VOAL

VOAL

Banorët e Luginës së Vjosës në protestë

Banorët e Luginës së Vjosës protestuan të enjten për dhënien e koncesionit të Hidrocentralit te Poçemit mbi lumin Vjosë.

Për rreth 30 minuta grupe banorësh bllokuan segmentin e rrugës kombëtare që lidh Levanin me Tepelenën, duke kërkuar nga qeveria që të anulojë planet për ndërtimin e Hidrocentralit.
Policia ndërhyri për të zhbllokuar rrugën, por pa pasur përplajse me protestuesit. Banorët thonë se tokat me të cilat ata sigurojnë të ardhurat për familjet përmbyten nga ndërtimi i digës, ndërsa zona pëson dëmtime të mëdha.

Kompania turke që ka fituar konçesionin për ndërtimin e Hidrocentralit të Poçemit në lumin e Vjosës ka filluar këto ditë punën për projektimin e digës, por banorët e zonave përreth e kanë kundërshtuar këtë hap.

Autoritetet shqiptare të Ministrisë së Energjisë e shpallën në fillim të majit të këtij viti vendimin për dhënien me konçesion 35 vjeçar për ndërtimin e hidrocentralit të Poçemit, në rrjedhën e poshtme të lumit Vjosa, tek një Kompani turke.

banban

Sipas projektit, Hidrocentrali i Poçemit parashikohet të ketë fuqi të instaluar prej 99.5 mw, dhe prodhim vjetor prej rreth 305 milionë kwh. Nëse ndërtohet, Poçemi do të bëhet hidrocentrali i dytë më i madh i dhënë me koncesion për nga niveli i prodhimit, pas projektit të Kaskadës së Devollit.

Sipas kompanisë turke që fitoi koncesionin, ndërtimi i këtij hidrocentrali do të kushtojë rreht 101 milionë euro.

Hidrocentrali i Poçemit, është një nga 8 Hidrocentralet e parashikuara në Lumin Vjosë. Sipas një koalicioni të gjerë të Organizatave Mjedisore ndërtimi i digave në Poçem dhe Kalivaç si dhe hidrocentraleve të vegjël në degët e Vjosës si Lengaricë, Bënçë, Shushicë, Kardhiq, Picar etj, do t’i jepte fund vizionit për një Park Kombëtar në rrjedhën e Vjosës.

Parlamenti Europian i ka kërkuar kohët e fundit qeverisë shqiptare të rishikojë projektet hidroenergjetike përgjatë lumit Vjosa dhe degëve të këtij lumi dhe të hartojë Planet e Ndikimit në Mjedis përpara se projektet të vihen në zbatim.

Basha: Propozimi i Nulandit, një hap larg marrëveshjes. Autorizoj negociatorët për bisedime

* Deklaratat e Donald Lu, Basha: Miqtë flasin hapur edhe kur janë dakord edhe kur nuk janë
* Basha: Konfirmoj vullnetin tim dhe të PD për të arritur një marrëveshje

TIRANË- Kreu i Partisë Demokratike ka deklaruar sot pas mbledhjes së grupit parlamentar se propozimi i ndihmës sekretares amerikane Nuland është një hap larg marrëveshjes, ndërsa autorizon negociatorët të vijojnë diskutimet me negociatorët e kryeministrit Edi Rama. Kjo ishte edhe përgjigjja e tij për ftesën që Rama i bëri sot për t’u ulur në bisedime.
“Diskutimi ka përfunduar me një qëndrim unik, unanim të grupit në mbështetje të propozimit tonë. Komisioni ka propozimin e Venecias në thelb, asnjë shtesë. PD inkorporon 95 % të propozimit hibrid. Jo sepse PD ka një mosbesim ndaj faktorit ndërkombëtar sepse në fakt unë dhe PD që nga dita e parë kemi thënë se nuk do të ketë votë për komisionin ndërkombëtar të monitorimit”, tha Basha.Kreu i opozitës tha se PD nuk e ka refuzuar propozimin hibrid.
“Nëse diçka nuk shkon mirë, apo shkon tmerrësisht keq, ku ta drejtojë gishtin qytetarët shqiptar tek kryeministri i Finlandës apo i Zvicrës? nuk mund të ketë kompetenca kushtetuese. Venecia është e qartë. Shembulli është i qartë. PD nuk e ka refuzuar propozimin hibrid por është një hap larg marrëveshjes. Dua të konfirmoj vullnetin tim dhe të PD për të arritur një marrëveshje. Kam udhëzuar ekspertët të marrin në shqyrtim 7 ligjet. Duam të votohet reforma në drejtësi dhe sa më shpejt. Është një mënyrë për të frenuar Edi Ramën. Rinovoj sot, autorizimin e plotë për negociatorët tanë, dhe Edi Rama të autorizojë negociatorët. Formula që propozojmë sot, formula që propozoi Rama më 8 korrik”, tha Basha.

Kreu i PD ka folur edhe për deklaratën e ambasadorit Lu, duke thënë se miqtë flasin hapur dhe se janë në kushtet e një aleance.

“Ambasadori amerikan ka dhënë kontribut të jashtëzakonshëm, unë kam dhënë kontributin tim se besoj për një Shqipëri proevropiane, miqtë flasin hapur edhe kur bien edhe kur nuk bien dakord, cështja e gjykatës kushtetuese meriton debat, propozimi nuk është i shkuar mbi gur, është proces negociatash. Mos jetoni me drama. Ne japim dhe do të japim kontributin tonë. Nga një herë e marrim vlerësimin e merituar, nganjëherë e marrim të pamerituar. Por asnjëherë nuk e marrim personalisht”, tha Basha.

Tiranë – Nëna shpëton fëmijët, por aksidentohet për vdekje

Një grua u aksidentua për vdekje pas një aksidenti që mund të kishte përfunduar edhe më tragjikisht. Ajo shpëtoi 2 fëmijët e saj duke i dalë përpara një makine, e cila e mori përpara dhe i kaloi përsipër.

Aksidenti i rëndë ndodhi në rrugën “Asim Vokshi”, pranë ish-stacionit të trenit në kryqëzimin me burgun 313 në Tiranë, teksa 37-vjeçarja po kalonte nga njëri krah i rrugës në tjetrin së bashku me 2 fëmijët e saj, transmeton Tch.

Në këtë moment, gruaja ka parë një makinë që afrohej me shpejtësi dhe ka shtyrë 2 fëmijët duke i shpëtuar ata nga përplasja, por duke marrë dëmtime të rënda për vete.

Automjeti u largua me shpejtësi nga vendngjarja, ndërsa dëshmitarët flasin për një skenë të tmerrshme.

Gruaja 37-vjeçare me iniciale DH.P ndërroi jetën pak orë më pas në spital, ndërsa policia është vënë në kërkim të makinës së dyshuar tip “Mercedes Benz” dhe drejtuesit të mjetit.

Uniformat blu po këqyrin kamerat e bashkisë së instaluar në disa kryqëzime në këtë zonë për të bërë të mundur gjetjen dhe arrestimin e drejtuesit që shkaktoi aksidentin e rëndë. Burime nga policia thonë se ai është larguar me shpejtësi të madhe dhe nuk përjashtojnë mundësinë që të ketë qenë nën efektin e alkoolit.

Refuzimi i PD-së, reagon Lu: Jemi të zhgënjyer nga Basha

I menjëhershëm është reagimi i ambasadës së Shteteve të Bashkuara të Amerikës në Tiranë ndaj refuzimit që PD-ja ia bëri projektit të ri të Reformës në Drejtësi të paraqitur nga pala amerikane me rastin e vizitës në Tiranë këto ditë të ndihmëssekretares amerikane Victoria Nuland.

“Jemi të zhgënjyer nga përgjigja e Z. Basha ndaj propozimit hibdrid për Reformës në Drejtësi.

Propozuam një zgjidhje në mirëbesim, gjysmën nga qeveria dhe gjysmën nga opozita.

Z. Basha propozoi diçka për të cilën ai vetë ka prauar më parë se është në konflikt interesi dhe jo në përputhje me parsgrafin 61 të Opinionit të Komisionit të Venecias.

Jami duke e vazhduar bisedën me të dyja palët me qëllim që t’i sjellim përsëri tek mbështetja për propozimin hibrid diskutuar me Ndihmës Sekretaren Nuland në Tiranë,” përfundon ambasadori Donal Lu.

‘Energy Charter’, Rama zbulon premtimin e Vuçiçit për Kosovën

Kryeministri Edi Rama ka folur për perspektivën energjitike të Shqipërisë në takimin e vendeve të “Energy Charter” në Tiranë dhe ka rrëfyer ndërmjet të tjera se ka marrë një premtim nga kryeministri i Serbisë, Aleksandër Vuçiç, në Samitin e Parisit, për të zgjidhur një problem linjash ndërmjet Serbisë dhe Kosovës.

“Prej kohësh jemi një aktor i besueshëm për zhvillimin e sektorit energjitike dhe për këtë do të jepja dy shifra: Tre vjet më parë, kompania jonë e shpërndarjes ishte me humbje të thella, por në 2015-ën mblodhi 1 miliardë USD borxhe, sepse njerëz, biznese, vidhnin ose thjesht nuk e paguanin energjinë. Ne lidhëm 340 mijë marrëveshje të reja mes konsumatorëve dhe OSHEE me argumentin se borxhi duhet paguar. Kështu që për herë të parë në 2015-ën, ne nuk e subvencoinuam kompaninë e energjisë. Zakonisht qeveria e subvenciononte këtë për humbjet diku me 250 milionë USD në vit dhe për herë të parë ne nuk patëm nevojë të paguanim asnjë qindarkë sepse kompania pati sukses. Ky takim vjen në një moment shumë deçiziv, në një moment kur një krizë komplekse gjeopolitike po krijon krizë dhe kërcënon me pasoja afatgjata vendet e Mesdheut. Ne jemi shumë të ndërgjegjshëm pas 2009-ës, se përqendrimi i BE për diversifikimin e burimeve të energjisë dhe korridorin e energjisë, është absolutisht i rëndësishëm dhe hapja e korridorit të gazit është me rëndësi në këtë strategji europiane”, tha Rama.

Jemi të lumtur që kemi linjën e interkonjeksionit me Kosovën, ku duhet të zgjidhim edhe një problem mes Kosovës dhe Serbisë. Ndër të tjera, ai sqaroi edhe projektin rajonal si dhe impaktin që do të ketë kjo në vendet e Rajonit. “Jam takuar me kryeministrin serb në Paris dhe shpresoj se brenda vitit do të kemi një zgjidhje për këtë problem, ç’ka tregon potencialin që kemi në rajon. Pika e tretë dhe e fundit është krijimi i tregut të aksioneve energjitik shqiptar që do të hapë një kapitull të ri në operacionit e përbashkët dhe gjithashtu në bashkëpunimin rajonal. Besoj se kjo iniciativë do të përhapet në rajon dhe do të krijojë një treg aksionesh unik për rajonin. Për këtë shkak, për besueshmërinë që po shtojmë çdo ditë me menaxhimin e burimeve tona, ne jemi mbështetur me financime për linjën tjetër nga Shqipëria në Maqedoni. Po e mbyll këtë takim me një citim nga një artist i famshëm kinez e që shkon shumë mirë me këtë takim se “ne do të mësojmë më shumë për njeri tjetrin nëse do të jemi të hapur dhe të njohim më thellë ata që na rrethojnë”, tha kreu i qeverisë gjatë fjalës së tij në aktivitet.

PD-ja hedh poshtë propozimin e Nulandit, përjashton vetingun

Top Channel ka siguruar propozimin me te ri dorezuar nga Partia Demokratike lidhur me reformen ne drejtesi si kunderpergjigje ndaj propozimit me te ri amerikan bere te dielen gjate vizites se nensekretares se shtetit Viktoria Nuland.

Por, sipas burimeve te rendesishme dhe sic shihet qarte nga drafti te cilin ne ne website e top channel po e botojme te plote, propozimi i PD kerkon perjashtimin e nderkombetareve nga vettingu. Komisioni zgjidhet politikisht dhe eshte ai qe perjashton kandidatet. Amerikanet‎ propozuan qe te marin ata dhe jo europianet ne dore drejtimin e komisionit nderkombetar te vetingut. Propozimi i pd eshte bere dje. Por ai bie ne kundershtim me ate qe kerkojne amerikanet nderkombetaret dhe drafti aktual ne tryezen e komisionit te reformes.

Ministrat e LSI-së e bojkotojnë festën e themelimit të PS-së

Rama, Pëllumbi dhe Braho dje në festën e PS 

Socialistët zgjodhën të festojnë 25-vjetorin e krijimit të partisë në lulishten pas selisë dhe jo në ndonjë ambient tjetër. Rreth 2 mijë të ftuar mbushën ambientin prapa selisë rozë të rikonstruktuar së fundmi, ndërsa kudo mbizotëronte ngjyra mavi.

Socialistë të të gjithë brezave iu përgjigjën ftesës së kryetarit Edi Rama për të ndarë këtë moment. Binte në sy mungesa e ish-kryetarit Fatos Nano dhe deputetit Ben Blushi.

Kësaj ftese iu përgjigj pozitivisht edhe Partia Demokratike, e cila përfaqësohej nga ishkryetari i saj, Tritan Shehu.

Aleati kryesor i PS-së, Ilir Meta, nuk ishte prezent, për shkak të vizitës së tij zyrtare në Malin e Zi, por nga LSI ishte prezent vetëm Spartak Braho dhe zv.ministrja e Arsimit, Nora Malaj. Nuk kishte ardhur asnjë nga ministrat e LSI-së, madje as kryetari i Grupit Parlamentar, Vasili dhe ndonjë nga deputetët e kësaj partie.

Në festë ranë në sy aleatët e rinj të PS-së, Shpëtim Idrizi me deputetët e tij Aqif Rakipi dhe Tahir Muhedini. Kreu i Frymës së Re Demokratike, Bamir Topi, ishte prezent dje në festën e PS-së, por dhe avokat Ngjela.

Në hyrjen e lulishtes ku organizohej festa, të ftuarit i priti sekretari i Përgjithshëm, Gramoz Ruçi, me sekretarët e Kryesisë Blerina Gjylameti, Elisa Spiropali, Alfred Peza dhe nënkryetari i Grupit Parlamentar, Taulant Balla. Të pranishëm dje ishin dhe ishzv. kryetari i parë i PS-së, Servet Pëllumbi, por dhe Arben Malaj, Ndre Legisi dhe Bardhyl Agasi.

Kryetari i PS-së, Edi Rama, mbërriti në festë në orën 19:00 i shoqëruar nga bashkëshortja, Linda. Dhe pse ceremonia ishte parashikuar të niste në orën 19:00, Rama për rreth 30 minuta kaloi në të gjithë sheshin, duke i takuar në grupe të pranishmit.

Ajo që ra në sy ishte se gjatë këtij rrugëtimi, Edi Rama shmangu një shtrëngim duarsh me ish-deputetin e qarkut të Vlorës, Koço Kokëdhima, i cili shoqërohej nga bashkëshortja dhe disa delegatë të kongresit dhe anëtarë të Asamblesë nga ky qark.

Pas fjalës së kryetarit Rama, në një podium të ndriçuar me ekrane “Led”, u shfaq një dokumentar, i cili në mënyrë të përmbledhur tregonte me pamje të gjithë historinë 25-vjeçare të PS-së. Protagonistët e parë të saj në themelim e më pas betejat elektorale, ata që kanë bërë histori, pa anashkaluar Nanon e Metën.

Edhe marrëdhënia Rama-Nano pasqyrohej me pamje në këtë dokumentar e më pas historia e PS-së pas 2005-s, kur në krye të saj erdhi Edi Rama e deri në fitoren e zgjedhjeve të 2013-s.

I pyetur pas ceremonisë festive për deklaratën e Nanos se Rilindja po “e varros” PS-në, profesor Servet Pëllumbi tha se ai nuk duhet të japë mesazhe pesimiste nga Vjena.

ARISTIR LUMEZI

Nano konstaton vdekjen e PS-së, Pëllumbi: S’kemi nevojë për mesazhe nga Vjena (intervista)

Partia Socialiste e Shqipërisë shënon 25-vjetorin e themelimit

Të pranishëm në këtë ceremoni ishin kryetari i Partisë Socialiste dhe njëkohësisht Kryeministri i Shqipërisë, Edi Rama, ministra të kabinetit qeveritar, deputetë, etj

TIRANË – Partia Socialiste e Shqipërisë me anë të një ceremonie organizuar në Tiranë ka shënuar sot 25-vjetorin e themelimet të saj, ku ishin të pranishëm personalitete të larta të politikës dhe zyrtarë të lartë të shtetit shqiptar.

Të pranishëm në këtë ceremoni ishin kryetari i Partisë Socialiste dhe njëkohësisht Kryeministri i Shqipërisë, Edi Rama, ministra të kabinetit qeveritar, deputetë, përfaqësues të shoqërisë civile, diplomatë dhe shumë të ftuar të tjerë.

Kreu i Partisë Socialiste, Edi Rama në fjalën e tij përshëndetëse ka shprehur falënderimet për gjithë themeluesit e partisë që ai drejton. Ai ka pohuar se nga PS ai ka mësuar shumë, duke e konsideruar drejtimin e saj si një përvojë, por dhe një shkollë. “Kam bindjen që duhet akoma punë për të bërë për të mirën e popullit”, ka theksuar Rama në fjalën përshëndetëse.

Pas fjalimit të Ramës është shfaqur një material filmik që tregonte aktivitetin politik të kësaj force politike në vite.

Partia Socialiste e Shqipërisë është forca kryesore politike ne koalicionin qeverisës të drejtuar nga Kryeministri Edi Rama, ndërsa pjesë e tij është edhe Partia Lëvizja Socialiste për Integrim e drejtuar nga kryeparlamentari Ilir Meta.

Zyrtarisht data e themelimit të Partisë Socialiste është më 12 qershor, por drejtuesit e saj kishin vendosur për organizmin sot të ceremonisë që shënon 25-vjetorin e themelimit. aa

Kryesia e LDK: Po demarkacionit dhe riformatimit të qeverisë

Anëtarët e Kryesisë së LDK-së “njëzëri janë pajtuar” që marrëveshja me Malin e Zi për shënimin e kufirit duhet të miratohet në Kuvend, thuhet në një komunikatë që subjekti qeveritar i Kosovës iu ka dërguar mediave pas mbledhjes së mbajtur pasditën e së martës.

Mbledhja sipas njoftimit është udhëhequr nga kryetari i partisë dhe kryeministri, Isa Mustafa.

“Pas diskutimeve shterruese, anëtarët e Kryesisë së LDK-së, njëzëri u pajtuan që duke u bazuar në punën e komisionit shtetëror, vlerësimin e komisionit ndërkombëtar të krijuar nga ish-Presidentja Jahjaga, si dhe qëndrimin e Presidentit Amerikan Barack Obama, të Departamentit të Shtetit të SHBA-ve dhe mesazheve të qarta të ndihmës sekretares amerikane Victoria Nuland e personaliteteve të tjera evropiane, duhet të vazhdohet me ratifikimin në Kuvend të kësaj marrëveshje, e cila do t’i hap rrugë lëvizjes së lirë të qytetarëve të Kosovës në vendet e BE-së dhe proceseve tjera integruese dhe zhvillimore”, thuhet në komunikatën e LDK-së.

