(Kur artistët i këndojnë shpresës për jetën dhe humanizmit mes bashkatdhetarëve)

Jordan Hall në Boston, përcolli të Shtunën më 27 Maj një mbrëmje të bashkatdhetarëve shqiptaro-amerikanë ku thellësisht u bashkuan misioni humanitar, arti i interpretuar në skenë dhe një
publik i përthithur nën tingujt duke kumbuar një zë malli “Dua më shumë Shqipërinë”.

Në qoftë se kjo do të ishte pika më kulmore e shfaqjes në Koncertin Gala, atëherë atë si askush tjetër këtë nivel dhe mjeshtëri të munguar prej kohësh në mjediset e diasporës do të mund sillnin dy artistët shqiptar Inva Mula dhe Genc Tukiçi falë bashkëpunimit dhe përqafimit të kësaj ideje dhe kauze me organizatën “Shqiptarët Mundin Kancerin” (Albanians Fighting Cancer).

Fjalët e mirëseardhjes për këtë veprimtari u drejtuan nga Eglantina Kica, Sponsore e Përgjithshme dhe Këshilltare Ekzekutive, dhe Roberta Panariti Nashi, Themeluese dhe kryetare e organizatës SHMK vlerësuan përpjekjet gati pesë vjeçare, njerëzoren dhe sublimen e pacientëve dhe të mjekve bashkë, për t’u ndalur në ndërgjegjësimin dhe parandalimin e sëmundjes, diagnostikimin dhe kapjen në kohë, mposhtjen e stigmës dhe fitoren e pavarësisë për ta çmuar jetën, të mbijetuarit që nuk tërhiqen nga rrethanat e vështira që fatkeqësisht ndeshen.

Duartrokitjet e shpeshta ishin shenja që ftuan butësinë dhe shpërthimet e Inva Mulës dhe Genc Tukiçit në këtë koncert klasik me pjesët e ndjera nga Bach, Vivaldi, Handel, Puccini, De Kurtis, dhe këngë lirike shqiptare në një program prej gati dy orësh. Heshtje dhe mbajtje fryme për të përjetuar zërin e Invës dhe tingujt e pianos nga Genc.

Emocione dhe lot, por edhe shoqërime të përbashkëta për pjesët e njohura dhe shumë duartrokitje që ta mbushin zemrën me gëzim.

Finalja u duk se erdhi shumë shpejtë, por mesazhet e falenderimit shkuan gjatë dhe e thyen edhe protokollin e koncertit.

Dr. Agim Aliaj u shpreh:-“Në qoftë se do të thoshim dy fjalë për të përmbledhur mbrëmjen e sotme, mund të thoshja që është mirënjohje dhe krenari. Mirënjohja për artistët tanë të mrekullueshëm. Mirënjohje për juve që na nderuat sonte. Mirënjohje për bashkëatdhetarët tanë të suksesshëm me bizneset e tyre wë sponsorizuan këtë Koncert dhe mirënjohje për Bertën e palodhur. Krenari për komunitetin shqiptar,… krenari për emrin dhe ngjyrën shqiptare që i dhamë kësaj salle dhe krenari të jesh shqiptar. Të dashur artistë këto buqeta kanë diçka të veçantë. Në çdo petal keni një zemër të shqiptarëve të Bostonit”.

Përgëzime, kujtime nga Shqipëria dhe nga kudo ku artistët janë ndjekur prej publikut,.. Fotografi në grup dhe thuajse askush nuk mungoi pa shtrënguar duart dhe dhuruar buzëqeshje.

Mes kësaj ngjarje të artistëve shqiptarë në Jordan Hall të Bostonit energjitë buronin, ishte një përkushtim i publikut dhe i drejtuesve të organizatës Shqiptarët Mundin Kancerin me një përgatitje katër-pesë mujore që mundësuan këtë Koncert.

Mbresat e fituara mbetën pjesë e një bashkëbisedimi të ngrohtë dhe përgëzues mes Invas, Gencit dhe Robertas.

Nga mbresat me artistët Inva Mula dhe Genc Tukiçi që na krijuan mundësinë e një interviste shkëputem këtë fragment.

