VOAL

VOAL

(Video) VOTE Marko Kepi on TUESDAY June 23rd!

May 8, 2021

Komentet

Harris dhe Trump me sulme verbale të ndërsjellta

Nënpresidentja e Shteteve të Bashkuara, Kamala Harris, tha se zgjedhjet presidenciale të nëntorit në këtë vend do të jenë zgjedhje midis një ish-prokuroreje dhe një “krimineli të dënuar”.

Me këtë të fundit, kandidatja e pritur për presidente nga Partia Demokratike iu referua kandidatit të Partisë Republikane, Donald Trump.

Harris i bëri komentet në tubimin e parë të saj zgjedhor në Uiskonsin.

Një ditë më herët u bë e qartë se ajo ka mbështetjen e shumicës së delegatëve demokratë, për t’u nominuar kandidate për presidente.

Presidenti aktual, Joe Biden, i dha asaj mbështetje, pasi vetë u tërhoq nga gara për rizgjedhje më 21 korrik. 

Duke folur para mijëra mbështetësve në Uiskonsin, Harris e krahasoi Trumpin me, siç tha, mashtruesit që si ish-prokurore i ka ndjekur penalisht.

Gjatë fjalimit, ajo parashtroi edhe një sërë prioritetesh liberale që tha se do t’i ketë nëse zgjidhet presidente, përfshirë këtu: kontrollin e armëve dhe qasjen në abort.

“A duam të jetojmë në një vend të lirisë, ndjesisë dhe sundimit të ligjit, apo në një vend të kaosit, frikës dhe urrejtjes?”, tha ajo.

Trump reagoi me një postim në rrjetet sociale, ku shkroi se “Kamala Harris gënjen” dhe “shkatërron gjithçka që prek”.

Ai u dënua në muajin maj për ndikim të paligjshëm në zgjedhjet e vitit 2016 dhe përballet me disa gjyqe të tjera. REL

SHBA, pritet stuhi gjeomagnetike të mërkurën- mund t’i bëjë dritat veriore të dukshme deri në Nju Jork

Aktiviteti i rritur diellor bëri që Qendra e Parashikimit të Motit Hapësinor të Administratës Kombëtare të Oqeanit dhe Atmosferës (NOAA) të lëshojë një paralajmërim për një stuhi të mundshme gjeomagnetike nesër, e mërkurë, 24 korrik.

Një masë plazme, e njohur si një nxjerrje në masë koronale (CME), e cila u lëshua nga Dielli më 21 korrik, tani po shkon drejt Tokës dhe pritet të mbërrijë më 24 korrik.

Grimcat e ngarkuara elektrike, të njohura si jone, të lëshuara gjatë këtyre ngjarjeve kur ato përplasen me sferën manjetike të Tokës mund të shkaktojnë stuhi gjeomagnetike.

Gjatë stuhive gjeomagnetike, jonet përplasen me gazrat në atmosferën e Tokës dhe lëshojnë energji në formën e dritës, të cilën ne e njohim si Dritat Veriore (aurora borealis) në hemisferën veriore, ose dritat jugore (aurora australis) në hemisferën jugore.

Stuhitë gjeomagnetike klasifikohen nga NOAA, sipas intensitetit të tyre, në një shkallë G: Nga G1 më e dobëta, në G5 më e forta.

Paralajmërimi i mundshëm i stuhisë gjeomagnetike për të mërkurën, 24 korrik aktualisht është klasifikuar si G2.

(BalkanWeb)

Jep dorëheqjen drejtorja e Shërbimit Sekret, pas atentatit ndaj ish-presidentit Trump

Kimberly Cheatle gjatë seancës dëgjimore në Kongres (22 korrik 2024)

 

VOA/Marrë nga Associated Press

UASHINGTON – Drejtorja e Shërbimit Sekret, Kimberly Cheatle njoftoi dorëheqjen 10 ditë pas atentatit ndaj ish-Presidentit Donald Trump, që nxorri në pah dështime të shumta në reagimin e agjencisë ndaj autorit të sulmit. Zonja Cheatle e bëri të ditur largimin nga detyra përmes një mesazhi dërguar punonjësve.

Pas përpjekjes për vrasjen e ish-presidentit Donald Trump pati reagime në rritje ndaj dështimit të agjencisë e cila siguron mbrojtjen e presidentëve dhe ish-presidentëve.

Zonja Cheatle, e cila shërbente në detyrën e drejtores së Shërbimit Sekret që nga gushti 2022, u përball me thirrje në rritje për të dhënë dorëheqjen, si dhe disa procese hetimore për rrethanat se si autori i atentatit arriti t’i afrohej kaq shumë kandidatit republikan presidencial në një tubim elektoral në Pensilvani.

“Marr përgjegjësinë e plotë për dështimet e sigurisë”, tha ajo në email-in drejtuar personelit të martën. “Në dritën e ngjarjeve të fundit, me zemër të rënduar kam marrë vendimin e vështirë për të dhënë dorëheqjen si drejtorja juaj”.

