Para disa vitesh pata dërguar një shkrim në “albinfo.ch” në Zvicër, si reagim i një shkrimi lidhur me vizitën e ambasadores shqiptare në Ambasadën e Kosovës në Bern, e cila kishte falënderuar Xhaminë e bardhë në Aarburg për kujdesin që po tregon imami për kultivimin e gjuhës shqipe.
I indinjuar thellë që ambasadorja e sapoardhur nga Kosova, ose ishte manipuluar keq ose nuk kishte njohuri që mësimi shqip mbahet në shkollat zvicerane nga LAPSH “N. Frashëri”, i pranuar zyrtarisht nga autoritetet zvicerane disa dekada më parë.
Me siguri portalit i është dukur si artikull fyes ndaj një zyrtareje, por realitetet nuk mund të injorohen.
Artikulli kishte të bënte me një huqje të madhe të ambasadores dhe këshilltares së saj, motrës së deputetes G. Musliu dhe nuk kishte të bënte asgjë kundër vizitës, po kundër një mashtrimi se atje mësohet gjuha shqipe, derisa realiteti ishte ndryshe, pasi aty dihet se në cilën gjuhë mbahet mësim besimi.
Artikulli është ky:
Letër Ambasadores
E nderuara ambasadore, për mua do të ishte e ndershme dhe e radhës të përshëndes dhe të përgëzoj për fillimin e misionit tuaj diplomatik në Zvicër nga Kosova, mision që bashkatdhetarët e tu e kemi pritur kaherë qe t’ ju kemi si misionarë diplomatikë e konsullorë. Po, ja që kësaj radhe do të përshëndes për mundësinë që zgjodhe për tu takuar me misionarët tanë fetarë në Aarburg të Aargaut, pasi si duket ky është prioriteti juaj dhe i Qeverisë që përfaqësoni që besimtarët e Kosovës të ndihen mirë dhe rehat, sepse kanë tashmë një shtet që ua di hallet dhe i çmon për “kontributin” që dhanë dhe punën që po bëjnë edhe në diasporë për ta përhapur fenë islame deri në këndet më të largëta të Zvicrës, e cila si duket mezi priti që shqiptarët që deri dje bërtitnin për komb e atdhe e sidomos për një shtet laik dhe evropian, paskan qenë o të dehur o të paditur.
Dhe në atë takim më erdhi mirë që kishit marrë dhe një femër tjetër përfaqësuese të ambasadës së Kosovës dhe kishit takuar krerët e Unionit të bashkësisë islame, të cilët me thanë të vërteten do të ishin ndier më mirë sikur t’u ishit përshtatur kushteve të tyre të veshjes kur hyni në një tempull të tillë si xhamia e bardhë e Aargaut, së paku të kishit vënë nga një shami sa për sy e faqe për të qenë edhe më të respektueshme. Po kjo është imtësi dhe me siguri në takimin tjetër edhe kjo do tu bie ndërmend.
Krejt kjo që shkrova nuk ka ndonjë rëndësi të madhe për mua, pasi ju jeni diplomate dhe takimet tuaja protokollare i bëni ashtu si ju përcaktojnë agjendat e vendosura nga Qeveria juaj dhe unë s’ mund tu përzihem në to. Kjo do të ishte naivitet për mua që ti sugjeroj një diplomate si ju dhe Qeverisë që përfaqësoni në Zvicër si do ti organizoni punët dhe takimet tuaja.
Por, një gjë ama dua t’ua them. Unë jam mësues i shkollës shqipe që me kolegët e mi ka një çerek shekulli që përkujdesemi për mësimin dhe kultivimin e gjuhës dhe kulturës shqiptare dhe kam një vërejtje të vogël që kur hyni në tempuj të tillë fetarë, mos manipuloni me këtë veprimtari që për mua është e shenjtë dhe mos lejoni të manipuloheni për këtë çështje nga njerëz dhe institucione që nuk kanë kurrfarë lidhje me këtë punë. Kur keni marrë mundin të flisni për këtë është dashur të keni me vete së paku një nga udhëheqësit e LAPSH “N. Frashëri” dhe të ishit marrë vesh se si do të krijohej platforma e përbashkët për shkollën shqipe mes këtij institucioni profesional që është ende aktiv dhe xhamive, të cilat me thënë të vërteten më shumë po manipulojnë me këtë çështje të ndejshme se po ndihmojnë.
