjeje”, bëri të ditur zoti Rrumbullaku, duke shtuar se “nga veprimet procedurale të kryera për këtë ngjarje janë siguruar prova shkencore biologjike të pakundërshtueshme që i përkasin autorëve të kësaj ngjarjeje të rëndë kriminale. Përsa i përket automjeteve të përdorura për kryerjen e krimit nga autorët e dyshuar është dokumentuar përdorimi i tyre nga personat e dyshuar për një periudhë kohore për realizimin e vrasjes”.

Pamjet e momentit të vrasjes, tregonin një person me skafandër në kokë dhe me një jelek fosforeshent, i cili hyn në hollin e hotelit dhe godet pak çaste më pas, me disa plumba pistolete dhe nga një distacë e afërt, sipërmarrësin Nikulaj, i cili gjendej i ulur pranë një tavoline.

Ardian Nikulaj, i cili ushtronte veprimtarinë e tij në fushën e hoteleri-turizmit, ishte përfshirë dhe në politikë, si pjesë e Partisë SocialDemokrate dhe aktualisht anëtar i Këshillit Bashkiak të Lezhës.

Kandidati demokrat i dalë nga procesi i primareve për Bashkinë e Durrësit, Igli Cara ka prezantuar programin e tij elektoral 2023-2027 për të ndryshuar qytetin në 4 vitet e ardhshme.

Në një video në Facebook, Cara ka renditur prioritet e tij si kryebashkiak i ardhshëm i Durrësit, ku vend të rëndësishëm zënë investimet në infrastrukturë, furnizimi me ujë, përpunimi i mbetjeve, ulja e taksave dhe tarifave vendore, mbështetja e turizmit komunitar, si dhe rritja e buxhetit për mbështetjen e shtresave në nevojë.

‘Si do ta ndryshojmë Durrësin në 4 vitet e ardhshme. Brenda 2 viteve mbyllim të gjitha plagët e shkaktuara nga tërmeti në qytetin tonë. Furnizim pa ndërprerje me ujë dhe sistem kanalizimesh në çdo lagje. Zgjidhim përfundimisht problemin e përmbytjeve në qytet. Ndërtojmë një stacion transferimi të mbetjeve. Aktivizojmë industrinë lokale të riciklimit. Ulim taksat dhe tarifat vendore. Për të rinjtë një zonë rekreative në afërsi të stadiumit. Për më të vegjelët kënde lojërash dhe parqe të gjelbëruara kudo në qytet. Brenda mandatit qëndër rezidenciale me të gjitha shërbimet për të moshuarit tanë. Rritja e buxhetit për ndihmën dhe integrimin e shtresave në nevojë. Çdo rrugë e shtruar në territorin e bashkisë brenda 4 vjeçarit. Tregjet të rinj bujqësor në Sukth, Rrashbull, Katund i Ri, Ishëm, Manëz si dhe nxitjen e biznesit të agroturizmit. Mbështetje të turizmit komunitar përmes rendimit. Përplilimi i strategjisë së Durrësit si ‘Smart City’ dhe forcim i infrastrukturës digjitale. Në programin tim Durrësi 2023-2027 përcakton dhe sfida të tjera të përbashkëta. Së bashku mund t’ja dalim sepse qyteti je ti’.

POSTIMI I PLOTË:

Për Durrësin tonë! Një qytet që krijon mundësi, me hapësira të dedikuara dhe shërbime për të gjithë!

Bashkë bëjmë ndryshimin!

Qyteti je ti!

#durres #njereztelire #qytetijeti #Bashke #ndryshim #IgliCara #Voto1

syri.net

Prej kohësh, punonjës dhe drejtues sektorësh kanë dëshmuar se janë të vënë nën presion për mbledhje dhe deklarime votash, në të kundërt do t’u duhet të bënin gati dorëheqjen dhe ta linin atë të gatshme në zyrat e eprorëve.

Mirëpo, asnjë prej tyre nuk ka shkuar të denoncojë rastet e për pasojë historitë kanë mbetur të pazbuluara, ndërsa ditën e djeshme, një burrë, punonjës i komunales, është dhunuar barbarisht pasi ka refuzuar të plotësojë një formular, në të cilin do të deklaronte votën për të gjithë pjesëtarët e familjes së tij. Sipas tij, formulari i është vënë në dispozicion nga eprori i tij, që pas refuzimit, është bërë edhe dhunuesi i tij. Burri, i cili ka përfunduar me plagë në spital dhe për të cilin ka reaguar edhe Policia e Fierit, ka dalë edhe në mediat lokale duke dëshmuar hapur rastin flagrant, atë për të cilin po flitet prej të paktën 2 muajsh.

NGJARJA

Një punonjës i Ndërmarrjes Komunale në Bashkinë e Patosit, denoncoi eprorin e tij për dhunë brenda institucionit për shkak të refuzimit për të mbledhur vota për Partinë Socialiste.