Dorëheqja e zonjës Cheatle vjen një ditë pasi ajo u paraqit përpara një komisioni të Kongresit dhe u kritikua me orë të tëra nga ligjvënës demokratë dhe republikanë për dështimet e sigurisë. Ajo e quajti përpjekjen për ta vrarë ish-presidentin Trump “dështimin më të rëndësishëm operacional” të Shërbimit Sekret në dekada dhe tha se merr përgjegjësinë e plotë për gabimet e sigurisë. Ajo megjithatë shkaktoi zemëratën e ligjvënësve duke mos iu përgjigjur pyetjeve konkrete në lidhje me hetimin.

Në seancën dëgjimore të hënën, zonja Cheatle vazhdoi në mënyrë sfiduese të deklarojë se ajo ishte “personi i duhur” për të udhëhequr Shërbimin Sekret, edhe pse tha se mbante përgjegjësi të plotë për dështimet e sigurisë. Kur ligjvënësja republikane Nancy Mace i sugjeroi zonjës Cheatle të fillonte të hartonte letrën e saj të dorëheqjes, zonja Cheatle iu përgjigj: “Jo, faleminderit”.

Atentatori 20-vjeçar, Thomas Matthew Crooks, arriti të afrohej në një distancë prej 135 metrash pranë podiumit ku ish-presidenti Trump po mbante fjalimin dhe hapi zjarr. Kjo ndodhi megjithëse në ditët pararendëse ishin shtuar masat e sigurisë, për shkak të një kërcënimi nga Irani ndaj jetës së ish-presidentit.

Kamala Harris thyen rekord, fiton 231 milionë dollarë donacione në ditën e parë të fushatës Presidenciale

Zv/presidentja e SHBA, Kamala Harris kërkoi 231 mln dollarë nga donatorë të vegjël dhe të mëdhenj, në 24 orët e para që nga fillimi i fushatës së saj presidenciale.

Fushata e saj nisi me një mbështetje të madhe, Harris fitoi 81 mln dollarë nga donatorët e vegjël dhe “bomba” ishte 150 mln dollarë nga donatorët e mëdhenj, duke shënuar atë që është grumbullimi më i madh i parave gjatë periudhës së fushatës.

Ndërsa të dielën, u raportuan vetëm për 1 orë plot 11 mln dollarë, pak pasi Joe Biden u tërhoq nga gara dhe ia dorëzoi stafetën Kamala Harris për t’u përballur me ish-presidentin Trump.

Zëdhënësja e fushatës, Lauren Hitt tha se Harris kishte mbledhur 49.6 mln dollarë donacione në 15 orët e para pas miratimit të Biden. Ajo tha se ky numër u rrit në 80 mln dollarë gjatë ditës së hënë.

Por nuk ishin vetëm donatorët e vegjël që u ngritën për të mbështetur Harris. “Future Forëard”, Komiteti i Aksionit Politik (PAC) që po punonte për të rizgjedhur Biden, siguroi 150 mln dollarë financim nga donatorët kryesorë demokratë 24 orë pasi presidenti amerikan i dha fund fushatës së tij dhe miratoi Harris.

PAC, e cila tani do të mbështesë Harris, kishte tanimë 122 mln dollarë prej fundit të qershorit, sipas të dhënave të Komisionit Federal të Zgjedhjeve.

Madje, megadonatorë të tjerë demokratë thanë se do të rifillonin të dhuronin para pasi deri tani nuk kishin bërë donacione përe t’i bërë presion Bidenit që të tërhiqej nga gara.

“Unë jam duke e mbështetur atë me gjithë zemër”, tha Abigail Disney, një regjisore që është një trashëgimtare e pasurisë së Disney.

Të dielën pasdite, fushata e Biden ndryshoi zyrtarisht emrin e saj në “Harris për President”, duke reflektuar se ajo do të trashëgojë strukturën e tij politike prej më shumë se 1 mijë punonjësish dhe një buxhet prej 96 mln dollarë deri në fund të qershorit.

Nga ana tjetër, fushata e Donald Trump ka shënuar donacione të mëdha, pavarësisht nga gjetja fajtor dhe dënimi me 34 akuza për krime në gjyqin për paratë e heshtura në Manhattan.

Ai fitoi financime të mëdha nga liderët e biznesit dhe të botës së teknologjisë.

Manjati i Tesla-s, Elon Musk i cili në fillim të vitit këmbënguli se nuk do të financonte Trumpin, pak ditë më parë tha se do të jepte 45 mln dollarë ccdo muaj për të rritur performancën zgjedhore të republikanëve në nëntor.

(BalkanWeb)

Biden: Tërheqja ishte gjëja e duhur për t’u bërë

Presidenti i Shteteve të Bashkuara, Joe Biden, tha se vendimi i tij për t’u tërhequr nga gara për rizgjedhje, ka qenë “gjëja e duhur për t’u bërë”.

Biden i bëri komentet gjatë një bisede telefonike me ndihmësit e fushatës zgjedhore të Partisë Demokratike.

