Kreu i Grupit Parlamentar të PD Gazment Bardhi ka reaguar në lidhje me koncesionin e Portit të Vlorës.

Në një postim në rrjetet sociale, Bardhi deklaron se pronar është deklaruar një pensionist.

Postimi i plotë:

Edi Rama dhe Belinda Balluku vjedhin. Dhe vjedhin shumë trashë! Kush fshihet pas koncesionit 60 milionë euro në Vlorë?
E njëjta skemë vjedhje në tendera dhe koncesione. Paracaktohet fituesi – preferohet bashkim kompanish. Vendosen kriteret favorizuese. Shpallet fituesi. Pastaj, çuditërisht, 1 ose më shumë kompani nuk duan te fitojnë para dhe shesin aksionet me vlera qesharake tek njëri nga fituesit.

Kjo nuk ka ndodhur vetëm në Aeroportin e Vlorës. Nuk ka ndodhur vetëm me Tunelin e Llogarasë. Ndodh kudo ku firmos Belinda Balluku. Natyrisht, në emër dhe me porosi të Edi Ramës. Kjo skemë skandaloze e vjedhjes së fondeve publike është verifikuar të ketë ndodhur edhe koncesionin 60 milionë euro të “Portit të Integruar” në Triport Vlorë.

Zyrtarisht, çunat e Belindës kanë shpallur pronar një pensionist, i punësuar nga kompania “Salillari”, por procedura korruptive tregon se dikush tjetër qendron si pronar real pas skemës korruptive. Një skemë në dukje e sofistikuar, por sa të germosh pak, kupton sa trashë vjedhin Edi Rama dhe Belinda Balluku.

Ja cila është skema dhe si është zhvilluar procedura për zhvatjen e 60 milionë euro nga fonde publike:

Në datë 10.08.2021 Ministria e Infrastrukturës dhe Energjisë shpalli koncensionin: “Për projektimin, ndërtimin dhe mirëmbajtjen e “Portit të Integruar” në Triport Vlorë, me vlerë 60 milion euro. Kompanitë që morën pjesë në këtë tender ishin tre, por fituese u shpall oferta e bashkimit të këtyre 5 subjekteve tregtare: Agbes Construction që zotëronte 33% të aksioneve, Besta 30%, Arconstudio 25%, ITE Group 8% dhe Premium Construction & Maintenance 5%.

Sipas ofertës, ky bashkim kompanish do të ndërtonte portin e ri tregtar të Vlorës me paratë e tyre dhe në këmbim qeveria do t’u paguante 60 milionë euro me këste për 7 vjet, menjëherë pas përfundimit të ndërtimit.

Në pak kohë pas fitimit të konvesionit kompanitë Agbes Construction, Arconstudio dhe Besta, i shitën kuotat e tyre tek shoqëria Premium Construction & Maintenance (u bë pronare e 92% të aksioneve), me vlera qesharaka që shkonin deri më 2500 euro për 25% të aksioneve.

Shoqëria koncensionare Premium Construction & Maintenance, rezuton se është një shoqëri me kapital fillestar prej vetëm 10 mijë lekë dhe e themeluar vetëm 2 muaj para shpalljes së tenderit të konçensionit.

Sipas dokumentave zyrtare, pronari i kësaj shoqërie rezulton shtetasi Hektor Agalliu, një pensionist, që është një punëtor i thjeshtë në firmën Salillari.Pra, rrjedhimisht i bie që është një njeri pa eksperiencë në ndërtim, pa staf, pa mjete, pa histori biznesi.

Pra, procedura zbulon skemën skemë e pastër korruptive, me dyshime serioze për pastrim të parave të pista në sektorin publik. Një skemë që duhet të hetohet menjëherë nga SPAK, jo vetëm për të ndëshkuar zyrtarët e korruptuar, por edhe për të zbuluar se kush fshihet vërtetë pas projektit 60 milion euro. bw

Gazetarja Klodiana Lala ka zbuluar detaje të reja lidhur me mënyrën se si po hetohet ngjarja e rëndë kriminale e ndodhur në zonën e Rinasit ku u vra Gilmando Dani, krahu i djathtë i Emiljano Shullazit dhe u plagos rëndë Muçi Shaljani Sheqeri, agjent i AMP.

Sipas Lalës, Operatori i Shpërndarjes së Energjisë Elektrike (OSHEE) kishte njoftuar paraprakisht një ndërprerje të energjisë në mesnatë, çka solli një “black out” total në Nikël, Rinas, Larushk, Halilaj dhe zona të tjera përreth.

Kjo situatë, sipas saj, ka kufizuar hetimet, pasi në zonë kishte shumë pak kamera sigurie, vetëm disa biznese dhe vetë Aeroporti i Rinasit që funksiononin me gjenerator, ndërsa një prej kamerave të një biznesi privat është sekuestruar nga policia.

Lala tha se prokuroria ka nisur hetime të drejtpërdrejta ndaj zyrtarëve të OSHEE-së për të kuptuar arsyet e ndërprerjes së energjisë në atë moment.

“Prokuroria është duket hetuar zyrtarë të OSHEE. Oficerët e policë gjyqësore kanë zbarkuar në OSHEE dhe kanë marrë të gjitha planet se si është operuar dhe si do të behet remonit, pse në këtë moment. Po bëhet një hetim për përfshirjen e zyrtarëve shtetërore në këtë ngjarje. Mendoj se nuk është një histori që nuk mbetet vetëm këtu. Ishte organizim perfekte, edhe shteti është i implikuar. Pse u bë remonti në këtë kohë, kur ishte planifikuar kjo”, theksoi Lala në News 24.

Një tjetër pistë hetimi është edhe veprimtaria e policisë ditën e ngjarjes, ku sipas Lalës, në momentin e atentatit për rreth 40 minuta nuk ka pasur asnjë patrullë pranë vendit të ngjarjes.

“Ditën e vrasjes, në 40 minuta nuk ka pasur patrullë policie. Policia është gjendur në afërsi të një universiteti, që është rreth 2 km larg vendngjarjes. Po hetohet përfshirja e segmenteve shtetërorë dhe si Muçi Shaljani Sheqeri, u gjend duke shoqëruar një emër të botës së krimit si Gilmando Dani, ndërkohë që emërimi i tij në AMP është bërë me dokumente fiktive”, tha ajo.

Po ashtu, Lala rikujtoi se një situatë e ngjashme ka ndodhur edhe në atentatin ndaj Gentian Bejtjas në Fushë-Krujë në vitin 2024, ku sipas saj OSHEE ndërpreu energjinë për 8–9 orë.

Klodiana Lala: Sot kam rënë në dijeni në lidhje me mënyrën se si po hetohet. Operatori i shpërndarjes së energjisë elektrike ka njoftuar zonën që në orën 24 e pak minuta që në mbrëmjen të datës 10, duke hyrë data 11 nëntor, se do të kishte remont në të gjithë zonën. Zona e Niklës, Rinasit, e Larushkut, Halilaj, e të tjera, kanë qenë në “black out” total. Aty ka shumë pak kamera sigurie që mund të ndihmojnë hetuesin.

Është një moment nga një kamera sigurie të një biznesi në rrugën e hurmave që ka mbetur e ndezur, për shkak se biznesi ka patur gjenerator dhe që e ka sekuestruar policia. Po ashtu janë edhe disa biznese dhe Rinasi vetë, aeroporti që ka patur për shkak të gjeneratorëve. Pjesa tjetër nuk ka patur kamera sigurie.

Prokuroria është duket hetuar zyrtarë të OSHEE. Oficerët e policisë gjyqësore kanë zbarkuar në OSHEE dhe kanë marrë të gjitha planet se si është operuar dhe si do të bëhet remonit, pse në këtë moment. Po bëhet një hetim për përfshirjen e zyrtarëve shtetërore në këtë ngjarje. Mendoj se nuk është një histori që nuk mbetet vetëm këtu. Ishte organizim perfekt, edhe shteti është i implikuar. Pse u bë remonti në këtë kohë, kur ishte planifikuar kjo?

E dyta kemi një ngjashmëri me një tjetër atentat në atë zonë, në Fushë Krujë, ndaj Gentian Bejtjas ne 2024, ka qene një ngjarje e rëndë pasi u vra në sy të fëmijëve në derë të banesës së tij, ishte duket hyrë në një nga serat që kishte. Ka disa të shpallur në kërkim, por nuk është shkuar deri të urdhëruesit. OSHEE fiku dritat për gati 8 ose 9 orë me radhë, është e njëjta mënyrë të vepruari.

Pjesa tjetër që po hetohet janë veprimet e policisë. Policia e Fushë-Krujës dhe ajo e Tiranës për Rinasin kanë një plan masash. Duke qenë porta hyrëse, ka një siguri të shtuar krahasuar me vendet e tjera.Ditën e vrasjes, në 40 minuta nuk ka pasur patrullë policie. Policia është gjendur në afërsi të një universiteti, që është rreth 2 km larg vendngjarjes.

