VOAL

VOAL

Please Wait ...
0%

Qeveria nuk ia mbyll derën UNMIK-ut

By | October 22, 2021
blank

Komentet

blank

Fjalimet në varrimin e dy nxënësve të vrarë në Gllogjan

Qindra qytetarë kanë marrë pjesë në varrosjen e nxënësve Genta Mustafaj dhe Ledion Hamzaj, që u vranë të premten. Dy ditë pas sulmit të një autobusi që po barte nxënës në linjën Gjakovë-Deçan, ende nuk dihet se kush shkaktoi vrasjen e trefishtë.

Në varrim kanë marrë pjesë edhe Ramush Haradinaj, ministrat Xhelal Sveçla, Armend Mehaj, Donika Gërvalla.

Kryeministri i Kosovës, Albin Kurti tha se të dy nxënësve iu këput jeta në lule të rinisë, duke shtuar se edhe në ditën e dytë nuk kanë arritur të kapin dorasit.

“Askush nuk e ka imagjinuar që për festën e 28 nëntorit, për ditën e Flamurit do të vijmë për zi në Gllogjan. Kemi pikëllim dhe mallëngjim. Por kemi edhe zemërim e indinjatë për këtë vrasje të trefishtë, për këtë akt kriminal e mizor. Policia e Kosovës na ka siguruar që po bëjmë gjithçka që është e mundur që sa më parë të kapin vrasësin dhe vrasësit dhe ta mundësojmë drejtësinë dhe ndëshkimin për ta”, ka deklaruar Kurti.

Kurti shtoi se janë tri pista të hetimeve dhe se ai gjatë ditës do të vizitojë edhe Stacionin Policor në Deçan për t’u informuar rreth këtij rasti.

Ai pas varrimit ka njoftuar se kushdo që jep informacione për personin vrau tre persona, do të shpërblehet me 20 mijë euro.

“Ne si qeveri, unë si kryeministër, kemi ofruar edhe një shpërblim prej 20 mijë eurove që kush do që ka një informacion të na shpie te zbardhja apo zbulimi i këtij rasti. I ftojmë të gjithë qytetarët që kanë çfarë do të dhëne që të telefonojnë në numrat e telefonit 0800 1 999 ose 192 dhe me këtë rast në mënyrë steikte ruhet konfidencialiteti i qytetarëve”, ka shtuar Kurti.

Kryetari i Deçanit, Bashkim Ramosaj u ka shprehur ngushëllime familjes Mustafaj dhe Hamzaj, duke i lutur të gjithë të ndihmojnë në zbardhjen e këtij rasti.

“Po uroj që kurrë më nën-pjesëtarët e popullit tanë mos të ketë më këso rastesh e mos të përsëriten më, po askund në botë mos dëgjofshim për rastesh kaq makabre kur fëmijët i pret tek shtëpia që po kthehen prej shkolle dhe me t’u kthy në arkivole, kjo është shumë e rëndë. Apeloj te institucionet e vendit duke apeluar për punën që kanë bërë këto ditë, duke e kryer detyrën e tyre zyrtarë që u takon, mos të ndalen deri sa të zbardhet ky rast. Lus ata që kanë ndonjë informacion të tillë të bashkëpunojnë e organet relevante të këtij shteti”, ka thënë Ramosaj.

Shoqja e te dy nxënësve mes lotëve ka shprehur dhimbjen për bashkëmoshatarët e saj, të cilët u vranë duke u kthyer nga shkolla.

“Pse Gentë nxitove aq shumë atë natë të hipje në autobus. A e thirre nënën Gentë atë natë ta gjeje darkën në tryezë ta gjeje atë natë, siç e bëre atë natë. Ledion a i tregove Gentës çfarë do të dëshiroje për darkë atë natë, apo e dije edhe ti? O Zot çfarë emri ka kjo vdekje, o Zot çfarë arsyeje ka ky trishtim. O Zot për çfarë na ndave ne. Ledion, Gentë së paku të na tregoje si ta përballonim dhembjen ku ju nuk jeni. Nuk mund të ju them pushoni pasi që nuk ma thotë as goja. Nuk do të ju harrojë kurrë. Do të jeni përgjithmonë ne zemrat tona e në shpirtin tonë. Mallkuar qoftë ajo dorë që ju ndau nga ne. Maturës do ju lëm emrin tuaj. Gllogjan je msu me vra trima, por jo edhe fëmijë”, tha ajo.

