Djali i Deputetit Mhill Fufi është dënuar për trafik drogë nga një Gjykatë në Britani. Mediat britanike shkruajnë se dy prej të dënuarve kanë qenë ish- futbollistë profesionistë, pjesë e një bande e krimit të organizuar, u burgosën me një total prej 44 vitesh pasi u kapën me kokainë me vlerë 2 mln £.

Shpërndarësit shqiptarë të drogës ishin nën vëzhgim nga oficerët e infiltruar të policisë, kur blenë dërgesën prej 20 kg drogë në Peterborough dhe e dërguan në një shtëpi të izoluar në qendër të Londrës.

Ata u arrestuan pasi i shitën paketa kokaine dy klientëve më 1 shtator të vitit të kaluar.

Detektivët e gjetën pjesën tjetër të drogës në një shtëpi në Finchley, në veri të Londrës dhe konfiskuan një total prej 116.000 £ në para të thata.

Në gjykatën e “Old Baileyt” u deklarua se kryetari i bandës, Amarildo Fufi, 25 vjeç, dora e tij e djathtë, Basmir Berberi, 31 vjeç dhe “ushtari këmbësor i përbetuar” Mario Xhafa, 26 vjeç, kanë qenë futbollistë profesionistë shqiptarë para se të ktheheshin në kriminelë.

Fufi, i cili dikur ka luajtur për Partizanin e Tiranës thuhet se vjen nga një familje e shquar dhe e pasur në Shqipëri dhe kishte në pronësi një avion Cessna.

Berberi bënte pjesë në kombëtaren shqiptare, por karriera e tij përfundoi dy vite më parë, kur ai pësoi një lëndim të rëndë në gju. Xhafa gjithashtu pësoi një dëmtim në gju, gjatë një ndeshjeje për skuadrën italiane Benevento Calcio në Serinë C.

Të tre, së bashku me Kamado Dishan, 27 vjeç, u deklaruan fajtorë për shpërndarje droge.

Gjyqtari, Recorder Max Hill QC, e dënoi Fufin me 16 vite burg, Berberin me 12 vite burg dhe Xhafën e Dishën me 8 vite burg secilin.

Marius Pali, një lavazhier shqiptar i cili u kap në tentativë e sipër për të blerë 1 kg kokainë nga banda, u dënua me 5 vite burg.

“Kjo është një tregti shkatërruese droge dhe një vepër penale e cila të bën të pasur, por për ata që kapen shkakton varfëri, lëndime dhe ndonjëherë vdekje. Kjo është arsyeja pse gjykata duhet të marrë një këndvështrim serioz kur kap njerëz të përfshirë në një komplot për të furnizuar drogë të këtij lloji. Ajo çfarë policia zbuloi nga gjithë mbikëqyrja, ishte një rrjet i vogël i krimit të organizuar që përfshinte blerjen dhe shitjen e sasive të mëdha të kokainës me një pastërti prej 80%”, u tha Recorder Hill shqiptarëve.

Fufi kishte bërë të mundur kalimin e Berberit nga Shqipëria për në Britani të Madhe, në maj të vitit të kaluar, në mënyrë që ai të shpërngulej atje.

Pasi kishin siguruar një shtëpi në Mansfield House në Great North Road, Finchley dhe një apartament në Winkley, Musëell Hill, Disha solli 20 kg kokainë nga Peterborough.

Droga u kthye në Londër dhe Xhafa i dorëzoi paketa 1-kilogramëshe Palit dhe një klienti tjetër të paidentifikuar në një Mercedes të zi.

Gjatë kontrollit të shtëpisë, u zbuluan paketat 1-kilogramëshe të kokainës, të mbështjella me kujdes.

Në apartamentin në Winkley u gjetën pasaporta dhe dokumente regjistrimi për një makinë blu të tipit “Ford Mondeo” sëbashku me disa mijëra paund në para të thata.

Disha kishte në posedim një shumë prej një  116.000 £ në para të thata.

Fufi dhe Berberi pranuan akuzat e shpërndarjes së drogës së klasit A, gjithashtu Disha dhe Pali pranuan kryerjen e kësaj vepre penale. (E.K/SHUPLAKA)

Parlamenti Shqiptar i ka hapur rrugë një ‘amnistie’ nga e cila përfitojnë politikanët dhe njerëzit e drejtësisë por jo vetëm.

…Vendimet e pafajësisë për krime mund të rishikohen me kërkesën e prokurorit, por me kusht që të mos kenë kaluar 5 vjet nga dhënia e vendimit.

Ndryshimi i Nenit 449, a u amnistuan përfundimisht 21 janari dhe Gërdeci?

Në disa portale është botuar gjatë ditës së sotme një lajm mbi ndryshimin e Nenit 449 të Kodit të Procedurës Penale.

Neni 449 para ndryshimit thotë se “vendimet e pafajësisë për krime mund të rishikohen me kërkesën e prokurorit, me kusht që të mos kenë kaluar 5 vjet nga dhënia e vendimit”.

Neni 449 pas ndryshimit thotë se “nuk lejohet rishikimi i vendimit të pafajësisë dhe as rishikimi i vendimit të dënimit kur synohet rëndimi i pozitës së të dënuarit”.

Pra, kush është shpallur i pafajshëm nuk mund të dënohet më, ndërsa kush është dënuar një herë nuk mund të dënohet më tepër, edhe nëse dalin prova apo fakte të reja për atë vepër penale.

Ndryshimi ka ngjallur reagime të shumta duke u konsideruar një ‘amnisti’, nga e cila përfitojnë ata që kanë blerë pafajësinë tek gjykatat, pasi çështjet nuk mund të rihapen më.

A mbyllet çdo shteg për të çuar para drejtësisë të gjykuarit për ngjarjet e ’97, për Gërdecin, 21 Janarin, për vrasjet e bujshme, për skandalin me rrugën Durrës-Kukës etj?

Megjithëse anëtarë të majtë të Komisionit të Ligjeve thonë se ndryshimi nuk amniston krimet e politikës, nuk është saktësisht kështu.

Juristë të pyetur nga DITA thanë se dosjet me procedurë si ato të rrugës Durrës-Kukës nuk preken nga ndryshimi, ato mund të rihapen dhe gjykohen, por nuk mund të thuhet e njëjta gjë për çështjet që janë gjykuar.

Rigjykimi i këtyre çështjeve komplikohet.

Një shembull: Gardistët që vranë në 21 janar, janë dënuar për vrasje nga pakujdesia.

Asnjë rigjykim nuk mund t’i ridënojë ata për një vepër që rëndon pozitën e tyre pra u rrit dënimin.

Po Sali Berisha a mund të gjykohet për 21 janarin?

Pra a mund të rihapet 21 janari me akuzë të re dhe të pandehur të rinj?

Dita pyeti një juriste të njohur nëse kjo është e mundur.

Përgjigja është që teorikisht kjo është e mundur por një rihetim dhe një rigjykim i çështjes do mari patjetër në konsideratë procesin e mëparshëm. Kjo do të thotë që Berisha nuk mund të gjykohet ta zemë për urdhër-dhënie pasi kjo zhvlerëson dënimin e gardistëve për vrasje nga pakujdesia, dënim i cili nuk mund të rishikohet sepse rëndon pozitën e të dënuarve.

Rigjykimet bëhen, pra, shumë të interpretueshme. Në të gjitha rastet, ndryshimi në fjalë e komplikon rigjykimin.

E njëjta gjë mund të thuhet për dënimet e formës së prerë për anëtarë të gjykatave që janë akuzuar për korrupsion.

Nëse ata kanë marë pafajësi, asnjë rigjykim nuk mund të bëhet dhe sita e Vettingut këtu mund të ngecë – tha i njëjti jurist për Dita.

Referuar procesverbalit të votimit, rezulton se ndryshimi i bërë nga Komisioni i Ligjeve është votuar në parlament nga deputetët e PS, LSI dhe PDIU dhe është miratuar në seancën e 30 marsit.

Deputetët që ndryshuan nenin në Komisionin e Ligjeve janë:

Vasilika Hysi,

Dashamir Peza,

Pandeli Majko,

Ulsi Manja,

Vexhi Muçmataj,

Luan Rama,

Silva Çaka,

Anila Agalliu,

Edmond Leka,

Tahir Muhedini,

Adelina Rista

Disa prej tyre të pyetur pse e kanë votuar këtë ndryshim thonë se kanë zbatuar një direktivë të Gjykatës Europiane të të Drejtave të Njeriut.

Por asnjë prej deputetëve të pyetur nuk dëshironte të deklarohej publikisht mbi ndryshimin dhe kërkuan të citohen në kushte anonimati.

Kryetari i PDIU, Shpëtim Idrizi në studione Ora Neës ka shpjeguar 7 pikat e paktit kombëtar të hedhur në tregun politik nga PDIU. Situatë delikate dhe me risk për shkeljen e afateve kushtetuese dhe dalje jashtë sistemit e ka përshkruar Idrizi situatën dukë kërkuar një ulje urgjente për dialog të Ramës dhe Bashës.

As nuk duhet menduar për zgjedhje pa opozitën është shprehur Idrizi, ndërsa një president konsensual do të ishte zgjidhja e ngërçit.

Me shtatë pikat e planit kombëtar për daljen nga kriza ne po provokojmë ambientin politik shqiptar për të stimuluar dialogun. Kjo deklaratë e liderit të PDIU, Shpëtim Idrizi u bë nga studio e lajmeve të Ora Neës ku saktësoi se situata vërtetë është delikate edhe mund të shkelen afatet kushtetuese.

Për zgjedhjet pa opozitën, Idrizi është i prerë dhe thotë se kjo as nuk duhet menduar. Ndërsa një president konsensual do të ishte zgjidhja e ngërçit

Optimist për zgjidhjen e situatës së krijuar, kreu i PDIU thekson se nuk mund të konceptohet që Rama dhe Basha të mos i japin zgjidhje kësaj krize.
Pakti kombëtar të cilin kreu i PDIU Shpëtim Idrizi e hodhi në tregun politik, pati interes tek të gjitha palët me të vetmen pikëpytje si të kthehet opozita në parlament.

Pjesë nga deklaratat e Idrizit

Idrizi: Duhet të ulet urgjent Rama me Bashën. Ia kemi detyrim shqiptarëve që mos t’i lemë në këtë krizë e cila po del nga institucionet. Imagjinoni njerëzit janë të interesuar të dëgjojnë debate për ekonominë, për taksat për aksesin në punësim. Nëse nuk ndërhyhet sot ka mundësi që të kaperceje dhe te dale jashtë sistemit.