Bato Dalipaj fillimisht ia tregoi ngjarjen kandidates së koalicionit “Bashkë Fitojmë”, e më pas ka denoncuar në Polici eprorin e tij, Petrit Pëllumbi, për ushtrim dhune ndaj tij. Kjo e fundit tha se ka nisur hetimet për rastin.

Qytetari i identifikuar si Bato Dalipaj, punonjës i Ndërmarrjes Komunale të Bashkisë së Patosit, thotë se u dhunua nga shefi i tij pasi nuk pranoi të firmosë një formular ku duhet të garantonte 10 vota për Partinë Socialiste.

“Më thirrën lart në zyrë dhe më ofruan një formular për të plotësuar për ta firmosur, të shkruaja pjesëtarët e familjes dhe nuk e pranova. I thashë jo. Formulari ishte për votimet. Mora rrugën dhe ika, më erdhi nga pas dhe më gjuajti, më shtriu përtokë. Më goditi Petrit Pëllumbi. Më ndihmuan shokët atje dhe pastaj më çuan në spital. Petriti është përgjegjës që ndan punën në Komunalen në Patos. Unë jam katërorarësh deri në qershor dhe mbaron, një vit kontratë”, denoncoi Bato Dalipaj.

Policia bëri të ditur në një reagim për ngjarjen se rreth orës 16:10 të së martës, 55- vjeçari, punonjës i Ndërmarrjes së Komunales në Bashkinë Patos, është paraqitur në Komisariat ku ka bërë kallëzim, duke pretenduar se në ambientet e punës, eprori i tij, Petrit Pëllumbi, ka ushtruar dhunë fizike ndaj tij, për shkak nuk ka pranuar të plotësojë formularin. Policia në njoftimin për rastin tha se “rreth orës 16:10, shtetasi B. D., 55 vjeç (punonjës i Ndërmarrjes së Komunales, Bashkia Patos), është paraqitur në Komisariatin e Policisë Fier, për të bërë kallëzim, duke pretenduar se në ambientet e punës, eprori i tij, shtetasi P. P. ka ushtruar dhunë fizike ndaj tij, për shkak nuk ka pranuar të plotësojë një formular. Specialistët për Hetimin e Krimeve të Komisariatit të Policisë Fier kanë njoftuar menjëherë Prokurorinë pranë Gjykatës së Rrethit Gjyqësor Fier, dhe në prani të oficerëve të Policisë Gjyqësore, shtetasit B. D. po i merret dëshmia në lidhje me rrethanat e ngjarjes, si dhe po kryhen të gjitha veprimet procedurale”. syri.net

Habitshëm, pas afro 20 vjetësh, konstatohet se, për të regjistruar Polifoninë Shqiptare në Listën Përfaqësuese të Trashëgimisë Kulturore Jolëndore të Njerëzimit, do të jenë hartuar dy dosje. Njëra ka të ngjarë të jetë zhdukur. Tjetra, krejt e tjetërsuar, duket se është dërguar në UNESCO.

Nëpunësit e UNESCO-s, Agjenci e OKB-së në Paris, i kanë të gjitha instrumentet për të hetuar e vërtetuar vetë vlerat e çdo kandidature. Për Polifoninë Shqiptare, ndoshta e kanë pasur akoma më të lehtë sepse, jo vetëm që ajo është unike në madhështinë e vet, por edhe sepse ajo e kishte bërë vetë rrugën e Francës, qëkurse në shekullin e kaluar, në Festivalin e famshëm në Dijon.

Gjithsesi, nëpunësit e UNESCO-s, të neveritur nga gjella “interpretuese” që iu është servirur nga Shqipëria, kanë pranuar që, në faqen zyrtare elektronike të Agjencisë, Polifonia Shqiptare të regjistrohet me emrin “Iso-Polifoni”, kur 16 shtete të tjera i kanë regjistruar vlerat e tyre kulturore me emrin “Polifoni”, edhe pse të gjitha, absolutisht të gjitha, këndohen me “iso”.

Shqipëria si dhi në mes të dhenve! Por, çështja nuk qëndron thjesht te dallimi në këtë kopé. Çështja është se, dikush është i interesuar ta shpërbëjë polifoninë shqiptare në “iso” dhe në “polifoni” dhe motivi i fshehur i kësaj shpërbërjeje, jepet në një video që gjendet në linkun The Albanian Iso Polyphony, me logon e UNESCO-s. Në këtë video të dërguar nga institucionet shqiptare me titullin “The Albanian Iso-Polyphony”, iso-ja kushtëzohet me mitologjinë e Sirenave. Por, për çudi (dhe jo vetëm), po aty, kalohet ca më tutje sesa kushtëzimi mitologjik, kur shkruhet: “Etnomuzikologjia, siç është vëzhguar që nga ekzistenca e Sirenave në mitologjinë e stërgjyshërve tanë…”. Qartazi, misioni paska qenë edhe më i thellë sesa origjina e iso-s: kushtëzimi i origjinës kombëtare shqiptare nga mitologjia e Sirenave! Dhe kjo tezë prezantohet pikërisht në një Agjenci të OKB-së!