Qeveria e Kosovës kishte vendosur që të mërkurën më 13 korrik ta mbajë mbledhjen ku do ta procedonte për në Kuvend marrëveshjen e kufirit me Malin e Zi, mirëpo kjo mbledhje është shtyer deri nga fundi i javës.

Partia e dytë më e madhe në Kosovë njofton se Kryesia e partisë ka diskutuar edhe për riformatimit kabinetit qeveritar të Kosovës “me ç’rast ka dominuar mendimi se kabineti qeveritar mund të fuzionohet dhe të fuqizohet me potenciale të reja, të cilat do të fuqizonin edhe më tutje procesin e reformave që po zhvillohen nga Qeveria e Kosovës”.

Mirëpo tema e riformatimit do të diskutohet me propozime konkrete në mbledhjen e radhës të Kryesisë së LDK-së. rel

Papa, 5 nëntori dita e shpalljes së 38 martirëve shqiptarë

Një dekret i Papa Françeskut, i cili sapo ka arritur në Shqipëri, cakton 5 nëntorin si ditën e shpalljes së 38 martirëve shqiptarë, një ceremoni kjo që do të mbahet në Shkodër në prani të kardinal Angjelo Amato. Famullitari i Shkodrës, dom Artur Jaku thotë se kanë nisur përgatitjet, pjesë e të cilave është edhe perurimi, ditët e fundit, i muzeut dioçezian të Shkodër-Pultit, ku vend të veçantë i është kushtuar 38 martirëve, pjesa më e madhe e të cilëve të pushkatuar nga rregjimi komunist.

Berisha: Nanoja e shkëputi PS-në nga modeli stalinist, Rilindja e bëri strofkull të vrasësve

Ish-kryeministri Sali Berisha ka uruar socialistët shqiptarë me rastin e 25-vjetorit të krijimit të Partisë Socialiste por që për të është 25-vjetori i ndërrimit të emrit nga PPSH. Berisha në urimin e tij postuar në facebook, vlerëson rolin e ish-liderit të PS-së, Fatos Nano, duke thënë se pati meritën e shkëputjes së PS nga modeli stalinist, ndërsa ka kritika të mëdha për Rilindjen, që sipas tij e ka shndërruar partinë në një strofull të vrasësve e kriminelëve.

NGA SALI BERISHA*
Një urim për socialistët shqiptar!
Të dashur miq, sot socialistët shqiptarë kremtojnë një muaj me vonesë 25-vjetorin e ditës se emrit, pra të ndryshimit të emrit të Partisë së Punës së Shqipërisë në Parti Socialiste të Shqipërisë, duke mbetur gjithnjë trashëgimtarë juridikë e PPSH. Asokohe PPSH mbeti e dyta parti komuniste e bllokut komunist, që nuk u shkri për t’i hapur rrugën krijimit të një force social-demokrate por nisi reformimin e saj vetëm me ndërrimin e emrit.

Pavarësisht nga kjo, edhe vetëm ndryshimi i emrit ishte një hap pozitiv, që hapi rrugën e reformimit të mëtejshëm të kësaj Partie. Veçanërisht i rëndësishëm për këtë parti dhe për vendin ishte shndërrimi i saj gradual nga një parti anti-NATO dhe anti-BE, që propozonte në parlamentin e 23 viteve më parë rezoluta kundër NATO-s dhe bashkëpunimit euro-atlantik, e dominuar nga agjentura sovjetike, bashkëpunëtorë të KGB, ne një parti pro bashkëpunimit euro-atlantik dhe europian.

Përveç kësaj, pasojat e luftës së brendshme për pushtet nga fundi i viteve 1990 i dhanë mundësi Fatos Nanos, që në një garë, nga anëtar i thjeshtë të zgjidhet kryetar i PS dhe ta shkëpusë PSSH nga modeli stalinist pothuaj 60-vjeçar i partisë së një njeriu! Fatos Nano e aderoi PS-në në organizmat e socialistëve europian dhe ka meritën e pranimit të rotacionit jo vetëm në parti por dhe në nivel vendi! Ndaj dhe unë dua me sinqeritet të uroj socialistët shqiptar për çdo arritje të tyre!

Por sot është rasti t’u rikujtoj atyre përgjegjësinë e madhe historike që kanë në krijimin, nga neo-bllokmenët në krye të PS, të mostrës politike që quhet Rilindje, e cila në të vërtet nuk është gjë tjetër veçse rikthim nga bastardet e bllokmenëve hoxhist të normave dhe standardeve antidemokratike, antikombëtare të etërve të tyre barbar.

Sot modeli i Rilindjes ka shndërruar Partinë Socialiste në një parti, kryetari i së cilës, si asnjë tjetër neë Shqipëri, Ballkan, Europë nuk lejon konkurrimin, garën për kryetar të Rilindjes por detyron anëtarësinë të votojë në referendum që kryetari të mos votohet, duke e rikthyer këtë parti në kohërat e saj staliniste me të zeza.

Sot modeli i Rilindjes, bazuar në doktrinën e etërve “të krimit teë dobishëm për pushtetin”, ka shndërruar qeverinë shqiptare në një organizatë të rrezikshme kriminale të hajduteve të shtetit që drejtohet nga kreu i meduzës së krimit të organizuar, Edvin Kristaq Rama

Sot modeli i Rilindjes, bazuar në këtë doktrinë ka shndërruar PSSH në konglomeratin dhe strofullin e vrasësve, pengmarrësve, trafikantëve, grupeve dhe organizatave më të rrezikshme kriminale, që me veprimtarinë e tyre, të mbështetur nga qeveria largojnë nga vendi për pasiguri qindra mijëra shqiptarë, bëjnë ligjin në parlament, në qeveri, në biznese, prokurime publike e private, dogana, tatime dhe institucione të tjera të “mazhorancës së qelbësirave”.

Sot modeli i Rilindjes ka shndërruar Shqipërinë në vendin më të pasigurt në rajon dhe Europë, në Kolumbi të Evropës, Kanabistan, Tritolistan.

Me gjithë këto, unë jam optimist dhe besimplotë se, pavarësisht nga gjendja aktuale dramatike e shqiptarëve, ata shumë shpejtë do t’i rezervojnë mostrës së re të neo-bllokmenëve koshin e plehrave të historisë që i rezervuan partisë mëmë të etërve të tyre mizor!

Ilir Meta në Podgoricë: Shqipëria e mban në zemër Malin e Zi

Kryeparlamentari i Shqipërisë Ilir Meta në Parlamentin e Malit të Zi mbajti fjalim në gjuhën shqipe, në të cilin porositi se Mali i Zi është një vend i mrekullueshëm, të cilin Shqipëria e mban “në zemër”

PODGORICË – Marrëdhëniet mes Malit të Zi dhe Shqipërisë janë miqësore dhe mund të shërbejnë si shembull i fqinjësisë së mirë në rajon, tha kryetari i Parlamentit të Malit të Zi, Darko Pajoviç pas takimit me kryetarin e Parlamentit të Shqipërisë, Ilir Meta, i cili ndodhet në vizitë zyrtare në Mal të Zi.

Pajoviç tha se bashkëpunimi bilateral midis dy vendeve bazohet në respektin reciprok, mirëkuptim, besim dhe mbështetje, ndërsa ato lidhen me një histori dhe kulturë të përbashkët.

“Ekziston bazë e shkëlqyer për zhvillimin e mëtejshëm të marrëdhënieve edhe ashtu të mira, por edhe të atyre të veçanta bilaterale që do të jenë në të mirën e qytetarëve, si transporti, infrastruktura, energjia, mbrojtja e mjedisit dhe zhvillimi i qëndrueshëm”, tha Pajoviç.

Ai ka falënderuar Parlamentin e Shqipërisë e cila ishte njëra nga të parat prej shteteve anëtare të NATO-s që ka ratifikuar Protokollin për Anëtarësimin e Malit të Zi në Aleancë.

Kryeparlamentari i Shqipërisë pas takimit me homologun e tij malazez Pajoviç në sallën plenare të Parlamentit të Malit të Zi mbajti fjalim në gjuhën shqipe, në të cilin porositi se Mali i Zi është një vend i mrekullueshëm, të cilin Shqipëria e mban “në zemër”.

Meta tha se midis dy vendeve ekzistojnë lidhje natyrore që janë shembull i mirë për rajonin.

“Ne ndihemi të afërt, jo vetëm gjeografikisht, por edhe në saj të pakicës shqiptare në Mal të Zi, e cila na lidh”, tha Meta.

Ai tha se vlerëson progresin e Malit të Zi drejt Bashkimit Evropian dhe NATO-s, duke theksuar se Shqipëria pa asnjë vonesë ratifikoi protokollin për anëtarësimin e Malit të Zi në Aleancë.

“Ne vlerësojmë se anëtarësimi i Malit të Zi në NATO është thelbësor për perspektivën e fuqizimit rajonal në mbarë Evropën Juglindore”, tha Meta.

Ai ka falënderuar Malin e Zi për njohjen e realitetit politik, siç është njohja e Kosovës.

“Shqiptarët kurrë nuk do të harrojmë mikëpritjen e Malit të Zi për mijëra shqiptarë të cilët në pranverën e vitit 1999 gjetën strehim në Mal të Zi”, tha Meta.

Ai pjesës së opozitës malazeze i tha se Shqipëria është përqendruar të punojë për të mirën e rajonit me të gjitha vendet “padyshim edhe me Serbinë”.

Meta sot më herët dekoroi kryeministrin e Malit të Zi Milo Gjukanoviç me Urdhërin e flamurit kombëtar të Shqipërisë.

Deputetët e Demokracisë së Re Serbe dhe Partisë Popullore Demokratike në parlament shpalosën një transparentë ku shkruhej “Populli i Malit të Zi ka pranuar se, Kosova është zemra e Serbisë”, gjatë fjalimit të Metës në sallën plenare.

Ata shprehën protestën e tyre për shkak të dekorimit të kryeminstrit malazez Gjukanoviç nga kreu i Parlamentit të Shqipërisë. aa

Zbardhet formula e Nulandit për Reformën – qeveria dhe opozita nga 6 anëtarë secila

Propozimi që ndihmës sekretarja amerikane Nuland iu shtroi palëve politike në Tiranë, do të çojë drejt konsensusit parlamentar për miratimin e draftit të Reformës në Drejtësi.

Tv Klan ka arritur të mësojë që varianti që Nuland e cilësoi një si hibrit, parashikon ngrirjen e komisionit “ad-hoc” me një përbërje të barazvlefshme pozitë-opozitë, i cili do të zgjedhë përfaqësuesit e komisionit të posaçëm të kualifikimit të përbërë nga 12 anëtarë, propozim ky i cili është bërë nga opozita javën e shkuar.

Por ndryshe nga sa kërkon opozita oferta që artikuluar nga Nuland parashikon që emrat e anëtarëve që do të përbëjnë komisionin e Vetingut dhe që do të miratohet komision “ad hoc” duhet të filtrohen nga operacioni ndërkombëtar i monitorimit dhe maxhoranca dhe opozita do të kenë të drejtë të zgjedhin secila nga 6 anëtarë.

Po sipas të njëjtave burime negociatat vijojnë mes të dy paleve. Ç’ka iu është bërë e njohur dhe nga Kryeministri Rama dhe deputetëve socialistë në mbledhjen e grupit parlamentar.

Vetë kryeministri, i cili mësohet se iu ka thënë deputeteve se qëndrimi i shprehur nga Nuland në takimin e një ditë më parë tregon se ka një qëndrim të unifikuar me SHBA.

Ndërsa përpara gazetarëve nuk preferoi ta cilësojë si tërheqje të maxhorancës faktin që po negociohet propozimi i bërë nga opozita, të cilin një ditë pasi e bërë publik Basha, kryeministri e cilësoi si propozim që kërkonte vende të blinduara në këmbim të atyre të rezervuara për përfaqësuesit që do të përbëjnë institucionet e vetingut.

Kryedemokrati i Vlorës letër të hapur: Në PD ka njerëz që i shërbejnë mazhorancës

Kreu i PD-së së Vlorës, Moisi Meminaj nuk e ka pritur mirë lajmin e rirorganizimit të strukturave të PD-së në këtë qytet.

Ai ka shkruar një letër të hapur për demokratët, duke thënë se brenda PD-së, ka njerëz që janë pasuruar në emër të kësaj partie dhe që i shërbejnë mazhorancës aktuale.

Për të, ky urdhër është absurd. Ai i drejtohet me letrën e tij, atyre që i cilëson si demokratë të ndershëm.

LETRA

Të nderuar demokrate,

Si sot, dy vite me pare, me 11 Korrik 2014 Kuvendi i Deges se Partise Demokratike ne rrethin e Vlores, per here te pare ne nje gare te barabarte dhe demokratike mes shume kandidaturash, me voten e tyre demokratet e deges Vlore me dhane votebesimin absolute per te qene Kryetar i Deges se Partise Demokratike.

Ky moment ka qene edhe vleresimi me i madh i strukturave dhe anetaresise mbi kontributin tim disa vjecar ne sherbim te Partise Demokratike.

Ne fjalen time ne Kuvend, nder te tjera, jam shprehur se sfida me e madhe do te jete ringritja e Partise Demokratike dhe ne perpjekjen time dy vjecare per ta drejtuar dhe ringritur jam mbeshtetur fort tek pararoja e saj, strukturat baze dhe militantet e saj te perkushtuar nder vite.

Demokratet dhe qytetaret e Vlores ju pergjigjen sloganit me te ri “ Proteste, rezistence, perballje” dhe protestuan ne cdo cep te Vlores kunder keqqeverisjes nga grykderdhja e Vjoses , ne Vlore e Orikum , Selenice dhe Himare.

Ne keto dy vite demokratet dhe qytetaret e Vlores protestuan dhe denoncuan kunder krimit ne qeveri, kunder pasigurise, kunder padrjetsise, kunder varferise etj.

Demokratet e vertet jo vetem thjesht protestuan dhe denoncuan, ju gjenden prane qytetareve kur ata paten aq shume nevoje per ndihmen tone, qe nuk ju mungoi, por ju gjenden prane qofte edhe per nje fjale te mire.

Ne ishim aty prane qytetareve ne Vlore kur ju prishen banesat, kur u permbyten, kur ju moren tokat, kur nuk i demshperblyen, kur i lane pa drita dhe pa uje, pa rruge etj.

Dhe me krenari them se PD dega Vlore organizoi mbi 108 aksione qytetare ne dy vjet drejtim dhe ringritje. Fituam 1 bashki dhe rikuperuam 10.000 vota krahasuar me 2013.

Deshiroj te falenderoj te gjitha strukturat baze te Partise Demokratike dega Vlore, kryetaret dhe sekretaret e seksioneve, anetaret dhe militantet e saj nder vite, pasi ne dy vite patem bashkepunim dhe komunikm perfekt, ju gjendem njeri tjetrit ne te mire dhe te keq.

Statusi

Por jo gjithcka shkoi sipas parashikimeve, gjate dy viteve ne drejtim patem veshtiresi, shkopinje nen rrota, pengesa te panevojshme nga te zgjedhur partiak vendor dhe me orientim nga lart.

Dhe ndodh çudia, ne vend te falenderimit , vjen urdheri, shkrihet PD e Vlores, riorganizim nga e para. Do zerojme seksionet.

Fitore…..????

Fitore thone ata qe e molen ne pushtet dhe nuk erdhen 1 dite te PD tani ne opozite, se nuk behet fjale per protesta.

Fitore thone klanet dhe hienat kunder demokrateve te ndershem.

Fitore thone ata qe deri dje nuk kane lene me gje pa bere kunder demokrateve te ndershem.

Fitore thone ata qe jane pasuruar duke u futur doren ne xhep qytetareve te ndershem ne emer te Partise Demokratike.

Fitore thone ata qe kane qene kundershtar ne komision votimi me demokratet e sotem dhe te djeshem.

Fitore thone ata qe kane qene ne sherbim te mazhorances, vazhdoine te jene dhe sot kane kurajo dhe te kercenojne demokratet e cdo seksioni se kontributet e tyre do zerohen, se do shkarkohen.

Por si ndihen strukturat me rioganizimin: ndjehen te pa mbrojtur nga oligarket e sotem dhe te rinjte neser, te fyer , te poshteruar dhe te hedhur ne mes te kater rrugeve.

Kam nje mesazh: Moret ate qe deshet ne PD dega Vlore: Kursejini seksionet !!!!

Jam krenar qe drejtova degen e Partise Demokratike Vlore per dy vjet!

FALEMINDERIT!!!

PS: Fotot jane te kufizuara pasi faqja ne fb nuk pranon me.

Deputeti Kosta ikën nga PS, letër Ramës: Mosmirënjohës, për ty pagova shtrenjtë

Deputeti nga Përmeti, Vladimir Kosta është larguar nga Partia Socialiste. Ai i ka dërguar një letër kryeministrit Rama ku sqaron edhe arsyet e largimit nga PS-ja

Kosta ka shkruar në një mënyrë të paprecedentë letrën dhe i kujton kryeministrit se si një herë ai ka paguar 110 mijë euro një drejtuesi medieje për hatër të kryeministrit.

Ai gjithashtu i kujton edhe përplasjet që ka patur me të për kandidimin e Gilberto Jaçes për Bashkinë e Përmetit.

Më poshtë është letra e paprecedentë e Kostës për Ramën, publikuar nga “Balkanweb”.

LETRA

Per Dijeni: Anëtareve të Grupit Parlamentar të Partisë Socialiste të Shqipërisë.

Përshëndetje Kryeministër,

E vlerësoj faktin që më kishit marrë në telefon sot tre herë dhe më kishit dërguar një sms ku shprehnit interesimin tuaj për shëndetin tim por njëkohësisht më shqetëson fakti përse ky interesim nga ana juaj pikërisht tani pas tre vjetësh refuzimesh të më dëgjonit e të më respektonit për atë që isha dhe për atë që bëja.

Kam investuar mund, djersë dhe para për partinë socialiste, Berat, Poliçan në 2009, Për një kërkesë tënden i pagova 110 mijë euro televizionit të atij jevgut të Beratit . Ma kërkove me ngulm në një kafene të Beratit, po s’e kujtove pyet Tikun. Preka gjithë fshatrat e Përmetit,në 2013, 4 muaj fshat më fshat. Një kërkesë të bëra që mos e vër Gilin se nuk fiton, mos ma bëj këtë të keqe, të thashë, por ti as që e çave kokën fare! Përkundrazi dëgjove ata kalamajtë që mban rreth e rrotull, të servilosen e të gënjejnë gjithë ditën. E kujtoni besoj si të thoshte Ben Ahmetaj: Kryeministër, fitojmë me 400 vota! Më çove në Dropull dhe më ngarkove të punoj për PBDNJ-shin. Unë çdo punë e marr me pasion. Anastas Angjeli më tha: mos e mer me kaq vrull se po tall bythën me ty KM-ja!! Dhe kjo ishte e vërtetë. Kur u takuam te karburanti i Bert Targës më thotë Vangjel Tavo: thuaji Ramës  … dhe unë të thirra 2-3 here kryeministër, kryeministër! Ti  as që begenise të ngrije kokën. Nuk ju kujtohet? Ishim vetem dy  metër përballë, njëri tjetrit. Mire që ja fale  bashkinë PD-së, por  më nxore dhe  si koqe, pa  asnjë vlerë para Tavos!