Po hetohet përfshirja e segmenteve shtetërorë dhe si Muçi Shaljani Sheqeri, u gjend duke shoqëruar një emër të botës së krimit si Gilmando Dani, ndërkohë që emërimi i tij në AMP është bërë me dokumente fiktive.

Muçi Shaljani i cili u plagos në atentatin ndaj Gilmando Danit më 11 nëntor në rreth rrotullimin e Rinasit, ka ndërruar jetë mbrëmjen e djeshme në Spitalin e Traumës, ku ndodhej prej 4 ditësh.

Shaljani, i njohur me mbiemrin Sheqeri, u plagos me 10 plumba, 2 prej të cilave në kokë.

Sheqeri ishte shofer i Gilmando Danit, ndërsa prej disa muajsh ishte emërur dhe oficer i Agjencisë së Mbikqyrjes Policore.

Kujtojmë se viktimë e atentatit mbeti shtetasi Gilmando Dani, i njohur si krahu i djathtë i Emiljano Shullazit. Dani ishte arrestuar bashkë me Shullazin në vitin 2015 dhe ishte liruar në vitin 2023 me kusht pasi kishte kryer 2/3 e dënimit.

Gilmando Dani, emër i njohur për autoritetet ligjzbatuese, njihet prej vitesh si një nga njerëzit më të afërt të Emiljano Shullazit, shpesh përmendur si “krahu i tij i djathtë”. Edhe pse ndaj tij nuk janë ngritur akuza të rënda në vite, prania e tij në disa episode të përbashkëta me Shullazin dhe në ngjarje të natyrës kriminale e kanë bërë figurë të dyshuar e të monitoruar vazhdimisht nga policia.

Tiranë/Informacion shtesë
Në vijim të informacionit të dhënë më datë 11.11.2025, mbi ngjarjen e ndodhur tek rrethrrotullimi i Rinasit, ju informojmë se shtetasi M. Sh. (Sh.), i cili mbeti i plagosur, ka humbur jetën gjatë natës.bw

Gazetarja Klodiana Lala dha sot informacione të reja rreth dinamikës dhe hetimeve të atentatit vdekjeprurës ndaj Gilmando Danit më 11 nëntor pranë aeroportit të Rinasit, krahut të djathtë të Emiljano Shullazit dhe plagosjen e mikut të tij Muçi Shaljani (Sheqeri), agjent i AMP.

Autorët kanë pritur me makinën “Toyota” për 7 minuta në rrethrrotullim, duke përforcuar dyshimet se ata kishin informatorë të besuar si në Barcelonë, ashtu edhe në terminalin e aeroportit, që i kanë orientuar për gjithçka.

Gazetarja informoi gjithashtu se makina e atentatorëve doli pikërisht nga zona prej nga ku edhe Emiljano Shullazi, (fshati Halil), i burgosur prej një dekade, ka origjinën, mes Zallës dhe Niklës. Ndaj ajo beson se vrasja e mikut të tij të ngushtë është me një mesazh.

“Sot policia në kontrollet e kryera në Krujë e Fushë-Krujë dhe sidomos në fshatin Zallë, ka gjetur një arsenal armatimi. Në kërkim u shpall Ylli Zalla, me profil me rrezikshmëri të lartë shoqërore, i skeduar edhe për rekrutimin e luftëtarëve për në Siri. Jo një lidhje e drejtpërdrejtë në atentatin ndaj Gilmando Danit, por me një lidhje indirekte. Gjendja e Muçi Shaljanit mbetet ende kritike, mjekët thonë se ka plagë të rënda për shkak të plumbave në kokë, pasi mund të shkaktojë hemorragji nëse hiqen”, tha Lala.

Më tej ajo shpjegoi edhe detajet hetimore për itinerarin dhe dinamikën.

Madje ajo shprehet se ekzekutimi ka ndodhur me bekimin e grupeve të fuqishme kriminale, ku pista kryesore mbetet larja e hesapeve dhe hakmarrja mes bandave rivale.

“Autorët besohet se kanë dalë nga zona e fshatit Zallë para atentatit. Krimi është kryer me bekimin e grupeve kriminale të zonës së Niklës dhe Zallës. Për aq sa e njohim këtë zonë dhe historinë nuk mund të ketë ndodhur pa lejen e tyre. Për më tepër që ajo makinë ka dalë nga zona ku ka origjinën Emiljano Shullazi, fshati Halil, ku u dogj makina, pavarësisht se shtë lindur në Tiranë. Ndaj e kam thënë se ky është një atentat me mesazh, pasi edhe Gilmando Dani kishte aktivitet në atë zonë”, vijoi gazetarja.

Deri tani mësohet se ka pasur persona të shoqëruar, por që pas alibisë janë lënë të lirë. Ka pasur edhe kontrolle.

Por sipas Lalës, autorët kanë qenë të mirëinformuar dhe mund të ketë pasur një rrjet me disa persona që kanë gjurmuar Danin.

“Makina e autorëve priti vetëm 7 minuta te rrethrrotullimi para se autorët të dilnin dhe të qëllonin Gilmando Danin dhe Muçi Shaljani. Avioni duhet të vinte një ditë më parë, por ka ardhur të nesërmen më 11 nëntor. Pra dikush në Spanjë, në Barcelonë e ka tradhtuar Danin, pasi ka ditur mirë nisjen e avionit nga aeroporti. Pra është tradhtuar e informuar prej andej. Pika e dytë është në aeroport, sepse ka pasur disa informatorë, apo një rrjet, pra ku është bërë pagesa në parkimin e aeroportit për mjetin, apo dalja nga terminali. Në momentin që ata kanë dalë të trau i pagesës, mjeti ka lëvizur, pra autorët kanë pasur informacion të detajuar për lëvizjet”, tha Lala. gsh

Kandidatja për ‘tepsinë’ e Tiranës: Ogerta me 5 dosje penale në SPAK për 500 milionë Euro

Kryeministri Edi Rama, shpalli Ogerta Manastirliun, kandidate për Kryetare të Bashkisë-Tiranë, duke e vlerësuar “Shkëlqyer për përvojën” në çdo detyre gjatë 12 viteve pushtet të PS.

Por faktet, dëshmojnë se të vetmen “përvojë” që ka Ogerta, është korrupsioni në çdo detyrë, duke qenë e vetmja drejtore dhe ministre, nën hetim me 5 dosje penale për tenderë e koncesione.

Për Ogerta Manastirliun, janë hapur 2 hetime penale në Prokurorinë e Tiranës, për korrupsion me tenderët dhe falsifikim dokumentesh e vjedhje të sasive të ilaçeve, gjatë viteve 2013-2017 kur ishte Drejtore e QSUT, zbuluar nga auditetet e KLSH dhe të Ministrisë së Shëndetësisë.

Sipas dosjeve, Ogerta Manastirliu, nëpërmjet tenderëve fiktivë, pa garë, me fonde limit më të larta se kostot reale e shtim kontratash, ka bërë korrupsion 110 milionë Euro në blerje ilaçesh, pajisjesh mjekësore, rikonstruksion spitalesh e qendrash shëndetësore, ushqim e mobilim të tyre.

Ajo është proceduar penalisht për lejimin, organizimin, firmosjen dhe vjedhjen në bashkëpunim me vartësit e saj, të 60 milionë Euro ilaçe e materiale mjekësore në magazinën e QSUT, duke i deklaruar të skaduara e sikur gjoja kishte furnizuar pavionet dhe farmacinë qendrore.

Prej 4 vitesh, në sirtarin e SPAK vazhdon të qëndrojë pezull hetimi për Ogerta Manastirliun, lidhur me kallëzimin penal, për tenderët sekret të ilaçeve, pajisjeve, oksigjenit e materialeve mjekësore për periudhën e pandemisë “Covid 19”, kur ajo ishte Ministre e Shëndetësisë.

Sipas dosjes penale, Ogerta Manastirliu, ka abuzuar me 50 milionë Euro tenderë sekretë, dhënë 4 firmave klienteliste me negociim pa garë; 35 milionë Euro prej të cilave, u vodhën duke sajuar bashkë me Bablokun, fonde limit me vlera të larta dhe duke falsifikuar zbatimin e kontratave.

Sipas raporteve në dosjet hetimore, rezulton se, gjatë periudhës prill 2017-gusht 2023 si Ministre e Shëndetësisë, Ogerta Manastirliu ka kryer edhe 185 milionë Euro korrupsion me tenderët.

Në SPAK është dhe dosja penale, për aferën e datës 15 janar 2020, kur me ndryshim kontrate e preventiv fals, Ogerta i shtoi 44 milionë Euro koncesionit të Sterilizmit të Pajisjeve Kirugjikale.

