VOAL

VOAL

Please Wait ...
0%

“Të përsërisim historinë. Poshtë Diktatura”, thirrja e fortë e Berishës para protestës

Ish-kryeministri i Shqipërisë, Sali Berisha, përmes një postimi në rrjetin social  “Facebook” shkruan se në protestën e sotme qytetarët e Tiranës do të “derdhen” në rrugë “me parullen e dhjetorit 1990 “Poshtë Diktatura”.



Berisha i fton protestuesit të përsërisin historinë e vitit 1990.

“Por ne 1990 behej fjale per diktature moniste komuniste ndaj dhe qytetaret therrisnin vdekje , vdekje, vdekje komunizmit dhe e permbysen ate.
Kurse tani behet fjale per diktature moniste te bazuar mbi drogen.

Prandaj edhe dje qytetaret therrisnin vdekje, vdekje, vdekje narkoshtetit dhe do ta permbysin ate.”, – shkruan më tej Berisha.

POSTIMI I PLOTE

Te gjithe ne miting ne 16:30!
Te perserisim historine!

Sot ne ora 16:30 Tirana e tere derdhet ne bulevardin e saj me parullen e dhjetorit 1990 “Poshte Diktatura”

Por ne 1990 behej fjale per diktature moniste komuniste ndaj dhe qytetaret therrisnin vdekje , vdekje, vdekje komunizmit dhe e permbysen ate.
Kurse tani behet fjale per diktature moniste te bazuar mbi drogen.

Prandaj edhe dje qytetaret therrisnin vdekje, vdekje, vdekje narkoshtetit dhe do ta permbysin ate.

Nderim qytetareve trima dhe guximtare qe shpejt me armen e guximit te tyre do permbysin narko diktaturen e bastardit te bllokmeneve hoxhist Edvin Kristaq Xhelati! sb

Mënyra e pazakontë e trafikut të drogës, mbërrijnë me postë nga Spanja 11 mijë fara kanabis

Policia e Shtetit ka mundur të zbulojë një rast të trafikut të farave të kanabisit nga Spanja drejt Shqipërisë, me anë të postës.

Gazetarja Dorjana Bezat raporton për “BalkanWeb” se më 14 maj në Doganën e Tiranës ka mbërritur nga Spanja një pako, që për policinë është cilësuar e dyshimtë.

Për këtë arsye, burime policore i thanë gazetares Bezat se është bërë këqyrja e pakos dhe në brendësi të saj janë gjetur 11 mijë fara kanabis sativa.

Pjesa më e madhe e farave ishin për kultivim në ambiente të mbyllura me llampa dhe një pjesë tjetër ishin për t’u kultivuar në natyrë.

Pakoja kishte si destinacion qytetin e Vlorës. Dërgesa e saj është bërë në mbikëqyrje të policisë dhe pas dorëzimit të saj është arrestuar në flagrancë 30-vjeçari Olsi Çaushaj, banues në Vlorë.

Avokati i Popullit reagon për protestën pas shembjes së Teatrit: Prishja kur kishte ende njerëz brenda

Avokati i Popullit ka reaguar përmes një deklarate për mediat lidhur me zhvillimet e sotme në protestën para Teatrit Kombëtar, pas prishjes së godinës. “Institucioni i Avokatit të Popullit ka ndjekur me shqetësim të thellë ngjarjet e shënuara qysh prej orëve të para të mëngjesit ditën e sotme në Teatrin Kombëtar dhe protestave në orët në vijim.”- thuhet në deklaratë, ndërsa referuar dëshmive të mbledhura në terren është konstatuar se shembja ka nisur kur në godinë kishte ende qytetarë të grupimit Aleanca për Mbrojtjen e Teatrit, çka kishte vënë në rrezik serioz jetën e tyre.

Deklarata e plotë:

Institucioni i Avokatit të Popullit ka ndjekur me shqetësim të thellë ngjarjet e shënuara qysh prej orëve të para të mëngjesit ditën e sotme në Teatrin Kombëtar dhe protestave në orët në vijim.

Dy ditë më parë institucioni ynë ka nisur shqyrtimin e kërkesës së Aleancës për Teatrin në lidhje me aspekte të vendimmarrjeve të Këshillit të Ministrave dhe më pas të Këshillit Bashkiak të Tiranës përsa ato mund të cënojnë të drejtat e njeriut.

Ditën e sotme institucioni ynë ka ndjekur edhe situatën në terren.

Sot në datën 17.05.2020, u vumë në dijeni nga media se rreth orës 04:30, forca të shumta të Inspektoriatit Ndërtimor Tiranë të mbështetura nga Policia Bashkiake dhe Policia e Shtetit kanë ndërhyrë në godinën e Teatrit Kombëtar. Forcat e Policisë së Shtetit kanë hyrë brenda godinës dhe kanë shoqëruar me forcë në organet e Policisë, disa nga shtetasit që ndodheshin aty. Gjithashtu nga media u njoftuam se punonjësit e Policisë se Shtetit kishin bërë edhe shoqërime të një numri të konsiderueshëm të qytetarëve, të cilët kishin shkuar në vendngjarje pasi filloi prishja e godinës së Teatrit Kombëtar.

Pas këtyre informacioneve për veprimet e punonjësve të Policisë së Shtetit, në ushtrim të mandatit tonë si mbrojtës së të drejtave të personave të ndaluar e shoqëruar dhe trajtimin e tyre përsa nën mbikqyrje policore, Avokatja e Popullit organizoi punën për të vizituar të gjitha Komisariatet e Policisë së Tiranës, Drejtorinë Vendore të Policisë së Tiranës, vizita të cilat u kryen prej orës 9:30 deri në orën 14:00.

Në secilin komisariat u këqyren regjistrat dhe u takuan të shoqëruarit e pranishëm gjatë vizitës si dhe u morën shpjegime të hollësishme prej tyre.

Prej personave të shoqëruar nuk u pretenduan kryerje e veprime të dhunshme brenda ndërtesave të Komisariateve, por kishte ankesa në lidhje me dhunë fizike e psikologjike të ushtruar gjatë kapjes së tyre dhe rrugës për në Komisariatet e Policisë dhe disa persona kishin shenja dhune.

Rezultoi se ishin shoqëruar edhe disa gazetarë dhe shoqërimi i tyre gjatë kryerjes së detyrës është tërësisht i pajustifikuar. Avokati i Popullit do të hetojë e verifkojë me shumë kujdes çdo pretendim për tejkalim të forcës apo akte të dhunshme ndaj qytetarëve dhe personave të shoqëruar e do të dalë me konkluzionet përkatëse për çdo rast dhe kërkon si nga Drejtori i Përgjithshëm i Policisë por edhe nga ana e Prokurisë të Tiranës që këto raste të trajtohen në përputhje me rekomandimet e dhëna nga CPT (Komiteti për Parandalimin e Torturës së Këshillit të Europës) në raportin e bërë për Shqipërinë e të publikuar në shtator 2019.

Po kështu nga verifikimet tona rezultoi se disa shtetas, për shkak të dëmtimeve që kishin marrë, ishin dërguar për mjekim të specializuar në institucione spitalore. Nuk pati ankesa për vonesë në lidhje me dhënien e ndihmës mjeksore brenda një kohe të përshtatshme.

Nga të shoqëruarit nëpër Komisariate u informuam se prishja e godinës së Teatrit Kombëtar kishte nisur kur në godinë kishte ende qytetarë të grupimit Aleanca për Mbrojtjen e Teatrit, çka kishte vënë në rrezik serioz jetën e tyre.

Në lidhje me këtë çështje është duke u kryer një hetim i plotë për të verifikuar kushtet konkrete në të cilat është vepruar.

Nga këqyrja e dokumentacionit përkatës nëpër Komisariate, si dhe biseda me punonjës të policisë, u vunë re paqartësi në lidhje me momentin e shoqërimit të një pjese të shtetasve për në Komisariate. Më konkretisht gjatë komunikimit me shtetasit e ndaluar por edhe informacion nga punonjësit e Policisë së Shtetit, u informuam se fillimisht një pjesë e tyre ishin dërguar në Drejtorinë Vendore të Policisë së Tiranës dhe pasi ishin futur në mjedisin e shoqërimit, ku iu ishin marrë gjeneralitetet dhe sendet personale, ishin shpërndarë në komisariate të tjera. Avokati i Popullit konstatoi se personave nuk u komunikohej karta e të drejtave dhe as nuk ishin të afishuara në vënde të dukshme e lehtësisht të verifikueshme për të shoqëruarit/ndaluarit të drejtat e tyre proceduriale dhe për më tepër këto të drejta për disa prej tyre ishin mohuar. Personat e shoqëruar janë ndjekur përgjithësisht administrativisht për shkelje të rregullave të vendosura për shkak të gjendjes së fatkeqësisë natyrore dhe pasi janë bërë veprimet janë lënë të lirë.

Nisur nga sa më sipër, si dhe mosperputhja e orarit në raportet e shërbimit hartuar gjatë ndalimit të këtyre shtetasve dhe këqyrjes së orarit të hyrjes së tyre nëpër komisariate, Avokati i Popullit i ka kërkuar sot zyrtarisht Drejtorit të Përgjithshëm të Policisë së Shtetit, vënien në dispozicion të dokumentave shtesë.

Gjatë vizitave në Komisariate grupet e punës të institucionit tonë, konstatuan se si kushtet e punës brenda komisariateve ashtu edhe pajisja e punonjësve me pajisje mbrojtëse nuk ishte në përputhje me Udhëzimet e Ministrisë së Shëndetësisë.

Asnjë prej të shoqëruarve nuk ishte i pajisur me maska dhe doreza dhe nuk kishte në dispozicion sende për të siguruar higjienën personale. Në Komisariatin nr.1 Tiranë, kushtet higjieno-sanitare brenda godinës ishin mjaft të këqija dhe gjendja e dhomave të shoqërimit dhe të sigurisë nuk garantonte asnjë kusht minimal higjienik qoftë për situatë normale dhe aq më pak situatën me masa të shtuara për shkak të gjendjes së sëmundjes infektive. Personat e shoqëruar në këtë komisariat i gjetëm në korridore në një tentativë për të siguruar një lloj distancimi social, por sigurisht i pamjaftueshëm.

Punonjësit e Policisë ishin pjesërisht të pajisur me maska por të gjithë ishin pa doreza. Në komisiariatin 4 kushtet higjieno-sanitare ishin më të mira dhe ambientet e brendshme rezultonin të pastra, por masa të tjera si dezinfektantë apo doreza nuk kishte dhe vetëm një numër shumë i vogël punonjësish ishin të pajisur me maska.

Në asnjë rast nuk është garantuar detyrimi i qëndrimit të personave në ambiente të mbyllura 2 metra larg njëri tjetrit pasi numri relativisht i lartë i të shoqeruarve nuk e lejonte një gjë të tillë. Rezuton pra se shoqërimi i këtyre personave në tërësi si në momentin e kapjes dhe shoqërimin në komisariate por edhe brenda tyre nuk garantonte sigurinë e tyre shëndetësore në kuadër të kushteve të pandemisë dhe i ka ekspozuar ata ndaj rrezikut të infektimit nga sëmundja vdekjeprurëse.

Avokati i Popullit ngre ndërkohë shqetësimin se masat e vendosura në mënyrë energjike për kufizimin e lëvizjes dhe të grumbullimit të qytetarëve në kushtet e pandemisë globale janë shpërfillur në këtë rast në mënyrë të hapur nga institucionet e Inspektoratit të Ndërtimit dhe të Policisë së Shtetit.

Ndërkohë që e gjithë veprimtaria ekonomike dhe administrative në vend është mbyllur dhe limituar si masë mbrojtëse ndaj Coronavirusit, mbetet e pakuptueshme për institucionin tonë kriteri që është ndjekur për t’i përjashtuar specifikisht këto dy institucione nga ky kufizim dhe lejimi që ato të kryejnë operacione që implikojnë pjesëmarrjen e një numri të madh punonjësish në të njëjtin vend përsa grumbullimet masive janë rreptësisht të ndaluara

Avokati i Popullit ndërkohë gjen rastin të bëjë thirrje në mënyrë të përsëritur për respektim të parimit të proporcionalitetit në ndërhyrjet e policisë dhe organeve të tjera ligjzbatuese, të cilat në asnjë rast e në asnjë mënyrë nuk duhet ta përdorin pretekstin e kufizimeve të Covid-19 (të cilat për më tepër nuk respektohen nga vetë ato), si arsye për shtypjen e të drejtës civile për tubim paqësor.

Shembja e Teatrit- Reagon Meta: Është krim kushtetues, u urdhërua nga mafia

Presidenti Ilir Meta ka reaguar në rrjetin social ‘Facebook’ lidhur me shembjen e Teatrit Kombëtar.



Meta e konsideron aksionin për shembjen e teatrit një krim kushtetues, ligjor dhe moral të paamnistueshëm.

 

Postimi i plotë:

KY ËSHTË NJË KRIM KUSHTETUES, LIGJOR DHE MORAL I PAAMNISTUESHËM.

Pak orë më parë, në kulmin e errësirës, MAFIA urdhëroi shkatërrimin, jo vetëm të një prej monumenteve të trashëgimisë kulturore më të rrezikuara të Europës, por edhe të çdo iluzioni për ekzistencën e shtetit të së drejtës në Shqipëri.

 

Dhunimi i njëkohshëm i artistëve dhe gazetarëve është një damkë e zezë për MAFIEN në pushtet.

 

Kjo Y ËSHTË NJË KRIM KUSHTETUES, LIGJOR DHE MORAL I PAAMNISTUESHËM.

“Tiranën nuk e ndalin dot”, Rama publikon videon reagimi i parë pas shembjes së Teatrit Kombëtar

Ndërsa forca të shumta policie rrethuan godinën e Teatrit Kombëtar, ndërsa fadromat nisën punën për shëmbjen e tij, kryeministri Edi Rama ka nisur ditën sot me një video të publikuar në facebook, ku shkruan ndër të tjera se Tiranën nuk e ndalin dot.

“Ishin të njëjtët! Ngrihen kundër cdo projekti Në Tiranë! Nuk e duan zhvillimin por Tiranën nuk e ndalin dot” shkruhet në videon e kreut të qeverisë.

 

Në Elbasan postbllok policie, ndalohen makinat që udhëtojnë drejt kryeqytetit

Prej orës 08.00 të kësaj të diele, ndërsa në Tiranë, protestohet pas shembjes së Teatrit Kombëtar, duket se ministria e brendshme ka marrë masat që të pengojë hyrjen e qytetarëve drejt kryeqytetit.

Burime për “Balkanweb” thanë se në vendin e quajtur “Rrethrrotullimi i Bradasheshit ” në hyrje të autostradës Elbasan – “Tyneli i Krrabës-Tiranë” është ngritur një postbllok policor me shërbime të përforcuara pas një urdhëri të posaçëm të Ministrisë së Brendshme.

Pas ngritjes së këtij postblloku policor është paralizuar plotësisht qarkullimi i të gjitha llojeve të automjeteve drejt kryeqytetit.

Teatri- Vajza e Mitrush Kutelit: Ditë zie, kazmaxhinjtë e natës dogjën edhe një faqe të historisë e kulturës së Tiranës

Vajza e Mitrush Kutelit, Atalanta Pasko ka reaguar përmes një postimi në facebook pas shembjes së Teatrit Kombëtar.

Nga Atalanta Pasko: 

DITË ZIE: KAZMAXHINJTË E NATËS DOGJËN EDHE NJË FAQE TË HISTORISË E KULTURËS SË TIRANËS.

Do t’iu kujtoja kazmaxhinjve të sotëm – edhe “artistëve kazmaxhinj” peticionistë që kinse duan teatër të ri (do të kishin pasur jo një, por dy e tre teatro ndërsa prisnin të prishet ekzistuesi), do t’iu kujtoja përpjekjet e para 9 vitesh për të mbrojtur Piramidën. Jam krenare që isha dhe unë në mbrojtje të Piramidës, me logjikën time, dhe jo për hesap të ndokujt. Do të vlente e njëjta logjikë për Teatrin Kombëtar, por ata me sa duket logjika i bezdis dhe e përdorin vetëm kur përkon me interesat e tyre të pashpallura.
Nga shkrimi i asaj kohe kam shtuar vetëm 6-7 fjalët e fundit që duhet të kenë rënë gjatë faqosjes.

