Në Tiranë, Qendra Shqiptare për Qeverisje të Mirë dhe Fondacioni Fridrih Ebert zhvilluan një konferencë me profesorë europianë mbi Sfidat e Sigurisë Kibernetike në Shqipëri.

Studiuesit vendas pohuan se Shqipëria është ende në hapat e para në këtë fushë, ndërsa rreziqet janë përherë e më të shtuara.

Një nga këto rreziqe, pohuan ata, është penetrimi i Rusisë në mediat sociale, krahas radikalizmit dhe terrorizmit online.

Zhvillimi i shpejtë i shërbimeve online në Shqipëri, ose si quhet ndryshe qeverisja elektronike, po sjell me vete edhe rrezikun e sulmeve kibernetike.

Siguria e kibernetike është një sfidë e re për të gjithë, aq më tepër Shqipëria, e cila, sipas studiuesit të çështjeve të sigurisë, Henri Hide, ka mungesa themelore në çështje të sigurisë kombëtare si katastrofat, sulmet terroriste, sigurisë njerëzore dhe asaj ekonomike.

“Ne po shkojmë drejt e-government, pra drejt qeverisjes elektronike, kështu që kjo kërkon forcimin e kapaciteteve për t’u mbrojtur nga aktorët e huaj, që janë gjithnjë e më të aftë, më të saktë e më të përgatitur. Kjo kërkon mbi të gjitha një bashkëpunim me partnerët, sepse ne nuk i kemi ato kapacitete. NATO ka kapacitete shumë herë më të sofistikuara dhe të testuara në shumë raste në shumë terrene. Duhet ngritur një vëmendje dhe një ndërgjegjësim më të madh për interesat e Rusisë, një aktor i ri në Ballkan, që po penetron në fusha jotradicionale të sigurisë si siguria kibernetike” – tha zoti Hide.

Shqipëria është në hapat e para të studimit të kësaj fushe sipas koncepteve të sigurisë kombëtare, thotë Arben Çejku, drejtuesi i Qendrës për Qeverisje të Mirë, dhe institucionet e sigurisë kibernetike janë në një periudhë riorganizimi.

Administrata, sipas tij, ka përgjegjësi për mbrojtjen e qytetarëve të vet, konsumatorëve, firmave, bizneseve dhe insitucioneve shtetërore vendase dhe atyre partnere.

“Çdo gjë që kalon në online dhe në kompjuter është e rrezikuar, prandaj apeli i kësaj konference dhe studiuesve është që qeveria shqiptare duhet të marrë masa dhe të krijojë menjëherë mundësira konkrete për mbrojtjen e qytetarëve nga këto lloj sulmesh dhe nga ana tjetër të forcojë bashkëpunimin me NATO-n në forma më të mira e më të qarta për sigurinë kibernetike, e cila është një nga shtyllat kryesore të sigurisë sonë kombëtare” – tha zoti Çejku.

Analistët pohojnë se aktorë me rëndësi si Rusia po përpiqen që të penetrojnë në këtë fushë të re, dhe janë shumë të përgatitur në kapacitete, burime njerëzore, përvojë dhe aftësi teknologjike.

Shqipëria ka edhe sfidën e terrorizmit online, me aktorë terroristë, që përpiqen të rekrutojnë individë apo të sjellin dëme me përdorimin e mediave online dhe mediave sociale.

Nga krimi i thjeshtë kibernetik situatat kanë shkuar tek nevoja për siguri kibernetike në infrastrukturës kritike, pohojnë studiuesit.

Kjo është një fushë e pastudiuar ende sa duhet nga shqiptarët, thotë zoti Hide, dhe se ata ende nuk janë plotësisht të ndërgjegjshëm për rëndësinë dhe rreziqet, që po vijnë nga kjo fushë.

“Mendoj se ka një vetëdije për këto rreziqe, e cila këtu është në faza minimale. Shqipëria mendon se ka qenë e izoluar dhe do të mbetet e izoluar dhe se aktorë të tjerë nuk janë të interesuar. Por kjo është një dukuri globale dhe janë aktorët globalë ata që interesohen për gjithë të tjerët. Ka disa raste që tregojnë se ka një rritje të vëmendjes të aktorëve si Rusia për të penetruar në Ballkan me dy mënyra: një, përmes mediave, e mediave online sidomos, dhe së dyti, përmes sulmeve kibernetike. Të dyja këto lidhen me sigurinë kibernetike dhe mendoj se faktorët shtetërorë shqiptarë duhet të forcojnë kapacitetet në këtë drejtim” – tha zoti Hide.

Shqipëria ka një ligj të ri për krimin kibernetik, por kjo nuk mjafton, sepse realiteti është një sfidë e përditshme me terrorizmin dhe radikalizmin online, por institucionet shtetërore nuk janë ende të përgatitura për t’u përballur.

“Lufta kibernetike është një beteë reale, që zhvillohet në sektorët privatë dhe në institucionet shtetërore. Në fakt, Shqipëria është në hapat e para dhe ka shumë nevojë të ndihmohet jo thjesht nga ana teorike, por duhet të marrë masa urgjente praktike për të rritur kapacitet dhe për të parandaluar sulme të mundshme” – tha zoti Çejku.

Ekspertët pohojnë se kjo është një fushë shumë-dimensionale dhe kërkon një përgjigje shumë-di mensionale.

Nuk mjafton një njësi e vetme pranë ndonjë institucioni, por kërkohet, sipas tyre, një koordinim nga të gjithë aktorët në kohë reale, rritja e kapaciteteve teknologjike dhe aftësisë për t’u përballur me këto lloj sfidash të reja të sigurisë.

Mbrëmjen e djeshme ish kreu i SHIK-ut në qytetin e Beratit në vitet 1993- 1996, Artan Dauti u sulmua barbarisht nga dy persona ende të paidentifikuar, sulm pas të cilit u detyrua të marrë ndihmë mjekësore. Por, kur nuk kanë kaluar ende 24 orë nga sulmi, BalkanWeb mëson se ai është larguar nga Shqipëria.

Një fakt të tillë e konfirmon e ëma, zonja Liri Dauti. Ajo thotë se sulmin e lidh vetëm me detyrën që i biri ka ushtruar në të shkuarën, pasi në të tashmen ai s’ka asnjë konflikt.

Djali u sulmua për shkak të punës që bënte. Artani nuk ka pasur asnjë konflikt tjetër. U largua sot në Itali, pa mbushur 24-orë nga ngjarja”,- thotë Liri Dauti.

Sipas saj, shkak për vizitën e tij në Shqipëri ishte bërë gjendja e saj shëndetësoire. “Djali erdhi të më vizitonte pasi jam e sëmurë, po se lanë të qetë”,- tha nëna ndër të tjera.

Policia e Beratit sakaq nuk ka ende asnjë emër apo të dyshuar për sulmin e mbrëmshëm.

VIDEO PAS SULMIT

Nw videon e momentit të shoqërimit për në spital të ish-kreut të SHIK-ut në Berat, duket qartë momenti kur Dauti shoqërohet nga vendi ku u sulmua drejt ambulancës së spitalit. Ai mezi qëndron në këmbë, ndërsa dy mjekë e mbajnë për krahu teksa ecin nëpër një rrugicë të ngushtë e të errët në lagjen ku u sulmua.

“Më goditën sapo zbrita nga makina, dyshoj që ishin dy persona”, – ka thënë ai në dëshminë e parë për policinë nga shtrati i spitalit.

DEKLARATA E POLICISE PER NGJARJEN

Dauti pas sulmit ka telefonuar Policinë duke thënë se është goditur me grushte nga dy persona të panjohur.

“Më datë 02.10.2017, në sallën operative ka mbërritur një telefonat nga shtetasi A.D, 48 vjeç, i cili njoftoi se është goditur me grushta nga dy persona të pa njohur. Menjëherë shërbimet e policisë kanë shkuar dhe kanë kontaktuar me shtetasin A.D ku rezultoi se: Dy persona ende të pa identifikuar e kanë goditur këtë shtetas me grushta. Vijon puna nga shërbimet e policisë për dokumentimin ligjor të kësaj ngjarje”, thuhet në njoftimin e shkurtër të Policisë, lidhur me ngjarjen./BW

Kryetari i Grupit Parlamentar të Partisë Demokratike, Edmond Spaho, i ka dërguar një letër publike ONM-së, ku ka renditur disa nga problemet e evidentuara nga PD në procesin e vettingut.

LETRA
Drejtuar: SH.S.ZJ. GENOVEVA RUIZ CALAVERA
Drejtuese e Operacionit Ndërkombëtar të Monitorimit

Në vëmendje: Ambasadës së Shteteve të Bashkuara të Amerikës në Tiranë
Delegacionit të Bashkimit Europian në Tiranë

Të gjitha Ambasadave të vendeve të Bashkimit Europian në Tiranë

Lënda: Shqetësime mbi mungesën e vullnetit të mazhorancës për të mbështetur organet e reja të vettingut

E nderuar Shkëlqesia Juaj zonja Calavera,
Të nderuar Shkëlqesi Ambasadorë,

Më lejoni fillimisht të shpreh vlerësimin dhe mirënjohjen time të thellë për punën Tuaj në drejtim të forcimit të demokracisë dhe ndërtimit të shtetit të së drejtës në Shqipëri, si dhe më lejoni të ndaj me Ju shqetësimin mbi mënyrën e nisjes së zbatimit të Reformës në Drejtësi.

Organet e reja të vettingut i paraqitën Kuvendit të Shqipërisë propozimin për miratimin e strukturave të tyre, duke argumentuar nevojën për staf administrativ dhe mbështetës, me një numër total punonjësish për të tre organet prej 185. Në këtë numër përfshihen 21 anëtarët e tre organeve të vettingut, 42 këshilltarët e Njësisë së Shërbimeve Ligjore, 12 përkthyesit, si dhe stafi mbështetës dhe administrativ. Numri i personelit ishte vlerësuar si i domosdoshëm për funksionimin autonom dhe eficient të organeve të vettingut, prej vetë këtyre organeve në relacionet shoqëruese që i kishin përcjellë Kuvendit, duke ruajtur një raport të drejtë midis stafit që do të përfshihet drejtëpërdrejtë në procesin e rivlerësimit, me numrin e stafit mbështetës dhe administrativ, sipas raportit të ndjekur edhe nga vetë struktura e Operacionit Ndërkombëtar të Monitorimit.

Mazhoranca në Komisionin Parlamentar të Ligjeve, pa dakortësinë e vetë organeve të reja të vettingut, vendosi të shkurtonte me rreth 40 për qind numrin e punonjësve, duke miratuar për të tre organet gjithësej 110 punonjës. Kjo strukturë e re, e hartuar nga mazhoranca në Komisionin e Ligjeve, edhe pse nuk gjeti dakortësinë e vetë organeve kushtetuese të vettingut, u miratua po me votat e mazhorancës në seancën plenare të datës 28 Shtator 2017. Dëshirojmë të sjellim në vëmendjen tuaj se shumica e drejtuesve të këtyre institucioneve të pavarura, jo vetëm u shprehën kundër këtyre ndryshimeve, por theksuan se me ndryshimet e miratuara, po cenohen efikasiteti i punës së organeve të pavarura kushtetuese, të ngarkuara me detyrën e realizimit të procesit të rivlerësimit të gjyqtarëve dhe prokurorëve.