Një tjetër dosje penale, është për falsifikimin e realizimit të kontratave të Dializës, Laboratorëve e Check-up, duke u dhënë në total 21 milionë Euro me faturime false për shërbime të pa kryera.

Tre afera të tjera korruptive të Ogerta Manastirliut, janë ato gjatë dy viteve Ministre Arsimi, ku ka firmosur 30 milionë Euro vjedhje për ekipet sportive shkollore dhe tenderët e rikonstruksionit të shkollave, ngrohjes e librave mësimore.

Ndoshta prej kësaj “përvoje” korrupsioni e vjedhjesh dhe guximit për për të firmosur zhvatjen e fondeve; Rama shpalli Ogertën kandidate për “timonin” Bashkisë së Tiranës.

Edhe në Bashkinë e Tiranës, Ogerta ka “përvojë” korrupsioni e vjedhjesh gjatë viteve 2004-2011 nën drejtimin e Edi Ramës, kur ishte Drejtoreshë e Strehimit, Drejtoreshë e Shërbimeve Sociale dhe Drejtoreshë e Projekteve.

Pamfleti. News.

Kryetarja e Bashkisë së Roskovecit, Majlinda Bufi, është marrë e pandehur nga SPAK.

Prokuroria e Posaçme ka dërguar sot për gjykim në Gjykatwn e Posaccme dosjen ndaj Bufit.

Dyshohet se Zalla ka ndihmuar autorët e vrasjes së Gilmando Danit në Rinas.

KRUJË- Ylli Zalla është 48-vjeçari që u gjet arsenali i armëve ditën e sotme në Nikël. Dyshohet se Zalla ka ndihmuar autorët e vrasjes së Gilmando Danit në Rinas.

Ai rezulton i arrestuar më herët për arsenal armësh dhe prodhim lëndëve plasëse, si edhe vendosje eksplozivi. Policia e Krujës e ka arrestuar Zallën në vitin 2014 për prodhim të bombave artizanale. Sipas policisë ai dyshohet për lidhje me grupin e muxhahedinëve që dërgojnë shqiptarë për të luftuar në Siri.

Ndaj tij Gjykata e Shkallës në Parë në Krujë kishte vendosur më 13 mars të 2014 masën e arrestit me burg pasi ka kryer vepren penale “Prodhim e mbajtje pa leje e armëve luftarake” si dhe “Prodhim dhe shitje të lëndëve narkotike”.

Si ndodhi ngjarja?

Atentati mafioz ndodhi mesditën e 11 nëntorit pranë aeroportit të Rinasit, ku nga breshëria e plumbave u ekzekutua Gilmando Dani, krahu i djathtë i Emiljano Shullazit dhe i plagosur mbeti Muçi Shaljani (Sheqeri). Dani dhe Shaljani po lëviznin me një Benz të bardhë luksoz, kur autorët me një tjetër makinë i zunë pritë dhe i qëlluan me breshëri plumbash.

Në makinën në pronësi të Elvis Kosovës shofer ishte Muçi Shaljani (punonjës i AMP) dhe Dani ishte pasagjer.  Gilmando Dani kishte ardhur në Shqipëri nga Barcelona, por u ekzekutua vetëm disa minuta pasi kishte hipur në makinë. Pas atentatit, autorët dyshohet se janë larguar në drejtim të Fushë Krujës dhe kanë qenë me një mjet Toyota Yaris me targa greke. Vetëm pak minuta pas ngjarjes, makina e përdorur për vrasjen u gjet e djegur në fshatin Halil.

Njoftimi i Policisë:

Tiranë/Zhvillohet operacioni policor i koduar “Tracking”, nga specialistët e Sektorit të Krimeve të Rënda të DVP Tiranë, në bashkëpunim me shërbimet e Komisariatit të Policisë Krujë. Operacioni, ende në vijim në rrethin Krujë, në kuadër të punës intensive hetimore dhe operacionale, me objektiv zbardhjen e autorësisë dhe rrethanave të ngjarjes së datës 12.11.2025, te rrethrrotullimi i Rinasit. Zbulohet një banesë në fshatin Zall, Fushë Krujë, ku mbahej arsenal armësh shpërthyese, armësh zjarri dhe municioni.

Gjatë kontrolleve, u gjetën në këtë banesë:
-3 kallëpë tritol;
-12 granata dore sulmuese;
-sasi lëndësh plasëse gati për shpërthim, të montuara me kapsolla detonatore, fitil zjarrpërcjellës dhe celularë(mina);
-3 ndezës granatash, kapsolla detonatore dhe 5 celularë;
-4 armë zjarri (2 automatikë dhe 2 pushkë), 8 krehra dhe pjesë armësh;
-6000 fishekë të kalibrave të ndryshëm;
-2 kg e 25 gramë Cannabis.

Në vijim të veprimeve procedurale për rastin, u shpall në kërkim pronari i banesës, shtetasi Y. Z., 48 vjeç. Punohet intensivisht për kapjen e tij, si dhe po hetohet me qëllim zbardhjen e lidhjes së mundshme që mund të ketë 48-vjeçari, me ngjarjen e ndodhur te rrethrrotulli i Rinasit. Operacioni policor i koduar “Tracking”, vijon. Materialet procedurale iu referuan Prokurorisë së Tiranës, për veprime të mëtejshme.

/Dosja.al

Ish-prefekti i Vlorës, i pyetur në Log nga moderatori Endri Xhafo nëse duhet të vazhdojë të ushtrojë detyrat e saj në qeveri zv/kryeminstrja Belinda Balluku e cila është marrë e pandehur nga SPAK për akuzën e shkeljes së barazisë në tenderin e Tunelit të Llogarasë, Plator Nesturi tha se nuk do të jetë vetëm ajo që do të largohet nga qeveria.

Ai tha se do të ketë dhe të tjerë ministra që nuk do të jenë pjesë e qeverisë, për shkak të akuzave për korrupsion, sikurse Balluku.

Nesturi e quajti këtë moment historik pasi ka ardhur koha që duhet të ndahemi nga kjo formë e qeverisjes.

 Plator Nesturi: Kemi të bëjmë me një ecuri, kemi të bëjmë me një moment historik ku duhet të ndahemi nga kjo formë e qeverisjes.

Jemi koshient që korrupsioni është pengesë dhe për integrimin dhe për zhvillimin e vendit.

Nëse e ndërpresim këtë, kemi ndërprerë ecurinë e zhvillimit.

Nëse nuk kam qenë i kuptueshëm. Mua në më interesojnë faktet e secilit veç e veç. Varet se ça kanë bërë. Kemi të bëjmë me ecuri, se ka dhe përgjegjësi politikë.

Është moment historik për ty ndarë nga kjo forcë. Kushdo që është bërë pengesë, me dashje apo pa dashje, se e përcakton SPAK, drejtësia, kjo s’ka rëndësi.

Korrupsioni është një fenomen që është pengesë për ecurinë  e vendit, për integrimin. Nëse kemi një kauzë të vlerësuar, është se po ecet mirë në luftën kundër korrupsionit. Nëse ndërpritet kjo, ndërpresim ecurinë për integrimit apo besimin te SPAK-u.

Deputeti i PS-së, Erion Braçe ka kritikuar Ministrinë e Infrastrukturës lidhur me pagesën në traun e vendosur në Kukës-Morinë, ku ngriti shqetësimin se qytetarët paguajnë më shumë kur dalin nga territori i Shqipërisë, sesa kur hyn nga kufiri i Kosovës.

Erion Braçe, në Komisionin për Financat, të cilit ministrja Belinda Balluku që është marrë e pandehur iu shmang duke u përfaqësuar nga zëvendësja e saj Enkelejda Muçaj, u shpreh se “kur hyn nga Kosova pagesa është fiks 5 euro, kur del nga Shqipëria në Kosovë pagesa është 640 lekë”.

Ai theksoi se në pikat e kontrollit ku bëhet pagesa nuk ka kurs monedhe të shpallur, duke theksuar se nëse pagesa bëhet në euro, kusuri dhe llogaria të bëhet në lekë.

“ Këto 1.5, 1.4 euro po të sjellësh në vëmendje fluksin e verës bëjnë shumë para”, theksoi ligjvënësi socialist, duke shtuar se kjo është e pandershme.

Erion Braçe: Si monitorohet nga ana juaj kjo gjë, është thjesht dhe vetëm vullnet e deklarim i kompanive nën kontratë, apo ushtroni edhe ju kontroll për këto flukse të trafikut. Kam një shqetësim që vjen i përsëritur për pagesën Kukës Morinë. Kur hyn nga Kosova pagesa është fiks 5 euro, kur del nga Shqipëria në Kosovë pagesa është 640 lekë. Bëjnë 6.4 euro në kursin e këmbimit. Por ndodh edhe çudia me madhe, po të duash të paguash në euro, që praktikisht i bie më lirë, të kthejnë kusur në leke dhe llogarinë ta bëjnë në lekë.

