VOAL

VOAL

Please Wait ...
0%

Goran Stanishiq dënohet me 20 vjet burgim për vrasjen e 13 civilëve gjatë luftës në Kosovë

By | October 5, 2021
blank

Komentet

blank

Kurti: Po përgatitet vizita ime në SHBA në fillim të vitit të ardhshëm

Kryeministri Albin Kurti, ka thënë se stafi i tij po e përgatit vizitën e tij në Shtetet e Bashkuara të Amerikës, e cila siç tha ai, do të zhvillohet në fillim të vitit të ri, raporton Gazeta Express.

Në një konferencë për media, Kurti tha se nuk do të njoftojnë për takime të veçanta pa u bërë programi i plotë i vizitës.

“Shefi i stafit të kryeministrit, Z. Luan Dalipi është duke e përgatitur vizitën time në SHBA në fillim të vitit të ardhshëm, mirëpo ne nuk do të njoftojmë për takime të veçanta pa u bërë programi i plotë”, tha Kurti.

Kurti në shtator, në Kuvendin e Kosovës kishte thënë se gjatë nëntorit do të shkonte në Shtetet e Bashkuara të Amerikës.

Më 20 shtator, duke u përgjigjur në pyetjet e deputetëve në seancën e Kuvendit se pse nuk ka shkuar në Asamblenë e Përgjithshme në Organizatën e Kombeve të Bashkuara (OKB), Kurti tha se nuk ka pasur synim të shkonte atje, rrjedhimisht edhe s’ka aplikuar për vizë.

“Mirëpo, në SHBA do të udhëtoj në nëntor. Bëhet fjalë për koordinim të brendshëm që unë besoj që është i duhur dhe i mirë për shtetin tonë”, kishte thënë kryeministri.

blank

Kurti: Serbia po sillet si Rusia, mirëpresim angazhimin e SHBA

Kryeministri Albin Kurti nuk sheh ndryshim në marrëdhëniet mes Kosovës dhe Serbisë. Ai në një intervistë për gazetën malazeze, Pobjeda tha se e mirëpret angazhimin e SHBA-së në Ballkanin Perëndimor, transmeton Gazeta Express.

Kryeministri Kurti theksoi rolin destruktiv të Serbisë në rajon, e cila tha se është problemi më i madh i Kosovës.

“Marrëdhëniet mes Kosovës dhe Serbisë janë të njëjta: nuk janë as më të mira e as më të këqija”, tha Kurti. “Kemi të bëjmë me një shtet që nuk e njeh Kosovën, i cili është autokratik dhe pro Moskës. Nga ana tjetër, Kosova është shtet i pavarur dhe sovran, ka integritetin e vet territorial, por edhe shumë probleme”.

“Problemi ynë më i madh është Serbia, e cila as nuk mund ta imagjinojë dhe as ta pranojë Kosovën si shtet fqinj të barabartë”, është shprehur Kurti.

Ai tha se Serbia po sillet ngjashëm me Rusinë në raport me fqinjët e saj në Ballkanin Perëndimor.

“Serbia po sillet si Rusia në fqinjësinë e saj në Ballkanin Perëndimor: po përpiqet ta kthejë Republika Srpskan në Bjellorusi dhe Malin e Zi në Ukrainë. Në thelb, Serbia nuk e njeh shtetësinë e vendeve jashtë BE-së – Bosnjë e Hercegovinës, Malit të Zi, Kosovës, madje edhe Maqedonisë së Veriut. Përkundrazi: i konsideron këto shtete të përkohshme dhe angazhon të gjitha kapacitetet e saj për ta shkatërruar shtetësinë e tyre”, tha kryeministri.

Kurti u pyet edhe për Asociacionin e komunave me shumicë serbe, i cili sipas tij u nënshkrua në kohën kur u bë shumë presion mbi deputetët.

“Gjatë vitit 2013 është bërë shumë presion mbi deputetët që të arrihet shpejt ajo marrëveshje. Mungonte transparenca dhe informacioni. Sot, institucionet e Kosovës drejtohen nga njerëz që e kundërshtuan marrëveshjen në vitin 2013 dhe që fituan bindshëm zgjedhjet e 14 shkurtit 2021”, tha ai.

Kreu i Qeverisë tha se e mirëpret angazhimin e SHBA-së në Ballkan dhe se Ekzekutivi kosovar po punon ngushtë me administratën Biden.

“Ne gjithmonë e mirëpresim angazhimin amerikan në Ballkan, por vetë Shtetet e Bashkuara vendosin për llojin dhe intensitetin e këtij angazhimi. Qeveria e Kosovës po punon ngushtë me administratën e Presidentit Biden për ta forcuar demokracinë, për t’i zbatuar reformat e nevojshme për anëtarësimin në NATO dhe BE dhe për ta thelluar miqësinë për të garantuar paqen dhe sigurinë e qëndrueshme në Ballkanin Perëndimor dhe Evropë. Prania e trupave amerikane në Kosovë është një manifestim i përkushtimit të Amerikës për Kosovën dhe sovranitetin e saj, por edhe për paqen në rajon dhe Evropë”, deklaroi Kurti.

blank

Ambasadori i Kosovës në Tiranë: S’ka garanci që “Open Balkan” ndjek dhe zbaton frymën e BE-së, prandaj s’bëhemi pjesë

Ambasadori i Kosovës në Tiranë, Skënder Dyrmishi, në një intervistë për ABC News Albania ka folur për projektin e “Open Ballkan”. Dyrmishi ka thënë se tashmë janë bërë të qarta arsyet pse Kosova nuk po i bashkohet një iniciative të tillë.