Nuk më ke njohur kurrë kontributin gjatë punës  time në partinë socialiste dhe kjo për arsye banale,nga që isha në sherr me beniaminin tënd AHMETAJ  !sigurisht do mbash anën e tij…. Gjithmonë je treguar mosmirënjohës, nënvleftësues e i pasjellshëm ndaj meje. Për këtë gjë ka ndikuar mjaftueshëm te ju duke hedhur helmin ndaj meje ai ” pesha pupël”, Arben Ahmetaj. Kjo ka të bëjë me  faktin se sa i pazoti je të vlerësosh ata që punojnë për ty.

Përkundrazi, po vlerësohen përditë e më shumë të fortët e drogës, po vlerësohen e mbështeten vetëm një grusht klientësh të ministrave dhe të qeverisë tende. (Nganjëherë kur dëgjoja nga ju që flet  me superlativa për Tërmet Peçin,për kte të  kavajës ,për të gjithë të fortët që ngre në piedestal, i thoja vetes t’ia fus edhe unë një vizë që të më vlerësojë kryetari im  !!!? Mir që  nga ajo e bardha nuk gjeta,po nuk gjeta as Ashash!!,, fati i keq imi….! )  E degjenerove rolin e deputetit, sa më vjen të pështirë ta mendoj se jam deputeti i partisë tënde! Kam çuar shumë e-mail e sms në adresën tënde dhe ju nuk u kujtuat asnjëherë të merrnit në konsideratë shqetësimet e mia, përkundrazi jam i bindur se gjithçka pas leximit  e ke kaluar në mëndjen tënde; ç’na çau k…n ky LOQA ! Nuk të kam kërkuar asgjë për veten dhe nuk do të kërkoj më absolutisht asgjë. Turp, turp që ndave pushtetin me çamët! Je mosmirënjohës ndaj të tuve!

Çamët i kishim kundërshtarë e krah për krah me Berishën në 2013. Një ditë të bukur i pamë në pushtet me nje marrëveshje të fshehtë të bërë nga ti pa asnjë konsultim e diskutim me deputetët e Partisë Socialiste. E kishe vendosur ti me dhjetë ministra të tutë. Pse, ti me ata dhjetë ministrat e fituat pushtetin?Apo me QIFEN?! U ke dhënë Çamëve gjithë atë pushtet ,Ndërsa  socialistët që fituan zgjedhjet rrinë si trapa rrugëve të Shqipërisë dhe ne budallenj me duar prapa  para tyre, kur ata na kërkojnë një vend pune!!!!? Po ç’të them unë ti ndjen neveri për ne , vaj halli për militantët e bazës…, Je mosmirënjohës ndaj të tuve!

Bëra një urë në Vllaho Psiotera. Ftova miqtë e mi dhe hodhën 31 milion lekë  të vjetra nga xhepi i tyre sepse ishte jeta e atyre fshatarëve tek ajo urë. Falë kësaj pune ne e fillojmë garën elektorale me 250 vota plus në atë fshat, i cili më mban si perëndi për këtë hall që ju zgjidhëm.

Më pas të kam kërkuar një urë po kaq të rëndësishme në një fshat tjetër por ti asnjëherë nuk më mbështete, mendon se e kam për xhepin tim! E premtova në zgjedhje se kështu e pashë të arsyeshme, sepse bëhej fjalë për fitoren tënde. Dhe shuma që kërkon kjo vepër është modeste. Asnjëherë nuk mu përgjigje. Po po, ti ke këtë gjeneratën e re të ministrave e drejtorëve që na shohin si kundërshtarë. Janë arrogantë e mendjemëdhenj! Jane gjithë pordhë. E hoqën nga puna, një mbështetës timin, që s’kishte lidhje hiç me paratë apo terrenin. Ishte në zyrën juridike, te tatimet. Mbeti pas meje i shkreti në fushatë. E hoqi shoqja e Saimirit, drejtoresha e tatimeve me porosi të Ben Ahmetajt. E hoqën djalin e Veliut nga puna pa asnjë arsye por vetëm nga mllefi i të kaluarës ndaj meje, hakmerren njerëzit e qeverisë tënde ndaj një nevojtari socialist nga provinca për të nxjerrë kunj me mua, deputetin e partisë tënde. Kam shumë gjëra për të shkruar, por nuk dua të mërzis veten më shumë, prandaj  jam tërhequr ngaqë dua të harroj poshtërsitë e pafundme të stafit tënd. Një mallkim të fuqishëm ju a kam kaluar ty dhe ekipit tënd të ministrave e drejtorëve që më  keni bërë të vuaj kaq shumë dhe padrejtësisht!

Sa urrejtje kam që po të shkruaj! Por mos harro se po kaq kanë dhe deputetët e tjerë ndaj teje.

Mendoja në atë fillim se ishe shumë i zoti,

Por për sa po të njoh je një ndër llapistët më të mirë në botë ,! Po ja  që jam i paaftë të bëhesha pjesë e ndonjë mashtruesi tënd….

Ti e bazove punën tënde dhe drejtimin e partisë tek 10 ministra dhe disa zyrtarë të tutë të besuar dhe nuk e ke problem të nxjerrësh jashtë loje deputetët, ti fyesh e mërzitësh, ti poshtërosh e mashtroshë sipas qejfit tënd! Që në  ardhjen time si deputet ju kam kërkuar të kem autoritetin dhe respektin e duhur.

Ka dhe më shumë arsye të tjera të cilat ju i dini më mirë se unë dhe që më bëjnë të vuaj tej mase duke e denigruar vazhdimisht figurën fisnike të deputetit.

Për këto arsye ju bëj me dije se nga ky moment, largohem njëherë e përgjithmonë nga ky grup parlamentar qe drejtoni ju zoti Rama.

Respekt për deputetët e ndershëm! Respekt për socjalistët e ndershëm!

Po dal përfundimisht nga grupi yt parlamentar, që në mandatin tjetër të mos e kem më në krye atë talenten e tatimeve që keni zgjedhur ju zoti  Rama.

Besoj qe kjo qe po bej une do jete nje ndihme dhe çlirim per shume deputete te tjere. Do të vazhdoj tu shërbej si deputet zgjedhësve të qarkut Gjirokaster dhe socialistëve të gjithë Shqiperisë.

KUJTESË

Me që nesër bën  festën e partisë , Ard Çelën e bëre anëtar asambleje dhe i takon të jetë se fton zyra  por  mos të dalë nga mendja të ftosh Gëëëëëzimin e KASHTËS….

Vladimir Kosta

Arrestohet zëvendësdrejtori i Përgjithshëm i Burgjeve

Zëvendësdrejtori i Përgjithshëm i Burgjeve, Iljaz Labi, është arrestuar me kërkesë të Prokurorisë për Krime të Rënda, pasi dyshohet për “korrupsion pasiv i zyrtarëve të lartë…”, si edhe për administratorët e 4 kompanive private, të dyshuar për “korrupsion aktiv”, gjatë procedurave të prokurimit publik për blerje ushqimesh për burgjet në Shqipëri. Në pranga janë vënë edhe administratorët e katër kompanive private për korrupsion aktiv.

Prokuroria e Krime të Rënda nisi hetimin në bazë të referimit të Drejtorisë së Përgjithshme të Policisë. Në referim përcillej informacioni se disa kompani private, në bashkëpunim me njëra-tjetrën, përfshiheshin në mënyrë fiktive në procedurat e prokurimit publik të zhvilluara nga Drejtoria e Përgjithshme e Burgjeve. Sipas informacionit paraprak, dyshohej se këto kompani private realizonin qëllimin e tyre duke bashkëpunuar me zv.Drejtorin e Përgjithshme të Burgjeve.

Në bazë të këtij informacioni, Prokuroria për Krime të Rënda zhvilloi hetimin, në bazë të të cilit rezultoi si vijon: Administratorët e kompanive “Dogel”, “Vllaznia”, “M.B.Kurti” dhe “Nelsa”, konkretisht, shtetasit Elidjan Laskaj, Ylber Kalaja, Shemsi Sinani e Nexhmi Balla, bënin marrëveshje për të kryer konkurim fiktiv në tenderat e zhvilluara nga Drejtoria e Përgjithshme e Burgjeve, për furnizimin me ushqime.

Nga hetimi ka rezultuar se administratorët takoheshin me njëri-tjetrin dhe binin dakort për pjesëmarrjen në tender, duke shkëmbyer informacionin dhe duke përpiluar dokumentat e pjesëmarrjes në prokurime, në mënyrë të tillë që të fitonte njëri prej tyre, sipas bisedave që ata benin. Administratorët e këtyre shoqërive paraprakisht përcaktonin edhe se cili prej tyre do të dilte fitues në njërin prokurim apo në secilin lot prokurimi. Shoqëritë, të cilat pranonin të përpilonin dokumentacion për të mos fituar, përfitonin duke lidhur kontrata formale dhe jo formale me shoqëritë fituese dhe operonin në cilësinë e nënkontraktorit me njërën nga shoqëritë fituese.

Prokuroria për Krime të Rënda ka arritur të provojë me fakte konkrete se administratorët e kompanive kanë bashkëpunuar me njëri-tjetrin, me qëllim marrjen në mënyre fiktive të prokurimit me objekt “Blerje bulmet dhe veze”, e cila ka datë lidhje kontrate 31.05.2016 dhe me vlerë totale të kontratës 22.647.936.

Për realizimin e qëllimit, të katër personat e dyshuar kanë biseduar për të paguar në mënyrë solidare të paktën një shumë prej 2 milion lekë të reja te zv.drejtori i Përgjithshëm i Burgjeve, Iljaz Labi, me qëllim që ky i fundit t’u krijonte lehtësitë e nevojshme gjatë procedurës së prokurimit.

Personi i dyshuar, Iljaz Labi, ka mbajtur në mënyrë kontakte dhe ka zhvilluar takime të vazhdueshme me personat nën hetim, Ylber Kalaja dhe Shemsi Sinani, duke kërkuar prej tyre përfitim për procedurën e prokurimit të datës 31.05.2016, edhe pse kontraktuesi është subjekti “Nelsa”, me administrator shtetasin Nexhmi Balla. Nga veprimet e tij, del qarte dijenia për kryerjen e procedurës së prokurimit në mënyrë fiktive. Detyra funksionale e tij është pjesë e zinxhirit përkatës që nga fillimi i nisjes së procedurës së prokurimit dhe deri ne lidhjen e kontratës.

25-vjetori socialist, Rama fton Bashën në festë

Socialistët festojnë të martën 25 vjetorin e krijimit të partisë. Rreth 1500 të ftuar do të marrin pjesë në festën që do të zhvillohet në oborrin e pasëm të PS-së.

Ftesë i është dërguar dhe Lulzim Bashës i cili nuk dihet nëse do të thyejë traditën e përvitshme dhe në këtë jubile të socialistëve, të marrë pjesë në ftesë, por edhe gjithë ish-presidentëve, ish-deputetëve, ish-kryetarëve ku përfshihet dhe Fatos Nano dhe të gjithë funksionarëve pa përjashtim ndër vite që kanë qenë pjesë e PS-së.

Musa Ulqini, një prej organizatorëve të këtij eventi, thotë për Report Tv se ftesa e 25 vjetorit do të zhvillohet rreth një muaj me vonesë për shkak të Kampionatit Europian të futbollit.

Ftesat me mesazhin e Edi Ramës, janë shpërndarë që të enjten, ndërsa askush nga zyrtarët socialistë ndër vite nuk do të mbetet jashtë.

I gjithë trupi diplomatik, krerët e institucioneve shtetërore, krerët e partive politike aleate dhe atyre parlamentare do të akomodohen në oborrin e ristrukturuar të PS-së.

Grabitet një bankë në qendër të Vlorës

Filiali i një banke në Vlorë është grabitur sot në mesditë nga 2 persona të armatosur me pistoleta, të veshur me rroba ushtarake dhe me kapele me strehë. Burime policore nga Vlora kanë pohuar incidentin.

Burimet paraprake nga administrata e Bankës flasin se autorët kanë hyrë në mjediset e bankës në mënyrë të befasishme nga ana e pasme e godinës. Ata kanë arritur të marrin paratë në dy sportele shërbimi dhe më pas janë larguar në rrugët dytësore të lagjes në qendër të qytetit. Burimet policore kanë pohuar se njëri nga grabitësit ka vijuar ndërhyrjen në sportele ndërsa grabitësi tjetër ka dalë në hyrje të bankës.

Ende nuk ka të dhëna për shumën e grabitur por vlerësohet se ajo përfshin xhiron ditore të bankës. Policia thotë se është vënë në ndjekje të autorëve duke ngritur pika të shumta kontrolli në qytet dhe në dalje të tij.

Filiali i bankës ndodhet në qendër të Vlorës në Sheshin e Flamurit, një zonë mjaft e kontrolluar e qytetit. Një tjetër grabitje është shënuar disa vite më parë po në këtë bankë. Vlora njihet si një nga qytetet me më shumë incidente, pas Tiranës, për sa i përket grabitjes së bankave dhe agjensive finaciare.

Grabitja e Bankës në Vlorë vjen në një kohë kur në Shqipëri janë nxitur debate të forta për sigurinë e transportimit të parave nga bankat dhe agjensitë financiare. Pak ditë më parë një grabitje transfertash financiare të një banke ndodhi në Aeroportin e Rinasit duke shkaktuar polemika të forta edhe për kushtet e sigurisë së Aeroportit të vetëm në vend.

Futja e një autoveture nga një portë e pakontrolluar me kamera në Aeroport grabitja e një shume të madhe fianciare në një makinë banke në pistë tek transportonte paratë drejt një avioni për ti dërguar jashtë vendit kishte ndodhur vetëm për disa minuta. Ende nuk ka një të dhënë zyrtare mbi shumën e grabitur dhe asnjë nga autorët nuk është vënë në pranga. za

Kokëdhima-Mero Bazes: Je maskë me pagesë për llogari të luftrave brenda PS-së

Pas shkrimeve të Mero Bazes për prishjen e “vëllazërisë” së Koço Kokëdhimës me Edi Ramën, vjen pergjigja sot në gazetën e tij “Shekulli”, me anë të një editoriali të shkruar nga kryeredaktori Arben Rozhani.

Në shkrim fillimisht bëhet një “skaner” i piruetave të Bazes si shërbëtor mediatik i Berishës dhe pastaj i Ramës. Më pas në funksion të “shkundjes” së kujtesës së Ramës dhe PS-së, rikthehen të gjitha të zezat që ka pas shkruar Baze për atë vetë, Gramoz Ruçin, etj.

Dhe pasi bëhet një rezume e gjatë me kontributet e Kokëdhimës për aq kohë sa mbajti mandatit e deputetit të PS-së, në fund të shkrimit pranohet për herë të parë prej tij, se ka pasur një komplot brenda kupolës së Partisë Socialiste, për heqjen e mandatit të deputetit Kokëdhima. Ja disa pasazhe interesante të marra nga ky editorial për Mero Bazen.

“Shekulli” për Mero Bazen

Mero Baze, “një mik që ia do të mirën” të majtës

Dikur funksiononte me anë të letrave anonime, si në rrëfenjat popullore, ku nënshkruesi ishte “një mik që ta do të mirën”. Atëherë punonte shërbëtor me kohë të pjesshme. Ndërsa tani që punon shërbëtor me kohë të plotë, firmos me emër, por ka mbetur “një mik që ta do të mirën”. Është i njëjti shërbëtor: Mero Baze. Ka ndërruar porositësi i shërbimeve të ulëta. Nuk është më Sali Berisha dhe segmente të së djathtës, por elementë të kupolës së majtë dhe brenda qeverisë së Edi Ramës.

Koço Kokëdhima është një prej personazheve publikë, për të cilin nuk ka lënë gjë pa shpifur. Është ndoshta ndër më të sulmuarit në galerinë e personave publikë, dhe jo vetëm, që janë bërë objekt i sulmeve, intrigave dhe shpifjeve të ulëta, për llogari të personave të veshur me pushtet.

Galeria është termi i duhur për ish-inxhinierin e minierave, apo siç njihet në termonologjinë studentore, si urith. Nuk e përballoi dot profesionin për të cilin ishte diplomuar dhe e këmbeu nëntokën e pasur shqiptare të mineraleve me atë të medias së sapoliberalizuar shqiptare, pas ndryshimit të sistemeve në vitin 1990. Një urith mediatik që nga nëntoka e errët e lidhjeve me pushtetin e radhës, në emër të të drejtës së shprehjes dhe lirisë së informimit ka bërë me qindra vrasje morale të urdhëruara prej padronëve të radhës.

“Miku i të majtës”

Mero Baze, të paktën prej 25 vitesh, ka qenë “miku i të majtës”. Ia ka dashur shumë “të mirën”. Prej vitit 1992, kur u emërua që të kontrollonte linjën berishiste të lajmeve zyrtare në ATSH, ai i ka shërbyer verbërisht regjimit që do të tentonte të kthehej në klikë fashiste dhe që kishte si synim eleminimin politik të opozitës, por edhe eleminimin fizik të drejtuesve dhe aktivistëve të majtë.

Është për të ardhur keq që sot, në korrik 2016, ne duhet t’i japim të drejtë Fatos Nanos, kur deklaronte pak vite më parë, se PS-ja është katandisur në një parti pa memorie historike. Fytyrat e reja që e kontrollojnë atë dhe qeverinë e saj, kanë harruar dhe amnistuar krimet e Berishës dhe të shërbëtorëve të tij në vitet më të vështira dhe të dhimbshme për PS-në dhe të majtën shqiptare. Qindra socialistë të ndershëm u arrestuan, përndoqën apo dhunuan vetëm pse ishin të një partie kundërshtare në opozitë, apo vetëm pse protestonin për vjedhjen e votës.

Propaganda e PD-së, e lidhur ngushtë me SHIK-un famëkeq dhe e mbledhur përnatë në zyrën e ish-presidentit Sali Berisha bënte planet e errëta për të nxjerrë të majtën nga parlamenti dhe jeta politike, pse jo edhe jashtë ligjit, që Berisha të ishte diktatori i radhës dhe të rikthente diktaturën në vend.

Në ditët më të errëta dhe të vështira të të majtës, me kreun e PS-së të burgosur, Mero Baze ishte zyrtarisht korrespondent i radios “Zëri i Amërikës”, pra i politikës së administratës Klinton, e cila i kishte dhënë sinjale paralajmërimi qeverisë “Meksi”, pas prishjes së raporteve me Greqinë, thyerjen e vazhdueshme të kontrabandës së naftës ndaj Serbi-Malit të Zi si dhe shkeljes së të drejtave të njeriut në vend dhe sulmeve ndaj opozitës së majtë.

