Komisioneri i Administratës së Ushqimit dhe Barnave Stephen Hahn është futur në vetëizolim për dy javë pasi ka pasur kontakte me një person që është testuar pozitiv me COVID-19. Lajmi u konfirmua për agjencinë “Reuters” nga një zëdhënës i këtij institucioni, të premten në mbrëmje.
Stephen Hahn
Zoti Hahn u testua menjëherë, por rezultoi të ishte negativ ndaj koronavirusin thuhej në një deklaratë të lëshuar me email nga zëdhënësi Michael Felberbaum.
“Siç shkruante Dr. Hahn në një shënim për stafin sot, ai kohët e fundit ka ndërvepruar me një person të infektuar nga COVID-19. Sipas udhëzimeve të CDC-së, ai tashmë ndodhet në vetëizolim për dy javët e ardhshme“, tha zëdhënësi i Administratës së Ushqimit dhe Barnave.
“Politico” njoftoi më herët se ishte Katie Miller, sekretarja e shtypit e Nënpresidentit Mike Pence, me të cilin zoti Hahn kishte pasur kontakte. I pyetur nga “Reuters” për detaje mbi këtë çështje, në deklaratën e nisur me email nuk përmendej emri i personit që ishte testuar pozitivisht me COVID-19 dhe me të cilin ishte takuar komisioneri Hahn.
Zonja Miller, e cila gjithashtu është edhe bashkëshortja e një prej këshilltarëve të lartë të Presidentit Donald Trump, u testua pozitive ndaj virusit të premten, duke ngritur alarmin për përhapjen e mundshme të virusit brenda rrethit më të ngushtë të Shtëpisë së Bardhë.
Diagnoza e zonjës Miller, i cila është martuar me këshilltarin e Shtëpisë së Bardhë për çështje të emigracionit Stephen Miller, u bë publik nga zoti Trump në një takim me ligjvënësit republikanë të premten. zëri i amerikës
Sipas Donald Trump koronavirusi ‘do të zhduket pa një vaksinë’. Presidenti i Shteteve të Bashkuara të Amerikës ndër të tjera parashikon që numri i të vdekurve për shkak të koronavirusit do të shkojë deri në 95 000 viktima.
Janë mediat amerikane që raportojnë diskutimin e Trump gjatë një eventi me parlamentarët republikan.
SHBA-ja regjistroi sot 1 635 të vdekur si pasojë e koronavirusit të ri në 24 orë duke e çuar bilancin total në 77 178 viktima. bw
Presidenti i Shteteve të Bashkuara Donald Trump u lut për jetët e humbura nga COVID-19 në Ditën Kombëtare të Shërbimit të Lutjeve në Shtëpinë e Bardhë. Por, ndërsa objektet fetare në vend fillojnë të rihapen, administrata është duke u kritikuar për bllokimin e udhëzimeve të Qendrave për Kontrollin dhe Parandalimin e Sëmundjeve për komunitetet fetare.
Në Ditën Kombëtare të Shërbimit të Lutjeve, një lutje në Shtëpinë e Bardhë nga Presidenti amerikan Donald Trump.
“Lutemi për çdo familje të goditur nga pikëllimi dhe të shkatërruar me një humbje tragjike. Lutemi për mjekët, infermierët dhe punonjësit e emergjencave që bëjnë luftë kundër armikut të padukshëm. Lutemi për shkencëtarët dhe studiuesit, për gjetjen së shpejti të kurave dhe vaksinave të reja. Lutemi për punonjësit e vijës së parë që e mbajnë kombin tonë të ushqyer dhe të sigurt. Zoti i ruajë të gjithë ata“, tha Presidenti Trump.
Por ndërsa objektet fetare në të gjithë vendin fillojnë të rihapen, administrata Trump bllokoi udhëzimet e përgatitura nga Qendrat për Kontrollin dhe Parandalimin e Sëmundjeve, të cilat përfshijnë sugjerime specifike për kishat, duke i quajtur ato tepër të detajuara.
Kritikët e presidentit thonë se lëvizja është e motivuar politikisht për të qetësuar bazën e tij.
“Për individët fetarë në tërësi, duke mos i shtrënguar udhëzimet për objektet e kultit. Mendoj se kjo është gjithashtu pjesë e përpjekjeve të presidentit për të mobilizuar komunitetet e pakicave. Ne e dimë se komunitetet e vogla minoritare kanë tendencë të jenë më fetare se shumica e popullatës“, thotë Pastori Quardricos Driskell, i cili jep mësim për fenë dhe politikën në Universitetin George Washington.
Ndasia për rihapjen e objekteve fetare është partiake. Një sondazh i fundit nga ABC News / Ipsos tregon se 73% e republikanëve ka të ngjarë të fillojnë të shkojnë në kishë, krahasuar me 20% të demokratëve.
Por, edhe për ata që besojnë se qeveria duhet të ndihmojë lirinë e besimit dhe t’i lejojë njerëzit të kthehen në objektet fetare, udhëzimi i CDC-së shihet si vendimtar.
“CDC ka një përqendrim të madh të njohurive, dhe mundet të nxjerrë udhëzime. Në sistemin tonë federal, realisht janë shtetet ato që do të përcaktojnë rregullat. Dhe madje në shumë raste do të jenë kishat, në rastin e katolikëve, peshkopët dhe pastorët vendas, dhe në rastin e organizatave të tjera fetare, do të jenë udhëheqësit fetarë rajonalë ose lokalë të cilët në të vërtetë do të zbatojnë rregullat plotësisht. Por udhëzimet e CDC-së do t’i bëjnë të gjithë shumë më të mirëinformuar gjatë marrjes së këtyre vendimeve“, thotë Timothy Carney, i Institutit Amerikan të Sipërmarrjes.
Ndërkohë përpara muajit të shenjtë mysliman të Ramazanit, Task Forca Myslimane Kombëtare Amerikane për COVID-19 lëshoi një deklaratë, duke u bërë thirrje myslimanëve amerikanë “të ndjekin protokollet lokale për vetë-karantinim dhe distancim fizik” dhe kërkuan që faljet në komunitet të pezullohen. zëri i amerikës
Qeveria amerikane publikoi të premten shifrat më të larta të papunësisë në vend që prej recesionit të një dekade më parë. Sipas raportit mujor të Departamentit të Punës, papunësia për muajin prill llogaritet në 14.7 për qind.
Bazuar në këto shifra ekonomia e vendit llogaritet të ketë humbur 20.5 milionë vende pune. Kjo do të thotë se pothuajse e gjithë rritja e numrit të vendeve të punës që pas fundit të recesionit të një dekade më parë është zhdukur brenda një muaji.
Megjithatë këto të dhëna nuk e tregojnë plotësisht përmasën e dëmit që koronavirusi i ka shkaktuar ekonomisë.
Ndërkohëm të premten në SHBA u regjistruan më shumë se 1 milion e 256 mijë të prekur nga koronavirusi dhe mbi 75 mijë të vdekur. zëri i amerikës
Presidenti amerikan Donald Trump të mërkurën deklaroi se pandemia e koronavirusit të ri (COVID-19) është më keqe se sulmet ndaj Pearl Harbour dhe Qendrës Botërore të Tregtisë në New York, transmeton Anadolu Agency (AA).
“Ne kaluam sulmin më të keq që kemi pasur ndonjëherë mbi vendin tonë. Ky me të vërtetë është sulmi më i keq që kemi pasur ndonjëherë”, u tha ai gazetarëve në Shtëpinë e Bardhë. “Kjo është më keqe se në Pearl Harbour. Kjo është më e keqe se në Qendrën Botërore të Tregtisë”.
Trump tha se pandemia mund të ishte ndalur nga Kina, por “nuk u bë”.
SHBA është vendi me numrin më të madh të infeksioneve me COVID-19 dhe vdekjeve në botë. Aktualisht, vendi ka më shumë se 1.2 milionë raste dhe më shumë se 72.000 vdekje.
Pearl Harbour është një bazë detare pranë Honolulu, Hawaii, e cila u godit nga një sulm i befasishëm të forcave japoneze në dhjetor të vitit 1941. Gjatë sulmeve u vranë 2.403 amerikanë, gjë që futi SHBA-të në Luftën e Dytë Botërore.
Sulmet terroriste më 11 shtator të vitit 2001, të organizuara nga udhëheqësi i vrarë i Al-Kaedës, Osama bin Laden, çuan në vdekjen e 2.753 personave kur grupi terrorist rrëmbeu avionët komercialë dhe i përplasi në Qendrën Botërore të Tregtisë në New York, duke shkatërruar një nga shenjat piktoreske të qytetit.
Një shkencëtar e larguan nga puna pasi administrata Trump injoroi paralajmërimet e tij të forta për COVID-19 dhe një ilaç të malaries, të cilin Presidenti Donald Trump kërkonte të përdorej për koronavirusin megjithë të dhënat e pakta se mund të ishte i dobishëm. Kështu thuhet në ankesën e paraqitur në agjensinë që mbikqyr qeverinë nga Rick Bright, ish-drejtor i Autoritetit për Studimet dhe Zhvillimet e Avancuara Biomjekësore.
Në ankesën e paraqitur, Rick Bright, ish-drejtori i Autoritetit për Studimet dhe Zhvillimet e Avancuara Biomjekësore, thotë se e patën transferuar në një detyrë më të ulët pasi i rezistoi presionit politik për të lejuar përdorimin e gjerë të hidroksiklorokuinës, ilaçit të malaries që kërkonte Presidenti Trump. Në dokumentin e paraqitur tek Zyra e Posaçme Juridike, agjensia mbikqyrëse për qeverinë amerikane, zoti Bright thotë se administrata Trump dëshironte të dërgonte furnizime të tepruara me këtë ilaç në vatrat e nxehta në Nju Jork dhe Nju Xhersi.
Ankesa me shkrim vjen ndërsa administrata Trump po përballet me kritika për reagimin e saj ndaj pandemisë, për furnizimin me teste për virusin dhe me respiratorë, maska dhe paisje të tjera që mund të ulin përhapjen e sëmundjes. Deri më tani, Shtetet e Bashkuara kanë patur rreth 1.2 milionë raste të konfirmuara dhe mbi 70 mijë vdekje.
Zoti Bright thotë gjithashtu se administrata Trump injoroi paralajmërimet e tij të forta për COVID-19, sëmundjen e shkaktuar nga koronavirusi. Ai thotë se “veproi me urgjencë” për të trajtuar çështjen e përhapjes së COVID-19, pasi Organizata Botërore e Shëndetit bëri një paralajmërim në janar.
Por, ai thotë se u përball me rezistencë nga udhëheqja e Departamentit të Shëndetësisë dhe Shërbimeve Njerëzore, ndër ta edhe vetë Sekretari Azar, i cili duket se ulte rëndësinë e kësaj katastrofe.
Zoti Bright thotë se të emëruarit politikë në Departamentin e Shëndetësisë u përpoqën të promovojnë hidroksiklorokuinën si ilaçin që do të ishte çelësi për zgjidhjen. Këta zyrtarë “kërkuan që Nju Jorku dhe Nju Xhersi të ‘përmbyteshin’ me këtë ilaç, të importuar nga fabrika në Pakistan dhe Indi që nuk ishin inspektuar nga Administrata për Ushqimin dhe Barnat (FDA)”, thuhet në ankesën me shkrim.
Por, zoti Bright kishte kundërshtuar përdorimin e gjerë të këtij ilaçi, duke thënë se nuk ekzistonte evidenca shkencore që të mbështeste përdorimin nga pacientët me koronavirusin. Ai ndjeu nevojën urgjente që publiku të informohej për faktin e mungesës së argumentave shkencore.
Muajin e kaluar, Administrata për Ushqimin dhe Barnat (FDA) paralajmëroi doktorët kundër dhënies me recetë të këtij ilaçi që mund të përdoret vetëm në studime shkencore dhe kushte spitalore. Madje, në një paralajmërim të FDA përmenden raportet për raste me pasoja anësore fatale në zemër, ndër pacientët me koronavirusin që morën hidroksiklorokuinën, apo ilaçin e lidhur me të, klorokuinën.
Gjithashtu, në fund të janarit, zoti Bright pati ndërmarrë përpjekje për të rritur rezervat e maskave N95, për t’i paraprirë rrezikut të mungesave në rang global që do të rrezikonin kështu punonjësit e emergjencave. Në takimet me zyrtarët e lartë të Departamentit të Shëndetësisë, ndër ta edhe Sekretarin Azar, “reaguan të befasuar nga parashikimet dhe thirrjet urgjente, dhe u shprehën se Shtetet e Bashkuara do të ishin në gjendje ta përmbanin virusin dhe ta mbanin jashtë” territorit amerikan. Për publikun, Departamenti i Shëndetësisë thoshte se kishte të gjitha sasistë e maskave që nevojiteshin.
Zoti Bright thotë se paralajmërimet e tij ishin mbështetur vetëm nga këshilltari për tregtinë i Shtëpisë së Bardhë, Peter Navarro, i cili ndante të njëjtat shqetësime për dëmin masiv ndaj Shteteve të Bashkuara dhe i shprehu këto në një memorandum të brendshëm.
Pasi kishte parë që zyrtarët “refuzonin të dëgjonin apo të ndërmerrnin veprimet e duhura për të informuar drejt publikun”, zoti Bright bisedoi me një gazetar që po shkruante një artikull për ilaçin në fjalë. Agjensia ku punonte zot Bright po punon gjithashtu për zhvillimin e një vaksine për koronavirusin e ri. Ai ishte përplasur me zyrtarët e lartë për rolin e një lobisti të industrisë farmaceutike, John Clerici, i cili kërkonte një kontratë për një nga kompanitë kliente të tij “Aeolus Pharmaceuticals”, drejtori i së cilës është mik i dhëndrrit të Presidentit Trump, Jared Kushner.
Në ankesën e tij, zoti Bright kërkon rikthimin në punë dhe një hetim të plotë të çështjeve të përmendura. Departamenti i Shëndetësisë konfirmoi se ai nuk punon më tek kjo agjensi, por nuk reagoi për akuzat për ndërhyrje politike në reagimin ndaj COVID-19.
Ligjvënësi republikan John Ratcliffe duke folur gjatë seancës dëgjimore në Komisionin e Senatit për Zbulimin, pothuajse të boshatisur për shkak të pandemisë
Mbi tetë muaj pasi u propozua fillimisht për të udhëhequr punën e zbulimit të agjensive amerikane, Ligjvënësi John Ratcliffe u premtoi në mënyrë të përsëritur ligjvënësve skeptikë se do të braktisë politikat partiake dhe do t’i ofrojë presidentit dhe hartuesve kryesorë të politikave “të vërtetën e palustruar”.
“Ajo çfarë dikush dëshiron të reflektohet në të dhënat e zbulimit nuk do të ndikojë në të dhënat që do të jap unë“, u tha teksani republikan kolegëve të tij, për mënyrën se si do të veprojë nëse konfirmohet në detyrën e drejtorit të zbulimit kombëtar. “Nuk do të errësohet për askënd“.
Zoti Ratcliffe “takohet” me kryetarin, Senatorin republikan Richard Burr, dhe nënkryetarin, Senatorin demokrat Mark Warner
Rrugëtimi i tij ka qenë i pazakontë deri kur mbërriti të martën në seancën dëgjimore në Komisionin e Senatit për Zbulimin, në një sallë pothuajse të boshatisur për shkak të shqetësimeve për pandeminë e koronavirusit.
Një mbështetës i zellshëm i Presidentit Donald Trump, Ligjvënësi Ratcliffe u detyrua fillimisht ta tërheqë emrin e tij nga shqyrtimi në gusht të vitit të kaluar, pasi ligjvënës republikanë dhe demokratë ngritën pikëpyetje rreth pretendimeve se kishte fryrë arritjet e tij kundër terrorizmit, kur kishte qenë prokuror federal.