Dyrsimishi ka theksuar se një prej arsyeve kryesore se pse Kosova nuk bashkohet në një nismë të tillë, është mungesa e garancës se “Open Balkan” do të ndjek dhe zbatojë frymën e Bashkimit Evropian. Ai thotë se s’ka as një dokument që rregullon kompetencat, përgjegjësitë dhe mënyrën e udhëheqjes.

“ Janë bërë të qarta arsyet pse është kundër. Këtu para se gjithash do të veçojë disa nga këto elemente. Mbi të gjitha këtu është që Kosova nuk do që asnjë asociacion të jetë alternativë e Bashkimit Evropian. Me atë se çfarë dihet deri tash, nuk ka garanca se ky asociacion do të ndjek dhe zbatojë frymën e BE-së. Ska një dokument, ku rregullohen në mënyrë strukturore kompetencat, përgjegjësitë dhe mënyra e udhëheqjes. Kjo është arsyeja kryesore”, ka thënë Dyrimish për ABC News Albania.

Ai ka përmendur si çështje tjera edhe gjithpërfshirjen dhe barazinë. Sipas tij, Kosova mund të përfshihet në iniciativa rajonale vetëm si e barabartë me simbolet shtetërore.

blank

Përpjekjet për ‘çlirim’ të Lumëbardhit në Deçan

Në këtë fotografi shihet Zalli i Rupës në grykën e Deçanit. Ky lokacion sipas aktivistëve është dëmtuar më së shumti gjatë periudhës së ndërtimit të hidrocentraleve.

Shkëlqim Hysenaj

Aktivistët mjedisorë dhe një nga organizatat më të mëdha në Evropë që lufton për mbrojtjen e lumenjve nga shkatërrimi, Riverwatch, e kundërshtojnë një koncept për rehabilitimin e zonave të dëmtuara nga ndërtimi i hidrocentraleve në qytetin e Deçanit në Kosovë.

Në rrjedhën e lumit Lumëbardh në këtë qytet janë katër hidrocentrale në pronësi të kompanisë austriake, Kelkos.

Më 22 nëntor, Ministria e Mjedisit, Planifikimit Hapësinor dhe Infrastrukturës e Kosovës (MMPHI) publikoi në ueb-faqen e saj një koncept-dokument, të hartuar nga një ekspert austriak, për rehabilitim të vetëm njërit lokacion, i njohur si Zalli i Rupës, që ndodhet në Grykën e Deçanit.

Ky është lokacioni më i dëmtuar gjatë fazës së ndërtimit të hidrocentraleve në Deçan.

Eksperti u angazhua nga kompania Kelkos dhe koncepti u mbështet nga MMPHI-ja.

Që nga fillimi i ndërtimit të hidrocentraleve, në vitin 2014, aktivistët dhe banorët lokalë kanë ngritur zërin për dëmet që i janë shkaktuar lumit dhe zonës përreth.

Ata thonë se Kelkos-i, gjatë punimeve, ka dëmtuar shtratin e lumit dhe pjesët atraktive për turizëm. Sipas tyre, është dëmtuar edhe rruga që shfrytëzohet nga qytetarët për të shkuar në bjeshkë.

Kelkos, po ashtu, akuzohet se shfrytëzon sasi më të madhe të ujit për prodhim të energjisë elektrike, sesa sasia që e ka të lejuar, duke e lënë lumin pa ujë në pjesën më të madhe të vitit.

Drejtuesi i organizatës Riverwatch, me bazë në Austri, Ulrich Eichelmann, është kritik ndaj institucioneve të Kosovës për mënyrën se si kanë lejuar ndërtimin e hidrocentraleve.

Eichelmann nuk e mbështet asnjë iniciativë për rehabilitim të pjesshëm të dëmeve, të shkaktuara nga ndërtimi hidrocentraleve në Deçan.

“Çfarë unë besoj se është duke ndodhur, është se Kelkos është duke bërë presion të madh që të marrë leje, së paku për të operuar me disa nga hidrocentralet në Deçan”, thotë Eichelmann për Radion Evropa e Lirë.

Eichelmann thotë se ngutja e Ministrisë së Mjedisit, Planifikimit Hapësinor dhe Infrastrukturës në Kosovë, si dhe e kompanisë Kelkos për të prezantuar iniciativa për rehabilitime të pjesshme, bëhet për shkak të presionit në rritje të kompanisë Kelkos, për t’u pajisur me leje që mundësojnë rikthimin në operim të hidrocentraleve në Deçan.

Kelkos-i ka bërë investimin e parë në Grykën e Deçanit, kur në vitin 2009 ka blerë një hidrocentral ekzistues.

Në periudhën 2014-2017, Kelkos-i ka ndërtuar edhe tri hidrocentrale të reja, të cilat kanë nisur të operojnë pak muaj pas ndërtimit. Por, puna e tyre është ndërprerë disa herë.

Aktualisht, tri hidrocentrale në pronësi të Kelkos-it janë jashtë funksionit, pasi, më 15 tetor të këtij viti, Gjykata Supreme e Kosovës ka vendosur në favor të një ankese të banorëve të Deçanit.

Sipas Gjykatës, banorët kanë paraqitur prova bindëse se po u shkaktohen dëme nga operimi i hidrocentraleve.

Drejtuesi i organizatës, Riverwatch, Ulrich Eichelmann, thotë se në zonën e Deçanit janë bërë aq shumë dëme, sa që nuk duhet lejuar operimi i asnjërit prej këtyre hidrocentraleve, pa u sqaruar shkeljet ligjore, si dhe pa rehabilitim të plotë të pjesëve që janë dëmtuar nga ndërtimi i tyre.