Këto ishin të parat prej tij, prej se u tërhoq nga gara më 21 korrik.

Ai i dha mbështetje zëvendëses së tij, Kamala Harris, e cila tani duhet të sigurojë nominimin e partisë si kandidate për presidente.

“E di që lajmi [për tërheqjen time] ishte befasues dhe i vështirë për t’u dëgjuar, por ishte gjëja e duhur për t’u bërë”, u tha Biden përfaqësuesve të fushatës.

Ai tha se ekipi ka punuar “me shpirt” për ta ndihmuar atë që të qëndronte në detyrë edhe për një mandat të dytë, por shtoi se “nuk do të shkojë askund” dhe se do të mbetet “plotësisht i angazhuar” në fushatë.

“Shpresoj që ju t’i jepni Kamalës një pjesë të zemrës dhe shpirtit tuaj, që ma keni dhënë mua”, u tha Biden përfaqësuesve të fushatës.

“Ne ende duhet ta shpëtojmë këtë demokraci. Trumpi paraqet ende rrezik për këtë komb”, tha Biden duke iu referuar kandidatit republikan për president, Donald Trump.

Zgjedhjet presidenciale në SHBA do të mbahen më 5 nëntor.

Biden, 81 vjeç, u tërhoq pas shqetësimeve në rritje për moshën dhe shëndetin e tij. REL

Kamala Harris konsolidon me shpejtësi mbështetjen e demokratëve, siguron 81 milionë dollarë fonde për fushatën

VOA/Marrë nga Reuters dhe AP

UASHINGTON – Nënpresidentja e Shteteve të Bashkuara, Kamala Harris konsolidoi me shpejtësi të hënën mbështetjen e demokratëve, përfshirë nga figurat kryesore të partisë, për kandidaturën e saj presidenciale, duke siguruar përkrahjen e qindra delegatëve të Kuvendit dhe duke njoftuar për grumbullimin e një sasie masive fondesh, pasi Presidenti Joe Biden u largua papritur nga gara.

Duke folur para ekipit të fushatës presidenciale në Uilmington të Delauerës, zonja Harris e pranoi se javët e fundit kishin qenë intensive, por shprehu besimin tek ky ekip.

“Objektivi im është të fitoj emërimin dhe të fitoj në zgjedhje”, tha ajo. Ajo premtoi “të bashkojë partinë Demokrate, të bashkojë vendin dhe të fitojë zgjedhjet.”

Ajo përmendi temat qendrore që do të spikasin në fushatën e saj kundër zotit Trump gjatë 100 ditëve të ardhshme, duke vënë në dukje kontrastin mes saj si ish-prokurore dhe ish-Presidentit që përballet me probleme të shumta ligjore.

Ajo e paraqiti veten si avokate e mundësive ekonomike dhe së drejtës për qasjen në abort.

“Lufta jonë për të ardhmen është gjithashtu një luftë për liri,” tha ajo. “Stafeta është në duart tona.”

Presidenti telefonoi nga shtëpia e tij në Rehoboth të Delauerës, ku po merr veten nga COVID-19, për të shprehur mbështetjen ndaj zonjës Harris.

Ai planifikon të flasë për vendimin e tij për t’u larguar nga gara në një fjalim drejtuar kombit më vonë këtë javë.

Presidenti Biden thotë se misioni i fushatës nuk ka ndryshuar dhe premtoi se do të bëjë fushatë për zonjën Harris.

“Ishte gjëja e duhur”, tha zoti Biden lidhur me vendimin e tij për të dalë nga gara.

Zonja Harris po siguron me shpejtësi mbështetjen e demokratëve. Ligjvënësja demokrate Nancy Pelosi, ish-Kryetare e Dhomës së Përfaqësuesve dhe një zë me ndikim i Partisë Demokratike, mbështeti të hënën emërimin zonjës Harris si kandidate për presidente të kësaj partie, duke u bërë e fundit mes një vale demokratësh me peshë që e bënë një gjë të tillë.

Zonja Pelosi, e cila vazhdon të jetë zë me ndikim që kur përfundoi mandatin e saj si kryetare e Dhomës së Përfaqësuesve në vitin 2022, luajti një rol thelbësor për ta bindur zotin Biden që të tërhiqet nga fushata për shkak të shqetësimeve rreth gjendjes së tij mendore dhe aftësisë për ta mundur kandidatin republikan Donald Trump apo për të shërbyer në pozitën e presidentit për katër vitet e ardhshme.

“Me dashuri dhe mirënjohje, përgëzoj Presidentin Biden për besimin që ka pasur gjithmonë tek mundësitë që ofron Amerika dhe që u jep njerëzve shansin për të përmbushur potencialin e tyre”, deklaroi zonja Pelosi, 84 vjeçe, në një deklaratë. “Duhet të bashkohemi, të ecim përpara me vendosmëri për ta mposhtur Donald Trumpin dhe me entuziazëm ta zgjedhim Kamala Harris Presidente të Shteteve të Bashkuara.”