Ndërkohë në pikë e kontrollit ku bëhet pagesa nuk ka asnjë kurs monedhe të shpallur, që praktikisht duhet të ishte kursi zyrtar i ditës. Këto 1.5, 1.4 euro po të sjellësh në vëmendje fluksin e verës bëjnë shumë para.

Ndaj ju pyes është çështje deklarimi kompanie në këtë rast, trafiku, fluksi apo ushtroni edhe ju kontroll. I bie e pandershme kjo gjë nga ana e operatorit që monitoron rrugën.

Enkelejda Muçaj: Kontratat janë në monitorim të dyja, sa i përket çështjes së trafikut. Ka një mekanizëm të kontrollit të kontratave koncesionare, ndërkohë kontrollon gjithë performancën e kontratës në kuptimin e të gjithë parametrave dhe modelit financiar të secilit prej tyre deri më tani dhe sidomos në lidhje me çështjen e tarifave që ju përmendet mendojmë se duhet ta marrim si një detyrë për ta kuptuar gjendjen aktuale që raportoni, për të përcaktuar se cili është parametër i pandershmërisë, papagesa po.

Tek risku, deri më tani është me koncesionarin, Buxheti shtetit nuk ka paguar asnjë parashtesë për secilin prej tyre

Erion Braçe: Mjafton kursi i euros, që ata të jenë të lumtur, e kupton. gsh

Detaje të reja janë zbuluar mbi atentatin e ndodhur dy ditë më parë në Rinas ku u ekzekutua Gilmando Dani, krahu i djathtë i Emiljano Shullazit.

Gazetarja Xhensila Kodra raporton se Dani ka marrë 20 plumba në trup, ndërsa në vendngjarje janë gjetur mbi 80 gëzhoja. Në Spitalin e Traumës, vijon të jetë i intubuar shoqëruesi i Danit, punonjësi i Policisë së Shtetit, Muçi Shaljani (Sheqeri), i cili mori 10 plumba në trup, 2 prej të cilëve në kokë.

Pervec targave greke, edhe makina “Toyota” rezulton të jetë e vjedhur në Greqi në tetor të 2022.

Ndërkohë, janë shoqëruar të paktën 15 persona, kryesisht familjarë të viktimës dhe të plagosurit të cilët kanë dhënë dëshmitë para grupit hetimor.

Që pas atentatit, policia ka kryer kontrolle në disa zona të ndryshme, Tiranë, Kamëz, Nikël dhe Fushë Krujë, por pa rënë në gjurmët e autorëve. Makina e vrasësve u gjet e djegur në fshatin Halil të Fushë Krujës rreth 1 orë pas atentatit. bw

Qeveria shqiptare do të financojë kontratën koncensionare me Partneritet Publik-Privat (PPP) për ndërtimin e inceneratorit fantazmë të Tiranës edhe 30 milionë euro për periudhën 2026-2028, sipas të dhënave zyrtare në projektbuxhetin e vitit 2026.

Edhe pse impianti nuk po ndërtohet, qeveria vijon të kryejë pagesat me një korrektësi të lartë, nga të gjitha kontratat e tjera të investimeve publike.

Këto pagesa vijnë në një kohë kur nuk është bërë asnjë investim për impiantin, ndërsa mbetjet e kryeqytetit vazhdojnë të depozitohen në landfillin ekzistues të Sharrës.

Ministria e Financave më parë justifikoi vazhdimin e financimeve me nevojën për të respektuar detyrimet kontraktuale dhe për të shmangur penalitetet, duke pranuar dobësitë e kontratës ku fondet disbursohen pa kuotat e punimeve. Kjo ndodh edhe pse ligji organik i buxhetit dhe një seri udhëzimesh nuk lejojnë pagesa buxhetore pa një situacion punimesh.

Deri në 22 tetor 2025, buxheti ka dhënë mbi 8,9 miliardë lekë ose mbi 90 milionë euro për ndërtimin e objektit që nuk ekziston, sipas të dhënave nga Open Data Albania.

Ndërkohë, Bashkia e Tiranës përfshin çdo vit në planifikimet buxhetore shuma të konsiderueshme për shërbimin e pastrimit dhe menaxhimin e mbetjeve, ndërsa kontrata e inceneratorit parashikohet të përfshijë edhe fazën e djegies me prodhim energjie, fazë që ende nuk ka nisur dhe deri tani ka djegur vetëm fondet publike.

Qeveria Shqiptare në vitet 2016-2017 planifikoi ndërtimin e 3 incineratorëve në Elbasan me kapacitet 140 ton/ditë, në Fier me kapacitet 200 ton/ditë dhe Tiranë me kapacitet 920 ton/ditë.

Incineratorët në Elbasan dhe Fier janë financuar me skemën e Partneritetit Publik – Privat (PPP), tashmë janë jashtë funksionit pasi rezultuan tërësisht kontratat korruptive të vërtetuara nga hetimet e SPAK.

Kontrata e inceneratorit të projektuar në Tiranë është aktive dhe financohet përmes një koncensioni 30 vjeçar me vlerën 128 milionë Euro, shumë kjo që alokohet tërësisht deri në vitin 2028 dhe deri më tani janë dhënë më shumë se 70 % e fondeve.

Qeveria programoi se kapaciteti i tre inceneratorëve së bashku është sa 43% e totalit të mbetjeve që gjenerohen në të gjithë vendin, por tani mosfunksionimi i tyre ka futur vendin në një emergjencë mjedisore dhe pa një vizion të qartë se do të vazhdohet, përderisa vitin që vjen mbetjet e gjeneruara në Përrenjas, Librazhd, Elbasan, Fier Lushnjë etj do të depozitohen në Shkodër.

Kjo mënyrë do të krijojë kosto të larta ta transportit, pasi me rrugën ekzistuese që lidh Shkodrën me pjesën tjetër të vendit ka gjithmonë shumë trafik. Qeveria ka projektuar të përdorë Shkodrën për të depozituar mbetjet e gjysmës së Shqipërisë, në një kohë ku hapësirat për landfille afër qyteteve të mëdha nuk janë ezauruar./ Monitor

Gazetari Osman Stafa që ndjek me shumë përkushtim problemet e Onkologjikut me pasojë jetën e pacientëve, boton në rrjetin social komunikimet që ka pasur me një paciente të onkologjikut, e cila e njofton Osman Stafën se nuk ka medikamente për vazhdimin e kurës. Ja si shkruan Osman Stafa:

“Zonja është një nënë. Është një grua që po përballet me kancerin.

Por ilaçi “avastinë” mbaroi përsëri sot. Nuk ka. Pacientët me kancer janë braktisur!”

Qytetarët shprehen se drejtësia nuk po zbaton të njëjtin standard të vetëm, kur bëhet fjalë për zëvendëskryeministren Belinda Balluku.

Për mikrofonin e News24, ata komentojnë faktin që zëvendëskryeministrja e pandehur nga SPAK vijon të shkojë në zyrë dhe të firmosë ende dokumenta.

Qytetarët shprehen se drejtësia duhet të veprojë njëlloj si në të kaluarën me zyrtarët e tjerë të lartë dhe jo me dy standarde.

Qytetar: Ajo s’duhet të dalë fare ta shikojë populli me sy, duhet të kishte ikur në SPAK.

Qytetare: Ta fusin brenda. Të dy njëlloj janë, si gjyshi si mbesa. Çfarë krimesh kanë bërë ata.

Qytetar: Rama duhet të largohet, duhet të japë dorëheqje. SPAK i ka hyrë kësaj pune, ta verifikojë mirë zëvendësen e tij.

Qytetar: Nëse kanë shkelur ligjin, çdo njeri është i barabartë përballë ligjit. SPAK duhet të bëjë detyrën e vet, nëse ka shkelur ligjin duhet të përgjigjet para ligjit.

Qytetar: Është turp t’i thuash Qeveri. është turp t’i thuash zv/kryeministre. Ata s’kanë surrat, janë të tërë për të ikur në burg.

Qytetar: Të marrë dënimin e merituar nga SPAK dhe Gjykata. bw

TIRANË-

Si ndodhi ngjarja?

Atentati mafioz ndodhi mesditën e djeshme pranë pranë aeroportit të Rinasit, ku nga breshëria e plumbave u ekzekutua Gilmando Dani, krahu i djathtë i Emiljano Shullazit dhe i plagosur mbeti Muçi Shaljani (Sheqeri). Dani dhe Shaljani po lëviznin me një Benz të bardhë luksoz, kur autorët me një tjetër makinë i zunë pritë dhe i qëlluan me breshëri plumbash.