Marrja përsipër nga ana e Kuvendit, që të strukturojë organet e pavarura kushtetuese, duke ulur me 40 përqind numrin e punonjësve të kërkuar prej tyre, është pa asnjë dyshim cënim i parimit kushtetues të pavarësisë organizative/funksionale të këtyre organeve. Kuvendi, nëpërmjet këtij vendimi, i ka diktuar mënyrën e organizimit organeve të pavarura, duke mos pranuar kërkesën e tyre për personel të mjaftueshëm për realizimin e detyrës. Një veprim i tillë, bie ndesh jo vetëm me nenin 18 të ligjit nr. 84/2016, për shkak se struktura që po miratohet nuk është propozim i vetë organeve të rivlerësmit (siç ligji e kërkon), por nga ana tjetër, kjo bie ndesh edhe me pikën 6 të nenit 179/b të Kushtetutës dhe pikën 14 të nenit C të Aneksit të Kushtetutës, ku thesohet se: “Komisioni dhe Kolegji i Apelimit janë të pavarur dhe të paanshëm”, si dhe “Komisioni, Kolegji i Apelimit dhe Komisionerët Publikë kanë buxhet, administratë dhe mjedise të mjaftueshme për të kryer funksionet e tyre si dhe për ushtrimin e funksioneve të vëzhguesve ndërkombëtarë, sipas ligjit”.
Nga këto parashikime kushtetuese dhe ligjore, arrihet të evidentohen dy elementë themelorë që duhet të mbaheshin në konsideratë nga Kuvendi:
Së pari, Kushtetuta dhe ligji i siguron institucioneve të rivlerësimit personelin e nevojshëm për të përmbushur detyrat. Për pasojë, Kuvendi është i detyruar nga Kushtetuta dhe ligji, që të sigurojë stafin e nevojshëm për organet e rivlerësimit. Çdo ndryshim në strukturat e propozuara nga organet e rivlerësimit, duhet të bëhet në bashkëpunim dhe dakortësi të plotë me vetë këto organe të pavarura.
Së dyti, edhe pse struktura miratohet nga Kuvendi, propozimi për këtë strukturë duhet të vijë nga vetë organet e rivlerësimit. Propozimi i akteve nga vetë organet e rivlerësimit, nuk është aspekt formal i parashikuar nga ligji, por lidhet me dy aspekte të rëndësishme, që kanë të bëjnë me pavarësinë organizative të organeve të rivlerësimit, si dhe vlerësimin e tyre të pavarur mbi nevojat që kanë për personel me qëllim ushtrimin e funksionit. Kuvendi, është përfshirë në këtë proces, me qëllim që të verifikojë nëse organet e rivlerësimit kanë ose jo mjaftueshëm personel për realizimin e detyrës funksionale, dhe kurrësesi për të mos pranuar kërkesën e organeve të pavarura për burime njerëzore.

Qëndrimi ynë është se Kuvendi ka detyrimin kushtetues të mbështesë veprimtarinë e organeve të rivlerësimit, duke i mundësuar atyre të gjithë mbështetjen me burime njerëzore dhe financiare që kërkohet. Ajo që mund të bëjë Kuvendi është që në diskutim dhe dakortësi me organet e pavarura, të bëjë një shpërndarje të drejtë të burimeve njerëzore të kërkuara, duke vendosur theksin tek efikasiteti i procesit të rivlerësimit kalimtar të gjyqtarëve dhe prokurorëve.

Në strukturën e miratuar vetëm me votat e shumicës në Kuvend, rezulton se është ulur numri i punonjëve të Njësisë së Shërbimeve Ligjore, krahas uljes së numrit të punonjësve të tjerë mbështetës të organeve të rilverësimit. Për ilustrim, Kolegjit të Apelimit, nga 14 këshilltarë të kërkuar në përbërjen e Njësisë së Shërbimeve Ligjore, është miratuar të ketë vetëm 10 këshilltarë E njëjta situatë është edhe për Komisionerin Publik, ku rezulton se nga 12 këshilltarë të kërkuar, i janë miratuar vetëm 6 këshilltarë. Ky ndryshim, prek thelbin e procesit të rivlerësimit dhe i pamundëson këtyre strukturave përmbushjen e detyrave sipas Kushtetutës dhe Ligjit. Në vlerësimin tonë, vecanërisht “Njësia e Shërbimit Ligjor”, duhet të ketë burimet e nevojshme njerëzore dhe financiare për të udhëhequr, nën drejtimin dhe kontrollin e anëtarëve të organeve të rivlerësimit, të gjithë procesin e vlerësimit të pasurisë, figurës dhe aftësive profesionale. Organet e rivlerësimit nuk mund të marrin të mirëqena inforamcionet dhe relacionet e përgatitura nga organet e treta nën ndikimin e Qeverisë.

Mungesa e mbështetjes me burimet e mjaftueshme njerëzore do të sillte vënien përpara faktit të kryer të organeve të vettingut, nëpërmjet informacioneve të përgatitura nga institucionet e treta nën varësinë apo ndikimin e Qeverisë, të cilat do të ishin të pamundura të verifikoheshin nëse ka mungesa të burimeve të nevojshme njerëzore. Gjithashtu, mungesa e burimeve të mjaftueshme njerëzore do të sillte zgjatjen e paarsyeshme të procesit të rivlerësimit, i cili sic shprehet edhe Komisioni i Venecias (paragrafi 98 i Opinionit të Ndërmjetëm) krijon tensione të jashtëzakonshme brenda gjyqësorit, destabilizon punën e tij, rrit mosbesimin publik tek gjyqësori, devijon vëmendjen e gjyqtarëve nga detyrat e tyre normale, dhe, si çdo masë e jashtëzakonshme, krijon rrezikun e kapjes së gjyqësorit nga forca politike që kontrollon procesin.

Qëndrimi i Kryeministrit në seancë plenare, duke i trajtuar këto institucioni njëlloj me Ministritë në varësinë e tij, duke i diktuar strukturën dhe numrin e stafit mbështetës, është i papranueshëm, dhe provë e qartë se Qeveria nuk synon realizimin e procesit të vettingut në mënyrë të pavarur dhe se nuk i trajton organet e vettingut si organe të pavarura kushtetuese, ku Qeveria nuk mund të diktojë as mënyrën e funksionimit dhe as mënyrën e organizimit. Po aq i papranueshëm është edhe qëndrimi i Kryeministrit në seancë plenare, sipas të cilit, organet e vettingut nuk kanë nevojë për përkthyes, sepse do të ndihmohen në punën e tyre nga Ministria për Europën dhe Punët e Jashtme, e cila do t’ia përkthejë materialet. Ky pohim i Kryeministrit në seancë plenare, provon tendencën e tij për ndërhyrjen e Qeverisë në veprimtarinë e organeve të pavarura të vettingut, cka rrezikon seriozisht të gjithë procesin. Edhe qëndrimi i mazhorancës se për momentin do t’i vendosë organeve të vettingut këtë staf të reduktuar, dhe më pas duke vlerësuar punën e tyre, mund të pranojë kërkesën për shtesa në burime njerëzore, është tregues i qartë i tendencës për t’i vënë këto organe të pavarura nën kontroll dhe shantazh nga ana e Qeverisë. Shantazhim është edhe trajtimi jo serioz i kërkesave të organeve të vettingut, si dhe tendenca nga Kryeministri dhe përfaqësuesit e tij, për t’i trajtuar kërkesat e tyre si shpenzime luksi dhe të panevojshme, duke i denigruar titullarët e këtyre institucioneve në publik.

Ndryshimi i strukturave të propozuara nga vetë organet e vettingut, duke i diktuar atyre 40 për qind më pak staf, si dhe këto qëndrime të Kryeministrit në seancë plenare, janë tërësisht të papranueshme, dhe provë e qartë e mungesës së vullnetit të mazhorancës për suksesin e procesit të rivlerësimit, duke sabotuar që në nisje këtë proces. Sabotimi i procesit të vettingut, rrezikon seriozisht funksioimin e të gjitha organeve të reja të sistemit të drejtësisë, përfshirë edhe dy organet e rëndësishme SPAK dhe BKH.

Në përfundim, duke ju falenderuar dhe vlerësuar për rolin tuaj aktiv gjatë fazës së miratimit të Reformës në Drejtësisë, më lejoni të kërkoj nga ana Juaj qëndrim aktiv edhe gjatë fazës së zbatimit, duke mbajtur nën kontroll veprimet tendencioze të Qeverisë për të ndërhyrë dhe diktuar procesin e vettingut. Mosreagimi i partnerëve ndërkombëtar mbi ndërhyrjen e mazhorancës në organizimin e organeve të vettingut, u përdor nga Kryeministri në seancë plenare si një mbështetje ndaj veprimeve të tij. Për pasojë, çdo mungesë vëmendje apo reagimi nga ana juaj, duke lejuar ndërhyrjen e Qeverisë në procesin e vettingut, në çdo drejtim, do të cënonte rendë jo vetëm rezultatet e procesit, por edhe besimin e qytetarëve shqiptarëve dhe partnerëve ndërkombëtar në organet e reja të sistemit të drejtësisë që priten të krijohen nga ky proces jetik për Shqipërinë dhe të ardhmen e saj europiane.

Me konsideratën më të lartë,
EDMOND SPAHO
Kryetari i Grupit Parlamentar të Partisë Demokratike

Nënkryetari i Partisë Demokratike, Edi Paloka, i ftuar në emisionin “Kjo javë” në News 24  ka thënë me kryetarin e partisë nuk mund ta heqë askush, qoftë ky edhe ish-kryetari i PD-së, Sali Berisha.

Paloka gjithashtu tha se  Topalli dhe Patozi janë dy figura me përvojë të gjatë në strukturat e PD, dhe e dinë se partia nuk funksionon kështu, pra me shkarkime.

“Nuk kam dëshirë të komentoj deklarata që nuk i njoh. Por nëse do të ishte kështu, është e gabuar, sepse askush nuk mund të shkarkojë kryetari i partisë, qoftë edhe Berisha, ndërkohë që ai ka marrë votat e anëtarësisë. Mendoj se edhe Patozi edhe Topalli kanë jo vetëm përvojën e gjatë në strukturat e PD, por kanë edhe pjekurinë e duhur për të kuptuar se nuk funksionon kështu partia. Nëse kërkojmë funksionimin e statutit, e dimë që nuk funksionon kështu. Për mua kjo nuk është një deklaratë me logjikë. Unë nuk po them që këto figura duan ta shkatërrojnë PD. Nuk kam dëgjuar të thotë dikush që kanë krijuar fraksione.

