VOAL

Shqipëri

Ministri i Jashtëm i Shqipërisë uron dhe lavdëron Muhamed Zekirin si deputet të LSDM

Ministri i Jashtëm Bushati u shpreh në “Dritare me Rudinën”, në Vizion Plus, për herë të parë mbi zgjedhjet në Maqedoni.

Ai ju drejtua të ftuarit nga Maqedonia, deputetit shqiptar të LSDM, Muhamed Zeqiri, i cili ishte dhe surpriza reale e këtyre zgjedhjeve, duke marrë votat e shqiptarëve për partinë e opozitës maqedonase.

“Dua ta uroj Muhamedin, e njoh edhe personalisht. Është pjesë e elitës së re shqiptarëve në Maqedoni. Jam i bindur se talentin dhe energjitë e tij do t’i vendosë në varësi të fuqizimit të të drejtave të shqiptarëve në Maqedoni. Kujtoj rolin përcaktues të shqiptarëve të Malit të Zi në shpalljen e mëvetësisë së këtij shteti. Do të doja që votën në Maqedoni ta lexoja në mbështetje të Muhamedit dhe njerëzve të kalibrit të tij, si një mundësi që popullsia shqiptare në Maqedoni kërkon t’i japë një brezi, për të shkuar përtej ndasive etnike, për të respektuar barazinë para ligjit, barazinë për të drejtat dhe për të krijuar një shoqëri me një çati të përbashkët, që do t’ interesonte jo vetëm Maqedonisë por edhe fqinjëve të saj”, u shpreh Bushati, duke treguar në këtë mënyrë edhe kë mbështet qeveria shqiptare, në formimin e qeverisë së re maqedonase, ku shqiptarët pritet te kenë shumë rol.

Ministri Bushati u shpreh gjithashtu, edhe për mënyrën si u realizuan zgjedhjet.

“Ato përfunduan qetë dhe ishin demokratike. Ishin një mësim i mirë për këtë pjesë të Ballkanit dhe për Shqipërinë, sesi duhet ta bëjmë një proces zgjedhor të besueshëm. Erdhën pas dy vjetësh stanjacion dhe krijuan një konfigurim i ri politik. Treguan se ka filluar reflektimi për votën dhe kemi risi siç ishte dalja e Partisë BESA. Nga logjika e numrave ndoshta kemi përfaqësim më të limituar. Por shqiptarët do të kenë forcë në qeverinë e re. Këto zgjedhje ishin edhe një zile alarmi për përfaqësuesit shqiptarë në Maqedoni.

Maqedonia ka kaluar vështirësitë e veta për të arritur në këtë ditë. Secili mund ta lexojë këtë proces edhe për votimin, numërimin, daljen e votave në kohë reale. Kemi një panoramë sesi do të përfaqësohen shqiptarët në qeverinë e re.

Nuk kemi dashur të imponohemi dhe as të japim receta të gatshme. Jemi përpjekur të mbajmë një qëndrim sa më parimor. Me komunikim dhe pa preferenca. Komunikimi ka qenë me të gjithë faktorët, shqiptarë apo maqedonas. Kam parashikuar një lodhje të shqiptarëve për shkak të pritshmërive që kishin tek partitë tradicionale për shkak të mos materializimit të premtimeve të tyre në praktikë. Nuk mund të mohohet influenca e shërbimeve inteligjente për të potretizuar shqiptarët si islmistë apo të lidhur me aktet terroriste.

Një pjesë e personazheve politike që dolën edhe nga videopërgjimet, tendencat e tyre për të përçarë faktorin politik shqiptar apo për t’ dhënë siç themi në gjuhën popullore kulaçin elitës politike dhe kërbaçin elitës shqiptare. Çështja tani është se çfarë do të bëjnë shqiptarët. Nga njëra anë kanë një përfaqësim jo të drejtpërdrejt me numrin e popullsisë që jeton në Maqedoni dhe nga ana tjetër sot janë një forcë e madhe.”- e mbylli Bushati shpjegimin e tij të parë për poszgjedhjet në Maqedoni, ku ndaloi gjatë për të treguar pakënaqësitë e shqiptarëve nga poliika e ish kryeministrit Gruevski.

PD premton hapjen e saj

Kryetari i Partisë Demokratike, Lulzim Basha, deklaroi sot se në krye të pushtetit është vendosur një kastë politike – ekonomike, e cila ka futur në sistem korrupsionin, drogën dhe blerjen e votës.

Zoti Basha i bëri këto komente në festën e 26 vjetorit të themelimit të Partisë Demokratike, ku theksoi se kjo gjendje e rëndë, po u vret shqiptarëve shpresën dhe po i shtyn në arrati.

“Ortakëria mes politikanëve dhe klientëve të partisë ka shkatërruar çdo mundësi për një ekonomi të lirë të tregut. Etja për të marrë pushtetin me çdo kusht, e shtyu politikën në kthetrat e krimit dhe solli kriminelët në majat e pushtetit. Njerëzit e thjeshtë janë braktisur në varfëri. Sfida e Partisë Demokratike është kthimi i besimit të njerëzve tek politika dhe tek tek e ardhmja” – tha zoti Basha.

Ai theksoi se Partia Demokratike do të sigurojë hapjen në kuptimin me të gjerë të fjalës, hapjen e mendjeve, të radhëve, hapjen ndaj aleatëve dhe aleancave, ndaj shoqërisë, ndaj vlerave, ndaj rregullave, ndaj garës, ndaj mendimit të lirë.

“PD do t’u ofrojë shqiptarëve një model të ri politik e shoqëror. Deputetët do të zgjidhen përmes konkurrencës dhe vendimmarrjes së anëtarësisë. Ne do të shkurtojmë kohëzgjatjen e mandatit të kryetarit dhe drejtuesve deri në dy vjet” – tha ai.

Përfaqësimi politik i PD do të vendoset nga anëtarët e saj, theksoi drejtuesi i saj, me një strukturë partiake perëndimore, të çliruar nga ofiqet dhe pushtetet.

“Eskobari” ynë, lidhjet me politikën dhe hetimet e DEA-s amerikane

Grupi kriminal që merrej me trafikun e drogës që u identifikua në disa vende të Ballkanit, pjesë e të cilit dyshohet se është Klement Balili, u hetua me asistencën dhe mbikëqyrjen e DEA-s amerikane.

Agjencia amerikane e luftës kundër drogës ka asistuar policitë ballkanike në identifikimin e këtij grupi që çonte drogë në Perëndim në një biznes që llogaritej shumë milionë euro në vit.

Ish-drejtori i Drejtorisë Rajonale të Transporteve, Klement Balili ishte vetëm një hallkë e këtij zinxhiri të madh, por ai përshkruhet nga mediat fqinje si njeri i besuar i qeverisë shqiptare dhe me lidhje të forta politike.

Në një shkrim me titull “Droga, gjuetia e madhe në Europë për ‘Eskobarin e Ballkanit’”, e përditshmja italiane “Corriere della Sera” e cilëson 44-vjeçarin shqiptar si një menaxher shteti.

“Mbi 7 tonë marijuanë e sekuestruar në një gomone në brigjet e Greqisë ishin të destinuar të mbërrinin në Itali, fillimisht në Salento e më pas drejt Milanos, ku çmimi i drogës rritet 700-800 euro për kg.

Në krye të organizatës të kësaj ngarkese droge e të dhjetëra të tjerave ka një të dyshuar, i pagëzuar si ‘Eskobari i Ballkanit’ dhe i kërkuar në gjysmën e Europës. Kelmend Balili është një menaxher shteti, një njeri i besueshëm i qeverisë shqiptare”, shkruan gazeta. “Corriere della Sera”.

Nga ana tjetër, ‘CNN’ në gjuhën greke ka shkruar se Klement Balili ishte një person me lidhje të forta politike dhe prandaj policia druhej të vepronte kundër tij.

‘CNN’ grek shkruan se, “sipas burimeve të tyre, gjatë takimit tejet sekret në Shqipëri, mes policisë greke dhe asaj shqiptare, një pjesëtar i palës shqiptare ka thënë për kreun e kartelit të drogës (sipas autoriteteve greke është Klement Balili), se këtu në Shqipëri nuk mundim ta prekim këtë njeri, veçse po të ketë fakte të pakundërshtueshme, sepse ai ka lidhje politike dhe kontakte me parti e politikanë të nivelit të lartë”.

‘CNN’ shkruan se në sajë të dosjes hetimore, ky person është financuesi i kartelit dhe ai që organizonte në Shqipëri ngarkesat e drogës.

Bushati reagon për sulmin terrorist në Stamboll

“Një tjetër sulm terrorist frikacak në Stamboll. Ngushëllime familjeve të viktimave. Mendimet tona janë me qytetarët e Turqisë”, shprehet Bushati

TIRANË – Ministri i Jashtëm i Shqipërisë, Ditmir Bushati, nëpërmjet një statusi në profilet e tij në rrjetet sociale ka reaguar në lidhje me sulmin terrorist që ndodhi mbrëmë më Stamboll.

“Një tjetër sulm terrorist frikacak në Stamboll. Ngushëllime familjeve të viktimave. Mendimet tona janë me qytetarët e Turqisë”, shprehet Bushati.

Kujtojmë se nga sulmi i mbrëmshëm terrorist në Stamboll, të paktën 29 presona u vranë dhe 166 u plagosën. aa

Dy tradheti te medha brenda nje jave… – Nga Fred Sulaj

Meta flirton antishqiptarizem ne Greqi dhe dekorohet nga greket , ndersa Rama dorezon pa kushte kombin shqiptar ne Nish… E pamundur te mos kete koordinim ndryshe Rama dhe Meta sot do te ishin therur me njeri tjetrin. Kryeparlamentari Meta i shoqeruar me nje shpure grekesh e filogrekesh u nis me buje per ne Athine ne nje situate te veshtire per diplomacine greke mbas deklarimit te komisionerit te BE Hahn mbi ekzistencen e ceshtjes came mes dy vendeve. Por deklarata e Metes se ne do te shohim nga e ardhmja i varrosi camet dhe cliroi diplomacine greke , e cila pergatiti menjehere dekorimin e Metes. Meta i beri nje sherbim te vyer Greqise duke kerkuar te gjeje mbeshtetje ne BE dhe Greqi per te nesermen e tij politike dhe civile , mbas krimeve te shumta qe ka kryer ndaj shtetit dhe kombit . Nderkohe Rama mbriti ne Beograd i krekosur me nje retorike nacionaliste te panevojeshme, ndersa qetesia e Vucicit kunder thirrjeve te PD sebe per debim te Rames ishte sinkron politik qe neutralizon vemendjen e shqiptareve patriote nga takimi i Nishit, qe behet per te perligjur sundimin e kapitaleve teknologjike dhe financiare serbe mbi tregun Ballkanik qe ze fill nga ky takim.

Rreth nje vit me pare Merkel perdori perkedheljen diplomatike ndaj Rames duke e mbushur rendin e dites se mediar Europiane me fotot e saj pozuar ne krah me Ramen te cilin e citonte si lider rajonal e me tej.Vete Merkel pak kohe me pare kishte lancuar projektin ” Europa me dy shpejtesi” , ku normalisht Tregu i madh Europian i vendeve te zhvilluara do te perbente shpejtesine e pare , ndersa Tregu Ballkanik i vendeve te varfra dhe shme te varfera ku bejne pjese Serbia , Bosnja , Mali i zi , Maqedonia , Kosova dhe Shqiperia do te perbente shpejtesine e dyte.Kur BE nisi zgjerimin e Madh zonja e hekurt britanike Theacher do te deklaronte …” Hyrja ne BE e vendeve te varfera do te jete shkaterrimtare per to””” … Kjo deklarate e Teacherit nuk shqetesoi askend ne Shqiperi jo vetem klasen politike mafioze , por as klasen akademike e studjuesit me tituj e grada te shumta te blera nga marredheniet korruptive ne Shqiperine komuniste e postkomuniste , e cila prej 75 vjetesh nuk ka prodhuar produkt akademik dhe shkencor , por ka bashkejetuar me mjerimin filozofik te tyre. Per kete ka menduar Merkel duke i ftuar vendet e mesiperme te permovojne Tregun Rajonal ne Nish ku shqiptaret do te operojne ne nje treg me te pershtatshem , por perseri me diferenca negative me teknologji dhe mjete financiare. .Serbia e cila humbi luften dhe per pasoje leshoi relativisht Kosoven tashme ka fituar nje treg te madh rajonal Ballkanik .

Pra Europa na shiti pa kushte perseri tek serbet duke rikrijuar Jugosllavine pa sovranitet shteteror qe ishte e pamundur te jetonte ,, por sundimtare me rregulla te tregut me rolin e superfqise rajonale ku marredheniet ekonomike do te vendosin mbi politiken dhe zhvillimet,,, ku serbia do te kete ne dore bankat dhe teknologjine ,,, ndersa shqiptaret te ndare ne 5-6 shtete do te coptohen e therrmohen nga mekanizmat e tregut. Ne fund rreziku eshte i madh , por edhe zgjidhjet jane te veshtira,,,, Kerkohet rrezmii i burokracise shteterore e politike shqiptare ne Tirane, Prishtine dhe Shkup dhe te kerkohet statusi i bashkimit Kombetar…Perfundimisht cdo komb duhet ti menjanoje bijte e tij te rrezikshem qe te mund te ece perpara…..

Pronaret Legjitimë Shqiptare Kryetari Ferdinant Sulaj

Venecia: Ligji i rivlerësimit pa probleme

Komisioni i Venecias nuk ka shfaqur asnjë kundërshti lidhur me Ligjin për rivlerësimin e gjyqtarëve dhe prokurorëve dhe sipas tij, dispozitat e ligjit nuk shkelin nenet e Konventës europiane të të Drejtave të Njeriut apo shfaqin problem për asnjë nga çështjet e ngritura nga Gjykata kushtetuese e Shqipërisë në kërkesën e saj për të marrë një opinion rreth tekstit të miratuar nga parlamenti më 30 gusht të këtij viti.

Komisioni, sipas tekstit të siguruar nga Zëri i Amerikës prej burimeve nga Venecia, ka bërë një vlerësim pozitiv të ligjit, ndërsa ka analizuar në mënyrë të të detajuar pikëpyetjet e ngritura pas ankimimit të opozitës në Gjykatë, i cili u pasua nga vendimi i kësaj të fundit për pezullimin e Ligjit.

Kërkesa e Gjykatës Kushtetuese shqiptare drejtuar Venecias përmban një përmbledhje të argumentave të opozitës si dhe katër pyetje specifike, për të cilat është kërkuar dhe mendimi i këtij organizmi. Komisioni i Venecias ka qenë i përfshirë në mënyrë aktive në procesin e ndryshimeve kushtetuese për Reformën e Drejtësisë, fillimisht me Mendimin Paraprak që ofroi në dhjetorin e 2015 mbi projekt ndryshimet kushtetuese, dhe më pas me Opinionin përfundimtar mbi tekstin e rishikuar mbi bazën e vërejtjeve të tij të mëparshme. Pjesa e rivlerësimit të gjyqtarëve dhe prokurorëve është një nga elementët e rëndësishëm të ndryshimeve kushtetuese të miratuara në 21 korrik. Për të, Komisioni, edhe në përgjigjen ndaj Gjykatës Kushtetuese, rikujton se ky proces “nuk ishte vetëm i justifikuar por i nevojshëm për Shqipërinë për të mbrojtur veten e saj nga e keqja e korrupsionit”.

Në vlerësimin ndaj ligjit, Komisioni i përgjigjet në mënyrë të hollësishme secilës nga katër pyetjeve të ngritura nga Gjykata Kushtetuese shqiptare

PYETJA E PARE

Nisur nga fakti se të gjithë anëtarët e Gjykatës Kushtetuese janë subjekte të ligjit nr.84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”, a konsiderohet pjesëmarrja e tyre në shqyrtimin e kësaj çështje si një rast konflikti interesash ?

VLERESIMI I KOMISIONIT TE VENECIAS

“Në lidhje me çështjen e konfliktit të interesit dhe skualifikimin e mundshëm të gjyqtarëve kushtetues, Komisioni i Venecias nënvizon që të gjithë gjyqtarët kushtetues, sipas Kushtetutës dhe Ligjit të Vetingut, do të jenë objekt i Ligjit të Vetingut, i cili parashikon ri-vlerësimin e çdo gjyqtari në Shqipëri duke përfshirë gjyqtarët e Gjykatës Kushtetuese. Kështu konflikti i mundshëm i interesit mund të ndikojë pozicionin, jo vetëm të një ose disa gjyqtarëve kushtetues, por të gjithë gjyqtarët kushtetues që janë në detyrë në Gjykatën Kushtetuese. Për pasojë, skualikimi i gjyqtarëve kushtetues për shkak të ekzistencës së konfliktit të interesit do rezultonte në përjashtimin total të mundësisë së rishikimit gjyqësor të Ligjit të Vetingut në lidhje me përputhshmërinë e tij me Kushtetutën. Kjo do të minonte garancitë e siguruara nga një rishikim gjyqësor funksional i legjislacionit. Kjo situatë mund të konsiderohet nga Gjykata Kushtetuese si një ‘rrethanë e jashtëzakonshme’, që mund të kërkojë shmangien nga parimi i skualifikimit me qëllim që të parandalohet mosdhënia e drejtësisë”.

PYETJA E DYTE

A respekton ligji parimin themelor të shtetit të së drejtës dhe të ndarjes dhe balancimit ndërmjet pushteteve? A vihet në rrezik pavarësia e pushtetit gjyqësor nga përfshirja në procesin e rivlerësimit të gjyqtarëve dhe prokurorëve të organeve që varen nga pushteti ekzekutiv?