“E gjithë çështja është se Kelkos është duke humbur para [nga mosoperimi i hidrocentraleve] kundrejt një qasjeje korrekte. Duhet të themi: le të nisim nga fillimi dhe le t’i shkojmë të gjitha aspektet, duke përfshirë ato ekologjike, diskutimet me banorët lokalë, por po ashtu edhe çështjet ligjore, sepse jam i sigurt se ka shumë paqartësi ligjore dhe kjo kërkon kohë”, shprehet Eichelmann.

Aktivistja Shpresa Loshaj, e cila drejton organizatën joqeveritare Pishtarët, prej vitesh, ka ngritur zërin për dëmet që i janë shkaktuar lumit Lumëbardh, si dhe natyrës përreth hidrocentraleve në Deçan.

Ajo thotë se nuk do të pranojnë asnjë propozim pa qenë të përfshirë në proces aktivistët dhe qytetarët e Deçanit.

Shpresa Loshaj, drejtuese e organizatës "Pishtarët"

Shpresa Loshaj, drejtuese e organizatës “Pishtarët”

“Asgjë nuk pranojmë më ndryshe, pa u bërë plani rehabilitues, pa pasur terme të referencës, shuma që do të investohet… Do të thotë, gjithçka në detaje duhet të jetë e shkruar në atë plan. Ne nuk i besojmë Kelkos-it, sepse ka dhjetë vjet që na gënjen. Ka dhjetë vjet që thotë unë bëj këtë, unë bëj atë, vetëm më jepni lejet dhe asgjë nuk ka bërë. Në fakt, na ka shkatërruar krejt”, shprehet ajo.

Loshaj thotë se koncept-dokumenti i prezantuar nga MMPHI-ja, në vetëm gjashtë faqe, në të cilat janë të shënuara vetëm pikat kryesore, paraqet në parim “joseriozitetin” e Ministrisë së Mjedisit në trajtimin e dëmeve që janë shkaktuar nga ndërtimi i hidrocentraleve.

Ministria hesht

Pas kritikave që Ministria e Mjedisit, Planifikimit Hapësinor dhe Infrastrukturës ka marrë nga aktivistët dhe organizata Riverwatch, Radio Evropa e Lirë e ka pyetur këtë ministri se çfarë do të ndodhë me konceptin për rehabilitimin e Zallit të Rupës në Deçan.

Po ashtu, REL-i ka pyetur MMPH-në nëse i ka kërkuar kompanisë Kelkos rehabilitim të pjesëve të tjera të dëmtuara në Deçan. Por, deri në publikimin e këtij artikulli, Radio Evropa e Lirë nuk ka marrë përgjigje.

As Kelkos nuk i është përgjigjur pyetjes nëse i është kërkuar nga MMPHI-ja që, krahas rehabilitimit të Zallit të Rupës, të bëhet edhe rehabilitimi i zonave të tjera të dëmtuara.

Hidrocentrali në Deçan në pronësi të kompanisë Kelkos.

Hidrocentrali në Deçan në pronësi të kompanisë Kelkos.

Drejtori i Kelkos-it në Kosovë, Valon Berisha, thotë se janë dukur punuar në një plan konkret të rehabilitimit.

“Plani konkret është në përgatitje e sipër nga ekspertët në fjalë, në përputhshmëri me raportet mbi gjendjen faktike dhe masat e nevojshme të rekomanduara për rehabilitim”, thotë Berisha për Radion Evropa e Lirë.

Pavarësisht kësaj që thonë përfaqësuesit e Kelkos-it, aktivistja Shpresa Loshaj thotë se kërkesa e saj dhe e banorëve të Deçanit është që MMPHI-ja dhe Kelkos të prezantojnë plan të detajuar, përfshirë mënyrën e realizimit të projektit, marrëveshjet me institucionet lokale dhe kompensimin që Kelkos duhet t’ua bëjë banorëve që u janë dëmtuar pronat.

“Ne duhet të jemi pjesë e barabartë në këtë proces, banorët e Deçanit duhet të pyeten dhe atëherë do të kalojë çfarëdo zgjidhjeje që të jetë, përndryshe Ministria le të vazhdojë vetëm si të do”, thotë Loshaj.

Organizata Riverwatch i ka dhënë disa rekomandime Ministrisë së Mjedisit, Planifikimit Hapësinor dhe Infrastrukturës se si duhet përmirësuar gabimet që janë shkaktuar nga ndërtimi i hidrocentraleve.

Riverwatch i rekomandon MMPHI-së identifikimin e aspekteve thelbësore ekologjike dhe sociale, formimin e një komisioni të pavarur të ekspertëve për të zhvilluar koncepte për zgjidhjen e problemeve, si dhe inkurajon konsultime me komunitetin lokal për çdo iniciativë të rehabilitimit të natyrës.

Çdo përjashtim i qytetarëve dhe opinionit publik nga çështja e hidrocentraleve, sipas kësaj organizate, përbën shkelje të standardeve ndërkombëtare.

Ministri i MMPHI-së, Liburn Aliu, ka deklaruar më 24 nëntor se kompanisë Kelkos i është refuzuar leja për njërin hidrocentral, për shkak se gjatë ndërtimit e ka ndryshuar projektin.

Shkelje ligjore, sidomos në ndërtimin e hidrocentraleve në Deçan, ka gjetur edhe një grup punues i formuar nga Ministria e Mjedisit, Planifikimit Hapësinor dhe Infrastrukturës e Kosovës.