Për ta përforcuar këtë tezë, në faqen zyrtare elektronike të UNESCO-s, shkruhet: “Termi ‘iso’ që shoqëron të kënduarit polifonik, është i lidhur me ‘ison’ e muzikës së kishës Bizantine”. Dhe, tinëzisht, po aty, pas klikimit mbi fotografinë ku janë shtatë këngëtarë, shkruhet: “Iso-polifonia shqiptare buron nga muzika kishtare bizantine”! Me siguri, nëpunësit e UNESCO-s do të jenë neveritur akoma më shumë, kur kanë parë se vetëm Shqipëria i kërkon rrënjët jashtë rrënjëve të veta, ndërkohë që shtetet e tjerë, të përgjegjshëm shkencërisht dhe historikisht, përmes polifonisë, identifikojnë rrënjët e lashta të popujve të tyre. Madje, Gjeorgjia dikton: “Himnet liturgjike Bizantine, kanë thithur nga tradita polifonike gjeorgjiane, një masë të atillë, saqë tradita gjeorgjiane është bërë pjesë e rëndësishme e himneve liturgjike bizantine.” Ashtu sikurse, ndër dhjetëra jo-shqiptarë, njeri prej tyre, Yves Bonnefoy, historian i famshëm dhe i paanshëm francez i gjysmës së dytë të shekullit të njëzetë, shkruan: “Kultura mbijetuese para-kristiane shqiptare tregon se mitologjia dhe folklori shqiptar janë me origjinë të lashtë dhe pothuajse të gjitha elementët e tyre janë pagane”.

Në videon shqiptare shkruhet se Iso-Polifonia Shqiptare ndahet në “Polifoni të thatë” dhe në “Polifoni detare” dhe se “…Bazuar në Iso-Polifoninë Mesdhetare dhe këngët tradicionale, liturgjia dhe melurgjia e të qarit akoma qan vdekjen e Krishtit dhe ringjalljen e tij. Me anë të Polifonisë, J.S.Bah kreu evolucionin real në muzikë, duke arritur kulmin e tij me polifoninë gjithëpërfshirëse të Ligettit në shekullin e 20-të. Polifonia do të mbetet gjithnjë një këngë magjike e Sirenave, ose një kabá me klarinetë e performuar nga Mjeshtri Laveri…”.

Zyrtarët e UNESCO-s do të jenë çoroditur që Polifonia Shqiptare u shpjegokërka me një cocktail unik në botë për nga përzierja: liturgji, melurgji, qarje, polifoni e thatë, polifoni e njomë, vdekje, Krisht, ringjallje, Sirena, Laver Bariu! Ashtu siç do të kenë zgurdulluar sytë, kur kandidatura shqiptare është paraqitur si e lidhur me kompozitorin gjerman Johann Sebastian Bach (i cili u shqua kryesisht me Koralet Luterane!) dhe me kompozitorin hungarez György Sándor Ligeti (i cili u shqua thjesht se theu barrierat e status quo-së në muzikë!), a thua se këta mjeshtra të mëdhenj të kombeve të vet, do të kenë kaluar më parë nga shkolla shqiptare e polifonisë për t’u bërë ata që u bënë!

Por, përtej ofertës së këtij cocktail-i, autorët e videos, paskan pasur edhe një mision tjetër: rishikimin e gjeografisë dhe historisë së Shqipërisë! Sipas tyre: “Muzika iso-polifonike shtrihet në një territor gjeografik ku përfshihet shumica e Shqipërisë Jugore. Dy zona të mëdha etnografike dallohen në këtë territor gjeografik: Toskëria dhe Labëria. Gjysma jugore e këtij shteti është quajtur Epir dhe pjesa tjetër është quajtur Iliri.” Në vijim, autorët e videos, paraqesin një hartë, sipas të cilës, Kosova shtrihet në Shkup, ndërsa Serbia shtrihet përreth Prizrenit! Si për ta bërë më bindës këtë version, paraqesin edhe një shqiponjë, e cila vjen nga Stambolli për në viset shqiptare, a thua se shqiponjat qenkan një shpend i huaj për malet shqiptare, paçka se shqiptarët ia dedikojnë pikërisht shqiponjës emrin e tyre kombëtar!

Autorët e “Dosjes UNESCO” i janë shmangur hartës natyrore të shtrirjes gjeografike të polifonisë shqiptare. Ata kanë shmangur kriterin shkencor që polifonia shqiptare shtrihet mbi baza etnografike, specifikisht sipas fshatrave e qyteteve, sepse një nga veçoritë e papërsëritshme të saj, është se ajo ndryshon nga një fshat në fshatin tjetër fqinj. Në vend të hartës natyrore, autorët e dosjes kanë përdorur hartën e tyre me termat “gegë” e “toskë”, terma të cilët jo vetëm që janë të papërcaktuara gjeografikisht, por janë sa të tejkaluar në kohë, aq edhe të dënueshëm, ngase çojnë ujë në mullirin e përçarjes kombëtare. Qartazi, terma të tillë janë edhe të pasaktë për referim të shtrirjes së polifonisë. Atëherë, një pikëpyetje e madhe shtrohet se përse autorët e “Dosjes UNESCO”, në videon e paraqitur, kanë afishuar grupe folklorike të lokalizuara me përzgjedhje, ndërkohë që kanë përjashtuar nga afishimi fshatra dhe qytete të rretheve Skrapar, Berat, Vlorë, Gramsh, Korçë e gjetkë. Po ashtu, një pikëpyetje tjetër e madhe, shtrohet se përse në video janë evidentuar me përparësi këngë vajtimi, kur misioni natyror i Polifonisë Popullore është himnizimi i vijimësisë së jetës njerëzore dhe historisë lokale e kombëtare, jo i vdekjes së tyre.