Në makinën në pronësi të Elvis Kosovës shofer ishte Muçi Shaljani (punonjës i AMP) dhe Dani ishte pasagjer.  Gilmando Dani kishte ardhur në Shqipëri nga Barcelona, por u ekzekutua vetëm disa minuta pasi kishte hipur në makinë. Pas atentatit, autorët dyshohet se janë larguar në drejtim të Fushë Krujës dhe kanë qenë me një mjet Toyota Yaris me targa greke. Vetëm pak minuta pas ngjarjes, makina e përdorur për vrasjen u gjet e djegur në fshatin Halil./Dosja.al

Në mbledhjen e Komisionit për Ekonominë, Punësimin dhe Financat, deputeti socialist i Qarkut të Elbasanit, Adi Qose, ngriti një nga shqetësimet më të mëdha që prej vitesh rëndon mbi qytetarët e Elbasanit dhe gjithë drejtuesit e mjeteve që kalojnë në këtë zonë: mungesën e Bypass-it të Elbasanit.

Në një pyetje drejtuar përfaqësuesve të Ministrisë së Infrastrukturës dhe Energjisë, Qose kërkoi përgjigje të qartë mbi afatet dhe planin konkret për ndërtimin e këtij segmenti të shumëpërfolur, duke e cilësuar si një domosdoshmëri të vonuar.

“Ndërtimi i Bypass-it të Elbasanit është një emergjencë infrastrukturore. Trafiku në qytet është bërë i padurueshëm, veçanërisht në fundjavë, kur kalimi përmes Elbasanit është një mision i pamundur. Ky projekt është premtuar që prej një dekade dhe nuk mund të shtyhet më,” – deklaroi Qose.

Deputeti theksoi se Bypass-i nuk është thjesht një kërkesë lokale, por një nevojë kombëtare që do t’i shërbente gjithë juglindjes së vendit – nga Peqini, Belshi e Gramshi, deri në Librazhd e Prrenjas. Sipas tij, investimi do të kishte ndikim të drejtpërdrejtë në zhvillimin ekonomik, turizmin dhe lehtësimin e qarkullimit ndërqytetas, duke e bërë Elbasanin një nyje të rëndësishme të transportit në Korridorin VIII.

“Tani që po ecën me ritme të shpejta ndërtimi i segmentit Elbasan–Lekaj të Korridorit të Tetë, është momenti i duhur që qeveria të çojë përpara edhe projektin e Bypass-it. Fondi i parashikuar për vitin 2026 është i pamjaftueshëm, pasi përfshin vetëm fazën e studimit. Duhet më shumë vëmendje dhe mbështetje buxhetore,” – nënvizoi ai.

Nga ana e tyre, përfaqësuesit e Ministrisë së Infrastrukturës dhe Energjisë konfirmuan se projekti i Bypass-it të Elbasanit është përfshirë në listën prioritare të ministrisë dhe është akomoduar në buxhetin afatmesëm 2026–2028, përfshirë edhe në Aktin Normativ të tetorit.

Sipas tyre, gjatë vitit të ardhshëm do të nisë financimi për një bypass të përkohshëm (të shkurtër), që do të shërbejë si parapërgatitje për ndërtimin e Bypass-it të plotë.

“Ky projekt mbetet në fokusin e ministrisë dhe është pjesë e planifikimit afatgjatë të investimeve në infrastrukturë, në bashkëpunim me institucionet financiare ndërkombëtare,” – u theksua nga përfaqësuesi i ministrisë.

Debati në Komision shënoi një tjetër shtytje institucionale për një çështje që qytetarët e Elbasanit e kanë ngritur prej vitesh. Me kërkesën e deputetit Qose, projekti i Bypass-it të Elbasanit duket se po rikthehet në qendër të vëmendjes, me shpresën që të mos mbetet më vetëm në letër, por të kthehet në realitet në vitet e ardhshme. bw

Muçi Shaljani

Shaljani ishte shofer në makinën anti-blind tip ‘Benz’ dhe në momentin e vrasjes ai ka mbetur i plagosur në gjendje të rëndë shëndetësore.

TIRANË- Muçi Shaljani alias Muçi Sheqeri është agjenti i Agjencisë së Mbikqyrjes Policore që mbeti i plagosur ditën e sotme në atentatin ndaj Gilmando Danit. Shaljani ishte shofer në makinën anti-blind tip ‘Benz’ dhe në momentin e vrasjes ai ka mbetur i plagosur në gjendje të rëndë shëndetësore.

Por kush është Muçi Shaljani?

Muçi Shaljani është person i panjohur në radhët e AMP-së. Fillimisht ishte ish-drejtuesi i AMPS-së Florjan Sulejmani, i cili nisi praktikën për ta rekrutuar në radhët e AMP-së. Burimet për Dosja.al, bëjnë me dije se Sulejmani nisi donte që ta fuste Shaljanin tek Forcat Opercionale të AMP-së.

Por punësimi i tij mbeti pezull për pak kohë, pasi Sulejmani dha dorëheqjen si drejtor i AMP-së dhe kompetencat e tij i mori Artjol Saliasi. Në momentin që Saliasi ka marrë rolin e drejtuesit të Agjencisë, e ka futur Shaljanin në shërbim./Dosja.al

Një vit pas lirimit nga qelia, Gilmando Dani, krahu i djathte i Emiljano Shullazit u ekzekutua sot në rrugën e Rinasit, pas një atentati vdekjeprurës.

Por emri i Gilmando Dani është i njohur për Policinë dhe Drejtësinë, pasi ka një skedë të mbushur me një seri ngjarjesh, duke nisur nga viti 2005, teksa është i profilizuar edhe si miku i Emiljano Shullazit, kreut të grupit ku bënte pjesë.

Rezulton se pas disa kërkesave të refuzuara për lirim me kusht që prej vitit 2022, pas transferimit në Burgun e Rrogozhinës, ndërsa qëndroi në izolimin e sigurisë “41 biss” për një kohë të gjatë, ai kërkoi lirimin. Dhe kjo liri erdhi më 6 tetor 2024.

Ai ishte dënuar me 12 vite burgim nga Gjykata e Posaçme e Apelit Tiranë. Më herët ishte arrestuar edhe në 2005 dhe 2012 si pjesë e ngjarjeve kriminale, kryesisht trafiqe, plagosje dhe armëmbajtje pa leje. Më 2005 Dani u lidh edhe me disa krime në Itali, por më pas u lirua bashkë me të tjerët.

Por ishte liruar më pas deri në arrestimin një dekadë më parë për gjobëvënien ndaj një biznesmeni.

Më 2022 ai ka paraqitur kërkesën për të përfituar lirimin me kusht. Kërkesa është depozituar në Gjykatën e Kavajës, ku Dani pretendon të lirohej me kusht, pasi sipas pretendimeve të tij ka vuajtur 2/3 e dënimit me burg. Por i janë refuzuar disa kërkesa, derisa një vit më parë është liruar.

Sipas gjykatës, Gilmando Dani, së bashku me Emiljano Shullazin, Endrit Zelën dhe Edrit Qyqen, kërcënuan dhe gjobitën biznesmenin, Ylvi Beqja duke i marrë 5 herë çeqe bankare dhe 20 për qind të ish-hotel “Vollga” në Durrës. Dani akuzohej për veprat penale: “shtrëngimit me anë të kanosjes me qëllim marrje e pasurisë” kryer në formën e “grupit të Strukturuar kriminal”.

I gjithë grupi i Shullazit u dënua me 55 vite burg në vitin 2018, ndërsa arrestimi ishte bërë i mundur në vitin 2016. Kreu i bandës Emiliano Shullazi është dënuar me 14 vite burg në vitin 2018. Panorama

Gazetarja e News24, Klodiana Lala ka dhënë detaje mbi atentatin e rëndë që ndodhi mesditën e sotme në vendin e njohur si rrethi pranë aeroportit të Rinasit.

Lala tha se shënjestra e atentatit ka qenë Gilmando Dani i cili ishte liruar nga burgu një vit më parë, në tetor 2024 dhe jetonte në një pjesë më të madhe të vitit në Spanjë.

Sipas gazetares, ai është pritur nga një automjet i bardhë në pronësi të Elvis Kosovës që njihet si Visi i garave në Tiranë nga një mik i tij që  në fakt është paradoksale është agjent i mbikqyrjes policore Muçi Shaljani.

“Në momentin që automjeti ka hyrë në rrethin e Rinasit, një automjet me targa greke e ka parakaluar ka qëlluar në drejtim të tyre duke lënë të vdekur Gilmando  Danin ndërsa të plagosur rëndë agjentin e AMP.

Është konfirmuar se shënjestra ka qenë Gilmando Dani, që i ka mbijetuar dhe dy atentateve të mëhershme në 2011 dhe 2015 sepse në 2015 dhe deri në 2024 ka vuajtur dënimin për gjobvënie ndaj Ylvi Beqaj dhe fakti që është qëlluar sapo ka zbritur nga aeroporti do të thotë se gjithcka ka qenë e organizuar.

