VOAL

VOAL

Presidenti Trump fillon vizitën në Francë

 

Presidenti amerikan Donald Trump ka shkuar për një vizitë në Francë, ku do të marrë pjesë në festimet me rastin e Ditës së Bastijës. Gjatë ceremonive të rastit, trupat amerikane do të marshojnë së bashku me ato franceze në bulevardin e famshëm Champs Élysées. Sot, një ditë para festimeve, presidenti amerikan po takohet me homologun francez Emmanuel Macron, në përpjekje për të gjetur një gjuhë të përbashkët për çështje si Siria dhe lufta kundër terrorizmit.

Ishte një shtrëngim duarsh në takimin e tyre në muajin maj, që u përhap me shpejtësi virale në mediat sociale – një udhëheqës i ri francez, i cili jepte mesazhin se Franca do t’i rezistonte Presidentit Trump dhe politikës së tij “Amerika e Para”.

Analistët thanë paraprakisht se takimi i tyre i dytë, do të ishte në pjesën më të madhe të kohës, i sjellshëm.

“Takimi i tyre ka për të qenë edhe i vështirë, ngaqë francezët jo vetëm që kanë zgjedhur një presisdent, i cili është thuajse antiteza e zotit Trump, por ekziston edhe një lloj armiqësie tek francezët për faktin se administrata Trump tërhiqet nga Marrëveshja e Parisit për Klimën.”– thotë analisti.

Franca punoi shumë për organizimin e takimit të vitit 2015 për ndryshimet klimatike dhe e konsideron marrëveshjen si një arritje të madhe.

“Fakti që Presidenti i ri amerikan u tërhoq nga marrëveshja, ka për të qenë një çështje delikate dhe objekt tensioni në diskutime, pavarësisht se ata kanë për t’u përpjekur ta fshehin atë në sytë e publikut; është më se sigurtë që në diskutimet private udhëheqësit francezë kanë për të bërë gjithshka të mundur për të gjetur një lloj zgjidhjeje për këtë çështje.”– thotë analisti.

Një tjetër çështje delikate është marrëdhënia e zotit Trump me Presidentin rus Vladimir Putin, që u shfaq në takimin e tyre maratonë të premten, në punimet e G-20-ës. Franca, sikurse edhe pjesa tjetër e Europës Perëndimore, e ndoqi atë me nervozizëm.

“Nuk ka asgjë substanciale për t’u shqetësuar për këtë, por vetë procesi, gjuha e përdorur, mënyra se si ai është aq i gatshëm të përdorë një gjuhë të ashpër ndaj aleatëve dhe hezitimi për të përdorur të njëjtën gjuhë ndaj Rusisë, i bën njerëzit të mendojnë, nëse do të ketë në muajt e ardhshëm një nismë amerikane për Sirinë, Rusinë, apo Ukrainën; ose nëse është rënë dakord me Kremlinin para se të diskutohet me Parisin, Berlinin apo edhe me Londrën…”– thotë analisti britanik Malcolm Chalmers.

Ky është udhëtimi i tretë përtej Oqeanit dhe në Evropë i zotit Trump, që kur ai filloi mandatin e Presidentit në janar të këtij viti.

Gjatë vizitës së tij, Presidenti Trump do të marrë pjesë në festimet për Ditën e Bastijës. Bisedimet me presidentin francez pritet të fokusohen tek Siria dhe lufta kundër terrorizmit – dy fusha ku është lehtë të arrihen marrëveshje. Zyrtarët e Shtëpisë së Bardhë thonë se në tryezën e bisedimeve mund të shtrohet edhe çështja e vështirë e klimës.

Pasojat pas nxjerrjes së emaileve të Trump Junior

Presidenti Donald Trump i doli dje në mbrojtje përpjekjes së tij për të zbutur marrëdhëniet me Rusinë në një intervistë me rrjetin e transmetimeve “Christian Broadcasting Network”. Presidenti i doli gjithashtu në mbrojtje të birit, Donald Junior, një ditë pasi u publikuan emaile që tronditën administratën aktuale. Nga këto emaile mësohej për një takim vjet mes zyrtarëve të fushatës Trump dhe një juristeje ruse, e cila kishte ofruar informata që mund të dëmtonin rivalen e zotit Trump në zgjedhje, Hillary Clinton.

Në një intervistë me rrjetin Christian Broadcasting Network, Presidenti Trump tha se ai shkon shumë mirë me Presidentin rus Vladimir Putin.

“Mendoj se është e rëndësishme të zhvillojmë dialog; nëse nuk bëjmë dialog dalin probleme të mëdha për vendin tonë dhe për vendin e tyre. Mendoj se na duhet dialogu,” tha zoti Trump.

Presidenti përdori edhe Twitterin për t’i dalë në mbrojtje të birit, Donald Junior, pasi u nxorën emaile ku kishte hollësi mbi një takim vitin e kaluar mes një juristeje ruse që kishte ofruar të jepte informata që do të dëmtonin Hillary Clintonin.

Përsëri zoti Trump e cilësoi procesin hetimor mbi rolin e Rusisë si “gjueti shtrigash”. Por zyrtari i propozuar nga zoti Trump për të kryesuar FBI-në, Christopher Wray nuk ishte dakord me këtë cilësim gjatë seancës për konfirmimin e tij:

“Besnikëria ime i takon Kushtetutës, shtetit ligjor dhe misionit të FBI-së. Askush nuk më ka kërkuar t’i betohem për besnikëri gjatë këtij procesi dhe nuk diskutohet që nuk do ta bëja,” tha zoti Fray.

Informacioni i dalë nga emailet e Donald Trump Junior-it e ka detyruar Shtëpinë e Bardhë të hidhet në mbrojtje dhe është pasuar me shqetësime të ngritura nga demokratët:

“Asgjë nuk është vërtetuar ende, por tani kemi të bëjmë me më tepër se pengim të procesit të drejtësisë. Këtu flitet për dëshmi të rreme, ndoshta edhe tradhti,” tha Senatori demokrat Tim Kaine.

Edhe disa republikanë shprehën shqetësim, përfshirë kreun e Dhomës së Përfaqësuesve, Paul Ryan.

“Kam mbështetur emërimin e Robert Muellerit si prokuror i posaçëm dhe mendoj se duhet t’i japim mundësi atij dhe ekipit të tij, të bëjnë punën”.

Tronditja e shkaktuar në Uashington pas nxjerrjes së emaileve e ka detyruar Shtëpinë e Bardhë të hidhet në mbrojtje lidhur me kontaktet me Rusinë, thotë analisti Kyle Kondik:

“Kjo rrymë e pandërprerë artikujsh negativë lidhur me Rusinë është së paku një shpërqëndrim për Shtëpinë e Bardhë; por mbetet për t’u parë nëse paraqet edhe një kërcënim ligjor për administratën e zotit Trump dhe ekipin e tij”.

Analisti John Fortier tha për Zërin e Amerikës se shqetësimi i publikut për hetimet mbi Rusinë e ka dëmtuar dukshëm nivelin e popullaritetit të presidentit:

“Kur ai shkarkoi nga detyra Jim Comey-in, ra në anketa. Aktualisht ka aprovimin e rreth 40% të publikut. Këto çështje nuk ka të ngjarë të zhduken nga skena dhe nuk e ndihmojnë presidentin”.

Vëmendja që po i kushtohet administratës Trump dhe kontakteve me Rusinë ka ndërlikuar edhe përpjekjet e republikanëve për të shfuqizuar e zëvendësuar ligjin për kujdesin shëndetësor.

Takimi “problematik” me avokaten ruse

Donald Trump Jr., djali i presidentit të Shteteve të Bashkuara, Donald Trump, tha se nuk i ka treguar babait të tij për takimin me avokaten ruse, e cila ka pretenduar se ka informacione që mund të ndihmojnë fushatën e presidentit të tanishëm.

Në një intervistë për Fox News, Trump Jr. tha se takimi ka qenë “thjesht asgjë”, porse “ka mundur ta trajtojë ndryshe”.

“Ka qenë thjesht asgjë; nuk ka pasur çfarë t’i thuhet babait tim. Ka qenë humbje e 20 minutave”, tha Trump Jr.

Ai publikoi disa emaile që tregojnë se ka mirëpritur një ofertë për të takuar Natalya Veselnitskayan, për të cilën i është thënë se është avokate e Qeverisë ruse dhe posedon material dëmtues për ish-kandidaten demokrate për presidente, Hillary Clinton.

Por, Trump Jr. insistoi se nuk ka bërë përpjekje të koordinohet me rusët për të ndikuar zgjedhjet.

“Në retrospektivë, ndoshta do t’i bëja gjërat pak më ndryshe. Por, kjo ka ndodhur përpara manisë ruse”, tha Trump Jr. për Fox News.

Vetë Veselnitskaya u tha gazetarëve në Moskë se ajo nuk është e inetresuar për politikën dhe se takimi me Trump Jr. ka qenë privat.

“Nuk përfaqësoj interesat e askujt tjetër përveç vetes, në këtë situatë”, tha Veselnitskaya.

Natalya Veselnitskaya

Natalya Veselnitskaya

Disa anëtarë të Kongresit thanë se takimi me Veselnitskayan mund të llogaritet si “bashkëpunim me Rusinë”.

Senatori demokrat, Ron Wyden, tha se emailet tregojnë se djali i Trumpit “ka bërë përpjekje të bashkëpunojë me një pushtet të huaj armiqësor, për të shkatërruar demokracinë e Amerikës”.

