Kosova dhe Serbia nuk arritën ndonjë marrëveshje për çështjen e transferimit të mjeteve financiare në valutën dinar nga Serbia në Kosovë, gjatë rundit të fundit të dialogut të zhvilluar në Bruksel.
Pas takimit trepalësh, kryenegociatori i Kosovës, Besnik Bislimi, tha se Serbia kishte “qëndrime shqetësuese” sa i përket çështjes së transferimit të mjeteve financiare në valutën dinar nga Serbia në Kosovë. Ndërkaq, kryenegociatori i Serbisë, Petar Petkoviq, tha se bisedimet, që zgjatën më shumë se shtatë orë, ishin “të vështira”
Pas takimit në Bruksel, Bislimi tha për gazetarët se ndërmjetësi evropian, Mirosllav Lajçak ka dalë me një propozim të ri rreth zgjidhjes së kësaj çështjeje.
Ai tha se propozimi i Lajçakut synon që të përafrojë qëndrimet e palëve sa i përket çështjes së ndihmës financiare nga Serbia për serbët në Kosovë.
“Qëndrimi i palës serbe është që të gjitha strukturat ilegale të Serbisë duhet të financohen, të vazhdojnë të financohen deri në kohën kur të krijohet Asociacioni [i komunave me shumicë serbe], sepse sipas mendimit të tyre, qëllimi i Asociacionit nuk është që të sigurojë koordinim të mirë mes komunave, por të sigurojë legjitimizmin e pranisë së institucioneve serbe në Kosovë, që do t’i bënte ato institucione gjysmëserbe, por jo institucione të serbëve në Kosovë”, tha Bislimi.
Bislimi tha se kjo ide e Serbisë nuk gjeti mirëkuptimin as të Kosovës, e as të ndërmjetësit të dialogut, Mirosllav Lajçak.
Kosova dhe Serbia kanë arritur dy marrëveshje për Asociacionin – më 2013 dhe 2015 – por, Prishtina ende nuk ka ndërmarrë hapa drejt themelimit të tij. Por, Qeveria e Kosovës është shprehur kundër një asociacioni njëetnik.
“Sot për herë të parë, ne kemi parë haptazi, të dokumentuar nga Serbia, se si ata e shohin procesin e krijimit të Asociacionit. Përderisa për bashkësinë ndërkombëtare dhe Kosovën, Asociacioni është nënkuptuar si një mekanizëm që ndihmon komunat me shumicë serbe të koordinojnë ushtrimin e disa veprimeve të tyre, Serbia sot tregoi se e sheh si mekanizëm për legjitimimin e prezencës së strukturave ilegale të Serbisë në Kosovë”, tha Bislimi.
Bislimi tha se sa i përket idesë së krijimit të një entiteti të ri biznesor në veriun e Kosovës, të banuar me shumicë serbe, në mënyrë që ndihma financiare të shkojë te përfituesit, përmes konvertimit të Postës serbe, Serbia ka parë këtë ide si “ një lloj privatizim të postës” nga Kosova.
“Sigurisht, të gjitha këto propozime ishin shumë destruktive, prandaj Lajçak do të dalë me një propozim të ri dhe ne do të duhet të japim mendimet tona për këtë propozim në shtatë ditët e ardhshme”, tha Bislimi për gazetarët pas takimit trepalësh.
Ndërkaq, kryenegociatori i Serbisë, Petar Petkoviq, tha se rundi i ri i bisedimeve do të zhvillohet më 13 maj.
“Shpresojmë që të arrijmë një lëvizje, nëse ajo është e mundur”, tha ai.
Petkoviq akuzoi autoritetet në Prishtinë se synojnë të “dëbojnë” serbët nga Kosova.
“Bislimi disa herë tha që nuk i interesojnë serbët që duan ta lëshojnë Kosovën, por i interesojnë vetëm serbët që duan të integrohen në Kosovë”, tha Petkoviq.
Takimi mes Bislimit dhe kryenegociatorit të Serbisë, Petar Petkoviq, ishte i pesti që zhvillojnë në Bruksel për çështjen e dinarit, përdorimi i të cilit u ndalua në Kosovë në shkurt.
Për dallim nga takimet e mëparshme, i dërguari i posaçëm i Bashkimit Evropian, Mirosllav Lajçak, nuk mbajti fillimisht takime të ndara me Bislimin dhe Petkoviqin, duke u futur drejtpërdrejt në takim trepalësh me ta.
Me rregulloren e re të Bankës Qendrore të Kosovës (BQK), euroja u caktua si valuta e vetme në Kosovë për kryerjen e pagesave me para të gatshme nga 1 shkurti. Hyrja në fuqi e kësaj rregulloreje ka zemëruar Serbinë, e cila përmes buxhetit të saj shtetëror u dërgon ndihmë financiare serbëve që jetojnë në Kosovë.
Bashkësia ndërkombëtare i ka kërkuar Kosovës ta pezullojë rregulloren, në mënyrë që t’u jepet kohë qytetarëve që të përshtaten me praktikën e re.
Por, Qeveria e Kosovës ka ngulur këmbë se fjala është për një vendim të pavarur të BQK-së e jo për vendim politik.
Në takimet e deritashme në Bruksel për këtë çështje janë dhënë disa propozime për gjetjen e një zgjidhje sipas së cilës Serbia do të mund të bënte pagesa për shfrytëzuesit e ndihmës financiare në Kosovë.
Lajçak tha të martën, dy ditë para takimit të sotëm, se është duke punuar për të gjetur një zgjidhje për këtë çështje.
Në një përmbledhje të aktiviteteve të tij gjatë javës, ai theksoi se në takimet e fundit me kryenegociatorët kanë arritur ta “ngushtojnë hendekun” lidhur me këtë temë.
Megjithatë, takimi paraprak javën e kaluar në Bruksel, ku nuk pati fare takim trepalësh, përfundoi pa ndonjë rezultat.
Kryenegociatori i Kosovës, Besnik Bislimi, tha pas takimit të 18 prillit se pala serbe nuk kishte ardhur me ide se si të trajtohet propozimi fillestar i të dërguarit të BE-së.
“Ky takim mund të quhet si takim i kotë, pa rezultat, dhe ndoshta si sukses i politikës penguese të palës serbe”, tha Bislimi më 18 prill.
Ndërkohë, kryenegociatori i Serbisë, Petar Petkoviq, tha se Beogradi “bëri gjithçka për të gjetur një zgjidhje”./REL
Artisti im pak ke folur edhepse rrënjësisht. Ka më shumë për të thënë për këtë kreaturë që pi gjak me vrasësin e qeniesë sonë.
Të lumtë o Artist, o bashkfshatari dhe Kumbara im, i nderuar Z. Ramë S. Lahaj. Pak por shumë bindshme e paske thanë atë që do duhej ta thoshte tan populli shqiptar.
Bravo. Tash vec na pri tshkojm e ta vrasim ate vrasesin tand. Ani pse ti je gjalle. Ani pse Kosova grunin po e merr nga serbi. Mjaft te kerkoje falje sipas teje dhe gjithcka do jete ndryshe. Mund tja falim (gjakun). Edhe nje e peshtyme nfytyre dhe jemi te lam.Sa te zgjuar jeni ju artistet.
Artist gomar qe permend buken (edhe n.q.s e ja Shane) qe nuk I permendet askujt dhe Harron qe atje pas traut e gjeten strehimin,mbeshtetjen dhe sigurine.
Nuk ishte ramavic qe hapi kufirin shqiptar-shqiptar, por ishte gjaku i ilirian qe kish hap kufirin dhe ndihmat e pa kursyera te SHBA-s e BE-se qe e ndihmuan. Ramavic me shoke e shoqe nje turpi i shqiptaris jo vetem nga pangopesia por dhe ligesia me politikat e tij bastarde ndaj jetes, kultures e votes te dhunuar dhe biznesit te piset po ja nxijne e shkurtojne jeten popullit pa dallim ngjyre, bindjesh apo besimi qofshin. Ne keto kushte ramavicit nje fund i turpshem i shpejt e pa kthim e pret, ne mos nga SPAK, qe eshte KAPS, nga populli e Zoti. Duan apo s’duan jashteqitjet njerezore ne hapsiren SHQIPTARE.
Ky anti Shqiptare i terbuem , trashigimtare i denje i atyne qe shkatrruen per 50 vjet Kombin Shqiptare, jo vetem qe shkele mbi gjakun e vujtjet e vllezerve tone Kosovare , por po vazhdon tash 8 vjet ne mendyre te cfrenume destabilizimin dhe ckombtarizimin e Kombit tone .
Nuk kam as Nje Koment.Eshte Pa Besi Per Viktimat E SHTETITN te KOSOVES Kurse ramoviçi Vete i Shtrin doren armikur serbis, serbia ka VRAR BURRA GRA FEMINJ Ka DJEGUR PLAÇKITUR. ESHTE TURPI I KOMBIT SHQIPTAR ramoviçi
if a person is undesirable for Albanians & American interests tomorrow will be a person named Edi Rama