Të tjerë përmendën mungesën e eksperiencës me agjensitë amerikane të zbulimit, duke vënë në dukje se lidhja e tij më e dukshme ishte si anëtar i Komisionit të Zbulimit të Dhomës së Përfaqësuesve, një rol që e pati luajtur për vetëm një vit.
Megjithatë, Presidenti Trump e emëroi zotin Ratcliffe sërish në shkurt, duke e quajtur “një burrë të jashtëzakonshëm me talent të madh!”.
Në deklaratën e tij çelëse, zoti Ratcliffe u tha ligjvënësve se megjithë të kaluarën e tij politike, nëse ai do të konfirmohej si drejtor i zbulimit kombëtar, ai do të përpiqej të bëhej “një forcë stabilizuese” për agjensitë amerikane të zbulimit ndërsa do t’i mbronte ato nga çfarëdolloj testi politik.
“Keni zotimin tim për të sjellë materiale të zbulimit në kohën e duhur, me saktësi dhe objektivitet, për t’i thënë të vërtetën pushtetit, qoftë Kongresit apo ekzekutivit”, tha ai.
Zoti Ratcliffe u mundua gjithashtu të distancohej nga komentet e Presidentit Trump në korrik të vitit të kaluar, kur ai tha se komunitetit të zbulimit i duhet dikush “për të vendosur nën kontroll” agjensitë që “janë tërbuar”.
“Unë nuk jam shprehur kurrë kështu”, tha zoti Ratcliffe, duke shtuar se shpreson që deklarata të tilla nuk do të ndikojnë tek morali i punonjësve.
Kina dhe COVID-19 prioritet
Zoti Ratcliffe u tha ligjvënësve se nëse do të konfirmohej në këtë detyrë, prioriteti i tij kryesor do të ishte Kina dhe pandemia e koronavirusit.
Presidenti Trump dhe një numër zyrtarësh të tjerë të lartë të administratës kanë thënë se ekziston evidencë në rritje se virusit COVID-19 u përhap nga një laborator kinez në Wuhan, ku u raportuan rastet e para, megjithëse zyrtarë amerikanë të zbulimit kanë thënë publikisht se virusi nuk ishte një prodhim i njeriut.
“Komuniteti i zbulimit do të fokusohet maksimalisht në marrjen e të gjitha përgjigjeve që mundemi në lidhje me atë se si ndodhi, kur ndodhi kjo”, tha Ratcliffe. “Populli amerikan meriton përgjigje.”
Megjithë vlerësimet e republikanëve të komisionit, përfshirë kryetarin, senatorin Richard Burr, zoti Ratcliffe u kritikua nga demokratët, të cilët thonë se megjithëse ai kishte dhënë përgjigje për më shumë se 100 pyetje para seancës dëgjimore, ai nuk kishte arritur të lehtësonte shqetësimet e tyre.
Senatori Mark Warner
“Unë do të flas qartë. Ende kam disa prej të njëjtat dyshimeve tani, siç kisha në gusht”, tha nënkryetari i Komisionit të Zbulimit të Senatit Mark Warner, megjithëse ai gjithashtu tha se ai ishte i gatshëm t’i jepte zotit Ratcliffe edhe një shans.
Ndërhyrja e Rusisë
Një nga shqetësimet më të mëdha për zotin Warner dhe ligjvënësit e tjerë, ka qenë reagimi i administratës Trump ndaj konkluzioneve të komunitetit të shërbimeve të zbulimit se Rusia ndërhyri në zgjedhjet presidenciale amerikane të vitit 2016, me synimin kryesor për të ndihmuar kandidatin e atëhershëm Trump.
Një raport dypartiak i botuar muajin e kaluar nga Komisioni i Senatit për Zbulimin konfirmoi gjetjet fillestare, duke i quajtur konkluzionet “të qëndrueshme”.
Zoti Ratcliffe tha se nuk mundet të mbështesë plotësisht konkluzionin e komunitetit të zbulimit, duke përmendur një raport të vitit 2018 nga Komisioni i Zbulimit i Dhomës së Përfaqësuesve ku ngre pikëpyetje mbi përfundimin se Rusia u përpoq të ndihmojë në fitoren e zotit Trump.
“Nuk jam njohur me të dhënat mbështetëse të zbulimit që të kuptoj përse ka një diferencë opinionesh mes dy komisioneve”, tha zoti Ratcliffe.
Senatorja Dianne Feinstein
Të tjerë senatorë demokratë e pyetën zoti Ratcliffe për çështjen e mbrojtjes së informatorëve nga brenda komunitetit të zbulimit. Senatorja Diane Feinstein e akuzoi zotin Ratcliffe se ishte “pjesë e fushatës së Presidentit Trump për të ndëshkuar dhe diskredituar” informatorin e CIA-s, në bazë të ankesës së të cilit u vendos në lëvizje procesi i hetimit për shkarkimit.
David L. Phillips, ish-këshilltar i Lartë i Departamentit të Shtetit gjatë administrimit të Bill Clintonit, Xhorxh Bushit dhe Barak Obamas, ka akuzuar administratën e presidentit Donald Trump, se kanë ndihmuar në rrëzimin e Qeverisë së Kosovës të drejtuar nga Albin Kurti.
Trump tradhtoi Kosovën
Shtetet e Bashkuara dhe Kosova kanë një marrëdhënie të veçantë. Çlirimi dhe ndërtimi i shtetit ishte një përpjekje e dyanshme. Administrata e Clintonit shkoi në luftë për të parandaluar spastrimin etnik të shqiptarëve të Kosovës nga Serbia dhe Bush e drejtoi shpalljen e pavarësisë së Kosovës. Sot, marrëdhëniet SHBA-Kosovë janë në pikën e tyre më të ulët në vite. Presidenti Donald J. Trump ka tradhtuar besimin e Kosovës në SH.B.A., duke prishur progresin e dekadave.
Trump dhe ekipi i tij kanë harruar që Kosova është aleati ynë – jo Serbia. Shqiptarët e Kosovës ishin viktima të gjenocidit, jo serbët. Nuk ka vend për barasvlerë morale kur bëhet fjalë për Kosovën dhe Serbinë. Busulla morale e Uashingtonit është prishur.
Richard Grenell, i dërguari special i SHBA-së për Marrëdhëniet Kosovë-Serbi, i ka dhënë mbështetje të heshtur ndarjes së Kosovës dhe dhënies së territoreve në veri të lumit Ibër për Serbinë. Grenell po përpiqet të ndërmjetësojë një marrëveshje midis Thaçit dhe Vuçiqit jo për të ndihmuar Kosovën, por për të kënaqur shefin e tij.
Dikush duhet t’ia shpjegojë Ballkanin atij. Ndarja nuk është vetëm politikë e keqe. Rrezikon konfliktin e përtërirë. Shkëmbimet e territorit kundërshtohen nga një shumicë dërrmuese e shqiptarëve të Kosovës dhe serbëve në Kosovë dhe Serbi, si dhe anëtarë të NATO-s siç janë Gjermania dhe Mbretëria e Bashkuar.
Për më tepër, Kosova nuk fiton asgjë nga ndarja. Serbia nuk mund të sigurojë anëtarësimin e OKB për Kosovën, mbi të cilën Rusia ka veton. As nuk mund të detyrojë pesë vendet e BE-së të njoh pavarësinë e Kosovës. Spanja kohët e fundit ka treguar fleksibilitet, por mbetet vazhdimisht kundër anëtarësimit të Kosovës në BE.
Mundësia e vendosjes së tarifave për Serbinë mund të debatohet. Vendimi, megjithatë, duhet të shihet në kontekst. Qeveria e Kosovës vendosi tarifa pasi Serbia synoi fushatën e Kosovës për t’u bashkuar me INTERPOL dhe intensifikoi përpjekjet për të bindur vendet që e kanë njohur Kosovën të heqin dorë nga njohja e tyre.
Në vend që të detyrohet Kosova për të hequr njëanshmërisht tarifat, Uashingtoni duhet të bëjë presion ndaj Serbisë që ta njohë Kosovën brenda kufijve të saj aktual. Normalizimi i marrëdhënieve tregtare do të ishte pjesë e një procesi hap pas hapi bazuar në parimin e reciprocitetit.
Duhet të kërkohen lëshime të tjera nga Serbia. Serbët që kanë kryer krime gjatë luftës duhet të ndiqen penalisht. Shumë kriminelë lufte mbajnë ende tituj në ushtrinë dhe qeverinë serbe.
Personat e zhdukur janë një tjetër pikëllim. Kam intervistuar një nënë, djali i së cilës u zhduk në Gjakovë. Ajo me lot më tregoi një album me foto të djalit të saj. Ende ka mijëra të zhdukur, familjet e të cilëve duan të dinë se çfarë u ndodhi fëmijëve të tyre.
Shtetet e Bashkuara duhet të kërkojnë që Serbia të ndalojë kundërshtimin e 33 marrëveshjeve të arritura për bisedimet midis Kosovës dhe Serbisë. Mungesa e udhëheqjes së Uashingtonit, duke hequr dorë nga ndërmjetësimi para Komisionit Evropian, e bëri procesin të pakuptimtë.
Për të detyruar lëshimet nga Kosova, SHBA kërcënoi të tërhiqte trupat paqeruajtëse të saj. Kërcënimi ishte i pakuptimtë, duke thelluar ndarjet midis kosovarëve në një kohë kur uniteti kombëtar është i nevojshëm më shumë se kurrë. Ajo gjithashtu ktheu shqiptarët e Kosovës kundër SH.B.A.-së, duke prishur një nga disa marrëdhëniet miqësore të Uashingtonit. Mbështetja e Kosovës është gjëja e duhur pasi Shtetet e Bashkuara kanë një interes strategjik në Kosovë, si një mbështetje kundër ndikimit rus në Evropën Juglindore.
Për hir të saj, administrata Trump i dha një dritë jeshile Forcës së Sigurisë së Kosovës. Lejimi i ushtrisë së Kosovës është hapi i vetëm pozitiv që SHBA kanë ndërmarrë në Kosovë që nga koha kur Trump mori detyrën.
Vetëvendosje bëri gabime, me siguri. Por në vend që të bashkëpunonin me qeverinë e zgjedhur demokratike të Kosovës, zyrtarët amerikanë ndihmuan në rrëzimin e koalicionit. Përballë krizës COVID-19, Kosova ka nevojë për stabilitet. Nuk ishte koha për të hedhur Albin Kurtin nën autobus.
Pata nderin të punoja me Ambasadorin Richard C. Holbrooke. Unë mund ta imagjinoj tmerrin e Holbrooke për paragjykimin antishqiptar të Trump. Ndarja paraqet realizimin e projektit të Slobodan Millosheviçit për krijimin e shteteve etnikisht të pastra në Ballkan.
Grenell dhe zyrtarë të tjerë amerikanë që punojnë në Kosovë janë një të turpëruar.
Ambasadori Phillip Kosnett iu drejtua publikut në diasporë në mars. Kur u pyet për mbështetjen e SHBA-ve për integritetin territorial të Kosovës, ai u përgjigj: “Vetëm na besoni”.
Besimi i shqiptarëve ishte i gabuar; Trump e tradhtoi Kosovën. Shqiptaro-amerikanët janë të mirë organizuar politikisht. Çdo votë numërohet në nëntor, veçanërisht në shtetet e lëkundshme ku Komuniteti është aktiv.
Z. Phillips shërbeu si Këshilltar i Lartë i Departamentit të Shtetit gjatë administrimit të Clintonit, Bush dhe Obama. Ai është autori i librit “Çlirimi i Kosovës: Diplomacia shtrënguese dhe Ndërhyrja e SHBA” (Shkolla Kennedy e Harvardit).
Trump Betrays Kosova
By David L. Phillips*/
04 May 2020- The United States and Kosova have enjoyed a special relationship. Liberating and state-building was a bipartisan endeavor. The Clinton administration went to war to prevent ethnic cleansing of Kosova Albanians by Serbia and Bush led Kosova’s coordinated declaration of independence. Today, US-Kosova relations are at their lowest point in years. President Donald J. Trump has betrayed Kosova’s trust in the US, rolling back decades of progress.
Trump and his team have forgotten that Kosova is our ally – not Serbia. Kosova Albanians were victims of genocide, not Serbs. There is no place for moral equivalency when it comes to Kosova and Serbia. Washington’s moral compass is broken.
Richard Grenell, the US Special Envoy for Kosova-Serbia Relations, has given tacit support to dividing Kosova and giving territories north of the Ibar River to Serbia. Grenell is trying to broker a deal between Thaci and Vucic not to help Kosova, but to please his boss.
Someone should explain the Balkans to him. Partition is not only bad policy. It risks renewed conflict. Territorial swaps are opposed by an overwhelming majority of both Kosova Albanians and Serbs in Kosova and Serbia, as well NATO members such as Germany and the United Kingdom.
Moreover, Kosova gains nothing from partition. Serbia cannot deliver UN membership for Kosova, over which Russia has a veto. Nor can it compel five EU countries to reverse their non-recognition of Kosova. Spain has recently shown flexibility, but it remains adamantly opposed to Kosova’s EU membership.
The wisdom of imposing tariffs on Serbia can be debated. The decision, however, must be seen in context. The Kosova government imposed tariffs after Serbia targeted Kosova’s campaign to join INTERPOL and intensified efforts to convince countries that have recognized Kosova to rescind their recognition.
Instead of strong-arming Kosova to unilaterally lift the tariffs, Washington should be pressuring Serbia to recognize Kosova within its current frontiers. Normalizing trade relations would be part of a step-by-step process based on the principle of reciprocity.
Other concessions from Serbia should be required. Serbs who committed crimes during the war should be prosecuted. Many war criminals still hold titles in the Serbian army and government.
Missing persons is another sore spot. I interviewed a mother whose son disappeared in Gjakova. She tearfully showed me an album with photos of her son. There are still thousands of disappeared whose families want to know what happened to their children.
The US should demand that Serbia stop stonewalling 33 agreements reached on talks between Kosova and Serbia. Washington’s lack of leadership, ceding mediation to the European Commission, made the process meaningless.
To coerce concessions from Kosova, the US threatened to withdraw US peacekeeping troops. The threat was imprudent, deepening divisions between Kosovars at a time when national unity is needed more than ever. It also turned Kosova Albanians against the US, spoiling one of Washington’s few friendly relations. Not only is supporting Kosova the right thing to do. The US has a strategic interest in Kosova, as a buttress against Russian influence in Southeast Europe.
To its credit, the Trump administration gave a green light to the Kosova Security Force. Allowing Kosova’s army is the only positive step the US has taken in Kosova since Trump took office.
Vetevendosje made mistakes, for sure. But instead of cooperating with Kosova’s democratically elected government, US officials helped collapse the coalition. Faced with the COVID-19 crisis, Kosova needs stability. It was not the time to throw Albin Kurti under the bus.
I had the honor of working with Ambassador Richard C. Holbrooke. I can imagine Holbrooke’s horror at Trump’s anti-Albanian bias. Partition represents the realization of Slobodan Milosevic’s project to create ethnically pure states in the Balkans.
Grenell and other US officials working on Kosova are a disgrace.
Ambassador Phil Kosnett addressed a Diaspora audience in March. When asked about US support for Kosova’s territorial integrity, he replied: “Just trust us.”
The trust of Albanians was misplaced; Trump betrayed Kosova. Albanian-Americans are well-organized politically. Every vote counts in November, especially in swing states where the Community is active.
*Mr. Phillips served as a Senior Adviser to the State Department during the Clinton, Bush and Obama administrations. He is author of Liberating Kosovo: Coercive Diplomacy and US Intervention (Harvard’s Kennedy School).
”Draft Michelle Obama”, është nisma e një komitetit të ri zgjedhor të krijuar për të bindur kandidatin demokrat Joe Biden të përqëndrohet tek ish-Zonja e Parë për ”biletën presidenciale”, duke bindur atë të pranojë kandidaturën për zv.presidente.
