“S’jemi numra!”/ Eva Baçi, Juristja shqiptare shpërthen në Samitin e Diasporës: Politika larg realitetit.

Eva Baçi, një juriste shqiptare në Bolonjë, kritikoi ashpër politikën ndaj diasporës gjatë Samitit të IV të Diasporës. Ajo deklaroi se diaspora trajtohet si statistikë dhe jo si potencial real, duke theksuar se “s’jemi numra”. Baçi denoncoi mungesën e hapësirave për përfshirje dhe se organizimet mbeten deklarative. Ajo kërkoi që profesionistët jashtë vendit të mos jenë thjesht dëgjues, por aktorë kryesorë.

“Kisha përgatitur me shkrim fjalën time dhe nuk m’u lejua që të flas!”

GJKKO do të vijojë shqyrtimin e dosjes “Partizani” në seancën e radhës, në datën 30 prill, ora 12:00, ku pritet të dëgjohet si dëshmitar i parë Taulant Balla, i cili njëkohësisht është edhe kallëzues në këtë çështje.

Seanca vjen pas zhvillimeve të fundit në proces, ku më herët gjykata pranoi kërkesën për thirrjen si dëshmitar të kryeministrit Edi Rama në hetimet që lidhen me privatizimin e ish-kompleksit sportiv “Partizani”.

Ndërkohë, SPAK ka kërkuar gjithashtu thirrjen si dëshmitarë edhe të biznesmenit Paro Laçi, si dhe të shtetasve Albert Xhani dhe Isa Tare.

Sipas burimeve nga procesi, dëshmia e Ballës pritet të jetë e para në radhë, duke qenë se ai figuron edhe si kallëzues në çështje. bw

Kryeministri Edi Rama do të pyetet si dëshmitar në dosjen Partizani, çështje e hapur e drejtësisë për ish-kryeministrin Sali Berisha. Lajmi konfirmohet për BalkanWeb nga gazetarja Klodiana Lala. Mësohet se kërkesa është pranuar nga GJKKO, ndërkohë që gjykata ka pranuar që kreui qeverisë shqiptare, të pyetet de nga vetë Berisha dhe dhëndri i tij, Jamarbër Malltezi, ndaj të cilit ka masë ‘detyrim paraqitje’ për këtë dosje.

Kujtojmë se kryeministri do të merret në pyetje për çështjen e privatizimit, ndërsa në atë kohë ka qenë kryetar i bashkisë së Tiranës. Ka qenë Berisha që ka kërkuar vetë publikisht, por dhe përmes avokatëve të tij, që Rama të thirret si dëshmitar në proces, gjë që nuk u kundërshtua dhe nga SPAK, ndërsa GJKKO vendosi pro thirrjes së tij.

Dosja ‘Partizani’ kaloi për gjykim më 19 maj 2025. SPAK ka ngritur akuzat e korrupsionit pasiv të zyrtarëve të lartë ndaj ish-kryeministrit, Sali Berisha. Dhëndri i tij, Jamarbër Malltezi është nën akuzë për korrupsion, por edhe për pastrim parash.

Sipas SPAK, ai ka përfituar të ardhura në vlerën e 5.4 milionë eurove nga një biznes ndërtimi në mënyrë të parregullt falë vendimeve të qeverisë të marra nga vjehrri i tij.

Ditën e djeshme (14 prill) një zjarr i madh përfshiu një pallat në një kompleks banimi pranë Farmacisë 10 në Tiranë.

Zjarri ishte i përmasave të mëdha, ndërsa 11  persona u paraqitën në spital me probleme shëndetësore për shkak të asfiksisë.

Pas disa orësh luftë me flakër, zjarri arriti që të vihej nën kontroll. Dëmet janë të konsiderueshme, por ende nuk ka një bilanc zyrtar. Paraprakisht raportohet për rreth 30 apartamente të shkrumbuar.