Ngjarjen e vlerësoi si shqetësuese edhe senatori republikan, James Lankford.

“Të takohesh me një qeveri të huaj është krejt ndryshe nga takimi me një individ. Më duhet t’i zbuloj të gjitha faktet në lidhje me këtë, por natyrisht se është një shqetësim”, tha Lankford.

Presidenti Trump i cilësoi këto akuza si “qesharake” dhe “të tepruara”.

Në një postim në Twitter, Trump tha se djali i tij është një person i shkëlqyeshëm, i cili e do vendin e tij.

Takimi me Veselnitskayan dhe emailet shtojnë provat për, siç thuhet, përpjekjen aktive të Rusisë për t’u përzier në zgjedhjet në SHBA.

Në muajin janar, komuniteti i inteligjencës amerikane ka lëshuar një raport, i cili ka akuzuar Moskën për përpjekje propaganduese dhe kibernetike, me qëllim ndërhyrjen në zgjedhje.

Që atëherë, disa komisione të Kongresit amerikan kanë hapur hetime për ndërhyrjen ruse.

FBI, ndërkaq, ka hapur hetime qysh në korrik të vitit 2016, për të parë nëse bashkëpunëtorët e Trumpit kanë pasur ndërveprime të papërshtatshme me zyrtarët rusë.

Por, njeriu që i ka mbikëqyrur këto hetime, James Comey, është shkarkuar nga Trump në muajin maj.

Departamenti i Drejtësisë ka emëruar pastaj një këshilltar të posaçëm për t’i mbikëqyrur hetimet.

Përgatiti: Valona Tela

Padi ndaj Trumpit për bllokimin e ndjekësve në Twitter

Padia është hapur nga Instituti Kushtetues Kalorës, i cili avokon lirinë e shprehjes në Universitetin Columbia, dhe shtatë persona të tjerë

ANKARA – Shtatë ndjekës të presidentit amerikan Donald Trump në rrjetin social Twitter kanë hapur padi ndaj tij për bllokim në këtë platformë sociale.

Sipas lajmeve në BBC dhe CNN, bëhet e ditur se padia është hapur nga Instituti Kushtetues Kalorës, i cili avokon lirinë e shprehjes në Universitetin Columbia, dhe shtatë persona të tjerë.

Në padi thuhet se bllokimi nga Trump apo ndihmësit e tij i shtatë ndjekësve të cilët janë kundërpërgjigjur ose kanë shkruar komente kritikuese ndaj tweetave të presidentit Trump është në kundërshtim me nenin e kushtetutës që ka të bëjë me lirinë e shprehjes.

Emri i zëdhënësit të Shtëpisë së Bardhë Sean Spicer dhe drejtuesit të medias sociale Daniel Scavino janë ndihmësit e Trumpit që janë akuzuar për bllokimin e ndjekësve të tij në Twitter.

Ndryshe, llogaria e Donald Trump në Twitter ka 33,7 milionë ndjekës. AA

SHBA: Kryhet me sukses testimi i sistemit kundër raketave balistike

SHBA, Pamje të testimit të sistemit kundër raketave balistike THAAD

 

Agjencia e mbrojtjes raketore në SHBA, ka thënë se ka kryer me sukses testimin e sistemit raketor THAAD, nga Alaska.

THAAD është pjesë e sistemit kombëtar të mbrojtjes ndaj raketave balistike.

Objektivi në formën e një rakete balistike me rreze të mesme u lansua mbi Oqeanin Paqësor në veri të Havait.

Agjencia njoftoi se sistemi i mbrojtjes kundër raketave balistike THAAD, nga Alaska, ka zbuluar dhe ndaluar objektivin.

Obejktivi ishte i ngjashëm me raketat e testuara së fundimi nga Koreja e Veriut.

Ky testim është bërë pasi Koreja e Veriut ka deklaruar se më 4 korrik ka bërë testimin e një rakete balistike interkontinentale.

Testimi i raketës ngriti shqetësimet për kërcënimin që vjen nga Penjani.

Sistemi THAAD është i dizajnuar për ndalimin e raketave balistike brenda dhe jashtë atmosferës në fazën e tyre të fundit të fluturimit.

Emailet tregojnë se djali i presidentit Trump priste informacion dëmtues për Hillary Clintonin

Djali i madh i presidentit Donald Trump publikoi të martën një shkëmbim e-mailesh, nga të cilët del se ai kishte biseduar rreth planeve për të dëgjuar informacione që dëmtonin kandidaten demokrate Hillary Clinton gjatë fushatës presidenciale të vitit 2016.

Në e-maile, dhënia e këtyre informacioneve përshkruhet si pjesë e mbështetjes së “Rusisë dhe të qeverisë së saj për zotin Trump” dhe sipas njoftimeve informacioni ishte sensitiv.

Këto e-maile janë prova e parë dokumentare që tregojnë se një bashkëpunëtor i lartë i zotit Trump ishte angazhuar me vetëdije me atë që besohej se ishte një përpjekje e qeverisë ruse për të ndihmuar kandidatin Trump në zgjedhje.

New York Times tha se Donald Trump Jr i publikoi emailet në Twitter, pasi gazeta e njoftoi se do t’i botonte ato.

Sipas njoftimit, një nga partnerët e biznesit të Presidentit Trump ishte kontaktuar nga një zyrtar i lartë i qeverisë ruse dhe po ofronte t’i jepte fushatës së zotit Trump informacion komprometues për zonjën Clinton.

Sipas gazetës “The New York Times”, ai ishte përgjigjur brenda pak minutash “Nëse është ashtu siç thoni ju, më pëlqen shumë, sidomos nga fundi i verës”.

Donald Trump Jr nuk kishte dhënë shenja se origjina e informacionit, ose nga fakti që kjo ishte pjesë e përpjekjes ruse për të ndihmuar fushatën e të atit, e kishte shqetësuar

Në njërin nga emailet dërguar djalit të zotit Trump, Don Trump Jr., një publicist me emrin Rob Goldstone përpiqet të rregullojë një takim me një avokate, të cilën ai e përshkruan si “avokate të qeverisë ruse”.

Zoti Trump Jr. ishte mjaft i angazhuar në fushatën presidenciale të babait të tij.

Ai i publikoi e-mailet të martën në Twitter dhe lëshoi një deklaratë, ku thoshte se po e bënte këtë për të qenë “tërësisht transparent”.

Disa orë pasi i biri bëri publike emailet, Presidenti Trump nxorri një deklaratë ku shprehej se “im bir është një person me cilësi të larta dhe unë e përshëndes transparencën e tij”.

Zëdhënësja e Shtëpisë së Bardhë Sarah Huckabee Sanders, iu shmang pyetjeve për emailet, duke i drejtuar gazetarët tek avokati i Donald Trump Jr.

E-mailet me publicistin Rob Goldstone tregojnë se zotit Trump Jr. i ishte thënë se qeveria ruse kishte informacione që mund të “inkriminonin” zonjën Clinton dhe marrëdhëniet e saj me Rusinë.

Goldstone i shkruante zotit Trump Jr. se informacioni që do të merrte “do të ishte shumë i dobishëm” për të atin e tij, kandidatin Trump. Goldstone po punonte për ta lidhur zotin Trump Jr. me avokatin rus Natalia Veselnitskaya, e cila më vonë u takua me zotin Trump Jr. në Nju Jork, në Kullën Trump. Veselnitskaya mohon se ka punuar ndonjëherë për qeverinë ruse.

“Nëse kjo është e vërtetë, e dua këtë informacion, sidomos më vonë gjatë verës,” iu përgjigj publicistit Goldstone zoti Trump Jr. në një nga emailet, që zoti Trump postoi të martën në Twitter. Mesazhet datojnë në fillim të qershorit 2016.

Të shtunën, Trump Jr e përshkroi takimin me avokaten si një “takim të shkurtër fillestar”, i përqendruar te birësimet amerikane të fëmijëve rusë.

Një ditë më vonë, Trump Jr e ndryshoi versionin e tij, duke pranuar se i ishte thënë paraprakisht se Veselnitskaja mund të kishte informacion “të dobishëm” për fushatën Trump dhe gjatë takimit iu tha se ajo kishte diçka për kandidaten Clinton.

Rrëzohet avioni ushtarak amerikan – 16 të vrarë

Një avion ushtarak amerikan është rrëzuar në shtetin jugor të Mississippit, duke lënë pas vetes të paktën 16 të vrarë.

Zyrtarët nuk dhanë hollësi se prej nga ishte nisur dhe ku po shkonte avioni i cili u rrëzua në një fushë rreth 150 kilometra në veri të kryeqytetit të Mississippit, Jackson. Shkaku i rrëzimit po ashtu nuk ishte i qartë.

Zëdhënësja e Korpusit të Marinës, kapitenja Sarah Burns, tha vetëm se avioni KC-130 “pësoi një aksident”.

Drejtori i emergjencave në kontenë Leflore, Frank Randle, u tha gazetarëve se 16 trupa janë gjetur në vendin e rrëzimit.

Marcus Banks, shefi i zjarrfikësve në qytetin Greenwood, tha se mbetjet e avionit janë shpërndarë në një rreze prej tetë kilometrash.

Pentagoni: Nuk mund të konfirmojmë njoftimet për vdekjen e kreut të IS-it

Zyrtarët e Pentagonit thonë se ata nuk kanë informacion që mund të konfirmojë njoftimet se udhëheqësi i Shtetit Islamik, Abu Bakr al-Bagdadi ka vdekur.