Më tej, gazetarja ka sqaruar se atentatorët zgjodhën një zonë të sigurt si Rinasi, megjithëse që pas grabitjes së kryer në 2018, nga grupi i drejtuar nga Admir Murati, masat e sigurisë në Rinas janë shtuar ndjeshëm.

“Nga mënyra si kanë vepruar autorët është përdorur një makinë e vjedhur me targa të vjedhur.

Mund të ketë patur dhe informatorë që kanë lajmëruar se Gilmando Dani ka dalë jashtë aeroportit. Mund të kishte më shumë viktima, dhe automjeti është drejtuar në drejtim të urës së Gjolës ku u gjet një automjet i djegur në fshatin Halil të Krujës”, tha gazetarja Klodiana Lala.

Klodiana Lala: Një pjesë e detajeve janë bërë të ditura sa kohë ka një reagim nga policia e shtetit. Atentati ka ndodhur në një nga zonat më të sigurta të Tiranës, afër aeroportit por dhe aty krimi nuk ka ngurruar  të qëllojë një nga emrat më të njohur të botës së krimit

Gilmando Dani ka qenë i dënuar nga Gjykata e Krimeve të Rënda në kuadër të procesit të Emiliano Shullazit ku ai ishte pjesë e grupit të tij.

Në tetor të vitit të kaluar la qelitë e paraburgimit dhe iu kthye jetës në normalitet.

Sipas të dhënave të grumbulluara nga policia, ai ishte larguar dhe jetonte në Spanjë, dhe piëkrisht sot pak minuta para se të qëllohej për vdekje tek rrethi pranë aeroportit të Rinasit ai po kthehej nga Barcelona në drejtim të Tiranës.

Në dalje të aeroportit është pritur nga një automjet i bardhë në pronësi të Elvis Kosovës që njihet si Visi i garave në Tiranë nga një mik i tij që  në fakt është paradoksale është agjent i mbikqyrjes policore Muçi Shaljani dhe në momentin që automjeti ka hyrë në rrethin e Rinasit, një automjet me targa greke e ka parakaluar ka qëlluar në drejtim të tyre duke lënë të vdekur Gilmando  Danin ndërsa të plagosur rëndë agjentin e AMP.

Është konfirmuar se shënjestra ka qenë Gilmando Dani, që i ka mbijetuar dhe dy atentateve të mëhershme në 2011 dhe 2015 sepse në 2015 dhe deri në 2024 ka vuajtur dënimin për gjobvënie ndaj Ylvi Beqaj dhe fakti që është qëlluar sapo ka zbritur nga aeroporti do të thotë se gjithcka ka qenë e organizuar.

Që pas grabitjes së kryer në 2018, nga grupi i drejtuar nga Admir Murati, masat e sigurisë në Rinas janë shtuar ndjeshëm por krimi nuk ka pyetur. Nga mënyra si kanë vepruar autorët është përdorur një makinë e vjedhur me targa të vjedhur.

Mund të ketë patur dhe informatorë që kanë lajmëruar se Gilmando Dani ka dalë jashtë aeroportit. Mund të kishte më shumë viktima, dhe automjeti është drejtuar në drejtim të urës së Gjolës ku u gjet një automjet i djegur në fshatin Halil të Krujës.

Autorët nuk kanë qenë amatorë, kanë kryer atentatin në një zonë të mbipolluar por dhe e sigurt, është qëlluar ndaj këtij personi. Më tronditëse është fakti se pasi është kryer krimi, është tentuar ti jepej ndihmë, ndërkohë që u tentua nga punonjësi i policisë të hapte me këmbë automjetin.

Komisariati i rinasit është shumë pranë dhe sa pak mjete ka policia për të ndërhyrë në të tilla raste.

Agjencia e mbikqyrjes policore do të duhet të hetojë shkeljet e punonjësve të policisë dhe për të hetuar lidhjet e tyre me njerëz të botës së krimit.

Personi që shoqëronte Gilmando Dani, Muçi Shaljani alias Sheqeri, kishte lidhur kontratë në muajin shtator me AMP me kontratë të përkohshme dhe do të përfundonte në fund të muajit nëntor.

Gilmando Dani nuk është një nga ato njerëzit e botës së krimit që hyjnë rastësisht, por ka dominuar për më shumë se një dekadë në botën e krimit.

Pas lirimit nga burgu dhe fakti se kreu i grupit Emiliano Shullazi vuan dënimin me 14 vite për gjobvënie dhe akuza të tjera të rënda për vrasjen e Vajdin Lames dhe tentativës për vrasje të Marenglen Hakës, përplasje me të fortët e Niklës, frerët e bandës dhe kryesimin mendohet se e kishte marrë Gilmando Dani. E gjithë kjo e bën ngjarjen një atentat të mirëorganizuar, që tronditi Tiranën dhe na dha një njollë të zezë dhe në sy të turistëve të huaj.

Gilmando Dani ka ndërruar jetë në vend, ndërkohë që i plagosuri në atentat Muçi Shaljani. bw

Kryetari i Partisë Demokratike, Sali Berisha tha se Belinda Balluku duhet të japë dorëheqjen dhe të bëhet e penduar e drejtësisë.

Berisha: qindra miliona taksa të qytetarëve shqiptarë të menaxhohen me sms, të menaxhohen shkallëve, të menaxhohen skutave, sikur ky shtet nuk ka asnjë ligj dhe rregull, sikur është pronë e Lubisë dhe Edi Ramës që mund të bëjnë ctë duan. Për të vjedhur të paktën 100 mln euro në tunelin e Llogarasë anuluan tenderin me ofertë 130 mln. Tani ai shkon në 230 milionë. Kanë ngrënë urat, 20 milionë dy ura, nuk ekzistojnë. Tuneli është katasfrofal në cilësi, është i pa kolauduar. Nuk ka asnjë garanci. Ky është tuneli i tyre, në vend që të japë dorëheqjen dhe të bëhet e penduar dhe ti thotë drejtësisë se çdo gjë e kam bërë me urdhër të Edi Ramës, e kërcënon dhe ai detyrohet ta mbajë në krah. Panorama

Të mërkurën në Pallatin e Kongreseve, Panairi i 28-të i Librit në Tiranë. Kreu i shoqatës së botuesve, në një konferencë për mediat ka folur për krizë librash.

“Ndërgjegjja jonë ka nevojë për librat”. Një shprehje e shkrimtarit të madh, Ismail Kadare, shërben si mesazh grishës në festën e librit, përmes ngjarjes më të madhe vjetore që bashkon shkrimtarë, përkthyes e studiues. Panairi i 28-të i Librit në Tiranë nis të mërkurën në Pallatin e Kongreseve. Kreu i shoqatës së botuesve, në një konferencë për mediat renditi problemet, duke folur për ulje të numrit të librave të rinj, biblioteka e librari bosh dhe buxhete të papërfillshme.

“Para disa ditësh ne i drejtuam shtëpive botuese një pyetësor ku i pyetëm se sa libra të rinj kanë në panair. Ka shtëpi botuese me asnjë libër të ri, që janë prej vitesh në panair, ka që kanë 1- 2 tituj të rinj, ka me 5-6, ka edhe pak që botojnë 20-30-40 tituj, pra ka rënë numri i botimeve dhe cilësia e botimeve”, the Petrit Ymeri.
Sipas tij, kjo lidhet shumë me buxhetet e papërfillshme dhe me investimin e shtetit në këtë lami të kulturës, ndryshe nga Kosova.

“Ka botues të Kosovës që e kanë zgjeruar spektrin e tyre të botimit dhe na konkurrojnë me nivel të mirë. 1.5 milionë euro ose 2 milionë euro që ju jep qeveria në Kosovë, që shkojnë për përkthime, pagesën e të drejtave të autorit, bibliotekat shkollore dhe ato komunale”. Përkundër kësaj, në Shqipëri, buxhetet, në ndonjë qytet, thanë botuesit, çojnë një libër të vetëm.

“Po marr një rast konkret, që u bë furnizimi me libra për bibliotekat e shkollave, dhe Përrenjasit i çohet vetëm 1 libër, nga e gjithë lista. Nëse e tërë drejtoria ka marrë 30, Përrenjasit i çohet një, nga tërë shëtpitë botuese 5 tituj. Si mund të bësh furnizim biblioteke me 5 libra”, tha botuesi Jani Malaj. bw

Gazetarja Klodiana Lala ishte këtë mbrëmje në emisionin “Log” teksa fillimisht foli mbi dosjen e nxehtë në SPAK të zv.kryeministres Belinda Balluku. Lala thekson se Balluku po qëndron në detyrë jashtë çdo kriteri moral dhe juridik.

“Mendoj se çështja kryesore do jetë zonja Balluku. Është një zv.kryeministre. në detyrë që po qëndron jashtë çdo kriteri moral dhe juridik. Ka një akuzë të rëndë për 50 mln euro të zhdukura. Ka mesazh kompromentues që duhet të evidentohen.”

Më tej Lala, foli mbi thirrjen e Berishës në SPAK për 21 janarin. Berisha do duhej të japë shpjegime si person në dijeni për 4 vrasjet në protestën e 21 janarit 2011.

“Berisha ka një fletëthirrje si person në dijeni për 21 janarin. Ka qenë kryeministër në detyrë kur ka ndodhur ngjarja. Demonstrata u thirr nga Edi Rama kryetar i opozitës. Doli një video e Dritan Priftit ku shfaqej Meta për një çështje parash me të cilën Metra doli i pafajshëm nga Gjykata e Lartë. Me këtë video u thirr dhe protesta e 21 janarit. Zoti Berisha do duhet të japë shpjegime për çfarë ndodhi brenda godinës së kryeministrisë.

Kush e urdhëroi gardën të qëllojë mbi protestuesit dhe qytetarët më 21 janar. Është thirrur si person në dijeni. Ajo çka pasoi pas 21 janari, grupi i prokurorëve në atë kohë, nuk zbatoi urdhrat për ndalimin e zinxhirtit e krerëve të gardës së republikës. Berisha do duhet të japë urdhër pse nuk u zbatuan urdhrat. I mbajti gardistët brenda kryeministrisë. Prokuroria nuk hynte në ambientet e kryeministrisë. U fshi serveri, u zhdukën pamjet filmike.”

Gazetarja Klodiana Lala e ftuar në emisionin Log, theksoi se në rastin me tenderin e Tunelit të Llogarasë, shteti nuk ka vepruar sipas rregullave dhe ligjeve, por sipas oreksit të politikanëve.

Lala shton se Belinda Balluku nuk e ka paramenduar se bisedat me Evis Berberin do t’i dilnin një ditë.

“Do të ndalemi tek dy momente thelbësore ky material që shfaqet ka të bëjë me tenderin e supervizionimit. Është një tender që tregon babëzinë e zyrtarëve të Infrastrukturës që kishin shkuar deri në atë pikë sa korruptionin çdo tender.

Unë mendoj që duhet të ndalemi tek tenderi i madh të Llogarasë.

Tuneli u hap, tenderi i parë u përcaktua Gjoka, ne kemi të gjitha komunikimet me Ballukun dhe Berberin, ku e urdhëron të anulojnë tenderin. Kam ndjesi të keqe thotë dhe Berberi thotë nuk ka problem për ndjesinë e anuloj direkt.

Më pas kemi kompaninë turke dhe kanë fituar tenderin me një shumë herë më të konsiderueshme. Dhe po të shikosh komunikimet me Berberin, kanë të bëjmë me paracaktimin, Balluku e ka orientuar Berberin.

Që nga fakti që kompania turke dhe në një farë mënyre i dikton fituesi. Po të shikosh komunikimet shteti nuk ka funksionuar sipas rregullit dhe ligjeve por sipas orekseve të politikanëve. Ka të bëjë me arrogancën e Ballukut, ajo ka pasur aq shumë vetbesim dhe nuk e ka paramenduar, Dhe në fund fare i thotë hapë tenderin se plasa dhe më pas ai e hap dhe fitues del. Po ta shikosh me kujdes dosjen aty ka dhe referenca të Ballukut dhe Ramës në Turqi janë fshirë shumë foto dhe janë rikuperuar me një program nga Amerika. Është rikuperuar dhe nga ana e SPAK.”, tha Lala. bw

Berisha: Unë nuk kam marrë asnjë fletëthirrje. Për fakti e thjeshtë se Alfred Greca ua jep gazetarëve para se të ma japë mua. Unë skam asnjë problem. Se unë jam njeriu që kam kërkuar më shumë se kushedo tjetër hetimin e atyre ngjarjeve tragjike, Kam kërkuar prokuror ndërkombëtar për hetimin e tyre. Nga 2013-ta deri sot, është vetëm Edi Rama që ka penguar hetimin. Sali Berisha ka kërkuar prokuror ndërkombëtar, hetim dhe fatmirësisht ka deklaratat e SHBA-ve ku zoti Shtaimer erdhi dhe ishte asistent i SHBA-ve dhe Contrimen që kërkuan hetime nga polici dhe organizatori. Organizatori dihet kush është. Jam i hapur të hetohet kjo ngjarje. bw

Ish-zv.kryeministri Arben Ahmetaj dhe bashkëjetuesja e tij, Erjola Hoxha padisin Shqipërinë ne Gjykatën Europiane për të drejtat e Njeriut dhe pretendojnë shkelje të rënda kushtetuese gjatë hetimit të tyre, pasi kontrolli I banesës është së përbashkët është bërë kur ai gëzonte imunitetin e deputetit dhe për rrjedhojë s’mund të kryhej sipas tij pa autorizim paraprak të Kuvendit.

Referuar dokumentit kërkesa lidhet me kontrollin fizik dhe të telefonit celular të partneres së Ahmetajt, si dhe si dhe kontrollin e banesës së përbashkët të tyre më 9 mars 2023, mbi bazën e një vendimi të Gjykatës së Posaçme, lëshuar vetëm një ditë më herët me 8 mars 2023

“Kërkuesit ankohen se kontrolli i banesës së tyre ishte i paligjshëm, pasi kërkuesi i parë ishte AP në kohën përkatëse, dhe banesa e tij nuk mund të kontrollohej pa autorizim paraprak të Parlamentit (sipas nenit 73 (2) të Kushtetutës); dhe se ata nuk kishin qasje në një procedurë për të kundërshtuar kontrollet në fjalë, në kundërshtim me kërkesat e neneve 8 dhe 13 të Konventës”, thuhet në kërkesë.

Pas marrjes së kësaj kërkesë, Strasburgu ka drejtuar një sërë pyetjeve palëve.

A ka pasur shkelje të së drejtës së kërkuesit të parë për respektimin e banesës, e garantuar nga neni 8 i Konventës? Në veçanti, a është kryer kontrolli i banesës në përputhje me nenin 73(2) të Kushtetutës, që lidhet me imunitetin e deputetëve?

A ka shfrytëzuar kërkuesi i parë ndonjë mjet efektiv juridik brenda sistemit kombëtar në këtë drejtim? Dhe Në veçanti, a ishte vendimi gjyqësor i 8 marsit 2023 i ankueshëm në ndonjë gjykatë më të lartë?”.

Ish-zv.kryeministri Arben Ahmetaj ndodhet në arrati prej gati dy vitesh. Ai po hetohet nga SPAK për veprat penale të korrupsionit, pastrimit të parave dhe fshehjes së pasurisë lidhur me aferën e inceneratorit të Tiranës. Ndërsa po gjykohet në Gjykatën e Posaçme për dosjen Buka. bw

Kryetari i Grupit Parlamentar të Partisë Demokratike, Gazment Bardhi, ka reaguar pas shfaqjes së Kryeministrit Edi Rama në krah Belinda Ballukut.

Bardhi deklaron se kryeministri është peng dhe vepron nën urdhrat e zëvendës kryeministres, pasi janë të përfshirë në aferën e tunelit të Llogarasë.

Postimi i plotë:

Aritmetika politike e korrupsionit!

Prej sot, de fakto zv. kryeministre e Shqipërisë është një e pandehur nën akuzë penale dhe në hetim nga SPAK. Shfaqja së bashku për herë të parë e Edi Ramës dhe Belinda që nga 31 Tetori, kur Belinda Balluku u mor e pandehur nuk lë më vend për dyshim se kryeministri është peng dhe vepron nën urdhrat e saj.

Edi Rama eshtë i pafuqishëm ta largojë, sepse të dy janë bashkë në aferën e Llogarasë. Janë bashkë në korrupsion. Bashkë në pakte mafioze heshtjene.

Kjo është aritmetika politike e korrupsionit. Aty ku numri 2 i qeverisë është i pandehur dhe ende në detyrë, numri 1 i qeverisë është i kapur. bw

Ora 18:00 njofton mbylljen zyrtare të procesit të votimit në 5 bashkitë e vendit, ndërsa në qendrat e votimit vijojnë të ketë ende qytetarë që presin të votojnë.

Nga raportimet e fundit të gazetarëve të News24, mësohet se qarku i Vlorës shënon shifrën më të ulët të pjesëmarrjes, 12.37% në raport me bashkitë e tjera.

Sipas gazetarit Osman Stafa, pas orës 18:00 të gjitha qendrat e votimit do t’i drejtohen KZAZ-ve për të numëruar votat.