Siç është thënë në raportin e muajit korrik të këtij viti, ndërtimi i hidrocentraleve është përcjellë me shkelje dhe tejkalime të shumta ligjore, dëmtime të rrjedhës së lumenjve, si dhe shpeshherë objektet e hidrocentraleve janë ndërtuar në prona publike.

Hidrocentralet e Deçanit mund të furnizojnë 39,700 shtëpi

Hidrocentrali Belaje ka kapacitet prej 8.2 megavatesh në orë dhe mund të furnizojë me energji elektrike 9,600 amvisëri.

Hidrocentrali Deçani ka kapacitet prej 9.8 megavatesh në orë dhe mund të furnizojë me energji elektrike 15,200 shtëpi.

Lumëbardhi 1 ka kapacitet prej 8.2 megavatesh në orë dhe mund të furnizojë 7,700 shtëpi.

Ndërsa, Lumëbardhi 2 ka kapacitet prej 6.2 megavatesh në orë dhe mund të furnizojë 7,200 shtëpi.

Përveç adresimit të dëmeve në Deçan, aktivistët dhe organizata Riverwatch kërkojnë nga Qeveria e Kosovës që të merret edhe me shkeljet që e kanë shoqëruar ndërtimin e hidrocentraleve në pjesët e tjera të Kosovës, në veçanti në Komunën e Shtërpcës.

Drejtuesi i Riverwatch, Ulrich Eichelmann, thotë se MMPHI-ja, në veçanti, duhet të angazhohet që të respektohet çdo ligj dhe rregullore, sa i takon ndërtimit dhe operimit të hidrocentraleve në Kosovë.

blank

Kosovë, promovohet libri monografik për dijetarët shqiptarë të Perandorisë Osmane

Nën organizimin e Bashkësisë Islame të Kosovës (BIK) në Bibliotekën Kombëtare në Prishtinë është promovuar libri “Dijetarë Shqiptarë në Perandorinë Osmane (1880-1912) sipas dokumenteve të Meshihatit të Lartë Islam”, raporton Anadolu Agency (AA).

Libri monografik me autorët Sadik Mehmeti, Hatixhe Ahmedi dhe Ramadan Shkodra, paraqet jetën dhe veprën e rreth 200 dijetarëve shqiptarë nga të gjitha trevat shqiptare përfshirë Kosovën, Shqipërinë, Maqedoninë e Veriut dhe Luginën e Preshevës.

Kryetari i BIK-ut, Naim Tërnava tha se vepra paraqet ndër projektet më të rëndësishme të studimeve që ka realizuar BIK-u në dekadat e fundit.

blank

Nën organizimin e Bashkësisë Islame të Kosovës (BIK) në Bibliotekën Kombëtare në Prishtinë është promovuar libri “Dijetarë Shqiptarë në Perandorinë Osmane (1880-1912) sipas dokumenteve të Meshihatit të Lartë Islam”. ( Erkin Keçi – Anadolu Agency )

“Kjo është vepra e parë me karakter enciklopedik e botuar nga BIK-u, por është e para edhe në Kosovë dhe trojet shqiptare në të cilën mbi bazën e dokumenteve osmane të kohës së patrajtuar më parë përfshihen dhe ndriçohen biografitë e 200 personaliteteve shqiptare të shquar të dijes që i kanë takuar elitës intelektuale të kohës dhe që kanë vepruar në dekadat e fundit të shekullit 19-të dhe në fillim të shekullit 20-të”, tha Tërnava.

 

Ministri i Kulturës, Rinisë dhe Sportit, Hajrulla Çeku tha se kjo vepër është me shumë vlerë për kulturën, trashëgiminë historinë dhe arsimin shqiptar.

Çeku tha se është tejet e rëndësishme të ketë prurje të tilla ngase ato e zgjerojnë bazamentin e dijes dhe të horizonteve për ata që ngjizën procesin e ndërtimit dhe të ruajtjes së identitetit shqiptar.

“Hulumtimet e tilla që janë bërë me bazë në dokumentet osmane të kohës, të patrajtuara më parë për dijetarët shqiptarë në Perandorinë Osmane shërbejnë si dëshmi për punën e shqiptarëve në shoqërinë e asaj kohe. Ky libër përmes biografive të personaliteteve të shquara të dijes nga të gjitha trojet shqiptare, vë në pah edhe shumë të dhëna të tjera me rëndësi për vendin dhe kombin tonë të cilat i përkasin trashëgimisë kulturore”, tha Çeku.

blank

Nën organizimin e Bashkësisë Islame të Kosovës (BIK) në Bibliotekën Kombëtare në Prishtinë është promovuar libri “Dijetarë Shqiptarë në Perandorinë Osmane (1880-1912) sipas dokumenteve të Meshihatit të Lartë Islam”.
Foto: Ministri i Kulturës, Rinisë dhe Sportit, Hajrulla Çeku ( Erkin Keçi – Anadolu Agency )

Ministri tha se libri paraqet një numër të madh asetesh kulturore si xhami, fshatra, shkolla, vendbanime, të cilat për shkak të rrethanave shoqërore dhe politike sot nuk njihen në detaje ose edhe më keq, janë shkatërruar.

Përfaqësues të Bashkësisë Islame të Kosovës bashkë me autorë të këtij libri shpalosën para një publiku me qindra pjesëmarrës detaje të librit.

Ata thanë se në monografinë e cila deri në botim mori rreth dy vite punë, janë të përfshirë një elitë e dijetarëve, të cilët kishin funksione të ndryshme gjatë periudhës 1880-1912 deri edhe tek pozita e ligjëruesit të sulltanit, pozitë e cila kërkonte përgatitje të hollë profesionale.