Kur të shtrihet dora të komunikosh me ide, apo të bindësh anëtarësinë që ke një platformë për të ardhur në pushtet, futesh në konkurrim dhe fiton nëse ke shumicën, por nëse përpiqesh vetëm të dëmtosh, nuk funksionon. Dhe ne rastet i kemi, gjatë fushatës së 2017, unë e kam thënë edhe në vend tjetër, për fat të keq, për pakënaqësi të momentit, patëm anëtarë kryesie që deklaruan dhe i kërkuan demokratëve të mos votojnë. Dolën në konferencë shtypi dhe i kërkuan demokratëve të mos votojnë. Pati nga ata që për karshillëk shkuan dhe bënin selfie nga Parisi, dhe i postonin në FB. Pati të tjerë që nuk shkuan të votojnë”, tha Paloka.

Debatet e nxehta në Kryesi, flet Paloka: Nuk ka fraksione brenda PD-së, por…

Nënkryetari i Partisë Demokratike, Edi Paloka, i ftuar në emisionin “Kjo javë” në News 24  është shprehur kundër idesë së krijimit të fraksioneve në parti.

Ai i është përgjigjur pyetjes së gazetares një mbledhje ku në fakt dolën haptazi fraksionet brenda PD-së, që ju në fakt i keni quajtur shkatërruese për PD. Pse janë të tilla mendimet ndryshe?

Paloka tha se:

“Janë dy gjëra të ndryshme. Në atë mbledhje nuk ka dalë ndonjë fraksion, por kanë diskutuar njerëz me mendime të ndryshme. Këtë çështjen e fraksionit, që të jem i sinqertë e kam dëgjuar në media se nuk e kam parë ta shprehë apo kërkojë dikush. Është krejt normale që të ketë qëndrime të ndryshme. Jemi 27 vite demokraci dhe pluralizëm, normale që do ketë ide të tilla. Kur këto qëndrime, ide, apo platforma, siç është përmendur, nëse vijnë në interes të qëllimit të përbashkët që kemi të gjithë demokratët, të ngritjes dhe fuqizimit të PD-së, janë të mirëpritura, dhe kjo është normale. Kështu funksionon në demokraci. Këto ide paraqiten, diskutohen, votohen, dhe kështu ndodh në demokraci, pra vendos shumica. Pasi votohen dhe merret vendim nga strukturat e PD atëherë të gjithë janë të detyruar ta zbatojnë.”

TIRANË- Ish-deputetja demokrate Jozefina Topalli është shprehur e zhgënjyer, e tronditur për mungesën e saj në parlamentin e ri, por jo për mungesë e saj në grupin e PD. Ajo ka thënë se nëse ish-lideri i PD-së do, mund ta shkarkojë Lulzim Bashën për 24 orë, ndaj të cilit ka renditur një sërë akuzash dhe kritikash.

“Ishte e papritur, nuk gjen sens, nuk gjen logjik, nuk gjen arsye”, kështu është shprehu Jozefina Topalli për mungesën e saj ne parlament. Ajo shprehet se ky ka qene një vendim i familjes Basha dhe per kete arsye nuk ndjen keqardhje. “Eshte nje vendim i familjes se Bashes, prandaj s’kam asgjë keqardhje. Me vjen keq qe s’jam ne Parlament, por s’me vjen keq qe s’jam pjese e grupit te tyre. Nje pjese e atij grupi nuk kane lidhje me PD, nuk i lidh asgje me Partine Demokratike, nuk i kam pare ndonjehere te japin nje kontribut per te djathtet, nuk i njoh.

Ajo foli edhe për kohen qe ka qene ne qeveri dhe opozite me Lulzim Bashen dhe se çfarë nuk i pëlqente te ai.  “Gjate bashkëjetesës me Bashën nuk më pëlqente te ai papergjegjshmeria qe ai kishte ne ushtrimin  e funksioneve shume te rendesishme qe kishte. Kur ishte ne Bashki, nuk punoi gjate kater viteve, nuk la asgje gjurme.  Kryetar i Bashkise se Tiranes, eshte te jesh kryeminister i ketij qyteti. Te jesh kater vite dhe te mos lesh asgje, nuk e imagjinoj. Eshte detyre, eshte premtim eshte sfide”, – u shpreh ajo.

Ish-deputetja deklaron se nuk e ka besuar asnjëherë që Lulzim Basha do ta çonte PD-në në nivelin tjetër, pasi e la Berisha. Ajo qe ndodhi sipas saj eshte shume e rende sepse te flirtosh dhe te jesh ne opozite nuk shkojne te dyja bashke. “Te flirtosh nuk do te thote te jesh ne qeveri, edhe pse ai ne qeveri ka qene 3 muaj rresht, me ata te ashtuquajtur ministra teknike”, tha Topalli.

Sipas saj Basha ka marre peng siglën e Partisë Demokratike. “Po të donte z. Berisha ta hiqte Lulin nga kreu i kesaj partie, kjo do te ndodhte brenda 24 oreve. Ai nuk e ben kete, sepse Berisha kur dha doreheqjen tha qe betejat e mia kane mbaruar”.

Topalli foli edhe sesa e ka zëvendësuar Basha liderin Berisha në krye tëPD-se!

“Nuk ishte e thjeshte qe pas ikjes se Berishës, dikush te zinte karrigen. Problemi eshte se te jesh kryetar i PD-se, se pari duhet te kesh autoritet moral, duhet te jesh i vertete, duhet te jesh frymezues, duhet te besh beteja te forta, nuk mendoj se ndonjeren prej tyre e ka Basha. Nga 2005 deri ne 2017, jane 12 vite ne politike, ka pasur te gjitha shanset per te na bindur se ai mund te ishte nje kryetar, por nuk e beri. Ne shkodranet kemi nje shprehje ‘nuk eshte me te bleme, asht me te leme’.

Nese ka nje fjale qe e pershkruan Lulzim Bashen eshte se: ai eshte i rreme ne fushate, i rreme kur flet”, – deklaroi ajo.

Topalli foli edhe per marrveshjen e 18 majit, dhe per zgjedhjet e fituara nga socialistet, duke u ndalur ne togfjaleshin: “Rama ia hodhi Bashes”

Ish-deputetja e PD-se, shprehu rezerva edhe per menyren e komunikimit qe Basha kishte ne çadrën e lirise. “Basha ne 5 jave ne cader, ka sulmuar me shume perendimin se Ramiz Alia ne 5 vite”, – perfundon ajo.

Gjithnjë e më shumë martesa po shkojnë drejt divorcit në Shqipëri duke bërë që Shqipëria të hyjë në zonën e kuqe të vendeve që kanë normë të lartë të tyre, sipas një harte globale…

Sipas të dhënave më të fundit të publikuara nga Instituti i Statistikave, në 100 martesa në Shqipëri 31 shkonin në ndarje, me një rritje të ndjeshme në krahasim me vitin e mëparshëm, kur ky tregues ishte rreth 22.

Në këtë mënyrë, Shqipëria ka hyrë në zonën e kuqe, në grupin e vendeve të cilët kanë një normë divorci 30-39 për 100 martesa.

Në të njëjtin nivel me ne, për sa i përket divorceve janë Italia, Greqia dhe Turqia. Vendet e rajonit janë pjesë e grupit të vendeve me normë më të ulët të divorceve për 100 martesa.

Vendet me më shumë divorce

Sipas hartës së publikuar nga Wikipedia, rekord për numrin më të lartë të divorceve me mbi 60 divorce për 100 martesa e mban Spanja dhe Portugalia dhe vendet e Beneluksit.

Të lartë numrin e divorceve e kanë edhe Shtetet e Bashkuara të Amerikës, Franca dhe Zvicra, si dhe Rusia, ku norma e divorceve varion nga 50-59 divorce në 100 martesa.

Ndër arsyet kryesore për rritjen e divorceve në Spanjë, ishte kriza ekonomike. Rritja shumë e madhe e divorceve bëri që qeveria spanjolle të shkurtonte në kohë procedurën për divorce, ku një vit, kohëzgjatja e procedurës u shkurtua brenda ditës. /monitor/

Një takim të veçantë zonja Bennett zhvilloi me drejtuese dhe gazetare të njohura të medias vendase si dhe veprimtare të shoqërisë civile. Ato diskutuan së bashku mbi sfidat e gazetarisë së sotme në Shqipëri dhe në SHBA, ku debatet mbi saktësinë e lajmeve po zënë në vend të rëndësishëm.

Zonja Bennet tha se të gjitha pyetjet që bëhen sot për lajmet e rreme, e kanë përgjigjen tek përcaktimi sa më i saktë i të vërtetës.

Tani e vërteta po përcaktohet përherë e më qartë, theksoi ajo, dhe gazetarët po përpiqen ta gjejnë atë, sipas këtij interpretimi të ri, që erdhi pas debateve mbi lajmet e rreme.

Përplasjet mbi vërtetësinë e lajmeve, sipas saj, po i shtyjnë gazetarët që të punojnë më shumë për të shkruar lajme të vërteta dhe të bëjnë një gazetari më të mirë.

“Gjithë mediat përreth botës janë polarizuar dhe janë pak ndihmuese për njerëzit, duke ecur në shtigje të rrezikshme, ndërsa “Zëri i Amerikës” gjithmonë ka qenë në mes dhe në qëndrim të drejtë. Këtu dëgjova vlerësime për Elezin dhe shërbimin tonë në gjuhën shqipe, se askush nuk mund ta përdorë atë për qëllimet e veta. VOA nuk mund të përdoret, sepse kemi disa standarte, ndaj nuk mund të përdoret. Për ruajtjen e këtyre standarteve ne mbetemi çdo ditë të angazhuar. Kjo është fuqia e vërtetë e mediave dhe organizatave të shoqërisë civile”, – tha zonja Bennett.

“Zëri i Amerikës” është i pavarur dhe ruan standartet më të larta të gazetarisë profesionale, tha ajo, si dhe pasqyron pikëpamjet e ndryshme mbi çështjet që diskutohen, dhe kjo është një nga vlerat më të mëdha të jetës dhe kulturës amerikane.

Drejtorja e “Zërit të Amerikës”, Bennett u prit gjatë kësaj vizite në Tiranë nga autoritetet më të larta të shtetit shqiptar në takime të posacme, nga presidenti i Republikës, Ilir Meta, dhe nga kryeministri Edi Rama, me të cilët shkëmbeu mendime mbi zhvillimet më të fundit në median dhe shoqërinë shqiptare.

Në këto takime ajo ishte së bashku me kolegët e saj të “Zërit të Amerikës” në divisionin e Euro-Azisë dhe të seksionit në gjuhën shqipe.

Zonja Bennett mori pjesë në një forum të Universitetit Europian të Tiranës, ku diskutoi me një auditor të gjerë studiuesish dhe gazetarësh mbi sfidat e sotme të gazetarisë.

Ajo theksoi se njerëzit kanë nevojë për media të përgjegjshme, edhe pasi përfundojnë krizat e tensionet.