Një kandidaturë deri tani gjithmonë ka qenë përjashtuar në mënyrë kategorike nga e interesuara direkte, e cila edhe në dokumentarin që do të dalë në orët e ardhshme dhe opinionet e marra nga libri i saj ”Becoming” konfirmon se ajo nuk është e interesuar për ndonjë detyrë politike.
Por promovuesit e komitetit, të regjistruar në Komisionin Federal të Zgjedhjeve dhe të promovuara nga disa financues të pasur të Partisë Demokratike, e besojnë këtë nismë. Dhe ata nuk heqin dorë nga ideja se Obama është mbështetëse në skenat e politikës.
“Ne po punojmë për të ndërtuar një mbështetje të fortë në elektorat për një kandidaturë të mundshme nga Michelle Obama, gruaja më e admiruar e Amerikës, duke siguruar që ajo të jetë një pasuri kryesore për të ndihmuar Biden të mundë Trump”, theksoi komiteti mbështetes i ish-Zonjës së Parë.
Administrata për Transport në qytetin e Nju Jorkut planifikon që të ndalë sistemin e metrove nga ora 1:00 deri në 5:00 të mëngjesit të së mërkurës për dezinfektim.
Shërbimet do të rikthehen sërish, mirëpo me orar të shkurtuar për herë të parë në historinë 115-vjeçare të metrosë në këtë qytet.
Qarkullimi me autobusë do të jetë falas gjatë asaj kohe.
Ky vendim vjen pas rënies për 90 për qind të kërkesës për këtë transport dhe numrit të madh të personave të pastrehë që janë duke jetuar në këto hapësira.
Guvernatori i Nju Jorkut, Andreë Cuomo ka thënë në një konferencë për media se shërbimet do të rikthehen “kur pandemia të mos jetë më problematike”.
“Ju më tregoni mua kur përfundon pandemia dhe unë ju tregoj kur rikthehet shërbimji 24-orësh”, i ka thënë ai një gazetari.
Cuomo ka thënë se Nju Jorku ka regjistruar 230 vdekje shtesë për shkak të koronavirusit në 24 orët e fundit, për dallim nga 226 sa kanë qenë ditën e diel. rel
Babai i virusit anti-HIV, Robert Gallo, një nga zbuluesit e AIDS, propozon përdorimin e vaksinës kundër poliomielitit në luftën kundër koronavirusit.
Intervista ekskluzive e RSI.ch me virologun amerikan
Intervistoit Emiliano Bos, korrespondent i RSI në SHBA
voal.ch – Nuk është një zgjidhje përfundimtare. Por vaksina ndaj poliomielitit mund të provojë të jetë një mjet efektiv për të bllokuar përkohësisht Covid-19. Të paktën derisa të jetë në dispozicion një vaksinë e vërtetë. Kjo është ideja për të cilën po punon Robert Gallo në Shtetet e Bashkuara, një nga shkencëtarët që në vitet tetëdhjetë arritën të izolojnë virusin HIV dhe ta identifikojnë atë si shkakun e SIDA-s. Për tre dekada ai punoi në Institutin Kombëtar të Shëndetësisë (NIH) në periferi të Uashingtonit, qendra kryesore për kërkime të shëndetit publik në Sh.B.A. Në këtë intervistë ai shpjegon se nga i ashtuquajturi sistemi imunitar “i lindur”, reagimet mund të ndihmojnë për të ndaluar virusin. Bashkëthemelues dhe drejtor i Institutit të Virologjisë Njerëzore në Universitetin e Maryland dhe bashkëthemelues dhe këshilltar shkencor i Global Virus Network, babai i virusit anti-HIV ka përfshirë gjithashtu shkencëtarë në Cleveland dhe Buffalo në këtë projekt. Gallo flet për pandeminë në shtypin e Zvicrës për herë të parë:
Profesor, ku jemi në luftën kundër koronavirusit?
Robert Gallo: Ka shumë pasiguri për momentin. Ky virus nuk është aq misterioz sa HIV. Ai tregon veten për atë që është: shumë infektiv. A mund ta ndalojmë? Zakonisht nuk është e vështirë të gjesh një vaksinë kundër infeksioneve akute virale, siç janë fruthi, poliomieliti, apo edhe gripi, i cili ndryshon çdo vit gjithsesi. Këtë herë nuk jam shumë optimist. Në fakt, unë mbetem i kujdesshëm. Një vaksinë mund të zbulohet në një mënyrë jo tradicionale. Por duhet të shpresojmë ta gjejmë. Unë nuk kam shumë besim në terapitë që po diskutohen tani.
Sidoqoftë, do të duhet akoma kohë për një vaksinë. Sa?
Robert Gallo: Nuk është e mençur të bësh parashikime. Shpesh ata që e bëjnë atë, rezultojnë të gabuar. Kur do të jetë, do ta shohim. Tani për tani, ka vaksina eksperimentale. Në këtë kuptim Donald Trump ka të drejtë dhe këshilltarët e tij kanë gabim. Ai tha 4 ose 5 muaj. E vërtetë: ekzistojnë të paktën 3 vaksina eksperimentale, nga Kina, Oxford, Gjermania. Dhe do të ketë gjithashtu nga Shtetet e Bashkuara. Disa po shfaqen.
Në pritje të kësaj vaksine – kudo ku mund të shkojë – çfarë propozoni për të luftuar coronavirus?
Robert Gallo: Unë mendoj se ne mund ta ndalojmë atë tani duke përdorur vaksinën e poliomielitit oral. Unë po ju them këtë sepse përgjigja e të ashtuquajturit sistemi imunitar “i lindur” do të garantonte imunitet, edhe nëse jo i përhershëm, por të paktën disa muaj. Atëherë mund të rinovohet për herë të dytë, derisa të ekzistojë një vaksinë specifike. Ne jemi vërtet duke humbur nga një mundësi.
Çfarë avantazhesh do të kishte kjo qasje?
Robert Gallo:Njerëzit mendojnë se vaksina “e gjallë” për poliomielitin mund të jetë e rrezikshme. Nuk është aspak! Është inokuluar në miliarda njerëz, jo miliona. Dhe pa komplikime, të cilat janë regjistruar vetëm në raste të rralla, por me një nëntip vaksinash që ne nuk e përdorim. Jo vetëm kaq, por nëse në Evropë ose Amerikë tashmë jemi të vaksinuar për poliomielit, siç ndodh, nuk ka praktikisht asnjë mundësi të komplikimeve.
Por pse deri më tani ju dhe bashkëpunëtorët tuaj nuk e keni propozuar përdorimin e tij?
Robert Gallo: Ne kemi folur për këtë për 9-10 javë, për t’u organizuar. Këtu në Amerikë, duhet të paraqiten prova rigoroze shkencore, në vend që ta trajtojnë këtë situatë si një pandemi dhe të autorizojnë procedurën. Ne po ndjekim të gjitha hapat e nevojshëm me Autoritetin Amerikan për ilaçe, i cili megjithatë ngadalëson procesin. Është e ndërlikuar. Por është gjithashtu një mundësi për të mësuar diçka në lidhje me sistemin imunitar “të lindur”, një zonë shumë e nxehtë për hulumtime, por për të cilën dihet pak.
Pse duhet të funksionojë vaksina kundër poliomielitit kundër Covid-19? Çfarë baze shkencore e vërteton këtë?
Robert Gallo: Ka shumë. Do të ishte e mjaftueshme për të lexuar diçka që lidhet me jashtë vendit të vet. Vaksina ndaj poliomielitit u soll nga shpikësi i saj Albert Sabin në Rusi. Në vitet 1970 virologët Chumakov – burrë e grua – vërejtën se aktivizuan edhe mekanizma të tjerë mbrojtës, jo vetëm kundër poliomielitit. Kjo është vërtetuar gjerësisht. Tani djali i këtyre shkencëtarëve punon këtu në Shtetet e Bashkuara, si një ekzekutiv i agjencisë amerikane të ilaçeve. Ai më tregoi për këto studime dhe që nga ai moment fillova të promovoj këtë ide.
Më duhet t’i kthehem përsëri pyetje deri kur? Në këtë pikë mund të bëni parashikime …
Robert Gallo:Ne do të paraqisim kërkesën tonë për fonde brenda javës tjetër. Duhet të paguhen njerëzit që punojnë për këtë. Qendra të tjera kërkimore janë gjithashtu të përfshira në Buffalo dhe Cleveland. Virusi është i pranishëm, njerëzit e kuptojnë atë. Dhe ne mund të dëshmojmë se kjo funksionon. Ne e dimë: është e sigurt, kushton pak dhe mund të merret me një tabletë. Kjo është e gjitha. Unë mendoj se mund të jetë një ndihmë e madhe. Shpresoj kështu dhe mendoj kështu.
Profesor Gallo, le të kthehemi te origjina e virusit. Inteligjenca Amerikane ka përjashtuar mundësinë që virusi të jetë bërë nga njeriu në laborator, megjithëse dikush insiston në këtë në administratën Trump.
Robert Gallo: Mund të vërtetohet se nuk është krijuar nga njeriu. Është e sigurt. Mjaftë u morrët ma marrëzitë e rrjeteve social. Nuk është krijuar nga një shkencëtar në laborator. Është e mundur – por nuk e di – që virusi mund të ketë shpëtuar nga një laborator gjatë një studimi mbi koronavirus duke studjuar lakuriqin e natës. Nuk ka dyshim se vjen nga kjo kafshë. Por dikush ishte i bindur se ai ishte manipuluar qëllimisht në një laborator kinez. Kjo nuk është e vërtetë.
Por a mendoni se ka diçka që Kina mund të kishte bërë ndryshe?
Robert Gallo: Po, në fillim qeveria ishte pak e ashpër për shkencëtarët, të cilët bënë një punë të shkëlqyeshme. E thashë menjëherë: në fazën e parë autoritetet ishin represive ndaj shkencëtarëve, duke u thënë atyre të mos flasin për virusin. Kjo nuk është një gjë e mirë. Dhe në fund vetë qeveria duhej ta pranonte. Por në fillim nuk u soll mirë, kjo është padyshim.
Donald Trump tha se Kina mund të ndalonte virusin në vend dhe nuk e bëri atë. Jeni dakord?
Robert Gallo: Unë nuk mendoj se ata mund ta kishin bërë atë në vend. Kjo do të thoshte të kërkosh shumë. Por ata mund të kishin qenë më transparentë për virusin dhe kështu u jepnin njerëzve në vendet e tjera një mundësi më të mirë për të kuptuar paraprakisht shkallën e tij./Përktheu Elida Buçpapaj
Senatorët amerikanë u rikthyen në Uashington për herë të parë qysh në muajin mars, kur edhe ka shpërthyer pandemia e koronavirusit.
Rreth gjysma e 100 senatorëve janë 65 vjeç ose më të vjetër dhe ka pasur shqetësime se ata mund të jenë në rrezik më të madh nga kontraktimi i virusit ngjitës.
Udhëheqësi i shumicës republikane në Senat, Mitch McConnell, e mbrojti vendimin për të rinisur punën, duke thënë se është e rëndësishme që senatorët t’i mbështesin punonjësit shëndetësorë, punonjësit e dyqaneve ushqimore dhe shumë amerikanë të tjerë që bëjnë punë thelbësore.
Por udhëheqësi i pakicës në Senat, Chuck Schumer, tha se nuk është e dobishme që McConnell ka thirrur Senatin, për të ndjekur, siç tha ai, agjendën politike republikane.
Demokratët dhe republikanët pritet të diskutojnë një legjislacion të ri për rimëkëmbjen nga koronavirusi.
Demokratët duan që legjislacioni të përfshijë deri në 1 trilion dollarë ndihmë për qeveritë shtetërore dhe lokale, ndërsa republikanët kërkojnë mbrojtje për bizneset, si kusht për miratimin e çdo ligji.
Dhoma e Përfaqësuesve, e cila udhëhiqet nga demokratët, mbetet e mbyllur, por po shqyrton një plan për të lejuar mbledhjet e komiteteve që do të shkruajnë ligje. rel
Shtëpia e Bardhë po minimizon një raport të qeverisë amerikane që parashikon dyfishimin e vdekjeve të përditshme të COVID-19 në Shtetet e Bashkuara deri më 1 qershor.
Zëdhënësi i Shtëpisë së Bardhë Judd Deere ngriti shqetësime të hënën rreth një raporti të Qendrës për Kontrollin dhe Parandalimin e Sëmundjeve që parashikon gjithashtu rreth 200,000 raste të reja të koronavirusit çdo ditë deri në fund të muajit, nga 25,000 raste që është tani.
Informacioni bazohet në modelin kompjuterit të qeverisë të hartuar në formë grafike nga Agjensia Federale e Menaxhimit të Emergjencave dhe botuar të hënën nga gazeta The New York Times.
Në një deklaratë të hënën, zoti Deere tha se ky nuk është një dokument i Shtëpisë së Bardhë, nuk është paraqitur në grupin e punës për koronavirusin dhe as nuk ka kaluar përmes procesit të verifikimit ndër-institucional. Këto të dhëna nuk janë reflektim i asnjë prej modelimeve të bëra nga ekipi i punës ose të dhënat që ka analizuar ai. ”
Zëdhënësi tha se “shëndeti i popullit amerikan mbetet përparësia kryesore e Presidentit Trump dhe kjo do të vazhdojë ndërsa monitorojmë përpjekjet e shteteve për të lehtësuar kufizimet.”
Sipas gazetës, raporti i qeverisë parashikon se numri i viktimave të koronavirusit mund të arrijë në 3,000 në ditë në katër javë, një rritje e ndjeshme nga shifra aktuale prej rreth 1.750 raste.
Një model tjetër, i cili është përdorur më parë nga Shtëpia e Bardhë, gjithashtu rriti ndjeshëm parashikimet e tij të hënën për vdekjet e amerikanëve nga virusi deri në gusht. Instituti i Matjes dhe Vlerësimit të Shëndetit (IHME) në Shkollën e Mjekësisë të Universitetit të Uashingtonit parashikoi se më shumë se 134,000 njerëz do të vdesin në Shtetet e Bashkuara deri në gusht, një rritje nga parashikimi i saj javën e kaluar për rreth 72,000 vdekje në të njëjtën periudhë kohore.
Studiuesit thanë që parashikimet e rritura bazohen pjesërisht në faktin se politikat e distancimit shoqëror po lehtësohen në të gjithë vendin.
Shtetet e Bashkuara kanë kërkuar të luftojnë përhapjen e koronavirusit për rreth shtatë javë, por Presidenti Donald Trump i ka dhënë fund direktivave të qëndrimit në shtëpi që mbyllën pjesën më të madhe të ekonomisë amerikane deri në prill.
Guvernatorë të shumtë shtetesh kanë lehtësuar kufizimet në mbylljen e biznesit pasi hyri maji, duke lejuar flokëtoret dhe sallonet e thonjve, palestrat, restorantet dhe dyqanet e shitjeve me pakicë të rihapnin dyert në shtetet e tyre, megjithëse me mijëra biznese mbeten të mbyllura.
Scott Gottlieb, ish-komisioneri i agjencisë së ushqimit dhe ilaçeve të administratës Trump, i tha emisionit “Face the Nation” të kanalit CBS News të dielën se “ndërsa zbutja nuk dështoi, unë mendoj se është e drejtë të themi se nuk funksionoi ashtu siç e prisnim. Ne prisnim që në këtë pikë të fillonim të kishimrënie më domethënëse të rasteve të reja dhe vdekjeve në të gjithë vendin. Dhe ne thjesht nuk po e shohim këtë”.
Gottlieb tha se amerikanët “mund të përballen me perspektivën që 20,000, 30,000 raste të reja në ditë të diagnostikuara të bëhen normalitet i ri”.
Presidenti Trump dikur parashikoi se numri i rasteve të reja të koronavirusit do të binte shpejt, por gjatë muajit të fundit ka patur të paktën 1.000 njerëz me virus, dhe ndonjëherë më shumë se 2,000, vdekje çdo ditë. Më pas ai parashikoi se numri i vdekjeve në Sh.B.A do të ishte mes 60,000 dhe 70,000 njerëzve.