Sot në vendin e ngjarjes, situata duket sërish e rëndë. Nga zjarri fasada e pallatit është djegur plotësisht, banesat janë shkrumbuar, ndërsa banorët të trishtuar janë paraqitur sot pranë pallatit që u përpi nga flakët.

Siç shihet në këto pamje, një banore pranë pallatit shikon banesën e saj, me shumë gjasa të shkrumbuar, e cila nuk i mban dot lotët.

Ende nuk ka një arsye për shkaqet e zjarri, por paraprakisht dyshohet se flakët erdhën nga një biznes në katin e parë.

Autoritet në vendin e ngjarjes po hetojnë për të zbardhur arsyet e rënies së zjarrit. gsh

Gazetarja Klodiana Lala ka folur lidhur me aksionin e fundit të ndërmarrë ndaj disa Call Centera-ve në Tiranë që mashtronin qytetarët e huaj, ku deklaroi se hetimi është vënë në lëvizje nga autoritetet austriake, të cilat kanë ngritur alarmin pas një sërë ankesash të qytetarëve në Austri.

Në emisionin Studio24 në televizionin News24, Lala tha se pas rreth dy vitesh hetimesh, është arritur në përfundimin se ndërhyrja ishte e domosdoshme dhe para saj është kërkuar autorizim nga gjykata kompetente.

Lala theksoi se Call Center-ët nuk funksionojnë dot pa lidhje të forta me Policinë e Shtetit, ndërsa shtoi se aktiviteti i këtyre Call Center-ave ka pasur shtrirje të gjerë në vende si Kanadaja, Italia, SHBA, Spanja, Franca dhe Gjermania.

Më tej ajo tha se “Shqipëria është kthyer në një hambar të madh të Call Centera-ve. Fitimi mujor i përllogaritur arrinte deri në 30 milionë euro”.

“Hetimi është vënë në lëvizje nga autoritetet austriake. Autoritetet austriake kanë dhënë alarmin pas një sërë shqetësimesh që kanë dhënë qytetarët atje. Pas dy vitesh hetime është arritur në konkluzionin që autoritetet duhet të ndërhynin dhe para se të bëhej ndërhyrja duhej të merrej një autorizim në gjykatë.

Gjykata e Tiranës ka miratuar kërkesën e prokurorisë për 9 masa sigurie. 7 prej të cilave kanë qenë arrest me burg. Dy Të tjera kanë qenë detyrim paraqitje dhe ndalim për të dalë jashtë vendit, për faktin se njëri rezultonte si financier dhe një zonjë rezultonte që ishte shtatzënë. Gjatë kontrolleve, janë konstatuar edhe persona të tjerë që kishin lidhje të drejtpërdrejtë me këto Call Centera. Pritet të vendosë prokurorja e çështjes se çfarë do ndodhë. Unë disa vite më parë ka kryer një investigim në lidhje me grupin e Amant Josifit dhe lidhej me Spanjën dhe tregonte se si funksiononte…

Ata i kërkonin një shumë ata nga Shqipëria ishte ngritur një mekanizëm i mirëfilltë kriminal. Pra kur një person kuptonte që ishte mashtruar, ata i bënin një thirrje të dytë dhe i kërkonin një shumë të dytë deri në 1 mln euro. Po ashtu shtrirja shumë e madhe e aktivitetit kriminal i këtyre call centerave ishte në Kanada, Itali, SHBA, Spanjë, Francë, Gjermani. Për herë të parë Europol, ka bashkëpunuar me Prokurorinë e Tiranës. Po ashtu, Shqipëria është kthyer në hambar të madh të Call Centerave. Në rastin konkret fitimi mujor përllogaritej deri në 30 mln euro”, tha ajo.

Inxhinieri i njohur Romeo Nazarko, teksa ka folur mbi zjarrin që shkrumboi thuajse totalisht kompleksin e “Arlis sh.p,k.”, pranë QSUT-së në Tiranë, është shprehur se në ndërtimet në kryeqytet fasadat nuk ndërtohen me materiale të standardeve bashkëkohore.