Besoj që një president nga populli do të ishte një lloj garancia. Por meqë këtë nuk na u dha mundësia që populli shqiptar të votojë për këtë gjë, atëherë një president konsensual.

Thirrja që ne kemi bërë, eshte të ulet Rama me Bashën. Unë nuk e kuptoj ku është vështirësia këtu. Është ulur Hashim Thaçi me Vuçiçin dhe nuk ulen dy lideret shqiptarë.
Idrizi tha gjithashtu se në këtë situatë ku ndodhet vendit një president i zgjidhur nga populli do të ishte garant që palët të uleshin në një tryezë.

Idrizi: Ne kemi propozuar në paketën e ndryshimeve kushtetuese që presidenti të zgjidhet nga populli dhe besoj që ky është rasti që ne të kuptojmë që një president i zgjedhur nga populli sot mund të ishte garant, mund të ishte njeriu i cili do të jepte garanci shtesë për palët, apo do të thërriste palët në një tryezë.

Idrizi tha se me Ilir Metën kishte diskutuar për paktin kombëtar që kreu i PDIU propozoi, por theksoi se nuk kanë diskutuar për qeverine e besimit.

Idrizi: Dje isha me zotin Meta me të cilin ndamë të njëjtin shqetësim dhe me erdhi mirë që Meta ishte i vëmendshëm dhe ishte pozitiv dhe suportues për një paketë të cilën ai mund ta pasurojë. Jemi në një situatë shumë delikate dhe ne riskojmë që pas ca kohësh të dalim jashtë afateve kushtetuese

E diskutoi me ju Meta “qeverine e besimit” dhe a jeni ju dakord?

Idrizi: Nuk është një gjë që është diskutuar gjatë bisedës tonë. Ky është një qëndim i LSI aq më shumë i marrë në forume. Ajo që më bën përshtypje terminologjia e përdorur, pra ne sesbën duhet të kthejmë besimin tek forcat politike për të hyrë në zgjedhje në kushte kur të gjithë aktorët kanë garancinë që zgjedhjet të jenë të drejta, transparente dhe qytetarët do të kenë akses të barabaratë. Kur flasim për qeveri Besimi, Meta tha se mund të jetë dhe kjo qeveria e besimit. E rëndësishme është që të gjitha palët të krijojnë një klimë besimi dhe ne të bëjmë zgjidhje normale.

Idrizi tha se pakti kombëtar me 7 pika synon provokimin e dialogut politik.

Idrizi: Ne nuk po themi që këto zgjidhin krizën, ne në një farë mënyrë po provokojmë ambientin shqiptar për të stimuluar dialogun politik i cili është i nevojshme në këto momente dhe nuk besoj se janë në kushtet shqiptarët që të mblidhen prap te “korkodili” apo të vijë prap pelikani, apo të rreshtojë të gjithë kafshët

Idrizi tha gjithashtu se zgjedhjet pa opozitën nuk duhet të mendohen.

Nuk do ta mendojmë këtë gjë, në sensin që unë dua të besoj prapë në vullnetin dhe përgjegjshmërinë e forcave politike shqiptare. Po e përsëris është një krizë e stisur konfilktualiteti e përsëritur. Ne skena të tilla i kemi parë, para katër vjetësh kanë qenë ca të tjerë që e kishin zënë bulevardin. Ne mund të bëjmë zgjedhje por qytetarët nuk bëjnë dot zgjidhje.

“Me deklaraten e tij per nje qeveri besimi, Ilir Meta dhe LSI-ja është absolutisht në mbështetje të kërkesave të çadrës”.

Ky eshte perfundimi ne te cilin duket se e con analiza e tij Mustafa Nanon, i cili ne nje shkrim per “Mapo”, me titull “Rama duhet rrëzuar me vota o në parlament, o më 18 qershor”, nenvizon se “sinjalet e djeshme, reagimet e PS-së, heshtja ulëritëse e LSI-së, entuziazmi që ka shpërthyer mes njerëzve të PD-së, por edhe koha më e madhe në dispozicion për të lexuar këto rebuse më kanë bërë të mendoj se LSI-ja është absolutisht në mbështetje të kërkesave të çadrës. Madje, personalisht, në këto rrethana, kam filluar të mendoj se çadra është ngritur me ok-in e Metës.

Sipas Nanos, Meta “nuk duhet të mjaftohet me frazat se “zgjedhjet pa opozitën as që duhen menduar”, por duhet të na thotë qartë se cila është receta e tij për të bërë zgjedhje me opozitën. Duhet të na e thotë qartë se çfarë mendon ai vetë mbi shqetësimet e opozitës, a janë këto edhe shqetësime të tijat, a është edhe ai që nuk ka besim te qeveria Rama për sa iu takon zgjedhjeve. Nëse edhe ai mendon se qeveria “Rama” është e prirur dhe e përgatitur për të manipuluar zgjedhjet, zgjidhja nuk është që vendet e LSI-së në kabinetin qeveritar t’ia lëshojë PD-së!!! Zgjidhja është tjetër. Ai duhet të dalë me një paketë propozimesh që synojnë minimizimin e rolit elektoral të qeverisë.

Nëse Ilir Metës kjo i duket një zgjidhje shumë e butë, atëherë duhet të bëjë tjetrën që është më e fortë, e që të gjithë, lsi-stë, pd-istë, ps-istë, janë duke e pritur me gëzim: Duhet të shpallë fundin e koalicionit PS-LSI. Ky koalicion nuk ka më asnjë arsye të qëndrojë më këmbë. Ka njerëz që janë me idenë se ky koalicion as që duhej krijuar, por unë mendoj se për një gjë ia ka vlejtur: në saje të këtij koalicioni është bërë e mundur të shporret njëherë e mirë nga zyrat e shtetit Sali Berisha, s’ka gjë se, sa të ketë shpirt, atë do ta kemi nëpër këmbë, qoftë edhe në trajtën e zombie-zuar të vetën, që është Basha. E tok me këtë shpallje, Meta duhet të synojë rrëzimin e kësaj qeverie. Për këtë, ai duhet të largohet nga mazhoranca, e krahas kësaj të punojë në parlament për identifikimin e votave të tjera anti-Rama. Blushi u tregua i gatshëm menjëherë që t’i bashkojë votat me LSI-në. Ndoshta mund të ketë edhe vota të tjera. Dhe kjo do ishte mënyra e vetme, me të cilën mund të rrëzohet një qeveri mes dy zgjedhjesh. Nëse edhe në këtë mënyrë nuk rrëzohet, atëherë ta gëzojmë të gjithë këtë qeveri, e të bëhemi gati për zgjedhjet e datës 18 qershor”, shkruan Nano.

“Me datë 04.04.2017, nga efektivët e Komisariatit të Policisë Shkodër, pas një pune të mirëorganizuar dhe në bazë të informacioneve të marra në rrugë operative, është bërë e mundur arrestimi në flagrancë në oborrin e shkollës i nxenësit:

R. N, 15 vjeç, banues në Shkodër, nxënës i klasës së 10-të të një shkolle në Shkodër.

Arrestimi i tij u bë pasi u kap në flagrancë me një armë zjarri, tip pistoletë, e markës “ZASTAVA”, pa fishekë e cila u sekuestrua në cilësinë e provës materiale dhe do ti nënshtrohet ekzaminimit të mëtejshëm.

Materialet proceduriale iu referuan Prokurorisë Pranë Gjykatës së Shkallës së Parë Shkodër për veprën penale të “Prodhim dhe mbajtje pa leje e armëve luftarake dhe e municionit”, e parashikuar nga neni 278/3 i Kodit Penal.

PDIU duket se është në një linjë me Lëvizjen Socialiste për Integrim kur fjala vjen tek zgjedhjet.

Ballkani tashmë është bërë poligon i mirë për mafiozë politikë. Mafiozët politikë duken më të rrezikshimt . Ata janë bërë strehë e mirë e të gjithë mafiozve të tjerë. Madje bashkëpunimi i tyre është bërë përfekt.Po bashkëpunojnë në trafikimin e armëve , drogave dhe në trafikimet e tjera …Politika është bërë trampolinë për të gjitha të zezat . Nga mafiozët politikë po na vijnë aktët kriminale . Shoqëria e Kosovës është bërë brengë e të gjithë njerëzve të mirë , sepse shoqërinë tonë të re po e dhunojnë mafiozët e të gjitha kategorive .Ata madje janë ngjitur në majat e pushtetit. Mbarë aparati ynë shtetëror është mbushur më njerëz të tipit mafioz . Këta në rrugëtimin e tyre kan futur frikë dhe terror në mesin e qytetarëve . Gazetarët gadi masovikisht u frikësuan dhe po vazhdojnë të frikësohen nga mafiozet e politikës në pushtet. Rrallë ndonjëri prej tyre në debate dhe organizme të tjera publike, po merr guximin që tu drejtoj atyre pyetje te drejpërdrejta! Kur nuk jemi të drejpërdrejtë nuk kemi debate të mirëfillta , nuk kemi demokraci dhe liri , dhe sigurisht së nuk kemi as shtet ligjor . Analistët politikë nuk po e marrin guximin qytetarë të parashtrojnë pyetje pse të gjithë këto vrasje të pasluftës më motive politike ?Nuk po e marrin guximin të parashtrojnë pyetje kreut të shtetit së ekzistojnë dyshimet për implikim e tyre tërthorazi ose drejpërdrejët në krim të organizuar dhe në korrupcion . Pse çdo ditë nuk kërkohet nga gazetarët që ata të sqarohen para opinionit për hajni, plaqkitje, zhvatje te pronës shoqërore… ?Pse nuk kërkohet më me ngulm të sqarohet afera e klanit mafioz “Pronto”. Dihet së çfarë dëmesh në opinionin e gjerë publik solli kjo aferë.Gjithçka shpejt po fashitët pas disa ditëve të bujshme në opinion . Për çfarë shteti ligjor mund të flasim kur prokurorët dhe gjyqtarët nuk po marrin guximin të ngrisin padi karshi profileve te larta? Nga pushtetmbajtësit mekatarw po rrezikohen edhe interesat nacionale . E dimë të gjithë së në çfarë pozite të pa lakmuar janë gazetarët sot në Kosovë.Të denigruar materjalisht dhe shumë pak të qmuar ! Thënë shkurt nuk kan kurrfarë tretmani në shoqëri e cila gjithnjë e më shumë po kriminalizohet. Nese këtyre mafiozve politikë u parshtrohet ndonjë pyetje nga gazetarët e cila I prekë në palcë, mënjëherë kan për ta ngritur tonin në mënyrë kërcnuese. E ngrisin zërin dhe e shpërfaqin nervozën në mungesë të argumentit. Këta kan harruar moti së janë aty në shërbim të qytetarëve , e jo që qytetarët atyre tu bëhën shërbëtor .Politikanët do të duhej të japin llogari për të gjitha veprimet e tyre .Tek ne gjithqka është kthyer për së mbrapshti.Politikanet popullin po e trajtojnë si rob kurse gazetarët si shërbyes të tyre .Në një shtet të normal dhe demokratik nese dikush dyshohet së ka lidhje apo është vet mafioz nuk bën të mbetet në jetën publike .Shtetin e Kosovës dhe popullin e saj seriozisht është ka e kërcënon mafia politike dhe mafia ekonomike .Nese vetës dhe Kosovës ia duam të mirën atëherë mafiozet më çdo kusht duhet të largohen nga skena politike . Të largohen së e kan bërë bërllog në të gjitha anët .Haptazi dhe ilegalisht po bëjnë tregti të paligjshme më armë , droga, kontrabanda te tjera dhe pak kush po jap llogari para organeve të drejtësisë. Zakonisht po dënohen ata të cilët nuk kan ndonjë lodhje më mëfiozet e politikës. Edhe nese dikush dënohet për veprime të tilla antiligjore , ata nuk po e vuajnë dënimin deri në fund.Patëm rastin të shohim dhe të ndëgjojmë gjatë këtyre viteve së shumë qeveritarë iu nënshtruan proceseve të ndryshme gjyqësore dhe jo që nuk u dënuan , por ata u kthyen në vendet e tyre udhëheqëse! Disa të akuzuar për korrupcion u larguan nga Kosova pa therrë në këmbë.Të gjithë politikanet ishte dashur për veprimet e tyre antishtetërore mos të guxojnë ta ushtrojnë profesione publike .Mafia politike shtetin dhe popullin e Kosovës e kan pru në deregje shumë të ligë …