Pasditen e së premtes, në fshatin Gllogjan të Deçanit është sulmuar një autobus me armë automatike, ku dy nxënës dhe shoferi kanë vdekur. Ndërsa, një nxënës tjetër, 17 vjeçar, është plagosur dhe po trajtohet në Spitalin e Pejës.

blank

Ende nuk ka të arrestuar për vrasjet në Deçan

Dy zyrtarë të Policisë së Kosovës. Fotografi ilustruese.

Doruntina Baliu

Policia e Kosovës ende nuk ka arrestuar ndonjë të dyshuar për vrasjen e trefishtë në fshatin Gllogjan të Komunës së Deçanit.

Shoferi i autobusit dhe dy nxënës mbetën të vdekur më 26 nëntor pas të shtënave me armë në drejtim të autobusit, që po bartte nxënës në relacionin Gjakovë-Deçan.

Zëvendëskomandanti i Policisë së Kosovës, Veton Elshani ka konfirmuar për Radion Evropa e Lirë se ende nuk ka arrestime lidhur me këto vrasje.

Sipas Policisë, vrasjet dyshohen se u kryen me armë zjarri të llojit AK-47.

Nga të shtënat drejt personave në autobus mbeti i lënduar edhe një nxënës, i cili po merr trajtim mjekësor.

Mbrëmjen e 26 nëntorit, kryeprokurori Blerim Isufaj ka thënë para mediave se hetimet janë duke u zhvilluar në disa pista, porse ende nuk ka ndonjë të dyshuar.

Zyra e Kryeprokurorit të Shtetit ka bërë thirrje që kushdo që ka informata për ngjarjen, të bashkëpunojë me autoritetet, në mënyrë që kryesi i veprës të dalë sa më shpejt para drejtësisë.

Presidentja e Kosovës, Vjosa Osmani, dhe kryeministri Albin Kurti e kanë cilësuar ngjarjen si “tronditëse” dhe i kanë ftuar organet e rendit që t’i zbulojnë autorët e krimit dhe t’i sjellin para drejtësisë.

Ministri i Punëve të Brendshme i Kosovës, Xhelal Sveçla, ka thënë se ka ndërprerë vizitën në Shqipëri për shkak të ngjarjes dhe se ka kërkuar nga Policia e Kosovës “angazhim dhe mobilizim maksimal”, në mënyrë që autori i këtij “akti makabër” të arrestohet sa më parë.

Ngjarjen e kanë dënuar edhe përfaqësues të tjerë të institucioneve dhe partive politike në Kosovë.

blank

Tre të vrarë në një incident me armë zjarri në komunën e Deçanit

VOA

Autoritetet në Kosovë thanë se tre persona u vranë dhe një tjetër mbeti i plagosur nga të shtënat me armë zjarri mbi një autobus në afërsi të fshatit Gllogjan të komunës së Deçanit, rreth 100 kilometra në perëndim të Prishtinës.

Autobusi po udhëtonte nga Gjakova për në Deçan kur mbi të u qëllua me armë zjarri në orët e mbrëmjes.

Autoritetet thanë se shoferi i autobusit dhe dy të rinj të lindur më 2003 dhe 2004 kanë humbur jetën. I plagosuri është në gjendje të qëndrueshme shëndetësore.

Prokuroria tha se ka filluar hetimet por ende nuk dihet asgjë për rrethanat apo motivet e incidentit.

Zëvendësdrejtori i policisë në rajonin e Pejës, Veton Elshani, tha se besohet që një sulmues i maskuar qëlloi mbi autobusin me të cilin po udhëtonin tetë të rinj. Ai nënvizoi se “nuk ka arsye për të besuar se bëhet fjalë për sulm terrorist”.

Incidenti u dënua nga udhëheqës institucionesh e partish politike.