Prezantimet në faqen zyrtare të UNESCO-s dhe videon “prezantuese” i paska dërguar, sikurse shkruhet në hyrje të saj, Republika e Shqipërisë, Radio-Televizioni Shqiptar dhe një fantazmë me emrin “Këshilli i Muzikës Shqiptare”. Institucionet tona shtetërore, përkatësisht Ministria e Kulturës, Akademia e Shkencave, Misioni Diplomatik në UNESCO, drejtoria për UNESCO-n në Ministrinë për Europën dhe Punët e Jashtme dhe Drejtoria e Radio-Televizionit Shqiptar, kanë përgjegjësinë morale, institucionale e kombëtare, të përkthejnë shkrimet / titrat dhe të transkriptojnë tekstet e këngëve të videos, fotografitë dhe pas fotografitë e prezantuara në dosjen “UNESCO”, me qëllim që të identifikojnë kush është ky “Këshill i Muzikës Shqiptare” dhe pastaj, të bëjnë analizën e konsideracioneve të dyshimta të paraqitura në atë dosje dhe në atë video.

“Shqipëria – thotë Kadareja, nuk do të mund të ishte në këtë botë veçse serioze dhe morale. Ky do të ishte kushtëzimi numër një, pa të cilin Shqipëria, thjesht, do të pushonte së qeni”. Dhe këtë përgjegjësi e kemi të gjithë, ne si qytetarë, ashtu edhe institucionet përfaqësuese shtetërore, të cilat nuk kanë arsye tjetër përse ekzistojnë./Panorama.al

Drejtori i Komunikimit në Partinë Demokratike, Alfred Lela, në “A Show” me Adi Krastën u shpreh optimist për atë që opozita do të arrijë më 14 Maj, edhe pse në kushte të pabarabarta dhe përballë një regjimi. 

Megjithatë, zgjedhjet vendore nuk janë stacioni i fundit, sqaroi Lela, i rezistencës së opozitës me pushtetin dhe Edi Ramën.

Ai tha se mbështetësit e opozitës në këtë fushatë udhëhiqen nga pasioni duke përkrahur me entuziazëm kandidatët e koalicionit “Bashkë Fitojmë”, ndërsa në krahun tjetër, shtoi ai, kemi të bëjmë me dhunën banale dhe vulgare aq sa po rrahin edhe njëri-tjetrin, duke iu referuar rastit të Patosit.

“Fryma e entuziazmit duket, janë gjëra të matshme sepse i mat syri. Jemi në kohë kur njerëzit po nuk patën një pasion nuk dalin. Kemi dy dalje, daljen e demokratëve që nga foltorja e këtij, nuk dalin për ndonjë pushtet se kanë zero pushtet, i vetmi pushtet është bashkia e Shkodrës e cila është e rrethuar, është rrethimi i dytë i Shkodrës, janë malazezët dhe ‘ramazezët’ po përdor një simbolikë politike uroj që të mos ofendohen ata të partisë së namuzit. Këta njerëz që dalin dhe i shkojnë zotit Berisha, i shkojnë eksponentëve të tjerë të PD, tregojnë që kanë pasionin e të drejtës ose të drejtën e pasionit. Kemi dhunën në anën tjetër, dhuna është bërë aq banale e vulgare sa po rrahin të vetët. Rasti i Patosit ishte po nuk solle 10 vota mjerë ti, ke ca plagë… Si do përkthehet elektoralisht? Qeveria, Rama po bën të gjitha përpjekjet që të mos ketë zgjedhje, por votime. Zgjedhje do të thotë të zgjedhësh i lirë, më pëlqen emisioni i Adi Krastës do shkoj, po më shtrënguan poshtë që mos shko te Adi Krasta por në emision tjetër, ndoshta për kushte e rrethana do detyrohem të shkoj. Kjo është liria. Si gazetar, jo si përfaqësues i ekspertizës së një krahu politik të komunikimit publik. Kaq i kërkoj kësaj qeverie dhe këtij zotërisë që njerëzit të lihen të votojnë, të zgjedhin të lirë, asgjë tjetër. Opozita është në të drejtën e së drejtës për të zgjedhur të lirë. Po shohim të kundërtën, e shohim vazhdimisht. Kjo nuk do të thotë se rezistenca është ulur, rezistenca do të vazhdojë me të gjitha mjetet e fjalorit politik që lejohen dhe 14 Maji është para nesh, por nuk është stacioni i fundit i përballjes me këtë regjim. Jam optimist për atë që opozita do të arrijë në 14 Maj. Do të arrinte shumë më shumë në kushtet e garës së barabartë, por edhe në kushtet e këtij frustrimi të madh politik dhe shoqëror opozita do të arrijë mjaftueshëm për të qenë krenare sepse vjen nga zero në kushtet e një regjimi që shihet qartë se i çfarë natyre monstruoze është”, tha Lela.