President Donald Trump speaks during a Fox News virtual town hall from the Lincoln Memorial, May 3, 2020, in Washington.
Por në një sallë virtuale debati në mbrëmjen e së dielës në Memorialin Lincoln në Uashington, Trump tha: “Ne do të humbasim diku nga 75, 80 deri në 100,000 njerëz. Kjo është një gjë e tmerrshme.”
Ndërsa Senati përgatitet të rikthehet të hënën, Trump tha se qeveria federale mund të dyfishojë 3 trilion dollarët e tanishëm të ndihmës emergjente. Deri më tani, këto fonde kanë shkuar për të ndihmuar bizneset e vogla të qëndrojnë larg falimentimit, të sigurojnë furnizime për spitalet dhe të vendosin para në duart e taksapaguesve.
“Ka më shumë ndihmë që po vjen”, tha presidenti Trump.
Udhëheqësi i shumicës së Senatit Mitch McConnell tha se dhoma e tij po kthehej të vazhdonte punën për COVID-19, si dhe çështje të tjera urgjente.
Drejtuesit në Dhomën e Përfaqësuesve deri më tani nuk kanë njoftuar planet për t’u takuar në Uashington, ndërsa po u kërkojnë mjekëve të Kongresit që të ndajnë udhëzime se si ta bëjnë këtë në mënyrë të sigurt.
Shtetet e Bashkuara udhëheqin botën me më shumë se 1.1 milion raste të konfirmuara dhe rreth 68,000 vdekje.
Zyrtarët e shëndetit publik kanë shprehur shqetësimin për numrin e amerikanëve që nuk po dëgjojnë urdhrat për distancim shoqëror dhe shtetet që po heqin udhëzimet për qëndrimin në shtëpi para se të ketë një rënie të vazhdueshme të numrit të rasteve të koronavirusit.
Këtë javë, më shumë shtete po bashkohen me lehtësimin e kufizimeve të bllokimit, përfshirë lëvizjen e Florida-s për të lejuar restorantet dhe dyqanet të operojnë duke lejuar një numër të caktuar njerëzish që mund të jenë brenda duke filluar nga e hëna.
Deri të martën, më shumë se 30 nga 50 shtetet amerikane do të lejojnë një formë të rihapjes.
Kjo ka qenë një përparësi për administratën Trump pasi aktiviteti ekonomik është ngadalësuar ndjeshëm dhe më shumë se 30 milion njerëz kanë humbur punën e tyre.
Presidenti Donald Trump thotë se beson që media po e trajton më keq se ç’ka trajtuar Presidentin Abraham Linkoln, që udhëhoqi vendin gjatë Luftës Civile dhe u vra me atentat në 1865.
“Ballafaqohem me një shtyp armiqësor, një shtyp që nuk e ka provuar asnjë president më parë. Ndoshta më afër kësaj ekperience ka qenë ky zotëria këtu,” tha Presidenti Trump, duke folur nga Përmendorja e Linkolnit në Uashington.
“Gjithmonë thuhej, ‘Askush nuk është trajtuar aq keq sa Linkolni’. Po tani mendoj se unë po trajtohem më keq,” tha presidenti.
Reagimi i presidentit për shkëmbime negative, tendencioze me median pasoi një pyetje nga një infermiere në pension dhe konsulente për nxënësit e një shkolle fillore.
Ajo shkruante në mesazh se përshëndeste presidentin për “përkushtimin e madh ndaj vendit”, duke shtuar se kërkonte sqarim për prezantimin dhe ngrinte pyetjen përse presidenti “përdor fjalë që mund të cilësohen si terma bulizmi dhe përse nuk u përgjigjeni drejtpërdrejt pyetjeve të gazetarëve, por merreni me numërimin e sukseseve tuaja e flisni kuturu?”
Ajo i bënte thirrje presidentit të hiqte dorë nga sjellje që i irritojnë pasuesit e tij.
Presidenti e falenderoi qytetaren amerikane për pyetjen. Më pas, ai sulmoi gazetarët duke i akuzuar për “pyetje të pacipta”. Pjesa më e madhe e medias është njësoj sikur të jenë anëtarë të Partisë Demokrate, tha presidenti.
“Më duket se po të sillem mirë me ta (gazetarët), do më marrin nëpër këmbë,” tha zoti Trump.
“Kur dal në publik para gazetarëve, në vend që të më bëjnë pyetje normale, shoh një nivel zemërimi e urrejtjeje, aq sa i pyes “Si e keni hallin? Ku qëndron problemi?” zëri i amerikës
Presidenti amerikan, Donald Trump, tha se vdekjet në vend nga koronavirusi i ri (COVID-19) mund të arrijnë 80 deri në 90 mijë, transmeton Anadolu Agency (AA).
Për kanalin amerikan Fox News, Trump bëri një vlerësim mbi luftën dhe rezultatet e pritura lidhur me COVID-19.
Ai tha se SHBA-ja po kalon një proces të suksesshëm në luftën me pandeminë dhe se në mënyrë graduale mund të kthehen në normalitet disa shtete të cilat janë mbyllur ekonomikisht në kuadrin e masave.
Ndërsa ndaj një pyetjeje lidhur me rastet dhe vdekjet, presidenti Trump theksoi se në vend mund të humbin jetën 80 deri në 90 mijë njerëz.
Më tej ai mbrojti idenë e tij se nuk janë në një gjendje shumë të mirë në krahasim me shifrat, por se nuk do të konsiderohen keq edhe në krahasim me vendet e tjera.
Pas rikujtimit të deklaratës së tij një javë më parë në Shtëpinë e Bardhë se vdekjet mund të ishin 60 deri në 65 mijë, Trump tha: “Atëherë shpreha 65 mijë, ndërsa tani them 80 deri në 80 mijë sepse mund të rritet shumë shpejt”.
– “Vaksina do të jetë gati deri në fund të 2020”
Duke përmendur edhe punimet e kryera në çështjen e vaksinës, Trump vuri në dukje se mbi vaksinën janë kryer punime intensive dhe se ajo do të jetë gati deri në fund të 2020.
“Si rezultat i ndjekjes tonë të rreptë, mendoj se vaksina që presim do të gjendet deri në fund të 2020. Aktualisht kemi disa modele dhe po formojmë linjën e furnizimit”, tha Trump.
Ndërkohë ka tërhequr vëmendjen se këto fjalë të Trump kanë rënë në kontradiktë me deklaratat e anëtarëve të Task Forcës kundër COVID-19 në Shtëpinë e Bardhë.
Departamenti Amerikan i Sigurisë së Brendshme (DHS) pretendon se Qeveria e Kinës për të bërë stoqe mjekësore ka fshehur qëllimisht pandeminë dhe shkallën e infektivitetit të koronavirusit të ri (COVID-19) të shfaqur në qytetin Wuhan, transmeton Anadolu Agency (AA).
Sipas agjencisë së lajmeve AP, mësohet se DHS ka përgatitur një raport prej 4 faqesh lidhur me qëndrimin e Kinës në pandeminë e COVID-19.
Në raport thuhet se autoritetet e Kinës që nga janari e deri më tani kanë fshehur qëllimisht pandeminë dhe se Kina është përpjekur që rëndësinë e virusit ta lançojë si një rast të parëndësishëm.
– Eksporti u ndalua gjatë periudhës kur bëhej importi
Ndërkohë në raport tërhiqet vëmendja se Kina në këtë proces filloi intensivisht importimin e pajisjeve mjekësore dhe se pasi ndaloi eksportet për pajisjet mjekësore ajo refuzoi të ndante të dhënat tregtare përkatëse.
Krahas kësaj qeveria kineze nuk ka informuar as Organziatën Botërore të Shëndetësisë (OBSH) lidhur me infektivitetin e COVID-19 theksohet në raportin ku vihet në dukje se “importet e pajisjeve mejkësore gjatë këtij procesi përputhen me anomalinë në të dhënat e importeve dhe eksporteve që i përkasin muajit janar”.
Gjithashtu edhe sekretari amerikan i Shtetit, Mike Pompeo pretendon se ka shumë prova që virusi COVID-19 ka dalë nga laboratori në qytetin Wuhan. “Kina ka një histori për infektimin e botës me laboratorë nën standardet që ata drejtojnë. Mund t’iu them se ka shumë prova që ky (COVID-19) ka dalë nga laboratori në Wuhan”, deklaroi Pompeo.
Javën e kaluar, një deklaratë të ngjashme bëri edhe presidenti i SHBA-së, Donald Trump duke thënë se kishte shikuar prova që virusi ka dalë nga laboratori në qytetin Wuhan, por se aktualisht nuk mund të ndante prova lidhur me këtë.
Një valë masive të infektuarish me koronavirus po shpërthen në popullatën më të madhe në botë të burgjeve në Shtetet e Bashkuara, edhe pse zyrtarët kanë nisur të hapin ekonominë, duke thënë se shifrat e të infektuarve po bien. Burgu në Marion të Ohajos, është shndërruar në institucionin më të infektuar në të gjithë vendin, ku më shumë se 80 për qind e afro 2.500 të burgosurve, shtuar këtu edhe 175 punonjës të personelit, janë testuar pozitiv me COVID-19.
Vdekjet nga koronavirusi janë në rritje në burgjet shtetërore e federale në të gjithë vendin. Zyrtarët kanë pak mundësi për të zbatuar udhëzimet për distancim fizik ndërsa qelitë janë të mbipopulluara. Ata po përballen gjithashtu edhe me mungesë të personelit mjekësor dhe pajisjeve mbrojtëse personale.
Kërcënimi ndaj popullatës së burgjeve prej 2.3 milionë vetësh në SHBA u vu re javën e kaluar me vdekjen e Andrea Circle Bear, një grua 30-vjeçare nga komuniteti indigjen i Dakotës së Jugut. Pasi u fut në një burg federal të Teksasit në muajin mars, ajo u sëmur menjëherë dhe u vendos në respirator. 30 vjeçarja e lindi foshnjën me operacion, por disa javë më vonë humbi jetën.
Në burgjet e shtetit të Uashingtonit dhe Kansasis ka pasur trazira lidhur me masat e pamjaftueshme mbrojtëse dhe reagimin e ngadaltë të autoriteteve të burgjeve.
Përhapja e COVID-19 mes personelit të burgjeve, i kanë bërë institucionet edhe më të vështira për t’u menaxhuar. Në institucionin e korrektimit “Lansing” në Kansas, i cili vuan mungesën e stafit e të pajisjeve, të enjten një nga rojet e burgut me një karrierë 15-vjeçare, David Carter dha dorëheqjen. Ai tha se ishte më mirë të mos merrte më rrogë, sesa të rrezikoni shëndetin e tij dhe atë të familjes së tij.
“Nuk mund të qëndroj më në një strukturë që është një bombë me sahat“, shkruante ai në letrën e dorëheqjes.
Përhapja e virusit në burgun Marion besohet të jetë vetëm maja e ajsbergut.
Për shkak të paqartësisë së menaxhimit të burgjeve, problemeve të autoritetet federale, shtetërore dhe lokale e ndërsa shumë prej këtyre institucioneve drejtohen nga kompani private fitimprurëse, testimi dhe raportimi ka qenë kuturu.
“Covid Prison Data”, një grup ekspertësh të drejtësisë penale dhe universitare, thotë se bazuar në raportet publike, 13.436 të burgosur dhe 5.312 punonjës burgjesh në shkallë vendi, kanë rezultuar pozitive me koronavirusin. Shumë shtete dhe sistemi federal i burgjeve kanë kryer vetëm një numër të vogël testimesh. Madje pesë nga 50 shtete nuk raportojnë fare të dhëna.
Burgjet renditen si ndër insitucionet më të infektuara në vend sipas një klasifikimi të bërë nga “New York Times”, që përfshin 10 institucione, me në krye institucionin korrektues “Marion”.
Arsyet janë të qarta, popullsia në burgje është më e dendur dhe më e vështirë për t’u ndarë sesa azilet apo anijet turistike, që gjithashtu rezultojnë ndër më të goditurit nga sëmundja. Në burgje gjithashtu kanë nivele më të ulta të higjienës, dhe një numër i madh i të burgosurve kanë problemeve të tjera shëndetësore. Po kështu, deri më tani, burgjet nuk kanë qenë përparësi e punës së zyrtarëve që luftojnë kundër pandemisë.
Shifrat e publikuara javën e kaluar tregojnë thellësinë e problemit. Byroja Federale e Burgjeve, e cila ka 152 mijë të burgosur dhe një staf prej 36 mijë punonjësish, ka zbuluar raste në më shumë se gjysmën e 122 institucioneve të korrektimit. Megjithatë janë kryer më pak se 3 mijë teste, ndërsa 1.842 të burgosur dhe 343 punonjës janë testuar pozitive dhe 36 të burgosur kanë humbur jetën.
Situata është më pak e qartë në burgjet shtetërore, të cilat kanë pjesën më të madhe të popullsisë së burgosur të vendit. Disa shtete si Ohajo po përparojnë me testimet dhe publikimin e të dhënave. Të tjera kanë bërë fare pak. Një tregues i shtrirjes së mundshme të problemit, raportohet nga “CoreCivic”, një kompani private e cila operon me dhjetëra burgje në të gjithë vendin. Ajo testoi të gjithë 2.725 të burgosurit dhe stafin në objektin e saj “Trousdale Turner” në Tenesi dhe gjeti se 1.299 të burgosur dhe 50 anëtarë të stafit ishin pozitivë dhe gati të gjithë nuk shfaqnin asnjë simptomë të sëmundjes.
Aktivistët thonë se është bërë pak në nivelin shtetëror dhe federal për të liruar ata të burgosur që nuk janë të dhunshëm ose afatet e qëndrimit të të cilëve po mbarojnë, gjë që sipas tyre mund të zvogëlonte rrezikun nga infeksioni, e të krijojë më shumë hapësirë në burgje. zëri i amerikës
Të vdekurit në 24-orët e fundit në Shtetet e Bashkuara të Amerikës kanë qenë 1435, në 1,13 milion raste. Është kjo ajo që raporton në të dhënat e saj Johns Hopkins University.
Një amerikan ka vdekur çdo 24 sekonda në muajin prill për shkak të koronavirusit. Kështu raporton Cnn.
George W. Bush bën thirrje për unitet përballë “kërcënimit të përbashkët” të koronavirusit.
Në një video tre minutëshe, ish-presidenti republikan bën thirrje që ndarjet të lihen mënjanë: “Le të kujtojmë se sa të vogla janë dallimet tona përballë këtij kërcënimi të përbashkët”.
Presidenti Donald Trump nuk pranoi të komentojë të premten mbi një raport të agjencisë shtetërore të lajmeve të Koresë së Veriut se lideri i vendit Kim Jong Un kishte bërë daljen e tij të parë në publik që nga 11 prilli.
“Unë nuk do të preferoja ta komentoja akoma”, u tha Trump gazetarëve në Shtëpinë e Bardhë. “Do të kemi diçka për të thënë për të në kohën e duhur.”
Ka pasur spekulime në lidhje me shëndetin e udhëheqësit Kim pasi ai nuk mori pjesë në festimet e përvjetorit të lindjes së themeluesit të shtetit Kim Il Sung më 15 prill.
Presidenti Trump është përmbajtur në mënyrë të pazakontë të komentojë për gjendjen e Kim që kur filluan pyetjet në lidhje me vendndodhjen dhe shëndetin e liderit të Koresë së Veriut muajin e kaluar.
Të dy liderët kanë mbajtur tre takime të nivelit të lartë në përpjekjet për të bindur Korenë e Veriut që të heq dorë nga armët bërthamore dhe, ndërsa Trump dhe Kim kanë kaluar mirë, nuk është arritur asnjë marrëveshje.