Por nuk u ndahej “galerive”, nëntokës së errët të medias që kontrollohej nga Berisha dhe prej aty sulmonte të majtën, intrigonte për letra të Nanos, qypin me m… dhe guralecë, përçante drejtuesit socialistë, vishte Gramoz Ruçin me fustan që të arratisej në Greqi për të mos rënë në dorë të Berishës së donte ta arrestonte, shantazhonte drejtuesit vendorë…

Autorësinë e tij mbajnë dhjetëra editoriale të botuara në gazetat që komandonte Berisha dhe ku ai mbante frymën, pasi bënte lidhjet e tij telefonike, ku raportonte për “Zërin e Amerikës”, sipas linjës zyrtare të qeverisë amerikane, ndërsa në shkrimet me emra të sajuar, sulmonte Shtëpinë e Bardhë, mbrojtjen që po i bënte Athinës zyrtare, sulmeve të padrejta ndaj demokracisë së brishtë shqiptare dhe presidentit Berisha. Ndërsa vendi ishte në ditët e para të konfliktit politik dhe social në shkurt 1997, ndryshe raportonte për revoltat që nisën në Lushnjë dhe në Vlorë dhe ndryshe hapte titullin e madh të gazetës së Berishës ku sulmonte “puçin ndërkombëtar” ndaj Sali Berishës, duke nënkuptuar SHBA-të dhe Greqinë.

Se sa e ngushtë ishte marrëdhënia padron-shërbëtor mes Berishës dhe Bazes e treguan 8 vitet në opozitë dhe më pas kandidimi i tij si deputet i PD-së në jug të vendit, ku nuk arriti të fitonte, sepse nuk e votuan as bashkëfshatarët e tij “kërcikuq” të asaj zone që, sipas rrëfimeve të gjirokstritëve të vjetër, më mirë shkonin të bënin pazarin në Janinë, se sa t’i grabisnin paraardhësit e Mero Bazes, mes gërxheve të Tepelenës. Dhe prishja e tyre dy vite më vonë nuk ndodhi aspak për çështje parimore, por sepse Berisha nuk mund të pranonte që Baze të zëvendësonte fëmijët e tij si sekserë të bizneseve familjare.

Një mendje e sëmurë

Koço Kokëdhima, botues dhe politikan i respektuar, që prej vitesh ndjehet i tronditur dhe i shqetësuar për sulmet pa bazë, intrigat pa fre dhe shpifjet më të ulëta, duhet të ndjehet i përkëdhelur nga fati, kur të lexojë p.sh. se çfarë ka shkruar Mero Baze pak vite më parë për Edi Ramën, qeveria e të cilit e përdor sot. Ai ishte pjesë e atij detashmenti politiko-mediatik që e kanë demonizuar figurën e Edi Ramës, që kur ishte në opozitë si një publicist i pavarur dhe më pas si kryetar bashkie.

Në fletët e gazetës së tij janë botuar akuzat më të përbindshme ndaj një pushtetari vendor, figure politike dhe për më tepër një qenieje njerëzore. Në redaksinë e gazetës së tij, në janar 2007 u gatua futja e 71-vjeçarit të paralizuar, Akile Rama, si kandidat për kryetar bashkie në emër të partisë inekzistente Balli Kombëtar Demokrat. Qëllimi ishte malinj, që votuesit të ngatërroheshin nga mbiemri dhe t’i hiqeshin sa më shumë vota Edi Ramës, që kandidonte për herë të tretë për kryetar bashkie, përballë rivalit të PD-së, të ndjerit Sokol Olldashi.

Në ato ditë intrigash politike që gatuheshin në zyrën e kryeministrit Berisha, Mero Baze do të bënte edhe editorialin e radhës “Edi Rama dhe sulmet ndaj rivalëve”, ku shkruante gjëra të tmerrshme kundër kryetarit të bashkisë, për ta denigruar përpara votuesve të kryeqytetit paragrafe të të cilit mund t’i botojë vetëm një media që drejtohet nga mendje të sëmura.

Një shpjegim për sulmet ndaj Kokëdhimës

Që prej kandidimit si deputet i PS-së në qarkun e Vlorës dhe deri më sot që shkruajmë, Mero Baze ka rivalizuar fort Berishën në sulmet ndaj Koço Kokëdhimës, si për të treguar se janë ende në të njëjtën varkë politike dhe notojnë në të njëjtët ujëra të qelbura që vijnë nga gjirizet e ndyra të politikës. Është marrë me bizneset e tij, punën e tij si deputet, me familjen e tij, me bashkëpunëtorët. Ka shpifur sa nuk mban më, aq sa lexuesit e “Tema” online, të lodhur nga “përroi psiqik” kundër deputetit i shkruanin: “Po mjaft o Mero, se ke ngatërruar Koçon me Saliun”.

Por Baze, ështu si dhe padronët e tij, që e kanë porositur të bëjë sulmet e radhës, kanë të drejtë të sillen ashtu siç bëjnë, sepse Koço Kokëdhima e theu mitin e politikanit të gatuar në këto 25 vite në Shqipëri, marrëdhënies së tij me qytetarin, biznesin, ligjin dhe u ka prishur pazaret. Kryefjalë e sulmeve ka qenë se ai është promovuar nga Edi Rama dhe se ka fituar prej tij. Kokëdhima nisi jetën e tij si biznesmen që ditën e parë që u lejua sipërmarrja e lirë në vitin 1991 dhe si botues i suksesshëm në vjeshtën 1997, mbi të gjitha me gazetën “Shekulli” dhe me pas me botime të tjera periodike që kanë lënë shenjë në shtypin e shkruar shqiptar.

Edi Rama u bë ministër në qeverinë e majtë në vitin 1998 dhe më pas kryetar bashkie në vitin 2000. Media e tij ka qenë në shërbim të publikut dhe qartësisht majtas, por duke mos kursyer drejtues të të majtës apo në qeveri që punonin kundër interesave të vendit. Bie fjala, “Shekulli” denoncoi aferën me koncesionin e Rinasit nga qeveria e majtë e Fatos Nanos, si një marrëveshje skllavëruese në kurriz të shqiptarëve dhe koha i dha të drejtë Kokëdhimës. Po ashtu edhe tentativën e Nanon në vitin 2004 për ta kthyer Shqipërinë në një kosh plehrash të rrezikshme të Italisë dhe sërish fitoi beteja e drejtë dhe qytetare e Kokëdhimës. Ndonjë botues tjetër do të bënte lepe-peqe, siç bëri, për të fituar milionat, por Kokëdhima jo.

Fitorja e tij në një zonë bastion të të majtës në vitin 2013, gjatë zgjedhjeve parlamentare, siç ndodh rëndom, mund të ishte edhe fillim dhe mbarim, sepse këtë model deputeti kishte kultivuar politika shqiptare këto dy dekada. Por ndryshe mendoi dhe veproi Kokëdhima. Deputeti është përfaqësuesi i popullit dhe jo agai i zonës elektorale. Për të qenë sa më afër zgjedhësve të tij në Vlorë, ai hapi zyrat e deputetit, duke i financuar me paratë e tij, si porta të hapura të pushtetit për qytetarët. Janë me mijëra hallet e konsultuara në këto zyra në Vlorë dhe Tiranë, zgjidhjet e dhëna dhe falenderimet e qytetarëve që ishin mësuar me deputetë që i shohin një herë në 4 vite. Fryt i bashkëpunimit me elektoratin dhe forcimin e strukturave të PS-së në bazë ishte edhe rezultati i zgjedhjeve vendore të 21 qershori 2015, ku e majta arriti të fitonte 5 bashki të rajonit Vlorë-Gjirokastër, duke e bërë PD-në inekzistente në bregdet.

Riorganizimi i PS-së në bazë ishte një sfidë tjetër e fituar nga deputeti Kokëdhima. Anëtarësia e PS-së në rajonin Vlorë-Gjirokastër u tre dhe katërfishua, me mijëra të rinj u ftuan dhe u bënë pjesë e struktrurave drejtuese në parti, e cila deri dje ishte bërë një bunker që nuk pranonte prurjet e reja. Këto zhvillime nuk u pëlqyen drejtuesve vendorë apo eprorëve të PS-së në Tiranë që ishin mësuar me modelin e çifligut elektoral në bazë, duke e kthyer degën e partisë në një biznes familjar. E cilësuan “projekt pilot”, pra si të papranueshëm për partinë tradicionale, por sot kur po shohin prurjet e reja, freskimin e partisë, shtimin e radhëve dhe garancinë për fuqizimin e partisë më të madhe në vend, por që ishte tkurrur vit pas viti, “projektin pilot” duan ta aplikojnë në të gjitha degët e partisë.

Mero Baze është sot zëdhënësi i atyre që komplotuan kundër mandatit të Kokëdhimës, për t’u dhënë mesazhin deputetëve të tjerë që të mos dalin nga rreshti dhe të bënin siç urdhëron kupola e partisë, edhe pse ky nuk është vullneti i elektoratit. Atë dhe padronët e tij i shqetëson fakti se Kokëdhima nuk u bë i pasur nga politika, por hyri i pasur në të, se nuk ka frikë nga reforma në drejtësi, por kërkon një rrugë të miratimit të saj që nuk çon në dështimin e saj, që nuk ka çifligje elektorale, por zgjedhës që presin zgjidhje.

Shërbëtori Mero shpërblehet sot, falë shërbimeve si maskë me pagesë për llogari të luftrave të brendshme në PS dhe në kampin e shumicës. Ndërsa qeveria nuk ka më nevojë për armiq. I del Merua, “miku që ia do të mirën” të majtës.

Dy dite me pare Mero Baze beri nje shkrim me temen: “Nje kujtese per ‘miqesite’ me Kokedhimen

Mero Baze

“Falë mbështetjes që gëzonte nga raporti i tij konfidencial me Edi Ramën, ai arriti t’i imponohet Kongresit të fundit të Partisë Socialiste, duke shkelur statutin dhe duke u konsideruar delegat Kongresi, jo për shkak të mandatit të deputetit, por si i propozuar nga Vlora, çka e bën atë sot, të jetë sërisht anëtar i Asamblesë së Partisë Socialiste.

Ai po ashtu ishte prodhuesi i konflikteve më të mëdha me Lëvizjen Socialiste për Integrim për histori tërësisht biznesi.

Konsorciumi i tij në Xarrë të Sarandës, duke marrë tokat e ish-NB Vrinës, për llogari të një grupi rreth tij, e futën atë në konflikt me Dhimo Koten, një ish- kryetar komune dhe biznesmen, që po ashtu kultivon agrume në vreshtat e tij prej viteve ‘90. Pas kësaj, Kote u afrua më shumë me LSI dhe konflikti me Kokëdhimën kaloi në nivel politik.

Në zgjedhjet e vitit 2015, ai plasi hapur. Kokëdhima mbështeste çdo kandidat që ishte kundër LSI, pavarësisht koalicionit. Kështu, në bashkinë e re të Vurgut, ndërsa koalicioni formalisht ishte me PBDNJ dhe PS e LSI duhet të mbështesnin kandidatin e Vangjel Dules, palët u ndanë. Kokëdhima mbështeti kandidatin e MEGA-s në Finiq, dhe konflikti shkoi aq hapur, sa Meta shkonte prezantonte kandatin e Dules, që ishte normalisht në koalicion me PS, ndërsa Kokëdhima në të njëjtën orë dilte në tribunë me rivalin e tij.

Konfliktet u zgjeruan dhe në Vlorë dhe Gjirokastër, por falë faktit që Kokëdhima nuk kishte mbështetje politike, nuk bëri dëme.

Pasi Gjykata Kushtetuese i hoqi atij mandatin e deputetit, Kokëdhima u gjend papritur para një mungese autoriteti në bazë. Kokëdhima u ndje i befasuar, kur gjithë grupi socialist ngriti kartonat që ai të përballej me drejtësinë dhe Berisha u ndje keq, që i iku një nga qindra shkaqet që kishte bërë gati, për të mos votuar reformën.

Tani jemi në momentin më tragjikomik të Kokëdhimës. Ai ka ndërtuar një fabulë në kokën e tij, se si amerikanët kanë urdhëruar Edi Ramën, ta heqi nga deputet dhe se kështu do veprohet dhe pas reformës në drejtësi me të tjerë. I autosugjestionuar si çdo delirant, duke u vetëcaktuar si “viktima” e parë e drejtësisë amerikane në Shqipëri, ai është kthyer javët e fundit në një lloj heroi për Berishën dhe kundërshtarët e tjerë të reformës, duke vajtuar fatin e tij të keq, që ja ndollën dhe gatun vetë (dhe mirë bënë). Mban nga pas një grua që ka mandat deputeti, dhe e trajton mandatin e saj si pronë private, duke garantuar kundërshtarët e reformës, se kontrollon votën e saj.

E shikoj si tallen me të, këta ta opozitës, si i shkelin syrin njëri- tjetrit që “ja kanë marrë Ramës, Kokëdhimën”, se si bëjën plane tashmë bazuar mbi vizionin e Kokëdhimës. Nuk e kam zakon të citoj vetveten, po tre vjet më parë në vitin 2013, në një nga shkrimet e ashpra kundër fenomenit Kokëdhima, kam shkruar në fund se “Edi Rama nuk ka nevojë për armiq, derisa të ketë mik Koço Kokëdhimën”. Tani siç duket nuk e ka më, dhe thjesht dua t’ua kujtoj këtë gjë miqve të rinj të Kokëdhimës të ri. Ta gëzoni! Tani as ju nuk keni më nevojë për armiq. U del Koçua!”

Victoria Nulandi në Shqipëri takon Bushatin dhe Bashën

Në një njoftim zyrtar nga MPJ e Shqipërisë, thuhet se bashkëpunimi në kuadër të partneritetit strategjik me Shtetet e Bashkuara të Amerikës, rëndësia e miratimit të reformës në drejtësi, bashkëveprimi për sfidat e sigurisë globale dhe perspektiva e rajonit të Ballkanit Perëndimor, ishin ndër çështjet e trajtuara në takim

TIRANË- Ndihmës sekretarja amerikane e Shtetit për Evropën dhe Euroazinë, Victoria Nuland po realizon një vizitë zyrtare të shkurtër në Shqipëri. Fillimisht ajo është takuar me ministrin e Jashtëm, Ditmir Bushati, në ambientet e Ministrisë së Punëve të Jashtme.

Në një njoftim zyrtar nga MPJ e Shqipërisë, thuhet se bashkëpunimi në kuadër të partneritetit strategjik me Shtetet e Bashkuara të Amerikës, rëndësia e miratimit të reformës në drejtësi, bashkëveprimi për sfidat e sigurisë globale dhe perspektiva e rajonit të Ballkanit Perëndimor, ishin ndër çështjet e trajtuara në takim.

Ministri Bushati e njohu zyrtaren amerikane Nuland me zhvillimet më të fundit në vend dhe përpjekjet e qeverisë shqiptare për miratimin e reformës në drejtësi.

“Bushati falënderoi ndihmës sekretaren Nuland për mbështetjen e çmuar të Shteteve të Bashkuara për proceset demokratizuese, konsolidimin e shtetit ligjor dhe kryerjen e reformave duke theksuar se mbështetja dhe asistenca e ekspertëve amerikanë është e një rëndësie themelore për suksesin e reformës në drejtësi. Ne këtë kontekst ministri Bushati u shpreh se këshillat e SHBA-së kanë qenë të çmuara dhe bashkëpunimi i ngushtë i tyre me BE-në, si dhe mbështetja e pakursyer për reformën tregon rëndësinë dhe koherencën e aksionit tonë të përbashkët. Për ne nuk ka as kthim prapa, as hollim të reformës. Ajo duhet të jetë rrënjësore sepse kështu e kërkon mbi 90% e shoqërisë sonë, e kërkon nevoja jonë për zhvillim”, thuhet në njoftimin zyrtar të Ministrisë së Jashtme.

Gjithashtu theksohet se Nuland shprehu mbështetjen e SHBA-së në proceset demokratizuese, integrimin e mëtejshëm euroatlantik si dhe në prosperitetin e Shqipërisë dhe shqiptarëve në rajon. Ajo theksoi se reforma në drejtësi mbetet një prioritet i lartë në marrëdhëniet SHBA-Shqipëri dhe për përparimin e Shqipërisë drejt BE-së.

“Në vazhdën e vendimeve të marra gjatë Samitit të NATO-s në Varshavë, Nuland vlerësoi rritjen e kontributeve të Shqipërisë në kuadër të misioneve të aleancës dhe luftës kundër terrorizmit dhe ekstremizmit të dhunshëm”, thuhet më tej në njoftim.

Pas takimit me kryediplomatin e Shqipërisë, Nuland është takuar me liderin e opozitës dhe njëkohësisht kryetarin e Partisë Demokratike të Shqipërisë, Lulzim Basha. Në takime ajo është shoqëruar nga ambasadori amerikan në Tiranë, Donald Lu. Ndërkohë Rreth orës 18:00 të ditës së sotme Nuland do të takohet me Kryeministrin e Shqipërisë, Edi Rama. aa

E deklaroi të vdekur, Policia kërkon falje: I aksidentuari është gjallë

Policia ka dhënë detaje në lidhje me një aksident të ndodhur mbrëmë në Delvinë. Dje ajo pohoi se në aksident humbi jetën 27-vjeçari Bledar Pula, ndërsa sot u konfirmua se ai është ende në jetë.

Sakaq, policia ka kërkuar ndjesë për informacionin e gabuar, ndërsa u ka kërkuar edhe ndjesë familjarëve.

NJOFTIMI I POLICISE

Në lidhje me njoftimin e dhënë nga policia për aksidentin e ndodhur në 09.07.2016, rreth orës 20:00, në aksin rrugor Sarandë-Delvinë, ndërmjet një automjeti dhe një motorçiklete, sqarojmë se:

Në informacionin paraprak njoftuam se drejtuesi i motorçikletës shtetasi Bledar Pula, 27 vjeç, banues në Delvinë, kishte ndërruar jetë. Fatmirësisht ky shtetas është ende në jetë, megjithëse në gjendje shumë të rëndë. Gjithashtu edhe pasagjeri që udhëtonte në automjetin që drejtohej nga Igli Seiti ( pasagjeri Sh.S është babai i Iglit), ndodhet në gjendje të rëndë në spital. Policia u kërkon ndjesë familjarëve për këtë lapsus të ardhur si pasojë e komunikimit të parë në momentin e aksidentit.

AKSIDENTI

Aksidenti ku u plagos Bledar Pula ndodhi rreth orës 20:30 të së shtunës. 27-vjeçari po lëvizte me motoçikletë, ndërsa është përplasur nga një makinë. Ngjarja ka ndodhur në aksin Ura e Gajdarit-Delvinë. Mjeti tip “Audi” me targë MNTH68 drejtohej nga shtetasi Igli Seiti, 23 vjeç, i cili është shoqëruar në polici.

Rama kërkon njohjen e Kosovës nga vendet anëtare të NATO-s

 

Në ditën e dytë të Samitit të NATO-s, i cili po mbahet në Varshavë, është diskutuar çështja mbi ecurinë e misioneve të Aleancës dhe projektimin e stabilitetit në krahun jugor dhe atë lindor.

Kryeministri i Shqipërisë, Edi Rama, i cili po merr pjesë në këtë Samit, duke kërkuar vëmendje më të madhe të Aleancës së NATO-s ndaj vendeve të Ballkanit, ka kërkuar gjithashtu edhe njohjen e plotë të Kosovës nga vendet anëtare të saj.

Rama ka thënë se “njohja e Kosovës është një domosdoshmëri që rrit stabilitetin dhe sigurinë në rajon”.

Në fjalën e tij, Rama ka thënë gjithashtu se Shqipëria ka kontribute të vlerësuara edhe në luftën kundër ekstremizmit të dhunshëm.

“Si pjesë e koalicionit global kundër ISIS, Shqipëria ka planifikuar dërgimin e trajnuesve ushtarakë në Irak”, ka thënë Rama.