VLERESIMI I KOMISIONIT TE VENECIAS

“Sa i përket përfshirjes së organeve që pretendohet të jenë nën kontrollin e pushtetit ekzekutiv në procesin e rivlerësimit të gjyqtarëve dhe prokurorëve, në lidhje me parimin e pavarësisë së gjyqësorit, analiza e tekstit të Ligjit të Rivlerësimit, tregon se, megjithë përfshirjen e organeve, si ILDKPKI-ja (Inspektoriati i Lartë i Deklarimit Kontrollit të Pasurive dhe Konfliktit të Interesave) ose DSIK-ja, (Drejtoria e Sigurimit të Informacionit të Klasifikuar) në procesin e hetimit dhe kërkimit fillestar të provave, vlerësimi i çdo informacioni ose prove të mbledhur nga ato organe ekzekutive i takon Komisionit dhe Kolegjit të Ankimit, që të dyja kanë karakteristikat e organeve gjyqësore dhe kanë tagrin të verifikojnë vetë provat e mbledhura nga organet ekzekutive. Mbi këtë bazë, mund të arrihet në përfundimin se sistemi i ngritur nga Ligji i Rivlerësimit, nuk duket se përbën ndërhyrje në tagret gjyqësore”.

PYETJA E TRETE

A është ligji në përputhje me nenin 6 të Konventës të së Drejtave të Njeriut lidhur me respektimin e të drejtës për një proces të rregullt ligjor? A bie ndesh me nenin 6 mohimi i të drejtës së gjyqtarëve dhe prokurorëve subjekte të ligjit të rivlerësimit për t`ju drejtuar gjykatave të brendshme?

VLERESIMI I KOMISIONIT TE VENECIAS

“Nëse mungesa e mundësisë për gjyqtarët dhe prokurorët që i nënshtrohen procesit të vetingut për të kundërshtuar vendimet e mara nga institucionet e rivlerësimit para gjykatave vendase, është në shkelje të Nenit 6 të Konventës të së Drejtave të Njeriut, Komisioni i Venecias vlerëson që përgjigja për këtë pyetje varet nga kualifikimi i Kolegjit të Ankimeve në Kushtetutë dhe në Ligjin e rivlerësimit. Sipas Komisionit të Venecias, këto tekste ligjore ofrojnë elemente të mjaftueshëm për të nxjerrë përfundimin që Kolegji i Ankimit mund të konsiderohet si një juridiksion i specializuar që ofron garanci gjyqësore për personat e prekur nga procedura e rivlerësimit. Të drejtat dhe garancitë e përfshira në skemën legjislative dhe kushtetuese duken të gjera”.

PYETJA E KATERT

Dispozitat e ligjit për kontrollin e figurës të subjekteve të rivlerësimit a bien ndesh me nenin 8 të Konventës të së Drejtave të Njeriut lidhur me respektimin e jetës private dhe familjare të gjyqtarëve dhe prokurorëve ?

VLERESIMI I KOMISIONIT TE VENECIAS

“Sa i përket çështjes nëse dispozitat ligjore në lidhje me kontrollin e figurës janë në kundërshtim me Nenin 8 të Konventës të së Drejtave të Njeriut, duhet të merret në konsideratë fakti që kontrolli i figurës ka si qëllim të verifikojë deklaratat e gjyqtarëve dhe prokurorëve që vlerësohen me qëllim përcaktimin nëse ata kanë patur kontakte të papërshtatshme me personat e përfshirë në krimin e organizuar. Si i tillë, ky është një qëllim legjitim duke patur parasysh paragrafin e dytë të Nenit 8 të KEDNJ-së (interesat e sigurisë kombëtare, siguria publike, parandalimi i mungesës së rendit ose krimit, ose mbrojtja e të drejtave dhe lirive të të tjerëve). Sipas Komisionit të Venecias, konsiderata thelbësore është që grupi i punës i cili ka rolin kryesor në vlerësimin e figurës dhe që përbëhet kryesisht nga personeli i sigurisë, funksionon nën mbikëqyrjen dhe kontrollin e organeve të rivlerësimit dhe që i gjithë materiali përkatës para grupit të punës duhet t’u ofrohet atyre. Komisioni i Venecias është i mendimit që ndërsa vlerësimi i figurës është natyrisht ndërhyrës, ai nuk mund të shihet si një ndërhyrje e pajustifikuar në jetën private ose familjare të gjyqtarëve dhe prokurorëve në kundërshtim me Nenin 8 të KEDNJ-së”.

Vlerësimi i Komisionit të Venecias pritet t’i përcillet zyrtarisht Gykatës Kushtetuese e cila ndërkohë ka zhvilluar pak javë më parë një seancë ku ka dëgjuar qëndrimin dhe pretendimet e palëve dhe tanimë duhet të dalë me një vendim përfundimtar.

Video/ Anonymous kërcënon qeverinë shqiptare

Qeveria shqiptare është kërcënuar nga hakerat Anonymous, nëpërmjet një mesazhi në gjuhën angleze që është publikuar në Youtube. Ata i rendisin qeverisë shqiptare disa nga reformat që ajo ka marrë, të cilat kanë qenë në dëm të qytetarëve të këtij vendi. Sipas tyre populli është mërzitur me çdo gjë dhe po largohet nga vendi.

Sulmi i parë ka qenë ai i djeshmi, ndaj faqes së Facebook-ut të ministrit të Drejtësisë Ylli Manjani, i cili ka pranur ditwn e djeshme se faqja e tij është bllokuar.

Mesazh i plotë për Qeverinë Shqiptare

Qeveria e Shqipërisë, jeni në vëmendjen tonë, sepse pavarësisht nga paralajmërimet tona të vazhdueshme, ju keni vendosur që të shpërfillni kërkesat tona për të ndihmuar popullin e këtij vendi dhe keni vazhduar në drejtimin e një sistemi, i cili përfiton vetëm për vete.

Ne kemi kërkuar me edukatë në shumë raste që të ndryshojë qëndrimi juaj ndaj udhëheqjes, që ju ti shërbeni vendit, në vend që ta kontrolloni atë, që ju të ruani të drejtat dhe liritë e qytetarëve. Në vend të kësaj, ju keni vendosur për të imponuar përkeqësimin e masave shtrënguese mbi popullin e Shqipërisë, rritja e taksave për qytetarët dhe bizneset e vogla, miratimin e reformës së arsimit të lartë për studentët që favorizon universitetet private dhe shkatërrimin e universitetet publike.

Situata në Shqipëri është e dëshpëruar. Ky vend i vogël i Evropës është grimcuar në mes të korrupsionit dhe papunësisë ekstreme. Shumë shqiptarë kanë humbur shpresën në vend të tyre dhe përpiqen çdo vit të kërkojnë një të ardhme në Gjermani apo vende të tjera evropiane. Në njëzet vitet e fundit, rreth një e katërta e popullsisë është larguar nga vendi.

Ju keni krijuar një sistem që po dështon dita ditës. Një qeveri e përbërë nga vrasësit, kriminelët dhe përdhunuesit krijon vetëm shkatërrimin e këtij vendi. Shqiptarët janë ngopur me kriminelët në politikë. Ata duan vetëm drejtësi në këtë vend.

Ju vazhdoni të shkelni mbi të drejtat dhe liritë themelore te njerëzve , duke u përpjekur për të fituar qasje në informacionin tonë private dhe konfidencial. Ne tani e kemi shumë të qartë se ju nuk keni ndërmend të drejtoni vendin për popullin tonë, por ju do të vazhdojë të kandidoni përsëri për të përfituar vetë.

Ky sistem ka dështuar. Ne tani shohim të pastrehët që vdesin në rrugë këtë dimër, njerëzit të paaftë për të mbështetur familjet e tyre. Njerëzit nuk mund të përballojnë arsimimin e tyre; ju mbani të moshuarit në punë për një kohë të gjatë, duke e mbajtur vende pune dhe mundësitë për të rinjtë që të shkojnë jashtë. Numri i të papunëve ka pësuar rritje marramendëse.

Ne jemi anonimët

Ne jemi një legjion

Ne nuk falim

Ne nuk harrojmë

Na Prisni

BE-OSBE: “Shteti dhe shoqëria shqiptare të luftojnë korrupsionin së bashku”

OSBE dhe Bashkimi Europian i bënë sot thirrje autoriteteve dhe shoqërisë shqiptare të shtojnë përpjekjet në luftën kundër korrupsionit, në mënyrë që të hedhin hapa të mëtejshme në rrugën e integrimit europian.

Kreu i Pranisë së OSBE në Shqipëri, ambasador Bernd Borchardt, dhe drejtuesja e misionit të BE-së në Shqipëri, ambasadore, Romana Vlahutin, i bënë këto komente në një forum të nivelit të lartë organizuar në Ditën Ndërkombëtare kundër Korrupsionit.

Ambasadori Borchardt tha se korrupsioni mbetet problem serioz në Shqipëri, dhe se pavarësia dhe efikasiteti i institucioneve që pritet ta luftojnë atë vazhdojnë të kufizohen nga presioni politik dhe kapacitetet e dobëta administrative.

“Pagat e ulëta, pranimi i ryshfetit nga shoqëria dhe rrjetet e ngushta sociale e bëjnë luftën kundër korrupsionit një detyrë të vështirë – tha ambasadori i OSBE-së, Borchardt,- ndaj nevojiten më shumë përpjekje në garantimin e integritetit të zyrtarëve të zgjedhur dhe në ndërtimin e një administrate publike të besueshme, funksionale dhe transparente”.

OSBE po e ndihmon Shqipërinë në këto përpjekje, por krahas kësaj dhe veprimeve të vetë qeverisë, nevojitet një përfshirje më e thellë e shoqërisë civile, medias dhe komunitetit të biznesit në luftën kundër korrupsionit.

Sipas tij, OSBE po bashkëpunon me institucionet në monitorimin e politikave, rishikimin e ligjeve, forcimin e kapaciteteve, sjelljen e mirë me bizneset, edukimin e rinisë, si dhe duke nxitur një pjesëmarrje më të madhe të shoqërisë civile në proceset e konsultimit të politikave, sepse sfida kryesore mbetet rivendosja e besimit të qytetarit tek administrata.

Në ditën ndërkombëtare kundër korrupsionit, BE vlerësoi se Shqipëria duhet ta luftojë atë çdo ditë. Ambasadorja e BE-së, Romana Vlahutin, tha se korrupsioni shkel rëndë liritë dhe të drejtat themelore të njeriut, kosto e tij ekonomike, njerëzore dhe sociale është e rëndë.

“Ju si qytetarë, nuk duhet të keni frikë dhe nuk duhet të jepni paga shtesë për mjekimin e nënës apo të fëmijës, mos jepni rryshfete kur kërkoni punë, mos mendoni rryshfeti është i vetmi mjet për të fituar të drejtën në gjykatë. – tha ambasadorja Vlahutin. – Qytetarët duhet t’u kërkojnë institucioneve që t’i trajtojnë si të barabartë, sepse korrupsioni nuk lejon të ndërtohen rrugë të mira, shkolla dhe spitale, ngaqë i con paratë në xhepa private.

“Reforma në drejtësi është kyçi për antikorrupsionin dhe procesi i vettingut është kyçi për suksesin e kësaj reforme” – tha zonja Vlahutin. – Komisioni i Venecias do të japë përgjigjet e veta nesër mbi pyetjet e ngritura nga Gjykata Kushtetuese dhe gjithë institucionet dhe partitë shqiptare janë shprehur se do të jenë dakord me të. Ne shpresojmë që Opinioni i Komisionit të Venecias do të jetë një udhërrëfyes i qartë për nisjen e vettingut dhe zbatimin e reformës gjyqësore, në mënyrë që Shqipëria të përparojë dejt Bashkimit Europian. Çdo skenar tjetër nuk do të jetë i mirë, dhe do të vonojë përparimin dhe përfitimet e qytetarëve”.

Diplomatët e BE-së dhe OSBE-së shprehën shqetësimin se mjedisi i korruptuar rrit kostot e të bërit biznes, shkurajon investitorët e huaj, deformon tregjet dhe përparësitë në investime dhe dëmton besimin tek administrata publike.

Korrupsioni, pohuan ata, është një kërcënim i kudogjendur, që dënon me varfëri grupet e pambrojtura, rrit pabarazinë, devijon fondet e kujdesit shëndetësor, arsimor dhe mund të çojë në mungesa të ndjeshme të stabilitetit shoqëror dhe në konflikte.

Vdekja e Andrea Stefanit që solli hidhërim dhe gëzim ndër lexuesit shqiptarë… – Nga Keze Kozeta Zylo

Ç’mjerim të lumturohesh për vdekjen!…

“Pashë jetën tënde, t’lëshoj bè e t’lutem/ pashë këta gjunjë e prindët që të linden/ mos ma lër trupin pranë galeve akeje/ ta coptojnë larot, por prano shpërblesat”… Nga lutja e Hektorit ne Iliadë…

Do të desha i ndjeri Andrea të kishte bërë të njejtën gjë me lexuesit e tij të shumtë para se të jepte shpirt…

Këto ditë ndërroi jetë Andrea Stefani një gazetar analist i lexuar në Shqipëri dhe kudo ka shqiptarë. Vdekja e tij e parakohshme pothuajse gjysmën e shqiptarëve e hidhëroi dhe gjysmën e “gëzoi” mos e dhëntë Zoti këtë lloj “gëzimi” për vdekjen e një gazetari apo qoftë dhe të një njeriu çfarëdo…

Ajo qe me tronditi pamasë ishte ngazëllimi dhe shfryrja e urrejtjes karshi kufomës, kur akoma nuk i ishte bërë varrimi. Mos bre njerëz me kufomën, kini durim, respektoni kodet!

Qysh në kohët e lashta kufomat nuk përdhoseshin… Në Iliadë në luftën e tmerrshme vdekjeprurëse midis dy luftëtarëve Hektorit dhe Akilit, është shumë prekës lutja e Hektorit kur vritet nga Akili… dhe po më prekëse është lutja e të atit të Hektorit, Priami kur i lutet Akilit që të mos ia përdhosë kufomën e të birit rrugëve…

Por vetë Hektori në momentet e fundit të jetës i lutet Akilit për t’ia kthyer trupin babait të tij dhe nënës dhe ja se si:

Duke dhënë shpirt Hektor kreshniku i foli:

“Pashë jetën tënde, t’lëshoj bè e t’lutem,

pashë këta gjunjë e prindët që të linden,

mos ma lër trupin pranë galeve akeje,

ta coptojnë larot, por prano shpërblesat”!…

Do të desha i ndjeri Andrea të kishte bërë të njejtën gjë me lexuesit e tij të shumtë para se të jepte shpirt…

Të vdekurit duhet t’i bëhen të gjitha nderimet që i takojnë një qenieje njerëzore. Më vonë pas varrimit për bëmat e tij apo të saj, për veprimtarinë patriotike apo kriminale, për analizat e drejta apo të shtrembëra, për qëndrimet e tij djallëzore apo ëngjëllore në publik kemi mundësinë të shprehim lirshëm çfarë ndjejmë…

Nga të gjithë statuset dhe shkrimet që kam lexuar rreth të ndjerit Andrea më preku thellë dhe më tërhoqi vëmendjen ku dhe kam se çfarë të mësojë qëndrimi i ish të përndjekurit politik i cili qysh në moshen 16 vjeç ka qene i burgosur, ndërsa familja e tij ka bërë plot 104 vjet burg, është fjala për shkrimtarin Viktor Martini, i cili është dhe Heroi im.

Ju ftoj ta lexoni qëndrimin e VIKTOR MARTINIT

Sikur më befasoi lajmi i vdekjes së Andrea Stefanit. Megjithëse nga pikëpamjet politike ishim të kundërt, ai me kurajon civile më ngjallte respekt. Ishte i mprehët, kurajoz e i saktë. Gjallnija e tij në medje ka me mungu. Një gjeneral që po vizitonte vorrezat e një vendi që kishte pushtue, u ndodh para vorrit të një gjenerali kundërshtar. Gjenerali mori qëndrim ushtarak, duke hjekun kapelen. Mbasi kreu qëndrimin ndaj kufomës, shoku i tij i drejtohet: “Si spjegohet kjo sjellje ndaj kundërshtarit tuej ndër ma të mëdhej”? -Gjenerali përgjigjet: Urrejtja njerëzore nuk duhet të shkapërcej rrasën e vorrit. I përcjelli familjarëve dhe medies shqyptare ngushëllimet e mia të cilët do e ndiejnë gjatë mungesën e Andreas.

6 dhjetor, 2016

Staten Island, New York

Greqia sjell në Tiranë dosjen me 3 mijë faqe për Klement Balilin

TIRANE – Mbërrin në Tiranë dosja penale greke në ngarkim të biznesmenit Klement Balili, i shpallur në kërkim ndërkombëtar nga autoritetet e vendit fqinj, për akuzën e “trafikut të narkotikëve”.

Dosja e personit të cilësuar si “baron droge” në Ballkan ka mbërritur në Ministrinë e Drejtësisë në Tiranë, ditët e para të muajit nëntor të këtij viti.

Sipas burimeve, bëhet fjalë për një total dokumentesh prej gati 3 mijë faqe, të gjitha prova shkresore të palës greke.

Pas marrjes në dorëzim, Ministria e Drejtësisë i ka përcjellë Prokurorisë për Krimet e Rënda aktet origjinale të dosjes në gjuhën greke, ndërsa ka nisur përkthimi i materialit në fjalë. Prokuroria ndërkohë, nuk bëri komente për çështjen.