TIRANE- Kreu i Partisë Demokratike, Lulzim Basha ka lënë çadrën e protestës për t’iu drejtuar selisë blu. Pasditen e sotme, rreth orës 17:00, Basha mblodhi në selinë blu aleatët e PD, për të diskutuar mbi zhvillimet më të fundit politike në vend.

Në mbledhje me Bashën, merrnin pjesë Fatmir Mediu, Nard Ndoka, Kreshnik Spahiu, Dashamir Shehi dhe Vangjel dule.

Pasi kanë diskutuar propozimin e bërë një ditë më parë nga kreu i LSI, Ilir Meta, për një qeveri besimi, koalicioni opozitar ka përshëndetur qëndrimin e tij për zgjidhjen e krizes, si dhe ka vendosur t’i qëndrojë idesë për qeveri teknike.

“Koalicioni Opozitar konfirmoi sot se rruga e vetme e daljes nga kriza është krijimi i qeverisë teknike, me mbështetje të gjerë politike, që do të punojë për të realizuar kushtet për zgjedhje të lira e të ndershme.

Duke përshendetur hapin e hedhur mbrëmë nga LSI për tu bërë pjesë e zgjidhjes së krizës së rëndë politike në vend, Koalicioni Opozitar rikonfirmon gatishmërinë për nisjen e dialogut politik për qeverinë teknike dhe fton Edi Ramën të heqë dorë nga kushtet dhe të vendosë interesat e vendit dhe të qytetarëve shqiptarë para interesave personale të pushtetit të tij.
Koalicioni Opozitar shpreh gatishmërinë e plotë për të punuar me të gjitha forcat politike pa asnjë paragjykim, për krijimin e qeverisë teknike, duke i dhënë asaj një mandat të fortë për:
1-Zbatimin e plotë të ligjit të dekriminalizimit.
2-Luftë efikase kundër narkotrafikut, krimit të organizuar dhe parave të drogës.
3-Përgatitjen e zgjedhjeve të lira e të ndershme.
4-Zbatimin e reformës në drejtësi, sipas përcaktimeve kushtetuese të 22 korrikut.
Kjo është e vetmja garanci për të organizuar zgjedhje të lira dhe të ndershme ku shqiptarët të votojnë lirisht, të zgjedhin lirisht dhe vota e tyre të mos tjetërsohet”, thuhet në deklaratën pas mbledhjes së Bashës me aleatët.

Ditën e djeshme, kreu i LSI, Ilir Meta, pas mbledhjes së Kongresit të partisë që ai drejton bëri apel për dialog mes palëve për të zgjidhur krizën në vend.

Ndonëse kreu i LSI theksoi se nuk mund të bëhen zgjedhje pa opozitën, kryeministri Rama ditën e sotme tha se zgjedhjet parlamentare do të mbahen më 18 qershor.

Ismail Morina ose i njohur ndryshe si ‘Ballisti’, personi i cili ngriti dronin me flamurin e “Shqipërisë së Madhe” në Beograd gjatë ndeshjes Serbi-Shqipëri të vlefshme për eliminatoret e ‘Euro 2016’, ka sërish probleme me autoritetet. Kësaj radhe ai është arrestuar në Gjenovë të Italisë.

Ndalimi i Morinës erdhi pasi tentoi të përdorte një dror në një zonë të palejuar në Milano dhe në orar të papërshtatshëm, shkruan La Repubblica.

Karabinierët e ndaluan gjatë një kontrolli rutinë. Pas shoqërimit në polici, autoritetet italiane panë që ishte i njëjti person i arrestuar edhe nga policia shqiptare në Tiranë në vitin 2015, nga frika se mund të shkaktonte trazira në stadiumin “Elbasan Arena” gjatë ndeshjes Shqipëri-Serbi.

TIRANE– Nga çadra e protestës në ditën e 46-të, Lulzim Basha i bën një thirrje të hapur kreut të LSI-së, Ilir Meta, pas qëndrimit të tij të mbrëmshëm për qeveri besimi.

Lideri i PD-së ndër të tjera i bëri thirrje për reflektim dhe kryeministrit Edi Rama, që ky i fundit t’i hapë rrugë krijimit të qeverisë teknike.

“Kemi parashtruar prej ditësh zgjidhjen për Shqipërinë, në këtë krizë të thellë. Jo një zgjidhje radikale, por një zgjidhje politike që i ofron një rrugë të paqtë Shqipërisë. Mbrëmë duke vendosur këto interesa parësore për Shqipërinë një nga dy partnerët e Qeverisë ka bërë zgjedhjen e tij, dhe ne i themi: ‘Në qoftë se kjo zgjedhje është e sinqertë mirësevjen te “Shqipëria e para”’. Nuk kërkojmë pazare politike, aleanca të kurdisura. Është rasti t’i drejtoj një thirrje njeriut që tashmë është identifikuar si pengesa e vetme për zgjedhjeve të lira dhe të ndershme. Njeriut, i cili ka vënë dhe po vë karrigen e tij para demokracisë para zgjedhje të lira dhe të ndershme që të reflektojë dhe t’i hapë rrugë një qeverie teknike dhe me zbatim të gjerë politik. Dita po afron, kur pushtetin nuk do ta kenë më ata, por do ta keni ju. Vendimmarrja nuk do jetë monopol i kryeministrave, ministrave, apo pushtetarëve arrogantë. Do jenë prodhim dhe ekspozim i vullnetit dhe dëshirave tuaja. Ky është premtimi i Republikës së Re. E kam parë këtë ditë me qendra herë, ëndrra po vjen. Ëndrra po bëhet realitet. Ndaj për këtë na duhet qëndresë. Mos harroni, republika e vjetër ka në këto lojë miliarda euro të shqiptarëve”, përfundoi Basha.

Gjatë bashkëbisedimit me të rinjtë, Basha u shpreh ndër të tjera se pazareve po ju vjen fundi dhe kauza e opozitës për zgjedhje të lira dhe të ndershme do triumfojë.

“46 ditë më parë ju nisët një marshim historik kombëtar dhe qytetar për të drejtën që garanton zgjedhje të lira dhe të ndershme. 46 ditë më parë Shqipëria ishte një vend i shpresës së vrarë. Kjo sepse republika e vjetër ishte shndërruar dhe është shndërruar në një vend jo për të gjithë shqiptarët, por në një vend ku sundon republika korruptive. Në 3 vite e gjysmë kthyen Shqipërinë në një hambar të madh droge, por atyre po ju vjen fundi. Kjo elitë e republikës së vjetër e ka të domosdoshëm kapjen e zgjedhjeve dhe të zëvendësojë vullnetin tuaj. Kjo është arsyeja se pse brenda një viti. Republika e vjetër nuk iu përgjigj thirrjes së qytetarëve për të përgatitur zgjedhje të lira dhe të ndershme. Sepse ata e dinë që kjo është fundi i pushtetit të korruptuar të tyre. Ne jemi në këtë betejë prej 46 ditësh në një lëvizje e cila është më e madhe se opozita, sepse është lëvizja e një populli që do rrëzojë pushtetin e vjetër. Jo për pushtetin e Lulzim Bashës, por për të ardhmen e fëmijëve. Shqiptarët janë të parët. Ne nuk vëmë interesin e shqiptarëve para interesit të pelikanëve. Ne jemi të vendosur për fitoren e kauzës tonë. Republika e vjetër mbushi Shqipërinë me drogë”- tha Basha.

Kreu i qeverisë, Edi Rama ka pranuar zyrtarisht që të ulet në një tryezë me Partinë Demokratike për të diskutuar në lidhje me rikthimin e tyre në Kuvend, për të votuar Vettingun, por kjo sipas tij pa cenuar Kushtetutën dhe standardet demokratike.

Në një poezi brilante të poetit martir Havzi Nela thuhet : “Ma mirë nga kjo botë të ndahem. Ma mirë krimbat le t’më hanë. Ma mirë gur e dhe të bahem. Kur i ligu nis e shan!” Kjo poezi  është një përgjigje ndaj shkrimeve e fymejeve që u bahet ish të përndjekurve politikë që përkrahin pa asnjë hezitim protestën e  opozitës shqiptare, sigurisht si  promotor të  kësaj lëvizje janë  antikomunistët shqiptar apo siç i etikojnë të “tredhurit” e bunkerit të qeverisë Rama “ish të përndjekurit”. Në një të përditshme  lexova një shkarravinë  me fymje ndaj komunitetit antikomunist ish të perndjekur politike nga regjimi komuniste,  se pse të përndjekurit paskan zhvilluar tubime në mbrotje të  çadrës se lirisë,  duke shpifur si fundërrima që janë, me epitete dhe me pseudonime të sajuar ndaj përkrahjes që ne i japim moralisht dhe fizikisht kauzës për Republikën e re, dhe votën e lire.