Atalanta Pasko
21.07 2011 Gazeta SHEKULLI

NGA PIRAMIDAT TEK PIRAMIDA

Në fillim të vitit 1997 në fjalorin ekonomiko-politik të shqiptarëve hyri me tërsëllëm një fjalë e re: fjala piramidë. Atë e shqiptoi së pari Maksude Kadëna, “bosja” e një firme të famshme huamarrëse – e kush s’kishte dëgjuar atëhere për Suden?
Sudja pa shkollë doli një ditë në një dritare të vogël të një apartamenti diku përballë Fushës së Zezë dhe deklaroi falimentimin e aktivitetit të saj duke i vënë për herë të parë emrin “piramidë”. Nga e kishte mësuar Sudja emërtimin me të cilin njiheshin këto aktivitete në botën financiare? Kjo s’u mor vesh as atëhere, as tani, kur kanë kaluar 14 vite.
Pas “piramidës” së Sudes u shembën edhe disa “piramida” të tjera, të ngjashme me të. Njerëzit që deri atëhere u kishin thënë thjesht “firma” (zyrtarisht thirreshin “firma rentiere” ose “firma huamarrëse”), u mësuan shpejt e shpejt me këtë emër të ri, që mbase u tingëllonte dhe disi familjar. Sepse, në fund të fundit, a s’e kishte dhe Tirana një “piramidë” (pothuaj të vërtetë e të pashembur) pranë Bulevardit, në mes të një sheshi ndërmjet Kryeministrisë dhe Lanës? Dhe a s’ia kishin ngjitur ata vetë këtë emër, pa dekret e pa vendime të ardhura së larti, pa bujë e pa ceremoni zyrtare?!
Por jo vetëm kaq. Ata e patën pagëzuar kështu duke shpërfillur dekretin zyrtar ku thuhej se emri i këtij objekti të madh e të ndritshëm do të ishte pak a shumë “Qendra muzeale Enver Hoxha”, apo diçka tjetër e tillë. Kështu, populli i Tiranës e më pas i gjithë Shqipërisë i thanë asaj “Piramidë” e ia vunë këtë emër ilegalisht, duke kryer madje kështu një gjest disidence. Ky emër e ndoqi këtë ndërtesë edhe pas viteve ’90 e pas viteve 2000, edhe kur zyrtarisht iu vu emri “Qendra Ndërkombëtare e Kulturës Pjetër Arbnori”. Kjo do të thotë se emri “Piramidë” ishte gjetur mirë – punë prej populli të mençur, me “referendum” spontan!
Unë i pata bërë bisht vizitës brenda saj sa ishte muze i Enver Hoxhës. Për herë të parë hyra në Piramidë kur u bë një aktivitet pas vitit 1992, kuptohet, në atë kohë atje s’kishte fare shenjë të diktatorit, as të diktaturës. Dhe më pëlqeu shumë-shumë. “Mëkat, mendova, të mbetej kjo gjë e bukur strehë për të himnizuar një njeri që i solli kaq shumë fatkeqësi vendit”.
Siç është konstatuar edhe më parë, populli i Tiranës nuk e ka urryer asnjëherë Piramidën, madje në logjikën e vet as e ka lidhur fare me figurën e diktatorit. Po të kish qenë ndryshe, turma e revoltuar do t’i ishte vërsulur qysh në vitin 1991 kur hodhi përdhe e bëri copë-copë monumentin e sheshit “Skënderbej”. Tiranasit thjesht e donin këtë ndërtesë të çliruar nga hija e Enverit, ndërsa hapësirën jashtë e donin të gjithën për vete.
Tani 70 e dy-tre deputetë firmosin për ta prishur se thonë qenka “simbol” dhe se popullit i dhembkan sytë prej saj, ngaqë i kujtoka komunizmin!
Zotërinj, çlirohuni nga furitë primitive që ju kanë zaptuar dhe hidhni tej logjikën e shkatërrimit. Sepse këtij qëndrimit tuaj unë s’i them dot as “instinkt i shkatërrimit”, pasi instinkti vjen vetvetiu, ndërsa kurdisja kundër Piramidës nuk ka asgjë të tillë. Një ndërtesë, është ndërtesë. Simbolin e bën mendja e njeriut dhe brendia e objektit. Dhe ju siguroj se brendia e Piramidës së Tiranës e ka treguar botërisht që ka përmbajtje “thellësisht demokrate”, duke i shërbyer demokracisë, siç ka ndodhur vite me radhë pas ’92-shit. Ajo madje vazhdon të punojë për demokracinë edhe vetëm me emrin e vet, që siç e thashë më lart, është simbol disidence! Nëse disave iu kujton ende simbolet e komunizmit dhe Enverin, kjo s’ka të bëjë aspak me ndërtesën që jetoi vetëm 2-3 vite si strehë e kujtimit të diktatorit dhe rreth 18 vite si objekt në shërbim të veprimtarive të një shoqërie të lirë. Dhe demokracia s’mund të shpallë më mirë triumfin e saj mbi diktaturën, se sa duke kthyer objektin e projektuar për të himnizuar kujtimin e diktatorit, në një mjedis ku lulëzon kultura e lirisë së njerëzve të lirë.
Sa për “shtëpinë e re” që iu duhet deputetëve si dhuratë Shqipërisë (vetvetes) me rastin e 100-vjetorit të Pavarësisë, kjo megjithë mend tejkalon çdo marrëzi e çdo paturpësi.
Sepse ndryshimi i sallës aktuale të Kuvendit tonë nga sallat e parlamenteve të vendeve me një nivel edhe më të lartë ekonomik se vendi ynë, nuk është aq i madh sa ndryshimi i spitaleve të atyre vendeve nga spitalet e vendit tonë; nuk është aq i madh sa ndryshimi i shkollave dhe universiteteve të atyre vendeve nga shkollat dhe universitetet e vendit tonë. Në një kohë kur Shqipëria gërryen trupin e vet me fabrika të shumta çimentoje dhe furra gëlqeresh që thërmojnë malet, ne s’mund ta kemi luksin për pallate të tillë luksozë që s’i kanë as vendet me parametra ekonomikë shumë herë më të lartë se të vendit tonë. Kujt duam t’i shesim mend? Botës? Kjo është thjesht delir madhështie. Ndërsa shqiptarët e varfër as që duan t’ja dinë për maketet të cilëve ju u buzëqeshni, pasi buza e tyre është plasur nga jeta e rëndë.
Nëqoftëse këtë nuk arrini ta shihni, hidhni të paktën sytë brenda sallës aktuale të Kuvendit, ku deputetët votojnë për njëri-tjetrin! Dhe sipas meje kuvendarëve tanë nuk iu mungon salla ku të zhvillojnë funksionin si të zgjedhur, por u mungon diçka tjetër, të cilën s’ka sallë e ndërtesë që mund t’ua plotësojë.
Por në doni vërtet t’i bëni një dhuratë popullit që ju paguan, jepini një ligj të ndershëm zgjedhor, një ligj i cili të ndryshojë nga i deritanishmi, që reflekton synimin tuaj dinak e hileqar: të ndryshoni çdo gjë, me kusht që të mos ndryshojë asgjë. Prandaj, në prag të 100-vjetorit të Pavarësisë jepini vendit një ligj të drejtë zgjedhor, pasi ai ka nevojë për alternativa dhe i kanë ardhur në majë të hundës zhganet tuaja që i rrijnë përballë si graniti rreth bashkuar, të gjithë tok, ndarë më dysh, me llogarinë e ftohtë “dhe një herë, si përherë”.
Sa për Piramidën, jepni urdhër që ajo të sillet në din, të paktën siç ishte para disa vitesh dhe tërhiquni nga synimi për të pushtuar edhe këtë oaz të qetë buzë bulevardit… Më falni, se harrova: jepni urdhër të hapet sërish e të sistemohet edhe ajo çezma e vogël me ujë Selite, që rridhte dikur aty ditë e natë, se i pëlqente shumë popullit të Tiranës, si demokratëve, ashtu dhe socialistëve dhe atyre që s’janë as demokratë, as socialistë.

U shoqërua në polici, gazetari Lela: Më goditën disa herë, kam dhimbje në qafë

Gazetari dhe analisti Alfreld Lela rrëfen momentet që kaloi gjatë shoqërimit nga policia teksa ndodhej në zonën ku po shembej Teatri Kombëtar.

Lela thotë se kishte dalë për një xhiro për te mos humbur një ngjarje historike si shembja e Teatrit dhe këtë do e bënte nga kqyrja si reporter.

Por Lela thote se një grua po komunikonte me policët dhe papritur po shoqërohej edhe pse ishte jashte gardhit.

Gazetari konfirmon se nuk e njihte kush ishte gruaja po i shtyrë nga drejtësia shkoi të pyeste policët pse po e bënin këtë veprim.
Më pas Lela thotë se policët e shtrinë, e dhunuan dhe e shanë me libër shtëpie.

”Relativisht mirë sa ç’mund të jesh mirë nga një minidramë. Nuk gjej dot termat e duhur por nuk është ngjarja që më ndodhi mua ngjarja e sotme. Ngjarja është shembja e Teatrit që është po aq i padrejtë sa ndalimi im. Kam qenë për 2 orë në komisariat.
Kur e mora vesh që është shembur Teatri, isha në zyrë rreth orës 07:20, i hipa biçikletës për të parë në vendngjarje. Ithtar i një momenti të vonuar historik. Bëra një xhiro në gjithë perimetrin, protestuesit. Nuk kisha ndërmend, doja një kqyrje të lirë te reporterit. Pa konfrontim apo përfshirje. Episodi që më bëri përshtypje ishte një grua zonjë që po komunikonte me policët. Po i pyeste pse po e bëni këtë, Rama ju ka quajtur barkderra, të moshuar, do ju nxjerrë shpejt nga puna.
Vin një grup uniformash blu, më pas një valë e dytë me 5 police femra që e morën pa të drejtë. Nuk e dija që ishte Silva Caka. Ndoshta do isha stepur për një politikane, politikan apo aktiviste. Tani që është Silva e bëra për çdo Silvë, nënë apo grua. Ishte përtej kufijve të policimit në komunitet apo tjetër. Tani e di që është Silva, dhe ajo nuk po konfrontohej po komunikonte. E shoqëruan jashtë rrethimit. Unë kapërceva rrethimin e rrugës dhe i thashë oficerëve të policisë pse po e ndalonin se nuk bëri asgjë. E padrejtë. Në këto pak sekonda pashë vija të gjata policët. Më goditën disa herë pa pikë droje. Xhupi nuk ishte i imi. Kam dalë të ec. Lashë biçikletën tek gardhi se më tërhoqi drejtësia. Ishin agresivë jo vetëm fizikisht por dhe verbalisht. I përçmoj dhe më vjen pështyrë që të godasin një njeri që nuk njihet për dhunë.
Më sorollatën përreth godinave duke ma mbajtur kokën ulur me forcën. Më kanë çuar rreth Bashkisë, pastaj tek sheshi dhe kam marrë disa sharje nga njerëz civilë, nga këta punonjësit e Bashkisë dhe kam marrë të shara me libër shpie. Kjo më ka trishtuar. Në fillim nuk gjenin dot pranga, më pas nuk gjenin dot makinë. Nuk e dinin ku do më çonin dhe më pas më morën nga sheshi, tek pedonalja më pas në Komisariatin Nr.1. Bëra një deklaratë. ”– tha Lela ne News24.

Leter publike PD …Opozites …Berishes e Bashes… Nga Adriatik Riza Dosti

I keni nje borxh te madh atij vendi e atij populli…

Ndaj dhe AI vendi e populli juaj po ju presin por jo sikur dje ne Shesh…qe edhe pse ju ndoqen pas me nje fanatizem, shprese e besim te pa pare deri atehere ne historine e Shqiperise ju e zhgenjyet rende…por sot po ju presin pikerisht atje tek Teatri Kombetar atje ku pritet te ndizet fitili i barotit per te hedhur ne ere te keqen e madhe qe e ka kapluar Shqiperine e shqiptaret…Rame -Gramoz + Ps – Rilindjen e banden e tyre …

Vajtja atje dje e kreut te PD …Basha eshte nje shenje e mire vertet dhe teper inkurajuese e shpresdhenese …te njejten gje duhet te bejne edhe Opozitaret e tjere te vertete e miqte e mij te hershem e shqiptaret e ndershem e patriote Agron Duka e Dashamir Shehi te cilet kane ende goxha respekt e reputacion ne popull…

Atje e se bashku me shqiptaret qendrestare kunder bandes e banditeve kriminele duhet te jete i pari edhe vete Berisha me karizmen e tij duke e flakur tej ”Qytetarin Dixhital” e duke veshur kostumin e qytetarit shqiptar real…

Atje duhet te jete edhe i pa kompromisi miku e kolegu im i mire e i hershem Paloka …qe ja nxiu turinjte me boje ne mes te Parlamentit sharlatanit pervers kryeminister …

Sepse Teatri tashme eshte nje rruge decizive me dy ndarje …ose Rame – Veliaj e shembin ate dhe na zhysin te gjitheve perfundimisht ne Gremine ose ne duke e mbrojtur Teatrin qofte edhe me jeten tone e rrezojme dhe e permbysim Rame – Veliajn e banden e tyre antishqiptare njehere e pergjithmone…

I keni nje borxh te madh atij vendi e atij populli …borxh qe nuk u shlye kurre pikerisht atehere kur duhej ndaj dhe kusuret e zullumet sot jane trashur kaq shume dhe e keqja eshte bere Gogol…Djall e Shejtan bashke…

I keni nje detyrim moral e kombetar atij vendi e atij populli qe edhe pse i zhgenjyer kush sa here prej jush serisht te vetmen shprese e besim per ta permbysur Ortekun e frikshem komunisto-diktatorial e ka serisht ende tek ju …

Jane pikerisht gabimet tuaja fatale nder vite qe e majisen plagen e Shqiperise me ligsht se kurre.. aq sa komunistet ne pushtet fatkeqesisht i kemi peshqesh nga vete ju e nga askush tjeter.,…

Nuk po hyj ne detaje te tyre se fatkeqesisht jane plot…por kujtoj se mos larja e hesapeve me kriminelet e diktatures, mbushja e PD me sigurimsa e kriminele te se djeshmes e bij e bija te tyre, gabimet fatale me trajtimin e ish te persekutuarve politike, faji i rende me Ligjin fatal te rikthimit te pronave..mbyllja e dyerve per demokratet e vertete etj etj renduan dhe ende rendojne shume mbi shpatullat e brishta te demokracise shqiptare e cila ende vazhdon te sillet kot e verdalle ne Det si ajo Anija me busull te prishur e te c’orientuar…pa e ditur kurre se ku duhet te ankorohet…

Kam lexuar shpesh ne shkrimet e mija komentues e ndjekes te mij por edhe lexues te thjeshte qe me thone …pse nuk shkruan per Saliun, per PD, per Lulin etj…

Kam shkruar qe c’ke me te dhe asnjerin prej tyre nuk i kam nen sqetull jooo ….ndaj kur ka qene koha e vakti ju a kam thene publikisht ate c’ka kam patur per t’ju a thene …te mirat e te keqijat e tyre…sepse as kam lidhur kerthizen me ta, as kam ndermend te bej krushqi me ta e as kam ndermend te fus ndonjehere ne xhep Teseren e partise se tyre deri atehere kur te bindem une perfundimisht e si une edhe shume shqiptare te tjere se ne krye te PD eshte vete PD e vertete dhe nje Lider i pa kompromis kunder se keqes se madhe te djeshme trasheguar besnikerisht sot nga pasuesit bije e bija niper e mbesa te tyre …

Por ama…nuk mund te ve dot shenjen e barazimit mes Berishes [qe ka plot gabime e kusure te tijat te kuptohemi drejt ].. qe e antaresoi Shqiperine ne NATO dhe Edvinit qe i mbylli asaj dyert e Europes dhe e orientoi nga Moska e Beogradi…nuk mund te krahasoj dot Berishen qe ju hoqi shqiptareve Vizat e i beri te ndihen qytetare te lire te kontinentit te vjeter te qyteteruar e te civilizuar…me Edvinin qe po ju a rikthen shqiptareve vizat, mbylljen , braktisjen e Atdheut, varferine, drogen, kriminalitetin.. e izolimin…nuk mund te krahasoj dot kurren e kurres Berishen qe beri Rrugen e Kombit vepren infrastrukturore e kombetare me te madhe e me te rendesishmen ne historine e Shqiperise duke e bere de facto Shqiperi e Kosove NJE e te bashkuar….me Edvinin qe ju vuri Traun ndares shqiptareve ne te dyja anet e kufirit e po i ngul thiken pas shpine Kosoves teksa me Gjarperinjte Vucic, Thaci, Baton e c.o po kerkojne coptimin e ndarjen e territoreve te tokes sone Ame…

Ndaj …sot ai popull e ai vend serisht kane nevoje per ju PD… Opozite , Sali e Lulezim…por jo si deri me tani Please…

Jo me ne Gjume se e vdiqet per se gjalli ate vend e ate popull…

Jo me me kompromise te fshehta qe vijne ere e ndyre Tradhetie …

Jo me me Jozefina , Imamer, Patozer, Majlinda, Ristaner, Bode, Selamer, Ceka etj etj sikurse kurre me me Rudinera, Gjuzer, Ralfa e Leftera qe vetem me PD e Demokracine si lidh gje kurre .

Jo me Rame – Gramoz …Ulsi e Tualet ne krye te atij vendi e te atij populli……jo me Elisa e Brace …histerike e injorante…jo me Veliaj bandite e grabites e Llesh helmuesin mbi shqiptaret e lodhur , te varfer e te drobitur please…

Jo me me tradheti Cadrash ku vete dolet pa lagur e cadra i zu Shqiperine e shqiptaret brenda sic ze carku – Miun…

Jo me pjese e tepsive dhe e aferave dhe pazareve te pista qe rehatojne bythen tuaj e i vene flaken bythes se nje vendi e nje populli te tere ok…

Jo me me Ministra pjesmarres ne koalicion me qeverine e krimit te banditit e te bandave…jo me me afera te dyshimta qeverisese me bashkefajtorin e madh te gjithckaje ne kete vend ne keto 30 vjetet e fundit ….me ciftin Meta-Kryemadhi…

Jo me me 10 xhiro ne bulevard…hedhje shashkash e fishekzjarresh tek kryeministria…nje rrotullim reth Piramides…rikthim tek selia e PD kendimi i Himnit e mireupafshim ne takimin e radhes….

Jo me me hyrje dalje nga Parlamenti e me pas braktisje te tij kur duhet ta kishit permbysur fare ate me gjithe c’mban ai brenda…

Jo me me braktisje e politizim te greves se studenteve ku si force politike humbet nje nga shanset tuaja me te mira historike per ta permbysur kryehorrin-kryeminister…

Jo me me Lista te tilla te turpshme deputetesh qe sot ju kane zene vendin si ”Opozite” ne bordello parlamentin e Rame – Gramozit e qe ne fakt jane nje pjese jo e vogel e turpit por edhe e pa pergjegjesise suaj ndaj atij vendi e atij populli…

Jo me me shterngime duarsh me Dore pistin e Shqiperise…e as me miliona euro ”dhurate per vjehrrin e vjehrren” nga pallati i prishur buze Detit…e as me qendrime ne Vilat e Lalzit ne kohe pandemie kur populli vrapon si i cmendur rrugeve te Tiranes per te qene brenda orarit te dhunshem te psikopatit qe ka ne krye vetem e vetem te bleje racionin e domosdoshem te bukes per femijet e tij…

Jo me me rruge paqesore e me vote per te permbysur ate qe ne krye te Parlamentit te Shqiperise 30 vjet pas renies se komunizmit ende deklaron publikisht se Pushtetin e morem me gjak dhe po me gjak do ta mbrojme…

Nuk permbyset me Vote ai qe ju vjedh e ju grabit Votat ok…

Shihni rrotull jush …c’behet ne Poloni, Slloveni, Serbi …hapni syte se c’po behet kendej nga ne ne SHBA – [ vendin kampion te lirise e te demokracise ] ku populli po rremben armet e po rethon parlamente se kerkon lirite e te drejtat e tija legjitime..

Ata qe vijne ne pushtet me dhune duhen larguar e permbysur me te njejten rruge, forme e menyre dhe po ashtu sic kane ardhur …me Dhune !

Mos kini me friken e nderkombetareve te soj-lloj Leshit te tipit Gishti i Mesit …si Borchardi e Soreca apo edhe ndonje tjetre qe Shet Mobilje te perdorura te Ambasades …sepse Shqiperia eshte e jona dhe kurren e kurres e ne jete te jeteve s’ka per te qene asnjehere e tyrja…

Sepse ata shohin te pasurojne edhe me xhepat e tyre te ster- pasur dhe kurre nuk duan te dijne per xhepat e varfer , bosh e te grisur te shqiptareve… te vjedhur e te keq qeverisur ok…

I keni nje borxh te madh ne te gjitha drejtimet Shqiperise e shqiptareve…ndaj sot serisht por me shume se kurre historia e atij vendi dhe e atij populli po ju therret serisht ne skenen e madhe kombetare te tij… per te bere permbysjen e madhe historike..