Sipas burimeve, përkthimi i materialit për shkak të volumit të lartë ka kërkuar angazhimin e më shumë se 12 përkthyesve, pjesë e listës së njohur si përkthyes zyrtarë nga Ministria e Drejtësisë. Për shkak të volumit të madh të akteve të përcjella nga pala greke sqaruan të njëjtat burime, procesi është në zhvillim e sipër.

Për shkak të mungesës së provave konkrete nga hetimi i bërë në Shqipëri, për përfshirjen e Balilit në veprimtari të paligjshme, Prokuroria për Krimet e Rendë iu drejtua palës greke me një kërkesë zyrtare për vënien në dispozicion të dosjes së Klement Balilit që në muajin maj 2016.

Bashkangjitur këtyre letërporosive, autoriteteve të vendit fqinj iu përcollën edhe disa veprime hetimore të kryera nga Krimet e Rënda për grupin kriminal, ku sipas palës greke është i përfshirë edhe biznesmeni Balili.

Emri i tij doli në dritë nga një hetim i bashkërenduar mes disa shteteve për të goditur një grup kriminal të angazhuar në trafikimin e drogës. Sipas autoriteteve greke, Balili është financues i grupit që ka kryer trafikim të ngarkesave me drogë nga Shqipëria.

Gjatë hetimit në mars 2016 u identifikuan dy numra telefonikë në përdorim të Balilit.

Depresioni social, opinionistët dhe “mediat e shpifura”! – Nga Qamil Gjyrezi

Depresioni social tek neve dhe nëpër botë nuk ka ngjarë sot, në këtë periudhë. Depresioni social e ka shoqëruar shoqërinë në të gjitha etapat e zhvillimit të saj. Ngjarja e fundit në Korcë ka përmasa “kanibaleske”, por që duhen studjuar me vemendje dhe shkencërisht nga studjuesit e mirëfilltë, psikologë e punonjës social dhe e gjithë shoqëria në përgjithësi. Por dicka që më bëri të reagoj ishin prononcimet e psikologëve dhe profesorëve të shkencave sociale për ngjarjen në media duke konstatuar “depresionin social”. Ok, ka dpresion social! Paturpësisht mbushin hapsirat e mediave të “shpifura”, tregojnë nivelin e tyre intelektual, ndyshojnë veshjet dhe tregojnë nivel në komunikim. Që do të thotë, vetëm konstatojnë dhe nuk “aplikojnë” asnjëherë dhe mbrojnë interest e shoqatave jo-qeveritare dhe shfytëzojnë hapsirat mediatike. A ka ndonjë punonjës social dhe psikolog në Korcë që ka shkuar tek ajo familja që ndodhi ngjarja për të ndikuar sadopak tek problematikat që ka patur kjo familje?! Në planin ligjorë më duket se sot kishte një vendim për masat e mbrojtjese për gjygjtarin. Të gjithë “llapin në media”, përpiqen të justifikojnë detyrimet! Mbas tre ditësh harrohet kjo ngjarje. Tre ditë zgjat lajmi, edhe sot në botën globale. Por turpi i madh është i politikës që kërkon të “përfitojë” nga këto ngjarje! Ok politika dhe media kanë këtë punë. Natyra e vërtetë e mediave doli në zgjedhjet e fundit në SH.B.A.
Por psikologët dhe punonjësit social kanë mision tjetër. Misioni i tyre në shoqërinë post-moderne është i madh. Ato nuk duhet vetëm të konstatojnë dhe “fitojnë” projekte nga bashkia dhe qeveria për të plotësuar nevojat e tyre individuale. Ato duhet të jenë më afër shoqërisë në planin psikologjik dhe social, më afër shoqërisë dhe individit. Klienti, individi dhe shoqëria nuk janë vetëm për tu “studjuar” dhe bërë teste! Ato janë baza e të gjithë zhvillimit tonë!
Po sjell një thënie të filozofit antropolog të madh bashkëkohorë Umberto Galimbeti: “Është e nevojshme njohja e alfabetit emocional: e zemërimit, frikës, dashurisë, trishtimit “Emocionaliteti ynë mund të edukohet dhe nëse duam një shoqëri më të mirë, ai duhet të edukohet”, shkruan filozofi Italian”.!

Nekrologji: Prof. Dr. PELLUMB J. BITRI

Më 13 nëntor 2016, në qytetin Bilbao, në Spanjë, u nda nga jeta Prof. Dr. Pëllumb Jani Bitri, një humbje e dhimbshme për familjen, për shkencat mjekësore, për pedagogjinë, kulturën dhe shoqërinë shqiptare.

Ndarja e papritur nga jeta e Prof Pellumb Bitri, la në pikëllim familjen, të afërmit, studentët, kolegët, miqtë e shumtë në Shqipëri, Spanje, Kosovë dhe ne Maqedoni.

Prof. Dr. Pëllumb Bitri lindi në vitin 1928 në një familje të thjeshtë elbasanase, por arsimdashëse. Me gjithë vështirësitë ekonomike, prinderit e tij arritën të shkollonin te tre djemtë.

Pas çlirimit të vendit, Prof. Pëllumbi shkoi per studime ne Bashkimin Sovjetik, ne Universitetin e qytetit Gorki, ku studioi dhe u diplomua në mjekësi e në filozofi me rezultate shkelqyeshem.

Në vitin 1954, Ai u kthye në atdhe dhe u emërua shefi i katedrës së Anatomisë Patologjike, që e drejtoi për shume vite me radhë dhe me nivel të lartë, duke krijuar shkollën shqiptare të Anatomisë Patologjike, ku u formuan profesionalisht me dhjetra specialistë dhe me dhjetra mijëra studentë.
Prof. Pëllumb Bitri është autori i tekstit “Patologjia Morfologjike”, teksti i parё historik i Fakultetit tё Mjekёsisё. Në kohën kur u botua ky libër voluminoz, ai ishte 38 vjeç; i ri në moshë, por me formim dhe përvojë tё pasur profesionale dhe shkencore.

bitri2

Prof Pellumb Bitri dhe Prof Ekaterina Petrovna Seminova ne provimin e pare te anatomise patologjike,

bitri5

Prof Pellumb Bitri, me studentet e vitit III te Fakultetit te Mjekesise te Universitetit te Tiranes

Prof. Pëllumb Bitri është personaliteti publik, intelektuali i shquar, patrioti i çështjes tonë kombëtare. Ai është shkencëtari dhe profesori i famshëm, lektori i admiruar nga mijërastudentë dhe mjekë, oratori i paimitueshëm, poligloti dhe poliedriku, bashkëshorti dhe prindi shembullor.

Prof. Pëllumb Bitri mbetet simbol i pedagogut, që me dinjitet, me personalitet dhe me aftësi profesionale e shkencore kontribuoi në edukimin dhe formimin profesional të dhjetra mijëra mjekëve, në veçanti me botimin e shumë teksteve universitare, të monografive dhe studimeve shkencore.

Prof. Dr. Pëllumb Bitri është personifikim i intelektualit, eshte pedagogu “rrebel”, që me kurajo ndoqi rrugën e së vërtetës, të progresit social, kulturor dhe shkencor të shoqërisë shqiptare, duke u bërë protagonist dinjitoz i saj.

Ai gjithë jetën luftoi dhe punoi për një mjekësi të fortë, shkencore e të zhvilluar në nivelet bashkëkohore, duke u renditur ndër figurat e shquara të historisë, të kulturës dhe të shkencës shqiptare.

Pof Pellumb Bitri, kontribuoi dhe ne formimin profesional dhe shkencor te katedres te Anatomis Patologjike te Fakultetit te Mjekesise te Universitetit te Prishtines, ku zhvilloi leksione dhe ndihmoi ne programet kerkimore shkencore.

bitri6

Prof Pellumb Bitri, me studentet e mjekesise te vitit III, Universiteti i Prishtines.

Trashëgimia profesionale, shkencore dhe kulturore e Prof. Pëllumbit është një thesar me vlera të veçanta për kombin tonë. Kontributet në fushën e mjekësisë, të pedagogjisë dhe të shkencës, janë vlerësuar dhe nderuar me çmime kombëtare, me urdhra dhe dekorata të shumta, që shprehin qartë vlerat e larta shkencore të veprave që ai krijoi.

Prof Pellumbi, ka merita te veçanta ne formimin shkencor te pedagogeve te katedres te Anatomise Patologjike, te cilet i udheheqi ne veprimtarite kerkimore shkencore, qe u kurorzuan me tituj dhe grada shkencore te te gjithe stafit pedagogjik.

Prof. Pëllumb Bitri, profesori i madhi dhe i paharruar, është në mendjet dhe zemrat tona si pedagogu ynë i zjarrtë, shkencëtari, personaliteti dhe poligloti me vlera të larta kulturore, me inteligjencë të veçantë. Këto aftësi ai i vuri në dispozicion të shoqërisë shqiptare, duke u shquar si veprimtar shoqeror, si dhe nëpërmjet veprave të tij, me studimet e shumta të botuara dhe të prezantuara në konferenca e kongrese kombëtare dhe ndërkombëtare.

Njëzet vjet më parë ai emigroi familjarisht në Spanje, ku jetoi e punoi në Bilbao. Dhe në Spanje, Profesor Pëllumbit ia vlerësuan aftësitë e tij pedagogjike dhe shkencore dhe e pranuan si pedagog në Fakultetin e Mjekësisë të Universitetit Publik De Pais Vasco, ku dha leksione dhe drejtoi seminare me studentët. Për aftësitë e tij të shquara didaktike dhe shkencore, Prof. Pëllumb Bitri u zgjodh anëtar i Këshillit Shkencor të Fakultetit te Mjekesise.

bitri3

2002 Bilbao – Spanje. Prof. Maria Gabriel Inklan Iribar (Ministri i Shendetesise i Rajonit Bask) dhe Prof Pëllumb Jani Bitri

bitri4

Prof Pellumb Bitri me antaret e keshillit shkencor te Fakultetit te Mjekesise Universitetit Publik De Pais Vasco – Bilbao, Spanja

bitri7

Prof Pellumb Bitri, ne seminar me studentet ne Deparimentin e Antomise Patologjike te fakultetit te Mjekesise ne Bilbao

Humbja e papritur e Prof. Dr. Pëllumb Bitri, personalitetit të shquar të shkencës, të mjekësisë, të pedagogjisë dhe të kulturës shqiptare, është një dhimbje e madhe për të gjithë ne.

Shkencëtari i shquar Prof. Pëllumb Bitri, profesori i famshëm i mjekësisë, burri i mençur dhe prindi shembullor, na mungon fizikisht, por emri dhe vepra e tij e shquar do të jetojnë në jetë të jetëve.

Presidenti i Shqipërisë dekreton datën e zgjedhjeve

Në dekretin e presidentit të firmosur sot zgjedhjet e përgjithshme parlamentare janë caktuar të mbahen më datë 18 qershor 2017.

TIRANË – Presidenti i Shqipërisë, Bujar Nishani, ka dekretuar sot caktimin e datës së zgjedhjeve për Kuvendin e Shqipërisë që do të mbahen vitin e ardhshëm, raporton Anadolu Agency (AA).

Në dekretin e presidentit të firmosur sot zgjedhjet e përgjithshme parlamentare janë caktuar të mbahen më datë 18 qershor 2017.

Ndërkohë vetëm pak ditë më parë Komisioni Qendror i Zgjedhjeve i Shqipërisë miratoi projektvendimin “Për caktimin e numrit të mandateve për çdo zonë zgjedhore të zgjedhjeve për Kuvendin e Shqipërisë të vitit 2017″.

Në bazë të këtij vendimi numrin më të madh të deputetëve do ta ketë zona zgjedhore e qarku Tiranë me 34 mandate, ndërsa numrin më të vogël të deputetëve do ta ketë qarku i Kukësit me 3 mandate.

Shqipëria nis kontigjentin e pestë në Afganistan

Në fjalën e tij përshëndetëse ambasadori i Turqisë në Tiranë, Hidayet Bayraktar, u shpreh se Turqia ka mbështetur anëtarësimin e Shqipërisë në NATO.

TIRANË – Shqipëria nis kontingjentin e radhës që do të shërbejë në misionin “Resolute Support” (RSM) në Afganistan. Ceremonia për përcjelljen e kontingjentit u zhvillua në ambientet e Policisë Ushtarake në Tiranë.

Të pranishëm në këtë ceremoni ishin ministrja e Mbrojtjes e Shqipërisë, Mimi Kodheli, zëvendësshefi i Shtabit të Përgjithshëm të Forcave të Armatosura, gjeneral brigade Dedë Prenga, ambasadori i Republikës së Turqisë në Tiranë, Hidayet Bayraktar, ushtarakë dhe familjarë të efektivëve që do të nisen në mision.

Në një njoftim zyrtar nga Ministria e Mbrojtjes, theksohet se ministrja Kodheli në fjalën e saj tha se ky 5 dhjetor duhet mbajtur mend si “Fillimi i një angazhimi të ri”.

“Sfidat e reja të sigurisë, kërkojnë me ngulm shikimin e bashkëpunimit mes vendeve aleate si mundësinë primare jetike të suksesit, në këto kohë mungesash dhe radikalizimi. Gjendemi së bashku me aleatët tanë në zonat më të nxehta të globit, marrim përsipër angazhime në përmbushje të kërkesave të Aleancës, por dhe mendojmë në çdo moment për përmirësimin e realitetit me të cilin përballemi. Ngjarjet që po ndodhin kudo nëpër botë demonstrojnë rëndësinë që ka mirëpërgatitja për parandalimin e çdo agresioni të mundshëm ndaj Aleancës apo për t’iu përgjigjur çdo krize të mundshme”, u shpreh Kodheli.

Në fund të fjalës së saj, Kodheli falënderoi aleatët turq për të gjithë ndihmën e dhënë në plotësimin e angazhimit në Afganistan. “Bashkëpunimi me Forcat e Armatosura Turke, mbetet për ne mjaft i rëndësishëm dhe thelbësor”, ka shtuar ajo.

Në fjalën e tij përshëndetëse ambasadori i Turqisë në Tiranë, Hidayet Bayraktar, u shpreh se Turqia ka mbështetur anëtarësimin e Shqipërisë në NATO.

“Turqia ashtu siç në çdo fushë edhe në fushën ushtarake ka marrëdhënie të shkëlqyera me Shqipërinë. Sot kërcënimet rajonale dhe globale po arrijnë përmasa tepër të vështira. Në këtë kohë rritet akoma më shumë roli rajonal dhe global i NATO-s për ruajtjen e paqes dhe të sigurisë në Botë. Turqia është një mbështetëse e politikës e dyerve të hapura të NATO-s. Në të njëjtën kohë e shikon këtë aleancë si një garanci të fuqishme për stabilitetin dhe paqen në Ballkan. Në këtë kuadër Turqia e shikon si tepër kuptimplotë dhe tepër të rëndësishme kontributin që jep Shqipëria, aleate e jona në NATO, kontribut të cilën e jep edhe në Afganistan në kuadrin e komandës së NATO-s”, u shpreh Bayraktar.

Kontingjenti që nisen në Afganistan, i përbërë nga 30 efektivë shënon kontingjentin e 5-të të efektivave shqiptarë në kuadër të RSM-së. Ata pritet të zëvendësojnë trupa të kontingjentit të 4-tërt të Batalionit Komando, të cilët janë aktualisht duke kryer misionin e tyre në varësi të komandës turke në Kabul, Afganistan. Ashtu sikurse edhe kontingjentet e tjera, toga e efektiveve të Policisë Ushtarake, do të shërbejë për një periudhë 6 mujore. aa

Koalicioni anti-PDK rritet në Drenas

Aleanca Kosova e Re do ta mbështesë në balotazh kandidatin e Nismës për Kosovën, Isa Xhemajli.

Lajmin e ka bërë të ditur kryetari i Mitrovicës Agim Bahtiri në emisionin Zyra e Ankesave të TV Dukagjinit.

“Natyrisht se do të mbështesim ndryshimin demokratik dhe humbjen e PDK-së”, ka thënë Bahtiri.

Lamtumira e fundit për Andrea Stefanin në hollin e RTSH-së

Burime qeveritare, që po organizojnë ceremoninë mortore, bëjnë të ditur se trupi i pajetë i Stefanit do të vijë në atdhe ditën e martë e më tej do të vijojnë homazhet në institucionin e RTSH-së.

Është zgjedhur kjo e fundit, simbolikisht për faktin se Andrea Stefani i kushtoi jetën dhe pasionin e tij pikërisht gazetarisë, ishte një figurë e njohur televizive, edhe pse jo në ekranin shtetëror. Pas homazheve, kortezhi mortor do të niset drejt banesës së fundit, pranë varrezave të Tufinës.

Ora e ceremonisë pritet të saktësohet gjatë ditës së sotme. Analisti Andrea Stefani u nda nga jeta në moshën 58- vjeçare, në kulmin e karrierës së tij. Ndërsa publiku, ai që e mbështeste apo jo mendimin e tij, prisnin daljen e tij të radhës në një nga ekranet televizive, ku debatohej ashpër për politikën apo tema të mëdha të ditës, gjithnjë luftarak, pasionant, Andrea Stefani po luftonte me një sëmundje të pashërueshme.

Duke mos dashur ta ndajë me të tjerët problemin e tij, ishin të paktë ata që e dinin se gazetari po kurohej nga një tumor në stomak. Edhe trajtimi i specializuar në një nga spitalet e Romës nuk mundi t’i shpëtonte jetën Stefanit.

Siç janë shprehur këto ditë miqtë e tij të ngushtë, ai ishte shpresëplotë deri në momentin e fundit se do të mund ta fitonte këtë betejë, por pa mundur. Me ikjen e tij nga jeta, ai la pa dyshim një vend bosh në panelet televizive. Drejtuesve të debateve, të cilët gjithnjë dëshironin ta kishin pjesë të emisioneve të tyre, do t’u mungojë një nga analistët më karizmatikë, të majtës do t’i mungojë avokati më i ndershëm, ndërsa të djathtës kundërshtari më i palëkundur.