Kalemxhiu i “ tredhur”  i   qeverisë  që lehte nga bunkeri nuk dokumentonte asnjë dokument  arkivor në shkrimin e tij, ndaj drejtuesve të përndjekurve politikë që të ketë qënë ish bashkëpuntorë apo në shërbim të diktaturës, pamvarsishtë represioneve shtazarake të klikës hoxhiste ndaj këtij komuniteti. Fatëkeqësisht ne shqiptarët nuk jemi një  popull  i përkdhelur nga fati në historinë  tonë shekullore si kombë ,  kemi kaluar vuatje dhe sundime diktatoriale nga më të  egrit, dhe përball këtyre diktaturave kan qëndruar si promote elita historike e kombit,  familjet fisnike, të përndjekurit politikë  nga regjimet dhe sidomos regjimit enverist nga më barbaret e shekullit 20. Sot mbeturinat  e atij regjimi kan uzurpua pushtetin politik e mediatik dhe nga mëngjezi deri në  darkë   vjellin pa pushim helmin e tyre ideologjik në mbrotje të antivlerave komuniste, duke përbuzur vlerat e atyre familjeve që nuk u zmbrazën as para plumbit, as para qelive e hekurave dhe kampeve të  përqendrimit të  tipit nazistë-komunistë të  luftës së dytë botërore.

Kur ra diktatura ne që vinim nga kampet çfarosëse , dhe si njerzë  që besonim në  zot  besuam se mbas asaj kënete me gjak të krijuar nga kjo kasë gjakatarësh do të fillonte ndryshimi dhe gjakatarët do të dilnin para drejtsisë,  krimi do të denohej dhe partia komuniste sot socialiste  do të tërhiqej nga politkbërja dhe ne do të shkonim drejt një pajtimi kombëtar duke shpresuar se më në  fund dhe ne shqiptarët do të  rreshtoheshim me popujt e tjerë. Por çndodhi me humbamenot e diktaturës. Reflektim jo,  shpesh tek ne  makutëria bëhet zotësi.  Ne nuk e  menduam  se mbas 26 vitesh do të  përballeshim  me xhunglën  zhurmuese të mediave qeveritare , e kur kishim menduar se mbas 26 viteve do të fyeheshim dhe do të na sajonin lloj lloj pseudonimesh halabaket e rinj të  rilindjes  së  komunizmit , dhe të  vertetën të e manipulojnë  e ta  degdisin si të  paqënë, e do të nxjerrin” asat” e bixhozit të  shpifjeve monsturoze. Simbas  kalemxhiut të “tredhur” të  qeverisë  së  ndërtimit të bunkerve qenka aq shume e interesuar kjo qeveri, që ne të përndjekurit  paskemi marrë  dëmshpërblim sa nuk na e paska dhënë çadra, por kryeqeveritari i biri i  firmtarit të varjes së poetit. Shifrat flasin me gjuhën e të vërtetës, gjatë pushtetit të PD, janë dhënë dy këste për 24.000 qytetar, dhe qeveria e shkarravinave e fluturave ka dhënë 5 keste  për 1000 ish të burgosur politikë.  4500 të  zhdukur nga diktatura hoxhiste na i paska vra  çadra , dhe jo   krimineli Enver Hoxha hero i popullit dhe udhërrëfyesi i rilindjes,  dhe vrasësi  është  udhëheqësi i çadrës. Po këto varre kush i humbi për njëçerekshekulli që sot këto familje i kërkojnë të ju japin një varr në tokën e tyre!!! Urretja e kalemgjiut të rilindjes  shkon në fyrje banale duke i përbuzur dhe etikuar të       përndjekurit politikë  të “tredhur”… por harron i” tredhuri”  i bunkerit se ne dhe mbas 50 vitesh plagë e vuatje krijuam familjet tona dhe femitë  tanë po ndeshen çdo ditë  me urretjen tuaj makabre..  Cdo qelizë e shoqërisë  tek ne duhet të  udhehiqet  dhe të  frymzohet  nga fisnikëria  nga ata  vlera ideale  dhe vyrtute humane  për të cilat  ka nevojë   të  ushqehet shteti demokratik, shteti i së  drejtës, shtypi shqiptar.  Elita historike e kombit e përndjekur  nga regjimi komuniste  duke njohur si pike referimi  vlerat  më të larta  njerzore  e ka pare  Shqipërine  në përkatsinë e vet europiane  në çdo aspket  të jetes  dhe vençanrisht  në aspektin politikë.

Vajtimores së  bunkerit i themi ne besojmë  në republikën e re, se jemi protogonistë të ndryshimeve që ka nevojë shoqëria e frustuar shqiptare nga propoganda enveriste 26 vjeçare. Gjygjtarët dhe prokurorët  e diktaturës i ka instaluar republika e vjetër dhe mbrojtur me fanatizëm bolshevik nga partia ku ti i shërben si kalemgji.  Vetingu  fillon nga krimet e komunizmit  dhe jo  nga zavendësimi i pushtetit të rilindjes. Vetingun nuk  mund ta bëni Ju që fyeni shpifni  dhe sajoni  denigrime mediatike për të  mbrojtur rilindjen e byrose politike, sepse janë  këto,  rilindja socialiste,  more  i” tredhuri”  i  pushtetit mediatik  që  skan pranuar të i heqin titullin hero diktatorit, që  na promovojnë ministra hetuesit e djeshëm që  për një  gotë raki torturonin, dhe shkatronin familje të pafajshme shqiptare. Ne besojmë në  republiken e re,   që  mos të  kemi pushtetin e kanabisit, as Kryeministër piktorin e ish sigurimit të  shtetit diktatorial,  mos të kemi  ministra djemtë e sekretarve të  parë që  pushkatonin e varnin poet e gazetarë. Ne e përkrahim çadrën e lirisë se duam lirinë që na  është  burgosur për 26 vite nga fasada e  pushtetit  tuaj  politik e mediatik që  mbroni ndërtimin e bunkerve, e shallat e kuq bolshevik në parakalimet e vrastarve të luftës civile që ju e quani çlirimtare , luftën vëllavrase që shkaktoi diktatura. Ne jemi të  ndryshëm me Ju, se  ne  duam zhvillimin progresin, lirinë  orientimin perendimor të kombit , mendimin dhe filozofia  e jetës së fisnikëve ish të përndjekurit politik të sistemit  diktatorial  në  mënyre  të  vazhdueshme  kan bërë  të  mundur  ruajtjen  e marrëdhënjeve  me kombet  e mëdha  dhe të nderuara të   botës me kombet  që  sot  më  shume se kurrë   janë pranë   Shqipërisë  sonë  në  aspektin e integrimit  tonë . E  kundërta ndodh me ju, që mbroni krimin , kanabisin, prostitucjonin, fasadën republikën e vjetër, vjedhjen e votës, që heshtni për krimet makabre komuniste të pa denuar deri në sot.  Dhe sulmeve mediatike të të  “tredhurve” të  bunkerit qeverisës   do ta mbyll po  me poezinë  e Havzi Nelës . “Ma mire bota le të thonë: Vdiq i mjeri , shkoi me nder !’’ Se i rrëzuem përgjithmonë . Me më shkelë  nji derr-beterr.

TIRANE- Zbardhen detaje nga takimi i kryetarit të PD-së, Lulzim Bashës me ambasadorin e SHBA-ve, Donald Lu dhe ish-ambasadorin amerikan Aleksandër Arvizu, aktualisht Zëvendës/Ndihmës Sekretar amerikan i Shtetit për çështjet e trafikut ndërkombëtar të narkotikëve e zbatimit të ligjit.

Në një deklaratë për mediat, selia blu bën me dije se biseda e tyre u përqendrua tek çështjet e aktualitetit politik, në kushtet kur sipas saj “Departamenti i Shtetit dhe EUROPOL raportuan muajin e kaluar se gjatë vitit 2016 Shqipëria është kthyer në prodhuesin dhe shpërndarësin kryesor të marijuanës në Europë dhe në një vend kyç për trafikun e heroinës, pastrimin e parave të krimit dhe në një bazë rajonale për krimin e organizuar”.

“Për shkak të kapjes nga krimi dhe dështimit në qeverisje, kryeministri Rama minoi procesin e dekriminalizimit, projektoi kanabizimin e vendit, nuk luftoi krimin dhe nuk ka bashkëpunuar me organizmat ligjzbatuese të vendeve partnere. Prandaj kjo qeveri dhe ky kryeministër nuk kanë as vullnet dhe asnjë mundësi të garantojnë zgjedhje të lira dhe të ndershme. Interesi i tij dhe i bashkëpunëtorëve të tij është ruajtja e pushtetit me çdo kusht. Në këto kushte, rruga e vetme për të siguruar zgjedhje të lira është krijimi i një qeverie teknike, me një mandat të qartë për zbatimin e menjëhershëm të ligjit të dekriminalizimit, parandalimin e rikanabizimit të vendit dhe luftën kundër drogës dhe parave të drogës, si dhe organizimin e zgjedhjeve të lira e të ndershme, theksoi kryetari i opozitës në takimin me zyrtarët e lartë amerikanë”, – citohet në njoftimin e PD-së.

Kryetari i opozitës gjithashtu vuri në dukje se “raportet e qeverisë amerikane dhe të Bashkimit Europian janë konfirmim i kriminalizimit dhe kapjes së shtetit nga krimi, që Partia Demokratike ka paralajmëruar këto vite si rrezikun kryesor që i kanoset politikës, ekonomisë dhe të ardhmes së Shqipërisë”.

Basha theksoi se “gjendja dramatike që po kalon vendi është rezultat i drejtpërdrejtë i akteve të vetëdijshme të kryeministrit Rama, i cili përzgjodhi në Kuvend, në krye të bashkive dhe në poste të larta shtetërore persona me të shkuar kriminale, kryesisht në fushën e trafikimit ndërkombëtar të drogës”, – u shpreh kreu i PD-së.

REPUBLIKA E RE PO LIND
2 PRILLI APEL QËNDRESE PËR KAUZËN KOMBTARE

Partia Demokratike dhe ansambli i opozitarizmit shqiptar, të përndjekurit politikë, rinia, intelektualë, veteranët dhe mbarë shqiptarët në të katër anët kanë mbi 7 javë që kanë jetësuar protestën më të gjatë, me madhështore në tërë historinë e shtetit shqiptar.