Zona e Unazës së Re dhe Yzberishti, janë nga më të diskriminuarat nga Bashkia e Tiranës në raport me invetimet publike. Gjatë takimeve që zhvilloi me banorë të Yzberishit, kandidati i opozitës për Bashkinë e Tiranës, Belind Këlliçi u njoh nga afër me shqetësimin e tyre për mungesën e hapësirave publike dhe infrastrukturës.

Gjithashtu, banorët u ankuan edhe për taksat e larta që i paguajnë Bashkisë së Tiranës.

“Ajo që duket nuk ka nevojë për koment. Këtu nuk është vënë dorë për asgjë. Edhe kanalizimet bllokohen. S`jam i kënaqur hiç. Paguaj 18 mijë lekë taksë gjelbërimit lali Erit, është me fakt kjo jo kështu, i paguaj. Këtu o vëlla na ka ardhur. Ne familjarët ashtu jemi, ca me punë e ca pa punë, po fëmijët këtu nuk kanë ku luajnë”, u shprehën disa banorë të Yzberishtit.

Për këtë situatë, Belind Këlliçi u shpreh se po flet çdo ditë. Ai shtoi gjithashtu se ndonëse Erion Veliaj ka mbledhur 41 milionë euro nga taksa e infrastrukturës arsimore, këto para nuk janë kthyer pas në investime për banorët.

“Kam folur edhe për çështjen e këndeve të pushimit, për 500 oazet nëpër lagje, me vënë disa pemë, disa stola ku të pushojnë edhe fëmijët, edhe të moshuarit, edhe qytetarët e thjeshtë që duan me ndenjtë në lagje. Ky ka marrë 41 milionë euro me bo shkolla të reja, dhe në këtë zonë me 70 mijë banorë, nuk ka bërë një çerdhe, një shkollë, një kopësht. Asnjë gjë”, tha Këlliçi.

Duke u ndalur te një tjetër angazhim i programit të tij, paketa e taksave dhe tarifave për biznesin, Belind Këlliçi njohu disa sipërmarrës të biznesit të vogël, me uljen e barrës për ta. Sipas kandidatit të opozitës për bashkinë  e Tiranës, reduktimi i këtyre taksave, do të ndihmojë biznesin të fitojë më shumë por njëkohësisht të hap vende të reja pune.

“Kemi në plan për ta përgjysmuar tarifën e hapësirës publike, do ta bëjmë gjysëm nga sa e ke tani. Edhe tarifën e pastrim gjelbërimit do ta përgjysmojmë. Do të heqim taksën e infrastrukturës arsimore, që është absurde vëlla. O e vuan kjo zonë, o s`ka zonë që e vuan. Dmth o ka zonë të diskriminuar në Tiranë, o nuk ka tjetër. Kjo është katastrofë ajo që ka ndodhur. Këto janë ndihma edhe për biznesin, me ndihmu edhe biznesin e vogël me marr një punëtor më shumë, me pas të ardhura më shumë, me i dhënë frymëmarrje”, tha Këlliçi.

Një tjetër problem thelbësor për zonën është mungesa e ujit të pijshëm. Belind Këlliçi takoi një të moshuar, i cili sapo kishte blerë ujin që përdor për të pirë në familje.

I moshuari u shpreh se në  çezma nuk kanë ujë, siç pretendon Erion Veliaj, ndërsa tha se faturat i paguan dyfish.

“Po e paguajmë ujin, trefshi, katërfishi. Edhe ujë s`kam për të pirë. Dy lloj ujërash, po ku e ke ujin. Po ku ka ujë me 24 orë, pse janë ato depozitat? Ja bidoni, e bleva, 1200 lekë, e bleva për të pirë. Po ato çisternat pse i ka ato? Se thotë ka ujë 24 orë! Vetëm për banjot!”, tha i moshuari.

Ndërsa Belind Këlliçi u shpreh: “E paguan trefish e katërfish, dhe ujë nuk ke. Kurse Erion Veliaj thotë keni 24 orë në ditë ujë. 24 orë në ditë thotë Veliaj që keni ujë. A je me bidon? Kapja bidonin zotnisë, me bidon është, që thotë ai ka ujë. Për çfarë e bleve? E bleve për të pirë, apo jo? Ai thotë është i pijshëm uji që vjen në çezme”. 