Bejini bashke e prijuni shqiptareve per te permbysur te keqen e madhe qe i ka zene.,..bejini bashke e rikthejuni besimin tuaj te tronditur e te humbur per t’ju rikthyer edhe njehere shpresen e besimin tek vetja e tyre , tek Shqiperia tek PD e tek Demokracia…

Prijuni e bejini shqiptaret bashke per tu ndare me se fundi njehere e mire nga e djeshmja jone tragjike, e kriminale komuniste serbo-sllave e diktatoriale…

O sot o Kurre….populli e Shqiperia po ju presin tu shohin ne krye te tyre ashtu sikurse 29 vite me pare kur rrezuam Bustin famekeq te se Keqes se madhe…

Ndaj borxhin e madh qe ju keni Shqiperise e shqiptareve erdhi koha e momenti tu a shlyeni o Sot o Kurre …me mire vone se kurre thote vete populli…

Atehere ishte Shkurt dhe neper kembe kishim nje Dimer te eger vertet ndersa sot eshte mesi i Majit ndaj sillini Shqiperise Pranveren e shume pritur Demokratike…

A.R.DOSTI

Forumi për Mbrojtjen e Trashëgimisë Kulturore: Ta restaurojmë Teatrin Kombëtar me inovacionet që ofron epoka jonë

Forumi për Mbrojtjen e Trashëgimisë Kulturore del në mbrojtje të Teatrit Kombëtar, duke u shprehur se mund të restaurohet me sukses.

Përmes një mesazhi në “Facebook”, ky Forum thekson se godina e Teatrit është e rrallë në nivel evropian, që formulon një hapësirë urbane me zhvillimin hapësinor-planimetrik pa krahasim me asnjë tjetër në vend.

Mesazhi i plotë:

Teatri, ne gjendjen e degraduar qe ndodhet sot, ngjall shume mosbesim nese mund te restaurohet funksionalisht dhe estetikisht; e nese do arrije te qendroje – me gjuhen e tij arkitekturore e volumore – ne sheshin me shije te forte renesanse qe ka patalogu perpara tij.
E kemi thene dhe e themi me bindje qe PO mund te restaurohet me sukses.
Teatri, nje veper e arkitektit Berté, eshte nje ndertese stilistikisht unikale (per Shqiperine) dhe godine e rralle tashme ne nivel Europian, nje veper qe i perket repertorit te “racionalizmit monumental”, sic shprehet Gresleri, dhe qe per si eshte krijuar, formulon nje hapesire urbane me zhvillimin hapesinor-planimetrik pa krahasim me asnje tjeter ne vend.
Restaurimi dhe rivleresimi i tij eshte vertete nje sfide profesionale por me sukses te garantuar ne pikepamje te estetikes se imazhit dhe teknologjise se funksionit.

Po japim ketu vec nje shembull te menyres se rivleresimit te nje kino-teatri me stil te tille te viteve ‘30 ne Lisbone (Portugali), si deshmi se cfare humbet Tirana me shembjen e Teatrit te vjeter… do te ishte nje mekat zhdukja, nga ato qe nuk harrohen me.
Nga ana tjeter, Teatri i Bjarkes, persa eshte estetik ne vetvete, e ben konfuz atmosferen e sheshit (qe sot ka shije te Renesanses Europiane) pasi ligjeron me leksik te ndryshem arkitekturor e, per me teper, me sintakse coroditese qofte ndaj plastikes klasike te ministrive, qofte ndaj volumetrise po aq klasike te Teatrit.

Ta restaurojme Teatrin Kombetar me inovacionet qe ofron epoka jone, ta shnderrojme ate ne nje “kuartier lumiere”, dhe do shohim se qendra e Tiranes do fitoje nje “bizhuteri” qe frymezon kulture dhe art urban.

Epidemiologu: Shqipëria e kaloi ciklin e koronavirusit por duhet kujdes

Qytetarë që ecin në rrugë me maska mbrojtëse kundër epidemisë covid 19.

Epidemiologu Ilir Alimehmeti në një nga mediat e vendit deklaroi se Shqipëria e ka kaluar tashmë ciklin e koronavirus dhe ndaj numri i të prekurve ka rënë në mënyrë të ndjeshme.

“Sa është i përhapur vërtetë virusi nuk mund ta themi dot vetëm përmes tamponit, tamponi është vetëm një fotografi e momentit.

Mund të themi që për momentin ky virus e ka bërë ciklin e vet, pasi që në fillim mendohej se do të ishte rreth 10 javë, pra rreth 70 ditë. Ne sot jemi në ditën e 100-të dhe mund të themi qartësisht se këtë cikël e kemi plotësuar”, tha mjeku.

Ndikimi i Rritjes së Temperaturave

Alimehmeti theksoi më tej se me rritjen e temperaturave, në vendin tonë do të ulet ndjeshëm mundësia për t’u infektuar nga koronavirus, por kjo nuk do të thotë se do të zhduket plotësisht.

“Fuqia e virusit ulet në temperaturë të lartë. Nuk e zhdukin komplet por e minimizojnë mundësinë ngjitëse të tij në temperatura të larta.

Shfaq një sezonalitet, por ndryshe nga gripi, koronavirus në verë nuk zhduket komplet. Temperatura do na ndihmojë shumë por nuk do ta zhdukë. Ky virus jeton shumë pak në ambient me diell”, u shpreh epidemiologu.

Virusi Do Të Kthehet Në Vjeshtë

Më tej, ai theksoi se virusi do të ketë një rikthim në vjeshtë. Lidhur me teoritë se virusi është krijuar në laborator, ai tha se, nuk ka asnjë provë dhe asnjë studim të vetëm që e mbështet këtë ide, pasi të gjitha studimet tregojnë se është krijuar nga natyra.

“Së pari nuk ka asnjë provë dhe asnjë studim të vetëm që ky virus është krijuar në laborator. Ky virus është krijuar në mënyra natyrore dhe nga kafshët është transmetuar tek njeriu. Për sa do të kemi ne jetë viruse dhe bakter të reja do të ketë gjithmonë”, tha Alimehmeti./Marrë nga ATSH

ORA News denoncon ISHSH: Kërkoi mbylljen e Televizionit

Në Shqipëri Inspektoriati Shtetëror Shëndetësor (ISHSH), Dega Rajonale e Tiranës, ka vendosur të premten mbylljen e aktivtetit të televizionit ORA News, ndërsa brenda 24 orëve vendosi disa gjoba prej 1 milion lekësh secila, me arsyetimin se në disa emisione të këtij televizini nuk është zbatuar urdhëri për praninë në studio të jo më shumë se dy personave. Por në njoftimin dërguar Autoritetit të Mediave Audiovizive, nga zyra qëndrore e ISHSH-së, përmenden vetëm masat administrative, dhe konkretisht vetëm dy gjoba, dhe jo mbyllja e aktivitetit të Televizionit. Drejtuesit e ORA News-it folën për një “skandal dhe akt të paprecedentë”. Vendimi provokoi reagime të shumta të komunitetit të gazetarëve si dhe të niveleve të larta politike në vend.

Sipas akteve të Inspektimit të Drejtorisë rajonale, kopje të të cilave u panë nga Zëri i Amerikës, inspektorët kanë propozuar ditën e enjte vendosjen e gjobave, pasi konstatuan se në një emision të datës 11 Maj dhe në dy emisione të tjera të datës 13 Maj, në panelet e debatit ka patur më shumë se dy persona, siç parashikojnë masat shtrënguese të ndërmarra nga autoritetet për parandalimin e përhapjes së koronavirusit. “Njoftimi i gjobës na u dorëzua në orën 22.30 të së enjtes, pa asnjë paralajmërim paraprak, siç ka ndodhur në raste të ngjashme, me televizione të tjera, madje në kulmin e epidemisë dhe jo më tani kur autoritetet kanë marrë masa lehtësuese në masë të gjerë”, i tha Zërit të Amerikës, drejtori i Informacionti të ORA News Brahim Shima.

Brenda 24 orëve, Inspektoriati ka dorëzuar një tjetër akt, ku përveç gjobës është dhe vendimi për mbylljen e aktivitetit duke qenë se në emisionin “360 Gradë”, të së enjtes në mbrëmje “kishte 6 persona” dhe se bëhet fjalë “për një shkelje të përsëritur”.

Që prej të hënës, në emisionet e mbrëmjes të televizionit ORA NEWS, numri i të ftuarve ka qenë më i madh se ai i parashikuar nga rregullat e përcaktuara në Aktin Normativ të miratuar nga Qeveria. Drejtori i Informacionit Shima shpjegon se diçka e tillë u bë në kuadër të lehtësimit të përgjithshëm të masave nga ana e Qeverisë “e cila ndoshta ka harruar të përfshijë dhe mediat, ndërkohë që ka lejuar lëvizjen e lirë në Tiranë, pa maska dhe janë hapur dhe Qendrat Tregtare me një super dyndje të qytetarëve. Inspektoriati shëndetësor nuk po bën më kontrolle dhe në këtë kontekst pamë të arsyeshme që debatet të ishin me një numër të moderuar pjesmarrësish, por duke respektuar distancën prej 2.5 m, pra ndjeshëm më e madhe se ajo e përcaktuar nga autoritetet. Studio e televizionit tonë është 400 metra katrorë”, shpjegoi Shima.

Për drejtuesit e televizionit “vendimi ka qenë i parapërgatitur dhe i qëllimshëm, për të penguar fjalën e lirë dhe publikimin e lajmeve që nuk i interesojnë segmenteve të caktuara të shumicës”. Zoti Shima tha se “të hënën do të nisim padi për kreun e ISSH-së dhe grupin e ekspertëve për shpërdorim detyre sepse në akt ekspertizë ka shumë momente që të lënë të kuptosh për një vendim të qëllimshëm. Do të ketë dhe ankimim në Gjykatën administrative si dhe në institucione të tjera ku parashikohet sipas ligjit”.

Në mbrëmje vonë, Autoriteti i Mediave Audiovizive (AMA) bëri të ditur se “nuk ka asnjë vendim apo qëllim për mbylljen e ndonjë televizioni”, duke shpjeguar se ka qenë ky institucion që i ka bërë më datë 13 maj “një paralajmërim me tërheqje vëmendjeje për subjektin ORA News për shkelje të udhëzimeve të Aktit Normativ, në kuadër të vendosjes së gjendjes së fatkeqësisë natyrore nga Covid-19”.

Edhe në shkresën që AMA ka marrë nga kryeinspektori i ISHSH-së nuk përmendet ndonjë urdhër për mbyllje të aktivitetit, por vetëm fakti se në datat 14 dhe 15 Maj janë vendosur dy gjoba.

Situata e krijuar me ORA NEWS-in solli reagime të shumta. Drejtuesit e dy emisioneve në të cilat është kontastuar një numër më i lartë të ftuarish se sa parashikon rregullorja folën për “shkelje të fjalës së lirë” gjatë prononcimeve të tyre në ekranin e ORA News. Për Artur Zhejin i cili drejton emisionin “360 gradë” “këto veprime dhe akte administrative janë prova gjenerale të një fushate frikësuese ndaj mediave që nuk respektojnë shkopin e dirigjentit të stafit kryeministror”. Ndërsa për Sonila Meçon e cila drejton emisionin tjetër “Tempora” është “e pashpjegueshme nga pikëpamja institucionale pse nuk është ndjekur procedura e paralajmërimit. Pastaj pse ky rregull nuk vlen për fasoneritë, parukeritë, parlamentin?”

Reagime pati dhe nga komuniteti vendas i gazetarëve dhe shoqatat e mediave. Shoqata e Gazetarëve Profesionistë të Shqipërisë dhe Lidhja e Gazetarëve të Shqipërisë “e konsiderojnë këtë akt, një gjest selektiv, aspak në proporcion me dëmin e pretenduar, një keqpërdorim i pushtetit me pretekst epideminë, për të intimiduar mediat. Një zell selektiv ndaj RTV Ora, që nuk u përdor në raste të ngjashme. Ky akt përbën një precedent të rrezikshëm, që mund të përdoret edhe ndaj mediave kritike me qeverinë, edhe pse vendi është në fazën e lirimit të masave shtrënguese për shkak të Covid-19”.

Reagime erdhën dhe nga politika. Presidenti Ilir Meta u shpreh “thellësisht i shqetësuar”. Sipas tij “duket se këto masa administrative janë shproporcionale. Çdo mënyrë e drejtpërdrejt apo indirekte për të vendosur censurë paraprake mbi mjetet e informimit publik apo kufizuar lirinë e shprehjes është e ndaluar, e papranueshme dhe e patolerueshme”.

Për deputeten e Partisë Demokratike, Albana Vokshi, ish kryetare e Komisionit te Medias në parlamentin shqiptar “ky dënim krejtësisht joproprocional është abuzim i rrezikshëm i pushtetit ekzekutiv dhe është bërë me urdhër dhe për llogari të Edi Ramës. Është Edi Rama autori i këtij urdhri si hakmarrje politike”.

Edhe për kryetaren e LSI-së, Monika Kryemadhi, pas gjithë kësaj qëndron sipas saj kryeministri Rama. “Mbyllja e televizionit Ora është një akt lufte ndaj medias së lirë, fjalës së lirë, ndaj demokracisë në Shqipëri! Edi Rama është armik i demokracisë, i votës së lirë, i ekonomisë së tregut, i arsimit të të rinjve!”.

Masat ndaj Televizionit ORA News pasojnë kritikat në rritje ndaj qasjes së qeverisë me mediat në vend. Pak muaj me parë shumica u vu në konflikt të hapur me komunitetin mediatik, pas propozimit të të ashtuquajturit ligj të antishpifjes. Pavarësisht se i rezistoi fillimisht kritikave të shumta dhe ndërkombëtare, ajo u detyrua të tërhiqet nga trysnia në rritje dhe përfshirja më pas dhe e Komisionit të Venecias i cili pranoi kërkesën e Këshillit të Europës për të shqyrtuar propozimin ligjor të qeverisë shqiptare.

Peticioni- Nga Robert Ndrenika te Viktor Zhusti, ja artistët pro Teatrit të Ri: Është nevojë urgjente!

Një grup aktorësh dhe regjisorësh të kryesuar nga të mëdhenjtë e skenës së artit shqiptar, Robert Ndrenika, Luftar Paja, Viktor Zhusti, Artan Imami, Spiro Duni, Leka Bungo, Altin Basha, Arben Derhemi etj., i janë drejtuar dje pasdite me një peticion Presidentit të Republikës, Ilir Meta, Kryeministrit Edi Rama, kryetarit të Partisë Demokratike, Lulzim Basha dhe kryetares së Lëvizjes Socialiste për Integrim, Monika Kryemadhi, për t’iu përsëritur edhe njëherë vullnetin e tyre pro ndërtimit të një Teatri të ri Kombëtar, në vendin ku ndodhet godina e vjetër.



Dhjetra aktorët dhe regjisorët e kanë firmosur peticionin, i cili në fakt është peticioni i tretë që i drejtohet krerëve të shtetit për çështjen e Teatrit Kombëtar që nga viti 2018, ku deklarojnë se ndërtimin e Teatrit të Ri e konsiderojnë të mbyllur me sukses në emër të interesit kombëtar dhe u bëjnë thirrje atyre që t’i lënë lojërat politike sepse pikërisht nga këto lojëra komuniteti i artistëve ka mbetur edhe sot pa Teatër.

“Me këtë peticion ne kërkojmë që politika e të gjitha anëve, të mos na bëjë as ne, as projektin e Teatrit të ri Kombëtar, pjesë të lojës apo çorbës së saj. Ne Ju drejtohemi me kërkesën publike që të ndaloni menjëherë politizimin e mëtejshëm të kësaj çështjeje! Ju lutemi na mirëkuptoni, por durimi ynë ka sosur dhe nuk përballojmë dot më as edhe një kokërr loti krokodili në mexhelis për teatrin tonë! 50 vjet në atë ndërtesë-karantinë dhe të harruar nga politika na dalin e na teprojnë! Ne dhe brezat e aktorëve e regjisorëve pas nesh meritojmë një Teatër dinjitoz, që të na shërbejë jo vetëm neve, por edhe publikut teatërdashës”, shprehen artistët në peticionin drejtuar Metës, Ramës, Bashës dhe Kryemadhit.

 

Ndërkaq, për grupimin e Aleancës për Mbrojtjen e Teatrit, artistët shprehen se disa i kanë miq, po disa të tjerë as nuk i njohin kush janë, por u bëjnë thirrje të ndahen nga politikanët sepse Teatri Kombëtar nuk është “Astiri” dhe as “tokë e xanun”.

Grupi firmëtar shprehet se peticioni po vazhdon të nënshkruhet edhe nga shumë artistë në këto momente, të cilët mbështesin planet për Teatrin e Ri Kombëtar.

Ja teksti i plotë i peticionit:

Ne aktorët, regjisorët dhe përfaqësuesit e artit skenik shqiptar, detyrohemi sot të rimerremi me një debat të shterruar plotësisht, të cilin nga ana jonë e konsiderojmë të mbyllur me sukses në emër të interesit kombëtar dhe të interesit të komunitetit tonë! Me anë të këtij peticioni publik, nuk duam të flasim më për nevojën e lashtë që komuniteti ynë ka për një Teatër të ri Kombëtar, modern dhe bashkëkohor, i cili duhet të ndërtohet pa asnjë diskutim në truallin e kompleksit ekzistues, sepse ai truall ka qenë, është dhe duhet të mbetet trualli material e shpirtëror i komunitetit tonë në breza.

Me këtë peticion ne kërkojmë që politika e të gjitha anëve, të mos na bëjë as ne, as projektin e Teatrit të ri Kombëtar, pjesë të lojës apo çorbës së saj. Ne Ju drejtohemi me kërkesën publike që të ndaloni menjëherë politizimin e mëtejshëm të kësaj çështjeje! Ne duam të ndajmë me Ju dhe publikun shqiptar, bindjen tonë se kushdo që do të përpiqet ta përdorë më tej emrin dhe skenën e Teatrit Kombëtar për teatro të natyrave të ndryshme, pa asnjë lidhje me teatrin tonë, nuk do as të mirën e kulturës shqiptare, as të mirën e Teatrit Kombëtar dhe as të mirën tonë jo dhe jo!

Ju lutemi na mirëkuptoni, por durimi ynë ka sosur dhe nuk përballojmë dot më as edhe një kokërr loti krokodili në mexhelis për teatrin tonë! 50 vjet në atë ndërtesë-karantinë dhe të harruar nga politika na dalin e na teprojnë! Ne dhe brezat e aktorëve e regjisorëve pas nesh meritojmë një Teatër dinjitoz, që të na shërbejë jo vetëm neve, por edhe publikut teatërdashës, që nuk mund të vazhdojë të ndjekë edhe për 50 vjet të tjera teatrin politik me Teatrin Kombëtar, në vend të shfaqjeve tona.

Ndaj, të nderuar zotërinj, kërkojmë nga Ju të mos përziheni më me nevojën urgjente që ka komuniteti ynë për ndërtimin e Teatrit të ri Kombëtar! Sepse boll dekada janë djegur duke pritur që të merreni vesh Ju me njëri-tjetrin për zgjidhjen e këtij halli jetik për ne. Keni boll punë të tjera edhe më të mëdha, prandaj me konsideratën më të lartë, ne Ju kërkojmë të mos kërkoni tek Teatri Kombëtar as punë dhe as masha për këtë punë!

Kryeministri Rama le të merret me Armikun e Padukshëm, Lulzim Basha le të merret me Ramën, Presidenti Meta le të merret me Kushtetutën, ndërsa ne të mos merremi më nëpër këmbë me ose pa dashjen Tuaj!

Sa për ata pak kolegë dhe “kolegë” që mendojnë se kanë marrë përsipër të mbrojnë godinën, shumicën e të cilëve nuk i njohim kush janë apo disa i kemi edhe miq (pavarësisht se nuk e gjejmë dot mbi çfarë karriere skenike kanë monopolizuar dhe devijuar totalisht kauzën tonë), ne kemi lutjen publike që të ndahen nga politikanët! Sepse Teatri Kombëtar nuk është “Astiri” dhe skena kombëtare nuk është “tokë e xanun”!

Historia e Teatrit Kombëtar nuk shkruhet tek dera e godinës, po në qendër të skenës!

Duke ju uruar suksese në punën Tuaj dhe shëndet në familjet Tuaja, urojmë që të mos e konsideroni këtë thirrje publike si një letër më shumë pa përgjigje.

Me respekt,

Robert Ndrenika

Luftar Paja

Viktor Zhusti

Artan Imami

Spiro Duni

Leka Bungo

Altin Basha

Arben Derhemi

Pellumb Kulla

Arben Kumbaro

Marjana Kondi

Zamira Kita

Helidon Fino

Ema Andrea

Hervin Culi

Luli Hoxha

Laert Vasili

Salsano Rrapi

Gazmend Paja

Lulzim Zeqja

Genc Shkodrani

Gjergj Mena

Sonila Kapidani

Iliriana Basha

Marin Orhanasi

Iliriana Basha

Bajram Dosti

Ledio Lako

Jonida Beqo

Josif Sina

Aleksander Grami

Eriola Kakeli

Erblin Bajko

Edvin Mustafa

Laejda Hajdari

Jorkë Brokaj

Jaho Guma

Roland Saro

Edmond Rrapi

Kozeta Kurti

Kristo Cala

Albana Perhati

Dervish Biba

Armela Demaj

Algiona Aga

Alex Seitaj

Genti Deçka

Donald Shehu

Klesta Shero

Roerd Toçe

Amri Hasanlliu

Andon Koço

Laid Ymeri

Besart Cani

Afrim Agalliu

Artan Islami

Margent Caushi

Agron Hamo

Artur Dhamo

(gsh)

LISTA- Nga Roza Anagnosti te Bujar Asqeriu, ja 136 artistët që kundërshtojnë shembjen e Teatrit Kombëtar

Plot 136 artistë e këngëtarë janë kundër shembjes së Teatrit Kombëtar, duke kërkuar vetëm restaurim të godinës.

Lista e plotë e emrave është publikuar nga Aleanca për Mbrojtjen e Teatrit, ku mes tyre janë edhe aktorë të mëdhenj të skenës shqiptare, si Roza Anagnosti, Justina Aliaj, Gulielm Radoja, etj.

“Artistët e teatrit, filmit, muzikës dhe përkthyesit, që janë pro restaurimit të dy teatrove kombëtare, mbeten shumë më tepër se ushtarët e partisë, që u rreshtuan prapë sot pas udhëheqësit”, shkruan Aleanca në “Facebook”, ndërsa publikon listën e plotë.

1. Roza Anagnosti
2. Aurel Plasari
3. Gulielm Radoja
4. Fatos Lubonja
5. Justina Aliaj
6. Stefan Çapaliku
7. Sesilia Plasari
8. Kastriot Çipi
9. Elona Caslli
10. Edmond Budina
11. Ardian Vehbiu
12. Bujar Asqeriu
13. Naun Shundi
14. Vasjan Lami
15. Mehdi Malka
16. Alert Çeloaliaj
17. Robert Budina
18. Besmir Bitraku
19. Taulanda Jupi
20. Romir Zalla
21. Bashkim Zahaj
22. Bujar Llapaj
23. Ilir Mërtiri
24. Besnik Doshlani
25. Alban Zadeja
26. Bujar Alimani
27. Anila Bisha
28. Leonard Hamitaj
29. Suela Bako
30. Anderson Gurra
31. Leka Doko
32. Gert Izeti
33. Avni Abazi
34. Fatbardh Marku
35. Ermela Teli
36. Ermira Hysaj Çerkozi
37. Klodian Hoxha
38. Ramiz Gjini
39. Rita Gjeka
40. Marsel Rupi
41. Esela Pysqyli
42. Gëzim Rudi
43. Gentian Zenelaj
44. Simon Shkreli
45. Ledian Gjeçi
46. Adnan Kastrati
47. Françeska Hysi
48. Alessia Xhemalaj
49. Florian Çanga
50. Alfred Zeneli
51. Redjan Mulla
52. Donard Hasani
53. Adriana Tolka
54. Anxhela Çikopano
55. Aldjon Matarangasi
56. Arbër Jakllari
57. Artur Selmani
58. Driada Dervishi
59. Elma Dorezi
60. Enerjeta Jani Fuga
61. Ervin Bejleri
62. Esmeralda Metka
63. Arqile Nasho
64. Gladiola Harizaj
65. Rozina Prendi
66. Koloreto Cukali
67. Melisa Kodhelaj
68. Lida Radoja
69. Saimir Zeneli
70. Ermela Ruri
71. Blerim Gjoci
72. Klodjana Keco
73. Herion Mustafaraj
74. Endri Çela
75. Rudi Erebara
76. Ferdinand Hysi
77. Rajmonda Shundi
78. Besnik Bisha
79. Andi Begolli
80. Bora Kulla Beltoja
81. Artur Lena
82. Sulejman Rushiti
83. Kushtrim Bekteshi
84. Ylli Trajçe
85. Spartak Papadhimitri
86. Tefta Bejko
87. Bruna Borova
88. Dritan Sejamini
89. Adrian Zagori
90. Xhevdet Doda
91. Julia Ilirjani
92. Najada Elmazi
93. Dritan Biba
94. Xhuliano Brisku
95. Alban Qela
96. Mendim Murtezi
97. Erjeta Cufaj
98. Naser Rafuna
99. Kastriot Shehi
100. Sokol Angjeli
101. Xhemil Tagani
102. Florind Belliu
103. Marsela Lena
104. Sokol Cahani
105. Arben Shaka
106. Dajana Nenaj
107. Oriana Cama
108. Donald Shehu
109. Florian Kokona
110. Shpetim Emanuel Dajçi
111. Xhovalin Gjoka
112. Mexhit Prençi
113. Ersila Rezhda
114. Muzafer Shkira
115. Neritan Liçaj
116. Ismet Drishti
117. Agim Xhafka
118. Eldon Luarasi
119. Natasha Lako
120. Ermira Gjata
121. Primo Shllaku
122. Eneida Topi
123. Laura Nezha
124. Zehrudin Dokle
125. Julian Deda
126. Gramos Gashi
127. Nigela Ruka
128. Kledi Kled Kapexhiu
129. Flonja Kaba
130. Visjan Ukcenaj
131. Jona Xhelilaj
132. Lola Meta
133. Xhejni Fama
134. Moris Rama
135. Zef Deda
136. Ina Gjonçi

(BalkanWeb)

Vendimi për teatrin, reagon Ambasada e Britanisë: Duhet dialog nga të gjitha palët, veçanërisht në këtë kohë të trazuar!

Ambasada Britanike në Tiranë reagon pas vendimit të Bashkisë së Tiranës për shembjen e Teatrit Kombëtar.

Përmes një reagimi në “Facebook”, Ambasada e Britanisë së Madhe thekson se mbështet thirrjen e Komisioneres Mariya Gabriel për dialog nga të gjitha palët, sidomos në këtë kohë të trazuar nga pandemia.

“Mbështesim thirrjen e Komisioneres së BE-së Mariya Gabriel për dialog dhe për të gjitha palët e përfshira që të japin kohën dhe hapësirën që të mund të realizohet në mënyrë kuptimplotë. Dialogu nuk është kurrë i pavlerë, veçanërisht në këto kohë të trazuara”, thuhet në reagimin e ambasadës britanike.

Vendimi për shembjen e teatrit, aktori Radoja në krah të artistëve: Ky është krim! Ata do të mbyten në të keqen e tyre!

Aktori i madh, Gulielm Radoja, del në krah të artistëve në mbrojtje të Teatrit Kombëtar, për të cilin Bashkia e Tiranës ka vendosur shembjen.

Në një video-mesazh, aktori Radoja thotë se është në Durrës dhe nuk mund t’i bashkohet kauzës së fortë të artistëve, por se është me ta në mbrojtje të teatrit.

Sipas aktorit Radoja, kjo që po bëjnë politikanët është e turpshme dhe një krim, duke shtuar i revoltuar se ata do të mbyten në të keqen e tyre.

“Përshëndetje miqtë e mi. Ndjehem shumë i emocionuar për atë që po ndodh me Teatrin tonë. Megjithëse jam prononcuar dy herë, e ndjej si detyrim të them dhe dy fjalë. Nuk ka gjë më të turpshme se kjo që po ndodh, por më shumë se sa turp, ky është një krim. Është një krim i atyre që thonë se ‘unë jam mbret e bëj cfarë të dua’, por ata do të mbyten në të keqen e tyre. Unë jam me ju, pavarësisht se jam në Durrës dhe nuk vij. Jam me ju miqtë e mi, ne do të fitojmë”, thotë Radoja.

SPAK nis hetimet për prishjen e Teatrit Kombëtar, procedimi s’është regjistruar në emër të Veliajt

SPAK ka nisur zyrtarisht hetimet për cështjen e prishjes së Teatrit Kombëtar. Lajmi konfirmohet për “BalkanWeb” nga gazetarja e News 24, Klodjana Lala.

Hetimet nisën pasi Aleanca për Mbrojtjen e Teatrit depozitoi një kallëzim në Prokurori, duke e cilësuar të paligjshme shembjen. Por Lala sqaron se pavarësisht nisjes së hetimeve, procedimi nuk është regjistruar në emër të kryebashkiakut Veliaj.

Aleanca për Mbrojtjen e Teatrit iu drejtua SPAK me pretendimin se kishin prova se janë falsifikuar firma dhe dokumenta në procesin që po ndërmerret për prishjen e Teatrit Kombëtar.

Paditen për shpërdorim detyre inxhinierët që kërkuan shembjen e Teatrit Kombëtar

Ilirian Agolli

Aleanca për Mbrojtjen e Teatrit paditi sot në Prokurorinë e Tiranës vendimin e djeshëm të këshillit bashkiak për të shembur Teatrin Kombëtar.

Ata akuzuan për shpërdorin detyre ndaj 3 inxhinerë të Institutit të Ndërtimit, sepse pa shkuar fare në objekt dhe bazuar në një dokument të vitit 2018, i kanë propozuar Bashkisë së Tiranës shembjen e Teatrit Kombëtar.

Këshilli bashkiak vendosi dje për shembjen e Teatrit Kombëtar, pasi miratoi një akt-ekspertizë të Institutit të Ndërtimit në mars 2018 dhe një raporti në 13 maj të këtij viti.

Por Aleanca për Mbrojtjen e Teatrit paditi inxhinierët se kanë dhënë fakte të rreme në raportin e tyre të hartuar pa dalë nga zyra, duke mos shkuar fare në objekt.

Në të dy dokumentet mungojnë elemente thelbësore për procesin e kontrollit.

Ato nuk kanë analiza laboratorike dhe nuk kanë llogaritje mbi konstruksionin qendror të objektit.

Aleanca deklaroi se raporti, që miratoi këshilli bashkiak është një dokument i paligjshëm bazuar në të pavërteta, ndaj i kërkoi prokurorisë të hetojë mbi shkeljet ligjore të inxhinierëve, që shtynë edhe pushtetin vendor në një vendim të paligjshëm.

Teatri Kombëtar u kthye sërish në qendër të vëmendjes këtë javë, pasi qeveria vendosi të kalojë truallin e tij nga ministria e kulturës në pronësi të bashkisë së Tiranës dhe kjo e fundit vendosi shpejt shembjen e tij.

Drejtuesit e qeverisë dhe të bashkisë deklarojnë se në truallin e Teatrit Kombëtar është projektuar të ngrihet një teatër i ri.

Presidenti i Republikës ka paditur në Gjykatën Kushtetuese vendimin e qeverisë për kalimin e pronësisë të truallit tek bashkia e Tiranës, ndërsa më parë ka paditur edhe ligjin special Fusha, që synonte të njëjtën gjë, shembjen e Teatrit Kombëtar dhe ndërtimin e një të riu po aty.

18 raste të reja në 24 orë, Kalo bën thirrje për vigjilencë

Shumica e vendeve kanë miratuar masa parandaluese, siç janë grumbullimet publike, kufizimet e udhëtimit dhe mbylljet e kufijve, mbylljet e shkollave etj.

Ekspertët e Ministrisë së Shëndetësisë konfirmuan të enjten se gjatë 24 orëve të fundit, në vendin tonë u zbuluan 18 raste të reja me Covid-19. 11 prej këtyre rasteve janë regjistruar në Tiranë, 4 në Krujë, 2 në Berat dhe 1 në Durrës.

Kështu, numri i rasteve me COVID-19 në Shqipëri ka arritur në 898. Numri i rasteve aktive është 173 persona, kryesisht ne Tiranë, Krujë, Shkodër dhe Kamëz.

Sipas një njoftimi të Ministrisë së Shëndetësisë, në 24 orët e fundit, autoritetet kanë testuar 191 qytetarë , ndërkohë që numri i plotë i testimeve të kryera deri më sot ka arritur në 11.769. 11239 janë testime molekulare dhe 530 janë testime serologjike.

Si Është Situata Në Spitalet e COVID Në Shqipëri?

Sipas Ministrisë së Shëndetësisë, situata në spitalet e vendit është e qëndrueshme prej ditës.

Aktualisht në dy spitalet COVID janë të shtruar 19 pacientë dhe vetëm 3 prej tyre janë në terapi intensive.

Të dhënat tregojnë se më pak se 11% e te prekurve aktivë po marrin trajtim në spitalet Covid.

Pjesa tjetër e të prekurve aktivë, sipas Ministrisë së Shëndetësisë,ndiqet nga mjeku i familjes.

Ministria e Shëndetësisë u ka bërë thirrje qytetarëve të respektojnë distancimin fizik, masat e higjienës respiratore dhe personale dhe të mos kryejnë vizita tek të afërmit për çdo lloj arsye.

Bizneseve u është bërë thirrje që të zbatojnë protokollet strikte të higjenës dhe sigurisë për punonjësit dhe klientët.

Tritan Kalo: qytetarët të mos ulin vigjilencën

Më herët, mjeku infeksionist Tritan Kalo, u bëri thirrje qytetarëve në vend që të jenë vigjilentë dhe të mos ulin shkallën e ndërgjegjësimit për arsye se rreziku që na kanoset prej COVID-19 është i pranishëm.

Në një postim në rrjetin social Facebook, Kalo tha se virusi mbetet ende mes nesh.

“Vetëm përkujdesi i juaj i vazhdueshëm e ul rrezikun e infektimit prej tij…BASHKË me siguri do ja dalim mbanë përballjes me sfidën Sats-Cov2/Covid-19”, tha ai./AgroWeb.org

Presidenti Meta padit qeverinë në Gjykatë Kushtetuese për vendimin ndaj Teatrit Kombëtar

Në Shqipëri, Presidenti i Republikës, Ilir Meta, iu drejtua sot sërish Gjykatës Kushtetuese për çështjen e Teatrit Kombëtar.

Presidenti thotë se duhet shfuqizuar si antikushtetutes vendimi i qeverisë për të kaluar Teatrin Kombëtar në pronësi të Bashkisë së Tiranës.

Kjo është hera e dytë që presidenti Meta shkon në Gjykatë Kushtetuese për këtë temë. Ai i kërkoi Gjykatës të shfuqizojë si antikushtetues ligjin special Fusha dhe të ndalet rrëzimi i Teatrit Kombëtar, deri sa Gjykata Kushtetuese të dalë me një vendim për ligjshmërinë e këtyre hapave nga qeveria.

“Përmes këtij akti, shqiptarët kudo janë, sot po rrezikohen të humbasin një pasuri publike me interes të lartë kombëtar. Me prishjen e tij, trashëgimia kulturore dhe identiteti kombëtar që mishërohet në këto godina, synohen të zhduken, dhe memorja jonë e përbashkët kolektive, të humbasë. Ky vendim i Këshillit të Ministrave vazhdon të bartë qëllimin antikushtetues për cenimin e pasurive pronë publike që janë të lidhura ngushtësisht me trashëgiminë kulturore kombëtare dhe identitetin kombëtar” – tha presidenti Meta.

Aleanca për Mbrojtjen e Teatrit kërkon restaurimin e ndërtesës historike 80 vjeçare.

Organizata “Europa Nostra” e ka futur Teatrin e Shqipërisë në listën e 7 objekteve kulturore më të rrezikuara dhe ka shprehur gadishmërinë ta restaurojë me fonde europiane.

Por qeveria dhe bashkia e Tiranës kanë thënë se teatri i ri është pjesë e planeve për zhvillimin e qytetit. Socialistët bënë një ligj special në parlament, që një firmë private ta ndërtonte objektin e ri, ndërsa tani këtë ndërtim e ka marrë përsipër vet bashkia. Këshilli bashkiak diskuton nesër për shembjen e Teatrit Kombëtar dhe ndërtimin e një të riu në të njëjtin truall.

“Qëllimi për shkatërrimin e godinave aktuale të kompleksit të Teatrit Kombëtar është vendosur dhe urdhëruar në mënyrë të detyruar nga Këshilli i Ministrave, ndërkohë që kryetari i Bashkisë Tiranë dhe Këshilli Bashkiak, mbetet vetëm që ta vendosin në ekzekutim këtë vullnet politik të Qeverisë dhe Kryeministrit. Ky akt i Këshillit të Ministrave përmban të njëjtën problematikë kushtetuese dhe të njëjtin rrezik sikundër dhe ligji special nr. 37/2018, që aktualisht është në shqyrtim nga Gjykata Kushtetuese. Të dy këto akte- ligji nr. 37/2018 dhe VKM nr. 377/2020, shprehin qartë të njëjtin qëllim politik: Prishjen e godinave ekzistuese të Teatrit Kombëtar, gjë e cila do të përbënte shkelje shumë të rëndë të parimeve kushtetuese që lidhen me identitetin dhe trashëgiminë tonë kombëtare, vlera këto të mbrojtura nga Kushtetuta e Republikës së Shqipërisë dhe aktet ndërkombëtare ku Republika e Shqipërisë ka aderuar apo i ka ratifikuar. Prandaj këto akte duhen shfuqizuar nga Gjykata Kushtetuese, e cila duhet të vendosë sa më shpejt edhe për pezullimin e ekzekutimit të tyre” – tha zoti Meta.

Policia bashkiake shkoi dje pranë Teatrit Kombëtar për të marrë objektin, që tani e tutje me vendim qeverie është pronë e bashkisë së Tiranës. Ky hap i policisë provokoi mbrëmë një tubim spontan të artistëve dhe qytetarëve që kundërshtojnë prej disa vitesh planet për të shembur Teatrin Kombëtar dhe për të ndërtuar aty një teatër të ri. Aleanca për Mbrojtjen e Teatrit ka më shumë se 9 muaj që po e mbron kompleksin historik të Teatrit Kombëtar 24 orë pa ndërprerje dhe po proteston prej më shumë se dy vjetësh, qysh nga shkurti 2018 për të penguar projektet e shembjes së Teatrit Kombëtar, ata kërkojnë që një teatër i ri mund të ndërtohet kudo tjetër në Tiranën 100 vjet kryeqytet, por jo mbi ndërtesës historike 80 vjeçare të arteve shqiptare. zëri i amerikës

Tensionohet situata tek Teatri Kombëtar, policia çon akt-konstatimin: Të lirohet godina. Edmond Budina: Kapni hunjtë!

Policia Bashkiake ka zbarkuar pasditen e sotme në godinën e Teatrit Kombëtar.

Pas vendimit të qeverisë për kalimin e Teatrit në pronësi të Bashkisë, kjo e fundit tanimë i kërkon artistëve të lirojnë godinën.

Në bazë të vendimit të qeverisë, Bashkia ka marrë në dorëzim zyrtarisht Teatrin Kombëtar, madje ka çuar edhe një ak-konstatim ku artistëve u bëhet me dije se Teatri është pronë e Bashkisë, dhe duhet të lirohet sa më parë.

 

“Teatri Kombëtar akoma nuk ka dalë nga lista e objekteve të mbrojtura. Kjo është një shkelje e ligjit. Ne do të mblidhemi dhe do të na ketë të gjithëve në Bashki”, u shpreh regjisori Robert Budina. “Erdhën katër-pesë policsë, pjesa tjetër rreth 20 vetë ishin civilë, donin të na bënin presion. Dhe u paraqitën me argumentin që kjo tashmë është pronë e Bashkisë”, tha një prej aktivistëve të mbrojtjes së Teatrit Kombëtar.

Pasditen e sotme Erion Veliaj u dërgoi policinë bashkiake për tu komunikuar  vendimin e kalimit të Teatrit Kombëtar në pronësi të Bashkisë.

Kjo ka tensionuar dhe situatën mes efektivëve dhe aktorëve që ndodheshin aty, por policia ja doli të ngjisë vendimin në derën e Teatrit për tu larguar më pas.

Regjisori, Edmond Budina, ishte i ashpër ndaj këtit veprimi duke u bëri thirrje kryebashkiakut të mos provojë ndërsa apeloi qytetarët të ngrihen në mbrojtje të Teatrit.

“Kujdes të mos derdhet gjak. Në pak minuta jemi shumë këtu dhe do të jemi shumë më tepër. Bëni kujdes dhe ruani mendjen, i bëj thirrje popullit të Tiranës të ngrihen dhe të marrin hunjtë”.

Kurti paralajmëron: Qeveria në detyrë deri në zgjedhje të reja

Kryeministri në detyrë, Albin Kurti ka paralajmëruar rezistencë për të qëndruar në qeveri deri në zgjedhje të reja.

Teksa një koalicion LDK, AAK, Nisma është gati për t’ia marrë qeverinë dhe do jetë Gjykata Kushtetuese do jetë ajo që do vlerësojë dekretin e Thaçit për mandatin e qeverisë së re, Kurti vijon me dëshirën e tij për zgjedhjet të parakohshme.

Sipas tij vërtet qeveria u rrëzua, por populli i ngrit kundër kësaj.

“Zgjedhjet e lira demokratike me masa mbrojtëse ndaj qytetarëve do të mbahet dhe ka parti tjera që po kërkojnë këtë. Qeveria do të vazhdojë të mbetet në detyrë deri në zgjedhjet e reja. Qeveria u rrëzua, por një popull i tërë u ngrit”, ka deklaruar Kurti.

Helsinki: Ndryshoni aktin normativ, ligji i lejon tubimet gjatë pandemisë

Komiteti Shqiptar i Helsinkit ka reaguar sot për ndalimin e protestave dhe tubimeve qytetarë gjatë pandemisë.

Në një deklaratë për mediat, KSHH shprehet se e drejta e protestës është e garantuar me ligj dhe nuk ka asnjë arsye për ndalimin e tyre, nëse respektohen masat për frenimin e pandemisë.

KSHH thotë se nuk ka asnjë arsye ligjore ndalimi i tubimeve qytetare.

“KShH mendon se, edhe në situatën e pandemisë që po kalojmë, tubimet (veç rasteve të parashikuara në ligj), nuk duhet të kufizohen dhe aq më tepër të ndalohet ushtrimi i kësaj të drejtë. Kjo nuk do të thotë të mos respektohen masat përkatëse kufizuese, siç janë distancimi fizik i protestuesve, përdorimi i mjeteve mbrojtëse prej tyre, etj”, thuhet në reagim.

Komiteti i Helsinikit argumenton se qeveria duhet të rishikojë aktin normativ kundër lirive dhe të drejtave të njeriut.

“Në vlerësimin e KShH-së, ka vend të rishikohet formulimi në aktin normativ nr.3, të datës 15.03.2020 “Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga COVID-19”, miratuar me ligjin nr. 24/2020. Në këtë dispozitë parashikohet se subjektet apo individët që organizojnë zhvillimin e aktiviteteve publike dhe jopublike, si aktivitete sportive, kulturore dhe konferenca, apo grumbullimet masive në vende të mbyllura apo të hapura, si koncerte, tubime dhe dëgjesa publike, dënohen me gjobë në masën 5 000 000 (pesë milionë) lekë për organizatorët dhe ndalimin e aktivitetit. KShH vëren se bazuar edhe në praktikat e vendeve të tjera demokratike të Evropës, ku janë lejuar tubimet që respektojnë distancimin fizik dhe me masa mbrojtjese, kjo dispozitë vlen të rishikohet për të evituar interpretimet e ndryshme dhe subjektive dhe për të garantuar të drejtën themelore të tubimit dhe lirinë e organizimit ndaj çdo qytetari që respekton masat mbrojtëse”, thuhet në reagimin e Komiteti Shqiptar të Helsinkit.

Më 9 maj, Policia shpërndau me dhunë dhe arrestoi protestuesit që dolën në sheshin “Skënderbej” kundër masave bllokuese dhe për mbrojtjen e Teatrit Kombëtar./ dita

BERZH: Shqipëria me rënien më të madhe ekonomike në Ballkan

Vendet e Ballkanit do të bien në recesion gjatë vitit 2020 për shkak të krizës së koronavirusit, me Shqipërinë e cila sipas parashikimeve të Bankës europiane për Rindërtim e Zhvillim (BERZH), do të pësojë tkurrjen më të madhe, ndërsa rritja e ekonomisë së saj do të zbresë në -9 përqind të Prodhimit të Brendshëm Bruto.

Sipas raportit të publikuar sot “ekonomia shqiptare do të preket ndjeshëm nga epidemia si pasojë e varësisë së saj së lartë nga turizmi dhe fasoneria. Një reduktim i pritshëm i dërgesave nga emigrantët do të ndikojë gjithashtu në rënie”, vlerëson raporti sipas të cilit “rimëkëmbja do të varet nga lehtësimi gradual i masave në vend për ndalimin e përhapjes së virusit dhe kthimi në normalitet në gjysmën e dytë të vitit”. Sipas parashikimeve të BERZH-it, ekonomia shqiptare mund të njohë një rimëkëmbje të shpejtë, duke u rritur me 12 përqind në vitin e ardhshëm.

Sa i përket Kosovës, e cila vitin e kaluar rregjistroi rritjen më të lartë në rajon, BERZH-i parashikon se “efektet e masave që synojnë kontrollimin e pandemisë, dhe një rënie të mundshme të dërgesave në para, pritet të rezultojnë në një rënie të PBB-së prej 5.0 përqind në vitin 2020, për t’ju rikthyer një rritjeje pozitive prej 7.5 përqind në 2021”.

Vendet e Ballkanit Perëndimor, sipas raportit, do të preken nga kriza e koronavirusit përmes kanaleve të ndryshme. “Sektorët e shërbimeve, veçanërisht Ndërmarrjet e vogla dhe të mesme, do të ndiejnë efektin e masave bllokuese përmes rënies të të ardhurave. Bosnje-Hercegovina, Maqedonia e Veriut dhe Serbia, të cilat kanë baza të forta prodhuese, mund të goditen më së shumti përmes prishjes së zinxhirëve të furnizimit global”. Ndërsa Mali i Zi, si;undër dhe Shqipëri, pritet të goditet fort në sektorin e turizmit, për shkak të kufizimeve në lëvizjen e personave. zëri i amerikës

”Nuk njoh asnjë oligark”, Alibeaj numëron ligjet: Ja vendimet që e bënë Ramën ndër më të pasurit në Europë

Kryeministri Edi Rama e tha sot se nuk ka asnjë oligark në Shqipëri dhe se personalisht ai nuk ka njohur ndonjë të tillë por ish- deputeti dhe ish- ministri i PD, Enkelejd Alibeaj i është përgjigjur me disa ligje që sipas tij u qepën vetëm për oligarkët nga mazhoranca.

Alibeaj thotë se Koorporata e Investimeve, Investitori Strategjik, rrugët me koncesione, Unaza e Re dhe koncesionet në shëndetësi janë të gjitha ligje të dedikuara për oligarkët.

Madje ish- deputeti thotë se pikërisht këto ligje e bënë Ramën një nga njerëzit më të pasur në Europë.

STATUSI NGA ENKELEJD ALIBEAJ

Sa i kalbur duhet tē jetē Edi Rama qē tē arrijē deri atje sa tē thotē se e zeza nuk ēshtē e zezē, se nē Shqipēri nuk paska oligarkē?!

Njeriu qē e nis ditēn duke bērē llogari sesa do tē vjedhē me oligarkun e karburanteve, sa leje ndērtimi do tē japē pēr oligarkun e ndērtimeve, sa do tē pērfitojē nga shembja e Teatrit dhe ngritja e kullave, sa taksa do t’i heqē oligarkut tē kudogjendur e kēshtu me radhē me çdo pasuri qē ia ka falur njē grushti oligarkēsh, bēn çdo gjē pēr tē mashtruar shqiptarēt qē i rropi nga taksat pēr 7 vjet dhe tani i ka braktisur pa asnjē qindarkē ndihmē.

Disa vendime tē qepura pēr oligarkēt, qē e kanē bērē Edi Ramēn njē ndēr njerēzit mē tē pasur nē Europē.

• Ligjin e Korporatēs sē Investimeve pēr tē shtetēzuar tokēn dhe pēr t’ua dhēnē privatēve pēr ndērtim ia diktoi njē oligark.
• Ligjin e Investitorit Strategjik pēr t’u falur tokat nē bregdet privatēve e bēri sipas porosisē sē njē okigarku.
• Dhēnien me Koncesion tē rrugēve ia diktoi njē oligark tjetēr.
• Unazēn e Re me 20 milionē euro kilometrin e bēri nē favor tē oligarkēve.
• Koncesionet nē shēndetēsi ua shpērndau okigarkēve

Ramavirusi êshtê kryetari dhe ideologu i njê pakice qê hiqen si sipērmarrēs, por qê nuk prodhojnē. Puna e tyre e pērditshme ēshtē biznesi me qeverinê pēr tē zhvatur e varfēruar shqiptarēt dhe Shqipērinē.

Ramavirusi ēshtē ai qê parlamentin e ktheu nê noter tê ligjeve me emêr oligarku dhe zyrat e oligarkēve i shndērroi nê Ministri Financash, Ekonomie, Energjitike dhe Infrastrukture.

Gjithçka nē qeverisjen e Edi Ramēs ēshtē pēr oligarkēt. Asgjē pēr qytetarēt. Pandemia e provoi kētē sērish, prandaj na duhet ta largojmē kryeministrin e oligarkēve dhe tē varfērisē sē shqiptarēve. E kemi pēr detyrē historike tē rikthejmē shpresēn dhe tē vlerēsojmē konkurencēn e lirē, tregun e lirē, ndershmêrinê nê vend tê oligarkisê. bw

Shqipëri, Sondazhi: Besim i ulët i qytetarëve ndaj gjithë institucioneve shtetërore e politike

Ilirian Agolli

Instituti për Demokraci dhe Ndërmjetësim publikoi sot në Tiranë Sondazhin e Opinionit Publik mbi Besimin në Qeverisje.

Sondazhi zbuloi një besim të ulët të qytetarëve ndaj gjithë institucioneve shtetërore e politike në vend, si dhe tek reforma në drejtësi.

Në raport thuhet se një në dy shqiptarë duan të ikin nga vendi dhe perceptimi i tyre për korrupsionin shtetëror mbetet i lartë.

Sondazhi i Institutit për Demokraci dhe Ndërmjetësim u shtri në 61 bashki të vendit mblodhi vlerësime të ulëta nga qytetatër për nivelin e besimit tek qeveria, parlamenti, presidenti, partitë politike dhe tek drejtësia.

Të anketuarit kanë shprehur më shumë besim tek organizmat ndërkombëtare, si NATO, OKB, dhe BE se sa tek ato vendase.

Ndërsa brenda vendit më shumë besim kanë tek institucionet fetare, ushtria, arsimi dhe shoqatat.

“Shumica e qytetarëve e konsiderojnë qeverinë qendrore dhe vendore si jotransparente apo të përgjegjshme. Gjatë tre viteve të fundit ata perceptojnë një rënie të transparencës dhe llogari-dhënies nga qeveria qendrore dhe ajo vendore” – thuhet në raport.

Mbi 85 për qind e të anketuarve pohojnë se korrupsioni i nivelit të lartë dhe atij të ulët është një dukuri e përhapur gjerësisht në shoqërinë shqiptare.

Sipas tyre, institucionet më të korruptuara janë drejtësia, spitalet, dhe qeveria, e më pas janë parlamenti, policia dhe bashkitë.

Shumica e të anketuarve nuk kanë besim në ndëshkimin e korrupsionit të niveleve të ulëta dhe atyre të larta.

“6 nga 10 shqiptarë nuk besojnë në ndëshkimin e korrupsionit të vogël, ndërsa 7 në 10 shqiptarë nuk besojnë në ndëshkimin e korrupsionit të madh” – thekson raporti.

Prokuroria e përgjithshme dhe gjykatat shihen si institucionet më pak të pavarura për të tretin vit rresht.

“Mbi 60 për qind e shqiptarëve besojnë se axhenda e gjykatave ndikohet shumë nga interesat politike, ndërsa prokurorinë e vlerësojnë si shumë të ndikuar nga interesat politike” – thuhet në përfundimet e sondazhit.

Pjesëmarrja e shqiptarëve në demonstrata, tubime dhe peticione mbetet relativisht e ulët. Një pjesë e madhe kanë humbur shpresat se mund të ndikojnë në jetën e vendit, duke ëndërruar një jetë më të mirë në emigrim. “Të paktën 6 nga 10 të anketuarve pohojnë se dëgjesat publike janë takime formale, ku sugjerimet nga grupet e interesit për projektligjet nuk merren parasysh” – thekson raporti.

“Pothuajse 1 në 2 shqiptarë duan të largohen nga Shqipëria. Ata që mendojnë kështu u përkasin grupe me të ardhura të larta, me arsim universitar, si dhe gratë dhe të papunët” – thuhet në studim.

Dyshimet dhe mosbesimi i qytetarëve shtrihen edhe mbi reformën në drejtësi. Sipas sondazhit, afro 1 në 2 shqiptarë besojnë se reforma në drejtësi do të ketë ndikojë pozitivisht në zhvillimin e vendit, por gjysma tjetër pohojnë se reforma nuk po kryhet me korrektësi.

Mosbesimin më të madh ndaj reformës në drejtësi e kanë moshat deri në 30 vjeç, të arsimuar e në fillim të karrierës.

Ata u shprehën se “reforma po bëhet sa për sy e faqe”, se “ajo nuk ka ndikim të vërtetë”, se “kjo reformë është proces selektiv, ku po ndëshkohen disa për t’u shërbyer atyre, që kanë mbështetje të fuqishme”.

Reforma në drejtësi perceptohet si proces politik e jo thjesht si proces ligjor. Pjesëmarrësit mbi 55 vjeç raportuan ndikim të kufizuar pozitiv të reformës, sepse sipas tyre, “procesi është i lidhur me interesa të caktuara politike”.

Edhe media vendore, si “pushtet i katërt”, ka fituar rreth vetes një mosbesim të konsiderueshëm.

Sondazhi gjeti se televizioni mbetet burimi mediatik më popullor për marrjen e lajmeve të fundit, veçanërisht për brezat në moshë të madhe, të punësuarit dhe për banorët e zonave rurale.

Por televizioni ndiqet më pak nga të rinjtë dhe nga qytetarët me nivel të lartë të ardhurash.

Të anketuarit nga të gjitha grupet demografike shpesh shprehen se nuk besojnë që media jep informacion të saktë.

Të anketuarit nga moshat e mëdha shprehin besim më të lartë tek institucionet, krahasuar me moshat e reja, të cilat janë veçanërisht mosbesuese ndaj tre degëve të qeverisjes: ekzekutivit, gjyqësorit dhe legjislativit.

Nëpunësit publikë të anketuar shprehin më shumë besim te institucionet se sa të papunët.

Anketat e të punësuarve në sektorin publik janë në kontrast të madh me ato nga të punësuarit në sektorin privat, nga të anketuarit e papunë, dhe ata me paga të ulëta, vëren studimi.

Gentiana Sula: ‘5 Maji’ mund të rishihet, ka narrativë të para 1990-ës

Fatmira Nikolli – Kryetarja e Autoritetit për Dosjet e  ish- Sigurimit të shtetit, Gentiana Sula, bën rezymenë e vitit që lamë pas, duke u ndalur te ngjarjet që e shenjuan atë. “Fjala që e përmbledh është se kemi qenë produktiv,  kemi prodhuar, kemi realizuar, por nuk ka qenë vit i thjeshtë, sepse tërmeti dëmtoi disa prej objekteve që ne punojmë, arkivin te Shkolla e Qenve, zyrat tona këtu. Megjithatë pozitive qe ndihma e qeverisë suedeze nga ana strukturore, që këtë vit mendojmë ta bëjmë gati”,-thotë Sula.



VERIFIKIME

Ajo ndjen të nevojshme të sqarojë edhe njëherë, dy shtyllat kryesore të punës së Autoritetit, që gjatë vitit që shkoi është përballur edhe me verifikimin e emrave të sistemit të drejtësisë.

“Dy kanë qenë objektivat kryesorë, përditshmëritë e institucionit, ridimensionimi i viktimës, heqja e baltës, e kthimi i dinjitetit të hequr dhe  e dyta lustracioni moral. Institucioni nuk është institucion lustrimi. Komuniteti politik ka vendosur të na bëjë  një institucion informimi”, thotë ajo. Sipas Sulës, shumë institucione kanë kërkuar informacion pranë Autoritetit. “Do ishte mirë që të ishin të gjitha.  Do ishte e udhës që çdo kandidat për pozicione të larta të kalonte nga ne.  Për reformën në drejtësi të gjithë emrat që kanë kaluar kanë qenë kandidatë për funksione drejtuese në KLGJ, KLP, Gjykatë Kushtetuese,  Gjykatë të lartë. Çdo emër për këto pozicione është verifikuar nga ne”, sqaron kryetarja e Autoritetit të Dosjeve të Ish-Sigurimit të Shtetit.

Megjithatë, Sula,  bën dallimin mes verifikimit të emrave në dosjet e Sigurimit nga institucioni që ajo drejton dhe vendimmarrjen për ta, nga institucionet të tjera të shtetit shqiptar, kur thotë se  “që të gjesh dokument  në fondin i ish-Sigurimit është informacion, por i takon atyre që merren me analizën për rolin që ka pasur personi. Vetë ekzistenca e institucionit ka fuqi të madhe parandaluese”. Me këtë, Sula lë të kuptohet, se Autoriteti bën vetëm verifikimet, ndërsa vendimet merren nga institucione të tjera.

Në vazhdën e verifikimeve, kryetarja e Autoritetit, Gentiana Sula,  ndalet edhe te Policia e Shtetit. “Kemi verifikuar të gjithë emrat për vetingun e policisë, kundrejt rolit që kanë  pasur në Sigurimin e Shtetit”, thotë ajo.

Megjithëkëtë, 2019-a ka qenë një vit i gjatë. Edhe për shkak të ndjeshmërisë publike ndaj reformës në drejtësi, në debate është përshirë edhe Autoriteti i Dosjeve, për çka ajo ndalet. “Mendoj  që kemi qenë shumë konsekuent dhe integritet maksimal. Nuk kam ndjerë kontestim publik për ndonjë nga vendimet tona. Subjektet janë të lirë t’i drejtohen gjyqit dhe ne kemi 8 gjyqe të hapura”.

DREJTËSIA E RE

Ndërsa prej vitesh hidhen themelet  e drejtësisë së re, Shqipëria ende nuk ka arritur të  lajë hesapet me të kaluarën. Trupat e 6 mijë shqiptarëve të zhdukur në diktaturë, nuk dihet ende ku janë dhe familjet vijojnë kërkimin e dëshpëruar.

“Te ekspozita e fundit në dhjetor, shfaqëm profilet e të zhdukurve dhe familjeve dhe përpjekjeve për t’i dhënë drejtim. Ekspozuam për herë të parë me një instalacion të madh të hartës vendvarrimet e vend ekzekutimet e fshehta që janë raportuar përmes aplikacioneve. Aplikacioni ka rreth 73 vendvarrime që janë të qarta dhe aplikacione i individëve ka 600 persona që kanë dhënë të dhëna për familjarët e tyre të zhdukur”,-thotë ajo.

NGERÇI  LIGJOR

Ngërçi i madh që pengon ende gërmimet për gjetjen e trupave të të ekzekutuarve nga regjimi komunist është ligjor. Demokracia e 30 viteve nuk ka mundur të sigurojë  leje për gërmime dhe mundësi identifikimi të eshtrave.

“Kombet e Bashkuara kanë ardhur dhe kanë bërë raport shqetësues që institucionet nuk po munden ta trajtojnë këtë çështje, edhe si qytetare edhe si titullare është e pafalshme që institucionet nuk po arrijnë ta gjejnë një zgjidhje të mirë ligjore e teknike. Nuk bëhet fjalë vetëm për viktimat e komunizmit, por edhe për një kapacitet institucional që mungon. Cila është mundësia e institucioneve, mjekësisë ligjore, policisë shkencore, si veprojnë institucione në ansambël e prokuroria që ta bëjnë këtë”- tregon kryetarja e Autoritetit të Dosjeve.

Sula e ka parashtruar problemin në parlament dhe në prokurori, duke ju sjellë edhe shembullin polak.

“Është pozitive që edhe në parlament, vumë re po ndiqet dhe janë të shqetësuar dhe kërkojnë që  ti japin zgjidhje sa më parë. Edhe prokurorët janë të shqetësuar që nuk ia dalin dot dhe në analizë të përbashkët,  është evidentuar që mungojnë përkufizimet e trupave të pagjetur të komunizmit dhe detyrimet të përcaktuara me ligj. Në Poloni, drejtori i institucionit si i jonë ka kompetencë dhe prokurorë që lëshojë leje për gërmime, investigimin e rastit, lëshojnë urdhrat e gjetjes dhe u referojnë policisë shkencore” shpjegon ajo.

Por a do të gjendet zgjidhje pas 30 vitesh, ndërsa institucionet ngrenë supet për moskompetencë?  Për Sulën, “nuk na duket e pamundur. Pala polake u shpreh e gatshme të vijë të bëjë një punëtori me gërmim në vend. Por është një partner si Komisioni Ndërkombëtar i të Zhdukurve dhe këtë vit uroj të ecim një hap para qoftë me  kërkime arkivore. Jo vetëm te ne, por në të gjitha arkivat e rrjetit”.

DEBATI I 5 MAJIT   

Ndërsa 5 maji ringjalli zërat e dyzuar mbi raportin me të shkuarën, Sula, kërkon një zgjerim të perceptimit mbi dëshmorët.  “Do doja që publiku ta shohë përgjigjen time si përgjigja e një veprimtareje në fushën e memories. E shoh që ka punë të munguara për memorien. 5 maji është dita e dëshmorëve vihet re që ka inerci për fokusimin vetëm të dëshmorët e Luftës së Dytë Botërore. Gjë që nuk mendoj se është e nevojshme, sepse koncepti i dëshmorit është më i gjerë se kaq, bëhet  fjalë për të gjithë ata që japin jetën për liri, në mbrojtje të sovranitetin, gjuhës, sigurisë publike,  ata që luftuan për jetën e Kosovës, dhe jo vetëm shqiptarë, por edhe të huaj. Mendoj ta ngremë lart lavdinë e dëshmorëve edhe të Luftës së Dytë Botërore, por pa lënë mënjanë asnjë dëshmor”, propozon ajo.

Përtej emrave, ajo që duket e domosdoshme është edhe mënyra se si i njohim dhe si na janë prezantuar. Pyetja e madhe mbetet, nëse historiografia komuniste vlen më sot.  “Vë re që në memorien e Luftës së dytë Botërore, kemi mbetur te format dhe narrativat e para 1990-ës ndërkohë që kanë kaluar 30 vjet. Pyes ata që mund të bëjnë diçka. A mendojnë se janë mjaftueshme mesazhet e dhëna dikur, në format e dikurshme për rininë e sotme? Do doja të kishim publikime të reja, dokumentarë të rinj, të vinin në fokus ngjarjet e lavdishme,  rezistencën antifashiste, të vërteten të besueshme”. Për Gentiana Sulën, rishikimi duhet të nisë që nga institucionet shtetërore e zyrtare, që ende ruajnë formën e përmbajtjen e vjetër: “Në muzetë e rretheve vë re narrativa të vjetra e të ideologjizuara, do ishte me nder të atyre që kanë bërë sakrificën sublime të sillen në logjikën e kohës e në kontekstin e një shoqërie demokratike, që ka pluralizëm. Por jo vetëm dëshmorët komunist. Kohët e fundit flitet edhe për britanikët që kanë vdekur në Shqipëri. Të mos mbetemi peng i narrativës ideologjike”.

Studiuesi Erald Kapri ka propozuar që si ditë dëshmorësh të jetë ajo e vrasjes së Isa Buletinit dhe jo 5 maji, që shënon vrasjen e Qemal Stafës, pjesë e Partisë Komuniste. Sula gjen vend për reflektim. “Mund të ishte edhe 7 prilli, ka pasur ide të tjera. Mund të kërkohet për një datë  me domethënie kombëtare, mund të jetë datë përbashkuese, por mund të mbetet edhe 5 maji. Qemal Stafa është  një figurë idealiste, që kërkon progres shoqëror, ka sakrifikuar jetën”.

MENDIMI POLITIK I SË MAJTËS

Por figurat e Luftës së Dytë botërore mbeten të debatueshme edhe për shkak të pozicionimit të tyre politik në kohë të errëta. Perceptimi i  përgjithshëm e njeh të majtën e kohës vetëm si komuniste, ndërsa studime të fundit, po tregojnë të kundërtën. “Në përgjithësi ata që janë formuar në diktaturë, meqë mendimi ndryshe ishte herezi, është krijuar ideja që njerëzit kanë menduar të gjithë në rresht, por vihet re që ka njerëzve me ngritje intelektuale dhe me mendime për vendin, janë filozofë. Vëmë re që ka pasur larmi të mendimit politik në elitë ndaj na lindi ideja ta zbërthenim mendimin politik, nisim me Musinenë (Kokalarin) që shpërfaqi mendim të fortë politik socialdemokrat. Bëmë dy projekte, mendimi politik i së majtës dhe për të majtën na u përgjigj ‘Fridrih Ebert dhe janë përzgjedhur 10 figura që po zbërthehen nga studiuesit”, tregon Sula.

Me rastin e 100-vjetorit të Tiranës kryeqytet, në fokus është elita e harruar që vuajti nën regjimin komunist. Ajo thotë se do të hidhet dritë mbi figurat e intelektualëve që u lanë në hije e u persekutuan, janë Mustafa Greblleshi, gazetari Xhemal Farka, janë klerikë që janë vendosur në Tiranë, janë gra e burra nga 300 familje të dëgjuara. Një përkujtim i figurave më të qenësishme tiranase, do të rrëzojë edhe paragjykimet dhe perceptimin e krijuar për to nga letërsia e propaganda komuniste.  “Tirana kryeqytet, 50 vite i pati në diktaturë dhe ka pasur konfiskime e shfrytëzime. Ka pasur zënie hapësirash, spostim elitash për t’i bërë vend elitës së re që okupoi skenën politike, e kërkoi  që kjo propagandë të ishte e egër për komunitetit vendas. Në kushtet e mungesës së fjalës së lirë, ishte një zë i padëgjuar ky komunitete”,-shprehet Sula.

Por ajo që i vështirëson projektet dhe jehonën në opinionin publik, mbetet izolimi dhe masat e marra për shkak të pandemisë së koronavirus.  “Kemi improvizuar e kemi qenë fleksibël. Pjesa e takimeve publike natyrisht që do lihet për një kohë tjetër, për Tiranën kishim parashikuar një ekspozitë, që do të ndodhë në formë virtuale”, tregon ajo.

PARALELE QË TAKOHEN

Si titullare e një institucioni që merret me dokumentet mbi presionin, mungesën e lirisë dhe mohimin e të drejtave, ajo gjen paralele të së shkuarës komuniste, me të tashmen pandemike. “Bëhen, bëhen paralele. Por janë për shkaqe të ndryshme. Prevalon e drejta e jetës,. Unë vetëm jam biologe. Është e përkohshme, ndodh në kontekstin e një shoqërie demokratike, por natyrisht nuk mund të mos ta kujtojë të shkuarën”, shprehet Sula.  Dhe në kushtet kur mbyllja ka qenë më e ashpër për moshat e treta, Autoriteti ka marrë një nismë për t’ju gjendur pranë ish të përndjekurve politikë në vend, si një prej shtresave më të prekura nga izolimi i dykohshëm.  “Ajo që na erdhi në mendje që në fillim kur ndodhi izolimi dhe kur u pa që Covidi targeton moshën e tretë, ata për ne janë të rëndësishëm se janë kujtesa. Ata që punojnë me ne duhej të izoloheshin dhe nuk e meritojnë se e kanë vuajtur, por menduam për një mënyrë. Vendosëm t’u blejmë latptopë që të jeni produktivë”. Sula është shpresëplotë për të ardhmen.

Teatri Kombëtar, Presidenti Meta njofton tjetër padi në Kushtetuese

Pasi u njoha me përmbajtjen e vendimit të Këshillit të Ministrave nr.377, datë 8 maj 2020, botuar me urgjencë në Fletoren Zyrtare nr.83, datë 8 maj 2020, përcjell me forcë këtë mesazh drejtuar autoriteteve shqiptare.

Çdo veprim apo vendim për të cenuar godinat e Teatrit Kombëtar është jashtë çdo llogjike të funksionimit të shtetit të së drejtës dhe sundimit të ligjit në Shqipëri dhe do të dhunonte në mënyrë kriminale rendin kushtetues, në kundërshtim të plotë edhe me interesin publik dhe kombëtar.

Këshilli i Ministrave dhe Bashkia e Tiranës, duhet të mos ndërmarrin asnjë veprim të mëtejshëm që cenojnë kompleksin e godinave të Teatrit Kombëtar.

Vijimi i kësaj veprimtarie shtetërore për prishjen e godinave të Teatrit Kombëtar në këtë moment, do të dëmtonte rëndë imazhin dhe kredencialet e vendit tonë në arenën ndërkombëtare dhe familjen europiane, sidomos në kushtet kur objekti i Teatrit Kombëtar në datën 24 mars 2020 është listuar në objektet e trashëgimisë europiane, duke shënuar kështu udhëtimin europian të kësaj qendre të kulturës shqiptare dhe identitetit tonë kombëtar.

Organizata Europa Nostra e mbështetur nga Këshilli i Europës dhe Parlamenti Europian e ka vlerësuar këtë godinë, duke kërkuar ndërprerjen e çdo veprimi mbi të nga institucionet shqiptare.

Ti kundërvihesh një mbështetje të Bashkimit Europian në Ditën e Europës, është sinjali më i keq i bashkëpunimit dhe mbështetjes së vlerave për të cilat kemi 30 vjet që përpiqemi të përqafojmë.

Çdo veprim i mëtejshëm dhe mungesa e reflektimit mbi këtë çështje e detyron Presidentin e Republikës që në ditët në vijim të paraqesë një kërkesë të re pranë Gjykatës Kushtetuese, për shpalljen antikushtetues jo vetëm të ligjit special nr. 37/2018, por tanimë edhe të Vendimit nr. 377, datë 8 maj 2020 të Këshillit të Ministrave, apo të çdo akti tjetër të lidhur me të.

Mbetem shpresëplotë në një reflektim që na bashkon në këto kohë të vështira që po kalon vendi.

Rama: Shumë shpejt projektligji për kultivimin e kanabisit mjekësor

Kryeministri Edi Rama lajmëroi se brenda pak kohësh do të jetë gati drafti i cili lejon kultivimin e kanabisit për arsye mjekësore.

“Kemi thuajse një vit që punojmë për këtë. Edhe pak do të jetë gati. Nuk bëjmë asnjëherë një punë të pa konsultuar me ekspertë vendas dhe të huaj, dhe ekspertë të huaj të nivelit të lartë. Por gjëja kryesore është konsultimi me eksperienca të tjera. Nuk kemi ardhur të shpikim, por të mësojmë sa më shumë. Shumë shpejt drafti do të jetë gati dhe do të hapet për diskutim publik”, u shpreh Rama.

Ai tha se do të ndodhë ashtu sikundër drafti i amnistisë fiskale i cili fillimisht po diskutohet me disa institucione ndërkombëtare.

Deklarata e kreut të qeverisë u bë gjatë konferencën me ambasadorin Luigi Soreca, në kuadër të ditës së Europës. dita

SPAK: Po hetojmë 10 ish-gjyqtarë të Gjykatës së Lartë dhe Kushtetuese

Prokuroria e Posaçme Kundër Korrupsionit dhe Krimit të Organizuar deklaron se po heton 10 ish-gjyqtarë të Gjykatës së Lartë dhe Kushtetuese që u shkarkuan nga vettingu për fshehje të pasurisë.

Deklarata e plotë e SPAK-ut
Mbi kallëzimin penal kundër disa subjekteve ish-gjyqtar dhe ish-prokurorë të shkarkuar nga detyra nga Komisioni Pavarur i Kualifikimit. Në Prokurorinë e Posaçme
Kundër Korrupsionit dhe Krimit të Organizuar, në datën 28.04.2020, është regjistruar kallëzimi penal Nr. 91, i paraqitur nga shtetasi Fran Dashi, kundër 20 shtetasve me funksion ish – gjyqtarë dhe ish – prokuror pranë gjykatave të shkallës së parë, apelit, Gjykatës së Lartë, Gjykatës Kushtetuese, si dhe prokurorive te ndryshme, për veprat penale të parashikuara nga nenet 143, 143/a/6,180, 181, 248 dhe 257/a të Kodit Penal. Objekt kallëzimi janë deklarimet e kryera nga këta subjekte para Komisionit të Pavarur të Kualifikimit dhe vendimet e shkarkimit të tyre nga KPK-ja.

Prokuroria e Posaçme Kundër Korrupsionit dhe Krimit të Organizuar ka vlerësuar materialet e kallëzimit në raport me përcaktimet e neneve 75/a dhe 78 të Kodit të Procedurës Penale dhe ka arritur në konkluzionin se jo të gjithë subjektet e kallëzuar janë në kompetencë të Prokurorisë së Posaçme. Nisur nga kjo është ndarë materiali kallëzues në ngarkim 10 të subjekteve, duke ia dërguar për kompetencë dhe vlerësim prokurorive kompetente në lëndë dhe territor, e pikërisht Prokurorive Durrës,Tiranë dhe Elbasan.

Ndërkohë për 10 subjekte, me funksion ish-gjyqtarë të Gjykatës së Lartë dhe Gjykatës Kushtetuese, në Prokurorinë e Posaçme është regjistruar proçedimi penal Nr.137/2020, për veprën penale “Refuzimi për deklraimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publik ose i çdo personi tjetër që ka detyrimin ligjor për deklarim”, të parashikuar nga neni 257/a i Kodit Penal.

Dekani i FSHS, Prof. Dr.Edmond Rapti i kërkon rektorit të UT Mynyr Koni shfuqizimin e vendimit për largimin nga puna të pedagoges Majlinda Keta

 

voal.ch – Ka reaguar menjëherë Dekani i Fakultetit të Shkencave Sociale, Prof. Dr.Edmond Rapti ndaj zgjidhjes të kontratës të punës të Dr.Majlinda Keta pedagoge pranë Departamentit të Filozofisë në këtë fakultet nga rektori i Universitetit të Tiranës Mynyr Koni.

Dekani kërkon shfuqizimin e vendimit pasi sipas Dekanit të Shkencave Sociale ky vendim bie në kundërshtim flagrant me disa nene në Ligjin 80/2015 dhe statutin e  Universitetit të Tiranës.

Më poshtë po i sjellim lexuesit kopjen e letrës ku Dekani i drejtohet Rektorit, në të cilën detajon faktet ku Rektori ka shkelur ligjin.

Dekani po ashtu vlerëson punën me shumë korrektësi të pedagoges Majlinda Keta.

 Të njëjtim reagim refuzues ndaj vendimit të Rektorit kanë pasur edhe 4 dekane te tjere:

Prof.dr Dhori Kule, dekan i Fakultetit Ekonomik per anetarin e KIZ, Bernard Dosti,

zev. Rektorin Prof. Dr Artur Sula, Dekan i Fakultetit të Gjuheve te Huaja per anetaren Egla Gishti;

Prof. Dr Sabri Laci, Dekan i Fakultetit te Histori Filologji per anetarin Ardian Doka;

Prof.Dr Artan Hoxha, Dekan i Fakultetit të Drejtesise per anetaren Orjona Mucollar, njekohesisht dhe zev.dekane e ketij fakulteti.

Pra per te 5 te pushuarit, deakanet kanë refuzuar vendimin duke e shpallur të paligjshëm vendimin e Konit.

 

Gjykata Europiane pranon skemën e re të qeverisë për kompensim të ish-pronarëve në Shqipëri

Gjykata Europiane për të Drejtat e Njeriut shpalli sot njëzëri si të papranueshme “Çështjen Beshiri kundër Shqipërsisë” dhe 11 çështje të tjera të ngjashme pronash, duke pranuar skemën e re të kompensimit të ish-pronarëve në Shqipëri si një mjet ligjor efektiv.

Këto ishin kërkesat e para, të cilat po shqyrtoheshin pas hyrjes në fuqi të Ligjit për Trajtimin e Pronës, pra nevojitej një shqyrtim imtësishëm i masave të marra nga Qeveria.

Gjykata nuk e pranoi argumentin se Ligji për Trajtimin e Pronës sillte një shkelje të parimit të sigurisë juridike përsa i përket të drejtës së kompensimit.

“Autoritetet shtetërore – tha Gjykata – gëzonin një hapësirë të gjerë në përcaktimin e mënyrave të zgjidhjes së problemit për shkelje të të drejtës së pronës”.

Ajo vendosi se efektiviteti i mjetit ligjor nuk cënohej nga mënyrat e zgjidhjes së problemit, të cilat ishin parashikuar në Ligjin për Trajtimin e Pronës.

Gjykata theksoi se ishin për t’u shqyrtuar thuajse 7 mijë kërkesa të patrajtuara për njohje të së drejtës së pronësisë.

Të gjithë kërkuesit e 12 proceseve gjyqësore zotërojnë vendime përfundimtare administrative, të cilat njohin të drejtën e kompensimit, në vend të kthimit të pronave, që ishin konfiskuar ose shtetëzuar nga regjimi komunist. Megjithatë, ato vendime përfundimtare nuk janë ekzekutuar asnjëherë në mënyrë të plotë.

Ish-pronarët kërkues pretenduan se ata nuk mund të detyroheshin të përdornin një mjet ligjor, i cili kishte hyrë në fuqi shumë vite pasi ata kishin regjistruar kërkesat pranë Gjykatës.

Ata pretendonin se zbatimi prapaveprues i Ligjit për Trajtimin e Pronës përbënte një shkelje të parimit të sigurisë juridike.

Sipas tyre, kompensimi që pritej të përfitonin do të ishte shumë më i vogël në krahasim me atë që parashikohej të merrnin sipas legjislacionit të mëparshëm.

Me ligjin e ri kompensimi do të bazohej në zërin kadastral që kishte prona në kohën e shpronësimit dhe jo në zërin aktual kadastral të pronës.

Qeveria i tha Gjykatës se Ligji për Trajtimin e Pronës krijoi një mjet të brendshëm ligjor dhe vuri në dizpozicion burime të konsiderueshme për Fondin e Kompensimit për ish-pronarët. ndërsa Agjencia e Trajtimit të Pronave kreu vlerësimin financiar të më shumë se 25 mijë vendimeve.

Shoqata e ish-pronarëve “Pronësi me Drejtësi” i tha Zërit të Amerikës se ende po studionin vendimin e Gjykatës. Një përfaqësues i saj tha se së shpejti do të dilnin me një reagim mbi këtë vendim.

Parlamenti shqiptar miratoi në vitin 2015 Ligjin për Trajtimin e Pronës dhe Përfundimin e Procesit të Kompensimit të Pronave, me qëllim që të përfundonte shqyrtimin e kërkesave për njohjen e pronave të konfiskuara dhe të rregullonte dhe jepte kompensim për to.

Po sikur nuk shkon qe te jesh TI gjithmone e para o Alketa…. Nga Adriatik Riza Dosti

….Ky virus e kjo semundje sikur i beri mire njerezimit …u shpreh sot publikisht moderatorja kontraverse shqiptare Alketa Vejsiu …duke u bere keshtu personi i pare publik jo ne Shqiperi por ne krejt Boten qe ende po vuan pasojat e cmendura te covid 19 kinez …qe i del ne mbrojtje semundjes vdekjeprurese qe deri me sot ka infektuar gati 3.5 milion njerez e ju ka marre jeten reth 250 mije te tilleve…

Pra Alketes se dale mendsh i interesojne e i pelqejne me shume Ajri i paster e Qielli blu i tanishem se sa te shprehet disi e trishtuar te pakten si qenie njerezore ( nese sigurisht ende vazhdon ta konsideroje veten te tille ) per jetet e shumta te humbura njerezore krejt pa fajesisht…

E para ne llojin tend o Alketa…!

Po nejse je mesuar ti duke qene gjithmone e kudo e para…ndaj nuk ma do mendja se tashme te ben ndonje gje tjeter pershtypje….

Deri me sot vetem dy njerez di une qe te kene qene te fiksuar kesisoj me Cmimet e tyre …

E para je ti qe meriton kurdohere Cmimin e Pare te Debil-llikut per brockullat e badalllalleqet pa fund qe nxjerr nga goja …dhe i Dyti perjetesisht e per vite me radhe e jo per faj te tij… i gjori kompozitor yni Agim Krajka te cilit kurre s’ju ndane Cmimet e Dyta ne te gjitha Festivalet e RTVSH ku mori pjese ….

Krajken se linte Partia te dilte i Pari ndersa TY duket se s’te le me Partia te dalesh e dyta….hahaha …

Nejse….

Ti ishe e para qe re ne dashuri me syte blu te nje biznesmeni ndertimi e pastaj u martove me te….

Ti ishe e para qe ju bere goxha thirrje publike shqiptareve te votonin per kryeministrin e ardheshem te tyre Edi Rama sepse qe nga momenti qe kishit rene ne kontakt me te …TI e mamaja jote kurre se kishit hequr dot nga mendja kete burre – vizionar e te mencur qe kish prodhuar ajo Toke….

Ti ishe po ajo e kjo lloj Alkete qe ju the italianeve ne Sanremo se ishe e mbeteshe femra e pare shqiptare qe kishe drejtuar e prezantuar nje Festival kombetar te kenges e muzikes se lehte ne Shqiperi…etj etj…

Po ti gjithmone e para o Alketa?

Sinqerisht sikur nuk shkon e stonon goxha…

Po leru o njeri vend edhe Mira Kaz [h] anit …qe ka deklaruar publikisht se Shqiperia e shqiptaret do ta kerkojne Ramen edhe pas 100 vjetesh…

Po leri pak vend o Alketa edhe Elises se cmendur qe thote mes Parlamentit se Skenderbeun e saj Rama po e kerkojne deri edhe italianet e amerikanet sepse kaq i mire eshte… e harram e paci ju qe e keni ketu e qe s’ja dini vleren…

Po leri vend edhe asaj tironces prej Parisi…asaj moj…Vorpsit qe pat deklaruar ne emisionin e Dudushit se francezet e Parisi ende jane te impresionuar nga jeta plot ngjyra qe bente Edvini ne Atdheun e Napoleon Bonapartit…

Po leri vend edhe Jozefines ”Dizenjatore” qe i shau rende demokratet pse nuk bashkepunojne me Ramen per te menaxhuar se bashku e me mire situaten e rende te Covid 19 qe po kalon vendi…edhe pse vete Edvini nuk pyet e nuk do kerkend qe te bashkepunoje me te per asnje lloj gjeje…sepse vete ka thene qe krejt Tepsine e Timonin i do vetem per vete e per askend tjeter !

Po leri pak vend edhe Rudines se Fatmires qe here e ngre ne Qiell Edvinin tend e here -here me ate gjysem shqipen e saj te cale e te mjerueshme ben sikur e shan dhe e kritikon ashper duke i thene se po ju merr shpirtin shqiptareve…pavaresisht se Rama i pergjigjet Rudit… me shkelje syri e me marrjen ne nje pune te mire shteterore te vellait te saj Kirit….

Po leri pak vend edhe Eni Vasilit qe ju tha shkodraneve ….popull kokederr e i pa marre vesh qe mesa duket s’ka ndermend te kuptoje kurre…vetem e vetem pse disa njerez guxuan e thyen karantinimin policoro-ushtarak te Edvinit te saj… ne kete qytet – kryeqytet te qyteterimit e te civilizimit shqiptar…

Po leri pak vend edhe asaj moj ”Profesoreshes ” ….Irisit se ciles i shkojne syte Garroqe e Tek a Cift po i permende Edin….

Po leri pak vend edhe Xhunges se Nexhmije Xhunglinit o Alketa se edhe ajo behet keq e i ngrihet tensioni kur ja shajne Udheheqesin e saj vizionar….

Jo ti gjithmone e para Alketa jooo se nuk shkon kerkundi dhe e di pse ….

….Sepse pleqte tane te mencur gjithmone na porosisnin…para te Madhit e prapa Gomarit mos rri kurre dhe…. Mos qendro ti i pari ne resht se e ha plumbin ballit por mos qendro as ne fund te reshtit se te ngulin Thiken pas shpine…

Ndaj bej kujdes moj ”Goc e Xhaxhit” ok…

Se te thashe nuk te rashe ok…megjitheate ti bej si te duash …goja e mendja jote jane te tuat e as te mijat e as te shqiptareve ok….

Goja llap e Shpina – dap …thote nje fjale e urte popullore qe pse e meson nga une nuk ben keq o Alketa joooo se jeta eshte e gjate dhe as fillon e as mbaron as me ty e as me Ramen tend ok…

A.R.DOSTI

Tragjedia në Letoni, Meta kujton efektivët: Rënia e tyre në krye të detyrës, dëshmi e sakrificës së FA në misionet e NATO-s

Presidenti Ilir Meta kujton 1-vjetorin e vdekjes tragjike në krye të detyrës të Major Klodian Tanushi dhe Zarife Hasanajt, gjatë një misioni të NATO-s për çaktivizimin e bombave në Letoni.

Meta shkruan në “Facebook” se rënia e tyre në krye të detyrës është dëshmi e lavdishme e përkushtimit dhe sakrificës të Forcave tona të Armatosura në çdo angazhim dhe mision të NATO-s, në shërbim të qytetarëve dhe sigurisë së tyre.

Mesazhi i Metës:

Në një vjetorin e rënies në krye të detyrës gjatë misionit të NATO-s në Letoni, nderojmë sot me respekt dhe mirënjohje të thellë kujtimin, sakrificën sublime, kontributet e çmuara, patriotizmin, trimërinë dhe ndjenjën e lartë të përgjegjësisë të Dëshmorit të Atdheut, Major Klodian Tanushi dhe Dëshmores së Atdheut, Zarife Hasanaj.

Rënia e tyre në krye të detyrës, është dëshmi e lavdishme e përkushtimit dhe sakrificës të Forcave tona të Armatosura në çdo angazhim dhe mision të NATO-s, në shërbim të qytetarëve dhe sigurisë së tyre.

I përjetshëm kujtimi i tyre! 🇦🇱

Apel: një Nuremberg për komunizmin

Nënshkruaj edhe ti këtë Apel këtu: here.

 

Për një Nuremberg të komunizmit. Nuk është një provokim, por është një kërkesë e bërë nga Vladimir Bukovskij, për të paktën dy dekada më parë . Disidenti rus, i cili vdiq në 27 tetor të vitit të kaluar, foli për të për herë të parë për këtë në 1992, një ditë pas shpërbërjes së BRSS. Asnjëherë nuk ka pasur asnjë proces penal, por as historik dhe as kulturor për të kuptuar natyrën kriminale të komunizmit, një sistem që ka shkaktuar 100 milion vdekje në të gjithë botën, por që është kaluan me indiferentizëm nga historia.

Në Senatin italian në 7 nëntor 2019, në sallën e  Të rënëve Nassirya, u zhvillua një konferencë për shtyp e thirrur nga senatori Adolfo Urso (Fratelli d’Italia), së bashku me senatorin Lucio Malan (Forza Italia) dhe deputetin Vito Comencini (Lega), ku u bë apel, me rastin e 102 vjetorit të  Revolucionit të Tetorit (kapja e pushtetit nga bolshevikët në Rusi). Së bashku me politikanët e tre partive të qendrës së djathtë ishin edhe tre studiues të komunizmit, filozofi Renato Cristin (autori i apelit), historiani Roberto de Mattei dhe gazetari e pedagogu Dario Fertilio. Në mesin e nënshkruesve italianë është edhe Antonio Martino, Marcello Pera, Antonio Tajani, Giorgia Meloni, Lorenzo Fontana, Stefano Zecchi, Francesco Alberoni dhe Arturo Diaconale.

Ky Apel u bë edhe me rastin e 30 vjetorit të Rënies të Murit të Berlinit (9.11.1989) si një shans që i jepet historisë për t’i kontribuar kujtesës historike, por edhe për shtjellimin konkret të një kulture të gjerë anti-totalitare me sytë drejt së ardhmes, me qëllim të inicimit të një procesi që ka kuptimin dhe vlerën e një Nurenbergu të Komunizmit.

“Komunizmi nuk ra me Murin e Berlinit. Kjo ideologji është akoma e gjallë në botë, në shtetet dhe partitë që janë hapur komuniste dhe në mendimin politik dhe kulturor që minimizon dhe përpiqet të fshijë krimet e komunizmit, sikur të ishte një ide e mirë e cila vetëm ndodhi si një koinçidencë  që përkonte me lindjen  regjimimeve brutale njëri pas tjetrit përgjatë dekadave dhe kontinenteve… ”(nga Apeli).

Ky apel mbështetet nga Platforma e Kujtesës dhe Koshiencës Europiane ku vihet shenja e barazimit midis komunizmit dhe nazizmit.

https://nuremberg.vladimirbukovsky.com/

Teksti i plotë i Apelit në shqip dhe anglisht i paraqitur nga politikanët dhe studiuesit italianë:

 

“Tridhjetë vjetori i rënies së Murit të Berlinit na ofroi një mundësi të vlefshme. Ne jo vetëm që mund të japim një kontribut të nevojshëm në kujtesën historike, por gjithashtu të mund të zhvillojmë dhe mbështesim një kulturë anti-totalitare, me përmasa të gjera dhe largpamëse. Ne shfrytëzojmë këtë mundësi për të propozuar krijimin e një Nurembergu për Komunizmin.

Proceset gjyqsore mbajtur në Nurenberg, nga 1945 deri më 1946, gjykuan dhe dënuan krimet dhe udhëheqësit e Nacional Socializmit gjerman, duke i dhënë totalitarizmit një gjykim përfundimtar gjyqësor, moral dhe politik . Gjyqet i sqaruan botës se nazizmi ishte mizor dhe shkatërrues për qytetarët e vet dhe nuk do të pranohej më askund në botë. Komunizmi, i cili ka shkaktuar më shumë vdekje dhe vuajtje masive në të gjithë botën sesa nazizmi për shumë më gjatë, nuk është thirrur kurrë për të dhënë llogari në një gjykatë globale siç është Nurembergu.

Që nga viti 1917, diktaturat komuniste ose socialiste në mbarë botën kanë shkaktuar më shumë se 100 milionë viktima. Jo vetëm që ata janë përgjegjës për shkeljen e gjerë të lirive individuale dhe nxitjen e urrejtjes së klasave, por edhe për genocidin dhe vrasjet masive të pashmangshme nën regjimet komuniste. Siç e dimë të gjithë, genocidet dhe masakrat njihen botërisht si krime kundër njerëzimit.

Sot, pas rezultateve katastrofike të të ashtuquajturit “socializëm i vërtetë” – “real socializëm” dhe të gjithë diktaturave të tjera të krijuara me kohë që kanë si themel ideologjinë komuniste (si sot në vende si Venezuela apo Kuba), si ngjarjet historike ashtu edhe ato aktuale lypin për një gjykim të ngjashëm përfundimtar – jo vetëm një aktgjykim për veprimet e individëve, por edhe një gjykim politik dhe moral mbi rezultatet e pashmangshme të kësaj ideologjie. Krimet e komunizmit kundër njerëzimit duhet të publikohen dhe të ndëshkohen.

Komunizmi nuk ra me Murin e Berlinit. Kjo ideologji është akoma e gjallë në botë, në shtetet dhe partitë që janë hapur komuniste dhe në mendimin politik dhe kulturor që minimizon dhe përpiqet të fshijë krimet e komunizmit, sikur të ishte një ide e mirë e cila ndodhi vetëm rastësisht e që përkoi me lindjen e regjimeve brutale njëri pas tjetrit nëpër dekada dhe kontinente.

Për të kundërshtuar influencat apologjike,  ne kërkojmë krijimin e Gjyqeve të Nurenbergut për Komunizmin, një gjykim global që shqyrton krimet e kësaj ideologjie, cakton përgjegjësi politike dhe institucionale për ta, ndëshkon degjenerimin e tij moral dhe ua bën të qartë të gjithë se komunizmit ishte një regjim çnjerëzor dhe i papajtueshëm me shoqëritë e lira.

Ne jemi të vetëdijshëm që një projekt i tillë do të haste vështirësi praktike dhe kufizime ligjore. Por ne besojmë se barriera të tilla nuk do të jenë në gjendje të pengojnë apo ndalin rrugën e një procesi historik politik, etik dhe kulturor, të cilin ne e shohim si një detyrim ndaj njerëzimit që ne na e imponon ndërgjegjja historike.

Në emër të miliona të shfarosurve në të kaluarën dhe për të mbrojtur gjeneratat e ardhshme nga ripërsëritja, proceset e Nurembergut për komunizmin duhet të miratohen sa më shpejt që të jetë e mundur.”/Përgatiti dhe përktheu Elida Buçpapaj

Nënshkruaj edhe ti këtë Apel këtu: here.

Appeal for Nuremberg Trials for Communism

Press inquiries: info@vladimirbukovsky.com

The thirtieth anniversary of the fall of the Berlin Wall presents us with a valuable opportunity. We can not only make a desperately-needed contribution to historical memory, but also develop and support an anti-totalitarian culture, broad-ranging and forward-looking. We take this opportunity to propose the creation of Nuremberg Trials for Communism.

The Nuremberg Trials, held from 1945 to 1946, tried and condemned the crimes of National Socialism and its leaders, handing down a definitive judicial, moral, and political judgment on that instance of totalitarianism. The trials made clear to the world that Nazism was evil and destructive to its own people, and would not be accepted anywhere in the world again. Communism, which has caused more deaths and mass suffering worldwide than Nazism for much longer, has never been called to account in a global court such as Nuremberg.

Since 1917, communist or socialist dictatorships around the world have caused more than 100 million deaths. Not only are they responsible for widespread suppression of individual liberties and incitement of class hatred, but also for the genocide and mass killings inevitable under communist regimes. As we all know, genocides and massacres are universally recognized as crimes against humanity.

Today, after the catastrophic results of so-called “real socialism” and of all the other dictatorships over time rooted in communist ideology (as today in places like Venezuela or Cuba), both historic and current events beg for a similarly final judgment – not only a verdict on the actions of individuals, but also a political and moral judgment on the inevitable results of this ideology. Communism’s crimes against humanity must be broadcast and punished.

Communism did not fall with the Berlin Wall. This ideology is still alive in the world, in states and parties that are openly communist and in political and cultural thought that minimizes and tries to erase the crimes of communism, as if it were a good idea which only happened to coincide with the rise of one brutal regime after another across decades and continents.

To push back against these apologist influences, we urge the creation of Nuremberg Trials for Communism, a global trial that scrutinizes the very real crimes of this ideology, assigns political and institutional responsibility for them, punishes its moral degeneracy, and makes clear to all communism’s intrinsic inhumanity and incompatibility with free societies.

We are well aware that such a project would encounter practical difficulties and legal limitations. Even so, we believe that such barriers will not be able to stand in the way of a historic political, ethical, and cultural trial, which we see as a duty to humanity imposed upon us by historical conscience.

In the name of millions exterminated in the past, and to safeguard future generations from a recurrence, Nuremberg Trials for Communism must be enacted as soon as possible.

Add your signature here.

Joe Biden pritet të flasë për herë të parë mbi akuzën për sulm seksual

Joe Biden, kandidati potencial i demokratëve për garën për president të SHBA-së pritet të flasë për herë të parë të premten duke adresuar personalisht akuzën e bërë nga një ish-ndihmëse e tij në Senat, e cila e ka akuzuar se ai e ka sulmuar seksualisht në vitin 1993, një akuzë që zyrtarët e fushatës së zotit Biden e kanë hedhur poshtë.

Zoti Biden është planifikuar të intervistohet në lidhje me këtë çështje gjatë programit të rrjetit kabllor MSNBC “Morning Joe”, sipas njoftimit në Twitter të enjten të vetë rrjetit. Zyrtarët e fushatës së zotit Biden nuk i janë përgjigjur kërkesave të shtypit për një koment rreth intervistës. Ndihmësit e fushatës së tij kanë thënë se incidenti nuk ka ndodhur kurrë, por zoti Biden ka qëndruar në heshtje lidhur me këtë cështje. Të mërkurën kryetarja e Dhomës së Përfaqësuesve Nancy Pelosi, demokratja më e lartë në Kongres, i bërë një mbrojtje të fuqishme zotit Biden, duke theksuar historinë e gjatë të ish-Nënpresidentit në mbështetje të politikave që synojnë të ndalin abuzimin me gratë.

Plani për një intervistë vjen ndërsa disa demokratë i kanë kërkuar 77 vjeçarit Joe Biden, t’i përgjigjej direkt akuzës.

Tara Reade, një grua nga Kalifornia, e cila ka punuar si asistente e stafit në zyrën e zoti Biden në Senat nga dhjetori 1992 deri në gusht 1993, e ka akuzuar zotin Biden në intervista mediake se në vitin 1993 e ka përplasur atë në mur, i ka ngritur fundin dhe futur duart brenda saj.

Zoti Biden pritet të jetë kandidati përballë Presidentit republikan Donald Trump, 73 vjeç, në zgjedhjet e 3 nëntorit. Zoti Trump është akuzuar nga më shumë se 12 gra për sulme seksuale e sjellje të pahijshme ndër vite, akuzat që ai dhe ndihmësit e tij i kanë mohuar.

Unë mendoj se ai duhet të përgjigjet” tha zoti Trump për zotin Biden në një konferencë për mediat të enjten. “Mund të jenë akuza të rreme. Dhe unë di gjithçka mbi akuzat e rreme“, shtoi ai.

Zonja Pelosi, e cila e mbështeti zyrtarisht zotin Biden të hënën për garën për president, vuri në dukje se personeli që drejtonte zyrën në Senat të zotit Biden, ka thënë se nuk kujton të kishte pasur ndonjë ankesë për sulm seksual.

Kam respekt të plotë për gjithë lëvizjen #MeToo“, tha zonja Pelosi në një konferencë shtypi. “Por gjithashtu duhet të ketë një proces të drejtë edhe për faktin që Joe Biden është Joe Biden. Ai është personifikim i shpresës, optimizmit dhe origjinalitetit në vendin tonë, një person me vlera të mëdha“, shtoi zonja Pelosi.

Agjencia “Reuters” nuk ka mundur të konfirmojë në mënyrë të pavarur akuzën e zonjës Reade dhe as të kontaktojë me atë apo ndonjë përfaqësues të saj për komente të mëtejshme.

Disa media që kanë botuar rrëfimin e zonjës Reade, përfshirë “New York Times” dhe “Washington Post”, kanë intervistuar një mike të saj, e cila ka thënë se zonja Reade i ka treguar asaj për sulmin e dyshuar në atë kohë. Një mikeshë tjetër i tha “Times” se zonja Reade i kishte treguar më 2008 në lidhje me një incident të mëparshëm traumatik që përfshinte zotin Biden. Vëllai i zonjës Reade gjithashtu ka konfirmuar pjesë të rrëfimit të saj për “The Intercept” dhe “Washington Post”.

Të hënën, faqja informative “Business Insider” publikoi një intervistë me një ish-fqinje, sipas së cilës zonja Reade i kishte thenë asaj në mesin e viteve 1990, se zoti Biden i kishte futur gishtat brenda saj. Zonja Reade, 56 vjeç, u ka thënë gazetarëve që e kanë intervistuar se ajo ishte ankuar në atë kohë për ngacmim seksual dhe jo për sulm seksual, tek tre prej ndihmësve në Senat të zotit Biden. Zyrtarët e fushatës së zotit Biden lëshuan një deklaratë nga Marianne Baker, e cila tha se ajo kurrë nuk kishte pasur ndonjë raport për ndonjë sjellje të papërshtatshme në rreth 20 vite punë me zotin Biden. “Washington Post” dhe “Times” kanë intervistuar edhe dy ndihmës të tjerë dhe të dy u thanë gazetave, se nuk u kujtohej ndonjë ankesë e bërë nga zonja Reade.

Tara Reade është një nga tetë gratë që vitin e kaluar dolën publikisht dhe thanë se zoti Biden i kishte përqafuar, puthur ose prekur ato një mënyrë që i kishte vënë në siklet, asnjëra prej tyre nuk e ka akuzuar zotin Biden për sulm seksual. Zonja Reade e akuzoi publikisht zotin për sulm seksual në muajin mars. Disa gra demokrate, me pozita drejtuese në parti e kanë mbrojtur publikisht zotin Biden. Të tjera i kanë kërkuar që të përgjigjet rreth akuzës.

Nuk mund të duket sikur ajo po shpërfillet vetëm sepse është një e vërtetë e pakëndshme për njerëz të caktuar në Partinë Demokratike“, tha Nina Turner, e cila punoi si bashkëkryetare e fushatës kombëtare për president të senatorit Bernie Sanders. Ky i fundit u tërhoq nga gara duke shprehur mbështetjen e hapur për zotin Biden. zëri i amerikës

Shqipëri, Bushati trazon ujërat e shumicës: Të ndahemi nga oligarkët

Armand Mero

Në Shqipëri, ish ministri i Jashtëm Ditmir Bushati trazoi sërish ujërat e shumicës parlamentare ku bën pjesë, ndërsa gjatë fjalës së tij në parlament të mërkurën foli për nevojën e “ndarjes nga oligarkia. Oligarkia është një problem shqetësues në të gjitha vendet e botës dhe niveli i penetrimit në politikë dallon nga fuqia dhe fortësia e institucioneve. Duhet ta përballojmë këtë realitet”.

Zoti Bushati i bëri këto komente ndërsa kundërshtoi një projektligj të Qeverisë për një shtesë të kontratës së koncesionit në Porto Romano të Durrësit, i dhënë në vitin 2015, një konsorciumi të tre sipërmarrësve shqiptarë Shefqet Kastrati, Friden Kuqi dhe Pëllumb Salillari. Në të vërtetë ajo që cilësohet si shtesë në kontratë, është kërkesa e konsorciumit për një aktivitet tërësisht të ri, të ndryshëm nga ai për të cilën fitoi koncensionin “për ndërtimin e Portit dhe ofrimin e shërbimit të ngarkim – shkarkimit të mjeteve lundruese që transportojnë hidrokarbure”. Koncesionari kërkon që portin e ndërtuar ta shfrytëzojë dhe për “përpunimin e mjeteve lundruese që transportojnë mallra”.

Me këtë kontratë synohet që portit të hidrokarbureve ti ndryshohet në thelb objekti. Nuk ka nevojë të jesh prokuror, gjyqtar, avokat, jurist. Mjafton të kesh bërë leksionin numër një në të drejtë civile për të kuptuar që thelbi i kontratës është objekti. Ne këtu duhet të kishim një projekt fizibiliteti aq më tepër që këto shërbime i ofron porti i Durrësit. Nuk kemi pse t’ia marrim portit të Durrësit dhe t’ia japim privatit”, deklaroi zoti Bushati.

Kërkesa e konsorciumit privat, i drejtuar nga emra të njohur të botës së biznesit, shpesh të lakuar për lidhjet e tyre të forta me politikën e që vitet e fundit kanë fituar disa koncensione në sektorë të rëndësishëm të ekonomisë shqiptare, duket se është trajtuar me një përparësi të pazakontë. Konsorciumi i është drejtuar autoriteteve me propozimin e tij më 24 shkurt të këtij viti. Dhe ndonëse që prej fillimit të muajit mars, institucionet kanë punuar me kapacitete të reduktuara, për shkak të pandemisë së koronavirusit, në rastin në fjalë ato janë treguar mjat efikase. Brenda pak javësh është bërë vlerësimi i propozimit, është firmosur kontrata, është miratuar në qeveri dhe më 10 prill i është kaluar për miratim parlamentit.

Ish ministri i Jashtëm deklaroi madje se shteti po investon dhe për ndërtimin e rrugës deri në Porto Romano. “Nuk ka pse Autoriteti Rrugor Shqiptar të nxjerr tenderin 5.5 milionë euro për t’i çuar dhe rrugën privatit. Nuk kanë pse të paguajnë taska shqiptarët e zakonshëm të këtij vendi dhe të gjithë ne për të çuar atje postën policore, doganierin, kontrollin sanitar dhe fitosanitar. Në rast se doni t’ia jepni privatit, fare mirë mund ta bëjë investimin privati”, tha zoti Bushati.

Fjala e tij u prit me kritika nga kryetari i grupit parlamentar socialist Taulant Balla, sipas të cilit zoti Bushati ka votuar në favor të koncensionit kur ishte në qeveri, duke aluduar se qëndrimet e ish ministrit janë tani të ndryshme e se bëhen për të tërhequr vëmendjen mediatike: “Kur një kompani, një investim privat ecën mirë, paguan taksa dhe ka nevojë për një ndryshim kontrate, kjo historia e diskutimeve patetike, gjoja në interes të ditës, por thjesht për të kapur lajmin e ditës, nuk i bën nder askujt”.

Zoti Balla shkoi dhe më tej duke parashikuar se aktiviteti që kërkon koncensionari privati duhet t’i hiqet fare Portit të Durrësit. “Shtesa në kontratë është një domosdoshmëri, edhe për të çliruar në të ardhmen Portin e Durrësit nga ndotjet që mund të bëjnë operatorë të ndryshëm, se aty ku është duhet të jetë thjesht një port turistik dhe udhëtarësh. Historia që mu në qendër të Durrësit shkarkohen kontenierë me qymyr, me krom e me plehra nuk mund të vazhdojë më”, theksoi zoti Balla.

Por për zotin Bushati “jemi partia që kemi ardhur në pushtet në 2013 dhe kemi thënë që do i anulojmë koncesionet, kemi thënë që po keqpërdoret pasuria. Ateherë ky është momenti për ta vërtetuar këtë. Për të mos shkuar në një kapitalizëm grabitqar, ku në politikë njerëzit qëndrojnë vetëm për favore dhe ku oligarkët e shpërthejnë politikën”.

Ndaj polemikave për këtë koncension reagoi dhe ministria e Infrastrukturës dhe Energjitikës e cila ka firmosur kontratën me konsorciumin privat. “Ndryshimet e bëra së fundmi në këtë kontratë janë tërësisht ligjore dhe në përputhje me dokumentet strategjikë të zhvillimit të sektorit detar, të miratuar nga Qeveria Shqiptare”, theksoi ministria duke u shprehur se “shtesa e kontratës koncensionare ka qëllim të vetëm shfrytëzimin maksimal të kapaciteteve të lira të akuatoriumit në terminalin verior edhe në argjinaturën jugore, si dhe përmirësimin e shërbimeve ndaj klientëve dhe zhvillimin e mëtejshëm të zonës së Porto Romanos”, nënvizonte njoftimi i ministrisë, i lëshuar sipas saj si një reagim ndaj një deklarate të Partisë Demokratike për rastin në fjalë. Kjo e fundit foli për “një skandal korruptiv. Edi Rama, me një shtesë të kontratës së koncesionit, ka vendosur që këtë port karburantesh ta kthejë në port për çdo lloj malli të menaxhuar nga këta oligarkë, njësoj si Porti i Durrësit. Kjo është shkelje flagrante e ligjeve dhe e standareve të sigurisë kombëtare të vendit. Ky është një skandal korruptiv dhe me pasoja të rrezikshme për Shqipërinë. Ky port privat për mallrat cënon sigurinë kombëtare të Shqipërisë, dobëson luftën kundër trafiqeve dhe kontrabandës ndërkombëtare, përfshi trafikun e drogës”, theksoi Partia Demokratike.

Thaçi njofton se e ka mandatuar Hotin për formimin e qeverisë së re

Presidenti Hashim Thaçi e ka mandatuar edhe zyrtarisht Avdullah Hotin për ta formuar Qeverinë e re. Thaçi thotë se askush nuk duhet të pretendojë se mund ta marrë ose ta mbajë pushtetin në mënyrë jodemokratike.

“Në krejt këtë situatë të panatyrshme, legjitimiteti i qeverisë aktuale është sfiduar nga votimi i mocionit nga më shumë se dy të tretat e deputetëve. Në anën tjetër, është obligim i imi si President, të sigurohem për funksionim të insititucioneve. Mocioni ka qenë plotësisht sipas Kushtetutës, në përptuhshmëri me vullnetin e deputetëve dhe rendit demokratik në Kosovë. Pavarësisht rrethanave, këto janë të rregulluar qartë me kushtetutë, dhe nuk mund të konsiderohen sit ë jashtëzakonshme”, ka thënë Thaçi.

Tutje ai ka treguar se kreu i LDK’së, Isa Mustafa, ia ka dëshmuar atij se e ka përkrahjen e shumicës parlamentare për ta formuar Qeverinë e re, e kësisoj Presidenti i ka dhënë mandatin Avdullah Hotit për ta formuar qeverinë.

“Sic jeni njoftuar, të gjitha partitë mendojnë se Kosova duhet të ketë një qeveri të re, në përjashtim të një partie. Pas letrave që i kam dërguar kreut të LDK’së, praktikë që kam ndjekur me partinë fituese më parë, sot kam marrë një letër nga z. Isa Mustafa, se i përmbush të gjitha kriterët për formimin e Qeverisë së re, duke përfshirë në këto kritere se ka siguruar shumicën për formimin e Qeverisë. Kjo mu dëshmua edhe faktkisht.

“Ju njoftoj që sot kam mandatuar z. Avdullah Hoti për formimin e Qeverisë së re”.

Në fund Thaci ka cuar mesazh te kryeministri në detyrë, Albin Kurti, duke thënë se askush s’mund ta mbajë pushtetin.

“Duhet të pajtohemi se pushteti në Kosovë fitohet dhe humbet sic e sheh edhe Kushtetuta. Askush nuk duhet të pretendoj se me metoda jodemokratike mund ta marrë, ose ta mbajë apo ta uzurpojë pushtetin”

Shqipëri: Janë edhe 100 vatra me COVID-19, sipas ministres së shëndetësisë

Ilirian Agolli

Në Shqipëri, autoritetet shëndetësore deklaruan sot se numri i pacientëve të shëruar nga COVID-19 është afro dy herë më i lartë se i qytetarëve të sëmurë nga ky virus.

Por në gjithë vendin janë 100 vatra familjare infeksioni dhe raste të reja po zbulohen përditë.

Në Shqipëri u zbuluan 24 orët e fundit edhe 7 raste të reja personash me COVID-19 në 3 qytetet më të prekura në Tiranë, Krujë dhe Shkodër.

Në dy spitalet COVID po mjekohen aktualisht 36 pacientë, ndërsa 15 të tjerë janë shëruar.

Prej më shumë se dy javësh numri i të shëruarve është më i lartë se ai i të sëmurëve.

Madje së fundi numri i të shëruarve është sa afro dyfishi i atyre që janë ende të sëmurë.

Por ministrja e shëndetësisë Ogerta Manastirliu, thotë se epidemia është ende aktive në 100 vatra.

“Jemi ende në një fazë aktive të epidemisë, ku aktualisht kemi 272 persona aktivë të prekur nga COVID19. Sot konstatojmë shpërthime në rreth 100 vatra, kryesisht vatra familjare si dhe vatra nw qendra pune dhe po bëhet një punë e madhe për të ndërprerë zinxhirin e transmetimit të infeksionit” – tha zonja Manastirliu.

Ministrja Manastirlliu i bëi këto komente në seancën e sotme të parlamentit, ku deputetët ishin sërish me maska dhe masa të tjera mbrojtëse prej COVID-19.

Parlamenti miratoi sot ndryshime të tjera në buxhetin e shtetit dhe një seri aktesh normative të qeverisë mbi përballimin e kësaj epidemie.

Zyrtarët po përgatiten edhe për hapje të mëtejshme të familjeve dhe bizneseve.

“Hapja e një seri biznesesh në fillimin e kësaj jave është pjesë e strategjisë së rihapjes, për të vlerësuar situatën për dy javët që pasojnë. Po tregojmw shumw kujdes pwr rihapjen nw dia faza, por duhet të respektohen masat e distancimit fizik, të cilat deri më sot kanë dhënë rezultat, për të mos patur një përhapje të lartë” tha zonja Manastirliu.

Sipas statistikave zyrtare të shëndetësisë, pacientët me COVID-19 janë shëruar plotësisht në 6 qytete, ndërsa në shumë të tjera nuk u gjet asnjë rast.

Qeveria ka shpallur disa zona të gjelbëra dhe javën tjetër janë njoftuar lehtësime të tjera për lëvizjen e qytetarëve dhe bizneseve.