Vdekja e Andrea Stefanit ka prekur thellësisht kolegët e tij gazetarë, por edhe politikanë të majtë e të djathtë, me të cilët ai ka qenë jo fort “i mëshirshëm”. Kanë shprehur ngushëllime Kryeministri Edi Rama, Mimi Kodheli, Astrit Patozi etj.

Mes tyre edhe ish-kryeministri Sali Berisha, i cili pranon se “Andrea ishte një avokat i vendosur i së majtës, kritik dhe kundërshtar i palëkundur i imi dhe i së djathtës së vendit, që la një boshllëk të vërtetë në arenën e debatit dhe publicistikës sonë”. Andrea Stefani i takon brezit të gazetarëve të viteve të tranzicionit.

Ai e filloi karrierën në vitin 1989 si gazetar pranë gazetës “Puna”, për të vijuar më pas si gazetar i lirë. Ka punuar në “Gazetën Shqiptare”; në gazetën “Rilindja” të Kosovës, që botohej në Tiranë, e më pas në gazetat “Shekulli”, “Shqip”, “Dita” etj., në faqet e të cilave ka qenë përherë i pranishëm me shkrimet e tij fillimisht me karakter ekonomik e më pas politik. Stefani ka qenë për shumë vjet drejtues i programit investigativ “Hapur”.

Për më shumë se 10 vjet ishte i pranishëm në debatet e përnatshme, në ekranet më të rëndësishme. Ai është gjithashtu autor i librave publicistikë “Albanistan” dhe “Komplot kundër lirisë”.

Trupi i pajetë i publicistit të ndjerë Andrea Stefani pritet të mbërrijë në Tiranë ditën e të martë.

Analisti i njohur Andrea Stefani u nda nga jeta pardje, teksa vuante prej disa muajsh nga një sëmundje e rëndë.

Ai ishte prekur nga një tumor në stomak. Për fat të keq, kimioterapia nuk dha efektet e pritshme. Ndërhyrja kirurgjikale rezultoi fatale.

Kolegu ynë është shuar të shtunën pasdite në një spital në Romë. Ai nuk dëshironte që sëmundja e tij të bëhej publike dhe vazhdimisht qetësonte ata pak miq që e dinin duke u thënë që ishte diçka e lehtë që po kalonte dhe se kurimi po ecte mirë.

Andrea pas pak ditësh festonte 58 vjetorin. Ai ka lindur në 8 dhjetor të vitit 1958. Andrea la pas bashkëshorten e tij Enkeleden dhe dy fëmijë, Danielin 15 vjeç dhe Stefaninë 12 vjeçe

Artur Zheji: “Ja si vdiset në Shqipëri kur je gazetar i njohur!”

Ikja e parakohshme e Andrea Stefanit, pedagogut, publicistit dhe gazetarit të njohur ka sjellë reagime nga më të ndryshmet në rrjetet sociale.

Në një kohë kur personalitetet e artit, publicistikës, politikës, medias dhe shoqërisë civile e kanë vlerësuar figurën e tij, pavarësisht bindjeve politike, një pjesë e qytetarëve kanë derdhur vrer ndaj tij.

Pikerisht per kete te fundit ka shkruar ne portalin “360 gradë”, edhe analisti i njohur Artur Zheji.

Sipas tij, “fillimisht flasin në publik autoritetet. Të gjithë pa përjashtim, miq dhe “armiq”. Gërmojnë një fjalë tradicionale diku nëpër xhepat e kujtesës, i rradhisin si tespije qelibari dhe ua hedhin mediave”.

“Pastaj ca kolegë zemërdhembshur, sidomos nga ata që kanë “ide të përbashkëta”, shkruajnë edhe ata ca rradhë. Nekrologjitë rrëfejnë kush më shumë dhe kush më pak, arsyen e vdekjes, por rreptësisht nuk përmendin detaje.

Kjo është një recetë për 24 orët e para, mbasi të gjithë janë të sigurtë që nuk ngjallesh më.

Mirëpo fill më pas fillojnë komentet e atyre që shumica janë me emër fake dhe Fb fake dhe e rivrasin me sharje dhe vrer “ndjesëpastin”, shumë e shumë herë.

Pastaj vjen një harresë e shpejtë, menjëherë mbas 48 orëve të para, të cilat kanë aty këtu përsëri komente.

Në 24 orët e treta dhe në 24 orët e katërta, të jetëndrrimit, jeta dhe vepra mediatike dhe jo vetëm, rivendosen në gojën e të mllefosurve të përhershëm, të cilët numërojnë të 1001 të zezat që ata kanë “parë e duruar” nga gazetari, që smundet më të replikojë.

Çfarë turpi! Heshtni të paktën njëherë me klasin që nuk keni!”

Politekniku akreditohet nga britanikët, universiteti i parë publik që kalon testin

65 vite nga krijimi i Universitetit Politeknik të Tiranës, një kompani e huaj e akrediton zyrtarisht për cilësinë e kurrikulave dhe programeve të studimit.

Ky është universiteti i parë publik i cili prej 6 muajsh ka qenë nën mbikqyrjen e ekspertëve britanikë dhe ka marrë draftin final të certifikimit ndërkombëtar.

Rektori Andrea Maliqari, përveç ndjesisë pozitive që ka marrë nga ky lajm deklaron se raporti mbart edhe detyra dhe përgjegjësi të cilat do të adresohen.

“Para 2 ditësh ka mberritur raporti i vlerësimit institucional, vlerësimi ishte pozitiv, më vjen mirë që në rekomandimet e përcaktuara, përcaktohen qartë objektivat që ne duhet t’i realizojmë”,- tha ai.

Hapësira jo e mjaftueshme për student, mungesa e laboratorëve si dhe lidhja organike mes universitetit dhe tregut të punës janë detyrat që raporti ka lënë mbi tryezën e punës së rektorit.

“Mbetet për t’u diskutuar raporti në sipërfaqe i ambinteve që ka në dispozicion Universieti Politeknik për të plotësuar standardet dhe njëkohësisht kërkesës që vjen me vetë zhvillimin e shkencës dhe teknologjia sot me zhvillimin e metejshëm të laboratorëve jo vetëm mësimor por edhe kërkimorë që detyrimisht kërkojnë që universiteti të jetë qendër e rëndesishme e mesimdhënies dhe kërkimit shkencor. Në momentin që ne do kemi raportin përfundimtar, rekomandimet që janë lënë, ne do përcaktojmë planin e masave për t’i realizuar në kohën dhe kualitetin e duhur”,- shtoi ai.

Ky universitet synon që të krijojë lidhje me homologë në vendet europiane për të ndryshuar kurrikulat dhe pse jo hapur mastera të rinj që i vlejnë tregut brenda dhe jashtë Shqipërisë.

“Lidhja e ngushtë e mësimdhënies me kërkimin shkencor do të jetë një nga objektivat kryesore që do të ketë universiteti Politikenik në vazhdim. Lidhja organike mes ndërrmarrjeve dhe universitetit bënë që edhe universiteti duke siguruar lidhje të tillë të përshtasë kurrikulat dhe produktin ta orientojë drejt tregut”,- tha rektori.

Universiteti Politeknik është një nga 6 universitet e para, 4 publikë dhe dy privatë, që kompania britanike e kontraktuar nga qeveria për akreditimet, përzgjodhi për këtë proces që ndodh për herë të parë në Shqipëri.

Për herë të parë një universitet publik shqiptar akreditohet nga një kompani ndërkombëtare për cilësi në kurrikula dhe programe studimi. Universiteti Politeknik e kaloi këtë proces i cili përvec pozitivitetit qe eksperët shprehën, la edhe detyra si shtimi i hapësirave për student, rritja e cilësisë së laboratorëve dhe një lidhje me të fortë me tregun e punës. /News24/

Marin Mema: “Vini në Shqipëri e mendoni se do flemë? Këtu do t’iu thyhen dhembët!”

Gazetari Marin Mema ka reaguar pas deklaratës së deputetes Eleni Teocharus.

Ai ka përdorur gjuhë të ashpër duke thënë se “mund t’iu thyhen dhembët nëse i kërcisni shumë në vendin tonë”.

Ja reagimi i plotë i Memës:

Nje Eurodeputete greke nga Qipro erdhi ne Tirane ne emer te PBDNJ ( e cila ne leter duhet te jete nje parti qe bashkon , mbron, pa paragjykim te drejtat e njeriut) e tha se tashme na qenka momenti te mbrohen te drejtat e Vorio Epirit,per te mos perfunduar ne nje tragjedi siç ka ndodhur sipas saj me helenizmin qipriot. Nga krahu tjeter ministri i mbrojtjes grek kercellit dhembet nga kufiri perballe nje tjeter vendi antar te Natos siç eshte Shqiperia….

Ore te dashur fqinje a ju ndodh ndonjehere ne jete te lini menjane ekstremizmin e te jeni qytetare te thjeshte ?

Te mendoni se nuk eshte e drejte qe mijera njerez , popullesi civile te masakrohen , te vriten, tu hapet barku, te dhunohen gra e femije ? A ju ndodh te mendoni se ata femije kishin nena e baballare ? Se ata femije kishin prinder, gjysher ? A ju ndodh te mendoni se njeriu nuk eshte nje cope guri qe mund ta rrahesh me çekiç e ta gjysmosh e te mos ndjeje dhimbje ??? A mundet njehere te vetme te jeni njerez te thjeshte pertej politikes e te kujtoni mijera njerez te vdekur rrugeve sepse nuk ju la zgjidhje tjeter ? Po femijet qe nuk mundet te shikojne varrin e prinderve a i mendoni ? A ju duket e drejte kjo si qytetare, si nena e baballare, si njerez te thjeshte ?

Ju vini ne Shqiperi hyni e dilni e mendoni se ne do te fleme ? Do te vazhdojme te pranojme ? Do te ulim koken e do te krrusim shpatullat pa klithur ? Jo, pra jo !! Nuk ka me histori te tille. Ne kemi te drejten e zotit te klithim, te flasim , te tregojme, te ulurasim, sepse ata mijera njerez sot nuk kane as nje varr te prehern.

Ju flisni per te drejta te njeriut me Vangjel Ziun (shtate standartesh ne krye), por nuk thoni kurre sesi mundet te keni frike nga nje gazetar , qe mund te mos jete Marin Mema, por do te jete kushdotjeter qe kerkon te tregoje te vertetat.

Ju flisni per te drejta njeriu, por nje shkolle per shqiptaret ne Filat, Margelliç, Gumenice, Paramithi, Preveze, Parge, Arte, Negovan, Konice, Bellkamen, Plikat etj nuk e hapni. Bile ju as nuk i lejoni te ndihen shqiptare sikurse jane nga rrenjet. Ju nuk lejoni nje kamera e jo me nje shkolle. Ju flsni per te drejtat e njeriut , por kurre nuk pranoni nje varreze per çamet e masakruar, se pertej mendesive dhe justifikimeve tuaja, nuk besoj se femijet ne barke te nenes, ishin bashkepuntore me nazistet.

E pra ne nuk kemi frike nga e verteta, aspak, e aq me pak nga nje ekstremist qe fle gerxheve me ushtrite si per te treguar se jeni te fuqishem. Nuk kemi frike se jemi me te drejten e te verteten, nuk kemi frike sepse ne kurre s’kemi patur frike nga ekstremistet qe qarraviten sikur tu kene çjerre fytyren e tu kene vjedhur buzkuqin.

Nuk dua aspak ti futem çeshtjes se pronesise e perplasjeve ne Himare edhe pse familjes sime dikur pronat ne Libohove e Gjirokaster na i morri me para nen dore ne gjykata nje biznesmen i madh e i njohur grek qe ne fillim vitet 1990 kishte para te madhe ndryshe nga fisi yne. E pra ne kishim te drejte te nginim gjithçka ne kembe sepse na morren te drejten, por ne shqiptaret shpesh here kemi qene te tille, te urte, te permbajtur, duke pranuar edhe vendime te tilla. Ne nuk gerthitem se po na cenonin te drejtat, as se po na grabisnin, por pranuam korrupsionin e imponuar nga greku para-madh.

Ne kete rast nuk dua te futem ne debatet e Himares, edhe pse besoj se nuk eshte ndryshe Himara nga Tropoja, Kukesi, Durresi, Tirana, Vlora apo tjeterkund. E ne rradhe te pare ç’pune ka nje eurodeputete qipriote qe boll probleme ka ne ishullin e saj te merret me problemet shqiptare ? E keshtu gjithelloj figurash edhe nga ata qe dikur mbronin pronat e shqiptareve himariote , por qe sot per nje post deputeti kane shitur edhe breçkat bashke me rrenjet ???

Te dashur fqinje kohet e presioneve kane shkuar, kohet e ekstremizmave po ashtu, e bashke me to edhe kohet kur kercellitjet e dhembeve na shtangnin….

Nese doni Shqiperia ketu eshte, ka burra, ka djem, ka gra, ka femije, ka shqiptare, ju siguroj shume me europiane sesa ju , qe dine te duan e mbrojne kete vend. E pra ne do te kerkojme çdo te drejte tonen. Nuk ju pelqen ???? Ky eshte problemi juaj. Mund t’ju them veç keq; hapni syte, ngrini ura te verteta bashkepunimi, pranoni te bashkejetoni si europiane, te ecni bashke me ne ne Ballkanin e trazuar, e mos kercellisni fort dhembet se rrezikoni ne kete vend t’ju thyhen. E ne nuk jemi dentiste.

Skandali – Eurodeputetja greke në Tiranë: Jam mes greqizimit të Vorioepirit

Eurodeputetja greke e Qipros, Eleni Theocharous deklaroi dje nga Tirana se, “gjendem mes greqizmit të Vorioepirit, i cili prek këto toka të shenjta të një vendi grek të lashtë, që ka ngelur jashtë kufijve të shtetit grek”.

Eurodeputetja mori pjesë dje në takimin “Jo grabitjes së pronave, pro zhvillimit dhe integrimit në BE”, organizuar nga PBDNJ, Organizata Omonia, Aleanca për Mbrojtjen e Pronës së Bregdetit, Bashkimi himarjot i Amerikës dhe Bashkimi himarjot i Athinës. Ajo tha në fjalën e saj se sjell mesazhin e shpresës, luftës dhe fitores. Eleni Theocharous, i ka zhvendosur kërcënimet greke nga Parlamenti Evropian drejt Tiranës.

Ajo ka vlerësuar se ka ardhur momenti për rezistencën e fundit që grekët mund të bëjnë, duke sjellë në vëmendje tragjedinë e helenizmit qipriot. “Që atëherë kur kemi formuar frontin për Epirin kanë kaluar gjithë këto vjet dhe asgjë. Ne ndiejmë detyrim të mbrojmë të gjitha të drejtat e Vorioepirit. Greqizimi i Voriepirit do ishte ‘OK’, nëse qeveritë do i jepnin rëndësinë e duhur dhe duhet të ndodhë pa pretendime për territoret greke që ndodhen këtu. Pa rezistencën dhe irredentizmin e myslimanëve”, citon Ora News.

Duke rikujtuar raportin e Fleckenstein për integrimin e Shqipërisë, për të cilin u fol të martën e kaluar në PE, eurodeputetja theksoi: “Greqia e nxituar ka miratuar që Shqipëria të vazhdojë me integrimin, sepse ky vend kalon në nivel shumë të lartë të krimit dhe korrupsionit, ushtron presion me minoritetet dhe është një vegël e Turqisë, duke lejuar shkollat e myslimanëve”.

Eurodeputetja greke, Eleni Theocharous tha se Shqipëria duhet të lejojë të drejtën e shprehjes, të drejtën e qarkullimit të librave. Ndërsa shtoi se Greqia e ka ndihmuar Shqipërinë, ndaj asnjë shqetësim nga shqiptarët nuk është i justifikuar. Deklaratat e forta të eurodeputetes u bënë gjatë aktivitetit, ku pjesë ishte edhe kreu i PBDNJ-së, Vangjel Dule. Ai ka deklaruar se nuk mund të shkëputen pronat e Himarës tani, për aq kohë sa nuk i janë shkëputur në shekuj. Dule akuzoi kryeministrin Rama se po ndjek politika selektive në Himarë duke favorizuar interesat klienteliste.

“Nuk mund t’i shkëputej prona Himarës, se nuk ka ndodhur në shekuj dhe nuk mund të ndodhë tani”, tha Dule. “Janë 19 objekte në qendër të Himarës, pronarët e të cilëve kanë marrë njoftim se do t’i shkatërrohen pronat. Pikë së pari, janë himarjotët. Është Himara ajo që kërkon zhvillim. Janë investuar kursimet, kanë zhvilluar pronën. Gjendemi përballë spekulimeve të Ramës, i cili thotë se po shemben mbi 9000 objekte në gjithë republikën. Politikat në Himarë janë selektive dhe u shërbejnë interesave klienteliste”, tha Dule.

Berisha: “Rama ka muaj që kërkon takim, Putini është gati ta presë në Moskë”

Ish-kryeministri Sali Berisha, përmes një statusi në “Facebook” shkruan se kryeministri Rama ka kërkuar prej muajsh takim me Presidentin rus Vladimir Putin.

Këtë dëshirë, Rama e shprehu edhe dje në “Top-Story” në “Top-Channel”, duke thënë se Shqipëria nuk ka armiqësi me Rusinë.