Më pëlqyen fjalët e kryeimamit Ismaili:
„…Në vazhdën e këtij takimi u shkëmbyen opinione mbi angazhimin e imamëve në platformat ndërfetare, nevojën e pashmangshme inkurajuese të fëmijëve për të ndjekur mësim plotësues të gjuhës shqipe.“ Të thënë me këtë rast.
Po a nuk të ra ndërmend ta pyesësh që gjatë hartimit të kësaj platforme sa herë ka takuar krerët e LAPSH dhe si janë marrë vesh me ta?! Zonjë këto janë vetëm fjalë. Se di se ç’ është biseduar, po në bazë të shkrimit në portalin albinfo.ch kështu lexova.
Lexova pos këtij njoftimi edhe falënderimin tuaj për ta: “ …duke i vënë në gatishmëri hapësirat e qendrave islame edhe për shërbime edukativo- arsimore, si dhe për shërbime konsullore për nevojat e vet komunitetit shqiptar”.
Zonjë , vërtet jeni kaq e painformuar dhe aq e paditur se shqiptarët që edukohen dhe arsimohen në shkollat evropiane e paskan kaq të nevojshme një ndihmë të tillë nga xhamitë?!
Të kishe falënderuar që ata po ndihmojnë myslimanët që të kryejnë ritet e tyre fetare dhe ato pak mësime të kuranit, hajt, sepse ata mu këtë detyrë kanë, por të shkosh aq larg sa të falënderosh ata edhe për shërbime konsullore, ky është kulmi. Kësaj radhe ke tejkaluar edhe shtetet si Turqia e cila edhe pse po ngarend nga rendi islamik, këtë luks nuk ua lejon xhamive të saj në Zvicër, sepse ato i kryen bindshëm nëpër konsullatat e saja.
E nderuara ambasadore,
Besoj që të moskeqkuptohemi, pasi unë kisha vetëm një brengë: Kujdesuni që mësimin e gjuhës shqipe ta kryejnë shoqatat profesionale që tashmë kanë përvojë çerekshekulli si LAPSH “N. Frashëri” e falënderoni xhamitë për atë që u takon dhe kujdesuni që mos të manipulohen nga sekte të shumta ekstreme falë donacioneve që keqpërdorin dhe gjeni kohë të bisedoni me mësues/e që mbajnë një çerekshekulli këtë barrë organizative për gjuhën që kaherë është dashur ta merrni përsipër si shtet, në bazë të ligjeve që keni krijuar, siç bëjnë të gjitha shtetet normale në Evropë.
Sa për xhamitë dhe ndihmën e tyre për mësimin plotësues në gjuhën shqipe, do t’ua them vetëm një opinion të një, me gjasë, imami, M. A. i cili në të njëjtin portal kur mësuesja jonë Nexhmija bën një shkrim për shkollat shqipe dhe xhamitë, akuzohet nga ky imam, pos tjerash se kjo mësuese- kolege jona, po ua shpërlan trurin fëmijëve me ideologji komuniste dhe është islamofobe duke i sugjeruar për fund:
“…Në opinionin e zonjës, xhamitë që japin mësim të gjuhës shqipe kritikohen për këtë. Epo pyes, nëse xhamitë dhe imami apo mësuesi aty nuk është i kualifikuar sa duhet për te mësuar gjuhën shqipe, çfarë të bëhet atëherë? Të mos mësohet gjuha aspak? Zgjidhja më e mirë do ishte sikur shkollat shqipe në kuadër të LAPSH-it do të organizonin mësim të gjuhës në xhamitë.’’- çfarë absurdi.