Të vendosur përpara godinës me maskë të qeverisë, simbol të korrupsionit dhe krimit të organizuar e të mafies politike, qytetarët shqiptarë janë të vendosur t’iu thonë “Jo” zgjedhjeve të bandës politike në pushtet, baronëve të drogës e të krimit të organizuar, Republikës së hashashit e të palmave, t’i thonë boll ma, largohu Qeverisë së varfërisë që i ka çuar banorët e këtij vendi në kufijtë e mbijetesës. Rama Ik.

Teksa dëgjoja Kryeministrin e vendit z Rama, të parin dhe të fundit në historinë e Evropës që banon në një bunker-shtëpi të blinduar duke u tallur me çadrën e protestuesve m’u kujtua historia e profetëve dhe e perandorëve, burrështetasve të shquar të historisë së njerwzimit dhe mendova: A ka lexuar ndonjë faqe nga kronikat e lashta e të reja ky zotëri?! Nga profeti Moisi te Aleksandri i Madh, për Pirron apo Kirin, Jul Qezarin apo Gjergj Kastriotin?! Në çadra bashkë me shtabet e tyre kanë qëndruar korifejtë që kanë ndryshuar fatet e botës. Aleksandri i Madh, Pirroja i Epirit, Gjergj Kastrioti, Ali Pashë Tepelena para se tē hynin në betejë kërcenin bashkë me luftëtarët për t’ua hequr emocionet.

Ju e quani tallava, atë çadër lirie, ku po përplasen dy botë: e shkuara dhe e ardhmja.

E shkuara jeni ju, z kryeministër, e ardhmja është Republika e Re që po lind.

E nesërmja e Shqipërisë Euro-Atlanike me një qeveri siç thoshte Abraham Linkolni nga populli, e popullit, për popullin po vjen.

Verdikti i Sovranit ka vendosur: Qeveri teknike me bazë të gjerë politike, Zgjedhje të lira dhe të ndershme, Kryeministër Lulzim Basha.

PD dhe opozita kanë hyrë në çadër për një betejë e kauzë të shtrenjtë e të shenjtë, ta kthejnë çadrën që ju guxoni të talleni z. Kryeministër në një Krujë të dytë. Mbi bedenat e kësaj kështjelle lirie valvitet çdo ditë madhështorë Flamuri i Skënderbeut.
Kjo nuk është betejë me shtiza, shpata apo topa, por një betejë e qytetarëve të lire, të cilët të udhëhequr nga lidershqipi i opozitës janë të vendosur në qëndresën e tyre stoike të mbjellin dhe të konsolidojnë institucionin bazë të shtetit të së drejtës, votën e lirë.

Kjo betejë do t’i tregojē vendin Qeverisë më të korruptuar, më të inkriminuar, më të papërgjegjëshme të historisë kombtare.

Shqiptarët do ta shembin Republikën e Kanabisit, që e ka shndërruar Shqipërinë në Kolumbinë e Evropës.

Republika e Re po lind sipas modelit Evropian të qytetarëve të lirë e të barabartë para ligjit.

Shteti i së drejtës po vjen, ku njerzit të jetojnë të sigurtë, me dinjitet e mirwqënje jo të mbajtur peng nga shteti mafioz, apo të marrin rrugët e botës nga mjerimi dhe frika e së nesërmes.

Ajo, të cilës Rama dhe banda e tij mafioze ia kishin frikën, tashmē është realitet i hidhur për qeverinë e drogës dhe trafiqeve, për hajdutët dhe vrasësit me imunitet, për kriminelët e jakave tē bardha.

Ata po jetojnë orët e fundit në ngrehinēn e tyre, shtëpinë e krimit, e cila u projektua 4 vjet më parë më dt. 1 prill. Simbolika e kësaj dite, e cila është e pagēzuar si dita e rrenave, tregon qartë e pa ekuivok filozofinë politike e moralin e “Rilindjes” mavi të binomit oligarkik, Rama-Meta.

Çadra e protestës së opozitës shqiptare ka hyrë në javën e tetë të saj dhe është shndërruar tashma në një kala të pamposhtur Lirie. Ashtu si Kruja e Shkodra, ashtu si Verduni i Francës e Çana- kalaja e Turqisë në Luftën e Parë Botërore.

Dje, z Basha iu tregoi mbështetësve të Tij qëndrestarë, qeverisë dhe aleatëve ndërkombëtarë, se populli shqiptarë është i gatshēm të ngrihet në lartësinē dhe dinjitetin e tij kombëtarë e historic, të mos pranojë asnjë marrveshje politike që nuk garanton dekriminalizimin e plotë të Parlamentit, Qeverisë, institucioneve të shtetit dhe në mënyrë të veçantë të drejtësisë.

Ky aksion i madh politik i PD dhe i opozitës qē e mbeshtet nuk ka kthim mbrapa dhe ështē i destinuar të kurorëzohet me fitore historike për të gjithë shqiptarët. Lulzim Basha ka folur dje jo vetëm me staturën e kryetarit tē opozitës dhe të kryeministrit të ardhshëm por me elekuencën brilante, me vendosmërinë dhe admirimin për protestuesit ka veshur mantelin e lirisë, të ideatorit dhe arkitektit të Republikës së Re.

2 prilli është dita në të cilën 26 vjet më parē Shkodra, metropoli i qëndresës, historisë së qytetrimit e demokracisë u skuq me gjakun e Arben Brocit, e të shokëve të tij martirë. Shkodra, emblema e Shqipërisë ua ktheu shpejt përgjigjen kmerëve të kuq, klikës komuniste me fitoren spektakolare më 22 mars 1992 duke e kthyer qytetin krenarë të Teutës, Gentit, Balshajve, Bushatllinjëve, Mjedës e Gurakuqit, Hodo Sokolit e Kazazëve nē bastionin më të fuqishëm antikomunist të Evropës. Sot çdo Shqiptarë në trojet tona etnike ka të drejtën legjitime të ndihet krenarë e të thotë: Nderim e mirënjohje të përjetshme Shkodrës e martirëve të sajë. 2 Prilli dhe gjaku i derdhur për liri e demokraci është apel e thirrje për vazhdimin e qëndresës.

Protesta e gjatë, e vendosur dhe heroike e burrave dhe grave, djemve dhe vajzave nga të katër anët e vendit ka marrë tashmë përtej politikës një karakter komëbtar. Protesta është e pandalshme dhe e vendosur deri në fitore. Kjo çadër madhshtore me të cilën Rama guxon të tallet nuk është vendosur rastësisht në sheshin Nanë Tereza.

Nëse Rama nuk dëgjon zërin e Sovranit për t’u larguar e për t’i hapur rrugë një qeverie teknike me bazë të gjerē politike, me mandat kushtetues e kohë të mjaftueshme për të garantuar dekriminalizimin e politikēs, të drejtësisë dhe organizimin e zgjedhjeve të lira dhe të ndershme, nëse Rama ka fobi për Shën Terezën e sjelljen tereziste të protestuesve, atëherë opozita do t’i drejtohet Sheshit “Skënderbej”. Rama e din mirë fundin e atyre që u pwrballën me Gjergj Kastriotin. Kur bien ministrat e qeveritë ngrihen kombet, thoshte Napoleon Bonaparti.

Rama ik! Hap krah e mos na pengo në rrugën tonë Evropiane.  Është urdhër i prerë i Sovranit.

Ambasadori amerikan Donald Lu, së bashku me ish ambasadorin Aleksandër Arvizu, i cili ka mbërritur dje në Tiranë pasi kanë takuar kreun e opozitës, Lulzim Bashën janë ndalur në Kryesinë e Kuvendit.

TIRANE- Në një prononcim ekskluziv për ‘BalkanWeb’ kreu i grupit parlamentar të Lëvizjes Socialiste për Integrim, Luan Rama ka reaguar në lidhje me deklaratat e kryeministrit Edi Rama të bëra sot në Asamblenë Kombëtare të Partisë Socialiste. Rama pohoi se kryeministri dhe ministrat e tij, analizat e qeverisjes në këto 4 vite, duhet t’i bënin bashkë me LSI-në dhe jo sipas tij me eufori të njëanshme.

Teksa bëri një vlerësim për situatën aktuale dhe shkarkimin e 4 ministrave nga Rama pak kohë më parë, kreu i grupit parlamentar të LSI pohoi se Bledi Çuçi nuk duhej hequr nga posti i ministrit për Pushtetin Vendor.

“Retorika patetike e PPSH-se se 1989-es nuk na ndihmon për Shqipërinë Europiane. Analizën e qeverisjes duhet ta bëjmë sebashku jo me eufori dhe njëanshmëri. Për LSI-ne ministri me i suksesshme Blendi Cuci qe drejtoi reformën administrative. Bledi Cuci ministri me i suksesshëm, nuk duhej shkarkuar. Ne socialistet qe mbajmë mend Libofshem nuk mund t’ja leme kauzen e zgjedhjeve te lira çadrës se Saliut. Zgjedhjet e lira e pluraliste kauza jone e madhe.”, tha Rama për ‘BalkanWeb’.

Luan Rama iu kundërpërgjigj kreut të qeverisë, ndërsa shtoi se kritikat parimore as Ramiz Alia nuk i konsideronte ‘helm për qeverisjen’. “Kritikat parimore as Ramiz Alia nuk i konsideronte helm për qeverisjen. LSI ka reaguar dhe ka ndryshuar ministrat për përmirësimin e qeverisjes. Reflektimi është shenje përgjegjshmëri, mendjemadhësia dhe arroganca çojnë ne keqqeverisje!”, tha për ‘BalkanWeb’, Luan Rama.

Valerie Zaslawski, gazetare e prestigjiozes zvicerane NZZ, e pranishëm në takimin midis Presidentes Leuthard dhe Kryeministrit Rama, në shkrimin e saj “Një manovër taktike sportive” e përshkruan kështu vizitën e premierit shqiptar në Zvicër:

“Sporti ngjit, kështu duket. Sepse vizita e kryeministrit shqiptar Edi Rama në Bern është tani më e dyta brenda një kohe të shkurtër, në të cilën në fokus kanë qenë arritjet sportive. Nga mesi i shkurtit presidenti austriak gjatë vizitës së tij inauguruese (në të njëjtën kohë në St. Moritz zhvillohej kampionati botëror i skijimit) adminirimin e tij për Zvicrën e shprehu me këto fjalë ledhatuese: «Madje as në sport Austria nuk ia kalon Zvicrës.»