Presidentja e Kosovës, Vjosa Osmani, e cilësoi tronditës lajmin për sic tha ajo, “aktin kriminal në Gllogjan”, duke bërë thirrje për ndriçimin sa më të shpejtë të incidentit dhe vënien e autorëve para drejtësisë.

“Sulmi ndaj autobusit me nxënës është goditje ndaj rendit e sigurisë sonë. Siguria e qytetarëve është prioritet, ndaj nuk do të zmbrapsemi në përmbushjen e këtij misioni”, shkroi presidentja Osmani.

“Sonte u tronditëm nga lajmi për sulmin me armë zjarri ndaj autobusit me nxënës në Gllogjan të Deçanit”, shkroi në rrjetet sociale, kryeministri i Kosovës, Albin Kurti, duke ngushëlluar familjet dhe të afërmit e viktimave.

Kryetari i Aleancës për Ardhmërinë e Kosovës, Ramush Haradinaj u shpreh “i trishtuar nga sulmi kriminal që ndodhi në Gllogjan, ku humbën jetën tre persona, prej të cilëve dy nxënës. Bashkëndjejmë me familjarët e të vrarëve, duke u lutur për durim dhe forcë, në këto momente të rënda për të gjithë ne”, shkroi ai, duke bërë thirrje për ndriçimin sa më parë të incidentit dhe vënien para drejtësisë të autorëve të tij.

Vrasja u dënua edhe nga udhëheqës politikë në Shqipëri.

Presidenti shqiptar, Ilir Meta, u shpreh “thellësisht i tronditur nga akti kriminal në Gllogjan të Deçanit. Ju shpreh ngushëllimet më të sinqerta familjeve të të vrarëve dhe të gjithë popullit të Kosovës! Të lënduarit i uroj shërim sa më të shpejtë! Autorët meritojnë ndëshkimin më të ashpër ligjor!”, shkroi ai.

Kryeministri shqiptar, Edi Rama, shkroi në rrjetet sociale se “jetët e marra në Kosovë nga plumbat e një egërsie që meriton ndëshkimin ekstrem të drejtësisë, na kanë brengosur të gjithëve. Ngushëllime vëllazërore familjeve të goditura në zemër nga humbja absurde. Kurajo e mbështetje institucioneve të Kosovës në këtë moment sfidues”, shkroi ai.

blank

Rreth 19 për qind e grave në Kosovë kanë hequr dorë nga të drejtat e tyre pronësore

Prishtinë

Misioni i Bashkimit Evropian për Sundimin e Ligjit në Kosovë (EULEX) dhe Forumi për Lidership dhe Diplomaci kanë organizuar diskutimin për lidhjen ndërmjet të drejtave pronësore dhe dhunës në familje duke shënuar fillimin e fushatës për rritjen e ndërgjegjësimit “Mos vazhdo të jesh viktimë e dhunës në familje vetëm pse nuk ke nga të shkosh – Kërko të drejtën tënde në pronë”, raporton Anadolu Agency (AA).

Në këtë diskutim, mori pjesë edhe presidentja e Kosovës, Vjosa Osmani, e cila tha se të diskutosh për të drejtën pronësore është përçim i një mesazhi të qartë se fuqizimi ekonomik dhe barazia gjinore janë për një shoqëri ku vajzat dhe gratë ndihen të sigurta dhe të fuqizuara.

Presidentja Osmani tha se gratë dhe vajzat janë shtyllë e fuqishme e shoqërisë kosovare ndërsa pjesëmarrja e tyre në shoqëri, krahas burrave, kontribuon në të mirën e familjes dhe shoqërisë.

“Prona krijon mundësi për pavarësi ekonomike dhe fuqizim të zërit të grave dhe vajzave kundruall padrejtësive dhe pabarazive. Si rezultat i prezencës së mëtejme të qasjes patriarkale diskriminuese, në raport me të drejtën pronësore, gjendja aktuale sa i përket trashëgimisë pronësore vazhdon të mos jetë e kënaqshme. Një përqindje shumë e vogël e pasurisë nga prindërit, trashëgohet nga vajzat ndërkaq një përqindje po ashtu shumë e vogël është me gra pronare të pronave”, tha Osmani.