Shpresoj që platforma e z. Ismaili të mos jetë kjo, sepse do të ishte një skandal dhe absurd i llojit të vet. Do ta kisha lënë këtë opinion të vetmuar të imamëve. Po kjo vizita jote dhe sidomos falënderimi që ua drejton imamëve për mësimin shqip në xhami më kanë shqetësuar shumë.
Shpresoj të takohemi me LAPSH dhe të bisedojmë më shtruar e të qartësohemi, ishin mësuesit këtu në Zvicër ata që mbrojtën gjuhën e kulturën shqiptare, para se të vinin këtu hoxhallarët dhe para se të vinit ju diplomatët. Pak më tepër respekt për prioritetet e Qeverisë tuaj që i proklamoni përditë e bëni të kundërtën.
Me nderime
Hamzë Morina – mësimdhënës i gjuhës shqipe ne Zvicër
Derisa në artikullin e këtyre ditëve që po ashtu nuk u botua nga albinfo.ch “Unifikimi i shkollës shqipe në Zvicër”, e që ka të bëjë me nismën e ambasadorëve të Shqipërisë, Kosovës e Maqedonisë në Ambasadën e Shqipërisë për gjoja unifikimin e shkollës shqipe, kur dihet se është vet ish -ambasadori shqiptar, Ilir Gjoni që ka kontribuar për të ndarë LAPSH dhe për të filluar me Ambasadën shqiptare si bartëse e dytë të këtij mësimi ani pse LAPSH kishte një traditë tashmë afër tri dekada.
Edhe në këtë artikull nuk ka diçka që dikush mund të konsiderohet si i fyer. Është evidente vetëm përzierja e ambasadorit shqiptar në kompetencat e një shoqate, për të cilën Kryesia e saj ka dalë me një qëndrim të qartë, letër që deri më tash nuk e ka publikuar askush. Po të lëmë tash këtë punë, për të cilën as unë s’ kam dashtë ta publikojë për të mos i fry përçarjes. Po, pse sot me ardhjen e ambasadorit të ri kërkohet Unifikimi, që për mua ai është unik në tërë Zvicrën, pasi punohet sipas një kurrikule dhe tekste të përbashkëta dhe në aspektin konceptual nuk ka çka unifikohet, pos sindromit të udhëheqjes për të cilën pat rënë në grackë ambasadori nga mësimdhënës karrieristë, e të cilët kanë përfituar nga ai, me dije a pa të nuk e di, po që dëmi i shkaktuar këtij mësimi është shumë i madh.
Ajo që më brengos janë dy mashtrime perfide që u bëhen prindërve shqiptarë dhe që tregojnë dashakeqësi dhe përçarje:
Në rastin e parë “ Letra ambasadores“ kishte të bënte me mashtrimin:
1.Ejani në Xhami se keni dy përfitime. Edhe do të përfitoni nga mësim besimi dhe do ta mësoni gjuhën shqipe që prindërit, me nivelin e tyre kanë rënë në këtë kurth dhe sot xhamitë janë plot me fëmijë, e lokalet shkollore që zviceranët i lejuan për mësimin e gjuhës shqipe gati të zbrazëta. Ju gjykoni vet se çfarë po ndodh!
Derisa te rasti i dytë kemi kurthin tjetër si mashtrim, po ashtu shumë perfid.
2. Ju që po mbani mësim me sistemin e LAPSH nuk konsideroheni të zyrtarizuar sepse LAPSH – it i ka kaluar koha, derisa këta me Ambasadën shqiptare kanë zyrtarizuar mësimin shqip!
Po, si në rastin e parë, që në xhamitë nuk mësohet gjuha shqipe ashtu edhe në rastin e dytë nuk kemi zyrtarizim të mësimit plotësues në diasporë dhe ky ishte vetëm një bllof i ambasadorit shqiptar që s’ është më në ambasadë dhe posa erdhi i riu shtrohet kërkesa për unifikim ( më mirë me thanë kthim në LAPSH). Sepse ne që dimë të lexojmë e kuptuam se ky ka qenë rast i vetëm i veçuar dhe vazhdon të jetë i tillë në të gjitha shtetet në Evropë ku ky mësim organizohet atë e bëjnë Shoqatat e caktuara profesionale.