Observatori Sirian për të Drejtat e Njeriut me seli në Britani njoftoi të martën se ka informacion që konfirmon vdekjen e udhëheqësit të Shtetit Islamik.

“Sot mësuam lajmin por nuk e dime se kur apo si ka vdekur ai”, i tha AFP-së drejtori i Observatorit Sirian për të Drejtat e Njeriut, Rami Abdel Rahman.

Siguria kibernetike, Trumpi zmbrapset nga ideja e bashkëpunimit me Rusinë

Presidenti amerikan, Donald Trump (djathtas) dhe ai rus, Vladimir Putin, gjatë takimit në Hamburg, më 7 korrik.

 

Presidenti i Shteteve të Bashkuara, Donald Trump, u zmbraps nga propozimi i tij për të punuar me presidentin rus, Vladimir Putin, në krijimin e një njësie të sigurisë kibernetike, e cila do t’i parandalonte sulmet e hakerëve dhe ndërhyrjet në zgjedhje.

“Fakti se presidenti Putin dhe unë kemi diskutuar për njësinë e sigurisë kibernetike, nuk do të thotë se ajo do të ndodhë. Nuk mund të ndodhë, por armëpushimi mund dhe ka ndodhur”, shkroi Trump në Twitter, duke iu referuar armëpushimit të ndërmjetësuar nga SHBA-ja dhe Rusia për pjesën jugore të Sirisë.

Trump, i cili ka takuar Putinin më 7 korrik, në margjina të samitit të G20-ës në Hamburg, tha më herët në Twitter se ai dhe Putini kanë diskutuar për një njësi të sigurisë kibernetike, e cila do të parandalonte ndërhyrjet në zgjedhje.

Lindsey Graham, republikan nga Karolina e Jugut, kritik i shpeshtë i presidentit, tha se propozimi fillestar i Trumpit, për të punuar me Rusinë për sigurinë kibernetike, “nuk është ideja më e marrë që ka dëgjuar, por diçka shumë afër saj”.

Agjencitë e zbulimit në SHBA kanë konstatuar se Rusia, me gjasë nën urdhrat e Putinit, ka ndërhyrë në fushatën e zgjedhjeve presidenciale në SHBA, më 2016, për t’i forcuar shanset e Trumpit përballë rivales së tij demokrate, Hillary Clinton.

Putin i ka hedhur poshtë akuzat.

Tillersoni lavdëron popullin turk që u ngrit kundër grushtshtetit

Sekretari amerikan i Shtetit, Rex Tillerson, lavdëroi, siç tha ai, kurajën e popullit turk “për të mbrojtur demokracinë”, duke u ngritur kundër komplotuesve të grushtshtetit, vitin e kaluar.

Tillerson, duke folur të dielën në Stamboll, nuk i përmendi ndjekjet dhe arrestimet masive që kanë pasur puçin e dështuar, më 15 korrik, 2016.

“Jemi në Stamboll në një kohë të rëndësishme. Gati një vit më parë, populli turk, burra dhe gra të guximshëm, u ngritën kundër komplotuesve të puçit dhe mbrojtën demokracinë e tyre”, tha Tillerson në hapje të një konference për naftën në Stamboll.

Puçi ka dështuar pasi mijëra njerëz kanë dalë në rrugë pas thirrjes së presidentit Recep Tayyip Erdogan për t’iu rezistuar komplotuesve.

Që atëherë, mbi 100,000 njerëz janë pushuar nga puna në shërbimin civil, polici, ushtri dhe sektorin privat. Rreth 40,000 të tjerë janë arrestuar.

Autoritetet turke kanë fajësuar klreikun fetar, Fethullah Gulen, për orkestrimin e përpjekjes për grushtshtet. Gulen e ka mohuar përfshirjen.

Derisa Tillerson ka folur, qindra mijëra njerëz kanë marrë pjesë në një protestë të opozitës në rrugët e Stambollit.

Djali i Trumpit ka pasur kontakte me rusët

Foto arkivi

 

Mediat amerikane raportojnë se djali i presidentit të Shteteve të Bashkuara, Donald Trump, është takuar me një avokate të lidhur me Kremlinin, vitin e kaluar, pasi i janë premtuar informacione që do të dëmtonin rivalen demokrate të Trumpit, Hillary Clinton.

Në takim kanë qenë të pranishëm edhe dhëndri i presidentit, Jared Kushner, dhe udhëheqësi i atëhershëm i fushatës, Paul J Manafort, raportojnë New York Times dhe Washington Post.

Donald Trump Jr, përmes një deklarate, pranoi se ka takuar Natalia Veselnitskayan, por tha se “nuk janë shkëmbyer informacione të rëndësishme”.

“Zonja ka thënë se ka informacione se individë të lidhur me Rusinë janë duke financuar Komitetin Kombëtar Demokrat dhe duke mbështetur Clintonin”.

“Deklaratat e saj ishtin ta paqarta dhe pa kuptim. Nuk është dhënë asnjë detaj apo informacion mbështetës. Shumë shpejt është bërë e qartë që ajo nuk ka pasur informacione kuptimplota”, tha Trump Jr, citon NewYork Times.

Trump Jr tha se Veselnitskaya, më pas, e ka kaluar bisedën te birësimi i fëmijëve rusë dhe Akti Magnistky – një ligj amerikan që sanksionon rusët e dyshuar për abuzim me të drejtat e njeriut. I zemëruar me këtë ligj, presidenti rus, Vladimir Putin, e ka pezulluar birësimin e fëmijëve rusë nga shtetasit amerikanë.

“Më është bërë e qartë se kjo ka qenë agjenda e vërtetë dhe se pretendimet për informacionet potencialisht të dobishme kanë qenë pretekst për takimin”, tha Trump Jr.

Veselnitskaya, në mesin e klientëve të saj, ka kompani shtetërore ruse dhe familjarë të zyrtarëve të lartë qeveritarë, ndërsa bashkëshorti i saj më herët ka shërbyer si zëvendësministër i Transportit për rajonin e Moskës. Si avokate, ajo ka bërë fushatë kundër Aktit Magnistky.

Mark Corallo, zëdhënës i ekipit ligjor të presidentit Trump, tha se ky i fundit, atëbotë, “nuk ka qenë në dijeni dhe nuk ka marrë pjesë në takimin e vitit 2016 midis djalit të tij dhe avokates”.

Agjencitë amerikane të inteligjencës kanë konstatuar se Rusia ka ndërhyrë në zgjedhjet presidenciale në SHBA, më 2016. Së paku dy komitete të Kongresit amerikan dhe FBI janë duke i hetuar akuzat, përfshirë raportet për kontakte midis pjesëtarëve të ekipit të Trumpit dhe zyrtarëve rusë.

Presidenti Trump i ka mohuar të gjitha akuzat për bashkëpunim, ndërsa Kremlini ka mohuar ndërhyrjen në zgjedhje.

Sidoqoftë, këshilltari i parë i Trumpit për siguri kombëtare, Michael Flynn, është shkarkuar pasi ai ka keqinformuar zyrtarët e Shtëpisë së Bardhë për kontaktet e tij me zyrtarët rusë. Prokurori i përgjithshëm i Trumpit, Jeff Sessions, është po ashtu nën hetime për arsye të ngjashme.

Përgatiti: Valona Tela

SHBA: Miliona dollarë ndihma për katër shtete

Shtetet e Bashkuara kanë shpallur një ndihmë prej 630 milionë dollarësh për Jemenin, Somalinë, Sudanin Jugor dhe Nigerinë.

Kjo shpallje u dje derisa presidenti amerikan, Donald Trump, mori pjesë në samitin G20 në Hamburg të Gjeermanisë.

Derisa Shtetet e Bashkuara janë donatori më i madh botëror humanitar, propozimi i zotit Trump për shkurtimin e ndihmës së jashtme për më tepër se 30%, ka shkaktuar shqetësim të gjërë.

Ndihma totale humanitare amerikane për këto katër vende, ku Kombet e Bashkuaa vlerësojnë se më tepër se 30 milionë njerëzve urgjentisht u duhet ushqimi, tash është më tepër se 1.8 miliardë dollarë këtë vit fiskal, ka njoftuar Agjencia e Shteteve të Bashkuara për Zhvillim Ndërkombëtar (USAID).

Dhjetëra milionë njerëz në Jemen, Somali, Sudanin Jugor dhe Nigeri, ballafaqohen me uri për shkak të konflikteve të atjeshme.

SHBA: Testohet mbrojtja raketore në Alaskë për shkak të kërcënimit verikorean

Pamje nga lansimi i një rakete të sistemit antibalistik THAAD

 

Agjencia e mbrojtjes raketore e Shteteve të Bashkuara ka njoftuar mbrëmë se brenda disa ditësh do ta testojë sistemin e sofistikuar antibalistik raketor, pasi Koreja Veriore, këtë javë, e ka lansuar një raketë, që duket se mund të jetë e aftë ta sulmoj Alaskën.

Sistemi amerikan, THAAD, që do të testohet, është i paraparë që t’i interceptojë dhe shkatërrojë raketat balistike me rreze të shkurtër, të mesme dhe të avancuara të veprimit.

Ky test do të zhvillohet “në fillim të korrikut” në një kompleks të ishullit Kodiak në Akaskë, ka thënë kjo agjenci amerikane.

Presidenti Trump në G-20 – pasdite takon presidentin rus

Presidenti amerikan, Donald Trump, shkroi në twitter të premten se po pret të takojë presidentin rus, Vladimir Putin në takimin e G20-ës në Hamburg.