Ajo theksoi se të dhënat flasin për rritje të numrit të grave që kanë iniciuar kërkesa për trashëgimi të pronës dhe këtë e konsideroi zhvillim pozitiv. Osmani shtoi se sistemi gjyqësor duhet t’i trajtojë kërkesat për pronësi të grave në mënyrë të drejtë, efikase dhe pa vonesë.

Shefi i Misionit të EULEX-it në Kosovë, Lars Gunnar Wigemark tha se Misioni i BE-së për Sundimin e Ligjit në Kosovë është i përkushtuar për barazi gjinore dhe luftë kundër dhunës në baza gjinore.

Ai tha se EULEX-i monitoron trajnime nga ana e gjyqësorit të Kosovës të rasteve gjyqësore që kanë të bëjnë me dhunën në familje.

Wigemark, i cili po ashtu foli për të drejtën pronësore për gratë, tha se mungesa e qasjes në të drejtat pronësore dhe ekonomike promovon një kulturë të cenueshmërisë, ku shumë gra ndihen se nuk kanë alternativa të tjera përveç të qëndruarit në marrëdhënie të dhunshme.

“Rreth 19 për qind e grave në Kosovë kanë hequr dorë nga të drejtat e tyre pronësore apo të trashëgimisë ndërsa rreth 38 për qind e burrave dhe 33 për qind e grave nuk mendojnë se gratë duhet të kenë mundësinë e trashëgimit të pronës nga familjet në të cilat janë lindur”, tha Wigemark i cili theksoi se gratë nuk kanë shpesh mungesë të burimit të të ardhurave jashtë shtëpisë.

Ai shtoi se fakti që shumica e grave në Kosovë nuk i ushtrojnë të drejtat e tyre themelore të pronësisë është një prej shkaqeve kryesore të dhunës në familje.

Në Kosovë zyrtarisht janë të punësuara vetëm 14 për qind e grave dhe kanë burimet e tyre të të ardhurave.

Dita Ndërkombëtare për Eliminimin e Dhunës Kundër Grave – 25 Nëntori, ka shënuar nisjen e fushatës “UNiTE” në Kosovë për t’i dhënë fund dhunës kundër grave – një nismë prej 16 ditësh aktivizimi që përfundon në ditën që përkujton Ditën Ndërkombëtare të të Drejtave të Njeriut, më 10 dhjetor.

blank

Lajçak: Ka hapësirë për progres në dialogun mes Kosovës dhe Serbisë

RFE/RL

I dërguari i Bashkimit Evropian për dialogun, Miroslav Lajçak tha më 25 nëntor se ka hapësirë për progres në kuadër të dialogut mes Kosovës dhe Serbisë, derisa theksoi rëndësinë strategjike të këtij procesi për gjithë Bashkimin Evropian.

Ai tha se gjatë vizitës në Kosovë ka diskutuar për një takim të mundshëm ndërmjet kryeministrit të Kosovës, Albin Kurti dhe presidentit të Serbisë, Aleksandar Vuçiq, që BE-ja shpreson se do të mbahet para fundit të vitit.

Pas takimit me kryeministrin Kurti, Lajçak tha se nuk është i rëndësishëm vetëm caktimi i takimit, por edhe rezultati mund të ketë ai.

“Nuk është në pyetje takimi, sepse liderët janë takuar dy herë, por siç e dini nuk ka pasur rezultate pozitive. Kësaj here, ambiciet tona janë ndryshe dhe nuk ka të bëjë vetëm me organizimin e takimit, por edhe për t’u pajtuar se cili do të jetë rezultati”, tha Lajçak.

Ai shtoi se palët kanë shprehur vullnet të mirë për procesin e dialogut dhe “ne vetëm duhet të sigurohemi që takimi do të prodhojë rezultate”.

Lajçak ka qëndruar për vizitë njëditëshe në Prishtinë me ç’rast u takua edhe me presidenten e Kosovës, Vjosa Osmani.

Gjatë takimit me Osmanin, Lajçak tha se ka nevojë për aktivizim të BE-së në rritjen e kredibilitetit të procesit të zgjerimit dhe konfirmimin e së ardhmes Evropiane për Kosovën dhe Ballkanin Perëndimor.