Këtë e din edhe ai që tashmë përfitoi nga ky bllof ose qëllim i ambasadorit dhe u caktua jo vetëm koordinator për Zvicër por edhe Kryetar i Këshillit koordinues për gjithë Diasporën!
Artikulli tjetër:
Unifikimi i shkollës shqipe në Zvicër
(Ambasada e Shqipërisë në Bernë pasi ka ndarë udhëheqjen e arsimit në Zvicër dëshiron ta bashkojë sërish, tashmë me ambasadorin e ri shqiptar, Mustafa Nano )
Në albinfo ( të cilën e përcjellë në vazhdimësi e sidomos rubrikën Diaspora me linkun e saj Gjuha), lexova që pas shumë viteve në Ambasadën e Shqipërisë qenkan bashkuar tre ambasadorët me dy bartësit e shkollës shqipe të mësimit plotësues në Zvicër, LAPSH “N. Frashëri”, e themeluar më 1995 (nga viti 1990 si Lidhje arsimtarësh e Lidhje prindërish) dhe Ambasadës shqiptare që mori përsipër organizimin e këtij mësimi para 4-5 vitesh.
Si mësimdhënës për shumë vite dhe udhëheqës për disa të tjera (tash në pension), gjithmonë më ka gëzuar çdo nismë e mbarë në këtë drejtim dhe çdo sukses e kam përjetuar thellë. Ashtu siç jam ndier keq kur në këtë drejtim janë bërë gabime, e më keq kur këto janë bërë për qëllime të mbrapshta, qoftë nga prindërit e mësimdhënësit e aq ma keq kur këtu i kanë përzier gishtat edhe zyrtarët, cilët do qofshin ata.
Kam qenë i gëzuar kur para disa vitesh kam vërejtur, fillimisht se Ambasada shqiptare kishte marrë përsipër menaxhimin e këtij mësimi (fillimisht në kantonin e Zurich-ut) dhe kam menduar se idenë time dhe të kolegëve në LAPSH për vënien në binarë institucionalë të këtij mësimi ( për këtë nga LAPSH kishim dërguar një Letër Ambasadës dhe institucioneve në Kosovë, ani pse kurrë s’morëm përgjigje) e Ambasada e Shqipërisë e paska vendosur ta jetësojë dhe u gëzova.
Por, kur vërejta se në Kantonin e Zürich-ut janë vendosur dy organizatorë të këtij mësimi në uebfaqen kantonale të Drejtorisë arsimore të Kurseve të gjuhës dhe kulturës për gjuhën shqipe ( siç figuron ende), nuk më erdhi hiq mirë dhe një shembull i tillë më zhgënjeu pa masë.
Dok.1
Në përvojën time në Zvicër nuk kisha parë ndonjëherë që për një gjuhë amtare të ketë pasur dy udhëheqje. Bile, zyrtarët zviceranë udhëzonin që edhe shtetet që kishin një gjuhë të përfaqësoheshin me një udhëheqje, pasi organizimi bëhej për gjuhën përkatëse (si spanjollishtja që flitet në shumë shtete). Për një shembull i tillë kishte ndodhur vetëm një herë pas luftës në Kosovë, kur Serbia kishte humbur toruan si shtet dhe në Zvicër mësimin e serbishtes e organizonin pos Ambasadës edhe Shoqata “Sveti Sava”, por që kjo nuk zgjati shumë dhe shteti mori në dorë sërish organizimin.