Duke iu referuar ngjarjes së sotme, Nazarko tha se kjo situatë ishte paralajmëruar në 2024, kur një tjetër pallat në zonën e ish-Parkut u dogj i tëri.

Ai theksoi se pas kësaj ngjarjeje, një grup inxhinierësh i kanë kërkuar parlamentit miratimin e ngritjes së urdhrit të inxhinierit. Sipas tij, në shkresë evidentohej se djegia e fasadave ka ndodhur si pasojë e materialeve jashtë standardet.

“Zjarret e ndodhura së fundmi, kanë si shkak materialet që vijnë nga të gjitha drejtimet në territorin shqiptar. Në vendet e BE, bëjnë prova pas vendosjes së fasadës, para se të bëhen të banueshme, nëse janë rezistente ndaj zjarreve”, tha inxhinieri Romeo Nazarko.

Romeo Nazarko: Në vitin 2024, kur u dogj një pallat në zonën e ish parkut, një grup inxhinierësh  i kanë kërkuar parlamentit, miratimin e ngritjes së urdhrit të inxhinierit.

Në shkresë evidentohej se djegia e fasadave ka ndodhur si pasojë e materialeve jashtë standardet. Zjarret e ndodhura së fundmi, kanë si shkak materialet që vijnë nga të gjitha drejtimet në territorin shqiptar.

Në vendet e BE, bëjnë prova pas vendosjes së fasadës, para se të bëhen të banueshme, nëse janë rezistente ndaj zjarreve. Nuk jam specialist i fushës por kur shoh një pallat që digjet si karton, kuptoj që materialet nuk kanë qenë cilësore. Fakti që u dogj i gjithë kompleksi i banimit

Zbulohen detaje të reja në lidhje me operacionin e Krimit Kibernetik ndaj 3 Call Centerave në Tiranë. Burime bëjnë me dije se janë disa persona të arrestuar, ndërkohë më shumë se 80 operatorë të cilët janë gjetur brenda zyrave janë marrë në pyetje. Agjentët e policisë kanë gjetur gjithashtu mbi 800 mijë euro në zyrat e call centerave, ndërkohë janë sekuestruar kompjutera, usb, servera, kamera etj.

Në total policia ka goditur 3 call centera, por gjatë operacionit janë zbuluar dhe disa baza të tjera call centerash që po hetohen.
Mateo Hoxha dhe Tedi Agastra dy prej të arrestuarve shumat e parave i konvertonin në cryptomonedha.
Dyshohet se janë me mijëra qytetarë evropianë të mashtruar dhe dëmi përllogaritet të jetë më shumë se 50 milionë euro i shkaktuar nga aktiviteti i këtyre call centerave.

Arrest në burg
Eduart Dalla
Mateo Hoxha
Tedi Agastra
Ledio Toçi
Xhoel Mekollo
Marsel Lami
Xhoji Hitaj

Ndalim dalje jashtë vendi
Aida Vokli
Ledjon Cenaj

bw

Shqipëria ka nevojë që të ketë një ndryshim politik si ai që ndodhi në Hungari dhe kjo arrihet vetëm nëpërmjet një bashkëpunimi të sinqertë të bllokut opozitar.

Kështu u shpreh sot në mbrëmje në emisionin “Studio 24” kreu i Lëvizjes Shqipëria Bëhet, Adriatik Lapaj.

Ndërsa ai përshëndeti fitoren e opozitës së drejtuar nga Peter Magyar në Hungari, e mori si shembull për atë diskurs dhe aksion opozitar që duhet të ndodhte në Shqipëri, për të rrëzuar regjimin autokrat të Edi Ramës.