Fushata synon të sigurojë deri në mbrëmjen e së mërkurës angazhimet e shumicës së afro 4,000 delegatëve demokratë në Kuvendin e Partisë Demokrate që mbahet muajin e ardhshëm, i thanë disa burime agjencisë Reuters. Një gjë e tillë do t’i siguronte asaj praktikisht emërimin si kandidate e partisë. Zyrtarët dhe aleatët e fushatës së saj kanë bërë qindra telefonata duke u kërkuar delegatëve që të propozojnë zonjën Harris për presidente në zgjedhjet e 5 nëntorit.

Fushata e zonjës Harris tha se ka mbledhur 81 milionë dollarë në 24 orët pas largimit të zotit Biden, shifra më e lartë për një ditë të vetme deri tani në fushatën për zgjedhjet e këtij viti për secilën palë.

Pothuaj se të gjithë demokratët me ndikim, të cilët janë konsideruar si rivalë të mundshëm të zonjës Harris kanë ofruar përkrahjen e tyre për të, përfshirë guvernatoren e Miçiganit Gretchen Whitmer, të Kalifornisë Gavin Newsom dhe Andy Beshear nga Kentaki.

Zonja Harris, 59 vjeçe, falenderoi zotin Biden për kontributin e tij të hënën më herët në Uashington.

“Trashëgimia e Joe Bidenit gjatë këtyre tre viteve është e pashembullt në historinë moderne,” deklaroi zonja Harris në një aktivitet të mbajtur në Shtëpinë e Bardhë për të nderuar sportistët e universiteteve. “Çdo ditë, presidenti ynë, Joe Biden, lufton për amerikanët dhe ne jemi thellësisht, thellësisht mirënjohës për shërbimin që ai i bën vendit tonë.”

Demokratët shpresojnë që zonja Harris të mund të rigjallërojë atë që kishte qenë një fushatë presidenciale e vakët, disa ditë pasi Kuvendi Kombëtar Republikan, paraqiti një front të bashkuar dhe tregoi mbizotërimin e ish-Presidentit Trump në partinë e tij.

Nënpresidentja Harris pritet të vazhdojë kryesisht politikën e jashtme të Presidentit Biden për çështje të tilla si Kina, Irani dhe Ukraina, por mund të ketë një ton më të ashpër me Izraelin lidhur me luftën në Gazë, nëse fiton zgjedhjet e nëntorit.

Ajo ka qenë e hapur për mbrojtjen e të drejtave të abortit, një çështje që rezonon me votuesit më të rinj dhe demokratët më liberalë.

Përkrahësit argumentojnë se ajo do t’i mobilizonte ata votues, do të konsolidonte mbështetjen e afrikano-amerikanëve dhe do të sillte aftësinë e saj për të debatuar përballë ish-presidentit.

Më shumë se 44,000 gra dhe aleatë afrikano-amerikanë, përfshirë ligjvënëset Maxine Waters, Jasmine Crockett dhe Joyce Beatty, bënë thirrje për mbështetjen e zonjës Harris, dhe grumbulluan më shumë se 1.5 milionë dollarë për fushatën e saj presidenciale, thanë organizatorët për agjencinë Reuters.

Por disa demokratë janë të shqetësuar lidhur me historinë e gjatë të diskriminimit racor dhe gjinor në vend.

SHBA nuk ka zgjedhur asnjëherë një grua presidente në historinë e saj gati 250-vjeçare.

Zonja Harris shkoi në Delauerë të hënën pasdite për të vizituar ish-selinë e fushatës së zotit Biden që tani shërben si zyra e saj kryesore e fushatës.

Kamala Harris lavdëron presidentin Biden

Nënpresidentja amerikane, në paraqitjen e saj të parë pas daljes në pension të presidentit, vlerëson “ndershmërinë dhe integritetin e tij”, duke thënë se është mirënjohëse për punën e tij.

VOAL- Zëvendëspresidentja e SHBA Kamala Harris – në daljen e saj të parë publike që kur presidenti braktisi ofertën e tij për rizgjedhje – vlerësoi rezultatet e Joe Biden. “Trashëgimia dhe arritjet e Joe Biden janë të pashembullta në historinë moderne,” theksoi Harris të hënën gjatë një ngjarjeje në Shtëpinë e Bardhë që nderonte atletët e kolegjit. “Çdo ditë presidenti ynë, Joe Biden, ngrihet në mbrojtje të popullit amerikan dhe ne jemi thellësisht mirënjohës për shërbimin e tij ndaj kombit.”

Harris mori pjesë në ngjarje si një zëvendësim për Biden, i cili po shërohet në shtëpinë e tij në Rehoboth Beach, Delaware, pasi u kontraktua me COVID-19 javën e kaluar.

Në një deklaratë, Harris vlerësoi “gjestin vetëmohues dhe patriotik” të Biden në vendosjen për t’u larguar nga gara. “Unë do të bëj gjithçka në fuqinë time për të bashkuar Partinë Demokratike – dhe për të bashkuar kombin tonë – për të mposhtur Donald Trump dhe axhendën e tij ekstreme”, tha Harris.