Edhe në Yzberisht, qytetarëve që u është marrë prona nga bashkia e Tiranës, duke i lënë rrugëve, janë të shumtë. Një prej tyre duke konfirmuar votën për Belind Këlliçin, tregoi se si Erion Veliaj i grabiti pronën pa e dëmshpërblyer.

“Në darke të 2017, në 21 tetor unë kam qenë pronar, më jepte KESH-i paratë, nënstacioni. Në datën 20, ky zdromsi, ky çuni zdroms, lali zdromsi, ma konfiskoi pronën si në kohën e Enver Hoxhës. Votën time e ke lale, edhe nja 12 a 14 vetë sa janë, ta jap. Por mos harron, se kur të fitosh do të zejë derën e bashkisë”, u shpreh qytetari.

Gjatë takimeve me qytetarë të shumtë, Belind Këlliçi mori mbështetjen e tyre për zgjedhjet e 14 majit, duke u angzhuar se pas fitores në zgjedhje, në Tiranë do të vijë ndryshimi. syri.net

Kandidati i opozitës për Bashkinë e Tiranës, Belind Këlliçi zhvilloi takime me banorët e zonës së Sharrës. Ai paraqiti programin e tij, 5 pikat kryesore që sjellin ndryshimin në Tiranë, dhe kërkoi mbështetjen e qytetarëve.

Zona e Sharrës është e lënë pas dore dhe gjatë viteve të fundit kanë munguar investime që do të përmirësonin jetesën e komunitetit. Por sikur të mos mjaftojë kjo, banorët e Sharrës dhe gjithë Kombinatit, vuajnë ende ndotjen e ajrit për shkak të mbetjeve urbane që hidhen në landfill.

Belind Këlliçi e cilësoi këtë si minierë ari për Erion Veliajn, dhe dëm ndaj qytetarëve.

Kandidati i opozitës për Bashkinë e Tiranës, Belind Këlliçi u shpreh se vdekja e Ardit Gjoklajt në Sharrë, shërbeu si pretekst që Erion Veliaj të niste aferën me inceneratorin e Tiranës, që sot i kushton taksapaguesve të Tiranës plot 80 mijë euro në ditë.

“Arsyeja pse po ua përmend këtë, është se u gjet ky justifikim, që në vitin 2016 kur kjo ndodhi, të fillohej të flitej për herë të parë për koncesionin e inceneratorit të Tiranës. Këtu ka një problem shumë të madh. Ju nuk e keni idenë në aspektin financiar se çfarë vjedhje ndodh vetëm pak metra larg nga ju. 80 mijë euro në ditë vjedhin nga taksat e tua, të mijat, të gjithëve neve këtu. E di çfarë domethënë 80 mijë euro në ditë? Sikur një javë të hidhen ato lekë këtu në zonë, zgjidhet problemi me rrugicat hyrëse”, u shpreh Këlliçi.

Për kandidatin e koalicionit “Bashkë Fitojmë”, aq para sa sot shkojnë për aferën e inceneratorit, mjaftojnë për të mundësuar transportin publik falas për 200 mijë qytetarë të Tiranës. Pas 14 majit, ky angazhim do të bëhet realitet, “pasi u shërben shtresave në nevojë dhe jo klientelës së Erion Veliajt”, tha Këlliçi.

“Unë kam premtuar transport publik falas, autobusin falas për 200 mijë qytetarë në ditë. Një shërbim që kushton sa para që shkojnë për inceneratorin që nuk ekziston. Ajo bileta 400 lekëshe nuk është dhimbje koke për të pasurit, por është për të varfrit. Ajo masë që unë kam propozuar nuk i shërben oligarkëve, klientelës së Erion Veliajt. Është një shërbim i dedikuar për pensionistët, për studentët, për familjet në nevojë, për shtresat në nevojë”. 

Transporti publik falas do të jetë një shërbim që për të gjithë banorët e kryeqytetit, përfshirë edhe ata në zonat rurale. Këlliçi tregoi edhe si do të realizohet ky projekt.

“Në të gjithë katundet e Tiranës, në të gjithë fshatrat dhe në qytet, që kur të hipin në autobus, të ndjekin të njëjtin model që ka në 250 qytete të tjera në bot, që hipet në autobus, ka një kartë elektronike, e çekon, e shtyp aty, dhe vazhdon rrugën. Siç e ka e gjithë vendet e zhvilluara. Pse? Sepse unë kam vendosur që taksat e qytetarëve të mos i marrë e t`i çojë për shërbime që nuk ekzistojnë, por t’i marr e t’i çoj për qytetarët”, u shpreh Këlliçi.

Teksa transporti publik pritet të ulë kostot e jetesës, por edhe trafikun, një tjetër plan ambicioz për të lehtësuar qarkullimin në rrugët e kryeqytetit, është nënkalimi te sheshi “Skënderbej”. Para banorëve të Sharrës, Belind Këlliçi u shpreh se po kritikohet për koston e ulët të këtij projekti, pasi sipas tij, nxjerr zbuluar aferat e Erion Veliajt me kostot e fryra për ndërtimin e Unazës së Re.