“Gjendja e medias në Shqipëri – tha zonja Bennett – pasqyron gjendjen e mediave në botë, ku ka shumë presione politike, presione ekonomike për të patur sa më shumë ndikim, dhe kjo betejë është më e ashpër se asnjëherë, ndaj edhe bashkëpunimi midis vetë mediave është mjaft i rëndësishëm”.

Zonja Bennett tha se “njerëzit kërkojnë gjithmonë të vërtetën, por gazetarët e kanë të vështirë, sepse ajo gjendet midis shumë detajesh të tjera të pavërteta, ndaj duhen verifikuar të dhënat për të nxjerrë shkrime të sakta e të ndershme”.

Në takimin me zonjën Bennett krahas shumë profesorëve, drejtues mediash dhe gazetarë, erdhën edhe deputetë studiues dhe zyrtarë të fushave të ndryshme.

Ajo tha se gazetarët nuk mund të ndalojnë dot përpjekjet e qeverive të përhapin lajmet e manipuluara, por ajo që mund të bëjnë gazetarët është të qëndrojnë besnikë parimeve të punës së tyre.

“Ajo që ne mund të bëjmë e të kontrollojmë përballë këtij presioni në rritje është të ruajmë standartet që ne kemi. Dilema sot në mediat e polarizuara është çfarë njerëzit besojnë dhe jo se cila është e vërteta. Vlerat e gazetarisë tonë në VOA janë balancimi dhe renditja e drejtë e fakteve nga të gjitha palët dhe me përgjegjshmëri” – tha ajo.

Drejtorja e “Zërit të Amerikës, Amanda Bennett po viziton prej disa ditësh Ballkanin.

Kjo është vizita e parë që një drejtuese e nivelit më të lartë të “Zërit të Amerikës” viziton këtë rajon.

Kryeministri Rama ka lajmëruar sot se Qeveria do tërheqë ligjin e riciklimit të mbetjeve.

“Sa i përket çështjes së dekreteve ne do mbajmë një qëndrim sic e kemi shprehur në respekt të procedurës së Kuvendit dhe do të tërhiqemi nga projekti si i tillë në këtë fazë pasi besojmë se jo që ata që e kundërshtojnë kanë të drejtë, jo që presidenti i mëparshëm ka të drejtë por që është e drejta e të gjithë qytetarëve të jenë të mirëinformuar për këtë projekt, flas për projektin e riciklimit të mbetjeve që s’ka të bëjë me gjithë spekulimet e opinionit publik për axhenda tërësisht politike apo me axhenda pa lidhje me axhendën e modernizimit të vendit”.

Prokurori i Përgjithshëm, Adriatik Llalla, zhvilloi një takim me drejtuesit e prokurorive të të gjithë niveleve për të diskutuar mbi ecurinë e procesit të vlerësimit profesional të prokurorëve, në kuadër të ligjit “Për rivlerësimin kalimtar të gjyqtarëve dhe prokurorëve”.

Zyra per shtyp e tij ben me dije se ne bazë të këtij ligji, Prokuroria e Përgjithshme ka detyrimin ligjor që të mbështesë Komisionin e Vetingut për përmbushjen e një prej tre komponentëve të rivlerësimit të prokurorëve, i cili është aspekti profesional.

“Në takim, Prokurori i Përgjithshëm kërkoi dhe, më tej u ra dakord që, deri në fund të kësaj jave e konkretisht deri më datë 29.09.2017, të përfundojë vlerësimi profesional në kuadër të ligjit të Vetingut për prokurorët kandidatët për Këshillin e Lartë të Prokurorisë, si edhe për anëtarët prokurorë të Këshillit të Emërimeve në Drejtësi”- njofton zyra e Llalles.

Ndërkohë, po vijon me intensitet puna për përfundimin e rivlerësimit profesional të prokurorëve në Prokurorinë e Përgjithshme dhe të drejtuesve lokalë të prokurorive në nivel Rrethi dhe Apeli.

Më tej, procesi vijon me rivlerësimin profesional për të gjithë prokurorët e Republikës së Shqipërisë.

Raportet e vlerësimit paraprak profesional do të hartohen nga një komision i posaçëm, i krijuar në Prokurorinë e Përgjithshme dhe do t’i vihen në dispozicion Komisionit të Vetingut, i cili do të ndjekë procedurat e mëtejshme të përcaktuara në ligj.

Duke folur për operacionet policore të ditët e fundit që synojnë të godasin grupet kriminale në vend, gazetari Artan Hoxha bëri një deklaratë të fortë në studion e emisionit “Kjo Javë” në News 24. Ai tha se situata është aq e rëndë sa shefa komisariatesh apo drejtorë policie marrin rroga mujore nga krerët e këtyre grupeve.

“Grupet kriminale janë fuqizuar aq shumë sa paguajnë rroga mujore për shefa komisariatesh ose për drejtorë policie. Në këto moment vetëm një njoftim ju japin, nesër ka operacion dhe ata nuk dalin. Ka shkuar policia ka bërë një super operacion, po kë kanë kapur? Duket si gjëja më normale por një shef komisariati sapo merr detyrën menjëherë bëhet tentativa për tu futur tek borderoja e grupit kriminal që ka krijuar biznese të ligjshme”,- tha gazetari, siç raporton BalkanWeb.

E në këto kushte, ai tha se do ishte shumë mirë që të nise sa më parë vettingu në polici. Duke këshilluar ministrin e Brendshëm, Fatmir Xhafaj, Hoxha tha se vettingu në radhët e policisë duhet të nisë nga lart.

“Nuk e ka të lehtë betejën Fatmir Xhafaj, ka përballë grupe që e kanë sfiduar shtetin, janë të paprekshëm, janë ata që i japin rroga drejtuesve të policisë. Ai e ka premtuar, do t’i duhet vullnet i jashtëzakonshëm politik. Nëse do besojë tek kjo kupolë drejtuese që ka është punë për të, por nëse do vërtet të bëjë atë që ka thënë të godasë bosët e krimit, do të duhet të drejtojë një ekip që të mos ketë mbi vete përgjegjësitë e situatave që kanë ndodhur në dy dekadat e fundit në territorin e Shqipërisë. Me këtë nivel drejtuesish të korruptuar dhe nën presionin e bandave s’mundet . Nuk po them se do godasë të gjitha grupet, por dy, tre duhen goditur. S’ka asnjë bos droge sot në burg. Në momentin që në Tiranë është arrestuar Shullazi çdo gjë ka pushuar dhe policia merret vetëm me krime ordinere. Më falni por në Tiranë nuk është vetëm Shullazi dhe grupi i tij”,- shtoi ai.

“Berisha nuk mund t’i dali asaj përgjegjësie, sepse ka ‘bashkëqeverisur’ me Bashën për këto 4 vite”.

Aleati i Lulzim Bashës, kreu i LZHK-së, Dashamir Shehi teksa komentoi sot situatën politike brenda PD-së tha se një pjesë e përgjegjësisë për hartimin e listave e kishte edhe ish-lideri Sali Berisha.

I ftuar në emisionin ‘Kjo javë’ të gazetares Nisida Tufa në “News24” Shehi tha:

“Zoti Berisha i ka të drejta komentet për listat. Por është në moment të vonuar. Berisha nuk mund të dali asaj përgjegjësie, sepse ka ‘bashkëqeverisur’ me Bashën për këto 4 vite. Ai duhet t’i hapte këto debate dhe të bëhej pjesë e këtij debati. E quaj konsenguencë të një morali të gabuar që kryetari merr dhe vendos çdo gjë. Këtë gjë e bëri edhe Berisha, por ai kishte qëndruar në pushtet më gjatë. Basha ka përdorur të njëjtin model, por pa pasur armët e Berishës dhe ka krijuar kontradiksion. Kur erdhën europianët që të hynim në zgjedhje, miqtë tanë të vjetër na ofruan një marrëveshje më të mirë sesa ajo e Bashës me Ramën. Dhe PD, Basha dhe Berisha bënë një gabim të madh, i humbën nja 10 % të PD. Mendoj se Berisha duhet të reagonte. Ne reaguam disa herë njëherazi, por ne s’kemi peshën e tyre. I ramë me shkelm marrëveshjes me ndërkombëtarët dhe humbëm zgjedhjet me marrëveshjen me Ramën. Mirë se të vijë dhe zoti Berisha me kritikat e veta, është në shtëpinë e vet. Ai ka të drejtë t’i thotë të gjitha. Por nuk shmanget njeri nga përgjegjësia”, – tha Shehi.

Teksa u ndal tek debati në kryesinë e PD-së mes Jemin Gjanës dhe Valbona Mezinit, Shehi tha se ka ardhur dita që partia të hapet, të bëhet e debatueshme dhe të ringrejë institucionet.

“I përkasin një partie tjetër dhe s’do ishte korrekte që t’i komentoja. Meqë kemi hipur në një barkë opozitare dhe ndajmë të njëjtat përgjegjësi, gjykoj se na lind e drejta që të flasim. PD është e madhe dhe ka flamurin dhe timonin e kësaj barke. Unë gjykoj se në ndryshim nga të tjerët që e kanë traumatizuar, se po ndodh kulmi botës, për herë të parë po ndodh një debat brenda PD. Ndaj them se duhet të shpërthejë. Ne të gjithë kemi rrjedhur nga kjo lloj politike. Ka ardhur dita që partia të hapet, të bëhet e debatueshme dhe të ringrejë institucionet. PD ka bërë një kryesi që janë 50 vet, që s’ka kryesi. Nuk mund të marrin 50 vet vendime, duhen një grup më i vogël njerëzish. Merr kot garrum dhe futi në kryesi dhe s’prodhojnë produktivitet”, tha Dashamir Shehi.

Ka dalë  akti i ekspertizës për të treguar se si humbën jetën trenjakët e mitur mbrëmjen e djeshme në Durrës.

Burime nga ‘panorama’ bëjnë me dije se ekspertiza mjekoligjore ka dale në përfundimin se trinjakët kanë ndërruar jetë si pasoje e djegies.

Ajo që dimë për ngjarjen:

 Është bërë me dije nga reporterët në vendngjarje se zjarri u shkaktua nga loja e trinjakëve 3-vjeçar me shkrepëse, të cilën e kanë ndezur dhe kaq ka mjaftuar që zjarri i cili ka përfshirë fillimisht kolltukun në dhomën e tyre, të përhapej me shpejtësi në të gjithë banesën private.

Sfungjeri i kolltukut ka sjellë përshpejtimin e flakëve. Burimet nga zjarrfikëset thanë se kanë gjetur një vatër të thellë zjarri kur shkuan në banesën e Gazmend Koçit.

Mësohet se trinjakët që humbën jetën kanë lindur në Itali.

Dëshmitarët thanë ndër të tjera se fëmijët i gjetën të asfiksuar pa shenja jeta dhe se nuk kishin mundësinë t’i jepnin dot ndihmë pasi dera ishte e mbyllur dhe dritarja me hekura.

Në vendgjarje kanë shkuar ekspertët kriminalist që do të përcaktojnë shkaqet e rënies së zjarrit.