Por për ish-kryeministrin, diçka fshihet pas këtij takimi. Ai përmend edhe të famshmen dosje “Mitrokin”, ku ish-zyrtari i KGB-së me të njëjtin emër, zbuloi para disa viteve të gjitha materialet sekrete dhe përgjimet e KGB-së, ku përmendej edhe Kadri Hazbiu, ish-ministër i Brendshëm, si edhe Zoi Themeli, kreu i Sigurimit të Shtetit, që mbanin lidhje me Moskën.

STATUSI

A kushtezohet takimi i Rames me Putin nga trashegimia e tij direkte aterore, pra dosja Mitrokin?!

Ta dashur miq, te vetmin lajm qe mediat arriten te veçojne nga monologu dy oresh i Rames me Ballen ishte deshira e tij per te takuar Vladimir Putinin.

Analistet e interpretojne kete si nje forme presioni ndaj BE per ndikimin e faktorit te trete ne Shqiperi ne rast te mos hapjes se negociatave nga BE. Kjo mund te jete e vertet, ndonese nje presion i tille mund te ndikoje ne te kundert.

Te tjere mendojne se i ati i Rames, i shkolluar dhe me shume se shkolluar ne Rusi eshte nje kalores i zi ne seksionin per Shqiperine te dosjes Mitrokin. Madje e marrin kete si te vertet te mirefillte.

Nuk mund te them se çfare fshihet ne deshiren e Rames per te takuar Putinin por e verteta eshte se prej shume muajve Rama kerkon takim me Putinin dhe ky i fundit ka rene dakord te presi Ramen sapo ky te plotesoj ca gjera te “vogla”! sb

U masakrua dhe më pas u dogj, ekspertiza për teknologun e Uzinës së Ballshit

Zbulohen detaje të tjera nga vdekja e teknologut të Uzinës në Ballsh, Shefo Duraj.

Ky i fundit u gjet i vdekur dhe me shenja në trup disa ditë më parë, dhe ishte shpallur i humbur që prej më shumë se dy javësh.

Kështu, sipas burimeve të “Panorama.al” brenda Policisë, thuhet se Duraj është masakruar dhe më pas është djegur dhe hedhur në pyll.

Dyshohet se ai është vrarë më 14 nëntor, teksa linte punën në turnin e tretë. Fillimisht policia e Fierit deklaroi se Duraj kishte vdekur në rrethana aksidentale, por u desh ekspertiza që të zbardhej se bëhej fjalë për një krim të mirëfilltë dhe të mirëpërgatitur.

Burime nga policia e Fierit thanë se, Duraj ishte goditur me mjete të forta fillimisht e më pas me thikë. Duket se autorët e kanë neutralizuar duke e qëlluar në kokë 57-vjeçarin e më pas e kanë qëlluar me thikë. Mjekët ligjorë konstatuan edhe faktin se vrasësit kanë dashur ta djegin trupin e viktimës, për të humbur çdo gjurmë.

Deri tani dyshimet janë për një konflikt të viktimës me banorë të fshatit, të cilët kanë ditur lëvizjet e tij dhe e kanë sulmuar ndërsa kthehej nga puna.

Sandër Lleshi: “Më 1974, 130 tonë libra bëhen karton, bibliotekat mbushen me veprat e Hoxhës”

NGA FATMIRA NIKOLLI

Ushtria moderne e Shqipërisë së re duhet të mbështetet në një filozofi të re, jo atë marksiste; në një strategji të re, jo atë të ngujimit; në një doktrinë të re, jo atë të bunkerizimit; në një arsimim të ri, jo atë të indoktrinimit; në një frymë të re, jo atë të mosbesimit; në një organizim të ri, jo atë të centralizimit; në një mision të ri – misionin e lirisë, jo atë të robërisë”. Për Sandër Lleshin, që ka marrë në shqyrtim veprimtarinë e ushtrisë shqiptare në vitet 1966-2011, ky është konkluzioni. Gjenerali që e ka nisur karrierën e tij ushtarake në vitin 1978 dhe ka qenë pjesë me detyrën e Zëvendësshefit të Shtabit të Përgjithshëm të Forcave të Armatosura në vitin 2013, ka sjellë tanimë një studim me titull “Udhëheqja ushtarake, globalizmi dhe Rasti i Shqipërisë”(Onufri).

Sipas tij, periudha pas Luftës së Ftohtë dhe rrugëtimi i suksesshëm drejt integrimit në NATO nuk kanë mjaftuar për një ndryshim të mirëfilltë të sistemit në rrënjët e tij. “Ende sistemi shqiptar mbetet në thelb një sistem që nuk ka lidhje të mirëfilltë me drejtimin nëpërmjet misionit. Ndonëse gjatë 20 viteve të fundit është folur jashtëzakonisht shumë, është shkruar shumë dhe është zhvilluar jo pak mësim për drejtimin nëpërmjet misionit, në realitetin e funksionimit të Forcave të Armatosura ai ende mbetet një koncept i pakuptuar mirë, gjerë dhe thellë”, – nënvizon Lleshi në konkluzionet e studimit.

Po aty, si për ilustrim, ai vëren se “nëse në vitin 1966 rregullorja e brendshme e Ministrisë së Mbrojtjes u jepte detyra dhe kompetenca drejtorëve të Ministrisë dhe të Shtabit të Përgjithshëm, rregullorja e vitit 2011 u jepte atyre vetëm detyra, por jo kompetenca”. Në këtë pikë, ai shton se tendenca drejt një centralizimi përherë në rritje ka shoqëruar zhvillimin e FA në periudhën që analizohet në këtë studim. “Centralizimi në rritje paraqet një zhvillim të dëmshëm, për faktin se është një zhvillim që ka ardhur në kundërshtim me tendencën historike botërore, e cila jo vetëm në fushën ushtarake, por edhe në fusha të tjera si ekonomia, politika etj., ka njohur në vijimësi një tendencë decentralizuese”. Mbasi ka shqyrtuar “strategji” a urdhra komikë, në këtë pjesë të tretë që “GSH” boton nga libri, ndalemi te koha kur literatura e huaj asgjësohej e kthehej në karton, dhe bibliotekat ‘mbusheshin’ me historinë e Partisë dhe veprat e shokut Enver.

IZOLIMI NGA BOTA
Qëllimi për të ruajtur “çdo pëllëmbë tokë” duket më shumë si një deklaratë metaforike. Shndërrimi i tokës në qëllim final jo rrallë mund të kthehet në një qëllim në vetvete. Por në luftën moderne qëllimi i vërtetë është fitorja përfundimtare. Në funksion të këtij qëllimi, vihen në lojë përkohësisht edhe jetë njerëzish, burime të tjera, madje edhe “pëllëmbë të cak-tuara” të territorit. Me anë të tyre bëhen manovrat taktike, operacionale dhe strategjike, pa të cilat nuk ka luftë të suksesshme. Në kushte të kufizimeve të përmendura më sipër, dhe të shumë të tjerave që nuk janë përmendur, çdo strateg ushtarak do ta kishte të vështirë, që duke vënë përballë forcat e veta dhe ato të kundërshtarëve të gjente formulën e fitores.

Truri që duhej të zgjidhte ekuacionin e stërndërlikuar përfaqësohej nga ushtarakë të formuar në shkollat e vendit apo në shkollat lindore, kryesisht sovjetike. Nga mesi i viteve ’70 edhe numri i ushtarakëve me formim në shkollat ushtarake lindore pësoi ulje të thellë për shkak të goditjeve të rënda politike që pësoi lidershipi ushtarak. Klima e përgjithshme e krijuar në ushtrinë shqiptare në mesin e viteve ’70, pas goditjes së Beqir Ballukut dhe Petrit Dumes, ishte thellësisht diskriminuese për ushtarakët e formuar jashtë vendit. Vetëm për ilustrim meriton vëmendje citimi i Mehmet Shehut në Aktivin e Partisë së Ministrisë së Mbrojtjes Popullore, të zhvilluar në Durrës më 13.07.1974: “Është interesante, shokë, që të dy bashkëpunëtorët e Beqir Ballukut janë me akademi italiane. ‘Mama mia! U frikësuat ju, por aq më tepër kur ju tha ministri i Mbrojtjes. Ju s’jeni armiq, por frikacakë. Por që të dy ju, do të bëheni trima, sepse partia do t’ju ndihmojë.

Edhe ata që kanë mbaruar në Bashkimin Sovjetik kanë mbeturina të asaj shkolle. Ai që thotë se jo, mua më duket se gënjen. Edhe unë, sa herë mendoj për çështjet ushtarake, them se mos më kanë mbetur mbeturina të akademisë sovjetike”. Duket qartë se e vetmja gjë që kërkohej prej atyre që ishin formuar në shkolla të huaja ishte të harronin ato çfarë kishin mësuar. Duke qenë se kjo nuk ishte shpeshherë e mundur, kuptohet se largimi i tyre nga ushtria ishte rruga më e sigurt. Vendin e tyre filluan ta zënë drejtues të formuar në vend, e për më tepër, pa asnjë lloj formimi ushtarak, që vinin nga “radhët e klasës punëtore” apo të “fshatarësisë kooperativiste”.

Izolimi apo eliminimi i elitës solli si pasojë që planifikimi strategjik dhe zgjidhjet strategjike të kryheshin nga një trupë e re drejtuese, e cila ishte krejtësisht e izoluar nga zhvillimet moderne. Në rastin më të mirë kjo trupë drejtuese zotëronte një nivel rudimentar mendimi strategjik që i referohej Luftës së Parë Botërore. Është në interes të ilustrimit të këtij konkluzioni fakti se një referat voluminoz, i mbajtur nga Zëvendësministri i Mbrojtjes Popullore në Komitetin Qendror të Partisë së Punës të Shqipërisë në vitin 1979, që trajton strategjitë ushtarake të kundërshtarëve potencialë, me të cilët Shqipëria llogariste një përballje të mundshme ushtarake dhe që u ishte dërguar akademive ushtarake si referencë e rëndësishme, mbështetej vetëm në këtë bibliografi: 1. D.O. Smith, “Doktrina ushtarake e SHBA-së”, botim rusisht, 1956 2 .”Strategjia ushtarake” (sovjetike), botim rusisht, 1963, 3. “Mbi shkencën ushtarake sovjetike”, botim rusisht, 1964, 4. “Taktika”, botim rusisht, viti 1966, 5. “Kurs i filozofisë m-I”, botim rusisht, 1974.

Shembulli i mësipërm evidenton se cili ishte niveli njohjes së strategjive të kundërshtareve me të cilët planëzohej ballafaqimi ushtarak nga udhëheqja më e lartë e vendit. Referenca më e “re” ushtarake ishte e viteve ’60, në një kohë që në realitet, siç mund të verifikohet edhe nga ky studim, SHBA edhe Bashkimi Sovjetik i kishin modernizuar në vijimësi mendimin strategjik, teknikën, taktikën, teknologjinë etj. Do të mjaftonte vetëm shembulli i mësipërm për të mbyllur argumentin e shkëputjes dhe izolimit total të mendimit strategjik shqiptar nga rrjedhat botërore. Të gjitha zgjidhjet që lindnin në kushtet e izolimit total, fizik dhe mendor nga bota, ishin të mirëfillta autentike, e kësisoj të “dënuara” për dështim. Vaniteti i lindur në një mjedis të izoluar e çonte, për shembull, Mehmet Shehun deri aty sa të pohonte se “Jugosllavia ka vjedhur tezat tona për luftën popullore dhe duke u bërë disa korrigjime, sipas kushteve të terrenit të saj të gjerë ka organizuar një mbrojtje të mirë”.

SPASTRIMI I BIBLIOTEKAVE
“Spastrimi” i udhëheqjes politike dhe ushtarake të Forcave të Armatosura në vitin 1974, ndër të tjera, ishte pasuar edhe nga një “spastrim” radikal i bibliotekave nga fondet e literaturës së huaj. Izolimi përherë në rritje, paranoja ideologjike dhe dogmatizmi ekstrem kishin inkurajuar bindjen se vendi nuk kishte më nevojë për diturinë dhe përvojën që vinte nga bota. Dukej se mesi i viteve ’70 ishte edhe viti i shkëputjes edhe për fijet e vetme që kishin mbetur. Tashmë dukej se edhe për librat apo revistat profesionale të huaja nuk kishte më vend në Shqipëri. Në zbatim të orientimeve politike të Komitetit Qendror të PPSH dhe të urdhrit përkatës të ministrit të Mbrojtjes Popullore në vitin 1974, zhvilloi veprimtarinë e tij një “komision qendror” dhe disa komisione të tjera të ngritura pranë strukturave të FA. Pas një pune të gjatë dhe shumë voluminoze, literatura e seleksionuar u dërgua për asgjësim “pranë Fabrikës së Kartonit në Tiranë dhe asaj të Letrës në Lushnjë”.

Sipas një dokumenti të kohës, ushtria shqiptare kishte kthyer në karton rreth 130 tonë libra e revista që përfaqësonin 133 tituj, ose 123.256 ekzemplarë. Nga e gjithë literatura ishin ruajtur vetëm nga 2 kopje për Arkivin Qendror të Ushtrisë. Duket si ironi fakti se këtë aksion të pashembullt asgjësimi e shoqëronte procesi i “pasurimit” të bibliotekave me literaturë vendase.

Në një dokument të Drejtorisë Politike, i cili i drejtohej ministrit të Mbrojtjes Popullore më 04.12.1974 shkruhej: “Për të shtuar fondin e bibliotekave të ushtrisë me Historinë e Partisë dhe veprat e shokut Enver, me fondet e Drejtorisë Politike, kohët e fundit, u blenë dhe u dërguan në njësi e reparte 680 copë tekste të Historisë së Partisë dhe 9.065 copë vepra të shokut Enver Hoxha. Gjithashtu iu dhanë fonde plotësuese të gjitha njësive të ushtrisë për të blerë të tilla vepra në libraritë e rretheve”. Procesi i izolimit total, jo vetëm në fushën e politikës, të ekonomisë, të ushtrisë etj., por edhe në fushën e mendimit, ishte me pasoja të jashtëzakonshme për të gjitha zhvillimet që do të pasonin edhe në fushën e mbrojtjes. Në kushte të një izolimi të plotë dhe të mungesës së një zbulimi të mirëfilltë strategjik, mendimi ushtarak kishte gjetur gatishmërinë e përhershme si “zgjidhje” për përballimin e befasisë së sulmit të kundërshtarit.

Sherr mes Ditmir Bushatit dhe vëllait të ministrit të LSI, “Të q*fsha ropt”, dalin SMS-të (Foto)

Voal – Një sherr ka ndodhur brenda mazhorancës. Vëllai i ministrit të Mjedisit, Lefter Kokës, Leonard Koka ka patur përplasje të ashpra me Ministrin e Jashtëm, Ditmir Bushati.

Kështu, “Syri.net”, publikoi disa SMS ku Leonard Koka bënte sherr me SMS me ministrin Bushati për emërime në këtë dikaster. Në një moment, madje ai edhe e shan ministrin Bushati. I kontaktuar nga “Panorama.al”, Leonard Koka ka pranuar se SMS-të janë autentike.

Ai ka thënë se biseda me ministrin në “whatsapp” është bërë rreth 1 orë para publikimit të lajmit mbi përplasjen. Koka ka thënë se ministri Bushati është person i korruptuar dhe se merr para për emërimet në trupin diplomatik dhe nëpër ambasada dhe konsullata. Ai tha gjithashtu se do ta denoncojë ministrin Bushati. Kujtojmë se Leonard Koka është një nga personat që ka ndërmjetësuar mes Metës dhe Ramës për marrëveshjen e 1 prillit që u finalizua me koalicionin PS-LSI që fitoi zgjedhjet në vitin 2013, shkruan “Panorama”

Policia italiane sekuestron 1 ton marijuanë nga Shqipëria

Policia italiane njoftoi operacione të reja ndaj trafikantëve të marijuanës nga Shqipëria.

Sipas burimeve zyrtare policore nga Leçe, zonës kufitare detare me Shqipërinë, forcat e antidrogës kanë bllokuar rreth një tonë marijuanë duke arrestuar edhe katër shtetas shqiptarë.

Sasitë e narkotikëve dyshohet se mbërritën nga Shqipëria në Itali përmes hapësirës detare ndërkohë që rrjetit të trafikantëve i janë bllokuar edhe armë. Operacione ndaj narkotikëve janë kryer edhe në territorin shqiptar.

Dy ditët e fundit policia shqiptare ka bllokuar në operacione kontrolli rreth 300 kilogramë marijuanë në Portin e Durrësit, Pikën Kufitare të Kakavijës dhe Fier.

Rastet e shtuara të trafikut të marijuanës kanë nxitur Prokurorin e Antimafias së Leçes Kataldo Motta të takohet në Tiranë me autoritete prokurorisë shqiptare dhe Policisë për të bashkërenduar hetimet ndaj trafikut në hapësirën detare mes të dy vendeve. Autoritetet shqiptare po përballen me raste të shtuara të trafikut pas përmasave të kultivimit të narkotikëve në shumë zona të Shqipërisë.

700 kg kanabis, arrestohet në Rinas biznesmeni Kacjolin Zefi

Biznesmeni nga Shkodra, Kacjolin Zefi është arrestuar nga policia dy ditë pasi në Portin e Durrësit u kap një kamion i firmës së tij u kap me 700 kg kanabis. Arrestimi i 51-vjeçarit u bë në aeroportin e Rinasit, ndërsa po kthehej nga Italia.Më 27 nëntor, në Portin e Durrësit, gjatë kontrollit të ushtruar në vijën e dytë në automjetin tip kamion “Iveko” me targa AA 475 LO që drejtohej nga shtetasi L.S., u gjetën dhe u sekuestruan në cilësinë e provës material 497 pako me peshë rreth 700 kg lëndë narkotike e dyshuar e llojit kanabis sativa.