Pjesëmarrës, në promovimin e këtij libri kanë qenë edhe profesorë nga Fakulteti i Filologjisë i Universitetit të Prishtinës, historianë, studentë e qytetarë të shumtë.

blank

Nagavci thotë se Shqipëria s’e ka respektuar marrëveshjen për abetaren e përbashkët

Ministrja e Arsimit, Arbërie Nagavci, ka deklaruar se Kosova e ka respektuar vendimin që ishte marrë para dy vitesh për abetaren e përbashkët me Shqipërinë, por thotë se Shqipëria nuk e ka bërë një gjë të tillë

“Kosova ka respektuar dhe ka përdorur abetaren e përbashkët që është vendosur vite më parë mes dy shteteve”, ka deklaruar Nagavci në emisionin “Mirëmëngjes”.

Ajo sqaroi se marrëveshja për një abetare të unifikuar nuk është respektuar nga ana e Shqipërisë.

“Edhe vite më parë, është iniciuar, është pranuar dhe ka filluar të punohet me një abetare të përbashkët. Në Kosovë e kemi respektuar, e kemi pasur atë abetare në përdorim për një kohë të gjatë. Me aq sa jam në njohuri në Republikën e Shqipërisë nuk është përdorur e njëjta abetare në të gjitha shkollat apo gjatë gjithë kësaj kohe”, u shpreh ministrja.

Ndërkohë Nagavci komentoi edhe refuzimin e vizitës në Preshevë nga ana e autoriteteve serbe.

“Përgjigjja zyrtare nga ana e Serbisë na është dërguar pak minuta para nisjes së datës 27 nëntor. Përgjigja ishte e shkurtët. ‘Fatkeqësisht nuk mund t’u aprovohet leja për vizitë kësaj radhe, do ta shqyrtojmë në një rast tjetër kërkesën tuaj’, kështu na u tha”, tregoi ministrja.

Ajo tha më tej se kishin planifikuar të takoheshin me përfaqësues të Preshevës, Medvegjës dhe Bujanocit, por siguroi që bashkëpunimi nuk do të mungojë në të ardhmen.

blank

Gërvalla: Me 39 të punësuar s’mund të bëjmë politikë të jashtme

Ministrja e Punëve të Jashtme dhe Diasporës, Donika Gërvalla ka thënë se Kosova e ka të pamundur të bëjë politikë të jashtme, pasi tha se ka vetëm 39 persona të punësuar në dikasterin që ajo drejton, që merren me tema të diplomacisë, raporton Gazeta Express.

Gërvalla tha në Komisionin parlamentar për Punë të Jashtme se janë 130 persona të punësuar në administratë dhe shërbime të tjera. Ky numër, kryediplomatja tha se duhet të zvogëlohet.

“E para, kemi një disproporcion total mes stafit të ashtuquajtur që merret me drejtoritë politike. Aty punojnë gjithsej 39 persona, ndërkohë që në shërbime të tjera ndihmëse si administrata dhe të tjera janë 130 persona. Pra është e domosdoshme që administrata të zvogëlohet dhe të rritet numri i njerëzve që punojnë rreth temave të politikës së jashtme. Me 39 të punësuar që merren me tema të politikës së jashtme, Republika e Kosovës s’mund të bëjë politikë të jashtme, është e pamundur, sepse mungon çdo lloj mundësie për hulumtime, analiza, për dokumente të cilat janë të nevojshme të hartohen. Jemi përpjekur që përmes kabinetit të mbulojmë një pjesë të madhe, por kjo nuk funsionon afatgjatë”, tha Gërvalla.

Ajo theksoi edhe çështjen e profesionalizmit të zyrtarëve të MPJ-së. Siç tha Gërvalla, disa tregojnë gatishmëri dhe profesionalizëm për të punuar, ndërsa disa të tjerë nuk janë të interesuar.

“E dyta është çështja e profesionalizmit real të personave që punojnë në MPJ. Kemi edhe aty një diskrepancë të madhe mes njerëzve që tregojnë gatishmëri dhe profesionalizëm për të punuar dhe dinë e duan të punojnë, dhe një numri të madh të njerëzve të cilët në MPJ ndodhen për shkak se e kanë emërimin aty, por nuk janë të interesuar ta çojnë asnjë proces përpara”, tha Gërvalla.

Ajo përmendi një reformë që duhet të bëhet në dikasterin që ajo e drejton.

blank

Fjalimet në varrimin e dy nxënësve të vrarë në Gllogjan

Qindra qytetarë kanë marrë pjesë në varrosjen e nxënësve Genta Mustafaj dhe Ledion Hamzaj, që u vranë të premten. Dy ditë pas sulmit të një autobusi që po barte nxënës në linjën Gjakovë-Deçan, ende nuk dihet se kush shkaktoi vrasjen e trefishtë.

Në varrim kanë marrë pjesë edhe Ramush Haradinaj, ministrat Xhelal Sveçla, Armend Mehaj, Donika Gërvalla.

Kryeministri i Kosovës, Albin Kurti tha se të dy nxënësve iu këput jeta në lule të rinisë, duke shtuar se edhe në ditën e dytë nuk kanë arritur të kapin dorasit.

“Askush nuk e ka imagjinuar që për festën e 28 nëntorit, për ditën e Flamurit do të vijmë për zi në Gllogjan. Kemi pikëllim dhe mallëngjim. Por kemi edhe zemërim e indinjatë për këtë vrasje të trefishtë, për këtë akt kriminal e mizor. Policia e Kosovës na ka siguruar që po bëjmë gjithçka që është e mundur që sa më parë të kapin vrasësin dhe vrasësit dhe ta mundësojmë drejtësinë dhe ndëshkimin për ta”, ka deklaruar Kurti.

