VOAL

VOAL

Please Wait ...
0%

Skuqja e veshit – Shkaqet dhe trajtimi me metoda natyrale

By | February 6, 2020
blank

Komentet

blank

Sa vjeçe është zemra juaj? Zbuloni faktorët që e dobësojnë para kohe

Kur hiperkalemia është e një intensiteti të fortë, për shkak të saj, zemra pushon së rrahuri.

Të dhënat e një viti më parë nga Instituti i Shëndetit Publik, treguan shifra alarmante në lidhje me numrin e të sëmurëve nga zemra.

Në Shqipëri renditet si shkaku i parë i humbjes së parakohshme të jetës.

Po ju a jeni të rrezikuar?

Një projekt i përbashkët i Universitetit të Bostonit dhe Institutit Amerikan Për Zemrën, do të hedhë në treg një pajisje që përllogarit moshën e saktë të zemrës.

Ama jo vetëm moshën por edhe rrezikun që u kanoset nga sëmundjet kardiovaskulare.

Në përllogaritjen e këtij rreziku përfshihen edhe mosha, historiku i familjes dhe stili i jetesës. Nuk përjashtohen edhe ushqyerja, aktiviteti fizik dhe duhanpirja.

Nëse marrim në konsideratë numrin e lartë të njerëzve të prekur nga këto sëmundje në Shqipëri, atëherë me siguri, zemra e shumë njerëzve është ‘e plakur’ para kohe.

Faktorët që Plakin Zemrën dhe ata që e Rinojnë atë

Ju mund të ndiheni të rinj në moshë, por nëse pini duhan, nëse nuk kryeni aktivitet fizik dhe nëse nuk ushqeheni shëndetshëm, zemra juaj ka hyrë në moshën e tretë.

Ekspertët thonë se përveç ushqyerjes së shëndetshme dhe aktivitetit fizik, ju mund të ulni faktorët e rrezikut duke:

Ulur tensionin e gjakut

Përmirësuar nivelin e kolesterolit

Mirëmbajtur peshën

Kontrolluar nivelet e glukozës, sheqerit në gjak

Regjimi Mesdhetar – Më i Miri për Zemrën

Ushqyerja mesdhetare është një regjim i shëndetshëm për zemrën.

Nëse e keni të vështirë të ushqeheni shëndetshëm mund të ndërmerrni hapa të vogla:

Hani perime në të paktën dy herë në ditë

Hani nga një frut në çdo vakt

Përfshini arrorët, si arra, bajame, lajthi e të tjera, nëpër sallata

Hani mish të kuq vetëm një herë në javë

Nga ana tjetër, duke kryer edhe aktivitet fizik, ju mund të jeni në rrugën e duhur për ta mbajtur zemrën të re dhe në formë.

Në këtë mënyrë, mund të shmangni disa probleme dhe sëmundje kronike që jo vetëm ju vështirësojnë jetën, por edhe ju pengojnë të bëni një jetë të gjatë./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

blank

Sa i rëndësishëm është dimri për gjumin, infeksionet dhe lëkurën

Moti i ftohtë mund të duket si ndëshkimi më i madh për dikë që preferon pranverën a verën, megjithatë, ai ofron përfitime shumë të rëndësishme për organizmin.

I Ftohti E Bën Trurin Më Të Mprehtë

Temperaturat e ulëta e bëjnë njeriun të mendojë më qartë.

Studimet thonë se njeriu e ka më të lehtë të kryejë një punë në një vend me temperaturë të ftohtë se sa në të ngrohtë.

Në verë, aftësitë e të nxënit të njeriu pësojnë një luhatje si pasojë e temperaturave të larta por në dimër, mendja e njeriut është më e mprehtë.

I Ftohti Djeg Kalori

Në dimër, trupi punon më fort për të ruajtur temperaturën bazë dhe shpenzon më shumë energji, ndaj nëse bëni një ecje të shpejtë në temperatura të ftohtë do të jetë dyfish fitimprurëse për ju.

Dimri Dhe Alergjitë

Nëse vuani nga alergjitë që kanë të bëjnë me natyrën, atëherë shëtitjet në ajrin e ftohtë të dimrit do ju bëjnë të ndiheni më mirë.

Ndërkohë, njerëzit që vuajnë nga alergjitë nga pluhuri e kanë situatën më të vështirë në dimër, sepse ato akumulohen më shumë në temperatura më të ngrohta dhe në ambiente të mbyllura.

I Ftohti Lufton Inflamacionin

I ftohti shërben si një kompresë e mirëfilltë për njerëzit që vuajnë nga inflamacioni i kyçeve,

Njerëzit që vuajnë nga problemet me kyçet thonë se në dimër, ato janë më pak të fryra.

I Ftohti Ju Ndihmon Të Flini Më Mirë

Në momentin që njeriu pret ta zëjë gjumi, temperatura bazë e trupit bie natyralisht . Në verë, një proces i tillë zgjat deri në dy orë.

Në dimër ai është shumë më i shpejtë, thonë ekspertët.

Për më tepër nëse flini në një dhomë ku temperatura është 18 gradë, atëherë jo vetëm që do të flini mirë por edhe do të digjni kalori.

Ekspertët e AgroWeb.org thonë se kjo është temperatura ideale e dhomës së gjumit.

Kundër Infeksioneve

Është e vërtetë që njeriu mund të ftohet në dimër, por i ftohti në vetvete e nxit imunitetin të çlirojë të gjithë potencialin e vet dhe të luftojë infeksionet me sukses.

Studimet thonë se sistemi imunitar ndizet kur trupi ekspozohet ndaj të ftohtit.

I Bën Mirë Lëkurës

Temperaturat mesatarisht të ftohta i bëjnë mirë lëkurës sepse ngushtojnë enët e gjakut.