Në Shqipëri shënohet 72-vjetori i Çlirimit

Ceremonia qendrore është organizuar në Varrezat e Dëshmorëve në Tiranë, ku drejtuesit më të lartë të shtetit shqiptar kanë vendosur kurora me lule tek monumenti “Nënë Shqipëri”

TIRANË – Në Shqipëri sot shënohet 72-vjetori i Çlirimit të vendit nga pushtuesit nazi-fashistë dhe me rastin e kësaj dite që kremtohet si festë zyrtare janë zhvilluar disa ceremoni në të gjithë vendin. Ceremonia qendrore është organizuar në Varrezat e Dëshmorëve në Tiranë, ku drejtuesit më të lartë të shtetit shqiptar kanë vendosur kurora me lule tek monumenti “Nënë Shqipëri”.

I pranishëm në ceremoninë e homazheve ishte kryeministri Edi Rama, kryetari i Kuvendit Ilir Meta, ministra të kabinetit qeveritar veteranë të luftës nacional-çlirimtare, si dhe qytetarë të ardhur nga disa qytete të vendit.

Zyrtarët e lartë të vendit kanë bërë homazhe tek Varrezat e Dëshmorëve, për të përkujtuar të gjithë dëshmorët e rënë në luftën për çlirimin e vendit. Ndërkohë pas ceremonisë së homazhe, Rama dhe Meta kanë zhvilluar një takim në Tiranë me veteranët.

Ceremoni të ngjashme janë organizuar në të gjitha qytetet e vendit, ndërsa Bashkia e Tiranës siç edhe është bërë tradite prej shumë vitesh do të organizojë “Natën e Bardhë”, e mbushur me disa aktivitete artistike.

Kujtojmë se 72 vite më parë, Shqipëria u çlirua nga pushtuesit nazi-fashistë pas një lufte 5 vjeçare.

Ndërsa me rastin e festave të nëntorit, në hollin kryesor të Muzeut Historik Kombëtar është hapur ekspozita me temë: “104-vjetori i shpalljes së Pavarësisë së Shqipërisë”, e cila organizohet si një bashkëpunim i Muzeut Historik Kombëtar me Qendrën Mbarëkombëtare të Koleksionistëve Shqiptarë.

Në ekspozitë prezantohen flamuj kombëtarë, bustet e disa prej anëtarëve të Qeverisë së Përkohshme të Vlorës, vula të administratës së kohës, periodikë, materiale etnografike me simbole kombëtare, fotografi origjinale të kohës, libra, etj.

Rreth Flamurit të përbashkuar – Hymni i Flamurit Nga Asdreni

Rreth flamurit të përbashkuar

Me një dëshir` e një qëllim,

Të gjith` atij duk` ju betuar

Të lidhim besën për shpëtim.

Prej lufte veç ay largohet

Që është lindur tradhëtor,

Kush është burrë nuk frikohet,

Po vdes, po vdes si një dëshmor!

Në dorë armët do t`i mbajmë

Të mbrojmë atdhenë më çdo kënd,

Të drejtat tona ne s`i ndajmë;

Këtu armiqtë s`kanë vënt.

Se Zoti vetë e tha me gojë

Që kombe shuhen përmi dhe,

Po Shqipëria do të rrojë;

Për të, për të luftojmë ne!

O flamur, flamur, shenj` e shenjtë,

Te ty betohemi këtu,

Për Shqipërin` atdhen` e shtrenjtë,

Për nder` edhe lavdimn` e tu.

Trim, burrë quhet dhe nderohet

Atdheut kush iu bë theror;

Për jet` ay do të kujtohet

Mbi dhe, nën dhe si një shenjtor!

Himni i Flamurit është himni kombëtar i Shqipërisë që nga shpallja e pavarësisë më 1912. Himni, shkruar nga Aleksander Stavre Drenova, njihet zyrtarisht në Kushtetutën e Republikës së Shqipërisë si Himni I Flamurit.

Sipas Lagush Poradecit, ky u zgjodh si himni i Shqipërisë sepse: “… kjo ngjau se populli e gjeti të pëlqyer; vetë e dëshiroi ai ashtu, nga gjiri i tij i dha trajtën dhe frymën, vetë e shënjtëroi, duke e dashur me zemër gjer në therori dhe më shumë e përtej vetëtherorisë. Me të luftuan çetat e kryengritjes që ishin nëpër gjithë viset e Atdheut, dhe vdiqën vdekjen e ëmbël dëshmorët e lirisë. Me të u ngrit Flamuri në Vlorë…”. Me pak fjalë, kjo do të thotë që ngritja e flamurit nën tingujt dhe fjalët e “Betimit mbi flamur” ishte vetëm një akt formal nga ana e Ismail Qemalit për ta njohur këtë këngë si këngën tonë kombëtare.

“Himni i Flamurit” ështe i vetmi himn në botë që i kushtohet simbolit të flamurit.

BERND FISCHER – GJERMANI I FUNDIT U LARGUA NGA SHQIPËRIA MË 4 DHJETOR 1944

Voal – Në prag të kremtimit të 100-vjetorit të Pavarësisë dhe Ditës së Çlirimit të vendit nga pushtimi nazist, historianët nxjerrin fakte të reja të cilat risjellin sërish në vëmendje debatin politik mbi datën e çlirimit.

Historiani Bernd Fisher tha se ekzistojnë dy raporte për Shqipërinë të publikuara në vitin 1945, njëri i shkruar nga misioni diplomat amerikan që ndodhej në atë periudhë në Shqipëri dhe tjetri i përpiluar nga gjermanët.

Sipas raportit të shkruar nga gjermanët thuhet se gjermani i fundit u largua nga territori shqiptar më 4 dhjetor.

“Ushtria gjermane kishte në Shqipëri përfaqësuesin e tij i cili përpilonte raporte të hollësishme mbi situatën. Të dyja raportet, ai amerikan dhe gjerman ndryshojnë shumë nga njëri-tjetri.Në raportin amerikan, flitet me nota pozitive për regjimin e Hoxhës, për shqiptarët dhe luftën e tyre, ndërsa raporti gjerman kuptohet se përdor një gjuhë krejt ndrshe për shqiptarët.Por në raportin gjerman dalin fakte të reja historike që mund t’i shërbejnë debatit tuaj mbi datën e clirimit të vendit pasi në të thuhet qartë se ushtari i fundit gjerman është larguar nga Shqipëria në datën 4 dhjetor”, tha Fisher.

Drejtori i Institutit të Historisë Beqir Meta tha se historianët shqiptarë kanë nxjerrë fakte e analiza të reja mbi historinë e Shqipërisë nga Periudha e Rilindjes dhe deri në Periudhën e Komunizmit.

Këto deklarata u bënë gjatë Konferencës Ndërkombëtare për 100-vjetorin e Pavarësisë, ku morën pjesë historianë të njohur shqiptarë dhe të huaj.

Botohet ‘Ballkani Faustian’, libër i ri diplomatit Shaban Murati

Doli nga shtypi libri i ri i diplomatit, studiuesit dhe analistit të mirënjohur diplomatik, Shaban Murati, “Ballkani Faustian”, botim i Fondacionit Kulturor “Alsar”. Është një vështrim i thellë analitik për zhvillimet më të rëndësishme politike dhe diplomatike të rajonit tonë gjatë dhjetë viteve të fundit, nga një prej ekspertëve më të mirë shqiptarë të Ballkanit, të diplomacisë dhe të çështjeve ndërkombëtare.
Autori ka përqendruar analizat e tij në çështjet më të rëndësishme, më tipike dhe më interesante në vendet e rajonit dhe në krejt rajonin. Është hera e parë që në një botim antologjik deshifrohen zhvillimet e reja rajonale në një interpretim dhe në një këndvështrim diplomatik. Kemi një optikë shqiptare, një mendim diplomatik shqiptar të zbërthimit të ngjarjeve, prapaskenave, prirjeve, personaliteteve, marrëdhënieve dypalëshe dhe shumëpalëshe në rajon dhe kjo e bën librin tepër interesant për lexuesit shqiptarë në të gjitha trevat. Kjo optikë shqiptare zhbiron në ngjarjet rajonale në kohën kur ato janë në zhvillim e sipër dhe jo kur ato janë bërë histori. Analiza dhe interpretimi i zhvillimeve në lëvizje është gjinia dhe modeli më i vështirë i kërkimit dhe kjo i jep librit peshën dhe vlerën e një manuali tepër të dobishëm diplomatik.
Në të gjitha analizat e tij për zhvillimet në vende të veçanta apo në raportet e vendeve të Ballkanit me njëri-tjetrin apo me fuqi jashtë Ballkanit, autori është nisur gjithmonë nga këndvështrimi i efekteve që kanë apo mund të kenë këto zhvillime për interesat e Shqipërisë dhe të kombit shqiptar. Ndaj dhe në libër dominojnë analizat për marrëdhëniet aktuale të Shqipërisë me Serbinë dhe me Greqinë, dy fqinjët problematikë të historisë dhe të interesave jetike shqiptare. Në këtë linjë tematike autori analizon me çështjet, tezat dhe tensionet më të reja në raportet shqiptaro-serbe dhe shqiptaro-greke, siç janë ato për formulën franko-gjermane si model për Shqipërinë dhe Serbinë, për pajtimin midis shqiptarëve dhe serbëve, përplasjet e interesave dhe rivalitetet midis dy shteteve në ditët e sotme, etj. E njëjta hapësirë u jepet raporteve me Greqinë, ku trajtohen problemet dhe përplasjet e reja me qeverinë e Aleks Ciprasit, etj. Spektri i tematikës së gjerë të librit përfshin zhvillimet e brendshme në Serbi, Greqi, Rumani, Bullgari, Bosnjë, etj., ashtu dhe marrëdhëniet dypalëshe të shteteve ballkanike me njëra-tjetrën, etj. Në analizën e problemeve të brendshme të shteteve ballkanike, autori zgjedh ato me karakter përgjithësues, që hasen jo vetëm në shtetin përkatës, por në krejt rajoin siç
është korrupsioni, çështja e spiunëve të Sigurimit, çështja e pronave, etj. Në libër janë të analizuara
edhe raportet dhe taktikat aktuale politikës së fuqive të mëdha si Rusia dhe Kina në Ballkan. Tematika diplomatike është krejtësisht të re dhe e parrahur në literaturën politike e diplomatike të Shqipërisë. Libri “Ballkani Faustian” në 100 analizat e tij diplomatike synon të zbërthejë enigmën e prapambetjes shtetërore ballkanike dhe të zvarritjes së integrimit europian dhe perëndimor të Ballkanit. Fryt i një përvoje unike dhe të gjatë prej disa dekadash në fushën e politikës së jashtme dhe të diplomacisë, libri ka vlerë të veçantë, sidomos për rekomandimet e mprehta dhe mësimet e qarta, që nxjerr nga zhvillimet në marrëdhëniet dypalëshe dhe shumëpalëshe të rajonit.
Janë mësime, të cilat marrin vlera udhërrëfyese për diplomacinë tonë, për institucionet dhe shtetin
shqiptar, në planetin e komplikuar ballkanik. Libri përbën një kontribut të ri të diplomatit dhe studiuesit Shaban Murati në mendimin diplomatik shqiptar. (Gazeta Shqiptare)

Kardinal Ernest Troshani kryen shërbesën e parë

Në shërbesën e tij të parë në Shqipëri si Kardinal, dom Ernest Troshani, bekoi sot varrezën e përbashkët në Shkodër, ku gjatë regjimit komunist u pushkatuan dhjetra martirë të fesë dhe atdheut.

Kardinal Troshani tha se kishte përjetuar pushkatimet e disa prej figurave më të njohura të klerit, ndërsa apeloi për paqe, begati dhe ndihmë për njerëzit në nevojë.

Të shtunën, në Vatikan, në një ceremoni të veçantë, Papa Françesku pranoi zyrtarisht si kardinal priftin shqiptar, dom Ernest Troshanin, i cili është kardinali i dytë shqiptar.

Homazh për shkrimtarin dhe poetin e mirënjohur Novruz Xh.Shehu – Nga Keze Kozeta Zylo

Jeta është e mbushur me plot të papritura që mbart natyrshëm gëzimin dhe hidhërimin brenda saj… Dhe vjen një dite si kjo sot, kur përballesh me një lajm shumë të hidhur që ta kanë servirur në tryezën e ekranit të përbashkët përreth globit si kupë helmi me ndarjen e parakohshme nga jeta të shkrimtarit dhe poetit të mirënjohur të ndjerin Novruz Xh.Shehu. Lajmin trishtues e ka shpërndarë me pikëllim i biri I tij, një lajm që përhapet si vetëtimë me shpejtësi, sepse është një lajm që lajmëron ikjen nga kjo botë të një Njeriu, ikjen nga kjo botë të një babai, ikjen nga kjo botë të një studjuesi dhe shkrimtari…

Kur përballesh me keto lajme tejet trishtuese dhe sidomos kur personin e njeh direkt, nga se ke komunikuar, ke ndarë së bashku mendime të ndryshme, ke realizuar projekte të dobishme, lajmi bëhet dhe më i dhimbshëm, më gërryes si gjëmimet në kohë me vranësira të labërisë tepelenase që përplasen ethshëm dhe thyejnë kokën në malet hijerënda të Salarisë, aty ku i ka rënë koka Heroit legjendar Selam Musait, aty ku lindi biri dhe poeti i saj Novruz Shehu.

Në mënyrë marramendëse me shpejtësi drite më enden në kokë si fijëza të arta gjithë krijimtaria letrare dhe gjithçka të vyer që i la botës së letrave shqip, dhe kjo është tejet ngushëlluese për bashkëshorten e tij fisnike, fëmijët e tij, të afërmit e shtrenjtë dhe lexuesit e shumtë që krijoi nëpërmjet penës së tij serioze.

Kujtova poezinë “Meridianët i mjekon bukuria” në librin e poetit Novruz Xh. Shehu “Të vdekurit na përgjojnë” për të cilën kam shkruajtur esenë me titull: “E bukura e Dheut kreh flokët me vargjet e poetit tepelenas” botuar në gazetën “Dielli”, “Illyria” si dhe në librin “Diaspora krah shqiponje” dhe për pak çaste s’do ta mendosh kurrë shkrimtarin Shehu se ka ndërruar jetë, pasi shpirti I Tij mjekohet me bukurinë, me bukurinë që poetët e kësaj race e duan shumë.

Nëpërmjet poezive të tij aq të ndjera na shfaqet kudo e Bukura e Dheut, në gjokset e saposythura, apo në odat e gjetheve të virgjëra të nusërisë, që lajnë dhe fshijnë sytë, duke e veshur ajrin me një cipë të mëndafshtë laureshash.

Autori Shehu ka një kod krejtësisht të veçantë lirizmi, një lirizëm të hollë që vjen pikërisht nga mënyra se si e percepton dhe e shijon ai të bukurën, me një etje të përjetshme, ndaj dhe vargu i tij këndon:

Natyrisht e pashë/ Rrrinte mes nesh e Bukura e Dheut!

Ai mjeshtërisht di ta vesh vargun me një fustan të bukur nusërie, duke hedhur në breg dallgë me valë ku dhe foletë e pranverës së blertë mbushen me vezë zogjsh, nga dashuria për të Bukurën e Dheut!

Dhe të ngjit kjo ndjesi e ëmbël ngase ka çelur në plagë poetësh, në buronjat e dhembjes të cilat me llambat e shpirtit i djegin ngadalë, fare ngadalë, ndërsa e Bukura e Dheut varet në degëzat lotues të vështrimeve të poetit, ku sytë e tyre së bashku notojnë në valëza të kaltra dhe buzë të vesta…

Brenda palcës së fjalës shprehet se nuk mund ta konceptojë dot jetën njerëzore pa atë perëndeshë bukurie ndaj dhe vargëzon:

“Hamall akullnajash përzënë nga ajsbergët/ do të isha/ pentagram/ me solin të humbur/ do të isha/ shpellë (gojë e hapur kufome)/ kambanë e zhveshur nga jehonat/ zog me flatra të rëna nga rebelimi do të isha/ nën këtë qiell me dashuri ulëritëse”.

Ai është në Qiell me penën e tij që është një bisturi shpirti, dhe lëshon pikëza dielli poezie, për të thurur tantella si shkumë e bardhë në maja malesh Labërie dhe Shqipërie aty ku Perënditë kanë fronin.

Të vdekurit na përgjojnë…/I veshur me pushtetin e ajërt/ Në poltronmortin qëndron/ Mediton, vëzhgon/ Faik Konica!

Në poezinë “Faik Konica”, poeti Shehu duket gati si shenjt, sjell botën e përtejme pranë nesh, nga se amanetet e tyre jane akoma të pakryera dhe sipas filozofisë së popullit: “Amanetet nuk i tret dheu”

Pena e tij pikon dhimbje dhe brenga për ata që ikën papritur nga kjo botë, aksidentalisht ose me tmerr.

Autori ka parë një kafkë dhe era luan me zgavrën e saj si fëmija në lisharëse, ndërsa një miush bën aerobi në këtë godinë fosforeshente.

Çuditërisht me emrin kafka lidhet shkrimtari i famshëm Kafka, por me ndryshimin se ne jemi të divorcuar me famën dhe emrin e tij.

Poezia sjellë një monolog nga bota e përtejme, një monolog që e bëjmë ne me veten, sepse kafka jemi ne thotë autori, prekshëm…

Shkrimtari dhe Poeti Shehu mjeshtërisht sjellë dhe respekton ne gjak figurat e ndritura kombëtare si tek poezia: “Shën Tereza”, lexuesi mjekohet nga duartë e saj si fashot e buta të mëndafshta, e cila shëron plagët e shkaktuara nga të verbërit e pasurive.