Inva Mula:- “… mendoj që sonte u arrit një emocion i tillë që ishte dhe momenti magjik në sallë, kur salla bëhet një me skenën dhe kur jemi në një valë energjie me njëri tjetrin… dhe këto janë raste që nuk ndodhin në çdo Koncert. Sonte e ndjeva një gjë të tillë”.

29 Maj 2023

Më 28 maj 2023, Qendra Kulturore “Nënë Tereza” pranë Kishës Zoja Pajtore në Southfield, Michigan organizoi promovimin e librit të ri “Këpuca e Aktorit” të shkrimtarit Visar Zhiti. Aktiviteti u mbajt në ambientet e kësaj Qendre.

Me kohë një komision i posaçem nën drejtimin e Dom Ndue Gjergjit kishte shpallur dhe punoi për pregatitjen e këtij aktiviteti letrar. Autori Visar Zhiti shoqërohej nga bashkëshortja Edlira dhe nga veprimtarët e komunitetit nga Chicago, z. Taip Beshiri dhe z. Dhamo Jano me bashkëshortet e tyre.

Panelin e promovimit e udhëhoqën Dr. Gjeka Gjelaj dhe Rita Gjelaj.

Në hapje të aktivitetit, dy vajza shqiptare të veshura më xhubleta, i dhuruan lule të freskëta autorit Zhiti dhe bashkëshortes Edlira.

Dr. Gjelaj bëri një rezumé të shkurtër të veprave të autorit. Dr. Gjelaj tha ndër të tjera se me këtë promovim, në prezencën autorit eminent Visar Zhitit kemi për qëllim për të zgjuar dashrinë, kujdesin dhe vlerësimin kaq të dëshirueshëm dhe tejet të nevojshëm ndaj librit, gurrës së diturisë dhe autorëve që po shndrisin në botën e letërsisë shqiptare, sic asht fort i nderuari Visar Zhiti”.

Në lidhje me Romanin “Këpuca e Aktorit” paraqiti referencën e tij z. Valentin Lumaj, i cili bëri një zbërtim letrar të veprës. Z. Lumaj ndër të tjera tha se ky roman vjen para lexuesve si një vepër shume-dimensionale, si një amalgamë vlerash autentike shqiptare, ku përzihen epoka, ngjarje, personazhe fiktive dhe reale dhe pikëpamje të ndryshme

Lumaj theksoi se romani përmbante të gjitha metodat e të shkruarit në prozë, si stili personal, përshkrues, historik, rrëfyes, informues, vlerësues dhe bindës. Lumaj u theksoi se gjuha e pastër shqipe e përdorur në roman, ka të përpunuar në shkallën më të lartë elementet e saj letrrtë dhe sintaksorë. Gjithashtu ai theksoi se romani ka në gjerësinë e tij vlerësime të shumta psikologjike, përsiatje dhe mendime të thella logjike të natyrës Kafkane, ndjenja dhe brenga personale që autori Zhiti i përcjell tek lexuesi nëpërmjet një personazhi fiktiv në libër.

Ai shtoi se romani “Këpuca e Aktorit” ka jetë brenda tij, ka ndjenjë, përjetim, rrënqethje, është kulturë dhe ja rekomandonte gjithkujt, sidomos rinisë shqiptaro-amerikane, që të njohin dhe kuptojnë realizimin e pasioneve dhe ëndërrave të rinisë nën një regjim diktatorial, kjo në kontrast me mundësitë e reja dhe të pafundme amerikane dhe të bëjnë diferencën, si motivim për të ardhmen e tyre”.

Profesori i Fizikës dhe drejtori i ACTV, Eduard Aliko bëri një shpjegim të zgjeruar të vlerave njerëzore dhe intelektuale të Shkrimtarit Visar Zhiti. Prof. Aliko theksoi se Visar Zhiti si poet dhe shkrimtar u mbrujt në kushte jashtëzakonisht të vështira, të terrorit, presionit dhe burgjeve komuniste. Edhe pse ne burg, Zhiti arriti që të ruajë në shkrim dhe në memorie pothuajsë të gjithe veprën e tij poetike të burgut, që sot vjen para shqiptarëve si një dëshmi e gjallë dhe një testament për brezat. Ai tha se Visar zhiti jo vetëm si shkrimtar dhe poet disitent, ish i burgosur për poezitë e tij, por edhe si diplomat shqiptar, që ka shërbyer në Vatikan dhe Washington DC, si politikan, ish-ministër i kulturës, studiues, përkthyes dhe gazetar, Visar Zhiti ishte dhe është figura më e plotë dhe përbashkuese shqiptare për të qenë President i Shqiptarëve. Ai theksoi se në kushtet e një regjimi të neokomunizmit në Shqipëri, njerëzit e mëdhenj dhe vizionarë si Visar Zhiti nuk e marrin kurrë vlerësimin që meritojnë.