Kur vërejta edhe reagimin e kolegëve nga LAPSH dhe mora vesh se ishte e vetmja Ambasada shqiptare në Zvicër që kishte ndërhyrë në formën e organizimit të këtij mësimi, e kjo s’ kishte ndodhur në asnjë shtet tjetër në Evropë, ku ka përfaqësitë shteti shqiptar, mora mundin dhe bisedova me të dy palët që udhëhiqnin këtë mësim dhe ishin kolegë të mi, të cilëve u thashë se këtu ka të bëjë me teke individësh që arsyetohen me banalitete dhe që kjo punë do të ndikojë për keq në mbarë mësimin plotësues në Zvicër, për të cilin shqiptarët me vite kishin dhënë gjithçka nga vetja për ta mbajtur gjallë fjalën shqipe, edhe në momentet më të rënda e ku kishin derdhur shumë mund e ishim angazhuar gjatë tri dekadave.
Tash, pas ndërrimit të ambasadorit që deshi të bëjë “zyrtarizimin” në këtë formë duke anashkaluar institucionin federal dhe ishte koncentruar vetëm në Zürich,( s’ di pse?) vërejta se ishte një punë e ngutshme, arsyet për të cilat mund t’i dijë vetëm ish ambasadori dhe bashkëmendimtarët e tij dhe se zyrtarët e rinj duhet të kenë kujdes sepse mund t’ u hapet “Kutia e pandorës” dhe të kërkohet përgjegjësi për të gjithë ata që kanë bërë pa kujdes dhe me veprimet e veta ndërhynë në punën e një shoqate të regjistruar mbi tri dekada në Zvicër.
Nga Letrat që kanë qarkulluar janë ndier të fyer shumë kolege e kolegë të mi, ashtu si dhe unë për deklarata të pamatura të ambasadorit para zyrtarëve vendas.
Pavarësisht çfarë komisione do të formohen për këtë çështje, ato duhet të jenë neutrale, pasi nuk mund aq lehtas të anashkalohet një veprim i tillë arbitrar.
Po, publiku duhet ta dijë se këtu nuk bëhet fjalë për unifikimin e shkollës shqipe në Zvicër, pasi në parimet kryesore shkolla është e unifikuar, pasi punon me të njëjtën Kurrikulë, të njëjtat tekste, por nuk është e unifikuar në udhëheqje dhe menaxhim dhe fajtori për këtë dihet.
Po e lë me kaq duke u dëshiruar “Unifikim” në këtë çështje, por jam shumë skeptik që ata që kanë bërë ndarjen e udhëheqjes në mësimin plotësues nuk kanë si e bëjnë bashkimin. Pasi, LAPSH ishte unik dhe zyrtarisht i pranuar dhe mbante përgjegjësi para organeve që kishin themeluar dhe atyre që kishin njohur për gjithë ato vite, derisa rikthimi i Ambasadës në këtë çështje për mua është absurd.
Ne kemi kërkuar para 20 vitesh (me shkrim) që këto punë duhet të kalojnë në domenin zyrtar të çdo shteti serioz, siç veprohet me këtë çështje nga të gjitha shtetet përkatëse që organizojnë këtë mësim në Zvicër. Është dashtë të mendohet mirë nga Ambasadorë të caktuar të cilët veprojnë jashtë kompetencave që kanë, për të mos futur pyka e të dalin gaf pas disa vitesh, siç po ndodh tash.
Nuk mundet një koordinator i një ambasade (A. Shqiptare në Zvicër) të jetë Koordinator i një Këshilli koordinues të diasporës që përbëhet nga Lidhje e Këshilla mësimdhënësish në Evropë e nuk ka bashkëpunim me Lidhjen e arsimtarëve në vendin ku vepron ai.
Keni Kujdes:
Është vetëm një këshillë në këtë drejtim nga një mësimdhënës në pension, që nuk përfaqëson më askënd, por që ka lënë gjurmë në këtë drejtim për dy dekada dhe e njeh mirë natyrën e ndjeshme organizative në këtë drejtim dhe e shqetësojnë rrjedhat e tilla absurde.
Pyes në fund: Kujt ju desh dhe pse krijoi një huti të tillë vetëm në Zvicër!?