Historia e “riciklimit” të importit të mbetjeve – Nga Agim Dalipi*

Që në verën e vitit 2004, gati-gati fshehurazi ( kjo është një tipar dallues i shtetarëve tanë) u mor vesh se po bëhej një marrëveshje me shtetin italian për importin e mbetjeve urbane dhe ministra e nëpunës e kishin firmosur atë. Pritej që ta firmoste dhe “i pari”, Kryeministri Fatos Nano. Dihej vështirësia e italianëve për menaxhimin e mbetjeve urbane dhe stoqeve qw më vonë , do të zinin edhe sheshet edhe rrugët e qyteteve siç ndodhi , për shembull në Kampania aq sa u detyruan të angazhonin ushtrinë .

Për sa u bë publike kjo marrëveshje, qeveria tha se kjo “draftmarrëveshje” ishte ngrirë . Se ç’do të thoshte kjo nuk kuptohej mirë. Ministri i Drejtësisë z. Xhafaj që,  shoqërisë civile i pati deklaruar se marrëveshja ishte e paligjshme, heshti. Ministri tjetër B. Fino heshti dhe ai. Ministri Ruka ( i Mjedisit ) vazhdonte të pohonte se importimi i mbetjeve është i paligjshëm, por se marrëveshjen do ta shqyrtonin një grup ekspertësh. Pra këta ishin ministrat që u takonte të firmosnin ( dhe e kishin bërë ) dhe e “kishin ngrirë” marrëveshjen derisa ekspertët të thonin fjalën e tyre. Por cilët ekspertë? Pikërisht ata që punonin në këto dikastere dhe që e patën formuluar aktmarrëveshjen e firmosur nga ministrat e tyre. Për të mos folur për “guximin” profesional të tyre, gjë që, edhe sot e kësaj dite është kaq i rrallë sa vështirë se ta beson njeri. Por faktikisht qeveria ishte duke kryer edhe negociata me firmën italiane “Albaniabeg Ambient” pavarësisht se as ligj nuk kishte, e as marrëveshje nuk ishte firmosur akoma.

Shoqëria civile reagoi shpejt dhe më 23 qershor i dërgoi një letër të hapur Presidentit të Komisionit Europian, Romano Prodi . Kjo letër ishte nënshkruar nga një numër organizatash për mbrojtjen e të drejtave të njeriut, për mbrojtjen e mjedisit, lëvizje qytetare, organe shtypi etj, lidhur me projekt-marrëveshjen për impiantin e mbeturinave në Kashar. E njëjta letër u ishte dërguar edhe ministrave gjermanë Joschka Fisher, Ministër i Jashtëm dhe Jürgen Trittin, Ministër për Mbrojtjen e Mjedisit dhe Natyrës. Po ashtu edhe përfaqësisë së delegacionit të Komisionit Europian dhe Ambasadës Gjermane në Tiranë. Berisha , atëherë në opozitë iu kundërvu me forcë projektit që u quajt “Nano-Bechetti” dhe që do të sillte mbetjet italiane në Shqipëri dhe mbështeti deri në fund protestat e shoqërisë civile deri në pezullimin e projektit .

Pas disa debateve dhe këmbënguljes së shoqërisë civile dhe opinionit publik, kjo marrëveshje me të vërtetë ngriu. Nano, duke parë që kishte një sensibilizim të ndjeshëm për Sharrën ku depozitoheshin, e qenë bërë “mullar” mbetjet tona , iu kthye italianëve  për “ndihmë” në rehabilitimin e këtij vend-depozitimi. Për importin heshti dhe ai. Siç duket me që nuk pati firmosur marrëveshjen e nisur prej tij. Por kaluan dy vite kur Sharra doli përsëri në planet e qeverisë, kësaj here në krye të saj qe Berisha që e bëri normë pune të quante ambientalistët “ antiglobalistë , komunistë, marksistë etj, deri sa në 2013-n, gjatë firmosjes së referendumit, i quajti “aleanca e plehrave”. Dhe këta ishin e janë bashkëqytetarët e tij e midis tyre edhe intelektualë në zë që e kanë nderuar vërtet Shqipërinë. Perëndia e ndjeftë se njerëzit nuk besoj se ia falin , megjithëse është një nga të këqijat më të vogla që ka lënë pas.

Ndërkohë, në Shqipëri kishte filluar të zhvillohej biznesi i riciklimit. Bashkë me zhdukjen, pothuaj totale të kapakëve të pusetave, grumbullohej çdo gjë që vlente.  Për mbledhjen e hekurishteve në ndërtimet e vjetra industriale u vodh sa mundej e me pasoje edhe vdekjen e “ricikluesve, deri fëmijë 10-vjeçarë. Shteti po bënte sehir për këto, por edhe për importin klandestin, sidomos të plastikës nga Maqedonia e Greqia. Madje, nga kjo e fundit erdhën dhe një sasi thasësh plastikë , me një lloj kimikati që edhe sot nuk dihet se çfarë ishte, për t’u pastruar në rrethinat e Korçës , në Devoll . Edhe një njeri pa informacion e di se sa vlejnë thasët plastikë që shiten me qindarka e jo më t’i lash. Dhe shteti vazhdonte sehirin për këto e për të tjera . Romët mblidhnin plastikën dhe e shisnin tek ky biznes duke nxjerrë bukën e gojë .

Në këto vite, grupimi ambientalist “Ekolëvizja” zbatoi një projekt të UNICEF për riciklimin e plastikës në shkollat 9-vjeçare të shumë rretheve. U bë një punë e madhe ku, rezultati më domethënës e mbresëlënës, ishte ndërgjegjësimi i fëmijëve për dëmet e plastikës në mjedis dhe riciklimin e tyre. Por dhe këtu shtetarët, megjithë takimet e diskutimet për t’i dhënë ndihmw kësaj nisme, nuk u gjetën të gatshëm. Nga bashkitë as nuk merreshin plastikat e mbledhura nga nxënësit , biznesi i riciklimit nuk “begenisi” të ofrohej se kërkonte sasi të mëdha dhe u ndihmua deri diku vetëm nga shoqatat e romëve në Tiranë e në Fier. Më kujtohet shprehja e përfaqësuesve të bashkisë së Tiranës ( nënkryetar ishte E. Shalësi ) që do të merreshin me këtë punë, por as e vunë ujin në zjarr. Po ashtu edhe kërkesë së dy sipërmarrjeve ricikluese që kërkuan vetëm një vend për të bërë seleksionimin e mbetjeve të kryeqytetit, pra ndarjen e diferencuar të mbetjeve,  ju bë një pyetje e tillë: Po bashkia çfarë do fitojë ? Dhe mbeti me kaq.

Do të vinin vitet 2012 e 2013 që importi i mbetjeve do të dilte prapë në skenë. Qeveria e Berishës hartoi një ligj për të e mbas reagimit të publikut e shoqërisë civile, i veshi ligjit ca fjalë “të parrezikshme”, përkrahje e biznesit të riciklimit , “gjelbërim të politikave “por , në thelb mbetej importi i mbetjeve të të tjerëve “. Kësaj here u ndje shumë më tepër opinioni publik, edhe më i sensibilizuar, edhe më i organizuar në Aleancën kundër Importit të Mbetjeve, por dhe i përkrahur nga opozita . Partia Socialiste e bëri kauzë të vetën shfuqizimin e këtij ligji . Fjalori i Berishën ndaj ambientalistëve kapi majat. Për të dhënë ndihmesën e tij ndaj bizneseve të riciklimit, që u përfolën dhe për lidhje interesash të dyshimta, Lulëzim Basha, si Kryetar i Bashkisë ndërmori një reprezalje të vërtetë ndaj romëve që grumbullonin plastikë e u mori edhe ato ciklomotorët për të ndaluar “ndotjen” që bënin nëpër kazanët e mbeturinave. Se ku do të hanin bukë këta njerëz, ishte çështje që do ta zgjidhte biznesi .

Në 6 Mars 2013 , Fatmir Mediu , që kishte “rregulluar” eksportin e municioneve në Gërdec si ministër i Mbrojtjes me gjakun e 26 njerëzve, kësaj here si Ministër i Mjedisit bënte karshillëk publikut : “Nuk mund të diskutoj vendimin e Gjykatës Kushtetuese. Unë nuk kam qenë kundër zhvillimit të referendumit për importin e mbetjeve. Do të vijojë importi i mbetjeve, derisa të zhvillohet referendumi. Shoqëria civile duhet të jetë më konseguente për këtë çështje. Me kërkesën e shfuqizimit të dy neneve, rrezikohet liberalizimi i të gjitha mbetjeve”. Pra të liberalizoheshin mbetjet se kishin mbetur të paligjshme!

Në 16 korrik të atij viti , Ministria e Mjedisit organizoi tryezën “Politikat Mjedisore për Riciklimin”,  ku merrnin pjesë përfaqësues të biznesit të riciklimit, specialistë të ministrive të linjës, përfaqësues të pushtetit vendor, si dhe përfaqësues të shoqatave mjedisore. Në këtë tryezë, ministri Mediu u shpreh se procesi i riciklimit në Shqipëri kishte lidhje edhe me zbatimin e marrëveshjes së Stabilizim-Asociimit.  Kjo ishte e vërtetë, por nuk ishte i tillë importi i mbetjeve që në Marrëveshje nuk përmendet asnjëherë . Dhe si gur themeli përmendi si rastësisht edhe një VKM që përmbante një listë të plotë të mbetjeve metalike, plastike, tekstile, letrës dhe  organike, që lejoheshin të importohen dhe eksportohen në Shqipëri. Kjo do të thoshte që edhe ato mbetje të diferencuara që mblidheshin në atë kohë ( për shembull Lezha apo projekti i ambasadës Hollandeze në Fier )  do të mbeteshin në periferinë e riciklimit që do të mbytej nga importi. Paçka se një titullar i lartë i MMPAU u shpreh : “Do të ishte shume mirë që industria e riciklimit të mbështetej në burimet e brendshme. Pra , me që nuk jemi të zotët “t’i dalim për zot”  grumbullimit të diferencuar , atëherë le të marrim plehrat e të tjerëve”.

Në gusht të vitit 2013, pasi kishte humbur zgjedhjet dhe pritej që do duhej vetëm të përkujdesej për vendin deri në kalimin normal të pushtetit, Berisha vazhdonte të merrte vendime, një nga të cilët kishte të bënte dhe me importin e mbetjeve. Kjo bëhej pasi ishte miratuar mbajtja e referendumit të iniciuar nga Aleanca kundër importit të mbetjeve ( 60 mijë firma për disa ditë nga “Aleanca e plehrave” siç e kishte quajtur ai ) dhe pasi mazhoranca e zgjedhur kishte deklaruar se një nga vendimet e para që do të merrte do të ishte shfuqizimi i ligjit për to . Bëhej fjalë për 600 ton nga Greqia dhe 2000 ton nga Italia . Caktoheshin edhe sipërmarrjet që do ta bënin këtë :“Plastika – Albania”, sh.p.k., dhe “V.A.L.E. Recycling’.

Por me ndërrimin e qeverisë në 2013-n u shfuqizua dhe ligji mes një euforie deputetësh që po mbanin fjalën. Atëherë Kryeministri Rama u shpreh se nëpërmjet ndalimit të importit të mbetjeve jo të rrezikshme, parashikohet të nxitet pastrimi i vendit dhe do të sigurohet lëndë e parë e mjaftueshme për industritë ricikluese. “Jam shumë krenar që ky Kuvend do të miratojë përfundimisht ndalimin e importit të plehrave në Republikën e Shqipërisë. Plehrat në Shqipëri nuk do të hyjnë asnjëherë, deri në ditën kur Shqipëria do të jetë në gjendje të seleksionojë, të ndajë, të mbledhë, të përpunojë plehrat që prodhon vetë. Ne do t’i heqim plehrat nga sytë e gjithkujt që në këtë vend e ftojmë të vijë për të shijuar bukuritë dhe për të shtuar fuqinë tonë të industrisë së turizmit dhe që nuk mund ta mikpresim dhe as të presim të kthehet përsëri pasi e kemi shëtitur mes malesh, kodrash dhe pirgjesh me plehra, në të katër anët”. Dhe më tej : “Ka vetëm dy kategori vendesh që importojnë plehrat, ose vendet me standarde maksimale dhe me garanci maksimale, të cilat i lejojnë vetes import edhe të mbeturinave më të rrezikshme për shkak se kanë të gjitha aftësitë për të kontrolluar dhe për të trajtuar këto lloj mbeturinash dhe vendet me standardet më të ulëta të kontrollit dhe me standardet më të ulëta, madje inekzistente, të përpunimit të tyre”. Kjo është e vërtetë nga që importi dhe riciklimi i mbeturinave nga vendet e BE është fitimprurës për kompanitë evropiane, sepse në Shqipëri ndotja e mjedisit nuk penalizohet, siç ndodh nё vendet e BE-së.

Edhe Eduard Shalësi , iniciator i sotëm i importit të mbetjeve , atëherë tha në karrigen e Kryetarit të Komisionit për Veprimtaritë Prodhuese, Tregtinë dhe Mjedisin se : “Do të duhet kohë për një Shqipëri pa plehra, por me këtë akt kemi ndërmarrë vendimin e duhur”.

Por siç duket sot duan të vërtetojnë se fjalët i merr era. Qofshin edhe ato të deputetëve. Por me çfarë llogari po ecin drejt importit të mbetjeve?

Së pari , në ekonominë e tregut biznesi do të ketë patjetër dhe mbështetjen e shtetit, por përherë në dobi të të gjithëve. A janë bërë mirë llogaritë e interesat financiare të këtyre bizneseve dhe përfitimi i të gjithëve dhe në krahun tjetër dëmtimi i mjedisit ? Mos vallë , presioni që ushtron Shoqata dhe biznesi i riciklimit ndaj qeverisë për importin e këtyre mbetjeve , do të ishte më mirë të ushtrohej për diferencimin e mbetjeve tona? A ia vlen importi i mbetjeve kur, sipas parimeve të sakta të BE-së, duhet të menaxhojmë dhe riciklojmë mbetjet tona njëherë e pastaj të shikojmë për interesat e një apo disa bizneseve ? Sa për shembull , në venddepozitimet tona të mbetjeve , plastika zë 40% të vëllimit . Po të hiqej e të riciklohej do të shtonte 40% edhe jetëgjatësinë e këtyre depozitave që po na zënë frymën dhe duan goxha para të ndërtohen .

Së dyti sa të sigurtë do të jemi për “cilësinë” e mbetjeve që do të importohen? Sepse , sot më shumë se kurrë, ky fenomen është në qendër të vëmendjes me rastet e përsëritura. Në plehrat e Napolit, që nga qeveria italiane u dërguan në Gjermani të kontrolluara të paktën dy herë, strukturat kufitare gjermane gjetën mbeturina toksike dhe radioaktive. Në Kinë shkojnë gati nën dorë rreth 100 mijë ton mbetje që askush nuk i di se çfarë janë. Aq sa një qytet i tërë vuan pasojat e helmimit nga plumbi. Sipas statistikave të BE-së , “ekomafia” në Itali trajton  mbetje të rrezikshme me një faturë prej 6 miliardë euro në vit dhe nuk do të jetë e vështirë që me shifra shumë më “modeste” , mbetje të tilla të hyjnë (il)legalisht edhe tek ne. Le të kujtojmë po ashtu se gati 50%  e mbetjeve europiane ( sipas të dhënave të Agjencisë Europiane të Mjedisit )  eksportohen ilegalisht , por edhe qeveritë “mbyllin” njërin sy. Le të kujtojmë “Albaniabeg Ambient” që do të digjte falas plehrat e shqiptarëve për 5 vjet në impiantin e Kasharit,  por që do ta bënte këtë edhe me mbetjet italiane për 25 vjet të tjera dhe që shtypi italian shprehu se po e kthejmë Shqipërinë si “nevojtorja jonë “. Por kjo bëhej për të shmangur taksat doganore dhe për të mos alarmuar shumë opinionin publik italian duke i quajtur plehrat si lëndë e parë djegëse, siç mund të quhen sot “për riciklim”. Le të kujtojmë se dhe nga diplomatët italianë anulimi i marrëveshjes dhe polemikat e opozitës së atëhershme u tha se do të ndikojnë negativisht në negociatat për hyrjen e Shqipërisë në BE. Mos duhet të paguajmë një votë për hyrjen në BE me importin e plehrave? Kush e di, edhe mundet.

Nuk mendojmë se kontratat që mund të lidhen për importin e plehrave të të tjerëve do të jenë “mafioze”. Por kur këto ndodhin në vendet e BE-së, me përvojën e kontrollit dhe të teknologjisë në përdorim, me ligje të forta si ai i vitit 2009 (CE n. 967/2009 për eksport-importin e mbetjeve ), pa përmendur këtu edhe Konventën e Bazelit për transportin ndërkufitar të mbetjeve, ç’mund të ndodhë tek ne?! Vështirë të thuhet. Ose më saktë e dimë ç’mund të ndodhë, por nuk na e nxë goja ta themi.

Në vendet e Europës, për mbetjet urbane ka vite që përdoret një shprehje : not in my backyard!” që do të thotë ( pak më thjeshtë se përkthimi ) nuk i dua plehrat e të tjerëve në oborrin tim. Ndofta do të ishte mirë t’ia u kujtonim shtetarëve tanë çdo ditë . Aq më tepër atyre që me të drejtë e shfuqizuan njëherë ligjin .

*Kryeredaktor i gazetës “Ekolëvizja”

Milionat e Rinasit, dyshohet pjesëmarrja e kosovarëve

Hetimet për zbardhjen e grabitjes së datës 30 Qershor në Rinas e kanë çuar policinë në Kukës dhe Kosovë.

Sipas të dhënave nga policia, po hetohet për dy grupe kriminale, një në zonën e Burrelit dhe një grup tjetër me tendencë grabitje me pjesëmarrjen e disa shtetasve kosovarë dhe disa personave nga Kukësi.

Pjesëtarë të grupit hetimor kanë mbajtur kontakte të vazhdueshme dhe me policinë kosovare me qëllim sqarimin e dyshimeve për grupin e personave që dyshohet të kenë hyrë ilegalisht nga kufiri në Morinë, transmeton syri.net.

Paralelisht katër persona, tre nga Burreli dhe një nga Laçi me precedentë të mëparshëm penal në vjedhjet me armë brenda vendit, por kryesisht në Itali, janë dhe duke u mbajtur nën vëzhgim për qëllime hetimore.

Zyrtarisht u deklarua se në mjetin e blinduar ku ndodheshin paratë e një banke të nivelit të dytë, mesditën e 30 Qershorit nga tre persona të armatosur që lëviznin me një mjet tip Benz ngjyrë vishnje, brenda Aeroportit të Rinasit.

Maskat tentojnë të grabisin vëllezërit tregtarë, i plagosin se s’u bindën

Dy vëllezër janë plagosur me armë zjarri mëngjesin e së shtunës në tregun e Tapizës në Fushë-Krujë. Ngjarja bëhet me dije nga burimet zyrtare policore rajonale.

Panorama.al mëson edhe dinamikën e ngjarjes. Bëhet me dije se dy vëllezërit, me banim në Tiranë, kishin shkuar këtë mëngjes në Tregun e Tapizës, të dorëzonin misër.

Papritur janë sulmuar nga dy persona të armatosur dhe të maskuar, të cilët u kanë kërkuar lekët. Vëllezërit nuk i janë bindur autorëve të cilët kanë nxjerrë armët dhe i kanë qëlluar duke i plagosur lehtë. Më pas dy autorët janë larguar në drejtim të paditur dhe pa mundur të realizojnë qëllimin: grabitjen e tregtarëve.

Njoftimi paraprak i policisë:

Më datë 09.06 2016, në orët e para të mëngjesit, në tregun e Tapizës, Fushë -Krujë janë plagosur me armë zjarri tip pistoletë shtetasit:

• K.F. 28 vjeç dhe H.F. 41 vjeç,  banues në Tiranë. (vëllezër).

Për pasojë të plagosurit ndodhen në Spitalin Ushtarak Tiranë jashtë rrezikut për jetën.

Me të marrë njoftimin Efektivat e Policisë kanë shkuar menjëherë në vendngjarje ku po mbledhin provat e nevojshme, me qëllim zbulimin e shkaqeve dhe zbardhjen e plotë të ngjarjes.

Specialistët po punojnë për identifikimin dhe kapjen e autorëve.

“Propozimi i ri” i Lulzim Bashës, ja ç’është “vota e blinduar”: SHBA dhe BE të jenë vetëm “roje”

Ky me poshte eshte, “propozimi i ri” i opozites se kryesuar nga Lulzim Basha.

“Propozimi i ri” qe ka brenda pak nga Oerd Bylykbashi e pak nga Kastriot Islami, nxjerr jashte procesit te rivleresimit te gjykatesve e prokuroreve sot ne sistem, nderkombetaret, evropianet dhe amerikanet.

“Propozimi i ri” i trojkes se gjithpushtetshme ne PD- “OKB”, i jep nderkombetareve vetem rolin e “rojtarit te transparences” ne procesin e perzgjedhjes se gjykatesve te vetingut, asgje me shume.

Nderkohe qe ne draftin e ndryshimeve ne Kushtetute, miratuar ne Komisionin e Posacem te Reformes ne Drejtesi, mbeshtetur nga SHBA e BE, nderkombetaret marrin rolin e qarte te monitorimit dhe mbikqyrjes se procesit te perzgjedhjes se gjykatesve te vetingut, duke sugjeruar direkt ne listen e kandidateve per gjykates dhe me pas, rol te qarte te informuesit, analizuesit te te dhenave, kundershtimit te vendimeve te gjykatesve kur ato jane haptazi te padrejta.

Diferenca eshte e thelle.

Ne draftin e ndryshimeve ne Kushtetute, procesi i vetingut nis me perzgjedhjen e kandidateve per gjykates te vetingut nga Avokati i Popullit dhe Operacioni Nderkombetar i Monitorimit.

Ne “propozimin e ri” te Lulzim Bashes, procesi i vetingut nis tek Presidenti dhe Gjykata Kushtetuese, dy institucione te zgjedhhura ne menyre te njeanshme, me shumice te thjeshte partiake.

Por edhe me nje favor te madh:

“Propozimi i ri” i Lulzim Bashes, ne rastin me te mire-i perjashton nga vetingu gjykatesit e Gjykates Kushtetuese, ne rastin me pak te mire-garanton vetingun ne kushtet e konfliktit te paster te interesit; gjykatesit e Gjykates Kushtetuese zgjedhin gjykatesit e vetingut dhe gjykatesit e vetingut bejne vetingun per gjykatesit e Gjykates Kushtetuese.

Por habia me e madh ne kete proces, gjithnje referuar “propozimit te ri” te Lulzim Bashes, eshte votimi per perzgjedhjen e kandidateve per gjykates nga nje komision partiak i Kuvendit.

Sipas propozimit, nje sistem elektronik votimi komandon voten;

Thuhet ne propozim:

“Anetareve u shfaqet lista e kandidateve e plote dhe ne te njejten kohe. • Nje kandidat nuk mund te votohet nga me shume se nje anetar i komisionit.

Sistemi elektronik garanton qe kur nje anetar i komisionit zgjedh nje kandidature, kjo e fundit nuk mund te zgjidhet nga nje anetar tjeter”.

Lulzim Basha ka shume te drejte qe nuk e kupton kete menyre perzgjedhjeje.

Por nuk eshte ky problemi.

Problemi eshte se, kjo e “propozimit te ri” te Lulzim Bashes, eshte nje vote e komanduar banalisht, pavaresisht votimit te fshehte dhe elektronik.

Pra, nese dy ose me shume anetare te komisionit adhoc- me perberje te barabarte mes pozites e opozites, votojne per nje kandidat si gjykates, vetem nje nder ta ka mundesine e votimit per te, te tjeret, pavaresisht mendimit e te drejtes se tyre per te zgjedhur, duhet te votojne- ne menyre te komanduar, per ate qe nuk e perzgjedhin.

E thjeshte, keshtu arrihet atje ku do prej muaj Partia Demokratike, sali Berisha e Lulzim Basha;

Ndarja e oraganeve te reja qe do qeverisin sistemin e ri te drejtesise mes partive politike dhe me keq akoma, deshtimin e nje procesi jetik rivleresimi per te gjithe gjykatesit e Gjykates Kushtetuese dhe asaj te Larte, te gjithe gjykatesit e prokuroret e cdo niveli ne sistemin e drejtesise.

“Propozimi i ri” i PD prezantuar sot nga deputeti Oerd Bylykbashi

Zgjedhja e 12 Komisionereve te Komisioneve te Perkoheshme te Kualifikimit (Vetingu)

Hapi 1 – Shpallja e Vakancave

1- Presidenti i Republikes (alternative: Avokati i Popullit) shpall vakancat per 12 vende per komisionere te vetingut, antare te Komisioneve te Perkoheshme te Kualifikimit

Kriteret per aplikim parashikohen ne Kushtetute dhe ligj dhe jane te publikuara.

Ne perfundim te afatit, Presidenti i percjell dosjet e aplikimeve Gjykates Kushtetuese.

Hapi 2 – Vleresimi dhe Vetingu

Kryetari i Gjykates Kushtetuese perzgjedh me short 3 antare te Gjykates Kushtetuese qe do te bejne vleresimin e kandidateve ne perputhje me kriteret , perfshire ato per integritetin e kandidateve.

Formohet Paneli i Vleresimit prane Gjykates Kushtetuese (PV).

Perfaqesuesit e Operacionit Nderkombetar te Monitotimit i bashkengjiten PV si “rojtar te transparences” , sic rekomandon Komisioni i Venecias.

Hapi 2 – Vleresimi dhe Vetingu

Paneli i Vleresimit shqyrton secilen dosje sipas kritereve ligjore, perfshire te dhenat mbi integritetin e kandidateve.

Shqyrtimi behet mbi prova dhe fakte dhe kandidatit i jepet mundesia te faktoje permbushjen e kushteve dhe kritereve.

Nese nje kandidat nuk ploteson kushtet, rrezohet.

Vezhguesit nderkombetare kane akses te plote ne te gjithe dokumentacionin.

Hapi 3 – Vleresimi dhe Vetingu

Kunder vendimit te Panelit te Vleresimit mund te behet kerkese per rivleresim perpara Gjykates Kushtetuese e cila merr vendimin final per kandidaturen.

Ne perfundim te procesit te shqyrtimit te kandidaturave, Kryetari i Gjykates Kushtetuese dergon ne Kuvend kandidatet e verifikuar dhe qe plotesojne te gjitha kriteret.

Hapi 4 – Perzgjedhja e Kandidateve

Kuvendi ngre nje komision parlamentar ad hoc me 12 antare, ku 6 anetare jane nga mazhoranca dhe 6 jane nga opozita.

Komisioni zgjedh pa debat 12 kandidaturat qe do t’i paraqiten Kuvendit per miratim.

Cdo anetar i komisionit ad hoc ka vetem nje vote dhe mund te votoje vetem per nje kandidature.

Hapi 4 – Perzgjedhja e Kandidateve •

Votimi eshte i FSHEHTE dhe elektronik.

Te 12 anetaret votojne ne te njejtin moment.

Anetareve u shfaqet lista e kandidateve e plote dhe ne te njejten kohe. Nje kandidat nuk mund te votohet nga me shume se nje anetar i komisionit.

Hapi 4 – Perzgjedhja e Kandidateve

Sistemi elektronik garanton qe kur nje anetar i komisionit zgjedh nje kandidature, kjo e fundit nuk mund te zgjidhet nga nje anetar tjeter.

Ne perfundim te votimit, sistemi shfaq listen e kandidateve te perzgjedhur.

Lista zyrtarizohet.

Hapi 5 – Votimi

Lista i paraqitet per votim Kuvendit ne seance plenare.

Kuvendi ben votim miratues apo refuzues per te gjithe listen, pra lista votohet ne bllok dhe nuk votohet cdo kandidat.

Cdo deputet ka vetem nje vote.

Votimi behet me shumice te cilesuar per t’i dhene legjitimitet me te madh listes.

Hapi 6 – Perseritja e Votimit

NESE lista rrezohet ne votim, rifillon faza e perzgjedhjes nga komisioni (hapi4) me te njeten liste kandidatesh sipas hapit 3.

Komisioni ad hoc perserit proceduren e perzgjedhjes.

Votimi i dyte apo i trete kryhet me nje mazhorance me te ulet. Kjo garanton qe procesi nuk bllokohet dhe nuk ka nevoje per mekanizem te jashtem zhbllokimi.

Perfundimi i Procesit

Ne perfundim te procesit te votimit, Kuvendi shpall 12 anetaret e KPK te cilet marrin detyren sipas ligjit./ Skandal.al

Gjykata e Londrës: Becchetti nuk ekstradohet në Shqipëri

Presidenti i ekipit anglez të futbollit Leyton Orient, Francesco Becchetti nuk do të ekstradohet në Shqipëri, ku akuzohet për mashtrim, falsifikim dhe pastrim parash.

Lajmin e raportojne mediat e huaja, teksa specifikojnë se vendimin e ka marrë pak më parë Gjykata e Londrës, e cila shqyrtoi çeshtjen ndaj tij dhe kërkesën e palës shqiptare për ekstradim nga Britania. 

Pas këtij vendimi, pronari i Agon-Channel nuk do të ekstradohet në vendin tonë. Gjatë deklaratave të bëra, Becchetti i ka cilësuar sulmet ndaj tij të motivuara politikisht, ndërsa avokati ka thënë se kryeministri Edi Rama e urrente atë dhe për këtë bizneset e Becchettit u konfiskuan nga Qeveria.

Avokati shtoi gjithashtu se Qeveria Shqiptare ka gënjyer për të manipuluar procesin e ekstradimit të Becchettit nga Anglia në Shqipëri.

Vendimi u dha nga gjyqtarja Nina Tempia, ndërkohë që pala shqiptare deklaroi se do ta apelojë vendimin, brenda 14 ditësh.

Investitorët-trafikantë: Ja hierarkia dhe rolet e grupit të drogës

14 shtetasit shqiptarë, të arrestuar në operacionin ndërkombëtar të drogës, me emrin e koduar “Ballkan”, funksiononin në skemë piramidale të një grupi të strukturuar kriminal, me organizatorë, ndërmjetësues, financues dhe blerës.

 

Në bazë të hetimeve të Policisë dhe Prokurorisë së Krimeve të Rënda rezulton se, shtetasit Jurgen Molla, Shyqyr Kotorri dhe Nuredin Nazëraj, që shihni në këto foto, kanë patur rolin e financuesit dhe të organizatorit të këtij aktiviteti për sigurimin e trafikimin e drogës nga Turqia në drejtim të Shqipërisë, për llogari të interesave të grupeve kriminale, që operojnë brenda dhe jashtë vendit.

ndermjetesuesit

 

Në rolin e ndërmjetësuesit janë identifikuar shtetasit, Arben Prendi dhe Blerim Ukimeraj, ndërsa në rolin e blerësit dhe financuesit ishin të përfshirë Romeo Beqa, Viktor Behaj, Anest Koromani, Denis Sinameta (Land Lleshi), Lulzim Qorri, Gjolek Xhaferi, Robert Petoshati, Myqerem Çela, Fatos Muçi.

beqa

Sipas Prokurorisë dhe Policisë, ky grup i financonte paratë në fushën e ndërtimit.

Jurgen Molla është bashkëpronar në firmën e ndërtimit “Molla shpk”, nën emrin e së cilës është ndërtuar një kompleks pallatesh në zonën midis Yzberishtit dhe Kasharit. Ky shtetas rezulton nga hetimi se ka pasur në përdorim vazhdimisht mjete luksoze, si automjete tip foristradë “Porch Cayen”, “Audi A6”, BME X6 etj.

Dyshohet se në bashkëpunim me shtetas të tjerë janë marrë me kontrabandë nafte dhe trafik mjetesh motorike gjatë viteve të embargos së naftës, ndaj ish – Federatës Jugosllave, në bashkëpunim me shtetas të tjerë.

Në vitin 2009 ka filluar të merren me ndërtimin e pallateve, fillimisht në qytetin e Lezhës.

Pas vitit 2010, vëllezërit Molla janë shpërngulur në Tiranë, ku kanë filluar ndërtimin e një blloku pallatesh në zonën e Kasharit.

Dyshohet se kanë investuar në fushën e ndërtimeve mbi 10 milionë euro. Shtetasi Anest Koromani dyshohet se ka investuar para në pallatet që ndërton firma “Molla Sh.p.k”.

Shyqyri Kotorri është vëllai i Hikmet Kotorrit i vrarë në vitin 2013. Ka firmë ndërtimi “Kotorri-SL shpk” dhe “Hapësira X”.  Shtetasi Shyqyr Kotorri ka qenë në kërkim nga drejtësia greke, për vepra penale në fushën e trafikimit të lëndëve narkotike dhe të krimit të organizuar.

Ka investuar në ndërtim mbi 6 milionë euro, kryesisht pallate të ndërtuara në rrugën e Elbasanit. Ka dyshime se po ndërton edhe në zonën e Freskut. Paratë dyshohet se i ka përfituar kryesisht nga trafikimi i lëndëve narkotike.

Nuredin Nazëraj është i njohur në fushën e trafikimit të lëndëve narkotike. Ka qënë dhe më parë i arrestuar për këtë vepër penale.

Në vitin 2014, djali i tij ka kryer një vrasje në Vlorë për motive të dobëta. Është pronar i Hotel Delfini në Vlorë.

Hetimet zbuluan se aktiviteti i këtij grupi kriminal, me 30 të arrestuar e 25 persona të shpallur në kërkim, e ushtronte veprimtarinë e tij në Shqipëri, Maqedoni, Greqi, Bullgari e Kosovë.

Ndahet nga jeta piktori i shquar Vilson Kilica

TIRANË- Ka ndërruar jetë në moshën 84-vjeçare një nga të mëdhenjtë e pikturës shqiptare, “Piktori i Popullit” Vilson Kilica. Ai u nda nga jeta mëngjesin e sotëm pas një sëmundjeje të rëndë, por la pas një vepër të madhe për artin shqiptar.

Kilica ishte ndër krijuesit më të rëndësishëm të pikturës shqiptare dhe kontributi i tij është i pazëvendësueshëm. Mbi 100 vepra të Vilson Kilicës janë ekspozuar në vende të ndryshme të botës e shumë të tjera në institucione brenda vendit.

Krijimet e tij fillojnë nga viti 1950 e deri në ditët tona sidomos për periudhën e gjatë të viteve të diktaturës komuniste në Shqipëri. Mbas studimeve në Akademinë e Artit në Leningrad, Vilson Kilica kthehet në atdhe për të dhënë një kontribut të rëndësishëm në kulturën dhe artin shqiptar. Me personin e tij lidhet krijimi i Akademisë së Arteve. Si drejtori i parë i kësaj Akademie, Vilson Kilica ka pasur rolin kryesor si organizator dhe përpilues i strukturës pedagogjike.

Kilica përcillet sot për në banesën e fundit nga miq, të afërm, familjarë e personalitete të ndryshme të kulturës dhe artit në vend.

kilicaa2

Majko: Shqipëria rrezikon të përfshihet në një spirale antiperëndimore

Tiranë, 8 korrik – Deputeti i Partisë Socialiste, Pandeli Majko deklaroi sot se Shqipëria aktualisht rrezikon të përfshihet në një spirale antiperëndimore duke vënë në shënjestër qëndrimin e PD-së për reformën në drejtësi pas letrës së ambasadorit Donald Lu, drejtuar deputetëve një ditë më parë.

Deputeti i PS-së, Majko në një postimi në statusin e tij ne Facebook, paraditen e së premtes, shprehet: “Udhëtimi drejt askundit si altermativë. Letra e djeshme e Ambasadorit të Shteteve të Bashkuara drejtuar deputetëve të Kuvendit të Shqipërisë ka sjellë një udhëkryq të pazakontë. Ajo është përgjigja ndaj saj”.

“Letra e Ambasadorit Lu është e paprecedentë për mënyrën se si politika amerikane vendos raportet me një çështje në pamje të jashtme si “çështje e brendëshmë” e një vendi. Ka pak njerëz, por ka edhe në Partinë Demokratike që e kuptojnë “kodin” e saj. Kjo parti u krijua si aspiratë ndaj Perëndimit e shoqërisë shqiptare përpara 25 viteve. Ky është fakt. Shqipëria aktualisht rrezikon të përfshihet në një spirale anti-perëndimore. Ky është një rrezik real. Askush nga ata që bëjnë sikur flitet për një “interes personal” të një ambasadori, me këtë që po ndodh, janë duke thënë të vërtetën. Eshtë e tepërt që letra e Ambasadorit të Shteteve të Bashkuara të Amerikës të shikohet e lidhur edhe me “refuzimin” e Edi Ramës për dialog. Ky i fundit, në këtë fazë të reformës, nuk ka çfarë “të negociojë” edhe po të dojë ta bëjë këtë” shprehet Majko.

Në vijim, Majko shkruan se: “E vërteta e vërtetë është se politika shqiptare nuk është vënë nën presion për të pranuar të “pamoralshmen” apo “kapjen e sistemit”. Arsyetimi se refuzimi i reformës së drejtësise është një akt sovraniteti është ironik. Edhe zhurma nën tavolinë për refuzimin e një “Euleksi” në Shqipëri nuk ka asnjë paralele për një vend anëtar të NATO-s. Reforma e drejtësisë do të preki vetëm “sovranitetin” e sistemit të korrupsionit në vend. Refuzimi i kësaj Reforme do të njollosi vendin dhe politikën e tij. Statusi ndërkombëtar i Shqipërisë dhe jo sovraniteti i saj është ai cfarë diskutohet me votimin ose jo të reformës në drejtësi. Refuzimi i Reformës të Drejtësisë nuk do të jetë një akt ku “cudia më e madhe zgjat tre ditë!” Letra e Ambasadorit të Shteteve të Bashkuara të Amerikës bën të qartë se politika shqiptare është përgjegjëse për një vendim që shkon përtej një mandati katër vjeçar për të cilin ajo është votuar”.

“Refuzimi i Reformës së Drejtësisë do të konsiderohet një akt frike i politikës. Historikisht kur politika dhe frika janë bërë bashkë ato e kanë izoluar Shqipërinë. 21 korriku është një ditë e rëndësishme për Shqipërinë dhe shqiptarët. Politika duhet të vendoset në krah të interesave kombëtare të vendit”, shkruan Majko.