Ajo ecën bashkë me Skënderbeun, krah nesh thotë poeti, si ëngjëllore duke mbajtur diellin në dorë dhe Gjergj Kastrioti e arrin mbi kalin prej tingulli dhe i jep shpatën: Për ty e mpreha – i thotë/ për ty i lashë pas vdekatarët/ për ty i mblodha të gjitha këngët që m’u kënduan/ Shën Tereza e puthi/ shkriu shpatën dhe thirri Paqen/ që t’ia bekojë botës unazën më të bukur!

Eshtë e pamundur të shpreh në këtë shkrim homazh gjithë krijimtarinë e Tij, por arti I fjalës është si tek Ansambli i Deave/ sërish i kthen shpejtë tek detet/ me porosinë e vetme/ të tregojnë brigjet/ Këngëtarja Elena Mërkuri/ pi një filxhan diell/ dhe nxjerr nga gjiri/ vajzën e porsazgjuar të valëve…

Pena e autorit duket sikur merr butësi dhe mirësi Vaisliqie, nga gruaja e Ali Pashë Tepelenës, bukuri hëne të Haidesë, bijës së tij, dhe ndriçim nga ylli i Jataganit…

Vasliqia shprehet autori me nje puthje e vuri në gjumë Janinën, dhe mbi kuaj hipi detin e shtrirë…

Si familje kujtimet me autorin janë të shumta dhe ajo që na lidhi më së shumti së bashku ishte ardhja në këtë botë e mbesës tonë Dea, I cili u frymëzua ndjeshëm ashtu sic dine të frymëzohen shkrimtarët dhe njerëzit e vërtetë, si dhe hapja e Shkolles Shqipe “Alba Life” në New York.

Konceptimi i shkrimtarit me njerëzit që ikën nga vendi, dhe mosharrimi I rrënjëve të të parëve, I dhanëpoetit fuqinë e Muzës, perëndeshen e frymëzimit dhe dërgoi si dhuratë nga më të cmuarat librin “Letrat Deas në New York”. është një komunikim I magjishëm midis një shkrimtari dhe fëmijëve me prindër shqiptarë që lindin matanë oqeanit. Poezitë në libër janë mesazhe tejet emocionuese, drithëruese, patriotike, që Dea kur të rritet dhe do të dije të lexojë shqip të ndjejë historinë shqiptare dhe atë tepelenase, atje ku I kanë rrënjët gjyshërit e saj shkruan autori.

Në prologun e librit Ai i drejtohet bebes Dea ne menyrën më poetike dhe më të ngrohtë:

Ashtu si udhëtarët që, në herëshmërinë e banorëve të këtij planeti, preferonin yllin e mëngjezit si pikë referimi për të mundësuar rrugën e duhur, preferova pikërisht Dean që disa ditë mbas lindjes. Unë kështu arrita të komunikoj me një kontinent tjetër me lexuesit e denjë dhe njëkohësisht në një kohë tjetër, kur Dea të rritet e të mund të asimilojë e artikulojë historitë e vendit nga kanë rrënjët mamaja dhe gjyshët e saj. Ati i saj amerikan me prejardhje angleze dhe gjermane bëri dasmën në Shqipëri e pikërisht fotot tek lokali pranë Varrit të Ashikut, duke realizuar kështu në një farë mënyre portretin e dashurisë universale, ndersa dasmen tek . Këtë ndodhi do ta përshkruaj ,në një libër tjetër, por ishte pikërisht kjo ndodhi një pikë tjetër referimi artistik njerëzor dhe historic për t’i dhënë hapësira mbarënjerëzore ndjesësië, dashurisë,b ujarisë, humanizmit, paqes dhe mbi të gjitha Lirisë.

Ai frymëzohet nga ardhja e një bebeje shqiptare dhe ja si i këndon: “Mirëseardhe! Uaaa! Paske ardhur/ si maket i Hënës ke zbritur në New York/ Ti erdhe befas, kur se prisnim/ me gjithë floririn e botës mbi flokë”!

Shkrimtarin Shehu i cili ushtroi tërë jetën profesionin e mësuesisë e patëm së bashku me një delegacion vitin e kaluar pranë nxënësve të Shkollës Shqipe “Alba Life” në New York, të ftuar nga drejtori dhe themeluesi e kësaj shkolle z.Qemal Zylo. Anëtarët e delegacionit ishin znj.Nora Malaj, z/v ministre e arsimit dhe e sporteve, znj.Ermioni Cekani drejtore e arsimit të Bashkisë së Kamëzës, drejtori i gjimnazit të Kamëzës z.Sherif Koldashi, znj.Albana Muhametaj z/v drejtore e shkollës në Paskuqan si dhe vajza simpatike, më e reja e ekipit zonjusha Klestia Cekani. Ata vizituan shkollat shqipe “Alba Life” në Staten Island, Brooklyn dhe në Manhattan.

Me shkrimtarin Shehu dhe skulptorin Vladimir Llakaj, stafin e TV “Alba Life” patëm fatin të merrnim vleresimin e merituar për regjisorin e famshëm hollivudian me origjinë nga Dragoti I Tepelenës dorëzuar nga kryetarii I Bashkisë së Tepelenës z.Tërmet Peci dhe më vonë shkuam pranë shtëpisë së regjisorit të famshëm hollivudian në Dragot për të parë dhe prekur nga afër portën e “argjendtë” të këtij Burri të madh të Kombit. Më duhet të shtoj se ideja e hedhur nga Shkrimtari Shehu në bashkëpunim me TV “Alba Life” dhe Bashkinë e Tepelenës për ta vlerësuar Stan Dragotin me çmimin më të lartë “Nderi I Kombit” u bë realitet në muajin Shtator ku presidenti I Repbulikës së Shqipërisë z.Bujar Nishani ia dorëzoi z.Zylo në emër të Stan Dragotit, në mjediset e “Russian Tea Room” në Manhattan.

Jam e sigurtë se pena me krijimtarinë e Tij do të udhëtojë lumit të Vjoses që kthehet herë i kthjellët dhe herë i trazuar dhe që derdhet deteve të thinjur, detyrimisht do të trokasë si kambanë mureve të kalasë së Aliut, do të çeli si manushaqez Naimi tokës së ringjallur, do te çajë mjegullnaja kokëfortë dhe pastaj Shpirtin e Tij si Dritëz do ta lerë të prehet qetëisht dhe hyjnisht në botën e përtejme, ashtu siç e meritonte.

Amen!

Staten Island, New York

24 Nentor, 2016

noke2a noke3a noke4a noke5 noke6 noke7 noke8 noke9 noke10a

REPLIKAT E PLOTA/ Ato që nuk u dëgjuan nga sherri Balla-Berisha

Sali Berisha ka refuzuar dje të dëshmojë përballë Komisionit parlamentar të ngritur për çështjen e CEZ-it.

Ai ka shkëmbyer replika me Taulant Ballën, pasi për shkak të akuzave të vazhdueshme të këtij të fundit ndaj tij dhe familjes, Berisha kërkonte që pyetjet t’ja drejtonte dikush tjetër.

Gjë që nuk është pranuar, çka ka sjellë dështimin e marrjes së dëshmisë së Berishës.

Më poshtë replikat e plota të shkëmbyera dje.

Arben Ristani: Duke qenë se sot është thirrur për të dëshmuar z. Berisha, unë mendoj që në kushtet kur ky Komision ndjek rregullat e procedurës penale. Në këtë kod, neni 17, ka të bëjë me heqjen dorë të gjyqtarit kur ka konflikt interesi.

(Hyn Berisha në mbledhje)

Taulant Balla: Nuk e kemi thirrur akoma dëshmitarin.

Sali Berisha: S’ka nevojë.

Taulant Balla: Dëshmitar, zër vend se po flet nënkryetari i Komisionit.

Arben Ristani: Atëherë në rastin konkret midis kryetarit të Komisionit dhe anëtarëve familjarë të z. Berisha ka pasur çështje penale që janë zgjidhur me vendim gjykate ku ju jeni deklaruar fajtor për shpifje ndaj të afërme. Jeni në kushte të konfliktit të interesit. Do t’ju kërkoj që në pyetjen e z. Berisha të jepni dorëheqjen dhe të mos e drejtoni ju.

Taulant Balla: Për këtë çështje mund t’i drejtoheni një institucioni tjetër që ka emëruar përbërjen e Komisionit, pra Kuvendit. Meqë dëshmitari është paraqitur, ta pyesim.

Arben Ristani: Edhe një herë ju kërkoj të hiqni dorë nga drejtimi i Komisionit, se jeni i dënuar nga gjykata për shkak të një konflikti me të afërmin e z. Berisha dhe për shkak të këtij konflikti ju nuk mund ta drejtoni këtë seancë.

Balla: Mbledhjen e drejtoj unë. Me duar në xhep në Komision nuk vihet. Dua të sqaroj se unë nuk kam asnjë vendim gjykate të humbur me vendim përfundimtar. Bini vendimet e gjykatës.

Berisha: Mashtrim. Mashtrim. Je dënuar me vendim të formës së prerë. Do sjell vendimet e gjykatave.

Balla: Sillni vendimin. Z. dëshmitar, mos e prishni këtë seancë. Na lini të bëjmë punën parlamentare njëherë.

Berisha: Është i dënuar me vendim të prerë.

Balla: Mos e prishni seancën.

Berisha: Unë nuk e dija që duhej ta sillja këtë dokument, por nuk mund të gënjesh që nuk je i dënuar. Je i dënuar dhe nuk ke paguar gjobën.

Balla: Z. dëshmitar, përpara se të merrni fjalën, betohuni se do të thoni të vërtetën dhe vetëm të vërtetën.

Ristani: Jepni përgjigje për atë që të thashë. Ka një problem, nuk mund të vazhdojë seanca kështu.

Balla: Seanca do të vazhdojë.

Sali Berisha: Je mashtrues ordiner.

Taulant Balla: Të lutem, z. dëshmitar, atësinë, gjeneralitetet…

Arben Ristani: Komisioni nuk mund të vazhdojë me prepotencë. Kërkesa e dorëheqjes paraqitet nga ju.

Taulant Balla: Nuk kam asnjë konflikt interesi me dëshmitarin. Dëshmitarin e kam kundërshtar, vazhdojmë punën.

Ulsi Manja: Ftoj kolegët të jemi racionalë. Dispozitat e Kodit Penal aplikohen në komisionet parlamentare për aq sa është e mundur. Z. Berisha është një nga 27 dëshmitarët e thirrur.

Arben Ristani: Zbato Kodin e Procedurës Penale. Duhet të jemi objektivë dhe jo të njëanshëm. Fakti që ju keni qenë në konflikt me familjarë të z. Berisha dhe keni një vendim…

Taulant Balla: S’ka asnjë vendim.

Berisha: Të formës së prerë.

Arben Ristani: Kjo tregon se ju nuk mund të jeni i paanshëm. Paraqitni dorëheqjen e kryetarit të Parlamentit.

Balla: Jemi në Komision Hetimor parlamentar. Kryetari drejton mbledhjet e komisionit. Do të kisha dashur shumë të isha një gjyqtar dhe të kisha të pandehur zotërinë përballë (Berishën), por nuk plotësohet kjo dëshirë.

Arben Ristani: Zotëri, zbato Kodin e Procedurës Penale.

Balla: Mos e prishim mbledhjen. E lexojmë shumë ndryshe ligjin.

Berisha: Propozimi im është ky.

Balla: Zoti dëshmitar, ta jap unë fjalën.

Berisha: Je në konflikt interesi. Shërbimet e Kuvendit të zbardhin vendimin.

Balla: Z. dëshmitar, do ta bëjnë shërbimet atë dhe do ta sjellin.

Berisha: Pasi ta bëjnë shërbimet e Kuvendit atë, atëherë do flas unë.

(Çohet në këmbë).

Balla: Ja çfarë frikacaku që je. Je një frikacak që ke frikë të përgjigjesh. Komisioni ka për detyrë të zbardhë të gjitha përgjegjësitë e tua, po u shmangesh përgjegjësive.

Berisha: Shërbimet e Kuvendit të zbardhin vendimin.

Balla: Kjo është dosja hetimore. Qëndro, ulu.

Berisha: Ti je i pafytyrë. I pafytyrë je.

Balla: Ky është një teatër që po bën ai nga frika për çështjet për të cilat është thirrur dëshmitar. Ruani qetësinë. Harroje se mund të largohesh nga mbledhja, se mund t’i fshihesh deponimit para këtij Komisioni Hetimor.

Elmazi: Po pse ka frikë Berisha nga ty që t’i fshihet deponimit?

Balla: Po të kujtoj rregulloren e Komisionit. Nëse nuk do të deponosh, do shoqërohesh me forcë. Ulu dhe dëshmo.

Berisha: Pusho, ore rrugaç. Pa interpretuar shërbimet e Kuvendit vendimin e formës së prerë, nuk mund të vazhdohet.

Balla: Ulu aty dhe dëshmo.

Berisha: Unë e dija kush je ti. Ti je një përdhunues ordiner. Unë kam ardhur këtu për shkak të Parlamentit. Por nëse ti nuk zbaton rregulloren. Unë kam ardhur këtu me vullnetin më të plotë.

Ristani: Po bën teatër tani.

Balla: Jo, teatrin po e bëni ju. Teatrin nuk e bëni dot këtu në Komision. Është teatër nga frika që ka ai përballë për të deponuar për çështjet. Bëni betimin dhe ju jap fjalën që të flisni. Komisionet parlamentare janë një mjet i rëndësishëm në duart e Parlamentit për të qartësuar lidhjet dhe përgjegjësitë në lidhje me aferën 414 milionë euro.

Berisha: Unë nuk kam ardhur këtu të dëgjoj një përdhunues. Nuk kam ardhur t’i jap llogari një përdhunuesi, por kam ardhur për shkak të Parlamentit. Zbato rregulloren.

Balla: Cila rregullore? Atëherë hapi veshët mirë. Rregullorja thotë: Mbledhjen e drejtoj unë, nuk e drejton ti këtu. Ke bërë ç’ke bërë në sallën e Parlamentit, këtu fjalën ta jap unë.

Berisha: Rregullorja thotë se ti je në konflikt interesi.

Balla: Nuk kam asnjë konflikti interesi me ty.

Berisha: Ti je një mashtrues ordiner.

Balla: Ky Komision Hetimor do të jetë një histori suksesi për komisionet hetimore. Zotëria këtu më ka njoftuar që ti do të vish, minimalisht mund të më thoshte se jam në konflikt interesi. Tani na qenke trembur zotrote se drejtoj unë mbledhjen. Ta thashë po të jetë se gjykoj unë dhe po të isha unë gjyqtar dhe ti i pandehur, e di ti se çfarë dënimi do merrje. Tani më lër të bëj punën që shqiptarët më kanë ngarkuar të bëj.

Berisha: Do bësh punën në përputhje me ligjet.

Balla: Mos paragjyko. Ti për fat të keq je ende dëshmitar. Nëse ky Komision do të gjejë fajtor, ne do ta çojmë në Prokurori.

Elmazi: Ooo na trembe tani.

Balla: Vazhdojmë komisionin.

Berisha: Ne do vazhdojmë dhe unë nuk do largohem. Por jo nëse ti i gënjen shqiptarët dhe u thua që nuk jam dënuar me vendim të formës së prerë.

Balla: Unë e di që ti kishe frikë të vije në Komision. U lexua rregullorja.

Berisha: Jo, jo, prevalon ligji.

Balla: Zoti dëshmitar, të tërheq vëmendjen, po të them fjalën ta jap unë.

Berisha: I cili është një mashtrues ordiner.

Balla: Jam shumë i qetë që ke ardhur me synimin që duke më fyer, të bëj të njëjtën gjë ndaj teje. Je i vetmi njeri në këtë botë që nuk më provokon fare.

Berisha: Nuk e kam atë qëllim. Çështja është këtu, je i dënuar?

Balla: Nuk jam fare.

Berisha: Atëherë mbledhja mbaron këtu. Nëse ky këtu nuk është i dënuar me vendim të formës së prerë, unë dorëzoj mandatin. Hajt mirupafshim!

Balla: Ju bëj thirrje, nëse nuk riktheheni, do të përdor argumentet dhe forcën që më jep ligji që t’ju shoqëroj me forcë. I bëj thirrje sekretarit të Komisionit të hartojë shkresën drejtuar Policisë së Shtetit që dëshmitari të risillet me forcë në punimet e këtij Komisioni.

Krichbaum: Shqipëria nuk i ka plotësuar kriteret

Deputeti i parlamentit gjerman Gunther Krichbaum, tha në Tiranë se Bundestagu do të votojë kundër hapjes së negociatave për antarësim të plotë me Shqipërinë, sepse ajo nuk i ka plotësuar 5 kriteret paraprake, që kanë të bëjnë me forcimin e shtetit ligjor.

Kryetari i grupit parlamentar të CDU/CSU-së, Krichbaum, tha gjatë një takimi me mediat se “reforma në drejtësinë shqiptare duhet të zbatohet sa më parë. Po ashtu, ligji për dekriminalizimin duhet të zbatohet në mënyrë të qëndrueshme”, shtoi ai. “Negociatat me Shqipërinë”, tha zoti Krichbaum, “do të hapen vetëm kur të plotësohen parakushtet”. Ai shtoi se ende nuk po shihet bashkëpunim mes forcave politike për të zbatuar reformat.

Zoti Krichbaum është kryetar i Komisionit Parlamentar për Çështjet e BE-së në parlamentin gjerman.

Shqipëri, marijuana zbulon arsenalin e armëve

Në Shqipëri, kronikat e operacioneve të policisë vetëm në tre ditët e fundit, krahas bllokimit të dhjetëra kilogramëve marijuanë, flasin për një numër të madh armësh dhe municionesh të bllokuara. Automatikë model 56, armë “Zastava”, pistoleta të tipeve te ndryshme, armë gjahu dhe municione janë arsenali që trafikantët e narkotikëve kanë përdorur për ruajtjen e sasive të mëdha të marijuanës.