Të premten pasdite në ambientet e stolisura të Oborrit të Lohn-it, ku u prit për biseda zyrtare nga kryeministrja Doris Leuthard, Rama para gazetarëve tha: Ai i falënderohet Zvicrës në emër të vendit të tij edhe për përkrahjen e Kombëtares shqiptare të futbollit. Zvicra po i ndihmon Shqipërisë të fitojë. Për sqarim: Në kuadër të Kombëtares shqiptare lujnë për momentin gjashtë lojtarë me pasaportë zvicerane. Njëkohësisht, Rama tha: «Pa ne ju nuk ia dilni në kampionat.» A, po: Në Kombëtaren zvicerane luajnë (edhe) dy lojtarë me rrënjë kosovare-shqiptare: Xherdan Shaqiri dhe Granit Xhaka.

Pranim azili

Me shpjegimet e tij sportive Rama iu shmang temave të rëndësishme: nga transportet e drogës me avionë të vegjël dhe implikimet e përfolura të mafjes së drogës në politikën shqiptare. Një pyetjeje në vazhdim të një gazetari lidhur me një ish polic shqiptar, i cili është vendosur në Zvicër, pasi atij në Shqipëri iu bë procesi sepse kishte zbuluar marifete të mafjes së dogës, Rama iu përgjigj me kaq: «Ah, ju gazetarët jeni gjithandej njëlloj».

Policit të apostrofuar këtë javë i është pranuar azili, siç raporton «Le Temps». Folco Galli nga Enti Federal për Policinë (BJ) konfirmon se Ambasada shqiptare në Bernë është njoftuar me një notë diplomatike të 29 marsit 2017, se ai e refuzon ekstradimin e ish nëpunësit të policisë mbi bazën e urdhrit të «Non-Refoulement»-it. BJ i ka informuar autoritetet shqiptare se ata e kanë mundësinë e shtrimit të kërkesës për një ndjekje substitutare penale.

25 milonë në vit për Shqipërinë

Aryseja e vërtetë e takimit ndërmjet Ramës dhe Leuthardit ishte kremtimi i 25-vjetorit të marrëdhënieve diplomatike. Para një çerek shekulli Zvicra dhe Shqipëria kanë hapur ambasada në vendet respektive. Me këtë rast u nënshkruan edhe dy marrëveshje, një për programin e zhvillimit rajonal dhe një për orientimin e shkollimit profesional kah tregu i punës në Shqipëri.

Shefi i Drejtorisë për Zhvillim dhe Bashkëpunim, Manuel Sager, i cili është kompetent për këtë, në margjina të konferencës tha: Zvicra e ndihmon Shqipërinë në decentralizimin e vendit dhe në forcimin e aftësisë së saj konkuruese ekonomike, për ta përkrahur integrimin e saj në strukturat evropiane. Me rreth 25 milionë në vit, Zvicra është «investitori» i tretë më i madh në vit në Shqipëri në çështje të bashkëpunimit zhvillimor. Anasjelltas, bashkëpunimi zhvillimor zviceran 1 për qind të buxhetit e jep për Shqipërinë. Vendi bën pjesë në fqinjësinë e zgjeruar të Zvicrës, prandaj marrëdhëniet e mira janë me rëndësi. Zvicra përfiton nga rrethanat stabile. Fundja, edhe Diaspora shqiptare në Zvicër është e madhe: këtu jetojnë 250’000 shqipfolës.

(nzz.ch) ks

Kartëmonedha më e falsifikuar në tregun shqiptar është prerja 1 mijë lekëshe. Në raportin vjetor të 2016-ës, që ka dorëzuar në Kuvend, Banka e Shqipërisë raporton se gati gjysma e parave të falsifikuara në Shqipëri i përkasin prerjes 1 mijë lekëshe, çka e bën atë një kartëmonedhë me rrezik më të lartë se sa prerjet e tjera për mashtrim.

“Konstatohet se kartëmonedhat e falsifikuara të prerjes 1000 lekë përbëjnë rreth 47% të totalit të kartëmonedhave dhe monedhave të falsifikuara. Më pas renditen monedha metalike 50 lekë me 19% të totalit, si dhe prerjet 500 lekë dhe 2000 lekë me respektivisht 15% dhe 14 % të totalit,” thuhet në raport.

Banka nuk e zbulon se sa është vlera totale e parave të falsifikuara që u konstatuan në treg gjatë vitit të kaluar. Por sipas saj, krahasuar me vitin 2015, vlera kartëmonedhave të falsifikuara është ulur me 13 për qind, raporton Syri.net.

“Në përgjithësi, krahasuar me sasinë e kartëmonedhave dhe monedhave metalike në qarkullim, kartëmonedha e falsifikuara mbeten në sasi të papërfillshme,”- deklaron BSH.

Paratë në qarkullim
Sipas Bankës së Shqipërisë në fund të vitit 2016, në Shqipëri ishin në qarkullim 131,2 milionë copë kartëmonedha leku. Sipas Bankës vlera totale e parave që qarkullojnë është 254.7 miliardë lekë.

“Në krahasim me vitin 2015, numri i kartëmonedhave në qarkullim është rritur me rreth 5,9 milionë cope, ndërsa vlera e tyre është rritur me 8.2%,” thuhet në raportin e BSH.

Sipas raportit, ndryshimi i këtyre treguesve vjen si pasojë e trendit që vazhdon të ndjekë struktura e parasë në qarkullim, në favor të kartëmonedhave me vlerë nominale 5000 Lekë dhe 2000 Lekë.

Gazetari Andi Bushati, në një shkrim të tijin thotë se Ilir Meta e ka të pamundur që të ndahet prej Edi Ramës, edhe pse ka vërsulur të gjithë deputetët e tij kundër qeverisë.

Sipas tij, 1 Prilli i dytë nuk është si ai i pari, kur Meta u nda me Berishën dhe u bashkua me Ramën me justifikimin se i kishte mbaruar kontrata.

Por në kushtet e tanishme të mbarimit të kontratës së parë me Ramën, Meta po heziton të largohet, shkruan Bushati.

“A ka ndopak koherencë tek këto qëndrime kaq të ndryshme të LSI-së? Në këtë ditë të njohur botërisht, Ilir Metës mund t’i mjaftonte dhe justifikimi i thjeshtë që përdori mandatin tjetër, për të thënë lamtumirë. Ai mund të përdorte argumentin e “fundit të kontratës” për t’u larguar. Po të donte mund të shkonte edhe më tej, të rendiste edhe njëherë gjithë vërejtjet e muajve të fundit që ia bënin legjitime përplasjen e derës.

Por Ilir Meta këtë 1 prill po heziton. Sepse nëse sjellja e tij prej biznesmeni ia justifikoi ndarjen me Berishën, biznesi i tij aktual ia vështirëson prishjen me Ramën.

Prandaj ndoshta është e kotë që Ilir Metës t’i kërkosh të prononcohet këtë ditë gënjeshtrash. Për të kjo mund të jetë thjeshtë një ditë e zakonshme, si gjithë të tjerat e vitit”, shkruan Bushati.

Zbardhen përgjimet e Klemend Balilit, i shpallur në kërkim me vendim gjykate, si i dyshuar për si një nga drejtuesit e organizatës kriminale që merrej me trafik të drogës.

TIRANË- Ish-kryeministri Sali Berisha ka sulmuar sërish qeverinë dhe policinë, duke i bërë përgjegjëse për trafikun e drogës.

Duke iu referuar mesazhit të një ‘oficeri dixhital’ Berisha thotë se droga e kapur në Triport, Zvërnec tre ditë më parë ishte e Drejtorit të Policisë së Vlorës. Ndërsa, oficeri dixhital jep emra konkretë të personave që sipas tij, organizojnë trafikun e drogës në jug të vendit.

Denoncuesi thotë se Drejtori i Policisë nuk ka lajmëruar shefin e Komisariatit të Vlorës dhe ky i fundit ka kapur ngarkesën dhe Shefin e Krimit të Organizuar në këtë Drejtori që bënte organizimin por më pas personat përgjegjës janë lënë të lirë.

Oficeri dixhital njofton Berishën më tej se përplasja me drejtorit të Policisë Vlorë dhe Shefit të Komisariatit është shumë e fortë.

STATUSI I BERISHËS

Trafikun e drogës e bën qeveria!
Oficeri dixhital informon:
– Droga e kapur ne Triport -Zvërnec tre ditë më parë ishte e Leart Çelës, drejtorit të policisë së Vlorës.

Lexoni me poshtë mesazhin e oficerit dixhital! sb
“Përshëndetje doktor!Jam oficer në Komisariatin e policisë Vlorë. Disa ditë më parë Policia e Shtetit (Policia Vendore Vlorë) ka kapur në zonën e Triport-Zvërnec në një furgon 52 paketime me mbështjellje plastike dhe 10 çanta sportive me hashash si dhe një Fuoristradë që transportonte një gomone me 3 motorë e cila do të shërbente për transportin e ngarkesës.

Theksohet se ngarkesa ka qenë e “Jaert Çelës” – Drejtorit te Policisë Vendore të Qarkut Vlorë dhe organizimin e saj e bënte në terren “Gjergj Koila” – Shefi Krimit të Organizuar në këtë Drejtori. Ngarkesa e këtij transporti ka qenë e mirë organizuar dhe me dijeni të plotë të strukturave vendore të SHKB-së dhe konkretisht të Drejtorit të SHKB-së Vendore “Endri Mema” lidhje e “Arben Skëndo”.

Kapja e kësaj ngarkese është bërë fare rastësisht nga ana e strukturave të Komisariatit të Policisë Vlorë dhe konkretisht nga shefi i këtij komisariati “Behar Caka”. Ky i fundit nuk ka pasur dijeni lidhur me këtë ngarkesë pasi Drejtori i Vlorës “Jaert Çela” ka kërkuar nga Shefi i Krimit të Organizuar të Policisë Vlorë “Gjergj Koila” të përjashtonte shefin e Komisariatit “Behar Caka” duke bërë një pagesë tek SHKB Vendore e Vlorës për të qenë të sigurt për çdo eventualitet.

Theksohet se personat që do të bënin transportin janë kapur por pas marrjes dijeni të shërbimeve të Policisë se cilit i përkiste kjo si ngarkesë, janë lënë të lirë të ikin duke proceduar më tej sikur Trafikuesit janë larguar përpara se të konstatoheshin nga Policia e Shtetit… Mes Drejtorit Jaert Çela dhe Shefit të Kom Behar Caka ka nisur një debat i rëndë i cili këtej ka degraduat rëndë…”

Zvicra dhe Shqipëria dëshirojnë të forcojnë marrëdhëniet

Presidentja e Konfederatës Helvetike Doris Leuthard dhe njëkohësisht Këshilltarja Federale e Departamentit të Ambientit,Transportit, Energjisë dhe Komunikacionit priti për një vizitë zyrtare Kryeministrin e Republikës së Shqipërisë Edi Rama. Kjo ishte vizita e parë e një kryeministri shqiptar në Zvicër që nga viti 1994.