Lidhur me shëndetin e presidentit, Harris shtoi se Biden po ndihet shumë më mirë dhe po shërohet shpejt nga COVID-19.

Dalja e Biden të dielën, e nxitur nga shqetësimet demokrate për përshtatshmërinë e tij për postin, përfaqësoi një ndryshim në garën presidenciale që përmbysi planet e të dy partive kryesore politike. Agjencitë e lajmeve/RSI

Alexander Kasanof, në vend të Gabriel Escobar, zëvendësndihmës sekretar i SHBA-së për Ballkanin Perëndimor

Alexander “Sasha” Kasanof ka marrë detyrën e zëvendësndihmës sekretarit për Ballkanin Perëndimor, ka njoftuar Departamenti amerikan i Shtetit.

Këtë post paraprakisht e kishte mbajtur Gabriel Escobar, mandati i të cilit përfundoi në maj të këtij viti.

Kasanof, që nga 19 korriku, sipas ueb-faqes së DASH-it, është edhe zëvendës ndihmës i sekretarit për Media dhe Diplomaci Publike në Byronë për Çështje Evropiane dhe Euroazi të DASH-it.

Kasanof kishte shërbyer si asistent ekzekutiv nën ish-nënsekretaren për Çështje Politike, Victoria Nuland, dhe gjatë mandatit të ushtruesit të detyrës së nënsekretarit për Çështje Politike, John Bass.

Kasanof ka shërbyer në Irlandë, Turkmenistan, Kili dhe Ukrainë. Ai madje ka marrë çmim për punën e tij si këshilltar politik në Ambasadën në Kiev gjatë Revolucionit të Maidanit dhe më pas pushtimit rus të Ukrainës.

“Detyrat e Sashas në Uashington përfshijnë: Drejtor i Zyrës për Politika Globale dhe Programe në Byronë Ndërkombëtare të Narkotikëve dhe Zbatimit të Ligjit, zëvendësdrejtor i stafit të Sekretariatit ezekutiv, drejtor i Zyrës për çështje të Evropës Lindore dhe zëvendësdrejtor i Zyrës për çështje të Kaukazit dhe konflikteve rajonale”, thuhet në ueb-faqen e DASH-it.

Sipas biografisë të publikuar nga DASH-i, Alexander “Sasha” Kasanof ka përfunduar studimet në Kolegjin Kombëtar të Luftës, në Shkollën për Studime të Avancuara Ndërkombëtare në Johns Hopkins dhe në Kolegjin Hamilton.

Ai flet gjuhën frenge, italiane, ruse dhe spanjolle. REL

Zyrtarët demokratë dhe donatorët mbështesin zonjën Harris pas tërheqjes së zotit Biden nga gara presidenciale

VOA/Steve Herman, Ken Bredemeier

Koha duket se është në anën e nënpresidentes amerikane Kamala Harris të hënën, pasi një numër i madh ligjvënësish demokratë, guvernatorësh dhe dhuruesish financiarë shprehën mbështetjen e tyre që ajo të jetë kandidatja presidenciale e partisë në zgjedhjet e nëntorit, pasi presidenti Joe Biden shpalli të dielën vendimin për t’u tërhequr nga gara.

Presidenti Biden pak pas njoftimit të befasishëm të dielën, i shprehu mbështetjen zonjës Harris si kandidate të partisë për t’u përballur me ish presidentin Donald Trump, kandidatin e Partisë Republikane.

Zonja Harris, e cila është 59 vjeçe, njoftoi shpejt se do të kërkonte emërimin. Ajo ishte senatore nga shteti më i populluar i vendit, Kalifornia, kur zoti Biden e zgjodhi në 2020 si kandidate për postin e nënpresidentes.

Vlerësimet rreth saj në anketat kombëtare kanë pasqyruar në masë të madhe ato për presidentin, por disa anketa të votuesve të mundshëm tregojnë se zonja Harris qëndron pak më mirë se zoti Biden përballë zotit Trump dhe në disa, ajo ka dalë përpara ish presidentit Trump.

Zonja Harris tha në një deklaratë se presidenti Biden, duke u tërhequr nga gara kundër zotit Trump, “po bën atë që ka bërë gjatë gjithë jetës së tij, duke vënë popullin amerikan dhe vendin tonë mbi çdo gjë tjetër”.

“Unë do të bëj gjithçka që është në dorën time për të bashkuar Partinë Demokratike dhe për të bashkuar kombin tonë, për të mposhtur Donald Trumpin”, tha ajo. “Kemi 107 ditë deri në ditën e zgjedhjeve. Së bashku, ne do të luftojmë. Dhe së bashku do të fitojmë”.