Kurti shtoi se janë tri pista të hetimeve dhe se ai gjatë ditës do të vizitojë edhe Stacionin Policor në Deçan për t’u informuar rreth këtij rasti.

Ai pas varrimit ka njoftuar se kushdo që jep informacione për personin vrau tre persona, do të shpërblehet me 20 mijë euro.

“Ne si qeveri, unë si kryeministër, kemi ofruar edhe një shpërblim prej 20 mijë eurove që kush do që ka një informacion të na shpie te zbardhja apo zbulimi i këtij rasti. I ftojmë të gjithë qytetarët që kanë çfarë do të dhëne që të telefonojnë në numrat e telefonit 0800 1 999 ose 192 dhe me këtë rast në mënyrë steikte ruhet konfidencialiteti i qytetarëve”, ka shtuar Kurti.

Kryetari i Deçanit, Bashkim Ramosaj u ka shprehur ngushëllime familjes Mustafaj dhe Hamzaj, duke i lutur të gjithë të ndihmojnë në zbardhjen e këtij rasti.

“Po uroj që kurrë më nën-pjesëtarët e popullit tanë mos të ketë më këso rastesh e mos të përsëriten më, po askund në botë mos dëgjofshim për rastesh kaq makabre kur fëmijët i pret tek shtëpia që po kthehen prej shkolle dhe me t’u kthy në arkivole, kjo është shumë e rëndë. Apeloj te institucionet e vendit duke apeluar për punën që kanë bërë këto ditë, duke e kryer detyrën e tyre zyrtarë që u takon, mos të ndalen deri sa të zbardhet ky rast. Lus ata që kanë ndonjë informacion të tillë të bashkëpunojnë e organet relevante të këtij shteti”, ka thënë Ramosaj.

Shoqja e te dy nxënësve mes lotëve ka shprehur dhimbjen për bashkëmoshatarët e saj, të cilët u vranë duke u kthyer nga shkolla.

“Pse Gentë nxitove aq shumë atë natë të hipje në autobus. A e thirre nënën Gentë atë natë ta gjeje darkën në tryezë ta gjeje atë natë, siç e bëre atë natë. Ledion a i tregove Gentës çfarë do të dëshiroje për darkë atë natë, apo e dije edhe ti? O Zot çfarë emri ka kjo vdekje, o Zot çfarë arsyeje ka ky trishtim. O Zot për çfarë na ndave ne. Ledion, Gentë së paku të na tregoje si ta përballonim dhembjen ku ju nuk jeni. Nuk mund të ju them pushoni pasi që nuk ma thotë as goja. Nuk do të ju harrojë kurrë. Do të jeni përgjithmonë ne zemrat tona e në shpirtin tonë. Mallkuar qoftë ajo dorë që ju ndau nga ne. Maturës do ju lëm emrin tuaj. Gllogjan je msu me vra trima, por jo edhe fëmijë”, tha ajo.

Pasditen e së premtes, në fshatin Gllogjan të Deçanit është sulmuar një autobus me armë automatike, ku dy nxënës dhe shoferi kanë vdekur. Ndërsa, një nxënës tjetër, 17 vjeçar, është plagosur dhe po trajtohet në Spitalin e Pejës.

blank

Ende nuk ka të arrestuar për vrasjet në Deçan

Dy zyrtarë të Policisë së Kosovës. Fotografi ilustruese.

Doruntina Baliu

Policia e Kosovës ende nuk ka arrestuar ndonjë të dyshuar për vrasjen e trefishtë në fshatin Gllogjan të Komunës së Deçanit.

Shoferi i autobusit dhe dy nxënës mbetën të vdekur më 26 nëntor pas të shtënave me armë në drejtim të autobusit, që po bartte nxënës në relacionin Gjakovë-Deçan.

Zëvendëskomandanti i Policisë së Kosovës, Veton Elshani ka konfirmuar për Radion Evropa e Lirë se ende nuk ka arrestime lidhur me këto vrasje.

Sipas Policisë, vrasjet dyshohen se u kryen me armë zjarri të llojit AK-47.

Nga të shtënat drejt personave në autobus mbeti i lënduar edhe një nxënës, i cili po merr trajtim mjekësor.

Mbrëmjen e 26 nëntorit, kryeprokurori Blerim Isufaj ka thënë para mediave se hetimet janë duke u zhvilluar në disa pista, porse ende nuk ka ndonjë të dyshuar.

Zyra e Kryeprokurorit të Shtetit ka bërë thirrje që kushdo që ka informata për ngjarjen, të bashkëpunojë me autoritetet, në mënyrë që kryesi i veprës të dalë sa më shpejt para drejtësisë.

Presidentja e Kosovës, Vjosa Osmani, dhe kryeministri Albin Kurti e kanë cilësuar ngjarjen si “tronditëse” dhe i kanë ftuar organet e rendit që t’i zbulojnë autorët e krimit dhe t’i sjellin para drejtësisë.

Ministri i Punëve të Brendshme i Kosovës, Xhelal Sveçla, ka thënë se ka ndërprerë vizitën në Shqipëri për shkak të ngjarjes dhe se ka kërkuar nga Policia e Kosovës “angazhim dhe mobilizim maksimal”, në mënyrë që autori i këtij “akti makabër” të arrestohet sa më parë.