“E keni para projektin për nënkalimin te “Sheshi Skënderbej”, që kam propozuar tunelin e nëndheshëm te sheshi? A e dini kush është akuza e vetme që kam marrë? Kushton shumë pak, 4.5 milionë euro. Sepse unë e kam propozuar me çmim kostoje, u kam thënë që nuk do vjedh. Jam ulur me urbanistët, më kanë nxjerrë faturën, më kanë thënë që është 4.5 milionë euro. Çfarë? Të dal unë të them që është 20, është 30? Problemi është se u prish punë se i nxjerr zbuluar me çfarë kanë bërë këta. Këta kanë vënë një standard: kanë ndërtuar në Unazë të Re 24 milionë euro kilometrin”, u shpreh Këlliçi.

Kandidati i opozitës foli edhe për planin e ofruar për uljen e taksave dhe tarifave vendore, ku pritet të përfitojnë bizneset por edhe qytetarët.

“Kam dhënë premtim përgjysmimin e tarifës për hapësirën publike, përgjysmimin e tarifës për pastrim gjelbërimin, zerimin e taksës, edhe ti e paguan, për arsimin që është një taksë që ka mbledhur Erion Veliaj 41 milionë euro këto 7 vjet, dhe nuk ka ndërtuar një çerdhe, një kopsht, një shkollë për gjithë zonën e Unazës së Re, që janë 70 mijë banorë”, u shpreh Belind Këlliçi.

Para banorëve të Sharrës, Belind Këlliçi premtoi se do të pastrojë Bashkinë e Tiranës nga patronazhistët dhe aktivistët, ndërsa deklaroi se një ndër strukturat e para që do të reformohet është Policia Bashkiake, e cila sot është kthyer në gjobëvënëse ndaj qytetarëve.

“Bashkia e Tiranës nuk do të ketë më vend as për patronazhistë dhe as për aktivistë, do të ketë vend për të rinj e të reja të Tiranës, të vijnë të punojnë për qytetin dhe nëpunësi i shtetit do duhet të jetë nëpunës i shtetit. Po 24 orë pas 14 majit unë do ta reformoj. Policia bashkiake do të jetë në shërbimin tuaj dhe t`i dridhet dora kur e kap stilolapsin dhe i vendos gjobë qytetarit. Ta mendojë mirë. Çdo vit në buxhetin e bashkisë ka planifikim buxheti dhe realizim faktik të buxhetit të bashkisë. E dini që e vetmja shifër, i vetmi zë, që tejkalohet në masën 300% është parashikimi i gjobave të Policisë Bashkiake. Pra nëse në të gjithë zërat e tjerë ka mungesë të realizimit të planit çfarë është e planifikuar dhe realizimi faktik, kur vjen puna te gjobat e vendosura nga Policia Bashkiake tejkalohet me 300% objektivi”, tha Këlliçi.

Për të bërë realitet planin e tij për kryeqyteti, Belind Këlliçi kërkoi mbështetjen e banorëve të Sharrës në zgjedhjet e 14 majit.syri.net

Gazment Bardhi ka kërkuar votën e demokratëve për Zef Hilën në Bashkinë e Vaut të Dejës, kandidaturë e koalicionit ‘Bashkë Fitojmë’. Gjatë takimit me mbështetësit në këtë bashki, Bardhi dhe strukturat lokale denoncuan vendimin personal të Enkelejd Alibeajt, për të kandiduar Klomentina Drinin, që sipas tyre çon votat në favor të Tom Doshit.

SYRI TV

Demokratët do të kenë vetëm një kandidat për zgjedhjet e 14 majit për Bashkinë e Vaut të Dejës, dhe ai është Zef Hila, kandidati i koalicionit opozitar “Bashkë Fitojmë”.

Sot krah Hilës u shfaq edhe Gazment Bardhi, i cili denoncoi vendimin e njëanshëm të Enkelejd Alibeajt për të nxjerrë kandidat në Bashkinë e Vaut të Dejës, ndërsa theksoi se më 14 maj, demokratët kanë si qëllim që t’i marrin bashkinë Tom Doshit.

“Kryesia e partisë nuk ka miratuar që të ketë kandidat tjetër në Bashkinë Vau i Dejës. Pra, ka ruajtur të njëjtin standard që kishim vendosur për Devollin dhe Kurbinin. Ka marrë opinionin e strukturave që situata krijon mundësinë në 14 maj ju t’ia hiqni nga duart bashkinë Tom Doshit. Prandaj fokusi juaj në këto 25 ditë që ka mbetur do të duhet të jetë këtu që në 14 maj të dorëzojë çelësat e bashkisë që i ka marrë me pa të drejtë në vitin 2019 dhe ju të riktheni ato punë të mira”, tha Bardhi.

Të revoltuar me Enkelejd Alibeajn janë shfaqur edhe demokratët e Vaut të Dejës, që u sfiduan nga Alibeaj duke u nxjerrë një kandidate që nuk gëzonte mbështetjen e demokratëve, ndërsa denoncuan makinacionet për zëvendësimin e komisionerëve të djathtë me përfaqësues të Partisë Socialiste.