Me nderime
Hamzë Morina
Por, të kuptohemi edhe me qartë, isha ndër të parët që si njohës i mirë i këtij procesi, sa isha Kryetar i LAPSH në Zvicër u pata dërguar shkresë institucioneve, pasi Kosova u pavarësua dhe Shqipëria kishte mbushur një shekull shtet që ky mësim të futet në binarë institucional. Pas disa përpjekjesh të kota, vërejta se kjo nuk po ndodh sepse pak kishin përfitime në këtë punë, apo e panë si të pamundshme ta marrin përsipër organizimin e këtij mësimi siç e kanë të gjitha shtetet normale në botë. Letër që s’mora kurrë përgjigje.
Pra, ndër të parët isha për kalimin e menaxhimit të këtij mësimi nga një shoqatë si LAPSH në binarë institucionalë, por jo ashtu siç veproi ambasadori, dhe jo sërish kështu siç po veprojnë ambasadorët me dy udhëheqësit e strukturave që po duan bashkim sërish në LAPSH.
A po vazhdon tallja!? Dëshiroj të jem i lajthitur, gjykoni vet!
Ja dhe letra ( si propozim) Ambasadës dhe autoriteteve shtetërore para se të ndodhin këto mashtrime dhe tallje se si do të duhej ky mësim të kalojë në binarë normalë institucionale, përndryshe me këtë formë organizimi ende jemi të barazuar me formën e organizimit si popujt që ende s’kanë shtete, me kurdët e tamilët në Zvicër, që organizojnë mësim përmes shoqatave:
Në rast se diaspora do të bashkohej siç edhe ky shkrim bën apel, do të ishte shpëtimi ynë, i joni, por kam rezerva se për 30 vite nuk e kemi ndjerë prezencën, presionin e diasporës mbi qeveritë autokrate dhe kalbëzimin e sistemit tonë politik, institucional, por dëmi më i madh është krijimi i një shoqërie atrofizuar, larg vlerave, e një brezi të pakualifikuar siç duhet, me një sistem arsimor ku zhvlerësohet merita. Një brez të shkëputur nga libri, historia, çështja kombëtare etj.etj. Do të isha e lumtur qoftë edhe ta mendoja se do të ndërtoheshin shinat e një shoqërie të shëndoshë shqiptare. por vështirë të shohim dritë në tunelin e kësaj shoqërie të ndërtuar në këto vite. Unë jam në këtë betejë, por ne jemi pak, duheni edhe ju në diasporë që të bëhemi edhe më shumë e të shkulim këtë të keqe.
E dashur Marela,
Jemi shumë, të gjithe njerezit e ndershem, qe e kane ndertuar jeten me mundin e tyre jane me ne, por duhet të organizohemi.
Ju flm shume.
Ju uroj Vitin e Ri per ju dhe Familjen.
Perqafimet e mia.
Sinqerisht
Elida Buçpapaj
E dashur Elida,
Ju jeni një intelektuale e shquar në lëmin e publicistikës shqiptare. Ju jeni e bija e poetit të talentuar Vehbi Skënderi, i cili ka mbetur i paharruar në zemrat e njerëzve jo vetën për magjinë e artit poetik, por edhe për dinjitetin e tij të lartë kombëtar, duke mos i kthyer kurrë sytë nga diktatori. Në tehun e publicistikës suaj ju keni vënë veset e politikanëve shqiptarë, të cilët janë dhënë vetëm pas pushtetit dhe parasë. Kryeministri Rama, me qeverisjen e tij të mbrapsht më shumë se gjashtëvjeçare, ka sjellë si pasojë braktisjen e vendit nga gati gjysmë milioni njerëz. Megjithatë, ai është dashuruar keq pas pushtetit, prandaj që të gjitha levat e tij i ka shtirë në duart e veta dhe po mundohet që, ashtu si në shumë mjete të informimit masiv në Tiranë, ta shtrijë ndikimin e vet edhe në Diasporë, në mënyrë që edhe kjo ta hedhë vallen sipas mides së tij. Kjo është edhe arsyeja që ai ka peshkuar njerëz të kallëpit të Mark Gjonajt që t’i bëjnë hosana qeverisjes së tij. Me sa duket Rama e paska shumë qejf atë aforizmin e famshëm të Makiavelit:“Pushteti që bazohet në frikën e popullit para diktatorit është pushtet i fuqishëm, sepse varet nga vetë diktatori”. Gjasat tregojnë se Rama e paska të mbyllur krejtësisht dritaren, prej nga duket më së miri se cili ka qenë fati i diktatorëve.