Kësisoj lëkura është më pak e prirur ndaj skuqjes, enjtjes, yndyrosjes dhe pikave të zeza.

blank

Studimi: Konsumi i moderuar i alkoolit, i bën mirë zemrës së njerëzve të moshuar

Pirja e alkoolit dhe ruajtja e një shëndeti të mirë, mund të jetë një balancë shumë e vështirë për t’u ruajtur nga shumë njerëz. Ndonëse disa studime kanë zbuluar se pirja në sasi të moderuara mund të jetë e mirë për shëndetin e njeriut, disa të tjera kanë zbuluar se çdo sasi alkooli mund të shkaktojë dëme.

Por tani një studim i ri zbulon se të paktën tek të moshuarit, një konsum i moderuar i pijeve alkoolike, mund t’i ndihmojë ata të jetojnë më gjatë, duke ulur rrezikun e zhvillimit të sëmundjeve të zemrës. Studiuesit nga Universiteti Monash, thonë se konsumimi i moderuar i alkoolit, përmirësoi shanset për të shmangur sëmundjet kardiovaskulare, në mesin e më shumë se 18.000 të moshuarve në Shtetet e Bashkuara dhe Australi.

Për më tepër, konsumuesit e moderuar të alkoolit, kishin një rrezik më të ulët të problemeve të zemrës, sesa individët e shëndetshëm që zgjodhën të mos pinin fare. Po sa është sasia e duhur e alkoolit, për të pasur një zemër të shëndetshme? Ekspertët bien përgjithësisht dakord se pirja në sasi të madhe dhe të tepruar, është ndër faktorët kryesorë të rrezikut për sëmundjet dhe vdekjen e hershme nga të gjitha shkaqet.

Por lidhja midis sasive më të vogla të alkoolit dhe shëndetit ka qenë më e paqartë. Ndërkohë, sëmundjet kardiovaskulare janë vrasësi nr.1 në mbarë botën. Me rritjen e popullsisë së botës për shkak të jetëgjatësisë më të madhe, studiuesit vëzhguan se si të rriturit e moshuar, mund të jenë në gjendje që ta ruajnë cilësinë e jetës së tyre kur arrijnë në të 70-at e më tej.

Të gjithë pjesëmarrësit në studim ishin përgjithësisht individë të shëndetshëm dhe pa histori të problemeve të zemrës, demencës ose paaftësisë. Mbi 18.000 të moshuarit kishin një moshë mesatare 74 vjeç. Nëpërmjet vetë-vlerësimit të zakoneve të tyre të pirjes, studiuesit zbuluan se 18.6 për qind nuk pinin fare alkool gjatë një jave.

Sa për ata që pinë alkool, 37.3 për qind pinin 1-50 gram alkool (deri në 3 gota) në javë, 19.7 për qind pinin 51-100 gram alkool (3.5 deri në 7 gota) dhe 15.6 për qind konsumonin 101-150 gram (7 deri në 10 gota) çdo javë. Ndërkohë 8.9 për qind e pjesëmarrësve, raportuan se kishin pirë mbi 150 gramë alkool (ose më shumë se 10 gota) çdo javë.

Autorët e studimit e vëzhguan këtë grup njerëzish për gati 5 vjet, duke ekzaminuar se si zakonet e tyre të pirjes së alkoolit, lidheshin me rrezikun e çdo personi për ngjarje si vdekja nga sëmundja koronare e zemrës, sulmet jo-fatale në zemër, goditjet në tru dhe shtrimi në spital për shkak të dështimit të funksionimit të zemrës.

Rezultatet treguan se të moshuarit me nivele më të larta të konsumit të alkoolit në javë, ishin më mirë se ata që pinin pak ose aspak alkool. Gjithsesi autori kryesor i studimit dr. Johanes Neuman thotë se njerëzit duhet t’i marrin me rezerva këto gjetje.

Meqë të gjithë të moshuarit ishin përgjithësisht të shëndetshëm dhe aktivë në fillim të studimit, rezultatet mund të ndryshojnë midis të rriturve të tjerë të moshuar në popullatën mbarëbotërore. Neuman vë gjithashtu në dukje, se konsumi në sasi të mëdha i alkoolit, e rrit edhe rrezikun e sëmundjeve kronike, përfshirë rrezikun nga kanceri dhe sëmundjet e mëlçisë. / Burimi:Panorama

blank

Filozofia e Kafes Shqiptare – Një Histori që vjen nga Kultura

Shqiptarët e dashurojnë kafenë.

Meqë vij nga Rusia, e cila njihet për obsesionin ndaj çajit, (Rusia renditet e dyta pas Kinës në sasinë e çajit të konsumuar për person, madje ne rusët pijmë çaj, në kuptimin e plotë të fjalës, 10 herë në ditë.)

Duke parë shqiptarët që shijojnë çdo gllënkë të ekspresit apo të kafes turke për orë të tëra duke marrë ftesa pafund nga njerëzit “të ulemi për kafe”, e gjitha kjo është një kontrast kulturor për mua.

Megjithëse Shqipëria nuk është mes 50 vendeve me konsumin më të madh të kafes në botë (më tepër ndoshta për shkak të mungesës së statistikave), ky vend megjithatë, ka një lidhje të veçantë me këtë pije.

Përse Shqiptarët e duan kafen

Kjo lidhje, e cila është aq e fortë sa shija e kafes shqiptare, ka të bëjë me historinë, kulturën, traditën dhe ajo që unë pëlqej ta quaj stilin e jetës “avash-avash” e që u jep arsye blogerëve të udhëtimit ta quajnë kafenë, pije kombëtare shqiptare së bashku me rakinë.

Le të mos harrojmë gjithashtu ritualin e parashikimit të fatit nëpërmjet filxhanit, i trashëguar ky, që nga kohët Otomane!