I pyetur nga Reuters se çfarë dinte për udhëheqësin Kim në një intervistë të mërkurën, Trump tha: “Unë di gjithçka”, por nuk dha hollësi. zëri i amerikës
Guvernatori i Kalifornisë po rikthen masa të distancimit fizik. Pas një fundjave që u shoqërua me turma në plazhet e këtij shteti, guvernatori Gavin Newsom ka dhënë urdhër që duke filluar që të premten plazhet dhe parqet publike të mbyllen.
Masat pritet të irritojnë shumë banorë. Disa komunitete lokale kanë kërcënuar se do ta sfidojnë në gjyq urdhrin.
Sipas Qendrës për Kontrollin dhe Parandalimin e Sëmundjeve, Kalifornia është një ndër pesë shtetet amerikane me numrin më të lartë të rasteve të konfirmuara me koronavirus. Deri tani numërohen mbi 50 mijë të infektuar dhe mbi 1880 viktima.
Departamenti i shëndetit në Kaliforni e cilëson si “të përhapur gjerësisht” problemin e virusit në këtë shtet.
Sipas së përditshmes Los Angeles Times, pritet që rastet me koronavirus të dyfishohen çdo 21.7 ditë, megjithëse parqet, plazhet dhe mjedise të tjera publike për zbavitje janë mbajtur të mbyllura edhe më parë.
Por disa rregulla lokale kanë shkaktuar konfuzion, pasi disa komunitete zbatojnë praktika të ndryshme nga ato mbarë-shtetërore.
San Francisko ishte një ndër qytetet e para që vuri në zbatim urdhrat për izolim në banesë, por të mërkurën San Francisko filloi të lejonte aktivitet ndërtimi, kopshtari për mirëmbajtjen e kopshteve private, si dhe biznese të tjera që operojnë në mjedise të hapura me kusht që të respektohej distancimi fizik.
Në komunën Riverside janë rihapur pistat e vrapimit, biçikletave, kalorsisë, megjithëse kërkohet që të mbahen maska.
Po ashtu, komunitete të ndryshme kanë rregullore të ndryshme për daljen në breg të oqeanit. Plazhet e Los Anxhelosit mbeten të mbyllura, por në komunat Orange County dhe San Diego plazhet janë hapur.
Shumë autoritete lokale janë kundër urdhërave të guvernatorit për mbylljen e plazheve. Por Guvernatori Newsom ka kritikuar dyndjen e banorëve në plazhe ku duket se nuk janë respektuar masat e distancimit fizik. zëri i amerikës
Bilanci i viktimave nga pandemia e koronavirusit të ri (COVID-19) në SHBA është rritur në 63.972, transmeton Anadolu Agency (AA).
SHBA vazhdon të mbetet epiqendra e pandemisë me më së shumti të prekur dhe viktima në botë.
Numri i të diagnostikuarve me COVID-19 në SHBA është rritur në 1.099.275, ndërsa numri i të vdekurve është rritur në 63.972, sipas uebfaqes “Worldometer”, e cila përpilon të dhënat në lidhje me pandeminë.
Për sa i përket numrit të rasteve, SHBA ndiqet nga Spanja me 239.639 të infektuar, Italia me 205.463 dhe Britania me 171.253.
Shteti më i prekur nga virusi në SHBA është New Yorku, me 310.839 raste dhe 23.780 viktima.
Pas New York-ut vijojnë New Jersey me 118.652 të infektuar dhe Massachusetts me 62.205.
Në SHBA, vend me rreth 330 milionë banorë, deri tani janë kryer rreth 6,4 milionë teste për COVID-19, ndërsa 156.089 të infektuar janë shëruar.
Kandidati potencial i demokratëve për garën për president Joe Biden mohoi kategorikisht të premten akuzat e ngritura nga një ish-punonjëse e Senatit se ai e kishte sulmuar seksualisht në fillim të viteve 1990, duke thënë se “kjo gjë nuk kishte ndodhur kurrë”.
“E them pa mëdyshje, që nuk ka ndodhur kurrë, kurrë” tha zoti Biden në një intervistë për “Morning Joe” të rrjetit gabllor MSNBC. Zoti Biden tha se do t’i kërkojë Arkivave Kombëtare të përcaktojnë nëse ekziston ndonjë procesverbal për një ankese të tillë, por ai tha në mënyrë të përsëritur se nuk beson se një procesverbal i tillë egziston.
“Ish-punonjësja ka thënë që ajo ka paraqitur një ankesë në 1993“, tha zoti Biden. “Por ajo nuk ka asnjë dokument për këtë ankesë të pretenduar. Dokumentet e vitet e mia në Senat, të cilat ia kam dhuruar universitetit të Dellauerit, nuk përmbajnë dosje të personelit“, shtoi ai. Zoti Biden tha se “ka vetëm një vend ku mund të jetë një ankesë e këtij lloji që Arkivi Kombëtar. Ai është vendi ku mbahen procesverbalet”.
Republikanët kanë ngritur pretendime duke i portretizuar demokratët si hipokritë që mbrojnë vetëm gratë që pretendojnë t’u bëjnë keq konservatorëve. Ata po gërmojnë rreth kësaj çështjeje pavarësisht nga fakti se mund të rizgjojnë vëmendjen ndaj akuzave të shumta për sulmeve seksuale të ngritura kundër zotit Trump.
Demokratët, ndërkohë janë në një pozitë të vështirë lidhur me qëndrimin e tyre ndaj grave që dalin publikisht me historitë e tyre, ndërsa u duhet të mbrojnë burrin që do të jetë bartësi i standardeve të tyre, në ato që shumë në parti e konsiderojnë si zgjedhjen më të rëndësishme të jetës së tyre.
Gara e nëntorit mes zotit Biden dhe zotit Trump do të jetë gara e parë presidenciale e epokës së lëvizjes #MeToo, e cila ka bërë që shumë gra të dalin publikisht me pretendime për sulme seksuale ndaj tyre.
Përpara intervistës zyra e zotit Biden lëshoi një deklaratë ku hidheshin gjithashtu poshtë akuzat për sulm seksual 27 vite më parë.
Tara Reade, një grua nga Kalifornia, e cila ka punuar si asistente e stafit në zyrën e zoti Biden në Senat nga dhjetori 1992 deri në gusht 1993, e ka akuzuar zotin Biden në intervista mediake se në vitin 1993 e ka përplasur atë në mur, i ka ngritur fundin dhe futur duart brenda saj.
Zoti Biden pritet të jetë kandidati përballë Presidentit republikan Donald Trump, 73 vjeç, në zgjedhjet e 3 nëntorit. Zoti Trump është akuzuar nga më shumë se 12 gra për sulme seksuale e sjellje të pahijshme ndër vite, akuzat që ai dhe ndihmësit e tij i kanë mohuar.
“Unë mendoj se ai duhet të përgjigjet” tha zoti Trump për zotin Biden në një konferencë për mediat të enjten. “Mund të jenë akuza të rreme. Dhe unë di gjithçka mbi akuzat e rreme“, shtoi ai.
Zonja Pelosi, e cila e mbështeti zyrtarisht zotin Biden të hënën për garën për president, vuri në dukje se personeli që drejtonte zyrën në Senat të zotit Biden, ka thënë se nuk kujton të kishte pasur ndonjë ankesë për sulm seksual.
“Kam respekt të plotë për gjithë lëvizjen #MeToo“, tha zonja Pelosi në një konferencë shtypi. “Por gjithashtu duhet të ketë një proces të drejtë edhe për faktin që Joe Biden është Joe Biden. Ai është personifikim i shpresës, optimizmit dhe origjinalitetit në vendin tonë, një person me vlera të mëdha“, shtoi zonja Pelosi.
Disa media që kanë botuar rrëfimin e zonjës Reade, përfshirë “New York Times” dhe “Washington Post”, kanë intervistuar një mik të saj, e cila ka thënë se zonja Reade i ka treguar asaj për sulmin e dyshuar në atë kohë. Një mikeshë tjetër i tha “Times” se zonja Reade i kishte treguar në 2008 në lidhje me një incident të mëparshëm traumatik që përfshinte zotin Biden. Vëllai i zonjës Reade gjithashtu ka konfirmuar pjesë të rrëfimit të saj për “The Intercept” dhe “Washington Post”.
Të hënën, faqja informative “Business Insider” publikoi një intervistë me një ish-fqinje, sipas së cilës zonja Reade i kishte thenë asaj në mesin e viteve 1990, se zoti Biden i kishte futur gishtat brenda saj. Zonja Reade, 56 vjeç, u ka thënë gazetarëve që e kanë intervistuar se ajo ishte ankuar në atë kohë për ngacmim seksual dhe jo për sulm seksual, tek tre prej ndihmësve në Senat të zotit Biden. Zyrtarët e fushatës së zotit Biden lëshuan një deklaratë nga Marianne Baker, e cila tha se ajo kurrë nuk kishte pasur ndonjë raport për ndonjë sjellje të papërshtatshme në rreth 20 vite punë me zotin Biden. “Washington Post” dhe “Times” kanë intervistuar edhe dy ndihmës të tjerë dhe të dy u thanë gazetave, se nuk u kujtohej ndonjë ankesë e bërë nga zonja Reade.
Tara Reade është një nga tetë gratë që vitin e kaluar dolën publikisht dhe thanë se zoti Biden i kishte përqafuar, puthur ose prekur ato një mënyrë që i kishte vënë në siklet, asnjëra prej tyre nuk e ka akuzuar zotin Biden për sulm seksual. Zonja Reade e akuzoi publikisht zotin për sulm seksual në muajin mars. Disa gra demokrate, me pozita drejtuese në parti e kanë mbrojtur publikisht zotin Biden. Të tjera i kanë kërkuar që të përgjigjet rreth akuzës.
“Nuk mund të duket sikur ajo po shpërfillet vetëm sepse është një e vërtetë e pakëndshme për njerëz të caktuar në Partinë Demokratike“, tha Nina Turner, e cila punoi si bashkëkryetare e fushatës kombëtare për president të senatorit Bernie Sanders. Ky i fundit u tërhoq nga gara duke shprehur mbështetjen e hapur për zotin Biden. zëri i amerikës
Në bordin e aeroplanmbajtëses amerikane “USS Theodore Roosevelt” ka 1,102 persona të prekur nga koroanavirusi i ri(COVID-19), njoftoi Marina të enjten, raporton Anadolu Agency (AA).
Tre prej tyre janë shtruar në Spitalin e marinës amerikane Guam, thuhet në përditësimin e saj të fundit.
Aeroplanmbajtësja “USS Theodore Roosevelt” mbërriti në Guam më 27 mars për një vizitë të planifikuar të portit pasi tre anëtarë të ekuipazhit rezultuan pozitivë me COVID-19.
Gjithsej 53 marinarë janë shëruar nga sëmundja, ndërsa një ka vdekur.
Shkatërruesi i raketave “USS Kidd”, ndërkohë, ka 78 raste aktive në mesin e ekuipazhit të saj.
Marina luftarake theksoi se do të raportojë vetëm “ndryshimet e rëndësishme” në këto anije dhe raste të reja në anijet e vendosura.
Të gjithë marinarët në të dyja anijet janë testuar për sëmundjen.
Marina amerikane ka liruar kapitenin e anijes aeroplanmbajtëse USS Theodore Roosevelt, e cila ishte goditur nga virusi, pasi ngriti alarmin publikisht dhe bëri thirrje për veprim për të ndaluar përhapjen e koronavirusit në bordin e anijes.
Sekretari në detyrë i Flotës, Thomas Modly, në një konferencë shtypi në Washington, pati deklaruar se kapiteni Brett Crozier tregoi “gjykim të dobët” duke dërguar një letër me e-mail jo vetëm marinës, por dhjetëra njerëzve të tjerë.
Modly dha dorëheqjen menjëherë pas shkarkimit të Crozier mes kritikave të shumta për trajtimin e tij të situatës.
Presidenti amerikan, Donald Trump, tha se ai ka parë prova që i japin atij një “shkallë të lartë besimi” se koronavirusi doli nga një laborator kinez i virologjisë.
Duke folur në Shtëpinë e Bardhë më 30 prill, Trump tha se ai i kishte parë provat, por nuk pranoi të jepte detaje, duke shtuar se nuk i lejohet të flasë për këtë.
Komentet ka të ngjarë të rrisin përplasjet midis Shteteve të Bashkuara dhe Kinës.
Javët e fundit të dyja vendet kanë shkëmbyer akuza dhe mohime për origjinën e koronavirusit.
Trump pretendoi sërish se koronavirusi mbase është përhapur për shkak të një gabimi në laborator, duke shtuar se Kina nuk ka mundur ta ndalë përhapjen e tij, ose thjeshtë e kanë lënë atë të përhapej.
Deklaratat e Trumpit vijnë pasi agjencitë e inteligjencës amerikane thanë se ende po hulumtonin nëse pandemia mund të ketë rezultuar nga një aksident në një laborator kinez.
Megjithatë këto agjenci e kanë përjashtuar mundësinë që virusi “të jetë krijuar nga njeriu ose të jetë modifikuar gjenetikisht”.
Laboratori në Vuhan të Kinës, të cilit iu referua Trumpi, ka hedhur poshtë pretendimet e presidentit amerikan.
Në fillim të kësaj jave, Kina akuzoi politikanët amerikanë për “gënjeshtra”.
Derisa zyrtarët kinezë kanë pranuar se ende nuk ka një përgjigje përfundimtare se nga e kishte origjinën sëmundja, shumica e ekspertëve besojnë se koronavirusi e ka origjinën në një treg të kafshëve të egra në Vuhan.
Zyrtarë të tjerë të qeverisë amerikane, përfshirë Sekretarin e Shtetit, Mike Pompeo, kanë shprehur vazhdimisht zhgënjime me Kinën. Pompeo javën e kaluar kërkoi që qeveria të shpjegonte se çfarë ndodhi.
Ai tha në një intervistë më 29 prill se Partia Komuniste Kineze “nuk ka qenë e hapur”.
Pompeo në intervistën për Fox News vuri në dukje se Shtetet e Bashkuara e dinë se mjekët që raportuan për shpërthimin nuk ishin në gjendje të flisnin lirshëm dhe qeveria kineze dëboi gazetarët amerikanë.
“Ne e dimë që ata janë përpjekur ta mbulojnë këtë”, tha ai.
Ai shtoi se është e rëndësishme të kuptojmë saktësisht se nga erdhi virusi “në mënyrë që të parandalojmë që diçka të tillë të ndodhë përsëri”. rel
Sekretari në detyrë i Marinës amerikane bëri thirrje për një hetim më të plotë rreth “pyetjeve pa përgjigje” lidhur me ngjarjet në bordin e aeroplanmbajtëses “USS Theodore Roosevelt”. Ky zhvillim vjen ndërsa marinarët që kanë qëndruar në karantinë për javë të tëra, po rikthehen në anijen ushtarake.
“Ka pyetje pa përgjigje që hetimi paraprak ka nxjerrë në pah, e që mund t’u përgjigjemi vetëm falë një rishikimi më të thelluar“, tha sekretari në detyrë i Marinës.
Transportuesi ishte anija e parë e marinës amerikane që përjetoi një shpërthim të virusit në përmasa të mëdha në det, duke e nxjerrë jashtë operimit aeroplanmbajtësen në fund të marsit. Në qendër të procedurës së rishikimit qëndron fati i kapitenit të anijes, Brett Crozier, i cili u shkarkuar nga detyra për shkak se ngriti shqetësimin mbi përhapjen e COVID-19, në një email drejtuar eprorëve të tij.
Sipas njoftimeve në mediave shefi i Operacioneve Detare, admirali Mike Gilday, ka rekomanduar hapin e pashembullt atë të rikthimit në detyrë të Brett Crozier-it. Të mërkurën zoti McPherson tha se ai e kishte dhënë udhëzime zotin Gilday që të zgjeronte raportin paraprak të Marinës. Ish-sekretari i Përgjithshëm i Marinës, Thomas Modly, i cili shkarkoi nga detyra zotin Crozier, dha dorëheqjen pas publikimit të një bisede audio, ku ai dëgjohej tek e quajte zotin Crozier “ose tepër naiv ose tepër budalla për të qenë komandant“, mbi dërgimin e letrës tek të paktën 20 zyrtarë të marinës.