ActBlue, platforma kryesore e demokratëve për mbledhjen e fondeve, tha të dielën vonë se kishte mbledhur 46.7 milionë dollarë në donacione të vogla për fushatën e zonjës Harris vetëm gjatë ditës së djeshme. Kjo e dhënë paraqet një ndryshim të madh krahasuar me javët e zbehjes së mbështetjes për zotin Biden, veçanërisht midis dhuruesve kryesorë, pas paraqitjes së tij në një debat në fund të qershorit përballë zotit Trump.

Shumë zyrtarë ta lartë demokrat mbështetën zonjën Harris, përfshirë të paktën një anëtar të kabinetit të zotit Biden, Sekretarin e Transportit Pete Buttigieg, i cili tha se do të bënte “gjithçka që mundem” për të ndihmuar zgjedhjen e saj.

Nëse zonja Harris zgjidhet nga partia për të zëvendësuar zotin Biden, ajo do të ishte gruaja e parë i dhe gruaja e parë afrikano-amerikane dhe me origjinë nga Azia Jugore si kandidate presidenciale në historinë 248-vjeçare të Shteteve të Bashkuara.

Njoftimi i zotit Biden të dielën pasoi shtimin e thirrje brenda Partisë Demokratike që i kërkonin atij të “kalojë pishtarin” tek dikush tjetër, mes rënies së numrave në anketat kombëtare dhe shqetësimeve të ngritura pas paraqitjes së tij në debat me zotin Trump. Gjatë atij debati, presidenti 81-vjeçar shpesh dukej se humbiste fillin e mendimit, nuk arriti t’i kundërvihej me forcë 78 vjeçarit Donald Trump ose të mbronte mandatin e tij në Shtëpinë e Bardhë.

Biden ngulmoi, duke theksuar se nuk do të hiqte dorë nga gara përveç nëse “Zoti i Plotfuqishëm” nuk e kërkonte një gjë të tillë, ose nëse do t’i tregoheshin numrat e anketave që tregojnë se nuk mund ta mposhtë Trumpin për herë të dytë ose nëse do të këshillohej nga mjekët e tij se nuk ishte fizikisht në gjendje të vazhdojë garën.

“Besoj se është në interesin më të mirë të partisë sime dhe të vendit që unë të tërhiqem dhe të përqendrohem vetëm në përmbushjen e detyrave të mia si president për pjesën e mbetur të mandatit tim”, tha ai në një deklaratë të dielën. Mandati i tij përfundon në muajin janar.

Presidenti Biden tha se planifikon t’i drejtohet kombit lidhur me vendimin e tij, më vonë gjatë javës.

Ish presidenti Trump reagoi ndaj njoftimit duke sulmuar zotin Biden dhe zonjën Harris. Në një postim në median e tij Truth Social, ai tha se presidenti Biden “nuk është i përshtatshëm për të kandiduar për president dhe sigurisht që nuk është i përshtatshëm për të shërbyer (në këtë detyrë)”. Ai tha se zonja Harris është edhe më keq se zoti Biden.

“Harris do të jetë më e lehtë për t’u mposhtur sesa do të kishte qenë Joe Biden”, tha ish presidenti Trump për rrjetin CNN.

Shumë republikanë reaguan duke kërkuar që zoti Biden të jap dorëheqjen si president.

Kryetari i Dhomës së Përfaqësuesve, Mike Johnson, i cili është i dyti në linjën e pasuesve presidenciale pas zonjës Harris, i bëri thirrje presidentit Biden të japë dorëheqjen, duke pretenduar që nëse ai nuk është i përshtatshëm për të mbajtur gjallë kandidaturën e tij për një mandat tjetër katërvjeçar, nuk është gjithashtu i përshtatshëm për të qëndruar si president deri më 20 janar.

Nëse zoti Biden do të jepte dorëheqjen, zonja Harris do të betohej menjëherë si presidente, të paktën deri në inaugurimin e fituesit të zgjedhjeve të nëntorit.

Emra të demokratëve të tjerë të shquar janë përmendur si kandidatë të mundshëm përveç zonjës Harris, duke përfshirë disa guvernatorë shtetesh si Gretchen Whitmer nga Miçigani, Josh Shapiro nga Pensilvania, J.B. Pritzker nga Illinoisi dhe Gavin Newsom nga Kalifornia. Josh Shapiro dhe Gavin Newsom mbështetën zonjën Harris të dielën.

Ish presidenti Bill Clinton dhe zonja Hillary Clinton, e cila shërbeu si Sekretare e Shtetit në administratën e presidentit Barack Obama, mbështetën zonjën Harris në një deklaratë. Ish presidenti Obama, me të cilin zotin Biden shërbeu si nënpresident për tetë vjet, falënderoi zotin Biden për patriotizmin e tij, por nuk tregoi nëse ai do mbështeste zonjën Harris ose ndonjë pretendent tjetër të mundshëm.

Raportet e mediave në orët e para pas tërheqjes së zotit Biden, cituan burime të afërta me senatorin Joe Manchin nga Virxhinia Perëndimore, tani një i pavarur, duke thënë se ai po shqyrtonte ribashkimin me Partinë Demokratike në përpjekje për të zëvendësuar presidentin si kandidat i partisë.