Në intervistën me gazetaren Eni Vasili rreth përgjegjësive Kadare dha këtë përgjigje:

“Politika shqiptare nuk është në gjendje të na japë një datë se kur Shqipëria mund të bëhet anëtare e Bashkimit Europian. Ju si mendoni, është e largët ajo ditë? 

Unë shpresoj të jetë më e afërt se ç’mendohet. Shpresoj. Do të duket sikur largohet, por do të afrohet.

Ne themi shpesh në diskursin publik që jemi ende në tranzicion. A mendoni që ka zgjatur shumë ky tranzicion?       

Po mua nuk më turpëron fjala tranzicion. Nuk mendoj se është e tillë që të krijojë dëshpërim. Tranzicioni mund të jetë edhe i gjatë, s’ka gjë.

Nuk ju ka lodhur domethënë? Mund të vazhdojë ende?

Edhe pak.

Po kush e ka fajin për këtë? Ajo që dua t’u pyes në fund është a e shikoni klasën politike shqiptare përgjegjëse për këtë tranzicion të gjatë e për shumë nga gjërat që nuk shkojnë si duhet në Shqipëri?

Sigurisht e shikoj.

A është politika shqiptare përgjegjësja kryesore për situatën sot?

Zakonisht elitat politike janë përgjegjëse për këtë. Qëllon që nuk janë vetëm ato, ndoshta nuk janë vetëm ato, por janë ndër kryesoret ato.

I ftuar në emisionin #DritaremeRudinën, historiani Paskal Milo tha se kulla e Prek Calit nuk ka pronar, ndaj automatikisht ajo është pronë publike dhe çdokush që do të ndërhyjë është duke shkelur ligjin.

“Këto javët e fundit ka një tendencë për të kthyer temën e komunizmit dhe anti-komunizmit në politikën tonë. Çështja e Prek Calit, ka një prapavijë politike, sepse u iniciua nga një mesazh dixhital, nga Berisha, mjeshtër për të risjellë në skenë çështje që tërheqin vëmendjen.

Kulla nuk ka pasur pronar të njohur zyrtarisht, ndaj toka automatikisht është pronë publike. Në këtë moment kushdo që të shkojë atje, qoftë edhe Fondacioni Prek Cali, është duke bërë një shkelje ligjore. Nëse ka një shkelje, duhet ta shohin te procedurat ligjore për ndërhyrjen në kullë. Gjithashtu, nuk kishte pse të rrafshohej Kulla, duhej të pritej sa të sqarohej problemi me njerëzit, e më pas Bashkia të merrte vendimin./Dritare.net

TIRANË – Në Komandën e Forcës Detare të Shqipërisë, u zhvillua sot ceremonia e përcjelljes së kontingjentit të 6-të të anijes “Oriku” në operacionin e NATO-s “Sea Guardian”, në Detin Egje.

Të pranishëm në ceremoni, ishin ministrja e Mbrojtjes e Shqipërisë, Olta Xhaçka, shefi i Shtabit të Përgjithshëm të Forcave të Armatosura të Shqipërisë, gjeneral brigade Bardhyl Kollçaku, komandanti i Forcës Detare, gjeneral major Ylber Dogjani dhe familjarë të pjesëtarëve të ekuipazhit.

Në një njoftim zyrtar nga Ministria e Mbrojtjes e Shqipërisë, thuhet se në fjalën e tij, Dogjani, vlerësoi rolin e 5 kontingjenteve të para, në vëzhgimin dhe parandalimin e fluksit të emigrantëve të paligjshëm në Egje.

Ndërsa, sipas njoftimit, ministrja Xhaçka, e cilësoi krizën e refugjatëve si një prej sfidave më të mëdha që po përjeton sot Evropa.

“Janë mbi 540 persona të moshave, gjinive dhe shtetësive të ndryshme, që ju u keni shpëtuar jetën. Sirianë, irakianë, por edhe nigerianë, kongolezë, somalezë e jemenas, sot jetojnë falë sakrificës së ushtarakëve shqiptarë. Vetëm në dy muajt e fundit, kontingjenti që ju do zëvendësoni, ka shpëtuar 151 jetë njerëzore, prej të cilëve 33 gra dhe 56 fëmijë. Na keni bërë të gjithëve krenarë, jeni shembulli më i mirë i sakrificës dhe i vetëmohimit”, është shprehur Xhaçka.

Pjesë e ekuipazhit nga Shqipëria do të jenë edhe 2 femra, togere Aurela Bala dhe rreshtere Esmeralda Murati, që sipas Ministrisë së Mbrojtjes do të jenë 2 gratë e para të Forcave të Armatosura të Shqipërisë që do të jenë pjesë e një operacioni ndërkombëtar detar.

Për sistemet autokratike dhe diktatoriale lypësit e nevojtaret janë armiq dhe arrestohen si keqbërës. Me 30 gusht 2017 policia e Tiranës njoftoi se ka arrestuar një njëzet e një vjeçar, i cili po lypte me gruan e fëmijën e vogël. Kjo polici luftëtare heroike por e mposhtur prej kanabisit që e ka mbuluar Shqipërinë, nuk thotë asgjë se cila ka qenë gjendja shoqërore e kësaj familje të re me një fëmijë. Sa të ardhura kishin, a punonin, a kishin asistencë sociale. Për këto policia nuk interesohet. Por as nuk shpjegohet motivi i arrestimit. Në cilin vend të botës, veç sistemeve autokratike e diktatoriale lypësit arrestohen si keqbërës. Lypësit nuk bëjnë asgjë të keqe. Kemi parë lypës të veçuar në shumë shtete, madje edhe në Washington DC, saktësisht në Georgetown, të shtrirë në një rrobë të vjetër, pranë një kutie e një letre ku shkruhej “Help me please!”. Por askush nuk shqetësohej veç faktit se ai ishte i varfër dhe hidhnin ndonjë 25 centësh metalikë,  por edhe ndonjë dollarë letër. Policët as nuk i preknin, as nuk i ngacmonin e as i thoshin shko me tutje. Për arrestim as që bëhet fjalë. Këtu në Shqipëri mesa duket janë në një stad tjetër të zhvillimit social. Aq shumë i ndihmokërka shteti të varfrit e vet, sa ata u dashka të mos ankohen, të mos kërkojnë asistence sociale, të mos emigrojnë, por as dhe të lypin. Sipas policisë së një qeverisje të majtë, një absurditet ky i pashoq, qytetarët e këtij vendi që nuk kanë asnjë mundësi jetese, nuk duhet të lypin por të zgjidhin alternativen të vdesin urie. Lind pyetja, cili është shkollimi i policisë sonë, kultura e dijet për problemet shoqërore,  apo thjeshte janë mitingashët e partive të veshur me uniformë vetëm e vetëm të marrin një rrogë e as që e vrasin mendjen fare sepse e janë të siguruar, se janë trimoshat e partive.

Por më bën përshtypje qëndrimi i Avokates së Popullit Erinda Ballanca, e cila është zgjedhur në atë detyrë më 22 maj, si rrjedhojë e marrëveshjes politike enigmatike e aspak transparente Rama – Basha, dhe ka bërë betimin në kuvend me 17 qershor. Gjatë kësaj periudhe tre mujore nuk është parë të prononcohet për asgjë. Ajo e ka pranuar atë funksion por a i di detyrat e veta?! Nëse jo dikush duhet t’ia shpjegojë se ajo është aty pikërisht për të mbrojtur ata që nuk gjejnë mbrojtje nga askush dhe është në një fare mënyre shpresa e fundit. Ajo nuk duhet të presë ti trokasin në derë nevojtarët e fatkeqët që e pësojnë, por të gjendet atje ku ndjehet nevoja më e madhe sociale dhe atje ku ka drejtësi të munguar apo të vonuar. Është e paimagjinueshme të marrësh detyrën e Avokatit të Popullit dhe e të ngulfatesh në zyrë pa ditur çfarë bëhet përjashta me popullin tënd.

Para dhjetë vjetëve në një libër me ese kemi botuar edhe shkrimin me titull ”Gazetaria investiguese nën setrën e një romi”. Po i referohemi sepse shohim se problemet sociale jo vetëm që nuk gjejnë zgjidhje nga shteti, pushteti edhe institucionet, duke përfshirë edhe Avokatin e Popullit,  por ato përkeqësohen keq e me keq. Asnjë ndryshim, të paktën në këto dhjetë vjetët e fundit nuk kemi.

Po cili është pozicioni i medias në Shqipëri në këto 27 vjet të kaosit, i emëruar ky me delikatese shpifëse si tranzicion, ndërkohë që asgjë nuk ndryshon. Le ta shohim një shembull tipik në fushë të gazetarisë i vështrimit të realitetit më dylbi së prapthi:

*          *          *

Ata që shesin fëmijët e vet padyshim janë ashtu si janë e nuk do koment. Por kurrë të mos harrojmë se ata janë një pjesë e fajit, se pjesën më të madhe e ka shteti shqiptar që nuk funksionon, e ka varfëria e tmerrshme prej së cilës, me këto parti e udhëheqje që kanë, gjithnjë e më tepër shtohet…

Para se ta kenë individët turpin, duhet ta ketë mbarë shoqëria. Turp duhet të kemi të gjithë, duhet të na skuqet faqja si shqiptarë e të mos shfaqemi si mburravecë me ca pasthirrma euforike: “Oh, sa mirë me qenë shqiptar…”, por të ulim kokën e të punojmë. Sepse sa më shumë që ndër tubimet ndër vedi mburremi zë lartë, aq më në siklet jemi kur dalim nëpër botë me pasaportën shqiptare, madje edhe pasaportë amerikane të kesh, doganierët italianë të ndajnë veç dhe të shohin me dyshim se mos e ke falsifikuar. E kjo veç pse je shqiptar. Po kohët e fundit edhe amerikanëve po u shtohet ky fare dyshimi. Shtypi në kontinentin e ri jo rrallë herë po na lakon për prapësitë.

Mikja e shqiptarëve senatorja Hillari Klinton në një bisedë me shqiptarë në Nju Jork, u ka thënë hapur e me sinqeritet se keni një nam shumë të keq ju shqiptarët, duhet të punoni shumë e shumë për ta hequr.

Kolegu gazetar Filip Çakulli, me gazetaren e re “Anjeza”,  nuk e ka patur të vështirë për të futur në grackën e kamerës nja dy – tre romë, trafikantë të pistë, por këta nuk janë e keqja e vetme e Shqipërisë. E keqja është ulur këmbëkryq në mes të Tiranës, e ka emrin miliona dollarë, që të shumtat janë të fshehura por disa edhe kanë kurajën civile t’i deklarojnë hapur. Kjo e keqe ka emrin e zonjave e zotërinjve që u vjen erë livandë evropiane të markave me emër, por që janë me të erë pista se sa këmisha e ndonjë romi që nuk ka ujë të lahet e as strehë ku të fus kokën, as ndonjë mensë të varfërisht ku të hajë një drekë, se këta të pasurit tanë që u bënë milionerë sa të hapësh e të mbyllësh sytë (merret me mend se si, po kush sot në Shqipëri të pyet se si i vure paratë), nuk japin këta  asnjë dhjetëshe për bamirësi.