Në Shqipëri rikthehet importi i plehrave

  • Përmes një projektligji të ri, tre deputetë të majtë kërkojnë importimin e mbetjeve jo të rrezikshme nga vendet fqinje
  • Ngritja e industrisë së riciklimit, argumenti kryesor për miratimin e ligjit që është refuzuar dy herë. Pse e majta ndërroi qëndrim
  • Shqipëria do të importojë mbetje nga vendet fqinje. Edhe pse duket si një refren i përsëritur, në parlament ka mbërritur këtë javë një projektligj, i cili mes të tjerash ka dhe një histori debatesh e akuzash për qeveritë që e kanë iniciuar. Projektligji i qeverisë “Berisha” vitit 2011, prezantohet tashmë me disa shtesa e ndryshime që i përshtaten kohës dhe kushteve aktuale, si dhe duke vendosur sanksione të forta në rast se importuesit sjellin mbetje të dëmshme, të cilat i specifikon projekti i riformuluar. Janë 3 deputetë të majtë, të parët që kanë firmosur propozimin për të mundësuar importin e mbetjeve në Shqipëri. Bëhet fjalë për deputetët e PS-së, Eduard Shalsi dhe Ervin Bushati dhe atë të LSI-së, Bujar Derveni, të cilët kanë kërkuar zhvillimin e kësaj industrie. Sipas tyre, akti “rikthen të drejtën e importit të mbetjeve jo të rrezikshme në vend duke kthyer të drejtat që ka pasur Këshilli i Ministrave, si pjesë e rrjetit të integruar të mbetjeve”. Gjithashtu, ai përcakton autoritetin pranë të cilit depozitohet kërkesa për importin e mbetjeve, si dhe autoritetin që e lëshon këtë akt. “Si pasojë e këtij parashikimi, bëhen edhe ndryshimet përkatëse në pjesën takuese të kundërvajtjeve administrative, me qëllim që mbetjet jo të rrezikshme të mos importohen pa u pajisur me dokumentacionin përkatës që specifikohet në këtë akt”, shprehen propozuesit.Sipas tyre, akti i propozuar parashikon daljen e një vendimi të Këshillit të Ministrave, e ashtuquajtura “lista e gjelbër”, ose siç mund te thuhet ndryshe lista e mbetjeve që mund të importohen në Republikën e Shqipërisë, pasi akti që ka qenë në fuqi për këtë qëllim është shfuqizuar me ligjin nr. 156/2013. Nisma e tre deputetëve është justifikuar me mbështetjen për industrinë e riciklimit në vend. “Ndryshimet ligjore do të hapnin mundësi të mëdha ekonomike në sektorin e riciklimit, shoqëruar me krijimin e dhjetëra mijë vende të reja pune, rritje të rëndësishme të GDP-së dhe dyfishimin e eksporteve, referuar nga Shoqata e Ricikluesve”, citon relacioni, por pa dhënë asnjë detaj konkret mbi efektet ekonomike të propozimit të tyre. Investimet në industrinë e riciklimit, sipas deputetëve, janë rreth 120 milionë euro, me rreth 35 000 të punësuar. Propozimi i një nisme ligjore për lejimin e importit të mbetjeve përbën një ndryshon thelbësor në qasjen e qeverisë dhe shumicës parlamentare ndaj këtij problemi, i cili ndër të tjera do të rihapë, sipas relacionit shumë vende të reja pune të mbyllura, si pasojë e ndryshimit ligjor. Duhet thënë se edhe në relacionin shoqërues të ligjit nr. 156, datë 10.10.2013, “Për disa ndryshime në ligjin nr. 10463, datë 22.09.2011, “për menaxhimin e integruar të mbetjeve”, të ndryshuar, është cituar: amendamentet e propozuara do të jenë në formën e dispozitave transitore me afat jo më tepër se 2 vite nga miratimi, pasi synohet që marrja e masave të nevojshme dhe mirorganizimi, bashkëpunimi me qeverisjen vendore, do sjellë efektet e synuara në miratimin e ligjit. Ndalimi i importit të mbetjeve ishte një ndër vendimet e para të qeverisë “Rama” në shtator 2013, por sipas 3 nismëtarëve, nevoja për të mbështetur industrinë e riciklimit të mbetjeve ka ndryshuar edhe qëndrimin e tyre.

    Projektligji

    Në amendamentin e ligjit “Për menaxhimin e integruar të mbetjeve”, i vitit 2011 dhe i ndryshuar në vitin 2013 nga qeveria “Rama”, thuhet se importi do të lejohet vetëm për mbetjet jo të rrezikshme, mbetjet inerte për qëllime riciklimi. Amendamenti ligjor i propozuar nuk bën asgjë tjetër, por rikthen në fuqi dy nenet e shfuqizuara në vitin 2013. Në nenin 49 të projektligjit, thuhet se në Shqipëri lejohet importi i mbetjeve jo të rrezikshme apo mbetjeve inerte. Importi i mbetjeve do të lejohet vetëm me autorizimin e ministrit. Çdo riciklues që ka investuar në Shqipëri, duhet të depozitojë kërkesën për import pranë Ministrisë së Mjedisit. “Këshilli i Ministrave, me propozimin e ministrit, miraton rregullat dhe procedurat, për importimin e mbetjeve, për përdorim, përpunim e riciklim, për zbatimin e këtij neni”, thuhet në nenin 49. Ndërkohë sa i përket sanksioneve, ato janë riparë dhe për personat që importojnë mbetje të rrezikshme, gjoba arrin nga 1.5 milionë lekë deri në 2 milionë lekë, ndërsa edhe për personat, të cilët importojnë mbetje jo të rrezikshme brenda vendit pa autorizim apo në kundërshtim me autorizimin dhe jo në përputhje me këtë projektligj, masa e dënimit është e njëjtë.

    Ndryshimet

    Pas nenit 48, shtohet neni 49, me përmbajtje si më poshtë:

    1. Në Republikën e Shqipërisë importohen vetëm mbetjet jo të rrezikshme apo mbetjet inerte, përveç atyre të përcaktuara në pikën 3, të nenit 48, të këtij ligji.

    2. Importimi i mbetjeve, sipas pikës 1 të këtij ligji, është i mundur vetëm me autorizim të ministrit.

    3. Kërkesa për autorizimin e importit paraqitet në Ministri.

    4. Autorizimi i importit të mbetjeve jo të rrezikshme lëshohet vetëm në përputhje të plotë me këtë ligj dhe akte të tjera në fuqi.

    5. Autorizimi për importin e mbetjeve jo të rrezikshme është i vlefshëm për një periudhe kohe deri në dy vjet dhe u nënshtrohet kushteve të përgjithshme, të përcaktuara në rregulloret e miratuara në zbatim të këtij ligji, si dhe çdo kushti specifik që lidhet me rastin konkret.

    6. Në autorizimin e importimit të mbetjeve përcaktohen:

    a) lloji i mbetjeve për importin e të cilave lëshohet;

    b) standardet që lidhen me ambalazhimin dhe etiketimin e mbetjeve dhe dokumentet shoqëruese gjatë transportit të tyre;

    c) kërkesat për monitorimin dhe raportimin e lëvizjeve të mbetjeve.

    Çfarë është ricklimi, mbetjet e përshtatshme

    Lënda e parë e shumë produkteve që përdorim sot përfitohet nga burimet natyrore. Bashkë me rritjen e popullsisë kemi edhe rritjen e konsumit dhe kjo shkakton jo vetëm pakësimin e këtyre burimeve natyrore, por edhe zhdukjen e tyre. Për të mbrojtur këto burime, që në natyrë gjenden në sasi të kufizuar, është bërë e pashmangshme përdorimi i metodave alternative në prodhim. Një nga praktikat që ndiqet për këtë qëllim, është edhe riciklimi. Riciklimi është shndërrimi i mbetjeve të caktuara në lëndë të parë dytësore duke i përpunuar ato më parë me anë të proceseve të ndryshme fizike ose kimike dhe përfshirja e tyre sërish në procesin e prodhimit. Mbetjet si hekur, çelik, bakër, plumb, letër, plastikë, alumin, kauçuk, xham dhe të tjera të ngjashme me këto janë mbetje të riciklueshme. Gjithashtu të përshtatshme për riciklim janë edhe mbetjet elektronike, bateritë dhe vajrat. Përdorimi përsëri i këtyre mbetjeve duke i ricikluar ato parandalon shterimin e burimeve natyrore. Riciklimi i mbetjeve përveçse ruan rezervat natyrore, redukton edhe koston në sigurimin e lëndës së parë dhe sasinë e energjisë që harxhohet gjatë prodhimit. Një avantazh tjetër që ka riciklimi, është edhe pakësimi i sasisë së mbetjeve inerte që duhen eliminuar. Në këtë mënyrë reduktohet edhe dëmi që i shkaktojnë kë- to mbetje mjedisit jetësor, por kursehet edhe nga hapësira e depozitimit të tyre. Faza e parë e një riciklimi të shëndetshëm është ndarja e mbetjeve që në burim. Një rëndësi të madhe ka këtu mospërzierja e lëndëve të riciklueshme me mbetjet e tjera dhe përdorimi në mënyrën e duhur të kutive me ndarje që përdoren për grumbullimin e mbetjeve të riciklueshme. Duke kontribuar në riciklim, ne mund të ndihmojmë në mbrojtjen e burimeve natyrore dhe në parandalimin e shpërdorimit të energjisë.

    Eduard Shalsi: Riciklimi po dështon, kërkesa  është e përligjur

    Në një prononcim për “Shekulli”-n, deputeti i Par tisë Socialistë, njëkohësisht edhe kryetari i komisionit të – Veprimtarive Prodhuese, Eduard Shalsi shprehet se ndryshe nga 3 vite më parë, qeveria “Rama” rrëzoi kërkesën për importin e mbetjeve, sot janë krijuar kushtet që ligji të kalojë për miratim. Ai argumenton edhe efektet që dalin nga ky ligj, si dhe pamundësinë e qeverisë për të menaxhuar sektorin vetëm me mbetjet vendase.

    Z. Shalsi, cila është arsyeja që sillni një propozim për importin e mbetjeve, propozim të cilin vetë qeveria Rama e ka kundërshtuar?

    Ne kemi dëgjuar vazhdimisht që të flitet me grupet interesit dhe të biznesti. Komisioni herë pas herë organizon dëgjesa dhe komunikon në mënyrë të vazhdueshme me të gjithë. Një nga shqetësimet që kemi marrë që kur u vendos moratoriumi i mbetjeve, ishte që industria e riciklimit në Shqipëri e ngritur me shumë sakrificë, a do të mbahej në këmbë dhe si do të mbahej, sepse Shqipëria nuk i ndan mbetjet në burim dhe është pothuajse e pamundur për këtë industri që ka investuar që të përballojë nevojat me mbetjet vendase.

    Çfarë ndikimi pritet të ketë për mjedisin dhe ekonominë kjo industri?

    Ne i kemi thënë disa herë qeverisë se duhet parë mundësia e lejimit të lëndëve të para sekondare (terminologji për mbetjet që parashikon projektligji). Ne ishim në pritje, për shkak të problemit që përmenda dhe meqë përgjigja po vonohej, vendosëm që t’i bënim një propozim të drejtpërdrejtë në parlament. Bëhet fjala për plastikët, për letër etj. Bëhet fjalë për kushte të tjera në dogana, ndryshe nga viti 2013. Sot që flasim edhe Inspektorati Kombëtar i Mjedisit ka kapacitete të ndryshme nga ato të 3 viteve më parë, që linin për të dëshiruar. Pra janë pjekur kushtet, ndërkohë që një pjesë e mirë e bizneseve po negocionojë, në Kosovë e më pas në Maqedoni. Ne nuk mendojmë se ka vend të zhvilluar dhe të pastër, në mungesë të një industrie riciklimi të fuqishme dhe në këtë synojmë.

    Nga do të importohen lëndët dhe cili ka qenë reagimi i parë, sidomos nga ambientalistët?

    Këto lëndë të para sekondare (do të flasim me këtë term) të merren aty ku kanë kosto më të ulët. Nuk i quajmë mbetje, madje edhe në direktivën e Bashkimit Evropian, këto konsiderohen lëndë të para sekondare. Tashmë ne jemi përpara dy alternativave; e para është që industrinë e riciklimit që kemi ta shkatërrojmë meqë nuk jemi në gjendje të bëjmë ndarjen në burim dhe e dyta është propozimi, e që shpresojmë që qeveria me politikat e saj të arrijë të krijojë lëndë të parë për këtë industri. Do të organizojmë diskutime me deputetë dhe grupe interesi. Javën tjetër do tëorganizoj dërgesat. Disa ambientalistë e mbështesin, të tjerë janë kundër. Unë do të doja të përdornim lëndën e parë vendase, por për sa kohë qeveria nuk krijon kushtet, nuk na mbetet gjë tjetër veçse të bëjmë këtë propozim. shekulli

Denoncoi për rrogën, Klosi shkarkon diplomaten në OKB

 Blerina Zoto, ish-diplomatja shqiptare ne OKB

Ministri i Mirëqenies Sociale dhe Rinisë, Blendi Klosi, ka shkarkuar eksperten tonë pranë Misionit të Republikës së Shqipërisë në Gjenevë, Blerina Zoto.

Zoto e kishte marrë këtë detyrë në prill të 2015-s, për një mandat katërvjeçar, por pas një viti dy ministritë, e Mirëqenies Sociale dhe Ministria e Jashtme, kanë vendosur që ta shkarkojnë nga detyra. Zoto, kishte denoncuar publikisht faktin se në shkjelje të marrëveshjes mes dy ministrive, i ishte ndërprerë rroga, por dhe pagesa e qirasë së banesës dhe faturat e tjera si ujë, energji etj.

Ajo nuk mori asnjë përgjigje për këtë ndërprerje as nga ambasadorja jonë në Gjenevë Filloreta Kodra dhe as nga ministrat Klosi dhe Bushati kur ajo tentoi t’i takonte në Tiranë. Në shkresën që i dërgon ministrit të Jashtëm Bushati, Klosi e motivon këtë shkarkim me faktin se ekspertja nuk e justifikoi detyrën e marrë.

“Gjatë gjithë periudhës njëvjeçare të krijimit të pozicionit të dedikuar të diplomatit/ekspertit pranë Misionit të Republikës së Shqipërisë në Gjenevë, nga zonja Zoto, nuk është paraqitur asnjë raport, informacion apo dokument i cili të justifikojë, shpjegojë dhe mbështesë domosdoshmërinë e pasjes së një pozicioni të tillë si përfaqësues e kësaj ministrie pranë këtij misioni”, thuhet në shkresën e Klosit.

 

Sipas tij, qëllimi që kjo zyrë kishte, nuk u përmbush. “Angazhimi i Ministrisë së Mirëqenies Sociale dhe Rinisë në promovimin e të drejtave të njeriut në Këshillin e të Drejtave të Njeriut dhe specifikisht të romëve, egjiptianëve, personave me aftësi të kufizuara, fëmijëve etj. nëpërmjet përfaqësueses së saj në Mision, vlerësohet të jetë i papërmbushur dhe të mos ketë arritur qëllimin e tij”, vijon më tej Klosi në motivimin e këtij shkarkimi.

Një vit pasi është vendosur dërgimi i ekspertit të Shqipërisë në Gjenevë, ministria e Mirëqenies Sociale dhe Rinisë konkludon se nuk duhen shpenzuar 90 mijë euro në vit për këtë mision.

ARISTIR LUMEZI

Shqipëria e ratifikon Marrëveshjen me SHBA kundër terrorizmit

Tiranë, 7 korrik – Kuvendi i Shqipërisë miratoi sot me 89 vota pro, asnjë kundër, asnjë abstenim Marrëveshjen me Qeverinë e SHBA-së që parashikon shkëmbimin e informacionit për verifikimin e terrorizmit dhe rritjen e efikasitetit në luftën kundër tij.

Marrëveshja, e nënshkruar në prill 2016, synon t’i sigurojë akses palëve në informacionin për identifikimin e individëve që njihen ose dyshohen të jenë përfshirë në veprimtari që lidhen me terrorizmin.

Hyrja në fuqi e marrëveshjes do të mundësojë rritjen e efikasitetit të agjencive ligjzbatuese për t`u mbrojtur nga aktet e terrorizmit, si dhe goditjen e personave për të cilët ka të dhëna që janë të përfshirë në këtë aktivitet kriminal.

Shqipëria është e para nga vendet e rajonit me të cilën SHBA nënshkruan një marrëveshje të tillë. Pala shqiptare ka nënshkruar 16 marrëveshje të ngjashme me vende të tjera në kuadër të luftës kundër terrorizmit.

Gjatë diskutimit në parim të këtij akti, kryetarja e komisionit të Jashtëm, Arta Dade e vlerësoi marrëveshjen me qeverinë amerikane si një akt shumë të rëndësishëm, në kuadër të kontributit që jep vendi ynë si pjesë e koalicionit të gjerë antiterror.

Berisha: Në Rinas u grabitën mbi 20 milionë euro, i grabiti banda e Ramës

TIRANE- Seanca e sotme e Kuvendit ka në rend dite diskutimin e dy projektligjeve, “Për kontrollin kufitar” dhe marrëveshjen me Qeverinë e SHBA-së “Për shkëmbimin e informacionit për verifikimin e terrorizmit”, por u përfshi nga debatet për çështjet e nxehta të aktualitetit.

Grabitja e rëndë në aeroportin e Rinasit ngjalli debate që në nisje të seancës, ndërsa pritet që të tilla të ketë edhe për Reformën në drejtësi, propozimi i ri i opozitës në lidhje me të.

BERISHA: U GRABITËN TË PAKTËN 20 MLN EURO
Ish-kryeminsitri Sali Berisha akuzoi nga foltorja e Kuvendit kryeministrin Edi Rama si përgjegjës të grabitjes në aeroportin e Rinasit. Berisha tha se Rama është kreu i meduzës së krimit dhe se kompania e avokatit të tij ka fituar tenderë duke dhënë para.

“Maxhoranca me vellon e turpit që ulet sot në këtë sallë nuk mund të dilte në skeptrin e parlamentit ndaj dhe ia lëshoi opozitës. Me këtë rast dua t’i garantoj se ulen si këtu si një maxhorancë unike në botë. E dominuar në çdo qelizë nga krimi i organizuar. Pse ndodh, pse çdo javë kemi të paktën një ngjarje madhore të krimit sepse kreu juaj është kreu i meduzës së krimit. E ka shndërruar Shqipërinë në proktetoratin e krimit. Ndjehen zotër të territorit të këtij vendi. Ajo që ndodhi në aeroportin shqiptar, është një akt i mirëfilltë terrorizmi jo ndaj personave por një grabitje e stilit terrorist. Shqiptarët pas kësaj ngjarje mësuan se nuk keni asnjë përgjegjësi për aeroportin. A ka turp më të madh?! Nëse ka një pikë kufiri më nevralgjike, më strategjike ky është aeroporti. Ju menjëherë latë duart, ‘nuk kemi përgjegjësi ne, por ka përgjegjësi kompania e avokatit të kreut tuaj’. Fati i shqiptarëve, siguria e aeroportit varej nga avokati i Edi Ramës. Nën 20 milion euro avionët nuk pranojnë të transportojnë. Janë nisur 115 kilogramë, janë rrëmbyer mirë e bukur, qetë e qetë 85 kg. Janë rrëmbyer të paktën 20 mln euro. Nuk është vepër e një bande ordinere, është vepër e një bande zyrtarësh”, deklaroi Berisha.