Ky do të jetë takimi i parë kokë më kokë i dy presidentëve në margjinat e G20-ës. Takimi i tyre pritet të orët e pasdites.

Takimi i shumëpritur do të ndiqet nga afër, por jo për shkak se ai pritet të sjell përparim. Ndërsa të dy udhëheqësit kanë shprehur dëshirën për të përmirësuar marrëdhëniet e dëmtuara nga ndërhyrja e Rusisë në Ukrainë, nuk pritet një lehtësim i asaj, që disa analistë e quajnë një Luftë e re e Ftohtë. Hetimet e vazhdueshme mbi dyshimet për lidhje të fushatës së zotit Trump me Rusinë dhe sulmet kibernetike ruse, që agjencitë amerikane të zbulimit besonin se kishin për qëllim të ndihmonin zotin Trump, kanë hedhur hije mbi takimin.

Kremlini thotë se terrorizmi, Siria dhe Ukraina do të jenë temat kryesore të takimit.

Shtëpia e Bardhë thotë se Presidenti Trump do të vendosë se çfarë të diskutojë, duke e quajtur atë një “takim dypalësh normal “. Por Presidenti Trump mund të ngrejë çdo temë në këtë takim, thonë analistët.

“Presidenti ka impulset e tij. Ai mund të vendosë t’i japë takimit një drejtim të papritur. Dhe, ne duhet të jemi të përgatitur për këtë. Në një masë të vogël, ky është stili i tij”, thotë Stephen Sestanovich nga Këshilli për Marrëdhëniet me Jashtë.

Megjithatë, hetimet e vazhdueshme në lidhje me dyshimet për bashkëpunim të fushatës së zotit Trump me Rusinë po hedhin një hije mbi shpresat e administratës se takimi mund të çojë në përmirësimin e marrëdhënieve.

“Çdo gjë që ndodh në takimin mes zotit Trump dhe zotit Putin do të shihet në këtë kontekst. A ishte presidenti Trump shumë miqësor? A po përpiqej zoti Trump të dukej shumë i ashpër ndaj Rusisë në mënyrë që të qetësojë kritikët në vendin e tij? Unë mendoj se këto janë shumë pyetje për të cilat së shpejti do të marrim përgjigje”, thotë Hannah Thoburn nga Instituti Hudson.

Por vetëm një numër i vogël analistësh presin që presidenti Trump të ngrejë çështjen e ndërhyrjes ruse që agjencitë amerikane të zbulimit thonë se kishte për qëllim ta ndihmonte atë të fitonte zgjedhjet.

Në rrugët e Moskës, rusët ende shpresojnë se takimi mes dy udhëheqësve do të çoj në përmirësimin e marrëdhënieve mes dy vendeve.

“Kjo situatë nuk mund të zgjasë shumë. Dikush duhet ta kuptojë se nëse nuk bashkëpunojmë, ne nuk do të përparojmë”, thotë Konstantin, një banor i Moskës.

Kritikët theksojnë se çdo hap drejt bashkëpunimit ka shumë të ngjarë të kufizohet në retorikë.

“Ne tani nuk po shohim një agjendë ose qëllime konkrete nga të dy udhëheqësit, dhe as vullnet për të zbatuar këto synime. Putini duket se pret disa hapa nga presidenti Trump, ndërsa presidenti Trump nuk është në gjendje të përballojë problemet e tij brenda Amerikës. Ai nuk di si të formojë një qëndrim të vetin ndaj Putinit. Pra, nuk ka objektiv, vullnet apo përparim”, thotë Andrei Kolesnikov nga Qendra Carnegie e Moskës

Pavarësisht nga rezultati, takimi dypalësh është një fitore për Kremlinin, shton analisti Kolesnikov.

Nëse shkon keq, Rusia do të fajësojë Shtetet e Bashkuara. Nëse shkon mirë, Putini do të thotë se falë angazhimit të tij takimi ishte i suksesshëm.

Trumpi bisedë telefonike me Merkelin dhe Gentilonin

Presidenti amerikan Trump para Samitit G-20 që do të mbahet më 7-8 korrik në Gjermani ka zhvilluar ndaras bisedë telefonike me kancelaren gjermane Merkel dhe kryeministrin italian Gentiloni

UASHINGTON – Presidenti amerikan Donald Trump para Samitit G-20 që do të mbahet më 7-8 korrik në Gjermani ka zhvilluar ndaras bisedë telefonike me kancelaren gjermane Angela Merkel dhe kryeministrin italian Paolo Gentiloni ku dhe kanë vlerësuar Samitin.

Shtëpia e Bardhë ka bërë një deklaratë me shkrim në lidhje me bisedën telefonike të Trump me kancelaren Merkel dhe kryeministrin italian Gentiloni.

Në deklaratë theksohet se Trump i ka shprehur Merkelit se do t’i ofrojë ndihmë që Samiti G-20 të kalojë me sukses ku dhe vihet në dukje se dy liderët kanë shkëmbyer pikëpamjet në çështje si ndryshimet klimaterike, marrëdhëniet tregtare dhe iniciativa e grave.

Ndër të tjera në deklaratën ku është njoftuar se në bisedën e Trump me Gentiloni, janë shtruar në rendin e ditës çështjet në lidhje me Samitin G-20 thuhet se Trump ka përgëzuar kryeministrin italian për përjekjet e bëra për gjetjen e zgjidhjes “ndaj krizës me emigrantët e Libisë”.

Trump i cili do të marrë pjesë në Samitin G-20 në Hamburg të Gjermanisë pritet që të zhvillojë takime me shumë liderë të shteteve dhe qeverive. aa

Destrojeri amerikan lundron pranë një ishulli të pretenduar nga Kina

Një destrojer i marinës amerikane lundroi në një distancë prej më pak se 12 miljesh pranë një ishulli të vogël në Detin e Kinës Jugore, territor për të cilin kanë pretendime tri vende aziatike. Sovraniteti mbi Ishullin Triton pretendohet nga Kina, Tajvani dhe Vietnami.

Kina nisi dje anije dhe avionë ushtarakë drejt zonës në fjalë dhe e akuzoi destrojerin amerikan “USS Stethem” për shkelje të ujërave territoriale.

Një zyrtar i qeverisë së Shteteve të Bashkuara tha se destrojeri Stethem po kryente një stërvitje “për të drejtën e kalimit të lirë”, që kishte si qëllim demonstrimin e lirisë së lundrimit në këto ujëra.

Zëdhënësi i Ministrisë së Jashtme të Kinës, Lu Kang, deklaroi se kjo lëvizje amerikane përbën “një provokim serioz politik dhe ushtarak” dhe se operacione të tilla “shkelin sovranitetin dhe kërcënojnë sigurinë e Kinës”.

Autoritetet thonë se lundrimi i destrojerit në një rreze prej më pak se 12 miljesh detare nga ishulli në fjalë synoi të japë sinjalin se SHBA-ja nuk i njeh pretendimet territoriale për këtë ishull.

Kongresi ia merr Trumpit kompetencat për sigurinë kombëtare

Në mënyra të ndryshme, herë pak e herë shumë, Kongresi po i merr fuqi presidentit Donald Trump për sa i takon çështjeve të sigurisë kombëtare.

Nga Rusia e deri tek buxheti për Pentagonin, republikanët në Kongres po propozojnë masa të reja për të reduktuar fuqinë e Shtëpisë së Bardhë dhe në disa raste të injorojnë plotësisht dëshirat e administratës për sigurinë kombëtare dhe politikën e jashtme.

Të ndërgjegjshëm për komentet dashamirëse të Trump ndaj Rusisë, senatorët miratuan një paketë të re sanksionesh ndaj Moskës që i jep Kongresit aftësinë të rishikojë çdo përpjeke të administratës për të anuluar sanksionet ndaj Kremlinit.

Disa komitete të Kongresit miratuan tre ligje për mbrojtjen këtë javë, duke rritur shpenzimet e pentagonit me rreth 30 miliard dollarë, pasi disa republikanë u ankuan se buxheti i Trump dështonte në rindërtimin e premtuar nga ai të ushtrisë. Dhe në një lëvizje surprizë, një panel i Dhomës së Ulët, miratoi një amendim për të shfuqizuar autorizimin e përdorimit të forcës ushtarake, që i jep SHBA autoritet ligjor për luftërat në Siri, Irak dhe Afganistan, përcjell TCh.

Megjithëse ky ndryshim i fundit zor se do të bëhet ligjet, ashtu si masat e tjera dërgon sinjale të qartë te Shtëpia e Bardhë. Analistët thonë se republikanët në Kongres po kuptojnë se Shtëpia nuk ka lidershipin adult që ata duan, prandaj Kongresi po merr një rol shumë më agresiv për sigurinë kombëtare për herë të parë pas vitesh.

Prej kohësh, një kor i vogël në Kongres ankohej se Legjislativi i kishte dorëzuar shumë fuqi Ekzekutivit, dhe megjithëse masat e reja nga disa konsiderohen të pamjaftueshme, të paktën shumica pranon se po dërgojnë sinjalet e qarta për kthimin e Kongresit në çështjet e sigurisë kombëtare.

Trumpi e ripërtriu Këshillin Kombëtar të Gjithësisë

Presidenti amerikan, Donald Trump, mbrëmë e ka nënshkruar urdhrin ekzekutiv me të cilin ripërtrihet Këshilli Kombëtar për Gjithësi, që ishte kërkuar nga ish-astronautët dhe ekzekutivët e agjencisë NASA.

