VOAL

VOAL

Referendum popullor për marrëveshjen finale me Serbinë – Nga Florim Zeqa

 

Referendumi është një instrument demokratik, me të cilin elektoratit i kërkohet të shprehet me votë të drejtpërdrejtë për propozime të veçanta, me mundësinë për të zgjedhur në mes dy ose më shumë opsioneve të paracaktuara (për shembull: po / jo, republikë parlamentare / presidenciale / monarki, qëndrim / largim, bashkim / ndarje, etj.).
Referendumi është forma më e lartë e demokracisë së drejtpërdrejtë, në të cilën qytetarët, pa asnjë ndërmjetësim apo përfaqësim politik, mund të ushtrojnë vullnetin e tyre dhe të vendosin për çështje madhore për vendin.

Rrugëtimi 30 vjeçar i Kosovës

Kosova si ish njësi federale e Republikës Socialiste Federative të Jugosllavisë, është vendi i fundit që e fitoi mëvetësinë si rrjedhojë e shpërbërjes së përgjakshme të kësaj federate.
Edhe pse me 2 korrik 1990 Kosova u shpall Republikë përmes Deklaratës së Pavarësisë, ndërsa nga data 26-30 shtator 1991 përmes referendumit popullor u shpall shtet i pavarur, mirëpo nuk arriti ta jetësonte pavarësinë e vet në rrethanat e pushtimit ushtarak serb që zgjati plot një dekadë (1989–1999).
Qëndresa e gjatë paqësore mbarëpopullore, lufta çlirimtare (1998–1999) dhe ndërhyrja ajrore e NATO-s në pranverë të 1999 i dhanë fund genocidit të Serbisë mbi popullatën shqiptare të Kosovës. Trupat e NATO-s hynë në Kosovë në qershor 1999 dhe Kosova u administrua nga një mision i Kombeve të Bashkuara (UNMIK) deri në 2008.
Më 17 shkurt 2008, Kosova u (ri) shpall shtet i pavarur dhe sovran. Edhe pse deri më tani Kosova ishte njohur nga mbi 116 vende të botës, Serbia po vazhdon fushatën politike për ç’njohjen e shtetit dhe pretendimet e saj për ripushtim dhe shtrirje të sovranitet mbi territorin e Kosovës.
Mirëpo, edhe pas 21 vitesh nga çlirimi dhe 12 nga (ri) shpallja e pavarësisë, trupat e NATO-s (KFOR-i) janë mbrojtësit kryesor të lirisë dhe pavarësisë së shtetit tonë.

Referendumi instrument demokratik për zgjidhjen përfundimtare të çështjeve të hapura me Serbinë

Kosova në historinë më të re të saj ka organizuar referendumin e parë dhe të vetëm për Kosovën shtet sovran dhe të pavarur, të mbajtur prej 26-30 shtator 1991, në të cilin kanë marrë pjesë mbi 90 % e popullatës së Kosovës, ku 99,99 % e pjesëmarrësve në referendum janë deklaruar për Kosovën shtet sovran dhe i pavarur.
Pavarësia e 17 shkurtit 2008, e ardhur si produkt i Pakos diskriminuese të Ahtisarit, përveqse i barazoi shqiptarët shumicë me pakicat etnike, duke e shpallur Kosovën multietnike me 90 përqind shqiptar, na zhveshi nga identiteti kombëtar dhe na hoqi referendumin si instrument demokratik për përcaktimin dhe marrjen e vendimeve plebishitare si shtet i pavarur dhe sovran.
Në kohën kur Kosovës po i bëhet presion i paparë ndërkombëtar për të hequr taksen, si kusht për vazhdimin e dialogut, ndërsa në anën tjetër Serbisë nuk është duke ju bërë asnjë presion për të ndërprerë luftën politike dhe fushatën për ç’njohjen e Kosovës, kërkohet unifikim i faktorit politik shqiptar, për të mbajtur taksën si të vetmen mundësi që kemi për ta ndëshkuar Serbinë derisa ajo të njohë realitetin e krijuar, përkatësisht ta njohë shtetin e Kosovës.
Në këto rrethana, kur mungon konsensusi nacional për marrjen e vendimeve për temat kruciale në Kuvend, siq është taksa apo reciprociteti ndaj Serbisë, çfarë do të bëjmë ne me marrëveshjen finale me Serbinë!?

Kthimi i Referendumit popullor, imperativ i ngutshëm kohor

Ka një kohë të gjatë që është folur e përfolur për ndryshimet kushtetuese, përkatësisht ndryshimin e ligjit zgjedhor, por deri më tani nga asnjëra legjislaturë e Kuvendit nuk është kërkuar nxjerrja e një ligji që kthen Referendumin si instrument demokratik, i cili i mundëson sovranit marrjen e vendimeve të rëndësishme për vendin, siq është përcaktimi i rendit kushtetues, sovraniteti dhe integriteti territorial i vendit.
Në rrethanat kur mungon konsensusi politik për gjëra më të vogla siq është taksa dhe reciprociteti, në asnjë rrethanë nuk duhet lejuar që fati i shtetit të mbetët në dorën e liderëve partiak, qofshin ata në pushtet apo opozitë.
Të paktën ne, të mos bëhemi pjesë e lojërave të ndyta kundër pavarësisë së shtetit tonë. Reciprociteti pa njohje reciproke është mashtrimi dhe iluzioni më i madhë që mund t’i krijojmë vetes në këto rrethana të pa qarta politike.
Kërkojë që deputetët e kësaj legjislature të inciojnë ligjin për referendumin, si e drejtë kushtetuese e përcaktimit të sovranit (popullit) për tema kruciale për vendin.
Kthimi i Referendumit popullor para marrëveshjes finale me Serbinë, do t’i bënte më të vëmendshëm dhe më të përgjegjshëm negociatorët kosovarë, si dhe do t’i zvogëlonte mundësitë e pazareve politike në dëm të shtetit të Kosovës.
Mos ta lëmë veriun e vendit në mëshirën e pazargjinjëve, për ta trajtuar atë si “pasuri e të gjithëve dhe pasuri e askujt”, por ta mbrojmë në mënyrë demokratike përmes referendumit popullor.

Kurti i përgjigjet më në fund telefonatës së O’Brienit

Zyra e Kryeministrit të Kosovës ka konfirmuar se mbrëmë rreth mesnatës në celularin e Albin Kurtit është regjistruar një thirrje nga amerikanët, por që shefi i Qeverisë s’është përgjigjur. Gazeta Express ka publikuar lajmin se ai që ka thirrur mbrëmë kryeministrin është këshilltari për Siguri Kombëtare i presidentit Donald Trump, Robert O’Brien. Kryeministria bën me dije se Kurti ka folur tek sot me O’Brienin dhe me të dërguarin e posaçëm të Trumpit për dialogun Kosovë-Serbi, Richard Grenell.

Gazeta Express sot pasdite ka publikuar lajmin se Kurti nuk u është përgjigjur në telefon zyrtarëve të lartë në Uashington. Thirrja është bërë nga këshilltari i Trumpit, Robert O’Brien, të cilit Kurti nuk ia ka hapur mbrëmë telefonin, sikurse që nuk u është përgjigjur edhe disa thirrjeve të tjera nga Shtëpia e Bardhë. Kjo ka nervozuar zyrtarët e lartë amerikanë.

“O’Brien e ka telefonuar Kurtin për të diskutuar, por ai nuk është përgjigjur. Nuk u është përgjigjur as disa thirrjeve të tjera nga Shtëpia e Bardhë. Ai po e shkatërron raportin”, ka thënë një zyrtar amerikan në kushte anonimiteti për Gazetën Express.

Por, sot Kryeministria, pas shkrimit në Gazetën Express, ka konfirmuar raportimin e Gazetës duke e dhënë versionin e vet rreth ngjarjes.

Ata kanë thënë se Kurti ka folur sot rreth orës 17:00 me zyrtarët amerikanë. Gazeta Express i ka shkruar kryeministrisë rreth kësaj çështjeje, rreth orës 14:00, por nuk ka marrë përgjigje. Kurti ka zgjedhur një portal tjetër për t’u rrëfyer vetëm pasi Express ka raportuar për ngjarjen.

“Mbrëmë kur e kanë kontaktuar rreth mesnatës nga ambasada amerikane nuk ka mundur të përgjigjet, por atë bisedë e ka zhvilluar para një ore e gjysmë. Pra, me ambasadorët O’Brien dhe Grenell”, kanë thënë për kallxo.com nga Zyra e kryeministrit Kurti.

Dje gjatë ditës, amerikanët kanë mbajtur një takim me presidentin e Kosovës, Hashim Thaçi, dhe me presidentin e Serbisë, Aleksandar Vuçiq, në përpjekje për ta rinisur dialogun Kosovë-Serbi. Amerikanët janë të pakënaqur me vendimin për tarifën që mori Kurti. Ata kërkojnë heqjen e plotë të tarifës, pa ndonjë masë tjetër, siç është reciprociteti.

Kurti dje nuk i është përgjigjur në telefon Këshilltarit të Trumpit për Siguri Kombëtare?

Burimet e Gazetës Express thonë se Kryeministri Kurti nuk i është përgjigjur thirrjes se O’Brien, pastaj nuk i është përgjigjur edhe disa thirrjeve të tjera nga Shtëpia e Bardhë.

Robert O’Brien, Këshilltar për Siguri Kombëtare i Presidentit Donald Trump, ka ndërmjetësuar dje në takimin me presidentëve Hashim Thaçi e Aleksnadër Vuçiq, në Shtëpinë e Bardhë në Uashington.

Gazeta Express mëson se para këtij takimi O’Brien e ka telefonua Kurtin, për të diskutuar rreth tarifës ndaj produkteve serbe dhe rinisjes së dialogut me Serbinë.

Një burim i sigurt i Express ka thënë se Kurti nuk i është përgjigjur as thirrjes së këshilltarit të Trumpit e as thirrjeve të tjera nga Shtëpia e Bardhë.

“O’Brien e ka telefonuar Kurtin për të diskutuar, por ai nuk është përgjigjur. Nuk u është përgjigjur as disa thirrjeve të tjera nga Shtëpia e Bardhë. Ai po e shkatërron raportin”, ka thënë një zyrtar amerikan në kushte anonimiteti.

Gazeta Express e ka pyetur Zyrën e Kryeministrit se a ka marrë Kurti telefonata të tilla, por nuk kanë kthyer përgjigje. Për pyetjet është informuar edhe asistenti i Kurtit, Arianit Beqiri.

Qeveria vazhdon të mos ketë zëdhënës për media, e Gazeta Express ka provuar ta kontaktojë Këshilltarin kryesor të Kurtit, Luan Dalipin. As ai nuk ka qenë i qasshëm.

Në të njëjtën ditë, Kryeministri Kurti i ka dërguar letër Presidentit Trump, ku i ka shpjeguar planin e tij për heqjen fillimisht të pjesshme të tarifës, ndonëse për këtë plan ka marrë reagim negativ nga emisari special i Trumpit për dialogun Kosovë-Serbi, Richard Grenell.

“Së këndejmi, duke filluar nga 15 Marsi, ne do të fillojmë heqjen e tarifave për mallrat nga Serbia dhe Bosnjë Hercegovina, të cilat janë vendosur nga qeveria e kaluar. Fillimisht, do hiqen tarifat për lëndët e para. Këtë e bëjmë si shprehje e gjestit të mirë diplomatik dhe si shenjë për përkushtimin tonë për të punuar afër me Shtetet e Bashkuara në dialogun me Serbinë. Ne shpresojmë se veprimet tona do të kthehen me reciprocitet nga Beogradi, nga i cili presim t’i largojë të gjitha barrierat jo-tarifore për tregtinë me Kosovën, si dhe të ndalojë fushtatën për çnjohjet e Kosovës. Ne poashtu ftojmë Shtetet e Bashkuara dhe Bashkimin Europian për krijimin e mekanizmave monitorues dhe sanksionues, për të siguruar që dy palët t’i përmbahen zotimeve të bëra gjatë marrëveshjeve të tanishme si dhe atyre në të ardhmen”, ka shkruar Kurti.

Presidenti Thaçi dje zhvilloi takim me Vuciqin në Shtëpinë e Bardhë, nën praninë e O’Brien dhe emisarit special për dialogun Kosovë – Serbi, Richard Grenellin.

Nuk janë dhënë detaje rreth takimit, ndërsa ministra e Drejtësië, Albulena Haxhiu ka thënë në Televizionin 7 se Thacit nuk ia ka dhënë Kuvendi mandatin për takime të këtilla.

“Kjo nuk është hera e parë që ai ikën fshehtas nga Kosova për takime të tilla pa mandat kushtetues, pa mandat që ja ka njohur Kuvendi”, ka thënë Haxhiu.

Konjufca: Serbia me këto veprime i jep të drejtë tarifës 100 për qind

Prishtinë

Ministria e Punëve të Jashtme e Kosovës ende nuk ka marrë njoftim zyrtar për çnjohjen eventuale të pavarësisë së Kosovës nga shteti afrikan, Sierra Leone, raporton Anadolu Agency (AA).

Këtë e ka bërë të ditur, ministri i Punëve të Jashtme i Kosovës, Glauk Konjufca, i cili mori pjesë në një konferencë ku u publikua “Vjetari i Politikës së Jashtme”, raport që flet për punën njëvjeçare të politikës së jashtme, i bërë nga Instituti i Prishtinës për Studime Politike (PIPS).

Konjufca, duke folur për paralajmërimin e homologut të tij serb, Ivica Daçiq i cili theksoi mëngjesin e së martës se shteti afrikan Sierra Leone, që e ka njohur pavarësinë e Kosovës më 11 qershor të vitit 2008, e ka “tërhequr njohjen”, tha se nuk kanë ende njoftim zyrtar nga ky shtet.

Konjufca tha se me këto veprime Serbia “i jep të drejtë taksës”.

“Për Sierra Leonen tashmë i kam paralajmëruar shtetet që kanë ndikim atje. Sepse e kam ditur para katër-pesë ditëve që është duke u përgatitur diçka. Kjo është forma e vetme në të cilën Kosova ka fuqi dhe e praktikon këtë metodologji. Shtetin që ne e kemi konsideruar që për nga influenca diplomatike tradicionale, historike dhe relacioneve tregtare, shteti që është më i fuqishmi në Sierra Leone, e ka ditur këtë punë, prej meje. Domethënë e kam informuar. E tani sa është objektivisht e vërtetë ajo që po thotë Daçiqi, unë mendoj se nuk mund ta marrim si të vërtetë”, tha Konjufca.

Duke folur për politikën e jashtme gjatë vitit 2019 por edhe atë që pritet të ndodhë në vitin 2020, Konjufca tha se politika e jashtme e Kosovës ka qenë e kushtëzuar dhe kushtëzimi kryesor ka qenë se “çfarë relacioni ka dhe po zhvillon Kosova me Serbinë”.

Hulumtuesi nga PIPS, Butrint Berisha tha se edhe në vitin 2019 ka qenë shqetësuese fushata për çnjohjet e shtetësisë së Kosovës nga Serbia, e cila filloi në vitin 2017 “me tërheqjen e njohjes nga Suriname dhe pas kësaj u përcoll me valë shtetesh që dërguan nota verbale kryesisht në Ministrinë e Jashtme të Serbisë, duke deklaruar se pezullojnë njohjen e Kosovës”.

Berisha tha se përgjigja institucionale e Kosovës nuk ka qenë e kënaqshme ndaj kësaj fushate, duke thënë se “çnjohja nuk është e rregulluar me ligjin ndërkombëtar”.

“Njohja e fundit nga Barbados në shkurt të vitit 2018 përbën periudhën më të gjatë kohore nga shpallja e pavarësisë pa asnjë njohje të re. Por jo vetëm kaq, edhe në aspektin shumëpalësh Kosova nuk është që kishte një vit të suksesshëm, ku realisht as nuk aplikoi as nuk u bë anëtare e ndonjë mekanizmi të rëndësishëm ndërkombëtar. Kosova u bë anëtare e Unionit Ndërkombëtar për Mbrojtjen e Natyrës (IUCN), sidoqoftë, organizata e fundit e madhe në të cilën Kosova është bërë anëtare është Komisioni i Venecias në vitin 2014”, tha Berisha.

Ky raport vë në pah se sfidat karshi pozicionit të Kosovës në shoqërinë ndërkombëtare vazhdojnë të jenë serioze ndërsa “procesi i njohjes së Kosovës ka hyrë në një fazë të re vitet e fundit, i karakterizuar me sukses të limituar dhe mungesë të një qasjeje energjizuese”.

Gjithashtu po sipas këtij raporti, Kosova ka vuajtur nga zhvillime të jashtme sikundër Brexit apo aneksimi i Krimesë të cilat e kanë lëvizur fokusin nga rajoni i Ballkanit Perëndimor duke krijuar “një ambient më armiqësor për Kosovën”.

Kurti: Dështimi i bisedimeve Thaçi-Vuçiq është në dobi të Kosovës

Kryeministri i Kosovës, Albin Kurti, ka deklaruar se presidenti Hashim Thaçi është dashur të koordinohet, dhe të raportojë në Kuvendin e Kosovës, para se të shkojë në Shtetet e Bashkuara.

Presidenti Thaçi është takuar të hënën në Shtëpinë e Bardhë me presidentin e Serbisë, Aleksandar Vuçiq.

Kryeministri Kurti, i cili ditë më parë, e ka ftuar presidentin në takim për të koordinuar hapat në politikën e Jashtme , tha se “është gabim dhe dëm që nuk ka ardhur (presidenti Thaçi) në institucionet tona, para se të provojë të bëjë dakordime me presidentin e Serbisë”.

“Mora vesh që po kthehet presidenti nga Shtetet e Bashkuara, pa një deklarim të përbashkët me Vuçiqin. Fakti që nuk kanë një marrëveshje – presidenti i Kosovës me presidentin e Serbisë – besoj se është një dështim i dobishëm për Republikën e Kosovës”, deklaroi Kurti, pasi mori pjesë në një punëtori të organizuar nga Oda e Afarizmit të Kosovës.

Të hënën, pas takimit me presidentin Vuçiq në Uashington, presidenti Thaçi tha për Radion Evropa e Lirë se në takim është diskutuar për “domosdoshmërinë e një zgjidhjeje paqësore të çështjeve Kosovë-Serbi” dhe për “mundësinë e arritjes së marrëveshjes përfundimtare”.

“Takimi ka qenë korrekt, konstruktiv, pa ndonjë të veçantë. Është treguar një vullnet i mirë që gjërat të çohen përpara në interes të të dyja vendeve”, tha Thaçi.

Presidenti Thaçi bëri të ditur se takimi është zhvilluar me ftesë të të dërguarit të posaçëm për dialogun ndërmjet Kosovës dhe Serbisë, Richard Grenell, ndërsa i pranishëm ka qenë edhe këshilltari për Siguri Kombëtare i SHBA-së, Robert O’Brien.

Thaçi dhe Vuçiq kanë qenë në Shtetet e Bashkuara në vizita të ndara, gjatë të cilave zyrtarët amerikanë kanë kërkuar që të dyja palët të ndërmarrin veprime, që sigurojnë rifillimin e bisedimeve për normalizimin e marrëdhënieve ndërmjet tyre. rel

Kurti pas lajmit për çnjohjen nga Sierra Leone: Do t’u kërkoj SHBA-së e BE-së t’i bëjnë trysni Serbisë

Kryeministri i Kosovës, Albin Kurti, ka reaguar pas lajmit se edhe një shtet e ka hequr njohjen ndaj shtetit të Kosovës, raporton Gazeta Express.

Kurti ka shkruar në Facebook se shteti serb, vullnetit të mirë të Kosovës për heqjen e pjesshme të taksës, po i përgjigjet me intensifikim të fushatës së çnjohjeve të pavarësisë së Kosovës.

Ai i ka bërë thirrje Serbisë që të ndalë këtë ofensivë.

“I bëj thirrje Serbisë zyrtare që ta ndalë këtë ofensivë dhe të heqë dorë nga politikat destruktive ndaj Kosovës dhe shtetësisë së saj. Po ashtu, do të kërkoj nga faktorët relevantë ndërkombëtarë, në radhë të parë ShBA-të dhe BE-ja, si ndërmjetësues në procesin e dialogut, ta shtojnë trysninë mbi Serbinë që ta ndërpresë politikën armiqësore ndaj Kosovës”, tha ai.

Kryeministri ka shtuar se Kosova ka treguar që ka vullnet për marrëdhënie normale dhe korrekte me Serbinë.

“Ne kemi treguar qartë se e kemi vullnetin për marrëdhënie korrekte e normale me Serbinë. Mirëpo nuk mund të lejojmë që ky vullnet i yni të nëpërkëmbet. Si kryeministër i Kosovës do të shqyrtoj me kujdes situatën e krijuar dhe do të veproj konform interesave të Republikës dhe qytetarëve të saj”, tha ai.

Kurti u shkruan letra Trumpit dhe Pompeos, godet Thaçin: Unë jam adresa e dialogut

Kryeministri i Kosovës, Albin Kurti, u ka dërguar letër Presidentit të Shteteve të Bashkuara të Amerikës, Donald Trump si dhe Sekretarit të Shtetit, Mike Pompeo. Kurti i ka njoftuar ata për heqjen e tarifës ndaj mallrave të Serbisë dhe Bosnje Hercegovinës, duke treguar procesin e heqjes së tarifës. Ai po ashtu i ka njoftuar se dialogun e Kosovës me Serbinë do ta udhëheq vetë ai si kryeministër i Kosovës

Në letrën e shkruar për Trump, Kurti ka shkruar se po e njofton atë për programin qeverisës dhe për qeverinë e re të Republikës së Kosovës.

Kurti e ka falënderuar presidentin e SHBA-së për mbështetjen e vazhdueshme ndaj Kosovës.

“Qeveria ime dhe unë jemi të përkushtuar për zgjidhjen e çështjeve të mbetura ndërmjet Republikës së Kosovës dhe Serbisë. Ne mbetemi të bindur se kjo duhet bërë përbrenda procesit të dialogut, i cili do të kulmonte me njohjen e ndërsjellë të dy shteteve. Ne besojmë se kjo është rrugë e rëndësishme për integrimin e Kosovës në bashkësinë ndërkombëtare dhe arritjen e një marrëveshje historike që do të krijonte paqe të qendrueshme, stabilitet dhe siguri në Ballkan”, i ka shkruar Kurti Trumpit.

Ndërkaq ai ka përmendur edhe heqjen e tarifave ndaj mallrave që hyjnë në Kosovë nga Serbia dhe Bosnja e Hercegovina, duke shpjeguar procesin e heqjes së tarifës.

“Së këndejmi, duke filluar nga 15 Marsi, ne do të fillojmë heqjen e tarifave për mallrat nga Serbia dhe Bosnjë Hercegovina, të cilat janë vendosur nga qeveria e kaluar. Fillimisht, do hiqen tarifat për lëndët e para. Këtë e bëjmë si shprehje e gjestit të mirë diplomatik dhe si shenjë për përkushtimin tonë për të punuar afër me Shtetet e Bashkuara në dialogun me Serbinë. Ne shpresojmë seveprimet tona do të kthehen me reciprocitet nga Beogradi, nga i cili presim t’i largojë të gjitha barrierat jo-tarifore për tregtinë me Kosovën, si dhe të ndalojë fushtatën për çnjohjet e Kosovës. Ne poashtu ftojmë Shtetet e Bashkuara dhe Bashkimin Europian për krijimin e mekanizmave monitorues dhe sanksionues, për të siguruar që dy palët t’i përmbahen zotimeve të bëra gjatë marrëveshjeve të tanishme si dhe atyre në të ardhmen”, ka shkruar Kurti.

Kurti ka theksuar në letrën e tij se dialogun me Serbinë do ta udhëheq ai, si kryeministër i Kosovës.

“Ne jemi të vetëdijshëm se gjatë dy viteve të fundit ka pasur mungesë të theksuar të koordinimit ndërmjet përfaqësuesve të Kosovës për rolin, interesin dhe qëllimet në dialogun me Serbinë, si dhe për mungesën e qartësisë se kush flet në emër të Kosovës në skenën ndërkombëtare dhe në tavolinën negociuese. Kjo do të përfundojë me qeverinë që drejtoj unë. Qeveria dhe unë si kryeministër kemi mandatin kushtetues, vullnetin politik dhe detyrën ligjore, si dhe përgjegjësinë e plotë dhe ekskluzive për të marrë përsipër, udhëheqjen e këtij procesi dhe përfaqësimin e Kosovës në nivelin më të lartë diplomatik. Presim me padurim të fillojmë punën me ju, diplomatët dhe emisarët tuaj, si dhe partnerët tanë në Bashkimin Europian, për ta çuar përpara këtë proces”, ka shkruar Kurti.

Kurti ka shkruar edhe për marrëdhënies e Kosovës me SHBA’në, duke theksuar se qeveria e tij i sheh këto marrëdhënie me rëndësinë më të lartë strategjike për vendin.

“Qeveria ime i sheh marrëdhëniet e Kosovës me Shtetet e Bashkuara si marrëdhënie me rëndësinë më të lartë strategjike për vendinn tonë, si aleancë që është e bazuar në vlera dhe interesa thellësisht të përbashkëta. Administrata juaj tashmë ka pasur ndikim të madh pozitiv në Ballkanin Perëndimor, duke sjellë energji të reja dhe zbatueshmëri në zgjidhjen e problemeve, gjë që ne e mirëpresim jashtëzakonisht shumë. Mezi presim ta thellojmë partneritetin dhe të punojmë së bashku me Shtetet e Bashkuara në shtimin e mundësive ekonomike, forcimin e sundimit të ligjit, rritjen e sigurisë rajonale, shtyrjen përpara të dialogut Kosovë-Serbi, si dhe për çështjet e tjera”, ka shkruar Kurti./GazetaExpress/

Rrihet brutalisht kryeredaktori i RTK-së, ngjarja në një lokal të Prishtinës

Kryeredaktori i faqes web së Radio Televizionit të Kosovës, Altin Ahmeti është rrahur brutalisht nga pesë persona në një lokal të Prishtinës.

Ngjarja ështe regjistruar dje, ndërsa siç raporton vetë RTK, sulmi fizik ndaj gazetarit Ahmeti, ka ndodhur në lokalin “Friends Aveny” të kryeqytetit.

Edhe pse ende nuk dihen rrethanat dhe shkaqet se pse ka ndodhur një sulm i tillë.

Ndërkaq, një prej të dyshuarve për sulmin brutal është zyrtari i Telekomit të Kosovës, Gëzim Makolli.

“Pesë vetë më sulmuan dhe dolën duke më kërcënuar se do të më vrasin. Personi në fjalë është Gëzim Makolli. E ftova policinë dhe prokurorinë. Nuk i di arsyet e sulmit”, ka thënë Ahmeti.

Policia dhe prokuroria janë në dijeni të ngjarjes dhe janë duke e hetuar rastin.

Deputeti me karrocë: Shpejt do ta takoj Kryeministrin, do t’i kërkojë zbardhjen e vrasjeve politike

Deputeti i LDK’së, Fetah Rudi, i cili ka mbetur me karrocë prej vitit 2000, për shkak të një atentati, ka pasur një takim sot me Shefin e Qeverisë. Janë takuar për të shënuar Ditën Ndërkombëtare të Karrocave.

Në një bisedë për Express, Rudi ka thënë se sot me Kurtin ka folur vetëm për përmirësimin e kushteve për njerëzit që kanë me karrocë. Në ditët në vazhdim, ai ka paralajmëruar se do të takohet me Albin Kurtin, Agim Veliun e Albulena Haxhiun.

“Nuk kam folur për vrasjet politike. Shpresoj se do ta vizitoj shpejt. Sot më shumë kemi folur për ditën ndërkombëtarë të karrocave. I kërkuam ë rregullohet infrastruktura qysh është e paraparë me ligj”, ka thënë Rudi, për Express, të dielën.

Ai ka thënë se nuk do të heshtë derisa të zbardhen të gjitha vrasjet e pasluftës përfshirë ato politike të zyrtarëve të LDK’së.

“Besoj se në takimin që do ta vizitoj dhe institucionet tjera. Edhe Kryeministrit edhe Ministrit ë Brendshëm edhe Drejtësisë. Mendjen me hesht nuk e kam”, ka thënë ai.

Albin Kurti ka publikuar foto duke bërë një marsh midis Prishtinës me Fetah Rudin dhe njerëz të tjerë që lëvizin me karroca.

Fetah Rudi, një ish-mësues dhe aktivist politik, e përdor një karrige me rrota tash e 19 vjet, që kur persona të armatosur ende të paidentifikuar i kishin shkarkuar atij 14 plumba në stomak dhe në shpatull, në një incident që kishte ndodhur në afërsi të fshatit Bytyq, komuna e Drenasit.

Deputeti i LDK’së kishte thënë se plumbat që gati e vranë atë në dhjetor të vitit 2000 – 18 muaj pas përfundimit të luftës dhe largimit të forcave serbe.

Kuvendi i Kosovës të hënën seancë të jashtëzakonshme për taksën

Kuvendi i Kosovës do të zhvillojë një seancë të jashtëzakonshme të hënën me kërkesë të opozitës, ku do të diskutohet lidhur me njoftimin për heqjen e taksave për importet e lëndëve të para nga Serbia dhe Bosnjë e Hercegovina, ka vendosur Kryesia e Kuvendit të Kosovës, raporton Anadolu Agency (AA).

Kryetarja e Kuvendit të Kosovës, Vjosa Osmani pas seancës së Kryesisë së Kuvendit tha se të hënën do të mbahet seanca e jashtëzakonshme me kërkesë të 41 deputetëve në lidhje me njoftimin e kryeministrit Albin Kurti për shfuqizimin e taksës për mallrat nga Serbia dhe BeH.

Nismën për mbledhjen e nënshkrimeve të deputetëve për thirrjen e seancës së jashtëzakonshme të Kuvendit e ndërmori grupi i deputetëve të partisë opozitare Aleanca për Ardhmërinë e Kosovës (AAK). Shefi i grupit parlamentar, Daut Haradinaj tha se partia e tij do të përdorë të gjitha mjetet ligjore, përfshirë protestat, për të parandaluar heqjen e taksës.

“Ne kemi thënë hapur se jemi kundër heqjes së taksës derisa Serbia vazhdon me të vjetrën. Është e qartë se Serbia nuk e ka ndryshuar qëndrimin e saj në marrëdhëniet me Kosovën. Këtë e pamë dje si një nënshtrim ndaj Serbisë dhe mendojmë se ai kishte gabuar sepse nuk kishte kompromis apo koordinim të plotë me SHBA-të dhe siç duket nuk as me partnerin e koalicionit”, tha Haradinaj, i cili është vëllai i Ramush Haradinajt, i cili derisa ishte kryeministër i Kosovës në nëntor 2018 vendosi taksën prej 100 për qind për mallrat nga Serbia dhe BeH.

 

Duke iu përgjigjur pyetjeve të gazetarëve, kryeparlamentarja Osmani tha se drejtuesit e Lidhjes Demokratike të Kosovës (LDK), nënkryetare e së cilës është, do të zhvillojnë sot një takim me kryeministrin Kurti për të diskutuar propozimin e tij lidhur me taksën. Ajo gjithashtu theksoi se nuk shihte ndonjë prirje të askujt në Qeveri, siç vlerësojnë disa njerëz, për të dëmtuar marrëdhëniet me SHBA-të.

“Në fakt, unë shoh gatishmërinë e plotë të të gjithë anëtarëve të Qeverisë për të koordinuar çdo veprim me partnerët tanë me të cilët kemi marrëdhënie ekzistenciale. Unë bëj thirrje për harmonizim dhe në rast të ndonjë detaji që nuk ka pëlqim për momentin, jam e bindur se ajo do të arrihet shumë shpejt”, tha Osmani.

Ajo shtoi se duhet të merren parasysh interesat e vendit si dhe të partnerëve strategjikë të Kosovës.

Kryeministri i Kosovës, Albin Kurti ka njoftuar se më 15 mars do të shfuqizojë taksën prej 100 për qind për importet e lëndës së parë nga Serbia dhe BeH dhe në kthim nga Serbia pritet të pezullojë fushatën e saj për tërheqjen e njohjeve dhe heqjen e barrierave jo tarifore për ekonominë e Kosovës. Nëse Serbia u përgjigjet pozitivisht këtyre kërkesave, Qeveria e Kosovës më 1 prill do të heqë plotësisht taksën prej 100 për qind për importet e të gjitha mallrave nga Serbia dhe BeH për 90 ditë.

Kurti tha se më 1 prill fillon zbatimi gradual i reciprocitetit ndaj Serbisë. “Nëse nuk ka reflektim nga pala serbe edhe pas një periudhe 90-ditore për heqjen e taksës për lëndën e parë, atëherë Qeveria nga 15 qershori do t’i kthejë tarifat derisa të aplikohet reciprociteti i plotë”, tha Kurti.

Ndaj këti vendimi të Kurtit kishte reaguar ashpër i dërguari special i presidentit amerikan Donald Trump për dialogun Kosovë-Serbi, Richard Grenell, i cili tha se Kurti po bënte një gabim serioz, pasi SHBA kërkon heqjen e plotë të taksës pa kushtëzime. Megjithatë, Bashkimi Evropian përshëndeti vendimin e kryeministrit Kurti për heqjen e pjesërishme dhe me kusht të taksave, duke thënë se ky ishte një hap i parë dhe se priten më shumë detaje.

Ish-Qeveria e Kosovës e udhëhequr nga kryeministri Ramush Haradinaj vendosi taksën në nëntor 2018 që çoi në bllokimin e dialogut me Serbinë. Të gjithë aleatët ndërkombëtarë kërkojnë që Kosova të heqë taksën për ta kthyer Serbinë në tryezën e bisedimeve. Pas vendosjes së taksës, Serbia ndërpreu dialogun me Kosovën, i cili u zhvillua në Bruksel me ndërmjetësim të Bashkimit Evropian.

Isa Mustafa kërkon heqjen e tarifave – Grenell e quan udhëheqës të guximshëm

Ambasadori Richard Grenell, i dërguar i posaçëm i presidentit Donald Trump për bisedimet Kosovë – Serbi tha të dielën se heqja e tarifave ndaj mallrave serbe që nga nesër, do të ishte një fillim i mbarë për më shumë përparim.

Ai i bëri këto komente në llogarinë e tij në twitter, duke i bërë jehonë deklaratës së kryetarit të Lidhjes Demokratike të Kosovës, Isa Mustafa, i cili bëri thirrje që të hiqen tarifat që nesër ashtu siç kanë kërkuar Shtetet e Bashkuara të Amerikës.

Zoti Mustafa shkroi në rrjetet sociale tha se aktualisht “tarifa objektivisht mbetet vetëm si relikt, i cili po i shërben Serbisë të paraqitet si viktimë në arenën ndërkombëtare dhe disave në Kosovë si mjet i vetëm i një kauze të paqëndrueshme politike. Askujt nuk i mbushet mendja se Kosova e detyron Serbinë që ta njohë përmes tarifës”, tha ai.

Zoti Mustafa shkroi se megjithatë shumicës dërmuese iu mbushet mendja se Shtetet e Bashkuara në rend të parë dhe Bashkimi Evropian mund ta bindin Serbinë, përmes procesit të bisedimeve, ta njohë shtetin e Kosovës. “Dëshiroj të besoj se mbledhja e nesërme e Kuvendit do t’i japë përkrahje qeverisë dhe kryeministrit Kurti të hiqet tarifa. Të hiqet ashtu siç po kërkojnë SHBA-të.

“Nëse dikush luhatet, Lidhja Demokratike, deputetët e saj dhe anëtarët e qeverisë do të mbështesin pa asnjë rezervë dhe me besim e bindje të plotë heqjen e menjëhershme të tarifës, dhe atë jo vetëm se po e kërkon partneri ynë strategjik SHBA, por se jemi të bindur se kjo është në interes të shtetit të Kosovës” shkroi zoti Mustafa duke nënvizuar se në qoftë se Serbia, nuk e ndal fushatën kundër Kosovës dhe nuk mënjanon pengesat tregtare dhe ekonomike, Lidhja Demokratike mbetet e përkushtuar për zbatimin e masave të reciprocitetit pas një periudhe që qeveria e bashkërendon me Shtetet e Bashkuara dhe Bashkimin Evropian.

Ambasadori Grenell duke e quajtur Isa Mustafën udhëheqës të guximshëm tha se “heqja e tarifave nesër do të ishte një fillim i shkëlqyeshëm për shumë më tepër përparim. Zhvillimi ekonomik nuk mund të ecë përpara derisa tarifat të mos hiqen”, shkroi zoti Grenell.

Të enjten, kryeministri i Kosovës, Albin Kurti propozoi fillimin e heqjes së kushtëzuar të tarifave prej 100 për qind ndaj mallrave serbe, që u vendosën në nëntor të vitit 2018 në shenjë kundërvënieje ndaj qasjes së Serbisë ndaj shtetësisë së Kosovës.

Ai tha se nga 15 marsi do të hiqen tarifat në lëndën e parë si shenjë e vullnetit të mirë dhe nëse Serbia i jep fund fushatës për tërheqjen e njohjeve të Kosovës, më 1 prill do të hiqen tërësisht tarifat për një periudhë 90 ditëshe.

Lidhja Demokratike e Kosovës, pjesë e koalicionit qeverisës, tha se qëndrimi i tillë nuk është bashkërenduar me të dhe se ajo nuk do ta votojë miratimin e tij.

Propozimi i kryeministrit Kurti ndërkaq nuk u mbështet nga Shtetet e Bashkuara të Amerikës të cilat thanë se nuk i mbështesin masat gjysmake dhe se qëndrimi është amerikan është që tarifat duhet të hiqen tërësisht.

Ndërsa, Bashkimi Evropian u shfaq me qëndrim më të butë duke mirëpritur vendimin e kryeministrit Kurti, si hap i parë drejt heqjes së tërësishme të tarifave ndaj mallrave serbe.

Çështja e heqjes së tarifave ka nxitur reagime të shumta në Kosovë. Presidenti i vendit ka bërë thirrje që të hiqen menjëherë për të mos dëmtuar marrëdhëniet me Shtetet e Bashkuara.

Partitë opozitare kanë thirrur për të hënën një seancë të jashtëzakonshme të parlamentit për të diskutuar lidhur me paralajmërimet për heqjen e tarifave, I ashpër ndaj këtyre paralajmërimeve është shprehur ish kryeministri i Kosovës, Ramush Haradinaj, i cili tha se partia e tij, Aleanca për Ardhmërinë e Kosovës do të ndërmarrë të gjitha veprimet për të penguar një gjë të tillë.

Rama – Haradinaj: Polemikë në distancë rreth tarifave

Kryeministri shqiptar, Edi Rama, shkroi të dielën në rrjetet sociale se “Albin Kurti është në rrugën e duhur! Heqja e taksës do jetë dita e parë e tij si kryeministër në zyrë, jo më si lider opozite në zyrën e kryeministrit! Do t’i duhet të përballet me etiketën e “tradhtarit” po ani, ajo etiketë i dallon udhëheqësit e paqes nga statujat e luftës”, shkroi ai duke nënvizuar qëndrimin e tij kundër qasjes së ish kryeministrit të Kosovës Ramush Haradinaj.

Zoti Haradinaj tha ndërkaq se “është i kuptueshëm frustrimi i Edi Ramës ndaj meje. E di që nuk ma fal dot që ia prisha planin serbomadh. Edi Rama pas kthimit nga Moska, vepron pa humbur kohë në zbatimin e këshillave të Lavrovit. Uroj që Kryeministri Kurti të vazhdojë rrugën time të bllokimit të shtegut të Edi Ramës e të tjerëve për copëtimin e Kosovës dhe fuqizimin e Serbisë e Rusisë në rajonin tonë, duke mbajtur taksën deri në kontratën finale për njohje. Të tjerat janë tashmë histori”, shkroi ai. zëri i amerikës

Ballafaqimet e para të Albin Kurtit me realitetin e hidhur! – Nga Florim Zeqa

 

Menjëherë pas publikimit nga ana e kryeministrit Kurti i marrëveshjes së nënshkruar në Bruksel që e ndalon shkuarjen e FSK-së në Veri pa lejën e KFOR-it, në mediat elektronike vërshuan kërkesat për shkarkimin e presidentit Thaçi për fshehje të sekretit shtetëror!
Mbase një marrëveshje e tillë edhe mund të mirret shkas si për inicimin e mocionit për shkarkimin e presidentit Thaçi, kur dihet që janë më shumë se një marrëveshje të nënshkruara në Bruksel që e ngarkojnë me përgjegjësi politike Hashim Thaçin.
Por, fillimisht duhet sqaruar se marrëveshja e nënshkruar në Bruksel, që FSK të mos shkojë në Veri pa marrë leje nga KFOR-i nuk është sekret, por realitet i hidhur për Kosovën.
Prandaj këtu nuk kemi të bëjmë me asnjë lloj zbulimi të sekretit, por të dokumentit që ekziston prej kohësh në sirtarët e KFOR-it dhe të qeverisë së Kosovës.
Për t’i vërtetuar gjërat akoma më tepër dhe më qartë, Albin Kurti duhet të shikoj marrëveshjen më të re në mes NATO-së dhe FSK-së me rastin e fillimit të procesit (10 vjeçar) të transformimit të FSK-së në ushtri, në dhjetorin e vitit 2018, e cila përcakton qartë kompetencat e FSK-së, e tek pastaj të flet për zbulim “sekretesh”.
Kosova edhe pse e shpallur si shtet i pavarur dhe sovran, tani e 12 vjet nuk e ushtron sovranitetin e plotë në veri të vendit shkaku i Rezolutës 1244 dhe rolit të KFOR-it si garantues i vetëm i paqes dhe sovranitetit të Kosovës sipas rezolutës në fjalë.
Publikimi nga ana e kryeministrit Kurti e marrëveshjes së nënshkruar në Bruksel që FSK të mos shkojë në Veri pa marrë leje nga KFOR-i, është vetëm fillimi i ballafaqimit të Kurtit me realitetin e krijuar në Kosovë pas 17 shkurtit 2008, përkatësisht pas fillimit të dilaogut Kosovë-Serbi në Bruksel, ku janë nënshkruar një mori marrëveshjesh akoma më të dëmshme për shtetin sesa marrëveshja për mos shtrirjen e FSK-së në Veri.

Rrëshqitjet e Kosovës nga dialogu i pabarabartë

Nga procesi i dialogut në mes Kosovës dhe Serbisë i filluar me 8 mars 2011 si i ashtuquajtur si dialog teknik, i kthyer në dialog politik me 19 tetor 2012, nga ajo kohë e deri më tani janë arritur 33 marrëveshje.
Dialogu i pa barabartë dhe pa kushte mes Kosovës dhe Serbisë, i ka shërbyer dhe i ka shkuar për shtati vetëm njërës palë. I ka shërbyer me të madhe Serbisë për rehabilitimin e krimeve të kryera gjatë periudhës së luftës në Kosovë si dhe përafrimin e saj drejt anëtarësimit në Bashkimin Evropian.
Për dallim nga Serbia, Kosova jo vetëm që nuk ka përfituar diçka me vlerë, është dëmtuar në shumë aspekte.
Nga kalimi i dialogut teknik në dilaog politik, Kosova ka pranuar rrëshqitjen drastike nga shtetësia e saj, duke e pranuar fusnotën * në vend të emrit Republikë, pra denominimin e vetëm si ‘Kosova*’ në të gjitha përfaqësimet e Kosovës në takimet rajonale dhe ato ndërkombëtare, përkatësisht në takimet e Kosovës me institucionet e BE-së të bëhen jo si shtet i pavarur, por si subjektivitet sipas Rezolutës 1244 të KS të OKB-së.
Momenti tjetër kulmor i rrëshqirtjes së Kosovës nga shtetësia e saj vjen me marrëveshjen e 19 prillit 2013, përkatësisht të 25 gushtit 2015, ku liderët shtetërorë të Kosovës (Hashim Thaçi e Isa Mustafa) e nënshkruan marrëveshjen për krijimin e Asociacionit të Komunave Serbe me kompetenca ekzekutive, e cila e shkelë sovranitetin dhe cenon integritetin territorial të Republikës së Kosovës.
Edhe përkundër arritjes së 33 marrëveshjeve teknike dhe politike në Bruksel, Serbia nuk e ka zbatuar në plotni asnjërën prej marrëveshjeve të arritura, ndërsa Kosova i ka plotësuar të gjitha pa asnjë hezitim.
Koj situatë paradoksale, e ka motivuar Serbinë që në vahzdimësi t’i vëjë kushte të reja Kosovës, si dhe ta pengojë në të gjitha nismat e anëtarësimit në UNESCO dhe INTERPO, e të mos flasim sa shumë e ka larguar Kosovën në rrugën e anëtarësimit në BE dhe OKB pas tërheqjes së 18 njohjeve nga shtete të ndryshme të botës!

Të mos bëhet taksa mollë sherri për përqarje të brendshme

Pavarësisht faktit se vënja e taksës ishte bërë kokë në vete nga ish kryeministri Haradinaj apo në koordinim me ish partnerët qeverisës, heqja eventuale e taksës nuk guxon të ndodhë kokë në vete. Përveq koordinimit mes partnerëve të koalicionit qeverisës, duhet koordinim edhe me opozitën dhe faktorët tjerë relevant vendor.
Anashkalimi dhe mos pjesëmarrja eventuale e opozitës në një temë kaq të ndjeshme, mund të shkaktojë dëme të pariparueshme në planin e brendshëm dhe e dobëson pozicionin e Kosovës në finalen e bisedimeve me Serbinë.
Vetëm uniteti politik dhe një ekip gjithëpërfshirës në bisedime mund të sjellë rezultatet e pritura dhe ruajtjen e raporteve të mira me faktorin ndërkombëtar.
Për arritjen e çfarëdo marrëveshje nuk mjafton vetëm vullneti i mirë i njërës palë. Do të ngelet krejtësisht i pamjaftueshëm vullneti i mirë dhe gatishmëria vetëm e Kosovës për normalizim të marrëdhënjeve dhe zgjidhjes së mosmarrëveshjeve ekonomike, tregtare dhe politike me Serbinë.
Për këtë duhet të dëshmohet edhe vullneti i palës tjetër, në këtë rast e Serbisë, e cila paraprakisht çdo gjëje, duhet ta bëj kërkimfaljen publike për të gjitha të bëmat ndaj popullatës shqiptare para dhe gjatë luftës në Kosovë, për të vazhduar me pagimin e dëmeve të luftës, kthimin e fondit të grabitur pensional, artefakteve e shumçka tjetër.

Taksa duhet ta ketë një çmim

Meqë po kërkohet me ngulm nga BE dhe SHBA heqja e taksës para rifillimit të dialogut me Serbinë, pse të mos e shfrytëzojmë rastin, që edhe ne të marrim diçka në këmbim të taksës; bie fjala, nga BE-ja të kërkojmë liberalizimin e vizave për qytetarët kosovarë apo nga SHBA-ja të kërkojmë që të inicojë në KS të OKB-së nxjerrjen e një rezolute të re që hedhë poshtë Rezolutën 1244 e Këshillit të Sigurimit, e cila e njehë Kosovën si pjesë të Jugosllavisë, përkatësisht Serbisë.
Sikurse BE-ja ashtu edhe OKB-ja janë përgjegjëse për izolimin 21 vjeçar të Kosovës dhe 12 vjet si shtet i pavarur. Nuk është koha të merremi me njëri-tjetrin, as ta luajmë lojën e “patriotit” e “tradhtarit”, por të ballafaqohemi me realitetin e krijuar në shtetin në inkubator.
Kosova me protektorat ndërkombëtar tani e 21 vjet më parë, si dhe 12 vjet të shtetit të njohur ndërkombëtarisht, po mbahet e vetme në izolim të hekurt nga bota e lirë dhe demokratike.
Të mos provohet tani pas gjithë këtyre viteve të zbulohet “uji i nxehtë”, por të provohet të ndryshohet realiteti i krijuar në shtetin me sovranitet të dyfisht.

O’Brien: Trump i gatshëm të asistojë për marrëveshjen Kosovë-Serbi

Shtetet e Bashkuara të Amerikës janë duke bërë përpjekje intensive që të shtyjnë Kosovën dhe Serbinë drejt një marrëveshje finale sa më shpejtë që të jetë e mundur. Për një gjë të tillë kanë emëruar dy Përfaqësues Special, dhe kanë shtyrë Prishtinën dhe Beogradin drejt arritjes së tri marrëveshjeve për rikthimin e linjës ajrore Prishtinë-Beograd, hekurudhë dhe për autostradë.

E për momentumin e krijuar pas këtyre marrëveshjeve Kosovë-Serbi është diskutuar edhe në Washington në një takim të kreut të shtetit, Hashim Thaçi, dhe këshilltarit të presidentit të SHBA’së për Siguri Kombëtare, Robert O’Brien, raporton Gazeta Express.

Pas këtij takimi në një njoftim të lëshuar nga National Security Council, thuhet se Presidenti i SHBA’së dhe Administrata e tij janë të gatshëm të asistojnë mes Kosovës dhe Serbisë për të arritur një marrëveshje nga e cila do të përfitonin qytetarët e dy shteteve.

“Këshilltari për Siguri Kombëtare ka takuar presidentin e Kosovës, Hashim Thaçi për të diskutuar rreth momentumit të krijuar pas marrëveshjeve me Serbinë për linjën ajrore, hekurudhën dhe autostradën. Presidenti Donald Trump dhe Administrata e tij janë të gatshëm të asistojnë tek të dy palët për arritjen e një marrëveshje nga e cila do të përfitonin njerëzit në Serbi dhe Kosovë”, thuhet njoftimin e NSC, raporton Gazeta Express.

Megjithatë hovi i SHBA’së për arritjen e një marrëveshje po ngadalësohet nga zhvillimet në Kosovë e Serbi. Kryeministri i ri i Kosovës, Albin Kurti, është duke rezistuar që të heq plotësisht taksën pas vendos asnjë kusht tjetër. Një gjë e tillë nuk është pritur fare mirë nga emisari i Trump për dialogun, Richard Grenell, i cili ka thënë se Albin Kurti po bën një gabim serioz.

Ndërkohë në Serbi në muajin prill do të organizohen zgjedhjet e përgjithshme për vendosjen e institucioneve të reja, zhvillim ky i cili pritet që të shtyjë edhe më tej arritjen e marrëveshjes.

Se duhet pritur përfundimi i zgjedhjeve në Serbi për të rinisur negociatat me Beogradin e ka thënë edhe kryeministri i Kosovës, Albin Kurti.

Thaçi: Tarifat të hiqen sepse po e izolojnë Kosovën

Presidenti i Kosovës, Hashim Thaçi, bëri thirrje të premten që të hiqen tërësisht tarifat ndaj mallrave serbe, duke theksuar se Kosova duhet të marr vendim që i japin fund izolimit.

Në një shkrim në rrjetet sociale ai shkruan se “kokëfortësia, mungesa e veprimeve dhe e vendimeve të mençura, e ka thelluar izolimin e Kosovës dhe ka prishur në mënyrë të ndjeshme raportet tona speciale me SHBA-në. Mbetja në fuqi e tarifës është pengesë serioze dhe e pamundëson bashkëpunimin strategjik dhe investimet e reja të fuqishme amerikane në Kosovë”.

Ai tha se nevoja që me urgjencë të merren vendimet e duhura ishte kërkesë dhe mesazh kryesor në takimin me sekretarin amerikan të Shtetit, Mike Pompeo dhe me Këshilltarin për Siguri Kombëtare Robert O’Brien.

“Edhe kërkesa ime e qartë si president për qeverinë, për spektrin politik dhe mbi të gjitha për qytetarët e Kosovës është që pa humbur kohë të merren vendimet e duhura strategjike, të cilat i japin fund izolimit, i hapin mundësi dialogut për arritjen e marrëveshjes përfundimtare dhe e forcojnë miqësinë e përhershme dhe bashkëpunimin strategjik me SHBA-në. Hezitimi eventual për vendime të shpejta, të mençura, të plota e jo të pjesshme është i panevojshëm, sepse këto vendime janë rruga e vetme për t’i arritur qëllimet tona shtetërore dhe strategjike”, shkroi presidenti Thaçi.

Kryeministri i Kosovës, Albin Kurti, tha të enjten se do të fillojë heqjen e kushtëzuar të tarifave prej 100 për qind ndaj mallrave serbe, që u vendosën në nëntor të vitit 2018 në shenjë kundërvënieje ndaj qasjes së Serbisë ndaj shtetësisë së Kosovës.

Ai tha se nga 15 marsi do të hiqen tarifat në lëndën e parë si shenjë e vullnetit të mirë dhe nëse Serbia i jep fund fushatës për tërheqjen e njohjeve të Kosovës, më 1 prill do të hiqen tërësisht tarifat për një periudhë 90 ditëshe.

Lidhja Demokratike e Kosovës, pjesë e koalicionit qeverisës, tha se qëndrimi i tillë nuk është bashkërenduar me të dhe se ajo nuk do ta votojë miratimin e tij.

Ambasadori Richard Grenell, i dërguar i posaçëm i presidentit Donald Trump për bisedimet Kosovë – Serbi, tha të enjten mbrëma se Shtetet e Bashkuara nuk i mbështesin masat gjysmake të kryeministrit Albin Kurti dhe se qëndrimi është amerikan është që tarifat duhet të hiqen tërësisht.

Bashkimi Evropian u shfaq me qëndrim më të butë duke mirëpritur vendimin e kryeministrit Kurti, si hap i parë drejt heqjes së tërësishme të tarifave ndaj mallrave serbe.

Zëdhënësi i Komisionit Evropian, Peter Stano, tha se Brukseli po pret të mësojë më shumë hollësi, por e mirëpret vendimin si një hap të parë që mund të ketë një efekt pozitiv në rivendosjen e tregtisë rajonale dhe të ofrojë një mundësi për rifillimin e bisedimeve ndërmjet Beogradit. zëri i amerikës

Albin, a ta mbajmë apo ta n’shojmë veriun e vendit!? – Nga Florim Zeqa

Në këtë shkrim nuk do të merrem me takimin e kryeministrit Kurti me kryeministren e Serbisë, Ana Bërnabiç në Samitin e BERZH-it në Londër, se pse ishte ulur afër dhe çfarë i ka kërkuar asaj, as me rezultatet e punës së qeverisë, për shkak se është tepër herët për të dhënë vlerësime për punën e qeverisë së re, por do të flas për disa çështje të cilat duhet të tërheqin vëmendjen kryeministrit të ri, Albin Kurti.

Pas hapave të vegjël, priten vendime të mëdha për vendin

Pajtoj me mendimin e kryeministrit Kuri, se nuk mund të arrihen rezultate brenda një dite dhe një jave, por brenda një ore dhe një dite të vetme mund të mirren vendime të rëndësishme për vendin.
Janë për t’u përshendetur nismat e mbara të kryeministrit Albin Kurti, filluar nga përgjysmimi i pagave për kabinetin qeveritar, shkarkimin e 14 konsujve të emëruar jashtëligjshëm, anulimin e disa tenderëve të dhënë po ashtu jashtëligjshëm gjatë periudhes së qeverisjes së kaluar. Por këta hapa janë tepër të vegjël në raport me shumë çështje të hapura dhe të mbyllura nga paslufta e deri në ditët e sotme.
Në vitet e para të pas luftës, të gjitha qeveritë dhe partitë politike erdhën dhe u larguan nga pushteti pa përmbushjen e premtimit elektoral për bashkimin e Mitrovicës së ndarë me 12 Qershor 1999 nga forcat ruso-franceze të KFOR-it. Pas 17 Shkurtit 2008, të gjitha qeveritë e Kosovës përveq zbehjes së këtij premtimi deri në anashkalim, partitë politike në pushtet erdhen me premtimin për liberalizim të vizave dhe me kauzën e Demarkacionit me Malin e Zi.
Fillimi i dialogut Kosovë-Serbi në Bruksel e shënon fillimin e ri të iluzioneve për bashkimin e qytetit të ndarë të Mitrovicës. Dy marrëveshjet e nënshkruara në Bruksel për Asociacionin e Komunave Serbe (Zajednica) nga dy ish kryeministrat paraprak, përkatësisht ajo e nënshkruar nga Hashim Thaçi me 19 Prill 2013 dhe Isa Mustafa me 25 Gusht 2015 i kanë vënë thëmelet e autonomisë së Zajednicës serbe në veri të vendit dhe lidhjes asimetrike me komunat serbe në brendi të vendit.

Karta e Zajednicës e ka trimëruar Serbinë

Zajednica serbe me kompetenca ekzekutive në një mënyrë e legjitimon ndarjen e veriut të vendit. Me “kartën” e Zajednicës në xhep, Serbia i ka shtuar akoma më shumë apetitet grabitçare për shtrirje më të thellë në brendi të Republikës së Kosovës.
Si rezultat i atyre dy marrëveshjeve të nënshkruara në Bruksel nga dy ish kryeministrat kosovarë, përgjatë dy viteve të fundit janë hartuar platforma gjeo-politike, plane të fshehta dhe të hapura për ndarjen përfundimtare të pjesës veriore të Kosovës.
Siq dihet, në mes të këtij plani, qeveria e kaluar me rekomandim të disa parnterëve ndërkombëtar e instaloj Taksën 100 % politike, kinse si masë masë ndëshkimore ndaj Serbisë, e cila u bë pretekst për ndërprerjen e dialogut të Brukselit.
Mirëpo, kjo ndërprerje e dialogut i ka intesifikuar akoma më tepër takimet e fshehta mes dy palëve, si dhe ka prodhuar takime tjera në nivel ndërkombëtar të liderëve serb dha atyre shqiptarë, siq ishte ai i Berlinit dhe Parisit vitin e kaluar, nga të cilat takime është avancuar ideja e shkëmbimit të territoreve, përkatësisht gllabërimi i pjesës veriore nga Serbia.

Arusha nuk trembet me shoshë

Sado që kryeministri Albin Kurti po mundohet t’i mbulojë problemet që ka para vetës me deklarata bombastike dhe reciprocitet, nuk do mund t’u ikë temave të hapura, për të cilat bashkësia ndërkombëtare është duke kërkuar zgjidhje të shpejtë dhe pa kushte.
Nëse Albin Kurti ka menduar mirë deklaratën bombë në takimin e Mynihut të Gjermanisë në përballje me presidentit serb, Aleksandër Vuçiq, “Serbia duhet të çlirohet nga Kosova”, atëherë paraprakisht “çlirimit të Serbisë nga Kosova”, Albin Kurti duhet ta çlirojë veriun e vendit nga paramilitarët serb dhe bandat kriminale, në të kundërtën sovraniteti i shtetit të Kosovës rrezikon të përfundojë shpejtë tek Ura e Ibrit në Mitrovicë.
Meqë është kështu, atëherë pa humbur kohë, Albin Kurti duhet të ndërmerr veprimet e duhura për të dëshmuar lidershipin e tij, ashtu siq konsiderohet në popull, si politikan që mbanë fjalën dhe premtimet, e jo të bie në nivelin e politikanëve mashtrues.
Nuk është koha e fjalëve të medha dhe kauzave të rrejshme, por është koha e veprimeve konkrete, për arsye se është momenti më i ndjeshëm nga përfundimi i luftës, më kruciali pas 17 shkurtit 2008.
Përpara çdo fjale apo veprimi kërkohet maturi dhe pjekuri politike, pragmatizëm dhe syqeltësi para çdo situate, e mbi të gjitha kërkohet unitet i faktorit politik dhe qytetar, për shkak se çështja sovranitetit dhe territorit të vendit është e të gjitheve, pra e pozitës dhe opozitës, e të gjithë qytetarëve të vendit dhe e mërgimtarëve që jetojnë me mijëra kilometra larg atdheut.
Ashtu sikurse 21 vjet më parë që na u dasht ndihma e bashkësisë ndërkombëtare për çlirim nga Serbia, edhe tani na duhet ndihma e miqve për ta përmbyllur çështjen e hapur të veriut të vendit.

Thirrje e sinqertë për kryeministrin Kurti

I nderuari kryeministër i vendit tim, Albin Kurti, kërkojë nga ju që të jeni transparent në veprime dhe i sinqertë në deklaratat politike. Nuk ka taksë dhe as reciporcitet që na e zgjidhë çështjen e veriut të vendit, sikurse që nuk ka forcë që na bashkon më shumë sesa sinqeriteti dhe transparenca e veprimeve politike.
Nëse e mendoni që e keni forcën bashkoni Mitrovicën dhe veriun në përgjithësi, mjafton një thirrje e juaja si kushtrim për të gjithë shqiptarët, në të kundërtën, bëni mirë ta thoni të vërtetën, qoftë ajo edhe e hidhur, që të lirohemi nga stresi dhe ankthi i së ardhmës së pasigurtë në Republikën e Kosovës.
Nëse keni vizion për ta bashkuar qytetin e ndarë të Mitrovicës, atëherë para anulimit të çdo vendimi tjetër, duhet të merrni vendim për anulimin e dy marrëveshjeve të nënshkruara në Bruksel nga Hashim Thaçi e Isa Mustafa për themelimin e Zajednicës me kompetenca ekzekutive, në të kundërtën, bëni mirë t’ua tregoni të vërtetën qytetarëve të vendit, se çka fshihet pas zgjidhjes finale me Serbinë.
Zoti kryeministër, të jeni i qartë, konkret dhe i sinqertë përpara qytetarëve të vendit, se a jemi të gatshëm ta mbajmë veriun e vendit apon ta n’shojmë në mëshirën e ndërkombëtarëve!?
Janë pak më tepër se shumë 21 vjet të humbura për Kosovën, nuk guxojmë të humbim më asnjë ditë të vetme dhe asnjë javë, për shkak se muajt dhe vitet vlejnë dekada dhe shekuj për Kosovën.
Zgjidhja e problemit të veriut të vendit dhe mbyllja e kapitullit shekulor me Serbinë, përveq zgjidhjes së shumë problemeve zinxhirore, hapë përspektivën e sigurtë të investimeve kapitale dhe determinon zhvillim të shpejtë dhe stabilitet qëndrueshëm ekonomik të Republikës së Kosovës.
Per dallim nga marrëveshja e Demarkacionit me Malin e Zi, e ratifikuar në Kuvendin e Kosovës, varianti final i marrëveshjes me Serbinë, para çdo lloj nënshkrimi duhet të kaloj në referendum popullor, e tek pastaj të ratifikohet në Kuvendin e Kosovës, e assesi nuk guxon të mbetet çështje inividuale e presidentit, kryeministrit apo cilit do lider shtetëror.
Janë edhe shumë tema tjera të ndjeshme për vendin, me të cilat dhe për të cilat duhet të merret kryeministri i vendit, por pa dyshim “alfa dhe omega” e të gjitha problemeve mbetet pjesa veriore e vendit, pa zgjidhjen e së cilës Kosova do të mbetet vrimë e zezë në zemër të Ballkanit, pa liberalizim të vizave dhe pa asnjë përspektivë zhvillimore dhe integruese në organizatat prestigjioze ndërkombëtare (OKB, BE, INTERPOL, etj.).

Kurti: Jam koordinuar me LDKnë për heqjen e tarifës

Kryeministri i Kosovës, Albin Kurti, ka njoftuar sot, në një konferencë për media, vendimin e qeverisë që udhëheq për heqjen e pjesshme të tarifës prej 100 për qind ndaj mallrave nga Serbia dhe nga Bosnja e Hercegovina.

Kurti ka thënë se për vendimin e marrë është dakorduar paraprakisht me partnerin e Lëvizjes Vetëvendosje në qeverisjen e vendit, Lidhjen Demokratike të Kosovës.

Ai ka bërë të ditur se e ka njoftuar zëvendëskryeministrin e parë të vendit, Avdullah Hoti, për shpalljen e vendimit.

“Në vija të trasha e kam njoftuar se sot do të dal me qëndrimin sa i përket reciprocitetit në njërën anë, dhe heqjes së tarifës 100 për qind për lëndën e parë që vjen nga Serbia, në anën tjetër”, ka thënë Kurti.

“Ne, me konceptin e reciprocitetit, kemi garuar në shtator dhe tetor të vitit kaluar. Kemi fituar më 6 tetor, e kemi përfshirë në programin e qeverisjes së përbashkët si partnerë të koalicionit në tetor dhe nëntor të vitit të kaluar”, është shprehur ai.

“Është politikë e jona. Është princip i rregullimit të raporteve të shëndosha”, ka deklaruar Kurti.

“Edhe nga takimi që kam pasur sot, edhe me bashkëpunimin e deritanishëm, natyrisht që jemi të harmonizuar dhe jemi bashkë”, ka shtuar Kurti.

“E theksoj edhe njëherë që hapin e parë po e bëjmë ne, gjestin e parë të vullnetit të mirë po e bëjmë ne, duke hequr tarifën…”, ka thënë ai më tej.

Kurti ka njoftuar se ministrit të Financave dhe Transfereve i ka “dhënë detyrë që nga Doganat e Kosovës të marrë të gjitha kodet doganore të lëndës së parë që importohet nga Serbia, që të njëjtat të mos e paguajnë më tarifën 100 për qind”. /Express/

Kryeministri e heq pjesërisht dhe me kushte taksën ndaj mallrave serbe

Kryeministri i Kosovës, Albin Kurti, përmes një konferencë për media, ka njoftuar se Qeveria e Kosovës ka vendosur ta heqë taksën pjesërisht dhe me kushte ndaj mallrave serbe.

Kurti ka vendosur ta heqë tarifën për lëndën e parë që importohet nga Serbia dhe Bosnia e Hercegovina duke filluar nga data 15 mars.

“Nga 15 mars të hiqet tarifa për lëndën e parë që importohet nga Serbia dhe Bosnia e Hercegovina”, është shprehur Kurti.

“Kjo si shenjë për gatishmëri për marrëveshjen ekonomike tregtare me Serbinë. Ftojmë Serbinë që të zotohet që ta ndërpresë fushatën për çnjohjen e pavarësisë së Kosovës”, ka thënë Kurti.

E nëse Serbia vazhdon fushatën miqësore, atëherë nga data 1 prill tarifa do të hiqet tërësisht për një periudhë 90 ditëshe.

“Nëse pala serbe dëshmon përkushtim të mirëfilltë në këtë fushatë miqësore, atëherë duke filluar nga data 1 prill 2020, do ta heqë tërësisht tarifën për një periudhë 90 ditëshe”, ka thënë Kurti.

Gjithashtu, Kurti kushtëzoi edhe Bashkimin Evropian dhe Shtetet e Bashkuara të Amerikës.

“BE’ja ta zhvillojë lart këtë veprimin tonë, duke filluar liberalizimin e vizave. Në rast se Serbia nuk e përfill vullnetin e Qeverisë së Kosovës për eliminim e barrierave ekonomike, atëherë Qeveria e Kosovës me fillim nga data 1 prill do të nisë me implementimin e reciprocitetit, njëherë në fushën e tregtisë e më pas në fushën ekonomike e politike”, ka thënë Kurti.

Tutje, Kurti thotë se nëse Serbia nuk reflekton, tarifa do të rikthehet përsëri.

“Nëse pala serbe nuk reflekton përsëri, atëherë qeveria e Kosovës me fillim nga data 15 qeshor do ta rikthejë tarifën përsëri”.

“Reciprociteti i plotë tregtar instalohet pas 15 qeshorit”, shtoi Kurti.

Kryeministri Kurti del në konferencë për media në orën 18.30

Kryeministri Albin Kurti ka thirrur konferencë të jashtëzakonshme për media, njofton Zyra e tij.

Pasi e anuloi mbledhjen e Qeverisë, që ishte planifikuar të mbahej sot në orën 16:00, kryeministri do të deklarohet për media sonte në orën 18:30.

Kështu ka njoftuar Zyra e tij, ndërsa mbledhja e anuluar sot, do të mbahet të premten në mesdite.

Express ka raportuar se ka përplasje mes dy partnerëve qeveritarë LDK’ja dhe Lëvizja Vetëvendosje për shkak të qëndrimeve për heqjen e taksës ndaj produkteve serbe.

Zëvendëskryeministri Avdullah Hoti ka kërkuar sot që të hiqet taksa dhe të mos rrezikohet partneriteti me Shtetet e Bashkuara të Amerikës. /Express/

Albin Kurti i kthen përgjigje SHBA-ve: Nuk e heqim taksën

Kryeministri Albin Kurti i ka kthyer përgjigje negative kërkesave të Shteteve të Bashkuara të Amerikës për heqjen e tarifës ndaj produkteve serbe. Kësisoj priten pasoja të mëdha për Kosovën.

Burime të Gazetës Express nga Shtetet e Bashkuara kanë treguar se në fund të javës, Richard Grenell, Shef aktual i të gjitha shërbimeve sekrete amerikane dhe ndërmjetësues mes Kosovës dhe Serbisë, do ta shqyrtojë situatën lidhur me heqjen apo jo të tarifës nga qeveria e Albin Kurtit.

Kurti tashmë u është përgjigjur amerikanëve negativisht. SHBA-tëa planifikojnë të merren masa, ndërsa vetëm tërheqja e njohjes nuk është një nga opsionet për “ndëshkim”. Nuk dihet saktësisht se çka që do të ndërmarrë Amerika, megjithatë suspendimi i investimeve dhe aktiviteteve tjera që ndihmojnë Kosovën për 20 vjet, mund të jetë disa nga masat.

Kryeministrit Kurti i kanë kërkuar heqjen e tarifës shumë zyrtarë të lartë amerikanë, përfshirë edhe sekretarin amerikan të Shtetit, Mike Pompeo. Kërkesa të njëpasnjëshme ka bërë edhe emisari i presidentit Donald Trump, Richard Grenell, për dialogun Kosovë – Serbi, i cili është emëruar edhe ushtrues detyre i shefit të 17 agjencive të inteligjencës në SHBA. bw

Qeveria paralajmëron mbajtjen e një takimi për të vendosur për taksën

Arton Konushevci

Qeveria e Kosovës ka paralajmëruar se do të mblidhet së shpejti për të marrë vendimin në lidhje me taksën apo tarifën doganore të vendosur ndaj importeve nga Serbia dhe Bosnje e Hercegovina. Vendimi për tarifën doganore prej 100 për qind ishte marrë në nëntor të vitit 2018, nga qeveria e kaluar e Kosovës, e ish-kryeministrit Ramush Haradinaj.

Qeveria aktuale e kryeministrit Albin Kurti ka paralajmëruar heqjen e taksës dhe vendosjen e reciprocitetit të plotë ndaj Serbisë.

Vendimi i qeverisë në lidhje me taksën, po paralajmërohet pas thirrjeve të vazhdueshme të Shteteve të Bashkuara të Amerikës që taksa të shfuqizohet në mënyrë që të vazhdojë dialogu për arritjen e një marrëveshjeje paqësore me Serbinë.

Sekretari amerikan i Shtetit, Mike Pompeo, sipas një komunikate për media të lëshuar pas takimit me presidentin e Kosovës, Hashim Thaci, ka theksuar se pret që Kosova të heqë tarifën ndaj mallrave serbe dhe të shfrytëzojë momentumin e krijuar pas nënshkrimit të dokumenteve për krijimin e lidhjeve ajrore, hekurudhore dhe tokësore midis Prishtinës dhe Beogradit.

Zëvendëskryeministri i Kosovës, Haki Abazi, tha për Radion Evropa e Lirë, se qeveria planifikon të mbajë një takim ku përveç çështjes së tarifës, do të diskutohet edhe për realizimin e planit qeverisës që rrjedhë nga marrëveshje e koalicionit, ndërmjet Lëvizjes Vetëvendosje dhe Lidhjes Demokratike të Kosovës.

Abazi, tha se Qeveria e Kosovës po punon që të tejkalojë çështjet e hapura dhe se sipas tij, çështja e heqjes së tarifës po shikohet me kujdes.

“Në përgatitjen e planit qeverisës, i cili është në finalizim, është që të kemi qasje të përgjithshme përfshirë edhe marrëdhëniet në rajon, po në mënyrë specifike, në kalimin nga tarifa për mallrat serbe dhe boshnjake në reciprocitet për të përdorur këtë si instrument të njohur përbrenda marrëdhënieve ndërkombëtare”, tha Abazi.

Megjithatë, ai tha se ende nuk mund të tregohet një datë se kur do të largohet taksa, por theksoi se Qeveria e Kosovës , po punon që t’i mbyll çështjet e hapura dhe jo të hap çështje të reja në rrafshin e dialogut mes Kosovës dhe Serbisë.

Qeveria e re e kryeministrit Albin Kurti, ka marrë mbështetjen e SHBA-së e BE-së për heqjen e tarifës 100 për qind ndaj importeve nga Serbia, por kjo përkrahje i ka munguar në tentativën e proklamuar që taksën ta zëvendësojë me vendosjen e masës së reciprocitetit të plotë ndaj Serbisë.

I dërguari i Shtëpisë së Bardhë për dialogun në mes Kosovës dhe Serbisë, ambasadori Richard Grenell, para më shumë se një jave ka shkruar në Twitter se Kosova duhet të heqë tarifën, pa vënë masa tjera në mënyrë që të evitohen barrierat për bizneset dhe ekonominë.

Në anën tjetër, zëvendëskryeministri Abazi thotë se Qeveria do të jetë e kujdesshme me vendimet që do të merr.

“Lëvizjet duhet të jenë në një paralelizëm të veprimeve konstruktive për të arritur në një fazë tjetër [të dialogut] e cila nuk është vetëm edhe një cikël i pafund i diskutimeve, por determinim i vullnetit politik dhe i fqinjësisë së mirë, që të përfundohet njëherë e mirë e përgjithmonë problemi i marrëdhënieve Kosovë-Serbi”, tha Abazi.

Kryeministri i Kosovës, Albin Kurti, tha një ditë më parë se “masa e reciprocitetit nuk është për hakmarrje e as nga inati”, por siç u shpreh ai, vendoset për shkak se Kosova ndihet e diskriminuar dhe kërkon të trajtohet e barabartë.

Kurse, zëvendësi i tij, Haki Abazi thotë se vendosja e reciprocitetit, është qasje pragmatike.

Ndërkaq zëvendëskryeministri i parë i Kosovës, Avdullah Hoti, i cili vjen nga radhët e Lidhjes Demokratike të Kosovës, në një postim në Facebook është shprehur se para Kosovës është një proces sfidues i arritjes së Marrëveshjes së paqes me Serbinë, që sipas tij, si konkluzion ka njohjen reciproke, siç edhe shprehet Sekretari Pompeo në letrën e fundit për Qeverinë e Kosovës.

“Ballafaqimi me këtë proces është domosdoshmëri e jona, por edhe kërkesë e miqve tanë që na kanë përkrahur për 30 vite rresht, nga kërcënimet e Kërshëndellave e deri tek bombardimet e NATO-s e shpallja e pavarësisë”.

“Kjo marrëveshje arrihet vetëm përmes një procesi dinamik dialogues të udhëhequr nga Qeveria e Republikës së Kosovës. Ne, si Qeveri me legjitimitet të plotë qytetarë, do të jemi pjesë e zgjidhjes (të mirë) për vendin. Pengesat e vetëshkaktuara që na përjashtojnë nga ky proces nuk na ndihmojnë, përkundrazi”, ka shkruar Hoti pos tjerash në Facebook.

Kryetari i partisë më të madhe opozitare, Partisë Demokratike të Kosovës, Kadri Veseli ka kritikuar kryeministrin Kurti, duke u shprehur se ka disa ditë që në publik po problematizohet seriozisht çështja e tarifës dhe e takimeve të Albin Kurtit me përfaqësuesit e shtetit serb.

“Paragjykimet për këto dy tema, në fakt, janë standard i vënë nga vetë ai dikur. Ky debat në publik i duhet pikërisht atij, që të manipulojë duke i ikur vendimmarrjes dhe përgjegjësisë shtetërore. Por, kjo nuk i duhet sot Kosovës”, ka shkruar pos tjerash Veseli.

Përparim Kryeziu nga Grupi për Studime Juridike e Politike, thotë për Radion Evropa e Lirë se në rast të rinisjes së procesit të dialogut ndërmjet Kosovës dhe Serbisë, duhet të sqarohen formati i bisedimeve, pasi që, sipas tij, deri tash ai format ka qenë i paqartë.

“Ne e kemi të qartë, duke u bazuar në premtimet, por edhe kërkesat e komunitetit ndërkombëtar që me t’u marrë vendimi për largimin e tarifës, konsiderohet se më nuk ka asnjë barrierë që dialogu të rifillon. Megjithatë, unë konsideroj se nëse vendimi për largimin e tarifës merret nëse ose pas nesër, konsideroj që do të fillojnë vetëm parapërgatitjet për takimet mes palëve të përfshira”, tha Kryeziu.

Kryeziu thekson se para rifillimit të dialogut, në rrafshin e brendshëm, duhet të ketë një unitet gjithëpërfshirës të spektrit politik. Kjo sipas tij shihet si një sfidë dhe disavantazh në raport me palën tjetër në dialog.

“Në situatën e tanishme është përgjegjësi e institucioneve udhëheqëse drejtuese qeverisëse që të kujdesen që kurdo që dialogu të rifillojë ata të jenë të gatshëm dhe paaftësia për të arritur një pajtueshmëri të mos jetë disavantash i shënuar dhe shumë i dëmshëm për zhvillimin e procesit të dialogut dhe përfundimisht për marrëveshjen dhe përmbajtjen e saj finale”, tha Kryeziu.

Shtetet e Bashkuara të Amerikës kanë caktuar tashmë dy diplomatë të saj që do të ndihmojnë dhe lehtësojnë dialogun në mes Kosovës dhe Serbisë, Mathew Palmer dhe Richard Grenell. Përderisa Bashkimi Evropian ka propozuar diplomatin sllovak, Mirosllav Lajçak, përfaqësues të posaçëm të BE-së për dialog.

Sipas burimeve të REL-it në Bruksel, shefi i politikës së Jashtme të BE-së, Joseph Borrell, u ka dorëzuar vendeve anëtare të BE-së emrin e Lajçakut si përfaqësues i ardhshëm i bllokut, i cili para së gjithash do të merret me normalizimin e marrëdhënieve midis Kosovës dhe Serbisë, por edhe me çështje të tjera në rajon.

Thaçi, pas takimit me Pompeon: SHBA, interesim i ri për Kosovën

Presidenti i Kosovës Hashim Thaçi tha pas takimit me Sekretarin e Shtetit Mike Pompeo në Departamentin e Shtetit se politika kosovare, partitë politike dhe qeveria duhet të orientohen dhe të marrin vendimet që i përkasin kultivimit të partneritetit strategjik me SHBA.

Duke komentuar për Zërin e Amerikës menjëherë pas takimit, ai tha se “është qëndrim i qartë i SHBA që Kosova ka nevojë të prodhojë argumente pozitive për të lehtësuar mbështetjen e SHBA-ve për zhvillimet në Kosovë, për zhvillimin e saj ekonomik.”

Ai tha se nuk është i arsyeshëm konfrontimi me dikë për të lënduar raportet strategjike me SHBA, NATO-n dhe Bashkimin Evropian. “Por para së gjithash ne jemi të bekuar me këtë interesim të ri dhe konkret të SHBA për Kosovën,” tha Presidenti i Kosovës.

Zoti Thaçi tha se i kërkoi Sekretarit Pompeo që roli udhëheqës i Shteteve të Bashkuara për arritjen e marrëveshjes përfundimtare mes Kosovës dhe Serbisë të vazhdojë. Ai tha se kishte marrë zotimin e tij e në të njëjtën kohë kishte shfaqur edhe zotimin e Kosovës “që të jemi sa më shpejtë pjesë e Natos, sepse kemi një ushtri profesionale dhe multietnike.”

Zoti Thaçi komentoi edhe për kritikat e kryeministrit Albin Kurti për atë që ai e quan shkelje të Kushtetutës nga zoti Thaçi kur ishte kryeministër lidhur me marrëdhëniet e FSK-së me NATO-n. Presidenti i Kosovës tha: “Kosova është e bekuar që ka Naton në Kosovë dhe ky partneritet vetëm sa do të avancohet derisa të jetë Kosova pjesë e Natos. Shqetësim për Kosovën është paranoja për Naton dhe jo prezenca e Natos.”

Presidenti Thaçi u prit gjithashtu me ceremoni në Departamentin e Mbrojtjes.

Kurti: Thaçi ka bërë shkelje me “marrëveshjen sekrete” me NATO-n

Kryeministri i Kosovës, Albin Kurti, tha të mërkurën se presidenti i Kosovës Hashim Thaçi e ka shkelur Kushtetutën gjatë kohës kur ishte kryeministër i vendit.

Ai i bëri këto komente duke shpalosur një letërkëmbim të muajit prill të vitit 2013 ndërmjet ish sekretarit të përgjithshëm të NATO-s, Anders Fogh Rasmussen dhe ish kryeministrit Thaçi, në të cilin zoti Thaçi zotohej se Forca e Sigurisë së Kosovës do të nuk do të hyjë në veriun e banuar me shumicë serbe “pa një pajtim paraprak” të forcave paqeruajtëse të NATO-s. Po ashtu sipas letërkëmbimit, për të siguruar pajtimin, forcat paqeruajtëse mund të këshillohen me komunitetin në veri.

Një pajtim i tillë mes Kosovës dhe NATO-s është përmendur në disa raste edhe nga sekretari i përgjithshëm i NATO-s Jens Stoltenberg, posaçërisht pas vendimit të parlamentit të Kosovës në dhjetor të vitit 2018 për të shndërruar Forcën e Sigurisë së Kosovës në ushtri të saj. Kjo u ritheksua edhe të mërkurën nga zyrtarët e NATO-s.

Kryeministri Albin Kurti tha e përmes kësaj marrëveshje kryeministri Thaçi në emër të Republikës së Kosovës, barti te KFOR-i të drejtën absolute të vetos mbi të gjitha misionet e ardhshme të Forcës së Sigurisë në veri të Kosovës, për një periudhë të paafatizuar.

Kryeministri Kurti i është drejtuar me një letër kryetares se Parlamentit të Kosovës Vjosa Osmani, për të informuar siç thuhet me “implikimet kushtetuese të shkëmbimit të letrave të datës 19 prill 2013”, duke përfshirë edhe një opinion të zyrës së tij ligjore rreth letërkëmbimit të cilin ai e quan marrëveshje të fshehtë.

“Marrëveshja është mbajtur fshehtë, bëhet fjalë për marrëveshje ndërkombëtare sipas opinionit të zyrës së kryeministrit, opinionit ligjor, tash e kanë 120 deputetë të Kuvendit të republikës edhe opinionin ligjor të zyrës së kryeministrit edhe letrën time dërguar kryeparlamentares Osmani edhe shkëmbimin e letrave midis ish kryeministrit dhe ish sekretarit të NATo-s. Pra, nuk është se ne do të marrim veprime tash, ne duam marrëdhënie shumë të mira me NATO-n dhe KFOR-in mirëpo duhet ta bëjmë transparente për ligjvënësit dhe për qytetarët e Republikës se nuk na paska qenë vetëm një marrëveshje por dy me 19 prill të vitit 2013”, tha kryeministri Kurti.

Kryeministri Kurti tha se letërkëmbimin e ka siguruar nga një zyrtar i NATO-s dhe se tani është në duar të deputetëve të parlamentit të vendosin për hapat e ardhshëm ndaj presidentit aktual.

“Unë nga çfarë kam parë këtu, besoj që kemi një rast të cilin duhet të trajtojnë organet e drejtësisë. Nuk mund të bëj edhe gjykatësin, unë po e bëj personin i cili po ju informon”, tha kryeministri Kurti.

Ndaj deklaratave të kryeministrit reagoi kryetari i Partisë Demokratike, Kadri Veseli që e cilësoi “shqetësues faktin që për herë të parë një Kryeministër i Kosovës i cilëson marrëveshjet me NATO-n në kundërshtim me interesat e Kosovës”.

Në llogarinë e tij në facebook, zoti Veseli shkroi se “sot, sovraniteti i Kosovës nuk rrezikohet nga NATO dhe marrëveshjet me NATO-n, por nga agresiviteti dhe kërcënimet e Serbisë. NATO është garanci e sovranitetit dhe integritetit të Kosovës”, shkroi ai.

Ndërsa, ish kryeministri Ramush Haradinaj bëri publike një letër të 9 janatrit të vitit 2019 në të cilin ai e njoftonte NATO-n për ndryshimin e mandatit të Forcës së Sigurisë në Ushtri të Kosovës. Zoti Haradinaj shkroi se “qëllimi i letrës ishte të njoftohet se pas votimit të ligjeve në Kuvend, zhvleftësohen kufizimet territoriale të letrës së ish-kryeministrit Thaçi të vitit 2013, dhe i bëhej ftesë NATO-s që përmes KFOR-it të nënshkruajë protokollin e të bashkëpunimit operacional, këtë herë pa kufizime territoriale”.

Letërkëmbimi kishte ndodhur në kohën kur Kosova dhe Serbia arritën marrëveshjet e para në kuadër të bisedimeve për normalizimin e marrëdhënieve ndërmjet tyre të ndërmjetësuara nga Bashkimi Evropian.

Kryeministri Kurti tha të mërkurën se nuk shpreh asnjë qëndrim për ose kundër marrëveshjes sa i përket përmbajtjes së saj dhe se e kupton dhe vlerëson rëndësinë e jashtëzakonshme të bashkëpunimit ndërmjet Kosovës dhe NATO-s për sigurimin e plotë të integritetit territorial të Republikës dhe të qytetarëve të saj, duke nënvizuar se nuk do të ndërmarrë asnjë hap që do të rrezikonte këtë aleancë të domosdoshme për sigurinë e Kosovës. zëri i amerikës

Grue, djali i ka ga rrogtarit – Nga Sinan Kastrati

                                                                                  

 

Nuk ka mëngjes që nuk ka lajme taze nga Kosova e nuk ka ditë që nuk festohet. Lajmet taze tash na servohen edhe në mbrëmje e natën.

Lajmet nga politika, janë më joshëse. Ndoshta pse ata që udhëheqin vendin, në politikë janë emra që tash, deshëm e s`deshëm ta pranojmë janë emra me stazh të gjatë.

Hashimi paska shkua në Amerikë e Albini bashkë me kryeministren e Serbisë, Bernabiç gu me gu në Londër, aty ku dikur ishte edhe Isa Boletini me dy alltia e Hashimi (në Rambuje) me dy bomba.

Lajmet nuk mbarojnë veçme Albinin, si kryeministër i ri e me Hashimin me një përvojë mbi 20 vjet në politikë.

Ajo që duhet të na shqetësoj të gjithëve, është sëmundja Koronavirusit, që dasht Zoti e nuk na vjen në Kosovë nga politikanët tanë që kohën më të madhe e kalojnë në ”bisht të ballanes”.

Kush rrejti i para për njohjen nga Xhamajka?

Tjetra, që veç ka fillua të harrohet është skandali diplomatik i (ç)nohjes së Xhamajkes.

Dhe sikur të mos mjaftonte që të presin së pakut dy netë, udhëheqësit tanë vrapuan se kush po merr myzhde i pari për një rrenë siq doli në të vërtetë. Edhe kësaj here, Hashimi ishte i pari, ai që e plasoji rrenën e radhës “

Në një postim ne Twitter, duke shpërndarë deklaratën e presidentit të Kosovës Hashim Thaçi i cili e ka falënderuar Xhamajkën për njohje, Kamina J Smith ka shkruar se vendi i saj nuk e ka njohur Kosovën.

“Deri sot Xhamajka nuk e ka njohur Kosovën”, ka shkruar ajo.

Por kjo nuk ishte rrena e parë e as nuk do të mbetet ”myzhdja” e fundit. Ai, kur Kosova e shpalli pavarësinë, 17 shkurt 2008, pat dekraru ”Kam konfirmim zyrtar se 100 shtete, në grup do ta njohin Kosovën…. ”,mbante ymyd në shtetet e Ligës Arabe (shën.imi).

Për gjendjen e vështirë të pjesës më të madhe të popullsisë askush pra s`i kallxon veshit. Pse janë martua e kanë ”gjetur” aq shumë carrokë? Le të jetojnë qysh të duan ata, punë e madhe. Ata, gajlen kanë se si ti punësojnë të afërmit e ti rrisin pagat edhe ashtu të majme ”lluc” që janë marramendëse, për akraballakin e tyre, për gratë, kojshitë, kusherinjët, për kunatat e për djallarët. Rrogat e tyre janë afërsisht sa të industrialistëve përendimorë.

Seq mua kujtuan dajtë dhe një anekdotë për dajtë.

Fëmiu iu gan daj`ve

Një pasanik i cili kishte pasuni që nuk ia dinte skèjin, kish edhe edhe disa rrogtarë që i punonin tokën e i ruanin gjâen.

Pas disa viteve martesë, pasunikëve iu lind një djalë. Gëzimi ishte shumë i madh e i zoti i shtëpisë bâni një zjafet që s`mbahej në mend në at nahi, lindi trashëgimtari.

Kur fëmiu filloi të rritej e luante nëpër oborr, si fëmijët se si luanin dikur, i zoti i shtëpisë po e shikon dhe po i bân zâ gruas e cila ishte e zënë me punë tjera.

-Grue moj, a po e sheh qi djali i ka ga rrogtarit, ia ka “k`put kryet”.

-Uh burri jem, mos u bân budallë se f`mija iu gajnë dajve që janë shumë larg e na rragtarin e kemi n`shpi.

“Burri” nuk e qoj ma gat e u kënaq me përgjigjen e gruas.

Paga mujore 12.300 deri në euro

Një zyrtar ligjor në Telekom mori pagë mujore 12.300 euro (Ekonomia Sot 24/02/2020 18:24)12 mijë euro, ishte paga për shtatorin e kaluar që avokati Gazmend Nushi ka marrë nga Telekomi i Kosovës. Nushi, i cili figuron në listat e punëtorëve të Telekomit, ka pagë mujore prej 2 mijë e 950 eurosh, mëson KTV-ja.

Duhet besuar Xhavit Halitit,ënkryetari i PDK-së, Xhavit Haliti i cili e ka pranuar publikisht se i ka dy – tre milion euro, Kuvendit të Kosovës. Haliti, i kishte thënë Adriatik Kelmendit se, secili sot i ka dy apo tre milionë euro pasuri.

Çka ka mbetur pa u thënë?

Të shohim ditëve në vazhdim. Tash fillon edhe muaji mars, “mullza” rritet e koha nxehet.

Albin, nëse vazhdon kështu, do të jesh “heroj” im i shkrimeve të ardhsme.

Suksese Albin e mos u zmbraps por as mos u ngut se ngutia është rruga më e shpejt për me u rr`zua.

 

Sinan Kastrati, Suedi

Malmö, 25 shkurt 2020

Zëri i Amerikës: Paralajmërohet ngritja e akuzave në Gjykatën e Posaçme për Kosovën

Prokuroria e Posaçme me seli në Hagë, e cila trajton pretendimet për krime lufte në Kosovë, paralajmëroi të hënën fillimin e ngritjes së akuzave.

Në një njoftim të së hënës pasdite, thuhet se “Prokurori i Specializuar ka njoftuar Kryetaren e Dhomave të Specializuara të Kosovës se ka ndërmend të fillojë procedime penale para Dhomave të Specializuara dhe ka bërë kërkesë për caktimin e një gjykatësi të procedurës paraprake në pajtim me Ligjin”.

Në njoftim thuhet se kryetarja ka caktuar një gjykatës të procedurës paraprake për të shqyrtuar aktakuzat e dorëzuara nga Prokurori i Specializuar.

“Përmbajtja e aktakuzave mbetet konfidenciale, përveç nëse konfirmohet dhe deri sa të konfirmohet nga gjykatësi i procedurës paraprake”, thuhet në njoftim.

Gjykata e Posaçme e cila me emrin dhomat e specializuara vepron në Hagë, u miratua në fillim të muajit gusht të vitit 2015 nga parlamenti i Kosovës.

Ideja për themelimin e saj pasoi hetimet e pretendimeve të të dërguarit të Këshillit të Evropës, Dick Martty, për përfshirjen e disa prej ish-drejtuesve të Ushtrisë Çlirimtare të Kosovës, në krime të luftës dhe të pasluftës në Kosovë.

Hetimet sikurse e dhe ngritja e gjykatës kishin nxitur reagime dhe protesta ne Kosovë, ku pohohet se në këtë mënyrë po bëhet barazimi me mizoritë e forcave serbe gjatë luftës së viteve 1998 – 1999, që mori fund me ndërhyrjen e NATO-s.

Mbi 200 ish pjesëtarë të Ushtrisë Çlirimtare të Kosovës janë marrë në pyetje që nga fillimi i vitit 2019.

Në korrik të vitit 2019 në prokurorinë e posaçme u thirr edhe ish kryeministri i Kosovës, Ramush Haradinaj, i cili dha dorëheqje duke e çuar vendin në zgjedhje të parakohshme.

Ramush, a për inat, a për zanat? – Nga Sinan Kastrati

Ka disa ditë, që nga mëngjesi e deri në mbrëmje, që Ramushi herë i lutet e herë e kërcnon Albinin, “…. mos e hiq taksën”!

Refreni i Ramushit është si ajo kënga e dreqit “Kosova nuk ka asnjë garancë se heqja e taksës 100% për produktet e Serbisë e sjellë Marrëveshjen Finale për njohjen reciproke në kufijtë ekzistues”.

Bân qysh t`thâm unë e mos bân qysh bâj unë!

Po a është kështu qysh po i thot Ramushi Albinit apo ”bân qysh t`thâm unë e mos bân qysh bâj unë”.

E Avdullah Hotin e gjuajtën me vezë në qendër të Prishtinës, jo larg Skënderberut e Ibrahim Rugovës.

Ramush, sipas adetit që ti je “kanungji”, edhe një bijë e fisit nëse hyn nermjet, burrat i dorëzojnë armet. Sejmenët tu, e dh…në adetin.

Nuk ishte e vështirë me i gjet kush ishin ata që gjuajtën.

Shefi i Grupit Parlamentar të AAK’së, Daut Haradinaj, ka dalë hapur pro sulmit me vezë ndaj Avdullah Hotit, Zëvendëskryeministër i Qeverisë së Kosovës.

 

“Kushdo që e ka bërë, ka bërë shumë mirë dhe kjo duhet kuptuar që nuk do e lejojmë Serbinë dhe Rusinë në Kosovë”, ka thënë Haradinaj, në një përgjigje për T7…”

Dauti pra dhe disa të tjerë brenda AAK-së dualën haptaz në përkrahje të huliganëve që e gjuajtën me vezë të prishuara (shën. imi) Avdullah Hotin.

Por të k`thehemi mbrapa kur Ramushi u bë (apo u zgjodh ?) kryeministër dhe edhe më herët kur Ramushi ishte deputet.

Ramush Haradinaj ia përplas hartën për fytyre Murat Mehës, RAJONIPRESS 12:51, 13 Korrik, 2015

Anëtari i Komisionit për Punë të Jashtme, Ramush Haradinaj ia ka përplasur për fytyre hartën kryetarit të Komisionit Shtetëror për Demarkacion me Malin e Zi, Murat Meha. Mësohet se Haradinaj as nuk e ka lënë Mehën ta përfundojë raportimin, duke përplasur një hartë që kishte në dorë dhe më pas ka lëshuar mbledhjen, shkruan Gazeta Express. Ngjarja ka ndodhur në hapësirat e Kuvendit të Kosovës ku po mbahet mbledhja e Komisionit për Politikë të Jashtme dhe po raporton Komisioni Shtetëror për Demarkacion me Malin e Zi.” ndërsa kur u bë kryeministër Ramushi vetë e votoi Demarkacionin.

“Deputetët e Lëvizja Vetëvendosje dhe të Aleanca për Ardhmërinë e Kosovës (AAK), nuk lan gur pa përmbysur e për ta kundërshtuar vetëm e vetëm që ”Demarkacioni” me Malin e Zi mos të kaloj.

Deputetët e këtyre dy subjekteve përdorën edhe gaz lotsjellës brenda Kuvendit e jashtë dhunë për ta ndaluar votimin e Demarkacionit me Malin e Zi.

Mirëpo, pas zgjedhjeve të vitit 2017 çdo gjë ndryshoi kur Ramush Haradinaj erdhi në krye të Qeverisë.

Pavarësisht se e kundërshtonte çdo herë demarkacionin, Haradinajt iu deshën gjashtë muaj pas betimit të kabinetit të tij qeverisës që ta jetësoj marrëveshjen me Malin e Zi.

Më 21 mars të vitit 2018, me 80 vota u votua Demarkacioni

Më 21 mars të vitit të kaluar, me 80 vota pro dhe 11 kundër, deputetët e Kuvendit të Kosovës votuan marrëveshjen për Demarkacionin me Malin e Zi.

Edhe për këto këto ka pasur e nde ka diskutime që janë për dhe kundër.

Ranë maskat

Një politikan do të ironizonte: ”Ditën kur u votua Demarkacioni, ranë maskat në Kuvend – BE t’i liberalizojë vizat

Mendimi im është: më i pavendosuri ka qenë dhe është vetë Ramushi dhe AAK-ja. Ata sikur e kanë harrua ”Kufirin me Malin e Zi” e tash iu kanë ly Albinit dhe LDK-së, për mos me e hjek Taksën 100% kundër Serbisë, sepse vetë nuk janë aty ku zihet pasuli nga një kokërr.

E tash, çka do të bëjë Ramushi?

Ai ka edhe derte dhe mospajtime e mosmarrëveshje të tjera me Albini, si kryeministër,  për rrugën Pejë -Gjakovë-Prizren që iu ka premtua dukagjinasve.

Ramushi: Albini është mashtrues

Ramushi i ka bërë ”hesapet pa hangjinë”.

Të gjithë do ti besonin Ramushit sikur Ramushi do ti rrinte besnik fjalëve që i ka thënë për Kufirin me Malin e Zi. Është Ramushi, si kryeministër që e ka dhënë pëlqimin për me u votua dhe kjo punë është krye. Ato toka, Çakorrin e Bjelluaha mund ti k`thehen Kosovës vetëm me luftë. E Ramushi e din se më luftë nuk mundet me bë, sepse nuk ka kaqik dhe nuk ka më si dikur kur e kishin UÇK-në, “aleaten” e NATO-s.

Ramushi, si Demushi

Ramush, pse nuk po e len Albinin rehat?

Nëse ti si kryeministër, ke bërë shumë prapësira duke keqpërdorur bugjetin e Kosovës, duke i rritur pagat vetes 100%, Albini, nuk do ti bëje këto.

Unë jam i sigurt se Albini edhe ti jeni larg njëri tjetri sikur Poli Verior me Polin Jugor.

Ramushi është si Demushi “Fal`t si Demushi e pun`t si kerkushi”.

Në veri të Suedisë, Norvegjisë dhe në Trekufirin: Morvegji-Finlandë-Rusi e deri në Altë të Norvegjisë isha në midis të muajit Korrik 1999. Atje, Dielli, Dritë e Ditë ishte 24 orë, natë nuk kishte.

Ngritët dolli kur ia falët Malit të Zi tokat e Kosovës e malet e Ruovës

Ramush, kur e votuat “demarkacionin, ngritët dolli me shampanjë sepse ju premtuan “VIZAT” ndërsa tash kërkon “Finalen” ose, garanci për njohjen nga Serbia për me e hjek taksën.

Tash e kanë radhën për dolli, LDK-ja e Vetëvendosja

Dielli në Kosovë nuk nxen 24 orë edhe sikur Kosova të ishte në Veri të Evropës. Aty do të ketë vetëm terr, tmerr e fukarallak deri sa të largoheni, pa përjashtim të gjithë liderët e partive politike e “shtetërore” dhe të gjithë “komandantët” e veterananët mashtrues e rrenca.

Pasi e përfundova shkrimin mu kujtuan grevat e minatorëve të Trepçës, të para 31 vjetëve dhe mashtrimi që iu bëri Rrahman Morina.

Dashtë Zoti e nuk do të kemi më Rrahman Morina.

Kosova u “çlirua” por “komandantët” u ngujuan nëpër bunkerat e Enver Hoxhës.

 

Sinan Kastrati

Malmö, 23 shkurt 2020

Në 27 vjetorin e Rezistencës së Bokshiqit- Ngjarja që mobilizoi stacionet policore në Rrafshin e Dukagjinit – Nga Florim Zeqa

Shfletim i Historisë

 

“Kemi përjetuar tortura të rënda në stacionin policor në Klinë, na kanë goditur me tyta pushkësh dhe mjete tjera të forta në të gjitha pjesët e trupit, por të gjitha i kemi përjetuar më lehtë sesa sharjet dhe fyerjet në baza kombëtare, dhe prapë duronim në pamundësi për të bërë gjë. Në atë moment jam betuar, se edhe nëse më ndodhë ndonjëherë në jetë që të më shajë ose ofendojë ndonjë shqiptarë, nuk do të më shkojë mendja për ta bërë edhe më të voglën gjë, por vetëm do t’i themë, të qoftë për nderë” (Halil Zeqa, 25 shkurt 1993).

Ftesat për dorëzimin e armëve, shkas për ushtrimin e dhunës

Pas lënjes së ftesave për dorëzimin e armëve në fshat, me rastin e shkuarjes në polici të disa fshatarëve, ata ishin përballuar me dhunë çnjerëzore të policëve serb, siq ishte rasti i Halil Zeqës dhe Haxhi Fazliut, të cilët edhe përkundër maltretimeve të rënda fizike dhe psiçike, ishin kërcënuar edhe me jetë,…por që në asnjë rrethanë nuk ishin dorëzuar dhe nënshtruar, duke mos e pranuar posedimin e armëve që në fakt i mbanin të fshehura në shtëpitë dhe pronat e tyre.
Kërkesat për dorëzimin e armëve ishin vetëm një pretekst i policisë serbe për ushtrimin e dhunës ndaj shqiptarëve.
Në këtë situatë ishte e domosdoshme ndërmarrja e hapave konkret në parandalimin e aksionit të armëve.
Kësisoji, fillimisht kryesia e fshatit muar vendim për organzimin e përbashkët të një rezistence paqësore, e cila për qëllim parësorë kishte pengimin e patrulles së policisë në momentin e hyrjes në fshat.
Për ta realizuar me sukses të plot këtë plan, kanë qenë të caktuara tre grupe fshatarësh që me çdo kusht ta ndalin patrullen e policisë serbe.
Grupi i parë e ka pas për detyrë ndaljen e patrulles përmes dialogut, me kërkesën për kthim të mënjëhrshëm prapa, në të kundërtën nëse policët ngulin këmbë hyrje në fshat, atëherë me policinë serbe do të vazhdojnë të mirren grupi i dytë, përkatësisht i treti sipas nevojës.

Ndjenjë krenarie dhe shqetësimi

Ashtu siq pritej, në mëngjesin e 23 shkurtit të vitit 1993, rrethë orës 08 e 45 minuta, automjeti (NIVA) më katër polic serb ja mësyjnë Bokshiqit.
Zakonisht, patrullat e policisë, para se të ngjiteshin për Bokshiq, ndalonin në fshatin Grabanicë. Mirëpo, kësaj radhe, patrulla e policisë e cila ishte nisur për Bokshiq, fillimisht ndaloi në shkollën fillor “Azem Bejta” në Grabanicë për të bërë një vizitë “rasti”.
Ishte pushimi pas orës së parë të mësimit, kur në lokalet e shkollës u futën 3 policët (serb të fshatrave fqinje), të cilët silleshin si kauboj nëpër korridorin e shkollës, ku pas disa minutave qëndrimi në brendi të shkollës, nga oborri shkollës me automjetin e policisë “NIVA” nisen për Bokshiq.
Duke i ditur parapërgatitjet në fshat, isha i bindur për atë që do të ndodhë.
Ashtu siq pritej, policët serb në hyrje të fshatit ndalohen nga grupi i parë i rezistencës, të cilët jo vetëm që i ndaluan, me shpejtësi dhe në mënyrë tejet efikase arrinë t’i çarmtorisn tre policët serb, të cilëve ua rrëmbejnë nga duart automatikët, duke i urdhëruar të kthehen prapa e të mos vijnë më në fshat.
Policët serb, të frikësuar dhe poshtëruar nga pritja që hasën nga fshatarët, para se të kthehen nga fshati Bokshiq, siq e kanë zakon, me një dinakëri ju luten fshatarëve deri në përulje që t’ua kthejnë armët (automatikët), me premtimin se nuk do t’i shohin më në fshat, duke ju kërkuar falje dhe mirëkuptim për gjithçka që kishte ndodhur deri në atë moment.
Pas një konsultimi në mes tyre, anëtarët e grupit të parë të rezistencës; Muhamet Zeqa, Ukë Musa, Ismet Zeqa, Mustafë Binaku, Demë Keka, etj. ua kthejnë armët policëve të dëshpruar dhe dorëzuar njëkohësisht.
Policët e dëshpruar, të mundur dhe turpëruar në fshatin Bokshiq, me të khtyer në stacionin policorë në Klinë, i alarmojnë të gjitha stacionet policore dhe ushtarake në Rrafshin e Dukagjinit dhe më gjërë.
Nga momenti i çarmatosjes dhe kthimit të policëve serb nga Bokshiqi, për fshatarët fillon ndjenja e krenarisë dhe mobilizimit të përgjithshëm, por njëkohësiht edhe e shqetësimit të madh se çfarë do të ndodhë në orët e ardhshme.
Ishte ky rasti i parë që kishte ndodhur deri atëherë në komunën e Klinës, që ishte kthyer prapa e gjunjëzuar policia e Serbisë, dhe ishte rezistenca e parë aktive në pengimin e aksionit famëkeq të armëve në nivel vendi.
Nga mëhalla e Mekajve e deri të mëhalla e Ramzeqëve, në një distancë prej vetëm 100 metrash, kanë qenë të tubuar të gjithë burrat e fshatit dhe fshatrave për rreth.
Nga bisedat e bashkëfshatarëve vërehej gatishmëria e madhe që të vazhdohej me rezistencën luftarake pa llogaritur pasojat, por kishte edhe të atillë që tërheqja nga veprimet e radhës do të jetë akoma më e dëmshme.
Megjithatë, dominonte mendimi i përbashkët se policia serbe do të rikthehet kah mbrëmja me përforcime të mëdha. Prandaj, e këkohej zgjidhja që nga kjo situatë të dilet me sa më pak pasoja, duke mos provokuar dhunë të cilën policia serbe do ta përdorte si shkas për hakmarrje ndaj pleqve, grave dhe fëmijëve në shtëpitë tona.
Për këtë arsye u mor vendimi që turma e bashkëfshatarëve të shpërndahet jo nëpër shtëpi, por në pika të caktuara si dhe të vazhdohet me rojet të shtuara nëpër fshat.

Evitimi i një masakre të planifikuar nga pushtuesit serb

Pas kthimit prapa të policëve serbë, në mesin e banorëve të fshatit, krahas ndjenjës së krenarisë, ishte shqetësimi së çfarë do të sjellin orët në vazhdim.
Gadishmërisë së bokshiqasve për vazhdimin e rezistencës së armatosur ju bashkangjitën edhe fshatrat për rrethë si; Grabanica, Dollova, Këpuzi, Qeskova, etj. Por falë intervenimit të institucioneve të Republikës së Kosovës dhe atyre ndërkombëtare, ndodhi evitimi i një masakre të madhe të planifikuar nga pushtuesit serb.
Të njëjtën ditë, rrethë orës 16 e 30 minuta, ndodhi sulmi më i madhë i policisë serbe, i njohur deri atëhere në komunën e Klinës e mbase edhe në Kosovë.
Ishin 32 policë më armatim luftarak, e 7 automjete policore që hyjnë dhunshëm në fshat, duke demoluar, thyer dyer e dritare të shtëpive që ishin cak i tyre, siq ishte shtëpia e kuvendeve te rezistencës në qendër të fshatit. Për të vazhduar më rrahjen e grave; Hate Zeqa (80), Gjylshahe e Servete Zeqa,…pastaj më rrahjen e të moshuarve; Ali Zeqa (65), Halil Zeqa (63), Avdyl Fazliu (70), Ramadan Uka (54), Binak Uka e kështu më radhë…deri të Gëzim Gashi (mysafir i rastit).
Policia serbe në mungesë të organizatorëve të kësaj rezistence dhe të rinjëve që kërkoi, arrestoi të gjithë burrat e fshatit që i gjeti nëpër shtëpitë e tyre, duke i rrahur e fyer fillimisht në prezencën e familjarëve te tyre; Ali, Halil e Avdyl Zeqa, Haxhi, Avdyl e Daut Fazliu, Dedë e Martin Hamza, Ukë Musa (kryetar i aktivit të LDK-së), Ramadan Uka e Rasim Binaku…për ti dërguar të gjithë së bashku në stacionin policor të Klinës, ku i rrahin në mënyrën më ç’njerzore deri në orët e mëngjesit të 24 shkurtit 1993.
Ashtu të dërmuar nga torturat, të përgjakur, më plagë të rënda trupore, pasi ua hapin derën, më shkelma e grushta, kondak pushkesh i hudhin në rrugën e mbuluar më borë e akull!
Mirëpo nga lendimet e rënda trupore, një muaj më pas, në spitalin e Pejës ndërron jetë Ali Zeqa, 65 vjeqar. Ishte ky dëshmori i orëve të para të lirisë sonë.
Nga rënja e këtij dëshmori politika shqiptare e asaj kohe ka përfituar poena politik në qarqet ndërkombëtare, derisa sot, ky dëshmor anashkalohet qëllimisht nga politika aktuale, ngase asnjë fjalë nuk u tha e nuk u shkrua për këtë martir të lirisë sonë.
Kujtimi për Rezistencën e Bokshiqit ruhet në artikuj të të gazetave të asaj kohe, si dhe në kujtesën e qytetarëve të Klinës.
Për ngjarjën e 23 shkurtit të vitit 1993, të aksionit policor mbi ketë fshat, ishte shkruar shumë nga mediat vendore e ndërkombëtare.
Ishte ky rasti i parë i rezistencës në komunën e Klinës, i cili pati jehonë të madhe në qarqet ndërkombëtare, me ç’rast fshatin Bokshiq e vizituan; OSBE-ja, Këshilli për Liritë dhe të Drejtat e Njeriut me seli në Helsinki dhe gazetarë e reporter të mediave ndërkombëtare.

Sot ose kurrë! Nga Skënder MULLIQI

 Rastët e volitshme në jëtë janë të rralla.Edhe më rrallë shfrytëzohen si të tilla.Dritarja e mundësive jetësore, nuk mbetet gjithmonë e hapur.Fati shpesh është i pamëshirshëm , na i mbyll dyert duke mos na lënë të ngjitemi lartë.Kështu e ka jeta.E kështu e ka edhe jeta afariste .

Shteti i Kosovës pati rastin për këto 20 vite të bënë kthesa historike, e këtë nuk e bënë ata që ishin në krye të shtetit.Patëm luftë. Pas luftës së dhëmbshme , por edhe krenare, e lam mbrapa një sistem të huaj që e patëm mbi krye . Erdhi liria pas sakrificave . Kaluam në kapitalizmin liberal.Nuk e shfrytëzuam rastin dhe as sistemin e ri, për të punuar mirë. Përjetuam në mënyrën më brutale fazën e tranzicionit, së u grabitë pa mëshirshëm prona shoqërore, kur pak kush e kishte pritur .I lam mbrapa vitët shumë të vëshitira .Këto vite nuk na bëjnë krenarë, nuk na bëjnë as të lumtur.Ishin vite të vuajtjeve, të pa shpresës … Nuk ishim të vetëdijshem për rastin historik.Nuk e kuptuam ashtu si duhet rëndësinë e shtetit.

Kjo ishte skandaloze!Politika dhe ekonomia janë ende të ” sëmuara”. Të gjitha këto ndikuan edhe në anën psikologjike , duke rënë optimizmi i njerëzve përtoke. Njerëzit që e udhëhoqën më Kosovën e vogël, ishin pa vizion.Nuk pamë reforma të duhura .Nuk patem punësime të nevojshme , dhe nuk pamë që dikush për të gjitha këto dha përgjegjësi politike dhe as ligjore. Ose edhe ata që u ndëshen më ligjin, i kaluan pengesat shumë lehtë, thua së nuk ka ndodhur asgjë! Kjo gjeneratë që tash ka ardhur në pushtet, ka rastin që ti realizojë ëndrrat tona dhe ëndrrat e tyre, për të mirën e Kosovës.Koha është që edhe në Kosovë fëmijët tanë të jetojnë më mirë.

Dhe , rasti kësaj gjenerate politike , nuk ju vjen dy herë në jëtë.Mund ta krijojnë historinë e lavdishme .Këndellja e popullit dhe e shtetit bëhët duke bërë reforma, e kjo qeveri e Albin Kurtit , veq i ka filluar proceset për së mbari.Eshtë koha për prurjën e investitorëve të jashtëm, duke ju ofruar kushte të volitshme .Një çasje e tillë konstruktive do të sillte efekte pozitive, për të dalë më shpejtë nga kriza e përgjithshme.

Vëtem më guxim , më njerëz të shkolluar dhe të pa korruptuar, e kemi të ardhmën e sigurtë.A mendoni së kjo është e mundur? Unë mendojë sigurisht që po.Gjenerata e re më një optimizëm ,do ti arrijë objektivat e synuara për shtetndërtim dhe mirëqenje.Shëmbuj së si punohet mirë dhe ndërshmerisht kemi më bollëk.Nevoitet angazhim dhe përkrahje të kësaj Qeverie , duke investuar në te, deri në fund. Mjaftë këmi pasur rënje. Tash shkojmë përpara.Sot ose kurrë!

Dilemat e ngritura nga shkarkimet e Qeverisë Kurti

Luljeta Krasniqi – Veseli

Qeveria e koalicionit të Lëvizjes Vetëvendosje dhe Lidhjes Demokratike të Kosovës ka nisur punën me shfuqizimin e vendimeve të qeverive paraprake si dhe me shkarkimin e zyrtarëve të punësuar në borde të ndërmarrjeve publike.

Nisur nga këto veprime, përfaqësues të shoqërisë civile thonë se ende është duke u analizuar nëse qeveria Kurti po i përfillë edhe procedurat ligjore në këto raste.

Qeveria e Kosovës ka shkarkuar Bordin e ndërmarrjes publike Telekomi i Kosovës. Vendimi është marrë me propozimin e ministres së Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike, Rozeta Hajdari. Ky vendim, sipas ministres ishte i domosdoshëm, pasi siç ka thënë ajo ‘ndërmarrja në fjalë është sjellë buzë falimentimit’.

Kabineti qeveritar i Kosovës po ashtu për shkak të zvogëlimit të numrit të ministrive ka marrë vendim për krijimin e listës së tepricës me sekretarët e përgjithshëm të ministrive që preken nga riorganizimi i Qeverisë së Kosovës.

Kryeministri Kurti ka paralajmëruar edhe shkarkime të tjera, në veçanti të bordeve të ndërmarrjeve publike. Kurse, zëvendësi i parë i tij, Avdullah Hoti ka thënë se ky është vetëm fillimi, duke lënë të nënkuptohet se “operacioni i largimeve” do të vazhdojë.

Me gjithë përpjekjet e Radios Evropa e Lirë për të marrë një deklaratë nga Qeveria e Kosovës lidhur me atë se cilat procedura po ndjek në rastin e këtyre shkarkimeve, nuk është arritur të merret një përgjigje.

Ndërkohë, përfaqësues të shoqërisë civile thonë se ekzistojnë hamendësime lidhur me procedurat që ka përfillur Qeveria Kurti në rastin e shkarkimeve të bëra deri tani.

Florent Spahija, ekspert ligjor në Institutin Demokratik të Kosovës, duke folur për Radion Evropa e Lirë, thotë se zyra ligjore e kryeministrit dhe zyrat ligjore të secilës ministri duhet të kenë kujdes në këto raste, pasi që pasojat për shtetin mund të jenë të mëdha.

“Qeveria po merr vendime të cilat po besoj i ka të bazuar në ligj dhe në rregulloret e punës dhe mbi të gjitha në Ligjin mbi procedurën administrative. Nuk është lehtë të argumentohet ligjërisht përfundimi i punës së dikujt, por gjithsesi në vendet kur ka të emëruar politik është shumë më e lehtë, ndërsa në vendet kur ka të rekrutuar sipas konkursit dhe janë shërbyes civil, duhet të shikohet nëse ligjërisht nuk i kanë plotësuar kushtet dhe është një vendim i ligjshëm për t’i nxjerr nga puna”, tha Spahia.

Në rastin e shkarkimit nga pozita apo largim nga puna duke mos përfillur procedurat ligjore, thotë Spahija, do të mund të ketë vendime masive nga gjykatat në favor të personave të larguar nga puna, e që më pas thotë ai, do të ndikonin në buxhetin e shtetit pasi që ata persona do të kërkojnë dëmshpërblimin.

“Çka do të kisha sugjeruar, do të ishte që e para siç e parasheh edhe procedura, sidomos për shërbyesit civilë, të shkohet më vërejtje, ulje në pagë, suspendim dhe jo menjëherë largim nga puna. Nga ajo që kemi parë deri sot kryesisht kanë qenë pozita apo persona të emëruar. Por, deri më tani nuk kam lexuar se ku e kanë bazuar atë vendim dhe ka një hamendësim”, thotë Spahija.

Në anën tjetër, Ehat Miftaraj nga Instituti i Kosovës për Drejtësi, thotë për Radion Evropa e Lirë se çdo vendim që po merret nga qeveria Kurti është me rëndësi që të arsyetohet dhe të fitojë besimin e publikut që këto vendime janë të ligjshme dhe janë të bazuara në procedurë.

“Në çdo rast kur kjo qeveri apo kuvendi që shkarkon bordet të cilat nuk kanë përformuar mirë apo nuk kanë menaxhuar dhe administruar si duhet me pushtetin të cilin e kanë pasur në dispozicion e veçanërisht në ato raste kur ka pasur dyshime për keqpërdorime, sigurisht edhe faktori ndërkombëtar dhe publiku i mirëpret ato vendime”, thotë Miftaraj.

Ai shton se me ndryshimin e pushteteve apo qeverive, si në aspektin e shërbyesve civil, si në aspektin e zyrtarëve publik, mund të fitohet një pasiguri me vendet e tyre të punës, por kjo pasiguri, shton Miftaraj, menaxhohet lehtë nëse vendimet që merren arsyetohen dhe tregohen shkaqet pse kanë ardhur tek këto ndryshime.

Instituti Demokratik i Kosovës do t’i monitorojë ato procese që hynë në fushëveprimin e tyre për të vlerësuar nëse qëllimi i kësaj qeverive ka qenë i mirë dhe nuk ka qenë për të zëvendësuar këto shkarkime të bëra në borde apo diku tjetër me njerëz koalicionit të tashëm qeveritar.

“Instituti i Kosovës për Drejtësi ka mirëpritur çdo vendim që ka për qëllim kthimin e ligjshmërisë në këto institucione. Ne presim nga qeveria Kurti dhe Kuvendi i Kosovës gjatë procesit të emërimit apo caktimit të anëtarëve të ri të bordeve apo personave në pozita udhëheqëse, që të bazohen në merita dhe vetëm përmes një procesi i cili siguron transparencë dhe i cili siguron që personat e caktuar në ato pozita janë meritor”, thotë Miftaraj.

Qeveria e re e koalicionit ndërmjet Lëvizjes Vetëvendosje dhe Lidhjes Demokratike të Kosovës është formuar më 3 shkurt.

Qeveria e Kosovës me kryeministër Albin Kurti ka bërë zvogëlimin e numrit të ministrive, nga 21 sa kishte qeveria e kaluar në 15 ministri. Ky zvogëlim i qeverisë ka rritur shqetësimet e shërbyesve civilë për humbje të vendeve të punës.

Skandali me Xhamajkën, flet ambasadorja e Kosovës në SHBA: Shumë palë të tjera janë të përfshira

Ambasadorja e Kosovës në Shtetet e Bashkuara të Amerikës, Vlora Çitaku, ka thyer heshtjen, disa ditë pas skandalit me njohjen e vendit nga Xhamajka. Presidenti i Kosovës, Hashim Thaçi, kishte raportuar i pari, nëpërmjet një njoftimi në llogarinë e tij, në rrjetin social Twitter, se ishte informuar nga Çitaku se Kosova ka siguruar njohjen nga shteti ishullor.

Por, pak orë më vonë, Xhamajka ka mohuar se ka vendosur për njohje, duke e turpëruar Kosovën. Reagimet në vend kanë qenë të menjëhershme, në veçanti kundër ambasadores Çitaku, teksa kërkohej shkarkimi i saj.

Nëpërmjet një shkrimi në llogarinë e saj, në rrjetin social Facebook, në natën e së shtunës, Çitaku ka thënë se “çdo gjë do të sqarohet me kohë”.

“Jam përmbajtur nga deklarimi publik lidhur me kaosin e shkaktuar rreth njohjes nga Xhamjaka sepse shumë palë të tjera janë të përfshira. Palë që ndodhen jashtë Kosovës. Do të ishte jo diplomatike, jo korrekte, dhe anti-kombëtare që unë sot, për ta mbrojtur veten, të zbuloj emra dhe detaje”, është shprehur ajo.

Çitaku ka kritikuar zëvendëskryeministrin e vendit, Haki Abazi, pas kritikave ndaj saj, duke i thënë se nuk “nuk do të lejojë që puna dhe mundi i kolegëve të mi të njolloset e të përbaltet. Është e frikshme kur institucionet baltosen për inate politike e personale”.

MESAZHI I PLOTË
Zëvendës Kryeministri i Kosovës, z.Haki Abazi qenka marrë pak me mua. Më paska quajtur mua dhe Ambasadën në SHBA instrumente në shërbim të Presidentit, e jo të Kosovës. Nuk është hera e parë që z.Abazi merret me mua dhe shpif kundër meje. Nuk e kam kuptuar ende pse. Nuk i jam përgjigjur më herët sepse z.Abazi nuk ka mbajtur post publik dhe nuk ka pasur përgjegjësi publike.

Jam përmbajtur nga deklarimi publik lidhur me kaosin e shkaktuar rreth njohjes nga Xhamajka sepse shumë palë të tjera janë të përfshira. Palë që ndodhen jashtë Kosovës. Do të ishte jo diplomatike, jo korrekte, dhe anti-kombëtare që unë sot, për ta mbrojtur veten, të zbuloj emra dhe detaje.

Çdo gjë do të sqarohet me kohë.
Zv.Kryeministrit i them publikisht, meqë asnjëherë, si zv. Kryeministër, nuk më ka kontaktuar që ta sqarojë situatën në fjalë, nëse nuk dëshiron të kontaktojë me mua, atëherë le ta kontaktojë Ministrinë e Punëve të Jashtme.

Për më tepër, është e ditur botërisht që unë jam emëruar Ambasadore përmes çelësit politik, njësoj si shumë Ambasadorë tjerë. Kjo nuk është shkelje apo diçka e jashtëzakonshme. Në fakt, është e rregulluar me ligj. Si Ambasadore, unë i kam shërbyer Kosovës. Kam punuar me nder tërë jetën time. E tillë do të vazhdoj të jem.

Nuk do të lejoj që puna dhe mundi i kolegëve të mi të njolloset e të përbaltet. Është e frikshme kur institucionet baltosen për inate politike e personale.
Jam shumë krenare me punën e kolegëve të mi dhe asnjëherë nuk do të dorëzohem para shantazhit publik. E kam thënë edhe më herët, të jem Ambasadore e Kosovës në Washington DC është nderi i jetës sime.

Presidenti Thaçi udhëton për në SHBA

Presidenti i Kosovës, Hashim Thaçi të dielën është nisur për në Shtetet e Bashkuara të Amerikës për të zhvilluar takime me zyrtarë të administratës së presidentit Trump, thuhet në një komunikatë të lëshuar nga Presidenca.

Vizita e tij, siç thuhet, po zhvillohet në kohën kur Shtetet e Bashkuara kanë vëmendjen e plotë ndaj zhvillimeve në Kosovë drejtë marrëveshjes përfundimtare me Serbinë.

Para nisjes, Thaçi ka thënë se “Kosova është me fat që SHBA ruan përkushtimin për Kosovën, paqen dhe stabilitetin e tërë rajonit”.

“Lidershipi i Presidentit Trump, përkrahja e Sekretarit Pompei dhe angazhimi i drejtpërdrejtë i të Dërguarit Special, ambasadorit Grenell, janë inkurajim për ne”, ka thënë Thaçi.

Në tetor të vitit të kaluar, presidenti amerikan, Donald Trump ka emëruar ambasadorin e SHBA-së në Gjermani, Richard Grenell, si të dërguarin e posaçëm për dialogun mes Kosovës dhe Serbisë.

Me ndërmjetësimin e tij, Kosova dhe Serbia gjatë javëve të fundit, kanë arritur dy marrëveshje: atë për hekurudhat dhe linjën ajrore Prishtinë-Beograd.

Serbia e ka kushtëzuar rikthimin në dialog me heqjen e taksës, por Kosova përkundër thirrjeve të komunitetit ndërkombëtar vazhdon ta mbajë në fuqi këtë masë. rel

Ej, populli im…?! Nga Skënder MULLIQI

 

O pupull, ku jeni, ku jeni katundar , punëtor, dhe intelegjencë e ndëruar…?!Po këtu jeni… më hallët dhe problemët që i keni, jo të vogla, së po jetoni në Kosovën e varfëruar nga politikanët?!
Ju jeni po ai popull që keni qenë dikur, natyrisht tash më gjenerata të reja, më halle të reja,  më kohën bashkëhore, e cila kohë,dikur ishte shumë më ndryshe, ose me duket mua, së edhe unë u bëra gjeneratë e vjetër. Kishim razi,  dashni, unitet, i ndihmonim njeri- tjetrin, kur ishte nevoja. Kush e di e bënim këtë edhe  pse ishim nën okupim , dhe na duhej razia , duhej të ishim më të bashkuar, për ta luftuar armikun
serbë , që kurrë nuk na la rahet, deri sa e debuam nga toka jonë.Populli im po më ngacmoni pak sa që tju mbajë një legjiratë,  sa të kam njohuri dhe si të bjen ajo tek e fundit…Kjo vlenë duke u nisur së pari nga unë, dhe nga të gjithë ne, se jemi nga ky nënqiell, së më ndonjë dallim të vogël, shumica nuk po jetojmë bash mirë…

Ej, populli im…popull i mrekullueshem,  popull që bota demokratike po na pranon si populli më i bukur , si popull më plote talentë, si në kulturë, art, muzikë , sport… Ej, populli im… nga gjiri ynë dolën shumë njerëz që bënë emer të madh… emra që nuk harrohen. Vargu i tyre për ti përmendur të gjithë është i gjatë…Tash nga të gjallët që po na bëjnë krenarë, janë Kadare,  Rita Ora, Dua Lipa,Bebe Rexha,Majlinda Klemendi, e shumë emra nga bota e futbollit dhe e sportit shqiptarë… Nese këta po na zbardhin fytyrën popull i dashur, do njerëz që rastësisht kan ardhëur në politikë,  po e zbehin renomen e krijuar nga të parët. Nuk po punojnë mirë , o pupull , e dini edhe ju vet, së vet jeni duke e paguar tagrin e hajnive të tyre…të hajnive pa karar.E di popull, së ju kan demoralizuar tepër shumë…

Ej, popull im, …së di qka po ndodhë me ju, që nuk po ju sosët durimi…E di e keni zor shumë, së nese dikur nuk e duruat okupatorin dhe e luftuat atë deri në qlirim, tash ështe më vështirë…Eshtë shumë vështirë, e pamundur së përpara i keni djemtë tu, që nuk dolën bash të mirë…Nuk dolën së lakmia për para  dhe pushtet i prishi në shpirt dhe zemer.I bani të pavlefshem për ju popull i dashur.

Ej, populli im, gjithmonë keni qenë të vyeshem,  keni qenë dhe keni mbetë popull bujar dhe mikëpritës sa nuk ban ndryshe … Nuk e keni meritar sigurisht këtë tretman nga djemtë tu… Nuk e keni merituar që vota juaj mos të shkon për zhvillim të vendit…Unë nuk ju ndrrojë kurrë, edhe pse nuk jeni pa gabime … Nuk po jetoni mirë, e këtë së keni merituar në Kosovën më plotë begati. Gjithnjë e më shumë po dukeni të lodhur, të demoralizuar nga gjendja e keqe sociale, po dukeni së po plakeni para vakti…Po dukeni sikur nuk po interesoheni sa duhet për fatin dhe të ardhmën e juaj.

Bukur moti sikur i keni ngritur duart lartë , sikur po thoni u dorëzuam …?! E dihet së burrat e dheut të këtij vendi,  kurrë nuk janë dorëzuar, edhe atëherë kur kanë qenë tepër ngushtë…edhe atëherë kur shumë kush është mbytur dajak nga shkau dhe argatetet e tyre në burgjet serbe.Nuk thëm së të gjithë janë dorëzuar, së ende ka që po luftojnë për këtë vend, po hapërojnë kah liria e tyre e vërtetë.Po shohim përditë kolona të autobuseve duke u larguar nga Kosova jonë e dashur! Si ti thëmi kësaj – tragjedi kombëtare.Kur dikush ja mësyn tokës së huaj për tu mos u kthyer kurrë në vendlindje, nuk ka më zor në këtë botë. Rinia ne mbrendinë e saj është e fuqishme, impulsive,  energjike, që ka shumë dëshira dhe ëndrra në këtë botë…Ka dëshira për ndryshime , dëshira për të krijuar karrierë, si po krijojnë mocanikët e tyre në botë. Këtë duhet pasur parasysh, tash kjo qeveri e shpresës…

Nga kjo qeveri pritet  që rinisë tua kthej buzëqeshjën e venitur, tua kthejë vullnetin për jetë në vendlindjën e tyre.
Kjo pritje nuk guxon të jetë e gjatë.Sigurisht po kuptoni së për çka e kam fjalën…?
Nuk guxojmë ta lëm tokën tonë të zbrazur.Ta lëmë në gojën e ujkut grabitaqar serbosllavë… Ta lëm tokën e të parëve tanë.
Ta lëmë tokën për të cilën u dha shumë gjak historikisht.Dihet së çka ka përjetuar ky popull. Ka përjetuar gjithëfarë golgotash, lufta, padrejtësi të mëdha nga Fuqitë e Kohës, që na copëtuan në gjashtë pjesë!
Nuk guxojmë popull që të na rreshqet keq mbamendja kombëtare.Ta vëmë të gjithë gishtin në temth, duke  mos lejuar që historia të na përseritet për të keq…

LDK dënon sulmin me vezë ndaj zëvendëskryeministrit Hoti

Zëvendëskryeministri i Kosovës, Avdullah Hoti, nga radhët e Lidhjes Demokratike të Kosovës, është sulmuar me vezë nga një qytetar të shtunën pranë objektit të Qeverisë së Kosovës, siç shihet në një video të shpërndarë nga disa media vendore.

Në video dëgjohet një person duke thënë “Taksën nuk bën me e heq”, duke iu referuar tarifës 100 përqind ndaj produkteve të Serbisë të cilën kryeministri i ri i Kosovës Albin Kurti tha se do ta zëvendësojnë me reciprocitet të plotë.

Lidhja Demokratike e Kosovës, përmes një komunikate për media e ka quajtur sulmin “akt të ulët të papranueshëm dhe të dëmshëm për proceset vendimtare nëpër të cilat po kalon vendi”.

“Është i papranueshëm kthimi i shoqërisë sonë në sulme të këtilla, njësoj si në vitet 2015-2016, me qëllim stagnimin dhe bllokimin e proceseve shtet-formuese që i kemi ndërtuar në partneritet me miqtë tanë ndërkombëtar. Kosova ka nevojë për qetësi, maturi dhe unitet në politik-bërje dhe udhëheqje të vendit”, thuhet në reagim.

Tarifa prej 100 për qind ndaj mallrave të Serbisë dhe Bosnjë e Hercegovinës është vendosur në nëntor të vitit 2018 nga Qeveria e Kosovës, e drejtuar nga ish-kryeministri Ramush Haradinaj, si kundërpërgjigje, siç është thënë, ndaj fushatës agresive diplomatike të Serbisë për të penguar anëtarësimin e Kosovës në organizata ndërkombëtare, si dhe për tërheqjen e njohjeve të saj. rel

Borrell ka folur për ndarjen e Kosovës në Berlin – Veton Surroi tregon detajet

Publicisti Veton Surroi, në një shkrim autorial të publikuar sot ka zbuluar detaje nga një takim që shefi aktual i diplomacisë së BE’së Josep Borell, ka pasur me disa ekspertë të njohur evropianë në Berlin para disa javësh.

Siç shkruan Surroi në këtë takim spanjolli Borell kishte hapur temën e korrigjimit të kufijve duke pyetur nëse do të ishte zgjidhje e mirë që Serbia të merrte veriun e Kosovës.

Ndërkohë përgjigja negative e ekspertëve dhe vërejtja se një lëvizje e kufijve do të hapte “Kutinë e Pandorës” e kishte shtyrë Borellin të ngriste pyetjen tjetër se ‘si bëhet që Serbia të fitojë diçka?”, raporton Gazeta Express.

“Para ca javësh, shefi i Politikës së Jashtme të BE-së, Josep Borell, u takua me ekspertë të njohur evropianë në Berlin dhe, sipas disa pjesëmarrësve, pyeti se a do të ishte zgjidhje që Serbia ta merrte pjesën veriore të Kosovës, mori përgjigje se kjo nuk do të ishte zgjidhje, por hapje e kutisë së Pandorës dhe atëherë konstatoi: “Po, si të bëhet që Serbia të fitojë diçka?”, ka shkruar Surroi.

Tutje në këtë shkrim Surroi ka vënë në pah mos koordinimin Bruksel-Ëashington sa i përket dialogut Kosovë-Serbi. Ai thotë se veprimet e Borellit dhe Grenellit në kontekstin e Rubikut, ngjajnë me atë që secila palë dëshiron që të rregullojë me një ngjyrë anën e vetë të rubikonit.

“Në kontekstin e kubit të Rubikut, biseda e Borellit dhe letër-synimet e Grenellit nuk janë fare të koordinuara. Janë përpjekje që Borelli të vendosë, për shembull, murin e ngjyrës së kuqe, me një zgjidhje që, të themi, do ta kënaqte Serbinë ndërsa Grenelli murin e ngjyrës së verdhë me zgjidhje pragmatike që ofrojnë përparim ekonomik për të dy vendet, siç thekson ambasadori”, ka shtuar tutje publicisti kosovar.

Surroi thotë se pyetja e Borellit se si t’i bëhet që të fitojë diçka Serbia nga dialogu i ngjanë një logjike të pazarit ku ofrohen zbritje me qëllim të realizimit me sukses të shit-blerjes.

Përveç kësaj, publicisti kosovar thotë se një pyetje e tillë tregon për mentalitetin se meqë Kosova është e pavarur atëherë edhe duhet të jap diçka.

Tutje Surroi thotë se nëse vazhdohet me një mentalitet të tillë, atëherë do të vazhdohet edhe lëmshi tre vjeçar që e kishte lënë Federica Mogherini si shefe e diplomacisë së BE’së.

“Konceptualisht, nëse Komisioni i ri Evropian vazhdon me pyetjen e njëjtë që e bëri edhe Mogherini, dhe bëri lëmshin trevjeçar të bisedave mbi harta, do të vazhdojë të përpiqet të kuptojë pse kur e rregullon ngjyrën e kuqe nuk mund t’i rregullosh ngjyrat e tjera”, ka shkruar Veton Surroi./Express/

Mërgimtarët ambasadorët më të denjë të Republikës së Kosovës – Nga Florim Zeqa

 

Ashtu çfarë ka qenë Ministria e Diasporës, e cila gjithnjë ka vepruar ndaras dhe në çakordim të plotë me MPJ-në dhe asnjëherë në shërbim të mërgimtarëve, por vetëm të grupeve të caktuara të interesit, më mirë që është hjekur fare.
Disa nga diplomatët kosovarë, gjegjësisht ambasadorët dhe konsujt, duke mos pasur asnjë lloj kontrolli dhe përgjegjësie ndaj institucioneve shtetërore, gjegjësisht MPJ-së, kishin filluar të bëhen pjesë e skandaleve të ndryshme financiare.
Si rezultat i mosfunksionimit si duhet i Ministrisë së Punëve të Jashtme (MPJ) dhe të abuzimit me Ministrinë e Diasporës në njërën anë, ndërsa në tjetrën të emërimit të ambasadorëve dhe konsujve jokredibilë të Republikës së Kosovës, të cilëve u mungon përvoja politike dhe diplomatike, ka bërë që të bjerë imazhi i Kosovës në shtetet respektive.
Pjesës më të madhe të mbasadorëve dhe konsujve diplomatik përveçse u mungon kredibiliteti politik në vendet perëndimore, ata më shumë janë përkujdesur për imazhin dhe xhepat e tyre sesa të mbushin arkën e shtetit dhe të kryejnë shërbimet konsullore për bashkatdhetarët.

Konsujt partiakë dhe analfabetë, imazh negativ për shtetin

Nuk janë të pakëta rastet, kur në mesin e ambasadorëve dhe konsujve kosovar në vendet e rajonit dhe nëpër vendet euro-përëndimore, janë emëruar militant partiak, analfabet dhe injorantë të skajshëm, të cilët përveqse nuk njohin asnjë nga gjuhët e huaja, çalojnë shumë në të folurit dhe të shkruarit e gjuhës amëtare shqipe!
Si pasojë e kësaj, shpesh kanë ndodhur anomali të llojeve të ndryshme, si bie fjala, lëshimi i dokumenteve të bashkaktdhetarëve me gabime dhe me afat të skaduar!.
Me koston financiare të Ministrisë së Diasporës mund të hapen me dhjetëra përfaqësi të reja konsullore, më afër dhe në përputhje me kërkesat e mërgimtarëve.
Me hapjen e Ambasadave dhe Konsullatave të reja, përveq aspektit diplomatik e ka rëndesinë e madhe të organizimit dhe përafrimit të mërgatës më shtetin amë, të lidhjeve emocionale (shpirtërore) mes mërgatës dhe institucioneve shtetërore.
Perveq aspektit diplomatik që kanë ambasadat dhe konsullatat, roli parësor i tyre duhet të jetë shërbimi për bashkatdhetarët, me paisjen e dokumenteve të nevojshme të shtetit të Kosoves duke filluar nga çertifikatat e lindjes, pasaportave dhe dokumenteve tjera të nevojshme për udhëtimin e fëmijëve të posalindur në drejtim të shtetit të Kosovës.

Përfaqësimi mërgatës në diplomacinë e jashtme, i zbardhë fytyrën shtetit

Në dekadën e fundit, diaspora shqiptare, nga qeveria e Tiranës dhe Prishtinës u përdor dhe u bë pjesë e agjendave politike vetëm në raste krizash politike, duke u përdorur si dekor festimesh dhe për dekorim të ndonjë sekseri të tyre në Diasporë, duke injoruar dhe anashkaluar shoqata dhe organizime të mirëfillta, duke injoruar në tërësi trurin e kombit shqiptar në Diasporë.
Pas shkarkimit të 14 konsujve të emëruar jashtëligjshëm nga pushtetarët paraprak, duhet të vazhdohet me një rifresh më të thellë nëpër përfaqësitë diplomatike të Republikës së Kosovës në shtetet evro-perëndimore.
Me këtë rast, i ftojë qeveritarët e rinjë në Prishtinë e në veqanti Ministrinë e Punëve të Jashtme, që të merret seriozisht me përfaqësimin e Kosovës në botë dhe me problemet e mërgimtarëve, e assesi të mos i përserisin gabimet e pushtetarëve paraprak, me ekskursione të gjata nëpër vendet evro-perëndimore, me vrapime nëpër tubime e koncerte, panaire librash, prerje shiritash e aktivitete tjera që nuk përkojnë aspak me hallet dhe problemet e shumta të bashkatdhetarëve.
Përderisa në të kaluarën, hapja e ambasadave dhe përfaqësive konsullore në vendet evro-përendimore, ishte shndërruar në një biznes mjaft profitabil për pushtetarët në Prishtinë, tani e tutje duhet të shndërrohet në agjendë shtetërore dhe shërbime cilësore për bashkatdhetarët.
Përderisa në të kaluarën, përzgjedhja e stafit diplomatik dhe konsullor ishte bërë sipas kriterit “kush qet në def më shumë”, tani e tutje duhet të bëhet sipas kriterit profesional, aftësive diplomatike të kandidatëve dhe përfshirjës së mërgatës në staf diplomatik.

Ndryshimet e filluara, shpresë edhe për mërgatën tonë

Ndryshimet e filluara me shkarkime të bordeve të korruptuara dhe kriminalizuara, e pasuar edhe me shkarkimet në përfaqësistë diplomatike ngjallin shpresat edhe tek mërgata e jonë. Emërimet e reja në postet vakante nëpër përfaqësitë diplomatike duhet të jenë gjithëpërfshirëse e jo një partiake.
Pasi në çdo shtet, regjion apo qytet evropian ku (nuk) janë të hapura ambasadat dhe konsullatat e Republikës së Kosovës, ka me dhjetra intelektual të profileve të ndryshme që janë të aftë dhe të përgatitur për të ushtruar funksionin e zyrtarit konsullor, pse jo edhe të diplomatit shtetëror.
Zëri i mërgatës duhet të dëgjohet në qeveri dhe parlament, por më së shumti nëpër ambasada dhe konsullata dhe jo vetëm.
Vetëm me përfshirjen e aktivistëve dhe veprimtarëve të shquar të mëgatës në stafin diplomatik të ambasadave dhe konsullatave në shtetet evro-perëndimore, ndryshimet e filluara do të kenë kuptim dhe përmbajtje pozitive.
Pra, mërgimtarëve duhet të ju bëhet e mundur pjesëmarrja e drejtëpërdrejtë në vendimarrje duke filluar nga procesi i ardhshëm zgjedhor, përkatësiht me ndryshimin e ligjit zgjedhor që ua bën të mundur mërgimtarëve votimin nëpër përfaqësitë diplomatike, premtim ky elektoral i kryeministrit aktual.
Për këtë dhe shumë arsye tjera është e nevojshme hapja e sa më shumë konsullatave në shtetet me shtrirrje të gjërë gjeografike, siq janë Gjermania, Italia, SHBA-të dhe vende tjera me prezencë më të madhe të mërgatës tonë, në mënyrë që mërgimtarët t’i kenë sa më afër shërbimet konsullore dhe ato diplomatike.
Qeveria e re, e ka rastin dhe mundësinë që ta bëjë përfaqësimin dinjitoz të mërgatës nëpër përfaqësistë diplomatike dhe ta kthejë imazhin pozitiv të përfaqësimit të Kosovës në arenën ndërkombëtare.
Prandaj është e nevojshme dhe e domosdoshme, do të thoja imediate përfshirja e mërgatës në stafin konsullor dhe misionet diplomatike, për ta hapur një faqe të re dhe të ndritshme të diplomacisë kosovare në arenën ndërkombëtare, për ta dëshmuar edhe në praktikë, se mërgimtarët janë ambasadorët më të mirë dhe më të denjë të Republikës së Kosovës në botë.

RAMUSH LEJE RËHAT ALBININ!! – Nga BINAK MAXHARRAJ

Tashti më nuk je ne Qeveri. Mandatin e mbarove ashtu siç e mbarove, me skandale dhe afëra nga te ndryshmet. Bane me parat e shtetit çka deshte,i qove atje ku deshte derisa e zbraze krejtë arkën e shtetit.

Kjo është e gjitha,por tashti qe nuk je më ne qeveri,leje rëhat Kryeministrin Albin Kurtin. Qeveria e re ndryshon dukshëm nga ajo e jotja.Janë më te arsimuar,janë te pa korruptuar,nuk dijnë me vjedhë me plaçëkitë vendin.Nuk janë njërëz te hunit dhe stupcit,siç ishin ne te gjitha qeverite e pasluftës.

Albini me ekipin e vetë, e dinë rrugën e vetë në qeverisje e cila do te jetë shumë ndryshe dhe shumë më cilësore më premtuese dhe gjithësesi jo korruptuese e me dosje gjyqesore mbi shpinë.

Nuk e di se përse Ti dhe AAK jeni lidhë si për qyke për taksën të cilën po luteni ne tokë e qiell qe ajo të mos hiçët.

Ramush ka përfunduar”krenaria”e jote për taksën.Ajo me e ka humbur efetktin e vetë,nuk bënë më punë.Taksa nuk guxon qe edhe me tutje ti lidhë nyje proceset që janë në zhvillim e sipër me qeverin e re.

Ramush ti e dinë fare mirë së sikur Serbisë ti vehën edhe 100 taksa tjera ajo nuk do ta pranojë pavarësinë e Kosovës.Pranimi i pavarësisë së Kosovës nuk është në duart e Serbisë dhe Vuçiqit.Serbia do ta heqë taksën vetem ateherë kur te detyrohet ta bëjë këtë sepse serbi veç forcën e njehë.

Prandej mos trumbetoni qe edhe me tutje të humbëni kohë dhe lidhëni qykën për taksën,çoftë me kërcnime,protesta dhe nenshkrime për Parlament.Nuk pijnë uji,kanë ndryshi kohërat ne pushtet nuk jan më cubat dhe hajnat.

Megjithatë Albin Kurti e dinë rrugën e vetë të qeverisjës,e dinë vetem ate rrugë qe ia trasoi populli me 6 tetor 2019,atë rrugë ku kërkoëhn ndryshime dhe një qeverisje ndryshe.

Kjo është rruga e Kryeministrit Albin Kurtit i cili më përkushtim dhe pa u trembur do ta qojë përpara.Këtë po e vërtetojnë edhe aktiviteti i tyre ne ministrin e drejtesisi dhe ne ate të diplomacisë ku po ndreqen gabimet jo ligjopre te marra sa ishe ti ne pushtet.

Do te ua ndishë krsimat edhe ndryshimeve tjera ne te gjitha ministrit dhe borde ku i keni vendos
militantet,dajat.mesat,nipat e kend jo.

Reagon Konjufca: Çitaku na njoftoi me email për njohjen e Xhamajkës, do të marr shpejt veprime ndaj secilit

Ministri i Punëve të Jashtme, Glauk Konjufca ka reaguar pasi nga Xhamajka mohuan se kanë njohur pavarësinë e Kosovës, ashtu si kishte lajmëruar mbrëmë ambasadorja Vlora Çitaku, raporton Gazeta Express.

Konjufca ka shkruar në Facebook se lajmin e kanë marrë përmes postës elektronike nga ambasadorja Çitaku dhe se janë në kontakt të vazhdueshëm më ambasadën në SHBA për të sqaruar atë se çka ka ndodhur.

Ai ka paralajmëruar se pas shqyrtimit të situatës do të ndërmerren veprime.

“Si Ministër i Punëve të Jashtme dhe Diasporës, pas shqyrtimit të situatës, shumë shpejt do të ndërmarr veprime në përputhje me përgjegjësitë e secilit”, tha Konjufca.

Lajmi se Xhamajka e ka njohur Kosovën u bë e ditur mbrëmë nga presidenti i vendit, Hashim Thaçi që për këtë tha se e ka lajmëruar ambasadorja e shtetit në SHBA, Vlora Çitaku./Express/

Shkrimi i plotë:

Mbrëmë, Ambasadorja e Republikës së Kosovës në Shtetet e Bashkuara të Amerikës, znj. Vlora Çitaku, përmes postës elektronike e ka njoftuar Ministrinë e Punëve të Jashtme dhe Diasporës për njohjen nga Xhamajka.

Në rrafshin profesional, informata zyrtare e një Ambasadori/eje, drejtuar Ministrisë së Punëve të Jashtme, konsiderohet si akt i mirëqenë dhe merret në konsideratë si e tillë.

Ne jemi në kontakt të vazhdueshëm me Ambasadën tonë në SHBA, për të sqaruar situatën e krijuar.

Si Ministër i Punëve të Jashtme dhe Diasporës, pas shqyrtimit të situatës, shumë shpejt do të ndërmarr veprime në përputhje me përgjegjësitë e secilit.

Xhamajka njeh pavarësinë e Kosovës

Shteti i Xhamajkës ka njohur Kosovën shtet të pavarur. Lajmin e bëri të ditur, presidenti i Kosovës, Hashim Thaçi.

Thaçi tha se deri te njohja nga Xhamajka ka ardhur pas lobimit shumëvjeçar dhe ndihmës së kongresistit amerikan, Eliot Engel.

“Lajm i mirë. Sapo u njoftova nga ambasadorja jonë (në SHBA) Vlora Çitaku se Xhamajka ka njohur Kosovën si shtet të pavarur dhe sovran. E di se kjo është rezultat i punës së madhe dhe lobimit për vite të tëra, përfshirë edhe ndihmës së kongresistit Eliot Engel. Faleminderit miqve tanë nga Kingston”, ka shkruar Thaçi në llogarinë e tij në Twitter.

Pavarësinë e Kosovës, sipas të dhënave të publikuara në ueb-faqen e Ministrisë së Punëve të Jashtme, nuk e ka njohur asnjë shtet, që prej vitit 2018.

Fillimisht njohja, pastaj reciprociteti! – Nga Florim Zeqa

 

Albin Kurti reciprocitetin si masë kushtëzuese ndaj Serbisë e kishte kërkuar që në vitin 2011 si liderë opozitar përmes një rezolute me 7 dhjetor 2011, në Kuvendin e Republikës së Kosovës, e cila ishte miratuar me 42 vota për, 33 kundër dhe 2 abstenime, në të cilën thuhej: “Qeveria t’i marrë masat e reciprocitetit të plotë politik, ekonomik e tregtar ndaj Serbisë”.
Mirëpo, vetëm një muaj më pas, me 20 janar 2012, me imponim të kryeministrit të atëhershëm, Hashim Thaçi, tani president i vendit, në Kuvendin e Kosovës u votua kundër rezoluta, e cila e e anuloi reciprocitetin me Serbinë.
Edhe pas kaq viteve, përseri e njëjta përballje me Serbinë, e njëjta përballje e Albin Kurtit me Hashim Thaçin! Por dallimi qëndron në kohë dhe përmbajtje. Tani nuk është më e 2011-ta, e fillimit të dialogut me Serbinë, por është e 2020-ta e fazës finale të dialogut, nga e cila Kosova edhe po të dojë nuk mund të ndryshojë gjë me reciprocitet e taksë, por vetëm me kushtin e njohjes së ndërsjellë.
Tani Albin Kurti nga pozita e kryeministrit për aq sa e ka në dorë, si shef i Qeverisë, të realizojë premtimin e tij për masa reciproke ndaj Serbisë, e ka të vështirë ta realizojë për shkak të trysnisë së paparë ndërkombëtare për heqjen e të gjitha kushtëzimeve ndaj Serbisë.
Mbetët të shihet, se a do t’i bëj ballë Albin Kurti presionit ndërkombëtarë, në veçanti atij amerikan lidhur me masen e reciprocitetit!?

Reciprocitet real e jo formal

Reciprociteti në radhë të parë e nënkupton lëvizjen e lirë të qytetarëve, gjegjësisht hyrjen dhe daljen nga shteti i Serbisë në Kosovë dhe anasjelltas me pasaporta e jo të vazhdojnë kushtëzimet e njëanshme nga shteti i Serbisë për shtetasit kosovar vetëm me letërnjoftim, ndërsa shtetasit serb të kalojnë me pasaporta të Serbisë në territorin e Kosovës.
Reciprociteti do të ketë kuptim vetëm nëse Serbia i zbaton të njëjtat masa të cilat ajo i aplikon ndaj Kosovës.
Mirëpo, pa një trysni të vërtetë ndërkombëtare, vështirë është të besohet që Serbia pa njohje paraprake do të zbatoj masat e reciprocetit, gjegjësisht pranimin e pasaportave dhe dokumentave tjera me logon e Republikës së Kosovës.
Pra, reciprociteti duhet të jetë real e jo formal, siq ishte taksa 100 %, e shoqëruar me invazion të lartë fiskal dhe kontrabandë mallrash nga Serbia në Kosovë.
Reciprociteti real e kthen dialogun në binarë normal, në të kundërtën, reciprociteti formal, jo vetëm që nuk e ndal fushatën e Serbisë për tërheqjen e njohjeve, do ta dëmtojë dialogun dhe fusë Kosovën në një aventurë akoma më të rrezikshme, e cila mund të rezultojë me ç’njohje edhe nga shtetet me ndikim në Bashkimin Evropian.
Edhe po të vihet reciprociteti nga ana e ‘Qeverisë Kurti’, duhet të vëzhgohet me kujdesin maksimal zbatimi nga Serbia para vazhdimit të çdo dialogu me ndërmjetësimin e BE-së dhe SHBA-së, për t’u siguruar që Kosova po hyn në fazën e njohjes nga Serbia”, në të kundërtën zhgënjimi për qytetarët do të jetë i madh dhe pasojat për shtetin të pa llogaritshme.

Nuk ka reciprocitet pa heqjen e Rezolutës 1244

Përderisa Serbia e shfrytëzoi taksën si alibi për fushatë kundër tërheqjes së njohjeve, të njëjtën gjë mund ta bëj edhe me reciprocitetin duke u thirrur në Rezolutën 1244 të Këshillit të Sigurimit të OKB-së.
Për këtë arsye duhet të tregohemi të syqelë përballë Serbisë, që të mos i krijojmë një mundësi të dytë për tërheqje të njohjeve dhe dëmtim të mëtutjeshëm të imazhit të Kosovës në botë.
Që kjo të mos ndodhë, paraprakisht çdo lloj takse dhe reciprociteti, Serbisë duhet parashtruar kushtin themelor, atë të njohjes së Republikës së Kosovës shtet i pavarur dhe sovran në kufijt e njohur ndërkombëtarisht.
Asnjë lloj reciprociteti nuk mund ta deyrojë Serbinë ta njohë Kosovën.
Vetëm njohja e Kosovës nga Serbia do ta deyronte Këshillin e Sigurimit të OKB-së që të anulojë Rezolutën 1244 e cila e njehë sovranitetin e Serbisë mbi Kosovën.
Tani nuk bëhet më fjalë për asnjë lloj çlirimi të Kosovës nga brenda siq po e proklamon Albin Kurti; “Pas çlirimit në 1999 dhe Deklaratës së Pavarësisë në 2008, njerëzit e shohin zgjedhjen e qeverisë sonë si një çlirim të tretë” dhe as për “çlirim të Serbisë nga Kosova” siq foli në konferencën e Munihut, por për njohje të Kosovës nga Serbia, si të vetmen zgjidhje që garanton paqe dhe stabilitet afatëgjatë në rajon.
Para çdo lloj dialogu, reciprociteti apo takse duhet të jetë njohja e Kosovës i vetmi kusht që parashtron qeveria Kurti ndaj Serbisë, pastaj gjitha të tjerat do të bien në binar të vet sikurse trenat, pa pasur nevojë të bëhet garë, se kush e ndali apo e liroi trenin i pari!
I kaluam 21 pas çlirimit dhe 12 vjet të pavarësisë duke u vetëkënaqur e vetëmashtruar, të mbështjellur nga brenda dhe nga jashtë me vargonjët serb, të izoluar dhe përbuzur nga Bashkimi Evropian.
Ka ardhur koha që të lirohemi nga iluzionet e të qenurit të lirë e të pavarur, kur na mungon lëvizja e lirë dhe pavarësia në marrjen e vendimeve si shtet i pavarur dhe sovran.

Kurti paralajmëron nga Stan Tërgu: Do të ketë shkarkime të reja të bordeve

Kryeministri Albin Kurti dhe kryetarja e Kuvendit Vjosa Osmani janë pritur me protesta në minierën e Trepçës në Stantërg.

Kryeministri Kurti para protestuesve tha se ashtu siç veproi me Bordin e Telekomit, do të veprojë edhe me të tjerë, nddërsa u premtoi se kërkesat e tyre do të merren parasysh.

“Dje shkarkuam bordin e Telekomit dhe do të vazhdojmë edhe me bordet e tjera por që na duhet kohë të veprojnë pasi jemi vetëm në javën e dytë të qeverisjes”, tha ai.

Arsim Musa, nga këshilli organizativ i protestës, kërkoi nga kryeministri Kurti që të shkarkoi edhe Bordin e Trepcës, pasi që sipas tij kanë bërë shkelje në konkursin e fundit, duke punësuar familajrë.

“Kërkoj nga kryeministri Kurti të shkarkoj bordin udhëheqës pasi në konkursin e fundit janë punësuar njerëz me lidhje familjare direkt me këtë bord”, tha ai.

Protesta u shpërnda e qetë dhe Kurti u premtoi se do t’i takojë në zyrën e tij për të analizuar më shumë këtë çështje.

Kjo nuk është hera e parë që këta minatorë po protestojnë, ata edhe ditë më parë kanë kërkuar shkarkimin e bordit të kësaj ndërmarrje.


Send this to a friend