Ka dy mënyra se si demokratët mund ta zëvendësojnë zotin Biden.

Njëra do të ishte një votim virtual i delegatëve të Kuvendit Kombëtar Demokratike, që do të përcaktonte një kandidat të ri në fillim të gushtit. Shanset janë që ky proces do të favorizonte zonjën Harris, për të shmangur konfliktin në Kuvendin që mbahet në Çikago nga 19 deri më 22 gusht.

Mënyra tjetër se si demokratët mund të zgjidhnin një kandidat të ri do të ishte një kuvend “i hapur” në të cilën disa kandidatë, përfshirë zonjën Harris, do të kërkonin emërimin presidencial, një skenar që partia nuk e ka përjetuar që nga viti 1968, kur presidenti Lyndon Johnson hoqi dorë nga planet e tij për të kandiduar përballë kundërshtimit të gjerë ndaj trajtimit të tij të luftës së Amerikës kundër Vietnamit të Veriut.

Disa demokratë po propozojnë që partia të mbajë shpejt një palë “mini zgjedhje paraprake” për të mundësuar që zonja Harris dhe kushdo tjetër, të konkurrojnë hapur.

*Disa pjesë të këtij artikulli u morën nga agjencitë e lajmeve Associated Press dhe Reuters.

Harris: Ne do të fitojmë

Nënpresidentja amerikane, Kamala Harris, ka thënë se është e nderuar që gëzon mbështetjen e presidentit aktual, Joe Biden për t’i hyrë garës presidenciale të nëntorit dhe që synon fitoren.

“Do të bëj gjithçka që mundem për të bashkuar Partinë Demokratike – për të bashkuar kombin tonë – për të mposhtur Donald Trumpin dhe agjendën e tij ekstreme Projekti 2025”, ka thënë Harris përmes një deklarate.

“I kemi 107 ditë deri në ditën e zgjedhjeve. Së bashku do të luftojmë. Dhe së bashku do të fitojmë”.

Ajo e ka bërë këtë deklaratë, pak pasi Biden ka thënë se beson që tërheqja e tij nga gara është në të mirë të Shteteve të Bashkuara.

Ky vendim vjen pas thirrjeve në rritje për largim të Bidenit nga gara për zgjedhjet e nëntorit, sidomos pas një debati që ka zhvilluar me kandidatin e republikanëve për president, Donald Trump, në të cilin nuk ka pasur performancë të mirë.

“Ka qenë nderi më i madh i jetës sime që të shërbej si president”, ka thënë Biden, duke paralajmëruar që do të flasë më shumë gjatë javës lidhur me këtë vendim.

Biden, 81-vjeçar është infektuar më herët gjatë javës me koronavirus dhe është në izolim në shtëpinë e tij në Dellauer.

Biden u ka rezistuar me javë thirrjeve për t’u tërhequr nga gara, duke thënë se është personi më i mirë për të mposhtur Trumpin, 78-vjeçar.

Biden e ka mposhtur Trumpin më 2020, duke garantuar fitore në shtetet kritike si Pensilvania, Uiskonsin dhe Miçigan.

Konventa e Demokratëve, në të cilën emërohet zyrtarisht kandidati për president, do të mbahet më 19-22 gusht në Çikago, Illinois.

Nëse zgjidhet si kandidate demokrate, Harris, 59-vjeçare, ish-prokurore dhe senatore e Kalifornisë, do të bëhet gruaja e parë me ngjyrë në historinë amerikane, që do të garojë për presidente. REL

Kërkoi largimin e Presidentit nga gara, kongresmeni demokrat: Biden nuk më njohu kur u takuam

Një kongresmen amerikan ka thënë se ai vendosi t’i bashkohet thirrjeve që Joe Biden të largohej nga gara presidenciale pasi ai pretendoi se 81-vjeçari dukej se nuk e njihte atë në një ngjarje të fundit.

Seth Moulton, një demokrat nga Massachusetts, ishte një nga të parët që bëri thirrje që Biden të tërhiqej nga gara menjëherë pas performancës së tij katastrofike në debat muajin e kaluar. Të premten, Moulton shtoi përpjekjet e tij për të larguar presidentin nga oferta demokrate e vitit 2024 në një shkrim për Boston Globe.

Moulton tha se ai u takua me Biden në një grup të vogël për 80-vjetorin e D-day në Normandi më 6 qershor. “Për herë të parë, ai duket se nuk më njohu”, shkroi demokrati.

“Sigurisht, kjo mund të ndodhë me kalimin e moshës, por, ndërsa pashë debatin katastrofik disa javë më parë, duhet të pranoj se ajo që pashë në Normandi ishte pjesë e një problemi më të thellë.

“Amerika ka nevojë që ai të fitojë dhe, si shumica e amerikanëve, nuk kam më besim se ai mundet. Presidenti duhet të largohet nga gara”, tha Moulton.