Ai shprehu rezerva të hapura ndaj Partisë Demokratike dhe e ftoi të ishte e sinqertë për të korrigjuar gabimin që bëri me ndryshimet në Kodin Elektoral të fundit, që i dha fitoren PS-së zgjedhjet parlamentare të kaluara.

“Vendi ka nevojë për ndryshim siç ndodhi në Hungari, ka nevojë për ndryshime thelbësore dhe rrënjësore. U bë një gabim fatal edhe nga PD me Kodin Elektoral, ndryshimet, që i dhanë Ramës atë fitore në zgjedhjet e kaluara. PD ka shansin të tregojë një sinqeritet për atë Kod dhe të kërkojë ndryshimin. Raporti ynë me opozitën do varet nga mënyra se si ajo do të veprojë në kërkimin e ndryshimit të Kodit Elektoral. Në presim që PD të adresojë ndryshimin e Kodit Zgjedhor”, tha Lapaj për “News 24”.

Ai nënvizoi se disa nga piketat që ka vendosur Shqipëria Bëhet dhe shumë parti të tjera janë listat e hapura, ku qytetarët të votojnë kandidatët që duan.

Ai ftoi opozitën për një përballje në bllok me pushtetin dhe për të gjetur një zgjidhje.

“Një zonë zgjedhore, lista të hapura, garë në nivel këshillash me lista të hapura ku qytetarët të zgjedhin ata që votojnë. Unë nuk flas për garë të përbashkët apo kandidatë të përbashkët, unë flas për moment politik, përtej këtij momenti, për përballjen me partinë në pushtet dhe për të gjetur zgjidhje”, vijoi ai.

Në fund, shpjegoi se Shqipëria Bëhet po përgatit një platformë dhe synimi kryesor mbetet bashkimi i faktorit opozitar dhe përballja reale me pushtetin autoritar.

“Përsa i përket bashkëpunimit dhe platformës ne do e bëjmë të ditur në ditët e ardhshme, ku opozita të tregojë nevojën qytetare për përballje reale me pushtetin”.

Presidenti amerikan Donald Trump ka propozuar emërimin e gjeneral-lejtnantit në pension Eric P. Wendt si ambasador të ri të Shteteve të Bashkuara të Amerikës, në Tiranë.

Emri i tij është dërguar për shqyrtim në Senatin amerikan dhe, nëse miratohet, Wendt pritet të marrë detyrën diplomatike në Shqipëri.

Sipas të dhënave të karrierës së tij, Eric P. Wendt është një oficer i lartë i ushtrisë amerikane në pension, me mbi 34 vite shërbim, pjesa më e madhe në forcat speciale “Green Beret”. Ai ka shërbyer gjithashtu si komandant i Komandës së Operacioneve Speciale të NATO-s, si dhe në pozicione të rëndësishme në Lindjen e Mesme dhe rajonin e Paqësorit.

Gjatë karrierës së tij, Wendt ka mbajtur detyra si koordinator sigurie i SHBA për Autoritetin Izraelito-Palestinez (2017–2019) dhe shef shtabi në Komandën e Paqësorit të SHBA. Ai është diplomuar në Universitetin e Kalifornisë, Santa Barbara dhe ka përfunduar studimet pasuniversitare në fushën e sigurisë kombëtare në Naval Postgraduate School. Ai flet disa gjuhë të huaja, përfshirë arabishten dhe koreanishten.

Wendt ishte propozuar më herët edhe për postin e ambasadorit në Katar gjatë mandatit të parë të Donald Trump, por kandidatura e tij nuk u konfirmua nga Senati.

Ambasada amerikane në Tiranë ka mbetur pa ambasador të plotë prej rreth tre vitesh, që pas largimit të ambasadores Yuri Kim në vitin 2023. Gjatë kësaj periudhe, misioni është drejtuar nga të ngarkuar me punë dhe përfaqësues të përkohshëm.

Administrata e presidentit Joe Biden më herët kishte propozuar diplomatin David J. Kostelancik për këtë post, por kandidatura e tij nuk arriti të finalizohej në Senat.