Nuk mund t’i njohin cilësitë njerëzore, fisnikërinë e bujarinë kaderusët  shqiptare që pasurinë e kanë vënë me dhunë, gjak, drogë, prostitucion si trafikant femrash,  pse jo dhe me shitje fëmijësh, veç pazaret nuk i kanë bërë në mes të lulishtes “Rinia”, por mbase në Rogner a Sheraton, si dhe në lokale të tjerë të shtrenjta ku mblidhen mafiozët e monstrat politikës dekonstruktiviste.

Lepuri i poshtërsive njerëzore fle jo vetëm mbi barin e parkut “Rinia” përballë Taivanit por edhe gjetkë nëpër sallone luksoze, nëpër grand hotele, por kamerat e Top Channel-it nuk guxojnë t’i investigojnë, sepse është sikur të prekësh gjarprin.

Gjithsesi   bashkohem me indinjatën e lexuesve ndaj atyre që në mënyrë çnjerëzorë trafikojnë fëmijë, po desha që gazetaria investuese, kuadrin e krimeve në shoqërinë shqiptare ta shihte në një sfond më gjerë sepse lepuri poshtërsive të sotme nuk fle vetëm nën setrën e pa larë të ndonjë “zeshkani” pijanec…

Ka plot njerëz “bardhoshë” me kollare e zonja bruneta e bjonde me sqimë, që në përkujdesje të lukut janë kthyer në bufonata, që nxjerrin miliona me “duar të pastra” në makinën e korruptuar të shteti. Madje kjo është në modë në Shqipëri. Mirëpo gazetarët investigativ nuk shohin aq lart, u mjafton hapësira e blertë tek parku “Rinia”,  atje ku rrinë shtresat më të rraskapitura të popullsisë sa i përket e nivelit të mirëqenies.

*          *          *

E gjithë kjo që më sipër referuam ishte për atëherë, pra kur u botua  libri me ese në vitin 2007. Po tani që doli vetingu dhe po i dalin rrënjët korrupsioni masiv që e ka kapluar këtë vend, kur po del ne pah se prokuroria jo ka hapur, por ka mbyllur mbi 300 dosje korrupsionesh të rangjeve të larta, a e kuptoni se sa qesharake janë bërë policia dhe media jonë, që në sinkronë me drejtësinë (shto e padrejtësive) merren me ca cironka, si ai burri  njëzet e një vjeçar me gruan e fëmijën e vogël që po lypnin në bulevardet e Tiranës.

Ndërkohë peshkaqenët e korrupsionit, ministra e deputetë, drejtorë institucionesh që na gjenden 5 herë milionerë me euro, që guxojnë të kenë 56 shtëpi,  as merr mundimin ti prekë njeri se ata janë bërë njësh me politikën dhe pushtetin. I vetmi vend në Europë ku krimi ka guximin të ngjitet në parlament, politikë e pushtet është Shqipëria. Si do hyjmë në Europë kësisoj? A ka njeri me mendje të kthjelltë në këtë vend të na e thotë.

Për këta honxho-bonxho zyrash e pushtetesh, siç u thoshte rangut të tyre Mihal Grameno, faje  e krime bëjnë vetëm ata që lypin në rrugë. E që të kthjellojmë pak mendjen, shumica e atyre që lypin në rrugë janë romë, e kjo tregon se shoqëria jonë nuk është krejt pa shenja racizmi.

Një anije shqiptare tregtare është ndaluar në Libi për transport të paligjshëm mallrash.

Anija ishte nisur nga porti i Zuaras, 110 kilometra larg Tripolit me destinacion Maltën, por është ndaluar nga marina ushtarake e Libisë, thuhet në buletinin e Rojes Bregdetare libaneze.

Mbrëmjen e kaluar anija “Envi 1”, me flamur panamez e pronar shqiptar, teksa ishte në lundrim, u kap nga autoritetet ushtarake bregdetare të Libisë, të cilat e kanë detyruar anijen të ankorohet pranë një tjetër porti, atij të Zauya-s, një port kryesisht karburantesh, që ndodhet 50 kilometra në perëndim të Tripolit.

Sipas njoftimit, anija shqiptare e drejtuar nga kapiteni malazez Marko Markoviç u ndalua pas dyshimeve për transport të paligjshëm të materialeve të ndërtimit, përfshirë edhe rërën.

Në përbërje të ekuipazhit prej 8 antarësh ndodhen edhe 5 marinarët shqiptarë, Maliq Bushati, Avni Buzi, Artur Selimaj, Xhodet Çelaj dhe Jurgen Balla, raporton “tch”.

Përveç kapitenit dhe dy drejtuesit e tjerë, oficeri i parë dhe i dytë i anijes janë shtetas malazezë. Burime nga kapiteneria e Portit të Durrësit bënë të ditur se kjo anije ishte nisur bosh më 5 shtator nga porti detar i Durrësit drejt Portit të Zuaras në Libi ku dhe u kap, ndërsa fati i marinarëve mbetet ende i paqartë në një vend ku konfliktet e brendshme janë të ashpra.

Anija shqiptare ‘peng’/ Ambasadori: Fati i marinarëve, çfarë pretendon Libia

Ambasadori i vendit tonë në Kajro, Eduard Sulo ka dhënë detaje të reja rreth fatit të marinarëve shqiptarë në anijen, që po mbahet e bllokuar nga autoritetet në Libi.

Në një prononcim për “News 24”, ai ka thënë se gjendja e marinareve eshte e mire dhe se ata po mbahen nen kontrollin e autoriteteve ne Libi, nderkohe qe pala shqiptare eshte ne bisedime.

“Marinaret janë kapur nga autorietet libiane me pretekstin se kanë marrë materiale ndërtime në mënyrë ilegale nga Libia”- tha ai, duke theksuar se prenendimi i Libise eshte se ata kane transportuar rere dhe zhavorr.

Me tej ai ka thene se anija eshte ankoruar në një port afër Tripolit dhe gjendja marinarëve dhe anijes është e sigurt.

“Po veprojme me shpejtesi, edhe ambasada, edhe Ministria e Jashtme shqiptare ka ndërhyrë dhe e ka nën kontroll situatën”- tha ai.

Reagimi i ministrise 

Ministria e Jashtme reagon pas alarmit per anijen tregtare shqiptare e nisur drejt Maltës, e cila eshtë ndaluar nga marina ushtarake e Libisë nën akuzën për transport të paligjshëm mallrash.

“MEPJ ka marre te gjitha kontaktet e mundshme dhe kemi bere intervenimet tek libianet. Po e ndjekim intensivisht situaten. Po kerkojme e perpiqemi per kthimin e tyre. Marinaret ndodhen ne anije dhe jemi siguruar qe s’kane asnje problem shqetesues”-njofton ministria.

Dje ne nje reagim per Panorama, ministria sqaroi se po interesohehsin lidhur me kete problem.

“Sjemi informuar as nga autoritetet as nga familjaret apo kompania. Kemi vetem njoftimin permes shtypit dhe menjehere kemi filluar te interesohemi per sa ka ndodhur si permes ambasades tone ashtu dhe me ambasaden libiane ne Tirane. Kemi kontaktuar me autoritetet dhe po bejme perpjekjet tona”, thuhet ne reagimin për “Panorama”.

Nisma e dikurshme e kryeministrit Rama dhe deputetit te PS-së, Taulant Balla për të rishikuar të gjithe medaljet dhe dekoratat e dhëna deri tani, që nuk u votua dot per shkak te mungeses se votave nga ana e LSI-se, pritet te kaloje se shpejti ne Kuvend.

Nisma ne fjale, e cila u shoqerua me debat ne kohen e propozimit, eshte pjese e programit te punimeve ne Kuvendin e ri te Shqiperise, ne periudhen 18 shtator- 13 tetor.

Propozimi ne fjale erdhi pas përplasjeve për dekorimin e Shyqeri Çokut, torturuesit të at Zef Pllumit dhe prof Sami Repishtit, e debatit te madh publik qe shkaktoi.

Aso kohe, kryeministri Edi Rama së bashku me deputetin e PS-së, Taulant Balla paraqiten nismën në Parlament për të rishikuar të gjitha medaljet e dekoratat e dhëna.

Në të parashikohen rastet se cilët persona nuk e përfitojnë dekorimin e personave që kanë pasur përgjegjësi në ndëshkime dhe në realizimin e krimeve kundër njerëzimit apo gjenocideve.

Sipas draftit, ata që nuk do të dekorohen ose do t’u hiqet medalja ose dekorata në rast se shkelet një nga kriteret e përcaktuara në këtë draft janë personat që kanë kryer krime kundër njerëzimit ose dhe veprimtari agjenturore kundër interesave të Shqipërisë.

“Përjashtohen nga e drejta për të marrë dekorata, tituj nderi, medalje dhe tituj vendorë nderi sipas këtij ligji dhe në rast se e kanë marrë u hiqet, personat të cilët janë dënuar ose dënohen me vendim gjykate të formës së prerë, për krime lufte; për krime kundër njerëzimit, për bashkëpunim me pushtuesit e vendit, për veprimtari agjenturore kundër interesave të Shqipërisë, si dhe personat që gjatë periudhës 29.11.1944 deri në 31.03.1991 kanë ushtruar në strukturat e shtetit shqiptar funksionet: anëtar ose kandidat i Byrosë Politike të Partisë së Punës së Shqipërisë; drejtues i Frontit Demokratik të Shqipërisë; kryetar i Gjykatës së Lartë; Prokuror i Përgjithshëm; kryetar i Hetuesisë së Përgjithshme; kryetar i degëve të Punës të Brendshme; punonjës i organeve të ish-Sigurimit të Shtetit; bashkëpunëtor i ish-Sigurimit të shtetit ose i favorizuar prej tij; anëtar i Komisionit Qendror të Dëbim-Internimeve; gjyqtar si dhe prokuror hetues në procese politike”, thuhet në propozimet e Ramës dhe Ballës. Sipas argumenteve që jep Partia socialiste ky projektligj është i domosdoshëm, pasi synon të rishikojë kriteret, plotësimi i të cilave bën të mundur mospërfitimin ose heqjen e dekoratave, titujve të nderit, medaljeve dhe titujve vendorë të nderit të marra në bazë të legjislacionit në fuqi.

Kush do bëjë verifikimet

Verifikimet do t;i beje një komision i posaçëm, ku kryetar do të jetë zëvendëskryeministri. Në Ligjin Nr. 112/2013 “Për dekoratat, titujt e nderit, medaljet dhe titujt vendorë të nderit në Republikën e Shqipërisë, duke shtuar dy nene, Partia Socialiste ka propozuar edhe anëtarët e këtij komisioni të posaçëm që do të marrin në shqyrtim çdo medalje ose dekoratë të dhënë.