Në emër të Organizatës Studentore Shqiptaro Amerikane të Universitetit Shtetëror të Michiganit, foli studentja Angela Lumaj. Ajo foli mbi kontrastin e thellë midis jetës që ka pasur fatin të jetojë në Shtetet e Bashkuara dhe realitetit sfidues me të cilin u përballën ata që jetuan në Shqipërinë komuniste. Ndër të tjera ajo tha: ”Nëpërmjet letërsisë së Zhitit, ne kapim një vështrim të qëndrueshëm dhe palëkundur të shpirtit të popullit shqiptar në ato kohë sfiduese. Vargjet e tij ndriçuan betejat me të cilat u përballën, mallin për liri që digjej në zemrat e tyre dhe shpresën e paepur që i mbajti të ecnin. Vepra e tij shërben si një kujtesë e fuqishme e forcës dhe këmbënguljes së popullit shqiptar, dhe unë jam mirënjohës për aftësinë e tij për të kapur thelbin e tyre në vargjet e tij”.

Më pas përshendeti Famullitari i Kishës Zoja Pajtore, i cili falenderoi shkrimtarin Zhiti për prezencën e tij dhe të librit të tij më të ri. Dom Ndue Gjergji u shpreh se vepra e Visarit është e ngjashme me veprat e meshtarëve të burgosur dhe të persekutuem, si ajo e dom Simon Jubanit, “Burget e Mija”, vepra e At Zef Pllumit, “Rrno vetëm për me tregue” apo ajo e At Konard Gjolajt, “Çinarët”. Dom Ndou tha se në inagurimin e Qendrës Kulturore Nënë Tereza, Visa Zhiti është shpallur anëtar i përjetshëm i kësaj Qendre dhe është gjimonë i mirëpritur në aktivitetet tona.

Dom Fred Kalaj përshëndeti më pas mysafirët dhe pjesëmarrësit. Ai tha se natyra njerëzore është krijuar në atë mënyrë që shumë njerëz nga ana e mendësive akoma jetojnë në të shkuarën, dhjetra apo qindra vite pas, por ka njerëz që vijnë si dritë dhe ndriçojnë përpara rrugën e njerëzimit, dhe Visar Zhiti më veprën dhe vizionin e tij jeton jo vetëm të sotmen por edhe të ardhmen dhe i përket së ardhmes. Ai foli për dimensionet e jashtëzakonshme të Visarit, si njeri shumë thjeshtë e i përvuejt por shumë i fuqishëm në mendim, fjalë dhe vepra letrare, dhe shtoi se Zhiti është shkrimtari më i spikatur i letërsisë së sotme shqipe.

Më pas moderatorja, Rita Gjelaj ja dha fjalën bashkëshortës së Autorit, znj. Edlira Zhiti, e cila në fjalën e saj lidhi emrin e kësaj qëndre kulturore të Nënë Terezes me librin e Këpuca e Autorit, ku Nënë Tereza vjen në libër si personazh në disa kapituj. “Romani “Këpuca e Aktorit i ngjan një skenë që rrëfen histori, jo të Shqipërisë por të shqiptarëve, prandaj autori ka zgjedhur një shprehje të Nënë Terezes, “Jeta është lojë, luaje”, shtoi ajo. Znj. Zhiti e quajti si arritje të letërsisë shhqipe, futjen e figurës së Nënë Terezes, jo vetëm në Kishat tona dhe ne qendrat kulturore dhe të bamirësisë, por edhe ne art dhe letërsi. Ajo emfazoi se ishte hera e parë që Nënë Tereza paraqitet si personazh real në një roman letrar.