Ngjarjen e kanë dënuar edhe përfaqësues të tjerë të institucioneve dhe partive politike në Kosovë.

blank

Tre të vrarë në një incident me armë zjarri në komunën e Deçanit

VOA

Autoritetet në Kosovë thanë se tre persona u vranë dhe një tjetër mbeti i plagosur nga të shtënat me armë zjarri mbi një autobus në afërsi të fshatit Gllogjan të komunës së Deçanit, rreth 100 kilometra në perëndim të Prishtinës.

Autobusi po udhëtonte nga Gjakova për në Deçan kur mbi të u qëllua me armë zjarri në orët e mbrëmjes.

Autoritetet thanë se shoferi i autobusit dhe dy të rinj të lindur më 2003 dhe 2004 kanë humbur jetën. I plagosuri është në gjendje të qëndrueshme shëndetësore.

Prokuroria tha se ka filluar hetimet por ende nuk dihet asgjë për rrethanat apo motivet e incidentit.

Zëvendësdrejtori i policisë në rajonin e Pejës, Veton Elshani, tha se besohet që një sulmues i maskuar qëlloi mbi autobusin me të cilin po udhëtonin tetë të rinj. Ai nënvizoi se “nuk ka arsye për të besuar se bëhet fjalë për sulm terrorist”.

Incidenti u dënua nga udhëheqës institucionesh e partish politike.

Presidentja e Kosovës, Vjosa Osmani, e cilësoi tronditës lajmin për sic tha ajo, “aktin kriminal në Gllogjan”, duke bërë thirrje për ndriçimin sa më të shpejtë të incidentit dhe vënien e autorëve para drejtësisë.

“Sulmi ndaj autobusit me nxënës është goditje ndaj rendit e sigurisë sonë. Siguria e qytetarëve është prioritet, ndaj nuk do të zmbrapsemi në përmbushjen e këtij misioni”, shkroi presidentja Osmani.

“Sonte u tronditëm nga lajmi për sulmin me armë zjarri ndaj autobusit me nxënës në Gllogjan të Deçanit”, shkroi në rrjetet sociale, kryeministri i Kosovës, Albin Kurti, duke ngushëlluar familjet dhe të afërmit e viktimave.

Kryetari i Aleancës për Ardhmërinë e Kosovës, Ramush Haradinaj u shpreh “i trishtuar nga sulmi kriminal që ndodhi në Gllogjan, ku humbën jetën tre persona, prej të cilëve dy nxënës. Bashkëndjejmë me familjarët e të vrarëve, duke u lutur për durim dhe forcë, në këto momente të rënda për të gjithë ne”, shkroi ai, duke bërë thirrje për ndriçimin sa më parë të incidentit dhe vënien para drejtësisë të autorëve të tij.

Vrasja u dënua edhe nga udhëheqës politikë në Shqipëri.

Presidenti shqiptar, Ilir Meta, u shpreh “thellësisht i tronditur nga akti kriminal në Gllogjan të Deçanit. Ju shpreh ngushëllimet më të sinqerta familjeve të të vrarëve dhe të gjithë popullit të Kosovës! Të lënduarit i uroj shërim sa më të shpejtë! Autorët meritojnë ndëshkimin më të ashpër ligjor!”, shkroi ai.

Kryeministri shqiptar, Edi Rama, shkroi në rrjetet sociale se “jetët e marra në Kosovë nga plumbat e një egërsie që meriton ndëshkimin ekstrem të drejtësisë, na kanë brengosur të gjithëve. Ngushëllime vëllazërore familjeve të goditura në zemër nga humbja absurde. Kurajo e mbështetje institucioneve të Kosovës në këtë moment sfidues”, shkroi ai.

blank

Rreth 19 për qind e grave në Kosovë kanë hequr dorë nga të drejtat e tyre pronësore

Prishtinë

Misioni i Bashkimit Evropian për Sundimin e Ligjit në Kosovë (EULEX) dhe Forumi për Lidership dhe Diplomaci kanë organizuar diskutimin për lidhjen ndërmjet të drejtave pronësore dhe dhunës në familje duke shënuar fillimin e fushatës për rritjen e ndërgjegjësimit “Mos vazhdo të jesh viktimë e dhunës në familje vetëm pse nuk ke nga të shkosh – Kërko të drejtën tënde në pronë”, raporton Anadolu Agency (AA).

Në këtë diskutim, mori pjesë edhe presidentja e Kosovës, Vjosa Osmani, e cila tha se të diskutosh për të drejtën pronësore është përçim i një mesazhi të qartë se fuqizimi ekonomik dhe barazia gjinore janë për një shoqëri ku vajzat dhe gratë ndihen të sigurta dhe të fuqizuara.

Presidentja Osmani tha se gratë dhe vajzat janë shtyllë e fuqishme e shoqërisë kosovare ndërsa pjesëmarrja e tyre në shoqëri, krahas burrave, kontribuon në të mirën e familjes dhe shoqërisë.

“Prona krijon mundësi për pavarësi ekonomike dhe fuqizim të zërit të grave dhe vajzave kundruall padrejtësive dhe pabarazive. Si rezultat i prezencës së mëtejme të qasjes patriarkale diskriminuese, në raport me të drejtën pronësore, gjendja aktuale sa i përket trashëgimisë pronësore vazhdon të mos jetë e kënaqshme. Një përqindje shumë e vogël e pasurisë nga prindërit, trashëgohet nga vajzat ndërkaq një përqindje po ashtu shumë e vogël është me gra pronare të pronave”, tha Osmani.