“Sot, ne po ndërmarrim hap madhor për sigurimin e të ardhmes amerikane në gjithësi”, ka thënë presidenti Trump, duke theksuar se ky këshill ishte joaktiv për gati 25 vjet.

Ky zhvillim “dërgon sinjal të qartë për botën se ne po e ripërtrijmë trashëgiminë krenare të Amerikës për udhëheqje në gjithësi”, ka thënë Trump.

Detyrë e këtij organi është që ta këshillojë presidentin dhe të ndihmojë në harmonizimin e të gjitha aspekteve të programit kombëtar të gjithësisë, përfshirë sigurinë kombëtare, tregtinë, marrëdhëniet ndërkombëtare, eksplorimin dhe shkencën.

Kryesues i këtij këshilli do të jetë zëvendëspresidenti amerikan, Mike Pence.

Në mesin e të pranishmëve me rastin e nënshkrimit të urdhrit ekzekutiv në Shtëpinë e Bardhë ishte edhe astronauti, Buzz Aldrin, 87 vjeçar, personi i dytë që ka ecur në Hënë.

Hutchison nominohet përfaqësuese e SHBA-ve në NATO

Shtëpia e Bardhë mbrëmë e ka nominuar ish-senatoren nga Teksasi, Kay Bailey Hutchison, që të jetë përfaqësuese e përhershme e Shteteve të Bashkuara në Këshillin e NATO-s.

Zonja Hutchison, 73 vjeçare, ishte anëtare e Senatit në periudhën 1993 – 2013 dhe ishte e angazhuar në nënkomitetet për mbbrojtje dhe ndërtim ushtarak.

Ajo, po ashtu, ishte avokate dhe gazetare televizive.

Në të kaluarën, përfaqësues të Shteteve të Bashkuara në NATO, që është nivel i ambasadorit, ishin edhe eksperti i njohur për politikë të jashtme, Nicholas Burns, ish-zëdhënësja e Departamentit amerikan të shtetit, Victoria Nuland, ish-sekretari amerikan i mbrojtjes, Donald Rumsfeld, e të tjerë.

Presidenti amerikan, Donald Trump, gjatë fushatës zgjedhore ka pasur qëndrim të ftohtë ndaj aleancës veriatlantike, ndërsa një kohë e pat vlerësuar si “të vjetruar”, por si president ka pranuar se NATO-ja ka vlerë.

Gjatë samitit të NATO-s, muajin e kaluar në Bruksel, zoti Trump i ka kritikuar aleatët se nuk i kanë paguar kontributet për mbrojtje reciproke dhe ka shkaktuar nervozë duke mos e mbështetur qartas parimin e mbrojtjes kolektive të NATO-s.

Por, pas largimit nga Brukseli, ai deklaaroi se është “absolutisht”i përkushtuar për Artikullin 5 të NATO-s për mbrojtje reciproke.

Punonjësit e “New York Times” protestojnë kundër shkurtimeve të vendeve të punës

Grupi protestoi para selisë së gazetës legjendare në Nju Jork, duke thirrur slogane të tilla si: “Ata thonë shkurtime, ne themi luftojmë”

 

SAN FRANCISCO – Mbi 400 punonjës të “New York Times” braktisën vendet e punës për të treguar solidaritet me redaktorët e sektorit për kontroll final të ekzemplarëve të gazetës, që përballen me shkurtime të vendeve të punës.

Grupi protestoi para selisë së gazetës legjendare në Nju Jork, duke thirrur slogane të tilla si: “Ata thonë shkurtime, ne themi luftojmë”.

Redaktori ekzekutiv i gazetës, Dean Baquet dhe redaktori Menaxherial, Joseph Kahn, muajin e kaluar njoftuan planet për riorganizim të “dhomës së lajmeve”, (News Room) duke ulur numrin e redaktorëve që janë përgjegjës për zbulimin e gabimeve para se ekzemplari të shtypet. aa

Kissinger: Takimi Putin – Trump, mundësi e rregullimit të marrëdhënieve

Ish Sekretari i Shtetit të SHBA-së, Henry Kissinger dhe presidenti rus Vladimir Putin, gjatë takimit në Moskë

 

Presidenti i SHBA-së, Donald Trump dhe presidenti rus, Vladimir Putin e kanë mundësinë e rregullimit të marrëdhënieve mes mes dy vendeve, gjatë takimit të javës së ardhshme, ka thënë diplomati amerikan Henry Kissinger.

Ai i ka bërë këto deklarata pas njoftimit se do të ndodhë takimi në mes të dy palëve.

Të dy liderët do të zhvillojnë takimin e parë ballë për ballë njëri- tjetrit në samitin G20 në Hamburg.

Ishte viti 1960 kur Kissinger pati luajtur rolin e ndërmjetësuesit në mes të Moskës dhe Uashingtonit pas ngritjes së tensioneve në mes të dy shteteve.

Kremlini i ka mohuar supozimet se Kissinger që aktualisht po viziton Moskën dhe ka mbajtur një takim me dyer të mbyllura me presidentin Putin, është duke luajtuar rolin e njëjtë edhe tani.

Duke folur në një konferencë për marrëdhënië ndërkombëtare në Moskë, ai ka përmendur edhe takimin Trump- Putin.

“Mendoj që në këtë moment vendet tona kanë përgjegjësi dhe mundësi për një përparim të dukshëm, duke rregulluar marrëdhëniet jo vetëm në mes dy vendeve por në të gjithë botën”, ka deklaruar Kissinger.

“Ngritja e tensioneve në mes të SHBA-së dhe Rusisë ka ndodhur edhe më parë dhe është tejkaluar”, ka thënë 94 vjeçari.

Takimi Kissinger-Putin ka qenë shumë privat dhe nuk është bërë e ditur se për çka saktësisht është biseduar.

 

Havai sfidon përmes gjyqit urdhrin e Trumpit për ndalim të udhëtimit

Presidenti Trump gjatë nënshkrimit të urdhrit të ndalimit

 

Havai ka nisur të sfidojë përmes gjyqit urdhrin e Trumpit për ndalimin e hyrjes në SHBA nga shtatë vende me shumicë myslimane.

Sfida e re ngrit pyetje rreth interpretimit të urdhrit, përkatësisht rreth asaj se kush është i liruar nga ky urdhër.

Gjykata Supreme e SHBA-së, gjatë kësaj jave ka liruar nga vendimi, personat të cilët kanë marrëdhënie të mira me ndonjë qytetar apo organizatë amerikane.

Mirëpo sipas një udhëzimi të Departamentit të Shtetit në SHBA, vetëm anëtarët e familjes së “ngushtë” siç janë prindërit, motrat ose fëmijët konsiderohen si kategori që mund ta lirojnë dikë nga vendimi për ndalimin e hyrjes.

Sipas po këtij udhëzimi lidhjet jo martesore, gjyshërit, apo nipat nuk janë pjesë e kësaj kategorie dhe nuk konsiderohen të afërm.

Avokati i Përgjithshëm i Havait, Doug Chin, ka thënë se disa nga familjarët e përjashtuar sipas këtij vendimi, në Havai konsiderohen familje e ngushtë andaj ky udhëzim shkel instruksionet e Gjykatës Supreme.

Gjyqtari i SHBA-së, Derrick Watson kërkoi nga Departamenti i Drejtësisë në SHBA, t’i përgjigjej kërkesës së Havait deri më 3 korrik.

Watson ishte një nga gjyqtarët të cilët bllokuan më parë urdhrin për ndalimin e udhëtimit.

Ky urdhër për ndalim të udhëtimit në SHBA prek qyetarët nga Irani, Libia, Somalia, Sudani, Siria dhe Jemeni.

Presidenti Trump do të takohet me presidentin Putin javën e ardhshme

Presidenti amerikan, Donald Trump, do të takohet për herë të parë kokë me kokë me presidentin rus, Vladimir Putin, në takimin e Grupit 20-të javën e ardhshme në Hamburg të Gjermanisë, tha Këshilltari për Siguri Kombëtare H.R. McMaster.

Ai nuk tha në takimin me gazetarë të enjten në Shtëpinë e Bardhë, nëse të dy udhëheqësit do të diskutojnë ndërhyrjen ruse në zgjedhjet presidenciale amerikane të vitit 2016, kur të takohen në margjinat e takimit.

“Nuk ka një agjendë të caktuar”, tha McMaster, duke shtuar se “varet çfarë duan të bisedojnë presidentët”.

Takimi ndodhë mes hetimeve mbi pretendimet se Rusia ka ndërhyrë në zgjedhje nëpërmjet veprimeve që përfshijnë sulme kibernetike dhe fushata të keqinformimit.

Agjencitë amerikane të zbulimit kanë përfunduar se Rusia ishte angazhuar në një ndërhyrje të gjerë me synimin që të ndihmojë zotin Trump të hyjë në Shtëpinë e Bardhë. Javën e kaluar shefi i Sigurimit të Brendshëm, Jeh Johnson dhe zyrtarë të tjerë të Shteteve të Bashkuara konfirmuan ndërhyrjen ruse, por në dëshminë e tij në Capitol Hill, tha se nuk ka prova që Moska ishte në gjendje të ndryshojë votat.

Presidenti rus, Putin, ka hedhur poshtë pohimet për ndërhyrjen qeveritare ruse në sulmet kibernetike në Shtetet e Bashkuara. Ai ka thënë, megjithatë se, hakerët “patriotik” mund të kenë kryer sulme.