Në anën tjetër, presidentja Osmani deklaroi që Kosova mbetet palë e përkushtuar dhe konstruktive në dialogun me Serbinë. Sipas saj, suksesi i këtij procesi nuk është i rëndësishëm vetëm për Kosovën, por edhe rajonin.

Megjithatë sipas Osmanit epilogu i dialogut do të duhej të ishte njohja e ndërsjellë mes Kosovës dhe Serbisë, thuhet në njoftimin e presidencës kosovare.

Lidhur me mundësinë e arritjes së një marrëveshjeje me Serbinë, në një intervistë për Radion Evropa e Lirë, ditë më parë kryeministri i Kosovës, Albin Kurti deklaroi se është e pritshme që marrëveshja finale të arrihet gjatë mandatit të tij.

Bisedimet për normalizim të marrëdhënieve në mes të Kosovës dhe Serbisë kanë filluar qysh në vitin 2011. Që nga ajo kohë janë arritur një sërë marrëveshjesh, porse shumica prej tyre nuk janë zbatuar në praktikë.

Dialogu u ndërpre disa herë për arsye të ndryshme. Por, së fundmi pengesë në dialog u bë, marrëveshja për themelimin e Asociacionit të komunave me shumicë serbe në Kosovës.

Qëllim i dialogut thuhet të jetë arritja e një marrëveshjeje gjithëpërfshirëse dhe ligjërisht e obligueshme për të dyja palët.

blank

Edita Tahiri: Rama po bëhet levë e Beogradit për destabilizimin e rajonit

Edi Rama të mos bëhet levë e Beogradit për destabilizim të rajonit. Kështu deklaroi për Euronews Albania ish- kryenegociatorja në dialogun me Serbinë, Edita Tahiri.

Znj.Tahiri nënvizoi se realiteti në Ballkan është shpërthyes në kuptimin e situatës së tensionuar dhe faktori kryesor është Serbia në bashkëpunim me Rusinë.

“Krijojnë tensione, në favor të Serbisë së madhe. Shqipëria të luajë rol stabilizues, jo t’i bëhet levë e këtyre përpjekjeve të Serbisë, destabiliuese dhe të Serbisë së Madhe. Shqipëria të marrë rolin për stabilizim të rajonit”, deklaroi ajo.

Znj. Tahiri nënvizoi se afërsia e Ramës me qeverinë e Serbisë është e dëmshme jo vetëm për Kosovën, por edhe rajonin.

“E para është politika e jashtme, unë shoh disa elementë të pakëndshëm në politikën shqiptare dhe kjo lidhet me këto iniciativat rajonale, por më serioze është si problem që Shqipëria duhet të dijë se kush janë fqinjët e Shqipërisë dhe cilët janë fqinjët e Kosovës. Këtu kemi një ngatërresë, që kjo afërsia me Ramës dhe qeverisë së Serbisë në një përshtypje se gjoja janë vende fqinje dhe kjo afri kaq e madhe nuk po duket e mirë, e dëmshme jo në raport me Kosovën por edhe në Ballkan”, tha ajo.

Ish-zyrtarja e lartë deklaroi se  s’duhet të ketë vetëm fjalë të bukura nga ana e Ramës, por veprime konkrete.

Sa i përket mbledhjes së nesërme, znj. Tahiri tha se duhet të ketë më shumë  rezultate në zbatimin e marrëveshjeve sesa në rritjen e numrit të marrëveshje.

“Dua që në mbledhjen e nesërme të ketë një raport transparent për të gjithë opinionin publik për shkallën e zbatueshmërisë së këtyre marrëveshjeve”, u shpreh ajo. syri.net

blank

Meta nga Prishtina: Ballkani i Hapur rivalizon procesin e Berlinit, ringjall fantazmën e Millosheviç

Nga Prishtina, presidenti Ilir Meta është shprehur se ka dy rezerva për nismën Ballkani i Hapur, pjesë e të cilës janë Shqipëria, Serbia dhe Maqedonia e Veriut. Meta deklaroi se ai shpalos një politikë përjashtuese si dhe përpiqet të rivalizojë procesin e Berlinit.