Urime nga zemra për publicistikën tuaj me frymë të theksuar ardhetarizmi.
Me respekt dhe mirënjohje.
Eshref Ymeri
I nderuar Profesor Eshrefi,
ju kam admiruar si studente ne fakultetin e gjuheve te huaja (kemi bere bashke aksione dhe zbore………keni pare edhe kur bashkekohesit e mij me kane vene flete rrufe se kisha baben te perjashtuar nga Partia). Ju kam njohur si bir i vertete i Laberise me integritet dhe atdhetarizem. Me vjen mire qe e vleresoni penen e z. Bucpapaj, por jam e zhgenjyer qe miratoni mellefin dhe percarjen qe kerkon te mbjelle ajo ne Diaspore. Ai qe gazetarja e quan “Si ingranazh qyqar, është është edhe i ashtuquajturi Këshilli Koordinues i Diasporës, …….” nuk eshte as ingranzh as buratin i askujt, por perfaqeson me dinjitet nevojat e diaspores dhe nuk i ben temena askujt, por vec Kombit qe i rriti me halle dhe ju profesoreve tane te nderuar qe n’a pajiset me dije. Ky grup i nderuar emigrantesh qe kane bere emer ne fushat e tyre ne shtetet ku banojne, eshte propuzuar nga shoqatat (turp qe autorja i pershkruan shoqatat si “po krijohen shoqatëza, si kërpudha helmuese, me emra të mëdhenj, por me shërbime në dëm të diasporës.”!!!!!! Eshte koha qe te heqim dore nga anatemizimi dhe hedhja baltes mbi kedo qe “nuk i pelqejme stilin e flokeve” dhe te mbledhim kokat e te gjejme zgjidhjet me te mira per probleme qe po shkaterrojne paqen sociale ne Shqiperi. Le t’i them STOP Baltes mbi njerez qe nuk i njihni. Jemi motra dhe vellezer dhe kemi me shume gjera qe n’a bashkojne se sa ato qe n’a ndajne. Ju bej apel te gjithve – Le te bashkepunojme per hir te FEMIJVE tane! Profesor ju uroj pleqeri te mbare dhe mbaresi ne vitin e ri 2020!
Zonja Adriana Bejko,
Profesor Eshrefi është personalitet i shquar dhe ai nuk ka nevojë që t’ja udhëheqni ju mendimet sepse ka mendimet e veta. Unë i shpreh mirënjohjen dhe jemi krenarë që kemi nje Mik si ai, e kemi edhe një nga bashkëpunëtorët kryesorë të voal.ch, sepse ndajmë mendimet e përbashkëta. Ju të vërtetën që unë e shpreh e konsideroni “mllef” dhe “urrejtje”. E pra ta përsëris këtu, komiteti juaj është i Edi Ramës dhe i qeverisë së tij, por ju nuk përfaqësoni diasporën. Duke qenë të emëruar nga Edi Rama nuk keni votën e 3 milionë shqiptarëve në Perëndim. Prof.Eshref Ymeri ka qenë bir i shkëlqyer i Labërisë dhe ashtu do të mbetet dhe unë i shpreh mirënjohjen për mbështetjen që na jep. Partia e Prof.Eshrefit dhe partia jonë është Shqipëria demokratike me shtet të së drejtës e integruar në Perëndim, ndërsa partia jote është ajo e Edi Ramës. Puna jote është, preferencat e tua, mbaji, por kjo të heq të drejtën që të përfaqësosh diasporën. Diaspora nuk ka nevojën e partive, as të edi ramës dhe as të majkos dhe të askujt, diaspora ka bijtë e saj, midis të cilëve jeni edhe ju, por pa teserë partie. Diaspora i zgjedh institucionet e veta, ndërsa qeveria e Tiranës i emëron. Të emërohesh nga Tirana për diasporën është shkelje e demokracisë. Ashtu si i fut me lista deputetët, me lista ju ka listuar edhe ju, por diaspora nuk ju pranon. Ju lutem, kur përpiqeni të interpretoni ato që unë shkruaj, kini kujdes që të jeni korrekte, sepse njuk ju lejoj që t’i manipuloni. Unë shkruaj shqip. Elida Buçpapaj
Zonja Adriana Bejko,
Profesor Eshrefi është personalitet i shquar dhe ai nuk ka nevojë që t’ja udhëheqni ju mendimet sepse ka mendimet e veta. Unë i shpreh mirënjohjen dhe jemi krenarë që kemi nje Mik si ai, e kemi edhe një nga bashkëpunëtorët kryesorë të voal.ch, sepse ndajmë mendimet e përbashkëta. Ju të vërtetën që unë e shpreh e konsideroni “mllef” dhe “urrejtje”. E pra ta përsëris këtu, komiteti juaj është i Edi Ramës dhe i qeverisë së tij, por ju nuk përfaqësoni diasporën. Duke qenë të emëruar nga Edi Rama nuk keni votën e 3 milionë shqiptarëve në Perëndim. Prof.Eshref Ymeri ka qenë bir i shkëlqyer i Labërisë dhe ashtu do të mbetet dhe unë i shpreh mirënjohjen për mbështetjen që na jep. Partia e Prof.Eshrefit dhe partia jonë është Shqipëria demokratike me shtet të së drejtës e integruar në Perëndim, ndërsa partia jote është ajo e Edi Ramës. Puna jote është, preferencat e tua, mbaji, por kjo të heq të drejtën që të përfaqësosh diasporën. Diaspora nuk ka nevojën e partive, as të edi ramës dhe as të majkos dhe të askujt, diaspora ka bijtë e saj, midis të cilëve jeni edhe ju, por pa teserë partie. Diaspora i zgjedh institucionet e veta, ndërsa qeveria e Tiranës i emëron. Të emërohesh nga Tirana për diasporën është shkelje e demokracisë. Ashtu si i fut me lista deputetët, me lista ju ka listuar edhe ju, por diaspora nuk ju pranon. Ju lutem, kur përpiqeni të interpretoni ato që unë shkruaj, kini kujdes që të jeni korrekte, sepse njuk ju lejoj që t’i manipuloni. Unë shkruaj shqip. Elida Buçpapaj
Edhe Enver Hoxha paguante goxha para per spiunet e tij. Merrnin dikur rreth 3,000 dollare ne muaj per te sinjalizuar cdo levizje te Vatres e te atyre qe kishin ikur nga vendi me ardhjen e komunizmit.
Kjo u trashegua edhe te Rama. Erdhi Pandeliu dhe ri organizoi rrjetin e inteligjences. U infiltrua Vatra deri ne kryesine e saj. Nisi bashkpunimi mes atyre qe punuan ne sistemin e shkuar dhe ktyre te rinjve. Tani po hapin organizata te reja per ta dobesuar punen dhe autoritetin e diaspores.
Komsomolsi pandeli majko de jure asht ministër i diasporës. Fakti tregon se ky ministër s’ka ba asnji aktivitet edhe pse ka marrë fonde kolosale.
De fakto bolsheviku pandeli majko asht ministër i kundra-zbulimit, pra ka instalue, rigjallnue, rikthue sherbimin sekret të enver hoxhës në Amerikë e kudo në botë. Me kto fonde mbahet nji ushtri agjenturash të lugatit edvin ramës në diasporë.
Për mark gjonaj i ke thanë sakt zj. Buçpapaj! Parja shpon detin!