“Kemi një specifikë se do të ketë dy procese numërimi, njëra nga grupet e numërimit dhe një tjetër nga Inteligjenca artificiale e cila do të numërojë fletët e votimit. Më pas do të shihet nëse do të rakordohen shifrat nga të dyja grupet e numërimit, nëse nuk do të ketë asnjë lloj gabimi, në zgjedhjet e ardhshme do të jetë opsion përdorimi i inteligjencës artificiale për numërimin e votave”, tha gazetari Osman Stafa.

Votimi elektronik nuk u aplikua në këto zgjedhje, shkak mendohet se është mungesa e buxhetit. bw

Pak minuta para mbylljes së procesit zgjedhor, ndërpritet energjia elektrike në qyetin e Vlorës. dosja.al

Deputetja e Partisë së Lirisë, Erisa Xhixho, foli sot në studion e News24 për aferën e Tunelit të Llogarasë, për të cilën është marrë e pandehur zv.kryeministrja, Belinda Balluku.

Balluku akuzohet për shkelje të barazisë në tenderin për Tunelin e Llogarasë.

Xhixho tha se shqiptarëve u janë vjedhur në total 75 mln euro nga kjo aferë.

Deputetja tha se 50 mln euro janë vjedhur nga anulimi i tenderit të parë te kalimi te tenderi i dytë, ndërsa 25 mln janë vjedhur nga “zhdukja e dy urave në projekt”.

Xhixho zbuloi se në projektin fillestar ka pasur dy ura, ndërkohë që në projektin përfundimtar këto ura janë zhdukur. Sipas saj kosto e këtyre urave është mbi 25 mln euro.

Në fund ajo theksoi se Balluku duhet të japë dorëheqjen, sepse rrezikon të prishë provat.

Erisa Xhixho: Skandal i një afere korruptive të jashtëzakonshme, mund të vjedhësh një popull, por të vjedhësh popullin më të varfër në Europë ku 55% e qytetarëve shqiptarë mezi mbyllin muajin kjo është kriminale. Kemi të bëjmë me një aferë të pastër korruptive, mbi 50 mln dollarë të vjedhura në anulimin nga tenderi i parë në tenderin e dytë nga zonja Balluku.

Dhe së fundmi është denoncuar fakti që në projektin fillestar ka pasur dy ura, ndërkohë që në projektin përfundimtar këto ura janë zhdukur dhe kosto e këtyre urave është mbi 25 mln euro. Pra në total shkon në 75 mln euro vjedhje.

Askush nuk është aq naiv, sa të besojë që dardhat dhe mollët u hëngrën pas krahëve të Ramës, pa dijeninë e Ramës. Në momentin që kemi një aktakuzë ndaj zv.kryeministres do duhet të kishte një dorëheqje dhe një shkarkim, sepse nuk mund të vijojë zonja punën.

Komisioni Qendror i Zgjedhjeve përditëson në kohë reale pjesëmarrjen në votimet e pjesshme në 5 bashki të vendit.

Në total, pjesëmarrja në të 5 bashkitë deri në orën 15:00 është 16.08 %.  Nga të dhënat rezulton se Tepelena ka pjesëmarrjen më të lartë me 28.74%, ndërsa Vlora pjesëmarrjen më të ulët me 10.68%.

Konkretisht në bashkinë e Vlorës deri në orën 15:00 pjesëmarrja në votim është 10.68 %, në bashkinë e Beratit pjesëmarrja është 16.78 %, në bashkinë e Cërrikut 21.39  %, në Mat 35.32 % dhe në bashkinë e Tepelenës pjesëmarrja është 28.76%.

Perditesimi i te dhenave ne kohe reale 

Kandidatët

1- Bashkia Vlorë

Brunlida Mersini PS

Dionis Sota i pavarur, mbështetet nga PD

Gjergji Nika i pavarur

2- Bashkia Berat

Ervin Ceca PS

Pavlo Shkarpa i pavarur, mbështetet nga PD

3-Bashkia Tepelenë

Gabriel Guma i pavarur, mbështetet nga PD

4- Bashkia Mat

Altin Bojni PS

Eduard Brahilika i pavarur, mbështetet nga PD

Suzana Pasha e pavarur

5- Bashkia Cërrik

Florenc Doka PS

Eligert Hima Shqipëria Bëhet

Amarildo Hoxha i pavarur, mbështetet nga PD

gsh

Kandidati i “Shqipëria Bëhet” në Cërrik, Eligert Hima, ka bërë një prononcim për mediat, përmes të cilit denoncon se persona të paautorizuar qëndrojnë në hyrjet e qendrave të votimit, për të intimiduar votuesit.

Ai bën thirrje që këta persona të largohen nga qendrat e votimit dhe të lejojnë qytetarët që të votojnë me vullnetin e tyre të lirë pa presion dhe ndikim.

Eligert Hima: Duhet të largohen të gjithë personat që rrinë përballë qendrave të votimit dhe që nuk kanë asnjë lloj funksioni. I bëj thirrje policisë së shtetit të marrë masa për mos të intimiduar votuesit dhe vota duhet të jetë e lirë dhe me dëshirë dhe jo me ndere, apo me favore që u është bërë nga drejtorët, apo çdo punonjës i administratës.

Kam bërë një xhiro personalisht sot në qendrat e votimit dhe në çdo hyrje të qendrave të votimit kam parë persona që nuk kanë asnjë lloj funksioni që rrinë dhe intimidojnë votuesit.

Kujtojmë se Eligert Hima kandidon për bashkinë e Cërrikut kundrejt socialistit, Florenc Doka dhe kandidatit të pavarur të mbështetur nga PD, Amarildo Hoxha. gsh

Kreu i grupit parlamentar të PS Taulant Balla ka thyer sot heshtjen zgjedhore pasi bëri thirrje për votim të kandidatëve socialistë në zgjedhjet e pjesshme lokale në 5 bashki të vendit.

Kreu i KQ Ilirja Celibashi, i pyetur në një konferencë për mediat, u shpreh se kjo është e ndaluar.

“Është e ndaluar të bëhen thirrje elektorale, mund të bëjnë për pjesëmarrje masive. Shpresoj që kjo risjellje në vëmendje e kësaj problematike shpresoj të dëgjohet”, tha ai, ndërsa sqaroi se procesi i votimit në të gjithë qendrat e votimit vijon normalisht.

Postimi i plotë i Ballës:
Prej mëngjezit qytetarët e Vlorës, Beratit, Cërrikut, Matit dhe Tepelenës po votojnë për kryebashkiakët e rinj për të vazhduar rrugën drejt #Shqipëria2030🇦🇱🌹🇪🇺 me Edi Rama dhe Partia Socialiste e Shqipërisë 🤗Ne socialistët shqiptarë po mbajmë zotimin tonë në zgjedhjet e majit se ky mandat do të jetë mandati i rritjes së përvitshme të pensioneve 👵🏻 👴🏻 pagave 👮‍♂️ 👷🏻‍♀️👩‍🚒👩‍✈️👩‍🔬dhe mandati i anëtarësimit në Bashkimin Europian 🇪🇺Kështu pensionistët tanë, përveçse do të marrin këtë dhjetor, bonusin e fundvitit, duke filluar nga janari, do të kenë një rritje tanimë të shtrirë në çdo muaj të katër viteve që kemi përpara përmbi indeksimin e përvitshëm, natyrisht.
Prandaj ju ftoj të dilni masivisht dhe të votoni kandidatët tanë bw

Nga ana tjetër komisionet nuk kanë gjetur regjistrat, si pasojë qytetarët që kanë shkuar të ushtronjë të drejtën e votës nuk e kanë bërë për shkak se ende nuk ka nisur. Në Vlorë numri i qytetarëve do të votojnë në 232 qendra votimi janë 171.895.

VLORË- Procesi i votimit në katër qendra në Vlorë nuk kanë nisur ende, pavarësisht se ora ka kaluar 07:00. Mësohet se në Shkollën Industriale Vlorë, votuesit kanë probleme me pajisjen e identifikimit, nuk njeh shenjat e gishtërinjve.

Nga ana tjetër komisionet nuk kanë gjetur regjistrat, si pasojë qytetarët që kanë shkuar të ushtronjë të drejtën e votës nuk e kanë bërë për shkak se ende nuk ka nisur. Në Vlorë numri i qytetarëve do të votojnë në 232 qendra votimi janë 171.895.

Vlorë shkoi në zgjedhje pas dorëheqjes së Ermal Dredhës pas kritikave të Kryeministrit Edi Rama. Në Vlorë, Brunilda Mersini e PS, e cila la mandatin e deputetes për kandidimin si kryebashkiake, do të garojë përballë dy demokratëve, Dionis Sota dhe Gjergj Nika, anëtari i Këshillit Bashkiak i zgjedhur nën siglën e Parisë Demokratike./Dosja.al