Në tre operacione të fundit kundër narkotikëve, ku janë sekuestruar rreth 150 kilogramë marijuanë në zona të ndryshme të Shqiëprisë, policia ka zbuluar 13 armë zjarri dhe municione dhe ka arrestuar katër persona për armëmbajtje pa leje. Oficerët shqiptarë të antidrogës vlerësojnë se pothuajse në të gjitha operacionet policore kundër kultivimit dhe trafikimit të narkotikëve, policia ka zbuluar edhe armë të tipeve të ndryshme.

Vlerësimet e agjentëve të policisë flasin se kontigjeti më i madh i armëve të gjetura u përket atyre që u grabitën nga kazermat e ushtrisë shqiptare në trazirat e vitit 1997. Sipas hetimeve paraprake armët kanë qenë në gjendje të papërdorur prej vitesh dhe janë rikthyer nga trafikantët si arsenal mbrojtës i sipërfaqeve të mbjella me marijuanë, kryesisht në zonat e thella malore.

Policia nuk ka njoftuar deri tanë për përplasje të armatosura mes saj dhe trafikantëve, por në disa raste janë shënuar incidente mes vetë grupeve rivale.’

Fushatë për dorëzimin vullnetar të armëve‘

Policia në jug të Shqipërisë ka nisur ditët e fundit një fushatë për dorëzimin vullnetar të armëve e cila po përqëndrohet në mesazhe ndërgjegjësuese për komunitetet e banorëve.

Këto zona kanë qenë mjaft të prekura nga armatimi i paligjshëm, pasi jo të gjitha armët dhe municionet që u grabitën nga depot e ushtrisë gati 20 vite më parë u dorëzuan gjatë këtyre viteve.

Shembulli më i qartë ishte Lazarati ku dy vite më parë gjatë operacionit për marrjen nën kontroll të zonës së njohur për kultivimin e marijuanës u zbuluan nga policia 426 armë zjarri duke përfshirë në këtë arsenal pistoleta, automatikë e mitralozë, antitankë, mortaja e granathedhës si dhe mijëra fishekë të kalibreve të ndryshme.

Armët në duart e civilëve janë, sipas ekspertëve të sigurisë, edhe një rrezik për rritjen e kriminalitetit ndaj jetës. Në raportin vjetor mbi kriminalitetin në vend të vitit 2015, publikuar në prill të këtij viti nga Prokuroria e Përgjithshme shqiptare ishin evdientuar 604 raste të armë-mbajtjeve të paligjshme, ku rreth 343 persona ishin dënuar.

Sipas raportit, Prokuroria kishte regjistruar edhe 69 raste të mbajtes së paligjshme të armeve të gjuetisë ku 68 persona ishin dënuar. Armët e gjuetisë kanë nisur të përdoren gjithnjë e më shumë edhe nga trafikantët e narkotikëve pasi përmes tyre arrijnë të maskohen si gjuetarë në terrene malore dhe t`u shpëtojnë dënimeve më të rënda nëse kapen nga policia.

Tiranë, shoqëria civile protestë kundër importit të mbetjeve

Protesta e organizuar nga Aleanca Kundër Importit të Plehrave ka mbledhur dhjetëra aktivistë dhe qytetarë të cilët kërkojnë anulimin e ligjit të ndryshuar “Për menaxhimin e integruar të mbetjeve”

TIRANË – Përfaqësuesit e organizatave të shoqërisë civile, qytetarë, si dhe aktivistë të mbrojtjes së mjedisit kanë protestuar përsëri sot në Tiranë për të kundërshtuar importin me ligj të mbetjeve në Shqipëri.

Protestuesit janë mbledhur para selisë së Kuvendit të Shqipërisë, ndërsa një pjesë e tyre kanë qëndruar edhe gjatë natës jashtë. Ndërkohë mes protestuesve dhe policisë fillimisht në orët e para të mëngjesit ka patur përplasje, ku janë shoqëruar edhe dy aktivistë, ndërsa janë liruar pas disa orësh.

Në shtator të këtij viti Kuvendi i Shqipërisë, miratoi ndryshimin e ligjit “Për menaxhimin e integruar të mbetjeve”, ndërsa Presidenti i vendit, Bujar Nishani, nuk e dekretoi ligjin duke e rikthyer për rishqyrtim në Parlament. Ndërkohë ky dekret ende nuk është paraqitur për shqyrtim në punimet e seancës së sotme parlamentare.

Sipas ndryshimeve të reja ligjore, në Shqipëri importohen vetëm mbetjet e ngurta jo të rrezikshme, si lëndë e parë dytësore, për të plotësuar nevojat dhe kërkesat e industrisë ricikluese të vendit. Ndërkohë përfaqësuesit e shoqërisë civile kërkojnë ndalimin e importit të mbetjeve në Shqipëri, duke pretenduar se importi i tyre nuk kontribuon për ekonominë e vendit dhe shkakton ndotjen e mjedisit pavarësisht mekanizmave të kontrollit në pikat kufitare.

Lidhur me këto ndryshime ligjore, përfaqësuesi e shoqërisë civile dhe aktivistë të mbrojtjes së mjedisit kanë organizuar disa protesta, duke bërë thirrje për mos lejimin e importit me ligj të mbetjeve në Shqipëri. aa

Në Tiranë mbahet forumi për zhvillimin e medias

Në hapje të forumit mbajti një fjalë përshëndetëse ambasadori i OSBE-së në Shqipëri, Bernd Borchardt, i cili u shpreh se është i njohur me zhvillimet dinamike të medias në Shqipëri

TIRANË – Organizata për Siguri dhe Bashkëpunim në Evropë (OSBE) ka organizuar në Tiranë forumin për zhvillimin e medias, një tryezë e rrumbullakët për të diskutuar çështjet më të rëndësishme të medias shqiptare. Në hapje të forumit mbajti një fjalë përshëndetëse ambasadori i OSBE-së në Shqipëri, Bernd Borchardt, i cili u shpreh se është i njohur me zhvillimet dinamike të medias në Shqipëri.

“Nevoja për rregullimin e internetit, medias sociale apo rrjeteve sociale ngre një debat të natyrshëm dhe të nevojshëm në shkallë vendi. Çështje si vetërregullimi, privatësia, siguria dhe përmbajtja kanë dalë tashmë në plan të parë. Mbajtja në vazhdim e një interneti të lirë, të hapur dhe të sigurt për të gjithë mbetet një nga sfidat kryesore”, ka theksuar ambasadori Borchardt.

Sipas tij përmirësimi i situatës ekzistuese mediatike në vend kërkon angazhim politik të qartë e të gjerë, si edhe angazhim dhe pjesëmarrje të plotë të gazetarëve dhe të shoqërisë civile.

Forumi organizohet për të dytin vit radhazi nga Prezenca e OSBE-së, në bashkëpunim me organizata të huaja dhe vendase dhe këtë vit përqendrohet te temat: Zhvillimet dhe nismat ligjore në fushën e lirisë së medias; sfidat e RTSH-së (Radio Televizioni Shqiptar)-transformimi i transmetuesit publik në një transmetues të pavarur, të qëndrueshëm dhe të përgjegjshëm; media, zgjedhjet, transparenca dhe aksesi në informacion, etj. aa

Ky ishte miku i Ergit që vdiq bashkë me të në aksident (fotot)

Mbrëmë tagjikisht bashkë me fituesin e ‘X Factor’ Ergi Dinin ndërroi jetë edhe miku i tij Kejdi Halili.

Vdekja e tyre erdhi si pasojë e humbjes së kontrollit dhe përplasjes me motor. Ata u dërguan menjëherë në spital por plagët ishin të pa përballueshme, shkruan lajmi.net

Ergi Dini njihet për të gjithë si fitues i ‘X Factor’, por kush ishte Kejdi Halili?

Klejdi Halili ishte djali i vetëm i gazetares, poetes dhe pedagoges së Universitetit të Tiranës, Erenestina Halilit. Erenestina e ka treguar edhe në media raportin që ka pasur me djalin e saj duke e konsideruar si fëmijën më të mirë në botë.

Kjo është një nga intervistat ku Erenestina Halili ka folur për djalin e saj të ndjerin Klejdi Halili, marrë nga Shqipëriaime:

Nga aksidenti tragjik mbrëmjen e djeshme humbën jetën dy të rinj këngëtari Ergi Dini dhe shoku i tij Klejdi Halili 21 vjeç. Por kush ishte Klejdi Halili?

Kjo është një nga intervistat ku Erenestina Halili ka folur për djalin e saj të ndjerin Klejdi Halili.

Periudha e adoleshencës e vështirëson raportin nënë-fëmijë. Këtë nuk e thonë vetëm psikologët, por e pranojnë edhe nënat që e përjetojnë dhe prekin nga afër momentin e hedhjes pas të kësaj faze. Të njëjtën gjë na e rrëfen edhe Erenestina Halili. Në raportin e saj më të birin 15-vjeçar, Kejdin, dhe në përballjen me kërkesat apo dëshirat e moshës së tij, ajo shpesh gjendet e papërgatitur ose në konfrontime për shkak të pamundësisë për t’i thënë “JO”, ose për ta bindur djalin për të kundërtën.

Si do ta etiketonit marrëdhënien me Kejdin?

Ndonjëherë më duket se për gjithçka ka faj ai, më pas se për gjithçka fajin e kam unë. Herë të tjera se është fëmija më i mirë në botë, herë të tjera i shoh një mijë dobësi. Por, kur ai shtrihet e mbyll sytë e bukur me qerpikë të gjatë, unë e puth dhe mendoj se ashtu e kam ëndërruar që ditën që u ngjiz. Kejdi po burrërohet shpejt, në shtat e në mendje. Dhe raporti im është ai i një nëne që fëmijët e saj i ka në dritë të syrit, edhe pse kjo sjell bezdisje për ta, shpesh apo ndonjëherë.

Bezdisje? Pse, cilat janë ato gjëra për të cilat Kejdi rrudh buzët apo që ju bëjnë të konfrontoheni me të?

Nuk jam fort liberale. Kërkoj disiplinë në shkollim dhe edukim. Jemi në fazën e diskutimeve të zjarrta për nivelin tjetër arsimor, unë kërkoj të njëjtën shkollë, ai është i mëdyshur, babi abstenon (më liberal). Në shtëpi, mami është kërkuesja, babi zgjidh “konfliktet”. Duke qenë se shpesh tutem nga ngjarjet e lajmet që dëgjojmë, kërkoj ta kem nën kontroll. Sigurisht, e lë të lirë, por telefonoj pak para se të skadojë afati i kthimit në shtëpi. Vetëm një rregull nuk mund të shkelet assesi në shtëpinë tonë: pa leje, pa adresë dhe pa orar nuk mund të dilet. Gjatë shkollës është e premtja pasdite deri në orën 20:30. Këtë verë kemi vendosur që ai të punësohet part– time (kohë të pjesshme). Do t’i vlejë!

Dhe cilat janë ato situata në të cilat lëshoni pe?

Kur ai shfaq një dëshirë të re, kur ka takim me një shoqe, kur ka një film në kinema. Sigurisht im bir nuk është ende burrë, edhe pse i ka dirsur mustaqja. Por kam shpresë, se nesër do të jetë një individ i mirë.

Për çfarë ju qorton më tepër djali juaj?

Një ditë po lyeja me pambuk disa njollëza në mure (për dreq nuk kisha as furçë). Më sheh im bir e më thotë: “O ma, lodhesh ndonjëherë ti?” Ja, për këtë më qorton, se i hap gjithnjë punë vetes. Kjo, sipas tij, ndodh gjithnjë kur nuk duhet, sepse duket sikur pengoj atë gjatë argëtimit, sidomos kur ai po çaton, sepse po sheh një film, ka futboll, ose dokumentarë shkencorë, preferenca e tij.

Fëmijët në adoleshencë shfaqin për herë të parë prirjen e theksuar për pavarësi. Çfarë ofron eksperienca juaj?

Besoj se ajo ditë po vjen më shpejt seç e kisha menduar. Por, jam e pafuqishme ta mendoj, ndjej edhe dhimbje. Më tremb ideja që të mos e kem Kejdin në shtratin dhe jastëkun me erën e tij. Dikur edhe unë kërkoja pavarësi…

Përballë dëshirës së djalit tuaj për të frekuentuar jetën e natës, apo për të kaluar pushime vetëm me shoqërinë si ndiheni? A e pengoni?

Tendencat janë të përditshme, por përgjigja ime është e prerë: Kur të bëhesh 18 vjeç. Nëse ka njeri që e dëshiron më shumë këtë moshë ai është im bir. Tani është verë, ai ka shokë e shoqe plot, në gjithçka të organizuar e lejojmë, por gjithnjë me kushtin që unë si nënë dhe im shoq duhet të dimë vendin ku ai shkon, orën kur do të kthehet dhe personat me të cilët shoqërohet. Ende nuk ka kërkesa për wikende apo pushime veç. Tani kemi party, kinema, kanë filluar baret dhe bashkë me këto të fundit edhe “sherret me mamin”. Qëllon kur e telefonoj që t’i kujtoj orarin. Ndodh dhe që unë marr një telefonatë nga bashkëshorti im, të cilit i është lutur: “Ba, thuaj një çikë mamit!” Kjo ndodh edhe kur ai nuk e di se unë jam me babin.

A flisni lirshëm me djalin tuaj? Cila është tematika qendrore e bisedave tuaja?

E konsideroj këtë pikë një nga sukseset tona. Kejdi e di që unë jam mami, nuk jam shoqja e tij. Dua të them se ai mban sekretet e tij dhe më kënaq mençuria me të cilën selekton ato që thuhen. Sigurisht, është i hapur pa qenë unë detyruese. Ndërsa, me Nikun (babin) ka një marrëdhënie perfekte komunikimi e këshillimi. Të dy bashkë mundohemi që Kejdi të mos ketë tabu, por të marrë informacionin e nevojshëm për këtë moshë. Informacion që shpesh ai e merr edhe nëpërmjet moshatarëve me të cilët shoqërohet.

Me aq sa kuptova nga biseda bashkë, ju përpiqeshit t’i zinit kohën djalit me aktivitete jashtëshkollore, me kurse artistike. E bëni që atij të mos i mbetet në dispozicion shumë kohë e lirë, apo që ai ta shfrytëzojë në të mirë të formimit të tij gjithçka që ju investoni për të?

E bëj e bindur se ai do të më falënderojë një ditë. Kejdi është 1.78cm, ka luajtur basketboll, kitara i duhet si mjet i shpirtit, mësimet për të ardhmen, gjuhët e huaja për të qenë realisht qytetar i botës, noti si gjimnastika më e mirë. Dhe puna në verë për ca pika djerse më shumë.

Sa e pranishme jeni ju në jetën e djalit tuaj? A ka gjëra për të cilat vendosni ende në emër të Kejdit?

Mundohem të jem gjithë kohën e pranishme. Disa nga vendimet e jetës së tij të përditshme duhet t’i marrin prindërit, me pëlqimin e tij. Duke e bindur për alternativat dhe duke i treguar aspekte të panjohura për të nga jeta jonë. Të tjerat i përkasin atij.

A ka pasur ndonjë zhgënjim deri më sot tek ju, ndonjë shqetësim a mërzi që ai jua ka “dhuruar” qoftë edhe pa dashje!

Prindërit janë idealistë dhe perfeksionistë për pasardhësit e tyre, e kjo sjell zhgënjime, kokëçarje. Jemi ende në fazë të mirë në këtë aspekt, përveç rrëmujës dhe dembelizmit në ndonjë rast.

Botuar në revistën Psikologji, nr.39

kejdi1 kejdi2 kejdi3

Kush ishte Ergi Dini, këngëtari që humbi jetën mbrëmë në Tiranë (Fotot)

Këngëtari Ergi Dini, 22 vjeç lindur në Shkodër, humbi jetën tragjikisht mbrëmë në Tiranë, gjatë një aksidenti rrugor me motor.

Edhe pse i ri në skenën muzikore shqiptare, që në moshë të re ai ka spikatur me zërin dhe talentin e tij në të kënduar.

Aq sa kur ishte vetëm 20 vjeç, do të shpallej fitues i konkursit muzikor të famshëm “X Factor”. Pas një konkurimi nën tutelën e Altuna Sejdiut, Ergi do të arrinte që në shkurt të vitit 2014, të fitonte “X Factor”.

Një vit më vonë ai do të konkuronte në “Kënga Magjike” me këngën “Pa frymë”, por që nuk do të arrinte të fitonte. Megjithatë për të karriera sapo kishte nisur. Në 2016, këngëtari do të sillte dy këngë të shoqëruara me videoklipe, përkatësisht “Morphine” dhe “Asnji gram”.

Nga burime pranë këngëtarit mësohet se ai ishte gati për një project të radhës, që tragjikisht tashmë është ndërprerë në mes së bashku me jetën dhe ëndrrat e tij.

ergi3 ergi4 ergi6 ergi7

Faqja 188 prej 234« Fillimi ‹ Prapa 184 185 186 187188189 190 191 192 Para ›Fundi »

Aleanca Kosova e Re do ta mbështesë në balotazh kandidatin e Nismës për Kosovën, Isa Xhemajli.

65 vite nga krijimi i Universitetit Politeknik të Tiranës, një kompani e huaj e akrediton zyrtarisht për cilësinë e kurrikulave dhe programeve të studimit.

Zbulohen detaje të tjera nga vdekja e teknologut të Uzinës në Ballsh, Shefo Duraj.

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL