Gazetari dhe drejtuesi i Timoni.al, Almer Toska ka bërë sot një deklaratë të fortë, ndërsa akuzoi zëvendëskryeministren Belinda Balluku, ndaj të cilës SPAK ka nisur një hetim, i ka ofruar shuma të majme për të ‘mbyllur’ gojën përballë denoncimeve të tij publike.

I ftuar në programin e drekës në News24, përballë gazetares Ola Bruko, Toska tha se ka qenë vetë Balluku dhe njerëz të saj që i kanë ofruar shuma të mëdha, por që ai s’i ka pranuar, ndërsa shtoi se mund të kapnin vlerat e 1 apo 2 apartamenteve.

“E kam nisur këtë betejë mediatike ndaj Ballukut, për asnjë arsye personale. Gjyshi i Belinda Ballukut ka qenë i internuara në zona e Roskovecit. O Beqir Balluku dil andej nga pambuku. Ia përmendin atë si bejte. Ajo u hakmor për zonën tonë. Vuri një termocentral që i solli dëm zonës, duke i çuar energjinë Greqisë. Me një aferë, shkatërroi zonën bujqësore. Ajo shkeli banorë të tërë për arsye përfitimi, në kurriz të tyre dhe në të mirë të Greqisë. Belinda Balluku, pasi mori vendimin për të shkatërruar zonën më bujqësore të Rroskovecit. Nisa të nxjerr akuza. Shumë media dhe një pjesë e opozitës është bërë zëri i Ballukut. Për mua Balluku, s’kam asnjë interes personal, më është afruar dhe më ka joshuar, njerëz të saj, pazare të paimagjinueshme. Shuma të majme, që mund të sigurohej familja. Shifra të majme, 1 apo 2 apartamente. Të tjerët janë në Pazar me Ballukun. Jam Almer Toska dhe bëj betejë me vija të kuqe përballë Ballukut. S’po merrem me jetën private të Ballukut, por me jetën publike të saj. Do të merrem deri në fund.”, tha ai. bw

Gazetari Almer Toska, drejtues i Timoni.al ka treguar prapaskenat për rastin e zëvendëskryeministres Belinda Balluku, e cila po hetohet nga SPAK. Përballë gazetares Ola Bruko në News24, ai foli për një telefonatë që kryeministri Edi Rama ka bërë me prokurorin e çështjes, Dritan Premçi, përmes telefonit të Ulsi Manjës.

Ai tha e prokurori po kërcënohet.

“Dritan Premçi nuk ka pranuar të shpallë urdhër-arrestin, u kap në befasi. Ai mori kërcënime nga familja e tij. Balluku dhe njerëz të saj i kanë bërë kërcënime. Se di nëse mund ta përballojë këtë presion dhe kërcënime që po përballon Premçi, siç po bën Duamni. Premçit, bravo i qoftë, është kurajoz. Ai po heton dhe po përballet me presione. Premçi është telefonuar nga Edi Rama. E di bisedën telefonike, që Rama ka folur me Premçin përmes telefonit të Ulsi Manjës. E ka pyetur; çfarë ke në atë dosje për Ballukun. Ai i ka thënë; ato që ti di dhe ato fakte që di për aferat. Rama i ka kërkuar që të shtyhet masa pas zgjedhjeve në Tiranë. Rama ka pasur një telefonatë me zonjën Balluku, ku i ka thënë nëse del lajmi, duhet të japësh dorëheqje. Ajo i ka thënë; Unë s’jam Erion Veliaj. Balluku e di eksperiencë dhe çfarë i ndodhi Veliajt.”, tha ai.bw

Prokuroria e Apelit shpalli pretencën për dy mjekët Petrit Rexhepi dhe Elona Burba, të akuzuar lidhur me rastin e vdekjes së Doriana Hakës bashkëshortes së ish-portierit të Partizanit Alban Hoxha, nëntorin e 2014 dy javë pasi solli në jetë fëmijën e saj të parë.

Për Petrit Rexhepin, mjek gjinekolog u kërkua dënimi me 9 muaj burgim, por për shkak të moshës mbi 70 vjec u kërkua pezullimi i ekzekutimit të vendimit dhe vënia në shërbim prove për një periudhë prej 18 muajsh.

Gjatë kësaj kohe Rexhepi duhet të mbajë kontakte me shërbimin e provës dhe të mos kryejë asnjë vepër penale. Prokuroria kërkoi që Rexhepit ti pezullohet licenca për 5 vite, duke mos patur mundësi të ushtrojë profesionin.

Për reanimatoren Elona Burba u kërkua dënimi me 1 vit burg, si dhe heqja e licencës për 5 vite.

Me 10 nëntor kur edhe është caktuar seanca e radhës, mjekët do të  paraqesin argumentat e tyre të mbrojtjes dhe pas më shumë se një dekade sorollatjesh në dyert e drejtësisë shqiptare prindërit e Doriana Hakës do të mësojnë edhe verdiktin  e drejtësisë. Familja e të ndjerës akuzon mjekët si përgjegjës për humbjen e jetës së Dorianës. bw

Kreu i PD, Sali Berisha theksoi se është dakord, duke iu referuar diskutimeve të pritshme për Reformën Zgjedhore që numri i deputetëve të ulet në Parlament pasi sipas tij, duhet të ketë një dhomë më të lartë, siç është Senati.

Nga ana tjetër, sa i takon reformës territoriale, Berisha tha se numri i bashkive duhet të jetë më i madh, nga 61 që janë aktualisht.

“Është 25-30 vite me parë që vendi të bëhet me dy dhoma. Dy dhoma Senatin dhe Parlamentin. Unë jam dakord me këtë variant. Por nëse e ndërton senatin jo si një institucion bllokues, por si frenues atëherë i bën mirë vendit.

Senati është i dobishëm, shumë vende e kanë, ka të tjera që se kanë. Shqipëria nëse vendos të ketë senat duhet të pakësojë numrin e deputetëve. Për Bashkitë them të jenë më shumë. Ne kemi vënë një kusht që është pranuar. Kushti ynë është që në komisionin për Reformë Zgjedhore të jetë ODHIR. Për reformën territoriale të jenë ekspertët e kongresit të autoriteti rajonale, të Europës, pranë Këshillit të Europës.

Kanë ekspertizën më të mirë të pushtetit vendor. Nuk ka asgjë për prekje të kushtetutës aty, por nëqoftëse është problemi për të përcaktuar senatin në kushtetutë, jam gati. S’kemi komplekse aty. Besojmë se është institucion i dobishëm. Jo duke rënduar buxhetin e taksapaguesve, por të duke zvogëluar numrin e deputetëve. Reforma vendore nuk ka nevojë për Kushtetutë. Ju siguroj që nuk ka”, tha Berisha. bw

Kandidati i pavarur i bashkisë së qytetit te Beratit Pavlo Shkarpa.

“Berati është motivi, kujtimi i çdo dite, dhe arsyeja pse hyra në këtë betejë.

Unë nuk kërkoj pushtet, kërkoj t’i shërbej qytetit tim me gjithë përvojën dhe dashurinë që kam për të.

Partia ime është Berati!

Sepse Berati është më shumë se një vend është familja jonë e madhe.

Voto Pavlo Shkarpa për një bashki që dëgjon, punon dhe mban fjalën!

“Partia ime është Berati!” Pavlo Shkarpa

Zëvendëskryeministrja Belinda Balluku ka refuzuar të paraqitet ditën e djeshme në Prokurorinë e Posaçme, pas fletëthirrjes që i kërkonte të ishte dje para prokurorëve të posaçëm.

Ajo u justifikua me axhendën e ngjeshur duke deklaruar se nuk mund të paraqitej pasi ishte jashtë vendit.

Ndërkohë sot Balluku ishte në Durrës, ku ka prezantuar drejtorin e ri të Portit të Durrësit, Liburn Aliu.

Prokuroria e Posaçme ka regjistruar emrin e zëvendëskryeministres Belinda Balluku si person nën hetim për akuzën e shkeljes së barazisë në tendera.

Ftesa për paraqitje mban firmën e prokurorit të posaçëm Dritan Prençi, i cili ka kërkuar që zëvendëskryeministrja të jetë e asistuar nga një avokat një praktikë që nënkupton se ndaj saj mund të komunikohet zyrtarisht një akuzë penale.

Pas refuzimit për t’u paraqitur ditën e hënë, mësohet se Prokuroria e Posaçme ka lëshuar një fletëthirrje të dytë ku i kërkohet zv/kryeministres që të shkojë para hetuesve ditën e premte.

Belinda Balluku mban detyrën e zëvendëskryeministres që prej korrikut 2022, si dhe atë të ministres së Infrastrukturës dhe Energjisë që nga janari 2019. bw

Në bashkitë Vlorë, Berat, Tepelenë, Cërrik dhe Mat zgjedhjet do të mbahen më 9 nëntor dhe kryetarët e rinj do të qëndrojnë në detyrë për gati 1 vit e gjysmë deri në zgjedhjet e ardhshme vendore të vitit 2026.

Komisioneri Shtetëror i Zgjedhjeve miratoi të dielën emrat e kandidatëve për zgjedhjet e pjesshme vendore në 5 bashki të vendit të mbetura vakante pas dorëheqjeve të kryetarëve, ndërsa Tirana vijon të jetë pezull deri në një vendim të Gjykatës Kushtetuese për ligjmërinë e shkarkimit të kryetarit Erion Veliaj, i cili ndodhet në paraburgim nën akuzë për korrupsion.

Në bashkitë Vlorë, Berat, Tepelenë, Cërrik dhe Mat zgjedhjet do të mbahen më 9 nëntor dhe kryetarët e rinj do të qëndrojnë në detyrë për gati 1 vit e gjysmë deri në zgjedhjet e ardhshme vendore të vitit 2026.

Pesë bashkitë drejtoheshin më parë nga Partia Socialiste dhe tre prej tyre mbetën vakante pasi kryebashkiakët Agron Malaj në Mat, Ervin Demo në Berat dhe Tërmet Peçi në Tepelenë dhanë dorëheqjen për t’u bërë deputetë të Kuvendit të Shqipërisë. Kryebashkiaku i Vlorës, Ermal Dredha dha dorëheqjen, ndërsa ai i Cërrikut, Andi Salla u emërua ministër i Bujqësisë në kabinetin e “Ramës”.

Për shkak të afateve të ngutshme kohore për regjistrimet në KQZ, fushata zyrtare është vetëm një javë dhe nis më 1 nëntor, pavarësisht se kandidatët e kanë nisur fushatën e tyre.

Në garë janë kandidatë të Partisë Socialiste, që vijnë kryesisht nga një karrierë politike lokale dhe në administratën lokale të qyteteve ku kandidojnë, ndërsa opozita dhe Partia Demokratike kanë preferuar të mos kandidojnë emra politikë në këto zgjedhje, duke mbështetur kandidatë të pavarur.

Në Bashkinë e Vlorës, Partia Socialiste kandidon me Brunilda Mersinin, mjeke në profesion dhe ish-drejtuese e Spitalit Rajonal të Vlorës. Për të kandiduar, Mersini dha dorëheqjen nga mandati i deputetes që fitoi në zgjedhjet e 11 majit.

Përballë saj është kandidati i pavarur Dionis Sota, një sipërmarrës dhe drejtues i shoqatës turistike rajonale “Arta”. Sota mbështetet nga Partia Demokratike dhe Lëvizja Shqipëria Bëhet.

KQZ nuk e regjistroi kandidatin e tretë, Gjergji Nika si të pavarur, pasi nuk kishte ndjekur procedurën e propozimit nëpërmjet një Komiteti Nismëtar.

Në Berat, socialistët i besojnë kryetarit aktual të komanduar të bashkisë, Ervin Ceca, i cili ka shërbyer dhe si kryetar i këshillit bashkiak. Përballë tij garon biznesmeni Pavlo Shkarpa i regjistruar si kandidat i pavarur dhe që mbështetet nga opozita.

Në Mat, PS i ka besuar kandidatutën Altin Bonjit, drejtues në administratë vendore dhe kryetar i Këshillit Bashkiak. Por socialistët futen të ndarë në fushatën e shkurtër për bashkinë, pasi në garë kandidon si e pavarur edhe Suzana Pasha, me karrierë politike në degën e PS-së si kryetare e forumit të gruas.

Demokratët nga ana tjetër mbështesin si kandidat të pavarur avokatin Eduart Brahilika.

Në Cërrik, socialistët propozojnë Florenc Dokën po ashtu me eksperiencë të gjatë administrative në nivel vendor dhe bashki, ndërsa përballë ka dy kandidatë nga opozita, kandidatin e pavarur që mbështetet nga demokratët, Amarildo Hoxha me profesion mjek dhe Eligert Himën si kandidat i “Shqipëria Bëhet”.

Në Tepelenë, socialistët garojnë me ish-kreun e Gardës së Republikës, Gramoz Sako, ndërsa demokratët mbështesin kandidatin e pavarur, Gabriel Guma, një 26 vjeçar arkitekt me profesion.

Për monitoruesit e zgjedhjeve, votimet e 9 nëntorit nuk pritet të sjellin ndonjë suprizë në drejtimin e këtyre bashkive.

Rigels Xhemollari, drejtues i organizatës “Qëndresa Qytetare” i tha BIRN-it se “nuk i shoh dot si zgjedhje, por si riemërime, përsa kohë që në këto bashki të vogla ka mbetur shumë pak mandat”. Sipas tij, kryebashkiakët që do të dalin nga këto zgjedhje do të kenë gjithashtu pak gjë në dorë, pasi këshillat i kontrollon mazhoranca dhe mbetet “vetëm një buxhet për t’u miratuar”.

Xhemollari sheh me shqetësim ajo që ndodh me kryetarët e bashkive që japin dorëheqjen nga mandati, duke shkaktuar kosto shtesë për qytetarët.

“Për mua janë shqetësuese transferimet tek ekzekutivi ose nga bashkitë drejt parlamentit, të cilat prodhojne kosto për administratën zgjedhore e për rrjedhojë për buxhetin e shtetit,” tha Xhemollari./ Reporter.al

Zv.kryeministrja Belinda Balluku refuzoi që të shkonte në SPAK si person në hetim për akuzën e shkeljes së barazisë në tendera. Por mësohet se ndaj saj është dërguar një tjetër fletëthirrje, ku i kërkohet që së bashku me një avokat të paraqitet ditën e premte në Prokurorinë e Posaçme.

Ftesa për paraqitje mban firmën e prokurorit të posaçëm Dritan Prençi, i cili ka kërkuar që zëvendëskryeministrja të jetë e asistuar nga një avokat, një praktikë që nënkupton se ndaj saj mund të komunikohet zyrtarisht një akuzë penale.

Ndërkohë ditën e djeshme, gazetarja Klodiana Lala tha se përmes avokatit të saj, Balluku ka dërguar një shkresë zyrtare, duke kërkuar caktimin e një date tjetër për t’u përballur me hetuesit e posaçëm.

“Zonja Balluku nuk u paraqit, por përmes një avokati të përzgjedhur prej saj i ka dërguar një shkresë SPAK, dhe është caktuar një datë tjetër kur ajo do të paraqitet për t’u pyetur,” deklaroi Lala.

Koordinator i programit ekonomik të PD, Dorian Teliti, ka kërkuar dorëheqjen e zëvendëskryeministres dhe ministres së Energjisë Belinda Balluku. I ftuar në Log, ai tha se SPAK duhet të bëj pezullim të pozicionit të saj të punës, pasi e ka kompetencë të veten.

“Balluku të paktën deri të premten duhet të japi dorëheqjen, pasi po akuzohet për afera korruptive nga SPAK nga një institucion që ende po e heton. A ka mundësi ministri në detyrë, zv.kryeministrja në detyrë, jo vetëm për çështje që janë avancuar por dhe për ato që janë hapur, të fusë duar në manipulimin dhe zhdukjen provave?

Në rast se nuk jep dorëheqje, SPAK duhet të bëj një tjetër veprim të premten, të bëj pezullim të pozicionit të punës, e ka kompetencë të veten. Të paktën pezullim. Në rast se shikohet që ndërhyjë, lëvizjet dhe hapat që ndikojnë në procedurat që po hetohet, ka edhe masa të tjera”, tha Teliti.

Kreu SPAK, Altin Dumani, u pyet dje në Kuvend lidhur me kallëzimet penale të depozituara ndaj zëvendëskryeministres dhe ministres së Infrastrukturës dhe Energjisë, Belinda Balluku.

Deputetët e opozitës pyetën nëse SPAK po heton disa dosje që lidhen me Ballukun, përfshirë çështjet mbi shitblerjen e energjisë, projektet e rrugëve, parqet fotovoltaike, tunelin e Llogarasë, si edhe termocentralet “Tigri 1” dhe “Tigri 3”. Në përgjigjen e tij, Dumani deklaroi se për sa kohë çështjet ndodhen në fazën e hetimit paraprak, nuk mund të jepen detaje apo informacione për ecurinë e tyre. Panorama

Tirana vazhdon të renditet ndër gjashtë qytetet më të shtrenjta në Europë për përballueshmërinë e blerjes së pronës, për shkak të rritjes së ndjeshme të çmimeve të apartamenteve dhe të ardhurave mesatare relativisht të ulëta.

Sipas të dhënave të fundit të Numbeo, për gjysmën e parë të vitit 2025, koha e nevojshme për të blerë një apartament në Tiranë ka shkuar në 18 vite, duke u rritur me rreth 3 vite krahasuar me vitin e kaluar, kur nevojiteshin 15.3 vite.

Në renditjen botërore, Tirana zë vendin e 37-të, me 18 vite për blerjen e një apartamenti. Në Europë pozicionohet në vendin e gjashtë.

Në Europë, vetëm disa qytete kanë një indeks më të lartë përballueshmërie, si Londra me 19.2 vite, Lisbona në Portugali me 19.8 vite dhe Spliti në Kroaci po me 18 vite. Pas Tiranës vjen Beogradi me 16.6 vite dhe Parisi me 15.3 vite.

Për 2025, Tirana tejkalon Milanon, një ndër qytetet më të shtrenjta në Europë, për përballueshmërinë e blerjes së një prone. Në Milano nevojiten 16 vite për të blerë një apartament. Ndërkohë në vitet 2023-2024 Milano pozicionohej pas Tiranës me 17 deri 19 vite për blerje apartamenti, ndërsa në Tiranë nevojitej 2 deri 3 vjet më pak.

Në rajon, qytete të tjera si Beogradi dhe Novi Sad kërkojnë rreth 16.6 dhe 16.4 vite për të blerë një pronë, ndërsa Prishtina, kryeqyteti i Kosovës, ka një përballueshmëri prej 14.6 vite. Në Sarajevë duhen 15.4 vite.

Numbeo e llogarit përballueshmërinë e blerjes së një banese duke krahasuar çmimet e banesave me të ardhurat familjare dhe koston e një kredie standarde.

Fillimisht, përdor raportin çmim ndaj të ardhurave (Price-to-Income Ratio), që tregon sa vite pune duhen për të blerë një apartament 90 m², duke marrë mesataren e çmimeve në qendër dhe jashtë qendrës së qytetit dhe të ardhurat neto të një familjeje.

Sipas ekspertëve të tregut të pasurive të paluajtshme, kjo situatë reflekton sfidat e tregut të pronave në Shqipëri, ku rritja e lartë e çmimeve në mospërputhje me rritjen e të ardhurave mesatare ndikojnë drejtpërdrejt në kohën që duhen për të arritur blerjen e një prone.

Në nivel botëror për 6-mujorin e parë 2025, qyteti më i shtrenjtë për të blerë një apartament vazhdon të jetë Xiamen në Kinë, ku përballueshmëria kërkon 40.1 vite kursim.

Për vitin 2024, qyteti më i shtrenjtë në Europë për blerjen e një prone është Lisbona me 19.5 vite, e ndjekur nga Parisi dhe Spliti me 17.8 vite dhe Milano me 16.3 vite. Tirana pozicionohej pas Milanos në këtë listë.

Në vitin 2023, Parisi ishte qyteti më i shtrenjtë në Europë me 20.2 vite për përballueshmërinë e blerjes së një apartamenti, i ndjekur nga Lisbona, Dubrovniku dhe Praga me 19.3 vite dhe Milano me 19 vite. Pas Milanos renditej Tirana me 17.5 vite.

Sipas raportit “Deloitte Property Index 2025” të publikuar së fundmi, ku vendi ynë është përfshirë për herë të parë në 25 shtetet europiane, rezultoi se çmimi mesatar i apartamenteve në Shqipëri ka arritur në 1,620 euro për metër katror, me rritje 16.6% në krahasim me vitin e mëparshëm, duke u renditur e dyta me shtrenjtimin më të lartë pas Polonisë (19.3%).

Në Tiranë, çmimi mesatar ka arritur në 2 mijë euro për metër katror dhe në Vlorë 2,400 euro për metër katror, ndërsa në Durrës në 1,350 euro për metër katror.

Ndërsa në qendër të qytetit (zona si ish-Blloku dhe përreth Sheshit “Skënderbej”) çmimet mesatare arrijnë tashmë 3,000–3,500 euro për metër katror ose më shumë, ndërsa edhe lagjet periferike e kalojnë kufirin prej 1,000 euro për metër katror./ Monitor

Kreu i Prokurorisë së Posaçme Antikorrupsion, Altin Dumani, raportoi sot në Kuvend për rezultatet e institucionit gjatë vitit 2024 dhe problematikat e hasura.

Ai bëri një bilanc të pasurive të sekuestruara nga SPAK, por theksoi se edhe pse ka një përmirësim të luftës kundër korrupsionit, institucionet vetë ende kanë numra të ulëta në referimin e rasteve abuzive.

“Mbetet i ulët numri i referimeve nga institucionet publike për çështjet e korrupsionit dhe shpërdorimit të detyrës”, tha Dumani mes të tjerash.

Më tej ai dha edhe shifrat nga goditja e krimit dhe korrupsionit përgjatë vitit 2024, ku nënvizoi se janë sekuestruar rreth 37 mln euro. Ai foli edhe për hetimet dhe sekuestrimin e pasurive në kriptovaluta nga krimi i organizuar, duke krijuar edhe portofol dixhital.

“SPAK i ka dhënë një rëndësi të veçantë hetimit pasuror dhe financiar. Në këtë kontekst, është forcuar Sektori i Hetuesve Financiarë nëpërmjet ngritjes së kapaciteteve njerëzore kryesisht në hetimet financiare dhe pasurore me veprime komplekse brenda dhe jashtë vendit ku përfshihen edhe veprimet me kriptovaluta. Gjatë vitit 2024, me asistencën e ekspertëve ndërkombëtarë është finalizuar nxjerrja e një udhëzimi të përgjithshëm për masat administrative dhe procedurale për kryerjen e hetimit financiar dhe pasuror në SPAK. Ndërkohë që për pasuritë e konfiskuara kjo vlerë arrin në shumën rreth 36,7 milionë euro. Kështu, vlera e pasurive të sekuestruara zë rreth 43,8% të vlerës totale, ndërsa pasuritë e konfiskuara zënë rreth 56,2% të vlerës totale. Krahasuar gjithashtu me vitin 2023, vihet re një rritje në masën rreth 59,7% e vlerës totale të pasurive të sekuestruara dhe të konfiskuara (rreth 65,5 milion euro në vitin 2024 kundrejt rreth 41 milion euro në vitin 2023)”, tha ai.

Kreu i Prokurorisë së Posaçme Antikorrupsion, renditi edhe shifrat e perceptimit të korrupsionit në indekset ndërkombëtare, duke deklaruar se Shqipëria është vlerësuar me 42 pikë në Indeksin Global të Korrupsionit për vitin 2024, Shqipëria vlerësohet me 42 pikë.

“Në Indeksin Global të Korrupsionit për vitin 2024, Shqipëria vlerësohet me 42 pikë, duke e përmirësuar indeksin e perceptimit të korrupsionit me 5 pikë në raport me një vit më parë. Transparency International ka njohur rolin e SPAK në rritjen e besimit të publikut. SPAK i ka dhënë një rëndësi të veçantë hetimit pasuror dhe financiar. Në këtë kontekst, është forcuar Sektori i Hetuesve Financiarë nëpërmjet ngritjes së kapaciteteve njerëzore kryesisht në hetimet financiare dhe pasurore me veprime komplekse brenda dhe jashtë vendit ku përfshihen edhe veprimet me kriptovaluta. Gjatë vitit 2024, me asistencën e ekspertëve ndërkombëtarë është finalizuar nxjerrja e një udhëzimi të përgjithshëm për masat administrative dhe procedurale për kryerjen e hetimit financiar dhe pasuror në SPAK”, tha ai. gsh

*****

Kreu i SPAK, Altin Dumani iu përgjigj 65 pyetjeve të deputetëve të opozitës. • Dumani u pyet nga demokratja Jorida Tabaku për inceneratorin e Tiranës, Erion Veliajn dhe ish-zv,kryeministrin Arben Ahmetaj. • Në përgjigje kreu i SPAK tha se plot 71 persona janë në sitën e SPAK për 3 inceneratorët, atë të Tiranës, Fierit dhe Elbasanit, të cilat janë ende në hetim. • Lidhur me Veliajn, Dumani tha se hetimet nuk kanë përfunduar ende dhe po vijojnë, ndërsa për Ahmetajn tha se është i mirëpritur të bashkëpunojë me drejtësinë. • Dumani tha se asnjë person nuk është i paprekshëm, madje as kryeministri Rama. • Sa i takon punës së SPAK në vitin që lamë pas, Dumani tha se janë sekuestruar pasuri me vlerë 6.5 mln euro. •Gjithashtu Dumani u pyet nga demokratja, Elda Hoti nëse SPAK ka nisur hetime për persona të lidhur me krimin e organizuar që marrin koncensione. • Në përgjigje, Dumani tha se SPAK ka nisur procedime lidhur me këta persona dhe shtoi se trendi i ekstradimeve, për shqiptarë që arrestohen jashtë vendit, është në rritje nga të gjitha vendet e Europës. •Kreu i SPAK u shpreh më tej se patronazhimi në Shqipëri nuk është krim dhe ata nuk mund t’i hetojnë. •Po ashtu Dumani u pyet edhe për dosjen Aruba, por u shpreh se nuk ka asnjë koment për këtë çështje. •Në lidhje me hetimet për vëllain e kryeministrit Rama, Olsi Rama, Dumani tha se hetimet lidhur me atë çështje janë mbyllur pasi nuk janë gjetur provat që vërtetojnë përfshirjen e tij në trafikimin e lëndëve narkotike.

Prokuroria e Posaçme (SPAK) ka regjistruar emrin e zëvendëskryeministres Belinda Balluku si person nën hetim për akuzën e shkeljes së barazisë në tendera.

Balluku është thirrur të paraqitet sot në ambientet e SPAK, e shoqëruar nga një avokat mbrojtës, por ende nuk dihet nëse ajo  do të paraqitet në ambientet e Prokurorisë së Posaçme.

Ftesa për paraqitje mban firmën e prokurorit të posaçëm Dritan Prençi, i cili ka kërkuar që zëvendëskryeministrja të jetë e asistuar nga një avokat një praktikë që nënkupton se ndaj saj mund të komunikohet zyrtarisht një akuzë penale. Gazetarja Klodiana Lala raportoi në një lidhje live për News24 se zonja Balluku nuk është parë që të hyjë në ambientet e SPAK, dhe burimet thonë se ajo nuk do të paraqitet ditën e sotme. Ka parashtruar paraprakisht se ka një vizitë jashtë vendit. Në kushtet kur një funksionar i lartë shtetëror ka aktivitet të parashikuar, prokurorët e posaçëm duhet të firmosin një tjetër fletëthirrje, që duhet të paraqitet në një tjetër datë. Por nëse zonja Balluku do të refuzojë që të paraqitet në SPAK, ligji e përcakton se duhet të thirret me forcë, përmes futjes në lojë të policisë.

“Belinda Balluku është zyrtarisht nën hetim për shkelje të barazisë në tendera, për rastin e tunelit të Llogarasë. Hetimet kanë derivuar nga dosja e Evis Berberit. Në pranverë të këtij viti u arrestua Evis Berberi për disa akuza, ndër to edhe atë për korrupsion. Gjatë kontrollit në banesën e Berberit u sekuestrua celulari i tij, bashkëshortes dhe i përdorur më herët nga çifti. Janë gjetur të dhëna ku zbulohet se Balluku është e përfshirë në abuzime me tenderat. Në momentin kur zonjës Balluku do t’i komunikohet akuza, SPAK do të ketë edhe njoftim zyrtar për këtë çështje”, tha më tej gazetarja Klodiana Lala.

Belinda Balluku mban detyrën e zëvendëskryeministres që prej korrikut 2022, si dhe atë të ministres së Infrastrukturës dhe Energjisë që nga janari 2019. bw

Prokuroria e Posaçme (SPAK) ka regjistruar emrin e zëvendëskryeministres Belinda Balluku si person nën hetim për akuzën e shkeljes së barazisë në tendera.

Balluku është thirrur të paraqitet sot në ambientet e SPAK, e shoqëruar nga një avokat mbrojtës, por ende nuk dihet nëse ajo  do të paraqitet në ambientet e Prokurorisë së Posaçme.

Ftesa për paraqitje mban firmën e prokurorit të posaçëm Dritan Prençi, i cili ka kërkuar që zëvendëskryeministrja të jetë e asistuar nga një avokat një praktikë që nënkupton se ndaj saj mund të komunikohet zyrtarisht një akuzë penale.

Belinda Balluku mban detyrën e zëvendëskryeministres që prej korrikut 2022, si dhe atë të ministres së Infrastrukturës dhe Energjisë që nga janari 2019. bw

Ekrem Spahiu: Raporti OSBE/ODIHR-it anashkalon problemin, që vota diktohet, manipulohet, blihet, deformohet e tjetërsohet nga partia shtet. Nuk shkruhet se vota është kaparuar para zgjedhjeve dhe janë intimiduar zgjedhësit.

Deklaratë për mediat

Më në fund, pas pesë muaj e gjysëm doli raporti i OSBE/ODIHR-it për zgjedhjet e 11 majit 2025 dhe “Lëvizja për Zhvillim Kombëtar” shpreh shqetësimin e saj, se OSBE/ODIHR si përherë çertifikoi zgjedhjet, ku ato nuk ishin as të lira, as të ndershme, as të besueshme dhe as të pranuara nga konkuruesit.

Nga ky raport, të fituar si gjithmonë dolën dy partitë kryesore që kanë përgjegjësinë e plotë për regresin e paimagjinuar që ka pësuar procesi zgjedhor në Shqipëri nga zgjedhja në zgjedhje. Të humbur janë shqiptarët dhe demokracia se nga mosrespektimi i votës burojnë të gjitha krizat në vendit tonë.

“Lëvizja për Zhvillim Kombëtar” si subjekt me identitet të qartë kombëtar dhe demokratik, si dhe me moral të papërlyer ndaj zgjedhësve, në mënyrë të vazhdueshme prioritet kryesor ka patur Reformen Zgjedhore me katër shtyllat e saj:

Barazia e votes, me një sistem proporcional kombëtar ose 4 zona elektorale

Lista të hapura

Votim dhe numërim elektronik

Vota e diasporës

Të gjitha këto i kemi bërë të ditura dhe të qarta në Parlament e jashtë tij, te institucionet shtetërore që janë të ngarkuara ligjërisht për zgjedhjet, te ndërkombëtarët e në veçanti te OSBE, si shqetësim madhorë për demokracinë.

Raporti në thelb nuk ka lidhje me realitetin real shqiptar para, gjatë dhe pas zgjedhjeve në Shqipëri. Raporti e cilëson proçesin zgjedhor me defekte të vogla, por nuk shkruan gjë për brutalitetin e pushtetit dhe gjithë shtetit. Nuk shkruhet se vota është kaparuar para zgjedhjeve dhe janë intimiduar zgjedhësit. Nuk e përmend dyfishimin e administratës para ditës së votimeve.

Kalon në mënyrë sipërfaqësore infrastrukturën qeveritare të patronazhimit, përdorimin kriminal të paligjshëm të të dhënave personale nga pushteti, angazhimin e bandave në zgjedhje fenomen që nuk ndodh në asnjë vend tjetër. Raporti anashkalon problemin që vota diktohet, manipulohet, blihet, deformohet e tjetërsohet nga partia shtet.

Sapo doli raporti, dy partitë kryesore janë shumë të kënaqura me raportin dhe e pranojnë si shumë të mirë atë. Në të njëjten ditë kur doli raporti, të buzëqeshur deklaruan dakordësinë për ngritjen e Komisionit të Posaçëm Parlamentar për Reformën Zgjedhore, i cili do të ketë për detyrë hartimin e ndryshimeve ligjore dhe zbatimin e rekomandimeve të OSBE/ODIHR-it.

Raporti i OSBE/ODIHR-it në rekomandimet e sajë, janë po ato shqetësime që LZHK i ngritur në vazhdimësi dhe ua ka thënë po këtyre vëzhguesve para zgjedhjeve të 11 majit.
Rekomandimet më të rëndësishme janë:

Transformimi i sistemit tërësisht me lista të hapura apo ndryshimi i gjithë sistemit.
Administrim jo më me komisioner politik të zgjedhjeve.
Transparencë dhe forcim i mbikëqyrjes së shpenzimeve të fushatës.
Shqetësimi ynë është se OSBE/ODIHR, deri më tani nuk ka insistuar në zbatimin e rekomandimeve të veta dhe prandaj kemi mbërritur në këtë situatë për zgjedhjet në Shqipëri.
Të shpresojmë se rekomandimet e fundit të zbatohen për zgjedhjet e ardhshme.

Tiranë, më 25.10.2025

Kandidati i pavarur për Bashkinë e Tiranës në zgjedhjet e 9 tetorit, Florjan Binaj ka reaguar në lidhje me deklaratën e kryeministrit Edi Rama mëngjesin e sotëm në podcastin “Flasim” ku tha se “këneta” duke iu referuar opozitës, ishte aq në hall sa kishte kandidatuar një aktor, që kishte bërë të qeshnin edhe Kongresin e PS duke imituar vetë Ramën.

“Aktori më i madh në Shqipëri është Edi Rama, që u merr 140 milionë Euro qytetarëve duke ” i bindur” se po bën incenerator pa vënë asnjë tullë! Prestigjator!”, thuhet në reagimin e Binajt.

Deklarata e Ramës:
Është një risi absolute e zgjedhjeve të parakohshme vendore kandidimi i dy grave për Tiranën dhe Vlorën, dy qytete të dorës së parë për Shqipërinë, që do të drejtohen nga dy gra, të cilat kanë një karrierë shumë të ngjashme në një periudhë të caktuar kur kanë drejtuar respektivisht rilindjen e Qendrës Spitalore Universitare dhe të Spitalit Rajonal të Vlorës, dy realitete të transformuara tërësisht falë kapacitetit të tyre menaxherial dhe sidomos vullnetit të tyre të hekurt.
Ato janë të dyja fituese të padiskutueshme të garave, ku kundërshtarët përfaqësojnë shembëlltyrën më kuptimplote të humbjes së radhës, të ndjesë pastë Partia Demokratike.
Këneta është kaq e dëshpëruar, sa për Tiranën ka nxjerrë një aktor humori në rolin e një kandidati gjoja të pavarur, që për vite të tëra i ka bërë për të qeshur të gjithë, madje edhe vetë Kongresin e Partisë Socialiste, ku ka ardhur njëherë për të luajtur rolin tim.
Prandaj, nuk e gjykoj fare keq aktorin për rolin e ri që ka marrë, se aktorët këtë punë kanë, me role jetojnë.
Por kush voton mua dhe Partinë Socialiste, do të votojë Ogertën, që t’i japë Tiranës drejtuesen e duhur dhe qeverisë partneren e duhur në krye të bashkisë, për të vazhduar punën transformuese për kryeqytetin e Shqipërisë 2030

bw

Gazetarja Klodiana Lala, ishte e ftuar në emisionin “Kjo Javë” me autore Nisida Tufën ku u pyet për lajmin më të fundit, thirrjen në SPAK të zv/kryeministres, njëherësh ministre e Infrastrukturës dhe Energjisë, Belinda Ballukut.

Lala deklaroi se mban përgjegjësi të plotë për atë që ka raportuar, pasi sipas saj fletëthirrja për Ballukun ka shkuar që në fillim të kësaj jave, por mbetet për t’u parë nëse ajo do të paraqitet të hënën e kësaj jave që vjen, më 27 tetor, e shoqëruar nga avokati i saj.

“Në këtë fletëthirrje prokurorët e posaçëm e bëjnë me dije se duhet të paraqitet në SPAK ditën e hënë më 27 tetor në ambientet e prokurorisë në praninë e një avokati duke lënë të nënkuptohet dhe t’ja bëjë të qartë se zonja Balluku është zyrtarisht në hetim për veprën penale të shkeljes së barazisë në tendera dhe të gjitha gjasat janë që nëse ajo do të paraqitet, mundësitë janë që jo, por zonja Balluku do të njihet me akuzat penale zyrtare”, tha Lala.

Klodiana Lala: Në drejtim të zonjë Balluku dhe në adresë të MIE është nisur të martën një fletëthirrje dhe ka mbërritur në zyrën e zonjë Balluku. Këto fletëthirrje dërgohen me korrierë specialë që marrin dhe firmën.

Në këtë fletëthirrje prokurorët e posacëm e bëjnë me dije se duhet të paraqitet në SPAK ditën e hënë më 27 tetor në ambientet e prokurorisë në praninë e një avokati duke lënë të nënkuptohet dhe tja bëjë të qartë se zonja Balluku është zyrtarisht në hetim për veprën penale të shkeljes së barazisë në tendera dhe të gjitha gjasat janë që nëse ajo do të paraqitet, mundësitë janë që jo, por zonja Balluku do të njihet me akuzat penale zyrtare.

Dueht të sqaroj për të mos patur konfuzion, nuk ka statusin e të pandehurës, por është person në hetim dhe zonja Balluku është zv/kryeministrja e dytë që hyn në përballje me SPAK pas Ahmetajt që është në arrati për disa akuza të rënda, ndër të cilat për korrupsion.

Ervin Salianji i bën thirrje opozitës për të nisur protestat me qëllim largimin e qeverisë dhe të kryeministrit Edi Rama. Marrja nën hetim e Belinda Ballukut, tha Salianji, duhet t’i shërbejë PD-së dhe opozitës në tërësi për të organizuar protesta të fuqishme.

“Edhe ky rast duhet të shërbejë që opozita të organizojë protesta të fuqishme, për të treguar që kjo nuk mund të normalizohet dhe as të pranohet. Duhet një shkundje e të gjithë shoqërisë, e të gjithë apatisë së shoqërisë që të reagojë për këto situata”, tha Salianji.

Ai tha se shoqëria duhet të zgjohet nga apatia, ndërsa shtoi se detyra e opozitës është të vrasë frikën dhe të nisë përballjen me Edi Ramën.

“Opozita duhet të frymëzojë për të vrarë frikën dhe të jetë opozita dhe të gjithë drejtuesit e saj në ballë të kësaj përballje me Edi Ramën”, vijoi ai.

Pjesë nga intervista e Salianjit

Nisida Tufa: Nuk është se ka një frymë për të protestuar…

Ervin Salianji: Besoj se ka një frymë revolte tek qytetarët dhe këtë e ndjej në çdo takim.

Nisida Tufa: Por jo për të kthyer besim tek opozita…

Ervin Salianji: Nuk po them të dalin për t’i dhënë besim opozitës. Vjedhja nuk i bëhet vetëm opozitës, PD-së, por vjedhja e fondeve publike i bëhet çdo qytetari, padrejtësia i ndodh çdo qytetari, përdorimi i institucioneve publike për interesin personal të Edi Ramës i ndodh çdo qytetari. Nëse në të kaluarën ka ndodhur që nuk ka patur reagim, ose ka patur reagim nga shtëpia, duhet që të gjithë qytetarët të mblidhen para institucioneve për të larguar Edi Ramën. Nuk po qeveris me besim apo program, por përmes frikës. Bën burgosje politike, e kam provuar vetë, bën goditje për interesa politike dhe ju e keni provuar vetë kur nuk i nënshtrohesh linjës editoriale që do Edi Rama dhe i jep mundësi publikut, siç ka ndodhur me grupin tuaj mediatik ai vendos tritolin, vendos gjobat, shkon në absurditete ku persona që duhet të jenë të izoluar për shkak të rrezikshmërisë siç janë drejtuesit e tatimeve në këtë vend, kanë guximin që të vendosin gjoba për një godinë e cila e ka parë e gjithë Shqipëria që është shembur para 3 vitesh dhe kërkojnë tatim. Nuk ka ndonjë ndryshim Edi Rama që vret institucione në këtë vend me ata rrugeçërit në rrugë që vrasin “pse më pe shtrembët”? A duhet të ketë reagim të shoqërisë? Besoj se po. Revoltë ka. Opozita duhet të frymëzojë për të vrarë frikën dhe të jetë opozita dhe të gjithë drejtuesit e saj në ballë të kësaj përballje me Edi Ramën.

Kryetari i Partisë Mundësia, Agron Shehaj i bëri thirrje kryeministrit Edi Rama të japë dorëheqjen, pas thirrjes së zëvendëses së tij, Belinda Ballukut në SPAK.

Shehaj reagoi ndaj deklaratës së Edi Ramës, se “drejtësia ka punën e vet”, me një video-mesazh në rrjetet sociale.

Kreu i Partisë Mundësia kujtoi se para Ballukut, drejtësia kërkoi të arresojë Arben Ahmetajn dhe ka arrestuar Erion Veliajn.

“Si, nuk të intereson që po arrestojnë Belinda Ballukun? Ej, kthjellohu! Është zëvendësja jote. Para saj donin të arrestonin Ahmetajn që ia mbathi në arrati në Zvicër. Ndërkohë Erion Veliajn, krahun tënd të djathtë, e ke në burg, për korrupsion dhe ai.

Sa veta duhet të të arrestojnë ty që të mbash përgjegjësi? Bëhu burrë, mbaj përgjegjësi dhe jep dorëheqjen!” – u shpreh Shehaj në video mesazhin e tij. bw

Prokuroria e Posaçme ka regjistruar një ditë më parë emrin e zëvendëskryeministres Belinda Balluku si person nën hetim për akuzën e shkeljes së barazisë në tendera. Numri dy i qeverisë “Rama 4” sipas burimeve është thirrur të paraqitet në SPAK të hënën mbi bazën e një shkrese që mban firmën e prokurorit të Posaçëm Dritan Prençi dhe në fletëthirrje Ballukut i speficikohet që të paraqitet e shoqëruar nga avokati.

Ndërkohë sot, kryeministri Edi Rama ka reaguar për herë të parë lidhur me këtë zhvillim të ri nga Prokuroria e Posaçme duke u shprehur se “drejtësia bën punën e vet”.

Gjatë një interviste për Deutsche Welle nga Berlini ku po merr pjesë në punimet e Global Dialogue, kreu i qeverisë është shprehur:

“Nuk kam asnjë koment për asnjë rast sepse siç e kam thënë, ne kemi punën tonë, drejtësia ka punën e vet dhe deri kur çështje të caktuara marrin formën e tyre të prerë të gjithë njerëzit janë të pafajshëm dhe janë të padënueshëm nga gjykata popullore e politikës dhe mediave që i shërbejnë politikës”. bw

Përfundon afati për regjistrimin e kandidatëve që do të marrin pjesë në zgjedhjet e pjesshme të 9 nëntorit në 5 bashki. Dje mbaronte dhe koha e vënë në dispozicion nga KQZ për kandidatët në këtë garë.

Kanë depozituar dokumetacion kandidimi:

1.Bashkia Vlorë, propozuar nga zgjedhësit z. Dionis Sota;
2.Bashkia Vlorë, propozuar nga Partia Socialiste zj. Brunilda Mersini;
3.Bashkia Berat, propozuar nga zgjedhësit Pavlo Shkarpa;
4.Bashkia Berat propozuar nga Partia Socialiste z. Ervin Ceca;
5.Bashkia Cërrik, propozuar nga Partia Socialiste z. Florenc Doka;
6.Bashkia Cërrik, Partia “Lëvizja Shqipëria Bëhet” z. Eligert Hima;
7.Bashkia Cërrik, propozuar nga zgjedhësit Amarildo Hoxha;
8.Bashkia Mat, propozuar nga Partia Socialiste z. Altin Bojni;
9.Bashkia Mat, propozuar nga zgjedhësit z. Eduart Brahilika;
10.Bashkia Mat, propozuar nga zgjedhësit zj. Suzana Pasha;
11.Bashkia Tepelenë, propozuar nga zgjedhësit, z. Gabriel Guma;
12.Bashkia Tepelenë, propozuar nga Partia Socialiste z. Gramoz Sako.

Mbledhja e grupit parlamentar të PD, një dite më parë, është shoqëruar nga polemikat mes deputetëve demokratë lidhur me strategjinë që do të ndjekë opozita në sallën e Kuvendit.

Gazetari i News24, Osman Stafa ka zbardhur debatet me dyer të mbyllura.

Një pjesë e deputetëve demokratë propozojnë reagime më radikale në sallën e Kuvendit ndaj asaj që ata e quajnë cenim të të drejtave të opozitës nga ana e mazhorancës, duke iu referuar incidenteve të fundit të cilat kulmuan në përplasje të forta me kryeparlamentarin Niko Peleshi.

Por ka edhe nga ata që e vënë theksin tek përmbajtja dhe kontrollimi i emocioneve.

Nga ana tjetër, kreu demokrat Sali Berisha duket kritik në qëndrimet e tij ndaj opozitarëve duke theksuar se mënyra se si po sillen deputetët e PD, po dërgon mesazhin e gabuar tek votuesit.

“Secili prej nesh ka karakterin dhe emocionin e tij, por një gjë duhet të bashkojë secilin opozitar: Respekti për Rregulloren e Kuvendit. Në 35 vite deputetët kanë prezantuar pyetjet. Precedenti parlamentar është ligj dhe nuk mund të ndryshohet sipas qejfit nga krimineli Taulant Balla. Ushtari i bandave që na udhëzon ne si opozitë se si duhet të sillemi. Kush është ai kriminel të na mohojë ne të drejtat që opozita i ka fituar në 35 vjet. Jo zotërinj deputetë, rrugë tjetër përveç reagimit ne nuk kemi. Kush thotë të nënshtrohemi presionit të kriminelëve në qeveri, që ata mbyllkan seancën pa lejuar debat, i jep mesazhin më të gabuar votuesve tanë. Kurrë nuk mund të pranojë opozita nënshtrimin, ndryshe kot që shkojmë në Kuvend. Asgjë më shumë sesa na njeh rregullorja nuk kemi kërkuar, kurrë asnjeherë. Por ato që na jep rregullorja ne nuk i lëshojmë. Janë pjesë e misiomit tonë. Po si mund të ngrihet një kukull Kryetar Kuvendi dhe ti përgjigjet çdo kërkesë perverse të një krimineli si Taulant Balla”, është shprehur Berisha.

Pjesë nga debatet në grupin e PD 

Gazment Bardhi: Fillojmë me rendin e ditës. Siç ju kam njoftuar ka seancë të hënën dhe të enjten këtë javë. Në nisje të seancës janë për votim dy vendimet për Komisionet e Reformës Zgjedhore dhe asaj Territoriale. Administrata e Kuvendit sapo më ka dërguar tekstin e rishikuar për të dyja komisionet, ku shoh se janë reflektuar të gjitha amemdamentet tona të dorezuara javën e shkuar. Komisionet do jenë me barazi, bashkëkryetar dhe vendime konsensuale. Do kërkohet edhe ekspertiza e OSBE-ODIHR, Këshillit të Europës dhe Komisionin e Venecias. Nëse mazhoranca i qëndron versionit të ripunuar nga administrata e Kuvendit, ne votojmë Pro.

Ndërkohe të hënën ka raportimin 5 institucionet e drejtësisë. Fillojmë me Prokurorin e Përgjithshëm, SPAK, ILD, KLGJ dhe KLP. Rezolutat e mazhorancës nuk i votojmë, janë të njëanëshme. Ndërkohe deputetët do të bëjnë pyetje, dhe më pas kemi kohën për diskutime nga 2 orë e 30 min për çdo institucion. Edhe në këtë seancë ata do të vazhdojnë me provokimin kundër Rregullores për të mos na lejuar ti prezantojmë pyetjet, siç vepruan seancën e kaluar. Të ndalemi këtu fillimisht për të diskutuar sesi duhet të veprojmë. Për mua është e papranueshme që ne të nënshtrohemi ndaj sjelljes së tyre, por dua të dëgjoj mendimin e grupit.

Tomorr Alizoti: Unë nuk jam radikal, besoj askush prej nesh në këtë grup. Por nuk besoj se rruga që duhet të ndjekim është të nënshtrohemi ndaj tyre. Ne kemi të drejtë të bëjmë pyetje, kemi të drejtë të flasim. Nëse na hiqen këto ne e kemi me detyrim reagimin, mos nënshtrimit, sepse po vritet thelbi i parlamentarizmit. Ata smund të na tregojnë ne sesi duhet të flasim, sesi duhet të vishemi. Sa sa respekt ka Edi Rama për Kuvendin e tregon me pjesëmarrjen në Kuvend. Ne jemi deputetë të opozitës, duke mbrojtur të drejtat tona mbrojmë parlamentarizmin. Unë nuk e mirëkuptoj dot askënd që thotë të mos reagojmë se pastaj ata na lenë të flasim. Fasadë në Kuvend ne nuk bëhemi dot. Duhet reagim, madje i fortë, që të gjithë të mësojnë që Shqipëria ska parlamentarizëm. Heshtja jonë është bashkëfajësi me ta në vrasjen e pluralizmit.

Belind Këlliçi: Unë mendoj se duhet të ruajmë një balancë mes reagimit dhe nevojës për të folur. Edhe unë nuk jam që të nënshtrohemi, por të gjejmë një zgjidhje sesi arrihet kjo pa humbur mundësinë për të folur.

Tomorr Alizoti: Më mirë të mos lenë të flasin sesa të nënshtrohemi. Ata po përpiqen që muajin e parë të na marrin hapësirën tonë. Kjo është e patolerueshme.

Luçiano Boçi: Edhe unë mendoj që nuk duhet të nënshtroheni dhe duhet të ruajme koherencën në qëndrimet tona. S’mund të ketë seancë nëse deputetët nuk lejohen të bëjnë pyetje. Nuk mund dhe nuk duhet t’i ikim këtij qëndrimi. Ndryshe dorëzohemi dhe mandatet tona janë të pavlera. Kryeministri shpërfill Kuvendin, Ministrat shpërfillin Kuvendin, atëherë çfarë vlere kanë mandatet tona ku nuk ushtrojmë dot kontroll parlamentar. Unë jam që ne duhet të jemi solidar me njëri-tjetrin mbi të gjitha dhe të mbështesim njëri tjetrin.

Flamur Noka: Miq, ne jemi deputetë të opozitës dhe opozita ka disa të drejta që ne nuk i lëshojmë kurrë. Një rregull që vepron prej 35 vitesh në Parlament nuk mund të na diktojë Niko Peleshi dhe Taulant Balla një gjë ndryshe tani. Ne jemi ne Kuvend për betejë, jo për nënshtrim. Kushdo që mendon se është në Kuvend për të ardhur me kostum 5000 euro apo kollare 2000 euro, dhe për të bërë foto në foltore, asnjë lidhje nuk ka me nevojën që kanë qytetarët për përballje, për rezistencë, për betejë. Ne nuk kërkojmë asgjë më shumë sesa janë të drejtat tona. Të drejtat tona do ti mbrojmë. Nuk nënshtrohemi. Kush ka frikë nga përballja, dëshiron të nënshtrohet, të vazhdojë por kjo ska asnjë lidhje me opozitarizmin.

Klevis Balliu: Mendoj që nuk duhet ta lejojmë që ata të na heqin të drejtat që na njeh rregullorja. Kush është Taulant Balla të na tregojë ne sesi duhet të flasim dhe se çfarë duhet të pyesim. Pyetjet nuk lexohen, prezantohen për publikun dhe atë e bën deputeti. Në çdo seancë sajojnë një provokim të ri. Nëse e leshojmë tani bëhemi fasadë në Kuvend, dhe Edi Rama këtë do një opozitë fasadë në Kuvend.

Luan Baçi: Edhe unë nuk jam për nënshtrim, por duhet të jemi më të kujdesshëm. Duhet të jemi më pak emocionalë.

Sali Berisha: Secili prej nesh ka karakterin dhe emocionin e tij, por një gjë duhet të bashkojë secilin opozitar: Respekti për Rregulloren e Kuvendit. Në 35 vite deputetët kanë prezantuar pyetjet. Precedenti parlamentar është ligj dhe nuk mund të ndryshohet sipas qejfit nga krimineli Taulant Balla, ushtari i bandave që na udhëzon ne si opozitë sesi duhet të sillemi. Kush është ai kriminel të na mohojë ne të drejtat që opozita i ka fituar në 35 vjet. Jo zotërinj deputetë, rrugë tjetër përveç reagimit ne nuk kemi. Kush thotë të nënshtrohemi presionit të kriminelëve në qeveri, që ata mbyllkan seancën pa lejuar debat, i jep mesazhin më të gabuar votuesve tanë. Kurrë nuk mund të pranojë opozita nënshtrimin, ndryshe kot që shkojmë në Kuvend. Asgjë më shumë sesa na njeh rregullorja nuk kemi kërkuar, kurrë asnjeherë. Por ato që na jep rregullorja ne nuk i lëshojmë. Janë pjesë e misiomit tonë. Po si mund të ngrihet një kukull Kryetar Kuvendi dhe ti përgjigjet çdo kërkesë pervese të një krimineli si Taulant Balla. Asnjë nga seancat nuk është prishur për shkak të opozitës. Nëse opozita ka si qëllim të prish seancat, të mos lejojë funksionimin normal të Kuvendit, atë e shpall publikisht dhe e kemi bërë Legjislaturën tjetër. Në këto seanca asnjë qëllim të tillë nuk kemi patur, ata kanë provokuar dhe prishur seancat plenare. Përgjegjësinë për funksionimin normal të Kuvendit e ka mazhoranca, jo opozita. Mazhoranca duhet të respektojë opozitën, të respektojë Rregullon. Është detyrë e Kryetarit të Grupit që të reagojë sa herë që kriminelët në pushtet i mohojnë një të drejtë një deputeti të opozitës. Nëse kryetari nuk e bën këtë nuk është në lartësinë e besimit tonë. Prandaj kryetari i grupit ka bërë atë që ka për detyrë ky grup, të mbrojë Rregulloren e Kuvendit. Ndryshe ne jemi një opozitë fasadë në Kuvend dhe kjo smund të ndodh kurrë. Do Niko Peleshi të paralizojë Kuvendin, ta bëjë, por nuk është Kryetar Kuvendi, është një mjeran i marrë peng. Prandaj reagimi është rruga e vetme kur shkelet Rregullorja apo kur opozitës i mohohet një e drejtë që e gëzon 35 vjet. Ne duam normalitet por të vërtetë me Rregullore të respektuar. Normaliteti me Rregullore të shkelut është i rremë, është fasadë dhe ne nuk mund ta pranojmë kurrë.

Gazment Bardhi: Mirë atëherë meqenëse nuk ka mendim kundër, ky është qëndrimi i grupit. Pikë e fundit e rendit të ditës janë problemet e zgjedhësve, ju lutem ngrini shqetësime të zonave tuaja.

“Opozita humbi 9 mandate nga formula e zgjedhjeve”. Kështu u shpreh kreu i PR, Fatmir Mediu në programin e drekës në News24 me Ola Bruko, duke analizuar atë që pritet nga komisioni i posaçëm i reformës elektorale, ngritja e të cilit është dakordësuar tanimë mes mazhorancës dhe opozitës.

Sistemi i cili është në fuqi, shtoi Mediu, i solli koalicionit opozitar në zgjedhjet e 11 majit, 9 mandate më pak, kjo për shkak të heqjes së koalicioneve.

Mediu tregoi në mënyrë të detajuar se si PD dhe partitë aleate mund të maksimizonin rezultatin ditën e zgjedhjeve.

Fatmir Mediu: Ne kemi humbur 9 deputetë. Pyetja e parë që shtrohet është si mund t’i kem këta 9 deputetë pjesë dhe sa kam e sa mund të shtoj që të fitoj zgjedhjet.

Ajo që u shkatërrua në 2017 ishte për shkak të mos kuptimit në PD, u bë një reformë zgjedhore skandaloze e imponuar nga Edi Rama pas marrëveshjes ku u tha që të gjitha partitë do të jenë nën logon e PD. Nuk kishte idiotësi më të madhe elektorale. Do të thotë që të gjitha ato mundësi elektorale që kishte PR, PAA apo partitë e tjera nulizoheshin. Në 2009, 2013 koncepti i bashkëpunimit opozitar ishte jo vetëm koalicioni, por përfshirja e disa drejtuesve në listat e PD në mënyrë që këta të maksimalizonin votat e listave në qarqe. Edi Rama jo pa qëllim në 2020, ndryshoi Kushtetutën në mënyrë skandaloze duke hequr koalicionet. Po të ishim në koalicion këto 9 mandate do të ishin dhe do të kishte një unifikim më të mirë të forcave opozitare. Nëse do të ishte ai sistem atëherë ne do të kishim 140 kandidatë të PD, 140 të PR, 140 të PAA, mbi 1400 kandidatë pra, 1400 aktivistë që do të punonin për të ruajtur votat. Këtu do të ruhej vota, sepse ai që kandidon vetë do të luftojë me këdo kriminelë e patronazhistë, për të mbrojtur votën.

9 mandate u humbën për shkak të formulës që u përdor. bw

Prokuroria e Posaçme regjistron emrin e zëvendëskryeministres Belinda Balluku si person nën hetim për akuzën e shkeljes se barazisë në tendera. Numri dy i qeverisë “Rama 4” sipas burimeve është thirrur të paraqitet në SPAK të hënën mbi bazën e një shkrese që mban firmën e prokurorit të Posaçëm Dritan Priençi. Burime të besuara bëjnë me dije se fletëthirrja i është dorëzuar zonjës Balluku në Ministrinë e Infrastrukturës dhe Energjisë.

Në fletëthirrje, Ballukut i bëhet me dije se në momentin e paraqitjes në Prokurorinë e Posaçme duhet të jetë e shoqëruar nga një avokat, çka në raste të tilla lajmëron se mund t’i komunikohet akuzë penale. Kjo nënkupton ndërkohë që me gjasë SPAK do ta ushtrojë ndjekjen penale ndaj numrit dy të mazhorancës pa masë sigurie e në këtë mënyrë prokurorët e posaçëm shmangin edhe kërkesën për autorizim në Kuvendin e Shqipërisë.

SPAK është tejet i rezervuar për të dhënë detaje lidhur me çështjen që po e heton zëvendëskryeministren Balluku, pasi ndaj saj ka një sërë kallëzimesh penale, përfshirë edhe atë të tunelit të Llogarasë ku vlera e tenderit që u fitua nga një kompani turke u rrit me mbi 50 mln euro.

Nuk dihet nëse zonja Balluku do t’i përgjigjet fletëthirrjes së SPAK dhe në këtë pozitë të re përballë drejtësisë do të vijojë apo jo të qëndrojë në postet qeveritare apo do zgjedhë të largohet me dorëheqje e ta zhvillojë betejën e saj pa mburojën e Partisë Socialiste.

Belinda Balluku e ushtron detyrën e zv/kryeministres që prej korrikut 2022.

Ndërsa atë të Ministres së Infrastrukturës dhe Energjisë, që prej janarit të vitit 2019. Balluku ishte drejtuese politike e qarkut Fier ku ne zgjedhjet e 11 majit fitoi 12 mandate. bw

Sipas një vendimi të fundit të Gjykatës Europiane me seli në Luksemburg në rast të mangësive të mëdha në shërbim dhe kushteve të papërshtatshme gjatë pushimeve turistët që prenotojnë paketë all-inclusive kanë të drejtë të kërkojnë zhdëmtim me çmimin e plotë të paguar.

SHQIPËRI- Ditë të tëra zhurmë ndërtimesh në vend të pushimeve idilike. A mund të kërkojnë zhdëmtim të plotë pushuesit që prenotojnë paketa turistike all inclusive, kur nuk përmbushen standardet dhe pushimet kthehen në makth?

Sipas një vendimi të fundit të Gjykatës Europiane me seli në Luksemburg në rast të mangësive të mëdha në shërbim dhe kushteve të papërshtatshme gjatë pushimeve turistët që prenotojnë paketë all-inclusive kanë të drejtë të kërkojnë zhdëmtim me çmimin e plotë të paguar.

Shuma e plotë e paguar duhet t’i kthehet pushuesit edhe nëse ai ka shfrytëzuar vetëm pjesërisht disa nga elementët e paketës, në rast se pushimet kthehen në shqetësim dhe humbet interesi për to, gjykon trupa e gjyqtareve dhe gjyqtarëve në Luksemburg.

Hotel me pesë yje dhe me zhurmë ndërtimesh

Procesi kishte të bënte me pushues polak, që kishin prenotuar një paketë all inclusive në një hotel me pesë yje në Shqipëri. Sapo ata mbërritën në hotel u shqetësuan nga zhurma e punimeve, pasi pishina e hotelit të tyre duhej të shembej me urdhër të autoriteteve. Punimet e shembjes së objektit zgjatën katër ditë.

Gjithashtu pushuesve u duhej të prisnin në radhë të gjata për ushqimin dhe pasditeve ishte hequr nga lista oferta e mëparshme një vakt i ndërmjetëm. Në tri ditët e fundit të pushimit në të njëjtin objekt filluan punime ndërtimi për zgjerimin e hotelit.

Odiseja juridike në kërkim të zhdëmtimit

Nga një gjykatë në Poloni pushuesit kërkuan zhdëmtim dhe kthimin e pagesës. Gjykata polake iu drejtua Luksemburgut. Tani Gjykata Europiane konstaton, se zhdëmtimi me kthimin e plotë të pagesës së pushuesve është në përputhje me ligjin e BE-së.

Por operatori turistik nuk mund të dënohet me gjobitje për dëmin. Po ashtu nuk mund të ngrihet pretendim për zhdëmtim, kur në mes është një palë e tretë përgjegjëse për mangësitë dhe nëse ato as nuk kanë mundur të parashikohen dhe as nuk mund të shmangeshin, argumentojnë gjyqtarët e Luksemburgut.

Tani gjykata kombëtare në Poloni duhet të sqarojë, nëse operatori turistik apo menaxhuesi i hotelit kanë qenë të informuar për procedurën e autoriteteve që dhanë urdhërin për shembjen në objekt. Në këtë rast operatori turistik nuk mund të lirohet nga detyrimi për zhdëmtim kundrejt pushuesve. Rasti konkret do të vlerësohet tani nga një gjykatë në Poloni./DW

Aulon Kalaja, në një deklaratë për mediat nga jashtë Gjykatës Kushtetuese ka deklaruar se nëse Kodi aktual Zgjedhor bie në kundërshtim me konventat ndërkombëtare pasi nuk i mundëson kandidatit të drejtën e ankimimit, por ia njeh subjektit politik.

Ai u shpreh se ka shpresë që kjo çështje do të marrë zgjidhje në Kushtetuese, por nëse kjo nuk ndodh, do të ndjekë hapat e radhës dhe do të shkojë në Strasburg.

“Shteti duhet t’i ofroje kandidatëve proces të rregullt ankimimi.
Kodi ynë Zgjedhor bie ndesh me konventat pasi të drejtën e kanë subjektet politike.
Jam këtu sot për të zgjidhur padrejtësinë që më është bërë, GJK duhet të shprehet. Unë mund të mos kandidoj më por duhet që një kandidat tjetër ta ketë këtë armë. Jam këtu për të shfuqizuar nenin që pamundëson ankimimin për kandidatët, Kodi Zgjedhor aktual duhet të hidhet në plehra sa i përket kësaj çështje.
Hapi i radhës do të jetë Gjykata e Strasburgut, por mendoj se kjo çështje do të zgjidhet këtu”, tha ai. bw

Manjola Nikollo, ish-kryetarja e Partisë Demokratike në Sarandë është emëruar si nënkryetare e bashkisë së qytetit bregdetar.

Raportohet se emërimi i saj ka ndodhur ditën e djeshme.

Emërimi i saj vjen në vazhdën e kalimeve të disa përfaqësuesve nga radhët e demokratëve drejt atyre të Partisë Socialiste. bw

Kryedemokrati Sali Berisha ka bërë thirrje për mobilizim qytetar dhe përgatitje për protesta, duke theksuar se një qeveri teknike nuk mund të imponohet pa një presion të fuqishëm qytetar.

Ne nje konference me gazetaret ai tha se kërkesa për qeveri teknike ekziston, por nënvizoi se pa një mobilizim masa në rrugë dhe sheshe një qeveri e tillë nuk do të formohet.

“Qeverinë teknike nuk ta krijon kush nëse nuk e krijon vetë, po nuk e imponove vetë. Prandaj shqiptarët nëse duan të votojnë të lirë të përgatitemi për betejën tonë, për protestën tonë për votën e lirë. Qeveri teknik ne kërkojmë, por të jeni të sigurt se pa zërin tonë të fuqishëm në rrugët dhe sheshet e këtij vendi ajo nuk krijohet. Ne duhet të ngrihemi dhe do ngrihemi. Kjo nuk ka diskutim”, tha kreu i PD-se. gsh

REKOMANDIME:

1. Për të adresuar rekomandimet e pazgjidhura të ODIHR-it, si dhe paqartësitë dhe mospërputhjet e ndryshme, kuadri ligjor zgjedhor duhet të reformohet në mënyrë gjithëpërfshirëse përmes një procesi konsultues gjithëpërfshirës shumë përpara zgjedhjeve të ardhshme, në përputhje me standardet dhe praktikat e mira ndërkombëtare.

2. Për të garantuar stabilitetin e administratës zgjedhore, duhet të merret në konsideratë depolitizimi i procedurës së emërimit të administratës zgjedhore në nivelet më të ulëta, si dhe kufizimi i zëvendësimeve arbitrare dhe në momentet e fundit të anëtarëve të komisioneve, në mënyrë që të sigurohet trajnim i duhur dhe në kohë për të gjithë anëtarët.

3. Për të forcuar kapacitetin dhe profesionalizmin e Ekipeve të Numërimit të Fletëve të Votimit, KQZ-ja duhet të zhvillojë seanca specifike trajnimi mbi procedurat e numërimit, të hartojë një kurrikulë trajnimi të standardizuar, që të përfshijë manuale dhe fletë informuese të kuptueshme për procesin e numërimit.

4. Përpjekjet për edukimin e votuesve mbi votimin elektronik (e-voting) duhet të intensifikohen, me fokus në rritjen e ndërgjegjësimit të votuesve për procedurat e votimit elektronik dhe në sigurimin që të gjithë votuesit të jenë në gjendje të votojnë në mënyrë të pavarur.

5. Për të eliminuar paqartësitë në legjislacion në lidhje me fushatën zgjedhore, përdorimi i burimeve administrative për qëllime elektorale duhet të ndalohet nga momenti i shpalljes së zgjedhjeve deri në ditën e votimit.

6. Për të garantuar kushte të barabarta gare, autoritetet duhet të marrin masa për të parandaluar keqpërdorimin e funksioneve publike dhe burimeve shtetërore. Duhet të vendosen sanksione proporcionale dhe dekurajuese, të cilat të zbatohen në mënyrë të shpejtë ndaj shkeljeve të tilla.

7. Në përputhje me praktikat e mira, ligji duhet të përcaktojë qartë se cilat aktivitete parazgjedhore përbëjnë shpenzime fushate, duke siguruar që ato të jenë subjekt i raportimit të duhur, mbikëqyrjes dhe sanksioneve të mundshme.

8. Materialet audiovizive të përgatitura nga partitë politike ose autoritetet qeveritare duhet të etiketohen qartë si reklama politike dhe për këtë arsye të ndalohen nga programet e lajmeve dhe ato editoriale. Duhet të ekzistojnë masa efektive për adresimin e shkeljeve, të cilat të zbatohen në kohë.

Kandidati i Partisë Socialiste për zgjedhjet e 11 majit, Halit Valteri, ka komentuar në “Oponencë” shkarkimin e Erion Veliajt nga posti i kryetarit të Bashkisë së Tiranës, duke e cilësuar atë si një vendim politik dhe jo një akt që lidhet me fajësinë e tij.

Valteri është një nga anëtarët e Këshillit Bashkiak të Tiranës, që  dha votën për shkarkimin e Veliajt.

Ai theksoi se vendimi për shkarkimin është marrë nga organet më të larta të PS-së dhe anëtarët e partisë duhet t’i përmbahen kësaj linje dhe kjo nuk ka lidhje me hetimet ndaj tij.

Halit Valteri: Shkarkim i Veliajt që është bërë në këshillin bashkiak është një vendim politik. Dhe ne të gjithë jemi anëtarë të PS. Asnjëri nga ne nuk beson në fajësinë e Veliajt, atë e vendos gjykata. Veliaj ka një betejë për të bërë me drejtësinë, dhe për ti vërtetuar drejtësisë që është i pafajshëm. Është Apeli, Gjykata e Lartë dhe Strasburgu që dhe aty mendoj që do shkojë.

Vendimi politik në një subjekt politik, ku ti aderron, dhe kush aderron në atë parti duhet ti përmbahet një linje se çfarë ka vendosur organi më i lartë. Nuk është punë morali pjesa e votimi. Nuk ka lidhje që ne tradhëtuam ne i hapëm rrugë drejtësisë, që ne nuk e mbajmë Veliajn në postin e Bashkisë. Ndoshta mund të dali nesër sepse për një nga arsyet pse mbahet në burgim, duke qenë në funskion të kryabashkiakut mund të prishë provat. Panorama

Kandidati i pavarur për Bashkinë e Tiranës Florjan Binaj ka ndarë në rrjetet sociale pamje nga takime të zhvilluar në rrugët e kryeqytetit me qytetarë.

“Unë kandidoj që Tirana të zhvillohet për të rinjtë, për prindërit, për të moshuarit. Jo për interesat e pushtetit që e shohin qytetin si pronë private!”, shprehet ai në fillimin e videos.

Binaj shpalli kandidaturën më 5 tetor, pas vendimit për shkarkimin nga detyra të Erion Veliajt.

Në një postim në rrjetet sociale, Binaj shkruante se vendimin për të kandiduar e kanë marrë nisur nga nevoja që Tirana ka për t’u drejtuar nga një figurë që nuk vjen nga partitë politike, ndërsa ka shpalosur edhe objektivat e tij nëse merr mjaftueshëm vota nga qytetarët dhe të drejtojë Tiranën për 2 vitet e ardhshme.

“Të dashur mikesha dhe miq, qytetarë të ndershëm punëshumë e fjalëpakë të kryeqytetit të Shqipërisë. Si një artist i përfshirë në çështje publike me interes Kombëtar prej 22 vitesh, si një kryefamiljar, i rritur në një kryeqytet i cili ka shkatërruar shumëçka në emër të zhvillimit dhe që shumë pak gjëra kanë mbetur ende pa u bërë ish, nisur nga nevoja e menjëhershme për të pasur në drejtim të kryeqytetit një figurë e cila nuk është gjymtyrë e asnjë partie pasi e kemi parë në 34 vite që kjo mënyrë jo e drejtpërdrejtë nuk ka qënë frytëdhënëse në përmirësimin e cilësisë së jetës tonë. Na duhet një drejtues qytetar i zgjedhur nga qytetarët për qytetarët sepse asnjë nga ne nuk mund të presë më edhe 34 vite të tjera. Prandaj kam vendosur, të shpall kandidaturën time për Kryetar Bashkie të Tiranës duke dhënë gjithë veten time për të përfaqsuar sa më denjësisht çdo qytetare dhe qytetar, me apo pa parti, elektoratin gri por pa i ndarë njerëzit në krahë, por si të barabartë, sepse asnjë qytet dhe aq më tepër kryeqyteti, nuk mund ti shërbejë vetëm palës politike që e drejton. Unë besoj se kontributi im do i shërbejë edhe pse gjysëm mandati, shpresës dhe bashkimit, përmirësimit të jetës të të gjithë kryeqytetasve.
Uroj dhe shpresoj që të gjitha partitë politike qe duan vërtet ndryshimin pavarësisht ngjyrave të bashkohen me këtë nismë dhe të kenë besim tek qytetarët ashtu siç qytetarët kanë pasur besim tek ta.
Qëllimi im është, që së bashku, ta nxjerrim bashkinë nga gjëndja në të cilën ndodhet për shkak të politikës dhe t’jua rikthejmë atë qytetarëve si një shtëpi për të gjithë ne. Të rikthejmë besimin tek institucioni i bashkisë në shërbim të komunitetit!
Ftoj të gjithë qytetarët, intelektualët të majtë dhe të djathtë të na bashkohen”, shkruante Binaj. bw

I ftuar në Programin e Drekës në News24, ishte sot I ftuar Dionis Sota, kandidat për zgjedhjet e pjesshme lokale në Vlorë.

Sota e ka quajtur kandidimin një sakrificë, pasi nëse vendos të hysh në garë, duhet të investohesh dhe në fund të garës të dalësh me kokën lart.

“Kandidimi është sakrificë sepse të jesh lidership duhet të japësh maksimumin, në peshore janë reputacioni dhe emri im. Impenjon jo vetëm veten por edhe familjen, në fund të garës duhet të jesh më ballin lart”, tha ai.

Ai ka zbuluar se vetëm pak orë pasi ka shpallur kandidaturën është kontaktuar nga Adriatik Lapaj kreu i “Shqipëria Bëhet”, ku i ka ofruar mbështetjen e partisë së tij, ndërsa tha se është kontaktuar edhe nga drejtuesit lokalë të PD në Vlorë, të cilët sipas tij e shohin si një kandidaturë unifikuese të opozitës.

“Pak orë pasi shpalla kandidaturën Adriatik Lapaj më mori në telefon dhe më tha që kryesia kishte vendosur të më mbështeste, më pyeti nëse isha I bindur t’i shkoja deri në fund kësaj gare. Unë nuk kam nisur asgjë për ta lënë në gjysmë. Kjo është një nisëm shumë serioze. Pak ditë më pas u kontaktova nga drejtuesit lokalë të PD pasi më thanë se më shihnin si figura ekuilibruese e opozitës.
Politika dhe fitorja është aritmetikë, por shpesh në ekuacion futet dhe fryma që krijohet”, tha ai.

Gjykata e Posaçme e Apelit ka urdhëruar SPAK të nisë hetimet ndaj kryetares së Bashkisë së Lushnjes, Eriselda Sefa, e cila akuzohet për falsifikim dokumentesh dhe veprime që pengojnë zbulimin e të vërtetës.

Vendimi vjen pas një kallëzimi të bërë nga qytetari, Altin Haxhiu, i cili pretendon se Sefa dhe Këshilli Bashkiak i Lushnjes kanë kryer shkelje në procedurën e dhënies me qira të një pasurie publike në qendër të qytetit, konkretisht një ambient në rrugën “Kongresi i Lushnjes”.

Apeli i GJKKO e ka marrë vendimin për të urdhëruar SPAK per hetimine  zyrtares socialiste më datë 30 shtator.

Fillimisht, SPAK kishte vendosur të pushojë çështjen, vendim që u miratua edhe nga Gjykata e Shkallës së Parë. Megjithatë, ankesa e qytetarit në Apel ka ndryshuar rrjedhën e hetimeve, duke detyruar institucionin të rihapë çështjen.

Sipas kallëzuesit, në dokumentacionin zyrtar ka pasur falsifikime, përfshirë procesverbalet e dëgjesave publike dhe projektin për dhënien me qira të ambientit në fjalë. Hetimet janë tashmë në fazën fillestare dhe pritet të hedhin dritë mbi veprimet e pretenduara të paligjshme nga ana e kryebashkiakes socialiste.

Njoftimi i gjykatës:

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtare Miliana Muça, më datë 30.09.2025, shpalli vendimin mbi çështjen penale nr. 195 akti, datë 02.09.2025 regjistrimi, mbi ankimin e shtetasit A.H., me objekt: “Ankim ndaj vendimit nr. 268, datë 04.06.2025 të Gjykatës së Posaçme të Shkallës së Parë për Korrupsionin dhe Krimin e Organizuar, me objekt: Shfuqizimin e vendimit të mosfillimit të procedimit penal datë 24.04.2025, të Prokurorisë së Posaçme kundër Korrupsionit dhe Krimit të Organizuar, në lidhje me kallëzimin penal nr. 81, datë 14.04.2025” dhe vendosi:

– Ndryshimin e vendimit nr. 268, datë 04.06.2025 të Gjykatës së Posaçme të Shkallës së Parë për Korrupsionin dhe Krimin e Organizuar, duke pranuar ankimin e ankuesit A.H. dhe duke urdhëruar Prokurorinë e Posaçme kundër Korrupsionit dhe Krimit të Organizuar të regjistrojë procedimin penal dhe të kryeje hetime.

– Një kopje e vendimit t’iu komunikohet palëve.

U vendos në Tiranë, me datë 30.09.2025 ora 12:45.

Kandidati i pavarur për Bashkinë e Tiranës, Florjan Binaj ka zhvilluar një takim me partitë politike. Në takim janë bërë bashkë demokratë dhe emra të cilët u propozuan nga partitë e tjera, për postin e kryebashkiakut.

Barbara Doda, përfaqësuesja e partisë ‘Mundësia’ ishte pjesë e takimit. Kujtojmë se kryetari i Partisë “Mundësia”, Agron Shehaj fillimisht u shpreh se nuk do ta mbështesin kandidaturën e Florian Binajt. Në takim nuk ka munguar as kandidati i propozuar nga ‘Mundësia’, politologu Ermal Hasimja, i cili ka shprehur hapur mbështetjen ndaj Binajt.

Ilir Alimehmeti, përfaqësuesi i PD dhe një nga negociatorët kryesorë për gjetjen e kandidatit të përbashkët të opozitës, ishte pjesë e takimit. Kujtojmë se vetë kryetari i Partisë Demokratike, Sali Berisha nga një konferencë për shtyp ka njoftuar se ndër kandidatët e propozuar nga drejtues dhe personalitete të PD, është vendosur të mbështesin së bashku aktorin dhe aktivistin Florian Binaj. bw