Një tjetër arsye pse dashuria e shqiptarëve për kafenë është kaq magjepsëse, sipas meje, qëndron tek fakti që në Shqipëri pirja e kafes nuk është thjesht një veprim fizik apo tradicional-kulturor i trashëguar.

Me botën që bëhet gjithnjë e më e shfrenuar dhe kafja gjithnjë e më shumë një produkt që e merr me vete në dorë rrugës, është shumë shpresëdhënëse të shohësh njerëzit të socializohen teksa shijojnë një filxhan kafeje duke diskutuar mbi jetën e përditshme apo të bëjnë marrëveshje biznesi.

Kafja ndihmon shëndetin

Sipas të dhënave të një studimi të fundit të Fondacionit Friedrich Erbert (FES) mbi jetën e të rinjve shqiptarë, të rinjtë në Shqipëri janë aq të dhënë pas socializimit përmes pirjes së kafesë, sa shpenzojnë mesatarisht 3870 lekë në muaj për “daljet për kafe”.

Sigurisht që konsumi i kafes ka anët e veta pozitive dhe negative, madje, mund të keni dëgjuar diskutime pa fund për këtë.

Kafeja, jo vetëm ju jep energji dhe lufton depresionin, por gjithashtu thuhet të ketë efekt mbrojtës në mëlçi, në uljen e rezikut për diabetin e tipit të dytë, në parandalimin e disa llojeve kanceri e madje deri në mbrojtjen nga Alzajmeri dhe Parkinsoni.

Sigurisht që vëmendja kyçe nëeuml; pirjen e kafes duhet të fokusohet tek masa e moderuar e konsumit.

Përndryshe, në anën tjetër të medaljes, kafeina krijon varësi, mund të rrisë presionin arterial, të rrisë ankthin dhe të ndikojë në pagjumësi.

Për të gjithë ju të cilët, nuk i përballoni dot efektet e kafeinës në trupin tuaj, por megjithatë dëshironi të merrni vrullin energjik, zgjidhni kafe dekafeinato ose provoni të konsumoni alternativa të tjera të shëndetshme dhe energjike njëkohësisht.

Po të lemë mënjanë pro-të dhe kundrat e kafesë, ka një prirje interesante, e cila po merr shumë vëmendje në pjesë të ndryshme të botës, sa i përket rikonceptimit dhe ripërdorimit të mbetjes së kafesë (kokrrizat e ngurta që mbeten pas përgatitjes së kafes ekspres).

Midis shembujve më domethënës janë: riciklimi i këtyre mbetjeve të kafesë për biokarburant, i prezantuar si projekt nga një kompani e quajtur Bio-bean, parashikuar të prodhojë energji për qytetin e Londrës; përdorimi i mbetjeve të kafesë si një “depo karburanti” , më saktësisht për të ruajtur metan, i zhvilluar si projekt nga hulumtues koreano-jugorë; koleksioni i ri i xhinseve i prodhuar nga riciklimi i mbetjeve të kafesë, prodhuar nga kompania American Eagle e të cilat, kanë dukshëm nevojë për më pak larje duke qenë se mbetjet e kafesë thithin aromat; dhe së fundmi kompania 3Dom, duke përdorur mbetjet e kafes për të prodhuar filamente printeri 3D, gjë që është jo vetëm miqësore me mjedisin, por gjithashtu lëshon aromë të këndshme kafeje kur kalon nëpër printerin e nxehur.

Nëse të gjitha këto duken tepër ambicioze, atëherë po rendisim një listë me gjëra që TI mund të bësh me mbetjen e kafesë, në shtëpinë tënde:

1. Përdore mbetjen e kafesë (edhe llumin e kafes) si insekticid për të mbrojtur kopshtin tënd nga milingonat, kërmijtë dhe tartabiqët.
2. Për kopshtin tënd si pleh organik.
3. Për të thithur aromat e rënda të ushqimeve duke e vendosur për shembull, brenda frigoriferit.
4. Për të pastruar mjetet e ndryshme, orenditë dhe enët e kushinës.
5. Për të mbuluar gërvishtjet në mobiljet prej druri me ngjyrë të errët.
6. Për të mbajtur poshtë hirin në vendin e zjarrit, duke e bërë më të lehtë pastrimin e vatrës.
7. Për të zhbllokuar lavapjatin duke shtuar gjithashtu edhe pak ujë të valuar me detergjent enësh.
8. Për të lëmuar fytyrën duke qenë se mbetjet e kafesë janë një pastrues i shkëlqyer i trupit dhe fytyrës.
9. Për të përfituar shkëlqimin natyral të flokëve duke e pastruar lëkurën e kokës me të, përpara se ta lash me shampo.

Agroweb të fton të ndash me ne mënyrat për çfarë i përdor mbetjet e kafesë ose nëse ke përdorur ndonjë nga idetë e sugjeruara më sipër!

*Agroweb sjell Shqipërinë me sytë e një Ruseje që jeton në Tiranë prej dy vitesh. Liana Suleymanova ka studiuar për histori në Universitetin Amerikan në Bullgari ku u njoh me Shqipërinë, e shkuara e të cilës e tërhoqi në mënyrë të veçantë. Interesi për këtë vend u zhvillua më tej gjatë studimeve master në Central European University në Budapest dhe në Akademinë Diplomatike në Vienë, ku ajo studioi në detaje historinë e Shqipërisë, veçanërisht periudhën nga sistemi komunist në demokraci.

blank

Coronavirus: Metoda inovative frenon COVID-19 dhe redukton ngarkesën virale me 95%

Studimet kanë treguar se përtypja e çamçakëzit me kalcium dhe bikarbonat natriumi (sodë buke) është efektive kundër sëmundjeve orale dhe baktereve patogjene.

A mund që një çamçakëz t’i jap fund pandemisë COVID-19?

Tingëllon shumë mirë të jetë e vërtetë, por është fakt që shkencëtarët amerikanë kanë bërë një çamçakëz të krijuar posaçërisht për të kontrolluar koronavirusin SARS-CoV-2.

Dr. Grace C Roberts, një bashkëpunëtore kërkimore në Departamentin e Virologjisë në Universitetin e Leeds, shpjegon se si funksionon dhe përgjigjet se çfarë duhet të presim.

Pyetja pas çamçakëzit të parë me aktivitet antiviral ishte nëse përqendrimi i lartë i provuar i virusit në pështymën e pacientëve me infeksion COVID-19 mund të reduktohej në një mënyrë të thjeshtë, duke ndihmuar kështu në kufizimin e përhapjes.

Në fund të fundit, kjo nuk është hera e parë që çamçakëz të veçantë përdoren për të promovuar shëndetin, veçanërisht shëndetin oral.

Studimet kanë treguar se përtypja e çamçakëzit me kalcium dhe bikarbonat natriumi (sodë buke) është efektive kundër sëmundjeve orale dhe baktereve patogjene.

Sipas një studimi të publikuar në Molecular Therapy,  veprimi i çamçakëzit bazohet në mekanizmat e përdorur nga koronavirusi për të hyrë në trup .

Në veçanti, virusi përdor enzimën konvertuese angiotensin-2 (ACE-2), një proteinë specifike në sipërfaqen e qelizave specifike në trup.

Studiuesit prodhuan një çamçakëz me përqendrime të larta të proteinave të tilla nga bimët, me qëllim që të lidhnin virusin me to dhe jo me qelizat e gojës, duke reduktuar kështu ngarkesën virale në zgavër.

Për të kontrolluar veprimin e tij, ata mblodhën mostra të pështymës nga pacientët me koronavirus dhe i përzien me copa pluhuri të çamçakëzit.

Rezultatet treguan se nivelet e virusit në pështymë u reduktuan në krahasim me grupin e kontrollit – ata morën një çamçakëz placebo pa enzimën ACE-2.

Vetëm 5 mg çamçakëz reduktuan ndjeshëm hyrjen e virusit në qeliza , ndërsa 50 mg reduktuan ngarkesën virale me 95%.

Për më tepër, formulimi rezultoi efektiv kundër një pseudovirusi të padëmshëm me një strukturë të ngjashme me virusin korona për sa i përket majës së proteinës, duke e penguar atë të hyjë në qeliza.

Mund të ishte metoda më radikale dhe më e thjeshtë për t’i dhënë fund pandemisë, nëse krijimi i çamçakëzit antiviral nuk do të përballej me kufizime bazë, siç shpjegon Dr. Roberts i cili shprehet:

Ky është një studim i fazës fillestare i cili nuk kryhet në kushte reale por në kushte laboratorike

Mjedisi oral mund të ndryshojë midis pacientëve, kështu që lindin pyetje nëse ndryshimet në temperaturë dhe diversitetin mikrobik do të ndikojnë në efektivitetin e çamçakëzit.

Në eksperiment u përdor një pseudovirus dhe jo SARS-CoV-2

Nuk dihet nëse çamçakëzi do të ishte efektiv kundër varianteve dhe mutacioneve të sojit origjinal siç është Omicron më i ri, megjithëse është qetësuese që shtamet e reja përdorin të njëjtin mekanizëm për të infektuar qelizat.

Çamçakëzi është krijuar për të reduktuar rrezikun e transmetimit nga bartësi i koronavirusit që e përtyp atë tek individët e shëndetshëm dhe jo si një masë paraprake për individët jo të infektuar.

Dr. Roberts shprehet  në përfundimin se çamçakëzi mund të veprojë si një masë mbrojtëse shtesë gjatë procedurave dentare, por edhe në kombinim me masa të tjera si përdorimi i maskës.

blank

OBSH: Varianti Omicron paraqet rrezik “shumë të lartë”

Marrë nga Associated Press

Organizata Botërore e Shëndetësisë paralajmëroi të hënën se rreziku global nga varianti Omicron është “shumë i lartë” bazuar në të dhënat paraprake, duke thënë se koronavirusi që ka pësuar mutacione, mund të çojë në rritje të rasteve me “pasoja të rënda”.

Vlerësimi nga agjencia shëndetësore e OKB-së, i përfshirë në një dokument teknik të lëshuar për shtetet anëtare, përbënte paralajmërimin më të fortë, më të qartë të OBSH-së për variantin e ri që u identifikua për herë të parë ditë më parë nga studiuesit në Afrikën e Jugut.

Raporti vjenë në një kohë kur po rritet numri i vendeve në mbarë botën që po raportojnë raste të infeksioneve me variantin Omicron dhe shumë vende morën masa të reja kufizimesh përfshirë ndalimin e udhëtimeve nga vendet e Afrikës jugore.

Japonia ka njoftuar ndalimin hyrjen e të huajve në vend, duke iu bashkuar Izraelit që tashmë kishte marrë një vendim ngjashëm. Shtetet e Bashkuara dhe vendet anëtare të Bashkimit Evropian, kanë ndaluar udhëtimet nga Afrika Jugore.

OBSH tha se ka “pasiguri të konsiderueshme” në lidhje me variantin Omicron. Por, ajo tha se provat paraprake ngrenë mundësinë që varianti të ketë mutacione që mund ta ndihmojnë atë të shmangë një përgjigje të sistemit imunitar dhe të rrisë aftësinë e tij për t’u përhapur nga një person në tjetrin.

“Në varësi të këtyre karakteristikave, mund të ketë rritje të infeksioneve me Covid-19, që mund të kenë pasoja të rënda, në varësi të një numri faktorësh, duke përfshirë vendin ku mund të ndodh një rritje e infektimeve me Covid-19”, thuhet në raportin e OBSH-së. “Rreziku i përgjithshëm global … vlerësohet si shumë i lartë.”

OBSH theksoi se ndërsa shkencëtarët po kërkojnë prova për ta kuptuar më mirë këtë variant, vendet duhet të përshpejtojnë ritmin e vaksinimit të banorëve të tyre.

Ndërsa asnjë vdekje e lidhur me Omicronin nuk është raportuar deri më tani, ka pak informacion të sigurt për këtë variant të ri. Nuk dihet nëse ai është më ngjitës, ka më shumë gjasa të shkaktojë sëmundje serioze ose më i aftë për të shmangur vaksinat. Javën e kaluar, një panel këshillues i OBSH-së tha se ai mund rrisë mundësinë e riinfektimit të njerëzve që tashmë e kanë kaluar Covid-19.

Spanja të hënën u bë një nga vendet më të fundit që raportoi rastin e parë të konfirmuar të infektimit të një personi me variantin Omicron, të zbuluar në një udhëtar që u kthye të dielën nga Afrika e Jugut pasi kishte bërë një ndalesë në Amsterdam.

Ndërsa shumica dërrmuese e infeksioneve të regjistruara në mbarë botën kanë qenë në udhëtarë që vinin nga vende të tjera, rastet në Portugali dhe Skoci kanë ngritur frikën se varianti tashmë mund të ketë qenë duke u përhapur në nivel lokal.

“Shumë prej nesh mendojnë se kemi mbaruar punë me Covid-19. Por, ai (virusi) nuk ka mbaruar me ne”, paralajmëroi Tedros Adhanom Ghebreyesus, drejtori i përgjithshëm i OBSH-së.

Disa ditë pasi varianti shkaktoi një frikë të madhe në botën financiare, gati dy vjet pas fillimit të pandemisë së koronavirusit që ka shkaktuar vdekjen e mbi 5 milionë njerëzve, tregjet patën një reagim të përzier të hënën. Tregjet evropiane të aksioneve u rikuperuan pas një rënie në fillim të ditës dhe tregu i aksioneve në Nju Jork u hap më lart, ndërsa tregjet aziatike të aksioneve ranë më tej.

blank

Holandë, 2 persona të dyshuar si bartës të variantit Omicron kapen teksa po iknin nga karantina

Amsterdam

Dy persona që mbaheshin në karantinë në Holandë me dyshimin se bartnin variantin Omicron të koronavirusit të ri (COVID-19) u kapën në përpjekje për të ikur nga vendi me avion për në Spanjë, transmeton Anadolu Agency (AA).

Në një deklaratë të bërë nga Policia Mbretërore e Holandës (Koninklijke Marechaussee) në Twitter thuhet se dy nga 61 pasagjerët që mbërritën nga Afrika e Jugut më 26 nëntor dhe u futën në karantinë për shkak se kishin rezultuar pozitivë me COVID-19 u kapën duke u përpjekur për të shkuar në Spanjë.

Më tej thuhet se personat e kapur teksa avioni për në Spanjë po nisej, iu dorëzuan Shërbimit Shëndetësor të Bashkisë (GGD) për të vazhduar karantinimin.

Nuk dihet se si çifti, njëri nga Spanja dhe tjetri nga Portugalia, u arratisën nga hoteli i karantinës pranë aeroportit Schiphol. Autoritetet për mediat lokale thanë se janë të habitur me rastin pasi hyrjet dhe daljet e hotelit ku qëndronin çifti në fjalë ishin të ndaluara.

Mësohet se pas përfundimit të karantinës, ndaj çiftit do të niset një hetim për shkelje të rregullave të karantinës.

Varianti Omicron i COVID-19 është regjistruar tek 13 persona

Instituti Shtetëror për Shëndetin dhe Mjedisin (RIVM), i lidhur me Ministrinë holandeze të Shëndetësisë, njoftoi se 624 pasagjerë që u kthyen në Holandë nga Afrika e Jugut më 26 nëntor u testuan për COVID-19 në aeroportin Schiphol dhe 61 prej tyre rezultuan pozitivë.

Gjithashtu deklarohet se varianti Omicron është zbuluar tek 13 nga 61 persona të cilët rezultuan pozitivë në testin e COVID-19.

blank

Do të duhen javë për të kuptuar më shumë për Omicronin

RFE/RL

Organizata Botërore e Shëndetësisë ka thënë të hënën se varianti i ri i koronavirusit, Omicron mund të përhapet në gjithë botën dhe përbën rrezik “shumë të madh” për vendet ku pasojat mund të jenë të mëdha.

Kjo agjenci e Kombeve të Bashkuara ka këshilluar 194 vendet anëtare që të rrisin shkallën e vaksinimit te grupet me prioritet të lartë”.

“Omicron ka numër të pashembullt të mutacioneve, disa prej të cilave janë shqetësuese për shkak të ndikimit potencial në trajektoren e pandemisë”, ka thënë OBSH-ja.

“Rreziku i përgjithshëm global i lidhur me variantin e ri të Omicronit vlerësohet se është i lartë”.

OBSH-ja ka thënë se duhet bërë më shumë kërkime për të kuptuar potencialin e këtij varianti ndaj imunitetit të fituar nga vaksinat dhe infektimet paraprake.

Presidenti amerikan, Joe Biden do të flasë të hënën, 29 nëntor, para popullit amerikan për variantin e koronavirusit, Omicron, ka njoftuar Shtëpia e Bardhë, teksa disa kombe evropiane kanë bërë të ditura rastet e para të variantit të identifikuar fillimisht në Afrikën e Jugut.

Autoritetet janë të shqetësuara se ky variant mund të transmetohet më lehtë, apo që efekti i vaksinave ekzistuese mund të jetë më i vogël ndaj tij, ndonëse ende ka shumë të panjohura.

Asociacioni Mjekësor i Afrikës së Jugut, ka thënë se njerëzit që janë infektuar me variantin Omicron nuk kanë qenë shumë të sëmurë, ndonëse shumica prej tyre janë të rinj dhe me më pak mundësi që të përballen me sëmundje të rënda.

Pas takimit me presidentin Biden, eksperti kryesor i SHBA-së për sëmundje infektive, Anthony Fauci, ka parashikuar se do të duhen edhe rreth dy javë kohë për të pasur informacion përfundimtar për variantin e ri.

Fauci ka thënë se beson që vaksinat ekzistuese mund të ofrojnë “një shkallë të mbrojtjes kundër rasteve të rënda të sëmurjes me COVID” dhe zyrtarët shëndetësorë në SHBA kanë përsëritur rekomandimin e tyre që amerikanët e vaksinuar të marrin dozën përforcuese, është thënë në një deklaratë të Shtëpisë së Bardhë.

Drejtori i Instituteve Kombëtare të Shëndetësisë, Francis Collins, ka thënë për kanalin Fox News se duhen më shumë të dhëna përpara se autoritetet të flasin për ashpërsinë e këtij varianti.

“Do ta kuptojmë këtë gjë në javët në vazhdim”, ka thënë Collins, duke cituar Faucin.

Rastet e para me Omicron janë konfirmuar në Australi, Belgjikë, Bostvana, Britani, Danimarkë, Gjermani, Hong Kong, Izrael, Itali, Holandë, Francë, Afrikë e Jugut dhe Kanada.

Në një intervistë për transmetuesin ABC, Fauci ka thënë më 28 nëntor se varianti i ri do të arrijë “pashmangshëm” në Shtetet e Bashkuara.

“Kemi sinjale të qarta se virusi ka kapacitet për t’u përhapur shpejt. Kjo gjë është duke na shqetësuar neve”, ka thënë ai.

Shtetet e Bashkuara u janë bashkuar kombeve tjera, për kufizime në udhëtim për të parandaluar përhapjen.

Duke nisur nga 29 nëntor, gati të gjithë shtetasit e huaj që kanë qenë në ndonjërin nga tetë shtetet e Afrikës së Jugut në 14 ditët e fundit, nuk do të mund të hyjnë në SHBA.

Autoritetet amerikane po ashtu u kanë bërë thirrje amerikanëve që të mos udhëtojnë në këto vende.

Shtetasit amerikanë do të mund të hyjnë në SHBA dhe ende nuk ka kërkesa shtesë për ta, pas arritjes.

Komisionarja e Bashkimit Evropian, Ursula von der Leyen, ka bërë thirrje po ashtu për veprim të shpejtë.

“Ne e shohim me shumë seriozitet variantin Omicron dhe e dimë se tani jemi në garë kundër kohës”, ka thënë von der Leyen më 28 nëntor, gjatë një vizite në Letoni.

Presidentja e Komisionit Evropian, Ursula von der Leyen.

Presidentja e Komisionit Evropian, Ursula von der Leyen.

Ajo po ashtu ka vlerësuar se shkencëtarëve dhe prodhuesve do t’iu duhen dy deri në tri javë për të kuptuar fuqinë e variantit.

Përveç Shteteve të Bashkuara, lista e shteteve që kanë vendosur kufizime për udhëtarët nga Afrika e Jugut janë Kanadaja, Turqia, Arabia Saudite, Indonezia, Pakistani, Australia, Izraeli, Japonia dhe disa vendeve të Bashkimit Evropian.

Afrika e Jugut ka dënuar këto ndalesa në udhëtime, duke thënë se ato janë të barasvlefshme me ndëshkim për identifikim të variantit Omicron.

“Shkenca e shkëlqyer duhet të duartrokitet dhe jo të ndëshkohet”, është thënë në një deklaratë të lëshuar nga Ministria për Marrëdhënie Ndërkombëtare.

“Komuniteti global ka nevojë për bashkëpunim dhe partneritet për të menaxhuar pandeminë e koronavirusit”.

Zyrtarë të Afrikës së Jugut kanë nisur diskutimet me shtetet që kanë miratuar kufizimet në udhëtim, duke shpresuar se do të rishqyrtojnë vendimet, është thënë në deklaratë.

Me qëllim të kontrollimit të shpërthimit në Afrikën e Jugut, presidenti, Cyril Ramaphosa, ka njoftuar se Qeveria do të nisë konsultimet për ta bërë të detyrueshëm vaksinimin për disa aktivitete dhe lokacione.

Ramaphosa e ka shfrytëzuar një fjalim televiziv më 28 nëntor për të kundërshtuar ndalesat në udhëtime dhe ka bërë thirrje që ato të hiqen “para se të bëhet dëm më i madh në ekonomitë tona dhe jetët e njerëzve tanë”.

Përgatiti: Krenare Cubolli
blank

Lidhja midis izolimit social dhe rritjes së inflamacionit – Përkeqësimet e shëndetit

Sipas studiuesëve të këtij hulumtini, kjo punë është një hap më tej në rrugën e tyre për të zbërthyer mekanizmat me të cilat izolimi social rrezikon shëndetin.

Sipas studiuesëve izolimi social është një faktor rreziku për shumë sëmundje.

Megjithatë, ata ende nuk e kuptojnë plotësisht se pse izolimi social ndikon në këtë mënyrë tek shëndeti.

Por së fundmi, një studim në të cilin AgroWeb.org u mbështet, gjeti një lidhje të rëndësishme midis izolimit social dhe inflamacionit.

Sipas studiuesëve të këtij hulumtini, kjo punë është një hap më tej në rrugën e tyre për të zbërthyer mekanizmat me të cilat izolimi social rrezikon shëndetin.

Cilët janë shkaktarët e inflamacionit?

Inflamacioni është një nga mekanizmat mbrojtës të trupit, që ndihmon në luftën kundër toksinave, lëndimeve dhe infeksioneve.

Kemi dy lloje inflamacionesh, inflamacioni akut që zgjat disa orë ose ditë dhe ai kronik që mund të zgjasë me muaj ose vite.

Hulumtimet sugjerojnë se shkaktarët e inflamacionit kronik mund të jenë:

-infeksionet kronike virale

-obeziteti

-ndryshimet e lidhura me moshën në mikroorganizmat e zorrëve

Një tjetër shkak mund të jetë se izolimi social në vetvete krijon stres emocional, i cili shkakton një përgjigje inflamatore.

Ndërsa një teori e re thotë se disa molekula inflamatore mund të gjenerojnë një përgjigje biologjike më të shpejtë.

Dhe rritja e tyre mund të shoqërohet me rritje të rrezikut të problemeve kardiovaskulare, ulje të performancës fizike, asaj njohëse dhe një rrezik më të lartë të vdekshmërisë.

Lidhja midis izolimit social dhe inflamacionit.

Në studimin e fundit, studiuesit vendosën të analizonin nivelin e izolimit social të pjesëmarrësve.

Analiza zbuloi se njerëzit që përjetuan izolim social kishin nivele më të larta të molekulave inflamatore. Krahasuar kjo me ata që nuk përjetuan izolim social.

Në këtë rast izolimi social përfshinte jetesën me një person tjetër dhe pjesëmarrjen në aktivitete të ndryshme sociale dhe fetare.

Sipas ekspertëve, izolimi social dhe ndjenja e vetmisë, kanë qenë prej kohësh të lidhura me rezultate të pafavorshme shëndetësore.

Pandemia sigurisht që e ka përkeqësuar këtë gjë, veçanërisht tek të moshuarit.

Kjo pasi kufizimet e shumta i kanë larguar ata edhe më shumë nga rrjetet e tyre sociale.

Në fund ekspertët shprehen se është e rëndësishme që ky studim të zgjatet edhe më tej. Me qëllim që të zbulohen rrugët se si stresi psikosocial mund të shëndrrohet në një faktor rreziku për shëndetin fizik.

Kështu do të mund të krijohen mundësi më të mira trajtimi për ata që janë më të rrezikuar.

blank

Fasulja kacavjerrëse e Tropojës – Zbuloni kushtet e kultivimit

Bishtajoret kanë qenë prej vitesh pjesë e dietës ushqimore në mbarë botën për mijëra vite, duke shërbyer si burim proteinash.

Pjesë e bishtajoreve janë  bizelet, llojet e ndryshme të fasuleve, qiqra dhe thjerrëza.

Bishtajoret shërbejnë si një burim i rëndësishëm i proteinave dhe të tjera vlerave ushqyese, të cilat mund të zëvendësojnë produktet e mishit apo të bulmetit.

Gjithashtu kultivimi i tyre redukton përdorimin e plehrave kimike dhe bën pasurimin e tokës.

Të Dhënat Konkrete Për Kultivimin e Fasuleve Ndër Vite

Në Shqipëri prodhimi i tyre në vitin 2018 arriti në 24.5 mijë tonë, duke u rritur me 15% në krahasim me një vit më parë, pas tre vitesh që shënoi rënie të njëpasnjëshme, referuar të dhënave të Eurostat.

Për nga sasia e prodhimit, Shqipëria prodhon sa dyfishi i vendeve të rajonit si Serbia apo Maqedonia.

Prej vitit 2010 prodhimi më i lartë u arrit në vitin 2014 me 30 mijë tonë, ndërsa prej atëherë ka shënuar rënie.

Prodhimi i bishtajoreve në Serbi ishte 12.9 mijë tonë në vitin 2018, ndjekur nga Maqedonia e Veriut me 12.4 mijë tonë, Bosnje dhe Hercegovina me 11.8 mijë tonë dhe Kosova me 6.1 mijë tonë.

Fasulja Kacavjerrëse e Lekbibaj

Në të gjithë krahinën e Nikaj-Merturit, Tropojë. Kultivohet për më se 70-80 vjet.

Aktualisht zë rreth 30% të sipërfaqes që mbillet me fasule në zonë.

Kushtet e kultivimit:

Mbillet në ngastra të sheshta, toka të thella e të pasura dhe me mundësi ujitjeje.

Mbillet në bashkëshoqërim me misrin gjatë peridhave 10 -15 maj dhe vilet në fillim të shtatorit.

Fasulja përfiton nga shërbimet që i bëhen misrit; prodhon edhe në kushte me pak shërbime, pa përdorur plehra kimike dhe spërkatje.

Formon bimë kacavjerrëse; kokërr të bardhë në formë veshke.

Ka qëndrueshmëri të mirë ndaj sëmundjeve, temperaturave të ulëta dhe të larta.

Jep prodhim të mirë e të qëndrueshëm.

Zien shpejt dhe është e pëlqyeshme për shijen e saj.

blank

Misri i Bjeshkës – Vlerat dhe kushtet e kultivimit

Është misër i njohur në fshatrat e Bjeshkëve të Tropojës (me lartësi 1100-1300 m), kryesisht në pllajën e Çeremit, ku kultivohet për më se 100 vjet.

Fara është mbajtur dhe trashëguar në familje brez pas brezi.

Është pak i përhapur, aktualisht zë rreth 25-30 % të sipërfaqes që mbillet me misër në zonën e Bjeshkëve.

Misri i Çeremit, njihet edhe me emrin “Misër i Bjeshkës”.

Kushtet e kultivimit:

Në ngastra të sheshta e tarraca malore, me orgjinë koluvione malore.

Mbillet në mes të muajit maj dhe vilet në fund të gushtit.

Përshkrimi:

Kultivar autokton me cikël të shkurtër, shumë i hershëm.

Bimë me kërcell të shkurtër, 1,3-1,5 m, formon 1-2 kalli për bimë; kalli i vogël konik, me gjatësi 10-12 cm, me 12 rreshta dhe 18-20 kokrra në rresht, me koçan të bardhë, kokërr të verdhë e me konsistencë qelqore.

Misri është i pasur me ushqyes

Sipas të dhënave, të cilave i referohet AgroWeb.org konstatohet se misri, pavarësisht ngjyrave, është i pasur me ushqyes përfshirë antioksidantët, beta karotenin dhe luteinën.

Janë karotenoidët ato që i japin misrit ngjyrat e veçanta.

Karotenoidët janë të dobishëm në parandalimin e sëmundjeve të syve, ndaj thuhet që karrota të ndihmon të shohësh në errësirë. Misri përmban vitaminat B dhe C, së bashku me magnezin dhe kaliumin.

Misri ka më pak sheqer se molla

Misri i verdhë është i ëmbël, ndaj supozohet të ketë shumë sheqer. Një kalli misër përmban të njëjtat kalori sa molla por më pak se një të katërtën e sasisë së sheqerit.

Ushqim për bakteret e mira

Misri i verdhë ka sasi të larta të fibrës së patretshme që u bën mirë baktereve të mira në stomak dhe i ushqen ato.

Nuk përmban gluten

Shumë njerëz kanë tolerancë të kufizuar ndaj glutenit. Misri i verdhë nuk përmban gluten.

Në formën e miellit, misri përdoret për përgatitjen e makaronave pa gluten, një variant më i shëndetshëm në krahasim me alternativat e tjera.

blank

Studimi: Grupi i gjakut mund t’ju bëjë më të ndjeshëm ndaj dhjetëra sëmundjeve

Shumë njerëz joshen nga ideja se grupi i tyre i gjakut përcakton personalitetin e tyre, apo se disa ushqime mund të përmirësojnë shëndetin e një personi bazuar në grupin e gjakut. Ndërsa këto besime nuk janë domosdoshmërisht shkencore, një studim i fundit tregon se një grup i caktuar gjaku mund të ndikojë në faktin se disa njerëz mund të jenë më të predispozuar se disa të tjerë për t`u prekur nga disa sëmundjeve të caktuara.

Studiuesit thonë se lloje specifike të gjakut kanë një rrezik të shtuar të zhvillimit të mpiksjessë tij, si tromboza e venave të thella (DBT) dhe kushte të tjera të hemoragjisë,ashtu si edhe hipertensioni i shkaktuar nga shtatzania. Përveç kësaj, studimi zbuloi një lidhje midis grupeve të gjakut B dhe O dhe formimin e gurëve në veshka.

Hulumtimet paraprake tregojnë se njerëzit që i përkasin grupit të gjakut A ose B,janë më të rrezikuar për t`u prekur nga sëmundjet e zemrës, ndërsa ata me grupin e gjakut O janë më të prirur të vuajnë nga një çrregullim i hemoragjisë. Mbi 5 milionë njerëz në Suedi ishin pjesë e një studimi, për të parë nëse grupi i tyre i gjakut ABO apo grupet e gjakut RhD-pozitiv/negativ ishin të lidhura me sëmundje të caktuara.

Ekipi i krahasoi grupet e gjakut me më shumë se 1000 çrregullime shëndetësore. Të dhënat zbuluan 49 sëmundje të lidhura me grupe specifike të gjaku, dhe një çrregullim të lidhur me grupin RhD. “Ka ende shumë pak informacione në dispozicion, nëse njerëzit me grupe gjaku RhD-pozitiv apo RhD-negativ mund të jenë më të rrezikuar nga disa sëmundje, apo sa sëmundje të tjera mund të kenë lidhje me këtë grup gjaku”-thotë autori kryesor i studimit Torsten Dahlen i Departamentit të Mjekësisë, Solna, në Institutin Karolinska në Suedi.

“Për të ndihmuar në plotësimin e këtij boshllëku, ne përdorëm një qasje të paanshme për të hetuar lidhjen midis llojeve të gjakut ABO dhe grupeve RhD dhe më shumë se 1000 sëmundjeve”- theksoi ai.

Studimi tregon se njerëzit me grupin e gjakut A janë më të rrezikuar nga zhvillimi i mpiksjes së gjakut i tipit DBT. Ndërkohë njerëzit me grupin e gjakut O, ishin më të rrezikuar nga zhvillimi i hemoragjisë. Për më tepër, gratë me antigjenin e tipit O ose RhD (grupi pozitiv i gjakut) ishin më të ndjeshëm ndaj presionit të lartë të gjakut gjatë shtatzënisë.

U zbulua se njerëzit me grupin e gjakut B, kishin një incidencë të zvogëluar të gurëve në veshka. Sipas gjetjeve, individët me grup gjaku AB nuk ishin të lidhur me asnjë nga sëmundjet specifike të lidhura me llojet e tjera.

Gjithsesi, duhen më shumë kërkime për të verifikuar gjetjet dhe për të identifikuar nëse ka apo jo arsye alternative për këto lidhje midis llojeve specifike të gjakut dhe një rreziku në rritje të sëmundjeve të veçanta. /Burimi: Panorama


blank
blank
blank
blank
blank
blank
blank
blank
blank
blank
blank
blank
Send this to a friend