“T’i përmbahemi zbatimit të marrëveshjeve. Kjo është shumë e rëndësishme. Ka një varg “Ah sikur të bëhet edhe një mbledhje që t’i jepte fund të gjitha mbledhjeve”. Duhet t’i shmangemi çdo tentative për t’i personalizuar raportet e pazëvendësueshme Shqipëri-Kosovë. Nuk mund të jetojmë me iluzionin që ajo që po shohim të ndodhë në Serbi apo Bosnje, nuk ka ndikim te ne.

Arkitektura e paqes dhe sigurisë është garancia më e mirë dhe më e sigurt për të ardhmen e vendeve tona. Duhet të jemi të vendosur për të refuzuar çdo flirt anti europian. Shqipëria do të përmbushë angazhimet e saj si vend anëtar i NATO-s. Rezerva e parë që kam për Open Balkan është parimore. Bashkimi nuk mund të ofrohet përmes politikës përjashtuese.

Prandaj është shumë e rëndësishme që të kemi në konsideratë parimet që garantojnë bashkëpunim të qëndrueshëm dhe afatgjatë. Rezerva e dytë lidhet me përpjekjet për të rivalizuar procesin e Berlinit. Ballkani i Hapur e parcelizon bashkëpunim vetëm në tre vende dhe duket sikur i jepet Serbisë kundrejt një sjellje më të balancuar në rajon. Si mundet t’u besojmë qëllimeve të mira kur ringjallet fantazma e Millosheviç”, tha Meta.

Deklarata e kreut të shtetit shqiptar u bë sot paradite gjatë një fjale të mbajtur në Universitetin e Prishtines AAB.

blank

E mërkura ditë zie në Kosovë

RFE/RL

Presidentja e Kosovës, Vjosa Osmani, ka shpallur të mërkurën, më 24 nëntor, ditë zie shtetërore për viktimat e aksidentit tragjik në Bullgari.

Në njoftimin për media të zyrës së presidentes thuhet se presidentja Osmani “ka marrë vendim që të mërkurën, më 24 nëntor 2021, të shpallet ditë zie shtetërore në shenjë solidarizimi dhe nderimi të qytetarëve të Maqedonisë së Veriut, shumica dërmuese bashkëkombës tanë, të cilët kanë humbur jetën tragjikisht në aksident trafiku në Bullgari”.

Ndërkohë, Qeveria e Maqedonisë së Veriut ka shpallur të martën tri ditë zie kombëtare pas aksidentit, që la të vdekur të paktën 46 persona.

Zyrtarët në Maqedoni të Veriut thanë se aksidenti ndodhi në një autostradë në perëndim të Bullgarisë, ku një autobus me 53 pasagjerë, shumica nga Maqedonia e Veriut, fillimisht u aksidentua e më pas u përfshi nga flakët në orët e para të 23 nëntorit.

Në mesin e viktimave ka edhe të paktën 12 fëmijë. Në një spital në Sofje të Bullgarisë janë duke u trajtuar shtatë persona që i shpëtuan aksidentit.

Raportohet se shumica e viktimave ishin nga Shkupi dhe ishin duke u kthyer nga Stambolli i Turqisë, ku kishin qëndruar në një vizitë treditore.

blank

Abdixhiku bën homazhe tek varri i Xhemajl Mustafës

Kryetari i LDK-së, Lumir Abdixhiku ka bërë homazhe tek varri i veprimtarit të vrarë të LDK-së, Xhemajl Mustafa, raporton Gazeta Express.

Abdixhiku ka thënë se Xhemaj Mustafa është një nga figurat kryesore të lëvizjes politike të viteve 90-të.

“Xhemajl Mustafa është një nga figurat kryesore të lëvizjes politike të viteve 90’, personalitetet i afërt dhe mik i ngushtë me Presidentin Rugova, ai ishte prijatar i shumë proceseve në kohët më të vështira për Kosovën. Opusi i tij jetësor e krijues shtrihet në shumë dimensione”, ka thënë Abdixhiku.

Abdixhiku ka thënë se vrasja e tij ishte goditje jo vetëm për LDK-në por edhe për Kosovën

“Në kohën kur ideali i lirisë ishte arritur, Xhemajl Mustafës iu ndal rruga në gjysmë – në hyrje të banesës së tij, ai u vra gjakftohtësisht më 23 nëntor të vitit 2000.Vrasja e tij ishte një goditje e madhe jo vetëm për LDK-në por edhe për Kosovën.Sot, edhe pas 21 vitesh, vrasja e tij mbetet e pazbuluar, për familjen, LDK-në dhe gjithë bashkëpunëtorët e tij, ndaj dhe dhimbja bëhet edhe më e madhe çdoherë. Qoftë i përjetshëm kujtimi për jetën dhe veprën e Xhemajl Mustafës!”, ka thënë Abdixhiku.

blank

Latifi: Ideja e Bashkimit Kombëtar i ka dy plagë, ato vështirë se i shërojnë elitat tona politike e kulturore

Profesori Blerim Latifi thotë se ideja e bashkimit të Kosovës me Shqipërinë ka vuajtur gjithmonë nga plagët e shkaktuara nga fqinjët tanë dhe vetë shqiptarët.

Duke marrë shkas nga deklarata e djeshme e kryeministrit Albin Kurti për revistën britanike, “Monocle” se do të votonte pro bashkimit me Shqipërinë në një referendum paqësor e demokratik, si dhe reagimet që pasuan, Latifi shkruan se është vështirë që këto dy plagë të kësaj ideje t’i shërojnë elitat politike e kulturore të Kosovës, shkruan Gazeta Express.

“Ideja e Bashkimit Kombëtar të Shqiptarëve historikisht ka vuajtur nga dy plagë të mëdha. Njëra është plaga e shkaktuar nga fqinjët tanë, që e demonizonin këtë ide, duke e paraqitur si shoviniste dhe kërcënim për paqën në Ballkan. Fatkeqësisht ne kurrë nuk kemi qenë në gjendje ta rrëzojmë këtë imazh”, ka shkruar Latifi.

“Plagën tjetër ia kanë shkaktuar vetë shqiptarët, duke e përdorur idenë e Bashkimit Kombëtar për të mbledhur vota për pushtetet e tyre.
Edhe sot vazhdon vazhdon e njëjta gjë: fqinjët e përdorin këtë ide për të penguar fuqizimin kombëtar të shqiptarëve në Ballkan, e ne si mjet propagandistik për t’ia rrëmbyer pushtetin njëri-tjetrit në mahallat tona politike”, ka shtuar ai.

Latifi pyet se “A ka shërim për këto dy plagë?”, ndërsa shton: “Me elitat politike e kulturore që kemi, vështirë të thuhet po”.

blank

Albin Kurti bisedon në telefon me Gabriel Escobar, flasin për temën e njohjes reciproke

Kryeministri i Republikës së Kosovës, Albin Kurti, ka njoftuar se ka zhvilluar një telefonatë me Përfaqësuesin Special të Departamentit të Shtetit për Ballkanin Perëndimor, Gabriel Escobar me të cilin kanë diskutuar për një numër çështjesh, shkruan Gazeta Express.

Kurti ka thënë se kanë diskutuar edhe për çështjen e dialogut dhe nevojën për të pasur rezultate, progres në një proces që duhet të përfundojë me njohje reciproke mes Kosovës dhe Serbisë.

“Në një bisedë telefonike me të dërguarin e Departamentit të Shtetit për Ballkanin Perëndimor Gabriel Escobar. Diskutuar për një sërë çështjesh përfshirë reformat demokratike, programin mbi punë dhe drejtësi, angazhimin për dialog dhe nevojën për të parë rezultate dhe progres që përqendrohet në njohje reciproke”, ka shkruar Kurti.

blank

Blerta Deliu thotë se nuk mendon se grupi “Kumanova” janë terroristë

Deputetja Blerta Deliu-Kodra ka reaguar nëpërmjet llogarisë së saj në Facebook lidhur me debatin që u zhvillua sot në Kuvendin e Kosovës në mes saj dhe Ministres së Drejtësisë, Albulena Haxhiu. Deliu-Kodra, ka deklaruar në seancën e sotme të Kuvendit të Kosovës, se kunati i Ministres Haxhiu, është i akuzuar për terrorizëm në Maqedoninë e Veriut.

Deliu-Kodra ka kritikuar Ministren Haxhiu derisa thotë se nuk mendon se pjesëtarët e grupit ‘Kumanova” janë terroristë.

“Në rrethana të këtij diskursi të nxitur nga pushteti, duke u ballafaquar me shpifjet e Ministres Haxhiu, kam cilësuar pa qëllim një rast që ndërlidhë Ministren Haxhiu me familjarë të saj, të cilët nga një entitet i huaj juridik janë akuzuar gjoja për terrorizëm. As nuk kam thënë e as nuk kam menduar dhe as nuk besoj që ata janë “terroristë”’, thotë Deliu-Kodra.

“Ndjej vërtetë keqardhje, që kjo deklaratë e thënë në kontekst të ballafaqimit me shpifjet e Ministres Haxhiu, të mund të ketë lënduar personat në fjalë, familjet e tyre apo çdo kënd tjetër në çfarëdo forme, dhe keqardhja ime është e sinqertë, sepse në asnjë ç’rast nuk ka qenë qëllim i imi, të ketë këso cilësimesh”, shtoi ajo.

Shkrimi i plotë i Blerta Deliu-Kodra

Të dashur bashkëqytetarë të Kosovës dhe bashkëkombës tanë.

Një seancë e zakonshme që do të duhej të përmbushte misionin legjislativ të Kuvendit, sot u shndërrua në arenë të sulmeve e shpifjeve më të ulta nga Ministrja Albulena Haxhiu, e cila duke dëshmuar në mënyrë konsistente paaftësinë e saj, paturpësisht shfrytëzon besimin e qytetarëve të Republikës së Kosovës, për ta drejtuar këtë paaftësi si mllef patetik ndaj opozitës, në këtë rast, ndaj meje si deputete e Kuvendit.

Ky pushtet arrogant për nga natyra, tashmë ka marrë formë edhe përmbajtje të hapur, me sulme e shpifje, si mënyra e vetme për t’iu shmangur ballafaqimit të njëmend me fakte e argumente, pikërisht si mënyrë për të amnistuar dështimet dhe paaftësinë. 

Në rrethana të këtij diskursi të nxitur nga pushteti, duke u ballafaquar me shpifjet e Ministres Haxhiu, kam cilësuar pa qëllim një rast që ndërlidhë Ministren Haxhiu me familjarë të saj, të cilët nga një entitet i huaj juridik janë akuzuar gjoja për terrorizëm. As nuk kam thënë e as nuk kam menduar dhe as nuk besoj që ata janë “terroristë”.

Ndjej vërtetë keqardhje, që kjo deklaratë e thënë në kontekst të ballafaqimit me shpifjet e Ministres Haxhiu, të mund të ketë lënduar personat në fjalë, familjet e tyre apo çdo kënd tjetër në çfarëdo forme, dhe keqardhja ime është e sinqertë, sepse në asnjë ç’rast nuk ka qenë qëllim i imi, të ketë këso cilësimesh. 

Në anën tjetër, përpjekja për ta përdorur këtë diskurs nga reagimet e pushtetit arrogant, si instrument për të bërë çfarëdo cilësimi e ndërlidhje që lëndon kauzën tonë dhe luftën e drejtë të Ushtrisë Çlirimtare të Kosovës brenda këtij konteksti, me mua si politikane dhe deputete, janë irracionalitet.

Unë, para se të jem deputete, i takojë dy familjeve Kodra (Prekaz) dhe Deliu (Rezalle), të cilat kanë kontribuar dhe dhënë shumë për vendin dhe lirinë tonë. Jam e vetëdijshme se kurrë nuk mund t’u dalim hak atyre që kanë dhënë gjithcka për këtë liri.

Përulja dhe respekti shkon për të gjithë ata që nuk kanë kursyer asgjë për liri.


blank
blank
blank
blank
blank
blank
blank
blank
blank
blank
blank
blank
Send this to a friend