Javën e kaluar, Donald Trump, ish-presidenti dhe kandidati republikan për garën e vitit 2024, ishte objektivi i një atentati të dështuar. Moulton tha se të shtënat kishin “ndryshuar mendimin kombëtar për momentin por ajo që nuk ka ndryshuar janë këto fakte themelore: Biden është duke ndjekur Trumpin në shtetet kritike dhe ai ende nuk ka treguar se ai është i gatshëm ose në gjendje të ndryshojë strategjinë”. bw

Çfarë ndodh nëse presidenti Biden tërhiqet nga kandidimi?

VOA/Patsy Widakuswara

Të premten, ekipi elektoral i presidentit Joe Biden deklaroi se ai do të qëndrojë në garën presidenciale. Por numri i demokratëve që po shprehen publikisht se shanset e tij për të fituar në zgjedhjet e nëntorit janë të pakëta por rritet dhe ekziston ende mundësia që presidenti Biden të tërhiqet. Vetëm të premten folën publikisht 12 demokratë të zgjedhur, duke e rritur në rreth 35 numrin e ligjvënësve dhe senatorëve demokratë që kanë kërkuar tërheqjen e presidentit nga gara. Siç njofton korrespondentja e Zërit të Amerikës, Patsy Widakuswara, demokratët duhet të marrin një vendim të shpejtë se kush do ta zëvendësojë atë dhe për mënyrën se si do të realizohet kjo.

Presidenti Biden është aktualisht i izoluar për shkak të COVID-it në shtëpinë e tij në Delauer. Nëse ai do të tërhiqej nga gara presidenciale, një skenar i mundshëm do të ishte që ai të mbështeste një kandidat alternativ.

Pothuajse të gjithë 3,896 delegatët që do të mblidhen në Kuvendin Kombëtar Demokrat në Çikago muajin e ardhshëm e kanë përcaktuar votën për presidentin Biden, i cili fitoi në zgjedhjet paraprake në mbarë vendin. Por siç thotë analisti politik John Fortier, ekziston një alternativë.

“Mund të bëhet ndonjë negociatë nëse Joe Biden vendos të tërhiqet dhe ndoshta mund të inkurajohet nënpresidentja Harris që të bëhet kandidatja zyrtare. Por nuk ekziston një garanci absolute, apo një mënyrë ligjore për ta zhvendosur mbështetjen drejt saj”, thotë zoti Fortier për Zërin e Amerikës.

E dyta në hierarkinë presidenciale, nënpresidentja Kamala Harris do të ishte zgjidhja e logjikshme.

58% e demokratëve mendojnë se zonja Harris do të ishte një presidente e mirë, sipas një anketimi të ri nga Qendra për Studime Publike dhe agjencia e lajmeve Associated Press. Por vetëm 30% e amerikanëve mendojnë se ajo duhet të kandidojë për presidente.

Publikisht ajo mbështet presidentin Biden.

“Joe Biden është kandidati ynë. E mundëm Trump-in njëherë dhe do ta mundim sërish. Pikë”, tha ajo.

Emërimi i një kandidateje afrikano-amerikane si zonja Harris, mund të ndihmonte edhe për të siguruar votat e afrikano-amerikanëve, një bazë themelore mbështetësish të Partisë Demokrate.

Megjithatë, demokratët mund të duan edhe të shmangin një imazh jodemokratik me një “kurorëzim” automatik, në veçanti nëse ka persona të tjerë që do të shprehnin dëshirën për të qenë kandidatë.

Ndër kandidatët e mundshëm janë edhe tre guvernatorë: Gavin Newsome i Kalifornisë, Josh Shapiro i Pensilvanisë dhe Gretchen Whitmer e Miçiganit.

“Objektivi i partisë do të jetë një proces përpara kuvendit dhe gjatë kuvendit, që do t’u japë pundësi personave që do të futen në garë të komunikojnë me delegatët. Mund të bëhen disa gjëra. Mund të ketë takime lokale. Mund të ketë edhe një debat”, thotë Elaine Kamarck, nga Instituti Brookings.

Gjatë kuvendit, demokratët duhet të vendosin edhe se cili do të jetë kandidat për nënpresident, një tjetër proces ky që mund të sjellë entusiazëm, por edhe ndasi.

“Kushdo që do të kritikojë më shumë kandidimin e zonjës Harris do të jetë ndoshta nga fraksioni i partisë që do të paraqesë kandidatin për nënpresident. Por janë të gjitha spekulime në këtë pikë, pasi nuk është parë një gjë e tillë më parë”, thotë Jennifer Mercieca, profesore për komunikimin politik në Universitetin Texas A&M.

Ndërsa afrojnë zgjedhjet e nëntorit, situata duket e trazuar për demokratët.

“Do ta bëjmë me shumë shpejtësi Amerikën sërish madhështore”, tha ish-presidenti Trump.

Republikanët kanë përfunduar tashmë kuvendin e tyre, duke demonstruar unitet në mbështetje të kandidatit të tyre për president, Donald Trump.


Send this to a friend