Captain Brett Crozier
Presidenti Donald Trump nuk pranoi të mërkurën të komentojë se si mendonte ai se duhet të vepronte më tej marina, por la të kuptohet se zoti Crozier kishte thyer rregullat me menon e paraqitur.
‘”Unë nuk e njoh. Kurrë nuk kam folur me të. Mendoj se është një njeri shumë, shumë i mirë, por që kishte një ditë shumë të keqe“, tha zoti Trump gjatë një takimi me guvernatorin e Luizianës dhe anëtarët e grupit të punës mbi situatën e krijuar nga koronavirusi, në Shtëpinë e Bardhë. “Ai dëshironte të bëhej Ernest Hemingway dhe shkroi një memo të gjatë“, tha presidenti. “Nuk mund ta bësh këtë kur je kapiten i një anijeje, veçanërisht asaj anijeje“, tha zoti Trump. Presidenti u duk gjithashtu se sugjeroi se zoti Modly, gjithashtu, kishte shkuar shumë larg.
“Mendoj se ish-sekretari në detyrë është një njeri shumë i mirë gjithashtu edhe ai pati një ditë të keqe. Të dy patën një ditë të keqe, nëse doni të dini të vërtetën“. tha ai.
Por kryetari i Komisionit të Forcave të Armatosura në Dhomën e Përfaqësuesve u tha gazetarëve të mërkurën se pjesa më e madhe e fajit i takon zotit Trump dhe kulturës që po krijohet nga Shtëpia e Bardhë.
“Nuk dua që Departamenti i Mbrojtjes të humbasë kompetencën që ka dhe thjesht të shndërohen në një organizatë tjetër, detyra e së cilës është t’i rrisë egon presidentit“, tha përfaqësuesi i demokratëve Adam Smith.
“Një mënyrë me të cilën ata mund të bëjnë një deklaratë të fortë është që ta rikthejnë kapitetin Crozier në detyrë. Nga gjithçka që ka dalë apo kam parë, nuk ka asnjë arsye për ta liruar atë nga detyra“, shtoi ai.
Megjithatë zoti Smith tha se ai e mbështet vendimin për të zgjeruar hetimit dhe mbi mënyrën se si u trajtua shpërthimi i koronavirusit në anije. Në kulmin e shpërthimit në anije, 955 nga rreth 5 mijë marinarë të “USS Theodore Roosevelt” u testuan pozitivë. Marina tha se 940 prej tyre konsideroheshin ende pozitivë dhe se duhet të testoshin dy herë radhazi, përpara se të konsiderohen të shëruar. Një nga marinarët e aeroplanmbajtëses vdiq nga COVID-19 më 13 prill. Marinarët të cilët u vendosën në karantinë në Guam me javë të tëra kanë nisur të kthehen në anije nga sot (të mërkurë), tha një zyrtar i Marinës për “Zërin e Amerikës”. Kjo do të zgjasë të paktën disa ditë dhe do të shënojë një pikë kthese kritike në një situatë që ka tronditur flotën e Marinës në Paqësor, një rajon i rëndësishëm për interesat amerikane të sigurisë.
Në një anije tjetër të Marinës, destrojeri “USS Kidd”, 64 nga 330 marinarë të tij janë testuar pozitivë. Zyrtarët thanë se anija tashmë ndodhet e ankoruar në San Diego.
destroyer USS Kidd
Destrojeri “USS Kidd” la portin e saj në Hauait më 20 Mars. Më shumë se një muaj më vonë, tek një prej marinarëve u shfaqën simptomat e para. Ai u evakuua dhe më pas u testua pozitiv.
Ish-sekretarja amerikane e Shtetit, Hillary Clinton, mbështeti të mërkurën kandidaturën e demokratit Joe Biden 2020 për Shtëpinë e Bardhë, duke thënë se është e “lumtur” që i bashkëngjitet fushatës, raporton Anadolu Agency (AA).
“Vetëm mendoni se çfarë do të ishte dallimi nëse do të kishim një president i cili jo vetëm ka dëgjuar për shkencën, vendos fakte mbi trillime, por na bashkon, që tregon një lloj dhembshurie dhe përkujdesje që na duhen nga presidenti ynë dhe që Joe Biden ka qenë shembullor gjatë gjithë jetës së tij”, tha Clinton gjatë një video-linku me Biden.
“Paramendoni çfarë do të thoshte të kishim një president të vërtetë, jo dikë që vetëm aktron si i tillë në TV”, shtoi ajo.
Biden dhe Klinton shërbyen në administrimin e ish-presidentit Barack Obama, ndërkaq presidenti i mëparshëm ia dha mbështetjen e tij numrit dy në fillim të këtij muaji pasi mbeti jashtë garës të Demokratëve për Shtëpinë së Bardhë derisa Biden ishte garuesi i vetëm.
Senatori i pavarur Bernie Sanders ishte sfiduesi i vetëm i Biden që vazhdoi deri në prill, por i dha fund fushatës së tij dhe miratoi kandidaturën ish-presidentin amerikan një ditë para njoftimit të Obamës.
Me këtë, Sanders, i cili gëzonte një mbështetje të gjerë midis amerikanëve përparimtarë, nxiti një front të unifikuar Demokratik kundër Presidentit Donald Trump.
Kandidatura e Bidenit nuk do të zyrtarizohet deri në kongresin e Demokratëve të kësaj vere, por duke pasur parasysh pandeminë e koronavirusit është e paqartë nëse mbledhja do të mbahet ashtu si ishte menduar në gusht, apo do të mbahet virtualisht siç propozoi Biden. Ajo tashmë është shtyrë për në gusht.
Pandemia ka ndaluar praktikisht të gjitha fushatat personale përpara zgjedhjeve të nëntorit.
Sipas të dhënave të Universitetit amerikan Johns Hopkins, numri i personave të infektuar me koronavirusin e ri (COVID-19) në SHBA ka tejkaluar shifrën prej 1 milionë, transmeton Anadolu Agency (AA).
Të dhënat e universitetit thonë se gjithsej 1.002.498 raste me COVID-19 janë konfirmuar në SHBA, ku përfshihen 57.266 raste të vdekjeve dhe 112.315 të shëruar.
Shteti amerikan New York vazhdon të jetë epiqendra e përhapjes së virusit në SHBA, me rreth 30 për qind të numrit të përgjithshëm të të infektuarve, apo gjithsej 291.996.
Sipas të dhënave, SHBA tani ka një të tretën e të gjithë të infektuarve në të gjithë botën, me gjithsej 3.083.467 raste të konfirmuara.
Pas shfaqjes për herë të parë dhjetorin e kaluar në Wuhan të Kinës, koronavirusi është përhapur në mbarë botën, ndërsa Organizata Botërore e Shëndetësisë (OBSH) shpërthimin e ka shpallur një pandemi.
Shumica e njerëzve që infektohen me virusin përjetojnë simptoma të buta dhe shërohen plotësisht brenda disa javësh. Por sëmundja është veçanërisht vdekjeprurëse për ata me kushte para-ekzistuese përfshirë diabetin, sëmundjet e zemrës, hipertensionin dhe astmën.
Presidenti amerikan Donald Trump tha të hënën se ai ka informacion rreth udhëheqësit të Koresë së Veriut, Kim Jong Un dhe se shpreson se ai është mirë me shëndet. Pohimi i zotit Trump vjen pas disa ditë spekulimesh lidhur me gjendjen shëndetësore të udhëheqësit të Phenianit, vendndodhen e tij dhe nëse ai ka kryer një operacion në zemër.
“Daily NK”, një faqe në internet me qendër në Seul, raportoi javën e kaluar se Kim Jong Un-i po merrte veten pasi i ishte nënshtruar një procedure kardiovaskulare më 12 prill, duke përmendur një burim të paidentifikuar në Korenë e Veriut. Por agjencia e lajmeve “Reuters” nuk arriti ta konfirmojë një lajm të tillë.
Një tren special, që sipas të gjitha gjasave i përket udhëheqësit të Phenianit, u pa javën e kaluar në qytetin turistik të Koresë së Veriut, Wonsan. Imazhet satelitore u ofruan nga “38 North”, një projekt monitorimi i Koresë së Veriut, me qendër në Uashington.
“Nuk mund t’ua them saktësisht“, tha zoti Trump kur u pyet rreth gjendjes së Kim Jong Un-it gjatë një konference shtypi në Shtëpinë e Bardhë. “E kam një ide shumë të mirë, por nuk mund të flas tani për këtë. Thjesht i uroj gjithë të mirat”, tha Presidenti Trump duke sugjeruar se misteri do të zgjidhet së shpejti.
“Shpresoj që ai është mirë. E di gjendjen e tij. Do të shohim, me siguri do të dëgjoni në një të ardhme të afërt“, tha zoti Trump. zëri i amerikës
Departamenti i Mbrojtjes i SHBA-së (Pentagon) publikoi pamje të shkrepura nga avionët e marinës në vitet 2004 dhe 2015, për të cilat pretendohet se janë të UFO (objekte fluturuese të paidentifikuara), transmeton Anadolu Agency (AA).
Pentagoni në një deklaratë konfirmoi se pamjet të cilat më parë janë publikuar në vende të ndryshme janë të marinës.
“Pentagoni i publikon këto pamje për të eliminuar keqkuptimet rreth asaj nëse janë të vërteta ose ka më shumë pamje të ngjashme me këto. Ngjarja ajrore në këto pamje, nga ana jonë ende përshkruhet si e ‘paidentifikuar'”, tha Departamenti i Mbrojtjes.
Siç raportohet, pamjet e shkrepura në nëntor të vitit 2002 kanë rrjedhur në media në vitin 2007, kurse ato të janarit të vitit 2015 më 2017.
Në pamje, një objekt i rrumbullakët shihet nga pilotët, e cila nga radarët e avionëve nuk shihet dhe lëviz shumë shpejt.
Gjithashtu ishte pretenduar se ushtria amerikane ka ndarë miliona dollarë burime për të kërkuar këto objekte.
Kryetarja e Dhomës së Përfaqësuesve. Nancy Pelosi, ka miratuar zyrtarisht kandidaturën e ish-Nënpresidentit Joe Biden për të marrë nominimin presidencial të Partisë Demokrate.
Në një deklaratë të regjistruar me video të qarkulluar herët të hënën, ajo e përshkroi zotin Biden si “personifikim të shpresës dhe guximit“. Ajo përmendi përvojën e tij duke ndihmuar për të kaluar Aktin e Kujdesit të Përballueshëm (shëndetësor) dhe duke zbatuar Aktin e Rimëkëmbjes dhe Rinvestimit Amerikan 2009 për të argumentuar se ai është i pozicionuar mirë për të udhëhequr vendin në mes të një pandemie globale.
Ndërsa miratimi i saj nuk është një surprizë, zonja Pelosi zgjodhi të qëndrojë neutrale gjatë votimeve paraprake demokrate, duke përsëritur vazhdimisht paralajmërimin e partisë për të mbajtur vëmendjen e saj në çmimin përfundimtar të mposhtjes së Presidentit Donald Trump në nëntor.
Megjithëse zotit Biden i mungojnë rreth 600 delegatë të premtuar më pak se 1.991 të nevojshmit për të fituar nominimin Demokratik, të gjithë rivalët e tij në parti kanë pezulluar fushatat e tyre ose e kanë miratuar atë, duke e bërë kurorëzimin e tij këtë verë pothuajse të sigurtë.
Në deklaratën e saj me video të hënën, zonja Pelosi bëri një lutje për unitetin e partisë, duke thënë “Me kaq shumë që rrezikohet, ne kemi nevojë për entuziazmin, nxitjen dhe pjesëmarrjen e të gjithë amerikanëve – lart e poshtë në fletën e votimit, dhe në të gjithë vendin“. zëri i amerikës
Disa herë që nga fillimi i pandemisë së koronavirusit, presidenti amerikan Donald Trump, që nuk ka diplomë në mjekësi apo shkencë, në konferencën e tij të përditshme për shtyp, ka sugjeruar një trajtim ose kurë të caktuar për COVID-19. Një koment që ai bëri të enjten, shkaktoi reagime të shumta. Korrespondentja e Zërit të Amerikës, Carolyn Presutti u hedh një vështrim këtyre komenteve dhe pasojave të tyre.
Kushdo që ka parë konferencat për shtyp të Shtëpisë së Bardhë, e ka parë Presidentin Donald Trump të dalë nga tema. Ajo që ai tha këtë javë për dezinfektantët u interpretua ndryshe nga konservatorët dhe liberalët.
“E shoh që dezinfektanti e eliminon në një minute. Një minutë. “Dhe, a ka ndonjë mënyrë që të mund ta bëjmë diçka të tillë nëpërmjet injeksionit, brenda, ose thuajse një pastrim? Sepseshkakton një dëmtim të jashtëzakonshëm në mushkëri, kështu që do të ishte interesante të shihet ky opsion”, tha Presidenti Trump
Prodhuesit e dezinfektantëve, Clorox Bleach dhe Lysol paralajmëruan se “në asnjë rrethanë”, produktet e tyre nuk duhen gëlltitur ose injektuar.
Edhe mjekët reaguan.
“Megjithëse virusi është i ndjeshëm ndaj disa dezinfektantëve, nuk ka rregulla për këtë përdorim dhe pa dyshim që rreziku është më i madh se përfitimi”, thotë Dr. Todd Ellerin, drejtor i Sëmundjeve Infektive në klinikën “South Shore Health”.
Një ditë më pas Shtëpia e Bardhë nxorri një sqarim.
“Presidenti Trump ka thënë shpesh se amerikanët duhet të konsultohen me mjekët përsa i takon trajtimit të koronavirusit. Media e nxjerr pa përgjegjësi nga konteksti atë që thotë Presidenti Trump dhe nxiton me tituj negativë.
Ka shumë gjëra që komuniteti i shëndetësisë ende nuk i kupton lidhur me COVID-19. Shkencëtarët bien dakord se ndonjëherë ide jokonvencionale kthehen në trajtime, pas testimeve dhe studimeve.
Përsa i takon sugjerimit të Presidentit …
“Ta zëmë se përdorim rrezet ultraviolet ose thjesht një dritë shumë të fortë”, tha ai.
Është e vërtetë se teknologjia me rreze ultraviolet, po testohet në Singapor për të diktuar ethen tropikale, malarjen dhe goditjet në tru. NASA po studion se si drita mund të ndihmojë në lehtësimin e dhumbjes së kancerit.
Rreziku shfaqet kur presidenti hedh hipoteza në ekran para një publiku të frikësuar, thotë profesori i bioetikës, Arthur Caplan.
“Nuk besoj se presidenti e kupton që nuk mund të spekullojë, apo të hedhë ide të tilla kur ai ka një ndikim aq të madh tek sjellja e njerëzve”, thotë Drejori i Etikës Mjekësore në Universitetin e Nju Jorkut, Prof. Arthur Caplan.
“Ai është në një pozicion kur i gjithë vendi dhe pjesa më e madhe e botës, e ka vëmendjen tek ai”, thotë profesori.
Profesor Caplan thotë se zgjidhja është që më shumë mjekë dhe shkencëtarë të flasin në konferencat e shtypit, Presidenti Trump të jetë si trajneri dhe specialistët të japin ekspertizë.
Zgjidhja tjetër është ajo që Shtëpia e Bardhë po e bën tashmë: Të pakësojë konferencat për shtyp, duke shmangur kritikat ndaj presidentit. Konferenca 20 minutëshe e së premtes, ishte më e shkurtra. Dhe të shtunën nuk u mbajt një konferencë e tillë.