Disa zyrtarë të administratës së presidentit Trump duan që Shtetet e Bashkuara të jenë të kujdesshme me Rusinë derisa po zhvillohen hetimet, por presidenti Trump dhe të tjerë në administratën e tij, janë të etur të takojnë presidentin Putin dhe janë angazhuar në organizimin e një takimi tipik dypalësh.

SHBA: Gjykata Supreme vendosi për imponim të pjesshëm të ndalesës së udhëtimit të Trumpit

Pamje e ndërtesës së Gjykatës Supreme të Shteteve të Bashkuara në Uashington

 

Gjykata Supreme e Shteteve të Bashkuara e ka rrëzuar urdhrin e gjykatës më të ulët, me të cilin ishte bllokuar ndalesa e udhëtimit për shtetasit e gjashtë vendeve me shumicë myslimane, të administratës së presidentit, Donald Trump.

Ky vendim i sotëm i Gjykatës Supreme do të thotë se urdhri ekzekutiv i presidentit Trump mund të imponohet pjesërisht.

Gjykata e ka lënë një kategori të pandryshuar të mbrojtjes së personave të jashtëm, ata që janë “me pretendim të besueshëm për marrëdhënie me person ose entitet në Shtetet e Bashkuara”.

Në opinionin e sotëm të gjykatës, i cili nuk është i nënshkruar, theksohet, po ashtu, se është pajtuar për dëgjim të argumenteve për këtë rast në muajin tetor.

Ky vendim konsiderohet fitore e presidentit Trump në kundërthënien më të madhe juridike të presidencës së tij, që filloi më 20 janar të këtij viti.

Ndalesa do të imponohet për shtetasit e Iranit, Libisë, Somalisë, Sudanit, Sirisë dhe Jemenit, që përpiqen të hyjnë në Shtetet e Bashkuara.

Javën e kaluar zoti Trump tha se ndalesa do të fuqizohet 72 orë pasi të vendosë gjykata.

Administrata Trump insiston se ndalesa është e domosdoshme për sigurinë kombëtare të Shteteve të Bashkuara, përkundër ankesave të kritikëve që thonë se ajo i përmend myslimanët dhe kjo paraqet shkelje të Kushtetutës amerikane.

Trumpi thyen traditën e darkës së Ramazanit në Shtëpinë së Bardhë

Presidenti i Shteteve të Bashkuara, Donald Trump, ka thyer traditën gati 20-vjeçare duke mos organizuar darkën që shënon fundin e Muajit të Ramazanit.

Kjo darkë në Shtëpinë e Bardhë është mbajtur çdo vit që nga mandati i presidentit Bill Clinton.

Në të kanë marrë pjesë udhëheqës të shquar myslimanë, diplomatë dhe ligjvënës.

Raportohet se sekretari amerikan i Shtetit, Rex Tillerson, ka refuzuar organizimin e saj.

Presidenti Donald Trump, ndërkaq, është kritikuar më herët për retorikën anti-myslimane.

Gjatë fushatës, ai ka bërë thirrje për mbikëqyrjen e xhamive në SHBA.

Statujë për sekretarin Seward që nëshkroi traktatin për blerjen e Alaskës

Alaska

Në Juneau të Alaskës do të vendoset një statujë e ish sekretarit të SHBA-së, William Henry Seward.

Kjo statujë, që do të vendoset në datën 3 korrik është punuar në shenjë nderimi për sekretarin i cili nënshkroi traktatin me Rusinë që solli Alaskën në kontrollin e SHBA-së.

Mary Becker, bashkëkryesuese e Komitetit për statujën e Sewardit, ka thënë se statuja do të përkujtojë përvjetorin e 150-të të Traktatit të vitit 1867 që e bëri Alaskën një territor të SHBA-së.

Statuja në vlerë 250,000 dollarë do të vendoset në sallën e Gjykatës Dimond.

Shtetet e Bashkuara kanë blerë Alaskën nga Rusia në vlerë të 7.2 milionë dollarëve.

Alaska u pranua si shtet i SHBA-së në vitin 1959.

Donald Trumpi mesazh urimi me rastin e Fitër Bajramit

“Në emër të popullit amerikan, unë dhe bashkëshortja ime Melania u shprehim urimet tona më të ngrohta myslimanëve, të cilët festojnë Fitër Bajramin”, është shprehur presidenti amerikan Trump

UASHINGTON – Presidenti i Shteteve të Bashkuara të Amerikës (SHBA), Donald Trump ka dërguar mesazh urimi me rastin e festës së Fitër Bajramit.

“Në emër të popullit amerikan, unë dhe bashkëshortja ime Melania u shprehim urimet tona më të ngrohta myslimanëve, të cilët festojnë Fitër Bajramin. Ky Bajram na kujton të falim, të mëshirojmë dhe të jemi qëllimmirë. SHBA-të japin përpjekje në mënyrë që të praktikohen këto vlera, sikurse myslimanët në rajone të ndryshme të botës”, është shprehur presidenti amerikan Trump. aa

Ish-diplomati amerikan akuzohet për spiunazh

UASHINGTON– Një ish-diplomat i SHBA-ve gjykohet me pretendim se ka zbuluar dokumente “shumë sekrete”për inteligjencën kineze.

Ish-diplomati amerikan Kevin Patrick Mallory (60), në gjykatën federale në Virginia doli para gjyqtarit i akuzuar për spiunazh.

Njoftohet se Mallory, i cili pritet të dënohet me burgim të përjetshëm, ka punuar në Departamentin Amerikan të Shtetit nga viti 1987 e deri më 1990, se ai e flet gjuhën kineze në nivel shumë të mirë dhe se gjithashtu më parë në aeroport në një çantë të tij janë gjetur 15 mijë e 500 dollarë të paregjistruar.

Gjykatësi John Gibbs në deklaratën e tij lidhur me rastin tha se Mallory i cili pretendohet se nga zyrtarët e inteligjencës kineze ka marrë 25 mijë dollarë, mund të dënohet edhe me vdekje.

Muri me Meksikën, Trumpi do të vendosë panele diellore

Nga një barrierë ndarëse dhe bllokuese, Presidenti amerikan Donald Trump synon ta shndërrojë murin e propozuar me Meksikën në një objekt teknologjik, pasi i tha mbështetësve të tij në Ajoua se mbi të mund të vendosen panele diellore.

Sipas Trump, panelet diellore do të siguronin energji të lirë dhe një mënyrë për të ndihmuar me kostot e murit, në mënyrë që edhe Meksika të paguajë më pak.

Trump shtoi se shndërrimi i murit në një gjenerator elektriciteti ishte ideja e tij.

Muri me Meksikën ishte një prej premtimeve elektorale të Trump, si edhe pagesa e tij nga Meksika, diçka për të cilën fqinji latin i Amerikës nuk humbet rast për të thënë se nuk do të paguajë as edhe një cent.

“Po mendojmë diçka unike. Bëhet fjalë për kufirin jugor ku është nxehtë dhe ka shumë diell. Po mendojmë të ndërtojmë një mur diellor që të prodhojë energji dhe të paguajë veten. Në këtë mënyrë, edhe Meksika do të paguajë shumë më pak pará dhe kjo është diçka e mirë”, tha Presidenti.

Trump i tha mbështetësve të entuziazmuar në Cedar Rapids se kjo ide s’ishte dëgjuar më parë, por mediat amerikane nuk janë dakord.

Sipas tyre, një prej më shumë se 200 kompanive që kanë paraqitur projekte për murin, kishte propozuar panelet diellore, diçka e diskutuar që më herët nga një grup akademikësh. Trump raportohet që në prill diskutoi për këtë me liderët republikanë të Kongresit.

Afrim i rrezikshëm i aeroplanit rus me atë amerikan

Një aeroplan luftarak rus dhe një aeroplan vëzhgues amerikan, kanë fluturuar rrezikshëm afër njëri-tjetri këtë javë mbi Detin Baltik, gjatë një ballafaqimi, të cilin ushtria e Shteteve të Bashkuara e konsideroi “jo të sigurt”.

Aeroplani rus e ka interceptuar aeroplanin amerikan të spiunimit, të tipit RC-135, pardje, derisa fluturonte në hapërisën ndërkombëtare, ka thënë një zëdhënëse e Pentagonit.

Sipas saj, aeroplani amerikan nuk ka bërë asgjë që do të mund e provokonte sjelljen ruse.

Kjo zëdhënëse nuk i ka konfirmuar raportet në mediat amerikane se të dy aeroplanët ishin afër në 1.5 metër larg njëri-tjetrit.

Ky ballafaqim, që ka ndodhur 40 kilometra nga rajoni i Kaliningradit, është konsideruar “jo i sigurt” për shkak se pilotët rusë kishin “kontroll të dobët të aeroplanit dhe shkallë të lartë të shpejtësisë përmbyllëse”, kumtoi ushtria amerikane.

Ministria e mbrojtjes e Rusisë e ka kontestuar përshkrimin amerikan, duke thënë se aeroplani i Shteteve të Bashkuara bëri lëvizje “provokuese” kah aeroplani luftarak rus i tipit, Su-27.

Gjatë muajve të fundit kanë ndodhur disa incidente të këtilla ndërmjet aeroplanëve luftarakë aemrikanë dhe rusë.

Trumpi takohet me homologun ukrainas Poroshenko

Presidenti Donald Trump u takua të martën me homologun e tij ukrainas, ndërkohë që janë shtuar pikëpyetjet nëse administrata e tij do të jetë e gatshme të mbrojë partnerët përballë një agresioni të mundshëm rus.