Pritja u bë në kështjellën Lohn, në afërsi të Bernës, një nga rezidencat qeveritare e vizituar nga burra dhe gra shteti të llojit nga Churchill tek Angela Merkel.

Në oborrin e bukur të kështjellës Lohn, ku valviteshin mrekullisht flamujt e kuq me kryq të bardhë e shqiponjë dykrenore dhe nën tingujt e hymneve zvicerane e shqiptare, për nder të kryeministrit Rama dhe delegacionit që e shoqëronte u bë parakalimi solemn nga garda ushtarake.

Kështu nisi vizita zyrtare e kryeministrit shqiptar në Zvicër.

Tema qendrore e bisedimeve ishte marrëdhëniet politike dhe ekonomike mes dy vendeve si dhe situata në Ballkanin Perëndimor.

Të dy vendet vunë në dukje intensifikimin dhe thellimin e mëtejshëm të marrëdhënieve dypalëshe në vitet e fundit. Delegacionet janë fokusuar ndër të tjera në angazhimin e pandërprerë të Zvicrës në Shqipëri.

Qëllimi i Zvicrës është të mbështesë Shqipërinë – një nga vendet prioritare të bashkëpunimit për zhvillim – në projektet e reformave drejt integrimit evropian. Aktualisht, Zvicra është një nga donatorët kryesorë dypalësh në Shqipëri duke zënë vendin e gjashtë.

Në takimin ndërshtetëror u nënshkruan dy marrëveshje në fushën e formimit profesional dhe decentralizimit në vlerë prej dhjetë milionë franga. Konkretisht, ministrja për Zhvillim Urban e Shqipërisë, Eglantina Gjermeni dhe ambasadori Manuel Sager, drejtor federal i DEZA-s kanë nënshkruar projektmarrëveshjen për programin e zhvillimit rajonal në Shqipëri. Ndërsa ministrja për Mirëqenie Sociale dhe e Rinisë e Republikës së Shqipërisë, Olta Xhaçka ka nënshkruar Projektmarëveshjen  për arsimin profesional në tregun e punës në Shqipëri. Nga ana zvicerane nënshkrues i kësaj marrëveshjeje ishte po zoti Manuel Sager, drejtor federal i Drejtorisë për Zhvillim dhe Bashkëpunim  i Zvicrës.

Ministrat diskutuan gjithashtu për reformën e drejtësisë përmes të cilës do të përmirësohet klima e investimeve në Shqipëri, bashkëpunimin në çështjet e emigracionit, bashkëpunim në çështjet e policisë dhe situatën në Ballkanin Perëndimor.

Trendi pozitiv në marrëdhëniet ekonomike

Marrëdhëniet diplomatike mes Zvicrës dhe Shqipërisë kanë nisur në vitin 1970.

Edhe pse marrëdhëniet politike janë të shkëlqyera dhe ato ekonomike kanë trend pozitiv, tregtia midis dy vendeve mbetet relativisht modeste. Aktualisht kompanitë zvicerane në Shqipëri janë rreth tridhjetë. Një konsorcium ndërkombëtar me qendër në Zvicër gjithashtu merr pjesë në ndërtimin e Trans-Adriatik (TAP, Trans-Adriatik-Pipeline).

Komuniteti shqiptar prej më tepër se 250 000 vetësh jeton në Zvicër, pjesa më e madhe tashmë të natyralizuar, por që kanë lidhje me rajonin e gjuhës shqipe. Kjo është një arsye më tepër që marrëdhëniet me Republikën e Shqipërisë dhe Zvicrës mund të rriten edhe më shumë, madje edhe në sferën ekonomike.

Pas nënshkrimit të marrëveshjeve, respektivisht Presidentja e Konfederatës Doris Leuthard dhe Kryeministri i Shqipërisë Edi Rama bënë deklaratat e tyre në konferencë për shtyp përpara gazetarëve.

Presidentja e Konfederatës, zonja Doris Leuthard nënvizoi se vizita e kryeministrit Edi Rama është historike dhe po ashtu shprehu vlerësimin për rolin konstruktiv të Shqipërisë dhe theksoi se sa e rëndësishme është për Zvicrën që Tirana të vijojë angazhimet e saj. Presidentja e Zvicrës e komplimentoi kryeministrin e Shqipërisë dhe qeverinë e tij për reformat që ka ndërmarrë tre vitet e fundit, reforma që lidhen me shtetin e së drejtës, sidomos reforma në drejtësi që është shumë e rëndësishme për Zvicrën por edhe në procesin e integrimit të Shqipërisë në Europë. Ajo kujtoi se si 25 vjet më parë, në vitin 1992, Zvicra hapi ambasadën në Tiranë dhe kjo përkon edhe me vizitën e një kreu shteti nga Shqipëria. Presidentja Leuthard theksoi domosdoshmërinë e luftës kundër korrupsionit dhe krimit në favor të shtetit të së drejtës. Gjithashtu shprehu shqetësim rreth rritjes së tensioneve dhe krizës në rajon.

Edhe nga ana e tij kryeministri i Shqipërisë Edi Rama konfirmoi faktin se marrëdhëniet në mes të dy vendeve janë të shkëlqyera. Ai kujtoi vitin 1935 kur është hapur përfaqësia e parë diplomatike e Shqipërisë në Zvicër. Duke mos harruar të kujtojë edhe rolin e emigracionit shqiptar dhe sidomos të futbollistëve. Me këtë rast kryeministri shqiptar bëri edhe një shaka, duke u kujtuar zviceranëve se fitoret në futboll iu dedikohen djemve shqiptarë.

Pastaj në konferencën për shtyp Presidentja Leuthard dhe Kryeministri Rama i janë përgjigjur pyetjeve të gazetarëve. Pyetjet ishin në lidhje me vendosjen e një linje të drejtpërdrejtë ajrore në relacionin Zvicër Shqipëri, mësimin plotësues në gjuhën shqipe në Zvicër. Kryeministri i Shqipërisë është pyetur nga televizioni zviceran sfr edhe për ish-oficerin e drogës Dritan Zagani.

Pas drekës zyrtare me Presidenten Leuthard, Kryeministri Rama me delegacionin ka vijuar takimin në Parlamentin e Zvicrës, me kryetarin e tij Jürg Stahl./Për Voal: Elida Buçpapaj

Voal – Dritan Zagani do të qëndrojë në Zvicër. Albanischer Ex-Drogenfahnder bleibt in der Schweiz – Oficeri i antidrogës do të qendrojë në Zvicër. Ky është titulli i reportazhit në emisionin“10vor10” të televizionit  zviceran gjermanofon SFR. Oficeri i antidrogës Dritan Zagani kërkoi strehim në Zvicër pasi denoncoi përfshirjen në trafikimin e drogës të zyrtarëve të lartë.

Megjithëse Tirana e ka futur në listën e Interpolit dhe Shqipëria i kishte bërë Zvicrës kërkesë ekstradimi për ish-oficerin e antidrogës, kjo kërkesë nuk merret parasysh dhe Dritan Zaganit bashkë me familjen e tij marrin azil politik në Konfederatën Helvetike.

Televizioni zviceran SRF që në janar i dedikoi një reportazh ish-policit të antidrogës

Në janar të këtij viti televizioni gjermanofon i Zvicrës SRF në emisionin  “10vor10” e ka intervistuar Dritan Zaganin, ish-oficerin e policisë shqiptare që denoncoi aferat e përfshirjes të trafikantëve të drogës me shefat e lartë të politikës. Një shkrim për të bashkë me videon e reportazhit ku është përfshirë edhe intervista e tij u botuan edhe në faqen online të SRF nën okelion “Mafia e drogës”.

Në reportazhin që përcillte intervistën thuhej se dërgesat e drogës bëheshin me avionë të lehtë dhe ka dyshime se trafikantët kanë lidhje me politikën. Këtë gjë e ka denoncuar ish-oficeri i Policisë shqiptare (Dritan Zagani – sqarim i Voal.ch) i cili është vendosur në Zvicër.  Shqipëria kishte kërkuar ekstradimin e Zaganit në Shqipëri. Sikur e konfirmoi për reportazhin e janarit për emisionin «10vor10» Zyra federale e Drejtësisë.

Ishte e qartë se mediat zvicerane që në muajin janar i kishin kushtuar vëmendjen dhe ishin në favor të ish-policit shqiptar.

Dhe tani fakti është që Dritan Zagani ka marrë azilin politik.

Dmth Zvicra nuk e ka pranuar kërkesën për ekstradim të autoriteteve shqiptare.

Televizioni zviceran SRF që e ka ndjekur ngjarjen, i rikthehet përsëri në emisionin  “10vor10” rastit të Dritan Zaganit.

E reja që solli kësaj here emisioni  “10vor10” është se Zvicra e ka pranuar kërkesën e tij për qendrim të përhershëm në Zvicër, që do të thotë se ka hedhur poshtë kërkesën për ekstradim nga Shqipëria.

“10vor10” tregon me simpati për ish-oficerin shqiptar, i cili ka rrezikuar kokën duke ndjekur veprimtarinë kriminale.

Dritan Zagani gjithmonë ka thënë se në këtë veprimtari të krimit të organizuar dhe mafies është e përfshirë edhe politika.

Gazetari i “10vor10” bashkë me një tjetër gazetar zviceran ishin të pranishëm edhe në konferencën për shtyp të Presidentes të Zvicrës zonjës Doris Leuthard me Kryeministrin Shqiptar, Edi Rama, gjatë vizitës së tij zyrtare dhe ata e pyetën në lidhje me Dritan Zaganin, por kryeministri i Shqipërisë nuk pranoi të përgjigjej si një çështje e organeve të drejtësisë.

Tani për Dritan Zaganin dhe familjen e tij nis një jetë e re.

SFR thotë se Dritan Zagani në shpirt ka mbetur polic. Ai dëshiron që ta vazhdojë profesionin e tij edhe në Konfederatën Helvetike që tani do të jetë atdheu i tij.