Për herë të parë të premten pasdite, Presidenti Donald Trump ndërpreu informimin e tij të përditshëm për koronavirusin, duke mos pranuar pyetje nga reporterët. Por kjo mund të mos jetë hera e fundit.
Brenda Shtëpisë së Bardhë ka pasur debate për ndryshimin e formatit të konferencave për të zvogëluar rolin e presidentit, sipas katër zyrtarëve dhe disa republikanëve të afërt me Shtëpinë e Bardhë që folën në kushte anonimiteti. Konferencat e informimit shpesh shtrihen përtej një ore dhe në to ka patur shkëmbime të ashpra midis presidentit Trump dhe gazetarëve.
Presidenti u zemërua pas një dite gjatë së cilës në media pati shumë kritika ndaj tij, kryesisht për një koment që ai bëri të enjten, kur pyeti nëse do të ishte e dobishme të injektohen dezinfektantë te njerëzit për të luftuar koronavirusin. Kjo ide u bë shkak paralajmërime të zëshme nga ekspertë të shëndetit, të cilët thanë se ideja ishte e rrezikshme. Edhe demokratët e kritikuan ashpër idenë.
Presidenti Trump tha më pas se sugjerimi i tij për dezinfektantët kishte qenë në formë sarkazme. Por nuk rezulto kështu nëse lexohet transkripti i komenteve të tij.
Prej javësh, këshilltarët po i kërkojnë presidentit që të pakësojë paraqitjet në konferencat e përditshme, duke thënë se ai duhet të dalë para kamerave vetëm kur ka ndonjë lajm me rëndësi ose ndonjë zhvillim pozitiv për të diskutuar, sipas asaj që thanë zyrtarët. Përndryshe, sugjerojnë ata, ai duhet t’ia lërë drejtimin e konferencave Zëvendës Presidentit Mike Pence dhe zyrtarëve të shëndetit.
Presidenti Trump ka hezituar të heqë dorë nga drejtimi i konferencave, të cilat, në mungesë të mitingjeve politike, janë forma më e ngjashme me to. Ai ka folur për shikueshmërinë e lartë televizive që kanë konferencat dhe për aftësinë e tij për të dominuar ciklin e lajmeve si dhe për të eklipsuar tivalin e tij në zgjedhjet presidenciale, demokratin Joe Biden.
Por këshilltarët argumentojnë se ndërsa këto konferenca informimi mund të tërheqin bazën e tij besnike të mbështetësve, ato mund të largojnë shikues të tjerë, duke përfshirë qytetarë të moshuar të shqetësuar për shëndetin e tyre. Zyrtarët e fushatës për rizgjedhjen e presidentit Trump gjithashtu kanë vërejtur një rënie të mbështetjes në disa shtete kryesore dhe kanë shprehur shqetësimin se konferencat, të cilat shpesh përmbajnë informacion të pasaktë, mund të kenë luajtur një rol.
Sekretarja e shtypit e Shtëpisë së Bardhë Kayleigh McEnany tha se presidenti kishte marrë “pyetje të panumërta” më herët gjatë ditës nga reporterët në Zyrën Ovale. “Disponimi dhe transparenca e këtij presidenti është e pashembullt,” tha ajo.
Presidenti Trump, i cili njihet si njeri që ndryshon shpesh mendje, nuk ka marrë ndonjë vendim për ndonjë ndryshim të përhershëm në formatin e konferencave, thanë zyrtarët.
Është e paqartë nëse vendimi i Presidentit Trump për të mos pranuar pyetje të premten ka patur lidhje me diçka që ndodhi në sallën e konferencave pak momente përpara se të fillonte informimi nga grupi i punës. Një zyrtar i Shtëpisë së Bardhë kishte kërkuar që dy reporterë të ndërronin vendet, në mënyrë që korrespondentja e rrjetit CNN të zhvendosej më larg në sallë. CNN është një objekt i shpeshtë i kritikave të zotit Trump. zëri i amerikës
Pandemia e koronavirusit ka patur efektet edhe tek fushata presidenciale në Shtetet e Bashkuara. Ajo që pritej të ishte një zgjedhje ideologjike mes politikave të ashpra të Presidentit Trump për imigracionin dhe politikave proteksioniste të tregtisë, përballë sfiduesit demokrat Joe Biden, që ka qëndrime më të moderuara dhe mbështet kujdesin shëndetësor, nuk ekziston më. Analistët thonë për Zërin e Amerikës se zgjedhjet e këtij viti mund të jenë tërësisht një referendum mbi mënyrën se si presidenti ka trajtuar ekonominë dhe krizën e shëndetit publik të shkaktuar nga pandemia.
Ndërsa numri i vdekjeve nga koronavirusi sa vjen e rritet dhe miliona amerikanë kanë humbur vendet e punës, Presidenti Trump e ka zhvendosur fokusin e fushatës së tij nga periudha e begatisë tek drejtimi i një rimëkëmbje kombëtare. Norman Ornstein është me Institutin Amerikan Enterprise
“Kjo nuk është ana e fortë e Donald Trumpit dhe ai ka qënë më përçarës se sa unifikues në atë front.”
Gjatë krizës së koronavirusit zoti Trump ka dominuar median me konferencat e përditshme të shtypit. Kritikët thonë se daljet televizive shpesh përdoren për të promovuar veten sesa për të dhënë informacione të dobishme.
Kjo qasje nuk duket të jetë popullore, ndërsa gjatë javëve të fundit ka rënë mbështetja për të. Ai e ka kaluar përgjegjësinë për testimet tek shtetet, duke dhënë këshilla kontradiktore për rihapjen e ekonomisë si dhe ka promovuar trajtime të paprovuara dhe ndoshta të rrezikshme si ilaçi kundër malaries, hydroxychloroquine.
Specialitët e mjekësisë paralajmëruan të enjten kundër sugjerimit të presidentit se injektimi i dezifektantit mund të eleminonte virusin, duke e quajtur atë të rrezikshëm.
Ndërsa disa amerikanë kanë protestuar kundër vetizolimit që ka mbyllur biznese, zoti Trump i inkurajoi disa në rrjetin Twitter. Ditë më pas, ai kritikoi guvernatorin e Xhorxhias për zbutjen e kufizimeve para kohe. Matt Grossman është profesor i shkencave politike në Universitetin shtetëror të Miçiganit.
“Është një taktikë e zakonshme e presidentit për të fajësuar të tjerët dhe përpjekjet për të marrë meritat për arritjet, si dhe duke lënë njerëzit e tjerë të marrin përgjegjësitë për pengesat.”
Presidenti ka ngrirë për 60 ditë procesin e imigracionit. Ai ka fajësuar keqinformimin nga Kina për përhapjen e virusit në Shtetet e Bashkuara.
Ndërkohë mbështetja për kandidatin demokrat për president Joe Biden është rritur edhe pse është zvogëluar mbulimi mediatik i fushatës së tij dhe janë anuluar tubimet publike. Ky mund të jetë edhe plani i tij, thotë analisti Matt Grossmann.
“Ka një logjikë që të menjahohet dhe të lërë presidentin të bjerë.”
Analistët thonë se përvoja e zotit Biden në qeveri dhe në menaxhimin e shpëthimit të Ebolës gjatë administratës së Presidentit Obama, i kanë shtuar shanset e tij për zgjedhje. Norman Ornstein është me Institutin Amerikan Enterprise.
“Duke patur parasyshë atë që shohim, se si vepron administrata e zotit Trump, kjo do të jetë në avantazhin e zotit Biden. Por kjo nuk do të thotë se e ka të sigurtë zgjedhjen.”
Shansi politik për zotin Trump mund të duket në horizont nëse para zgjedhjeve zvogëlohet shkalla e infektimit dhe ekonomia fillon të përmirësohet. Por një valë e dytë, e parashikuar nga specialistët, dhe mbyllja e vendit në vjeshtë, mund të rrisin përspektivat për zotin Biden.
Sugjerimi i Presidentit amerikan Donald Trump se dezinfektantët mund të përdoren për të trajtuar pacientët me koronavirus po shkakton alarm mes ekspertëve të shëndetësisë, si dhe paralajmërime nga një kompani prodhuese e produkteve sanitare.
Presidenti Trump tha në konferencën e tij të rregullt për shtyp për situatën me pandeminë e koronavirusit, se shkencëtarët duhet të hetojnë futjen e dezinfektantëve në trupat e pacientëve për të kuruar COVID-19, sëmundjen e shkaktuar nga koronavirusi.
“E shoh që dezinfektanti e eliminon në një minutë, një minutë“, tha Presidenti Trump. “Dhe, a ka ndonjë mënyrë që të mund ta bëjmë diçka të tillë nëpërmjet injeksionit, brenda, ose thuajse një pastrim?”
Ndërsa e ndiqte me sy koordinatorja e përgjigjes ndaj koronavirusit, mjekja Deborah Birx, Presidenti Trump vuri në dukje se virusi “shkakton një dëmtim të jashtëzakonshëm në mushkëri, kështu që do të ishte interesante të shihet ky opsion“.
Sidoqoftë, mjekët dhe ekspertët e tjerë të shëndetit po paralajmërojnë kundër sugjerimit të Presidentit Trump për të përdorur dezinfektantë për të trajtuar virusin.
“(Ky është) një sugjerim absolutisht i rrezikshëm, i çmendur“, tha Paul Hunter, profesor i mjekësisë në Universitetin e Anglisë Lindore, Britani.
Një farmaciste akademike në Universitetin Reading në Berkshire, Angli, Parastou Donyai, shprehu tronditje për ato që ajo tha se ishin “komente jo-shkencore” që mund të shtyjnë njerëzit me virus të kërkojnë trajtime shtëpiake.
Presidenti Donald Trump duke folur në konferencën për shtyp
“Ajo që është tronditëse për këto komente të fundit është se ato anashkalojnë plotësisht fakte të tjera të rëndësishme në lidhje me injeksionet… jo vetëm që injeksionet e bëra në shtëpi do të shkaktojnë fryrje, djegie ose bllokim të venave; ato me siguri do të fusin edhe infeksione të reja drejtpërdrejt në trup, gjëja që njerëzit po mundohen kaq shumë ta shmangin“, thotë zonja Donyai. “Njerëzit e shqetësuar për koronavirusin ose COVID-19 duhet të kërkojnë ndihmë nga një mjek ose farmacist i kualifikuar, dhe të mos marrin komente të pabazuara dhe spontane si këshilla reale“.
Profesori i politikës publike të Universitetit të Kalifornisë dhe ish-Sekretari amerikan për Çështjet e Punësimit, Robert Reich shkruajti në Twitter se “konferencat e (Presidentit) Trump po rrezikojnë në mënyrë aktive shëndetin e publikut” dhe këshilloi që njerëzit “të mos pinë dezinfektantë“.
Komentet e Presidentit Trump kanë sjellë gjithashtu paralajmërime nga prodhuesit e dezinfektantëve shtëpiakë. Prodhuesi i Lysol dhe Dettol, kompania britanike Reckitt Benckiser, tha, “Në asnjë rrethanë nuk duhet të futen produktet tona dezinfektuese në trupin e njeriut, përmes injektimit, gëlltitjes ose në ndonjë rrugë tjetër“.
Ish-kreu i Zyrës së Etikës së Qeverisë amerikane, Walter Shaub, shkruajti në Twitter se konferencat e rregullta për shtyp të Presidentit Trump po rrezikojnë jetë njerëzish.
“Si formë shërbimi publik, ju lutem ndaloni së transmetuari këto konferenca për koronavirusin; ato po rrezikojnë jetë“, tha zoti Shaub. “Dhe ju lutemi mos pini ose injektoni dezinfektantë“.
Zëdhënësja e Shtëpisë së Bardhë, Kayleigh McEnany, tha në një deklaratë të premten se Presidenti Trump u ka kërkuar njerëzve që të kontaktojnë mjekët e tyre në lidhje me trajtimin, dhe akuzoi mediat se shtrembërojnë komentet e tij.
“Presidenti Trump ka thënë vazhdimisht se amerikanët duhet të konsultohen me mjekët në lidhje me trajtimin e koronavirusit, diçka që ai e theksoi përsëri gjatë konferencës së djeshme“, tha McEnany.
Nxehtësia dhe drita
Presidenti Trump diskutoi gjithashtu për përdorimin e mundshëm të nxehtësisë dhe dritës për të trajtuar koronavirusin gjatë konferencës të së enjtes.
Kur e pyetën nëse është e rrezikshme t’i bësh njerëzit të mendojnë se do të ishin të sigurt duke dalë jashtë në të nxehtë, duke pasur parasysh që kaq shumë njerëz kanë vdekur në shtetin amerikan të Floridës, Presidenti Trump tha: “Unë shpresoj që njerëzit të shijojnë diellin. Dhe nëse ka një ndikim, kjo është e shkëlqyeshme“.
Komentet e Presidentit Trump erdhën pasi Nënsekretari për Shkencën në Departamentin e Sigurisë, William Bryan, tha se kishte studime “në zhvillim” mbi aftësinë e dritës së diellit dhe lagështisë për të zvogëluar rrezikun e virusit.
Dr. Deborah Birx, koordinatore e Shtëpisë së Bardhë për përgjigjen ndaj koronavirusit
Presidenti Trump e pyeti zonjën Birx gjatë konferencës nëse ajo ishte në dijeni të ndonjë evidence që nxehtësia ose drita mund të përdoren si trajtim i mundshëm. Ajo u përgjigj duke thënë: “Jo si trajtim“.
Studimet e kaluara nuk kanë gjetur prova që temperaturat e ngrohta dhe nivelet më të larta të lagështirës në pranverë dhe verë mund të ndihmojnë në frenimin e përhapjes së virusit.
Trajtimet me klorokinë
Presidenti Trump ka nxitur në mënyrë të përsëritur për trajtime të paverifikuara të koronavirusit, përfshirë përmendjen e hidroksilklorinës si përbërësi që do të ndryshojë gjërat, një deklaratë për të cilën zyrtarët shëndetësorë kanë paralajmëruar të kundërtën.
Një burrë në shtetin jugperëndimor Arizona vdiq në fund të muajit të kaluar pasi konsumoi fosfat klorokuine, i cili përdoret për të trajtuar malarien. Bashkëshortja e tij i tha kanalit NBC News se ai besonte se kjo do ta mbronte atë nga infektimi me koronavirusin, pasi shikoi Presidentin Trump gjatë konferencave të tij televizive, të përmendë përfitimet e mundshme të fosfatit klorokuin.
Në një tjetër zhvillim, njeriu i cili dikur ishte zyrtari më i lartë i Departamentit të Shëndetit dhe Shërbimeve Njerëzore, Dr. Rick Bright, thotë se u pushua nga puna e tij më herët këtë javë, pasi u rezistoi kërkesave që ai të aprovonte trajtime me klorokuinë.
Kryetarja demokrate e Nënkomisionit për Energjinë dhe Tregtinë në Dhomën e Përfaqësuesve, Anna Eshoo, tha të enjten se planifikon të mbajë seanca dëgjimore për largimin e zotit Bright.
Shtetet e Bashkuara udhëheqin botën deri më tani në nivelin e vdekjeve nga COVID-19, me të paktën 50 mijë viktima, pra më shumë se një e katërta e vdekjeve në të gjithë botën, sipas shifrave të Universitetit Johns Hopkins. zëri i amerikës
Besohet se ektremistë të djathtë kanë lidhje me komplote për sulme me lëndë plasëse gjatë periudhës së koronavirusit. Po ashtu, operativë të grupeve të ekstremit të djathtë janë parë duke mbajtur tabela me parulla anti-semite në protestat para selive legjislative në shtete të ndryshme, si dhe kanë ushqyer teoritë e konsiracionit lidhur me pandeminë.
Grupet e ekstremit të djathtë po shfrytëzojnë në këto kohë çdo mundësi për të tërhequr rekrutë të rinj që të zgjerojnë radhët e lëvizjeve të tyre.