Takimi me presidentin ukrainas Petro Poroshenko u përshkrua fillimisht nga Shtëpia e Bardhë si thjesht një shtrëngim duarsh. Por dy presidentët bënë fotografi në Zyrën Ovale dhe komentuan shkurtimisht për gazetarët, pas takimeve më të gjera që zoti Poroshenko pati me Zëvendëspresidentin Mike Pence dhe këshilltarët kryesorë të sigurisë kombëtare.

Duke folur në krah të udhëheqësit ukrainas, Presidenti Trump tha se ishte “nder i madh” që takohej me zotin Poroshenko dhe se në marrëdhëniet e SHBA me Ukrainën “është bërë shumë përparim”.

Në komente nuk u përmend Rusia dhe zoti Trump nuk iu përgjigj pyetjeve lidhur me hetimet rreth një bashkëpunimi të mundshëm të ekipit të tij të fushatës me Rusinë gjatë zgjedhjeve presidenciale të 2016-s.

Presidenti Trump mohon me forcë se ka patur ndonjë kontakt me zyrtarët rusë gjatë fushatës dhe ka komentuar në Twitter se ky hetimi është një “gjueti shtrigash” e kurdisur nga demokratët për shkak të humbjes së tyre në zgjedhje.

Zoti Trump ka thënë se shpreson të krijojë lidhje më të mira me Moskën, duke riparuar mungesën e vullnetit nga periudha e Presidentit Obama, që erdhi pas aneksimit të Krimesë nga Rusia në vitin 2014 dhe nga mbështetja e Moskës ndaj presidentit sirian Bashar Assad, megjithë sulmet e tij kundër civilëve.

Në muajin prill, pas një sulmi të dyshuar kimik kundër civilëve në Sirinë veriore nga forcat qeveritare, zoti Trump tha se marrëdhëniet e SHBA-së me Rusinë “janë ndoshta në pikën më të ulët që kanë qenë ndonjëherë.”

SHBA, vala e të nxehtit çon në anulimin e fluturimeve

Vala e të nxehtit që ka përfshirë pjesën jug-perëndimore të Shteteve të Bashkuara ka detyruar avionët që nisen nga Feniksi i Arizonës të anulojnë fluturimet.

Të martën, temperaturat pritej të arrinin në 49 gradë celcius, çfarë e bën të pamundur për disa aeroplanë të fluturojnë.

Kompania “American Airlines” njoftoi anulimin e 38 fluturimeve prej aeroportit “Sky Harbor” të Feniksit gjatë periudhës më të nxehtë të ditës prej orës 3 deri në 6 pasdite me orën lokale.

Shumica e fluturimeve të anuluara janë dictanca të shkurtra, fluturime rajonale kjo për shkak të avionëve të vegjël që përdoren për këto udhëtime.

Një avion i vogël që përdoret zakonisht “Bombardier CRJ”, ka një temperaturë maksimale operimi prej 48 gradë celcius.

Ajri i nxehtë është më pak i dendur sesa ai ftohtë dhe fluturimi në ajër të nxehtë kërkon më shumë shpejtësi në mënyrë që të sigurohet shkëputja e mjaftueshme e avionit për të mundësuar fluturimin. Aeroportet e ndërtuara në lartësi të mëdha përballen me probleme të ngjashme për shkak të ajrit jo shumë të dendur.

Në një raport të vitit 2016 të Organizatës Ndërkombëtare të Aviacionit Civil, thuhet se temperaturat e larta “kanë pasoja të rënda për fluturimin e aeroplanëve, ku lartësitë e mëdha apo pistat e shkurtra të fluturimit, kufizojnë ngarkesën e avionit madje dhe kapacitetin e mbushjes me karburant”.

Avionët e mëdhenj “Boeing” dhe “Airbus” mund të fluturojnë në temperatura deri në 53 gradë celcius.

Lufta në Siri: SHBA i kundërpërgjigjet kërcënimit rus

Zëdhënësi i Shtëpisë së Bardhë, Sean Spicer.

 

Shtetet e Bashkuara reaguan fuqishëm ndaj kërcënimit të Rusisë, e cila tha se avionët amerikanë në Siri mund të jenë caqe për sulme.

Edhe Rusia, edhe SHBA-ja kryejnë sulme ajrore në Siri kundër, siç thonë, grupeve terroriste.

Tensionet janë rritur pasi SHBA ka rrëzuar të hënën një avion luftarak të Qeverisë siriane.

“Do të bëjmë atë që mundemi për t’i mbrojtur interesat tanë. Regjimi sirian duhet ta kuptojë se e kemi të drejtën e vetëmbrojtjes përballë (v.j. grupit militant) Shtetit Islamik”, tha zëdhënësi i Shtëpisë së Bardhë, Sean Spicer.

Zëvendësministri i Jashtëm i Rusisë, Sergei Ryabkov, tha se rrëzimi i avionit sirian është “akt i agresionit”.

Ministria e Jashtme ruse paralajmëroi se avionët e koalicionit që udhëheq SHBA-ja në Siri, mund të shihen si objektiva për sulme.

Sipas Moksës, edhe linja për parandalimin e aksidenteve ajrore mbi Siri është ndërprerë.

Spicer insistoi se SHBA do të vazhdojë të “punojë me partnerët” për të luftuar kërcënimin e Shtetit Islamik në Siri.

SHBA: Nga të shtënat për çdo ditë vriten ose plagosen 19 fëmijë

Nga të shtënat në Shtetet e Bashkuara për çdo ditë vriten ose plagosen së paku 19 fëmijë, ndërsa më të rrezikuarit janë djelmoshat, të rinjtë dhe zezakët, thuhet në një studim qeveritar.

Analiza e të dhënave në periudhën 2002-2014 në Shtetet e Bashkuara, konsiderohet se është studimi më gjithpërfshirës për këtë çështje.

Derisa në masë të madhe i konfirmon informatat e publikuara paraprakisht, ky studim e thekson aspektin se përse shkencëtarët e shohin dhunën me armë si krizë publike shëndetësore, raporton agjencia AP nga Çikagoja.

Në raportin e Qendrave për Kontroll të Sëmundjes dhe Parandalim, përfshihen fëmijët dhe të rinjtë deri në moshën 17 vjeçare. Studimi ishte përpiluar nga analizat e çertifikatave të vdekjes dhe raporteve të dhomave të emergjencës dhe është publikuar sot në revistën, Pediatricks. rel

Trumpi për herë të parë pushon në rezidencën presidenciale Camp David

Trumpi do të kalojë fundjavën e parë në rezidencën presidenciale, pasi deri më tani ka pushuar vetëm në resortin e tij luksoz privat Mar-a-Lago në Florida

WASHINGTON – Presidenti amerikan, Donald Trump, bashkë me bashkëshorten e tij Melania dhe djalin Baron për herë të parë ka udhëtuar për në rezidencën presidenciale Camp David në Maryland.

Rezidenca Camp David është e vendosur në pyjet e malit Catactin, rreth 100 kilometra larg nga Shtëpia e Bardhë.

Kështu Trump, do të kalojë fundjavën e parë në rezidencën presidenciale, pasi deri më tani ka pushuar vetëm në resortin e tij luksoz privat Mar-a-Lago në Florida.

Camp David nuk është dhe aq luksoz, por për shkak të thjeshtësisë që ka dhe qetësisë e cila mbretëron atje, ka qenë një vendpushim i preferuar i shumë presidentëve amerikanë, në mesin e të cilëve ishin dhe Franklin Roosevelt, John Kennedy, Jimmy Carter, George Bush dhe Barack Obama.

Janë gjetur trupat e pajetë të marinarëve amerikanë

Pamje e dëmeve të shkaktuara në luftanijen amerikane USS Fitzgerald pas ndeshjes me një anije transportuese

 

Kërkimi për shtatë marinarë të Shteteve të Bashkuara, që ishin zhdukur pasi luftanija e tyre ishte ndeshur me një anije transportuese afër bregdetit të Japonisë, tashmë ka përfunduar pasi është gjetur “një numër” i trupave të pajetë, ka kumtuar sot Marina amerikane.

Në këtë kumtesë nuk specifikohet se sa trupa janë gjetur, por nënadmirali Joseph Aucoin, më vonë tha se kërkimi për të zhdukurit kishte përfunduar dhe se nuk do të jepen detaje të tjera, derisa të informohen familjet e viktimave.

Dje është raportuar se shtatë marinarë ishin zhdukur pasi luftanija amerikane, USS Fitzgerald ishte ndeshur me anijen tranportuese me flamur të Filipineve, ACX Crystal, duke shkaktuar dëme të mëdha në luftanijen amerikane. Në këtë anije ishin 285 anëtarë të ekuipazhit.

Për këtë incident të rëndë po zhvillohen hetime, ndërsa nënadmirali, Joseph Aucoin, tha se anëtarët e ekuipazhit “e parandaluan përmbysjen ose bile edhe fundosjen”.

“Nuk mund të them se sa jam krenar për ekuipazhin dhe për atë që ata kanë bërë për ta shpëtuar anijen”, tha Aucoin.

Demokratët – Trumpit: Mos e shkarko Muellerin

Demokratët udhëheqës në Kongresin e Shteteve të Bashkuara mbrëmë vonë, i kanë tërhequr vërejtjen presidentit, Donald Trump, që të mos e shkarkojë këshilltarin special të Departamentit të drejtësisë, Robert Mueller, i cili po zhvillon hetime për dyshimet për përzierjen ruse në zgjedhjet presidenciale amerikane.

Pasi një ndihmës i afërt i zotit Trump, më herët këtë javë, tha se presidenti po e “shqyrtonte” mundësinë e shkarkimit të Muellerit, i cili ishte emëruar këshilltar special muajin e kaluar, Shtëpia e Bardhë tha se Trump nuk ka synim ta bëjë këtë, megjithëqë ka “të drejtë” për ta bërë këtë gjë.

Prej se presidenti, Donald Trump, e ka shkarkuar drejtorin e agjencisë FBI, James Comey, i cili po e mbikëqyrte hetimin lidhur me rusët, para më tepër se një muaji, komentet e Shtëpisë së Bardhë kanë shkaktuar shqetësim në mesin e anëtarëve të Kongresit amerikan, se Mueller mund të ketë trajtim të njëjtë, nëse hetimi shkon kundër presidentit.

Demokratja në Komitetin e drejtësisë në Senatin e Shteteve të Bashkuara, Dianne Feinstein, tha se është “gjithnjë e më tepër e shqetësuar” se Trump do të përpiqet ta shkarkojë, jo vetëm zotin Mueller, por edhe personin, i cili e ka caktuar atë, zëvendësprokurorin e përgjithshëm, Rod Rosenstein. Komiteti i drejtësisë i Senatit amerikan, po ashtu, zhvillon hetime për lidhjet e fushatës së zotit Trump me Rusinë.

“Mesazhi që presidenti po e dërgon nëpërmjet shkrimeve të tij në Twitter, është i tillë se ai beson se sundimi i ligjit nuk ka të bëjë me të, dhe se secili që mendon ndryshe do të shkarkohet”, tha Dianne Feinstein.

“Ai gabon shumë” nëse mendon se ai mund ta ndalë hetimin në këtë mënyrë, tha Feinstein dhe ka shtuar se “bile edhe mbështetësit e tij më të mëdhenj, do ta pengojnë një përpjekje të tillë flagrante për ta shkatërruar ligjin”.

Megjithëqë presidenti, Donald Trump, vështirë se do të akuzohej edhe në rast se hetimi i zotit Mueller zbulon ndonjë keqbërje penale, ky hetim do të mund të çonte në thirrjet për shkarkimin e Trumpit në Kongres, ku tashmë disa demokratë po e kërkojnë këtë aksion.

Demokratët thonë se Departamenti i drejtësisë e kishte caktuar prokurorin special për hetimin e aferës Watergate, në vitet e 70-ta, kur presidenti i atëhershëm, Richard Nixon, e urdhëroi këtë departament që ta shkarkoj prokurorin special, Archibald Cox, duke shkaktuar dorëheqje të prokurorit të përgjithshëm dhe zëvendësit të tij. Ky zhvillim është i njohur si “Masakra e Natës së Shtunë”.

Zoti Nixon më vonë dha dorëheqje nga posti i presidentit, në mënyrë që të mos ballafaqohej me shkarkim.

Demokrati i lartë në Komitetin e Inteligjencës të Dhomës Përfaqësuese, Adam Schiff, ka kërkuar që Kongresi të “bashkohet për ta ndalur” Trumpin, nëse ai përpiqet ta shkarkoj Rosensteinin ose Muellerin.

Zoti Trump “beson se ai ka autoritet për ta shkarkuar secilin në qeveri, të cilin ai e zgjedh për çfarëdo arsye”, tha zoti Schiff, komiteti i të cilit, po ashtu, zhvillon hetime për lidhjet Rusi – Trump.

Presidenti Trump ka shkaktuar shqetësime në Kongres me vlerësimet e vazhdueshme se hetimet e Kongresit dhe ato ekzekutive, për lidhjet e fushatës së tij me Rusinë, janë “gjueti e shtrigave”.

“Ju jeni dëshmitarë të gjuetisë më të madhe të shtrigave në historinë politike amerikane, që po udhëhiqet nga disa njerëz shumë të këqij dhe konfliktuoz!”, ka shkruar Trump në rrjetin Twitter.

Këtë javë, zoti Trump, po ashtu, e ka sulmuar atë që ai e cilësoi si “tregim të rrejshëm” në të përditshmen Washington Post, se hetimi i zotit Mueller është zgjeruar për ta përfshirë edhe shqyrtimin nëse shkarkimi i zotit Comey nga Trumpi, paraqet një përpjekje ilegale për pengimin e drejtësisë.

Postimet në rrjetin Twitter e reflektojnë zemërimin në rritje të zotit Trump lidhur me hetimet, për të cilat ai beson se janë të njëanshme dhe synojnë largimin e tij nga presidenca, ka raportuar mbrëmë agjencia, Associated Press, duke cituar ndihmës anonimë të Shtëpisë së Bardhë.

Demokratja Feinstein tha se zemërimi i zotit Trump “ka filluar nga një përpjekje për shkatërrimin e secilit që ka aftësi për të sjellë dritë në çfarëdo keqbërje” dhe Senati nuk duhet të lejoj që kjo të ndodhë.

Përgatiti: Fatmir Bujupi

Trumpi bisedë telefonike me kryeministrin e Kanadasë

“Presidenti Trump lavdëroi vendimin e kryeministrit të Kanadasë Trudeau, për rritjen e harxhimeve ushtarake për rreth 70 për qind në 10 vitet e ardhshme”

WASHINGTON – Presidenti i SHBA-ve, Donald Trump, njoftoi se mbështet vendimin e Kanadasë për rritjen e harxhimeve në fushën ushtarake për 70 për qind në 10 vitet e ardhshme.

Në njoftimin e publikuar nga Shtëpia e Bardhë, është theksuar se Trump ka zhvilluar një bisedë telefonike me kryeministrin e Kanadasë, Justin Trudeau.

Në deklaratë u theksua se të dy liderët në bisedë kanë trajtuar shumë çështje në kuadër të marrëdhënieve bilaterale dhe thuhet se “Presidenti Trump lavdëroi vendimin e kryeministrit të Kanadasë Trudeau, për rritjen e harxhimeve ushtarake për rreth 70 për qind në 10 vitet e ardhshme”.

Ministri i Mbrojtjes i Kanadasë, Harjit Sajjan, javën e kaluar kishte njoftuar se buxheti i ushtrisë në 10 vitet e ardhshme duke u rritur për 70 për qind do të arrijë në 32.7 miliardë dollarë.

– Biseda Trump-Kuczynski

Ndërkohë Trump zhvilloi një bisedë telefonike edhe me presidentin e Perusë, Pedro Pablo Kuczynski. Në deklaratën e Shtëpisë së Bardhë, thuhet se Trump ka treguar me detaje çështjet në lidhje me “politikën e re të Kubës”, si dhe të dy liderët kanë folur për gjendjen në Venezuelë.

Trump, në një fjalim dje në Florida, kishte thënë se ka anuluar “procesin e normalizimit” me Kubën, të cilën e kishte filluar ish-presidenti amerikan Barack Obama.aa

Trumpi anulon “procesin e normalizimit” me Kubën

“Është pranë hyrjes së menjëhershme në fuqi, anuloj marrëveshjen e njëanshme që qeveria e mëparshme ka realizuar me Kubën”

WASHINGTON – Presidenti amerikan, Donald Trump, njoftoi se ka anuluar procesin e normalizimit të marrëdhënieve që ish-presidenti Barack Obama e kishte nisur me Kubën.

Në një fjalim të mbajtur në Miami ku jetojnë emigrantët kubanë në SHBA, Trump duke theksuar se SHBA-ja ka ndryshuar politikën e saj për Kubën tha se “Është pranë hyrjes së menjëhershme në fuqi, anuloj marrëveshjen e njëanshme që qeveria e mëparshme ka realizuar me Kubën”.

Trump është shprehur gjithashtu se është vetëm në interes të qeverisë së Kubës vendimi i marrë në fund të vitit 2014 nga qeveria Obama për normalizimin e marrëdhënieve me Kubën, ndaj të cilës që prej 50 vitesh nuk kishte marrëdhënie diplomatike dhe zbatoheshin sanksione.

Pasi ka bërë të ditur se marrëveshja nuk ka në konsideratë interesat e popujve kubanez dhe amerikan Trump tha “Investimet dhe turizmi i kryer në Kubë siguron të ardhura të drejtpërdrejta për ushtrinë. Regjimi merr paratë dhe merr nën kontroll tregun. Si rezultat i dekretit presidencial që ka marrë qeveria e fundit (e SHBA-ve) janë rritur presionet në Kubë dhe sulmet kundër lëvizjeve demokratike dhe paqes”.

“Së shpejti do të kemi një Kubë të lirë”, është shprehur Trump duke shtuar se janë duke ndjekur shkeljet e të drejtave të njeriut në Kubë. Ndër të tjera Trump ka njoftuar se gjatë këtij procesi ambasadat e dy vendeve do të vazhdojnë detyrat e tyre.

SHBA-ja në fund të vitit 2014 mori vendimin për normalizimin e marrëdhënieve me Kubën me të cilën prej 50 vitesh nuk kishte marrëdhënie diplomatike dhe zbatonte sanksione ndaj saj. Vitin e kaluar dy vendet patën rihapur ambasadat. Së fundmi palët nënshkruan marrëveshjen për nisjen e udhëtimeve me avionë në mënyrë të ndërsjellë mes dy vendeve. aa


Send this to a friend