Ai tha se deklarata për 1 mln euro të vjedhura është mashtrim dhe ky sipas tij është një akt edhe më i shëmtuar. Po kështu Berisha deklaroi se politikanët dhe bankat nuk humbin nga kjo grabitje, pasi ato janë para të shqiptarëve.

“Iu thatë shqiptarëve u vodhën 1 mln, iu thatë shqiptarëve se s’keni punë me aeroportin. Por shqiptarët shohin se vjedhjet më të mëdha ndodhin nën kompanitë e partisë. Gjici famoz ka fituar 20 tendera në rojë. Pas tij vjen Nazeri, kompania e avokatit të Edi Ramës.

Një nga kompanitë kryesore të fitores së të gjitha tenderëve tuaj. Ju peshon në kandar, ju peshon në euro ndaj i fiton të gjitha tenderët. Deklaroni një shumë falso. Është një akt edhe më i shëmtuar. Atyre që jua vjedhin, ja vratë barkun. Ato janë kursimet tuaja. Mos kujtoni se ata u dobësuan, ata i kanë të siguruara ndaj vjedhin bashkërisht”, tha Berisha.

Nga ana tjetër Berisha akuzoi maxhorancën se është kthyer në një makineri babëzie. Teksa u ndal tek disa projekte për ndërtimin e disa akseve rrugore, Berisha tha se ‘Lungo Mare’ është kthyer në ‘Lungo mundime’.

“Jeni shndërruar në një makineri babëzie të pashembullt ndoshta në historinë e njerëzimit. Dje mediat ndërkombëtare ju denonconte se keni blerë një kosh plehrash 1 milion e 55 mijë lekë të reja. 100 kosha plehrash që keni vendosur në park keni harxhuar miliona euro. A e kuptoni o qytetarë që pse nuk ju rriten rrogat? E vërteta është se xhepat tuaj varfërohen çdo ditë e më shumë. Koshi firmato për të mashtruar vjedhjet. Duhet të ishte Dolce Gabana, apo Versaçe. Vetëm koshat dhe llambat janë 12 milionë euro. Po kush e bën këtë standard? Ky është Eftimiu. Një ditë po dëgjoja një debat midis koalicionit për fondet për rrugë. Po ku ka fonde për rrugë? Të gjitha i vidhni. Shko o zoti Pandeli e më thuaj një fjalë. Si ka mundësi që s’ka përfunduar për 3 vite rruga Lin-Pogradec. Kur ne e kemi dorëzuar trasenë e shtrirë. Si ka mundësi që ti bëhet ajo që ju bë Vlorës, projekti Lungo Mare u bë Lungo-mundim. Për të dalë nga Vlora deri në Radhimë, sot do 45 minuta. I kanë goditur Vlorës në mënyrë fatale turizmin. Çfarë bëtë me rrugën e Arbrit? Ku e keni? Mashtrime dhe vetëm mashtrime. Çfarë bëtë me Bay-passin e Fierit o deputetë të Fierit?”, tha Berisha.

BOÇI: GRABITJA NË RINAS MEGASKANDAL, POLICIA DËSHTOI
Gjatë fjalës së tij nga foltorja e Kuvendit, deputeti i Partisë Demokratike, Luçiano Boçi e cilësoi një megaskandal ngjarjen e ndodhur në Rinas ku u grabitën rreth 1 milion euro. Sipas Boçit me grabitjen u cënua siguria kombëtare e vendit. “Përballja me terrorizimin, i çfarëdolloj ngjyre të jetë ai mbetet një nga sfidat kryesore në përpjekën e tyre për rritjen e sigurisë së qytetarëve. Vendi ynë ka qenë i angazhuar në plotësimin e marrëveshjeve. A ka sot një angazhim real konkret që merren me parandalimin dhe luftën me terrorizimin. A është sot Shqipëri asnjë vend i sigurt. Tek kthehemi tek ngjarja në Rinas, do thoja se ky realitet merr formë tjetër. Është për të ardhur keq për këto fakte dhe ndaj realitetit për luftën ndaj terrorizimit. Atë ditë nuk u grabitën vetëm miliona euro, policia duhet të merret në mënyrë të posaçme, por ishte siguria e milionave njerëz. Ky ishte një megasdakndal i vërtetë, pasi tek e fundit kjo qeverisje ka falimentuar. I ka shqyer kufijtë e Shqipërisë. Këtu hyn e del kujt ti dojë qejfi, edhe derri edhe dosa”, tha Boçi.

Nga ana tjetër, Boçi tregoi një foto nga Kuvend, ku sipas tij ishte një punonjës i sigurimit që flinte gjumë në makinën e policisë, në kohën kur ishte në shërbim, ditën kur ndodhi grabitja në Rinas. “Në kohën e shërbimit punonjësi i Aeroportit ka qenë në gjumë. Foto është fiksuar ditën e ngjarjes. Ky është simboli i policisë, kjo është e vërteta. Duhet të kishte ndodhur një tërmet i vërtet, por asgjë s’ka ndodhur në këtë parlament”, tha Boçi.

NDREU: AGRESIONI NDAJ POLICISË I PASHEMBULLT, JAPIN MEND ATA QË BËNIN EKSPERIMENTE
Teksa po diskutohej pr.ligji për terrorizmin, deputeti i PS-së Pjerin Ndreu e ndali vëmendjen tek aktualiteti, ku e vlerësoi si të rëndë grabitjen në Rinas.

Duke iu drejtuar opozitës, Ndreu tha se nuk mund të fajësojnë policinë e shtetit për çdo gjë që ndodh.

“Rëndësia që kanë ngjarjet e terrorizmit është e madhe. Prioritet mbetet lufta ndaj tij.
Por nuk mund t;i shmangem çështjes në Rinas, them që është e rëndë por duhet të mos ndodhte, fakti që ndodhi nuk i bën mirë aspak imazhit të rendit e sigurisë. Ne si parlamentarë s’mund të flasim pa lidhje, të ngremë furtuna që s’kanë lidhje me ngjarjen dhe fajtorët e ngjarjes, përgjegjësit e saj. Si ish-oficer policie po them që politika të ndërgjegjësohet se ka kusure të rënda në organizimin e policisë së shtetit ajo është nën tutelën e politikës. Është një problematikë që e ka mbyt policinë, se është e implikuar se duhet ta kapte autorin, janë histori që se di ku merren, është njësoj sikur të dal unë e të flas për mjekësinë. I bëj thirrje kolegëve të mos e anatemojnë më policinë që ka prodhuar aq të mira për këtë vend. I pashembullt agresioni, është trupa që janë bërë eksperimentet më të pashembullta me marangozë, zejtarë, është eksperimentuar në mënyrën më të pashembullt. Gatuesit e këtyre eksperimenteve vijnë këtu dhe të japin mend. Policia është aq e aftë sa nuk ua merr mendja. Zinxhiri i përgjegjësive nuk fillon tek policia, hedhin helm në vend që të japin zgjidhje”.

FERRCAKU: UNË DHE PKD JAPIM VOTËN PRO REFORMËS NË DREJTËSI
Deputetja e PDK-së, Mirela Ferracaku mori fjalën sot në seancën parlamentare për të shprehur votën e saj pro reformës në drejtësi.

“Në këto muaj më shumë se sa politikë kam mësuar si të përdridhesh dhe si të bësh intriga. Por askush s’mund të flasë në emrin tim. Qëndrimi im dhe i Partisë Kristian Demokrate është të mbështesim pa asnjë kusht draftin e reformës në drejtësi”.

Nxirret mjeti që ra në liqenin e Shkopetit, policia dyshon se u përdor në vjedhjen e Rinasit

 

BURREL – Polumbarët kanë arritur të nxjerrin automjetin që ra dje në liqenin e Shkopetit.

Sipas burimeve policore, bëhet e ditur se makina dyshohet të jetë përdorur në vjedhjen e ndodhur në Rinas në 30 qershor. Po sipas këtyre burimeve, mësohet se brenda në liqen ka edhe makina të tjera.

NJOFTIMI PER NGJARJEN
“Në Sallën Operative të Komisariatit të Policisë Mat, ka ardhur një telefonatë nga një peshkatar i zonës, i cili ka njoftuar se ka parë gjurmë të freskëta të gomave të makinës në afërsi të liqenit Shkopet dhe dyshon se në liqen mund të ketë rënë ndonjë automjet.

Menjëherë në drejtim të liqenit të Shkopetit kanë shkuar forcat e Policisë të Komisariatit të Policisë Mat, ku kanë konstatuar se: Në afërsi bregut të liqenit dhe poshtë rrugës nacionale kishte gjurmë të freskëta të gomave të automjetit si dhe pjesë të parafangos, parakolpit e xhama të thyer.

Po nga kontrolli i vendit ku dyshohej se mund të kishte rënë automjeti në liqen, Policia ka gjetur njërën prej targave të automjetit, konkretisht targën AA 969 ND. Nga shërbimet e policisë të Komisariatit të Policisë Mat është bërë identifikimi i targës së gjetur në vendngjarje, targë e cila i përket automjetit tip Benz në pronësi të shtetasit M.P nga Karbunara Lushnjë.

Targat janë denoncuar të vjedhura në Komisariatin e Policisë Lushnjë, në Janar 2016 nga shtetasi M.P. Theksojmë që ky shtetas ka denoncuar vetëm targat të vjedhura, jo automjetin. Në vendngjarje kanë mbërritur Polumbarët e Reneas të cilët kanë kontrolluar gjithë perimetrin e liqenit ku dyshohej se kishte rënë automjeti.

Polumbarët gjatë zhytjeve të kryera kanë konstatuar në thellësinë 18 metra dhe në thellësinë 25 metra dy automjete. Me ndihmën e një mjeti të rëndë vinç, polumbarët dhe forcat e policisë të Komisariatit të Policisë Mat, kanë bërë të mundur nxjerrjen në anë të liqenit të njërit prej automjeteve të konstatuara, konkretisht automjetin autoveturë tip Benz me targa FFV 562, (Suedeze).

Nga këqyrja paraprake, shenjat e konstatuara si, “llumi mbi sipërfaqet e lëmuara të mjetit” rezulton se ky mjet ka kohë që ndodhej brenda në liqen. Gjithashtu po nga këqyrja paraprake rezultoi se në automjet nuk kishte asnjë viktimë.”, citohet ne njoftimin e policise.

Bashkia Lezhë shpall “non grata” historianin turk Talha Uğurluel

Voal- Bashkia e qytetit të Lezhës ka shpallur “non grata” historianin turk, Talha Uğurluel, i cili pak ditë më parë, gjatë një vizite në Memorialin e Skenderbeut, tentoi të shpërfytyrojë lavdinë dhe historinë e tij.

Me anë të një deklarate të shpërndarë për mediat, Bashkia Lezhë ka bërë me dije se pas publikimit të videos në rrjete të ndryshme sociale, ku vihej re se historiani turk, jo vetëm deformonte historinë e lavdishme të Heroit tonë Kombëtar, Gjergj Kastriot Skenderbeu, por edhe denigronte figurën e tij, nuk do të lejohet më të vizitojë qytetin e Lezhës.

“Bashkia e Lezhës dënon gjuhën e përdorur dhe pabesinë e një grupi vizitorësh turq, të cilët gjatë një vizite në Memorialin e Skenderbeut, duke shfrytëzuar mikpritjen, një vlerë universale të Kombit Shqiptar, shpërfytyrohen duke tentuar të tjetersojnë lavdinë e Heroit tonë Kombëtar, Gjergj Kastrioti”, thuhet në deklaratën e Bashkisë Lezhë.

Ajo nënvizon se përmes një videoje të regjistruar nga vetë ata përmes një telefoni celular nuk zhbëhet historia.

“Sqarojmë opinionin publik se grupi nga Turqia ka folur në gjuhën turke dhe nuk ka pranuar të komunikojë me ciceronin në gjuhën angleze, pasi kanë kuptuar se gjuha e tyre nuk kuptohej nga personeli i turnit pranë memorialit”, shkruhet në deklaratë.

Deklarata thekson se Gjergj Kastrioti dhe lavdia e tij në luftën antiosmane nuk errësohet nga një “historian” turk, të cilin Bashkia e Lezhës nuk do ta lejojë më që të vizitojë Memorialin.

“Nder dhe Lavdi të perjetshme Heroit të Kombit Shqiptar, Gjergj Kastrioti!”, përfundon deklarata e shpërndarë për mediat e Bashkisë Lezhë.

Historiani turk, Talha Uğurluel njihet si një studiues i periudhës osmane. Përveç publikimeve historike, ai drejton edhe disa ture turistike për qytetarët turq në vendet e rajonit.

Mësohet, se qëllimi i këtyre tureve është njohja e historisë së Perandorisë turke në zonat kur dikur shtrihej Perandoria Osmane.

Është bërë me dije, se leksioni i dhënë një ditë më parë te Memoriali i Skenderbeut në qytetin e Lezhës, është pjesë edhe e cikleve të leksioneve që Uğurluel mban në universitetet turke.

Çuditërisht, deformimi historik i Heorit tonë Kombëtar dhe mllefi ndaj tij, nuk mund të ndikojë nga një historian që si burim kryesor të jetës së tij akademike ka deformimin e fakteve e aq më tepër, në kohën kur nga historian të huaj në lidhje me figurën e Skenderbeut janë shkruar mbi 175 vepra.

Në vazhdën e kësaj optike, tentativa e një historiani, të krijon përshtypjen se nuk është asgjë tjetër veçse një luftë me mullinjtë e erës. Asgjë më shumë se kaq.

Megjithatë, opinioni publik në vend, pas njohjes me materialin video të shpërndarë nëpërmjet rrjeteve sociale është shokuar, përveç reagimit të Bashkisë Lezhë, me shumë mundësi, ai pret edhe një reagim nga Ministria e Kulturës apo dhe nga institucionet e tjera të Trashëgimisë Kulturore dhe Historike.

Në Shqipëri mbi 17 mijë sipërmarrje nuk i paguajnë detyrimet

Numri i bizneseve që nuk paguajnë detyrimet tatimore në Shqipëri ka ardhur në rritje. Sipas statistikave zyrtare nga Drejtoria e Përgjithshme e Tatimeve, lista e bizneseve që nuk kanë paguar detyrimet tatimore është 17 471, nga 13 778 biznese që ishin në fund të muajit dhjetor.

Ndaj këtyre bizneseve janë marrë masat e sigurimit mbi të gjithë pasuritë për ekzekutimin e detyrimeve dhe ka filluar procedura e mbledhjes me forcë të tyre.

Tatimorët e publikojnë listën e zezë në mënyrë që personat e tretë të marrin dijeni për fillimin e këtyre procedurave dhe që organet apo institucionet, të cilët kanë bëre regjistrime të pasurive të luajtshme apo të paluajtshme të tatimpaguesve debitorë, të regjistrojnë detyrimin tatimor të papaguar si barrë mbi këtë pasuri dhe të mos lejojnë kryerjen e transaksioneve për transferimin e tyre deri kur detyrimi tatimor të jetë paguar.

Nishani i jep ‘Gjergj Kastrioti Skënderbeu’ shoqatës ‘Çamëria’

Në një ceremoni solemne të mbajtur në Presidencë, kreu i shtetit, Bujar Nishani, vlerësoi me rastin e 25-vjetorit të krijimit të saj shoqatën patriotike “Çamëria” me dekoratën “Gjergj Kastrioti Skënderbeu”.

Në këtë veprimtari nderimi ishin të pranishëm nënkryetari i Parlamentit, Shpëtim Idrizi, presidenti i Nderit i PDIU-së Tahir Muhedini, kryetari i shoqatës “Çamëria” Abaz Hado si dhe anëtarë të bashkësisë çame. “Në shenjë vlerësimi për kontributin e vyer e të pamohueshëm dhënë ndaj çështjes çame, si dhe për veprimtarinë e çmuar atdhetare dhe nxjerrjen më në pah të vlerave kulturore dhe etnografike të kësaj bashkësie të rrallë shqiptare me histori sa të lashtë, aq edhe të lavdishme”, është motivimi i këtij nderimi të ndërmarrë nga presidenti.

Në përshëndetjen e rastit, Presidenti i Republikës vlerësoi veprimtarinë e Shoqatës me një shtrirje më të madhe në hapësirë dhe në kohë dhe me rrënjë të thella historike dhe atdhetare. Në vijim të fjalimit drejtuar komunitetit çam, Presidenti Nishani cilësoi tiparin dallues të tyre, krenarinë “për historinë dhe trashëgiminë e pasur të vlerave tuaja të patjetërsueshme atdhetare, kulturore si dhe përpjekjeve tuaja të pareshtura ndër shekuj për të mbajtur të pastër dhe për të ngritur edhe më lart identitetin tonë karakterizues kombëtar”.

Nishani theksoi rolin që ka pasur në bashkësinë çame “Krijimi i Shoqatës Patriotike ‘Çamëria’ më 10 janar 1991, në saje edhe të përpjekjeve të Abaz Dojakës në fillimet e demokracisë. “Ju, që përfaqësoheni e njësoheni me ‘Shoqatën Patriotike Çamëria’ keni në aradhën tuaj të veprimeve, angazhimeve, kontributeve, vlera të patjetërsueshme dhe dinjitet duke u renditur krenarë krah për krah me shoqatat simotra anembanë në çdo cep të Shqipërisë, të cilat ruajnë, pasurojnë dhe zhvillojnë më tej xhevahiret e vyer të kurorës sonë të hijshme historike, kulturore dhe identifikuese. Shoqata Patriotike ‘Çamëria’ ka 25 vjet që me meritë, me zgjuarsi e me aq maturi ka ditur të hedhë hapa të rëndësishëm në evidentimin dhe ndërkombëtarizimin e çështjes çame. Ky mision i juaji, i Shoqatës suaj të nderuar, i kontributeve të atyre burrave dhe grave që krijuan këtë shoqatë dhe sot atë e kanë lartësuar me dinjitet në mozaikun e nderimeve që i bëhen kombit, janë argumenti më bindës edhe për institucionin e Presidentit të Republikës në këtë ceremoni vlerësimi dhe nderimi”, tha Presidenti Nishani.

Kreu i shtetit e konsideroi vlerësimin me dekoratën e lartë “Gjergj Kastrioti Skënderbeu” të Shoqatës Patriotike ‘Çamëria’, edhe si një rast “për të evokuar dhe për të ndriçuar momente të rëndësishme të jetës historike, publike, kulturore dhe etnografike të një shoqate që meriton vlerësim të lartë nga gjithë institucionet vendimmarrëse të shtetit shqiptar, në mënyrë që çështja çame dhe kauza për zgjidhjen e të drejtave të këtij komuniteti të jenë në agjendën e së ardhmes për diplomacinë, këdo faktor dhe gjithë potencialin intelektual të shoqërisë shqiptare. Suksese të mëtejshme në misionin tuaj fisnik dhe atdhetar!” – me këtë urim Presidenti Nishani mbylli fjalën e Tij të mbajtur me këtë rast.


Send this to a friend