Për shembull, kohët e fundit janë hakeruar rreth 25 mijë adresa emaili dhe kode sekrete të Organizatës Botërore të Shëndetësisë, Instituteve Kombëtare Amerikane të Shëndetit dhe organizatave të tjera që punojnë kundër epidemisë.
Kur hakerët publikuan këtë javë informacionin, aktivistë të tjerë u hodhën në veprim. Përmes aplikacionit Telegram, dhjetëra të ashtu-quajtur terro-gramërs publikuan linkun e informacionit duke u bërë thirrje pasuesve të tyre të lexojnë emailet dhe të mbështesin teoritë e konspiracionit se izraelitët dhe kinezët kishin lidhje me virusin.
“Ata që kanë lexuar emailet kanë zbuluar informacion se virusi HIV është shndërruar në COVID-19,” shkruante njëri.
Megan Squire, profesore e informatikës në Universitetin Elon në Karolinën e Veriut, studion ekstremizmin në internet. Ajo thotë se grupet e ekstremit të djathtë po e shfrytëzojnë pandeminë për të përhapur propagandën e tyre.
“Reagimet me meme janë të shumta. Po e shfrytëzojnë nga çdo këndvështrim: kinezët kanë gisht; hebrenjtë po përpiqen të kontrollojnë botën… gjëra të tilla,” thotë ajo.
Pandemia ka krijuar një stuhi ideale frike, zemërimi dhe pasigurie nga humbja e 26 milionë vendeve të punës dhe masat e izolimit social për të penguar virusin vdekjeprurës që ka vrarë deri tani afro 50 mijë amerikanë.
Tani që njerëzit janë në shtëpi për të penguar përhapjen e epidemisë, ekstremistët e kanë më të lehtë të tërheqin pasues, thotë Jeff Schoep, ish-komandant i Lëvizjes Socialiste Kombëtare, NSM, një nga organizatat më të mëdha neo-naziste në SHBA.
“Pjesa më e madhe e grupeve e shfrytëzojnë këtë si mundësi për të rekrutuar,” thotë për Zërin e Amerikës zoti Schoep, i cili u largua nga lëvizja që drejtonte vjet.
Tubimet e fundit kundër masave të izolimit në shtëpi, ishin një tjetër mundësi për rekrutim, sipas zotit Schoep, i cili konsiderohet si forca që e shndërroi NSM në organizatën më të madhe neo-naziste në vend.
“Mendoj se nëse do të isha ende në krye të organizatës, ndoshta do të kishim shpërndarë karta kontakti në këto demonstrata”, thotë zoti Schoep.
Ekstremizmi lulëzon në kohë vështirësish ekonomike. Një studim i vitit 2015 analizoi afro 100 kriza financiare që nga viti 1870 dhe arriti në përfundimin se “votuesit duket se i tërheq retorika politike e ekstremit të djathtë, e cila shpesh fajëson për situatën pakicat dhe të huajt”.
Përhapja e informacionit
Pas largimit të zotit Schoep, organizata NSM është tkurrur. Udhëheqësi aktual, Burt Colucci, thotë se nuk e ka të vështirë të gjejë njerëz që dëgjojnë mesazhin e tyre se faji bie mbi hebrenjtë.
Në një mesazh me podcast, Colucci lavdërohej se 400 dëgjues ndjekin transmetimin e tij javor, një rritje e konsiderueshme krahasuar me 250 dëgjues më parë.
“Po shtohen, jo vetëm në internet, por edhe në publik. Shohim sinjale të mira”.
Zëri i Amerikës nuk mund të verifikonte në mënyrë të pavarur pretendimin e zotit Colucci. Në përgjigje të pyetjes nëse ai e konsideron pandeminë si mundësi për propagandë dhe rekrutim, ai u përgjigj me email: “Për sa i përket mundësisë që COVID-19 të shërbejë për rekrutim, është shumë e mundshme”.
Protesta kundër masave të izolimit
Javën e kaluar, protestuesit u mblodhën para selive të legjislaturave shtetërore me thirrjet kundër urdhrave për të qëndruar në shtëpi. Të paktën një anëtar i NSM u pa me një tabelë me parullë anti-semite në Ohajo. Një numër neo-nazistësh të bardhë u panë në protesta të ngjashme në Ajdaho, Miçigan dhe Karolinë të Veriut.
Profesore Megan Squire tha se protestat po krijojnë mundësi për kontakte direkte për rekrutim, megjithatë numri i supremacistëve në këto grumbullime ka qenë i vogël. zëri i amerikës
Presidenti i SHBA-ve, Donald Trump propozoi metoda të pazakonta për trajtimin e koronavirusit të ri (COVID-19) në një konferencë në Shtëpinë e Bardhë, përfshirë rrezet ultravjollcë dhe injektimin e dezinfektuesve, transmeton Anadolu Agency (AA).
“Pra, duke supozuar se e godasim trupin me një dritë të jashtëzakonshme, qoftë ultravjollcë apo një dritë shumë e fuqishme. Dhe unë mendoj se ju do të thuani se kjo nuk është kontrolluar, por ju do ta provoni atë. Duke supozuar se hodhët dritën brenda trupit, e cila mund të bëhet përmes lëkurës ose me ndonjë mënyrë tjetër. Tingëllon interesante”, u tha Trump gazetarëve.
Vërejtjet e tij erdhën disa minuta pasi William Bryan, ushtrues i detyrës së Drejtorisë së Shkencës dhe Teknologjisë në Departamentin e Sigurisë së vendit, tha se drita diellore ka të ngjarë se vret virusin si në sipërfaqe ashtu edhe në ajër.
“Kemi parë efekt të ngjashëm me temperaturën dhe lagështinë ku rritja e temperaturës dhe lagështisë, ose të dyjat, në përgjithësi janë më pak të favorshme për virusin”, tha Bryan.
Më vonë, Trump doli me një trajtim tjetër, këtë herë duke sugjeruar përdorimin e dezinfektuesve.
“Dhe pastaj e shoh dezinfektuesin se si e nokauton atë brenda një minute. Një minutë. Dhe a ka ndonjë mënyrë që ne mund të bëjmë diçka të tillë me injeksion brenda ose me pastrim? Siç e shihni, ajo futet në mushkëri dhe bën një varg të jashtëzakonshëm në mushkëri, kështu që do të ishte interesante ta kontrolloni këtë. Do të duhet të bëni këtë me mjekët, por kjo më duket interesante”, tha Trump.
“Dhe kështu do ta shohim. Por, i gjithë koncepti i dritës, mënyra se si e vret atë në një minutë, është shumë i fuqishëm”, shtoi ai.
Trump e pyeti mjeken e Shtëpisë së Bardhë që drejton ekipin kundër koronavirusit, Deborah Birx, nëse ajo kishte dëgjuar për përdorimin e dritës diellore në trajtimin e sëmundjes.
“Jo si trajtim. Unë nuk kam parë nxehtësi ose dritë”, u përgjigj ajo.
“Ju lutemi mos injektoni ose mos konsumoni dezinfektues”, shkroi në Tweeter, Chris Hayes, moderatorja e një emisioni lajmesh dhe opinionesh në kanalin televiziv amerikan MSNBC.
Që nga mbrëmja e së enjtes, SHBA pati më shumë se 867.000 raste dhe mbi 49.000 vdekje nga COVID-19. Gati 80.000 janë shëruar.
Virusi është përhapur në të gjithë botën, duke infektuar mbi 2.7 milionë njerëz dhe duke vrarë më shumë se 190 mijë që kur u shfaq në qytetin kinez Wuhan në fund të vitit të kaluar.
Pasuria e miliarderëve të Amerikës, duke përfshirë themeluesin e kompanisë Amazon.com Jeff Bezos dhe atë të firmës Tesla Inc. Elon Musk, u rrit gati 10 për qind gjatë pandemisë COVID-19, sipas një raporti të botuar nga Instituti për Studimin e Politikave.
Rritja e pasurisë së njerëzve më të pasur të Amerikës vjen në një kohë kur rreth 22 milion amerikanë kanë paraqitur kërkesa për pagesë papunësie.
Edhe pse ekonomia përballet me recesion, aksionet në bursë të firmave teknologjike dhe të kompanive, produktet e të cilave favorizohen nga qëndrimi në shtëpi, si Zoom kanë parë rritje çmimesh javët e fundit, për shkak të përdorimit gjithnjë e më shumë të videokonferencave.
Eric Yuan
Kjo ka bërë që pasuria e themeluesve miliarderë të këtyre kompanive të shtohet së tepërmi.
Gjatë periudhës nga 1 janari deri më 10 prill të këtij viti, 34 nga miliarderët më të pasur të vendit i kanë shtuar pasurisë së tyre dhjetëra miliona dollarë, thuhet në raport.
Sipas raportit, pasuria e tetë prej këtyre miliarderëve, duke përfshirë shefin e firmës Amazon, Bezos, themeluesin e firmës Zoom Video Communications Inc, Eric Yuan dhe atë të Teslës, Musk është shtuar me rreth 1 miliardë dollarë.
Gjatë dekadës së fundit, thotë raporti, pasuria e miliarderëve amerikanë u shtua me mbi 80.6 për qind, e indeksuar për inflacionin. zëri i amerikës
Agjencitë amerikane të inteligjencës kanë arritur në përfundimin se operativët kinezë kanë ndihmuar në përhapjen e mesazheve të rreme se administrata e Presidentit Trump po planifikonte të vendoste një masë të detyrushme kufizuese në mbarë vendin kundër përhapjes së koronavirusit, sipas gazetës New York Times.
Gazeta thotë se mesazhet, të cilat u shfaqën për herë të parë në sms-të e telefonave celularë dhe në mediat sociale, në të cilat thuhej se Presidenti Donald Trump do të njoftonte masat kufizuese sapo trupat të ishin në gjendje gatishmërie “për të ndihmuar në parandalimin e hajdutëve dhe trazirave”. Mesazhet u bënë aq të përhapura gjatë dy ditëve pasuese sa që Këshilli i Sigurisë Kombëtare i Shtëpisë së Bardhë u detyrua të dilte me një njoftim në Twitter duke i shpallur ato të rreme.
Gazeta e bazoi raportin e saj në informacione nga gjashtë zyrtarë amerikanë nga gjashtë agjenci të ndryshme që nuk pranuan të zbulonin identitetin e tyre. Dy nga zyrtarët thanë se ata besonin se mesazhet nuk ishin krijuar nga operativë kinezë, por në vend të kësaj ata i kishin amplifikuar mesazhet ekzistuese.
Ministria e Jashtme kineze i quajti akuzat “tërësisht të pa logjikshme dhe që nuk meritojnë një mohim nga ana e tyre”.
Shtetet e Bashkuara dhe Kina janë angazhuar në një luftë informacioni mbi atë se kush është fajtor për pandeminë e COVID-19.
Presidenti Trump në të kaluarën e ka etiketuar sëmundjen si “virus kinez”, duke iu referuar faktit se virusi u zbulua për herë të parë në qytetin kinez të Wuhanit në fund të vitit të kaluar, ndërsa zyrtarë të tjerë amerikanë kanë akuzuar Pekinin për mungesë transparence në fillim të shpërthimit të koronavirusit. Zëdhënësi i Ministrisë së Jashtme kineze, Zhao Lijian kishte akuzuar ushtrinë amerikane për transportimin e virusit në Wuhan, në një postim në Twitter muajin e kaluar. Zyrtarët amerikanë hodhën poshtë pretendimin e tij. zëri i amerikës
Njoftimet se Kina nuk informoi apo keqinformoi për përmasat e vërteta të koronavirusit në qytetin kinez të Wuhanit po bëhet një temë e nxehtë në fushatën për zgjedhjet presidenciale në Shtetet e Bashkuara. Si Presidenti Donald Trump ashtu edhe rivali i tij demokrat, Joe Biden, kanë nxjerrë reklama fushate duke akuzuar njëri-tjetrin për qëndrim të butë ndaj mënyrës se si e menaxhoi Kina, pandeminë.
Ekipi i fushatës për rizgjedhjet e Presidentit Trump, nxorri së fundmi një reklamë me tema të ngjashme me ato të fushatës së vitit 2016, duke sulmuar Kinën dhe akuzuar rivalin e tij demokrat, ish-nënpresidentin Joe Biden, për korrupsion.
“Meqenëse funksionoi herën e kaluar, ata me siguri mendojnë se ka një shans të funksionojë edhe këtë radhë”, thotë Matt Grossman, profesor i Shkencave Politike në Universitetin Shtetëror të Miçiganit.
Zoti Trump fitoi në zgjedhjet presidenciale të vitit 2016, pjesërisht duke fajësuar Kinën për humbjen e vendeve të punës në prodhim dhe duke akuzuar kandidaten demokrate, Hillary Clinton për lidhje korruptive me interesat e korporatave.
Reklama e fushatës së Presidentit Trump e vë theksin tek kontrasti mes vendimit të Presidentit për të ndërprerë udhëtimet nga Kina për të frenuar përhapjen e koronavirusit dhe kundërshtimit të rivalit të tij, Biden për ta bërë një gjë të tillë, si edhe e cilëson atë si i komprometuar financiarisht, bazuar në akuzat e paprovuara se djali i tij Hunter Biden, “nënshkroi një marrëveshje 1 miliardë dollarëshe” me një biznes shtetëror kinez.
Para pandemisë së koronavirusit, rritja e fuqishme ekonomike kishte qenë temë kryesore e fushatës së Presidentit Trump.
Tani, mbylljet e bizneseve të shumta për të ngadalësuar përhapjen, kanë lënë miliona amerikanë të papunë.
Sipas anketave, mbështetja për presidentin ka rënë për shkak të asaj që shumica e amerikanëve e shohin si menaxhim kontradiktor i krizës shëndetësore dhe ekonomike.
Zoti Trump dhe republikanët në Kongres këmbëngulin se Kina duhet të përballet me pasojat për fshehjen përmasave të krizës së COVID-19 dhe përhapjen e informacionit të rremë se virusi e ka origjinën nga Shtetet e Bashkuara.
Por kritikët e Presidentit Trump e shohin këtë linjë mesazhesh si një përpjekje për të larguar vëmendjen nga reagimi i ngadaltë i Shteteve të Bashkuara ndaj pandemisë që ka shkaktuar vdekjen e mbi 45 mijë amerikanëve.
“Administrata e Presidentit Trump lë të kuptohet se nëse Kina do të kishte qenë plotësisht transparente, Shtetet e Bashkuara do të kishin qenë plotësisht strategjike në përgjigjen e tyre. Dhe ne e dimë që kjo nuk është e vërtetë”, thotë Robert Daly, analist në Qendrën Wilson.
Kritikët thonë se ndërsa zoti Trump dhe familja e tij akuzojnë zotin Biden për afera korruptive , ata nuk janë transparentë lidhur me bizneset e tyre në gjithë botën, duke vënë në dukje se presidenti nuk i ka bërë publike pagesat e taksave.
Por argumennti i Presidentit Trump se pasuria e tij personale në fakt e bën atë imun ndaj ndikimeve të huaja, rezonon me shumë nga përkrahësit e tij.
“Është një strategji e zakonshme populiste, të thuash ‘ata janë të gjithë të korruptuar, edhe unë isha, por unë do të jem i korruptuar në emrin tuaj’”, thotë Profesor Grossman.
Fushata e zotit Biden, është kundërpërgjigjur me një reklamë të vetën, ku akuzohet presidenti Trump se injoroi njoftimet e hershme të zbulimit për rrezikun e koronavirusit dhe se vlerësoi presidentin kinez Xi JInping në mes të krizës, për të shpëtuar marrëveshjen tregëtare mes Shteteve të Bashkuara dhe Kinës.
Të dyja fushatat po e kritikojnë ashpër Pekinin, duke reflektuar zemërimin publik në rritje në Shtetet e Bashkuara ndaj Kinës, si vendi i prejardhjes së virusit që po infekton miliona, duke shkaktuar paralizimin e ekonomisë në pjesën më të madhe të botës.