Si një luftëtar i paepur i mafies dhe antidrogës./Elida Buçpapaj

https://www.srf.ch/news/international/albanischer-ex-drogenfahnder-bleibt-in-der-schweiz

Dritan Zagani i intervistuar nga Televizioni zviceran SRF: Oficeri i antidrogës kërkon mbrojtje në Zvicër

https://www.srf.ch/news/international/albanischer-ex-drogenfahnder-bleibt-in-der-schweiz

Avokati i Popullit i dorëzoi sot Operacionit Ndërkombëtar të Monitorimit listat me 84 kandidatë që plotësuan kriteret dhe 109 që nuk i përmbushën ato për t’u bërë pjesë e institucioneve të rivlerësimit kalimtar të gjyqtarëve dhe prokurorëve.

Avokati i Popullit, Igli Totozani, bëri sot të dtur se ekspertët e institucionit të tij, nën vëzhgimin e Operacionit Ndërkombëtar të Monitoritmit, përfunduan vlerësimin e dokumentave të gjithë kandidatëve, ndërkohë që në 27 mars u mbyll edhe afati i fazës së dytë.

Në këtë proces gjithsej ishin 193 kandidatë; 29 nga këta i plotësuan kriteret qysh në fazën e parë dhe ishin në listën A. Nga 164 kandidatët e mbetur në listën B, 61 nuk u paraqitën për në fazën e dytë.

Kështu, nga 103 kandidatët e mbetur në fazën e dytë, 55 i plotësuan kriteret dhe kaluan në listën A, duke iu bashkuar 29 kandidatëve fitues të fazës së parë. Ndërsa 48 të tjerë nuk i plotësuan kriteret as në fazën e dytë.

Pra, gjithsej, në fund të dy fazave, 84 kandidatë i plotësuan kriteret dhe 109 të tjerë jo.

“Kandidatët u bënë pjesë e një procesi historik për vendin tonë, për të çuar deri në fund reformën më jetike për shqiptarët, Reformën në Drejtësi” – tha zoti Totozani.

Ai i dorëzoi Operacionit Ndërkombëtar të Monitorimit listën me emrat e kandidatëve, të cilët i plotësuan kriteret ligjore dhe listën e kandidatëve, që nuk i kanë plotësuar ato.

Zoti Totozani vlerësoi përkushtimin në këtë proces të ekspertëve të institucionit, të cilët kontaktuan me 164 aplikantët, që nuk plotësuan kriteret gjatë fazës së parë.

“Kandidatët u vunë në dijeni në mënyrë të detajuar për dokumentacionin, që u mungonte dhe u asistuan gjatë gjithë kohës, për dorëzimin e dokumentacionit të duhur” – tha zoti Totozani.

Ai vlerësoi për ndihmën dhe mbështetjen ekspertët e ONM-së, të cilët “punuan me profesionalizëm dhe korrektesë të jashtëzakonshme, duke përmbyllur me sukses të plotë, këtë punë voluminoze dhe tejet të rëndësishme për të gjithë shqiptarët”.

Operacioni Ndërkombëtar i Monitorimit (ONM) përshëndeti përfundimin e punës me kandidatët nga Avokati i Popullit për krijimin e institucioneve të vetingut.

“ONM-ja vlerëson punën e komisionit të vlerësimit pranë Avokatit të Popullit si shumë të plotë, të saktë dhe profesionale. Shqyrtimi i certifikatave të paraqitura nga kandidatët për të plotësuar dosjet e aplikimit është kryer me kujdes, në përputhje me ligjin” – deklaroi ONM-ja.

ONM-ja lavdëron gjithashtu gatishmërinë e Avokatit të Popullit për të publikuar në kohë një listë të konsoliduar kandidatësh, që plotësojnë kriteret e kualifikimit për postet e ndryshme në institucionet e vetingut.

Vëzhguesit ndërkombëtarë të ONM-së do të nisin tani shqyrtimin e pavarur të gjithë dokumenteve të paraqitura. Pas përfundimit të këtij procesi, Avokatit të Popullit mund t’i paraqitet një vlerësim i përditësuar dhe i arsyetuar, si dhe rekomandime për t’ia transmetuar parlamentit në mënyrë konfidenciale.

ONM ka vazhduar përgatitjet për ardhjen e vëzhguesve ndërkombëtarë afatgjatë, që do t’u bashkëngjiten institucioneve të vetingut.

“Nisja e procesit të vetingut do të jetë me rëndësi historike për Shqipërinë. Qytetarët meritojnë një gjyqësor vërtet të pavarur, efikas, të përgjegjshëm dhe plotësisht profesional. Rivlerësimi i gjithë gjyqtarëve dhe prokurorëve është vendimtar për ta arritur këtë objektiv dhe do të nisë pa vonesa të mëtejshme”- thuhet në deklaratën e ONM-së.

ONM-ja po punon për të përfunduar rishikimin e gjithë dosjeve të aplikimeve të konsoliduara rishtas dhe për t’i mundësuar Kuvendit të fillojë me shqyrtimin e kandidatëve.

Kryeministri Edi Rama është nderuar në Francë me titullin Komandant i Legjionit të Nderit. Titulli iu dha ditën e djeshme nga vetë presidenti francez, gjatë vizitës së kryeministrit Rama në Paris.

“I prekur thellë nga nderimi i Presidentit të Republikës Franceze, që më akordoi titullin e lartë të Komandantit të Legjionit të Nderit!
Ky është një titull që ia kushtoj Shqipërisë; gruas, nënës, fëmijëve dhe të gjithë bashkëpunëtorëve e mbështetësve, të njohur e të panjohur, brenda a jashtë vendit, të cilët me besimin e mbështetjen e tyre, më kanë mundësuar të bëj çfarë kam mundur në gjithë këto vite përpjekjesh për të ndryshuar Tiranën, bërë Shqipërinë shtet me dinjitet dhe përmirësuar jetën e njerëzve të zakonshëm të këtij vendi.
Faleminderit Francë🇫🇷🇦🇱”, shkruan Rama në “Facebook”, duke postuar edhe dekoratën.

Dy qeveritë kanë nënshkruar një sërë marrëveshjesh të cilat ngrenë kuadrin e bashkëpunimit dypalësh Shqipëri – Francë në nivel strategjik.

Gjatë vizitës palët patën mundësinë të konfirmojnë marrëdhënien speciale midis Shqipërisë dhe Francës si dhe rëndësinë e bashkëveprimit afatgjatë midis dy vendeve në fushën e sundimit të ligjit, mbrojtjes dhe sigurisë, në rrafshin dypalësh, rajonal dhe më gjerë.

Në takimin e posaçëm me homologun francez Bernard Cazeneuve, Kryeministri Edi Rama shprehu falënderimet e qeverisë shqiptare për mbështetjen e Francës në procesin e integrimit europian të vendit tonë si dhe për vëmendjen e shtuar dhe dedikimin e Francës në mbarëvajtjen e proceseve dhe projekteve rajonale.

VOAL – Pasardhësi i Prenk Bib Dodës, princ i Mirditës, Artan Prenge Lleshi (Gjonmarkaj), iu ka drejtuar një letër të hapur ambasadorit të SHBA në Tiranë dhe autoriteteve qendrore e lokale shqiptare me rastin e dekorimit të Prenk Bib Dodës nga Presidenti Nishani. Ai shkruan se Nishani nuk ka ftuar askënd nga familja me rastin e këtij dekorimi, por ka ftuar ata që janë marrë me shkatërrimin e familjes Markagjonaj, të gjithë këta të ftuar, nënvizon ai, janë “Ushtare” te Çadrave dhe Partive te sunduara nga Ish – Sigurimi i Shtetit. Letrën e Hapur Artan Prenge Lleshi (Gjonmarkaj) e ilustron me dokumentin e gjenealogjisë familjare.

Teksti i plotë është më poshtë:

LETER E HAPUR

Drejtuar Opinionit Publik dhe në mënyrë rë veçantë:

Z.Donald Lu – Ambasador i Shteteve te Bashkuara te Amerikes.
Kryeministrit te Shqiperise
Ministrit te Drejtesise
Familjeve te Para Shqiptare
Ajkes se Kombit merguar ne shtete te Ndryshme
N/Prefektit te Qarkut Lezhe z.Kole Bardhoku
Kryetarit te Bashkise Mirdite Z.Ndrec Deda.
Kryetarit te Partise Demokratike te Shqiperise
Kryetarit te Partise Socialiste të Shqipërisë
Kryetarit te Partise Levizja Socialiste per Integrim.
Per dijeni dhe mbeshtetje.
Kryesise se Partise Aleanca Popullore per Drejtesi
Keshillit Kombetar te APD (ku jam edhe antar).
Katedrave te Historise ne Universitetet e Shkencave Shoqerore (Publike dhe Private)

Te nderuar Zoterues te Dikastereve te sipercituara,familiare te familjeve qe kane mbeshtetur idealet e KOMBIT dhe kanë punuar per Atdheun krahas te pareve te mi,qytetare te thjeshte pavaresisht sekteve politike, fetare dhe origjine.

Sot mësova nga njerez te thjeshte se neser ne Mirdite vjen Presidenti i Republikes z.Bujar Nishani per te DEKORUAR princin Prenk Bibe Doda. Bashkangjitur këtij njoftimi qe po bej, do te gjeni edhe çertefikaten gjeanologjike te prejardhjes se Princit dhe te familjes se Gjonmarkajve.
Asnje individ qe buron nga kjo çertefikate nuk eshte njoftuar per nje aktivitet te tille.
Prenk Bib Doda ua la pushtetin ekonomik dhe politik Marka Gjonit dhe Prenk Llesh Gjonit, si kusherinjt me te afert te gjakut dhe une si prejardhes i ksaj familje jam i indinjuar pse Presidenti Nishani ka thirrur e caktuar njerez qe nuk lidhen me Barkun e Lleshit Te Zi me qellim shkatrrimin e kësaj familje dhe përdorjen e individeve pjesmarres e te ftuar si “Ushtare” te Çadrave dhe Partive te sunduara nga Ish – Sigurimi i Shtetit.

Do të ishte më e ndershme që presidenti Nishani, më përpara të kishte marrë masa për heqjen e dekoratës diktatorit Enver Hoxha akorduar nga një Nishan i hershëm, (Enver Hoxha grabiti shpatën e Prenk Bib Dodës dhuruar nga Napoloni dhe jua fali rusëve) dhe më pas të bënte dekorimin e Preng Pashës.

Lutem Reagoni per kete rast te pa precedent kur Institucioni i Presidentit te nje Shteti Demokratik, shkel te drejtat e familjes me te vuajtur te Kombit

Me Respekt.
Artan Prenge Lleshi (Gjonmarkaj)
Sarajet e Oroshit te Mirdites.