Nëse konfirmohet nga Senati amerikan, emërimi i Wendt do të shënonte një ndryshim të rëndësishëm në përfaqësimin diplomatik të SHBA në Shqipëri, duke sjellë një figurë me profil ushtarak dhe përvojë në operacione ndërkombëtare.bw

Sekretari i Përgjithshëm i Partisë së Lirisë Tedi Blushi, ka publikuar një sërë dokumentesh që, sipas tij, hedhin dritë mbi çështjen e shumëdiskutuar CEZ-DIA.

Sipas Blushit, kompania DIA ka qenë “fillim e mbarim një krijesë amerikane” dhe nuk ka pasur asnjë lidhje me Ilir Metën.

Ai thekson se bazuar në prova ligjore dhe dokumente zyrtare, figura kryesore e kompanisë ka qenë shtetasja amerikane Rebecca Gaskin, e cila, sipas tij, ka ushtruar rolin drejtues si de facto ashtu edhe de jure.

Në deklaratën e tij, Blushi i referohet dëshmive, e-maileve dhe dokumenteve të ndryshme, përfshirë edhe regjistrimet në QKR, për të argumentuar se Gaskin ka qenë përfaqësuesja ligjore dhe vendimmarrësja kryesore e DIA-s, madje edhe në proceset e arbitrazhit ndërkombëtar.

Në të njëjtën kohë, ai ka ngritur akuza të forta ndaj kryeministrit Edi Rama, duke pretenduar se është “i vetmi zyrtar i lartë i përfshirë” në aferën CEZ-DIA dhe duke e lidhur atë me vendimin për zgjidhjen e konfliktit me kompaninë çeke CEZ, që sipas tij i ka kushtuar shtetit shqiptar 479 milionë euro.

Fjala e plotë:

Për transparencë të plotë para opinionit publik vendas dhe ndërkombëtar, po publikojmë sot provat ligjore që vërtetojnë të vërtetën e vetme dhe të pakundërshtueshme se kompania DIA, ishte fillim e mbarim, një krijesë amerikane dhe se as ka patur, as mund të kishte dhe as mund të ketë lidhje me Presidentin Ilir Meta.
Sot do të faktojmë mbështetur vetëm mbi prova ligjore, se shtetasja amerikane Rebecca Gaskin ishte Nr. 1 i DIA-s, jo vetëm de facto por edhe de jure.
Lidhur me CEZ-in, është e provuar se ajo i krijoi lidhjet për DIA pasi kishte përvoja në Çeki dhe referencat e kompanive amerikane në Çeki janë përdorur edhe si referenca pranë CEZ për lidhjen e kontratës, siç ka dëshmuar përfaqësuesi i lartë çek i kësaj kompanie, Z. Josef Hejsek në 20 Dhjetor 2011 në Prokurorinë e Tiranës dhe nën betim.
Sepse ishte Rebecca Gaskin një nga 3 aksionerët e kompanisë mëmë të DIA-s dhe se ajo ka qenë vendimtare për lidhjen e marrëveshjes CEZ-DIA.
Sepse siç deklaron Elvis Mataj, në të paktën dy e-maile, të datës 10 dhjetor 2010 dhe 9 prill 2014, ajo ishte Nr.1 de facto i DIA-s.
Por, siç do ta provojmë në vijim ajo edhe në dokumentat e QKR del edhe de jure Nr.1 i DIA-s në momentin kur shkarkon Kastriot Ismailin nga administrator.
Pra emri i saj është kudo edhe në vendimet e gjykatave shqiptare kundër DIA-s, por edhe në Arbitrazhin e Vjenës.
Por le të vijojmë me publikimin e provave.
Së pari po bëjmë publik, një nga email e Z. Elvis Mataj, të datës 10 dhjetor 2010, drejtuar përfaqësuesit të lartë çek të CEZ, Z. Josef ku ai pohon se Znj. Rebecca Gaskin ishte de facto Nr.1 i DIA.
Vijojmë me provën tjetër ligjore, dëshminë e përfaqësuesit të lartë çek të CEZ-it, Z. Josef Hejsek, dhënë nën betim para prokurorit, më 20 dhjetor 2011, ku ai pohon të vërtetën e vetme se kontakti i CEZ me DIA-n është rekomanduar nga kompania mëmë DIA e Uashingtonit, me argumentin se sipas tyre kishte përvojë në mbledhjen e borxheve në të gjithë botën në vlerë prej rreth 4 miliard dollar, pa harruar edhe referencat për disa punë që po bënin në Çeki.
Konkretisht, Hejsek dëshmon se “referencat, që ato sollën nga DIA e Uashingtonit, ishin ato që na bënë të lidhnim kontratën. Ata kanë thënë se kanë mbledhur rreth 4 miliard USD në të gjithë botën dhe e kishin provuar teknologjinë e tyre, si t’i mblidhnin borxhet dhe përdorën disa referenca se po bënin disa punë edhe në Republikën Çeke, si kompani amerikane”.
Vijojmë tani, më një tjetër provë, dëshminë e dhënë nga Z. Hejsek më 26 tetor 2014 në Arbitrazhin e Vjenës.
Duke folur për aksionerët e DIA-s, ai deklaron, citoj: “ishte një zonjë amerikane e lidhur me kompaninë e z. Ismailaj, znj. Rebecca Gaskin. Në disa dokumente është përdorur emri i një avokateje si “person përgjegjës”; kjo ka shumë të ngjarë të ketë qenë znj. Gaskin”.
Gjithashtu, në paragrafin 53 të dëshmisë së tij në Arbitrazhin e Vjenës, Z. Hesjkek deklaron se “M’u vu gjithashtu në dispozicion e-maili i Z. Mataj, i datës 18 janar 2011, me të cilin më është dërguar një pyetësor i dytë lidhur me aksionarët e DIA-s. Ky pyetësor, në veçanti, përfshin një referencë për aksionarët e DIA-s, përkatësisht dy anëtarë të bordit të “DIA”-s dhe znj. Rebecca Gaskin.
Vijojmë, me një tjetër provë, e-mail e Z. Elvis Mataj, dërguar më 10 dhjetor 2010 për Z. Hejsek, për kompaninë mëmë dhe aksionerët.
Ndër të tjera Z. Mataj evidenton se:
“DIA dhe filiali i saj Somerset Trade Finance, LLC aktualisht kanë zyra rajonale në Shtetet e Bashkuara, Rusi, Europën Lindore dhe Afrikë.
M.SH – Drejtor Menaxhues
Ph.R – Drejtor Menaxhues, Somerset Trade Finance”
Mandej Z. Mataj, saktëson në emailin drejtuar Z. Hejsek, se “Ekipi i ekspertëve drejtohet nga Këshilltarja e Përgjithshme e DIA-s, znj. Rebecca Gaskin, e cila ka një përvojë të gjerë dhe të konsoliduar ndërkombëtare në vendet në zhvillim dhe në Afrikë, në transaksione dhe instrumente të lidhura me borxhin, në menaxhimin e borxhit të korporatave dhe qeverive, si dhe në këshillim financiar.”