“E kam ndjerë veten të fyer me veton që vuri zoti Enkelejd Alibeaj. Por gjithsesi ne duhet të jemi të bashkuar, nuk duhet të demoralizohemi, por do ta mbështesim Partinë Demokratike dhe kandidatin zotin Zef Hila“, u shpreh Gentjan Ndoj.

Më herët e gjithë lista e kandiduar nën siglën e Partisë Demokratike nga Enkelejd Alibeaj, deklaruan refuzimin e kandidaturës së Klomentina Drinit, duke shprehur publikisht mbështetjen ndaj Zef Hilës.

Mbrojtja e Trashëgimisë Kulturore do të jetë në fokusin e punës së kryebashkiakut të ardhshëm të bashkisë së Tiranës, Belind Këlliçi. 

Këtë fundjavë, kandidati i opozitës për bashkinë e kryeqytetit, u njoh nga afër me një nga projektet inovative të quajtur “Portat e Hapura”, që synon mbrojtjen e vilave dhe banesave të vjetra të Tiranës.

Ky projekt është hartuar nga Xhimi Begeja, familja e të cilit zotëron një shtëpi në rrugën e “Dibrës”, e cila është Monument Kulture e Kategorisë së II-të. Këtë objekt e vizitoi Belind Këlliçi me një pjesë të stafit të tij, për të parë nga afër planin që synon shndërrimin e të paktën 9 vilave të vjetra në një pol turistik për Tiranën.

Pasi njohu Belind Këlliçin me vlerat e pronës së tij, Xhimi Begeja tregoi se plani synon që 9 ndërtesa të vjetra deri në 300 vjeçare, të restaurohen dhe kthehen në një mini lagje turistike që do të lidhet me zonën e “Pazarit të Ri”.

“Ky model ka Parisi, Milano, një lagje e bukur me rrugica me gjëra. Janë 9 objekte këtu për t`u ruajtur, të tjerat do zhvillohen. Kjo zonë këtu ka, e para çdo familje këtu nuk humb emrin e vet, identitetin. Ruan pronën e vet, bëhet hajër, se përfitimi ekonomik këtu nuk është i njëtë për të njëjtën sipërfaqe, pothuajse është 5 deri në 10 herë më shumë si vlerë. Dhe e fundit fare, është një zhvillim ekonomik i paparë” – u shpreh Xhimi Begeja.

Ai tregoi se projekti është dakordësuar dhe hartuar në bashkëpunim me të gjithë pronarët e objekteve të vjetra që ndodhen në “Rrugën e Dibrës” dhe zonën e “Selvisë”.

Sipas z.Begeja, restaurimi i këtyre objekteve me vlera historike, muzeale dhe urbanistike, do ta kthejnë zonën në pol zhvillimi për në Tiranë.

“Unë kam bërë një gjë shumë të bukur. I mblodha të gjithë edhe u thashë: Hajdeni çuna ta bëjmë një bashkë, pse të vendosin të tjerët për fatet tona, hajde ta bëjmë bashkë. Duhen pesë lekë, ore do t`i nxjerri paret se vlerën e jep ajo cop letër. Kthehet në rrugë, kthehet në lulishte, kthehet në zonë zhvillimi. Do vij tjetri ta zhvillojë vet këtë gjë” – u shpreh Xhimi Begeja.

Pasi u njoh nga afër me çdo detaj të këtij projekti, që është hartuar nga vetë të zotët e pronës, Belind Këlliçi shprehu mbështetjen e tij, që plani të bëhet realitet. Sipas Këlliçit, ky plan do t’i shërbejë të gjithëve, duke përfshirë harmoninë sociale në komunitet.

“Varet për çfarë ke hyrë në politikë. Po ke hyrë për pare është vendi gabuar, po ke hyrë për punë të mirë, me lënë një gjë të mirë, janë këto lloj projektesh, që janë afatgjate, që ngelesh. Kjo është idea, kjo është një gjë e mirë për qytetin, i shërben të gjithëve. Kjo ka dhe një vlerë të madhe shumë për komunitetin, sepse kjo rikthehen harmoninë mes familjeve, mes njerëzve”-u shpreh Belind Këlliçi.

Edhe kryetari i “Shoqatës Tirana”, Arben Tafaj, deklaroi se për të tilla projekte, kjo shoqatë ka 20 vjet që lobon, por nuk kanë gjetur mbështetjen e pushtetit lokal dhe atij qëndror. Tafaj theksoi se zona të tilla kthehen në vend atraksioni për turistët me përfitime të larta financiare.

“Ka disa zona të cilat ne si “Shoqata Tirana”, të paktën prej 20 vitesh kemi thënë, planet urbane të zhvillimit të qytetit, duhet t’i ruajnë këto njolla, për të ruajtur trashëgiminë tonë. Këto jo vetëm që kthehen në vende atraksioni për turistët, por kthehen edhe në vende biznesi për të rritur të ardhurat” – u shpreh Arben Tafaj. syri.net