“Heqja e dekoratave dhe titujve të nderit, medaljeve dhe titujve vendorë të nderit për shkak të plotësimit të një prej kritereve të përcaktuara në nenin 5/1 të këtij ligji bëhet me vendim të komisionit të posaçëm me përbërje: zv.kryeministër, i cili është dhe kryetar i këtij komisioni të posaçëm, si dhe ministri i Mbrojtjes, i Punëve të Brendshme, i Drejtësisë, i Mirëqenies Sociale dhe Rinisë, Drejtori i Arkivit Qendror të Forcave të Armatosura, një përfaqësues i organizatave të veteranëve të LANÇ si një përfaqësues i organizatave të të burgosurve dhe të përndjekurve politikë në cilësinë e anëtarëve”, thuhet në propozimin e së majtës, duke shtuar se propozimet për heqjen e dekoratave, titujve të nderit, medaljeve dhe titujve vendorë të nderit bëhen nga Sekretariati Teknik i shqyrtimit të dekoratave, titujve të nderit, medaljeve dhe titujve vendorë të nderit që funksionon në Ministrinë e Mbrojtjes.

Sekretariati teknik bën propozime për heqjen e dekoratave të titujve të nderit medaljeve dhe titujve vendorë të nderit kryesisht ose me kërkesë të palëve të treta vetëm pasi shqyrton dosjet përkatëse dhe verifikon prezencën e një prej kritereve të përcaktuara në nenin 5/1 të këtij ligji.

Detajet

1. Personat, të cilët janë dënuar ose dënohen me vendim gjykate të formës së prerë, për krime lufte; për krime kundër njerëzimit, për bashkëpunim me pushtuesit e vendit, për veprimtari agjenturore kundër interesave të Shqipërisë
2. Personat që gjatë periudhës 29.11.1944 deri në 31.03.1991 kanë ushtruar në strukturat e shtetit shqiptar funksionet:

-Anëtar ose kandidat i Byrosë Politike të Partisë së Punës së Shqipërisë

-Drejtues i Frontit Demokratik të Shqipërisë

-Kryetar i Gjykatës së Lartë

-Prokuror i Përgjithshëm

-Kryetar i Hetuesisë së Përgjithshme

-Kryetar i degëve të Punës së Brendshme

-Punonjës i organeve të ish-Sigurimit të Shtetit

-Bashkëpunëtor i ish-Sigurimit të Shtetit apo i favorizuar prej tij

-Anëtar i Komisionit Qendror të Dëbim-Internimeve

-Gjyqtar, prokuror hetues në procese politike

Komisioni i Posaçëm:

-Zv. kryeministri (kryetar)

-Ministri i Mbrojtjes(anëtar)

-Ministri i Punëve ë Brendshme(anëtar)

– Ministri i Drejtësisë(anëtar)

-Ministri i Mirëqenies Sociale dhe Rinisë(anëtar)

-Drejtori i Arkivit Qendror të Forcave të Armatosura(anëtar)

-Një përfaqësues i organizatave të veteranëve të LANÇ(anëtar)

-Një përfaqësues i organizatave të të burgosurve dhe të përndjekurve politikë (anëtar)

Ish-kreu i Shërbimit Informativ të Ushtrisë, Ylli Zyla, ka mbështetur ankesat e Drejtorit të Përgjithshëm të Policisë së Shtetit, Haki Çako, për mosfunksionimin e radarëve në det për kapjen e skafeve me drogë.

Zyla thotë se Çako ka të drejtë pasi prej dy vitesh sistemi i radarëve nuk funksionon si duhet, dhe në 50 raste, ka mundur të sinjalizojë vetëm 5, tre prej të cilave kanë qenë të pakoordinuara, shkruan BalkanWeb.

“Çako ka të drejtë kur thotë se sistemi i radarëve nuk po funksionon si duhet.  Problemet kanë nisur në vitin 2015, kur sistemi qëndror u ndryshua pasi u dogjën në atë qendër. U vendos një sistem tjetër, që nuk është i licencuar. Sot ky sistem është problematik, ku  në 50 goditje që janë bërë, vetëm 5 kanë pasur sinjalizim nga radarët. 3 nga këto ka qenë të pakoordinuara mirë. Mjetet lundruese të policisë kanë ndjekur njëri-tjetrin,” tha Zyla.

Ish-kreu i SHIU shtoi gjithashtu se brenda Ministrisë së Mbrojtjes ka ndodhur një mega-korrupsion.

“Është një mega-korrupsion brenda Ministrisë së Mbrotjes. Si pasojë dëmtohet siguria kombëtare, dhe e vendeve të NATO-s. Prishet imazhi i Shqipërisë në botë për vite me radhë. Ky është dëmi që i ka shkaktuar Kodheli dhe të tjerët që vijnë pas saj,” tha ai.

Pas përplasjes dhe akuzave politike që pasoi lajmi për shembjen e kullës së Prek Calit, vjen një tjetër replikë. Këtë radhë mes studiuesit të arkivave britanike, Erald Kapri dhe gazetarit Dritan Hila, ish-zv.minister i Mbrojtjes.

“Perpara se komunistet te vrisnin nje antikomunist, ky antikomunisti i kishte vrare ca komuniste te cilet deri ne ate moment nuk i kishin bere keq”- ka shkruar Hila.

Por Kapri reagon ashper, e teksa e  quan reagimin e Hiles per te vene duart ne koke dhe i kujton faktin se ka qenë edhe zv/ministër i Mbrojtes, një vendi anëtar të NATO-s, organizatë ushtarake dhe politike për ti rezistuar komunizmit.

Reagimi i Erald Kaprit 

Ky reagim i Dritan Hilës është për të vënë duart në kokë. Hila ka qënë edhe zv/ministër i Mbrojtes, një vendi anëtar të NATO-s, organizatë ushtarake dhe politike për ti rezistuar komunizmit. Sipas kësaj llogjike, sot Hungaria nuk duhet të nderojë heronjtë e saj të revolucionit antikomunist të 1956.
Prek Cali ishte një patriot i rrallë dhe kundërshoi me armë diktaturën komuniste në vend.
Sa për informacion historik, Hila bën sikur nuk e di, por luftën nuk e nisi Prek Cali. Brigada e I-rë, tipike terroriste nën drejtimin e Mehmet Shehut, nisi me dhunë e gjak nënshtrimin e çdo kundërshtari imagjinar politik në veri. Britanikët raportojnë se datën 15 dhjetor 1944, në rrugët e Shkodrës kishte 15 kufoma të hedhura rrugës nga partizanët e kësaj brigade.
Qendresa e Prek Calit ndaj diktaturës i jep atij lavdi, që kurrsesi të parët e Hilës nuk do e kenë kurrë.

Reagimi i Dritan Hilës

Ne 15 Janar te vitit 1945 Batalioni i Pare i Brigades se I-re Sulmuese po shkonte te vendoste autoritetin dhe kontrollin e Qeverise se Tiranes ne zonen e Vermoshit. Ne uren e Tamares Preng Cali dhe ndjekesit e tij iu zene prite duke vrare 36 partizane te ketij batalioni bashke me komandantin e tij Heroin e Popullit Fejzi Micoli. Ishte humbja me e madhe ne nje beteje te vetme e ketij formacioni partizan ne gjithe historikun e saj. Pas kesaj, Brigada e I-re beri krahemarrjen duke rrethuar agresoret dhe kapur rob Prek Calin i cili u pushkatua.
Keshtu pra, qe ta shkruajme historine tamam, perpara se komunistet te vrisnin nje antikomunist, ky antikomunisti i kishte vrare ca komuniste te cilet deri ne ate moment nuk i kishin bere keq.

Veteranët dhe përfaqësuesit e Partisë Komuniste i kemi parë me foton e diktatorit Enver Hoxha në festa si ajo e Çlirimit, madje gjatë ceremonisë së homazheve në Varrezat e Dëshmorëve, një traditë të cilën e kanë ndjekur edhe sot.

Të pranishëm në ceremoninë e organizuar në Pezë, me rastin e 75-vjetorit të Konferencës së Pezës, ata janë shfaqur sërish me foton e diktatorit të pashqetësuar, ndonëse në në ceremoni ka pasur përfaqësues të ekzekutivit, deputetë e drejtues të pushtetit vendor.

Nostalgjikë për të shkuarën, veteranët kanë vendosur ta “sjellin” sërish Enver Hoxhën në Pezë, ndërsa ia kanë lënë në dorë disa fëmijëve, siç shihet edhe në foton e siguruar nga BalkanWeb.

Konferenca e Pezës është një ngjarje e rëndësishme që shënon bashkimin e shqiptarëve kundër pushtuesve nazifashistë dhe pikërisht sot përkujtohet 75-vjetori i saj.

Zhvillohet për herë të parë në Tiranë, Konferenca vjetore e Komitetit Ushtarak të NATO-s. Integrimi i plotë në NATO i vendeve të mbetura jashtë të Ballkanit-rruga e sigurisë europiane

Siguria në Ballkanin Perëndimor, ecuria në Projektimin e Konceptit të Stabilitetit, lufta kundër terrorizmit, misionet e NATO-s në Afganistan dhe KFOR janë në fokus të kësaj konference, që nisi të shtunën  (16.09.2017) punimet në Tiranë. Shqipëria, e anëtarësuar në NATO në vitin 2009, garanton gjithë sigurinë për 29 Shefat e Mbrojtjes të vendeve anëtare të Aleancës Euro-Atlantike dhe ushtarakët e saj të lartë për të zhvilluar këtë konferencë në Tiranë, për herë të parë pas 8 vitesh anëtarësimi.

Burime nga Komiteti Ushtarak i NATO-s  me qendër në Bruksel, pohojnë se “tema kryesore e kësaj konference është zbatimi i mëtejshëm i Projektimit të Konceptit të Stabilitetit, situata e sigurisë në Ballkanin Perëndimor dhe rekomandimet për rrugën përpara lidhur me misionin e në Afganistan dhe KFOR-in në Kosovë. Çështje të tjera me interes janë progresi i NATO-s në luftën kundër terrorizmit dhe kapacitetet mbrojtëse”.

Shqipëria- përgjegjësi për paqën dhe stabilitetin në Ballkanin Perëndimor

Sa i sigurtë është sot rajoni i Ballkanit Perëndimor? Për sa kohë që të gjitha vendet e tij nuk janë anëtare të NATO-s siguria është e brishtë si vetë rajoni. Kryemnistri Rama, në fjalën  e tij përshëndetëse e konsideroi rajonin si “pasqyrën më kuptimplotë, të influencës së jashtëzakonshme të NATO-së në konsolidimin e perspektivës së paqes, stabilitetit dhe demokracisë”. Por ai vuri në dukje se BP mbetet një “një rajon i brishtë historik dhe problematik”.

“Hartës së NATO-s i mungojnë Bosnja Hercegovina, Serbia, Kosova dhe Maqedonia. Kjo  zonë, ende e papërfshirë organikisht në arkitekturën e sigurisë europiane, përbën një faktor paqartësie strategjike për Aleancën tonë. Ashtu sikundër, edhe një territor ku aktorë të tretë shohin vulnerabilitet dhe mundësi për penetrim. Ne besojmë fort se vetëm integrimi i plotë Euro-Atlantik i vendeve të mbetura ende jashtë, është rruga për stabilizimin, sigurinë, prosperitetin e Ballkanit, por edhe të vetë Europës” theksoi kryeministri Rama.

Lidhur me politikën e sigurisë dhe të mbrojtjes së Shqipërisë, kryerjen prej saj të përgjegjësive ndërkombëtare dhe rajonale, si vend anëtar i NATO-s ai vuri në dukje se ato përcaktohen nga “harku i destabilizimit që shënjon kufijtë lindorë dhe jugorë të aleancës, valët e ekstremizmit dhe terrorizmit, si dhe rreziqe të tjera globale”

“Në këtë kontekst Shqipëria i kushton vëmendje e mbështetjes së procesit të konsolidimit të demokracisë re në Kosovë, inkurajimit të politikave dhe faktorëve Euro-Atlantikë në Maqedoni, normalizimi të marrëdhënieve me Serbinë”, theksoi Kryemnistri Rama

Çfarë sjell këmbëngulja serbe për një formulë tjetër sigurie nga vendet e rajonit?

Por jo të gjitha vendet e rajonit kanë sit ë vetmen alternativë sigurie NATO-n. “Pas zgjedhjeve të fundit, duket sikur Serbia ka dhënë disa sinjale në favor të një qasje të re politike, në raport me NATO-n dhe me Bashkimin Europian. Megjithatë, këmbëngulja serbe për një formulë tjetër sigurie të ndryshme nga vendet e rajonit e ndërlikon perspektivën e një arkitekture të qartë dhe të qëndrueshme” tha kryeministri Rama.

Duke u ndalur në situatën e sigurisë në vendet e tjera fqinjë Rama, vuri në dukje se „Maqedonia po bën përpjekje për të riaktivizuar axhendën integruese dhe për të rifilluar një marrëdhënie të re, jo hierarkike, mes popujve të vet shtetformues, duke hapur shanset e këtij vendi për një të ardhme europiane. Kosova arriti që pas një raundi tjetër zgjedhjesh të lira të vazhdojë të konsolidojë institucionet e reja dhe në kushte të ekuilibrave shumë të brishta elektorale, si një dëshmi, edhe njëherë, për forcën e madhe që i jep vendit, orientimi i qartë strategjik në  favor të Integrimit Euro-Atlantik”.

Lidhur me plotësimin e angazhimve tëe Shqipërisë si vend anëtar i NATOs, Shqipëria ka ndërmarrë një program ambicioz modernizimi që „ do të shoqërohet edhe me rritjen progresive të shpenzimeve për mbrojtjen” bëri të ditur kryeministri Rama.Forcat  e Armatosura  të Shqipërisë janë të pranishme në misionet e NATO-së në Afganistan, Kosovë, Letoni dhe në Detin Egje, të misioneve të BE-së në Bosnje – Hercegovinë dhe në Mali. Shqipëria kontribuon edhe në plotësimin e angazhimeve të NATO-s në kuadër të masave për “Defense and Deterrence”, për “Enhanced  Forward Presence” dhe “Projecting Stability Beyond our Borders”.

Deputeti i PD, Agron Shehaj (LART) Dokumenti i bankes angleze per mbylljen e llogarise

Deputeti i Partisë Demokratike, Agron Shehaj, në fjalën e tij të parë në Parlament njoftoi se pak ditë pasi mori mandatin e deputetit, një bankë në Angli e njoftoi se duhej të mbyllte llogarinë bankare, shkruan

Shpjegimi që kryesuesi i listës së demokratëve në Vlorë kishte marrë nga banka në Angli ishte i prerë: Politikat e bankës e kanë të ndaluar që një politikan shqiptar të ketë llogari bankare. Në një intervistë për “Panorama”, Shehaj shpjegon edhe komunikimet që ka pasur me bankën dhe efektet që një bllokim i tillë nga bankat angleze ka për Shqipërinë. Deputeti demokrat sqaron se llogaria bankare nuk ka qenë në emrin e tij personal, por të një kompanie në të cilën ai është bashkëpronar.

Shqetësimi i deputetit demokrat lidhet me faktin se në një kohë që politikanëve shqiptarë u ndalohet të hapin apo të mbajnë llogari bankare në Britaninë e Madhe, është e qartë se edhe investime nga ky vend nuk mund të priten. Shehaj kujton se janë bankat ato që japin kreditë për kompanitë që duan të investojnë në Shqipëri. “Panorama” ka siguruar edhe faximilen që banka i ka nisur deputetit të PD-së, në të cilin i kujton procedurat që e ndalojnë ta mbajë të hapur këtë numër llogarie.

Shehaj gjithashtu ka sqaruar qëndrimin e tij lidhur me rrjedhjen e dy votave të PD-së për votimin e Gramoz Ruçit në Parlament. Deputeti i PD-së e cilëson njësoj si Lulzim Basha “të vdekur” marrëveshjen me Kryeministrin Rama, i cili, sipas tij, shkeli në mënyrë të njëanshme paktin e nënshkruar me Bashën.

Si ndodhi që ju bllokuan llogarinë bankare? Si u njoftuat?

Unë kam aktivitet në Angli, ashtu si edhe në disa shtete të tjera. Janë biznese në fushën e internetit, online kryesisht. Por nuk është një biznes që është hapur kohët e fundit, por operon prej shumë vitesh. Disa ditë pas zgjedhjes sime si deputet, më komunikojnë nga banka dhe më thonë se janë njohur me faktin që unë jam bërë deputet në Shqipëri. Në fakt ishte diçka që më bëri përshtypje, sepse mendova si janë interesuar që jam bërë deputet dhe çfarë interesi kanë. Ndërkohë një javë më parë më komunikojnë se duhet të mbyll llogarinë time bankare që kam në Angli. Shpjegimi që përfaqësuesi i bankës më dha ishte se ata nuk janë të autorizuar dhe nuk mund të mbajnë të hapur llogarinë e një deputeti shqiptar. Nuk mendova se vetëm filiali i bankës në të cilën unë kisha llogarinë, por të gjitha bankat angleze e kanë të ndaluar të mbajnë të hapura llogari të politikanëve shqiptarë.

U interesuat më tepër çfarë nuk shkonte me llogarinë nëse ajo i përkiste një politikani shqiptar? Kanë pasur bankat precedent të mëparshëm me politikanë të tjerë që kanë arritur në vendimin për të anuluar çdo llogari të politikanëve shqiptarë?

Dua të sqaroj se llogaria nuk është në emrin tim personal. Unë jam ortak në atë kompani që ka llogarinë bankare. Të them të drejtën nuk u interesova se përse ishte marrë një vendim i tillë nga banka, pasi kohët e fundit kam qenë shumë i zënë me angazhimin tim politik këtu në Shqipëri. Komunikimi që banka ka pasur me mua ka qenë shkresor, ndaj edhe nuk kam pasur mundësi të di më shumë se çfarë ka ndodhur që është pamundësuar hapja e një llogarie bankare nëse je politikan shqiptar. Në shkresën që banka më ka dërguar, më ka njoftuar se këto janë rregullat tona dhe ju duhet ta mbyllni atë llogari. Realisht jam ndjerë keq kur kam marrë atë njoftim nga banka, sepse nuk ishte një llogari që e hapa pasi u zgjodha deputet, por kisha vite. Ajo llogari është e lidhur me një biznes, nuk më përket vetëm mua, por unë për shkak se jam një politikan shqiptar, nuk mund ta kem më atë llogari. Në fakt kam ngelur shumë i habitur, por edhe i trishtuar nga ky episod. Nëse bankat angleze u mbyllin llogaritë, ose më saktë nuk u hapin llogari bankare politikanëve shqiptarë, imagjino se çfarë besueshmë- rie ka politika shqiptare në botë, meqenëse kam dëgjuar kryeministrin që kërkon të tërheqë investime. Është një vendim që nuk e ka marrë vetëm një filial bankar, por e kanë marrë të gjithë. Por janë të njëjtët ata që vendosin për investimet e huaja në Shqipëri. Nëse nuk kanë besim për të hapur një llogari bankare, imagjino çfarë besimi kanë ata për të investuar në vendin tonë.

Kreu i PD-së, Basha, e ka cilësuar të vdekur marrëveshjen me Kryeministrin Rama, duke kujtuar që ajo u vra me zgjedhjet dhe vdiq me vendosjen e Ruçit në krye të Parlamentit. Ju si mendoni, duhet të vazhdojë kjo marrëveshje për reforma të mëdha?

Në asnjë mënyrë kjo marrëveshje nuk duhet të vazhdojë. Për mua marrëveshja ka vdekur me kohë, ndaj nuk ka asnjë kuptim që të vazhdojë. S’mund të vazhdosh marrëveshjen me një person që hapur mashtron dhe gënjen për gjërat që vetë ka premtuar t’u përmbahet. Marrëveshja në vetvete në kohën kur u nënshkrua kishte një qëllim të mirë dhe ishte një fitore për Partinë Demokratike, por rezultati i saj nuk ishte ai që pritej. Kjo për shkak se pala tjetër, që ditën që e nënshkroi, ishte e bindur se nuk do ta respektonte dhe ashtu ndodhi.

Ndonëse jeni një deputet i ri, mendoni se duhet të kemi një opozitë agresive, apo Partia Demokratike duhet t’u ofrohet shqiptarëve përmes një alternative qeverisëse?

Opozita duhet t’u hapë sytë shqiptarëve dhe t’i bëjë të shohin se situata është vërtet e rëndë. Kur them që është e rëndë, nuk e them për retorikë, por fakti që të gjithë njerëzit duan të ikin është diçka që duhet të na shqetësojë të gjithëve. Ky është rezultat i mënyrës se si maxhoranca ka qeverisur. Është e kotë që ata u thonë njerëzve ekonomia u rrit me 2% apo 3%. Rezultati i qeverisë është që njerëzit nuk duan të rrinë në këtë vend. Nuk mund të jetë ndryshe. Është një vend ku ende sundon droga, njerëzit nga bota e krimit, njerëzit janë të pasigurt. Ndaj edhe në një situatë të tillë kurrsesi nuk mund të kemi një opozitë të butë.

Çfarë ndodhi me votimin e Ruçit në krye të Parlamentit? Pati edhe një debat të gjatë që e shoqëroi atë votim për shkak të rrjedhjes së minimalisht dy votave në radhët e PD-së. Për ju ishte një blerje e deputetëve nga qeveria. apo manipulim i komisionit?

Ajo qe ndodhi është shumë e rëndë dhe ka lënduar shumë simpatizantët e PD-së. Nuk besoj se kemi për ta ditur ndonjëherë çfarë ndodhi. Por unë besoj që ato nuk kanë qenë vota “pro” Gramoz Ruçit, por kundër PD-së.

JUXHIN MUSTAFARAJ/PANORAMA