Vijojmë me një tjetër provë ligjore, e-mail e datës 18 janar 2011 që Z. Elvis Mataj i dërgon prapë Z. Hejsek në lidhje me tre aksionerët e DIA, ku që në krye të këtij komunikimi qartëson “Ju lutem, gjeni bashkëlidhur një draft përgjigjesh në lidhje me kontratën ndërmjet CEZ dhe DIA.”
Në këtë e-mail pyetjes konkrete:
“Kush janë pronarët e DIA-s?”
I jep përgjigjen shteruese:
“Debt International Advisory – Dega Shqipëri është një partner dhe filial i “Debt Advisory International, LLC”. Grupi i aksionarëve përbëhet nga ekspertët ndërkombëtarë më me përvojë në mbledhjen e borxheve dhe këshillimin financiar, si edhe nga investitorë vendas të spikatur.
Struktura kryesore e aksionarëve është si më poshtë:
a) Z. Michale F. Sheehan
b) Z. Philip G. O’Rourke
c) Znj. Rebecca Gaskin”
Pasi njihet me këtë përgjigje, Z. Hejsek nuk vonon dhe po në datën 18 janar 2011, i çon një letër zyrtare Pragës ku i informon se DIA mëmë ka portofol mbi 40 miliard dollarë borxhe dhe 3 emrat e aksionerëve.
“Debt Advisory International menaxhon një portofol prej mbi 40 miliardë dollarësh amerikanë në mbledhjen e borxheve dhe instrumente të tjera të borxhit në mbarë botën.”

Vijojmë me provën e radhës, intervistën e Z. Vojsava Ismailaj, bashkëshortes së Z. Kastriot Ismailaj, dhënë më 12 shkurt 2016, ku ndër të tjera shprehet se “Rebeka ka qenë bashkëpunëtore e Kastriotit në pothuajse të gjitha bizneset e tij, natyrisht edhe në biznesin e DIA-s. Ajo dhe Kastrioti i merrnin vendimet së bashku”.
Në po këtë intervistë, Znj. Vojsava Ismailaj denoncon se “kam dyshime të forta, se ka marrëveshje të errëta mes shtetit shqiptar dhe Znj. Rebeka. Përndryshe, ajo do duhej të ishte tani njësoj si Kastrioti: E arrestuar dhe nën akuzë.