Ajo theksoi se të dhënat flasin për rritje të numrit të grave që kanë iniciuar kërkesa për trashëgimi të pronës dhe këtë e konsideroi zhvillim pozitiv. Osmani shtoi se sistemi gjyqësor duhet t’i trajtojë kërkesat për pronësi të grave në mënyrë të drejtë, efikase dhe pa vonesë.

Shefi i Misionit të EULEX-it në Kosovë, Lars Gunnar Wigemark tha se Misioni i BE-së për Sundimin e Ligjit në Kosovë është i përkushtuar për barazi gjinore dhe luftë kundër dhunës në baza gjinore.

Ai tha se EULEX-i monitoron trajnime nga ana e gjyqësorit të Kosovës të rasteve gjyqësore që kanë të bëjnë me dhunën në familje.

Wigemark, i cili po ashtu foli për të drejtën pronësore për gratë, tha se mungesa e qasjes në të drejtat pronësore dhe ekonomike promovon një kulturë të cenueshmërisë, ku shumë gra ndihen se nuk kanë alternativa të tjera përveç të qëndruarit në marrëdhënie të dhunshme.

“Rreth 19 për qind e grave në Kosovë kanë hequr dorë nga të drejtat e tyre pronësore apo të trashëgimisë ndërsa rreth 38 për qind e burrave dhe 33 për qind e grave nuk mendojnë se gratë duhet të kenë mundësinë e trashëgimit të pronës nga familjet në të cilat janë lindur”, tha Wigemark i cili theksoi se gratë nuk kanë shpesh mungesë të burimit të të ardhurave jashtë shtëpisë.

Ai shtoi se fakti që shumica e grave në Kosovë nuk i ushtrojnë të drejtat e tyre themelore të pronësisë është një prej shkaqeve kryesore të dhunës në familje.

Në Kosovë zyrtarisht janë të punësuara vetëm 14 për qind e grave dhe kanë burimet e tyre të të ardhurave.

Dita Ndërkombëtare për Eliminimin e Dhunës Kundër Grave – 25 Nëntori, ka shënuar nisjen e fushatës “UNiTE” në Kosovë për t’i dhënë fund dhunës kundër grave – një nismë prej 16 ditësh aktivizimi që përfundon në ditën që përkujton Ditën Ndërkombëtare të të Drejtave të Njeriut, më 10 dhjetor.

blank

Lajçak: Ka hapësirë për progres në dialogun mes Kosovës dhe Serbisë

RFE/RL

I dërguari i Bashkimit Evropian për dialogun, Miroslav Lajçak tha më 25 nëntor se ka hapësirë për progres në kuadër të dialogut mes Kosovës dhe Serbisë, derisa theksoi rëndësinë strategjike të këtij procesi për gjithë Bashkimin Evropian.

Ai tha se gjatë vizitës në Kosovë ka diskutuar për një takim të mundshëm ndërmjet kryeministrit të Kosovës, Albin Kurti dhe presidentit të Serbisë, Aleksandar Vuçiq, që BE-ja shpreson se do të mbahet para fundit të vitit.

Pas takimit me kryeministrin Kurti, Lajçak tha se nuk është i rëndësishëm vetëm caktimi i takimit, por edhe rezultati mund të ketë ai.

“Nuk është në pyetje takimi, sepse liderët janë takuar dy herë, por siç e dini nuk ka pasur rezultate pozitive. Kësaj here, ambiciet tona janë ndryshe dhe nuk ka të bëjë vetëm me organizimin e takimit, por edhe për t’u pajtuar se cili do të jetë rezultati”, tha Lajçak.

Ai shtoi se palët kanë shprehur vullnet të mirë për procesin e dialogut dhe “ne vetëm duhet të sigurohemi që takimi do të prodhojë rezultate”.

Lajçak ka qëndruar për vizitë njëditëshe në Prishtinë me ç’rast u takua edhe me presidenten e Kosovës, Vjosa Osmani.

Gjatë takimit me Osmanin, Lajçak tha se ka nevojë për aktivizim të BE-së në rritjen e kredibilitetit të procesit të zgjerimit dhe konfirmimin e së ardhmes Evropiane për Kosovën dhe Ballkanin Perëndimor.

Në anën tjetër, presidentja Osmani deklaroi që Kosova mbetet palë e përkushtuar dhe konstruktive në dialogun me Serbinë. Sipas saj, suksesi i këtij procesi nuk është i rëndësishëm vetëm për Kosovën, por edhe rajonin.

Megjithatë sipas Osmanit epilogu i dialogut do të duhej të ishte njohja e ndërsjellë mes Kosovës dhe Serbisë, thuhet në njoftimin e presidencës kosovare.

Lidhur me mundësinë e arritjes së një marrëveshjeje me Serbinë, në një intervistë për Radion Evropa e Lirë, ditë më parë kryeministri i Kosovës, Albin Kurti deklaroi se është e pritshme që marrëveshja finale të arrihet gjatë mandatit të tij.

Bisedimet për normalizim të marrëdhënieve në mes të Kosovës dhe Serbisë kanë filluar qysh në vitin 2011. Që nga ajo kohë janë arritur një sërë marrëveshjesh, porse shumica prej tyre nuk janë zbatuar në praktikë.

Dialogu u ndërpre disa herë për arsye të ndryshme. Por, së fundmi pengesë në dialog u bë, marrëveshja për themelimin e Asociacionit të komunave me shumicë serbe në Kosovës.

Qëllim i dialogut thuhet të jetë arritja e një marrëveshjeje gjithëpërfshirëse dhe ligjërisht e obligueshme për të dyja palët.


blank
blank
blank
blank
blank
blank
blank
blank
blank
blank
blank
blank
Send this to a friend