Veprimtari Taip Beshiri, solli në kujtesë jetën dhe vuajtjet e autorit Zhiti. Ai theksoi se vuajtjet e Visarit gjatë jetës së tij shprehen edhe karakterin e veprës së tij si një shëmbëlltyrë dhe personifikim e vujtjeve të nje kombi. Gjatë fjalës së tij, nuk munguan momentet e ndjeshmërisë emocionale të z. Beshiri i cili e mbylli fjalen duke thëne se ishte i lumtur qe kishte njohur një njeri të madh si Visar Zhiti dhe që ishte pjesë e ketij aktiviteti.

I fundit e mori fjalen autori Visar Zhiti. Ai u shpreh se ishte i emocionuar por edhe i lumtur qe komuniteti i Michiganit e mirepriti librin e tij. Ai theksoi se Kepuca e Aktorit megjithese ka brenda tij personazhe reale, ngjarje te verteta apo qendrime personale, prape mbetet nje veper “fiction” dhe duhet te shihet si roman dhe jo aotobiografi.

Organizatorët kishin pregatitur një resumé mbi jetën dhe bibliografi mbi veprën e autorit Visar Zhiti, e cila iu shpernda pjesëmarrësve

Në këtë aktivitet morën pjesë një numër i kënaqshëm lexuesish dhe studiuesish nga komuniteti shqiptar, dashamirë të artit, miq të autorit, ku ranë sy prezenca e drejtorit te Revistës Kuvendi, Pjetër Jaku, drejtorit të Albdreams Television, Rush Dragu, përfaqësuesi I Shoqatës Malësia e madhe dhe gazetari Luigj Gjokaj, poeti Gjon Kaçaj, veprimtarja Huana Kurti, aktivisti Luvigj Sterbyçi, veptimtari Gjek Lumaj, aktivisti Gjevalin Gjelaj, vëllai i artistit Sherif Merdani, Meleq Merdani, nipi i poetit të pushkatuar Trifon Xhagjika,, bashkëqytetarë të autorit nga Lushnja e të tjerë.

Aktiviteti u përcoll Live nga Albanian Community TV nga gazetari Prel Popaj dhe pronari i këtij televizioni Arben Spaho.

Më pas takimi vazhdoi me një bashkebisedë mes të pranishmëve dhe autorit. Pjesëmarrësit morën librin “Këpuca e Aktorit” dhe nënshkrimin e autorit Zhiti.

Në përmbyllje, organizatorët dhe këshilli I Kishës Zoja Pajtore shtruan një drekë për të ftuarit dhe pjesëmarrësit. Aktiviteti ishte i mirëpregatitur dhe në parametra seriozë dhe i suksesshëm.

Ura e bashkëpunimit mes Vatranëve me krye komunistin, kriminel Ruci u ndërtua me emërimin pa votë të kryetarit të ri më 20 shkurt 2020.

Faktet tregojnë qartë se bashkëpunimi ishte i paramenduar.

Tani më thoni të dashur bashkatdhetarë, a ka komunistë mes nesh?

A është Vatra sot është fole e sigurimit të shtetit?

Apo të ulim kokën dhe t’i themi faleminderit Besim Malotit dhe miqve të tij me shok që mbledhjet e kryesisë i kan kthyer si mbledhjet e byrosë politike.

Gjithçka vërtetohet me këtë foto.

Të ata që mendojnë se kupola e Vatrës është e kalbur, duhet t’i flasin me zë dhe figurë dhe të mos heshtin.

Ne duhet të pushtojmë internetin me fakte dhe të çjerrim fytyrën e komunistëve në Amerikë.

(Vatra Manhattan Branch)

“Ruajeni Vatren nga ata që ju ka rënë rruga vonë kah Vatra”

Nuk ka se si të mos jem i trishtuem kur shoh kyt gjendje anarshie në Vatër dhe në Diell.

Asht jashtë çdo imagjinate që editori i Gazetës Dielli, nje alien i kohëve të fundit në USA, me mendësi bajraktari rural shqiptar, të censurojë shkrimet etike, të heqë të drejtën e komenteve, apo të bllokojë hyrjen dhe leximin e Gazetës Dielli, vatranëve shqiptarë, të edukuem me kulturën, ligjin, lirite dhe jetën amerikane. Aq më keq, kur këta Vatranë kanë dhënë kaq shume për Diellin, por edhe e paguajnë me kuotat e anëtarësisë këtë gazetë, gjithashtu paguajnë edhe editorin e Diellit.

Ky mendoj unë, asht një akt hakmarrës primitiv, akt që nxit konflikte, nxit urrejtje dhe shmang kritiken dhe debatin konstruktiv, kaq të munguar dhe të nevojshëm në Vatër. Po ashtu asht edhe një akt djallëzor që ka për qëllim vënjen e gazetës Dielli në shërbim të axhendës se një grupi të vogël në kupolën e Vatrës, që faktikisht janë bataku i saj, dhe e dyta duan që të frikësojnë vatranët e tjerë, që nëse flasin apo shkruajnë, kështu do ta pësojnë.

Bllokimet dhe përjashtimet nuk janë asesi vepra të një vllaznie të mbledhur për një qëllim të mirë të përbashkët, por janë janë qartazi metoda të agjensive të zbulimit, sikurse ka qenë Sigurimi i shtetit, UDB-ja apo Shërbimi Informativ, me axhenda te caktuara jovatrane, meqë flitet se këto struktura kanë agjentët e tyre tashma edhe në Vatër dhe Diell. Në Vatër besoj i njohin respektivisht.

Prandaj e mbështes Agustinin dhe degën e Vatres në Mannhatan, por edhe Visarin, Lekën, Cezarin, Aranitasin, Blloshmin e të tjerë, të cilët po kërkojnë fjalën e lirë, për të cilën fjalë të lirë u persekutuan në komunizëm dhe një lloj persekutimi per se dyti po ju bëhet edhe këtu në Vatër dhe në vendin e lirive.

E ndjej dhimbjen dhe e kuptoj revoltën e Agustinit, mbasi ka më se një vit që editori i Diellit, për një koment kritik etik timin, ndaj një shkrimi vulgar të nënkryetarit, të mbushur me urrejtje, shpifje, përçmim dhe fjalor banal, jo vetëm më hoqi të dejtën për komente, por më bëri një bllokim total në Gazetën Dielli qe të mos kem mundesi as ta lexoj, po ashtu më ndaloi gazetën në print, megjithëse e kisha paguar. Sa të vegjël që janë.

Sa mirë dhe bukur drejtuesit e Diellit, dmth kryetari i Vatrës, u largua nga lufta në Kosovë për ti shpëtuar luftes dhe vdekjes, Amerika e priti, i dha liri, te drejta, strehë e bukë; editori i Diellit, erdhi një fukara nga një zonë që thonë “atje ku ha pula gurë”, ia hapi derën Amerika me gjitha të mirat, edhe Vatra po ashtu dhe bëri “bark”.

Por nga ana tjetër këta njerëz sa keq që I përdorin të mirat, liritë, tolerancen dhe të drejtat që ju jep Amerika. Standartin që ju dha Amerika e huaj, këta nuk duan që ta zbatojnë për sivëllaun e tyre shqiptar por bëhen tiranë të vegjël shpirtëzinj. Shyqyr o Zot që nuk kanë më shumë në dorë.

Kaq mund t’ju them atyre: si do të ndiheshit ju nëse dikush ua bën juve këtë që ju po ju bëni të tjerëvë. Ai i frigoheni ndopak Zotit. Nëse nuk njihni Zot, Karma nuk do të ketë mëshirë për ju.

“Ruajeni Vatren nga ata që ju ka rënë rruga vonë kah Vatra”, sa bukur pati thënë i ndjeri Dalip Greca

Gazeta Dielli censuron Kryetarin e Vatra Manhattan Branch – ndërsa editori thotë se gazeten e drejton Elmi Berisha, drejtohuni atij për çdo gjë

                                                           “WANDERING MIND” – “MENDJE ENDACAKE”

Sherry Shqiponja Nebiaj ju fton të merrni pjesë në Ekspozitën e saj – Wondering Mind – Mendje Endacake – e cila do të hapet në Farmingdale Library, 116 Merritt Rd, Farmingdale, NY 11735, me një pritje më 3 qershor dhe 10 qershor 2023 – nga ora 10:00 am deri më 17:00 – Ekspozita do të jetë e hapur gjithë qershorin, përveç të djelave.