Tani kalojmë dhe tek një tjetër provë zyrtare, që shpërndan çdo mjegull, shuan çdo hamëndsim dhe e kap demin prej brirësh.
Është kopje e ekstratit historik të regjistrit tregtar për të dhënat e subjektit “DIA – Dega në Shqipëri” dhe ku qartësisht sqarohet se përfaqësuesi ligjor është Znj. Rebecca Louise Gaskin Gain.
Në këtë dokument zyrtar shtetëror, provë ligjore, saktësohet gjithashtu se : “Kompetencat lidhur me procesin e arbitrimit që zhvillohet në Vjenë me shoqërinë Operatori i Shpërndarjes së Energjisë Elektrike (OSHEE) dhe të gjitha kompetencat e tjera do t’i ketë Znj. Rebecca Louise Gaskin Gain.
Në rubrikën “historiku i regjistrimit” të këtij dokumenti zyrtar, në aktin e datës 1 dhjetor 2014, saktësohet se “
“Depozitimi i vendimit datë 1.12.2014, ku është vendosur: Të shkarkoj Z. Kastriot Ismailaj si Administrator të degës në Shqipëri dhe të emëroj Z. Ali Cena në pozicionin e Administratorit të degës.
Kompetencat lidhur me procesin e arbitrimit që zhvillohet në Vjenë me shoqërinë Operatori i Shpërndarjes së Energjisë Elektrike (OSHEE) dhe të gjitha kompetencat e tjera do t’i ketë Znj. Rebecca Louise Gaskin Gain.”
Pra është shumë i qartë shkarkimi i Z. Kastriot Ismailaj dhe që Rebecca merr gjithë përfaqësimin në Arbitrazh.
Pra Rebeca ishte jo vetëm partnerja, por edhe shefja e Z. Ismaili te DIA, përndryshe si mund ta shkarkonte nga administrator në 1 Dhjetor 2014.
Kush të shkarkon si Administrator? Pronari dihet. Se vartësi nuk mund të shkarkojë eprorin e vet.
Pra sikundër vërtetohet, jo nga një, por nga të gjitha këto prova ligjore, fakte të pakundërshtueshme dhe të qarta si dritë e diellit, se DIA nga fillimi në fund ka qenë një krijesë amerikane e stërprovuar tanimë me këto dokumenta dhe as ka patur dhe as mund të kishte lidhje me Ilir Metën.
Vetëm një drejtësi e kapur deri në fyt, e lidhur me kapistallin e Edi Ramës dhe për llogari të Sorosit e mafias ndërkombëtare, jo vetëm mund të ngatërrojë METE-n me Metën, por vetëm një drejtësi e tillë, mund të përpiqet që Rebekën ta zëvendësojë me Ilir Metën te cështja e DIA-s.
Këtu problem nuk është te Rebeca, por te SPAK-u që i “harron” qëllimisht faktet që provojnë ligjërisht se ajo dhe vetëm ajo ishte lidhja e vërtetë e DIA me CEZ-in.
Me të drejtë gruaja e Kastriot Ismailaj bën pyetjen se pse pas shkarkimit të Kastriot Ismailaj si administrator i DIA-s në QKR, Rebeca vendosi t’i kundërvihet DIA-s në Arbitrazh kundër CEZ?
Përgjigjen për këtë pyetje e jep padia zyrtare e KLSH kundër Qeverisë Rama për faljen e 479 milionë eurove CEZ-it.
Ndaj në emër të Partisë së Lirisë, përsëris thirrjen drejtuar të gjithë gazetarëve dhe analistëve, përfaqësuesve të shoqërisë civile, por edhe të trupit diplomatik të akredituar në Tiranë, të vijnë më 27 prill në seancën e parë të gjykimit në themel, si edhe në të gjitha seancat e tjera, për të parë se si u justifikua më 21 tetor 2024 rrëmbimi mafioz i Presidentit Meta mbështetur vetëm mbi gënjeshtra dhe falsifikime.
Ejani të shihni se si DIA ishte një krijesë de facto dhe de jure amerikane dhe se si se si letërporositë janë nisur vetëm me qëllime mashtrimi të autoriteteve amerikane dhe të tjera!
Ejani të shihni se si “DIA” rezulton një strukturë e ndërtuar dhe e përdorur për interesa të errëta, në bashkëpunim me qeverinë, në funksion të aferës së 479 milionë eurove me CEZ-in, një nga skandalet më të rënda, për të cilin Kontrolli i Lartë i Shtetit ka bërë kallëzim penal, ndërsa dosja vazhdon të flejë.
Transparenca është e vetmja rrugë drejt së vërtetës. Mos mungoni në asnjë seancë, për të parë nga afër çmontimin e një procesi farsë, politik dhe kriminal, ndaj Presidentit të Partisë së Lirisë, një proces që sot, më shumë se kurrë, kundërmon nga vendimi i Gjykatës së Lanës. bw

Besimtarët ortodoksë në të gjithë vendin festojnë sot Pashkët. Me lutjet për paqe dhe mirësi, ata ndoqën meshën e ngjalljes së Krishtit në Kishat dhe Katedralet në gjithë vendin.

Në Tiranë, mesha e shenjtë e Pashkës u kremtua në Katedralen ‘Ngjalla e Krishtit’, nën drejtimin e Kryepeshkopit Joan.

Besimtarët kanë ndezur qirinj në “Katedralen Ortodokse Ngjallja e Krishtit” për të çuar në shtëpi dritë nga drita e Jezukrishtit i cili tanimë u ngjall vërtetë.

Festimet do të vijojnë gjatë gjithë ditës së diel.

Pashka ortodokse kremtohet të dielën e parë pas ekuinoksit të pranverës, apo të dielën e parë pas hënës së parë të plotë të muajit. Sipas interpretimit biblik me ringjalljen e Krishtit ndodh kalimi nga vdekja në jetë nga e Premtja e madhe kur vdes Jezu Krishti në të Dielën e Pashkëve kur ngjallet. gsh